# unfoldingWord Open Bible Stories — Marwari (India) (Marwari)

- Language code: `rwr`
- Canonical page: https://openbiblestories.org/l/rwr/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Marwari (India) translation; it is not a translation of the whole Bible.

## 1. सृष्टि

https://openbiblestories.org/l/rwr/story-1/

![](https://cdn.door43.org/obs/jpg/360px/obs-en-01-01.jpg)

इण परकार सू आरम रे माई परमेश्वर ने सगली चीजो री सरसटी करी। उणने छे दिनो रे म्हैने सणसार री अर जकोई उणमे व्हे उण सगला री सरसटी करी। परमेश्वर द्वारा धरती री रचना रे पाछे वा अन्धकारमाय अर खाली हेती, क्यूके अबारताई परमेश्वर णे उणमे किणी भी चीज ने नी भणाया। पण परमेश्वर राजीव पाणी रे माथे मण्डरावता।

![](https://cdn.door43.org/obs/jpg/360px/obs-en-01-02.jpg)

पाचे परमेश्वर कियो, "उजालो व्हो!" अर उजालो व्हेगो। परमेश्वर देख्यो कि उजालो बढ़िया है अर उणे "दिण" कियो। अर वो उणे अंधकार सू नेरो कियो जिणे वो "रात" कियो। परमेश्वर ने सृष्टि करणे रे पेला दिण माही उजाले री रछणाना करी।

![](https://cdn.door43.org/obs/jpg/360px/obs-en-01-03.jpg)

सरसटी करणा रे दूजे दिण माहि परमेश्वर कियो, "पाआणी रे माथे एक फरक व्हो।" अर एक फरक व्हेगियो। परमेश्वर उण फरक को "अकाश" कियो।

![](https://cdn.door43.org/obs/jpg/360px/obs-en-01-04.jpg)

तीजा दिण माहि परमेश्वर कियो, "पाणी एक जागा माथे भेलो व्हेजाए अर हुकी जमी दिसे।"वो हुकी जमी को "धरती" कियो अर पाणी को "समदर" कियो। परमेश्वर देख्या कि जो वो बणायो वो छोखो व्हियो।

![](https://cdn.door43.org/obs/jpg/360px/obs-en-01-05.jpg)

पचे परमेश्वर कियो, "धरती माथे सगला परकार रा रुकड़ा उगाए।" अर एडा ही रियो। परमेश्वर देख्यो कि जको वो बणायो वो छोखो व्हियो।

![](https://cdn.door43.org/obs/jpg/360px/obs-en-01-06.jpg)

सरसटी करणे रे चौता दिण परमेश्वरकियो, "अकाश मायने ज्योतियाँ व्हो।" अर सूरज, चोंद अर तारागण परकट हुए। परमेश्वर उणको धरती माथे परकाश देणे रे वास्ते अर दिण अर रात, मौसमों अर बरसो मायने भेद करणा रे वास्ते बणायो।

![](https://cdn.door43.org/obs/jpg/360px/obs-en-01-07.jpg)

पाँचवा दिण परमेश्वर कियो, "जीविता जीव पाणी सू भर दें अर अकाश माये पंछी उड़ें।" इण परकार सू वो पाणी मायने तैरणे वाले सगला जीवो को अर पंछियों को बणाया। परमेश्वर देख्यो कि ओ छोखो व्हियो। अर उणको आशीष दी।

![](https://cdn.door43.org/obs/jpg/360px/obs-en-01-08.jpg)

सरसटी रे छठा दिण माये परमेश्वर कियो, "जमी माथे रेवणे वाले सगले परकार रे जीनावर व्हो।" अर परमेश्वर रे कियोडा रे ज्यू ऐणा व्हे गिया। थोड़ाक जीनावर पालतू हेता, थोड़ाक जमी माथे रेंगणे वाले, अर थोड़ाक जंगली जीनावर हेता। अर परमेश्वर देख्या कि ओ छोखो व्हियो।

![](https://cdn.door43.org/obs/jpg/360px/obs-en-01-09.jpg)

पाचे परमेश्वर कियो, "आओ आपा मीनक रो खुद रे रूप माये अर अपणी समानता माये बणाएँ। वे धरती माथे अर सगला जीनावरों माथे प्रभुता करेला।"

![](https://cdn.door43.org/obs/jpg/360px/obs-en-01-10.jpg)

अतः परमेश्वर माटी लेणे उणसू मीनक को बणानया अर उण में जीवण रे सास को फूँक दियो। इण मीनक रो नाम आदम थो। परमेश्वर ने आदम रे रेवणे रे वास्ते एक मोटो बगीछो बणायो अर उणरी देखभाल करणा रे वास्ते आदम को वटे राख दियो।

![](https://cdn.door43.org/obs/jpg/360px/obs-en-01-11.jpg)

उण बगीछे रे भीचोभीच परमेश्वर ने दो अनोखा रुकड़ा लगाए – जीवण रो रुकड़ो अर भले अर बुरे रे ज्ञान रो रुकड़ो। परमेश्वर ने आदम सू कियो कि वो उण बगीछे रे जीवण रे रो रुकड़ो अर भले अर बुरे रे ज्ञान रे रुकड़ा को छोड़ दूजा किणी भी रुकड़ा रो फल को खा सके। पण थू उण रुकड़ा रा फल खाया तो थू मर जावेला।

![](https://cdn.door43.org/obs/jpg/360px/obs-en-01-12.jpg)

पाचे परमेश्वर कियो, "मीनक रे वास्ते एकलो रेवणों छोखो नी है।" पण कुणी भी जीनावर आदम रो साथी नी हो सकियो।

![](https://cdn.door43.org/obs/jpg/360px/obs-en-01-13.jpg)

इन वास्ते परमेश्वर आदम को गेरी नींद माये डाल दियो। पाचे परमेश्वर आदम री एक पाली लेणे उणसू एक नारी री रचना करी अर उणे आदम रे कने लेणे आया।

![](https://cdn.door43.org/obs/jpg/360px/obs-en-01-14.jpg)

जद आदम उणे देख्यो त्योही वो कहा, "कम सू कम आ तो मारे जैणी है! आ 'नारी' केलावेला, क्यूके आ मीनक में सू बणाई है।" इण वास्ते मीनक खुदरे माँ-बाप ने छोड़ेला अर खुदरी लुगाई रे साथे एक व्हे जाला।

![](https://cdn.door43.org/obs/jpg/360px/obs-en-01-15.jpg)

परमेश्वर ने मीनक अर लुगाई को खुदरे हमरूप में बणाया। वो वाणे आशीष दी अर वाणे कियो, "घणा हारा टाबर अर पोते-परपोते पैदा करो अर धरती को भर दो!" अर परमेश्वर ने देख्या कि जो कुछ भी वो बनाययो थो व्हो घणो बढ़िया थो, अर वो उण सगला सू घणो राजी थो। ओ सगलों सरसटी करणे रे छठे दिन व्हियो।

![](https://cdn.door43.org/obs/jpg/360px/obs-en-01-16.jpg)

जद सातवाँ दिण आयो तो जो कुछ परमेश्वर करियो वो उण सगले काम को पूरो कियो। वो सातवें दिण को आशीष दी अर उणे पवित्र ठहरायो, क्यूके उण दिण वो सगली चीजों की सरसटी करणे को पूरा किदो। इण परकार सू परमेश्वर ने संसार री अर जो कुछ उसमें व्हे उण सगली री सरसटी किदी।

*उत्पत्ति अध्याय 1-2 सू बाइबल री एक बात*

## 2. पाप अणा संसार मे प्रवेश करे

https://openbiblestories.org/l/rwr/story-2/

![](https://cdn.door43.org/obs/jpg/360px/obs-en-02-01.jpg)

आदम अर उणरी लुगाई परमेश्वर द्वारा उणरे वास्ते बनाए गए उण बढ़िया बगीछे म्हे रेवतोड़ा घणा राजी व्हिया। उणमें सू कुणी भी गाबा नी फेरता, पाचे भी इण बात ने उणमें से किनी को शर्मिन्दा नी करियों, क्यूकि संसार म्हे पाप नी हेतों। वे अक्सर उण बगीछे म्हे टेहलता अर परमेश्वर सू बाता किया करता।

![](https://cdn.door43.org/obs/jpg/360px/obs-en-02-02.jpg)

पण उण बगीछे रे मायने एक साँप हेतों। वो घणों ही धूर्त हो। उसणे उण नारी सू पूछियों, "काई सांची परमेश्वर ने थारे सू इण बगीछे रे किणी भी रुकड़ा रे फल ने खाणे सू मना कियो?"

![](https://cdn.door43.org/obs/jpg/360px/obs-en-02-03.jpg)

वा नारी जबाब दियो, "परमेश्वर ने हमारे सू कियो कि म्हा उण भले अर बुरे रे ज्ञान रे रुकड़ा रे अलावा किणी भी रुकड़ा रे फल को खा सका। परमेश्वर ने म्है सू कियो कै अगर थे उण फल को खायो या उणे छुहियों भी, तो थे मर जावोला।"

![](https://cdn.door43.org/obs/jpg/360px/obs-en-02-04.jpg)

वो साँप नारी को जवाब दियो, "ओ साच नी है! थे नी मरोला। परमेश्वर जाणे कि ज्यू ही थे उण फल को खाओला, थे परमेश्वर के जैड़ा व्हे जावोला अर उणके जैड़ा भले अर बुरे ने समझण लागोला।"

![](https://cdn.door43.org/obs/jpg/360px/obs-en-02-05.jpg)

वा नारी देखियो कि वो फल मन लुभावणों हेतों अर हुवाद दिखाई देवतो। वा भी हमझदार बणना चावती, इण वास्ते उणने फल को तोड़ खा लियो। पाचे उसणे खुदरे धणी को जो उणरे साथे हेतो वो फल दियो अर उसणे भी खा लियो।

![](https://cdn.door43.org/obs/jpg/360px/obs-en-02-06.jpg)

एकाएक ही, उणरी आखियाँ खुलगी, अर उणको मालूम वियो कि व्हे नागा था। वे पत्तों को एक साथे सिलणे उणके गाबा बणाकर उणसे खुदरे डील को लुकावणा री कोशिश करी।

![](https://cdn.door43.org/obs/jpg/360px/obs-en-02-07.jpg)

तबे मिनक अर उणरी लुगाई ने उण बगीछे रे मैयने फिरतोड़ा परमेश्वर री आवाज को सूणा। व्हे दोई परमेश्वर सू लुकगा। तबै परमेश्वर ने मिनक ने आवाज लगाई, "थू कटे है?" आदम जवाब दियो, "म्हे थाने बगीछे म्हे फिरतोड़ा सूणा, अर म्हू डर गियो, क्यूकि मैं नागो थो। इण वास्ते मैं लुकगो।"

![](https://cdn.door43.org/obs/jpg/360px/obs-en-02-08.jpg)

पाचे परमेश्वर पूछियों, "थाने कूण बतायो कि थू नागो है? काई थू वो फल खायो जिणे खाणे रे वास्ते म्हे थने ना दियो?" मिनक जवाब दियो, "थे मने जो आ नारी दी इणने ही महने वो फल दियो।" तबे परमेश्वर नारी सू पूछियों, "थू ओ कई करियों?" वा नारी बोली, "साँप ने मने धोखो दियो।"

![](https://cdn.door43.org/obs/jpg/360px/obs-en-02-09.jpg)

परमेश्वर साँप सू कियो, "थू शापित व्हे! थू थारे पेट रे बल लोटेला अर माटी चाटेला। थू अर आ नारी एक दूजा सू घृणा करोला, अर थारी औलादों अर उणरी औलादा भी एक दूजा सू घृणा करेंली। इण नारी रा वंशज थारे माथा ने कुचलेला, अर थू उणरी एड़ी डसेला।"

![](https://cdn.door43.org/obs/jpg/360px/obs-en-02-10.jpg)

तबे परमेश्वर नारी सू कियो, "म्हे थारे टाबर जिणाणे को घणी पीड़ा देवे जैणी करूँला। थू थारे धणी सू लालसा करेली, अर वो थारे माथे प्रभुता करेला।"

![](https://cdn.door43.org/obs/jpg/360px/obs-en-02-11.jpg)

परमेश्वर मिनक सू कियो, "थू थारी लुगाई री सुणी अर मारी आज्ञा नी मानी। इण वास्ते जमी शापित रेगी, अर थने भोजन उगाअणे रे वास्ते घणी मेहनत करणा री जरूरत व्हेला। अबै थू मर जावेला, अर थारो शरीर माटी में मिल जावेला।" उण मिनक ने खुदरी लुगाई रो नाम हव्वा राखियो, जिणरो मतलब रेवे "जीवण देअणे वाली", क्यूके वा सगली जातियों री मा व्हेला। अर परमेश्वर ने आदम अर हव्वा को जिणावर री खाल सू बणयोड़ा गाबा फेराया।

![](https://cdn.door43.org/obs/jpg/360px/obs-en-02-12.jpg)

पाचे परमेश्वर कियो, "अबै भले अर बुरे को जाणने सू मिनक म्हारे जेड़ो व्हे गियो, इण वास्ते उणने उण जीवण रे रुकड़ा रे फल नी खाणे देणों चाहिजै कि व्हे सदा रे वास्ते जीवता रेव्है।" इण वास्ते परमेश्वर ने आदम अर हव्वा को उण बगीछे सू बारे निकाल दियो। अर परमेश्वर ने किणी भी उण जीवण रे रुकड़ा रे फल को खाणे सू रोकणे रे वास्ते उण बगीछे रे प्रवेश द्वार माथे शक्तिशाली स्वर्गदूतों को बिठा दियो।

*उत्पत्ति अध्याय 3 सू एक बाइबल री बात*

## 3. पानी का भाढ़

https://openbiblestories.org/l/rwr/story-3/

![](https://cdn.door43.org/obs/jpg/360px/obs-en-03-01.jpg)

घणी वेला रे पाचे, संसार में घणीहारा लोग रेवता। व्हे घणा दुष्ट अर उपद्रवी व्हे गिया। ओ इतो बुरा थो कि परमेश्वर ने एक मोटी बाढ़ सू इण सगला संसार को खतम करणे रो फ़ैसलों लियो।

![](https://cdn.door43.org/obs/jpg/360px/obs-en-03-02.jpg)

पण परमेश्वर नूह सू राजी थो। वो दुष्ट मिनका रे बीच रेवणे वालो एक धर्मी मिनक हेतों। परमेश्वर नूह को बतायो कि वो एक मोटी बाढ़ को लाअणे वालो है। इ वास्ते, उसणे नूह सू एक मोटी नावडी बनाणे रे वास्ते कियो।

![](https://cdn.door43.org/obs/jpg/360px/obs-en-03-03.jpg)

परमेश्वर ने नूह को अंदाजन 140 मीटर लंबी, 23 मीटर चौड़ी अर 13.5 मीटर ऊँची नावडी बनाणे रे वास्ते कियो। नूह को उणे लकड़ी सू बणाणों थो अर उणमें तीन तल, घणा हारा कमरा, एक छात अर एक बारी बणावणी। वा नावडी नूह, उणरो परिवार, अर जमी रे हरेक प्रकार रे जीनावरों को उण बाढ़ सू हावल राखेली।

![](https://cdn.door43.org/obs/jpg/360px/obs-en-03-04.jpg)

नूह ने परमेश्वर री बात मानली। उसणे अर उणे टाबरों ने वैणी ही नावडी बणाई जैणी परमेश्वर ने बताई। क्यूकै वा नावडी घणी मोटी ही इण वास्ते उणे बणाने रे मायने केई बरस लागा। नूह ने मिनको को आणे वाली बाड़ रे विषय माही चेतावणी दी अर उणको परमेश्वर री ओर फिरने रे वास्ते कियो, पण वे उण माथे विश्वास नी किदों।

![](https://cdn.door43.org/obs/jpg/360px/obs-en-03-05.jpg)

परमेश्वर ने नूह अर उणे परिवार को खुदरे वास्ते अर जीनावरों रे वास्ते हजै जीतरों भोजण भेलों करणे रो हुकम भी दियो। जद सगला तैयार वेगियों, तबे परमेश्वर नूह सू कियो के आ वेला उणरे, उणरी लुगाई रे, उणरे तीन टाबरो रे, अर उणरी लुगाइयों रे – कुल मिलाणे आठ जणों रे नावडी माही जाणे को थो।

![](https://cdn.door43.org/obs/jpg/360px/obs-en-03-06.jpg)

परमेश्वर हरेक जीनावर अर पंछी रे नर अर मादा को नूह रे कने भिजावता कि वे नावडी मही जा सकें अर बाढ़ के दौराण हावल रे सकें। परमेश्वर ने ऐड़ा हरेक परकार रे जीनावरों रे सात नर अर सात मादाओं को भेजियो जिणको बलि चढ़ाने रे वास्ते काम मे कियो जा सके।जद वे सागला नावडी माही पूगीया तो खुद परमेश्वर नावडी रेआडो बंद करयो।

![](https://cdn.door43.org/obs/jpg/360px/obs-en-03-07.jpg)

तबे मेह रेवणों हुरू वियो, अर मेह रेवतों गियों, रेवतों गियो। बिना रुकयोडो चालीस दिनो अर चालीस रातों ताई मेह रेवतों रियो। सागला संसार री हरेक चीज, अटे ताई कि ऊँचे सू ऊँचे पर्वत भी पानी में डूबगा।

![](https://cdn.door43.org/obs/jpg/360px/obs-en-03-08.jpg)

हुकी जमी माथे रेवणे वाली हरेक चीज मरगी, उण लोगों अर जीनावरों को छोड़ जो नावडी महे हेता। वा नावडी पाणी माथे तैरती री अर नावडी के मायने री हरेक चीज डूबणे सू बचयोडी री।

![](https://cdn.door43.org/obs/jpg/360px/obs-en-03-09.jpg)

मेह रे रुकणा रे पचे, पाँच मीना ताई वा नावडी पाणी माथे तैरती री, अर उण वेला सू पाणी कम रेवणे लागो। तबे एक दिन वा नावडी एक पर्वत री चोटी माथे जा टिकी, पण संसार अबार ताई पाणी सू ढकयोडो हेतो। तीन मीना रे पचे, पर्वतों री चोटियाँ दिखाई देणे लागी।

![](https://cdn.door43.org/obs/jpg/360px/obs-en-03-10.jpg)

पाचे चालीस दिनों रे पाचे, नूह एक कागले को ओ देखणे रे वास्ते बारे भेजयो कि कई पाणी हुकियो। वो कागलो हुकी जमी री खोज माही अटिने ऊटीने उड़तो रियो, पण उणे एडी कोई जमी नी लादी।

![](https://cdn.door43.org/obs/jpg/360px/obs-en-03-11.jpg)

पाचे नूह एक कबूतरी बारे भेजी। पण उणे भी कोई हुकी जमी नी मिली, इण वास्ते वा नूह कने पाची आइगी। एक सप्ता रे पाचे उणने उण कबूतरी को पाची भेजी, अर वा चोंच में जैतून री एक शाखा लियोडी पाची आई। पाणी घटरियो थो, अर रुकड़ा पाचा उगणे लागा।

![](https://cdn.door43.org/obs/jpg/360px/obs-en-03-12.jpg)

नूह एक सप्ता अर परतीक्षा की अर तीजी भला उण कबूतरी को बारे भेजियो इण भला, उणे ठेरणे री जागा मिलगी अर वा पाची नी आई। पाणी हुक रियो थो।

![](https://cdn.door43.org/obs/jpg/360px/obs-en-03-13.jpg)

दो मीना पाचे परमेश्वर नूह सू कियो, "अबे थू अर थारा परिवार अर सगला जीनावर नावडी सू निकल आओ। घणी हारी संतानें अर पोते-परपोते पैदा करो अर धरती को भरदो।"अतः नूह अर उणरो परिवार नावडी सू बारे आया।

![](https://cdn.door43.org/obs/jpg/360px/obs-en-03-14.jpg)

नूह रे नावडी सू बारे आवणा रे पचे, उसणे एक वेदी बणाई अर बलि रे वास्ते उपयोग की जा सकणे वाले हरेक परकार रे जीनावरों महेसू थोड़ाकणे लेणे बलि चढ़ाई। परमेश्वर उण बलि सू राजी व्हियों अर नूह अर उणरे परिवार को आशीष दीयो।

![](https://cdn.door43.org/obs/jpg/360px/obs-en-03-15.jpg)

परमेश्वर कियो, "म्हे परतिज्ञा करुहूँ कि मिनको द्वारा किए जाणे वाले बुरे करमो रे वास्ते म्हे पाचे कदी जमी को सराप नी दूँला या बाढ़ द्वारा संसार को नष्ट नी करूँला, हालाँकि मिनक खुदरे बालपणा री वेला सूही पापी वेही।

![](https://cdn.door43.org/obs/jpg/360px/obs-en-03-16.jpg)

पाचे परमेश्वर ने खुदरी वाचा रे निसाणी के रूप में पेलो मेघधनुष को बणायो।जद कदी भी आकाश मायी मेघधनुष दिखाई देला, तो परमेश्वर याद करेला कि उणने किया परतिज्ञा किदी अर वैड़े ही उणरे लोग भी याद करेंला।

*उत्पत्ति अध्याय 6-8 सू एक बाइबल री बात*

## 4. अब्राहम रे साथे परमेश्वर री वाचा

https://openbiblestories.org/l/rwr/story-4/

![](https://cdn.door43.org/obs/jpg/360px/obs-en-04-01.jpg)

बाढ़ रे केई बरसो रे पाचे, संसार म्हे घणा ही लोग रेवता, अर उणोंने पाचा परमेश्वर रे अर एक दूजा रे खिलाफ पाप कियो। क्यूके वे सगला एक ही बोली बोला करता, इण वास्ते वे एक साथे भेला रिया अर संसार को भर देणे रे परमेश्वर रे हुकम रे बजाय एक नगर बणायो।

![](https://cdn.door43.org/obs/jpg/360px/obs-en-04-02.jpg)

वे घणा घमंडी हेता, अर उणको कैड़ा जीवण जीवणा चावे इण बारे में वे परमेश्वर रे आदेश रा पालण करणा नी चावता। अटे ताई कि उणहोने एक ऐडी मीनार बणाणा सरु किया जको स्वर्ग तक जावेली। परमेश्वर ने देख्या कि अगर वे एक साथे मिल कर बुराई करेला, तो वे घणा ही पापी कामों को कर सकेला।

![](https://cdn.door43.org/obs/jpg/360px/obs-en-04-03.jpg)

इण वास्ते परमेश्वर ने उणकी बोली को घणी हारी नेरी नेरी बोलियो रे माय बदल दिया अर उण लोगों को सगले संसार माही फैलाया। जिण नगर को उणहोने बणाणा सरु किया वो बाबेल कहलायो, जिणरो मतलब व्हे "गड़बड़ी"।

![](https://cdn.door43.org/obs/jpg/360px/obs-en-04-04.jpg)

केई सौ बरसो रे पाचे, परमेश्वर ने अब्राम नाम रे एक मीनक सू बात करी। परमेश्वर उणसू कियो, "खुदरे देश अर परिवार को छोड़ कर उण देश को चला जा जको म्हू थाने दिखाऊँला। म्हे थने आशीष दूँला अर थारेसू एक मोटी जाति बनाऊँला। म्हे थारो नाम महान करूँला। जो थने आशीष देई म्हे उणे आशीष दूँला, अर जको थने श्राप देई उणे श्राप दूँला। थारे कारण संसार रे सगला कुल आशीष पाएला।"

![](https://cdn.door43.org/obs/jpg/360px/obs-en-04-05.jpg)

अतः अब्राम ने परमेश्वर री बात माणी। उणने खुदरे सगले सेवकों अर खुदरी सगली सम्पत्ति रे हाथे खुदरी लुगाई सारै को लियो अर उण देश को, कनान देश को चला गियो जको परमेश्वर उणे दिखायो।

![](https://cdn.door43.org/obs/jpg/360px/obs-en-04-06.jpg)

जद अब्राम कनान पहुँचियो तो परमेश्वर उणसू कियो, "खुदरे चारों मेर देख। म्हे थने यो सगला देश दूँला अर थारे वंशज हमेशा रे वास्ते इण माथे अधिकार रखेंला।" तबे अब्राम उण देश माए बसगिया।

![](https://cdn.door43.org/obs/jpg/360px/obs-en-04-07.jpg)

मलिकिसिदक नाम रो एक मीनक थो जको सर्वोच्च परमेश्वर रो याजक थो। एक दिण जद अब्राम युद्ध करणे रे पाचे आ रियो थो तो वो अर अब्राम मिलिया। मलिकिसिदक अब्राम को आशीष दी अर कियो "सर्वोच्च परमेश्वर जको स्वर्ग अर धरती रो मालिक है वो थने आशीष देई।" पाचे अब्राम युद्ध मेंई जीतीयोडी सगली चीजों रो दशवोभाग मलिकिसिदक को दियो।

![](https://cdn.door43.org/obs/jpg/360px/obs-en-04-08.jpg)

केई बरस बीतगा, पण अभार ताई अब्राम अर सारै रे कोई बच्चे नी हेतो। परमेश्वर ने अब्राम सू बात करी अर पाचे परतिज्ञा करी कि उणरे एक बच्चे पैदा व्हेला अर जैड़े आकाश माई तारे हैं वैड़े ही उणरे घणा हारा वंशज व्हेला। अब्राम ने परमेश्वर रि परतिज्ञा माथे विश्वास किदो। परमेश्वर घोषणा करी कि अब्राम एक धर्मी जन थो क्यूके उणने परमेश्वर री परतिज्ञा माथे विश्वास कियो।

![](https://cdn.door43.org/obs/jpg/360px/obs-en-04-09.jpg)

तबे परमेश्वर ने अब्राम सू एक वाचा बाँधी। सामान्य रूप सू, एक वाचा दो दलों रे मायने एक दूजा रे वास्ते कामों को करणे रो एक समझौतो होतो। परमेश्वर अब्राम सू वा परतिज्ञा तबे करी जद अब्राम सूतो हो, पण वो तबे भी परमेश्वर को सुण सकतो। परमेश्वर कियो, "म्हे थारे शरीर सू पैदा करके थने थारो एक खुदरो पूत दूँला। म्हे थारे वंशजों को ओ कनान देश देऊ।" पण अभार भी अब्राम रे कोई पूत नी थो।

*उत्पत्ति अध्याय 11-15 सू एक बाइबल री बात*

## 5. परतिज्ञा रा पूत

https://openbiblestories.org/l/rwr/story-5/

![](https://cdn.door43.org/obs/jpg/360px/obs-en-05-01.jpg)

अबराहम अर सारै रे कनान पूगीया रे दस बरस रे पाचे; अबार ताई वाणे कोई बच्चा नी व्हियों। इण वास्ते अबराहम री लुगाई सारै ने उणसू कियो, चूकि परमेश्वर ने अबार ताई मारू टाबर जीणना मे हावल नी कियो अर अबे महे टाबर जीणने रे वास्ते घणी बूढ़ी रेगी, मारी दासी हाजीरा अटे है, उणसू भी वीहाव कर लो कि वा मारे वास्ते एक बच्चा पैदा करी।

![](https://cdn.door43.org/obs/jpg/360px/obs-en-05-02.jpg)

अतः अबराहम हाजिरा सू वीहाव करियो। हाजिरा रे एक बच्चा विय्हो अर अबराहम ने उणरो नाम इश्माएल राखियो। पण सारै हाजिरा उबलन लागी। जद इश्माएल तेरा बरस रो थो, परमेश्वर ने पाची अबराहम सू बात करी।

![](https://cdn.door43.org/obs/jpg/360px/obs-en-05-03.jpg)

परमेश्वर ने कियो, म्हू सर्व-शक्तिमान परमेश्वर हूँ। म्हू थारे साथे एक परतिज्ञा बांधुला। तबे अबराहम जमी माथे गिरने दंडवत किदों। परमेश्वर ने अबराहम सू ओ भी कियो, "थू मोकली जातियो रो बाप व्हेला। मैं थने अर थारे वंशजों को उनरी खुद री जमी रे वास्ते कनान देश दूँला अर मैं हमेसा रे वास्ते उनरा परमेश्वर होऊँला थने थारे घराने रे हरेक मिनक रो खतना करनो।"

![](https://cdn.door43.org/obs/jpg/360px/obs-en-05-04.jpg)

थारी लुगाई सारै एक पूत जनेली – वह प्रतिज्ञा रा पूत व्हेला। उणरो नाम इसहाक राखनो। मैं उणरे हाथे खुदरी वाचा ने बणायो राखूँला अर वा एक मोटी जाति बन जावेला। मूह इश्माएल ने भी एक बड़ी जाति बनाऊँला। पण मारी वाचा इसहाक रे हाथे रेवेला। तबै परमेश्वर ने अबराहम रो नाम बदलकर अबराहम करीयो, जिणरो मतलब व्हे "घणा हारो रो बाप"। परमेश्वर सारै रो नाम भी बदल कर सारा कर दियो, जिणरो मतलब व्हे "मूलमाता"।

![](https://cdn.door43.org/obs/jpg/360px/obs-en-05-05.jpg)

उण दिन अबराहम ने खुदरे घराने के सगला मिनका रो खतना कियो। लगभग एक बरस रे पाचे, जद अबराहम 100 बरस रो थो अर सारा 90 बरस री, तबे सारा ने अबराहम रे बेटा जिणीयो। जैड़ा परमेश्वर ने उणने कियो वे उणरो नाम इसहाक राखियो।

![](https://cdn.door43.org/obs/jpg/360px/obs-en-05-06.jpg)

जद इसहाक जवान रियो तबे परमेश्वर ने ओ कियो के अबराहम रे विश्वास री परीक्षा ली, "खुदरे,एकाएक बेटा ने ले, अर उणे मारे वास्ते बलि रे रूप महि मार डाल।" पाचे भेर अबराहम ने परमेश्वर री बात माणी अर खुदरे बेटा री बलि करने रे वास्ते तैयार करियो।

![](https://cdn.door43.org/obs/jpg/360px/obs-en-05-07.jpg)

जद अबराहम अर इसहाक बलि चढ़ाने री जागा री ओर जाने लागा तबे इसहाक पूछियो, "हे पिता, अपणे कने बलि रे वास्ते लकड़ियाँ तो हैं, पण बलि रो मेमना कठे है?" अबराहम जवाब दियो, "हे मेरा लाल, परमेश्वर बलि रे वास्ते मेमने रो प्रबंध करेला।"

![](https://cdn.door43.org/obs/jpg/360px/obs-en-05-08.jpg)

जद वे बलि चढ़ाउणे री जागा माथे पुगिया, तबे अबराहम इसहाक को बाँध कर वेदी माथे लिटा दियो। वो खुदरे टाबर को मारने ही वालो थो कि परमेश्वर ने कियो, "रुकजा! बेटा ने नुकसान मती पुगा! अबे मैं जान गियो कि थू मेरो डर माने क्यूके थू थारे एकाएक टाबर को भी मारे सू बचाकर नी राखियों।"

![](https://cdn.door43.org/obs/jpg/360px/obs-en-05-09.jpg)

कनीज अबराहम एक मेढ़े देख्यो जको झाड़ियों रे माहि फँसियोडो हेतो। इसहाक रे बदले बलि रे वास्ते परमेश्वर मेढ़े रो प्रबंध कियो। अबराहम राजी-खुशी मेढ़े री बलि चढ़ाइदी।

![](https://cdn.door43.org/obs/jpg/360px/obs-en-05-10.jpg)

तबे परमेश्वर अबराहम सू कियो, "क्यूके थू मारे वास्ते सगला देवणा रो इच्छुक थो, अटे ताई कि खुदरे एकाएक बेटा को भी, इणवास्ते मैं थने आशीष देवणा री परतिज्ञा करू। थारा वंशज आकाश रे तारों उ भी हला रेई। क्यूके थू मारी आज्ञा मानी इणवास्ते मैं थारे परिवार रे द्वारा संसार रे सगला कुलों ने आशीष दूँला।"

*उत्पत्ति अध्याय 16-22 सू एक बाइबल री बात*

## 6. परमेश्वर इसहाक रे वास्ते प्रबंध करे

https://openbiblestories.org/l/rwr/story-6/

![](https://cdn.door43.org/obs/jpg/360px/obs-en-06-01.jpg)

जद अब्राहम घणों बूढ़ो व्हेगियों तबे उणरो छोरो, इसहाक, एक जवान री उमर रो व्हेगियो। इण वास्ते अब्राहम ने खुदरे एक सेवक को खुदरे छोरो इसहाक रे वास्ते उण देश सू एक लुगाई लाणे रे वास्ते भेजियो जटे उणरा रिश्तेदार रेवता।

![](https://cdn.door43.org/obs/jpg/360px/obs-en-06-02.jpg)

जटे अब्राहम रे रिश्तेदार रेवता उण देश को जाणे री एक लामबी यातरा रे पाचे परमेश्वर ने उण सेवक रा साक्षात्कार रिबका सू करवायो। वो अब्राहम रे भाई री पोती ही।

![](https://cdn.door43.org/obs/jpg/360px/obs-en-06-03.jpg)

रिबका खुदरे परिवार को छोड़कर उण सेवक रे साथे पाछी जाणेरे वास्ते मानगी। ज्यूही वे पूगिया इसहाक उणसू बिहाव करलियो।

![](https://cdn.door43.org/obs/jpg/360px/obs-en-06-04.jpg)

एक लांबी वेला रे पाचे, अब्राहम मरगियो। तबे परमेश्वर ने अब्राहम रे छोरा इसहाक को, अब्राहम रे साथे बाँधयोडी वाचा री वजह सू आशीष दीयो। उण वाचा माहि परमेश्वर री एक परतिज्ञा हेती कि अब्राहम रे अणगिणत वंशज व्हेला। पण इसहाक री लुगाई रिबका रे औलाद पैदा नी वी।

![](https://cdn.door43.org/obs/jpg/360px/obs-en-06-05.jpg)

इसहाक रिबका रे वास्ते प्रार्थना करी, अर परमेश्वर ने उणे बेला रो गर्भ धारण करणे महे सक्षम कियो। जिण वेला वे बेटे रिबका रे गर्भ मेंही हेता वे खुद माहि लड़ने लागा, इण वास्ते जो कुछ व्हे रिहो रिबका ने वो परमेश्वर को बता दियो।

![](https://cdn.door43.org/obs/jpg/360px/obs-en-06-06.jpg)

परमेश्वर रिबका सू कियो, "थू दो टाबर जिणेला। उणरे वंशज दो नेरी-नेरी जातियाँ बणेला। वे एक दूजा सू लड़ेंला। पण मोटोडा छोरा सू पैदा रेणेवाली जाति को छोटेणे छोरे सू आणे वाली जाति री आज्ञा मानणि व्हेला।"

![](https://cdn.door43.org/obs/jpg/360px/obs-en-06-07.jpg)

जद रिबका रे टाबरो रो जनम व्हियों, तो मोटों छोरो लाल अर रोएँदार थो, अर उणहोने उणरो नाम एसाव राखियो। तबे छोटा छोरो एसाव री एड़ी पकडियोडो जन्मियों, अर उणहोने उणरो नाम याकूब राखियो।

*उत्पत्ति अध्याय 24:1-25:26 सू एक बाइबल री बात*

## 7. परमेश्वर याकूब को आशीष देवे

https://openbiblestories.org/l/rwr/story-7/

![](https://cdn.door43.org/obs/jpg/360px/obs-en-07-01.jpg)

जद वे बेटा बड़े हुए तो याकूब को घर पर रहना अच्छा लगा, परन्तु एसाव को जानवरों को शिकार करना भाया। रिबका ने याकूब से स्नेह किया, परन्तु इसहाक ने एसाव से प्रीति रखी।

![](https://cdn.door43.org/obs/jpg/360px/obs-en-07-02.jpg)

एक दिन, जद एसाव शिकार करअणे पाचो आयो तो वो घणों भूखो हो। एसाव याकूब सू कियो, "जको थू पकायो उणमू थोड़ौ भोजण मने दे।" याकूब जबाब दियो, "पेला मारू सू आ परतिज्ञा करकि पहलौठो रेवणा रे वास्ते हरेक चीज जको थने मिलणी जोइजे वो सगलो थू मने देला।" अतः एसाव उण सगली चीजों को याकूब को देणे री परतिज्ञा करी। तबे याकूब उणे थोडोक भोजण दियो।

![](https://cdn.door43.org/obs/jpg/360px/obs-en-07-03.jpg)

इसहाक एसाव को आशीष देणौ चावतों। पण इनू पेला कि वो ऐडौ करतो, रिबका अर याकूब ने याकूब के एसाव होणे को ढोंग कर उणे साथे छल कियो। इसहाक बूढ़ो हो अर अबे देख नी पावतो। इण वास्ते याकूब एसाव रा गाबा फेर अर बकरी री खाल खुदरे गले अर हाथों माथे लपेट लियो।

![](https://cdn.door43.org/obs/jpg/360px/obs-en-07-04.jpg)

याकूब इसहाक के पास आया और कहा, "मैं एसाव हूँ। मैं इसलिए आया हूँ कि तू मुझे आशीष दे।" जब इसहाक ने बकरी के बालों को महसूस किया और कपड़ों को सूँघा, तो उसने सोचा कि वह एसाव है और उसे आशीष दी।

![](https://cdn.door43.org/obs/jpg/360px/obs-en-07-05.jpg)

एसाव याकूब सू घिणा किदी क्यूके याकूब उणरे पेले बेटे रे हक अर साथे ही उणरी आशीषों को भी चुरा लियो। अतः वो खुदरे बाप रे मरणे रे पाचे याकूब को मार डालने री योजणा बणाई।

![](https://cdn.door43.org/obs/jpg/360px/obs-en-07-06.jpg)

पण रिबका एसाव री योजना को सुण लियो। इण वास्ते वा अर इसहाक याकूब को उणरे रिश्तेदारों रे साथे रेवणे रे वास्ते घणो आगो भेज दियो।

![](https://cdn.door43.org/obs/jpg/360px/obs-en-07-07.jpg)

याकूब केई बरसो ताई रिबका रे रिश्तेदारों रे साथे रिहो। उण वेला रे दौरान वो ब्याव(मतलब?) किदो अर बारा छोरो अर एक छोरी को जन्माया। परमेश्वर उणे घणो धनी बणा दियो।

![](https://cdn.door43.org/obs/jpg/360px/obs-en-07-08.jpg)

बीस बरसो ताई कनान माये खुदरे घर सू आगो रेवणा रे पाचे, याकूब खुदरे परिवार, खुदरे सेवकों, अर खुदरे जीनावरों के सगले एवड़ रे साथे वटे पाचो लौटियो।

![](https://cdn.door43.org/obs/jpg/360px/obs-en-07-09.jpg)

याकूब इण वास्ते घणो भयभीत थो क्यूके वो सोचियो कि एसाव अबे भी उणे मार डालणो चावे। इण वास्ते वो नजराणे स्वरूप जीनावरों रे एवड़ों को एसाव रे कने भेजियो। जको सेवक उण एवड़ को लेणे गियो वो कियो, "थारो दास याकूब, इण जीनावरों को थने देवे। वो भेगो ही आवेला।"

![](https://cdn.door43.org/obs/jpg/360px/obs-en-07-10.jpg)

पण एसाव अबे याकूब को नुकसान पोचावणो नी चावतो। इण रे बजाए, वो उणे एक बला पाचो देख घणो राजी व्हियो। उणरे पाचे याकूब कनान मायने नेठावपुण रियो। पाचे इसहाक मरगो अर याकूब अर एसाव उणे दफनायो। वाचा री परतिज्ञाएँ जको परमेश्वर अब्राहम सू किदी वे अबे इसहाक सू याकूब माथे आईगी।

*उत्पत्ति अध्याय 25:27-35:29 सू एक बाइबल री बात*

## 8. परमेश्वर यूसुफ अर उणरे परिवार को बचारियो है

https://openbiblestories.org/l/rwr/story-8/

![](https://cdn.door43.org/obs/jpg/360px/obs-en-08-01.jpg)

