# unfoldingWord Open Bible Stories — Raji

- Language code: `rji`
- Canonical page: https://openbiblestories.org/l/rji/
- Stories in this file: 50 of 50
- Published by: OBS-TLF
- Last release: 2026-05-18
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Raji translation; it is not a translation of the whole Bible.

## 1. १. सृष्टि

https://openbiblestories.org/l/rji/story-1/

![](https://cdn.door43.org/obs/jpg/360px/obs-en-01-01.jpg)

सब्ल कुरा क सुरुवात इसैतना ओआ। परमेस्वर इ सारा सन्सार अनि हुन्हा ओयाङ सब्ल थोकराँउ त्रुक कान हा सृष्टि खया परमेश्वर इ पृथ्वी क सृष्टि खया जाङ खुस दैना आङ्ल हैमानी तर पर्मेश्वर क आत्मा ती ताकी परिभ्रमण खैछानी ।

![](https://cdn.door43.org/obs/jpg/360px/obs-en-01-02.jpg)

तब परमेश्वर इ गारा त्वाँङ ओ द

![](https://cdn.door43.org/obs/jpg/360px/obs-en-01-03.jpg)

सृस्टि क निक्कान हा परमेश्वर इ पृथ्वी ताकी आक्काश ओ द गार्तना आक्काश सृष्टि खया।उ इ पृथ्वी ताकी दैना पृथ्वी दि ओयाङ ती काना अलग खैतना आकाश बनाआ।

![](https://cdn.door43.org/obs/jpg/360px/obs-en-01-04.jpg)

सुम कान हा पर्मेश्वर इ गार्तना ती काना सुख्खा दिशा हाइतना अलग खया। उ इ सुख्खा भुमिकाना पृथ्वी गारा,अनि ती काना समुन्द्र गारा।आफुइ सृष्टि खयाङ सब्ल कुराराउ पर्मेश्वर इ मुआ अनि हुन ह्रुङ (असल) ह्रेनी।

![](https://cdn.door43.org/obs/jpg/360px/obs-en-01-05.jpg)

हुन न्हौ पर्मेश्वर इ गारा ,पृथ्वी सब्ल किसिम क बनस्पती उम्राउ द अनि हुसल ओआ।परमेश्वर इ मुआ कि उ इ बनायाङ सबल थोकराउ असल(ह्रुङ)ह्रेइनी।

![](https://cdn.door43.org/obs/jpg/360px/obs-en-01-06.jpg)

सृष्टि क प्री कान हा ,परमेश्वर इ गारा अनि दिन, जोना दैना ताराराँउ बनासि। परमेश्वर इ हुन राउकाना पृथ्वी काना ज्योती बयम ,अनि तुनि दैना झिरी छुत्याम रितु राँउ दै बर्ष राउ छुत्याम क लागै बनासि ।अनि पर्मेश्वर इ मुआ,अनि हुन ह्रुङ(असल) ह्रेनी।

![](https://cdn.door43.org/obs/jpg/360px/obs-en-01-07.jpg)

प्लाँकान हा, पर्मेश्वर इ गार्तना, ती हा रेउन्याङ सबल थोकराँउ अनि सबल किसिम क ब्वा राउ बनासी ।पर्मेश्वर इ हुनराँउकाना मुआ सब्ल ह्रुङ (असल)ह्रेइनी अनि उ इ हुनराँउकाना आशिष बैसी ।

![](https://cdn.door43.org/obs/jpg/360px/obs-en-01-08.jpg)

सृष्टि क त्रुक्कान हा,पर्मेश्वर इ गारा ,हुन्हा हरेक प्रकार क जमिनहा स्वान्याङ जीव जन्तुराँउ ओइ द,।"अनि परमेश्वर इ गार्याङ साङ्ल ओसोआ।आइचिदा जनावर राउ नाम्हा गोन्याङ हेइनी ,आइचिदा दिसाहा घस्रेइनी,अनि आइचिदा बोङा क ह्रेइनी ।परमेश्वर इ मुआ हुन ह्रुङ असल ह्रेनी।

![](https://cdn.door43.org/obs/jpg/360px/obs-en-01-09.jpg)

हुन न्हौ,पर्मेस्वर क्ल्या,"ङै इ मन्छेराउकाना ङै कल स्वरुपहा ङै साङ्ल ओम क लागै बनाए।हुराँउ इ समस्त पृथ्वी हा दैना पृथ्वी हा ओयाङ जीव जन्तुराउ ताकी अधिकार खै हे"।

![](https://cdn.door43.org/obs/jpg/360px/obs-en-01-10.jpg)

हुन्लमारै परमेस्वर इ दिसा हाइत आइचिदा मच्या तोना,अनि हुनकाना मन्छे साङ(आकार) बनाआ,अनि हुन्हा जीवन क स्वास जाक बया ।हुन मन्छे क बृङु आदम ह्रेनी। परमेस्वर इ दा ठौ बगैँचा बनाआ जहा आदम ह्रेम(नयम)ह्रोउनी ।बगैँचा मुम क लागै परमेस्वर इ हुन्काना हुन्हा थाआ।

![](https://cdn.door43.org/obs/jpg/360px/obs-en-01-11.jpg)

बगैँचा क बिच भाग हा पर्मेश्वर इ नि वटा बिशेष रुखाराउ रोपेया-जीवन क रुखा, अनि मजा दै दामानिको क ज्ञान बैन्याङ रुखा।परमेस्वर इ आदम काना गारा रुखा क सब्ल सयु राउ आङ्ल मा-मानेत कयम तर मजा दै दामानिको क ज्ञान बैन्याङ रुखा क सयु ता-कयम।यदि हुनि हुन रुखा क सयु कया झै हुन सिहैनी ।

![](https://cdn.door43.org/obs/jpg/360px/obs-en-01-12.jpg)

अनि परमेस्वर इ गारा"मन्छे एक्लाल नयम मजा हैमा।"तर हुन्हा ओयाङ गुसाङ्ल कनि जनवार आदम क सहयोगी ओम ह्रोसोमा।

![](https://cdn.door43.org/obs/jpg/360px/obs-en-01-13.jpg)

हुन्लमारै परमेस्वर इ आदम काना गहिरो निदाउहा पृया।अनि परमेस्वर इ आदम क करङगौ हाइत दा ठौ करङ तोना अनि हुन हाइत दा ठौ मच्चा बनाआ अनि हुन काना आदम हा पिता।

![](https://cdn.door43.org/obs/jpg/360px/obs-en-01-14.jpg)

जब आदम इ हुनकाना मुआ हुनि क्लाया अन्तत

![](https://cdn.door43.org/obs/jpg/360px/obs-en-01-15.jpg)

पर्मेश्वर इ यरा दै मच्चा काना आफ्नोल स्वरुप हा बनाआ।उइ हुराउकाना आशिष बयाअनि गारा,"चोल सन्तानराँउ जन्माने अनि पृथ्वी हा भरेतल स्वानी अनि"परमेस्वर इ आफुइ बनायाङ सब्ल थोकराँउ मजा मुआ अनि इन सबल हाइत उइ प्रसन्न ओआ। इन सब्ल सृष्टि त्रुक कान मचै ओयाङ हुनि।

![](https://cdn.door43.org/obs/jpg/360px/obs-en-01-16.jpg)

जब सात्थ कान ओङा,परमेस्वर इ आफ्नो सब्ल कामराँउ हाइत उइ बिश्रम लौआ।उइ सात्थौ कान काना आशिष बयाअनि पबित्र तुल्याआ ,आहुखाझै हुन कान, उइ आफ्नो काम हाइत न्हातिया।ईसैतना परमेस्वर इ सारा संसार अनि हुनहा ओयाङ सब्ल कुरा क सृष्टि खया।

*बाइबलको कथा : उत्पत्ती १-२ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_01_128kbps.m4a

## 2. २. संसार हा पाप क प्रबेश

https://openbiblestories.org/l/rji/story-2/

![](https://cdn.door43.org/obs/jpg/360px/obs-en-02-01.jpg)

परमेश्वर इ हुराँउ कल लागै बनायाङ सुन्दर बगैँचा हाआदम दै हब्बा चोल खुशि क साथ नैह्रेसिनी ।निम्घी ल ठ्याङ्ह्री माफाङ्तना नइनि, तर कनि इन कुराहा हुराँउकाना आङ्ल लाज हैमानि,आहुखाझै संसार हा आङ्ल पाप हैमानी।हुनराँउ चो भागै बगैँचा हा डुलेन्याङ अनि परमेश्वर दैना कुराकानी खयनी ।

![](https://cdn.door43.org/obs/jpg/360px/obs-en-02-02.jpg)

तर हुन बगैचाहा दाठौ बाठो मुभु ह्रेनी।हुनि मच्चा काना सुधेया "आङ साच्चोल परमेस्वर इ नाङ्काना ह्या ओयाङ मध्य गुसाङ्ल कनि रुखा क सयु ता जाम गर्थाका?"

![](https://cdn.door43.org/obs/jpg/360px/obs-en-02-03.jpg)

मच्चाइ जवाफ बया "परमेश्वर इ ङै काना मजा दै दामानिको ज्ञान छुट्टेन्याङ रुखा क सयु बाहेक अरु गुसाङ्ल कनि रुखा क सयु कयम मिलेकङ गार्थाक्सी ।परमेस्वर इ ङै काना गार्थाक्सी,यदि नराँउ इ हुन रुखा क सयु कया वा दुआ झै च्याल कनि नराँउ सिहि"।

![](https://cdn.door43.org/obs/jpg/360px/obs-en-02-04.jpg)

हुन मुभु इ मच्चाकाना जवफ बया "हुन सत्य माँहु

![](https://cdn.door43.org/obs/jpg/360px/obs-en-02-05.jpg)

मच्चाइ हुन सयु मुम्हा ह्रुङ(असल)दैना मीठो मुआ।हुनि कनि बुध्धिमान ओन्याङ मन खया,हुन्लमारै हुनि बगैचाहाइत आइचिदा सयुराउ तुतना कया।हुनि आइचिदा सयु आफ्नो बुह्राउ काना कनि बया,जाङ उइ दैनाल ह्रेनी, अनि हुनि कनि हुन सयु कया

![](https://cdn.door43.org/obs/jpg/360px/obs-en-02-06.jpg)

आन्लघरीउ हुराँउ क मिकुराँउ खुलेसी ,अनि आफुराउ नाङ्गो ओयाङ हुराउ इ थाहा दार्सो।हुराउ इ वा राँउ काना बिङ्तना ठ्याङ्ह्रि बनातना आफ्नो जिउनाउ खोमम भ्र्यासी।

![](https://cdn.door43.org/obs/jpg/360px/obs-en-02-07.jpg)

तब मन्छे दै हुन क मत्काउ इ परमेस्वर बगैँचा हाइत ओतना स्वात्याल खयाङ क्लासो,हुराउ निम्घी ल परमेस्वर हाइतना ल्हुपिसी ।अनि परमेस्वर इ मन्छेकाना स्लोक्तना" गारा" नाङ घ्वा ह्रेङ?"आदम इ जवाफ बया "ङाइ नाङकाना बगैचाहा स्वात्याल खयाङ क्लाँआ ,"अनि ङा पृया"आहु खाझै ङा नाङ्गो ह्रेनी ,हुन्लमारै ङा ल्हुपिया।"

![](https://cdn.door43.org/obs/jpg/360px/obs-en-02-08.jpg)

अनि परमेस्वर इ दुधेया"नाङ नाङ्गो ह्रेङ खैतना नाङकाना गुनि गारा?आङ ङाइ ता-जाम गार्याङ सयु नाङी कैका?"मन्छे इ जवाफ बया,"नाङी बयाङ मच्चा इ ङाकाना इन सयु बैकासी। अनि परमेस्वर इ मच्चाकाना सुधेया" नाङ इ इन आङ खैका?"मच्चाइ जवाफ बया ,"हुन मुभु इ ङा काना झुक्याक्सी ।

![](https://cdn.door43.org/obs/jpg/360px/obs-en-02-09.jpg)

परमेस्वर इ मुभु काना गारा,"नाङ श्रापित ओह्रेका

![](https://cdn.door43.org/obs/jpg/360px/obs-en-02-10.jpg)

हुन न्हौ परमेस्वर इ मच्चाकाना गारा,"ङा नाङ क सुत्केरी ब्यथा चोल बढाबैहेना।ता कनि नाङ क इच्छा बुह्राग हाइ ल ओन्याहेङ अनि हुनि नाङ ताकी अधिकार खैहौ।"

![](https://cdn.door43.org/obs/jpg/360px/obs-en-02-11.jpg)

परमेस्वर इ मन्छेकाना गारा ,"नाङी आफ्नो मत्काउ क कुरा क्लातना ङा क आज्ञा मा मानेयाङ मारै इन भुमी नाङ क कारण इ श्रापित ओह्रेका।जाम क लागै नाङी बेसखैत दुख्ख खयम बृन्याह्रेङ हुन न्हौ नाङ सिन्या ह्रेङ ,नाङ क जिउनाग मच्याहाल ग्वाङ्न्याहेङ।"मन्छे इ आफ्नो मत्काउ क बृङु हब्बा थाआ,जाङ क अर्थ हु ,"जीवन बैन्याङ"आहुखाझै हुन सब्ल जाती क जेयु कहलाइया।अनि परमेस्वर ले आदम र हब्बा काना पशु क छाला क ठ्याङ्ह्री बनात फाङ बयासि।

![](https://cdn.door43.org/obs/jpg/360px/obs-en-02-12.jpg)

अनि परमेस्वर इ गारा, "नो मन्छेराँउ कनि ङै साङ्ल मजा दै दामनिको दास्न्याङ ओह्रेक्सी"हुन्लमारै हुराउ इ नो जीवन क रुखा क सयु कैतना हुराउ सदाल् भरेत जिबित ह्रेम तादारे द खैत ,पर्मेस्वर इ आदम दै हब्बा काना हुन सुन्दर बगैँचा हाइत तोनलेत बैसी ।परमेस्वर इ जीवन क रुखा कुरेम क लागै शक्तिसाली स्वर्गदुतराउ काना बगैचा क मुल ढेला हा पहरेदार क रुपहा खटाआ।

*बाइबलको कथा : उत्पत्ति ३ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_02_128kbps.m4a

## 3. ३. जलप्रलय

https://openbiblestories.org/l/rji/story-3/

![](https://cdn.door43.org/obs/jpg/360px/obs-en-03-01.jpg)

चोल समय न्हौ संसार हा चोल मन्छेराउ ओसि ।हुराँउ चो दुष्ट दैना हिन्सात्मक ओत्याल स्वाह्रेसिनी ।इन नो एम्धै चो खराब ओआ कि परमेस्वर इ सारा सन्सार काना दाठौ बरे जल्प्रलय हाइत नास खैन्याङ निधो खया।

![](https://cdn.door43.org/obs/jpg/360px/obs-en-03-02.jpg)

तर नोआ इ परमेस्वर हाइत निगाह दारा दुष्ट मन्छेराउ क बिच हा हुन दाठौ धर्मी मन्छे ह्रेनी।परमेस्वर इ नोआ काना आफुइ लेतम् बङ्याङ जलप्रलय क बारेहा गारा।,उइ नोआ काना दाठौ बरे जहाज बनाम स्लाआ।

![](https://cdn.door43.org/obs/jpg/360px/obs-en-03-03.jpg)

परमेस्वर इ नोआ काना करिब १४०मिटर लामो २३मिटर चौडाइ र१३.५ मिटर अग्लो जहाज बनाम गारा,नोआ इ हुन जहाज काना सिङ क प्रयोग खैतना ३ तह हा बनाम बृन्याङ ह्रेनि जहा चो कोठाराँउ छत दैना झ्यालराउ ओम ब्रीनी ।हुन जहाज हा नोआ आफ्नो परिवार अनि हरेक किसिम क जमिन हा नैन्याङ जनावर राँउ जलप्रलय क समयहा सुरक्षित ओइ।

![](https://cdn.door43.org/obs/jpg/360px/obs-en-03-04.jpg)

नोआ इ परमेस्वर क आज्ञा मानेया, नोआ दै हुन क सुम जना चाउअराँउ इ परमेस्वर इ गार्याङ साङ्ल जहाज बनासो। जहाज एक दम बरे ओयाङ मारै हुन् काना बनाम चोल बर्ष ग्लाह्रेयानी ।नोआ इ मन्छेराँउकाना जलप्रलय क चेतावनी बैत परमेस्वर हाइ फर्केम सचेत खया तर हुराउ इ हुन क कुराहा बिश्वास खैसोमा ।

![](https://cdn.door43.org/obs/jpg/360px/obs-en-03-05.jpg)

परमेस्वर इनोआ काना हुन्क परिवार दैना जनावर राँउ कानाचाहेयाङ जच्च जान्याङ कुरा जम्मा खयम स्लाआ।जब सब्ल कुरा तयार ओआ,परमेस्वर इ नोआ काना नो समय ओङ्ह्रे गारा। अनि हुन, हुन्क मत्काउ हुन्क सुम वटा चाउराउ दैना हुराउ क मत्कासी सब्ल्हाउ काना जहाज हा बाङम गारा।(हुराउ सब्ल आठ्ठ जना ह्रेइनी ) ।

![](https://cdn.door43.org/obs/jpg/360px/obs-en-03-06.jpg)

परमेस्वर इ भाल्या दै पोथी खैत सब्ल किसिम क पशुपक्षि क दा-दा जोडि नोआ निङ्हा लेता, ता कि जलप्रलय क समय हा हुन सब्ल जहाज हा सुरुक्षित ओइद,उ इ बलि क लागै चाहेन्याङ पशुपक्षी हरेक क सात्थ-सात्थ जोडि भाल्या दै पोथी बनातना लेता ।जब हुराँउ सब्ल जहाज भित्रौ स्वासी तब् परमेस्वर स्वयम् इ जहाज क ढेला बन्द खैबया।

![](https://cdn.door43.org/obs/jpg/360px/obs-en-03-07.jpg)

हुन न्हौ ,देउ र्वाम सुरु ओआ। चालीस कान ,चालीस रात मचै लगतार देउ र्वाआ ।पृथ्वी दि हाइत कनि" ति" बेग हा उर्लेतना ओङा।सारा संसार दै अग्लो चुचुराराँउ समेत ती हा बुरेह्रेसिनी ।

![](https://cdn.door43.org/obs/jpg/360px/obs-en-03-08.jpg)

सुक्खा जमिन्हा बचेन्याङ सब्ल थोक सि सि ,जहज भित्रौ ओयाङ मन्छे दै पशुपक्षी राउ च्याल बचेसी जहाज "ती "ताकी उत्रेह्रेया, अनि भित्रौ ओयाङ सब्ल्हाउ काना बुरेम हाइत जोगात थाआ।

![](https://cdn.door43.org/obs/jpg/360px/obs-en-03-09.jpg)

ती थामेयाङ प्ला महिना मचै जहाज उत्रेह्रेया,अनि हुन बिच हा ति पोककाता ह्रेयानी।दाक्काले दाठौ पहाड क टुप्पाउहा जहाज थामेया,तर पृथ्वी अझ मचै कनि ती हा बुरेह्रेयानी सुम महिना न्हौ,अरु पहाड क ताकि क भागराँउ छिङम ग्लासी ।

![](https://cdn.door43.org/obs/jpg/360px/obs-en-03-10.jpg)

अरु चालीस कान न्हौ,नोआ इ दा ठौ कौवा काना ती पोख्रेका कि माल खैतना भाइरौ लेता।कौवा हाइ-हेइ खैतल पोक्याङ दिशा क खोजिहा उरेम ग्लाआ ,तर घोइल कनि दारम ह्रोआमा।

![](https://cdn.door43.org/obs/jpg/360px/obs-en-03-11.jpg)

न्हौ नोआइ दा ठौ कौह्र्या काना लेता ।तर हुनिकनी सुक्खा दिशा दाल्लम ह्रोआमा ,हुन्लमारै हुन नोआक हा फर्केत ओङा।हुन क दा हप्ता न्हौ हुनि फेरि हुन कौह्र्या काना भाइरौ लेता,अनि हुनि आफ्नो चुच्चाउहा दा ठौ जैतुन क हागाउ पित्तना ओङा।ती पोक्काता ह्रेयानी ,अनि बिरुवाराँउ फेरि पल्हेकात ह्रेसिनी ।

![](https://cdn.door43.org/obs/jpg/360px/obs-en-03-12.jpg)

अर्को दा-हप्ता लाङ्याङ न्हौ नोआ इ सुमचोटा हुन कौह्र्या काना भाइरौ लेता ।इन चोटा चाहिँ हुन इ आराम खैन्याङ ठाउँ दारा, अनि हुन फर्केत ओङामा ।ती पोक्त्कात ह्रेयानि ।

![](https://cdn.door43.org/obs/jpg/360px/obs-en-03-13.jpg)

नि महिना न्हौ परमेस्वर इ नोआ काना गारा, ,नाङ दै नाङ क जहान सब्ल पशुपक्षीराउ जहाज हाइत भाइरौ तोङम ह्रोके।नराउइ चोल सन्तानराँउ जन्माने अनि फेरि सब्ल पृथ्वी हा भरेतल स्वानी "।अनि नोआ दै हुन क जाहानराँउ जाहाज हाइत भाइरौ तोङ्सी ।

![](https://cdn.door43.org/obs/jpg/360px/obs-en-03-14.jpg)

जहाज हाइत भाइरौ तोङ्याङ न्हौ नोआ इ परमेस्वर क लागै दा ठौ थान बनाआ अनि, हुन थान हा बलि क लागै थाइयाङ आङ्भनी जनावरराउ क बलि चढाआ।परमेस्वर हुन बलि हाइत खुशी ओआ अनि नोआ दै हुन्क परिवार काना आशिष बया।

![](https://cdn.door43.org/obs/jpg/360px/obs-en-03-15.jpg)

परमेस्वर इ प्रतिज्ञा खया,"नो फेरि ङा तिङ्ल कनि मन्छे क दुष्टता क लागै इन पृथ्वी काना श्रापित तुलेन्याङ हैमा,अथवा जलप्रलय हाइत सन्सारकाना नस्ट खैन्याङहैमा,हुसलकनी(यद्यपि) मन्छे क मनौ क भाबनाराउ आउचुनारी हाइतनाल दामनिको ओकङ।"

![](https://cdn.door43.org/obs/jpg/360px/obs-en-03-16.jpg)

अनि परमेस्वर इ प्रतिज्ञा क चिन्ह स्वरुप पहिला भेङादुरी बनाआ।हरेक चोटा जब आकाश हा भेङादुरि छिङ्कङ ,परमेस्वर इ आफ्नो मन्छेराँउदै खयाङ प्रतिज्ञा सम्झेकु।

*बाइबलको कथा : उत्पत्ति ६-८ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_03_128kbps.m4a

## 4. ४. अब्राहमदैना परमेस्वर क करार

https://openbiblestories.org/l/rji/story-4/

![](https://cdn.door43.org/obs/jpg/360px/obs-en-04-01.jpg)

जल प्रलय क चो बर्ष न्हौ सन्सारहा मन्छेराउ क संख्या फेरि बढेकाताआ अनि हुराँउ सब्ल्हाउ ल दाल्ठौ भासा थाम्न्यायङ खयनी।तर परमेस्वर इ आज्ञा खयाङ अनुसार पृथ्वी हा भरेम क सट्टा हुनराँउ दाल ठन्क भेला ओतना दाल्ठौ शहर बनामबाङ्सी।

![](https://cdn.door43.org/obs/jpg/360px/obs-en-04-02.jpg)

हुराउ चो घमन्डी ह्रेइनी ,अनि परमेस्वर इ गार्याङ कुराकाना हुराँउइ वास्ता खैसोमा। हुराउइ स्वर्ग मचै तोङ्काम क लागै अग्लो धरहरा बनाम ग्लासी ।यदि हुराँउ दाल ओतना दुष्ट कामराँउ खैतल स्वाआझै हुराउ अझल बढि अधर्मि ओम ह्रोन्याङ परमेस्वर इ मुआ।

![](https://cdn.door43.org/obs/jpg/360px/obs-en-04-03.jpg)

हुन्लमारै परमेस्वर इ हुराँउ क भासाकाना अरु थुप्रोल भासाहा बदलेबया अनि मन्छेराँउकाना सारा सन्सार भरेत हाइ-हेइ खैबया।हुराउ इ बनाम शुरु खयाङ शहर क ब्रीङु "बाबेल"हुनि,जाङ क अर्थ अलमलहा(हाइ क न हेइ क) ब्रीम" हुनि ।

![](https://cdn.door43.org/obs/jpg/360px/obs-en-04-04.jpg)

सयौ बर्ष न्हौ परमेस्वर अब्राहम बृङु खयाङ दा जना मन्छेदैना थामा।परमेस्वर इ हुन्काना गारा,"नाङ्क देश दैना नाम्क काना लेत" ङाइ नाङकाना सारम बाङ्याङ ठन्कहा गात ।ङा नाङ्कना आशिष बैहेना, अनि नाङ्काना बयाङ ठन्क काना दा ठौ महान रास्ट्र बनाबैहौ ।ङा नाङ्क ब्रीङु महान तुल्याहौ।ङा नाङ्क ब्रीङु काना बरे बनाहौ।नाङकाना आशिष बैन्याङ काना ङा आशिष बैहौ,नाङकाना श्राप बैन्याङ्काना श्राप बैहौ ।पृथ्वी हा ओयाङ सब्ल घारानाराउ(नाम्क काना) नाङ्क कारण आशिशित ओनेह्रेकि ।

![](https://cdn.door43.org/obs/jpg/360px/obs-en-04-05.jpg)

अनि अब्राहम इ परमेस्वर क आज्ञा मानेया।हुनि आफ्नो मत्काउ साराइ आफ्नो सब्ल नोकर राँउ अनि आफ्नो सब्ल थोक कात्तना परमेस्वर इ सार्याङ देश कनान हाइ ग्लाआ।

![](https://cdn.door43.org/obs/jpg/360px/obs-en-04-06.jpg)

जब अब्राहम कनानहा तोम्पिया ,परमेस्वर इ गारा ,"आफ्नो प्रीतर्फ मु ।नाङदै नाङ्क सन्तानकाना नाङी मुम ह्रोयाङ मचै सब्ल देश पैतृक(बयु क )सम्पती क रुपहा नाङकाना बैहेना।"अनि अब्राहाम हुन देशहा नयम बाङा।

![](https://cdn.door43.org/obs/jpg/360px/obs-en-04-07.jpg)

दाक्काले ,अब्राहम इ सर्बोच्च परमेस्वर क पुजारी मल्किसेदक काना दाल्लाआ। मल्किसेदक इ अब्रहमकाना आशिष बैतना गारा"आकाश दै पृथ्वी क मालिक सर्बोच्च क पर्मेस्वर इ नाङ काना आशिस बयु द"अनि अब्राहम इ मल्किसेदक काना आफ्नो सब्ल समपती क दस भाग बया।

![](https://cdn.door43.org/obs/jpg/360px/obs-en-04-08.jpg)

चो बर्ष बितेस्वाआ तर अब्राहम दै साराइ क आङ्ल कन सन्तान ओतमानी ।पर्मेस्वर अब्राहम दै थामा अनि फेरि प्रतिज्ञा खया कि हुन्क दाठौ चाउ ओन्याह्रेङ अनि हुन्क सन्तानराँउ आकाश क तारा साङ ओन्याह्रेकी ।अब्राहम इ परमेस्वर क प्रतिज्ञा हा बिस्वास खया ।परमेस्वर इ अब्राहमकाना धर्मी ठहर्याआ, आहु खा झै आब्राहम इ परमेस्वर क प्रतिज्ञा हा बिश्वास खया।

![](https://cdn.door43.org/obs/jpg/360px/obs-en-04-09.jpg)

अनि परमेस्वर इ अब्राहम दै दा ठौ करार ह्रुपा।करार चाहिँ नि पक्ष बिच क सम्झौता हु।परमेस्वर इ गारा,"नाङ्क आफ्नोल शरीर हाइत ङा नाङ्कना दाठौ चाउ बैहेना।कनान देश ङा नाङ्क सन्तानराँउकाना बैहौसी ।"तर अब्राहमदै अझल दाठौ कनि चाउ हैमानी।

*बाइबलको कथा : उत्पत्ति ११-१५ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_04_128kbps.m4a

## 5. ५. प्रतिज्ञा क सन्तान

https://openbiblestories.org/l/rji/story-5/

![](https://cdn.door43.org/obs/jpg/360px/obs-en-05-01.jpg)

कनानहा बसाइ सरेयाङ दस बर्ष बितेस्वायाङ न्हौ कनि अब्राहम दै साराइ क आङल सन्तान ओतमानी ।हुन्लमारै अब्राम क मत्काउ साराइ इ हुनकाना गारा ,"परमेस्वर इ ङा क कोख बन्द खैबथाक्सी अनि नो सन्तान दारम क लागै ङा बुढ्ढे ओसोह्रेका ,इन्कारण इ ङा दासी हागार दैना ब्याहा खै,हुनि ङा क लागै दा ठौ सन्तान बैहि।

![](https://cdn.door43.org/obs/jpg/360px/obs-en-05-02.jpg)

इन्लमारै ,अब्राम इ हागारदै ब्याहा खया।हागार इ दा ठौ चाउ जन्माआ,अनि अब्राम इ हुन्क बृङु इसमाइल थाआ।तर साराइ इ हागार क रिस खयम ग्लाआ, इस्माएल इ तेह्र बर्ष क ओत्याउ,परमेस्वर फेरि अब्राहमदै थामा।

![](https://cdn.door43.org/obs/jpg/360px/obs-en-05-03.jpg)

परमेस्वर इ गारा ,"ङा सर्बशक्तिमान परमेस्वर हु"।ङा नाङदैना दाठौ करार ह्रुप्न्याह्रेङ ।अनि अब्राम इ दिसाहा गुम्तना ढोग खया।परमेस्वर इ फेरि गारा नाङ चोल रास्ट्रराउ क बयु ओन्याह्रेङ।कनान देशकाना ङा नाङ अनि नाङक सन्तानराउ क याकुहा सुम्पेबैहौ।अनि ङा सदाल्भरेत हुराँउक परमेस्वर ओन्याह्रेङ।नाङी आफ्नो नाम्क सब्ल यराराँउ क खतना खयम बृन्याह्रेङ।"

![](https://cdn.door43.org/obs/jpg/360px/obs-en-05-04.jpg)

"नाङ्क मत्काउ साराइ इ दाठौ चाउ जन्मान्या ह्रेङ हुन चाहिँ प्रतिज्ञा खयाङ सन्तान ओन्याह्रेङ।नाङी हुन्क बृङु इसाहाक थाम हुन्दैना ङा ङा क करार ह्रुपहौ,अनि हुन्क बरे रास्ट्र ओन्याह्रेङ।ङा इस्माएल काना कनि बरे रास्ट्र बैहौ,तर ङा क करारचाही इसाहाक दैनाल ह्रुपहौ"।हुन न्हौ परमेस्वर इ अब्राम क बृङु अब्राहम थाबया,जाङ्क अर्थ हु "चोल क बयु",।परमेस्वर इ साराइ क कनि बृङु नो "सारा, थाबया जाङ्क अर्थ हु "राजकुमारी"।

![](https://cdn.door43.org/obs/jpg/360px/obs-en-05-05.jpg)

हुन्काले अब्राहम इ आफ्नो नाम्क सब्ल यरा राउ क खतना खैबया।हुन्क करिब दा बर्ष न्हौ ,अब्राहम सय बर्ष क अनि सारा नब्बे बर्ष क ओत्याउ,सारा इ अब्राहम क चाउ जन्माआ।परमेस्वर इ गार्याङ् साङ्ल हुराँउ इ हुन्क बृङु इसाहाक थासो।

![](https://cdn.door43.org/obs/jpg/360px/obs-en-05-06.jpg)

जब इसाहाक बालक ल ह्रेनी ,परमेस्वर इ अब्राहम क बिश्वास क जाँच खया,अनि गारा,"नाङ्क दाल्ठौ चाउ इसाहाक काना कात्तना गात अनि हुन्काना ङा क लागै बलि चढा ।"अब्राहम इ परमेस्वर इ गार्याङ कुराकाना मानेया अनि आफ्नो चाउ काना बलि बयम तयार ओआ।

![](https://cdn.door43.org/obs/jpg/360px/obs-en-05-07.jpg)

जब अब्राहम दै इसाहक थान हाइ स्वाछाइनि ,इसाहक इ सुधेया "बै ,ङैदैना बलि क लागै सिङराँउ त ह्रेकि तर चढान्याङ बलि घोइ त "?अब्राहाम इ जवाफ बया ,"हे ङा क चाउ! परमेस्वर इ ल बलि क लागै थुमा जुटान्याह्रेङ"।

![](https://cdn.door43.org/obs/jpg/360px/obs-en-05-08.jpg)

जब हुराउ "थान "निङ्हा तोङ्कासी आब्राहम इ आफ्नो चाउकाना ह्रुप्तना थान क बेदिहा थाआ। जब हुनि आफ्नो चाउकाना बलि बयमल बाङह्रेआनि,परमेस्वर इ गारा "ताइथी

![](https://cdn.door43.org/obs/jpg/360px/obs-en-05-09.jpg)

हुन्हा नजिकल अब्राहाम इ दाठौ थुमा काना झाडी हा अल्झेह्रेयाङ मुआ।परमेस्वर इ हुन थुमा काना इसाहक सट्टा बलिदान क लागै हुन्हा थाबैथाआनी ।अब्राहम इ खुसी क साथ हुन थुमाकाना बलि चढाआ।

![](https://cdn.door43.org/obs/jpg/360px/obs-en-05-10.jpg)

अनि परमेस्वर इ अब्राहामकाना गारा ",नाङी ङाक लागै आफ्नो सब्ल थोक बयम तयार ओयाङ्क लागै अनि नाङ्क दाल्ठौ चाउ कनि बाकी माठायाङ्क मारै,ङा नाङ्काना आशिष बैन्याङ प्रतिज्ञा खैकु ।नाङ्क सन्तानराउ आकाश क ताराराउ हाइत चो ओन्याङ ह्रेकी ।नाङी ङा क आज्ञा मानेयाङ ओतना सन्सार क सब्ल नामनाम्सी राउ नाङ्क नामराँउहाइतना आशिसित ओनेह्रेकी ।

*बाइबलको कथा : उत्पत्ति १६-२२ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_05_128kbps.m4a

## 6. ६.परमेस्वर इ इसहाक काना बया

https://openbiblestories.org/l/rji/story-6/

![](https://cdn.door43.org/obs/jpg/360px/obs-en-06-01.jpg)

अब्राहम वृद्ध ओत्याउ, हुन्क चाउ,इसहाक,दाठौ परिपक्व मन्छे ओसोह्रेयानी ।हुन्लमारै अब्राहाम इ आफ्नो दाठौ नोकरकाना आफ्नो आफन्तराउ ओयाङ देशहा इसहाक क लागै दाठौ मत्काउ भ्र्यातना लाम लेता।

![](https://cdn.door43.org/obs/jpg/360px/obs-en-06-02.jpg)

अब्राहम क आफन्तराउ नैन्याङ देशहाइ क लामो यात्रा न्हौ ,परमेस्वर इ हुन नोकरकाना रिबेका बृङु ओयाङ दा जना मच्चा निङ्हा पिता।हुन आब्राहम क गोट्याउ क नातिन्यु हुनि ।

![](https://cdn.door43.org/obs/jpg/360px/obs-en-06-03.jpg)

रिबेका आफ्नो परिवारकाना लेत्तना हुन नोकर दै इसहाक क नाम्हा स्वाम राजी ओआ।हुन तोङ्काहा सर्सिउ ल इसहाक इ हुनदैना ब्याहा खया।

![](https://cdn.door43.org/obs/jpg/360px/obs-en-06-04.jpg)

चो समय न्हौ,अब्रहाम क मृत्यु ओआ अनि परमेस्वर इ हुन्दैना ह्रुप्याङ सब्ल करार नो इसहाक हा सरेया।परमेस्वर इ अब्राहामकाना असख्य सन्तान (गनेम माह्रोन्याङ)ओन्याह्रेङ गार्त प्रतिज्ञा खैथाआनी,तर इसहाक क मत्काउ रिबेका क गुन्ल सन्तान ओमह्रोतमानी ।

![](https://cdn.door43.org/obs/jpg/360px/obs-en-06-05.jpg)

इसहाक इ रिबेका क लागै प्राथना खया ,अनि परमेस्वर इ हुन्क कोख हा जुम्ल्याहा छोराउ राउ बया।हुन निठौ ल्हानिङ राउ रिबेका क गर्भ भित्रौ ओत्याउ ल दाठौ-अर्को दैना लरेम ग्लासी,हुन्लमारै रिबेका इ परमेस्वर दैना इन आङ ओछायाङ हु गार्तना सुधेया।

![](https://cdn.door43.org/obs/jpg/360px/obs-en-06-06.jpg)

परमेस्वर इ रिबेकाकाना गारा "नाङभित्रौ ओयाङ इन निठौ चाउराउ हाइत निठौ रास्ट्रराउ ओङन्याह्रेकी ।हुराउ एक-आपस(दा-आफु)हा लडेन्याङ हेकी अनि धृमा चाउ इ कान्छा चाउ क सेवा खैन्याह्रेङ ।"

![](https://cdn.door43.org/obs/jpg/360px/obs-en-06-07.jpg)

जब रिबेका क चाउराउ जन्मेसी ,धृमा चाउ छुइ अनि भुत्लाउ ऐ भुत्लाउ ओयाङ ह्रेनी अनि हुराउइ हुन्क ब्रीङु एसाब थासो।तर आइचुङ चाहिँ आफ्नो याकुइ ध्रीमा क कुर्कुच्चा चुम्त्याल तोङा अनि हुराउइ हुन्क ब्रीङु याकुब थासो।

*बाइबलको कथा : उत्पत्ति २४:१-२५:२६ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_06_128kbps.m4a

## 7. ७. पर्मेस्वर इ याकुब काना आशिस्स बया

https://openbiblestories.org/l/rji/story-7/

![](https://cdn.door43.org/obs/jpg/360px/obs-en-07-01.jpg)

जब हुन बालक राउ हुर्केतल स्वासी ,याकुब नाम्हाल नयम रुचाउनी ,तर एसाब काना सिकार खयम मन ग्लानी ।रिबेका,याकुब काना मनौ पृउनी,तर इसाहक इ एसाब काना माया खयुनी ।

![](https://cdn.door43.org/obs/jpg/360px/obs-en-07-02.jpg)

दाक्काले,जब एसाब सिकार हाइत नाम्हा फर्केया हुन्काना निक्माल र्याङ्ह्रेयानी ।एसाब इ याकुब काना गारा नाङि बनायाङ आइचिदा जान्याङ कुरा ङाकानाबैनिङ ?"याकुब इ जबाफ बया पहिला ङाकाना नाङ क धृमा आधिकार बैनिङ ।"अनि एसाब इ आफ्नो धृमा क आधिकार याकुब काना बया अनि याकुब इ हुन्काना आइचिदा जान्याङ कुरा बया।

![](https://cdn.door43.org/obs/jpg/360px/obs-en-07-03.jpg)

इसाहक इ आफ्नो आशिष् एसाब काना बयम भ्र्याह्रेयानि।तर हुनि इसा खयम हाइत ध्री,रिबेका दैना याकुब मिलेतना याकुब काना एसाब साङ्ल बनातना हुराउ इ इसाहाक काना झुक्यासो।इसाहाक बड्डो ओसोह्रेयानी अनि आङ्ल कनि मुम्ह्रोउमानी।याकुब इ एसाक क थ्याङ्ह्री फाङ्तना अनि छेल्या क पाठो क छालाउ इ आफो तुकु दैना याकुराउ खोम्थाआनी।

![](https://cdn.door43.org/obs/jpg/360px/obs-en-07-04.jpg)

याकुब इ इसाहाक दैना ओङ्ताना गारा,ङा एसाब हु। नाङ क आशिष् थाकम ङा ओङ्ह्रेका ।"जब इसाहक इ छेल्या क भुत्लाउ प्लाका अनि थ्याङ्ह्री राउ क बास्ना फ्लाम्हा ,हुन एसाब ल ओम्बृङ खैन्याङ हुनि सोचेया

![](https://cdn.door43.org/obs/jpg/360px/obs-en-07-05.jpg)

एसाब इ याकुब काना घृणा खयुनी आहु खाझै याकुब इ हुन्क धृमा अधिकार दैना हुनि दारम बृन्याङ आशिष् खोसेथाआनी ।हुन्लमारै हुनि बयु सियाङ न्हौ ,याकुब काना सात्न्याङ योजना बनाआ।

![](https://cdn.door43.org/obs/jpg/360px/obs-en-07-06.jpg)

तर रिबेका इ एसाब क योजना क बारेहा थाहा दारा ।हुन्लमारै इसाहक दैना रिबेका इ याकुब काना हुन ठन्क हाइतना ताह्रो आफ्नो आफन्तराउ हा लेत्बैसो।

![](https://cdn.door43.org/obs/jpg/360px/obs-en-07-07.jpg)

याकुब चो बर्ष मचै रिबेका क नाम्क मन्छेराउ दै नया।हुन समयभित्रौ हुनि ब्याहा खया अनि हुन्क बार जना चाउराउ दैना दाठौ ग्रोमु ओआ।परमेस्वर इ हुन्काना चोल धनी बनाथाआनी ।

![](https://cdn.door43.org/obs/jpg/360px/obs-en-07-08.jpg)

