# unfoldingWord Open Bible Stories — Sambalpuri

- Language code: `spv`
- Canonical page: https://openbiblestories.org/l/spv/
- Stories in this file: 50 of 50
- Published by: OBS-TLF
- Last release: 2026-05-18
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Sambalpuri translation; it is not a translation of the whole Bible.

## 1. ୧. ସୁରୁଷ୍‌ଟିର୍‌ କଥାନୀ

https://openbiblestories.org/l/spv/story-1/

![](https://cdn.door43.org/obs/jpg/360px/obs-en-01-01.jpg)

ମାହାପୁରୁ ପହେଲାନୁ ଏନ୍ତା କିସ୍‌ମେ ସବୁ କିଛିକେ ବନାଲେ। ସେ ଛ ଦିନେ ପୁର୍‌ଥି କେ ଆର୍ ପୁର୍‌ଥିର୍‌ ସବୁ ଜିନିଷ୍‌କେ ବନାଲେ। ମାହାପୁରୁ ପୁର୍‌ଥିକେ ବନାଲେ ଆର୍ ଦେଖ୍‌ଲେ ଯେ ସେଟା ଅନ୍ଧାର୍ ଆର୍‌ ସୁଇନ୍ ଥିଲା, କାଏଁକରି କି ସେତ୍‌କି ବେଲ୍‌ତକ୍ ମାହାପୁରୁ ସେନ କିଛି ନେଇ ବନେଇ ଥାଇ। ବାକି ସେଠାନେ ଖାଲି ମାହାପୁରୁର୍ ଆତ୍ମା ପାଏନ୍ ଉପ୍‌ରେ ଥିଲା।

![](https://cdn.door43.org/obs/jpg/360px/obs-en-01-02.jpg)

ତେହେରୁଁ ମାହାପୁରୁ କହେଲେ, ଉକିଆ ହେଉ ତେହେରୁଁ ଉକିଆ ହେଇ ଗଲା। ମାହାପୁରୁ ଉକିଆକେ ଦେଖ୍‌ଲେ ଯେ ସେଟା ତାହାକୁ ଭଲ୍‌ ଲାଗ୍‌ଲା, ତେହେରୁଁ ଉକିଆର୍ ନାଆଁକେ ଦିନ୍ ଦେଲେ। ତାର୍‌ପରେ ସେ ଉକିଆ ଠାନୁ ଅଂଧାର୍‌କେ ଅଲ୍‌ଗା କଲେ, ଆର୍ ତାର୍ ନାଁ ରାଏତ୍ ଦେଲେ। ମାହାପୁରୁ ଉକିଆକେ ସୃଷ୍ଟିର୍ ପହେଲା ଦିନେ ବନାଲେ।

![](https://cdn.door43.org/obs/jpg/360px/obs-en-01-03.jpg)

ସୁରୁଷ୍‌ଟିର ଦୁଇ ନମର୍ ଦିନେ ମାହାପୁରୁ କହେଲେ, “ପାଏଁନ୍ ଉପ୍‌ରେ ବଡ୍ ଭାରି ଜାଗାଟେ ଖାଲି ହଉ”।

![](https://cdn.door43.org/obs/jpg/360px/obs-en-01-04.jpg)

ଆର୍ ସେଟା ସେନ୍‌ତା ହେଲା।ତାର୍‌ପରେ ସେ ତାହାର୍ ନାଁ ଆକାଶ୍ ଦେଲେ।

![](https://cdn.door43.org/obs/jpg/360px/obs-en-01-05.jpg)

ତିନ୍ ନମର୍‌ ଦିନେ ମାହାପୁରୁ କହେଲେ ସବୁ ଜାଗାର୍ ପାଏନ୍ ଠାନେକେ ଆସୁ ଆର୍ ସେନୁ ଖାଲି ଜାଗାଟେ ବାହାରୁ। ଆର୍ ସେ ଖାଲି ଜାଗାକେ ପୁର୍‌ଥିବୀ ବଲି କହେଲେ। ଆର୍ ପାଏନ୍ ଥିଲା ଜାଗାକେ ସମୁଦ୍ର ବଲି କହେଲେ। ଦେଖ୍‌ଲେଯେ ଯାହା ସେ ବନେଇଛନ୍ ସେଟା ଭଲ୍ ଥିଲା।

![](https://cdn.door43.org/obs/jpg/360px/obs-en-01-06.jpg)

ତାର୍‌ପରେ ମାହାପୁରୁ କହେଲେ, “ପୁର୍‌ଥି ନ ସବୁ ପ୍ରକାରର୍ ଗଛ୍ ଲତା ଆଁକୃ”। ଆର୍ ହେନ୍‌ତା ହେଲା। ତାର୍‌ପରେ ମାହାପୁରୁ ଦେଖ୍‌ଲେ ଯାହା ସେ ବନେଇଛନ୍ ସେଟା ଭଲ୍ ଅଛେ।

![](https://cdn.door43.org/obs/jpg/360px/obs-en-01-07.jpg)

ସୃଷ୍ଟିର୍ ଚାଏର୍ ନମ୍‌ର୍ ଦିନେ, ମାହାପୁରୁ କହେଲେ, “ଆକାଶେ ଉକିଆ ହଉ।” ଆର୍ ସୂର୍ଯ୍ୟ, ଚନ୍ଦ୍ର, ତାରା, ସେଠାନେ ଦିସ୍‌ଲେ। ସେ ସେମାନ୍‌କୁ ପୁର୍‌ଥିକେ ଉକିଆ କର୍‌ବାର୍‌ ଲାଗି ବନାଲେ ଆର୍ ସେତ୍‌କି ବେଲେ ଦିନ୍ ଆର୍ ରାଏତ୍ , ଋତୁ ଆର୍ ବରଷ୍ ର ଚିହ୍ନା ବତାବାର୍ ଲାଗି ସେମାନ୍‌କୁ ରଖ୍‌ଲେ। ପ୍ରଭୁ ଦେଖ୍‌ଲେଯେ ସେ ଯାହା ବନାଲେ ସେଟା ବଢିଁଆ ଅଛେ।

![](https://cdn.door43.org/obs/jpg/360px/obs-en-01-08.jpg)

ପାଁଚ୍‌ ନମର୍ ଦିନେ ମାହାପୁରୁ କହେଲେ, ଜିଁଲା ଜଅଁତୁ ମାନେ ପାଏନ୍‌ନ ଭରିଯ ଆର୍ ଚରେମାନେ ଆକାଶେ ଉଡ। ଆର୍ ହେନ୍ତା ହିସାବେ ସେ ପହଁରିଲା ଜଅଁତୁ ଆର୍ ଉଡ୍‌ଲା ଚରେ ମାନ୍‌କେ ବନାଲେ। ମାହାପୁରୁ ଦେଖ୍‌ଲେ ଯାହା ସେ ବନାଲେ ସେଟା ଭଲ୍ ଅଛେ, ଆର୍ ସେ ସେମାନ୍‌କୁ ଆଶିର୍‌ବାଦ୍ କଲେ।

![](https://cdn.door43.org/obs/jpg/360px/obs-en-01-09.jpg)

ସୃଷ୍ଟିର୍ ଛ ନମର୍ ଦିନେ ମାହାପୁରୁ କହେଲେ, “ପଶୁ ମାନେ ପୁର୍‌ଥି ଉପ୍‌ରେ ହଉନ୍‌ !” ଆର୍ ଯେନ୍ତା ସେ କହେଲେ ହେନ୍‌ତା ହେଲା। ସେ ଭିତ୍‌ରେ କେତେଟା ଘରୁଆ ପଶୁ, କେତେଟା ଭୁଁଇଥି ରଙ୍ଗ୍‌ଲା ଜିବ୍‌ ଆର କେତେଟା ଜଙ୍ଗ୍‌ଲେ ରହୁଥିବାର୍‌ ପଶୁ ଥିଲେ ଆର୍ ମାହାପୁରୁ ଦେଖ୍‌ଲେ ଯେ ଇଟା ଭଲ୍‌ ଦିଶ୍‌ଲା।

![](https://cdn.door43.org/obs/jpg/360px/obs-en-01-10.jpg)

ତାର୍‌ପରେ ମାହାପୁରୁ କହେଲେ, “ଏବେ ଯେନ୍‌ ମୁନୁଷ୍‌କେ ଆମର୍ ବାଗିର୍‌ ବନାମା। ସେମାନେ ପୁର୍‌ଥିନ ଆର୍ ତାର୍‌ନ ରହେଲା ଜଁଅତୁ, ମାନ୍‌କର୍ ଉପ୍‌ରେ ରାଜ୍ କର୍‌ବେ।

![](https://cdn.door43.org/obs/jpg/360px/obs-en-01-11.jpg)

ତ ମାହାପୁରୁ ମାଏଟ୍ ଟିକେ ଆନ୍‌ଲେ ଆର୍ ମୁନୁଷ୍‌କେ ମାଏଟ୍ ଥି ବନାଲେ ଆର୍ ସେ ମାଟିର୍‌ ପୁତ୍‌ଲା ଭିତ୍‌ରେ ସେ ତାକର୍ ଜୀବନ୍‌ ପବନ୍ କେ ଫୂକି ଦେଲେ। ତେହେଁରୁ ସେ ଜୀବନ୍ ପାଏଲା। ଆର୍ ସେ ମୁନୁଷ୍‌ରନା ଆଦମ୍ ଦେଲେ। ମାହାପୁରୁ ବଡ୍ ଭାରି ବଗିଚାଟେ ବନେଇ କରି ଆଦମ୍‌କେ ସେ ଭିତ୍‌ରେ ରଖ୍‌ଲେ, ଯେନ୍‌ତା ସେ ସେନ ରହେବା ଆର୍ ବଗିଚାର୍ ଦେଖ୍ ରେଖ୍ କର୍‌ବା।

![](https://cdn.door43.org/obs/jpg/360px/obs-en-01-12.jpg)

ମାହାପୁରୁ ଦୁଇଟା ଅଲ୍‌ଗା କିସ୍‌ମର୍ ଗଛ୍‌ ବଗିଚାର୍‌ ମଝିଥି ଜଗେଇ ଥିଲେ ସେଟା ହେଲା ଭଲ୍ ମନ୍ଦ୍ ଜ୍ଞାନ୍‌ ଦେବାର୍‌ ଗଛ୍ ଆର୍‌ ଜୀବନ୍‌ ଦେବାର୍‌ ଗଛ୍। ମାହାପୁରୁ ଆଦମ୍‌କେ କହେଲେ, ସେ ସବୁ ଗଛର୍ ଫଲ୍ ଖାଇ ପାର୍‌ବେ ହେଲେ ଭଲ୍ ଆର୍ ମନ୍ଦ୍ ଦେବାର୍ ଗଛର୍ ଫଲ୍ ନେଇ ଖାଇ ପାରନ୍‌।ଯଦି ସେ ଇ ଗଛର୍ ଟା ଖାଇବେ, ବଏଲେ ସେ ମର୍‌ବେ।

![](https://cdn.door43.org/obs/jpg/360px/obs-en-01-13.jpg)

ତାର୍‌ପରେ ମାହାପୁରୁ କହେଲେଯେ “ମୁନୁଷ୍ ଏକ୍‌ଲା ରହେବାର୍‌ଟା ଭଲ୍ ନୁହେଁ” ହେଲେ କେହେନି ପଶୁତ ଆଦାମ୍‌ର ସାହାର୍ଯ୍ୟକାରୀ ହେଇ ନେଇ ପାରନ୍।

![](https://cdn.door43.org/obs/jpg/360px/obs-en-01-14.jpg)

ତ ମାହାପୁରୁ ଆଦମ୍‌କେ ଘୋର୍ ନିଦ୍‌ନ ଶୁଏଇ ଦେଲେ। ଆର୍ ତାର୍‌ପରେ ଆଦମ୍‌ର ପଞ୍ଜରାର୍‌ ହାଡ୍ ଗୁଟେକେ ବାହାର୍‌କରି କରି ହେତ୍‌ରୁ ଟୁକେଲ୍‌ଟେ ବନାଲେ ଆର୍‌ ଆଦମ୍‌ର ପାକ୍‌କେ ଆନ୍‌ଲେ।

![](https://cdn.door43.org/obs/jpg/360px/obs-en-01-15.jpg)

ଯେତେବେଲେ ଆଦମ୍ ସେତାହାକେ ଦେଖ୍‌ଲା ସେ କହେଲା, “ଇହାଦେ ହେଲା! ଇ ତ ମୋର୍ ଏନ୍ତା ପୁରା ଅଛେ!” ଆର୍ ତାହାକେ ସେ ‘ନାରୀ’ ବଲି କହେଲା, କାଏଁ କରିକି ସେ ମୁନୁଷ୍ ପିଲାର୍‌ନୁ ବନା ହେଇ ଥିଲା। ଇଥିର୍ ଲାଗି ମୁନୁଷ୍ ପିଲା ତାର୍ ବାପା, ମାଁକେ ଛାଡି ଦେସି ଆର୍ ତାର୍ ମାଇକିନା ସାଙ୍ଗେ ଏକ୍ ହେଇକରି ରହେସି।

![](https://cdn.door43.org/obs/jpg/360px/obs-en-01-16.jpg)

ମାହାପୁରୁ ମୁନୁଷ୍ ପିଲାକେ ଆର୍ ମାଇକିନାକେ ତାକର୍ ବାଗିର୍ ବନାଲେ। ଆର୍ ସେମାନ୍‌କୁ ଆଶୀର୍‌ବାଦ୍ କଲେ ଆର୍ କହେଲେ, “ଛୁଆ ପୁତା, ନାତି ନାତେନ୍ ଜନମ୍ କର ଆର୍ ପୁର୍‌ଥିକେ ପୁରେଇ ନିଅ।’’ ଆର୍ ମାହାପୁରୁ ଦେଖ୍‌ଲେଯେ ସେ ଯାହା ବି ବନାଲେ ସବୁ ଠିକ୍‌ ଅଛେ ଆର୍ ତାକର୍ ମନ୍ ଭଲ୍‌ ଲାଗ୍‌ଲା। ଇଟା ସବୁ ଛ ନମର୍‌ ଦିନେ ହେଇଥିଲା। ସାତ୍ ନମର୍‌ ଦିନେ ମାହାପୁରୁ ତାକର୍ ସବୁ କାମ୍‌କେ ସରାଲେ ଯାହା ସେ କରୁଥିଲେ। ଆର ଇ ଦିନେ ସେ ତାକର୍ ସୁରୁଷ୍‌ଟିର୍ କର୍‌ବାର୍ କାମ୍ ସବୁକେ ସରାଲେ, ସେଥିର୍‌ଲାଗି ସେ ଇ ଦିନକେ ଆଶୀର୍ବାଦ ଆର୍ ପବିତ୍ର କଲେ। ଏନ୍ତା କିସ୍‌ମେ ମାହାପୁରୁ ସାରା ଜଗତ୍ ଆର୍ ଇନର୍ ସବୁ ଜିନିଷ୍‌କେ ବନାଲେ।

*ବାଇବଲ୍‌ର କଥାନୀ: ଆଦି ପୁସ୍ତକ ୧-୨*

Audio: https://git.door43.org/OBS-TLF/spv_obs/releases/download/v1/spv_obs_v1_01_128kbps.m4a

## 2. ୨. ପୃଥିବିକେ ପାପ୍ ଢୁକ୍‌ଲା

https://openbiblestories.org/l/spv/story-2/

![](https://cdn.door43.org/obs/jpg/360px/obs-en-02-01.jpg)

ମାହାପୁରୁ ଆଦମ୍ ଆର୍ ତାର୍ ମାଇକୀନାର୍‌ ଲାଗି ଯେନ୍ ବଗିଚା ବନେଇ ଦେଇ ଥିଲେ ସେଟା ବହୁତ୍ ସୁନ୍ଦର୍ ଥିଲା ଆର୍ ସେନ ଦୁହେଁ ବହୁତ୍ ଖୁସିନ ରହୁଥିଲେ। ସେମାନେ ଦୁହେଁ ନଙ୍ଗ୍‌ଲା ହେଇକରି ବି ଲାଜେ ନେଇ ହଉ ଥାଇଁ। କାଏଁକରି ବଏଲେ ସେତେବେଲେ ସଂସାରେ ପାପ୍ ନେଇ ଥାଇଁ। ସେମାନେ ସେଠାନେ ବହୁତ୍ ବୁଲୁଥିଲେ ଆର୍ ମାହାପୁରୁ ସାଙ୍ଗେ କଥା ବାର୍‌ତା ବି ହଉ ଥିଲେ।

![](https://cdn.door43.org/obs/jpg/360px/obs-en-02-02.jpg)

ଆର୍ ସେ ବଗିଚାନ ସାଁପ୍‌ଟେ ଥିଲା, ସେ ବହୁତ୍‌ ଚାଲାକ୍ ଥିଲା। ସେ ହବା କେ ପଚ୍‌ରାଲା “କାଣା ମାହାପୁରୁ ତମ୍‌କୁ ଇ ବଗିଚାର୍ ସବୁ ଗଛର୍ ଫଲ୍ ଖାଏବାକେ ମନା କରିଛନ୍ କାଁଏ?”

![](https://cdn.door43.org/obs/jpg/360px/obs-en-02-03.jpg)

ମାଇକିନା କହେଲା, “ମାହାପୁରୁ କହିଛନ୍ ସବୁ ଗଛର୍ ଫଲ୍ ଖାଇ ପାର୍‌ବ ହେଲେ ଭଲ୍ ଆରୁ ମନ୍ଦ୍ ଜ୍ଞାନ୍ ଦେବାର୍ ଗଛର୍ ଫଲ୍ ନେଇ ଖାଏବ। ଆର୍ ସେ କହେଲେ, “ଯଦି ତୁମେ ସେ ଫଲ୍ କେ ଖାଏବ, କି ଛିବ, ବଏଲେ ନିହାତି ମର୍‌ବ”।

![](https://cdn.door43.org/obs/jpg/360px/obs-en-02-04.jpg)

ତେହେରୁଁ ସାଁପ୍ ମାଇକିନାକେ କହେଲା, "ହେଟା ସତ୍ ନୁହେସେ! ତୁମେ ନାଇ ମର, ମାହାପୁରୁ ଜାନିଛନ୍ ଯେ ଇ ଫଲ୍ ଯେତ୍‌କିବେଲ୍‌କେ ତମେ ଖାଏବ ତୁମେ ତାକର୍ ବାଗିର୍ ହେଇ ଯିବ ଆର୍‌ ଭଲ୍ ଆର୍ ମନ୍ଦ୍ ଜାନି ପାର୍‌ବ।

![](https://cdn.door43.org/obs/jpg/360px/obs-en-02-05.jpg)

ମାଇକିନା ଦେଖ୍‌ଲାଯେ ସେ ଫଲ୍‌ଟା ଲୁଭ୍ ଲୁଭ୍‌ନିଆ ଆର୍ ସୁଆଦିଆ ଦିଶୁଛେ। ଆର୍ ସେ ଜ୍ଞାନୀ ହେବାର୍ ଲାଗି ଚାହେଁଲା, ଆର୍‌ ସେ ଫଲ୍ ଗୁଢାଦୁ ତୁଲି କରି ଖାଇ ଦେଲା। ତାର୍‌ପରେ ସେ ତାର୍ ମୁନୁଷ୍ କେ ବି ଖାଏବାର୍ ଲାଗି ଦେଲା ଯିଏ ତାର୍ ସାଙ୍ଗେ ଥିଲା।

![](https://cdn.door43.org/obs/jpg/360px/obs-en-02-06.jpg)

ସାଙ୍ଗେସାଙ୍ଗ୍ ସେମାନ୍‌କର୍ ଜ୍ଞାନର୍ ଚେତା ଆସ୍‌ଲା ଆର୍ ସେମାନେ ନଙ୍ଗ୍‌ଲା ଅଛନ୍ ବଲି ସେମାନେ ଜାନି ପାର୍‌ଲେ ଆର୍ ସେମାନେ ତାକର୍ ଦେହେକେ ଢାପ୍‌ବାର୍ ଲାଗି ପତର୍‌କେ ଟିପି କରି ପିନ୍ଦିଲେ।

![](https://cdn.door43.org/obs/jpg/360px/obs-en-02-07.jpg)

ସେତେ ବେଲ୍‌କେ ସେମାନେ ଦୁହେଁ ମାହାପୁରୁର୍‌ ବଗିଚାକେ ଆଏବାର୍ ଆବାଜ୍ ଶୁନ୍‌ଲେ। ଆର୍ ଦୁହେଁ ମାହାପୁରୁ ଠାନୁ ଲୁକ୍‌ଲେ। ତାର୍‌ପରେ ମାହାପୁରୁ ମୁନୁଷ୍‌କେ ଡାକ୍‌ଲେ, “ଆଦମ୍ ତୁମେ କେନ ଅଛ?” ତେହେରୁଁ ଆଦମ୍ କହେଲା, "ମୁଇ ସୁନ୍‌ଲିଁ ଯେ ତୁମେ ବଗିଚାନ କିନ୍ଦ୍‌ରୁ ଥିଲ“, ଆର ମୁଇଁ ନଂଙ୍ଗ୍‌ଲା ଥିଲିଁ ତ ସେଥିର୍ ଲାଗି ଡରି କରି ଲୁକି ଦେଲିଁ।

![](https://cdn.door43.org/obs/jpg/360px/obs-en-02-08.jpg)

ତେହେରୁଁ ମାହାପୁରୁ ପଚ୍‌ରାଲେ "ତମେ ନଂଗ୍‌ଲା ଅଛ ବଲି ତମ୍‌କୁ କିଏ କହେଲା? ଯେନ୍ ଫଲ୍ ଖାଏବାର୍ ଲାଗି ମୁଇଁ ମନା କରି ଥିଲିଁ ସେଟା ତୁମେ ଖାଇଛ କାଏଁ?" ତ ମୁନୁଷ୍ ପିଲା କହେଲା, "ତୁମେ ମତେ ଯେନ୍ ମାଇକିନାକେ ଦେଇଛ ସେ ଇ ଫଲ୍ ମତେ ଦେଲା"। ତେହେରୁଁ ମାହାପୁରୁ ମାଇକିନାକେ ପଚ୍‌ରାଲେ, "ଇଟା କାଣା କଲୁ?" ତ ମାଇକିନା କହେଲା, "ସାଂପ୍ ମତେ ଭୁଲେଇ ଦେଲା"

![](https://cdn.door43.org/obs/jpg/360px/obs-en-02-09.jpg)

ତେହେରୁଁ ମାହାପୁରୁ ସାଂପ୍‌କେ କହେଲେ, ତୁଇ ଅଭିସାପ୍ ପାଏଲୁ ତୋର୍ ପେଟେ ଘେଁସ୍‌ରିବୁ ଆର୍ ମାଏଟ୍ ଖାଏବୁ। ତୁଇ ଆର୍ ମାଇକି୍ନିଆ କେଭେ ନେଇ ପଟ, ଆର୍ ତୋର୍ ଛୁଆ ଆର୍ ତାର୍ ଛୁଆ ମାନେବି କେଭେ ନେଇ ପଟନ୍ ଆର୍ ତାର୍ ଛୁଆ ମାନେ ତୋର୍ ମୁଡ୍‌କେ ବିଦ୍‌ରାବେ ଆର୍ ତୁଇ ସବୁ ବେଳେ ହେମାନ୍‌କର୍‌ନୁ ମାଡ୍ ଖାଏବୁ"

![](https://cdn.door43.org/obs/jpg/360px/obs-en-02-10.jpg)

ଆର୍ ମାହାପୁରୁ ମାଇକେନିଆକେ କହେଲେ, “ତୁଇ ଛୁଆ ଜନମ୍ କଲାବେଲ୍‌କେ ବହୁତ ଦୁଃଖ୍ ପାଏବୁ, ତୋର୍ ମୁନୁଷ୍ ତୋର୍ ଉପ୍‌ରେ ରାଜ୍ କର୍‌ବା ଆର୍ ତାହାକେ ତୁଇ ବେଶି ଭଲ୍ ପାଏବୁ।”

![](https://cdn.door43.org/obs/jpg/360px/obs-en-02-11.jpg)

ତେହେରୁଁ ମାହାପୁରୁ ମୁନୁଷ୍ ପିଲାକେ କହେଲେ, ତୁଇ ମୋର୍ କଥା ନେଇ ମାନିକରି ତୋର୍ କନିଆଁର୍ କଥାକେ ମାନ୍‌ଲୁ, ହେତିର୍‌ଲାଗି ଇହାଦେ ମାଏଟ୍‌ ଅଭିଷାପ୍ ହେଇଛେ ଆର୍ ତୁଇ ଇଠାନେ ବହୁତ୍ କାମ୍ କଲେ ଜାକିର୍ ଖାଇବାର୍‌ଲାଗି ପାଏବୁ। ତୁଇ ମଲେ ଫେର୍ ମାଏଟ୍ ଥି ମିସ୍ ବୁ।" ତେଁହେରୁ ମୁନୁଷ୍ ପିଲା ତାର୍ କନିଆଁର୍ ନାଁ ହବା ଦେଲା (ଯାହାର ଅର୍ଥ ହଉଛେ ଜୀବନ୍ ଦାତା) କାଏଁଯେ କି ସେ ସବୁ ଲୋକର୍ ମାଁ ହେବା। ତାର୍‌ପରେ ମାହାପୁରୁ ଆଦମ୍‌ ଆର୍ ହବାକେ ପଶୁର୍ ଚମ୍‌ଡାର୍ କପ୍‌ଡା ବନେଇକରି ସେମାନ୍‌କୁଂ ପିନ୍ଧାଲେ।

![](https://cdn.door43.org/obs/jpg/360px/obs-en-02-12.jpg)

ତାର୍‌ପରେ ମାହାପୁରୁ କହେଲେ, "ଇହାଦେ ମୁନୁଷ୍ ଭଲ୍ ଆର୍‌ ମନ୍ଦ୍ ଜ୍ଞାନ୍ ପାଇକରି ଆମର୍ ବାଗିର୍‌ ହେଇ ଯାଇଛେ। ତ ସେମାନ୍‌କୁ ଇ ଜୀବନ୍ ଗଛର୍ ଫଲ୍ ଖାଏବାକେ ନାଇଁ ଦିଆ ଯାଇ ପାରେ, କାଏଁଯେ କି ଇଟା ଖାଇ କରି ସେମାନେ ଅମର୍ ହେଇଯିବେ" ହେଥିର୍ ଲାଗି ମାହାପୁରୁ ଆଦମ୍ ଆର୍ ହବାକେ ଏଦନ୍ ବଗିଚାନୁ ବାହାର୍ କରି ଦେଲେ। ଆର୍ ଶକ୍ତିଶାଳୀ ଦୂତ ମାନ୍‌କୁଁ ବଗିଚାକେ ଯିବାର୍‌ ବାଟେ ଯୁଗେଇ ଦେଲେ ଯେନ୍ତାକି କିହେବି ଜୀବନ୍ ଗଛର୍ ଫଳ୍‌କେ ନେଇ ଖାଇ ପାର୍‌ବେ।

*ବାଇବଲ୍‌ର କଥାନୀ : ଆଦି ପୁସ୍ତକ ୩*

Audio: https://git.door43.org/OBS-TLF/spv_obs/releases/download/v1/spv_obs_v1_02_128kbps.m4a

## 3. ୩. ଜଲବୁଡ଼ି କଥାନୀ

https://openbiblestories.org/l/spv/story-3/

![](https://cdn.door43.org/obs/jpg/360px/obs-en-03-01.jpg)

ବହୁତ୍ ଆଗୋନୁ ଲୋକ୍ ମାନେ ଇ ସଂସାରେ ରହି ଆସୁଥିଲେ। ସେମାନେ ବହୁତ୍ ଦୁଷ୍ଟ ହେଇ ପାପିହେଇ ଯାଇଥିଲେ। ପରିସ୍ତିତି ଇନ୍ତା ହଇଗଲା ଯେ ମାହାପୁରୁ ସେମାନ୍‌କୁ ପାଏନ୍ ଥି ବୁଡେଇ କରି ମାର୍‌ବାର୍ ଲାଗି ବଡ୍ ଭାରି ଜଲବୁଡି ପୁର୍‌ଥିନ କର୍‌ବାର୍ ଲାଗି ମନେ ମନେ ଚିନ୍ତା କଲେ।

![](https://cdn.door43.org/obs/jpg/360px/obs-en-03-02.jpg)

ହେଲେ ମାହାପୁରୁ ନୁହର୍ ଉପ୍‌ରେ ଖୁସ୍‌ ଥିଲେ। କାଏଁଯେ କି, ହେତ୍‌କି ଦୁଷ୍ଟ ଲୋକର୍ ଭିତ୍‌ରେ ଥାଇକରି ବି ସେ ଝନେ ଭଲ୍ ଲୋକ୍‌ଟେ ଥିଲେ। ତ ମାହାପୁରୁ ନୁହକେ ଜଲ୍‌ବୁଡି କର୍‌ବାର କଥା ଜନାଲେ। ସେଥିର୍‌ ଲାଗି, ସେ ତାହାକେ ଗୁଟେ ବଡ୍‌ ଜାହାଜ୍‌ ବନାବାର୍‌ ଲାଗି ଆଦେଶ୍ ଦେଲେ।

![](https://cdn.door43.org/obs/jpg/360px/obs-en-03-03.jpg)

ମାହାପୁରୁ ନୁହ କେ ବଡ୍ ଜାହାଜ୍ ଗୁଟେ ବନାବାର୍ ଲାଗି କହେଲେ ଯେନ୍‌ଟାକି ୩୦୦ ହାତ୍‌ ଲମ୍‌ହା, ୫୦ ହାତ୍ ଉସାର୍‌, ୩୦ ହାତ୍‌ ଡେଁଙ୍ଗ୍ ଥିବାର୍‌ କଥା। ମାହାପୁରୁର୍ କଥା ହିସାବେ ଡଙ୍ଗାଁ କାଠେ ବନ୍‌ବା ଆର୍ ତିନ୍‌ ତାଲା ହେବା, ତାର୍ ସାଙ୍ଗେ ଗୁଡାଦୁ ବଖ୍‌ରା, ଛାତ୍ ଆର୍‌ ଝର୍‌କା ଗୁଟେ ବି ହେବାର୍ କଥା। ଯେନ୍ ଠାନେକି ନୁହର୍ କୁଟୁମ୍ ଆର୍ ସବୁ ଭୁଇଁଥି ରହେଲା ଜୀବ ଜନ୍ତୁ ରହିକରି ବଏଡ୍ ପାଏନ୍‌ନୁ ବଁଚି ପାର୍‌ବେ।

![](https://cdn.door43.org/obs/jpg/360px/obs-en-03-04.jpg)

ନୁହ ମାହାପୁରୁର୍ ଆଜ୍ଞାକେ ମାନ୍‌ଲେ। ଆର୍ ଯେନ୍ତା ହୁକୁମ୍ ପାଇଥିଲେ, ତାର୍ ତିନ୍ ଟା ପିଲାକେ ନେଇକରି ସେନ୍ତା ଡଙ୍ଗାଁ ବନାଲେ। ଇ ଡଙ୍ଗା ବନାବାର୍ ଲାଗି ବନେ ବରଷ୍ ଲାଗିଗଲା କାଁଏଯେ କି ଡଙ୍ଗା ବନେ ବଡ୍ ଥିଲା। ନୁହ ସବୁ ଲୋକ୍‌ମାନ୍‌କୁ ବଏଡ୍‌ ବାବଦ୍‌ରେ ଆର୍ ତାକର୍ ମନ୍ ଫିରେଇ କରି ମାହାପୁରୁର୍ ପାସ୍‌କେ ଆସ୍‌ବାର୍ ଲାଗି କହେଲେ, ହେଲେ ତାହାକେ କିହେବି ବିଶ୍ୱାସ୍ ନେଇ କଲେ।

![](https://cdn.door43.org/obs/jpg/360px/obs-en-03-05.jpg)

ମାହାପୁରୁ ନୁହକେ ଆର୍ ତାର୍ ପୁରା କୁଟୁମ୍‌କେ ଆଦେଶ୍‌ ଦେଇ କରି କହେଲେ ଯେ, ”ତମେ ତମର୍ ଲାଗି ଆର୍ ସବୁ ଜୀବ ଜନ୍ତୁମାନ୍‌କର୍ ଲାଗି ଖାନା ପିନା ସବୁ ଠୂଲେଇଥ।“ ଯେତେ ବେଳେ ସବୁ ବନେଇ ସାର୍‌ଲେ, ମାହାପୁରୁ ନୁହକେ କହେଲେ, “ଇଟା ଠିକ୍ ସମିୟାଁ ଆଏ, ତୁଇ, ତୋର କନିଆ, ତୋର୍ ପିଲାମାନେ ଆର୍ ତାକର୍ କନିଆ ମାନେ ଡଙ୍ଗା ଭିତର୍‌କେ ଢୁକ।” ତାକର୍ କୁଟୁମ୍ ବସିଆ ସବେ ମିଶିକରି ଆଠ୍ ଝନ୍ ହଉଥିଲେ।

![](https://cdn.door43.org/obs/jpg/360px/obs-en-03-06.jpg)

ମାହାପୁରୁ ସବୁ ପର୍‌କାର୍‌ର ଏଁର୍‌ରା ଆର୍ ମାଁଇ ପଶୁ ପକ୍ଷୀ ନୁହର୍ ଡ଼ଙ୍ଗାର୍ ପାକ୍‌କେ ପଠାଲେ ଯେନ୍ତାକି ସେମାନେ ଡଙ୍ଗାଁକେ ଢୁକ୍‌ବେ ଆର୍ ବଏଡ୍‌ନୁ ବଁଚ୍‌ବେ। ସେ ଇନ୍ତା ହିସାବେ ସାତ୍ ରକ୍‌ମର୍ ଏଁର୍‌ରା ଆର୍ ମାଁଇ ପଶୁ ପକ୍ଷୀକେ ଡଙ୍ଗାକେ ପଠାଲେ ଯେନ୍ ମାନେ କି ବଲି ଦେବାର୍ କାମେ ବେଭାର୍ ହେଇ ପାର୍‌ବେ। ଯେତ୍‌କିବେଲେ ସଭେଁ ଡ଼ଙ୍ଗା ଭିତର୍ କେ ଢୁକ୍‌ଲେ, ମାହାପୁରୁ ନିଜେ ଡ଼ଙ୍ଗାର୍ ଟାଏଟ୍‌କେ ଖାପି ଦେଲେ।

![](https://cdn.door43.org/obs/jpg/360px/obs-en-03-07.jpg)

ତେହେଁରୁ ଲଗାତାର୍ ବର୍ଷା ହେଲା। ୪୦ଦିନ୍ ୪୦ ରାଏତ୍ ଝଁକେର୍ ଧର୍‌ଲା ! ଆର୍ ମାଏଟ୍ ତଲୁ ବି ପାଏନ୍ ଉବ୍‌ଜିଲା।ପୁର୍‌ଥିର୍ ସବୁ କିଛି ପାଏନ୍‌ଥି ବୁଡି ଯିବାର୍‌କେ ଲାଗ୍‌ଲା, ଇନ୍ତାକି ବଡ୍ ବଡ୍‌ ପାହାଡ୍, ପର୍ବତ୍ ମାନେବି ବୁଡି ଗଲେ।

![](https://cdn.door43.org/obs/jpg/360px/obs-en-03-08.jpg)

ଡଙ୍ଗା ଭିତ୍‌ରେ ଥିବାର୍ ପଶୁ ପକ୍ଷୀ ଆର୍ ମୁନୁଷ୍ ମାନ୍‌କୁ ଛାଡି ଦେଲେ, ବାହାରର୍ ସବୁକିଛି ଯେନ୍‌ଟା ମାନେ ସୁଖାଭଟାନ ଥିଲେ ସବେ ମରିଗଲେ। ଡଙ୍ଗା ପାଏନ୍ ଉପରେ ପହଁରୁଥିଲା ଆର୍ ତାର୍ ଭିତ୍‌ରେ ଯେତ୍‌କି ବି ଥିଲେ ପାଏନ୍‌ଥି ବୁଡି କରି ମର୍‌ବାର୍‌ନୁ ବଚିଁଗଲେ।

![](https://cdn.door43.org/obs/jpg/360px/obs-en-03-09.jpg)

ବର୍ଷା ଛାଡ୍‌ଲା ପରେ, ଡ଼ଙ୍ଗା ପାଁଚ୍ ମାସ୍ ତକ୍ ପାଏନ୍ ଉପ୍‌ରେ ପହଁରୁଥିଲା ଆର୍ ସେ ପାଁଚ୍ ମାସେ ପାଏନ୍ କମ୍ ବାର୍‌କେ ଲାଗ୍‌ଲା। ତାର୍‌ପରେ ଦିନେ ଡଙ୍ଗାଁ ଯାଇକରି ଗୁଟେ ପର୍ବତେ ଖୁତେଇ ହେଇ ଅଲ୍‌ଝି କରି ରହେଲା, ହେଲେ ସେତ୍‌କି ବେଲ୍‌ତକ୍‌ବି ପୁର୍‌ଥି ପାଏନ୍‌ଥି ବୁଡି କରି ଥିଲା। ତିନ୍ ମାଁସ୍ ପରେ ଜାକିର୍, ସେ ପର୍ବତ୍ ମାନ୍‌କର୍ ଶିଖ୍ ଦିସ୍‌ଲା

![](https://cdn.door43.org/obs/jpg/360px/obs-en-03-10.jpg)

ଚାଲିସ୍ ଦିନ୍ ପରେ ନୁହ ବାହାର୍‌ର ପାଏନ୍ ସୁଖ୍‌ଲାନ କି ନେଇ ବଲି ଜାନ୍‌ବାର୍‌ଲାଗି ଗୁଟେ କୁଆକେ ବାହାର୍‌କେ ପଠାବାର୍‌କେ ଚାହେଁଲେ। ତେହେରୁଁ ସେ କୁଆ ସୁଖା ଭୁଇଁ ଖୁଜ୍‌ବାର୍ ଲାଗି ଇଆଡେ ସିଆଡେ ଉଡି ବସ୍‌ଲା ହେଲେ ସୁଖା ଭଁଟା ଟିକେବି ନେଇ ପାଏଲା।

![](https://cdn.door43.org/obs/jpg/360px/obs-en-03-11.jpg)

ପଛେ ଫେର୍ ନୁହ ଆର୍ ଗୁଟେ ପାରା କେ ବାହାର୍‌କେ ପଠାଲେ ହେଲେ ବି ସେ କିଛି ସୁଖା ଭୁଁଇ ନାଇଁ ପାଏଲା, ସେ ବି ନୁହର୍ ପାସ୍ କେ ଫିରି ଆସ୍‌ଲା। ଫେର୍ ଗୁଟେ ହପ୍ତା ପରେ ସେ ଆର୍ ପଟେ ପାରାକେ ପଠାଲେ, ଆର୍ ସେ ପାରା ଅଲୀଭ୍ ଗଛର୍ ଡାଲ୍‌ଗୁଟେ ଆର୍ ଚେର୍‌ଟେ ଆନି କରି ଆସଲା! ସେନୁ ଜନା ପଡ୍‌ଲା ଯେ ଇହାଦେ ପାଏନ୍ କମି ଯାଇଛେ ଆର୍ ନୁଆଁ ଚାରା ମାନେବି ଆଁକୄଛନ୍ !

![](https://cdn.door43.org/obs/jpg/360px/obs-en-03-12.jpg)

ନୁହ ଆର୍‌ଗୁଟେ ହପ୍ତା ଅଟ୍‌କିଲା, ଆର୍ ତେହେରୁଁ ତିନ୍ ନମର୍ ଥର୍ ଆର୍ ଗୁଟେ ପାରାକେ ପଠାଲା, ସେତ୍ କି ବେଲେ ସେ ଶୁଖା ଜାଗା ପାଏଲା ଆର୍ ନେଇ ଫିରି କରି ବାହାରେ ଶୁଇଲା କାଁକରି କି ହେତ୍‌କି ବେଲ୍‌କେ ପାଏନ୍ ସୁଖି ଯାଇ ଥିଲା ନ !

