# unfoldingWord Open Bible Stories — Vlach Čergarski

- Language code: `rmy-x-vc`
- Canonical page: https://openbiblestories.org/l/rmy-x-vc/
- Stories in this file: 50 of 50
- Published by: Door43-Catalog
- Last release: 2021-03-13
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Vlach Čergarski translation; it is not a translation of the whole Bible.

## 1. Stvoripe

https://openbiblestories.org/l/rmy-x-vc/story-1/

![](https://cdn.door43.org/obs/jpg/360px/obs-en-01-01.jpg)

Ake sar sas sa maj sigo nego so bilo so postoilas, o Del stvorisardas o svemir thaj sa ande leste. Nakon so o Del stvorisardas e Phuv, e phuv sas ando tunjariko thaj nas nikaj ni cara svetlo niti khanči aver nas oblikujime pe phuv. Ali e Devlesko Duho sas po paj.

![](https://cdn.door43.org/obs/jpg/360px/obs-en-01-02.jpg)

Aska o Del phenda: "Neka avel svetlo!" Thaj sas o svetlo. O Del dikhla kaj si o svetlo lačho thaj akharda o svetlo "đes". Odvojisarda les katar o tunjariko, savo akhardas "rjat". O Del stvorisardas o svetlo po prvo đes kana počnisardas te stvoril.

![](https://cdn.door43.org/obs/jpg/360px/obs-en-01-03.jpg)

O dujto đes kana stvorilas, o Del phendas alav thaj stvorisardas o nebo opral pe phuv. Stvorisardas o nebo gajda kaj odvoisardas o paj tele katar o nebo opre.

![](https://cdn.door43.org/obs/jpg/360px/obs-en-01-04.jpg)

O trito đes, o Del phendas alav thaj odvoisardas o paj katar o kopno. O kopno akhardas "phuv" a o paj "more". O Del dikhla kaj si lačhe okova so stvorisardas.

![](https://cdn.door43.org/obs/jpg/360px/obs-en-01-05.jpg)

Aska o Del phenda: "Neka andar e phuv proklijol svako vrsta kaš thaj biljke. "Thaj godova vi sas. O Del dikhla kaj okova so stvorisardas si lačhe.

![](https://cdn.door43.org/obs/jpg/360px/obs-en-01-06.jpg)

Po štarto đes stvorimasko, o Del phenda thaj stvorisarda o kham, o čhonut thaj e čerenja. O Del stvorisardalen te den svetlo e phuvja thaj te označin e rjat thaj o đes, bršešći vrjama thaj e brša. O Del dikhla kaj okova so stvorisarda si lačhe.

![](https://cdn.door43.org/obs/jpg/360px/obs-en-01-07.jpg)

O pančto đes, o Del phendas alav thaj sa stvorisardas sa so plivil ando paj thaj sa e čirikljen. O Del dikhla kaj si sa lačhe thaj blagoslovisarda len.

![](https://cdn.door43.org/obs/jpg/360px/obs-en-01-08.jpg)

O šovto đes sar o Del stvorilas, o Del phendas: "Neka avel svako vrsta životinje save si po kopno!" Thaj dogodisajlo tačno sar o Del phendas. Varesave životinje sas domaće a varesave crdenas pes pe phuv, a varesave sas divlje. Thaj o Del dikhla kaj si godova lačhe.

![](https://cdn.door43.org/obs/jpg/360px/obs-en-01-09.jpg)

Askal o Del phenda: "Hajde te ćeras manušen pe amari slika te aven sago amen. Len avela vlast pe phuv thaj pe životinje."

![](https://cdn.door43.org/obs/jpg/360px/obs-en-01-10.jpg)

Thaj gajda o Del lijas cara phuv, thaj oblikosarda lat ando manuš, thaj udahnisardas o trajo ande leste. Thaj godole manušesko alav sas Adam. O Del zasadisarda vrto kaj o Adam šaj trailas, thaj čhutale okote te šaj te vodil briga palo o vrto.

![](https://cdn.door43.org/obs/jpg/360px/obs-en-01-11.jpg)

Maškaral ando vrto, o Del zasadisarda duj posebne kaš – o kaš e trajosko thaj o kaš te pindžarel pes o lačhipe thaj o bilačhipe. O Del phenda e Adamešće kaj šaj hal katar bilo savo kaš ando vrto osim katar o kaš katar savo pindžarel pes o lačhipe thaj o bilačhipe. Te o Adam hala katar godova kaš, merela.

![](https://cdn.door43.org/obs/jpg/360px/obs-en-01-12.jpg)

Askal o Del phenda: "Naj lačhe te o manuš avel korkoro." Ali nijek katar e životinje nas lačhi te avel e Adamešći pomoćnica. .

![](https://cdn.door43.org/obs/jpg/360px/obs-en-01-13.jpg)

Thaj gajda, o Del čvrsto sovljardas e Adame. Askal o Del lija jek katar e Adamešće pašvare thaj ćerda lestar manušnji thaj andala e Adamešće.

![](https://cdn.door43.org/obs/jpg/360px/obs-en-01-14.jpg)

Kana o Adam dikhlala, phenda: "Napokon! Voj si sago me! Neka akhardol 'Manušnji', kaj si ćerdi katar o manuš." Zato o manuš mućel pire dade thaj pire deja thaj avela jek pire romnjasa.

![](https://cdn.door43.org/obs/jpg/360px/obs-en-01-15.jpg)

O Del stvorisardas e manušes thaj e manušnja pe piri slika. Blagoslovisarda len thaj phendas lenđe: "Neka aveltumen but čhavra thaj unukurja thaj pheren e phuv." Askal o Del dikhlas kaj si sa so stvorisardas lačhe thaj sas but zadovoljno. Godova sa sas o šovto đes sar počnisardas te stvoril.

![](https://cdn.door43.org/obs/jpg/360px/obs-en-01-16.jpg)

Kana avilo o eftato đes, o Del završisarda piri bući. Thaj gajda o Del odmorisajlo katar sa so ćerdas. Blagoslovisardas o eftato đes thaj ćerdas te avel sveto, kaj pe godova đes odmorisajlo katar piri bući. Gajda o Del stvorisardas o svemir thaj sa so si ande leste.

*Biblijaće paramiča andar o: Postanak 1–2*

## 2. O bezah del ando them

https://openbiblestories.org/l/rmy-x-vc/story-2/

![](https://cdn.door43.org/obs/jpg/360px/obs-en-02-01.jpg)

O Adam thaj lešći romnji sas but bahtale kaj trainas ando but šukar vrto savo o Del ćerdas pale lende. Ni jek lendar či inđarelas pe peste drze, ali či ladžanas zbog godova, kaj ando them nas o bezah. Često phirenas e vrtosa thaj ćerenas svato e Devlesa.

![](https://cdn.door43.org/obs/jpg/360px/obs-en-02-02.jpg)

A ando vrto sas jek but džanglo sap. Thaj phučlas e manušnja: "Dali o Del čačes phendas tumenđe kaj čitroman te han katar ni jek plodo katar o kaš ando vrto?"

![](https://cdn.door43.org/obs/jpg/360px/obs-en-02-03.jpg)

E manušnji phendas: "O Del phendas amenđe kaj šaj has katar bilo savo kaš, osim katar o kaš katar savo šaj pindžarel pes o lačhipe thaj o bilačhipe. O Del phendas menđe: 'Ako line te han ili samo dirisardine godova plodo merena.'"

![](https://cdn.door43.org/obs/jpg/360px/obs-en-02-04.jpg)

A o sap phendas e manušnjaće: "Godova naj čače! Či merena. O Del džanel kaj čim hana katar godova kaš o plodo, avena sar o Del thaj haćarena so si lačhe a so bilačhe sago vi vo."

![](https://cdn.door43.org/obs/jpg/360px/obs-en-02-05.jpg)

E manušnji dikhlas kaj si o plodo šukar thaj izgledilas ukusno. Sa jek voj kamlas te avel mudro, thaj kušlas katar godova kaš o plodo thaj hala. Aska dijas vi pire romes, savo sas lasa thaj vi vo halas.

![](https://cdn.door43.org/obs/jpg/360px/obs-en-02-06.jpg)

Katar jekhvar, putajle lenđe jakha thaj haćardine kaj si nanđe. Probisardine te učharenpes gajda kaj khudine e patrja te ćeren pešće drze.

![](https://cdn.door43.org/obs/jpg/360px/obs-en-02-07.jpg)

Aska o manuš thaj e manušći ašundine e Devles sar phirel e vrtosa, thaj liduj garadile katar o Del. Askal o Del akhardas e manuše: "Kaj san?" O Adam phendas: "Ašundem tut sar phires maškar o vrto, thaj darajlem, kaj sem nango thaj garadilem."

![](https://cdn.door43.org/obs/jpg/360px/obs-en-02-08.jpg)

Aska o Del phučlas les: "Ko phendas tuće kaj san nango? Dali halan katar o plodo savo phendem te na has?" O manuš phendas: "Tu dijanman akale manušnja, thaj voj dijas man godova plodo." Askal o Del phučlas e manušnja: "Sostar ćerdan godova?" E manušnji phenda: "O sap hohadas man."

![](https://cdn.door43.org/obs/jpg/360px/obs-en-02-09.jpg)

O Del phendas e sapešće: "Tu prokleto te aves! Puzija pe ćiro đi thaj haja e phuv. Tu thaj e manušnji mrizarena tumen, a vi ćire čhavra thaj laće čhavra isto mrizarena pes. E manušnjako potomko smrskola ćiro šoro, aj tu ranija lešći khuv."

![](https://cdn.door43.org/obs/jpg/360px/obs-en-02-10.jpg)

O Del aska phenda e manušnjaće: "Ćerava te kana bijanes avel zurale dukhano pale tute. Kameja ćire romes, aj vo vladila pe tute."

![](https://cdn.door43.org/obs/jpg/360px/obs-en-02-11.jpg)

O Del phendas e menušešće: "Čhutan kan ke ćiri romnji, a manđe sanas neposlušno. Akana si e phuv prokleto, aj tu phare pe late ćereja bući te barjol andar late hamasko. Askal mereja, aj ćiro telo boldelape ande phuv." O manuš dijas alav pire romnjaće "Eva", so značil "O koja savi del trajo", kaj voj avela dej sa e manušenđe. A o Del dijas po Adamo thaj pe Eva drze save ćerdas katar e životinjenđi morćhi.

![](https://cdn.door43.org/obs/jpg/360px/obs-en-02-12.jpg)

Pale godova o Del phendas: "Akana si e manuša sago amen gajda kaj džanen so si lačhipe thaj bilačhipe, čitromal te avel lenđe muklino te han o plodo katar o kaš e trajosko thaj te trajin večno." Gajda o Del tradas e Adames thaj e Eva andar o but šukar vrsta. O Del čhutas e moćno anđelonen anglo vudar e vrtosko te ačhaven bilo kas te na han o plodo katar o kaš e trajosko.

*Biblijaće paramiča andar o: Postanak 3*

## 3. Potop

https://openbiblestories.org/l/rmy-x-vc/story-3/

![](https://cdn.door43.org/obs/jpg/360px/obs-en-03-01.jpg)

Nakon lungo vrjama, po them trailas o but o them. Thaj postanisardine but bilačhe thaj opasne. Thaj sas gajda bilačhipe kaj o Del odlučisarda te uništil sasto them bare potopesa savo sas baro handuk paj.

![](https://cdn.door43.org/obs/jpg/360px/obs-en-03-02.jpg)

O Del smiluisajlo e Noašće. Vo sas pravedno rom savo trajilas maškar bilačhe manuša. O Del phenda e Noašće palo potop savo planirisarda te bičhalel. Phenda e Noašće te ćerel baro brodo.

![](https://cdn.door43.org/obs/jpg/360px/obs-en-03-03.jpg)

O Del phenda e Noašće te ćerel lungo brodo katar 140 meterja, bulo 23 meterja, thaj vučo 13,5 meterja. O Noa trubujas te ćerel les katar e kaš, te avel pe trin spraturjra, but sobe, krovo thaj pendžere. O brodo arakhlas e Noa thaj lešće familija thaj svako vrsta životinje save trainas pe phuv katar o baro handuk paj savo akhardolas potop.

![](https://cdn.door43.org/obs/jpg/360px/obs-en-03-04.jpg)

O Noa čhutas kan ko Del. Vo thaj lešće trin čhave sagradisardine o brodo tačno sar o Del phendas. Trubujalen but brš te sagradilpes o brodo, kaj sas but baro. O Noa phenelas e themešće te lenpe sama kaj avel o baro handuk paj savo akhardol potopo thaj phenda lenđe te bolden pes e Devlešće, ali von či paćaine lešće.

![](https://cdn.door43.org/obs/jpg/360px/obs-en-03-05.jpg)

O Del isto zapovedisarda e Noašće thaj lešće familijaće te ćiden but hamasko pale peste thaj pale životinje. Kana sas sa gata, o Del phenda e Noašće kaj si e vrjama te vo, lešći romnji, lešće trin čhave thaj lenđe romnja, den ando brodo–ukupno ohto manuša.

![](https://cdn.door43.org/obs/jpg/360px/obs-en-03-06.jpg)

O Del bičhaldas muško thaj žensko katar svako životinja thaj katar sa e čiriklja ko Noa te šaj den ando brodo thaj te aven po sigurno than pale potopošći vrjama. O Del bičhaldas efta muške thaj efta ženske katar svako vrsta e životinje save šaj te žrtvuin. Kana sas savora ando brodo, korkoro o Del phandadas o vudar.

![](https://cdn.door43.org/obs/jpg/360px/obs-en-03-07.jpg)

Aska teljardas o bršnd te perel, te perel, thaj te perel. Perelas štarvardeš đes thaj štarvardeš rjat thaj či ačhelas! O paj inkljelas vi andar e phuv. Sa ando sasto them sas učhardo e pajesa, čak vi e maj vuče planine.

![](https://cdn.door43.org/obs/jpg/360px/obs-en-03-08.jpg)

Sa so trajilas pe phuv mulo, osim o them thaj e životinje save sas ando brodo. O brodo plutilas po paj thaj lelas sama pe sa so sas andre ando brodo katar godova ta či tasadon.

![](https://cdn.door43.org/obs/jpg/360px/obs-en-03-09.jpg)

Kana o bršnd ačhilo, o brodo plutilas po paj još pandž čhon, a pale godoja vrjama o paj počnisarda te perel. Aska jek đes o brodo ačhilo po vrho e planinako, ali o them sas još uvek talo paj. Kana nakhlo već trin čhon, dićhonas e vrhurja e planinaće.

![](https://cdn.door43.org/obs/jpg/360px/obs-en-03-10.jpg)

Kana nakhlo još štarvardeš đes, o Noa bičhaldas e čiriklja savi akhardol gavran te dićhel dali o paj šućilo. O gavrano džalas thaj boldelaspes, rodelas o kopno, ali či arakhla les.

![](https://cdn.door43.org/obs/jpg/360px/obs-en-03-11.jpg)

Maj posle o Noa bičhaldas e čiriklja savi akhardol golubica. Ali ni voj či arakhlas o kopno, thaj boldape palpale ko Noa. Palo kurko đes palem bičhalda e golubica, savi boldapes e maslinaće ranjava ando kljuno! O paj crdaspes, thaj e biljke palem počnisardine te barjon.

![](https://cdn.door43.org/obs/jpg/360px/obs-en-03-12.jpg)

O Noa ažućarda još kurko đes thaj bičhaldas e golubica po trito drom. Akava drom arakhla kaj šaj te ačhel thaj či boldapes. O paj šućolas!

![](https://cdn.door43.org/obs/jpg/360px/obs-en-03-13.jpg)

Duj čhon maj posle, o Del phendas e Noašće: "Tu thaj ćiri familija thaj e životinje akana šaj te inkljen andar o brodo. Thaj te aveltumen but čhavra thaj unukurja thaj te pheren e phuv." Gajda kaj o Noa thaj lešći familija inkljistine andar o brodo.

![](https://cdn.door43.org/obs/jpg/360px/obs-en-03-14.jpg)

Kana o Noa inkljisto andar o brodo, sagradisardas žrtveniko thaj žrtvuisarda katar svako vrsta životinje save šaj koristil pale žrtva. O Del sas bahtalo godole žrtvasa thaj blagoslovisardas e Noa thaj leše familija.

![](https://cdn.door43.org/obs/jpg/360px/obs-en-03-15.jpg)

O Del phenda: "Obećisarav kaj nikada majbut či proklinjiva e phuv zbog o bilačhipe savo ćeren e manuša niti uništiva lat e potopesa, vi ako si e manuša bezehale katar o ciknipe."

![](https://cdn.door43.org/obs/jpg/360px/obs-en-03-16.jpg)

O Del ćerdas e prvo duga sago znako kaj obećisardas. Svako drom kana pojavilpes e duga po nebo, o Del delapes gođi so obećisardas, gajda delapes gođi vi lesko them.

*Biblijaće paramiča andar o: Postanak 6–8*

## 4. Devlesko savezo e Avraameja

https://openbiblestories.org/l/rmy-x-vc/story-4/

![](https://cdn.door43.org/obs/jpg/360px/obs-en-04-01.jpg)

But brš nakon so sas o potopo, po them sas palem but manuša, thaj savora von ćerenas svato jek čhibjava. Umesto te pherdinesas e phuv sago kaj o Del zapovedisardas, ćidinepes thaj sagradisardine gav.

![](https://cdn.door43.org/obs/jpg/360px/obs-en-04-02.jpg)

Von sas but barikane, thaj či marinas pale okova so o Del phendas. Čak počnisardine te vazden vučo tornjo te aven džiko nebo. O Del dikhla kaj te nastavisardine zajedno te ćeren bilačhipe, šaj te ćeren but majbaro bezah.

![](https://cdn.door43.org/obs/jpg/360px/obs-en-04-03.jpg)

Zato o Del promenisardas lenđe čhibja ande but različite čhibja thaj buljardas e manušen pe sasto them. Gav savo počnisardine te ćeren akhardolas Babel, so značil "zbunime".

![](https://cdn.door43.org/obs/jpg/360px/obs-en-04-04.jpg)

Kana nakhlo šel brš, o Del phendas e manušesće savo akhardolas Avram. O Del phendas lešće: "Muk ćiri phuv thaj ćiri familija, thaj dža ande phuv savi me sikavava tuće. Blagosloviva tut thaj ćerava tutar baro them. Ćerava ćiro alav slavno. Blagosloviva okolen save tut blagoslovin thaj prokljinjiva okolen save tut proklin. Sa e familije pe phuv avena blagoslovime zbog tute."

![](https://cdn.door43.org/obs/jpg/360px/obs-en-04-05.jpg)

Gajda o Avram čhutas kan ko Del. Lija pire romnja e Saraja, zajedno lešće slugonenca thaj sa so sasle, thaj đelotar ande phuv savi o Del sikadas lešće, phuv savi akhardolas Kanan.

![](https://cdn.door43.org/obs/jpg/360px/obs-en-04-06.jpg)

Kana o Avram avilo ando Kanan, o Del phendas lešće: "Dik svugde oko tute. Dava tuće thaj ćire potomkonđe ando naslestvo sa akaja phuv savi šaj te dićhes." Aska o Avram doselisajlo ande godoja phuv.

![](https://cdn.door43.org/obs/jpg/360px/obs-en-04-07.jpg)

Jek đes, o Avram maladas e Melkisades, savo sas o rašaj e bare Devlesko. O Melkisadek blagoslovisarda e Avrame thaj phenda: "Neka o Baro Del savesko si o nebo thaj e sasti phuv blagoslovil e Avramo." Aska o Avram dijas e Melkisades deš posto katar sa so sasles.

![](https://cdn.door43.org/obs/jpg/360px/obs-en-04-08.jpg)

But brš nakhline, ali e Avrame thaj e Saraja još uvek nas čhavo. O Del phendas e Avramešće thaj palem obećisardas kaj avela les čhavo thaj gaći potomkurja kozom si čereja po nebo. O Avram paćaja e Devlešće so obećisardas. O Del proglasisarda e Avramo kaj si pravedniko, zato kaj paćaja ande okova so o Del obećisardas.

![](https://cdn.door43.org/obs/jpg/360px/obs-en-04-09.jpg)

Askal o Del ćerdas savezo e Avramesa. Savezo si kana duj riga dogovorinpes. O Del phendas: "Dava tut čhave katar ćiro telo. E phuv Kanan dava ćire potomkonenđe." Ali e Avrame još nas čhavo.

*Biblijaće paramiča andar o: Postanak 11–15*

## 5. Obećime čhavo

https://openbiblestories.org/l/rmy-x-vc/story-5/

![](https://cdn.door43.org/obs/jpg/360px/obs-en-05-01.jpg)

Deš brš nakon so o Avram thaj e Saraja aresline ando Kanan, još uvek naslen čhavra. Pa e Avraamešći romnji, e Saraja, phendas lešće: "Pošto o Del či muklas te avelman čhavra a akana sem purani te avelman čhavra, ake mungri sluškinja e Agara. Le vi lat romnjaće sar voj šaj bijandasas čhaves pale mande."

![](https://cdn.door43.org/obs/jpg/360px/obs-en-05-02.jpg)

Thaj gajda o Avram lija e Agara pale piri romnji. E Agara bijanda čhave thaj o Avram dija les alav Jišmael. Ali e Saraja postanisardas ljubomorno pe Agara. Kana sas e Jišmaeles dešutrin brš, o Del palem phendas e Avramešće.

![](https://cdn.door43.org/obs/jpg/360px/obs-en-05-03.jpg)

O Del phenda: "Me sem o Del svemogućo. Sklopiva savezo tusa." Aska o Avram poklonisajlo džike phuv. O Del askal phenda e Avraamešće: "Aveja dad but e themešće. Dava tuće thaj ćire potomkonenđe e phuv Kanan te avel tumari thaj me avava lengo Del zauvek. Moraš te obrezis svako čhavres thaj e muškarco ande ćiri familija."

![](https://cdn.door43.org/obs/jpg/360px/obs-en-05-04.jpg)

"Ćire romnja, e Saraja, avela čhavo–-vo avela čhavo saves obećisardem. Deles alav Isak. Lesa me sklopiva mungro savezo, a lestar avela baro them. Thaj vi e Jišmaelestar ćerava baro them, ali mungro savezo avela e Isakosa." Askal o Del promenisardas e Avraamesko alav ando "Avraam", So si o "dad e butendo". O Del promenisardas vi e Sarajako alav ande "Sara" so značil "princeza".

![](https://cdn.door43.org/obs/jpg/360px/obs-en-05-05.jpg)

Godova đes o Avraam obrezisardas svako čhavres thaj svako muškarce ande piro ćher. Palo brš ćes maj posle, kana sas e Avraame 100 brš, a e Sara 90, e Sara bijandas e Avraamešće čhave. Thaj akhardineles Isak, sago kaj o Del phenda lenđe.

![](https://cdn.door43.org/obs/jpg/360px/obs-en-05-06.jpg)

Kana sas o Isak čhavo, o Del probisardas e Avraamesko paćipe gajda kaj phendas lešće: "Le e Isako, ćire jedine čhave, thaj mudar les sago žrtva manđe." O Avraam palem paćaja e Devlešće thaj pripremisajlo te žrtvuil pire čhaves.

![](https://cdn.door43.org/obs/jpg/360px/obs-en-05-07.jpg)

Dok o Avraam thaj o Isak džanas dži ko than kaj trubujas te žrtvuil, o Isak phučlas: "Dade, dali siamen kaš pale žrtva, ali kaj o bakhro?" O Avraam phendas: "E Devlešći briga si o bakhro, pale žrtva, čhaveja mungreja."

![](https://cdn.door43.org/obs/jpg/360px/obs-en-05-08.jpg)

Kana aresline džiko than kaj trubuine te žrtvuin, o Avraam phangla pire čhave e Isako thaj čhutales po žrtveniko. Thaj o Avraam taman spremisajlo te mudarel pire čhave, o Del phendas: "Ač! Na te naudisares e čhavešće! Akana džanav kaj daras mandar kaj či ni ćire jećhe čhaves uskratisardan mandar."

![](https://cdn.door43.org/obs/jpg/360px/obs-en-05-09.jpg)

O Avraam paše lende dikhla bakhres savo zapnisarda ande kangre. O Del pobrinisajlo te o bakhro avel žrtva umesto o Isak. O Avraam bahtalo prinosisarda e bakhre sago žrtva.

![](https://cdn.door43.org/obs/jpg/360px/obs-en-05-10.jpg)

Askal o Del phenda e Avraamešće: "Pošto sanas spremno te des man sa, čak vi ćire jećhe čhaves, obećisarav tuće kaj blagosloviva tut. Ćire potomkurja avena majbut nego e čerenja po nebo. Zbog godova kaj ašundan man, sa e familije pe phuv avena blagoslovime kroz ćiri familija."

*Biblijaće paramiča andar o: Postanak 16–22*

## 6. O Del vodil briga palo Isako

https://openbiblestories.org/l/rmy-x-vc/story-6/

![](https://cdn.door43.org/obs/jpg/360px/obs-en-06-01.jpg)

Kana sas o Avraam zurales purano, lesko čhavo o Isak barjilo ando baro manuš. Gajda kaj o Avraam bičhaldas jećhe katar pire slugen te boldelpes ande phuv kaj trajilas e Avraamešći familija, te anel okotar lešće čhavešće e Isakošće romnji.

![](https://cdn.door43.org/obs/jpg/360px/obs-en-06-02.jpg)

Nakon so dugo putuilas ande phuv kaj trailas e Avraamešći familija, o Del anda e sluga džike Reveka. Voj sas e Avraamešće phralešći unuka.

![](https://cdn.door43.org/obs/jpg/360px/obs-en-06-03.jpg)

E Reveka pristanisardas te mućel pire familija thaj te teljarel e Isakošće slugasa ande Isakosko ćher. Thaj čim aresli o Isak lijalat pešće pale romnji.

![](https://cdn.door43.org/obs/jpg/360px/obs-en-06-04.jpg)

Nakon but e vrjama, o Avraam mulo, a sa so o Del obećisardas lešće thaj o savez savo sklopisardas lesa nakhline po Isak. O Del obećisardas e Avraamešće kaj avelale les potomkurja kaj naštik te đinavena pes, ali e Isakošći romnji, e Reveka, naštik ačhelas khamni.

![](https://cdn.door43.org/obs/jpg/360px/obs-en-06-05.jpg)

O Isak pomolisajlo pale Reveka, thaj o Del muklas te vi voj ačhel phari, e blizancenca. E duj čhavra borisajle maškar peste dok sas ande Revekako đi, pa e Reveka phučlas e Devle so si godova.

![](https://cdn.door43.org/obs/jpg/360px/obs-en-06-06.jpg)

O Del phenda e Revekaće: "Duj them inkljela katar ćire duj čhave save si ande tute. Borina pes mašrkar phende thaj o maj purano služila e maj ternese."

![](https://cdn.door43.org/obs/jpg/360px/obs-en-06-07.jpg)

Kana e Revekaće čhave sas bijande, o maj purano čhavo inkljisto sa lolo thaj balalo, thaj akhardinele Esav. Aska inkljisto vi o maj terno, inđarelas e Esavešći khuv thaj akhardinele Jakov.

*Biblijaće paramiča andar o: Postanak 24,1–25,26*

## 7. O Del blagoslovisarel e Jakove

https://openbiblestories.org/l/rmy-x-vc/story-7/

![](https://cdn.door43.org/obs/jpg/360px/obs-en-07-01.jpg)

Sar e čhavra baijronas, o Jakov volilas te ačhel ćhere, dok o Esav volilas te džal ando lovo. E Reveka majbut volilas e Jakove a o Isak e Esavo.

![](https://cdn.door43.org/obs/jpg/360px/obs-en-07-02.jpg)

Jek đes, dok o Esav boldelaspes andar o lovo, sas zurale bokhalo. O Esav phendas e Jakovešće: "Moliv tu, deman cara te hav katar okova so ćiradan." A o Jakov phendas: "Prvo tu deman ćiro pravo sago savo si tut sago majpurane čhaves." Thaj gajda o Esav dijas e Jakove piro pravo maj purane čhavesko. Askal o Jakov dijales te hal.

![](https://cdn.door43.org/obs/jpg/360px/obs-en-07-03.jpg)

O Isak lijas te del piro blagoslov e Esavešće. Ali majsigo so areslo te ćerel godova, e Reveka thaj o Jakov hohadine les gajda kaj o Jakov ćerdapes kaj si o Esav. O Isak phurajlo thaj naštik majbut te dikhlas pe pire jakha. Gajda o Jakov lijas pe peste e Esavošće drze thaj čhutas e buznjaće bal pe pire vas thaj pe piri kor.

![](https://cdn.door43.org/obs/jpg/360px/obs-en-07-04.jpg)

O Jakov avilo ko Isak thaj phendas: "Me sem o Esav, thaj avilem te tu blagoslovis man." Kana o Isak haćarda e buznjaće bal thaj pomirišisarda e drze, gndisardas kaj si godova o Esav thaj blagoslovisardas e Jakove.

![](https://cdn.door43.org/obs/jpg/360px/obs-en-07-05.jpg)

O Esav zamrzisardas e Jakove kaj o Jakov čordas lesko pravo sago e maj purane čhavesko, a vi lesko blagoslov. Zato planirisarda te mudarel e Jakove nakon so merel lengo dad.

![](https://cdn.door43.org/obs/jpg/360px/obs-en-07-06.jpg)

Ali e Reveka ašundas e Esavesko plano thaj gajda voj thaj o Isak bičhaldine e Jakoves te džaltar dur te trajil pire dejaće familijava.

![](https://cdn.door43.org/obs/jpg/360px/obs-en-07-07.jpg)

O Jakov trajisardas e Revekaće familijava but brš. Pale godoja vrjama oženisajlo thaj sasles dešuduj čhave thaj jek čhej. O Del ćerda les te avel but barvalo.

