# unfoldingWord Open Bible Stories — Sidamo

- Language code: `sid`
- Canonical page: https://openbiblestories.org/l/sid/
- Stories in this file: 50 of 50
- Published by: DokuWiki
- Last release: 2026-10-27
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Sidamo translation; it is not a translation of the whole Bible.

## 1. Kalaqama

https://openbiblestories.org/l/sid/story-1/

![](https://cdn.door43.org/obs/jpg/360px/obs-en-01-01.jpg)

Kunninni aanchine Maganu baalunka coye hanafinoha ikkinota buunxeemmo. Kunnira Maganu kalqenna giddose noore baala leyu barrinni kalaqino. Maganu baatto kalaqihu gedensaanni baatto tunsotenna mullichote; giddose xaara mitturino dikalaqamino. Ikkollana Maganu Ayyaani wayi aana millisanni no.

![](https://cdn.door43.org/obs/jpg/360px/obs-en-01-02.jpg)

Hakkunni gedensaanni <<Xawaabba ikko>> yeenna xawaabba ikki. Maganu Xawaabbu dancha ikkinota lae <<Barra>> yee woshshi. Maganu barra tunsichuwiinni bade <<Hashsha>> yee woshshi. Maganu umi barra xawaabba kalaqino.

![](https://cdn.door43.org/obs/jpg/360px/obs-en-01-03.jpg)

Layinki barra Maganu baattote iimaanni nooha fano darga kalaqino. Kunnira Maganu waa fanu dargiwiinni badi.

![](https://cdn.door43.org/obs/jpg/360px/obs-en-01-04.jpg)

Sayikki barra Maganu wayi moola uullawiinni baxxanno gede assi. Maganu moola uulla <<Baatto>> waa qole <<Baara>> yee woshshi. Maganuno kalaqino coyi dancha ikkinota lai.

![](https://cdn.door43.org/obs/jpg/360px/obs-en-01-05.jpg)

Hakkunni gedensaanni Maganu baatto baalanti haqqenna mu’ro fushshito yii. Yiino gedeno ikki. Maganuno kalaqinori dancha ikkinota lai.

![](https://cdn.door43.org/obs/jpg/360px/obs-en-01-06.jpg)

Shoolki barra Maganu arrishsho, agananna beeddahe kalaqi. Maganu barrunna hashshu wogganna dirra baxxitanno gede assi. Maganu kalaqinori dancha ikkinota lai.

![](https://cdn.door43.org/obs/jpg/360px/obs-en-01-07.jpg)

Ontikki barra Maganu wayi giddo hee’ranno kalaqamanna cea baala kalaqi. Maganu hakkuno dancha ikkinota lai; kalaqaminoreno maassi’ri.

![](https://cdn.door43.org/obs/jpg/360px/obs-en-01-08.jpg)

Leyikki barra Maganu <<Baattote aana baalunku dani kalaqami hee’rona>> yii. Maganu yiino gede ikki. Mite mite loosi’nanni saadaati, godowunni ha’rannoreeti, mitu qole dubbu moyichooti. Maganu hakkuno dancha ikkinota lai.

![](https://cdn.door43.org/obs/jpg/360px/obs-en-01-09.jpg)

Maganu, <<Manna daninkenninna suudinkenni kalanqo; baatto baalanna saada baala gashshona>> yii.

![](https://cdn.door43.org/obs/jpg/360px/obs-en-01-10.jpg)

Kunnira Maganu bushsha haa’re manna asse seekke heeshshote foole worisi. Su’masino Addaami yini. Maganu Addaami hee’rannowa haqqe kaase shuqunanno gede hakkiicho worisi.

![](https://cdn.door43.org/obs/jpg/360px/obs-en-01-11.jpg)

Kaashshu mereero lame addi addi haqqe kaasi. Heeshshote haqqichonna danchanna busha leelliishshannoti egennote haqqeno no. Maganu Addaamira haqqete giddo noota danchanna busha afissannota egennote haqqicho agurranna haqqe baalate laalo ita dandaannota kulinosi. Ikkollana danchanna busha leellishshanno haqqicho itiro kayinni reyannotano kulinosi.

![](https://cdn.door43.org/obs/jpg/360px/obs-en-01-12.jpg)

Maganu mannu callisi hee’ra dancha ikkitinokkita coyi’ri. Saadate giddonni mittuno Addaami kaa’laancho ikka didandiino.

![](https://cdn.door43.org/obs/jpg/360px/obs-en-01-13.jpg)

Maganu Addaami aana lowo goxicho tugi. Goxe hee’reenna midashshisinni mitto miqicho haa’re meyata seekke Addaamiwa haa’re abbino.

![](https://cdn.door43.org/obs/jpg/360px/obs-en-01-14.jpg)

Addaami ise lae kae, <<Tini ane labbanno; labbaahuwiinni fultinona meyate yinosena>> yii. Kunnira mannu annasinna amasi aguranno. Galtesi ledo mitto ikkanno.

![](https://cdn.door43.org/obs/jpg/360px/obs-en-01-15.jpg)

Maganu labbaahanna meyata danisinni kalaqino. Qoleno maassi’rinonsa; <<Ille ilamme oosote oosono heedho’ne, baattono wo’me>> yiinonsa. Maganu loosino coyi lowo geeshsha dancha ikkinota lai. Baalunkurinni hagiidhi. Kuni coyi baalu leyu barrinni ikkino.

![](https://cdn.door43.org/obs/jpg/360px/obs-en-01-16.jpg)

Lamalki barra Maganu kalaqate looso loose gude fooliishshi’rino. Kunnira lamalki barra maassi’re qullaawa assi. Hatto assinohu lamalki barra loosu baalunkunni fooliishshi’rino daafiraati. Maganu gordonna baatto giddose noo kalaqamano kalaqinohu kunni garinniiti.

*Qullaawu Maxaafi Dhagge:- Kalaqama 1-2*

## 2. Cubbu Kalqete Giddora Ei

https://openbiblestories.org/l/sid/story-2/

![](https://cdn.door43.org/obs/jpg/360px/obs-en-02-01.jpg)

Addaaminna galtesi Maganu seekkinonsawa haqqe noowa heedhu waro hagiirraammaho. Lamunku mulluwu no; ikkollana mllootu hee’ransa saalfattanno gede diassitinonsa. Hakkuno cubbu kalqete nookkihuraati. Insano haqqete giddo ha’rantanni Maganu ledo hasaabbanni heedhino.

![](https://cdn.door43.org/obs/jpg/360px/obs-en-02-02.jpg)

Ikkollana xagaraamu hamashshi haqqete giddo no. Manchono, <<Maganu addinta haqqete giddo noo laalo baalanta ittinannikki gede yiino’neni?>> yiise.

![](https://cdn.door43.org/obs/jpg/360px/obs-en-02-03.jpg)

Manchono, <<Maganu bushanna dancha egensiissanno haqqicho agurranna haqqe baalate laalo ita dandiineemmota kulinonke. <Tenne haqqicho laalo ittiniro woy kissiniro kayinni reyitinanni> yiinonke>> yitu.

![](https://cdn.door43.org/obs/jpg/360px/obs-en-02-04.jpg)

Hamashshu qole, <<Kuni coyi dihalaaleho; direyitinannina tenne laalo ittiniro iIle’ne fa’nitannotanna danchanna busha affine Maganu gedeere ikkitinannita afinohuraati Maganu ittinoonte yiino’nehu>> yii.

![](https://cdn.door43.org/obs/jpg/360px/obs-en-02-05.jpg)

Mancho haqqichote laalo itate dancha ikkitinota illete biiffinotanna egenno afi’rate halchishshannota ikkitinota la’e haadhe ittu. Ayiddaanniserano uyitu. Isino haqqichote laalo iti.

![](https://cdn.door43.org/obs/jpg/360px/obs-en-02-06.jpg)

Hakkawoyintenni illensa fa’nitu. Mullootu nootano buuxxu; daro uddanote gede assite suffe xeeda diphate wo’naaltu.

![](https://cdn.door43.org/obs/jpg/360px/obs-en-02-07.jpg)

Manchonna minaannise haqqete giddo ha’rantanni noota Maganu huuro macciishshite lamunku albisinni maaxantu. Maganuno Addaami woshshe <<Hiikko nootto>> yiisi. Addaamino, <<Haqqete giddo ha’rantanna huurokki macciishshe waajje maaxamoommo>> yee dawari.

![](https://cdn.door43.org/obs/jpg/360px/obs-en-02-08.jpg)

Maganuno, <<Mullu noottota ayi kulihe? Ittooti yoommohe haqqicho laalo itittoni?>> yiisi. Addaamino, <<Tini ledo’ya heedhara oottoe mancho haqqichote laalo uyiteennae itoommo>> yii. Maganuno mancho <<Kuni assittari maati?>> yiise. Iseno, <<Hamashshu so’risiiseennae itoomma>> yitu.

![](https://cdn.door43.org/obs/jpg/360px/obs-en-02-09.jpg)

Maganu hamashsho, <<Ati rumamoottoho; gagasikkinni ha’ratto; bushsha itatto; atinna mancho gibbotenni heedhinanni. Oosokkinna oososeno gibbotenni heedhanno. Manchote sirchi umokki cancananno; atino gindesi qasatto>> yii.

![](https://cdn.door43.org/obs/jpg/360px/obs-en-02-10.jpg)

Maganu manchono, <<Ilatta yannara qarrakki batiseemmo; ayiddaannakki halchatta; isino atera aliidiha ikkanno>> yiise.

![](https://cdn.door43.org/obs/jpg/360px/obs-en-02-11.jpg)

2. Maganu Addaamino, <<Ayiddaamakki yitinore macciishshite ittooti yee hajajoommohe haqqicho laalo itoottona atenni kainohunni baatto rumantanno. Lubbotenni nootto geeshsha daafurte itatto. Hakkunni gedensaanni reyatto; bushsha ikkoottohura galagalte bushsha higatto>> yiisi. Addaami ayiddaamasi lubbotenni noo baalira amate yee su’ma, <<Heewani>> yee fushshise. Hatto yaa lubbo uyitanno yaate. Maganu saadate goga seekke Addaaminna Heewani uddisiisinsa.

![](https://cdn.door43.org/obs/jpg/360px/obs-en-02-12.jpg)

Maganu mannu danchanna busha bade afatenni ninke giddonni mittu gedeeha ikkino; kunni ka’a hiixate angasinni heeshshote haqqicho laalo tayise itannokki gede hegerano hee’rannokki gede Addaaminna Heewani biifado haqqe giddonni fushshinsa. Hakkunni gedensaanni heeshshote haqqichowa massitanno doogo agaranno gedenna tenne haqqicho laalono tayise itannokki gede wolqaataamma sokkaasine laalote haqqewa wori.

*Qullaawu Maxaafi Dhagge:- Kalaqama 3*

## 3. Baote Waa

https://openbiblestories.org/l/sid/story-3/

![](https://cdn.door43.org/obs/jpg/360px/obs-en-03-01.jpg)

Seeda yanna gedensaanni baattote aana lowo gosa heedhino. Insano lowo geeshsha wolqaataammaho. Bunshe lowo geeshsha batidhinohura Maganu kalqe baala egemmannohunni baote wayinni hunara kai.

![](https://cdn.door43.org/obs/jpg/360px/obs-en-03-02.jpg)

Nohu kayinni Maganu albaanni ayirrinye afi’ri. Nohi hatte yannara hee’ranno manni baalunkunni roore saotewiinni xeerti’rino manchooti. Maganu baote waa soyara hedinota Nohira kuli. Maganu Nohira jawa markaawe seekkanno gede kulisi.

![](https://cdn.door43.org/obs/jpg/360px/obs-en-03-03.jpg)

Maganu Nohira markaawe seekkanno gede kulinosi. Markaawe seendille 280 cigile, baqo 46 cigile, uurrinsha 27 cigile ikkitona yiino. Nohi markaawe haqqunni seekkinoonnitenna sase fooqe afidhinote. Fakkana kifilla, qalchonna masikootta afidhinote. Markaawe Nohinna maatesi, saada baalanta baote wayiwiinni gatissannota kulisi.

![](https://cdn.door43.org/obs/jpg/360px/obs-en-03-04.jpg)

Nohi Maganoho hajajame Maganu kulinosi garinni markaawe seekkino. Markaawe lowo geeshsha jawa ikkitinohura seekkanni lowo yanna keeshshino. Nohi baote wayi daafira manna qorophisiisanni Maganunniwa higganno gede kulinonsa. Ikkollana yiinota diammantino.

![](https://cdn.door43.org/obs/jpg/360px/obs-en-03-05.jpg)

Maganu Nohinna maatesi insaneetenna saadate ikkitanno geeshshi sagale duu’nitanno gede hajajino. Baalunkuri qixxaawihu gedensaanni Nohi, galtesi, sasenti labballi oososi meentinsa ledo markaawete giddora e’anno yanna iillitinota kulinsa. Markaawete giddora settu manni eino.

![](https://cdn.door43.org/obs/jpg/360px/obs-en-03-06.jpg)

Maganu baote wayiwiinni gattanno gede meyatanna labbaaha saada ceano gattukkinni Nohiwa soyino. Kakkalote ikkitannota gamatanna gimare saada baalate giddonni lamala lamala Nohi markaawewa soyi. Baalunku markaawete giddora e’anni heedheennanni Maganu markaawete waalcho cufi.

![](https://cdn.door43.org/obs/jpg/360px/obs-en-03-07.jpg)

Hakkunni gedensaanni xeena gana hanafi. Uurrisikkinni 40 hashshanna barra ganino. Baattote giddonnino burqino. Kalqe baalate aana noori baalu wayinni egemmami. Seeddaanna ilaallano gattukkinni wayinni egemmantu.

![](https://cdn.door43.org/obs/jpg/360px/obs-en-03-08.jpg)

Markaawete giddo noo mannanna saada agurranna baattote aana noori baalu ree goofi. Markaaweno wayi aana hoforte giddose kalaqama baala reyotenni gatissu.

![](https://cdn.door43.org/obs/jpg/360px/obs-en-03-09.jpg)

Xeena gana uurrisihu gedensaanni markaawe ontu agani geeshsha wayi aana hoforte keeshshitino. Wayino xeanni ha’ri. Mitto barra markaawe ilaalu umira gawa’litu. Ikkollana hakkawoyiti geeshshano kalqe wayi egemmella no. Sasu agani gedensaanni ilaallate birxe leella hanaffu.

![](https://cdn.door43.org/obs/jpg/360px/obs-en-03-10.jpg)

Shoyillawu barri gedensaanni Nohi wayi baattote aaninni moolino gedeenni la”ara haraqeessa fushshe soyi. Haraqeessu ka’anna kawa buuwanni moola baatto hase hoogi.

![](https://cdn.door43.org/obs/jpg/360px/obs-en-03-11.jpg)

Hakkunni gedensaanni Nohi lemboolcho fushshe soyi. Iseno ofoltanno darga hoogge galagalte Nohiwa daggu. Mitte lamala gedensaanni Nohi xaano lemboolcho fushshe soyi. Iseno ejersu darcho afooho amadde higgu. Wayi xeanni noo daafira mu’rono fula hanaffu.

![](https://cdn.door43.org/obs/jpg/360px/obs-en-03-12.jpg)

Nohi mitte wole lamala agare lemboolcho sayikkimeeshsho fushshe soyi. Hatte yannara ofltannowa afidhino daafira galagalte dihiggino. Wayino moolanni no.

![](https://cdn.door43.org/obs/jpg/360px/obs-en-03-13.jpg)

Lamu agani gedensaanni Maganu Nohi, <<Ati, maatekkinna saada baalanti markaawete giddonni fulle>> yiisi. Maatesino markaawete giddonni fultu. Lowo oosonna oosote oosono ilantu. Baattono wo’mitu.

![](https://cdn.door43.org/obs/jpg/360px/obs-en-03-14.jpg)

Nohi Markaawete giddonni fulihu gedensaanni kakkalote darga seekke mitte mittente saada giddonni kakkalote shiqa dandiitannore kakkali. Maganuno kakkalo hagiidhe adhi. Nihinna maatesino maassi’rinsa.

![](https://cdn.door43.org/obs/jpg/360px/obs-en-03-15.jpg)

Maganu, <<Mannu loosanno bunshera layinkimeeshsho baatto horonta rumeemmokki gede gondooro eemmo. Mannu anjesinni kayise cubbaataamo ikkirono kalqe layinkimeeshsho wayinni dihuneemmo>> yii.

![](https://cdn.door43.org/obs/jpg/360px/obs-en-03-16.jpg)

Maganu gondoorisira malaate ikkitanno gede umi magani-seemo seekkino. Magani-seemo wo’ma woyite gordoho gomichu aana leeltanno. Maganu magani-seemote widoonni qole uyino gondooro qaaganno.

*Qullaawu Maxaafi Dhagge:- Kalaqama 6-8*

## 4. Maganu Abirihaami Ledo Eino Gondooro

https://openbiblestories.org/l/sid/story-4/

![](https://cdn.door43.org/obs/jpg/360px/obs-en-04-01.jpg)

Baote wayi dayihunni lowo diri gedensaanni mannu galagale baattote aana bati’ri. Baalunku mitto afoo coyidhanno. Maganu hajajinonsa garinni baattote aana hala’la agurte mitteenni gamba yite katama mi’nitu.

![](https://cdn.door43.org/obs/jpg/360px/obs-en-04-02.jpg)

Insano lowo geeshsha naaxxaleeyyetenna Maganu coyi’rino coye diqorophitinoreeti. Qolteno gordo iillate seeda mine mina hanaffino. Maganuno kuni manni bunshe loosinotanna higa giwinota lai. Hakkiinni saino cubbono loosa dandiitanno deerrira no.

![](https://cdn.door43.org/obs/jpg/360px/obs-en-04-03.jpg)

Kunnira Maganu afoonsa batinyu addi addi afiira soorre manna kalqe baalate billaallisino. Loosa hanaffino katami su’ma Baabilooni yinanni. Hatto yaa <<Burduuqamate>> woy <<Gara hawate>> yaate.

![](https://cdn.door43.org/obs/jpg/360px/obs-en-04-04.jpg)

Xibbuu diri gedensaanni Maganu Abiraami yinanni manchira coyi’ri. Maganu, <<Gobbakkinna ayiddekki agurte ani leellisheemmohe gobba ha’ri. Hakkiicho maassi’reemmohe. Low gosa asseemmohe; su’makkino jawa asseemmo; maassidhannohere maassi’reemmo; runtannohere rumeemmo. Atenni kainohunni baattote aana noo manni baalu maassamanno.

![](https://cdn.door43.org/obs/jpg/360px/obs-en-04-05.jpg)

Abiraamino Maganoho hajajami; galtesi Soora, soqqamaanosi baalanna jajjasi baala adhe Maganu leellishannosita Kana”aani gobba ha’ri.

![](https://cdn.door43.org/obs/jpg/360px/obs-en-04-06.jpg)

Abiraami Kana”aani iilli yannara Maganu, <<Qooxeessakki baala lai; la”atto gobba baala ateranna sirchikkira iqqa asse eemmo>> yiinosi. Abiraamino hatte gobbara hee’ri.

![](https://cdn.door43.org/obs/jpg/360px/obs-en-04-07.jpg)

Mitto barra Abiraami Melketsedeqi yinannihunni jawu Maganunnihu Qeesootu Roorrichinni xaadi. Melketsedeqi Abiraami, <> yee maassi’risi. Abiraamino Melketsedeqira noosihu baalu giddonni tonnikkiha uyi.

![](https://cdn.door43.org/obs/jpg/360px/obs-en-04-08.jpg)

Lowo diri sai geeshsha Abiraaminna Soora ila afi’rikkinni hee’rino. Maganu Abiraamira xaano hexxo uyisi. Ila afi’rannotanna sirchisino gordu beeddahe gede bati’rannota kulinosi. Abiraami Maganu uyino hexxo ammani. Abiraami Maganu uyino hexxo ammanino daafira keeraanchoho yine kiirrisi. Maganu Abiraami ledo gondooro ei. Gondooru lame ragaanni noori kalaqidhanno sheemaateeti. Maganu Abiraami, <<Guluchikki giddonni ila eemmohe>> yiinosi. <<Sirchikkirano Kana”aani baatto eemmo>> yiino. Abiraami kayinni hatte yannara ila diafi’rino.

![](https://cdn.door43.org/obs/jpg/360px/obs-en-04-09.jpg)

Maganu Abiraami ledo gondooro ei. Gondooru lame ragaanni noori kalaqidhanno sheemaateeti. Maganu Abiraami, <<Guluchikki giddonni ila eemmohe>> yiinosi. <<Sirchikkirano Kana”aani baatto eemmo>> yiino. Abiraami kayinni hatte yannara ila diafi’rino.

*Qullaawu Maxaafi Dhagge:- Kalaqama 11-15*

## 5. Hexxote Beetto

https://openbiblestories.org/l/sid/story-5/

![](https://cdn.door43.org/obs/jpg/360px/obs-en-05-01.jpg)

Tonnu diri gedensaanni Abiraaminna Soora marte Kana”aani iillitu. Hatte yanna geeshsha ila dinonsa. Kunnira Abiraami galte Soora, <<Maganu ila ho’linoe; anino geedhoomma daafira soqqamaancho’ya Aggaara kuneetina adhi; anera ooso iltoena>> yitu.

![](https://cdn.door43.org/obs/jpg/360px/obs-en-05-02.jpg)

Kunnira Abiraami Aggaara adhi. Aggaara labbaa beetto iltu. Abiraami, <<Isimaeeli>> yee su’ma fushshisi. Ikkollana Soora Aggaara hinaassu; Isimaeelira tonaa sase diro ikkisita Maganu Abiraami,

![](https://cdn.door43.org/obs/jpg/360px/obs-en-05-03.jpg)

<<Ani Wo’manka Dandeemmo Maganooti; ate ledo gondooro e”eemmo>> yiisi. Abiraami baattote aana gombisami. Maganuno Abiraami, <<Ati lowo gosa anna ikkatto; Kana”aani baatto ateranna sirchikkira iqqa asse eemmo’ne. Anino hegerera Maganonsa ikkeemmo; atino minekki nooha labbaaha baala barcimshiishi>> yiisi.

![](https://cdn.door43.org/obs/jpg/360px/obs-en-05-04.jpg)

Maganu, <<Galtekki Soora labbaa beetto iltanno; isi hexxote beetto ikkanno. Su’mano, <Yisihaaqi> yite woshshattosi. Gondooro’ya isi ledo e”eemmo>> yii. Lowo gosa ikkanno. Isimaeelino lowo gosa ikkanno. Ikkollana gondoori’ya Yisihaaqi ledo ikkanno>> yii. Maganu Abiraami su’ma, <Abirihaami> yee soorrisi. Hatto yaa <<Lowo manni anna>> yaate. Abirihaami Soora su’mano, <Saara> yee soorrise. Hatto yaa <<Lowo manni ama>> yaate.

![](https://cdn.door43.org/obs/jpg/360px/obs-en-05-05.jpg)

Hakko barranni Abirihaami minesi heedhanno labballo baala barcimishiishi. Diru gedensaanni Abirihaamira 100 diro ikkisita Saara 99 dirisenni Abirihaamira labbaa beetto iltusi. Maganu yiinonsante gede su’ma, <<Yisihaaqi>> yite fushshitusi.

![](https://cdn.door43.org/obs/jpg/360px/obs-en-05-06.jpg)

Yisihaaqi wedellicha ikki yannara Maganu Abirihaami amma’na fonqolara yee, <<Mitticho beettokki haadhe anera kakkalo assite shiqishie>> yiisi. Xaano Abirihaami Maganoho hajajame beettosi kakkalote qixxeessi.

![](https://cdn.door43.org/obs/jpg/360px/obs-en-05-07.jpg)

Abirihaaminna Yisihaaqi kakkalo shiqinshanniwa ha’ra hanaffu. Yisihaaqi annasi፣ <<Anna’ya, kakkalote ikkitanno haqqe kune no; ge’rechu hanniyya?>> yee xa’mi. Abirihaamino, <<Beetto’ya, kakkalote ge’recho Maganu qixxeessanno>> yee dawarinosi.

![](https://cdn.door43.org/obs/jpg/360px/obs-en-05-08.jpg)

Kakkalo shiqinshanniwa iillituta Abirihaami beettosi Yisihaaqi usure kakkalote darga haawiisse wori. Abirihaami beettosi gorrara billawa haa’re gotti assi; Maganu, <<Aguri, beettu aana mitte gawajjono iillishshooti; waajjattoetanna mitticho beettokki mararte anera ho’loottoekkita afoommo>> yiisi.

![](https://cdn.door43.org/obs/jpg/360px/obs-en-05-09.jpg)

Abirihaami mulesi citu giddo usurame noo ge’recho afi. Maganu Yisihaaqi darga kakkalote ikkanno ge’recho qixxeessino yaate. Abirihaamino hagiirrunni ge’recho kakkali.

![](https://cdn.door43.org/obs/jpg/360px/obs-en-05-10.jpg)

Maganu Abirihaamira, <<Mittichu beettikki nafa gatikkinni noohere baala aattoera owaatoottona maassi’reemmohe gede coyi’roommo. Sirchikki gordu beeddahenni roore bati’ranno. Anera hajajamoottoe daafira baattote aana noo manni baalu atenni maassamanno.

*Qullaawu Maxaafi Dhagge:- Kalaqama 16-22*

## 6. Maganu Yisihaaqira Galte Qixxeessisi

https://openbiblestories.org/l/sid/story-6/

![](https://cdn.door43.org/obs/jpg/360px/obs-en-06-01.jpg)

Abirihaami lowo geeshsha geedhi yannara Yisihaaqi qeedhicha ikki. Kunnira Abirihaami soqqamaanosi giddonni mitto ayiddisi gobba ha’re Yisihaaqira seenne abbannosi gede soyi.

![](https://cdn.door43.org/obs/jpg/360px/obs-en-06-02.jpg)

Abirihaami ayiddi hee’ranno gobba seeda doogo gedensaanni mare iilli. Maganu sonkoonniha Abirihaami soqqamaancho Ribiqanni xaadisisi. Ribiqa Abirihaami rodiihu beettu beetti ilinote.

![](https://cdn.door43.org/obs/jpg/360px/obs-en-06-03.jpg)

Ribiqa ayiddese agurte soqqamaanchu ledo Yisihaaqi minira hadhara sumuu yitu. Marte iillitanni heedheenninni Yisihaaqi galte ikkitu.

![](https://cdn.door43.org/obs/jpg/360px/obs-en-06-04.jpg)

Seedu diri gedensaanni Abirihaami reenna Maganu Abirihaami ledo eino > gondooro baala Yisihaaqira sayisi. Maganu Abirihaamira kiirre > fullannikki sirchi hee’rannosita balaxe coyi’rino. Ikkollana Yisihaaqi > galte Ribiqa ooso ila didandiitino.

![](https://cdn.door43.org/obs/jpg/360px/obs-en-06-05.jpg)

Yisihaaqi Ribiqara Magano huucceennase lakkuwa godobbanno gede assise. Lamenti ooso Ribiqa otootto giddo heedhe mimmitinsa ledo sharrantino. Ribiqano otoottose giddo ikkanni noorira Magano xa’midhino.

![](https://cdn.door43.org/obs/jpg/360px/obs-en-06-06.jpg)

Maganuno Ribiqara, <<Otoottokki giddo noori lamente oosokki giddonni lame gosa fultanno. Insa mimmitu ledo sharrantanno. Bayiru maa’neho soqqamanno>> yiise.

![](https://cdn.door43.org/obs/jpg/360px/obs-en-06-07.jpg)

Ribiqa ooso ilantu woyite bayiru beetti biishshahonna baancaamoho. Su’mano, <<Eesawu>> yite fushshitusi. Maa’nu beetti Eesawu ginde amade fulino. Isira su’ma, <<Yaiqoobi>> yite fushshitinosi..

*Qullaawu Maxaafi Dhagge:- Kalaqama 24-25; 26.*

## 7. Maganu Yaiqoobi Maassi’risi

https://openbiblestories.org/l/sid/story-7/

![](https://cdn.door43.org/obs/jpg/360px/obs-en-07-01.jpg)

Ooso lophituhu gedensaanni Yaiqoobi amate ledo mine hosa baxannoha ikki. Eesawu kayinni ugaaxe baxanno. Ribiqa Yaiqoobi baxxanno; Yisihaaqi kayinni Eesawu baxanno.

![](https://cdn.door43.org/obs/jpg/360px/obs-en-07-02.jpg)

Mitto barra Eesawu ugaaxetewiinni higanno woyite hudi’re no. Eesawu Yaiqoobi, <<Eeggatena qixxeessi’rootto sagale aaninni shiima uyie>> yiisi. Yaiqoobi kayinni<<Maahoyyena balaxxe bayirreenyakki uyiexa>> yee dawarisi. Kunnira Eesawu bayirreenyasi Yaiqoobira sayise uyi. Yaiqoobino qixxeessi’rino sagale aaninni uyinosi.

![](https://cdn.door43.org/obs/jpg/360px/obs-en-07-03.jpg)

Yisihaaqi maasso Eesawura aa hasi’rino. Ikkollana hakkunnira albaanni Ribiqanna Yaiqoobi Yisihaaqi dogginosi. Yaiqoobi Eesawu lawe Yisihaaqiwa shiqino. Yisihaaqi geedhino daafira illeno afa gibbe noosi. Kunnira Yaiqoobi Eesawu imaana uddi’re meichu goga goowahonna angate xaaxi’re shiqe Yisihaaqi dogino.

![](https://cdn.door43.org/obs/jpg/360px/obs-en-07-04.jpg)

Yaiqoobi Yisihaaqiwa daye, <<Ani Eesawuuti; kune dayommona maassi’rie>> yii.Yisihaaqi meichu orda amammade lae imaanu fooleno ulate Eesawu ikkanno yee hede maassi’rinosi.

![](https://cdn.door43.org/obs/jpg/360px/obs-en-07-05.jpg)

Yaiqoobi bayirreenyu doyichonna maasso doge adhinosi. Eesawu Yaiqoobi giwisi. Anninsa reyihu gedensaanni shaasira hasi’rino.

![](https://cdn.door43.org/obs/jpg/360px/obs-en-07-06.jpg)

Ribiqa kayinni Eesawu hedinore macciishshitu. Kunnira isenna Yisihaaqi ha’re Fiixisiwa hee’ranno gede Yaiqoobi xeerto gobba ha’rissu

![](https://cdn.door43.org/obs/jpg/360px/obs-en-07-07.jpg)

Yaiqoobi seeda diro Ribiqa ayiddiwa hee’ri. Hatte yannara galte kalaqi’re 12 labballonna 1 meya beetto ili. Maganu lowo geeshsha duroonsisi.