![](https://cdn.door43.org/obs/jpg/360px/obs-en-03-13.jpg)

ମାହାପୁରୁ ନୁହକେ ଦୁଇ ମାସ୍ ପରେ କହେଲେ, “ତୁମେ, ତୁମର୍ ସବ୍ କୁଟୁମ୍‌ବାଟୁମ୍‌ ଆରୁ ସବୁ ପଶୁ ପକ୍ଷୀକେ ଡ଼ଙ୍ଗା ଠାନୁ ଇହାଦେ ବାହାର୍ କରି ଆନ। ଆର୍ ତମର୍ ପିଲା ଛୁଆ ଜନମ୍ କରି ଇ ସଁସାରେ ଭରି ଯ।“ ତେହେରୁଁ, ନୁହ ଆର୍ ତାର୍ କୁଟୁମ୍ ଡଙ୍ଗାନୁ ବାହାର୍‌କେ ବାହାର୍‌ଲେ।

![](https://cdn.door43.org/obs/jpg/360px/obs-en-03-14.jpg)

ନୁହ ଡଙ୍ଗାନୁ ବାହର୍‌ଲା କି, ସେ ବେଦି ଗୁଟେ ବନାଲେ ଆରୁ ସବୁ ରକ୍‌ମର୍ ପଶୁ ମାନ୍‌କୁ ବଲି ଚଢ଼ାଲେ। ତେହେରୁଁ ମାହାପୁରୁ ନୁହର୍ ବଳି ଉପ୍‌ରେ ଖୁସ୍ ହେଲେ ଆର୍ ତାହାକେ ଆର୍ ତାର୍ କୁଟୁମ୍ କେ ଆଶୀର୍ବାଦ କଲେ।

![](https://cdn.door43.org/obs/jpg/360px/obs-en-03-15.jpg)

ମାହାପୁରୁ କହେଲେ, “ମୁଇଁ କିରିଆ କରୁଛେଁ ଯେ, ମୁନୁଷର୍ ପାପ୍ କାମ୍ ଲାଗି ମୁଇଁ ଆର୍ କେଭେଁ ଭି ମାଁଏଟ୍‌କେ ଅଭିଶାପ୍ ନେଇ ଦିଏଁ, କି ଜଲବୁଡି ଥିଁ କେଭେବି ଇ ସଂସାର୍‌କେ ନେଇଁ ମେଟେଁ, ଯେହେତୁ ମୁନୁଷ୍ ଛୁଆବେଲୁ ପାପୀ ଆଏଁ।”

![](https://cdn.door43.org/obs/jpg/360px/obs-en-03-16.jpg)

ତାର୍‌ପରେ ସେ ପହେଲା କରି ଇନ୍ଦ୍ରଧନୁକେ ଇ ପ୍ରତିଜ୍ଞାର୍ ଚିହ୍ନା ହିସାବେ ରଖ୍‌ଲେ। ଯେତେ ଥର୍‌ବି ଆକାଶେ ଇନ୍ଦ୍ରଧନୁ ଦିଶ୍‌ବା, ସେଟା ମାହାପୁର୍‌ର ଆର୍ ଜଗତ୍‌ର ଲୋକ୍ ମାନ୍‌କର୍ ଲାଗି ମାହାପୁରୁର୍ ପ୍ରତିଜ୍ଞା କାଣା ଥିଲା, ସେଟାକେ ମନେପକାଵା।

*ବାଇବଲ୍‌ର କଥାନୀ : ଆଦି ପୁସ୍ତକ ୬-୮*

Audio: https://git.door43.org/OBS-TLF/spv_obs/releases/download/v1/spv_obs_v1_03_128kbps.m4a

## 4. ୪. ଅବ୍ରାହାମ୍ ସାଙ୍ଗେଁ ମାହାପୁରୁର୍ ଚୁକ୍ତି

https://openbiblestories.org/l/spv/story-4/

![](https://cdn.door43.org/obs/jpg/360px/obs-en-04-01.jpg)

ଜଲ୍‌ବୁଡି ହେବାର୍ ବହୁତ୍ ବରଷ୍ ଉତାରେ ଇ ସଂସାରେ ଫେର୍ ବହୁତ୍ ଲୋକ୍‌ଥିଲେ ଆର୍ ମାହାପୁରୁକେ ନାଇଁ ଡ଼ରିକରି ଲୋକ୍‌ମାନେ ପାପ୍ କରିଚାଲ୍‌ଲେ। କାଁକରି କି ସେମାନେ ସଭେ ଗୁଟେ ବୁଲି (ଭାଷା) କହୁଥିଲେ; ମାହାପୁରୁର୍ କହେବାର୍ ହିସାବେ ସେମାନେ ଜଗତ୍‌ନ ଫେଏଲି ଯିବାର୍‌ ବଦ୍‌ଲା ଗୁଟେ ଜାଗାନ ରହେଲେ ଆର୍ ଗୁଟେ ସହର୍ ବନାଲେ।

![](https://cdn.door43.org/obs/jpg/360px/obs-en-04-02.jpg)

ସେମାନେ ସଭେ ବଡେ ଗର୍ଵି ଲୋକ୍‌ ଥିଲେ, ଇଥିର୍‌ଲାଗି ମାହାପୁରୁର୍ ନିତି ନିୟମ୍‌କେ ଖାତିର୍ ନାଇଁ କଲେ ଆର୍‌ ଯେନ୍ ହିସାବେ ସେମାନେ ଜୀବନ୍ ଯାପନ୍ କର୍‌ବାର୍ କଥା ସେନ୍‌ତା ନେଇ କଲେ। ହେଲେ ସେମାନେ ସରଗ୍‌କେ ପୁହୁଁଚିବାର୍ ଲାଗି ଗୁଟେ ବଢେ ସ୍ଥମ୍ଭଟେ ବନାଲେ। ମାହାପୁରୁ ଇସବୁ ଦେଖ୍‌ଲେ ଆର୍‌ ଭାବ୍‌ଲେଯେ ଇସବୁ ଲୋକ୍ ଗୁଟେ ଜାଗାରେ ରହିକରି କାମ୍ କଲେ ଆର୍‌ ପାପ୍ ଟା ବଢି ଚାଲ୍‌ବା।

![](https://cdn.door43.org/obs/jpg/360px/obs-en-04-03.jpg)

ସେଥିର୍ ଲାଗି ମାହାପୁରୁ ତାକର୍ ଭାଷାଟା କେ ଅଲ୍‌ଗା ଅଲ୍‌ଗା ଭାଷା ଥିଁ ବଦ୍‌ଲେଇ ଦେଲେ ଆର୍ ସେନର୍ ସବୁ ଲୋକ୍‌କେ ଜଗତର୍ ଅଲ୍‌ଗା ଅଲ୍‌ଗା ଜାଗା ମାନ୍‌କୁ ପଠେଇ ଦେଲେ। ସେ ନଗର୍ ଯେନ୍‌ଟା ସେମାନେ ବନାବାର୍ ଆରମ୍ କରି ଥିଲେ ସେତାର୍ ନାଁ ହେଲା ବାବେଲ୍, ଯାହାର୍ ମାନେ ହେଲା “ଦନ୍ଦାବଢିଆ”।

![](https://cdn.door43.org/obs/jpg/360px/obs-en-04-04.jpg)

ଶହ ଶହ ବରଷ୍ ଉତାରେ, ମାହାପୁରୁ ଅବ୍ରାମ୍ ବଲିକରି ଗୁଟେ ଲୋକ୍ ସାଙ୍ଗେ କଥା ହେଲେ। ମାହାପୁରୁ ତାହାକେ କହେଲେ, “ତୋର୍‌ ଦେଶ୍ ଆର୍ ପରିବାର୍ କେ ଛାଡ଼ି କରି ମୁଇଁ ଯେନ୍‌ ଜାଗା ଦେଖାମି ସେନିକେ ଯା। ମୁଇଁ ତତେ ଆଶିର୍‌ବାଦ୍ କର୍‌ମି ଆର୍‌ ଗୁଟେ ବଢେ ଜାତି ତୋର୍‌ଠାନୁ ବାହାର୍ କର୍‌ମି। ମୁଇଁ ତୋର ନାଁ କେ ଉଚ୍ଚାଁ ରଖ୍‌ମି। ଯିଏ ତତେ ଆଶିର୍‌ବାଦ୍ କର୍‌ବା ସେ ମୋର୍‌ନୁ ଆଶିର୍‌ବାଦ୍ ପାଏବା, ଆର୍ ଯିଏ ତତେ ଅଭିଶାପ୍ ଦେବା ସେ ମୋର୍‌ନୁ ବି ଅଭିଶାପ୍ ପାଏବା। ପୁର୍‌ଥିର୍ ସବୁ ଲୋକ୍ ତୋର୍ ଲାଗି ଆଶିର୍‌ବାଦ୍ ପାଏବେ।”

![](https://cdn.door43.org/obs/jpg/360px/obs-en-04-05.jpg)

ତେହେରୁଁ ଅବ୍ରାମ୍ ମାହାପୁରୁର୍ କଥାକେ ମାନ୍‌ଲେ। ସେ ତାର୍ କନିଆ ସାରା ଆର୍ ତାକର୍ ସବୁ ହଲିଆ ଆର୍ ତାକର୍ ସବୁ ଧନ୍ ସମ୍ପ୍‌ତିକେ ନେଇ କରି ମାହାପୁରୁ ଯେନ୍ ଜାଗା ତାହାକେ ଦେଖେଇ ଥିଲେ ସେନିକେ ଗଲେ, ଯେନ୍‌ଟା କି କୀଣାନ୍ ଦେଶ୍ ଥିଲା।

![](https://cdn.door43.org/obs/jpg/360px/obs-en-04-06.jpg)

ଯେତ୍‌କିବେଲେ ଅବ୍ରାମ୍ କିଣାନ୍‌ ଦେଶ୍‌କେ ପୁହଁଚିଲେ, ମାହାପୁରୁ ତାହାକେ କହେଲେ, “ତୁମର୍ ଚାରିଃ ଆଡ୍‌କେ ଦେଖ। ମୁଇଁ ତୁମ୍‌କୁ ଇ ସବୁ ଜାଗା ଦେଇ ଦେମି, ଆର୍ ତମର୍ ଆଏବାର୍‌ ବଂଶଧର୍ ସଭେ ଇନ ସବୁ ଦିନ୍‌ର୍‌ଲାଗି ରହେବେ।” ତାର୍‌ପରେ ଅବ୍ରାମ୍ ସେ ଜାଗାନ ନିଜର୍ ଘର୍‌ସଂସାର୍ କରି ରହେବାର୍‌ ଆରମ୍ କଲେ।

![](https://cdn.door43.org/obs/jpg/360px/obs-en-04-07.jpg)

ସେଠାନେ ମଲ୍‌କୀଷେଦକ୍‌ ବଲିକରି ଗୁଟେ ଲୋକ୍ ଥିଲେ, ଯିଏ କି ମାହାପୁରୁର୍ ଯାଜକ୍‌ ଥିଲେ। ଦିନେ, ଅବ୍ରାମ୍ ଯୁଦ୍ଧନୁ ଫିର୍‌ଲା ଉତାରେ, ସେ ମଲ୍‌କୀଷେଦକ୍‌ ସାଙ୍ଗେ ଭେଟ୍ ପଡ୍‌ଲେ। ତେହେରୁଁ ମଲ୍‌କୀଷେଦକ୍‌ ଅବ୍ରାମ୍‌କେ ଆଶିର୍‌ବାଦ୍ କଲେ ଆର୍ କହେଲେ, “ସରଗ୍ ଆର୍ ପୃଥିବିର୍ ମାଲିକ୍ ମାହାପୁରୁ ସେ ତମ୍‌କୁ ଆଶିର୍‌ବାଦ୍ କରୁନ୍। “ତହେରୁଁ ଅବ୍ରାମ୍ ଯାହାବି ଯୁଦ୍ଧନ ଜିତିଥିଲେ ସେ ସବୁ ଜିନିଷ୍‌ର ଦଶ୍ ଭାଗର୍ ଭାଗେ ମଲ୍‌କୀଷେଦକ୍‌କେ ଦେଲେ।

![](https://cdn.door43.org/obs/jpg/360px/obs-en-04-08.jpg)

ଅନେକ୍‌ ବରଷ୍ ବିତି ଗଲା, ଅବ୍ରାମ୍ ଆର୍ ସାରାକେ ଛୁଆ ପୁତା ନେଇ ହଉ ଥାଇ। ଫେର୍‌ଘାଏ ମାହାପୁରୁ ଅବ୍ରାମ୍ ସାଙ୍ଗେ କିରିୟାଟେ କଲେ ଯେ, ସେ ଅବ୍ରାମ୍‌କେ ପିଲା ଗୁଟେ ଦେବେ ଆର୍ ତାକର୍ ବଂଶ୍ ଆକାଶର୍ ତାରା ଭଲିଆ ବହୁତ୍ ହେବେ। ଅବ୍ରାମ୍ ମାହାପୁରୁର୍ ପ୍ରତିଜ୍ଞା ଉପ୍‌ରେ ବିଶ୍ୱାସ୍ କଲେ। ମାହାପୁରୁ ସମ୍‌କିର୍‌ର ଆଘେ କହେଲେଯେ ଅବ୍ରାମ୍ ଗୁଟେ ଧାର୍ମିକ୍ ଲୋକ୍‌ ଆଏ, କାଏଁଯେ କି ସେ ମାହାପୁରୁର୍ ପ୍ରତିଜ୍ଞା ଉପ୍‌ରେ ବିଶ୍ୱାସ୍ କଲେ।

![](https://cdn.door43.org/obs/jpg/360px/obs-en-04-09.jpg)

ତେହେରୁଁ ମାହାପୁରୁ ଅବ୍ରାହାମ୍ ସାଙ୍ଗେ ଗୁଟେ ଚୁକ୍ତି କଲେ। ଚୁକ୍ତି ବଏଲେ ଦୁଇଟା ଦଲର୍ ଭିତରର୍ ରାଜିନାମାକେ ବୁଝାସି। ହେଲେ ଇଠାନେ ମାହାପୁରୁ ଅବ୍ରାମ୍ ସାଙ୍ଗେ ଗୁଟେ ପ୍ରତିଜ୍ଞା କଲେ, ଯେତେ ବେଲେ ସେ ଶୁଇ ଥିଲେ, ହେଲେ ବି ସେ ମାହାପୁରୁକେ ଶୁନି ପାରୁଥିଲେ। ମାହାପୁରୁ କହେଲେ, “ମୁଇଁ ତମ୍‌କୁ ପୁଓ ଟେ ଦେମି ଜେନ୍ଟାକି ତମର୍ ଦେହେଁନୁ ହିଁ ହେବା। ମୁଇଁ ଇ କୀଣାନ୍ ଦେଶ୍‌କେ ତୁମର୍ ଆଏବାର୍‌ ବଂଶର୍ ଲୋକ୍‌ମାନ୍‌କୁଁ ବି ଦେମି।” ହେଲେ ହେତ୍‌କିବେଲ୍ ତକ୍ ଅବ୍ରାମ୍‌ର ପିଲା ଗୁଟେବି ନେଇଁ ହଇ ଥାଇ।

*ବାଇବଲ୍‌ର କଥାନୀ : ଆଦି ପୁସ୍ତକ ୧୧-୧୫*

Audio: https://git.door43.org/OBS-TLF/spv_obs/releases/download/v1/spv_obs_v1_04_128kbps.m4a

## 5. ୫. ପ୍ରତିଜ୍ଞାର୍ ପୁଓ

https://openbiblestories.org/l/spv/story-5/

![](https://cdn.door43.org/obs/jpg/360px/obs-en-05-01.jpg)

ଦଶ୍ ବରଷ୍ ପରେ ଅବ୍ରାମ୍ ଆର୍ ସାରୀ କିଣାନ୍ ଦେଶ୍‌କେ ପୁହୁଁଚିଲେ, ହେଲେ ସେତ୍‌କି ବେଲ୍‌ତକ୍ ବି ସେମାନ୍‌କର୍ ଛୁଆପୁତା ନେଇ ହେଇ ଥାଇ। ସେଥିର୍‌ଲାଗି ଅବ୍ରାମ୍‌ର କନିଆ ସାରୀ, ତାହାକୁ କହେଲେ, “ ମତେ ତ ମାହାପୁରୁ ଛୁଆ ଜନମ୍ କରବାର୍ ତାକତ୍ ନେଇ ଦେବାର୍ ଆର୍ ମୁଇ ବୁଢି ହେଇବସ୍‌ଲି ନ, କିଏ ଜାନେ ପିଲା ଛୁଆ ଜନମ୍ କରି ପାର୍‌ମି କି ନାଇଁ ଯେ, ଇଠାନେ ମୋର୍ ଦାସୀ ହାଗାର ଅଛେ। ହେତାର୍ ସାଙ୍ଗେ ଦିନାଦୁ ରହ ଯେନ୍ତା ସେ ମୋର୍ ଲାଗି ଛୁଆଟେ ଜନମ୍ କରବା।”

![](https://cdn.door43.org/obs/jpg/360px/obs-en-05-02.jpg)

ତେହେରୁଁ ଅବ୍ରାମ୍ ହାଗାର ସାଙ୍ଗେ ରହେଲେ। ସେନୁ ହାଗାର ପିଲା ଗୁଟେକେ ଜନମ୍ ଦେଲେ ଆର୍ ଅବ୍ରାମ୍ ତାର୍ ନାଁ ଇଷ୍ମାଏଲ୍ ଦେଲେ। ହେଲେ ହେନୁ ସାରୀ ହାଗାରକେ ଖିସେଇ ହେଲା। ଯେତେବେଲେ ଇଷ୍ମାଏଲ୍‌କେ ୧୩ ବରଷ୍ ହେଲା, ମାହାପୁରୁ ଫେର୍ ଘାଏ ଅବ୍ରାମ୍ ସାଙ୍ଗେ କଥା ହେଲେ।

![](https://cdn.door43.org/obs/jpg/360px/obs-en-05-03.jpg)

ମାହାପୁରୁ କହେଲେ, “ମୁଇଁ ଶକ୍ତିଶାଲି ମାହାପୁରୁ ଆଏଁ। ମୁଇଁ ତୁମର୍ ସାଙ୍ଗେ ଗୁଟେ ଚୁକ୍ତି କର୍‌ମି।” ତାର୍‌ପରେ ଅବ୍ରାମ୍ ଭୁଇଁଥି ପଡିକରି ମାହାପୁରୁକେ ମୁଡିଆ ମାଏଲେ। ମାହାପୁରୁ ତାହାକୁ ଇଟାବି କହେଲେ ଯେ, ତୁମେ ବହୁତ୍‌ ଜାତିର୍ ବୁଆ (ପିତା) ହେବ। ମୁଇଁ ତତେ ଆର୍‌ ତୋର୍‌ ଆଏବାର୍ ପିଢିକେ କୀଣାନ୍ ଦେଶର୍ ଅଧିକାରୀ ବନାମି, ଆର୍ ସବୁବେଲେ ସେମାନ୍‌କର୍ ମାହାପୁରୁ ହେଇ କରି ରହେମି।ହେଲେ ତମ୍‌କୁ ଆର୍ ତୁମର୍ ଘରର୍ ସବୁ ମୁନୁଷ୍ ପିଲାକେ ସୁନ୍ନତ୍ ହେବାକେ ପଡ୍‌ବା।”

![](https://cdn.door43.org/obs/jpg/360px/obs-en-05-04.jpg)

“ତୁମର୍ ସ୍ତ୍ରୀ ସାରୀକେ ପୁଓଟେ ହେବା ଆର୍ ସେ ମୋର୍ ପ୍ରତିଜ୍ଞାର୍‌ର ଜନମ୍ ହେଲା ପୁଓ ବଲି ଜନାଯିବା।ତାର୍ ନା ଇସାକ୍ ରଖ୍‌ବ। ମୁଇଁ ତାର୍‌ସାଙ୍ଗେ ବି ମୋର୍ ଇ ଚୁକ୍ତିକେ ବନେଇ କରି ରଖ୍‌ମି ଆର୍ ତାହାକେ ବି ଗୁଟେ ବଡ୍ ଜାତି ବନାମୀ। ମୁଇଁ ଇଷ୍ମାଏଲ୍‌କେ ବି ବଢେ ଜାତିଟେ ବନାମି ହେଲେ ମୋର ଚୁକ୍ତିନାମା ଇସାକ୍ ସାଁଙ୍ଗେ ରହେବା।” ତାର୍ ପରେ ମାହାପୁରୁ ଅବ୍ରାମ୍‌ର ନାଁକେ ବଦ୍‌ଲେଇକରି ‘ଅବ୍ରାହାମ୍‌’ ରଖ୍‌ଲେ, ଯାହାର୍‌ ଅର୍ଥ ହଉଛେ “ବହୁତ୍ ଲୋକର୍ ବୁଆ (ପିତା)।”ମାହାପୁରୁ ସାରୀର୍ ନାଁ କେ ବି ବଦ୍‌ଲେଇ କରି ସାରା ରଖ୍‌ଲେ ଯାହାର୍ ଅର୍ଥ ହଉଛେ “ରାଜ୍ କୁମାରୀ।”

![](https://cdn.door43.org/obs/jpg/360px/obs-en-05-05.jpg)

ସେତେବେଲ୍‌କେ ଅବ୍ରାହାମ୍ ତାକର୍ ଘରର୍ ସବୁ ମୁନୁଷ୍ ପିଲାକେ ସୁନ୍ନତ୍ କରି ପକାଲେ।ଯେତେବେଲ୍‌କେ ଅବ୍ରହାମ୍ କେ ଶହେ ବରଷ୍ ଆର୍ ସାରାକେ ନବେ ବରଷ୍ ହେଲା ହେତ୍‌କିବେଲ୍‌କେ ସେ ଗୁଟେ ପିଲାକେ ଜନମ୍ ଦେଲେ। ସେମାନେ ସେତାର୍ ନାଁ ଇସାକ୍ ଦେଲେ, ଯେନ୍ତା ମାହାପୁରୁ ସେମାନ୍‌କୁ କହିଥିଲେ।

![](https://cdn.door43.org/obs/jpg/360px/obs-en-05-06.jpg)

ଯେତ୍‌କିବେଲେ ଇସାକ୍ ଯୁଆନ୍ ହେଲେ ସେତ୍‌କିବେଲ୍‌କେ ମାହାପୁରୁ ଅବ୍ରହାମ୍‌ର ବିଶ୍ୱାସ୍‌କେ ବିଢ୍‌ବାର୍‌କେ ଚାହେଁଲେ, ଆର୍‌ ତାହାକେ କହେଲେ କି, “ତୁମର୍ ଯେନ୍ ଗୁଟେବଲି ପିଲା ଅଛେ ତାହାକେ ମୋର୍ ଲାଗି ବଲି ଚଢ଼।” ଫେର୍ ଘାଏ, ଅବ୍ରହାମ୍‌ ତାକର୍ କଥାକେ ମାନ୍‌ଲେ ଆର୍ ତାକର୍ ପିଲାକେ ବଲି ଦେବାର୍‌ଲାଗି ସଜ୍‌ବାଜ୍ ହେଲେ।

![](https://cdn.door43.org/obs/jpg/360px/obs-en-05-07.jpg)

ଯେତ୍‌କିବେଲ୍‌କେ ଅବ୍ରହାମ୍ ଆର୍ ଇସାକ୍ ବଲି ଲାଗି ବେଦିର୍ ପାକ୍‌କେ ଗଲେ, ସେତ୍‌ବେଲ୍‌କେ ଇସାକ୍ ଅବ୍ରହାମ୍‌କେ ପଚ୍‌ରାଲେ, “ବାପା, ଆମର୍‌ନ କାଠ୍ ତ ଅଛେ, ହେଲେ ବଲିର୍ ଲାଗି ମେଢି ଛୁଆ କେନ୍‌ନ ଅଛେ?” ତେହେରୁଁ ଅବ୍ରହାମ୍ ଇସାକ୍‌କେ କହେଲେ, “ମାହାପୁରୁ ଆମ୍‌କୁ ମେଢିଛୁଆ ଦେବେରେ ପୁଓ।”

![](https://cdn.door43.org/obs/jpg/360px/obs-en-05-08.jpg)

ଯେତ୍‌କିବେଲ୍‌କେ ବେଦିର୍‌ ପାସ୍‌କେ ବାପ୍ ପୁଓ ଦୁହେଁ ପୁହିଁଚିଲେ ସେନ ଅବ୍ରହାମ୍ ଇସାକ୍‌କେ ବାନ୍ଧିକରି ବେଦି ଉପ୍‌ରେ ଶୁଏଇ ଦେଲେ। ଆର୍ ସେ ତାକର୍ ପୁଓକେ ଯେନ୍ତା ମାର୍‌ବାର୍ ଆରମ୍ କଲେ ସେତ୍‌କୀବେଲ୍‌କେ ମାହାପୁରୁ କହେଲେ, “ରହ ରହ ! ପିଲାକେ ନେଇ ମାର୍ ! ଇହାଦେ ମୁଇଁ ଜାନ୍‌ଲିଁ ଯେ ତୁଇ ମୋର୍ କଥା ମାନ୍‌ସୁ , ଆର ଡର୍‌ସୁ। କାଁକରି କି ତୁଇ ତୋର୍‌ ଗୁଟେ ବଲି ପିଲାକେ ମୋର୍‌ଲାଗି ବଲି ଦେବାର୍‌କେବି ପଛ୍‌ଘୁଁଚା ନେଇ ଦେଇ।

![](https://cdn.door43.org/obs/jpg/360px/obs-en-05-09.jpg)

ତେହେରୁଁ ଅବ୍ରାହାମ୍ ଦେଖ୍‌ଲେଯେ, ବେଦିର୍ ପାଖେ ଗୁଟେ ବୁଟାନ ମେଢି ଛୁଆଟେ ବନ୍ଧାହେଇଛେ।ଯେନ୍‌ଟା କି ମାହାପୁରୁ ଇସାକ୍‌ର ବଦ୍‌ଲା ବଲି ଚଢାବାର୍ ଲାଗି ଜୁଗାଡ୍ କରିଥିଲେ। ତେହେରୁଁ ଅବ୍ରହାମ୍ ଖୁସିନ ମେଢି ଛୁଆକେ ବଲି ଚଢ଼ାଲେ।

![](https://cdn.door43.org/obs/jpg/360px/obs-en-05-10.jpg)

ମାହାପୁରୁ ଅବ୍ରହାମ୍‌କେ କହେଲେ ଯେ, “ ତମେ ମୋର୍‌ଲାଗି ତମର୍ ସବୁକିଛି ଦେବାର୍ ଲାଗି ଇଚ୍ଛା କରିଥିଲ ଇନ୍ତା କି ତମର୍ ଗୁଟେ ବଲି ପିଲାକେ ବି, ହେଥିର ଲାଗି ମୁଇ ତୁମକୁଁ ଆଶୀର୍‌ବାଦ୍ କରୁଛେଁ। କି ତୁମର୍ ବଂଶର୍ ଲୋକ୍ ଆକାଶର୍ ତାରା ଠାନୁବି ବେଶୀ ହେବେ। କାଏଁଯେ କି ତୁମେ ମୋର୍ ସବୁ ଆଜ୍ଞା ମାନିଛ, ସେଥିର୍ ଲାଗି ତମର୍ କୁଟୁମ୍ ଲାଗି ଜଗତର୍ ସବୁ ଲୋକ୍‌ମାନେ ଆଶିର୍ବାଦ୍ ପାଏବେ।”

*ବାଇବଲ୍‌ର କଥାନୀ : ଆଦିପୁସ୍ତକ ୧୬-୨୨*

Audio: https://git.door43.org/OBS-TLF/spv_obs/releases/download/v1/spv_obs_v1_05_128kbps.m4a

## 6. ୬. ମାହାପୁରୁ ଇଶାକ୍ ଲାଗି ଦେଲେ

https://openbiblestories.org/l/spv/story-6/

![](https://cdn.door43.org/obs/jpg/360px/obs-en-06-01.jpg)

ଯେତ୍‌କିବେଲ୍‌କେ ଅବ୍ରାହାମ୍‌ ବନେ ବୁଢା ହେଇଗଲେ, ସେତକିବେଲ୍‌କେ ଇସାକ୍‌ବି ବିହା ହେବାର୍ ବତ୍‌ରିଆ ହେଇଯାଇ ଥିଲାନ। ସେଥିର୍‌ ଲାଗି ଅବ୍ରାହାମ୍ ଯେନ୍‌ନ ତାକର୍ ଲୋକ୍‌ବାକ୍ ଥିଲେ ସେଠାନ୍‌କେ ତାକର୍‌ ଗୁଟେ ହଲିଆକେ ଇଶାକ୍ ଲାଗି କନିଆଁ ଟୁକେଲ୍‌ଟେ ଆନ୍‌ବାର୍ ଲାଗି ପଠାଲେ।

![](https://cdn.door43.org/obs/jpg/360px/obs-en-06-02.jpg)

ବହୁତ୍ ବାଟ୍ ଗଲା ପରେ ଅବ୍ରାହାମ୍‌ର ଲୋକ୍‌ବାକ୍ ରହେଲା ଜାଗାକେ ସେ ହଲିଆ ପୁହୁଁଚିଲା, ତାର୍‌ପରେ ମାହାପୁରୁ ସେ ତାହାକେ ରିବିକା ସାଁଙ୍ଗେ ଭେଟ୍ କରାଲେ ଆର୍ ସେ ଟୁକେଲ୍‌ଟା ଅବ୍ରାହାମ୍‌ର ଭାଇର୍ ନାତେନ୍ ଥିଲା।

![](https://cdn.door43.org/obs/jpg/360px/obs-en-06-03.jpg)

ତେହେରୁଁ ରିବିକା ସେ ହଲିଆର୍‌ କଥା ମାନିକରି ସେତାର୍ ସାଁଙ୍ଗେ ଇସାକ୍‌ର ଘର୍‌କେ ଆସ୍‌ଲା। ଯେନ୍ତା ସେମାନେ ଇସାକ୍‌ର ଘର୍‌କେ ପୁହଁଚିଲେ ଇସାକ୍ ରିବିକାକେ ବିହା ହେଲା।

![](https://cdn.door43.org/obs/jpg/360px/obs-en-06-04.jpg)

ଅବ୍ରାହାମ୍ ମରିଗଲା ପରେ, ମାହାପୁରୁ ଅବ୍ରାହାମ୍‌ର ପିଲା ଇସାକ୍‌କେ ଆଶୀର୍‌ବାଦ୍ କଲେ କାଏଁଯେ କି ସେ ଅବ୍ରହାମ୍ ସାଙ୍ଗେ ଆଗନୁ ଚୁକ୍ତି କରିଥିଲେ। ସେ ଚୁକ୍ତିନ ମାହାପୁରୁର୍ ଗୁଟେ ପ୍ରତିଜ୍ଞା ଥିଲା ଯେନ୍ତାକି ଅବ୍ରହାମ୍‌ର ବହୁତ୍ ବଡ୍ ବଂଶଟେ ହେବା ଆର ତାର୍ ବଂଶିୟାଁ କେତ୍‌ନିକେତେ ହେବେ। ହେଲେ ଇଟା ଅସୁବିଧା ହେଲା ଯେ ରିବିକାକେ ଛୁଆପିଲାଟେ ନାଇଁ ହଈ ପାରୁଥାଇ।

![](https://cdn.door43.org/obs/jpg/360px/obs-en-06-05.jpg)

ଇସାକ୍ ରିବିକାର୍ ଲାଗି ପ୍ରାର୍ଥନା କଲେ ତେହେରୁଁ ମାହାପୁରୁ ରିବିକାକେ ଆଶୀର୍‌ବାଦ୍ କଲେ ଆର୍ ଦୁଇଟା ଯାଆଁଳା ଛୁଆ ଦେଲେ। ସେ ଦୁଇଟା ଯାଆଁଳା ଛୁଆ ରିବିକାର୍ ପେଟେ ଯେତ୍‌କିବେଲ୍‌କେ ମାଡ଼୍ ଲାଗୁଥିଲେ, ତ ରିବିକା ମାହାପୁରୁକେ ପ୍ରଭୂ ମତେ କାଣା ହଉଛେ ବଲି ପଚ୍‌ରାଲେ।

![](https://cdn.door43.org/obs/jpg/360px/obs-en-06-06.jpg)

ମାହାପୁରୁ ରିବିକାକେ କହେଲେ, “ତୁଇ ଦୁଇଟା ପୁଓ ଜନମ୍ କର୍‌ବୁ ଆର୍ ସେ ଦୁହି ପୁଓ ମାନ୍‌କର୍ ଦୁଇଟା ଅଲ୍‌ଗା ଅଲ୍‌ଗା ଜାତି ହେବା। ସେ ଦୁହେଁ ନିଜର୍ ନିଜର୍ ଭିତ୍‌ରେ ମାଁଡ଼୍ ଲାଗ୍‌ବେ। ବାକି ତୋର୍ ବଡ୍‌ ପିଲାର୍ ଜାତିର୍ ଲୋକ୍ ତୋର୍ ସାନ୍ ପିଲାର୍ ଜାତିର୍ ଲୋକର୍ କଥା ମାଁନ୍‌ବେ।

![](https://cdn.door43.org/obs/jpg/360px/obs-en-06-07.jpg)

ଯେଭେ ରିବିକାର୍ ଯଆଁଲା ପୁଓ ଜନମ୍ ହେଲେ, ବଡ୍‌ଖା ପିଲା ଲାଲ୍ ଆର୍ ବାଳୁଆ ଦିଶୁଥିଲା ତ ସେମାନେ ତାର୍ ନାଁ ଏଷୌ ଦେଲେ। ତେହେରୁଁ ସାନ୍‌ପିଲା ଏଷୌର୍ ଗୋଡ୍‌କେ ଧରିକରି ଜନମ୍ ହେଲା ଆର୍ ସେତାର୍ ନାଁ ସେମାନେ ଯାକୁବ୍ ଦେଲେ।

*ବାଇବଲ୍‌ର କଥାନୀ: ଆଦି ପୁସ୍ତକ ୧୪:୧-୨୫:୨୬*

Audio: https://git.door43.org/OBS-TLF/spv_obs/releases/download/v1/spv_obs_v1_06_128kbps.m4a

## 7. ୭. ମାହାପୁରୁ ଯାକୁବକେ ଆର୍ଶିବାଦ୍ କଲେ

https://openbiblestories.org/l/spv/story-7/

![](https://cdn.door43.org/obs/jpg/360px/obs-en-07-01.jpg)

ପିଲାମାନେ ଯେନ୍ତା ବଡ୍ ହେଇ ବସ୍‌ଲେ, ଯାକୁବ୍‌ ଘରେ ରହେବାକେ ଭଲ୍ ପାଉଥିଲେ, ହେଲେ ଏଷୌ ପଶୁ ଶିକାର୍ କର୍‌ବାକେ ଭଲ୍ ପାଉଥିଲା। ରିବିକା ଯାକୁବ୍‌କେ ଭଲ୍ ପାଉଥିଲେ, ହେଲେ ଇଶାକ୍ ଏଷୌକେ ଭଲ୍ ପାଉଥିଲେ।

![](https://cdn.door43.org/obs/jpg/360px/obs-en-07-02.jpg)

ଦିନେ, ଏଷୌ ଶିକାର୍ କରି ଫିର୍‌ଲେ, ଆର୍ ସେ ବହୁତ୍ ଭୁକେ ହଉଥିଲେ। ସେ ଯାକୁବ୍‌କେ କହେଲେ, "ତୋର୍ ବନାଲା ଖାଏବାର୍‌ଟା ଟୀକେ ମତେ ଦେ।" ତେହେରୁଁ ଯାକୁବ୍ କହେଲେ, ପହେଲା ମତେ ପ୍ରତିଜ୍ଞା କର୍‌ଯେ ତୁଇ ଘରର୍ ବଡ୍ ହିସାବେ ଯାହାବି ପାଏବୁ ତୁଇ ସେଟା ମତେ ଦେବୁ। ତେହେରୁଁ ଏଷୌ ଯାକୁବ୍‌କେ ସେ ସବୁ ଜିନିଷ୍ ଦେବାର୍ ଲାଗି ପ୍ରତିଜ୍ଞା କଲା। ତାର୍‌ପରେ ଯାକୁବ୍‌ ତାହାକେ ଖାଏବାକେ ଦେଲେ।

![](https://cdn.door43.org/obs/jpg/360px/obs-en-07-03.jpg)

ଇଶାକ୍ ଏଷୌକେ ଆଶୀର୍ବାଦ ଦେବାର୍‌କେ ଚାହୁଁଥିଲେ। ହେଲେ ହେଟା ହେବାର୍ ଆଗରୁ, ରିବିକା ଯାକୁବ୍‌କେ ଏଷୌ ଭଲିଆ ଦେଖେଇ କରି ଇଶାକ୍‌କେ ଠକ୍‌ଲେ। ଇଶାକ୍ ବୁଢାବି ହେଇ ଥିଲେନ ଆର୍‌ ଭଲ୍ କରି ଦେଖି ନେଇ ପାରୁ ଥାଇଁ। ହେଥିର୍ ଲାଗି ଯାକୁବ୍‌ ଏଷୌର୍ କପ୍‌ଡାକେ ପିନ୍ଧ୍‌ଲେ ଆର୍ ତାକର୍ ବେଁକେ ଆର୍ ହାତେ ଛେଲର୍ ଛାଲ୍‌କେ ଲଗାଲେ।

![](https://cdn.door43.org/obs/jpg/360px/obs-en-07-04.jpg)

ଯାକୁବ୍ ଇଶାକ୍ ନିକେ ଆସ୍‌ଲେ ଆର୍‌ କହେଲେ, “ମୁଁ ଏଷୌ ଆଏଁ। ମୁଇଁ ଆଶୀର୍ବାଦ୍ ନେବାର୍ ଲାଗି ଆଇଛେ ମତେ ଆଶୀର୍ବାଦ୍ କର। ” ତ ଈଶାକ୍ କପ୍‌ଡାର୍ ବାସ୍‌ନା ପାଏଲେ ଆର୍ ଛେଲିର୍ ବାଲ୍‌କେ ଛିଁଲେ ଆର୍ ଇଟା ଏଷୌ ବୋଲି ଭାବିକରି ତାହାକେ ଆଶୀର୍ବାଦ୍ କରିଦେଲେ।

![](https://cdn.door43.org/obs/jpg/360px/obs-en-07-05.jpg)

ତେହେରୁଁ ଏଷୌ ଯାକୁବ୍‌କେ ଅଂହକାର୍ ହେଲା କାଏଁକରି କି ସେ ଏଷୌର୍ ବଡ଼ପିଲାର୍ ହଁକ୍ ଆର୍ ଆଶୀର୍‌ବାଦ୍ ଦୁହିଟାକେ ଚୁରାଲା। ହେତିର୍‌ଲାଗି, ସେ ତାର୍ ବାପାର୍ ମଲା ପରେ ସେ ଯାକୁବ୍‌କେ ମାର୍‌ବାର୍ ବୁଦ୍ଧି କଲା।

![](https://cdn.door43.org/obs/jpg/360px/obs-en-07-06.jpg)

ହେଲେ ରିବିକା ଏଷୌର୍ ବୁଦ୍ଧି ଜାନି ପାଏଲା, ତେହେରୁଁ ସେ ଆର୍ ଇସାକ୍ ଯାକୁବ୍‌କେ ତାକର୍ ଲାଗେର୍ ଲେଶର୍ ମାନ୍‌କର୍ ସାଙ୍ଗେ ରହେବାର୍ ଲାଗି ତାହାକେ ବନେ ଦୂର୍‌କେ ପଠେଇ ଦେଲେ।

![](https://cdn.door43.org/obs/jpg/360px/obs-en-07-07.jpg)

ଯାକୁବ୍ ରିବିକାର୍ ଲାଗେର୍ ଲେଶର୍ ମାନ୍‌କର୍ ସାଙ୍ଗେ ବନେ ବରଷ୍‌ତକ୍‌ ରହେଲେ। ସେ ସମିଆଁନ ସେ ବିହା ହେଲେ ଆର୍ ତାକର୍ ୧୨ଟା ପୁଓ ଆର୍ ଗୁଟେ ଝି ଥିଲା। ମାହାପୁରୁ ତାହାକେ ବହୁତ୍ ଧନୀ କଲେ।

