# unfoldingWord Open Bible Stories — Sadri

- Language code: `sck`
- Canonical page: https://openbiblestories.org/l/sck/
- Stories in this file: 50 of 50
- Published by: OBS-TLF
- Last release: 2026-05-18
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Sadri translation; it is not a translation of the whole Bible.

## 1. सृष्टि

https://openbiblestories.org/l/sck/story-1/

![](https://cdn.door43.org/obs/jpg/360px/obs-en-01-01.jpg)

आदि में परमेश्वर ई तरीका से सोब चीज कर सृष्टि करलक। उ छव दिन मे संसार कर आउर जे कुछ उकर में हेइक उ सब कर सृष्टि करलक। जब परमेश्वर पृथ्वी कर रचना करलक, तब पृथ्वी अंधार अउर खाली रहलक, काहेकि एखन ले परमेश्वर उकर में कोई भी चीज के नी बनाएं रहलक। लेकिन परमेश्वर कर आत्मा पानी कर उपरे मंडरात रहे।

![](https://cdn.door43.org/obs/jpg/360px/obs-en-01-02.jpg)

फिन परमेश्वर कहलक, “इन्जोत हो” अउर इन्जोत होई-गेलक। परमेश्वर देखलक कि इन्जोत बेस आहे, आउर उके “दिन” कहलक। अउर इन्जोत के अन्धार से अलग करलक। अउर अंधार के उ “राईत” कहलक। परमेश्वर सृष्टि केर पहिले दिन में इन्जोत कर रचना करलक।

![](https://cdn.door43.org/obs/jpg/360px/obs-en-01-03.jpg)

सृष्टि केर दूसर दिन में परमेश्वर कहलक, "पानी कर ऊपरे एगो फांका हो "आउर फांका होई गेलक। परमेश्वर ई फंका के "आकाश" कहलक।

![](https://cdn.door43.org/obs/jpg/360px/obs-en-01-04.jpg)

तीसरा दिन परमेश्वर कहलक, "पानी एक ठीन जमा होई जाए अउर सुखल जमीन दिखाई देवे" उ सुखल जमीन के “पृथ्वी” कहलक आउर पानी के "समुन्‍दर” कहलक। परमेश्वर देखलक कि जेके उ बनाए रहलक उ बेस रहे।

![](https://cdn.door43.org/obs/jpg/360px/obs-en-01-05.jpg)

फिन परमेश्वर कहलक, "पृथ्वी पर सोउब किसिम कर पेड़ आउर पौधा मन उगे।” आउर उसने होई गेलक। परमेश्वर देखलक कि जे उ बनाय रहलक उ बेस रहे।

![](https://cdn.door43.org/obs/jpg/360px/obs-en-01-06.jpg)

सृष्टि केर चौथा दिन में परमेश्वर कहलक, "आकाश में ज्योति हो” अउर सूरज, चांद आउर तैरगण प्रकट होलक। परमेश्वर उ मनके पृथ्वी पर प्रकाश देवेक ले आउर दिन आउर राइत, मौसम आउर वर्ष मन में पहचान करेक ले बनालक।

![](https://cdn.door43.org/obs/jpg/360px/obs-en-01-07.jpg)

पांचवा दिन परमेश्वर कहलक "जीयत जीव जन्तुमन पानी में भईर जाय। आउर आकाश में चरई उड़े "इ तरह से उ पानी में पंउरेक वाला सोउब जनतुमन के आउर चरईमन के बनालक। परमेश्वर देखलक कि उ बेस रहे आउर उमन के आशीष देलक।

![](https://cdn.door43.org/obs/jpg/360px/obs-en-01-08.jpg)

सृष्टि केर छठवां दिन परमेश्वर कहलक, "भूइंया में रहेक वाला सउब किसिम के जानवर पैदा होवे" आउर परमेश्वर कर कहेक कर अनुसार वैसने होई गेलक। कुछ जानवर पालतू रहलय, कुछ जमीन में रेंगेक वाला, आउर कुछ जंगली जानवर रहलैं। आउर परमेश्वर देखलक कि उ बेस रहे।

![](https://cdn.door43.org/obs/jpg/360px/obs-en-01-09.jpg)

फिन परमेश्वर कहलक, "आवा हमिन मनुष्य के आपन स्वरूप में आउर आपन लेखे बनाब। उमने पृथ्वी पर आउर सोउब जानवर उपरे राईज करबैं"।

![](https://cdn.door43.org/obs/jpg/360px/obs-en-01-10.jpg)

अत: परमेश्वर माटी लेइके उकर से आदमी के बनालक आउर उकर में जीवन केर सांस के फूईक देलक। इ आदमी कर नाव आदम रहे। परमेश्वर ने आदम के रहेक ले एगो बड़कासन बगीचा के बनालक आउर उकर देखेक ताकेक ले आदम के हुआँ राईख देलक।

![](https://cdn.door43.org/obs/jpg/360px/obs-en-01-11.jpg)

उ बगीचा कर बीचे में परमेश्वर दुईठो खास गाछ लगाय रहलक- जीवन कर गाछ आउर भले आउर बुरे कर ज्ञान कर गाछ। परमेश्वर आदम से कहलक कि उ उस बगीचा कर भले आउर बुरे कर ज्ञान कर गाछ छोईड़ के दूसरा कोनवे गाछ कर फल के खाए सकीला। अगर उ उ गाछ कर फल खालक तो उ मरीये जई।

![](https://cdn.door43.org/obs/jpg/360px/obs-en-01-12.jpg)

फिर परमेश्वर कहलक "पुरुष केर अकेला रहेक ठीक नखे।" लेकिन कोनो जानवर आदम कर सहायक नीं होई शकलक।

![](https://cdn.door43.org/obs/jpg/360px/obs-en-01-13.jpg)

इकर ले परमेश्वर आदम के गहरा नींद में डाइल देलक। फिन परमेश्वर आदम कर एगो पसली लेईके उकर से एगो स्त्री केर रचना करलक आउर उके आदम कर ठीना लेइके आलक।

![](https://cdn.door43.org/obs/jpg/360px/obs-en-01-14.jpg)

जब आदम उके देखलक तो उ कहलक "अरे! इ तो मोरे नियर आहे! इ स्त्री कहाई, काहेकि ई पुरुष से बनाल जाहे।" इ चलते पुरुष आपन माय बाप के छोड़ देवेन आउर आपन पत्नी केर साथ एक होई जायना।

![](https://cdn.door43.org/obs/jpg/360px/obs-en-01-15.jpg)

परमेश्वर पुरुष आउर स्त्री के आपन स्वरूप में बनालक। उ उमन के आशिष देलक आउर उमन के कहलक “ढेर सारा छउवा आउर छउवा पुता मन के पैदा करा आउर धरती में भईर जावा! ” आउर परमेश्वर देखलक कि जे कुछ भी उ बनाय रहे उ बहुते बढ़िया रहे, आउर उ उमन से बहुत खुश रहे। इ सब सृष्टि के छठवाँ दिन होलक।

![](https://cdn.door43.org/obs/jpg/360px/obs-en-01-16.jpg)

सतवां दिन परमेश्वर उ सोउब काम मन के खतम करलक जेके उ करत रहलक। उ सातवां दिन के आशीष देलक आउर उके पवित्र ठहरालक, काहेकि उ दिन उ सब चीज कर सृष्टि कइर के समाप्त कइर रहलक। इ प्रकार से परमेश्वर संसार कर आउर जे कुछ उकर में आहे उ सबके सृष्टि करलक।

*उत्पत्ति अध्याय 1-2 से बाइबल कर एगो कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_01_128kbps.m4a

## 2. पाप संसार में ढुकेला

https://openbiblestories.org/l/sck/story-2/

![](https://cdn.door43.org/obs/jpg/360px/obs-en-02-01.jpg)

आदम और उकर पत्नी सुंदर बगीचा में बहुत खुशी से रहत रहलै। उमन लुगा नि पिनधत रहलंय। सेकरो में उमन नी लजात रहलै। काहे कि संसार में पाप नी रहे। उमन हमेशा उ बगीचा में घुमत फिरत रहलैं आउर परमेश्वर से गोठियात रहलैं।

![](https://cdn.door43.org/obs/jpg/360px/obs-en-02-02.jpg)

लेकिन उ बगीचा में एगो सांप राहत रहे। उ बहुत चालाक रहे। उ उ औरत से पूछलक, “का सच में परमेश्वर तोहिन के कईइ हे कि ई बगैचा केर कोनवे गछ कर फर के ना खाबा?”

![](https://cdn.door43.org/obs/jpg/360px/obs-en-02-03.jpg)

उ स्त्री जवाब देलक “परमेश्वर हमिन के कइहे कि हमिन उ भला आउर बुरा कर ज्ञान कर गाछ के छोईड़ कोनों भी गाछ कर फर के खाय सकीला। परमेश्वर हामीन के कइहे कि अगर तोंय उ फर खाबे या छुबे भी तो तोंय मरिये जाबे।“

![](https://cdn.door43.org/obs/jpg/360px/obs-en-02-04.jpg)

उ सांप स्त्री के जबाब देलक इ सच न लागे! तोंय नी मरबे, परमेश्वर खुदे जानेला कि जैसने ही उ फर के खाबे, तोंय परमेश्वर कर समान होई जाबे आउर उकरे लखे भला आउर बुरा के समझेक लागबे।”

![](https://cdn.door43.org/obs/jpg/360px/obs-en-02-05.jpg)

जेखने स्त्री देखलक कि उ गाछ केर फर खाएक ले बेस, आउर देखेक में लुभावना रहे। उ भी बुद्धिमान बनेक चाहत रहे। इकर ले उ फर के तोइड़ के खालक। फिन उ आपन पति ले उ फर के देलक जे उकर संगे रहे आउर उ भी खालक।

![](https://cdn.door43.org/obs/jpg/360px/obs-en-02-06.jpg)

अचके, उकर आंइख खुइल गेलक, आउर उके पता चइल गेलक कि उमन लंगटे रहैं। उमन पतईमन केर एक साथ सीके उमन कर लुगा बनालय, आउर उकर से आपन गतर के ढांकेक कर कोशिश करलैं।

![](https://cdn.door43.org/obs/jpg/360px/obs-en-02-07.jpg)

तब उ आदमी आउर उकर बहोरिया उ बगीचा में घूमत रहलैं। परमेश्वर कर शबद के सुनलैं। उमन दुइयों परमेश्वर से छिप गेलैं। तब परमेश्वर आदमी के हंकालक “तोंय कहां आहिस?” आदम जवाब देलक “मोंय तोके बगीचा में घूमत सुनलो, आउर मोय डराय गेलों, काहे की मोय लंगटा रहों। इकर ले मोंय लुइक गेलों।”

![](https://cdn.door43.org/obs/jpg/360px/obs-en-02-08.jpg)

फिर परमेश्वर पुछलक “तोके के बतालक कि तोंय लंगटा आहिस का तोंय उ फर के खाले जेके खायेक ले मोंय तोके मना कइर रहों।आदमी जवाब देलक तोंय जे मौके स्त्री देहिस एहे मोके उ फर के देलक तब परमेश्वर स्त्री से पूछलक तोंय इ का कइर देले? उ स्त्री बोललक सांप मोके बहकाय देलक।”

![](https://cdn.door43.org/obs/jpg/360px/obs-en-02-09.jpg)

परमेश्वर सांप के कहलक, “तोंय श्रापित आहीस! तोंय पेट के बल चलबे। आउर माटी के चाटबे। तोंय आउर इ स्त्री एक दूसर से घृणा करबा। आउर तोर छउवा आउर उकर छउवा मन भी एक दूसर से घृणा करबैं। ई स्त्री कर वंश तोर मुड़ी के कुचबैं आउर तोंय उमन कर एड़ी के डंसबैं।

![](https://cdn.door43.org/obs/jpg/360px/obs-en-02-10.jpg)

तब परमेश्वर स्त्री के कहलक, “मोंय तोर गर्भवती होवेक कर पीड़ा के बहुते बढ़ाए देबूँ। छउवा जनमाएक कर बथा के बहुत बढ़ाए देबूँ। तोंय आपन पति बटे चाहत रखबे आउर उ तोर उपरे राईज करी।

![](https://cdn.door43.org/obs/jpg/360px/obs-en-02-11.jpg)

परमेश्वर आदमी के कहलक तोंय आपन बहोरिया कर सुनले आउर मोर आज्ञा के नी मानले। इकर ले धरती श्रापित ढोलक आउर तोके अन्न उबाएक ले कठिन मेहनत करेक कर जरूरत होवी। अब तोंय मईर जाबे आउर तोर गतर माटी में मिल जाई” उ आदमी आपन बहोरिया कर नाव हव्वा राखलक, जेकर माने होवेला “जिंदगी देवेक वाला” काहे की उ सब आदमीमन कर आदिमाय होवी। आउर परमेश्वर आदम आउर हव्वा के जानवर कर चमड़ा के पिन्धना बनायके उमन के पिन्धाय देलक।

![](https://cdn.door43.org/obs/jpg/360px/obs-en-02-12.jpg)

फिर परमेश्वर कहलक, “अब भला आउर बुरा के जाइन के मनुष्य हामीन लखे हो गेलैं, इकर ले उमन के उ जीवन कर गच्छ कर फर के खायकले नी देवेक चाही। ऐसन ना हो कि उमन खाबंय आउर सादाले जीवित रहबैं” इकर ले परमेश्वर आदम आउर हवा के उ बगीचा से बाहरे निकलाय देलक। परमेश्वर उ बगीचा कर घुंसेक कर दुरा ठीन शक्तिशाली स्वर्गदूत मन के पहरा में लगाय देलक। ताकि केउ भी उ जीवन कर गछ कर फर के खाएक नी सकबंय।

*उत्पत्ति अध्याय 3 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_02_128kbps.m4a

## 3. बाईढ़

https://openbiblestories.org/l/sck/story-3/

![](https://cdn.door43.org/obs/jpg/360px/obs-en-03-01.jpg)

बहुत समय केर बाद, संसार में बहुत से आदमी मन रहत रहलै। उमन बहुत दुष्ट आउर हरामी होई जाय रहैं। सब कुछ इतना बुरा होई जय रहे कि कि परमेश्वर आखिर में निर्णय लेलक कि एगो भयंकर बाईढ़ से गोटा संसार के नष्ट कईर देवल जई।

![](https://cdn.door43.org/obs/jpg/360px/obs-en-03-02.jpg)

लेकिन परमेश्वर नूह से खुश रहे। उ एगो धर्मी ब्यक्ति रहे, जे दुष्ट आदमी मन कर बीच में रहत रहे। परमेश्वर नूह के बतालक कि उ एगो भयंकर बाईढ़ के लानेक वाला रहे। इ कारण उ नूह के एगो बड़का नौका बनाएक ले कहलक।

![](https://cdn.door43.org/obs/jpg/360px/obs-en-03-03.jpg)

परमेश्वर नूह के एगो नौका बनाएक ले कहलक, जे लगभग 140 मीटर लम्बा, 23 मीटर चौड़ा, आउर 13.5 मीटर कर ऊँचाई होवी। नूह के उके काठ केर बनाएक रहे। आउर उकर में तीन ताला, ढेर सारा कोठरी, एगो छत आउर एगो खिड़की बनाएक रहे। उ नौका नूह उकर परिवार आउर धरती केर सोउब किसिम कर जानवर के उ बाईढ़ से बचायक लागिन रहे।

![](https://cdn.door43.org/obs/jpg/360px/obs-en-03-04.jpg)

नूह परमेश्वर कर आज्ञा के मानलक। उ आउर उकर तीनो छउवामन वैसने नौका के बनालय जैसन परमेश्वर उमन के बताय रह्लक। काहेकि उ नौका बहुत बड़का रहे। इकरले उके बनायक में कई साल लाईग गेलक। नूह आदमीमन के आवेक वाला बाईढ कर बारे में चेतावनी देलक। आउर उमन के परमेश्वर बटे घुरेक ले कहलक, लेकिन उमन उकर उपरे बिश्वास नी करलय।

![](https://cdn.door43.org/obs/jpg/360px/obs-en-03-05.jpg)

परममेश्वर नूह आउर उकर परिवार के आपनमन ले आउर जानवर मनले पर्याप्त भोजन जमा करेक ले आज्ञा भी देलक। जब सब कुछ तयार होई गेलक, तो परमेश्वर नूह के कहलक कि अब उके, उकर बहोरिया के, उकर तीनों बेटा, आउर उमन कर बहोरिया मन के- सोउब मिलाय के आठ जन के नौका के भीतरे जायक कर समय रहे।

![](https://cdn.door43.org/obs/jpg/360px/obs-en-03-06.jpg)

परमेंश्वर हरेक किसिम कर जानवर आउर चरई के नर आउर मादा के नूह ठीन भेजलक ताकि उ मन नौका में जाय सकेना आउर बाईढ के समय सुरक्षित राखल जाई सके। परमेंश्वर ऐसने हर किसिम कर जानवर मन के सात नर आउर सात मादा मन के भेजलक जेके बली चढ़ायेक ले इस्तेमाल करल जाय सकेला। जब उमन सोउब नौका में चईढ़ गिलय तो खुद परमेश्वर नौका कर दरवाजा के बंद कईर देलक।

![](https://cdn.door43.org/obs/jpg/360px/obs-en-03-07.jpg)

तब बारिश होवेक शुरू होलक, आउर बरखा होते गेलक। बिना रुक्ले चालीस दिन आउर चालीस राईत तक बारिश होते रहलक। धरती के भीतरे से भी पानी कर फुईट फुईट कर निकलेक लागलक। सारा संसार कर हरेक चीज पानी में डूईब गेलक। हियाँ तक कि उंचा से उंचा पहार भी।

![](https://cdn.door43.org/obs/jpg/360px/obs-en-03-08.jpg)

सुखल जमीन में रहेक वाला हरेक चीज मईर गेलक, सिर्फ उ मनवामन आउर जानवर नौका में रहलैं, उमन बाईच गेलय। उ नौका पानी में पाउंरत रहे आउर नौका कर भीतरे कर हरेक चीज डूबेक से सुरक्षित राखलक।

![](https://cdn.door43.org/obs/jpg/360px/obs-en-03-09.jpg)

बारिश कर रुकल बाद, पांच महिना तक उ नौका पानी में पऊँरत रह्लक आउर उस समय कर दौरान पानी कम होवेक लाईग रहे। तेले एक दिना उ नौका एगो पहार कर चोटी में जाय के टिक गेलक, लेकिन संसार एखन तक पानी से भरल रहे। तीन महिना बाद पहार कर चोटीमन दिखाई देवेक लागलक।

![](https://cdn.door43.org/obs/jpg/360px/obs-en-03-10.jpg)

फिन आउर चालीस दिन केर बाद नूह एगो कौआ के ई देखेक ले बहरे भेजलक कि पानी सुईख रहे कि नहीं। उ कौवा सूखल जमीन कर खोज में इने उने उड़त रह्लक लेकिन उके एसन केऊ ठाँव नी मिललक।

![](https://cdn.door43.org/obs/jpg/360px/obs-en-03-11.jpg)

फिन बाद में नूह एगो कबूतरी के बाहरे भेजलक। लेकिन (परन्तु ) उके भी कोनो सुखल जमीन नी मिललक, इकेरले उ नूह ठिन वापस आय गेलक। एक हप्ता कर बाद उ उस कबूतरी के फिन से भेजलक, आउर उ आपन ठोर में जैतून के एगो नवा पतई लेइके वापस आलक। पानी घटत रहे, आउर पौधा मन फिन से उगेक लाईग रहे।

![](https://cdn.door43.org/obs/jpg/360px/obs-en-03-12.jpg)

नूह एक हप्ता आउर इंतजार करलक आउर तीसरा बारी उ कबूतरी के बहरे भेजलक उके ठहरेक कर जगह मिल गेलक आउर उ वापस नी आलक। पानी सुखत रहे।

![](https://cdn.door43.org/obs/jpg/360px/obs-en-03-13.jpg)

दुई महिना कर बाद परमेश्वर नूह के कहलक, “अब तोंय आउर तोर परिवार आउर सोउब जानवर नौका से निकइल के आवा। ढेर सारा छउवा आउर छउवा पुता मन के जनमावा आउर धरती में भईर जावा” अत: नूह आउर उकर परिवार नौका से बहरे निकईल के आलयं।

![](https://cdn.door43.org/obs/jpg/360px/obs-en-03-14.jpg)

नूह नौका से बहरे आवेक केर बाद, उ एगो वेदी बनालक। आउर बलि ले इस्तेमाल करेक जाएक वाला हर तरह के जानवर मन में से कुछ के लेइके बलि चढ़ालक। परमेश्वर उ बलिदान से खुश होलक आउर नूह आउर उकर परिवार के आशीष देलक।

![](https://cdn.door43.org/obs/jpg/360px/obs-en-03-15.jpg)

परमेश्वर कहलक, “मोय वादा करोना कि मनवा मन कर द्वारा करल जाल वाला बुरा काम कर कारण मोंय फिर कभी भूईयां के शाप नी देबू। मोय ना तो बाईढ़ कर द्वारा संसार के नष्ट नी करबू, हलांकि मनुष्य अपन जनम कर समय से ही पापी आहें।

![](https://cdn.door43.org/obs/jpg/360px/obs-en-03-16.jpg)

फिन परमेश्वर आपन वाचा कर चिन्ह के रूप में इन्द्रधनुष के बनालक। जब कभी इन्द्रधनुष आकाश में दिखाई देवेला, तो परमेश्वर याद करेला कि उ का वादा कईर हे आउर ओसाने उकर आदमी मन भी याद करबैं।

*उत्पत्ति अध्याय 6-8 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_03_128kbps.m4a

## 4. अब्राहम कर साथ परमेश्वर कर वाचा

https://openbiblestories.org/l/sck/story-4/

![](https://cdn.door43.org/obs/jpg/360px/obs-en-04-01.jpg)

बाईढ कर कई साल बाद, संसार में बहुत आदमी मन रहत रहलैं, आउर उमन अब भी परमेश्वर के आउर एक दूसरा कर विरुध्द पाप करलंय। काहेकि उमन सब एके भाषा बोलत रहलंय, इकेरले उमन एक संग जमा होलय आउर एगो नगर के बनाएक लागलंय। जैसन परमेश्वर आज्ञा देई रहे, उकर अनुसार उमने सारे संसार में नी फैललंय।

![](https://cdn.door43.org/obs/jpg/360px/obs-en-04-02.jpg)

उमन बहुते घमंडी रहलै आउर उमन के कैसन जिन्दगी जियक चाही इकर बारे उमन परमेश्वर कर आज्ञा के पालन नी करेक चाहत रहलैं। हियाँ तक कि उमने एगो एसन मीनार के बनाएक ले शुरू करलंय जे स्वर्ग तक पहुंचे वाला रहे। परमेश्वर देखलक कि अगर उमन एक संग मिल के बुरा काम करते रहबैं, तो उमन आउर भी पापी काम मनके कईर सकेंना।

![](https://cdn.door43.org/obs/jpg/360px/obs-en-04-03.jpg)

इकर चलते परमेश्वर उमन कर भाषा के ढेर सारा अलग-अलग भाषा में बदईल देलक आउर उमनके पूरा संसार में फैलाय देलक। जे शहर के उमन बनायक ले शुरू करलय उ बाबेल कहलालक, जेकर अर्थ “गड़बड़ी”।

![](https://cdn.door43.org/obs/jpg/360px/obs-en-04-04.jpg)

कई सौ साल बाद, परमेश्वर अब्राहम नाव कर एगो आदमी से बातियालक। परमेश्वर उके कहलक “ अपन देश आउर परिवार के छोइडके उ देश चईल जा जेके मोय तोके देखाबु। मोय तोके आशीष देबु आउर तोर से एगो बड़का जाईत बनाबू। मोय तोर नाम के महान करबू। जे तोके आशीष देवी मोय उके आशीष देबू आउर जे तोके श्राप देवी उके श्राप देबुं। संसार कर हरेक खानदान तोर से आशीष पाबंय।

![](https://cdn.door43.org/obs/jpg/360px/obs-en-04-05.jpg)

अत: अब्राहम परमेश्वर कर आज्ञा मनलक। उ आपन पत्नी सारै के लईके, आपंन सोउब नौकर मन आउर अपन सोउब धन दौलत के भी लेके आउर उ देश के अर्थात् कनान देश में चईल गेलय जेके परमेश्वर उके देखाय रहे।

![](https://cdn.door43.org/obs/jpg/360px/obs-en-04-06.jpg)

जब अब्राम कानन पहुंचलक तो परमेश्वर उके कहलक, “आपन चाईरो बटे देख। मोंय़ तोके इ पूरा देश देबु आउर तोर खनदान सदा लागिन इकर उपरे अधिकार रखबैं”। तब अब्राम उ देश में बईस गेलक।

![](https://cdn.door43.org/obs/jpg/360px/obs-en-04-07.jpg)

मिलिकिसेदेक नाव कर एगो आदमी रहे, जे सबसे महान परमेश्वर कर याजक रहलक। एक दिन जब अब्राम लड़ाई कईर के घुरत रहे तो उ आउर अब्राम मिललॅय। मिलिकिसेदेक अब्राम के आशीष देलक आउर कहलक, सबकर से महान परमेश्वर जे स्वर्ग आउर पृथिवी कर मालिक हेके उ तोके आशीष देवी”। फिर अब्राम युद्ध में जीतल सोऊब चीज कर दशवांश मिलिकिसेदेक के देलक।

![](https://cdn.door43.org/obs/jpg/360px/obs-en-04-08.jpg)

कई वरस बीत गेलक, लेकिन एखन तक अब्राम आउर सारै केर छउआ (बेटा) नी होलक। परमेश्वर अब्राहम से बात करलक आउर फिर से वायदा करलक। उ ई प्रतिज्ञा करलक कि उकर एगो बेटा पैदा होवी आउर जैसन असमान में तैरगण है वैसने उकर बहुत वंशज होबैं। अब्राम परमेश्वर केर वादा में बिश्वास करलक। परमेश्वर घोषणा करलक कि अब्राहम एगो धर्मी ब्यक्ति रहे काहेकि उ परमेश्वर कर वादा उपरे बिश्वास करलक।

![](https://cdn.door43.org/obs/jpg/360px/obs-en-04-09.jpg)

तब परमेश्वर अब्राम से एगो वाचा बांधलक। सधारण रूप से, एगो वाचा दुई पाटी कर बिच में एक दूसर ले काम करेक ले समझौता होवेला। परमेश्वर अब्राम से ई वायदा कइर रहे, जेखन अब्राम सुतत रहे लेकिन उ फिर भी परमेश्वर कर आवाज को सुइन सकत रहे। परमेश्वर कहलक “मोय तोरे देह से उत्पन कईर के तोके तोर ले एगो आपन बेटा देबू। मोय तोर वंश के इ कानन देश देवाथों” लेकिन एखन तक भी अब्राम कर कोई बेटा नी रहलै।

*उत्पत्ति अध्याय 11-15 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_04_128kbps.m4a

## 5. वायदा कर बेटा

https://openbiblestories.org/l/sck/story-5/

![](https://cdn.door43.org/obs/jpg/360px/obs-en-05-01.jpg)

अब्राहम आउर सारै केर कनान पहुंचल केर दस साल केर बाद एखन तक भी उमन केर कोनो संतान नी रहे। इकरले अब्राहम कर पत्नी सारै उकर से कहलक “देख परमेश्वर एखन तक मौके संतान नी देई हे” आउर अब मोंय संतान जन्माएक ले बहुत बुढ़िया होई जाहों। अब सुन, मोर नोकारानी हजीरा हियाँ हेइके। उके भी सादी कईर ले कि उ मोर ले एगो बेटा पैदा कइर सकेल”

![](https://cdn.door43.org/obs/jpg/360px/obs-en-05-02.jpg)

अत: अब्राहम हजीरा से सादी करलक। हाजिरा एगो बेटा के जन्मालक आ उर अब्राहम उकर नाम इशमाइल रखलक। लेकिन सारै हाजिरा से ईर्ष्या करेक लागलक। जब इशमाइल तेरह साल कर रहे, परमेश्वर फिर से अब्राम से गोइट करलक।

![](https://cdn.door43.org/obs/jpg/360px/obs-en-05-03.jpg)

परमेश्वर कहलक “मोय सर्व -शक्तिमान परमेश्वर हेकों। मोर तोर संगे एगो वाचा बान्धबू “ तब अब्राम जमीन में गिरके दंडवत करलक। परमेश्वर ने अब्राम से इ भी कहलक “तोंय बहुत से जाति कर बाप होबे। मोय तोके आउर तोर वंसज के उमन कर आपन जमीन होवेक ले कानन देश देबू। आउर मोय हमेशा ले उमन कर परमेश्वर होबू। तोंय आपन घर कर हर पुरुष कर खतना करेक है”।

![](https://cdn.door43.org/obs/jpg/360px/obs-en-05-04.jpg)

तोर पत्नी सारै एगो बेटा जनमई उ बेटा कर प्रतिज्ञा होवी। उकर नाव इसाहक राखबे। मोय उकर संग आपन वाचा के बनाय रखबू आउर एगो बड़का जाति बइन जई। मोय इशमाइल के हूँ एगो बड़का जाति बनाबू, लेकिन मोर वाचा इसहाक़ कर संग रही”। तब परमेश्वर अब्राम कर नाव बदईलके अब्राहम कइर देलक जेकर अर्थ है “बहुत कर बाप” परमेश्वर सारै कर नाव हूँ बदईल के सारा कईर देलक जेकर अर्थ हेके “मुलमाता”।

![](https://cdn.door43.org/obs/jpg/360px/obs-en-05-05.jpg)

उ दिन अब्राहम आपन घराने कर सब पुरुष के खतना करलक। लगभग एक साल कर बाद, अब्राहम 100 बरस कर रहे आउर सारा 90 बरस के रहे। तब सारा अब्राहम के पुत्र जनम देलक। जेसन परमेश्वर उमन के कइह रहे उमन उकर नाव इसाहक़ राखलै रहे ।

![](https://cdn.door43.org/obs/jpg/360px/obs-en-05-06.jpg)

जब इसहाक जवान होलक तो परमेश्वर ने अब्राहम के विश्वास कर परीक्षा करलक। परमेश्वर कहलक, "अपन एकलौता बेटा के ले, आउर उके मोर लागींन बलि के रूप में माईर डाल।" फिन से अब्राहम ने परमेश्वर कर आज्ञा मानलक आउर अपन बेटा के बलि करेक ले तैयार करलक।

![](https://cdn.door43.org/obs/jpg/360px/obs-en-05-07.jpg)

जेखन अब्राहम आउर इसहाक बलि चढ़ाएक जगह बटे जाएक लागलंय तो इसहाक पूछलक, “हे बाबा हमरे ठिना बली ले लकड़ीमन तो आहे लेकिन बली करेक ले मेमना कहाँ हेईक?” अब्राहम जवाब देलक, “हे मोर बेटा, परमेश्वर बली करेक ले मेमना कर उपाय करी।”

![](https://cdn.door43.org/obs/jpg/360px/obs-en-05-08.jpg)

जब उमन बली चढ़ायेक कर जगह पहुच गेलाय, तो अब्राहम इसाहक के बाईध के सुताय देलक। उ अपन बेटा के मरके वाला रहे कि परमेश्वर कहलक “रुईक जा! छोंड़ा के नुकसान न पहुचाव! अब मोय जाईन गेलों कि तोंय मोर भय मानीस ला। काहेकि तोंय अपन एकलौता बेटा के भी मोर से बचाय के नी राखले।”

![](https://cdn.door43.org/obs/jpg/360px/obs-en-05-09.jpg)

बगल में अब्राहम देखलक एगो भेड़ा झाड़ी में फसल रहे। इसाहक कर बदला में बली लागिन परमेश्वर मेढ़ा कर प्रबंध कईर रहे। अब्राहम ख़ुशी ख़ुशी भेड़ के बली चढ़ाय देलक।

![](https://cdn.door43.org/obs/jpg/360px/obs-en-05-10.jpg)

तब परमेश्वर अब्राहम के कहलक, “काहेकि तोय मोर लागिन सब कुछ देवेक ले इछुक रहले, हियाँ तक कि अपन एकलौता बेटा के भी। इकर ले मोय तोके आशीष देवेक कर प्रतिज्ञा करथों। तोर वंशज आकाश कर तारामन से भी अधिक होबंय।काहेकि तोंय मोर आज्ञा के माईन हिस इकेरले मोय तोर परिवार कर द्वारा संसार कर सोउब कुल के आशीष देबू।”

*उत्पत्ति अध्याय 16-22 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_05_128kbps.m4a

## 6. परमेश्वर इसाहक ले प्रबंध करेला

https://openbiblestories.org/l/sck/story-6/

![](https://cdn.door43.org/obs/jpg/360px/obs-en-06-01.jpg)

जब अब्राहम बहुत बुढा होई जाय रहे। तब उकर पुत्र इसाहक, एगो पुरुष कर आयु कर होई जाय रहे। इकेरले अब्राहम आपन एगो नौकर के उ देश में भेजलक जहाँ उकर रिश्तेदार मन रहत रहलयं। ताकि उ आपन बेटा इसाहक ले एगो कनिया लाय सके।

![](https://cdn.door43.org/obs/jpg/360px/obs-en-06-02.jpg)

एक लम्बी यात्रा कर बाद, अब्राहम कर सेवक उ देश में गेलक जहाँ अब्राहम कर रिश्तेदार मन रहत रहलय। परमेश्वर उकर अगुवाई करलक, कि उ रिबका से मिललक। उ अब्राहम कर भाई कर पोती रहे।

![](https://cdn.door43.org/obs/jpg/360px/obs-en-06-03.jpg)

रिबका आपन परिवार के छोइड के उ धांगर नौकर कर संग जाएक ले माईन गेलक। जैसने ही रिबका पहुचलक इसाहक उकर से शादी कईर लेलक।

![](https://cdn.door43.org/obs/jpg/360px/obs-en-06-04.jpg)

एक लम्बा समय कर बाद अब्राहम मईर गेलक। तब परमेश्वर अब्राहम कर पुत्र इसहाक ले आशीष देलक काहेकि परमेश्वर अब्राहम कर संग वाचा बांईध रहे। उ वाचा में परमेश्वर कर एगो प्रतिज्ञा ई रहे कि अब्राहम कर अनगिनत वंसज होबैं। लेकिन इसहाक कर पत्नी रिबका केर संतान (छउआ) नी होलक।

![](https://cdn.door43.org/obs/jpg/360px/obs-en-06-05.jpg)

इसहाक रिबका ले प्रार्थना करलक, आउर परमेश्वर उके जुड़वां छउवा के गर्भ धारण करेक में सक्षम करलक। जे समय उ छउवा मन रिबका कर गर्भ में ही रहै उमन आपस में लड़ेक लाइग रहलै, इकरले रिबका परमेश्वर से पूछलक कि ई का होवथे।

![](https://cdn.door43.org/obs/jpg/360px/obs-en-06-06.jpg)

परमेश्वर रिबका के कहलक “तोय दुइगो छउवा के जनम देबे। उकर वंसज दुई अलग – अलग जाइत बनबय।लेकिन बड़का बेटा से पैदा होवेक वाला जाति छोटे बेटा से आवेक वाला जाइत कर आज्ञा मानेक होवी।

![](https://cdn.door43.org/obs/jpg/360px/obs-en-06-07.jpg)

जब रिबका कर छउवा जनमलैं, तो बड़का बेटा लाल आउर रोवांदार रहे, आउर उमन उकर नाव एसाव राखलैं। तब छोटका बेटा एसाव कर एड़ी के धईर के जनमलक, आउर उमन उ कर नाव याकूब राखलय।

*उत्पत्ति अध्याय 24:1-25:26 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_06_128kbps.m4a

## 7. परमेश्वर याकूब के आशीष देवेला

https://openbiblestories.org/l/sck/story-7/

![](https://cdn.door43.org/obs/jpg/360px/obs-en-07-01.jpg)

जब उ बच्चा मन बड़का होलायं तो याकूब के घरे रहेक आछा लागत रहे लेकिन एसाव के जानवर केर शिकार करेक अच्छा लगात रहे। रिबका याकूब से प्रेम करत रहलक, लेकिन इसाहक एसाव से प्रेम रहलक।

![](https://cdn.door43.org/obs/jpg/360px/obs-en-07-02.jpg)

एक दिन जब एसाव शिकार खेइलके वापस आलक तो उके बहुत भुख लाईग रहे। एसाव याकूब के कहलक “जे तोय पका य उकर में से तानी कन खाना मोके दे याकूब जवाब देलक “पहले मोर से प्रतिज्ञा कर की पहिलौठा होवेक कर कारण से तोके हेर चीज जे तोके मिलेक चाही उ सब के तोय मोके देबे “अतः एसाव उ सब चीज के याकूब के देवेक ले वादा कइर देलक। तब याकूब उके खाना देलक।

![](https://cdn.door43.org/obs/jpg/360px/obs-en-07-03.jpg)

इसाहक एसाव के आशीष देवेक चाहत रहे। परन्तु इकर से पहले कि उ एसन करतक, रिबका आउर याकूब मने इसहाक कर साथ धोखा करलय। उ मन याकूब के एसाव होवेक कर ढोंग करलय। इसाहक बुढा होई जाय रहे। आउर ठीक से देखेक नी सकत रहे। इ केरले याकूब एसाव कर कपड़ा पहिन के आउर बकरी कर चमड़ा आपन घेंचा आउर हाथ में लपइट लेलक।

![](https://cdn.door43.org/obs/jpg/360px/obs-en-07-04.jpg)

याकूब इसाहक ठीन आलक आउर कहलक, “मोय एसाव हेकों। मोय इ केरले आहों कि तोय मोके आशीष देबे।” जब इसाहक बकरी कर केंस के छुलक आउर पता करलक आउर कपड़ा के सूंघलक, तो उ सोचलक कि उ एसाव हेके आउर उके आशीष देलक।

![](https://cdn.door43.org/obs/jpg/360px/obs-en-07-05.jpg)

एसाव याकूब से इर्ष्या करेक लागलक काहेकि याकूब उकर पहिलौठा कर हक़ के आउर साथ में उकर आशीष के लेई लेले रहे। अतः उ उकर बाप के मरल के बाद याकूब के मार डालेक कर योजना बनालक।

![](https://cdn.door43.org/obs/jpg/360px/obs-en-07-06.jpg)

परन्तु रिबका एसाव कर योजना के सुइन लेलक। इ करले उ आउर इसाहक़ याकूब के आपन जाइत गोतिया कर संग रहेक ले ढेर दूर भेइज देलक।

![](https://cdn.door43.org/obs/jpg/360px/obs-en-07-07.jpg)

याकूब बहुत साल तक रिबका कर जाइत गोतिया कर संग रह्लक। उ समय उ कर शादी होलक आ उर बारह गो बेटा आ उर एगो बेटी जन्मालक परमेश्वर उके बहुत धनि बनाय देलक।

![](https://cdn.door43.org/obs/jpg/360px/obs-en-07-08.jpg)

बीस बरस तक कनान देश में आपन घर से दूर रहल केर बाद, याकूब आपन परिवार, आपन धान्गर आउर आपन जानवर कर पूरा झुण्ड कर साथ हुवां वापस घुरलयं।

![](https://cdn.door43.org/obs/jpg/360px/obs-en-07-09.jpg)

याकूब इकेरले बहुत डराय रहे काहे कि उ सोचत रहे कि एसाव आइजो तक उके मारेक चाहेला। इकेरले उ उपहार कर रूप में जानवर कर झुण्ड के एसाव ठीन भेजलक। जे धान्गर उ झुण्ड के लेइके गेलक उ कहलक “तोर दास याकूब इ जानवर के तोके देवथे। उ झटे आवथे।