![](https://cdn.door43.org/obs/jpg/360px/obs-en-07-08.jpg)

Yaiqoobi Kana”aani gobbara 20 diro hee’rihu gedensaanni maatesi, soqqamaanosinna saadasi baala adhe qae higara kai.

![](https://cdn.door43.org/obs/jpg/360px/obs-en-07-09.jpg)

Eesawu xaano shaaera malanni no yee hedino daafira waajji. Kunnira afansha ikkitannota lowo saada alba qole Eesawura soyi. Saada abbitinori Yaiqoobisoqqamaano Eesawu, <<Soqqamaanchikki Yaiqoobi tenne saada soyinohe;isino tenne mule daanno>> yitusi.

![](https://cdn.door43.org/obs/jpg/360px/obs-en-07-10.jpg)

Eesawu kayinni balaxe Yaiqoobira higinosi daafira galagale xaadate hagiirraamoho. Yaiqoobi Kana”aani gobbara keere hee’rino. Yisihaaqino reyino. Yaiqoobinna Eesawu madaartusi. Maganu Abirihaamira uyino hexxo xa Yisihaaqi beettira Yaiqoobira sa’u.

*Qullaawu Maxaafi Dhagge:- Kalaqama 25:27-33:20.*

## 8. Maganu Yooseefinna Ayiddesi Gatisi

https://openbiblestories.org/l/sid/story-8/

![](https://cdn.door43.org/obs/jpg/360px/obs-en-08-01.jpg)

Anninsa Yaiqoobi Yooseefi roduuwisi baaluwiinni roorse baxannosi daafiranna roorrichansa ikkannota leellishshanno haqee haaqii’rino daafira roduuwisi gibbinosi. Yooseefi roduuwisiwa daanno woyite haqaqqaalte daddalaasinete hirtinosi.

![](https://cdn.door43.org/obs/jpg/360px/obs-en-08-02.jpg)

Lowo diri gedensaanni Yaiqoobi geedhe hee’re saadasi allaaltannori roduuwisi noo gara la”anno gede beettosi Yooseefi fushshe soyino.

![](https://cdn.door43.org/obs/jpg/360px/obs-en-08-03.jpg)

Yooseefi roduuwi qaera daggara albaanni Yooseefi imaana daddarte meichu mundeera cuu’ino. Hakkunni gedensaanni mundeete cuu’inoha Yooseefi imaana anninsara leellishshino. Isino Yooseefi moyichu shiino yee hedino. Yaiqoobi lowo geeshsha manchitino.

![](https://cdn.door43.org/obs/jpg/360px/obs-en-08-04.jpg)

Daddalaasine Yooseefi Gibitse haadhe hadhino. Hatte yannara jawa gobba Gibitsenniti Abbayi Wayi mule heedhanno. Daddalaasine Yooseefi borojjicho assite dureessaho gashshootu roorrichira hirtinosi. Yooseefi biilisira dancha gede soqqamino. Maganuno Yooseefi maassi’rinosi.

![](https://cdn.door43.org/obs/jpg/360px/obs-en-08-05.jpg)

Biilisi galte Yooseefi ledo goxate wo’naaltino. Yooseefi kayinni Maganu albaanni cubbo dilooseemmo yee giwino. Ise aarantino daafira beebbatenni bushiishsheennasi amande usuru mine tungoonnisi. Usuru mine hee’rirono ammanaminosi daafira Maganu maassi’rinosi.

![](https://cdn.door43.org/obs/jpg/360px/obs-en-08-06.jpg)

Yooseefi fayyaaleessa nafa ikkiro lamu diri gedensaannino usuru mineno no. Mitto hashsha Gibitsootu yitannohu Feriooni wodahaminota lame haaqee haaqi’rino. Amaalaasinesi giddonni mittuno haaqee tira didandiino.

![](https://cdn.door43.org/obs/jpg/360px/obs-en-08-07.jpg)

Maganu Yooseefira haaqee tirate hayyo uyinosi. Kunnira Feriooni Yooseefiusuru mininni fule isiwa daanno gede assisi. Yooseefi haaqee tire, <<Maganulamala duuwu diro soyanno; hakkiinni aane lamalu hudete diri daanno>> yii.

![](https://cdn.door43.org/obs/jpg/360px/obs-en-08-08.jpg)

Feriooni Yooseefi coye dhaggeeffati; Gibitsete baatto baalate isinni aane layinki gashshaancho ikkanno gede shoomisi.

![](https://cdn.door43.org/obs/jpg/360px/obs-en-08-09.jpg)

Yooseefi mannaho lamalu duuwu diriha lowo gide gootaraho gamba assanno kulinsa. Lamalu hudete diri dayita Yooseefi gootaru giddonni gide hiranna mannu ikkitanno sagale afi’ri.

![](https://cdn.door43.org/obs/jpg/360px/obs-en-08-10.jpg)

Hudete qarri Gibitsete calla ikkikkinni Yaiqoobinna maatesi heedhannotera Kana”aanino gobbarano no.

![](https://cdn.door43.org/obs/jpg/360px/obs-en-08-11.jpg)

Yaiqoobi oososi gide hidhitanno gede Gibitse soyinsa. Yooseefi roduuwi gide hidhate hadhe albasiinni uurritu yannara Yooseefi ikkinota dihuwattino. Yooseefi kayinni afinonsa.

![](https://cdn.door43.org/obs/jpg/360px/obs-en-08-12.jpg)

Yooseefi roduuwasi fonqolinsahu gedensaanni woyyaabbino gedeenni afara yee,<<Waajjitinoonte, ani rodoo’ne Yooseefiiti. Borojjimmate hirtinie waro busha heddinoonnie; Maganu kayinni danchummate soorrino. Daggine Gibitsete heedhe. Ani ki’neranna maate’nera hasiisanno’nere shiqisheemmo’ne>> yiinonsa.

![](https://cdn.door43.org/obs/jpg/360px/obs-en-08-13.jpg)

Yooseefi roduuwi gobbansa higge Yooseefi lubbotenni noota anninsa Yaiqoobira kulteennasi lowo geeshsha hagiidhino.

![](https://cdn.door43.org/obs/jpg/360px/obs-en-08-14.jpg)

Yaiqoobi geedhirono, maatesi baalante ledo Gibitse ha’reennahakkiicho heedhino. Yaiqoobi reyara albaanni oososi mitto mittonka maassi’rinonsa.

![](https://cdn.door43.org/obs/jpg/360px/obs-en-08-15.jpg)

Maganu Abirihaamira uyinoti gondooru hexxo Yisihaaqira sa’ino. Hakkunni gedensaanni Yaiqoobira, aanteno tonaa lamunku Yaiqoobi oosoranna maatensarasa’ino. Tonaa lamente ooso sirchi tona lame ga’re ikkino.

*Qullaawu Maxaafi Dhagge:- Kalaqama 37-50*

## 9. Maganu Muse Woshshi

https://openbiblestories.org/l/sid/story-9/

![](https://cdn.door43.org/obs/jpg/360px/obs-en-09-01.jpg)

Yooseefi reyihu gedensaanni ayiddisi baalunku Gibitsete keeshshino. Insanna Sirchinsa lowo diro hakkiicho heedhino. Lowo ooso iltino. Insa Israeelootaho yine woshshinoonni.

![](https://cdn.door43.org/obs/jpg/360px/obs-en-09-02.jpg)

Xibbuunni kiirranni dirra gedensaanni Israeelootu kiiro fakkantu. Gibitsootu Yooseefinna isi insa kaa’lara assinore habbu. Israeelootu kiiro batidhino daafira Gibitsootu waajjitunsa. Kunnira hatte yannara Gibitse gashshe noohu Feriooni Israeeloota Gibitsootaho borojje assinsa.

![](https://cdn.door43.org/obs/jpg/360px/obs-en-09-03.jpg)

Gibitsootu Israeeloota kinchu mine mintanno gede, katama baala mintanno gede assatenni wolqa assitunsa. Wolqisu loosi heeshshonsa qarraataame assino. Maganu kayinni maassi’rinonsa; oosonsano fakkantino.

![](https://cdn.door43.org/obs/jpg/360px/obs-en-09-04.jpg)

Feriooni Israeelootaho lowo ooso noonsata afi; kunnira Feriooni Israeelootu labballi ooso iltanno woyite Abbayi Wayi giddo tunge gundanni gede hajaji.

![](https://cdn.door43.org/obs/jpg/360px/obs-en-09-05.jpg)

Mitte Israeelitte mancho labbaa beetto iltino; isenna minaannise qaaqqo dandiitu deerrinni maaxxino.

![](https://cdn.door43.org/obs/jpg/360px/obs-en-09-06.jpg)

Qaaqqo iltinori maaxa dandaa hooggu yannara qaaqqo lixannokki gimbooli giddo worte shinannikki gede Abbayi Wayi gama noo haqali mule Wayi aana facci assite agurtino.

![](https://cdn.door43.org/obs/jpg/360px/obs-en-09-07.jpg)

Feriooni beetto gimboola la’e giddo nooreno affu. Qaaqqo affe umise ila gede assite adhitino. Qaaqqo lossitannota mitte Israeelitte mancho wodhitino. Wodhitino mancho qaaqqu ama ikkitinota kayinni diaffino. Qaaqqu lophe unuuna xoi yannara mancho feriooni beettora qolte agurtusi. Su’mano Muse yite fushshitusi.

![](https://cdn.door43.org/obs/jpg/360px/obs-en-09-08.jpg)

Mitto barra Muse lophihu gedensaanni mittu Gibitsichi Israeelicha borjjicho afi. Muse fiixasi Israeelicha gatisara wo’naali.

![](https://cdn.door43.org/obs/jpg/360px/obs-en-09-09.jpg)

Muse afannohu nookkiha laweennasi Gibitsicha shee madaari. Ikkollana Muse assinore mittu manchi afino.

![](https://cdn.door43.org/obs/jpg/360px/obs-en-09-10.jpg)

Muse assinore Feriooni afe shaasira hedino. Muse kayinni Feriooni gaaddo anganni lubbosi gatisi’rate Gibitsetenni fule halallitte gobba xooqino.

![](https://cdn.door43.org/obs/jpg/360px/obs-en-09-11.jpg)

Gibitsetenni xeertidhe noo halallittera ge’reewo allaalannoha ikkino. Hatte gobbanni galte adhe ooso ilino.

![](https://cdn.door43.org/obs/jpg/360px/obs-en-09-12.jpg)

Mitto barra Muse ge’reewo allaale hee’re citu giddo bubbanni noo giira lai. Ikkollana citu digiiramino. Muse buuxe la”ara yee citunniwa shiqqi yiino. Buwanni noo citiwa shiqqi yaanno woyite Maganu huuro, <> yiisi.

![](https://cdn.door43.org/obs/jpg/360px/obs-en-09-13.jpg)

Maganu, <<Manni’ya qarra laoommona Feriooniwa soyeemmohe; Israeeleno Gibitsete borojjimmanni fushshatto. Abirihaamira, Yisihaaqiranna Yaiqoobira coyi’roommota Kana”aani baatto eemmonsa>> yii.

![](https://cdn.door43.org/obs/jpg/360px/obs-en-09-14.jpg)

Muse, << yee xa’miro mayee dawaro>> yee Magano xa’mino. Maganu Musera, <<Ani noommohonna hee’reemmoho. Kunnira, << yiino yite kulinsa>> yiisi.

![](https://cdn.door43.org/obs/jpg/360px/obs-en-09-15.jpg)

Muse waajjino daafira Feriooniwa ha’ra dihasi’rino. Tenne hedinohu coyi’rate qarumma dinoe yeeti. Kunnira Maganu Muse rodoo Aarooni ledosi ha’re Muse kaa’lanno gede soyi. Magnu Musenna Aarooni Feriooni manna diagureemmo yee wodana dilleessannota balaxe kulinonsa.

*Qullaawu Maxaafi Dhagge:- Fulo 1-4*

## 10. Tonne Qoomama

https://openbiblestories.org/l/sid/story-10/

![](https://cdn.door43.org/obs/jpg/360px/obs-en-10-01.jpg)

Musenna Aarooni Feriooniwa marte, <<Israeelete Magani yiinohe>> yitu. Feriooni kayinni dimacciishshino. Israeelootu keere flute hadhanno gede assa agure daafursanno looso loossanno gede wolqa assinonsa.

![](https://cdn.door43.org/obs/jpg/360px/obs-en-10-02.jpg)

Feriooni manna diagureemmo yaasi diuurrisino. Kunnira Maganu Gibitsete aana tonne qoomama soyino. Maganu tenne qoomamma widoonni qole Feriooninna Gibitsete maganna baalatenni roore ikkinota Ferioonira leellishinosi.

![](https://cdn.door43.org/obs/jpg/360px/obs-en-10-03.jpg)

Maganu Abbayi Waa mundeete soorri. Feriooni kayinni xaano Israeeloota diagurinonsa.

![](https://cdn.door43.org/obs/jpg/360px/obs-en-10-04.jpg)

Maganu Gibitsete aana beche’naama soyi. Feriooni Muse beche’naama hoolannosi gede huucci’rino. Ikkeennano hoogeennano beche’naama reyite Gooffino. Feriooni kayinni wodanasi dilleesse Israeeloota Gibitsetenni fula diuyino.

![](https://cdn.door43.org/obs/jpg/360px/obs-en-10-05.jpg)

Kunnira maganu biinne soyi. Aanche teenne soyi. Feriooni Musenna Aarooni woshshe qoomamu uurriro Israeelootu Gibitsetenni fula dandiitannota kulinonsa. Muse huuccita Maganu teenne baalanka Gibitsete baattonni hoolino. Ikkollana Feriooni wodanasi dilleesse manna ha’rara diagurino.

![](https://cdn.door43.org/obs/jpg/360px/obs-en-10-06.jpg)

Aanche Maganu Gibitsootu saada baala dhiwante reyitanno gede assi. Ikkollana Feriooni wodani dillaaweenna Israeeloota diagurino.

![](https://cdn.door43.org/obs/jpg/360px/obs-en-10-07.jpg)

Hakkunni gedensaanni Maganu Musera Feriooni albaanni buluulo iima qole fincanno gede kulinosi. Buluulo fincita Gibitsootu aana dhibbanno mada kalaqantu. Israeelootu aana kayinni dikalaqantino. Maganu Feriooni wodana dilleesseenna Israeeloota diagurino.

![](https://cdn.door43.org/obs/jpg/360px/obs-en-10-08.jpg)

Hakkunni gedensaanni Maganu Gibitsete nooha rooriidi jajja huntannotanna minira e’inokki saada baala guddanno kaade soyi. Feriooni Musenna Aarooni woshshe, <> yiinsa. Kunnira Muse Magano huucci; dirritanni noo kaadeno uurritu.

![](https://cdn.door43.org/obs/jpg/360px/obs-en-10-09.jpg)

Feriooni kayinni xaano cubbo loosi; wodanasino dilleessi. Israeelootano diagurino.

![](https://cdn.door43.org/obs/jpg/360px/obs-en-10-10.jpg)

Kunnira Maganu Gibitsete aana kanchafaru biite soyi. Kuni kanchafari kaadetewiinni gatino jajja baala gudi.

![](https://cdn.door43.org/obs/jpg/360px/obs-en-10-11.jpg)

Hakkunni gedensaanni Maganu sasu barri tunsicho soyino. Gibitsootu mininni fula hoogga geeshsha digimmi yee tunsino. Israeelootu noo qachi kayinni xawe no.

![](https://cdn.door43.org/obs/jpg/360px/obs-en-10-12.jpg)

Kuri honsu qoomami gedensaanni nafa Feriooni xaano Israeeloota diagureemmo yiino. Feriooni macciishsha giwinohura Maganu mittu jeefote qoomama soyate hirqino. Kuni Feriooni hedo soorranno.

*Qullaawu Maxaafi Dhagge:- Fulo 5-10*

## 11. Agure Sa”ate Ayyaana

https://openbiblestories.org/l/sid/story-11/

![](https://cdn.door43.org/obs/jpg/360px/obs-en-11-01.jpg)

Israeeloota agurannokkiha ikkiro mannunniha umo ilaminohanna saadanniha umo qalaminoha baala shaannota kule Feriooni qorophisiisino. Feriooni konne coyeno macciishshe ammananna Maganohono hajajama giwi.

![](https://cdn.door43.org/obs/jpg/360px/obs-en-11-02.jpg)

Maganu Iso ammaninosi baalita umi ila gatisate doogo qixxeessino. Mitte mittenti maate muso afi’rinokki wilii’licho doorte gorridhino.

![](https://cdn.door43.org/obs/jpg/360px/obs-en-11-03.jpg)

Maganu Israeelootaho wilii’lichu mundee mininsa waalchira ga’nitanno gede, maalano du’rishshe shiishikkinni gannoonni timi ledo rakke ittanno gede kulinonsa. Ittanno woyiteno Gibitsetenni fulate qixxaabbanno gede kulinonsa.

![](https://cdn.door43.org/obs/jpg/360px/obs-en-11-04.jpg)

Israeelootu wo’manka coye Maganu hajajinonsa garinni assitu. Hashsu wa’rakkara Maganu Gibitse baalate giddoonni sa”anni umiha baala shii.

![](https://cdn.door43.org/obs/jpg/360px/obs-en-11-05.jpg)

Israeelootu minna baalate waalchira mundee ganneenna no; kunnira Maganu agure sai. Hatte minna giddo noo manni baalu gati. Israeelootu wilii’lichu mundee widoonni higge gattino.

![](https://cdn.door43.org/obs/jpg/360px/obs-en-11-06.jpg)

Gibitsootu kayinni Magano diammantino; hajajosino diwonshitino. Kunnira Maganu minnansa agure disaino. Maganu Gibitsootunniha umiha baala shiino. .

![](https://cdn.door43.org/obs/jpg/360px/obs-en-11-07.jpg)

Usuru mine noohunni kayise Ferioooni mine noohu geeshsha mittu mittunku Gibitsennihu bayiru beetti reyino. Manchitu bati’reennansa Gibitsennihu lowo manni kooce wi’li.

![](https://cdn.door43.org/obs/jpg/360px/obs-en-11-08.jpg)

Hakko hashshanni Feriooni Musenna Aarooni woshshe, <<Israeeloota haadhine xaanni hadhe>> yii.

*Qullaawu Maxaafi Dhagge:- Fulo 11:1-12:32*

## 12. Israeelootu Gibitsetenni Fultu

https://openbiblestories.org/l/sid/story-12/

![](https://cdn.door43.org/obs/jpg/360px/obs-en-12-01.jpg)

Israeelootu Gibitsetenni fulansara lowo geeshsha tashshi yiinonsa. Kunni ka’a borojje di”ikkitanno. Hexxote gobba hadhanni no. Gibitsootu Israeelootaho Culkanna birra woluno ayirradu uduunni gatikkinni xa’mi’rinore baala uyitunsa. Gibitsetenni fultu yannara wole ilama ikkinori mitu mitu Magano ammanino manni Israeelootu ledo ha’ri.

![](https://cdn.door43.org/obs/jpg/360px/obs-en-12-02.jpg)

Maganu albansaanni ha’ranno woyite seeda gomichu heelliichonni, hashsha seeda giirate heelliichonni massaginonsa. Maganu wo’manka woyite insa ledo hee’re massaginonsa. Assa hasiissannonsa coyi Isi hoode ha’ra callate.

![](https://cdn.door43.org/obs/jpg/360px/obs-en-12-03.jpg)

Shiima yanna gedensaanni, Feriooninna mannisi gaabbite Israeeloota xaano borojjensa assidhara hasidhino. Kaaliiqi callisi halaalaancho Magano ikkinota affanno gede, qoleno Isi Kaaliiqa ikkinotanna Feriooninna magannasinni roore wolqaataamo ikkinota huwattanno gede Feriooni wodana dillaawa assino.

![](https://cdn.door43.org/obs/jpg/360px/obs-en-12-04.jpg)

Kunnira Feriooninna olantosi galagalte borojje assitansara israeeloota horduffu.Israeelootu Gibitsete olanto dagganna affe, Feriooni olantonna Duumu Baari mereero amadantinota affu. Lowo geeshsha waajjitino daafira, <<Gibitsetenni mayira fullummo? Kune reyankeeti!>> yite raartu.

![](https://cdn.door43.org/obs/jpg/360px/obs-en-12-05.jpg)

Muse Israeeloota. <<Waajjitinoonte! Techo Maganu olamanno’ne, gatisanno’ne>> yee kulinsa. Hakkunni gedensaanni Maganu, <<Duumu Baari widira higge gede Musera kuli. Hakkunni gedensaanni Maganu Gibitsootu Israeeloota la”a dandiitannokki ged gomichu heelliicho hashsha Israeelootunna Gibitsootu mereero worino.

![](https://cdn.door43.org/obs/jpg/360px/obs-en-12-06.jpg)

Maganu Musera Baaru aana angasi diriirsanno gedenna waa badanno gede kulinosi. Hakkunni gedensaanni baaru giddoonni doogo heedhanno gede waa bubbe guranna qiniite qolte baddanno gede assi.

![](https://cdn.door43.org/obs/jpg/360px/obs-en-12-07.jpg)

Israeelootu wayi guranna qiniite gannala ikkeennansa baaru giddoonni moola baatto aanaanni hadhino.

![](https://cdn.door43.org/obs/jpg/360px/obs-en-12-08.jpg)

Hakkunni gedensaanni Maganu Israeelootu gate fultinota Gibitsootu la’anno gede gomicho doogote iima qole kayis. Gibitsootu badhensaanni heedhe hordoffansara ka’u.

![](https://cdn.door43.org/obs/jpg/360px/obs-en-12-09.jpg)

Kunnira baaru doogo higge Israeeloota faana gantunsa, Ikkollana Maganu Gibitsootu shettanno gedenna faradi gaarensa usurantanno geelootaho olamanni noona xooqqe!>> yite raartu.

![](https://cdn.door43.org/obs/jpg/360px/obs-en-12-10.jpg)

Israeelootu baara hobbaate fultuhu gedensaanni, Maganu galagale Musera angasi Diriirsanno gede kulisi. Isino yiino gede asseenna wayi Gibitsootu olanto aana kamballi yee albi gede ikki. Gibitsootu olanto baala egemmantu.

![](https://cdn.door43.org/obs/jpg/360px/obs-en-12-11.jpg)

Israeelootu Gibitsootu reyitinota la’e Magano ammantu. Museno Maganu himanaancho ikkinota ammantu.

![](https://cdn.door43.org/obs/jpg/360px/obs-en-12-12.jpg)

Israeelootu qolte Maganu reyotenninna borojjimmatenni gatisinonsa daafira lowo geeshsha hagiidhitu. Xa Maganoho soqqamate tola afidhu. Israeelootu Isi Gibitsootu olantowiinni gatisinonsahura haaro wolaphonsa ayirrisatenna Magano galaxxate lowo faarso faarsitu.

![](https://cdn.door43.org/obs/jpg/360px/obs-en-12-13.jpg)

Maganu Gibitsootu aana qeelle uyinonsa garanna borojjimmatenni gatisinonsa gara qaagate diru dirunni Agure Sa”ate Ayyaana ayirrissanno gede hajajinsa. Muso afi’rinokki wilii’licho gorridhe timu ledo ittanni hagiidhitu.

*Qullaawu Maxaafi Dhagge:- Fulo 12:33-15:21*

## 13. Maganu IsraeelootuLledo Eino Gondooro

https://openbiblestories.org/l/sid/story-13/

![](https://cdn.door43.org/obs/jpg/360px/obs-en-13-01.jpg)

Maganu Israeeloota duumu Baari widoonni qole massaginsahu gedensaanni, halallitte gobba widoonni Siina yinanni ilaaliwa haa’re massinsa. Kuni dargi Muse buwanni noo cit alai dargaati. Mannu ilaalu hunda dukkana qasi’ri.

![](https://cdn.door43.org/obs/jpg/360px/obs-en-13-02.jpg)

Maganu, <<Anera hajajantinironna gondooro’ya agadhitiniro ayirrado iqqa,Mootete qeesoota,qullaawa gosa ikkitinannie>> yee Museranna Israeelete mannira coyi’ri.

![](https://cdn.door43.org/obs/jpg/360px/obs-en-13-03.jpg)

Mannu ayyaanaame heeshshora insanaa qixxeessituhunni sasu barri Maganu belequnni, banqotenninna jawu buudu xurumbi luulinni Siina Ilaali aana dirri. Ilaala giddanno gede fajjinoonnihu Muse callaati.

![](https://cdn.door43.org/obs/jpg/360px/obs-en-13-04.jpg)

Hakkunni gedensaanni Maganu gondooro ee kae, <<Ani Gibitsete borojjimmanni gatisummo’ne Kaaliiqaatina wole maganna magansidhinoonte>> yiino.

![](https://cdn.door43.org/obs/jpg/360px/obs-en-13-05.jpg)

Kaphu maganna seekkidhooti, magansidhooti, mayira yiittoro ani Kaaliiqi laalaatancho Maganooti. Su’m’ya kaphunni kayissooti, Fooliishshote Barra Qullaawa assite ayirrisi. looso baalanka leyu barrinni loosi’ri. Lamalki barri fooliishshi’rattohonna ane magansi’ratto barraati>> yiino.

![](https://cdn.door43.org/obs/jpg/360px/obs-en-13-06.jpg)

Qoleno, <<Annakkinna amakki ayirrisi; shitooti; moortooti; kaphitooti; gaalikki galte, minesi woy isire ikkinore mittoreno adhate yortooti>> yiino.

![](https://cdn.door43.org/obs/jpg/360px/obs-en-13-07.jpg)

Hakkunni gedensaanni Maganu kore tonne hajajo lame became kinna aana borreesse Musera uyi. Qoleno agadhitannoha wole seeranna wodho uyinsa. Mannu konne seera wonshiro maganu maassi’rannonsanna agarannonsa Gede hexxo uyinsa. Seera wonsha hoogguro kayinni Maganu qorichishannonsa.

![](https://cdn.door43.org/obs/jpg/360px/obs-en-13-08.jpg)

Qoleno Maganu Israeelootu seekka hasiissannonsa dukkani suudeno kulinsa. Hakko dukkana xaadu dukkanaati yinoonni. Jawa dukkonni bandoonnihu lamu holgi noosi. Maganu hakkiicho hee’ranno daafira dukkote badheenni noo holge eate Qeesootu Roorrichi callaho fajjinoonni.

![](https://cdn.door43.org/obs/jpg/360px/obs-en-13-09.jpg)

Maganu seera wonshinokkihu ayino Xaadu Dukkanira albaanni noohuwa kakkalote dargira Maganoho kakkalote saada haa’re shiqa didandaanno. Qeesichu saada gorre kakkalote darga shilqishanno. Kakkalloonni saada mundee cubbosi dibbe mancho Maganu albaanni keereensitanno. Maganu qeesootasi ikkitanno gede Muse rodoo Aarooninna Aarooni sircho doorino.

![](https://cdn.door43.org/obs/jpg/360px/obs-en-13-10.jpg)

Baalunku Maganu uyinonsa hajajo wonshate, Magano calla magansi’ratenna baxxitino gosa ikkate sumuu yitu. Ikkollana Maganoho hajajamate sheemaattuhunni shiima yanna gedensaanni busha cubbo loossino.

![](https://cdn.door43.org/obs/jpg/360px/obs-en-13-11.jpg)

Muse lowo barra Siina Ilaali birxera hee’re Maganu ledo hasaawanni no. Mannu kayinni isi higa geeshsha agadha cee’me, Aarooniwa culka abbi’re misile seekkannonsa gede xa’mi’ri.

![](https://cdn.door43.org/obs/jpg/360px/obs-en-13-12.jpg)

Aarooni siitu suudinni culku misile seekki. Mannuno quwa sae hattenne misile magansi’ra hanafi. kakkalono shiqishi! Cubbinsanni kainohunni Maganu lowo hanqinsa. Hunansarano hedi. Muse kayinni Magano huucci; Maganuno huuccattosi macciishshe guda agurinonsa.

![](https://cdn.door43.org/obs/jpg/360px/obs-en-13-13.jpg)

Muse ilaalu aanini dirre misile la”anno woyite lowo geeshsha hanqe Maganu tonne hajajo borreesse uyino kinna hiiqqaqqi.

![](https://cdn.door43.org/obs/jpg/360px/obs-en-13-14.jpg)

Hakkunni gedensaanni Muse misile daahe wayi aana finci; mannahono hayikkisi. Maganu qoomama soyenna lowo manni reyi

![](https://cdn.door43.org/obs/jpg/360px/obs-en-13-15.jpg)

Muse xaano ilaalu iimira fule Maganu mannaho sao aguranno gede huucci. Maganu Muse yiinota macciishshe sao agurino. Muse hiiqqaqqita riqiwate wole haaro kinna aana tonnenta hajajo borreessi.

![](https://cdn.door43.org/obs/jpg/360px/obs-en-13-16.jpg)

Hakkunni gedensaanni Maganu Israeeloota Siina Ilaaliwiinni kayise hexxote gobba qole haa’re ha’rinsa.

*Qullaawu Maxaafi Dhagge:- Fulo 19-34*

## 14. HALALLITTE GOBBARA RAATAABBU

https://openbiblestories.org/l/sid/story-14/

![](https://cdn.door43.org/obs/jpg/360px/obs-en-14-01.jpg)

Maganu insa ledo eino gondoori ledoha ikkino seera agadhitanno gede Israeelootaho kulinsahu gedensaanni, Siina Ilaalnni ka’e hadhu. Maganu mannasi Siina Ilaalinni Kana”aani yinannitewa hexxote gobbawa haa’re ha’rinsa. gomichu heelliicho Kana”aani geeshsha albansaanni hadhu. Insano hoode hadhu.

![](https://cdn.door43.org/obs/jpg/360px/obs-en-14-02.jpg)

Maganu hexxote gobba sirchinsara aannonsa gede Abirihaamira, Yisihaaqiranna Yaiqoobira hexxo uyinonsa. Ikkollana xa hatte gobbara addi addi gosa heedhanno. Insane Kana”aanootaho yinanni. Kana”aanootu Magano dimagansidhanno woy Isira dihajajantanno. Kaphaano maganna magansidhanni lowo bunshe loossino.

![](https://cdn.door43.org/obs/jpg/360px/obs-en-14-03.jpg)

Maganu Israeelootaho, <<Hexxote gobbara noo Kana”aanoota baala hunne.Insa ledo namoontinoonte; balloomano xaaddinoonte. Misillansa baala co’o assitine gudde. Anera hajajama gibbiniro, ane darga insamaganna magansidhinanni>> yee coyi’rinsa.