केई बरसो रे पाचे, जद याकूब बूढ़ो व्हे गियो, तो उणने खुदरे लाड़लो छोरो यूसुफ को उणरे भाइयों री जाँच करणे रे खातिर भेजियो जको जीनावरों रे एवड़ री देखभाल कर रियो थो।

![](https://cdn.door43.org/obs/jpg/360px/obs-en-08-02.jpg)

यूसुफ रे भाइयों ने उणहू छीजता क्यूके उणरा बाप उणसू घणों लाड़ करतो अर इणवास्ते भी कि यूसुफ सुपनो देख्यो कि वो उणरो शासक व्हे जावेला। जद यूसुफ खुदरे भाइयों रे कने आयो तो वे उणे बंधक बणा लियो अर उणे दासों रा वैपार करणे वालों को बेचदियो।

![](https://cdn.door43.org/obs/jpg/360px/obs-en-08-03.jpg)

घर पाचो लौटणे सू पेला यूसुफ रे भाइयों ने यूसुफ रे गाबा को फाड़ कर बकरी रे लोई में भिगोदियो। पाचे वे वो गाबो खुदरे बाप को दिखायो ताकि वो आ सोचेला कि कुणी जंगली जीनावर यूसुफ को मार दियो। याकूब घणों उदास थो।

![](https://cdn.door43.org/obs/jpg/360px/obs-en-08-04.jpg)

दासों रा वैपार करणे वाले वे लोग यूसुफ को मिस्र लेगिया। नील नदी रे किनारे माथे बसियोडो मिस्र एक विशाल अर शक्तिशाली देश थो। उण दासों रा वैपार करणे वालों ने यूसुफ को एक धनी सरकारी अफसर को दास रे रूप माए बेचदियो। यूसुफ खुदरे मालिक री अच्छी तरेऊ सू सेवा किदी, अर परमेश्वर यूसुफ को आशीष दी।

![](https://cdn.door43.org/obs/jpg/360px/obs-en-08-05.jpg)

उणरे मालिक री लुगाई यूसुफ रे साथे सोणे री कोशिश किदी, पण यूसुफ इण रीति सू परमेश्वर रे खिलाफ पाप करणे सू इंकार करदियो। वा क्रोधित व्हेगी अर यूसुफ माथे झूठो आरोप लगादियो, इण वास्ते उणे गिरफ्तार करके जेलखाने भेजदियो। अटे ताई कि जेलखाने रे मायने भी, यूसुफ परमेश्वर रे परति साचो रियो, अर परमेश्वर उणे आशीष दी।

![](https://cdn.door43.org/obs/jpg/360px/obs-en-08-06.jpg)

दो बरसो रे पाचे, यूसुफ अभार भी जेलखाने रे मायने थो, भले ही वो निर्दोष थो। एक रात, फिरौन, जैड़ा कि मिस्री लोग खुदरे राजाओं को पुकारते, ने दो सुपना देख्या जिणोंने उणे घणों विचलित करियो। उणरा कोई भी सलाहकार उणे उण सुपनो रा मतलब नी बता पायो।

![](https://cdn.door43.org/obs/jpg/360px/obs-en-08-07.jpg)

परमेश्वर यूसुफ को सपनो रा मतलब बताणे री बरदान प्रदान करी, इणवास्ते फिरौन यूसुफ को जेलखाने सू खुदरे कने बुलायो। यूसुफ उणे उण सपनो रा मतलब बतायो अर कियो, "परमेश्वर भरपूरी री फसलों वाले सात बरसो रे पाचे अकाल रे सात बरस भेजणे वालो व्हे।"

![](https://cdn.door43.org/obs/jpg/360px/obs-en-08-08.jpg)

फिरौन यूसुफ सू इतरो परभावित रियो कि उणने उणे मिस्र रो दूजो सबसू शक्तिशाली मिनक नियुक्त करियो।

![](https://cdn.door43.org/obs/jpg/360px/obs-en-08-09.jpg)

यूसुफ ने लोगों सू चोखी फसलों वाले सात बरसो रे दौरान घणी मातरा में भोजण जमा करणे रे वास्ते कियो। जद सात बरसो रा अकाल आयो तबे यूसुफ लोगों को वो भोजण बेचियो ताकि उणरे कने खाणे रे वास्ते बराबर हो।

![](https://cdn.door43.org/obs/jpg/360px/obs-en-08-10.jpg)

वो अकाल खाली मिस्र में ही नी, पण कनान में भी भयंकर थो जटे याकूब अर उणरा परिवार रेवता।

![](https://cdn.door43.org/obs/jpg/360px/obs-en-08-11.jpg)

इणवास्ते याकूब खुदरे सबसू बड़े छोरे को भोजण खरीदणे रे वास्ते मिस्र भेजियो। जद वे भोजण खरीदणे रे वास्ते यूसुफ रे सामी ऊबा रिया तो उण भाइयों ने यूसुफ को नी पेचाणा। पण यूसुफ उणको पेचाण लियो।

![](https://cdn.door43.org/obs/jpg/360px/obs-en-08-12.jpg)

ओ मालम करणे रे वास्ते कि किया वे बदलगा उणरी जाँच करणे रे पाचे, यूसुफ उणसू कियो, "म्हू थारा भाई यूसुफ हूँ! डरो मती। जद थे मने दास रे रूप में बेचियो तो थे खोटा करणे री ठानी, पण परमेश्वर उण बुराई को भलाई रे वास्ते उपयोग किदो! आओ अर मिस्र में रेवो ताकि म्हे थारे अर थारे परिवारों रे वास्ते भोजण रा प्रबंध कर सकुला।"

![](https://cdn.door43.org/obs/jpg/360px/obs-en-08-13.jpg)

जद यूसुफ रे भाई घरे पाछा लौटिया अर खुदरे बाप याकूब को बतायो कि यूसुफ अबे भी जीवितो है, तो वो घणों खुश व्हियो।

![](https://cdn.door43.org/obs/jpg/360px/obs-en-08-14.jpg)

हाला कि याकूब एक बूढ़ो मिनक थो तौभी वो खुदरे पूरे परिवार रे साथे मिस्र गियो, अर वे वटे बसगा। याकूब रे मरणे सू पेला, उणने खुदरे हरेक छोरे को आशीषित कियो।

![](https://cdn.door43.org/obs/jpg/360px/obs-en-08-15.jpg)

वाचा री वा परतिज्ञाएँ जको परमेश्वर अब्राहम सू की वे इसहाक माथे अर उणरे पाचे याकूब, अर उणरे पाचे उणरे बारा छोरो अर उणरे परिवारों माथे आयगी। उण बारा छोरो रे वंशज इस्राएल रे बारा गोत्र बणगी।

*उत्पत्ति अध्याय 37-50 सू एक बाइबल री बात*

## 9. परमेश्वर मूसा को बुलावे

https://openbiblestories.org/l/rwr/story-9/

![](https://cdn.door43.org/obs/jpg/360px/obs-en-09-01.jpg)

यूसुफ रे मरणे रे पाचे उणरे सगला रिश्तेदार मिस्र माहि बसगा। वे अर उणरे वंशज केई बरसो ताई मिस्र माहि रिया अर उणोंने घणी औलादो पैदा करी। वे इस्राएली कहलाया।

![](https://cdn.door43.org/obs/jpg/360px/obs-en-09-02.jpg)

केई बरसो रे पाचे, इस्राएलियों री संख्या घणी बढ़गी। अर मिस्री लोग अबे इण बात रे वास्ते आभारी नी विहिया कि उणरी सहायता करणे रे वास्ते यूसुफ घणोई करियो। वे इस्राएलियों सू डर गिया क्यूके वे संख्या माहि उणसू घणा हला हेता। इण वास्ते उण वेला मिस्र माथे शासन करणे वाले फिरौन ने इस्राएलियों को मिस्रियों रो दास बणायो।

![](https://cdn.door43.org/obs/jpg/360px/obs-en-09-03.jpg)

मिस्रियों इस्राएलियों को घणी हारी इमारतें अर अटे ताई कि केई नगरों को बणाणे रे वास्ते मजबूर कियो। उण कठिन परिश्रम ने उणरे जीवणौ को घणौ दुःखदायी बणा दियो, पण परमेश्वर ने उणको आशीष दी अर उणरे भैर हली संतानें पैदा वी।

![](https://cdn.door43.org/obs/jpg/360px/obs-en-09-04.jpg)

फिरौन देख्यो कि इस्राएलियों रे घणी संतानें पैदा वे री थीं, इण वास्ते उणने खुदरे लोगों को इस्राएलियों रे सेंग छोरो को नील नदी रे मायने फेंक कर मार डालणे रो हुकम दियो।

![](https://cdn.door43.org/obs/jpg/360px/obs-en-09-05.jpg)

एक विशेष इस्राएली नारी एक बालक जिणीयो। वा अर उणों धणी जितरो उणसू वियो उण टाबर को छिपायणे राखियो।

![](https://cdn.door43.org/obs/jpg/360px/obs-en-09-06.jpg)

जद उण बालक रे माँ-बाप उणे अर घणा नी लुका सकिया, तो वे उणे मारे जाणे सू बचाणे रे वास्ते एक तैरणे वाली टोकरी माहि नील नदी रे किनारे माथे सरकंडों रे भीचे रखदियो। उणरी बड़ी बेन ने ओ देखणे रे वास्ते उणरी निंगेदास्ती की कि उणरे साथे कई वेला।

![](https://cdn.door43.org/obs/jpg/360px/obs-en-09-07.jpg)

फिरौन री छोरी उण टोकरी को देखकर उणरे मायने झाँकियो। जद उणने एक बालक को देख्यो तो वा उणे खुदरे बालक रे रूप माहि ले लियो। वा एक इस्राएली नारी को उणे दूध पिलाणे रे वास्ते काम माथे राखियो, बिना आ जाणे कि वा उण बालक री सगी माँ हेती। जद वो बालक इतरो बडो व्हे गियो कि अबे उणे खुदरी माँ रे दूध री जरूरत नी री, तो वा फिरौन री छोरी रे कने उणे पाचो दियो, उणरो नाम मूसा थो।

![](https://cdn.door43.org/obs/jpg/360px/obs-en-09-08.jpg)

एक दिण, जद मूसा बडो व्हे गियो, तो वो देख्यो कि एक मिस्री एक इस्राएली को कूट रियो। मूसा खुदरे साथी इस्राएली को बचाणे री कोशिश करी।

![](https://cdn.door43.org/obs/jpg/360px/obs-en-09-09.jpg)

जद मूसा सोचियो कि उणे कोई नी देखेला तो वो उण मिस्री को मार दियो अर उणरे शव को दफन करदियो। पण मूसा जो किदो उणे कुणी देख लियो।

![](https://cdn.door43.org/obs/jpg/360px/obs-en-09-10.jpg)

फिरौन को मालूम व्हे गियो कि मूसा कई करियो। वो उणे मार डालणा री कोशिश किदी, पण मूसा मिस्र सू जंगल मायने नाईगो। फिरौन रा सैनिक उणे वटे होद नी सकिया।

![](https://cdn.door43.org/obs/jpg/360px/obs-en-09-11.jpg)

मिस्र सू आगो जंगल माहि मूसा एक चरवाहा बणगो। वो वटे एक नारी सू भीहाव कर लियो अर दो बेटे पैदा किदा।

![](https://cdn.door43.org/obs/jpg/360px/obs-en-09-12.jpg)

मूसा खुदरे होरा री लड़ियो रे एवड़ री देखभाल करतो। एक दिन, वो एक जलतोड़ी झाड़ी देखी जको भस्म रिया बिना ही जल री थी। उणे देखणे रे वास्ते वो उण झाड़ी रे कने गियो। जद वो उणरे घणो कने थो, तो परमेश्वर उणसू बात कीदी। वो कियो, "हे मूसा, खुदरे जूतों को उतार दे। थू एक पवित्र जागा माथे ऊबो है।"

![](https://cdn.door43.org/obs/jpg/360px/obs-en-09-13.jpg)

परमेश्वर कियो, "म्हू मारे लोगों रे दुःखों ने देख्यो। मैं थने फिरौन रे कने भेजूँला, ताकि थू इस्राएलियों को मिस्र री दासपणा सू निकाल लावे। म्हू उणको कनान देश दूँला, वो देश जिणरो मैंने अब्राहम, इसहाक अर याकूब सू परतिज्ञा करी।"

![](https://cdn.door43.org/obs/jpg/360px/obs-en-09-14.jpg)

मूसा पूछियो, "अगर लोगों ने जाणना चाहो कि मणे कुण भेजियो है तो म्हे कई केहूँ?" परमेश्वर कियो, "जो म्हे हूँ सो म्हे हूँ। उणसू केजों, 'म्हे हूँ ने मने थारे कने भेजियो।' उणसू ओ भी कियो, 'म्हे थारे भडेरा अब्राहम, इसहाक अर याकूब रो परमेश्वर यहोवा हूँ।' मारो ओ नाम सदा रो है।"

![](https://cdn.door43.org/obs/jpg/360px/obs-en-09-15.jpg)

मूसा डरतो अर फिरौन रे कने जाअणो नी चावतो क्यूके वो सोचियो कि वो अच्छे नी बोल पावेला, इण वास्ते परमेश्वर मूसा रे भई, हारून, को उणरी सहायता करणे रे वास्ते भेजियो।

*निर्गमन अध्याय 1-4 सू एक बाइबल री बात*

## 10. दस परेसानियाँ

https://openbiblestories.org/l/rwr/story-10/

![](https://cdn.door43.org/obs/jpg/360px/obs-en-10-01.jpg)

परमेश्वर मूसा अर हारून को चेतावणी दी कि फिरौन हठीला व्हे जावेला। जद वे फिरौन रे कने गिया तो वे कियो, "इस्राएल रा परमेश्वर यों केवे, 'मेरे लोगों को जाणे दे!'" पण फिरौन उनरी नी सुणी अर इस्राएलियों को जाणे रे वास्ते आजाद करणे रे बजाए वो उणको भेर कठिन मेनत करणे रे वास्ते मजबूर कियो।

![](https://cdn.door43.org/obs/jpg/360px/obs-en-10-02.jpg)

फिरौन उण लोगों को जाणे देणे सु ज्यू-ज्यू इंकार करतो रियो, इण वास्ते परमेश्वर मिस्र माथे दस भयंकर परेसानियाँ बेली। इण परेसानियो सु, परमेश्वर ने फिरौन को दिखायो कि वह फिरौन अर मिस्र रे देवताओं सु हेलो शक्तिशाली व्हे।

![](https://cdn.door43.org/obs/jpg/360px/obs-en-10-03.jpg)

परमेश्वर नील नदी का पानी ने लोही महि बदल दियो, पण फिरौन अमे भी इस्राएलियों को जाणे नी दियो।

![](https://cdn.door43.org/obs/jpg/360px/obs-en-10-04.jpg)

परमेश्वर पूरे मिस्र माहि डेडका भेजिया। फिरौन डेडको को आगो करणा रे वास्ते मूसा सु विनती किदी। पण सगला डेडकों रे मर जाणे रे पचे, फिरौन खुदरे मन को कठोर कर लियो अर इस्राएलियों को मिस्र सू निकल नी जाणे दियो।

![](https://cdn.door43.org/obs/jpg/360px/obs-en-10-05.jpg)

इण वास्ते परमेश्वर कुटकियों री परेसानी बेली। उणरे पाचे वो डाँसों री परेसानी बेली। फिरौन मूसा अर हारून को बुलायो अर उणसू कियो कि यदि वे उण परेसानी को रोक देंवे तो इस्राएली मिस्र छोड़कर जा सके। जद मूसा पराथना कीदी तो परमेश्वर मिस्र माथे सू डाँसों को हटा दियो। पण फिरौन खुदरे मन को कठोर कर लियो अर उण लोगों को आज़ाद होकर जाणे नी दियो।

![](https://cdn.door43.org/obs/jpg/360px/obs-en-10-06.jpg)

इण रे धके, परमेश्वर मिस्रियों रे सगला पालतू जीनावरों को बीमार होकर मर जाणे दियो। पण फिरौन रो मन कठोर व्हे गियो अर वो इस्राएलियों को जाणे नी दियो।

![](https://cdn.door43.org/obs/jpg/360px/obs-en-10-07.jpg)

तबे परमेश्वर मूसा सू फिरौन रे हामी हवा माहि राख फेंकणे रे वास्ते कियो। जद वो ऐडो कियो तो मिस्र रे लोगों री चामड़ी माथे पीड़ादायक फोड़े निकलिया, पण इस्राएलियों रे की नी रियो। परमेश्वर फिरौन रे मन को कठोर कर दियो, अर फिरौन इस्राएलियों को आज़ाद होकर जाणे नी दियो।

![](https://cdn.door43.org/obs/jpg/360px/obs-en-10-08.jpg)

इण पचे, परमेश्वर ओला गिराया अर मिस्र री केई फसलों रो नाश कर दियो अर जो कुणी भी बारे निकलिया उणे मार डालियो। फिरौन मूसा अर हारून को बुलायो अर उणसू कियो, "म्हेणे पाप किदो। थे लोग जा सको।" अतः मूसा ने पराथना कीदी, अर आकाश सू ओला गिरना बंद व्हेगिया।

![](https://cdn.door43.org/obs/jpg/360px/obs-en-10-09.jpg)

पण फिरौन पाचो पाप कीदो अर खुदरे मन को कठोर करियो। वो इस्राएलियों को आज़ाद होकर जाणे नी दियो।

![](https://cdn.door43.org/obs/jpg/360px/obs-en-10-10.jpg)

अतः परमेश्वर ने मिस्र माथे टिड्डियों रे दलों को आणे दियो। इण टिड्डियों ने उण सगली फसलों को खा लियो जिनको ओलों ने नाश नी कीदो।

![](https://cdn.door43.org/obs/jpg/360px/obs-en-10-11.jpg)

पाचे परमेश्वर अंधेरों कर दियो जको तीन दिणो ताई भनियो रियो। ओ इतरो घोर थो, कि मिस्री लोग खुदरे घरों सू नी निकल पाया। पण जटे इस्राएली लोग रेवता वटे उजालो थो।

![](https://cdn.door43.org/obs/jpg/360px/obs-en-10-12.jpg)

इण नौ परेसानियों रे पाचे भी, फिरौन इस्राएलियों को आज़ाद होकर जाणे देणे सू इंकार कर दियो। चूँकि फिरौन नी सुणियो इण वास्ते परमेश्वर एक छेली परेसानी को भेजणे री योजणा बणायी। आ फिरौन रे मन को बदल देली।

*निर्गमन अध्याय 5-10 सू एक बाइबल री बात*

## 11. दसवी परेसानी और फसह का त्यहार

https://openbiblestories.org/l/rwr/story-11/

![](https://cdn.door43.org/obs/jpg/360px/obs-en-11-01.jpg)

परमेश्वर ने मूसा अर हारून को फिरौन रे कने ओ केवणे रे वास्ते भेजियो कि इस्राएलियों को जाणे दे। वे उणे चेतावणी दी कि यदि वो उणको नी जाणे देला, तो परमेश्वर मिस्र रे लोगों रे अर जीनावरों रे सगला पेहलौठों को मार डालेला। फिरौन ओ सुणने भी परमेश्वर माथे विश्वास करणे सू अर उणरी बात मानणे सू इंकार करियो।

![](https://cdn.door43.org/obs/jpg/360px/obs-en-11-02.jpg)

परमेश्वर उण माथे विश्वास करणे वाले किणी रे भी पेहलौठे छोरे को बचाणे रे वास्ते एक उपाय रो परबंध किदो। हरेक परिवार को एक निष्कलंक मेमने को लेणे उणरो वध करणो।

![](https://cdn.door43.org/obs/jpg/360px/obs-en-11-03.jpg)

परमेश्वर इस्राएलियों सू उण मेमने रे लोही को लेणे खुदरे घरों रे आड़ा माथे लगाणे रे वास्ते कियो। वाणे उणरे माँस को भूनणो अर पचे उणको अखमीरी रोटी रे साथे उणे फुर्ती सू खाणो। वो उण भोजण को खाणे रे पचे वोने तत्काल मिस्र को छोड़णे को भी तैयार रेवणे रे वास्ते कियो।

![](https://cdn.door43.org/obs/jpg/360px/obs-en-11-04.jpg)

जैड़ा करणे रे वास्ते परमेश्वर इस्राएलियों को आदेश दियो वे उणरे जिह्यू सगलों किदो। आधीरात म्हे, परमेश्वर हरेक पेहलौठे छोरे को घात करते हुए मिस्र रे भिचोभिच सू गुजरियो।

![](https://cdn.door43.org/obs/jpg/360px/obs-en-11-05.jpg)

इस्राएलियों रे हरेक घर रे आड़ा माथे लोही लागोड़ो हो, इण वास्ते परमेश्वर उण घरों को छोडियो। उणरे मायने रे सगला लोग हावल हेता। वे मेमने रे लोही रे कारण बचगिया।

![](https://cdn.door43.org/obs/jpg/360px/obs-en-11-06.jpg)

पण मिस्रियों ने परमेश्वर माथे विश्वास नी किदो अर उणरे आदेशों को नी मानियो। इण वास्ते परमेश्वर उणरे घरों को नी छोडियो। परमेश्वर ने मिस्रियों रे हरेक पेहलौठे छोरो को मारियो।

![](https://cdn.door43.org/obs/jpg/360px/obs-en-11-07.jpg)

जेलखाने रे कैदियों रे पेहलौठों सू लेणे, फिरौन रे पेहलौठे ताई, हरेक पेहलौठा छोरा मरगिया। खुदरी गेरी वेदना रे कारण मिस्र रे घणीहारा लोग रोया अर विलाप करियो।

![](https://cdn.door43.org/obs/jpg/360px/obs-en-11-08.jpg)

उणी रात, फिरौन ने मूसा अर हारून के बुलाया अर कियो, "इस्राएलियों को लेणे हातोहाथ ही मिस्र सू निकल जाओ!" मिस्र रे लोगों ने भी इस्राएलियों सू हातोहाथ निकल जाणे रो आग्रह कियो।

*निर्गमन अध्याय 11:1-12:32 सू एक बाइबल री बात*

## 12. निर्गमन

https://openbiblestories.org/l/rwr/story-12/

![](https://cdn.door43.org/obs/jpg/360px/obs-en-12-01.jpg)

इस्राएली लोग मिस्र सू निकल अणे घणा राजी व्हिया। वे अबे दास नी व्हिया, अर वे परतिज्ञा रे देश को जा वेला! जकोई भी इस्राएलियों ने माँगियो, मिस्रियों ने वाणे वा सेंग दियो, अटे ताई कि सोना अर चाँदी अर भेर मूल्यवान वस्तुएँ। दूजे देशों रे थोड़ाक लोगों ने परमेश्वर माथे विश्वास किदो अर जदे इस्राएली लोग मिस्र सू निकले तो वे भी उणरे साथे व्हेगा।

![](https://cdn.door43.org/obs/jpg/360px/obs-en-12-02.jpg)

दिण रे दौरान बादल रो एक घणो ही बड़ा खम्भो वाणे थके-थके हालियो। अर रात री वेला ओ आग रो खम्भो बणगियो। परमेश्वर जो कि उण बादल रे खम्भे माहि अर आग रे खम्भे माहि हेतो, रोजीणा वाणे साथे थो अर वो यात्रा करते वेला उणरी अगुवाई किदी। वाणे खाली इतोई करणो थो कि उणरे लारे चालें।

![](https://cdn.door43.org/obs/jpg/360px/obs-en-12-03.jpg)

थोड़ीक वेला रे पचे, फिरौन अर उणरे लोगों ने खुदरे मन को बदलियो। वे इस्राएलियों को पाचे सू खुदरो दास बणावणी चावता। इण वास्ते वे इस्राएलियों रो लारो किदो। ओ परमेश्वर ही थो जिणने उणरे मनों को बदल दियो। वो ऐड़ो इणवास्ते किदो क्यूके वो चावतो कि हरेक ईआ जाण ले कि फिरौन सू अर मिस्रियों रे सगला देवताओं सू वो, यहोवा, हलो शक्तिशाली व्हे।

![](https://cdn.door43.org/obs/jpg/360px/obs-en-12-04.jpg)

जद इस्राएलियों ने मिस्र री सेणा को आवतो देखियो, तो उणको मालूम व्हियो कि वे फिरौन री सेणा अर लाल समदर रे मायने फँसगिया। वे घणा डरिया अर रोवणे लागा, "आपा मिस्र को क्यू छोडियो? आपा मरणे वाला हा!"

![](https://cdn.door43.org/obs/jpg/360px/obs-en-12-05.jpg)

मूसा इस्राएलियों सू कियो, "डरणो बंद करो! परमेश्वर आज थाणे वास्ते लड़ेला अर थाणे मिस्रियां रे हाथ हूं बचावेला।" तबे परमेश्वर मूसा सू कियो, "इण लोगों सू लाल समदर री ओर धके बढ़णे रे वास्ते कियो।"

![](https://cdn.door43.org/obs/jpg/360px/obs-en-12-06.jpg)

तबे परमेश्वर उण बादल रे खम्भे को लेणे इस्राएलियों अर मिस्रियों रे मायने रख दियो, ताकि मिस्री लोग इस्राएलियों के पास नी पावे।

![](https://cdn.door43.org/obs/jpg/360px/obs-en-12-07.jpg)

परमेश्वर मूसा सू समदर माथे खुदरो हाथ बढ़ाणे रे वास्ते कियो। पाचे परमेश्वर ने हवा सू समदर रे पाणी को बाईं अर दाईं ओर करवा दियो, जिणसू कि समदर सू वेणे एक रास्तो बणगियो।

![](https://cdn.door43.org/obs/jpg/360px/obs-en-12-08.jpg)

इस्राएली लोग खुदरे दोई पाड़े पाणी री दीवारों रे साथे, हूखी जमी माथे समदर सू होणे बढ़ चलिया।

![](https://cdn.door43.org/obs/jpg/360px/obs-en-12-09.jpg)

तबे परमेश्वर उण रास्ते सू बादल को उठा लियो ताकि मिस्री लोग इस्राएलियों को बचण जावतोड़ा देखें। मिस्रियों ने वाणे पकड़ने रे वास्ते वाणों लारो करणे रो फैसलो लियो।

![](https://cdn.door43.org/obs/jpg/360px/obs-en-12-10.jpg)

अतःवे समदर रे माध्यम सू उण रास्ते माथे इस्राएलियों रो लारो किदो, पण परमेश्वर ने मिस्रियों को डरा दियो अर उणरे रथों को अटकाई दियो। वे चिल्लावणे लागा, "भागो! इस्राएलियों री ओर सू परमेश्वर लड़ रियो व्हे!"

![](https://cdn.door43.org/obs/jpg/360px/obs-en-12-11.jpg)

सगला इस्राएली समदर री दूजी पाड़े पोचगिया। तबे परमेश्वर मूसा सू कियो कि वो पाचो सू पाणी माथे हाथ बढ़ाए। जद मूसा ऐडो कियो, तोई पाणी मिस्री सेना माथे आ पडियो अर खुदरी सामान्य स्थिति में व्हेगियो। सगली मिस्री सेणा डूबगी।

![](https://cdn.door43.org/obs/jpg/360px/obs-en-12-12.jpg)

जद इस्राएलियों ने देखियो कि मिस्री मर गिया, तो वे परमेश्वर माथे विश्वास किदो। वे विश्वास किदो कि मूसा परमेश्वर री ओर सू भविष्यद्वक्ता थो।

![](https://cdn.door43.org/obs/jpg/360px/obs-en-12-13.jpg)

इस्राएली लोग इण वास्ते भी घणा आणन्दित हेता, क्यूके परमेश्वर ने उणको मरणे सू अर दास होणे सू बचा लियो। अबे वे परमेश्वर री आराधना करणे, अर उणरी आज्ञा रो पालण करणे रे वास्ते आज़ाद हा। इस्राएलियों ने खुदरी आज़ादी रो उत्सव मणाणे रे वास्ते अर परमेश्वर री परशंसा करणे रे वास्ते केई गीतों को गायो, क्यूके उणने उणको मिस्रियों री सेणा सू बचायो।

![](https://cdn.door43.org/obs/jpg/360px/obs-en-12-14.jpg)

परमेश्वर ने इस्राएलियों को हरेक बरस एक पर्व मणाने रो हुकम दियो, ओ ओलू करणे रे वास्ते कि किकर परमेश्वर ने मिस्रियों को हरायो, अर उणको दास होणे सू आज़ाद कियो। ओ फसह रो पर्व कहलायो। इणमें उणको इणका उत्सव मनाणे रे वास्ते एक स्वस्थ मेमने री बलि करणी, उणे भूणणो, अर उणे बिना खमीर वाली रोटी रे साथे खाणो।

*निर्गमन अध्याय 12:33-15:21 सू एक बाइबल री बात*

## 13. इस्राएल रे साथे परमेश्वर री वाचा

https://openbiblestories.org/l/rwr/story-13/

![](https://cdn.door43.org/obs/jpg/360px/obs-en-13-01.jpg)

इस्राएलियों को लाल समदर सू पार लेअणे जाणे रे पचे, परमेश्वर उणको जंगल सू होअणे सीनै केलावणे वाले पर्वत री धकिने लेणे हालियो। ओ वोइज पर्वत थो जटे मूसा ने जलतोड़ी झाड़ी को देखियो। उण लोगों ने उण पर्वत रे नीचे खुदरे तम्बुओं को स्थापित कियो।

![](https://cdn.door43.org/obs/jpg/360px/obs-en-13-02.jpg)

परमेश्वर ने मूसा सू अर इस्राएल रे सगला लोगों सू कियो, "थे रोजीणा मारी बातों को माणोला अर जको वाचा म्हू थाणे साथे बाँधू हूँ उणे बणायो राखणो। यदि थे ऐणा करोला, तो थे मारा पुरस्कार बहुमूल्य धन, याजकों रा राज्य, अर एक पवित्र जाति ठेहरोला।"

![](https://cdn.door43.org/obs/jpg/360px/obs-en-13-03.jpg)

परमेश्वर द्वारा उणरे कणे आणे रे वास्ते लोगों ने तीन दिण ताई खुद को तैयार कियो। तबे परमेश्वर सीनै पर्वत री चोटी माथे नीचे उतरिया। जद वो आयो तो भूकम्प रियो, बिजलियाँ चमकी, धूँओ उठियो, अर तुरहियों रा जोरदार शब्द व्हिया। तबे मूसा खुद ऊपर पर्वत माथे चढ़गियो।

![](https://cdn.door43.org/obs/jpg/360px/obs-en-13-04.jpg)

तबे परमेश्वर ने लोगों रे साथे एक वाचा बाँधी। वो कियो, "म्हू थारो परमेश्वर, यहोवा हूँ। मईज़ हूँ जको थाणे मिस्र री दासत्व सू छुड़ायो। किणी दूजा देवता री उपासना मती करजो।"

![](https://cdn.door43.org/obs/jpg/360px/obs-en-13-05.jpg)

मूर्तियाँ नी बणावणी अर उणरी उपासना नी करणी, क्यूके म्हे, यहोवा, थारो एकलो परमेश्वर हूँ। अनुचित रीति सू मारे नाम रो उपयोग मती करजो। सब्त रे दिण को पवित्र मानणे रे वास्ते ओलू राखजो। दूजे शब्दों माहि, छः दिणों माहि खुदरे सगला कोम करणों, सातवाँ दिण थारे वास्ते विश्राम करणे अर मने ओलू करणे रो दिण व्हे।

![](https://cdn.door43.org/obs/jpg/360px/obs-en-13-06.jpg)

खुदरे मा अर बाप रो माण करणो। हत्या नी करणी। व्यभिचार नी करणो। चोरी नी करणो। खुदरे पड़ोसी री लुगाई, उणरे घर, या उणरे किणी भी सामान को ले लेणे री इच्छा नी करणी।

![](https://cdn.door43.org/obs/jpg/360px/obs-en-13-07.jpg)

तबे परमेश्वर ने इण दस आज्ञाओं को भाटा री दो पटियाओं माथे लिख कर मूसा को दे दियो। परमेश्वर ने पालण करणे रे वास्ते लोगों को दुजी घणी व्यवस्थाएँ दीं। जदि वे इण व्यवस्थाओं रा पालण किदो, तो परमेश्वर उण लोगों को आशीष देणे अर उणरी सुरक्षा करणे री परतिज्ञा किदी। पण वो कियो कि जदि वे इणरो पालण नी किदो, तो वो वाणे दंडित करेला।

![](https://cdn.door43.org/obs/jpg/360px/obs-en-13-08.jpg)

परमेश्वर ने इस्राएलियों सू एक बड़ा तंबू बणाणे रे वास्ते भी कियो – मिलाप वालो तंबू। वो उणको ठीक ठीक बतायो, कि इण तंबू को किकर बणाणो व्हे, अर उणरे मायने किण चीजों को राखणो व्हे। वो उणको उण तंबू को दो कमरों माहि विभाजित करणे रे वास्ते एक बड़ा परदो बणाणे रे वास्ते भी कियो। परमेश्वर उण परदे रे लारे वाले कमरे माही आवेला अर वटे रेवेला। जटे परमेश्वर थो उण कमरे जाने री अनुमति खाली महायाजक कोरेला।

![](https://cdn.door43.org/obs/jpg/360px/obs-en-13-09.jpg)

उण लोगों को उण मिलाप वाले तंबू रे सामी एक वेदी को बणाणौ व्हेला। कुणी भी जको परमेश्वर री व्यवस्था री अवज्ञा करेला वो उण वेदी माथे एक जीनावर को लेणे आई। तबे याजक उणे बलि करेला अर वेदी माथे परमेश्वर रे वास्ते बलि रे रूप माही जलावेला। परमेश्वर कियो के उण जीनावर रो लोही उण मीनक रे पापों को ढाँप लेला। इण रीत सू, अबे परमेश्वर उण पाप को नी देखेला। वो मीनक परमेश्वर री दृष्टि माही "शुद्ध" ठेहरेला। परमेश्वर मूसा रे भई हारून को अर हारून रे वंशजों को खुदरे याजक होणे रे वास्ते चुणियो।

![](https://cdn.door43.org/obs/jpg/360px/obs-en-13-10.jpg)

परमेश्वर उण लोगों को, जो नियम दिये वे उणरा पालन करणे रे वास्ते सहमत रियो। वे खाली परमेश्वर रे लोग होणे को अर खाली उणरी आराधना करणे रे वास्ते सहमत रिया।

![](https://cdn.door43.org/obs/jpg/360px/obs-en-13-11.jpg)

केई दिणो ताई, मूसा सीनै पर्वत री चोटी माथे ही रियो। वो परमेश्वर सू बात करियो। पण लोग उणरे कने पाचे लौटणे री परतीक्षा करता-करता थाकगा। इण वास्ते वे हारून रे कने सोना लेणे आया अर उणसू एक मूर्ति बणाणे रे वास्ते कियो, ताकि वे परमेश्वर रे बजाए उणरी उपासना कर सकें। इण रीत सू, वे भयंकर रूप सू परमेश्वर रे विरुद्ध पाप किदो।

![](https://cdn.door43.org/obs/jpg/360px/obs-en-13-12.jpg)

हारून ने बछड़े रे आकार माही सोने री एक मूर्ति बणाई। उण लोगों ने उण मूर्ति री उपासना शुरू कर दि अर उणे बलि चढ़ाई! उणरे पाप री वजह सू परमेश्वर उणसू घणो क्रोधित रियो। वो उणको नष्ट करणो चावतो। पण मूसा ने उणको नी मारणे का परमेश्वर सू अनुरोध किदी। परमेश्वर ने उणरे अनुरोध सुणीयो अर उणको नष्ट नी किदो।

![](https://cdn.door43.org/obs/jpg/360px/obs-en-13-13.jpg)

आखिरकार मूसा सीनै पर्वत सू नीचे उतरियो। वो उण दो भाटो री पटियाओं को लियोडो थो जिण माथे परमेश्वर ने दस आज्ञाओं को लिखियो। पाचे वो उण मूर्ति को देखियो। वो इतरो क्रोधित वियो, कि वो उण पटियाओं को चकणाचूर कर दियो।

![](https://cdn.door43.org/obs/jpg/360px/obs-en-13-14.jpg)

पाचे मूसा उण मूर्ति को पीस कर उणरो बुरादो बणायो, अर उण बुरादे को पाणी माही मिलाणे उण लोगों को वो पाणी पिलायो। परमेश्वर उण लोगों माथे एक विपत्ति भेजी अर उणमें सू घणी लोग मरगिया।

![](https://cdn.door43.org/obs/jpg/360px/obs-en-13-15.jpg)

जिण पटियाओं को मूसा तोडियो उणरी जागा लेणे रे वास्ते मूसा उण दस आज्ञाओं री भाटा री नवी पटियाओं को बणाई। तबे वो पाचो पर्वत माथे चढ़ गियो, अर पराथना की कि परमेश्वर उण लोगों को क्षमा करे। परमेश्वर ने मूसा री सुणी अर उणको क्षमा करियो। नवी पटियाओं माथे दस आज्ञाओं को लेणे मूसा पर्वत सू नीचे उतरियो। तबे परमेश्वर ने सीनै पर्वत सू लेणे परतिज्ञा रे देश ताई इस्राएलियों री अगुवाई किदी।

*निर्गमन अध्याय 19-34 सू एक बाइबल री बात*

## 14. जंगल माहि भटकणो

https://openbiblestories.org/l/rwr/story-14/

![](https://cdn.door43.org/obs/jpg/360px/obs-en-14-01.jpg)

परमेश्वर ने इस्राएलियों को उण नियमों को बताणा समाप्त कियो, जिणका उणको बाँधीगी उणकी वाचा रे वास्ते पालण करणो। पचे वो सीनै पर्वत सू धके उणरी अगुवाई किदी। वो वाणे परतिज्ञा रे देश माये लेजाणो चावतौ। ओ देश कनान भी केलावतो। परमेश्वर बादल रे खम्भे में उणरे धके-धके हालियो, अर वे उणरे लारे-लारे हालिया।

![](https://cdn.door43.org/obs/jpg/360px/obs-en-14-02.jpg)

परमेश्वर ने अब्राहम, इसहाक अर याकूब सू परतिज्ञा किदी, कि वो परतिज्ञा रा वो देश उणरे वंशजों को देला, पण इण वेला वटे घणीही जाति रेवती। वे कनानी केलावता। ये कनानी लोग परमेश्वर री आराधना नी करता अर उणरी आज्ञा को नी मानता। वे झूठे देवताओं री उपासना किया करता अर घणाही बुरे काम करता।

![](https://cdn.door43.org/obs/jpg/360px/obs-en-14-03.jpg)

परमेश्वर ने इस्राएलियों सू कियो, "जद थे उण वाचा रे देश माये जाओ, तो वटेरे सगला कनानियों सू छुटकारा पालोला। उणरे साथे संधि मती करजो अर उणसू ब्याव मती करजो। थे उणरी सगली मूर्तियों को पूरी तरह सू नष्ट कर देणी। जदि थे म्हारी आज्ञा नी मानोला, तो थे मारे बजाए उणरे देवताओं री उपासना करणे लागोला।"

![](https://cdn.door43.org/obs/jpg/360px/obs-en-14-04.jpg)

जद इस्राएली कनान री सीमा माथे पुगिया, मूसा ने इस्राएल रे हरेक गोत्र मायेसू एक-एक करके बारह मिनको को चुनियो। उणने उणको जाकर उस देश रा भेद लेणे रे निर्देश दिए, कि देखें कि वो कैणौ देश है। उणको उण कनानियों रा भेद भी लेवणौ कि देखें कि वे बलशाली हेता या निर्बल हेता।

![](https://cdn.door43.org/obs/jpg/360px/obs-en-14-05.jpg)

उण बारह मिनको ने पूरे कनान सू रेवतोड़ा चालीस दिण री यात्रा किदी अर पाचे वे पाचा लौटिया। वे लोगों को बतायो, "वो देश घणो उपजाऊ है, अर फसलें बहुतायत री हैं!" पण दस भेदियों ने कियो, "उणरे नगर घणा दृढ़ अर वे लोग लंबे-चौड़े व्हे! जदि आपा उण माथे हमला करेला, तो निश्चित रूप सू वे अपाणे हराई देला अर अपाणे मार डालेला।"

![](https://cdn.door43.org/obs/jpg/360px/obs-en-14-06.jpg)

तुरन्त ही कालेब अर यहोशू अर दूजा दो भेदियों ने कियो, "ओ साच है कि कनान रे लोग लंबे अर बलशाली व्हे, पण निश्चित रूप से आपा उणको हरा सको! परमेश्वर अपाणे वास्ते लड़ेला!"