![](https://cdn.door43.org/obs/jpg/360px/obs-en-07-08.jpg)

୨୦ବରଷ୍ ତାକର୍ ଘର୍ କିଣାନ୍ ଠାନୁ ଦୂରେ ରହେଲା ପରେ, ଯାକୁବ୍ ତାକର୍ କୁଟୁମ୍, ହଲିଆ, ଆର୍ ତାକର୍ ସବୁ ପଶୁ ମାନ୍‌କର୍ ସାଙ୍ଗେ ଘର୍‌କେ ଫିର୍‌ଲେ।

![](https://cdn.door43.org/obs/jpg/360px/obs-en-07-09.jpg)

ଯାକୁବ୍ ବନେ ଡରୁଥିଲେ କାଁକରି କି ସେ ଭାବୁ ଥିଲେଯେ ଏଷୌ ତାହାକେ ମାର୍‌ବାର୍ ଲାଗି ଅଟ୍‌କି ଥିବା। ହେତିର୍‌ଲାଗି ସେ ତାକର୍ ବନେ ଗୁଡାଦୁ ଜୀବ ଜଁତୁକେ ଉପହାର୍ ଭାବେ ଏଷୌ ନିକେ ପଠାଲେ। ପଶୁମାନ୍‌କେ ଆନୁଥିବାର୍ ହଲିଆମାନେ ଏଷୌକେ କହେଲେ, “ତୁମର୍ ହଲିଆ ଯାକୁବ୍ ଇ ପଶୁମାନ୍‌କୁ ଦେଇଛନ୍ ଆର୍ ସେ ଜଲ୍‌ଦି ଆସୁଛନ୍। ”

![](https://cdn.door43.org/obs/jpg/360px/obs-en-07-10.jpg)

ହେଲେ ଏଷୌ ଆର୍ ଯାକୁବ୍ ଉପ୍‌ରେ ରାଗ୍ ରିସ୍‌ମି କିଛି ନେଇ ଥାଇ। ଉଲ୍‌ଟିଆ, ସେ ଆର୍ ଥରେ ଯେନ୍ତା ତାହାକେ ଦେଖ୍‌ଲା ବହୁତ୍‌ ଖୁସି ହେଲା। ତେହେରୁଁ ଦୁହି ଭାଇ କିଣାନ୍ ଦେଶ୍‌ନ ଭଲ୍‌ଭାବେ ରହେଲେ। ତେହେଁରୁ ଇସାକ୍ ମରିଗଲେ। ଯାକୁବ୍ ଆର୍ ଏଷୌ ତାହାକୁ ମାଏଟ୍ ଦେଲେ। ମାହାପୁରୁ ଅବ୍ରହାମ୍ ସାଙ୍ଗେ ଯେନ୍ ଚୁକ୍ତି ପ୍ରତିଜ୍ଞା କରିଥିଲେ ସେଟା ଇସାକ୍‌ନୁ ଉତ୍‌ରି କରି ଯାକୁବ୍‌ନ ଲାଗୁ ହେଲା।

*ବାଇବଲ୍‌ର କଥାନୀ: ଆଦି ପୁସ୍ତକ ୨୫:୨୭-୩୫:୨୯*

Audio: https://git.door43.org/OBS-TLF/spv_obs/releases/download/v1/spv_obs_v1_07_128kbps.m4a

## 8. ୮. ମାହାପୁରୁ ଯୋଶେଫ୍ ଆର୍ ତାର୍ କୁଟୁମ୍‌କେ ବଁଚାଲେ

https://openbiblestories.org/l/spv/story-8/

![](https://cdn.door43.org/obs/jpg/360px/obs-en-08-01.jpg)

ବନେ ବରଷ୍ ପରେ ଯେତ୍‌କିବେଲ୍‌କେ ଯାକୁବ୍ ବୁଢା ହେଇ ବସ୍‌ଲେ ସେ ତାକର୍‌ ଯେନ୍ ପୁଓକେ ବେଶି ଭଲ୍ ପାଉଥିଲେ ସେ ଯୋଷେଫ୍‌କେ ତାର୍ ଭାଇ ମାନ୍‌କୁଁ ଦେଖ୍‌ବାର୍‌ଲାଗି ପଠାଲେ ଯେନ୍ ମାନେ ଛେଳ୍ ମେଢା ଚରଉ ଥିଲେ।

![](https://cdn.door43.org/obs/jpg/360px/obs-en-08-02.jpg)

ହେଲେ ଯୋଷେଫ୍‌ର ଭାଇମାନେ ତାହାକେ ଭଲ୍ ନେଇ ପାଉଥାଇ କାଁକରି କି ଯୋଶେଫ୍‌କେ ତାକର୍ ବାପା ସମ୍‌କିରର୍‌ନୁ ବେଶି ଭଲ ପାଉଥିଲା ଆର୍ ସେ ଗୁଟେ ସପନ୍ ଦେଖିଥିଲେ ଯେ, ସେ ସେମାନ୍‌କର୍ ଭିତ୍‌ରେ ଗୁଟେ ରଜା ହେବେ। ଯେତ୍‌କିବେଲେ ଯୋଷେଫ୍ ତାର୍ ଭାଇ ମାନ୍‌କର୍‌ ପାସ୍‌କେ ଆସ୍‌ଲେ ସେମାନେ ତାହାକୁ ବାନ୍ଧି କରି ନେଲେ ଆର୍‌ ଚାକର୍ ବେପାରି ମାନ୍‌କର୍‌ନ ବିକିଦେଲେ।

![](https://cdn.door43.org/obs/jpg/360px/obs-en-08-03.jpg)

ଯୋଷେଫ୍‌ର ଭାଇମାନେ ଘର୍‌କେ ଆସ୍‌ବାର୍ ଆଗନୁ ସେମାନେ ଯୋଶେଫ୍‌ର କପ୍‌ଡାକେ ଚିରି ଫାଡ଼ି ଦେଲେ ଆର୍ ଗୁଟେ ଛେଲ୍‌ର ରକତ୍‌ଥି ଭିଜେଇ କରି ଆନ୍‌ଲେ, ଯେନ୍ତାକି ତାକର୍ ବୁଆ ଇ କପଡାକେ ଦେଖିକରି ତାର୍ ପୁଓ ଯୋ୍ଶେଫ୍‌କେ କେନ୍ ଜଙ୍ଗଲର୍ ପଶୁଟେ ମାଁରିଦେଲା ବଲି ଭାବ୍‌ବେ। ହେଲେ ଇଟା ଦେଖି କରି ଯାକୁବ୍‌ର ମନ୍ ପୁରା ଭାଁଙ୍ଗି ଗଲା।

![](https://cdn.door43.org/obs/jpg/360px/obs-en-08-04.jpg)

ଚାକର୍ ବେପାରି ମାନେ ଯୋଷେଫ୍‌କେ ମିଶର୍ ଦେଶ୍‌କେ ନେଇଗଲେ। ମିଶର୍ ଦେଶ୍ ବନେ ବଡ଼୍ ଆର୍ ଶକ୍ତିଶାଲୀ ଦେଶ୍ ଗୁଟେ ଥିଲା। ଆର୍ ଇଟା ନୀଲ୍ ନଦୀର୍ ପାଖେ ଥିଲା। ଚାକର୍ ବେପାରି ମାନେ ଯୋଶେଫ୍‌କେ ମିଶର୍ ଦେଶ୍‌ର ଗୁଟେ ସର୍‌କାରୀ ଧନୀ ଲୋକର୍‌ଠାନେ ବିକି ଦେଲେ। ଯୋଶେଫ୍ ତାର୍ ମାଲିକ୍‌ର ଭଲ୍ ସେବା କରୁଥିଲା ହେତିର୍‌ଲାଗି ମାହାପୁରୁ ଯୋଷେଫ୍‌କେ ଆଶୀର୍ବାଦ କଲେ।

![](https://cdn.door43.org/obs/jpg/360px/obs-en-08-05.jpg)

ଯୋଷେଫ୍‌ର ମାଲିକ୍‌ର କନିଆ ଯୋଷେଫ୍ ସାଙ୍ଗେ ଶୁଇବାର୍ ଲାଗି ଚେଷ୍ଟା କଲା ହେଲେ ଯୋଷେଫ୍ ଇନ୍‌ତା କରିକରି ମୁଇଁ ମାହାପୁରୁର୍ ବିରୋଧ୍‌ରେ ପାପ୍ ନେଇ କରେଁ ବଲି କହେଲେ ଆର୍ ମନା କରି ଦେଲେ। ତାର୍‌ ପରେ ସେ ରିସ୍‌ମି ହେଇକରି ଯୋଷେଫ୍‌ର ଉପ୍‌ରେ ଅଜଥା ନିନ୍ଦା ଦେଇକରି ଜେଲ୍‌ଘର୍‌କେ ପଠେଇ ଦେଲେ। ହେଲେ ଜେଲ୍ ଖାନା ଭିତ୍‌ରେବି ଯୋଷେଫ୍ ମାହାପୁରୁର୍ ଠାନେ ବିଶ୍ୱାସ୍ କରି ରହେଲେ ଆର୍ ମାହାପୁରୁ ତାହାକେ ଆଶୀର୍ବାଦ୍ କଲେ।

![](https://cdn.door43.org/obs/jpg/360px/obs-en-08-06.jpg)

କିଛି ଭୁଲ୍ ନେଇ କରିଥିଲେବି ଯୋଷେଫ୍ ଦୁଇ ବରଷ୍‌ତକ୍ ଜେଲ୍ ଖାନାନ ଥିଲେ। ଦିନେ ରାତି ‘ଫାରୋ’ ଯାହାକେ ମିଶର୍‌ର ସବୁଲୋକ୍ ରଜା ବଲୁଥିଲେ, ସେ ଦୁଇଟା ସପନ୍ ଦେଖ୍‌ଲେ ଆର୍‌ ସେଟା ତାର୍ ମନ୍‌କେ ଡହଲ୍‌ବିକଲ୍‌ କରିଦେଲା। ହେଲେ ସେ ଦୁଇଟା ସପନ୍‌ର ଅର୍ଥ କାଣାଯେ, କିହେ କହିନେଇ ପାର୍‌ଲେ।

![](https://cdn.door43.org/obs/jpg/360px/obs-en-08-07.jpg)

ମାହାପୁରୁ ଯୋଶେଫ୍‌କେ ସପନ୍‌ର ଅର୍ଥ କହେବାର୍ ଲାଗି ବୁଦ୍ଧି ଦେଇଥିଲେ। ତେହଁରୁ ଫାରୋ ରଜା ଯୋଷେଫ୍‌କେ ଜେଲ୍ ଖାନାନୁ ତାକର୍ ନିକେ ଆନ୍‌ବାର୍‌କେ କହେଲେ। ତାର୍‌ପରେ ଯୋଶେଫ୍ ସେ ସପନ୍‌ର ଅର୍ଥ ରଜାକେ କହେଲେ, “ମାହାପୁରୁ ୭ ବରଷ୍ ତକ୍ ବହୁତ୍‌ ଧାନ୍ ଚଉଲ୍ ଦେବେ ତାର୍ ସାଁଙ୍ଗେ ଫେର୍ ୭ ବରଷ୍ ତକ୍ ମର୍ଡି ପକାବେ।“

![](https://cdn.door43.org/obs/jpg/360px/obs-en-08-08.jpg)

ଫାରୋ ଯୋଷେଫ୍‌କେ ଏତ୍‌କି ପସନ୍ଦ୍ କଲାଯେ ସେ ତାହାକେ ମିଶରର୍ ଦୁଇ ନମର୍ ବଲ୍‌ଶାଳୀ ଲୋକ୍ ଭାବେ ରଖ୍‌ଲା !

![](https://cdn.door43.org/obs/jpg/360px/obs-en-08-09.jpg)

ଯୋଷେଫ୍ ଲୋକ୍‌ମାନ୍‌କୁ କହେଲେ ଇ ଭଲ୍ ଅମଲ୍ ସମିୟାଥି ଜହକରି ଧାନ୍ ଚଉଲ୍‌ ସଁଚି କରି ରଖ। ଯେଭେଁ ସାତ୍ ବରଷ୍‌ର ମର୍ଡି ଆସ୍‌ଲା, ତେହେରୁଁ ଯୋଷେଫ୍ ସେ ଧାନ୍ ଚଉଲ୍‌କେ ଲୋକ୍‌ମାନ୍‌କର୍ ନ ବିକ୍‌ଲେ ଯେନ୍ତାକି ସେମାନେ ମନ୍ ଖୁସି ଖାଏବେ।

![](https://cdn.door43.org/obs/jpg/360px/obs-en-08-10.jpg)

ଇ ମର୍ଡି ଖାଲି ମିଶର୍ ଦେଶେ ନେଇଁ କିଣାନ୍ ଦେଶେବି ହଇଥିଲା, ଯେନ୍‌ନ ଯୋଷେଫ୍‌ର ବାପା ଯାକୁବ୍ ଆର୍ ତାର୍ କୁଟୁମ୍ ରହୁଥିଲେ।

![](https://cdn.door43.org/obs/jpg/360px/obs-en-08-11.jpg)

ତେହେରୁଁ ଯାକୁବ୍ ତାକର୍ ବଡ୍ ପୁଓ ମାନ୍‌କୁ ଧାନ୍ ଚାଉଲ୍‌ ଘିନ୍‌ବାର୍ ଲାଗି ମିଶର୍ ଦେଶ୍‌କେ ପଠାଲେ। ଯେତ୍‌କିବେଲ୍‌କେ ସେମାନେ ଖାଏବାର୍‌ଟା ଘିନ୍‌ବାର୍ ଲାଗି ତାକର୍‌ନିକେ ଆସ୍‌ଲେ, ସେ ଭାଇମାନେ ଯୋଷେଫ୍‌କେ ଚିହ୍ନି ନେଇ ପାର୍‌ଲେ। ହେଲେ ଯୋଷେଫ୍ ସେମାନ୍‌କୁଁ ଚିହ୍ନି୍ଲେ।

![](https://cdn.door43.org/obs/jpg/360px/obs-en-08-12.jpg)

ତାକର୍ ଭାଇମାନେ ବଦ୍‌ଲିଛନ୍‌କି ନାଇ ପରୀକ୍ଷା କଲା ପରେ, ଯୋଷେଫ୍ ସେମାନ୍‌କୁ କହେଲେ, “ମୁଇଁ ତୁମର୍ ଭାଇ ଯୋଷେଫ୍ ଆଏ! ନେଇ ଡର। ତମେମାନେ ମତେ ଚାକର୍ ହିସାବେ ବିକି କରି ଭଲ୍‌ କାମ୍ ନେଇ କରି, ହେଲେ ମାହାପୁରୁ ସେ ଖରାପ୍‌କେ ଭଲ୍‌କାମ୍‌ ଲାଗି ବେବହାର୍‌ କଲେ ! ହେଥିର୍‌ଲାଗି ଆସ ଆର୍ ଇ ମିଶର୍ ଦେଶେ ରହ, ଯେନ୍ତାକି ମୁଇଁ ତୁମ୍‌କେ ଆର୍ ତୁମର୍ କୁଟୁମ୍ ବାଟୁମ୍‌କେ ଖାଏବାର୍‌ଲାଗି ଦେଇ ପାର୍‌ମି। ”

![](https://cdn.door43.org/obs/jpg/360px/obs-en-08-13.jpg)

ଯୋଷେଫ୍‌ର ଦଦାମାନେ ଘର୍‌କେ ଆସିକରି ତାକର୍ ବାପା ଯାକୁବ୍‌କେ ଯୋଷେଫ୍ ବଁଚିଛେ ବଲି ଯେତ୍‌କିବେଲ୍‌କେ କହେଲେ, ଯାକୁବ୍ ଖୁସି ହେଲେ।

![](https://cdn.door43.org/obs/jpg/360px/obs-en-08-14.jpg)

ଯାକୁବ୍‌ ବୁଢା ହେଲେବି, ସେ ତାକର୍ କୁଟୁମ୍ ସାଙ୍ଗେ ମିଶର୍‌କେ ଗଲେ, ଆର୍ ସବେ ସେଠାନ ରହେଲେ। ଯାକୁବ୍‌ର ମର୍‌ବାର୍ ଆଗନୁ ସେ ତାକର୍ ସବୁ ପିଲାକେ ଆଶୀର୍ବାଦ କଲେ।

![](https://cdn.door43.org/obs/jpg/360px/obs-en-08-15.jpg)

ଅବ୍ରହାମ୍ ସାଙ୍ଗେ ମାହାପୁରୁ ଯେନ୍ ଚୁକ୍ତି ପ୍ରତିଜ୍ଞା କରିଥିଲେ ସେଟା ଇସାକ୍‌କେ, ତାର୍‌ପରେ ଯାକୁବ୍‌କେ, ତାର୍‌ପରେ ଯାକୁବ୍‌ର ୧୨ଟା ପିଲା ଆର୍ ସେମାନ୍‌କର୍ କୁଟୁମ୍‌କେ ଦିଆଗଲା। ୧୨ଟା ପିଲାର୍ ବଁଶ୍ ତେହେରୁଁ ଇସ୍ରାଏଲର୍ ୧୨ଟା ଗୋଷ୍ଠୀ ହେଲେ।

*ବାଇବଲ୍‌ର କଥାନୀ: ଆଦି ପୁସ୍ତକ ୩୭-୫୦*

Audio: https://git.door43.org/OBS-TLF/spv_obs/releases/download/v1/spv_obs_v1_08_128kbps.m4a

## 9. ୯. ମାହାପୁରୁ ମୋଶାକେ ଡାକ୍‌ଲେ

https://openbiblestories.org/l/spv/story-9/

![](https://cdn.door43.org/obs/jpg/360px/obs-en-09-01.jpg)

ଯୋଷେଫ୍ ମଲାପରେ ତାର୍ ସବୁ ଲୋକ୍‌ବାକ୍ ମିଶର୍ ଦେଶେ ରହେଲେ। ସେମାନେ ଆର୍ ତାକର୍ ପିଲା, ନାତି, ଆରୁ ସୁତି ମାନେବି ବନେ ବରଷ୍ ତକ୍ ସେନ ରହେଲେ ଆର୍ କେତ୍‌ନିକେତେ ଛୁଆପୁତା ଜନମ୍ କଲେ। ସେମାନେ ଇସ୍ରାଏଲ୍‌ର ଲୋକ୍ ମାନେ ବଲି ଜନା ଗଲେ।

![](https://cdn.door43.org/obs/jpg/360px/obs-en-09-02.jpg)

ଶହଶହ ବରଷ୍ ପରେ ଇସ୍ରାଏଲ୍ ର ଲୋକ୍ ମାନେ ମିଶର୍ ଦେଶେ ବହୁତ୍ ସଂଖ୍ୟାନ ବଢି ଗଲେ। ମିଶର୍ ଦେଶର୍ ଲୋକ୍‌ମାନେ ହେତ୍‌କର୍ ଯୋଷେଫ୍‌ର ଭଲ୍‌କାମ୍ ମାନ୍‌କେ ଭୁଲି ଗଲେ। ସେମାନେ ଇସ୍ରାଏଲ୍‌ର ଲୋକ୍ ମାନ୍‌କେ ଡ଼ରି ବସ୍‌ଲେ, କାଁକରି କି ସେମାନେ ବହୁତ୍ ଲୋକ୍ ଥିଲେ। ହେଥିର୍‌ଲାଗି ସେତ୍‌କିବେଲେ ମିଶର୍ ଦେଶର୍ ଫାରୋ ରଜା ଇସ୍ରାଏଲ୍‌ର ଲୋକ୍ ମାନ୍‌କୁଁ ମିଶର୍ ଦେଶର୍‌ ଲୋକ୍ ମାନ୍‌କର୍‌ ଚାକର୍ ବନେଇ ଦେଲା।

![](https://cdn.door43.org/obs/jpg/360px/obs-en-09-03.jpg)

ମିଶର୍ ଦେଶର୍ ଲୋକ୍ ଇଶ୍ରାଏଲ୍‌ର ଲୋକ୍‌ ମାନ୍‌କେ ବଡ୍ ବଡ୍ ଘର୍ ଆର୍ ପୁରା ସହର୍‌ବି ବନାବାର୍ ଲାଗି ଜୋର୍ ଜବର୍ ଦସ୍ତି କରୁଥିଲେ। ଇନ୍‌ତା କିସ୍‌ମେ ବେସି କାମ୍ କରିକରି ତାକର୍ ଜୀବନ୍ ପୁରା ଦୁଃଖ୍ ଭରା ହେଇଗଲା, ହେଲେ ମାହାପୁରୁ ସେମାନ୍‌କୁ ଆର୍ଶିବାଦ୍ କଲେ, ଆରୁ ସେମାନ୍‌କର୍ ବହୁତ୍‌ଟେ ଛୁଆ ପିଲା ହେଲେ।

![](https://cdn.door43.org/obs/jpg/360px/obs-en-09-04.jpg)

ଫାରୋ ରଜା ଦେଖ୍‌ଲାଯେ ଇଶ୍ରାଏଲ୍‌ର ଲୋକ୍‌ ମାନକର୍ କେତିନି କେତେ ପିଲାଛୁଆ ଅଛନ୍‌, ତେହେରୁଁ ସେ ପିଲାଛୁଆ ମାନ୍‌କୁଁ ମାରିକରି ନୀଲ୍ ନଦୀନ ଫିକ୍‌ବାର୍ ଲାଗି ରଜା ତାକର୍‌ ଲୋକ୍ ଗୁଟେକେ ଆଦେଶ୍ ଦେଲା।

![](https://cdn.door43.org/obs/jpg/360px/obs-en-09-05.jpg)

ଇ ଭିତରେ ଇଶ୍ରାଏଲ୍‌ର ଗୁଟେ ମାଇକିଣା ପିଲାଛୁଆଟେ ଜନମ୍ ଦେଇଥିଲା ଆର୍ ସବ୍‌କର୍‌ନୁ ତାହାକେ ଲୁକେଇ କରି ରଖିଥିଲା।

![](https://cdn.door43.org/obs/jpg/360px/obs-en-09-06.jpg)

ଯେତ୍‌କି ଦିନ୍‌ତକ୍ ପାର୍‌ଲା ସେ ମାଇକିନା ତାର୍ ଛୁଆକେ ଲୁକେଇ କରି ରଖ୍‌ଲା ଯେତ୍‌କିବେଲେ ସେ ଛୁଆକେ ଆର୍ ଲୁକେଇ ନାଇଁ ପାର୍‌ଲା ଆର୍‌ ଗୁଟେ ପାଏନ୍‌ଥି ଭାସ୍‌ବାର୍ ଚାଂଙ୍ଗ୍ରିଥି ତାହାକେ ରଖୀକରି ଛୁଆର୍‌ ଜୀବନ୍ ବଁଚାବାର୍ ଲାଗି ନିଲ୍ ନଦୀର୍ ତରେ ଉହେଲେଇ ଦେଲା। ତେହେରୁଁ ତାର ବଡ୍ ନାନୀ ତାହାକେ କାଣା କାଣା ନେଇଁ ହେଇଯଉ ବଲିକରି ଦେଖୁଥିଲା।

![](https://cdn.door43.org/obs/jpg/360px/obs-en-09-07.jpg)

ଇ ଚାଂଙ୍ଗ୍ରିର୍‌ ଭିତ୍‌ରେ ଥିବାର୍ ଛୁଆକେ ଫାରୋ ରାଜାର୍‌ ଝି ଦେଖ୍‌ଲା, ଆର୍‌ ସେ ନିଜର୍ ପିଲା ଭଲିଆ ଆନିକରି ଗୁଟେ ଇଶ୍ରାଏଲୀ ମାଁକେ ଛୁଆ ରଖ୍‌ବାର୍ ଲାଗି କହେଲା। ହେଲେ ସେ ଜାନି ନେଇଁ ପାର୍‌ଲାଯେ ଇଟା ଇ ଛୁଆର୍ ନିଜର୍ ମାଁ ବଲିକରି। ଯେତେବେଲେ ଛୁଆ ଗୁରସ୍ ପିଆ ଛାଡ଼ି କରି ବଡ୍‌ ହେଇଗଲା, ସେ ମାଁ ଛୁଆକେ ଫାରୋ ରଜାର୍ ଝି କେ ଫେର୍‌ଘାଏ ଦେଇଦେଲା। ଆର୍ ଫାରୋର୍ ଝି ସେ ଛୁଆର ନାଁ ମୋଶା ଦେଲା।

![](https://cdn.door43.org/obs/jpg/360px/obs-en-09-08.jpg)

ମୋଶା ବଡ୍ ହେଇଗଲା ପରେ, ଦିନେ ଦେଖ୍‌ଲା ଯେ ଗୁଟେ ମିଶର୍‌ର ଲୋକ୍ ଇଶ୍ରାଏଲ୍‌ର ଲୋକ୍‌ ଗୁଟେକେ ପିଟୁ ଥିଲା। ମୋଶା ତାର୍ ଇଶ୍ରାଏଲ୍‌ର ଲୋକ୍‌କେ ବଁଚାବାର୍ ଲାଗି ଚେଷ୍ଟା କଲା।

![](https://cdn.door43.org/obs/jpg/360px/obs-en-09-09.jpg)

ମୋଶା ଭାବ୍‌ଲା ଯେ କିହେ ନେଇଁ ଦେଖ୍‌ବାର୍, ଆର୍ ସେ ମିଶର୍‌ର ଲୋକ୍‌କେ ମାରିକରି ତୁପି ଦେଲା ହେଲେ ଜଣେ ଦେଖୁଥିଲାଯେ ମୋଶା କାଣା କରୁଛେ।

![](https://cdn.door43.org/obs/jpg/360px/obs-en-09-10.jpg)

ଫାରୋ ରଜା ମୋଶା କାଣା କଲା ଜାନି ପାଏଲା। ତେହେରୁଁ ରଜା ମୋଶାକେ ମାର୍‌ବାର୍ ଲାଗି ଚେଷ୍ଟା କଲା। ତ ସେ ମିଶର ଦେଶୁଁ ଗୁଟେ ଜଙ୍ଗଲ୍‌କେ ପଲେଇଗଲା, ତେହେରୁଁ ରଜା ମୋଶାକେ ଆରୁ ନୁରି ନେଇ ପାର୍‌ଲା।

![](https://cdn.door43.org/obs/jpg/360px/obs-en-09-11.jpg)

ମିଶର୍ ଦେଶର୍‌ ବହୁତ୍ ଦୁରିଆର୍‌ ଗୁଟେ ଜଙ୍ଗଲ୍ ଠାନେ ସେ ମେଢିଚରୁଆଟେ ହେଲେ। ସେ ଜାଗାନ ଗୁଟେ ଟୁକେଲ୍‌କେ ବିହା ହେଲେ ଆର୍ ତାର୍ ଦୁଇଟା ଛୁଆ ହେଲେ।

![](https://cdn.door43.org/obs/jpg/360px/obs-en-09-12.jpg)

ମୋଶା ତାର୍ ଶଶୁର୍‌ର ମେଢି ଗୁହୁଡ଼ାକେ ଚରଉ୍ ଥିଲେ। ଦିନେ ସେ ଦେଖ୍‌ଲେଯେ ଗୁଟେ ବୁଟାନେ ଜୁଏଁ ଜଲୁଛେ, ହେଲେ ବୁଟା ବିଲ୍ କୁଲ୍ ନେଇଁ ପୁଡ୍‌ବାର୍। ସେ ବୁଟାର୍ ପାସ୍‌କେ ଗଲେ, ଯେତ୍‌କିବେଲେ ସେ ବେଶି ପାସ୍‌କେ ଗଲେ, ମାହାପୁରୁ ମୋଶାକେ କହେଲେ, “ମୋଶା ତୋର୍ ଚପଲ୍ ଖୁଲ୍, କାଏଁଯେ କି ତୁଇ ଯେନ୍‌ଠାନେ ଠିଆ ହେଇଛୁ ଇଟା ହଉଛେ ପବିତ୍ର ଜାଗା।”

![](https://cdn.door43.org/obs/jpg/360px/obs-en-09-13.jpg)

ମାହାପୁରୁ କହେଲେ, ମୁଇଁ ମୋର୍ ଲୋକ୍ ମାନ୍‌କର୍ ଦୁଃଖ୍ ଦେଖୀଛେଁ। ମୁଇଁ ତୋତେ ଫାରୋ ନିକେ ପଠାମୀ ସେନୁ ଯେନ୍ତାକି ତୁଇ ମୋର୍ ଲୋକ୍ ମାନ୍‌କେ ସେନୁ ଆନ୍‌ବୁ। ମୁଇଁ ସେମାନ୍‌କୁ କିଣାନ୍‌ ଦେଶ୍ ଦେମି ଯେନ୍ଟା ମୁଇଁ ଅବ୍ରାହାମ୍, ଈଶାକ୍ ଆର୍‌ ଯାକୁବ୍‌କେ ପ୍ରତିଜ୍ଞା କରିଥିଲିଁ।

![](https://cdn.door43.org/obs/jpg/360px/obs-en-09-14.jpg)

ତେହେରୁଁ ମୋଶା ପଚ୍‌ରାଲେ, ଯଦି ଲୋକ୍ ମାନେ ଯାନ୍‌ବାର୍ ଲାଗି ପଚ୍‌ରାବେ, ତତେ କିଏ ପଠାଲା ସେତ୍‌କି ବେଲେ ମୁଇଁ ସେମାନ୍‌କୁଁ କାଣା କହେମି? ମାହାପୁରୁ କହେଲେ, “ଆମେ ଯେ ଅଛୁଁ ସେ ଅଛୁଁ, ” ଫେର୍ ଇଟାବି କହେବୁ କି ମୁଇଁ ଯିହୋବା ମାହାପୁରୁ , ଯିଏକି ତୋର୍ ବାପ୍ ଦଦା ଅବ୍ରାହାମ୍, ଈଶାକ୍ ଆର ଯାକୁବ୍‌ର ମାହାପୁରୁ, ଆର୍ ଇଟା ସବୁ ଦିନର୍ ଲାଗି ମୋର୍ ନାଁ ଆଏ।

![](https://cdn.door43.org/obs/jpg/360px/obs-en-09-15.jpg)

ମୋଶା ଡରିଁ ଗଲା ଆର୍ ଫାରୋ ନିକେ ଯିବାର୍‌କେ ନେଇ ଚାହେଁଲା। କାଏଁକରି କି ସେ ଭାବ୍‌ଲା ଯେ, ଫାରୋ ରଜା ସାଁଙ୍ଗେ ସେ ଭଲ୍‌କରି କଥା ନାଇଁ ହେଇ ପାରେ, ସେଥିର୍ ଲାଗି ମାହାପୁରୁ ମୋଶାର୍‌ ଭାଇ ହାରୋନ୍‌କେ ତାର୍ ସହଯୋଗ୍ କର୍‌ବାର୍ ଲାଗି ପଠାଲେ।

*ବାଇବଲ୍‌ର କଥାନୀ: ଯାତ୍ରା ପୁସ୍ତକ ୧-୪*

Audio: https://git.door43.org/OBS-TLF/spv_obs/releases/download/v1/spv_obs_v1_09_128kbps.m4a

## 10. ୧୦. ମାହାପୁରୁ ଦଶ୍‌ଟା ମହାମାରୀ ପଠାଲେ

https://openbiblestories.org/l/spv/story-10/

![](https://cdn.door43.org/obs/jpg/360px/obs-en-10-01.jpg)

ମାହାପୁରୁ ମୋଶା ଆର୍ ହାରୋନ୍‌କେ କହେଲେ, ଫାରୋ ଜିଦ୍ କର୍‌ବା। ଯେଭେ ସେ ଦୁହେଁ ଫାରୋର୍ ନିକେ ଗଲେ, ଆର୍ କହିଲେ, “ଇସ୍ରାଏଲର୍ ମାହାପୁରୁ କହୁଛନ୍, “ ତାକର୍ ଲୋକ୍ ମାନ୍‌କୁ ଛାଡ !” ହେଲେ ଫାରୋ ସେମାନ୍‌କର୍ କଥା ନେଇ ଶୁନ୍‌ଲା। ଇସ୍ରାଏଲ୍‌ର ଲୋକ୍‌ ମାନ୍‌କୁ ଛାଡ୍ ବା କାଣା, ସେ ତ ଆର୍ ସେମାନ୍‌କୁ ଅଧ୍‌କା ଖଟେଇ୍ ବସ୍‌ଲା!

![](https://cdn.door43.org/obs/jpg/360px/obs-en-10-02.jpg)

ଫାରୋ ସେ ଲୋକ୍ ମାନ୍‌କୁ ଛାଡ୍‌ବାର୍ ଲାଗି ମନାକଲା, ହେଥିର୍‌ଲାଗି ମାହାପୁରୁ ମିଶର୍‌କେ ଦଶ୍‌ଟା ଭୟଙ୍କାର୍ ବିପଃତ୍ତି ପଠାଲେ। ଇ ମହାମାରୀକେ ନେଇ କରି, ମାହାପୁରୁ ଫାରୋକେ ଦେଖାଲେଯେ, ସେ ଫାରୋ ଆର୍ ମିଶର୍‌ର ସବୁ ଦେବ୍‌ତା ଠାନୁ ବେସି ବଲ୍‌ବାନ୍।

![](https://cdn.door43.org/obs/jpg/360px/obs-en-10-03.jpg)

ମାହାପୁରୁ ନୀଲ୍ ନଦୀର୍ ପାଏନ୍‌କେ ରକତ୍‌ନ ବଦ୍‌ଲେଇ ଦେଲେ, ହେଲେଁବି ଫାରୋ ଇସ୍ରାଏଲ୍ ର ଲୋକ୍ ମାନ୍‌କୁ ଯିବାର୍‌କେ ନେଇ ଦେଇ।

![](https://cdn.door43.org/obs/jpg/360px/obs-en-10-04.jpg)

ମାହାପୁରୁ ମିଶର୍‌ର ଚାରିହ୍ ଆଡ଼େ ବେଙ୍ଗ୍ ମାନ୍‌କୁ ପଠାଲେ। ଫାରୋ ତାର୍‌ପରେ ମୋଶାକେ ଇ ବେଙ୍ଗ୍ ମାନ୍‌କୁ ନିଅ ଇନୁ ବଲି ଗୁହାରିଲେ। ହେଲେ ଯେନ୍ତା ସବୁ ବେଙ୍ଗ୍ ମରି ଗଲେ, ହେତ୍‌କର୍ ଫାରୋ ତାର୍ ମନ୍‌କେ ଫେର୍ ବଦ୍ ଲେଇ ଦେଲା ଆର୍ ଫେର୍ ଇସ୍ରାଏଲ୍ ର ଲୋକ୍‌ ମାନ୍‌କୁ ମିଶର୍ ନୁ ନେଇ ଛାଡ୍‌ଲା।

![](https://cdn.door43.org/obs/jpg/360px/obs-en-10-05.jpg)

ତେହେରୁଁ, ମାହାପୁରୁ ଗଁର୍ରା ମଶା ମାନ୍‌କର୍ ମହାମାରୀ ପଠାଲେ। ତାର୍‌ପରେ ସେ ମାଛି ମାନ୍‌କର୍ ମହାମାରୀ ପଠାଲେ। ତେହେରୁଁ ଫାରୋ ମୋଶା ଆର୍ ହାରୋନ୍‌କେ ଡାକ୍‌ଲା ଆର୍ କହେଲା, “ଯଦି ତମେ ଇ ମହାମାଁରୀ କେ ବନ୍ଦ୍‌କର୍‌ବ, ତାହେଲେ ଇସ୍ରାଏଲିୟ ଲୋକ୍‌ ମାନେ ମିଶର୍‌ନୁ ଯେଇ ପାର୍‌ବେ।“ ତ ଯେନ୍ତା ମୋଶା ପ୍ରାର୍ଥନା କଲେ, ମାହାପୁରୁ ମିଶର୍‌ନୁ ସବୁ ମାଛିକେ ବାହାର୍ କରିଦେଲେ। ହେଲେ ଫାରୋ ତାର୍ ମନ୍‌କେ ଫେର୍ ଥରେ ବଦ୍‌ଲେଇ ଦେଲା ଆର୍ ସେ ଲୋକ୍‌ମାନ୍‌କୁ ନେଇ ଛାଡ୍‌ଲା।

![](https://cdn.door43.org/obs/jpg/360px/obs-en-10-06.jpg)

ତାର୍‌ପରେ, ମାହାପୁରୁ ମିଶରୀୟ ଲୋକ୍‌ ମାନ୍‌କର୍ ସବୁ ପଶୁ, ଯେନ୍ ପଶୁମାନେ ସେମାନ୍‌କର୍ ଚାଷ୍ ଜମି ମାନକୁ ଜୁତୁ ଥିଲେ ସେମାନ୍‌କୁ ବେମ୍‌ରିଆ କରି ମାରି ଦେଲେ। ହେଲେ ଫାରୋର୍ ମନ୍ ନେଇ ଏକା ବଦ୍‌ଲୁ ଥାଇ, ଆର୍ ସେ ଇସ୍ରାଏଲିୟ ଲୋକ୍ ମାନ୍‌କୁ ଯିବାର୍‌କେ ନେଇ ଦଉ ଥାଇ।

![](https://cdn.door43.org/obs/jpg/360px/obs-en-10-07.jpg)

ତାର୍‌ପରେ ମାହାପୁରୁ ମୋଶାକେ ଫାରୋର୍ ସାମ୍ନାନ ଖାର୍ ଗୁଣ୍ ପକାବାର୍‌କେ କହେଲେ। ଯେନ୍ତାସେ ଇଟା କଲେ, ମିଶରୀୟ ମାନ୍‌କର୍‌ ଉପ୍‌ରେ ସହି ନେଇ ହେଲା ଏନ୍ତା ଚମ୍‌ଡାର୍ ‘ଘା’ ମାନେ ହେଲା , ହେଲେ ଇସ୍ରାଏଲିୟ ଲୋକ୍ ମାନେ ଭଲ୍‌ ଥିଲେ। ମାହାପୁରୁ ଫାରୋର୍ ମନ୍‌କେ କଠିନ୍ କଲେ, ଆର୍ ଫାରୋ ଇସ୍ରାଏଲିୟ ଲୋକ୍‌ ମାନ୍‌କେ ଫେର୍‌ବି ନେଇଁ ଛାଡ୍‌ଲା।

![](https://cdn.door43.org/obs/jpg/360px/obs-en-10-08.jpg)

ତାର୍‌ପରେ, ମାହାପୁରୁ କରା ପଥର୍ ପକାଲେ ଯେନ୍ଟା ମିଶର୍‌ର ବହୁତ୍‌ଟେ ଫସଲ୍ ବର୍‌ବାଦ୍ କରି ଦେଲା ଆର୍ ହେଟା ହେଲା ବେଲେ ଯେନ୍ ମାନେ ବାହରେ ବୁଲୁ ଥିଲେ ସେ ଲୋକ୍‌ମାନେ ବି ମରିଗଲେ। ତେହେରୁଁ ଫାରୋ ମୋଶା ଆର୍ ହାରୋନ୍‌କେ ଡାକ୍‌ଲା ଆର୍ କହେଲା, “ମୁଇଁ ପାପ୍ କରିଛେଁ।ତମେ ମାନେ ଯାଇ ପାର।” ତେହେରୁଁ, ମୋଶା ପାର୍‌ଥନା କଲେ ଆର୍ କରା ପଥର୍ ଆକାଶ୍‌ନୁ ପଡ୍‌ବାର୍‌ଟା ବନ୍ଦ୍ ହେଲା।

![](https://cdn.door43.org/obs/jpg/360px/obs-en-10-09.jpg)

ହେଲେ ଫାରୋ ଫେର୍ ଘାଏଁ ପାପ୍ କଲା ଆର୍ ତାର୍ ମନ୍ କେ କଠିନ୍ କଲା। ସେ ଇସ୍ରାଲୀୟ ଲୋକ୍‌ ମାଁନ୍ କୁ ନେଇଁ ଛାଡ୍‌ଲା।

![](https://cdn.door43.org/obs/jpg/360px/obs-en-10-10.jpg)