![](https://cdn.door43.org/obs/jpg/360px/obs-en-07-10.jpg)

लेकिन येसाव अब याकूब कर नोकसान करेक नी चाहत रहे। इकर बजाय उ एक धांव फिर से देइख के खुश रहे। उकर बाद याकूब कनान देश में शांति पूर्वक रह्लक। फिर इसाहक़ म ईर गेलक आउर याकूब आ उर एसाव उके डफनालय। वाचा कर प्रतिज्ञा जे परमेश्वर अब्राहम से कईर रहे उ अब इसाहक़ से याकूब तक पहुंचलक।

*उत्पत्ति अध्याय 25:27-35:29 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_07_128kbps.m4a

## 8. परमेश्वर युशुफ आउर उकर परिवार के बचाएला

https://openbiblestories.org/l/sck/story-8/

![](https://cdn.door43.org/obs/jpg/360px/obs-en-08-01.jpg)

याकूब के कनान में रहते ढेर साल होई गेले रहे। जब उ बूढ़ा होई गेलक तो उ आपन दुलारा बेटा युसुफ के उकर भाई मन के हाल खबर लेवेक ले भेजलक। उकर भाई जानवर केर झुण्डमन कर देखभाल करत रहैं।

![](https://cdn.door43.org/obs/jpg/360px/obs-en-08-02.jpg)

युसुफ कर भाई मन उकर से नफरत करत रहलैं काहेकि उकर बाप उकर से बगरा दुलार करत रहे आ उर इ करले भी कि युसुफ सपना दे इ ख रहे कि उ उमन कर शासक होवी। जब युसुफ आपन भाई मन ठिन आ लक तो उमन उके बंधक बनाय लेलंय आ उर उके धान्गर कर किनेक बेचेक वाला आ दमीमन ठिन बेईच देलंय।

![](https://cdn.door43.org/obs/jpg/360px/obs-en-08-03.jpg)

घर घुरेक से पहले युसुफ कर भाई मन युसुफ कर कपडा के फाइर के आउर बकरी कर लहू में भिंगोई देलै। फिर उ मन उ कपडा आ पं बाप के देखालय ताकि उ इ सोची कि कोई जंगली जानवर ने युसुफ के माइर डाललक। याकूब बहुत उदास रहे।

![](https://cdn.door43.org/obs/jpg/360px/obs-en-08-04.jpg)

धान्गर कर किन्नेक बेचेक वाला मन युसुफ के मिश्र देश में ले गिलय। एगो धनी सरकारी अधिकारी ले धाँगर कर रूप बेइच देलैं। युसुफ आपने कर मालिक कर सेवा बढ़िया से करत रह्लक आउर परमेश्वर युसुफ के आशीष देलक।

![](https://cdn.door43.org/obs/jpg/360px/obs-en-08-05.jpg)

उकर मालिक कर पत्नी युसुफ कर संग सुतक कर कोशिश करत रहे, लेकिन युसुफ इस तरीका से परमेश्वर कर बिरुद्ध पाप करेक से इंकार क इर देलक। उ क्रोधित (गोसा) होई गेलक आउर युसुफ उपरे झूठा आरोप लगाय देलक इकरले उके गिरिफतार क इर के जेल खाना में भेइज देलय। हियाँ तक कि जेलखाना में भी, युसुफ परमेश्वर कर प्रति साच्चा बिश्वासयोग्य रह्लक, आउर परमेश्वर उके आशीष देलक।

![](https://cdn.door43.org/obs/jpg/360px/obs-en-08-06.jpg)

दो बरस कर बाद, निर्दोष होवेक कर बाद भी युसुफ अभी भी जेल खाना में रह्लक। भले ही उ निर्दोष रहे। एक राइत, फिरौन जैसन कि मिश्री आदमी आपन राजा कर नाम लेवत रहलय उ दुइठो सपना देइख रहे। जेकर से उ बहुत परेसान रहे। उ कर कोई भी सलाह कार उके उकर सपना कर अर्थ नी बताय सकलय।

![](https://cdn.door43.org/obs/jpg/360px/obs-en-08-07.jpg)

परमेश्वर युसुफ के सपना कर अर्थ बताय कर क्षमता देलक, इकेरले फिरौन युसुफ के जेल खाना से आपन ठीन बोलालक युसुफ उके उ सपना कर अर्थ बतालक आउर कहलक, “परमेश्वर भरपूरी फसल वाला सात साल कर नबाद अकाल कर सात साल भेजेक वाला हेइक”।

![](https://cdn.door43.org/obs/jpg/360px/obs-en-08-08.jpg)

फिरौन युसुफ से इतना प्रभावित होलक कि उ उके पुरे मिश्र देश कर दूसरा सबकर से सक्तिशाली पुरुष नियुक्त कर देलक।

![](https://cdn.door43.org/obs/jpg/360px/obs-en-08-09.jpg)

युसुफ आदमीमन से अच्छा फसल वाला सात वरस कर समय बड़ी मात्रा में आनाज के जामा करेक ले कहलक। जब सात साल कर आकाल आ लक तब युसुफ आडमी मन के आनाज बेचलक ताकि उकर ठिन खाएक ले पर्याप्त हो।

![](https://cdn.door43.org/obs/jpg/360px/obs-en-08-10.jpg)

उ अकाल खाली मिश्र में ही नहीं, लेकिन कनान में भी भयंकर रहे जहाँ याकूब आउर उकर परिवार रहत रहलय।

![](https://cdn.door43.org/obs/jpg/360px/obs-en-08-11.jpg)

इ केरले याकूब आपन सबकर से बड़का बेटा मन के धान किनेक ले युसुफ कर आगे उठालय तो उ भाई मन युसुफ के नी चिन्हलय। लेकिन युसुफ उमन के चिन्हलक।

![](https://cdn.door43.org/obs/jpg/360px/obs-en-08-12.jpg)

इ पता करेकले कि का उमन बदइल गेलय उमन कर जाचेंक कर पाछे युसुफ उमन के कहलक, “मोय तोहर भाई हेकों! मइत डरावा। जखन तोहिं मोके धान्गर कर रूप में बेचला तो तोहिन बुरा करेक ले ठाइन रहला लेकिन परमेश्वर उ बुराई के भलाई ले उपयोग करलक। आवा आउर मिश्र देश में रहा ताकि मोय तोहर ले आउर तोहर परिवार ले खाएक कर उपाय कईर सकोन”।

![](https://cdn.door43.org/obs/jpg/360px/obs-en-08-13.jpg)

जब युसुफ कर भाई मन घर घुरलय आउर आपन बाप याकूब के बतालय कि युसुफ आइज तक जिन्दा आहे तो उ बहुत खुश होई रहे।

![](https://cdn.door43.org/obs/jpg/360px/obs-en-08-14.jpg)

हलाँकि याकूब एगो बुढा आदमी रहे तोभी उ आपन पूरा परिवार कर संग मिश्र गेलक आउर उमन हुवां बईस गेलय। याकूब कर मरेक से पहले उ आ पन सौब बेटा के आशीर्वाद देलक।

![](https://cdn.door43.org/obs/jpg/360px/obs-en-08-15.jpg)

वाचा कर उ प्रतिज्ञा जे परमेश्वर अब्राहम से कईर रहे उ इसहाक उपरे आउर उकर पाछे उकर बारहों बेटा मन आउर उकर परिवार में आय जाय रहे। उ बारह बेटा मन कर वंश इस्राएल कर बारह गोत्र बईन गेलंय।

*उत्पत्ति अध्याय 37-50 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_08_128kbps.m4a

## 9. परमेश्वर मूसा के बुलायला

https://openbiblestories.org/l/sck/story-9/

![](https://cdn.door43.org/obs/jpg/360px/obs-en-09-01.jpg)

युसुफ कर मरल कर पाछे उकर सब जाइत गोतिया मिश्र देश में रहेक लागलय। उमन आउर उकर वंश कई बरस (साल) तक मिश्र में रहलय आउर उमन बहुत संतान पैदा करलय। उमन इसरायली कहलालय।

![](https://cdn.door43.org/obs/jpg/360px/obs-en-09-02.jpg)

कई साल कर पाछे इसरायली कर संख्या बहुत बईढ जाय रहे। आउर मिश्र वासी मन अब इ बात से आभारी नी रहलय कि उमन कर सहायता करेक ले युसुफ बहुत कुछ कईर रहे। उमन इसरायली मन से डराय गेलय काहे कि उमन गिनती में उमन से बहुत बगरा रहलय। इकरले उ समय मिश्र में शासन करेक वाला फिरौन इस्राएली के मिश्र कर गुलाम बनाय देलय।

![](https://cdn.door43.org/obs/jpg/360px/obs-en-09-03.jpg)

मिश्रवासी इस्राइलीमन के ढेर घर आउर हियाँ तक कि कईगो शहर बनायके ले मजबूर करलय उ कठिन परिश्रम उमन कर जीवन के बड़ा दुःख दायी बनाय देलक लेकिन परमेश्वर उमन के आशीष देलक आउर उमन के आउर संतान जनम लेलयं।

![](https://cdn.door43.org/obs/jpg/360px/obs-en-09-04.jpg)

फिरौन देखलक कि इसरायली मनले बहुत छउवा पैदा होवत रहै इकेरले उ आपन आदमी के इसरायली कर सब लड़का (बाबु) छउवा के नील नदी में फेंकेक कर आउर माइर डालेक कर आज्ञा देई देलक।

![](https://cdn.door43.org/obs/jpg/360px/obs-en-09-05.jpg)

एगो इसरायली स्त्री एगो छोड़ा छउवा के जनम देलक। उ आउर उकर आदमी जेतना उमनसे होई सकत रहे लुका्य के राखलय।

![](https://cdn.door43.org/obs/jpg/360px/obs-en-09-06.jpg)

जब उ छउवा केर माय बाप उके आउर अधिक लुकाय नी पारलक, तो उमन उके मारेक जायेक से बचाएक ले एगो पाऊंरेक वाला टोकरी में नील नदी कर किनारे सरकंडा कर बिच में राइख देलय। उकर बड बहिन इ देखेक ले उकर निगरानी करलक कि उकर संग का होवी।

![](https://cdn.door43.org/obs/jpg/360px/obs-en-09-07.jpg)

फिरौन कर बेटी उ टोकरी के देइ ख के उके झांकलक। जब उ एगो बच्चा कर रूप में लेई लेलक। उ एगो इस्राइली स्त्री के दूध पियायक ले काम में राखलक, बिना ये जाइन के कि उ उस बच्चा कर वास्तविक माय रहे। जब उ छउवा इतना बड़का होई गेलक। कि अब उके आपन माय कर दूध कर जरुरत नखे, तो उ फिरौन कर बेटी ठीन उके घुराय देलक उकर नाव मूसा रहे।

![](https://cdn.door43.org/obs/jpg/360px/obs-en-09-08.jpg)

एक दिन, जब मूसा बड़का होई जाय रहे तो उ देखलक कि एगो मिश्री एगो इस्राइली के पिटाई करत रहे। मूसा आपन साथी इस्राइली के बचायक कर प्रयास करलक।

![](https://cdn.door43.org/obs/jpg/360px/obs-en-09-09.jpg)

जब मूसा सोचलक कि इके कोई नी दखबय तो उ मिश्री के माइर डाललक आउर उकर शव के डाफनाय देलक। लेकिन मूसा जे कईर रहे सेके कोई देईख लेई रहंय।

![](https://cdn.door43.org/obs/jpg/360px/obs-en-09-10.jpg)

फिरौन के मालूम होई गेलक कि मूसा का कइर हे। उ उके माइर डालेक कर कोशिश करलक लेकिन मूसा मिश्र से जंगल में भाइग गेलक। फिरौन कर सेना मन उके हुवां खोजे नी पारलेन।

![](https://cdn.door43.org/obs/jpg/360px/obs-en-09-11.jpg)

मिश्र से दूर जंगल में मूसा एगो चरवाहा बईन जाई रहे। उ हुवां एगो स्त्री से शादी कईर लेलक आउर दूइठो बेटा जन्मलै।

![](https://cdn.door43.org/obs/jpg/360px/obs-en-09-12.jpg)

मूसा आपन ससुर कर भेड़ कर झुण्ड केर देखभाल करत रहे। एक दिन उ एगो जलत झाड़ी के देखलक जे बिना राख होले जलत रहे। उके देखेक ले उ झाड़ी ठीन नजदीक गेलक। जब उ उकर बहुते नजदीक रहे तो परमेश्वर उकर से बात करलक उ कहलक “हे मूसा, अपन जूता के उतराय दे। तोय एगो पवित्र स्थान में खड़ा ठढ़ाए हीस।

![](https://cdn.door43.org/obs/jpg/360px/obs-en-09-13.jpg)

परमेश्वर कहलक “मोय आपन आदमी कर दुःख के देइखों हों। मोय टोके फिरौन ठीन भेजबू ताकि तोय इस्राएली के मिश्र कर गुलामी से निकलाय के लानबे। मोय उमन के कनान देश देबुं उ देश जे के मोय अब्राहम इसहाक आउर याकूब के प्रतिज्ञा कईर हों।

![](https://cdn.door43.org/obs/jpg/360px/obs-en-09-14.jpg)

मूसा पुछलक “अगर आदमीमन जानेक चाहबय कि मोके के हर भेईज हें तो मोय का कहबू ?” परमेश्वर कहलक “जे मोय आहों से मोय आहों। उमन के कह “मोहे हों मोके तोहीन ठीन भेईझे” उमन से इ भी कह “मोय तोर पूर्वज अब्राहम, इसाहक आउर याकूब कर परमेश्वर यहोवा हेकों मोर इ नाम हमेशा कर हेइके”।

![](https://cdn.door43.org/obs/jpg/360px/obs-en-09-15.jpg)

मूसा डरत रहे आउर फिरौन ठीन जायेक नी चाहत रहे काहेकि उ सोचलक कि उ अच्छा बोले नी पारेला, इकेरले परमेश्वर मूसा कर भाई हारूण, के उकर सहायता करेक ले भेजलक।

*निर्गमन अध्याय 1-4 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_09_128kbps.m4a

## 10. दस गो बिपत

https://openbiblestories.org/l/sck/story-10/

![](https://cdn.door43.org/obs/jpg/360px/obs-en-10-01.jpg)

परमेश्वर मूसा आ उर हारून के चेतावनी देलक कि फिरोंन टीक होई ज ई।जब उमन फिरोंन कर ठिन गेलैं तो उमन कहलैं “इस्राएल कर परमेश्वर इसन कहेला “मोर आदमीमन के जायदे “। लेकिन फिरौन उमन कर नी सुनलक आउर इस्राएली के जायेक ले स्वतंत्र करेक के बजाय उ उमन के आउर कठिन मेहनत करेक ले मजबूर करलक।

![](https://cdn.door43.org/obs/jpg/360px/obs-en-10-02.jpg)

फिरौन उमन के जायक देवेक से लगातार ईनकार करते रह्लक इकेरले परमेश्वर मिश्र में दसगो भयंकर बिपति भेजलक इ बिपति कर द्वारा परमेश्वर फिरौन के दिखा लक कि उ फिरौनं आउर मिश्र कर देवतामन से बगरा शक्तीशाली हेइके।

![](https://cdn.door43.org/obs/jpg/360px/obs-en-10-03.jpg)

परमेश्वर नील नदी के लहू में बदईल देलक, परन्तु फिरौन इतना में भी इस्राएली मन के जायेक नी देलक।

![](https://cdn.door43.org/obs/jpg/360px/obs-en-10-04.jpg)

परमेश्वर पूरा मिश्र देश में बेंग के भेजलक। बेंग के मिश्र से दूर क्रेक ले मूसा से अनुरोध करलक परन्तु सब बेंग के मईर जाल कर पाछे, फिरौंन आपन मन के कठोर कइर लेलक आउर इस्राएली मन के मिश्र से निकले आउर जायक नी देलक।

![](https://cdn.door43.org/obs/jpg/360px/obs-en-10-05.jpg)

इकरले परमेश्वर क्रुट कि कर बिपति भेजलक। उकर पाछे डांस कर झुण्ड के बिपति भेजलक। फिरौंन मूसा आउर हारून के बुलालक आ उर उमन के कहलक कि अगर उमन उ बिपति के रोइक देबै तो इस्राइली मिश्र के छोइड के जाय सकेंना। जब मूसा प्रार्थना करलक तो परमेश्वर मिश्र से डांस के हटा य देलक। परन्तु फिरौन आपन मन के कठोर क ईर लेलक आउर उमन के स्वतंत्र होईके जायेक नी देलक।

![](https://cdn.door43.org/obs/jpg/360px/obs-en-10-06.jpg)

इकर आगे, परमेश्वर मिश्रीमन कर सब पालतू जानवर के बीमार होइके मइर जाएक देलक। परन्तु फिरौंन कर मन कठोर होई जाय रहे आउर उ इश्राइलीमन के जाए नी देलक।

![](https://cdn.door43.org/obs/jpg/360px/obs-en-10-07.jpg)

तब परमेश्वर मूसा के फिरौन कर आगे हवा में राख फेकक कहलक। जब उ ऐसन करलक तो मिश्र कर आदमीमन कर चमदा में दर्दनाक फोड़ा निकइल गेलक परन्तु इस्राएली मन कोनो नी होलक। परमेश्वर फिरौन कर मन के कठोर क इर देलक आउर फिरौन इस्राएली मन के स्वतंत्र होई के जाएक नी देलक।

![](https://cdn.door43.org/obs/jpg/360px/obs-en-10-08.jpg)

इकर बाद परमेश्वर कारा पत्थर गिरालक आउर मिश्र कर अधिकांश खेती के नाश क इर देलक आउर जे कोई बहरे निकललय उके मा इर डाललक। फिरौन मूसा आउर हारून के बुलालकआ उर उमन के कहलक मोय पाप कइरहों तोहिनमन जाय सकला” अतः मूसा प्रार्थना करलक, आउर आकाश से कारा पत्थर गिरक बंद होई गेलक।

![](https://cdn.door43.org/obs/jpg/360px/obs-en-10-09.jpg)

परन्तु फिरौन फिर से पाप करलक आउर आपन मन के कठोर कईर देलक उ इस्राएली मन के स्वतंत्र होइक जाएक नी देलक।

![](https://cdn.door43.org/obs/jpg/360px/obs-en-10-10.jpg)

अतः परमेश्वर मिस्र मे टिडियां कर झुण्ड के आवे देलक। इ टिडियाँ उ सब फसल के खालक जे के कारा पत्थर नाश नी कइर रहे।

![](https://cdn.door43.org/obs/jpg/360px/obs-en-10-11.jpg)

फिर परमेश्वर अंधकार कईर देलक जे तीन दिन तक बनल रहे उ इतना गहरा रहे कि मिश्रीवासी आपन घर से नी निकल पारलेन। लेकिन इस्राएली मन रह्लेन हुवां उजाला रह्लक।

![](https://cdn.door43.org/obs/jpg/360px/obs-en-10-12.jpg)

इ नौ गों बिपति कर बाद भी फिरौन इस्राएली मन के स्वतंत्र होई के जाएक देवेक से इंकार कइर देलक। चूँकि फिरौन नी सुइन रहे इकरले परमेश्वर एगो अंतिम बिपति के भेजेक का योजना बनालक। इ फिरौन केर मन के बदइल देवी।

*निर्गमन अध्याय 5-10 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_10_128kbps.m4a

## 11. फसह

https://openbiblestories.org/l/sck/story-11/

![](https://cdn.door43.org/obs/jpg/360px/obs-en-11-01.jpg)

परमेश्वर मूसा आउर हारून के फिरौन के ई कहेक ले भेजलक कि इसराइली मन के जाएक दे। उमन उके चेतावनी देलैन की अगर उ उमनके नी जाए देवी,तो परमेश्वर मिस्र कर मनवा अाउर जानवर मन कर सउब जेठ बेटा के मोराई। फिरौन ई बात सुईन के परमेश्वर उपरे विश्वास करेक आउर उमन केर बात मानेक से इनकार कर देलक।

![](https://cdn.door43.org/obs/jpg/360px/obs-en-11-02.jpg)

परमेश्वर उपरे विश्वास करेक वाला आदमी मन लगिन जेठ बेटा के बचाएक ले एगो उपाय करलक। हरेक परिवार के एगो निर्दोष मेमना के लेईके बालि करके रहे।

![](https://cdn.door43.org/obs/jpg/360px/obs-en-11-03.jpg)

परमेश्वर इसराइली मन से उ मेमना कर लहू के लेइके आपन घर केर दुरा में लगाएक ले कहलक। उमनके उ मांस के भुंजेक कई रहे। और फिन उके अखमिरी रोटी केर संग फूर्ति से खाइक रहे। उमन उ भोजन के खाइक केर पाछे उमनके तुरंत मिस्र के छोड़ेक ले तैयार रहें कईह रहे।

![](https://cdn.door43.org/obs/jpg/360px/obs-en-11-04.jpg)

जैसन करेकले परमेश्वर इस्राइली मन के आदेश देई रहे। उमने उकरे अनुसार सब कुछ करलैन। आधा राती परमेश्वर हरेक पहिलौठा बेटा के मारते मारते मिस्र देश के बीचों बीच से पार होलक।

![](https://cdn.door43.org/obs/jpg/360px/obs-en-11-05.jpg)

इजराइली मन कर हर एक घर कर दुरा में लहू लागल रहे इकरले परमेश्वर उ सब घर के छोईड़ देलक। उकर भीतरे कर सब आदमी मन सुरक्षित रहलैं। उमन मेमना कर लहू कर चलते बांईच गेलैं।

![](https://cdn.door43.org/obs/jpg/360px/obs-en-11-06.jpg)

लेकिन मिस्त्री मन परमेश्वर में विश्वास नी करलैं। और उकर आज्ञा के नी मानलय। ईकरले परमेश्वर उमन कर घर के नी छोड़लक। परमेश्वर मिस्री मन कर घर केर जेठ बेटा मन के माईर देलक।

![](https://cdn.door43.org/obs/jpg/360px/obs-en-11-07.jpg)

जेल में कैद जेठ बेटा से लेईके, फिरौन कर जेठ बेटा मईर गेलैं। आपन गहरी पीड़ा कर कारण मिस्र का आदमी मान बहुत कंदत आउर बिलखत रहलैं।

![](https://cdn.door43.org/obs/jpg/360px/obs-en-11-08.jpg)

ओहे राईत फिरौन मूसा और हारून के बोलालक आउर कहलक "इस्राएली मन के लेइके तुरंत मिश्र से निकल जावा" मिश्र केर आदमी मन भी इसराइली मनके जल्दी निकलेक ले अनुरोध करलैं।

*निर्गमन अध्याय 11:1-12:32 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_11_128kbps.m4a

## 12. निकलेक

https://openbiblestories.org/l/sck/story-12/

![](https://cdn.door43.org/obs/jpg/360px/obs-en-12-01.jpg)

इसराइली मन मिश्र से निकईल के बहुत खुश रहलैं। अब उमन गुलाम नी रहलैं। आउर उमन वायदा कर देश जात रहलैं।जे कुछ इसराइली मन मिश्री मन से मंगलैन सब कुछ देलैन हींया तक कि सोना चांदी आउर बहुत से मूल्यवान वस्तु देलैन।दूसर देश कर आदमी मन परमेश्वर उपरे विश्वास करलैन आउर जब इसराइली मन मिश्र से निकलेन तो उमन कर संग होई गेलैं।

![](https://cdn.door43.org/obs/jpg/360px/obs-en-12-02.jpg)

दिन समय बादल कर एगो बड़का खंभा उमन कर आगे-आगे चलत रहे आउर राईत कर समय आईग कर खंभा बईन जात रहे। परमेश्वर उ बद्री कर खंभा में और आईग कर खंभा में रहत रहे,हमेशा उमन कर संग रहे अउर उमन कर यात्रा करेक समय में अगुवाई करलक। उमनके केवल एतना करेक रहे कि उमन उकर पाछे चलबैन।

![](https://cdn.door43.org/obs/jpg/360px/obs-en-12-03.jpg)

तनिक समय कर पिछे फिरौन आउर उकर आदमी मान आपन मनके बदईल देलैन उमन इजराइली मनके फिर से आपन गुलाम बनाएक चाहत रहै।उमने इजरायली मन के पीछा करलैन। उ परमेश्वरे रहे जे उमन कर मन के बदईल रहे। उ इसन इकरले करलक कि उ चाहत रहे हर एक जन जानबैन कि फिरौन से आउर मिश्री केर सउब देवता से उ यहोवा अधिक शक्तिशाली आहे।

![](https://cdn.door43.org/obs/jpg/360px/obs-en-12-04.jpg)

जब इस्राएली मने मिश्री सेना केर आवेक के देखलैन तो उमनके पता चईल गेलक कि उमन फिरौन कर फौजी और लाल समुंदर कर बीचे छेकाय गेलैन। उमन डराय गेलैन अउर कांदे लागलैन।"हामीन मिश्र के काले छोड़ली ? हामीन मरेक वाला आही।

![](https://cdn.door43.org/obs/jpg/360px/obs-en-12-05.jpg)

मूसा इसराइली मन के कहलक ना डरावा परमेश्वर तोहर ले लड़ी आउर तोहीन के बचई तलेक परमेश्वर मूसा के कहलक" ईमन के लाल समुद्र बटे आगे बढ़ेक ले कह"

![](https://cdn.door43.org/obs/jpg/360px/obs-en-12-06.jpg)

तब परमेश्वर उ बादल कर खंभा के लेईके इसराइली आउर मिश्री केर बिचे राइख देलक कि मिश्रीमन इसराइली मन के देईख नी सकेना।

![](https://cdn.door43.org/obs/jpg/360px/obs-en-12-07.jpg)

परमेश्वर मूसा के समुंदर ऊपरे हाथ बढ़ाएक ले कहलक अउर फिन परमेश्वर हवा से समुंदर केर पानी के बयां आउर दांया करवाए देलाक जेकर से समुंदर केर बिच से एगो रास्ता बईनके गेलक।

![](https://cdn.door43.org/obs/jpg/360px/obs-en-12-08.jpg)

इजराइली मने आपन दुइयो बटे पानी कर भीत कर संग सुखल भुइयां में समुंदर से होई के बईढ़ गेलैन।

![](https://cdn.door43.org/obs/jpg/360px/obs-en-12-09.jpg)

तब परमेश्वर उ रास्ता से बद्री के उठाय लेलक ताकि मिश्रीमन इजराइली मन के बाईच के जाएक के देखबए। मिस्री मन उमनके धारेक लगीन पीछा करेक लगिन पिछा करेक ले निर्णय लेलैन।

![](https://cdn.door43.org/obs/jpg/360px/obs-en-12-10.jpg)

अतः उमन समुंदर केर बीच से उ डहर से इसराइली मन कर पीछा करलै परंतु परमेश्वर मिश्री मन के घबराए देइहे और उमन केर रथ के अटकाए देलक। उमन चिललाय लागलै “भागा इजरायली मन बट से परमेश्वर लड़थे”।

![](https://cdn.door43.org/obs/jpg/360px/obs-en-12-11.jpg)

सब इस्राइली मन समुदर कर दुसर बटे पहुंच गेलय। तब परमेश्वर मूसा के कहलक कि उ फिर से पानी बटे हाथ बढ़ाई। जब मूसा वोसने करलक तो पानी मिश्री सेनामन उपरे आए गेलक आउर पानी पहले जैसन रहे ओसने होई गेलक। सोउब मिश्री सेना डूईब के मईर गेलय।

![](https://cdn.door43.org/obs/jpg/360px/obs-en-12-12.jpg)

जब इस्राइली मन देखलय कि मिश्री मन मईर गेलय तो उमन परमेश्वर उपरे विश्वास करलय। उमने विश्वास करलय कि मूसा परमेश्वर बट से भविष्यवक्ता रहे।

![](https://cdn.door43.org/obs/jpg/360px/obs-en-12-13.jpg)

इस्राएलीमन इकर ले बहुत खुश रहय काहेकि परमेश्वर उमन के मरेक से आउर गुलाम होवेक से बचाय ले रहे। अब उमने परमेश्वर के आराधना करेक ले आउर उकर आज्ञा केर पालन करेक ले स्वतन्त्र रहंय।इस्राएली मन अपन छुटकारा कर परब मनाएक ले आउर परमेश्वर कर प्रसंशा करेक ले कईठो भजन गीत के गालंय काहेकि उ उमन के मिस्रीकर सेना से बचाय रहे।

![](https://cdn.door43.org/obs/jpg/360px/obs-en-12-14.jpg)

परमेश्वर इस्राएली मन के हर साल एगो परब मनाएक ले आदेश देलक कि ई इयाद करेक ले कि कैसन परमेश्वर मिश्री के हरुवालक आउर उमन के गुलाम से छुड़ालक। ई फसह कर परब कहलालक। इकर में उमन के ई परब मनायक ले एगो स्वस्थ मेमना के बली करेक रहे, उके भुन्जेक रहे आउर उके बिना खमीर वाला रोटी कर संग खाएक रहे।

*निर्गमन अध्याय 12:33-15:21 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_12_128kbps.m4a

## 13. इजरायल केर संग परमेश्वर कर वाचा

https://openbiblestories.org/l/sck/story-13/

![](https://cdn.door43.org/obs/jpg/360px/obs-en-13-01.jpg)

इसराइली मनकर लाल समुंदर से पार लेईके जाएक कर पाछे, परमेश्वर उमन से जंगल से होते-होते सीनै कहाएक वाला पर्वत बटे लेईके चललक। उ ओहे पर्वत रहे जेठीना मूसा जलते झाड़ी के देईख रहे। उमन वोहे पर्वत कर हेठे आपन तंबू के खड़ा करलैन।

![](https://cdn.door43.org/obs/jpg/360px/obs-en-13-02.jpg)

परमेश्वर मूसा और इजराइल कर सोउब आदमी मन के कहलक, “अगर तोहिन सचमुच में मोर आज्ञामन के मानबा आउर मोर वाचा के पालन करबा, तो सोउब लोग मन से तोहिने मोर निज धन ठहरबा आउर तोय मोर दृष्टि में याजक मन कर समाज आउर पवित्रर जाईत ठहरबा।”

![](https://cdn.door43.org/obs/jpg/360px/obs-en-13-03.jpg)

तीन दिन तक आदमी मन आपने आप के तैयार करलय ताकि परमेश्वर उमन के पास आय सके। तब परमेश्वर सीनै पहाड़ कर चोटी में उतरलक। जब उ आलक तो भूकंप होलाक, बिजली चमकलक, धूंगिया उठलक आउर तुरही कर जोर से शब्द होलक। तब मूसा खुद पहाड़ उपरे चढ़लक।

![](https://cdn.door43.org/obs/jpg/360px/obs-en-13-04.jpg)

तब परमेश्वर आदमी मन से वाचा बांधलक उ कहलक मोय तोहर परमेश्वर यहोवा हेको जे तोहीन के मिस्र केर गुलामी से छोड़ाइहो। कोई दूसरा देवता केर पूजा ना करबा।

![](https://cdn.door43.org/obs/jpg/360px/obs-en-13-05.jpg)

मूर्ति ना बनाबा आउर ऊकर पूजा ना करबा कहे कि मैं तोहरे कर केवल और केवल परमेश्वर हेकों बेमतलब मोर नाम के ना लेबा। सब्तकर दिन के पवित्र मानेक लगीन ईयाद रखबा दूसरा शब्द में छव दिन आपन सब काम करबा सातवां दिन तो विश्राम करबा आउर मोके याद करबा।

![](https://cdn.door43.org/obs/jpg/360px/obs-en-13-06.jpg)

आपन माय बाप के इज्जत करबा, जान ना मारबा, व्यविचार ना कारबा, चोरी ना करबा, आपन पड़ोस कर पत्नी या घर या ऊकर कोई सामान के लेवेक कर इच्छा ना करबा।

![](https://cdn.door43.org/obs/jpg/360px/obs-en-13-07.jpg)

तलेक परमेश्वर दस आज्ञा के पखल कर दूइगो पट्टी में लिख के मूसा के देइ देलक। परमेश्वर आज्ञा पालन करेक ले ढेर सारा नियम कानून देलक। अगर उमन ई नियम कानून के पालन करबैन तो परमेश्वर उमन के आशीष देवी आउर सुरक्षा देवेक कर प्रतिज्ञा करलक। लेकिन वो कहलक कि अगर उमन ई कर पालन नी करबैन तो उमन के दंड देवी।

![](https://cdn.door43.org/obs/jpg/360px/obs-en-13-08.jpg)

परमेश्वर इसराइलीमन के एगो बड़का सन तंबू बनाएक ले कहलक, मिलाप वाला तम्बू। उ उमन के ठीक ठीक बतालक कि ई तंबू के कैसन बनाएक हेईक और उकर भीतरे का चीज मनके राखेक हेईक। उ उमनके तंबू के दुई हिस्सा में बांटेक लगीन एगो बड़का पर्दा के बनाएक ले भी कहलाक कालेकी परमेश्वर पर्दा के पीछे वाला कोठी में आवी आउर हुंवा रही जहां परमेश्वर रहे। उ कोठरी में जायेक ले केवल और केवल महायजक के अनुमति रहे।

![](https://cdn.door43.org/obs/jpg/360px/obs-en-13-09.jpg)

उमनके मिलाप वाला तंबू कर सामने एगो वेदी के बनाएक होवी।केऊ जे परमेश्वर कर आज्ञा के तोड़ी उके वेदी ठीन एगो जानवर के लानेक होवी। तब उके याजक बली करी और बेदी उपरे परमेश्वर लगीन बलिदान कर रूप में जलाल जाई। परमेश्वर कहलक कि उ जानवर कर लहू आदमी कर पाप के ढाइप देवी एहे लखे परमेश्वर अब उ पाप के नी देखी। उ आदमी परमेश्वर कर नजर में "शुद्ध" ठहरी। परमेश्वर मूसा कर भाई हारून के और हारुन का वंश के आपन याजक होवेक ले चुनलक।

![](https://cdn.door43.org/obs/jpg/360px/obs-en-13-10.jpg)

परमेश्वर जे नियम उमन के देई रहे उमन उके पालन करेक पालन करेक ले राजी होलायन। उमन सिर्फ परमेश्वर कर आदमी हावेक लगिन आउर उकर पुजा करके लगिन राजी होलैं।

![](https://cdn.door43.org/obs/jpg/360px/obs-en-13-11.jpg)

बहुत दिन तक, मूसा सिनै पहाड़ कर चोटी में रहलक। उ परमेश्वर से गोठीयात रहलक लेकिन आदमीन मन उकर आपस घुरेक ले देरी होलक तो उकर इंतजार करते थाइक गेलैन। इकरले उमन हारून ठिन सोना लेइके आलय आउर एगो मूर्ति बनायक लागिन कहलय ताकि उमन परमेश्वर केर बदले उकर उपासना कईर सकेना। ई तरह से, उमन बड़ा खतरनाक तरीका से परमेश्वर कर विरोध में पाप करलैं।

![](https://cdn.door43.org/obs/jpg/360px/obs-en-13-12.jpg)

हारुन बछरू कर रूप में एगो मूर्ति बनालक। उमन वोहे मूर्ति कर पूजा करेक शुरू कईर देलय आउर उकर लगीन बलिदान चढालएं। उमन कर पाप से परमेश्वर बहुत गुस्सा हुई गेलक। उ उमन के खत्म करके ले चाहत रहे लेकिन मुसा उमान के खत्म नी करे लगीन परमेश्वर से अर्जी बिनती करलक आउर परमेश्वर उकर अर्जी के सुनलक आउर उमनके खत्म नी करलक।

![](https://cdn.door43.org/obs/jpg/360px/obs-en-13-13.jpg)

आखिर में मूसा सिनैई पहाड़ से नीचे उतईर के आलक मूसा उ दूइठो पखल कर पाटी के लाइन रहे जेकर में परमेश्वर कर दस हुकुम लिखल रहे। फिन मूसा उ मूर्ति के देखलक आउर मूसा इतना खिसालक उ पाटी के पटैक के चकनाचूर कैईर देलक।

![](https://cdn.door43.org/obs/jpg/360px/obs-en-13-14.jpg)

फिर मूसा उ मूर्ति के तोड़लक आउर पीस के गुड़ा कईर देलक आउर उ गुड़ा के पानी में मिलाएं के उमन के पियाय देलक। परमेश्वर उमन उपरे एगो बड़का बिपाईत के भेजलक आउर उमने बहुते झन मईर गेलै

![](https://cdn.door43.org/obs/jpg/360px/obs-en-13-15.jpg)

जे पाटीया मन के मूसा तोईड देलक उकर स्थान में मूसा 10 हुकुम के लानेक लगीन नावा पखलकर पाटी बनालक। तेकर उ फिर से पहाड़ में चईढ़ गेलक आउर पप्रार्थना करलककि परमेश्वर उमन के क्षमा करी। परमेश्वर मूसा कर बिनती सुनलक आउर उमनके माफ कईर देलक। नावा पाटी में दस हुकूम के लेई के मूसा पहाड़ से हेठे उतरलक। तेकर परमेश्वर सीनै पहाड़ से लेईके वादा कर देश तक इसराईली मन कर अगुवाई करलक।

*निर्गमन अध्याय 19-34 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_13_128kbps.m4a

## 14. जंगल में भटकत

https://openbiblestories.org/l/sck/story-14/

![](https://cdn.door43.org/obs/jpg/360px/obs-en-14-01.jpg)

परमेश्वर इसराइली मन के उ नियम के बताए के खत्म करलक। जेकर वाचा उमन से बाईन्ध रहलाक से वाचा के कारण पालन करेक हई। फिन उ पहाड़ से आगे अगवाई करलक। उ उमन के वायदा कर देश में लेई जाएक चाहत रहे।ई देश कनान केर नाव से जानल जात रहलक।परमेश्वर बद्री कर खुटा में आगे-आगे चललक, आउर उमन उकर पिछे पिछे चललैन।

![](https://cdn.door43.org/obs/jpg/360px/obs-en-14-02.jpg)

परमेश्वर अब्राहम ईसाहक और याकूब से वायदा कईर रहे कि उ वादा कर उ देश के उमन कर खानदान के देबू लेकिन उ बेरा हूंआ ढेईर जाईत मन रहत रहैं। उमन कनानी कहात रहलैन। कनानी मन परमेश्वर कर पूजा नी करत रहलैन। आउर उकर नियम के नी मानत रहलैन। उमन झूठा देवी देवता कर पूजा पाठ करत रहलैन आउर बहुत से बुरा काम करत रहलैन।

![](https://cdn.door43.org/obs/jpg/360px/obs-en-14-03.jpg)

परमेश्वर इजराइली मन के कहलक "जब तोहरे उ वाचा कर देश में जाबा तो हूंवा कर सोब कनानी मन से छुटकारा पाय लेबा। उमन लखे शादी ना करबा। तोहीन उमनकर सोब मूर्ति के पूरा पूरा नष्ट कईर देबा। अगर तोहरे मोर आज्ञा के नी मानबा, तो तोहरे मोके छोईड़ के उमन कर देवता मनकर पूजा पाठ करेक लाइग जाबा"

![](https://cdn.door43.org/obs/jpg/360px/obs-en-14-04.jpg)

ज बेरा इजराइली कनान कर सिमान में पहुंचलएं मूसा इसराइल कर हर एक गोत्र में से एक-एक कईरके 12 पुरुष के चुनलक उमन के जाएके उ देश कर भेद लेवेक लगीन निर्देश देलक कि देखबैन कि उ देश कैसन आहे।उमनके उ कनानी मनकर भेद लेवेक रहे कि देखबैं कि उमन शक्तिशाली आहै या कमजोर आहै।