![](https://cdn.door43.org/obs/jpg/360px/obs-en-14-07.jpg)

पण लोगों ने कालेब अर यहोशू री नी सुणी। वे मूसा अर हारून माथे क्रोधित व्हिया अर कियो, "थे माणे इण भयानक जागा माथे क्यू लेणे आया? माणे मिस्र मायनिज रेवणौ चाहिजे। जदि आपा उण देश माये जावा, तो आपा युद्ध मायने मारा जावोला, अर कनान रे लोग आपाणी लुगाइयों अर टाबरो को दास बणाई देला।" वे लोग उणको पाचा मिस्र मायने ले जाणे रे वास्ते एक दूजा अगुवे को चुणनी चावता।

![](https://cdn.door43.org/obs/jpg/360px/obs-en-14-08.jpg)

जद उण लोगों ने ऐणौ कियो, तो परमेश्वर घणो क्रोधित व्हेगियो। वो मिलाप वाले तंबू मायने आयो अर कियो, "थू मारे विरुद्ध बलवा कियो, इण वास्ते थे सगला इण जंगल मायने भटकोला। हरेक जन जको बीस बरस या उणसे हली उमर रा है वटे मर जावेला अर कदी भी उण देश मायने प्रदेश नी कर पावेला जको म्हे थने देवू। खाली कालेब अर यहोशू उणमें प्रवेश करेला।"

![](https://cdn.door43.org/obs/jpg/360px/obs-en-14-09.jpg)

जद लोगों ने परमेश्वर को ऐणा केवता सुणियो, तो वे दुखी रिया क्यूके वे पाप किदो। इण वास्ते वे कनान रे लोगों माथे हमलो करणे रो निर्णय किदो। मूसा ने उणको नी जाणे रे वास्ते चेतावणी दी, क्यूके परमेश्वर उणरे साथे नी जावेला, पण वे उणरी नी सुणी।

![](https://cdn.door43.org/obs/jpg/360px/obs-en-14-10.jpg)

परमेश्वर इण युद्ध माये उणरे साथे नी गियो, इण वास्ते कनानियों ने उणको हरा दियो अर उणमें सू केईयो को मार डालियो। तबे इस्राएली लोग कनान सू पाचा मुड़गिया। धकला चालीस बरसो ताई, वे जंगल मायने अटिने-उटिने भटकिया।

![](https://cdn.door43.org/obs/jpg/360px/obs-en-14-11.jpg)

इस्राएली लोगों द्वारा जंगल मायने भटकणे रे चालीस बरसो रे दौराण, परमेश्वर ने उणकी जरूरतो को पूरो कियो। उणने उणको स्वर्ग सू "मन्ना" कहलाणे वाली रोटी दी। उणने बटेरों रे झुंड भी (जो कि मध्यम आकार रा पन्छी व्हेता) उणकी छावणी मायने भेजिया, ताकि उणरे कणे खाणे रे वास्ते माँस हो। उण पूरे वेला, परमेश्वर ने उणके गाबो अर जूतों को फटने सू बचायोड़ा राखियो।

![](https://cdn.door43.org/obs/jpg/360px/obs-en-14-12.jpg)

अटे ताई कि परमेश्वर ने उणके पीणे रे वास्ते चमत्कारी रूप सू चट्टान रे मायू पाणी निकालियो। पण इण सगला रे उपरंच, इस्राएली लोगों ने परमेश्वर रे खिलाफ अर मूसा रे खिलाफ शिकायत किदी अर कुड़कुड़ाए। तौईभी, परमेश्वर विश्वासयोग्य थो। उणने जको परतिज्ञा किदी कि वो अब्राहम, इसहाक, अर याकूब रे वंशजों रे वास्ते करेला उणने वो किदो।

![](https://cdn.door43.org/obs/jpg/360px/obs-en-14-13.jpg)

एक अर वेला जद उण लोगों रे कणे पाणी नी थो, परमेश्वर ने मूसा सू कियो, "चट्टान सू बाता कर, अर उणसे पाणी निकलेला।" पण मूसा ने चट्टान सू बाता नी किदी। बजाए इणरे, वो छड़ी सू चट्टान माथे दो बार मारियो। इण रीति सू उणने परमेश्वर रो निरादर किदो। सगले रे पीणे रे वास्ते चट्टान मायनू पाणी तो निकलियो, पण परमेश्वर मूसा सू क्रोधित व्हेगियो। वो कियो, "क्यूके थू ऐणौ किदो, इण वास्ते थू परतिज्ञा रे देश मायने परवेश नी कर पावेला।"

![](https://cdn.door43.org/obs/jpg/360px/obs-en-14-14.jpg)

जद इस्राएली लोग चालीस बरसो ताई जंगल मायने भटकिया, तबे जको परमेश्वर रे खिलाफ बलवा किदो वे सगला मर गिया। तबे परमेश्वर उण लोगों को पाचो उण परतिज्ञा रे देश रे सिवाने तक ले गियो। अबे मूसा घणो बूढ़ो व्हे गियो, इण वास्ते परमेश्वर ने लोगों री अगुवाई करणे मायने उणकी सहायता करणे रे वास्ते यहोशू को चुणियो। परमेश्वर ने मूसा सू आ परतिज्ञा भी किदी, कि एक दिण वो उण लोगों रे कणे मूसा रे जैणो एक भविष्यद्वक्ता भेजेला।

![](https://cdn.door43.org/obs/jpg/360px/obs-en-14-15.jpg)

तबे परमेश्वर ने मूसा को एक पर्वत री चोटी माथे जाणे रे वास्ते कियो, ताकि वो परतिज्ञा रे देश को देख सकेला। मूसा ने उण परतिज्ञा रे देश को देखियो पण परमेश्वर ने उणे उणमें परवेश करणे री अनुमति नी दी। तबे मूसा मरगियो, अर इस्राएलियों ने तीस दिण ताई शोक मनायो। यहोशू उणरो नयो अगुवा बणियो। यहोशू एक छोखो अगुवा थो, क्यूके उणने परमेश्वर माथे भरोसो किदो अर उणकी बातों को माणियो।

*निर्गमन अध्याय 16-17; गिनती 10-14; 20; 27; व्यवस्थाविवरण 34 सू एक बाइबल री बात*

## 15. परतिज्ञा रा देश

https://openbiblestories.org/l/rwr/story-15/

![](https://cdn.door43.org/obs/jpg/360px/obs-en-15-01.jpg)

अन्त माय, अबे वा वेला आयगी कि इस्राएली लोग परतिज्ञा रे देश, कनान माये परवेश करिया। उण देश माय यरीहो नाम रो एक नगर हो। उणरी सुरक्षा रे वास्ते उणरे चारों मेर मजबूत दीवारें ही। यहोशू ने उण नगर माय दो भेदियों को भेजियो। उण नगर माय राहाब नाम री एक वेश्या रेवती। उणने इण भेदियों को लुकायो, अर पचे उणने उणको नगर सू बचाणे निकलणे माय मदद किदी। उणने ऐणौ इणवास्ते कियो, क्यूके वो परमेश्वर माय विश्वास करती। जिण वेला इस्राएली लोग यरीहो रो नाश करेंला, तबे वे राहाब अर उणरे परिवार री रक्षा करणे री परतिज्ञा किदी।

![](https://cdn.door43.org/obs/jpg/360px/obs-en-15-02.jpg)

इस्राएली लोगों रो परतिज्ञा रे देश माये परवेश करणे रे वास्ते यरदन नदी पार करणी थी। परमेश्वर ने यहोशू सू कियो, "याजकों को पेले जाणे दे।" जद याजकों ने यरदन नदी महि खुदरे कदमों को रखियो, तो पाणी री धारा रो बेहणो थम गियो। जिणसू कि इस्राएली लोग नदी रे दूजी ओर हूखी जमि माथे पार जा सकिया।

![](https://cdn.door43.org/obs/jpg/360px/obs-en-15-03.jpg)

उण लोगों रे यरदन नदी पार करली, तो परमेश्वर ने यहोशू सू कियो कि यरीहो माथे हमलो करणे रे वास्ते तैयार रेइजो, यद्यपि वो घणो दृढ़ नगर थो। परमेश्वर ने उण लोगों सू कियो कि उणके याजकों अर सैनिकों को छह दिणो ताई उण नगर रे चारों मेर चक्कर लगावणों। अतः याजकों अर सैनिकों ने ऐणों ही किदो।

![](https://cdn.door43.org/obs/jpg/360px/obs-en-15-04.jpg)

तबे सातवें दिण, इस्राएलियों ने उण नगर रे चारों मेर सात भला अर चक्कर लगाया। उणरे नगर रे चारों मेर सातवीं भला चक्कर लगाणे रे पचे, याजकों ने खुदरी तुरहियाँ फूँकी और सैनिकों ने जोरदार आवाज हूं परमेश्वर री जय-जयकार किदी।

![](https://cdn.door43.org/obs/jpg/360px/obs-en-15-05.jpg)

तबे यरीहो रे चारों मेर री भीतिया पड़गी! जैणी परमेश्वर ने हुकम दियो, इस्राएलियों ने नगर री हरेक चीज रो नाश करदियो। वे खाली राहाब अर उणरे परिवार को छोड़ियो, जको इस्राएलियों रा भाग बण गिया। जद कनान माये रेवणे वाला दूजा लोगों ने सुणियो कि इस्राएलियों ने यरीहो रो नाश कर दियो, तो वे डरगा कि इस्राएली लोग उण माथे भी हमला करेला।

![](https://cdn.door43.org/obs/jpg/360px/obs-en-15-06.jpg)

परमेश्वर ने इस्राएलियों को हुकम दियो कि कनान मायने रेवणे वाली किणी भी जाति रे साथे शान्तिसंधि नी करणी। पण गिबोनियों नामरो एक कनानी जाति ने यहोशू सू झूठ बोलियो, कि वे कनान सू आगो एक जागा रे रेवणो वालो हैं। वे यहोशू सू उणरे साथे शान्तिसंधि करणे रो अनुरोध किदो। यहोशू अर दूजा इस्राएली अगुवों ने परमेश्वर सू नी पूछियो, कि उणको कई करणा चाहिजे। इणरे बजाए, वे गिबोनियों रे साथे शान्तिसंधि किदी।

![](https://cdn.door43.org/obs/jpg/360px/obs-en-15-07.jpg)

तीण दिण पचे, इस्राएलियों को ठा (मतलब?) पड़ी कि गिबोनी लोग कनान मायने ही रेवता। वे क्रोधित व्हेगिया क्यूके गिबोनियों ने उणको धोखो दियो। पण वे उणरे साथे किदोडी उण शान्तिसंधि को बणाए राखी क्यूके वा परमेश्वर रे हामी किदी। तबे थोडिक वेला रे पचे, कनान मायने रेवणे वाली एक दुजी जाति, एमोरियों रे राजाओं ने सुणियो कि गिबोनियों ने इस्राएलियों रे साथे शान्तिसंधि किदी, इण वास्ते वे खुदरी-खुदरी सेणाओं को एक कर के एक वडी सेणा बणाई अर गिबोन माथे हमला करियो। गिबोनियों ने उणरी मदद करणे रे वास्ते यहोशू रे कने एक संदेश भेजियो।

![](https://cdn.door43.org/obs/jpg/360px/obs-en-15-08.jpg)

अतः यहोशू ने इस्राएलियों री सेणा को भेलो किदो अर गिबोनियों रे कने पोचणे रे वास्ते वे पूरी रात हालिया। सुबेह भोर मायने वे एमोरियों री सेणा को चकित करदियो अर उण माथे हमला करयो।

![](https://cdn.door43.org/obs/jpg/360px/obs-en-15-09.jpg)

उण दिण परमेश्वर इस्राएलियों रे वास्ते लड़ियो। उणने एमोरियों को घबरा दियो अर उणने बड़ा -बड़ा ओले गिरायणे घणा ही एमोरियों को मार डालियो।

![](https://cdn.door43.org/obs/jpg/360px/obs-en-15-10.jpg)

परमेश्वर ने सूर्य को भी आकाश मायने एक जागा माथे रोक दियो, ताकि इस्राएलियों को पर्याप्त वेला मिले कि एमोरियों को पूरी तरेहू सू हरावे। उण दिण, परमेश्वर ने इस्राएलियों रे वास्ते एक बडी विजय हासिल किदी।

![](https://cdn.door43.org/obs/jpg/360px/obs-en-15-11.jpg)

जद परमेश्वर ने उण सेणाओं को हराने रे पचे, घणा ही कनानी, जाति रे लोग इस्राएल माथे हमला करणे रे वास्ते भेलारिया। यहोशू अर इस्राएलियों ने हमला करके उणरो सर्वनाश करदियो।

![](https://cdn.door43.org/obs/jpg/360px/obs-en-15-12.jpg)

इण युद्धों रे पचे, परमेश्वर ने इस्राएल रे हरेक गोत्र को परतिज्ञा रे उण देश मायने उणरो भाग दिदो। तबे परमेश्वर ने इस्राएल को उणकी सगली सीमाओं माथे शान्ति परदान “किदी”।

![](https://cdn.door43.org/obs/jpg/360px/obs-en-15-13.jpg)

जद यहोशू बूढ़ो व्हेगियो, तो वो इस्राएल रे सगला लोगों को एक साथे बुलायो। तबे यहोशू ने उण लोगों को याद करायो कि वे उण वाचा रो पालण करणे री परतिज्ञा कीदी, जको परमेश्वर ने उणरे साथे सीनै पर्वत माथे बाँधी। उण लोगों ने परमेश्वर रे परति विश्वास योग्य रेवणे अर उणरी व्यवस्थाओं रो पालण करणे रो वादो कियो।

*यहोशू अध्याय 1-24 सू एक बाइबल री बात*

## 16. छुड़ाणे वालो

https://openbiblestories.org/l/rwr/story-16/

![](https://cdn.door43.org/obs/jpg/360px/obs-en-16-01.jpg)

यहोशू रे मरणे रे पचे इस्राएलियों ने परमेश्वर री अवज्ञा किदी। वे परमेश्वर रे नियमों रो पालण नी किदो, अर वे उण वाचा रे देश सू बचियोड़ा कनानियों को बाहरे नी निकालिया। इस्राएलियों ने खुदरे साचे परमेश्वर, यहोवा को छोड़ कनानियों रे देवताओं री उपासना करणी शुरू करदी। इस्राएलियों रे कने कुणी राजा नी हेतो, इणवास्ते जिणे जको सही लागतो वो वोहिज करतो।

![](https://cdn.door43.org/obs/jpg/360px/obs-en-16-02.jpg)

परमेश्वर रो हुकम नी माणने रे द्वारा इस्राएलियों ने एक पद्धति को शुरू करदियो जिणे केई भला दोहरायो गियो। आ पद्धति इण परकार सू चली: थोड़ाक बरसो ताई इस्राएली परमेश्वर री आज्ञा नी माणेला, तबे वो उणको उणके शत्रुओं सू हरावणे करावणे रे द्वारा दंडित करेला। ये शत्रु इस्राएलियों सू उणकी चीजों को लूट लेई, उणकी सम्पत्ति रो नाश कर देंई, अर उणमें सू घणौ नेई मार डाली। पचे जद इस्राएलियों रे शत्रु उण माथे केई बरसो ताई अत्याचार करेंला, उणरे पचे इस्राएली खुदरे पापों रा पश्चाताप करेला अर परमेश्वर सू उणको बचाणे रे वास्ते पराथना करेला।

![](https://cdn.door43.org/obs/jpg/360px/obs-en-16-03.jpg)

हरेक भला जद इस्राएली पश्चाताप करेंला तो परमेश्वर उणको बचावेला। वो एक छुड़ाणे वाले रे द्वारा ऐणों करेला – एक ऐअणो जअणो जको उनके शत्रुओं रे खिलाफ लड़ेला अर उणको हराई देला। तबे देश मायने शान्ति व्हेला अर वो छुड़ाणे वालो उण माथे अच्छे सू शासण करेला। परमेश्वर ने उण लोगों को बचाणे रे वास्ते घणा ही छुड़ावणे वालों को भेजिया। परमेश्वर ने कने ही की एक शत्रु जाति, मिद्यानियों रे द्वारा इस्राएलियों को हरावने करवाणे रे द्वारा पाचे ऐणो किदो।

![](https://cdn.door43.org/obs/jpg/360px/obs-en-16-04.jpg)

मिद्यानियों ने सात बरसो ताई इस्राएलियों री फसलों को लूटियो। इस्राएली लोग घणा डरगिया, अर वे गुफाओं मायने छिपगिया ताकि मिद्यानी लोग उणको खोज नी पावे। आखिरकार, उणको बचाणे रे वास्ते वे परमेश्वर को पुकारियो।

![](https://cdn.door43.org/obs/jpg/360px/obs-en-16-05.jpg)

गिदोन नाम रो एक इस्राएली मिनक थो। एक दिण, वो एक गुप्त जागा मायने गेहूँ झाड़ रियोथो, ताकि मिद्यानी लोग उणे चुरा नी पावे। यहोवा रे स्वर्गदूत ने गिदोन रे कने आयणे उणसे कियो, "हे शूरवीर सूरमा, परमेश्वर थारे साथे है। जा अर इस्राएलियों को मिद्यानियों सू बचायले।"

![](https://cdn.door43.org/obs/jpg/360px/obs-en-16-06.jpg)

गिदोन रे बाप रे काने मूर्ति रो समर्पित एक वेदी हेती। सबसू पेहली बात जको परमेश्वर ने गिदोन को करणे रे वास्ते किदी वा उण वेदी को तोड़नी हेती। पण गिदोन लोगों सू डरतो, इण वास्ते उसणे रात होणे री भाड़ जोई। तबे उसणे उण वेदी को तोड़ने टुकड़ा-टुकड़ा करियो। उसणे परमेश्वर रे वास्ते एक नवी वेदी बणाई अर उण माथे परमेश्वर रे वास्ते बलि चढ़ाई।

![](https://cdn.door43.org/obs/jpg/360px/obs-en-16-07.jpg)

धकली सुबेह लोगों ने देखियो कि कुणी वेदी को तोड़णे टुकड़ा-टुकड़ा करिया, इण वास्ते वे घणा क्रोधित व्हिया। वे गिदोन को मार डालणे रे वास्ते उणरे घरे गिया, पण गिदोन रे बाप कियो, "थे क्यू अपणे देवता री सहायता करणे रो प्रयास कर रियाहो? जदि वो देवता व्हेई, तो उणे खुदरी सुरक्षा खुद करणे दो!" क्यूके वो ऐणो कियो इण वास्ते लोगों ने गिदोन को नी मारियो।

![](https://cdn.door43.org/obs/jpg/360px/obs-en-16-08.jpg)

तबे इस्राएलियों को लूटणे रे वास्ते मिद्यानी लोग पाचा आया। वे इता सारा हेता कि उणरी गिनती भी नी की जा सकी। गिदोन ने उणरे खिलाफ लड़ने रे वास्ते इस्राएलियों को एक साथे बुलायो। गिदोन ने परमेश्वर सू दो निशाणी री माँग किदी, ताकि उणे विश्वास व्हे जावे कि परमेश्वर साची माय उणे इस्राएल को बचाणे रे वास्ते केह रियो है।

![](https://cdn.door43.org/obs/jpg/360px/obs-en-16-09.jpg)

पेहली निशाणी रे वास्ते, गिदोन ने भेड़ री ऊन को जमी माथे रखण परमेश्वर सू कियो कि सुबेह री ओस खाली भेड़ रे उण ऊन माथे पड़ेला अर जमी माथे नी पड़ेला। परमेश्वर ने ऐणो ही किदो। धकली रात, वो परमेश्वर सू कियो कि जमी आली व्हो जावे पण भेड़ री ऊन सूखोड़ी रेव्हे। परमेश्वर ने ऐणो भी किदो। इण दो निशाणी रे वास्ते, गिदोन ने विश्वास किदो, कि परमेश्वर साची माय चावे कि वो इस्राएलियों को मिद्यानियों सू बचावे।

![](https://cdn.door43.org/obs/jpg/360px/obs-en-16-10.jpg)

तबे गिदोन ने सैनिकों को अपणे काने बुलायो अर 32,000 मिनक आया। पण परमेश्वर ने उणसू कियो, कि ये घणा हला है। अतः गिदोन ने उण सगला 22,000 को घरे पाचो भेजियो जको लड़णे सू डरता। परमेश्वर ने गिदोन सू कियो कि ए मिनक अबे भी घणा हे। इण वास्ते गिदोन ने 300 सैनिकों को छोड़ उण सगला को घरे भेजियो।

![](https://cdn.door43.org/obs/jpg/360px/obs-en-16-11.jpg)

उण रात परमेश्वर ने गिदोन सू कियो, "मिद्यानियों री छावनी माये जा अर उणको बातें करतोड़ो सुण। जद थू सुणे कि वे कई बातें करे हैं, तो थू उण माथे हमलो करणे सू नी डरेला।" इण वास्ते उण रात, गिदोन नीचे उणरी छावनी माय गियो अर वो एक मिद्यानी सैनिक को खुदरे साथी को वा बात बतावतोड़ो सुणियो जको वो सुपनो माय देखी। उण मिनक रे साथी ने कियो, "इण सुपना रो मतलब है, कि गिदोन री सेणा आपा मिद्यानी सेना को हराई देला!" जद गिदोन ने ओ सुणियो तो वो परमेश्वर री स्तुति किदी।

![](https://cdn.door43.org/obs/jpg/360px/obs-en-16-12.jpg)

तबे गिदोन खुदरे सैनिकों रे कणे लोटियो अर उणमें सू हरेक को एक-एक नरसिंगा, एक मिट्टी रो पातर, अर एक मशाल दी। वे उण छावनी को घेर लियो जटे मिद्यानी सैनिक सोवता। गिदोन रे 300 सैनिकों ने अपणी मशालों को पातरो से ढकियो इण वास्ते मिद्यानी लोग उण मशालों रे प्रकाश को नी देख पाया।

![](https://cdn.door43.org/obs/jpg/360px/obs-en-16-13.jpg)

तबे गिदोन रे सगला सैनिकों ने अपणे पातरो को एक ही वेला माथे तोड़ कर एकाएक सू मशालों रे आग को प्रकट करियो। वे अपणे नरसिंगे फूँके अर चिल्लाया, "यहोवा री अर गिदोन री तलवार!"

![](https://cdn.door43.org/obs/jpg/360px/obs-en-16-14.jpg)

परमेश्वर ने मिद्यानियों को घबरायो, इण वास्ते वे एक दूजे को मारणे-काटणे लागिया। तुरन्त ही, गिदोन वे संदेशवाहकों को घणा सू दूजा इस्राएलियों को मिद्यानियों रो लारो करणे माय उणकी मदद करणे को बुलावणे रे वास्ते भेजियो। वे उणमें सू घणी हारा को मार डालियो अर बाकियों रो लारो करके उणको इस्राएल देश सू बाहरे निकालियो। उण दिण 1,20,000 मिद्यानी मरिया। इण तरेह परमेश्वर ने इस्राएल को बचायो।

![](https://cdn.door43.org/obs/jpg/360px/obs-en-16-15.jpg)

वे लोग गिदोन को अपणा राजा बणावणो चावता, पण गिदोन ने उणको ऐणो नी करणे दियो, पण वो उणसू वे सोने रा गेहणा मांगिया जको उणमें सू हरेक ने मिद्यानियों सू लूटिया। उण लोगों ने घणी मातरा माये गिदोन को सोणो दियो।

![](https://cdn.door43.org/obs/jpg/360px/obs-en-16-16.jpg)

तबे गिदोन ने उण सोने सू एक अनोखो गाबो बनायो जैणो कि महायाजक फेरतो। पण लोगों ने उणरी उपासना करणी शुरू करदी जैणे कि वो एक मूर्ति हो। तबे परमेश्वर ने पाचो इस्राएल को दंडित किदो, क्यूके वो मूर्ति री उपासना किदी। परमेश्वर ने उणरे शत्रुओं को उन्हें हराणे करणे माय सक्षम किदो। आखिरकार वे पाचा सू परमेश्वर सू मदद करणे रे वास्ते पराथना कीदी, अर परमेश्वर ने उणरे कणे उणको बचाणे रे वास्ते एक दूजो छुड़ाणे वाले को भेजियो।

![](https://cdn.door43.org/obs/jpg/360px/obs-en-16-17.jpg)

आई बात केई बार घटित व्ही: इस्राएली लोग पाप करेला, परमेश्वर उणको दंडित करेला, वे पश्चाताप करेला, अर परमेश्वर उणको छुड़ाणे रे वास्ते किणी भेजेला। केई बरसो ताई, परमेश्वर ने घणाही छुड़ाणे वालों को भेजियो जको इस्राएलियों को उणके शत्रुओं को बचायो।

![](https://cdn.door43.org/obs/jpg/360px/obs-en-16-18.jpg)

आखिरकार, उण लोगों ने दूजा देशों रे ज्यू परमेश्वर सू खुदरे वास्ते एक राजा की माँग किदी। वे एक ऐणो राजो चावता जको लंबा अर शक्तिशाली व्हे, अर जो युद्ध मायने उणरी अगुवाई करे। परमेश्वर को ओ निवेदन पसंद नी आयो, पण वो उणको वैणो राजो दियो जैणी वे माँग किदी।

*न्यायियों अध्याय 1-3; 6-8; 1 शमूएल 1-10 सू एक बाइबल री बात*

## 17. दाऊद रे साथे परमेश्वर री वाचा

https://openbiblestories.org/l/rwr/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएल रो पेहलो राजा हेतो। वो लंबा अर सुंदर हेतो, जैणा वे लोग चावता एकदम वैणौ। इस्राएल माथे खुदरे शासन रे पेहले थोड़ाक बरसो माये शाऊल एक बढ़िया राजो हेतो। पण बाद में वह एक दुष्ट व्यक्ति बण गियो, जिसणे परमेश्वर री बातों को नी मानियो। इण वास्ते परमेश्वर ने एक दूजे मिनक को चुणियो जको एक दिण उणरी जागा माथे राजो बणेला।

![](https://cdn.door43.org/obs/jpg/360px/obs-en-17-02.jpg)

परमेश्वर ने दाऊद नाम रो एक जवान इस्राएली मिनक को चुणकर एक दिण शाऊल री जागा माथे राजो व्हेणे तैयार करणो शुरू किदो। दाऊद बैतलहम नगर रो एक चरवाहो थो। केई वेला माथे, दाऊद ने नार अर भालू दोयो को मार डालियो, क्यूके दाऊद द्वारा रुखाली करतोड़ो उणरे बाप री भेड़ों माथे वे हमलो किदो। दाऊद एक नमर अर धरमी मिनक थो। वो परमेश्वर माथे भरोसो किदो अर उणरी बातों को माणियो।

![](https://cdn.door43.org/obs/jpg/360px/obs-en-17-03.jpg)

जद दाऊद अबार जवान मिनक ही थो, वो लंबे-चौड़े गोलियत रे खिलाफ लड़ाई कीदी। गोलियत एक घणो छोखो सैनिक थो। वह घणो मजबूत अर लगभग तीन मीटर लमबो थो! पण परमेश्वर ने गोलियत को मारणे अर इस्राएल को बचाणे माये दाऊद री मदद किदी। इणरे पाछे, दाऊद ने इस्राएल रे शत्रुओं माथे केई बला जीत हासिल किदी। दाऊद एक बडो सैनिक बणगियो, अर वो केई युद्धों मायने इस्राएली सेणा री अगुवाई किदी। लोगों ने उणरी घणी परशंसा किदी।

![](https://cdn.door43.org/obs/jpg/360px/obs-en-17-04.jpg)

लोगों ने दाऊद सू इतरो मोह किदो कि शाऊल उणसू जलणे गियो। आखिरकार शाऊल उणे मार डालणो चावतो, इण वास्ते दाऊद उणसे अर उणरे सैनिकों सू लूकणे रे वास्ते जंगल मायने भागो। एक दिण, जद शाऊल अर उणरे सैनिक दाऊद री खोज माय हेता, तो शाऊल एक गुफा माय गियो। आ वाईज गुफा थी जिणमें दाऊद लुकियोडो हेतो, पण शाऊल ने उणे नी देखियो। दाऊद शाऊल रे लारे उणरे घणो कणे चलो गियो अर उणरे गाबा सू एक टुकडो काट लियो। पाचे, जद शाऊल उण गुफा सू निकलियो तो दाऊद ने उणे पुकारियो उण पकडियोड़ा गाबा रे टुकड़े को दिखायो। इण रीत सू, शाऊल जाण गियो कि दाऊद ने राजो बणणे रे वास्ते उणे मार डालणे सू इंकार कर दियो।

![](https://cdn.door43.org/obs/jpg/360px/obs-en-17-05.jpg)

थोडिक वेला रे पाचे, शाऊल युद्ध मायने मर गियो, अर दाऊद इस्राएल रो राजो बणियो। वो एक छोखो राजो थो, अर लोगों ने उणसू मोह राखियो। परमेश्वर ने दाऊद को आशीषित किदो अर उणे सफल बनायो। दाऊद केई युद्ध लडिया, अर परमेश्वर ने इस्राएल रे शत्रुओं को हराणे माय उणकी मदद किदी। दाऊद ने यरूशलेम नगर को जीतअणे उणे खुदरी राजधाणी बणाई, जटे वो रियो अर शासण किदो। दाऊद चालीस बरसो ताई राजो रियो। इण वेला रे दौराण, इस्राएल सामरथी अर धणवाण बण गिया।

![](https://cdn.door43.org/obs/jpg/360px/obs-en-17-06.jpg)

दाऊद एक मंदिर बणावणो चावतो जटे सगला इस्राएली परमेश्वर री आराधणा कर सकें अर उणरे वास्ते बलिदाण चढ़ा सकें। लगभग 400 बरसो सू, वे लोग मूसा रे बणायोडा मिलाप वाले तंबू मायने परमेश्वर री आराधणा करता अर उणरे वास्ते बलिदान चढ़ावता।

![](https://cdn.door43.org/obs/jpg/360px/obs-en-17-07.jpg)

पण वटे नातान नाम रो एक भविष्यद्वकतो थो। परमेश्वर ने उणे दाऊद सू ओ केहणे रे वास्ते भेजियो: "थू घणाही युद्ध लड़िया, इण वास्ते थू मारे वास्ते इण मंदिर को नी बणावेला। थारा छोरा इणे बणावेला। तौभी, म्हु थने घणोही आशीषित करूँला। थारो एक वंशज सदा रे वास्ते मारे लोगों माथे राजा रे रूप माये शासण करेला।" सदा रे वास्ते शासण करणे वालो वो दाऊद रो एकमात्र वंशज मसीह थो। मसीह परमेश्वर को चुणियोड़ौ जन थो जको संसार रे लोगों को उणरे पापों सू बचावेला।

![](https://cdn.door43.org/obs/jpg/360px/obs-en-17-08.jpg)

जद दाऊद ने नातान रे संदेश को सुणियो, तो वो परमेश्वर रो धनियावाद किदो अर उणरी स्तुति किदी। परमेश्वर उणरो माण को बढ़ायो अर उणे घणीही आशीषें दीदी। बेशक, दाऊद नी जाणतो कि परमेश्वर इण बातों को कद करेला। इण वेला आपा जाणा कि इस्राएलियों को एक लंबे वेला ताई, लगभग 1,000 बरस ताई मसीह रे आणे री परतीक्षा करणी व्हेला।

![](https://cdn.door43.org/obs/jpg/360px/obs-en-17-09.jpg)

दाऊद ने केई बरसो ताई न्यायपूर्वक अपणे लोगों माथे शासण किदो। वो घणी निष्ठा सू परमेश्वर री बातों को माणियो अर परमेश्वर ने उणे आशीषित किदो। हालाँकि, अपणे जीवण रे अंत माय वो परमेश्वर रे खिलाफ घोर पाप किदो।

![](https://cdn.door43.org/obs/jpg/360px/obs-en-17-10.jpg)

एक दिण दाऊद ने अपणे मेहेल सू बाहरे झाँकियो अर एक सुंदर नारी को नावतोड़ी देखियो। वो उणे नी जाणतो, पण वो मालूम करलियो कि उणरो नाम बतशेबा थो।

![](https://cdn.door43.org/obs/jpg/360px/obs-en-17-11.jpg)

खुदरी निजरा को फेरणे रे बजाए, दाऊद ने उणे खुदरे कणे लाणे रे वास्ते किणी भेजियो। वो उणरे साथे हुतो अर उणे पाची घरे भेजदी। थोड़ीक वेला रे पचे बतशेबा ने ओ केहणे दाऊद रे कणे संदेश भेजियो कि वा जापायती है।

![](https://cdn.door43.org/obs/jpg/360px/obs-en-17-12.jpg)

बतशेबा रो धणी ऊरिय्याह नाम रो एक मिनक थो। वो दाऊद रे उत्तम सैणिकों मायनू एक थो। इण वेला वो युद्ध करणे रे वास्ते बाहरे गियोड़ो हेतो। दाऊद ने ऊरिय्याह को युद्ध सू पाचो बुलायणे उणे उणरी लुगाई रे साथे रेवणे रे वास्ते कियो। पण दूजा सैणिक युद्ध मायने हेता इण वास्ते ऊरिय्याह ने घरे जाणे सू मणा कर दियो। अतः दाऊद ने ऊरिय्याह को पाचो युद्ध मायने भेजियो अर सेनापति सू उणे युद्ध मायने ऐड़ी जागा माथे राखणे रे वास्ते कियो जटे शत्रु सबाउ शक्तिशाली व्हे, ताकि वो मारियो जावे। तो ऐणो हुआ कि ऊरिय्याह युद्ध मायने मारो गियो।

![](https://cdn.door43.org/obs/jpg/360px/obs-en-17-13.jpg)

ऊरिय्याह रे युद्ध मायने मर जाणे रे पचे दाऊद ने बतशेबा सू ब्याव करिलियो। पाचे, वा दाऊद रे छोरे को जिणीयो। दाऊद ने जको किदो उणसू परमेश्वर घणो क्रोधित हेतो, इण वास्ते उणने नातान भविष्यद्वक्ता को दाऊद को ओ बतावणे रे वास्ते भेजियो कि उणरो पाप कितरो बुरो थो। दाऊद ने अपणे पाप रो पश्चाताप किदो अर परमेश्वर ने उणे क्षमा कर दियो। अपणे शेष जीवण मायने, अपणे कठिन वेला मायने भी दाऊद परमेश्वर रे लारे-लारे हालियो अर उणरी बातों को मानियो।

![](https://cdn.door43.org/obs/jpg/360px/obs-en-17-14.jpg)

पण दाऊद रो छोरा मर गियो। इण रीति सू परमेश्वर ने दाऊद को दंडित किदो। इणरे अलावा, दाऊद रे मरणे ताई, उणरे खुदरे परिवार रे थोड़ाक लोगों ने उणरे खिलाफ लड़ाई किदी, अर दाऊद री अपणी शक्ति कम व्हेगी। पण परमेश्वर विश्वास योग्य थो अर अबे भी उणने वो किदो जको उणने दाऊद सू करणे रो वादो कीदो कि वो करेला, भले ही दाऊद ने उणरी अवज्ञा किदी। पाचे, दाऊद अर बतशेबा रे दूजो छोरा पैदा व्हिहो, अर वे उणरो नाम सुलैमान राखियो।

*1 शमूएल अध्याय 10; 15-19; 24; 31; 2 शमूएल 5; 7; 11-12 सू एक बाइबल री बात*

## 18. विभाजित राजीय

https://openbiblestories.org/l/rwr/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजा ने चालीस बरसो ताई शासण किदो। तबे वो मरगो, अर उणरे बेटो सुलैमान ने इस्राएल माथे शासण करअणो हुरू किदो। परमेश्वर ने सुलैमान सु बात किदी अर उणसू पूछियो, कि वो सांगू हलो कई चाहवे कि परमेश्वर उणरे वास्ते करे। सुलैमान ने परमेश्वर सू माँगियो, कि वो उणे हलो बुद्धिमान बणा देवे। इण बात ने परमेश्वर को प्रसन्न कियो, इण वास्ते परमेश्वर ने सुलैमान को संसार रो सबाऊ बुद्धिमान मीनक बणा दियो। सुलैमान ने घणीही बातों को सीखियो अर वो एक बुद्धिमान शासक थो। परमेश्वर ने उणे घणो धनवान भी बणा दियो।

![](https://cdn.door43.org/obs/jpg/360px/obs-en-18-02.jpg)

यरूशलेम मायने सुलैमान ने उण मंदिर को बणायो जिणरे वास्ते उणरे बाप ने योजणा बणाई अर सामाण को भेलो कीदो। अबे लोग मिलाप वाले तंबू रे बजाए मंदिर मायने परमेश्वर री आराधणा करता अर उणरे वास्ते बलि चढ़ावता। परमेश्वर आकर मंदिर मायने उपस्थित रेवतो, अर वटे वो खुदरे लोगों रे साथे वास करता।

![](https://cdn.door43.org/obs/jpg/360px/obs-en-18-03.jpg)

पण सुलैमान ने दूजे देशों री नारियो सू परेम किदो। वो घणीही, लगभग 1,000 नारियो सू ब्याव करके परमेश्वर री अवज्ञा किदी! इणमें सू केई नारियाँ पराए देशों सू आईं अर अपणे साथे अपणे देवताओं को लाईं अर उणरी उपासणा करणा जारी राखियो। जद सुलैमान बूढ़ो व्हेगियो तो वो भी उणरे देवताओं री उपासणा किदी।

![](https://cdn.door43.org/obs/jpg/360px/obs-en-18-04.jpg)

इण वजेह सू परमेश्वर सुलैमान सू क्रोधित थो। वो कियो कि वो इस्राएल देश को दो राजियो मायने विभाजित करणे रे द्वारा उणे दंड देला। वो सुलैमान रे मरणे रे पचे ऐणौ करेला।

![](https://cdn.door43.org/obs/jpg/360px/obs-en-18-05.jpg)

सुलैमान रे मरणे रे पचे, रहबाम राजो बणियो। इस्राएल देश रा सगला लोग उणे अपणे राजा रे रूप माये स्वीकार करणे रे वास्ते एक साथे भेला व्हिया। वे रहबाम सू शिकायत किदी, कि सुलैमान ने उणसे घणो दोरो परिश्रम करवायो अर घणो कर वसूलियो। वे रहबाम सू अनुरोध किदो कि उणसे थोड़ो काम करावे।

![](https://cdn.door43.org/obs/jpg/360px/obs-en-18-06.jpg)

पण रहबाम ने उणको घणी ही मूरखता सू जबाब दियो, "थे केवो हो कि म्हारा बाउजी सुळेमान ने थारेसू कठिन परिश्रम करवायो। पण म्हे थारेसू उणसे भी घणो कठिन परिश्रम करवाऊँळा, अर म्हे थने उणसे भी हळो पीड़ित करूँळा।"

![](https://cdn.door43.org/obs/jpg/360px/obs-en-18-07.jpg)

जब लोगों ने उणे ऐड़ौ केहतो सुणियो, तो उणमें सू केइयों ने उणरे खिलाफ बळवा कियो। दस गोत्रों ने उणे छोड़ दियो, उणरे साथे अबे खाली दो गोत्र ही बची। इण दो गोत्रों ने खुदको यहूदा रो राजीय कियो।

![](https://cdn.door43.org/obs/jpg/360px/obs-en-18-08.jpg)