बीस बर्ष मचै आफ्नो नामु कनान हाइत टाढो नैह्रोयाङ न्हौ,याकुब आफ्नो जहान आफ्नो नोकर राउ अनि आफ्नो सारा गाइअबस्तु साथहा पित्तना कनान फर्केया।

![](https://cdn.door43.org/obs/jpg/360px/obs-en-07-09.jpg)

याकुब चोल पृह्रेयानी आहुखाझै एसाब इ हुन्काना अझै सातम भ्र्याकङकि गार्तना हुनि सोचेथाआनी ।हुन्ल मारै याकुब इ चोल उपहार स्वरुप एसाब निङ्हा लेता।गाई बस्तु कात्तना स्वायाङ नोकर राउ इ एसाब काना गार्सो,"नाङ्क दास याकुब इ नाङ्काना इन गाई बस्तु लेत्बैथाका।उइ चाढोल ओङ्छाकङ"।

![](https://cdn.door43.org/obs/jpg/360px/obs-en-07-10.jpg)

तर एसाब इ याकुब काना पहिलाल क्षमा बैलेत्थाआनी अनि हुराउ इ दा इ अर्को काना फिरि मुम दार्त खुसी ओसि। हुन न्हौ याकुब कनान हा शान्ती ओत नया।हुन न्हौ इसाहाक सिया,अनि याकुब दैना एसाब इ हुन्काना किम्सो ।परमेस्वर इ अब्राहम दैना खयाङ करार नो इसाहक हाइतना याकुब हा सरेया।

*बाइबलको कथा : उत्पत्ति २५:२७-३३:२० बाट*

Audio: https://git.door43.org/OBS-TLF/rji_obs/releases/download/v1/rji_obs_v1_07_128kbps.m4a

## 8. ८. परमेस्वर इ योसेफ दैना हुन्क नाम्क काना बाचाआ

https://openbiblestories.org/l/rji/story-8/

![](https://cdn.door43.org/obs/jpg/360px/obs-en-08-01.jpg)

योसेफ क दाजुउ राउ इ हुन्काना घ्रीणा खैयनि, आहुखाझै हुराउहाइतना कनि हुन आफ्नो बयु क सबहाइताना प्यारो ह्रेनी। अनि योसेफ इ उइ हुराउक सासक ओयाङ म्हानी मुथाआनी जब योसेफ हुन्क दाजुउ राउ हा तोम्पिया ,हुराउ इ हुन्क अपहरण खैसो अनि दास व्यापारी क याकुहा क्लात्बैसो

![](https://cdn.door43.org/obs/jpg/360px/obs-en-08-02.jpg)

चो बर्ष न्हौ ,जब याकुब बड्डो ओसोह्रेआनी उइ क आफ्नो सबहाइतना प्यारो चाउ,योसेफकाना बगालराउ क हेरचाह खैछायाङ आफ्नो दाजुउ राउ क हा जाँच खयम लेता।

![](https://cdn.door43.org/obs/jpg/360px/obs-en-08-03.jpg)

योसेफ क दाजुउ राउ नाम्हा फर्केम ध्री योसेफ क थ्याङ्ह्री चोत्बैसो अनि हुन्काना छेल्या क सि हा थिङ बैसो।अनि हुराउ इ हुन लबेदाआफ्नो बयु काना सार्सो ताकी योसेफ काना आङ्भनी जङ्गली जनावर इसात्का खैतना सोचेए द।इन मुतना याकुब चो दुखी ओआ।

![](https://cdn.door43.org/obs/jpg/360px/obs-en-08-04.jpg)

हुन दास व्यापारी राउ इ योसेफकाना मिश्रदेशहा कात्सो।मिश्रदेश निल नदिक छेउहा ब्रीनी ,इन चो बरे दैना चो शक्त्तिशाली देश ह्रेनी ।हुन व्यापारी राउ इ योसेफकाना दा जना धनी सरकारी करमचारी क याकुहा क्लात्बैसो ।योसेफ इ आफ्नो मालिक क मजाइतना हेरचाह खया अनि परमेश्वर इ हुन्काना आशिष बया।

![](https://cdn.door43.org/obs/jpg/360px/obs-en-08-05.jpg)

योसेफ क मालिक क मत्काउ योसेफ दैना निङम भ्र्याआ तर परमेश्वर क बिरुद्धहा इसैतना पापखयम उइ इन्कार खया।इन्लमारै हुन रिसेया अनि योसेफ क बिरुद्धहा झुठा आरोप स्लाआ,जाङ कारण इ योसेफ चुमिया अनि झ्यालखाना हा जाक्सो ।झ्यालखाना हा ओत्याउ कनि योसेफ इ परमेश्वरहा भरोसा थाआ अनि परमेश्वर इ योसेफकाना आशिष बया।

![](https://cdn.door43.org/obs/jpg/360px/obs-en-08-06.jpg)

नि बर्ष न्हौ ,निर्दोष ओआझैकनी योसेफ अझल झ्यालखानाहाल ह्रेनी ।दा झिरी मिश्रीराउ क राजा फारोइ निठौ म्हानी मुआ अनि हुनि हुन्काना निक्मा सताआ।हुन्क गुन्ल सल्लाहकारराउ इ कनि हुन सपना क रहस्य गारम ह्रोसोमा।

![](https://cdn.door43.org/obs/jpg/360px/obs-en-08-07.jpg)

परमेश्वर इ योसेफकाना सपना क अर्थ गारम ह्रोन्याङ बरदान बैथाआनि ,हुन्लमारै फारोइ योसेफकाना झ्यालखानाहाइत स्लोकम स्लाआ।योसेफ इ फारोक सपाना क अर्थ गारबया अनि क्लाइया," परमेस्वर इ नो क साठ्ठ बर्ष मचै चोलखैतना अन्नाराउ बैन्याह्रेङअनि हुन न्हौ क साठ्ठ बर्ष अनिकाल ब्रीन्याङ ह्रेङ।"

![](https://cdn.door43.org/obs/jpg/360px/obs-en-08-08.jpg)

योसेफदैना फारो इच्च खुशी ओआ कि हुनि योसेफकाना सारा मिश्रदेश भरेत क दोस्रो सक्तिशाली मन्छे नियुक्त्त खया।

![](https://cdn.door43.org/obs/jpg/360px/obs-en-08-09.jpg)

योसेफ इ मन्छेराउकाना प्रसस्त फसल क साठ्ठ बर्ष हा चोल अन्न थुप्राम स्लाआ।अनि साठ्ठ बर्ष अनिकाल क समयहा योसेफ इ हुन अन्नराउ क्लाता ताकी मन्छेराउक लागै चाहेयाङ जच्च जान्याङ कुरा दुम्द।

![](https://cdn.door43.org/obs/jpg/360px/obs-en-08-10.jpg)

अनिकाल मिश्र देशहा च्याल माओतना कनान देश हा कनि ब्रीह्रेयानी जहाँ याकुब दै हुन्क नाम्क नइनि ।

![](https://cdn.door43.org/obs/jpg/360px/obs-en-08-11.jpg)

हुन्लमारै याकुब इ ध्रीमा चाउराउ काना मिश्रदेश हा जान्याङ कुरा लाम लेता ।दाजुउराउइ जान्याङ कुरा लओम मिश्र देश हा स्वात्याउ हुराउइ योसेफ काना स्रेसोमा ,तर योसेफ इ हुराउ काना स्रेलेता।

![](https://cdn.door43.org/obs/jpg/360px/obs-en-08-12.jpg)

अनि आफ्नो दाजुउराउ परिबर्तन ओह्रेक्सी कि ओतमा गार्तन जाँच खयाङ न्हौ योसेफ इ हुराउ काना गारा,"ङा नाराउ क गोत्याउ योसेफ हु ,ताप्रीनी ।नराउ इ ङा काना दास क रुपहा क्लात्तना दुष्ट काम खयम भ्र्यासी,तर परमेस्वर इ दुष्टताकाना मजा काम क लागै चलाआ।ओङ्तना मिश्र देह हा नैनी ताकी नाराउदैना नाराउ क नाम्क राउकाना ङाइ जुटाम ह्रोउ"।

![](https://cdn.door43.org/obs/jpg/360px/obs-en-08-13.jpg)

जब योसेफ क दाजुउराउ नाम्हा फर्केसी अनि योसेफ अझल जिउदो ओयाङ खबर आफ्नो बयु याकुब काना सुनासो ,हुन चो खूशी ओआ।

![](https://cdn.door43.org/obs/jpg/360px/obs-en-08-14.jpg)

याकुब बड्डो ओआ तापनि आफ्नो सब्ल नाम्क काना कात्त्तना उइ मिश्र देश हा काआ अनि ह्वाल नयम ग्लाआ।सिम हाइत ध्री याकुब इ आफ्नो सब्ल चाउराउकाना आशिष बया।

![](https://cdn.door43.org/obs/jpg/360px/obs-en-08-15.jpg)

परमेस्वर इ अब्राहमकाना प्रतिज्ञा खयाङ करार अब्राहाम हाइत इसाहाक हा सरेया ,अनि याकुबहा,अनि याकु क बाह्र चाउराउ अनि हुराउ क नाम्हा ।हुन बाह्र चाउराउ क सन्तानराउ हाइतल इजरायल क बाह्र कुलराउ ओसि ।

*बाइबलको कथा : उत्पत्ति ३७-५० बाट*

Audio: https://git.door43.org/OBS-TLF/rji_obs/releases/download/v1/rji_obs_v1_08_128kbps.m4a

## 9. ९. परमेस्वरहाइत मोशाकाना बोलाओट

https://openbiblestories.org/l/rji/story-9/

![](https://cdn.door43.org/obs/jpg/360px/obs-en-09-01.jpg)

योसेफ सियाङ न्हौ , हुन्क सब्ल आफन्तराउ मिश्र देश हाल नयम ग्लासी ।हुराउ क सन्तानराउ कनि चो बर्ष मचै निरन्तर रुपहा ह्वाल बसोबास खयम ग्लासी अनि हुराउ क चो सन्तान ओसि ।हुराउकाना "इजरायली" गारेनी।

![](https://cdn.door43.org/obs/jpg/360px/obs-en-09-02.jpg)

सयौ बर्ष न्हौ इस्रारायली क सङ्ख्या चो वृद्धि ओसोह्रेयानी ।मिश्रीराउ इ योसेफ दैना हुनि हुराउ क लागै खयाङ सब्ल मजा कामराउ बिर्सेलेत्थासोनी ।हुराउ इस्रायाली राउ दै प्रीम ग्लासी आहुखाझै हुराउ चोल ह्रेइनी ।हुन्लमारै हुन समय हा मिश्र देश हा राज्य खैछायाङ फारो इ इस्रायलीराउ काना मिश्रीराउ क दास बनाआ।

![](https://cdn.door43.org/obs/jpg/360px/obs-en-09-03.jpg)

मिश्रीराउ इ इस्रायली राउ काना चोल भबनराउ अनि पूरा शहरराउ बनाम स्लासो ।क्षे परिश्रम इ हुराउ क जीवन काना कठिन बनाआ,तर परमेस्वर इ हुराउकाना आशिष बया ,अनि हुराउ क सन्तानराउ अझल बढेकातसी ।

![](https://cdn.door43.org/obs/jpg/360px/obs-en-09-04.jpg)

इस्रायलि राउ इ चो हाइत चो लान्हिङ राउ जन्मायाङ फारो इ मुआ,हुन्ल मारै हुनि आफ्नो मन्छेराउकाना सब्ल इस्रायली राउ क भर्खर जन्मेयाङ चाउराउ काना निलनदीहा तम्त सात्न्याङ आदेश बया।

![](https://cdn.door43.org/obs/jpg/360px/obs-en-09-05.jpg)

गुसाङ दाठौ इस्रायली मच्चाइ दाठौ चाउ जन्माआ।हुनि दैना हुन्क बुह्राउ इ आफुइ ह्रोन्याङ समय मचै हुन बालककाना स्लुप्तना थासो।

![](https://cdn.door43.org/obs/jpg/360px/obs-en-09-06.jpg)

जब हुन बालख क जेयु-बयु इ हुन्काना अरु चो समय स्लुप्तना थाम ह्रोसोमा ,हुन्काना सिमहाइतना बचाम हुराउइ डाठौ कोक्रो बनात बालखकाना हुनभित्रौ थाबैसो अनि निल नदि क किनारहा नर्कट क झाडि क बिचहा लेत्बैसो ।बालख क दिदिउ इ हुन्काना आङ ओन्याह्रेका गार्तना मुछानी ।

![](https://cdn.door43.org/obs/jpg/360px/obs-en-09-07.jpg)

फारो क ग्रोमु इ हुन कोक्रो काना मुआ अनि हुनभित्रौ आङ्ह्रेका खैतना खोलेत मुआ।जब हुनि बालख काना मुआ हुन इ हुन्काना आफ्नोल चाउ क रुपहा थाआ।हुनि दाठौ इस्रायली मच्चाकाना हुन बालख क हेरचाह खयम ज्याला बैतना थाआ तर हुन मच्चा बालख क आफ्नोल जेयु हुनि गारन्याङ कुरा हुन्काना थाहा हैमानि।जब हुन बालक नो दुदा मा-नुम ब्रीन्याङ मच्च बरे ओआ,हुन मच्चाइ हुन्काना फारो क ग्रोमु निङ्हा लेत्बया जाङी हुन्क ब्रीङु मोसा थाआ।

![](https://cdn.door43.org/obs/jpg/360px/obs-en-09-08.jpg)

दाक्काले ,जब मोसा बरे ओसो ह्रेयानी ,दाठौ मिश्री दाठौ इस्रायली दासकाना मक्छायाङ मुआ ।मोसाइ दाठौ इस्रायली मन्छेकाना बचाम भ्र्याआ।

![](https://cdn.door43.org/obs/jpg/360px/obs-en-09-09.jpg)

जब मोसाइ आफुकाना गुनिल मुकिमा गारन्याङ सोचेया अनि हुन मिश्री काना सात्तना हुन्काना किम्बया।तर मोसाइ हुन मिश्रीकाना हत्या खयाङ गुन्भनी मुथाआनी ।

![](https://cdn.door43.org/obs/jpg/360px/obs-en-09-10.jpg)

जब फरोइ मोसाइ खयाङ हत्या क बारेहा थाहा दारा ,हुनि मोसाकाना सातम भ्र्याआ।हुन्लमारै फारो क सैनिक हाइत बचेम मोसा मिश्र देशहाइत ब्रोक्तना उजाड थन्कहाइ स्वाआ।

![](https://cdn.door43.org/obs/jpg/360px/obs-en-09-11.jpg)

मिश्रदेशहाइतना टाढो हुन उजाड थन्कहा मोसा दाठौ गोठाला बनेआ ।हुनि हुन थन्क क दा-जना मच्चादैना ब्याहा खया अनि हुन्क निठौ चाउराउ ओसि ।

![](https://cdn.door43.org/obs/jpg/360px/obs-en-09-12.jpg)

दाक्काले जब मोसा आफ्नो भेडीराउ मुछानी, हुनि दाठौ पोथ्रा मुआ जाङ मुइ जोर्छानी ।तर हुन पोथ्रा जोर्तना भस्म ओआमा ।हुन पोथ्राकाना अझ मजाइत मुम मोसा हुन्क नजिकल स्वाआ।जब हुन जोरछायाङ पोथ्रा क नजिकल तोम्पिया परमेस्वर इ गारा ,"मोसा,नाङ्क जुत्ताराउ खोले आहुखाझै नाङ पबित्र भुमिहा ह्रीपिह्रेका।"

![](https://cdn.door43.org/obs/jpg/360px/obs-en-09-13.jpg)

परमेस्वर इ गारा,"ङाइ ङाक मन्छेराउ क कष्ट मुथाका।ङा नाङ्काना फारो निङ्हा लेथहैना ताकी नाङी इस्राइली राउकाना मिश्रदेश क दासत्वहाइतना छुटातना पित्थौ।ङा हुराउकाना कनान देश बैहौ,,हुन देश जाङ ङाइ अब्राहम इसहाक अनि याकुबदैना प्रतिज्ञा खैथाआनी।"

![](https://cdn.door43.org/obs/jpg/360px/obs-en-09-14.jpg)

मोसाइ सुधेया,"मन्छेराउइ गुनि लेत्याङ्हु गार्त सुधेयाझै ,ङा आङ गारु?"परमेस्वर इ गारा,"ङा हु ,जाङ ङा हु।हुराउकाना इसा गारबयम," ङा हु"क्ल्याइन्याङ इ ङा काना नराउ निङ्हा लेत्याङ हु।हुराउकाना इन कनि गार्बयम"ङा योहोबे हु,नराउ क पितापुर्खा,अब्राहाम ,इसहाक,दैना याकुब क परमेस्वर "।ङाक ब्रीङु सदा-सर्बदाक लागै इन्ल हु"।

![](https://cdn.door43.org/obs/jpg/360px/obs-en-09-15.jpg)

मोसा प्रीह्रेयानी अनि फारो निङ्हा काम भ्र्यातमानी आहुखाझै आफू ठिक खैतना थामम ह्रोकुमा खैन्याङ हुनि सोचेथाआनी,हुन्लमारै परमेस्वर इ मोसा क गोत्याउ हारुन काना हुन्क सङ्घै साहायता क लागै लेता।फारो हठी ओन्याह्रेङ गार्तना परमेस्वर इ मोसा दै हारुन काना सचेत खया।

*बाइबलको कथा : प्रस्थान १-४ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_09_128kbps.m4a

## 10. १०. दस बिपत्तिराउ

https://openbiblestories.org/l/rji/story-10/

![](https://cdn.door43.org/obs/jpg/360px/obs-en-10-01.jpg)

मोसादै हारुन फारो निङ्हा कासी ।हुराउ इ गार्सो,"इस्रायल क परमेस्वर इसा क्लायङ,"ङा क मन्छेराउ काना स्वाम बै

![](https://cdn.door43.org/obs/jpg/360px/obs-en-10-02.jpg)

फारोइ इस्रायली राउकाना लेतम इन्कार खैछाआ,हुन्लमारै परमेस्वर इ मिश्र देशहा प्रीमाप्री दस वटा बिपत्तिराउ लेत्बया।परमेस्वर इ इन दस बिपत्तिराउ हाइत फारोकाना उइ फारो अनि सब्ल मिश्री देबताराउ हाइत शक्तिशाली ह्रेङ गार्त सारा।

![](https://cdn.door43.org/obs/jpg/360px/obs-en-10-03.jpg)

परमेस्वर इ निल नदि काना सि हा परिबर्तन खै बया,तर फारोइ अझै कनि इस्रायली राउ काना स्वाम बयामा।

![](https://cdn.door43.org/obs/jpg/360px/obs-en-10-04.jpg)

परमेस्वर इ सारा मिश्र देश भरेतल भ्याङ्ख लेता।फारो इ मोसाकाना भ्याङ्खराउ हटाम बिन्ती खया ।तर सब्ल भ्याङ्ख राउ सियाङ न्हौ फारो इ आफ्नो हृदय फेरि कठोर प्रीया अनि इस्रायलीराउकाना स्वाम बयामा।

![](https://cdn.door43.org/obs/jpg/360px/obs-en-10-05.jpg)

हुन्लमारै परमेस्वर इ भुसुनाराउ क महामारी लेता।अनि हुन न्हौ मछेरा क हुल क हुल लेता ।फारो इ मोसा दै हारुन काना स्लोका अनि यदि हुराइ इ हुन माहामारी काना रोकेयाङ खन्डहा इस्रायली राउकाना स्वामबैन्याङ क्लाया।जब मोसाइ प्राथना खया,परमेस्वर इ सब्ल मछेराराउ मिश्रहाइत हटाबया।तर फारोइ फेरि आफ्नो हृदयकाना कठोर खया अनि इस्रायली राउकाना स्वामबयामा।

![](https://cdn.door43.org/obs/jpg/360px/obs-en-10-06.jpg)

हुन न्हौ ,परमेस्वर इ मिश्रीराउ क सब्ल गाइबस्तुराउहा माहामारी निम्त्याआ अनि हुराउ सब्ल सीसी ।तर फारो क हृदय कठोर ओआ अनि हुनि इस्रायलिराउकाना स्वाम बयामा।

![](https://cdn.door43.org/obs/jpg/360px/obs-en-10-07.jpg)

अनि परमेस्वर इ मोसाकाना फारो क् ध्री हावाहा खरानी तमम गारा।जब हुनि हुसा खया,मिश्रीराउ क जिउनाउहा कष्टकर खाटी राउ छिङ्सि ,तर इस्रायलीराउकाना आङ्ल ओआमा।परमेस्वर इ फारो क हृदय कठोर खैबया,अनि फरोइ इस्रायलिराउकाना स्वाम बयामा।

![](https://cdn.door43.org/obs/jpg/360px/obs-en-10-08.jpg)

इसा ओसोयाङ न्हौ परमेस्वर इ असिन बर्साआ जाङी मिश्रदेश क चोभागै अन्नबाली नस्ट खया अनि भाइरौ तोङ्न्याङ जाङ्कनी सिसि ।फारोइ मोसा दैना हारुनकाना स्लोक्तना गारा,"ङाइ पाप खैथाका।नराउ हेइतना स्वाम ह्रोके ।"अनि मोसाइ प्राथना खया आकाश हाइत अशिन ब्रीम बन्द ओआ।

![](https://cdn.door43.org/obs/jpg/360px/obs-en-10-09.jpg)

तर फरोइ फेरि कनि पाप खया अनि आफ्नो हृदय काना कठोर बनाआ। हुनि इस्रायलीराउकाना स्वतन्त्र ओम बयामा।

![](https://cdn.door43.org/obs/jpg/360px/obs-en-10-10.jpg)

हुन्लमारै परमेस्वर इ सलहराउ क हुलकाना मिश्रदेश हा लेत्बया ।इन सलह राउ इ अशिनहाइत बचेयाङ सब्ल बाली जाबैसो ।

![](https://cdn.door43.org/obs/jpg/360px/obs-en-10-11.jpg)

अनि परमेस्वर इ अन्धकारकाना लेता जाङ सुमकान मचै ह्रेह्रेया।हुन इच्च अन्धकार ह्रेनी कि मिश्रीराउ आफ्नो नाम लेत्तना भाइरौ तोङम ह्रोयमानी ।तर इस्रायलिराउ नयाङ ठन्क हा चाहिँ ट्वाङ ह्रेनी ।

![](https://cdn.door43.org/obs/jpg/360px/obs-en-10-12.jpg)

इन नौ वटा बिपत्तिराउ ओसोआ ताकनी फारोइ अझैकनी इस्रायलिराउकाना मिश्रदेशहाइतना स्वाम बयामा।फारोइ परमेस्वर क कुरा माक्लायाङ क कारण इ नो उ इ दाठौ अन्तिम बिपत्ती पित्न्याङ योजना खया।इन बिपत्ती इ चाहिँ फारो क मन परिबर्तन ओआ।

*बाइबलको कथाः प्रस्थान ५-१० बाट*

Audio: https://git.door43.org/OBS-TLF/rji_obs/releases/download/v1/rji_obs_v1_10_128kbps.m4a

## 11. ११. निस्तार चाड

https://openbiblestories.org/l/rji/story-11/

![](https://cdn.door43.org/obs/jpg/360px/obs-en-11-01.jpg)

परमेस्वर इ फारो काना यदि अझैकनी हुनि इस्रायली राउकाना मिश्रदेश हाइत स्वाम माबयाङ खण्डहा मन्छेदै पशु क ध्रीमा यरा सन्तानकाना सात्बैन्याङ चेतावनी बया।जब फारोइ इन क्लाआ,अझैकनि परमेस्वरकाना बिश्वास खयम अनि उइ क आज्ञा मानेम हुनि इन्कार खया।

![](https://cdn.door43.org/obs/jpg/360px/obs-en-11-02.jpg)

परमेस्वर इ उइकाना बिश्वास खैन्याङराउ क लागै आफ्नो ध्रीमा सन्तानकाना बचाम ह्रोन्याङ दाठौ यम प्रदान खैबया।हरेक नाम्कै दाठौ खोट मा-ग्लायाङ थुमाकाना छनेतना हुन्काना सातम ब्रीन्याङ ह्रेनी।

![](https://cdn.door43.org/obs/jpg/360px/obs-en-11-03.jpg)

परमेस्वर इ इस्रायलीराउकाना हुन थुमा क सि हुराउक नाम्क मुल ढेलाहा स्लाम,अनि हुन्क स्या चौतना रोटादै कयम गारा।अनि फेरि हुन कैह्रोयाङ न्हौ हुराउकाना मिश्रदेश लेतम कनि उइ गारा।

![](https://cdn.door43.org/obs/jpg/360px/obs-en-11-04.jpg)

इस्रायलीराउ इ परमेस्वर इ गार्याङ्साङ्ल खैसो।मध्यझिरी परमेस्वर मिश्र ओतना स्वाआ अनि ध्री जन्मेयाङ चाउ सब्काना साता।

![](https://cdn.door43.org/obs/jpg/360px/obs-en-11-05.jpg)

सब्ल इस्रायलीराउक नाम्क ढेलाहा सि स्लाप्याङ ह्रेइनी ,हुन्लमारै परमेस्वर इ हुन नाम राउकाना लेत्तना स्वाआ।हुन भित्रौ ओयाङ सब्ल्हाउ सुरुक्षित ह्रेइनी ।थुमाक सि क कारण हुराउ बचाइयाङ हुनि ।

![](https://cdn.door43.org/obs/jpg/360px/obs-en-11-06.jpg)

तर मिश्रीराउ इ परमेस्वर ताकी बिश्वास खैसोमा न त उइ क आज्ञाल मानेसो।हुन्लमारै परमेस्वर इ हुराउक नामकाना लेतामा ।परमेस्वर इ मिश्रीराउक ध्री जन्मेयाङ चाउराउ सबकाना साता।

![](https://cdn.door43.org/obs/jpg/360px/obs-en-11-07.jpg)

सब्ल मिश्रीराउ क ध्रीमा चाउराउ सिसी ,कैदी क ध्रीमा चाउहाइतना फारो क ध्रीमा चाउ मचै ,सब्ल जना सिसि ।मिश्रदेशहा चोल मन्छेराउ बेदना क कारण कारत्याल क्रीक्छाइनी ।

![](https://cdn.door43.org/obs/jpg/360px/obs-en-11-08.jpg)

हुन्ल झिरी फारोइ मोसा दैना हारुन काना स्लोका अनि गारा ,"इस्रायलिराउकाना कात्ने ,अनि तुरुन्तल मिश्रदेश लेततना स्वगात्नी

*बाइबलको कथाः प्रस्थान ११:१-१२:३२ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_11_128kbps.m4a

## 12. १२. प्रस्थान

https://openbiblestories.org/l/rji/story-12/

![](https://cdn.door43.org/obs/jpg/360px/obs-en-12-01.jpg)

इस्रायलिराउ मिश्रदेश लेत्तना स्वाम दारत्याउ चो खुशी ह्रेइनी ।हुराउ नो दासराउ ह्रेसिमा अनि हुराउ प्रतिज्ञा खयाङ देशहा स्वाछाइनी

![](https://cdn.door43.org/obs/jpg/360px/obs-en-12-02.jpg)

परमेस्वर इ दिनहा बाल्ह क अग्लो खाबा हाइतना हुराउकाना डोरेया ,हुन हुराउक ध्री-ध्री स्वानी ,जाङ झिरी चाहिँ मुइ क खाबा बनेनी ।परमेस्वर सदाल हुराउ दै ह्रेनि अनि यात्राक बेला हुराउकाना यम सारा।।इस्रायलीराउ इ खयम ब्रीन्याङ दाल्ठौ च्याल काम उइ काना च्याल पछ्याम ब्रीन्याङ ह्रेनी ।

![](https://cdn.door43.org/obs/jpg/360px/obs-en-12-03.jpg)

हुन्क आइची न्हौ ,फारो दै हुन्क मन्छेराउ इ आफ्नो बिचार परिबर्तन खैसो अनि इस्रायलिराउकाना फेरि आफ्नो दासराउ बनाम भ्र्यासी ।परमेस्वर इ फारोकाना हठी तुल्याबया ताकी मन्छेराउ इ उइ च्याल दाठौ सत्य परमेस्वर ह्रेङ गार्त मुए अनि इन दासे कि उइ अर्थात यहोवे,फारो दै हुन्क देबताराउहाइत चो शक्तिशाली ह्रेककङ।

![](https://cdn.door43.org/obs/jpg/360px/obs-en-12-04.jpg)

हुन्लमारै फारोदै हुन्क फौज इ इस्रायलिराउकाना फेरि आफ्नो दास बनाम क लागै खेक्पितसो ।जब इस्रायलिराउ इ मिश्री क फौज ओङ्पितयाङ मुसो ,हुराउ इ आफुकाना फारो क सेनाराउ दै लाल समुन्द्र क बिचहा फसेयाङ थाहादार्सो।हुराउ चो प्रीसी अनि इसा क्ल्याइतल क्रीक्सी,"ङै इ आहु मिश्रदेश लेत्सो "?नो ङै सिकि

![](https://cdn.door43.org/obs/jpg/360px/obs-en-12-05.jpg)

मोसाइ इस्रायलीराउकाना गारा,"ता-प्रीनी

![](https://cdn.door43.org/obs/jpg/360px/obs-en-12-06.jpg)

अनि परमेस्वर इ बाल्ह क खाबा काना इस्रायलीदै मिश्रीराउ क बिचहा थाबया ताकी मिश्रीराउ इ इस्रायलीराउकाना मुम ता-ह्रोएद।

![](https://cdn.door43.org/obs/jpg/360px/obs-en-12-07.jpg)

परमेस्वर इ मोसाकाना हुन्क याकु समुन्द्रहाइ सौतना ती काना नि भाग बनाम गारा ।अनि परमेस्वर इ दाहिना दै दाब्र्याहाइ शक्तिशाली हावा चलातना समुन्द्र क बिचहाइतना दाठौ यम बनाआ।

![](https://cdn.door43.org/obs/jpg/360px/obs-en-12-08.jpg)

इस्रायलिराउ सुख्खा दिसाताकी ती क बान्नो क बिचहाइत समुन्द्रहा लाम ग्लातना स्वासी ।

![](https://cdn.door43.org/obs/jpg/360px/obs-en-12-09.jpg)

अनि परमेस्वर इ हुन बाल्हकाना यमहाइतना हटाबया ताकी मिश्रीराउ इ इस्रायलिराउकाना ब्रोककातयाङ मुमह्रोएद ।मिश्रीराउ इ हुराउ क न्हि ग्लान्याङ निर्णय खैसो।

![](https://cdn.door43.org/obs/jpg/360px/obs-en-12-10.jpg)

इन्लमारै हुराउ समुन्द्र क यम ओतना इसायलिराउ क न्ही ग्लासी,तर परमेस्वर इ मिश्रीराउकाना अत्याबया अनि हुराउक घोडचढिराउकाना अड्काबया।हुराउइ क्रीकतना क्ल्याइसी ,"ब्रोक्नी

![](https://cdn.door43.org/obs/jpg/360px/obs-en-12-11.jpg)

सब्ल इस्रायलिराउ समुन्द्र क हाइ छेउहा तोङ्कायाङ न्हौ,परमेस्वर इ फेरि मोसाकाना आफ्नो याकु पसारेम गारा।जब हुनि हुसा खया,फेरि समुन्द्र जसा क तसाल ओआ।सब्ल मिश्री फौजराउ बुरेसी ।

![](https://cdn.door43.org/obs/jpg/360px/obs-en-12-12.jpg)

जब इस्रायलीराउ इ सब्ल मिश्रीराउ सियाङ मुसो,हुराउ इ परमेस्वरहा भर खैसो अनि मोसा दाठौ अगमबक्ता ह्रेका खैत बिश्वास खैसो।

![](https://cdn.door43.org/obs/jpg/360px/obs-en-12-13.jpg)

इस्रायलिराउ इ चो उत्साहहा आनन्द कनि मनासो आहुखाझै परमेस्वर इ हुराउकाना सिम दैना कमरा ओमहाइतना बचाथाआनी

![](https://cdn.door43.org/obs/jpg/360px/obs-en-12-14.jpg)

इस्रायलिराउकाना परमेस्वर इ मिश्रीराउ क विरुद्धहा बिजय बया अनि हुराउकाना कमराहाइतना बचायाङ सम्झना क लागै हरेक बर्ष निस्तार चाड मनाम गारा।हुराउ इ हुन पर्व दाठौ खोट माओयाङ थुमा सात्तना हुन्काना खमिर माजाक्याङ रोटादैना कैतना मनासो।

*बाइबलको कथाः प्रस्थान १२:३३-१५:२१ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_12_128kbps.m4a

## 13. १३. इस्राएलदैना परमेस्वर क करार

https://openbiblestories.org/l/rji/story-13/

![](https://cdn.door43.org/obs/jpg/360px/obs-en-13-01.jpg)

इस्रायलिराउ लाल समुन्द्र पार खयाङ न्हौ परमेस्वर इ हुराउकाना उजाड ठन्क हाइत ओतना सिनै पर्बतहा डोर्‍याआ ।इन हुन्ल पर्बत हुनि जहाँ मोसाइ जोर्छायाङ पोथ्राउ मुयाङ हुनि ।मन्छेराउ इ आफ्नो पालराउ पर्बत क दि तागेसो।

![](https://cdn.door43.org/obs/jpg/360px/obs-en-13-02.jpg)

परमेस्वर इ मोसादै इस्रायल क मन्छेराउकाना गारा,"यदि नाराउ इ ङा क आज्ञा मानेम दैना ङा क करार पालन खयाझै, नाराउ ङाक सम्पती , पुजारिराउ क दाठौ राज्य अनि दाठौ पबित्र जाती ओहि ।"

![](https://cdn.door43.org/obs/jpg/360px/obs-en-13-03.jpg)

सुमकान न्हौ,मन्छेराउ आफुहा आत्मिकरुपहा तयार ओयाङ न्हौ,परमेस्वर गर्जन,चट्याङ,धुमा अनि चर्को बिगुल ध्वनी दैना सिनै पर्बत क टाकुराहा ग्रोतना ओङा।हुन पर्बतहा थुतिम मोसाकाना च्याल अनुमती ह्रेनी ।

![](https://cdn.door43.org/obs/jpg/360px/obs-en-13-04.jpg)

अनि परमेस्वर इ हुराउकाना हुन करार बया अनि गारा,ङा"याहोवे हु,नाराउ क परमेस्वर जाङा इ नाराउकाना मिश्रदेश क दासत्वहाइत बचाआ।नाराउ इ अरु आङ्ल देउताराउ तापुजेम।"

![](https://cdn.door43.org/obs/jpg/360px/obs-en-13-05.jpg)

आङ्ल किसिम क मुर्ती राउ ताबनाम या हुराउकाना मापुजेम,आहुखाझै ङा,योहोवे,डाही परमेस्वर हु।ङाक ब्रीङु हुच्चकिल मा-लओम ।शबाथ काले पबित्र थाम माभुलेम हुन चाहिँ ,नाराउ क सब्ल कामराउ ६ कान मचै खैने,तर सात्थ कानचाही नाराउक लागै न्हातिन्याङ दैना ङा काना सम्झेन्याङ कान हु।

![](https://cdn.door43.org/obs/jpg/360px/obs-en-13-06.jpg)

आफ्नो जेयु-बयुक आदर खयम ।हत्या मा-खयम ।ब्यभिचार ता-खयम ।चोरी ता-खयम ।झुठ मा-थामम।आफ्नो छिमेकी क मत्काउ ,हुन्क नाम ,अथवा हुन्क आङ्ल कुराक लोभ ता-खयम ।

![](https://cdn.door43.org/obs/jpg/360px/obs-en-13-07.jpg)

अनि परमेस्वर इ इन दस आज्ञाराउ नि वटा ढुङ्ग क पाटिहा लेखेया अनि हुन मोसाकाना बया।परमेस्वर इ अरुकनी चोल ब्यबस्था दैना कानुनराउ पालन खयम बया।यदि हुराउइ इन ब्यबस्था पालन खयाझै परमेस्वर इ हुराउकाना आशिष बैन्याङ दैना हुराउक रक्षा खैन्याङ प्रतिज्ञा खया।यदि हुराउइ इन आज्ञा भङ्ग खयाझै परमेस्वर इ हुराउकाना दण्ड बैहौनी।

![](https://cdn.door43.org/obs/jpg/360px/obs-en-13-08.jpg)

परमेस्वर इ इस्रायलिराउकाना आफुइ चाहेयाङ साङ्ल पाल बनाम बिस्तृत नमुना कनि बया।हुन्काना भेट ओन्याङ पाल गारेनी अनि हुन्क निठौ कोठाराउ ह्रेइनी ,जाङ दाठौ बरे पर्दाइ छुट्यायाङ ह्रेनी ।प्रधान पुजारी च्याल हुन पर्दा पछाडी क कोठाहा स्वाम दारुनी ,आहुखाझै परमेस्वर हुन्हा नैनी ।

![](https://cdn.door43.org/obs/jpg/360px/obs-en-13-09.jpg)

गुनिल्कनी परमेस्वर क आज्ञा भङ्ग खयाझै हुनि दाठौ पशु भेट ओन्याङ पाल क ध्री ओयाङ बेदिहा पित्तना परमेस्वरकाना बलि क रुपहा चढाम ह्रोयनी ।दाठौ पुजारी हुन पशुकाना सातुनी अनि बेदिहा थातना छोरबएनी।बलि चढायाङ पशु क सि हुन मन्छे क पाप खोमिन्याङ ह्रेनी अनि परमेस्वर क नजरहा हुन मन्छे शुद्ध ओन्याङ ह्रेनि।परमेस्वर इ मोसाक गोट्याउ हारुन दैना हुन्क सन्तानकाना आफ्नो पुजारी ओम नियुक्त खया।

![](https://cdn.door43.org/obs/jpg/360px/obs-en-13-10.jpg)

सब्ल मन्छेराउकाना परमेस्वर इ बयाङ आज्ञा दाठौ च्याल परमेस्वरकाना पुजेन्याङ दैना उइ क बिशेष मन्छेराउ हुइ गार्त मानेम राजी ओसि।तर हुराउइ बाचा खयाङ आइची समय न्हौ ल हुराउइ प्रीमाप्री पाप खैसो।

![](https://cdn.door43.org/obs/jpg/360px/obs-en-13-11.jpg)

चोल कान मचै ,मोसा परमेस्वर दैना कुरा खयमक लागै सिनै पर्बत क टाकुराहा स्वाह्रेयानि।मन्छेराउ हुन फर्केन्याङ कुरेकुरेत गलेसि।हुन्लमारै हुराउ इ हारुन निङ्हा सोनाराउ पित्सो अनि हुराउक लागै दाठौ मुर्ती बनाम स्लासो

![](https://cdn.door43.org/obs/jpg/360px/obs-en-13-12.jpg)

हारुन इ बाच्छ क आकारहा सोना क दाठौ मुर्ती बनाआ।मन्छेराउ इ हुन मुर्तिकाना पुजेम दैना बलि चढाम ग्लासि

![](https://cdn.door43.org/obs/jpg/360px/obs-en-13-13.jpg)

मोसा दि ग्रोयाङ न्हौ जब हुनि हुन मुर्ति मुआ,हुन इच्च रिसेयाकी पर्मेस्वर इ हुन्काना बयाङ दस आज्ञा क पाटी राउ तम्तना कोइबया।

![](https://cdn.door43.org/obs/jpg/360px/obs-en-13-14.jpg)

अनि मोसाइ हुन मुर्तिकाना कुटाट्ना धुली बनाआ,हुन धुलिकाना आइचिदा ती हा जाका अनि मन्छेराउकाना हुन ती तुङम स्लासी ।परमेस्वर इ मन्छेराउहा माहामारी पित्बया अनि हुराउ मध्य चो जना सिसि ।

![](https://cdn.door43.org/obs/jpg/360px/obs-en-13-15.jpg)

मोसा फेरि पर्बत ताकी थुतिया अनि हुन मन्छेराउकाना परमेस्वर इ क्षमा खै बयम क लागै प्राथना खया।परमेस्वर इ मोसाक बिन्ती क्लाआ अनि हुराउकाना क्षमा बया। आफुइ कोयाङ पहिला क दस आज्ञा क पाटीराउकाना मोसाइ फेरि ढुङ्ग क दाठौ नवै पाटीहा लेखेतना पुन स्थापित खया।अनि परमेस्वर इ इस्रायलिराउकाना सिनै पर्बतहाइत प्रतिज्ञा खयाङ देशहाइ डोर्‍याआ।

*बाइबलको कथाः प्रस्थान १९-३४ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_13_128kbps.m4a

## 14. १४. उजाड ठन्कहा भौतारेतल

https://openbiblestories.org/l/rji/story-14/

![](https://cdn.door43.org/obs/jpg/360px/obs-en-14-01.jpg)

सिनै पर्बतहा आफ्नो करार बै ह्रोयाङ न्हौ परमेस्वर इ इस्रायलिराउकाना प्रतिज्ञाक देशहाइ डोर्‍याम ग्लाआ,जाङकाना कनान क देश कनि गारेनी ।बाल्ह क खाबाइ हुराउकाना ध्री-ध्री कनान हाइ दोरेतना काता अनि इस्रायलिराउ इ हुन्काना पछ्यासो।

![](https://cdn.door43.org/obs/jpg/360px/obs-en-14-02.jpg)

परमेस्वर इ अब्राहम ,इसाहक अनि याकुब दैना हुन देश हुराउक सन्तान् राउकाना बैहेना गार्त प्रतिज्ञा खथाआनी ,तर हुन समयहा हुन्हा चोल समुदाय क मन्छेराउ बसोबास खैछाइनी।हुराउकाना कनानीराउ गारेनी ।कनानिराउ इ परमेस्वर काना पुजेयमानि न त उइ क आज्ञा ल मानेयनी ।हुराउइ झुठा देबराउकाना पुजेयनि अनि चो अधर्मी कामराउ खैन्याङ खएनी।