![](https://cdn.door43.org/obs/jpg/360px/obs-en-07-08.jpg)

Nakon biš brš sar trailas majdur katar piro ćher ande phuv Kanan, o Jakov boldapes palpale pire familijava, pire slugonenca, thaj pire životinjenca saven sas les put.

![](https://cdn.door43.org/obs/jpg/360px/obs-en-07-09.jpg)

O Jakov zurales daralas kaj gndisardas kaj o Esav vi maj dur kamel te mudarel les. Zato bičhaldas but stadaurja životinje e Esavošće sago poklono. O sluga savo anda e životinjen phendas e Esavešće: "Ćiro sluga o Jakov, vo bičhaldas thaj del tut akala životinje. Vo avela maj posle."

![](https://cdn.door43.org/obs/jpg/360px/obs-en-07-10.jpg)

Ali o Esav već jartosardas e Jakovešće, thaj sas bahtale kaj palem dikhlinepes. O Jakov askal mirno traisarda ando Kanan. Askal o Isako mulo, o Jakov thaj o Esav prahosardine les. A o savezo thaj o obećanje savo o Del dijas e Avraamešće nakhline katar o Isak po Jakov.

*Biblijaće paramiča andar o: Postanak 25,27–33,20*

## 8. O Del spasisarel e Josife thaj lešće familija

https://openbiblestories.org/l/rmy-x-vc/story-8/

![](https://cdn.door43.org/obs/jpg/360px/obs-en-08-01.jpg)

But brš maj posle, kana sas o Jakov purano, bičhaldas pire maj purane čhaves saves majbut volilas, e Josife, te dićhel pire phralen save vodinas e briga palo stado.

![](https://cdn.door43.org/obs/jpg/360px/obs-en-08-02.jpg)

E Josife mrzanas lešće phral zato kaj lengo dad maj but volilas les thaj zato kaj o Josif dikhlas suno kaj vo avela lengo vladari. Kana o Josif avilo đi ke pire phral, otmisardine les thaj bićinde les varesošće trgovconenđe save trguinas e robonenca.

![](https://cdn.door43.org/obs/jpg/360px/obs-en-08-03.jpg)

Maj sig nego so e Josifešće phral boldinepes ćhere, pharadine e Josifešće drze thaj namočisardine ando rat e buznjako. Askal sikadine e drze pire dadešće gajda te vo gndil kaj e divljo životinja mudardas e Josife. O Jakov sas put tužno.

![](https://cdn.door43.org/obs/jpg/360px/obs-en-08-04.jpg)

E trgovcurja save trguinas e robonenca e Josife inđardine ando Egipat. O Egipat sas bari, thaj moćno phuv savi sas lungo niz e reka Nil. E trgovcurja bićindine e Josife sago robo e barvale državne službenikošće. O Josif služisarda pire gospodare lačhe, thaj o Del blagoslovisarda e Josife.

![](https://cdn.door43.org/obs/jpg/360px/obs-en-08-05.jpg)

E romnji lešće gospodarešće probisardas te sovel e Josifesa, ali o Josif odbisardas te ćerel bezah protiv o Del. Pe godova voj zurales holjali thaj hohadas po Josif te vo avel phanglo thaj bičhaldo ando phanglipe. Čak vi ando phanglipe o Josif ačilo verno e Devlešće thaj o Del blagoslovisardas les.

![](https://cdn.door43.org/obs/jpg/360px/obs-en-08-06.jpg)

Vi ako nas došalo nakon duj brš o Josif sas još uvek ando phanglipe, Jek rjat, e Faraone (gajda e Egipćanurja akharenas pire caronen), sas duj sune save but uznemirisardine les. Khonik katar lešće savetnikujra naštik te phenel lešće so značin godola sune.

![](https://cdn.door43.org/obs/jpg/360px/obs-en-08-07.jpg)

O Del e Josife dija daro te šaj tumačil e sune, pa o Faraon rodas te anen lešće e Josife andar o phanglipe. O Josif protumačisarda lešće e sune thaj phendas: "O Del bičhalela efta brš barvali žetva, nakon save avena efta brš bokhalipe."

![](https://cdn.door43.org/obs/jpg/360px/obs-en-08-08.jpg)

O Faraon sas gajda oduševime e Josifesa kaj čhuta les te avel dujto maj baro manuš ando sasto Egipat.

![](https://cdn.door43.org/obs/jpg/360px/obs-en-08-09.jpg)

O Josif phendas e themešće te mućen pe rig bare količine điv dok si akala efta barvale brš. Askal o Josif bićinel o hamasko e themešće kana aviline okola efta brš bokhalipe gajda kaj sas savoren dovoljno te han.

![](https://cdn.door43.org/obs/jpg/360px/obs-en-08-10.jpg)

E bok nas zurali samo ando Egipat, nego vi ando Kanan, kaj trajilas o Jakov thaj lešći familija.

![](https://cdn.door43.org/obs/jpg/360px/obs-en-08-11.jpg)

Gajda kaj o Jakov bičhaldas pire maj purane čhaven ando Egipat te ćinen hamasko. E phral či pindžardine e Josife kana ačhenas angle leste te ćinen hamasko. Ali o Josif pindžardas len.

![](https://cdn.door43.org/obs/jpg/360px/obs-en-08-12.jpg)

Nakon so probisardas pire phralen te dićel dali promenisajle, o Josif phendas lenđe: "Me sem tumaro phral, o Josif! Na daran. Tumen manđe line te ćeren bilačhipe kana bićindineman sago robo, ali o Del godova bilačhipe boldas po lačhipe! Aven thaj trajisaren ando Egipat te me šaj vodisarav e briga pale tumende thaj pale tumari familija."

![](https://cdn.door43.org/obs/jpg/360px/obs-en-08-13.jpg)

Kana e Josifešće phral boldinepes ćhere thaj phendine pire dadešće, e Jakovešće, kaj si o Josif još uvek džudo, vo sas but bahtalo.

![](https://cdn.door43.org/obs/jpg/360px/obs-en-08-14.jpg)

Vi ako sas o Jakov phuro, nakhlo te trajil ando Egipat pe saste familijava, thaj sa von traisardine o kote. Maj sigo nego so o Jakov mulo, blagoslovisardas svakone katar pire čhave.

![](https://cdn.door43.org/obs/jpg/360px/obs-en-08-15.jpg)

E savezošće obećanja save o Del dijas e Avraame nakhline po Isak, pa po Jakov thaj aska pe Jakovešće dešuduj čhave thaj pe lenđe familija. Potomkurja katar godola dešuduj čhave postanisardine dešuduj Izraelošće plemenurja.

*Biblijaće paramiča andar o: Postanak 37–50*

## 9. O Del akharel e Mojsija

https://openbiblestories.org/l/rmy-x-vc/story-9/

![](https://cdn.door43.org/obs/jpg/360px/obs-en-09-01.jpg)

Nakon so mulo o Josif, sasti lešći familija ačhiline ando Egipat. Von thaj lenđe potomkurja nastavisardine okote te trajin but brš. Thaj saslen but čhavra. Von akhardonas Izraelcurja.

![](https://cdn.door43.org/obs/jpg/360px/obs-en-09-02.jpg)

Kana nakhlo varesave šel brš, brojo e Izraelconengo zurale barjilo. E Egipćanurja majbut či denas pes gođi ko Josif thaj sa so vo ćerdas pale lende. Počnisardine te daran katar e Izraelcurja kaj saslen zurale but. Gajda kaj o Faraon savo askal vladilas e ando Egipat ćerda e Izraelconen te aven roburja ando Egipat.

![](https://cdn.door43.org/obs/jpg/360px/obs-en-09-03.jpg)

E Egipćanurja tradine e Izraelconen te ćeren e but e zgrade thaj čak saste gava ćerenas. E phare buća ćerdine lengo trajo bedno, ali o Del blagoslovisarda len, thaj saslen još majbut čhavra.

![](https://cdn.door43.org/obs/jpg/360px/obs-en-09-04.jpg)

O Faraon dikhlas kaj e Izraelconen sas još majbut čhavra, thaj naredisardas pire manušenđe te mudaren sa e izraelconenđe muške čhavren gajda kaj čhudenas len ande reka Nil.

![](https://cdn.door43.org/obs/jpg/360px/obs-en-09-05.jpg)

Jek manušnji andar o izrael bijanda čhave. Voj thaj lako rom garavenas e čhavres kozom god dugo šaj.

![](https://cdn.door43.org/obs/jpg/360px/obs-en-09-06.jpg)

Kana lesko dad thaj lešći dej majbut naštik te garavenas les, čhutileles ande korpa savi šaj džalas po paj ande trska paše obala e reka Nil, te spasinles te na avel mudardo. Lešći phen maj purani lestar pratilas te dićhel so avela lesa.

![](https://cdn.door43.org/obs/jpg/360px/obs-en-09-07.jpg)

E faraonešći čhej dikhla e korpa thaj dikhla so si andre. Kana dikhla e čhavre, lijales thaj prihvatisardales sago pire rođene čhaves. Unajmisardas jećhe Izraela te del les čuči ali či haćardas kaj si godoja manušnji e čhavrešći pravo dej. Kana sas o čhavro cara maj purano thaj či trubulas les majbut e dejako thud, e manušnji e čhavres boldas e faraonešće čhejaće, savi dijales alav Mojsije.

![](https://cdn.door43.org/obs/jpg/360px/obs-en-09-08.jpg)

Jek đes, kana o Mojsije sas već baro manuš, dikhla sar varesavo manuš savo sas Egipćano marel e Izraelcošće robo. O Mojsije probisardas te spasil e manuše savo sas Izraelco sago vi vo.

![](https://cdn.door43.org/obs/jpg/360px/obs-en-09-09.jpg)

Kana o Mojsije gndisarda kaj khonik či dićel, mudardas e Egipćanes thaj prahosarda les. Ali vareko dikhlas so ćerdas o Mojsije.

![](https://cdn.door43.org/obs/jpg/360px/obs-en-09-10.jpg)

Kana ašundas o Faraon so ćerdas o Mojsija, probisarda te mudarel les. O Mojsija našlo andar o Egipat ande divljina kaj avela sigurno katar e Faraonešće vojnikurja.

![](https://cdn.door43.org/obs/jpg/360px/obs-en-09-11.jpg)

O Mojsije postanisardas pastiri ande divljina dur katar o Egipat. Lijas pešće romnja andar godova than thaj sasles duj čhave.

![](https://cdn.door43.org/obs/jpg/360px/obs-en-09-12.jpg)

Jek đes, dok o Mojsije araćhelas pire bakhren, dikhlas sar jek kaš phabol. Ali o kaš či phabilo. O Mojsije nakhlo ko kaš te majlačhe dićhel les. Sar naćhelas ko kaš savo phabolas, e Devlesko glaso phendas lešće: "Mojsije fuljar e sandale katar ćire pungre kaj o than pe savo ačhes si sveto than."

![](https://cdn.door43.org/obs/jpg/360px/obs-en-09-13.jpg)

O Del phendas: "Dikhlem e patnja mungre themešći. Bičhalava tut ko Faraon te tu inkales e Izraelconen andar o ropstvo andar o Egipat. Me dava len e phuv Kanan, e phuv savi obećisardem e Avraamešće, Isakošće, thaj e Jakovešće.

![](https://cdn.door43.org/obs/jpg/360px/obs-en-09-14.jpg)

O Mojsije phučlas: "A so ako o them kamlas te džanel ko bičhalda men, so te phenav lenđe?" O Del phenda: "ME SEM OKOVA SAVO SEM. Phen lenđe: "ME SEM bičhalda man tumenđe." Isto phen lenđe: "Me sem Jahve, o Del tumare paponengo, o Del e Avraamesko, e Isakosko thaj e Jakovesko.' Akava si mungro alav zauvek."

![](https://cdn.door43.org/obs/jpg/360px/obs-en-09-15.jpg)

O Mojsije darajlo thaj či kamlas te džal ko Faraon kaj mislisardas kaj či džanel lačhe te ćerel svato, pa o Del bičhaldas e Mojsiješće phrales, savo akhardolas Aron, te pomožil les. O Del upozorisardas e Mojsija thaj e Arone kaj o Faraon avela tvrdoglavo.

*Biblijaće paramiča andar o: Izlazak 1–4*

## 10. Deš bare nevolje po Egipat

https://openbiblestories.org/l/rmy-x-vc/story-10/

![](https://cdn.door43.org/obs/jpg/360px/obs-en-10-01.jpg)

O Mojsije thaj o Aron đele ko Faraon. Thaj phendine lešće: "Akava phenel o Del e Izraelosko: 'Muk mungre theme!'" O Faraon či čhutas kan lende. Umesto te mućel e Izraelconen, tradalen te ćeren još maj phare buća!

![](https://cdn.door43.org/obs/jpg/360px/obs-en-10-02.jpg)

O Faraon či kamelas te mućel e theme, pa o Del bičhaldas deš bare nevolje po Egipat. Kroz akala nevolje, o Del sikadas e Faraonešće kaj si vo maj moćno katar sa e Egipatske devla thaj čak vi katar o Faraon.

![](https://cdn.door43.org/obs/jpg/360px/obs-en-10-03.jpg)

O Del pretvorisardas e reka Nil ando rat, ali o Faraon još uvek či kamlas te mućel e Izraelconen te džantar.

![](https://cdn.door43.org/obs/jpg/360px/obs-en-10-04.jpg)

O Del bičhaldas e žamben pe sasto Egipat. O Faraon molisardas e Mojsija te crdel e žamben. Ali nakon so muline sa e žambe, e Faraonesko ilo zurajlo thaj či muklas te o Izraelsko them inkljel ando Egipat.

![](https://cdn.door43.org/obs/jpg/360px/obs-en-10-05.jpg)

Pa o Del bičhaldas e cincaren. Askal bičhaldas bare biromnja sago e nevojle. O Faraon akhardas e Arone thaj e Mojsija thaj phendas lenđe te ačhadine akala nevolje e Izraelcurja šaj te inkljen andar o Egipat. Kana o Mojsija pomolisajlo, o Del crdas e biromnja andar o Egipat. Ali e Faraonesko ilo zurajlo thaj či muklas e theme te džantar.

![](https://cdn.door43.org/obs/jpg/360px/obs-en-10-06.jpg)

Posle godova, o Del ćerdas te sa e domaće životinje save pripadinas e Egipćanenđe nasvajle thaj muline. Ali e Faraonesko ilo zurajlo thaj či muklas e theme te džantar.

![](https://cdn.door43.org/obs/jpg/360px/obs-en-10-07.jpg)

Askal o Del phendas e Mojsijašće te čhudel o praho ando vazduh anglo o Faraon. Kana vo godova ćerdas dukhane čirurja pojavisajle pe Egipćanurja, ali či pe Izraelcurja. O Del zurardas e Faraonesko ilo, thaj o Faraon čikamlas te mućel e Izraelconen te džantar.

![](https://cdn.door43.org/obs/jpg/360px/obs-en-10-08.jpg)

Nakon godova, o Del bičhaldas o baro ledo thaj sa uništisardas e njive ando Egipat thaj mudardas bilo kas ko inkljisto avri. O Faraon akhardas e Mojsija thaj e Arone thaj phendas lenđe: "Sagrešisardem. Šaj te džantar." Thaj o Mojsija pomolisajlo thaj o ledo ačhilo te del andar o nebo.

![](https://cdn.door43.org/obs/jpg/360px/obs-en-10-09.jpg)

Ali o Faraon palem sagrešisardas thaj zurardas piro ilo. Vo čikamlas te mućel e Izraelconen te džantar.

![](https://cdn.door43.org/obs/jpg/360px/obs-en-10-10.jpg)

Pale godova o Del bičhaldas rojo skakavconen te učharen o Egipat. E skakavcurja haline sa so ačhilo pe njive a so či uništisardas o ledo.

![](https://cdn.door43.org/obs/jpg/360px/obs-en-10-11.jpg)

Askal o Del bičhaldas e rjat savi sas trin đes. Sas gajda bari rjat kaj e Egipćanurja naštik te inkljen andar pe ćhera. Ali sas đes kote kaj e Izraelcurja trainas.

![](https://cdn.door43.org/obs/jpg/360px/obs-en-10-12.jpg)

Ali čak vi nakon akala inja bare nevolje, o Faraon odbisardas te mućel e Izraelconen te džantar. Pošto o Faraon či kamlas te paćal, o Del planirisarda te mućel još jek bari nevolje. Akaja nevolja promenila e Faraonesko ilo.

*Biblijaće paramiča andar o: Izlazak 5–10*

## 11. Pasha

https://openbiblestories.org/l/rmy-x-vc/story-11/

![](https://cdn.door43.org/obs/jpg/360px/obs-en-11-01.jpg)

O Del upozorisardas e Faraone kaj ako či mućela e Izraelconen te džantar, mudarela svako prvo muško Egipćano katar o them dži ke e životinje. Kana o Faraon ašundas akava još uvek odbilas te paćal thaj te ašunel e Devles.

![](https://cdn.door43.org/obs/jpg/360px/obs-en-11-02.jpg)

O Del dikhla sar šaj te spasil svako prvo bijande čhaves okolešće savo paćalas ande leste. Svako familija trubujas te izbiril savršeno bakhro thaj te del les čhurjasa.

![](https://cdn.door43.org/obs/jpg/360px/obs-en-11-03.jpg)

O Del phendas e Izraelconenđe te maćhen e bakhresko rat pe dovratkurja pire ćherenđe, te pećen e bakhresko mas thaj te han les brzo, zajedno e mangresa savo sas ćerdo bi kvascosko. Isto phendas lenđe te aven spremno te mućen o Egipat čim han.

![](https://cdn.door43.org/obs/jpg/360px/obs-en-11-04.jpg)

E Izraelcurja ćerdine sa tačno sar o Del phendas lenđe te ćeren. Maškaral ande rjat, o Del nakhlas maškar o Egipat thaj mudardas svako prvo bijande čhaves.

![](https://cdn.door43.org/obs/jpg/360px/obs-en-11-05.jpg)

Svako ćher e Izraelsko pe dovratkurja sas makhlo e rateja, pa o Del nakhla samo paše godola ćhera. Sa save sas andre sas sigurne. Thaj sas spasime zbog e bakhresko rat.

![](https://cdn.door43.org/obs/jpg/360px/obs-en-11-06.jpg)

Ali e Egipćanurja či paćanas e Devlešće niti čhutine kan ke Devlešće zapovedi. Pa o Del či samo nakhlas paše lenđe ćhera. O Del mudardas sa dži ke jećhe prvo bijande Egipćanes.

![](https://cdn.door43.org/obs/jpg/360px/obs-en-11-07.jpg)

Svako prvo bijanda muško Egipćano mulo, katar okova savo sas ando phanglipe dži ke prvo bijando Faraonesko čhavo. But o them ando Egipat rovelas thaj jadikuilas katar piri bari duk.

![](https://cdn.door43.org/obs/jpg/360px/obs-en-11-08.jpg)

Godoja isto rjat o Faraon akhardas e Mojsija thaj e Aron thaj phenda lenđe: "Inđaren e Izraelconen thaj inkljen andar o Egipat odma!" O Egipatsko them nagovorilas e Izraelconen te odma inkljen andar o Egipat.

*Biblijaće paramiča andar o: Izlazak 11,1–12,32*

## 12. Inkljistipe andar o ropstvo

https://openbiblestories.org/l/rmy-x-vc/story-12/

![](https://cdn.door43.org/obs/jpg/360px/obs-en-12-01.jpg)

E Izraelcurja sas zurale bahtale zato kaj inkljistine andar o Egipat. Nas majbut roburja, a teljardine ande obećime phuv! E Egipćanurja dine e Izraelconen sogod mangline, čak vi o rub, sunakaj thaj ostale vredne stvarja. Varesave manuša andar e aver thema počnisardine te paćan ando Del thaj teljardine pale Izraelcurja dok von inkljenas andae o Egipat.

![](https://cdn.door43.org/obs/jpg/360px/obs-en-12-02.jpg)

O Del vodisardaslen e vuče stuposa katar o oblako savo džalas angle lende e đesesa a e raćasa postoilas vučo stupo katar e jag. O Del sas uvek lenca thaj vodilas len dok putuinas. Von trubuine samo te džan pale leste.

![](https://cdn.door43.org/obs/jpg/360px/obs-en-12-03.jpg)

Nedugo posle godova, o Faraon thaj lesko them pokaisajle kaj mukline e Izraelconen thaj mangline te e Izraelcurja palem aven lenđe roburja. O Del ćerdas te o Faraon avel tvrdoglavo te o them šaj dićhel kaj si Vo jedino thaj pravo Del, thaj te haćaren kaj si Vo, o Jahve, maj moćno katar o Faraon thaj lešće dela.

![](https://cdn.door43.org/obs/jpg/360px/obs-en-12-04.jpg)

Gajda kaj o Faraon thaj lešći vojska vijinas e Izraelconen sar palem ćerdinesas len te palem aven lenđe roburja. Kana e Izraelcurja dikhline e Egipatsko vojska sar aven, haćardine kaj si zarobime maškar e Egipatske vojnikurja thaj o lolo more. Von zurales darajle thaj čhutine muj: "Sostar inkljistam andar o Egipat? Akana merasa!"

![](https://cdn.door43.org/obs/jpg/360px/obs-en-12-05.jpg)

O Mojsije phendas e Izraelconenđe: "Nadaran majbut! O Del ađes borilpe pale tumende thaj spasila tumen." Askal o Del phendas e Mojsijašće: "Phen e themešće te crdenpe paše dži ko lolo more."

![](https://cdn.door43.org/obs/jpg/360px/obs-en-12-06.jpg)

Askal o Del crdas o stupo katar o oblako thaj čhutas les maškar e Izraelcurja thaj e Egipćanurja gajda kaj e Egipćanurja naštik te dikhline e Izraelconen.

![](https://cdn.door43.org/obs/jpg/360px/obs-en-12-07.jpg)

O Del phendas e Mojsijašće te vazdel piro vas po more thaj te razdelil o paj. Askal o Del ćerdas bari bavlal savi phurdas po paj ando more levo thaj desno, gajda kaj pojavisajlo o drom maškaral po more.

![](https://cdn.door43.org/obs/jpg/360px/obs-en-12-08.jpg)

E Izraelcurja marširinas kroz o more pe šući phuv e zidonenca katar o paj pe liduj riga.

![](https://cdn.door43.org/obs/jpg/360px/obs-en-12-09.jpg)

Askal o Del crdas o stupo katar o drom te e Egipćanurja šaj dićhen e Izraelconen sar našen. E Egipćanurja odlučisardine te prasten pale lende.

![](https://cdn.door43.org/obs/jpg/360px/obs-en-12-10.jpg)

Gajda kaj sledinas e Izraelconen po drom kroz o more ali o Del ćerdas te Egipćanurja uspaničinpes thaj te zaglavin pes e grastešće vordona. Počnisardine te čhon muj, "Crdentumen! Dićhen kaj o Del borinpes pale e Izraelcurja!"

![](https://cdn.door43.org/obs/jpg/360px/obs-en-12-11.jpg)

Nakon so sa e Izraelcurja nakhline sigurne pe okoja rig e morešći, o Del phendas e Mojsijašće te palem vazdel pire vas. Thaj kana palem vazdas pire vas, o paj boldapes palpale pe piro than thaj potopisardas e egipatsko vojska. Thaj sasti egipatsko vojska tasadili ando more.

![](https://cdn.door43.org/obs/jpg/360px/obs-en-12-12.jpg)

Kana e Izraelcurja dikhline kaj si e Egipćanurja mule, pouzdisajle ando Del thaj paćajine kaj si o Mojsije proroko e Devlesko.

![](https://cdn.door43.org/obs/jpg/360px/obs-en-12-13.jpg)

E Izraelcurja sasa zurale bahtale zato kaj o Del spasisardalen katar o smrto thaj katar o ropstvo. Akana sas slobodne te služin e Devlešće. E Izraelcurja đilabadine but đilja te slavisaren piri nevi sloboda thaj te slavin e Devle kaj spasisardaslen katar e Egipatsko vojska.

![](https://cdn.door43.org/obs/jpg/360px/obs-en-12-14.jpg)

O Del zapovedisardas e Izraelconenđe te svako brš slavin e Pasha sar dinesas pes gođi kaj o Del dija len pobeda pe Egipćanurja thaj spasisardaslen katar o ropstvo. Slavinas gajda kaj denas čhurjasa bakhre saves nas mana, thaj hanas les e mangresa savo sas ćerdo bi kvascosko.

*Biblijaće paramiča andar o: Izlazak 12,33–15,21*

## 13. E Devlesko savez e Izraelconenca

https://openbiblestories.org/l/rmy-x-vc/story-13/

![](https://cdn.door43.org/obs/jpg/360px/obs-en-13-01.jpg)

Nakon so o Del nakhadas e Izraelconen kroz o lolo more, inđardaslen kroz e divljina džike planina savi akhardolas Sinaj. Godoja planina sas isto okoja planina pe savi o Mojsije dikhlas o kaš sar phabolas. E manuša razapnisardine pire šaturja tele paše e planina.

![](https://cdn.door43.org/obs/jpg/360px/obs-en-13-02.jpg)

O Del phendas e Mojsijašće thaj e Izraelošće themešće: "Ako avena manđe poslušno thaj inćaren mungro savezo, avena mungri dragoceno svoina, carstvo rašajengo thaj sveto them."

![](https://cdn.door43.org/obs/jpg/360px/obs-en-13-03.jpg)

Trin đes maj posle, nakon so o them duhovno pripremisajle, o Del fuljisto po vrho e planinako Sinaj e grmljavinasa, e munjesa, thuvesa, thaj glasno trubaće zvukosa. Samo e Mojsijašće sas muklo te lelpe opre po vrho e planinako.

![](https://cdn.door43.org/obs/jpg/360px/obs-en-13-04.jpg)

Askal o Del dija len savezo thaj phendas lenđe: "Me sem o Jahve o Del tumaro, savo spasisardem tumen andar o ropstvo ando Egipat. Na slavin aver devlen."

![](https://cdn.door43.org/obs/jpg/360px/obs-en-13-05.jpg)

"Na ćer idolurja niti slavisar len kaj me, o Jahve, sem ljubomorno Del. Na koristisar mungro alav po bilačhipe. Dik te o Savatosko đes avel tuće sveto. Aver alavenca, ćer sa ćire buća ande šov đesa kaj eftato đes si đes kana trubul te odmoris tu thaj detut gođi mande."

![](https://cdn.door43.org/obs/jpg/360px/obs-en-13-06.jpg)

"Poštuisar ćire dades thaj ćire deja. Na mudar. Na ćer preljub. Na čor. Na hohav. Na mang te aveltut romnji, ćhere, ili bilo so aver so naj ćiro.

![](https://cdn.door43.org/obs/jpg/360px/obs-en-13-07.jpg)

Askal o Del ramosardas kala Deš zapovedurja pe duj ploče katar o bar thaj dijalen e Mojsijašće. O Del askal dijas vi but aver zakonurja thaj pravilurja save trubun te sledin. Ako o them čhola kan ke akala zakonurja, o Del obećisardas kaj blagoslovila len thaj štitila len. A ako či čhon kan ke Devlešće alava, o Del kaznila len.

![](https://cdn.door43.org/obs/jpg/360px/obs-en-13-08.jpg)

O Del dijas vi e Izraelconenđe detaljno opis palo šatori savo kamlas te ćeren. Akarda les Šator e sastankosko, ande savo sas duj sobe, save delilas o bari firanglja. Samo o baro rašaj tromalas te del andre aver soba pale firanglja, kaj okote trajilas o Del.

![](https://cdn.door43.org/obs/jpg/360px/obs-en-13-09.jpg)

Ko god prekršisardas e Devlesko zakono, šaj andasas e životinja po žrtveniko anglo Šatori e sastankosko sago žrtva e Devlešće. O rašaj dijasas čhurjasa e životinja thaj dijasas lat jag po žrtveniko. O rat e životinjako savi sas žrtvujime učharel o bezah godole manušesko thaj ćerelas godole manuše čisto ande Devlešće jakha. O Del odabirisardas e Mojsiješće phrales e Arone thaj e Aronešće potomkonen te aven lešće rašaja.

![](https://cdn.door43.org/obs/jpg/360px/obs-en-13-10.jpg)

Nakon varesavi vrjama o them nas majbut čhonas kan ke zapovedi save dijas len o Del, te poštuin e jećhe Devle thaj te aven lesko posebno them. Ali na dugo nakon so obećisardine kaj avena poslušne e Devlešće, gadno sagrešisardine.

![](https://cdn.door43.org/obs/jpg/360px/obs-en-13-11.jpg)

O Mojsije sas but đesa po vrho e planinako Sinaj thaj ćerelas svato e Devlesa. E themešće dojadisardas te ažućarenle te boldelpes. Thaj andine sunakaj e Aronešće thaj mangline lestar te ćerel lenđe idole!

![](https://cdn.door43.org/obs/jpg/360px/obs-en-13-12.jpg)

O Aron ćerdas sunakuno idoli ando obliko e guruvesko. O them počnisardas divlje te slavin godole idoles thaj te anen lešće žrtve! O Del zurale holjajlo pe lende kaj sagrešisardine thaj planirisarda sa te uništil len. Ali o Mojsije molisajlo pale lende, thaj o Del ašundas lešći molitva thaj či uništisarda len.

![](https://cdn.door43.org/obs/jpg/360px/obs-en-13-13.jpg)

Kana o Mojsije fuljisto katar e planina thaj dikhlas e idoles, sas gajda holjariko kaj phaglas e barune ploče pe save o Del ramosardas e Deš zapovedurja.

![](https://cdn.door43.org/obs/jpg/360px/obs-en-13-14.jpg)

Askal o Mojsije phaglas e idoles thaj ćerdas lestar praho, o praho čhutas ande varesosko paj thaj tradas e themes te pen godva paj. O Del bičhaldas e bare nevolje po them thaj but lendar muline.