बाकी रे दस गोत्रों ने यारोबाम नाम रे एक मीनक को अपणो राजो बणा लियो। ये गोत्र देश रे उत्तर-पूर्वी भाग माय व्हेता। वे खुद को इस्राएल रो राजीय कियो।

![](https://cdn.door43.org/obs/jpg/360px/obs-en-18-09.jpg)

पण यारोबाम ने परमेश्वर रे खिलाफ बळवा कियो अर लोगों सू पाप करवायो। उणने खुदरे लोगों रे द्वारा उपासणा करणे रे वास्ते दो मूरतियों को बणायो। वे अबे यहूदा रे राजीय मायने यरूशलेम माय परमेश्वर रे मनदिर माय उणरी आराधणा करणे रे वास्ते नी गिया।

![](https://cdn.door43.org/obs/jpg/360px/obs-en-18-10.jpg)

यहूदा अर इस्राएल रे राजीय शत्रु बणगिया अर अकसर एक दूजे रे खिलाफ ळड़ने ळागा।

![](https://cdn.door43.org/obs/jpg/360px/obs-en-18-11.jpg)

इस्राएल रे नवो राजीय माय, सगळे ही राजा दुष्ट व्हेता। इणमें सू केई राजा उणरी जागा माथे राजा बणने री चाव राखणे वाळे दूजा इस्राएलियों रे द्वारा मारा गिया।

![](https://cdn.door43.org/obs/jpg/360px/obs-en-18-12.jpg)

इस्राएल राजीय रे सगळे ही राजाओं ने अर केई लोगों ने मूरतियों री उपासणा किदी। जद वे ऐणों किदो, तो वे अकसर वेशियाओं रे साथे हुता अर अटे ताई, कि केई भला मूरतियों रे धके बच्चो री बळि भी किदी।

![](https://cdn.door43.org/obs/jpg/360px/obs-en-18-13.jpg)

यहूदा राजीय रे राजा, दाऊद रे वंशज हेता। इण राजाओं माये सू केई भले मीनक हेता जको नियायपूर्वक शासण किदो अर परमेश्वर री आराधणा किदी। पण यहूदा रे केई राजा दुष्ट हेता। वे दुष्टता सू शासण किदो, अर मूरतियों री उपासणा किदी। यअटे ताई कि इणमें सू थोड़ाक राजाओं ने झूठे देवताओं रे धके खुदरे बच्चो री भी बळि कर दियो। यहूदा रे केई लोगों ने भी परमेश्वर रे खिलाफ बळवा किया अर दूजा देवताओं री उपासणा किदी।

*1 राजा अध्याय 1-6; 11-12 सू एक बाइबल री बात*

## 19. भविष्यद्वक्ता

https://openbiblestories.org/l/rwr/story-19/

![](https://cdn.door43.org/obs/jpg/360px/obs-en-19-01.jpg)

परमेश्वर रोजीणा इस्राएलियों रे कणे भविष्यद्वक्ताओं को भेजतो रेवतो। भविष्यद्वक्ता परमेश्वर सू संदेशों को सुणता अर पचे उणे लोगों को बतावता।

![](https://cdn.door43.org/obs/jpg/360px/obs-en-19-02.jpg)

जद अहाब इस्राएल राजीय माथे राजो हेतो, तो उण वेला एलिय्याह भविष्यद्वक्ता थो। अहाब एक बुरो मीनक हेतो। वो झूठे बाल देवता री उपासणा करावणे रे वास्ते लोगों को विवश करतो। इण वास्ते एलिय्याह ने अहाब सू कियो, कि परमेश्वर उण लोगों को दंडित करेला। वो उणसू कियो, "जद ताई म्हे पाचो मेह होणे रे वास्ते नी केहूँ तबे ताई इस्राएल रे राजीय मायने नी तो मेह व्हेला अर नीही ओस गिरेला।" इण बात ने अहाब को इतरो क्रोधित कर दियो, कि वो एलिय्याह को मार डालणे रो निरणय किदो।

![](https://cdn.door43.org/obs/jpg/360px/obs-en-19-03.jpg)

इण वास्ते परमेश्वर ने एलिय्याह सू कियो, कि वो जंगल मायने जाणे अहाब सू लूकजा। एलिय्याह जंगल मायने उण सुतोड़ा रे कणे गियो जटे जाणे रे वास्ते परमेश्वर ने उणे बतायो। हरेक सुबेह अर हरेक शाम, पक्षी एलिय्याह रे वास्ते रोटी अर माँस लेणे आवता। इण सम्पूर्ण वेला, अहाब अर उणरी सेणा एलिय्याह री खोज करी, पण वे उणे खोज नी पाया।

![](https://cdn.door43.org/obs/jpg/360px/obs-en-19-04.jpg)

बारिश नी होणे सू थोड़ाक वेला रे पचे वो सोतो सूखगो। इण वास्ते एलिय्याह कणे ही रे एक देश मायने गियो। उण देश मायने एक गरीब विधवा रेवती जिणरे एक बेटो थो। उणरे कणे भोजण लगभग खतम व्हे गियो, क्यूके वटे कोई फसल नी व्ही। पण पचे भी, उण नारी ने एलिय्याह री देखभाल किदी, इण वास्ते परमेश्वर ने उणरी अर उणरे बेटे री जरूरतों को पूरो किदो, इण कारण सू उणरे आटे रो पातर अर उणरे तेल री कुप्पी कदी खाली नी व्ही। उण पूरे अकाल रे दौराण उणरे कणे भोजण हेतो। एलिय्याह थोड़ाक बरसो ताई वटे रियो।

![](https://cdn.door43.org/obs/jpg/360px/obs-en-19-05.jpg)

साढ़े तीन बरसो रे पचे, परमेश्वर ने एलिय्याह सू कियो, कि वो पाचो मेह करेला। वो एलिय्याह सू पाचो इस्राएल रे राजीय मायने जाणे अहाब सू बातें करणे रे वास्ते किदो। इण वास्ते एलिय्याह अहाब रे कणे गियो। जद अहाब ने उणे देखियो तो वो कियो, "बढ़िया थू है, मुसीबत पैदा करणे वालो!" एलिय्याह ने जवाब दियो, "मुसीबत पैदा करणे वालो तो थू है! थू यहोवा को त्याग दियो। वो साचो परमेश्वर है, पण थू बाल री उपासणा किदी। अबे थने इस्राएल राजीय रे सगला लोगों को कर्मेल पर्वत माथे लेणे आवणो।"

![](https://cdn.door43.org/obs/jpg/360px/obs-en-19-06.jpg)

अतः सगळा ळोग कर्मेल परवत गिया। वे पुरुष भी आए जको केवता, कि वे बाळ रे संदेशों को बोळ॓। वे बाल रे भविष्यद्वक्ता हेता। वे सगळा 450 हेता। एलिय्याह ने लोगों सू कियो, "कद ताई थे अपणे मनों को फिराए राखोला? जदि यहोवा परमेश्वर व्है, तो उणरी आराधणा करो! जदि बाळ परमेश्वर व्है, तो उणरी उपासणा करो!"

![](https://cdn.door43.org/obs/jpg/360px/obs-en-19-07.jpg)

तबे एलिय्याह ने बाळ रे भविष्यद्वक्ताओं सू कियो, "एक बैल को बलि करके उणरे माँस को बलिदाण होणे को एक वेदी माथे राखो, पण आग मती लगाइजो। उणरे पचे म्हु भी वैणो ही करूँळा, अर एक नेरी वेदी माथे म्हे उण माँस को राखूँळा। तबे जदि परमेश्वर वेदी माथे आग गिरावे, तो थे जाण लोळा कि वो साचो परमेश्वर है।" तबे बाळ रे भविष्यद्वक्ताओं ने एक बळी को तैयार किदो पण आग नी लगाई।

![](https://cdn.door43.org/obs/jpg/360px/obs-en-19-08.jpg)

तबे बाळ रे भविष्यद्वक्ताओं ने बाळ सू पराथना किदी, "हे बाळ, म्हाणी सुण!" पूरे दिण वे पराथना किदी अर चिल्लाया अर अटे ताई, कि खुद को चाकुओं सू काट लियो, पण बाळ ने जबाब नी दियो, अर उणने कोई आग नी गिराई।

![](https://cdn.door43.org/obs/jpg/360px/obs-en-19-09.jpg)

बाळ रे भविष्यद्वक्ताओं ने बाळ सू पराथना करणे माय ळगभग पूरो दिण बिता दियो। अंततः वे पराथना करणो बंद कर दियो। तबे एलिय्याह ने दूजे बैल रे माँस को परमेश्वर री वेदी माथे रखियो। उणरे पचे, उणने लोगों सू पाणी रे विशाळ बरतणो को उण बलिदाण माथे तबे ताई उंडेळणे रे वास्ते कियो जद ताई कि माँस, लकड़ियाँ, अर अटे ताई कि वेदी रे कणायली जमी पूरी तरेह सू आली नी व्हेगी।

![](https://cdn.door43.org/obs/jpg/360px/obs-en-19-10.jpg)

तबे एलिय्याह ने पराथना किदी, "हे यहोवा, अब्राहम, इसहाक, अर याकूब रे परमेश्वर, माणे दिखाओ कि थे इस्राएल रा परमेश्वर हो अर ओ कि म्हु थाणो दास हूँ। मणे जबाब देवो जिणसू कि ए लोग जाण लेवे, कि थे ही साचा परमेश्वर हो।"

![](https://cdn.door43.org/obs/jpg/360px/obs-en-19-11.jpg)

हाथोहाथ ही, आकाश सू आग गिरी अर उणने माँस, लकड़ियाँ, चट्टानें, मिट्टी, अर अटे ताई कि वेदी रे आड़े पाड़े रे पाणी को भी बाल दियो। जद लोगों ने ओ देखियो, वे जमी माथे गिर पड़िया अर बोल्या, "यहोवा ही परमेश्वर है! यहोवा ही परमेश्वर है!"

![](https://cdn.door43.org/obs/jpg/360px/obs-en-19-12.jpg)

तबे एलिय्याह ने कियो, "बाळ रो एक भी भविष्यद्वक्ता बच कर नी जाणे पावे!" इण वास्ते लोगों ने बाळ रे भविष्यद्वक्ताओं को पकड़ लियो अर उणको वटे सू आगो ले गियो अर उणको मार डालियो।

![](https://cdn.door43.org/obs/jpg/360px/obs-en-19-13.jpg)

तबे एलिय्याह ने अहाब राजा सू कियो, "जल्दी सू अपणे घरे नाईजा, क्यूके मेह रेवेला।" जल्दी ही बादळ घने व्हेगिया, अर जोररो मेह हुरू व्हेगियो। यहोवा उण सूखे को समाप्त करियो। इणसू परकट व्हियो कि यहोवा ही साचो परमेश्वर है।

![](https://cdn.door43.org/obs/jpg/360px/obs-en-19-14.jpg)

जद एलिय्याह ने अपणे काम को पूरो कियो, तो परमेश्वर ने एलीशा नाम रे एक मिनक को अपणा भविष्यद्वक्ता होणे रे वास्ते चुणियो। परमेश्वर ने एलीशा रे माध्यम सू घणाही चमत्कार किदा। एक चमत्कार नामान रे साथे व्हियो। वो एक शत्रु री सेणा रो सिरदार थो, पण उणे चामड़ी रो एक बुरो रोग व्हेगियो। नामान ने एलीशा रे बारे मायने सुणियो, इण वास्ते वो एलीशा रे कणे आयो अर उणसे उणे ठीक करणे रे वास्ते अनुरोध किदो। एलीशा ने नामान सू कियो, कि जायणे यरदन नदी रे पाणी माय सात भला डुबकी लगायले।

![](https://cdn.door43.org/obs/jpg/360px/obs-en-19-15.jpg)

नामान क्रोधित व्हेगियो। वो ऐड़ौ करणे सू इणकार कर दियो, क्यूके ओ उणे मुरखता रो काम लागतो। पण पाचे वो खुदरों मन बदळियो अर जायणे यरदन नदी रे पाणी मायने सात भला डुबकी लगाई। जद अंतिम भला वो पाणी सू बाहरे निकलियो, तो परमेश्वर ने उणे ठीक कर दियो।

![](https://cdn.door43.org/obs/jpg/360px/obs-en-19-16.jpg)

परमेश्वर ने इस्राएल रे लोगों रे कणे दूजा घणा ही भविष्यद्वक्ताओं को भेजियो। उण सागळा ने लोगों सू मूरतियों री उपासणा करणा बंद कर देणे रे वास्ते कियो। इणरे बजाए, उणको एक दूजे रे साथे न्यायपूर्वक व्यवहार करणो चाहिजे अर एक दूजे माथे दया करणी चाहिजे। उण भविष्यद्वक्ताओं ने लोगों को चेतावणी दी कि उणको बुरे कामों को करणो बंद कर देणो है अर इणरे बजाए परमेश्वर री बातों रो पालण करणो। जदि उण लोगों ने ऐणो नी कियो, तो परमेश्वर उणको दोषी माण उणरो नियाव करेळा, अर उणको दंडित करेळा।

![](https://cdn.door43.org/obs/jpg/360px/obs-en-19-17.jpg)

अधिकांश वेला, उण लोगों ने परमेश्वर री आज्ञा रो पालण नी किदो। अक्सर वे भविष्यद्वक्ताओं रे साथे भूण्डो व्यवहार किदो अर अटे ताई कि कदी कदी उणको मार डालो। एक बार, वे यिर्मयाह भविष्यद्वक्ता को हूकोड़ी धेड़ मायने डाल दियो अर उणे वटे मरणे रे वास्ते छोड़ दियो। वो धेड़ रे तल मायने कीचड़ मायने धँस गियो। पण तबे राजा को उण माथे दिया आईगी अर उणने अपणे सैणिकों को हुकम दियो कि यिर्मयाह रे मरणे सू पेहले उणे धेड़ सू बाहरे खींच ले।

![](https://cdn.door43.org/obs/jpg/360px/obs-en-19-18.jpg)

भविष्यद्वक्ताओं ने परमेश्वर री ओर सू बोलणो जारी राखियो भले ही लोगोंणे उणसे नफरत किदी। वे लोगों को चेतावणी दी कि जदि वे पश्चाताप नी किदो, तो परमेश्वर उणको नाश कर देला। वे लोगों को ओ भी याद करायो कि परमेश्वर ने उणरे कणे मसीह को भेजणे री परतिज्ञा किदी।

*1 राजा अध्याय 16-18; 2 राजा 5; यिर्मयाह 38 सू एक बाइबल री बात*

## 20. बंधुआई अर लौटणा

https://openbiblestories.org/l/rwr/story-20/

![](https://cdn.door43.org/obs/jpg/360px/obs-en-20-01.jpg)

इस्राएल रे राजीय अर यहूदा रे राजीय दोणो ने परमेश्वर रे खिलाफ पाप किदो। वे उण वाचा को तोड़ दियो, जको परमेश्वर ने उणरे साथे सीनै माथे बाँधी हेती। परमेश्वर ने उणको पश्चाताप करणे अर पाचे सू उणरी आराधणा करणे रे वास्ते चेतावणी देणे को अपणे भविष्यद्वक्ताओं को भेजियो, पण वे उणरी बातों को माणने सू इणकार कर दियो।

![](https://cdn.door43.org/obs/jpg/360px/obs-en-20-02.jpg)

अतः परमेश्वर ने उणरे शत्रुओं को वाणे नाश करणे माये सक्षम करणे रे द्वारा दोई राजीयों को दंडित किदो। अश्शूर एक दूजों देश थो जको घणोही शक्तिशाळी व्हेगियो। वे दूजे देशों रे परति घणा निरदयी भी हेता। वे आयणे इस्राएल रे राजीय रो नाश करियो। अश्शूरियों ने आयणे इस्राएल रे राजीय माये केईको मार डालियो, जको चाहियो उणे लूटियो, अर देश रे केई हिस्सों को जळा दियो।

![](https://cdn.door43.org/obs/jpg/360px/obs-en-20-03.jpg)

अश्शूरियों ने सगळा अगुवों, धनवाण लोगों, अर ऐणे लोगों को जको कीमती वस्तुएँ बणा सकता एक साथे भेलो किदो, अर वे उणको अश्शूर देश लेगिया। इस्राएल माये खाली थोड़ाक गरीब इस्राएली ही बचिया।

![](https://cdn.door43.org/obs/jpg/360px/obs-en-20-04.jpg)

पचे अश्शूरी लोग उण देश माये रेवणे रे वास्ते विदेशियों को लेअणे आया। उण विदेशियों ने उण नगरों को पाचो बअणायो। जको इस्राएली वटे बचिया उणसे वे ब्याव किदो। इण लोगों रे वंशज सामरी केहळाया।

![](https://cdn.door43.org/obs/jpg/360px/obs-en-20-05.jpg)

यहूदा रे राजीय रे लोगों ने देखियो, कि किकर परमेश्वर ने उण माथे विश्वास नी करणे अर उणरी बातों को नी माणणे रे वास्ते इस्राएल के राजीयो रे लोगों को दंडित किदो। पण तबे भी वे कनानियों रे देवताओं री मूरतियों री उपासणा किदी। परमेश्वर ने उणको चेतावणी देणे रे वास्ते भविष्यद्वक्ताओं को भेजियो, पण वे सुणणे सू इणकार कर दियो।

![](https://cdn.door43.org/obs/jpg/360px/obs-en-20-06.jpg)

लगभग 100 बरसो रे पचे अश्शूरियों ने इस्राएल रे राजीय रो नाश कर दियो। परमेश्वर ने बेबीलोन रे राजा, नबूकदनेस्सर को यहूदा रे राजीय माथे हमळो करणे रे वास्ते भेजियो। बेबीलोन एक शक्तिशाली देश थो। यहूदा रो राजो नबूकदनेस्सर रो दास बणणे अर हरेक बरस उणे घणो सारो धन रो भुगताण करणे रे वास्ते सेहमत व्हेगिया।

![](https://cdn.door43.org/obs/jpg/360px/obs-en-20-07.jpg)

पण थोड़ाक बरसो रे पचे, यहूदा रे राजा ने बेबीलोन रे खिलाफ बळवा किदो। अतः बेबीलोनियों ने पचो आयणे यहूदा रे राजीय माथे हमळो कर दियो। वे यरूशलेम नगर माथे कबजो कर लियो, मंदिर रो नाश कर दियो, अर नगर अर मंदिर रे खजाणे को लूटणे लेगा।

![](https://cdn.door43.org/obs/jpg/360px/obs-en-20-08.jpg)

बळवा करणे रे वास्ते यहूदा रे राजा को दंडित करणे रे वास्ते, नबूकदनेस्सर रे सैणिकों ने राजा रे बेटे को उणरे सामणे मार डालियो अर पचे उणे आनधो कर दियो। इणरे पचे, वे राजा को लेगिया, ताकि वो बेबीलोन रे जेळखाणे मायने मर जावे।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर अर उणरी सेणा यहूदा रे राजीय रे ळगभग सगळे ही लोगों को बेबीलोन लेगी, खाली सबाऊ गरीब लोगों णे लारे छोड़ कर, ताकि वे खेतों माये फसल उगावेळा। वेळा रे इण काळ को बंधुआई कियो गयो। जिणमें परमेश्वर रे लोगों को परतिज्ञा रे देश सु निकल जाणे रे वास्ते विवश कियो गियो।

![](https://cdn.door43.org/obs/jpg/360px/obs-en-20-10.jpg)

भळे ही परमेश्वर ने अपणे ळोगों को उणरे पाप रे वास्ते बंधुआई माय ळे जाणे रे द्वारा दंडित कियो, तौभी वो उणको या अपणी परतिज्ञाओं को नी भूळियो। परमेश्वर ने अपणे ळोगों री निगरानी करणो जारी राखियो अर अपणे भविष्यद्वक्ताओं रे द्वारा उणसू बातें करतो रियो। वो परतिज्ञा किदी कि सित्तर बरसो रे पचे, वे पाचा परतिज्ञा रे देश माय लौटेंळा।

![](https://cdn.door43.org/obs/jpg/360px/obs-en-20-11.jpg)

ळगभग सित्तर बरसो रे पचे, फारस रे राजा कुस्रू ने बेबीलोन को हरायो, इण वास्ते बेबीलोन रे साम्राज्य रे बजाए फारस रे साम्राज्य ने केई देशों माथे शासन किदो। इस्राएली ळोग अबे यहूदी केहलावता। उणमें सू केईयो ने अपणा पूरो जीवण बेबीलोन माय बिता दियो। खाली घणाई थोड़ेक बूढ़े यहूदियों को हीज यहूदा रो देश याद थो।

![](https://cdn.door43.org/obs/jpg/360px/obs-en-20-12.jpg)

फारसी ळोग घणा सामर्थी हेता, पण वे खुदरे जीतियोड़ा लोगों माथे दिया किदी। फारसी लोगों रो राजो बणणे रे थोड़िक वेला रे पचे, कुस्रू ने एक हुकम दियो, कि कुणी भी यहूदी जको यहूदा को लौटणो चावे, वो फारस सू निकळ पाचो यहूदा को जा सके। अटे ताई कि उणने उणरे मंदिर को पाचो बणाणे रे वास्ते धन भी दियो। अतः बंधुआई रे सित्तर बरसो रे पचे, यहूदियों रो एक नानोक समूह यहूदा माय यरूशलेम नगर को लौटियो।

![](https://cdn.door43.org/obs/jpg/360px/obs-en-20-13.jpg)

जद वे लोग यरूशलेम पुगिया, तो वे मंदिर री अर नगर रे चारों मेर री भीत को पाची बणाई। फारसी लोग अबे भी उण माथे शासण करता, पण एक भला पाची सू वे परतिज्ञा रे देश माये रेवता अर मंदिर माय आराधणा करता।

*2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 सू एक बाइबल री बात*

## 21. परमेश्वर मसीह री परतिज्ञा करे

https://openbiblestories.org/l/rwr/story-21/

![](https://cdn.door43.org/obs/jpg/360px/obs-en-21-01.jpg)

जद परमेश्वर ने सणसार री सरसटी किदी, वो जाणतो थो कि उणे पाचे किणी दिण मसीह को भेजणो होला। उणने आदम अर हव्वा ऊ परतिज्ञा किदी कि वो ऐणो करेळा। उणने कयो कि हव्वा सू एक वंशज जनमेळा जको साँप रे माथो कुचळेळा। जिण साँप ने हव्वा को धोखो दियो वो निसनदेह शैताण थो। परमेश्वर रो मतलब थो कि मसीह पूरी तरेह ऊ शैताण को हराई देळा।

![](https://cdn.door43.org/obs/jpg/360px/obs-en-21-02.jpg)

परमेश्वर ने अब्राहम सू परतिज्ञा किदी कि उणरे द्वारा सणसार री सगळी जातियाँ आशीष पावेळी। परमेश्वर पाचे किणी वेळा माथे मसीह को भेजणे रे द्वारा इण परतिज्ञा को पूरो करेळा। वो मसीह सणसार रे हरेक जाति मायु लोगों रे उणरे पाप सू छुड़ावेळा।

![](https://cdn.door43.org/obs/jpg/360px/obs-en-21-03.jpg)

परमेश्वर ने मूसा सू परतिज्ञा किदी कि भविष्य माय वो मूसा रे समाण एक दुजो भविष्यद्वक्ता को भेजेळा। ओ भविष्यद्वक्ता मसीह व्हेळा। इण रीत सू, परमेश्वर ने पाची परतिज्ञा किदी कि वो मसीह को भेजेळा।

![](https://cdn.door43.org/obs/jpg/360px/obs-en-21-04.jpg)

परमेश्वर ने राजा दाऊद सू परतिज्ञा किदी कि उणरा एक वंशज मसीह व्हेळा। वो राजो व्हेळा अर परमेश्वर रे लोगों माथे हमेसा रे वास्ते शासण करेळा।

![](https://cdn.door43.org/obs/jpg/360px/obs-en-21-05.jpg)

परमेश्वर ने भविष्यद्वक्ता यिर्मयाह सू बात किदी अर कियो, कि एक दिण वो एक नवी वाचा बाँधेळा। वो नवी वाचा इस्राएल रे साथे सीनै माथे बाँधयोड़ी पुराणी वाचा रे जैणी नी व्हेळा। जद लोगों रे साथे वो अपणी नवी वाचा बाँधेळा, तो वो उण माथे खुदको व्यक्तिगत रूप सू परकट करेळा। हरेक जन उण ऊ प्रीति राखेळा अर उणरी व्यवस्था रो पालण करणे री इच्छा राखेळा। परमेश्वर ने कियो कि आ उणरी व्यवस्था रो उणके हीवडे माथे लिख देणे रे जैणो व्हेळा। वे उणरे लोगों व्हेळा, अर परमेश्वर उणरे पापों को क्षमा करेळा। वो मसीह व्हेळा जको उणके साथे उण नवी वाचा ने बाँधेळा।

![](https://cdn.door43.org/obs/jpg/360px/obs-en-21-06.jpg)

परमेश्वर रे भविष्यद्वक्ताओं ने ओ भी कियो कि मसीह एक भविष्यद्वक्ता वेळा। एक भविष्यद्वक्ता वो मिनक है, जको परमेश्वर केरे वचणो को सुणे अर पचे लोगों माथे परमेश्वर रे सणदेशों री घोषणा करे। जिणे भेजणे रो परमेश्वर ने परतिज्ञा किदी, वो मसीह एक सिद्ध भविष्यद्वक्ता व्हेळा। अर्थात् वो मसीह परमेश्वर रे सणदेशों को छोखी तरेह ऊ सुणेळा, अर वो लोगों णे उण सणदेशों को छोखी तरेहु सिखावेळा।

![](https://cdn.door43.org/obs/jpg/360px/obs-en-21-07.jpg)

इस्राएली याजकों ने लोगों रे वास्ते परमेश्वर रे धके बलिदाण चढ़ाणो जारी राखियो। ओ बलिदाण लोगों रे पापों रे वास्ते उणको परमेश्वर द्वारा दनडित किये जाणे रे जागा माथे चढ़ायो। याजकों ने लोगों रे वास्ते पराथना भी किदी। पण, वो मसीह सिद्ध महायाजक व्हेळा जको परमेश्वर को देणे रे वास्ते एक सिद्ध बलि रे रूप माय खुदको चढ़ा देळा। अर्थात्, वो कदी पाप नी करेळा, अर जद वो खुद को बळि होणे रे वास्ते देळा, तो सणसार रो कुणी भी दूजी बळि जरूरी नी व्हेळा।

![](https://cdn.door43.org/obs/jpg/360px/obs-en-21-08.jpg)

लोगों रे समूहों माथे राजा अर परधान शासण करे, अर कदी-कदी वे गलतियाँ करे। राजा दाऊद ने खाली इस्राएलियों माथे शासण किदो, पण राजा दाऊद रा वंशज मसीह पूरे सणसार माथे शासण करेळा, अर वो हमेसा रे वास्ते शासण करेळा। इणरे अलावा, वो हमेसा नियायपूरण रीत सू शासण करेळा, अर सही निरणयों को लेळा।

![](https://cdn.door43.org/obs/jpg/360px/obs-en-21-09.jpg)

परमेश्वर रे भविष्यद्वक्ताओं ने मसीह रे बारे मायने घणी ही बातों को कियो। उदारण रे वास्ते, मलाकी ने कियो कि मसीह रे आणे सू पेहले एक दूजो भविष्यद्वक्ता आवेळा। वो भविष्यद्वक्ता घणी मेहतपूर्ण व्हेळा। इणरे अळावा, भविष्यद्वक्ता यशायाह ने लिखियो, कि मसीह एक कुँवारी सू जनम ळेळा। अर भविष्यद्वक्ता मीका ने कियो कि मसीह बैतलहम नगर मायणे जनम ळेळा।

![](https://cdn.door43.org/obs/jpg/360px/obs-en-21-10.jpg)

भविष्यद्वक्ता यशायाह ने कियो, कि मसीह गलील रे छेत्र माये वास करेळा। जको लोग घणा दुःखी व्हे मसीह उणको शान्ति देळा। वो कैदियों को भी आज़ाद करेळा। मसीह बीमारों को अर जको सुण नी सके, देख नी सके, बोल नी सके, या चाल नी सके उणको भी चंगा करेळा।

![](https://cdn.door43.org/obs/jpg/360px/obs-en-21-11.jpg)

यशायाह भविष्यद्वक्ता ने ओ भी कियो कि लोग मसीह सू घिणा करेंळा अर उणे सवीकार करणे सू इणकार कर देंळा। दूजे भविष्यद्वक्ताओं ने कियो कि मसीह रो एक साथी उणरे खिलाफ उठेळा। भविष्यद्वक्ता जकर्याह ने कियो कि उणरो ओ साथी ऐणो करणे रे वास्ते दूजे लोगों सू चाँदी रा तीस सिक्के लेळा। इणरे अळावा, थोड़ाक भविष्यद्वक्ताओं ने कियो कि लोग मसीह को मार डाळेळा, अर ओ कि वे उणरे गाबो रे वास्ते जुवो खेळेळा।

![](https://cdn.door43.org/obs/jpg/360px/obs-en-21-12.jpg)

भविष्यद्वक्ताओं ने ओ भी बतायो कि मसीह किकर मरेळा। यशायाह ने भविष्यद्वाणी किदी कि लोग मसीह माथे थूकेंळा, उणरो मजाक उड़ावेळा, अर उणे पीटेंळा। वे उणे छेद देंळा अर वो बहुत पीड़ा अर यातना माय मर जावेळा, जबकि उणने थोड़ोक भी गलत नी किदो व्हेळा।

![](https://cdn.door43.org/obs/jpg/360px/obs-en-21-13.jpg)

भविष्यद्वक्ताओं ने ओ भी बतायो, कि मसीह पाप नी करेळा। वो सिद्ध व्हेळा। पण वो इण वास्ते मरेळा परमेश्वर उणे दूजा लोगों रे पापों रे कारण दंडित करेळा। उणरे मरणे सू लोग परमेश्वर रे साथे मेल करणे माय सक्षम व्हेळा। इण वास्ते परमेश्वर चावे कि मसीह मरे।

![](https://cdn.door43.org/obs/jpg/360px/obs-en-21-14.jpg)

भविष्यद्वक्ताओं ने ओ भी बतायो कि परमेश्वर मसीह को मरियोडा मायू जीवितो करेळा। ओ दरशावे कि आ सगळी नई वाचा को बाँधणे री परमेश्वर री योजना हेती, ताकि वो उण लोगों को बचायले जको उणरे खिलाफ पाप किदो।

![](https://cdn.door43.org/obs/jpg/360px/obs-en-21-15.jpg)

परमेश्वर ने भविष्यद्वक्ताओं माथे मसीह रे बारे माय घणी ही बातों को परकट किदो, पण मसीह उण भविष्यद्वक्ताओं माय सू किणी रे भी जीवणकाळ माय नीआयो। इण भविष्यद्वाणियों रे दिए जाणे रे 400 ऊ हला बरसो रे पचे, सही वेळा माथे, परमेश्वर मसीह को इण सणसार माय भेजेळा।

*उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 सू एक बाइबल री बात*

## 22. यूहन्ना रो जनम

https://openbiblestories.org/l/rwr/story-22/

![](https://cdn.door43.org/obs/jpg/360px/obs-en-22-01.jpg)

अतीत माय, परमेश्वर ने अपणे भविष्यद्वक्ताओं सू बात किदी इण वास्ते वे लोगों सू बात कर सके। पण उण वेळा सू लेणे पचे 400 बरसो रे बीतणे ताई उणने उणसे बात नी किदी। तबे परमेश्वर ने जकर्याह नाम रे भविष्यद्वक्ता रे कणे एक स्वर्गदूत को भेजियो। जकर्याह अर उणरी लुगाई एलीशिबा परमेश्वर रो आदर करता। वे घणा बूढ़ा व्हेगिया, अर उणरे कोई सनताण पैदा नी व्ही।

![](https://cdn.door43.org/obs/jpg/360px/obs-en-22-02.jpg)

उण स्वर्गदूत ने जकर्याह सू कियो, "थारी लुगाई रे एक बेटो पैदा व्हेळा। थू उणरो नाम यूहन्ना रखेळा। परमेश्वर उणे पवित्र आत्मा सू परिपूर्ण करेळा, अर यूहन्ना लोगों को मसीह को ग्रहण करणे रे वास्ते तैयार करेळा।" जकर्याह ने जबाब दियो, "म्हे अर मारी लुगाई सनताण पैदा करणे रे वास्ते बूढ़े व्हे! म्हे किकर जाणू कि थे मारेसू साच के रिया व्हो?"

![](https://cdn.door43.org/obs/jpg/360px/obs-en-22-03.jpg)

उण सरगदूत ने जकर्याह को जबाब दियो, "थारे कणे इण शुभ सणदेश को लाणे रे वास्ते म्हु परमेश्वर रे द्वारा भेजियोड़ो हूँ। क्यूके थू मारे माथे विश्वास नी किदो, इणवास्ते छोरे रे जनमणे ताई थू बोलणे माय सक्षम नी व्हेळा।" तुरन्त ही, जकर्याह बोलणे माय असमर्थ व्हेगियो। तबे वो सरगदूत जकर्याह रे कणे सू चळो गियो। इणरे पचे, जकर्याह घरे पाचो आयो अर उणरी लुगाई जापायती व्ही।

![](https://cdn.door43.org/obs/jpg/360px/obs-en-22-04.jpg)

जद एलीशिबा छः मीने री जापायती व्ही, तो वोई सरगदूत अचानक सू एलीशिबा री रिश्तेदार माथे परकट व्हियो, जिणरो नाम मरियम थो। मरियम कुँवारी थी अर ब्याव होणे रे वास्ते यूसुफ नाम रे मीनक रे साथे उणरी सगाई होयुड़ी ही। स्वर्गदूत ने कियो, "थू जापायती व्हेळा अर एक छोरे को जनम देळा। थने उणरो नाम यीशु राखणो है। वो सर्व-शक्तिमान परमेश्वर रो छोरे व्हेळा अर हमेसा रे वास्ते शासण करेळा।"

![](https://cdn.door43.org/obs/jpg/360px/obs-en-22-05.jpg)

मरियम ने जबाब दियो, "ओ किकर व्हेई, क्यूके म्हु तो कुँवारी हूँ?" उण सरगदूत ने समझायो, "पवित्र आत्मा थारे माथे आवेळा, अर परमेश्वर री सामर्थ थारे माथे छाया करेळी। इणवास्ते वो छोरे पवित्र व्हेळा, अर वो परमेश्वर रो छोरे व्हेळा।" जको उण सरगदूत ने कियो उण माथे मरियम ने विश्वास किदो।

![](https://cdn.door43.org/obs/jpg/360px/obs-en-22-06.jpg)

ओ होणे रे तुरन्त पचे, मरियम ने जायणे एलीशिबा सू भेंट किदी। ज्यूही मरियम ने उणे नमस्कार किदो, एलीशिबा रो छोरे उणरे मायने उछलियो। उणरे वास्ते परमेश्वर ने जको कियो उणरे बारे माय वे नारिया एक साथे आनन्दित व्हिईं। एलीशिबा रे साथे तीण मीने रेहणे रे पचे, मरियम घरे लौटगी।

![](https://cdn.door43.org/obs/jpg/360px/obs-en-22-07.jpg)

इणरे पचे, एलीशिबा ने अपणे बालक को जनम दियो। जकर्याह अर एलीशिबा ने उण बालक रो नाम यूहन्ना राखियो, जैणों कि उण सरगदूत ने हुकम दियो। तबे परमेश्वर ने जकर्याह को बोलणे माय सक्षम किदो। जकर्याह ने कियो, "परमेश्वर री स्तुति हो, क्यूके उणने अपणे लोगों री मदद करणे को याद राखियों! हे मारा बेटा, थू सर्व-शक्तिमान परमेश्वर रो भविष्यद्वक्ता व्हेळा। थू लोगों को बतावेळा कि वे किकर अपणे पापों रे वास्ते क्षमा पा सकेळा! "

*लूका अध्याय 1 सू एक बाइबल री बात*

## 23. यीशु रो जनम

https://openbiblestories.org/l/rwr/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नाम रे एक धरमी व्यक्ति रे साथे मरियम री सगाई होयुड़ी ही। जद उणने सुणियो कि मरियम जापायती है, तो वो जाणतो थो कि वो उणरो बच्चा नी है। पण वो मरियम को बदणाम नी करणों चावतो, इणवास्ते उणने उण माथे कृपा करणे री अर उणे चुपचाप छोड़ने देणे री सोची। पण इणऊ पेहले कि वो ऐणो करतो, एक सरगदूत ने उणरे सुपणे माय आयणे उणसू बात किदी।

![](https://cdn.door43.org/obs/jpg/360px/obs-en-23-02.jpg)

उण सरगदूत ने कियो, "हे यूसुफ, मरियम को अपणी लुगाई रे रूप माय लेकर आणे सू मती डर। उणरे भीतर जको बच्चा है, वो पवित्र आत्मा री ओर सू है। वा एक छोरा णे जनम देळी। उणरो नाम यीशु राखणो (जिणरो मतलब व्हे, 'यहोवा बचावे व्हे'), क्यूके वो लोगों को उणरे पापों ऊ बचावेळा।"

![](https://cdn.door43.org/obs/jpg/360px/obs-en-23-03.jpg)

अतः यूसुफ ने मरियम सू ब्याव किदो अर उणे अपणी लुगाई रे रूप माय घरे ले आयो, पण उणरे बच्चा को जनम देणे ताई वो उणरे साथे नी सोयो।

![](https://cdn.door43.org/obs/jpg/360px/obs-en-23-04.jpg)

जद मरियम रे जनम देणे री वेळा कणे थी, तो उणने अर यूसुफ ने बैतलहम जाणे री एक लमबी यात्रा किदी। उणको वटे जावणो ही थो, क्यूके रोमी अधिकारी इस्राएल माय रेवणे वाळ॓ सगळा लोगों री गिनती करणा चावता। वे चावता कि सगळा लोग वटे जावे जटे उणरे पूर्वज रेवता। राजा दाऊद रो जनम बैतलहम माय व्हियो, अर वो मरियम अर यूसुफ दोनों रो पूर्वज थो।

![](https://cdn.door43.org/obs/jpg/360px/obs-en-23-05.jpg)

मरियम अर यूसुफ बैतलहम गिया, पण वटे जीनावरों को राखणे वाळ॓ जागा रे अलावा उणरे ठेहरणे रे वास्ते कोई जागा नी थी। वाईज जागा थी जटे मरियम ने अपणे बच्चा को जनम दियो। उणने उणे चरनी माय लिटायो, क्यूके वटे उणरे वास्ते कोई बिस्तर नी थो। वे उणरो नाम यीशु राखियो।

![](https://cdn.door43.org/obs/jpg/360px/obs-en-23-06.jpg)

उण रात, वटे कणे ही रे खेत माये थोड़ाक चरवाहे अपणे भेड़ों रे झुंड री रुखाळी कर रिया हेता। एकाएक सू, एक चमकदार(add कपड़ा पहने ) सरगदूत उण माथे परकट व्हियो, अर वे डर गिया। उण सरगदूत ने कियो, "मती डरो, क्यूके मारे कणे थाणे वास्ते शुभ सणदेश है। बैतलहम माय मसीह, स्वामी रो जनम व्हियो है!"

![](https://cdn.door43.org/obs/jpg/360px/obs-en-23-07.jpg)

जायणे उण बालक री खोज करो, अर थे उणे गाबा माय लिपटियोड़ो अर चरनी माय लेटियोडो पावोळा।" एकाएक सू, आकाश सरगदूत ऊ भर गियो। वे परमेश्वर री स्तुति कर रिया था। वे कियो, "सगळी महिमा सरग माय विराजमाण परमेश्वर को मिले। धरती माथे उण लोगों माय शान्ति व्हो जिणरी वो चिन्ता करे!"