![](https://cdn.door43.org/obs/jpg/360px/obs-en-14-03.jpg)

परमेस्वर इ इस्रयलिराउकाना गारा,"नाराउइ हुन्हा ओयाङ सब्ल कनानिराउकाना प्रतिज्ञा क देशहाइत हटाम अनि हुराउदैना गुसाङल किसिम क सम्झौता या ब्याहा मा-खयम।हुराउक मुर्तिराउकाना पुर्ण रुप इ ध्वस्त खै बयम।यदि नाराउ इ ङाक आज्ञा पालन खैकासोमा खाझै,नाराउइ ङाक सट्टाहा हुराउक मुर्तिराउ पुजेहे।"

![](https://cdn.door43.org/obs/jpg/360px/obs-en-14-04.jpg)

जब इस्रायलिराउ कनान क सिमानाहा तोम्पिसी,मोसाइ इस्रायली क प्रत्येक कुलहाइत दा-दा जना खैत बाह्र जना मन्छेराउ छानेसी ।हुनि हुन मन्छेराउकाना हुन देश क खबर बुझेम जासुस क रुपहा लेता।कनानिराउ बल्ल्यो ह्रेकी या कमजोर ह्रेकी गारन्याङ विषयहा चियो क लागै कनि हुराउकाना लेत्याङ हुइनी ।

![](https://cdn.door43.org/obs/jpg/360px/obs-en-14-05.jpg)

हुन बाह्र जना मन्छेराउ चालीस कान मचै कनानहा घुमेसी अनि हुन न्हौ हुराउ फर्केत ओङ्सि ।हुराउइ मन्छेराउ काना गार्सो ,"हुन्हाक मच्या त चो मलिलो दैना प्रस्शस्तल फसल ओन्याङ खाल क ह्रेका

![](https://cdn.door43.org/obs/jpg/360px/obs-en-14-06.jpg)

तब तुरुन्तल अर्को नि जासुस राउ ,कालेब दै यहोशु इ चाहिँ इसा क्ल्याइसी ,"इन सहि हु कि कनान क मन्छेराउ अग्लो दै बल्ल्यो ह्रेकी ,तर निस्चयल ङैइ हुराउकाना परास्त खयम(जिताम) ह्रोके

![](https://cdn.door43.org/obs/jpg/360px/obs-en-14-07.jpg)

तर मन्छेराउ इ कालेब दै यहोशु क कुरा क्लासोमा ।हुराउ इ मोसा अनि हारुन दै रिसेत क्ल्याइसी ,"नाराउ इ आहु ङै काना इसा भयानक ठन्कहा पित्सी ?लडाइहा सिम दै आफ्नो मच्चा अनि ना-न्हीङराउकाना दास बनाम हाइत त बरु ङै मिश्र देशहाल नयाङ ओआझै ओहैनी ।"फेरि मिश्रदेशहाल फर्कात कातम क लागै इस्रायलिराउ इ नवै अगुवा क माग खैसो।

![](https://cdn.door43.org/obs/jpg/360px/obs-en-14-08.jpg)

इन मुतना परमेस्वर चो रिसेया अनि भेट ओन्याङ पालहा ओङा ।परमेस्वर इ गारा,"ङा क विरुद्धहा बिद्रोह खयाङ कारण नाराउ सब्ल जना इन उजाड ठन्कहा भौतारेतल स्वाही ।कालेब दै यहोशु बाहेक २० बर्ष हाइत ताकी क सब्ल ह्याल सिहि अनि प्रयिज्ञा क मुलुकहा छिरेम दारेमा।"

![](https://cdn.door43.org/obs/jpg/360px/obs-en-14-09.jpg)

जब मन्छेराउ इ इन कुरा क्लासो ,आफुइ पाप खयाङ मारै हुराउ चो दुखी ओसि ।हुराउइ आफ्नो हतियारराउ लौसो अनि कनान क मन्छेराउकाना आक्रमण खयम स्वासी। मोसाइ हुराउकाना ह्वा मा-स्वाम चेतावनी बया आहुखाझै परमेस्वर हुराउदैना हैमानी ,तर हुराउ इ हुन्क कुरा क्लासोमा।

![](https://cdn.door43.org/obs/jpg/360px/obs-en-14-10.jpg)

हुन लडाइहा परमेस्वर इस्रायलिराउदै स्वाआमा,हुन्लमारै हुराउ पराजित ओसि अनि चो जना सिसि ।हुन न्हौ इस्रायलिराउ कनान हाइत फर्केसी अनि चालीस बर्ष मचै उजाड ठन्क हा भौतारे ह्रेसी ।

![](https://cdn.door43.org/obs/jpg/360px/obs-en-14-11.jpg)

चालीस बर्ष मचै उजाड ठन्कहा भौतारे ह्रेत्याउ परमेस्वर इ ल इस्रायलीराउकाना जुटाबया।उइ हुराउ काना स्वर्ग हाइत रोटाबया ,हुन रोटा काना "मन्न"गारेनी ।उइ हुराउ नयाङ पालहा कयम क लागै स्या कनि ओद गारन्याङ हेतुइ बट्टाइ क बगाल कनि लेत्बया।हुन सब्ल बेला भरेत परमेस्वर इ हुराउ क थ्याङ्ह्री दै जुत्ता जोतमहाइत बचाबया।

![](https://cdn.door43.org/obs/jpg/360px/obs-en-14-12.jpg)

परमेस्वर इ हुराउकाना चट्टान हाइत ती बया ।इच्च ओहा-ओहाल कनि ,इस्रायलिराउ इ परमेस्वर दै मोसा क विरुद्धहा आरोप स्लासो अनी गनगन खयासो ता-कनि ,अब्राहम ,इसाहक अनि याकुब दै आफुइ ह्रुप्याङ प्रतिज्ञाहा परमेस्वर बिश्वासयोग्य ह्रेनी ।

![](https://cdn.door43.org/obs/jpg/360px/obs-en-14-13.jpg)

दा-चोटा,जब मन्छेराउ दै तुङम क लागै ती हैमानी ,परमेस्वर इ मोसाकाना गारा,"चट्टानकाना गार अनि होइतना ती ओङ्है।"तर मोसाइ सब्ल मन्छेराउ क ध्री थामम क सट्टा चट्टानहा नि पल्ट लठ्ठी मकतना परमेस्वर क् अनादर खया।चट्टानहाइत ती त ओङा तर परमेस्वर मोसा दैना रिसेया अनि गारा,"नाङ प्रतिज्ञा क मुलुक भित्रौ बाङम दारुमा।"

![](https://cdn.door43.org/obs/jpg/360px/obs-en-14-14.jpg)

उजाड ठन्कहा भौतारेयाङ चालीस बर्ष न्हौ ,परमेस्वर क विरुद्धहा बिद्रोह खैन्याङ सब्ल इस्रायलिराउ सिसोह्रेसिनी ।हुन न्हौ परमेस्वर इ फेरि मन्छेराउकाना प्रतिज्ञा खयाङ मुलुक क छेउहा काता।मोसा नो बड्डो ओसोह्रेयानी ,हुन्लमारै परमेस्वर इ यहोशु काना हुन मन्छेराउ क नेतृत्व खयम छानेया।परमेस्वर इ मोसाकाना इन कनि प्रतिज्ञा खया कि दाक्काले उइ मोसा साङ्ल अर्को दा-जना अगमबक्ता लेत्न्याह्रेङ ।

![](https://cdn.door43.org/obs/jpg/360px/obs-en-14-15.jpg)

अनि परमेस्वर इ मोशाकाना डाडाउ क टुप्पाउहा काम गारा,ताकी हुनि प्रतिज्ञा खयाङ मुलुक मुम ह्रोउ ।मोसाइ प्रतिज्ञा खयाङ मुलुक मुम दारा तर परमेस्वर इ मोशाकाना प्रबेश खयम बयामा।हुन न्हौ मोशा सिया,अनि तीस कान मचै इस्रायलिराउ इ हुन्क लागै शोक मनासो। यहोसु हुराउक लागै नवै अगुवा ओआ।यहोशु दाठौ असल अगुवा ह्रेनी आहुखाझै हुन परमेस्वरहा भर ब्रीनी

*बाइबलको कथा: लेवी १६-१७, गन्ती १० -१४;२०;२७, व्यवस्था ३४ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_14_128kbps.m4a

## 15. १५. प्रतिज्ञा क मुलुक

https://openbiblestories.org/l/rji/story-15/

![](https://cdn.door43.org/obs/jpg/360px/obs-en-15-01.jpg)

अन्तत,इस्रायलिराउ क प्रतिज्ञा क मुलुक कनान भित्रौ बाङ्न्याङ बेला ओङ्ह्रेयानी ।यहोशु इ नि जना जासुसराउकाना कनान क शहर यरिहो हा लेता,जाङ बल्ल्यो किल्ला हाइतना समरक्षित ह्रेनी।हुन शहरहा राहाब ब्रीङु खयायाङ ब्यभिचारी मच्चा नैनी जाङी हुन जासुसराउकाना ल्हुपिम अनि न्हौ हुराउकाना ब्रोकम साहायता खया,हुनि परमेस्वर ताकी बिश्वास खयाङ कारण इ ईन सब्ल कामराउ खैसी ।हुराउ इ यरिहो शहरकाना ध्वस्त खैत्याउ राहाब दै हुन्क परिवारकाना सुरक्षित थान्याङ बाचा खैसो।

![](https://cdn.door43.org/obs/jpg/360px/obs-en-15-02.jpg)

इस्रायलिराउ प्रतिज्ञा क मुलुक भित्रौ बाङम ध्री यर्दन नदि पार खयम ब्रीन्याङ ह्रेनी ।परमेस्वर इ यहोशुकाना गारा,पैला पुजारिराउकाना स्वाम बै ।"जब पुजारिराउ यर्दन नदि भित्रौ बाङ्सी ,ब्रेउछायाङ ती ब्रेओम रोकेया हुन्लमारै इस्रायलिराउ नो नदि क पारै पट्टिउ ,सुख्खा दिशाहा तोङ्काम ह्रोसो।

![](https://cdn.door43.org/obs/jpg/360px/obs-en-15-03.jpg)

यर्दन नदि राप्याङ न्हौ ,परमेस्वर इ यहोशुकाना यरिहो क शक्तिशाली शहरताकी आक्रमण खैन्याङ तरिका गारा।मन्छेराउ इ परमेस्वर क आज्ञा पालन खैसो।परमेस्वर इ गार्याङ साङ्ल ,सिपाहिराउ दै पुजारीराउ इ त्रुककान मचै लगतार यरिहो क शहरकाना घेराउ जाक्त हुन्क वरिपरी परिक्रमा खैसो।

![](https://cdn.door43.org/obs/jpg/360px/obs-en-15-04.jpg)

अनि सात्थ कानहा इस्रायलिराउ इ अरु सात्थ चोटा शहर क वरिपरि परिक्रमा खैसो।जब हुराउइ अन्तिम चोटा शहर क परिक्रमा खैछाइनी,सैनिकराउ इ चर्को स्वर इ क्रीक्सी अनि पुजारीराउ इ आफ्नो तुरही म्हुत्सो।

![](https://cdn.door43.org/obs/jpg/360px/obs-en-15-05.jpg)

अनि यरिहो क प्री-पट्टिउक बान्नोराउ ढेलेसी ।इस्रायलिराउ इ परमेस्वर इ गार्‍याङसाङ्ल शहरहा ओयाङ सब्ल थोकराउ नस्ट खैसो।हुराउ इ राहाबदैना हुन्क नाम्ककाना च्याल लेत्बैसो,हुराउकनी कातना इस्रायलिराउ क हिस्सा बनेसी ।जब कनानहा नैछायाङ अरु मन्छेराउइ इस्रायलिराउ हाइतना यरिहो शहर ध्वस्त ओयाङ थाहादार्सो,इस्रायलिराउ इ नो अरु शहरकाना कनि आक्रमण खैके खैतना हुराउ भयभित (प्रीसी )ओसि ।

![](https://cdn.door43.org/obs/jpg/360px/obs-en-15-06.jpg)

परमेस्वर इ इस्रायलिराउकाना कनानहा बसोबासखैछायङ गुसाङ्ल कनि समूह क मन्छेराउदै आङ्लकनी सन्धी माखैन्याङ आज्ञा बैथाआनी ।तर कनान क दाठौ गिबोनी ब्रीङु खयाङ जात क मन्छेराउ इ यहोशु काना छल खैसो ।तर आफुराउ कनान देशहाइत ताढो ठन्कहाइत ओङ्याङ्हु गार्त ढाटेसो ।हुराउ इ यहोशुदैना शान्ती सन्धी खैन्याङ प्रस्ताब थासो।यहोशुदै इस्रायलिराउ इ परमेस्वर दैना हुन गिबोनिराउ घोइत ओङ्याङ हु गार्त सुधेसोमा।अनि यहोशु इ हुराउदैना शान्ती सन्धी खया।

![](https://cdn.door43.org/obs/jpg/360px/obs-en-15-07.jpg)

जब इस्रायलिराउ इ आफुराउ हुन गिबोनिराउदै छलेयाङ थाहादार्सो ,हुराउ अत्यन्त क्रोधित ओसि ,तर हुराउदैना थायाङ सन्धी कायम थासो आहुखाझै हुनचाही परमेस्वर क ध्री खयाङ प्रतिज्ञा हुनि। आइची बेला न्हौ ,कनानहा ओयाङ अरु जात क राजा,अम्मोनिराउ इ गिब्बोनिराउ इस्रायलिराउदै शान्ती-सन्धी खयाङ क्लासो ,हुन्लमारै हुराउइ आफ्नो सैनिकराउकाना एकीकृत खैतना दाठौ बरे फौज बनासो अनि गिबोनताकी आक्रमण खैसो ।गिबोनिराउइ यहोशुकाना सहायता क लागै खबर लेत्सो।

![](https://cdn.door43.org/obs/jpg/360px/obs-en-15-08.jpg)

हुन्लमारै यहोशुइ इस्रायल क सैनिकराउकाना जम्मा खया अनि गिबोनीराउक हा तोङ्काम पुराल झिरी स्वासी ।झिसमिस्या त्वाङहा हुराउ इ अचानक अम्मोनी फौजताकी आक्रमण खैसो।

![](https://cdn.door43.org/obs/jpg/360px/obs-en-15-09.jpg)

हुन्काले परमेस्वर इस्रायलिराउ क लागै लडेबया।उ इ अम्मोनीराउकाना अन्योलहा प्रीबया अनि बरे-बरे अशिना राउ प्रीबैसी (बर्साबया),जाङहाइत चो अम्मोनिराउ सिसि।

![](https://cdn.door43.org/obs/jpg/360px/obs-en-15-10.jpg)

परमेस्वर इ दि-न काना अक्काशक दाल् ठन्कहा स्थिर प्री-त थाबया,ताकी इस्रायलिराउदैना अम्मोनिराउकाना हरामक लागै चोल् समय ह्रेद।हुन काले ,इस्रायलक लागै परमेस्वर इ महान बिजय बया।

![](https://cdn.door43.org/obs/jpg/360px/obs-en-15-11.jpg)

परमेस्वर इ हुन फौजराउकाना हरायाङ न्हौ कनान क अरु चोल जातिराउ दा-जुट ओतना इस्रायलकाना आक्रमण खैसो।यहोशुदै इस्रायलिराउ इ कनि आक्रमण खैसो अनि हुराउकाना ध्वस्त प्रीसो।

![](https://cdn.door43.org/obs/jpg/360px/obs-en-15-12.jpg)

इन लडाइ न्हौ परमेस्वर इ इस्रायल क प्रत्येक कुलकाना हुराउ क आफ्नोल प्रान्त प्रतिज्ञा खइयाङ मुलुकहा बया।अनि परमेस्वर इ सब्ल इस्रायल अनि हुन्क सिमानाहा कनि शान्ती बया।

![](https://cdn.door43.org/obs/jpg/360px/obs-en-15-13.jpg)

जब यहोशु बड्डो ओआ,हुनि इस्रायल क सब्ल मन्छेराउकाना दाल चोटा जम्मा खया।अनि हुनि हुन मन्छेराउकाना सिनै पर्बतहा इस्रायलिराउ दै परमेस्वर इ थायाङ करार पालना खयम्ल ब्रीन्याङ बाध्यता क सम्झना खैबया ।मन्छेराउ इ परमेस्वर हा बिश्वासयोग्य ओन्याङ अनि उ इ क ब्यबस्था पालन खैन्याङ प्रतिज्ञा खैसो।

*बाइबलको कथा: यहोशू १-२४ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_15_128kbps.m4a

## 16. १६. छुट्कारा बैन्याङराउ

https://openbiblestories.org/l/rji/story-16/

![](https://cdn.door43.org/obs/jpg/360px/obs-en-16-01.jpg)

यहोशु सियाङ न्हौ,इस्रायलिराउ अनाज्ञाकारी ओसि अनि बाकी ओयाङ कनानिराउकाना न होइतना खेक्सो ,न त परमेस्वर क आज्ञा मानेसो।इस्रायलिराउ इ यहोवे ,दाल्ठौ साचो परमेस्वरकाना पुजेम क सट्टा कनानी देब राउकाना पुजेम ग्लासी ।इस्रायलिराउ क गुन्ल राजा हैमानी ,हुन्लमारै सब्ल्हाउइल आफुकाना जाङ ठिक ग्लाआ, हुन्ल खैसो।

![](https://cdn.door43.org/obs/jpg/360px/obs-en-16-02.jpg)

परमेस्वरकाना अटेरी खैछायाङ कल मारै उ इ शत्रुराउकाना इस्रायलिराउताकी बिजय बैतना दण्ड बया।इन शत्रुराउ इ इस्रायलिराउ क सामान लुटेसो ,हुराउ क सम्पतीराउ नास खैबैसो अनि चो-काना सातबैसो।चो बर्ष मचै परमेस्वर क अनाज्ञाकारी ओयाङ क मारै अनि आफ्नो शत्रुहाइतना थिचोमिचोहा ब्रीयाङ्क मारै,इस्रायलिराउ इ पश्चाताप खैसो अनि छुटकारा क लागै परमेस्वरकाना प्राथना खैसो।

![](https://cdn.door43.org/obs/jpg/360px/obs-en-16-03.jpg)

अनि परमेस्वर इ हुराउक लागै दा-जना छुटकारा बैन्याङ मन्छे लेत्बया,जाङि हुराउकाना शत्रुराउ हाइतना बचाआ अनि देशहा शान्ती पित्सो।तर फेरि मन्छेराउइ परमेस्वरकाना भुलेसो अनि मुर्तिराउ पुजेम शुरु खैसो।हुन्लमारै परमेस्वरइ मिध्यानिराउ(नजिकल नैन्याङ दाठौ जाती जाङ इस्रायलिराउ क शत्रु हुइनी)काना हुराउताकी बिजय ओम बया।

![](https://cdn.door43.org/obs/jpg/360px/obs-en-16-04.jpg)

सात्थ बर्ष मचै मिध्यानीराउइ इस्रायलिराउक सब्ल अन्नबाली कात्सो।इस्रायलिराउ इच्च त्रसित(प्रीयाङ)ह्रेइनी कि मिध्यानिराउइ आफुकाना ता-दाल्लएद खैतना हुराउ गुफाहा ल्हुपिन्याङ खयनी।आखिरहा हुराउइ बचाउक लागै परमेस्वरकाना पुकारेसो

![](https://cdn.door43.org/obs/jpg/360px/obs-en-16-05.jpg)

दाक्काले,गिदोन ब्रीङु ओयाङ इस्रायलक दा-जना मन्छे गुप्त रुपहा अन्न छुछानी ताकी मिध्यानिराउ ओङ्त अन्न लुतेम ता-दारे।हुन्ल बेला यहोवे क दाठौ दुत गिदोन निङ्हा ओङ्तना गारा,"परमेस्वर नाङदैना ह्रेकङ,वीर योध्दा।गात अनि इस्रायलिराउकाना मिध्यानिराउक याकुहाइत् बचा।"

![](https://cdn.door43.org/obs/jpg/360px/obs-en-16-06.jpg)

गिदोनक बयुहा मुर्तिकाना अर्पण खैतना बनाइयाङ दाठौ बेदि ह्रेनी।परमेस्वरइ गिदोनकाना हुन मुर्तिकाना भत्काम स्लाआ।तर गिदोन मन्छेराउदै प्रीह्रेयानी ,हुन्लमारै खुश मा-ओम मचै हुन इ कुरेया।अनि हुन इ हुन बेदिकाना भत्काबया,अनि हुन्काना टुक्राउ-टुक्राउ प्रीबया।हुन इ मुर्तिक लागै बनाइयाङ बेदि क नजिकल परमेस्वरक लागै दाठौ नवै बेदि बनाआ अनि परमेस्वरक लागै बलि चढाआ।

![](https://cdn.door43.org/obs/jpg/360px/obs-en-16-07.jpg)

अर्को छकाल गुनि हुराउक बेदि भत्काबयाङ मन्छेराउ इ मुसो अनि हुराउ चो रिसेसी ।गिदोनकाना सातमक लागै हुराउ हुन्क नाम्हा स्वासी ,"तर हुन्क बयुइ हुराउकाना गारा,नाराउ आहु आफ्नो देबताकाना सहयोग खयम भ्र्याकी?यदि हुन देबाता हु खाझै त,हुनि आफुकाना बचा उ

![](https://cdn.door43.org/obs/jpg/360px/obs-en-16-08.jpg)

हुन न्हौ मिध्यानिराउ फेरि इस्रायलिराउकाना लुटेम ओङ्सि ।हुराउ इच्च चो ह्रेइनी कि हुराउकाना गनेतना साध्य हैमानी ।हुराउदैना लडाइ खयमक लागै गिदोन इ इस्रायलिराउकाना दाल्साथहा जम्मा खैसी।गिदोन इ परमेस्वरदैना निठौ चिन्हराउ ह्रीता ताकि इस्रायलिक बचाउ क लागै परमेस्वर इ हुन्काना चलायाङ हु खैतना उइ निस्चित ओम ह्रोउद ।

![](https://cdn.door43.org/obs/jpg/360px/obs-en-16-09.jpg)

पहिला चिन्हक लागै, गिदोनइ दाठौ ठ्याङ्ह्री दिसाहा फिमा अनि परमेस्वरकाना छकाल्याक शि-त दिसाहा माओतना हुन ठ्याङ्ह्रीहा च्याल प्रीम बयम अनुरोध खया।परमेस्वर इ हुसल खैबया।अर्को चोटा चाहिँ हुनि दिशा थिङ्बैन्याङदैना अनि ठ्याङ्ह्रीकाना सुक्खा प्रीबयम परमेस्वरकाना अनुरोध खया।परमेस्वर इ हुन कनि खैबया।इन निठौ चिन्हराउ इ गिदोनकाना मिध्यानिराउहाइत इस्रायलिराउकाना/बचामक लागै परमेस्वर इ ल हुन्काना चलायाङ हु गार्त बिश्वस्त खया।

![](https://cdn.door43.org/obs/jpg/360px/obs-en-16-10.jpg)

३२,०००,इस्रायली सैनिकराउ गिदोन निङ्हा ओङ्सि तर परमेस्वर इ इन सङ्ख्या चोल् ओका गारा।हुन्लमारै गिदोनइ लडाइ खयम प्रीयाङ २२,००० जनाकाना नाम्हा लेत्बया।परमेस्वरइ गिदोनकाना मन्छेराउ क सख्या अझै चो ह्रेङ खैत गारा।हुन्लमारै गिदोन इ ३००सैनिक बाहेक बाकी सब काना नाम्हा लेत्बया।

![](https://cdn.door43.org/obs/jpg/360px/obs-en-16-11.jpg)

हुन झिरी परमेस्वर इ गिदोनकाना गारा,"मिध्यानिराउक पालहा गात अनि जब नाङी हुराउइ गार्‍याङ कुरा क्लाहौ नाङ फेरि प्रीनेहैमा ।"हुन्लमारै हुन झिरी गिदोन दि पालहा झरेया अनि दा-जना मिध्यानी सैनिकइ आफ्नो सङ्घौकाना म्हानी मुयाङ आङभनी कुरा गार्तल खयाङ क्लाआ।हुन मन्छे इ इसा गार्छानी ,"इन म्हानी क अर्थ हु कि गिदोन क फौज इ मिध्यानी फौजकाना हरान्याङ ह्रेकि ।

![](https://cdn.door43.org/obs/jpg/360px/obs-en-16-12.jpg)

हुन न्हौ गिदोन आफ्नो सैनिक राउहा फर्केया अनि प्रतेक जनाकाना दा-दा वटा तुरही,मच्याक गाग्री दैना राको बया।हुराउइ मिध्यानिराउ निङ्याङ शिबिरकाना घेरा जाक्सो।गिदोन क ३००मन्छेराउइ आफ्नो राकोराउ गाग्रीभित्रौ थाथासोनी ताकि मिध्यानिराउइ राकोक प्रकाश मुम ता-ह्रोएद।

![](https://cdn.door43.org/obs/jpg/360px/obs-en-16-13.jpg)

अनि गिदोनक सब्ल सैनिकराउइ दाल्चोटा राको सारत्याल आफ्नो गाग्रीराउ कोइसो।हुराउइ आफ्नो तुरहिराउ क्लासो अनि क्रीक्सी ,"यहोवे दै गिदोनक लागै तरबार

![](https://cdn.door43.org/obs/jpg/360px/obs-en-16-14.jpg)

पररमेस्वरइ मिध्यानिराउकाना अन्यौलहा प्रीबया,हुन्लमारै हुराउइ आक्रमण खयम ग्लासी अनि दाठौइ-अर्कोकाना सातम ग्लासी ।आल्लघरिउ अरु इस्रायलीराउकाना हुराउक नामराउहाइत मिध्यानिराउकाना खेकम स्लोक्सो।हुराउइ चोकाना सात्सो अनि बाकि ह्रेयाङराउकाना इस्रायलिराउक भुमिहाइत भाइरौ खेक्बैसो ।हुन् काले १,२०,००० मिध्यानिराउ सिसि। इस्रायलकाना परमेस्वरइ बचायाङ हुनि।

![](https://cdn.door43.org/obs/jpg/360px/obs-en-16-15.jpg)

मन्छेराउ इ गिदोनकाना हुराउक राजा बनाम भ्र्याथासोनि।गिदोन इ हुराउकाना हुसाखयम बयामा,तर हुराउइ मिध्यानिराउहाइत पित्याङ सोनाक आइचिदा मुन्द्रीराउ ह्रीता, मन्छेराउइ गिदोनकाना चो-भागै सोना बैसो

![](https://cdn.door43.org/obs/jpg/360px/obs-en-16-16.jpg)

अनि गिदोनइ हुन सोनाकाना प्रधान पुजारी फाङ्न्याङ्साङ्ल दाठौ खास ठ्याङ्ह्री बनामक लागै प्रयोग खया।तर मन्छेराउइ हुनकाना पुजेम ग्लासी मानेये कि हुन दाठौ मुर्तिल ह्रेनी ।हुन्लमारै परमेस्वरइ फेरि इस्रायलकाना दण्ड बया आहुखाझै हुराउइ मुर्तिकाना पुजेसो।परमेस्वरइ हुराउक शत्रुराउकाना हुराउताकी बिजय ओमबया।अन्तिमहा हुराउइ परमेस्वरकाना साहायताक लागै पुकारेसो,अनि परमेस्वर इ हुराउकाना अर्को दा-जना छुटकारा बैन्याङ मन्छे लेत्बया ।

![](https://cdn.door43.org/obs/jpg/360px/obs-en-16-17.jpg)

इन किसिम क खाका चो-चोटा दोहोरिया इस्रायलिराउइ पाप खयनी ,परमेस्वर इ हुराउकाना दण्ड बयुनी ,हुराउइ पश्चाताप खयनी अनि परमेस्वर इ हुराउकाना बचामक लागै छुट्कारा बैन्याङ मन्छेराउ लेतुसिनी ।चो बर्ष क अन्तरालहा ,परमेस्वर इ चो छुट्कारा बैन्याङराउ लेत्सी जाङी इस्रायलिराउकाना हुराउक शत्रुराउहाइत बचासो।

![](https://cdn.door43.org/obs/jpg/360px/obs-en-16-18.jpg)

अन्तहा, मन्छेराउइ अरु रास्ट्रराउहा ओयाङसाङ परमेस्वरदैना दा-जना राजा क माग खैसो।हुराउइ इसा राजा चाहेथासोनि जाङ अग्लो दैना बल्ल्यो ओइद,अनि हुराउकाना लरेमहा अगुवाइ खयम ह्रोउद। परमेश्वर इ इन अनुरोध मनौप्रीतमानी तरकनी उ इ हुराउकाना भ्र्यायाङसाङ्ल राजा बया।

*बाइबलको कथा: न्यायकर्ता १-३; ६-८ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_16_128kbps.m4a

## 17. १७.दाउददैना परमेश्वरक करार

https://openbiblestories.org/l/rji/story-17/

![](https://cdn.door43.org/obs/jpg/360px/obs-en-17-01.jpg)

शाउल इस्रायलक पहिलो राजा हुनि।हुन मन्छेराउइ चाहेयाङ साङ्ल अग्लोदैना रुप्स्या मन्छे ह्रेनी ।ध्री क आइची बर्ष साउल इस्रायल ताकी शासन खैन्याङ दाठौ मजा(ह्रुङ)राजा ह्रेनी ।तर न्हौ हु दाठौ दुष्ट मन्छे बनेया अनि परमेस्वरक अनाज्ञाकारी ओआ हुन्लमारै परमेस्वर इ अर्कोल मन्छेकाना चुनेया जाङ दाक्काले हुन्क सट्टाहा राजा ओन्याङ्ह्रेनि।

![](https://cdn.door43.org/obs/jpg/360px/obs-en-17-02.jpg)

परमेस्वर इ दाउद ब्रीङु खयाङ दा-जना जवान इस्रायलिकाना शाउल न्हौ राजा ओमक लागै चुनेया।दाउद बेथलेहम ब्रेङु खयाङ गामाहा नैन्याङ दाठौ गोठाला हुनि ।आफ्नो बयु क भेडिराउ मुहामुहाल चो चोटा हुनि आफ्नो भेडिराउताकी आक्रमण खयम भ्र्यान्याङ सिङ्ह दै भालु साङ जनावरकाना सात्थाआनि।दाउद नम्र दै धार्मिक मन्छे ह्रेनि जाङि परमेस्वरहा भर खयुनी अनि उ इ क आज्ञा मानेउनि।

![](https://cdn.door43.org/obs/jpg/360px/obs-en-17-03.jpg)

दाउद दाठौ महान सिपाही दै अगुवा बनेया।जब दाउद तन्धेरी ह्रेनी ,हुनि गोल्यत ब्रीङु खयाङ दाजना अजङ्ग क मन्छे दै लडाइ खया।गोल्यत दाठौ तालिम खयाङ,चो बल्ल्यो दैना करिब सुम मिटर जच्च अग्लो मन्छे ह्रेनी

![](https://cdn.door43.org/obs/jpg/360px/obs-en-17-04.jpg)

शाउल दाउद ताकी मन्छेराउ इ खैन्याङ माया मुतना रिसमानेया।चो चोटा शाउल इ दाउत कना सातम भ्र्याआ,हुन्लमारै हुन शाउल हाइत ल्हुपिया।दाक्काले शाउल दाउद्कना सातम हुन्क खोजिहा स्वाछानी ।शाउल दाठौ गुफा भित्रौ बाङा जहा दाउद शाउल हाइतना ल्हुपित नैह्रेयानी ,तर शाउल इ हुन्काना मुआमा।इच्चबेला दाउद शाउल क चो नजिक ह्रेनी अनि हुन्काना सातम कनि ह्रोहौनी तर हुनि हुसा खयामा।बरु दाउदइ, हुन्क हत्या खैत आफू राजा बनेम चाहेतमा गार्त प्रमाणित खयमक लागै शाउल क थ्याङ्ह्रीक आइचिदा भाग चोता।

![](https://cdn.door43.org/obs/jpg/360px/obs-en-17-05.jpg)

आखिरहा,शाउल लडाइहा सिया,अनि दाउद इस्रायलक राजा ओआ।हुन दाठौ असल राजा ह्रेनी ,अनि मन्छेराउइ हुन्कना माया खयनी।परमेस्वरइ दाउद्कना आशिष बया अनि हुन्काना सफल बनाआ।दाउदइ चो लडाइराउ लडेआ अनि परमेस्वरइ हुन्कना इस्रायलक शत्रुराउकना हराम सहायता खया।दाउदइ यरुशेलम कब्जा खया अनि हुन्कना हुनि राजधानी शहर बनाआ।दाउदक शासन कालहा इस्रायल दाठौ शक्तिशाली अनि सम्पन्न रास्ट्र बनेआ ।

![](https://cdn.door43.org/obs/jpg/360px/obs-en-17-06.jpg)

दाउदइ दाठौ मन्दिरक निर्माण खयम चाहेथाआनी जहाँ सब्ल इस्रायलिराउइ परमेस्वर क आराधना खयम ह्रोन्याङ अनि उइकना बलिराउ चढामह्रोयनि ।करिब ४००बर्ष मचै मन्छेराउइ परमेस्वरक आराधना खैन्याङ दै बलिराउ चढान्याङ काम भेट ओन्याङ पालहा खैतल ओङ्छायनी ,जाङ मोशाइ निर्माण खयाङ हुनि।

![](https://cdn.door43.org/obs/jpg/360px/obs-en-17-07.jpg)

तर परमेस्वरइ नातान ब्रीङु खयाङ दाजना अगमबक्ताकना दाउदनिङ्हा इन खबर लेता,"नाङ लडाइक मन्छे ओयाङ मारै,ङा क लागै नाङी इन मन्दिर निर्माण खैन्याङहैमा नाङक चाउइ इन्क निर्माण खैन्याह्रेङ।तर, ङा नाङ्काना प्रशस्त (चोल)आशिष बैहेना।नाङ्क सन्तानराउ मध्य दाठौइ चाहिँ सदाल्क लागै राजाक रुपहा ङाक मन्छेराउताकी राज्य खैहौ

![](https://cdn.door43.org/obs/jpg/360px/obs-en-17-08.jpg)

जब दाउदइ इन कुरा क्लाआ,हुनि तुरुन्तल परमेस्वरकना धन्यबाद बया अनि उइ क प्रशन्सा खया आहुखाझै उइ दाउदकना हुन महान आदर दैनाक चोल आशिषराउक प्रतिज्ञा खैथाआनी ।दाउदकना इन कुरा तिङ ओङ खैतना थाहाहैमानी तर जब इन कुराराउ ओसि,इस्रायलिराउइ मशिह ओङम ध्री करिब १,०००बर्ष समय कुरेमब्रीन्याङ ह्रेनी,।

![](https://cdn.door43.org/obs/jpg/360px/obs-en-17-09.jpg)

दाउदइ चो बर्षमचै न्याय दैना बिश्वासयोग्यता क साथ राज्य खया,अनि परमेश्वरइ हुन्कना आशिष बया।तथापी आफ्नो जिबनकाल क अन्तहाइ हुनि परमेश्वर क बिरुद्धहा प्रीमाप्री पाप खया।

![](https://cdn.door43.org/obs/jpg/360px/obs-en-17-10.jpg)

दाक्काले ,जब दाउदक सब्ल सैनिकराँउ लडाइक लागै आफ्नो नामहाइत टाढो स्वाह्रेसिनी,हुन आफ्नो दरबारहाइत भाइरौ चिना अनि दा-जना सुन्दरी मच्चाकना ल्हुछायाङ मुआ।हुन्क ब्रीङु बेतशेबा ह्रेनी।

![](https://cdn.door43.org/obs/jpg/360px/obs-en-17-11.jpg)

अन्तल मुम्क सट्टा,दाउदइ गुन्भनिकना हुन मच्चाकना उइकहा लामलेता।दाउद हुनदैना निङा अनि हुन्कना हुन्क नाम्हा फिर्ता लेत्बया।आइची बेला न्हौ बेतशेबाइ दाउतकना आफू गर्भवती ओयाङ सन्देश लेता।

![](https://cdn.door43.org/obs/jpg/360px/obs-en-17-12.jpg)

बेतशेबा क बुह्राउ,उरियाह ब्रीङु खयाङ मन्छे,दाउदक सेनाराउ मध्य क दाठौ उत्तम सैनिक ह्रेनी।दाउदइ उरियाह कना लडाइहाइत फिर्ता स्लोक्तना अनि हुन्कना हुन्क मत्काउ निङ्हा स्वाम अनुरोध खया।तर उरियाह इ लडाइहा बाकी ह्रेयाङा अफ्नो सिपाहिराउकना लेत्तना आफ्नो नाम्हा स्वाम मानेयामा(इन्कार खया)।हुन्लमारै दाउदइ उरियाहकना लडाइहा फिर्ता लेता अनि प्रधानसेनापतिकना जहा शत्रुराउ चो-भागै मजबुद ह्रेकी,ह्वाल हुन्कना थान्याङ आदेश बया ताकी हुन सातिइद (साताइ दारुद)।

![](https://cdn.door43.org/obs/jpg/360px/obs-en-17-13.jpg)

उरियाह सातियाङ न्हौ दाउदइ बेतसेबाकना ब्याहा खया।न्हौ, हुनि दाउदक लागै चाउ जन्माआ।दाउदइ खयाङ कामहाइत परमेस्वर चो क्रोधित ओआ,हुन्लमारै उइ नातान अगमबक्ताकना हुन्क पाप घे दुष्ट ह्रेनी खैत सारम दाउतनिङ्हा लेता।दाउदइ आफ्नो पापक लागै पश्चाताप खया अनि परमेस्वरइ हुन्कना क्षमा बया।आफ्नो बाकी जीवन भरेत दाउतइ कष्टक घडिहा कनि परमेश्वरकना पछ्याए अनि आज्ञाकारी ओआ।

![](https://cdn.door43.org/obs/jpg/360px/obs-en-17-14.jpg)

तर दाउदइ खयाङ पापक डण्ड स्वरुप,हुन्क बालखक चाउ सिया।दाउदक बाकी जिबनभरेत हुन्क परिवारहा कलह ओछाआ अनि दाउदक तागतकनी हरेया हुन्लमारै हुन बेसखैतना कमजोर ओआ।दाउद परमेश्वरहा बिश्वासयोग्य माओआझैकनी परमेश्वर आफ्नो प्रतिज्ञाराउहा अझल बिश्वासयोग्य ह्रेनी।न्हौ ,दाउद दैना बेतशेबाक अर्को चाउ ओआ अनि हुराउइ हुन्क ब्रीङु सोलोमन थासो।

*बाइबलको कथाः १ शमुएल १०; १५-१९; २४; ३१; २ शमुएल ५; ७; ११-१२ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_17_128kbps.m4a

## 18. १८. विभाजित राज्य

https://openbiblestories.org/l/rji/story-18/

![](https://cdn.door43.org/obs/jpg/360px/obs-en-18-01.jpg)

चो बर्ष न्हौ,दाउदक म्रुत्यु (सिया/हरेया)ओआ अनि हुन्क चाउ सोलोमनइ इस्रायलताकी शासन खयम ग्लाआ।परमेश्वर सोलोमन दैना थामा अनि हुन्कना सबहाइतना चो आङ कुराक चाहाना ह्रेङ खैतना सुधेया।सोलोमनइ ज्ञान,बुद्धि- ह्रीता परमेश्वर खुशी ओआ अनि हुन्कना सन्सारकल सबहाइत बुद्धिमान मन्छे तुल्याआ( बनाआ)।सोलोमनइ चो कुराराउ सिखेया अनि दाठौ बुद्धिमान न्याएकर्ता ओआ।परमेश्वरइ हुन्कना चो सम्पन्नकनी बनाआ।

![](https://cdn.door43.org/obs/jpg/360px/obs-en-18-02.jpg)

यरुशेलमहा ,सोलोमनइ हुन मन्दिरक निर्माण खया जाङ हुन्क बयु दाउदइ बनान्याङ योजना खैथाआनि अनि हुन्कलागै सामानराउ जम्मा खैथासिनी ।मन्छेराउइ नो परमेश्वरकना पुजेन्याङदैना भेट ओन्याङ पाल क सट्टा मन्दिरहा बलिराउ चढासो।परमेश्वर हुन मन्दिरहा उपस्थित ह्रेनी ।अनि उइ आफ्नो मन्छेराउदैना ह्रेया(नया)।

![](https://cdn.door43.org/obs/jpg/360px/obs-en-18-03.jpg)

तर सोलोमनइ अरु देश क मच्चाराउकना प्रेम खया।हुनि करिब १,००० मच्चाराउदै ब्याहा खया,अनि परमेश्वरक अनाज्ञाकारी ओआ।इन मच्चाराउ चो जना अन्य देशहाइतना ओङ्ह्रेसिनी अनि आफुदैना आफ्नो देउताराउकनी पित्थासोनी जाङ्काना हुराउइ पुजेतल थासो।जब सोलोमन बड्डो ओआ, हुनि कनि हुराउक देउताराउकना पुजेम ग्लाआ।

![](https://cdn.door43.org/obs/jpg/360px/obs-en-18-04.jpg)

परमेश्वर सोलोमनदैना रिसेह्रेयानी अनि हुन क अबिश्वासनियताक मारै दण्ड स्वरुप,उइ सोलोमन क मृत्यु न्हौ इस्रायल रास्ट्रकना नि राज्यहा बिभाजन खैबैन्याङ प्रतिज्ञा खया।