![](https://cdn.door43.org/obs/jpg/360px/obs-en-13-15.jpg)

O Mojsije ćerdas aver barune ploče pale Deš zapovedi save zamenina okolen kaj phaglas. Askal palem lijapes opre pe planina thaj molisajlo te o Del jartosarel e themešće. O Del ašunda e Mojsija thaj jartosardas lenđe. O Mojsije boldapes katar e planina e Deš zapovedenca pe neve ploče. Askal o Del inđardas e Izraelconen katar e planina Sinaj dromesa pale obećime phuv.

*Biblijaće paramiča andar o: Izlasko 19–34*

## 14. O Them lutilas e divljinasa

https://openbiblestories.org/l/rmy-x-vc/story-14/

![](https://cdn.door43.org/obs/jpg/360px/obs-en-14-01.jpg)

Nakon so o Del objavisardas e Izraelconenđe e zakonurja savenđe kamlas te aven poslušne te gododova avel sago deo lesko savezo lenca, askal đeletar katar e planina Sinaj. O Del počnisardas te inđarelen prema e Obećime phuv, savi još akhardolas Kanan. O stupo katar o oblako džalas angle lende prema o Kanan a von sledinas les.

![](https://cdn.door43.org/obs/jpg/360px/obs-en-14-02.jpg)

O Del obećisardas e Avraamešće e Isakošće thaj e Jakovešće kaj dela e obećime phuv lenđe potomkonenđe, ali akana okote trajilas but o them. Saven akharenas kanancurja. E Kanancurja či poštuinas niti slavinas e Devles. Von poštuinas e hohamne devlen thaj ćerenas o baro bilačhipe.

![](https://cdn.door43.org/obs/jpg/360px/obs-en-14-03.jpg)

O Del phendas e Izraelconenđe: "Moraš te traden sa e Kananconen andar e obećime phuv. Na te sklopin o miro lenca thaj na te ženin tumen lenca. Moraš te potpuno uništin sa lenđe idolurja. Ako či čhon kan mande, poštujina lenđe idolen umesto man."

![](https://cdn.door43.org/obs/jpg/360px/obs-en-14-04.jpg)

Kana e Izraelcurja aresline dži ke granica Kanan, o Mojsije izabirisarda dešuduj mušken, po jećhe katar svako izraelosko pleme. E mušken dijas upute te džan thaj te špijonirin e phuv te dićhen sošći si. Isto trubuine te špijunirin e Kananconen te dićhen dali si zurale ili slabe manuša.

![](https://cdn.door43.org/obs/jpg/360px/obs-en-14-05.jpg)

E dešuduj muškarcurja putuinas kroz o Kanan štarvardeš đes thaj askal boldinepe palpale. Thaj phendine e themešće: "E phuv si zurale plodno thaj bijanel but lačhe thaj bare plodurja." Ali e deš špijunurja phendine: "E gava lenđe si zurale a godola manuša si divurja! Ako napadis len, sigurno pobedina amen thaj mudarenamen!"

![](https://cdn.door43.org/obs/jpg/360px/obs-en-14-06.jpg)

Ali e aver duj uhode, o Kalev thaj o Isus Navin, odma phendine: "Čačes si kaj si e manuša andar o Kanan zurale vuče thaj zurale, ali amen sigurno šaj te pobedis len! O Del borilapes pale amende!"

![](https://cdn.door43.org/obs/jpg/360px/obs-en-14-07.jpg)

Ali o them či čutas kan ko Kaleb thaj ko Isus Navin. Thaj holjajle po Mojsije thaj po Aron thaj phendine: "Sostar andanamen akate pe akava džungalo than? Maj lačhe te ačhilamas ando Egipat, a na te avas mudarde ande borba a amare romnja thaj amare čhavra te aven roburja." O them kamlas te izbiril pešće aver vođa savo boldelalen ando Egipat.

![](https://cdn.door43.org/obs/jpg/360px/obs-en-14-08.jpg)

O Del zurales holjajlo thaj avilo ando šator e sastankosko. O Del phendas: "Pošto pobunisajle protiv mande, sasto them akana moraš te lutilas e pustinjasa. Osim o Isus Navin thaj o Kaleb, svako kas si biš brš ili majbut akate merela thaj nikada či dela ande obećime phuv."

![](https://cdn.door43.org/obs/jpg/360px/obs-en-14-09.jpg)

Kana o them ašundas godova, sas lenđe žao kaj sagrešisardine. Line piro oružije thaj đele te napadnin e Kananconen. O Mojsije upozorisarda len te na džan kaj o Del naj lenca, ali von či čhutine kan leste.

![](https://cdn.door43.org/obs/jpg/360px/obs-en-14-10.jpg)

O Del či đelo lenca ane akaja bitka, pa sas porazime thaj but lendar sas mudarde. Askal e Izraelcurja boldine pes katar o Kanan thaj lutisardine e pustinjasa štarvardeš brš.

![](https://cdn.door43.org/obs/jpg/360px/obs-en-14-11.jpg)

Ande godola štarvardeš brš sar o them Izraelosko lutilas e pustinjasa, o Del vodilas e briga pale lende. Dijalen mangro andar o nebo, savo akhardolas "mana". Sago kaj vi bičhaldas lenđe jato čiriklja, save akhardanas prepelice, ande lenđe logorurja te šaj han mas. Sasti godoja vrjama, o Del arakhlas lenđe drze thaj lenđe sandale katar godova te na ćernjon.

![](https://cdn.door43.org/obs/jpg/360px/obs-en-14-12.jpg)

O Del čudesno dijalen čak vi paj andar e stena. Ali vi ako o Del delas len kroz akala brš habe, paj, drze thaj sa so sas lenđe potrebno o Izraelsko them prigovorilas thaj mrmljilas po Del thaj po Mojsije. Ali čak vi askal, o Del sas verno kolešće so obećisardas e Avraamešće, e Isakošće thaj e Jakovešće.

![](https://cdn.door43.org/obs/jpg/360px/obs-en-14-13.jpg)

Jek aver drom kana e themes nas paj, o Del phendas e Mojsijašće: "Phen e stenaće thaj o paj inkljela andar late." Ali o Mojsije ladžardas e Devles anglo sasto them gajda kaj dijas dab duvar pe stena e rovljasa umesto te phendasas laće. O paj inkljisto andar e stena te savora šaj pijen, ali o Del sas holjariko po Mojsije thaj phendas: "Tu či deja ande obećime phuv."

![](https://cdn.door43.org/obs/jpg/360px/obs-en-14-14.jpg)

Nakon so e Izraelcurja lutisardine e pustinjasa štarvardeš brš, sa save pobunisajle protiv o Del muline. Askal o Del palem andas e themes dži ko rubo ke obećime phuv. O Mojsije sas akana zurale purano pa o Del odabirisardas e Isus Navin te pomognil te vodisarel e themes. O Del isto gajda obećisardas e Mojsijašće kaj jek đes bičhalela proroko savo avela sago o Mojsija.

![](https://cdn.door43.org/obs/jpg/360px/obs-en-14-15.jpg)

Askal o Del phendas e Mojsijašće te džal po vrho e planinako te šaj dićhel e obećime phuv. O Mojsije dikhlas e obećime phuv ali o Del či dijas te del ande late. Askal o Mojsije mulo, a e Izraelcurja tuguinas štarvardeš đesa. A o Isus Navin postanisardas lengo nevo vođa. O Isus Navin sas lačho vođa kaj paćalas thaj sas poslušno e Devlešće.

*Biblisko paramiči andar o: Izlasko 16–17, Brojurja 10–14; 20; 27; Ponovime zakono 34*

## 15. Obećime phuv

https://openbiblestories.org/l/rmy-x-vc/story-15/

![](https://cdn.door43.org/obs/jpg/360px/obs-en-15-01.jpg)

Napokon sas e vrjama te e Izraelcurja den ande phuv e Kanan, e obećime phuv. O Isus Navin bičhaldas duj špijunen ando Kanansko gav Jerihon savo sas zaštitime e zurale zidonenca. Ando godova gav trailas jek kurva savi akhardolas Rahava, voj garadas e špijunen thaj maj posle pomožisarda lenđe te našen andar o gav. Ćerdas godova kaj paćajas e Devlešće. A e špijunurja obećisardine e Rahavaće kaj zaštitina lat thaj laće familija kana e Izraelcurja uniština e manušen andar o Jerihon.

![](https://cdn.door43.org/obs/jpg/360px/obs-en-15-02.jpg)

E Izraelcurja trubuine te naćhen preko e reka savi akhardolas Jordan te šaj te den ande Obećime phuv. O Del phendas e Jošuašće: "Neka e rašaja džan prvo." Čim e rašaja koračisardine ande reka e Jordanošći, o paj angle lende đelotar nizvodno te e Izraelcurja šaj naćhen pe okoja rig e Jordanešći e šuće phuvjasa.

![](https://cdn.door43.org/obs/jpg/360px/obs-en-15-03.jpg)

Nakon so o them nakhlo e reka e Jordanošći, o Del phendas e Jošuašće sar te napadnil o moćno gav Jerihon. O them čhutas kan ko Del. Baš sar o Del phendas lenđe te ćeren, e vojnikurja thaj e rašaja šov đes marširinas oko o gav Jerihon jekhvar po đes.

![](https://cdn.door43.org/obs/jpg/360px/obs-en-15-04.jpg)

O eftato đes, e Izraelcurja marširinas oko o gav još eftato drom. Dok marširinas oko o gav zadnjo data, e vojnikurja čhutine muj dok e rašaja phurdine ande pire trube.

![](https://cdn.door43.org/obs/jpg/360px/obs-en-15-05.jpg)

Askal e Jerihonošće zidurja haradile! A e Izraelcurja uništisardine sa ando gav sago kaj naredisardas lenđe o Del. Jedino poštedisardine e Rahava thaj laće familija, save postanisardine deo e Izraelconengo. Kana aver thema save trainas ando Kanan ašundine kaj e Izraelcurja uništisardine o Jerihon, zurales darajle kaj e Izraelcurja napadnina vi len.

![](https://cdn.door43.org/obs/jpg/360px/obs-en-15-06.jpg)

O Del zapovedisardas e Izraelconenđe te či sklopisaren miro ni jećhe themesa andar o Kanan. Ali jek katar e Kananosko them, savo akhardolas Gibeon, hohadine e Isus Navin thaj phendine lešće kaj aven andar o than savo si dur katar o Kanan. Thaj rodine katar o Isus Navin te sklopil lenca miro. O Isus Navin thaj e Izraelcurja či phučline e Devles katar aviline e Gibeoncurja. Pa o Isus Navin sklopisardas miro lenca.

![](https://cdn.door43.org/obs/jpg/360px/obs-en-15-07.jpg)

E Izraelcurja zurales holjajle kana ašundine kaj e Gibeoncurja hohadine len, ali održisardine miro lenca kaj godova sas obećime anglo Del. Jek vrjama maj posle, e kraljurja jećhe aver themešće ando Kanan, e Amorejcurja, ašundine kaj e Gibeoncurja sklopisardine savezo e Izraelconenca, pa spoisardine pire vojske te aven sago jek barivojska, thaj napadnisardine o Gibeon. E Gibeoncurja bičhaldine poruka e Jošuašće thaj rodine pomoć lestar.

![](https://cdn.door43.org/obs/jpg/360px/obs-en-15-08.jpg)

Gajda kaj o Isus Navin ćidas e Izraelošće vojska thaj marširisardine sasti rjat te aven džike Gibeoncurja. Rano detharinako, iznenadisardine e Amorejke vojnikonen thaj napadnisardine len.

![](https://cdn.door43.org/obs/jpg/360px/obs-en-15-09.jpg)

O Del borisajlo pale Izraelcurja godova đes. Zbunisardas e Amorejcen thaj bičhalda o baro ledo savo muda e bute Amorejcen.

![](https://cdn.door43.org/obs/jpg/360px/obs-en-15-10.jpg)

O Del ujedno ćerdas te o kham ačhel pe jek than te e Izraelconen avel dosta vrjama te potpuno pobedin e Amorejconen. Godova đes o Del dijas bari pobeda e Izraelconen.

![](https://cdn.door43.org/obs/jpg/360px/obs-en-15-11.jpg)

Nakon so o Del pobedisardas godole vojska, aver but e Kanansko thema ćidinepe te napadnin e Izraelconen. O Isus Navin thaj e Izraelcurja napadnisardine len thaj pobedisardine len.

![](https://cdn.door43.org/obs/jpg/360px/obs-en-15-12.jpg)

Nakon godoja bitka, o Del dijas svako izraelošće plemenošće lesko kotor katar e obećime phuv. Askal o Del dijas miro e Izraelošće themešće pe sa e granice.

![](https://cdn.door43.org/obs/jpg/360px/obs-en-15-13.jpg)

Kana o Isus Navin phurailo, ćidas sa e Izraelsko themes. O Isus Navin dijas gođi e theme pe lenđi obaveza te aven poslušne e savezošće savo o Del sklopisardas e Izraelconenca po Sinaj. O them obećisardas kaj ačhela paćivalo e Devlešće thaj kaj inćarel lesko zakon.

*Biblijske paramiča andar o: Isus Navin 1–24*

## 16. E osloboditeljurja

https://openbiblestories.org/l/rmy-x-vc/story-16/

![](https://cdn.door43.org/obs/jpg/360px/obs-en-16-01.jpg)

Nakon so o Isus Navin mulo, e Izraelcurja či čhutine kan ko Del thaj či tradine aver themen save nas izraelcurja andar o Kanan niti čhonas kan ke Devlešće zakonurja. E Izraelcurja počnisardine te poštuin e Kananconenđe devlen umesto e Jahve, savo sas jedino čačo Del. E Izraelconen nas caro, pa savora ćerenas so gndinas kaj si lačhe pale lende.

![](https://cdn.door43.org/obs/jpg/360px/obs-en-16-02.jpg)

Pošto e Izraelcurja nastavisardine te aven bi paćivale e Devlešće, zato vo kaznisarda len gajda kaj muklas te lenđe dušmaja pobedin len. Godola dušmaja čordine but stvarja katar e Izraelcurja, uništinas lengo barvalipe thaj mudardine but e izraelconen. Nakon but brš kaj sas bi paćivale e Devlešće thaj sas mučime katar pire dušmaja, e Izraelcurja pokaisajle thaj rodine katar o Del te izbavil len.

![](https://cdn.door43.org/obs/jpg/360px/obs-en-16-03.jpg)

Askal o Del bičhaldas lenđe e manuše savo izbavisardalen thaj oslobodisardalen katar lenđe dušmaja thaj andas miro. Ali o them askal bistardas po Del thaj palem počnisardine te slavin e idolen. Pa o Del muklas e manušen andar o Midijan, save sas lenđe dušmajen thaj trainas paše lende, te pobedin len.

![](https://cdn.door43.org/obs/jpg/360px/obs-en-16-04.jpg)

E Midejancurja efta brš lenas sa so e izraelcurja posadisardine. E Izraelcurja gajda darajle, kaj garadonas pe pećine te či araćhenlen e Midejancurja. Napokon zavapisardine e Devlešće te spasil len.

![](https://cdn.door43.org/obs/jpg/360px/obs-en-16-05.jpg)

Jek đes, jek Izraelsko manuš savo akhardolas Gedeon čordanal ćidelas o điv te či čoren les lestar e. Midejancurja. O anđeo e Jahvesko avilo e Gideonešće thaj phendas: "O Del si tusa, hrabro ratnikona. Dža thaj spasisar e Izraelconen katr e Midejancurja."

![](https://cdn.door43.org/obs/jpg/360px/obs-en-16-06.jpg)

E Gideonošće dades sas žrtveniko posvetime jećhe idolešće. O Del phenda e Gideonešće te haravel godova žrtveniko. Ali o Gedeon daralas katar o them, pa ažućardas dok či peli e rjat. Askal haradas o žrtveniko thaj phaglas les ande kotora. Paše pašo than kaj sas o žrtveniko e idolešće vo vazdas nevo žrtveniko e Devlešće thaj žrtvuisarda žrtva e Devlešće po nevo žrtveniko.

![](https://cdn.door43.org/obs/jpg/360px/obs-en-16-07.jpg)

Aver detharin o them dikhlas kaj vareko haradas thaj uništisardas o žrtveniko, thaj zurales holjajle. Đele ke Gideonesko ćher te mudaren les, ali e Gideonosko dad phendas lenđe: "Sostar probisaren te pomožisaren tumare devlešće? Ako si vo del, neka korkoro zaštitil pes." Pošto vo godova phendas lenđe, o them či mudardas e Gideonite.

![](https://cdn.door43.org/obs/jpg/360px/obs-en-16-08.jpg)

Askal e Midejancurja palem avile te čoren katar e Izraelcurja. Sas len gaći but kaj naštik sas te đinavenpes. O Gedeon akhardas e Izraelconen te zajedno borinpes protiv lende. O Gedeon zamolisardas e Devles te del len duj znakurja te avel sigurno kaj o Del koristila les te spasil e Izraelconen.

![](https://cdn.door43.org/obs/jpg/360px/obs-en-16-09.jpg)

Sago prvo znako, o Gedeon čhutas e bakhrani morćhi pe phuv thaj rodas katar o Del te mućel te e detarinaći rosa perel samo pe bakhrani morćhi, a na pe phuv. O Del ćerdas godova. Aver rjat o Gedeon, manglas katar o Del te e phuv avel ćinđi, ali e bakhrešći morćhi šući. O Del ćerdas vi godova. Akala duj znakurja uverisardine e Gideone kaj o Del koristila les te spasil e Izraelconen katar e Midejancurja.

![](https://cdn.door43.org/obs/jpg/360px/obs-en-16-10.jpg)

Trjanda thaj duj milje (32.000) Izraelošće vojnikurja aviline ko Gedeon, ali o Del phendas lešće kaj si godova but them. Askal o Gedeon bičhaldas ćhere biš thaj duj milje (22.000) save daranas te borinpes. O Del phendas e Gideonešće kaj si još uvek but džene. Pa o Gedeon bičhaldas sa e theme ćhere thaj ačhiline samo trin šela (300) vojnikurja.

![](https://cdn.door43.org/obs/jpg/360px/obs-en-16-11.jpg)

Godoja rjat o Del phendas e Gideonešće: "Fulji ando Midejansko logori thaj kana ašuneja so ćeren svato, či majbut daraja." Pa godoja rjat o Gedeon fuljisto ando logori thaj ašundas e Midejansko vojnikonen sar ćerel svato pire drugarešće so dikhlas suno. E manušesko drugari phendas: "Akava suno značil kaj e Gideonešći vojska pobedila e Midejansko vojska!" Kana o Gedeon ašundas akava, proslavisardas e Devles.

![](https://cdn.door43.org/obs/jpg/360px/obs-en-16-12.jpg)

Askal o Gedeon boldapes ke pire vojnikurja thaj svakones dijas šng, glinako ćupo thaj baklja. Okružisardine o logori kaj sovenas e Midejanske vojnikurja. E Gideonešće trin šela (300) vojnikurja čhutine e baklje ande ćupurja te e Midejancurja či dićhen o svetlo katar e baklje.

![](https://cdn.door43.org/obs/jpg/360px/obs-en-16-13.jpg)

Askal sa e Gideonošće vojnikurja ando isto trenutko phagline pire ćupurja thaj andar jekhvar sikadine e jag katar e baklje. Zatrubisardine ande pire šnga thaj čhutine muj: "Mačo palo Jahve thaj palo Gedeon!"

![](https://cdn.door43.org/obs/jpg/360px/obs-en-16-14.jpg)

O Del zbunisardase Midejanconen, gajda kaj počnisardine te napadin korkoro pes thaj te mudarenpes maškar pende. Odma sas vi aver Izraelcurja akharde andar pire ćhera te pomognin te traden e Midejanconen. E buten mudardine thaj tradine okolen kaj ačhiline andar e Izraelošći phuv. Godoja rjat muline šel thaj biš milje (120.000) Midejancurja. O Del spasisardas e Izraelconen.

![](https://cdn.door43.org/obs/jpg/360px/obs-en-16-15.jpg)

O them kamlas te čhol e Gideone te avel lengo caro. O Gedeon či muklalen te ćeren godova, ali manglas te den les vareso sunakune angrušća kaj line katar e Midejancurja. O them dijas e Gideone bari količina sunakaj.

![](https://cdn.door43.org/obs/jpg/360px/obs-en-16-16.jpg)

O Gedeon iskoristisardas o sunakaj te ćerel posebno odora savi inđarelas o baro rašaj ali o them počnisardas te inćarenlat sagot kaj si idol. Pa o Del palem kaznisardas o Izrael pošto slavinas e idolen. O Del muklas lenđe dušmajen te pobedisaren len. Konačno palem rodine e Devle te pomožisarelen thaj o Del bičhaldas lenđe još jećhe osloboditelje.

![](https://cdn.door43.org/obs/jpg/360px/obs-en-16-17.jpg)

Akava ponovilas pe but drom: e Izraelcurja grešinas, o Del kaznisardasa len, von pokaisajle sas, askal o Del bičhalasas lenđe izbavitelje te spasil len. Kroz but e brš, o Del bičhaldas buten osloboditeljen save spasinas e Izraelconen katar lenđe dušmaja.

![](https://cdn.door43.org/obs/jpg/360px/obs-en-16-18.jpg)

Konačno o them molilas e Devle palo caro sago kaj sas sa vi aver theme Mangline te avel vi len caro savo si vučo thaj zuralo, thaj savo šaj te vodil len ande bitka. E Devlešće či sviđosajlo gadava so roden, ali dijas len e caro, sar vi rodine.

*Bibliske paramiče andar e: Sucurja 1–3; 6–8*

## 17. Devlesko savezo e Davidosa

https://openbiblestories.org/l/rmy-x-vc/story-17/

![](https://cdn.door43.org/obs/jpg/360px/obs-en-17-01.jpg)

O Saul sas prvo Izraelosko kraljo. Sas vučo thaj zgodno, baš sar o them kamlas. O Saul sas lačho kraljo prve brša dok vladilas e Izraelosa. Ali askal postanisardas opako rom savo či čholas kan ko Del, pa o Del odabirisardas aver rome savo avela jek đes kraljo umesto leste.

![](https://cdn.door43.org/obs/jpg/360px/obs-en-17-02.jpg)

O Del odabirisardas jećhe terne Izraelco te avel kraljo posle o Saul. Lesko alav sas David. O David sas čobano andar o gav Vitlejem. Ande razne prilike, dok lelas sama pe pire dadesko stado, o David mudardas e lavos thaj e medvedo save napadnisardine e bakhren. O David sas ponizno thaj pravedno rom savo paćalas thaj sas verno e Devlešće.

![](https://cdn.door43.org/obs/jpg/360px/obs-en-17-03.jpg)

O David postanisardas silno vojniko thaj vođa. Kana sas o David još terno čhavo, borisajlo protiv jek divo alavesa Golijat. O Golijat sas obučime vojniko, zuralo thaj skoro trin meterja vučo! Ali o Del pomožisardas e David te mudarel e Golijate thaj te spasisarel e Izraelconen. Nakon godova, o David pobedisaras ande but e bitke pe Izraelošće dušmaja, andar soste o them veličisarelas les.

![](https://cdn.door43.org/obs/jpg/360px/obs-en-17-04.jpg)

O Saul postanisardas ljubomorno andar godova kaj o them volilas e Davide. O Saul but drom lijas te mudarel les, pa o David garavelas pes katar o Saul. Jek đes, o Saul rodelas e David te mudarel les. O Saul dijas ande isto špilja kaj o David garadolas katar o Saul, ali o Saul či dikhlas les. O David sas akana zurale paše pašo Saul thaj šaj te mudarel les, ali či mudardasles. Umesto godova, o David čhindas kotor katar e Saulešći haljina te dokažil e Saulešće kaj či kamel te mudareles te vo avel kraljo.

![](https://cdn.door43.org/obs/jpg/360px/obs-en-17-05.jpg)

Po krajo o Saul mulo ande bitka, a o David postanisardas kraljo po Izrael. Vo sas lačho kraljo, thaj o them volilas les. O Del blagoslovisardas e David thaj ćerdas les uspešno. O David borisajlo ande but e bitke thaj o Del pomožisardas les te pobedisarel e Izraelošće dušmajen. O David osvoisardas o Jerusalim thaj ćerdas les pire glavno gavesa. Dok o David vladilas, o Izrael postanisardas moćno thaj barvalo.

![](https://cdn.door43.org/obs/jpg/360px/obs-en-17-06.jpg)

O David kamlas te vazdel hramo kaj sa e Izraelcurja šaj te slavisaren e Devles thaj te prinosisaren lešće žrtve. Skoro štar šela (400) brš, o them slavilas e Devle thaj prinosisarenas lešće žrtve ando šatori e sastanonengo savo o Mojsije sagradisardas.

![](https://cdn.door43.org/obs/jpg/360px/obs-en-17-07.jpg)

Ali o Del bičhaldas e proroko e Natane ko David akale porukasa: "Pošto san tu rom ratniko, či sagradija akava hramo pale mande. Ćo čhavo sagradila les. Ali me but blagoslovisarava tut. Jek katar ćo potomko vladila sago kraljo mungre themesko zauvek!" Jedino e Davidesko potomko savo šaj te vladisarel zauvek si o Mesija. O Mesija si e Devlesko odabraniko savo spasila akale theme katar lenđe bezeha.

![](https://cdn.door43.org/obs/jpg/360px/obs-en-17-08.jpg)

Kana o David ašundas kala alava, odma zahvalisardas e Devlešće thaj slavisardas les kaj obećisardas e Davidešće kava baro čast thaj but e blagoslovurja. O David či džanglas kana o Del ćerela sa gadava. Međutim sago vi kaj dogodisajlo, e Izraelcurja moraš te ažućaren još but e vrjama maj sigo nego so avela o Mesija, skoro milje (1.000) brš.

![](https://cdn.door43.org/obs/jpg/360px/obs-en-17-09.jpg)

O David vladisardas pravedno thaj verno but e brša, thaj o Del blagoslovisardasles. Ali pašo krajo pe trajosko, gadno pogrešisardas protiv o Del.

![](https://cdn.door43.org/obs/jpg/360px/obs-en-17-10.jpg)

Jek đes, dok sas sa e Davidešće vojnikurja dur katar o ćher thaj vodinas e bitke, vo dikhlas andar piro dvoro jećhe šukar manušnja sar najol. Lako alav si Betšeba.

![](https://cdn.door43.org/obs/jpg/360px/obs-en-17-11.jpg)

Umesto te boldel o šoro, o David bičhaldas varekas pale late te anela leste. Sutas lasa thaj bičhaldas lat ćhere. Nedugo posle godova e Betšeba bičhaldas poruka e Davidešće thaj phendas lešće kaj si khamni.

![](https://cdn.door43.org/obs/jpg/360px/obs-en-17-12.jpg)

E Betšebako rom, rom alavesa Urije, sas jek katar e Davidešće majlačhe vojnikurja. O David akhardas e Urija palpale katar e bitka thaj phendas lešće te džal thaj te avel pire romnjasa. Ali o Urije odbisardas te džal ćhere dok sas aver vojnikurja ande borba. Pa o David bičhaldas e Urijas palpale ande borba te čhol e generalos kote kaj si e dušmaja maj zurale te vo šaj avel mudardo.

![](https://cdn.door43.org/obs/jpg/360px/obs-en-17-13.jpg)

Nakon so sas o Urije mudardo, o David lija romnjaće e Betšeba. Maj posle bijandas e Davidešće čhaves. O Del zurales holjajlo zbog godova kaj ćerdas o David, pa bičhaldas e proroko e Natanes te phenel e Davidešće savo bilačhipe sas lesko bezah. O David pokaisajlo pale pire bezeha thaj o Del jartosardas lešće. Dži ko krajo pe trajosko o David džalas e Devlešće dromesa thaj paćalas lešće čak vi ande phari vrjama.

![](https://cdn.door43.org/obs/jpg/360px/obs-en-17-14.jpg)

Ali sagod kazna pale lesko bezah, lesko čhavo mulo. Isto gajda pale Davidosko trajo sas borbe ande lešći famija, thaj e Davidošći snaga zurale slabolas. Vi ako o David nas verno e Devlešće, o Del sas ipak verno thaj ispunisarda pire obećanja. Maj posle e Davide thaj e Betšeba sas još jek čhavo, thaj akhardineles Salomon.

*Bibliske paramiča andar e: 1. Samuil 10; 15–19; 24; 31; 2. Samuil 5; 7; 11–12*

## 18. Podelime carstvo

https://openbiblestories.org/l/rmy-x-vc/story-18/

![](https://cdn.door43.org/obs/jpg/360px/obs-en-18-01.jpg)

Pale but brš, o David mulo. A lesko čhavo o Salomon počnisardas te vladil po Izrael. O Del progovorisardas e Salomonešće thaj phučla les so majbut kames te avel tut. Kana o Salomon manglas mudrost, o Del sas zadovoljno thaj ćerdas les te avel maj mudro manuš po them. O Salomon sićilo but stvarja thaj sas zurale mudro sudco. O Del ćerda les te avel vi zurale barvalo manuš.

![](https://cdn.door43.org/obs/jpg/360px/obs-en-18-02.jpg)

O Salomon, ando Jerusalimo vazdas hramo pale savo lesko dad o David ćerdas plano thaj ćidas matrijali. O them akana poštuinas e Devle thaj prinosilas lešće žrtve ando hramo umesto ando šatori e sastankosko. O Del avilo thaj sas prisutno ando hramo, thaj trajilas pire themeja.