![](https://cdn.door43.org/obs/jpg/360px/obs-en-23-08.jpg)

तबे सरगदूत चळा गिया। वे चरवाहे भी अपणी भेड़ों को छोड़ कर बालक को देखणे गिया। शीघर ही वे उण जागा माथे पुगिया जटे बालक यीशु थो अर वे उणे चरनी माय लेटियोडो पायो, जैणो कि उण सरगदूत ने कियो। वे घणाई उत्साहित व्हिया। तबे वे चरवाहे पाचा वटे लौटिया जटे उणरी भेड़ें हेती। वे जकोई भी सुणियो अर देखियो उण सगळा रे वास्ते वे परमेश्वर री स्तुति कर रिया था।

![](https://cdn.door43.org/obs/jpg/360px/obs-en-23-09.jpg)

पूरब माय दूर एक देश माय थोड़ाक मीनक व्हेता। वे सितारों रो अध्ययन किदो अर वे घणाही बुद्धिमान हेता। वे एक असामानीय सितारे को आकाश माय देखियो। वे कियो कि इणरो मतलब है, कि यहूदियों रे एक नवे राजा रो जनम व्हियो। इणवास्ते वे उण बालक को देखणे रे वास्ते अपणे देश ऊ यात्रा करणे रो निरणे किदो। एक लमबी यात्रा रे पचे, वे बैतलहम आया अर उण घर को पायो जटे बालक यीशु अर उणरे मा-बाप ठेहरिया।

![](https://cdn.door43.org/obs/jpg/360px/obs-en-23-10.jpg)

जद इण मिनको ने बालक यीशु को अपणी माँ रे साथे देखियो, तो वे घुटणे टेकणे उणरी आराधणा किदी। वे यीशु को कीमती उपहार दिदा। पचे वे घरे पाचा लौट गिया।

*मत्ती अध्याय 1; लूका 2 सू एक बाइबल री बात*

## 24. यूहन्ना यीशु को बपतिस्मा देवे

https://openbiblestories.org/l/rwr/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा अर जकर्याह रो बेटो यूहन्ना बड़ा वेय एक भविष्यद्वक्ता बण गियो। वो जंगल माय रेवतों, अर जंगली शेहद अर टिड्डियाँ खावतो, अर ऊँट रे रोम सू बणियोड़ा गाबा फेरतो।

![](https://cdn.door43.org/obs/jpg/360px/obs-en-24-02.jpg)

घणाही लोग यूहन्ना री बातें सुणणे रे वास्ते जंगल माय निकळ आये। उणने ओ केहणे उणरो प्रचार किदो, "पछतावणो करो, क्यूके सरग रो राजीय कणे है!"

![](https://cdn.door43.org/obs/jpg/360px/obs-en-24-03.jpg)

जद लोगों ने यूहन्ना रे सणदेश को सुणियो, तो उणमें ऊ घणाही ने अपणे पापों ऊ पश्चाताप किदो, अर यूहन्ना ने उणको बपतिस्मा दियो। यूहन्ना को देखणे वास्ते घणाही धार्मिक अगुवे भी आया, पण वे अपणे पापों रो पछतावणो या अंगीकार नी किदो।

![](https://cdn.door43.org/obs/jpg/360px/obs-en-24-04.jpg)

यूहन्ना ने धारमिक अगुवों सू कियो, "हे जेहरीले साँपों के बच्चो! पछतावणो करो अर अपणे वेवार को बदळो। परमेश्वर हरेक उण रुकड़े को काट डालेळा जको छोखो फळ नी लावे, अर वो उणको आग माय झोंक देळा।" जको भविष्यद्वक्ताओं ने कियो। यूहन्ना ने उणे पूरो किदो, "देख, शीघर ही म्हु थारे धके अपणे सणदेश वाहक को भेजूँळा जको थारे वास्ते मारग को तैयार करेळा।"

![](https://cdn.door43.org/obs/jpg/360px/obs-en-24-05.jpg)

थोड़ाक धार्मिक अगुवों ने यूहन्ना सू पूछियो, कि कई वो मसीह है। यूहन्ना ने जबाब दियो, "म्हु मसीह नी हूँ, पण वो मारे लारे आ रियो है। वो इतरो महाण है, कि म्हु उणरे जूतों रे फीते खोलणे रे भी लायक नी हूँ।"

![](https://cdn.door43.org/obs/jpg/360px/obs-en-24-06.jpg)

धकले दिण, यीशु बपतिस्मा लेणे रे वास्ते यूहन्ना रे खणे आया। जद यूहन्ना ने उणे देख्यो, तो उणने कियो, "देखो! परमेश्वर रा मेमना जको सणसार रे पापों को उठाई ले जावेळा।"

![](https://cdn.door43.org/obs/jpg/360px/obs-en-24-07.jpg)

यूहन्ना ने यीशु ऊ कियो, "म्हु थाणे बपतिस्मा देणे रे लायक नी हूँ। बजाए इणरे जरूरी है, कि थे मणे बपतिस्मा देवो।" पण यीशु ने कियो, "थाने मणे बपतिस्मा देणो चाहिजे, क्यूके करणे रे वास्ते सही काम ओईज है।" अतः यूहन्ना ने उणे बपतिस्मा दियो, जदकि यीशु ने कदी पाप नी किदो।

![](https://cdn.door43.org/obs/jpg/360px/obs-en-24-08.jpg)

बपतिस्मा दिए जाणे रे पचे जद यीशु पाणी सू निकळ कर बाहरे आया, तो परमेश्वर रा आत्मा कबूतर रे रूप माय परकट व्हिया अर नीचे आकर उण माथे ठेहर गिया। उणी वेळा, परमेश्वर ने सरग ऊ बात किदी। उणने कियो, "थू मेरो बेटो है, म्हु थारुसू प्रेम करू, अर म्हु थारुसू घणो राजी हूँ।"

![](https://cdn.door43.org/obs/jpg/360px/obs-en-24-09.jpg)

परमेश्वर ने यूहन्ना सू कियो, "पवित्र आत्मा नीचे आकर किणी माथे ठेहर जावेळा जिणे थू बपतिस्मा देळा।" वोहीज परमेश्वर रो बेटो है, परमेश्वर एक ही है। पण जद यूहन्ना ने यीशु को बपतिस्मा दियो, तो उणने परमेश्वर पिता को बातें करतोड़ो सुणियो, पुत्र परमेश्वर को देखियो, जको यीशु है, अर उणने पवित्र आत्मा को देखियो।

*मत्ती अध्याय 3; मरकुस 1:9-11; लूका 3:1 सू एक बाइबल री बात*

## 25. शैताण यीशु री परख करे

https://openbiblestories.org/l/rwr/story-25/

![](https://cdn.door43.org/obs/jpg/360px/obs-en-25-01.jpg)

यीशु रो बपतिस्मा होणे रे तुरन्त पचे, पवित्र आत्मा उणे जंगल माय ळ॓गियो। यीशु वटे चालीस दिण अर चालीस रात थो। उण वेळा उणने उपवास किदो, अर शैताण ने यीशु रे कणे आयणे पाप करावणे रे वास्ते उणरी परख किदी।

![](https://cdn.door43.org/obs/jpg/360px/obs-en-25-02.jpg)

पेहले शैताण ने यीशु ऊ कियो, "जदि थू परमेश्वर रो बेटो है, तो इण भाटो को रोटी बणा दे ताकि थू खा सके!"

![](https://cdn.door43.org/obs/jpg/360px/obs-en-25-03.jpg)

पण यीशु ने शैताण सू कियो, "परमेश्वर रे वचन माये ओ लिखियोड़ो है, 'जीवितो रेवणे रे वास्ते मीनक को खाली रोटी री जरूरत नी है, पण उणको हरेक उण बात री जरूरत व्है, जको परमेश्वर उणसे केवे!'"

![](https://cdn.door43.org/obs/jpg/360px/obs-en-25-04.jpg)

तबे शैताण यीशु को मंदिर रे सबाऊ ऊँचे सिरे माथे ले गियो। उणने उणसे कियो, "जदि थू परमेश्वर रो बेटो है तो अटे सू नीचे कूद जा, क्यूके लिखियोड़ो है, 'परमेश्वर थने उठाणे रे वास्ते अपणे सरगदूतों को हुकम देळा, कि थारे पगो माथे भाटाऊ ठेस नी ळागे।'"

![](https://cdn.door43.org/obs/jpg/360px/obs-en-25-05.jpg)

पण यीशु ने वो नी किदो जको शैताण ने उणसे करणे रे वास्ते कियो। इणके बजाए, उणने कियो, "परमेश्वर हरेक सू केवे है, 'थू प्रभु अपणे परमेश्वर री परख नी करणी।'"

![](https://cdn.door43.org/obs/jpg/360px/obs-en-25-06.jpg)

पचे शैताण ने उणे सणसार रे सगळ॓ राजीय दिखाये। उणने उणे दिखायो कि वे कितरे शक्तिशाली थे, अर वे कितरे सम्पन्न थे। उणने यीशु ऊ कियो, "म्हु थने ओ सगळो दूँळा, यदि थू घुटणे टेकणे मारी उपासना करे।"

![](https://cdn.door43.org/obs/jpg/360px/obs-en-25-07.jpg)

यीशु ने जबाब दियो, "हे शैताण, मारे कणे सू चळा जा! परमेश्वर रे वचन माय वो लोगों को हुकम देवे, 'खाली अपणे प्रभु परमेश्वर री आराधणा करो। परमेश्वर रे रूप माय खाली उणी रो आदर करो।'"

![](https://cdn.door43.org/obs/jpg/360px/obs-en-25-08.jpg)

यीशु ने शैताण री परख सू हार नी माणी, इण वास्ते शैताण उणके कणेसू चळा गियो। तबे सरगदूत आयणे यीशु री सेवा टहल करणे लगे।

*मत्ती अध्याय 4:1-11; मरकुस 1:12-13; लूका 4:1-13 सू एक बाइबल री बात*

## 26. यीशु अपणी सेवा री सरुआत करे

https://openbiblestories.org/l/rwr/story-26/

![](https://cdn.door43.org/obs/jpg/360px/obs-en-26-01.jpg)

शैताण री परख रो इणकार करणे रे पचे, यीशु पाचो गलील रे क्षेत्र माये आयो। आ वाहिज जागा है जटे वो रेवतों। पवितर आत्मा उणे घणोंही सामर्थ दियो, अर यीशु एक जागा ऊ दुजी जागा गियो अर लोगों को शिकसा दीदी। सगळा ने उणरे बारे माय छोखी बाता की।

![](https://cdn.door43.org/obs/jpg/360px/obs-en-26-02.jpg)

यीशु नासरत नगर माय गियो। ओ वो गाँव है जटे वो आपणे बाळपणा माय रेवतों। सब्त रे दिण, वो आराधणा करणे री जागा माथे गियो। अगुवों ने उणे यशायाह भविष्यद्वक्ता रे सणदेशों री एक पोथी दी। वे चावता कि वो उण माऊ पढ़े। अतः यीशु ने उण पोथी को खोळणे उणरे एक भाग को लोगों रे वास्ते पढियों।

![](https://cdn.door43.org/obs/jpg/360px/obs-en-26-03.jpg)

यीशु ने पढियों, "परमेश्वर ने मणे अपणा आत्मा दियो ताकि म्हु कंगालों माय सुसमाचार रो परचार कर सकूँ। उणने मणे इणवास्ते भेजियो कि कैदियों को आज़ाद करूँ, आनधों को पाचोऊ दृष्टि परदान करूँ, अर उणको छुटकारो दूँ जिणको दूजा लोग कुचळिया। आ वा वेळा है जद परमेश्वर आपाणे माथे कृपालु व्हेळा अर आपाणी मदद करेळा।"

![](https://cdn.door43.org/obs/jpg/360px/obs-en-26-04.jpg)

पाचे यीशु बैठगो। सगळा लोग उणे घणों ध्यान सू देख्यों। वे जाणता कि पवितर शासतर रो जो भाग उणने अबार पढियों वो मसीह रे बारे माये थो। यीशु ने कियो, "जको बाता म्हु अबार थाणे वास्ते पढ़ी, वे इण वेळा घटित व्हे।" सगळा लोग चकित हा। वे कियो, "कई ओ यूसुफ रो बेटो नी है?"

![](https://cdn.door43.org/obs/jpg/360px/obs-en-26-05.jpg)

तबे यीशु ने कियो, "ओ साच है कि लोग किणी ऐणे भविष्यद्वक्ता को कदी स्वीकार नी करे जको उणरे नगर माय पळो-बढ़ो व्हियो। एलिय्याह भविष्यद्वक्ता रे वेळा माय, इस्राएल माय घणीही विधवाएँ हेती। पण जद साढ़े तीन बरस ताई मेह नी व्हियो तो परमेश्वर ने एलिय्याह को इस्राएल माय किणी विधवा री मदद करणे रे वास्ते नी भेजियो। इणरे बजाय, उणने एलिय्याह को किणी दूजा देश री विधवा रे कने भेजियो।"

![](https://cdn.door43.org/obs/jpg/360px/obs-en-26-06.jpg)

यीशु ने केवणों जारी राखियों, "अर एलीशा भविष्यद्वक्ता रे वेळा माय, इस्राएल माय घणाही लोग चमड़ी रे रोग सू पीड़ित हेता। पण एलीशा ने उणमें सू किणी को भी चंगा नी कियो। उणने खाली इस्राएल रे शत्रुओं रे सेणापति नामान को चंगा कियो।" पण जको लोग यीशु को सुणियो वे यहूदी हेता। इण वास्ते जद वे उणे ओ केवतोड़ो सुणियो तो वे उण माथे क्रोधित व्हिया।

![](https://cdn.door43.org/obs/jpg/360px/obs-en-26-07.jpg)

नासरत रे लोगों ने यीशु को पकड़ लियो अर उणे आराधणा री जागाऊ घसीटणे बाहरे लेगा। वे उणे मार डालणे रे वास्ते नीचे फेंकणे को एक चट्टान रे सिरे माथे लेगिया। पण यीशु भीड़ माये ऊ निकल गियो अर नासरत नगर को छोड़णे चळो गियो।

![](https://cdn.door43.org/obs/jpg/360px/obs-en-26-08.jpg)

पाचे यीशु सगळे गलील रे क्षेत्र माय गियो, अर मोटी भीड़ उणरे कणे आई। वे ऐणा घणाही लोगों को लेणे आये जको बीमार अर विकलांग हेता। उणमें सू थोड़ाक देख, चल, सुण या बोळ नी सकता, अर यीशु ने उणको चंगा किदो।

![](https://cdn.door43.org/obs/jpg/360px/obs-en-26-09.jpg)

इणरे अलावा, घणाही ऐणा लोग यीशु रे कणे लाया जिणमें दुष्टात्माएँ हेती। यीशु ने दुष्टात्माओं को उणमें सू निकल जाणे रो हुकम दियो। वे दुष्टात्माएँ अकसर चिल्लावती, "थू परमेश्वर रो बेटो है!" भीड़ रे लोग चकित हेता, अर वे परमेश्वर री स्तुति किदी।

![](https://cdn.door43.org/obs/jpg/360px/obs-en-26-10.jpg)

पचे यीशु ने बारेह मिनको को चुणा जिणको उणने अपणे परेरित कियो। उण परेरितों ने उणरे साथे यात्राएँ किदी अर उणसे शिक्षा प्राप्त किदी।

*मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 सू एक बाइबल री बात*

## 27. दयालु सामरी री बात

https://openbiblestories.org/l/rwr/story-27/

![](https://cdn.door43.org/obs/jpg/360px/obs-en-27-01.jpg)

एक दिण, यहूदी व्यवस्था रो एक विशेषज्ञ यीशु रे कणे आयो। वो सगळा को ओ दिखावणों चावतो कि यीशु गळत रीत ऊ शिकसा देवे। इण वास्ते उणने कियो, "हे गरु, अणन्त जीवण पाणे रे वास्ते म्हु कई करूँ?" यीशु ने जबाब दियो, "परमेश्वर री व्यवस्था माय कई लिखियोड़ो व्है?"

![](https://cdn.door43.org/obs/jpg/360px/obs-en-27-02.jpg)

उण व्यक्ति ने कियो, "वा केवे कि अपणे परमेश्वर सू अपणे सगळे मन, पराण, सामरथ, अर बुद्धि सू परेम राख। अर अपणे पड़ोसी सू अपणे समान परेम राख।" यीशु ने जबाब दियो, "थू एकदम सही व्है! जदि थू ऐणों करेळा, तो थणे अणन्त जीवण पावेळा।"

![](https://cdn.door43.org/obs/jpg/360px/obs-en-27-03.jpg)

पण वो व्यवस्था रो विशेषज्ञ लोगों को दिखावणों चावतो कि उणरो जीवण जीणे रो तरीको सही हेतो। इण वास्ते उणने यीशु ऊ पूछियो, "ठीक व्है, तो मेरो पड़ोसी कुण व्है?"

![](https://cdn.door43.org/obs/jpg/360px/obs-en-27-04.jpg)

यीशु ने उण व्यवस्था रे विशेषज्ञ को एक बात बताणे रे द्वारा जबाब दियो। "एक यहूदी मीनक हेतो जको एक हड़क सू वेयणे यरूशलेम सू यरीहो री यातरा कर रियो थो।"

![](https://cdn.door43.org/obs/jpg/360px/obs-en-27-05.jpg)

पण थोड़ाक डाकुओं ने उणे देखियो अर उण माथे हमलो कर दियो। वे उणरो सगळो ले लियो अर उणे लगभग मरणे ताई मारियो-पीटियो। तबे वे गिवरा।

![](https://cdn.door43.org/obs/jpg/360px/obs-en-27-06.jpg)

उणरे हाथोहाथ पचे, एक यहूदी याजक उणी हड़क सू वेयणे गुजरियो। उण याजक ने उण मीनक को हड़क माथे पडियो देखियो। जद उणने उणे देखियो तो वो हड़क रे दूजी पाड़े जायणे धके हालगो। उणने उण मीनक को पूरी तरेह सू अणदेखियो कर दियो।

![](https://cdn.door43.org/obs/jpg/360px/obs-en-27-07.jpg)

इणरे पचे थोड़ीक वेळा पचे, एक लेवी उण हड़क माथे आयो। (लेवी यहूदियों री एक गोत्र हेती जको मिन्दर माय याजकों री मदद किदी।) वो लेवी भी हड़क रे दूजी पाड़े ऊ निकल गियों। उणने भी उण मीनक को अणदेखियो कर दियो।

![](https://cdn.door43.org/obs/jpg/360px/obs-en-27-08.jpg)

धकला जण जको उण हड़क माथे आयो वो सामरिया रो एक मीनक हेतो। (सामरी अर यहूदी एक दूजे ऊ घिरणा करता।) उण सामरी ने हड़क माथे उण मीनक को देखियो। उणने देखियो कि वो यहूदी हेतो, पण पचे भी उणने उण माथे घणों तरस खायो। अतः वो उणरे कणे गियों अर उणरे घावों माथे पट्टियाँ बाँधीं।

![](https://cdn.door43.org/obs/jpg/360px/obs-en-27-09.jpg)

पचे उण सामरी ने उण मीनक को अपणे गधेड़ा माथे डाळियो अर उणे उण हड़क सू एक सराय माये ले गियो। जटे उणने उणरी देखभाळ करणी जारी राखी।

![](https://cdn.door43.org/obs/jpg/360px/obs-en-27-10.jpg)

धकले दिण, उण सामरी को अपणी यातरा को जारी राखणे री जरूरत ही। उणने उण सराय रे परभारी मीनक को थोडोक धन दियो। उणने उणसू कयो, "इण मीनक री देखभाळ करणों। जदि इण धन रे अळावा थारो थोडोई भेर धन खरच व्हेओ तो पाचो आवणे माथे म्हु थारे उण खरचो रो भुगताण कर दूँळा।"

![](https://cdn.door43.org/obs/jpg/360px/obs-en-27-11.jpg)

पचे यीशु ने उण व्यवस्था रे विशेषज्ञ सू पूछियो, "थू कई सोचे? इण तीण लोगों मायू कूण उण मीनक रो पड़ोसी व्है जिणे लूटियो अर पीटियो?" उणने जबाब दियो, "वोही जको उण माथे कृपालु थो।" यीशु ने उणसे कियो, "थू जा अर ऐणों ही करजे।"

*लूका अध्याय 10:25-37 सू एक बाइबल री बात*

## 28. धनी मोटियार शासक

https://openbiblestories.org/l/rwr/story-28/

![](https://cdn.door43.org/obs/jpg/360px/obs-en-28-01.jpg)

एक दिण, एक धनी मोटियार शासक ने यीशु रे कणे आयणे उणसू पूछियो, "हे उत्तम गरु, अणन्त जीवण पाणे रे वास्ते मणे कई करणों चाहिजे?" यीशु ने उणसू कियो, "थू मणे 'उत्तम' कया केवे? खाली एक ही उत्तम व्है अर वो परमेश्वर व्है। पण जदि थू अणन्त जीवण पावणी चावे तो परमेश्वर री व्यवस्था रो पालण कर।"

![](https://cdn.door43.org/obs/jpg/360px/obs-en-28-02.jpg)

मणे कई कई आज्ञाओं रो पालण करणे री जरूरत व्है? उणने पूछियो। यीशु ने जबाब दियो, "हत्या नी करणों। व्यभिचार नी करणों। चोरी नी करणी। झूठ नी बोळणा। अपणे बाप अर मा रो आदर करणों, अर अपणे पड़ोसी सू अपणे समान परेम करणों।"

![](https://cdn.door43.org/obs/jpg/360px/obs-en-28-03.jpg)

पण उण मोटियार पुरुष ने कयो, "म्हु अपणे बालपणे सू ही इण सगळा आज्ञाओं रो पाळन करतो आयो हूँ। मणे रोजीणा रे वास्ते जीवित रेवणे को अबे भी कई करणे री जरूरत व्है?" यीशु ने उण माथे दरसटी किदी अर उणसू परेम किदो।

![](https://cdn.door43.org/obs/jpg/360px/obs-en-28-04.jpg)

यीशु ने जबाब दियो, "जदि थू सिद्ध होणों चावे तो जायणे अपणों सगळो बेच दे अर वो धन गरीबों माय बाँट दे, अर थणे सरग माय धन मिलेळा। तबे आयणे मारे लारे व्हेळे।"

![](https://cdn.door43.org/obs/jpg/360px/obs-en-28-05.jpg)

जको यीशु ने kiyo जद उण मोटियार मीनक ने सुणियो तो वो घणों उदास व्हे गियो, क्यूके वो घणों धनी थो अर उणने अपणी सगळी सम्पत्ति को देणों नीचावतो। वो मुड़ परो यीशु रे कणे सू गिवरों।

![](https://cdn.door43.org/obs/jpg/360px/obs-en-28-06.jpg)

तबे यीशु ने अपणे चेलों सू कियो, "परमेश्वर रे राजीय माय धनी लोगों रो घुसणों घणों टेडौ व्है! हाँ, एक धनी मीनक रे परमेश्वर रे राजीय माय घुसणे री तुळणा माय किणी ऊँट रो सूई रे नाके माय ऊ होणे निकल जाणों आसाण व्है।"

![](https://cdn.door43.org/obs/jpg/360px/obs-en-28-07.jpg)

जको यीशु ने कियो जद चेलों ने सुणियो तो वे चकित हेता। वे कियो, "जदि ओ ऐअणों व्है तो परमेश्वर किणे बचावेळा?"

![](https://cdn.door43.org/obs/jpg/360px/obs-en-28-08.jpg)

यीशु ने चेलों माथे दरसटी किदी अर कियो, "लोगों रे वास्ते खुद रो उद्धार करणों असम्भव व्है। पण परमेश्वर रे वास्ते की भी करणों असम्भव नी व्है।"

![](https://cdn.door43.org/obs/jpg/360px/obs-en-28-09.jpg)

पतरस ने यीशु सू कियो, "मा चेले माणों सगळो छोड़ थारे लारे व्है लिया। तो म्हाणों ईनाम कई व्हेळा?"

![](https://cdn.door43.org/obs/jpg/360px/obs-en-28-10.jpg)

यीशु ने जबाब दियो, "हरेक जन जिणने मारे कारण घर, भाई, बेहण, पिता, माता, बच्चे, या सम्पत्ति को छोडियो, वो उणसू 100 गुणा हळो पावेळा अर अणन्त जीवण को भी पावेळा। पण घणा जको पेहले व्है वे लारे व्हैळा, अर घणा जको लारे व्है वे पेहले व्हैळा।"

*मत्ती अध्याय 19:16-30; मरकुस 10:17-31; लूका 18:18-30सू एक बाइबल री बात*

## 29. निरदई दास री बात

https://openbiblestories.org/l/rwr/story-29/

![](https://cdn.door43.org/obs/jpg/360px/obs-en-29-01.jpg)

एक दिण, पतरस ने यीशु ऊ पूछियो, "हे स्वामी, मणे अपणे भई को कितरी बार क्षमा करणों चाहिजे जद वो मारे खिलाफ पाप करे? कई सात भळा ताई?" यीशु ने कियो, "सात भळा नी, पण सात रे सित्तर भळा!" इणरे द्वारा, यीशु रो मतलब व्है कि आपाणे रोजीणा क्षमा करणों चाहिजे। तबे यीशु ने आ बात भताई।

![](https://cdn.door43.org/obs/jpg/360px/obs-en-29-02.jpg)

यीशु ने कियो, "परमेश्वर रो राजीय एक राजा रे समान व्है जको अपणे दास रो लेखो लेवणी चावे। उणरो एक दास 2,00,000 बरसो री मजूरी रे एक मोटों करज रो करजदार थो।"

![](https://cdn.door43.org/obs/jpg/360px/obs-en-29-03.jpg)

पण वो दास अपणे करज को चुका नी पायो, इणवास्ते राजा ने कियो, "इणरो करज चुकाणे रे वास्ते इण मीनक को अर इणरे परिवार को दासों रे रूप माय बेच दो।"

![](https://cdn.door43.org/obs/jpg/360px/obs-en-29-04.jpg)

उण दास ने राजा रे सामणे अपणे घोडो माथे गिरणे कियो, 'किरपया मारे साथे धीरज धरो, अर म्हु अपणे करज री पूरी रकम रो भुगताण कर दूँळा।' राजा ने दास माथे दया किदी, इणवास्ते उणने उणरे सगळे करज को क्षमा कर दियो अर उणे जाणे दियो।

![](https://cdn.door43.org/obs/jpg/360px/obs-en-29-05.jpg)

पण जद वो दास राजा रे कणे सू बाहरे गियो, तो उणे उणरो एक साथी दास मिळियो जको उणरे चार मिना री मजूरी रो करजदार थो। उण दास ने अपणे साथी दास को पकड़ लियो अर कियो, 'जको थारे माथे मारो करज व्है मणे उणरो भुगताण कर!

![](https://cdn.door43.org/obs/jpg/360px/obs-en-29-06.jpg)

उण दास ने घोडो माथे गिरणे कियो, 'किरपया मारे साथे धीरज धरो, अर म्हु अपणे करज री पूरी रकम रो भुगताण कर दूँळा।' पण इणरे बजाय, उण दास ने अपणे साथी दास को जेळखाणे माय डाळ दियो जद ताई कि वो उण करज रो भुगताण नी करे। " जकोई रियो उणे थोड़ाक दूजा दासों ने देखियो अर वे घणा परेशाण व्हिया। वे राजा रे कणे गिया अर उणे हेतों जकोई बतादियो।"""

![](https://cdn.door43.org/obs/jpg/360px/obs-en-29-07.jpg)

राजा ने उण दास को बुलायणे कियो, 'हे दुष्ट दास! म्हु थारे करज को इणवास्ते क्षमा किदो क्यूके थू मारेसू विनती किदी। थाने भी वैणों ही करणों चाहिजे।' राजा इतरो क्रोधित थो कि उणने उण दुष्ट दास को जेलखाणे माय डाल दियो जद ताई कि वो अपणे सगळो करज रो पाचो भुगताण नी कर देवे।

![](https://cdn.door43.org/obs/jpg/360px/obs-en-29-08.jpg)

तबे यीशु ने कियो, "मेरो सरग माय विराजमाण बाप थाणे मायसू हरेक रे साथे ओहि करेळा जदि थे अपणे भई को अपणे हीवड़े सू क्षमा नी करे।"

*मत्ती अध्याय 18:21-35 सू एक बाइबल री बात*

## 30. यीशु पाँच हजार लोगों णे भोजण करावे

https://openbiblestories.org/l/rwr/story-30/

![](https://cdn.door43.org/obs/jpg/360px/obs-en-30-01.jpg)

यीशु ने अपणे परेरितों को परचार करणे अर लोगों को शिकसा देणे रे वास्ते घणाही नेरा-नेरा गाँवों माय भेजिया। जद वे वटे लौटिया जटे यीशु थो तो वे उणे बतायो कि वे कई किदो। तबे यीशु ने उणको झील रे दूजी पाड़े उणरे साथे एक सुणसाण जागा माथे जायणे थोड़ीक वेळा आराम करणे रे वास्ते निवतीया। अतः वे एक नावड़ी माथे चढ़गा अर झील रे दूजी पाड़े गिवरा।

![](https://cdn.door43.org/obs/jpg/360px/obs-en-30-02.jpg)

पण वटे घणा ही एणा लोग हेता जको यीशु अर चेलों को नावड़ी माय जावतोड़ा देखिया। ए लोग उणसू धके झील रे दूजी पाड़े जाअणे रे वास्ते झील रे ढ़ावे-ढ़ावे माथे भागिया। अतः जद यीशु अर चेले पोचिया तो लोगों री एक मोटी भीड़ उणरी भाड़ जोवतोड़ा वटे पेहले ही हेता।

![](https://cdn.door43.org/obs/jpg/360px/obs-en-30-03.jpg)

उण भीड़ माय लुगायों अर टाबरों री गिणती रे बिणाही 5,000 सू हला मीनक हेता। यीशु ने उण लोगों माथे घणों तरस खायो। यीशु रे वास्ते वे लोग बिणा चरवाहे री भेड़ों रे समाण हेता। इणवास्ते उणने उणको शिकसा दी अर उणरे बीच माय जको लोग बीमार हेता उणको चंगा कियो।

![](https://cdn.door43.org/obs/jpg/360px/obs-en-30-04.jpg)

दिण रे अंत माय, चेलों ने यीशु ऊ कियो, "अबे मोड़ो व्हैगियों अर आकती पाकती माय कोई नगर नी हेतों। इण लोगों को विदा कर ताकि वे जायणे खाणे रे वास्ते की लेंले।"

![](https://cdn.door43.org/obs/jpg/360px/obs-en-30-05.jpg)

पण यीशु ने चेलों ऊ कियो, "थे उणको खाणे रे वास्ते की दो!" वे जबाब दियो, "मो ऐणों किकर कर सका? माणे काणे खाली पाँच रोटी अर दो छोटी मछलियाँ व्है।"

![](https://cdn.door43.org/obs/jpg/360px/obs-en-30-06.jpg)

यीशु ने अपणे चेलों सू कियो कि वे भीड़ रे लोगों को घास माथे पचा-पचा रे समूहों मयणे बैठणे रे वास्ते केवे।

![](https://cdn.door43.org/obs/jpg/360px/obs-en-30-07.jpg)

तबे यीशु ने पाँच रोटी अर दो मछलियों को लेयणे सरग री ओर देखियो, अर उण भोजण रे वास्ते परमेश्वर रो धनवाद दियो।

![](https://cdn.door43.org/obs/jpg/360px/obs-en-30-08.jpg)

पचे यीशु ने रोटी अर मछलियों को टुकड़ों माय तोडियो। उणने लोगों को देणे रे वास्ते अपणे चेलों को वे टुकड़े दीदा। चेले उण भोजण को बाँटते रिया, अर वो कदी खतम नी व्हीयों! वे सगळा लोग खायणे धापगा।

![](https://cdn.door43.org/obs/jpg/360px/obs-en-30-09.jpg)

उणरे पचे, चेलों ने उण भोजण को भेलों किदो जिणे खायो नी गियो अर वो बारेह टोकरियों को भरणे रे वास्ते घणो हो! वो सैंग भोजण उण पाँच रोटी अर दो मछलियों सू आयो।

*मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 सू एक बाइबल री बात*

## 31. यीशु पाणी माथे चाळे

https://openbiblestories.org/l/rwr/story-31/

![](https://cdn.door43.org/obs/jpg/360px/obs-en-31-01.jpg)

पाँच हजार लोगों को भोजण कराणे रे पचे, यीशु ने अपणे चेलों सू नावड़ी माय जाणे रे वास्ते कियो। उणने उणको झील रे दूजी पाड़े चले जाणे रे वास्ते कियो जबकि वे थोड़े वेळा रे वास्ते वटीज ठेहरिया। अतः चेले गिवरा अर यीशु ने भीड़ को विदा करी कि वे अपणे घरे जावे। इणरे पचे, यीशु पराथणा करणे रे वास्ते एक परबत माथे गियो। वटे वे एकळा हेता, अर उणने मोड़ी रात ताई पराथणा किदी।

![](https://cdn.door43.org/obs/jpg/360px/obs-en-31-02.jpg)

उण वेळा, चेले अपणी नावडी को खेतियोडा जावता, पण भायरो उणरे खिलाफ घणों जोर सू भेवतों। घणी रात व्हे जाणे माथे भी वे खाली झील रे बीच माय ही पुगिया।

![](https://cdn.door43.org/obs/jpg/360px/obs-en-31-03.jpg)

उण वेळा यीशु ने पराथणा करणा ऊ निवड़िया अर अपणे चेलों रे कणे पाचा जाणों हरु कियो। वे नावड़ी रे धकिने जाणे रे वास्ते पाणी रे माथे हाळणे ळागा।

![](https://cdn.door43.org/obs/jpg/360px/obs-en-31-04.jpg)

तबे चेलों ने उणे देखियो। वे घणा डरगिया क्यूके वे सोचियो कि वो कोई भूत व्हेळा। यीशु जाणतो कि वे डरगिया, इणवास्ते उणने उणको आवाज देयणे कियो, "डरो मती, ओ म्हु हूँ!"

![](https://cdn.door43.org/obs/jpg/360px/obs-en-31-05.jpg)

तबे पतरस ने यीशु ऊ कियो, "हे परभु, जदि ओ थे हो तो मणे पाणी माथे चळायणे थाणे कणे आणे रो हुकम देवो।" यीशु ने पतरस ऊ कियो, "आव!"

![](https://cdn.door43.org/obs/jpg/360px/obs-en-31-06.jpg)

अतः पतरस नाव सू उतरियो अर यीशु रे कणे जाणे रे वास्ते पाणी री सतेह माथे चाळणों हरु किदो। पण थोडोक धके जायणे, उणने खुदरी आँख्यों को यीशु ऊ फेर लियो अर ळेहरों को देखणों अर तेज भायरों को मेहसूस करणों हरु कर दियो।

![](https://cdn.door43.org/obs/jpg/360px/obs-en-31-07.jpg)

तबे पतरस डर गियो अर पाणी माय डूबणे ळागो। वो हाको करियों, "हे परभु, मणे बचायळे!" यीशु ने उणी वेळा हाथ बढ़ायणे उणे पकड़ियो। तबे उणने पतरस ऊ कियो, "थाणों विश्वास घणों थोड़ौ है! थने हावळ राखणे रे वास्ते थू मारे माथे भरोसो क्यू नी किदो?"

![](https://cdn.door43.org/obs/jpg/360px/obs-en-31-08.jpg)

तबे यीशु अर पतरस नावड़ी माथे चढ़गा, अर हाथोहाथ भायरों भेवणों रुक गियो। पाणी शान्त व्हेगियो। चेलों ने चकित होयणे यीशु के धके घोडा टेकिया। वे उणरी आराधणा किदी अर उणसू कियो, "सचमुच थे परमेश्वर रा बेटा हो।"

*मत्ती अध्याय 14:22-33; मरकुस 6:45-52; यूहन्ना 6:16-21 सू एक बाइबल री बात*

## 32. यीशु दुष्टात्मा सू जकड़ियोडो मीनक को अर एक बीमार नारी को चंगा करे

https://openbiblestories.org/l/rwr/story-32/

![](https://cdn.door43.org/obs/jpg/360px/obs-en-32-01.jpg)

यीशु अर उणरे चेले अपणी नावड़ी माय उण जागा गियाजटे गिरासेनी लोग रेवता। वे उण जागा माथे पुगणे नावड़ी सू उतरिया।

![](https://cdn.door43.org/obs/jpg/360px/obs-en-32-02.jpg)

वटे एक मीनक हेतों जको दुष्टात्मा सू जकड़ियोडो हेतों।

![](https://cdn.door43.org/obs/jpg/360px/obs-en-32-03.jpg)

ओ मीनक इतरो बळशाळी थो कि कुणी भी उणको नियंत्रित नी कर सकियो। केई भला लोगों ने उणरे हाथों अर पैरों को जंजीरों ऊ भी बाँधियो, पण वो उणको तोड़ देवतों।

![](https://cdn.door43.org/obs/jpg/360px/obs-en-32-04.jpg)

वो मीनक उण जागा माय कब्रों माय रेवतों। ओ मीनक सेंग दिण अर सेंग रात हाका करतो। वो गाबा नी फेरतों अर केईभला खुदने भाटोऊ घायल कर देवतों।

![](https://cdn.door43.org/obs/jpg/360px/obs-en-32-05.jpg)

वो मीनक दौडियोडो यीशु रे कणे आयो अर उणरे धके घोडा टेकिया। तबे यीशु ने उण मीनक रे माय ऊ दुष्टात्मा सू बात किदी अर कियो, "इण मीनक मायऊ बाहरे निकळ आव!"

![](https://cdn.door43.org/obs/jpg/360px/obs-en-32-06.jpg)

वा दुष्टात्मा ऊँची आवाज माय हाको करियों, "हे यीशु, परम परधान परमेश्वर रे बेटा, थारो मारू कई काम? किरपा करणे मणे मती सता!" तबे यीशु ने उण दुष्टात्मा सू पूछियो, "थारो नाम कई है?" उणने जबाब दियो, "मेरो नाम सेणा व्हे, क्यूके म्हो घणा व्हो।" (रोमी सेणा माय केई हजार सैनिकों रो एक समूह एक "सेणा" व्हेती।)

![](https://cdn.door43.org/obs/jpg/360px/obs-en-32-07.jpg)

उण दुष्टात्माओं ने यीशु ऊ विणती किदी, "किरपा करणे म्हाणे इण जागाऊ बाहरे मती भेजो!" वटीज कणे रे पहाड़ माथे सूअरों रो एक झुंड चरतो हो। इणवास्ते उण दुष्टात्माओं ने यीशु ऊ विणती किदी, "किरपा करणे म्हाणे उण सूअरों माय भेज दो!" यीशु ने कियो, "ठीक है, उणमें जावोरा!"