ତ, ମାଁହପୁରୁ ମିଶର୍ ଉପ୍‌ରେ ବହୁତ୍‌ଟେ ପୋକ ମାନ୍‌କେ ପଠାଲେ। ଆର୍ ଇ ପୋକ ମାନେ ସବୁ ଫସଲ୍‌କେ ଖାଇଦେଲେ ଯେନ୍ଟାକି ଇତାର୍ ଆଘର୍ ମହାମାଁରି ନୁ ବଁଚି ଯାଇଥିଲା।

![](https://cdn.door43.org/obs/jpg/360px/obs-en-10-11.jpg)

ତାର୍‌ପରେ ମାହାପୁରୁ ତିନ୍ ଦିନ୍ ତକ୍ ମିଶର୍‌କେ ଅନ୍ଧାଁର୍ କରି ଦେଲେ। ଏତେ ଅଁନ୍ଧାର୍ ହେଲା ଗଲା ଯେ ମିଶରୀୟ ଲୋକ୍‌ ମାନେ ସେମାନ୍‌କର୍ ଘରୁ ବାହାରି ନେଇ ପାର୍‌ଲେ। ହେଲେ ଇସ୍ରାଏଲୀୟ ମାନ୍‌କର୍ ରହେଲା ଜାଗା ଉକିଆ ଥିଲା।

![](https://cdn.door43.org/obs/jpg/360px/obs-en-10-12.jpg)

ନଅ ଟା ମହାମାଁରୀ ପରେବି ଫାରୋ ଇସ୍ରାଏଲିୟ ଲୋକ୍‌ ମାନ୍‌କୁ ନେଇଁ ଛାଡ୍‌ଲା। ଫାରୋ ନେଇ ଶୁନ୍‌ଲା ହେଥିର୍‌ଲାଗି , ମାହାପୁରୁ ଶେଷ୍ ମହାମାଁରୀକେ ପଠାବାର୍ ଲାଗି ବୁଦ୍ଧି କଲେ। ଯେନ୍ତା ଫାରୋର୍ ମନ୍‌ ବଦ୍‌ଲିବା।

*ବାଇବଲ୍‌ର କଥାନୀ: ଯାତ୍ରା ପୁସ୍ତକ ୫-୧୦*

Audio: https://git.door43.org/OBS-TLF/spv_obs/releases/download/v1/spv_obs_v1_10_128kbps.m4a

## 11. ୧୧. ନିସ୍ତାର୍ ପରବ୍

https://openbiblestories.org/l/spv/story-11/

![](https://cdn.door43.org/obs/jpg/360px/obs-en-11-01.jpg)

ଇସ୍ରାଏଲିୟ ଲୋକ୍‌ ମାନ୍‌କେ ମିଶର୍ ଦେଶୁ ଛାଡ ବଲି ଫାରୋକେ କହେବାର୍‌ ଲାଗି ମାହାପୁରୁ ମୋଶା ଆର୍ ହାରୋନ୍‌କେ ପଠାଲେ। ସେମାନେ ଫାରୋକେ କହେଲେ, “ଯଦି ତୁଇ ସବ୍‌କେ ନେଇ ଛାଡ୍‌ବୁ ତାହେଲେ ମାହାପୁରୁ ମିଶର୍‌ର ଲୋକ୍ ଆର୍ ପଶୁଜନ୍ତୁ ମାଁନ୍‌କର୍‌ ପରୁଆଁ(ପହେଲା ଜନମ୍) ପିଲାଛୁଆ ମାନ୍‌କୁ ମାରି ଦେବେ।“ ଫାରୋ ଇଟା ସୁନିକରି ବି ମାହାପୁରୁରନ ବିଶ୍ୱାସ୍ ନେଇ କଲା ଆର୍ ସେଟା ନେଇଁବି ମାନ୍‌ଲା।

![](https://cdn.door43.org/obs/jpg/360px/obs-en-11-02.jpg)

ଯେନ୍‌ମାନେ ମାହାପୁରୁର୍‌ର ଉପ୍‌ରେ ବିଶ୍ୱାସ୍ କଲେ ସେମାନ୍‌କର୍ ପହେଲା ଜନମ୍ କଲା ପିଲା ମାନ୍‌କୁ ବଁଚାବାର୍ ଲାଗି ସେ ସେମାନ୍‌କୁ ଗୁଟେ ବୁଦ୍ଧି ବତାଲେ। ଆର୍ ସେଟା ହେଲା, ସବୁ ଘରେ ଗୁଟେ ଗୁଟେ ମେଢିକେ ବାଛିକରି ସେଟାକେ ମାର୍‌ବାକେ ପଡ୍‌ବା।

![](https://cdn.door43.org/obs/jpg/360px/obs-en-11-03.jpg)

ମାହାପୁରୁ ଇସ୍ରାଏଲୀୟ ଲୋକ୍‌ ମାନ୍‌କୁ କହେଲେ ଯେ, ମେଢି ଛୁଆର୍ ରକତ୍ ନିଜର୍ ଘରର୍ ବାଟ୍ ମୁହେଁ ଲଗାବେ। ସେମାନେ ସେଥିର୍ ସିକାର୍ ଭାଜ୍‌ବେ। ତାର୍‌ପରେ ସେଟାକେ ରୁଟି ସାଁଙ୍ଗେ ଜଲ୍‌ଦି ଖାଏବେ। ମାହାପୁରୁ ଇଟାବି କହେଲେ କି, ସେଟା ସବୁ ଖାଏଲା ପରେ ଯଲ୍‌ଦି ମିଶର୍ କେ ଛାଡ୍‌ବାର୍ ଲାଗି ସଜ୍‌ବାଜ୍ ହେବେ।

![](https://cdn.door43.org/obs/jpg/360px/obs-en-11-04.jpg)

ମାହାପୁରୁ ଯେନ୍ତା କର୍‌ବାର୍ ଲାଗି ଆଦେଶ୍ ଦେଲେ, ସେନ୍ତା ଇସ୍ରାଏଲିୟ ଲୋକ୍ ମାନେ କଲେ। ଅଧ୍‌ରାତି, ମାହାପୁରୁ ମିଶର୍‌ର ସବୁ ଆଡେ ବୁଲି ବୁଲି ସେମାନ୍‌କର୍ ପହେଲା ଜନମ୍ କଲା ପିଲା ମାନ୍‌କୁ ମାର୍‌ଲେ।

![](https://cdn.door43.org/obs/jpg/360px/obs-en-11-05.jpg)

ଇସ୍ରାଏଲିୟ ମାନ୍‌କର୍ ସବ୍‌କର୍ ଘରର୍ ବାଟ୍ ମୁହେଁ ରକତ୍ ଲାଗି ଥିଲା, ତ ମାହାପୁରୁ ସେ ଘର୍ ମାନ୍‌କୁ ଛାଡି ଦେଲେ। ସେମାନେ ସବ୍ ବଁଚି ଗଲେ। ଇଟା ସେ ଛେଲ୍ ଛୁଆର୍ ରକତ୍ ଲାଗି ସଭେଁ ବଁଚି ଗଲେ।

![](https://cdn.door43.org/obs/jpg/360px/obs-en-11-06.jpg)

ହେଲେ ମିଶର୍‌ର କିହେବି ମାହାପୁରୁର୍‌ନ ବିଶ୍ୱାସ୍ ନେଇ କଲେ ଆର୍ ତାକର୍ ଆଦେଶ୍‌ବି ନେଇଁ ମାନ୍‌ଲେ। ହେଥିର୍‌ଲାଗି, ମାହାପୁରୁ ସେମାନ୍‌କର୍ ଘର୍‌ର ଲୋକ୍‌ ମାନ୍‌କୁ ନେଇ ଛାଡ୍‌ଲେ ଆର୍ ସେମାନ୍‌କର୍ ପହେଲା ଜନମ୍ କଲା ପିଲା ମାନ୍‌କୁଁ ମାରି ଦେଲେ।

![](https://cdn.door43.org/obs/jpg/360px/obs-en-11-07.jpg)

ଜେଲ୍‌ଖାନାନୁ ନେଇକରି ଫାରୋର୍ ତକ୍ ମିଶର୍‌ର ସବୁ ପହେଲା ଜନମ୍ ହେଲା ପିଲା ମାନେ ମରିଗଲେ। ତେହେରୁଁ ମିଶର୍‌ର ଲୋକ୍ ବହୁତ୍ ମନ୍ ଦୁଖ୍ କରିକରି କାନ୍ଦ୍‌ଲେ।

![](https://cdn.door43.org/obs/jpg/360px/obs-en-11-08.jpg)

ସେ ଦିନର୍ ରାତି ଫାରୋ ରଜା ମୋଶା ଆର୍ ହାରୋନ୍ କେ ଡାକ୍‌ଲା ଆର୍ କହେଲା, “ଇ ଇସ୍ରାଏଲ୍‌ର ଲୋକ୍‌ ମାନ୍‌କୁଁ ନିଅ ଆର୍ ମିଶର୍ ଦେଶ୍‌ନୁ ଜଲ୍‌ଦି ପଲ!” ମିଶର୍‌ର ଲୋକ୍ ମାନେବି ଜଲ୍‌ଦି ଦେଶ୍ ଛାଡି ପଲାବାର୍ ଲାଗି ଗୁହାରି କଲେ।

*ବାଇବଲ୍‌ର କଥାନୀ: ଯାତ୍ରା ପୁସ୍ତକ ୧୧:୧-୧୨:୩୨*

Audio: https://git.door43.org/OBS-TLF/spv_obs/releases/download/v1/spv_obs_v1_11_128kbps.m4a

## 12. ୧୨. ଯାତ୍ରା

https://openbiblestories.org/l/spv/story-12/

![](https://cdn.door43.org/obs/jpg/360px/obs-en-12-01.jpg)

ଇଶ୍ରାଏଲ୍‌ର ଲୋକ୍‌ମାନେ ମିଶର୍‌ନୁ ବାହାରିକରି ବହୁତ୍ ଖୁସ୍ ଥିଲେ। ସେମାନେ ଆର୍ ଚାକର୍ ହେଇ ନେଇ ରହି। ଆର୍ ସେମାନେ ପ୍ରତିଜ୍ଞାର୍ ଦେଶ୍‌କେ ଗଲେ ! ଇଶ୍ରାଏଲ୍‌ର ଲୋକ୍‌ମାନେ ଯାହା ବି ମାଗ୍‌ଲେ ମିଶର୍ ଲୋକ୍‌ମାନେ ସେଟା ଦେଲେ, ଯେନ୍ତାକି ସୁନା,ରୁପା ଆର୍ ବହୁତ୍ ଦାମ୍‌କିୟା ଜିନିଷ୍ ପତର୍ ଥିଲା। ଅଲ୍‌ଗା ଜାତିର୍ ଲୋକ୍‌ମାନେ ବି ମାହାପୁରୁନ ବିଶ୍ୱାସ୍ କଲେ ଆର୍ ଇଶ୍ରାଏଲ୍‌ର ଲୋକ୍‌ମାନ୍‌କର୍ ସାଁଙ୍ଗେ ଯିବାର୍ ଲାଗି ବାହାରିଲେ।

![](https://cdn.door43.org/obs/jpg/360px/obs-en-12-02.jpg)

ସେମାନେ ଦିନ୍ ବେଲେ ଯେନ୍ ଆଡେ ଗଲେ ମାହାପୁରୁ ସେମାନ୍‌କର୍ ଲାଗି ବାଦଲ୍‌ର ଖମ୍ବାଁ ହେଇକରି ଆର୍ ରାତିରେ ଜୁଏର ଖମାଁ ହେଇକରି ଯାଉଥିଲେ ଏନ୍ତାକି ସେମାନେ ଯାତ୍ରା କଲା ବେଲେ ମାହାପୁରୁ ସବୁବେଲେ ସେମାନ୍‌କର୍ ସାଁଙ୍ଗେ ରହୁଥିଲେ। ସେମାନ୍‌କର୍ କାମ୍ ଖାଲି ମାହାପୁରୁର୍ ପଛେ ପଛେ ଯିବାର୍ ଥିଲା।

![](https://cdn.door43.org/obs/jpg/360px/obs-en-12-03.jpg)

କିଛି ଦିନ୍ ଗଲାପରେ, ଫାରୋ ରଜା ଆର୍ ତାର୍ ସବୁଲୋକ୍‌ର ମନ୍ ବଦ୍‌ଲି ଗଲା। ଆର୍ ସେମାନେ ଇଶ୍ରାଏଲ୍‌ର ଲୋକ୍ ମାନ୍‌କୁଁ ଫେର୍‌ଘାଏ ଚାକର୍ ବନାବାର୍ ବୁଦ୍ଧି କଲେ। ଆର୍ ସେମାନ୍‌କୁ ଧର୍ ବାର୍ ଲାଗି ଦଉଡାଲେ। ମାହାପୁରୁ ଏକା ଫେର୍ ସେମାନ୍‌କର୍ ମନ୍‌କେ ବଦ୍‌ଲେଇ ଥିଲେ। ସେ ଇଟା ଯେନ୍ କଲେ ହେତାର୍ ପଛେ ସେ ଚାହୁଁଥିଲେକି ସଭେଁ ଶୋର୍‌ପଉନ୍‌ଯେ ଯିହୋବା ମାହାପୁରୁ ଫାରୋ ଆର୍ ମିଶର୍ ଦେଶ୍‌ର ସବୁ ଦେବ୍‌ତା ଠାନୁ ସେ ଅଧ୍‌କା ବଲ୍‌ବାନ୍।

![](https://cdn.door43.org/obs/jpg/360px/obs-en-12-04.jpg)

ଯେତ୍‌କିବେଲ୍‌କେ ଇସ୍ରାଏଲ୍‌ର ଲୋକ୍‌ମାନେ ମିଶର୍ ଦେଶର୍ ସେନା ମାନ୍‌କୁ ଆସ୍‌ବାର୍ ଦେଖ୍‌ଲେ, ସେ ଭାବ୍‌ଲେ ଯେ ସେମାନେ ଇଟା ଫଶି ଗଲେ, କାଏଁଯେକି ଗୁଟେ ଆଡେ ଫାରୋର୍‌ ସେନା ଆର୍ ଆର୍ ଗୁଟେ ଆଡେ ଲାଲ୍ ସାଗର୍। ସେମାନେ ବହୁତ୍ ଡରିଗଲେ ଆର୍ ରଡା କିର୍‌ଲା ହେଇକରି କୁହା କୁହି ହେଲେ ଯେ, ଆମେ ମିଶର୍ ଦେଶ୍‌କେ କାଏଁଯେ ଛାଡ୍‌ନୁ, ଆମେ ଇହାଦେ ସବ୍ ମର୍‌ମା।

![](https://cdn.door43.org/obs/jpg/360px/obs-en-12-05.jpg)

ମୋଶା ଲୋକ୍ ମାନ୍‌କୁ କହେଲେ ନେଇ ଡ଼ର ! ମାହାପୁରୁ ତମର୍ ଲାଗି ଯୁଦ୍ଧ କରୁଛନ୍ ଆର୍ ତମ୍‌କେ ସେ ବଁଚାବେ। ତାର୍‌ପରେ ମାହାପୁରୁ ମୋଶାକେ କହେଲେ, “ସବୁ ଲୋକ୍ ମାନ୍‌କୁ କୁହ, ଇ ଲାଲ୍ ସାଗର୍ ଆଡ୍‌କେ ମୁହୁଁ କରି କରି ଆଗ୍‌କେ ବଢ୍‌ବେ।

![](https://cdn.door43.org/obs/jpg/360px/obs-en-12-06.jpg)

ତାର୍‌ପରେ ସେ ବାଦଲ୍‌ର ଖମାଁ, ଜୁଏଁର ଖମାଁ ହେଇକରି ଇସ୍ରାଏଲ୍ ଆର୍ ମିଶର୍ ଦେଶର୍ ମଝିରେ ରାଏତ୍ ସାରା ରହେଲେ। ସେଥିର୍‌ଲାଗି ମିଶର୍‌ର ଲୋକ୍‌ମାନେ ସେ ରାତି ଇସ୍ରାଏଲ୍‌ର ଭିତର୍‌କେ ଆସି ନେଇଁ ପାର୍‌ଲେ।

![](https://cdn.door43.org/obs/jpg/360px/obs-en-12-07.jpg)

ମାହାପୁରୁ ମୋଶାକେ କହେଲେ, “ସମୁଦ୍ରର୍ ଆଡ୍‌କେ ତମର୍ ହାତ୍‌କେ ଉଠ।” ତାର୍‌ପରେ ମାହାପୁରୁ ପବନ୍‌ଥି ସେନର୍ ପାଏନ୍‌କେ ଡେବିରି ଆର୍‌ ଭୁଜିନି ଆଡ୍‌କେ ଠେଲି ଦେଇକରି ସମୂଦ୍ର ଭିତ୍‌ରେ ରାସ୍ତାଟେ ବନାଲେ।

![](https://cdn.door43.org/obs/jpg/360px/obs-en-12-08.jpg)

ଇସ୍ରାଏଲର୍ ଲୋକ୍‌ମାନେ ଦୁଇ ଆଡେ ଦୁଇଟା ପାନିର୍ କାଁଥି ଭିତ୍‌ରେ ସୁଖାଭୁଇଁ ଉପରେ ଚାଲି କରି ସେନୁ ପାର୍ ହେଲେ।

![](https://cdn.door43.org/obs/jpg/360px/obs-en-12-09.jpg)

ମିଶର୍‌ର ଲୋକ୍‌ମାନେ ସେଟା ଦେଖ୍‌ଲେ ଯେ ଇସ୍ରାଏଲିୟ ଲୋକ୍ ମାନେ ଭାଗୁଛନ୍। ତେହେରୁଁ ସେମାନେ ଇସ୍ରାଏଲିୟ ଲୋକ୍ ଲୋକ୍‌ମାନ୍‌କୁଁ ଦଉଡାଲେ।

![](https://cdn.door43.org/obs/jpg/360px/obs-en-12-10.jpg)

ସେଥିର୍‌ଲାଗି ମିଶର୍‌ର ଲୋକ୍‌ମାନେ ଇସ୍ରାଏଲିୟ ଲୋକ୍ ଲୋକ୍‌ମାନ୍‌କର୍‌ ଯିବାର୍ ରାସ୍ତା ଦେଇକରି ତାକର୍ ପିଛା କଲେ, ହେଲେ ମାହାପୁରୁ ମିଶରୀୟ ମାନ୍‌କର୍ ରଥ୍‌କେ ଅଟ୍‌କେଇ ଦେଲେ। ତ ସେମାନେ ଡରି କରି କହେଲେ “ଭାଗ ରେ ପିଲେ”! ଇସ୍ରାଏଲ୍ ଲାଗି ମାହାପୁରୁ ଲଢୁଛନ୍।

![](https://cdn.door43.org/obs/jpg/360px/obs-en-12-11.jpg)

ଇସ୍ରାଏଲ୍‌ର ସବେ ଲୋକ୍‌ ସମୁଦ୍ରର ଆର ଫାଲ୍‌କେ ପୁହୁଁଚିଲା ପରେ, ମାହାପୁରୁ ମୋଶାକେ କହେଲେ ଆର୍ ଥରେ ପାଏନ୍ ଉପ୍‌ରେ ତମର୍ ହାତ୍‌କେ ବଢ। ଯେତ୍‌କିବେଲ୍‌କେ ମୋଶା ସେନ୍‌ତା କଲେ, ସବୁ ପାଏନ୍ ମିଶର୍ ଦେଶର୍ ସୈନ୍ୟ ମାନ୍‌କର୍ ଉପ୍‌ରେ ପଡ୍‌ଲା ଆର୍ ଆଗରୁ ସମୁଦ୍ର ପାଏନ୍ ଯେନ୍ତା ଥିଲା ଫେର୍‌ଘାଏ ହେନ୍ତା ହେଇଗଲା। ଆର୍ ସବୁ ମିଶରୀୟ ଲୋକ୍ ପାଏନ୍‌ଥି ବୁଡିକରି ମରିଗଲେ।

![](https://cdn.door43.org/obs/jpg/360px/obs-en-12-12.jpg)

ଯେତ୍‌ବେଲ୍‌କେ ଇସ୍ରାଲୀୟ ଲୋକ୍‌ ମାନେ ଦେଖ୍‌ଲେଯେ, ମିଶର୍‌ର ଲୋକ୍‌ମାନେ ମରିଯାଇ ଛନ୍ ସେତକି୍ ବେଲେ ସେମାନେ ମହାପ୍ରଭୁକେ ବିଶ୍ୱାସ୍ କଲେ, ଆର୍ ସେମାନେ ଇଟାବି ବିଶ୍ୱାସ୍ କଲେଯେ, ମୋଶା ମାହାପୁରୁର୍ ଗୁଟେ ଭବିଷଦ୍‌ବକ୍ତା ଅନ୍‌।

![](https://cdn.door43.org/obs/jpg/360px/obs-en-12-13.jpg)

ଇସ୍ରାଏଲୀୟ ଲୋକ୍‌ ମାନେ ଖୁସିହେଲେ ଯେ, ମାହାପୁରୁ ସେମାନ୍‌କୁ ଚାକର୍ ଜୀବନ୍‌ଠାନୁ ଆର୍ ମର୍‌ବାର୍‌ଠାନୁ ବଁଚାଲେ।ଇହାଦେ ସେମାନେ ମାହାପୁରୁକେ ମାନ୍‌ବାର୍ ଲାଗି ଆର୍ ତାକର୍ ସେବା ପୂଜା କର୍‌ବାର୍ ଲାଗି ବାହାରି ପଡ୍‌ଲେ। ମିଶର୍ ଦେଶର୍ ସୈନ୍ୟ ମାନ୍‌କର୍‌ଠାନୁ ମାହାପୁରୁ ବଚାଁଲେ ଆର୍ ସେମାନ୍‌କର୍ ନୁଆ ଜୀବନ୍‌ର ଖୁସି ମାନ୍‌ବାର୍‌ର ଲାଗି କେତେନେ କେତେ ଗୀତ୍ ଗାଇଲେ ଆର୍ ମାହାପୁରୁର୍ ଗୁନ୍‌କେ ବି ଗାଏଲେ।

![](https://cdn.door43.org/obs/jpg/360px/obs-en-12-14.jpg)

ମାହାପୁରୁ ଇସ୍ରାଏଲ୍ ବାସୀକେ, ସବୁ ବଛର୍‌ ଗୁଟେ ପରବ୍ ପାଲନ୍ କରବାର୍‌ଲାଗି ଆଦେଶ୍ ଦେଲେ, ଯେନ୍‌ଟା ସେମାନ୍‌କୁ ମନେ ପକେଇ ଦେବା ଯେ, କେନ୍ତା କିସ୍‌ମେ ମାହାପୁରୁ ମିଶରୀୟ ଲୋକ୍‌ ମାନ୍‌କୁ ହରେଇ କରି ଆରୁ ଘିନା ଚାକର୍‌ଠାନୁ ସେମାନ୍‌କୁ ବଚେଁଇ କରି ମିଶର୍‌ ଦେଶୁଁ ଆନ୍‌ଲେ। ସେ ପରବର୍ ନାଁ ହେଲା “ନିସ୍ତାର୍ ପରବ୍” ତାର୍ ମାନେ ହେଲା ମୁକୁଲିବାର୍ ପରବ୍। ଇ ପରବ୍ ଥି ସେମାନେ ଗୋଟେ ହାଟାକାଟା ମେଢି ବଲୀ ଦେବେ, ତାର ଶିକାର୍ ଖାଏବେ ଆର ବିନା ତେଲ୍ ଆର୍‌ ଘି ଦିଆ ରୁଟି ସାଁଙ୍ଗେ ଖାଏବେ।

*ବାଇବଲ୍‌ର କଥାନୀ: ଯାତ୍ରା ପୁସ୍ତକ ୧୨:୩୩-୧୫:୨୧*

Audio: https://git.door43.org/OBS-TLF/spv_obs/releases/download/v1/spv_obs_v1_12_128kbps.m4a

## 13. ୧୩. ଇସ୍ରାଏଲ୍ ସାଁଙ୍ଗେ ମାହାପୁରୁର୍‌ ଚୁକ୍ତି

https://openbiblestories.org/l/spv/story-13/

![](https://cdn.door43.org/obs/jpg/360px/obs-en-13-01.jpg)

ମାହାପୁରୁ ଇସ୍ରାଏଲ୍ ଲୋକ୍‌ମାନ୍‌କୁଁ ଲାଲ୍ ସାଗର୍‌ନୁ ପାର୍ କରି ଆନ୍‌ଲା ପରେ, ସେ ସେମାନ୍‌କୁ ମରୁଭୁମି ଦେଇକରି ‘ସିନାଇ’ ବଲିକରି ଗୁଟେ ପାହାଡ୍‌କେ ଆନ୍‌ଲେ। ଇଟା ସେ ପାହାଡ୍ ଆଏ, ଯେନ୍ ଠାନେକି ମୋଶା ଜଲ୍‌ଲା ବୁଟାକେ ଦେଖିଥିଲେ। ସେ ଲୋକ୍‌ମାନେ ପାହାଡ୍‌ର ତଲେ ତମ୍‌ବୁଁ ମାରି କରି ରହେଲେ।

![](https://cdn.door43.org/obs/jpg/360px/obs-en-13-02.jpg)

ମାହାପୁରୁ ମୁଶା ଆର୍ ଇସ୍ରାଏଲର୍‌ ଲୋକ୍‌ମାନ୍‌କୁଁ କହେଲେ, ତମେମାନେ ସବୁବେଲେ ମୋର୍ କଥା ମାଁନ୍‌ବ ଆର୍ ତମର୍ ସାଁଙ୍ଗେ କଲା ଚୁକ୍ତିକେ ମାନ୍‌ବ। ଯଦି ଇଟା ମାନ୍‌ବ, ତାହେଲେ ତମେ ମୋର୍ ନିଜର୍ ସମ୍ପତି ଭଲିଆ ହେବ, ଆର୍‌ ମୋର୍ ଦେଶର୍ ଯାଜକ୍‌ ଆର୍ ପବିତ୍ର ଜାଏତ୍‌ଟେ ହେବ।

![](https://cdn.door43.org/obs/jpg/360px/obs-en-13-03.jpg)

ତିନ୍ ଦିନ୍‌ ତକ୍ ଲୋକ୍‌ମାନେ ନିଜ୍‌କେ ନିଜ୍ ପବିତ୍ର କଲେ ଯେନ୍‌ତାକି ମାହାପୁରୁ ତାକର୍ ପାସ୍‌କେ ଆସ୍‌ବେ। ତେହେରୁଁ ମାହାପୁରୁ ‘ସିନାଇ’ ପାହାଡର୍‌ ତଲ୍‌କେ ଆସ୍‌ଲେ। ଯେତ୍‌କି ବେଲ୍‌କେ ମାହାପୁରୁ ଆସ୍‌ଲେ ହେତ୍‌କି ବେଲ୍‌କେ ମେଘେଁ ଘଡ୍‌ଘଡ଼ି୍ , ବିଜିଲି , କୁହୁଲା , ଆର୍ ବିନ୍ କାହାଲିର୍ ସବତ୍ ସୁଭ୍‌ଲା। ତେହେରୁଁ ମୋଶା ନିଜେ ପାହାଡ୍‌ ଉପର୍‌କେ ଗଲେ।

![](https://cdn.door43.org/obs/jpg/360px/obs-en-13-04.jpg)

ତେହେରୁଁ ମାହାପୁରୁ ସେ ଲୋକ୍ ମାନ୍‌କର୍‌ ସାଁଙ୍ଗେ ଗୁଟେ ଚୁକ୍ତି କଲେ। ସେ କହେଲେ “ମୁଇଁ ଯିହୋବା, ତୁମର୍ ମାହାପୁରୁ ଇଟା ମୁଇଁ ଯିଏକି ତମ୍‌କୁଁ ମାନ୍‌କୁଁ ମିଶର୍ ଦେଶୁଁ ଘିନା ଚାକର୍‌ଠାନୁ ମୁକ୍‌ଲେଇ କରି ଆନିଛେଁ। ହେଥିର୍‌ଲାଗି ଅଲ୍‌ଗା ଦେବା ଦେବୀକେ ନାଇଁ ମାନ୍‌ବ।”

![](https://cdn.door43.org/obs/jpg/360px/obs-en-13-05.jpg)

କେହେନି ମୁର୍ତ୍ତି ନେଇଁ ବନାବ, ଆର୍ ସେମାନ୍‌କର୍ ପୂଜା ନେଇ କର୍‌ବ, କାଏଁଯେ କି ମୁଇଁ ନିଜେ ଯିହୋବା, ତମର୍ ଗୁଟେ ବଲି ମାହାପୁରୁ। ତମେ ଯଥାନ ମର୍‌ ନାଁ କେ ନେଇଁ ନେବ। ଆର୍ ହପ୍ତାର୍ ଶେଷ୍‌ ଦିନ୍‌କେ ଯେନ୍ତା କରିବି ପବିତ୍ର ରଖ୍‌ବ, ତାର୍‌ମାନେ ହେଲା, ତମର୍‌ ସବୁକାମ୍ ଛ ଦିନେ ସରାବ ଆର୍ ସାତ୍ ନମର୍ ଦିନ୍‌କେ ତୁମେ ପବିତ୍ର ବିଶ୍ରାମ୍‌ ବାର୍ ବଲି ମାନ୍‌ବ। ଆର୍ ମତେ ଶୋର୍ କର୍‌ବ।

![](https://cdn.door43.org/obs/jpg/360px/obs-en-13-06.jpg)

ନିଜର ମାଁ ବୁଆ କେ ଆଦର୍ କର୍‌ବ। ହନା କଟା ନେଇ କର୍‌ବ, ବେଭିଚାର୍‌ ନାଇଁ କର୍‌ବ, ଚୋରି ନାଇଁ କର୍‌ବ, ମିଛ୍‌ ନାଇଁ କହେବ। ତମର୍ ପୋଡୋଶୀର୍‌ ମାଇକୀନା, ଘର୍, ଆର୍ ତାର୍ ଜିନିଷ୍‌କେ ଲୋଭ୍‌ ନେଇଁ କର୍‌ବ।

![](https://cdn.door43.org/obs/jpg/360px/obs-en-13-07.jpg)

ମାହାପୁରୁ ଯେନ୍ ପ୍ରତିଜ୍ଞା ଦେଇଥିଲେ ସବୁଲୋକ୍ ସେଟା ମାନ୍‌ବାର୍ ଲାଗି ରାଜି ହେଲେ। ସେମାନେ ମାହାପୁରୁର୍ ଲୋକ୍ ହେବାର୍ ଲାଗି ଆର୍ ତାହାକେ ହିଁ ପ୍ରାର୍ଥନା କର୍‌ବାର୍ ଲାଗି ରାଜି ହେଲେ।

![](https://cdn.door43.org/obs/jpg/360px/obs-en-13-08.jpg)

ମାହାପୁରୁ ଇସ୍ରାଏଲ୍‌ର ଲୋକ୍‌କେ ଗୁଟେ ବଡ୍ ତମ୍‌ବୁ ମାର୍‌ବାର୍ ଲାଗି କହେଲେ। ସେଟା ପ୍ରାର୍‌ଥନା ର ତମ୍‌ବୁ ହେଲା। ସେ ସେମନ୍‌କୁଁ ଠିକ୍ ଇନ୍‌ତା ତମୁ ବନାବାର୍, ଆର୍‌ ଇ ଭିତ୍‌ରେ କାଁଏ କାଁଏ ଜିନିଷ୍‌ ରଖ୍‌ବାର୍ ଅଛେ ସେଟା ବି କହେଲେ। ମାହାପୁରୁ କହେଲେ, ତମୁକେ ଦୁଇ ବଖ୍‌ରା କର୍‌ବାର୍ ଲାଗି ଆର୍ ଗୁଟେ ବଡ୍ ପର୍‌ଦା ମଝିନ ଦେବାର୍ ଲାଗି କହେଲେ। ମାହାପୁରୁ ପର୍‌ଦାର୍‌ ପଛ୍‌ଆଡେ ଆଇବେ ଆର୍ ସେନ ରହେବେ। ଯେନ୍‌ଠାନେ ମାହାପୁରୁ ରହେବେ ସେଠାନ୍‌କେ ଖାଲି ମହା ଯାଜକ୍‌ ଯାଇ ପାର୍‌ବେ।

![](https://cdn.door43.org/obs/jpg/360px/obs-en-13-09.jpg)

ଲୋକ୍‌ମାନେ ତମ୍‌ବୁ ପ୍ରାର୍ଥନା ଘରର୍ ସାମ୍‌ନାଥି ଗୁଟେ ବେଦି ବନାବେ। ଯିଏବି ମାହାପୁରୁ ବିଧୀ ବିଧାନ୍ ନାଇଁ ମାନ୍‌ବା ସେ ଗୁଟେ ପଶୁକେ ବଲି ଦେବାର୍ ଲାଗି ବେଦି ନିକେ ଆନ୍‌ବା। ସେ ଯାଜକ୍‌ ପଶୁକେ ମାହାପୁରୁର୍‌ଲାଗି ବେଦିଠାନେ ବଲି ଚଢାବା ଆର୍ ପୁଡ଼ାବା। ମାହାପୁରୁ କହେଲେ, ସେ ପଶୁର୍ ରକତ୍ ବଲି ଚଢାଲା ଲୋକର୍ ପାପ୍‌କେ ଧୁଇଦେବା। ଇନ୍‌ତା କଲେ ମାହାପୁରୁ ଆରୁ ସେ ପାପ୍‌କେ ହିସାବ୍ ନେଇକରନ୍ ଆର୍ ସେଲୋକ୍ ମାହାପୁରୁ ଆଖିନ ପବିତ୍ର ହେବା। ‘ମାହାପୁରୁ ମୋଶାର୍‌ ଭାଏ ହାରୋନ୍ ଆର୍ ହାରୋନର୍ ବଁଶର୍ ଲୋକ୍ ମାନ୍‌କୁଁ ତାକର୍ ଯାଜକ୍ ହେବାର୍ ଲାଗି ବାଛ୍‌ଲେ।

![](https://cdn.door43.org/obs/jpg/360px/obs-en-13-10.jpg)

ଆର୍ ମାହାପୁରୁ ଇ ଦଶ୍‌ଟା ନିୟମ୍‌କେ ଦୁଇ ଫାଲ୍ ପଥରେଁ ଲେଖ୍‌ଲେ ଆର୍ ମୋଶାକେ ସେଟା ଦେଲେ। ଆର୍‌ ମାହାପୁରୁ ମାନ୍‌ବାର୍‌ଲାଗି ଲୋକ୍‌ ମାନ୍‌କୁଁ ଆର୍ ଅନେକ୍‌ଟା ବିଧି ବିଧାନ୍ ଦେଲେ। ଯଦି ଲୋକ୍ ମାନେ ଇସବୁ ବିଧି ବିଧାନ୍ (ମାହାପୁରୁର୍‌ ଦଶ୍‌ଟା ଆଜ୍ଞା) ମାଁନ୍‌ବେ ତ ମାହାପୁରୁ ସେମାନ୍‌କୁ ଆଶିର୍‌ବାଦ୍‌ କର୍‌ବେ ଆର୍ ରକ୍ଷା କର୍‌ବେ।

![](https://cdn.door43.org/obs/jpg/360px/obs-en-13-11.jpg)

ବହୁତ୍ ଦିନ୍‌ତକ୍ ମୋଶା ସିନାଇ ପାହାଡ଼୍ ଉପ୍‌ରେ ରହେଲେ। ସେ ମାହାପୁରୁର୍ ସାଙ୍ଗେ କଥା ବାର୍‌ତା କରୁଥିଲେ। ଇଆଡେ ପାହାଡ୍ ତଲେ ଲୋକ୍‌ମାନେ ମୋଶାକେ ଜୁଗି ଜୁଗି ବିରକ୍ତ୍ ହେଇଗଲେ। ତେହେରୁଁ ସେମାନେ ମାହାପୁରୁର୍‌ ବଦ୍‌ଲା ଆର୍ ଗୁଟେ ସୁନାର୍ ମୁର୍ତି ବନେଇକରି ତାର୍ ପୁଜା କର୍‌ବାର୍ ଲାଗି ହାରୋନ୍ ନିକେ ସୁନା ଧରିକରି ଆସ୍‌ଲେ। ଇନ୍ତା କରି ସେମାନେ ମାହାପୁରୁ ବିରୋଧ୍‌ନ ଘୋର୍‌ ପାପ୍ କଲେ।

![](https://cdn.door43.org/obs/jpg/360px/obs-en-13-12.jpg)

ଇହାଦେ ହାରୋନ୍ ସୁନାର୍ ବାଛ୍‌ରି ଗୁଟେ ବନାଲେ। ଲୋକ୍ ମାନେ ଇ ସୁନାର୍ ମୁର୍ତ୍ତିକେ ପୁଜାକରି ବସ୍‌ଲେ ଆର୍ ବଲି ଚଢେଇ ବସ୍‌ଲେ। ଇ ଲୋକ୍ ମାନ୍‌କର୍ ପାପର୍ ଲାଗି ମାହାପୁରୁ ରିସ୍‌ମି ହେଇଗଲେ। ମାହାପୁରୁ ମୋଶାକେ କହେଲେ ଯେ, ସେ ଲୋକ୍ ମାନ୍‌କୁ ମାରିଦେବେ। ହେଲେ ମୋଶା ମାହାପୁରୁକେ ନାଇଁ ମାର୍‌ବାର୍ ଲାଗି ଗୁହାରି କଲେ। ମାହାପୁରୁ ମୋଶାର୍ ପ୍ରାର୍‌ଥନା ଶୁନ୍‌ଲେ ଆର୍ ସେମାନ୍‌କୁ ବିନାଶ୍ ନେଇ କରିକରି ଛାଡି ଦେଲେ।

![](https://cdn.door43.org/obs/jpg/360px/obs-en-13-13.jpg)

ମୋଶା ଯେତ୍‌କିବେଲ୍‌କେ ସିନାଇ ପାହାଡ଼୍‌ନୁ ତଲ୍‌କେ ଉତ୍‌ରିଲେ, ସେ ଯେନ୍ ଦଶ୍‌ଟା ଆଜ୍ଞା ମାହାପୁରୁ ପଥର୍‌ରେ ଲେଖି ଥିଲେ ସେଟା ନେଇକରି ଆସ୍‌ଲେ। ଯେତ୍‌କିବେଲେ ମୋଶା ସେ ମୁର୍ତ୍ତିକେ ଦେଖ୍‌ଲେ, ସେ ବହୁତ୍‌ଟେ ରିସ୍‌ମି ହେଲେ ଆର୍ ମୁର୍ତ୍ତି କେ ଭାଙ୍ଗି ରୁଚି ଦେଲେ।

![](https://cdn.door43.org/obs/jpg/360px/obs-en-13-14.jpg)

ତାର୍‌ପରେ ମୋଶା ସେ ମୁର୍ତ୍ତିକେ ଜଲେଇ ଦେଲେ ଆର୍ ତାହାକେ ଗୁଣ୍ ଗୁଣ୍ କରି ଦେଲେ। ସେ ଗୁଣ୍‌କେ ଝର୍‌ନାନ ଫିକିଦେଲେ ଆର୍ ସେ ପାଏନ୍‌କେ ଲୋକ୍‌କେ ପିଆଲେ। ମାହାପୁରୁ ଲୋକ୍ ମାନ୍‌କର୍ ଉପ୍‌ରେ ଗୋଟେ ବିପତି ପଠାଲେ ଆର୍‌ ସେଥି ବହୁତ୍ ଲୋକ୍ ମରିଗଲେ।

![](https://cdn.door43.org/obs/jpg/360px/obs-en-13-15.jpg)