![](https://cdn.door43.org/obs/jpg/360px/obs-en-18-03.jpg)

Ali o Salomon volilas e romnjen andar e aver phuvja. Thaj zato či paćajas e Devlešće thaj lijas pešće pale romnja bute manušnjen, skoro miljen (1.000) len! But katar godola manušnja aviline andar e aver phuvja thaj andine pesa pire devlen thaj nastavisardine te poštuin len. Kana o Salomon phurajlo vi vo počnisardas te poštuisarel pire romnjenđe devlen.

![](https://cdn.door43.org/obs/jpg/360px/obs-en-18-04.jpg)

O Del holjajlo po Salomon thaj obećisardas lešće, sar e kazna pale godova kaj či paćajas e Devlešće, obećisardas kaj nakon e Salomonesko smrto, podelila e Izraelošće themes ande duj carstvurja.

![](https://cdn.door43.org/obs/jpg/360px/obs-en-18-05.jpg)

Nakon so mulo o Salomon, lesko čhavo o Rovoam postanisardas caro. O Rovoam sas bi gođaver. Sa o them andar o Izrael ćidapes te potvrdin lespalo caro. Phendas e Rovoamešće kaj o Salomon tradelas len te phare ćeren bući thaj te poćinen o baro porez.

![](https://cdn.door43.org/obs/jpg/360px/obs-en-18-06.jpg)

O Rovoam dile phendas lenđe: "Tumen gndin kaj mungro dad o Salomon tradelas tumen te phares ćeren bući, ali me tradava tumen još majphare te ćeren bući nego so vo tradelas tumen, thaj kazniva tumen maj but nego vo."

![](https://cdn.door43.org/obs/jpg/360px/obs-en-18-07.jpg)

Thaj gajda, deš e Izraelošće plemenurja pobunisajle protiv o Rovoam. Samo duj plemenurja ačhiline lešće verne. Akala duj plemenurja postanisardine e Judejsko carstvo.

![](https://cdn.door43.org/obs/jpg/360px/obs-en-18-08.jpg)

Aver deš thema andar e Izraelosko plemeno, save pobunisajle protiv o Rovoam, čhutine e manušes savo akhardolas Jeroboam te avel lengo caro. Piro carstvo čhutine ande severno rig e phuvjako, a akhardinepes e Izraelosko carstvo.

![](https://cdn.door43.org/obs/jpg/360px/obs-en-18-09.jpg)

O Jerovoam pobunisajlo protiv o Del thaj crdas e themes po bezah. Vazdas duj idolurja te o them poštuil len, umesto te poštuin e Devles ando hramo ando Judejsko carstvo.

![](https://cdn.door43.org/obs/jpg/360px/obs-en-18-10.jpg)

E Judejsko thaj e Izraelsko carstvo postanisardine dušmaja thaj često borinas pes jek protiv avereste.

![](https://cdn.door43.org/obs/jpg/360px/obs-en-18-11.jpg)

Ando nevo Izraelsko carstvo, sa e carurja sas bilačhe. But katar godola carurja sas mudarde katar e Izraelcurja, save kamline te postanin carurja umesto lende.

![](https://cdn.door43.org/obs/jpg/360px/obs-en-18-12.jpg)

Sa e carurja thaj o but o them ando Izraelosko carstvo poštuinas e idolen. Lengo klanjipe e idolenđe često uključilas seksualno bilačhipe, a varekana prinosinas e čhavrenca sago žrtve.

![](https://cdn.door43.org/obs/jpg/360px/obs-en-18-13.jpg)

E Judejske carurja sas potomkurja e Davidešće. Varesave katar godola carurja sas lačhe manuša save vladinas pravedno thaj poštuinas e Devles. Ali majbut e Judejske carurja sas bilačhe thaj poštuinas e idolen. Varesave carurja čak žrtvuinas pire čhavren e hohamne devlenđe. But o them andar e Judeja isto pobunisajle protiv o Del thaj poštuinas aver devlen.

*Bibliske paramiča andar e: 1. Kraljevima 1–6; 11–12*

## 19. Prorokurja

https://openbiblestories.org/l/rmy-x-vc/story-19/

![](https://cdn.door43.org/obs/jpg/360px/obs-en-19-01.jpg)

Kroz sast Izraelošći istorija, o Del bičhalelas lenđe prorokurja. E prorokurja ašundine e poruka katar o Del thaj askal phenenas e themešće e Devlešći poruka.

![](https://cdn.door43.org/obs/jpg/360px/obs-en-19-02.jpg)

Kana sas o Ahav carujilas ando Izraelo O Ilija sas proroko. O Ahav sas bilačho manuš thaj hrabrilas e themes te poštuisaren e hohamne devle savo akhardolas Baal. A o Ilija phendas e Ahavešće: "Či avela bršnd niti rosa ando Izraelsko carstvo dok me či gajda phenav." Pe godova o Ahav zurales holjarlo.

![](https://cdn.door43.org/obs/jpg/360px/obs-en-19-03.jpg)

O Del phendas e Ilijašće te džal dži ko potoko ande pustinja thaj te garadol katar o Ahav savo kamlas te mudarel les. Svako rjat thaj svako detharin, e čiriklja anenas lešće mangro thaj mas. O Ahav thaj lešće vojnikurja rodenas e Ilija, ali naštik arakhlineles. E suša sas gajda bari pe phuv kaj po krajo vi godova potoko šućilo.

![](https://cdn.door43.org/obs/jpg/360px/obs-en-19-04.jpg)

Zato o Ilija đelotar ande aver phuv savi sas paše. Ande godoja aver phuv trailas jek udovica thaj lako čhavo, Von skoro ačhiline bi hamasko zbog godova kaj nas bršnd thaj sas e bari suša zbog savi avili e bari bok vi ande godoja phuv. Ali von vodinas e briga palo Ilija a o Del askal vodilas e briga pale lende, gajda kaj lengo čaro palo aro thaj lenđi flaša palo zetino či ačhiline čuče. Sas len so te han kroz sasti vrjama dok sas e bok. O Ilija ačhilo okote varesave brša.

![](https://cdn.door43.org/obs/jpg/360px/obs-en-19-05.jpg)

Nakon trin thaj epaš brš, o Del phendas e Ilijašće, te boldelpes ando Izraelsko carstvo thaj te phenel e Ahavešće kaj palem bičhalela bršnd. Kana o Ahav dikhlas e Ilija, phendas lešće: "A kate san tu savo anes nevolje!" O Ilija phendas lešće, "Tu san godova savo anel nevolje. Mukline e Jahve, e pravo Devles, thaj poštuin e Vaalo. An sa e themes andar e Izraelosko carstvo pe planina Karmel."

![](https://cdn.door43.org/obs/jpg/360px/obs-en-19-06.jpg)

Sa o them andar o Izraelsko carstvo, uključime štar šela thaj pandžvardeš (450) Vaalošće prorokurja, aviline pe planina Karmen. O Ilija phendas e themešće: "Džikaj predomislina tumen? Ako si o Jahve Del, služisaren lešće! A ako si o Vaal Del, služisaren lešće!"

![](https://cdn.door43.org/obs/jpg/360px/obs-en-19-07.jpg)

Askal o Ilija phendas e Vaalošće prorokonenđe: "Den čhurjasa bikos thaj pripremin les sago žrtva, ali na te den jag. Me ćerava isto gajda. O Del savo odgovoril e jagasa si čačo Del." Thaj gajda e Vaalošće rašaja pripremisardine žrtva, ali či astardine jag.

![](https://cdn.door43.org/obs/jpg/360px/obs-en-19-08.jpg)

Askal e Vaalošće prorokurja molisajle e Vaalošće alavenca: "Šunamen o Vaale!" Sasto đes molisajle thaj čhutine muj thaj vi čhinenas pes čhurjenca, ali nas odgovoro.

![](https://cdn.door43.org/obs/jpg/360px/obs-en-19-09.jpg)

Po krajo e đesesko, o Ilija pripremisardas žrtva e Devlešće. Askal phendas e themešće te polin dešuduj bare posude pajesa pe žrtve dok o mas, e kaš, thaj čak vi e phuv oko žrtveniko nas skroz sa ćingo.

![](https://cdn.door43.org/obs/jpg/360px/obs-en-19-10.jpg)

Askal o Ilija molisajlo: "Jahve, Devla e Avramesko, Isakosko, thaj e Jakovesko, sikav amenđe ađes kaj san tu o Del e Izraelosko thaj kaj sem me ćiro sluga. Odgovorisar manđe te kava them džanel kaj san tu o pravo Del."

![](https://cdn.door43.org/obs/jpg/360px/obs-en-19-11.jpg)

Andar o nebo odma peli e jag thaj dijas jag o mas, e kaš, o bar, e phuv thaj čak vi o paj kaj sas oko o žrtveniko. Kana o them dikhlas akava, peline pe phuv thaj phendine: "O Jahve si o Del! O Jahve si o Del!"

![](https://cdn.door43.org/obs/jpg/360px/obs-en-19-12.jpg)

Askal o Ilija phendas: "Na mućen te ni jek e Baalesko proroko našel." Gajda kaj o them astardas e Vaalošće prorokonen inđardine len o kotar thaj mudardine len.

![](https://cdn.door43.org/obs/jpg/360px/obs-en-19-13.jpg)

Askal o Ilija phendas e Ahavešće savo sas caro: "Odma bolde tu ando gav, kaj avel o bršnd." Ubrzo o nebo kaljilo thaj počnisardas o pljusko. O Jahve ačhadas e suša thaj sikadas kaj si Vo pravo Del.

![](https://cdn.door43.org/obs/jpg/360px/obs-en-19-14.jpg)

Nakon e Ilijašći vrjama, o Del odabirisardas e manuše savo akhardolas Elizej te avel proroko. O Del ćerdas but čudurja kroz o Elizej. Jek katar e čudurja dogodisajlo e Namanešće, e dušmanešće zapovednikošće, saves sas baro morćhako nasvalipe. Vo ašundas palo Elizej thaj đelo leste thaj phučlas e Elizejes te sastarel les. O Elizej phendas e Namanešće te umočilpes efta drom ande reka e Jordanošći.

![](https://cdn.door43.org/obs/jpg/360px/obs-en-19-15.jpg)

Po početko o Naman sas holjariko thaj či kamlas te ćerel godova, kaj zvučilas dilipe. Ali maj posle predomislisajlo thaj umočisajlo efta drom ande reka e Jordanošći. Kana zadnjo drom inkljisto, lešći morćhi sas potpuno sasti! O Del sastardasles.

![](https://cdn.door43.org/obs/jpg/360px/obs-en-19-16.jpg)

O Del bičhalelas but averen prorokonen. Von phenenas e themešće te na majbut poštuin e idolen thaj te počnin te sikaven e pravda thaj o milosrđe averenđe. E prorokurja upozorinas e theme te ako či ačhena te ćeren bilačhipe thaj či počnin te poštuin e Devles, askal o Del osudila len sago došaren thaj kaznilalen.

![](https://cdn.door43.org/obs/jpg/360px/obs-en-19-17.jpg)

E manuša či majbut čhonas kan ko Del. Često bilačhe postupinas e prorokonenca thaj varekana vi mudarenas len. Jekhvar o proroko Jeremija sas čhutino ane šući haing thaj muklino okote te merel. Potonisrdas ande čik savi sas tele ande haing, ali askal o caro smiluisajlo pe leste thaj naredisardas pe slugenđe te crden e Jeremija avri andar e haing maj sigo nego so merel.

![](https://cdn.door43.org/obs/jpg/360px/obs-en-19-18.jpg)

E prorokurja nastavisardine te anen e themešće e Devlešći poruka vi ako o them mrzalas len. Upozorinas e themes kaj o Del uništila len ako či pokainpes. Gajda denas gođi e theme pe okova so o Del obećisardas lenđe kaj bičhalela pire Mesija.

*Bibliske paramiče andar e: 1. Kraljurja 16–18; 2. Kraljurja 5; Jeremija 38*

## 20. Izganstvo thaj boldipe palpale

https://openbiblestories.org/l/rmy-x-vc/story-20/

![](https://cdn.door43.org/obs/jpg/360px/obs-en-20-01.jpg)

Izraelosko carstvo thaj e Judejsko carstvo liduj sagrešisardine protiv o Dela. Prekršisardine o savezo savo o Del lenca sklopisardas po Sinaj. O Del bičhalelas e prorokonen te upozorisaren len te pokajinpes thaj te Les poštuisaren ali von odbiardine te paćan.

![](https://cdn.door43.org/obs/jpg/360px/obs-en-20-02.jpg)

Thaj o Del kaznisardas liduj kraljevstvurja gajda kaj muklas lenđe dušmajen te uništisaren len. Asirsko carstvo, jek moćno, thaj okrutno them, uništisardine e Izraelosko carstvo. E Asirijcurja sas mudarde but o them ande e Izraelosko carstvo, line sa so sas molas, thaj dine jak bute phuvja.

![](https://cdn.door43.org/obs/jpg/360px/obs-en-20-03.jpg)

E Asirijcurja ćidine sa e barvale, vođen, thaj e vešten romen thaj inđardinelken ande Asirija. Ando Izraelsko carstvo ačhile samo e čore Izraelcurja save nas mudarde.

![](https://cdn.door43.org/obs/jpg/360px/obs-en-20-04.jpg)

Askal e Asirijcurja andine e stranconen te trajin ande phuv kaj sas e Izraelconengo carstvo. E strancurja palem vazdine e gava thaj lenas pe e Izraelconenca save ačhile kote. E potomkurja e Izraelošće save linepes e stranconenca akhardonas Samarijancurja.

![](https://cdn.door43.org/obs/jpg/360px/obs-en-20-05.jpg)

O them ando Judejsko carstvo dikhline sar o Del kaznisardas e theme andar o Izraelosko carstvo zato kaj či paćanas lešće thaj či ašunenas leste. Ali vi maj dur poštuisaren e idolen, uključime e Kananconenđe devlen. O Del bičhalelas e prorokonen te upozorisarenlen, ali von čikamline te ašunen.

![](https://cdn.door43.org/obs/jpg/360px/obs-en-20-06.jpg)

enlen, ali von čikamline te ašunen. \p Varekaj katar e 100 brš nakon so e Asirijcurja uništisardine e Izraelosko carstvo, o Del bičhaldas e Nabukodonozore, e kraljo e Babilonešće, te napadnisarel e Judejako carstvo. O Vavilon sas zuralo carstvo. E Judejske kraljurja ačhiline pe godova te aven e Nabukodonorešće sluge thaj te poćinen lešće but e love svak brš.

![](https://cdn.door43.org/obs/jpg/360px/obs-en-20-07.jpg)

Ali nakon vareso brša, e Judejsko kraljo pobunisajlo protiv o Vavilon. Pa e Babiloncurja napadnisardine e Judejsko carstvo. Osvoisardine o gav Jerusalim, uništisardine o hramo thaj line sa o barvalipe andar o gav thaj andar o hramo.

![](https://cdn.door43.org/obs/jpg/360px/obs-en-20-08.jpg)

Te kaznisarel e Judesko caro pale pobuna, e Nabukodonozorešće vojnikurja mudardine e kraljošće čhaven angle leste thaj askal korordinele. Nakon godova inđardine e caro te merel ando phanglipe ando Vavilon.

![](https://cdn.door43.org/obs/jpg/360px/obs-en-20-09.jpg)

O Nabukodonozor thaj lešće vojnikurja inđardine gata sa e theme andar o Judejsko carstvo ando Vavilon, mukline samo e maj čore theme te posadin e njive. Akaja vrjama kana sas e Devlesko them tradino andar e Obećime phuv akharelpes izganstvo.

![](https://cdn.door43.org/obs/jpg/360px/obs-en-20-10.jpg)

Viako o Del kaznisardas pe theme zbog lenđe bezeha gajda kaj inđardalen ando izganstvo, Vo či bistardas pe lende niti pe kova so obećisardas lenđe. O Del nastavisardas te lel sama pe po them thaj vi majdur phenelas lenđe preko e prorokurja. O Del obećisardas kaj von pale eftavardeš brš, boldenapes palem ande Obećime phuv.

![](https://cdn.door43.org/obs/jpg/360px/obs-en-20-11.jpg)

Eftavardeš brš maj posle, o Kir, Persisko kraljo, porazisara o Vavilon, pa o Persisko carstvo sas zamenime e Babilonsko carstvosa. E Izraelcurja akana akhardonas Židovurja thaj majbut von nakhline po sasto trajo ando Vavilon. Samo varesošće zurale purane Židovurja denpe gođi e Judesko phuvjaće.

![](https://cdn.door43.org/obs/jpg/360px/obs-en-20-12.jpg)

O Persisko carstvo sas zuralo, ali milosrdno prema o them saven pokorisardine. Cara nakon so o Kir postanisardas kraljo Perzijako, dijas naredba te bilo savo Židovo kamel te boldelpes ande Judeja šaj te inkljel andar e Persija thaj boldelpes ande Judeja. Čak dijalen vi love te vazden o Hramo! Gajda kaj nakon eftavardeš brš ando izganstvo, cikni grupa Židovsko them boldaspe ando gav o Jerusalim ande Judeja.

![](https://cdn.door43.org/obs/jpg/360px/obs-en-20-13.jpg)

Kana o them areslo ando Jerusalim, palem vazdine o Hramo thaj e zidurja oko gav. Viako sas vi majdur tale aver thema, palem trainas ande Obećime phuv thaj štuinas e Devle ando Hramo.

*Biblisko paramiči andar: 2. Kraljevima 17; 24–25; 2. Ljetopisima 36; Ezra 1–10; Nehemija 1–13*

## 21. O Del obićisarel e Mesija

https://openbiblestories.org/l/rmy-x-vc/story-21/

![](https://cdn.door43.org/obs/jpg/360px/obs-en-21-01.jpg)

Katar o početko, o Del planirisarda te bičhalel e Mesija. Prvo obećanje palo Mesija avilo e Adamešće thaj e Evaće. O Del obećisardas kaj avela bijando e Evako potomko, savo zdrobilila e sapesko šoro. O sap savo hohadas e Eva sas o Beng. O obećanje značisardas kaj o Mesija pobedila e Benće.

![](https://cdn.door43.org/obs/jpg/360px/obs-en-21-02.jpg)

O Del obećisardas e Avraamešće kaj kroz leste sa e themešće manuša primina blagoslov. Akava blagoslov avela ispunime kana avela o Mesija. Vo omugućila te svako manuš andar svako them aven spasime.

![](https://cdn.door43.org/obs/jpg/360px/obs-en-21-03.jpg)

O Del obećisardas e Mojsijašće kaj ando budućnost vazdela još jećhe proroko sago e Mojsija. Akava sas još jek obećanje palo Mesija savo avela ande cara maj posle vrjama.

![](https://cdn.door43.org/obs/jpg/360px/obs-en-21-04.jpg)

O Del obećisardas e Davidešće savo sas caro, kaj jek katar lešće potomkurja vladila sago caro e Devlešće themeja zauvek. Akava značilas kaj o Mesija avela jek katar e Davidešće potomkurja.

![](https://cdn.door43.org/obs/jpg/360px/obs-en-21-05.jpg)

Kroz e Jeremijasko potomko, o Del obećisardas kaj sklopila Nevo Savezo, ali na savezo sago kaj o Dele sklopisardas e Izraelconenca po Sinaj. Ando Nevo Savezo o Del ramola piro zakono pe themešće lile, a o them priznajila e Devles, avena lesko them, a vo jartola lenđe bezeha. O Mesija utemeljila o Nevo Savezo.

![](https://cdn.door43.org/obs/jpg/360px/obs-en-21-06.jpg)

E Devlešće prorokurja isto gajda phendine kaj o Mesija avela proroko, rašaj thaj caro. Proroko si manuš savo ašunel e Devlesko alav thaj askal phenel e themešće so phendas o Del. O Mesija si godova proroko bi manako saves o Del obećisardas kaj bičhalela.

![](https://cdn.door43.org/obs/jpg/360px/obs-en-21-07.jpg)

E Izraelošće rašaja prinosinas žrtve e Devlešće umesto o them, sago zamena pale lenđe bezeha. E rašaja isto molinas pe e Devlešće palo them. O Mesija avela godova savršeno baro rašaj savo prinesila korkoro pes sago savršeno žrtva e Devlešće.

![](https://cdn.door43.org/obs/jpg/360px/obs-en-21-08.jpg)

Caro si vareko savo vladilas ando carstvo thaj sudilas e themešće. O Mesija avela godova savršeno caro, savo bešela po prestolje pire prapaposko e Davidosko. Vladila pe sasto them zauvek, uvek sudila pravo thaj anela lačhe odluke.

![](https://cdn.door43.org/obs/jpg/360px/obs-en-21-09.jpg)

E Devlešće prorokurja još but godova proreknisardine palo Mesija. O proroko Malahija prorokuisardas kaj majsigo katar o Mesija avel jek aver baro proroko. O Isaija prorokuisardas kaj o Mesija avela bijando katar e čhej savi još nas udajime. O prorok Mihej phendas kaj avela bijando ando gav Vitlejem.

![](https://cdn.door43.org/obs/jpg/360px/obs-en-21-10.jpg)

O proroko Isaija phendas kaj o Mesija trajilas ande Galileja, tešisarela e theme phađe ilenca, thaj proglasila sloboda e phanglenđe. Isto gajda predvidisardas kaj o Mesija sastarela e nasvale theme thaj okolen save naštik ašunenas, dićhenas, mothonas thaj phirenas.

![](https://cdn.door43.org/obs/jpg/360px/obs-en-21-11.jpg)

O proroko Isaija isto gajda prorokuisardas kaj e Mesija mrzana bi razlogosko thaj kaj odbacina les. Aver prorokurja phendine kaj okola save mudarena e Mesija čhudena e kocka pale lešće drze thaj kaj lesko drugari izdaila les. O proroko Zaharija anglal dikhlas kaj godova drugari avela poćindo trjanda rupune lovora palee Mesijašći izdaja.

![](https://cdn.door43.org/obs/jpg/360px/obs-en-21-12.jpg)

E prorokurja isto gajda phendine sar o Mesija merela. O proroko Isaija anglal dikhlas kaj o them čhungarela les, marena muj lestar thaj marena e Mesija. Hvarena les thaj merela ande bari patnja thaj muka, vi ako či ćerdas nisosko bilačhipe.

![](https://cdn.door43.org/obs/jpg/360px/obs-en-21-13.jpg)

E prorokurja isto gajda phendine kaj o Mesija avela savršeno bi bezehengo. Merela te lel pe peste e kazna pale bezeha sa e themešće. Lešći kazna anela miro maškar o them thaj o Del. Thaj zbog godova sas e Devlešći volja te merel o Mesija.

![](https://cdn.door43.org/obs/jpg/360px/obs-en-21-14.jpg)

E prorokurja anglal dikhline kaj o Mesija merela, ali vi kaj o trito đes o Del vazdelales andar e mule. Kroz e Mesijasko smrto thaj lesko uskrsnuće, o Del ostvarila piro plano te spasil e bezehalen thaj te započnil o Nevo Savezo.

![](https://cdn.door43.org/obs/jpg/360px/obs-en-21-15.jpg)

O Del sikadas e prorokonenđe but stvarja palo Mesija, ali o Mesija či avilo pale vrjama dok trajilas ni jek kadar godola prorokurja. 400 brš nakon so sas dino zadnjo proročanstvo, tačno ande pravo vrjama, o Del bičhaldas e Mesija po them.

*Biblijske paramiča andar o: Postanak 3,15; 12,1–3; Ponovljeni zakon 18,15; 2. Samuilova 7; Jeremija 31; Isaija 59,16; Danijel 7; Malahija 4,5; Isaija 7,14; Mihej 5,2; Isaija 9,1–7; 35,3–5; 61; 53; Psalmi 22,18; 35,19; 69,4; 41,9; Zaharija 11,12–13; Isaija 50,6; Psalam 16,10–11*

## 22. E Jovanesko bijandipe

https://openbiblestories.org/l/rmy-x-vc/story-22/

![](https://cdn.door43.org/obs/jpg/360px/obs-en-22-01.jpg)

Maj sigo, o Del ćerelas svato e themeja kroz pire anđelurja thaj kroz e prorokurja. Ali askal nakhlo štar milje 400 brš sar o Del či javisajlo lenđe. Katar jekhvar o anđeo avilo jećhe purane rašaješće kasko alav sas Zaharija e porukasa katar o Del. O Zaharija thaj lešći romnji, e Jelisaveta, sas zurale pobožno manuša, ali naštik sas len čhavra.

![](https://cdn.door43.org/obs/jpg/360px/obs-en-22-02.jpg)

O anđeo phendas e Zaharijašće: "Ćiri romnji e Jelisaveta ačhela phari thaj bijanela tuće čhaves. Tu Dele alav Jovano. Vo avela ispunime e Sveto Duhosa, thaj pripremila e theme pale e Mesijasko drom kaj trubul te avel." O Zaharija phendas: "Mungri romnji thaj me sam zurale purane te avelamen čhavra. Sar te džanav kaj akava avela čačes?"

![](https://cdn.door43.org/obs/jpg/360px/obs-en-22-03.jpg)

Pe godova o anđeo phendas e Zaharijašće, "Bičhaldo sem katar o Del te anav tuće kava lačho nevipe. Pošto či paćajan manđe, akana zanemija thaj naštik te ćereja svato dok o čhavro či bijandol." O Zaharije odma zanemisardas. Askal o anđeo đelotar katar o Zaharija. Pale godova o Zaharije boldaspe ćhere thaj lešći romnji ačhili phari.

![](https://cdn.door43.org/obs/jpg/360px/obs-en-22-04.jpg)

Kana e Jelisaveta sas phari šov čhon, o anđeo pojavisajlo vi jećhaće andar e Jelisavetaći familija savi akhardolas Marija, Voj sas čhej thaj sas verime e manušesa savo akhardolas Josif. O anđeo phendas leće: "Ačheja phari thaj bijaneja čhaves. Thaj deja les alav Isus. Vo avela Čhavo e Bere Devlesko thaj vladisarela zauvek."

![](https://cdn.door43.org/obs/jpg/360px/obs-en-22-05.jpg)

Pe godova e Marija phendas: "Sar šaj te avel gadava, kana sem još čhej?" O anđeo objasnisardas laće: "O Sveto fuljela pe tute, thaj e Sila e Devlešći zasinila tu. Gajda kaj o čhavro avel Sveto, Čhavo e Devlesko." E Marija paćajas thaj prihvatisardas so o anđeo phendas laće.

![](https://cdn.door43.org/obs/jpg/360px/obs-en-22-06.jpg)

Ubrzo nakon so o anđeo javisajlo e Marijaće, voj đeli ande goste ke Jelisaveta. Čim e Jelisaveta ašundas e Marijako pozdrav, e Jelisavetako čhavro huklo ande late. E manušnja zajedno raduisajle zbog okova so o Del ćerdas lenđe. Kana nakhlo trin čhon sar e Marija si ke Jelisaveta ande gost, boldapes ćhere.

![](https://cdn.door43.org/obs/jpg/360px/obs-en-22-07.jpg)

Nakon so e Jelisaveta bijandas pire čhaves, o Zaharija thaj e Jelisaveta dine e čhavrešće alav Jovano, sago kaj o anđeo zapovedisardas. Askal o Del putardas e Zaharijašći čhib thaj o Zaharija počnisardas palem te ćerel svato. O Zaharija phendas: "Slava e Devlešće, kaj dijape gođi ke piro them! A tu, čhaveja mungreja, akhardoja proroko e Bare Devlesko savo phenela e themešće sar primina o jartosardipe katar pire bezeha!"

*Biblijske paramiča andar: Luka 1*

## 23. E Isusesko Bijandipe

https://openbiblestories.org/l/rmy-x-vc/story-23/

![](https://cdn.door43.org/obs/jpg/360px/obs-en-23-01.jpg)

E Marija sas verime palo pravedno manuš savo akhardolas Josif. Kana vo ašundas kaj si e Marija khamni, džanglas kaj godova naj lesko čhavro. Čikamlas te ladžarel e Marija, pa planirisarda čordanal te rastanilpe latar. Maj sigo nego so ćerdas godova, o anđeo avilo e Josifešće ando suno thaj phendas lešće.

![](https://cdn.door43.org/obs/jpg/360px/obs-en-23-02.jpg)

O anđeo phendas: "Josife nadara te les e Marija pale ćiri romnji. Kaj čudesno ačhili khamni thaj o čhavro savo si ande late, katar o Sveto Duho si. Voj bijanela čhaves. A tu deja les alav Isus (so značil 'o Jahve spasisarel'), kaj vo spasila e theme katar lenđe bezeha."

![](https://cdn.door43.org/obs/jpg/360px/obs-en-23-03.jpg)

Gajda kaj o Josif lija romjaće e Marija thaj andala ćhere sago pire romnja, ali či sutas lasa dok či bijandas.

![](https://cdn.door43.org/obs/jpg/360px/obs-en-23-04.jpg)

Kana pašili e vrjama te e Marija bijanel, e Rimsko vlada phendas savorenđe kaj zbog o popiso džan ando gav kaj lenđe papurja maj sigo trainas te ramon pes. O Josif thaj e Marija moraš te putuinas andar o Nazaret, kaj trainas, ando Vitlejem, kaj o Vitlejem sas bijando gav leđe predakossko e Davidesko.

![](https://cdn.door43.org/obs/jpg/360px/obs-en-23-05.jpg)

Kana aresline ando Vitlejem, nas than kaj ačhena te raćaren. Jedino than savo šaj arakhiline sas e štala. Okote bijandilo o čhavro, a lešći dej čhutales ande jasle, kaj naslen kreveto pale leste. Thaj dineles alav Isus.

![](https://cdn.door43.org/obs/jpg/360px/obs-en-23-06.jpg)

Godoja rjat, varesave pastirja araćhenas pire bakhren. Andar jekhvar pojavisajlo lenđe o anđeo savo sas obajsime e bare svetlosa, a von darajle. O anđeo phendas lenđe: "Nadaran, kaj siman bahtali nevimata. Ando Vitlejem bijandilo o Mesija e Gospodesko!"