![](https://cdn.door43.org/obs/jpg/360px/obs-en-14-05.jpg)

उ बारह जन पूरा कनान से होईके चालीस दिन कर यात्रा करलैन आउर फिन आपस घूईरके आलय। उमन आपन आदमी मन के बतालैन" उ देश बहुत उपज देवेक वाला हैईक आउर फसल बहुत ज्यादा हेइक लेकिन 10 गो भेद लेवेक वालामन कहलैन शहर बहुत मजबूत आहे आउर उमन बहुत लंबा चौड़ा आहैं अगर हामीन उमन उपरे चढ़ाई करथी तो निश्चित रूप से उमन हामीन के हरुवाय देबय आउर हामीन के माईर डालबय।

![](https://cdn.door43.org/obs/jpg/360px/obs-en-14-06.jpg)

तुरंत कालेब आउर यहोशू जे दूई जन भेद लेवेक वाला मे से रहलै उमन कहलै ई सच हेके कि कनान कर आदमी मन लंबा और ताकतवर आहै लेकिन निश्चित रूप से हामीन उमन के हरवाई सकीला। परमेश्वर हामर लगीन लड़ी।

![](https://cdn.door43.org/obs/jpg/360px/obs-en-14-07.jpg)

परंतु आदमी मन कालेब और यहोशू कर नी सुनलएं उमन मूसा और हारून ऊपरे गुस्सा होई गेलैन आउर कहलै तोय हामीन के ई डरावना जगह में काले लाइनहीस? हामीन के मिस्र में ही रहेक चाही रहे अगर हामीन उ देश में जाथी तो हामीन लड़ाई में मईर जाब आउर कनान कर आदमी मन हामर पत्नी और छुउआ मन के नौकर बनाए लेबय उमन उमनके आपस मिस्र देश में लेईके जायक ले एगो दूसरा अगुवा चुनेक चाहत रहैं।

![](https://cdn.door43.org/obs/jpg/360px/obs-en-14-08.jpg)

जब उ आदमीमन एसन कहलय तो परमेश्वर बहुत खिसाय गेलक। उ मिलाप वाला तम्बू में आलक आउर कहलक " तोहीन मोर विरुद्ध बलवा कईरहा, इकरले तोहिन सबके ई जंगल मे भटकेज होवी। हरेक जन जहर एक जन जो बीस वर्ष कहलय उससे अधिक आयु का है वहाँ मर जाएगा और कभी भी उस देश में प्रदेश नहीं कर पाएगा जो मैं तुमको देता हूँ। केवल कालेब और यहोशू उसमें प्रवेश करेंगे।"

![](https://cdn.door43.org/obs/jpg/360px/obs-en-14-09.jpg)

जब आदमी मन परमेश्वर के एसन कहते सुनलेन तो उमन दुखी होलें काहेकि उमन पाप कईर रहलैन। इकारले उमन कनान कर आदमी मन उपरे चढ़ाई करेक कर बिचार करलय। मूसा उमन के नी जायक ले चेतावनी देलक काहेकि परमेश्वर उमन कर संग नी जाय, लकिन उमन उकर नी सुनलय।

![](https://cdn.door43.org/obs/jpg/360px/obs-en-14-10.jpg)

परमेश्वर इ लड़ाई में उमन संगे नी गेलक, इकर ले कनानी मन उमन के हेरवाय देलंय आउर उकर में बहुते के माँईर देलंय। तब इस्राईली मन कनान में वापस घुईर गेलंय। आगे चालीस बरस तक, उमन जंगल में इने उने भटकबँय।

![](https://cdn.door43.org/obs/jpg/360px/obs-en-14-11.jpg)

इस्राइली मन कर चालीस बरस जंगल में भटकेक कर बेरा में परमेश्वर उमन कर आवश्यकतामन के पूरा करलक। उ स्वर्ग से “मन्ना” कहायक वाला रोटी देलक। उ बटेर कर झुण्ड (जे कि मध्य समुदर कर चरई हेके) उकर छावनी में भेजलक ताकि उमन लागिन खाएक ले मांस होई। उ पूरा समय परमेश्वर उमन के कपड़ा आउर जूता के फाटेक से बचाके राखलक।

![](https://cdn.door43.org/obs/jpg/360px/obs-en-14-12.jpg)

हियाँ तक कि परमेश्वर उमन ले पियेक लागिन चमत्कारिक तरीका से चट्टान से पानी निकलायके देलक। लेकिन इ सब होवेक कर बावजुद भी इस्राइलीमन परमेश्वर कर विरुद्ध आउर मूसा के विरुद्ध निंदा आउरकुड़कुड़ालंए तौभी परमेश्वर विश्वासयोग्य रहलक उ जे वादा कईर रहे कि अब्राहम, इसाहक आउर याकूब के वंश ले करबू कईह रहे उके उ करलक।

![](https://cdn.door43.org/obs/jpg/360px/obs-en-14-13.jpg)

एक आउर समय जब उमन ठीन पानी नी रहे, परमेश्वर ने मूसा के कह लक “चट्टान से बात कर आउर उकर से पानी निकली” लेकिन मूसा मूसा चट्टान से बात नी करलक इकर बदले उ छड़ी से चट्टान के दूई बेर मारलक। इ तरीका से उ परमेश्वर कर अनादर करलक। सबके पियेक ले चट्टान में से पानी तो निकल लक लेकिन परमेश्वर मूसा से क्रोधित गुसा होई गेलक उ कहलक काहेकी तोय एसन करले इकर ले तोय वादा कर देश में घुसेक नी पारबे।

![](https://cdn.door43.org/obs/jpg/360px/obs-en-14-14.jpg)

जब इस्राएलीमन चालीस बरस तक जंगल में भटईक चुकलय, तब जेमन परमेश्वर कर बिरुद्ध में बिद्रोह कईर रहलय उमन सोउब मईर गेलय। तब परमेश्वर उमन के फिर से उ वायदा कर देश कर नजदीक सिमाना तक लेई गेलय। अब मूसा बहुते बुढा होई जाई रहे इकर ले परमेश्वर आदमी मन कर अगुवाई करेले आउर उमन कर सहायता करेक लागिन यहुशु के चुनलक परमेश्वर मूसा ई भी प्रतिज्ञा करलक कि एक दिन उ उमन ठीन मूसा लेखे एगो भविष्यवक्ता के भेजी।

![](https://cdn.door43.org/obs/jpg/360px/obs-en-14-15.jpg)

तब परमेश्वर मूसा के एगो पहाड़ कर चोटी उपरे जायक ले कहलक ताकि उस प्रतिज्ञा कर देश के देईख सकेल। मूसा उस प्रतिज्ञा कर देश के देखलक लकिन परमेश्वर उके उकर में घुसेक कर अनुमति नी देलक। तब मूसा मइर गेलक आउर इस्राइली मन तीन दिन सोउब मनालय। यहुशु उमन कर नवा अगुवा बईन गेलक। यहुशु एगो अच्छा अगुवा रहे काहेकि उ परमेश्वर उपरे भरोसा करलक आउर उकर बात के मानलक।

*निर्गमन अध्याय 16-17; गिनती 10-14; 20; 27; व्यवस्थाविवरण 34 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_14_128kbps.m4a

## 15. वादा कर देश

https://openbiblestories.org/l/sck/story-15/

![](https://cdn.door43.org/obs/jpg/360px/obs-en-15-01.jpg)

आखरी में अब उ बेरा आय जाय रहे कि इसरइली मन वादा कर देश कनान में घुसेक वाला रहलैन। उ देश में यरीहो नाव कर एगो शहर रहे उकर सुरक्षा लगीन उकर चाईरों बटे मजबूत दिवाल रहे। यहोशू उ शहर में दुईठो जासूस के भेजलक। उ शहर में रहाब नाव कर एगो वेश्या रहत रहे। उ इ जासूसमन के छिपाए रहे। आउर फिर बाद में उ उमनके नगर से बाईंचके के निकलेक ले मदद करलक। उ ऐसन ईकरले करलक कि उ परमेश्वर उपरे विश्वास करत रहे। जे समय इजरायली मन यरीहो नगर के खतम करबैन तब उमन रहाब आउर उकर परिवार के बचाएक कर वादा करलैन।

![](https://cdn.door43.org/obs/jpg/360px/obs-en-15-02.jpg)

इजराइली मन वादा कर देश में घुसेक लगीन यरदान नदी के पार करेक रहे। परमेश्वर यहोशू के कहलक "याजक मन के पहले जायेक देबा" जैसन याजक मन यरदन नदी में आपन कदम के राखलैन तो पानी कर बहाव रुईक गेलक जे कर से इसराइली मन नदी के पार कईर के उ पाखी सूखल भुदयां में चईल गेलय।

![](https://cdn.door43.org/obs/jpg/360px/obs-en-15-03.jpg)

उमन यरदन नदी के पर करलैं तेकर परमेश्वर यहोशू के कहलक कि यारीहो नगर ऊपरे चढ़ाई करेक ले तेयार रहा काहेकि उ बहुते शाक्तिशाली नगर रहे। परमेश्वर उमन के कहलक कि उमनकर याजक आउर फौजी मन के छव दिन तक उ नगर कर चाईरो बटे चक्कर लगाएक होवी। इकरले याजक आउर सेना मन ऐसेने करलैन।

![](https://cdn.door43.org/obs/jpg/360px/obs-en-15-04.jpg)

तब सातवां दिन इसराइली मन उ नगर के 7 बेर घूमरलैन। उमनकर नगर कर चाईरो बटे सात बेर घुमरल पाच्छे याजक मन आपन तुरही के फुकलैन आउर जोर से गुल करलैन।

![](https://cdn.door43.org/obs/jpg/360px/obs-en-15-05.jpg)

तब यरीहो कर चाईरों बट कर दिवाल गिर गेलक जैसन परमेश्वर आज्ञा देई रहे इसराइली मन नगर कर सब चीज के सत्यनाश कईर देलैन। उमन सिर्फ रहाब कर परिवार के छोईड़ देलैन। जे मन इजरायली मन कर हिस्सा बाईन जाए रहलेंन।जब कनान में रहेक वाला दूसर आदमीमन सुनलैन कि इजरायली मन यरीहो के सत्यानाश कईर देई हैं तो उमन डराय गेलय।

![](https://cdn.door43.org/obs/jpg/360px/obs-en-15-06.jpg)

परमेश्वर इस्राएली मन के आज्ञा देई रहे कि कनान मे रहेक वाला कोनो जाईत कर संगशांति मेल मिलाप नी करे कईह रहे। गिबोनी नाव कर एगो कनानी जाईत यहोशू से झूठ बोईलके कहलैं कनान से दुर कर एगो जगह कर रहेक वाला हेकी। उमन यहोशु कर संगे शांति कर वाचा करेक कर अनुरोध करलैं। यहोशू आउर दूसर इजरायली अगुवामन परमेश्वरसे नी पुछलैं कि उमन के का करेक चाही। इकर बजाए उमन गिबोनि जाईत संग शांति सन्धि कईर लेलैन।

![](https://cdn.door43.org/obs/jpg/360px/obs-en-15-07.jpg)

3 दिन कर पाछे से इसराइली मन के पता चललक कि गिबोनी मने कनान में रहेना। उमने गुस्सा होई गेलै। कहेकि गिबोनी मन उमनके धोखा देई रहलैन। लेकीन उमन उमनसे करल शान्ति सन्धि के बरकरार रखलैन कहेकि परमेश्वर केर आगे शांति सन्धि कैईर रहलैं। तेकर तनिक दिनकर बाद, कनान में रहेकवाला एगो दोसर जाईत, इमोरी कर राजा मन सुनलैं। कि गिबोनी मन इजरायली मन से शान्ति सन्धि कईर लेईहैं, ईकरले उमन आपन आपन सेना के एक कईर के एगो बड़का फौज बनालै आउर गिबोन उपरे लड़ाई कईर देलै। गिबोनी आपन मदद ले यहोशू ठीन एगो खबहर भेजलय।

![](https://cdn.door43.org/obs/jpg/360px/obs-en-15-08.jpg)

अतः यहोशू इस्राएलीमन कर सेना के जमा करलक आउर गिबोनीमन ठीन पहुचेक लगीन उमन राइत भईर चललय। बिहान तड़के उमन एमोरी कर सेना मन के आश्चर्य मे डाईल देलैन। आउर उमन उपरे लड़ाई कईर देलय।

![](https://cdn.door43.org/obs/jpg/360px/obs-en-15-09.jpg)

उ दिन परमेश्वर इजरायली मन लगीन लड़ाई करलक। उमन इमोरिमन के सुमन ए मोरे मन के घबराए देना और बड़का बड़का का रागिरा लक और बहुत से एमोरी मन के माईर देलय।

![](https://cdn.door43.org/obs/jpg/360px/obs-en-15-10.jpg)

परमेश्वर बेईर के हूं आकाश में एक जगह में खड़ा कईर दे लक ताकि इसराइली मन के भरपूर समय मिल जाई कि एमोरी मन के पूरा पूरा हरूवाई देबय। उ दिन परमेश्वर इजरायली मन ले एगो बड़का जीत के देलक।

![](https://cdn.door43.org/obs/jpg/360px/obs-en-15-11.jpg)

जब परमेश्वर उ सेनामन के हरूवाल बाद, बहुत से कनानी जाईत कर आदमी मन इजरायली मन उपरे लड़ाई करेक ले ढेरे जाईत के जमा करलय। यहोशू आउर इसराइली मन लड़ाई कईर के सबके सत्यनाश्त कईर देलय।

![](https://cdn.door43.org/obs/jpg/360px/obs-en-15-12.jpg)

इ लड़ाई कर पाछे परमेश्वर इसराइली मन केर हरेक गोत्र के प्रतिज्ञा कर उ देश में उमन के हिस्सा देलक।तब परमेश्वर इजराइल मन कर सोब सिमान में शांति देलक।

![](https://cdn.door43.org/obs/jpg/360px/obs-en-15-13.jpg)

जब यहोशू बुढ़ा होई गेलक तो उ इजराइल कर सब जनके एक संग बुलालक।तब यहोशू उमनके ईयाद कारुवालक कि उमन उ वाचा कर पालन करेक कर प्रतिज्ञा कईर रहे जे परमेश्वर उमन कर संग सीनै पहाड़ में वाचा बांईध रहे। उमन परमेश्वर कर प्रति विश्वासयोग्य रहेक आउर उकर व्यवस्था कर पालन करेक कर वादा करलक।

*यहोशू अध्याय 1-24 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_15_128kbps.m4a

## 16. छोड़ाएक वाला

https://openbiblestories.org/l/sck/story-16/

![](https://cdn.door43.org/obs/jpg/360px/obs-en-16-01.jpg)

यहोशू कर मरल पाछे इसरायली मन में परमेश्वर कर आज्ञा के तोड़लय। उमन परमेश्वर कर नियम कर पालन नी करलय, आउर उमने उ वादा कर देश में बाचल कनानीमन के बाहरे नी निकलालेन। इसराइली मन आपन सच्चा परमेश्वर यहोवा के छोईड़ के कनानी मन कर देवता के पुजा करेक शुरू कईर देलय। इसराइली मन ठीन कोई राजा नी रहलक, इकरले जे के जे बेस लागलक। उमन वोहे करलक।

![](https://cdn.door43.org/obs/jpg/360px/obs-en-16-02.jpg)

परमेश्वर कर आज्ञा के नी मानेक केर कारण इसराइली मन एगो नवा रीती विधि के शुरू करलय जेके कई धाव दोहरालय। इ रीति रिवाज एहे लखे कुछ बरीस तक चललक। इसराइली मन परमेश्वर कर आदेश के नी मानबय,तब उमन के उमनकर बैरी से हरुवाई के दंड देवई। ई बैरी इसराइली मन से उमनकर धन संपत्ति के लुईट लेबैन। उमनकर संपत्ति के सत्यनाश कईर देबय, आउर उकर में से बहुत के माईर डालबय। फिन जब इसराइली मन केर बैरी उमन उपरे कई बरीश तक दुःख देबय, उकर बाद इसराइली मन आपन पाप कर पश्चताप करबय आउर परमेश्वर से उमनके बचायेक लगीन बिनती करबय।

![](https://cdn.door43.org/obs/jpg/360px/obs-en-16-03.jpg)

हर घड़ी जब इसराइली मन पश्यताप करवय तो परमेश्वर उमन के बचाई। उ एगो छुडाएक वाला कर द्वारा एसन करी। एगो एसन आदमी जे उमनकर बैरी से लड़ी आउर उमनके हरवाई।तब देश में शांति होवी आउर उ छुडाएक वाला उमन उपरे अच्छा से राईज करी। परमेश्वर उमन के बचाएक लगीन ढेरे छुडायेक वाला मन के भेजलक। परमेश्वर भीरे कर दुश्मन जईत, मिड्यानी कर द्वारा इसराइली मन के हरुवाएक लगीन एसन करलक।

![](https://cdn.door43.org/obs/jpg/360px/obs-en-16-04.jpg)

विद्यानीमन सात बरीस तक इसराइली मनकर खेती के लुईट लेलैन। इसराइली मन बड़ी भयानक डराय रहलय, आउर उमन माड़ा में छिप के रहत रहैं ताकि मिड्यानी जाईत मन उमनके खोजेक नी पारबै। आखीर में उमन के बचाएक उमन परमेश्वर के हकालय।

![](https://cdn.door43.org/obs/jpg/360px/obs-en-16-05.jpg)

इसराइली पुरुष रहे गिदोन गांव कर एगोहे। एक दिन उ एगो माडा में गहन के मिसत रहे ताकि मिड्यानी मन उके नी लुईट सकेन। यहोवा कर स्वर्गदूत गिदोन ठीन आलक आउर उके कहलक "ए बीर योद्धा परमेश्वर तोर संग आहे। जा आउर इसराइली मन के मिड्यानी मन से छोड़ाव।" गिदोन कर बाप ठीन मूर्ति कर बेदी रहे। परमेश्वर सबसे पहला बात जे गिदोन के करेक ले कहलक उके उ बेदी के तोड़ेक लेकिन गिदोन आदमीमन डरात रहे ईकरले राईत होवेक कर इंतजार करलक तब उ उ बेदी के तोईड़ के टुकड़ा टुकड़ा कईर देलक। उ परमेश्वर लगीन एगो नावा बेदी बनालक आउर उकर में परमेश्वर लगिन बलि चढ़ालक।

![](https://cdn.door43.org/obs/jpg/360px/obs-en-16-06.jpg)

गिदोन कर बाप ठीन एगो मूर्ति कर बेदी रहे। सबसे पहला बात जे परमेश्वर गिदोंन के करेक ले कह लक उ उ बेदी के तोडेक लेकिन गिदोंन आदमी मन से दरात रहे, इकरले राइत होवेक के इन्तजार करलक तब उ उ बेदी के तोईड के टुकड़ा टुकड़ा कईर देलक। उ परमेश्वर लागिन एगो नवा बेदी बनालक आउर उकर में परमेश्वर लागिन बली चढ़ालक।

![](https://cdn.door43.org/obs/jpg/360px/obs-en-16-07.jpg)

अगला बिहान आदमी मन देखलय कि केऊ हर बेदी के टुकड़ा टुकड़ा कईर देई हय। ईकरले उमन बहुत गुसाय गेलय। उमन गिदोन के मारेक लगीन उकर घर गेलैय। लेकिन गिदोन कर बाप हर कहलक"तोहिन काले आपन देवता कर मदद करेक कर कोशिश करथा? अगर उ देवता हके तो उके आपन सुरक्षा अपने आप के करेक देवा"कहेकी उ एसेन कहलक सेकर ले आदमीन मन गिदोन के नी मरलय।

![](https://cdn.door43.org/obs/jpg/360px/obs-en-16-08.jpg)

तेकर इसराइली मन के लूटेक लगिन मिड्यानी मन फिर आलय। उमन इतना बगरा रहलय की उमन कर गिनती भी नी होई सकत रहे। गिदोन उमन कर विरोध में लड़ेक लगीन इजराइली मन के एक साथ बुलालक। गिदोन दूड़गो चिन्ह कर मांग करलक ताकि उके विश्वास हाई जाई कि परमेश्वर सच में उके इजरायल के बचाएक लगीन कईहे।

![](https://cdn.door43.org/obs/jpg/360px/obs-en-16-09.jpg)

पहिला चिन्ह लगिन गिदोन भेड़ कर ऊन के भुइंया मे राईख के परमेश्वर के कहलक कि बिहान तक भेड़ कर ऊन केवल ओस कर पानी से गीला होवेक चाही आउर भुइंया सुखल रहेक चाही। परमेश्वर वोसने करलक। अगली राईत उ परमेश्वर के कहलक कि भुइंया ओस कर पानी से भींजेक चाही आउर भेड़ कर ऊन सुखाल रहेक चाही। परमेश्वर वोसने करलक। ई दूडगो चिन्ह कर कारण,गिदोन विश्वास करलक कि परमेश्वर सच में चाहेला कि उ इसराइली मन के मिड्यानी मन से बचई।

![](https://cdn.door43.org/obs/jpg/360px/obs-en-16-10.jpg)

तब गिदोन सैनिक मन के आपन ठिन बोलालक। आउर 32000 आदमी मन आलय। लेकिन परमेश्वर उके कहलक उमन बहुत जादा आहैं। अतः गिदोन 22000 सैनिक मन के घर आपस भेईज देलक जे मन लड़ेक से डरात रहय। परमेश्वर गिदोन के कहलक कि इ मन एखनो बगरे आहै। इकरले गिदोन 300 सैनिक मन के छोईड़ के बाकी सब के घर आपस भेईज देलक।

![](https://cdn.door43.org/obs/jpg/360px/obs-en-16-11.jpg)

वोहे राईत परमेश्वर गिदोन के कहलक"मिड्यानी मन कर छावनी में जा आउर उमन कर बतीयाएक के सुनबे। जब तोय सुनबे कि उमन का का बात करेना तो तोंय उमन से लड़ाई करेक से नी डराबे 'इकरले उ राईत गिदोन निचे उमनकर छावनी में गेलक आउर उ एगो मिड्यानी सैनिक के आपन साथी से बात करते सुनलक जेके उमन सपना में देईख रहलैं। उ पुरुष कर साथी कहलक "इ सपना कर माने हके कि गिदोन कर सेना हमीन के हरुवाय देवी"जब गिदोन इ बात के सुनलक तो परमेश्वर कर स्तुति करलक।

![](https://cdn.door43.org/obs/jpg/360px/obs-en-16-12.jpg)

तब गिदोन आपन सैनिक मन ठीन छावनी में घुरलक आउर हरेक जन के एक एक तुरही, एक एक घड़ा आउर एक एक मसाल देलक।0णाा8। उ छावनी के घेईर लेलय। जहां बनकर ठंडक और उनके करें झंडे एक ही तू ही एक व्यक्ति कर कड़ा और मशाल जलाकर छावनी के जहां में सुनकर दिल से निकाल के

![](https://cdn.door43.org/obs/jpg/360px/obs-en-16-13.jpg)

तब गिदोन केर सउब सैनिक अपन गगरी के एके बेर फोईरके अचक्के मसाल केर आईगके प्रगट कईर देलैन। उमन अपन तूरही फूकलैं आउर चिल्लालैं "यहोवा आउर गिदोन कर तलवाईर"।

![](https://cdn.door43.org/obs/jpg/360px/obs-en-16-14.jpg)

परमेश्वर मिद्ययानी मन के घबरवाए देलक। इकरले उमन एक दूसरे के मारेक काटेक लाईग गेलैं। तुरंत गिदोन संदेश पहुंचाएक वाला मन के दूसरा इसराइली मन के बोलाएक लगीन भेजना कि मिड्यानी मन के पीछा करएक लगीन मदद करबाएं।उमन कनानी मन के माईर डाललैन आउर बाकी के पीछा कर्डरके देश से बाहरे खर्द्डड के निकलाय देलय। उ दिन 1,20,000 मिद्यानी मन के मारल गेलक। ई लखे परमेश्वर इस्राईली मन के बचालक।

![](https://cdn.door43.org/obs/jpg/360px/obs-en-16-15.jpg)

उ आदमी मन गिदोंन के राजा बनायक ले चाहत रह्लैं, लेकिन गिदोंन उमन के वोसने करेक नी देलक लेकिन उमन से उ सोना कर गहना मांगलक जेके उमन हरेक मिद्यानी मन से लूइट रहलय। उ आदमी मन बहुत ज्यादा मात्रा में गिदोंन ले सोना के देलय।

![](https://cdn.door43.org/obs/jpg/360px/obs-en-16-16.jpg)

तब गिदोंन उ सोना से एगो कपड़ा बनवालक जैसन कि महायाजक पिन्तधत रहे। लेकिन आदमी मन उकर पूजा करेक शुरू कईर देलय जैसन कि उ एगो मूर्ति हेके। परमेश्वर फिर से इस्राइली मन के दंड देलक काहेकि उमन मूर्ति के पूजा कईर रहलय। परमेश्वर उमन कर शत्रु द्वारा उमन के हरवाय देलक। आखिर में उमन फिर से परमेश्वर से सहायता करेक लागिन प्रार्थना करलय, आउर परमेश्वर उमन ठीन उमन के बचायक लागिन एगो दूसरा छोड़ाएक वाला के भेजलक।

![](https://cdn.door43.org/obs/jpg/360px/obs-en-16-17.jpg)

एहे बात कई धाव होलक ;इसरायली मन पाप कर्बैं परमेश्वर के सजा देवी उमन पश्चताप कर्बैं और परमेश्वर उमन के छोडाएक ले केखो भेजी। कई साल तक परमेश्वर बहुत से छोडाएक वाला भेजलक। जे मन इसरायली के उमन कर दुश्मन से बचालय। यही बात कई बार घटित हुई: इस्राएली लोग पाप करेंगे, परमेश्वर उनको दंडित करेगा, वे पश्चाताप करेंगे, और परमेश्वर उनको छुड़ाने के लिए किसी को भेजेगा। कई वर्षों तक, परमेश्वर ने बहुत से छुड़ाने वालों को भेजा जिन्होंने इस्राएलियों को उनके शत्रुओं को बचाया।

![](https://cdn.door43.org/obs/jpg/360px/obs-en-16-18.jpg)

आखिर में उमन दूसरा देश नियर परमेश्वर से आपन मन ले राजा मांगलय। उमन एगो एसन राजा चाहत रहै जे लम्बा और शक्तिशाली होवी।और जे लड़ाई में अगुवाई कईर सकी। परमेश्वर के ई मांग कर पसंद नी आलक, लकिन उ उमन के वैसन राजा देलक जैसन उमन मांग कईर रहय।

*न्यायियों अध्याय 1-3; 6-8; 1 शमूएल 1-10 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_16_128kbps.m4a

## 17. दाऊद केर संगे परमेश्वर कर वाचा

https://openbiblestories.org/l/sck/story-17/

![](https://cdn.door43.org/obs/jpg/360px/obs-en-17-01.jpg)

शाऊल इजराइल कर पहिला राजा रहे। ऊ लंबा आउर सुंदर रहे, जैसन उमन चाहत रहैं ठीक उसने। इजरायल ऊपरे आपन राइज करेक मे आपन कुछ बरीस में शाऊल बढ़िया राजा रहे। लेकिन बाद में ऊ दुष्ट राजा बैईन गेलक। परमेश्वर कर बात के नी मानलक सेकरले परमेश्वर एगो दूसर आदमी के चुईन लोलक कि एक दिन ऊकर जगह में राजा बनी।

![](https://cdn.door43.org/obs/jpg/360px/obs-en-17-02.jpg)

परमेश्वर दाउद नावकर एगो जवान इसराइली पुरुष के चुनलक कि एक दिन शाउल ऊकर जगह राजा होवेकले तैयार करेक शुरू करलक। दाऊद बेथलहम नगर कर चरवाहा रहलक कई बेर दाऊद शेर और भालू दूडयो के मईर मोराए रहे जखन दाऊद आपन बापकर भेड़ केर रखवाली करत रहे ऊ बेरा ऊमन भेड़ के हमला करत रहलैं। दाऊद एगो धर्मी आउर नम्र स्वभाव कर मनुख रहलक। ऊ परमेश्वर ऊपरे भरोसा करलक आऊर ऊकर गोइठ के मानलक।

![](https://cdn.door43.org/obs/jpg/360px/obs-en-17-03.jpg)

जब दाऊद एखन छोंडा रहे। ऊ लंबा चौड़ा गोलियथ केर विरुद्ध लड़ाई करलक। गोलियथ एगो बेस बढ़िया सैनिक रहे ऊ बहुत मजबूत आऊर लगभग 3 मीटर लम्बा लेकिन परमेश्वर गोलियथ के मारेक आऊर इजराइली मन के बचाएक में दाऊद मदत करलक। इकर पाछे दाऊद इजराइलीमनकर दुश्मन ऊपरे बहुत धाव जीत प्राप्त करलक। दाऊद एगो बड़का सैनिक बैंडईन गेलक, आऊर बहुत से लड़ाई में इजरायली सेना कर अगुआई करलक। आदमीन मन ऊकर बड़ी बड़ाई करलैं।

![](https://cdn.door43.org/obs/jpg/360px/obs-en-17-04.jpg)

आदमीनमन दाऊद से इतना प्रेम करलैन कि शाऊल ऊकर से ईर्ष्या करेक लागलक आखिर में शाऊल ऊके मोराएक चाहत रहे। इकरले दाऊद उकर से आउर उकर सैनिक मन से बांचेक ले पहार में भाईग गेलक। एक दिन जब शाऊल अउर उकर सैनिक मन ऊकर खोज में रहलैन तो शाउल एगो माड़ा में गेलक। ई वोहे माडा रहे जेकर में दाऊद लुईक रहे। ऊके शाऊल नी देखलक। दाऊद शाऊल कर बहुत भीरे चईल गेलक अउर उकर लुगा कर एगो आंचरा के काईट लेलक।बाद में जब शाऊल ऊ माड़ा से निकललक तो दाऊद ऊके हंकाय के टुकड़ा कपड़ा के देखालक। ई तरीका से शाऊल जाईन गेलक कि दाऊद राजा बनेक लगिन ऊके मारेक से इनकार करलक।

![](https://cdn.door43.org/obs/jpg/360px/obs-en-17-05.jpg)

थोड़ेक दिन बाद शाऊल लड़ाई में मराय गेलाक अउर दाऊद इजरायल कर राजा बाईन गेलक। ऊ एगो अच्छा राजा रहलक।,और आदमीन मन ऊकर से प्रेम राखलय। परमेश्वर दाऊद के आशिषित करलक अउर ऊके सफल बनालक। दाऊद कैठो लड़ाई लड़लक, और परमेश्वर इस्राइली मन के आपन दुश्मन के पराजित करेक में उमनकर सहायता करलक। दाऊद येरूसलम शहर के जीत के आपन राजधानी बनालक जहां ऊ रहलक अउर राइज करलक। दाऊद चालीस बरिस तक राजा रहलक। इ समय कर दरम्यान इजराइल शाक्तिशाली अउर धनवान बईन गेलक।

![](https://cdn.door43.org/obs/jpg/360px/obs-en-17-06.jpg)

दाउद एगो मंदिर बनायक चाहत रहे जहाँ सब इस्राइली परमेश्वर कर अराधना कइर सकेना आउर ले बलिदान चढ़ाय सकेन। लगभग ४०० बरिस से उमन मूसा कर बनाल मिलाप वाला तंबू में परमेश्वर कर अराधना करत रहलैन आउर उकरले बलिदान चढ़ात रहलैन

![](https://cdn.door43.org/obs/jpg/360px/obs-en-17-07.jpg)

लकिन हुवां नातान नाव कर एगो भविष्यवकता रहत रहे। परमेश्वर उके दाउद के कहेक ले भेजलक”तोंय बहुत से लड़ाई लड़ले इकरले तोंय मोर ले ई मंदिर के नी बनाबे “तोभी मोय तोके बहुतायत से आशीष करबू। तोर एगो वंश हमेशा ले मोर आदमी मन उपरे राजा कर रूप में राइज करी। ”हमेशा ले राइज करेक वाला उ दाउद कर एक मात्र वंश मसीह रहे। मसीह परमेश्वर कर चुनल आदमी रहे जे संसार कर आदमी मन कर पाप से बचाई।

![](https://cdn.door43.org/obs/jpg/360px/obs-en-17-08.jpg)

जब दाउद नतान कर सन्देश के सुनलक तो उ परमेश्वर के धन्यवाद करलक आउर उकर स्तुति करलक। परमेश्वर उकर प्रतिष्ठा के बढ़ात रह्लक आउर उके बहुत आशीष देवत रहे। बेशक, दाउद नी जानत रहे कि परमेश्वर ई बात के कहिया करी। ई समय हामिन जानीला कि इस्राइली के लम्बा समय तक लगभग 1000 बर्ष तक मसीह कर आवेक कर इंतजार करेक होवी

![](https://cdn.door43.org/obs/jpg/360px/obs-en-17-09.jpg)

दाउद कई बरस तक न्याय पुर्बक आपन आदमीं उपरे राईज करलक। उ बड़ी निष्ठा से परमेश्वर कर बात के मानलक आउर परमेश्वर उके आशीषित करलक। हलांकि,आपन जीवन कर अंत में उ परमेश्वर कर बिरुद्ध में भयानक पाप करलक।

![](https://cdn.door43.org/obs/jpg/360px/obs-en-17-10.jpg)

एक दिन दाउद आपन महल से बहरे हुलकलक आउर एगो सुंदर औरत के नहाते देखलक। उ उके नी जानत रहे, लकिन उ पता कईर लेलक कि उकर नाव बेतशेबा रहे।

![](https://cdn.door43.org/obs/jpg/360px/obs-en-17-11.jpg)

आपन नजइर के हाटाय लेवेक बजाय, दाउद उके आपन ठीन लानेक लागिन केखो भेजलक उ उकर संग सुतलक आउर उके आपस घर भेइज देलक। थोड़े समय कर बाद बतशेबा ई कईहके दाउद ठीन समाचार भेजलक कि उ गर्भवती आहे।

![](https://cdn.door43.org/obs/jpg/360px/obs-en-17-12.jpg)

बतशेबा कर पति उरिय्याह नाव कर एगो आदमी रहे। उ दाउद कर एगो बढ़िया सैनिक में गिनल जात रहे। इ समय उ लड़ाई करेक ले बाहरे जाय रहे। दाउद उरिय्याह के लड़ाई से वापस बोलय के उके आपन पत्नी कर संग रहेक ले कहलक। परन्तु दुसर सैनिक लड़ाई में राइह गेलें इकारले उरिय्याह घर जायक से मना कईर देलक अतः दाउद उरिय्याह के वापस भेइज देलक आउर सेनापति के कहलक कि उके लड़ाई कर इसन जगह राखबे कि जे ठीन दुश्मन ताकतवर होबैं ताकि उ मईर जाई। तो एसन होलक कि उरिय्याह लड़ाई में माराय गेलक।

![](https://cdn.door43.org/obs/jpg/360px/obs-en-17-13.jpg)

उरिय्याह कर लड़ाई में मराल पाछे दाउद बतशेबा से शादी कईर लेलक। बाद में उ दाउद कर बेटा के जनम देलक। दाउद जे कईर रहे उकर से परमेश्वर भयानक खिसाय रहे, इकारले उ नतान भविष्यवक्ता के दाउद ठीन ई बताएक ले भेजलक कि उकर पाप कितना बुरा रहे। दाउद आपन पाप से पश्चताप करलक आउर परमेश्वर उके क्षमा करलक। आपन बाकि जीवन में, आपन कठिन समय में भी दाउद परमेश्वर कर पीछे पीछे चलते रह्लक आउर उकर बात के मानलक।

![](https://cdn.door43.org/obs/jpg/360px/obs-en-17-14.jpg)

लकिन दाउद कर छउवा मईर गेलक। ई तरीका से परमेश्वर दाउद के दंड देलक। इकर अलावा,दाउद केर मरत तक, उकर आपन परिवार के कुछ आदमी उकर बिरुद्ध लड़ाई करलेन आउर दाउद कर आपन शक्ति कम होई गेलक। लेकिन परमेश्वर बिश्वास योग्य रह्लक आउर इतना करल बाद भी उ उ करलक जे उ दाउद से करेक कर वादा कईर रहे कि उ उकरी, भले हे दाउद उकर आज्ञा उलंघन कईर रहे। बाद में, दाउद आउर बेतशेबा से दूसरा बच्चा जनमलक, आउर उमन उकर नाव सुलेमान राखलैं।

*1 शमूएल अध्याय 10; 15-19; 24; 31; 2 शमूएल 5; 7; 11-12 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_17_128kbps.m4a

## 18. राईज कर बटवारा

https://openbiblestories.org/l/sck/story-18/

![](https://cdn.door43.org/obs/jpg/360px/obs-en-18-01.jpg)

दाउद राजा चालीस बरश तक इजराइल पर राईज करलक। तब उ मईर गेलक, आउर उकर बेटा सुलेमान इजराइल उपरे राइज करेक शुरू करलक। परमेश्वर सुलेमान से बात करलक आउर उकर से पुछलक कि उ सबसे अधिक का चाहेला कि परमेश्वर उकर ले करी। सुलेमान परमेश्वर से मांगलक कि उ उके बहुत बुद्धिमान बनाय देवी। ई बात से परमेश्वर खुश होई गेलक इकारले परमेश्वर सुलेमान के संसार भाईर में सबकर से बुद्धिमान आदमी बनाय देलक। सुलेमान बहुत बात के सिखलक आउर एगो बुद्धिमान राजा ई धरती भाईर में होलक। परमेश्वर उके बहुत धनवान भी बनाय देलक।

![](https://cdn.door43.org/obs/jpg/360px/obs-en-18-02.jpg)

येरुसलेम में सुलेमान उ मंदिर के बनालक जेकर ले उकर बाप योजना बनाय रहे। आउर सामान के जमा कईर रहे। अब तक आदमी मन मिलाप वाला तम्बू में आराधना करेक कर बजाय मंदिर में परमेश्वर कर आराधना करेक लागलेन। आउर उकर लागिन बलि चढात रहलैन। परमेश्वर मंदिर में आय के रहत रहे। आउर हुवां उ आपन आदमी मन कर संग डेरा करत रहे।

![](https://cdn.door43.org/obs/jpg/360px/obs-en-18-03.jpg)

लकिन सुलेमान दुसर देश कर जानीमान से प्यार करत रहे। उ ढेर बगरा करीब करीब १००० औरत से शादी कईर के परमेश्वर कर नियम के तोड्लक। इकार में से बहुत से जनीमन दुसर देश से आलय आउर आपन संगे आपन देवता के लानलय,आउर उकर पूजा पाठ करेक जारी रखलैन। जब सुलेमान बुढा होई गेलक तो उ भी उमन कर देवतामन कर पूजा पाठ करलक।

![](https://cdn.door43.org/obs/jpg/360px/obs-en-18-04.jpg)

ई कारण से परमेश्वर सुलेमान से बहुत गुसा होई गेलक। उ कहलक कि उ इजराइल देश के दुइगो राइज में बटवारा करेक कर दुवारा उके दंड देवी। उ सुलेमान कर मरेक कर बाद होवी।

![](https://cdn.door43.org/obs/jpg/360px/obs-en-18-05.jpg)

सुलेमान कर मरल बाद, रह्बाम राजा बनलक। इजराइल देस के सोउब आदमी मन आपन राजा कर रूप में स्वीकार करेक ले जमा होलैं। उमने रह्बम से शिकायत करलेन कि सुलेमान उमन से बहुत कठिन मेहनत करवालक आउर बहुत से माल वसूल करलक, उमने रह्बम से अनुरोध करलेन कि उमन से कम काम करवाई।