![](https://cdn.door43.org/obs/jpg/360px/obs-en-18-05.jpg)

सोलोमन सियाङ न्हौ हुन्क चाउ, रहोबाम,इस्रायल क राजा ओआ।रहोबाम दाठौ मूर्ख मन्छे ह्रेनी।इस्रायल रास्ट्र क सब्ल मन्छेराँउ हुन्कना राज्याभीषेक खयम दा-साथ जम्मा ओसि ।हुराँउइ रहोबामकना सोलोमन राजाइ क्षे-काम खयम स्लायाङ दैना चो कर तिरेम स्लायाङ गार्तना गुनासो खैसो।

![](https://cdn.door43.org/obs/jpg/360px/obs-en-18-06.jpg)

रहोबामइ मुर्खताइ हुराँउकना जवाफ बया,"ङाक बयुइ क्षे-काम खयम स्लायाङ गार्तना नराँउइ सोचेथाक्सो,तर ङा उइ हाइतना चो क्षे-काम खयम स्लाहौ अनि उइ हाइतना चो सजाय बैहौ।"

![](https://cdn.door43.org/obs/jpg/360px/obs-en-18-07.jpg)

इस्रायल रास्ट्रक कुलराँउ मध्ये दस कुलराँउइ रहोबामक बिरुद्धहा बिद्रोह खैसो। केबल नि कुल च्याल उइ प्रती बिश्वासयोग्य ओसि।इन नि कुलराँउल यहुदाक रास्ट्र ओसि ।

![](https://cdn.door43.org/obs/jpg/360px/obs-en-18-08.jpg)

रहोबामक बिरुद्धहा बिद्रोह खयाङ इस्रायल क अरु दस कुल इ,यरोबाम ब्रीङु खयाङ दा-जना मन्छेकना आफ्नो राजा ओम नियुक्त खैसो। हुराँउइ आफ्नो राज्य देश क उत्तरी भागहा खडा खैसो अनि हुन्कना इस्रायलक राज्यगार्सो।

![](https://cdn.door43.org/obs/jpg/360px/obs-en-18-09.jpg)

यरोबमइ परमेश्वरक बिरुद्धहा बिद्रोह खया अनि मन्छेराँउकना पाप खयम स्लाआ।यहुदाक राज्यहा ओयाङ मन्दिरहा स्वातना परमेश्वरक आरधना खयम स्लाम क सट्टा हुनि मन्छेराँउक लागै आरधना खयम निठौ मुर्तिराँउ बनाबया।

![](https://cdn.door43.org/obs/jpg/360px/obs-en-18-10.jpg)

यहुदा दैना इस्रायलक राज्यराँउ दुश्मन ओसि अनि घरीघरी दा-अर्कोक बिरुद्धहा लडाइ खैछाइनि ।

![](https://cdn.door43.org/obs/jpg/360px/obs-en-18-11.jpg)

इस्रायलक नवैँ राज्यहा ,सब्ल राजाराँउ दुष्ट ह्रेइनी।इन राजाराँउ मध्य चो जना अरु इस्रायलिराँउहाइत सातिइसी जाङ हुराँउक ठन्कहा राजा ओम भ्र्याह्रेसिनी ।

![](https://cdn.door43.org/obs/jpg/360px/obs-en-18-12.jpg)

इस्रायल राज्यक सब्ल राजाराँउ अनि चोसाङ मन्छेराँउइ मुर्ती पुजा खैसो।हुराँउक मुर्तिपुजाक कामराँउहा चोसाङा ब्यभिचार दैना कहिलेकाहीँ त बालख बलि समेत सामिल खैसो(बैसो)।

![](https://cdn.door43.org/obs/jpg/360px/obs-en-18-13.jpg)

यहुदाक राजाराँउ दाउद क सन्तानराँउ हुँइनी।इन राजाराँउ मध्य कोँइ ह्रुङ मन्छेराँउ ह्रेइनी जाङी न्यायपुर्बक राज्य खैसो अनि परमेश्वरकना पुजेसो।तर यहुदाक चो भागै राजाराँउ दुष्ट दैना भ्रष्ट ह्रेइनी अनि हुराँउइ कनि मुर्ती पुजा खैसो ।कोइ राजाराँउइ त झुठ्ठा देउताराँउक लागै आफ्नोल बालख्खक (नान्हिङ् राँउक)कनि बलि बैसो।यहुदाक चो-साङ मन्छेराँउइ कनि परमेश्वरक बिरुद्धहा बिद्रोह खैसो अनि अरु देबताराँउकना पुजेसो।

*बाइबलको कथा: १ राजा १-६; ११-१२ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_18_128kbps.m4a

## 19. १९. अगमबक्ताराँउ

https://openbiblestories.org/l/rji/story-19/

![](https://cdn.door43.org/obs/jpg/360px/obs-en-19-01.jpg)

इस्रायलिराँउक ईतिहास भरेल,परमेश्वर इ हुराँउ निङ्हा अगमबक्ता लेता।अगमबक्ताराँउइ परमेश्वरहाइत सन्देशराँउ क्लाँएनि अनि उइ क सन्देशराँउ मन्छेराँउकना गारेनी ।

![](https://cdn.door43.org/obs/jpg/360px/obs-en-19-02.jpg)

आहाब राजाइ इस्रायलहा शासन खैछायाङ बेलाहा एलिया दाठौ अगमबक्ता ह्रेनी ।आहाब दाठौ दुष्ट मन्छे ह्रेनी जाङी मन्छेराउकना बाल ब्रीङु खयाङ देबताक मुर्तिपुजा खयम प्रोत्साहन खैन्याङ खयुनि।एलिया इ आहाबकना गारा,"ङाक वचन बिना सारा इस्रायलक न त शीत ब्रीन्याङ ह्रेकङ न देउ ल र्वाहै ।"इनि आहाबकना चो क्रोधित बनाआ।

![](https://cdn.door43.org/obs/jpg/360px/obs-en-19-03.jpg)

परमेश्वर इ एलियाकना आहाबहाइत ल्हुपिमकना उजाड ठन्कहा दाठौ खोल्साउ ओयाङ ठन्कहा काम गारा,जाङी हुन्कना सातम भ्र्याह्रेयानी ।हरेक छकाल दैना हरेक सङ्हाइ ,कौवाइ हुन्कना स्या दैना रोटा पित्बयुइनि ।आहाबदै हुन्क सैनिकराँउइ एलियाक खोजी खैसो तर हुराँउइ हुन्कना दाल्लम ह्रोसोमा ।हुन्हाक सुक्खापना इच्च चो ह्रेनी कि हुन खोल्साउ आखिरिउहा पोक्तना स्वाआ।

![](https://cdn.door43.org/obs/jpg/360px/obs-en-19-04.jpg)

हुन्लमारै एलिया दाठौ छिमेकी देशहा स्वाआ ।हुन देशहा दा-जना बिधवा दैना हुन्क चाउ अनिकालइ खैत्याउ जान्याङ कुरा जामहाइत बन्चित ओसोह्रेसिनी ।तर हुराँउइ एलियाक ख्याल थासो,अनि परमेश्वरइ हुराँउक लागै जुटाबया।।हुराँउक हारीक पिठो अनि ढुङ्ग्राउक सा तिङ्ल रित्तेयामा।पुराल अनिकालक समय भरेत हुराँउदैना जान्याङ कुरा ह्रेनी एलिया हुन्हा आइची बर्ष मचै ह्रेया।

![](https://cdn.door43.org/obs/jpg/360px/obs-en-19-05.jpg)

सारै सुम बर्ष न्हौ ,परमेश्वरइ एलियाकना इस्रायलक राज्यहा फर्केत काम अनि आहाबदैना कुरा खयम गारा आहुखाझै उइ फेरि बृष्टि लेतम ग्लाह्रेआनी ।जब आहाबइ एलियाकना मुआ,हुनि गारा,"नाङ्ल हु इन सब्ल समस्या निम्तेन्याङ ब्यक्ती

![](https://cdn.door43.org/obs/jpg/360px/obs-en-19-06.jpg)

इस्रायल राज्य क मन्छेराँउ,अनि बाल क ४५० जना अगमबक्ताराँउ समेत पित्तना सब्ल जना कर्मेल डाडाउहा ओङ्सि।एलियाइ मन्छेराँउकना गारा,"नराँउ तिङ मचै आफ्नो मन बदलेछाही ?यदि यहोवे परमेश्वर ह्रेकङ खाझै ,उइ क सेवा खैने

![](https://cdn.door43.org/obs/jpg/360px/obs-en-19-07.jpg)

अनि एलियाइ बाल क अगमबक्ताराँउकना गारा,"दाठौ साँढ्या सात अनि हुन्कना बलिक रुपहा तयार खैने तर हुन्कना मुइ इ ता-छोरम।ङाकनी होसल खैहौ।जाङ परमेश्वरै मुइ जवाफ बैकु,हुन्ल परमेश्वर सत्य ह्रेकङ ।"हुन्लमारै बाल क पुजारिराँउइ बलि तयार खैसो तर मुइ चाइ स्लासोमा।

![](https://cdn.door43.org/obs/jpg/360px/obs-en-19-08.jpg)

अनि बाल क अगमबक्ताराँउइ इसा गार्तल प्राथना खैसो,"हे बाल ,ङैकना क्लाँनि

![](https://cdn.door43.org/obs/jpg/360px/obs-en-19-09.jpg)

दिनक अन्त्यहाइ,एलियाइ परमेश्वरक लागै दाठौ बलि तयार खया।अनि उइ मन्छेराउकना बाह्र बरे गाग्री ती पित्तना बलिक स्या ताकी ,खटिक्याराउ दै दिशा मचै खैत बेदि वरिपरीक सब्ल भाग पुर्णरुपै मादिङम मचै खनेम स्लाआ।

![](https://cdn.door43.org/obs/jpg/360px/obs-en-19-10.jpg)

अनि एलियाइ प्राथना खया,"याहोवे अब्राहम,इसहाक अनि याकुबक परमेश्वर तान ङैकना नाङ्ल इस्रायलक परमेश्वर हु अनि ङा नाङ्क दास हु खैतना सारुसी ।ङाकना उत्तर बैनिङ ताकी इन मन्छेराँउइ इन दासे कि नाङ्ल दाठौ सत्य परमेश्वर हु।"ह्रेकङ

![](https://cdn.door43.org/obs/jpg/360px/obs-en-19-11.jpg)

तब तुरुन्तल,आकाशहाइत मुइ खसेया अनि स्या,सिङ,ढुङ्गराँउ,मच्या अनि बेदि हाइहेइ ओयाङ ती मचै छोरबया।जब मन्छेराउइ इन मुसो,हुराँउ दिसाहा घोप्त्या ब्रीसी अनि क्लाइसी ,याहोवे परमेश्वर हु।ह्रेकङ

![](https://cdn.door43.org/obs/jpg/360px/obs-en-19-12.jpg)

अनि एलियाइ गारा,"बाल क गुन्लकनी अगमबक्ताराँउकना उम्केम ताबैने

![](https://cdn.door43.org/obs/jpg/360px/obs-en-19-13.jpg)

अनि एलियाइ राजा आहाबकना गारा,"तुरुन्तल शहरहा फर्केस्वगात, आहुखाझै ती क बर्षा ओछाङ।"दाघ्रीदा न्हौ आकाश क्वाङ ओतना ओङा अनि बरे देउ र्वाम ग्लाआ। यहोवेइ खडेरिक अन्त्य खयाङ हुनि अनि उइ ल दाठौ च्याल सत्य परमेश्वर हु खैत प्रमाणित खया।

![](https://cdn.door43.org/obs/jpg/360px/obs-en-19-14.jpg)

एलियाक समय न्हौ,परमेश्वरै एलिसा ब्रीङु खयाङ मन्छेकना उइ क अगमबक्ता क रुपहा छानेया । परमेश्वरै एलिसाहाइत चोल अचम्मक कामराउ खया ।हुनमध्य दाठौ अचम्मक काम नामानदैना ओआ जाङ शत्रुराउक दाठौ सैन्य अधिकारी हुनि अनि दाठौ प्रीमाप्री छालाक रोगहाइतना ग्रस्त ह्रेनी।हुनि एलिशाक बारेहा क्लायाङ्क मारै हुन्कहा काआ अनि आफुकना निको खैबयम अनुरोध खया।एलिशाइ नामानकना सात्थ पल्टमचै आफुकना यर्दन नदिहा बुरम गारा।

![](https://cdn.door43.org/obs/jpg/360px/obs-en-19-15.jpg)

पहिला त नामान रिसेह्रेयानी अनि हुसा खयम राजी हैमानी आहुखाझै इन त दाठौ मुर्खतासाङ्ल छिङ्ह्रेयानी ।तर न्हौ हुनि आफ्नो मनौ परिबर्तन खया अनि आफुकना सात्थपल्ट मचै यर्दन नदिहा बुरा।जब नामान अन्तिम चोटा भाइरौ ओङा,हुन्क छालाउ पुरारुपहा निको ओसोह्रेयानि

![](https://cdn.door43.org/obs/jpg/360px/obs-en-19-16.jpg)

परमेश्वरै अरु चोल अगमबक्ताराँउ लेतासि।हुराउ सब्लाउइल मन्छेराँउकना मुर्तिपुजाराँउ त्यागेम अनि अरुताकी न्याए दैना दया सारम आग्रह खया।अगमबक्ताराँउइ मन्छेराँउकना यदि हुराँउइ दुष्ट काम खयम मालेताझै दैना परमेश्वरक अनाज्ञाकारी ओकासिखाझै,परमेश्वरै हुराँउकना दोषी ठहर्‍यान्याङ ,अनि हुराँउकना दण्ड बैन्याङ चेतावनी बया।

![](https://cdn.door43.org/obs/jpg/360px/obs-en-19-17.jpg)

चो-भागै समय,मन्छेराँउइ परमेश्वरकना क्लाँसोमा ।हुराँउइ ह्रोममचै अगमबक्ताराँउक दुर्व्यवहार खैसो अनि कहिलेकाही त हुराउकना सात्सोकनी ।दा-पल्ट यर्मिया अगमबक्ताकना सुख्खा इनारहा थासो,अनि सिमकना हुन्हा लेत्बैसो।हुन इनारक पिधौहा ओयाङ हिलहा भासेया तर राजाइ हुनताकी दया सारा अनि आफ्नो नोकरराँउकना यर्मिया सिमहाइतना ध्री इनारहाइतना तोनम स्लाआ।

![](https://cdn.door43.org/obs/jpg/360px/obs-en-19-18.jpg)

मन्छेराँउइ अगमबक्ताराँउकना घ्रीणा खयाताकनी हुराँउइ परमेश्वरक लागै थाम्सी (थाम्त्याल ह्रेसी )।पश्चाताप माखयाझै परमेश्वरै मन्छेराँउकना नासखैन्याह्रेङ गार्तना हुराँउकना चेतावनी बैछाइनी ।हुराँउइ मन्छेराँउकना परमेश्वरक मशिह ओङ्न्याङ प्रतिज्ञाक कनि याद बैसो।

*बाइबलको कथा: १ राजा १६-१८; २ राजा ५; यर्मिया ३८ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_19_128kbps.m4a

## 20. २०. निर्बासन दैना फिर्ता

https://openbiblestories.org/l/rji/story-20/

![](https://cdn.door43.org/obs/jpg/360px/obs-en-20-01.jpg)

इस्रायलक राज्यदैना यहुदाक राज्य,निठौइल परमेश्वरक बिरुद्धहा पाप खैसो।परमेश्वरै हुराँउदैना सिनै पर्बतहा ह्रुप्याङ करार हुराउइ भङ्ग खैसो।परमेश्वरै हुराँउकना पश्चाताप खयम अनि फेरि उइकना पुजेम गार्तना चेतावनी बयमक लागै आफ्नो अगमबक्ताराँउकना लेता,तर हुराँउ आज्ञाकारी ओम इन्कार खैसो।

![](https://cdn.door43.org/obs/jpg/360px/obs-en-20-02.jpg)

हुन्लमारै परमेश्वरै निंठौल राज्यकना हुराँउक शत्रुहाइतना नष्ट ओम बैतना दण्ड बया।दाठौ शक्तिशाली दैना क्रुर राष्ट्र अश्शुरी साम्राज्यै इस्रायलक राज्य ध्वस्त प्रीया।अश्शुरिराँउइ इस्रायल रास्ट्रक चो मन्छेराँउकना सात्सो,हुराँउक बहुमुल्य सामानराँउ सब्ल कात्सो अनि देश क चो भागराँउ छोरबैसो।

![](https://cdn.door43.org/obs/jpg/360px/obs-en-20-03.jpg)

अश्शुरिराउइ सब्ल अगुवाराउ ,धनी मन्छेराउ,अनि सीप ओयाङ मन्छेराउकना जम्मा प्रीत अनि हुराउकना अश्शुर देशहा कात्तना स्वासी ।केवल मासातियाङ चो गरिब इस्रायलीराउ च्याल इस्रायलक राज्यहा बाकी ह्रेसी ।

![](https://cdn.door43.org/obs/jpg/360px/obs-en-20-04.jpg)

अनि अश्शुरीराउइ इस्रायलक राज्यहा बिदेशिराउकना पित्तना थासो। बिदेशिराउइ भत्केयाङा शहरराउक फेरि निर्माण खैसो इस्रायलिराउदै ब्याहा खैसो,जच्च हुन्हा लेतियाङ ह्रेइनी।बिदेशिराउकना ब्याहा खयाङ इस्रायली सन्तानराउकना "सामरी "गारिया।

![](https://cdn.door43.org/obs/jpg/360px/obs-en-20-05.jpg)

यहुदाक मन्छेराउइ परमेश्वरताकी बिश्वास माखयाङ दैना उइक आज्ञाकारी माओयाङ मारै गोसैतना उइ इस्रायलक राज्यकना दण्ड बैका गार्त मुसो।ताकनी हुराउइ अझै कनानी देउताराउक मुर्तिराउ पुजेसो।परमेश्वरै हुराउकना चेतावनी बयम अगमबक्ताराउ लेत्सी ,तर हुराउइ क्लाम मानेसिमा ।

![](https://cdn.door43.org/obs/jpg/360px/obs-en-20-06.jpg)

अश्शुरिराँउइ इस्रायल नष्ट खयाङ १०० बर्ष न्हौ परमेश्वरै बेबिलोन क राजा ,नबुकदनेसरकना यहुदाक राज्यहा आक्रमण खयम लेता ।बेबिलोन दाठौ शक्तिशाली साम्राज्य ह्रेनी ।यहुदाक राजाइ नबुकदनेसरक दास ओमदैना हरेक बर्ष हुनकना चो पैसा तिरेम सहमत ओआ।

![](https://cdn.door43.org/obs/jpg/360px/obs-en-20-07.jpg)

तर आइची बर्ष न्हौ,यहुदाक राजाइ बेबिलोनक बिरुद्धहा बिद्रोह खया।हुन्लमारै,बेबिलोनिराँउ फेरि ओङ्सि खैँ यहुदाक राज्यकना आक्रमण खैसो।हुराँउइ यरुशलेम क शहर कब्जा खैसो,मन्दिर भत्काबैसो,अनि शहरदैना मन्दिरहा ओयाङ सब्ल सम्पतिराँउ कात्सो।

![](https://cdn.door43.org/obs/jpg/360px/obs-en-20-08.jpg)

बिद्रोह खयाङक मारै यहुदाक राजाकना दण्ड स्वरुप नबुकदनेसरक सिपाहिराँउइ हुन्क चाउराँउकना हुन्कल ध्री सात्बैसो अनि उइकना अन्धाखैबैसो ।हुन न्हौ,हुराँउइ राजाकना झ्यालखानाहाल सिम क लागै बेबिलोन कात्सो।

![](https://cdn.door43.org/obs/jpg/360px/obs-en-20-09.jpg)

नबुकदनेसर दैना हुन्क फौजै बाली रोपेमकलागै गरिब हाइत गरिबराँउकना बाहेक यहुदाक राज्यक चो भागै मन्छेराउकना बेबिलोनहा कात्सो।समयक इन अबधी जहाँ परमेश्वरक मन्छेराँउ प्रतिज्ञाक मुलुक लेतम बाध्य ओसि,इनकनाल निर्बासन गारियाङ हु।

![](https://cdn.door43.org/obs/jpg/360px/obs-en-20-10.jpg)

परमेश्वरै मन्छेराँउकना हुराँउक पाप क कारण निर्बासनहा टाढो कात्तना दण्ड बयासै कनि उइ हुराँउकना दैना आफ्नो प्रतिज्ञा भुलेतमानी ।परमेश्वरै निरन्तर रुपहा अगमबक्ताराँउ हाइत आफ्नो मन्छेराँउक रेखदेख खैन्याङ दै थाम्न्याङ काम जारी थाआ।सत्तरी बर्ष न्हौ, हुराँउ फेरि प्रतिज्ञाक मुलुकहा फर्केन्याङह्रेकी गार्त उइ प्रतिज्ञा खया।

![](https://cdn.door43.org/obs/jpg/360px/obs-en-20-11.jpg)

करिब सत्तरी बर्ष न्हौ फारसिराँउक राजा,कोरेसइ बेबिलोनकना परास्त खया,हुन्लमारै फारसी साम्राज्यै बेबिलोनि साम्राज्यकना प्रतिस्थापित खया। नो इस्रायलिराँउकना यहुदिराँउ गारेनी अनि हुराँउ मध्य चो-साङी आफ्नो पुराल जीवन बेबिलोनहा कटाथासोनी ।केवल आइचिदा बड्डो यहुदिराँउकना च्याल यहुदाक मुलुकक ख्याल ह्रेनी ।

![](https://cdn.door43.org/obs/jpg/360px/obs-en-20-12.jpg)

फारसी साम्राज्य दाठौ शक्तिशाली साम्राज्य ह्रेनि तर हुराँउ आफुइ कब्जा खयाङ मन्छेराँउ ताकी कृपालु ह्रेइनी ।कोरेस फारसिराँउक राजा ओयाङ आइची समय न्हौ,हुनि जाङ कोँइ कनि यहुदिराँउ यहुदा फर्केत स्वाम चाहेके खाझै फारसी साम्राज्य लेत्तना यहुदा फर्केम ह्रोन्याङ आदेश जारी खैबया।हुनि हुराँउकना मन्दिरक पुनर्निर्माण खयम कचङ-तृयाङ (रुपैयाँ -पैसा)समेत बया।

![](https://cdn.door43.org/obs/jpg/360px/obs-en-20-13.jpg)

जब मन्छेराउ यरुशलेमहा तोम्पिसी ,हुराँउइ मन्दिर दैना शहरक वरिपरि बान्नो क फेरि निर्माण खैसो ।हुराँउताकी अझैकनी अरुल राज्यै शासन खैछायाङ ओआझै कनि,दा-चोटा फेरि हुराँउइ प्रतिज्ञाक मुलुकहा नयम अनि हुन मन्दिरहा आरधना चढाम दार्सो।

*बाइबलको कथा: २ राजा १७; २४-२५; २ इतिहास ३६; एज्रा १-१०; नेहम्याह १-१३ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_20_128kbps.m4a

## 21. २१. परमेश्‍वर मशिहक आगमनै प्रतिज्ञा

https://openbiblestories.org/l/rji/story-21/

![](https://cdn.door43.org/obs/jpg/360px/obs-en-21-01.jpg)

सब्ल कुराक सुरुवात ओयाङहाइतल,परमेश्वरै मशिहकना लेत्न्याङ योजना खैथाआनी।मशिह ओङन्याङबारे पहिलो प्रतिज्ञा आदम दै हब्बाहा निङ्हा ओङा।परमेश्वरै प्रतिज्ञा खया कि हब्बा क बंशहाइत दा-जना सन्तान जन्मेन्याङ ह्रेङ जाङी मुभुक काप्लौ कुच्यान्याङ ह्रेङ ।हब्बाकना छक्कान्याङ हुन मुभु सैतान हुनि ।हुन प्रतिज्ञाक अर्थ चाहिँ मशिहक आगमनै सैतानकना पुर्ण रुपहा पराजय खैन्याङ हुनि ।

![](https://cdn.door43.org/obs/jpg/360px/obs-en-21-02.jpg)

परमेश्वरै अब्राहमकना प्रतिज्ञा खया कि हुन हाइतना संसारक सब्ल जातिक मन्छेराउइ आशिष दार्न्या ह्रेकी ।हुन आशिष् मशिहक आगमन सङ्घल पूरा ओन्याङ ह्रेनि।उइ संसारक सबल जातिक मन्छेराउकना उद्धारक यम सार्बैन्याङ हुनि।

![](https://cdn.door43.org/obs/jpg/360px/obs-en-21-03.jpg)

परमेश्वरै मोसाकना भबिष्यहा उइ मोसासाङ्ल अर्को दा-जना अगमबक्त्ता खडा खैन्याङ प्रतिज्ञा खया।इन मशिह दैना उइ क आगमनक सम्बन्धहा अर्को दाठौ प्रतिज्ञा हुनि ।

![](https://cdn.door43.org/obs/jpg/360px/obs-en-21-04.jpg)

परमेश्वरै दाउद राजाकना प्रतिज्ञा खयाकी उइ आफ्नोल बंशक सन्तानै परमेश्वरक मन्छेराउताकी सदा-सर्बदा राज्य खैन्याह्रेरेङ।हुन्क अर्थ मशिह दाउदकल बंशक दा-जना ओन्याह्रेङ।

![](https://cdn.door43.org/obs/jpg/360px/obs-en-21-05.jpg)

यर्मिया अगमबक्त्ता हाइत, परमेश्वरै प्रतिज्ञा खयाकी उइ दाठौ नवै करार स्थापित खैन्याह्रेङ,जाङ चाहिँ उइ सिनै पर्बतहा स्थापित खयाङसाङ करार माहुनि।इन नवै करारहा,परमेश्वरै आफ्नो ब्यबस्थाराउ मन्छेराउक हृदयहा लेखेबैन्या ह्रेङ,मन्छेराउइ परमेश्वरकना ब्यक्तिगतरुपइ दास्न्याङ ह्रेकी,अनि परमेश्वरै हुराँउक पापराउ क्षेमा खैबैन्याङ ह्रेङ।मशिहै नवै करारक शुरुवात खैन्याह्रेङ।

![](https://cdn.door43.org/obs/jpg/360px/obs-en-21-06.jpg)

परमेश्वरक अगमबक्ताराँउइ इसाकनी गार्सो कि मशिह दाठौ अगमबक्ता ,दाठौ पुजारी दैना दाठौ राजा ओन्याह्रेङ।अगमबक्ता हुन मन्छे हु जाङी परमेश्वरक बचनराँउ क्लाकु अनि परमेश्स्वरक बचनराउ मन्छेराँउक बिचहा घोषणा खैबैकु।परमेश्वरै लेत्थौ गार्त प्रतिज्ञा खयाङ मशिह चाइ दाठौ च्याल सिद्ध अगमबक्ता हुनि ।(ह्रेनी)

![](https://cdn.door43.org/obs/jpg/360px/obs-en-21-07.jpg)

इस्रायली पुजारीराउइ मन्छेराँउक तर्फहाइत हुराँउक पापक लागै दण्ड क सट्टा क्षेमाक लागै बलिराँउ चढाबैन्याङ खएनी।पुजारिराँउइ मन्छेराँउक लागै परमेश्वरदै प्राथना कनि खैबयनी।मशिह दाठौ च्याल सिद्ध प्रधान पुजारी ह्रेनी जाङी आफुकना दाठौ सिद्ध बलिक रुपहा परमेश्वर निङ्हा अर्पण खैन्याङ ह्रेनी ।

![](https://cdn.door43.org/obs/jpg/360px/obs-en-21-08.jpg)

राजा हुनहु जाङी हुन राज्यताकी शासन खैकु अनि मन्छेराँउक न्याय खैकु।मशिह दाठौ च्याल सिद्ध राजा ह्रेनी जाङ आफ्नो पुर्खा दाउदक सिहासनहा नैन्याङ हुनि ।उइ सदा-सर्बदाक लागै सारा संसारताकि राज्य खन्याङह्रेनी,अनि सदाल इमान्दारिदै सहि निर्णयहा न्याय खन्याङ हुनि।

![](https://cdn.door43.org/obs/jpg/360px/obs-en-21-09.jpg)

परमेश्वरक अगमबक्ताराँउइ मशिहक बारेहा अरु चोल कुराक भबिष्यबाणी खैसो।मलाकी अगमबक्ताइ मशिह ओङम ध्री दा-जना महान अगमबक्ता ओङ्न्याह्रेङ खैतना भबिष्यबाणी खया।मिका अगमबक्ताइ उइ बेथलेमक गामाहा जन्मेन्याङह्रेङ क्लाया।

![](https://cdn.door43.org/obs/jpg/360px/obs-en-21-10.jpg)

यसैया अगमबक्ताइ क्लाया कि मशिह गालिलहा नैन्याह्रेङ ,मन ग्रेयाङराउक हृदयराँउकना ह्रुप्न्याह्रेङ,बन्धनहा ब्रीयाङराउकना स्वतन्त्रता बैन्याह्रेङ अनि कैदहा ब्रीयाङराँउकना छुट्कारा बैन्याह्रेङ।मशिहै रोगी- कस्टेयाङराँउकना अनि क्लाम,मुम,थामम दै स्वाम माह्रोन्याङराँउकना निको खैन्याङ ह्रेङ खैतना भबिष्यबाणी खया।

![](https://cdn.door43.org/obs/jpg/360px/obs-en-21-11.jpg)

यसैया अगमबक्ताइ इन कनि भबियष्बाणि खयाकी मशिहकना बिनाकारण घ्रीणा दै तिरस्कार खैन्याङह्रेकी ।अरु अगमबक्ताराउइ मशिहकना सात्न्याङराँउइ उइ क थ्याङ्ह्रीहा चिठ्ठा जाक्न्याङ ह्रेकी अनि दा-जना सङ्घौइ उइकना धोका बैन्याह्रेङ खैतना भबिष्यबाणि खया।जकरिया अगमबक्ताइ हुन सङ्घौकना,मशिहकना धोका बयाङ बाफत तीस चादी क सिक्का भुक्तानी स्वरुप तिरेहे गार्त भबिष्यबाणी खया।

![](https://cdn.door43.org/obs/jpg/360px/obs-en-21-12.jpg)

अगमबक्ताराँउइ मशिहक मृत्युक सम्बन्धहा कनि भबिष्यबाणी खैसो ।यसैयाइ भबिष्यबाणी खयाकी मन्छेराँउइ मशिहकना थोक्न्याङह्रेकी ,गिजेन्याङह्रेकि अनि मक्न्याङह्रेकी।हुराँउइ उइकना भालाइ ह्रोक्न्याङ ह्रेकी अनि चो कष्ट दै पिडाहा उइ सिन्याह्रेङ ,तथापी उइ आङ्ल कसुर खैतमानी ।

![](https://cdn.door43.org/obs/jpg/360px/obs-en-21-13.jpg)

अगमबक्ताराँउइ इन कनि गार्सो कि उइ गुसाङ्ल पाप बिनाक सिद्ध ओन्याह्रेङ।उइ अरु मन्छेराउक पाप्क दण्ड कुरमक लागै सिन्याह्रेङ ।उइक दण्डै मन्छेदै परमेश्वर बिच शान्ती पित्न्याङ ह्रेनी ।इन्लमारै मशिहकना कुल्चेम परमेश्वरकल चाहाना हुनि।

![](https://cdn.door43.org/obs/jpg/360px/obs-en-21-14.jpg)

अगमबक्ताराँउइ भबियबाणी खैसो कि,मशिह सिन्याङ ह्रेकङ अनि परमेश्वरैल उइकना सियाङहाइतना बौह्रात सौन्याङ ह्रेकङ।मशिह क सिम दै बौह्रेत सयमहाइत ,परमेश्वरै पापिराँउकना बचान्याङ अनि नवै करारक थालनी खैन्याङ उइक योजना पूरा खैन्याह्रेङ।

![](https://cdn.door43.org/obs/jpg/360px/obs-en-21-15.jpg)

परमेश्वरै मशिहक सम्बन्धहा अगमबक्ताराँउकना चो कुरा प्रकट खया,तर मशिह हुराँउ गुसाङ्ल अगमबक्ताराँउक समयहा ओङामा।इन अन्तिमक भबिष्यबाणिराँउ बयाङ्क ४००बर्ष हाइत चो समय न्हौ परमेश्वरै मशिहकना संसारहा लेता।

*बाइबलको कथा: उत्पत्ति ३:१५; १२:१-३; व्यवस्था १८:१५; २ शामुएल ७; यर्मिया ३१; यशैया ५९:१६; दानिएल ७; मलाकी ४:५; यशैया ७:१४; मीका ५:२; यशैया ९:१-७; ३५:३-५; ६१; ५३; भजनसंग्रह २२:१८; ३५:१९; ६९:४; ४१:९; जकरिया ११:१२-१३; यशैया ५०:६; भजनसंग्रह १६:१०-११ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_21_128kbps.m4a

## 22. २२. यहुन्नाक जन्म

https://openbiblestories.org/l/rji/story-22/

![](https://cdn.door43.org/obs/jpg/360px/obs-en-22-01.jpg)

बिगतहा ,परमेश्वर आफ्नो मन्छेराँउदै आफ्नो स्वर्गदुत दै अगमबक्ताराँउक माध्यमहाइत थाम्न्याङ खयुनी ।तर ४०० बर्ष मचै उइ हुराउदै थामामा।अचानक दाठौ स्वर्गदुत जकरिया ब्रीङु खयाङ दाजना पुजारी निङ्हा परमेश्वरक सन्देश पित्तना ओङा।जकरिया दैना हुन्क मत्काउ एलिशिबा,परमेश्वरक भक्त मन्छे हुइनी,तर मच्चाइ आङ्ल सन्तान दारम ह्रोतमानी।

![](https://cdn.door43.org/obs/jpg/360px/obs-en-22-02.jpg)

स्वर्गदुतै जकरियाकना गारा,"नाङ्क मत्काउक दाठौ चाउ ओन्याह्रेङ।नाङी हुन्क ब्रीङु यहुन्ना थाम।हुन पबित्र आत्माइ भरेन्याह्रेङ,अनि मशिहक लागै यम तयार खैन्याह्रेङ

![](https://cdn.door43.org/obs/jpg/360px/obs-en-22-03.jpg)

स्वर्गदुतै जकरियाकना जवाफ बया,"ङा परमेश्वरहाइतना नाङनिङ्हा इन खुशिक समचार सुनाम लेतियाङ हु।नाङी ङाकना बिश्वास माखयाङ कारणै बालक माजन्मेम मचै क लागै नाङ थामम माह्रोन्याङ ओहै।"तुरुन्तल,जकरिया थामम माह्रोन्याङ ओआ।अनि हुन दुतै जकरियाकना लेत्तना स्वाआ।हुन न्हौ जकरिया आफ्नो नाम्हा फर्केया अनि हुन्क मत्काउ गर्भवती ओआ।

![](https://cdn.door43.org/obs/jpg/360px/obs-en-22-04.jpg)

जब एलिशिबा गभवती ओयाङ ६ महिना ओह्रेयानि,हुन्ल स्वर्गदुत अचानक एलिशिबाक आफन्तनिङ्हा देखा ब्रीया,जाङ्क ब्रीङु मरियम ह्रेनी।हुन दाठौ कन्या ह्रेनी जाङ्क योसेफ ब्रीङु खयाङ मन्छेदैना मगनी ओह्रेयानि ।स्वर्गदुतै गारा,"नाङ गर्भवती ओन्याह्रेङ अनि दाठौ चाउ जन्मान्याङ ह्रेङ।नाङी उइक ब्रीङु येशु थाहौ।उइ परम -प्रधान परमेश्वरक पुत्र ओन्याह्रेङ अनि सदा-सर्बदा राज्य खैन्याह्रेङ।"

![](https://cdn.door43.org/obs/jpg/360px/obs-en-22-05.jpg)

मरियमै जवाफ बया,"इन गोस्खैत ओमह्रोकु ,जब कि ङा दाठौ कन्या हु?"स्वर्गदुतै गारा,"पबित्रआत्मा नाङ्हा ओङ्न्याह्रेङ,अनि पबित्राआत्माक शक्तीक छाया नाङताकी ब्रीन्याह्रेङ।हुन्लमारै हुन बालक पबित्र,परमेश्वरक पुत्र ओन्याह्रेकङ।"मरियमै स्वर्गदुतै गार्याङ कुराहा बिश्वास खया अनि हुन्कना स्विकार खया।,"

![](https://cdn.door43.org/obs/jpg/360px/obs-en-22-06.jpg)

मरियमै स्वर्गदुतदैना कुरा खयाङ आइची न्हौल मरियम, उइ एलिशिबा निङ्हा भेटेम स्वाआ ।एलिशिबाइ मरियमक अभिबादन क्लाँआ सर्सिउल हुन्क दाङु भित्रौ ओयाङ बालख्ख ल्हाता।परमेश्वरै हुराउक लागै खैबयाङ काम्हा हुन मच्चाराउ रमाइसी ।एलिशिबा निङ्हा सुम महिना मचै नयाङ न्हौ,मरियम नाम्हा फर्केया।

![](https://cdn.door43.org/obs/jpg/360px/obs-en-22-07.jpg)

एलिशिबाइ बालख्ख चाउ ,जन्मायाङ न्हौ,स्वर्गदुतै आज्ञा खयाङ साङ्ल जकरिया दैना एलिशिबाइ हुन्क ब्रीङु "यहुन्ना" थासो।अनि परमेश्वरै जकरियाकना थामम ह्रोन्याङ बनाबया ।जकरियाइ गारा,"परमेश्वरक प्रशंसा ओद्,आहुखाझै उइ आफ्नो मन्छेराउकना सम्झेथाका

*बाइबलको कथा: लुका १ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_22_128kbps.m4a

## 23. २३. येशु क जन्म

https://openbiblestories.org/l/rji/story-23/

![](https://cdn.door43.org/obs/jpg/360px/obs-en-23-01.jpg)

योसेफ ब्रीङु ओयाङ दा-जना धर्मी मन्छेदैना मरियमक मगनी ओह्रेयानि ।जब मरियम गर्भवती ओयाङ हुनि थाहा दारा,हुन्क गर्भहा ओयाङ बालख उइ क माहु खैतना गार्न्याङ कुरा हुन्कना थाहा ह्रेनी।योसेफ मरियमकना सरमहा प्रीम भ्र्यातमानी ,हुन्लमारै हुनि गुप्त रुपहा मरियमकना त्यागेन्याङ योजना बनाआ।तर हुनि हुसा खयमहाइत ध्री,हुन्क सपनाहा दाठौ स्वर्गदुत हुन निङ्हा ओङा।

![](https://cdn.door43.org/obs/jpg/360px/obs-en-23-02.jpg)

हुन्कना स्वर्गदुतै गारा,"योसेफ मरियमकना आफ्नो मत्काउक रुपहा स्विकारेम ता-प्री ।आहुखाझै हुनभित्रौ ओङ्याङ बालख्ख पबित्र-आत्माहाइत ओङ्याङ हु।हुनि दाठौ चाउ जन्मान्याङ ह्रेङ ।उइ क ब्रीङु येशु थाम (जाङ्क अर्थ हु,""योहोवेइ बचाकी"),आहुखाझै उइ मन्छेराउकना हुराँउक पापहाइतना बचानेह्रेङ।"

![](https://cdn.door43.org/obs/jpg/360px/obs-en-23-03.jpg)

हुन्लमारै योसेफै मरियम दैना ब्याहा खया अनि हुन्कना आफ्नो मत्काउक रुपहा आफ्नो नाम्हा काता,तर बालख्खक जन्म माओम मचै योसेफ मरियम दै निङामा।

![](https://cdn.door43.org/obs/jpg/360px/obs-en-23-04.jpg)

मरियमै बालख्ख जन्मान्याङ समय नजिक ओङ्याङ बेलाहा,रोमि सरकारै सब्ल्हाउकना जन-गणनाक लागै आफ्नो पुर्खाराँउ नयाङ शहरहा स्वान्याङ आदेश जारी खया।योसेफदै मरियमै उइराँउ नयाङ ठन्क नासरतहाइत बेथलेम मचैक लामो यात्रा खयम ब्रीन्याङ ह्रेनी ,आहुखाझै हुराँउक पुर्खा दाउदक शहर बेथलेम हुनि।

![](https://cdn.door43.org/obs/jpg/360px/obs-en-23-05.jpg)

जब हुराँउ बेथलेम तोम्पिसी ,हुन्हा नयमक लागै आङ्ल ठाउँ हैमानी ।हुराँउइ दाल्लमह्रोयाङ दाठौ च्याल ठन्क गाइबस्तुक गोठ ह्रेनी ।बालख्ख ह्वाल जन्मेया अनि मरियमै हुन्कना डुडहा थाआ,आहुखाझै बालख्खकना थान्याङ हुराँउदै आङ्लकनि ठन्क हैमानी।हुराँउइ बालख्खक ब्रीङु "येशु"थासो।

![](https://cdn.door43.org/obs/jpg/360px/obs-en-23-06.jpg)

हुन झिरी ,नजिककल खेतहा आइचिदा गोठालाराँउ आफ्नो गोठकना मुम नैह्रेसिनी ।अचानक चम्केछायाङ दा-जना स्वर्गदुत हुराउकहा देखाब्रीया ,अनि इन मुतना हुराउ प्रीसि ।स्वर्ग दुति गारा,"ता-प्रीनी,आहुखाझै ङा दैना नराँउक लागै आङ्भनी खुशिक समचारराँउ ह्रेकि।नराँउक मशिह बेथलेमहा जन्मेह्रेका ।