![](https://cdn.door43.org/obs/jpg/360px/obs-en-23-07.jpg)

"Roden e čhavre, thaj araćhena les ande štala sar pašljol ande jasle paćardo ande krpe." Andar jekhvar, o nebi pherdilo e anđelenca save slavinas e Devles, alavenca: "Slava e Devlešće ando nebo thaj miro e themešće pe phuv savenđe smiluisajlo."

![](https://cdn.door43.org/obs/jpg/360px/obs-en-23-08.jpg)

E pastirja uskoro aresline po than kaj sas o Isus thaj arakhlineles sar pašljol ande jasle, baš sar o anđeo phendas lenđe. Thaj zbog godova sas zurale bahtale. E pastirja boldinepes pe livadina kaj sas e bakhre, thaj slavinas e Devle pale sa so ašundine thaj dikhline.

![](https://cdn.door43.org/obs/jpg/360px/obs-en-23-09.jpg)

Varesošći vrjama maj posle, e mudracurja andar o dur o istoko dikhline e neobično čarain po nebo. Svatisardine kaj si godova znako kaj bijandola nevo caro e židovengo. Gajda kaj putuisardine dural te dićhen godole caro. Aviline ando Vitlejem thaj arakhline o ćher kaj sas o Isus pire dadesa thaj pire dejasa.

![](https://cdn.door43.org/obs/jpg/360px/obs-en-23-10.jpg)

Kana e mudracurja dikhline e Isus lešće dejava, poklonisajle thaj iskažisardine lešće čas. Thaj daruisardine les e kuč poklonenca a akal boldinepes ćhere.

*Biblijske paramiča andar o: Matej 1; Luka 2*

## 24. O Jovano bolel e Isuse

https://openbiblestories.org/l/rmy-x-vc/story-24/

![](https://cdn.door43.org/obs/jpg/360px/obs-en-24-01.jpg)

O Jovano čhavo e Zaharijasko thaj e Jelisavetako, barilo thaj postanisardas proroko. Trailas ande divljina, halas divljo medo thaj skakavcuja a e drze pe leste sas katar e kamilaći morćhi.

![](https://cdn.door43.org/obs/jpg/360px/obs-en-24-02.jpg)

But o them džalas ande pustinja te ašunel e Jovanos. Vo propovedilas lenđe alavenca: "Pokaintumen, kaj si o carstvo e Devlesko paše."

![](https://cdn.door43.org/obs/jpg/360px/obs-en-24-03.jpg)

Kana o them ašundas e Jovanešći poruka, but lendar pokaisajle pale pire bezeha, thaj o Jovano boldaslen. But e pobožne vođe isto avenas te o Jovano bolelen, ali von či pokaisajle niti priznaisardine pire bezeha.

![](https://cdn.door43.org/obs/jpg/360px/obs-en-24-04.jpg)

O Jovano phendas e pobožne vođenđe: "Tumen otrovne sapalen! Pokaintumen thaj promenin tumaro ponašanje. Svako kaš savo či del lačho plodo čhinelapes thaj čhudelpe ande jag." O Jovano pherdas okova so e prorokurja phendine: "Ake bičhalav mungre glasniko angle tute, savo pripremila ćiro drom."

![](https://cdn.door43.org/obs/jpg/360px/obs-en-24-05.jpg)

Varesave Židovurja phučline e Jovane dali si vo o Mesija. A o Jovano phendas: "Me najsem o Mesija ali avel vareko pale mande. Vo si gajda baro kaj me najsem dostojne ni te phandav e sandale pe lešće pungre."

![](https://cdn.door43.org/obs/jpg/360px/obs-en-24-06.jpg)

Aver đes, o Isus avilo te o Jovano bolel les. Kana o Jovano dikhla les, phendas: "Diđhena! Eke o Bakhro e Devlesko savo inđarel e bezeha e themešće."

![](https://cdn.door43.org/obs/jpg/360px/obs-en-24-07.jpg)

O Jovano phendas e Isusešće: "Najsem dostojno te bolavtut. Trubujanas tu man te boles." Ali o Isus phendas: "Trubul te boles man, kaj si godova ispravno te ćerelpes." Thaj gajda, o Jovano boldas les, vi ako o Isus nikada či sagrešisardas.

![](https://cdn.door43.org/obs/jpg/360px/obs-en-24-08.jpg)

Kana o Isus inkljisto andar o paj nakon so sas boldo, o Duho Sveto pojavisajlo ando obliko e golubesko thaj fuljisto thaj ačhilo pe leste. Ande isto vrjama e Devlesko glaso ašundilo andar o nebo: "Tu san mungro čhavo saves voliv thaj zurales sem zadovoljno tusa."

![](https://cdn.door43.org/obs/jpg/360px/obs-en-24-09.jpg)

O Del već phendas e Jovanošće: "O Duho Sveto avela thaj ačhela pe varekaste kas bolesa. Godova manuš si o Čhavo e Devlesko." Samo si jek Del. Ali kana o Jovano bolelas e Isuse, ašundas o glaso e Devlesko Dadesko, dikhlas e Čhave Devle, savo si o Isus, thaj dikhlas e Duho Svetos.

*Biblijske paramiča andar o: Matej 3; Marko 1,9–11; Luka 3,1–23*

## 25. O Beng iskušil e Isuse

https://openbiblestories.org/l/rmy-x-vc/story-25/

![](https://cdn.door43.org/obs/jpg/360px/obs-en-25-01.jpg)

Odma o nakon so sas o Isus boldo, o Duho Sveto inđardasles ande divljina, kaj postisardas štarvardeš đesa thaj štarvardeš rjat. Askal o Beng avilo e Isusešće thaj probilas te crdel les po bezah.

![](https://cdn.door43.org/obs/jpg/360px/obs-en-25-02.jpg)

O Beng probisardas te crdel e Isuse po bezah gajda kaj phendas: "Ako san tu o Čhavo e Devlesko, ćer katar o bar te avel mangro te šaj te has!"

![](https://cdn.door43.org/obs/jpg/360px/obs-en-25-03.jpg)

O Isus phendas lešće: "Ramome si ande Devlesko alav: 'O them či trubul samo mangro te train nego trubun svako alav savo o Del phenel!'"

![](https://cdn.door43.org/obs/jpg/360px/obs-en-25-04.jpg)

Askal o Beng inđardas e Isuses pe maj vučo than po hramo thaj phendas: "Ako san o Čhavo e Devlesko, čhutetut akatar tele, kaj si ramome: 'O Del zapovedila pire anđelenđe te inđarentut pe vas te či pećes e pungresa ando bar.'"

![](https://cdn.door43.org/obs/jpg/360px/obs-en-25-05.jpg)

Ali o Isus phendas e benđešće gajda kaj citirilas lešće andar o sveto lil: "O Del zapovedisarda pire themešće: "Na iskušin e Gospode, tumare Devle".

![](https://cdn.door43.org/obs/jpg/360px/obs-en-25-06.jpg)

Askal o Beng sikadas e Isusešće sa e carstvurja e themešće, lengo barvalipe thaj lengo moć thaj phenas: "Davatut sa akava ako poklonistut manđe thaj peres štuis man."

![](https://cdn.door43.org/obs/jpg/360px/obs-en-25-07.jpg)

O Isus phendas: "Džatar mandar, Benga! O Del zapovedisardas ande piro Alav pire themešće: 'Štuin samo e Gospode, e Devle tumare thaj samo lešće služin.'"

![](https://cdn.door43.org/obs/jpg/360px/obs-en-25-08.jpg)

O Isus či ćerdas okova so o beng kušilas les te ćerel pa o Beng muklasles thaj đelotar lestar. Askal aviline e anđelurja thaj služisardine lešće.

*Biblijske paramiča andar o: Matej 4,1–11; Marko 1,12–13; Luka 4,1–13*

## 26. O Isus započnisarel piri služba

https://openbiblestories.org/l/rmy-x-vc/story-26/

![](https://cdn.door43.org/obs/jpg/360px/obs-en-26-01.jpg)

Nakon so nadvladisardas e Benđešće kušnje, o Isus boldapes palpale ande sila e Sveto Duhošći ando područije e Galilejako kaj tvi trailas. O Isus džalas katar o than dži ko than thaj sikavelas. Savora lačhe phenenas pale leste.

![](https://cdn.door43.org/obs/jpg/360px/obs-en-26-02.jpg)

O Isus đelotar ando gav Nazaret kaj trajilas dok sas čhavro. Po savatosko đes, đelo ande zgrada kaj štuilas pes o Del. Dinele o svitko katar o proroko Isaija te čitosarel andar leste. O Isus putardas o svitko thaj čitosardas jek deo aldar leste e themešće.

![](https://cdn.door43.org/obs/jpg/360px/obs-en-26-03.jpg)

O Isus pročitosardas: "O Del dijaman piro Duho te šaj te navestisarav o lačho svato e čorenđe, sloboda e phanglenđe, te boldav o vido e korenđe, thaj o oslobodiv okolen save si potlaćime. Akava si brš kana o Gospod smiluisajlo."

![](https://cdn.door43.org/obs/jpg/360px/obs-en-26-04.jpg)

Askal o Isus bešlas. Savora pozorno diđhenas les. Džangline kaj akava deo andar o lil save akana ašundine odnosilas pes po Mesija. O Isus phendas. "E alava save akana pročitosardem dogodisajle upravo akana." O them sas zadivime. Thaj phendine "Naj li akava o čhavo e Josifesko?"

![](https://cdn.door43.org/obs/jpg/360px/obs-en-26-05.jpg)

Askal o Isus phendas, "Čače si kaj nijek proroko naj prihvatime ande piro bijando gav. Pale vrjama kana sas o Ilija proroko, sas but udovice ando Izraelo. Ali kana nas bršnd trin thaj opaš brš, o Del či bičhaldas e Ilija te pomožil e udovica andar o Izrael, nego e udovica andar aver them."

![](https://cdn.door43.org/obs/jpg/360px/obs-en-26-06.jpg)

O Isus nastavisardas te ćerel svato: "Gajda vi pale vrjama kana sas o proroko Elizej, sas but them ando Izraelo e morćhaće nasvalipeja. Ali o Elizej či sastardas ni jećhe lendar. Jedino sastardas e Nemanes katar e morćhako nasvalipe, savo sas zapovedniko e Izraelošće dušmanengo." O them savo ašunelas e Isuse sas Židovurja. Thaj kana ašundine kaj phenel akava holjajle pe leste.

![](https://cdn.door43.org/obs/jpg/360px/obs-en-26-07.jpg)

O them savo trailas ando Nazaret crdine e Isuses andar e zgrada kaj štuilas pes o Del thaj andineles dži ko krajo e liticako te čhuden les latar tele te mudaren les. Ali o Isus nakhlas maškar o but o them thaj inkljisto andar o gav Nazaret.

![](https://cdn.door43.org/obs/jpg/360px/obs-en-26-08.jpg)

O Isus askal nakhlas kroz o područije e Galilejako, a o but o them avilo leste. Andine leste but e manušen save sas nasvale ili naštik te phirenas, thaj vi okolen save naštik te dićhenas, phirenas, ašunen ili ćeren svato a o Isus sastarelas len.

![](https://cdn.door43.org/obs/jpg/360px/obs-en-26-09.jpg)

But e manuša saven sas e benđesko duho ande lende anenas len ko Isus. A pe Isusešći zapoved, e benđengo duho inkljelas andar o them thaj često čhonas muj: "Tu san o Čhavo e Devlesko!" But o them sas zadivime thaj slavilas e Devles.

![](https://cdn.door43.org/obs/jpg/360px/obs-en-26-10.jpg)

Pale godova, o Isus odabirisardas dešuduj manušen saven akhardas kaj si lešće apostolja. E apostolurja putuinas zajedno e Isuseja thaj sićonas lestar.

*Biblijske paramiča andar o: Matej 4,12–25; Marko 1,14–15, 35–39; 3,13–21; Luka 4,14–30, 38–44*

## 27. Paramiči katar o lačho Samaritanco

https://openbiblestories.org/l/rmy-x-vc/story-27/

![](https://cdn.door43.org/obs/jpg/360px/obs-en-27-01.jpg)

Jek đes, o manuš savo sikavelas o zakono savo o Del dijas e Židovenđe avilo dži ko Isus te probil les. Thaj phendas lešće: "Sikamneja so trubul te ćerav te nasledisarav o večno trajo?" O Isus phenda: "So si ramome ande Devlesko zakono?"

![](https://cdn.door43.org/obs/jpg/360px/obs-en-27-02.jpg)

O manuš savo sikavelas e Devlesko zakon phendas kaj e Devlesko zakoni phenel: "Voli e Gospode, Devle ćires, saste ćire ileja, ćire dušava, ćire snagava thaj ćire gođava. Thaj volisar ćire pašutnes sago korkoro tut." O Isus phendas: "Ando pravo san! Ćer gajda thaj traija."

![](https://cdn.door43.org/obs/jpg/360px/obs-en-27-03.jpg)

Ali o manuš savo sikavelas o zakon kamlas te sikavel kaj si vo pravedno, pa phučlas: "A ko si mungro pašutno?"

![](https://cdn.door43.org/obs/jpg/360px/obs-en-27-04.jpg)

Askal o Isus phendas lešće, gajda kaj phendas lešće jek paramiči: "Sas jek židovo savo putuilas e dromesa andar o Jerusalim ando Jerihon."

![](https://cdn.door43.org/obs/jpg/360px/obs-en-27-05.jpg)

Dok o manuš putuilas, napadnisardine les e grupa razbojnikurja. Line lestar sa so sasles thaj mardine les dok skoro či mudardine les. Askal đeletar."

![](https://cdn.door43.org/obs/jpg/360px/obs-en-27-06.jpg)

"Ubrzo nakon godova, jek e židovengo rašaj phirelas godole isto dromesa. Kana o rašaj dikhlas e manuše savo sas opljaškime thaj mardo sar bez pomoćno pašljol po drom, crdaspe pe aver rig e dromešći, thaj či pomožisardas e manušesće saves trubujas pomoć, nego nastavisardas majdur."

![](https://cdn.door43.org/obs/jpg/360px/obs-en-27-07.jpg)

"Nedugo posle godova, Godole dromesa nakhlo vi jek Levito. (E Leviturja sas Židovurja save pomažinas e rašajen ando hramo.) O Levito nakhlas isto pe okoja rig e dromešći thaj či pomožisardas e manušesće savo opljačkime thaj mardo bezpomoćno pašljol po drom."

![](https://cdn.door43.org/obs/jpg/360px/obs-en-27-08.jpg)

"Aver manuš savo nakhlo godole dromesa sas o Samaritanco. (E Samaritancurja sas e židovenđe potomkurja save lenas pešće romnjen andar aver them. E Samaritancurja thaj e Židovurja mrzanas pes.) Ali kana o Samaritanco dikhlas e Židoves, zurales sažalisajlo pe lesa. Thaj pobrinisajlo pale leste thaj povisardas lešće rane."

![](https://cdn.door43.org/obs/jpg/360px/obs-en-27-09.jpg)

"O Samaritanco askal vazdas e manuše pe piro magarco thaj inđardasles ando birto pašo drom saves sas vi than kaj šaj raćarelas pes, thaj nastavisardas te vodil e briga pale leste."

![](https://cdn.door43.org/obs/jpg/360px/obs-en-27-10.jpg)

"Aver đes, o Samaritanco trubujas te džal majdur pe dromesa. Dijas vareso love e manušes savo inćarelas o birto thaj phendas lešće: 'Le sama pe leste, te potrošisardas majbut love katar akava, me poćinava tuće godola troškurja kana boldavama.'"

![](https://cdn.door43.org/obs/jpg/360px/obs-en-27-11.jpg)

Askal o Isus phučlas e manuše savo sikavelas o zakon: "So gndis? Savo sas katar akala trin manuša maj pašo e manušesće savo sas opljačkime thaj mardo?" A kava phenda: "Akava savo sas lešće milosrdno." O Isus phendas lešće: "Dža thaj vi tu ćer gajda."

*Biblijsko paramiči andar o: Luka 10,25–37*

## 28. Barvalo terno čhavo

https://openbiblestories.org/l/rmy-x-vc/story-28/

![](https://cdn.door43.org/obs/jpg/360px/obs-en-28-01.jpg)

Jek đes, jek terno barvalo čhavo avilo ko Isus haj phučla les: "Lačhe sikavneja so trubul te ćerav te avelman večno trajo?" O Isus phendas lešće: "Sostar akharesman 'lačheja'? Samo si jek kaj si lačho, a godova si o Del. Ali ako kames te aveltu večno trajo, av poslušno e Devlešće zakonenđe."

![](https://cdn.door43.org/obs/jpg/360px/obs-en-28-02.jpg)

O terno phučlas: "Ande save zapovedi trubul te avav poslušno?" A o Isus Phendas lešće: "Na mudar. Na ćer preljub. Na čor. Na hohav. Poštuisar ćire dades thaj ćire deja, thaj volisar ćire pašutne sago korkoro tut."

![](https://cdn.door43.org/obs/jpg/360px/obs-en-28-03.jpg)

Ali o terno phendas: "Katar mungro ciknipe Semas paćivalo akale zakonenđe. So još trubul te ćerav te traiv večno?" O Isus dikhlas pe leste thaj zavolisarda les.

![](https://cdn.door43.org/obs/jpg/360px/obs-en-28-04.jpg)

Thaj o Isus phendas lešće: "Ako kames te aves savršeno, askal dža thaj bićin sa so situt thaj e love de e čorenđe, thaj avelatu barvalipe ando nebo. Aska av thaj dža pale mande."

![](https://cdn.door43.org/obs/jpg/360px/obs-en-28-05.jpg)

Kana o terno ašundas so phendas o Isus, zurales ražalostisajlo, kaj sas zurale barvalo thaj čikamlas te des sa so sasles. Boldapes thaj đelotar katar o Isus.

![](https://cdn.door43.org/obs/jpg/360px/obs-en-28-06.jpg)

Askal o Isus phendas pire učenikonenđe: "Zurales si phare e barvalenđe te den ando carstvo e Devlesko! Ej, maj loćes si e kamilaće te naćhel kroz e suvjaće kan nego e barvalešće ando carstvo e Devlesko."

![](https://cdn.door43.org/obs/jpg/360px/obs-en-28-07.jpg)

Kana e učenikurja ašundine so o Isus phendas, šokirisajle thaj phendine: "Ko askal šaj avel spasime?"

![](https://cdn.door43.org/obs/jpg/360px/obs-en-28-08.jpg)

O Isus dikhlas pe piree učenikurja thaj phendas: "E manušenđe si nemoguće, ali e Devlešće, sa si moguće."

![](https://cdn.door43.org/obs/jpg/360px/obs-en-28-09.jpg)

O Petar phendas e Isusešće: "Amen muklam sa thaj ake džas pale tute. So avela amari nagrada?"

![](https://cdn.door43.org/obs/jpg/360px/obs-en-28-10.jpg)

O Isus phendas lešće: "Svako savo mućel piro ćher, phralen, phejen dades, deja, čhavren ili o barvalipe zbog mande primila šel (100) drom maj but thaj vi isto gajda primila večno trajo. Ali but okola save si prve avena poslednje, a but okola save si poslednje avena prve."

*Biblijske paramiča andar o: Matej 19,16–30; Marko 10,17–31; Luka 18,18–30*

## 29. Paramiči katar o nemilosrdno sluga

https://openbiblestories.org/l/rmy-x-vc/story-29/

![](https://cdn.door43.org/obs/jpg/360px/obs-en-29-01.jpg)

Jek đes, o Petar phučlas e Isuse: "Gospodarina, kozom drom trubul te jartiv mungre phralešće kana sagrešil protiv mande? Dali Dži je efta drom?" O Isus phendas: "Na efta drom, nego eftavardeš drom efta!" Akalesa o Isus mislisardas kaj uvek trubul te jartil pes. O Isus phendas kaja paramiči.

![](https://cdn.door43.org/obs/jpg/360px/obs-en-29-02.jpg)

O Isus phendas: "O carstvo e Devlesko si sago o caro savo kamel te izravnil o računo pire slugasa. Jek katar o sluga duguilas baro dugo savo sas vredno poćin katar 200.000 brš."

![](https://cdn.door43.org/obs/jpg/360px/obs-en-29-03.jpg)

"Pošto o sluga naštik te poćinel o dugo, e carošće phendas: 'Bićinen akale manuše thaj lešće familija te aven roburja thaj gajda te godova poćinel lesko dugo."

![](https://cdn.door43.org/obs/jpg/360px/obs-en-29-04.jpg)

"O sluga pelo pe pire koča anglo caro thaj phendas: 'Moliv tut av strpljivo manca thaj poćinava tuće sa dži ke dinareste so sem tuće udžile." O caro smiluisajlo e slugašće, thaj jartosardas lešće sa so sas lešće akava udžile thaj muklas les te džal."

![](https://cdn.door43.org/obs/jpg/360px/obs-en-29-05.jpg)

"Ali kana godova sluga đelotar katar o caro, arakhlas pire drugare isto e slugo savo sas lešće udžile štar čhonenđi poćin. O sluga astardas pire kolego thaj phendas: 'Poćin manđe e love save san manđe udžile!'"

![](https://cdn.door43.org/obs/jpg/360px/obs-en-29-06.jpg)

"Lesko kolega pelo pe pire koča thaj phendas: 'Moliv tut av strpljivo manca, thaj poćinava tuće sa dži dinareste so sem tuće udžile.' Ali umesto godova, godova o prvo sluga čhudas pire kolega e slugo ando phanglipe dok či poćinel sa so si lešće udžile."

![](https://cdn.door43.org/obs/jpg/360px/obs-en-29-07.jpg)

"Varesošće aver sluge dikhline so sas thaj sas zurale uznemirime. Đele ko caro thaj phendine lešće sa so sas."

![](https://cdn.door43.org/obs/jpg/360px/obs-en-29-08.jpg)

"O caro akhardas e prvo slugo thaj phendas: 'Tu bilačhe slugona! Me Jartosardem tuće gajda baro dugo samo zato kaj molisardan man. Tu trubujas te ćeres isto gajda kana ćiro kolega molisardas tut.' O caro sas gajda holjariko kaj čhudas e bilačhe slugo ando phanglipe dok či poćinel sa so si vi vo udžile."

![](https://cdn.door43.org/obs/jpg/360px/obs-en-29-09.jpg)

Askal o Isus phendas: "Akava mungro nebesko Dad ćerela sa dži jećhešće tumendar ako či jarton tumare phralešće katar o ilo."

*Biblijsko paramiči andar o: Matej 18,21–35*

## 30. O Isus pravarel pandž milja manušen

https://openbiblestories.org/l/rmy-x-vc/story-30/

![](https://cdn.door43.org/obs/jpg/360px/obs-en-30-01.jpg)

O Isus bičhaldas pire apostolen te propovedin thaj te sikaven e theme ande aver razne gava. Kana boldinepe ko Isus, phendine lešće so ćerdine. Askal o Isus akharda len te džan lesa po mirno than, prekal aver rig e jezerošći. Pa dine ando čamco, thaj đele pe aver rig e jezerošći.

![](https://cdn.door43.org/obs/jpg/360px/obs-en-30-02.jpg)

Ali, o but o them dikhlas e Isuse thaj lešće učenikonen sar dine ando čamco. Thaj o them počnisardas te prasten oko o jezero te aven pe aver rig e jezerošći majsigo katar o Isus thaj lešće učenikurja. Pa kana o Isus thaj lešće učenikurja aresline, bari grupa them već ažućarenas les okote.

![](https://cdn.door43.org/obs/jpg/360px/obs-en-30-03.jpg)

Godova but o them đinavelas prekal pandž milje 5.000 manuša, bi e manušenjengo thaj e čhavrengo. O Isus zurales sažalisajlo pe godola manuša. Thaj činisajle lešće sago e bakhre bi e pastiresko. Pa sikavelas len thaj sastarelas okolen save sas nasvale maškar lende.

![](https://cdn.door43.org/obs/jpg/360px/obs-en-30-04.jpg)

Maj posle godova đes, e sikamne phendine e Isusešće: "Kasno si thaj naj gava paše. Bičhal e theme te džal te lel pešće vareso te hal."

![](https://cdn.door43.org/obs/jpg/360px/obs-en-30-05.jpg)

Maj posle godova đes, e sikamne phendine e Isusešće: "Kasno si thaj naj gava paše. Bičhal e theme te džal te lel pešće vareso te hal."

![](https://cdn.door43.org/obs/jpg/360px/obs-en-30-06.jpg)

O Isus phendas e učenikonenđe phenen e themešće te bešen pe čar, ande grupe po pandžvardeš manuša ande svako grupa.

![](https://cdn.door43.org/obs/jpg/360px/obs-en-30-07.jpg)

Askal o Isus lijas pandž mango thaj duj mačhe, dikhlas ando nebo, thaj zahvalisardas e Devlešće palo habe.

![](https://cdn.door43.org/obs/jpg/360px/obs-en-30-08.jpg)

Askal o Isus phaglas e mangre thaj e mačhe pe duj kotora. Dija e kotora pire učenikonenđe te podelin e themešće. E učenikurja nastavisardine te delin o habe e themešće, a o habe nikad či nestanilas. Sa e manuša hanas thaj čaljiline.

![](https://cdn.door43.org/obs/jpg/360px/obs-en-30-09.jpg)

Pale godova e učenikurja ćidine o habe savo o but o them či halas, a ačhilo gaći te pherdon dešuduj korpe! Sa godova habe avilo katar e pandž mangre thaj katar e duj mačhe.

*Biblijsko paramiči andar o: Matej 14,13–21; Marko 6,31–44; Luka 9,10–17; Jovan 6,5–15*

## 31. O Isus phirel po paj

https://openbiblestories.org/l/rmy-x-vc/story-31/

![](https://cdn.door43.org/obs/jpg/360px/obs-en-31-01.jpg)

Askal o Isus phendas pire učenikonenđe te den ando čamco thaj otplovin pe aver rig e jezerošći dok či vo ispratil e bute theme. Nakon so ispratisardas e theme, lijapes pe planina te molilpes. O Isus sas okote korkoro thaj molisajlo dugo ande rjat.

![](https://cdn.door43.org/obs/jpg/360px/obs-en-31-02.jpg)

Pale godoja vrjama, e učenikurja veslinas ando čamco, ali dži ke bari rjat von aresline samo džike opašin e jezerošći. Veslinas bare mukasa kaj phurdelas e bari bavlal karingal lende.

![](https://cdn.door43.org/obs/jpg/360px/obs-en-31-03.jpg)

Kana o Isus završisardas piri molitva, teljardas karingal pire učenikurja. Gajda kaj phirelas opral po paj e jezerosko prema lengo čamco!

![](https://cdn.door43.org/obs/jpg/360px/obs-en-31-04.jpg)

E učenikurja zurales darajle kana dikhline e Isuse, kaj gndisardine kaj dićhen e duhos. O Isus džanglas kaj daran, pa akhardas len thaj phendas: "Na daran. Me sem!"

![](https://cdn.door43.org/obs/jpg/360px/obs-en-31-05.jpg)

Askal o Petar phendas e Isusešće: "Gospode, ako san tu, zapovedisar manđe te avav tute po paj." O Isus phendas e Petrešće: "Av!"

![](https://cdn.door43.org/obs/jpg/360px/obs-en-31-06.jpg)

Gajda o Petar inkljisto andar o čamco thaj počnisardas te phirel prema o Isus opral po paj. Ali nakon so cara phirelas po paj. No, nakon so cara prirdas po paj, lijas piro pogled katar o Isus thaj počnisardas te dićhel pe talasurja save sas oko leste thaj haćardas e bari bavlal.

![](https://cdn.door43.org/obs/jpg/360px/obs-en-31-07.jpg)

Askal o Petar darajlo thaj počnisardas te tonil ando paj. Čhutas muj: "Gospode, spasisar man!" O Isus odma dijales piro vas thaj astarda les. Askal phendas e Petrešće: "Pi paćako manuša, sostar posumnjisardan."

![](https://cdn.door43.org/obs/jpg/360px/obs-en-31-08.jpg)

Kana o Petar thaj o Isus dine ando čamco, e bavlal odma ačhili te phurdel thaj o paj smirosajlo. E učenikurja sas zadivime. Naklonisajle thaj štuisardien e Isuses. Phendine lešće: "Čačes, tu san o Čhavo e Devlesko."

*Biblijsko paramiči andar o: Matej 14,22–33; Marko 6,45–52; Jovan 6,16–21*

## 32. O Isus sastarele nasvale romnja thaj rome save sas nečisto duho

https://openbiblestories.org/l/rmy-x-vc/story-32/

![](https://cdn.door43.org/obs/jpg/360px/obs-en-32-01.jpg)

Jek đes, o Isus thaj lešće sikamne nakhline čamcosa prekal o jezero ando krajo kaj trainas e Galilejcurja.

![](https://cdn.door43.org/obs/jpg/360px/obs-en-32-02.jpg)

Kana aresline pe aver rig e jezerošći, rom saves sas nečisto duho prastajas dži ko Isus.

![](https://cdn.door43.org/obs/jpg/360px/obs-en-32-03.jpg)

Kava rom sas gajda zuralo kaj khonik naštik savladisardas les. O them čak lanconenca phandenas lešće vas thaj lešće pungre, ali vo stalno phađelas len.

![](https://cdn.door43.org/obs/jpg/360px/obs-en-32-04.jpg)

Godova rom trailas maškar e limorja pe godova krajo. Akava rom čholas muj celo rjat thaj celo đes. Či delas pe peste drze thaj čhinelas pes barenca.

![](https://cdn.door43.org/obs/jpg/360px/obs-en-32-05.jpg)

Kana godova rom avilo ko Isus, pelo pe pe koča angle leste. O Isus phendas e benđešće savo sas ande leste: "Inklji andar kava rom!"