![](https://cdn.door43.org/obs/jpg/360px/obs-en-14-04.jpg)

Israeelootu Kana”aani danna iillitu yannara, Muse mittu mittunku Israeelete ga’re giddonni mitto mitto mancho, mitteenni tonaa lame manna doori. Hadhe gobba malabbannoro dooyyitanno gede biddishsha uyinsa. Kuni manni jawaatahoro woy wolqiweelohoro afate Kana”aanoota dooyya hasiissinonsa.

![](https://cdn.door43.org/obs/jpg/360px/obs-en-14-05.jpg)

Tonaa lamu manni Kana”aani shoyilloo barra hadhe higgino. <<Baatto lowo Geeshsha shaqqadote. Jajjuno baete>> mannaho kultu. Tonnu dooyyaano kayinni<<Katamu wolqaataamoho, mannuno kee’maddaho! Qansummoro addaho qeeltannonke; shitannonke>> yitu.

![](https://cdn.door43.org/obs/jpg/360px/obs-en-14-06.jpg)

Hakkawoyintenni wole lame dooyyaano Iyyaasunna Kaaleebi, <<Kana”aani manni Haxiriggootanna wolqaataamma ikkansa halaaleho; ikkollana addaho Qeelleemmonsa! Ninkera Maganu olamannonke!>> yitu.

![](https://cdn.door43.org/obs/jpg/360px/obs-en-14-07.jpg)

Mannu kayinni Iyyaasunna Kaaleebi yitinota dimacciishshino. Museranna Aaroonira hanqite, <<Kawa bushawa mayira abbitinoonninke? Olu gudankentenniqoleno meentonkenna oosonke borojje ikkitantenni Gibitsete hee’noommoro woyyannonkehu baino>> yitu. Kunnira galagalche Gibitse haa’re ha’rannonsaha doodhate hasidhino.

![](https://cdn.door43.org/obs/jpg/360px/obs-en-14-08.jpg)

Maganu lowo geeshsha hanqe xaadu dukkaniwa daye, <<Ki’ne anera gara gibbinoonnie daafira, mannu baalu halallitte gobbara tootayyaawanno. IyyaasunnaKaaleebi agurranna lemuu dirihunna hakkuyi alihu baalu konniicho reyitannota ikkinnina hexxote gobba die’anno>> yiinsa.

![](https://cdn.door43.org/obs/jpg/360px/obs-en-14-09.jpg)

Mannu konne coye macciishshe cubbo loosansara dadilli. Olu bagado anga adhite Kana”aani manna qassara hadhu. Muse Maganu insa ledo nookki daafira hadhannokki gede qorophisiisinonsa; insa kayinni dimacciishshitinosi.

![](https://cdn.door43.org/obs/jpg/360px/obs-en-14-10.jpg)

Maganu ledonsa olunniwa diha’rino; kunnira qeelantino; mannuno lowohu reyino. Hakkunni gedensaanni Israeelootu Kana”aaninni higge halallitte gobbara shoyilloo diro raataabbino.

![](https://cdn.door43.org/obs/jpg/360px/obs-en-14-11.jpg)

Israeelete manni halallitte gobbara raataabbuhura shoyilluu diri giddo Maganu itisinonsa. Gordunni, <<Menna>> yinanni sagale uyinonsa. Maalano Ittanno gede qachansa hanshaqqe soyinonsa. Hatte yanna baalantera Maganu imaaninsanna koattensa gooffannokki gede assino.

![](https://cdn.door43.org/obs/jpg/360px/obs-en-14-12.jpg)

Maganu maalalete doogonni waa nafa kinchu giddonni fushshinonsa. Kuni baalu ikke hee’reennanni Israeelete manni kayinni Maganohonna Musera duu’re gungumino. Ikkeennano Maganu Abirihaamira, Yisihaaqiranna Yaiqoobira uyino hexxo disoorrino.

![](https://cdn.door43.org/obs/jpg/360px/obs-en-14-13.jpg)

Mannaho wayi horonta noonsakki yannara, Maganu Musera, <<Kinchoho coyi’ri; giddosinni wayi fulannona>> yiino. Muse kayinni kinchoho coyi’ra agure lame hige siqqotenni ganino daafira mannu baalu albaanni Magano shollishino. Mannu baalunku aganno gede, wayi fulino; Maganu kayinni Musera hanqe, <<Hexxote gobba dieatto>> yiinosi.

![](https://cdn.door43.org/obs/jpg/360px/obs-en-14-14.jpg)

Israeelootu shoyilloo diro halallitte gobbara raataabbuhu gedensaanni, Maganoho gara gibbinori baalu reyitino. Hakkunni gedensaanni manna galagalche hexxote gobbawa haa’re ha’rinsa. Hatte yannara Muse geedhe no; kunnira manna manna massaga kaa’lannosi gede Maganu Iyyaasu doori. Qoleno Maganu mitto barra Muse gedeeha wole himanaancho soyanno gede hexxo uyi.

![](https://cdn.door43.org/obs/jpg/360px/obs-en-14-15.jpg)

Hakkunni gedensaanni Muse hexxote gobba la”anno gede ilaalu birxe fulanno gede kulisi. Muse hexxote gobba lai; ikkollana Maganu hatte gobba eanno gede difajjinosi. Hakkunni gedensaanni Muse reyi; Israeelootuno sajjuu barri geeshsha manchittu. Iyyaasu haaro sooreessa ikki. Iyyaasu Magano ammaninohanna Isira hajajamannoha ikkinohura dancha sooreessaati.

*Qullaawu Maxaafi Dhagge:- Fulo 16-17, Kiiro 10-14, 20, 27, Marro 34.*

## 15. Hexxote Gobba

https://openbiblestories.org/l/sid/story-15/

![](https://cdn.door43.org/obs/jpg/360px/obs-en-15-01.jpg)

Goofimarchoho Israeelootu hexxote gobba, Kana”aani e’anno yanna iillitu. Iyyaasu jawaatu kinchu huxxira aane minamino katama Iyyaarko lame dooyyaano soyi. Hakko katamira dooyyaano maaxxinotinna gedensaanni gatte fultanno gede Kaa’litinoti mitte Ra”aabi yinanni gursumeette no. ise Magano addaxxitino daafira dooyyaano, Israeelootu Iyyaarko huntanno yannara Re”aabinna maatesi gatissannose gede coyidhuse.

![](https://cdn.door43.org/obs/jpg/360px/obs-en-15-02.jpg)

Israeelootu hexxote gobba eate Yordaanoosi Waa fula hasiissinonsa. Maganu, <> yee Iyyaasura kulisi. Qeesootu Yordaanoosi Waa ea hanaffuta, Israeelootu moola baatto aanaanni sa”a dandiitanno gede aleenni noo wayi lolaha uurri.

![](https://cdn.door43.org/obs/jpg/360px/obs-en-15-03.jpg)

Mannu Yordaanoosi Waa fultuhu gedensaanni, Maganu wolqaataamo Iyyaarko Katama hiitto asse qasannoro Iyyaasura kulisi. Mannu Maganoho hajajami. Gaaddonna qeesootu Maganu kulinonsa barrunni mitte higge lee barra Iyyaarko Katama doyitu.

![](https://cdn.door43.org/obs/jpg/360px/obs-en-15-04.jpg)

Hakkunni gedensaanni lamalki barra, Israeelootu lamala higge katama doyitu. Jeefote katama doyitanni heedheenna gaaddo raartu; qeesootuno buudu xurumba ufuuffu.

![](https://cdn.door43.org/obs/jpg/360px/obs-en-15-05.jpg)

Hakkunni gedensaanni Iyyaarkote gaangaawira noohu kinchu huxxi uwi! Maganu Hajajino darinni Israeelootu katamaho noore baala guddu. Israeelootaho Fiixoominore Ra”aabinna maatesi calla gatissino. Kana”aani heedhannoti wole Gosa Israeelootu Iyyaarko huntinota macciishshite, insane qassannonsaha laweennansa waajjitu.

![](https://cdn.door43.org/obs/jpg/360px/obs-en-15-06.jpg)

Maganu Kana”aani noo gosa mittete ledono namooma kalaqidhannokki gede Israeeloota hajajinonsa. Ikkollana Gebaoonootaho yinanniri Kana”aanete gosa giddonni mitte mitte gosa, Kana”aaninni fafu darginni dagginohu gede assite coyidhe Iyyaasu dogginosi. Insa ledo namooma sheemaate kalaqi’rate Iyyaasu xa’midhino. Gebaoonootu maminni dagginoro Iyyaasunna Israeelootu Magano dixa’mitino. Kunnira Iyyaasu insa ledo sheemaate eino.

![](https://cdn.door43.org/obs/jpg/360px/obs-en-15-07.jpg)

Gebaoonootu dogginonsata affu yannara, Israeelootu aarantino; ikkollana Maganu albaanni e’ino gondooro ikkino daafira, insa ledo e’ino sheemaate adadhitino. Keeshshite wole yannara, Kana”aani nooti wole gosa gashshaano Gebaoonootu Israeelootu ledo namoontinota macciishshitu. Kunnira bagadaanonsa mittimmatenni kakkayisidhe Gebaoonoota qassu. Gebaoonootu kaa’lote Iyyaasuwa manna soqqitu.

![](https://cdn.door43.org/obs/jpg/360px/obs-en-15-08.jpg)

Kunnira Iyyaasu Israeelete olanto gamba assi’reenna Gebaoonootunniwa iillate hashsha wo’ma hadhanni galtino. Soodo hedeweelcho Amoorootu olanto qassu.

![](https://cdn.door43.org/obs/jpg/360px/obs-en-15-09.jpg)

Hakko barra Maganu Israeelootaho olami. Amooroota gara hawise jajjabba kinnate gedee kaade soye lowo Amooroota shiino.

![](https://cdn.door43.org/obs/jpg/360px/obs-en-15-10.jpg)

Qoleno Amooroota co’o assite gudate yanna ajjannonsakki gede arrishsho gordoho mitto darga keeshshitanno gede assino. Hakkp barra Maganu Israeelete jawa qeelle tuulachishinonsa.

![](https://cdn.door43.org/obs/jpg/360px/obs-en-15-11.jpg)

Maganu hattenne okanto qeelihu gedensaanni, haammata kana”aanete gosa Israeele qasate mitteenni gamba yitu. Iyyaasunna Israeelootu insa qasse qeeltu.

![](https://cdn.door43.org/obs/jpg/360px/obs-en-15-12.jpg)

Kunni oli gedensaanni Maganu mitte mittente ga’rera hexxote gobba aaninni iillannonsa qeecha uyinsa. Hakkunni gedensaanni Maganu Israeelete qarqari baalaho keere uyi.

![](https://cdn.door43.org/obs/jpg/360px/obs-en-15-13.jpg)

Iyyaasu grrdhi yannara, Israeelete manna baala mitteenni gamba assi. Hakkunni Gedensaanni Iyyaasu Maganu Siina Israeelootu ledo eino gpndooro agadha Mannaho gidde ikkitinota egensiisi. Mannu Maganoho ammaname hee’ratenna seerano agadhate namoontu.

*Qullaawu Maxaafi Dhagge:- Iyyaasu 1-24*

## 16. Wolassitannore

https://openbiblestories.org/l/sid/story-16/

![](https://cdn.door43.org/obs/jpg/360px/obs-en-16-01.jpg)

Iyyaasu reyihu gedensaanni, Israeelootu Maganoho dihajajantino; gattino Kana”aanoota giddonsanni difushshitino woy Maganu seera diwonshitino. Israeelootu halaalaancho Magano Kaaliiqa magansi’ra agurte Kana”aanootu maganna magansi’ra hanaffu. Israeelootaho moote dinonsa; kunnira mittu umisira gara lawinore baala assanni hee’rino.

![](https://cdn.door43.org/obs/jpg/360px/obs-en-16-02.jpg)

Israeelootu Maganoho hajajama giwansa agurtinokki daafira, Maganu diininsa gawajjannonsa gede assino. Tini diinnansa Israeelootu uduunne baala moortino; jajjansano guddino; mannano lowoha shitino. Israeelootu Maganoho hajajama giwansanninna diinnansano gadadissannansa lowo diro keeshshituhu gedensaanni cubbonsa ifaaxxitino. Diinnansa anganni gatisannonsa gede Maganono huuccidhu.

![](https://cdn.door43.org/obs/jpg/360px/obs-en-16-03.jpg)

Hakkunni gedensaanni Maganu diinnansa anganni gatisse wolassitannore soyinonsa. Gobbateno keere abbi. Ikkollana galagalte Magano habbu. Kaphu maganna magansi’ra hanaffu. Kunnira Maganu mulensa noore diinnansa Midiyamoota annaho kayiseenna qeeltinonsa.

![](https://cdn.door43.org/obs/jpg/360px/obs-en-16-04.jpg)

Midiyamootu Israeelootu jajja lamala diro wo’ma gudhitu. Israeelootu lowo geeshsha waajjitino; laggatenna goddate maaxante noo daafira Midiyamootu affansara didandiitino. Goofimarchoho gatisannonsa gede Maganu widira raartino.

![](https://cdn.door43.org/obs/jpg/360px/obs-en-16-05.jpg)

Mitto barra, Gedewooni yinanni Israeelichi Midiyamootu adhitannokki gede maaxame gide ga’nanni no. Maganu sokkaasinchi Gedewooniwa daye, <<Ati jawaatu olamaanchi Maganu ledokki no. Hadhe Israeele MIdiyamootu anganni gatisi>> yiisi.

![](https://cdn.door43.org/obs/jpg/360px/obs-en-16-06.jpg)

Gedewooni annira kaphu magano magansi’rate seekki’rinohu kakkalote dargi no. Maganu Gedewooni hakkonne kakkalote darga diiganno gede kulisi. Gedewooni kayinni manna waajjino daafira hashsha geeshsha agari. Hakkunni gedensaanni Kakkalote darga diige butu asse cancan. Hakkiicho Maganoho haaro kakkalote seekki. Maganohono kakkalo shiqishi.

![](https://cdn.door43.org/obs/jpg/360px/obs-en-16-07.jpg)

Soodo guto mannu mittu manchi kakkalonsa darga diigino gede afe lowo geeshsha fooggali. Gedewooni shitara minisira doddu. Gedewooni anni kayinni, <<Magano’ne kaa’late mayira wo’naaltinanni? Isi Maganohoro umosi gargadhanno!>> yiinsa. Hatto yiino daafira mannu Gedewooni dishiinosi.

![](https://cdn.door43.org/obs/jpg/360px/obs-en-16-08.jpg)

Midiyamootu xaano Israeeloota horritara fultu. Kiiro lowo geeshsha batidhino daafira kiira dandiinohu dino. Gedewoonino Midiyamoota qasate Israeeloota lassi. Maganu isi widoonni qole Israeele gatisanno gedeenni afara Gedewooni Magano lame malaate xa’mi.

![](https://cdn.door43.org/obs/jpg/360px/obs-en-16-09.jpg)

Umi malaatira hocco baattote aana wore soodo loji hoccu aana calla ikkinninabaattote aana uwannokki gede xa’mi. Maganuno Gedewooni yiino gede assi. Layinki hashshano Gedewooni Magano, <<Soodo loji baatto calla shanshanno hoccu moole hee’rona>> yii. Maganuno Gedewooni yiino gede assi. Kuni lamunku malaati Maganu isi widoonni qole Israeele Midiyami anganni gatisanno gede taje ikkisi.

![](https://cdn.door43.org/obs/jpg/360px/obs-en-16-10.jpg)

Gedewooniwa 32000 Israeelete gaaddo daggino. Maganu kayinni, <<Kiironsa Batidhino>> yiino. Kunnira Gedewooni ola waajjitinore 22000 gaaddo qaera qoli. Maganu xaano Gedewooni, <<Gaaddo kiiro batidhino>> yiisi. Kunnira Gedewooni 300 gaaddo calla gatise woloota qaera qolino.

![](https://cdn.door43.org/obs/jpg/360px/obs-en-16-11.jpg)

Hakko hashsha Maganu Gedewooni, <<Midiyamootu bagadi noo qacha dirri; yitannore macciishshatto woyiteno horonta waajjitootinsa>> yii. Kunnira Gedewooni Midiyamootu bagadi noo qacha hakko hashshanni dirri. Mittu Midiyamootu gaaddichi haaqeete Gedewooni bagadi Midiyamootu bagado qeelanna afinota jaalisira kulanna macciishshi. Gedewooni tenne macciishshe Maganoho kumbuuli.

![](https://cdn.door43.org/obs/jpg/360px/obs-en-16-12.jpg)

Hakkunni gedensaanni Gedewooni gaaddosiwa hige mittu mittunkura buudu xurumba, maaqqenna kifala uyinsa. Midiyami olanto goxxe heedheenna tuudde nooha bagadu qacha doyissitu. Gedewooniti 300 gaaddo maaqquwu giddo kiffalla amadde no. Midiyami gaaddo kayinni kiffallate xawaabba la”a didandiitino.

![](https://cdn.door43.org/obs/jpg/360px/obs-en-16-13.jpg)

Hakkunni gedensaanni Gedewooni gaaddo baalanti mitteenni maaqquwansa hiiqqaqqitu. Hakko mereero kiffallate caabbichi hedeweelcho xawi. Buudu xurumbano ufuuffanni, <<Maganunna Gedewooni olanto>> yite alaakku.

![](https://cdn.door43.org/obs/jpg/360px/obs-en-16-14.jpg)

Maganu Midiyamootaho gara hawiseennansa mimmito shitu. Hakkawoyintenni minnansara noo Israeeloota lassineenna dagge Midiyamoota kaa’lantu shorritu. Lowo manna shitu. Gattinoreno Israeelete baattonni shorritu. Hatte yannara Midiyamenniti 120,000 gaaddo reyitino. Maganuno Israeele gatisi.

![](https://cdn.door43.org/obs/jpg/360px/obs-en-16-15.jpg)

Mannuno Gedewooni moote ikkannonsa gede hasidhu. Gedewooni kayinni sumuu diyiinonsa. Ikkollana mittu mittunku Midiyamootu anganni adhitinota culku cuu’a abbitanno gede xa’minonsa. Mannuno Gedewoonira lowo culka abbe uyinosi.

![](https://cdn.door43.org/obs/jpg/360px/obs-en-16-16.jpg)

Gedewooni culka daashshe qeesootu roorrichi uddi’ranno gede uddano seekki. Mannu kayinni hattenne uddano maganu gede asse magansi’ra hanafino. Kunninni kainohunni Maganu diinnansa qeeltannonsa gede asse qorichishinonsa. Goofimarchoho xaano Maganu gatisannonsa gede huudhino. Maganu xaano gatisannoha wole soyinonsa.

![](https://cdn.door43.org/obs/jpg/360px/obs-en-16-17.jpg)

Kuni coyi marro marro hige ikkino. Israeelootu cubbo loossanno; Maganuno qorichishannonsa; xaano cubbo ifaaxxitanno; Maganuno gatisannonsaha soyanno. Batinye diro Maganu Israeele gatisate wolassitannore haammata manna soyinonsa.

![](https://cdn.door43.org/obs/jpg/360px/obs-en-16-18.jpg)

Gedensaannino, mannu wole gosara noo gedee moote aannonsa gede Magano huuccidhu. Olaho albaanni fulannonsaha, gujjaamonna jawaata moote afidhara halchitu. Maganu kayinni xenne xa’monsa dibaxino; ikkollana hasidhino moote uyinonsa.

*Qullaawu Maxaafi Dhagge:- Ejjeetto 1-5, 6-8*

## 17. Maganu Daawiti Ledo Eino Gondooro

https://openbiblestories.org/l/sid/story-17/

![](https://cdn.door43.org/obs/jpg/360px/obs-en-17-01.jpg)

Saooli Israeelete umi mooteeti. Isi insa hasidhino gedee gujjaamootinna xumaati. Saooli Israeele gashshitera shiima umi dirrara dancha moote ikke hee’rino. Hakkunni gedensaanni kayinni Maganoho hajajamannokkiha busha mancho ikkino; kunnira Maganu mitto barra Saooli darga moohannoha wole mancho doori.

![](https://cdn.door43.org/obs/jpg/360px/obs-en-17-02.jpg)

Maganu Saooli gedensaanni moohanno gede Daawiti yinanniha aja Israeelicha doori. Daawiti Beetelihemete katamira ge’reewu allaalaanchooti. Daawiti addi addi Yannara annisi ge’reewo allaalanni, ge’reewo gawajjara daanno moyicho shiino. Daawiti Magano ammaninoho, Isira hajajamanno joogatinna keeraanchooti.

![](https://cdn.door43.org/obs/jpg/360px/obs-en-17-03.jpg)

Daawiti jawaata gaaddichaatinna sooreessaati. Daawit anje hee’re Gooliyaadi yinannihu haxiriggu manchi ledo olamino. Gooliyaadi qajeelino gaaddichaati; hojja lee cigile ikkanno. Maganu kayinni Gooliyaadi shee Israeele gatisanno gede Daawiti kaa’lisi. Hakkunni gedensaanni Daawit mannu jajinota Israeelete diinna aana lowo qeelle afi’rino.

![](https://cdn.door43.org/obs/jpg/360px/obs-en-17-04.jpg)

Saaooli mannu Daawiti baxino daafira hamashshaawino. Saaooli batinye hige Daawit shaara wo’naalino. Kunnira Daawiti Saaooliwiinni maaxamino. Mitto barra Saaooli Daawit shaara hase Daawiti maaxame noo goda kae marino. Saaooli Daawiti diafino. Daawiti Saaooliwa shiqqi yee shaa dandaanno gede ikke no. Ikkirono dishiinonsi. Hattenne agure Daawiti mootimmasi adhara yee shiinosikkita Saaoolira leellishate uddanosi handaara mure haa’rino.

![](https://cdn.door43.org/obs/jpg/360px/obs-en-17-05.jpg)

Goofimarchoho, Saaooli olunniwa reyino; Daawitino Israeelete moote ikkino. Daawiti dancha mooteeti; mannuno baxinosi. Maganu Daawiti maassi’rinosi. Daawiti lowo ola olamino; Israeelete diinna qeelanno gedeno Maganu kaa’linosi. Daawiti Yerusaalame qeele amade dannawu katama assi’rino. Daawiti mootimma yannara Israeele wolqaataamenna dureette ikkitino.

![](https://cdn.door43.org/obs/jpg/360px/obs-en-17-06.jpg)

Daawiti Israeelootu baalu Magano magansidhannohanna kakkalo shiqishshannosiha Qullaawa Mine minate hedi. Mannu 400 ikkanno diro Muse seekkino dukkani giddo Magano magansi’ranninna kakkalo shiqishi’ranni hee’rino.

![](https://cdn.door43.org/obs/jpg/360px/obs-en-17-07.jpg)

Maganuno tenne sokka anga wore himanaancho Naataani Daawitiwa soye, <<Ati bagadaancho ikkootto daafira anera Qullaawa Mine diminattoe. Beettikki minannoe. Ikkirono lowo geeshsha maassi’reemmohe. Sirchikki giddonni mittu manni’yara moote ikke hegere geeshsha gashshanno!>> yiino. Daawiti sirchinni hegerera gashshannohu Buuramino Mooteeti. Buuramino Moote baattote aana noo gosa cubbinsanni gatisate Maganu doorinoho.

![](https://cdn.door43.org/obs/jpg/360px/obs-en-17-08.jpg)

Daawiti konne coye macciishshe, konne jawa ayirrinyenna lowo maasso aasira gondooro einosi daafira hakkawoyintenni Magano galatino; guwisino. Daawiti Konne coye Maganu mamaro assannoro diafino. Adda ikkiro kayinni, Buuramino Moote daa geeshsha Israeelootu seeda yanna, 1000 ikkanno diro agadha hasiissinonsa.

![](https://cdn.door43.org/obs/jpg/360px/obs-en-17-09.jpg)

Daawiti joongillunninna ammanamatenni lowo diro gashshino; Maganuno maassi’rinosi. Ikkollana, dirisi meddi yiino waro Maganu albaanni busha cubbo loosino.

![](https://cdn.door43.org/obs/jpg/360px/obs-en-17-10.jpg)

Mitto barra Daawiti gaaddo gudisante mininni hadhe olu giddo noo yannara, Isi kayinni mootimmasi minira gobbaanni hee’re mitticho xuma biso haayishshidhanna laino. Ise su’mi Bersaabehiiti.

![](https://cdn.door43.org/obs/jpg/360px/obs-en-17-11.jpg)

Daawiti alba shawwu yaa agure, haa’re abbannosi manna soqqino. Ise ledo goxe kae galagalche minisera ha’rise agurise. Shiima yanna gedensaanni Bersaabehi, <<Godowi gatinoe>> yite sokka sokku.

![](https://cdn.door43.org/obs/jpg/360px/obs-en-17-12.jpg)

Ooriyo yinannihu Bersaabehi ayiddaanni fila Daawiti gaaddo mitikkiho. Daawiti Ooriyo oluwiinni daanno gede woshshiishe ayiddaamasi ledo galanno gede kulisi. Ooriyo kayinni, <> yii. Kunnira Daawiti Ooriyo galagalche olunniwa soye reyara hasi’re olu wolqisanno widoonni uurrisanno gede gaadaannira kuli.

![](https://cdn.door43.org/obs/jpg/360px/obs-en-17-13.jpg)

Ooriyo reyihu gedensaanni Daawiti Bersaabehi adhi. Iseno Daawitira labbaa beetto iltu. Maganu Daawiti loosino loosira lowo geeshsha hanqino; cubbisi hiittoo bushaatiro kulannosi gede Maganu himanaancho Naataani soyinosi. Daawiti cubbosi ifaaxxeenna Maganu sainosi. Gatino diri qarraataamono ikkirono, Daawiti Maganu hoode ha’ranno hajajaminosi.

![](https://cdn.door43.org/obs/jpg/360px/obs-en-17-14.jpg)

Ikkeennano Daawiti loosino cubbira qorichaho hakku qaaqqi reyino. Gatino dirisinnino Daawitira maatesi giddo olu kalaqamino. Daawitira dhukuno lowo lowo geeshsha ajino. Daawiti Maganoho ammanama xeisirono, Maganu uyino hexxo ammanantella no. gedensaanni Daawitinna Bersaabehi wole labbaa beetto iltino. Su’ma <<Selemooni>> yite fushshitinosi.

*Qullaawu Maxaafi Dhagge:- 1Saamueeli 10:15-19; 24, 31. 2Saamueeli 5; 7; 11-12*

## 18. Beehamino Gashshoote

https://openbiblestories.org/l/sid/story-18/

![](https://cdn.door43.org/obs/jpg/360px/obs-en-18-01.jpg)

Lowo diri gedensaanni Daawiti reyi; beettisi Selemooni Israeelete moohi. Maganu Selemoonira coyi’re roorse maricho hasi’rannoro xa’minosi. Selemooni hayyo huucci’rita, baattote aana lowo geeshsha hayyicha mancho assinosi. Selemooni lowo coye rose taashshanno jawa hayyicha ikkino. Maganuno lowo geeshsha dureessa assinosi.

![](https://cdn.door43.org/obs/jpg/360px/obs-en-18-02.jpg)

Selemooni Yerusaalamete annisi Daawiti hedinohanna hasiisannore shiqishinoha Qullaawa Mine mini. Xa mannu Xaadu Dukkana agure Qullaawa Mine Magano magansi’ri; kakkalono shiqishisi. Maganu daye Qullaawa Mine leelli; hakkiicho mannisi ledo hee’rino.

![](https://cdn.door43.org/obs/jpg/360px/obs-en-18-03.jpg)

Selemooni kayinni wole gobba meento adhino. Kiiro 1000 ikkanno meeno adhe Maganoho hajajo hunino! Hakko meenti giddo rooru gobbayidinni dayinoreeti; magannansa haa’re daye insa magansi’rino. Selemooni geedhi yannara hatte maganna magansi’rino.

![](https://cdn.door43.org/obs/jpg/360px/obs-en-18-04.jpg)

Maganu Selemoonira hanqino; Selemooni ammanama hooginohura qorichaho isi reyihu gedensaanni Israeele lamu gashshootira beehantanno gede coyi’rino.

![](https://cdn.door43.org/obs/jpg/360px/obs-en-18-05.jpg)

Selemooni reyihu gedensaanni beettisi Roobiaami moohino. Roobiaami hayyo diafi’rino. Israeelete manni gudisame moohisasira gamba yiino. Selemooni lowoha wolqate looso loosiisinonsatanna lowo giwire baatisiisinonsata xe’aabbinore Roobiaamira ku’litino.

![](https://cdn.door43.org/obs/jpg/360px/obs-en-18-06.jpg)

Roobiaami balala dawaro qolanni, <<Anni’ya Selemooni wolqate looso loosiisino’ne gede assitine heddinoonni; ani kayinni hakkiinni saino looso Loosiiseemmo’ne; isinni roorse wolqatenni gashsheemmo’ne>> yii.

![](https://cdn.door43.org/obs/jpg/360px/obs-en-18-07.jpg)

Tonne Israeelete ga’re Roobiaamira badhe wodhitu. Isira lame ga’re calla ammanante keeshshitino. Kuri lamenti ga’re Yihudu gashshoote ikkitu.

![](https://cdn.door43.org/obs/jpg/360px/obs-en-18-08.jpg)

Roobiaamira badhe wodhitinori wole tonne ga’re Iyorbiaami yinanni mancho moote assidhe shoo’mitino. Gobbate aliyye ragaanni gashshoote uurrisidheenna, Israeelete gashshooteeti yinoonninsa.

![](https://cdn.door43.org/obs/jpg/360px/obs-en-18-09.jpg)

Iyorbiaami Maganoho badhe wodhe mannu cubbo loosanno gede assino. Yihudu gashshootira noohuwa Qullaawu Minira ha’re Magano magansi’ra agure mannu magansi’ranno gede lame misilla seekkino.

![](https://cdn.door43.org/obs/jpg/360px/obs-en-18-10.jpg)

Yihudunna Israeele mimmitoho diinna ikkite batinye higge olantino.

![](https://cdn.door43.org/obs/jpg/360px/obs-en-18-11.jpg)

Haaru Israeelete gashshootinna mootoollansa baala bushuulleho. Tenne mootoolla giddo rooru, dargansa mookkara hasidhinori shitinoreeti.

![](https://cdn.door43.org/obs/jpg/360px/obs-en-18-12.jpg)

Mootoolla baalanna rooru Israeelete gashshooti manni kaphu maganna magansi’rino. Kaphu maganna magansi’ransa roore yanna akkimallenniha siimu xaadooshshinna ooso kakkala ledo noote.