![](https://cdn.door43.org/obs/jpg/360px/obs-en-32-08.jpg)

अतः वे दुष्टात्माएँ उण मीनक माय ऊ निकळ उण सूअरों माय घुसगी। वे सूअर दौडिया एक खड़े टीले माथे सू झील माय कूदिया अर डूबणे मरिया। उण झुंड माय लगभग 2,000 सूअर हेता।

![](https://cdn.door43.org/obs/jpg/360px/obs-en-32-09.jpg)

वटे उण सूअरों री देखभाळ करणे वाळा मीनक हेता। जकोही व्हीयों जद वे देखियो तो वे नगर माय नायगा। यीशु ने जकोही किदों वटे वे सगळाणे बतायो। उण नगर रा लोग निकलणे आया अर उण मीनक को देखियो जिणमें दुष्टात्माएँ हेती। वो चुपचाप ऊ, गाबा फ़ेरियोड़ो, अर एक आम मीनक रे ज्यू व्यवहार करतोड़ो बैठों हेतों।

![](https://cdn.door43.org/obs/jpg/360px/obs-en-32-10.jpg)

वे लोग घणाही डरियोड़ा हेता अर वे यीशु ऊ चले जाणे रे वास्ते कियो। अतः यीशु नावड़ी माथे चढ़ गियो। वो मीनक जिणमें दुष्टात्माएँ हेती उणने यीशु रे साथे जाणे री अरदास किदी। " पण यीशु ने उणसु कियो, नी। म्हु चाहू कि थू घरे जायणे सगळा को बता कि परमेश्वर ने थारे वास्ते कई किदों। उणको बता कि किकर परमेश्वर ने थारे माथे दया किदी।"""

![](https://cdn.door43.org/obs/jpg/360px/obs-en-32-11.jpg)

इणवास्ते वो मीनक गिवरो अर सगळाणे इण बारे माय बतायो जको यीशु ने उणरे वास्ते किदों। उणरी बात सुणणे वाळो हरेक जन चकित व्हियो।

![](https://cdn.door43.org/obs/jpg/360px/obs-en-32-12.jpg)

यीशु झील रे दूजी पाड़े लौटियो। उणरे वटे पूगणा रे पचे, एक मोटी भीड़ उणरे आकती पाकती भेळी व्हि अर उणे दबाणे ळागी। उण भीड़ माय एक नारी हेती जको बारेह बरसो सू लोही बेहणे री तकलीफ सू पीड़ित हेती। उणने अपणों सगळो धन चिकित्सकों को दे दियो ताकि वे उणे हावळ कर सकें, पण उणरो रोग अर भी बिगड़ गियो।

![](https://cdn.door43.org/obs/jpg/360px/obs-en-32-13.jpg)

उणने सुणियो कि यीशु ने केई बीमार लोगों को ठीक किदो अर उणने सोचियो, "म्हु निश्चित हूँ कि जदि म्हु खाली यीशु रे गाबाही को छू लूँ, तो म्हु भी ठीक व्हो जाऊँळी!" इणवास्ते वा यीशु रे लारे ऊ आई अर उणरे गाबा को छू लियो। ज्यू ही उणने उणको छुयो, लोही रो बेवणों रुकगियो।

![](https://cdn.door43.org/obs/jpg/360px/obs-en-32-14.jpg)

हाथोहाथ ही, यीशु ने जाण लियो कि उणमें सू सामरथ निकळियो। इणवास्ते उणने लारे मुड़णे पूछियो, "म्हणे कुणने छुयो?" चेलों ने जबाब दियो, "अटे इतरे सारे लोगों ने थारे चारों मेर भीड़ लगायोडी व्हे, अर थाणे ठेळे व्हे। तो थाणे क्यूपूछियो कि म्हणे कुणने छुयो?"

![](https://cdn.door43.org/obs/jpg/360px/obs-en-32-15.jpg)

वा नारी यीशु रे धके काँपतोड़ी अर घणी डरियोड़ी अपणे घोडा माथे बैठगी। तबे उसणे उणे बता दियो कि उसणे कई किदो, अर ओभी कि वा ठीक व्हेगी। यीशु ने उणसू कियो, "थारे विश्वास ने थणे चंगा किदो। शान्ति ऊ जा।"

*मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 सू एक बाइबल री बात*

## 33. एक किसाण री बात

https://openbiblestories.org/l/rwr/story-33/

![](https://cdn.door43.org/obs/jpg/360px/obs-en-33-01.jpg)

एक दिण, यीशु झील रे ढ़ावे रे कणे हेतों। वो लोगों री एक घणी मोटी भीड़ को शिकसा देवता हा। उणे सुणणे रे वास्ते इतरा लोग आया कि यीशु रे कणे उण सगळाऊ बात करणे रे वास्ते जागा नी बची। इण वास्ते वे पाणी माय खड़ी नावड़ी माथे चढ़ गियो। वटे वो बैठगो अर लोगों को शिकसा दीदी।

![](https://cdn.door43.org/obs/jpg/360px/obs-en-33-02.jpg)

यीशु ने वाणे आ बात सुणाई, "एक किसाण बीज बोणे रे वास्ते बाहरे निकळियो। जद वो हाथों ऊ बीजों को बिखेरतो हेतों तो थोड़ाक बीज मारग माय पड़िया। पण पक्षियों ने आयणे उण सगळा बीजों को खा लियो।"

![](https://cdn.door43.org/obs/jpg/360px/obs-en-33-03.jpg)

दूजोड़ा बीज पथरीळी जमी माथे पड़िया जटे हाय थोड़ीक माटी हेती। पथरीळी जमी माथे पड़ियोड़ा बीज घणाही भेगा अंकुरित व्हिया, पण उणरी जड़ें जमी माय गेहराई माय जाणे माय सकसम नी हेती। जद सूरज निकळियो अर गरमी व्ही तो वे पौधे मुरझायगा अर मरगा।

![](https://cdn.door43.org/obs/jpg/360px/obs-en-33-04.jpg)

तौभी दूजोड़ा बीज झाड़ियों रे माय गिरिया। उण बीजों ने बढ़णों हरु किदो, पण काँटों ने उणको दबा दियो। इणवास्ते काँटेदार जमी माथे गिरियोडा बीजों मायऊ निकळियोड़ा पौधों मायऊ केणों भी अणाज पैदा नी कर पायो।

![](https://cdn.door43.org/obs/jpg/360px/obs-en-33-05.jpg)

दूजोड़ा बीज चोखी जमी माथे गिरिया। वे बीज बडिया अर जितरे बीज बोया उणसु 30, 60, अर अटे ताई कि 100 गुणा अनाज पैदा किदो। जकोई भी परमेश्वर रे ळारे चलणों चावे, वो उण बात माथे गौर देवो जको म्हु केह रियो हूँ!

![](https://cdn.door43.org/obs/jpg/360px/obs-en-33-06.jpg)

इण बात ने चेलों को उळझण माय डाल दियो। इणवास्ते यीशु ने व्याख्या किदी, "वो बीज परमेश्वर रो वचण व्हे। वो मारग एक ऐणों मीनक व्हे जको परमेश्वर रे वचण को सुणे, पण उणे समझे कोणी। तबे शैताण उणरे कणे सू वचण को चुराई ले जावतों। अरथात शैताण उणे वचण को समझने ऊ आगो राखतो।"

![](https://cdn.door43.org/obs/jpg/360px/obs-en-33-07.jpg)

वो पथरीळी जमी ऐणों मीनक व्हे जको परमेश्वर रे वचण को सुणे अर आणन्द रे साथे उणे स्वीकार कर लेवे। पण जद मुश्किल वेळा आवे, या जद दूजा लोग उणे सतावे, तो वो परमेश्वर सू आगो चळो गियो। अरथात वो परमेश्वर माथे भरोसो करणों बंद कर दियो।

![](https://cdn.door43.org/obs/jpg/360px/obs-en-33-08.jpg)

वो काँटेदार जमी ऐणों मीनक व्हे जको परमेश्वर रे वचण को सुणे। पण वो घणीही बातों रे बारे माय चिन्ता करणों हरुकर दियो, अर वो घणोंही धन कमाणे रो परयास करतो, अर वो घणीही चीजों को पाणे रो परयास करतो। थोड़ीक वेळा रे पचे, अबे वो परमेश्वर को परेम करणे माय सक्षम नी व्है। इणवास्ते जको उणने परमेश्वर रे वचण सू सीखियों वो उणे परमेश्वर को राजी करणे माय सकसम नी करतो। वो गेहूँ रे डंठलों रे समाण व्है जको कोई अणाज पैदा नी करे।

![](https://cdn.door43.org/obs/jpg/360px/obs-en-33-09.jpg)

पण छोकी जमी वो मीनक व्है जको परमेश्वर रे वचण को सुणे, उण माथे विश्वास करे, अर फळ पैदा करे।

*मत्ती अध्याय 13:1-8, 18-23; मरकुस 4:1-8, 13-20; लूका 8:4-15 सू एक बाइबल री बात*

## 34. यीशु दूजी बातों री शिकसा देवे

https://openbiblestories.org/l/rwr/story-34/

![](https://cdn.door43.org/obs/jpg/360px/obs-en-34-01.jpg)

यीशु ने परमेश्वर रे राजीय रे बारे माय दुजी घणीही बाता सुणाई। उदाहरण रे वास्ते, उणने कियो, "परमेश्वर रो राजीय एक राई रे बीज रे समाण व्है जिणे किणी ने अपणे खेत माय बो दियो। थे जाणों हो कि राई रो बीज सगळे बीजों मायऊ सबाऊ नानोक रेव्है।"

![](https://cdn.door43.org/obs/jpg/360px/obs-en-34-02.jpg)

पण जद राई रो बीज बढ़ जावे तो वो बगीचे रे सगळे रुकड़ा मायऊ सबाऊ मोटों व्है जावे, इतरो मोटों कि पंछी आयणे उणरी डाळियों माथे आराम करे।

![](https://cdn.door43.org/obs/jpg/360px/obs-en-34-03.jpg)

यीशु ने एक दुजी बात बताई, "परमेश्वर रो राजीय खमीर रे समाण व्है जिणे लेयणे एक नारी आटे रे पिंड माय मिलाय देवे तबे वो सगळे पिंड माय फैल जावे।"

![](https://cdn.door43.org/obs/jpg/360px/obs-en-34-04.jpg)

सरग रो राजीय उण खजाणे रे समाण व्है जिणे कुणी खेत माय लुकायदियो। कुणी दूजा मीनक को वो खजाणों लादगो अर उणने उणे पाणे री घणों चाव किदों। इणवास्ते उणने उणे पाचो गाड़ दियो। वो आणन्द सू इतरो भर गियों कि उणने जायणे अपणों सगळो बेच दियो ताकि वो उण खेत को मोळ ळे सके जटे वो खजाना हेतों।

![](https://cdn.door43.org/obs/jpg/360px/obs-en-34-05.jpg)

सरग रो राजीय एक घणों कीमती शुद्ध मोती रे समाण भी व्है। जद कोई मोतियों रो वैपारी उणे पा लेवे तो वो उणे खरीदणे रे वास्ते अपणों सगळोई बेच देवे।

![](https://cdn.door43.org/obs/jpg/360px/obs-en-34-06.jpg)

वटे थोड़ाक लोग हेता जको सोचता कि परमेश्वर उणको इणवास्ते स्वीकार करेळा क्यूके वे भळा काम करिया। ये लोग ऐणे लोगों को नानोक मानता जको उण भले कामों को नी करता। इणवास्ते यीशु ने उणको आ बात बताईः "दो मीनक हेता अर दोनों ही पराथना करणे रे वास्ते मंदिर माय गिया। उणमें सू एक चुंगी लेने वाळो हेतों, अर दूजोड़ो एक धारमिक अगुवा हेतों।"

![](https://cdn.door43.org/obs/jpg/360px/obs-en-34-07.jpg)

उण धारमिक अगुवे ने इण परकार सू पराथना किदी, 'हे परमेश्वर, थारो धन्यवाद हो कि म्हु दूजा लोगों रे समाण – जैणा कि डाकू, अन्यायी मीनक, व्यभिचारी, या अटे ताई कि अटे हाजिर उण चुंगी लेणे वाळे रे समाण एक पापी नी हूँ।'

![](https://cdn.door43.org/obs/jpg/360px/obs-en-34-08.jpg)

उदाहरण रे वास्ते, म्हु हरेक सपताह माय दो भळा उपवास राखूहूँ, अर म्हु मुणे मिळणे वाळे धन अर सामाण रो दसवाँ हिस्सा थाणे देवहूँ।

![](https://cdn.door43.org/obs/jpg/360px/obs-en-34-09.jpg)

पण वो चुंगी लेणे वाळो उण धारमिक अगुवे ऊ घणों आगो ऊबो हो। उणने ऊपर सरग री ओर आँखें भी नी उठाईं। इणरे बजाए, उणने अपणी मुट्ठी सू अपणी छाती पीटियों अर पराथना किदी, 'हे परमेश्वर, किरपा करके मारे माथे दया करो क्यूके म्हु एक पापी हूँ।'

![](https://cdn.door43.org/obs/jpg/360px/obs-en-34-10.jpg)

पाचे यीशु कियो, "म्हु थाणु सच केवू हूँ, परमेश्वर ने उण चुंगी लेणे वाळे री पराथना को सुणियो अर उणे धरमी घोषित किदो। पण उणने उण धारमिक अगुवे री पराथना को पसंद नी किदो। परमेश्वर हरेक घमंडी रो माथों नीचो करेळा, पण वो हरेक उण जन को आदर देळा जको खुद को नरम करे।"

*मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 सू एक बाइबल री बात*

## 35. दयाळु पिता री बात

https://openbiblestories.org/l/rwr/story-35/

![](https://cdn.door43.org/obs/jpg/360px/obs-en-35-01.jpg)

एक दिण, यीशु उण घणाई लोगों को शिकसा देवता जको उणने सुणणे रे वास्ते भेळा रिया। वे लोग चुंगी लेणे वाले अर साथेही दूजा लोग भी हेठा जको मूसा री व्यवस्था रो पाळण करणे रो परयास नी किदो।

![](https://cdn.door43.org/obs/jpg/360px/obs-en-35-02.jpg)

थोड़ाक धारमिक अगुवों ने देखियों कि यीशु इण लोगों सू एक साथी रे समाण बात करे। इणवास्ते वे एक दूजा सू यो केवणों सरु कर दियो कि वो खोटो करे। यीशु ने उणको बातें करतोड़ो सुणियो, इणवास्ते उणने उणको आ बात बताई।

![](https://cdn.door43.org/obs/jpg/360px/obs-en-35-03.jpg)

एक मीनक हेतो जिणरे दो टाबर हेता। छोटोड़ों बेटो ने अपणे बाप सू कियो, 'हे पिता, मणे अबार मारो हिस्सो जोइजे!' अतः पिता ने अपणे दोनों बेटो रे मायने अपणी सम्पत्ति रो बँटवारो कर दियो।

![](https://cdn.door43.org/obs/jpg/360px/obs-en-35-04.jpg)

भेगो ही छोटोड़ों बेटो अपणों सगळो भेळो कर आगो देश को गिवरों अर पापी जीवण जीणे माय अपणे सगळे धन को बर्बाद कर दियो।

![](https://cdn.door43.org/obs/jpg/360px/obs-en-35-05.jpg)

इणरे पचे, जटे छोटोड़ों बेटो हो उण देश माय एक भयंकर अकाल पडियो, अर उणरे कणे भोजण खरीदणे रे वास्ते धन नी हेतो। इण वास्ते उणे जो काम मिमिलियों वो सूअरों को चराणे को थो। वो इतरो दुःखी अर भूखो हो कि वो सूअरों रो भोजण खाणों चावतों।

![](https://cdn.door43.org/obs/jpg/360px/obs-en-35-06.jpg)

आखिरकार, उण छोटेणे बेटे ने खुद सू कियो, 'म्हु कई करु हूँ? मारे बाप रे सगळा सेवकों रे कणे खाणे रे वास्ते बहुतायत सू व्है, पचे भी म्हु अटे भूखो मरु हूँ। म्हु अपणे बाप रे कणे पाचो जाऊँळा अर अपणे बाप रो एक सेवक बणणे रे वास्ते उणसू विणती करूँळा।'

![](https://cdn.door43.org/obs/jpg/360px/obs-en-35-07.jpg)

अतः उण छोटेड़े बेटे ने पाचो अपणे बाप रे घर धकिने जाणों हरु किदो। जबकि वो अबार आगो ही हेतो, उणरे बाप ने उणे देखियों अर उण माथे तरस खादो। वो दौड़ने अपणे बेटे रे कणे गियो अर उणे गले लगायणे चूमियो।

![](https://cdn.door43.org/obs/jpg/360px/obs-en-35-08.jpg)

उण बेटे ने कियो, 'हे पिता, म्हु परमेश्वर रे अर थारे खिलाफ पाप किदो। म्हु थारो बेटो केहवणेने रे लायक भी नी हूँ।'

![](https://cdn.door43.org/obs/jpg/360px/obs-en-35-09.jpg)

पण बाप ने अपणे एक सेवक सू कियो, 'भेगो जायणे सबाऊ छोको गाबो लेयणे आओ अर मारे बेटे को पेहरावो! उणकी उंगली माय अंगूठी अर उणरे पगो माय जूतिया पेहरावो। पाचे सबाऊ बढ़िया बछडो मारो ताकि आपा खावां अर उत्सव मनावां, क्यूके मेरो बेटो मरगो हेतो, पण अबे वो जीवतो व्है! वो गमगो हेतो, पण अबे आपा उणे पा लियो व्है!'

![](https://cdn.door43.org/obs/jpg/360px/obs-en-35-10.jpg)

इण वास्ते लोगों ने उत्सव मनाणों हरुकिदो। थोड़ीक वेळा पाचे, मोटोड़ों बेटो खेत माय काम करणे घरे आयो। वो संगीत अर नाच री आवाज को सुणियो अर अचम्भित व्हियों कि ओ कई व्हे रियो व्है।

![](https://cdn.door43.org/obs/jpg/360px/obs-en-35-11.jpg)

जद मोटोड़ा बेटे को माळूम व्हियों कि वे इणवास्ते उत्सव मना रियाहेता क्यूके उणरो भाई घरे आ गियो हेतो, तो वो घणों क्रोधित व्हियों अर घर माय दाखिल नी व्हियों। उणरे बाप ने बाहरे आयणे उणरे उणरे साथे उत्सव मनाणे रो निवेदन किदो, पण उणने मना कर दियो।

![](https://cdn.door43.org/obs/jpg/360px/obs-en-35-12.jpg)

उण मोटोड़े बेटे ने अपणे बाप सू कियो, 'इण सगळे बरसो माय म्हु थारे वास्ते निष्ठापूर्वक काम किदो! कदी भी थारी बात को नी टालियो, पण थू कदी मणे एक छोटीक बकरी भी नी दी ताकि म्हु अपणे साथियो रे साथे दावत कर सकूँ। पण थारे इण बेटे ने थारे धन को पापी कामो माय बर्बाद कर दियो। अर अबे जद वो आयो तो उणरे वास्ते उत्सव मनाणे को थे सबाऊ छोखो बछड़े को मार डाळियो!'

![](https://cdn.door43.org/obs/jpg/360px/obs-en-35-13.jpg)

बाप ने जबाब दियो, 'हे म्हारा बेटा, थू रोजीणा मारे साथे व्हो, अर जकोई मारो व्है वो सगळो थारो व्है। पण आपाणे वास्ते उत्सव मनाणों सही व्है क्यूके थारो भाई मर गियो हेतो, पण अबे वो जीवतो व्है। वो खोईगो हेतो, पण अबे आपा उणे पा लियो व्है!'

*लूका अध्याय 15:11-32 सू एक बाइबल री बात*

## 36. रूपान्तरण

https://openbiblestories.org/l/rwr/story-36/

![](https://cdn.door43.org/obs/jpg/360px/obs-en-36-01.jpg)

एक दिण, यीशु ने अपणे तीन चेलों, पतरस, याकूब, अर यूहन्ना को अपणे साथे लियो। (ओ यूहन्ना नाम रो चेळो वोहीज मीनक नी हेतो जको यीशु को बपतिस्मा दियो।) वे पराथना करणे रे वास्ते एक ऊँचे पहाड़ माथे गिया।

![](https://cdn.door43.org/obs/jpg/360px/obs-en-36-02.jpg)

जद यीशु पराथना कर रियो हेतो तो उणरो चेहरो सूरज रे समाण उज्जवल व्हे गियो। उणरे गाबा उजियाले रे समाण धोळा व्हे गिया, जैणा धरती माथे कोई कर सके उणसु भी बढ़णे धोळो।

![](https://cdn.door43.org/obs/jpg/360px/obs-en-36-03.jpg)

तबे मूसा अर एलिय्याह भविष्यद्वक्ता परकट व्हिया। ये मीनक इण धरती माथे इण वेळा सू सैकड़ों बरस पेहळा रिया करता। वे यीशु सू उणरी मरतू रे विषय माय बात किदी, क्यूके वो भेगो ही यरूशलेम माय मर जावेळा।

![](https://cdn.door43.org/obs/jpg/360px/obs-en-36-04.jpg)

जद मूसा अर एलिय्याह यीशु सू बातें करता तबे पतरस ने यीशु ऊ कियो, "म्हाणे वास्ते अटे रेवणों भळो व्है। म्हा तीन मंडपों को बनायो, एक थाणे वास्ते, एक मूसा रे वास्ते, अर एक एलिय्याह रे वास्ते।" पण पतरस नी जाणतो कि वो कई केवे।

![](https://cdn.door43.org/obs/jpg/360px/obs-en-36-05.jpg)

जद पतरस बात करतो, तो एक चमकदार बादळ नीचे आयणे उण माथे छायगो। पाचे वे बादळ मायू एक आवाज को आवतो सुणियो। वो कियो, "ओ मारो बेटो है जिणऊ म्हु परेम करू। म्हु उणसू राजी हूँ। उणरी सुणों।" वे तीनोंई चेळा डरगा अर जमी माथे लेटगा।

![](https://cdn.door43.org/obs/jpg/360px/obs-en-36-06.jpg)

तबे यीशु ने उणको छुयो अर कयो, "डरो मती। उठ जाओ।" जद वे चारों मेर देखियो, तो जकोई वटे हेतो वो खाळी यीशु हेतो।

![](https://cdn.door43.org/obs/jpg/360px/obs-en-36-07.jpg)

यीशु अर वे तीनोंई चेळा उण पहाड़ सू पाचा नीचे उतरिया। तबे यीशु ने उणसू कियो, "अबार जको अटे रियो उणरी चरचा किणी सू नी करणी। म्हु भेगो ही मर जाऊँळा अर पाचो जीवतो व्हे जाऊँळा। उणरे पचे, थे लोगों को बताई सकोळा।"

*मत्ती अध्याय 17:1-9; मरकुस 9:2-8; लूका 9:28-36 सू एक बाइबल री बात*

## 37. यीशु लाज़र को मृतकों माय ऊ जिलावे

https://openbiblestories.org/l/rwr/story-37/

![](https://cdn.door43.org/obs/jpg/360px/obs-en-37-01.jpg)

लाज़र नाम रो एक मीनक हेतो। उणरी दो बेहनें हेती जिणरो नाम मरियम अर मार्था हेतो। वे सगळा यीशु रा घनिष्ठ साथी हेता। एक दिण, कुणी यीशु को बतायो कि लाज़र घणों बीमार हेतो। जद यीशु ओ सुणियो तो उणने कियो, "आ बीमारी लाज़र रे मरणे रे साथे खतम नी व्हेळा। इणरे बजाए, आ लोगों को परमेश्वर रो आदर करणे रे वास्ते परेरित करेळी।"

![](https://cdn.door43.org/obs/jpg/360px/obs-en-37-02.jpg)

यीशु अपणे साथियो ऊ परेम करतो, पण जटे वो हेतो वटे उणने दो दिनों ताई बाट जोई। उण दो दिनों रे पचे, उणने अपणे चेलोंऊ कियो, "आओ, पाचा यहूदिया को हाळा।" चेलों ने जबाब दियो, "पण हे गरु, अबार थोड़ीक वेळा पेहळा वटे रा लोग थाणे मार डाळणा चावता!" यीशु कियो, "अपाणो साथी लाज़र हुईगो व्है, अर माणे उणे जगाणों व्है।"

![](https://cdn.door43.org/obs/jpg/360px/obs-en-37-03.jpg)

यीशु रा चेलों ने जबाब दियो, "हे परभु, जदि लाज़र हुईगो, तो वो ठीक व्हे जावेळा।" तबे यीशु ने उणसू साफ रूप सू केदियो, "लाज़र मर गो व्है। म्हु आनन्दित हूँ कि म्हु वटे नी हेतो, ताकि थे मारे माथे भरोसो कर सको।"

![](https://cdn.door43.org/obs/jpg/360px/obs-en-37-04.jpg)

जद यीशु लाज़र रे गाँव पोचियो तो लाज़र को मरियोड़ा पेहले ही चार दिन व्हेगिया। मार्था यीशु सू मिळणे रे वास्ते बाहरे आई अर कियो, "हे परभु, जदि थे अटे रेवता तो मारो भीरो नी मरतो। पण म्हु विश्वास करु कि जकोई भी थे परमेश्वर सू माँगो वो थाणे देळा।"

![](https://cdn.door43.org/obs/jpg/360px/obs-en-37-05.jpg)

यीशु ने जबाब दियो, "पुनरुत्थान अर जीवन म्हु हूँ। जकोई मारे माथे भरोसो करे जदि वो मर भी जावे तौभी जीवेळा। जकोई मारे माथे भरोसो करे वो कदी नी मरेळा। कई थू इण माथे भरोसो करे?" मार्था जबाब दियो, "हे परभु, म्हु भरोसो करुहूँ कि थे परमेश्वर रा बेटा मसीह व्हो।"

![](https://cdn.door43.org/obs/jpg/360px/obs-en-37-06.jpg)

तबे मरियम आई। उणने यीशु रे पगामाय पड़ने कियो, "हे परभु, जदि थे अटे रेवता तो मारो भीरो नी मरतो।" यीशु ने उणसे पूछियो, "थे लाज़र को कटे राखियो?" वे उणे बतायो, "कब्र माय। आ अर देख ले।" तबे यीशु रोणे ळागो।

![](https://cdn.door43.org/obs/jpg/360px/obs-en-37-07.jpg)

वा कब्र एक गुफा हेती जिणरे द्वारा माथे एक भाटो लुढ़कायो गियो। जद यीशु कब्र माथे पुगियों तो उणने उणसे कियो, "भाटो हटाय दो।" पण मार्था कियो, "उणे मरियोड़ा चार दिण व्हे गिया। उणमाय बास आती व्हेला।"

![](https://cdn.door43.org/obs/jpg/360px/obs-en-37-08.jpg)

यीशु ने जबाब दियो, "कई म्हु थाणे नी कियो कि जदि थे मारे माथे भरोसो करो तो परमेश्वर रे सामरथ को देखोळा?" इणवास्ते वे भाटो हटा दियो।

![](https://cdn.door43.org/obs/jpg/360px/obs-en-37-09.jpg)

तबे यीशु ऊपर सरग री ओर देखणे कियो, "हे पिता, मारी सुण लेणे रे वास्ते म्हु थारो धनवाद करु। म्हु जाणु कि थे रोजीणा मारी सुणों, पण म्हु ओ अटे ऊबोड़ा इण सगळा लोगों री मदद करणे रे वास्ते कियो ताकि ए भरोसो करें कि थे मणे भेजियो।" तबे यीशु आवाज लगाई, "हे लाज़र, बाहरे निकळ आव!"

![](https://cdn.door43.org/obs/jpg/360px/obs-en-37-10.jpg)

अतः लाज़र बाहरे निकल आयो! वो अबार भी कफन माय लिपटियोडो हेतो। यीशु ने उणसू कियो, "इण कफन को निकाळणे माय उणरी मदद करो अर उणे आज़ाद करो।" इण चमत्कार रे कारण घणाई यहूदियों ने यीशु माथे भरोसो किदो।

![](https://cdn.door43.org/obs/jpg/360px/obs-en-37-11.jpg)

पण यहूदियों रे धारमिक अगुवे यीशु ऊ जळणे ळागा, इण वास्ते वे योजणा बणाणे रे वास्ते एक साथे भेळा व्हिया कि किकर यीशु अर लाज़र को मार डाळा जाय।

*यूहन्ना 11:1-46 सू एक बाइबल री बात*

## 38. यीशु को पकड़वायो जाणो

https://openbiblestories.org/l/rwr/story-38/

![](https://cdn.door43.org/obs/jpg/360px/obs-en-38-01.jpg)

हरेक बरस, यहूदी लोग फसह रो पर्व मनावता। यो इण बारे माय एक उत्सव थो कि केई शताब्दियों पेहले परमेश्वर ने उणरे पूर्वजों को मिस्र रे दासत्व सू छुड़ायो। ळगभग तीन बरस रे पचे यीशु ने सार्वजनिक रूप सू परचार करणों अर शिकसा देणों हरु किदों। यीशु ने अपणे चेलों को बतायो कि वो उणरे साथे यरूशलेम माय फसह रे पर्व को मनाणों चावे, अर ओ भी कि वो वटे मार डाळियो जावेळा।

![](https://cdn.door43.org/obs/jpg/360px/obs-en-38-02.jpg)

यीशु रे चेलों माय एक यहूदा नाम रो मीनक हेतों। यहूदा परेरितों रे धन री थैली राखणे रो परभारी हेतो, पण केई भळा वो उण थैली मायऊ पैसे निकाळ ळेवतों। यीशु अर चेलों रे यरूशलेम माय पुगणे रे पचे यहूदा यहूदी अगुवों रे कणे गियों। उणने धन रे बदळे माय यीशु को उणके हाथ पकड़वाणे रो परसताव राखियों। वो जानतो थो कि यहूदी अगुवे सवीकर नी करे कि यीशु ही मसीह थो। वे जाणता कि वे उणे मार डालणों चावे।

![](https://cdn.door43.org/obs/jpg/360px/obs-en-38-03.jpg)

महायाजक रे केवणा माथे यहूदी अगुवों ने यीशु को उणके हाथों माय पकड़वाणे रे वास्ते यहूदा को तीस चाँदी रा सिक्का दिया। ओ उणी परकार सू व्हीयों जैणों कि भविष्यद्वक्ता ने कियो कि व्हेळा। यहूदा माण गिया अर धन लेयणे गिवरा। वो यीशु को गिरफ्तार करणे माय उणरी मदद करणे रे वास्ते किसी अवसर री खोज करणे ळागा।

![](https://cdn.door43.org/obs/jpg/360px/obs-en-38-04.jpg)

यरूशलेम माय, यीशु ने अपणे चेलों रे साथे फसह रो पर्व मनायो। फसह रे भोज रे दौराण, यीशु ने रोटी लेयणे तोड़ी। उणने कियो, "इणे लो अर खाओ। ओ मारो शरीर व्है जको म्हु थाणे वास्ते देऊ। इणे मारी याद माय करणा।" इण परकार सू, यीशु ने कियो कि वो उणरे वास्ते मर जावेळा, अरथात उणरे वास्ते वो खुदरे शरीर को बलि चढ़ावेळा।

![](https://cdn.door43.org/obs/jpg/360px/obs-en-38-05.jpg)

पाचे यीशु ने एक दाखरस रो प्याळो लिदो अर कियो, "इणे पी लो। आ नवी वाचा रो मारो लोई व्है जको म्हु उंडेलूँळा ताकि परमेश्वर थाणे पापों को क्षमा करेळा। हरेक भळा इणे पितोडी वेळा मारी याद माय इणे करो जको म्हु अबार करु।"

![](https://cdn.door43.org/obs/jpg/360px/obs-en-38-06.jpg)

तबे यीशु ने अपणे चेलों ऊ कियो, "थाणे मायऊ एक जणों म्हणे पकड़वावेळा।" चेळा चौंक गिया, अर पूछणे लागा कि कुण ऐडो काम करेळा। यीशु ने कियो, "मारो पकड़वाणे वाळो मीनक वो है जिणे म्हु आ रोटी रो टुकडो देवुहूँ।" तबे उणने वा रोटी यहूदा को दीदी।

![](https://cdn.door43.org/obs/jpg/360px/obs-en-38-07.jpg)

उण रोटी को लेणे रे पाचे, यहूदा माय शैताण समा गियो। यहूदा निकळ कर यीशु को गिरफ्तार करणे रे वास्ते यहूदी अगुवों री मदद करणे को गिवरों। आ रात री वेळा हेती।

![](https://cdn.door43.org/obs/jpg/360px/obs-en-38-08.jpg)

भोजण रे पचे, यीशु अर उणरे चेले जैतून पर्वत को गिवरा। यीशु ने कियो, "थे सगळा आज रात मणे छोड़ दोळा। यो लिखियोड़ो व्है, 'म्हु चरवाहे को मारूँळा अर सगळी भेड़ें तितर-बितर व्हे जावेळा।'"

![](https://cdn.door43.org/obs/jpg/360px/obs-en-38-09.jpg)

पतरस ने जबाब दियो, "भले ही बाकी रा सगळा थाणे छोड़ देंवे, म्हु नी छोड़ूँळा!" तबे यीशु ने पतरस सू कियो, "शैताण थाणे सगळा को ळे लेणा चावे व्है, पण हे पतरस, म्हु थारे वास्ते पराथना किदी कि थू विश्वास सू चुक नी जावे। पाचे भी, आज री रात, मुर्गे रे बाँग देणे सू पेहले थू तीन भळा इणकार करेळा कि थू म्हणे जाणे भी कोणी।"

![](https://cdn.door43.org/obs/jpg/360px/obs-en-38-10.jpg)

पतरस ने तबे यीशु सू कियो, "भळे ही म्हु मर भी जाऊँ, म्हु कदी भी थारो इणकार नी करूँळा!" बाकी रे सगळा चेलों ने भी योही कियो।

![](https://cdn.door43.org/obs/jpg/360px/obs-en-38-11.jpg)

तबे यीशु अपणे चेलों रे साथे गतसमनी नाम री जागा माथे गियो। यीशु ने अपणे चेलों सू पराथणा करणे रे वास्ते कियो ताकि शैताण उणकी परीकसा नी करे। तबे यीशु खुद पराथणा करणे रे वास्ते चला गियो।

![](https://cdn.door43.org/obs/jpg/360px/obs-en-38-12.jpg)

यीशु ने तीण भळा पराथणा किदी, "हे म्हारा पिता, जदि सम्भव व्हे तो किरपा करके ओ दुःख रो प्याळो पीणे रे वास्ते मणे मती दो। पण जदि लोगों रे पाप समा किये जाणे रे वास्ते कोई भेर मारग नी व्है, तो थारी ही इच्छा पूरी व्हो।" यीशु घणों व्याकुल हेतो अर उणरो पसीणों लोही री बूँदों रे समाण हेतों। उणे सामर्थ देणे रे वास्ते परमेश्वर ने एक सरगदूत को भेजियो।

![](https://cdn.door43.org/obs/jpg/360px/obs-en-38-13.jpg)

हरेक भळा पराथणा रे पाचे, यीशु अपणे चेलों रे कणे पाचो आयो, पण वे सोई गिया। जद यीशु तीजी भळा लौटियो तो यीशु ने कियो, "जाग जाओ! मणे पकड़वाणे वाळा अटे व्है।"

![](https://cdn.door43.org/obs/jpg/360px/obs-en-38-14.jpg)

यहूदी अगुवों, सैनिकों, अर एक मोटी भीड़ रे साथे यहूदा आयो। वे तलवारें अर लाठियाँ लियोड़ी हेती। यहूदा ने यीशु रे कणे आयणे उणसू कियो, "हे गरु, नमस्कार," अर उणे चूम लियो। उणने गिरफ्तार किये जाणे वाले मीनक को यहूदी अगुवों माथे परकट करणे रे वास्ते ऐणों किदो। तबे यीशु ने कियो, "हे यहूदा, कई थू एक चुम्बन सू मणे पकड़वा रियो व्है?"

![](https://cdn.door43.org/obs/jpg/360px/obs-en-38-15.jpg)

जद वे सैनिक यीशु को पकड़ रिया हेता, तो पतरस ने अपणी तलवार निकाळी अर महायाजक रे एक सेवक रो कान काट दियो। यीशु ने कियो, "तलवार को आगी कर! म्हु अपणे पिता सू मेरा बचाव करणे रे वास्ते सरगदूतों री एक सेणा रे वास्ते विणती कर सकू। पण म्हणे मारे पिता री बात माणणी व्है।" तबे यीशु ने उण मीनक रे कान को ठीक कर दियो। तबे सगळा चेळा भागगा।

*मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 सू एक बाइबल री बात*

## 39. यीशु माथे मुकद्दमो चाले

https://openbiblestories.org/l/rwr/story-39/

![](https://cdn.door43.org/obs/jpg/360px/obs-en-39-01.jpg)

अबे आ आधी रात री वेळा हेती। वे सैणिक यीशु को महायाजक रे घरे ले आया, क्यूके वो यीशु सू सवाळ करणों चावतों। पतरस दूर सू उणरो पीछो करे। जद सैणिक यीशु को घर माय ले गिया, तो पतरस बाहरे रुक कर खुदको आग सू गरम करणे लागो।

![](https://cdn.door43.org/obs/jpg/360px/obs-en-39-02.jpg)

घर रे भीतर, यहूदी अगुवों ने यीशु माथे मुकद्दमो चलायो। वे उणरे खिलाफ झूठी बातों को बोळणे रे वास्ते घणाही खोटा गवाहों को लेयणे आये। हालाँकि, उणरी बातें एक दूजे सू सेहमत नी हेती, इणवास्ते यहूदी अगुवे यहओ साबित नी कर पाया कि वो किणी बात रो दोषी हेतो। यीशु ने की नी कियो।

![](https://cdn.door43.org/obs/jpg/360px/obs-en-39-03.jpg)

अंत माय, महायाजक ने सीधो यीशु री ओर देखणे कियो, "म्हाणे बता कि कई थू ही जीवितो परमेश्वर रो बेटो मसीह व्है?"

![](https://cdn.door43.org/obs/jpg/360px/obs-en-39-04.jpg)

यीशु ने कियो, "म्हु हूँ, अर थे मणे परमेश्वर रे साथे बैठोडो अर सरग सू आतोड़ा भी देखोळा।" महायाजक ने अपणे गाबा फाड़ लिया क्यूके जको यीशु ने कियो वो उण बात माथे घणों क्रोधित व्हीयों। वो दूजा अगुवों माथे चिल्लायो, "म्हाणे ओ बताणे रे वास्ते किणी भेर गवाह री आवश्यकता नी व्है कि इण मीनक ने कई किदों व्है! थे खुद ही उणे ओ केवतोड़ों सुण लियो व्है कि वो परमेश्वर रो बेटो व्है। उणरे बारे माय थारो कई निरणय व्है?"

![](https://cdn.door43.org/obs/jpg/360px/obs-en-39-05.jpg)

सगळा यहूदी अगुवों ने महायाजक को जबाब दियो, "वो मरणे रे योग्य व्है!" तबे वे यीशु री आँखियों माथे पाटी बाँध दी, उण माथे थूकियो, उणे मारियो, अर उणरो मजाक उड़ायो।

![](https://cdn.door43.org/obs/jpg/360px/obs-en-39-06.jpg)

अर पतरस, जद वो घर रे बाहरे बाट जो रियो थो। तबे एक दासी री छोरी ने उणे देखियो। उणने उणसू कियो, "थू भी यीशु रे साथे हेतो!" पतरस ने मना कर दियो। पाचे, किणी दूजी छोरी ने इणी बात को कियो, अर पतरस ने पाचे भेर मना कर दियो। अंत माय, थोड़ाक लोगों ने कियो, "म्हा जाणा कि थू यीशु रे साथे हेतो क्यूके थे दोई गलील से व्हो।"

![](https://cdn.door43.org/obs/jpg/360px/obs-en-39-07.jpg)

तबे पतरस ने कियो, "जदि म्हु इण मीनक को जाणु तो परमेश्वर मणे शराप देदे!" हाथो हाथ ही पतरस रे इण तरेह शपथ खाणे रे पाचे, एक मुर्गे ने बाँग दीदी। यीशु ने लारे मुड़ परो पतरस को देखियो।

![](https://cdn.door43.org/obs/jpg/360px/obs-en-39-08.jpg)

पतरस वटे सू चळो गियो अर फूट-फूट कर रोयणे ळागो। उणी वेळा, यीशु को पकड़वाणे वाळे यहूदा ने देखियो कि यहूदी अगुवों ने यीशु को मृत्युदंड दियो। यहूदा घणों दुःखी व्हे गियो अर जायणे खुद को मार डाळियो।

![](https://cdn.door43.org/obs/jpg/360px/obs-en-39-09.jpg)

अबे उण देश रो राजीयपाल पिलातुस हेतो। वो रोम रे वास्ते काम किया करतो। यहूदी अगुवे यीशु को उणरे कणे लेयणे आया। वे चावता कि पिलातुस उणे मृत्युदंड दे अर उणे मार डाले। तबे पिलातुस ने यीशु सू पूछियो, "कई थू यहूदियों रो राजो व्है?"