![](https://cdn.door43.org/obs/jpg/360px/obs-en-23-07.jpg)

बालख्ख कना भ्र्याम गात्नी ,अनि नराँउइ उइकना थ्याङ्ह्रीहा बेह्रेयाङ अनि डुडहा निङ्ह्रेयाङ दाल्लहे।अचानक,आकाशराँउ परमेश्वरक प्रशंसा खैछायाङ स्वर्गदुतराँउहाइत इसा गार्तल भरेसी "सर्बोच्चहा मरमेश्वरकना महिमा,अनि पृथ्बिहा जाङ मन्छेदैना उइ प्रसन्न ओकङ,हुराउकना शान्ति

![](https://cdn.door43.org/obs/jpg/360px/obs-en-23-08.jpg)

आइची न्हौ ,गोठालाराँउ येशु जन्मेयाङ ठन्कहा तोम्पिसी खै स्वर्गदुती गार्याङसाङ्ल उइकना डुडहा निङ्छायाङ दाल्लसो ।हुराउ चो उत्साहित ह्रेइनी ।मरियमकनी चो खुशि ह्रेनी ।गोठालाराँउइ ,हुराउइ मुयाङ-क्लायाङ सब्ल कुराक लागै परमेश्वरकना प्रशंसा चढातल आफ्नो भेडिराँउ ओयाङ खेतहा फर्केसी ।

![](https://cdn.door43.org/obs/jpg/360px/obs-en-23-09.jpg)

आइची समय न्हौ,टा-ढो पुर्बक ज्ञानी मन्छेराँउइ आकाशहा अनौठो तारा मुसो ।हुन्क अर्थ यहुदिराँउक दा-जना नवै राजाक जन्म ओह्रेका गार्त हुराँउइ थाहा दार्सो ।हुन्लमारै हुन राजाकना मुम्क लागै हुराँउइ लामो यात्रा खैसो।हुराँउ बेथलेमहा ओङ्सि अनि येशु दै उइक जेयु-बयु नैह्रेयाङ ठन्क पत्ता स्लासो।

![](https://cdn.door43.org/obs/jpg/360px/obs-en-23-10.jpg)

जब हुन ज्ञानी मन्छेराँउइ येशुकना उइक जेयुदैना मुसो,हुराँउइ घोप्टो ब्रीत दण्डवट खैसो अनि उइक आराधना खैसो ।हुराँउइ येशुकना बहुमुल्य उपहारराँउ चढासो।हुन न्हौ हुराँउ आ-आफ्नो नाम्हाइ फर्केसी ।

*बाइबलको कथा: मत्ती १; लूका २ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_23_128kbps.m4a

## 24. २४. यहुन्नाइ येशुकना बप्तिस्मा बया

https://openbiblestories.org/l/rji/story-24/

![](https://cdn.door43.org/obs/jpg/360px/obs-en-24-01.jpg)

जकरिया दैना एलिशिबाक चाउ हुर्केया अनि दाठौ अगमबक्ता ओआ।हुन उजाड ठन्कहा नैनी ,बोङा मह दैना सलह जाउनी अनि उँटक भुतलाउहाइत बनेयाङ थ्याङ्ह्री फाङुनी ।

![](https://cdn.door43.org/obs/jpg/360px/obs-en-24-02.jpg)

चो मन्छेराउ उजाड ठन्कहा यहुन्नाक वचन क्लाँम ओङ्सि ।उइ हुराउकना इसा गार्त प्रचार खया,"पश्चाताप खैने,आहुखाझै परमेश्वरक राज्य नजिकल ओङ्ह्रेका ।

![](https://cdn.door43.org/obs/jpg/360px/obs-en-24-03.jpg)

जब मन्छेराँउइ यहुन्नाक वचन क्लाँसो ,हुराँउ मध्य चो इ आफ्नो पापहाइत पश्चाताप खैसो ,अनि यहुन्नाइ हुराँउकना बप्तिस्मा बया।चोल धार्मिक अगुवाराँउ कनि यहुन्नाहाइत बप्तिस्मा लाम ओङ्सि तर हुराँउइ आफ्नो पाप स्विकार दैना पश्चाताप खैसोमा ।

![](https://cdn.door43.org/obs/jpg/360px/obs-en-24-04.jpg)

यहुन्नाइ हुन धार्मिक अगुवाराउकना गारा,"हे दुष्टक सन्तानराउ

![](https://cdn.door43.org/obs/jpg/360px/obs-en-24-05.jpg)

कोँइ यहुदिइ यहुन्नाकना आङ उइ ल हुन मशिह हु गार्त सुधेसो ।यहुन्नाइ जवाफ बया ,"ङा मशिह माहु, तर ङा न्हौ कोँइ(गुन्भनी) ओङ्छाङ ।उइ इच्च महान ह्रेकङ कि उइ क जुत्ता क फिता खोलेम मच्च कन ङा योग्यक हैमा ।"

![](https://cdn.door43.org/obs/jpg/360px/obs-en-24-06.jpg)

अर्को काले ,येशु यहुन्नाहाइत बप्तिस्मा लओम क लागै ओङा।जब यहुन्नाइ उइकना मुआ ,हुनि गारा ,"मुने

![](https://cdn.door43.org/obs/jpg/360px/obs-en-24-07.jpg)

यहुन्नाइ येशुकना गारा ,"नाङ्कना बप्तिस्मा बयम योग्यक ङा हैमा ।बरु नाङी ङाकना बप्तिस्मा बयम ब्रीकङ ,।"तर येशुइ जवाफ बया ,"नाङी ङाकना बप्तिस्मा बयम ब्रीकङ,आहुखाझै इन खयम सहि ह्रेङ।"हुन्लमारै यहुन्नाइ उइकना बप्तिस्मा बया,तथापी येशुइ तिङ्ल पाप खैतमानी ।

![](https://cdn.door43.org/obs/jpg/360px/obs-en-24-08.jpg)

बप्तिस्मा ओयाङ न्हौ जब येशु ती हाइत भाइरौ ओङा ,परमेश्वरक आत्मा ढुकुर क रुपहा छिङा अनि दि ओङा अनि उइ ताकी नया ।हुन्ल बेला, स्वर्गहाइत परमेश्वरक आवाज इसा गार्तल थामा,"इन ङाक प्रीय पुत्र(चाउ)हु,अनि इन्दैना ङा अत्यन्तल प्रशन्न ह्रेङ।"

![](https://cdn.door43.org/obs/jpg/360px/obs-en-24-09.jpg)

परमेश्वरै यहुन्नाकना गार्थाआनी,"पबित्र आत्मा दि ग्रोत ओङ्न्याह्रेङ अनि नाङी बप्तिस्मा बयाङ गुन्भनी ताकी नैन्याह्रेङ ।हुन्हा केबल दाठौ च्याल परमेश्वर ह्रेकङ।तर जब यहुन्नाइ येशुकना बप्तिस्मा बया ,हुनि पिता परमेश्वर थाम्याङ क्लाआ ,परमेश्वरक चाउ मुआ,जाङ येशु हु,अनि हुनि पबित्र आत्माकना मुआ।

*बाइबलको कथाः मत्ती ३; मर्कूस १:९-११; लूका ३:१-२३ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_24_128kbps.m4a

## 25. २५. सैतानहाइत येशुक परिक्षा

https://openbiblestories.org/l/rji/story-25/

![](https://cdn.door43.org/obs/jpg/360px/obs-en-25-01.jpg)

येशुक बप्तिस्मा ओयाङ न्हौ,तुरुन्तल पबित्र आत्माइ उइकना उजाड ठन्कहाइ डोर्याआ ,अनि हुन्हा उइ चालीस कान दै चालीस रात (झिरी)उपवास नया।हुन न्हौ सैतान येशु निङ्हा ओङा अनि उइकना पापहा प्रीम्क लागै परिक्षा खया।

![](https://cdn.door43.org/obs/jpg/360px/obs-en-25-02.jpg)

सैतानै इसा गार्तल येशुक परीक्षा खया,"यदि नाङ परमेश्वरक चाउ हु खाझै ,इन ढुङ्गराँउकना रोटाहा परिणत खै ताकी नाङी हुन्काना जाम ह्रोउ

![](https://cdn.door43.org/obs/jpg/360px/obs-en-25-03.jpg)

येशुइ जवाफ बया,"परमेश्वरक बचनहा इसा लेखेयाङ ह्रेङ ,बचेमक लागै मन्छेकना केबल रोटा च्याल माहु ,तर परमेश्वरक हरेक वचन चाहेकङ

![](https://cdn.door43.org/obs/jpg/360px/obs-en-25-04.jpg)

हुन न्हौ सैतानै येशुकना मन्दिरक सबहाइत अग्लो भागहा काता अनि गारा,"यदि नाङ परमेश्वरक पुत्र हु खाझै ,दि ल्हात आहुकी लेखेयाङ ह्रेङ ,परमेश्वरै नाङ्क विषयहाँ आफ्नो दुतराउकना आज्ञा खैन्याह्रेङ,अनि घ्वैल नाङी आफ्नो पाउ(पैतलाउ)ढुङ्गहा बजारेहौकी गार्तना हुराउइ नाङकना आफ्नो याकुहा सौन्याह्रेकी ।"

![](https://cdn.door43.org/obs/jpg/360px/obs-en-25-05.jpg)

तर येशुइ सैतानकना बचनराँउहाइत जवाफ बया।येशुइ गारा,"परमेश्वरक बचनहा,उइ आफ्नो मन्छेराँउकना आज्ञा खयाङ ह्रेङ की ,"परमप्रभु आफ्नो परमेश्वरक परीक्षा माखयम।"

![](https://cdn.door43.org/obs/jpg/360px/obs-en-25-06.jpg)

हुन न्हौ सैतान इ येशुकना संसारक सारा राज्यराउ अनि हुन्क सब्ल महिमाराँउ सार्तना गारा,"यदि नाङी घोप्टो ब्रीत ङाकना दण्डवत खैकासीखाझै इन सब्ल थोक ङा नाङ्काना बैहेना ।"

![](https://cdn.door43.org/obs/jpg/360px/obs-en-25-07.jpg)

येशूइ जवाफ बया ,"ए शैतान

![](https://cdn.door43.org/obs/jpg/360px/obs-en-25-08.jpg)

येशूइ सैतान क परिक्षाराँउहा आफुकना सुम्पेयामा ,हुन्लमारै शैतानै उइकना लेत्तना स्वाआ।अनि स्वर्गदुतराउ ओङ्सी अनि येशूक स्याहार खैसो।

*बाइबलको कथाः मत्ती ४:१-११; मर्कूस १:१२-१३; लूका ४:१-१३ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_25_128kbps.m4a

## 26. २६. येशुइ आफ्नो सेवाकाइ सुरु खया।

https://openbiblestories.org/l/rji/story-26/

![](https://cdn.door43.org/obs/jpg/360px/obs-en-26-01.jpg)

शैतानक परिक्षाहा बिजयी ओयाङ न्हौ,येशू पबित्र आत्माक शक्तिहा गालिलक प्रान्तहा फर्केया,जहाँ उइ नयुनी ।येशू सिखातल दा-ठन्कहाइत अर्को ठन्कहा स्वाआ।सब्ल्हाउइल उइ क बारेहा मजा थामिनी ।

![](https://cdn.door43.org/obs/jpg/360px/obs-en-26-02.jpg)

येशू नाशरतक गामाहा स्वाआ,जहाँ उइ आफ्नो बच्पनौ गाक्याङ (बितायाङ)ह्रेनी।शबाथ काले उइ आराधना खैन्याङ ठन्कहा काआ ।मन्छेराँउइ पढेमकलागै उइक याकुहा यशैया अगमबक्ताक पत्र बैसो।येशूइ पत्र खोलेया अनि हुन्क दा-भाग मन्छेराँउक लागै पढेबया।

![](https://cdn.door43.org/obs/jpg/360px/obs-en-26-03.jpg)

येशूइ पढेया ,"परमेश्वरक आत्मा ङा ताकि ह्रेकङ ,आहुखाझै गरिबराँउकना सु-समचार सुनामक लागै उ इ ङाकना अभिषेक खैथाक्सी मन ग्रेयाङराँउकना निको प्रीम ,कैदिराँउकना छुट्कारा बयम,अन्धाराउकना दृष्टि बयम ,थिचोमिचोहा ब्रीयाङराँउकना छुट्कारा बयम ,अनि प्रभुक ग्रहणयोग्य बर्षक प्रचार खयमक लागै उ इ ङाकना लेत्थाक्सी ।

![](https://cdn.door43.org/obs/jpg/360px/obs-en-26-04.jpg)

अनि येशू दि नया।सब्ल्हाउक मिकु उइताकी अरेयाङ ह्रेनी ।हुराँउकना थाहा ह्रेनी,कि उइ नोलैल पह्रेयाङ खण्डै मशिहक बारेहा गार्याङ ह्रेनी ।येशूइ गारा ,"पबित्र शास्त्रक इन वचन तान नराँउक क्लाआइहा पूरा ओह्रेका।"सब्ल मन्छेराँउ चकित ह्रेइनी।"आङ इन योसेफक चाउ माहुखै ?"हुराँउइ गार्सो ।

![](https://cdn.door43.org/obs/jpg/360px/obs-en-26-05.jpg)

अनि येशुइ गारा,"ङा नराँउकना सत्य गार्कु,गुन्लकनि भबिस्यबक्ताकना आफ्नो देशहा ग्रहणयोग्य ओङ्मा ।"एलियाक समयहा,इस्रायलहा अनेकन बिधवाराँउ ह्रेइनी ।तर जब सारै सुम बर्ष मचै देउ र्वाआमा ,परमेश्वरै एलियाकना इस्रायलहा ओयाङ बिधवाकना साहायता खयम लेतामा, तर बरु अर्कोल रास्ट्रक बिधवानिङ्हा लेता।

![](https://cdn.door43.org/obs/jpg/360px/obs-en-26-06.jpg)

येशु क्ल्याइकाताआ,"एलिसा अगमबक्ताक बेलाहा,छालाक रोग ओयाङ चोल मन्छेराँउ इस्रायलहा ह्रेइनी ।तर एलिसाइ हुराँउ गुन्कनाल् सन्चो खयामा ।हुनि केबल इस्रायलक नामानक छालाक रोग निको प्रीया।" येशूकना क्लाँछायाङ मन्छेराँउ येहुदी हुइनि।हुन्लमारै जब हुराँउइ उइकना इसा गार्छायाङ क्लाँसो,हुराँउ उइताकी रिसौइ चुर ओसि ।

![](https://cdn.door43.org/obs/jpg/360px/obs-en-26-07.jpg)

नाशरतक मन्छेराँउइ येशूकना आरधनाक ठन्कहाइतना घीस्रातना भाइरौ तोन्तना अनि डाँडौक ढीक्कौहा कात्तना उइकना होइतना ख्रोतना सातम भ्र्यासी ।तर येशू भिडक बिचहाइतना वोत तोङा अनि नाशरत लेता।

![](https://cdn.door43.org/obs/jpg/360px/obs-en-26-08.jpg)

हुन न्हौ येशु गालिलक प्रान्तहाइ स्वाआ , अनि बरे भिड उइकहा ओङ्सी ।हुराँउइ चो मन्छेकना पित्सो हुराँउ कस्ट्या अनि खोरन्डो ह्रेइनी ,जाङ्हा हुराँउकनी क्वाङियाङ ह्रेइनी जाङ मुम, स्वाम,दै थामम ह्रोएमानी,अनि येशूइ हुराँउकना सन्चो प्रीसी(खया)।

![](https://cdn.door43.org/obs/jpg/360px/obs-en-26-09.jpg)

चो भुत-आत्मा ग्लायाङ मन्छेराँउकना येशुनिङ्हा पित्सो ।येशूक आज्ञाहा ,हुन भुत आत्माराँउ मन्छेराँउहाइतना तोङ्तना ओङ्सी,अनि हुराँउ चो भागै इसा क्लाइतना क्रीकिनी,"नाङ त परमेश्वरक चाउ हु

![](https://cdn.door43.org/obs/jpg/360px/obs-en-26-10.jpg)

हुन न्हौ येशूइ बाह्र जना मन्छेराँउकना छानेया जाङ्कना उइक चेलाराँउ गार्सो।हुन चेलाराँउ येशूदैनाल स्वाइनी अनि उइहाइत सिखाइ-इनी।

*बाइबलको कथाः मत्ती ४:१२-२५; मर्कूस १:१४-१५, ३५-३९; ३:१३-२१; लूका ४:१४-३०, ३८-४४ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_26_128kbps.m4a

## 27. २७. असल सामरिक कथा

https://openbiblestories.org/l/rji/story-27/

![](https://cdn.door43.org/obs/jpg/360px/obs-en-27-01.jpg)

दाक्काले, येहुदी ब्यबस्थाक दा-जना गुरु येशुनिङ्हा उइक परीक्षा खयम इसा क्ल्याइत ओङा,"गुरुज्यु,अनन्त जिबनक हकदार ओम ङा आङ खयु?"येशूइ जवाफ बया परमेश्वरक ब्यबस्थाहा आङ लेखेयाङ ह्रेङ?"

![](https://cdn.door43.org/obs/jpg/360px/obs-en-27-02.jpg)

हुन ब्यबस्थाक निपुण मन्छेइ परमेश्वरक ब्यबस्थाइ इसा क्लाइकङ गार्त जवाफ बया,नाङी परमप्रभु आफ्नो परमेश्करकना,आफ्नो सब्ल हृदयै,आफ्नो सब्ल प्राणै अनि आफ्नो दासम मचै प्रेम खै।"अनि आफ्नो छिमेकिकना आफुकना साङ्ल प्रेम खै ।"येशुइ जवाफ बया,नाङी ठिकल क्ल्याइका

![](https://cdn.door43.org/obs/jpg/360px/obs-en-27-03.jpg)

तर हुन ब्यबस्थाक निपुण मन्छेइ आफुकनाल धर्मी ठहर्याम भ्र्याआ,हुन्लमारै हुनि सुधेया ,"ङाक छिमेकी गुन हु?"

![](https://cdn.door43.org/obs/jpg/360px/obs-en-27-04.jpg)

येशूइ हुन मन्छेकना दाठौ कथा गार्तना जवाफ बया,"दा-जना येहुदी मन्छे येरुशेलमक यम वोतना यरिहोहाइ स्वाछानी ।"

![](https://cdn.door43.org/obs/jpg/360px/obs-en-27-05.jpg)

यात्रा खैतल खैत्याउ, हुन मन्छेकना खुन्याङराँउक दाठौ समुहै लुटेसो ।हुराउइ हुनदैना ओयाङ सब्ल थोकराँउ कात्सो अनि हुन्काना अधमरो(सिन्याङघारी )मक्सो ।हुन न्हौ हुराँइ हुन मन्छेकना लेत्तना होइतना स्वस्वासी ।

![](https://cdn.door43.org/obs/jpg/360px/obs-en-27-06.jpg)

हुन्क आइची बेला न्हौ,दा-जना यहुदी पुजारी सयोगै हुन्ल यम ओतना स्वाछानी।जब इन धार्मिक अगुवाइ हुन लुटेइयाङ दै घाइत्या प्रीइयाङ मन्छेकना मुआ,हुन यमक हाइपट्टिउ स्वाआ अनि हुन मन्छेहाइत तर्केया,अनि आफ्नो यमहाइ ग्लाआ।

![](https://cdn.door43.org/obs/jpg/360px/obs-en-27-07.jpg)

हुसा ओयाङ चो बेला माओत्याउल ,दा-जना लेवि कनि हुन यम ओतना झरेया।(लेबिराउ यहुदीराँउक दाठौ कुल हुइनी जाङी ,मम्दिरहा पुजारीराँउकना सहायता खयनी )।हुन लेवि कनि यम क हाइपट्टिउहाइतना स्वाआ अनि हुन लुटेयियाङ दैना घाइत्या प्रीइयाङ मन्छेकना वास्ता खैसोमा।

![](https://cdn.door43.org/obs/jpg/360px/obs-en-27-08.jpg)

हुन यम ओतना स्वान्याङ अर्को मन्छे दा-जना सामरी ह्रेनी ।(सामरीराँउ यहुदीराउक हुन सन्तानराउ हुइनी ,जाङी अरु देश क मन्छेराउकना ब्याहा खैथासोनी ।सामरिराँउ दै यहुदीराँउइ दा-इ अर्कोकना घिन(घृणा)खयनी ।तर जब हुन सामरीँइ हुन यहुदी मनछेकना मुआ,हुन्क मनौ दयाभाबै भरेया।हुन्लमारै हुनि हुन यहुदी ताकी साहानुभुती सारा अनि हुन्क घाउराँउहा पट्टि स्लाबैया।"

![](https://cdn.door43.org/obs/jpg/360px/obs-en-27-09.jpg)

”अनि"हुन सामरिइ हुन यहुदीकना आफ्नो गधाताकी थोता अनि हुन्कना यमताकिक दाठौ पौवाहा कात्तना हुन सामरिइ हुन्क स्याहार खया।

![](https://cdn.door43.org/obs/jpg/360px/obs-en-27-10.jpg)

अर्को काले ,हुन सामरिइ आफ्नो यात्राकना निरन्तरता बयम ब्रीन्याङ ह्रेनी ।हुनि ह्वाक पौवाक मालिककना आइचिदा पैसा बैतना गारा,"हुन्क ख्याल खयम,अनि यदि नाङ्कना इनहाइत चो खर्छ ग्लाआझै,ङा फर्केत ओङ्त्याउ ,हुन खर्छ तिरेबैहौ।"

![](https://cdn.door43.org/obs/jpg/360px/obs-en-27-11.jpg)

हुन न्हौ येशूइ ब्यबस्थाक हुन निपुण मन्छेकना सुधेया,नाङकना आङ ग्लाकङ ?हुन मध्य गुसाङ चाहिँ हुन लुटेइयाङ दै घाइत्या ओयाङ मन्छेक छिमेकी हु?"हुनि जवाफ बया,"हुन्ल ,जाङ हुनताकी दयालु ह्रेनी ।"येशूइ हुन्कना गारा ,नाङकनी गात अनि हुसल खै।"

*बाइबलको कथाः लूका १०:२५-३७ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_27_128kbps.m4a

## 28. २८. धनी जवान शासक

https://openbiblestories.org/l/rji/story-28/

![](https://cdn.door43.org/obs/jpg/360px/obs-en-28-01.jpg)

दाक्काले ,दाजना धनी तन्धेरी शासक येशूनिङ्हा ओङ्तना सुधेया,"असल गुरु, अनन्त जीवन दारमकना ङाइ आङ खयम ब्रीकङ?"येशूइ हुन्कना गारा,आहु,नाङी ङाकना "असल" गार्की ?दाजना च्याल असल ह्रेकङ जाङ ह्रेकङ,अनि उइ चाहिँ परमेश्वर हु।तर यदि नाङी अनन्त जीवन चाहेकु खाझै ,परमेश्वरक आज्ञाराँउ पालन खै।"

![](https://cdn.door43.org/obs/jpg/360px/obs-en-28-02.jpg)

हुन मध्य गुसाङ चाहिँ ङाइ पालन खयम ब्रीङ ?हुनि सुधेया ।येशूइ गारा ,"हत्या माखयम ।ब्यभिचार ताखयम ।ताखुम।झुठो माथामम।आफ्नो जेयु-बयुक आदर खयम,अनि आफ्नो छिमेकिकना नाङी आफुकना साङ्ल माया खयम।"

![](https://cdn.door43.org/obs/jpg/360px/obs-en-28-03.jpg)

तर हुन तन्धेरी मन्छेइ आफुकना ठिक प्रमाणित खयमकना खयमकलागै क्लाइया ,"ङाइ इन सब्ल आज्ञाराउ ङा आइछु केटा ओयाङ हाइतनाल खैतल ओङ्ह्रेका ।ङाइ अझल आङखयमा ब्रीकङ ताकी ङा सदाकलागै बचेम ह्रोउ ?"येशूइ हुन मन्छेकना मुआ खै ब्रेन मानेया ।

![](https://cdn.door43.org/obs/jpg/360px/obs-en-28-04.jpg)

येशूइ जवाफ बया ,"यदि नाङ सिद्ध ओम भ्र्याकु खाझै ,गात अनि नाङ दै ओयाङ सब्ल थोक क्लात् अनि हुनहाइत ओङ्याङ कचङ गरिबराँउकना बै,अनि स्वर्गहा नाङी धन दार्हौ ।हुन न्हौ ओङ अनि ङाक न्हि ग्ला ।"

![](https://cdn.door43.org/obs/jpg/360px/obs-en-28-05.jpg)

जब हुन जवान मन्छेइ येशूइ गार्याङ कुरा क्लाँआ,हुन चो दुखी ओआ ,आहुखाझै हुन चो धनी ह्रेनी अनि आफुइ अधिकार जमायाङ सब्ल थोक बयम चाहेतमानी ।हुन होइतना फर्केत स्वाआ।

![](https://cdn.door43.org/obs/jpg/360px/obs-en-28-06.jpg)

अनि येशूइ उइक चेलाराँउकना गारा,"धनी मन्छेराँउकना परमेश्वरक राज्यहा बाङम चो धौ ह्रेकङ

![](https://cdn.door43.org/obs/jpg/360px/obs-en-28-07.jpg)

जब चेलाराउइ येशूइ गार्याङ कुरा क्लाँसो,हुराउ छक्क ब्रीसी अनि क्ल्याइसी,"हुसा खाझै गुनि चाहिँ मुक्ती दारम ह्रोकु त ?"

![](https://cdn.door43.org/obs/jpg/360px/obs-en-28-08.jpg)

येशूइ हुन चेलाराँउहाइ चिना अनि क्ल्या(गारा) ,"मन्छेराँउक लागै इन असम्भब ह्रेङ ,तर परमेश्वरक लागै ,सब्ल कुरा सम्भब ह्रेकी।"

![](https://cdn.door43.org/obs/jpg/360px/obs-en-28-09.jpg)

पत्रुसै येशूकना गारा,"ङैइ सब्ल कुराँराउ लेत्तना नाङकना पछ्याथाक्सो ।ङै क लागै इनाम आङ ओन्याह्रेङ?"

![](https://cdn.door43.org/obs/jpg/360px/obs-en-28-10.jpg)

येशूइ जवाफ बया,जाङी ङाक ब्रीङु क लागै आफ्नो नाम ,दाजु-गोत्याउ,दिदिउ-बैनिउ ,बयु,जेयु,चाउग्रोमु ,अथवा धन सम्पती लेत्थाक्सो ,हुराँउ सब्ल्हाउइल सय गुणा चो दार्न्या ह्रेकी अनि हुराँउइ अनन्त(मासिन्याङ)जीवन कनि दार्न्याह्रेकी ।तर चो जना जाङ ध्रौ ह्रेकी हुराँउ न्हौ ओन्याह्रेकी अनि न्हौ ओन्याङराँउ चाहिँ ध्रौ ओन्याह्रेकि।"

*बाइबलको कथा: मत्ती १९:१६-३०; मर्कूस १०:१७-३१; लूका १८:१८-३० बाट*

Audio: https://git.door43.org/OBS-TLF/rji_obs/releases/download/v1/rji_obs_v1_28_128kbps.m4a

## 29. २९. निर्दयी नोकरक दृष्तान्त

https://openbiblestories.org/l/rji/story-29/

![](https://cdn.door43.org/obs/jpg/360px/obs-en-29-01.jpg)

दाक्काले,पत्रुसै येशूकना सुधेया,"मालिक,ङाक गोत्याङै ङाक बिरुद्धहा पाप खैकुखाझै ङाइ हुन्काना घे चोटा क्षमा बयु?आङ सात्थ चोटा ?"येशूइ गारा "सात्थ चोटा माहु ,तर सात्थ गुणा सत्तरी चोटा

![](https://cdn.door43.org/obs/jpg/360px/obs-en-29-02.jpg)

परमेश्वरक राज्यचाइ दा-जना राजा साङ हु,जाङी आफ्नो नोकरराँउ दै हिसाब किताब सुल्झाम भ्र्याआ।हुन्क नोकर मध्य दा-जनाइ करिब २,००,००० बर्ष मचैक मज्दुरी क रिन कुर्थाआनी ।

![](https://cdn.door43.org/obs/jpg/360px/obs-en-29-03.jpg)

हुन नोकरै आफ्नो रिन तिरेम माह्रोयाङ मारै राजाइ हुन नोकरकना गारा,इन मन्छे दै इन्क जहानकना दास क रुपहा क्लात्बैने,ताकी इनि आफ्नो रिनौ चुक्ता खयम ह्रोउ।"

![](https://cdn.door43.org/obs/jpg/360px/obs-en-29-04.jpg)

हुन नोकरै राजाक ध्री आफ्नो पुसु टेकेया अनि गारा,कृपया ङा दैना धैर्य ओनि ,अनि ङाइ नाङ्निकना तिरेम बाकी ह्रेयाङ सब्ल कचङ ङा नाङ्निकना तिरेबैहौ।"राजाकना नोकर ताकी दया जागेया,हुन्लमारै उइ हुन नोकरक सब्ल रिनराँउ चुक्ता खैबया अनि हुन्कना स्वामबया।"

![](https://cdn.door43.org/obs/jpg/360px/obs-en-29-05.jpg)

तर जब हुन नोकर राजाक नजरहाइत भाइरौ स्वाआ,हुनि अर्को दा-जना सङ्घौ नोकरकना दाल्लआ जाङ हुन्क प्री महिना मचै मजदुरिक रिणि ह्रेनी।हुन नोकरै आफ्नो सङ्घौ नोकरकना चुमा अनि गारा,"नाङी ङा-हाइत कात्याङ रि-न तिरेलेत्

![](https://cdn.door43.org/obs/jpg/360px/obs-en-29-06.jpg)

हुन सङ्घौ नोकरै आफ्नो पुसु टेकेया अनि गारा,कृपया ङा-दैना धैरे ओ ।नाङ्कना तिरेम बाँकी ह्रेयाङ सब्ल कचङ ङा तिरेबैहौ।"तर हुन नोकरै त आफ्नो सङ्घौ नोकरै रि-न मा-चुकाम मचै हुनकना झ्याखनाहा जाक्बया।"

![](https://cdn.door43.org/obs/jpg/360px/obs-en-29-07.jpg)

हुन घटना मुछायाङ कोँइ अरु नोकरराँउकना इन घटनाइ चो निरास तुल्याआ।हुराउ राजानिङ्हा स्वासी अनि उइकना सब्ल कुरा गार्बैसो।

![](https://cdn.door43.org/obs/jpg/360px/obs-en-29-08.jpg)

राजाइ हुन नोकरकना स्लोक्तना गारा ,"नाङ दुष्ट नोकर

![](https://cdn.door43.org/obs/jpg/360px/obs-en-29-09.jpg)

अनि येशूइ गारा,"यदि नराँउइ आफ्नो हृदयहाइतनाल आफ्नो गोट्याउकना क्षमा बैकासोमाखाझै स्वर्गहा ओयाङ ङा क बइ कनि नराँउ सब्ल्हाउकना हुसल खैन्याह्रेङ।"

*बाइबलको कथा: मत्ती १८:२१-३५ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_29_128kbps.m4a

## 30. ३०. येशूइ प्ला हजार मन्छेराउकना जेता

https://openbiblestories.org/l/rji/story-30/

![](https://cdn.door43.org/obs/jpg/360px/obs-en-30-01.jpg)

मन्छेराँउकना पर्चार खयम दै शिक्षा बयम येशूइ आफ्नो चेलाराँउकना विभिन्न ठन्कराँउहा लेता।जब हुराँउ येशू ओयाङ ठन्कहा फर्केतना ओङ्सी ,हुराँउइ खयाङ कामराउ उइ कना गार्सो।हुन न्हौ येशूइ हुराँउकना आफुदैना समुन्द्रक पारै छेउ ,दाठौ शान्त ठाउहा कातना दाघ्रीदा आराम खयम स्लोकासी ।हुन्लमारै ,हुराँउ दाठौ नावाहा थुतिसी अनि समुन्द्रक पारै छेउहाइ स्वासी ।

![](https://cdn.door43.org/obs/jpg/360px/obs-en-30-02.jpg)

तर हुन्हा चो मन्छेराँउ ह्रेइनी ,जाङी येशूदै उइक चेलाराँउकना नावाहा थुतित अन्तल स्वायाङ मुथासोनी ।इन मन्छेराँउकनी उइराँउ हाइत पहिलाल समुन्द्रक पारैपट्टिउ तोङ्कान्याङ दाउइ किनार्ल किनार दौडेसी ।तसर्थ ,जब येशूदै चेलाराँउ हुन ठन्कहा तोङ्कासी,मन्छेराँउक बरे भिड हुन्हा पहिलाल उइराँउकना कुरेतना नैह्रेसिनी ।

![](https://cdn.door43.org/obs/jpg/360px/obs-en-30-03.jpg)

हुन भिडहा मच्चा दैना लान्हिङराँउकना मा-गनेतना ,५,००० हाइत चो यराराँउ ह्रेइनी ।येशूइ हुन मन्छेराँउकना दया सारा।येशूक लागै ,हुन मन्छेराँउ गोठाला बिनाक भेडिराँउ साङ ह्रेइनी ।हुन्लमारै उइ हुराँउकना शिक्षा बया अनि कष्ट्ययाङ मन्छेराँउकना सन्चो प्रीया।

![](https://cdn.door43.org/obs/jpg/360px/obs-en-30-04.jpg)

दिनक अन्त्यहाइ,चेलाराँउइ येशूकना गार्सो ,"नो त ढिलो ओसोका अनि नजिकल आङ्ल बस्तिकनी हैमा।इन मछेराँउ कना अन्तल लेत्बयुसी ताकी इराँउइ जाम क लागै आङभनी दारम ह्रोएद ।"

![](https://cdn.door43.org/obs/jpg/360px/obs-en-30-05.jpg)

तर येशूइ चेलाराउकना गार्सी ,"नराउइल इराउक लागै जाम्क बन्दोबस्त खैबैने

![](https://cdn.door43.org/obs/jpg/360px/obs-en-30-06.jpg)

येशूइ भिडहा ओयाङ मन्छेराँउकना पचास-पचास जनाक झुन्डहा नयम स्लाम गार्तना चेलाराँउकना अह्राआ ।

![](https://cdn.door43.org/obs/jpg/360px/obs-en-30-07.jpg)

अनि येशूइ हुन प्लाँ रोटा दैना निठौ ङा काता,ताकि स्वर्गहाइ चिना ,अनि जान्याङ कुराक लागै परमेश्वरकना धन्यवाद बया।

![](https://cdn.door43.org/obs/jpg/360px/obs-en-30-08.jpg)

हुन न्हौ येशूइ रोटादै ङा कना टुक्रा-टुक्रा प्रीतना क्रेया।उइ हुन तुक्राउराँउ मन्छेराँउकना ब्र्यात् बयमक लागै चेलाराँउकना बया ।चेलाराउइ जान्याङ कुरा ब्र्यात्तलह्रेसी ,अनि हुन तिङ्ल गुनामा

![](https://cdn.door43.org/obs/jpg/360px/obs-en-30-09.jpg)

हुन न्हौ,चेलाराँउइ उब्रेयाङ जान्याङ कुरा जम्मा प्रीसो,अनि हुन चाहिँ करिब बाह्र डाली हाइत चो ओम ओकाआ

*बाइबलको कथा: मत्ती १४:१३-२१; मर्कूस ६:३१-४४; लूका ९:१०-१७; यूहन्‍ना ६:५-१५ बाट*

## 31. ३१. येशू तिताकी स्वाआ

https://openbiblestories.org/l/rji/story-31/

![](https://cdn.door43.org/obs/jpg/360px/obs-en-31-01.jpg)

अनि भिडकना बिदा खैतना चेलाराउकना नावाताकी थुतित समुन्द्रक पारै पट्टिउहाइ गात्नी गारा।भिडकना बिदा खैह्रोयाङ न्हौ उइ प्राथना खयमक लागै डाडौताकी थुतिया।येशू हुन्हा एक्लाल ह्रेनी ,अनि झिरी अबेरमचै प्राथना खैछाआ।

![](https://cdn.door43.org/obs/jpg/360px/obs-en-31-02.jpg)

चेलाराउ आफ्नो नावाँ खियाछाइनी,तर झिरी अबेरमचै कनि हुराँउ समुन्द्रक बिच भाग मचै च्याल तोङ्काह्रेसिनी ।चो कठिनाइहा हुराँउ नावा खियाछाइनी आहुखाझै शक्तिसाली आँधी हुराँउक उल्टाइ चलेह्रेयानी ।

![](https://cdn.door43.org/obs/jpg/360px/obs-en-31-03.jpg)

येशूइ प्राथना खैत कुन्याङ न्हौ उइ चेलाराँउ निङ्हा काआ।उइ समुन्द्रक तिताकी स्वातल हुराँउ ओयाङ नावाहाइ स्वाआ।

![](https://cdn.door43.org/obs/jpg/360px/obs-en-31-04.jpg)

जब चेलाराँउइ येशूकना मुसो,हुराँउ चो भयभित(प्रीसी )ओसि आहुखाझै आफुइ गुसाङ् भुत मुछायाङ हुराउइ ठानेसो।हुराँउ प्रीह्रेक्सी खैतना येशूकना थाहा ह्रेनी ,हुन्लमारै उइ हुराँउकना स्लोकासी अनि गारा,"ताप्रीनि ।ङा हुँ

![](https://cdn.door43.org/obs/jpg/360px/obs-en-31-05.jpg)

तब पत्रुसै येशूकना गारा,"गुरुज्यु,यदि नाङ्ल हु खाझै,ङाकना नाङनिङ्हा तिताकी ओतना ओङ्न्याङ आज्ञा खैनिङ।"येशूइ पत्रुसकना गारा,"ओङ

![](https://cdn.door43.org/obs/jpg/360px/obs-en-31-06.jpg)

हुन्लमारै ,पत्रुस नावाँहाइत भाइरौ तोङा अनि तिताकि येशू ह्रीपियाङ ठन्कहाइ स्वाम ग्लाआ ।तर दाघ्रीदा स्वायाङ न्हौ ,हुनि अफ्नो मिकुराँउ येशूहाइत अन्तल काता अनि छालराँउहाइ मुम दै आँधिकना महसुस खयम ग्लाआ।

![](https://cdn.door43.org/obs/jpg/360px/obs-en-31-07.jpg)

तब पत्रुस प्रीया अनि बुरेम ग्लाआ।हुन इसा क्ल्याइतल क्रीका,"गुरुज्यू,ङाकना बचानिङ

![](https://cdn.door43.org/obs/jpg/360px/obs-en-31-08.jpg)

पत्रुस दै येशू नावाँहा थुतिसी ,न्हौ आँधी तुरुन्तल रोकेया अनि ती शान्त ओआ।चेलाराँउ चकित ओसि ।हुराँउइ इसा क्ल्याइतल येशूक आराधना खैसो,"साच्चोल,नाङ परमेश्वरक चाउ हु।"

*बाइबलको कथा: मत्ती १४:२२-३३; मर्कूस ६:४५-५२; यूहन्‍ना ६:१६-२१ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_31_128kbps.m4a

## 32. ३२.येशूइ भुतात्मा ग्लायाङ मन्छे दै रोगी मच्चाकना निको प्रीया

https://openbiblestories.org/l/rji/story-32/

![](https://cdn.door43.org/obs/jpg/360px/obs-en-32-01.jpg)

दाक्काले ,येशू दै उइक चेलाराँउ नावाहा थुतित समुन्द्रक पारैपट्टिउ गदरिनी मन्छेराँउ ओयाङ ठन्कहाइ स्वासी ।

![](https://cdn.door43.org/obs/jpg/360px/obs-en-32-02.jpg)

जब उइराँउ तालौक पारै छेउहा तोङ्कासी ,दा-जना भुतात्मा ग्लायाङ मन्छे येशूनिङ्हा दौरेतल ओङा ।

![](https://cdn.door43.org/obs/jpg/360px/obs-en-32-03.jpg)

हुन मन्छे इच्च बल्ल्यो ह्रेनी ,कि गुनिल्कनी हुन्कना सम्हालेम ह्रोएमानी ।मन्छेराँउइ हुन्क याकु दै खुट्टाउराँउ साङ्ली ह्रूप्बैथासोनी ,तर हुनि हुन साङ्लिराँउ चिउन्याङ खयुनी ।

![](https://cdn.door43.org/obs/jpg/360px/obs-en-32-04.jpg)

हुन मन्छे हुन इलाकाक चिहानराँउ ओयाङ ठन्कहाइ नैन्याङ खयुनी ।हुन मन्छे हरेक तुनि हरेक झिरी क्रीक्न्याङ खयुनी ।हुनि आङ्ल थ्याङ्ह्री फाङुमानी अनि आफुकना घरी-घरी ढुङ्गै मक्न्याङ खयुनी ।

![](https://cdn.door43.org/obs/jpg/360px/obs-en-32-05.jpg)

हुन मन्छे येशूनिङ्हा ओङ्तना,उइक ध्री घोप्त्या ब्रीया।येशूइ हुन भुतात्माकना गारा,"इन मन्छेहाइत भाइरौ ओङ

![](https://cdn.door43.org/obs/jpg/360px/obs-en-32-06.jpg)

भुतात्मा ग्लायाङ मन्छे चर्को स्वरहा क्रीका,"नाङि ङाहाइत आङ चाहेकु ,येशू, परमप्रभु परमेश्वरक चाउ?कृपया ङाकना ता-सतानिङ

![](https://cdn.door43.org/obs/jpg/360px/obs-en-32-07.jpg)

हुन भुतात्माराँउइ येशूकना बिन्ती खैसो,"कृपया ङैकना इन ठन्कहाइत भाइरौ ता-तोन्निङ

![](https://cdn.door43.org/obs/jpg/360px/obs-en-32-08.jpg)

हुन भुतराँउ हुन मन्छेहाइत भाइरौ ओङ्सी अनि पाकराँउक भित्रौ बाङ्सी ।हुन पाकराँउ हुररेतना भिरहाइत समुन्द्रहा खसेतना बुरेसि।हुन बथानहा करिब २,००० पाकराँउ ह्रेइनी ।।

![](https://cdn.door43.org/obs/jpg/360px/obs-en-32-09.jpg)

जब हुन पाकराँउकना मुन्याङ मन्छेराँउइ हुन घटना मुसो,हुराँउ बस्तिहाइ ब्रोक्सी अनि सब्ल्हाउकना येशूइ खयाङ काम गार्बैसो।मन्छेराँउ हुन बस्तिहाइतना तोङ्तना ओङ्सी अनि भुतात्माराँउ ओयाङ हुन मन्छेकना मुसो।हुन शान्तओत नैह्रेयानी,थ्याङ्ह्री फाङ्थाआनी ,अनि सधारण मन्छे साङ (जसैतना)व्यवहार खैछानि।

![](https://cdn.door43.org/obs/jpg/360px/obs-en-32-10.jpg)

मन्छेराँउ चो प्रीह्रेसिनी हुन्लमारै हुराँउइ येशूकना तोङ्त स्वाम आग्रह खैसो।हुन्लमारै येशू नावाँहा बाङा अनि स्वामक लागै सहतेया।भुतात्मा ग्लायाङ हुन मन्छेइकनी येशूदैनाल स्वाम बिन्ती खया।

![](https://cdn.door43.org/obs/jpg/360px/obs-en-32-11.jpg)

तर येशूइ हुन मन्छेकना गारा,"माहु नाङ आफ्नो नाम्हाइ फर्केत स्वगात अनि आफ्नो सङ्घौराँउ दैना जहानकना परमेश्वरै नाङ्कलागै खयाङ सब्ल कामराँउ अनि गोसखैतना उइ नाङताकी दया सारा हुन हुराँउकना गारुसी खैतना ङाइ चाहेथाका।"

![](https://cdn.door43.org/obs/jpg/360px/obs-en-32-12.jpg)

हुन्लमारै हुन मन्छे होइतना स्वाआ अनि सब्ल्हाउकना येशूइ हुन्कलागै खयाङ कामक बखान खया।हुन्क कथा क्लाँन्याङ सब जना आश्चार्यचकित ओसि अनि छक्क ब्रीसी ।

![](https://cdn.door43.org/obs/jpg/360px/obs-en-32-13.jpg)

येशू समुन्द्रक पारै पट्टिउ फर्केया।उइ हुन ठन्कहा ओङ्याङ न्हौ,दाठौ बरे भिड उइक प्रीतर्फा हाइ जम्मा ओसि अनि उइकना घेरेतना धुलम ग्लासी ।हुन भिडहा दाजना मच्चा ह्रेनी जाङी बाह्र बर्ष मचै सिँ ब्रेउन्याङ(रक्तस्राव)क पीडा भोगेछानी ।हुनि आफ्नो सब्ल कचङ सन्चो ओम क लागै बैध्यराँउकना तिरेह्रोथाआनि तर हुन्क अबस्था झन जटिल ओकातह्रेयानी ।

![](https://cdn.door43.org/obs/jpg/360px/obs-en-32-14.jpg)

येशूइ चो रोगि मन्छेराँउकना निको प्रीथाआनी गार्न्याङ कुरा हुनि क्लाँथाआनि ।हुनि सोचेया ,"ङाकना निश्चय ह्रेङ,कि यदि ङाइ येशूक थ्याङ्ह्री च्याल दुम ह्रोका खाझै कनि,ङा निको ओन्याह्रेङ

![](https://cdn.door43.org/obs/jpg/360px/obs-en-32-15.jpg)

तुरुन्तल,येशूइ आफ्नो शक्ति उइहाइत तोङ्तना स्वायाङ थाहा दारा।हुन्लमारै उइ न्ही फर्केया अनि सुधेया ,"ङाकना गुनि दुक्सी?"चेलाराँउइ जवाफ बैसो ,"नाङ्क वरिपरि मन्छेराँउक भिड ह्रेकङ ,जाङी धुल्छाकी अनि ठेलामठेल खैछायाङ ह्रेकि र कनि ङाकना गुनि दुक्सी खैतना आहु सुधेकी?"