![](https://cdn.door43.org/obs/jpg/360px/obs-en-18-13.jpg)

Yihudu mootoolla Daawiti sirchooti. Tenne mootoolla giddo mitu mitu garunni gashshitinorinna Magano magansidhinori no. Roore mootoolla kayinni bushuullehonna mancaootaho; kaphu maganna magansidhino. Mitu mitu qolte oosonsa nafa kaphu magannara kakkaltino. Rooru Yihudu mannino Maganoho badhe wodhe wole maganna magansi’rino.

*Qullaawu Maxaafi Dhagge:- 1Mootoolla 1-6; 11-12*

## 19. Himanaano

https://openbiblestories.org/l/sid/story-19/

![](https://cdn.door43.org/obs/jpg/360px/obs-en-19-01.jpg)

Maganu Israeelootu dhagge baalate himanaano soyinonsa. Himanaano Maganu sokka macciishshitino. Hakkunni gedensaanni Maganu sokka mannaho kultino.

![](https://cdn.door43.org/obs/jpg/360px/obs-en-19-02.jpg)

Akiaabi Israeelete moohi yannara, Eeliyaasi himanaanchoho. Akiaabi mannuBa”aali yinanniha kaphu magano magansi’ranno gede assino bushaati. Eeliyaasi Akiaabira, <<Ani coyi’rammo geeshsha Israeelete xeenu woy loju dihee’ranno>> yiisi. Akiaabi kunni coyira lowo geeshsha hanqi.

![](https://cdn.door43.org/obs/jpg/360px/obs-en-19-03.jpg)

Shaasira hasi’ranno Akiaabiwiinni maaxamate halallitte gobbara noo xashshiwa ha’ranno gede Maganu Eeliyaasira kulisi. Hawarro soodo cea buddeenanna maala abbitusi. Akiaabinna olantosi Eeliyaasi hassu; ikkollana diaffinosi. Moolle lowo geeshsha batidhinohura xashshuno mooli.

![](https://cdn.door43.org/obs/jpg/360px/obs-en-19-04.jpg)

Kunnira Eeliyaasi mitte olluu gobba kae ha’ri. Hatte gobbara hudetenni kainohunni mitte gunniteranna labbaahu beettisira sagale goofa rakke no. Ikkirono Eeliyaasi towattinosi; Maganuno bullee gambayichunni zayiteno maaqqetenni gooffannokki gede asse qawaaxxisinonsa. Hudete yanna baalate giddo sagale noonsa. Eeliyaasino hakkiicho lowo yanna keeshshino.

![](https://cdn.door43.org/obs/jpg/360px/obs-en-19-05.jpg)

Sasu dirinna daratu gedensaanni xeena ganannota Eeliyaasi Israeelete gashshoote galagale hige Akiaabira kulanno gede Maganu kulisi. Akiaabi Eeliyaasinni xaadi yannara, <<Ati qarra kalaqattohu, dayittoni!>> yiisi. Eeliyaasi qole, <<Qarra kalaqattohu ateeti! Halaalaancho Magano Kaaliiqa agurootto; Ba”aali magansi’rootto. Hanni Israeelete gashshooti manna Qermeloosi Ilaali aana gamba assi>> yiisi.

![](https://cdn.door43.org/obs/jpg/360px/obs-en-19-06.jpg)

450 Ba”aali himanaano ledo Israeelete gashshooti manni Qermeloosi Ilaala fuli. Eeliyaasi mannaho, <<Me”ewa kabbi facci yitinanni? Kaaliiqi Maganohoro Isira soqqamme! Ba”aali Maganohoro Ba”aalira soqqamme!>> yiinsa.

![](https://cdn.door43.org/obs/jpg/360px/obs-en-19-07.jpg)

Hakkunni gedensaanni Eeliyaasi Ba”aali himanaanora, <<Mitto middicha gorritine kakkalote shiqishshe; giira kayinni giirtinoonte. Anino hatto asseemmo. giiratenni dawarannohu hakku halaalaancho Maganooti>> yiinsa. Kunnira Ba”aali qeesooti kakkalo qixxeessitino; giirano digiirtino.

![](https://cdn.door43.org/obs/jpg/360px/obs-en-19-08.jpg)

Hakkunni gedensaanni Ba”aali himanaano, <<Ba”aali, ballo macciishshinke!>>yitanni huuccidhu. Barra wo’ma woxaratte huuccidhu; bisonsano billawunni murmudhitu.

![](https://cdn.door43.org/obs/jpg/360px/obs-en-19-09.jpg)

Goofimarchoho Eeliyaasi Maganoho kakkalo qixxeessi. Maalano, haqqeno Kakkalote dargi baatto qooxeessi nafa co’o yee shamanno gede waa lame gambayicho wo’ma kakkalote aana dunanno gede mannaho kuli.

![](https://cdn.door43.org/obs/jpg/360px/obs-en-19-10.jpg)

Hakkunni gedensaanni Eeliyaasi, <<Kaaliiqi, Abirihaami, Yisihaaqinna Yaiqoobi Magani, Ati Israeelete Magano ikkoottota anino soqqamaanchokki ikkoommota techo leellishi. Ati halaalaancho Magano ikkoottota kuni manni afanno gede dawarie>> yii.

![](https://cdn.door43.org/obs/jpg/360px/obs-en-19-11.jpg)

Hakkawoyintenni giira gordunni dirrite maala, haqqe, kinna, ishinenna qooxeessaho noo waano ittu. Mannu konne coye lai yannara baattote aana uwe, <<Kaaliiqi Maganoho! Kaaliiqi Maganoho!>> yii.

![](https://cdn.door43.org/obs/jpg/360px/obs-en-19-12.jpg)

Hakkunni gedensaanni, <<Ba”aali himanaano mittuno gattoonke!>> yii. Kunnira mannu Ba”aali himanaano amade haa’re ha’re shii.

![](https://cdn.door43.org/obs/jpg/360px/obs-en-19-13.jpg)

Hakkunni gedensaanni Eeliyaasi Moote Akiaabira, <<Xeenu dayinona rakke higi>> yiisi. Hakkunni gedensaanni gordo kolishshi’ri; xeenano barada hanafi.Kaaliiqi moolle uurrisi. Isi halaalaancho Magano ikkinota buuxxu.

![](https://cdn.door43.org/obs/jpg/360px/obs-en-19-14.jpg)

Eeliyaasi diri gedensaanni, Maganu himanaancho ikkanno gede Elsai yinanni mancho doori. Maganu Elsai widoonni qole lowo maalale loosi. Maalalete giddo mitte bushu taraawannohu gogu dhibbi mittu diinu olanto gaadaanni Ni”imaani yinannihu aana uwino. Isino Elsai duduwo macciishshe hursannosi woshshi’ri. Elsai Yordaanoosi Wayi giddo lamala hige lixe fulanno gede Ni”imaanira kulis.

![](https://cdn.door43.org/obs/jpg/360px/obs-en-19-15.jpg)

Ni”imaanira umo gowwimma labbeennasi hanqe Elsai yiino gede di”ikkino. Gedensaanni kayinni hedosi soorre Yordaanoosi Wayi giddo lamala hige lixe fulino. Wayi giddonni fulanno woyite bisisi co’o yee soorramino. Maganu hursinosi.

![](https://cdn.door43.org/obs/jpg/360px/obs-en-19-16.jpg)

Maganu wole haammata himanaano soyino. Baalunku mannu kaphu maganna magansi’rannota ittissanno gedenna wolootaho halaale coyi’rannonna mararanno gede kultino. Himanaano busha loosa agura hoogironna Maganoho hajajama giwiro, Maganu saote kiirannonsata kulte manna qorophisiissino.

![](https://cdn.door43.org/obs/jpg/360px/obs-en-19-17.jpg)

Rooriidi yanna mannu Maganoho dihajajamino. Roore yanna himanaanote aana noonsa hedo bushate; mito mito woyite shitinonsa. Mitte yannara, himanaanchu Ermiyaasi moola wayi balera giddo tugge reyanno gede agurtino. Balete hundaho noo sabbi giddora eino. Ikkollana moote marare reyikkinni balete giddonni goshooshshe fushshitannosi gede soqqamaanosi hajaji.

![](https://cdn.door43.org/obs/jpg/360px/obs-en-19-18.jpg)

Himanaano mannu giwinsaro nafa Maganoho hee’ransa diuurrissino. Cubbonsa ifaaxxa hoogguro Maganu hunannonsa gede kulte manna qorophisiissino. Qolteno Maganunnihu Buuramino Moote daannota uyino hexxo mannaho qaagiissitino.

*Qullaawu Maxaafi Dhagge:- 1Mootoolla 16-18; 2Mootoolla 5; Ermiyaasi 38.*

## 20. Qafadonna Qafadotenni Higa

https://openbiblestories.org/l/sid/story-20/

![](https://cdn.door43.org/obs/jpg/360px/obs-en-20-01.jpg)

Israeelete gashshootinna Yihudu gashshooti lamunku Maganu aana cubbo loossu. Maganu insa ledo Siina Ilaalira eino gondooro diiggu. Maganu cubbo ifaaxxitanno gedenna galagalte magansidhanno gede himanaano soyi; insa kayinni hajajama gibbino.

![](https://cdn.door43.org/obs/jpg/360px/obs-en-20-02.jpg)

Kunnira Maganu diininsa gudannonsa gede asse lamenka gashshoote qorichishi. Wolqaataamu, mararannokkihu Asoori moote gashshooti Israeelete gashshoote huni; ayirrado coye baala adhi; gobbanniha roore darate giiri.

![](https://cdn.door43.org/obs/jpg/360px/obs-en-20-03.jpg)

Asoorootu gashshaano dureeyyenna ogimma afidhinore baala gamba assite Asoori haadhe hadhinonsa. Shinoonnikkiri buxane Israeelooti callu Israeelete gashshooti giddo gattino.

![](https://cdn.door43.org/obs/jpg/360px/obs-en-20-04.jpg)

Hakkunni gedensaanni Asoorootu Israeelete gashshoooti noo gobbara heedhanno gede wole gobba manna haadhe abbitu. Wole gobba manni diigantino katamma galagalchite minte hakkiicho gatte noo Israeelootu ledo balloontino. Wole gobba manni ledo adhantino Israeeloota Samarootaho yinoonni.

![](https://cdn.door43.org/obs/jpg/360px/obs-en-20-05.jpg)

Israeelete gashshooti manni Magano ammaninokkihuranna hajajaminokkihura asse qorichishinonsa gara Yihudu gashshooti giddo noo manni afino. Hattono Ikke hee’reenna Yihudu gashshooti manni aanaho Kana”aanootunnitano lede kaphu maganna magansi’rino. Maganu qorophisiissanno himanaano soyinonsa. Isna kayinni macciishsha gibbino.

![](https://cdn.door43.org/obs/jpg/360px/obs-en-20-06.jpg)

Asoorootu Israeelete gashshoote huntuhunni 100 diri geeshsha ikkitanno yanna gedensaanni Yihudu gashshoote qassanno gede Maganu Baabiloonoota soyi. Baabilooni wolqaataamu moote gashshooteeti. Yihudu moote Nabukadanatsoori soqqamaancho ikkatenna diru dirunkunni woxe baatate sumuu yii.

![](https://cdn.door43.org/obs/jpg/360px/obs-en-20-07.jpg)

Ikkollana shiimu diri gedensaanni Yihudu moote Baabilooni aana kai. Kunnira Baabiloonootu galagalte higge Yihudu gashshoote qassu. Yerusaalamete katama amaddu; Qullaawa Mine diiggu. Katamunnitanna Qullaawu Mini taje baala adhitu.

![](https://cdn.door43.org/obs/jpg/360px/obs-en-20-08.jpg)

Yihudu moote gara giwinosi daafira qorichishate Nabukadanatsoori gaaddo Yihudunnita labballi ooso baala shitu. Isono ille ballissu. Hakkunni gedensaanni Baabilooni usuru mine reyanno gede haadhe hadhu.

![](https://cdn.door43.org/obs/jpg/360px/obs-en-20-09.jpg)

Nabukadanatsoorinna olantosi lowo geeshsha buxane ikkino manna calla Gate loosanno gede agurte Yihudu gashshooti manna baala qafadde Baabilooni haadhe hadhu. Maganu manni hexxote gobba baxikkinni agurino yanna tenne qafadote yinanni.

![](https://cdn.door43.org/obs/jpg/360px/obs-en-20-10.jpg)

Maganu qafadamanno gede assatenni manna cubbinsara qorichishinsarono insanna uyinonsa hexxo dihawino. Maganu mannasi agaranna himanaanote widoonni qole hasaawisa diagurino. Lamalawu diri gedensaanni, galagalte hexxote gobba higganno gede coyi’rinonsa.

![](https://cdn.door43.org/obs/jpg/360px/obs-en-20-11.jpg)

Lamalawu diri gedensaanni, Faarisi moote Baabilooni qase qeeli; kunnira Faarisi moote gashshooti Baabilooni moote gashshooti darga amadi. Xa Israeeloota Ayihudete yini. Insa giddonni rooru manni Baabilooni gobbara hee’rino. Lowo geeshsha geedhinohu shiimu manni callu Yihudu gobba qaagino.

![](https://cdn.door43.org/obs/jpg/360px/obs-en-20-12.jpg)

Faarisi moote gashshooti kaajjadoho; amadino mannira kayinni shaqqadoho. Qiroosi Faarisootu moote ikkihunni shiima yanna gedensaanni, Yihuda higa hasi’rino Ayihudichi baalu Faarisi agure Yihuda higa dandaanno gede hajajo uyi. Qullaawa Mine galagalchite mintanno gede woxe nafa kaa’linonsa. Kunnira qafadante keeshshituhu lamalawu diri gedensaanni shiima Ayihudete gaamo Yihudu katama Yerusaalame higgu.

![](https://cdn.door43.org/obs/jpg/360px/obs-en-20-13.jpg)

Mannu Yerusaalame iilli yannara, Qullaawa Minenna katamu qooxeessira noo huxxa galagalchite huxxitu. Xaa geeshsha wolu anga gashshanturono, galagalte Hexxote gobbara heedhe Qullaawa Mine magansidhino.

*Qullaawu Maxaafi Dhagge:- 2Mootoolla 17; 24-25; 2Mootoolla 36; Izira 1-10; Nehimiya 1-13.*

## 21. Maganu Buuramino Moote Hexxo Uyi

https://openbiblestories.org/l/sid/story-21/

![](https://cdn.door43.org/obs/jpg/360px/obs-en-21-01.jpg)

Umonni, Maganu Buuramino Moote soyate hirqino. Umiti Buuramino Moote hexxo Addaamiwanna Heewaniwa daggino. Maganu hamashshu umo cancanannohu Heewani sirchi ilamanno gede hexxo uyino. Heewani dogino hamashshi Sheexaaneho. Uyinoonni hexxo Buuramino Moote Sheexaane horonta qeelanno yaate.

![](https://cdn.door43.org/obs/jpg/360px/obs-en-21-02.jpg)

Isi widoonni kalqete gosa baala maasso afidhanno gede Maganu Abirihaamira hexxo uyinosi. Tini maasso albillitte Buuramino Moote daanno waro wo’mitanno. Isi kalaqete noo gosa baala gattanno gede assanno.

![](https://cdn.door43.org/obs/jpg/360px/obs-en-21-03.jpg)

Albillittete Muse gedeeha wole himanaancho kayisanno gede Maganu hexxo uyinosi. Tini wole Buuramino Moote daafira uyinoonni hexxooti.

![](https://cdn.door43.org/obs/jpg/360px/obs-en-21-04.jpg)

Sirchisi giddonni mittu Maganu mannira moote ikke hegere geeshsha gashshanno gede Maganu moote Daawitira hexxo uyinosi. Kuni Buuramino Moote Daawiti sirchi giddonni mittoho yaate.

![](https://cdn.door43.org/obs/jpg/360px/obs-en-21-05.jpg)

Maganu haaro gondooro aanno gede himanaanchu Ermiyaasi widoonni qole uyino. Kuni gondoori Maganu Siina Israeelete ledo ei gedee gondooro kayinni di”ikkino. Haaru gondoorira Maganu seerasi mannu wodanira borreessanno; mannu Magano umisinni egennanno; mannasi ikkanno; Maganu cubbonsa aguranno. Buuramino Moote haaro gondooro hanafanno.

![](https://cdn.door43.org/obs/jpg/360px/obs-en-21-06.jpg)

Maganu himanaano Buuramino Moote himanaanchoho, qeesichaho qoleno mootete yitino. Himanaanchu Maganu qaale macciishshe hakkunni gedensaannni Maganu qaale mannaho lallawe kulanno. Maganu soyanno gede hexxo uyinohu Buuramino Moote guuta himanaanchooti.

![](https://cdn.door43.org/obs/jpg/360px/obs-en-21-07.jpg)

Israeelootu qeesooti cubbinsa daafira iillannonsa qorichira mannu su’minni Maganoho kakkalo shiqishshino. Qolteno mannu daafira Magano huuccitino. Buuramino Moote wo’ma kakkalo asse umosi Maganoho shiqishate, guuta Qeesootu Qara ikkanno.

![](https://cdn.door43.org/obs/jpg/360px/obs-en-21-08.jpg)

Moote gashshootisira moohannohonna mannaho yoo yaanno manchooti. Buuramino Moote kayinni Qara ikkasinni Daawiti barcimi ayirrinyunnihura ofalle guuta Moote ikkanno. Kalqe baalate hegere gegerera gashshanno. Wo’manka woyite taashshe halaalunni gashshanno.

![](https://cdn.door43.org/obs/jpg/360px/obs-en-21-09.jpg)

Maganu himanaano Buuramino Moote daafira wole lowo coye himantino. Himanaanchu Mikiyaasi Buuramino Moote daara albaanni mittu jawu himanaanchi daannota himanino. Buuramino Moote mitte seemo widoonni ilamannota Himanaanchu Isayaasi himanino. Himanaanchu Mikiyaasi Buuramino Moote Beetelihemete Katamira ilamannota kulino.

![](https://cdn.door43.org/obs/jpg/360px/obs-en-21-10.jpg)

Himanaanchu Isayaasi Buuramino Moote Galiilaho hee’ranno; wodana hiiqqantinore jawaachishanno; qafadantinorira wolapho, usurantinorira tidhama lallawanno. Buuramino Moote qole dhiwantinore, macciweeltinore, illiweeltinore, danqitinore woy laanshaabbinore hursannota himanino.

![](https://cdn.door43.org/obs/jpg/360px/obs-en-21-11.jpg)

Himanaanchu Isayaasi qole beebbatenni allagginsannisitanna gimbannisita himanino. Wole himanaano Buuramino Moote shitannosiri imaanasi hixunni beeqqitannotanna jaalu badhe wodhannosita balaxxe himantino. Himanaanchu Zakkariyaasi Buuramino Mootera badhe wodhanno jaalira sajjoo birra baattannosita himanino.

![](https://cdn.door43.org/obs/jpg/360px/obs-en-21-12.jpg)

Kuni himanaanchi Buuramino Moote reyanno garano kulino. Isayaasi manni Buuramino Moote malxifattannosita, ajiiffattannositanna gantannosita himanino. Mitte so’ro loosinokkiha ikkirono, qassannosi; lowo xissonninna lowo shettonni reyanno.

![](https://cdn.door43.org/obs/jpg/360px/obs-en-21-13.jpg)

Himanaano Buuramino Moote cubbu noosikki fayyaaleessa ikkinota coyidhino. Wolu manni cubbi qoricha adhate yee reyino. Isi reya Maganunna mannu mereeo keere kalaqqanno. Kunnira Buuramino Moote manii’ra Maganu yiino garaati.

![](https://cdn.door43.org/obs/jpg/360px/obs-en-21-14.jpg)

Buuramino Moote reyannotanna Maganu qole reyotenni kayisannosita himanaano balaxxe himantino. Maganu Buuramino Moote reyonna kao widoonni qole cubbaataamma gatisata hedosi wonshe Haaro Gondooro hanafanno.

![](https://cdn.door43.org/obs/jpg/360px/obs-en-21-15.jpg)

Maganu himanaanote Buuramino Moote daafira lowo coye xawisinonsa; ikkollana Buuramino Moote hatte himanaano yannara didayino. Gedeniidi himana himannihu 400 diri gedensaanni, yinoonni yannara, Maganu Buuramino Moote tenne gobba soyi.

*Qullaawu Maxaafi Dhagge:- Kalaqama 3:15, 12:1-3; Mar 18:15; 2Saamueeli 7; Ermiyaasi 31; Isayaasi 59:16; Daanieeli 7; Milkiyaasi 4:5; Isayaasi 7:14;*

## 22. Yohaannisi Ilami

https://openbiblestories.org/l/sid/story-22/

![](https://cdn.door43.org/obs/jpg/360px/obs-en-22-01.jpg)

Maganu sokkaasinetenna himanaanote widoonni mannaho balaxe coyi’rino. Ikkollana insa widoonni qole coyi’rikkinni 400 diri saino. Mittu sokkaasinchi hedeweelcho Zakkariyaasi yinannihuwa geerchu qeesichiwa Maganu sokka haa’re dayi. Zakkariyaasinna galtesi Elsaabeexi Magano waajjannoreeti. Ikkollana ise ooso ila didandiitino.

![](https://cdn.door43.org/obs/jpg/360px/obs-en-22-02.jpg)

Sokkaasinchu Zakkariyaasira, <<Galtekki labbaa qaaqqo iltanno. Su’mano Yohaannisi yaattosi. Isira Qullaawu Ayyaani wo’mannosi; mannano Buuramino Mootera qixxeessanno!>> yiisi. Zakkariyaasi, <<Aninna galte’ya ooso ilate geedhinoommo! Kuni coyi ikkannota mayinni afeemmo?>> yee dawari.

![](https://cdn.door43.org/obs/jpg/360px/obs-en-22-03.jpg)

Sokkaasinchu Zakkariyaasira, <<Tenne sokka abbeemmo’ne gede Maganu soyinoe. Ammanoottokki daafira qaaqqu ilama geeshsha coyi’ra didandaatto>> yiisi. Hakkawoyintenni Zakkariyaasi danqicha ikki. Hakkunni gedensaanni Zakkariyaasi minira ha’ri; galtesino godobbu.

![](https://cdn.door43.org/obs/jpg/360px/obs-en-22-04.jpg)

Elsaabeexira lee agani godowinni heedheenna, hakku sokkaasinchinni hedeweelcho Elsaabeexi fiixa ikkitinotewa Maariyaamiwa dayi. Ise seemo ikkitino daafira Yooseefi yinanni manchira mine assi’rate huuccante no. Sokkaasinchu, <<Godowatta; labbaa beettono ilatta. Su’masino yaatta. Iso, yinanni. Hegere gashshaancho ikkanno> >> yii.

![](https://cdn.door43.org/obs/jpg/360px/obs-en-22-05.jpg)

Maariyaami, <<Ani seemote; kuni coyi hiitto ikke ikkanno?>> yite dawartu. Sokkaasinchu, <<Qullaawu Ayyaani atewa daanno; Wo’munkura Aliidihu wolqa caalshiishshannohe>> yee xawisise. Maariyaami ammantu; sokkaasinchu yiinoreno adhitu.

![](https://cdn.door43.org/obs/jpg/360px/obs-en-22-06.jpg)

Sokkaasinchu Maariyaamira coyi’rihu gedensaanni hakkawoyintenni Elsaabeexi keere haadhara hadhu. Elsaabeexi Maariyaami keere macciishshitanni heedheennanni godowisera noo qaaqqi kubbi. Meentu Maganu assino coyira ledose hagiidhi. Maariyaami Elsaabeexi ledo sase agana keeshshituhu gedensaanni galagalte kaera hadhu.

![](https://cdn.door43.org/obs/jpg/360px/obs-en-22-07.jpg)

Elsaabeexi labbaa beettose iltuhu gedensaanni, Zakkariyaasinna Elsaabeexi Sokkaasinchu hajajinonsa garinni qaaqqoho su’ma Yohaannisi yitu. Hatte yannaraMaganu Zakkariyaasi galagale coyi’ra dandaanno gede assisi. Zakkariyaasi,<<Mannasi qaaginona Maganu galatamo! Ati beetto’ya, mannu cubbinsara maaro afi’ranno gara kulattora Wo’munkura Aliidi Magani himanaancho ikkatto>> yiinosi.

*Qullaawu Maxaafi Dhagge:- Luqaasi 1.*

## 23. Yesuusi Ilami

https://openbiblestories.org/l/sid/story-23/

![](https://cdn.door43.org/obs/jpg/360px/obs-en-23-01.jpg)

Maariyaami Yooseefi yinanni manchira huuccante no. huucci’rinosihu Yooseefi godobbinota macciishshe, ilamanno qaaqqi isiha ikkannokkita afi. Maariyaamino saalfachishara dihasi’rino; kunnira ise sammi yee agurate hedino. Hatto assara albaanni sokkaasinchu daye haaqeete coyi’rinosi.

![](https://cdn.door43.org/obs/jpg/360px/obs-en-23-02.jpg)

Sokkaasinchu, <<Yooseefi, Maariyaami galte assite adha waajjitooti. Giddose noo qaaqqi godowaminohu Qullaawu Ayyaaninniiti. Labbaa beetto iltanno. Manna Cubbinsanni gatisanno daafira su’masi, yite woshshi>> yii. (Yesuusa yaa, yaate.

![](https://cdn.door43.org/obs/jpg/360px/obs-en-23-03.jpg)

Kunnira Yooseefi Maariyaami adhe minisira ha’ri; ikkollana ilta geeshsha ise ledo galtoomu xaadooshshe diassi’rino.

![](https://cdn.door43.org/obs/jpg/360px/obs-en-23-04.jpg)

Maariyaami iltanno yanna iillitanni heedheennanni, Roomu gashshooti Mannu baalunku kiiramate akaakkasi heedhino gobba ha’ra hasiissannota kuli. Yooseefinna Maariyaami heedhanno gobbanni Naaziretetenni ka’e Beeteliheme seeda doogo hadhu. Hakka hadhinohu Beetelihemete Katami albihu awurinsa Daawiti ilaminowa ikkinohuraati.

![](https://cdn.door43.org/obs/jpg/360px/obs-en-23-05.jpg)

Beeteliheme iillitanno woyite, gallanniwi dino. Wole darga hoogge saada galtanno hoowe calla afidhino. Qaaqqu ilamita goxisidhanno daallasu nookki daafira ama saada ittannore worranni badiri aana goxisidhino. Su’masi, yitino.

![](https://cdn.door43.org/obs/jpg/360px/obs-en-23-06.jpg)

Hakko hashsha qooxeessaho noo xawira saada agadhitinori shiima allaalaasine no. Hedeweelcho xawanno sokkaasinchi leellinsa; insano waajjitu. Sokkaasinchu, <<Waajjitinoonte; dancha duduwo abboommo’nena, Beetelihemete Buuramino Moote Mootichu ilamino’ne!>> yii.

![](https://cdn.door43.org/obs/jpg/360px/obs-en-23-07.jpg)

<<Martine qaaqqo la’e; hoccunni xaanxeenna saadate ittannore worranni badiri aana goxe nooha affinanni>> yiinsa. Konne mereero sokkaasine gordo wo’mitu;Magano magansidhanni, <<Ayirrinyu, Maganoho gordoho, keeru baattote aana mannahono dhancha hedo ikkito!>> yitu.

![](https://cdn.door43.org/obs/jpg/360px/obs-en-23-08.jpg)

Allaalaasine Yesuusi noowa rakke marte sokkaasinchu yiinsante gede saadate ittannore worranni badiri aana goxe nooha affu. Lowo geeshsha hagiidhitu. Maariyaamirano lowo geeshsha tashshi yiise. Allaalaasine macciishshitinorinna la’ino coyi baalunku daafira Magano galaxxitanni ge’reewinsawa higgu.

![](https://cdn.door43.org/obs/jpg/360px/obs-en-23-09.jpg)

Shiima yanna gedensaanni xeerto soojjaati gabba hayyoole gordoho mitte beeddakko affu. Haaru Ayihudete moote ilaminota leellishshanni noota huwattu. Kunnira konne moote la’ara lowo geeshsha seeda gobba hadhu. Beeteliheme dagge Yesuusinna amasiuu noo minira iillitu.

![](https://cdn.door43.org/obs/jpg/360px/obs-en-23-10.jpg)

Hayyoole Yesuusa amasi ledo noo affe ubbe kumbuultusi. Yesuusira ayirrado afansha uyitusi. Hakkunni gedensaanni galagalte gobbasi higgu.

*Qullaawu Maxaafi Dhagge:- Maatewoosi 1; Luqaasi 2.*

## 24. Yohaannisi Yesuusa Cuui

https://openbiblestories.org/l/sid/story-24/

![](https://cdn.door43.org/obs/jpg/360px/obs-en-24-01.jpg)

Zakkariyaasinna Elsaabeexi beetti Yohaannisi lophe himanaancho ikki. Halallitte gobbara hee’rino; godu malawonna kanchafare saga’lino; gaalu ordanni gannoonni imaana uddi’rino.

![](https://cdn.door43.org/obs/jpg/360px/obs-en-24-02.jpg)

Lowo manni Yohaannisi yaannore macciishshate halallira dayi. Isi,<<Maganu Gashshooti gambisinona aagiintaabbe>> yee kulino.

![](https://cdn.door43.org/obs/jpg/360px/obs-en-24-03.jpg)

Mannu Yohaannisi sokka macciishshe, rooru manni cubbonsa ifaaxxi; Yohaannisi cuuinsa. Haammatu amma’note sooreeyyeno Yohaannisi cuuansara daggu; ikkollana diaagintaabbino woy cubbo di”ifaxxitino.

![](https://cdn.door43.org/obs/jpg/360px/obs-en-24-04.jpg)

Yohaannisi amma’note sooreeyyera, <<Ki’ne buutete ooso! Aagintaabbine looso’ne soorridhe. Dancha guma laalannokki haqqicho murre giirate tunganni>> yiinsa. Himanaano Yohaannisi, << <Kune doogo seekkannoha sokkaancho’ya alba qole soyemmo> yiino>> yite himantino himana wonshi.

![](https://cdn.door43.org/obs/jpg/360px/obs-en-24-05.jpg)

Mite mite Ayihude Yohaannisi Buuramino Moote ikkinoronna hooginoro xa’mitino. Yohaannisi, <<Ani Buuramino Moote di”ikkoommo; ane gedensaanni kayinni mittu daannohu no. Isi rooreho. Ani koattesi suncho nafa tirate di”ikkoommoho.

![](https://cdn.door43.org/obs/jpg/360px/obs-en-24-06.jpg)

Aane noo barra Yesuusi cuuasira Yohaannisiwa kae dayi. Yohaannisi iso afe, <<Kune la’e! Kalqete cubbo hoolannohu Maganu wilii’lichi Isooti!>> yii.