![](https://cdn.door43.org/obs/jpg/360px/obs-en-39-10.jpg)

यीशु ने जबाब दियो, "थे साच ही कियो व्है। पण मारो राजीय अटे धरती रो नी व्है। जदि व्हेतो तो मारा दास मारे वास्ते युद्ध करता। म्हु धरती माथे परमेश्वर रे बारे माय साच बताणे रे वास्ते आयो। हरेक जन जको साच सू परेम करे वो मारी सुणे व्है।" पिलातुस ने कियो, "तो साच कई है?"

![](https://cdn.door43.org/obs/jpg/360px/obs-en-39-11.jpg)

यीशु रे साथे बात करणे रे पचे, पिलातुस ने बाहरे भीड़ रे कणे जायणे कियो, "म्हु ऐणों कोई कारण नी पायो कि ओ मीनक मार डाले जाणे रे योग्य व्हो।" पण यहूदी अगुवों अर भीड़ ने चिल्लायणे कियो, "उणे क्रूस माथे चढ़ाई दो!" पिलातुस ने जबाब दियो, "वो की भी गळत करणे रो दोषी नी व्है।" पण वे भळे भी ऊँची आवाज माय चिल्लावणे ळागा। तबे पिलातुस ने तीजी भळा कियो, "वो दोषी नी व्है!"

![](https://cdn.door43.org/obs/jpg/360px/obs-en-39-12.jpg)

पिलातुस डर गियो कि वो भीड़ दंगो हरु कर देळा, इणवास्ते वो अपणे सैणिकों द्वारा यीशु को क्रूस माथे चढ़ाने रे वास्ते माण गियो। रोमी सैणिकों ने यीशु को कोड़े लगाया, अर उणको राजसी गाबा फेराया, अर उणरे माथा माथे काँटों सू बणियोडो मुकुट राखियों। तबे वे ओ केयणे उणरो मजाक उड़ावणे ळागा, "देखो, यहूदियों रो राजो!"

*मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 सू एक बाइबल री बात*

## 40. यीशु को क्रूस माथे चढ़ायो जावे

https://openbiblestories.org/l/rwr/story-40/

![](https://cdn.door43.org/obs/jpg/360px/obs-en-40-01.jpg)

यीशु रो ठट्ठा करणे रे पचे, सैणिक उणे क्रूस माथे चढ़ावणे रे वास्ते लेगा। वे उण क्रूस को उणी सू उठवायो जिण माथे वो मरेळा।

![](https://cdn.door43.org/obs/jpg/360px/obs-en-40-02.jpg)

वे सैणिक यीशु को उण जागा माथे लेयणे आया जको "खोपड़ी" केहलावतो अर उणरे हाथों अर पगो को क्रूस माथे ठोक दियो। पण यीशु कियो, "हे पिता, आणे माफ कर, क्यूके ए नी जाणे कि ए कई करे।" वे एक तख्ती को भी उणरे माथा रे माथे टांग दियो। उण माथे लिखियो, "यहूदियों रो राजो।" पिलातुस ने उणसे ओईज लिखणे रे वास्ते कियो।

![](https://cdn.door43.org/obs/jpg/360px/obs-en-40-03.jpg)

तबे सैणिकों ने यीशु रे गाबो रे वास्ते चिट्ठियाँ नेकी। जद वे ऐणों किदो तो वे उण भविष्यद्वाणी को पूरो किदो जको केवती हेती, "वे मारे गाबो को आपस माय बाँट लियो, अर मारे गाबो रे वास्ते चिट्ठियाँ नेकी।"

![](https://cdn.door43.org/obs/jpg/360px/obs-en-40-04.jpg)

वटे दो डाकू भी हेता, जिणको सैणिकों ने उणी वेळा माथे क्रूस माथे चढ़ायो। वे उणको यीशु रे दोई पाड़े राखियो। उणमायऊ एक डाकू ने यीशु रो मजाक उड़ायो, पण दुजोड़ो कियो, "कई थू नीडरे कि परमेश्वर थने दंड देळा? म्हा घणाही खोटा कामों को करणे रा दोषी व्हा, पण ओ मीनक निरदोष व्है।" पाचे उणने यीशु ऊ कियो, "जद थू थारे राजीय माय आवे तो किरपा कर मणे याद राखजो।" यीशु ने जबाब दियो, "आज ही थू मारे साथे सरगलोक माय व्हेळा।"

![](https://cdn.door43.org/obs/jpg/360px/obs-en-40-05.jpg)

यहूदी अगुवों अर भीड़ रे दूजा लोगों ने यीशु रो मजाक उड़ायो। वे उणसू कियो, "जदि थू परमेश्वर रो बेटो व्है, तो क्रूस सू नीचे उतर आ अर खुद को बचाय ले! तबे म्हा थारे माथे विश्वास कराळा।"

![](https://cdn.door43.org/obs/jpg/360px/obs-en-40-06.jpg)

तबे उण सगला देश रो आकाश पूरी तरेह ऊ काळो व्हेगियो, भळे ही वो दिण रे भीचळी वेळा हेती। ओ दोपारा रे वेळा काळो व्हियो अर तीन घनटा ताई ऐणों ही रियो।

![](https://cdn.door43.org/obs/jpg/360px/obs-en-40-07.jpg)

तबे यीशु ने पुकार कर कियो, "पूरो व्हियो! हे पिता, म्हु मारो जीव थारे हाथों माय सौंपू हूँ।" तबे उणने खुदरे माथे को झुकायो अर खुदरा पराण को तियाग दियो। जद वो मरियो तो एक भूकम्प आयो। वो मोटो परदो जको परमेश्वर री हाजरी सू लोगों को अलग करतो ऊपर ऊ नीचे री ओर फाटणे दो भाग व्हेगियो।

![](https://cdn.door43.org/obs/jpg/360px/obs-en-40-08.jpg)

खुदरी मरतू रे द्वारा, यीशु ने लोगों रे वास्ते परमेश्वर रे कणे आणे रो मारग खोल दियो। जद यीशु री निगराणी करणे वाळे एक सैणिक ने जको की रियो वो सगळो देखियो तो उणने कियो, "निश्चित रूप सू, ओ मीनक निरदोष थो। ओ परमेश्वर रो बेटो व्है।"

![](https://cdn.door43.org/obs/jpg/360px/obs-en-40-09.jpg)

तबे यूसुफ अर नीकुदेमुस नाम रा दो यहूदी अगुवे आया। वे विश्वास करता कि यीशु ही मसीह हेतों। वे पिलातुस सू यीशु रे शरीर को माँगियो। वे उणरे शरीर को गाबा माय लपेटियो। तबे वे उणे एक चट्टान मायऊ काट कर बणाई गई कब्र माय ले गिया अर उणरे भीतर रख दियो। तबे वे उण कब्र रे द्वार को बंद करणे रे वास्ते एक मोटो भाटो लुढ़का दियो।

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 सू एक बाइबल री बात*

## 41. परमेश्वर यीशु को मरियोड़ा मायऊ जिलावे

https://openbiblestories.org/l/rwr/story-41/

![](https://cdn.door43.org/obs/jpg/360px/obs-en-41-01.jpg)

सैणिकों द्वारा यीशु को क्रूस माथे चढ़ाणे रे पाचे, यहूदी अगुवों ने पिलातुस सू कियो, "उण झूठे, यीशु ने कियो थो कि वो तीन दिणों रे पचे मरियोड़ा मायऊ जी उठेळा। किणी को ओ निश्चित करणे रे वास्ते कब्र री निगराणी करणी व्हेळा कि उणरा चेळा उणरे शरीर को चोरणे नी ले जावे। जदि वे ऐणों करे तो वे केवेळा कि वो मरियोड़ा मायऊ जी उठियो व्है।"

![](https://cdn.door43.org/obs/jpg/360px/obs-en-41-02.jpg)

पिलातुस कियो, "थोड़ाक सैणिकों को ले जावो, अर जैणों थे कर सको वैणों कब्र री निगराणी करो।" इणवास्ते वे उण कब्र रे परवेश द्वार रे भाटा माथे एक मोहर लगाई दी। वे ओ निश्चित करणे रे वास्ते वटे सैणिकों को भी बैठाय दियो कि कुणी भी उणरे शरीर को चुराई नी सके।

![](https://cdn.door43.org/obs/jpg/360px/obs-en-41-03.jpg)

यीशु रे मरणे रे पचे रो दिण सब्त रो दिण हेतो। कुणी भी सब्त रे दिण काम नी कर सकतो, इणवास्ते यीशु रो कुणी भी साथी कब्र माथे नी आयो। पण सब्त रे पचे रे दिण, सुबेह घणी भोर रो, थोड़ीक लुगाया यीशु री कब्र माथे जाणे रे वास्ते तैयार व्हिह। वे उणरे शरीर माथे भळे भी मसाळो लगावणों चावती।

![](https://cdn.door43.org/obs/jpg/360px/obs-en-41-04.jpg)

उण लुगाया रे पूगणा सु पेहळा, कब्र माथे एक मोटो भूकम्प व्हियों। सरग सू एक सरगदूत ने आयणे उण भाटा को लुढ़काय दियो जको कब्र रे परवेश द्वार को ढाँकियोडो हेतो अर उण माथे बैठ गियों। ओ सरगदूत उजियाळे रे समाण चमक रियोथो। कब्र माथे जको सैणिक हेता वे उणे देखियो। वे इतरा डर गिया कि मरियोड़ा रे ज्यू जमी माथे पड़गा।

![](https://cdn.door43.org/obs/jpg/360px/obs-en-41-05.jpg)

जद वे लुगाया कब्र माथे पुगी तो उण सरगदूत ने उणसू कियो, "मती डरो। यीशु यटे नी व्है। वो मरियोड़ा मायऊ जी उठियों व्है, जैणों कि उणने कियो कि वो जी उठेळा! कब्र में खोजळो अर देखळो।" उण लुगाया ने कब्र रे माय अर जटे यीशु रो शरीर रखियोड़ो हेतो वटे खोजियो अर देखियो कि उणरो शरीर वटे नी हेतो!

![](https://cdn.door43.org/obs/jpg/360px/obs-en-41-06.jpg)

तबे उण सरगदूत ने उण लुगायों सू कियो, "जायणे उणरे चेलों को भताओ, 'यीशु मरियोड़ा मायऊ जी उठियों व्है अर वो थ्हारे धके-धके गलील को जावेळा।'"

![](https://cdn.door43.org/obs/jpg/360px/obs-en-41-07.jpg)

वे लुगाया अचम्बो करियों अर घणी राजी व्हिही। वे चेलों को ओ शुभ संदेश सुनाणे रे वास्ते दौड़ीं।

![](https://cdn.door43.org/obs/jpg/360px/obs-en-41-08.jpg)

जद वे लुगाया चेलों को ओ शुभ संदेश बताणे रे वास्ते अपअणे मारग माथे हेती, तो यीशु उण माथे परकट व्हियों। वे उणरे पगो माय पड़गी। तबे यीशु कियो, "मती डरो। जायणे मारे चेलों सू गलील जाने रो केवो। वे वटे म्हणे देखेंळा।"

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 सू एक बाइबल री बात*

## 42. यीशु सरग को पधारे

https://openbiblestories.org/l/rwr/story-42/

![](https://cdn.door43.org/obs/jpg/360px/obs-en-42-01.jpg)

जिण दिण परमेश्वर ने यीशु को मरियोड़ा मायऊ जीवतो किदो, उणरे दो चेळा कणेरे गाँव माय जावता। चालतोड़ा वे यीशु रे साथे जको व्हियो। उणरे बारे माय बांता करता, वाणे आशा हेती कि वो मसीह हेतो, पण तबे भी वो मार डालियो गियों। अबे वे लुगाया केवती कि वो पाचो जीवतों व्हेगियों। वे नी जाणता कि किण बात माथे विश्वास करणों व्है।

![](https://cdn.door43.org/obs/jpg/360px/obs-en-42-02.jpg)

यीशु उणरे कणे आयणे उणरे साथे चालणों शरू किदो, पण वे उणे पेहचाण नी पायो। उणने पूछियो कि वे किण बारे माय बात करे। वे उणे लाले दिणों माय यीशु रे साथे व्हियोडी सगळी घटणा रे बारे माय बतायो। वे सोचियो कि वे किणी परदेशी सू बातें करे जको नी जाणतो कि यरूशलेम माय कई व्हियो।

![](https://cdn.door43.org/obs/jpg/360px/obs-en-42-03.jpg)

तबे यीशु उणको समझायो कि परमेश्वर रो वचन मसीह रे बारे माय कई केवे। घणाई पेहले, भविष्यद्वक्ताओं ने कियो कि भुन्डा मीनक मसीह को पीड़ित करेंळा अर मार डालेंळा। पण भविष्यद्वक्ताओं ने ओ भी कियो कि वो तीजे दिण जी उठेळा।

![](https://cdn.door43.org/obs/jpg/360px/obs-en-42-04.jpg)

जद वे उण नगर माय पुगिया जटे वे दो जण ठेहरणों चावता, तबे ताई ळगभग शाम व्हेगी। वे यीशु को उणरे साथे ठेहरणे रे वास्ते निवतियो, अतः वो उणरे साथे एक घर माय गिया। खुदरे शाम रो भोजण को खाणे रे वास्ते वे बैठ गिया। यीशु ने एक रोटी को लेयणे उणरे वास्ते परमेश्वर रो धनवाद दियो, अर पचे उणे तोडियो। एकाएक सू, वे जाण लियो कि वो यीशु हेतों। पण उणी वेळा, वो उणरी आँखियो सू ओझल व्हेगिया।

![](https://cdn.door43.org/obs/jpg/360px/obs-en-42-05.jpg)

उण दोई जणों ने एक दूजे ऊ कियो, "वो यीशु हेतो! इणवास्ते जद उणने अपाणे परमेश्वर रे वचन को समझायो तो आपा घणा उत्साहित हेता!" हाथोहाथ ही, वे निकलणे पाचा यरूशलेम गिया। जद वे पुगिया तो वे चेलों को बतायो, "यीशु जीवतो व्है! म्हाने उणे देखियो!"

![](https://cdn.door43.org/obs/jpg/360px/obs-en-42-06.jpg)

जद चेळा बात करता, यीशु एकाएक सू उण कमरा माय उणरे साथे परकट व्हियो। उणने कियो, "थाणे शान्ति मिले!" चेळा सोचियो कि वो कोई भूत हेतो, पण यीशु ने कियो, "थे क्यू डरो? थे ओ क्यू नी सोचो हो कि ओ सचमुच में म्हु, यीशु हूँ? मारे हाथों अर पगो को देखो। भूतों रे कणे ऐणों शरीर नी रेवे जैणों मारे कणे व्है।" ओ दिखाणे रे वास्ते कि वो कोई भूत नी हेतो, उणने खाणे रे वास्ते की माँगियो। वे उणे मछली रो एक टुकडो दियो, अर उणने उणे खाई लियो।

![](https://cdn.door43.org/obs/jpg/360px/obs-en-42-07.jpg)

यीशु ने कियो, "मारे बारे माय परमेश्वर रो वचन जकोई भी केवे वो घटित व्हेला। म्हु थाणे बता दियो कि इणरो रेवणों जरूर व्है।" तबे यीशु ने उणको परमेश्वर रो वचन बढ़िया ऊ समझायो। उणने कियो, "घणाही पेहले भविष्यद्वक्ताओं ने लिखियो कि मुझ, मसीह को दुःख उठाणों व्हेळा, मरणों व्हेळा अर पचे तीजे दिण मरियोडा मायऊ जी उठणों व्हेळा।"

![](https://cdn.door43.org/obs/jpg/360px/obs-en-42-08.jpg)

उण भविष्यद्वक्ताओं ने ओ भी लिखियो कि म्हारा चेळा परमेश्वर रे वचन री घोषणा करेंळा। वे हरेक को पश्चाताप करणे रे वास्ते बतावेळा। जदि वे ऐणों करे तो परमेश्वर उणरे पापों को क्षमा करेळा। म्हारा चेळा इण सणदेश रो परचार करणों यरूशलेम सू शुरू करेंळा। तबे वे सगळी जागा सगळी जातियों माय जावेळा। थे लोग मारी हरेक बात अर काम रे गवाह हो जको म्हु कियो अर किदो, अर उण सगळा के भी जको मारे साथे व्हियो।

![](https://cdn.door43.org/obs/jpg/360px/obs-en-42-09.jpg)

धकळा चालीस दिणों रे दौराण, यीशु खुदरे चेळो माथे केई भळा परकट व्हियो। एक भळा तो वो एक ही वेळा माथे 500 सू हळा लोगों माथे परकट व्हियो! उणने अपणे चेलों माथे केई तरीकों ऊ साबित किदो कि वो जीवतों हेतो, अर उणने उणको परमेश्वर रे राजीय रे बारे माय शिकसा दीदी।

![](https://cdn.door43.org/obs/jpg/360px/obs-en-42-10.jpg)

यीशु ने अपणे चेलों सू कियो, "परमेश्वर ने म्हणे सरग अर धरती रे हरेक जन माथे शासन करणे रो हक दियो। इण वास्ते अबे म्हु थारु सू केवु हूँ: जायणे सगळी जातियों रे लोगों को चेला बणाओ। ऐणों करणे रे वास्ते, थे उन्हें पिता, पुत्र, अर पवित्र आत्मा रे नाम सू बपतिस्मा देणों व्है। जकोई भी म्हु थाणे हुकम दीदों उण सगळी बातों को मानणों भी थे वाणे सिखाणों व्है। याद राखजो, म्हु रोजीणा थाणे साथे रेहूँळा।"

![](https://cdn.door43.org/obs/jpg/360px/obs-en-42-11.jpg)

यीशु रे मरियोड़ा मायऊ जी उठणे रे चालीस दिणों रे पचे, उणने अपणे चेलों सू कियो, "जद ताई कि म्हारो पिता थाणे सामरथ नी देवे तबे ताई यरूशलेम माय ठेहरियोड़ा रेवो। वो थाणे माथे पवितर आतमा भेजणे रे द्वारा ऐणों करेळा।" तबे यीशु सरग माय चळो गियो, अर एक बादळ ने उणे उणरी नजरों सू लुकाई दियो। सरग माय यीशु सगळी चीजों माथे शासण करणे परमेश्वर रे दाई पाड़े बैठ गियो।

*मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 सू एक बाइबल री बात*

## 43. कळीसिया री शुरूआत रेवे

https://openbiblestories.org/l/rwr/story-43/

![](https://cdn.door43.org/obs/jpg/360px/obs-en-43-01.jpg)

यीशु रे सरग लौट जाणे रे पचे, चेले यरूशलेम माय ही रुकिया जैणों कि यीशु ने उणको करणे रो हुकम दियो। वटे रा विश्वासी लोग लगातार एक साथे पराथणा करणे रे वास्ते भेळा व्हिया करता।

![](https://cdn.door43.org/obs/jpg/360px/obs-en-43-02.jpg)

हरेक बरस, फसह रे परव रे 50 दिणों रे पचे, यहूदी लोग पिन्तेकुस्त नाम रे एक खास दिण को मणायो करे। पिन्तेकुस्त वा वेळा हेती जद यहूदी लोग गेहूँ री कटाई को मनावता करता। सगळे सणसार सु यहूदी लोग पिन्तेकुस्त रे दिण को एक साथे मनाणे रे वास्ते यरूशलेम माय आया। इण बरस, पिन्तेकुस्त मनाणे रे वेळा यीशु रे सरग को चले जाणे केरे ळगभग एक सपता रे पचे आयो।

![](https://cdn.door43.org/obs/jpg/360px/obs-en-43-03.jpg)

जिण वेळा सगळा विश्वासी लोग एक साथे भेळा व्हिया, तो जिण घर माय वे हेता एकाएक सु वे तेज हवा री आवाज सु भर गिया। तबे आग री लपटों रे जैणों दिखणे वाळो कुछ सगळा विश्वासियों रे माथा रे माथे परकट व्हीयों। वे सगळा पवितर आतमा सू भर गिया अर वे दुजी भाषाओं माय परमेश्वर री स्तुति किदी। ये वे भाषाएँ हेती जिणको बोलणे रे वास्ते उणको पवितर आतमा ने सकसम किदो।

![](https://cdn.door43.org/obs/jpg/360px/obs-en-43-04.jpg)

जद यरूशलेम माय रेवणे वाळे लोगों ने उण शोर को सुणियो, तो वे भीड़ रे रूप माय ओ देखणे रे वास्ते एक साथे आया कि कई वेरियो हेतों। वे विश्वासियों को परमेश्वर द्वारा किदोड़ा मोटा-मोटा कामों री घोषणा करतोड़ा सुणियो। वे अचंभित हेता क्यूके वे उण कामों को अपणी ही भाषाओं माय सुन रिया हेता।

![](https://cdn.door43.org/obs/jpg/360px/obs-en-43-05.jpg)

इणमें सू कुछेक लोगों ने कियो कि वे चेळा नशे माय हेता। पण पतरस ऊबो रियो अर उणसू बोळियो, "म्हारी बात सुनो! ये लोग नशे माय नी हैं! इणरे बजाए, जको थे देखता हो वो वही है जको योएल भविष्यद्वक्ता ने कियो हेतो कि व्हेळा: परमेश्वर ने कियो, 'अंत रे दिणों माय, म्हु अपणी आतमा उंडेलूँळा।'"

![](https://cdn.door43.org/obs/jpg/360px/obs-en-43-06.jpg)

हे इस्राएली मिनको, यीशु एक ऐणों मीनक हेतो जिणने ओ दिखाणे रे वास्ते कि वो कुण हेतो घणाई अनोखा काम किदा। उणने परमेश्वर रे सामरथ सू घणाई अद्भुत कामों को किदो। थे ओ जाणों हो, क्यूके थे इण कामों को देखियो। पण थे उणे क्रूस माथे चढ़ा दियो!

![](https://cdn.door43.org/obs/jpg/360px/obs-en-43-07.jpg)

यीशु मर गियों पण परमेश्वर ने उणे मरियोड़ा माय ऊ जीवतों कर दियो। इणने उण बात को पूरो कर दियो जिणे एक भविष्यद्वक्ता ने लिखियो: 'थू अपणे पवितर जन को कब्र माय सड़ने नी देळा।' म्हा गवाह है कि परमेश्वर ने यीशु को पाचों जीवतों कर दियो।

![](https://cdn.door43.org/obs/jpg/360px/obs-en-43-08.jpg)

परमेश्वर पिता ने अबे यीशु को खुदरे दावी पाड़े बैठायणे उणे आदर दियो। अर यीशु ने अपाणे वास्ते पवितर आतमा भेजी जैणी कि उणने परतिज्ञा किदी कि वो भेजेळा। पवितर आतमा ही उण कामों को व्हेणे देवे व्है जिणको थे देख रिया अर सुण रिया हो।

![](https://cdn.door43.org/obs/jpg/360px/obs-en-43-09.jpg)

थे उण मीनक, यीशु को क्रूस माथे चढ़ाई दियो। पण निश्चित रूप सू जाण लो कि परमेश्वर ने यीशु को सगळी चीज़ों माथे प्रभु अर मसीह दोई ठेहरायो व्है!

![](https://cdn.door43.org/obs/jpg/360px/obs-en-43-10.jpg)

पतरस री सुणने वाळे लोग उणके द्वारा कियोड़ी बातों सू अंदर ताई हिल गिया। इण वास्ते वे पतरस अर चेलों ऊ पूछियों, "हे भाइयों, आपाणे कई करणों चाहिजे?"

![](https://cdn.door43.org/obs/jpg/360px/obs-en-43-11.jpg)

पतरस उणको जबाब दियो, "थाणे माय सू हरेक अपणे पापों रे वास्ते पश्चाताप करो ताकि परमेश्वर थाणे पापों को क्षमा करेळा, अर यीशु मसीह रे नाम सू बपतिस्मा ळो। तबे वो थाणे वरदान स्वरूप पवितर आतमा भी देळा।"

![](https://cdn.door43.org/obs/jpg/360px/obs-en-43-12.jpg)

पतरस ने जको कियो उण माथे ळगभग 3,000 मिनको ने विश्वास किदो अर यीशु रा चेळा बणगिया। वे बपतिस्मा लिदो अर यरूशलेम री कलीसिया रो हिस्सो बण गिया।

![](https://cdn.door43.org/obs/jpg/360px/obs-en-43-13.jpg)

जद प्रेरितों ने उणको शिक्षाएँ दींदी तो विश्वासियों ने ळगातार सुणियो। वे अक्सर मिळता अर एक साथे भोजण किया करता, अर वे अक्सर एक दूजे रे वास्ते पराथना किदी। वे मिळ परा परमेश्वर री स्तुति किदी अर जकोई भी उणरे कणे हेतो वे एक दूजे रे साथे साझो कियो। नगर रा हरेक मीनक उणरे वास्ते छोको विचार राखता। हरेकदिण, हळा ऊ हळा मीनक विश्वासी बणता गिया।

*प्रेरितों रे काम 2 सू एक बाइबल री बात*

## 44. पतरस अर यूहन्ना एक भिखारी को चंगा करे

https://openbiblestories.org/l/rwr/story-44/

![](https://cdn.door43.org/obs/jpg/360px/obs-en-44-01.jpg)

एक दिण, पतरस अर यूहन्ना मंदिर माय गिया। एक अपंग मीनक भीख माँगणे रे वास्ते फाटक माथे बैठो हो।

![](https://cdn.door43.org/obs/jpg/360px/obs-en-44-02.jpg)

पतरस उण लंगड़े मीनक रे धकिणे देखियो अर कियो, "मारे कणे थणे देणे रे वास्ते पिसा तो नी व्है। पण जको मारे कणे व्है वो म्हु थणे देवु। यीशु रे नाम सू, उठ अर चाल-फिर!"

![](https://cdn.door43.org/obs/jpg/360px/obs-en-44-03.jpg)

एकाएक ही, परमेश्वर ने उण लंगड़े मीनक को चंगो कर दियो। उणने अटिने-ऊटीने चालणों अर कूदणों, अर परमेश्वर री स्तुति करणों शरू कर दियो। मंदिर रे आँगन माय हाजिर लोग अचम्भो करियों।

![](https://cdn.door43.org/obs/jpg/360px/obs-en-44-04.jpg)

भेगों ही लोगों री एक भीड़ उण मीनक को देखणे रे वास्ते आई जको चंगो व्हेगियों। पतरस ने उणसू कियो, "ओ मीनक ठीक है, पण इण बात माथे अचम्भो मती करो। म्हाणे इणे अपणी शक्ति सू चंगो नी किदो, या इण वास्ते नी कि म्हा परमेश्वर रो आदर करा। बल्कि, वो यीशु व्है जिणने इण मीनक को अपणी शक्ति सू चंगो किदो, क्यूके म्हा यीशु माथे भरोसो करा।"

![](https://cdn.door43.org/obs/jpg/360px/obs-en-44-05.jpg)

वो थेईज हो जको उण रोमी राजीयपाल को यीशु को मार डालणे रे वास्ते कियो हेतों। थे उणे मार डाळियो जको सगळा को जीवण देवतों। पण परमेश्वर ने उणे मरियोड़ा मायऊ जीवतों किदो। थे नी समझिया कि थे कई कर रिया व्हेओ, पण जद थे उण कामों को करता, तो जको भविष्यद्वक्ताओं ने कियो वो पूरो व्हियों। वे कियो थो कि मसीह दुःख उठावेळा अर मर जावेळा। परमेश्वर ने इणे इण तरीका सू होणे दियो। इण वास्ते अबे, पश्चाताप करो अर परमेश्वर रे धकिणे फिरो, ताकि वो थाणे पापों को धोईणे साफ कर देवे।

![](https://cdn.door43.org/obs/jpg/360px/obs-en-44-06.jpg)

जद मंदिर रे अगुवों ने पतरस अर यूहन्ना को सुणियो, तो वे घणा घबराईगा। इण वास्ते वे उणको गिरफ्तार करपरा जेळखाणे माय डाळ दियो। पण जको पतरस ने कियो उण माथे घणाई मिनको ने विश्वास किदो। यीशु माथे विश्वास करणे वाळो की संख्या बढ़परी ळगभग 5,000 व्हेगी।

![](https://cdn.door43.org/obs/jpg/360px/obs-en-44-07.jpg)

धकळे दिण, वे यहूदी अगुवे पतरस अर यूहन्ना को महायाजक अर दूजा धार्मिक अगुवों रे सामी लेयणे आया। वे उण मीनक को भी लेयणे आया जको अपंग हेतो। वे पतरस अर यूहन्ना सू पूछियो, "किण अधिकार सू थे उण अपंग मीनक को चंगो किदो?"

![](https://cdn.door43.org/obs/jpg/360px/obs-en-44-08.jpg)

पतरस ने जबाब दियो, "ओ मीनक जको थाणे सामी ऊबो व्है उणे यीशु मसीह रे सामरथ रे द्वारा चंगो किदो गियो। थे यीशु को क्रूस माथे चढ़ा दियो, पण परमेश्वर ने उणे पाचो जीवतों कर दियो! थे उणे अस्वीकार कर दियो, पण यीशु रे सामरथ रे माध्यम रे अळावा उद्धार पाणे रो कोई दूजो मारग नी व्है!"

![](https://cdn.door43.org/obs/jpg/360px/obs-en-44-09.jpg)

वे अगुवे हैराण हेता कि पतरस अर यूहन्ना ने घणों साहसी रूप ऊ बात किदी। वे देखियो कि ओ साधारण मीनक हेतो जको कि अनपढ़ हेतो। पण पचे उणको याद आयो कि ओ मीनक यीशु रे साथे रेवतों। इण वास्ते वे उणसू कियो, "म्हा थाणे घणों हलो दंड देंवाळा जदि थे इण मीनक यीशु रे बारे माय मिनको को भेर अर सणदेश देवो।" ऐणी घणी ही बाता केवणे रे पचे, वे पतरस अर यूहन्ना को जाणे दियो।

*प्रेरितों रा काम 3:1-4:22 सू एक बाइबल री बात*

## 45. स्तिफनुस अर फिलिप्पुस

https://openbiblestories.org/l/rwr/story-45/

![](https://cdn.door43.org/obs/jpg/360px/obs-en-45-01.jpg)

पेहळो मसीही अगुवों रे बीच माय स्तिफनुस नाम रो एक मीनक हेतो। सगळा मीनक उणरो आदर करता। पवितर आतमा ने उणे घणों सामरथ अर बुद्धि परदान किदी। स्तिफनुस ने घणाई चमत्कार किदा। जद उणने यीशु माथे भरोसो करणे रे बारे माय उणको शिकसा दीदी तो घणाई मिनको ने उण माथे विश्वास किदो।

![](https://cdn.door43.org/obs/jpg/360px/obs-en-45-02.jpg)

एक दिण, स्तिफनुस यीशु रे बारे माय शिकसा देवतों, अर थोड़ाक ऐणा यहूदी आया जको यीशु माथे विश्वास नी किदो अर उणरे साथे वाद-विवाद करणों शरू कर दियो। वे घणा क्रोधित व्हेगिया, इण वास्ते वे धारमिक अगुवों रे कणे गिया अर उणरे बारे माय झूठ बोळियो। वे कियो, "म्हाणे स्तिफनुस को मूसा अर परमेश्वर रे बारे माय भुन्डी बाता बोळतोड़ो सुणियो!" इण वास्ते धारमिक अगुवों ने स्तिफनुस को गिरफ्तार कर लियो अर उणे महायाजक अर यहूदियों रे दूजा अगुवों रे सामणे लेयणे आया। अर भी झूठा गवाह आया अर वे स्तिफनुस रे बारे माय झूठ बोळियो।

![](https://cdn.door43.org/obs/jpg/360px/obs-en-45-03.jpg)

महायाजक ने स्तिफनुस सू पूछियो, "कई ये मीनक थाणे बारे माय साच केवे?" स्तिफनुस ने महायाजक को जबाब देणे रे वास्ते घणी बातों को बोळणों शरू कर दियो। उणने कियो कि अब्राहम रे वेळा सू यीशु रे वेळा ताई परमेश्वर ने इस्राएल रे लोगों रे वास्ते घणा अनोखा काम किदा। पण मिनको ने रोजिणा परमेश्वर री अनाज्ञाकारिता किदी। स्तिफनुस ने कियो, "थे लोग परमेश्वर रे खिलाफ हठीले अर बलवा करणे वाळा व्हो। थे रोजिणा पवितर आतमा को अस्वीकार किदो, जैणे कि आपाणे बढ़ेरों ने रोजिणा पवितर आतमा को अस्वीकार किदो अर रोजिणा उणरे भविष्यद्वक्ताओं को मार डाळियो। पण जको वे किदो उणरी तुळणा माय थे अर भी खोटों किदो! थे मसीह को मार डाळियो!"

![](https://cdn.door43.org/obs/jpg/360px/obs-en-45-04.jpg)

जद उण धारमिक अगुवों ने ओ सुणियो, तो वे इतरा रीस गिया कि वे खुदरे कानों को बंद कर लिया अर ऊँची आवाज माय हाको कीदो। वे स्तिफनुस को घसीट परा नगर सू बाहरे लेइगा अर उणे मार डालणे रे वास्ते उणे भाटा मारिया।

![](https://cdn.door43.org/obs/jpg/360px/obs-en-45-05.jpg)

जद स्तिफनुस मर तोड़ो, वो पुकार उठियो, "हे यीशु, मारी आतमा को गेहण कर!" तबे वो खुदरे घुटणों माथे गिर पडियो अर पाचो पुकार उठियो, "हे प्रभु, ओ पाप उण माथे मती लगाइजे।" तबे वो मरगो।

![](https://cdn.door43.org/obs/jpg/360px/obs-en-45-06.jpg)

उण दिण, यरूशलेम माय रेवणे वाळे घणाई लोगों ने यीशु रे अनुयायियों को सताणों शुरू कर दियो, इणवास्ते विश्वासी लोग दुजी जागा नाईगा। पण इणरे पछे भी, जटे कटी भी वे गिया वे यीशु रे बारे माय परचार किदो।

![](https://cdn.door43.org/obs/jpg/360px/obs-en-45-07.jpg)

फिलिप्पुस नाम रो यीशु रो एक विश्वासी हेतो। जैणों कि दूजा घणाई विश्वासियों ने किदो वो भी यरूशलेम सू नाईगो। वो सामरिया रे छेतर माय गिवरो। वटे वो लोगों माय यीशु रे बारे माय परचार किदो। घणाई लोगों ने उण माथे विश्वास किदो अर उद्धार पायो। एक दिण, फिलिप्पुस रे कणे परमेश्वर रे धकिऊ एक सरगदूत आयो अर उणसे जंगल माय जाणे रे वास्ते, अर एक हड़क माथे चाळणे रे वास्ते कियो। फिलिप्पुस वटे गियो। जद वो उण हड़क माथे चाळतो, तो उणने एक मीनक को खुदरे रथ माय जातोड़ो देखियो। ओ मीनक कूश देश रो एक महत्वपूर्ण अधिकारी हो। पवितर आतमा ने फिलिप्पुस ऊ कियो कि जायणे उण मीनक रे साथे-साथे हाळ।

![](https://cdn.door43.org/obs/jpg/360px/obs-en-45-08.jpg)

इणवास्ते फिलिप्पुस रथ रे कणे गियो। उणने सुणियो कि वो कूशी परमेश्वर रे वचन को पढ़े। जको यशायाह भविष्यद्वक्ता ने लिखियो थो वो उणे पढ़तो। वो पढ़तो, "वे उणे वध की जाणे वाळी भेड़ रे समाण ले गियो, अर जैणों एक मेमणों शान्त व्हे, उणने भी एक शबद नी कियो। वे उणके साथे अनुचित व्यवहार किदो अर उणरो माण नी किदो। वे उणरा पराण ळे लिया।"

![](https://cdn.door43.org/obs/jpg/360px/obs-en-45-09.jpg)

फिलिप्पुस ने उण कूशी ऊ पूछियो, "जको थू पढे कई थू उणे समझे भी है?" उण कूशी ने जबाब दियो, "कोणी। जद ताई कुणी इणे मणे नी समझावे, तबे ताई म्हु इणे नी समझ सकू। किरपा करपरा मारे कणे आयणे बैठ। यशायाह ओ खुदरे बारे माय लिखियो या किणी दूजा रे?"

![](https://cdn.door43.org/obs/jpg/360px/obs-en-45-10.jpg)

फिलिप्पुस रथ माथे चढ़परो बैठ गियो। तबे उणने उण कूशी मीनक को वो बतायो जको यशायाह ने यीशु रे बारे माय लिखियो। फिलिप्पुस ने परमेश्वर रे वचन रे घणाही दुजा भागों री भी चरचा किदी। इण तरेह सू, उसणे उण मीनक को यीशु रे बारे माय शुभ संदेश सुणायो।

![](https://cdn.door43.org/obs/jpg/360px/obs-en-45-11.jpg)

फिलिप्पुस अर वो कूशी चलतोड़ा पाणी रे कणे आया। उण कूशी ने कियो, "देख! अटे पाणी है! कई म्हु बपतिस्मा ले सकू?" अर उसणे सारथी सू रथ को रोकणे रे वास्ते कियो।

![](https://cdn.door43.org/obs/jpg/360px/obs-en-45-12.jpg)

अतः वे पानी में चले गए, और फिलिप्पुस ने उस कूशी को बपतिस्मा दिया। जब वे पानी से बाहर आए, तो अतः वे पाणी माय गिया, अर फिलिप्पुस ने उण कूशी को बपतिस्मा दियो। जद वे पाणी सू बाहरे आया, तो पवितर आतमा एकाएक ही फिलिप्पुस को उठायणे किणी दुजी जागा को लेगी। वटे फिलिप्पुस ने लोगों को यीशु रे बारे माय बताणो जारी राखियो।

![](https://cdn.door43.org/obs/jpg/360px/obs-en-45-13.jpg)

वो कूशी खुदरे घर री यात्रा माथे आगे बढ़ गियो। वो राजी हेतो कि वो अबे यीशु को जाणतो।

*प्रेरितों के काम 6:8-8:5; 8:26-40 सू एक बाइबल री बात*

## 46. पौलुस मसीही विशवासी बणे

https://openbiblestories.org/l/rwr/story-46/

![](https://cdn.door43.org/obs/jpg/360px/obs-en-46-01.jpg)

शाऊल नाम रो एक मीनक हेतो जिणने यीशु माथे विशवास नी किदो। जद वो जवान हेतो, तबे उणने स्तिफनुस को मारणे वाळे ळोगों रे गाबो री निगरानी किदी। पाचे, उणने विशवासियों को सतायो। उणने यरूशलेम माय घर-घर जायणे मीनक व लुगाया दोनों को गिरफ्तार करपरो जेळखाणे माय डाल दियो। तबे महायाजक ने शाऊल को दमिश्क नगर माय जाणे री अनुमति दीदी। उणने वटा रे मसीहियों को गिरफ्तार करणे अर उणको पाचा यरूशलेम लेयणे आणे रे वास्ते शाऊल सू कियो।

![](https://cdn.door43.org/obs/jpg/360px/obs-en-46-02.jpg)

अतः शाऊल ने दमिश्क जाणे री यातरा शरू किदी। उण नगर को पोचणे सू थोडोही पेहळा, उणरे चारों मेर आकाश सू एक उज्जवल परकाश चमकियो, अर वो जमि माथे गिर पडियो। शाऊल ने किणी को केवतोड़ो सुणियो, "हे शाऊल! हे शाऊल! थू म्हणे कियू सतावे?" शाऊल ने पूछियो, "हे प्रभु, थे कुण हो?" यीशु ने उणे जबाब दियो, "म्हु यीशु हूँ। थू म्हणे सतावे!"