![](https://cdn.door43.org/obs/jpg/360px/obs-en-32-06.jpg)

O rom nečiste duhosa čhutas muj zurale glasosa: "So manđes mandar Isuse, Svevišnje Devlešće Čhaveja? Molima tuće na mučisarman!" Askal o Isus phučlas e bilačhe duho: "Sar bučhos?" Akava phendas: "Mungro alav si Legija kas si amen but." ("Legija" sas grupa katar vareso milje vojnikurja ande rimsko vojska.)

![](https://cdn.door43.org/obs/jpg/360px/obs-en-32-07.jpg)

E bilačhe duhurja molinas e Isuse: "Molime tuće na trade men andar kava krajo." O kote sas krdo bale save čarjonas pe pašutno baro brego. Pa e nečiste duhurja molinas e Isuseses: "Molime tuće bičhalamen ande bale umesto godova!" O Isus phendas: "Džan!"

![](https://cdn.door43.org/obs/jpg/360px/obs-en-32-08.jpg)

E nečiste duhurja inkljistine andar o rom thaj dine ande bale. E bale pojurisardine katar e litica thaj ando jezero thaj tasajle. Sas varekaj katar 2000 bale ande godova krdo.

![](https://cdn.door43.org/obs/jpg/360px/obs-en-32-09.jpg)

Kana o them save lenas sama pe bale dikhline so sas, prastaine ando gav thaj phendine savorenđe kas dikhili so o Isus ćerdas. O them andar o gav aviline thaj dikhline e romes saves sas dži askal bilačhe duhurja. Bešelas mirno, sasle drze pe leste thaj ponašila pe sago normalno manuš.

![](https://cdn.door43.org/obs/jpg/360px/obs-en-32-10.jpg)

O them zurales darajlo thaj rodine katar o Isus te džaltar. Gajda kaj o Isus dijas ando čamco thaj pripremisajlo te džaltar. O rom saves sas nečiste duhurja preklinjilas e Isuses te džal lesa.

![](https://cdn.door43.org/obs/jpg/360px/obs-en-32-11.jpg)

Ali o Isus phendas lešće: "Na, kamav te ačhes ćhere thaj phenes će drugarenđe thaj će familijaće sa so o Del ćerdas pale tute thaj sar smiluisajlo tuće."

![](https://cdn.door43.org/obs/jpg/360px/obs-en-32-12.jpg)

Gajda kaj o rom đelotar thaj phendas pirenđe pale godova so o Isus ćerdas pale leste. Savora save ašundine lesko svto sas zadivime thaj ando čudo.

![](https://cdn.door43.org/obs/jpg/360px/obs-en-32-13.jpg)

O Isus boldaspe pe koja rig e jezerešći. Kana areslo kote, but o them ćidapes oko leste taj spidelaspe oko leste. Ande godoja gužva sas jek romnji savi sas nasvali dešuduj brš džalas latar o rat. Poćindas sa pe love e doktorenđe te sastarenla, ali sas laće smo maj gore.

![](https://cdn.door43.org/obs/jpg/360px/obs-en-32-14.jpg)

Ašundas kaj o Isus sastardas but e navalen theme thaj gndiardas: "Sigurno sem kaj ako samo šaj dotaknisarav e Isusešće drze, askal vi me avava sasti." Gajda kaj avili palo Isus thaj dotaknisajli lešće drzendar. Čim dotaknisardas les, o rat ačhilolatar te džal.

![](https://cdn.door43.org/obs/jpg/360px/obs-en-32-15.jpg)

O Isus odma haćardas kaj e sila inkljisti andar leste. Pa boldaspe thaj phučlas: "Ko dotaknisardaman?" E sikamne phendine: "Si gaći them kaj spidelpes oko tute thaj sudarnipe tuva. Sostar phučes: "Ko dotaknisardaman?"

![](https://cdn.door43.org/obs/jpg/360px/obs-en-32-16.jpg)

E manušnji peli pe pire koča anglo Isus, ćhinolaspe e daratar. Askal phendas e Isusešće so ćerdas thaj kaj sastili. O Isus phenda laće: "Ćiri vera sastardastut. Dža ando miro."

*Biblijsko paramiči andar o: Matej 8,28–34; 9,20–22; Marko 5,1–20; 5,24b–34; Luka 8,26–39; 8,42b–48*

## 33. Paramiči katar o sejači

https://openbiblestories.org/l/rmy-x-vc/story-33/

![](https://cdn.door43.org/obs/jpg/360px/obs-en-33-01.jpg)

Jek đes, o Isus sikavelas e bute themes paše obala e jezerešći. Gaći but o them avilo te ašunel les, kaj o Isus moraš te dijas ando čamco paše ando paj te šaj avel les dosta than te šaj ćerel lenđe svato. Bešlo ando čamco thaj okotar sikavelas e themes.

![](https://cdn.door43.org/obs/jpg/360px/obs-en-33-02.jpg)

O Isus phendas lenđe akaja paramiči: "Jek sejači inkljisto te sadil o seme. Dok e vastesa čhudelas o seme, varesosko seme pelo po drom, e čiriklja aviline thaj halinele sa o seme."

![](https://cdn.door43.org/obs/jpg/360px/obs-en-33-03.jpg)

"Aver seme pelo po baruno drom, kaj sas zurale cara phuv. O seme savo barilo ande barutni phuv brzo proklijosardas, ali lesko koren naštik te del handuk tele ande phuv. Kana inkljisto o kham thaj taćardas, e biljke šućile thaj muline."

![](https://cdn.door43.org/obs/jpg/360px/obs-en-33-04.jpg)

"A palem, aver seme pelo maškar e kangre. Akava seme počnisardas te barjol, ali tasadineles e kangre. Zato e biljke save barjiline andar o seme save peline ande kangrni phuv či dijas nisosko plodo."

![](https://cdn.door43.org/obs/jpg/360px/obs-en-33-05.jpg)

"A o seme savo ačhilo pelo pe lačhi phuv. A kava seme inkljisto thaj dijas 30, 60 thaj čak vo dži 100 drom majbut semenke nego so sas posadime. Kas si kan nek ašunel!"

![](https://cdn.door43.org/obs/jpg/360px/obs-en-33-06.jpg)

Akaja paramiči zbunisardas lešće učenikonen. Pa o Isus objasnisardas lenđe: "O seme si o svato e Devlesko. O drom si o manuš savo ašunel o svato e Devlesko, ali či haćarel les thaj avel o beng thaj lel lestar o svato."

![](https://cdn.door43.org/obs/jpg/360px/obs-en-33-07.jpg)

"E barutni phuv si o manuš savo ašunel o svato e Devlesko thaj prihvatil les e bahtasa. Ali askal avel o pharipe ili e nevolje, pa otpadnisarel ili prestanil te džal e Devlešće dromesa."

![](https://cdn.door43.org/obs/jpg/360px/obs-en-33-08.jpg)

Kangrenđi phuv si o manuš savo ašunel e Devlesko svato, ali sar e vrjama naćhel, e brige, barvalipe thaj uzitkurja e themešće tasaven e ljubav lešći palo Del. Sago rezultato pale godova, o sikavipe kaj ašundas či del plodo."

![](https://cdn.door43.org/obs/jpg/360px/obs-en-33-09.jpg)

"Ali e lačhi phuv si o manuš savo ašunel e Devlesko svato, paćal lešće thaj anel plodo."

*Biblijsko paramiči andar o: Matej 13,1–8, 18–23; Marko 4,1–8, 13–20; Luka 8,4–15*

## 34. O Isus sikavel vi aver paramiča

https://openbiblestories.org/l/rmy-x-vc/story-34/

![](https://cdn.door43.org/obs/jpg/360px/obs-en-34-01.jpg)

O Isus phenelas vi aver but e paramiča palo Devlesko carstvo. Sago primeri, phendas: "O carstvo e Devlesko si sago o seme e gorušicako savo vareko zasadisardas ande piri njiva. Džanen kaj si o gorušicako seme maj cikno katar sa aver seme."

![](https://cdn.door43.org/obs/jpg/360px/obs-en-34-02.jpg)

"Ali kana o seme e gorušicako barjol, vo avel majbaro katar sa e biljke ande njive, gaći si baro kaj e čiriklja aven thaj gnjezdinpe ande lešće patrja."

![](https://cdn.door43.org/obs/jpg/360px/obs-en-34-03.jpg)

O Isus phendas još jek paramiči: "O carstvo e Devlesko si sago o kvasco seves e manušnji hamil e humeresa dok či buljol pe sasto humer."

![](https://cdn.door43.org/obs/jpg/360px/obs-en-34-04.jpg)

"O carstvo e Devlesko si isto gajda sar o barvalipe savo vareko garadas ande njive. Varesavo aver manuš araćhel o barvalipe thaj palem prahosarel les. Vo gajda raduisajlo kaj đelo thaj biđindas sa so sasles thaj sa e love dijas thaj đindas godoja njiva."

![](https://cdn.door43.org/obs/jpg/360px/obs-en-34-05.jpg)

"O carstvo e Devlesko si isto gajda sago savršeno biseri savo but mol. Kana araćhel les o trgovco, vo bićinel sa so siles thaj iskoristil e love te ćinel les.

![](https://cdn.door43.org/obs/jpg/360px/obs-en-34-06.jpg)

Askal o Isus phendas e paramiči e themešće save pouzdinas pes ande pire lačhe delurja, a mrzanas aver themen. Phendas lenđe: "Duj manuša đele ando hramo te molinpes. Jek lendar sas porezniko, a aver pobožno vođa."

![](https://cdn.door43.org/obs/jpg/360px/obs-en-34-07.jpg)

"O pobožno manuš gajda molisajlo: 'Nais tuće, Devla, kaj najsem bezehalo sago aver them–sago okola save čoren, nepravedniko, preljubniko ili čak sago kava porezniko.'"

![](https://cdn.door43.org/obs/jpg/360px/obs-en-34-08.jpg)

"'Naprimer, me postisarav duvar ando kurko thaj dav deš posto katar mungre love thaj mungri imovina savi dobisarav."

![](https://cdn.door43.org/obs/jpg/360px/obs-en-34-09.jpg)

"Ali o porezniko ačhelas dur katar o pobožno vođa, thaj či pire jakha vazdelas opre ando nebo. Umesto godova, pećelas pe dumukhasa ando kolin thaj molisajlo: 'Devla, molimatuće smiluisar tut manđe kaj sem bezehalo.'"

![](https://cdn.door43.org/obs/jpg/360px/obs-en-34-10.jpg)

Askal o Isus phendas: "Čačes phenav tumenđe. O Del ašundas e molitva e poreznikošći thaj proglasisardasle pravednikosa. Ali či sviđosajli lešće e molitva e pobožno manušešći. O Del ponizila svakones savo si ponosno, a vazdela svakone savo ponizisarelpes."

*Biblijsko paramiči andar o: Matej 13,31–33, 44–46; Marko 4,30–32; Luka 13,18–21; 18,9–14*

## 35. Paramiči katar o suosećajno dad

https://openbiblestories.org/l/rmy-x-vc/story-35/

![](https://cdn.door43.org/obs/jpg/360px/obs-en-35-01.jpg)

Jek đes, o Isus sikavelas e bute poreznikonen thaj aver bezehalen save ćidinepe te ašunen les.

![](https://cdn.door43.org/obs/jpg/360px/obs-en-35-02.jpg)

A varesošće pobožne vođe save sas isto okotelesa, dikhline kaj o Isus ponašilpes prema e bezehale sago prema pire drugarja, thaj počnisardine te kudin les maškar pende. Zato o Isus phendas lenđe akaj paramiči.

![](https://cdn.door43.org/obs/jpg/360px/obs-en-35-03.jpg)

"Sas jekhvar varesavo manuš, sas les duj čhave. O majterno čhavo phendas pire dadešće: "Dade, kamav te desman mungro naslestvo odma akana!" Gajda kaj o dad podelisardas piro barvalipe pe pire duj čhave."

![](https://cdn.door43.org/obs/jpg/360px/obs-en-35-04.jpg)

"Uskoro o majterno čhavo lijas sa so sasles thaj đelotar dur thaj potrošisardas sa pire love ando bezehalo trajo."

![](https://cdn.door43.org/obs/jpg/360px/obs-en-35-05.jpg)

"Nakon godova, avili e bari bok ando gav kaj sas o majterno čhavo, a nas les khanči love te šaj ćinel pešće vareso te hal. Pa lija jedino bući savi šaj arakhlas, te pravarel e balen. Ali sas gajda čoro thaj bokhalo kaj lijas te hal e balengo habe."

![](https://cdn.door43.org/obs/jpg/360px/obs-en-35-06.jpg)

"Napokon, o maj terno čhavo phenda korkoro pešće: "So ćerav gadava? Sa e slugen mungre dadešće si habe kozom kamen, a me kate merav bokhatar. Boldavama mungre dadešće thaj mangava te avav jek katar lešće slugurja."

![](https://cdn.door43.org/obs/jpg/360px/obs-en-35-07.jpg)

"Gajda kaj o majterno čhavo počnisarda te boldelpe palpale ke piro dad ćhere. Još dok sas dur, lesko dad dikhlas les thaj sažalisajlo pe leste. Prastajas karingal piro čhavo. Dijales mrtiko thaj čumida les.

![](https://cdn.door43.org/obs/jpg/360px/obs-en-35-08.jpg)

"O čhavo phenas: 'Dade, sagrešisardem protiv o Del thaj protiv tute. Najsem dostojno te avav ćiro čhavo."

![](https://cdn.door43.org/obs/jpg/360px/obs-en-35-09.jpg)

"Ali lesko dad phenel jećhešće katar pire sluge: "Dža siđar an majšukar drze thaj delen pe mungro čhavo! Čhov e angrušći pe lesko naj thaj čhov e sandale pe lešće pungre. Askal de čhurjasa e majlačhe bakhre te šaj avelamen gozba thaj te slavisaras, kaj mungro čhavo sas mulo, ali akana si džudo! Sas hasardo ali akana si arakhlo!"

![](https://cdn.door43.org/obs/jpg/360px/obs-en-35-10.jpg)

"Gajda o them počnisardas te slavisarel. Nedugo posle godova, o majpurano čhavo avilo ćhere nakon so ćerdas bući ande njive. Ašundas o ćhelipe thaj e đilja thaj phučlas pe so si gadava."

![](https://cdn.door43.org/obs/jpg/360px/obs-en-35-11.jpg)

"Kana o majpurano čhavo ašundas kaj slavisaren zato kaj lesko phral boldaspe ćhere, sas zurale holjariko thaj čikamlas te del andre. Lesko dad inkljisto thaj phendas lešće te del andre thaj te slavisarel lenca, ali vo odbisardas.

![](https://cdn.door43.org/obs/jpg/360px/obs-en-35-12.jpg)

"Maj purano čhavo phendas pire dadešće: "Sa kala brš verno ćeravas bući pala tute! Nikada najsemas tuće neposlušno a palem či dijanman ni cikne buznja te šaj de slavisarav mungre drugarenca. Ali kana kava ćiro čhavo savo haljardas sa e love po bilačhipe, boldape ćhere, a tu pale leste dijan čhurjasa maj lačhe guruve!"

![](https://cdn.door43.org/obs/jpg/360px/obs-en-35-13.jpg)

"O dad phendas: 'Čhaveja mungreja, tu san uvek manca, thaj sa so man si ćiro si. Ali si lačhe te slavisaras, kaj ćiro phral sas mulo, ali kana si džudo, sas hasardo, ali kana si arakhado!'"

*Biblijsko paramiči andar o: Luka 15,11–32*

## 36. Preobražipe

https://openbiblestories.org/l/rmy-x-vc/story-36/

![](https://cdn.door43.org/obs/jpg/360px/obs-en-36-01.jpg)

Jek đes, o Isus lija pesa trin pire učenikonen, e Petre, Jovano thaj e Jakoves. (O učeniko o Jovano nas o Jovano okova savo boldas e Isuses.) Linepe opre pe bari planina korkoro te molinpe.

![](https://cdn.door43.org/obs/jpg/360px/obs-en-36-02.jpg)

Dok o Isus molisajlo lesko muj zasijosardas sago o kham thaj e drze pe leste postanisardine parni sago o svetlo, maj parne nego so bilo ko pe phuv šaj parnjardasas len.

![](https://cdn.door43.org/obs/jpg/360px/obs-en-36-03.jpg)

Askal o Mojsije thaj o proroko Ilija pojavisajle. Akala manuša trainas pe phuv šele bršenca maj sigo nego so sas akava. Ćerdine svato e Isuseja pale lesko meripe, savo uskoro avela ando Jerusalimo.

![](https://cdn.door43.org/obs/jpg/360px/obs-en-36-04.jpg)

Dok o Mojsije thaj o Ilija ćerenas svato e Isuseja, o Petar phendas e Isusešće: "Lačhe si pale amende kaj sam akate. Ajde te ćere trin sjenice, jek pale tute, jek palo Mojsije a jek pa.

![](https://cdn.door43.org/obs/jpg/360px/obs-en-36-05.jpg)

Dok o Petar ćerelas svato, o svetlo oblako fuljisto thaj zaokružisardalen thaj o glaso andar o oblako phendas: "Akava si mungro čhavo saves čumidav. Lesa sem zadovoljno. Leste čhon kan." E trin učenikurja darajle thaj peline pe phuv.

![](https://cdn.door43.org/obs/jpg/360px/obs-en-36-06.jpg)

Askal o Isus čhuta po vas pe lende thaj phendas: "Nadaran ušten." Kana dikhline oko peste jedino sas o Isus okote.

![](https://cdn.door43.org/obs/jpg/360px/obs-en-36-07.jpg)

O Isus thaj godola trin sikamne fuljistine katar godoja planina. Askal o Isus phenda lenđe: "Pale akana na khonikašće te phenen so sas akate. Još cara merava thaj askal boldavaman ando trajo. Posle godova šaj phenen e themešće."

*Biblijsko paramiči andar o: Matej 17,1–9; Marko 9,2–8; Luka 9,28–36*

## 37. O Isus vazdel e Lazeres andar e mul

https://openbiblestories.org/l/rmy-x-vc/story-37/

![](https://cdn.door43.org/obs/jpg/360px/obs-en-37-01.jpg)

Jek đes, o Isus dobisardas poruka kaj si o Lazar zurale nasvalo. O Lazar thaj lešće duj pheja, e Marija thaj e Marta, sas e Isusešće majlačhe drugarja. Kana o Isus ašundas akaja vest, phendas: "Akava nasvalipe či završila e merimava, nego anela slava e Devlešće." O Isus volilas pire drugaren, ali ažućardas okote kaj sas još duj đes.

![](https://cdn.door43.org/obs/jpg/360px/obs-en-37-02.jpg)

Nakon so nakhline godola duj đes, o Isus phendas pire učenikonenđe: "Džastar palpale ande Judeja." "Ali sikavneja," e učenikurja phendine: "či nakhli bit e vrjama sar o them okote line te mudarentut!" O Isus phenel lenđe: "Amaro drugari o Lazaro sovljilo, thaj trubul te džungavas les."

![](https://cdn.door43.org/obs/jpg/360px/obs-en-37-03.jpg)

E Isusešće drugarja phendine: "Gospode ako o Lazaro sovel, askal sastola." A o Isus jasno phendas lenđe: "O Lazaro si mulo. Drago si manđe kaj najsemas okote te tumen šaj paćan ande mande."

![](https://cdn.door43.org/obs/jpg/360px/obs-en-37-04.jpg)

Kana o Isus areslo ande Lazaresko bijando gav, o Lazaro sas već mulo štar đes. E Marta inkljisti anglo Isus thaj phendas lešće: "Gospode te avilanas akate, mungro phral či mulosas. Ali paćav kaj o Del dela tut sogot manđeja Lestar."

![](https://cdn.door43.org/obs/jpg/360px/obs-en-37-05.jpg)

O Isus phenda: "Me sem Uskrsnuće thaj o Trajo. Ko got paćal ande mande, čak vi ako merel traila. Svako savo paćal ande mande nikada či merela. Paćas ande akava?" E Marta phendas: "Ej Gospode paćav kaj san tu o Mesija, o čhavo e Devlesko."

![](https://cdn.door43.org/obs/jpg/360px/obs-en-37-06.jpg)

E Marija aresli. Peli e Isusešće angle pungre thaj phendas: "Gospode, te samo avilanas akate mungro phral či mulosas." O Isus phučla len: "Kaj čhutine e Lazare?" Phendine lešće: "Ando limori. Av thaj dik." Askal o Isus počnisarda te rovel.

![](https://cdn.door43.org/obs/jpg/360px/obs-en-37-07.jpg)

O limori sas ande špilja, e baresa savo sas čhutino po lako putardo than. Kana o Isus areslo po limori, phendas lenđe: "Len kotar o bar." Ali e Marta phendas: "Mulo si već štar đes. Khandela."

![](https://cdn.door43.org/obs/jpg/360px/obs-en-37-08.jpg)

O Isus phendas: "Či li phendem tuće kaj dićheja e slava e Devlešći ako paćaja ande mande?" Pa line majdur o bar.

![](https://cdn.door43.org/obs/jpg/360px/obs-en-37-09.jpg)

Askal o Isus dikhlas ando nebo thaj phendas: "Dade najs tuće kaj ašunes man. Me džanav kaj tu uvek ašunesman, ali akava phenav zbog akava them kaj ačhel akate, te von paćan kaj tu bičhaldanman." Askal o Isus čhutas muj: "Lazare inklji!"

![](https://cdn.door43.org/obs/jpg/360px/obs-en-37-10.jpg)

Thaj o Lazaro inkljisto! Još sas umotime ande mulikane povojurja. O Isus phendas lenđe: "Pomožin lešće te fuljarel pa peste akala povojurja thaj osloboisaren les!" But e Židovurja paćaine ande leste zbog akava čudo."

![](https://cdn.door43.org/obs/jpg/360px/obs-en-37-11.jpg)

Ali e pobožne vođe e Židovenđe sas ljubomorne pe leste, pa ćidine e zajednica te planirisaren sar te mudaren e Isuses thaj e Lazares.

*Biblijske paramiča andar o: Jovan 11,1–46*

## 38. O Isus si izdajime

https://openbiblestories.org/l/rmy-x-vc/story-38/

![](https://cdn.door43.org/obs/jpg/360px/obs-en-38-01.jpg)

Svako brš e Židovurja slavinas e Pasha. Godova slavinas zbog godova kaj o Del spasisardas lenđe paponen andar o ropstvo ando Egipat maj sigo but brš. Varekaj katar trin brš sar o Isus počnisardas te propovedil thaj sikavel javno, o Isus phendas pire učenikonenđe kaj kamel te slavil e Pasha lenca ando Jerusalimo, thaj kaj vo okote avela mudardo.

![](https://cdn.door43.org/obs/jpg/360px/obs-en-38-02.jpg)

Jek katar e Isusešće učenikurja sas o manuš savo akhardolas Juda. O Juda sas zadužime pale apostolsko blagajna, ali volilas e love thaj često čorelas e love andar e blagajna. Nakon so o Isus taj lešće učenikurja aresline ando Jerusalim, o Juda đelo ke Židovske vođe thaj ponudisardas lenđe te izdail e Isuse pale love. Džanglas kaj e Židovske vođe či paćan kaj si o Isus Mesija thaj kaj planirinas te mudaren les.

![](https://cdn.door43.org/obs/jpg/360px/obs-en-38-03.jpg)

E Židovske vođe saven vodilas o baro rašaj, poćindine e Judašće trjanda rupune lovora te izdaisarel e Isuses. Akava dogodisajlo tačno kana e prorokurja predvidiardine. O Juda pristanisardas, lija e love, thaj đelotar. Počnisardas te rodel prilika te pomožil len te astaren e Isuse.

![](https://cdn.door43.org/obs/jpg/360px/obs-en-38-04.jpg)

Ando Jerusalim, o Isus proslavisardas e Pasha pire učenikonenca. Pale Pashako habe, o Isus lija o mangro thaj phaglales. Phenda: "Len thaj han akava. Akava si mungro telo, savo delpe pala tumene. Akava ćeren te dentumen gođi mande." Pe akava način, o Isus phendas kaj lesko telo avela žrtvujime pale lende.

![](https://cdn.door43.org/obs/jpg/360px/obs-en-38-05.jpg)

Askal o Isus vazdas o tahtaj thaj phendas: "Pijan akava. Akava si mungro rat Nevo Savezo savo čhorelape palo jatosardipe katar e bezeha. Akava ćeren te dentumen gođi mande svako drom kana pijen."

![](https://cdn.door43.org/obs/jpg/360px/obs-en-38-06.jpg)

Askal o Isus phendas e učenikonenđe: "Jek tumendar izdaila man." E sikamne sas šokirime, thaj phučline ko ćerdasas gajda vareso. O Isus phendas: "Manuš saves dava kotor mangro si mungro izdajniko." Askal dijas o mangro e Judašće.

![](https://cdn.door43.org/obs/jpg/360px/obs-en-38-07.jpg)

Nakon so o Juda lijas o mangro, o beng dija ande leste. O Juda inkljisto thaj đelo te pomožil e Židovske vođenđe te astaren e Isuse. Sas tunjariko.

![](https://cdn.door43.org/obs/jpg/360px/obs-en-38-08.jpg)

Nakon o habe, o Isus thaj lešće učenikurja đele pe Maslinsko gora. O Isus phendas: "Savora tumen mućena man arjat. Ramome si: 'Pećena e pastire thaj sa e bakhre našena.'"

![](https://cdn.door43.org/obs/jpg/360px/obs-en-38-09.jpg)

O Petar phendas: "Čak vi ako sa aver mućentut, me či mukavatut!" Askal o Isus phendas e Petrešće: "O beng kamel sa te leltumen pešće, ali molisajlem pala tute, Petre, te ćiro paćipe či perel. Ali ipak, arjat, majsigo nego o bašno zakukuričil, trin drom pheneja kaj či uopšte pindžares man."

![](https://cdn.door43.org/obs/jpg/360px/obs-en-38-10.jpg)

O Petar askal phendas e Isusešće: "Čak vi ako trubul te merav, nikada či phenava kaj či pindžaravtut!" Sa aver e učenikurja phendine isto.

![](https://cdn.door43.org/obs/jpg/360px/obs-en-38-11.jpg)

Askal o Isus đelotar pire učenikonenca po than savo akhardolas Getsemansko vrt. O Isus phendas pire učenikonenđe te molinpe te či peren ando napast. Askal o Isus đelo po korkoro than te molilpe.

![](https://cdn.door43.org/obs/jpg/360px/obs-en-38-12.jpg)

O Isus molisardas trin drom: "Dade mungreja, ako si moguće, molima tuće te naj moraš te pijav akava tahtaj patnje. Ali ako naj aver načino te e themešće bezeha aven jartome, askal neka avel ćiri volja." O Isus sas zurale uznemirime thaj lesko znojo sas sago kapljice rat. O Del bičhaldas e anđelo te osnažil les.

![](https://cdn.door43.org/obs/jpg/360px/obs-en-38-13.jpg)

Nakon svako drom kana molisajlo, o Isus boldelaspe ke pire učenikurja, ali len lija e lindri. Kana boldaspe o trito drom, o Isus phendas: "Džungadon! Mungro izdajniko si akate."

![](https://cdn.door43.org/obs/jpg/360px/obs-en-38-14.jpg)

O Juda avilo e židovske vođenca, e vojnikonenca thaj e but e themesa. Inđarenas e mačurja thaj e rovlja. O Juda avilo e Isusešće thaj phendas: "Pozdrav sikavneja," thaj čumidas les. Akava sas znako e židovske vođenđe te džanen kas te astaren. Askal o Isus phendas: "Juda, zar izdaisma čudidipaja?"

![](https://cdn.door43.org/obs/jpg/360px/obs-en-38-15.jpg)

Dok e vojnikurja astardine e Isuse, o Petar inkalda piro mačo thaj čhindas o kan e bare rašaješće slugaskobare. O Isus phenda: "Bolde o mačo! Me te kamav šaj rodav katar mungro Dad sasti vojska anđelurja te branin man. Ali me moraš te avav poslušno mungre Dadešće." Askal o Isus sastardas o kan godole manušesko. Nakon so astardine e Isuse, sa e učenikurja našline.

*Biblijsko paramiča andar o: Matej 26,14–56; Marko 14,10–50; Luka 22,1–53; Jovan 12,6; 18,1–11*

## 39. O Isus si osudime

https://openbiblestories.org/l/rmy-x-vc/story-39/

![](https://cdn.door43.org/obs/jpg/360px/obs-en-39-01.jpg)

Maškaral ande rjat e vojnikurja inđardine e Isuse ando ćher e bare rašajesko te o baro rašaj ispitui les. O Petar džalas čordane pale lende. Kana e Isuse andine andre ando ćher, o Petar ačhilo avri thaj tatolas paše jag.

![](https://cdn.door43.org/obs/jpg/360px/obs-en-39-02.jpg)

Andre ando ćher, e židovske vođe sudinas e Isusešće. Andine but hohamne svedokurja te hohaven pe leste vareso. Lengo svato či slažilaspe maškar lende, pa e židovske vođe naštik dokažisardine kaj si vo došalo pale varesoste. O Isus khanči či phenda.

![](https://cdn.door43.org/obs/jpg/360px/obs-en-39-03.jpg)

Po krajo, o baro rašaj dikhla ravno ando Isus thaj phenda: "Phen amenđe, san tu o Mesija, Čhavo e Džude Devlesko?"

![](https://cdn.door43.org/obs/jpg/360px/obs-en-39-04.jpg)

O Isus phenda: "Sem, thaj dićhena man sar bešav e Devlesa thaj avav andar oblakurja." O baro rašaj čhindas piri haljina ande holji thaj čhuta muj aver pobožne vođenđe: "Čitrubulamen majbut svedokurja! Ašundine kaj phenda kaj si vo o Čhavo e Devlesko. So si tumari presuda?"