ମୋଶା ଯେନ୍ ପଥର୍‌ର ଦଶ ଆଜ୍ଞାକେ ଭାଙ୍ଗି ଦେଇଥିଲେ ମୋଶା ସେ ପଥର୍‌କେ ଆର୍‌ଥରେ ବନାଲେ। ସେ ଆର୍‌ଥରେ ପାହାଡ଼୍‌କେ ଚଢ୍‌ଲେ ଆର୍ ଲୋକ୍ ମାନ୍‌କର୍‌ କ୍ଷମା ଲାଗି ପାର୍‌ଥନା କଲେ। ମାହାପୁରୁ ମୋଶାର୍‌ ପାର୍‌ଥନା ଶୁନଲେ ଆର୍ ସେମାନ୍‌କୁ କ୍ଷମା କଲେ। ମୋଶା ପାହାଡ଼୍‌ନୁ ନୁଆଁ ଦଶଟା ପ୍ରତିଜ୍ଞା ଧରିକରି ତଲ୍‌କେ ଆସ୍‌ଲେ। ତେହେରୁଁ ମାହାପୁରୁ ସିନାଇ ପର୍‌ବତ୍‌ନୁ ପ୍ରତିଜ୍ଞା କରି ଥିବାର୍ ଦେଶ୍‌କେ ଇଶ୍ରାଏଲ୍‌ର ଲୋକ୍‌ ମାନ୍‌କୁଁ ନେଲେ।

*ବାଇବଲ୍‌ର କଥାନୀ: ଯାତ୍ରା ପୁସ୍ତକ ୧୯-୩୪*

Audio: https://git.door43.org/OBS-TLF/spv_obs/releases/download/v1/spv_obs_v1_13_128kbps.m4a

## 14. ୧୪. ମରୁଭୂମିନ ଇସ୍ରାଏଲୀୟ ମାନ୍‌କର୍‌ ଇଆଡେ ସେଆଡେ ବୁଲ୍‌ବାର୍ କଥାନୀ

https://openbiblestories.org/l/spv/story-14/

![](https://cdn.door43.org/obs/jpg/360px/obs-en-14-01.jpg)

ମାହାପୁରୁ ଇଶ୍ରାଏଲ୍‌ର୍‌ ଲୋକ୍ ମାନ୍‌କର୍‌ ସାଙ୍ଗେ ଯେନ୍ ଚୁକ୍ତି କରିଥିଲେ ତାର୍ ସବୁ ବିଧି ବିଧାନ୍‌କେ ମାନ୍‌ବାର୍‌ ଲାଗି କହେଲା ପରେ, ସେମାନ୍‌କୁ ସିନାଇଁ ପାହାଡ୍‌ଠାନୁ କଢ଼େଇ ଆନ୍‌ଲେ। ମାହାପୁରୁ ସେମାନ୍‌କୁ ପ୍ରତିଜ୍ଞା କରିଥିବାର୍ ଦେଶ୍‌କେ ନେବାର୍ ଲାଗି ଚାହେଁଲେ। ସେ ଦେଶ୍‌ର ନାଁ କିଣାନ୍ ଥିଲା। ମାହାପୁରୁ ସେମାନ୍‌କର୍ ଆଘେ ଆଘେ ବାଦଲର୍ ଖଁମା ଭଲିଆ ଯାଉଥିଲେ, ଆର୍ ଲୋକ୍‌ମାନେ ତାକର୍ ପଛେ ପଛେ ଯାଉଥିଲେ।

![](https://cdn.door43.org/obs/jpg/360px/obs-en-14-02.jpg)

ମାହାପୁରୁ ଅବ୍ରାମ୍ , ଇସାକ, ଆର୍ ଯାକୁବ୍ ମାନକର୍ ଠାନେ ପ୍ରତିଜ୍ଞା କରିଥିବାର୍ ଦେଶ୍‌କେ ତାକର୍ ବଂଶର୍‌ ଲୋକ୍‌ମାନ୍‌କେ ଦେବାର୍ ଲାଗି ପ୍ରତିଜ୍ଞା କରିଥିଲେ। ସେତ୍‌କିବେଲ୍‌କେ ସେଠାନେ ବହୁତ୍ ଜାତିର୍ ଲୋକ୍ ରହୁଥିଲେ। ସେମାନ୍‌କୁ କିଣାନ୍‌ ଦେଶର୍ ଲୋକ୍ ବଲି କୁହା ଯାଉଥିଲା। ସେ କିଣାନ୍‌ର ଲୋକ୍‌ମାନେ ମାହାପୁରୁର୍ ସେବା ନାଇକଲେ ଆର୍ କଥା ନାଇଁ ମାନ୍‌ଲେ। ସେମାନେ ଅସତ୍ ଦେବ୍‌ତା ମାନ୍‌କର୍ ପୁଜା କରୁଥିଲେ ଆର୍ ଖରାପ୍ କାମ୍ କରୁଥିଲେ।

![](https://cdn.door43.org/obs/jpg/360px/obs-en-14-03.jpg)

ମାହାପୁରୁ ଇଶ୍ରାଏଲ୍‌ର ଲୋକ୍ ମାନ୍‌କୁ କହେଲେ, ତମେ ପ୍ରତିଜ୍ଞା କରି ଥିବାର୍ ଦେଶ୍‌କେ ଗଲା ପରେ ସେ କିଣାନିୟ ଲୋକ୍ ମାନ୍‌କର୍ ଠାନୁ ଦୁରେ ରହେବ। ତାକର୍ ସାଙ୍ଗେ ଚୁକ୍ତି ନେଇ କର୍‌ବ ଆର୍ ସେମାନ୍‌କୁ ବିହା ନେଇହେବ। ତମେ ସେମାନ୍‌କର୍ ଦେବା ଦେବୀ ମାନ୍‌କୁଁ ଭାଙ୍ଗି ଦେବ। ଯଦି ତମେ ମୋର୍ କଥାକେ ନାଇଁ ମାଁନ୍‌ବ, ତାହେଲେଁ ମୋତେ ଛାଡିକରି ସେମାନ୍ କର୍ ମୁର୍ତ୍ତିକେ ପୁଜା କରିବସ୍‌ବ।

![](https://cdn.door43.org/obs/jpg/360px/obs-en-14-04.jpg)

ଯେତ୍‌କି ବେଲ୍‌କେ ଇସ୍ରାଏଲ୍‌ର ଲୋକ୍ କିଣାନ୍‌ ଦେଶର୍ ସିମାକେ ପୁହୁଁଚିଲେ, ମୋଶା ଇସ୍ରାଏଲ୍‌ର ବାରଟା ବଂଶ୍‌ଠାନୁ ବାର ଲୋକ୍‌କେ ବାଛ୍‌ଲେ, ସେ ଇ ଦେଶର୍ ଭଲ୍‌ମନ୍ଦ୍ ହାଲ୍‌ଚାଲ୍ ଯାନ୍‌ବାର୍ ଲାଗି ନିଜର୍ ଲୋକ୍ ମାନ୍‌କୁ ପଠାଲେ। ସେମାନେ କିଣାନୀୟ ମାନ୍‌କର୍ ଦେଶର୍ ଭିତ୍‌ରିଆ କଥା ବଲୁଆ କି ଦୁର୍‌ବଲିଆଟା ବଲି ଯାନ୍‌ବାର୍‌ ଥିଲା।

![](https://cdn.door43.org/obs/jpg/360px/obs-en-14-05.jpg)

ସେ ବାର ଲୋକ୍‌ କିଣାନ ଦେଶର୍ ସବୁଆଡେ ଚାଲିସ୍ ଦିନ୍ ବୁଲା ବୁଲି କରି ସାଏଲା ପରେ ଆସ୍‌ଲେ। ସେମାନେ ଲୋକ୍ ମାନ୍‌କେ କହେଲେ, ଇ ଦେଶର୍ ମାଏଟ୍‌ ବହୁତ୍ ଫବ୍‌ସା (ଉର୍ବର) ଆର୍ ଖାଏବାର୍ ଟା ଅଭାବ୍ ନେଇଁନ। ହେଲେ ସେମାଁନ୍ କର୍ ଭିତ୍‌ରୁ ଗୁପ୍ତଚୋର୍ ମାନେ କହେଲେ ଯେ, ସେ ଶହର୍ ମାନେ ବହୁତ୍ ବଲୁଆ ଆର୍ ସେନର୍ ଲୋକ୍‌ମାନେ ଅସୁର୍ ଭଲିଆ। ଯଦି ଆମେ ସେ ଦେଶ୍‌କେ ଆକ୍ରମନ୍ କଲେ ସେମାନେ ଆମ୍‌କୁଁ ହରେଇ କରି ମାରି ଦେବେ।

![](https://cdn.door43.org/obs/jpg/360px/obs-en-14-06.jpg)

ସାଙ୍ଗେ ସାଙ୍ଗ୍, କାଲେବ୍, ଯିହୋଶୂୟ, ଆର୍ ଦୁଇଟା ଭିତିରିଆ ଗୁପ୍ତ ଚୋର କହେଲେ, ଇଟା ସତ୍ ଆଏ ଯେ କିଣାନ୍ ର ଲୋକ୍ ମାନେ ଡେଙ୍ଗା ଡେଙ୍ଗା ଆର୍ ତାକତ୍ ବାଲା। ହେଲେ ଆମେ ସେମାନ୍‌କୁ ପୁରା ହରେଇ ଦେମା, ମାହାପୁରୁ ଆମର୍ ଲାଗି ଲଢେଇ କରବେ।

![](https://cdn.door43.org/obs/jpg/360px/obs-en-14-07.jpg)

ହେଲେ ଲୋକ୍‌ମାନେ କାଲେବ୍ ଆର୍‌ ଯିହୋଶୂୟର୍‌ କଥାକେ ନେଇ ସୁନ୍‌ଲେ। ସେମାନେ ମୋଶାକେ ଆର୍ ହାରୋନ୍‌କେ ରିସ୍‌ମି ହେଲେ ଆର୍ କହେଲେ, ତମେ ଇନ୍‌ତା ଗୁଟେ ବିପଦ୍ ଜାଗାକେ କାଏଁକରି ଆନ୍‌ଲ? ବରଂ ଆମେ ମିଶର୍‌ନେ ରହିଥିତୁଁ, ଯଦି ଆମେ ସେ ଦେଶ୍‌କେ ଯିମୁ ତାହାଲେ ଆମେ ଯୁଦ୍ଧରେ ମରି ଯିମୁ। କିଣାନ୍‌ର ଲୋକ୍‌ ମାନେ ଆମର୍ ମାଇକୀନା ଆର୍ ଛୁଆମାନ୍‌କେ ଘିନା ଚାକର୍ କର୍‌ବେ। ସେମାନେ ଗୁଟେ ଅଲ୍‌ଗା ମୁଖିଆକେ ବାଛ୍‌ବାର୍ ଲାଗି ଚାହେଁଲେ, ଯିଏକି ସେମାନ୍‌କୁ ମିଶର୍ ଦେଶ୍‌କେ ନେବା।

![](https://cdn.door43.org/obs/jpg/360px/obs-en-14-08.jpg)

ଯେତ୍‌କି ବେଲ୍‌କେ ଲୋକ୍‌ମାନେ କହେଲେ, ମାହାପୁରୁ ବହୁତ୍ ରିସ୍‌ମି ହେଇଛନ୍। ମାହାପୁରୁ ସେ ପ୍ରାର୍‌ଥନା ଘର୍‌କେ ଆସି କରି କହେଲେ , ତମେ ମୋର୍ ବିରୁଧ୍‌ରେ ଯାଇଛ, ସେଥିରଲାଗି ତମର୍ ସବ୍‌କୁ ଇ ମରୁଭୁମି ଭିତ୍‌ରେ ବୁଲ୍‌ବାର୍ କେ ପଡ୍‌ବା ଆର୍ କୁଡେ ବର୍‌ସିଆ ଆର୍‌ ତାର୍‌ନୁ ଅଧ୍‌କା ବରଷ୍‌ର ଲୋକ୍ ମାନେ ସେଠାନେ ମରିଯିବେ। ସେ ଦେଶ୍‌କେ ନେଇଁ ଯିବ ଯେନ୍‌ଟା ମୁଇଁ ଦେଇଛେ। ଖାଲି ଯିହୋଶୂୟ ଆର୍ କାଲେବ୍ ସେନ୍‌କେ ଯିବେ।

![](https://cdn.door43.org/obs/jpg/360px/obs-en-14-09.jpg)

ଯେତ୍‌କିବେଲେଁ ଲୋକ୍ ମାନେ ମାହାପୁରୁର୍ ଇ କଥାକେ ସୁନ୍‌ଲେ, ସେମାନେ ଆମେ ପାପୀ ବଲି ମନ୍ ଦୁଃଖ୍ କଲେ। ତେହେରୁଁ ସେମାନେ କିଣାନ୍ ଦେଶ୍ ସାଙ୍ଗେ ମାର୍‌ ଲାଗ୍‌ବାର୍ ଲାଗି ଠିକ୍ କଲେ। ମୋଶା ସେମାନ୍‌କୁ ହୁସିଆର୍ କରି ଦେଲେଯେ ମାହାପୁରୁ ସେମାନ୍‌କର୍ ସାଙ୍ଗେ ନାଇଁନ, ସେଥିର୍‌ଲାଗି ସେମାନେ କିଣାନ୍ ଦେଶ୍‌କେ ନେଇ ଯଉନ୍, ହେଲେ ସେମାନେ ମୋଶାର୍ କଥାକେ ନେଇ ଶୁନ୍‌ଲେ।

![](https://cdn.door43.org/obs/jpg/360px/obs-en-14-10.jpg)

ସେମାନ୍‌କର୍ ସାଁଙ୍ଗେ ମାହାପୁରୁ ଲଢେଇ ନିକେ ନାଇ ଗଲେ, ତ କିଣାନୀୟ ମାନେ ସେମାନ୍‌କୁ ଲଢେଇନ ହରେଇ ଦେଲେ ଆର୍ ସେମାନ୍‌କର୍ ଭିତ୍‌ରୁ ବହୁତ୍ ଲୋକ୍‌ ମାନ୍‌ଙ୍କୁ ମାରିଦେଲେ। ତେହେରୁଁ ଚାଲିସ୍ ବରଷ୍ ତକ୍ ଇସ୍ରାଏଲିୟ ଲୋକ୍ ମାନେ ମରୁଭୁମି ଭିତ୍‌ରେ ବୁଲି ବୁଲି ଦିନ୍ କାଟ୍‌ଲେ।

![](https://cdn.door43.org/obs/jpg/360px/obs-en-14-11.jpg)

ଚାଲିଷ୍ ବରଷ୍ ତକ୍ ଇସ୍ରାଏଲ୍ ଲୋକ୍ ମାନେ ମରୂଭୁମି ନ ବୁଲୁଥିବାର୍ ସମିଆଁ ନ, ମାହାପୁରୁ ସେମାନ୍‌କୁଁ ସରଗ୍ ନୁ ରୁଟି (ମାଁନ୍ନା) ଦେଲେ। ସେ କୁଆ ମାନ୍‌କୁଁ ଶିକାର୍ ତୁନ୍ ଲାଗି ପଠାଲେ। ଚାଲିସ୍ ବରଷ୍ ତକ୍ ଇସ୍ରାଏଲ୍ ଲୋକ୍ ମାନ୍‌କର୍‌ କପ୍‌ଡ଼ା ଲତା ଆର୍ ଚପଲ୍ ମାହାପୁରୁ ଚିରି କି ଛିଡେଇ ନେଇ ଦେଇ।

![](https://cdn.door43.org/obs/jpg/360px/obs-en-14-12.jpg)

ବଡା ଅଦ୍‌ଭୂତ୍ ଭାବେଁ ପ୍ରଭୁ ପଥ୍‌ରୁ ପିବାର୍ ପାଏନ୍ ବାହାର୍ କଲେ। ଇଟା ଏତ୍‌କି କଲାପରେ ବି ଇସ୍ରାଏଲ୍ ଲୋକ୍ ମାନେ ମାହାପୁରୁର୍ ଆର୍ ମୋଶାର୍ ବିରୁଧ୍‌ରେ ଗଲେ, ଏତ୍‌କି ହେଲା ପରେ ମାହାପୁରୁ ସେମାନ୍‌କର୍ ନ ବିଶ୍ୱସ୍ତ ଥିଲେ। ସେ ଯେନ୍‌ତା ପ୍ରତିଜ୍ଞା କରିଥିଲେ ଅବ୍ରାହାମ୍, ଇସାକ୍, ଆର୍ ଯାକୁବ୍‌ର ବଂଶ୍ କେ ଦେମି ବଲି କରି, ସେ ସବୁ ଦେଲେ।

![](https://cdn.door43.org/obs/jpg/360px/obs-en-14-13.jpg)

ଆର୍ ଥରେ, ଯେତ୍‌କି ବେଲେ ଲୋକେ ପାଏନ୍ ନାଇଁ ପାଏଲେ। ମାହାପୁରୁ ମୋଶାକେ କହେଲେ ପଥର୍‌କେ କହ ଯେ ପାଏନ ବାହାରିବା। ହେଲେ ମୋଶା ପଥର୍ କେ ନାଇଁ କହେଲା ତାର୍ ବଦ୍‌ଲା ପଥର୍‌କେ ବାଡ଼ି ଥି ଦୁଇବାଡି ପିଟିଦେଲେ, ହେଲେ ଏନ୍‌ତା କିସ୍‌ମେ ମାହାପୁରୁ କଥାକେ ଠିକ୍ ସେ ପାଲନ୍ ନାଇ କଲା। ପଥର୍‌ନୁ ପାଏନ୍ ସବ୍‌କର୍ ଲାଗି ଆସ୍‌ଲା ହେଲେ ମାହାପୁରୁ ମୁଶାକେ ରିସ୍‌ମି ହେଇଗଲେ। ସେ କହେଲେ “ତୁଇ ଇ କଥାର୍‌ ଲାଗି ପ୍ରତିଜ୍ଞା କରି ଥିବାର୍ ଦେଶ୍ କେ ଯାଇ ନାଇ ପାରୁ”।

![](https://cdn.door43.org/obs/jpg/360px/obs-en-14-14.jpg)

ଚାଲିଶ୍ ବରଷ୍ ତକ୍ ଇସ୍ରାଏଲୀୟ ଲୋକ୍ ମାନେ ମରୁଭୁମିନ ବୁଲ୍‌ଲା ଭିତ୍‌ରେ ଯେନ୍‌ମାନେ ମାହାପୁରୁ ବିରୁଧ୍‌ନ ଯାଇଥିଲେ ସେମାନେ ମରିଗଲେ। ତେହେରୁଁ ମାହାପୁରୁ ଲୋକ୍ ମାନ୍‌କୁଁ ପ୍ରତିଜ୍ଞା କରି୍ଥିବାର୍ ଦେଶର୍ ସିମା ପାସ୍‌କେ ଆର୍ ଥରେ ଆନ୍‌ଲେ। ହେତ୍‌କି ବେଲ୍‌କେ ମୋଶା ବନେ ବୁଡା ହେଇ ଯାଇ ଥିଲେ ନ, ସେଥିର୍ ଲାଗି ମାହାପୁରୁ ଯିହୋଶୂୟକେ ଲୋକ୍ ମାନ୍‌କର୍ ମୁଖିଆ କର୍‌ବାର୍ ଲାଗି ବାଛ୍‌ଲେ। ମାହାପୁରୁ ମୋଶାକେ ପତିଜ୍ଞା କଲେ ଯେ, ଦିନେ ମୋଶା ଭଲିଆ ଗୁଟେ ଭବିଷ୍ୟତ୍‌ବକ୍ତା କେ ସେ ଲୋକ୍ ମାନ୍‌କର୍‌ ଲାଗି ପଠାବେ।

![](https://cdn.door43.org/obs/jpg/360px/obs-en-14-15.jpg)

ତେହେରୁଁ ମାହାପୁରୁ ମୋଶାକେ କହେଲେ ଯେ, ସେ ଗୁଟେ ପାହାଡ୍ ଉପର୍‌କେ ଯିବେ ଆର୍ ମାହାପୁରୁ ଯେନ୍ ଦେଶ୍ ଦେବାର୍ ଲାଗି ପ୍ରତିଜ୍ଞା କରିଥିଲେ ସେଟା ଦେଖ୍‌ବେ। ମୋଶା ସେ ପ୍ରତିଜ୍ଞା ଦେଶ୍‌କେ ଦେଖ୍‌ଲା ହେଲେ ମାହାପୁରୁ ସେ ଦେଶ୍‌କେ ଯିବାର୍ ଲାଗି ମନା କଲେ। ତେହେରୁଁ ମୋଶା ମରିଗଲେ ଆର୍ ଇସ୍ରାଏଲ୍ ଲୋକ୍‌ମାନେ ତିରିଶ୍ ଦିନ୍ ତକ୍ କାନ୍ଦ୍‌ଲେ। ଯିହୋଶୂୟ ସେମାନ୍‌କର୍ ନୁଆଁ ମୁଖିଆ ହେଲେ। ଯିହୋଶୂୟ ଗୁଟେ ଭଲ୍ ମୁଖିଆଟେ ଥିଲେ କାଁକରି କି ସେ ମାହାପୁରୁକେ ବିଶ୍ୱାସ୍ କରୁଥିଲେ ଆର୍ ମାହାପୁରୁର୍ ବିଦ୍ଧି ବିଧାନ୍‌କେ ମାନୁଥିଲେ।

*ବାଇବଲ୍‌ର କଥାନୀ: ଯାତ୍ରା ପୁସ୍ତକ ୧୬-୧୭; ଗଣନା ପୁସ୍ତକ ୧୦-୧୪; ୨୦; ୨୭;ଦ୍ୱିତୀୟ ବିବରଣୀ ୩୪*

Audio: https://git.door43.org/OBS-TLF/spv_obs/releases/download/v1/spv_obs_v1_14_128kbps.m4a

## 15. ୧୫. ପ୍ରତିଜ୍ଞାର୍ ଦେଶ୍

https://openbiblestories.org/l/spv/story-15/

![](https://cdn.door43.org/obs/jpg/360px/obs-en-15-01.jpg)

ଶେଷ୍‌ରେ ଇସ୍ରାଏଲ୍ ଲୋକ୍‌ ମାନ୍‌କର୍ ପ୍ରତିଜ୍ଞାର୍‌ ଦେଶ୍ କିଣାନ୍‌କେ ଢୁକ୍ ବାର୍ ସମିୟାଁ ଥିଲା। ସେ ଦେଶେ ଯିରିହୋ ବଲିକରି ଗୁଟେ ଶହର୍ ଥିଲା। ଇ ସହର୍‌କେ ବଁଚାବାର୍ ଲାଗି ତାର୍ ଚାରିଆଡେ ଗୁଟେ ବର୍‌କସ୍ ବେଢା ଥିଲା। ଯିହୋଶିୟ ସେ ସହର୍‌କେ ଦୁଇଟା ଗୁପ୍ତଚୋର୍ ପଠାଲେ। ସେଠାନେ ରାହାବ୍ ବଲିକରି ଗୁଟେ ବେଶ୍ୟା ଥିଲା। ସେ ସେମାନ୍‌କୁ ସହର୍ ଭିତ୍‌ରେ ଲୁକେଇ କରି ରଖ୍‌ଲା। ଆରୁ ପରେ ସେମାନ୍‌କୁ ସହର୍‌ଠାନୁ ବାହାର୍‌କେ ଲୁକେଇ କରି ବଟେଇ ଦେଲା।ସେ ମାହାପୁରୁକେ ବିଶ୍ୱାସ୍ କରୁଥିଲା, ଇଥିର୍ ଲାଗି ହେନ୍ତା କଲା। ଯେତ୍‌କିବେଲ୍‌କେ ଇସ୍ରାଏଲିୟ ଲୋକ୍‌ ମାନେ ଯିରିହୋ ସହର୍‌କେ ଧ୍ୱଂସ୍ କର୍‌ବେ ସେତ୍‌କିବେଲେ ଗୁପ୍ତ ଚୋର୍ ମାନେ ରାହାବ୍ ଆର୍ ତାର୍ ପରିବାର୍‌କେ ବଚେଇଁ କରି ରଖ୍‌ବାର୍ ଲାଗି ପ୍ରତିଜ୍ଞା କଲେ।

![](https://cdn.door43.org/obs/jpg/360px/obs-en-15-02.jpg)

ଇଶ୍ରାଏଲ୍ ଲୋକ୍ ମାନ୍‌କେ ପ୍ରତିଜ୍ଞାର୍‌ ଦେଶ୍‌କେ ଯିବାର୍ ଲାଗି ଯର୍‌ଦନ୍ ନଦୀ ପାର୍ କର୍‌ବାର୍ ଥିଲା। ମାହାପୁରୁ ଯିହୋଶିୟକେ କହେଲେ, ପହେଲା ଯାଜକ୍ ମାନ୍‌କେ ନଦୀକେ ଯିବାର୍ ଲାଗି ଦିଅ। ଯେତ୍‌କିବେଲ୍‌କେ ଯାଜକ୍ ମାନେ ଯର୍‌ଦନ୍ ନଦୀନ ପାଦ୍ ପକାଲେ, ତାର୍‌ପରେ ନଦୀନ ଯଉ ଥିବାର୍ ପାଏନ୍‌ର ଧାରା ବନ୍ଦ୍ ହେଇଗଲା। ତାର୍‌ପରେ ଇସ୍ରାଏଲ୍‌ର ଲୋକ୍ ମାନେ ସୁଖା ଭୁଇଁନ ନଦୀର୍‌ ଆର୍ ଫାଲ୍‌କେ ଗଲେ।

![](https://cdn.door43.org/obs/jpg/360px/obs-en-15-03.jpg)

ଲୋକ୍‌ମାନେ ଯର୍ଦ୍ଧନ୍ ନଦୀ ପାର୍ ହେଲା ପରେ , ମାହାପୁରୁ ଯିହୋଶିୟକେ କହେଲେ, ଯିରୀହୋ ନଗର୍ ବହୁତ୍ ଶକ୍ତିଶାଲୀ ହେଲେବି ତମେ କାବୁ କର୍‌ବାର୍ ଲାଗି ସଜ୍‌ବାଜ୍ ହୁଅ। ମାହାପୁରୁ ଲୋକ୍ ମାନ୍‌କେ କହେଲେ ଯେ, ତାକର୍ ଯାଜକ୍ ଆର୍ ସେନାମାନେ ଛ ଦିନେ ଇ ନଗର୍‌ର ଚାରି ଆଡେ କିନ୍ଦ୍ରିବ। ତହେରୁଁ ସେମାନେ ସେନ୍ତା କଲେ।

![](https://cdn.door43.org/obs/jpg/360px/obs-en-15-04.jpg)

ମାହାପୁରୁ ଫେର୍ କହେଲେ ଇସ୍ରାଲୀୟ ଲୋକ୍‌ମାନ୍‌କୁଁ ସାତ୍ ନମର୍ ଦିନେ ସାତ୍ ଥର୍ କିନ୍ଦିରିବାର୍‌କେ ପଡ଼୍‌ବା। ତାର୍‌ପରେ ଯାଜକ୍ ମାନ୍‌କୁଁ ତୂରି ବଜାବାକେ ପଡ୍‌ବା ଆରୁ ଲୋକ୍‌ମାନେ ଜୋର୍ ସେ ଚିର୍‌ଲାବେ। ସେଥିର୍‌ଲାଗି ସେମାନେ ସେନ୍ତା କଲେ।

![](https://cdn.door43.org/obs/jpg/360px/obs-en-15-05.jpg)

ତେହେରୁଁ ଯିରୀହୋ ନଗର୍‌ରେ ଥିବାର୍‌ ବଡ଼୍ କାଥି ଧସ୍‌କି ଗଲା। ଆର୍ ଇସ୍ରାଏଲ୍‌କେ ମାହାପୁରୁ ଯେନ୍‌ତା ହୁକୁମ୍ ଦେଇଥିଲେ ସେନ୍‌ତା ସେମାନେ ସେନର୍ ସବୁକେ ଛାର୍ ଖାର୍ କରିଦେଲେ, ହେଲେ ରାହବ୍ ଆର୍ ତାର୍ ପରିବାର୍‌କେ ଛାଡି ଦେଲେ ଯେନ୍‌ମାନେ କି ତାକର୍‌ଠାନେ ମିଶିଗଲେ। କିଣାନ୍‌ନ ରହୁଥିବାର୍ ଦୁସ୍‌ରା ଲୋକ୍ ମାନେ ଯେତ୍‌କିବେଲେ ସୁନଲେ ଯେ, ଇସ୍ରାଏଲ୍‌ର ଲୋକ୍‌ମାନେ କିଣାନ୍ ନଗର୍‌କେ ଭାଙ୍ଗି ରୁଚି ଦେଇଛନ୍। ତେହେରୁଁ ସେମାନେବି ଡରି ମଲେ ଯେ, ଇସ୍ରାଏଲ୍‌ର ଲୋକ୍‌ମାନେ ସେମାନ୍‌କେବି ହାମ୍‌ଲା କର୍‌ବେ।

![](https://cdn.door43.org/obs/jpg/360px/obs-en-15-06.jpg)

ମାହାପୁରୁ ଫେର୍ ଇସ୍ରାଏଲ୍‌ର ଲୋକ୍ ମାନ୍‌କୁଁ କିଣାନ୍ ଦେଶ୍‌ର କେହେନି ଜାତିର୍‌ ଲୋକ୍ ମାନ୍‌କର୍‌ ସଙ୍ଗେ ଶାନ୍ତି ସ୍ଥାପନ୍ କର୍‌ବାର୍ ଲାଗି ମନା କଲେ, ହେଲେ କିଣାନ୍‌ର ଗିହୋନିୟ ବଲି କରି ଗୁଟେ ଜାତି ଯିହୋଶୁଅକେ ଠକ୍‌ଲେ ଯେ, ଆମେ କିଣାନ୍ ଦେଶ୍‌ଠାନୁ ବନେ ଦୁରେ ଅଛୁଁ ଆର୍ ଆମେ କିଣାନ୍‌ର ଲୋକ୍‌ ନୁହେଁସେ। ଆର୍ ସେମାନେ ଯିହୋଶୂୟକେ ତାକର୍ ସାଙ୍ଗେ ସାନ୍ତି ସ୍ଥାପନା କର୍‌ବାର୍‌କେ କହେଲେ। ହେଲେ ଯିହୋଶୂୟ ଆର୍ ଦୁଶୁରା ଇସ୍ରାଏଲ୍‌ର ମୁଖିଆ ଲୋକ୍ ମାନେ ମାହାପୁରୁକେ ନାଇ ପଚ୍‌ରାଲେ ଯେ, ଇଟା କେନ୍ତା କର୍‌ବାର କଥା ହେଲେ ଉଲଟିଆ ସେମାନ୍‌କର୍ ସାଙ୍ଗେ ଶାନ୍ତିସ୍ଥାପନ୍ କରିନେଲେ।

![](https://cdn.door43.org/obs/jpg/360px/obs-en-15-07.jpg)

ତିନ୍ ଦିନ୍ ପରେ ଇସ୍ରାଏଲ୍‌ର ଲୋକ୍‌ମାନେ ଯାନ୍‌ବାର୍‌କେ ପାଇଲେ ଯେ ଯିବୋନିୟ ର ଲୋକ୍‌ ମାନେ କିଣାନ୍‌ରେ ହିଁ ରହୁଥିଲେ। ଯିବୋନିୟ ଲୋକ୍ ମାନେ ସେମାନ୍‌କୁ ଠକି ଦେଲେ ଇଥିର୍‌ଲାଗି ସେମାନେ ରିସ୍‌ମି ହେଇଗଲେ, ଇଥିର୍‌ଲାଗି ମାହାପୁରୁର୍‌ ଆଘେ ସେମାନେ ପ୍ରତିଜ୍ଞା କରିଥିଲେ ଯେ ସେମାନ୍‌କର୍ ସାଙ୍ଗେ କରି ଥିବାର୍ ଶାନ୍ତି ସ୍ଥାପନ୍ ଚୁକ୍ତିକେ ବନେଇ କରି ରଖ୍‌ଲେ। ତାର୍ କେତେ ଦିନ୍ ପରେ ପରେ କିଣାନ୍‌ନ ଥିବାର ଅଲ୍‌ଗା ଜାତିର୍ ଲୋକ୍ ଆମୋନିଅ ଲୋକ୍‌ମାନେ ଶୁନ୍‌ଲେଯେ ଗିଦୋନିଅ ମାନେ ଇସ୍ରାଏଲ୍ ଲୋକ୍‌ମାନ୍ କର୍ ସାଙ୍ଗେ ଗୁଟେ ଶାନ୍ତି ସ୍ଥାପନ କରିଥିଲେ। ସେଥିର୍‌ଲାଗି ସେମାନେ ତାକର୍ ସୈନ୍ୟ ମାନ୍‌କେ ଗୁଟେ ବଡ୍‌ ସୈନ୍ୟ ଦଲ ବନାଲେ, ଆର୍ ଗିଦିୟନ୍ ଉପ୍‌ରେ ଆକ୍ରମନ୍ କଲେ। ଗିଦୋନିୟ ମାନେ ଯିହୋଶିୟକେ ସାହାର୍ଯ କର୍‌ବାର୍ ଲାଗି ଖବର୍‌ ପଠାଲେ।

![](https://cdn.door43.org/obs/jpg/360px/obs-en-15-08.jpg)

ସେଥିର୍ ଲାଗି ଯିହୋଶିୟ ଇସ୍ରାଏଲ୍‌ର ସବୁ ସୈନ୍ୟ ମାନ୍‌କୁଁ ଏକ୍‌ଜୁଟ୍‌ କଲେ, ଆରୁ ପୁରା ରାତା ରାତି ଗିବନିୟ ମାନ୍‌କର୍‌ ନିକେ ଯିବାର୍ ଲାଗି କହେଲେ, ଆର୍ ଭୋର୍ ସକାଲେ ଇମରିୟ ମାନ୍‌କେ ଯାଇ କରି ଅଚାନକ୍ ଆକ୍ରମଣ କଲେ।

![](https://cdn.door43.org/obs/jpg/360px/obs-en-15-09.jpg)

ମାହାପୁରୁ ସେ ଦିନେ ଇଶ୍ରାଏଲ୍ ମାନ୍‌କର୍ ଲାଗି ନିଜେ ଯୁଦ୍ଧ କଲେ। ଆର୍ ସେମାନ୍‌କର୍ ମନ୍‌କେ ଦନ୍ଦାବଢିୟା କରିଦେଲେ ଆର୍ କରା ପଥର୍‌ରେ ସବୁ ଲୋକ ମନ୍‌କେ ମାରିଦେଲେ।

![](https://cdn.door43.org/obs/jpg/360px/obs-en-15-10.jpg)

ମାହାପୁରୁ ସୂର୍ଯ୍ୟକେ ବି ଆକାଶ୍‌ର ଗୋଟେ ଜାଗାଥି ରଖି ଦେଲେ , କାଁକରି କି ଇସ୍ରାଏଲ୍ ଲୋକ୍ ମାନ୍‌କୁ ଜହ ସମିୟାଁ ମିଲୁ ଆର୍ ଇମରିୟ ମାନ୍‌କେ ପୁରା ପୁରି ହରେଇ ଦଉନ୍। ସେ ଦିନେ ମାହାପୁରୁର୍ ଲାଗି ଇସ୍ରାଏଲିୟ ଲୋକ୍‌ ମାନେ ଗୁଟେ ବଡ୍ ଜୟ ପାଏଲେ।

![](https://cdn.door43.org/obs/jpg/360px/obs-en-15-11.jpg)

ମାହାପୁରୁ ସୈନ୍ୟ ମାନ୍‌କୁଁ ହରାବାର୍ ପରେ କିଣାନ୍ ଜାତିର୍ ବହୁତ୍ ଲୋକ୍ ଇସ୍ରାଏଲ୍ ଉପ୍‌ରେ ଦାଖଲ୍ କର୍‌ବାର୍ ଲାଗି ସବେ ଏକ୍‌ଜୁଟ୍‌ ହେଲେ। ହେଲେ ଯିହୋଶିୟ ଆର୍ ଇସ୍ରାଏଲିୟ ଲୋକ୍ ମାନେ ଆକ୍ରମଣ୍ କରିକରି ତାକର୍ ସବୁକେ ଧ୍ୱଂସ୍ କରିଦେଲେ।

![](https://cdn.door43.org/obs/jpg/360px/obs-en-15-12.jpg)

ଇ ଯୁଦ୍ଧ ପରେ ମାହାପୁରୁ ଇସ୍ରାଏଲ୍‌ର ସବୁ ଜାତିର୍‌ ଲୋକ୍ ମାନ୍‌କୁଁ ନିଜର୍ ପ୍ରତିଜ୍ଞାର୍ ଜାଗାକେ ଦେଲେ, ଆର୍ ଇସ୍ରାଏଲ୍‌ର ସବୁ ଜାଗାନ ଶାନ୍ତି ପ୍ରଦାନ୍ କଲେ।

![](https://cdn.door43.org/obs/jpg/360px/obs-en-15-13.jpg)

ଯେତ୍‌କିବେଲ୍‌କେ ଯିହୋଶିୟ ବୁଢା ହେଇ ଗଲେ। ସେ ଇସ୍ରାଏଲ୍‌ର ସବୁଲୋକ୍ ମାନ୍‌କୁଁ ଗୁଟେ ଯାଗାକେ ଡାକ୍‌ଲେ। ଆର୍ ତେହେରୁଁ ଯିହୋଶିୟ ସେ ଲୋକ୍ ମାନ୍‌କୁଁ ମାହାପୁରୁର୍ ସିନାଇ ପାହାଡ୍‌ନ ପ୍ରତିଜ୍ଞା କରି ଥିବାର୍ କଥାକେ ମାନ୍‌ବାର୍ ଲାଗି ମନେ ପକେଇ ଦେଲେ। ତେହେରୁଁ ଲୋକ୍‌ମାନେ ମାହାପୁରୁର୍‌ନ ବିଶ୍ୱାସ୍ ରଖ୍‌ବାର ଲାଗି ଆର୍ ତାକର ନିୟମକେ ମାନ୍‌ବାର୍ ଲାଗି ଶପଥ୍ କଲେ।

*ବାଇବଲ୍‌ର କଥାନୀ: ଯିହୋଶୂୟ ୧-୨୪*

Audio: https://git.door43.org/OBS-TLF/spv_obs/releases/download/v1/spv_obs_v1_15_128kbps.m4a

## 16. ୧୬. ମାହାପୁରୁ ଉଦ୍ଧାର୍‌କାରୀ

https://openbiblestories.org/l/spv/story-16/

![](https://cdn.door43.org/obs/jpg/360px/obs-en-16-01.jpg)

ଯିହୋଶିୟ ମର୍‌ଲା ପରେ, ଇସ୍ରାଲୀୟ ଲୋକ୍‌ ମାନେ ମାହାପୁରୁକେ ଆର୍‌ ନାଇଁ ମାନ୍‌ଲେ। ସେମାନେ ମାହାପୁରୁର୍‌ ବିଧି ବିଧାନ୍‌କେ ବିଲ୍‌କୁଲ୍‌ ନାଇଁ ମାନ୍‌ଲେ, ଆର୍ ସେମାନେ ପ୍ରତିଜ୍ଞା ଦେଶେ ରହିଯାଇ ଥିବାର୍‌ (କୀଣାନୀଅ) କିଣାନ୍ ଦେଶର୍‌ ଲୋକ୍ ମାନ୍‌କୁ ନେଇ ବାହାର୍‌ କରି। ସେ ଇଶ୍ରାଏଲିୟ ମାନେ ନିଜର୍‌ ମାହାପୁରୁ ଯିହୋବାୟୀରି ଜୀବିତ୍ ମାହାପୁରୁକେ ଛାଡିକରି କିଣାନିୟ ମାନ୍‌କର୍‌ ଦେବା ଦେବୀକେ ପୂଜା କର୍‌ବାର୍‌ ଆରମ୍ କଲେ। ଇସ୍ରାଲୀୟ ଲୋକ୍‌ମାନ୍‌କର୍ ରଜା ନେଇଥାଇ ହେଥିର୍ ଲାଗି ଲୋକ୍‌ ମାନେ ନିଜର୍‌ ମନେ ଯେନ୍‌ଟା ଠିକ୍ ବଲି ଭାବୁଥିଲେ ସେଟା ସେମାନେ କରି ବସ୍‌ଲେ।

![](https://cdn.door43.org/obs/jpg/360px/obs-en-16-02.jpg)