![](https://cdn.door43.org/obs/jpg/360px/obs-en-18-06.jpg)

लकिन रह्बाम उमनके बड़ी बेहूदा लेखे जबाब देलक “तोहिन कहला कि मोर बाप सुलेमान तोहिन से कठिन मेहनत करवालक। लकिन मोय तोहिन से उकर से भी ज्यादा कठिन मेहनत करवाबू आउर मोय तोहिन के उकर से भी ज्यादा तंग करबू। ”

![](https://cdn.door43.org/obs/jpg/360px/obs-en-18-07.jpg)

जब आदमी मन उके इसन कहेक सुनलय तो उमन में से कई जन उकर बिरुद्ध बिद्रोह कईर देलैन। दस गोत्र मन उके छोइड देलैन ;उकर संग केवल अब दुई गोत्र बांचलेन। ई दुई गोत्र अपने आप के यहूदा कर राइज कहलैं।

![](https://cdn.door43.org/obs/jpg/360px/obs-en-18-08.jpg)

बाकि कर दस यारोबम नाव कर एगो पुरुष के आपन राजा बनाय लेलैन। ई गोत्र देश कर उतर पूरब भाग में रहलैन। उमन अपने आप के इजराइल कर राइज कहलैं।

![](https://cdn.door43.org/obs/jpg/360px/obs-en-18-09.jpg)

लेकिन यारोबम परमेश्वर कर बिरुद्ध बिद्रोह करलक आउर आदमी मन के पाप करवालक। उ आपन आदमी मन के पूजा पाठ करेक लागिन दुइठो मूर्ति बनवालक। उमन अब यहूदा कर राइज में येरुसलेम में परमेश्वर कर मंदिर में उकर आराधना करेक ले नी गेलैन।

![](https://cdn.door43.org/obs/jpg/360px/obs-en-18-10.jpg)

यहूदा आउर इजराइल कर राइज शत्रु बाईन गेलैन आउर हमेशा हमेशा एक दुसर कर बिरुद्ध लडेक लागलेन।

![](https://cdn.door43.org/obs/jpg/360px/obs-en-18-11.jpg)

इसरायल कर नवा राइज में सबे राजा दुष्ट रहलैन। इकार में से कई जन राजा उकर जगह बनेक कर चाहत राखेक वाला दूसरा इसरायली मन केर दुवारा मारल गेलैन।

![](https://cdn.door43.org/obs/jpg/360px/obs-en-18-12.jpg)

इजराइल राइज कर सबे राजा मन आउर ज्यादातर आदमी मन मूर्ति कर सेवा करलेन तो उमन अक्सर बेश्या मन केर संग सुतलेन आउर हिंया तक कि कई बेर मूर्ति कर आगे छउवा मन के बलिदान करलेन।

![](https://cdn.door43.org/obs/jpg/360px/obs-en-18-13.jpg)

यहूदा राइज कर राजा, दाउद केर वंशज रहलैन। ई राजा में से कई जन बेस आदमी रहलैन जे मन न्याय पूर्वक राइज करलेन आउर परमेश्वर कर आराधना करलेन। लेकिन यहूदा राइज कर ज्यादा राजा दुष्ट रहलैन। उमन दुष्टता से राइज करलेन, आउर मूर्ति कर पूजा पाठ करलेन। हिंया तक कि इमन में से कुछ राजा झूठा देवता मन केर आगे आपन बेटा के भी बलि कईर देलैन। यहूदा कर ज्यादा आदमी मन परमेश्वर कर बिरुद्ध बलवा करलेन आउर दुसर देवता मन कर उपासना करलेन।

*1 राजा अध्याय 1-6; 11-12 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_18_128kbps.m4a

## 19. भविष्यद्वक्ता

https://openbiblestories.org/l/sck/story-19/

![](https://cdn.door43.org/obs/jpg/360px/obs-en-19-01.jpg)

परमेश्वर हमेशा इसरायली मन ठीन भविष्यवक्ता मन के भेजत रहे। भविष्यवक्ता परमेश्वर कर सन्देश सुनात रहलैन आउर आदमी मन के बतात रहलैन।

![](https://cdn.door43.org/obs/jpg/360px/obs-en-19-02.jpg)

जब अहाब इजराइल राइज कर राजा रहे तो उ समय एलियाह भविष्यवक्ता रहे। अहाब एगो बुरा आदमी रहे। उ झूठा बाल देवता कर पूजा पाठ करवाएक लागिन आदमी मन के मजबूर कईर रहे। इकारले एलिय्याह अहाब के कहलक कि परमेश्वर उमन के सजा देवेक जाथे। उ उकर से कहलक “जब तक मोय फिर से बारिश होवेक लागिन नी कह्बू तब तक इजराइल के राईज में ना बारिश ना ओस गिरी “ई बात अहाब के इतना गुस्सा कईर देलक कि उ एलिय्याह के मईर डालेक कर सोइच लेलक।

![](https://cdn.door43.org/obs/jpg/360px/obs-en-19-03.jpg)

इकारले परमेश्वर एलिय्याह के कहलक कि ऊ जंगल में जायके अहाब से लुइक जाय। एलिय्याह जंगल में ऊ नाला ठीन गेलक जोन ठीन परमेश्वर उके बातय रहे। रोज बिहान और साँझ कौवा एलिय्याह ले रोटी और मांस लेईके आवत रहे।

![](https://cdn.door43.org/obs/jpg/360px/obs-en-19-04.jpg)

बरखा नी होवेक से कुछ समय कर बाद ऊ सोता सुइख गेलक। इकारले एलिय्याह भिरे कर देश में चईल गेलक। ऊ देश में गरीब बिधवा रहे जेकर एकेठो बेटा रहे। उमन ठीन करीब करीब आटा ख़तम होई चुईक रहे। काहेकि कोनो खेती नी होवत रहे। फिर भी उ बिधवा बुधिया एलिय्याह के देख रेख करलक इकारले परमेश्वर उकर और उकर बेटा कर आवश्यकता के पूरा करलक। ई कारण से उकर आ टा कर घड़ा और उकर तेल कर कुप्पी कभी खाली नी होलक। उ पूरा अकाल कर समय उमन ठीन खाना रहलक। एलियाह कुछ समय तक हुवां रहलक।

![](https://cdn.door43.org/obs/jpg/360px/obs-en-19-05.jpg)

साढ़े तीन बरस कर बाद, परमेश्वर एलियाह के कहलक की उ फिर से बारिस करी। उ एलिय्याह के वापस इस्राएल राईज में जाएक अहाब से बतियएक ले कहलक। इकारले एलिय्याह अहाब ठीन गेलक। जब अहाब उके देखलक तो उके कहलक “अच्छा तोय हेकिस मुश्किल पैदा करेक वाला एलिय्याह जबाप देलक “मुशीबत पैदा करेक वाला तो तोहे हेकिस। तोय यहोवा के छोइड देले। वोहे सच्चा परमेश्वर हेके लकिन तोय बाल कर पूजा पाठ कराथिस। अब तोके इस्राएल राईज केर सब आदमी मन के कार्मेल पर्वत ठीन लेईके आबे।”

![](https://cdn.door43.org/obs/jpg/360px/obs-en-19-06.jpg)

अत: सोउब आदमी मन कार्मेल पर्वत ठीन गेलेन। उमन भी आलय जे कहत रहलेन कि उमन बाल कर सन्देश बोलेना। उमन बाल कर भविष्यवक्ता रहय। उमन सोब 450 जन रहलय। एलिय्याह आदमी मन के कहलक “कितना दिन तक तोहिन आपन मन के फिराय राखबा?अगर यहोवा परमेश्वर हके तो उकर आराधना करा। अगर बाल परमेश्वर हके तो उकर आराधना करा! ”

![](https://cdn.door43.org/obs/jpg/360px/obs-en-19-07.jpg)

तब एलिय्याह बाल कर भविष्यवक्ता मन के कहलक “एगो बैल कर बलि कईर के उकर मांस के बलिदान होवेक ले एगो बेदी में राखेक कहलक लेकिन आईग मईत लगाबा उकर बाद मोय भी वोसने करबू और एगो बेदी में मोय उ मांस के राखबू। तब अगर परमेश्वर उपरे से आईग गिराई तो तोहिन जाईन जावा की उ सच्चा परमेश्वर हेके। तब बाल कर भविष्यवक्ता एगो बलि के तैयार करलय लकिन आईग नी लगालय।

![](https://cdn.door43.org/obs/jpg/360px/obs-en-19-08.jpg)

तेकर बाल कर भविष्यवक्ता मन बाल से प्रार्थना करलय की “हे बाल हमर सुन! ”पुरा दिन उमने प्रार्थना करलय। आउर चिल्यालय और हिंया तक की स्वयं के चाकू से काईट लेलेंन। लेकिन बाल जवाब नी देलक,और उगो कोनो आईग नी गिरालय।

![](https://cdn.door43.org/obs/jpg/360px/obs-en-19-09.jpg)

बाल कर भविष्यवक्ता बाल से प्रार्थना करेक में लगभग गोटा दिन बिताय लेलय। अंत में उमन प्रार्थना करेक बंद कईर देलय। तब एलिय्याह दुसर बैल केर मांस के परमेश्वर बेदी में राइख देलक। उकर बाद उ आदमी मन से पानी कर बड़का गगरी से ई बलिदान में तब तक उझ्लेक लागिन कहलक कि मास काठी और हिंया तक कि बेदी कर अगल बगल भुइंया पूरा गिला नी होई गेलक।

![](https://cdn.door43.org/obs/jpg/360px/obs-en-19-10.jpg)

तेकर बाद एलिय्याह प्रार्थना करलक हे अब्राहम इसहाक और याकूब कर परमेश्वर हामिन के देखाव कि तोय इस्राएल कर परमेश्वर हकिस और इसन आहे कि मोय तोर दास हेको। मोके जवाब देजेकर से इमन जाईन लेबैं कि तोहे सच्चा परमेश्वर हेकिस।

![](https://cdn.door43.org/obs/jpg/360px/obs-en-19-11.jpg)

तुरंते असमान से आईग गिरलक और उकर मांस काठी पखाल माट्टी और हिंया तक कि बेदी कर अगल बगल कर पानी के भी सुखाय देलक। जब आदमी मन देखलय उमन भुइया में गेलय और बोललय यहोवा ही परमेश्वर हेके! यहोवा ही परमेश्वर हेके।

![](https://cdn.door43.org/obs/jpg/360px/obs-en-19-12.jpg)

तब एलिय्याह कहलक “बाल कर एको ठो भविष्यवक्ता के ना जाए देबा इकारले आदमी मन के बाल कर भविष्यवक्ता मन के धईर लेलेन और उमनके हुवां से दुसर जगह ले गेलेन और माईर मोरालेन।

![](https://cdn.door43.org/obs/jpg/360px/obs-en-19-13.jpg)

तब एलिय्याह अहाब राजा के कहलक “जल्दी से आपन घर भाईग जा काहेकी बारिस होवेक वाला आहे “तुरंत बद्री छाय गेलक और हुमचुवा पानी बरसे लागलक यहोवा उ सुखल के ख़तम करत रहे। इकर से पता चली कि यहोवा ही सच्चा परमेश्वर हेके।

![](https://cdn.door43.org/obs/jpg/360px/obs-en-19-14.jpg)

जब एलिय्याह आपन काम के ख़तम करलक तो परमेश्वर एलिशा नाव कर एगो आदमी के आपनं भविष्यवक्ता होवेक ले चुनलक। परमेश्वर एलिशा केर माध्यम से बहुत से चमत्कार करलक। एगो चमत्कार नमान कर साथ होलक। उ एगो शत्रु कर सेना कर सरदार रहलक लेकिन उकर चमड़ा में एगो बुरा रोग रहे। नमन एलिशा कर बारे सुनलक इकारले उ एलिशा ठीन आलाक और उकर से उके ठीक करेक ले अनुरोध करलक। एलिश नमान के कहलक कि जायके यार्दन नदी केर पानी में सात बेर डुबकी लगाय ले।

![](https://cdn.door43.org/obs/jpg/360px/obs-en-19-15.jpg)

नमान गुस्सा होई गेलक, उ एसन करेक से इन्कार कईर देलक, काहेकी ई उके मुर्खता कर काम लागत रहे। लेकिन पाछे उ अपन मन के बदईल देलक अउर जाय के यर्दन अनादी केर पानी में सात बेर डुबकी लगालक। जब अंतिम में डूबकी लगालक अउर पानी से बाहरे निकललक तो परमेश्वर उके चंगा केईर देलक।

![](https://cdn.door43.org/obs/jpg/360px/obs-en-19-16.jpg)

परमेश्वर इस्राएलली मन ठीन बहुत सारा भविष्यवक्ता मन के भेज लक। उ सब कोई मूर्ति केर पूजा पाठ करेक से मना करेक ले कहली, इकर बावजूद उमन के ऐक दूसरा क्र साथ न्यायपूर्वक ब्यहार करेक चाही अउर ऐक दुसर उपरे दया करेक चाही उ भविष्यवक्ता मन आदमी मन के चेतावनी देवत रहलय की उमन के बंद कराय देवेक रहे। अउर इकर वावजूद परमेश्वर क्र बात क्र पालन करेक है। अगर उमन एसन नि केरलें तो परमेश्वर उ मन के दोषी मान के उ मन क्र न्याय करी अउर उमन के सजा देवी।

![](https://cdn.door43.org/obs/jpg/360px/obs-en-19-17.jpg)

ज्यादातर समय उमन परमेश्वर केर आज्ञा केर पालन नि करलैं। हमेशा उमन भविष्यवक्ता मन के संग बुरा ब्यावाहर करत रहलैं। हियाँ तक की कभीकभी उमन के माईर डाललय। ऐक बार उमन यिर्मियाह भविष्यवक्ता के सुखल दल दल इंद्रा में साईज देलय अउर उके हुवां मरेक ले छोईड़ देई रहलय। उ इंद्रा केर निचे कादो में डूईब जाई रहे। लेकिन तब राजा के उकर उपरे दया आलक अउर उ अपन सैनिक मन के हुकुम देलक की यिर्मियाह के मरेक से पहले उ इंद्रा से बाहरे खिंच लेबय।

![](https://cdn.door43.org/obs/jpg/360px/obs-en-19-18.jpg)

भविष्यवक्ता परमेश्वर बट से बोलेक जारी राईख रहे भले ही आदमी मन उकर से नफरत करत रहलय। उमन आदमी मन के चेतावनी देलैं कि अगर उमन पछतावा निकरलै तो परमेश्वर उमन के नाश केर देवी। उमन आदमी मन के ई इयाद करवालक कि परमेश्वर उमन ठीन मसीह केर भेजेक कर वादा कईर हे।

*1 राजा अध्याय 16-18; 2 राजा 5; यिर्मयाह 38 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_19_128kbps.m4a

## 20. बंधुवाई आउर घुरेक

https://openbiblestories.org/l/sck/story-20/

![](https://cdn.door43.org/obs/jpg/360px/obs-en-20-01.jpg)

इस्राइल कर राईज आउर यहूदा क्र राईज दुइयो परमेशवर कर विरुद्ध पाप कईर रहें। उमन ऊ समझौता के तोइड़ देलय जे परमेश्वर उमन संग सिने पहाड़ में बाईंध रहें। परमेश्वर उमन के पछताप करेक ले चेतावानी देवेक लगींन आपन भविष्यवक्ता मन के भेजलक, लेकिन उमन उकर बात के मानेक से इन्कार कईर देलंय।

![](https://cdn.door43.org/obs/jpg/360px/obs-en-20-02.jpg)

अतः परमेश्वर उमन कर दुश्मन के ख़तम करेक लागिन उमन के शक्ति देलक आउर दुइयो राईज के सजा देलक। अश्शुर एगो दोसरा देश रहे जे बहुते ताकतवर होई जाय रहे। उमन दुसर देश केर प्रति बहुत निर्दयी रहलय। उमन आएके इस्राएल देश के नाश कईर देलय। अश्शुरीमन आएके इस्राइल के राईज में ढेर आदमी मन के माईर मरुवालय, जे के चाहलय उके लुइट लेलय, आउर देश केर कई ठीना जलाय देलंय।

![](https://cdn.door43.org/obs/jpg/360px/obs-en-20-03.jpg)

अश्शुरी मन सोउब अगुवा धनी आदमी मन आउर ऐसन आदमी मन के जे मन बहु मूल्य चीज बनाय सकत रहलय। एक संग जमा करलय आउर उमन उमन के अश्शुर देश लेई केर इस्राएल में केवल थोड़े सं इस्राइली मन बाँचलय।

![](https://cdn.door43.org/obs/jpg/360px/obs-en-20-04.jpg)

फिर अश्शुरी मन उ देश में रहेक लगींन विदेशी मन के लेईके आलय। ऊ विदेशी मन उ नगर के फिर से बनालय। जे इस्राएली मन हुवां बाँइच रहय उमन से उमन शादी करलय इ आदमी मन कर वंश सामरी कहालंय।

![](https://cdn.door43.org/obs/jpg/360px/obs-en-20-05.jpg)

यहूदा रा ईज केर आदमी मन देखलय कि कैसन परमेश्वर उपरे विशवास नी करेक आउर उकर बात के नी मानेक केर कारण इस्राएल राईज केर आदमी मन के सजा देई रहे। परन्तु तोभी उमन कनान देश कर देवता कर मूर्ति केर उपासना करलय परमेश्वर उमन के चेतावनी देवेक ले भाविस्यवक्ता मन के भेजलक लेकिन उमन उमन क्र सुनेक से इन्कार कईर देलंय।

![](https://cdn.door43.org/obs/jpg/360px/obs-en-20-06.jpg)

लगभग १०० बरिस पाछे अश्शुरी मन इस्राएल कर राईज के ख़तम कईर देलैन। परमेश्वर बेबीलोन कर राजा नब्बुकदनेसर के यहूदा के राईज उपरे चढाई करेक ले भेजलक। यहूदा कर राजा नब्बुकदनेस्सर कर गुलाम बनलक आउर हर साल उके ढेर सारा धन चुकाएक लागिन राजी होलक।

![](https://cdn.door43.org/obs/jpg/360px/obs-en-20-07.jpg)

लेकिन थोड़ेक साल बाद, यहूदा कर राजा बेबीलोनी मन वापस आय के यहूदा के राईज उपरे हमला कईर देलक। उमन येरुसलेम उपरे कब्ज़ा कईर देलय मंदिर के तोइड देलय,नगर आउर मंदिर कर खजाना के लुईट के लेई गेलैन।

![](https://cdn.door43.org/obs/jpg/360px/obs-en-20-08.jpg)

बलवा करेक कर कारण यहूदा कर राजा के दंड देवेक ले नब्बुक्दनेस्सर कर सैनिक मन राजा कर बेटा मन के उकर सामने माईर देलय आउर उके अंधा कईर कईर देलय। इकर बाद उमन राजा के लेई गेलैन। ताकि बेबीलोन कर जेहल घर में मईर।

![](https://cdn.door43.org/obs/jpg/360px/obs-en-20-09.jpg)

नब्बुकदनेस्सर आउर उकर सेना यहूदा कर राइज केर लगभग सब आदमी मन के बेबीलोन लेइ गेलय। केवल गरीब मन के छोइड देलय। ताकि उमन खेत में खेती करबय। इ समय के बंधुवाई कहल जाई। जेकर में परमेश्वर कर आदमी मन कर प्रतिज्ञा केर देश से निकलेक ले मजबूर करल गेलक।

![](https://cdn.door43.org/obs/jpg/360px/obs-en-20-10.jpg)

भले ही परमेश्वर आपन आदमी मनके उमन कर पाप लगीन बंधुवाई में लेइ जाईके दण्डित करलक, तेकरो में ऊ उमन के या आपन प्रतिज्ञा के नी भुलालक। परमेश्वर आपन आदमी मन केर निगरानी में राखलक। आउर आपन भविष्यवक्ता केर द्य्वारा उमन से बात करते रहलक कि। ऊ प्रतिज्ञा करलक कि सत्तर साल बाद उमन फिर से प्रतिज्ञा कर देश में घुरबैन।

![](https://cdn.door43.org/obs/jpg/360px/obs-en-20-11.jpg)

लगभग सत्तर साल बाद फारस केर राजा कुश्रु बेबीलोन के हरुवालक, इकर ले बेबीलोन राईज के बजाय फारस कर राईज कई देश में राईज करलक।इसरायली मन अब यहूदी कहलालय। उमन में से ढेरे आपन पूरा जीवन बेबीलोन में बीताय देलैन। केवल तनिक बुढा यहुदिमान के ही यहूदा देश कर ईयाद रहे।

![](https://cdn.door43.org/obs/jpg/360px/obs-en-20-12.jpg)

फारसी मन बहुत शक्तिशाली रहलैन लेकिन उमन आपन जीतल आदमी मन उपरे दया कईर रहलय। फारसी आदमी मन कर राजा बनेक कर तनिक समय कर बाद, कुश्रु एगो आदेश देलक कि कोई भी यहूदी यहूदा देश घुरेक चाहेना ऊ फारस से निकइल के वापस यहूदा जाय सकेना। हिंया तक कि ऊ उमन के मंदिर के फिर से बनायेक लगीन धन भी देलक। अत: बंधवाई केर सत्तर साल पाछे यहूदी मन कर एगो छोटका झुण्ड यहूदा में येरुसलेम शहर घुइर गेलै।

![](https://cdn.door43.org/obs/jpg/360px/obs-en-20-13.jpg)

जब उमन येरुसलेम पहुचलेन तो उमन मंदिर के और शहर केर चाईरो बाटे कर घेरा के फिर से बनालय। फारसी मन ऊ समय भी शासन करत रहलेन। लेकिन एक धाव फिर से उमन प्रतिज्ञा कर देश में आराधना करत रहलेन।

*2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_20_128kbps.m4a

## 21. परमेश्वर मसीह कर प्रतिज्ञा करेला

https://openbiblestories.org/l/sck/story-21/

![](https://cdn.door43.org/obs/jpg/360px/obs-en-21-01.jpg)

जब परमेश्वर ने संसार कर सृजन करलक, उ जानत रहे कि उके बाद में कोनो दिन मसीह के भेजेक होवी। उ आदम आउर हव्वा से प्रतिज्ञा करलक कि उ ऐसन करी। उ कहलक कि हव्वा से एगो वंश जनम लेवी जे साँप केर सिर (मुड़ी) के कुची। जे साँप हव्वा के धोखा देलक उ सच में शैतान रहे। परमेश्वर कर अर्थ रहे कि मसीह पूरी तरह से शैतान के हराय देवी।

![](https://cdn.door43.org/obs/jpg/360px/obs-en-21-02.jpg)

परमेश्वर अब्राहम से प्रतिज्ञा कईर रहे कि उकर द्वारा संसार कर सब जाईत आशीष पाबंय। परमेश्वर बाद में कभी भी मसीह के भेजेक द्वारा उ प्रतिज्ञा के पूरा करी। उ मसीह संसार केर हरेक जाईत में से आदमी मन कर पाप से छुड़ाई।

![](https://cdn.door43.org/obs/jpg/360px/obs-en-21-03.jpg)

परमेश्वर मूसा से प्रतिज्ञा कईर रहलक कि भविष्य में उ मूसा केर जेसन एगो दूसरा भविष्यद्वक्ता के भेजी। उ भविष्यद्वक्ता मसीह होवी। इहे लखे, परमेश्वर फिर से प्रतिज्ञा करलक कि उ मसीह के भेजी।

![](https://cdn.door43.org/obs/jpg/360px/obs-en-21-04.jpg)

परमेश्वर राजा दाऊद से प्रतिज्ञा करलक कि उकर एगो वंश मसीह होवी। उ राजा होवी आउर परमेश्वर केर आदमी मन उपरे हमेशा लागिन राईज करी।

![](https://cdn.door43.org/obs/jpg/360px/obs-en-21-05.jpg)

परमेश्वर यिर्मयाह भविष्यद्वक्ता से बात करलक आउर कहलक कि एक दिन उ एगो नवा वाचा बाँधी। उ नवा वाचा इस्राएल केर संग सीनै में बाँधल वाचा पुरान वाचा लखे नी होवी। जब आदमीमन केर संग उ आपन नवा वाचा के बाँधी, तो उ मन उपरे स्वयं के व्यक्तिगत रूप से प्रकट करी। हरेक आदमी उकर से प्रेम राखबय आउर उकर व्यवस्था के पालन करेक कर इच्छा राखबय। परमेश्वर कहलक कि इ उकर व्यवस्था के उमन कर दिल में लिखेक जैसन होवी। उमन उकर आदमी होबय, आउर परमेश्वर उमन केर पापों के क्षमा करी। उ मसीह होवी जे उकर संग उ नवा वाचा के बाँधी।

![](https://cdn.door43.org/obs/jpg/360px/obs-en-21-06.jpg)

परमेश्वर केर भविष्यद्वक्ता मन इ भी कईह हैं कि मसीह एगो भविष्यद्वक्ता होवी। एगो भविष्यद्वक्ता उ व्यक्ति है जे परमेश्वर केर वचन के सुनेला आउर फिर आदमीमन ले परमेश्वर केर संदेश कर घोषणा करेला। जेके भेजेक कर परमेश्वर प्रतिज्ञा कईर रहे उ मसीह एगो सिद्ध भविष्यद्वक्ता होवी। अर्थात् उ मसीह परमेश्वर केर संदेश के आच्छा से सुनी, आउर उ आदमीमन के उ संदेश के बढ़िया से सिखाई।

![](https://cdn.door43.org/obs/jpg/360px/obs-en-21-07.jpg)

इस्राएली याजक मन आदमीमन ले परमेश्वर केर आगे बलिदान चढ़ाएक जारी रखलय। ई बलिदान आदमीमन केर पाप लागिन उमन के परमेश्वर सजा देवेक कर जगह ठीन चढ़ाल जात रहे। याजक मन आदमीमन लागिन बिनती (प्रार्थना) भी करलय। परन्तु, उ मसीह सिद्ध महायाजक होवी जे परमेश्वर के देवेक ले एगो सिद्ध बलि केर रूप में स्वयं के चढ़ाई देवी। अर्थात्, उ कभी पाप नी करी, आउर जब उ स्वयं के बलि होवेक ले देवी, तो संसार कर कोई भी दूसरा बलि आवश्यक नहीं होवी।

![](https://cdn.door43.org/obs/jpg/360px/obs-en-21-08.jpg)

आदमीमन केर समूह में राजा आउर प्रधान राईज करत रहलय, आउर कभी-कभी उमन गलति करत रह्लय। राजा दाऊद केवल इस्राएलिमन उपरे राइज करलक, परन्तु राजा दाऊद कर वंश मसीह पूरा संसार उपरे राइज करी, आउर उ हमेशा लागिन राइज करी। इकर अलावा, उ हमेशा न्यायपूर्वक रीति से राइज करी, आउर सही निर्णय के लेवी।

![](https://cdn.door43.org/obs/jpg/360px/obs-en-21-09.jpg)

परमेश्वर कर भविष्यद्वक्ता मन मसीह के बारे में बहुत सी बात के कहलय। उदाहरण ले, मलाकी कहलक कि मसीह केर आवेक से पहले एगो दुसर भविष्यद्वक्ता आवी। उ भविष्यद्वक्ता बहुत महत्वपूर्ण होवी। इकर अलावा, यशायाह भविष्यद्वक्ता लिखलक कि मसीह एगो कुँवारी से जनम लेवी। आउर मीका भविष्यद्वक्ता कहलक कि मसीह बैतलहम नगर में जनम लेवी।

![](https://cdn.door43.org/obs/jpg/360px/obs-en-21-10.jpg)

यशायाह भविष्यद्वक्ता कहलक कि मसीह गलील केर क्षेत्र में डेरा करी। जेमन बहुत दुःखी आहैं से मन के मसीह शान्ति देवी। उ कैदिमन के भी स्वतंत्र करी। मसीह बीमाहारिया मन के आउर जे सुईन नहीं सकेला, देईख नी सकेला, बोईल नी सकेना, या चले नी सकेना उमन के भी चंगा करी।

![](https://cdn.door43.org/obs/jpg/360px/obs-en-21-11.jpg)

यशायाह भविष्यद्वक्ता इसन भी कहलक कि आदमीमन मसीह से घृणा नफरत करबय आउर उके स्वीकार करेक से इंकार करबय। दुसर भविष्यद्वक्ता मन कहलय कि मसीह कर एगो संग उकर विरुद्ध में खड़ा होवी। जकर्याह भविष्यद्वक्ता कहलक की उकेर संग एसन करेक ले दुसर आदमीमन से चांदी कर तीस सिक्का लेवी। ईकर अलावे कुछ भविष्यद्वक्ता मन कहलय मसीह के माईर के मोराबय। आउर ऐसन की उमन उकेर लुगा लागिन जुवा खेलबय।

![](https://cdn.door43.org/obs/jpg/360px/obs-en-21-12.jpg)

भविष्यद्वक्ता मन ई भी बतालय कि मसीह कैसन मरी। यशायाह भविष्यद्वाणी करलक कि आदमीमन मसीह उपरे थूकबय, उकर मजाक उड़ाबय, आउर उके पीटबय। उमन उके छेईद देंबय आउर उ बड़ी दुःख आउर ताड़ना में मईर जाई, जबकि उ कुछ भी गलत नी कईर रही।

![](https://cdn.door43.org/obs/jpg/360px/obs-en-21-13.jpg)

भविष्यद्वक्ता मन ई भी बतालय कि मसीह पाप नी करी। उ सिद्ध होवी। लेकिन उ इकरले मरी कि परमेश्वर उके दुसर आदमीमन कर पाप कर खातिर दंड करी। उकर मरल से आदमीमन परमेश्वर केर साथ मेल करेक ले सक्षम होंबै। इकरले परमेश्वर चाहत रहे कि मसीह मरी।

![](https://cdn.door43.org/obs/jpg/360px/obs-en-21-14.jpg)

भविष्यद्वक्ता मन ई भी बतालय कि परमेश्वर मसीह के मरल में से जीयय। इ दर्शावेल कि इ सब नवा वाचा के बाँधेक कर परमेश्वर कर योजना रहे, ताकि उ उमन के बचाय सकेल जेमन उकर विरुद्ध पाप कईर है।

![](https://cdn.door43.org/obs/jpg/360px/obs-en-21-15.jpg)

परमेश्वर भविष्यद्वक्ता मन उपरे मसीह केर बारे में बहुत बात के प्रकट करलक, परन्तु मसीह उ भविष्यद्वक्ता मन में से केकरो के भी जीवनकाल में नी आलक। इ भविष्यद्वानी के देवल जाल केर 400 से बगरा साल केर बाद, ठीक समय में, परमेश्वर मसीह के इस संसार में भेजलक।

*उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_21_128kbps.m4a

## 22. यूहन्ना कर जनम

https://openbiblestories.org/l/sck/story-22/

![](https://cdn.door43.org/obs/jpg/360px/obs-en-22-01.jpg)

पिछले समय में परमेश्वर आपन भविष्यद्वक्ता से बात कईर रहे ईकेरले आदमीमन से बात कईर सइक रहे। लेकिन उस समय से लेइके फिर 400 साल कर बीतत तक उ उमन से बात नी करलक। तब परमेश्वर ने जकर्याह नाव कर भविष्यद्वक्ता के पास एगो स्वर्गदूत के भेजलक। जकर्याह आउर उकर पत्नी एलीशिबा परमेश्वर कर आदर करत रहलय। उमन ढेर बुढा होई जाई रहय, आउर उमन कर कोई संतान जनम नी होई रहलय।

![](https://cdn.door43.org/obs/jpg/360px/obs-en-22-02.jpg)

उ स्वर्गदूत जकर्याह से कहलक, "तोर पत्नी से एगो बेटा पुत्र कर जनम होवी। तोय उकर नाव् यूहन्ना राखबे। परमेश्वर उके पवित्र आत्मा से परिपूर्ण करी, आउर यूहन्ना आदमीमन के मसीह के ग्रहण करेक ले तैयार करी।" जकर्याह जवाब देलक, "मोय आउर मोर पत्नी संतान पैदा करेक ले बहुत बुढा होई जाही! मोय कैसे जानबू कि तोय मोके सचे कहथिस ?"

![](https://cdn.door43.org/obs/jpg/360px/obs-en-22-03.jpg)

उ स्वर्गदूत जकर्याह के जवाब देलक, "तोरे ठीन इ शुभ संदेश के लानेक ले मोय परमेश्वर बटे से भेजल आहों। काहेकि तोय मोर पे विश्वास नीकरले, इकरले छउवा के जनम होवेक तक तोय बोलेक नी सकबे " तुरन्त ही, जकर्याह कर आवाज निकलेक बंद होई गेलक। तब उ स्वर्गदूत जकर्याह के पास (ठीन ) से चईल गेलक। इकर बाद, जकर्याह घर घुइर आलक आउर उकर पत्नी आशापति होलक।

![](https://cdn.door43.org/obs/jpg/360px/obs-en-22-04.jpg)

जब एलीशिबा छः महीने कर अशापति रहे, तो वोहे स्वर्गदूत अचके से एलीशिबा कर रिश्तेदार पर प्रकट होलक, जेकर नाव मरियम रहे। मरियम कुँआरी रह्लक आउर शादी होवेले यूसुफ नाव केर पुरुष केर संग उकर मंगनी होई चुईक रहे। स्वर्गदूत कहलक, "तोय आशापति होबे आउर एगो बेटा के जनम देबे। तोके उकर नाव यीशु राखबे। उ सर्व-शक्तिमान परमेश्वर कर बेटा होवी आउर हमेशा ले राइज करी"

![](https://cdn.door43.org/obs/jpg/360px/obs-en-22-05.jpg)

मरियम जवाब देलक, "इ कैसन होवी, कहाकि मोय तो कुँआरी आहों?" उ स्वर्गदूत समझालक, "पवित्र आत्मा तोर उपरे आवी, आउर परमेश्वर कर सामर्थ तोर उपरे छाया करी। इकरले उ बालक छउआ पवित्र होवी, आउर उ परमेश्वर कर बेटा होवी" जे उ स्वर्गदूत कहलक उकर उपरे मरियम विश्वास करलक।

![](https://cdn.door43.org/obs/jpg/360px/obs-en-22-06.jpg)

इ होवेक कर तुरन्त बाद, मरियम जाए के एलीशिबा से भेंट करलक। जैसने मरियम उके नमस्कार करलक, एलीशिबा कर बालक उकर भीतरे उछललक। उमन ले परमेश्वर जे कईर रहे उकर बारे में उ स्त्री दुनो एक साथ आनन्दित होलायं। एलीशिबा केर संग तीन महीना रहेक कर बाद, मरियम घर घुइर गेलक।

![](https://cdn.door43.org/obs/jpg/360px/obs-en-22-07.jpg)

इकर बाद, एलीशिबा आपन बालक के जनम देलक। जकर्याह आउर एलीशिबा उ बालक कर नाव यूहन्ना राखलय, जैसन कि उ स्वर्गदूत आदेश देई रहे। तब परमेश्वर जकर्याह के बोलेक ले शक्ति देलक । जकर्याह कहलक, "परमेश्वर कर महिमा होवे, काहेकि उ आपन आदमीमन कर मदद करेक ले इयाद राइखे! हे मोर बेटा तोय सर्व-शक्तिमान परमेश्वर कर भविष्यद्वक्ता होबे। तोय आदमीमन के बताबे कि उमन कैसन आपन पाप कर क्षमा पाए सकेना! "

*लूका अध्याय 1 से एगो बाइबल केर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_22_128kbps.m4a

## 23. यीशु कर जनम

https://openbiblestories.org/l/sck/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नाव केर एगो धर्मी व्यक्ति केर संग मरियम कर मंगनी होई चुईक रहे। जब उ सुनलक कि मरियम गर्भवती हेइके तो उ जानत रहे कि उ उकर बच्चा ना लागे। लेकिन, उ मरियम के बदनाम नी करेक चाहत रहे, इकर ले उ उकर उपरे दया करेक कर आउर उके चुपचाप छोइड देवेक लागिन सोचलक। लेकिन इकर से पहले कि उ ऐसन करतक, एगो स्वर्गदूत उकर सपना में आएके उकर से बात करलक।

![](https://cdn.door43.org/obs/jpg/360px/obs-en-23-02.jpg)

उ स्वर्गदूत कहलक, "हे यूसुफ, मरियम के अपन पत्नी केर रूप में लेइके आनेक से मईत डराव। उकर भीतर जे छउवा (बच्चा) हेईक उ पवित्र आत्मा बटे से आहे। उ एगो बेटा के जनम देवी। उकर नामव यीशु रखबा (जेकरअर्थ हेइके, 'यहोवा बचायला ), काहेकी उ आदमीमन के उमन केर पाप से बचाई।"

![](https://cdn.door43.org/obs/jpg/360px/obs-en-23-03.jpg)

अतः यूसुफ मरियम से शादी केरलक आउर उके आपन पत्नी कर रूप में घर लेई आलक, परन्तु उकर छउवा के जनम देवेक तक उ उकर साथे नी सुतलक।

![](https://cdn.door43.org/obs/jpg/360px/obs-en-23-04.jpg)

जब मरियम कर जनम देवेक कर समय भिरे रहे, तो उ आउर यूसुफ बैतलहम जायक ले एगो लम्बा यात्रा करलय। उमन के हुहाँ जाएक रहे काहेकि रोमी अधिकारी इस्राएल में रहेक वाला सोब आदमीमन कर गिनती करेक चाहत रहे। उ मन चाहत रहे कि सोब आदमी मन हुहाँ जाबएँ जहाँ उमन कर पूर्वज रहत रहलय। राजा दाऊद कर जनम बैतलहम में होई रहे, आउर उ मरियम आउर यूसुफ दोईयों कर पूर्वज रहंय।

![](https://cdn.door43.org/obs/jpg/360px/obs-en-23-05.jpg)

मरियम आउर यूसुफ बैतलहम गेलंय, लेकिन हुहाँ जानवर के राखेक वाला (स्थान) जगह केर अलावा उमन ले ठहरेक लागिन कोई जगह नी रहे। जहाँ मरियम आपन छउवा के जनम देलक। उ उके (कठौती) चरनी में सुताय देलक काहेकि हुहाँ उकर ले कोई बिस्तर नी रहे। उमन उकर नाव यीशु राखलंय।

![](https://cdn.door43.org/obs/jpg/360px/obs-en-23-06.jpg)

उ राइत, हुवां नजदीक कर खेत में कुछ गड़ेरियामन आपन भेड़ कर रखवाली करत रहलय। अचके में एगो चमकदार स्वर्गदूत उ मन ठीन प्रगट होलक, आउर उमन डराय गेलय। उ स्वर्गदूत कहलक “ना डरावा, काहेकि मोर ठीन तोहर ले शुभ सन्देश हेइक। बैतलहम में मसीह, स्वामी कर जनम होई हे।

![](https://cdn.door43.org/obs/jpg/360px/obs-en-23-07.jpg)

जाएके उ बालक के खोजा, आउर तोहिन उके कपड़ा में लिपटल आउर चरनी में सुतल पाबा।" अचानक से, आकाश स्वर्गदूत मन से भईर गेलक। उमन परमेश्वर कर बड़ाई करत रहलय। उमन कहलय, "पूरा महिमा स्वर्ग में विराजमान परमेश्वर के मिलेक। धरती में उ आदमीमन में शांति होवे जेके उ चिंता करेला! "

![](https://cdn.door43.org/obs/jpg/360px/obs-en-23-08.jpg)

तब स्वर्गदूत चईल गेलक। उ चरवाहा मन भी आपन भेड़ के छोईड़ के बालक के देखेक गेलय। तुरंते उमन उ जगह ठीन पहुंचलय जहाँ ठीन यीशु रह्लक आउर उमन उके चरनी में सुतल पालय जैसन कि उ स्वर्गदूत कईह रहे। उमन बहुत उत्साहित रह्य। तब उ चरवाहा वापस घुइर के हुहाँ से लौट गेलक जहाँ उमन कर भेड़ रह्लक। उमन जे कुछ भी सुनलय आउर देखलय उ सब केर ले उमन परमेश्वर कर स्तुति करत रहलय।

![](https://cdn.door43.org/obs/jpg/360px/obs-en-23-09.jpg)

पूरब में दूर एगो देश में कुछ पुरुष मन रहै। उमन तराईगन के पढ़लय आ उर उमन बड़ी बुद्धिमान रहलय। उमन एगो विचित्र तराईगन के देखलय। उमन कहलय कि इकर माने है कि यहूदीमन लागिन एगो राजा कर जनम होई हे। इकर ले उ बालक के देखेक लागिन आपन देश से यात्रा करेक कर बिचार करलय। एगो लम्बा यात्रा कइर के, पाछे उमन बेतलेहेम आलय आउर उ घर के पालय जहाँ यीशु आउर उकर माय बाप ठहइर रहलय।

![](https://cdn.door43.org/obs/jpg/360px/obs-en-23-10.jpg)

जब इ पुरुष मन यीशु के अपन माँय के संग देखलय तो उमन घुटना टेइक कर उकर आराधना करलय। उमन यीशु के कीमती दान देलय। फिर उमन आपन घर घुइर गेलय।

*मत्ती अध्याय 1; लूका 2 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_23_128kbps.m4a

## 24. यूहन्ना यीशु के बपतिस्मा देवेला

https://openbiblestories.org/l/sck/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा आउर जकर्याह कर बेटा यूहन्ना, बड़ा होईके एगो भविष्यद्वक्ता बन गेलक। उ जंगल में रहत रहे, आउर जंगली मधु रस (शहद) आउर टिड्डियाँ खात रहे, आउर ऊँट कर रोआं से बनल कपड़ा पहनत रहे।

![](https://cdn.door43.org/obs/jpg/360px/obs-en-24-02.jpg)

ढेर बगरा आदमीमन यूहन्ना केर बात सुनेक लागिन जंगल में निकइल के आलय। उ ई कइह कर प्रचार करलक, "पश्चाताप करा, काहेकि स्वर्ग कर राईज भीरे आहे!"