![](https://cdn.door43.org/obs/jpg/360px/obs-en-24-07.jpg)

Yohaannisi Yesuusa, <<Ani ate cuuate maloommoha di”ikkoommo. Hatteentenni ane ati cuuie>> yii. Yesuusi kayinni, <<Kuni assate hasiisino coyetina ati ane cuua hasiissannohe>> yii. Kunnira Yesuusi horonta cubbo loosinokkiha ikkirono Yohaannisi Yesuusa cuuinosi.

![](https://cdn.door43.org/obs/jpg/360px/obs-en-24-08.jpg)

Yesuusi cuuamihu gedensaanni wayi giddonni fuli; Maganu Ayyaani lemboolidaninni leellanni dirre aanasi ofolli. Hakko mereero Maganu huuro gordunni, <<Baxeemmohehu beetti’ya ateeti; atenni lowo geeshsha tashshi yaannoe>> yitanni daggu.

![](https://cdn.door43.org/obs/jpg/360px/obs-en-24-09.jpg)

Maganu Yohaannisira, <<Qullaawu Ayyaani dirre ate cuuattohu aana ofollanno.Isi Maganu Beettooti>> yee coyi’rinosi. Mittu Magani callu no.Ikkollana Yohaannisi Yesuusa cuui yannara, Maganu Annu coyi’ranna macciishshi. Magano Beetto afino. Hakku Yesuusaati. Qullaawa Ayyaanano laino.

*Qullaawu Maxaafi Dhagge:- Maatewoosi 3; Maarqoosi 1:9-11; Luqaasi 3:1-23.*

## 25. Sheexaanu Yesuusa Jifisi

https://openbiblestories.org/l/sid/story-25/

![](https://cdn.door43.org/obs/jpg/360px/obs-en-25-01.jpg)

Yesuusa cuuame ka”anni hee’reennanni Qullaawu Ayyaani halallitte gabba haa’re ha’risi. Hakkiicho shoyilloo barranna shoyilloo hashsha qatumi. Hakkunni Gedensaanni Sheexaanu daye cubbo loosiisa hede Yesuusa jifisi.

![](https://cdn.door43.org/obs/jpg/360px/obs-en-25-02.jpg)

Sheexaanu, <<Maganu Beetto ikkoottoro, itatto gede hanni tenne kinna sagale assi>> yee Yesuusa jifisi.

![](https://cdn.door43.org/obs/jpg/360px/obs-en-25-03.jpg)

Yesuusi, << <Mannaho hee’rate sagale calla ikkitukkinni, Maganu afiinni fulannohu Maganu qaalino hasiisannonsa> yine borreessinoonni!>> yee dawarisi.

![](https://cdn.door43.org/obs/jpg/360px/obs-en-25-04.jpg)

Hakkunni gedensaanni Sheexaanu Yesuusa Qullaawu Maxaafi birxe fushshe, <<Ati Maganu Beettootiro, atenee kawiinni eela qolte tugi; <Lekkakki kinchu ganannokki gede qolaanchunni haadhahera Maganu sokkaasine hajajannohe> yine borreessinoonnina>> yii.

![](https://cdn.door43.org/obs/jpg/360px/obs-en-25-05.jpg)

Yesuusi kayinni Sheexaaneho Maganu qaale qummi asse qolisi. <<Maganu qaali manna, <Mooticha Maganokki jiffooti> yee hajajanno>> yii.

![](https://cdn.door43.org/obs/jpg/360px/obs-en-25-06.jpg)

Hakkunni gedensaanni Sheexaanu baattote gashshuwanna ayirrinyensa baala leellishe, <<Anera ubbe kumbuulittoero konne baala eemmohe>> yii.

![](https://cdn.door43.org/obs/jpg/360px/obs-en-25-07.jpg)

Yesuusi, <<Ati Sheexaane, kai kawiinni! Maganu qaali manna, <Mootichu Maganikkira kumbuuli. Iso calla magansi’ri> yee hajajanno>> yii.

![](https://cdn.door43.org/obs/jpg/360px/obs-en-25-08.jpg)

Yesuusi Sheexaanu jifonni diqeelamino; kunnira Sheexaanu yannate geeshsha Isiwiinni agure ha’rino. Hakkunni gedensaanni sokkaasine dagge soqqantinosi

*Qullaawu Maxaafi Dhagge:- Maatewoosi 4:1-11; Maarqoosi 1:12-13; Luqaasi 4:1-13.*

## 26. Yesuusi Soqqansho Hanafi

https://openbiblestories.org/l/sid/story-26/

![](https://cdn.door43.org/obs/jpg/360px/obs-en-26-01.jpg)

Yesuusi Sheexaanu jifo qeelihu gedensaanni, Qullaawu Ayyaani wolqanni hee’rannowa Galiilu Awuraajja higi. Yesuusi dargunni darga ha’ranni rosiisi.Lowo manni Isi daafira dancha coye coyi’rino.

![](https://cdn.door43.org/obs/jpg/360px/obs-en-26-02.jpg)

Yesuusi anjesi yannara hee’rinowa Naaziretete Katama higi. Fooliishshote Barra Magansi’nanniwa ha’ri. Nabbawanno gede Isayaasi himaniha xaaxamino gogi maxaafa uyitusi. Maxaafano fane mitto gafa nabbawinsa.

![](https://cdn.door43.org/obs/jpg/360px/obs-en-26-03.jpg)

Yesuusi, <<Buxanete dancha duduwo, qafadantinorira wolapho, illiweeltinorira la”a, usurantinorira tidhama kuleemmo gede Maganu Ayyaani uyinoe. Kuni baxaminohu Maganu dirooti>> yaannoha nabbawi.

![](https://cdn.door43.org/obs/jpg/360px/obs-en-26-04.jpg)

Hakkunni gedensaanni Yesuusi ofolli. Baalunku xiinxallite la’anni, kuni nabbawi gafi Buuramino Mootere kulanno>> yitu. Yesuusi, <<Kuni kulummo’ne qaali kune xa wo’manni no>> yii. Mannu baalu dhaggeeffatanni, <<Kuni Yooseefi beetto di”ikkino?>> yii.

![](https://cdn.door43.org/obs/jpg/360px/obs-en-26-05.jpg)

Hakkunni gedensaanni Yesuusi, <<Himanaanchu gobbasira diayirranno. Himanaanchu Eeliyaasi yannara, Israeelete lowo gunnooti no. Ikkollana sase dironna darate xeena gana uurrisi yannara Maganu Eeliyaasi wole gobbara noo gunnittewa ikkinnina Israeelete noo gunnitte kaa’lara disoyinosi>> yii.

![](https://cdn.door43.org/obs/jpg/360px/obs-en-26-06.jpg)

Yesuusi konne coye coyi’ra uurrisikkinni, <<Himanaanchu Elsai yannarano gogudhibbi amadinore Israeelete lowo manni no. elsai kayinni mittono dihursino. Israeelete diinna hajajaanchiha Ni”imaani dhibba calla hursino>> yii. Yesuusi yaannore macciishshitanni noori Ayihudootaho. Kunnira coyi’rino coye macciishshite aarantu.

![](https://cdn.door43.org/obs/jpg/360px/obs-en-26-07.jpg)

Naaziretete manni Yesuusa magansi’nanni darginni goshooshshe tugge shitara haadhe ilaalu gamira massitusi. Yesuusi kayinni mannu mereeroonni hige Naaziretete katama ha’ri.

![](https://cdn.door43.org/obs/jpg/360px/obs-en-26-08.jpg)

Hakkunni gedensaanni Galiilu Awuraajja baala tuqi; Isiwa lowo manni dayino.La”a, ha’ra, macciishsha, woy coyi’ra dandaannokkihanna wole dhibba afi’rinoha qolteno manninatu xe’ne afi’rino mannano haadhe abbitu.

![](https://cdn.door43.org/obs/jpg/360px/obs-en-26-09.jpg)

Durriisu amadinore lowo manna hadhe Yesuusiwa abbitu. Yesuusi hajajonnidurriisu mannu giddonni fuli. Durriisu, <<Ati Maganu Beettooti!>> yee raarino. Mannu dhaggeeffatanni Magano magansi’rino.

![](https://cdn.door43.org/obs/jpg/360px/obs-en-26-10.jpg)

Hakkunni gedensaanni Yesuusi rosaanosiiti yinoonnire 12 manna doori. Soqqamaasinete yinoonninsahu Yesuusiwiinni rossinonna ledosi heedhino daafiraati.

*Qullaawu Maxaafi Dhagge:- Maatewoosi 4:12-25; Maarqoosi 1:14-15, 35-39, 3:13-21; Luqaasi 4:14-30, 38-44*

## 27. Danchu Samaarichi Dhagge

https://openbiblestories.org/l/sid/story-27/

![](https://cdn.door43.org/obs/jpg/360px/obs-en-27-01.jpg)

Mitto barra mittu seeru fullahi Ayihudichu Yesuusa fonqolara kae daye, <<Rosiisaancho, hegere heeshsho ragi’rate ma asso?>> yiisi. Yesuusi qole, Yesuusi qole, <<Maganu Seeri giddo mayine borreessinoonni?>> yii.

![](https://cdn.door43.org/obs/jpg/360px/obs-en-27-02.jpg)

Seeru fullahi, <<Maganu Seeri, <Mooticha Maganokki wo’mu wodanikkinni, wo’ma lubbokkinni, wo’ma wolqakkinni, wo’ma hedokkinni baxi. Jaalakkino umikki gede Assite baxi> yaanno>> yii. Yesuusi qole, <<Yoottori garaho! Atino konne coye assi; heeshsho afi’rattona>> yiisi.

![](https://cdn.door43.org/obs/jpg/360px/obs-en-27-03.jpg)

Seeru fullahi kayinni keeraancho ikkinota buuxi’rara hasi’re, <<Jaali’ya ayiti?>> yee xa’mi.

![](https://cdn.door43.org/obs/jpg/360px/obs-en-27-04.jpg)

Yesuusi seeru fullahira dhaggeessanni, <<Mittu Ayihudichi Yerusaalametenni kae Iyyarko ha’ri.

![](https://cdn.door43.org/obs/jpg/360px/obs-en-27-05.jpg)

Manchu ha’ranni hee’reenna addifulootu dagge si’usi. Noosire baala adhit ganatenni shite dalaginoha agurte hadhino.

![](https://cdn.door43.org/obs/jpg/360px/obs-en-27-06.jpg)

Hakkunni gedensaanni hakkawoyintenni mittu Ayihudichu qeesichi doogo hajamanni hakkaanni hige saino. Kuni amma’note sooreessi gannoonni mancholae shawwu yee sae ha’rino. Kaa’lo hasi’re noo mancho afanni hee’re agure doogosi ha’rino.

![](https://cdn.door43.org/obs/jpg/360px/obs-en-27-07.jpg)

Hakkunni gedensaanni lowo geeshshano keeshshikkinni, mittu Lewaawichu kae dayi. (Lewaawootu Ayihudete giddonni Qullaawa Mine qeesoota kaa’late doorantino ga’reeti.) Lewaawichuno mulqi’noonnihanna gannoonni mancho afanni hee’re shawwu yee wole doogo hige ha’rino.

![](https://cdn.door43.org/obs/jpg/360px/obs-en-27-08.jpg)

Hattenne doogo hige ha’rinohu mittu Samaarichaho. (Samaarootu wole gobba ledo adhantino Ayihudootaati. Kunnira Ayihudootu insa ledo dibaxantanno.) Ikkollana Samaarichu gannoonni Ayihudicha afi yannara lowo geeshsha mararinosi. Kunnira shiqqi yee kaa’le madano usurinosi.

![](https://cdn.door43.org/obs/jpg/360px/obs-en-27-09.jpg)

Hakkunni gedensaanni Samaarichu mancho duhe harrichisi aana wore wosinu galannowa masse towatinosi.

![](https://cdn.door43.org/obs/jpg/360px/obs-en-27-10.jpg)

Soodita Samaarichu doogosi hajama hasi’rino. Wosinu mini annira shiima woxe ee, <Towatisi; kawiinni sa’e fushshatto woxi hee’riro higeemmo woyite baateemmohena> yiino>> yiisi.

![](https://cdn.door43.org/obs/jpg/360px/obs-en-27-11.jpg)

Hakkunni gedensaanni Yessusi seeru fullahira, <<Tennera mayaatto? mulqi’noonnihuranna gannoonni sasunku giddo jaalu hiikkoonneeti?>> yee xa’misi. Isino, <<Mararisi manchooti>> yee dawari. Yesuusino, <<Atino hadhe hatto assi>> yee kulisi.

*Qullaawu Maxaafi Dhagge:- Luqaasi 10:25-37.*

## 28. Dureessa Wedellicha

https://openbiblestories.org/l/sid/story-28/

![](https://cdn.door43.org/obs/jpg/360px/obs-en-28-01.jpg)

Mitto barra mittu dureessu wedellichi Yesuusiwa daye, <<Shaqqado rosiisaancho, hegere heeshsho afi’rate ma asso?>> yee xa’mi. Yesuusi, << <Shaqqado> Mayira yaattoe? Shaqqadu mitto callaho; Isino Maganoho. Ati kayinni hegereheeshsho afi’ra hasi’rittoro Maganu hajajo wonshi>> yiisi.

![](https://cdn.door43.org/obs/jpg/360px/obs-en-28-02.jpg)

<<Hiittenne hajajo wonsho?>> yee xa’mi. Yesuusi, <<Shitooti, foortooti, moortooti, kaphitooti, annakkinna amakki ayirrisi, jaalakki umikki gede assite baxi>> yeeqolisi.

![](https://cdn.door43.org/obs/jpg/360px/obs-en-28-03.jpg)

Wedellichu qole, <<Anjenni kayise seera wo’manka agadhoommo. Hegere heeshsho afi’rate wole ma asso?>> yii. Yesuusi lae baxisi.

![](https://cdn.door43.org/obs/jpg/360px/obs-en-28-04.jpg)

Yesuusi, <<Guuta ikka hasi’rittoro noo jiro baala hirte woxe buxanete uyi; gordoho miinji’rattona. Hakkunni gedensaanni ane hoode amo>> yee dawarisi.

![](https://cdn.door43.org/obs/jpg/360px/obs-en-28-05.jpg)

Wedellichu, Yesuusi coyi’rinore macciishshe dureessa ikkinohuranna noosire baalasayise aa hasi’rinokki daafira lowo geeshsha yaadanni galagale ha’ri.

![](https://cdn.door43.org/obs/jpg/360px/obs-en-28-06.jpg)

Hatte yannara Yesuusi rosaanosira, <<Dureeyyete Maganu gashshoote ea lowoqarraati! Dureessu Maganu gashshoote eantenni gaalu marfete xulllo giddoonnihige sa”a shota coyeti>> yii.

![](https://cdn.door43.org/obs/jpg/360px/obs-en-28-07.jpg)

Rosaano Yesuusi coyi’rinore macciishshite masse, <<Hakkawoyiteetiro gatadandaannohu ayetiyya?>> yitu.

![](https://cdn.door43.org/obs/jpg/360px/obs-en-28-08.jpg)

Yesuusi rosaanosi widira hige lae, <<Kunne coye mannu didandaanno; Maganukayinni baalanka dandaanno>> yii.

![](https://cdn.door43.org/obs/jpg/360px/obs-en-28-09.jpg)

Pheexiroosi Yesuusa, <<Ninke baalankare agurre hoodekki ha’noommo. Waaginke maati>> yii.

![](https://cdn.door43.org/obs/jpg/360px/obs-en-28-10.jpg)

Yesuusi daware, <<Ane daafira minnasi, labbaa roduuwasi, meya roduuwasi, annasi, amasi woy jajjasi agurinohu xibbee ero afi’ranno. Hegere heeshshono ragi’ranno. Ikkollana balaxxinori haammatu gede’nitanno, gede’nitinori haammatubalaxxanno>> yii

*Qullaawu Maxaafi Dhagge:- Maatewoosi 19:16-30; Maarqoosi 10:17-31; Luqaasi 18:18-30.*

## 29. Maaro Afi’rannokki Borojjicho

https://openbiblestories.org/l/sid/story-29/

![](https://cdn.door43.org/obs/jpg/360px/obs-en-29-01.jpg)

Mitto barra Pheexiroosi Yesuusa, <<Rosiisaancho, rodii’ya sao assiero me”e higeagurosi? Lamala hige agurosini?>> yee xa’mi. Yesuusi, <<Lamalawo hige lamala ikkinnina lamala hige di”ikkino>> yiisi. Yesuusi hatto yaanno woyite sao agura Hasiissannota kulino yaate. Yesuusi kunni garinni hattenne dhagge coyi’re gudi.

![](https://cdn.door43.org/obs/jpg/360px/obs-en-29-02.jpg)

Yesuusi, <<Maganu gashshooti soqqamaanosi qorqorara hasi’rino moote lawanno. Soqqamaasinesi giddonni mittoho 10,000 birri geeshshi asali noosi.

![](https://cdn.door43.org/obs/jpg/360px/obs-en-29-03.jpg)

Kuni soqqamaanchi asale baata dandiinokki daafira moote, <<Asale baatanno konne manchonna maatesi hirre>> yii.

![](https://cdn.door43.org/obs/jpg/360px/obs-en-29-04.jpg)

Soqqamaanchu mootete albaanni uwe gombisame, <<Eeggatena shiimalla cincie; nooe asale gudise baaxxeemmona>> yii. Moote soqqamaanchosi marare, asale baalanka agurisi

![](https://cdn.door43.org/obs/jpg/360px/obs-en-29-05.jpg)

Ikkollana soqqamaanchu mootetewiinni fule ha’re, shoolu agani kiri geeshshi asalinoosihunni jaalasi ikkinohunni mittu soqqamaanchinni xaadi. Kuni soqqamaanchi hakkonne jaalasi amade, <Asale qolie> yiisi.

![](https://cdn.door43.org/obs/jpg/360px/obs-en-29-06.jpg)

Soqqamaanchu jaalisi albasiinni gombisame, <Eeggatena shiimalla cincie, nooe asale gudise baaxxeemmona> yiino. Isi kayinni soqqamaancho jaalasi asale baaxxa geeshsha fulannokki usursiisinosi.

![](https://cdn.door43.org/obs/jpg/360px/obs-en-29-07.jpg)

Wolootu soqqamaasineno ikkino coye affe lowo geeshsha fooggaltu. Ikkino coye baala marte mootete kultu.

![](https://cdn.door43.org/obs/jpg/360px/obs-en-29-08.jpg)

Mooteno soqqamaanchosi woshshe, <<Ati bushu soqqamaanchi! Huuccidheennae asalekki agurummohe. Atino hatto assa hasiissannohe>> yiisi. Moote lowo geeshsha hanqe, asale gudise baata geeshsha hakkonne busha soqqamaancho usursiisi.

![](https://cdn.door43.org/obs/jpg/360px/obs-en-29-09.jpg)

Hakkunni gedensaanni Yesuusi, <<Ki’ne mittu mittunku rodii’nera agura gibbiniro gordu Anni’ne ki’nerano diaguranno’ne>> yii

*Qullaawu Maxaafi Dhagge:- Maatewoosi 18:21-35.*

## 30. Yesuusi Onte Kume Manna Itisi

https://openbiblestories.org/l/sid/story-30/

![](https://cdn.door43.org/obs/jpg/360px/obs-en-30-01.jpg)

Yesuusi batinyu addi addi qachira kultanno gedenna manna rosiissanno gede Soqqamaasinesi soyi. Insa Yesuusi noowa higgu yannara, assitinore kultusi. Hakkunni gedensaanni Yesuusi baara tayisse ga’labbicha darga ledosi hadhanno gedenna shiima geeshsha fooliishshidhanno gede kulinsa. Kunnira yowolote giddora e’e baara widoonni fultu.

![](https://cdn.door43.org/obs/jpg/360px/obs-en-30-02.jpg)

Ikkollana yowolotenni hadhanni heedheenna Yesuusanna rosaanosi afinohu lowo manni no. Kuni manni insa balaxe sa”ara baaru gamira dodi. Kunnira Yesuusinna rosaanosi widoonni fultanno woyite, lowo manna balaxe sae hakkiicho insa agare no.

![](https://cdn.door43.org/obs/jpg/360px/obs-en-30-03.jpg)

Mannu meentonna ooso kiirrikkinni 5000 sa”anno labballooti. Yesuusi manna lowo geeshsha marari. Allaalaanchu nookkiha ballehino ge’reewi gede ikke no. Kunnira rosiisi kae giddonsa noo dhiwamaanono hursinsa.

![](https://cdn.door43.org/obs/jpg/360px/obs-en-30-04.jpg)

Hakko hashsha rosaanosi, <<Yanna hashshitinona muleno katamma dino. Itannore hidhanno gede manna ha’risi>> yite kultusi.

![](https://cdn.door43.org/obs/jpg/360px/obs-en-30-05.jpg)

Yesuusi kayinni rosaanosi, <<Itannore ki’ne uyiyyensa!>> yii. Insa qolte, <<Hatto assa maminni dandiinanni? Noonkehu onte buddeenchootinna lame qulxu’micho callaho>> yite dawartu.

![](https://cdn.door43.org/obs/jpg/360px/obs-en-30-06.jpg)

Yesuusi, <<Ontaa ontaa ikke hayissote aana ofollanno gede mannaho kulle>> yee rosaanosira kuli.

![](https://cdn.door43.org/obs/jpg/360px/obs-en-30-07.jpg)

Yesuusi onte buddeenchonna lame qulxu’micho haa’re gordo hige lae, sagaletedaafira Magano huucci.

![](https://cdn.door43.org/obs/jpg/360px/obs-en-30-08.jpg)

Hakkunni gedensaanni Yesuusi buddeenanna qulxu’micho haa’re hinkotenni qaserosaanosi mannaho uyitanno gede uyi. Rosaanosi sagale mannaho iillishshu; sagale horonta digooffino! Mannu baalunku ite duuwi.

![](https://cdn.door43.org/obs/jpg/360px/obs-en-30-09.jpg)

Rosaano gatino giggilo gamba assitu; gamba assitinohu tonaa lame soro kai!Kageeshsha baala ka’u sagale onte buddeenchootinna lame qulxu’michooti.

*Qullaawu Maxaafi Dhagge:- Maatewoosi 14:13-21; Maarqoosi 6:31-44; Luqaasi 9:10-17; Yohaannisi 6:5-15.*

## 31. Yesuusi Wayi Aanaanni Ha’ri

https://openbiblestories.org/l/sid/story-31/

![](https://cdn.door43.org/obs/jpg/360px/obs-en-31-01.jpg)

Yesuusi manna ha’risanni hee’reenna yowolote giddora e’e laaqidhanni widoonnifultanno gede rosaanosira kulinsa. Yesuusi manna ha’risihu gedensaanni huucci’rara ilaala fuli. Hakkiicho Yesuusi callisi no; hashshu taalooti geeshsha huucci’ri.

![](https://cdn.door43.org/obs/jpg/360px/obs-en-31-02.jpg)

Hatte yannara, rosaanosi yowolo laaqidhanni no; hashshu taalooti geeshsha baaru mereerolla iillitino. Insa widira qole lowo geeshsha bubbisanni noo daafira lowo qarrinni laaqidhanni no.

![](https://cdn.door43.org/obs/jpg/360px/obs-en-31-03.jpg)

Hakko mereero Yesuusi huuccattosi gude rosaanosiwa ha’ri. Wayi aanaanni ha’ranni baara tayise yowolonniwa mari!

![](https://cdn.door43.org/obs/jpg/360px/obs-en-31-04.jpg)

Rosaano Yesuusa affe lowo geeshsha waajjitu; insara ekera affinoha lawinonsa.Yesuusi waajjitinota afe, insa woshshe, <<Waajjitinoonte, aneetina!>> yiinsa.

![](https://cdn.door43.org/obs/jpg/360px/obs-en-31-05.jpg)

Hatte yannara Pheexiroosi Yesuusa, <<Rosiisaancho, ateetiro wayi aanaanni hige atewa dayemmo gede hajaji>> yii. Yesuusi Pheexiroosi, <<Amo!>> yiisi.

![](https://cdn.door43.org/obs/jpg/360px/obs-en-31-06.jpg)

Kunnira Pheexiroosi yowolote giddonni fule Yesuusiwa hige qaafi. Ikkollana shiimare qaafihu gedensaanni illesi Yesuusi aananni hooleenna dambala la”anna wolqaataame bubbe macciishsha hanafi.

![](https://cdn.door43.org/obs/jpg/360px/obs-en-31-07.jpg)

Hatte yannara Pheexiroosi waajjeenna wayi egemma hanafisi. <<Rosiisaancho,gatisie!>> yee raari. Yesuusi hakkawoyintenni hiixate angatenni amadisi. Hakkunni gedensaanni Pheexiroosi, <<Ammana xe’inohehu kuni, hanni mayira huluullamitto!>> yiisi.

![](https://cdn.door43.org/obs/jpg/360px/obs-en-31-08.jpg)

Pheexiroosinna Yesuusi yowolonniwa e’anni heedheennanni bubbe uurriteenna gabbi yii. Rosaanono dhaggeeffatte, <<Addaho ati Maganu Beettooti!>> yite Yesuusira kumbuultusi.

*Qullaawu Maxaafi Dhagge:- Maatewoosi 14:22-23, Maarqoosi 6:45-52, Yohaannisi 6:16-21.*

## 32. Yesuusi Battete Ayyaani Amadino Manchonna Dhiwantino Mancho Hursi

https://openbiblestories.org/l/sid/story-32/

![](https://cdn.door43.org/obs/jpg/360px/obs-en-32-01.jpg)

Mitto barra Yesuusinna rosaanosi yowolotenni baara tayisse Gergesenooni manni hee’ranno qacha martu

![](https://cdn.door43.org/obs/jpg/360px/obs-en-32-02.jpg)

Baara widoonni fultuta battete ayyaani amadinosi manchi dodanni Yesuusiwa dayi.

![](https://cdn.door43.org/obs/jpg/360px/obs-en-32-03.jpg)

Kuni manchi ayino ittisasira dandiinokki wolqaataamooti. Mannu angasinna lekkasi cagaagetenni usurino; cagaage kayinni tattayise hunanni qarrisino.

![](https://cdn.door43.org/obs/jpg/360px/obs-en-32-04.jpg)

Kuni manchi hakko qachira noo moogga giddo hee’ranno. Hashsha barra raaranni gale hosanna. Imaana diuddi’ranno; bisosi sammi yee ginnatenni huduuxxanno.

![](https://cdn.door43.org/obs/jpg/360px/obs-en-32-05.jpg)

Kuni manchi Yesuusiwa dayi yannara, alba hige uwe kumbuuli. Yesuusi Kiristoosi konne ayyaana, <<Manchu giddonni fuli!>> yii.

![](https://cdn.door43.org/obs/jpg/360px/obs-en-32-06.jpg)

Battete ayyaani noosi manchi qoonqosi naggi asse, <<Wo’munkura Aliidi Magani Beetto Yesuusa, ane ledo mayi noohe? Eeggatena shetissootie!>> yee raari. Hakkunni gedensaanni Yesuusi battete ayyaana, <<Su’mikki ayiti?>> yee xa’mi. Isi daware, <<Haammantoommona, su’mi’ya Legewooniiti>> yii. (Legewooni, Roomunnita lowo kume olanto amaddino gaamooti.)

![](https://cdn.door43.org/obs/jpg/360px/obs-en-32-07.jpg)

Battete ayyaani, <<Eeggatena kawiinni xeertissootinke!>> yite huuccidhusi. Hakko mule noo gaarira allaalloonni manchaame no. Kunnira battete ayyaani Yesuusa, <<Eeggatena tenne manchaamewa soyinke!>> yee huucci’ri. Yesuusino, <<Hadhe!>> yiinsa.

![](https://cdn.door43.org/obs/jpg/360px/obs-en-32-08.jpg)

Battete ayyaani Manchu giddonni fule manchaamete ei. Manchaame gaaru gaminni eela higge bitintirtaanni marte baaru giddo itantu. Manchaame kiiro 2000 geeshsha ikkitanno.

![](https://cdn.door43.org/obs/jpg/360px/obs-en-32-09.jpg)

Manchaamete allaalaasine konne coye la’e katama dodanni hadhe Yesuusi assinore manna baalaho hasaabbu. Katamu manni daye battete ayyaani fulisi mancho lai. Imaana uddi’re fayyo mancho ikke sammi yee ofolle no.

![](https://cdn.door43.org/obs/jpg/360px/obs-en-32-10.jpg)

Mannu lowo geeshsha waajjino daafira, Yesuusi hakkiinni ha’ranno gede xa’mitu.Kunnira Yesuusi yowolote ofolle ha’rara kai. Battete ayyaani fulinosi manchino Yesuusi ledo ha’rara huucci’ri.

![](https://cdn.door43.org/obs/jpg/360px/obs-en-32-11.jpg)

Yesuusi kayinni, <<Dee’nina, qaekki hadhe Maganu assinohere baalanna maarinohe gara jaallakkiranna ayiddikkira kuli>> yiisi.

![](https://cdn.door43.org/obs/jpg/360px/obs-en-32-12.jpg)

Kunnira manchu ha’re Yesuusi assinosire manna baalaho hasaawi. Konne coye macciishshinohu baalu dhaggenna maalale assi’ri.

![](https://cdn.door43.org/obs/jpg/360px/obs-en-32-13.jpg)

Yesuusi galagale baara widoonni fuli. Hakkiira iilli yannara lowo manni doyisse millo ho’lisi. Mannu mereero 12 diro mundee lalakkanna heedhino mancho no.Hursitannoe yite woxese baala xagisaanote baaxxite guddino; lexxinota ikkinnina dhibbu diwoyyinose.

![](https://cdn.door43.org/obs/jpg/360px/obs-en-32-14.jpg)

Yesuusi lowo dhiwamaasine hursinota macciishshitinohura, <<Yesuusi imaana kisummaro hureemma!>> yite heddino. Kunnira Yesuusira badheenni higge dagge uddanosi amaddino. Uddanosi amaddanni heedheennanni hakkawoyintenni mundeese uurritino!

![](https://cdn.door43.org/obs/jpg/360px/obs-en-32-15.jpg)

Hakkawoyintenni, Yesuusi giddosinni wolqa fultinota afi. Kunnira wirri yee lae, <<Kisiehu ayeti?>> yee xa’mi. Rosaanosi, <<Gaangeesse noohehunna xiiwanni noohe manni lowoho. <Ayi kisie?> mayira yaatto?>> yite dawartusi.