ମାହାପୁରୁକେ ଅମାନ୍‌ତି କରି, ଇଶ୍ରାଏଲିୟ ଲୋକ୍‌ ମାନେ ଗୁଟେ ଢାଚାଁ ଆରମ୍ କଲେ ଯେନ୍‌ଟା ବହୁତ୍ ଥର୍ ଆର୍ ବାର୍ ବାର୍ ହେଲା। ଏନ୍‌ତା କିସ୍‌ମେ ଢାଚାଁ ଚାଲିଥିଲା: ଇଶ୍ରାଏଲିୟ ଲୋକ୍ ମାନେ ବହୁତ୍ ବରଷ୍ ତକ୍ ମାହାପୁରୁକେ ଅମାଁନ୍ତି କର୍‌ବେ। ତେହେରୁଁ ମାହାପୁରୁ ସେମାନ୍‌କୁ ତାକର୍ ଶତୃ ମାନ୍‌କର୍‌ ହାତୁଁହିଁ ହରେଇ କରି ଦଣ୍ତ ଦେବେ। ସେ ଶତୃ ମାନେ ଇଶ୍ରାଏଲିୟ ମାନକର୍‌ ସବୁ ସାମାନ୍ ଚୁରେଇ ନେବେ, ତାକର୍ ଧନ୍ ସଂପତ୍ତିକେ ଧନ୍‌ସ କର୍ବେ, ଆରୁ ସେମାନ୍‌କର୍ ଭିତ୍‌ରୁ ବହୁତ୍‌ ଲୋକ୍ ମାନ୍‌କୁ ମାରିଦେବେ। ତେହେରୁଁ ଇଶ୍ରାଏଲ୍‌ର ବିରୋଧି ଲୋକ୍ ମାନେ ସେମାନ୍‌କୁ ବହୁତ୍ ବରଷ୍ ତକ୍ ଅତ୍ୟାଚାର କରିସାର୍‌ଲା ପରେ, ଇଶ୍ରାଏଲିୟ ମାନେ ସେମାନ୍‌କର୍ କରିଥିବାର୍ ପାପ୍ ଲାଗି ପସ୍‌ତାବେ ଆରୁ ମାହାପୁରୁକେ ଉଦ୍ଧାର୍‌ କର୍‌ବାର୍ ଲାଗି ଗୁହାରିବେ।

![](https://cdn.door43.org/obs/jpg/360px/obs-en-16-03.jpg)

ସବୁବେଲେ ଇଶ୍ରାଏଲିୟ ମାନେ ଅନୁତାପ୍ କଲେ, ମାହାପୁରୁ ସେମାନ୍‌କୁ ଉଦ୍ଧାର୍ କର୍‌ବେ। ସେ ଜନେ ରକ୍ଷାକାରୀକେ ଦେଇ ଏନ୍ତା କରାଲେ- ଜନେ ଲୋକ୍ ଯିଏ ସେମାନ୍‌କର୍ ଶତୃ ବିରୁଧ୍‌ରେ ଲଢେଇ କର୍‌ବେ ଆରୁ ସେମାନ୍‌କୁ ହରାବେ। ତେହଁରୁ ଦେଶ୍‌ରେ ଶାନ୍ତି ହେବା ଆରୁ ରକ୍ଷାକାରି ସେମାନ୍‌କର୍ ଉପ୍‌ରେ ଭଲ୍‌ଭାବେ ଶାସନ୍ କର୍‌ବେ। ମାହାପୁରୁ ଲୋକ୍‌ମାନ୍‌କେ ଉଦ୍ଧାର୍ କର୍‌ବାର୍ ଲାଗି ଅନେକ୍ ରକ୍ଷାକାରୀ ମାନ୍‌କୁ ପଠାଲେ। ମଦିୟନ୍ ମାନ୍‌କର୍‌ ଦେଇ ଇଶ୍ରାଏଲ୍ ଲୋକ୍‌କେ ହରାବାର୍ ଲାଗି ପାଖର୍ ଇ ଶତ୍ରୁ ମାନ୍‌କୁ ଅନୁମତି ଦେବାର୍ ଉତ୍ତାରେ ମାହାପୁରୁ ଇସବୁ କାମ୍ କଲେ।

![](https://cdn.door43.org/obs/jpg/360px/obs-en-16-04.jpg)

ମିଦେନିୟ ମାନେ ସାତ୍ ବରଷ୍ ତକ୍ ଇସ୍ରାଏଲିୟ ଲୋକ୍ ମାନ୍‌କର୍‌ ଧାନ୍ ଚାଉଲ୍‌କେ ଲୁଟି ନେଲେ। ଇସ୍ରାଏଲିୟ ମାନେ ବହୁତ୍ ଡରିଯାଇ ଥିଲେ। ମଦିଅନ୍ ଲୋକ୍ ସେମାନ୍‌କୁ ଯେନ୍‌ତା ଖୋଜି ନେଇ ପାର୍‌ବେ ସେମାନେ ଗୁଟେ ଗୁମ୍ପା ଭିତ୍‌ରେ ଲୁକି ଦେଲେ। ଶେଶ୍‌ରେ, ସେମାନେ ମାହାପୁରୁର୍‌ଠାନେ କାନ୍ଦ୍‌ଲେ ଯେନ୍‌ତାକି ସେମାନେ ରକ୍ଷା ପାଏବେ।

![](https://cdn.door43.org/obs/jpg/360px/obs-en-16-05.jpg)

ସେନ ଗିଦିଅନ୍ ବଲିକରି ଗୁଟେ ଇଶ୍ରାଏଲ୍‌ର ଲୋକ୍ ଥିଲେ। ଦିନେ ସେ ଗୁଟେ ଲୁକ୍‌ନିଆ ଜାଗାନେ ଗହମ୍ ମଡଉଥିଲା କାଁହେଲା ଯେ ବଏଲେ ମିଦିୟନ୍‌ର ଲୋକ୍ ସେଟା ଚୁରେଇ ନେଇଁ ପାରନ୍। ମାହାପୁରୁର୍ ଗୁଟେ ସରଗ୍ ଦୂତ ଗିଦିଅନ୍ ପାସ୍‌କେ ଆସ୍‌ଲେ ଆର୍ କହେଲେ, “ମାହାପୁରୁ ତୁମର୍ ସାଙ୍ଗେ ଅଛନ୍, ଯିଏକି ଗୁଟେ ଶକ୍ତିଶାଲି ଯୁଦ୍ଧା। ତୁମେ ଯ ଆର୍ ଇସ୍ରାଏଲ୍‌ର ଲୋକ୍ ମାନ୍‌କୁ ମିଦିଏନ୍ ଲୋକ୍‌ ମନ୍‌କର୍‌ଠାନୁ ବଚାଁବ।

![](https://cdn.door43.org/obs/jpg/360px/obs-en-16-06.jpg)

ଗିଦିଅନ୍‌ର ବୁଆର୍ ମୁର୍‌ତ୍ତି ସମର୍‌ପଣ କର୍‌ବାର୍ ଲାଗି ଗୁଟେ ବେଦି ଥିଲା। ମାହାପୁରୁ ଗିଦିଅନ୍‌କେ ପହେଲା ବେଦିକେ ଭାଙ୍ଗ୍‌ବାର୍‌ ଲାଗି କହିଥିଲେ। ହେଲେ ଗିଦିଅନ୍ ଲୋକ୍‌ ମାନ୍‌କୁ ଡରୁଥିଲା। ସେଥିର୍‌ଲାଗି ସେ ରାଏତ୍ ତକ୍ ଜୁଗି ଥିଲା। ତାର୍‌ପରେ ସେ ବେଦିକେ ଭାଙ୍ଗି ଦେଲା ଆର୍‌ ଖଣ୍ ଖଣ୍ କରି ଦେଲା। ତାର୍‌ପରେ ସେତାର୍ ପାସେ ଆର୍‌ ଗୁଟେ ବେଦି ବନାଲା ଆର୍ ସେନ ମାହପୁରୁର୍ ଲାଗି ବଳି ଦେଲା।

![](https://cdn.door43.org/obs/jpg/360px/obs-en-16-07.jpg)

ଆର ଦିନେ ସକାଲେ ଯେତ୍‌କି ବେଲ୍‌କେ ଲୋକ୍ ମାନେ ସୋର୍ ପାଏଲେ ଯେ, ସେ ବେଦୀକେ କିଏ ଜନେ ଆସି କରି ଭାଁଙ୍ଗି ଦେଇଛେ ଆର୍ ଖଣ୍‌ଖଣ୍ କରିଦେଇଛେ, ତେହେରୁଁ ସେମାନେ ସେନୁ ବେଶି ରିସ୍‌ମି ହେଲେ। ସେମାନେ ତାହାକେ ମାର୍ ବାର୍‌ ଲାଗି ଗିଦିଅନ୍ ଘର୍‌କେ ଗଲେ, ହେଲେ ସେନ ଗିଦିଓନ୍ ର ବୁଆ କହେଲା, “କାଏଁ ହେଲା ଯେ ତମେ ତମର୍ ଦେବ୍‌ତା କେ ସାହାଯ୍ୟ କରୁଛ? ଯଦି ସେ ମାହାପୁରୁ ଆଏଁ, ତ ସେ ନିଜ୍ କେ ବଁଚାବା ନ ! ତେହେରୁଁ ଗିଦିଅନ୍‌ର ବୁଆର୍ କଥା ସୁନି କରି ଲୋକ୍ ମାନେ ତାହାକେ ନାଇ ମାଁରି।

![](https://cdn.door43.org/obs/jpg/360px/obs-en-16-08.jpg)

ତାର୍‌ପରେ ମିଦିୟନ୍‌ର ଲୋକ୍ ମାନେ ଇଶ୍ରାଏଲ୍‌ର ଲୋକ୍‌କେ ଲୁଟ୍‌ବାର ଲାଗି ଫେର୍ ଆସ୍‌ଲେ। ସେମାନେ ଏତ୍‌କି ଲୋକ୍‌ ଥିଲେଯେ ଗନି ନେଇଁ ହଉଥାଇ। ଗିଦିଅନ୍ ଇଶ୍ରାଏଲ୍‌ର ଲୋକ୍‌ମାନ୍‌କୁଁ ଏକା ସାଙ୍ଗେ ଲଡେଇ କର୍‌ବାର୍‌ ଲାଗି ଡାକ୍‌ଲା। ମାହାପୁରୁ ସତେ ଇଶ୍ରାଏଲ୍‌ କେ ବଚାବାର୍‌ ଲାଗି କହୁଛନ୍ ବଲି ଜାନ୍‌ବାର୍ ଲାଗି, ଗିଦିଅନ୍‌ ମାହାପୁରୁ କେ ଦୁଇଟା ଚିହ୍ନା ସରୁପ୍‌ପେ ମାଁଗଲା।

![](https://cdn.door43.org/obs/jpg/360px/obs-en-16-09.jpg)

ପହେଲା ଚିନ୍ହା , ଗିଦିଅନ୍ ମେଢିର୍ ଛାଲ୍‌କେ ମାଏଟ୍ ତଲେ ରଖଲା ଆର୍ ମାହାପୁରୁକେ କହେଲା ସକାଲର୍‌ ଓସ୍ ଖାଲି ମେଢ଼ା ଛାଲ୍‌ ଉପରେ ପଡୁ ତଲେ ନେଇଁ ପଡୁ। ଆର୍ ମାହାପୁରୁ ହେନ୍‌ତା ହିଁ କଲେ। ଆରଦିନେ ରାତି, ଫିର୍ ମାହାପୁରୁକେ କହେଲା ଭୁଇଁ କଁଚା ହେଇଯଉ ହେଲେ ଛାଲ୍ ସୁଖା ରହୁ। ଆର୍ ମାହାପୁରୁ ସେନ୍‌ତା ହିଁ କଲେ, ସେ ଦୁଇଟା ଚିହ୍ନା ଲାଗି ଗିଦିଅନ୍‌ ମାହାପୁରୁକେ ବିଶ୍ୱାସ୍‌ କଲା ଯେ, ଇଶ୍ରାଏଲ୍‌ ଲୋକ୍‌କେ ମିଦିନିୟ ମାନକର୍‌ଠାନୁ ବଚାଁବେ ବଲି।

![](https://cdn.door43.org/obs/jpg/360px/obs-en-16-10.jpg)

ତେହେରୁଁ ଗିଦିଅନ୍ ସଏନିକ୍‌ ମାନ୍‌କୁଁ ନିଜର୍‌ ପାସ୍‌କେ ଡାକ୍‌ଲା , ଆର୍ ୩୨, 000 ଲୋକ୍‌ ଆସ୍‌ଲେ। ହେଲେ ମାହାପୁରୁ କହେଲେଯେ ଇଟା ବହୁତ୍ ଲୋକ୍ ହେଇଗଲେ। ତେହେରୁଁ ଯେନ୍‌ମାନେ ଲଡେଇ କର୍‌ବାର୍‌ ଲାଗି ଡରୁ ଥିଲେ, ଗିଦିଅନ୍ ସେ ୨୨, 000 ଲୋକ୍‌କେ ତାକର୍ ଘର୍ ପଠେଇ ଦେଲେ। ମାହାପୁରୁ ଗିଦିଅନ୍‌କେ କହେଲେ, ଇହାଦେବି ବହୁତ୍ ଲୋକ ଅଛନ୍। ତ ଗିଦିଅନ୍‌ 300 ଲୋକ୍‌କୁ ରଖିକରି ସବ୍‌କୁ ଘର୍‌କେ ପଠେଇ ଦେଲେ।

![](https://cdn.door43.org/obs/jpg/360px/obs-en-16-11.jpg)

ଗିଦିଅନ୍‌କେ ମାହାପୁରୁ ସେ ରାତି କହେଲେ, “ମିଦିଅନ୍ ମାନ୍‌କର୍‌ ତମ୍‌ବୁ ଯା, ଆର୍ ତାକର୍‌ କଥାକେ ଶୁନ୍। ଯେତ୍‌କିବେଲେ ତୁଇ ସୁନ୍‌ବୁ ସେମାନେ କାଏଁ କଥା ହେଉଛନ୍‌, ତୁଇ ସେମାନ୍‌ କର୍‌ କଥା ସୁନ୍‌ଲେ ଆରୁ ଆକ୍ରମଣ୍ କର୍‌ବାର୍ ଲାଗି ନେଇଁ ଡରୁ।” ତେହେରୁଁ ସେ ରାତି, ଗିଦିଅନ୍‌ ତାକର୍‌ ତମୁଠାନ୍‌କେ ଗଲା ଆର୍ ତାର୍‌ ଗୁଟେ ମିଦିଅନ୍ ସଏନିକ୍‌ ନିଜର୍ ତାର୍ ସାଙ୍ଗ୍ ର ସ୍ୱପ୍‌ନେ ଦେଖିଥିବାର୍ କଥା କହୁଥିବାର୍‌ଟା ଶୁନ୍‌ଲେ। ସେ ଲୋକର୍ ସାଙ୍ଗ୍ କହିଥିଲା, “ଇ ସ୍ୱପ୍ନର୍ ଅର୍ଥ ହଉଛେ ଗିଦିଅନ୍‌ର ସୈନ୍ୟମାନେ ଆମ୍‌କେ ହରାବେ। ଯେତ୍‌କିବେଲେ ଗିଦିଅନ୍ ଇଟା ସୁନ୍‌ଲେ ସେ ମାହାପୁରୁକେ ଉପାସନା କଲେ।

![](https://cdn.door43.org/obs/jpg/360px/obs-en-16-12.jpg)

ତାର୍‌ପରେ ଗିଦିଅନ୍ ତାର୍ ସେନା ମାନ୍‌କର୍‌ ପାସ୍‌କେ ଫେରି ଆସ୍‌ଲା ଆର୍ ସବ୍‌କେ ଗୁଟେ ଗୁଟେ ତୁରି , ମାଟିର୍ ହାଣି, ଆର୍ ଜୁଏ ହୁଲା ଦେଲା।ଯେନ୍ ସଏନିକ୍‌ ମାନେ ଶୁଇ ଥିଲେ ସେମାନ୍‌କର୍ ଚାରିଆଡ୍‌କେ ଘେରି ଦେଲେ, ଆର୍ ଗିଦିଅନ୍‌ର ୩୦୦ ସଏନିକ୍‌ ମାନେ ସେ ପାତ୍ର ବା ହାଣିରେ ଜୁଏ ହୁଲା ରଖୀଥିଲେ ଇଥିର୍ ଲାଗି ମିଦାନିଅନ୍‌ର ଲୋକ୍ ମାନେ ସେ ଉକିଆକେ ଦେଖି ନେଇଁ ପାର୍‌ଲେ।

![](https://cdn.door43.org/obs/jpg/360px/obs-en-16-13.jpg)

ତେହେରୁଁ, ଗିଦିଅନ୍ ର ସୈନ୍ୟ ମାନେ ମାଁଟିର୍ ହାଣିକେ ଏକା ସାଙ୍ଗେ ଭାଙ୍ଗି ଦେଲେ, ଆର୍ ତୁରନ୍ତ୍ ସେ ଜୁଏ ହୁଲାର୍‌ ଜୁଏ ଜଲି ବସ୍‌ଲା। ସେମାନେ ତାକର୍ ତୁରି ଫୁକି ବସ୍‌ଲେ ଆରୁ ରଡ୍‌ଲେ, “ଇ ହତିଆର୍ ମାହାପୁରୁ ଆରୁ ଗିଦିଅନ୍‌ର ଲାଗି ଆଏ!”

![](https://cdn.door43.org/obs/jpg/360px/obs-en-16-14.jpg)

ମାହାପୁରୁ ମିଦିନିଅ ଲୋକ୍‌ ମାନ୍‌କେ ଧଂଦେଇ ଦେଲେ ଯେ, ସେମାନେ ନିଜର୍ ଭିତ୍‌ରେ ହନା କଟା ଆରମ୍ କଲେ। ଆର୍ ତୁରନ୍ତ୍, ଗିଦିଅନ୍ ବହୁତ୍ ଇଶ୍ରାଏଲ୍‌ର ସେନା ମାଁନକର୍ ନିକେ ଖବର୍ ପଠାଲେଯେ, ମିଦାନିଅ ମାନ୍‌କର୍‌ ଠାନେ ଲଡେଇ କରବାର୍ ଲାଗି ଘରୁ ଆସୁ ଆରୁ ସାହାଯ୍ୟ କରୁ। ସେମାନେ ବହୁତ୍ ଲୋକ୍ ମାନ୍‌କେକେ ମାରି ଦେଲେ ଆର୍ ବାକି ଲୋକ୍‌ ମାନ୍‌କେ ଇଶ୍ରାଏଲ୍ ଦେଶ୍ ଠାନୁ ବାହାର୍ କରି ଦେଲେ। ସେ ଦିନେ ୧, ୨000 ମିଦାନିୟ ମାନେ ମରିଗଲେ। ଇନ୍‌ତା କିସ୍‌ମେ ମାହାପୁରୁ ଇଶ୍ରାଏଲ୍ କେ ରକ୍ଷା କଲେ।

![](https://cdn.door43.org/obs/jpg/360px/obs-en-16-15.jpg)

ଲୋକ୍ ମାନେ ଗିଦିଅନ୍‌କେ ତାକର୍ ରଜା କର୍‌ବାର୍ ଲାଗି ଚାହୁଁଥିଲେ। ଗିଦିଅନ୍ ସେମାନ୍‌କୁ ଇଟା କର୍‌ବାର୍ ଲାଗି ଅନୁମତି ନାଇଁଦେଲେ, ହେଲେ ସେମାନ୍‌କୁ ମିଦିୟନ୍ ମାନ୍‌କରଠାନୁ ନେଇଁଥିବାର୍ କେତେ ସୁନାର୍ ମୁଦି ମାଗ୍‌ଲେ। ଲୋକ୍‌ମାନେ ଗିଦିୟନ୍‌କେ ବହୁତ୍ ସୁନା ଦେଲେ।

![](https://cdn.door43.org/obs/jpg/360px/obs-en-16-16.jpg)

ତେହେରୁଁ ଗିଦିୟନ୍ ସୁନାକେ ମହାଯାଜକ୍ ମାନେ ଯେନ୍‌ତା କିସ୍‌ମର୍ କପ୍‌ଡା ପିନ୍ଦ୍‌ସନ୍ ହେନ୍‌ତା ପିନ୍ଧ୍‌ବାର୍‌ଲାଗି ଗୁଟେ ଅଲ୍‌ଗା କିସମ୍‌ର କପ୍‌ଡା ତିଆରି କଲେ। ହେଲେ ଲୋକ୍‌ମାନେ ତାହାକେ ମୁର୍ତି ବଲି ପୁଜା କର୍‌ବାର୍ ଆରମ୍ କଲେ। ଇଥିର୍‌ଲାଗି ମାହାପୁରୁ ଆର୍‌ଥରେ ଇଶ୍ରାଏଲ୍‌କେ ସଜା ଦେଲେ, କାଏଁଜେକି ସେମାନେ ମୁତ୍ତି ପୁଜା କଲେ। ମାହାପୁରୁ ସେମାନ୍‌କର୍ ବିରୋଧି ମାନ୍‌କୁ ହରାବାର୍ ଲାଗି ଅନୁମତି ଦେଲେ। ଶେଷ୍‌ରେ ସେମାନେ ଫେର୍ ମାହାପୁରୁକେ ସାହାଯ୍ୟ ମାଗ୍‌ଲେ, ଆର୍ ମାହାପୁରୁ ସେ ମାନ୍‌କୁ ଉଦ୍ଧାର୍ କର୍‌ବାର୍ ଲାଗି ଗୁଟେ ଉଦ୍ଧାର୍‌କାରୀକେ ପଠାଲେ।

![](https://cdn.door43.org/obs/jpg/360px/obs-en-16-17.jpg)

ଇ ଘଟନା ବାର୍‌ବାର୍ ଘଟଲା, ଇଶ୍ରାଏଲିୟ ମାନେ ପାପ୍‌ କରବେ, ମାହାପୁରୁ ସେମାନ୍‌କୁ ସଜାଦେବେ, ସେମାନେ ପସ୍ତାବେ, ଆର୍ ମାହାପୁରୁ ଉଦ୍ଧାର୍‌ କର୍‌ବାର୍ ଲାଗି କାହାକେ ଗୁଟେ ପଠାବେ। ବହୁତ୍ ବରଷ୍ ଭିତେରେ, ମାହାପୁରୁ ଅନେକ୍ ଉଦ୍ଧାର୍‌କାରୀ ମାନ୍‌କେ ପଠାବେ, ଯେନ୍‌ମାନେକି ଇଶ୍ରାଏଲିୟ ମାନ୍‌କୁ ସେମାନ୍‌କର୍ ଶତୃ ମାନ୍‌କର୍‌ଠାନୁ ରକ୍ଷା କର୍‌ବେ।

![](https://cdn.door43.org/obs/jpg/360px/obs-en-16-18.jpg)

ଶେଷ୍‌ରେ, ଲୋକ୍‌ମାନେ ଅଲ୍‌ଗା ଦେଶର୍ ଏନ୍ତା ମାହାପୁରୁକେ ଗୁଟେ ରଜା ମାଗ୍‌ଲେ। ସେମାନେ ଏନ୍ତା ଗୁଟେ ରଜା ଚାହୁଁଥିଲେଯେ, ଯିଏକି ଡେଙ୍ଗ୍ ଆର୍ ଶକ୍ତିଶାଳୀ ଥିବେ ଆରୁ ଯିଏକି ସେମାନ୍‌କୁ ଯୁଦ୍ଧରେ ପରିଚାଲ୍‌ନା କର୍‌ବେ। ହେଲେ ମାହାପୁରୁ ତାକର୍ ଇ ଅନୁରୋଧ୍‌କେ ପସନ୍ଦ୍ ନେଇକଲେ, ହେଲେ ସେମାନେ ଯେନ୍‌ତା ରଜା ମାଗୁଥିଲେ ଥିଲେ ସେ ସେମାନ୍‌କୁ ହେନ୍‌ତା ରଜା ଗୁଟେ ଏକା ଦେଲେ।

*କାହାନୀ: ବିଚାରକର୍ତ୍ତା ୧-୩; ୬-୮; ୧ଶାମୁୟେଲ ୧-୧୦*

Audio: https://git.door43.org/OBS-TLF/spv_obs/releases/download/v1/spv_obs_v1_16_128kbps.m4a

## 17. ୧୭. ମାହାପୁରୁ ଦାଉଦର୍ ସାଁଙ୍ଗେ ଚୁକ୍ତି କଲେ

https://openbiblestories.org/l/spv/story-17/

![](https://cdn.door43.org/obs/jpg/360px/obs-en-17-01.jpg)

ଶାଉଲ୍‌ ଇସ୍ରାଏଲ୍‌ର ପହେଲା ରଜା ଥିଲେ। ସେ ଡେଙ୍ଗା ଆର୍ ପସନ୍ଦ ଦିଶ୍‌ବାର୍ ମୁନୁଷ୍‌ଟେ ଥିଲେ। ଆର୍‌ ଯେନ୍‌ତା ଲୋକ୍ ମାନେ ଚାହୁଁଥିଲେ ହେନ୍‌ତାହିଁ ଥିଲେ। ପହେଲା କିଛି ବରଷ୍‌ର ଶାସନ୍ କାଳେ ଶାଉଲ୍‌ ରଜା ଇସ୍ରାଏଲ୍‌ର ଗୁଟେ ଭଲ୍ ରଜା ଥିଲେ। ହେଲେ ପଛେକା ସେ ବହୁତ୍ ବଦ୍‌ମାସ୍ ହେଲା ଆର୍ ମାହାପୁରୁର୍ କଥା ନେଇଁ ମାନ୍‌ଲେ। ସେଥିର୍ ଲାଗି ମାହାପୁରୁ ଅଲ୍‌ଗା ଜନେକେ ରଜା ବାଛ୍‌ଲେ ଯିଏ ଦିନେ ସାଉଲ୍‌ର ଜାଗାଥି ରଜା ହେବା।

![](https://cdn.door43.org/obs/jpg/360px/obs-en-17-02.jpg)

ମାହାପୁରୁ ଇସ୍ରାଏଲ୍‌ର ଦାଉଦ୍ ବଲିକରି ଗୁଟେ ଜୁଆନ୍ ପିଲାକେ ବାଛ୍‌ଲେ ଆର୍ ତାହାକେ ରଜା କର୍‌ବାର୍ ଲାଗି ପ୍ରସ୍ତୁତ କର୍‌ବାର୍ ଆରମ୍ କଲେ, ଯେନ୍ତାକି ଦିନେ ସେ ଶାଉଲ୍‌ ପରେ ରଜା ହେବେ। ଦାଉଦ୍ ବେଥଲିହିମ୍ ସହର୍‌ରେ ଗୁଟେ ମେଢ଼ି ଚରୁଆଟେ ଥିଲେ। ଗୁଟେ ସମିୟାଁ ଥି, ଦାଉଦ୍ ତାର୍ ବୁଆର୍‌ ମେଢ଼ିକେ ଚରାବାର୍ ବେଲେ ବାଘ୍ ଆର୍ ଭାଲୁ ମାନେ ଆକ୍ରମଣ୍‌ କରୁଥିଲେ ସେ ସେମାନ୍‌କୁ ମାରି ଦେଲେ। ଦାଉଦ୍ ଗୁଟେ ସୁତ୍‌ର ଆର୍ ଧାର୍ମିକ୍ ଲୋକ୍‌ଟେ ଥିଲେ। ସେ ମାହାପୁରୁର୍ କଥା ମାନୁଥିଲେ ଆର୍ ତାକର୍ ଉପରେ ଭର୍‌ସାବି ରଖୁଥିଲେ।

![](https://cdn.door43.org/obs/jpg/360px/obs-en-17-03.jpg)

ଦାଉଦ୍ ଯେତେବେଲ୍‌କେ ଜୁଆନ୍ ହେଇଥିଲେ। ସେ ଗଲିଆତ୍ ବଲିକରି ଗୁଟେ ବିର୍ ଯୁଦ୍ଦା ସାଙ୍ଗେ ଲଢେଇ କଲେ। ଆର୍ ସେ ଗଲିଆତ୍ ଗୁଟେ ବହୁତ୍ ଭଲ୍ ସଇନିକ୍ ଥିଲା। ସେ ତିନ୍ ମିଟର ଲମ୍ୱାର୍ ଜନେ ଶକ୍ତିଶାଲି ଲୋକ୍ ଥିଲା! ହେଲେ ମାହାପୁରୁ ଦାଉଦ୍‌କେ ସହଯୋକ୍ କଲେ ଆର୍ ଗଲିଆତ୍‌କେ ମାରିକରି ଇଶ୍ରାଏଲିୟ ଲୋକ୍‌ ମାନ୍‌କୁ ବଚାଁଲେ। ତାର୍‌ପରେ ଦାଉଦ୍ ଏସ୍ରାଏଲ୍‌ର ବହୁତ୍ ଶତ୍ରୁ ମାନ୍‌କୁ ହରାଲେ। ଦାଉଦ୍ ଗୁଟେ ବନେ ବଡ଼ ସୈନ୍ୟଟେ ହେଲେ, ଆର୍ ଇଶ୍ରାଏଲ୍ ସେନା ମାନ୍‌କେ ବହୁତ ଯୁଦ୍ଦରେ କଡ଼େଇ ନେଲେ। ତେହେରୁଁ ଲୋକ୍‌ମାନେ ତାହାକେ ବହୁତ୍‌ ପ୍ରସଂସା କଲେ।

![](https://cdn.door43.org/obs/jpg/360px/obs-en-17-04.jpg)

ତାର୍ ପରେ ଲୋକ୍‌ମନେ ଦାଉଦ୍‌କେ ବହୁତ୍‌ ଭଲ ପାଇ ବସ୍‌ଲେ। ତେହେରୁଁ ସାଉଲ୍‌ ଦାଉଦ୍‌କେ ବହୁତ୍‌ ଅହଁକାର୍‌ ହେଲା। ଶେଷେ ତାହାକେ ମାରିଦେବାର୍‌କେ ଚାହାଁଲା, ସେଥିର୍‌ ଲାଗି ସେତାର୍‌ଠାନୁ ଆର୍ ତାର୍ ସୈନ୍ୟ ଠାନୁ ଲୁକ୍‌ବାର୍ ଲାଗି ସେ ଜଙ୍ଗଲ୍ କେ ପଲାଲା। ଦିନେ ଶାଉଲ୍‌ ଆରୁ ତାର୍ ସେନା ମାନେ ତାହାକେ ଖୁଜୁଥିଲେ, ଆରୁ ଶାଉଲ୍‌ ଗୁଟେ ଗୁମ୍ଫାକେ ଗଲା, ଜେନ୍‌ନ ଦାଉଦ୍ ଲୁକିଥିଲା, ହେଲେ ଶାଉଲ୍‌ ତାହାକେ ନେଇ ଦେଖି ପାର୍‌ଲା। ଦାଉଦ୍ ଶାଉଲ୍‌ ର ପଛ୍‌ଆଡୁ ପୁରା ପାଖ୍‌କେ ଗଲା ଆରୁ ତାର୍ କପଡାର୍‌ ଫାଲେ କାଟିନେଲା। ଆର୍ ଶାଉଲ ଗୁମ୍ଫା ନୁ ବାହାର୍‌ଲା ପରେ ଦାଉଦ୍ ରଡ଼ିକରି ଶାଉଲ୍‌କେ ତାର୍ ହାତେ ଧରିଥିବାର୍ କପ୍‌ଡା ଦେଖାଲା। ଇନ୍ତାକରି, ଶାଉଲ୍ ଜାନିଥିଲା ଯେ ରଜା ହେବାର୍ ଲାଗି ଦାଉଦ୍ ତାହାକେ ମନା କରି ଦେଲା।

![](https://cdn.door43.org/obs/jpg/360px/obs-en-17-05.jpg)

କେତେ ଦିନ୍ ପରେ, ଶାଉଲ୍‌ ଯୁଦ୍ଧରେ ମରିଗଲା। ଦାଉଦ୍ ସେ ଇଶ୍ରାଏଲ୍‌ର ରଜା ହେଲେ। ସେ ଗୁଟେ ଭଲ୍ ରଜା ଥିଲେ , ସେଥିରଲାଗି ଲୋକ୍‌ମାନେ ତାହାକେ ଭଲ ପାଉଥିଲେ। ମାହାପୁରୁ ଦାଉଦ୍‌କେ ଆଶୀର୍‌ବାଦ୍ କଲେ ଆର୍ ସଫଲ୍‌ତା ବି ଦେଲେ। ଦାଉଦ୍ ବହୁତ୍‌ଟେ ଯୁଦ୍ଧ କଲେ, ଆର୍‌ ମାହାପୁରୁ ତାହାକୁ ସାହାଯ୍ୟ କଲେ ଆର୍ ସେଥିର୍ ଲାଗି ଇଶ୍ରାଏଲ୍‌ର ଶତୃ ମାନ୍‌କୁଁ ହରଉ ଥିଲେ। ଦାଉଦ୍‌ ଯିରୁଶାଲମ୍‌କେ ଯୁଦ୍ଧ କରିକରି ଯିତିନେଲେ ଆର୍ ତାହାକେ ତାକର୍ ରାଜଧାନୀ ବନାଲେ, ଯେନ୍‌ଠାନେ ସେ ରହେଲେ ଆର୍ ସେନେ ଶାସନ୍ କଲେ। ସେ ସେଠାନେ ଚାଲିସ୍ ବରଶତକ୍ ରଜା ହେଇ କରି ରହେଲେ। ସେ ସମିଆଁନ, ଇସ୍ରାଏଲ୍ ଗୁଟେ ଧନୀ ଆର୍ ଶକ୍ତିଶାଲି ଦେଶ୍ ହେଲା।

![](https://cdn.door43.org/obs/jpg/360px/obs-en-17-06.jpg)

ଦାଉଦ୍ ଗୁଟେ ମନ୍ଦିର୍ ବନାବାର୍ ଲାଗି ଚାହେଲେଁ ଯେନ୍‌ଠାନେକି ଇଶ୍ରାଏଲ୍‌ର ସବୁଲୋକ୍‌ ମାନେ ଆରାଧନା ଆରୁ ବଳୀ ଦାନ୍ ଚଢେଇ ପାର୍‌ବେ। ପାଖା ପାଖି ଚାର୍‌ସ ବରଷ୍ ଯାଏକ୍, ଯେନ୍‌ଠାନେ ମୋଶା ତମ୍ବୁ ବନେଇଁଥିଲେ ସେଠାନେ ଇଶ୍ରାଏଲ୍‌ର ଲୋକ୍‌ମାନେ ମାହାପୁରୁକେ ଆରାଧନା ଆର୍ ବଲୀଦାନ୍ ଚଢଉଥିଲେ।

![](https://cdn.door43.org/obs/jpg/360px/obs-en-17-07.jpg)

ହେଲେ ସେଠାନେ ନାଥନ୍ ବଲି କରି ଗୁଟେ ଭବିଷ୍ୟଦ୍‌ବକ୍ତା ଥିଲେ। ମାହାପୁରୁ ତାହାକେ ଈ କଥା କହେବାର୍‌ ଲାଗି ପଠାଲେ: “ଯେନ୍‌ ତୁଇ ବହୁତ୍‌ଟେ ଲଡେଇ କରୁଛୁ, ହେତିର୍ ଲାଗି ଇ ମନ୍ଦିର୍‌କେ ମୋର୍‌ଲାଗି ତୁଇ ନେଇ ବନାବୁ। ତୋର୍ ପୁଓ ବନାବା, ହେଲେ ତୋର୍ ପୁଓ ବନାଲେ ବି ମୁଇଁ ତୋତେ ବହୁତ୍‌ ଆଶିର୍ବାଦ୍ କର୍‌ମି। ଆର୍ ସବୁଦିନର୍‌ ଲାଗି ତୋର୍ ବଂଶ୍‌ର ଲୋକ୍ ମାନ୍‌କୁ ରଜା ହେଇକରି ସାଶନ୍ କର୍‌ବେ!” ଖାଲି ଗୁଟେ ଦାଉଦ୍‌ର ବଂଶ୍ ଯିଏ ସବୁ ଦିନର୍ ଲାଗି ଶାସନ୍ କରିପାର୍‌ବେ ସେ ହଉଛନ୍ ମସିହା (ଖ୍ରୀଷ୍ଟ)। ମସିହା ହଉଛନ୍ ମାହାପୁରୁର୍ ମନୋନିତ୍ କରିଥିବାର୍‌ ଜନେ ଲୋକ୍ ଯିଏ ଜଗତ୍‌ର ଲୋକ୍ ମାନ୍‌କର୍ ପାପ୍‌ନୁ ରକ୍ଷା କର୍‌ବେ।

![](https://cdn.door43.org/obs/jpg/360px/obs-en-17-08.jpg)

ଯେତ୍‌କିବେଲେ ଦାଉଦ୍ ନାଥନ୍‌ର ଖବର୍ ଶୁନ୍‌ଲେ, ସେ ମାହାପୁରୁକେ ଧନ୍ୟବାଦ୍ ଦେଲେ ଆରୁ ସ୍ତୁତି କଲେ। ମାହାପୁରୁ ତାହାକେ ଆଦର୍ କରୁଥିଲେ ଆର୍ ତାହାକେ ବହୁତ୍ ଆଶୀର୍ବାଦ୍ କରୁଥିଲେ। ଅବଶ୍ୟ, ମାହାପୁରୁ ସେ କାମ୍ କେଭେ କର୍‌ବେ ସେଟା ଦାଉଦ୍‌ ଜାନି ନାଇଥାଇ। ଆମେ ଏବେ ଜାନ୍‌ସୁଁ ଯେ, ମାହାପୁରୁ ଆସ୍‌ବାର୍ ଆଗନୁ ଇସ୍ରାଏଲିୟ ମାନ୍‌କେ ବହୁତ୍‌ ଦିନ୍‌ ଟାଖ୍ ବାର୍‌ଲାଗି ପଡ଼୍‌ବା, ଯାହା ପ୍ରାୟେ ୧, 000 ବରଶ୍ ତକ୍।

![](https://cdn.door43.org/obs/jpg/360px/obs-en-17-09.jpg)

ଦାଉଦ୍ ତାକର୍ ଲୋକ୍ ମାନ୍‌କୁଁ ଅନେକ୍ ବରଷ୍ ନିଏ (ନ୍ୟାୟ)ରେ ଶାସନ୍ କଲେ। ସେ ମାହାପୁରୁକେ ଭଲ୍‌ ଭାବେ ମାନ୍‌ଲେ, ଆର୍ ମାହାପୁରୁ ତାହାକେ ଆଶୀର୍ବାଦ୍ କଲେ। ତଥାପି ତାକର୍ ପରବର୍ତ୍ତୀ ଜୀବନ୍ କାଲେ ମାହାପୁରୁ ବିରୋଧ୍‌ନ ବହୁତ୍‌ ପାପ୍‌ କରିଥିଲେ।

![](https://cdn.door43.org/obs/jpg/360px/obs-en-17-10.jpg)

ଦିନେ , ଦାଉଦ୍‌ ତାର୍ ରାଜ୍ ଦର୍‌ବାର୍‌ନୁ ବାହାର୍‌କେ ଦେଖ୍‌ଲେଯେ ସୁନ୍ଦ୍‌ରି ମାଇକିନା ଗୁଟେ ଗାଧୁଥିଲା। ସେ ତାହାକେ ଜାନି ନେଇଁଥାଇଁ, ହେଲେ ସେ ଜାନ୍‌ବାକେ ପାଏଲେଯେ ତାକର୍ ନାଆଁ ବେଥଶେବା।

![](https://cdn.door43.org/obs/jpg/360px/obs-en-17-11.jpg)

ସେ ଦୁରିଆନୁ ଦେଖ୍‌ବାର୍ କଥା ହେଲେ ଦାଉଦ୍‌ ତାହାକେ ତାକର୍ ପାସ୍‌କେ ଆନ୍‌ବାର୍‌ ଲାଗି ପଠାଇଲେ। ସେ ତାକର୍ ସାଙ୍ଗେ ସୁଇଲେ ଆର୍ ତାହାକେ ଘର୍‌କେ ପଠେଇ ଦେଲେ। କେତେ ଦିନ୍ ପରେ, ଦାଉଦ୍‌କେ ଗୁଟେ ଖବର୍ ବେର୍‌ଶବା ପଠାଲେ ଯେ ସେ ଗର୍ଭବତୀ ଅଛନ୍‌।