![](https://cdn.door43.org/obs/jpg/360px/obs-en-46-03.jpg)

जद शाऊळ उठियो तो वो देख नी सकतो। उणरा साथी उणको दमिश्क माय लेयणे गिया। शाऊल ने तीण दिण ताई की भी खायो या पिदो कोणी।

![](https://cdn.door43.org/obs/jpg/360px/obs-en-46-04.jpg)

दमिश्क माय हनन्याह नाम रो एक चेळो हेतो। परमेश्वर ने उणसू कियो, "उण घर को पधार जटे शाऊल रुकियो। अपणे हाथों को उण माथे रख ताकि वो पाचो देखणे ळागियो।" पण हनन्याह ने कियो, "हे प्रभु, मैंने सुणियो कि इण मीनक ने विशवासियों को किकर सतायो।" परमेश्वर ने उणे जबाब दियो, "जा! मैंने उणे यहूदियों माय अर दूजी जातियों के लोगों माय मारे नाम री घोषणा करणे रे वास्ते चुणियो। वो मारे नाम रे वास्ते घणों दुख सेवेळा।"

![](https://cdn.door43.org/obs/jpg/360px/obs-en-46-05.jpg)

अतः हनन्याह शाऊल रे कणे गियो, खुदरे हाथों को उण माथे राखियो, अर कियो, "यीशु ने, जो अटे आणे रे थारे मारग माय थारे माथे परकट व्हीयो, म्हणे थारे कणे भेजियो ताकि थू पाचो देखणे ळागे, अर पवितर आतमा थणे भर देवे।" हाथोहाथ ही शाऊल पाचो देखणे माय सकसम व्हे गियो, अर हनन्याह ने उणे बपतिस्मा दियो। तबे शाऊल ने भोजण किदो अर पाचो बलवंत व्हे गियो।

![](https://cdn.door43.org/obs/jpg/360px/obs-en-46-06.jpg)

तभी सू, शाऊल ने दमिश्क माय रेवणे वाळे यहूदियों माय परचार करणो शरू कर दियो। उणने कियो, "यीशु ही परमेश्वर रो बेटो व्है!" यहूदी ळोग अचम्भो करियो, क्यूके शाऊल ने तो विशवासियों को मार डालणे रो परयास किदो हेतो, पण अबे उणने यीशु माय विशवास किदो। शाऊल ने यहूदियों रे साथे वाद-विवाद किदो। उणने दिखायो कि यीशु ही मसीह हेतो।

![](https://cdn.door43.org/obs/jpg/360px/obs-en-46-07.jpg)

घणा दिणों रे पचे, यहूदियों ने शाऊल को मार डाळणे री योजना बणाई। वे उणे मार डाळणे रे वास्ते नगर रे फाटक माथे ळोगों को भेजियो। कि उणरी निगराणी करें पण शाऊल ने उण योजना रे बारे माय सुण लियो, अर उणरे साथियो ने बच परा निकळणे माय उणरी मदद किदी। एक रात रा वे उणे टोकरी माय बैठा परो नगर री दीवार सू उणे नीचे उतार दियो। दमिश्क सू बचणे निकळणे रे पचे शाऊल ने यीशु रे बारे माय परचार करणो जारी राखियो।

![](https://cdn.door43.org/obs/jpg/360px/obs-en-46-08.jpg)

शाऊल प्रेरितों सू मिळणे रे वास्ते यरूशलेम गियो, पण वे उणसू डरता। तबे बरनबास नाम रो एक विशवासी शाऊल को परेरितों रे कणे लेयणे गियो। उणने उणको बतायो कि शाऊल ने किकर साहसी होयणे दमिश्क माय परचार किदो। उणरे पचे, परेरितों ने शाऊल को सवीकार कर लियो।

![](https://cdn.door43.org/obs/jpg/360px/obs-en-46-09.jpg)

कुछेक विशवासी जको यरूशलेम रे सतावणा सू भाग गिया वे आगा अंताकिया नगर माय गिवरा अर यीशु रे बारे माय परचार करता। अंताकिया माय रेवणे वाळे ळोग घणाहारा यहूदी नी हेता, पण पेहली भळा, उणमें सू घणा लोग विशवासी बण गिया। बरनबास अर शाऊल इण नए विशवासियों को यीशु रे बारे माय भेर हळो सिखाणे रे वास्ते वटे गिया अर कलीसिया को मजबूत किदो। यीशु माथे विशवास करणे वाळे पेहली भळा अंताकिया माय ही "मसीही" केहळाया।

![](https://cdn.door43.org/obs/jpg/360px/obs-en-46-10.jpg)

एक दिण, अंताकिया रे मसीही ळोग उपवास रे साथे पराथणा करता। पवितर आतमा ने उणसे कियो, "मारे वास्ते बरनबास अर शाऊल को उण काम को करणे रे वास्ते अळग कर दो जिणे करणे रे वास्ते म्हु उणको बुलायो।" इणवास्ते अंताकिया री कलीसिया ने बरनबास अर शाऊल रे वास्ते पराथणा किदी अर उण माथे खुदरे हाथों को राखियो। तबे वे उणको दूजा घणी जागा माथे यीशु रे बारे माय शुभ सणदेश रो परचार करणे रे वास्ते भेजियो। बरनबास अर शाऊल ने अळग-अळग जातियों रे लोगों को शिकसा दीदी, अर घणा ळोगों ने यीशु माय विशवास किदो।

*प्रेरितों के काम 8:3; 9:1-31; 11:19-26; 13:1-3 सू एक बाइबल री बात*

## 47. फिलिप्पी माय पौलुस अर सीलास

https://openbiblestories.org/l/rwr/story-47/

![](https://cdn.door43.org/obs/jpg/360px/obs-en-47-01.jpg)

जद शाऊल ने सगळी रोमी साम्राज्य माय यातराएँ किदी तो उणने खुदरे रोमी नाम "पौलुस" रो उपयोग करणो शरू कर दियो। एक दिण, पौलुस अर उणरो साथी सीलास फिलिप्पी नगर माय यीशु रे बारे माय शुभ सणदेश सुणाने रे वास्ते गिया। वे नगर रे बाहरे नदी रे किनारे एक जागा माथे गिया जटे ळोग पराथणा करणे रे वास्ते भेळा रिया। वटे वे लुदिया नाम री एक लुगाई सू मिळिया जको एक वैपारी हेती। वा परमेश्वर सू परेम करती अर उणरी आराधणा करती।

![](https://cdn.door43.org/obs/jpg/360px/obs-en-47-02.jpg)

परमेश्वर ने लुदिया को यीशु रे बारे माय सणदेश माथे विशवास करणे रे वास्ते सकसम किदो। पौलुस अर सीलास ने उणे अर उणरे परिवार को बपतिस्मा दियो। उणने पौलुस अर सीलास को खुदरे घरे रुकणे रे वास्ते निऊतिया, इण वास्ते वे वटे रुकिया।

![](https://cdn.door43.org/obs/jpg/360px/obs-en-47-03.jpg)

पौलुस अर सीलास ळोगों ऊ केईभळा उण जागा माथे मिळता जटे यहूदी ळोग पराथणा किया करता। रोजीणा जद वे वटे जावता तो एक दासी छोरी जको दुष्टात्मा द्वारा काबू हेती उणरो ळारो किया करती। इण दुष्टात्मा रे माध्यम सू वा ळोगों रो भविष्य बताया करती, इण वास्ते वा भविष्य बताणे वाळी रे रूप माय खुदरे मालिको रे वास्ते घणों धन कमाया करती।

![](https://cdn.door43.org/obs/jpg/360px/obs-en-47-04.jpg)

उणरे जावतोड़ी वेळा आ दासी छोरी हाका करती, "ये मीनक परम परधाण परमेश्वर रा सेवक व्है। ये थाणे उद्धार पाणे रो मारग बतावे!" वा रोजीणा ऐणो किया करती जिणसे कि पौलुस नाराज़ व्हेगियो।

![](https://cdn.door43.org/obs/jpg/360px/obs-en-47-05.jpg)

अंत माय, एक दिण जद उण दासी छोरी ने हाको शरू किदो, तो पौलुस ने उणरे धकिने मुड़ परो उणरे मायळी दुष्टात्मा सू कियो, "यीशु रे नाम सू इण माय सू निकळ जा।" उणी वेळा उण दुष्टात्मा ने उणे छोड़ दियो।

![](https://cdn.door43.org/obs/jpg/360px/obs-en-47-06.jpg)

उण दासी छोरी रे मालिक घणा रिसगिया। वाणे माळूम व्हेगियो कि बिणा उण दुष्टात्मा रे वा दासी छोरी ळोगों रो भविष्य नी बता सके। इणरो मतलब थो कि ळोग अबे उणरे माळिको को पैसा नी देंळा कि वो उणको भविष्य बतावे कि उणरे साथे कई व्हेळा।

![](https://cdn.door43.org/obs/jpg/360px/obs-en-47-07.jpg)

इण वास्ते उण दासी छोरी रे माळिक पौलुस अर सीलास को रोमी अधिकारियों रे काणे ले गिया। वे पौलुस अर सीलास को पीटियो, अर पाचे उणको जेळखाणे माय डाल दियो।

![](https://cdn.door43.org/obs/jpg/360px/obs-en-47-08.jpg)

वे पौलुस अर सीलास को जेळखाणे रे ऐणे हिस्से माय राखियो जटे सबाऊ हळा सिपाही हेता। अटे ताई कि वे उणरे पगो को लकड़ी रे मोटा टुकड़ों माय जोड़ दियो। पण पौलुस अर सीलास आधी रात री वेळा, परमेश्वर री स्तुति रा गीत गावता।

![](https://cdn.door43.org/obs/jpg/360px/obs-en-47-09.jpg)

एकाएक सू, एक भयानक भूकम्प व्हियो! जेळखाणे रे सगळे द्वार खुळ गिया, अर सगळे कैदियों री जंजीरें खुल परी पड़गी।

![](https://cdn.door43.org/obs/jpg/360px/obs-en-47-10.jpg)

तबे दरोगा जागियो। वो देखियो कि जेळखाणे के द्वार खुळियोड़ा हेता। वो सोचियो कि सगळा कैदी बचपरा नाईगा। वो डर गियो कि वाणे भाग जाणे रे कारण रोमी अधिकारी उणे मार डालेंळा, इण वास्ते वो खुदणे मार डालणे रे वास्ते तैयार व्हेगियो! पण पौलुस उणे देख परो हाको किदो, "रुक जा! खुदको नुकसाण मती पुगा। म्हा सगळा अटीज़ हा।"

![](https://cdn.door43.org/obs/jpg/360px/obs-en-47-11.jpg)

उण दरोगा ने काँपतोड़ो पौलुस अर सीलास रे कणे आयणे पूछियो, "उद्धार पाणे रे वास्ते म्हु कई करूँ?" पौलुस ने जबाब दियो, "परभु यीशु माथे विशवास कर, तो थू अर थारो घराणों उद्धार पावेळा।" तबे वो दरोगा पौलुस अर सीलास को खुदरे घरे ले गियो अर उणरे घावों को धोयो। पौलुस ने उणरे घर रे सगळा लोगों को यीशु रे बारे माय शुभ सणदेश सुणायो।

![](https://cdn.door43.org/obs/jpg/360px/obs-en-47-12.jpg)

दरोगा अर उणरे सगळे परिवार ने यीशु माथे विशवास किदो, इण वास्ते पौलुस अर सीलास ने उणको बपतिस्मा दियो। तबे दरोगा ने पौलुस अर सीलास को भोजण करवायो, अर वे एक साथे आनन्दित व्हिया।

![](https://cdn.door43.org/obs/jpg/360px/obs-en-47-13.jpg)

धकळे दिण नगर रे अगुवों ने पौलुस अर सीलास को जेळखाणे सू आज़ाद कर दियो अर फिलिप्पी सू चले जाणे रे वास्ते कियो। पौलुस अर सीलास लुदिया अर कुछेक दूजा साथियो ऊ मिळिया अर उणरे पचे नगर सू निकळ गिया। यीशु रे बारे माय शुभ सणदेश फैलतो गियो, अर कलीसिया बढ़ती गी।

![](https://cdn.door43.org/obs/jpg/360px/obs-en-47-14.jpg)

पौलुस अर दूजा मसीही अगुवों ने घणाई नगरों की यातरा किदी। वे ळोगों को यीशु रे बारे माय शुभ सणदेश सुणायो। वे कलीसियाओं रे विशवासियों को उत्साहित करणे अर शिकसा देणे रे वास्ते केई पतर भी लिखिया। इणमें सू कुछेक पतर बाइबल री किताबा बणगी।

*प्रेरितों के काम 16:11-40 सू एक बाइबल री बात*

## 48. यीशु ही परतिज्ञा कियोड़ो मसीह व्है

https://openbiblestories.org/l/rwr/story-48/

![](https://cdn.door43.org/obs/jpg/360px/obs-en-48-01.jpg)

जद परमेश्वर ने सणसार को बणायो तो सगळा ही छोको हो। कोई पाप नी हेतो। आदम अर हव्वा एक दूजे ऊ परेम करता हा, अर वे परमेश्वर सू परेम करता हा। कोई बीमारी या मृत्यु नी हेती। परमेश्वर ऐणो ही सणसार को चावतो हो।

![](https://cdn.door43.org/obs/jpg/360px/obs-en-48-02.jpg)

शैताण ने साँप रे माध्यम सू बगीछे माय हव्वा सू बात किदी, क्यूके वो उणे धोखो देणो चावतो हो। तबे हव्वा अर आदम ने परमेश्वर रे खिलाफ पाप किदो। क्यूके वे पाप किदो इणी वास्ते धरती माथे रेवणे वाळे सगळा जन मरता व्है।

![](https://cdn.door43.org/obs/jpg/360px/obs-en-48-03.jpg)

क्यूके आदम अर हव्वा ने पाप किदो, इण लिएवास्ते कुछ भळे भी बुरो व्हियो। वे परमेश्वर रा शतरु बण गिया। जिणरे परिणाम-स्वरूप, तबे सू हरेक जन ने पाप किदो। हरेक जन जन्म सू ही परमेश्वर रो शतरु व्है। परमेश्वर अर लोगों रे बीच माय शान्ति नी ही। पण परमेश्वर शान्ति स्थापित करणो चावतो।

![](https://cdn.door43.org/obs/jpg/360px/obs-en-48-04.jpg)

परमेश्वर ने परतिज्ञा किदी कि हव्वा रो एक वंशज शैताण रे माथे को कुचळेळा। उसणे ओ भी कियो कि शैताण उणरी एड़ी को डसेळा। दूजा शब्दों माय, शैताण मसीह को मार डाळेळा, पण परमेश्वर उणे पाचो जीवतो कर देळा। इणरे पचे, मसीह शैताण री ताकत को रोजीणा रे वास्ते खतम कर देळा। केई बरसो रे पचे, परमेश्वर ने परकट किदो कि वो मसीह यीशु व्है।

![](https://cdn.door43.org/obs/jpg/360px/obs-en-48-05.jpg)

परमेश्वर ने उणे बाढ़ सू अपणे परिवार को बचायो जिणे वो ळाणेवाळो हो। नूह सू एक नावड़ी बणाणे रे वास्ते कियो कि वो इण परकार परमेश्वर ने उण लोगों को बचायो जको उण माथे विशवास करता। इणी परकार, वे सगळा ही परमेश्वर रे द्वारा मार डाळे जाणे रे योग्य हेता क्यूके वे पाप किदो। पण परमेश्वर ने उण सगळा को बचाणे रे वास्ते यीशु को भेजियो जको उण माथे विशवास करता।

![](https://cdn.door43.org/obs/jpg/360px/obs-en-48-06.jpg)

सैकड़ों बरसो ताई, याजक परमेश्वर रे वास्ते बलिदान चढ़ावता रिया। ओ दरशावतो कि लोगों ने पाप किदो, अर ओ कि वे परमेश्वर रे द्वारा उणको दंडित किए जाणे रे लायक हो। पण वे बलिदाण उणरे पापों को माफ नी कर सकियो। यीशु सबाऊ बडो महायाजक हो। उसणे वो किदो जको कोई याजक नी कर सकियो। उसणे वो एक मातर बळिदाण होणे रे वास्ते खुद को दे दियो जको हर किणी रे पापों को मिटा सकतो। उसणे सवीकार किदो कि परमेश्वर उण सगळा रे पापों रे वास्ते उणे दंडित करे। इण कारण, यीशु सिद्ध महायाजक हो।

![](https://cdn.door43.org/obs/jpg/360px/obs-en-48-07.jpg)

परमेश्वर ने अब्राहम सू कियो, "म्हु थारे द्वारा सणसार रे सगळा कुलों को आशीष दूँळा।" यीशु इणी अब्राहम रो वंशज हो। परमेश्वर अब्राहम रे माध्यम सू सगळा कुलों को आशीष देवतो, क्यूके जको यीशु माथे विशवास करता परमेश्वर उण सगळा को पाप सू बचावता। जद ये ळोग यीशु माथे विशवास करता, तो परमेश्वर उणको अब्राहम रे वंशज माणता।

![](https://cdn.door43.org/obs/jpg/360px/obs-en-48-08.jpg)

परमेश्वर ने अब्राहम सू कियो कि वो खुदरे निज बेटो, उणरे वास्ते बलिदान कर देवे। पण पचे परमेश्वर ने इसहाक रे बदळे माय बलि करणे रे वास्ते एक मेमणो दियो। म्हा सगळा खुदरे पापों रे वास्ते मार डाळे जाणे रे लायक हेता! पण परमेश्वर ने आपाणे जागा माथे मरणे रे वास्ते यीशु रो बळिदाण रे रूप माय दियो। इणी कारण सू आपा यीशु को परमेश्वर रो मेमणो केवो हा।

![](https://cdn.door43.org/obs/jpg/360px/obs-en-48-09.jpg)

जद परमेश्वर ने मिस्र माथे अंतिम विपत्ति भेजी तो उणने हरेक इस्राएली परिवार सू कियो कि वे एक मेमणे री बळि करें। उण मेमणे माय कोई दोष नी व्हेणो चाहिजे। तबे अपणे दरवाजे रे चौखटा रे माथे अर बगळो माय उणहे उणरे लोही को लगाअणो हेतो। जद परमेश्वर ने उण लोही को देखियो तो वो उणरे घरों सू धके बढ़ गियो अर उणरे पहलौठे बेटो को नी मारियो। जद ओ व्हियो तो परमेश्वर ने इणे फसह रो पर्व कियो।

![](https://cdn.door43.org/obs/jpg/360px/obs-en-48-10.jpg)

यीशु फसह रे पर्व के एक मेमणे री तरेह हेतो। उसणे कदी पाप नी कियो, इण वास्ते उणमाय की भी खोटो नी हेतो। वो फसह रे पर्व रे वेळा माथे मरियो। जद कुणी यीशु माथे विशवास करतो, तबे यीशु रो लोही उण मीनक रे पापों री कीमत चुकावतो। ओ ऐणो है जैणो कि परमेश्वर उण मीनक रे कणे सू धके बढ़ गियो, क्यूके वो उणे दण्ड नी देवतो।

![](https://cdn.door43.org/obs/jpg/360px/obs-en-48-11.jpg)

परमेश्वर ने इस्राएली ळोगों रे साथे एक वाचा बाँधी, क्यूके वे ऐणा ळोग हेता जिणको परमेश्वर ने खुदरो होणे रे वास्ते चुणियो। पण अबे परमेश्वर ने एक ऐणी वाचा बाँधी जको सगळा रे वास्ते व्ही। जदि किणी भी जाति रो कोई भी जन इण नई वाचा को सवीकार करतो, तो वो परमेश्वर रे ळोगों माय शामिल व्हे जातो। वो ऐणो इण वास्ते करतो क्यूके वो यीशु माथे विशवास करतो।

![](https://cdn.door43.org/obs/jpg/360px/obs-en-48-12.jpg)

मूसा एक ऐणो भविष्यद्वक्ता हेतो जिणने परमेश्वर रे वचन को बड़ी सामर्थ रे साथे परचार किदो। पण यीशु सगळा भविष्यद्वक्ताओं माय सबाऊ मोटों व्हे। वो परमेश्वर व्है, इणवास्ते जको भी उणने किदों अर कियो वो परमेश्वर रे कार्य अर वचन हेता। इणी वास्ते पवितर-शास्त्र यीशु को परमेश्वर रो वचन केवे।

![](https://cdn.door43.org/obs/jpg/360px/obs-en-48-13.jpg)

परमेश्वर ने राजा दाऊद सू परतिज्ञा किदी कि राजा रे रूप माय उणरो एक वंशज परमेश्वर रे ळोगों माथे रोजीणा रे वास्ते शासण करेळा। यीशु परमेश्वर रो बेटो अर मसीह व्है, इण वास्ते वो राजा दाऊद रो वंशज व्है जको रोजीणा रे वास्ते राजीय कर सके।

![](https://cdn.door43.org/obs/jpg/360px/obs-en-48-14.jpg)

दाऊद तो इस्राएल रो राजा हेतो, पण यीशु सगळा जगत रो राजा व्है! वो पाचो आवेळा अर रोजीणा रे वास्ते नियाय अर शान्ति रे साथे खुदरे राजीय माथे शासण करेळा।

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 सू एक बाइबल री बात*

## 49. परमेश्वर री नवी वाचा

https://openbiblestories.org/l/rwr/story-49/

![](https://cdn.door43.org/obs/jpg/360px/obs-en-49-01.jpg)

एक सरगदूत ने एक मोटियार लुगाई मरियम सू कियो कि वा परमेश्वर रे बेटे को जिणेळा। वा अबार कवारी हेती, पण पवितर आतमा उणरे कणे आई अर वा जापायती व्हि। उणने एक टाबर को जिणियो जिणरो नाम वा यीशु राखियो। इण वास्ते, यीशु परमेश्वर अर मनुष्य दोई व्है।

![](https://cdn.door43.org/obs/jpg/360px/obs-en-49-02.jpg)

यीशु ने घणा ही चमत्कार किदा जको दिखावता कि वो परमेश्वर व्है। वे पाणी माथे चाळिया अर आँधी को शान्त किदो। उणने घणा ही बीमार ळोगों को चंगा किदो अर घणा ही ळोगों माय ऊ दुष्टात्माओं को निकाळियो। उणने मरियोडा ळोगों को जीवतो कर दियो, अर उणने पाँच रोटी अर दो मछलियों को 5,000 ळोगों को खिलाणे रे वास्ते बराबर भोजण माय बदळ दियो।

![](https://cdn.door43.org/obs/jpg/360px/obs-en-49-03.jpg)

यीशु एक महाण शिकसक भी हेतो। जकोई भी उणने सिखायो, वो उणने सिद्धता रे साथे सिखायो। जको वो ळोगों सू करणे रे वास्ते केवतो वो वाणे करणो चाहिजे क्यूके वो परमेश्वर रो बेटो व्है। उदाहरण रे वास्ते, उणने सिखायो कि थाणे दूजा ळोगों को उणी रीति सू परेम करणे की जरूरत व्है जैणो थे खुद को परेम करो व्है।

![](https://cdn.door43.org/obs/jpg/360px/obs-en-49-04.jpg)

उणने ओ भी सिखायो कि थाणे सगळी वस्तुओं सू घणो अर अपणी संपत्ति सू भी घणो परमेश्वर रो परेम करणो चाहिजे।

![](https://cdn.door43.org/obs/jpg/360px/obs-en-49-05.jpg)

यीशु ने कियो कि सणसार माय किणी भी चीज को पाणे सू घणो छोको व्है परमेश्वर रे राजीय माय व्हेणो। उणरे राजीय माय थाणे परवेश करणे रे वास्ते जरूरत व्है कि परमेश्वर थाणे थारे पापों सू बचावे।

![](https://cdn.door43.org/obs/jpg/360px/obs-en-49-06.jpg)

यीशु ने कियो कि कुछेक ळोग उणे ग्रहण करेळा। परमेश्वर उण ळोगों को बचावेळा। पण दूजा ळोग उणे ग्रहण नी करेळा। उणने ओ भी कियो कि कुछेक ळोग छोकी जमी रे समाण व्है, क्यूके वे यीशु रे बारे माय शुभ सणदेश को सवीकार कर लेवे, अर परमेश्वर उणको बचावे। पण कुछेक ळोग मारग री कठोर जमी रे समाण व्है। परमेश्वर रा वचन बीज रे समाण मारग माथे पड़े, पण वटे की भी नी उगे। ये ळोग यीशु रे बारे माय सणदेश को असवीकार कर देवे। वे उणरे राजीय माय परवेश करणे सू इणकार कर देवे।

![](https://cdn.door43.org/obs/jpg/360px/obs-en-49-07.jpg)

यीशु ने सिखायो कि परमेश्वर पापियों सू घणो परेम करे। वो उणको माफ करणो चाहवे अर उणको अपणी सणताण बणाणो चाहवे।

![](https://cdn.door43.org/obs/jpg/360px/obs-en-49-08.jpg)

यीशु ने ओ भी बतायो कि परमेश्वर पाप सू घीरणा करे। क्यूके आदम अर हव्वा ने पाप किदो, इण वास्ते उणरे सगळे वंशजों ने भी पाप किदो। इण सणसार माय रेवणे वाळो हरेक जन पाप करे अर परमेश्वर सू आगो व्है। हरेक जन परमेश्वर का बेरी व्है।

![](https://cdn.door43.org/obs/jpg/360px/obs-en-49-09.jpg)

पण परमेश्वर ने इण सणसार माय रेवणे वाळे हरेक जन सू इण रीति सू परेम किदो: उणने खुदरे एकळोते टाबर को दे दियो ताकि परमेश्वर उणको दण्ड नी देवे जको उण माथे विशवास करे। इणरे बजाय, वे उणरे साथे रोजीणा रे वास्ते रेवेळा।

![](https://cdn.door43.org/obs/jpg/360px/obs-en-49-10.jpg)

थे मरणे रे जोगरा हो, क्यूके थे पाप किदो। थाणू परमेश्वर रो क्रोधित व्हेणो उचित ही व्है, इणरी अपेक्षा, वो यीशु माथे क्रोधित व्हियो। उणने यीशु को क्रूस री मरतू देयणे दण्ड दियो।

![](https://cdn.door43.org/obs/jpg/360px/obs-en-49-11.jpg)

यीशु ने कदी पाप नी किदो, पण उणने परमेश्वर को उणे दण्ड देणे दियो। उणने मर जाणो सवीकार किदो। इण रीति सू, थाहरे पापों को अर इण सणसार माय रेवणे वाळे हरेक जण रे पापों को उठाई ले जाणे रे वास्ते वो एक सिद्ध बळिदाण थो। यीशु ने खुद को परमेश्वर रे वास्ते बळिदान कर दियो, इण वास्ते परमेश्वर किणी भी पाप को, अटे ताई कि भयंकर पापों को भी माफ करे।

![](https://cdn.door43.org/obs/jpg/360px/obs-en-49-12.jpg)

भळी जदि थे घणा ही छोका कामों को करो, तो इणरे द्वारा परमेश्वर थाणे नी बचावेळा। उणरो साथी बणने रे वास्ते ऐणो की भी नी व्है जको थे कर सको हो। इणरी अपेक्षा, थाणे विशवास करणो व्है कि यीशु परमेश्वर रो बेटो व्है, अर वो थहाणे बदळा माय क्रूस माथे मर गियो, अर ओ भी कि परमेश्वर ने उणे पाचो जीवतो कर दियो। जदि थे इण माथे विशवास करो, तो परमेश्वर थ्हारे पापों री माफी देवेळा।

![](https://cdn.door43.org/obs/jpg/360px/obs-en-49-13.jpg)

परमेश्वर उण हरेक जण को बचावेळा जको यीशु माथे विशवास करे अर उणे खुदरो परभु सवीकार करे। पण वो उणको नी बचावेळा जको उण माथे विशवास नी करे। ओ कोई मायणो नी राखे कि थे धनी हो या गरीब हो, मीनक हो या लुगाई हो, बूढ़े हो या जवान हो, या थे कटे रेवो हो। परमेश्वर थाणु परेम करे अर चावे कि थे यीशु माथे विशवास करो कि वो थ्हाणो साथी बण सके।

![](https://cdn.door43.org/obs/jpg/360px/obs-en-49-14.jpg)

यीशु थ्हाणे बुळा रियो व्है कि उण माथे विशवास करो अर बपतिस्मा लो। कई थे विशवास करो हो कि परमेश्वर रो एकळोतो बेटो, यीशु ही मसीह व्है? कई थे विशवास करो हो कि थे एक पापी हो अर ओ कि थे परमेश्वर द्वारा थ्हाणे दंडित किये जाणे रे जोगरा हो? कई थे विशवास करो हो कि थ्हारे पापों को मिटाणे रे वास्ते यीशु क्रूस माथे मरियो?

![](https://cdn.door43.org/obs/jpg/360px/obs-en-49-15.jpg)

जदि थे यीशु माथे अर जको उणने थ्हारे लिये किदो उण माथे विशवास करो, तो थे एक मसीही हो! शैताण खुदरे अंधकार रे राजीय माय अबे थाणे माथे शासन नी करे। अबे परमेश्वर खुदरे परकाश रे राजीय माय थाणे माथे शासण करे। उणने थाणे पाप करणे सू रोक दियो, जिणे थे किदा करता। उणने थाणे एक नवो, उचित जीवण दियो।

![](https://cdn.door43.org/obs/jpg/360px/obs-en-49-16.jpg)

जदि थे एक मसीही हो तो जको यीशु ने कियो उणरे कारण परमेश्वर ने थ्हारे पापों को माफ कर दियो। अबे, परमेश्वर एक बेरी री अपेक्षा थाणे एक घनिष्ठ साथी माणे।

![](https://cdn.door43.org/obs/jpg/360px/obs-en-49-17.jpg)

जदि थेपरमेश्वर रा साथी हो अर परभु यीशु रा सेवक हो तो थे उण बातों रो पाळण करणे री इच्छा करोळा जको यीशु थ्हाणे सिखावे। भले ही थे एक मसीही हो, शैताण अबार भी पाप करणे रे वास्ते थ्हारी परीकसा करेळा। पण परमेश्वर रोजीणा वो करे जको वो केवे कि वो करेळा। वो केवे कि जदि थे अपणे पापों को माण लो, तो वो थ्हाणे माफ कर देळा। वो थाणे पाप रे खिलाफ लड़ने रो सामर्थ देळा।

![](https://cdn.door43.org/obs/jpg/360px/obs-en-49-18.jpg)

परमेश्वर थ्हाणे पराथणा करणे अर उणरे वचन को पढ़णे रे वास्ते केवे। वो थ्हाणे दूजा विशवासियों रे साथे मिल परा उणरी आराधणा करणे रे वास्ते भी केवे। थाणे दूजा ळोगों को भी बताणो कि उणने थ्हारे वास्ते कई किदो। जदि थे इण सगळा कामों को करो, तो थे उणरे एक पक्के साथी बण जावोळा।

*रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 सू एक बाइबल री बात*

## 50. यीशु पाचो पधारे

https://openbiblestories.org/l/rwr/story-50/

![](https://cdn.door43.org/obs/jpg/360px/obs-en-50-01.jpg)

लगभग 2,000 बरसो सू, सणसार माय सगळी जागा माथे घणा ही घणा ळोग मसीह यीशु रे बारे माय शुभ सणदेश को सुणे। कलीसिया उन्नति करे। यीशु ने वादो किदो कि वो सणसार रे अंत माय पाचो पधारेळा। यद्यपि वो अबार पाचो नी पधारियो, तौभी वो खुदरे वादे को पूरो करेळा।

![](https://cdn.door43.org/obs/jpg/360px/obs-en-50-02.jpg)

जद कि आपा यीशु रे पाचो पधारणे री भाड़ ज्योवो, परमेश्वर आपा सू ऐणी रीति सू जीवण जीणे की इच्छा करे जको पवितर व्है अर जको उणरो आदर करे। जद यीशु धरती माथे रियो तबे उणने कियो, "मारा चेळो सणसार भर माय सगळी जागा रे ळोगों को परमेश्वर रे राजीय रे बारे माय शुभ सणदेश परचार करेळा, अर तबे अंत आ जावेळा।"

![](https://cdn.door43.org/obs/jpg/360px/obs-en-50-03.jpg)

घणी ही जातियों ने अबार ताई यीशु रे बारे माय नी सुणियो। सरग को पधारणे सू पेहले, यीशु ने मसीहियों सू उण ळोगों को शुभ सणदेश सुणाणे को कियो जको इणे कदी नी सुणियो। उणने कियो, "पधारो अर सगळी जातियों रे ळोगों को चेळो बणाओ!" अर "कटाई करणे रे वास्ते खेत पकियोड़ा व्है!"

![](https://cdn.door43.org/obs/jpg/360px/obs-en-50-04.jpg)

यीशु ने ओ भी कियो, "किणी मीनक रो दास खुदरे स्वामी रे मोटो नी व्हेतो। इण सणसार रे खास ळोगों ने मारू नफरत किदी, अर मारे कारण वे थाणे भी सतावेळा अर मार डालेळा। इण सणसार माय थे पीड़ित व्होळा, पण मज़बूत बणो, क्यूके म्हु शैताण को हरा दियो व्है जको इण सणसार माथे शासण करे। जदि थे अंत ताई मारे विशवास जोग बणे रेवो, तो परमेश्वर थाणे बचावेळा!"

![](https://cdn.door43.org/obs/jpg/360px/obs-en-50-05.jpg)

यीशु ने खुदरे चेळो को ओ समझाणे रे वास्ते एक बात सुणाई कि जद सणसार रो अंत व्हेळा तो ळोगों रे साथे कई व्हेळा। उणने कियो, "किणी मीनक ने खुदरे खेत माय छोको बीज बोयो। जद वो सूतो हो तो उणरा बेरी पधारियो अर गेहूँ रे बीजों रे बीच माय जंगली पौधे रे बीजों को बो दियो, अर पाचे वो पधारगो।"

![](https://cdn.door43.org/obs/jpg/360px/obs-en-50-06.jpg)

जद पौधे अंकुरित व्हिया तो सेवकों ने उण मीनक से कियो, 'हे स्वामी, थूने तो खुदरे खेत माय छोका बीज बोया हेता। तो पचे इणमाय जंगली पौधे क्यू व्है?' उण मीनक ने जबाब दियो, 'खाळी म्हारा बेरी ही उणको बोणा चावेळा। ओ मेरो कुणी बेरी व्है जिणने ऐणो किदो व्है।'

![](https://cdn.door43.org/obs/jpg/360px/obs-en-50-07.jpg)

उण सेवकों ने खुदरे माळिक को जबाब दियो, 'कई आपाणे जंगली पौधों को उखाड़ देणो चाहिजे?' उण माळिक ने कियो, 'नी। जदि थे ऐणो करोळा तो थे कुछेक गेहूँ को भी उखाड़ दोळा। कटाई रे वेळा ताई भाड़ जोवो। तबे जंगली पौधों को गट्ठों माय भेळो कर लो ताकि थे उणको जला सको। पण गेहूँ को मारे खत्ते माय लेयणे पधारो।'

![](https://cdn.door43.org/obs/jpg/360px/obs-en-50-08.jpg)

चेळो ने इण बात रे मतलब को नी समझियो, इणवास्ते वे यीशु सू उणको समझाणे रो निवेदन किदों। यीशु ने कियो, "छोको बीज बोणे वाळो मीनक मसीह रो प्रतिनिधित्व करे। खेत सणसार का प्रतिनिधित्व करे। छोको बीज परमेश्वर रे राजीय रे ळोगों रो प्रतिनिधित्व करे।"

![](https://cdn.door43.org/obs/jpg/360px/obs-en-50-09.jpg)

जंगळी पौधे उण दुष्ट जण, शैताण रे ळोगों रो प्रतिनिधित्व करे। उण मीनक रो बेरी शैताण रो प्रतिनिधित्व करे, जिणने जंगली पौधों को बो दियो। कटाई इण सणसार रे अंत रो प्रतिनिधित्व करे, अर कटाई करणे वाळे परमेश्वर रे सरगदूतों रो प्रतिनिधित्व करे।

![](https://cdn.door43.org/obs/jpg/360px/obs-en-50-10.jpg)

जद सणसार रो अंत व्हेळा तबे सरगदूत उण सगळे ळोगों को एक साथे भेळो करेळा जको शैताण रे व्है। वे सरगदूत उणको एक घणो ही गरम आग माय फेंक देंळा। वटे वे ळोग भयंकर सताव माय रोवेळा अर खुदरे दाँत पीसेंळा। पण जको ळोग धरमी व्है, जको यीशु रो अनुसरण किदो, वे उणरे परमेश्वर पिता रे राजीय माय सूरज रे समाण चमकेंळा।

![](https://cdn.door43.org/obs/jpg/360px/obs-en-50-11.jpg)

यीशु ने ओ भी कियो कि वो सणसार रो अंत होणे से पेहले धरती माथे पधारेळा। वो उणी तरीके सू पाचो पधारेळा ज्यू वे पधारिया। अर्थात, उणरे कणे वास्तविक शरीर व्हेळा, अर वो आकाश माय बादळो माथे सवार होयणे पधारेळा। जद यीशु पधारेळा, तो हरेक मसीही जको मरियोड़ा व्है मरियोड़ा माय ऊ जी उठेळा अर उणसे आकाश माय मिलेळा।

![](https://cdn.door43.org/obs/jpg/360px/obs-en-50-12.jpg)

तबे जको मसीही अबार भी जीवतो व्है वे आकाश माय उठा लिया जावेळा अर उण दूजे मसीहियों रे साथे शामिल व्हे जावेळा जको मरियोड़ा माय सू जी उठेळा। वे सगळा वटे यीशु रे साथे व्हेला। उणरे पचे, यीशु खुदरे लोगों रे साथे रेवेळा। जद वे एक साथे रेवे तो उणरे कणे रोजीणा रे वास्ते पूरी शान्ति व्हेळा।

![](https://cdn.door43.org/obs/jpg/360px/obs-en-50-13.jpg)

यीशु ने उण माथे विशवास करणे वाळे हरेक जण को एक मुकुट देणे री परतिज्ञा किदी। वे रोजीणा रे वास्ते परमेश्वर रे साथे हरेक चीज माथे शासण करेळा। उणरे कणे सिद्ध शान्ति व्हेळा।

![](https://cdn.door43.org/obs/jpg/360px/obs-en-50-14.jpg)

पण परमेश्वर उण सगळा रो न्याय करेळा जको यीशु माथे विशवास नी करे। वो उणको नरक माय डाळेळा। वटे वे रोवेळा अर खुदरे दाँत पीसेळा, अर वे रोजीणा पीड़ित रेवेळा। कदी नी बुझणे वाळी आग उणको ळगातार जळाती रेवेळी, अर कीड़े उणको खाणे सू कदी नी रुकेळा।

![](https://cdn.door43.org/obs/jpg/360px/obs-en-50-15.jpg)

जद यीशु पधारे, तो वे पूरी रीति सू शैताण को अर उणरे राजीय को नष्ट कर देळा। वह शैताण को नरक माय डाळ देळा। वटे शैताण रोजीणा रे वास्ते जळतो रेवेळा, उण सगळा रे साथे जको परमेश्वर री बातों को माणणे रे बजाय शैताण रे ळारे चळणे रो चुणाव किदो।

![](https://cdn.door43.org/obs/jpg/360px/obs-en-50-16.jpg)

क्यूके आदम अर हव्वा ने परमेश्वर री अनाज्ञाकारिता किदी अर पाप को इण सणसार माय लेयणे पधारिया, परमेश्वर ने उणे श्राप दियो अर उणे नाश करणे रो निरणय किदो। पण किणी दिण परमेश्वर एक नए सरग अर एक नई धरती री रचणा करेळा जको सिद्ध व्हेळा।

![](https://cdn.door43.org/obs/jpg/360px/obs-en-50-17.jpg)

यीशु अर उणरे लोग उण नई धरती माथे रेवेळा, अर वह रोजीणा रे वास्ते सगळी चीजों माथे शासण करेळा। वो ळोगों री आँखियों सू हरेक आँसू को पोंछ देळा। अबे कोई भी पीड़ित या दुःखी नी व्हेला। वे रोवेळा कोणी। वे बीमार नी व्हेळा या मरेंळा कोणी। अर वटे की भी खोटो नी व्हेळा। यीशु खुदरे राजीय माथे न्यायपूर्वक, अर शान्ति रे साथे शासण करेळा। वो रोजीणा रे वास्ते खुदरे लोगों रे साथे रेवेळा।

*मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 सू एक बाइबल री बात*