![](https://cdn.door43.org/obs/jpg/360px/obs-en-32-16.jpg)

Mancho lowo geeshsha waajjite huxidhanni dagge Yesuusi albaanni diriirtu. Hakkunni gedensaanni assitinorenna hurtinota kultusi. Yesuusi, <<Ammanakki gatissinohena ha’ri!>> yiise.

*Qullaawu Maxaafi Dhagge:- Maatewoosi 8:28-34, 9:20-22; Maarqoosi 5:1-20, 5:24-34; Luqaasi 8:26-39, 8:42-48.*

## 33. Baatto Loosi’rannohu Dhagge

https://openbiblestories.org/l/sid/story-33/

![](https://cdn.door43.org/obs/jpg/360px/obs-en-33-01.jpg)

Mitto barra Yesuusi Baaru gama lowo manna rosiisi. Yesuusi rosiisate dargu tola hooginohura wayi gama yowolote giddora e”e ofolla geeshsha macciishshate Lowo manni dayi. Isino manna yowolote aana ofolle rosiisi.

![](https://cdn.door43.org/obs/jpg/360px/obs-en-33-02.jpg)

Yesuusi, <<Mittu baatto loosi’rannohu wixa wixi’rara fuli. Wixa wixanna mitu mitu Doogote gama uwi; cea dagge hakkonne wixa gudisse ittu.

![](https://cdn.door43.org/obs/jpg/360px/obs-en-33-03.jpg)

Wolu wixi bushshu qawaaxxisinokkiwa carete aana uwi; ikkollana rumushshu baattote giddora raqqe ea didandiino. Arrishsho flute iibbitanno woyite, mu’ru qoore kae mooli.

![](https://cdn.door43.org/obs/jpg/360px/obs-en-33-04.jpg)

Wolu wixino utu giddo uwi. Kuni wixi mu’rino; ikkollana utu qalxe amadinosi. Kunnira utu giddo mu’rinohuno guma laala dindandiino.

![](https://cdn.door43.org/obs/jpg/360px/obs-en-33-05.jpg)

Wolu wixi kayinni dancha baatto aana uwino. Kuni wixi mu’reenna mittu 30, mittu 60, mittu 100 guma laalino. Macca noohu macciishsho!>> yii.

![](https://cdn.door43.org/obs/jpg/360px/obs-en-33-06.jpg)

Tini dhagge rosaanote leella gibbinonsa. Kunnira Yesuusi, <<Wixu Maganu qaaleeti. Doogote gami Maganu qaale macciishshanno manchooti; ikkollana diwodanchanno; Daawuloosi qaale giddosinni adhanno..

![](https://cdn.door43.org/obs/jpg/360px/obs-en-33-07.jpg)

Caraame baatto Maganu qaale macciishshe hagiirrunni adhanno manchooti.Ikkollana qarru woy xiiwama daggannosi woyite ammanasi aguranno

![](https://cdn.door43.org/obs/jpg/360px/obs-en-33-08.jpg)

Utaame baatto Maganu qaale macciishshanno manchooti; ikkollana gedensaanni tenne gobba hedo, jironna hagiirru Maganoho noosi baxille qalxanno. Kunninni kainohunni, macciishshino coyinni guma laala hooganno.

![](https://cdn.door43.org/obs/jpg/360px/obs-en-33-09.jpg)

Dancha baatto kayinni Maganu qaale macciishshe, ammanannonna guma laalanno manchooti.

![](https://cdn.door43.org/obs/jpg/360px/obs-en-33-10.jpg)

Dancha baatto kayinni Maganu qaale macciishshe, ammanannonna guma laalanno manchooti.

*Qullaawu Maxaafi Dhagge:- Maatewoosi 13:1-8, 18-23; Maarqoosi 4:1-8, 13-20;15፡፡ Luqaasi 8:4-15.*

## 34. Yesuusi Wole Dhaggeno Rosiisi

https://openbiblestories.org/l/sid/story-34/

![](https://cdn.door43.org/obs/jpg/360px/obs-en-34-01.jpg)

Yesuusi Maganu gashshooti daafira wole lowo dhagge rosiisino. Lawishshaho, <<Maganu gashshooti manchu gate wixi’rinoha shiima wixu guma labbanno.Kuni wixi wo’munkunni ajinoho

![](https://cdn.door43.org/obs/jpg/360px/obs-en-34-02.jpg)

Ikkollana mu’re lophi yannara gate noo haqqe baalanta rooreenna cea dagge fooliishshidhannoha ikkino>> yiino.

![](https://cdn.door43.org/obs/jpg/360px/obs-en-34-03.jpg)

Yesuusi wole dhaggeno coyi’ranni, <<Maganu gashshooti meyati massite gudisame hoqanno gede abbichu ledo karsiissino gamaancho labbanno>> yii.

![](https://cdn.door43.org/obs/jpg/360px/obs-en-34-04.jpg)

Qoleno, <<Maganu gashshooti mannu gate masse maaxi’rino xiinxo labbanno.Wolu manchi hattenne xiinxo afe galagalche madaarino. Lowo geeshsha hagiidhe ha’re noosire baala hire hakkonne gate hidhino>> yiino.

![](https://cdn.door43.org/obs/jpg/360px/obs-en-34-05.jpg)

Qoleno, <<Maganu gashshooti waaga lowo geeshsha iibbado ilka labbanno. Ilku daddalaasinchi konne ilka afi yannara noosire baala hire hidhino>> yiino.

![](https://cdn.door43.org/obs/jpg/360px/obs-en-34-06.jpg)

Hakkunni gedensaanni Yesuusi uminsa loosinni addaxxitannorenna wole manna mishshannorita mitu mitu dhagge kuli. Lamu manchi huuccattote Qullaawu Minira hadhu. Mittu qaraxaasinchoho; layinkihu amma’note sooreessaati.

![](https://cdn.door43.org/obs/jpg/360px/obs-en-34-07.jpg)

Amma’note sooreessi, <<Magano, wolootu gede mulqi’reemmoha, haxawarranna foora, qaraxaasincho ikkoommokki daafira galaxxeemmohe.

![](https://cdn.door43.org/obs/jpg/360px/obs-en-34-08.jpg)

Lamalate giddo lame hige qatume huucci’reemmo; afi’reemmo jajji baalunkunni Tonnunni mitte anga eemmo>> yaanni huucci’ri.

![](https://cdn.door43.org/obs/jpg/360px/obs-en-34-09.jpg)

Qaraxaasinchu kayinni, amma’note sooreessiwiinni fafe uurrino; gordo hige nafa dilaino. Angasinni gagaso ga’nanni, <Magano, ani cubbaataamohona,eeggate sao’ya agurie>> yaanni huucci’ri.

![](https://cdn.door43.org/obs/jpg/360px/obs-en-34-10.jpg)

Hatto yiihu gedensaanni Yesuusi, <<Halaale kuleemmo’nena, Maganu qaraxaasinchu huuccatto macciishshe keeraanchoho yiinosi. Amma’note sooreessi huuccatto kayinni dinaadino. Maganu isonoo ale kayisannoha baala shollishanno; isonoo heeshshi assannoha kayinni ayirrisanno>> yii.

*Qullaawu Maxaafi Dhagge:- Maatewoosi 13:31-33; Maarqoosi 4:30-32; Luqaasi 13:18-21; 18:9-14.*

## 35. Mararaanchu Anni Dhagge

https://openbiblestories.org/l/sid/story-35/

![](https://cdn.door43.org/obs/jpg/360px/obs-en-35-01.jpg)

Mitto barra Yesuusi lowo qaraxo gamba assitannorenna macciishshitara gamba yitinore woloota cubbaataamma rosiisanni no.

![](https://cdn.door43.org/obs/jpg/360px/obs-en-35-02.jpg)

Hakkiicho noori mitu mitu amma’note sooreeyye Yesuusi cubbaataamma jaallate gede gamba assi’ranna la’u; mittu mittunku mishshusi. Kunnira Yesuusi aante noo dhagge kulinsa.

![](https://cdn.door43.org/obs/jpg/360px/obs-en-35-03.jpg)

<<Lame ooso noosihu mittu manchi no. Maa’nu beetti annasi, << <Anna’ya, jajjikki goddonni anera iillannoeha xa uyie> yiino. Kunnira annu jajja lamunku beettira beehi.

![](https://cdn.door43.org/obs/jpg/360px/obs-en-35-04.jpg)

Maa’nu beetti hakkawoyintenni noore baala gamba assi’re xeerto gobba ha’re woxesi billaallise gudi.

![](https://cdn.door43.org/obs/jpg/360px/obs-en-35-05.jpg)

Hakkunni gedensaanni isi noo gobbara wolqaataame hude ubbu; sagale hidhanno Woxeno hoogino. Kunnira wole hooge manchaame maddarannoha ikkino. Lowo geeshsha hawaaxaminonna hudi’rino daafira manchaamete sagale ita halchino.

![](https://cdn.door43.org/obs/jpg/360px/obs-en-35-06.jpg)

Kuni beetti goofimarchoho, <Ani isi ma assanni noommo? Anni’ya soqqamaano baala sage itte duubbe gatisidhanna ani hudetenni reemmo. Anni’ya minira ha’resoqqamaanokki ledo kiirie yee huucci’reemmo> yiino.

![](https://cdn.door43.org/obs/jpg/360px/obs-en-35-07.jpg)

Kunnira maa’nu beetti gagale annisi minira higi. Xeertote daanni nooha afe annu mararinosi. Dode mare beettosi hanqafe sunqino.

![](https://cdn.door43.org/obs/jpg/360px/obs-en-35-08.jpg)

Beettu, <<Anna’ya, Maganunna ate aana sao assoommo. Beettokki ikkate dimaloommoho.

![](https://cdn.door43.org/obs/jpg/360px/obs-en-35-09.jpg)

Annu kayinni soqqamaanosi giddonni mittoho, <<Rakke marte beetti’yara maareekote imaana abbite uddisiisisi! Angasira qalawate lekkasira caamma worisi. Hakkunni gedensaanni intanni hagiidhineemmo gede hardino middicha abbitine gorre; kuni beetti’ya reyino; xa kune heeshshonniha ikkino; baino; xa kayinni leellino.

![](https://cdn.door43.org/obs/jpg/360px/obs-en-35-10.jpg)

Kunnira mannaho tashshi yiinsa. Lowo geeshsha keeshshikkinni loosoho ha’rinohu bayiru rodiisi kae dayi. Daanni hee’re muuziiqunna sirbu huuro macciishshe kuni maati ikka yee dhaggeeffati

![](https://cdn.door43.org/obs/jpg/360px/obs-en-35-11.jpg)

Bayiru beetti rodiisi dayino daafira hagiidhitanni noota afe, lowo geeshsha hanqi. minira nafa ea dihasi’rino. Annisi fule kae e”e insa ledo hagiidhanno gede huuccisi; isi kayinni giwoommo yiino.

![](https://cdn.door43.org/obs/jpg/360px/obs-en-35-12.jpg)

Kunnira annaho, <Konne diro baala atera ammaname loosoommohe! Hajajoottore horonta digiwoommo. Xaa geeshsha jaalla’ya ledo hagiidhammora mitto meichu wilii’licho nafa dioottoe. Afimala heeshsho hee’ranni woxekki gudinohu kuni beettikki minira higeenna hardino middicha gorroottosi>> yii.

![](https://cdn.door43.org/obs/jpg/360px/obs-en-35-13.jpg)

Annisi, <<Beetto’ya ati wo’manka woyite ane ledo nootto; nooeri baalu ateho. hagiidhanke kayinni garaho. Rodiikki reyino; xa kayinni heeshshonniha ikkino. baino; xa kayinni leellino>> yee dawarisi.

*Qullaawu Maxaafi Dhagge:- Luqaasi 15:11-32.*

## 36. Yesuusi Dani Wole Ikki

https://openbiblestories.org/l/sid/story-36/

![](https://cdn.door43.org/obs/jpg/360px/obs-en-36-01.jpg)

Mitto barra Yesuusi sase rosaano Pheexiroosi, Yaiqoobinna Yohaannisi haa’re huuccattote seeda ilaala fuli. (Yohaannisi yinoonni rosaanchi Yesuusa cuuiha di”ikkino.)

![](https://cdn.door43.org/obs/jpg/360px/obs-en-36-02.jpg)

Yesuusi huuccattote aana hee’reenna, albisi arrishshimma xawi; imaanisi waajji’re caabbichu gede xawi. Baattote aana ayino mucci asse afannokki garinni waajji’ri.

![](https://cdn.door43.org/obs/jpg/360px/obs-en-36-03.jpg)

Hakko heedheenna Musenna himanaanchu Eeliyaasi leeltu. Kuni manni xibbuunnikiirranni dirrara albaanni baattote aana heedhinoreeti. Muli yanna ganna giddo Yesuusi reyo Yerusaalamennite daafira ledosi hasaabbino.

![](https://cdn.door43.org/obs/jpg/360px/obs-en-36-04.jpg)

Musenna Eeliyaasi Yesuusi ledo hasaabbanni heedheenna Pheexiroosi Yesuusa, <<Ninkera konne hee’ra danchate. Mitto atera, mitto Museranna mitto Eeliyaasira ikkanno daase qanseemmo>> yii. Pheexiroosira coyi’nanniri bae noosi.

![](https://cdn.door43.org/obs/jpg/360px/obs-en-36-05.jpg)

Pheexiroosi coyi’ranni hee’reenna, xawadu gomichi dirre doyiseennansa gomichu giddoonni, <<Hagiirsiisannoehu baxeemmo Beetti’ya isooti>> yitanno huuro daggu. Sasente rosaano waajjite baattote aana ubbu. .

![](https://cdn.door43.org/obs/jpg/360px/obs-en-36-06.jpg)

Hakkawoyite Yesuusi angatenni amade, <<Waajjitinoontena ka’e>> yiinsa. Wirri yite la’anno woyite Yesuusa agurranna wolu noohu dino.

![](https://cdn.door43.org/obs/jpg/360px/obs-en-36-07.jpg)

Yesuusinna sasenti rosaano ilaalu aaninni dirritu. Hatte yannara Yesuusi, <<Konniicho ikkino coye ayerano kultinoonte. Ani tenne muli reemmo; galagaleno kaeemmo. Hakkunni gedensaanni mannaho kula dandiitinanni>> yiinsa.

*Qullaawu Maxaafi Dhagge:- Maatewossi 17:1-9; Maarqoosi 9:2-9; Luqaasi 9:28-36.*

## 37. Yesuusi Aliaazaari Reyotenni Kayisi

https://openbiblestories.org/l/sid/story-37/

![](https://cdn.door43.org/obs/jpg/360px/obs-en-37-01.jpg)

Mitto barra Yesuusi Aliaazaari lowo geeshsha dhiwaminota duduwo macciishshi. Aliaazaari roduuwi lamenti Maariyaaminna Maarta Yesuusiwa aananno. Yesuusi konne duduwo macciishshe, <<Kuni dhibbi Maganu ayirrinyiraati ikkinnina reyonniha di”ikkino>> yii. Yesuusi aantannosire baxanno; ikkollana noowa lame barra keeshshi.

![](https://cdn.door43.org/obs/jpg/360px/obs-en-37-02.jpg)

Lamu barri gedensaanni, Yesuusi rosaanosi, <<Ka’e Yihuda ha’nona>> yiinsa. Insa qolte, <<Rosiisaancho, shiimu barrira albaanni hakko noo manni shaahera hasanni noowe!>> yitu. Yesuusi, <<Baxillaanchinke Aliaazaari mugino; muganotenni kayisammosira ha’reemmo>> yiinsa.

![](https://cdn.door43.org/obs/jpg/360px/obs-en-37-03.jpg)

Yesuusi rosaano, <<Mooticha, Aliaazaari goxe nooha ikkiro higannosi>> yite yite dawartusi. Hatte yannara xawise, <<Aliaazaari reyino. Ki’ne ane ammantinanni gede hakkiicho hee’ra hooga’yara hagiidhoommo>> yee kulinsa.

![](https://cdn.door43.org/obs/jpg/360px/obs-en-37-04.jpg)

Yesuusi Aliaazaari ilamino katama iilli yannara, Aliaazaari reyinkunni shoole barra ikke no. Maarta Yesuusinni xaaddara flute, <<Mooticha, ati konniicho hee’roottoro rodii’ya reyannokkihu baino. Maganu kayinni huucci’roottore baala aannoheta ammaneemma>> yitu.

![](https://cdn.door43.org/obs/jpg/360px/obs-en-37-05.jpg)

Yesuusi qole, <<Ani kaotenna heeshshote. Ane ammanannohu baalu reyiro nafa heeshshonniha ikkanno. Ane ammanannohu baalu horonta direyanno. Konne ammanatta?>> yiise. Maarta dawarte, <<Mooticha! Ati Buuramootto Moote Maganu Beetto ikkoottota ammanoomma>> yitu.

![](https://cdn.door43.org/obs/jpg/360px/obs-en-37-06.jpg)

Hakkunni gedensaanni Maariyaamino fultu. Yesuusi lekka hunda ubbe, <<Mooticha, ati konniicho hee’roottoro, rodii’ya reyannokkihu baino>> yitu. Yesuusi, <<Aliaazaari hiikko wortinoonni?>> yee xa’minsa. <<Madaarroonni. Amo dagge lai!>> yitusi. Hakkunni gedensaanni Yesuusi wi’li.

![](https://cdn.door43.org/obs/jpg/360px/obs-en-37-07.jpg)

Waamma godaho; afooho kincho tu’noonni. Yesuusi waammanniwa shiqqi yee, <<Kincho gongo’mishshine hoolle>> yee coyi’rinsa. Maarta kayinni, <<Reyinkunni shoole barra ikkino. Xa bowanno>> yitu.

![](https://cdn.door43.org/obs/jpg/360px/obs-en-37-08.jpg)

Yesuusi, <<Ane ammanittaro Maganu ayirrinye la”attata dikuloommohe?>> yiise. Kunnira kincho gongo’mishshe hooltu.

![](https://cdn.door43.org/obs/jpg/360px/obs-en-37-09.jpg)

Hakkunni gedensaanni Yesuusi iima hige lae, <<Anna, macciishshattoe daafira galaxxeemmohe. Ati wo’manka woyite macciishshattoeta afoommo; kayinnilla ati soottoeta ammantanno gede konne uurre noo manni daafira yeti>> yii. Hakkunni gedensaanni Yesuusi, <<Aliaazaari, amo fuli!>> yee qoonqosi naggi asse coyi’ri.

![](https://cdn.door43.org/obs/jpg/360px/obs-en-37-10.jpg)

Kunnira Aliaazaari fuli. Kafannoonnisi garinni no. Yesuusi <<Ha’rona tirtine agurresi!>> yiinsa. Ayihudete giddonni haammatu tenne maalalenni kainohunni Yesuusa ammantu.

![](https://cdn.door43.org/obs/jpg/360px/obs-en-37-11.jpg)

Ayihudete amma’no sooreeyye kayinni hinaassu; kunnira Yesuusanna Aliaazaari shitanno gara ma’late mitteenni gamba yitu.

*Qullaawu Maxaafi Dhagge:- Yohaannisi 11:1-46.*

## 38. Yesuusa Sayisse Uyitu

https://openbiblestories.org/l/sid/story-38/

![](https://cdn.door43.org/obs/jpg/360px/obs-en-38-01.jpg)

Ayihude diru dirunkunni Agure Sa”ate Ayyaana ayirrissanno. Kuni ayyaani lowo haammatu xibbii dirira albaanni Maganu awurransa Gibitsete borojjimmanni asse gatisinonsa gara qaagate ayirrinsanniho. Yesuus balaxe faajjetenni kulanna rosiisa hanafihunni sasu diri gedensaanni, Agure Sa”ate Ayyaana insa ledo ayirrisate hasi’ri; hakkiicho shinannisitano rosaanosira kulinonsa.

![](https://cdn.door43.org/obs/jpg/360px/obs-en-38-02.jpg)

Yesuusi rosaano giddo mittu Yihuda yinanni manchi no. Yihudu soqqamaasinete woxe worranni ogoro agaranno. Woxe baxanno daafira ogoru giddonni baca hige woxe mooranno. Yesuusinna rosaanosi Yerusaalame iillituta, Yihudu Ayihudete sooreeyyewa mare Yesuusa woxe adhe sayise aansara sumuu yii. Yesuusi Buuramino Moote ikkinota Ayihudete sooreeyye ammana gibbe shitasira ma’litanni noota afi.

![](https://cdn.door43.org/obs/jpg/360px/obs-en-38-03.jpg)

Ayihudte sooreeyye Qeesootu Roorrichi albinsannansa, Yesuusa sayise aannonsa gede Yihudira sajjoo birra baattu. Kuni coyi himanaano himantino gede ikkino. Yihudi konne coye sumuu yii. Yesuusa sayise aannota injiitino yanna hasanni agari.

![](https://cdn.door43.org/obs/jpg/360px/obs-en-38-04.jpg)

Yerusaalamete, Yesuusi rosaanosi ledo Agure Sa”ate Ayyaana ayirrisi. Agure Sa”ate Ayyaani sagale yannara buddeena tayise hinkotenni qase, <<Hii’e konne itte. Kuni ki’nera aamamino maala’yaati. Konne qaaggote assidhe>> yii. Kunni garinni Yesuusi maalisi insa daafira kakkalamannota kulinsa.

![](https://cdn.door43.org/obs/jpg/360px/obs-en-38-05.jpg)

Hakkunni gedensaanni Yesuusi finiincho haa’re gotti asse, <<Konne agge. Cubbo agursiisate du’nantannoti haaru gondoori mundee’yaati. Konne qaaggote assidhe>> yii.

![](https://cdn.door43.org/obs/jpg/360px/obs-en-38-06.jpg)

Hakkunni gedensaanni rosaanosi, <<Ki’ne giddonni mittu ane sayise aannoe>> yiinsa. Rosaano massu. <<Togoo coye assannoju ayeti>> yitanni mimmito Xa’mitu. Yesuusi, <<Konne buddeencho tayise eemmosihu sayise aannoe>> yii. Hakkunni gedensaanni Yihudira buddeena uyisi.

![](https://cdn.door43.org/obs/jpg/360px/obs-en-38-07.jpg)

Yihudi beddeena adhihu gedensaanni Sheexaanu eisi. Yihudu Yesuusa Amaddanno gede Ayihudete sooreeyyera kulara ha’ri. Yannano hawarrooti.

![](https://cdn.door43.org/obs/jpg/360px/obs-en-38-08.jpg)

Yesuusinna rosaanosi hurbaate ittuhu gedensaanni Ejedhete Ilaala hadhu. Yesuusi, <<Techo hawarro baalunku agurtinannie. <Allaalaancho ganeemmo, ge’reewuno billaallanno> yine borreessinoonni>> yii.

![](https://cdn.door43.org/obs/jpg/360px/obs-en-38-09.jpg)

Pheexiroosi, <<Wolootu agurtuhero nafa ani badhe wodheemmohe!>> yee dawari. Yesuusi Pheexiroosira, <<Sheexaanu baalanka adha’nera hasi’ranno; ikkollana ammanakki daafurtannokki gede huuccoommohe. Hatto ikkirono konne hashshalukkichu ganara albaanni sase higge <<Diegennoommosi>> yaattoe yii.

![](https://cdn.door43.org/obs/jpg/360px/obs-en-38-10.jpg)

Hatte yannara Pheexiroosi Yesuusira, <<Reyo nafa ikkiteenna horo badhe diwodheemmohe>> yiisi. Wolootuno hattonni yitino. .

![](https://cdn.door43.org/obs/jpg/360px/obs-en-38-11.jpg)

Hakkunni gedensaanni Yesuusi rosaanosi ledo Geetesemaani yinanniwa ha’rino. Yesuusi jifotenni gatate huuccidhanno gede rosaanosira kulinsa. Hakkunni gedensaanni Yesuusi callisi huucci’rara ha’ri.

![](https://cdn.door43.org/obs/jpg/360px/obs-en-38-12.jpg)

Yesuusi sase hige huucci’rino; <<Anna’ya, dandaamiro konne qarra adheemmokki gede assi. Manna gatinsanniti wole doogo hoogguro kayinni, Ati yootto gede ikkona>> yii. Yesuusi lowo geeshsha yaadi. Hunkuu mundeete gede ikke coccoi. Maganu jawaachishannosi sokkaasincho soyi.

![](https://cdn.door43.org/obs/jpg/360px/obs-en-38-13.jpg)

Mitte mittente huuccattote yanna gedensaanni, Yesuusi rosaanosiwa marro marrohige marino. Insa kayinni maranno woyite goxxe no. Sayikkimeeshsho higitera kayinni, <<Ka’e! Sayise aannoehu kune dayino>> yii.

![](https://cdn.door43.org/obs/jpg/360px/obs-en-38-14.jpg)

Yihudi Ayihudetesooreeyye, gaaddotenna wolu lowo manni ledo kae day. Bisenna dulla anga adhite no. Yihudu Yesuusiwa shiqqi yee, <<Rosiisaancho, keeru ledokki hee’ro>> yee sunqisi. Hatto assinohu Ayihudete gashshaana ewelumma Afate qarrantannokki gede malaatisateeti. Hakkunni gedensaanni Yesuusi, <<Yihuda, sanqite sayisse aattoe?>> yii.

![](https://cdn.door43.org/obs/jpg/360px/obs-en-38-15.jpg)

Gaaddo Yesuusa amaddanni heedheennanni, Pheexiroosi bise fushshe Qeesootu Roorrichi soqqamaancho gane macca tayisi. Yesuusi, <<Bisekki kou giddora qoli! Woleteemmero gargartannoe gede sokkaasine soyaera Anna’ya xa’mi’ra dandeemmo>> yiisi. Hakkunni gedensaanni Yesuusi manchoho macca hursi.

*Qullaawu Maxaafi Dhagge: Maatewoosi 26:14-56; Maarqoosi 14:10-50; Luqaasi 22:1-53; Yohaannisi 12:6; 18:1-11.*

## 39. Yesuusa Yoote Shiqishshusi

https://openbiblestories.org/l/sid/story-39/

![](https://cdn.door43.org/obs/jpg/360px/obs-en-39-01.jpg)

Xa yanna hashshu taalooteeti. Qeesootu Roorrichi xa’masira gaaddo Yesuusa haadhe minisira massitusi. Pheexiroosi xeerti’re ha’runsanni no. Yesuusa qeesootu Roorrichi minira eessitusita, Pheexiroosi gobbaanni gate giira giwaa’ranni no.

![](https://cdn.door43.org/obs/jpg/360px/obs-en-39-02.jpg)

Mine Ayihudete sooreeyye Yesuusa yoote shiqishshino. Beebba coyidhannore kaphu naqaashshe haadhe abbitu. Ikkollana, qaalinsa mimmitu ledo dixaadino; Kunnira, Ayihudete sooreeyye Yesuusi sao assinoronna hooginoro buuxateqarrantu.

![](https://cdn.door43.org/obs/jpg/360px/obs-en-39-03.jpg)

Goofimarchoho, Qeesootu Roorrichi Yesuusa qixxi asse lae, <<Hanni kulinke ati Buuramootto Moote Maganu Beettooti?>> yiisi.

![](https://cdn.door43.org/obs/jpg/360px/obs-en-39-04.jpg)

Yesuusi, <<Aneeti; Maganu ledo ofollannanna gordunni daanna la”atto>> yiisi. Qeesootu Roorrichi hanqe uddanosi dare woloota amma’note sooreeyye, <<WoleNaqaashshe dihasiissanno! <Ani Maganu Beettooti> yaanna macciishshitinoonni. Xa mayitinanni?>> yee canci.

![](https://cdn.door43.org/obs/jpg/360px/obs-en-39-05.jpg)

Ayihudete sooreeyye baalunku, <<Reya hasiissannosi!>> yite Qeesootu Roorrichira dawartu. Hakkunni gedensaanni albasi fugge, anja tuffusi; gantusi; qacifattusi.

![](https://cdn.door43.org/obs/jpg/360px/obs-en-39-06.jpg)

Pheexiroosi gobbaanni galaalchanni hee’reenna mine soqqantanno beetto la’e,<<Atino Yesuusi ledo noottoho!>> yitusi. Pheexiroosi ise yitinota diammanino.Hakkunni gedensaanni wole soqqamaanchono dagge hattonni yitinosi; Pheexiroosi xaano diammanino. Goofimarchoho mannu, <<Lamunku Galiilunnire ikkitinoonni daafira atino Yesuusi ledoha ikkakki anfoommo>> yitu.

![](https://cdn.door43.org/obs/jpg/360px/obs-en-39-07.jpg)

Hakkunni gedensaanni Pheexiroosi, <<Konne mancho egennoommoha ikkiro Maganu rumo iillitoe!>> yee xaari. Hakko mereero lukkichu boroodi; Yesuusi caaqqi yee Pheexiroosi lai.

![](https://cdn.door43.org/obs/jpg/360px/obs-en-39-08.jpg)

Pheexiroosi ha’re hururame wi’li. Tenne giddo Yesuusa sayise uyi Yihudi Ayihudete sooreeyye Yesuusi reyanno gede yoo yitinota afi. Dadillu egemmeennasi ha’re qalxi’re reyi.

![](https://cdn.door43.org/obs/jpg/360px/obs-en-39-09.jpg)

Layinki soodo guto Ayihudete sooreeyye Yesuusa haadhe Roomu gashshaanchiwa massitu. Philaaxoosi sao noosi yee reyanno gede assanno yite heddino. Philaaxoosi Yesuusa, <<Ati Ayihudete mooteetiini?>> yee xa’misi.

![](https://cdn.door43.org/obs/jpg/360px/obs-en-39-10.jpg)

Yesuusi daware, <<Atinni diyiitto; ikkollana gashshooti’ya tenne baattoha di”ikkino. Hatto ikkoommero, soqqamaano’ya gaarantannoe. Maganu daafira halaale coyi’rate tenne gobba dayommo. Halaale baxannohu baalu ani yeemmoremacciishshanno>> yii. Philaaxoosi qole, <<Halaalu maati?>> yii.

![](https://cdn.door43.org/obs/jpg/360px/obs-en-39-11.jpg)

Philaaxoosi Yesuusi ledo hasaawihu gedensaanni mannunniwa daye, <<Kunni manchi aana mitte saono diafoommo>> yii. Ayihudete sooreeyye kayinni, <<Suti!>> yitanni cancitu. Philaaxoosi kayinni, <<Sao dinosi>> yee dawarinsa.Insa kayinni ledde cancitu. Hakkunni gedensaanni Philaaxoosi sayikkimeeshsho, <<Sao dinosi>> yii.

![](https://cdn.door43.org/obs/jpg/360px/obs-en-39-12.jpg)

Philaaxoosi mannu cancamanno yee waajjino; kunnira Yesuusa suttanno gedeGaaddo hajaji. Roomu gaaddo Yesuusa gante duume uddanno uddisiissinosi;utu ba’latto umoho wortinosi. Hakkunni gedensaanni, <<Kuneeti, Ayihudete moote!>> yitanni qacifattusi.