![](https://cdn.door43.org/obs/jpg/360px/obs-en-24-03.jpg)

जब आदमी मन यूहन्ना कर संदेश सुनलय, तो उमन में हों बहुते आपन पाप से पश्चाताप करलय, आउर यूहन्ना उमन के बपतिस्मा देलक। यूहन्ना देखेक ले बहुत से धार्मिक अगुवामन भी आलय, लेकिन उमन अपन पाप केर पश्चाताप या अंगीकार नी केरलय।

![](https://cdn.door43.org/obs/jpg/360px/obs-en-24-04.jpg)

यूहन्ना धार्मिक अगुवा मन के कहलक “हे जहरीला सांप मन! पश्चाताप करा आउर अपन व्यवहार के बदला। परमेश्वर हर उ पेड़ के काइट डालेला जे अच्छा फल नी लानेला, आउर उके आइग में झोंइक देवेला।" जे भविष्यद्वक्ता मन कइह रहलय सेके यूहन्ना पूरा करलक, "देख, शीघ्र ही मोय तोर आगे अपन संदेशवाहक के भेजबू जे तोरलागिन रास्ता तैयार करी।"

![](https://cdn.door43.org/obs/jpg/360px/obs-en-24-05.jpg)

कुछ धार्मिक अगुवा मन यूहन्ना से पूछलय कि का उ मसीह हेके। यूहन्ना जवाब देलक, "मोय मसीह ना लागों, लेकिन उ मोर बाद (पाछे)आवथे। उ इतना महान हेइक कि मोय उकर जूता कर फीता खोलेक लायक नाखों।"

![](https://cdn.door43.org/obs/jpg/360px/obs-en-24-06.jpg)

अगले दिन, यीशु बपतिस्मा लेवेक ले यूहन्ना ठीन आलक। जब यूहन्ना उके देखलक, तो उ कहलक, "देखा! परमेश्वर कर मेमना जे संसार कर पाप के उठाय के लेई जाई।"

![](https://cdn.door43.org/obs/jpg/360px/obs-en-24-07.jpg)

यूहन्ना यीशु से कहलक, "मोय तोके बपतिस्मा देवेक के योग्य नखों। बजाए इ जरुरत है कि तोय मोके बपतिस्मा दे।" लेकिन यीशु कहलक, "टोके मोके बपतिस्मा देवेक चाही, काहेकि करेक लागिन ठीक काम येहे हेके।" अतः यूहन्ना उके बपतिस्मा देलक, जबकि यीशु कभी पाप नी कईर रहे।

![](https://cdn.door43.org/obs/jpg/360px/obs-en-24-08.jpg)

बपतिस्मा देवल जाल केर बाद जब यीशु पानी से निकइल कर बाहरे आलक, तो परमेश्वर कर आत्मा कबूतर केर रूप में प्रकट होलक आउर हेंठे आयके उकर उपरे ठहइर गेलक। उहे समय, परमेश्वर स्वर्ग से बात करलक। उ कहलक, "तोय मोर बेटा हेकिस। मोय तोर से प्यार करोना, आउर मोय तोर से बहुत खुश आहों।"

![](https://cdn.door43.org/obs/jpg/360px/obs-en-24-09.jpg)

परमेश्वर यूहन्ना कईह रहे,"पवित्र आत्मा हेंठे आएके केकरो उपरे ठहइर जाई जेके तोय बपतिस्मा देबे।" वोहे परमेश्वर कर बेटा हेकिस परमेश्वर एके हेइक। लेकिन जब यूहन्ना यीशु के बपतिस्मा देलक, तो उकर परमेश्वर पिता से बात करते सुनलक, पुत्र परमेश्वर के देखलक, जे कि यीशु हेके, आउर उ पवित्र आत्मा के देखलक।

*मत्ती अध्याय 3; मरकुस 1:9-11; लूका 3:1 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_24_128kbps.m4a

## 25. शैतान यीशु कर परीक्षा करेला

https://openbiblestories.org/l/sck/story-25/

![](https://cdn.door43.org/obs/jpg/360px/obs-en-25-01.jpg)

यीशु कर बपतिस्मा होवल कर तुरन्त बाद ही, पवित्र आत्मा उके जंगल में लेई गेलक। यीशु हुहाँ चालीस दिन आउर चालीस रात रहलक। उ समय उ उपवास कईररह्लक, आउर शैतान यीशु केर पास आएके पाप करवाएक लागिन उकर परीक्षा करलक।

![](https://cdn.door43.org/obs/jpg/360px/obs-en-25-02.jpg)

पहले, शैतान यीशु के कहलक, "अगर तोय परमेश्वर कर बेटा हेकिस तो इ पखल के कह कि रोटी बइन जई ताकि तोय खाय सकीस!"

![](https://cdn.door43.org/obs/jpg/360px/obs-en-25-03.jpg)

परन्तु यीशु शैतान के कहलक, "परमेश्वर केर वचन में इ लिखल हेइके, 'जिन्दा रहेकले मनुष्य के केवल रोटी कर जरुरत नहीं, परन्तु उके हर उ बात कर जरुरत हेइक जे परमेश्वर उमन से कहेला! "

![](https://cdn.door43.org/obs/jpg/360px/obs-en-25-04.jpg)

तब शैतान यीशु के मंदिर केर सबसे उपरे चोटी में लेई गेलक। उ उकर से कहलक, "अगर तोय परमेश्वर कर बेटा हेकीस तो हिंया से नीचे डेइग दे, काहेकि लिखल हेइके, 'परमेश्वर तोके लोकेक ले अपन स्वर्गदूत के आज्ञा देवी कि तोर पाँव पखल से ठेस नी लागी।'"

![](https://cdn.door43.org/obs/jpg/360px/obs-en-25-05.jpg)

लेकिन यीशु उसने नी करलक जे शैतान उके करेक ले कइह रहे। इकर बजाए, उ कहलक, "परमेश्वर हर आदमी से कहेला, 'तोहीन प्रभु अपन परमेश्वर कर परीक्षा न करबा।'"

![](https://cdn.door43.org/obs/jpg/360px/obs-en-25-06.jpg)

फिर शैतान उके संसार केर सारा राईज दिखालक। उ उके दिखालक कि उ कितना शक्तिशाली रहे, आउर उ कितना धनी रहे। उ यीशु से कहलक, "मोय तोके ई सब देई देबों अगर तोय घुटना टेईक कर मोर उपासना करबे।"

![](https://cdn.door43.org/obs/jpg/360px/obs-en-25-07.jpg)

यीशु जवाब देलक, "हे शैतान, मोर ठीन (पास) से चईला जा! परमेश्वर केर वचन में उ आदमीमन के आदेश देवेला, 'केवल अपन प्रभु परमेश्वर कर आराधना करबा। परमेश्वर कर रूप में केवल उकर आदर करबा।"

![](https://cdn.door43.org/obs/jpg/360px/obs-en-25-08.jpg)

यीशु शैतान कर परीक्षा से हार नी मानलक, इकरले शैतान उकर पास से दूर चईल गेलक। तब स्वर्गदूत आयके यीशु कर सेवा टहल करेक लागलक।

*मत्ती अध्याय 4:1-11; मरकुस 1:12-13; लूका 4:1-13 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_25_128kbps.m4a

## 26. यीशु अपन सेवा सुरु करेला

https://openbiblestories.org/l/sck/story-26/

![](https://cdn.door43.org/obs/jpg/360px/obs-en-26-01.jpg)

शैतान कर परीक्षा कर इंकार करेक कर बाद, यीशु वापस गलील केर क्षेत्र में आलक। ई ओहे जगह हेके जहाँ उ रहत रहे। पवित्र आत्मा उके बड़ी शक्ति देवत रहे आउर यीशु एक जगह से दुसरे जगह जायके, आदमीमन के शिक्षा देलक। सब उकर बारे अच्छा बात कहत रहलय।

![](https://cdn.door43.org/obs/jpg/360px/obs-en-26-02.jpg)

फिर यीशु नासरत नगर में गेलक। जब उ बालक रहे तो उ ईहे गाँव में रहत रहे। सब्त केर दिन, उ आराधना करेक कर जगह में गेलक। अगुवामन उके यशायाह भविष्यद्वक्ता कर संदेश कर एगो किताब देलय। उमन चाहत रहलय कि उ उकर में से पढ़े। अतः यीशु उ पुस्तक के खोइल के उकर एगो भाग के आदमीमन लागिन पढ़लक।

![](https://cdn.door43.org/obs/jpg/360px/obs-en-26-03.jpg)

यीशु ई लेखे पढ़लक, "परमेश्वर मोके अपन आत्मा देइहे ताकि मोय कंगाल मन के सुसमाचार प्रचार कईर सकों। उ मोके इकरले भेईज हे कि मोय कैदीमन के आजाद करबू, अँधा मन के फिर से दृष्टी प्रदान करबू आउर जेमन के दुसर लोग मन कुचलथय उमन के छुटकारा देबू। ई उ समय है जब परमेश्वर हमीन उपरे दया करी आउर हमर सहायता करी।

![](https://cdn.door43.org/obs/jpg/360px/obs-en-26-04.jpg)

फिर यीशु बैठ गेलक। सब कोई उके बड़े ध्यान से देख रहलय। उमन जानत रहलय कि पवित्रशास्त्र कर जे भाग उ एखन पढ़त रहे उ मसीह कर बारे में रहे। यीशु कहलक, "जे बात मोय एखन तोहीन ले पढ़लों, उमन बिलकुल इ समय घटत आहे।" सब कोई चकित रहलय। उमन कहलय, "का इ यूसुफ कर बेटा ना लगे?"

![](https://cdn.door43.org/obs/jpg/360px/obs-en-26-05.jpg)

तब यीशु कहलक, "ई सच हेके कि लोगमन कोई उ भविष्यद्वक्ता के कभी स्वीकार नी करेना जे उकर गांव घर में पला-बढ़ा होई। एलिय्याह भविष्यद्वक्ता केर समय में, जब साढ़े तीन बरस तक बरखा नी होलक तब इस्राएल में ढेरे ले विधवामन रहलय। लेकिन परमेश्वर ने एलिय्याह के इस्राएल में कोई बिधवा कर सहायता करेक ले नी भेजलक। इकर बजाय, उ एलिय्याह के एक दूसर देश कर विधवा केर ठीन भेजलक।"

![](https://cdn.door43.org/obs/jpg/360px/obs-en-26-06.jpg)

यीशु काहेक जारी राखलक, "और एलीशा भविष्यद्वक्ता केर समय में, इस्राएल में बहुत से लोगमन चमड़ी केर रोग से पीड़ित रह्लय। लेकिन एलीशा उकर में से केकरो चंगा नी करलक। उ सिर्फ इस्राएल केर शत्रु केर सेनापति नामान के चंगा करलक।" लेकिन जे मन यीशु केर सुनत रहलय उमन यहूदी रहलय। इकरले जब उमन में उके ई कहते सुनलय तो उमन उकर से गुसाय गेलय।

![](https://cdn.door43.org/obs/jpg/360px/obs-en-26-07.jpg)

नासरत केर आदमी मन यीशु कर धईर लेलंय आउर उके आराधना कर जगह से घोंसारते बाहरे लेई गेलय। आउर उमन उके एगो चटान कर चोटी पर लेई गेलय, ताकि उके हुवां से निचे गिराय के माईर डालबय। लेकिन यीशु भीड़ में से निकईल गेलक आउर नासरत नगर के छोईड़ के चइल गेलक।

![](https://cdn.door43.org/obs/jpg/360px/obs-en-26-08.jpg)

फिन यीशु सारे गलील केर क्षेत्र में गेलक, आउर बड़ी भीड़ उकर ठीन आलक। उ मन ऐसन बहुत से आदमीमन के लेइके आलय। जे बीमार आउर बिक्लांग रह्लय। उकर में कुछ अंधा, आउर कुछ दुसर लंगड़ा, बहिरा या गुन्ग्गा रहलय। आउर यीशु उमन के चंगा करलक।

![](https://cdn.door43.org/obs/jpg/360px/obs-en-26-09.jpg)

इकर अलावा, बहुत से ऐसन लोगमन के यीशु के पास लानलय जे मन उपरे दुष्टात्मा रहे। यीशु दुष्टात्मा मन के उमन से निकेईल जाएक ले हुकुम देलक, आउर उमन निकइल गेलय। उ दुष्टात्मा मन अक्सर चिल्लात रहय, "तोय परमेश्वर कर पुत्रर हेकीस! " भीड़ केर लोगमन रहलय, आउर उमन परमेश्वर कर स्तुति करलय।

![](https://cdn.door43.org/obs/jpg/360px/obs-en-26-10.jpg)

फिर यीशु बारह पुरुषमन के चुनलक कि उमन के अपन खास आदमी बनबय। उ उमन के प्रेरित कहलक। ई प्रेरितमने उकर संगे यात्रा करलय आउर उकर से शिक्षा प्राप्त करलय।

*मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 से एगो बाइबिल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_26_128kbps.m4a

## 27. दयालु सामरी कर कहानी

https://openbiblestories.org/l/sck/story-27/

![](https://cdn.door43.org/obs/jpg/360px/obs-en-27-01.jpg)

एक दिन मूसा की ब्यवस्था कर सिखाएक वाला यीशु ठीन आलक। उ सबके इ दिखायला चाहत रहे कि यीशु गलत तरीका शिक्षा देवथे। इकर ले उ कहलक “हे गुरु, अनन्त जीवन पावेक ले (लागिन) मोय का करों? यीशु जबाब देलक “परमेश्वर कर ब्यवस्था में का लिखल आहे?”

![](https://cdn.door43.org/obs/jpg/360px/obs-en-27-02.jpg)

उ आदमी कहलक, “उकर में ऐसन कहल जाईहे कि आपन परमेश्वर से आपन सारे मन, प्राण, सामर्थ आउर बुधि से प्रेम राख आउर अपन पडोसी से अपन लखे प्रेम राख “यीशु उतर देलक ‘तोय ठीके कहले! अगर तोय ऐसन करबे, तो तोके अनन्त जीवन प्राप्ति होवी।

![](https://cdn.door43.org/obs/jpg/360px/obs-en-27-03.jpg)

लेकिन उ व्यवस्था कर सिखाएक वाला, आदमीमन मन के देखाएक चाहत रहे कि उकर जीवन जियेक कर तरीका सही रहे। इकर ले उ यीशु से पूछलक “ठीक हेइक, तो मोर पड़ोसी के हेके?”

![](https://cdn.door43.org/obs/jpg/360px/obs-en-27-04.jpg)

यीशु उ व्यवस्था केर सिखाएक वाला के एगो कहानी बताएक कर द्वारा जवाब देलक। "एगो यहूदी आदमी रहे जे एगो रोइड से होइके यरूशलेम नगर से यरीहो नगर बटे जात रहे।"

![](https://cdn.door43.org/obs/jpg/360px/obs-en-27-05.jpg)

लेकिन कुछ डाकुमन देखलय उके आउर उकर पर हमला कईर देलय। उमन उकर सब कुछ के लुइट लेलय आउर उके मारलय - पिटलय आउर अधमरा छोईड़ के चईल गेलय।

![](https://cdn.door43.org/obs/jpg/360px/obs-en-27-06.jpg)

उकर तुरन्त बाद, एगो यहूदी याजक वोहे सड़क से गुजरलक। उ याजक उ आदमी के सड़क में पड़ल देखलक। जब उ उके देखलक तो उ सड़क कर दूसर बटे जायके आगे बईढ़ गेलक। उ उ आदमी के पूरा तरह से अनदेखा कईर देलक।

![](https://cdn.door43.org/obs/jpg/360px/obs-en-27-07.jpg)

कुछ समय बीतल कर बाद, एगो लेवी उ सड़क में आलक। (लेवी यहूदिमन कर एगो गोत्र रहे जेमन मंदिर में याजकमन कर सहायता करत रहलय।) उ लेवी भी उ अधमुवा पड़ल आदमी के देखलक आउर सड़क कर दूसर बटे से निकईल गेलक। उ भी उ व्यक्ति कर अनदेखा कईर देलक।

![](https://cdn.door43.org/obs/jpg/360px/obs-en-27-08.jpg)

अगला आदमी जे उ सड़क में आलक उ सामरिया देश कर एगो पुरुष रहे। (सामरी लोग आउर यहूदी लोग एक दूसर से नफरत करत रहलय।) फिर भी उ सामरी आदमी सड़क में पड़ल उ यहूदी आदमी के देखलक तो उकर उपरे बड़ा तरस खालक। तब उ उकर पासे गेलक आउर उकर घाव में पट्टि बाँधलक।

![](https://cdn.door43.org/obs/jpg/360px/obs-en-27-09.jpg)

फिर उ सामरी उ व्यक्ति के अपन गधा उपरे लादलक आउर उके उ सड़क से उठाय के एगो बिश्रामघर में लेई गेलक। जहाँ ठीन उ उकर देखभाल करेक जरी रखलक।

![](https://cdn.door43.org/obs/jpg/360px/obs-en-27-10.jpg)

अगला दिन, उ सामरी के अपन यात्रा के जारी राखेक कर जरुरत रहे। उ उ सराय कर मालिक को कुछ पैसा देलक। उ उकर से कहलक “ई आदमी कर देख भाल करबे। अगर ई पैसा के अलावे आउर तोर कुछ आउर पैसा खर्च होवी तो वापस होवेक बेरा मोय तोके उ खर्चा कर भईर देबुं।"

![](https://cdn.door43.org/obs/jpg/360px/obs-en-27-11.jpg)

फिर यीशु उ व्यवस्था केर सिखाएक वाला से पूछलक, "तोय का सोचथिस? इ तीन जन में से केहर उकर पड़ोसी होवी जेकर से लूटल आउर पीटल गेलक ?" उ जवाब देलक, " ओहे जे उकर उपरे दाया दिखालक” “तब यीशु उके कहलक, “तोहों जा आउर एसने करबे।"

*लूका अध्याय 10:25-37 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_27_128kbps.m4a

## 28. धनवान जवान शासक

https://openbiblestories.org/l/sck/story-28/

![](https://cdn.door43.org/obs/jpg/360px/obs-en-28-01.jpg)

एक दिन, एगो धनी जवान यहूदी अगुवा यीशु ठीन आइके उकर से पूछलक, "हे उत्तम गुरु, अनन्त जीवन पावेक ले मोके का करेक चाहि?" यीशु उके कहलक, "तोय मोके उतम का लागिन कहथिस? सिरिफ एक ही उतम आहे आउर उ परमेश्वर हेके। लेकिन तोय अनन्त जीवन पावेक चाहिस ला तो परमेश्वर कर ब्यवस्था के पालन कर।”

![](https://cdn.door43.org/obs/jpg/360px/obs-en-28-02.jpg)

उ पुचलक, "मोके कोन कोन से आज्ञा कर पालन करेक कर आवश्यकता हेइक?" उ पूछलक। यीशु जवाब देलक, "हत्या न करबे। व्यभिचार न करबे। चोरी न करबे। झूईठ ना बोलबे। अपन माय- बाप कर आदर करबे, आउर अपन पड़ोसी से अपन लेखे प्रेम करबे।"

![](https://cdn.door43.org/obs/jpg/360px/obs-en-28-03.jpg)

लेकिन उ जवान पुरुष कहलक, "मोय अपन बचपन से इ सब आज्ञामन के पालन करते आहों। मोके हमेशा ले जीवित रहेक ले एखन भी का करेक कर जरुरत हेईके? यीशु उके देखलक आउर उके प्रेम करलक।

![](https://cdn.door43.org/obs/jpg/360px/obs-en-28-04.jpg)

तब यीशु जवाब देलक, “अगर तोय सिद्ध होवेक चाहिसला तो जायके अपन सब कुछ बेईच दे आउर उ धन के गरीब मनले बाईट दे आउर तोके स्वर्ग में धन मिली। तब आएके मोर पाछे होई ले।”

![](https://cdn.door43.org/obs/jpg/360px/obs-en-28-05.jpg)

जेखन उ जवान पुरुष यीशु कर बातमन के सुनलक तो उ बहुत उदास होई गेलक, काहेकि उ बड़ा धनी रहे आउर अपन सारा सम्पति के देवेक नी चाहत रहे उ घुइर के यीशु केर ठीन से चइल गेलक।

![](https://cdn.door43.org/obs/jpg/360px/obs-en-28-06.jpg)

तब यीशु अपन चेला मन के कहलक “धनी आदमीमन कर परमेश्वर केर राइज में प्रवेश करेक बहुत कठिन हेइके! हाँ एगो धनी पुरुष के परमेश्वर केर राइज में प्रवेश कर तुलना में कोनो ऊंट कर सुई के छेद में से होइके निकईल जायेक असान आहे।"

![](https://cdn.door43.org/obs/jpg/360px/obs-en-28-07.jpg)

जब चेलामन यीशु कर बात मन के सुनलक तो उमन चकित होई गेलय। उमन कहलय, “अगर ई ऐसन हेइक तो परमेश्वर केके बचई?"

![](https://cdn.door43.org/obs/jpg/360px/obs-en-28-08.jpg)

यीशु चेला मन के देखलक आउर कहलक “आदमीमन खुद के नी बचाय सकबय। इसन करेक असंभव हेइक। लेकिन परमेश्वर लागिन कुछ भी करना असंभव नखे।"

![](https://cdn.door43.org/obs/jpg/360px/obs-en-28-09.jpg)

पतरस यीशु के कहलक, "हमीन जे तोर चेला हेकीस अपन सब कुछ छोईड के तोर पाछे होई लेही। तो हमर का प्रतिफल होवी?

![](https://cdn.door43.org/obs/jpg/360px/obs-en-28-10.jpg)

यीशु जवाब देलक, "हरेक जन जे मोर चलते घर, भाई, बहन, माय, बाप, बच्चा या सम्पति के छोड़ेंना उ उकर से सौ गुना अधिक प्राप्त करबय आउर अनन्त जीवन के भी पावी।लेकिन बहुत से जे पहले आहंय उमन पीछे होबय आउर बहुत से जे पीछे आहयं उमन पहले होबैं।"

*मत्ती अध्याय 19:16-30; मरकुस 10:17-31; लूका 18:18-30 से एक बाइबिल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_28_128kbps.m4a

## 29. निर्दयी दास कर कहानी

https://openbiblestories.org/l/sck/story-29/

![](https://cdn.door43.org/obs/jpg/360px/obs-en-29-01.jpg)

एक दिन, पतरस यीशु से पूछलक, "हे स्वामी, जब मोर भाई मोर बिरुद्ध पाप करेला तो मोके अपन भाई के केतना बार क्षमा करेक चाहि? का सात धांव तक ?”यीशु कहलक “सात धांव नहीं लेकिन सतर धांव। इकर द्वारा यीशु कर मतलब यी रहे कि हमीन के हमेशा क्षमा करेक चाहि। तब यीशु ई कहानी बतालक।

![](https://cdn.door43.org/obs/jpg/360px/obs-en-29-02.jpg)

यीशु कहलक, "परमेश्वर कर राईज ई लेखे हेइक। एगो राजा जे अपन दास से लेखा लेवेक चाहत रहे। उकर एगो दास ढेरे पैसा कर एगो बड़का कर्ज कर करजदार रहे।”

![](https://cdn.door43.org/obs/jpg/360px/obs-en-29-03.jpg)

लेकिन उ दास "अपन ऋण के चूकाय नी पारलक, इकरले राजा कहलक “इकर ऋण चूकाएक ले ई पुरुष के आउर इकर परिवार के गुलाम केर रूप में बेईच देवा।

![](https://cdn.door43.org/obs/jpg/360px/obs-en-29-04.jpg)

"उ नौकर राजा कर आगे घुटना टेइक के कहलक, कृपा कईर मोर उपरे धीरज धर, आउर मोय अपन करज (ऋण) केर पूरा रकम भईर देबू।” राजा नौकर उपरे दया करलक, इकरले उ उकर सारा ऋण के माफ कईर देलक आ उर उके जायेक देलक।”

![](https://cdn.door43.org/obs/jpg/360px/obs-en-29-05.jpg)

"लेकिन जब उ दास राजा ठीन से बहरे गेलक, तो उकर संगी दास मिललक जे उकर थोड़ी-बहुत पैसे कर ऋणी रह्लक। उ दास अपन संगी दास के धरलक आउर कहलक ‘जे तोर उपरे मोर करज हेइक मोके उके भईरदे।”

![](https://cdn.door43.org/obs/jpg/360px/obs-en-29-06.jpg)

"उ संगी दास घुटना में गिर कर कहलक, 'कृपा कईर के मोर संग धीरज धर, आउर मोय अपन कर्जा कर पूरा रकम तोके चूकाय देबू। लेकिन इकर बजाय, उ दास अपन संगी दास के जेल खाना में डाइल देलक जब तक की उ उकर करजा कर भुगतान नी कईर दे।”

![](https://cdn.door43.org/obs/jpg/360px/obs-en-29-07.jpg)

"जे कुछ होई रहे उके कुछ दुसर दासमन देखलय आउर उमन उके देईख के बहुत परेशान होलय। उमन राजा ठीन गेलय आउर उके सब कुछ केर बताय देलय।”

![](https://cdn.door43.org/obs/jpg/360px/obs-en-29-08.jpg)

"राजा उ दास के बुलाय के कहलक, 'हे दुष्ट दास! मोय तोर करज के इकर ले क्षमा क ईर रहों काहेकि तोय मोर से बिनती कईर रहिस तोके हूं ओसने करेक चाहत रहे। तब राजा इतना गोसय रहे कि उ उ दुष्ट दास के जेल घर में डाइल देलक जब तक कि उ अपन पूरा करज कर वापस चुकता नी कईर देवी।”

![](https://cdn.door43.org/obs/jpg/360px/obs-en-29-09.jpg)

तब यीशु कहलक, " येदी तोहीन अपन भाई के अपन दिल से क्षमा नी करबा तो मोर स्वर्गीय बाप तोहिन में सब कर साथ इसने करी।”

*मत्ती अध्याय 18:21-35 से एगो बाइबिल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_29_128kbps.m4a

## 30. यीशु पाँच हजार आदमी मन के खाना खियायला

https://openbiblestories.org/l/sck/story-30/

![](https://cdn.door43.org/obs/jpg/360px/obs-en-30-01.jpg)

यीशु अपन प्रेरित मन के प्रचार करेक आउर लोग मन के शिक्षा देवेक लागिन बहुत से दुसर-दुसर गाँव में भेजलक। जब उमन घुर लय जहाँ यीशु रहलक तब उमन उके बतालय कि उमन का कईर रहलय। तेकर बाद यीशु उमन के झील कर दुसर बटे उमन कर संग एगो शांत जगह ठीन जय के कुछ समय आराम करेक लागिन बुला लक।अतः उमन एगो नौका उपरे चईढ़ गेलय आउर झील कर दूसर बटे चइल गेलय।

![](https://cdn.door43.org/obs/jpg/360px/obs-en-30-02.jpg)

परन्तु हुहाँ बहुत से लोग मन रहलय जेमन यीशु आउर चेलामन के नौका में जायेक देईख रहलय। ई जानकर आदमी मन भी झील कर दूसरा किनार जायेक ले झील कर किनार किनार पैदल दौड़ते गेलय आउर उमन से पाहिले पहुचलय। अतः यीशु आउर चेलामन पहुंचलय तो ईहे लोगमन कर एगो बड़का झुण्ड उकर इंतजार हुवाँ पहले के करत रहलय।

![](https://cdn.door43.org/obs/jpg/360px/obs-en-30-03.jpg)

उ झुण्ड में महिला आउर छउआ मनकर बिना गिनती 5,000 से बगरा पुरुष रहलय। यीशु उमन उपरे बड़ा तरस खालक। यीशु लागिन उमन बिना चरवाहा कर भेड़ केर समान रहलय। ईकरले उ उमन के शिक्षा देलक आउर उमन कर बीच में जे बीमार रहलय उमन के चंगा करलक।

![](https://cdn.door43.org/obs/jpg/360px/obs-en-30-04.jpg)

दिन केर अंत में, चेलामन यीशु से कहलय, "अब देरी होई जाहे आउर आस पास में कोनो नगर नखे। इ लोगमन के विदा कईर दे ताकि उमन जाएके खाएक लागिन कोनो लेबैं।"

![](https://cdn.door43.org/obs/jpg/360px/obs-en-30-05.jpg)

लेकिन यीशु चेला मन के कहलक, "तोहीन उमन के खाएक लागिन कोनो के देवा।” उमन जवाब देलय “हमीन ऐसन नी कईर सकब? हामीन ठीन सिरिफ पांचगो रोटी आउर दुइठो मछरी हेइक।”

![](https://cdn.door43.org/obs/jpg/360px/obs-en-30-06.jpg)

यीशु अपन चेलामन के कहलक कि उ भीड़ केर लोगमन के घांस में पचास-पचास कर पंक्ति में बैठेक ले कहा।

![](https://cdn.door43.org/obs/jpg/360px/obs-en-30-07.jpg)

तब यीशु पाँईच रोटी आउर दुईगो मछरी के लेइके स्वर्ग बटे देखलक, आउर उ खाना लागिन परमेश्वर के धन्यवाद देलक।

![](https://cdn.door43.org/obs/jpg/360px/obs-en-30-08.jpg)

फिर यीशु रोटी मन के तोड़ तोड़ कर चेला मन के देते गिलक कि उमन आदमी मन ले परोसबय, आउर उ दूई मछरी के भी उमन सोउब ले बाईट देलक। चेला मन उ खाना के बाटंत रहलय आउर उ कभी नी ख़तम होलक। उमन सब खायके अघाय गेलय।

![](https://cdn.door43.org/obs/jpg/360px/obs-en-30-09.jpg)

उकर बाद, चेलामन उ बाचल टुकड़ा मन के जमा करलय, जे बांचल रहे आउर उ टुकड़ा मन से भरल बारह टोकरी उठालय। उ सब खाना उ पांच रोटी आउर दूई मछरी से होई रहे।

*मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 से एक बाइबिल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_30_128kbps.m4a

## 31. यीशु पानी में चलेला

https://openbiblestories.org/l/sck/story-31/

![](https://cdn.door43.org/obs/jpg/360px/obs-en-31-01.jpg)

पाँच हजार आदमी मन के खाना खियाल कर बाद, यीशु आपन चेलामन के नौका में चढ़ेक ले कहलक। उ उमन के झील कर दुसर किनार जायक ले कहलक जबकि उ थोड़ेक समय लागिन ओहे ठीन रुइक गेलक। अतः चेला मन चईल गेलय आउर यीशु भीड़ के बिदा करलक कि उमन आपन घर जाबय। इकर पाछे, यीशु प्रार्थना करेक लागिन एगो पहार में चइल गेलक। हुवां उ एकले रहलक आउर उ देरिये राईत तक प्रार्थना करलक।

![](https://cdn.door43.org/obs/jpg/360px/obs-en-31-02.jpg)

उ बेरा, चेला मन अपन नौका के चलाते जात रहलय। लेकिन बेयार उमन कर बिपरीत बड़ी जोर से बहत रहे। ढेर राईत होई जायल कर बाद भी उमन झील कर बिच में ही पहोंइच रहलय।

![](https://cdn.door43.org/obs/jpg/360px/obs-en-31-03.jpg)

उ बेर यीशु प्रार्थना करेक ख़तम करलक आउर अपन चेलामन ठीन वापस जायेक ले शुरु करलक। नाव बटे जायेक लागिन पानी कर उपरे चलेक लागलक।

![](https://cdn.door43.org/obs/jpg/360px/obs-en-31-04.jpg)

तले चेला मन उके देखलय। उमन बहुते डराय गेलय काहेकि उमन सोच लय की उ कोई भूत हेके। यीशु जानत रहे कि उमन डराय जा हैं, इकर ले उ मन के अवाज देईके कहलक “ ना डरावा, मोहे हेकों!”

![](https://cdn.door43.org/obs/jpg/360px/obs-en-31-05.jpg)

तब पतरस यीशु के कहलक, "हे प्रभु, अगर इ तोहें हेकिस तो मोके पानी उपरे चईल के तोर ठीन आवेक कर आज्ञा दे।” “यीशु पतरस के कहलक “आव! ”

![](https://cdn.door43.org/obs/jpg/360px/obs-en-31-06.jpg)

अतः पतरस नाव से उतईर गेलक आउर यीशु कर नजदीक जाएले पानी उपरे चलेक लागलक लेकिन थोड़े दूर जाएके उ अपन आँईख के यीशु से हटाय लेलक आउर पानी कर लहरमन के देखेक लागलक आउर तेज हवा केर महसूस करेक लागलक।

![](https://cdn.door43.org/obs/jpg/360px/obs-en-31-07.jpg)

तब पतरस डराय गेलक आउर पानी में दुबेक लागलक। उ चिलालक “हे प्रभु मोके बचाव! ” यीशु ओहे बेरा हाथ बढ़ाय के उके धईर लेलक। तले उ पतरस के कहलक “तोर बिश्वास बहुत कम हेईक। तोके बचाएक ले तोय मोर उपरे भरोसा काले नी करले ?”

![](https://cdn.door43.org/obs/jpg/360px/obs-en-31-08.jpg)

तब यीशु आउर पतरस नाउका पर चईढ़ गेलय आउर तुरंत हवा कर बहेक रुइक गेलक। पानी सांत होई गेलक। चेला मन चकित होई के यीशु कर आगे घुटना टेइक देलय। उमन उकर आराधना करलय आउर उके कहलय “सचमुच में तोय परमेश्वर कर बेटा हेकिस।”

*मत्ती अध्याय 14:22-33; मरकुस 6:45-52; यूहन्ना 6:16-21 से एगो बाइबिल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_31_128kbps.m4a

## 32. यीशु दुष्टात्मा से जकड़ल आदमी के आउर एगो बीमार महिला के चगा करेला

https://openbiblestories.org/l/sck/story-32/

![](https://cdn.door43.org/obs/jpg/360px/obs-en-32-01.jpg)

यीशु आउर उकर चेलामन आपन नौका में चढ़कर उ क्षेत्र में गेलय जहाँ गिरासेनी आदमी मन रहत रहलय। उमन उ क्षेत्र में पहोंईच के नउका से उतईर गेलय।

![](https://cdn.door43.org/obs/jpg/360px/obs-en-32-02.jpg)

हुहाँ एगो आदमी रहे जे दुष्टात्मा से जकड़ल रहे।

![](https://cdn.door43.org/obs/jpg/360px/obs-en-32-03.jpg)

इ आदमी इतना शक्तिशाली रह्लक कि उके केऊ नियंत्रित नी कईर सईक रहलय। कई धांव आदमी मन उकर हाथ आउर गोड़ के सिकड़ से भी बांधलय लेकिन उ उके तोइड़ देवत रहे।

![](https://cdn.door43.org/obs/jpg/360px/obs-en-32-04.jpg)

उ आदमी उ क्षेत्र कर कबर मसड़ा में रहत रहे। ई आ दमी पूरा दिन आ उर रा इत भईर चिल्लात रहे। उ कपड़ा नी पहनत रहे आ उर हमेशा अपने के पखल से जखम करत रहत रहे।

![](https://cdn.door43.org/obs/jpg/360px/obs-en-32-05.jpg)

जैसने ही उ आदमी यीशु के देखलक तो उ कुईद के उकर ठीन गेलक। आउर उकर सामने में घुटना टेइक देलक। तब यीशु उ आदमी केर भीतरे में जे दुष्टात्मा रहे, उकर से कहलक “ई आदमी से बाहरे निकइल आव! ”

![](https://cdn.door43.org/obs/jpg/360px/obs-en-32-06.jpg)

उ दुष्टात्मा जोर से चिल्लालक, "हे यीशु, परम प्रधान परमेश्वर केर बेटा, तोर मोर से का काम ? कृपा कईर के मोके न सताव।” तब यीशु उ दुष्टात्मा से पूछलक तोर का नाम हेइक ? उ जवाब देलक “मोर नाव सेना हेईक, काहेकि हमीन ढेईर आही।” (रोमी सेना में काय हजार सैनिक मन कर एगो झुण्ड “सेना” होवत रहे।)

![](https://cdn.door43.org/obs/jpg/360px/obs-en-32-07.jpg)

उ दुष्टात्मा मन यीशु से विनती करलय, "कृपा कईर के इ जगह से बाहरे मईत भेज!" ओहे ठीन पहार में सूवईर कर एगो झुंड चरत रहे। इकरले उ दुष्टात्मा मन यीशु से विनती करलय, "कृपा कईर के हमीन के उ सूवईर में भेईज दे!" यीशु कहलक, "ठीक हेईक, उकरे में चईल जावा! "

![](https://cdn.door43.org/obs/jpg/360px/obs-en-32-08.jpg)

अतः उ दुष्टात्मा मन उ आदमी से निकईल के उ सूवईर में घुईस गेलक। उ सुवईर कुईद के एगो (डीपा) खड़े टीले पर झील में कूईद गेलय आउर डूईब मरलय। उ झुंड में लगभग 2,000 सुवईर रहलक।

![](https://cdn.door43.org/obs/jpg/360px/obs-en-32-09.jpg)

उ ठीन सुवईर कर देख भाल करेक वाला आदमी मन रहलय। जे कुछ होई रहलक सेके जब देखलय तो उमन नगर में भाइग गेलय। यीशु जे कईर रहे हुवां उमन सबके बतालय। उ नगर केर लोगमन निकईल के आलय आउर उ आदमी के देखलय जेकर में दुष्टात्मा रहे। उ शान्ति से, कपड़ा पहने हुए, आउर एगो साधारण आदमी लखे व्यवहार करते बैठ रहे।

![](https://cdn.door43.org/obs/jpg/360px/obs-en-32-10.jpg)

उमन बहुत डराय रह्य आउर उमन यीशु के चईल जाएक ले कहलय। अतः यीशु नाउका में चईढ़ गेलक। उ आदमी जेकर में दुष्टात्मा मन रहलय उ यीशु केर साथ जाएक लागिन विनती करलक।

![](https://cdn.door43.org/obs/jpg/360px/obs-en-32-11.jpg)

परन्तु यीशु उकर से कहलक, "नहीं। मोय चाहोना हूँ कि तोय घर जाएके सबके बताव कि परमेश्वर तोर लागिन का करलक। उमन के बता कि कैसन परमेश्वर तोर उपरे दया कईर रहे।"

![](https://cdn.door43.org/obs/jpg/360px/obs-en-32-12.jpg)

ईकरले उ आदमी चईल गेलक आउर सोउब के इकर बारे में बतालक जे यीशु उकर लागिन कईर रहे। उकर कहानी के सुनेक वाला सबे कोई चकित होई जाय रहलय।

![](https://cdn.door43.org/obs/jpg/360px/obs-en-32-13.jpg)

यीशु झील कर दूसर बटे घुईर आलक। उकर हुहाँ पहुँचेक केर बाद, एगो बड़का भीड़ उकर अगल बगल जमा होई गेलय आउर उके दबाय लागलय। उ भीड़ में एगो महिला रहलक जे बारह बरस से लहू बहेक वाला बीमारी से पीड़ित रहलक उ अपन पूरा धन डाक्टरमन ले लगाय देई रहे ताकि उमन उके ठीक कईर सकेन, लेकिन उकर बीमारी आउर बईढ़ गेलक।

![](https://cdn.door43.org/obs/jpg/360px/obs-en-32-14.jpg)

उ सुइन रहे कि यीशु कईठो बीमार आदमी मन के ठीक कईर रहे आउर उ सोचलक, "मोय निश्चित आहों कि अगर मोय सिरिफ यीशु केर लुगा के ही छुई लेबुं, तो मोय भी ठीक होई जाबू!" इकर ले उ यीशु केर पीछे से आलक आउर उकर लुगा के छुई लेलक। जैसने उ उके छुलक, लहू बहेक बंद होई गेलक।

![](https://cdn.door43.org/obs/jpg/360px/obs-en-32-15.jpg)

तुरन्त, यीशु जाईन गेलक कि उकर में से सामर्थ निकईल हे। इकरले उ पाछे मुईड़ के पूछलक, "मोके के छुलक ?" चेला मन जवाब देलय, "हिया इतना सारा लोगमन तोर चाईरो बटे भीड़ लाईग हे, आउर तोके ठेलथय। तो तोय काले पूछले कि मोके के छुईहा ?"