![](https://cdn.door43.org/obs/jpg/360px/obs-en-17-12.jpg)

ବେର୍‌ଶବାର୍‌ ବର୍ ଉରିୟା ବଲିକରି ଲୋକ୍‌ଟେ ଥିଲେ। ସେ ଦାଉଦ୍‌ର ସବୁଠାନୁ ବଢିଁଆ ସୈନିକ୍‌ମାନକର୍ ଠାନୁ ଜଣେ ଥିଲେ। ସେ ଇ ସମିୟାଁରେ ଦୂରେ ଯୁଦ୍ଦ କରୁଥିଲେ। ଦାଉଦ୍ ଉରିୟାକେ ଯୁଦ୍ଧନୁ ଫିରେଇ ଆନ୍‌ଲେ ଆର୍ ତାର୍ ସ୍ତ୍ରୀ ର ସାଙ୍ଗେ ରହେବାର୍ ଲାଗି କହେଲେ। ଆର୍ ବାକି ସୈନିକ୍‌ମାନେ ଯୁଦ୍ଧରେ ଥିବାର୍‌ ବେଳେ ଉରିୟା ଘର୍‌କେ ଯିବାକେ ମନା କରି ଦେଲେ। ଆର୍ ଦାଉଦ୍ ଉରିୟାକେ ଯୁଦ୍ଧକେ ପଠାଲେ ଆର୍‌ ସେନାର୍ ମୁଖିଆକେ କହେଲେ, ଯେନ୍‌ଠାନେ ଶତ୍ରୁ ସବୁଠାନୁ ଶକ୍ତିଶାଳୀ ଅଛନ୍ ସେନିକେ ପଠେଇ କରି ତାହାକେ ହତ୍ୟା କରିଦିଅ। ଇନ୍‌ତା ହି ଘଟ୍‌ଲା: ଉରିୟା ଯୁଦ୍ଧରେ ମରିଗଲେ।

![](https://cdn.door43.org/obs/jpg/360px/obs-en-17-13.jpg)

ଯୁଦ୍ଧନେ ଉରିୟା ମଲା ପରେ, ଦାଉଦ୍ ବାଥ୍‌ସେବାକେ ବିହା ହେଲେ। ପଛେ, ସେ ଦାଉଦ୍‌ର ପୁଓକେ ଜନମ୍‌ ଦେଲେ। ଦାଉଦ୍ ଯାହା କରିଥିଲେ ସେ ବିଷୟରେ ମାହାପୁରୁ ବହୁତ୍ ରାଗ୍ ହେଇଥିଲେ, ସେଥିର୍‌ଲାଗି ସେ ଭବିଷ୍ୟବକ୍ତା ନାଥନ୍ କେ ପଠାଲେ, ଇଟା ଜନା ବାର୍ ଲାଗି କି ତାକର୍ ପାପ୍ କେତେ ଖରାପ ଆଏ। ଦାଉଦ୍ ତାକର୍ ପାପ୍ ରୁ ଅନୁତାପ୍ କଲେ ଆର୍ ମାହାପୁରୁ ତାହାକେ କ୍ଷମା କଲେ। ସାରା ଜୀବନ୍ ଦାଉଦ୍ ମାହାପୁରୁକେ ଅନୁସରଣ୍ କଲେ, ଏନ୍‌ତାକି ତାକର୍ କଠିନ୍‌ ସମିୟାଁନ ବି।

![](https://cdn.door43.org/obs/jpg/360px/obs-en-17-14.jpg)

ଆର୍ ଦାଉଦ୍‌ର ପୁଓ ଖରାପ୍ ହେଇଗଲେ (ମରିଗଲେ)। ଏନ୍‌ତା କରି ମାହାପୁରୁ ଦାଉଦ୍ କେ ଦଣ୍ଡ୍‌ ଦେଲେ। ଆର ହେନ୍‌ତା ବି ଦାଉଦ୍‌ର ମର୍‌ବାର୍ ଯାଏକ୍, ତାର୍ ନିଜର୍ ପରିବାର୍‌ର କେତେ ଜନ୍ ତାର୍ ବିରୋଧ୍ କରିଥିଲେ, ଆର୍ ଦାଉଦ୍ ବହୁତ୍ କମ୍‌ଜୋର୍ ହେଇଗଲେ। ଆର୍ ମାହାପୁରୁ ବିଶ୍ୱସ୍ତ ଥିଲେ ଆର୍ ହେଲେବି ସେ ଦାଉଦ୍‌କେ ଯାହା କର୍‌ବେ ବଲି ପ୍ରତିଜ୍ଞା କରିଥିଲେ ସେଟା କଲେ, ଯେନ୍‌ତାକି ଦାଉଦ୍‌ ତାକର୍ କଥା ନେଇ ମାନ୍‌ଲେ। ପରେ, ଦାଉଦ ଆର୍ ବାଥ୍‌ଶେବାର୍ ଆର୍ ଗୁଟେ ପୁଓ ହେଲା, ଆର୍ ସେମାନେ ତାହାକେ ସୋଲୋମନ୍ ବଲିକରି ନାଁ ଦେଲେ।

*ବାଇବଲ୍‌ର କଥାନୀ: ୧ସାମୁୟେଲ ୧୦; ୧୫-୧୯; 24; ୩୧; ୨ସାମୁୟେଲ ୫; ୭; ୧୧-୧୨*

Audio: https://git.door43.org/OBS-TLF/spv_obs/releases/download/v1/spv_obs_v1_17_128kbps.m4a

## 18. ୧୮. ଭାଗ୍ ହେଇଥିବାର୍ ରାଏଜ୍

https://openbiblestories.org/l/spv/story-18/

![](https://cdn.door43.org/obs/jpg/360px/obs-en-18-01.jpg)

ଦାଉଦ୍ ରଜା ଚାଲିସ୍‌ ବରଷ୍‌ ତକ୍ ଶାସନ୍ କଲେ। ତାର୍ ପରେ ସେ ମରିଗଲେ, ଆର୍ ତାକର୍ ପୁଓ ଶଲୋମନ୍ ଇସ୍ରାଏଲ୍ ଉପରେଁ ଶାସନ୍ କରୁଥିଲେ।ମାହାପୁରୁ ଶଲୋମନ୍‌କେ ପଚ୍‌ରାଲେ ଯେ, ତମ୍‌କୁ କାଣା ପହେଲା ଦର୍‌କାର୍ ତେହେରୁଁ ମାହାପୁରୁ ତାକର୍ ଲାଗି ସେଟା ଦେବେ। ଶଲୋମନ୍ କହେଲେ ଦୟାକରି ମାହାପୁରୁ ତମେ ମତେ ବହୁତ୍ ବଦ୍ଧି୍ମାଁନ୍ କରିଦିଅ। ଆର୍ ମାହାପୁରୁ ଶଲୋମନ୍‌କେ ପୃଥିବିର୍‌ ସବୁଠାନୁ ବୁଦ୍ଧିମାନ୍ ଲୋକ୍ ବନାଲେ। ଶଲୋମନ୍ ବହୁତ୍ ଜିନିଷ୍‌ ଶିଖ୍‌ଲେ ଆର୍ ସେ ବହୁତ୍ ବୁଦ୍ଦି୍ମାନ୍ ଶାସକ୍ ହେଲେ। ଆର୍ ମାହାପୁରୁବି ତାହାକେ ବଢ଼େ ଧନୀ ବନାଲେ।

![](https://cdn.door43.org/obs/jpg/360px/obs-en-18-02.jpg)

ଯିରୁଶାଲମ୍‌ନ ଶଲୋମନ୍ ମନ୍ଦିର୍‌ ବନାଲେ, ଯେନ୍‌ଟାକି ତାକର୍ ବାପା ଦାଉଦ୍‌ ବନାମି ବୋଲି ଭାବିଥିଲେ, ଆର୍ ସେ ଯୋଜନା କର୍‌ଲେ ଆର୍‌ ସାମାନ୍‌ ପତର୍ ଜମା କରି ରଖିଥିଲେ। ଆର୍ ଇହାଦେ ଲୋକ୍‌ମାନେ ମାହାପୁରୁକେ ତମ୍ବୁନ ଛାଡିକରି ସେ ମନ୍ଦିର୍‌ର ସଭା ଭିତ୍‌ରେ ବଳିଦାନ୍ କଲେ। ଆର୍ ମାହାପୁରୁ ଆସି କରି ସେଠାନ ତାକର୍‌ ଲୋକ୍‌ ମାନ୍‌କର୍‌ ସାଙ୍ଗେ ରହୁଥିଲେ।

![](https://cdn.door43.org/obs/jpg/360px/obs-en-18-03.jpg)

ହେଲେ ଶଲୋମନ୍ ଅଲ୍‌ଗା ଦେଶର୍ ମହିଳା ମାନ୍‌କୁ ଭଲ୍ ପଉଥିଲେ। ସେ ବହୁତ୍‌ଟେ ମାଇକିନା ମାନ୍‌କୁଁ ବିହା ହେଲେ ଆର୍‌ ମାହାପୁରୁକେ ଅପମାନ୍‌ କଲେ, ସେ ପାଖା ପାଖି ୧୦୦୦ ନୁବି ଅତ୍‌କା ବିହା ହେଲେ! ସେ ମାଇକିନା ମାନ୍‌କର୍‌ ଭିତ୍‌ରୁଁ ବହୁତ୍ ମାଇକିନା ମାନେ ଅଲ୍‌ଗା ଅଲ୍‌ଗା ଦେଶୁ ଆସି କରି ସେମାନ୍‌କର୍ ଦେବ୍‌ତା ମାନ୍‌କୁଁ ସାଙ୍ଗେ ଆନି କରି ଆଇ ଥିଲେ, ଆର୍ ସେମାନ୍‌କୁ ପୁଜା ବି କରୁଥିଲେ। ଯେତ୍‌କିବେଲ୍‌କେ ଶୋଲମନ୍ ବୁଢ଼ା ହଇଗଲେ, ସେବି ସେମାନ୍‌କର୍ ଦେବ୍‌ତା ମାନ୍‌କୁଁ ପୂଜା କଲେ।

![](https://cdn.door43.org/obs/jpg/360px/obs-en-18-04.jpg)

ଇଥିର୍ ଲାଗି ମାହାପୁରୁ ଶୋଲମନ୍‌କେ ରିସ୍‌ମି ହେଇଗଲେ। ସେ କହେଲେ ଯେ, ଇଶ୍ରାଏଲ୍‌ ଦେଶ୍‌କେ ଦୁଇଭାଗ୍‌ କରି ଦୁଇଟା ରାଏଜ୍ ବନେଇ କରି ତାହାକେ ସଜା(ଦଣ୍ଡ) ଦେବେ। ଆର୍‌ ଶୋଲମନ୍ ମଲା ପରେ ସେ ଇଟା କର୍‌ବେ।

![](https://cdn.door43.org/obs/jpg/360px/obs-en-18-05.jpg)

ଯେତ୍‌କିବେଲ୍‌କେ ଶୋଲମନ୍ ମରିଗଲେ, ତାକର୍ ପୁଓ ଜେରୋବାମ୍ ରଜା ହେଲା। ଇସ୍ରାଏଲ୍ ଜାତିର୍‌ ସବୁ ଲୋକ୍ ଜମାଇ କରି ତାହାକେ ତାକର୍‌ ରଜା ଭାବେ ଗ୍ରହଣ କଲେ।ସେମାନେ ଜେରୋବାମ୍‌କେ ଗୁହାରିଲେ ଯେ, ଶଲୋମନ୍ ସେମାନ୍‌କୁ ଭିଡ୍ କାମ କରଉଛନ୍ ଆର୍ ସେମନ୍‌କରନୁ ଜହକରି କର ନେଉଥିଲେ। ଇଥିର୍ ଲାଗି ସେମାନେ ଜେରୋବାମ୍‌କେ କମ୍ କାମ୍ କରାବାର୍‌ ଲାଗି ଦାବି କଲେ।

![](https://cdn.door43.org/obs/jpg/360px/obs-en-18-06.jpg)

ହେଲେ ରେହୋବାମ୍ ସେମାନ୍‌କୁ ଅତି ମୁର୍‌ଖାମି କଥାଟେ କହେଲେ। ସେ କହେଲେ, ତମେ କହୁଛଯେ ମୋର୍ ବୁଆ ଶୋଲମନ୍ ତମ୍‌କେ ବହୁତ୍ କଡ଼ା କାମ୍ କରେଇ ଛନ୍।ହେଲେ ତାକର୍ ଠାନୁ ମୁଇଁ ତୁମକେ ଆର୍ କଡା କାମ କରାମି ଆର ଅତ୍‌କା ଦୁଃଖ୍‌ ଦେମି।

![](https://cdn.door43.org/obs/jpg/360px/obs-en-18-07.jpg)

ଯେତ୍‌କି ବେଲେ ଲୁକେ ସେଟା ସୁନଲେ, ସେମାନକର୍‌ ଭିତରୁ ବହୁତ୍‌ ଲୋକ୍‌ ତାର୍‌ ବିରୋଧ୍‌ରେ ଉଠ୍‌ଲେ। ଦଶ୍‌ଟା ଗୋଷ୍ଠୀ ତାହାକୁ ଛାଡି ପଲେଇ ଗଲେ, ଆର୍ ଖାଲି ଦୁଇଟା ଗୋଷ୍ଠୀ ତାର୍‌ ପାଖେ ରହେଲେ। ଇ ଦୁଇଟା ଗୋଷ୍ଠୀ ନିଜ୍‌କେ ଯିହୁଦାର୍ ରାଏଜ୍ ବୋଲି କହେଲେ।

![](https://cdn.door43.org/obs/jpg/360px/obs-en-18-08.jpg)

ଅଲ୍‌ଗା ଦସ୍‌ ଗୋଷ୍ଠୀ ରେହୋବାମ୍‌ ବଲିକରି ଗୁଟେ ଲୋକ୍‌କେ ସେମାନ୍‌କର୍ ରଜା କଲେ। ଇ ଗୋଷ୍ଠୀ ମାନେ ଦେଶର୍‌ ଉତ୍ତର ଭାଗେ ଥିଲେ। ସେମାନେ ନିଜ୍‌କେ ଇଶ୍ରାଏଲ୍‌ର ଦେଶ୍‌ ବୋଲି କହେଲେ।

![](https://cdn.door43.org/obs/jpg/360px/obs-en-18-09.jpg)

ଯିରୋବାମ୍ ମାହାପୁରୁର୍‌ ବିରୁଦ୍ଧରେ ବିଦ୍ରୋହ କଲେ ଆର୍‌ ଲୋକ୍‌ମାନକୁ ପାପ୍ କରାଲେ। ତାକର୍‌ ଲୋକ୍‌ମାନେ ପୂଜା କର୍ ବାର୍ ଲାଗି ଦୁଇଟା ମୂର୍ତ୍ତି ବନାଲେ। ସେମାନେ ଆର୍‌ ଯିହୁଦା ରାଜ୍ୟର୍‌ ଯିରୁଶାଲମ୍‌ ମନ୍ଦିର୍‌ନ ମାହାପୁରୁ କେ ଉପାସନା କରବାର୍ ଲାଗି ନେଇଁ ଗଲେ।

![](https://cdn.door43.org/obs/jpg/360px/obs-en-18-10.jpg)

ଯିହୁଦା ଆର୍ ଇସ୍ରାଏଲ୍‌ ଦେଶର୍ ଲୋକ୍‌ ମାନେ ଦୁହେଁ ଦୁହେଁକର୍ ବିରୋଧ୍‌ରେ ଶତ୍ରୁ ହେଲେ ଆର୍ ଯୁଦ୍ଦ କଲେ।

![](https://cdn.door43.org/obs/jpg/360px/obs-en-18-11.jpg)

ଇସ୍ରାଏଲ୍ ର ନୁଆଁ ରାଏଜ୍ ନ, ସବୁ ରଜା ଖରାପ୍ ଥିଲେ। ଇ ରଜା ମାନ୍‌କର୍‌ ଭିତୁରୁ ବହୁତ୍ ରଜା ମାନ୍‌କୁ ଅଲ୍‌ଗା ଇସ୍ରାଲିୟ ମାନେ ମାରି ଦେଇ ଥିଲେ, ଯେନ୍ ମାନେକି ତାକର୍ ଜାଗାନ ରଜା ହେବାର୍ ଲାଗି ଚାହୁଁ ଥିଲେ।

![](https://cdn.door43.org/obs/jpg/360px/obs-en-18-12.jpg)

ସବୁ ରଜା ଆର୍ ଇସ୍ରାଏଲ୍‌ର ବଡ୍ ଭାଗି ଲୋକ୍‌ ମୂତ୍ତି ପୁଜା କଲେ। ଯେତ୍‌କିବେଲ୍‌କେ ସେମାନେ ଇଟା କଲେ, ସେମାନେ ବାର୍‌ବାର୍ ବେଶୁଏନ୍‌ ମାହେଜି ମାନ୍‌କର୍‌ ସାଙ୍ଗେ ଶୁଇଲେ।ଆର୍ କେଭେ କେଭେ ସେ ଛୁଆ ପିଲାମାନ୍‌କୁ ମୁର୍‌ତି ପାଖେ ବଳି ଦେଉଥିଲେ।

![](https://cdn.door43.org/obs/jpg/360px/obs-en-18-13.jpg)

ଯିହୁଦାର୍‌ର ସବୁ ରଜା ଦାଉର୍ ବଂଶର୍‌ ଥିଲେ। ଇ ରଜା ମାନ୍‌କର୍‌ ଭିତୁରୁ କେତେ ଲୋକ୍ ଭଲ୍ ଥିଲେ ଯେନ୍ ମାନେ କି ନିଏ ରେ ସାଶନ୍ କରୁଥିଲେ ଆର୍ ମାହାପୁରୁର୍ ପୂଜା କରୁଥିଲେ। ହେଲେ ଯିହୁଦାର୍ ବଡ୍‌ଭାଗି ରଜା ଖରାପ୍ ଥିଲେ। ସେମାନେ ଖରାପ୍ ସାଶନ୍ କରୁଥିଲେ ଆର୍ ମୂତ୍ତି ପୁଜା କରୁଥିଲେ। ଇ ରଜା ମାନ୍‌କର୍‌ ଭିତ୍‌ରୁ କେତେ ଲୋକ୍ ଅସତ୍‌ ଦେବ୍‌ତା ମାନ୍‌କୁଁ ନିଜର୍ ଛୁଆ ମାନ୍‌କୁଁ ବଳି ଦଉଥିଲେ। ଯିହୁଦାର ବଡ୍‌ଭାଗି ଲୋକ୍ ମାହାପୁରୁର୍ ବିରୋଧ୍ ନ ଯାଇ କରି ବଦ୍‌ନାମ୍ କରୁଥିଲେ ଆର୍ ଅଲ୍‌ଗା ଦେବ୍‌ତା ମାନ୍‌କୁ ପୂଜା କରୁଥିଲେ।

*ବାଇବଲ୍‌ର କଥାନୀ: ୧ରାଜାବଲୀ ୧-୧୬; ୧୧-୧୨*

Audio: https://git.door43.org/OBS-TLF/spv_obs/releases/download/v1/spv_obs_v1_18_128kbps.m4a

## 19. ୧୯. ଭବିଷ୍ୟତ୍‌ବକ୍ତା

https://openbiblestories.org/l/spv/story-19/

![](https://cdn.door43.org/obs/jpg/360px/obs-en-19-01.jpg)

ମାହାପୁରୁ ସବୁବେଲେ ଇସ୍ରାଏଲିୟ ଲୋକ୍‌ମାନ୍‌କର୍‌ ନିକେ ଭବିଷ୍ୟବକ୍ତା ପଠଉଥିଲେ। ଭବିଷ୍ୟବକ୍ତା ମାନେ ମାହାପୁରୁର୍‌ ଠାନୁ କଥା ଶୁନୁଥିଲେ ଆର୍ ତାର୍‌ପରେ ସେଟା ଲୋକ୍‌ମାନ୍‌କେ କହୁଥିଲେ।

![](https://cdn.door43.org/obs/jpg/360px/obs-en-19-02.jpg)

ଯେତ୍‌କି ବେଳେ ଆହାବ୍ ଇସ୍ରାଏଲ୍ ରାଏଜ୍‌ର ରଜା ଥିଲେ ସେତ୍‌କି ବେଳ୍‌କେ ଏଲିଜା ଗୁଟେ ଭବିଷ୍ୟବକ୍ତା ଥିଲା। ଆହାବ୍ ଗୁଟେ ଖରାପ୍ ଲୋକ୍‌ ଥିଲେ। ସେ ଲୋକମାନ୍‌କେ ବାଲ୍ ବଲିକରି ଗୁଟେ ଅସତ୍ ଦେବ୍‌ତାକେ ପୂଜା କରଉଥିଲେ। ଇଥିର ଲାଗି ଏଲିୟ ରଜା ଆହାବ୍‌କେ କହେଲେ, ମାହାପୁରୁ ଲୋକ୍‌ମାନ୍‌କେ ସଜା ଦେବାକେ ଯାଉଛନ୍। ସେ ତାହାକେ କହେଲେ, ଯେ ଇସ୍ରାଏଲ୍ ରାଏଜେ ବର୍‌ଷା ଆର୍ କାଁକର୍‌ ନେଇପଡେ। ଜେତ୍‌କି ବେଲ୍‌କେ ମୁଇ ବର୍‌ଷା ହଉବଲି କହେମି ଫେର୍ ବର୍‌ଷା ହେବା। ଇଟା ଆହାବ୍‌କେ ଏତେ ରାଗ୍ କରିଦେଲା ଯେ, ସେ ଏଲିଜା କେ ମାର୍‌ବାର୍‌କେ ଚାହେଁଲା।

![](https://cdn.door43.org/obs/jpg/360px/obs-en-19-03.jpg)

ତେହେରୁଁ ମାହାପୁରୁ ଏଲିୟକେ ଆହାବ୍‌ଠାନୁ ଲୁକୁବାର୍ ଲାଗି ମରୁଭୂମିକେ ଯିବାର୍ ଲାଗି କହେଲେ। ଏଲିୟ ମରୁଭୂମିର୍ ଗୁଟେ ଝର୍‌ନା ନିକେ ଗଲେ, ଯେନ୍‌ଠାନ୍‌କେ କି ମାହାପୁରୁ ତାହାକୁଁ କଢେଇ ନେଲେ। ସବୁଦିନ୍ ସକାଳେ ଆର୍ ରାତିନ ଚରେ ମାନେ ଏଲିୟକେ ରୁଟି ଆର୍ ଶୀକାର୍ ଆନି ଦଉଥିଲେ। ଇ ସମିୟାଁ ନ, ଆହାବ୍ ଆର୍ ତାର୍ ସେନା ଏଲିୟକେ ଖୁଜ୍‌ଲେ, ହେଲେ ସେମାନେ ନାଇ ନେଇଁ ପାଇଲେ।

![](https://cdn.door43.org/obs/jpg/360px/obs-en-19-04.jpg)

ବର୍‌ଷା ନେଇଁ ହେବାର୍ କାରନ୍ ନୁ, କିଛି ସମିୟାଁ ପରେ ପାନିର୍ ଧାର୍ ଶୁଖିଗଲା। ତେହେରୁଁ ଏଲିୟ ପାଖେ ଥିବାର୍ ଗୁଟେ ଅଲ୍‌ଗା ଦେଶ୍‌କେ ଗଲେ। ସେ ଦେଶେ ଗୁଟେ ଗରିବ୍ ବିଧବା ଆର୍ ତାର୍ ପୁଓ ରହୁଥିଲେ। ଚାଷ୍ ନାଇ ହେଇ ଥାଇ ସେଥିର୍ ଲାଗି ତାକର୍ ପାଖେଁ କିଛି ଖାଇବାର୍ ଲାଗି ନାଇ ଥାଇ ସବୁ ସରି ଯାଇଥିଲା। ହେଲେବି , ସେ ବିଧବା ଏଲିର୍‌ ଦେଖା ରେଖା କଲା, ମାହାପୁରୁ ତାହାକେ ଆର୍ ତାର୍ ପୁଓକେ ସବୁଜିନିଷ୍‌ ଯୋଗାଲେ। ତାର୍ ଅଟାର୍‌ ପାତ୍ର ଆର୍ ତାକର୍‌ ତେଲ୍‌ ବୁତଲ୍ କେଭେବି ଖାଲି ନେଇଁ ହେଲା। ସବୁ ଆଡ଼େ ମର୍ଡୀ ପଡି ଥିଲା, ହେଲେବି ତାକର୍ ପାସେ ଖାଏବାର୍ ଅଭାବ୍ ନେଇଁ ହେଇ। ଏଲିୟ ସେଠାନେ ତିନି ବରଷ୍ ତକ୍ ରହିଥିଲେ।

![](https://cdn.door43.org/obs/jpg/360px/obs-en-19-05.jpg)

ସାଢେ ତିନ୍ ବରଷ୍ ପରେ, ମାହାପୁରୁ ଏଲିୟକେ କହିଲେ ଯେ, ସେ ଆର୍‌ଥରେ ପାନି ବର୍‌ଷାବେ। ସେ ଏଲିୟକେ ଇଶ୍ରାଏଲ୍‌ ରାଏଜ୍‌କେ ଫେର୍ ଥରେ ଆହାବ୍ ସାଙ୍ଗେ କଥା ହେବାର୍‌ଲାଗି କହେଲେ। ତେହେରୁଁ ଏଲିୟ ଆହାବ୍ ଠାନ୍‌କେ ଗଲେ। ଯେତ୍‌କି ବେଳେ ଆହାବ୍ ତାହାକେ ଦେଖ୍‌ଲେ, ସେ କହେଲେ, "ତମେ ସେଠାନ ଅଛ ତୁମେ ଗୁଟେ ଅସୁବିଧାରେ ପକାବାର ଲୋକ ଅ !" ଏଲିୟ ତାହାକେ କହେଲା, “ଅସୁବିଧାରେ ପକାବାର୍ ଲୋକ୍‌ ତମେ ଆଏ , ତମେ ୟହୋବା କେ ଭୁଲି ଗଲନ। ସେ ଜଣେ ମାହାପୁରୁ , ଆର୍ ତମେ ବାଲ୍ ଦେବ୍‌ତାକେ ପୂଜା କରୁଛ। ତମେ ଇସ୍ରାଏଲ୍ ଦେଶର୍ ସବୁ ଲୋକ୍ ମାନ୍‌କୁଁ କୋମଲ୍ ପାହାଡ୍‌କେ ଆନ୍‌ବାକେ ପଡ୍‌ବା।“

![](https://cdn.door43.org/obs/jpg/360px/obs-en-19-06.jpg)

ତେହେରୁଁ ଇସ୍ରାଏଲ୍‌ର ସବୁ ଲୋକ୍‌ କାମୋଲ୍ ପାହାଡ୍‌କେ ଗଲେ। ଯେନ୍‌ ଲୋକ୍‌ ମାନେ ବାଲ୍ ଦେବ୍‌ତାର୍‌ ଲାଗି କଥା ହଉଥିଲେ ସେମାନେବି ଆସ୍‌ଲେ। ସେମାନେ ସବେ ବାଲ୍ ଦେବ୍‌ତାର୍‌ ଭବିଷ୍ୟଦ୍‌ବକ୍ତା ଥିଲେ। ସେମାନେ ୪୫୦ ଜନ୍ ଥିଲେ। ଏଲିୟ ଲୋକ୍‌ମାନକୁଁ କହିଲେ ଯେ, ତମେ ଆର୍‌ କେତେ ଦିନ୍ ତକ୍ ତୁମର୍ ମନ୍ କେ ବଦ୍‌ଳାବ? ଯଦି, ୟହୋବା ମାହାପୁରୁ ଆଏ, ତାହାକେ ପୂଜା କର !ଆର୍‌ ଯଦି ବାଲ ବେବ୍‌ତା ମାହାପୁରୁ ତାହେଲେ ତାହାକେ ପୂଜା କର।

![](https://cdn.door43.org/obs/jpg/360px/obs-en-19-07.jpg)

ତେହେରୁଁ ଏଲିୟ ବାଲ୍ ଦେବ୍‌ତାର ଭବିଷ୍ୟବକ୍ତା ମାନ୍‌କୁ କହଲେ, "ଷଣ୍ଢ କେ ମାର, ଆର୍ ତାର୍ ମାଂସକେ ଖଁଡ଼ ଖଁଡ଼ କରିଦିଅ, ଆର୍ ଇଟାକେ ବଳି ଚଢାବାର୍ ଲାଗି ବେଦିନ ରଖ, ଆର୍‌ ଜୁଏଥି ନାଇଁ ଜଲାବ। ମୁଇଁ ପଛେକା ସେଟା ଜଲାମି, ଆର୍‌ ମୁଇଁ ମାଂସକେ ଗୁଟେ ଅଲଗା ବେଦିନ ରଖ୍‌ମି। ତାର୍‌ପରେ ଯଦି ମାହାପୁରୁ ବେଦିନ ଜୁଏ ପଠାବେ, ତାହେଲେ ତମେ ଜାନ୍‌ବ ଯେ ସେ ସତେ ମାହାପୁରୁ ଅନ୍‌ " ଆର୍‌ ବାଲ୍‌ଦେବତାର୍ ଭବିଷ୍ୟବକ୍ତାମାନେ ଗୁଟେ ବଳିଦାନ ସଜ୍‌ବାଜ୍ କଲେ ଆର୍ ସେଥି ଜୁଏ ନେଇଁ ଲଗେଇଁ ଥାଇ ତାଏଲ୍।

![](https://cdn.door43.org/obs/jpg/360px/obs-en-19-08.jpg)

ତାର୍‌ପରେ ବାଲ୍‌ ଦେବ୍‌ତାର୍‌ ଭବିଷ୍ୟବକ୍ତାମାନେ ବାଲ୍ ଦେବ୍‌ତାକେ ପ୍ରାର୍ଥନା କଲେ, "ବାଲ୍, ଆମର୍ କଥା ଶୁନ୍, " ଦିନ୍ ସାରା ସେମାନେ ପ୍ରାର୍ଥନା କଲେ ଆର୍‌ ରଡ୍‌ଲେ ଆର୍‌ ଛୁରୀନ ନିଜ୍‌କେ କାଟିପକାଲେ, ହେଲେଁ ବି ବାଲ୍ ଦେବ୍‌ତା କିଛି ନେଇଁ କହେଲା କି ନେଇଁ ଶୁନ୍‌ଲା, ଆର୍‌ ସେ ଉପୁରୁ ଜୁଏ ବି ନେଇଁ ପଠାଲା।

![](https://cdn.door43.org/obs/jpg/360px/obs-en-19-09.jpg)

ବାଲ୍ ଦେବତାର୍‌ ଭବିଷ୍ୟବକ୍ତା ମାନେ ପୁରା ଦିନ୍‌ସାରା ବାଲ୍ ଦେବ୍‌ତାକେ ପ୍ରାର୍ଥନା କରୁଥିଲେ। ଶେଷେଁ ସେମାନେ ପ୍ରାର୍ଥନା କର୍‌ବାର୍‌ଟା ବନ୍ଦ କରିଦେଲେ। ତେହେରୁଁ ଏଲିୟ ମାହାପୁରୁ ଲାଗି ଅଲ୍‌ଗା ଷଣ୍ଢ୍‌ ର ମାସଂ କେ ଗୁଟେ ବେଦିନ ରଖ୍‌ଲେ। ତେହେରୁଁ ସେ ଲୋକ୍ ମାନ୍‌ଙ୍କୁ କହେଲେ, ମାଂସ, କାଠ୍, ଆର୍ ବେଦୀର୍‌ ଚାରିଆଡେ ଥିବାର୍ ସୁଖା ଜାଗା କେ, ପୁରା ପୁରି ଭିଜ୍‌ବାର୍ ତକ୍ ବଲି ଉପ୍‌ରେ ବାରଟା ବଡ୍‌ ବଡ୍‌ ହାଣିନ ପାଏଁନ୍‌ ଆନିକରି ରୁକ।

![](https://cdn.door43.org/obs/jpg/360px/obs-en-19-10.jpg)

ତାର୍‌ପରେ ଏଲିୟ ପ୍ରାର୍ଥନା କଲେ, "ୟହୋବା, ଆବ୍ରାହମ, ଇସାକ୍ ଆର୍ ଯାକୁବ୍‌ର ମାହାପୁରୁ, ଆଜି ଆମ୍‌କୁଁ ଦେଖେଇ ଦିଅ ଯେ ତୁମେ ଇସ୍ରାଏଲ୍‌ର ମାହାପୁରୁ ଆର୍ ମୁଇଁ ତମର୍ ଗୁଟେ ସେବକ୍ ଆଏ। ମୋତେ ଉତ୍ତର୍ ଦିଅ ଯେନ୍ତା କି ଲୋକ୍ ମାନେ ଜାନ୍‌ବେ ଯେ, ତମେ ହିଁ ସତେଁ ମାହାପୁରୁ ଅ।

![](https://cdn.door43.org/obs/jpg/360px/obs-en-19-11.jpg)

ସାଙ୍ଗେସାଙ୍ଗ୍‌, ଆକାଶ୍‌ନୁ ଜୁଏ ପଡ୍‌ଲା। ଆର୍‌ ବେଦୀର୍‌ ଚାରିଆଡେ ଥିବାର୍ ମାଂସ, କାଠ୍‌, ପଥର୍‌, ମାଏଟ୍ ଆର୍‌ ପାଏନ୍ କେବି ଜଲେଇଦେଲା। ଆର୍‌ ଲୋକ୍‌ମାନେ ଯେତ୍‌କିବେଲେ ଇଟା ଦେଖ୍‌ଲେ, ସେମାନେ ନିଜ୍‌କେ ଭୂଇଁନ ଉବୁଡ୍‌ (ନତ) ହେଇକରି ଧନ୍ୟବାଦ୍ ଦେଇ କରି କହିଲେ, "ୟହୋବା ମାହାପୁରୁ! ୟାହୋବା ମାହାପୁରୁ ଆନ୍!