![](https://cdn.door43.org/obs/jpg/360px/obs-en-39-05.jpg)

E Židovske vođe savora odgovorisarine e bare rašaješće: "Vo zaslužisarel te merel!" Askal phangline e Isusešće jakha, čhungarenas les, pećenas les thaj marenas muj lestar.

![](https://cdn.door43.org/obs/jpg/360px/obs-en-39-06.jpg)

Sar o Petar ažućarelas anglo ćher, jek sluškinja dikhlales thaj phendas: "Tu isto sanas e Isuseja!" O Petar phendas kaj godova naj čače. Maj posle još jek aver sluškinja godova isto phendas, a o Petar palem phendas kaj godova naj čače. Po krajo o them phendas: "Džanas kaj vi tu sanas e Isuseja, kaj sen liduj andar e Galileja."

![](https://cdn.door43.org/obs/jpg/360px/obs-en-39-07.jpg)

Askal o Petar halas solah, alavenca: "Neka o Del sudil manđe ako pindžarav akale manuše!" Thaj o bašno odma ašundilo, a o Isus boldaspe thaj dikhlas ando Petar.

![](https://cdn.door43.org/obs/jpg/360px/obs-en-39-08.jpg)

O Petar đelotar thaj ćerko rovelas. Maškaral e vrjama o Juda, izdajniko, dikhla kaj e židovske vođe osudisardine e Isuse po smrto. O Juda zurale ražalostisajlo đelotar thaj mudardape.

![](https://cdn.door43.org/obs/jpg/360px/obs-en-39-09.jpg)

Detharinako rano, e židovske vođe andine e Isuse ko Pilato, e rimsko upravitelješće. Nadisajle kaj o Pilato osudila e Isuse sago došales thaj kaj kaznila les e smrtosa. O Pilato phučla e Isuse: "San tu kraljo e Židovengo?"

![](https://cdn.door43.org/obs/jpg/360px/obs-en-39-10.jpg)

O Isus phenda: "Korkoro godova phendan, ali mungro carstvo naj katar akaja phuv. Te avilosas, mungre sluge borisajleas pala mande. Avilem pe phuv te phenav čačipe palo Del. Savora save volin čačipe, ašunen man." O Pilato phendas: "Phen amenđe so si čačipe?"

![](https://cdn.door43.org/obs/jpg/360px/obs-en-39-11.jpg)

Nakon so ćerda svato e Isuseja, o Pilato inkljisto anglo but o them thaj phenda: "Či arakhav nisošći doš pe akava manuš." Ali e židovske vođe thaj o them čhonas muj: "Razapnin les!" O Pilato phendas: "Vo naj došalo." Ali von čhonas muj još majzurale. Askal o Pilato phendas trito drom: "Vo naj došalo!"

![](https://cdn.door43.org/obs/jpg/360px/obs-en-39-12.jpg)

O Pilato darajlo kaj o but o them pobunilape, pa pristanisarda te lešće vojnikurja razapnin e Isuse. E Rimske vojnikurja bičuisardine e Isuse thaj čhutine pe leste kraljevsko plašto thaj kruna ćerdi katar e glogošć kangre. Thaj ruginas pe lešće alavenca: "Dik o kraljo e Židovengo!"

*Biblijsko paramiči andar o: Matej 26,57–27,26; Marko 14,53–15,15; Luka 22,54–23,25; Jovan 18,12–19,16*

## 40. O Isus si razapnime

https://openbiblestories.org/l/rmy-x-vc/story-40/

![](https://cdn.door43.org/obs/jpg/360px/obs-en-40-01.jpg)

Nakon so e vojnikurja mardine muj katar o Isus, inđardine les te razapnin les. Tradineleles te inđarel o trušul pe savo merela.

![](https://cdn.door43.org/obs/jpg/360px/obs-en-40-02.jpg)

E vojnikurja andine e Isuses dži ko than savo akhardolas "Lubanja" thaj e krafinenca hvardine lešće vas thaj lešće pungre po trušul. Ali o Isus phendas: "Dade, jartosar lenđe kaj či džanen so ćeren." O Pilato zapovedisardas te ramon pe jek pločica e kaštešći "Kraljo e židovengo" thaj te čhon lat po trušul ke isusesko šoro.

![](https://cdn.door43.org/obs/jpg/360px/obs-en-40-03.jpg)

E vojnikurja čhudine e kocka pale e Isusešće drze. Kana ćerdine akava, ispunisardine jek proroštvo savo phenel: "Podelisardine mungre haljine maškar peste thaj kockisajle pale mungre drze."

![](https://cdn.door43.org/obs/jpg/360px/obs-en-40-04.jpg)

E Isuse razapnisardine maškar duj razbojnikurja. Jek lendar marelas muj katar o Isus, a aver phendas: "Zar či daras e Devlestar? Amen sam došale, ali akava manuš naj vo si nevino." Askal phendas e Isusešće: "Molima tuće, detut gođi mande ande ćiro carstvo." O Isus phendas lešće: "Ađes avja manca ando rajo."

![](https://cdn.door43.org/obs/jpg/360px/obs-en-40-05.jpg)

E Židovske vođe thaj buto aver them marenas muj e Isusestar. Phenenas lešće: "Ako san tu Čhavo e Devlesko, fulji katar o trušul thaj spasisar tut! Askal paćasa tuće."

![](https://cdn.door43.org/obs/jpg/360px/obs-en-40-06.jpg)

Askal o nebo pe sasto područije potpuno kaljilo, vi ako sas godova maškaral ando đes. Kaljilo mismere thaj sas tunjariko trin saturja.

![](https://cdn.door43.org/obs/jpg/360px/obs-en-40-07.jpg)

Askal o Isus čhutas muj: "Gata si! Dade, predaisar mungro duho ande ćire vas." Askal banđardas piro šoro thaj predaisardas piro duho. Kana mulo, askal sas potres e phuv ćhinosajli, a askal o zastori, savo odvoilas e theme katar e Devlešći prisutnost ando Hramo, pharilo pe duj opašina, katar o vrho dži ko krajo.

![](https://cdn.door43.org/obs/jpg/360px/obs-en-40-08.jpg)

Kroz lesko smrto, o Isus putardas o drom te o them šaj avel dži ko Del. Kana o vojniko savo araćhelas e Isuse dikhla sa so sas, phendas: "Zaista, akava manuš sas nevino. Sas o Čhavo e Devlesko."

![](https://cdn.door43.org/obs/jpg/360px/obs-en-40-09.jpg)

Askal o Josif thaj o Nikodem, duj židovske vođe save paćanas kaj si o Isus Mesija, phučline e Pilato pale Isusesko telo. Paćardine lesko telo ando pohtan thaj čhutinele ando limori katar izdubime stena. Askal dokotrljisardine baro bar po limori te phandaven o ulaz ande stena.

*Biblijsko paramiči andar o: Matej 27,27–61; Marko 15,16–47; Luka 23,26–56; Jovan 19,17–42*

## 41. O Del vazdel e Isuse andar e mule

https://openbiblestories.org/l/rmy-x-vc/story-41/

![](https://cdn.door43.org/obs/jpg/360px/obs-en-41-01.jpg)

Nakon so e vojnikurja razapnisardine e Isuse, e neverne židovske vođe phendine e Pilatošće: "Okova hohamno, Isus, phenda kaj uskrsnila andar e mule nakon trin đes. Vareko moraš te araćhel o limori te šaj uverime kaj lešće učenikurja či avena te čoren lesko telo thaj askal phenen kaj vo uštilo andar e mule."

![](https://cdn.door43.org/obs/jpg/360px/obs-en-41-02.jpg)

O Pilato phendas: "Len varesave vojnikonen thaj osigurin o limori so majlačhe šaj." Gajda kaj zapečatisardine o bar po ulazo ando limori thaj čhutine e vojnikon te araćhen les te aven sigurne kaj khonik či čorela lesko telo.

![](https://cdn.door43.org/obs/jpg/360px/obs-en-41-03.jpg)

Đes nakon so prahosardine e Isuse sas savatosko đes, a e židovenđe nas muklino te pe godova đes džan pe limorja. Gajda kaj detharinako rano nakon savatosko đes, varesave manušnja pripremisajle te džan pe Isusesko limori te čhon još mulikane mirođije pe lesko telo.

![](https://cdn.door43.org/obs/jpg/360px/obs-en-41-04.jpg)

Andar jekhvar, dogodisajlo baro potres ćhinosajli e phuv. O anđeo savo sijalas zurale poput e mulja pojavisajlo andar o nebo. Otkotrljisaras o bar savo učharelas o ulaz e limoresko thaj bešlo pe leste. E vojnikurja save araćhenas o limori darajle thaj peline tele sago mule.

![](https://cdn.door43.org/obs/jpg/360px/obs-en-41-05.jpg)

Kana e romnja aresline po limori, o anđeo phendas lenđe: "Na daran. O Isus naj akate. Vo uskrsnisardas andar e mule, baš sago vi kaj phendas! Diđhena ando limori thaj diđhena korkoro!" E romnja dikhline ando limori kaj sas čhutino e Isusesko telo. Lesko telo nas okote!

![](https://cdn.door43.org/obs/jpg/360px/obs-en-41-06.jpg)

Askal o anđeo phendas e manušnjenđe: "Džan thaj phenen e učenikonenđe: 'O Isus uskrsnisardas andar e mule thaj džal ande Galileja angle tumende.'"

![](https://cdn.door43.org/obs/jpg/360px/obs-en-41-07.jpg)

E manušnja sas bahtale thaj vi pherde dar. Prastaine ke učenikurja te phenen lenđe o bahtalo nevipe.

![](https://cdn.door43.org/obs/jpg/360px/obs-en-41-08.jpg)

Dok e manušnja sas po drom džike učenikurja te mothon lenđe e bahtali nevimata, o Isus sikadilo lenđe, thaj von štuisardine les, o Isus phendas lenđe: "Nadaran. Džan thaj phenen mungre učenikonenđe te džan ande Galileja. Okote dićhena man."

*Biblijsko paramiči andar o: Matej 27,62–28,15; Marko 16,1–11; Luka 24,1–12; Jovan 20,1–18*

## 42. O Isus boldelpes po nebo

https://openbiblestories.org/l/rmy-x-vc/story-42/

![](https://cdn.door43.org/obs/jpg/360px/obs-en-42-01.jpg)

Ande okova đes kana o Isus uskrsnisardas andar e mule, duj katar lešće učenikurja džanas te obilazin o gav. Dok phirenas, ćerenas svato pale sa so sas e Isuseja. Nadisajle kaj si vo o Mesija, ali aska sas mudardo. Akana e manušnja phendine kaj si palem džudo. Či džangline so te pađan.

![](https://cdn.door43.org/obs/jpg/360px/obs-en-42-02.jpg)

O Isus nakhlo lende thaj počnisardas te phirel lenca, ali von či pindžardine les. Phučlalen so godova ćerenas svto, pa phendine lešće sa šukar so dogodisajlo e Isuseja maj sigo nesave đesa. Gndisardine kaj ćeren svato e gostosa savo čidžanel so sas ando Jerusalim.

![](https://cdn.door43.org/obs/jpg/360px/obs-en-42-03.jpg)

Askal o Isus objasnisarda lenđe so phenel e Devlesko alav palo Mesija. Dijalen gođi so e prorokurja phendine kaj o Mesija patila thaj avela mudardo, ali uskrsnila o trito đes. Kana aresline dži ke o gav kaj akala duj manuša kanisardine te ačhen, gata već peli e rjat.

![](https://cdn.door43.org/obs/jpg/360px/obs-en-42-04.jpg)

E duj manuša akhardine e Isuse te ačhel lenca, pa vo ačhilo lenca. Kana sas spremne te han e večera, o Isus vazda o mangro, zahvalisardas e Devlešće pale leste, thaj phaglale. Andar jekhvar von pindžardine les kaj si vo o Isus. Ali ande godova trenutko nestanisardas angle lenđe jakha.

![](https://cdn.door43.org/obs/jpg/360px/obs-en-42-05.jpg)

E duj manuša phendine jek avrešće: "Godova sas o Isus! Zato amare ile phabonas kana objasnisarelas amamenđe e Devlešće alava!" Odma đeletar palpale ando Jerusalim. Kana aresline, phendine e učenikonenđe: "O Isus si džudo! Dikhlam les!"

![](https://cdn.door43.org/obs/jpg/360px/obs-en-42-06.jpg)

Dok e učenikurja gajda ćerenas svato, o Isus andar jekhvar pojavisajlo ande soba lenca thaj phendas: "Miro tumenđe!" E učenikurja gndisardine kaj dićhen e duho, ali o Isus phendas lenđe: "Sostar sen darane thaj sumljičave? Dićhen mungre vas thaj mungre pungre. E duhonen naj telo sago man kaj si." Te dokažil lenđe kaj naj duho, manglas lendar vareso te hal. Dinele kotor pesko mačho, a vo haline.

![](https://cdn.door43.org/obs/jpg/360px/obs-en-42-07.jpg)

O Isus phendas: "Phendem tumenđe kaj sa so si ramome pale mande ande Devlesko Alav moraš te pherdol." Askal putardas lenđi gođi te šaj haćaren e Devlesko Alav. Phendas: "Dumut sas ramome kaj o Mesija patila, merela thaj uskrsnila andar e mule o trito đes."

![](https://cdn.door43.org/obs/jpg/360px/obs-en-42-08.jpg)

"Isto gajda si ramome ande Lila kaj mungre učenikurja navestina savorenđe te pokajinpe sar primisardinesas o jartipe pale pire bezeha. Počnina te ćeren akava ando Jerusalim, a askal džana svugde sa e themešće svugde. Tumen sen svedokurja palthaj svedočina sa e themešće. Tumen sen e svedokurja pale godova."

![](https://cdn.door43.org/obs/jpg/360px/obs-en-42-09.jpg)

Pale štarvardeš đes save avenas, o Isus pojavilaspe pire učenikonenđe. Jekhvar sikadilo e pandžšela (500) manušenđe ande isto vrjama! Dokažisardas pire učenikonenđe pe majbut načinurja kaj si džudo, thaj sikavelas les palo carstvo e Devlesko.

![](https://cdn.door43.org/obs/jpg/360px/obs-en-42-10.jpg)

O Isus phendas pire učenikonenđe: "Dini si manđe sa e vlast po nebo thaj pe phuv. Dakle, džan, thaj ćeren katar sa e thema učenikonen gajda kaj bolena len ando alav e Dadesko, Čhavesko, thaj e Sveto Duhosko, thaj sikavenlen te aven poslušne ande sa so zapovedisardem tumenđe. Dentumen gođi me avava sasti vrjama tumenca."

![](https://cdn.door43.org/obs/jpg/360px/obs-en-42-11.jpg)

Štarvardeš đes nakon so o Isus vaskrsnisarda andar e mule, phenda pire učenikonenđe: "Ačhen ando Jerusalimo dok e sila e Duho Svetošći či fuljel pe tumende." Askal o Isus đelotar po nebo, thaj o oblako garadasle katar lenđe jakha. O Isus bešlas pe desno rig e Devlešći te vladil pe sa.

*Biblijske paramiča andar o: Matej 28,16–20; Marko 16,12–20; Luka 24,13–53; Jovan 20,19–23; e Djela apostolska 1,1–11*

## 43. Počnil e prvo khanđiri

https://openbiblestories.org/l/rmy-x-vc/story-43/

![](https://cdn.door43.org/obs/jpg/360px/obs-en-43-01.jpg)

Nakon so o Isus boldaspe ando nebo, e učenikurja ačhiline ando Jerusalim sar o Isus zapovedisarda lenđe te ćeren. E vernikurja stalno okote ćidenaspe thaj molinas pes.

![](https://cdn.door43.org/obs/jpg/360px/obs-en-43-02.jpg)

Svako brš, pandžvardeš đesa nakon e Pasha, e Židovurja slavinas o važno đes savo akhardolas Pandžvardešto (50) đes. Pandžvardešto (50) đes sas kana e Židovurja slavinas e žetva e đivešći. E Židovurja andar o sasto them avenas pe godova đes ando Jerusalim te zajedno slavin o Pandžvardešto (50) đes. Godova brš, o pandžvardešto (50) đes avilo varekaj katar kurko đes sar o Isus đelo ando nebo.

![](https://cdn.door43.org/obs/jpg/360px/obs-en-43-03.jpg)

Dok sas e vernikurja sa zajedno, andar jekhvar ando ćher savo andar jekhvar pherdilo e zvukosa thaj bare bavlajava. Askal vareso so izgledilas sago cikno plameno e jagago pojavisajlo pe šore sa e vernikonengo. A von savora pherdile e Sveto Duho thaj počnisadine te ćeren svato ande aver čhibja.

![](https://cdn.door43.org/obs/jpg/360px/obs-en-43-04.jpg)

Kana o them andar o Jerusalim ašundine e buka, but aviline te dićhen so dogodisarelpes. Kana o them ašundas e vernikonen sar najavisaren e šukar delurja e Devlešće, sas začudime kaj ašundine sa kava pe pire dejaći čhib.

![](https://cdn.door43.org/obs/jpg/360px/obs-en-43-05.jpg)

Varesave katar godola manuša optužisardine e učenikonen kaj si mate. Ali o Petar uštilo thaj phendas lenđe: "Ašunen man! Akala manuša naj mate! Akava ispunilpes o proročanstvo savo phendas o proroko Joel ande savo o Del phenel: "Ande poslednje đesa izliva mungro Duho.'"

![](https://cdn.door43.org/obs/jpg/360px/obs-en-43-06.jpg)

"E romalen Izraelconalen, o Isus sas rom savo ćerdas but moćne znakurja thaj čudurja e Devlešće moćeja, sagot kaj dikhline thaj već džanen. Ali tumen razapnisardinele."

![](https://cdn.door43.org/obs/jpg/360px/obs-en-43-07.jpg)

"Vi ako o Isus mulo, o Del uskrsnisarda les andar e mule. Akava pherdilo o pročanstvo savo phenel: 'Či mućeja te ćiro Sveco ćernol ando limori.' Amen sam svedokurja kaj o Del palem e Isuse uskrsnisardas ando trajo."

![](https://cdn.door43.org/obs/jpg/360px/obs-en-43-08.jpg)

"O Isus si akana vazdino thaj bešel pe desno rig pire dadešći e Devlešći baš sako kaj vi obećisardas kaj ćerela, O Sveto Duho ćerel sa akava so akana dićhen thaj ašunen."

![](https://cdn.door43.org/obs/jpg/360px/obs-en-43-09.jpg)

"Tumen razapnisardine akale manuše, e Isuse. Ali džanen sigurno, kaj o Del e Isuse ćerdas Gospod thaj e Mesijava."

![](https://cdn.door43.org/obs/jpg/360px/obs-en-43-10.jpg)

E manuša save ašundine e Petre sas zurale uznemirime okoleja so ašundine. Pa phučline e Petre thaj e učenikonen: "Phralalen, so te ćeras?"

![](https://cdn.door43.org/obs/jpg/360px/obs-en-43-11.jpg)

O Petar phendas lenđe: "Svako tumendar trubul te pokailpe thaj te avel boldo ando alav e Isuse Hristosko te o Del jartosarel tumenđe tumare bezeha. Askal delatumen isto daro e Sveto Duho."

![](https://cdn.door43.org/obs/jpg/360px/obs-en-43-12.jpg)

Katar trin milje manuša paćajine ande godova so o Petar phenda thaj postanisardine e Isusešće učenikurja. Sas boldine thaj postanisardine deo e khanđirjako ando Jerusalimo.

![](https://cdn.door43.org/obs/jpg/360px/obs-en-43-13.jpg)

E učenikurja neprestalno ašunenas e apostolengo sikavnipe, e vrjama nađhelas lenđe zajedno, hanas zajedno, thaj molinas pes jek avreja. Uživinas zajedno slavinas e Devle thaj sa so saslen delinas jek avresa. Savora lačhe gndinas pale lende. Svako đes sa majbut them postaninas vernikurja.

*Biblijsko paramiči andar e: Djela apostolska 2*

## 44. O Petar thaj o Jovano sastaren e prosijako

https://openbiblestories.org/l/rmy-x-vc/story-44/

![](https://cdn.door43.org/obs/jpg/360px/obs-en-44-01.jpg)

Jek đes o Petar thaj o Jovano đele ando Hramo. Dok naćhenas pašo hramsko vudar, dikhline jećhe banđe manuše savo prosilas love ke hramskosko vudar.

![](https://cdn.door43.org/obs/jpg/360px/obs-en-44-02.jpg)

O Petar dikhlas e banđe manuše thaj phendas lešće: "Najman love te davtut. Ali davatu okova so siman. Ande Isusesko alav, ušti thaj phir!"

![](https://cdn.door43.org/obs/jpg/360px/obs-en-44-03.jpg)

O Del odma sastardas e banđe manuše, a vo odma počnisardas te phirel te hutel okolo, thaj slavisarel e Devle. O them savo sas ande hramošći avlija sas začudime.

![](https://cdn.door43.org/obs/jpg/360px/obs-en-44-04.jpg)

O But o them odma avilo te dićhen e manuše savo sastilo. O Petar phendas lenđe: "Sostar sen začudime kaj akava manuš sastilo? Amen či sastardam les amare snagava ili lačhipeja. Nego, sas godova e Isusešći moć thaj paćipe savo o Isus dija kolen save sastarda akale manuše."

![](https://cdn.door43.org/obs/jpg/360px/obs-en-44-05.jpg)

"Tumen sen okola save phendine e rimske upraviteljenđe te mudaren e Isuse. Tumen mudardine e okoles savo stvorisardas o trajo, ali o Del uskrsnisarda les andar e mule. O Del iskoristisardas tumare delurja te pherdol o proročanstvo kaj o Mesija trpila thaj merelela. Gajda kaj kana pokajintume thaj boldentumen e Devlešće te tumare bezeha aven jartome."

![](https://cdn.door43.org/obs/jpg/360px/obs-en-44-06.jpg)

E Hramošće upraviteljurja sas zurale uznemirime okolesa so o Petar thaj o Jovano phenenas. Pa astardine len thaj čhudine len ando phanglipe. Ali o but o them paćajas e Petrešće porukaće, thaj o brojo e themesko save počnisardine te paćan ando Isus barilo pe oko pandž milje manuša.

![](https://cdn.door43.org/obs/jpg/360px/obs-en-44-07.jpg)

Aver đes e židovske vođe andine e Petre thaj e Jovane ko baro rašaj thaj aver pobožne vođenđe. A von phučline e Petre thaj e Jovane: "Ko dijatumen moć te sastaren akale manuše?"

![](https://cdn.door43.org/obs/jpg/360px/obs-en-44-08.jpg)

O Petar phendas lenđe: "Akava manuš ačhel akate angle tumende sastardo e Isusešće moćeja. Tumen razapnisardine e Isuse, ali o Del palem uskrsnisarda les ando trajo! Tumen odbisardine les, ali či postoil ni jek aver načino te spasiln tumen osim kroz e moć e Isusešći savo si o Mesija!"

![](https://cdn.door43.org/obs/jpg/360px/obs-en-44-09.jpg)

E vođe sas šokirime kaj o Petar thaj o Jovano ćerenas svato gajda odvažno kaj dikhline kaj si akala manuša, obične manuša save nas školuime. Ali askal dinepe gođi kaj sas akala manuša e Isuseja. Nakon so zapretisardine e Petrešće thaj e Jovanošće, muklinelen.

*Biblijsko paramiči andar e: Djela apostolska 3,1–4,22*

## 45. O Stefan thaj o Filip

https://openbiblestories.org/l/rmy-x-vc/story-45/

![](https://cdn.door43.org/obs/jpg/360px/obs-en-45-01.jpg)

Jek katar e vođe ande khanđiri savi tek počnisarda sas o manuš savo bučholas Stefan. Les sas lačho ugled thaj sas pherdo e Sveto Duhosa thaj mudrosti. O Stefan ćerelas but e čudurja thaj uvredljivo tvrdilas kaj o them trubul te paćal ando Isus.

![](https://cdn.door43.org/obs/jpg/360px/obs-en-45-02.jpg)

Jek đes, dok o Stefan sikavelas palo Isus, varesošće židovurja save či paćanas ando Isus počnisardine te prepirinpe e Stefaneja. Zurale holjajle thaj hohadine e pobožne vođenđe po Stefane. Phendine: "Ašundam les sar mothol bilačhipe palo Mojsija thaj palo Del!" Pa e pobožne vođe astardine e Stefane thaj andinele anglo baro rašaj thaj ostale židovske vođenđe, aj još hohamne svedokurja hohadine po Stefane.

![](https://cdn.door43.org/obs/jpg/360px/obs-en-45-03.jpg)

O baro rašaj phučla e Stefane: "Dali si čače godova so phenen pale tute?" O Stefan phendas lenđe gajda kaj dijalen gođi pe but e bare stvarja save o Del ćerdas, katar e Avraamešći vrjama dži ke Isusešći vrjama, thaj sar sas e Devlesko them neprestalno neposlušno. Askal phendas: "Tumen tvrdoglave manušalen kaj uvek bunintumen thaj odbacin e Sveto Duho, baš sago vi tumare papurja kaj uvek odbacisarenas e Devle thaj mudarenas lešće prorokonen. Ali tume ćerdine vareso maj gore nego so von ćerdine! Tumen mudardine e Mesija!"

![](https://cdn.door43.org/obs/jpg/360px/obs-en-45-04.jpg)

Kana e pobožne vođe akava ašundine, sas gajda holjarike kaj učhardine pe kan thaj zurale čhutine muj. Crdine e Stefane avrjal o gav thaj čhudenas bara pe leste te mudaren les.

![](https://cdn.door43.org/obs/jpg/360px/obs-en-45-05.jpg)

Dok o Stefan marelas, čhutas muj: "Isuse, primisar mungro duho." Askal pelo pe pire koča thaj palem čhutas muj: "Gospode na uračunisar lenđe akava sago bezah protiv lende." Askal mulo.

![](https://cdn.door43.org/obs/jpg/360px/obs-en-45-06.jpg)

Jek terno čhavo savo akhardolas Savao složisajlo e themesa save mudardine e Stefane thaj lelas sama pe lenđe drze dok von čhudenas bara po Stefane. Godova đes, but o them andar o Jerusalim počnisardine te progonin e Isusešće sledbenikon, pa e vernikurja našline pe aver than. Thaj unatoč akalešće, propovedinas palo Isus kajgod džanas.

![](https://cdn.door43.org/obs/jpg/360px/obs-en-45-07.jpg)

Jek e Isusesko učeniko savo bučholas Filip sas jek katar okola vernikurja kaj našline andar o Jerusalim nakon so sas o progontvo. Đelo ande Samarija kaj propovedilas palo Isus thaj but e manuša sas spasime. Askal jek đes o anđeo e Devlesko phenda e Filipešće te džal po odredime drom ande pustinja. Sar vo phirelas dromesa, o Filip dikhla e važno službeniko andar o gav savo akhardolas Etijopilja sar vozilpe ande piri kočija. O Sveto Duho phenda e Filipešće te džal te ćerel svato akale manušesa.

![](https://cdn.door43.org/obs/jpg/360px/obs-en-45-08.jpg)

Dok o Filip naćhelas e kočijava, ašundas manuša andar e etiopija sar čitol andar e knjiga o kova so ramosardas o proroko Isaija. O manuš čitosardas: "Inđarenas les sar e bakhres te den čhurjasa, a sago kaj si o bakhro tiho, gajda ni vo či phenelas ni alav. Bilačhe ponašisajle prema leste thaj či poštuisardin les. Line lesko trajo."

![](https://cdn.door43.org/obs/jpg/360px/obs-en-45-09.jpg)

O Filip phučla e manuše andar e Etiopija: "Haćares so čitosares?" O Etijopljanino phendas: "Či. Naštik te haćarav osim ako vareko či objasnil manđe. Molima tuće, av thaj beš paše mande. Dali o Isaija ramosardas pale peste ili pale varekaste avreste?"

![](https://cdn.door43.org/obs/jpg/360px/obs-en-45-10.jpg)

O Filip objasnisardas e nanušešće andar e Etiopija kaj o Isaija ramosardas palo Isus. O Filip isto gajda koristisardas aver lila te phenel lešće e lačhi vest palo Isus.

![](https://cdn.door43.org/obs/jpg/360px/obs-en-45-11.jpg)

Dok o Filip thaj o Etijopljanino putuinas, avile dži ke varesosko paj. O Etijopljanino phenda: "Dik okote si varesosko paj! Šaj avav boldo?" Thaj phendas e kočijašešće te ačhavel e kočija.

![](https://cdn.door43.org/obs/jpg/360px/obs-en-45-12.jpg)

Gajda kaj fuljistine ando paj, a o Filip boldas e manuše andar e Etiopija. Nakon so inkljistine andar o paj, o Sveto Duho andar jekhvar inđardas e Filipe dur pe aver than kaj vo nastavisardas te ćerel svato palo Isus.

![](https://cdn.door43.org/obs/jpg/360px/obs-en-45-13.jpg)

O Etijopljanino nastavisarda piro drom te džal ćhere, bahtalo kaj pindžarel e Isuse.

*Biblijsko paramiči andar e: Djela apostolska 6,8–8,5; 8,26–40*

## 46. O Pavle postajil hrišćanino

https://openbiblestories.org/l/rmy-x-vc/story-46/

![](https://cdn.door43.org/obs/jpg/360px/obs-en-46-01.jpg)

O Savle sas okova terno ćhavo savo lelas sama pe drze e themešće save mudardine e Stefane. Vo či paćalas ando Isus, pa proganjilas e vernikonen. Džalas ćher katar o ćher ando Jerusalim te astarel e romen thaj e romnjen thaj te čhudel len ando phanglipe. O baro rašaj dijas e Savlo dopuštenje te džal ando gav Damask te astarel e hrišćanen thaj te boldel len palpale ando Jerusalim.