![](https://cdn.door43.org/obs/jpg/360px/obs-en-32-16.jpg)

हुन मच्चा येशूक ध्री बिर्तल दैना चो प्रीतना घोप्टो ब्रीया।अनि हुनि आङ खयाङ हुनि हुन उइकना गारबया अनि हुनि उइ(आफू) निको ओयाङ कुरा गारा। येशूइ हुन्कना गारा,"नाङ्क बिश्वासै नाङ्कना निको प्रीथाका।शान्तवत गात ।"

*बाइबलको कथा: मत्ती ८:२८-३४; ९:२०-२२; मर्कूस ५:१-२०; ५:२४(ख)-३४; लूका ८:२६-३९; ८:४२(ख)-४८ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_32_128kbps.m4a

## 33. ३३. किसानक कथा

https://openbiblestories.org/l/rji/story-33/

![](https://cdn.door43.org/obs/jpg/360px/obs-en-33-01.jpg)

दाक्काले, येशू समुन्द्र किनारक छेउहा बरे भिडहा मन्छेराँउकना शिक्षा बैछानी ।उइ क कुरा क्लाँम इच्च चो मन्छेराँउ ओङ्सी कि थाममक लागै दुम्न्याङ् ठन्क ओद गार्तना येशू समुन्द्रक छेउहा ओयाङ नावाँताकी थुतिया।उइ नावाँहा नया अनि मन्छेराँउकना सिखाम ग्लाआ ।

![](https://cdn.door43.org/obs/jpg/360px/obs-en-33-02.jpg)

येशूइ इन कथा गारा,"दा-जना किसान ब्याङ फोम क लागै भाइरौ तोङा ।जसाल हुन ब्याङ फोछानी ,आइचिदा ब्याङ यमहाल् झरेसी,अनि ब्वाराँउ ओङ्तना हुन सब्ल ब्याङराँउ जाबैसो।"

![](https://cdn.door43.org/obs/jpg/360px/obs-en-33-03.jpg)

"आइचिदा अरु ब्याङराउ ढुङ्गेनी जमिन(दिशा)हा ब्रीसी ,जहाँ मच्या चो कम ह्रेनी ।हुन ढुङ्गेनी जमिनहा ब्रीयाङ ब्याङराँउ चाढोल इङ्सी तर हुन्क जह्र्याउराँउ मच्या भित्रौ स्वाम ह्रोन्याङ हैमानी ।जब छा ग्लाआ गर्मी ओम ग्लाआ,हुन बिरुवाराँउ ओइलेतना सिसि ।"

![](https://cdn.door43.org/obs/jpg/360px/obs-en-33-04.jpg)

"आइचिदा अरु ब्याङराँउ कन्टा ओयाङ झ्याङहाइ ब्रीया ।हुन ब्याङराँउ बओम त बौसी ,तर कन्टाराँउइ हुन ब्याङराँउ कना निसासे बया(बओम बैसोमा) ।हुन्लमारै कन्टाराँउ ओयाङ जमिन(दिशा)हा इङ्याङ बिरुवाराँउइ आङ्ल सयु फलासोमा।"

![](https://cdn.door43.org/obs/jpg/360px/obs-en-33-05.jpg)

"अरु ब्याङराँउ ह्रुङ मच्या ओयाङ ठन्कहा बृसी ।इन ब्याङराँउ इङ्सी खै हुराँउइ ३०,६०वा अझ १०० गुणा चो सयु बैसो ।जाङक ग्लाँउ ह्रेङ,हुनि क्लाँउद

![](https://cdn.door43.org/obs/jpg/360px/obs-en-33-06.jpg)

इन कथाइ चेलाराँउकना अलमलहा प्रीया।हुन्लमारै येशूइ बुझाआ,"ब्याङ चाँइ परमेश्वर क वचन हुँ ।मच्या चाँइ हुन मन्छे हुँ जाङी परमेश्वरक वचन त क्लाँकु,तर हुन्कना बुझेकुमा,अनि दुष्टै हुनहाइत हुन वचन खोसेत कात्बैकु।"

![](https://cdn.door43.org/obs/jpg/360px/obs-en-33-07.jpg)

"ढुङ्गेनी जमिन(दिशा)चाँइ हुन मन्छे हुँ जाङी परमेश्वरक वचन क्लाँतना इनकना खुशीवत ग्रहण खैकु ।तर जब हुनि कठिन परिस्थिती अथवा खेदोक सामना खैकु हुन हुनहाइतना न्हौ हटेकङ।"

![](https://cdn.door43.org/obs/jpg/360px/obs-en-33-08.jpg)

"कन्टाउओयाङ जमिन(दिशा)चाइ हुन मन्छे हुँ जाङी परमेश्वरक वचन क्लाँकु,तर जसाल समय बितेकातङ , जिबनक फिक्री,धन सम्पती,अनि आनन्दै परमेश्वरताकिक हुनक प्रेमकना निस्सासेबैकु ।फलस्वरुप ,हुनि क्लाँयाङ शिक्षाइ आङ्ल सयु(सैकङमा)फलाकुमा।"

![](https://cdn.door43.org/obs/jpg/360px/obs-en-33-09.jpg)

"तर ह्रुङ मच्या चाँइ हुन मन्छे हुँ,जाङी परमेश्वरक वचन क्लाँकु ,हुन्काना बिश्वास खैकु ,अनि सयु सैकङ(फलाकु)।"

*बाइबलको कथा: मत्ती १३:१-८, १८-२३; मर्कूस ४:१-८, १३-२०; लूका ८:४-१५ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_33_128kbps.m4a

## 34. ३४. येशूइ अरु कथाराउ सिखासी

https://openbiblestories.org/l/rji/story-34/

![](https://cdn.door43.org/obs/jpg/360px/obs-en-34-01.jpg)

परमेश्वरक राज्यक विषयहा येशूइ अरु चोल कथाराउ गार्सी ।उदाहरणक लागै ,उइ गारा,"परमेश्वरक राज्य दाठौ रायोक ब्याङसाङ हु,जाङ गुनिल आफ्नो खेतहा स्लाआ।नराँउकना थाहाल ह्रेकङ,कि रायो क ब्याङ ब्याङराँउहा सबहाइत आइचु ओङ।"

![](https://cdn.door43.org/obs/jpg/360px/obs-en-34-02.jpg)

तर जब रायोक ब्याङ इङ्कङ,तब हुन बगैचाक बिरुवाराँउहाइत सबहाइत बरे ओकङ,इच्च बरे ओङ कि ब्वाराँउ कनि ओङतना हुन्क हागाउराँउहा न्हातिकी ।

![](https://cdn.door43.org/obs/jpg/360px/obs-en-34-03.jpg)

येशूइ अर्को कथा गारा,"परमेश्वरक राज्य खमिरसाङ हु जाङ दाठौ मच्चाइ रोटा बनान्याङ पिठोक डल्हाउदैना क्वाङा,अनि हुन खमिरै पिठोक सब्ल डल्हाउकना खमिरी बनाबया।"

![](https://cdn.door43.org/obs/jpg/360px/obs-en-34-04.jpg)

परमेश्वरक राज्य दाठौ किम्याङ ध-न साङ कनि हुँ,जाङ गुन्भनी मन्छेइ दिशा दि स्लुप्तना थायाङ ह्रेनी ।गुन अर्को दाठौ मन्छेइ हुन किम्याङ ध-न दाल्लआ अनि फेरि हुन्कना किमा ।अनि हुन खुसिइ इच्च प्रफुल्लित ओआ,कि हुनि कातना आफुदै ओयाङ सब्ल थोक क्लाता अनि हुनहाइत ओङ्याङ कचङै हुन खेत लौवा।

![](https://cdn.door43.org/obs/jpg/360px/obs-en-34-05.jpg)

परमेश्वरक राज्य शुद्ध मुल्यबान मोति साङ कनि हुँ।जब गुसाङल दाठौ मोति व्यापारी हुन्कना दाल्लआ ,हुनि आफुदै ओयाङ सब्ल थोक क्लाता अनि हुनहाइत ओङ्याङ कचङ हुन मोति लवमहा खर्छ खया ।

![](https://cdn.door43.org/obs/jpg/360px/obs-en-34-06.jpg)

अनि येशूइ आइचीदा मन्छेराँउकना दाठौ कथा गारा,जाङी आफ्नो मजा कामराँउहा भरोसा खयनी अनि अरु मन्छेराँउकना घि-न खयनी ।उइ गारा ,"नि जना मन्छेराँउ मन्दिरहा प्राथना खयम स्वासी ।हुन मध्य दाठौ कर सौन्याङ मन्छे ह्रेनी ,अनि अर्को चाँइ दा जना धार्मिक अगुवा ह्रेनी ।"

![](https://cdn.door43.org/obs/jpg/360px/obs-en-34-07.jpg)

हुन धार्मिक अगुवाइ इसा गार्तल प्राथना खया,धन्यबाद,परमेश्वर,ङा अरु मन्छेराँउसाङ पापी हैमा(जसाल =:लुटेन्याङराँउ,अन्यायी मन्छेराँउ ,ब्यभिचारिराँउ,अथवा अरु हुन कर सौन्याङ मन्छेराँउसाङ।"

![](https://cdn.door43.org/obs/jpg/360px/obs-en-34-08.jpg)

ङा हरेक हप्ता दा चोटा उपबास नैकङ अनि ङाइ दार्याङ सब्ल कचङ दै सब्ल थोकक दशौ भा-ग नाङकना बैकु।

![](https://cdn.door43.org/obs/jpg/360px/obs-en-34-09.jpg)

तर हुन कर सौन्याङ मन्छेइचाँइ धार्मिक अगुवाहाइत टाढोल नया ,अनि स्वर्गहाइ आफ्नो मिकु कनि सवामा ।बरु, हुनि मुड्किइ आफ्नो छातिउ मका अनि प्राथना खया,परमेश्वर,कृपया ङा ताकी दया सार्निङ आहुखाझै ङा दाठौ पापी हुँ।"

![](https://cdn.door43.org/obs/jpg/360px/obs-en-34-10.jpg)

हुन न्हौ येशूइ गारा,"ङा नराँउकना साच्चोल गार्कुसी ,परमेश्वरै हुन कर सौन्याङ मन्छेक प्राथना क्लाआ अनि हुन्कना धर्मी ठहर्याआ।तर उइकना हुन धार्मिक अगुवाक प्राथना मन ब्रीयामा ।हरेक जाङी आफुकना उच्च ठानेकु ,परमेश्वरै हुन्कना होच्यान्याङ ह्रेङ ,तर जाङी आफुकना होच्याकु हुन्कना उच्च प्रीन्याह्रेङ।"

*बाइबलको कथा: मत्ती १३:३१-३३, ४४-४६; मर्कूस ४:३०-३२; लूका १३:१८-२१; १८:९-१४ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_34_128kbps.m4a

## 35. ३५. दयालु बयुक कथा

https://openbiblestories.org/l/rji/story-35/

![](https://cdn.door43.org/obs/jpg/360px/obs-en-35-01.jpg)

दाक्काले,येशुइ थुप्रोल कर सौन्याङराँउ अनि अरु पापी मन्छेराउकना शिक्षा बैछानि हुराँउ उइक कुरा क्लाँम जम्मा ओह्रेसिनी ।

![](https://cdn.door43.org/obs/jpg/360px/obs-en-35-02.jpg)

हुन्हा उपस्थित धार्मिक अगुवाराँउइ येशूइ पापिराँउकना कनि सङ्घौक साङल व्यवहार खैछायाङ मुसो ,अनि हुराँउइ दा इ अर्कोदैना उइक आलोचना खयम ग्लासी ।हुन्लमारै येशूइ हुराँउकना इन कथा गार्सी ।

![](https://cdn.door43.org/obs/jpg/360px/obs-en-35-03.jpg)

दा जना मन्छे ह्रेनी ,जाङ्क निठौ चाउराँउ ह्रेइनी ।न्हुमा चाउइ आफ्नो बयुकना गारा,बै ,ङा कना नोलैल बै क सम्पतीक भाग चाहेका ।

![](https://cdn.door43.org/obs/jpg/360px/obs-en-35-04.jpg)

चाढो-ल न्हुमा चाउइ आफुदैना ओयाङ सब्ल थोक जम्मा प्रीया अनि होइतना टाढो स्वाआ अनि आफ्नो सब्ल तृयाङ-कचङ जिबनक मोजमस्तिहा खेर तमा।

![](https://cdn.door43.org/obs/jpg/360px/obs-en-35-05.jpg)

आइची बेला(समय) न्हौ,न्हुमा चाउ ओयाङ हुन देशहा अनिकाल ब्रीया,अनि जान्याङ चिज लओमक लागै हुन दैना कचङ हैमानी ।हुन्लमारै हुनि आफुइ खयम ह्रोन्याङ दाठौ च्याल काम खयम ग्लाआ,पाककना चारा जेत्न्याङ ।हुन्क अबस्था इसा ब्रेनमा ब्रेन दैना र्याङु ह्रेनि की हुनि पाक क जान्याङ चिजराँउ जाउसिनी ।

![](https://cdn.door43.org/obs/jpg/360px/obs-en-35-06.jpg)

अन्त्यहा,हुन न्हुमा चाउइ आफुकनाल् गारा,ङा इन आङ खैछाङ ?ङाक बयुक सब्ल नोकरराउदै जाम्क लागै दुम्न्याङ ह्रेकङ ,तर ङा इन्हा र्याङी सिम्ल ग्लाह्रेका ।ङा ङाक बैहा फर्केत काकङ अनि उइ क दाठौ नोकर बनेम दारु गार्त अनुरोध खैहौ।"

![](https://cdn.door43.org/obs/jpg/360px/obs-en-35-07.jpg)

तसर्थ,हुन न्हुमा चाउ आफ्नो बयुक नाम्हाइ स्वाम ग्लाआ।जसल हुन न्हुमा चाउ आफ्नो बयुक नामहाइ ओङ्छानी ,हुन्क बयुइ हुन्कना टाढो हाइतल मुआ अनि हुन्क लागै दया सारा।हुन आफ्नो चाइ ओयाङहाइ डौडेतना काआ अनि हुन्कना गाँआँ म्वाइ खया (जाआ)।

![](https://cdn.door43.org/obs/jpg/360px/obs-en-35-08.jpg)

हुन चाउइ गारा,बै,ङाइ परमेश्वर दैना नाङ्क बिरुद्धहा पाप खैथाका।ङा नाङ्क चाउ ओम योग्यक हैमा।"

![](https://cdn.door43.org/obs/jpg/360px/obs-en-35-09.jpg)

तर हुन्क बयुइ आफ्नो नोकरराँउ मध्यक दाठौकना गारा,झट्टल गाटखै सबहाइत ह्रुङ थ्याङ्ह्री पित्तना ओङ अनि ङाक चाउकना फाङ्बै (पहिर्याबै)।

![](https://cdn.door43.org/obs/jpg/360px/obs-en-35-10.jpg)

हुन्लमारै मन्छेराँउइ खुसियाली मनाम शुरु खैसो ।आइची न्हौ,ध्रीमा चाउ खेतहा काम खैतना नाम्हा फर्केया।हुनि स्यान्याङ-लिक्न्याङ ओछायाङ क्लाआ अनि आङओछायाङह्रेकङ खैतना अचम्म मानेया।

![](https://cdn.door43.org/obs/jpg/360px/obs-en-35-11.jpg)

जब हुन ध्रीमा चाउइ हुन्क गोट्याउ फर्केत ओङ्याङ गार्याङ थाहा दारा,हुन खुब रिसेया अनि नाम भित्रौ काम चाहेयामा।हुन्क बयु भाइरौ ओङा अनि हुन्कना भित्रौ ओङ्तना सब्ल्हाउदैना खुसी मनाम्क लागै आग्रह खया,तर हुनि हुन खयम इन्कार खया।

![](https://cdn.door43.org/obs/jpg/360px/obs-en-35-12.jpg)

ध्रीमा चाउइ आफ्नो बयुकना गारा,सब्ल बर्षराउ ङाइ बिश्वासयोग्य ओतना नाङ्क लागै काम खैथाका

![](https://cdn.door43.org/obs/jpg/360px/obs-en-35-13.jpg)

बयुइ जवाफ बया,ङाक चाउ ,नाङ त सदाल भरेत ङादैना ह्रेकङ ,अनि ङादैना ओयाङ सब्ल थोक नाङ्कल हु ।तर ङै कना खुशी मनाम ठिक ह्रेङ ,आहुखाझै नाङ्क गोट्याउ सिह्रेयानी ,तर नो जिउदो ओह्रेका ।हुन पताइह्रेयानी ,तर नो दारिह्रेका

*बाइबलको कथा: लूका १५:११-३२ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_35_128kbps.m4a

## 36. ३६. येशूक रुप परिबर्तन

https://openbiblestories.org/l/rji/story-36/

![](https://cdn.door43.org/obs/jpg/360px/obs-en-36-01.jpg)

दाक्काले,येशूइ उइक सुमजना चेलाउराउ पत्रुस,याकुब अनि यहुन्नाकना आफुदैना काता।(इन यहुन्ना येशूकना बप्तिस्मा बैन्याङ यहुन्ना माहु।)हुराउ दाठौ अग्लो डाँडौताकी प्राथना खयम कासी ।

![](https://cdn.door43.org/obs/jpg/360px/obs-en-36-02.jpg)

जब येशू प्राथना खैछानी ,उइक अनुहारौ दि-न साङ चम्किलो ओआ अनि उइक थ्याङ्ह्रीउ ज्योतिसाङ प्लाङ ओआ।

![](https://cdn.door43.org/obs/jpg/360px/obs-en-36-03.jpg)

हुन न्हौ हुन्हा मोसादै एलिया अगमबक्ता छिङ्सी ।इन मन्छेराँउ हुन घटना ओम हाइत सयौ बर्ष ध्री बचेयाङ ह्रेइनी ।हुराँउइ येशूदैना उइक सिन्याङक बारेहा कुरा खैसो ,जाङ चाढोल येरुशलेमहा ओन्याङ ह्रेनी ।

![](https://cdn.door43.org/obs/jpg/360px/obs-en-36-04.jpg)

जब मोशादै एलिया येशूदैना कुराकानी खैछाइनी ,पत्रुसै येशूकना गारा,"ङैकना ह्याल ह्रेम ह्रुङ ह्रेकङ।ङैइ सुम ओटा नैन्याङ ठन्क बनाएँ,दाठौ नाङ्कलागै,दाठौ मोशाक लागै,अनि दाठौ एलियाक लागै ।"हुन बेला आफू आङ क्ल्याइछाङ पत्रुसकना थाहा हैमानी ।

![](https://cdn.door43.org/obs/jpg/360px/obs-en-36-05.jpg)

जब पत्रुस थाम्छानी ,दाठौ ट्वाङ बाल्ह दि ओङ्तना हुराँउकना घेरेया अनि बाल्हहाइत परमेश्वरक स्वरै इसा क्लाइया ,"इन ङाक चाउ हु जाङ्कना ङाइ माया खैकु।ङा हुनदैना खुशी ह्रेकङ।उइक कुरा क्लाँम।"हुन सुम चेलाराँउ प्रीसी अनि दिसाहा दिर्सी ।

![](https://cdn.door43.org/obs/jpg/360px/obs-en-36-06.jpg)

अनि येशूइ हुराउकना दुतना गारा,"ताप्रीनी ,सैनी ।"जब हुराँउइ वरिपरि मुसो ,हुन्हा येशू च्याल ह्रेनी ।

![](https://cdn.door43.org/obs/jpg/360px/obs-en-36-07.jpg)

येशूदै हुन सुम चेलाराँउ फेरि डाडौ हाइत दि ग्रोसी ।अनि येशूइ हुराँउकना गारा,"इन्हा ओयाङ घटनाक बारेहा नोलै गुन्कनाल आङ्ल मागारम।ङा छिटोल सिन्याह्रेङ अनि हुन न्हौ फेरि बचेँहै(जिउदो ओहैँ) हुन न्हौ ,नराँउइ मन्छेराँउकना गारम ह्रोहे।"

*बाइबलको कथा: मत्ती १७:१-९; मर्कूस ९:२-८; लूका ९:२८-३६ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_36_128kbps.m4a

## 37. ३७. येशूइ लाजरसकना सियाङहाइत सौआ

https://openbiblestories.org/l/rji/story-37/

![](https://cdn.door43.org/obs/jpg/360px/obs-en-37-01.jpg)

दाक्काले, येशूइ लाजरस चोल कस्टया ओयाङ खबर दारा लाजरसदै हुन्क निठौ दिदिउराँउ ,मरियमदै मार्था येशूक नजिकक सङ्घौ हुइनी ।जब येशूइ इन समचार क्लाँआ ,उइ क्लाइया,इन बिरामै सितना कनि गुन्नेहैमा,तर इन त परमेश्वरक महिमाक लागै हु।"येशूइ उइक सङ्घौराँउकना माया खयुनी ,तर अझ निक्कानमचै हुन ठन्कहा ह्रेया ,जहाँ उइ नैछायाङ ह्रेनी ।

![](https://cdn.door43.org/obs/jpg/360px/obs-en-37-02.jpg)

निक्कान न्हौ,येशूइ आफ्नो चेलाराँउकना गारा,"ओङ्नी,नो ङै यहुदिया फर्केइ।"चेलाराँउइ जवाफ बैसो,"तर गुरु ,"आइची बेला ध्री च्याल हुन्हाक मन्छेराँउइ नाङ्कना सातम भ्र्याह्रेसिनी

![](https://cdn.door43.org/obs/jpg/360px/obs-en-37-03.jpg)

येशूक चेलाराँउइ जवाफ बैसो ,"प्रभु,यदि लाजरस निङ्ह्रेका खाझै,हुन सैन्याह्रेङ।"अनि येशूइ हुराँउकना सजिलो ढङ्गहाइतना गार्बया,"लाजरस सिह्रेका ।ङा हुन्हा माओयाङहा खुशी ह्रेङ,आहुखाझै नराँउइ नो आँइचिदा अद्भुत कुरा मुहे जाङ्कमारै नराँउइ ङाताकी बिश्वास खयम ह्रोहे ।"

![](https://cdn.door43.org/obs/jpg/360px/obs-en-37-04.jpg)

जब येशू लाजरसक नाम्हा तोङ्काआ ,लाजरस प्रीक्कान ध्रील सिसोह्रेयानी ।येशूकना भेटेमक लागै मार्था भाइरौ ओङा अनि गारा,"प्रभू,यदि नाङ ह्या च्याल ओयाङ ओआझै ङाक गोट्याउ सिनेमानी ।तर ङा बिश्वास खैकुकी नाङी परमेश्वरदैना जाङ कुरा ह्रीताझैकनी उइ नाङ्कना बैन्याह्रेङ।"

![](https://cdn.door43.org/obs/jpg/360px/obs-en-37-05.jpg)

येशूइ जवाफ बया,"पुनरुत्थानदै जीवन ङाल हुँ।जाङजाङी ङा ताकी बिश्वास खैके ,हुराँउ तिङ्ल सिइमा।आङ नराँउइ इन बिश्वास खैके?"मार्थाइ जवाफ बया,"हुँ,प्रभु

![](https://cdn.door43.org/obs/jpg/360px/obs-en-37-06.jpg)

अनि मरियम तोम्पिया ।हुन येशूक पाउ ब्रीया ,"यदि नाङ ह्या ओयाङ ओआझै कनि ,ङाक गोट्याउ सिनेमानी ।"येशूइ हुराँउकना सुधेया,"नराँउइ लाजरसकना घ्वा थाथाक्सो ?"हुराँउइ उइकना गार्सो ,चिहानहा।ओङ्तना मुने।"अनि येशू कारा।

![](https://cdn.door43.org/obs/jpg/360px/obs-en-37-07.jpg)

हुन चिहान दाठौ गुफा हुनि ,जाङ्क गाउहा ढुङ्गैइ खोम्थासोनी ।जब येशू चिहानहा तोम्पिया,उइ हुराँउकना गारा,"हुन ढुङ्गकना होइतना हटाबैने।"तर मार्थाइ गारा,"हुन सियाङ प्रीक्कान ओसोका ।ह्वैतना दुर्गन्ध ओङ्न्याह्रेङ।"

![](https://cdn.door43.org/obs/jpg/360px/obs-en-37-08.jpg)

येशूइ गारा,"आङ ङाइ नराँउकना गार्याङमाहुनी ,नराँउइ ङाताकी बिश्वास खैकासो खाझै परमेश्वरक महिमा मुन्याह्रेकी ?"हुन्लमारै हुराँउइ ढुङ्ग हटाबैसो।

![](https://cdn.door43.org/obs/jpg/360px/obs-en-37-09.jpg)

अनि येशूइ ताकी स्वर्गहाइ मुआ अनि गारा,"बै नाङी ङाक कुरा क्लाँयाङ्क लागै धन्यबाद।ङा दास्कुकी नाङी सदाल ङाक कुरा क्लाँकु ,तर इन कुरा इन्हा ह्रीपिह्रेयाङ सब्ल मन्छेराँउक लागै गार्छाकङ ,ताकी हुराँउइ बिश्वास खये कि नाङिल ङाकना लेत्याङ हुँ।हुन न्हौ येशूइ कृकत्तना गारा,"लाजरस ,भाइरौ ओङ

![](https://cdn.door43.org/obs/jpg/360px/obs-en-37-10.jpg)

अनि लाजरस भाइरौ ओङा

![](https://cdn.door43.org/obs/jpg/360px/obs-en-37-11.jpg)

तर यहुदीक धार्मिक अगुवाराँउ डाही ओसि ,हुन्लमारै हुराँउइ गोस्खैत येशुदै लाजरसकना सात्न्याङ गार्त योजना बनाम दा-वत भेला ओसि

*बाइबलको कथा: यूहन्‍ना ११:१-४६ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_37_128kbps.m4a

## 38. ३८. येशूकना धोखा

https://openbiblestories.org/l/rji/story-38/

![](https://cdn.door43.org/obs/jpg/360px/obs-en-38-01.jpg)

बर्सल पच्छे,यहुदिराँउइ निस्तार चाड मनान्याङ खयनी ।इन दाठौ पर्व हुनि जाङ चो शताब्दी ध्री गोस्खैतना परमेश्वरै हुराँउक पुर्खाराँउकना मिश्रदेश क कमराहाइतना बचायाङ हुनि गार्न्याङ सम्झनाहा मनान्याङ खयनी ।येशूइ पहिला चोटा खुलावतना प्रचारदै शिक्षा बयम ग्लायाङ लगभग सुम बर्ष न्हौ,उइ आफ्नो चेलाराँउकना हुराउदै येरुशेलमहा निस्तार चाड मनाम चाहेयाङ कुरा गारा,अनि इन कनि गारा कि उइ हुन्हा सिन्याह्रेङ ।

![](https://cdn.door43.org/obs/jpg/360px/obs-en-38-02.jpg)

येशूक चेलाराँउ मध्य यहुदा ब्रीङु खयाङ दा-जना मन्छे हेनि ।येहुदा चेलाराँउक कचङ क जिम्मावाला ह्रेनी ।,तर हुनि पैसाकना चो माया खयुनी ,चोभागै थैलिहाइत कचङ खुन्याङ खयुनी ।येशूदै चेलाराँउ येरुशलेमहा तोम्पियाङ न्हौ,यहुदा यहुदी अगुवाराँउ निङ्हा काआ अनि पैसा कात्तना येशूकना धोखा बैन्याङ कुरा थाआ ।येहुदी अगुवाराँउइ येशू मशिह हु गार्तना स्विकार खयमानी अनि उइकना सात्न्याङ सडयन्त्र रचेछाइनी गार्न्याङ कुरा हुन्कना थाहा ह्रेनी ।

![](https://cdn.door43.org/obs/jpg/360px/obs-en-38-03.jpg)

मुख्य पुजारीक अगुवाइहा ,यहुदी अगुवाराँउइ येशूकना बिश्वासघात खयमक लागै यहुदाकना तीस वटा चाँदिक तृयाङराँउ बैसो ।अगमबक्ताराँउइ भबिस्यबाणी खयाङ्साङ्ल खैतना इन कुरा ओम ओङा ।यहुदाइ इन कुराकना ओकङ गारा,तृयाङ कात्तना ह्वौतना स्वाआ अनि येशूकना चुमम सहायता खयमक लागै मौकाराँउ भ्र्याम ग्लाआ।

![](https://cdn.door43.org/obs/jpg/360px/obs-en-38-04.jpg)

येरुशलेमहा,येशूइ आफ्नो चेलाराँउदै निस्तारचाड मनाआ ।निस्तार चाड क भोज क बेलाहा,येशूइ आइचिदा रोटाराँउ कात्तना हुन्कना क्रेया ।उइ गारा,"इन कात्तना कैने ।इन ङाक जिउनाउ हु ,जाङ नराँउक लागै बैइयाङ हु ।इन ङाक सम्झनाहा खैन्याङ खयम ।"इसैतना ,येशूइ गारा ,कि उइक जिउनाउ हुराँउक लागै बलिदान ओन्याह्रेङ ।

![](https://cdn.door43.org/obs/jpg/360px/obs-en-38-05.jpg)

अनि येशूइ बटुको कात्तना क्लाया,"इन तुङ्ने।इन नवैँ करारक ङाक सिँ हुँ,जाङ पाप क्षमाक लागै ब्रेउयाङ ह्रेङ ।नराँउइ जाङ्बेलाकनि इन तुङ्त्याउ ङाक यादहा खैन्याङ खैने ।"

![](https://cdn.door43.org/obs/jpg/360px/obs-en-38-06.jpg)

हुन न्हौ येशूइ चेलाराँउकना गारा,"नराँउमध्य दा-जनाइ ङाकना धोका बैन्याह्रेङ ।"चेलाराँउ छक्क ब्रीसी ,अनि गुनि हुसाखालक काम खैकु गार्त सुधेसो ।येशूइ गारा ,","जाङ्कना ङा रोटाक इन टुक्राउ बैकु ,हुन्ल बिश्वासघाती हु।"अनि येशूइ हुन रोटा क टुक्राउ यहुदाकना बया।

![](https://cdn.door43.org/obs/jpg/360px/obs-en-38-07.jpg)

यहुदाइ रोटा लौयाङ न्हौ ,सैतान हुन भित्रौ बाङा।यहुदा होइतना तोङ्तना यशूकना चुमम् स्लाम सहायता खयमक लागै यहुदी अगुवाराँउहा काआ।हुन झिरि क बेला ह्रेनी ।

![](https://cdn.door43.org/obs/jpg/360px/obs-en-38-08.jpg)

जाम न्हौ,येशूदै उइक चेलाराँउ स्वातल जैतुन डाँडौहा कासी ।येशूइ गारा,"नराँउइ तानझिरी ङाकना लेत्थही ।जसा लेखिइयाङ ह्रेङ ,"ङा होठाला कना मख्हौ अनि सब्ल भेडिराँउ हाइहेइ (तितर बितर)ओहि ।"

![](https://cdn.door43.org/obs/jpg/360px/obs-en-38-09.jpg)

पत्रुसै जवाफ बया,"अरु सब्ल्हाउइल नाङ्कना(त्यागेयाझै) लेताझै कनी ,ङा(त्यागेनेमा) लेत्नेमा

![](https://cdn.door43.org/obs/jpg/360px/obs-en-38-10.jpg)

अनि पत्रुसै येशूकना गारा,"ङा सिमब्रीयाझैकनी ,ङा तिङ्ल नाङ्कना इन्कार खैनेमा

![](https://cdn.door43.org/obs/jpg/360px/obs-en-38-11.jpg)

अनि येशू उइक चेलाराँउदै गेतसमनी गारिन्याङ ठन्कहा स्वाआ।येशूइ उइक चेलाराँउकना परिक्षाहा ताब्रीइ गार्त प्राथना खयम गारा।अनि येशू आफुल कन प्राथना खयम काआ।।

![](https://cdn.door43.org/obs/jpg/360px/obs-en-38-12.jpg)

येशूइ सुमचोटा प्राथना खया,"हे बै, ओम ह्रोकु खाझै,कृपया ङाकना इन बटुकोक कष्ट तुङम ताबृद।तर मन्छेराँउक पाप क्षमाक् लागै हुन्हा अरु आङ्ल यम हैमा खाझै,नाङ्क इच्छा पूरा ओयाङ ओद।"येशू न्होदल बिचलित ओह्रेयानी अनि उइक पसिनाउ सिक थोप्लाउ साङ ह्रेनि ।परमेश्वरै स्वर्गदुतकना उइनिङ्हा शक्ति बयमक लागौ लेतानी ।

![](https://cdn.door43.org/obs/jpg/360px/obs-en-38-13.jpg)

प्राथनाक बेला न्हौ,येशू उइक चेलाउराउनिङ्हा फर्केतना ओङा,तर हुराँउ निदाइह्रेसिनी ।जब उइ सुम फेराहा फर्केया ,येशूइ गारा "सैनी

![](https://cdn.door43.org/obs/jpg/360px/obs-en-38-14.jpg)

यहुदी अगुवाराउ,ब्यारिकराँउ अनि तरवार दै लठ्ठी कुर्छायाङ बरेल हुलदैना यहुदा ओङा।हुन येशूनिङ्हा ओङ्तना क्लाया,"ढोगेका, गुरुज्यु,"अनि उइकना म्वाँइ खया।इन यहुदी अगुवाराँउकना हुराँउइ गुन्कना चुमम ब्रीन्याङ हुँ गार्त थाहा दारमक लागै इसारा हुनि ।अनि येशूइ गारा,"येहुदा,आङ म्वाइहाइत ङाकना धोका बैकि?"

![](https://cdn.door43.org/obs/jpg/360px/obs-en-38-15.jpg)

जब ब्यारिकै येशूकना चुम्सो,पत्रुसै तरवार तोना अनि प्रधान पुजारिक दा-जना नोकरक ग्लाउ गाक्बया ।येशूइ गारा,"तरबार टाढोल था

*बाइबलको कथा: मत्ती २६:१४-५६; मर्कूस १४:१०-५०; लूका २२:१-५३; यूहन्‍ना १२:६; १८:१-११ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_38_128kbps.m4a

## 39. ३९. महाशभाक ध्री येशू

https://openbiblestories.org/l/rji/story-39/

![](https://cdn.door43.org/obs/jpg/360px/obs-en-39-01.jpg)

मध्यझिरिक बेला ह्रेनी ।ब्यारिकराँउइ सोधपुछक लागै येशूकना मुख्य पुजारिक नाम्हा कात्सो ।पत्रुसै टाढोहाइतल हुराँउकना पछ्याथाआनी ।जब येशूकना नाम भित्रौ कातिया ,पत्रुसचाँइ भाइरौल नया अनि मुइ खोपितना आफुकनाल तातो खया ।

![](https://cdn.door43.org/obs/jpg/360px/obs-en-39-02.jpg)

येशूकना नामभित्रौ ,येहुदी अगुवाराँउइ महाशभाक ध्री थासो ।हुराँउइ चोल झुट्टा साचिराँउ पित्सो ,जाङी उइक बारेहा झुठ्ठा थाम्सी ।ताकनी ,हुराँउक बयान दाठौक-अर्कोदैना मिलेतमानी तसर्थ यहुदी अगुवाराँउइ उइकना आङ्ल कुराहा दोषी प्रमाणित खयम ह्रोसोमा।येशूइ आङ्ल थामामा ।

![](https://cdn.door43.org/obs/jpg/360px/obs-en-39-03.jpg)

अन्त्यहा,मुख्यपुजारीऐ सोझोल् येशूहाइ चिन्तना क्लाया,"ङैकना गार,आङ नाङ मशिह हुँ,जिँउदो परमेश्वरक चाउ?"

![](https://cdn.door43.org/obs/jpg/360px/obs-en-39-04.jpg)

येशूइ गारा,"ङा हुँ,नाङी ङाकना परमेश्वरदैना नैह्रेयाङ अनि स्वर्गहाइत ओङ्तयाल खयाङ मुन्याह्रेङ।"मुख्यपुजारीऐ रिसौहा आफ्नो थ्याङ्ह्री चोता अनि अरु धार्मिक अगुवाराँउकना इसा गार्तना क्रीका,"ङैकना अरु आङ्ल गवाही चाहेङमा

![](https://cdn.door43.org/obs/jpg/360px/obs-en-39-05.jpg)

सब्ल यहुदी अगुवाराँउइ जवाफ बैसो,"इन सिम योग्यक ह्रेकङ

![](https://cdn.door43.org/obs/jpg/360px/obs-en-39-06.jpg)

जब पत्रुस नाम भाइरौ कुरेतना नैह्रेयानी ,दा-जना नोकर्निइ हुन्कना मुआ अनि गारा,"नाङकनी येशूदैनाल ह्रेङ्नी

![](https://cdn.door43.org/obs/jpg/360px/obs-en-39-07.jpg)

अनि पत्रुसै इसा गार्त बाचा खया,"यदि ङाइ इन मन्छेकना स्रेयाङ ह्रेङ खाझै परमेश्वरै ङाकना श्राप बइद

![](https://cdn.door43.org/obs/jpg/360px/obs-en-39-08.jpg)

पत्रुस होइतना अन्तल कातना कारा।इन्ल बिचहा हुन बिश्वासघाती यहुदाइ यहुदी अगुवाराँउइ येशूकना सातमक लागै दोषेछायाङ मुआ ।यहुदा सोकै भरेया अनि होइतना अन्तल कातना आत्महत्या खया ।

![](https://cdn.door43.org/obs/jpg/360px/obs-en-39-09.jpg)

अर्को छकाल सबेर्ल ,यहुदी अगुवाराँउइ येशूकना रोमि राज्यपाल,पिलातसक ध्री पित्सो ।हुराँउइ इन आशा खैथासोनी कि पिलातसै येशूकना दोसि ठहर्यान्याङ ह्रेङ अनि उइकना मृत्यु डण्डक सजाय बैन्याह्रेङ।पिलातसै येशूकना सुधेया ,"आङ नाङ यहुदिराँउक राजा हुँ?"