![](https://cdn.door43.org/obs/jpg/360px/obs-en-32-16.jpg)

उ स्त्री यीशु ठीन काँपते आउर बहुत डराते अपन घुटना में बैईठ गेलक। तब उ उके बताय देलक कि उ का कईर हे, आउर ई भी कि उ ठीक होई गेलक। यीशु उके कहलक, "तोर विश्वास तोके चंगा कईर हे। तोय शान्ति से जा।"

*मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 से एक बाइबिल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_32_128kbps.m4a

## 33. एगो किसान कर कहानी

https://openbiblestories.org/l/sck/story-33/

![](https://cdn.door43.org/obs/jpg/360px/obs-en-33-01.jpg)

एक दिना, यीशु झील केर किनारे रहे। उ बहुत आदमीमन कर एगो बहुत बड़का भीड़ के शिक्षा देवत रहे। उके सुनेक लागिन इतना सारा आदमीमन आलय कि यीशु ठीन उमन से गोईठीयायेक ले पर्याप्त जगह नी रहे। इकरले उ पानी में खड़ा नउका में चईढ गेलक। हुआं उ बैठ गेलक आउर आदमी मन के शिक्षा देलक।

![](https://cdn.door43.org/obs/jpg/360px/obs-en-33-02.jpg)

यीशु उमन के इ कहानी सुनालक, "एगो किसान बीज बुनेक लागिन बाहरे निकलक। जब उ हाथ से बीज के बुनत रहे तो कुछ बीज डहर गिरलक। लेकिन चरई आएके उ सब बीज के चईर गेलक।"

![](https://cdn.door43.org/obs/jpg/360px/obs-en-33-03.jpg)

"दूसर बीज पथरीली भूमि भूईया पर गिरलक जे ठीन बहुत कम माटी रहलक पथरिली जमीन में गिरलक उ बहुत जल्दी अकुरलक लेकिन उकर जईर जमीन में गढ़ा में जायके ले सक्षम नी होलक। जब सूरज निकलक आउर घमा (रोऊद) होलक तो उ पौधा मुरझाय गेलक आउर मईर गेलक।"

![](https://cdn.door43.org/obs/jpg/360px/obs-en-33-04.jpg)

"तौभी दूसर बीज झाड़ि केर बीच में गिरलक। उ बीज बढेक सुरु करलक, लेकिन काँटीला झाड़ी उके दबाय देलक। इकरले कंटीला जमीन उपरे गिरल बीज में से जे पौधा निकललक, उ पौधा में से कोनो भी अनाज उत्पन नी करे पारलक।”

![](https://cdn.door43.org/obs/jpg/360px/obs-en-33-05.jpg)

"दूसर बीज बढियां जमीन उपरे गिरलक। उ बीज बढ़लक आउर जेतना बीज बनल जाय रहे। उकर में 30, 60, आउर हियाँ तक कि 100 गुणा अनाज उत्पन्न पैदा करलक। जे केउ भी परमेश्वर कर पीछे चलेक चाहेना, उ उबात उपरे ध्यान देवा जेके मोय कहथों! ”

![](https://cdn.door43.org/obs/jpg/360px/obs-en-33-06.jpg)

इ कहानी चेला मन के उलझाय देलक। इकरले यीशु समझालक “उ बिज परमेश्वर कर वचन हेके।उ डहर एगो ऐसन आदमी हेके जे परमेश्वर कर वचन के सुनेला, लेकिन उके समझेल नहीं। तब शैतान उकर ठीन से वचन के चोराय के ले जायेला। मतलब शैतान उके वचन के समझेक नी देवेला।”

![](https://cdn.door43.org/obs/jpg/360px/obs-en-33-07.jpg)

"उ पथरीली जमीन ऐसन व्यक्ति हेके जे परमेश्वर केर वचन के सुनेला आउर आनन्द केर साथ उके स्वीकार कईर लेवेला। परन्तु जब मुश्किल बेरा आवेला, या जब दूसरा आदमीमन उके सतायना, तो उ परमेश्वर से दूर चईल जायला। मतलब उ परमेश्वर उपरे भरोसा करेक बंद कईर देवेला।”

![](https://cdn.door43.org/obs/jpg/360px/obs-en-33-08.jpg)

"उ कंटीली जमीन ऐसन आदमी हेके जे परमेश्वर कर वचन के सुनेला लेकिन उ बहुत सारा बात केर बारे में चिंता करेक शुरू कईर देवेला आउर उ बहुत से धन कमायेक कर प्रयास करेला, आउर बहुत से चीज मन पायेक ले प्रयास करेला। कुछ समय कर बाद अब उ परमेश्वर के प्रेम नी करेक सकेल। इकरले जे कुछ उ परमेश्वर कर वचन से सिख रहे उ उके परमेश्वर के खुश करेक ले नी पारलक। उ गेहूं कर डंठल कर जैसन हेइक जे कोनो अनाज पैदा नी करेला।”

![](https://cdn.door43.org/obs/jpg/360px/obs-en-33-09.jpg)

"परन्तु बढियां जमीन पर गिरल बीज उ व्यक्ति हेके जे परमेश्वर केर वचन सुनेला, उकर उपरे विश्वास करेला, आउर फल उत्पन्न करेला।"

*मत्ती अध्याय 13:1-8, 18-23; मरकुस 4:1-8, 13-20; लूका 8:4-15 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_33_128kbps.m4a

## 34. यीशु दूसर कहानी से शिक्षा देवेला

https://openbiblestories.org/l/sck/story-34/

![](https://cdn.door43.org/obs/jpg/360px/obs-en-34-01.jpg)

यीशु परमेश्वर केर राईज केर बारे में दूसरा बहुत से कहानी सुनालक। उदाहरण ले, उ कहलक, "परमेश्वर कर राईज एगो राई केर दाना के समान हेईक जेके केऊ अपन खेत में बुइन देलक। तोहीन जानबे करला कि राई कर दाना सब दाना से सबले छोटका होवेला।"

![](https://cdn.door43.org/obs/jpg/360px/obs-en-34-02.jpg)

"परन्तु जब राई कर दाना बढ़ जाएला तो उ बगीचा कर सारा गछ में सबकर से बड़का होई जाएला। उ एतना बड़का होई जायला कि चरईमन आयके उकर डाईर में अराम करेला।"

![](https://cdn.door43.org/obs/jpg/360px/obs-en-34-03.jpg)

यीशु एगो दुसर कहानी बतालक, “परमेश्वर कर राइज खमीर कर लखे आहे। जेके लेइके एगो स्त्री खमीर के लेईके आटा कर गुथल में मिलाय देवेला, तब उ सब गुथल आटा में फइल जाएला।"

![](https://cdn.door43.org/obs/jpg/360px/obs-en-34-04.jpg)

"स्वर्ग कर राईज उ खजाना लेखे आहे जेके केऊ खेत में लुका्य देहे। कोनो दूसरा आ दमी के खजाना मिल गेलक आ उर उ उके पावेक कर बड़ी इच्छा करलक। इकरले उ उके दुबारा गाइड़ देलक। उ आनन्द से इतना भरल रहे कि उ जायके आपन सब कुछ बेईच देलक ताकि उ उ खेत के कीन सकेला जहाँ खजाना रहे।"

![](https://cdn.door43.org/obs/jpg/360px/obs-en-34-05.jpg)

"स्वर्ग राईज एगो बहुत कीमती शुद्ध मोती कर लेखे भी आहे। जब केऊ मोती कर ब्यापारी उके पावेला तो उके किनेक लागिन आपन सब कुछ बेइच देवेला।"

![](https://cdn.door43.org/obs/jpg/360px/obs-en-34-06.jpg)

हुवां कुछ आदमी मन रहलय सेमन सोचत रहलय कि परमेश्वर उमन के इकर ले स्वीकार करबय काहेकि उमन भला काम करलय। ई आदमी मन ऐसन आदमी मन के तुच्छ मानत रहय जे उ भला काम के नी करत रहलय। इकरले यीशु उमन के ई कहानी के सुनालक। दुई गो आ दमी रहलय आउर दूइयों झन प्रार्थना करेक ले मंदिर में गेलय उकर में से एगो तहसिलदार रहे आ उर दुसर एगो धार्मिक अगुवा रहलक।”

![](https://cdn.door43.org/obs/jpg/360px/obs-en-34-07.jpg)

उ धार्मिक अगुवा ई लखे पार्थना करलक कि “हे परमेश्वर तोर धन्यावाद हो कि मोय दुसर आदमीमन कर लेखे नखों जैसन कि डाकू, अन्यायी मनुष्य, ब्याभिचारी या यहाँ तक कि हियाँ उपस्थित उ चुंगी लेवेक वाला केर लेखे एगो पापी नखों।"

![](https://cdn.door43.org/obs/jpg/360px/obs-en-34-08.jpg)

"उदाहरण ले, मोय हर सप्ताह में दुई बेर उपवास रखोन, आउर मोके मिलेक वाला धन आउर समान कर दसवाँ भाग तोके देवोन।"

![](https://cdn.door43.org/obs/jpg/360px/obs-en-34-09.jpg)

"परन्तु उ चुंगी लेवेक वाला उ धार्मिक अगुवे से बहुते दूर खड़ा होई गेलक। उ ऊपरे स्वर्ग बटे आँईख भी नी उठालक। इकेर बजाए, उ अपन हाथ से अपन छाती के पीटलक आउर प्रार्थना करलक, 'हे परमेश्वर, कृपा कईर के मोर उपर दया कर काहेकि मोय पापी हेकों।'"

![](https://cdn.door43.org/obs/jpg/360px/obs-en-34-10.jpg)

फिर यीशु कहलक, "मोय तोहर से सच कहथों, परमेश्वर उ चुंगी लेवेक वाला कर प्रार्थना के सुन लक आ उर धर्मी घोषित करलक। लेकिन उ उ धार्मिक अगुवा कर प्रार्थना के पसंद नी करलक। इकरले परमेश्वर हरेक जे घमंडी हैं उमन के निरादर करी, लेकिन उ हर आदमी के आदर करी, जे अपने आप के नम्र करेला।"

*मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_34_128kbps.m4a

## 35. दयालु बाप कर कहानी

https://openbiblestories.org/l/sck/story-35/

![](https://cdn.door43.org/obs/jpg/360px/obs-en-35-01.jpg)

एक दिन, यीशु उ बहुत से लोगमन के शिक्षा देवत रहलक जे उकर सुनेक ले जमा होई रहलय। उमन चुंगी लेवेक वाला आउर साथ में दूसर आदमीमन भी उठन रहलय जेमन मूसा कर ब्यवस्था कर पालन करेक कर प्रयास नी कईर रहलंय।

![](https://cdn.door43.org/obs/jpg/360px/obs-en-35-02.jpg)

कुछ धार्मिक अगुवा मन देखलय कि यीशु इ लोगमन में से एक जन दोस्त केर समान बात करत रहलक। इकरले उमन एक दूसर से कहेक शुरू कईर दे लय कि उ गलत करत रहे यीशु उमन के बात करेक के सुनलक इकर ले उ मनके ई कहानी के बतालक।

![](https://cdn.door43.org/obs/jpg/360px/obs-en-35-03.jpg)

"एगो आदमी रहे जेकर दुइठो बेटा रहलय। छोटका बेटा आपन बाप से कहलक ए बाबा, मोके एखन मोर सम्पति हिस्सा चाही! ” अतः बाप अपन दुइयों बेटा कर बीचे अपन धन सम्पति कर बटवारा कईर देलक।"

![](https://cdn.door43.org/obs/jpg/360px/obs-en-35-04.jpg)

“तुरंत छोटका बेटा अपन सब कुछ के जमा कईर के दुईर देश (परदेश) चईल गेलक आउर पापी जीवन जीएक में अपन पूरा धन के बर्बाद कईर देलक।"

![](https://cdn.door43.org/obs/jpg/360px/obs-en-35-05.jpg)

"इकेर बाद, जहाँ छोटका बेटा रहे उ देश में भयंकर अकाल पड़लक आउर उकर ठीन खाना किनेक लागिन पैसा नी रहे इकरले उके जे काम मिल रहे उ सुवईर चरायकले रहे उ इतना दुखी आउर भुखाल रहलक कि उ सुवईर कर खाना खात रहे।”

![](https://cdn.door43.org/obs/jpg/360px/obs-en-35-06.jpg)

"आखिरी में, उ छोटका बेटा अपने आप से कहलक, ‘मोय हियाँ का करथों? मोर बाप कर सब धांगर मन ठीन खाएक लागिन भरल पुरल आहे, लेकिन मोय हियाँ भूखा मरथों। मोय अपन बाप कर ठिन वापस जाबु आउर अपन बाबा से बिनती करबू कि एगो धांगर लेखे मोके राईख ले।”

![](https://cdn.door43.org/obs/jpg/360px/obs-en-35-07.jpg)

"अतः उ छोटका बेटा अपन बाप कर घर बटे जाएकले शुरू करलक। जब उ एखन दुरे रहे उकर बाप उके देखलक आउर उकर उपरे तरस खालक। उ कुईद के अपन बेटा ठीन गेलक आउर उके गले लगाय के चूमा करलक।"

![](https://cdn.door43.org/obs/jpg/360px/obs-en-35-08.jpg)

"उ बेटा कहलक ‘ए बाबा, मोय परमेश्वर कर आउर तोर बिरुद्ध पाप कईर हों। मोय तोर बेटा कहलायक लायक भी नखों।'"

![](https://cdn.door43.org/obs/jpg/360px/obs-en-35-09.jpg)

"लेकिन बाप अपन धान्गर से कहलक, ‘झटपट जायके सबकर से बढियां कपड़ा लेई के आव आउर मोर बेटा के पिन्धावा! उकर अंगरी में अंगूठी आउर उकर गोड़ में जूता पिन्धावा। फिन सबसे बढ़ियां बकरा के मारा ताकि हमीन खाब आउर उत्सव (ख़ुशी) मनाब, जबकि मोर बेटा मईर जाय रहे, लेकिन अब उ जिन्दा होलक! उ हेराय जय रहे, लेकिन अब हामीन पाय लेली! "

![](https://cdn.door43.org/obs/jpg/360px/obs-en-35-10.jpg)

"इकरले आदमी मन उत्सव मनाएक शुरू करलय। तनीक समय बितल पाछे, बड़का बेटा खेत में काम कईर के घर आलक। उ गीत आउर नाच गान कर शब्द सुनलक आउर अचंभित होलक कि ई का होवथे।”

![](https://cdn.door43.org/obs/jpg/360px/obs-en-35-11.jpg)

"जेखन बड़का बेटा के पता चललक कि उमन इकरले ख़ुशी मनात रहलय काहेकि उकर भाई घर आई जाय रहे, तो उ बहुत गुस्सा होलक आ उर घर में नी ढुकलक। उकर बाप बहरे आ एके उके उमन कर संग ख़ुशी मनाएक ले निवेदन करलक, लेकिन उ मना कईर देलक।”

![](https://cdn.door43.org/obs/jpg/360px/obs-en-35-12.jpg)

"उ बड़का बेटा अपन बाप से कहलक, ‘ई पूरा बरस मोय तोर लगीन निष्ठापूर्वक काम करलो! कभी भी तोर बात के इंकार नी करलों, लेकिन तोय कभी मोके एगो छोटका चेंगना भी नी देले ताकि मोय अपन दोस्ती मन कर संग ख़ुशी मनाय सकोंन। लेकिन तोर ई बेटा तोर धन के पापी काम करेक में बर्बाद करलक। आउर एखन जब उ आलक तो उकर ले परब मनाएक लागीन तोय सबसे बढियां खसीके माईर डालले! "

![](https://cdn.door43.org/obs/jpg/360px/obs-en-35-13.jpg)

"बाप जबाप देलक, ‘ए मोर बेटा तोय हमेशा मोर संग आहीस, आउर जे कुछ मोर हेके उ सब तोर हेके। लेकिन हमर ले (लागीन) परब मनाएक ठीक हेइक काहेकि तोर भाई मईर जाय रहे, लेकिन अब उ जिन्दा आहे। उ हेराय जाय रहे, लेकिन अब हमीन उके पाय लेली! "

*लूका अध्याय 15:11-32 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_35_128kbps.m4a

## 36. रूपान्तर

https://openbiblestories.org/l/sck/story-36/

![](https://cdn.door43.org/obs/jpg/360px/obs-en-36-01.jpg)

एक दिन, यीशु अपन तीन चेला मन पतरस, याकूब आउर यूहन्ना के अपन संग लेगलक (इ युहन्ना नाव कर उ आदमी ना लगे जे यीशु के बपतिस्मा देई रहे।) उ प्रार्थना करेक लगीन एगो ऊँचा पहार उपरे गेलय।

![](https://cdn.door43.org/obs/jpg/360px/obs-en-36-02.jpg)

जब यीशु प्रार्थना करत रहे तो उकर चेहरा सूरइज केर समान चरख होई गेलक। उकर कपड़ा उजियाला केर समान सफेद होई गेलक, जैसेन धरती उपरे कोई नी क इर सकेन उकर से भी बइढ के सफेद।

![](https://cdn.door43.org/obs/jpg/360px/obs-en-36-03.jpg)

तब मूसा और एलिय्याह भविष्यद्वक्ता प्रकट होलय। ई पुरुष मन इ धरती में इ समय से सौवों बरस पहले रहत रहलय, उमन यीशु से उकर मरेक कर बारे में बात करलय, काहेकि उ तुरंत येरूशलेम में मईर जाई।

![](https://cdn.door43.org/obs/jpg/360px/obs-en-36-04.jpg)

जब मूसा और एलिय्याह यीशु से बात करत रहे तब पतरस यीशु कहलक, "हमर ले हियाँ रहेक बढियां हेइक। हमीन तीन मंडप के बनाब, एगो तोर लगीन, एगो मूसा लागिन, आउर एगो एलिय्याह लागिन" लेकिन पतरस नी जानत रहे कि उ का कहत रहे।

![](https://cdn.door43.org/obs/jpg/360px/obs-en-36-05.jpg)

जब पतरस बात करत रहे, तो एगो चमकीला बदरी नीचे आएके उमन उपरे छाय गेलक। फिर उमन बादल में से एगों आवाज कर आवेक सुनलय। उ कहलक इ मोर बेटा हेके जेकर से मोय प्रेम करोना। मोय उकर से खुश आहों उकर सुना।” उ तीनो चेला मन डराय गेलय आउर जमीन में ले इट गेलय।

![](https://cdn.door43.org/obs/jpg/360px/obs-en-36-06.jpg)

तब यीशु उमन के छुलक आउर कहलक “ना डराबा। उइठ जावा” जब उमन चाइरो बटे देखलय तो यीशु के छोईड़ अपन साथ आउर केकरो के नी देखलक।

![](https://cdn.door43.org/obs/jpg/360px/obs-en-36-07.jpg)

यीशु आउर उ तीनो चेला उ पहार से वापिस नीचे उतरलय। तब यीशु उमन के कहलक, "एखन जे इठीन होलक उके केखो न बताबा। मोय बहुत जल्दी मईर जाबु आउर जिन्दा होई जाबू। उकर बाद तोहीन आदमी मन के बताय सकीला।”

*मत्ती अध्याय 17:1-9; मरकुस 9:2-8; लूका 9:28-36 से एक बाइबिल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_36_128kbps.m4a

## 37. यीशु लाज़र के मरल में से जियालक

https://openbiblestories.org/l/sck/story-37/

![](https://cdn.door43.org/obs/jpg/360px/obs-en-37-01.jpg)

लाज़र नाव कर एगो आदमी रहे। उकर दुइठो बहिन रहलय जेमन कर नाव मरियम आउर मार्था रहे। उमन सब यीशु कर गहिरा (बढियां) दोस्त (मित्र) रहलय। एक दिन केऊ हर यीशु के बतालक की लाजर ढेईर बीमार आहे। जब यीशु सुनलक तो उ कहलक, “ई बीमारी लाजर केर मरेक ले नखे लेकिन परमेश्वर केर महिमा लागिन हेके तेकर ले आदमीमन परमेश्वर कर आदर करबय।”

![](https://cdn.door43.org/obs/jpg/360px/obs-en-37-02.jpg)

यीशु अपन दोस्त मन से प्रेम करत रहे, लेकिन जहाँ उ रहे हुवां उ दुई दिन तक इंतजार करलक। उ दुई दिन कर बाद उ आपन चेलामन के कहलक “आवा वापस यहूदिया प्रदेश जाब” चेलामन जवाब देलय, “लेकिन हे गुरु अभी कुछ समय पहले हुवांकर आदमी मन तोके मारेक चाहत रहलय! ” यीशु कहलक, “हमर दोस्त लाजर निंदाय जाय जाहे आउर मोके उके जगायक हेइक।”

![](https://cdn.door43.org/obs/jpg/360px/obs-en-37-03.jpg)

यीशु चेलामन के जवाब देलक, हे प्रभु, अगर लाजर निदाथे तो उ ठीक होई जाई।” तब यीशु उमन के साफ कइह देलक “लाजर मईर जाहे। मोय आनंदित आहों कि मोय उ ठीन नी रहों, ताकि तोहीन मोर उपरे बिश्वास कईर सकेला।”

![](https://cdn.door43.org/obs/jpg/360px/obs-en-37-04.jpg)

जब यीशु लाज़र केर गाँव पहुँचलक तो लाज़र कर मरल पहिले से ही चाईर दिन होई जाय रहे। मार्था यीशु से मिलेक ले बहरे आलक आउर कहलक, “हे प्रभु, अगर तोय हियाँ होते तो मोर भाई नी मरतक। लेकिन मोय बिश्वास करोना कि जे कुछ भी तोय परमेश्वर से मांगबे उ तोके देवी।”

![](https://cdn.door43.org/obs/jpg/360px/obs-en-37-05.jpg)

यीशु जवाब देलक, "पुनरुत्थान आउर जीवन मोय हेकों। जे केऊ मोर उपरे बिश्वास करी अगर मईर भी जई तोउ पर भी जीयी। जे केऊ मोर उपरे बिश्वास करेला उ कभी नी मरी। का तोय ई बात में बिश्वास करीस?” मार्था जवाब देलक हे प्रभु, मोय बिश्वास करोना की तोय परमेश्वर कर बेटा मसीह हेकीस।”

![](https://cdn.door43.org/obs/jpg/360px/obs-en-37-06.jpg)

तब मरियम आलक। उ यीशु केर गोड़ में गिर के कहलक, “हे प्रभु अगर तोय इठन रहते तो मोर भाई नी मरतक।” यीशु उकर से पूछलक, “तोहीन लाजर के कहाँ ठीन राईख हा? उमन उके बतालंय, “कबर (मसड़ा) में। आव आउर देईख ले।” तब यीशु कान्देक लागलक।

![](https://cdn.door43.org/obs/jpg/360px/obs-en-37-07.jpg)

उ कबर कर एगो गुफा रहे जेकर दुरा में एगो पथर से धांकल रहे। जब यीशु कबर ठीन पहुंचलक तो उ उमन के कहलक, “पखल के हटाय देवा” लेकिन मार्था कहलक, “उकर मरल चाईर दिन होई जाहे। उकर में से बदबु आवत होई।”

![](https://cdn.door43.org/obs/jpg/360px/obs-en-37-08.jpg)

यीशु जवाब देलक, "का मोय तोहीन से नी कइह रहों कि अगर तोहीन मोर उपरे बिश्वास करबा तो परमेश्वर कर सामर्थ के देखबा?” इकरले उमन पखल के हटाय देलंय।

![](https://cdn.door43.org/obs/jpg/360px/obs-en-37-09.jpg)

तब यीशु उपरे स्वर्ग बटे देखलक आउर कहलक, “हे अब्बा, मोर सुनेक ले तोर धन्यवाद करोना। मोय जनोना कि तोय हमेशा मोर सुनीसला, लेकिन मोय इठन खड़ा ई सबकर सहायता करेक ले कहलक ताकि ई बिश्वास करबय कि तोय मोके भेइज हीस।” तब यीशु आवाज लगालक, “हे लाजर, बहरे नीकईल के आव।”

![](https://cdn.door43.org/obs/jpg/360px/obs-en-37-10.jpg)

अतः लाज़र बाहरे निकईलके आलक! उ एखन तक कफन में लिपटल रहलक। यीशु उमन के कहलक, “ई कफन के निकलायेक में उकर सहायता करा आउर उके अजाद करा।” इ चमत्कार कर कारण बहुत से यहूदीमन यीशु उपरे बिश्वास करलय।

![](https://cdn.door43.org/obs/jpg/360px/obs-en-37-11.jpg)

लेकिन यहुदिमन कर धार्मिक अगुवा यीशु से जलेक लागलंय, इकरले उमन योजना बनाएक ले एक संग जमा होलंय कि कैसन यीशु आउर लाजर के माईर डालबंय।

*यूहन्ना 11:1-46 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_37_128kbps.m4a

## 38. यीशु केर पकड़वायना

https://openbiblestories.org/l/sck/story-38/

![](https://cdn.door43.org/obs/jpg/360px/obs-en-38-01.jpg)

हर साल, यहूदीमन फसह कर त्योहार मानत रहलय ई इकर बारे में एगो उत्सव रहे कि कई शताब्दी पहले परमेश्वर उमन कर पुरखामन के मिश्र देश कर गुलाम से छुडाय रहे। लगभग तीन बरस बाद यीशु सार्वजनिक रूप से प्रचार करेक आउर शिक्षा देवेक शुरू करेक कर लगभग तीन साल कर बाद यीशु अपन चेला मन के बतालक कि उ उमन कर संग येरूशलेम में फसह कर परब के मानक चाहत रहे, आउर ई भी कि उ हुवां मार डालल जाई।

![](https://cdn.door43.org/obs/jpg/360px/obs-en-38-02.jpg)

यीशु कर चेला मन में एगो यहूदा नाव कर आदमी रहलक। यहूदा प्रेरितमन कर धन कर थैला राखेक कर जिमेदारी रहे, लेकिन हमेशा उ उ थैला में से पैसा निकलाय लेवत रहे। यीशु आउर चेला मन कर यरुशलेम में पहुंचल कर बाद यहूदा यहूदी अगुवा मन ठीन गेलय। उ धन कर बदले में यीशु के उमन कर हाथ में पक डवाय लागिन प्रस्ताव राख लक उ जानत रहे कि यहूदी अगुवा स्वीकार नी करत रहलय कि यीशु ही मसीह रहे। उ जानत रहे कि उमन उके माइर डालेक चाहत रहलय।

![](https://cdn.door43.org/obs/jpg/360px/obs-en-38-03.jpg)

महायाजक केर कहेक में यहूदी अगुवामन यीशु के उमन कर हाथ में धरु वाएक ला गिन यहूदा के तीस चांदी कर सिक्का दे लय। ई वैसने होलक जैसन कि भविश्वक्ता मन कईह रहलय कि इसन होवी। यहूदा माईन गेलक आ उर धन लेइके चइल गेलक। उ यीशु के पकडूवाएक में उमन कर मदद करेक ले कोनो मौका कर खोजत रहलय।

![](https://cdn.door43.org/obs/jpg/360px/obs-en-38-04.jpg)

यरूशलेम में, यीशु अपन चेलामन कर संग फसह कर त्योहार मनालय। फसह कर भोज केर दोरान यीशु रोटी लेई के तोड़लक। ई लेवा आ उर खावा। ई मोर शारीर हेके जे तोहर ला गिन देवथों। इके मोर इयाद में करबा”ई लखे यीशु कह लक कि उ उमन लागिन मरे जाथे। अर्थात् उमन ले उ आपन गटर के बलिदान चढ़ाई।

![](https://cdn.door43.org/obs/jpg/360px/obs-en-38-05.jpg)

फिर यीशु एगो दाखरस कर कटोरा लेलक आ उर कहलक “इके पी लेवा। ई नवा वाचा कर मोर लहू लहू हेके जे कि मोय उ झल देबु ताकि परमेश्वर तोहर पाप के क्षमा करी हर समय इके पियेक समय मोर ईयाद में एसने करबा जे एखन मोय करथो

![](https://cdn.door43.org/obs/jpg/360px/obs-en-38-06.jpg)

तब यीशु अपन चेला मन के कहलक “तोहीन में से एक झन मोके पकड़वाबा” चेला मन चौक गेल य, आ उर पूछेक लाग लय के एसन काम (करवाई) करी। यीशु कहलक, मोर पकड़वाएक वाला आ दमी उ हेके जेके मोय ई रोटी के र टुकड़ा देवथों।” तब उ उ रोटी के यहूदा के देलक।

![](https://cdn.door43.org/obs/jpg/360px/obs-en-38-07.jpg)

उ रोटी के लेवेक कर बाद, यहूदा निक इल के यीशु के पकड़वाएक ले यहूदी आगुवा मन मदद करेक ले चईल गेलक। इ राइत कर बेर रहे।

![](https://cdn.door43.org/obs/jpg/360px/obs-en-38-08.jpg)

भोजन केर बाद, यीशु आउर उकर चेला जैतून पहाड में गेलय। यीशु कहलक “तोहरे सोउब आईज राईत मोके छोइड देवा। ई लिखल आ हे मोय चरवाहा के मारबु आऊर सोउब भेड़ तितर बितर होई जाबय।

![](https://cdn.door43.org/obs/jpg/360px/obs-en-38-09.jpg)

पतरस जवाब देलक “भले ही बाकी मन कर सब तोके छोईड देबय, मोय नी छोड़बु! ” तब यीशु पतरस के कहलक शैतान तोहीन सब के लेई ले वेक चाहेला लेकिन ऐ पतरस,मोय तोर लागिन प्रार्थना कईर हो कि तोय बिश्वास से चु ईक में जाबे। फिर भी आइज कर राआईटी मुर्गा बोलेक से पहले तोय तीन धांव इंकार करबे कि तोय मोके जानत भी नखीस।

![](https://cdn.door43.org/obs/jpg/360px/obs-en-38-10.jpg)

पतरस यीशु के कहलक “भले ही मोय मईर जाबु, मोय कभी भी तोर इंकार नी करबू! बाकि चेला मन भी एहे कहलय

![](https://cdn.door43.org/obs/jpg/360px/obs-en-38-11.jpg)

तब यीशु अपन अपन चेलामन के संग गतसमनी नाव कर स्थान ठीनं गेलय। यीशु अपन चेला मन से प्रार्थना करेक ले कह लक ताकि शैतान उकर परीक्षा नी करे। तब यीशु स्वयं प्रार्थना करेक ले चइल गेलक।

![](https://cdn.door43.org/obs/jpg/360px/obs-en-38-12.jpg)

यीशु तीन धांव प्रार्थना करलक, “ए मोर बाप अगर सम्भव होई तो कृपा कइर के ई दुःख कर कटोरा पीएक ले मोके ना दे। लेकिन अगर आडमी मन कर पाप क्षमा करेक (बिना आ उर कोनो दूसरा रास्ता नखे ) ले कोई आउर रास्ता नखे,तो तोर इच्छा पूरा होवी”। यीशु ब्याकुल रहे आ उर उकर पसीना लहू कर बूंद कर समानलेखे रहे उके सामर्थ देवेक लागिन परमेश्वर कर एगो स्वर्गदूत के भेजलय।

![](https://cdn.door43.org/obs/jpg/360px/obs-en-38-13.jpg)

हर बेर प्रार्थना केर बाद यीशु अपन चेला मन ठीन वापस आलक,लेकिन ऊमन सोउब निंदाय जाय रहलय। जब यीशु तीसरा बेर घुरलक तो यीशु ख लक “जाइग जावा! मोर पकड़ वाएक वाला इठन आहें।”

![](https://cdn.door43.org/obs/jpg/360px/obs-en-38-14.jpg)

यहूदी अगुवामन, सैनिक मन, आउर एगो बड़का भीड़ कर संग यहूदा आलक। उमन तलवार आउर लाठी लेइके आय रहलय। यहूदा यीशु ठी न आयके उके कह लक “हे गुरु नमस्कार” आ उर उके चुईम लेलक। उ गिरफ्तार होवेक वाला आदमी के यहूदी अगुवा मन उपरे प्रगट करेक ले ऐसन कर लक। तब यीशु कहलक ऐ यहूदा का तोय एगो चुमा से मोके पकडवा थिस?”

![](https://cdn.door43.org/obs/jpg/360px/obs-en-38-15.jpg)

जब उ सैनिक मन यीशु के पकड़त रहलय, तो पतरस अपन तलवार निकलालक आउर महायाजक कर एगो सेवक कर कान काइट देलक। यीशु कहलक “तलवार के दूर कर! मोय अपन पिता से मोर बचाव करेक लागिन स्वर्गदूत की एगो सेना ले बिनती कईर सकत रहों लेकिन मोके मोर बाप कर बात मानक है।” तब यीशु उ आदमी उ आदमी कर कान के ठीक क ईर देलक। तब सब चईल गेलय।

*मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_38_128kbps.m4a

## 39. यीशु उपरे मुकदमा चलेला

https://openbiblestories.org/l/sck/story-39/

![](https://cdn.door43.org/obs/jpg/360px/obs-en-39-01.jpg)

अब इ आधा राईत कर बेरा रहे। उ सैनिक मन यीशु के महायाजक कर घर लेइके गेलय काहेकि उ यीशु से सवाल करेक चाहत रहे। पतरस दूर से उकर पीछा करत रहलक। जब सैनिक मन यीशु के घर में लेई गेलय तो पतरस बहरे रुइक के अपने आप के आईग सेंकात रहे।

![](https://cdn.door43.org/obs/jpg/360px/obs-en-39-02.jpg)

घर भीतरे, यहूदी अगुवामन यीशु उपरे मुकदमा चला लय उमन उकर बिरुद्ध झूठ बात के बोलेक लगीन बहुत से झूठा गवाह मन के लेइके आलय। हलांकि उमन कर बात एक दुसर से सहमत नी रहलक, इकरले यहूदी अगुवा ई साबित करे नी पारलय कि उकर में कोनो बात कर दोष रहलक। यीशु कोनो नी कहलक।

![](https://cdn.door43.org/obs/jpg/360px/obs-en-39-03.jpg)

अंत में, महायाजक सीधे यीशु बटे देईख कर कहलक, "हमिन के बताव कि का तोहें जीवित परमेश्वर कर बेटा मसीह हेकीस?"

![](https://cdn.door43.org/obs/jpg/360px/obs-en-39-04.jpg)

यीश कहलक, "मोय हेकों आउर तोंय मोके परमेश्वर कर संग बैठल आउर स्वर्ग से आवते देखबा” महायाजक अपन कपड़ा फाईड़ लेलक काहेकि जे यीशु कहलक उ उ बात उपरे बहुत गुस्साय रहे। उ दूसर आगुवामन उपरे चिल्लालक, “हामीन के इ बताएक ले केखों आउर गवाह कर जरूरत नखे कि इ आदमी का कइर हे! तोहिन अपने (स्वयं) इके इ कहते सुनला कि उ परमेश्वर कर बेटा हेके। उकर बारे में तोहरेमन कर का बिचार हिक?

![](https://cdn.door43.org/obs/jpg/360px/obs-en-39-05.jpg)

सब यहूदी अगुवामन महायाजक के जवाब देलय, "उ मरेक लायक हेइक! " तब उमन यीशु कर आँईख में पट्टी बाँधलय, उकर उपरे थूकलय, उके मारलय, आउर उकर मजाक उड़ालंय।

![](https://cdn.door43.org/obs/jpg/360px/obs-en-39-06.jpg)

आउर पतरस, जब उ घर केर बाहरे इंतिजार (प्रतीक्षा) करत रहे। तब एगो दासी छोंड़ी उके देखलक। उ उके कहलक “तोय भी यीशु कर संग रहले।” पतरस मना कइर देलक। बाद में दुसर छोंड़ी इहे गोईठ के कहलक आउर पतरस फिनु मना कइर देलक। अंत में, कुछ आदमीमन कहलय, हमींन जानीला कि तोय यीशु कर संग रहले काहेकि तोहीन दुईयो गलील प्रदेश कर हेका।”

![](https://cdn.door43.org/obs/jpg/360px/obs-en-39-07.jpg)

तब पतरस कहलक, “अगर मोय इ आदमी के जानोना तो परमेश्वर मोके शाप देवी! ” तुरंते पतरस इ लखे किरिया खाल केर बाद, एगो मुर्गा बोइल देलक यीशु पीछे मुईड़ (घुइर) के पतरस के देखलक।

![](https://cdn.door43.org/obs/jpg/360px/obs-en-39-08.jpg)

पतरस उठन से चईल गेलक आउर बिलइक-बिलइक (फूट-फूट) कर कान्दलक। ओहे घडी यीशु के पकुड़वायक वाला यहूदा देखलक कि यहूदी अगुवा मन यीशु कर मौत कर सजा सुनालय। यहूदा बहुत दुखी होई गेलक आउर जायके आपने आप के माइर डाललक।

![](https://cdn.door43.org/obs/jpg/360px/obs-en-39-09.jpg)

अब उ देश कर राज्यपाल पिलातुस रहे। उ रोम लागिन काम करत रहे। यहूदी अगुवामन यीशु के उकर ठीना लेके आलय। उमन चाहत रहय कि पिलातुस उके मौत कर सजा सुनाय दे आउर उके माईर मरुवावा। तब पिलातुस यीशु से पूछलक, "का तोय यहूदिमन कर राजा हेकीस?"