![](https://cdn.door43.org/obs/jpg/360px/obs-en-46-02.jpg)

Dok o Savle sas po drom palo Damask, sjajno svetlo andar o nebo zasijisarda svugde oko leste, thaj vo pelo pe phuv. O Savle ašundas varekas sar phenel: "Savle! Savle! Sostar progonisman?" O Savle phučlas: "Ko san tu, Gospodarina?" O Isus phenda: "Me sem o Isus. Tu man progonis!"

![](https://cdn.door43.org/obs/jpg/360px/obs-en-46-03.jpg)

Kana o Savle uštilo, naštik te dićhelas. Lešće drugarja inđardineles ando Damask. O Savle či hala thaj či pila khanči trin đes thaj trin rjat.

![](https://cdn.door43.org/obs/jpg/360px/obs-en-46-04.jpg)

Ando Damask sas jek učeniko savo akhardolas Ananija. O Del phendas lešće: "Dža ando ćher kaj bešelas o Savle. Čho ćiro vas pe leste te vo šaj palem te dićhel." Ali o Ananija phendas: "Gospode, ašundem sar godova manuš progonik e vernikonen. O Del phendas: "Dža! Kaj les odabirisardem te objavil mungro alav e Židovenđe thaj aver themenđe andar aver phuvja. Vo but trpila zbog mungro alav."

![](https://cdn.door43.org/obs/jpg/360px/obs-en-46-05.jpg)

Zato o Ananija đelo dži ko Savle, čhutas pire vas pe leste, thaj phendas: "O Isus, savo objavisajlo tuđe po drom dži akaring, bičhaldas man te boldav tuće ćiro vido thaj te aves pherdo e Sveto Duhosa." O Savle odma šaj te dikhlas, a o Ananija boldasles. Askal o Savle halas vareso thaj e zor boldabes ande leste.

![](https://cdn.door43.org/obs/jpg/360px/obs-en-46-06.jpg)

O Savle odma počnisardas te propovedil e Židovenđe ando Damask, phenelas: "O Isus si o Čhavo e Devlesko!" E Židovurja sas zadivime kaj o manuš savo kamelas te uništil e vernikonen akana isto paćal ando Isus! Savle raspravilas e Židovenca, dokažilas lenđe kaj si o Isus Mesija.

![](https://cdn.door43.org/obs/jpg/360px/obs-en-46-07.jpg)

Nakon but e đesa, e Židovurja ćerdine plano te mudaren e Savle. Bičhaldine e manuše te roden les pe gavešće vudara te mudaren les. Ali o Savle ašundas pale gadava plano, thaj lešće drugarja pomognisardine lešće te našel. Jek rjat muklineles preko o zido ande korpa. Nakon so o Savle našlo andar o Damask, nastavisardas te propovedil palo o Isus.

![](https://cdn.door43.org/obs/jpg/360px/obs-en-46-08.jpg)

O Savle đelotar ando Jerusalim te areselpes e učenikonenca, ali von daranas lestar. Askal jek verniko savo akhardolas Barnaba inđardas e Savle ke apostolurja thaj phendas lenđe sar o Savle hrabro propovedil ando Damask. Nakon godova e učenikurja prihvatisardine e Savle.

![](https://cdn.door43.org/obs/jpg/360px/obs-en-46-09.jpg)

Varesošće vernikurja save našline katar o progonstvo ando Jerusalim đeletar dur ande Antiohija thaj propovedinas palo Isus. O but o them andar e Antiohija nas Židovurja, ali po prvo drom, but lendar postanisardine vernikurja. O Barnaba thaj o Savle đele okote te sikaven akale neve vernikonen majbut andar o Isus thaj osnažisaren e khanđiri. Thaj upravo ande Antiohija okola save paćanas ando Isus sas akharde "Hrišćanurja".

![](https://cdn.door43.org/obs/jpg/360px/obs-en-46-10.jpg)

Jek đes, dok e hrišćanurja ande Antiohija postinas thaj molinas pe, o Sveto Duho phenda lenđe: "Odvoisaren manđe e Barnaba thaj e Savle te ćeren e bući pe savi me akhardem len." Gajda kaj e khanđiri ande Antiohija molisajle palo Barnaba thaj palo Savle thaj čhutine pire vas pe lende. Askal bičhaldinelen te propovedin lačhi vest palo Isus pe but aver thana. O Barnaba thaj o Savle sikavenas e theme andar e razne thema, thaj but o them paćajas ando Isus.

*Biblijsko paramiči andar e: Djela apostolska 8,3; 9,1–31; 11,19–26; 13,1–3*

## 47. O Pavle thaj o Sila ande Filipe

https://openbiblestories.org/l/rmy-x-vc/story-47/

![](https://cdn.door43.org/obs/jpg/360px/obs-en-47-01.jpg)

Dok o Savle putuilas kroz o Rimsko Carstvo, počnisardas te koristil piro rimsko alav: "Pavle." Jek đes, o Pavle thaj lesko drugari o Sila đele ando gav savo akhardolas Filipe te navestisaren e bahtali nevimata palo Isus. Đele po than paše reka avrjal o gav, kaj ćidelas pe o them pe molitva. Okote aresline e manušnja savi akhardolas Lidija, voj sas trgovkinja. Voj volilas thaj klanjisajlo e Devle.

![](https://cdn.door43.org/obs/jpg/360px/obs-en-47-02.jpg)

O Del putardas e Lidijako ilo te paćal ande poruka palo Isus, pa voj thaj laći familija sas bolde. Voj akharda e Pavle thaj e Sila te ačhen ande lako ćher, pa von ačhiline late thaj ke laći familija.

![](https://cdn.door43.org/obs/jpg/360px/obs-en-47-03.jpg)

O Pavle thaj o Sila često ačhenas pes e manušenca pe molitva. Svako đes dok phirenas dži okote, jek ropkinja savi sas opsjednime e benđenca stalno džalas pale lende. Uz e pomoć godole benđešći, voj dićhelas e budućnost e themešće, pa zaradilas but love pire gospodarenđe sago vračarica.

![](https://cdn.door43.org/obs/jpg/360px/obs-en-47-04.jpg)

Dok phirenas, e ropkinja čholas muj: "Akala manuša si sluge e Bare Devlešće. Von navestisaren tumenđe e Devlesko plano spasenje!" Voj ćerelas godova gajda često kaj dosadisardas e Pavlešće.

![](https://cdn.door43.org/obs/jpg/360px/obs-en-47-05.jpg)

Pale jek đes, kana e ropkinja počnisardas te čhol muj, o Pavle boldape late thaj phendas e benđešće savo sas ande late: "Ande Isusesko alav, inklji andar late." O beng odma muklala.

![](https://cdn.door43.org/obs/jpg/360px/obs-en-47-06.jpg)

E manuša save sas vlasnikurja godole ropkinjaće zurale holjajle! Svatisardine kaj bi e benđesko, e ropkinja naštik e themešće te mothol e budućnost. Godova značilas kaj o them majbut či poćinela love laće vlasnikonenđe te voj phenel lenđe so avela lenđe.

![](https://cdn.door43.org/obs/jpg/360px/obs-en-47-07.jpg)

Gajda kaj e vlasnikurja godole ropkinjaće inđardine e Pavle thaj e Sila e rimske vlasnikonenđe, save mardinelen thaj čhudinelen ando phanglipe.

![](https://cdn.door43.org/obs/jpg/360px/obs-en-47-08.jpg)

Čhutine e Pavle thaj e Sila ande maj arakhado deo e phanglipasko, a čak vi lenđe pungre čhutine ande okurja. A ipak, maškare ande rjat, von đilabenas đilja save slavinas e Devle.

![](https://cdn.door43.org/obs/jpg/360px/obs-en-47-09.jpg)

Andar jekhvar sas baro potres! Sa e vudara ando phanglipe putajle thaj e lancurja katar sa e roburja peline.

![](https://cdn.door43.org/obs/jpg/360px/obs-en-47-10.jpg)

O tamničari džungadilo, a kana dikhla kaj si o vudae e phanglipesko putardo, zurale darajlo! Gndisardas kaj sa e robijaša našline, thaj planirisarda te mudarelpe. (Džangla kaj e rimske vlasti mudardinesas les te muklasas e robijašenđe te našen.) Ali o Pavle dikhla les taj čhuta muj: "Ač! Na vazde ćiro vas pe tute. Savora sam akate."

![](https://cdn.door43.org/obs/jpg/360px/obs-en-47-11.jpg)

O manuš savo araćhelas e tamnica ćhinolaspe dok avelas karingal o Pavle thaj o Sila thaj phučla len: "So trubul te ćerav te avav spasime?" O Pavle phenda: "Paća ando Gospod, Isus thaj tu thaj vi či familija avena spasime." Askal o tamničari anda e Pavle thaj e Sila ande piro ćher thaj thodas lenđe rane. O Pavle propovedisardas e bahtali nevimata palo Isus savorenđe ande lesko ćher.

![](https://cdn.door43.org/obs/jpg/360px/obs-en-47-12.jpg)

O tamničari thaj lešći sasti familija paćajine ando Isus thaj sas bolde. Askal o tamničari dija e Pavle thaj e Sila te han, thaj zajedno raduisajle.

![](https://cdn.door43.org/obs/jpg/360px/obs-en-47-13.jpg)

Aver đes e vođe e gavešće oslobodisardine e Pavle thaj e Sila andar o phanglipe thaj rodine lendar te džantar andar e Filipe. O Pavle thaj o Sila posetisardine e Lidija thaj aver drugaren thaj askal đeletar andar o gav. E bahtali nevimata palo Isus nastavisardas te buljol, a e khanđiri nastavisardas te barjol.

![](https://cdn.door43.org/obs/jpg/360px/obs-en-47-14.jpg)

O Pavle thaj e aver hrišćanske vođe putuinas ande but e gava, propovedinas thaj sikavenas e theme e bahtali nevimata palo. Isto gajda ramosardine but e lila te ohrabrin thaj sikaven e vernikonen ande khanđirja. Varesave andar godola lila postanisardine lila ande Bibliji.

*Biblijsko paramiči andar e: Djela apostolska 16,11–40*

## 48. O Isus si obećime Mesija

https://openbiblestories.org/l/rmy-x-vc/story-48/

![](https://cdn.door43.org/obs/jpg/360px/obs-en-48-01.jpg)

Kana o Del stvorisarda o them, sa sas savršeno. Nas bezah. O Adam thaj e Eva volinas jek avre, thaj volinas e Devle. Nas nasvalipe ni meripe. O Del kamla te o them avel kasavo.

![](https://cdn.door43.org/obs/jpg/360px/obs-en-48-02.jpg)

O beng phendas kroz o sap ando vrto sar zavedisardasas e Eva. Askal voj thaj o Adam sagrešisardine protiv o Del. Pošto sagrešisardine, savora pe phuv si nasvale thaj meren.

![](https://cdn.door43.org/obs/jpg/360px/obs-en-48-03.jpg)

Pošto o Adam thaj e Eva sagrešisardine, vareso još majgore dogodisajlo. Von postanisardine e Devlešće dušmaja. Sago posledica, katar godoja vrjama svako manuš bijandola bezehalo thaj ujedno si vi e Devlesko dušmano. O odnos maškar o Del thaj o them sas narušime zbog o bezah. Ali e Devles sas plano te obnovil godova odnoso.

![](https://cdn.door43.org/obs/jpg/360px/obs-en-48-04.jpg)

O Del obećisardas kaj jek katar e Evaće potomkurja smrskola e Benđesko šoro, a kaj o beng ranila lešći khuv. Akava značilas kaj o beng mudarela e Mesija, ali kaj o Del palem boldelale ando trajo, a askal o Mesija smrskola e benđešći moć zauvek. But brš maj posle, o Del objavisarda kaj si o Isus godova Mesija.

![](https://cdn.door43.org/obs/jpg/360px/obs-en-48-05.jpg)

Kana o Del e potopesa uništisardas sasti phuv, dija brodo savo spasila e manušen save paćanas ande leste. Po isto način, savora zaslužisaren te aven uništime zbog pire bezeha. Ali o Del dija e Isuse te spasil svakone savo paćal ane Leste.

![](https://cdn.door43.org/obs/jpg/360px/obs-en-48-06.jpg)

Šele bršenca, e rašaja neprestalno anenas žrtve e Devlešće pale manuša a te sikaven e kazna savi zaslužisaren zbog lenđe bezeha. Ali godola žrtve naštik te line e bezeha. O Isus si majbaro, baro rašaj. Pale razlika aver rašajenđe, vo prinesisardas korkoro pes sago jedino žrtva savi šaj te inđardas e bezeha sa e manušenđe po sasto them. O Isus si savršeno baro rašaj kaj lija e kazna pale svako bezah savo vareko varekana ćerda.

![](https://cdn.door43.org/obs/jpg/360px/obs-en-48-07.jpg)

O Del phenda e Avraamešće: "Sa o them pe phuv avela blagoslovime kroz tute." O Isus sas potomko e Avraamesko. Sa o them si blagoslovime kroz leste, kaj svako ko paćal ando Isus si spasime katar o bezah, thaj postajil e Avraamesko duhovno potomko.

![](https://cdn.door43.org/obs/jpg/360px/obs-en-48-08.jpg)

Kana o Del phenda e Avraamešće te prinesisarel pire čhave e Isako sago žrtva, o Del dija e bakhre pale žrtva umesto lešće čhave, e Isako. Savora amen zaslužisaras te meras pale amare bezeha! Ali o Del dija e Isuse sago e Devlešće Bakhre, te merel umesto amende.

![](https://cdn.door43.org/obs/jpg/360px/obs-en-48-09.jpg)

Kana o Del bičhaldas poslednjo pošas po Egipat, phenda svako Izraelošće familijaće te del čhurjasa savršeno bakhre thaj lešće ratesa te maćhen pire dovratkurja pe vudara. Kana o Del dikhlas o rat, nakhas lenđe ćhera thaj či mudarda lenđe prve bijande čhave. Akava događajo akhardolas Pasha.

![](https://cdn.door43.org/obs/jpg/360px/obs-en-48-10.jpg)

O Isus si amaro pashalno Bakhro. Vo si savršeno bi bezehalo thaj sas mudardo pale vrjama e kana proslavilas pe e pasha. Kana vareko paćal ando Isus, e Isusesko rat si poćin pale godolešće bezeha, a e Devlešći kazna naćhel katar godova manuš.

![](https://cdn.door43.org/obs/jpg/360px/obs-en-48-11.jpg)

O Del ćerda savezo e Izraelconenca, save sas lesko izabrano them. Ali o Del akana ćerdas Nevo Savezo savo si dostupno savorenđe. Zbog akava Nevo Savezo, bilo ko andar bilo savo them šaj avel deo e Devlešće themestar gajda kaj paćal ando Isus.

![](https://cdn.door43.org/obs/jpg/360px/obs-en-48-12.jpg)

O Mojsije sas baro proroko savo navestilas e Devlesko alav. Ali o Isus si majbaro proroko katar sa. Vo si Del, gajda kaj sa so ćerda thaj phenda sas delurja thaj alav e Devlesko. Zbog godova o Isus akhardol alav e Devlesko.

![](https://cdn.door43.org/obs/jpg/360px/obs-en-48-13.jpg)

O Del obećisarda e kraljošće Davidešće kaj jek katar lešće potomkurja vladila sago kraljo pe Devlesko them zauvek. Pošto si o Isus o Čhavo e Devlesko thaj Mesija, vo si godova posebno potomko e Davidesko savo šaj vladil zauvek.

![](https://cdn.door43.org/obs/jpg/360px/obs-en-48-14.jpg)

O David sas kraljo e Izraelosko, ali o Isus si kraljo saste svemirosko! Vo avela palem thaj vladila pire kraljevsa e pravdasa thaj e mirosa, zauvek.

*Biblijsko paramiči andar o: Postanak 1–3; 6; 14; 22; Izlazak 12; 20; 2 Samuelova 7; Hebrejima 3,1–6; 4,14–5,10; 7,1–8,13; 9,11–10,18; Otkrivenje 21*

## 49. E Devlesko nevo savezo

https://openbiblestories.org/l/rmy-x-vc/story-49/

![](https://cdn.door43.org/obs/jpg/360px/obs-en-49-01.jpg)

O anđeo phendas e Marijaće savi sas još čhej kaj bijanela e Devlešće Čhave. Gajda kaj, dok sas još čhej, o Sveto Duho zasinisarda lat thaj voj ačhili phari. Bijanda čhave thaj dijale alav Isus. Zato, o Isus sas Del thaj manuš.

![](https://cdn.door43.org/obs/jpg/360px/obs-en-49-02.jpg)

O Isus ćerelas but čudurja save sikaven kaj si vo Del. Phirelas po paj, smirolas e oluja, sastarelas but nasvale theme, tradelas e benđen andar e manuša, uskrsnilas e mulen thaj pretvorisaras pandž mangre thaj duj cikne mačhe ando dovoljno habe pale pandž milje manuša te han.

![](https://cdn.door43.org/obs/jpg/360px/obs-en-49-03.jpg)

O Isus sas vi baro učeniko, thaj ćerelas svato e autoritesa kaj vo si Čhavo e Devlesko. Vo sikavelas kaj trubul te volisares avre manušen po isto način sar volisares korkoro tut.

![](https://cdn.door43.org/obs/jpg/360px/obs-en-49-04.jpg)

Isto gajda sikavelas kaj trubul te volis e Devle majbut nego so volis bilo so aver, uključime vi ćiro barvalipe.

![](https://cdn.door43.org/obs/jpg/360px/obs-en-49-05.jpg)

O Isus phenda kaj si o carstvo e Devlesko maj vredno katar bilo so po them. Vareso maj važno pale bilo kaste si te pripadil ando carstvo e Devlesko. Te des ando carstvo e Devlesko, moraš te aves spasime katar ćire bezeha.

![](https://cdn.door43.org/obs/jpg/360px/obs-en-49-06.jpg)

O Isus sikavelas kaj varesave manuša prihvatina les thaj avena spasime, a aver či. Phenda kaj si varesošće manuša sago lačhi phuv. Von primin e lačhi vest palo Isus thaj aska si spasime. Aver manuša si sago zurali phuv varesošće dromešći, kaj o seme o alav e Devlesko či del, thaj či del nisošći žetva. Godola manuša odbisaren e poruka e Isusešći thaj či dena ando lesko carstvo.

![](https://cdn.door43.org/obs/jpg/360px/obs-en-49-07.jpg)

O Isus sikavelas kaj o Del but volil e bezehalen. Vo kamel te jartosarel lenđe thaj te ćerelente aven lešće čhave.

![](https://cdn.door43.org/obs/jpg/360px/obs-en-49-08.jpg)

O Isus isto gajda phendas amenđe kaj o Del mrzal o bezah. Kana o Adam thaj e Eva sagrešisardine, godova sa uticisardas pe sa lenđe potomkurja. Sago posledica godolešće, svako manuš po them sagrešil thaj si odvoime katar o Del. Zbog godova, savora postanisardine e Devlešće dušmaja.

![](https://cdn.door43.org/obs/jpg/360px/obs-en-49-09.jpg)

Ali o Del volil svakone po them gaći but kaj dija pire jedino Čhaves te kogot paćal ando Isus či avela kaznime pale pire bezeha, nego traila e Devlesa zauvek.

![](https://cdn.door43.org/obs/jpg/360px/obs-en-49-10.jpg)

Zbog ćiro bezah, tu san došalo thaj zaslužisares te meres. O Del terubujasas te avel holjariko pe tute, ali vo piri holji mukla po Isus umesto pe tute. Kana o Isus mulo po trušul, vo primisarda ćiri kazna.

![](https://cdn.door43.org/obs/jpg/360px/obs-en-49-11.jpg)

O Isus nikada či sagrešisardas, ali odabirisarda te avel kaznime thaj te merel sago savršeno žrtva te inđarel ćire bezeha thaj e bezeha svako manušesće po them. Pošto o Isus žrtvuisarda korkoro pes, o Del šaj jartosarel svako bezah maj džungale bezeha.

![](https://cdn.door43.org/obs/jpg/360px/obs-en-49-12.jpg)

Ćiro lačhipe naštik spasil tut. Naj khanči so tu šaj ćeres te aveltu zajedništvo e Devlesa. Samo o Isus šaj jartosarel ćire bezeha. Tu samo trubul te paćas kaj si o Isus Čhavo e Devlesko, kaj mulo po trušul umesto tute thaj kaj o Del vazdale andar e mule.

![](https://cdn.door43.org/obs/jpg/360px/obs-en-49-13.jpg)

O Del spasila svakone ko paćal ando Isus thaj primiles sago pire Gospodare. Ali vo či spasila okole ko či paćal ande Leste. Naj važno dali san čoro ili barvalo, muško ili žensko, purano ili terno, ili kaj trais. O Del volil tu thaj kamel te paćas ando Isus sar les avilosas blisko zajedništvo tuva.

![](https://cdn.door43.org/obs/jpg/360px/obs-en-49-14.jpg)

O Isus akhareltu te paćas ande leste thaj te aves boldo. Paćas kaj si o Isus Mesija, jedino Čhavo e Devlesko? Paćas kaj san bezehalo thaj kaj zaslužisares te o Del kaznil tut? Paćas kaj o Isus mulo po trušul te inđarel ćiro bezah?

![](https://cdn.door43.org/obs/jpg/360px/obs-en-49-15.jpg)

Ako paćas ando Isus thaj ande okova so vo ćerda pale tute, askal san hrišćanino. O Del inkaldatu andar e benđesko carstvo savo si si ando tunjariko thaj čhutatu ande Devlesko carstvo savo si ando svetlo. O Del lija ćire purane bezehale navike e trajošće, thaj dijatu neve, pravedne načinurja trajošće.

![](https://cdn.door43.org/obs/jpg/360px/obs-en-49-16.jpg)

Ako san hrišćanino, o Del jartosada tuće ćire bezeha zbog o kova so o Isus ćerda. Akana o Del inćareltu sago pire paše drugares umesto dušmanes.

![](https://cdn.door43.org/obs/jpg/360px/obs-en-49-17.jpg)

Ako san drugari e Devlesko thaj sluga e Isusesko Gospodesko, kameja te aves poslušno okolešće so o Isus sikavelas. Vi ako san hrišćanino vi majbut aveja ande kušnje e bezehešći. Ali o Del si verno thaj phenel ako priznaisares ćire bezeha, vo jartosarela tuće. Vo delatut zor te boristu protiv o bezah.

![](https://cdn.door43.org/obs/jpg/360px/obs-en-49-18.jpg)

O Del phenel tuće te molistu, te proučis lesko alav, te poštuis les aver hrišćanonca thaj te phenes averenđe so vo ćerda pale tute. Sa akava pomožisarel tuce te aveltu majpašo odnoso lesa.

*Biblijsko paramiči andar e: Rimljanima 3,21–26; 5,1–11; Jovan 3,16; Marko 16,16; Kološanima 1,13–14; 2. Korinćanima 5,17–21; 1. Jovanova 1,5–10*

## 50. O Isus boldelpe

https://openbiblestories.org/l/rmy-x-vc/story-50/

![](https://cdn.door43.org/obs/jpg/360px/obs-en-50-01.jpg)

Već skoro duj milje brš, sa majbut thaj majbut manuša kroz sasto them ašundine e bahtali nevimata palo Isus Mesija. E khanđiri barjolas. O Isus obećisarda kaj boldelape po krajo e themesko. Vi ako či još boldape, vo održila piro obećanje.

![](https://cdn.door43.org/obs/jpg/360px/obs-en-50-02.jpg)

Dok ažućaras e Isuse te boldelpe, o Del kamel te traisaras po način savo si sveto thaj savo proslavisarele. Vo ujedno kamel te phenas averenđe pale lesko carstvo. Kana o Isus trailas pe phuv, vo phendas: "Mungre učenikurja ropovedina e lačhi vest palo carstvo e Devlesko svugde po them, thaj askal avela o krajo."

![](https://cdn.door43.org/obs/jpg/360px/obs-en-50-03.jpg)

O But o them još uvek či ašundine palo Isus. Majsigo nego so boldelpes ando nebo, o Isus phendas e Hrćaninće te navestin e bahtali nevimata e manušenđe okolenđe save nikad či ašundinela. Phendas lenđe džan thaj ćeren sa e učenikonen te aven mungre učenikurja!" Askal vi phendas: "O Polje si spremno pale žetva!"

![](https://cdn.door43.org/obs/jpg/360px/obs-en-50-04.jpg)

O Isus isto phendas: "O sluga naj majbaro katar piro gospodari. Sago kaj e vlasti akale themešće mrzanas man, gajda vi tumen mrzina thaj mudarena zbog mande. Vi ako trpina ande akava them, aven ohrabrime kaj me pobedisardem e benđe, okole savo vladil akale themesa. Ako ačhen verne dži ko krajo, askal o Del spasilatume!"

![](https://cdn.door43.org/obs/jpg/360px/obs-en-50-05.jpg)

O Isus pire phendas pire učenikonenđe jek paramiči sar objasnisardas so avela e manušenca kana o them završila. Phenda: "Varesosko manuš zasadisarda lačho seme ande piri phuv. Dok sovelas, avilo lesko dušmano thaj zasadisardas o korovo maškar o điv thaj askal đelotar."

![](https://cdn.door43.org/obs/jpg/360px/obs-en-50-06.jpg)

"Kana e biljke proklijisardine, o sluga godole manušesko phendas: Gospodarina, tu zasadisardan lačho seme pe koja phuv. Sostar si askal o korovo pe leste?' O Gospodari phenda: 'Moraš kaj o dušmano zasadisarda les.'"

![](https://cdn.door43.org/obs/jpg/360px/obs-en-50-07.jpg)

"E sluge phendine pire gospodarešće: 'Te isčupisaras o korovo?' O gospodari phenda: 'Na te ćerdine godova, inkalena vi o điv. Ažućaren dži ke žetva thaj askal ćiden o korovo pe gomila te denle jag, ali o điv anena ande mungre žitnice.'"

![](https://cdn.door43.org/obs/jpg/360px/obs-en-50-08.jpg)

E sikamne či haćarenas o značenje akale paramičako, pa phučline e Isuse te objasnisarel lenđe. O Isus phenda: "O Manuš savo zasadisarda o lačho seme prestavisarel e Mesija. E phuv prestavisarel o them. Lačho seme prestavisarel e manušen ande Devlesko carstvo."

![](https://cdn.door43.org/obs/jpg/360px/obs-en-50-09.jpg)

"O korovo prestavisarel e romen save pripadisaren e Bilačhešće. O dušmano savo zasadisarda o korovo prestavisarel e benše. E žetva prestavisarel o krajo e themesko, a kola save kušen o ćiv prestavisaren e anđelurjen."

![](https://cdn.door43.org/obs/jpg/360px/obs-en-50-10.jpg)

Kana o them završila, e anđelurja ćidena sa e romen save pripadisaren e benđešće thaj čudenalen ando jagako bov, kaj rovena thaj škripina e dandenca ande bari patnja. Askal e pravednikurja sasinina sar o kham ando carstvo e Devlesko, lenđe Dadesko.

![](https://cdn.door43.org/obs/jpg/360px/obs-en-50-11.jpg)

O Isus isto gajda phenda kaj boldelape pe phuv taman maj sigo nego so o them završisarel. Boldelape pe isto način sago vi kaj đelotar, avelale fizičko telo thaj avela pe oblakurja po nebo. Kana o Isus boldelape, svako hrišćanino savo mulo uskrsnila andar e mule thaj malavela le po nebo.

![](https://cdn.door43.org/obs/jpg/360px/obs-en-50-12.jpg)

Askal e hrišćanurja save si džude dena ando nebo thaj avena zajedno aver hrišćanonenca save uskrsnisardine andar e mule. Savora avena kote e Isuseja. Nakon godova, o Isus traila pire romenca ando savršime miro thaj jedinstvo zauvek.

![](https://cdn.door43.org/obs/jpg/360px/obs-en-50-13.jpg)

O Isus obećisarda kaj dela kruna svakone savo paćal ande leste. Von traina thaj vladina e Devlesa ando savršime miro zauvek.

![](https://cdn.door43.org/obs/jpg/360px/obs-en-50-14.jpg)

Ali o Del sudila svakonešće savo či paćal ando Isus. Čhudelalen ando pakao, kaj rovena thaj škripina e dandenca ande pare patnje zauvek. E jag savi nikad či ačhela neprekidno delalen jag, a e ćerme či ačhena te hanlen.

![](https://cdn.door43.org/obs/jpg/360px/obs-en-50-15.jpg)

Kana o Isus boldelpe, vo potpuno uništila e benđe thaj lesko carstvo. Čhudela e benđe ando pakao kaj vo phabola zauvek, zajedno savorenca save odlučisardine te sledisarenles umesto te ašunen e Devle.

![](https://cdn.door43.org/obs/jpg/360px/obs-en-50-16.jpg)

Pošto o Adam thaj e Eva sas neposlušne e Devlešće thaj andine o bezah ande kava them, o Del proklisardale thaj odlučisardas te uništisarele. Ali jek đes o Del stvorila nevo nebo thaj nevi phuv savi avela savršime.

![](https://cdn.door43.org/obs/jpg/360px/obs-en-50-17.jpg)

O Isus thaj lešće manuša traina pe nevi phuv, thaj vo vladila zauvek pe sa so postoil. Khosela svako jasvin thaj čiavela majbut patnje, tuge, rovljipe, bilačhipe, duk, ni smrto. O Isus vladila ande piro carstvo mirosa thaj pravdasa, thaj vo avela pire romenca zauvek.

*Biblijsko paramiči andar o: Matej 24,14; 28,18; Jovan 15,20; 16,33; Otkrivenje 2,10; Matej 13,24–30, 36–42; 1. Solunjanima 4,13–5,11; Jakovljeva 1,12; Matej 22,13; Otkrivenje 20,10; 21,1–22,21*