*Qullaawu Maxaafi Dhagge:- Maatewoosi 26:57-27:26; Maarqoosi 14:53-15; 15; Luqaasi 22:54-23:25; Yohaannisi 18:12-19:16.*

## 40. Yesuusi Sutami

https://openbiblestories.org/l/sid/story-40/

![](https://cdn.door43.org/obs/jpg/360px/obs-en-40-01.jpg?direct&)

Gaaddo Yesuusa qacifattuhu gedensaanni, suttara haadhe hadhusi. Suntannisi dawe duhanno gedeno assitusi.

![](https://cdn.door43.org/obs/jpg/360px/obs-en-40-02.jpg?direct&)

Gaaddo Yesuusa, <<Umu qooncho>> yinanniwa massite angasinna lekkasi masiqalu aana ladditu. Yesuusi kayinni, <<Anna, diaffe assitanni noonaagurinsa>> yii. Philaaxoosi masiqalu aana umaalloonni, <<Ayihudtete moote>> yine borreessinanni gede hajaji.

![](https://cdn.door43.org/obs/jpg/360px/obs-en-40-03.jpg)

Gaaddo Yesuusi uddanora hixa tuqqitu. Hatto assitu yannara, <<Uddanna’ya beeqqitu; uddano’yara hixa tuqqitu>> yaanno himana wonshitu.

beeqqitu; uddano’yara hixa tuqqitu>> yaanno himana wonshitu.

![](https://cdn.door43.org/obs/jpg/360px/obs-en-40-04.jpg?direct&)

Yesuusi lamu addifulooti mereero sutamino. Mittichu Yesuusa qacifatita, wolu kayinni, <<Ati Magano diwaajjatto? Ninke assinoommo beebba amaddinonke; kuni manchi kayinni mitte saono diloosino>> yii. Hatto yee kae Yesuusa, <<Eeggatena gashshootikkira habbootie>> yii. Yesuusi, <<Techonni ane ledo Gannate eatto>> yee dawarisi.

![](https://cdn.door43.org/obs/jpg/360px/obs-en-40-05.jpg?direct&)

Ayihudete sooreeyyenna mannu mereero noori wolootu Yesuusa qacifattanni,<<Ati Maganu Beettootiro hanni masiqalu aaninni dirrite umokki gatisi! Hakkunni gedensaanni ammanneemmohena>> yitusi.

![](https://cdn.door43.org/obs/jpg/360px/obs-en-40-06.jpg?direct&)

Hatte yannara barru taaloote ikke hee’reennanni gobba gudisante tunsitu. Barru taalootinni kayise honse saate geeshsha tunse keeshshi.

![](https://cdn.door43.org/obs/jpg/360px/obs-en-40-07.jpg?direct&)

Hakkunni gedensaanni Yesuusi qoonqosi naggi asse, <<Xaate ikkino! Anna,lubbo’ya angakki wodhoommo>> yii. Hakkunni gedensaanni umo heeshshi yeenna foolu fulisi. Reyi yannara baatto huxidhu; Qullaawa Mine nooti manna Maganuwiinni baddanno dukko alinni eeli geeshsha dadhante lamewa fultu

![](https://cdn.door43.org/obs/jpg/360px/obs-en-40-08.jpg?direct&)

Yesuusi reyo widoonni qole Maganu mannaho doogo faninonsa. Yesuusa Agare noo gaaddichi ikkino coye lae, <<Addaho kuni manchi sao diloosino. Isi Maganu Beettooti>> yii.

![](https://cdn.door43.org/obs/jpg/360px/obs-en-40-09.jpg?direct&)

Hatte Yesuusi Buuramino Moote ikkinota ammantinori lamu Ayihudete sooreeyye Yooseefinna Niqoodimoosi, Yesuusi reeshsha aannonsa gede Philaaxoosihuuccidhu. Reeshshasi uddanotenni kafante kincho kurkurre seekkinoonni waamma giddo wortu. Hakkunni gedensaanni faro waammate albaanni nookinchinni cuffu.

*Qullaawu Maxaafi Dhagge:- Maatewoosi 27:27-61; Maarqoosi 15:16-48; Luqaasi 23:26-56; Yohaannisi 19:17-42.*

## 41. Maganu Yesuusa Reyotenni Kayisisi

https://openbiblestories.org/l/sid/story-41/

![](https://cdn.door43.org/obs/jpg/360px/obs-en-41-01.jpg)

Gaaddo Yesuusa suttuhu gedensaanni, ammantinokkiri Ayihudete sooreeyye Philaaxoosi, <<Hakku dogaanchu Yesuusi yiino. Rosaanosi reeshshasi moorte yitannokki gede agara hasiissanno>> yitusi.

![](https://cdn.door43.org/obs/jpg/360px/obs-en-41-02.jpg)

Philaaxoosi, <<Mitto mitto gaaddicha massitnanni waamma agaranno gede asse>> yii. Kunnira waammate afiira noo kunchi aana maatama gante reeshshaayino haa’rannokki gede assate hakkiicho gaaddo uurrissu.

![](https://cdn.door43.org/obs/jpg/360px/obs-en-41-03.jpg)

Yesuusi sutami barrira aane noo Fooliishshote Barraati. Ayihude hakko barra Waammanniwa martara diuyinanninsa. Kunnira Fooliishshote Barri gedensaanni layinki soodo meentu Yesuusi reeshshira shitto kiifara waammanniwa ha’rara kai.

![](https://cdn.door43.org/obs/jpg/360px/obs-en-41-04.jpg)

Hedeweelcho baatto lowo geeshsha huxidhu. Banqote gede bilicci yaanno sokkaasinchi gordu aana leelli. Waamma e’nanniwa tu’noonni kincho gongo’mishe hoole aanaho ofolli. Waamma agarte noo gaaddo waajjite reyinohu gede ikkite baattote aana diriirtu.

![](https://cdn.door43.org/obs/jpg/360px/obs-en-41-05.jpg)

Meentu waammanniwa iillanno woyite sokkaasinchu, <> yee kulinsa. Meentu waamma giddo qole Yesuusi reeshsha worroonniwa lai. La’anno woyite giddo dino.

![](https://cdn.door43.org/obs/jpg/360px/obs-en-41-06.jpg)

Hakkunni gedensaanni sokkaasinchu meentoho, <<Hadhine, yiiyyensa>> yee kulinsa.

![](https://cdn.door43.org/obs/jpg/360px/obs-en-41-07.jpg)

Meento waajjillunna hagiirru egemminsa. Hagiirre rosaanote kulara dodanni ha’ri.

![](https://cdn.door43.org/obs/jpg/360px/obs-en-41-08.jpg)

Meentu hagiirre rosaanote kulara ha’ranni hee’reenna doogo Yesuusi leellinsa; insano Isira kumbuuli. Yesuusi, <<Waajjitinoonte. Galiila sa’anno gede rosaano’yara kullensa. Hakkiicho affannoena>> yiinsa.

*Qullaawu Maxaafi Dhagge:- Maatewoosi 27:62-28:15; Maarqoosi 16:1-11; Luqaasi 24:1-12; Yohaannisi 20:1-18*

## 42. Yesuusi Gordo Ha’ri

https://openbiblestories.org/l/sid/story-42/

![](https://cdn.door43.org/obs/jpg/360px/obs-en-42-01.jpg?direct&)

Yesuusi reyotenni kai barra rosaanosi giddonni lamu mulensa noo katama

hadhanni no. Hadhanni heedhe, Yesuusi aana ikkino coyire hasaabbanni no. Iso

Buuramino Mooteeti yite hexxitino; hatto hedde heedheenna iso shinoonni.

Meentu kayinni xa, <<Reyotenni kaino>> yiino. Lamunku rosaano maricho

ammantannoro diaffino.

![](https://cdn.door43.org/obs/jpg/360px/obs-en-42-02.jpg?direct&)

Yesuusi insawa gamba yee ledonsa ha’ri; insa kayinni dibuuxxinosi. Maricho

hasaabbanni nooro xa’minsa; insane sa’u barruwara Yesuusi aana ikkitino

dhagge baala kultusi. Yerusaalamete ikkinore afinokki wosinchi ledo hasaabbanni

nooha lawinonsa

![](https://cdn.door43.org/obs/jpg/360px/obs-en-42-03.jpg?direct&)

Hakkunni gedensaanni Yesuusi, Buuramino Moote daafira Maganu qaali yiinore

xawise kulinsa. Buuramino Moote qarra adhannotanna shinannisita sayikki barra

kayinni ka”annota himanaano coyidhinore qaagiissinsa. Lamunku galtanno katama

iillitu yannara leeshshara leeshshi yee no.

![](https://cdn.door43.org/obs/jpg/360px/obs-en-42-04.jpg?direct&)

Lamunku insa ledo galanno gede koyissusi; Isino maahoyye yii. Hurbaate ittara

qixxaabbanno yannara Yesuusi buddeena gotti asse Magano galati; hakkunni

gedensaanni hinkotenni qase aannonsa woyite konne mereeronni Yesuusa

ikkinota affu. Isi kayinni tenne giddo albinsanni shawwu yii.

![](https://cdn.door43.org/obs/jpg/360px/obs-en-42-05.jpg?direct&)

Lamunku mannooti mimmitoho, <<Yesuusaati! Maganu qaale xawisannonke

woyite wodanu bukki bukki yaannonkehu hada kunniraati!>> yitu. Hakkawoyintenni

galagalte Yerusaalame higgu. Hakkiira iillite rosaanote, <<Yesuusi lubbotenni no!

La’noommo!>> yite kultunsa.

![](https://cdn.door43.org/obs/jpg/360px/obs-en-42-06.jpg?direct&)

Rosaanosi hasaabbanni heedheenna, Yesuusi hedeweelcho insa noowa e”e

mereeronsa leelle, <<Keeru ki’ne ledo hee’ro!>> yiinsa. Rosaanote ayyaana

la’inoha lawinonsa; Yesuusi kayinni, <<Mayira waajjitinanni huluullantinanni?

anga’yanna lekka’ya la’e! Ayyaanu ane gede biso diafi’rino>> yiinsa. Ayyaana

ikkinokkita buuxisansara yee intannire uyitannosi gede xa’mino. Insane mitto du’rinshoonni qulxu’micho uyiteennasi haa’re iti.

![](https://cdn.door43.org/obs/jpg/360px/obs-en-42-07.jpg?direct&)

Yesuusi, <<Maganu qaali giddo ane daafira borreessinoonniri baalu wo’ma

hasiissanno yee kuloommo’ne>> yii. Hatte yannara Maganu qaale wodanchitanno

gede wodana faninsa. <<Muse qarra adheemmota, reemmota, sayikki barra

reyotenni kaeemmota seedu diri albaanni borreessino>> yiinsa.

![](https://cdn.door43.org/obs/jpg/360px/obs-en-42-08.jpg?direct&)

Qoleno Qullaawa Borro giddo cubbo agurrannisi gede mannu aagintaawa

hasiissannota rosaano kultanno gedeno borreessinoonni. Insa Yerusaalametenni

kayisse konne coye assitanno; hakkunni gedensaanni wo’mankawa noo gosa

baalanniwa hadhanno. Ki’ne konne coye farcidhinannireeti.

![](https://cdn.door43.org/obs/jpg/360px/obs-en-42-09.jpg?direct&)

Shuyillawu barri aane noohu giddo Yesuusi haammata hige rosaanosira leellino.

Mitte hige 500 roorino mannira leellino. Lubbotenni noota baca doogonni

rosaanosira buuxisinonsa. Maganu gashshootireno rosiisinonsa.

![](https://cdn.door43.org/obs/jpg/360px/obs-en-42-10.jpg?direct&)

Yesuusi rosaanosira, <<Roorre baala gordohonna baattote uyinoonnie. Kunnira,

hadhine manna baala Annu, Beettu, Qullaawu Ayyaaninni cuu’inanni

hajajoommo’nere baala agadhitanno gede rosiissinanninsa rosaano’ya assensa.

Gobbate qacce geeshsha ani ki’ne ledo noommota habbinoonte>> yiinsa.

![](https://cdn.door43.org/obs/jpg/360px/obs-en-42-11.jpg?direct&)

Yesuusi reyotenni kaihunni shoyillawu barru gedensaanni, <<Qullaawu Ayyaani

dirreenna wolqa uddidhina geeshsha Yerusaalamete agarre>> yiinsa. Hakkunni

Gedensaanni Yesuusi fule gordo ha’ri. Albinsanni gomichu shawwu assisi.

Yesuusi kalaqama baala gashshate Maganu qiniiteenni ofolli.

*Qullaawu Maxaafi Dhagge:- Maatewoosi 28:16-20; Maarqoosi 16:12-20; Luqaasi 24:13-53; Yohaannisi 20:19-23; Soqqamaasine 1:1-11.*

## 43. Beetekiristaanete Xintama

https://openbiblestories.org/l/sid/story-43/

![](https://cdn.door43.org/obs/jpg/360px/obs-en-43-01.jpg?direct&)

Yesuusi gordo higihu gedensaanni, rosaano Yesuusi hajajinonsa garinni Yerusaalamete agartu. Hakkiicho noo ammanaano murtukkinni huucci’rate gamba yitanno.

![](https://cdn.door43.org/obs/jpg/360px/obs-en-43-02.jpg?direct&)

Ayihude diru dirunkunni Agure Sa”ate Ayyaanira 50 barri gedensaanni Phenxeqosxete yinanni barra ayirrissanno. Phenxeqosxe Ayihude Gide Gamba Assi’nanni Ayyaana ayirrisidhanno ayyaanaati. Phenxeqosxete Ayyaana mitteenni ayirrisate Ayihude kalqe baalatenni dagganno. Konne diro Yesuusi gordo higihunni mitte lamala gedensaanni Phenxeqosxete barri dayi.

![](https://cdn.door43.org/obs/jpg/360px/obs-en-43-03.jpg?direct&)

Ammanaano baalanti mitteenni gamba yite heedheenna, hedeweelcho huuro labbannoti wolqaataame bubbe insa noo mine wo’mitu. Hakkunni gedensaanni ammanaasine baalante aana giirate buwano lawannori leelli. Baalunkura Qullaawu Ayyaani wo’meenna wolu afiinni coyi’ra hanaffu.

![](https://cdn.door43.org/obs/jpg/360px/obs-en-43-04.jpg?direct&)

Yerusaalamete noo manni tenne huuro macciishshe, ikkanni noo coye la”ate haammate dayi. Ammanaano Maganunniha dhaggete looso kultanni macciishshino manni konne coye uminsa afiinni macciishsha danddino daafira dhaggeeffati.

![](https://cdn.door43.org/obs/jpg/360px/obs-en-43-05.jpg?direct&)

Mitu mitu manni, <<Rosaano dimbite ikkitanni no>> yee bushiishinonsa. Ikkollana Pheexiroosi kae uurre, <<Macciishshe”e! Kuni manni didimbino! MaganuHimanaanchu Iyyueeli widoonni qole <Goofimarchu yannara Ayyaana’ya duneemmo!> yiino himani wo’manni no.

![](https://cdn.door43.org/obs/jpg/360px/obs-en-43-06.jpg?direct&)

Israeelete manna, ki’ne la’inoonninna albaannino affinoonninte gede Yesuusi Maganu wolqanni haammata dhaggenna maalale loosino. Ki’ne kayino Iso

*

![](https://cdn.door43.org/obs/jpg/360px/obs-en-43-07.jpg?direct&)

Yesuusi reyiro nafa Maganu reyotenni kayisinosi. Kuni coyi ikkinohu, <Qullaawakki waammate giddo hoqara worte diagurattosi> yinoonni himani wo’manno gedeeti. Maganu Yesuusa heeshshonniha asse kayisasira ninke naqaashshete

![](https://cdn.door43.org/obs/jpg/360px/obs-en-43-08.jpg?direct&)

Ammanaano baalanti mitteenni gamba yite heedheenna, hedeweelcho huurolabbannoti wolqaataame bubbe insa noo mine wo’mitu. Hakkunni gedensaanni ammanaasine baalante aana giirate buwano lawannori leelli. Baalunkura Qullaawu Ayyaani wo’meenna wolu afiinni coyi’ra hanaffu.

![](https://cdn.door43.org/obs/jpg/360px/obs-en-43-09.jpg?direct&)

Ki’ne konne Yesuusa suttinoonni. Ikkollana Maganu Yesuusa Mootichanna Buuramino Moote assinosita affe!>> yiinsa.

![](https://cdn.door43.org/obs/jpg/360px/obs-en-43-10.jpg?direct&)

Pheexiroosi yiinore macciishshiture coyi’rino coyi lowo geeshsha milli assinonsa. Kunnira Pheexiroosinna rosaano, <<Roduuwanke, ninke ma”assino?>> yite xa’mitu.

![](https://cdn.door43.org/obs/jpg/360px/obs-en-43-11.jpg?direct&)

Pheexiroosi, <<Maganu cubbo’ne aguranno’ne gede mittu mittunku aagintaabbine Yesuusi su’minni cuuamme. Hakkunni gedensaanni Isi Qullaawu Ayyaani afansha aanno’ne>> yiinsa.

![](https://cdn.door43.org/obs/jpg/360px/obs-en-43-12.jpg?direct&)

3000 ikkanno manni Pheexiroosi coyi’rino coye ammane Yesuusi rosaano ikki. Kuni manni cuuame Yerusaalamete Beetekiristaane miila ikki.

![](https://cdn.door43.org/obs/jpg/360px/obs-en-43-13.jpg?direct&)

Rosaano uurrissannokkiha Soqqamaasine rosiissannore macciishshitu. Mitteenni waartu. Mitteenni ittu. Mimmitoho huuccitu. Mitteenni Magano galaxxitu; noonsare baala mitteenni beeqqitu. Mannu baalunku insa daafira danchumma hedanno.Barru barrunkunni lowo manni ammani.

*Qullaawu Maxaafi Dhagge:- Soqqamaasinete Looso 2.*

## 44. Pheexiroosinna Yohaannisi Huucci’raancho Mancho Hursitu

https://openbiblestories.org/l/sid/story-44/

![](https://cdn.door43.org/obs/jpg/360px/obs-en-44-01.jpg?direct&)

Mitto barra Pheexiroosinna Yohaannisi Qullaawu Minira hadhu. Qullaawu Mini waalcho iillitanno woyite mitto woxe huucci’rannoha laanshaawa mancho affu.

![](https://cdn.door43.org/obs/jpg/360px/obs-en-44-02.jpg?direct&)

Pheexiroosi konne laanshaawa mancho lae, <<Eemmohehu mittu woxi dinoe. Nooeha eemmohe. Yesuusi su’minni ka’e ha’rami!>> yiisi.

.

![](https://cdn.door43.org/obs/jpg/360px/obs-en-44-03.jpg?direct&)

Hakkawoyintenni Maganu laanshshawa mancho hursisi; kae ha’ranna kubba, Maganono galaxxa hanafi. Qullaawu Mini hoowe giddoonni noo manni dhaggeeffati.

![](https://cdn.door43.org/obs/jpg/360px/obs-en-44-04.jpg?direct&)

Mannu konne hurino mancho la”ara rahe gamba yii. Pheexiroosi, <<Kuni manchi hurino daafira dhaggeeffattinanni? Uminke wolqanni woy danchummankenni Dihursinoommosi. Mancho hursitinoti Yesuusi wolqaatinna isi aanno ammanaati.

![](https://cdn.door43.org/obs/jpg/360px/obs-en-44-05.jpg?direct&)

Yesuusa shaanno gede Roomu gashshaanchira kultinoonniri ki’neeti. Heeshsho xintinoha shitinoonni; Maganu kayinni reyotenni kayisinosi. Assitinoonni coyi gara ikka hoogirono, Buuramino Moote qarra adhannonna reyanno gede kulloonni himani wo’manno gede ki’ne assitinoonni coyi doogo ikkino. Kunnira cubbi’ne hayishshamanno’ne gede aagintaabbine Maganunniwa higge!>> yiinsa.

![](https://cdn.door43.org/obs/jpg/360px/obs-en-44-06.jpg?direct&)

Qullaawi Mini sooreeyye Pheexiroosinna Yohaannisi coyidhino coyinni lowo geeshsha hifatantu. Kunnira amadde usuru minira eessitunsa. Ikkollana lowo manni Pheexiroosi sokka ammanino. Yesuusa ammanino manni kiirono 5000 geeshsha ikkitu.

![](https://cdn.door43.org/obs/jpg/360px/obs-en-44-07.jpg?direct&)

1. Layinki soodo, Ayihudete sooreeyye Pheexiroosinna Yohaannisi qeesootu Roorrichiwanna wolootu amma’note sooreeyyewa haadhe abbitunsa.

Pheexiroosinna Yohaannisi, <<Konne laanshaawa mancho mayi wolqanni hursitini?>> yite xa’mitunsa

![](https://cdn.door43.org/obs/jpg/360px/obs-en-44-08.jpg?direct&)

Pheexiroosi, <<Kuni manchi Buuramino Mootenni Yesuusi wolqanni hure Albaa’neenni uurrino. Ki’ne Yesuusa suttinoonni; Maganu kayinni galagalche kayisinosi! Ki’ne diadhitinoonnisi; ikkollana Yesuusi wolqa ka’a gatote doogo wole dino!>> yee dawarinsa.

![](https://cdn.door43.org/obs/jpg/360px/obs-en-44-09.jpg?direct&)

1. Pheexiroosinna Yohaannisi wo’ma giddonni coyidhino daafira tini sooreeyye

tini sooreeyye massino; kuni manni fullahinokkiha shaa”a manna ikkinota affino.

Ikkollana insa Yesuusi ledo heedhinore ikkitinota qaaggu. Pheexiroosinna

Yohaannisi waajjishiishshunsahu gedensaanni hadhara agurtunsa.

*Qullaawu Maxaafi Dhagge:- Soqqamaasine 3:1-4:22.*

## 45. Filiphoosinna Itiyophiyichu Gashshaanchi

https://openbiblestories.org/l/sid/story-45/

![](https://cdn.door43.org/obs/jpg/360px/obs-en-45-01.jpg?direct&)

Hundi beetekiristaane sooreeyye giddo mittu Isxifaanoosi yinanni manchi no. Isi danchu su’mihonna Qullaawu Ayyaani egenno wo’mitinosi manchooti. Isxifaanoosi lowo maalale loosinohonna mannu Yesuusa ammananno gede ammansiisa dandiino manchooti.

![](https://cdn.door43.org/obs/jpg/360px/obs-en-45-02.jpg?direct&)

Mitto barra Isxifaanoosi Yesuusire rosiisanni hee’reenna Yesuusa ammantinokki Ayihude Isxifaanoosi ledo moromantu. Lowo geeshsha hanqite Isxifaanoosi daafira amma’note sooreeyyera nookkire kultanni, <<Musenna Maganu aana busha coye coyi’ranna macciishshinoommo!>> yitu. Kunnira amma’note sooreeyye Isixifaanoosi amadde isi daafira kaphu naqaashshe qixxeessite qeesootunniwanna wolootu Ayihudete sooreeyyewa massitusi.

![](https://cdn.door43.org/obs/jpg/360px/obs-en-45-03.jpg?direct&)

Qeesootu Roorrichi, <<Kuni coui halaalehoni?>> yee xa’misi. Isxifaanoosi Abirihaami yannanni kayise Yesuusi yanna geeshsha Maganu loosinoha lowoha jajjabba coye, qoleno mannu Maganoho marro marro hige gara giwinota qaagiissanni dawarinsa. Hakkunni gedensaanni, <<Ki’ne haxo mokkookkitinoonnirinna haxawarrootu akaakka’ne Magano qoxxissinonna himanaano shitinonte gede wo’manka woyite Qullaawa Ayyaana qoxxissinanni.ki’ne kayinni insawiinni baasino coye assitinoonni. Buuramino Moote shitinoonni!>> yii.

![](https://cdn.door43.org/obs/jpg/360px/obs-en-45-04.jpg?direct&)

Amma’note sooreeyye konne coye macciishshite, macca beeshshanno garinni cancitanni lowo geeshsha hanqitu. Isxifaanoosi katamu giddonni goshooshshe fushshite kinnatenni awwaalte shitusi.

![](https://cdn.door43.org/obs/jpg/360px/obs-en-45-05.jpg?direct&)

Isxifaanoosi reyanni hee’re qoonqosi naggi asse, <<Yesuusa, lubbo’ya haa’rie!>> yii. Hakkunni gedensaanni guluphe xaano qoonqosi naggi asse, <<Mooticha, konne cubbo kiirtootinsa>> yee coyi’ri. Hakkunni gedensaanni reyi.

![](https://cdn.door43.org/obs/jpg/360px/obs-en-45-06.jpg?direct&)

Mittu Saawuli yinanni wedellichi Isxifaanoosi shitu mannooti ledo sumuu yee kinnatenni awwaaltusi yannara imaanansa agare no. hakko barra Yerusaalamete Noohu lowo manni Yesuusi rosaano gadadisa hanafi; kunnira ammanaano wole gobba darntu. Gadadishshu bati’rirono, martuwa baala Yesuusire kultu.

.

![](https://cdn.door43.org/obs/jpg/360px/obs-en-45-07.jpg?direct&)

Filiphoosi yinannihu mittu Yesuusi rosaanchi hattenne dartu yannara Yerusaalamete ammanaano ledoho. Samaariya ha’re Yesuusire kuleenna lowo manni gati. Hakkunni gedensaanni mitto barra Magano soyino sokkaasinchi daye Filiphoosi halallitte gobba ha’ranno gede kulinosi. Filiphoosi haa’ranni hee’re, mittu Itiyophiyichu gashshaanchi faradi gaarete ofolle ha’ranna afi. Mare hakkonne mancho hasaawisanno gede Qullaawu Ayyaani kulisi

![](https://cdn.door43.org/obs/jpg/360px/obs-en-45-08.jpg?direct&)

Filiphoosi faradi gaarenniwa shiqqi yaanno woyite, Itiyophiyichu himanaanchu Isayaasi borreessinohu giddonni mitto gafa nabbawanna macciishshi. Manchu, <<Gorrinanni ge’rechi gede assite haadhe hadhusi; ge’rechu gede ikke sammi yiino. Mittoreno dicoyi’rino. Yootenni haa’ne ha’noonnisi; diayirrinsoonnisi. Lubbo noori mereerinni haadhe hooltusi>> yaannoha nabbawanni no.

![](https://cdn.door43.org/obs/jpg/360px/obs-en-45-09.jpg?direct&)

Filiphoosi Itiyophiyichu, <<Nabbawattoha buuxootto?>> yee xa’misi. Itiyophiyichu, <<Dee’ni, xawisannohu nookkiha maminni buuxeemmo? Amo ballo dagge mule’ya ofolli. Isayaasi borreessinohu Isireetinso wolu manchireeti?

![](https://cdn.door43.org/obs/jpg/360px/obs-en-45-10.jpg?direct&)

Isayaasi Yesuusire borreessinota Filiphoosi Itiyophiyichaho xawise kulisi. Filiphoosi lede Yesuusi daafira coyi’rannoha dancha duduwo kulate woleno Maganu qaali gafa fanino.

![](https://cdn.door43.org/obs/jpg/360px/obs-en-45-11.jpg?direct&)

Filiphoosinna Itiyophiyichu hadhanni wayi noowa iillitu. Itiyophiyichu, <<Kuneet, konniicho wayi no! Cuuamoni?>> yii. Gananni noo manchi faradi gaare uurrisanno gede kulisi.

![](https://cdn.door43.org/obs/jpg/360px/obs-en-45-12.jpg?direct&)

Kunnira mitteenni wayinniwa martu; Filiphoosi Itiyophiyicha cuui. Wayi giddonni fultuhu gedensaanni Qullaawu Ayyaani hedeweelcho Filiphoosi hawulukisi; Yesuusire mannaho coyi’ra diuurrisino.

![](https://cdn.door43.org/obs/jpg/360px/obs-en-45-13.jpg?direct&)

1. Itiyophiyichu Yesuusa egennasira hagiidhanni gobbasi ha’ri.

*Qullaawu Maxaafi Dhagge:- Soqqamaasine 6:8-8:5; 8:26-40.*

## 46. Saawuli Kiristaana Ikki

https://openbiblestories.org/l/sid/story-46/

![](https://cdn.door43.org/obs/jpg/360px/obs-en-46-01.jpg?direct&)

Saawuli Isxifaanoosi shitu mannooti imaana agari wedellichaati. Yesuusa diammanino; kunnira ammanaasine gadadisino. Labbaanna meya manna usuru mine tuganni Yerusaalamete minunni mine sai. Qeesootu roorrichi hakkiicho noo kiristaana amade Yerusaalame abbate Demaasiqo katama ha’ranni gede fajjoote uyisi.

![](https://cdn.door43.org/obs/jpg/360px/obs-en-46-02.jpg?direct&)

Saawuli Demaasiqo ha’ranni hee’reenna gordunni wara’a yiino xawaabbi gaangaawisira xawi. Mitte huuro, <<Saawuli! Saawuli! Mayira xiiwattoe?>> yitanna macciishshi. Saawuli, <<Mooticha, ati ayiti?>> yee xa’mi. yesuusi, <<Ati xiiwaattoehu ani Yesuusaati!>> yee dawarisi.

![](https://cdn.door43.org/obs/jpg/360px/obs-en-46-03.jpg?direct&)

Saawuli gotti yaanno woyite la”a hoogi. Jaallasi massage Demaasiqo massitusi. Saawuli sase barra mittoreno di”itino diagino.

![](https://cdn.door43.org/obs/jpg/360px/obs-en-46-04.jpg?direct&)

Demaasiqote mittu Hanaaniya yinanni rosaanchi no. Mootichu Hanaaniyara, <<Saawuli noowa mari. Ille fa’nanno gede anga aanaho worisi>> yii. Hanaaniya, <<Mooticha, kuni manchi ammanaasine asse xiiwino gara macciishshoommo>> yii. Mootichu qole, <<Mari! Ayihudetenna wole gosara su’ma’ya lallawe kulara dooroommosi. Ane su’mira qarra adhanno>> yiisi.

![](https://cdn.door43.org/obs/jpg/360px/obs-en-46-05.jpg?direct&)

Kunnira Hanaaniya Saawuliwa mari. Anga aanaho wore, <<Kawiira dagganna leellihehu Yesuusi ille fa’natto gedenna Qullaawu Ayyaani wo’mannohe gede atewa soyinoe>> yii. Saawuli hakkawoyintenni la”a dandii. Qoleno Hanaaniya cuuisi. Hakkunni gedensaanni Saawuli sagale ite dhaabbati.