![](https://cdn.door43.org/obs/jpg/360px/obs-en-39-10.jpg)

यीशु जवाब देलक, "तोय सचे कहले। लेकिन मोर राईज हियाँ धरती में नखे। यदि होतक तो मोर दास मन मोर लागिन लड़ाई करतय। मोय पृथ्वी में परमेश्वर केर बारे में सच बताएक ले आय हों। हरेक जन जे सच से प्रेम करेला उ मोर सुनेला।" पिलातुस कहलक, "तो सच का हिक?"

![](https://cdn.door43.org/obs/jpg/360px/obs-en-39-11.jpg)

यीशु केर,संग बात करल बाद, पिलातुस बाहरे भीड़ ठीन जायके कहलक, "मोय ऐसन कोई कारण नी पालों कि ई आदमी मारेक लायक होवी।" लेकिन यहूदी अगुवामन आउर भीड़ चिल्लाय कर कहलक, "उके क्रूस में चढ़ाय देवा!" पिलातुस जवाब देलक, "उ कोनो भी गलत कर दोषी नखे।" लेकिन उमन आउर भी जोर से चिल्लालय। तब पिलातुस तीसरा बार कहलक, "उ दोषी नखे! "

![](https://cdn.door43.org/obs/jpg/360px/obs-en-39-12.jpg)

पिलातुस डराय गेलक कि उ भीड़ दंगा शुरू कईर देवी, इकरले उ अपन सैनिक मन दवारा यीशु के क्रूस में चढ़ाएक लागिन माईन गेलक। रोमी सैनिक मन यीशु के कोड़ा लगालय, आउर उके राजा लखे कपड़ा पहनालय, आउर उकर मुईड़ में कांटा कर बनल मुकुट के रखलंय। तब उमन इ कईह के उकर मजाक उड़ाय लागलंय, “देखा यहूदी मन कर राजा! ”

*मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 से एगों बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_39_128kbps.m4a

## 40. यीशु क्रूस में चढ़ाय जायेला

https://openbiblestories.org/l/sck/story-40/

![](https://cdn.door43.org/obs/jpg/360px/obs-en-40-01.jpg)

यीशु कर ठट्ठा करल केर बाद, सैनिकमन उके क्रूस में चढ़ाएक ले लेई गेलय। उमन उ क्रूस के उखे से उठवालय जेकर में उके मरेक रहे।

![](https://cdn.door43.org/obs/jpg/360px/obs-en-40-02.jpg)

उ सैनिकमन यीशु के उठीन लेईके आलय जे खोपड़ी कहलात रहे। आउर उकर हाथ आउर उकर गोड़ के क्रूस में ठोंइक देलय। लेकिन यीशु कहलक, “हे बाबा, इमन के क्षमा कइर दे, काहेकि इमन नी जनेना कि इ का करथय।” उमन एगो तख्ती के भी उकर मुड़ी कर उपरे टाइंग देलय। उकर में लिखल रहे, “यहूदी मन कर राजा” पिलातुस उमन के एहे लिखेक ले कईह रहे।

![](https://cdn.door43.org/obs/jpg/360px/obs-en-40-03.jpg)

तब सैनिकमन यीशु कर कपड़ा लागिन चिठ्ठी डाईल के लोटरी करलय। जब उमन एसन करलय तो उमन उ भविष्यवाणी के पूरा करलय जेकर में कहल गेले रहे, उमन मोर कपड़ा के अपन में बाइंट लेलंय, आउर मोर कपड़ा ले चिठ्ठी डाललंय।"

![](https://cdn.door43.org/obs/jpg/360px/obs-en-40-04.jpg)

उठींन दुईठो डाकूमन भी रहलय, जेमन के सैनिकमन ओहे घडी क्रूस उपरे चढ़ाय रहलय। उमन उमन के यीशु केर दुईयो बटे रखलय। उकर में से एगो डाकू यीशु केर मजाक उड़ालक, लेकिन दूसरा कहलक, “का तोय नी डराइस कि परमेश्वर तोके दण्ड देवी? हमींन त बहुत से बुरा काम कईर के दोषी ठहराय गेले ही, लेकिन इ आदमी निर्दोष हेइक।” फिर उ यीशु के कहलक, “जब तोय अपन राईज में आबे तो कृपा कईर के मोके इयाद करबे” यीशु जवाब देलक, “आइज ही तोय मोर संग स्वर्गलोक में होबे।"

![](https://cdn.door43.org/obs/jpg/360px/obs-en-40-05.jpg)

यहूदी अगुवा मन आउर भीड़ केर दुसर आदमीमन यीशु कर मजाक उड़ालक। उमन उके कहलय, “अगर तोय परमेश्वर कर बेटा हेकीस, तो क्रूस से नीचे उतईर के आव आउर अपन के बचाय ले! तब हमींन तोर उपरे बिश्वास करब।"

![](https://cdn.door43.org/obs/jpg/360px/obs-en-40-06.jpg)

तब उ पूरा देश में आसमान पूरी तरह से करिया होई गेलक, यदपि उ दिन कर बीच कर समय रहे। इ दोपहर कर समय करिया होई रहे अउर तीन घंटा तक एसने रहलक।

![](https://cdn.door43.org/obs/jpg/360px/obs-en-40-07.jpg)

तब यीशु हकाय के कहलक “पूरा होलक! हे अब्बा, मोय अपन आत्मा तोर हाथ में सोपथों।” तब उ अपन मुड़ के झुकालक आउर अपन प्राण छोइड देलक। जब उ मरलक तो एगो भूकंप आलक। उ बड़का परदा जे परमेश्वर कर उपस्थिति से लोग मन केर अलग करत रहे उपरे से निचे बटे फाईट के दुई हिस्सा में होई गेलक।

![](https://cdn.door43.org/obs/jpg/360px/obs-en-40-08.jpg)

अपन मरेक कर द्वारा, यीशु आदमीमन लागिन परमेश्वर ठीन आवेक कर रास्ता खोइल देलक। जब यीशु कर निगरानी करेक वाला एगो सैनिक जे कुछ होई रहे, इ सबके देईख रहे तो उ कहलक, “निश्चित रूप से ई आदमी निर्दोष रहे। ई परमेश्वर कर बेटा रहे।”

![](https://cdn.door43.org/obs/jpg/360px/obs-en-40-09.jpg)

तब यूसुफ आउर नीकुदेमुस नाव कर दुईठो यहूदी अगुवा आलय। उमन बिश्वास करत रहलय कि यीशु ही मसीह रहे। उमन पिलातुस से यीशु कर शरीर के मांगलय। उमन उकर देहके कपड़ा में लेपटलंय। तब उमन उके एगो चट्टान में से काईट केर बनाल कबर में लेई गेलय आउर उके भीतरे राईख देलंय। तब उमन उ कबर केर दुरा के बंईंद करेक ले एगो बड़काले पखल के लुढ़काय देलय।

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_40_128kbps.m4a

## 41. परमेश्वर यीशु के मरल में से जियालक

https://openbiblestories.org/l/sck/story-41/

![](https://cdn.door43.org/obs/jpg/360px/obs-en-41-01.jpg)

सैनिक मन द्वारायीशु के क्रूस उपरे चढ़ाय देवल कर बाद यहूदी अगुवा मन पिलातुस के कहलय “उ झूठा, यीशु कइह रह लक कि उ तीन दिन कर बाद मरल में से जी उठी। केखो इ निश्चित करेक ले कब्र कर पहरा करेक होवी कि उकर चेला मन उकर देह के चोराय न ले जाय। अगर उमन ऐसन करलय तो उमन कहबय कि मरल में से जी उठ लक।”

![](https://cdn.door43.org/obs/jpg/360px/obs-en-41-02.jpg)

पिलातुस कहलक, “कुछ सैनिक मन के लेइ जावा, आउर जैसन तोहिन कइर सकेला, वोसने कबर कर पहरा करा।” इकरले उमन कबर केर घुंसेक वाला दुरा के पखल उपरे मोहर लगाय देलय। उमन इ निश्चित करेक ले उठीन सैनिक मन के भी बैठाय देलय कि केऊ भी उकर शरीर के चुराय नी सकेंना।

![](https://cdn.door43.org/obs/jpg/360px/obs-en-41-03.jpg)

यीशु के मरल बाद कर दिन सब्त कर दिन रहे।कोई भी सब्त केर दिन काम नी कईर सकेना इकर ले यीशु कर कोई भी मित्र कबर ठीन नी आय रहे। लेकिन सब्त कर बाद केर दिन, बिहान तडके, कुछ स्त्री मन यीशु कर कबर ठीन जायक ले तेयार होलय। उमन उकर शरीर में आउर भी मसला के लगाएक चाहत रहय।

![](https://cdn.door43.org/obs/jpg/360px/obs-en-41-04.jpg)

उ स्त्री मन के पहुंचेक से पाहिले, कबर उपरे एगो बड़का भूकंप होलक।स्वर्ग से एगो स्वर्गदूत आ एके उ पखल के लुढ़कायदेलक जे कबर केर प्रवेश दुरा के धांकल रहे आ उर उकर में बैठ गेलक। इ स्वर्दुत उजियाला कर समान चमकत रहे कबर उपरे जे सैनिक रह लक उमन उके देख लय। उमन उतना ड राय गेलय कि मरल लेखे भूइया में गिर गेलय।

![](https://cdn.door43.org/obs/jpg/360px/obs-en-41-05.jpg)

जब उ स्त्री मन कबर में पहुच लय तो उ स्वर्गदूत उके ख लक, ड रावा मइत। यीशु इठन नखे उ मरल में से जी उठी! कबर में खोजा आ उर देखा।” उ स्त्रीमन कबर कर भीतरे गे लय आ उर जहाँ यीशु कर शरीर राखल रहे उ जग खोज लय आ उर देख लय कि उकर शरीर उठन नी रहे!

![](https://cdn.door43.org/obs/jpg/360px/obs-en-41-06.jpg)

तब उ स्वर्दुत उ स्त्री मन के ख लक, जायके उकर चेला मन के बतावा यीशु मरल में से जी उ इठे आ उर उ तोहर आगे आगे गलील जई।”

![](https://cdn.door43.org/obs/jpg/360px/obs-en-41-07.jpg)

उ स्त्रीमन अचंभित होलय आउर बहुत आनंदित हो लय। उ चेलामन के इ खुश खबरी सुनेक ले कूदलय।

![](https://cdn.door43.org/obs/jpg/360px/obs-en-41-08.jpg)

जब उ स्त्री मन चेला मन के इ खुश खबरी बतायक ले डहरे में रहलय तो यीशु उमन उपरे प्रकट होलक उमन उकर गोड़ में गिर पडलय तब यीशु कहलक “ना डरावा। जाय के मोर चेला मन के गलील जायेक लगीन कहा उमन उजगे मोके देखबंय! ”

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_41_128kbps.m4a

## 42. यीशु स्वर्ग घुईर जाएला

https://openbiblestories.org/l/sck/story-42/

![](https://cdn.door43.org/obs/jpg/360px/obs-en-42-01.jpg)

जे दिन परमेश्वर यीशु के मरल में से जीवित कइर रहे, उकर दुईठो चेलामन नजदिक कर गाँव में जात रहलय। उमन यीशु केर साथ जे होई रहे। उकर बारे में बात करत रहलय उमन के आसरा रहे कि उ मसीह रहे, लेकिन तोभी उ माईर डालल जाई रहे। अब उ स्त्री मन कहलय कि उ फिर से जिन्दा होई जाहे।उमन नी जानत रहलय कि कोन से बात पर बिश्वास करेक हेइक।

![](https://cdn.door43.org/obs/jpg/360px/obs-en-42-02.jpg)

यीशु उमन ठीन आएके उमन कर संग चलेक शुरू करलक, लेकिन उमन उके चिनहें नी पारलय। उ पूछलक कि उमन केकर बारे में बात करत रहलय। उमने इके पिछला दिन में यीशु कर साथ होवेल सारा घटना केर बारे में बतालय। उमन सोच लय कि उमन कोई पर देशी से बात करलय जे नी जानत रहे कि येरूशलेम में का होई रहे।

![](https://cdn.door43.org/obs/jpg/360px/obs-en-42-03.jpg)

तब यीशु उमन के समझालक कि परमेश्वर कर वचन मसीह केर बारे में का कहेला। बहुत पहले, भविष्यद्वक्तामन कईह रह लय कि बुरे लोगमन मसीह के सताबंय आउर माईर डालबय। लेकिन भविष्यद्वक्ता मन ई भी कईह रहंय कि उ तीसर दिन जी उठी।

![](https://cdn.door43.org/obs/jpg/360px/obs-en-42-04.jpg)

जब उमन नगर में पहुंचलय जहाँ उमन दुइयों जन ठहरेक चाहत रहलय, तब तक लगभग साँझ होई जाय रहे। उमन यीशु के अपन संग ठहरेकले निमंत्रण करलय, अतः उ उमन कर संग एगो घर में गेलक। अपन साँझकर खाना खाएक ले बैठ गेलक। यीशु एगो रोटी के लेईके उकर ले परमेश्वर कर धन्यवाद देलक आउर फिर उके तोड़लक। अचानक से, उमन जाइन लेलय कि उ यीशु रहे। लेकिन उ समय उ उमन कर आँईख से छिप गेलक।

![](https://cdn.door43.org/obs/jpg/360px/obs-en-42-05.jpg)

उ दुइयों जन एक दुसरे के कलहय “ उ यीशु रहे! इकर ले जब उ हमीं के परमेश्वर कर वचन के सुनालक तो हमीं बहुत उत्साहित रही, तुरंत्ते निकईल के वापस यरुसलेम गेलय। जब उमन पहुचलय तो उमन चेला मन के बतालय, यीशु जिन्दा हेइक! हमरे उके देईख ही।”

![](https://cdn.door43.org/obs/jpg/360px/obs-en-42-06.jpg)

जब चेला मन गोठियात रह लय, यीशु अचके उ कोठरी में उमन कर साथ प्रगट होलक।? मोर उ कहलक तोहरे मन के शांति मिलेक” चेला मन सोचलय कि उ कोनो भुत रहे, लेकिन यीशु कहलक, ‘तोय काले डाराला? तोहीन ई काहे नी सोच ला कि ई सचमुच में मोय यीशु हेकों? मोर हाथ आ उर गोड़ के देखा। भुत मन ठीन ऐसन शरीर नी होवेला जैसन मोर ठीन आ हे” ई देखाएक ले कि उ कोनो भुत नी रहे, उ खाएक ले कि उ कोनो भुत नी रहे, उ खाएक ले कुछ मांगलक। उमन उके मछरी कर एगो टुकड़ा देलक, आउर उ उके खाय लेलक।

![](https://cdn.door43.org/obs/jpg/360px/obs-en-42-07.jpg)

यीशु कहलक मोर बारे में परमेश्वर कर वचन जे कुछ कहेला उ पूरा होवी। मोय तोहिन के बताय रहों कि इकर होवेक जरूरी है” तब यीशु उमन के परमेश्वर कर वचन बढ़िया से समझालक। उ कहलक “बहुते पहले भविष्यवक्कता मन लिख रह लय कि मोके, मसीह के दुःख उठाएक होवी मरेक होवी आ उर फिर तीसरे दिन मरल में से जी उठेक होवी”

![](https://cdn.door43.org/obs/jpg/360px/obs-en-42-08.jpg)

"उन भविष्यद्वक्ता मन ई भी लिख रह्य कि मोर चेला मन परमेश्वर कर वचन कर घोषणा करबय। उमन हरेक के पश्चताप करेक ले बताबय। अगर उमन ऐसन कर बय तो परमेश्वर उमन कर पाप के क्षमा करी। मोर चेला मन ई सन्देश के प्रचार करेक यरूशलेम से शुरू कर बय। तब उमन सब जगह सब जाई त में जा बय। तोहीन मन मोर हरेक बात आ उर कम कर गवाह होबा जे मोय कहलों आ उर कईरलों आ उर उ सब के भी जे मोर संग होलक।”

![](https://cdn.door43.org/obs/jpg/360px/obs-en-42-09.jpg)

अगले चालीस दिन केर दरम्यान यीशु आ पं चेला मन उपरे कई बार (धांव ) प्रगट होलक एक बेर तो उ एक ही समय में (500) पांच सौ से अधिक आ डमी मन उपरे प्रगत होलक! उ अपन चेला मन उपरे कई तरीके से साबीत कर लक कि उ जिन्दा रहे। आ उर उ उमनके परमेश्वर कर राइज कर बारे में शिक्षा देलक।

![](https://cdn.door43.org/obs/jpg/360px/obs-en-42-10.jpg)

यीशु अपन चेला मन के कहलक, “परमेश्वर मोके स्वर्ग आ उर पृथ्वी केर हेर एक जन उपरे शासन करेक कर अधिकार दे ई हे इकरले अब मोय तोहीन के कहथों जाएक सोउब जाईत मन कर आ डमी मन के चेला बनवा ऐसन करेक ले तोहीन के उमन के बाप, बेटा आ उर पविता आत्मा कर नाम से बपतिस्मा देवेक हेईक। जे कुछ भी मोय तोके आज्ञा देलेहों उ सब बात मन के मानेक भी तोहीन के उमन के सिखायेक हे ईक। इयाद रखा, मोय हमेशा तोहर संग रहबु।”

![](https://cdn.door43.org/obs/jpg/360px/obs-en-42-11.jpg)

यीशु केर मरल में से जी उठल कर बाद उ अपने चेला मन के कह लक, “जब तक कि मोर बाप तोहीन के सामर्थ नी देवी तब तक यरूशलेम से रु इक रह बा उ तोहीन उपरे पवित्र आत्मा भेजेक द्वारा एसन करी” तब यीशु स्वर्ग में छइल गेलक, आ उर एगो बदरी उके उमन कर आईख से छिपाय लेलक। स्वर्ग में यीशु सब चीज उपरे शासन करेक ले परमेश्वर कर दहिना बटे बैठ गेलक।

*मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_42_128kbps.m4a

## 43. कलीसिया कर शुरू होवेल

https://openbiblestories.org/l/sck/story-43/

![](https://cdn.door43.org/obs/jpg/360px/obs-en-43-01.jpg)

यीशु केर स्वर्ग घुईर जाल कर बाद चेला मनयेरुसलेम में ही रुइक गेलय जैसन कि यीशु उमनके करेक कर आज्ञा देई रहे। हुवां कर बिश्वासी आदमी मन लगातार एक साथ प्रार्थना करेक लागिन जमा होवत रहलय।

![](https://cdn.door43.org/obs/jpg/360px/obs-en-43-02.jpg)

हरेक साल, फसह परब कर 50 दिन केर बाद यहूदी मन पेंतिकुस्त नाव कर एगो महत्वपूर्ण दिन के मानत रह लय। पेंतिकुस्त उ समय रहे जब यहूदी मन गेहूं कर कटाई के मानत रह लय। सारा संसार से यहूदी आ दमी मन पेंतिकुस्त कर दिन के एक साथ मनाएक लागिन येरूशलेम में आए रहलय। ई बरस पेंतिकोस्त मनाएक कर समय यीशु स्वर्ग चईल जाएक कर लगभग एक सप्ताह कर बाद आय रहे।

![](https://cdn.door43.org/obs/jpg/360px/obs-en-43-03.jpg)

जे समय सब बिश्वासी आदमीमन एक संग जमा होई रहलय तो जे घर में उमन रहलय अचानक से तेज हवा कर आवाज से भईर गेलक। तब आईग के लौ लखे दिखेक वाला कुछ सब बिश्वासी मन केर मुड़ कर उपरे प्रगट होलक। उमन सब पवित्र आत्मा से भईरआउर उमन अन्य अन्य भाषा में परमेश्वर कर स्तुति करलय। इ वोहे भाषा रहे जेके बोलेक लागिन उमन के पवित्र आत्मा सक्षम करलक।

![](https://cdn.door43.org/obs/jpg/360px/obs-en-43-04.jpg)

जब यरूशलेम में रहेक वाला आ\दमी मन इ हल्ला के सुनलय तो उमन भीड़ कर रूप में ई देखेक ले एक संग आए गेलय कि का होवथे ?उमन बिश्वासी मन के परमेश्वर कर द्वारा करल बड़का काम कर घोषणा करते सुनलय। उमन आश्चर्य होई गेलय काहेकि उमन उ काम के अपन ही भाषा में सुनत रहलय।

![](https://cdn.door43.org/obs/jpg/360px/obs-en-43-05.jpg)

इमन में से कुछ आदमी मन कहलय कि उ चेला मन नशा में आह्य लेकिन पतरस खड़ा होलक आउर उमन से बोल लक, मोर बात सुना! ई आदमी मन नशा में नखाय। इकर बजाय जे तोहीन देखथा उ वोहे हेके जे योयेल भविष्यद्वक्ता कइह रहे कि होवी परमेश्वर कइहे अंत कर दिन में मोय अपन आत्मा उझालबू।

![](https://cdn.door43.org/obs/jpg/360px/obs-en-43-06.jpg)

"हे इस्राएली पुरुषमन, यीशु एगो एसन आदमी रहे जे ई दिखायकले कि उ कोन रहे बहुत से अनोखा काम कईर रहे। उ परमेश्वर कर सामर्थ से बहुत से अद्भुत काम के कईर रहलक तोहिन इके जानला काहेकि तोहीन ई काम के देईख हा। लेकिन उके क्रूस में चढ़ाय देला।”

![](https://cdn.door43.org/obs/jpg/360px/obs-en-43-07.jpg)

"यीशु मईर गेलक लेकिन परमेश्वर उके मरल में से जिन्दा कइर देलक। इ उ सब बात के पूरा करलक जेके एगो भविष्यद्वक्ता लिख रहे तोय अपन पवित्र जन के कबर में सड़ेक नी देवी” हमीन गवाह आही कि परमेश्वर यीशु के फिर से जिन्दा कईर देलक।”

![](https://cdn.door43.org/obs/jpg/360px/obs-en-43-08.jpg)

"परमेश्वर पिता अब यीशु के अपन दाहिनी बटे बैठाय के आदर देलक। आउर यीशु हमरले पवित्र आत्मा भेईज हे जैसन कि उ प्रतिज्ञा कईर रहे कि उ भेजी पवित्र आत्मा ही उ काम के होवेक देवत रहे जेके तोहिन देखथा आउर सुनथा।”

![](https://cdn.door43.org/obs/jpg/360px/obs-en-43-09.jpg)

"तोहिन उ आदमी यीशु के क्रूस उपरे चढ़ाय देला। लेकिन निश्चित रूप से जाइन लेवा कि परमेश्वर यीशु के सब चीज उपरे प्रभु आउर मसीह दूइयों होवेकले ठहराहें।”

![](https://cdn.door43.org/obs/jpg/360px/obs-en-43-10.jpg)

पतरस के सुनेक वाला आदमी मन उकर द्वारा कहल बात से अंदर तक हिल गेलय। इकरले पतरस आउर चेला मन पूछ लय, “हे भाई मन हमींन के का करेक चाहि ?”

![](https://cdn.door43.org/obs/jpg/360px/obs-en-43-11.jpg)

पतरस उमन के जवाब देलक, "तोहिन में से हर एक अपन पाप लागिन पश्चाताप करा ताकि परमेश्वर तोहर पाप के क्षमा करी, आउर यीशु मसीह केर नाम से बपतिस्मा लेवा। तब उ तोहिन के वरदान स्वरूप पवित्र आत्मा भी देवी।"

![](https://cdn.door43.org/obs/jpg/360px/obs-en-43-12.jpg)

पतरस जे कहलक उकर में लगभग 3,000 आदमीमन विश्वास करलय आउर यीशु केर चेला बईन गेलय। उमन बपतिस्मा लेलय आउर यरूशलेम कर कलीसिया कई हिस्सा बईन गेलय।

![](https://cdn.door43.org/obs/jpg/360px/obs-en-43-13.jpg)

जब प्रेरितमन उमन के शिक्षा देलय तो बिश्वासी मन लगातार सुनलय। उमन अक्सर मिलत रह लय आउर एक साथ खाना खात रहलय आउर उमन हमेशा एक दुसर ले प्रार्थना करलय। उमन मिलके परमेश्वर कर स्तुति करलय आउर जे कुछ उमन ठीन रहे उमन एक दुसर कर संग साझा करलय। नगर कर हरेक आदमी उमन ले आच्छा बिचार राखत रहे। प्रतिदिन उमन अधिक से अधिक आदमी बिश्वासी बनत गेलय।

*प्रेरितों के काम 2 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_43_128kbps.m4a

## 44. पतरस आउर युहन्ना एगो भिखारी के चंगा करेना

https://openbiblestories.org/l/sck/story-44/

![](https://cdn.door43.org/obs/jpg/360px/obs-en-44-01.jpg)

एक दिन पतरस आउर युहन्ना मंदिर में गेलय एगो लंगड़ा आदमी भीख मानगेक लागिन गेट जगन बैठात रहे।

![](https://cdn.door43.org/obs/jpg/360px/obs-en-44-02.jpg)

पतरस उ लंगड़ा आदमी बटे देखलक आ उर कहलक “मोर ठीन टोके देवेक लागिन पैसा तो नखे लेकिन जे मोर ठिना आहे उके मोय देवथों यीशु कर नाव से उठ आउर चल फिर!”

![](https://cdn.door43.org/obs/jpg/360px/obs-en-44-03.jpg)

तुरंते परमेश्वर उ लंगड़ा आदमी के बेस कईर देलक। मंदिर कर अंगना में जे मन जमा रहलय चकित होई गेलय।

![](https://cdn.door43.org/obs/jpg/360px/obs-en-44-04.jpg)

बहुत जल्दी आदमी मन कर एगो भीड़ उ आदमी के देखेक ले आलक जे चंगा होई रहे। पतरस उमन के कहलक ई आदमी ठीक हेइक, लेकिन ई बात में आश्चर्य चकित न होवा हमींन इके अपन शक्ति से बेश नी कइर ही या इकरले नहीं कि हमींन परमेश्वर के आदर करीला बल्कि उ यीशु है जे ई आदमी के अपन शक्ति से बेस कइर हे, काहेकि हमींन यीशु उपरे भरोसा करीला।”

![](https://cdn.door43.org/obs/jpg/360px/obs-en-44-05.jpg)

उमन तोहरे हेका जेमन उ रोमी राज्यपाल के यीशु के मारेक लागिन कईह रहा। तोहीन उके माँइर देला जे सबके जीवन देवेला। लेकिन परमेश्वर उके मरल से जिन्दा करलक। तोहिन समझला कि तोय का कहत रहले लेकिन जब तोहिन उ काम के करत रहला, तो जे भविष्यवक्ता मन कईह रहलय उ पूरा होलक। उमन कईह रहलय कि मसीह दुःख उठाई आउर मईर जाई। परमेश्वर इके इ लखे होवेक देलक। इकरले अब पश्चाताप करा आउर परमेश्वर बटे घुरा ताकि उ तोहर पाप के धोईके साफ कईर देवी”

![](https://cdn.door43.org/obs/jpg/360px/obs-en-44-06.jpg)

जब मंदिर कर अगुवा मन पतरस आउर युहन्ना के सुनलय तो उमन बहुत घबराय गेलय। इकेरले उमन उमन के गिरिफ्तार कइर के जेलखाना में डाईल देलय। लेकिन पतरस कईह रहे उकर उपरे बहुत से आदमी मन विश्वास करलय यीशु उपरे विश्वास करेक वाला कर संख्या बईढ के लगभग 5000 होई गेलक।

![](https://cdn.door43.org/obs/jpg/360px/obs-en-44-07.jpg)

अगला दिन उमन यहूदी अगुवा पतरस आउर यूहन्ना के महायाजक आउर दूसरा धार्मिक अगुवा केर सामने लेईके आलय उमन उ आदमी के भी लेई के आलय जे लंगड़ा रहे। उमन पतरस आउर युहन्ना से पूछलय “केकर अधिकार से तोहिन उ लंगड़ा आदमी के बेस करला ?”

![](https://cdn.door43.org/obs/jpg/360px/obs-en-44-08.jpg)

पतरस जवाब देलक “इ आदमी जे तोहर आगे ठढाई हे उके यीशु मसीह कर शक्ति केर दवारा करल जाइहे। तोहिन यीशु के क्रूस में चढ़ाय देला लेकिन परमेश्वर उके फिर से जिन्दा कइर देलक,तोहिन उके अस्वीकार कईर देला, लेकिन यीशु केर सामर्थ कर माध्यम केर आलावा उद्धार पावेक कर कोनो दूसरा रास्ता नखे! ”

![](https://cdn.door43.org/obs/jpg/360px/obs-en-44-09.jpg)

उ अगुवा मन हेरान रहलय कि पतरस आउर यूहन्ना बहुत साहसी रूप से बात कईर रहलय। उमने देखलय कि इमंन सधारण आदमी रहलय जे कि अनपढ़ रहलय। लेकिन फिर उमन के इयाद आलक कि इ आदमी मन यीशु कर संगे रहलय। इकरले उमन उमन के कहलय “हमींन तोहिन के बहुत दण्ड देवब अगर तोय इ आदमी यीशु केर बारे में आदमी मन के कोनो आउर सन्देश देबा होले।” एसन बहुत से बात कहलकर बाद उमन पतरस आउर यूहन्ना के जाएक देलय।

*प्रेरितों के काम 3:1-4:22 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_44_128kbps.m4a

## 45. स्तिफनुस आउर फिलिप्पुस

https://openbiblestories.org/l/sck/story-45/

![](https://cdn.door43.org/obs/jpg/360px/obs-en-45-01.jpg)

पहिला मसीही अगुवा मनके बीच में स्तिफनुस नाव कर एगो आदमी रह लक। सोउब उकर इज्जत करत रहलय। पवित्र आत्मा उके बहुत सामर्थ आउर बुधि देई रहे। स्तिफनुस बहुत चमत्कार कईर रहे। जब उ यीशु उपरे भरोसा करेक कर बारे में शिक्षा देलक तो बहुत से आदमी मन उकर उपरे विश्वास करलय

![](https://cdn.door43.org/obs/jpg/360px/obs-en-45-02.jpg)

एक दिन स्तिफनुस यीशु कर बारे शिक्षा देवत रहे, आउर कुछ ऐसन यहूदी आलय जेमन यीशु उपरे विश्वास नी करलय आ उर उमन से वाद विवाद करेक शुरू कर लय। उमन बहुत खिसाय गेलय इकरले उ धार्मिक अगुवा मन ठीन गेलय आ उर उकर बारे में झूठ बोल लय। उमन क ह लय “हमीन स्तिफनुस के मूसा आउर परमेश्वर कर बारे गलत गलत बात करत सुनली। “इकरले धार्मिक अगुवा मन स्तिफनुस के पक इड लेल य आ उर उके महायाजक आ उर यहूदी मन के दूसरा अगुवा मन केर सामने लेईके आलय। आ उर भी झूठा गवाह आलय आउर उमन स्तिफनुस कर बारे झूठा बोललय।

![](https://cdn.door43.org/obs/jpg/360px/obs-en-45-03.jpg)

महायाजक स्तिफनुस से पूछलक “का ई आदमी मन तोर बारे में सच कहथ य ?” स्तिफनुस महायाजक के जवाब देवेक लागिन भुत से बात खेक शुरू करलय। उ कहलक कि अब्राहम कर समय से यीशु कर समय तक परमेश्वर इसरायली आदमी मन ले बहुत अनोखा काम कईर हे लेकिन आदमी मन हमेशा परमेश्वर केर अनाज्ञाकारिता कईर रहलय स्तिफनुस कहलक “तोहिन परमेश्वर कर बिरुद्ध में हठीला आ उर बलवा करेक वाला आहा। तोहीन हमेशा पवित्र आत्मा के अस्वीकार कईर हा जैसन कि हमर पूर्वज मन हमेशा पवित्र आत्मा के अस्वीकार कइर रह लय आ उर हमेशा उकर भविस्यावक्ता मन के माईर डाईल रह लय लेकिन जे उमन कइर रह लय उकर तुलना में तोहीन भी बुरा कईरहा! तोहीन मसीह के माईर डालला।”

![](https://cdn.door43.org/obs/jpg/360px/obs-en-45-04.jpg)

जब उ धार्मिक अगुवा मन सुनलय तो उमन इतना गुस्सा होई गेलय कि उमन अपन कान बंद कईर लेलय आ उर ऊँचा आवाज में चिलालय। उमन स्तिफनुस के घिसकाय के नगर से बहरे लेई गेलय आ उर उके माईर डालेक ले उके पखल से मारलय।

![](https://cdn.door43.org/obs/jpg/360px/obs-en-45-05.jpg)

जब स्तिफनुस मरत रहे, उ हकाय उठलक “हे यीशु मोर आत्मा के ग्रहण कर! ” तब उ अपन घुटना में गिर गेलक आउर फिर से हँकाय उठलक, हे प्रभु इ पाप उमन उपरे न लगाबे।” तब उ मईर गेलक।

![](https://cdn.door43.org/obs/jpg/360px/obs-en-45-06.jpg)

वोहे दिन येरूशलेम में रहेक वाला बहुत से आदमी मन यीशु कर पीछे चलेक वाला मन के सतायेक शुरू कईर देलय, इकेरले विश्वासी आदमीमन दुसर जगह भाइग गेलय। लेकिन इकर बावजुद भी, जहाँ कहीं भी गेलय यीशु कर बारे प्रचार करलय

![](https://cdn.door43.org/obs/jpg/360px/obs-en-45-07.jpg)

फिलिप्पुस नाव कर एगो यीशु कर एगो विश्वासी रहे। जैसन कि दूसरा बहुत से विश्वासी मन कईर रहलय उ भी येरूशलेम छोइड के भाईग जाई रहे। उ सामरिया कर क्षेत्र में चईल गेलक हुवां उ आदमी मन में यीशु कर बारे में प्रचार करलक बहुते आदमी मन उकर उपरे विश्वास करलय आउर उद्धार पालय। एक दिन फिलिप्पुस ठीन परमेश्वर बटे से एगो स्वर्गदूत आलक आउर उके जंगल में जाएक ले आउर एगो सड़क में चलेक ले कह लक। फिलिप्पुस हुवां चईल गेलक। जब उ उ सडक में चलत रहे तो उ एगो आदमी कुश देश कर एगो महत्वपूर्ण अधिकारी रहे। पवित्र आत्मा फिलिप्पुस के कहलक कि जाएके उ आदमी के संग संग चल।

![](https://cdn.door43.org/obs/jpg/360px/obs-en-45-08.jpg)

इकर ले फिलिप्पुस रथ कर भिरे गेलक उ सुनलक कि उ कुशी परमेश्वर कर वचन के पढ़थे जे यशायाह भविस्यवक्ता लिखहे, उ उके पढ़त रहे। उ पढ़त रहे “उ उके वध करेक ले जाएक वाला भेड़ कर समान लेई गेलय आ उर जैसे एगो मेमना शांत रहेला, उभी एको शब्द नी कहलक। उमन उकर साथ अनुचित ब्यव हार करलय आउर उकर इज्जत नी करलय। उमन उकर जान लेई लेलय।”

![](https://cdn.door43.org/obs/jpg/360px/obs-en-45-09.jpg)

फिलिप्पुस उ कुशी के पूछलक, “जे तोय पढ़थिस का तोय उके समझिस ला ?उ कुशी जवाब देलक “नही जब तक केऊ इके मोके नी समझाबय तब तक मोय इके नी समइझ सकोना। कृपा कईरके मोर ठीन आय के बईठ। यशायाह इ अपन बारे लिखत रहे कि केकरो आ उर केर बारे ?”

![](https://cdn.door43.org/obs/jpg/360px/obs-en-45-10.jpg)

फिलिप्पुस रथ उपरे चईढ़ के बईठ गेलक तब उ उ कुशी आदमी के ई बतालक जे यशायाह यीशु कर बारे लिख रहे। फिलिप्पुस परमेश्वर कर वचन के बहुत से दूसरा हिस्सा कर भी चर्चा करलक। एहे लखे उ उ आदमी के यीशु केर बारे में शुभ सन्देश सुनालक।

![](https://cdn.door43.org/obs/jpg/360px/obs-en-45-11.jpg)

फिलिप्पुस आउर उ कुशी चलते चलते पानी ठीन पहुचलय। उ कुशी कहलक “देख! ईठीन पानी आहे! का मोय बपतिस्मा लेई सकोंन ?” आउर उ रथ चालक के रथ रोकेक ले कहलक।

![](https://cdn.door43.org/obs/jpg/360px/obs-en-45-12.jpg)

अतः उमन पानी में गेलय, आउर फिलिप्पुस उ कुशी के बपतिस्मा देलक। जब उमन पानी से बाहर आलय,तो पवित्र आत्मा अचानक ही फिलिप्पुस के उठाय के कोनो दूसरा ठीन लेई गेलक। हुवां फिलिप्पुस आदमी मन के यीशु कर बारे बताएक जारी राखलक।

![](https://cdn.door43.org/obs/jpg/360px/obs-en-45-13.jpg)

उ कुशी अपन घर के यात्रा में आगे बढ़ते गेलक। उ खुश रहे कि उ अब यीशु के जानत रहे।

*प्रेरितों के काम 6:8-8:5; 8:26-40 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_45_128kbps.m4a

## 46. पौलूस मसीही विश्वासी बइन जाएला

https://openbiblestories.org/l/sck/story-46/

![](https://cdn.door43.org/obs/jpg/360px/obs-en-46-01.jpg)

शाऊल नाव कर एगो आदमी रहलक जे यीशु उपरे विश्वास नी करत रहलक। जब उ जवान रहलक तो उ स्तिफनुस के मारेक वाला आदमी मन कर कपड़ा कर निगरानी कईर रहे। बाद में उ विश्वासी मन के सतात रहलक। येरूशलेम में घर घर जयके मरद आउर औरत दुइयो के पकड़ईके जेल में डालत रहलक। तब महायाजक शाऊल के दमिश्क नगर में जायेक ले अनुमति देलक। उ हुवां कर मसीहीमन के पकड़त रहे आउर उमन के वापस येरूशलेम लेइके आनेक ले शाउल के कहलक।

![](https://cdn.door43.org/obs/jpg/360px/obs-en-46-02.jpg)

अतः शाऊल दमिश्क जायक ले यात्रा शुरू करलक। उ शहर पहुचेक से पहले तनिक पहले उकर चाईरो बटे आकाश से एगो उज्ज्वल ज्योति चमकलक, आउर उ भूइया में गिर गेलक। शाऊल केखो कहते सुनलक, हे शाऊल! हे शाऊल! तोय मोके काले सताथीस ?” शाऊल पूछलक, हे प्रभु तोय के हेकिस?” यीशु उके जवाब देलक, मोय यीशु हेकों तोय मोके काले सताथीस!”