![](https://cdn.door43.org/obs/jpg/360px/obs-en-39-10.jpg)

येशूइ जबाफ बया,"नाङ्ल हुसा क्ल्याइकङ,तर ङाक राज्यचाही संसारक राज्यमाहुँ ।यदि हुसा ओहैनि त ,ङाक सेवकराँउइ ङाक लागै लडाइ खैहेनी ।ङा संसारहा परमेश्वरक सत्यता गारम ओङ्याङ हुँ।सब्ल जना जाङी सत्यताकना माया खैके, हुराँउइ ङाक कुरा क्लाँके।"पिलातसै गारा,"सत्य आङ हुँ ?"

![](https://cdn.door43.org/obs/jpg/360px/obs-en-39-11.jpg)

येशूदैना कुरा खैह्रोयाङ न्हौ,पिलातस भाइरौ भिडनिङ्हा कातना गारा,"ङा इन नागरिकहा आङ्ल दोष दार्कुमा।"तर यहुदी अगुवाराँउदै भिडइ इसा क्ल्याइतल कृक्सी ,"हुन्कना क्रुसहा थोत्ने

![](https://cdn.door43.org/obs/jpg/360px/obs-en-39-12.jpg)

भिडै नो दङ्गा मच्चाम ग्लान्याङ ओका गार्त थाहा दार्तना पिलातस प्रीया ।हुन्लमारै हुनि आफ्नो सिपाहिराँउकना येशूकना क्रुसहा थोत्न्याङ आदेश बया ।रोमि सिपाहीराँउइ येशूकना कोर्रा स्लासो अनि राजकिय पोशाकदै कन्टाराँउइ बनायाङ मुकुट उइकना फाङ्बैसो ।हुन न्हौ हुराँउइ उइकना इसा गार्तना गिजेसो,"मुने यहुदिराँउक राजा

*बाइबलको कथा: मत्ती २६:५७-२७:२६; मर्कूस १४:५३-१५:१५; लूका २२:५४-२३:२५; यूहन्ना १८:१२-१९:१६ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_39_128kbps.m4a

## 40. ४०. येशू क्रुसहा टागेइया

https://openbiblestories.org/l/rji/story-40/

![](https://cdn.door43.org/obs/jpg/360px/obs-en-40-01.jpg)

येशूक गिल्ला खयाङ न्हौ,सिपाहिराँउइ उइकना क्रुसहा थोतमक लागै होइतना अन्तल कात्सो ।हुराँउइ उइकना क्रुस कुरम स्लासो जाङताकी उइकना टागेइन्याङ हुनि ।

![](https://cdn.door43.org/obs/jpg/360px/obs-en-40-02.jpg)

हुन सिपाहिराँउइ येशूकना"खप्पर्या"गार्न्याङ ठन्कहा पित्तना उइक याकुदै खुट्टाउकना क्रुसहा थात हुनताकी किला ठोके बैसो।तर येशूइ गारा,"बै ,इराँउकना क्षमा खैबै ,आहुखाझै इराँउइ आङ खैछाकी,हुन दास्केमा ।"पिलातै हुन सिपाहिराँउकना दाठौ पाटीहा "यहुदिराँउक राजा "लेखेतना हुन्कना क्रुसहा येशूक शिरु ताकी थान्याङ हुकुम बया ।

![](https://cdn.door43.org/obs/jpg/360px/obs-en-40-03.jpg)

सिपाहिराँउइ येशूक थ्याङ्ह्रीक लागै चिठ्ठा जाक्सो ।हुराँउइ इसा खैत्याउ हुन अगमबाणी पूरा ओआ ,जाङी गार्थाआनी ,"हुराँउइ ङाक थ्याङ्ह्री आफुहा ब्र्यात्सो ,अनि ङाक थ्याङ्ह्रीक लागै चिठ्ठा जाक्सो ।"

![](https://cdn.door43.org/obs/jpg/360px/obs-en-40-04.jpg)

येशूकना निम्घी लुटेन्याङराँउक बिचहा क्रुसहा थोतियाङ ह्रेनी ।हुन मध्य दा-जनाइ येशूकना गिल्ला खया ,तर अर्कोइ गारा ,"आङ नाङ्कना परमेश्वरक आङ्ल डर हैमा ?ङै दोषी ह्रेकी ,तर इन मन्छे त निर्दोष ह्रेकङ ।" अनि हुनि येशूकना गारा ,"कृपया ङाकना नाङ्क राज्यहा सम्झेनिङ्कै ।"येशूइ जवाफ बया,"तान्ल,"नाङ ङादैना स्वर्गहा ओन्याह्रेङ ।"

![](https://cdn.door43.org/obs/jpg/360px/obs-en-40-05.jpg)

यहुदी अगुवादै भिडहा ओयाङ अरु मन्छेराँउइ येशूकना गिल्ला खैसो ।हुराँउइ उइकना गार्सो,"यदि नाङ परमेश्वरक चाउ हुँ खाझै,क्रुसहाइत दि ग्रोत ओङ अनि आफुकनाल बचा

![](https://cdn.door43.org/obs/jpg/360px/obs-en-40-06.jpg)

अनि सब्ल ठन्क भरेत खुस ओआ ,तर हुन मध्य तुनिक बेला ह्रेनी ।हुन खुस मध्य तुनिक सुम बजे मचै ह्रेह्रेया ।

![](https://cdn.door43.org/obs/jpg/360px/obs-en-40-07.jpg)

हुन न्हौ येशू चर्को स्वरै क्रीका ,"नो गुन्का

![](https://cdn.door43.org/obs/jpg/360px/obs-en-40-08.jpg)

उइक मृत्यु(सिआइ)हाइतना ,येशूइ मन्छेराँउक लागै परमेश्वरनिङ्हा ओङ्न्याङ यम खोलेबया ।जब येशूकना पहरा बैछायाङ हुन सिपाहिइ इन सब्ल कुराराँउ ओयाङ मुआ ,हुनि गारा,"निश्चयल,इन मन्छे निर्दोष ह्रेनी ।उइ परमेश्वरक चाउ हुनि ।"

![](https://cdn.door43.org/obs/jpg/360px/obs-en-40-09.jpg)

अनि यिसेफदै निकोदेमस,यशूकना मशिह गार्तना बिश्वास खयाङ नि जना यहुदी अगुवाराउइ पिलातसदैना येशूक जिउनाउ हृत्सी ।हुराउइ उइक जिउनाउकना थ्याङ्ह्रीहा बेह्रेसो अनि हुन्कना चट्टानहा खोपेतना बनायाङ च्याहान भित्रौ थासो ।हुन न्हौ हुराउइ च्याहानक गाउँ थुनेमकना हुन्क ध्री दाठौ बरे ढुङ्ग गुरातना थाबैसो ।

*बाइबलको कथा: मत्ती २७:२७-६१; मर्कूस १५:१६-४७; लूका २३:२६-५६; यूहन्‍ना १९:१७-४२ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_40_128kbps.m4a

## 41. ४१. परमेश्वरै येशूकना सियाङहाइत बौह्रात सौवा

https://openbiblestories.org/l/rji/story-41/

![](https://cdn.door43.org/obs/jpg/360px/obs-en-41-01.jpg)

अगुवाराँउइ पिलातसकना गार्सो,"हुन झुठ्ठा येशू क्ल्याइह्रेयानी कि हुन सुम कान न्हौ सियाङहाइत सैन्याह्रेङ ।हुन्क चेलाराँउइ हुन्क लास खुतना कातहे ,अनि हुन सियाङहाइत सैका ताक्ल्याइद गार्न्याङ कुराक पक्का खयम गुन्भनी हुन चिहानक पहरा खयम्लब्रीकङ ।"

![](https://cdn.door43.org/obs/jpg/360px/obs-en-41-02.jpg)

पिलातसै गारा,"आइचिदा सिपाहिराँउ कात्ने अनि हुन च्याहानकना नाराँउइ ह्रोम मचै सुरुक्षित थाने।"हुन्लमारै हुराँउइ च्याहानक गाउहा ओयाङ ढुङ्गहा दाठौ मोहोर स्लासो अनि गुनिल जिउनाउ ताखुएद गार्त पक्का खयम सिपाहिराँउकना ह्वा थासो ।

![](https://cdn.door43.org/obs/jpg/360px/obs-en-41-03.jpg)

येशूकना किम्याङ त्रुक्काले शबाथक कान ह्रेनी ,अनि यहुदिराँउकना हुनकाले च्याहानहा काम मनाही ह्रेनी ।हुन्लमारै शबाथक कालेक त्रुककाले छकाल्या सबेर्ल ,कोँइ मच्चाराँउ येशूक चिहानहा उइक जिउनाउहा अत्तरराँउ स्लाम स्वाम तयार ओसि ।

![](https://cdn.door43.org/obs/jpg/360px/obs-en-41-04.jpg)

अचान ,दाठौ बरे भुइचाल स्वाआ ।चिर्कोसाङ चम्केछायाङ स्वर्गदुत स्वर्गहाइत देखाब्रीसी (छिङ्सी )।हुनि च्याहानक गाउँ थुनेथायाङ ढुङ्गकना ह्वैतना हटाबया अनि हुनताकी नया।चिहानक पहरा खैछायाङ सिपाहिराँउ प्रीसी अनि सियाङ मन्छेसाङ दिसाहा दिर्सी ।

![](https://cdn.door43.org/obs/jpg/360px/obs-en-41-05.jpg)

जब हुन मच्चाराँउ च्याहानहा तोम्पिसी ,हुन स्वर्गदुतै हुराँउकना गारा,"ताप्रीनी ।येशू ह्या हैमा ।उइ गार्याङसाङ्ल ,उइ सियाङ हाइत बौह्रेत सैह्रेका

![](https://cdn.door43.org/obs/jpg/360px/obs-en-41-06.jpg)

अनि स्वर्गदुतै हुन मच्चाराँउकना गार्सी,"गात्नी अनि चेलाराँउकना गार्बैने,"येशू सियाङहाइतना बौह्रेत सैह्रेका अनि उइ नराँउहाइत ध्री गालिलहा कान्याह्रेङ।

![](https://cdn.door43.org/obs/jpg/360px/obs-en-41-07.jpg)

हुन मच्चाराँउ प्रीमदैना खुशिइ कनि भरेह्रेसिनी ।हुराँउ चेलाराँउकना इन खुशिक समचार सुनाम दौडेतना कासी ।

![](https://cdn.door43.org/obs/jpg/360px/obs-en-41-08.jpg)

जब हुन मच्चाराँउ चेलाराँउकना इन खुशिक समचार सुना स्वाछाइनी ,येशू हुराँउ निङ्हा देखाब्रीया ,अनि हुराँउइ उइक आराधना खैसो।येशूइ गारा,"ताप्रीनी ।गात्नी खै ङाक चेलाराँउकना गालिलहा काम गार्ने ।हुराँउइ ङाकना ह्वाल मुहि ।"

*बाइबलको कथा: मत्ती २७:६२-२८:१५; मर्कूस १६:१-११; लूका २४:१-१२; यूहन्‍ना २०:१-१८ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_41_128kbps.m4a

## 42. ४२. येशू स्वर्ग फर्केया

https://openbiblestories.org/l/rji/story-42/

![](https://cdn.door43.org/obs/jpg/360px/obs-en-42-01.jpg)

येशू सियाङहाइत बौह्रेत सौइयाङ काले ,उइक निम्ही चेलाराँउ नजिककल गामाहाइ स्वाछाइनी ।हुराँउ स्वातल खैत्याउ ,हुराँउइ येशूकना आङ ओयाङ हुनि गार्न्याङ विषयहा कुरा खैसो ।हुराँउइ आशा खैथासोनिकी उइ मशिह ह्रेनी ,तर उइल साताइदारा ।नो मच्चाराँउ क्ल्याइसी कि उइ फेरि जिउधो ओन्याह्रेङ ।हुराँउइ आङताकी बिश्वास खैन्याङ हु थाहा हैमानी ।

![](https://cdn.door43.org/obs/jpg/360px/obs-en-42-02.jpg)

येशू हुराँउनिङ्हा तोङ्काआ अनि हुराँउदैनाल स्वाम ग्लाआ,तर हुराँउइ उइकना स्रेसोमा ।उइ इ हुराँउकना आङ्क बारेहा कुरा खैछायाङ हु गार्त सुधेया ,अनि हुराँउइ उइकना स्वायाङ दिनराँउहा येशूक बारेहा ओयाङ सब्ल उल्लखेनिय कुराराँउ गार्सो ।हुराँउइ सोचेथासोनिकी हुराँउ दाठौ परदेशीदैना कुरा खैछाकी ,जाङ्कना येरुशलेमहा आङ ओह्रेयानी हुन थाहा हैमानी ।

![](https://cdn.door43.org/obs/jpg/360px/obs-en-42-03.jpg)

हुन न्हौ येशूइ हुराँउकना परमेश्वरक बचनै मशिहक बारेहा आङ गार्थाका गार्त व्याख्या खैबया ।उइ इ हुराँउकना याद खैबयाकि अगमबक्ताराँउइ गार्थासोनी :मशिहै कष्ट भोगेन्याह्रेङ अनि सिन्याह्रेङ तर सुमकानहा फेरि बौह्रेत सैन्याह्रेङ ।जब हुराँउ हुन गामाहा तोम्पिसी जहाँ हुन निम्घी नैन्याङ योजना बनाथासोनी ,हुनबेला लगभग सङ्हाइ ओसोह्रेयानी ।

![](https://cdn.door43.org/obs/jpg/360px/obs-en-42-04.jpg)

हुन निम्घी येशूकना हुराँउदैनाल नैन्याङ निम्तो बैसो,हुन्लमारै उइ हुराँउदैना नया ।जब हुराँउ सङ्हाइक जाम जाम तयार ओसि ,येशूइ रोटाक दा टुक्राउ कात्तना परमेश्वरकना हुन्कलागै धन्यबाद बया,अनि हुन क्रेया ।अचानक हुराँउइ उइ येशू हु गार्तना स्रेसो ।तर हुन्लबेला ,उइ हुराँउक नजरहाइत बिल्हाया ।

![](https://cdn.door43.org/obs/jpg/360px/obs-en-42-05.jpg)

हुन निम्घी दा-इ अर्कोकना गारा,"उइ त येशू हुनि

![](https://cdn.door43.org/obs/jpg/360px/obs-en-42-06.jpg)

जब चेलाराँउ कुरा खैछाइनी ,अचानक येशू हुन कोठाउहा हुराँउनिन्हा छिङा अनि गारा "नराँउकना शान्ति

![](https://cdn.door43.org/obs/jpg/360px/obs-en-42-07.jpg)

येशूइ गारा ,"ङाइ नराँउकना गार्थासिनी कि ङाक बारेहा परमेश्वरक बचनहा लेखिएयाङ सब्ल कुरा पूरा ओमल ब्रीनी ।"अनि उइ इ हुराँउक याद खोलेबया ताकी हुराँउइ परमेश्वरक वचन बुझेम ह्रोएद ।उइ गारा ,"इन त चोल ध्री लेखिएयाङ ह्रेनी कि मशिहै कष्ट भोगेन्याह्रेङ ,सिन्याह्रेङ अनि सुमकानहा सियाङहाइत बौह्रेत सैन्याह्रेङ ।"

![](https://cdn.door43.org/obs/jpg/360px/obs-en-42-08.jpg)

"धर्मशास्त्रहा इसाकनी लेखिएयाङ ह्रेनी कि ङाक चेलाराँउइ घोषणा खैन्याह्रेकी कि सब्ल्हाउइल पाप क्षमा दारमक लागै पश्चाताप खयम ब्रीकङ ।हुराँउइ इन कुरा येरुशलेमहाइत शुरु खैन्याह्रेकी अनि हुन न्हौ सब्ल मन्छेक जातहा स्वान्याह्रेकी ।नराँउ इन कुराक साक्षी ओहि ।

![](https://cdn.door43.org/obs/jpg/360px/obs-en-42-09.jpg)

अनि चालिसकान मचै ,येशू उइक चेलाराँउनिङ्हा चो पल्ट छिङा (देखाब्रीया)।दा चोटा ,उइ ५०० जनाहाइत चो मन्छेराँउनिङ्हा समेत दाल्गैल छिङा ।उइ आफ्नो चेलाराँउकना चो किसिमै आफू जिउधोल ह्रेङ गार्न्याङ पर्मानित खया ,अनि उइ हुराँउकना परमेश्वरक राज्यक बारेहा सिखाआ ।

![](https://cdn.door43.org/obs/jpg/360px/obs-en-42-10.jpg)

येशूइ उइक चेलाराँउकना गार्सी ,"स्वर्गदैना पृथ्बीक सब्ल अधिकार ङाकना बैइयाङ ह्रेकङ ।हुन्लमारै गात्नी ,सब्ल जात क मन्छेराँउकना(पिता,पुत्र र पबित्र आत्मा) बै,चाउ दैना पबित्र आत्माक ब्रीङुहा बप्तिस्मा बैतना चेला बनाने अनि अनि हुराँउकना ङाइ नराँउकना आज्ञा खयाङ सब्ल कुरा पालना खयम सिखाने ।याद थाने ,ङा सदाल नराँउदैल ओन्याह्रेङ ।"

![](https://cdn.door43.org/obs/jpg/360px/obs-en-42-11.jpg)

येशू सियाङ हाइत बौह्रेत सयाङ चालिसकान न्हौ,उइ आफ्नो चेलाराँउकना गारा ,"ङाक बै इ नराँउकना शक्ति बयाङ न्हौ जब पबित्र आत्मा नराँउहा ओङ्न्याह्रेकङ ,हुन बेलामचै नराँउ येरुशलेमहाल नैनी ।"अनि येशू ताकी स्वर्गहा स्वाआ,अनि बाल्है उइकना हुराँउक नजरहाइत खोमा ।येशू सब्ल कुराराँउ ताकी राज्य खयम परमेश्वरक दाहिना याकुपट्टिउ नैह्रेका ।

*बाइबलको कथा: मत्ती २८:१६-२०; मर्कूस १६:१२-२०; लूका २४:१३-५३; यूहन्‍ना २०:१९-२३; प्रेरित १:१-११ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_42_128kbps.m4a

## 43. ४३. मन्डलिक शुरुवात

https://openbiblestories.org/l/rji/story-43/

![](https://cdn.door43.org/obs/jpg/360px/obs-en-43-01.jpg)

येशू स्वर्गहा फर्केत स्वायाङ न्हौ,चेलाराँउइ येशूइ आज्ञा खयाङ बमोजिम यरुशलेमहाल नैसी ।हुन्हा ओयाङ बिश्वासीराँउ प्राथना खयम निरन्तर रुपहा जम्मा ओसि ।

![](https://cdn.door43.org/obs/jpg/360px/obs-en-43-02.jpg)

बर्सल पच्छे ,निस्तार चाड क ५०कान न्हौ,यहुदिराँउइ महत्वपुर्ण काले ,पेस्तिकोष क कान मनान्याङ खयनी ।पेन्तिकोष हुन समय हुनि ,जब यहुदिराँउइ कटनी (बाली गाक्न्याङ चाड)क चाड मनान्याङ खयनी ।यहुदिराँउ संसार भरेतहाइत येरुशलेमहा दाल्गैल पेन्तिकोषक काले मनान्याङ खयनी ।यहुदिराँउ सब्ल सं सारहाइत येरुशलेमहा दाल्गैल पेन्टिकोषक कान मनाम ओङिनी ।हुन बर्ष ,पेन्तिकोष क काले येशूक स्वर्गारोहण ओयाङ दश कान न्हौ ओङा ।

![](https://cdn.door43.org/obs/jpg/360px/obs-en-43-03.jpg)

जब बिश्वासीराँउ सङ्घैल ह्रेइनी ,अचानक हुराँउ नैछायाङ नाम दाठौ शक्तिशाली पा क झोक्काउ साङ्ल आवाजै भरेया ।हुन न्हौ मुइक ट्वाङसाङ्ल (ज्वाला साङ्ल) छिङ्न्याङ चिज साङ्ल सब्ल बिस्वासीराँउ क काप्लौसि हा छिङ्सि ।हुराँउ सब्ल्हाउल पबित्र आत्माइ भरेह्रेसिनी अनि हुराँउ अन्य भाषाहा थामम ग्लासी ।

![](https://cdn.door43.org/obs/jpg/360px/obs-en-43-04.jpg)

जब येरुशलेमहा ओयाङ मन्छेराँउइ हुन हल्ला क्लाँसो ,भिड आङ ओछाङ खैतना मुम ओङ्सी ।जब बिस्वासीराँउइ परमेश्वरक अचम्मक कामराँउक प्रचार खैछयाङ क्लाँसो ,हुराँउ अचम्म छक्क बृसी कि हुराँउइ इन कुराराँउ हुराँउक आफ्नोल मातृभाषाराँउहा क्लाँछाइनी ।

![](https://cdn.door43.org/obs/jpg/360px/obs-en-43-05.jpg)

कोइ मन्छेराँउइ चेलाराँउकना मेन्याङै(रक्सी) दुक्याङ आरोप स्लासो ।तर पत्रुस सया अनि हुराँउकना गारा,"ङाक कुरा क्लाँने

![](https://cdn.door43.org/obs/jpg/360px/obs-en-43-06.jpg)

"इस्रायलक मन्छेराँउ ,येशू दाठौ मन्छे हुनि जाङी परमेश्वरक शक्तिहाइत चोल महान चिन्ह अनि अचममककामराँउ खैथाआनी ,जाङ नराँउइ मुथाक्सो अनि थाहा दार्थाक्सो ।तर नराँउइ उइकना क्रुसहा टाँगेसो

![](https://cdn.door43.org/obs/jpg/360px/obs-en-43-07.jpg)

"येशू सियाङ ओआझै कनि ,परमेश्वरै उइकना सियाङहाइतना सौआ ।इनि हुन भबिष्यबाणी पुराखया,जाङी गार्थाआनी ,"नाङी आफ्नो पबित्र जनकना च्याहानहा सुम बन्याहैमा ।"ङै हुन्ल कुराक साँची हुँइ ,कि परमेश्वरै येशू कना फेरि जिउधो खया ।

![](https://cdn.door43.org/obs/jpg/360px/obs-en-43-08.jpg)

"येशू नोलै परमेश्वर पिता क दाहिना याकुपट्टिउ महिमित ह्रेकङ।अनि येशूइ प्रतिज्ञा खयाङ्साङ्ल पबित्रआत्मा लेत्थाका ।नराँउइ नोलै मुछायाङ अनि क्लाँछायाङ कुराराँउ पबित्रआत्माइल खैयाङ हु ।"

![](https://cdn.door43.org/obs/jpg/360px/obs-en-43-09.jpg)

"नराउइ येशूकना क्रुसहा टाँगेसो ।तर इन कुरा पक्का खैतना दास्ने कि परमेश्वरै येशूकना प्रभु दै मशिह निल्ठौ बनाआ ।

![](https://cdn.door43.org/obs/jpg/360px/obs-en-43-10.jpg)

पत्रुक कुरा क्लाँछायङ मन्छेराँउकना उइ गार्याङ कुराराँउइ गैरो प्रभाब प्रीया ।हुन्लमारै हुराँउइ पत्रुसदैना चेलाराँउकना सुधेसो ,"भाइराँउ ,ङैइ आङ खयम ब्रीङ ?"

![](https://cdn.door43.org/obs/jpg/360px/obs-en-43-11.jpg)

पत्रुसै हुराँउकना जवाफ बया,"नराँउ सब्ल्हाउइल पश्चाताप खयमब्रीङ अनि येशू ख्रीष्टक ब्रीङुहा बप्तिस्मा लवम ब्रीकङ,जाङ हाइत नराँउक पाप क्षमा खैबैन्याह्रेकङ ।"

![](https://cdn.door43.org/obs/jpg/360px/obs-en-43-12.jpg)

करिब ३,०००मन्छेराँउइ पत्रुसै गार्याङ कुराहा बिश्वास खैसो अनि येशूक चेला ओसि ।हुराँउक बप्तिस्मा ओआ अनि हुराँउ येरुशलेमक मन्डलिक हिस्सा ओसि ।

![](https://cdn.door43.org/obs/jpg/360px/obs-en-43-13.jpg)

हुन चेलाराँउइ लगातार रुपहा प्रेरितराँउक शिक्षा क्लाँएनि ,दाल्गैल समय (बेला)गाकेनि ,दाल्गैल जाएनी ,अनि दाठौइ अर्कोदै प्राथना खएनी ।हुराँउ दाल्गैल परमेश्वरक प्रशंसा खयम पोरिइनी अनि हुराँउइ आफुदैना ओयाङ सब्ल थोक दाठौइ अर्कोदैना ब्र्यात्न्याङ खयनी ।सब्ल्हाउइल हुराँउक बारेहा मजा सोचेएनि ।दिन्कल ,अझ चोल मन्छेराँउ बिश्वासी ओसि ।

*बाइबलको कथा: प्रेरित २ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_43_128kbps.m4a

## 44. ४४. पत्रुसदै यहुन्नाइ भिखारी कना सन्चो खैसो

https://openbiblestories.org/l/rji/story-44/

![](https://cdn.door43.org/obs/jpg/360px/obs-en-44-01.jpg)

दाक्काले,पत्रुस दै यहुन्ना मन्दिर स्वाछाइनी ।जसाल हुराँउ मन्दिरक ढेलाहा तोम्पिसी ,हुराँउइ दा-जना खोरन्डा(लङ्गडा) मन्छेकना मुसो जाङ कचङ लागै भिक ह्रीत्छानी ।

![](https://cdn.door43.org/obs/jpg/360px/obs-en-44-02.jpg)

पत्रुसै हुन खोरन्डा मन्छेहाइ चिन्तना गारा,"नाङ्कना बैन्याङ ङादैना कचङ ता हैमा ।तर ङा दैना जाङ ह्रेकङ ,ङा नाङ्कना बैहेना ।येशूक ब्रीङुहा ,सैतना स्वा

![](https://cdn.door43.org/obs/jpg/360px/obs-en-44-03.jpg)

तुरुन्तल ,परमेश्वरै हुन खोरन्डा मन्छेकना सन्चो खया,अनि हुन स्वातल दै ल्हात्तल परमेश्वरक प्रशंसा खयम ग्लाआ ।मन्दिरक चोकहा ओयाङ मन्छेराँउइ इन मुतना अचम्मल ओसि ।

![](https://cdn.door43.org/obs/jpg/360px/obs-en-44-04.jpg)

दाघ्रीदाहाल मन्छेराँउक भिड हुन सन्चो ओयाङ मन्छेकना मुम ओङ्सी ।पत्रुसै हुराँउकना गारा,"इन मन्छे सन्चो ओका खैतना नराँउइ आहु अचम्म मानेथाक्सो ?ङैइ हुन्कना ङैकल आफ्नो शक्तिइ वा भलाइहाइतना सन्चो खयाङ माहु बरु, इन त येशूक शक्तीइ उइ बैन्याङ बिश्वासै हु ,जाङी इन मन्छेकना सन्चो खया ।"

![](https://cdn.door43.org/obs/jpg/360px/obs-en-44-05.jpg)

"नराँउल हुइनी जाङी रोमि राज्यपालकना येशूकना सातम गार्सो ।जिबनक रचनाकारकना नराँउइ सात्सो तर परमेश्वरै उइकना सियाङहाइत सौआ।नराँउकना आफू आङ खैछाङ खैतना थाहा माओआझै कनि ,परमेश्वरै अगमबाणी पूरा खयम नराँउक कामराँउकना चलाआ ,कि मशिहै कष्ट भोगेन्याङ ह्रेङ अनि सिन्याह्रेङ ।हुन्लमारै नो, पश्चाताप खैने अनि परमेश्वरहाइ फर्केनी ताकी नराँउक पापराँउ छ्यालिइद ।"

![](https://cdn.door43.org/obs/jpg/360px/obs-en-44-06.jpg)

पत्रुसदै यहुन्नाइ गार्याङ कुराराँउइ खैत्याउ मन्दिरक अगुवाराँउ चो रिसेह्रेसिनी ।हुन्लमारै हुराँउइ आराँउकना चुम्सो अनि झ्यालखानाहा जाक्बैसो ।तर चो मन्छेराँउइ पत्रुसक सन्देशकना बिश्वास खैसो ,अनि येशूहा बिश्वास खैन्याङ मन्छेराँउक सख्या करिब ५,००० ओआ ।

![](https://cdn.door43.org/obs/jpg/360px/obs-en-44-07.jpg)

अर्को काले,यहुदी अगुवाराँउइ पत्रुसदै यहुन्नाकना प्रधान पुजारी दै धर्मक अगुवाराँउक ध्री पित्सो ।हुराँउइ पत्रुसदै यहुन्नाकना सुधेसो ,"गुसाङ शक्तिहाइत नराँउइ इन खोरन्डा मन्छेकना सन्चो खैसो ?"

![](https://cdn.door43.org/obs/jpg/360px/obs-en-44-08.jpg)

पत्रुसै जबफ बया,"नराँउक ध्री ह्रीपिछायाङ इन मन्छे येशूमशिहक शक्तिहाइत सन्चो ओआ ।नराँउइ येशूकना क्रुसहा टागेसो ,तर परमेश्वरै उइकना फेरि जिउधो खया ।

![](https://cdn.door43.org/obs/jpg/360px/obs-en-44-09.jpg)

पत्रुसदै यहुन्नाइ हुसैतना हिक्मत खैत थाम्याङ मुतना हुन अगुवाराँउ छक्क ब्रीसी आहुखाझै हुराउइ मुम ह्रोएनी कि हुराँउ साधारण दै अशिक्षित मन्छेराँउ हुइनी ।तर न्हौ इन मन्छेराँउ येशूदैल नैइनी गार्न्याङ हुराँउकना याद ओआ ।पत्रुसदै यहुन्नाकना चेतावनी बयाङ न्हौ हुराँउइ आराँउकना लेत्बैसो ।

*बाइबलको कथा: प्रेरित ३:१-४:२२ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_44_128kbps.m4a

## 45. ४५. फिलिपदै इथियोपिका उच्छ पदाधिकारी

https://openbiblestories.org/l/rji/story-45/

![](https://cdn.door43.org/obs/jpg/360px/obs-en-45-01.jpg)

शुरुक मन्डलिक अगुवाराँउ मध्ये स्तिफनस ब्रीङु खयाङ दा जना मन्छे ह्रेनी ।हुन असल प्रतिस्था दै पबित्र आत्मा अनि बुद्धिउइ भरपुर ओयाङ मन्छे ह्रेनी स्तिफन्सै चोल अचम्मक कामराँउ खया अनि मन्छेराँउइ येशूहा बिश्वास खयम ब्रीकङ गार्तना सशक्त ढङ्गै तर्क खयुनी ।

![](https://cdn.door43.org/obs/jpg/360px/obs-en-45-02.jpg)

दाक्काले,जब स्तिफनसै येशूक विषयहा शिक्षा बैछानी ,येशूहा बिश्वास माखैन्याङ येहुदीराँउ स्तिफनसदैना झग्रेम ग्लासी ।हुराँउ चो रिसेसी अनि स्तिफनसक सम्बन्धहा धर्मक अगुवाराँउकना झुठ्ठा गवाही बैसो ।हुराउइ गार्सो ,"हुनि मिसादै परमेश्वरक बारेहा मामजा कुरा गार्याङ ङैइ क्लाँक्सो

![](https://cdn.door43.org/obs/jpg/360px/obs-en-45-03.jpg)

प्रधान पुजारीराँउइ स्तिफनसकना सुधेसो,"आङ इन कुराराँउ सत्य हु?"स्तिफनसै हुराँउकना परमेश्वरै अब्राहम हाइतना कात्तना येशूक बेला मचै खयाङ कैयो महान कामराँउ ,अनि गुसैतना परमेश्वरक मन्छेराँउइ लगतार वतना उइ क आज्ञा पालन माखयाङ गार्त याद बैतना जवाफ बया ।अनि हुनि गारा ,"नराँउ हठी दैना बिद्रोही मन्छेराँउइ सदाल पबित्र आत्माकना इन्कार खैके ,जसल नराँउक पुर्खाराँउइ सदाल पर्मेश्वरकना इन्कार खैसो अनि उइक अगम बक्ताराँउकना सात्सो तर नराँउइ त अझ चो कुरा खैसो ,जाङ हुराँउइ खयाङ हाइत खराब ह्रेनी ।

![](https://cdn.door43.org/obs/jpg/360px/obs-en-45-04.jpg)

जब हुन धार्मिक अगुवाराँउइ इन कुरा क्लाँसो ,हुराँउ इच्च चो रिसेसी कि हुराँउइ आफ्नो ग्लाँउ थुनेतना चर्को स्वरहा क्रीक्सी ।हुराँउइ स्तिफनसकना बजारहाइतना भाइरउ घिस्रातना कात्सो अनि हुन्कना सातम ढुङ्गै मक्सो ।

![](https://cdn.door43.org/obs/jpg/360px/obs-en-45-05.jpg)

जब स्तिफनस सिम्ल ग्लाह्रेयानी ,हुनि क्रीक्तना क्लाया,"येशू ,ङा क आत्माकना ग्रहण खै ।"अनि हुनि आफ्नो पुसु टेकेया अनि फेरि चर्को स्वरै इसा गार्त क्रीका ,"प्रभु,इन पापक दोस इराँउताकी ताग्लाद ।"हुन न्हौ हुन सिया ।।

![](https://cdn.door43.org/obs/jpg/360px/obs-en-45-06.jpg)

शाउल ब्रीङु खयाङ दा जना तन्धेरी मन्छे स्तिफनसकना सात्न्याङ मन्छेराँउदै ग्वाँङ्त हुराँउइ ढुङ्ग मक्त्याल खैत्याउ हुराँउक थ्याङ्ह्री मुबैथाआनी ।हुनकाले हाइत ,येरुशलेमहा चोल मन्छेराँउइ येशुक चेलाराँउकना सताम ग्लासी ,हुन्लमारै बिश्वासीराँउ अरु ठन्कहाइ ब्रोक्तना स्वासी ।तर हुच्च ओआझै कनि हुराँउइ आफू स्वायाङ सब्ल ठन्कहा येशूक प्रचार खैसो ।

![](https://cdn.door43.org/obs/jpg/360px/obs-en-45-07.jpg)

फिलिप ब्रीङु खयाङ दा जना येशूक चेला ह्रेनी जाङ सतावटक बेलाहा येरूशलेमहाइत ब्रोक्तना स्वान्याङ बिश्वासीराँउ मध्यक दाठौ हुनि ।हुन सामरियाहा काआ जहाँ हुनि येशूक बारेहा प्रचार खया, अनि ह्वाक चो मन्छेराँउ बचाइयाङ ह्रेइनी ।अनि दाक्काले ,परमेश्वरक दाठौ दुतै फिलिपकना मरुभुमिक सडकहा स्वाम गारा ।जसाल हुन बिच यमहा स्वाछानी ,फिलिपै इथोपियाक दा जना महत्वपुर्ण सरकारी कर्मचारीकना आफ्नो रथहा थुतितना स्वातल खयाङ मुआ ।अनि पबित्र आत्माइ फिलिपकना कातना हुन मन्छेदैना कुरा खयम गारा ।

![](https://cdn.door43.org/obs/jpg/360px/obs-en-45-08.jpg)

जब फिलिप हुन रथ क नजिक तोम्पिया ,हुनि आन इथोपियालि मन्छेइ यसैया अगमबक्ताइ लेखेयायाङ पत्रहाइतना पढेछायाङ क्लाँआ ।हुन मन्छेइ पढेया ,"जसैतना भेडी गाकम क लागै कातिकङ ,हुसैतना ल हुनि आफ्नो गाउ खोलेयामा ।हुन क अपमानित अबस्थाहा कनि हुन्कना न्याय मिलेयामा ।आहुँखाझै उइक जीवन पृथ्बिहाइतना हरण ओआ ।"

![](https://cdn.door43.org/obs/jpg/360px/obs-en-45-09.jpg)

फिलिपै हुन इथोपियालिकना सुधेया,"नाङी पढेछायाङ कुरा आङ नाङी बुझेथाका ?"हुन इथोपियाली जबाफ बया,"अहँ । गुनिल मागार्त ङा गोसैतना बुझेम ह्रोकु खै ?कृपया ओङ्तना ङाक छेउहा नै ।आङ यसैयाइ आफ्नोल बारेहा लेखेथाआनी या अरु गुन्कल बारेहा ?"