![](https://cdn.door43.org/obs/jpg/360px/obs-en-46-06.jpg?direct&)

Saawuli hakkawoyintenni, <<Yesuusi Maganu Beettooti!>> yaanni Demaasiqote Noo Ayihudera kula hanafi. Ayihude ammanasine gudate wo’naalino manchi xa Qole Yesuusa ammanasira dhaggeeffattu! Saawuli Yesuusi Buuramino Moote ikkinota buuxise Ayihude ammansiisi.

![](https://cdn.door43.org/obs/jpg/360px/obs-en-46-07.jpg?direct&)

Lowo barri gedensaanni Ayihude Saawuli shitara ma’litu. Shitasira katamu waalchira agaranno manna sokku. Saawuli kayinni malansa macciishshino; jaallasino gate fulanno gede kaa’litinosi. Mitto hashsha gimboolaho worte katamu huxxi kinchunnihu aanaanni qolte dirrissinosi. Saawuli Demaasiqotenni gate fulihu gedensaannino Yesuusire kula diuurrisino

![](https://cdn.door43.org/obs/jpg/360px/obs-en-46-08.jpg?direct&)

Saawuli rosaanosi ledo xaadara Yerusaalame ha’ri; insa kayinni waajjitinosi. Hatte yannara Barnabaasi yinanni ammanaanchi Saawuli Soqqamaasinenniwa haa’re masse Yesuusire wo’ma giddonni asse kulino gara hasaawinsa. Hakkunni gedensaanni rosaano Saawuli haadhusi.

![](https://cdn.door43.org/obs/jpg/360px/obs-en-46-09.jpg?direct&)

Yerusaalamete iillinonsa gadadishshinni darantinori mitu mitu ammanaasine xeertidhe Antsookiya hadhe Yesuusire kultino. Antsookiyaho noo rooru manni

Ayihude di”ikkino; ikkollana umi yannara hakko noohu haammatu manni ammani. Barinabaasinna Saawuli tenne haaro ammanaasinera ledde Yesuusire rosiisatenna beetekiristaane jawaachishate hakkiira hadhu. Yesuusa ammantinore umi yannara Antsookiyaho <<Kiristaanaho>> yini.

![](https://cdn.door43.org/obs/jpg/360px/obs-en-46-10.jpg?direct&)

Mitto barra Antsookiyaho noo kiristaani qatunte huuccidhanni heedheenna Qullaawu Ayyani, <<Woshshoommonsa looso loossanno gede Barinabaasinna Saawuli badde”e>> yiinsa. Kunnira Antsookiyu beetekiristaane soqqamaano Barinabaasiranna Saawulira anga aanaho worte Magano huuccitunsa. Hakkunni Gedensaanni wole haammata darga Yesuusiha Dancha Duduwo kultanno gede Sokkunsa. Barinabaasinna Saawuli addi addi gosa mannira rosiissu; lowo manni Yesuusa ammani.

*Qullaawu Maxaafi Dhagge:- Soqqamaasine 8:3; 9:1-31; 11:19-26; 13:1-3.*

## 47. Phaawuloosinna Silaasi Filiphisiyusi Katamira

https://openbiblestories.org/l/sid/story-47/

![](https://cdn.door43.org/obs/jpg/360px/obs-en-47-01.jpg?direct&)

Saawuli Roomu gashshoote baala ha’ranno woyite, Roomunnihu <<Paawuloosi>> su’minni woshshami. Mitto barra Phaawuloosinna jaalisi Silaasi Yesuusiha Dancha Duduwo lallabbanni Filiphoosi Katama hadhu. Mannu huuccattote gamba yiinowa katamaho gobbaanni Xashshu mule noo darga hadhu. Hakkiicho dadalaasincho Liidiya yinannitenni xaaddu. Ise Magano baxxannotenna magansidhannote.

![](https://cdn.door43.org/obs/jpg/360px/obs-en-47-02.jpg?direct&)

Yesuusi daafira kullanni sokka ammantanno gede Maganu Liidiyara wodana fanise. Isenna minise manni cuuantu; minese heedhanno gede Phaawuloosinna Silaasi koyissunsa. Kunnira insa isenna minise manni ledo heedhu.

![](https://cdn.door43.org/obs/jpg/360px/obs-en-47-03.jpg?direct&)

Phaawuloosinna Silaasi haammate higge huuccattonniwa mannu ledo xaaddu. Barru barrunni hakkiichira hadhanno woyite durriisu giddo nooti mitte

soqqamaancho beetto faana hadhunsa. Iseno kunni durriisi widoonni higge albillittete daafira mannaho himana coyidhanno. Kunnira kiilunni biillasera woxe gamba assitanno.

![](https://cdn.door43.org/obs/jpg/360px/obs-en-47-04.jpg?direct&)

Tini soqqamaancho beetto insa martuwa faana hadhanni, <<Kuni manni Wo’munkura Aliidi Magani soqqamaanooti. Gatote doogo kultanno’ne!>> yitanni raartanno. Phaawuloosi hanqae geeshsha konne coye marro marro higge assitino

![](https://cdn.door43.org/obs/jpg/360px/obs-en-47-05.jpg?direct&)

Goofimarchoho mitto barra tini soqqamaancho beetto raara hanaffuta Phaawuloosi ise caaqqi yee lae giddose noo durriisa, <<Yesuusi su’minni giddosenni fuli!>> yii. Durriisu hakkawoyintenni agurise.

![](https://cdn.door43.org/obs/jpg/360px/obs-en-47-06.jpg?direct&)

Soqqamaancho beetto biilla lowo geeshsha hanqitu. Durriisu nookkiha beetto mannaho dagganno yanna daafira coyi’ra dandiitannokkita affu. Kunino mannaho daansara noore kula dandiitannokki daafira mannu biillasera woxe diaanno yaate.

![](https://cdn.door43.org/obs/jpg/360px/obs-en-47-07.jpg?direct&)

Kunnira soqqamaancho beetto biilla Phaawuloosinna Silaasi Roomu gashshaanowa haadhe massitunsa. Insane gante ka’e usuru mine tuggunsa.

![](https://cdn.door43.org/obs/jpg/360px/obs-en-47-08.jpg?direct&)

Insa Phaawuloosinna Silaasi usuru mine giddoyidi holgira eessite usurtunsa. Lekkansa mokkollichoho gante usurtunsa. Ikkollana hashshu taalootira Maganoho galatu faarso faarsitu.

![](https://cdn.door43.org/obs/jpg/360px/obs-en-47-09.jpg?direct&)

Hedeweelcho baatto lowo geeshsha huxidhu! Usuru mini waalchuwa baala macaqqi yite fa’nantu. Usuranyootu baalu caagaage luxuwante ubbu.

![](https://cdn.door43.org/obs/jpg/360px/obs-en-47-10.jpg?direct&)

Usuru mini agaraanchi goxanotenni baqqi yii; usuru mini waalchuwa baala fa’nante noota afe waajji! Usuranyootu baalunku flute ba’inoha laweennasiumosi hunara hedino. (Usuranyootu flute ba’inoha ikkiro Roomu gashshaano shitannosita afino.) Phaawuloosi kayinni iso lae, <<Ahuri! Umokki gawajjitooti. Baalunku konniicho hee’noommo>> yee qoonqosi naggi asse coyi’ri.

![](https://cdn.door43.org/obs/jpg/360px/obs-en-47-11.jpg?direct&)

Usuru mini agaraasinchi Phaawuloosiwanna Silaasiwa huxi’ranni daye, <<Gatammora ma”asso?>> yee xa’mi. Phaawuloosi, <<Mooticha Yesuusa ammani; atinna minikki manni gattinannina>> yee dawarisi. Hakkunni Gedensaanni usuru mini agaraasinchi Phaawuloosinna Silaasi minisira haa’re ha’re mada hayishshinsa. Phaawuloosi minesi noo baalira Yesuusiha Dancha Duduwo kultunsa.

![](https://cdn.door43.org/obs/jpg/360px/obs-en-47-12.jpg?direct&)

Usuru mini agaraasinchinna minisi manni baalu Yesuusa ammane cuuami. Hakkunni gedensaanni usuru mini agaraasinchi Phaawuloosiranna Silaasira sagale shiqisheennansa hagiidhitanni ittu.

![](https://cdn.door43.org/obs/jpg/360px/obs-en-47-13.jpg?direct&)

Layinki soodo Filiphisiyusi gaashshaano Phaawuloosinna Silaasi usuru mininni tirte Filiphisiyusi hadhanno gede kultunsa. Phaawuloosi Silaasi Liidiyanna woloota mito mito baxillaasine keere haadhe ka’e katama agurte fultu. Yesuusihu Danchu Duduwi hala’lanni ha’rino. Beetekiristaaneno ledde ledde lophitino.

![](https://cdn.door43.org/obs/jpg/360px/obs-en-47-14.jpg?direct&)

Phaawuloosinna wolootu kiristaanu sooreeyye Yesuusiha Dancha Duduwo ultanninna rosiissanni haammata katamma hadhu. Beetekiristaannate noo oo ammanaasine jawaachishate fakkana sokka borreessitinonsa. Tenne sokka giddonni gamisa Qullaawu Maxaafi giddo no.

*Qullaawu Maxaafi Dhagge:- Soqqamaasine 16:11-40*

## 48. Yesuusi Hexxo Uyinoonni Moote Buuraminoho

https://openbiblestories.org/l/sid/story-48/

![](https://cdn.door43.org/obs/jpg/360px/obs-en-48-01.jpg?direct&)

Maganu kalqe kalaqi waro baalunku coyi guutaho. Cubbu dino. Addaaminna Heewani mimitonsa baxa nno; Maganono baxanno. Dhibbu woy reyo dino. Maganu kalqe hattoota ikkitara hasi’rino.

![](https://cdn.door43.org/obs/jpg/360px/obs-en-48-02.jpg?direct&)

Sheexaanu gannatete Heewani so’risiisate hamashshu widoonni coyi’rino. Hakkunni gedensaanni isenna Addaami Maganu aana cubbo loosino. Insa cubbo loosansanni baattote aana noo manni baalu dhiwamanno, reyanno.

![](https://cdn.door43.org/obs/jpg/360px/obs-en-48-03.jpg?direct&)

Addaaminna Heewani cubbo loosansanni kainohunni hakkinni baasino coyi ikkino. Insano Maganu baarigaarra ikkitino. Kunninni kainohunni hatte yannanni kayise mannu baalu cubbu akatinni ilamannoha ikkino. Qoleno Maganu baarigaara ikkino. Maganunna mannu mereero noo xaadi cubbunni murami. Maganoho kayinni hakkonne xaado galagalche qolate hedo noosi.

![](https://cdn.door43.org/obs/jpg/360px/obs-en-48-04.jpg?direct&)

Heewani sirchi giddonni mittu Sheexaanu umo cancanannota, Sheexaanuno Iso madiissanno gede Maganu balaxe coyi’rino. Hatto yaa Sheexaanu Buuramino Moote shaanno; Maganu kayinni galagalche kayisannosi yaate. Hakkunni Gedensaanni Buuramino Moote Sheexaanu wolqa hegere hegerera cancanino. Lowo diri gedensaanni Maganu Buuramino Moote Yesuusa ikkinota xawisino.

![](https://cdn.door43.org/obs/jpg/360px/obs-en-48-05.jpg?direct&)

Maganu baatto baala baote wayinni huni yannara, Iso ammantinore gatisate markaawe qixxeessino. Hakko garinni mannu baalu cubbunni goofannokki gede Maganu Iso ammantinore baala gatisate Yesuusa uyi.

![](https://cdn.door43.org/obs/jpg/360px/obs-en-48-06.jpg?direct&)

Lowo dirrara qeesootu cubbinsara malino qoricha leellishate mannu daafira wo’manka woyite Maganoho kakkalo shiqishshino. Ikkollana hatti kakkalo cubbonsa hoola didandiitino. Jawiidihu Qeesootu Qari Yesuusaati. Wolu qeesootinni baxxino garinni umosi baattote aana noo manni baalu cubbo hoola dandiitanno kakkalo asse shiqishino. Yesuusi mannu baalu loosino cubbi qoricha adhino daafira, guuta Qara Qeesichaati.

![](https://cdn.door43.org/obs/jpg/360px/obs-en-48-07.jpg?direct&)

Maganu Abirihaamira, <<Baattote aana noo gosa baala atenni maassantanno>> yee kulinosi. Yesuusi Abirihaami ilamaati. Isi widoonni gosa baala maassantino; kaimuno Yesuusa ammaninohu mittu mittunku cubbunni gatino; hattonni Abirihaamita ayyaanaame ila ikkanno.

![](https://cdn.door43.org/obs/jpg/360px/obs-en-48-08.jpg?direct&)

Beettosi Yisihaaqi kakkalanno gede Maganu Abirihaamira kulisi yannra, Maganu beettisi Yisihaaqi darga kakkalote ge’recho shiqishino. Inike baalunku cubbinkenni reyo maltinonkereeti! Maganu kayinni kakkalo ikke ninke darga reyara Maganu wilii’licho ikkinoha Yesuusa uyinonke.

![](https://cdn.door43.org/obs/jpg/360px/obs-en-48-09.jpg?direct&)

Maganu Gibitsete goofimarchu qoomama soyi yannara muso afi’rinokki wilii’licho gorridhanno gedenna mundee waalchinsara gafotenna guwanete wixidhanno gede Israeelete maate baalate kulloonni. Maganu mundee la”anno woyite hattenne minna agure sae boyirraadda ooso shiikkinni gatisino. Tenne dhagge Agure Sa”ate yinoonni.

![](https://cdn.door43.org/obs/jpg/360px/obs-en-48-10.jpg?direct&)

Yesuusi Agure Sa”ate wilii’lichoonkeeti. Isi guutahonna cubbu noosikkiho. Agure Sa”ate Ayyaanira shinoonnisi. Ayino Yesuusa ammananno woyite Yesuusi mundee hakko manchira cubbu baatooshsheeti; Maganu hanqino hakko manchi aaninni sa”anno.

![](https://cdn.door43.org/obs/jpg/360px/obs-en-48-11.jpg?direct&)

Maganu dooramino manni Israeelennihu ledo gondooro eino. Xa kayinni Maganu mannu baalunkura ikkannoha Haaro Gondooro uyino. Kunni Haaru Gondoorinni kainohunni gosa baalate ilama ikkino manni baalu Yesuusa ammane Maganu manni fiixa ikka dandaanno.

![](https://cdn.door43.org/obs/jpg/360px/obs-en-48-12.jpg?direct&)

Muse Maganu qaale lallawino himanaancho jawaho. Yesuusi kayinni wo’munkura aliidi himanaanchooti. Isi Maganoho; kunnira isi assinohunna assino coyi baalu Maganu loosootinna qaaleeti. Kunniraati Yesuusa Maganu Qaaleeti yinannihu.

![](https://cdn.door43.org/obs/jpg/360px/obs-en-48-13.jpg?direct&)

Sirchisi giddonni mittu moote ikke Maganu manna hegerera gshshanno gede Maganu moote Daawitira hexxo uyinosi. Yesuusi Maganu Beettonna Buuramino Moote ikkino daafira, hegerera gashsha dandaannohu hakkonne Daawiti sirchooti.

![](https://cdn.door43.org/obs/jpg/360px/obs-en-48-14.jpg?direct&)

Daawiti Israeelete mooteeti; Yesuusi kayinni kalaqamu baalu mooteeti! Galagale daye halaalunninna keerunni hegerera gashshanno.

*Qullaawu Maxaafi Dhagge:- Kalaqama 1-3; 6; 14; 22; Fulo 12, 20; 2Saamueeli 7; Ibraawoota 3:1-6; 4:14-5:10; 7:1-8:13; 9:11-10:18; Ajuuja 21.*

## 49. Haaro Maganu Gondooro

https://openbiblestories.org/l/sid/story-49/

![](https://cdn.door43.org/obs/jpg/360px/obs-en-49-01.jpg?direct&)

Mittu sokkaasinchi Maariyaami yinanni seemo Maganu Beetto iltanno gede Kulinose. Kunnira ise seemo heedhe labbaa beetto ilte su’ma Yesuusa yite fushshitinosi. Kunnira Yesuusi Maganoho qoleno mannaho.

![](https://cdn.door43.org/obs/jpg/360px/obs-en-49-02.jpg?direct&)

Yesuusi Magano ikkinota leellishate lowo maalale loosino. Wayi aanaanni ha’rino; dambala gabbi assino; lowo dhiwamaasine hursino; durriisa fushshino; reyitinore kayisino; ontu buddeenchinna lamu qulxu’michi 5000 roorino mannira ikke gatanno gede assino.

![](https://cdn.door43.org/obs/jpg/360px/obs-en-49-03.jpg?direct&)

Qoleno Yesuusi jawa rosiisaanchooti; Maganu Beetto ikkasinni roorretenni coyi’rino. Umo’ne baxxinanninte gede wole mannano baxxe yee rosiisino.

![](https://cdn.door43.org/obs/jpg/360px/obs-en-49-04.jpg?direct&)

Qoleno jajja’nenna wolere baala baxxinanninte gede Maganono baxxe yaanni rosiisino.

![](https://cdn.door43.org/obs/jpg/360px/obs-en-49-05.jpg?direct&)

Yesuusi Maganu gashshooti kalqete noo coyi baalunkunni roore ayirradoho yiino. Ayirano lowo geeshsha hasiisanno coyi Maganu gashshootira miila ikkate.

Maganu gashshoote eate cubbuwiinni gata hasiissanno.

![](https://cdn.door43.org/obs/jpg/360px/obs-en-49-06.jpg?direct&)

Yesuusi mitu mitu manni Iso adhe gatannota, wolootu kayinni adhitannosikkita rosiisino. Mitu mitu manni dancha baatto gedeeha ikkinota kulino. Hattoo manni Yesuusiha Dancha Duduwo adhe gatanno. Wolu manni kayinni Maganu qaali wixi eannokkitenna mitto gumano laaltannokki baatto kinnaame doogote gamita labbanno. Hattoo manni Yesuusi daafira coyi’nanni sokka adhannokkihonna gordu gashshoote eannokkiho.

![](https://cdn.door43.org/obs/jpg/360px/obs-en-49-07.jpg?direct&)

Yesuusi Maganu cubbaataamma baxannota rosiisino. Cubbonsa aguransaranna Oososi assi’ransara hasi’ranno.

![](https://cdn.door43.org/obs/jpg/360px/obs-en-49-08.jpg?direct&)

Yesuusi qole Maganu cubbo giwannota kulinonke. Addaaminna Heewani cubbo Loossu yannara, cubbu sirchonsa baala gawajjino. Kunninni kainohunni baattote aana noo manni baalunku cubbo loosanno; Maganuwiinnino badanno. Kunnira baalunku manni Maganu baarigaara ikkino.

![](https://cdn.door43.org/obs/jpg/360px/obs-en-49-09.jpg?direct&)

Ikkollana Iso ammaninohu baalu hegere heeshsho afi’ranno gede ikkinnina ba”annokki gede Maganu mitticho Beettosi ee kalqe mulla kae gatisino.

![](https://cdn.door43.org/obs/jpg/360px/obs-en-49-10.jpg?direct&)

Cubbi’nenni kainohunni sao noo’ne daafira reyo maltino’nereeti. Maganuno ki’nera hanqa hasiissinosi. Ikkollana hanqosi ki’ne aana duna agure Yesuusi aana facci asse agurino. Yesuusi masiqalu aana reyi yannara, ki’ne qoricha adhino.

![](https://cdn.door43.org/obs/jpg/360px/obs-en-49-11.jpg?direct&)

Yesuusi horonta cubbo diloosino; ikkollana ki’ne cubbonna kalqete nooha mannu baalu cubbo hunara qorichishamanna guuta kakkalo ikke reya doodhino. Yesuusi umose kakkalino daafira, Maganu aye cubbono, jaddote cubbi nafa gatikkinni aguranno.

![](https://cdn.door43.org/obs/jpg/360px/obs-en-49-12.jpg?direct&)

Danchu loosi gatisa’nera didandaanno. Maganu ledo xaadu hee’renno’ne gede assa hasiissanno’nehu wolu coyi mittuno dino. Yesuusa callu cubbo’ne hayishsha’nera dandaanno. Yesuusi Maganu Beetto ikkinota, ki’ne darga masiqalu aana reyinotanna Maganu reyotenni kayisinosita ammana calla hasiissanno’ne.

![](https://cdn.door43.org/obs/jpg/360px/obs-en-49-13.jpg?direct&)

Maganu Yesuusa ammantinorenna Mootichansa assite adhitannore baala gatisanno. Dureeyye ikkito buxane, labbaaha ikko meyata, geercho ikko beetto, woy hiikkono heedhe badooshshu dino. Maganu ki’ne ledo gamba yiino xaadi hee’rannosi gede baxanno’ne; Yesuusa ammantinarano hasi’ranno.

![](https://cdn.door43.org/obs/jpg/360px/obs-en-49-14.jpg?direct&)

Yesuusa ammantinanninna cuuntinanni gede hasi’ranno. Yesuusi Buuramino Moote, mitticho Maganu Beetto ikkinota ammantinannini? Cubbaataamma ikka’nenna Maganu qorichishoomme’nero gara ikkinota ammantinanni? Yesuusi cubbo’ne hoolate masiqalu aana reyasi ammantinanni?

![](https://cdn.door43.org/obs/jpg/360px/obs-en-49-15.jpg?direct&)

Yesuusanna Isi ki’nera loosino looso ammantiniro, ki’ne kiristaanaho! Maganu Sheexaanunna tunsichu gashshootinni fushshe’ne Maganunnihu xawaabbu

gashshooti giddo worino’ne. Maganu kunni albaanni hadhinoonnita akkalanna cubbaataame doogo hoole haaronna keeraancho ikkitino doogo uyino’ne.

![](https://cdn.door43.org/obs/jpg/360px/obs-en-49-16.jpg?direct&)

Ki’ne kiristaanaho; Yesuusi loosino loosinni kainohunni Maganu cubbo’ne agurino’ne. Xa Maganu baarigaarre’ne agure muli fiixa asse kiiranno’ne.

![](https://cdn.door43.org/obs/jpg/360px/obs-en-49-17.jpg?direct&)

Maganu fiixanna Mootichu Yesuusi soqqamaasine ikkitiniro, Yesuusi rosiisino’ne coyira hajajantinanni. Kiristaana ikkitinirono, xaano cubbo loosa fonqoltanna’ne heedhinoonni. Ikkollana Maganu ammanaminoha ikkino daafira, cubbo’ne ifaaxxitiniro agureemmo’ne yaanno. Cubbo gibbinanni wolqa aanno’ne.

![](https://cdn.door43.org/obs/jpg/360px/obs-en-49-18.jpg?direct&)

Maganu huuccidhinanni gede, qaalesi buuxxinanni gede, wolu kiristaani ledo mitteenni magansidhinanni gede, assino’nerono wolootaho kultinanni gede hasi’ranno. Kuni coyi baalunku Isi ledo jawaatu fiixoomi hee’ranno’ne gede kaa’lanno’ne.

*Qullaawu Maxaafi Dhagge:- Roome 3:21-26; 5:1-11; Yohaannisi 3:16; Maarqoosi 16:16; Qolaasiyaasi 1:13-14; 2Qorontoosi 5:17-21; 1Yohaannisi 1:5-10.*

## 50. Yesuusi Galagale Higanno

https://openbiblestories.org/l/sid/story-50/

![](https://cdn.door43.org/obs/jpg/360px/obs-en-50-01.jpg?direct&)

2000 diri geeshsha kalaqe baalate noohu lowo manni Buuramino Mootere Yesuusire kulannoha hagiirru duduwo macciishshitanni keeshshitino.

Beetekiristaane lophitino. Yesuusi gobbate goofimarchira galagale higanno gede hexxo uyino. Daa keeshshiro nafa coyi’rino qaale ayirrisanno

![](https://cdn.door43.org/obs/jpg/360px/obs-en-50-02.jpg?direct&)

Yesuusi daa galaalchinanni hee’neenna, Maganu qullaawanna Iso ayirrissanno heeshsho hee’nammora hasi’ranno. Gashshootisi daafirano wolootaho kullammora hasi’ranno. Yesuusi baattote aana hee’ri yannara, <<Rosaano’ya Maganu gashshootire kulannoha Dancha Duduwo baatto baalate noo mannira kultanno; hatte yannara goofimarcho ikkanno>> yii.

![](https://cdn.door43.org/obs/jpg/360px/obs-en-50-03.jpg?direct&)

Lowo gosa giddo noo manni xaano Yesuusire dimacciishshino. Yesuusi gordo ha’rara albaanni, Dancha Duduwo horonta macciishshinokki mannira kultanno kiristaanaho kulinonsa. <<Hadhine manna baala rosaano’ya assensa!>> <<Gamba assinanni yannao iillitino!>> yiino.

![](https://cdn.door43.org/obs/jpg/360px/obs-en-50-04.jpg?direct&)

Yesuusi qole, <<Soqqamaanchu Mootichasi dirooranno. Tenne gobba gashshaano ane gibbuente gede, anenni kainohunni qarrissanno’ne, shitanno’ne. tenne gobba qarri amadi’nerono, bashshi assitinoonte! Ani tenne gobba qeeloommona. Ane amma’nitine jeefote geeshsha jawaattiniro, hatte yannara Maganu gatisanno’ne!>> yii.

![](https://cdn.door43.org/obs/jpg/360px/obs-en-50-05.jpg?direct&)

Yesuusi gobbate goofimarchira mannu aana iillanno coye xawise kulate rosaanosira mitte dhagge kulinonsa. <<Mittu manchi gate wixa wixino. Goxe hee’reenna daye baarigaarisi qamadete giddo ishine wixe ha’rino.

![](https://cdn.door43.org/obs/jpg/360px/obs-en-50-06.jpg?direct&)

Winxoonni qamade mudhuta, mancho soqqamaano, <Mooticha, gate didancha wixa wixitto? Ishinu maminni dayiyya?> yite xa’mitusi. Mootichuno, <Konne wixinohu baarigaaraho> yee dawarinsa.

![](https://cdn.door43.org/obs/jpg/360px/obs-en-50-07.jpg?direct&)

Soqqamaanono mootichinsara, <Ishine xinqine hoolloni?> yite xa’mitinosi. Mootichinsa, <Dee’ni! Hatto assitiniro qamadeno buqqissinannina, gide gamba assinanni yanna dagga geeshsha agarre. Hatte yannara ishine gamba assine giirranni; qamade kayinni qaldaho worranni>> yiino.

![](https://cdn.door43.org/obs/jpg/360px/obs-en-50-08.jpg?direct&)

Rosaano dhaggete tiro dibuuxxino; kunnira xawisannonsa gede Yesuusa xa’mitino. Yesuusino, <<Dancha wixa wixinohu Buuramino Moote ikkanno. Gatu tenne gobbaati. Danchu wixi Maganu gashshooti mannaati.

![](https://cdn.door43.org/obs/jpg/360px/obs-en-50-09.jpg?direct&)

Ishinu bushu fiixa ikkino mannaati. Ishine wixino baarigaari Daawuloosiiti. Gide gamba assinanni yanna gobbate goofimarchooti. Middannori Maganu

sokkaasineeti

![](https://cdn.door43.org/obs/jpg/360px/obs-en-50-10.jpg?direct&)

Gobbate goofimarchira sokkaasine Daawuloosi fiixa ikkitinore baala mitteenni gamba assite wala yitanno giirara tugganno; hakkiicho raartanno; lowo shettonni hinkonsa quruuxxanno. Hatte yannara keeraano Anninsa gashshootira arrishshote Gede xabbanno>> yiinsa.

![](https://cdn.door43.org/obs/jpg/360px/obs-en-50-11.jpg?direct&)

Yesuusi qole gobbate goofimarchira albaanni balaxe higannota coyi’rino. Ha’ri gede ikke higanno; hatto yaano illete leellanno bisi hee’rannosi yaate. Gordu gomichinni daanno. Yesuusi daanno waro reyino kiristaani baalunku reyotenni kae Isinni gordu aana xaadanno.

![](https://cdn.door43.org/obs/jpg/360px/obs-en-50-12.jpg?direct&)

Hatte yannara lubbotenni noo kiristaani gordo hawulukame reyotenni kainohu wolu kiristaani ledo karsamanno. Hakkiicho baalunku Yesuusi ledo hee’neemmo. Hakkunni gedensaanni Yesuusi mannisi ledo co’o yiino keerinninna mittimmanni hegerera hee’ranno.

![](https://cdn.door43.org/obs/jpg/360px/obs-en-50-13.jpg?direct&)

Yesuusi Iso ammantinore baalaho ba’latto aanno gede coyi’rino. Insa co’o yiino keerinni Maganu ledo hegerera heedhanno; mookkanno.

![](https://cdn.door43.org/obs/jpg/360px/obs-en-50-14.jpg?direct&)

Ikkollana Maganu Yesuusa ammaninokki manni aana yoo yaanno. Hegerera wi’litannowanna shettannowa hinkonsa quruuxxannowa sioolete tugannonsa. Horonta xo’annokki giira ittannonsa; da’muulla insa ita horonta diuurrissanno.

![](https://cdn.door43.org/obs/jpg/360px/obs-en-50-15.jpg?direct&)

Yesuusi higanno yannara, Sheexaanenna gshshaatesi co’o asse hunanno. Sheexaane Maganoho hajajama gibbe hoodesi hadhannore baalu ledo

giirantannowa Sioolete tuganno

![](https://cdn.door43.org/obs/jpg/360px/obs-en-50-16.jpg?direct&)

Addaaminna Heewani Maganoho hajajantinokkihuranna tenne gobba cubbo abbitinohura Maganu kalqe gudara kai. Ikkollana mitto barra Maganu guuta

Ikkitinore haaro gordonna haaro baatto kalaqanno

![](https://cdn.door43.org/obs/jpg/360px/obs-en-50-17.jpg?direct&)

Yesuusinna mannisi haaro baattora heedhanno; baalunkuri aana mookkanno. Isi hindiiddo baala feyanno; hakkunni gedensaanni shetto, dadillu, wi’la, bunshe, Dhibbu, woy reyo diheedhanno. Yesuusi konne gashshoote keerunninna halaalunni gashshanno. Hegerera mannisi ledo hee’ranno.

*Qullaawu Maxaafi Dhagge:- 24:14; 28:18; Yohaannisi 15:20; 16:33; Ajuuja 2:10; Maatewoosi 13:24-30; 36-42; 1Teselonqe 4:13:5-11; Yaiqoobi 1:12; Maatewoosi 22:13; Ajuuja 20:10; 21:1-22:21.*