![](https://cdn.door43.org/obs/jpg/360px/obs-en-46-03.jpg)

जब शाऊल उठलक तो उ देखे नी पारलक। उकर दोस्त मन उके दमिश्क में लेइके गेलय। शाऊल तीन दिन तक कुछ भी न खालक आउर न पीलक।

![](https://cdn.door43.org/obs/jpg/360px/obs-en-46-04.jpg)

दमिश्क में हनन्याह नाव कर एगो चेला रहत रहे। परमेश्वर उके कहलक “उ घर में जा जहाँ शाऊल ठहईर हे। आपन हाथ केर उकर उपरे राख ताकि उ फिर से देखेक लागी। लेकिन हनन्याह कहलक हे प्रभु मोय सुइन हों कि इ आदमी बिश्वासी मन के कैसन सता हे। परमेश्वर उके जवाब देलक “जा मोय उके यहुदिमन में आउर दूसरा जाइत मन के आदमी मन में मोर नाम कर घोषणा करेक लागिन चु ईन ले हो। उ मोर नाव लागिन बहुत दुःख सही।”

![](https://cdn.door43.org/obs/jpg/360px/obs-en-46-05.jpg)

अतः हनन्याह शाऊल ठीना गेलक अपन हाथ के उकर में राखलक आ उर कहलक “यीशु जे इठन आवेक ले तोर रास्ता में तोके प्रगट होई रहे मोके तोर ठीना भेजल आहों ताकि तोय फिर से देखेक लागबे आउर पवित्र आत्मा से तोके भईर देवी। तुरंत शाऊल फिर से देखेक में सक्षम होई गेलक आउर हनन्याह उके बपतिस्मा देलक। तब शाऊल खाना खालक, आउर फिर से बलवंत होई गेलक।

![](https://cdn.door43.org/obs/jpg/360px/obs-en-46-06.jpg)

तब से शाऊल दमिश्क में रहेक वाला यहूदी मन में प्रचार करेक शुरू करलक ‘यीशु ही परमेश्वर कर बेटा हके।” यहूदी मन अचंभित रह लय। काहेकि शाऊल तो विश्वासी मन के माईर डालेक कर प्रयास करत रहे लेकिन अब उ यीशु में विश्वास कईर चुईक रहे। शाऊल यहूदी मन कर साथ वाद विवाद करलक। उ देखलक कि यीशु ही मसीह रहे।

![](https://cdn.door43.org/obs/jpg/360px/obs-en-46-07.jpg)

बहुत दिन बाद यहूदी मन शाऊल के माईर डालेक कर योजना बनालय। उमन उके माईर दालेक ले नगर कर फाटक जगे आदमी मन के भेजलक। कि उकर पहरा करबय। लेकिन शाऊल उ योजना केर बारे सुईन लेलक आ उर उकर दोस्त मन बांईच के निकलेक में उकर सहायता करलय। एक राईत के उमन उके टोकरी में बैठाय के नगर कर दीवार से निचे उतराय देलय। दमिश्क से बाइंच के निकल केर बाद शाऊल यीशु कर बारे में प्रचार करेक जारी राखलक।

![](https://cdn.door43.org/obs/jpg/360px/obs-en-46-08.jpg)

शाऊल प्रेरित मन मिलेक ले येरूशलेम गेलक, लेकिन उमन उकर से डरात रहलय तब बरनाबस नाव कर एगो विश्वासी शाऊल केप्रेरित मन ठीना लेई के गेलय। उ उमन के बतालक कि शाऊल कैसन साहस कर के साथ दमिश्क में प्रचार कईर रहे। उकर बाद प्रेरित मन शाऊल के स्वीकार कईर लेलय।

![](https://cdn.door43.org/obs/jpg/360px/obs-en-46-09.jpg)

कुछ विश्वासी जे येरूशलेम कर सतावट से भाईग जय रहलय उमन दूर अन्ताकिया नगर में चईल जाय रहलय आउर यीशु कर बारे में प्रचार करत रहलय। अन्ताकिया में रहेक वाला आदमी मन अधिक यहूदी नी रहलय, लेकिन पहली बार उमन में से विश्वाशी बईन गेलय। बरनाबास आउर शाऊल इ नया विश्वाशी मन के यीशु केर बारे में आउर ज्यादा सिखाएक लागिन हुवां गेलय। आउर कलीसिया के मजबूत करलय। यीशु उपरे विश्वास करेक वाला पहली बार अन्ताकिया में “मसीही कहालेंन।

![](https://cdn.door43.org/obs/jpg/360px/obs-en-46-10.jpg)

एक दिन अन्ताकिया कर मसीह मने उपवास कर साथ प्रार्थना करत रहलय। पवित्र आत्मा उमन के कहलक, मोर ले बरनाबास आउर शाऊल के उ काम के करेक ले अलग कईर देवा जेके करेक ले मोय उमन के बोला हो। इकेरले अन्ताकिया कर कलिसिया बरनाबास आउर शाऊल लागिन प्रार्थना करलक आउर उमन उपरे हाथ के राखलय। तब उमन उमन के दूसरा बहुत से जगह में यीशु कर बारे में शुभ सन्देश कर प्रचार करेक ले भेईज देलय। बरनाबास आउर शाऊल अलग अलग जाइत मन के शिक्षा देलय, आउर बहुत आदमी मन यीशु उपरे विश्वास करलय।

*प्रेरितों के काम 8:3; 9:1-31; 11:19-26; 13:1-3 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_46_128kbps.m4a

## 47. फिलिप्पी में पौलूस आउर सिलास

https://openbiblestories.org/l/sck/story-47/

![](https://cdn.door43.org/obs/jpg/360px/obs-en-47-01.jpg)

जब शाऊल पूरा रोमी सम्राज्य में यात्रा करलय तो उ अपन रोमी नाव पौलूस कर उपयोग करेक शुरू कइर देलक। एक दिन पौलूस आउर उकर दोस्त सिलास फिलिप्पी नगर में यीशु कर बारे में शुभ सन्देश सुनाएक ले गेलय। उमन नगर कर नदी कर किनार में एगो जगह ठीन गेलय। जहाँ आदमीमन प्रार्थना करेक ले इकठा रहलय। उठीन उमन लुदिया नाव कर एगो औरत से भेंट होलय जे एगो ब्यापारी रहे। उ परमेश्वर से प्रेम करत रहे आउर उकर आराधना करत रहे।

![](https://cdn.door43.org/obs/jpg/360px/obs-en-47-02.jpg)

परमेश्वर लुदिया के यीशु कर बारे में सन्देश उपरे विश्वास करेक ले सक्षम करलक। पौलुस आउर सिलास उके आउर उकर परिवार के बपतिस्मा देलक। उ पौलुस आ उर सिलास के अपन घर में ठहरेक लागिन निमंत्रण देलक, इकरले उमन हुवां ठहईर गेलय।

![](https://cdn.door43.org/obs/jpg/360px/obs-en-47-03.jpg)

पौलूस आउर सिलास आदमी मन से हमेशा उ जगह मिलत रहलय जेठीन यहूदी मन प्रार्थना करत रहलय। रोज दिन जब उमन हुवां जातय तो एगो दासी छोड़ी दुस्तात्मा द्वारा नियंत्रित करत रहे उमन के पिछा करत रहलक। उ दुस्तात्मा कर माध्यम से उ आदमी मन कर भविष्य बतात रहे, इकरले उ भविष्य बताएक वाला कर रूप में अपन मालिक ले बहुत धन कमात रहे।

![](https://cdn.door43.org/obs/jpg/360px/obs-en-47-04.jpg)

उमन कर जायेक बेर ई दासी चिल्लात रहत रहे, “ई आदमी मन परम प्रधान परमेश्वर कर सेवक हेकय। इमंन तोहिन के उद्धार कर रास्ता बताथय।” उ रोज दिन एसने करत रहे जेकर से पौलुस नराज होई गेलक।

![](https://cdn.door43.org/obs/jpg/360px/obs-en-47-05.jpg)

अंत में एक दिन जब उ दासी छोडी चिल्लाएक शुरू करलक, तो पौलुस उकर बटे घुइर के उकर भीतरे कर दुस्तामा के कहलक, यीशु कर नाव से इकर में से निकईल जा” ओहे घड़ी उ दुस्तात्मा उके छोईड़ देलक।

![](https://cdn.door43.org/obs/jpg/360px/obs-en-47-06.jpg)

उ दासी लड़की कर मालिक बहुत गुसाय गेलक उके पता चईल गेलक कि बिना उ दुस्तात्मा के उ दासी छोड़ी आदमी मन कर भविष्य नी बताय सकत रहे इकर माने रहे कि आदमी मन अब उकर मालिक के पैसा नी देबय कि उ उमन कर भविष्य बताई कि उमन कर संग का होवी।

![](https://cdn.door43.org/obs/jpg/360px/obs-en-47-07.jpg)

इकरले उ दासी लड़की कर मालिक पौलुस आउर सिलास के रोमी अधिकारी मन ठीन लेई गेलय। उमन पौलुस आउर सिलास के पिटलय आउर फिर उमन के जेल में डाईल देलय।

![](https://cdn.door43.org/obs/jpg/360px/obs-en-47-08.jpg)

उमन पौलुस आउर सिलास के जेल खाना कर ऐसन हिस्सा में राखलय जेठीन सबसे अधिक सिपाही रहलय। हियाँ तक कि उमन उमन कर गोड़ के काठ कर बड़का टुकड़ा में जोईड़ देलय। लेकिन पौलुस आउर सिलास आधा राइत कर समय, परमेश्वर कर स्तुती कर गीत गावत रहलय।

![](https://cdn.door43.org/obs/jpg/360px/obs-en-47-09.jpg)

अचानक से एगो भयानक भूकम्प होलक! जेल घर कर सोउब दुरा खुईल गेलक आउर सब कैदी मन कर सिकड़ खुईल के गिर गेलक।

![](https://cdn.door43.org/obs/jpg/360px/obs-en-47-10.jpg)

तब दरोगा जाइग गेलक। उ देखलक कि जेल घर कर दुरा खुईल जाहे। उ सोचलक कि सब कैदी मन बाइच के भाईग जाहैं। उ डराय गेलक कि उमन कर भागेक कर कारण से रोमी अधिकारी उके माईर डाली। इकरेले उ अपने आप के मारेक ले तेयार होई जाय रहे। लेकिन पौलुस उके देईख के चिल्लालक रुईक जा! अपने आप के हानि न पहुंचाव हमींन सोउब येहे ठीन आही।”

![](https://cdn.door43.org/obs/jpg/360px/obs-en-47-11.jpg)

उ दरोगा कांपते कापते पौलुस आउर सिलास ठीना आए के पूछलक “उद्धार पावेक ले मोय का करों ?” पौलुस जवाब देलक, प्रभु यीशु उपरे विश्वास कर तो तोय आउर तोर घराना उद्धार पाबंय।” तब उ दरोगा पौलुस आउर सिलास के आपने कर घर लेई गेलक आउर घर कर सब जन के यीशु मसीह कर ख़ुश खबरी सुनालक।

![](https://cdn.door43.org/obs/jpg/360px/obs-en-47-12.jpg)

दरोगा आउर उकर पूरा परिवार यीशु उपरे विश्वास करलय इकरले पौलुस आउर सिलास उमन के बपतिस्मा देलय। तब दरोगा पौलुस आउर सिलास के खाना खियालक आउर उमन एक साथ आनंदित होलय।

![](https://cdn.door43.org/obs/jpg/360px/obs-en-47-13.jpg)

अगला दिन नगर कर अगुवा मन पौलुस आउर सिलास के जेल घर में से स्वतन्त्र कईर देलय आउर फिलप्पी से चईल जाएक ले कहलय। पौलुस आउर सिलास लुदिया आउर कुछ दूसरा साथी मन से मिललय आउर उकर बाद नगर से निकईल गेलय यीशु कर शुभ सन्देश फैलाते गेलय, आउर कलीसिया बढ़ते गेलक।

![](https://cdn.door43.org/obs/jpg/360px/obs-en-47-14.jpg)

पौलुस आउर दूसरा मसीही अगुवामन बहुत से नगर कर यात्रा करलय। उमन आदमी मन के यीशु कर बारे शुभ सन्देश सुनालय। उमन कलीसिया मन कर विश्वासी मन के उत्साहित करेक आउर शिक्षा देवेक ले ढेर सारा चिठ्ठी हूँ लिखलय। इकर में से कुछ चिठ्ठी बाइबिल कर किताब बईन गेलक।

*प्रेरितों के काम 16:11-40 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_47_128kbps.m4a

## 48. यीशु ही वायदा कर मसीहा हेके

https://openbiblestories.org/l/sck/story-48/

![](https://cdn.door43.org/obs/jpg/360px/obs-en-48-01.jpg)

जब परमेश्वर संसार के बनालक तो सब कुछ अच्छा रहे। कोई पाप नी रहे। आदम आउर हव्वा एक दुसर के प्रेम करत रहलय आउर उमन परमेश्वर से प्रेम करत रहलय। कोनो बीमारी या मृत्यु नी रहे। परमेश्वर एसने संसार चाहत रहे।

![](https://cdn.door43.org/obs/jpg/360px/obs-en-48-02.jpg)

शैतान सांप कर माध्यम से बगीचा में हवा से बात करलक, काहेकि उ उमन के धोखा देवेक चाहत रहे। तब हव्वा आउर आदम परमेश्वर कर बिरुद्ध पाप करलय। काहेकि उमन पाप कईर रहलय इकरले धरती उपरे रहेक वाला सब जीव भरेना।

![](https://cdn.door43.org/obs/jpg/360px/obs-en-48-03.jpg)

काहेकि आदम आ उर हव्वा पाप कईर रहलय इकर ले कुछ आउर कि बुरा होलक। उमन परमेश्वर कर शत्रु बईन गेलय। जेकर परिणाम स्वरूप तब से हर एक जन पाप कईर हंय। हर एक आदमी जन्म से ही परमेश्वर कर शत्रु आह्य। परमेश्वर आउर आदमी मन कर बिच में शांति स्थापित करेक चाहत रहे।

![](https://cdn.door43.org/obs/jpg/360px/obs-en-48-04.jpg)

परमेश्वर प्रतिज्ञा करलक कि हव्वा कर एगो वंस शैतान कर मुड़ी के कुंची। उ इसन भी कहलक कि शैतान उकर एड़ी के डसी। दुसर शब्द परमेश्वर में शैतान मसीह के माइर डाली, लेकिन परमेश्वर उके फिर से जिदी करी। इकर बाद मसीह शैतान कर शक्ति के हमेशा लागिन खतम कइर देवी। बहुत साल कर बाद परमेश्वर प्रगट करल क कि उ मसीह यीशु हेके।

![](https://cdn.door43.org/obs/jpg/360px/obs-en-48-05.jpg)

परमेश्वर उ बाईढ से अपन परिवार के बचालक जेके उ लानेक वाला रहे। नूह के एगो नोका बनाएक ले कहलक कि उ ई तरीका से परमेश्वर उ आदमी मन के बचालक जे उकर उपरे विश्वास करत रहलय ई तरीका उमन सब परमेश्वर कर द्वारा माइर डालल जाएक कर लायक रह लय काहेकि उमन पाप क ईर रह लय। लेकिन परमेश्वर उ सब के बचाएक ले यीशु के भेजलक जे उकर उपरे बिश्वास करेंना।

![](https://cdn.door43.org/obs/jpg/360px/obs-en-48-06.jpg)

सवों साल तक याजक परमेश्वर ले बलिदान चढ़ात रहे। ई दर्शाएल कि आदमी मन पाप करलय आउर इसन कि उमन परमेश्वर कर द्वारा उमन के दंड देवेक कर लायेक रहलय। लेकिन उ बलिदान उमन कर पाप कर क्षमा नी कईर सकत रहे। यीशु सब कर से बड़का महायाजक हेके। उ उ कर लक जे कोई याजक रहलय। नी सइक रहे। उ उ एगो मात्र बलिदान होवेक ले अपने आप के देई देलक जे हरेक कर पाप के मिटाय सकत रहे। उ स्वीकार करलक कि परमेश्वर उ सब कर पाप लागिन उके दण्डित करी। इ कारण से यीशु सिद्ध महायाजक रहे।

![](https://cdn.door43.org/obs/jpg/360px/obs-en-48-07.jpg)

परमेश्वर अब्राहम के कह लक “मोय तोर द्वारा संसार कर सोउब वंश के आशिष देबू।” यीशु येहे अब्राहम कर वंश कर रहे। परमेश्वर अब्राहम कर माध्यम से सब कुल के आशिष देवेला काहेकि जेमन यीशु में विशवास करेंना परमेश्वर उ सबके पाप से बचायला। जब उमन यीशु उपरे विश्वास करना, तो परमेश्वर उमन के अब्राहम कर वंश मानेला।

![](https://cdn.door43.org/obs/jpg/360px/obs-en-48-08.jpg)

परमेश्वर अब्राहम के कहलक कि उ अपन निज बेटा उकरले बलिदान कईर देवे। लेकिन फिर परमेश्वर इसाह्क कर बदला में बलि करेक लागींन एगो मेम्ना देलक। हमींन अपन सब अपन पाप लागींन माईर डालेक कर लायक रही। लेकिन परमेश्वर हमरे कर मरेक जगन यीशु के बलिदान कर रूप में देलक। इ कारण से हमींन यीशु के परमेश्वर कर मेमना कहीला।

![](https://cdn.door43.org/obs/jpg/360px/obs-en-48-09.jpg)

जब परमेश्वर मिस्र उपरे अंतिम बिपति भेजलक तो उहर एगो इस्राइली परिवार के कह लक कि उमन एगो मेमना कर बलिदान करबय। उ मेमना में कोनो दोष नी होवेक चाही। तब अपन दुरा कर चौखट कर उपरे आउर किनार में उमन के उकर लहू के लगाएक रहे। जब परमेश्वर उ लहू के देखलक तो उ उमन कर घर से आगे बईढ़ गेलक आउर उमन कर जेठा बेटा बेटी के नी मारलक। जब इसन होलक तो परमेश्वर इके फसह त्योहार कहलक।

![](https://cdn.door43.org/obs/jpg/360px/obs-en-48-10.jpg)

यीशु फसह कर परब कर मेमना लखे हेईक। उ कभी पाप नी करलक इकरले उकर में कोनो गलत नी रहे। उ फसह कर परब कर बेरा मरलक। जब कोई यीशु उपरे विश्वास करेला, तब यीशु कर लहू उ आदमी कर पाप कीमत चुकायला। इ एसन हेइके कि जैसन कि परमेश्वर उ आदमी कर ठिना से आगे बईढ़ गेलक काहेकि उ उके दण्ड नी देवेला।

![](https://cdn.door43.org/obs/jpg/360px/obs-en-48-11.jpg)

परमेश्वर इस्राइली मन से एगो वाचा बाँधलक काहेकि उमने एसन आदमी रहलय जेमन के परमेश्वर अपन होवेक ले चुईन रहे। लेकिन अब परमेश्वर एगो ऐसन वाचा बाईध जे कि सबकर ले हेईक। अगर कोनो जाइत कर कोई भी आदमी ई नयी वाचा के स्वीकार करेला तो उ परमेश्वर कर आदमी मन में शामिल होई जाएला। उ एसन इकरले करेला काहेकि उ यीशु उपरे विश्वास करेला।

![](https://cdn.door43.org/obs/jpg/360px/obs-en-48-12.jpg)

मूसा एगो एसन भविष्यवक्ता रहलक जे परमेश्वर कर वचन के बड़ी सामर्थ कर साथ प्रचार कईर रहे। लेकिन यीशु सब भाविशायाकता मन में सब कर से बड़का हेईक। उ परमेश्वर हेके इकर ले जे कुछ भी उ कर लक आउर कहलक उ परमेश्वर कर काम आउर वचन रहे। इकर ले पवित्र शास्त्र यीशु के परमेश्वर कर वचन कहेला।

![](https://cdn.door43.org/obs/jpg/360px/obs-en-48-13.jpg)

परमेश्वर राजा दाऊद से प्रतिज्ञा कईर रहे कि राजा केर रूप में उकर एगो वंश परमेश्वर कर आदमी मन उपरे हमेशा ले शासन करी। यीशु परमेश्वर कर बेटा आउर मसीह हेके। इकर ले उ राजा दाऊद कर वंश हेईके जे हमेशा ले राईज कईर सकेला।

![](https://cdn.door43.org/obs/jpg/360px/obs-en-48-14.jpg)

दाऊद तो इस्राइल कर राजा रहे लेकिन यीशु सम्पूर्ण जगत कर राजा हेके। उ फिर से आवी आउर सदा लागिन न्याय आउर शान्ति कर साथ अपन राईज उपरे शासन करी।

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_48_128kbps.m4a

## 49. परमेश्वर कर नवा वाचा

https://openbiblestories.org/l/sck/story-49/

![](https://cdn.door43.org/obs/jpg/360px/obs-en-49-01.jpg)

एगो स्वर्गदूत एगो जवान छोड़ी मरियम के कहलक कि उ परमेश्वर के बेटा के जन्म देवी। उ अबतक कुवारी रहलक, लेकिन पवित्र आत्मा उकर उपरे आलक आउर उ गर्भवती होई गेलक। उ एगो बेटा के जनम देलक जेकर नाव उ यीशु राखलक। इकर ले यीशु परमेश्वर आउर मनुष्य दूइयो हेके।

![](https://cdn.door43.org/obs/jpg/360px/obs-en-49-02.jpg)

यीशु भुत से चमत्कार करलक जे देखाएला कि उ परमेश्वर हेके। उ पानी उपरे चललक आउर आंधी के शांत कर लक। उ बहुत से बीमार आदमी मन के चंगा कर लक आ उर भुत से आदमी मन से दुष्टा त्मा निकलालक। उ मरल आदमी मन के जिन्दा कइर देलक आउर उ पांच रोटी आउर दूई ठो मछली के 5000 आदमी मन के खियाक ले पर्याप्त भोजन में परिवर्तित करलक।

![](https://cdn.door43.org/obs/jpg/360px/obs-en-49-03.jpg)

यीशु एगो महान शिक्षक भी रहे। जे कुछ उ सिखालक उ उके सिद्धता करत साथ सिखालक। जे उ आदमी मन के करेक ले कहत रहे उके उमन के करेक चाही काहेकि परमेश्वर कर बेटा हेके। उदाहरण लागिन उ सिखालक कि तोहीन के दुसरा आदमी मन के ओहे तरीका से प्रेम करेक कर आवश्याकता है जैसन तोहीन अपने आप के प्रेम करला।

![](https://cdn.door43.org/obs/jpg/360px/obs-en-49-04.jpg)

उ इ भी सिखालक कि तोहीन सब वस्तु से अधिक आउर अपन सम्पति से भी अधिक परमेश्वर के प्रेम करेक चाही।

![](https://cdn.door43.org/obs/jpg/360px/obs-en-49-05.jpg)

यीशु कहलक कि संसार में कोई भी चीज के पावेक से अधिक अच्छा है परमेश्वर कर राईज में होवेक। उकर राईज में तोहर ले प्रवेश करेक ले आवश्यक हेइक कि परमेश्वर तोहीन के तोहर पाप बचाय।

![](https://cdn.door43.org/obs/jpg/360px/obs-en-49-06.jpg)

यीशु कहलक कि कुछ आदमी मन उके स्वीकार करबय। परमेश्वर उमन के बचाई। लेकिन दुसरे आदमी मन उके ग्रहण नी करबय। उ ई भी कहलक कि कुछ आदमी मन अच्छा खेत कर समान है काहेकि उमन यीशु कर बारे में शुभ सन्देश के स्वीकार कईरलेवेना, आउर परमेश्वर उमन के बचाएला। लेकिन कुछ आदमी मन डहर कर कठीन जमीन कर समान है। परमेश्वर कर वचन बीज केर समान रास्ता उपरे गिरेला लेकिन हुवां कुछ भी नहीं उगेला। ए आदमी मन यीशु कर बारे में सन्देश के अस्वीकार कईर देवेना। उमन उकर राईज में प्रवेश करेक से इंकार कईर देवेला।

![](https://cdn.door43.org/obs/jpg/360px/obs-en-49-07.jpg)

यीशु सिखालक परमेश्वर पापी मन के भुत प्रेम करेला। उ उमन कर क्षमा करेक चाहेला आउर उमन के अपन संतान बनाएक चाहेला।

![](https://cdn.door43.org/obs/jpg/360px/obs-en-49-08.jpg)

यीशु ई भी बत्तालक कि परमेश्वर पाप से घृणा करेला काहेकि आदम आउर हव्वा पाप करलय। इकर ले उकर सारा वंशज भी पाप करलक। ई संसार में रहेक वाला हरेक आदमी मन पाप करेंना आउर परमेश्वर से दूर आहय। हरेक जन परमेश्वर कर शत्रु हेकय।

![](https://cdn.door43.org/obs/jpg/360px/obs-en-49-09.jpg)

लेकिन परमेश्वर इस संसार में रहेक वाला हरेक जन से ई तरीका से प्रेम करलक उ अपन एकलौता बेटा के देई देलक ताकि परमेश्वर उमन के दण्ड नी देवी जे उकर उपरे विश्वास करेंना इकर बजाय उमन उकर संग हमेशा ले रहबय।

![](https://cdn.door43.org/obs/jpg/360px/obs-en-49-10.jpg)

तोहिन मृत्यु के लायक आहा काहेकि तोहिन पाप कईर हा। तोहर से परमेश्वर कर गुस्सा होवेक उचित हेईक, इकर अपेक्षा यीशु उपरे गुस्सा होलक। उ यीशु के क्रुस कर मृत्यु दण्ड देलक।

![](https://cdn.door43.org/obs/jpg/360px/obs-en-49-11.jpg)

यीशु कभी पाप नी करलक लेकिन उ परमेश्वर के उके सजा देवेक देलक। उ मरेक स्वीकार करलक। ई तरीका से तोहर पाप के आउर ई संसार में रहेक वाला हरेक जन कर पाप के उठाएक ले जाएक ले उ एगो सिद्ध बलिदान रहे। यीशु स्वयं के परमेश्वर ले बलिदान कईर देलक, इकरले परमेश्वर कोनो पाप के, हियाँ तक कि भयंकर पाप के भी क्षमा करेला।

![](https://cdn.door43.org/obs/jpg/360px/obs-en-49-12.jpg)

भले ही अगर तोय बहुत से अच्छा काम के करीस होई तो इकर द्वारा परमेश्वर तोके नी बचाई। उकर दोस्त बनेक ले ऐसन कुछ भी नखे जे तोय कईर सकीसला। ईकर अपेक्षा तोहीन के विश्वास करेक हेईक कि यीशु परमेश्वर कर बेटा हेके। आऊर उ तोहर बदले में क्रुस उपरे मईर गेलक आऊर इभी कि परमेश्वर उके फिर से जिन्दा कईर देलक आगर तोय ई विश्वास करबे तो परमेश्वर तोहर पाप से क्षमा देवी।

![](https://cdn.door43.org/obs/jpg/360px/obs-en-49-13.jpg)

परमेश्वर उ हरेक आदमी के बचाई जे यीशु में विश्वास करी आउर उके अपन प्रभु स्वीकार करेला। लेकिनं उ उमन के नी बचाई जे उकर उपरे विश्वास नी करेंना। ई कुछ मान नी सखेला कि तोय धनी ह्कीस की गरीब ह्कीस मर्द हो या स्त्री हो बुढा होवी या जवान होवी या तोय कहाँ र्हिसला। परमेश्वर तोर से प्रेम करेला आउर चाहेला कि तोय यीशु उपरे विश्वास कर कि उ तोर दोस्ती बइन सकेल।

![](https://cdn.door43.org/obs/jpg/360px/obs-en-49-14.jpg)

यीशु तोके बोलाथे कि उकर उपरे विशवास करा आउर बपतिस्मा लेवा। का तोहिन विश्वास करला कि परमेश्वर कर एकलौता बेटा, यीशु ही मसीह हेके ? का तोहीन विश्वास करला कि तोहीन एगो पापी आहा आउर इसन कि तोहिन सजा देवेक कर लायक आहा ? का तोहिन विश्वास करला कि तोहर पाप के मईटायक ले यीशु क्रूस उपरे मरलक?

![](https://cdn.door43.org/obs/jpg/360px/obs-en-49-15.jpg)

अगर तोहिन यीशु उपरे आउर जे उ तोहर लागिन कईह हे उकर उपरे विश्वास करला तो तोहिन एगो मसीही हका।शैतान आपन कर अंधकार कर राईज में अब तोहिन उपरे राईज नी करेला।अब परमेश्वर अपन प्रकाश कर राईज में तोहिन उपरे राईज करेला। उ तोहिन के पाप करेक से रोइक देइहे जेके तोहिन करत रहला। उ तोहिन के एगो नवा उचित जीवन देइहे।

![](https://cdn.door43.org/obs/jpg/360px/obs-en-49-16.jpg)

अगर तोहरे मसीही हेका तो जे यीशु कईर हे उकर कारण परमेश्वर तोहर पाप के क्षमा कइर देहे। आब परमेश्वर एगो शत्रु कर अपेक्षा तोहिन के एगो घनिष्ट मित्र मानेला।

![](https://cdn.door43.org/obs/jpg/360px/obs-en-49-17.jpg)

अगर तोहिन परमेश्वर कर मित्र हेका आउर प्रभु यीशु केर सेवक हेका तो तोहिन उ बातमन कर पालन करेक कर इच्छा करबा जे यीशु तोहिन् के सिखाएला। भले ही तोहिन एगो मसीही होबा शैतान एखन भी पाप करेक ले तोहर परीक्षा करी। लेकिन परमेश्वर हमेशा उ करेला जे उ कहेला कि उ करी। उ कहेला कि अगर तोय अपन पाप के माईन ले तो उ तोहिन के क्षमा कईर देवी। उ तोहिन के पाप कर विरुध लड़ेक कर सामर्थ देवी।

![](https://cdn.door43.org/obs/jpg/360px/obs-en-49-18.jpg)

परमेश्वर तोहिन के प्रार्थना करेक ले आउर उकर वचन के पढ़ेक ले कहेला। उ तोहिन के दुसर विश्वासी मन कर संग मिलके उकर आराधना करेक ले भी कहेला। तोहिन के दूसरा आदमी मन के भी बताएक हेईक कि उ तोहर ले का कईर हे। अगर तोहिन इ सब काम के करबा तो तोहिन उकर उकर पक्का मित्र बइन जाबा।

*रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_49_128kbps.m4a

## 50. यीशु वापस घुरेला

https://openbiblestories.org/l/sck/story-50/

![](https://cdn.door43.org/obs/jpg/360px/obs-en-50-01.jpg)

लगभग 2,000 बरस से, संसार में सब स्थान में अधिक से अधिक आदमीमन मसीह यीशु केर बारे में शुभ संदेश के सुनथय। कलीसिया उन्नति कराथे। यीशु वादा कईरहे कि उ संसार केर अंत में वापस घुरी। यद्यपि उ अभी वापिस नी आइहे, तौभी उ अपन वादा के पूरा करी।

![](https://cdn.door43.org/obs/jpg/360px/obs-en-50-02.jpg)

जब कि हमीन यीशु के यीशु के वापस घुरेक कर असरा कराथी परमेश्वर हमींन से एहे रीती से जिन्दगी जीयेक कर इच्छा करेला जे पवित्र हेईक आउर जे उकर आदर करेला जब यीशु धरती में रहत रहे तब उ कहलक, मोर चेला मन दुनियां भइर में सोउब जगह कर आदमी मन के परमेश्वर कर राईज कर बारे में शुभ सन्देश प्रचार करबय आउर तब अंत आय जई।”

![](https://cdn.door43.org/obs/jpg/360px/obs-en-50-03.jpg)

बहुत से जाईतमन आईज तक यीशु केर बारे में नी सुईन है। स्वर्ग से घुईर जाएक़ से पहले, यीशु मसीहिमन से उ आदमीमन के शुभ संदेश सुनाएक ले कईहे जेमन इके कभी नी सुइन हैं। उ कह लक “जावा आ उर सब जाइतमन कर आदमी मन के चेला बनावा! ” आउर कटनी करेक ले खेत पाईक चुईक हे! ”

![](https://cdn.door43.org/obs/jpg/360px/obs-en-50-04.jpg)

यीशु इभी कहलक, कोई आदमी कर धन्गर अपन मालिक से बड़का नी होवेला। ई दुनिया कर खास आदमी मन मोर से घृणा करलय। आउर मोर कारण से तोहिन के भी सत्ता बय आउर माईर डालबय। ई संसार में तोहिन ले दुःख बिपैत होई, लेकिन बरियार होवा, काहेकि मोय सैतान के हरुवाय देहों जे ई संसार में राईज करेला। अगर तोहिन अंत तक विश्वासयोग्य बनल रहबा, तो परमेश्वर तोहिन के बचई।

![](https://cdn.door43.org/obs/jpg/360px/obs-en-50-05.jpg)

यीशु अपन चेलामन के इ समझेक ले एगो कहानी सुनालक कि जब संसार कर अंत होवे वाला तो आदमी मन कर साथ का होवी। उ कहलक, “कोनो आदमी अपन खेत में अच्छा बीज बुनलक जब उ निन्दात रहे तो उकर शत्रु आलक आ उर गहम कर बीज के बीचे में जंगली पौधा केर बीज के बूइन देलक, आ उर फिर उ चईल गेलक।”

![](https://cdn.door43.org/obs/jpg/360px/obs-en-50-06.jpg)

जब पौधामन अंकुरित होलक तो नौकरमन उ अदमी के कहलक “हे मालिक मोय तो अपन खेत में अच्छा बीज बुईन रहें। तो फिन इकर में जंगली पौधा काले ऊ ब्यक्ति जवाब देलक “केवल मोर कोनो शत्रु हेके जे एसन कईर हे।

![](https://cdn.door43.org/obs/jpg/360px/obs-en-50-07.jpg)

"उ सेवक मन अपन मालिक के जवाब देलक “का हमींन के जंगली पौधा के उख ड़ाय देवेक चाही? ऊ मालिक कहलक नहीं। अगर तोहिंन एसन करला तो तोहींन कुछ गेहूँ की भी उखडाय देबा। कटनी क्र समय तक इंतजार करा। तब जंगली पौधा केर गढ़ा में इक्कठा कईर लेवा ताकि तोहिंन उके जलाय सकीला। लेकिन गेहूं के मोर खता में लेइक आवा।”

![](https://cdn.door43.org/obs/jpg/360px/obs-en-50-08.jpg)

चेलामन इ कहानी कर मतलब के नि समझलय इकर ले उमन यीशु से उमन के सम झाएक ले निवेदन करलय। यीशु कहलक, “अच्छा बीज बुनेक वाला आदमी मसीह का प्रतिनिधित्व करेला। खेत संसार कर प्रतिनिधित्व करेला।अच्छा बीज परमेश्वर केर राईज केर मनवा मन कर प्रतिनिधित्व करेला।”

![](https://cdn.door43.org/obs/jpg/360px/obs-en-50-09.jpg)

“जंगली पौधा ऊ दुष्ट आदमी, शैतान केर आदमी मन कर प्रतिनिधित्व करेंना। ऊ आदमी कर शत्रु शैतान कर प्रतिनिधित्व करेला जे जंगली पौधा के बुइन रह लक। कटनी इ संसार कर अंत कर प्रतिनिधित्व करेला। कटनी करेक वाला परमेश्वर केर स्वर्गदूत मन केर प्रतिनिधित्व करेना।”

![](https://cdn.door43.org/obs/jpg/360px/obs-en-50-10.jpg)

“जब संसार मन के अंत होवी तब स्वर्गदूत ऊ सब आदमी मन के ऐक संग जमा करी जेमन शैतान केर हेकय ऊ स्वर्गदूत उमन के ईगो बहुत गरम आईग में फेंक देवी हुवां उमन भयंकर सताव में कांदबय आउर अपन दांत पीसबय। लेकिन जे आदमी धर्मी रहबय, जेमन यीशु कर अनुकरण कईर हैं उमन उमन कर परमेश्वर बाप केर राईज में बेईर कर समान चमकबय।

![](https://cdn.door43.org/obs/jpg/360px/obs-en-50-11.jpg)

यीशु इ भी कहलक कि उ संसार कर अंत होवेक से पहले धरती में घुरी। ऊ वोहे तरीका से वापस आवी जैसन उ जाय रहें। अर्थात उकर ठीन वास्तविक शारीर होवी, अउर उ आकाश में बदरी में चईढ के आवी। जब यीशु घुरी तो हेर ऐक मसीही जे मईर चुईक हैं मरल में से जी उठबय अउर उकर से आकाश में मिलबंय।

![](https://cdn.door43.org/obs/jpg/360px/obs-en-50-12.jpg)

तब जे मसीही एखन तक जिन्दा है उमन आकाश में उठाए के लेई जाबय। आउर उ दूसरा मसीही मन केर संग शामिल होई जाबय जेमन मरल में से जी के उठेना। उमन सब हुवां यीशु केर संग होबय। उकर बाद, यीशु अपन आदमीमन कर संग रही। जब उमन एक संग रहेना तो उमन कर ठीन सदा ले पूरी शान्ति होवी।

![](https://cdn.door43.org/obs/jpg/360px/obs-en-50-13.jpg)

यीशु अपन उपरे विशवास करेक वाला हरेक जनले ईगो मुकुट देवेक कर वादा कईर हे। उमन हमेशा ले परमेश्वर कर संग हर चीज उपरे राईज करबय। उमन ठीन पूरा शांति होवी।

![](https://cdn.door43.org/obs/jpg/360px/obs-en-50-14.jpg)

लेकिन परमेश्वर उमन के सबकर न्याय करी जे यीशु उपरे विश्वास नि करेना। ऊ उमन के नरक में डाईल देवी। हुवां उमन कांदबय आउर दांत पीसबय, आउर उमन हमेशा पीड़ित होते रहबय। कहियो नि बुभुक वाला आईग उमन के लगातार जलाते रही, आउर कीड़ा खाएक से नी रुकबय।

![](https://cdn.door43.org/obs/jpg/360px/obs-en-50-15.jpg)

जब यीशु घूरेला तो उ पूरा तरीका से शैतान के आउर उकर राईज के नष्ट केर देवी। हुवां शैतान हमेशा ले जलते रही, ऊ सबकर संग जेमन परमेश्वर केर बात के मानेक कर बजाय शैतान केर पाछे चलेक कर चुनाव कईर रहैं।

![](https://cdn.door43.org/obs/jpg/360px/obs-en-50-16.jpg)

काहेकि आदम आउर हव्वा परमेश्वर कर अनआज्ञाकारिता कईर रहलय अउर पाप के इ संसार में लेईक आय रहय, परमेश्वर उमन के साथ देलक आउर उके नाश करेक कर निर्णय करलक। लेकिन कोई एक दिन परमेश्वर एगो नवा स्वर्ग आउर एगो नवा धरती कर रचना करी जे सिद्ध होवी।

![](https://cdn.door43.org/obs/jpg/360px/obs-en-50-17.jpg)

यीशु आउर उकर आदमी मन ऊ नवा धरती उपरे रहबय, आउर उ सदा ले सब चीज उपरे शासन करी। उ आपन आदमी मन कर आँईख कर आंसु के पोईछ देवी। अब कोई भी पीड़ित आउर दुखित नि होबय। उमन मरबय नही। उमन बीमार नि होबय या मरबय नहीं। आउर उहाँ कोनो बुराई नि होवी। यीशु आपन राईज में न्यायपूर्वक आउर शान्ति केर साथ शासन करी। उ हमेशा ले आपन आदमी मन कर संग रही।

*मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 से एगो बाइबल कर कहानी*

Audio: https://git.door43.org/OBS-TLF/sck_obs/releases/download/v1/sck_obs_v1_50_128kbps.m4a