![](https://cdn.door43.org/obs/jpg/360px/obs-en-45-10.jpg)

फिलिपै हुन इथोपियाली मन्छेकना यसैयाइ येशूक बारेहा लेखेथाआनी गार्त व्याख्या खैबया ।फिलिपै हुन्कना येशूक बारेहा सु समचार सुनाम अरु पत्रराँउक कनि प्रयोग खया ।

![](https://cdn.door43.org/obs/jpg/360px/obs-en-45-11.jpg)

जब फिलिपदै हुन इथोपियाली यात्रा खैछाइनी ,हुराँउ आइचिदा ती ओयाङ ठन्कहा तोम्पिसी ।हुन इथोपियाली क्लाया,"मुनि

![](https://cdn.door43.org/obs/jpg/360px/obs-en-45-12.jpg)

हुन्लमारै हुराँउ दि ती ओयाङ ठन्कहा स्वासी ,अनि फिलिपै हुन इथोपियालिकना बप्तिस्मा बया ।हुराँउ ती हाइतना भाइरौ ओङ्याङ न्हौ ,अचानक पबित्र आत्माइ फिलिपकना अन्तल काता जहाँ उइ मन्छेराँउकना येशूक बारेहा गार्तलछाआ ।

![](https://cdn.door43.org/obs/jpg/360px/obs-en-45-13.jpg)

हुन इथोपियालि मन्छे आफ्नो नाम्हाइ काम आफ्नो यात्राहा स्वाकाताआ ,हुनि येशूकना स्रेम दार्तना हुन नोक्माल खुशी ह्रेनी ।

*बाइबलको कथा: प्रेरित ८:५; ८:२६-४० बाट*

Audio: https://git.door43.org/OBS-TLF/rji_obs/releases/download/v1/rji_obs_v1_45_128kbps.m4a

## 46. ४६. पावल बिश्वासी ओआ

https://openbiblestories.org/l/rji/story-46/

![](https://cdn.door43.org/obs/jpg/360px/obs-en-46-01.jpg)

शाउल हुन तन्धेरी मन्छे हुनि जाङी स्तिफनसकाना सात्न्याङ राँउक थ्याङ्ह्रीराँउ कुरेथाआनी ।हुनि येशूहा बिश्वास खैतमानी ,हुन्लमारै हुनि बिश्वासिराँउकना सतान्याङ खयुनी ।हुन येरुशलेमक नाम नामहा कातना यरा दै मच्चाराँउकना चुम्तना झ्यालखानाहा जाकुसिनी ।प्रधान पुजारिराँउइ शाउलकना दमस्कसक बजारहा कातना ख्रीस्टियानराँउकना चुम्तना हुराँउकना येरुशलेमहा फर्कातना पित्न्याङ स्वीकृति बैथासोनी ।

![](https://cdn.door43.org/obs/jpg/360px/obs-en-46-02.jpg)

जब शाउल दमस्कसहाइ स्वाछानी ,स्वर्गहाइत दाठौ ट्वाङ ज्योती हुन्क प्री पट्टिउ चम्केया ,अनि हुन दिसाहा दिरा ।शाउलै गुन्भनी इसा गार्याङ क्लाँआ ,"शाउल

![](https://cdn.door43.org/obs/jpg/360px/obs-en-46-03.jpg)

जब शाउल सया ,हुनि आङ्ल मुम ह्रोआमा ।हुन्क सङ्घौराँउइ हुन्कना दमस्कस मचै डोरेतना कातमब्रीया।शाउलै सुम कान मचै न आङ्ल जाआ न त तुङाल् ।

![](https://cdn.door43.org/obs/jpg/360px/obs-en-46-04.jpg)

दम्स्कसहा हननिया ब्रीङु ओयाङ दा जना चेला ह्रेनी ।परमेश्वरै हुन्कना गारा,"हुन नामहा गात जहाँ शाउल नैह्रेका ।नाङ्क याकु हुनताकी था ता कि हुनि फेरि मुम ह्रोउ ।"तर हननियाइ गारा ,"प्रभु,इन मन्छेइ बिश्वासीराउकना गुसैतना सताथाका गार्तना ङाइ क्लाँथाका ।"परमेश्वरै हुन्कना जवफ बया ,"गात

![](https://cdn.door43.org/obs/jpg/360px/obs-en-46-05.jpg)

हुन्लमारै हननिया शाउल निङ्हा काआ ,हुन्क याकुराँउ आनताकी थाआ,अनि गारा,"येशू,जाङ नाङ ओङ्छायाङ यमहा छिङा,उइ ङा कना नाङहा लेत्थाक्सी ताकी नाङी फेरि मुम ह्रोउ ,अनि पबित्र आत्माइ भरिपुर्ण ओ ।"शाउल तुरुन्तल फेरि मुम ह्रोन्याङ ओआ ,अनि हननियाइ हुन्कना बप्तिस्मा बया।अनि शाउलै आङ्भनी जान्याङ कुरा जाआ अनि हुन्क तागत फर्केतना ओङा ।

![](https://cdn.door43.org/obs/jpg/360px/obs-en-46-06.jpg)

हुन्क लगत्तल,शाउलै दमस्कसहा ओयाङ येहुदीराँउकना इसा गार्तल प्रचार खयम ग्लाआ,"येशूल परमेश्वरक चाउ हुँ

![](https://cdn.door43.org/obs/jpg/360px/obs-en-46-07.jpg)

चो कान न्हौ,यहुदिराँउइ शाउलकना सात्न्याङ योजना बनासो।हुन्कना सातमक लागै हुराँउइ बजार क ढेलाराँउहा ढुकेत नयम मन्छेराँउ लेत्सो ।तर शाउलै हुन योजनाक बारेहा क्लाआ ,अनि हुन्क सङ्घौराँउइ हुन्कना ब्रोकम सहायता खैसो ।दा झिरी हुराँउइ आन्कना डालिहा जाक्तना बजारक बान्नोहाइतना दि ख्रोबैसो । शाउल दमस्कसहाइत ब्रोक्याङ न्हौ,हुनि येशूक बारेहा प्रचार खैन्याङ काम निरन्तर खैतल छाआ।

![](https://cdn.door43.org/obs/jpg/360px/obs-en-46-08.jpg)

शाउल चेलाराँउकना भेटेम येरुशलेम काआ,तर आराँउ हुन्दैना प्रीह्रेसिनी ।अनि बार्नानास बृङु खयाङ दा -जना बिश्वासी शाउलकना प्रेरितराँउनिङ्हा काता अनि हुराँउकना गोस्खैतना शाउलै साहस खैत दमस्कसहा प्रचार खैथाआनी खैत गार्बैसी ।हुन न्हौ ,चेलाराँउइ शाउलकना स्विकार खैसो।

![](https://cdn.door43.org/obs/jpg/360px/obs-en-46-09.jpg)

येरुशलेमहा ओयाङ सतावटहाइत ब्रोक्याङ आइचिदा बिश्वासीराँउ टाढो एन्टिओखिया क बजारहा कासी अनि येशू क बारेहा प्रचार खैसो ।एन्टिओखियाक चो भागै मन्छेराँउ यहुदी माहुइनी तर पहिलाल चोटा हुराँउकनी चो जना बिश्वासीराँउ ओसि ।बार्नाबास दै शाउल हुन्हा इन नवै बिश्वासीराँउकाना येशूक बारेहा अझ चो शिक्षा बयम दै मन्डली काना बल्ल्यो बनाम कासी ।येशूहा बिश्वास खैन्याङराँउकना पहिला चोटा "खृष्टियानराँउ"गारियाङ ठन्क एन्टिओखिया हुनि ।

![](https://cdn.door43.org/obs/jpg/360px/obs-en-46-10.jpg)

दाक्काले,,जब एन्टिओखियाहा ओयाङ खृष्टियानराउ उपबास दैना प्राथना खैछाइनी ,तब पबित्र आत्माइ हुराउकना गारासी "ङाक लागै बार्नाबास दैना शाउलकना हुन काम क लागै अलग खैने ,जाङ काम क लागै ङाइ हुराउकना स्लोक्थाक्सी ।"हुन्लमारै एन्टिओखियाक मन्डलिऐ बर्नाबास दैना शाउल क लागै प्राथना खैसो ,अनि आराउ क याकु हुराउ ताकी थासो ।अनि आराउइ हुराउ(निम्घी)कना येशूक बारेहा अरु चोल ठन्कहा सु-समचार प्रचार खयम लेत्सो ।बारनाबास दै शाउलै विभिन्न जात क मन्छेराउकना शिक्षा बैसो ,अनि चो मन्छेराउइ येशूहा बिश्वास खैसो ।

*बाइबलको कथा: प्रेरित ८:३; ९:१-३१; ११:१९-२६; १३:१-३ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_46_128kbps.m4a

## 47. ४७. पावल दै सिलास फिलिप्पिहा

https://openbiblestories.org/l/rji/story-47/

![](https://cdn.door43.org/obs/jpg/360px/obs-en-47-01.jpg)

जब शाउलै रोमि साम्राज्य भरेत यात्रा खया ,हुनि आफ्नो रोमि ब्रीङु "पावल "क प्रयोग खयम ग्लाआ।दाक्काले पावल दै हुन्क सङ्घौ सिलास फिलिप्पी क बजारहा येशूक बारेहा सु-समचार सुनाम कासी ।हुराउ नदिहाइत वतना बजार क भाइरौ दाठौ ठन्कहा कासी जहाँ मन्छेराउ प्राथना खयम थुपृइनी ।हुन्हा हुराउइ लिडिया ब्रीङु खयाङ दा-जना मच्चा कना दाल्लसो जाङ दाठौ व्यापारी हुनि ।हुनि परमेश्वरकना माया दैना आराधना खयुनी ।

![](https://cdn.door43.org/obs/jpg/360px/obs-en-47-02.jpg)

येशूक बारेहा सन्देश बिश्वास खयम परमेश्वरै लिडिया क मनौ खोलेबया ,अनि हुन दैना हुन्क जहानौ क बप्तिस्मा ओआ,हुनि पावल दैना सिलासकना आफ्नो नामहा नैन्याङ निम्तो बया,हुन्लमारै हुराँउ हुन्दैना अनि हुन्क जहान दै सङ्घैल नैसी ।

![](https://cdn.door43.org/obs/jpg/360px/obs-en-47-03.jpg)

पावल दै सिलास हुन प्राथना खैन्याङ ठन्कहा मन्छेराँउदै चो भागै भेटेन्याङ खएनी ।दिन्कल जसाल हुराँउ हुन्हा स्वानइनि ,भुतात्मा ग्लायाङ दाठौ कमारी च्रोन्टी हुराँउकना पछ्यान्याङ खयुसिनी ।हुन भुताआत्मा हाइतना हुनि मन्छेराँउक जोखाना मुउसिनी ,इसाखैतना जोखाना मुत हुनि आफ्नो मालिक क लागै चोल कमाइ खैबयुनी ।

![](https://cdn.door43.org/obs/jpg/360px/obs-en-47-04.jpg)

हुन कमारी च्रोन्टी इसा क्ल्याइत कृकम ग्लाआ ,"इन मन्छेराँउ सर्बोच्छ परमेश्वर क सेवकराँउ हुइ ।इराँउइ नराँउकना मुक्तिक यम क घोषणा खैछाकी

![](https://cdn.door43.org/obs/jpg/360px/obs-en-47-05.jpg)

अन्तहा जब हुन कमारी च्रोन्टी कृकम ग्लाआ पावल हुन्हाइ फर्केया अनि हुन भित्रौ ओयाङ दुष्टआत्मा काना गारा,"येशूक ब्रीङुहा हुन्हाइत भाइरउ तोङ।"अनि हुन दुष्टआत्माइ हुन्ल बेला हुन्काना लेत्तना स्वाआ ।

![](https://cdn.door43.org/obs/jpg/360px/obs-en-47-06.jpg)

हुन कमारी च्रोन्टि क मालिकराँउ चो रिसेसी

![](https://cdn.door43.org/obs/jpg/360px/obs-en-47-07.jpg)

हुन्लमारै हुन कमारी मच्चा क मालिकै पावल दैना सिलासकना रोमि अधिकारीराँउ निङ्हा कात्तना स्वाआ,जाङी हुराँउकना मक्सो अनि झ्यालखाना भित्रौ जाक्बैसो ।

![](https://cdn.door43.org/obs/jpg/360px/obs-en-47-08.jpg)

हुराँउइ पावल दै सिलासकना झ्यालखाना क सबहाइतना सुरक्षित ठन्कहा थासो अनि हुराँउक खुट्टाउहा कोर्का(ठिँगुरो)मचै ठोकेबैसो।ताकनी मध्य झिरी क बेला ,हुराउइ परमेश्वर क प्रशसा क गितराँउ लिक्छाइनी ।

![](https://cdn.door43.org/obs/jpg/360px/obs-en-47-09.jpg)

एक्कासी ,हुन्हा दाठौ बरे भुइचाल स्वाआ

![](https://cdn.door43.org/obs/jpg/360px/obs-en-47-10.jpg)

झ्यालखाना क हाकिम निदाउहाइत सया,अनि जब हुनि झ्यालखाना क ढेलाराँउ खुलेयाङ मुआ ,हुन प्रीया

![](https://cdn.door43.org/obs/jpg/360px/obs-en-47-11.jpg)

हुन डरौइ बिर्तल पावल दै सिलास क ध्री ओङ्तना सुधेया ,"उद्धार दारम क लागै ङाइ आङ खयम ब्रीकङ?"पावलै जवाफ बया ,"येशू प्रभूहा बिश्वास खै अनि नाङ दै नाङ्क जाहानै उद्धार दार्हे ।"अनि हुन हाकिमै पावल दै सिलासकना आफ्नो नाम भित्रौ काता अनि हुराँउ क घाउराँउ छ्याल बया ।पावलै हुन्क नाम भित्रौ ओयाङ सब्ल्हाउकना येशू क बारेहा सु-समचार सुनाआ ।

![](https://cdn.door43.org/obs/jpg/360px/obs-en-47-12.jpg)

हुन हाकिम दै हुन्क सब्ल जाहानी येशूहा बिश्वास खैसो अनि बप्तिस्मा लौसो ।अनि हुन हाकिमै पावल दैना सिलास कना जाम बया अनि हुराँउ सब्ल्हाउइल दाल्गै ल आनन्द मनासो ।

![](https://cdn.door43.org/obs/jpg/360px/obs-en-47-13.jpg)

हुन्क त्रुककाले बजार क हाकिम राँउइ पावल दै सिलासकना झ्यालखाना हाइत लेत्बैसो अनि हुराँउकना फिलिप्पी हाइतना तोङ्नी गार्सो ।पावल दै सिलासै लिडिया दै अरु आइचिदा सङ्घौ राँउकना भेटेसो अनि हुन न्हौ बजार लेत्तना स्वासी ।येशूक बारेहा सु-समचार फैलेकातआ ,अनि मन्डली बढेकातआ ।

![](https://cdn.door43.org/obs/jpg/360px/obs-en-47-14.jpg)

पावल दै अरु ख्रीष्टियान अगुवाराँउ चोल बजारराँउहा येशू क बारेहासु-समचार प्रचार खैतल अनि शिक्षा बैतल यात्रा खैसो ।हुराँउइ मन्डलिहा ओयाङ बिश्वासीराँउकना उत्साह बयम दैना सिखाम चो चिठ्ठी कनि लेखेसो इन मध्यक चिठ्ठिराँउ तान बाइबल क किताबराँउ ओह्रेक्सी ।

*बाइबलको कथा: प्रेरित १६:११-४० बाट*

Audio: https://git.door43.org/OBS-TLF/rji_obs/releases/download/v1/rji_obs_v1_47_128kbps.m4a

## 48. ४८. येशू प्रतिज्ञा खैइयाङ मशिह हु

https://openbiblestories.org/l/rji/story-48/

![](https://cdn.door43.org/obs/jpg/360px/obs-en-48-01.jpg)

जब परमेश्वरै संसार क सृष्टि खया ,सब्ल कुरा सिद्ध ह्रेनी ।हुन्हा आङ्ल ओआप हैमानी ।आदम दै हब्बाइ दाठौइ अर्को कना माया खएनी ,अनि हुराँउइ परमेश्वरकना प्रेम खएनी ।हुन्हा आङ्ल रोग हैमानी अनि सिइमानी (मृत्यु हैमानी)हुन परमेश्वरै चाहेयाङ संसार ह्रेनी ।

![](https://cdn.door43.org/obs/jpg/360px/obs-en-48-02.jpg)

बगैचाहा हब्बाकना झुक्क्याम क लागै सैतान मुभुहाइत थामा ।अनि हब्बादै आदमइ परमेश्वर क बिरुद्धहा पाप खैसो ।हुराँउइ खयाङ पाप क कारणै ,मृत्यु,रोग अनि पीडा,इन सब्ल ससार क सब्ल मन्छे क जिबन क दाठौ हिस्सा बनेया ।

![](https://cdn.door43.org/obs/jpg/360px/obs-en-48-03.jpg)

आदम दै हब्बाइ पाप खयाङ क मारै अझ चो कुरा भयानक ओम स्वाआ ।हुराउ परमेश्वरक शत्रु ओसि ।फल स्वरुप ,हुन न्हौ सब्ल मन्छेराउ जन्मेत्याल पाप स्वभाव क ह्रेकी अनि हुराउ कनि परमेश्वर क शत्रू हुँइ ।परमेश्वर अनि मन्छे बिच क सम्बन्ध पापै खैत्याउ जिउवा ।तर हुन सम्बन्धकना पुनस्थापित खैन्याङ परमेश्वर दैना दाठौ योजना ह्रेनी ।

![](https://cdn.door43.org/obs/jpg/360px/obs-en-48-04.jpg)

परमेश्वरै प्रतिज्ञा खैथाआनी कि हब्बा क दा-जना सन्तानै सैतान क काप्लौ कुच्यन्याङ ह्रेङ अनि सैतानै हुन्क कुर्कुच्चाउ कैन्याह्रेङ ।इन्क अर्थ इन ह्रेनी ,कि सैतानै मशिह कना सात्न्या ह्रेङ

![](https://cdn.door43.org/obs/jpg/360px/obs-en-48-05.jpg)

जब परमेश्वरै सब्ल पृथ्बीकना जल प्रलयहाइत नस्ट खया ,उइ ताकी बिश्वास खैन्याङ मन्छेराँउकना उइ जहाज बया ।ठिक हुसल ढङ्गै,सब्ल्हाउल आफ्नो पाप क कारण नास ओम योग्य क ओकि ,तर परमेश्वरै उइ ताकी बिश्वास खैन्याङ सब्ल्हाउकना उद्धार खयम क लागै येशू कना बया ।

![](https://cdn.door43.org/obs/jpg/360px/obs-en-48-06.jpg)

सयौ बर्ष मचै,पुजारिराँउइ मन्छेराँउ क लागै हुराँउक पाप क लागै हुराँउइ दारम ब्रीन्याङ सजाय(दण्ड)क सट्टा परमेश्वरकना लगताररुपहा बलिराँउ चढासो ।तर हुन बलिराँउइ हुराँउक पापराँउ सौतना कातम ह्रोआमा ।येशू ल मुख्य पुजारी हु ।अरु पुजारीराँउ क ध्री ,उइ आफुकनाल दाठौ च्याल बलि क रुपहा सुम्पेया जाङी संसार क सब्ल मन्छेराँउ क पाप सौत कातम ह्रोन्याह्रेङ ।येशू सिद्ध प्रधान पुजारी ह्रेनी आहुखाझै हरेक मन्छेइ खयाङ सब्ल पाप क लागै उइ दण्ड भोगेया ।

![](https://cdn.door43.org/obs/jpg/360px/obs-en-48-07.jpg)

परमेश्वरै अब्राहमकना गारा,"पृथ्बीक सब्ल मन्छे जातिराँउ नाङहाइत आशिषित ओन्याह्रेकि ।"येशू अब्राहम क दाठौ सन्तान हुनि ।सब्ल मन्छे जातिराँउ उइ हाइत आशिषित ओकि ,आहुखाझै सब्ल्हाउल जाङी येशूहा बिश्वास खैके ,हुराँउइ पापहाइत उद्धार दार्के,अनि अब्राहम क आत्मिक सन्तान बनेकी।

![](https://cdn.door43.org/obs/jpg/360px/obs-en-48-08.jpg)

जब परमेश्वरै अब्राहमकना हुन्क चाउ,इसहाक कना ,दाठौ बलिक रुपहा चढा गारा,परमेश्वरै बलिक लागै हुन्क चाउ इसहाक क सट्टाहा दाठौ थुमा(बलि क पाठो)बया ।ङै सब्ल्हाउल ङै क पापक लागै सिम योग्यक ह्रेकी

![](https://cdn.door43.org/obs/jpg/360px/obs-en-48-09.jpg)

जब परमेश्वरै मिश्रदेशहा अन्तिम बिपत्ती लेता ,उइ सब्ल इजरायली जाहानराँउ कना दाठौ सिद्ध थुमा(बलि क पाठो)सातम दै हुन्क सिँ उसिराँउक नाम क ढेला क चौकोसहा नि पट्टिउ क खम्बाराँउ दै ताकी क भाग हा स्लाम गारासी ।जब परमेश्वरै हुन सि मुआ उइ हुराँउ क नामराँउ लेत्तना स्वाआ अनि हुराँउ क ध्रीमा चाउराँउकना सातामा ।इन घटनाकना निस्तार चाड गारिकङ ।

![](https://cdn.door43.org/obs/jpg/360px/obs-en-48-10.jpg)

येशू ङै क लागै निस्तार क थुमा हु ।उइ सिद्ध दै पाप माओयाङ (पापरहित)ह्रेनी अनि निस्तार चाड क उत्सब क समयहा सातियाङ हुनि ।जब जाङी येशूहा बिश्वास खैकु,येशू क सिँ इ हुन मन्छे क पाप क मोल तिरे बैकु ,अनि परमेश्वर क दण्डै हुन मन्छेकना लेत्तना स्वाकङ ।

![](https://cdn.door43.org/obs/jpg/360px/obs-en-48-11.jpg)

परमेश्वरै इजरायलीराँउ दै दाठौ करार ह्रुपा,हुराँउ उइ क चुनेयाङ मन्छेराँउ हुइनी ।तर परमेश्वरै दाठौ नवैँ करार बनाथाका ,जाङ चाहिँ सब्ल्हाउ क लागै थायाङ ह्रेङ ।इन नवैँ करार क कारणै खैत्याउ,गुन्लकनी मन्छेइ येशूहा बिश्वास खैतना परमेश्वर क सन्तान बनेम ह्रोके ।

![](https://cdn.door43.org/obs/jpg/360px/obs-en-48-12.jpg)

मोशा महान् अगमबक्ता ह्रेनी जाङी परमेश्वर क वचन क घोषणा खया ।तर येशू चाँइ सबहाइत महान अगमबक्ता हु ।उइ परमेश्वर हु ,हुन्लमारै उइ खयाङ दै गार्याङ सब्ल थोक परमेश्वर क वचन क कामराँउ हुइनि ।हुन्लमारै येशूकना परमेश्वर क वचन गारिकङ ।

![](https://cdn.door43.org/obs/jpg/360px/obs-en-48-13.jpg)

परमेश्वरै दाउद राजा कना प्रतिज्ञा खैथाआनी कि हुन्क सन्तानराँउ मध्ये दा-जनाइ राजा क रुपहा सदासर्बदा क लागै परमेश्वर क मन्छेराँउ ताकी राज्य खैन्याह्रेङ ।आहुखाझै येशू परमेश्वर क चाउ दै मशिह हु ,उइ ल दाउद क हुन बिशेष सन्तान हु जाङी सदा-सर्बदा राज्य खयम ह्रोन्याह्रेङ ।

![](https://cdn.door43.org/obs/jpg/360px/obs-en-48-14.jpg)

दाउद इस्रायल क राजा ह्रेनी,तर येशू चाँइ सारा संसार क राजा हु

*बाइबलको कथा: उत्पत्ती १-३,६,१४,२२; प्रस्थान १२, २०; २ शमूएल ७; हिब्रु ३:१-६, ४:१४-५:१०, ७:१-८:१३, ९:११-१०:१८; प्रकाश २१ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_48_128kbps.m4a

## 49. ४९. परमेश्वर क नवैँ करार

https://openbiblestories.org/l/rji/story-49/

![](https://cdn.door43.org/obs/jpg/360px/obs-en-49-01.jpg)

दाठौ स्वर्गदुतै मरियम ब्रीङु खयाङ दाठौ कन्याकना गारा,कि हुनि परमेश्वर क चाउकना जन्म बैन्याह्रेङ ।हुन्लमारै जब उइ आफुल दाठौ कन्या ह्रेनी ,हुनि दाठौ चाउ जन्माआ अनि हुन्क ब्रीङु येशू थाआ ।तसर्थ,येशू परमेश्वर दैना मन्छे निल्ठौ हु ।

![](https://cdn.door43.org/obs/jpg/360px/obs-en-49-02.jpg)

येशूइ चोल अचम्मक कामराँउ खया ,जाङी प्रमाणित खैकु कि उइ पर्मेश्वर हुनि ।उइ ती ताकी स्वाआ ,आधीकना शान्त खया,चोल रोगी मन्छेराँउकना निको खया,दुष्ट आत्माराँउ तोनासि,सियाङ मन्छेकना जिउधो खया अनि प्लाँ रोटा क टुक्राउ दै निठौ ङा हाइत ५,०००हाइत चो मन्छेराँउकना दुम्न्याङ खैत जाम जेत्तना आफुकना प्रमाणित खैत सारा

![](https://cdn.door43.org/obs/jpg/360px/obs-en-49-03.jpg)

येशू महान शिक्षक कनि ह्रेनी ,अनि उइ अधिकार खैतना थाम्नी आहुखाझै उइ परमेश्वर क चाउ हुनि ।उइ सिखाआ कि नाङी अरु मन्छेराँउकना हुसाल खैतना माया खयम ब्रीङ जसा खैत आफुकना माया खैकु ।

![](https://cdn.door43.org/obs/jpg/360px/obs-en-49-04.jpg)

उइ इन कनि सिखाआ कि नाङी परमेश्वरकना अरु सब्ल कुराराँउकना हाइत चो माया खयम ब्रीङ,नाङ्क धन सम्पतिराँउकना हाइत कनि चो ।

![](https://cdn.door43.org/obs/jpg/360px/obs-en-49-05.jpg)

येशूइ गारा कि परमेश्वर क राज्य ससारहा ओयाङ गुसाङ्ल कनि कुरा हाइत चो मुल्यबान ह्रेङ ।गुन्भनी क लागै सबहाइत महत्वपुर्ण कुरा गार्याङ ल परमेश्वर क राज्य क हकदार ओम हु ।परमेश्वर क राज्यहा बाङम ,नाङि आफ्नो पापहाइत उद्धार दारम ब्रीकङ ।

![](https://cdn.door43.org/obs/jpg/360px/obs-en-49-06.jpg)

येशूइ सिखाआ कि कोँइ मन्छेराँउइ उइकना दार्हे अनि बचाइन्याङ ह्रेकी,तर अरुइ दारेमा,।उइ गारा कि कोँइ मन्छेराँउ ह्रुङ मच्यासाङ हुइ ।हुराँउइ येशू क सु-समचार दार्के अनि बचाइएकी ।अरु मन्छेराँउ चाइ यम क क्षे मच्यासाङ हुइ ,जहाँ परमेश्वर क वचन क ब्याङ बाङङमा अनि आङ्ल अन्न सयङमा ।हुन मन्छेराँउइ येशू क बारेहा सन्देश कना मानेकेमा अनि उइ क राज्यभित्रौ बाङम दार्नेहैमा ।

![](https://cdn.door43.org/obs/jpg/360px/obs-en-49-07.jpg)

येशूइ सिखाआ कि परमेश्वरै पापीराँउकना चो माया खैकु ।उइ हुराँउ सब्ल्हाउकना क्षमा बयम चाहेकू अनि हुराँउकना आफ्नो सन्तान बनाम चाहेकु ।

![](https://cdn.door43.org/obs/jpg/360px/obs-en-49-08.jpg)

येशूइ इन कनि गारा कि परमेश्वरै पापकना घ्रीणा खैकु।जब आदम दै हब्बाइ पाप खयासो,इनि हुराँउ क सबल सन्तानराँउकना असर पृया ।फलस्वरुप,संसारहा सब्ल मन्छेराँउइ पाप खैके अनि परमेश्वरहाइत अलग खैइयाङह्रेकी ।तसर्थ(हुन्लमारै)सब्ल्हाउल परमेश्वरहाइत टाढो ओह्रेक्सी ।

![](https://cdn.door43.org/obs/jpg/360px/obs-en-49-09.jpg)

तर परमेश्वरै संसारहा ओयाङ सब्ल्हाउकना इच्च चो माया खया कि उइ आफ्नो दाठौ च्याल चाउ बया ,ताकी येशूताकी बिश्वास खैन्याङ गुनिल कनि हुराँउ क पाप क सजाय भोगेम ता-ब्रीद,तर परमेश्वरदैना सदा-सर्बदा बचेह्रेइद ।

![](https://cdn.door43.org/obs/jpg/360px/obs-en-49-10.jpg)

नाङराँउ क पापै खैत्याउ,नाङ दोसि दैना सातिम योग्य क ह्रेकङ ।परमेश्वर नाङदैना रिसेम ब्रीन्याङ हुँ ,तर उइ आफ्नो रिसौ नाङ्क सट्टाहा येशूताकी खन्याआ ।जब येशू क्रुसहा सिया ,उइ नाङ्क सजाय भोगेया ।

![](https://cdn.door43.org/obs/jpg/360px/obs-en-49-11.jpg)

येशूइ तिङ्ल पाप खयामा,तर सजाय भोगेम अनि नाङदै संसार क हरेक मन्छेराँउ क पाप सौत कातम सिद्ध बलि क रुपहा सिम चाहेया ।येशूइ आफुकनाल समर्पण(बयाङ क) खयाङ क मारै खैत्याउ,परमेश्वरै जसाङ कनि पापकना क्षमा खयम ह्रोकू ।

![](https://cdn.door43.org/obs/jpg/360px/obs-en-49-12.jpg)

मजा कामै नाङ्कना बचाम ह्रोकुमा ।परमेश्वर दैना सम्बन्ध थाम नाङी खयम ह्रोन्याङ आङ्ल काम हैमा ।येशूइ च्याल नाङ्क पाप छ्यालम ह्रोकु।नाङी इन बिश्वास खयम ल ब्रीङ कि येशू ल परमेश्वर क चाउ हुँ ,कि नाङ्क सट्टा उइ क्रुसहा सिया,अनि परमेश्वरै फेरि उइकना जिउधो खैतना सौवा ।

![](https://cdn.door43.org/obs/jpg/360px/obs-en-49-13.jpg)

येशूहा बिश्वास खैन्याङ दै उइ कना आफ्नो मुक्तिदाता गार्तना ग्रहण खैन्याङ सब्ल्हाउकना परमेश्वरै बचान्याह्रेङ ।तर उइ ताकी बिश्वास माखैन्याङ गुन्कनाल कनि बचानेहैमा ।नाङ धनी ओ या गरिब यरा या मच्चा ,बड्डो या तन्धेरी अथवा नाङ घ्वा नैकङ आङ्ल फरक ब्रीन्याहैमा ।परमेश्वरै नाङ्कना माया खैकु अनि नाङी येशूहा बिश्वास खयाङ ओद गार्त चाहेकू ,ताकी नाङ्दैना उइ क घनिष्ठ(मा-ग्लोइन्याङ) सम्बन्ध ओद ।

![](https://cdn.door43.org/obs/jpg/360px/obs-en-49-14.jpg)

येशूइ नाङ्कना उइहा बिश्वास खयम अनि बप्तिस्मा लवम निम्तो बैकू ।आङ नाङ येशू ल मशिह ,परमेश्वर क दाठौ च्याल चाँउ हु गार्त बिश्वास खैकु ?आङ नाङ आफुकना पापी दै परमेश्वर क दण्ड क भागिदार ह्रेङ गारतना बिश्वास खैकु ?नाङ्क पापराँउ सौतना कातम येशू क्रुसहा सिया गार्तना आङ नाङी बिश्वास खैकु ?

![](https://cdn.door43.org/obs/jpg/360px/obs-en-49-15.jpg)

यदि नाङी येशूहा अनि उइ नाङ्कलागै आङ खया गार्तना बिश्वास खैकु खाझै ,नाङ दाठौ ख्रीष्टियान हुँ ।

![](https://cdn.door43.org/obs/jpg/360px/obs-en-49-16.jpg)

यदि नाङ दाठौ ख्रीष्टियान हु खाझै,येशूइ खयाङ कामै खैत्याउ परमेश्वरै नाङ्क पापराउ क्षमा खैबैथाका ।परमेश्वरै नो नाङ्कना दाठौ शत्रु माहु ,बरु दाठौ घनिष्ठ मित्र ठानेकु ।

![](https://cdn.door43.org/obs/jpg/360px/obs-en-49-17.jpg)

यदि नाङ परमेश्वर क मित्र हु अनि येशू प्रभु क दास हु खाझै,नाङि नो येशूइ सिखायाङ कुराराउ क आज्ञा पालन खयम चाहेहौ ।नाङ दाठौ ख्रीस्टियान ओआझै कनि ,अझल नाङ पाप खयम परीक्षाहा ब्रीहै ।तर परमेश्वर बिश्वास योग्य ह्रेकङ अनि गार्की कि यदि नाङी आफ्नो पापराँउ क प्रायश्चित(क्षमा)खैकु खाझै उइ नाङ्कना क्षमा खैन्याह्रेङ ।पाप क बिरुद्धहा सामना खयम उइ नाङ्कना शक्ति बैन्याह्रेङ ।

![](https://cdn.door43.org/obs/jpg/360px/obs-en-49-18.jpg)

परमेश्वरै नाङ्कना प्राथना खयम ,उइ क वचन पढेम,अरु ख्रीष्टियानराँउ दै आराधना खयम ,अनि उइ नाङ्क लागै आङ खया गार्तना अरुकना गारम गार्कु ।इन सब्ल कुराइ नाङ्कना उइदैना अझ घनिष्ठ सम्बन्ध थाम मद्द्त खैकु ।

*बाइबलको कथा: रोमी ३:२१-२६, ५:१-११; यूहन्‍ना ३:१६; मर्कूस १६:१६; कलस्सी १:१३-१४; २ कोरन्थी ५:१७-२१; १ यूहन्‍ना १:५-१० बाट*

Audio: https://git.door43.org/OBS-TLF/rji_obs/releases/download/v1/rji_obs_v1_49_128kbps.m4a

## 50. ५०. येशू फेरि ओङ्न्याह्रेङ

https://openbiblestories.org/l/rji/story-50/

![](https://cdn.door43.org/obs/jpg/360px/obs-en-50-01.jpg)

करिब २,००० बर्षहाइत ,संसार भरेत क चो हाइत चो मन्छेराँउइ येशू मशिह क बारेहा सु-समचार क्लातल ओङ्ह्रेक्सी ।मन्डली क वृद्धि ओछाकङ ।येशूइ प्रतिज्ञा खैथाआनी कि संसार क अन्त्यहा उइ फर्केत ओङ्न्याह्रेङ ।उइ अझ मचै फर्केयाङ त हैमा ,तर उइ आफ्नो प्रतिज्ञा पूरा खैन्याह्रेङ ।

![](https://cdn.door43.org/obs/jpg/360px/obs-en-50-02.jpg)

जब ङै येशू क ओङ्न्याङहा लाङिकी ,ङै पबित्रता क यमहा जीवन बचाए खैतना पर्मेश्वरै चाहेकु,जाङी उइ क आदर खैकु ।ङै इ अरु कना कनि उइ क राज्य क बारेहा गारेँ गारतना उइ चाहेकु ।जब येशू संसारहा ह्रेनी ,उइ गारा ,"ङाक चेलाराँउइ परमेश्वर क राज्य क बारेहा सब्ल संसार क मन्छेराँउ कना सु-समचार प्रचार खैहे ,अनि हुनहाइत न्हौ च्याल,अन्त्यक कान ओङ्न्याह्रेकङ ।"

![](https://cdn.door43.org/obs/jpg/360px/obs-en-50-03.jpg)

चोल मन्छे क जातिराँउइ अझै कनि येशू क बारेहा क्लाँतमा ।स्वर्गहा फर्केत स्वामहाइत ध्री उइ ख्रीष्टियानराँउकना हुन मन्छेराँउकना सु-समचार क घोषणा (सुनाम)खयम गारा ,जाङी तिङ्ल इन्क बारेहा क्लाँतमानी ।उइ गारा,"गात्नी अनि सब्ल जाती क मन्छेराँउकना चेला बनाने

![](https://cdn.door43.org/obs/jpg/360px/obs-en-50-04.jpg)

येशूइ इन कनि गारा,"गुन्ल कमरा आफ्नो मालिक हाइत बरे ओम ह्रोकुमा ।जसखैतना इन संसार क अधिकारीराँउइ (बरेङ मन्छेराँउइ) ङा कना घिन खैसी ,हुराँउइ ङा क लागै नराँउकना दुख्ख बैन्याह्रेकी अनि सात्थि ।इन संसारहा नराँउइ कष्ट भोगेम ब्रीयाझै कनि ,उत्साहित ओनि ,आँहुखाझै ङाइ इन संसारहा शासन खैन्याङ सैतानकना जिताथाका ।यदि नराँउ अन्त्यमचै बिश्वासयोग्य ओक्सि खाझै ,परमेश्वरै नाङराँउ क उद्धार खैन्याह्रेङ्

![](https://cdn.door43.org/obs/jpg/360px/obs-en-50-05.jpg)

येशूइ उइ क चेलाराँउकना संसार क अन्त्य ओआझै गुसा ओन्याह्रेङ खैत बुझाम क लागै दाठौ कथा गारा ।उइ गारा,"दा-जना मन्छेइ आफ्नो खेतहा ह्रुङ ब्याङराँउ फोसि ।जब हुन निङ्ह्रेयानी ,हुन्क शत्रु ओङ्तना गोमा क बिचहा सामा क ब्याङ फो बया ,अनि होइत स्वस्वआ ।"

![](https://cdn.door43.org/obs/jpg/360px/obs-en-50-06.jpg)

"जब ब्याङ इङा ,हुन मन्छे क कमराराँउइ गार्सो "मालिक,नाङी त हुन खेतहा ह्रुङ ब्याङराँउ फोथासिनी ।तर घोइतना हुन्हा सामा इङ्सी ?हुन मालिकै जवाफ बया ,"गुन्भनी शत्रुऐ हुन फोयाङ ओमब्रीङ ।"

![](https://cdn.door43.org/obs/jpg/360px/obs-en-50-07.jpg)

"हुन कमराराँउइ हुराँउक मालिककना गार्सो,"आङ ङै इ हुन सामाराँउकना ल्होते?"मालिकै गारा,"माहु ।नराँउइ हुसाखैकासो खाझै ,नराँउइ हुन्दैनाल आइचिदा गोमाकनी ल्होत्थे ।गाक्न्याङ बेलामचै लाइनी अनि हुन न्हौ सामाराँउ जम्मा खैत छोरम् क लागै मुठी-मुठी प्रीने,तर गोमा चाँइ ङाक ढुकुटिहा पित्ने ।"

![](https://cdn.door43.org/obs/jpg/360px/obs-en-50-08.jpg)

चेलाराँउइ हुन कथा क अर्थ बुझेसोमा,हुन्लमारै आराँउइ येशूकना हुन बुझाबयम क लागै(गारासो)आग्रह खैसो ।येशूइ गारा,"ह्रुङ ब्याङ फोन्याङ मन्छेइ मशिह क प्रतिनिधित्व (अगुवाइ)खैकु।खेतै संसारकना सार्कु ।ह्रुङ ब्याङै परमेश्वर क राज्यहा मन्छेराँउ क प्रतिनिधित्व(अगुवाइ) खैकु।"

![](https://cdn.door43.org/obs/jpg/360px/obs-en-50-09.jpg)

सामाराँउइ हुन दुष्ट मन्छेराँउ क प्रतिनिधित्व (अगुवाइ) खैके ।सामा फोबैन्याङ हुन शत्रुइ दुष्ट क प्रतिनिधित्व खैकु ।गाक्न्याङ बेलाइ हुन अन्त्य क कान क प्रतिनिधित्व खैकु,अनि गाक्न्याङराँउइ परमेश्वर क स्वर्गदुतराँउ क प्रतिनिधित्व खैके ।"

![](https://cdn.door43.org/obs/jpg/360px/obs-en-50-10.jpg)

"जब संसार क अन्त्य ओन्याह्रेङ,स्वरगदुतराँउइ अधर्मी मन्छेराँउकना जम्मा खैन्याह्रेकी अनि हुराँउकना दन्केछायाङ मुइहा जाक्बैन्याङ ह्रेकी ,जहाँ हुराँउ कार्ही अनि निक्माल कष्टहा आफ्नो दाह्रासी किटेहे ।अनि धर्मि मन्छेराँउ चाइ हुराँउ क पिता परमेश्वर क राज्यहा दि-न साङ चम्केन्याङह्रेकी ।

![](https://cdn.door43.org/obs/jpg/360px/obs-en-50-11.jpg)

येशूइ इन कनि गारा कि संसार क अन्त्य ओमहाइतना ठिक ध्री उइ पृथ्बीहा फर्केत ओङ्न्याह्रेङ ।उइ लेत्याङ् साङ्ल अबस्थाहा उइ फर्केत ओङ्न्याह्रेङ ,जाङ चाँइ, उइ क जिउनाउ भौतिक ओन्याह्रेङ अनि अक्कासहा बाल्ह ताकी ओङ्न्याह्रेङ ।जब येशू फर्केकङ ,सियाङ सब्ल ख्रीष्टियानराँउ सियाङ हाइत बौह्रेत सैन्याङ ह्रेकी अनि उइ कना अक्कासहा भेटेन्याङ ह्रेकी ।

![](https://cdn.door43.org/obs/jpg/360px/obs-en-50-12.jpg)

अनि हुनबेला बचेयाङ ख्रीष्टियानराउ ताकी अक्कासहा सौइन्याङ ह्रेकी अनि अरु सियाङहाइत बौह्रेत सयाङ ख्रीस्टियानराँउदै ल ग्वाङ्न्याह्रेकी ।हुराँउ सब्ल्हाउल येशूदैना ओन्याह्रेकी ।हुन न्हौ ,येशू उइ क मन्छेराँउदै सदा क लागै शान्ती दै दा-वतना(एकताहा) नैन्याह्रेकङ ।

![](https://cdn.door43.org/obs/jpg/360px/obs-en-50-13.jpg)

येशूइ उइ ताकी बिश्वास खैन्याङ सब्ल्हाउकना जीवन क मुकुट बैन्याङ प्रतिज्ञा खैथाका ।हुराँउ परमेश्वर सङ्घल शान्तिहा ह्रेन्या ह्रेकी अनि राज्य खैन्याह्रेकी ।

![](https://cdn.door43.org/obs/jpg/360px/obs-en-50-14.jpg)

तर परमेश्वरै येशूताकी बिश्वास माखैन्याङ सब्ल्हाउकल न्याए खैन्याह्रेकङ ।उइ हुराँउकना नरकहा तम्न्याह्रेकङ ,जहाँ हुराँउ सदा क लागै कार्ही अनि कष्टहा दाह्राउ किटेन्या ह्रेकी ।तिङ्ल मासिन्याङ मुइ इ सदाभरेत हुराँउकना छोर्न्याङ ह्रेङ ,अनि गिउराँउइ हुराँउकना कयम लेत्न्याहैमा ।

![](https://cdn.door43.org/obs/jpg/360px/obs-en-50-15.jpg)

जब येशू फर्केकङ,उइ सैतान दैना हुन्क राज्यकना पुर्ण रुपै जितान्याङ ह्रेकङ ।उइ सैतानकना नरकहा तम्न्याङ ह्रेङ जहाँ हुराँउ सदा क लागै जोर्न्याङ ह्रेकी अनि हुराँउदैना आराँउकनी ओन्याह्रेकी ,जाङी परमेश्वर क आज्ञापालन खयम क सट्टा हुन दुष्टकना पछ्याम रोजेसो ।

![](https://cdn.door43.org/obs/jpg/360px/obs-en-50-16.jpg)

आदम दै हब्बाइ परमेश्वर क आज्ञापालन माखयाङ दैना इन संसारहा पापकना प्रबेश खैबयाङ कारणै ,परमेश्वरै इन संसारकना श्राप बया अनि इनकना नास खैन्याङ निर्णय खया ।तर दाक्काले ,परमेश्वरै दाठौ नवैँ स्वर्ग दैना नवैँ पृथ्बी क सृष्टि खैन्याह्रेङ जाङ चाँइ सिद्ध ओन्याह्रेङ ।

![](https://cdn.door43.org/obs/jpg/360px/obs-en-50-17.jpg)

येशू दै उइ क मन्छेराँउ नवैँ पृथ्बीहा ह्रेन्याह्रेकी ,अनि उइ सदा क लागै अस्तित्वहा ह्रेयाङ सब्ल कुराराँउताकी राज्य खैन्याह्रेङ ।उइ सब्ल मिक्र्याउराँउ पुइबन्याङ ह्रेङ अनि हुन्हा फेरि आङ्ल कष्ट ,दुख्ख ,काराइ ,दुष्टता,बेदना,वा सिमब्रीन्याङ हैमा ।येशूइ शान्ती दै न्याएहा आफ्नो राज्य क शासन खैन्याह्रेङ ,अनि उइ सदा क लागै आफ्नो मन्छेराँउदैना ह्रेन्याह्रेकङ ।

*बाइबलको कथा: मत्ती २४:१४, २८:१८, यूहन्‍ना १५:२०, १६:३३, प्रकाश २:१०, मत्ती १३:२४-३०, ३६-४२, १ थेसलोनिकी ४:१३-५:११, याकूब १:१२, मत्ती २२:१३, प्रकाश २०:१०, २१:१-२२:२१ बाट*

Audio: https://git.door43.org/OBS-TLF/rji_obs/releases/download/v1/rji_obs_v1_50_128kbps.m4a