![](https://cdn.door43.org/obs/jpg/360px/obs-en-19-12.jpg)

ତାର୍‌ପରେ ଏଲିୟ କହିଲେ, "ବାଲ୍ ଦେବ୍‌ତାର୍‌ ଭବିଷ୍ୟଦବକ୍ତା ମାନ୍‌କୁଁ କାହାକେ ନାଇଁ ଛାଡ଼। ଆର୍‌ ଲୋକ୍‌ମାନେ ଭବିଷ୍ୟଦ୍‌ବକ୍ତା ମାନ୍‌କୁଁ ସେଠାନୁ ଦୂର୍‌କେ ନେଇଁକରି ସେମାନ୍‌କୁ ମାରି ଦେଲେ।

![](https://cdn.door43.org/obs/jpg/360px/obs-en-19-13.jpg)

ତେହେରୁଁ ଏଲିୟ ରଜା ଆହାବ୍‌କେ କହେଲେ, " ବର୍‌ଷା ହେବା! ଯଲ୍‌ଦି ତୁମର୍‌ ଘର୍‌କେ ଫିରି ଯ। ହେନ୍‌ତା କହେଲେ କି ଆକାଶ୍ କଳା ହେଇଗଲା, ଆର୍‌ ବହୁତ୍‌ଟେ ବର୍‌ଷା ହେଲା। ୟହୋବା ମାହାପୁରୁ ମର୍‌ଡ଼ିକେ ବନ୍ଦ୍ କଲେ। ଇନୁ ଜନାପଡ଼୍‌ଲାଯେ ସେ ହି ମାହାପୁରୁ ଆନ୍‌।

![](https://cdn.door43.org/obs/jpg/360px/obs-en-19-14.jpg)

ଯେତେ୍କି ବେଳ୍‌କେ ଏଲିୟ ତାକର୍‌ କାମ୍ ସାଏଲେ, ଭବିଷ୍ୟଦ୍‌ବକ୍ତା ହେବାର୍‌ ଲାଗି ମାହାପୁରୁ ଏଲିଶା ବଲିକରି ଗୁଟେ ଲୋକ୍‌କେ ବାଛ୍‌ଲେ। ଆର୍‌ ମାହାପୁରୁ ଏଲିଶା ଠାନୁ ବହୁତ୍ ଚମତ୍କାର କାମ୍ କରାଲେ ଆର୍‌ ଗୁଟେ ନାମାନ୍‌ର ଜୀବନ୍‌ରେ ବି କଲେ। ସେ ଶତ୍ରୁ ମାନ୍‌କର୍‌ ସେନାର୍ ଗୁଟେ ମୁଖିଆ ଲୋକ୍‌ ଥିଲେ, ହେଲେ ତାହାକୁଁ ଚର୍ମ ରୋଗ୍ ହେଇଥିଲା। ନାମାନ୍ ଏଲିଶାର୍‌ ବାବଦ୍‌ରେ ଶୁନ୍‌ଲେ, ତେହେରୁଁ ସେ ଏଲିଶାକେ ଯାଇକରି ତାହାକେ ରୋଗ୍‌ନୁ ଭଲ୍ କର୍‌ବାର୍ ଲାଗି ବିନ୍‌ତି କଲେ। ଏଲିଶା ନାମାନ୍‌କେ ଯର୍‌ଦନ୍‌ ନଦୀକେ ଯାଇକରି ସାତ୍ ଥର୍ ପାନିଥି ବୁଡ଼୍‌ବାର୍ ଲାଗି କହେଲେ।

![](https://cdn.door43.org/obs/jpg/360px/obs-en-19-15.jpg)

ନାମାନ୍ ସେନୁ ରାଗିଗଲେ ଆର୍‌ ସେଟା କରବାର୍‌କେ ମନା କରିଦେଲେ ଆର୍ କହେଲେଯେ ଇଟାଗୁଟେ ମୂର୍ଖାମି ଆଏଁ। ଆର୍‌ ତାର୍‌ପରେ ସେ ନିଜର୍ ମନ୍‌କେ ବଦ୍‌ଳେଇଦେଲେ। ସେ ଯର୍‌ଦନ୍‌ ନଦୀକେ ଯାଇକରି ସାତ୍ ଥର୍ ପାନିରେ ବୁଡ୍‌ଲେ। ଯେତ୍ କିବେଲେ ସେ ଶେଷ୍ ବୁଡା ବୁଡ୍‌ଲେ, ମାହାପୁରୁ ତାହାକେ ବେମାର୍‌ନୁ ଭଲ୍ କରି ଦେଲେ।

![](https://cdn.door43.org/obs/jpg/360px/obs-en-19-16.jpg)

ତେହେରୁଁ ମାହାପୁରୁ ଅଲ୍‌ଗା କେତେ ଭବିଷ୍ୟଦ୍‌ବକ୍ତା ମାନ୍‌କୁଁ ଇସ୍ରାଏଲ୍‌ର ଲୋକ୍ ମାନ୍‌କର୍‌ନିକେ ପଠାଇଲେ। ସେ ସବୁଲୋକ୍‌କେ ମୂର୍ତ୍ତି ପୂଜା କର୍‌ବାର୍ ଲାଗି ମନା କଲେ। ଇତାର୍‌ ବଦ୍‌ଲେ, ଲୋକ୍‌ମାନେ ନିଜ୍‌ର ନିଜର୍ ଭିତ୍‌ରେ ଇମାନ୍‌ଦାରି ବା ନିଏଁ ରେ କାମ୍ କର୍‌ବାର୍‌ କଥା ଆର୍ ଲୋକ୍‌କେ ଦୟା କର୍‌ବା କଥା। ଭବିଷ୍ୟଦ୍‌ବକ୍ତା ମାନେ ଲୋକ୍‌ମାନ୍‌କୁ ଚେତେଇ ଦେଲେଯେ, ସେମାନେ ଖରାପ୍‌ କାମ୍‌ ବନ୍ଦ୍ କରି କରି ମାହାପୁରୁର୍ କଥା ମାନ୍‌ବାର୍‌ କଥା। ଯଦି ଲୋକ୍‌ମାନେ ଇଟା ନାଇ କର୍‌ବେ, ତାହାଲେ ମାହାପୁରୁ ସେମାନ୍‌କୁ ଦୋଷୀ ବୋଲି ବିଚାର୍‌ କର୍‌ବେ, ଆର୍‌ ସେ ସେମାନ୍‌କୁ ଦଣ୍ଡ୍ ଦେବେ।

![](https://cdn.door43.org/obs/jpg/360px/obs-en-19-17.jpg)

ଅନେକ୍ ସମିଆଁନ, ଲୋକ୍‌ମାନେ ମାହାପୁରୁର୍ କଥା ନେଇଁ ମାନୁଥାଇଁ। ସେମାନେ ହେନ୍‌ତା ବି ଭବିଷ୍ୟଦ୍‌ବକ୍ତାମାନ୍‌କୁ ଖରାପ୍ ବେଭାର୍ କରୁଥିଲେ ଆର୍ କେତେ କେତେ ବେଲେ ସେମାନ୍‌କୁ ମାରି ବି ଦେଉଥିଲେ। ଆର୍‌ ଥରେ, ସେମାନେ ଭବିଷ୍ୟଦ୍‌ବକ୍ତା ଯିରିମିୟକେ ଗୁଟେ ସୁଖା ଚୁଆଁ ନ ମାରବାର୍ ଲାଗି ପକେଇ ଦେଲେ ଆର୍‌ ମର୍‌ବାର୍ ଲାଗି ଛାଡି ଦେଲେ। ସେ ଚୁଆଁନ ଥିବାର୍ କାଦୋ ନ ବୁଡ଼ିଗଲେ। ହେଲେ ତାର୍ ପରେ ରଜା ତାର୍ ଉପ୍‌ରେ ଦୟା କଲେ ଆର୍‌ ଯିରିମିୟକେ ମର୍‌ବାର୍ ଆଗନୁ ଚୁଆଁନୁ ବାହାର୍ କର୍‌ବାର୍‌ ଲାଗି ତାକର୍ ଚେଲା ମାନ୍‌କୁ ଆଦେଶ୍ ଦେଲା।

![](https://cdn.door43.org/obs/jpg/360px/obs-en-19-18.jpg)

ଲୋକ୍‌ମାନେ ଘୄଣା କଲେ ବି ସେ ଭବିଷ୍ୟବକ୍ତାମାନେ ମାହାପୁରୁର୍‌ ଲାଗି କଥା ହଉଥିଲେ। ସେମାନେ ଲୋକ୍‌ମାନକୁ ଚେତାଇ ଦଉଥିଲେ ଯେ, ଯଦି ଲୋକମାନେ ଅନୁତାପ୍ ନେଇଁ କର୍‌ବେ ବଏଲେ ମାହାପୁରୁ ସେମାନ୍‌କୁ ମାରି ଦେବେ। ଆର୍ ଇଟାବି ଲୋକ ମାନ୍‌କୁ ମନେ ପକାଇ ଦେଲେ ଯେ, ମାହାପୁରୁ ସେ ମାନକର୍ ଠାନ୍‌କେ ମସିହା ଯୀଶୁକେ ପଠାବେ ବଲି ପ୍ରତିଜ୍ଞା କରିଛନ୍।

*ବାଇବଲ୍‌ର କଥାନୀ: ୧ରଜାବଲୀ ୧୬-୧୮; ୨ରାଜାବଲୀ ୫; ଯିରିମିୟ ୩୮*

Audio: https://git.door43.org/OBS-TLF/spv_obs/releases/download/v1/spv_obs_v1_19_128kbps.m4a

## 20. ୨୦.ନିଜର୍ ଦେଶୁଁ ବାହାର୍‌କେ ଯିବାର୍ ଆର୍‌ ଫିର୍‌ବାର୍

https://openbiblestories.org/l/spv/story-20/

![](https://cdn.door43.org/obs/jpg/360px/obs-en-20-01.jpg)

ଇସ୍ରାଏଲ୍‌ର ରଜା ଆର୍‌ ଯିହୁଦାର୍ ରାଏଜର୍‌ ରଜା ଦୁଇ ଜନ୍ ମାହାପୁରୁ ବିରୁଧ୍‌ନେ ପାପ୍ କଲେ। ମାହାପୁରୁ ଚୁକ୍‌ତି ଯେନ୍ ସିନାଇ ପାହାଡ୍‌ନ ସେମାନ୍‌କୁ କରିଥିଲେ ସେଟାକେ ସେମାନେ ନେଇଁ ମାନ୍‌ଲେ। ମାହାପୁରୁ ସେ ଭବିଷ୍ୟଦ୍‌ବକ୍ତାକେ ଚେତେଇ ଦେବାର୍ ଲାଗି ପଠାଲେ, ଯେନ୍‌ତା ସେମାନେ ଆର୍ ଥରେ ଅନୁତାପ୍ କରୁନ୍‌ ଆର୍ ଆରାଧନା କରୁନ୍, କାଁକରି କି ସେମାନେ ମାନ୍‌ବାର୍‌ଲାଗି ମନା କରିଛନ୍।

![](https://cdn.door43.org/obs/jpg/360px/obs-en-20-02.jpg)

ଆର୍‌ ମାହାପୁରୁ ଦଣ୍ଡ ଦେବାର୍ ଲାଗି ତାକ୍‌ର ଦୁଇ ରାଏଜ୍‌କେ ତାକର ଶତୃ ମାଁନ୍‌କୁ ଧଂନ୍‌ସ କର୍‌ବାର୍ ଲାଗି ଅନୁମତି ଦେଲେ। ଏସିରିଅ ଦେଶ୍ ଆର୍ ବହୁତ୍ ଶକ୍ତିଶାଲି ହଇ ଯାଇଥିଲା। ସେମାନେ ଅଲ୍‌ଗା ଦେଶ୍ ପ୍ରତି ବହୁତ୍ ନିର୍‌ଦୟାଲୁ ଥିଲେ। ଏସିରିଅ ମାନେ ଇଶ୍ରାଏଲ ରାଏଜ୍‌କେ ଧଂନ୍‌ସ୍ କରିଦେଲେ। ସେମାନେ ଆସିକରି ଇଶ୍ରାଏଲ୍‌ ଦେଶ୍‌ର ବହୁତ ଲୋକ୍ କେ ମାରି ଦେଲେ। ଆର୍ ଯେନ୍‌ଟା ଚାହେଁଲେ ସବୁ ଜିନିଷ୍‌ ନେଇଁ ଗଲେ, ଆର୍ ଦେଶର୍‌ କେତେ ଜାଗାକେ ଜଲେଇ ଦେଲେ।

![](https://cdn.door43.org/obs/jpg/360px/obs-en-20-03.jpg)

ଏସିରିଅ ମାନେ ସବୁ ନେତା, ଧନୀ ଲୋକ୍‌ ଆର୍‌ ମୁଖିଆ ଲୋକ୍ ମାନ୍‌କୁ ଗୁଟେ ଜାଗାକେ ଆନିପକାଲେ। ଆର୍ ସେମାନ୍‌କୁ ଏସିରିଅ ଦେଶ୍‌କେ ନେଇ କରି ପଲାଲେ। ଆର୍‌ ବେସି ଗରିବ୍‌ ଲୋକ୍ ଇଶ୍ରାଏଲ୍‌ରେ ରହି ଗଲେ।

![](https://cdn.door43.org/obs/jpg/360px/obs-en-20-04.jpg)

ଆର୍ ଏସିରିଅର୍ ଲୋକ ମାନେ ଦେଶ୍‌ନ ରହେବାର ଲାଗି ଅଲ୍‌ଗା ଦେଶ୍‌ର ଲୋକ୍‌ ମାନ୍‌କୁ ନେଇ କରି ଆସ୍‌ଲେ। ସେ ବିଦେଶୀ ମାନେ ସହର୍‌କେ ବନାଲେ। ସେଠାନେ ସେମାନେ ଇଶ୍ରାଏଲ୍ ଲୋକ୍ ମାନ୍‌କର୍ ସାଙ୍ଗେ ବିହା ହେବାକେ ଲାଗ୍‌ଲେ। ସେମାନ୍‌କୁ “ସମରଣୀୟ“ ବଲି କୁହା ଯାଉଥିଲେ।

![](https://cdn.door43.org/obs/jpg/360px/obs-en-20-05.jpg)

ଯିହୁଦା ଦେଶର୍ ଲୋକ୍‌ମାନେ ଦେଖ୍‌ଲେ ଯେ, ଇଶ୍ରାଏଲୀୟ ଲୋକ୍‌ମାନେ ମାହାପୁରୁକେ ନାଇ ମାନୁ ଥାଇ ଆର୍ ତାକର୍‌ଠାନେ ବିଶ୍ୱାସ୍ ନାଇ କରୁଥାଇ, ହେତିର୍‌ ଲାଗି ସେମାନ୍‌କୁଁ ମାହାପୁରୁ ଦଣ୍ଡ ଦେଲେ। ହେଲେ ବି ସେମାନେ କିଣାନିଅ ଲୋକର୍ ଦେବା ଦେବୀ ମାନ୍‌କୁଁ ମାନି ବସ୍‌ଲେ। ମାହାପୁରୁ ସେମାନ୍‌କୁ ଚେତେଇ ଦେବାର୍‌ ଲାଗି ଭବିଷ୍ୟଦ୍‌ବକ୍ତା ମାନ୍‌କୁଁ ପଠାଲେ। ହେଲେ ସେମାନେ ତାକର୍ କଥା ନାଇ ମାନ୍‌ଲେ।

![](https://cdn.door43.org/obs/jpg/360px/obs-en-20-06.jpg)

ଏସିରିଅ ମାନକର୍ ଇଶ୍ରାଏଲ ରାଏଜ୍ ଧ୍ୱଂସ୍ କରିବାର ୧୦୦ ବରଷ୍ ପରେ, ମାହାପୁରୁ ବାବିଲୋନ୍‌ର ରଜା ନବୁଖଦ୍‌ନିଶର୍ କେ ଯିହୁଦା ଦେଶ୍‌କେ ଆକ୍ରମଣ୍ କର୍‌ବାର୍‌ ଲାଗି ପଠାଲେ। ବାବିଲନ୍ ଗୁଟେ ଶକ୍ତିଶାଲି ଦେଶ୍ ଥିଲା। ଯିହୁଦାର୍ ରଜା ନବୁଖତନିସର୍‌ର ଚାକର୍ ହେବାର୍ ଲାଗି ରାଜିହେଲା। ଆର୍ ସବୁ ବରଶ୍ ତାହାକେ ଟଙ୍ଗା ପଏସା ବି ଦେଉ ଥିଲା।

![](https://cdn.door43.org/obs/jpg/360px/obs-en-20-07.jpg)

ହେଲେ କିଛି ବରଷ୍ ପରେ, ଯିହୁଦାର୍ ରଜା ବାବିଲୋନ୍ ବିରୁଧ୍‌ରେ ଗୁଲ୍‌ମାଲ୍ କଲା। ତେହେରୁଁ ବାବିଲିନିୟ ମାନେ ଫିରି ଆସ୍‌ଲେ ଆର୍ ଯିହୁଦା ଦେଶ୍‌କେ ଘେରାଲେ। ସେମାନେ ଯିରୁଶାଲମ୍ ନଗର୍‌କେ କବ୍‌ଜା କଲେ। ମନ୍ଦିର୍‌କେ ଭାଙ୍ଗି ଦେଲେ, ଆର୍ ସେ ନଗର୍‌ ଆର୍ ମନ୍ଦିର୍‌ନୁ ଖଜାନାକେ ନେଇ ଗଲେ।

![](https://cdn.door43.org/obs/jpg/360px/obs-en-20-08.jpg)

ଯିହୁଦୀ ରାଏଜ୍‌ର ବିଦ୍ରୋହ ଲାଗି ଦଣ୍ଡ୍ ଦେବାର୍‌କେ ନବୁଖଦନିଶର୍‌ର ସେନା ମାନେ ରଜାର୍ ପୁଓ କେ ତାର୍ ଆଘେ ମାରିଦେଲେ ଆର୍ ଫିକି ଦେଲେ। ଆର୍‌ ରଜାକେ ବାବିଲୋନ୍‌ ନେଇଗଲେ ଯେନ୍‌ତା ସେ ଜେଲ୍‌ନ ହିଁ ମରିଯିବା।

![](https://cdn.door43.org/obs/jpg/360px/obs-en-20-09.jpg)

ଯିହୁଦା ଦେଶର୍‌ ବଡ୍‌ ଭାଗି ଲୋକ୍‌ ମାନ୍‌କେ ନବୁଖଦନିସର୍‌ ଆର୍ ତାର୍ ସେନା ମାନେ ବାବିଲୋନ୍‌କେ ନେଇ ଗଲେ, ଖାଲି ଗଛ୍ ଖୁଟ୍ ଜଗାବାର୍ ଲାଗି ବନେ ଗରିବ୍ ଲୋକ୍ ମାନ୍‌କୁଁ ଛାଡିଦେଲେ। ଇ ସମିଆଥି ମାହାପୁରୁ ଲୋକ୍‌ମାନ୍‌କୁଁ ପ୍ରତିଜ୍ଞା ଦେଶ୍‌କେ ଛାଡ୍‌ବାର୍‌ ଲାଗି ବାଧ୍ୟ କରାଯାଉ ଥିଲା ଆର୍ ଇଟାକେ ନିବାର୍‌ସନ୍‌ ବଲି କୁହାଗଲା।

![](https://cdn.door43.org/obs/jpg/360px/obs-en-20-10.jpg)

ହେଲେ ବି ମାହାପୁରୁ ତାକର୍ ଲୋକ୍‌ର୍ ନିଜର୍ ପାପ୍ ଲାଗି ନିବାର୍‌ସନ୍ କରି ଦଣ୍ଡିତ୍ କରିଥିଲେ, ତାର୍ ପରେ ବି ସେ ସେମାନ୍‌କୁ କି ତାକର୍‌ କଥାକେ ନେଇ ଭୂଲି ଥାଇ। ହେଲେ ମାହାପୁରୁର୍‌ ତାକର୍ ଲୋକ୍ ମାନ୍‌କର୍ ଉପ୍‌ରେ ନଜର୍ ଥିଲା। ତାକର୍ ଭବିଷ୍ୟଦ୍‌ବକ୍ତା ମାନ୍‌କର୍‌ ମାଧ୍ୟମ୍‌ରେ ସେମାନ୍‌କର୍ ସାଙ୍ଗେ କଥା ହଉଥିଲେ। ସେ ସେମାନ୍‌କୁଁ କଥା ଦେଇଥିଲେ ଯେ, ସତୁର୍ ବରଷ୍ ପରେ ସେମାନେ ଆର୍‌ଥରେ ପ୍ରତିଜ୍ଞା କରିଥିବାର୍ ଦେଶ୍‌କେ ଫିରି ଆସ୍‌ବେ।

![](https://cdn.door43.org/obs/jpg/360px/obs-en-20-11.jpg)

ଆର୍‌ ସତୁର୍ ବରଷ୍‌ ପରେ ପାରସ୍ୟର ରଜା କୋରସ୍ ବାବିଲ୍‌ନିୟକେ ହରେଇ ଦେଲେ। ସେଥିର୍ ଲାଗି, ବାବିଲୋନ୍‌ର ବଦ୍‌ଲା, ପାରସ୍ୟ ସମ୍‌ରାଟ୍ ମାନେ ଅନେକ୍ ରାଇଜ୍‌ର ଉପ୍‌ରେ ଶାସନ୍ କରୁଥିଲେ। ଆର୍ ଇସ୍ରାଏଲ୍‌ର ଲୋକ୍ ମାନ୍‌କେ ଇହାଦେ ‘ଯିହୁଦୀ’ ବଲି କହୁଥିଲେ। ସେମାନ୍‌କର୍ ଠାନୁ ଅଧିକ୍ ଲୋକ୍ ବାବିଲିଅନ୍‌ରେ ସେମାନେ ସାରା ଜୀବନ୍ କଟାଲେ। ଆର୍ କେତେ ବୁଢାବୁଢି ଯିହୁଦୀ ମାନେବି ଯିହୁଦା ଦେଶ୍ କେ ସୋର୍ ପକାଇଲେ।

![](https://cdn.door43.org/obs/jpg/360px/obs-en-20-12.jpg)

ପାରସ୍ୟ ମାନ୍‌କର୍‌ ବହୁତ୍ ବଲ୍‌ ଥିଲା, ହେଲେ ସେମାନେ ଯେନ୍‌ମାନ୍‌କର୍‌ଠାନୁ ଜିତି ଥିଲେ, ସେମାନ୍‌କୁ ବି ଦୟା କରୁଥିଲେ। ପାରସ୍ୟ ର ରଜା କୋରସ୍ ରଜା ହେବାର୍ କିଛି ସମିୟାଁ ନ, ସେ ଗୁଟେ ଆଦେଶ୍ ଦେଲା ଯେ ଯେନ୍ ଯିହୁଦୀ ପର୍ସିଆ ଛାଡିକରି ଯିହୁଦାକେ ଫିରି ଯିବାର୍‌କେ ଚାହୁଁଛେ ଯାଇପାର୍‌ବା।ଇନ୍ତାକି ସେ ସେମାନ୍‌କୁ ମନ୍ଦିର ଆର୍‌ଥରେ ବନାବାର୍ ଲାଗି ପଏସା ଦେଇ ଥିଲେ! ଇଥିର୍ ଲାଗି, ସତୁର୍ ବରଷ୍ ନିବାର୍‌ସନ୍ ପରେ, ଯିହୁଦୀ ମାନ୍‌କର୍ ଗୁଟେ ଛୋଟ୍ ଦଲ୍ ଯିହୁଦାର୍ ଯିରୁସାଲମ୍ ଦେଶ୍ କେ ଫିରି ଆସ୍‌ଲେ।

![](https://cdn.door43.org/obs/jpg/360px/obs-en-20-13.jpg)

ଯେତ୍‌କିବେଲ୍‌କେ ଲୋକ୍‌ମାନେ ଯିରୁଶାଲମ୍‌କେ ପୁହୁଚୁଁଲେ, ସେମାନେ ସହର୍‌ର ଚାରିଆଡ଼େ ଥିବାର୍‌ ମନ୍ଦିର୍‌କେ ଆର୍ କାଥିକେ ଆର୍ ଥରେ ବନାଲେ। ତାର୍‌ପରେ ବି ପାରସୀ ମାନେ ସେମାନ୍‌କର୍ ଉପ୍‌ରେ ଶାସନ୍ କରୁଥିଲେ, ଆର୍ ଥରେ ଯିହୁଦୀ ମାନେ ପ୍ରତିଜ୍ଞା କରିଥିବାର୍ ଭୁଇଁନେ ରହୁଥିଲେ ଆର୍ ମନ୍ଦିର୍‌ନ ପୂଜା କରୁ ଥିଲେ।

*ବାଇବଲ୍‌ର କଥାନୀ: ୨ରାଜାବଲୀ ୧୭; ୨୪-୨୫; ୨ ବଂଶାବଲୀ ୩୬; ଏଜ୍ରା ୧-୧୦;ନିହିମିୟା ୧-୧୩*

Audio: https://git.door43.org/OBS-TLF/spv_obs/releases/download/v1/spv_obs_v1_20_128kbps.m4a

## 21. ୨୧.ମାହାପୁରୁ ମସିହା ବାବ୍‌ଦେଁ ପ୍ରତିଜ୍ଞା କଲେ

https://openbiblestories.org/l/spv/story-21/

![](https://cdn.door43.org/obs/jpg/360px/obs-en-21-01.jpg)

ମାହାପୁରୁ ସଂସାର୍‌କେ ଯେନ୍ତା ବନାଲେ, ସେ ଯାନିଥିଲେ ଯେ, କେତେ ସମିଆଁ ପରେ ମସିହାକେ ଦିନେ ସଂସାର୍ କେ ପଠାବାର୍‌କେ ପଡ୍‌ବା। ସେ ଆଦମ୍ ଆର୍ ହବାକେ ବି ପ୍ରତିଜ୍ଞା କରିଥିଲେ ଯେ, ସେ ଇଟା କର୍‌ବେ। ସେ କହେଲେ ଯେ, ହବାର୍‌ ଗୁଟେ ବଂଶ ଜନମ୍ ହେବେ, ଯିଏକି ସାପ୍‌ ର ମୁଡ୍‌ କେ ବିଦ୍ରାବା। ଅବଶ୍ୟ, ହବାକେ ଭୂଲାବାର୍ ଲାଗି ସଏତାନ୍ ସାପ୍ ହେଇ କରି ଆଏଲା। ମାହାପୁରୁ କହେବାର୍‌ ହିସାବେ ସେ ପୁରାପୁରି ସଏତାନ୍‌କେ ହରାବା।

![](https://cdn.door43.org/obs/jpg/360px/obs-en-21-02.jpg)

ମାହାପୁରୁ ଅବ୍ରାମ୍ ସାଙ୍ଗେ ଚୁକ୍ତି କରିଥିଲେଯେ, ତାକର୍ ଦ୍ୱାରା ଇ ଜଗତ୍‌ର ସବୁଜାତିର୍ ଲୋକ୍‌ ଆଶ୍ରିବାଦ୍ ପାଏବେ। କିଛି ଦିନ୍‌ ପରେ ମାହାପୁରୁ ମସିହାକେ ପଠେଇକରି ଇ ସପତ୍‌କେ ପୁରା କର୍‌ବେ। ସେ ମସିହା ସବୁ ଜାତିର୍‌ ଲୋକ୍‌ମାନ୍‌କର୍‌ ପାପ୍‌ନୁ ସେମାନ୍‌କୁ ଉଦ୍ଧାର୍‌ କର୍‌ବେ।

![](https://cdn.door43.org/obs/jpg/360px/obs-en-21-03.jpg)

ମାହାପୁରୁ ମୋଶାକେ କଥାଦେଇଥିଲେ ଯେ, ଭବିଷ୍ୟତ୍‌ରେ ମୋଶା ଭଲିଆ ଗୁଟେ ଭବିଷ୍ୟତ୍ ବକ୍ତା ପଠାବେ। ଆର୍‌ ଇ ଭବିଷ୍ୟତ୍‌ବକ୍ତା ଟା ମସିହା। ଇନ୍‌ତାକିସ୍‌ମେ ମାହାପୁରୁ ଆର୍ ଥରେ ପତିଜ୍ଞା କଲେ ଯେ, ସେ ମସିହା କେ ପଠାବେ।

![](https://cdn.door43.org/obs/jpg/360px/obs-en-21-04.jpg)

ମାହାପୁରୁ ଦାଉଦ୍‌ ସାଙ୍ଗେଁ ସପଥ୍ କରିଥିଲେ ଯେ, ତାକର୍‌ ବଂଶ୍‌ନୁ ମସିହା ହେବେ। ସେ ରଜା ହେବେ ଆର୍ ମାହାପୁରୁର୍‌ ଲୋକ୍‌ ମାନ୍‌କର୍ ଶାସନ୍ କର୍‌ବେ।

![](https://cdn.door43.org/obs/jpg/360px/obs-en-21-05.jpg)

ମାହାପୁରୁ ଯିରିମିୟ ଭବିଷ୍ୟଦ୍‌ବକ୍ତାକେ କହେଲେ ଯେ, ସେ ଦିନେ ନୁଆ ଚୁକ୍ତି କର୍‌ବେ। ଇ ନୁଆ ଚୁକ୍ତି ମାହାପୁରୁ ଆଗେ ଯେନ୍ ସିନାଇ ପାହାଡେ ଇଶ୍ରାଏଲ୍ ଲୋକ୍‌ ମାନ୍‌କର୍‌ ସାଙ୍ଗେ କରିଥିବାର୍‌ ପୁରୁଣା ଚୁକ୍ତି ଭଲିଆ ନାଇଁ ହୁଏ। ଯେତ୍‌କି ବେଲେ ସେ ନୁଆ ଚୁକ୍ତି ଲୋକ୍‌ମାନ୍‌କର୍‌ ସାଙ୍ଗେ କର୍‌ବେ, ମାହାପୁରୁ ନିଜ୍‌କେ ନିଜେ ପ୍ରକାଶିତ୍‌ ହେବେ। ସବେ ମାହାପୁରୁକେ ପ୍ରେମ୍‌ କର୍‌ବେ ଆର୍ ତାକର୍‌ ନିୟମ୍‌କେ ମାନ୍‌ବାର୍‌ ଲାଗି ଚାହେଁବେ। ମାହାପୁରୁ କହେଲେ ଯେ ସେ ତାକର୍ ବିଧି ସେମାନ୍‌କର୍ ହୃଦୟ ଭିତେରେଁ ଲେଖ୍‌ଲା ଭଲିଆ ହେବା। ସେମାନେ ମାହାପୁରୁର୍ ଲୋକ୍‌ ହେବେ ଆର୍ ମାହାପୁରୁ ସେମାନ୍‌କର୍ ପାପ୍‌କେ କ୍ଷମା କର୍‌ବେ। ସେ ‘ମସିହା’, ଯିଏକି ସେମାନ୍‌କର୍ ସାଙ୍ଗେ ନୁଆଁ ଚୁକ୍ତି କର୍‌ବେ।

![](https://cdn.door43.org/obs/jpg/360px/obs-en-21-06.jpg)

ମାହାପୁରୁର୍‌ର ଭବିଷ୍ୟଦ୍‌ବକ୍ତାମାନେ ଇଟା ବି କହେଲେ ଯେ, ମସିହା ଗୁଟେ ଭବିଷ୍ୟଦ୍‌ଦ୍‌ବକ୍ତା , ଗୁଟେ ଯାଜକ ଆର୍‌ ଗୁଟେ ରଜା ହେବେ। ଗୁଟେ ଭବିଷ୍ୟତ୍‌ବକ୍ତା ସେ ଆଏ, ଯିଏ କି ମାହାପୁରୁର୍‌ ସବୁକଥା ଶୁନ୍‌ସି ଆର୍ ଲୋକ୍ ମାନ୍‌କୁ କହେସି। ମାହାପୁରୁ ଯେନ୍ତା ମସିହାକେ ପଠାବାର୍ ଲାଗି କଥାଦେଇଥିଲେ ସେନ୍ତା ଗୁଟେ ସିଦ୍ଧ ଭବିଷ୍ୟତ୍‌ବକ୍ତା ହେବେ। ତାର୍‌ମାନେ ସେ ମସିହା ମାହାପୁରୁର୍‌ କଥାକେ ଭଲ୍ ଭାବେ ସୁନ୍‌ବେ ଆର୍ ତାହାକେ ଭଲ୍ ଭାବେ ବୁଝ୍‌ବେ ଆର୍ ଲୋକ୍‌ ମାନ୍‌କୁ ଭଲ୍‌ କରି ଶିଖାବେ।

![](https://cdn.door43.org/obs/jpg/360px/obs-en-21-07.jpg)

ଲୋକ୍ ମାନ୍‌କର୍‌ ଲାଗି ଇଶ୍ରାଏଲିୟ ଯାଜକ୍ ମାନେ ବଳି ଦେଉଥିଲେ। ଇ ବଳିଦାନ୍ ଲୋକମାନ୍‌କର୍‌ ପାପର୍ ଲାଗି ମାହାପୁରୁର୍ ଦ୍ୱାରା ଦଣ୍ଡ ଦିଆ ଯାଉଥିବାର୍ ଜାଗାଥି ହେଉଥିଲା। ଯାଜକ୍ ମାନେ ଲୋକ୍‌ମାନ୍‌କର୍‌ ଲାଗି ପ୍ରାର୍‌ଥନା କରୁଥିଲେ। ହେଲେ ମସିହା ଗୁଟେ ସିଦ୍ଧ ଆରୁ ବଡ୍‌ ଯାଜକ୍ ହେବେ ଯେଏ କି ମାହାପୁରୁର୍‌ ଲାଗି ଉତ୍ତମ୍, ପବିତ୍ର, ସୁଗ୍ରାହ୍ୟ ଆର୍ ସିଦ୍ଧ୍ ବଳି ଭଲିଆ ସେ ନିଜ୍‌କେ ବଳି ଚଢାବେ, ଆର୍ ପାପର୍ କ୍ଷମା ଲାଗି କେନ୍‌ସି ଅଲ୍‌ଗା ବଳି ଦର୍‌କାର ନେଇଁ ପଡ଼େ।

![](https://cdn.door43.org/obs/jpg/360px/obs-en-21-08.jpg)

ରଜା ଆର୍‌ ମୁଖିଆ ମାନେ ଲୋକ୍ ଦଲ୍‌ ଉପରେ ଶାସନ୍ କର୍‌ସନ୍ , ଆର୍ କେତେକେତେ ବେଲେ ସେମାନେ ଭୁଲ୍ କରିଦେସନ୍। ରଜା ଦାଉଦ୍ ଖାଲି ଇସ୍ରାଏଲ୍ ମାନକର୍ ଉପରେ ଶାସନ୍ କଲେ। ହେଲେ ଦାଉଦର୍‌ ବଂଶର୍‌ ଖ୍ରୀଷ୍ଟ ସାରା ସଂସାର୍‌କେ ଶାସନ୍‌ କର୍‌ବେ, ଆର୍‌ ସେ ସବୁଦିନର୍‌ ଲାଗି ଶାସନ୍‌ କର୍‌ବେ।ଆର୍ ସେ ସବୁବେଲେ ନିଏ ଭାବେ ଶାସନ୍ କର୍‌ବେ ଆର୍‌ ଠିକ୍ ବୁଝାମନା କରବେ।

![](https://cdn.door43.org/obs/jpg/360px/obs-en-21-09.jpg)

ମାହାପୁରୁର୍‌ ଭବିଷ୍ୟଦ୍‌ବକ୍ତା ମାନେ ଖ୍ରୀଷ୍ଟ ବାବଦ୍‌ରେ ଅନେକ୍ କଥାକହିଥିଲେ। ଉଦାହରନ୍ ଯେନ୍‌ତାକି ମଲାଖି କହିଥିଲେ ଯେ, ଖ୍ରୀଷ୍ଟ ଆସ୍‌ବାର୍ ଆଗନୁ ଆର୍ ଜନେ ଭବିଷ୍ୟଦ୍‌ବକ୍ତା ଆସ୍‌ବେ ସେ ଭବିଷ୍ୟଦ୍‌ବକ୍ତା ଅଧିକ୍ ଗୁରୁତ୍ୱପୂର୍ଣ ହେବେ, ଆର୍ ବି ଭବିଷ୍ୟଦବକ୍ତା, ଯିଶାଇୟ ଭବିଷ୍ୟଦବକ୍ତା ଲେଖିଛନ୍ ଯେ, ଖ୍ରୀଷ୍ଟ ଗୁଟେ କୁଆଁରି ଟୁକେଲର୍‌ନୁ ଜନମ୍ ହେବେ। ଭବିଷ୍ୟଦ୍‌ବକ୍ତା ମିଖା କହିଥିଲେ ଯେ, ସେ ବେଥେଲିହିମ୍ ସହର୍‌ନ ଜନମ୍ ହେବେ।

![](https://cdn.door43.org/obs/jpg/360px/obs-en-21-10.jpg)

ଭବିଷ୍ୟ‌ଦ୍‌ବକ୍ତା ଯିଶାଇୟ କହିଛନ୍‌ ଯେ, ଖ୍ରୀଷ୍ଟ ଗାଲିଲୀର୍ ଏରିଆନେ ରହିବେ। ଖ୍ରୀଷ୍ଟ ଅତି ଦୁଃଖୀ ଲୋକ୍ ମାନ୍‌କୁଁ ସାନ୍ତ୍ୱନା ଦେବେ। ସେ ବନ୍ଦୀମାନ୍‌କେ ବି ମୁକ୍‌ଲାବେ। ଖ୍ରୀଷ୍ଟ ବେମାରି ଲୋକ୍‌ମାନ୍‌କେ ଆର୍ ଯେନ୍‌ମାନେ ଶୁନି ନାଇପାରନ୍‌, ଦେଖି ନାଇପାରନ୍‌, କହିନାଇ ପାର୍‌ନ୍‌, ଆର୍‌ ଚାଲି ନାଇଁ ପାରନ୍‌ ସେମାନ୍‌କେ ଭଲ୍‌ କର୍‌ବେ।

![](https://cdn.door43.org/obs/jpg/360px/obs-en-21-11.jpg)

ଭବିଷ୍ୟ‌ଦ୍‌ବକ୍ତା ଯିଶାଇୟ ଆର୍‌ବି କହିଛନ୍‌ ଯେ, ଲୋକ୍‌ ମାନେ ଖ୍ରୀଷ୍ଟକେ ଘୃଣା କର୍‌ବେ ଆର୍ ତାହାକୁଁ ଗ୍ରହନ୍ ନେଇଁ କରନ୍। ଆର୍ ଅଲ୍‌ଗା ଭବିଷ୍ୟ‌ଦ୍‌ବକ୍ତା ମାନେ କହିଥିଲେ ଯେ, ଖ୍ରୀଷ୍ଟର୍‌ ଗୁଟେ ସାଙ୍ଗ୍‌ ଖ୍ରୀଷ୍ଟର୍‌ ବିରୁଧ୍‌ରେ ଯିବେ। ଭବିଷ୍ୟ‌ଦ୍‌ବକ୍ତା ଜିଖରୀୟ କହିଛନ୍ ଯେ, ଇ ସାଙ୍ଗ୍ ଅଲ୍‌ଗା ଲୋକ ମାନ୍‌କର୍‌ଠାନୁ ଇ କାମ୍ କର୍‌ବାର ଲାଗି ୩୦ ଟା ରୂପାର୍ ଟଙ୍କା ପାଏବା। ଆର୍‌ ବି କେତେଟା ଭବିଷ୍ୟ‌ଦ୍‌ବକ୍ତା କହିଥିଲେ ଯେ, ଲୋକ୍‌ମାନେ ଖ୍ରୀଷ୍ଟ ଙ୍କୁ ମାର୍‌ବେ ଆର୍‌ ସେମାନେ ତାକର୍‌ କପଡ଼ା ଲାଗି ଜୁଆ ଖେଲ୍‌ବେ।

![](https://cdn.door43.org/obs/jpg/360px/obs-en-21-12.jpg)

ଭବିଷ୍ୟ‌ଦ୍‌ବକ୍ତାମାନେ ବି କହିଥିଲେ ଯେ, ଖ୍ରୀଷ୍ଟ କେନ୍‌ତା କିସ୍‌ମେ ମର୍‌ବେ। ଯିଶାଇୟ ଭାବବାଣୀ କରିଥିଲେ ଯେ, ଯଦି ବି ସେ କିଛି ଖରାପ୍ କାମ ନାଇଁ କରିଥାଇଁ ଲୋକ୍‌ମାନେ ଖ୍ରୀଷ୍ଟର୍‌ ଉପରେ ଥୁକ୍‌ବେ, ମଜାକ୍ ଉଡାବେ ଆର୍ ପିଟ୍‌ବେ। ଆର୍ ସେମାନେ ତାହାକେ ବର୍‌ଛା ନ ମାର୍‌ବେ, ଆର୍‌ ସେ ବହୁତ କଲ୍‌ବଲ୍ ହେଇ କରି ମର୍‌ବେ।

![](https://cdn.door43.org/obs/jpg/360px/obs-en-21-13.jpg)

ଭବିଷ୍ୟ‌ଦ୍‌ବକ୍ତା ମାନେ ଇଟାବି କହିଛନ୍ ଯେ, ଖ୍ରୀଷ୍ଟ କିଛି ପାପ୍ ନେଇଁ କରନ୍। ସେ ଜନେ ସିଦ୍ଧ ହେବେ। ଆର୍‌ ସେ ମର୍‌ବେ କାଏଁକରି କି ଅଲ୍‌ଗା ଲୋକର୍ ପାପ୍‌ ଲାଗି ସେ ନିଜେ ସଜା ପାଏବେ। ଯେତ୍‌କିବେଲେ ସେ ମର୍‌ବେ, ଲୋକ୍ ମାନେ ମାହାପୁରୁ ସାଙ୍ଗେ ଶାନ୍ତି ସ୍ଥାପନା କରି ପାର୍‌ବେ। ଆର୍ ଇ କାରନ୍ ନୁ , ମାହାପୁରୁର୍‌ ଯୋଜ୍‌ନାର୍ ହିସାବେ ଖ୍ରୀଷ୍ଟକେ ମରବାର୍‌କେ ପଡ୍‌ଲା।

![](https://cdn.door43.org/obs/jpg/360px/obs-en-21-14.jpg)

ଭବିଷ୍ୟ‌ଦ୍‌ବକ୍ତା ମାନେ ଇଟାବି କହିଛନ୍‌ ଯେ, ମାହାପୁରୁ ଖ୍ରୀଷ୍ଟକେ ମର୍‌ବାର୍‌ଠାନୁ ଜୀବିତ୍ କରି ଉଠାବେ। ଇନୁ ଜନାପଡ଼ସି ଯେ, ନୁଆଁ ଚୁକ୍ତି କର୍‌ବାର୍‌ ଲାଗି ଯୀଶୁର୍‌ ମରନ୍ ଆର୍ ଜିଁ କରି ଉଠ୍‌ବାର୍‌ଟା ଯୋଜନା ଥିଲା, ଇଥିର୍‌ଲାଗି ସେ ତାକର୍ ବିରୋଧ୍ ନ ପାପ୍ କରିଥିବାର୍‌ ଲୋକ୍‌ ମାନ୍‌କୁ ଉଦ୍ଧାର କରିପାର୍‌ବେ।

![](https://cdn.door43.org/obs/jpg/360px/obs-en-21-15.jpg)

ମାହାପୁରୁ ଭବିଷ୍ୟ‌ଦ୍‌ବକ୍ତା ମାନେ ଖ୍ରୀଷ୍ଟଙ୍କର୍‌ ବାବଦ୍‌ରେ ବହୁତ୍‌ କଥା କହିଥିଲେ, ହେଲେ ସେ ଭବିଷ୍ୟ‌ଦ୍‌ବକ୍ତା ମାନ୍‌ଙ୍କର୍‌ ସମିୟାଁନ ଖ୍ରୀଷ୍ଟ ନେଇଁ ଆସି। ଇ ଭାବବାଣୀ ମାନେ ଦିଆଯିବାର୍ ୪00 ବରଷ୍ ନୁ ଅତ୍‌କା ସମିଆଁ, ଠିକ୍ ସମିୟାଁନ ମାହାପୁରୁ ଖ୍ରୀଷ୍ଟକେ ଜଗତ୍‌କେ ପଠାଲେ।

*ବାଇବଲ୍‌ର କଥାନୀ: ଆଦି ପୁସ୍ତକ ୩;୧୨; ଗଣନା ପୁସ୍ତକ ୧୮:୧୫; ୨ ସାମୁୟେଲ ୭; ଗିତସଂହୀତା ୧୬; ୨୨; ୩୫; ୬୯; ୪୧; ଯିଶାଇୟ ୭:୧୪; ୯:୧-୭; ୬୧; ୫୩; ୫୦:୬; ୫୯:୧୬; ଜିରିମିୟ ୩୧;ଦାନିୟେଲ ୭; ମିଖା ୫:୨;ଯିଖିରିୟ ୧୧:୧୨-୧୩; ମଲାଖି ୪:୫*

Audio: https://git.door43.org/OBS-TLF/spv_obs/releases/download/v1/spv_obs_v1_21_128kbps.m4a

## 22. ୨୨. ଯୋହନଙ୍କର୍‌ ଜନ୍‌ମ୍ କଥାନୀ

https://openbiblestories.org/l/spv/story-22/

![](https://cdn.door43.org/obs/jpg/360px/obs-en-22-01.jpg)

ଆଘେ, ମାହାପୁରୁ ତାକର୍‌ ଭବିଷ୍ୟଦ୍‌ବକ୍ତା ମାନ୍‌କର୍‌ ସାଙ୍ଗେ କଥା ହଉଥିଲେ ଇଥିର୍‌ଲାଗି କି ସେମାନେ ତାକର୍ ଲୋକମାନ୍‌କୁଁ ମାହାପୁରୁର୍ କଥାକେ କହିପାର୍‌ବେ। ତେହେରୁଁ ଚାର୍‌ଷ ବରଷ୍‌ ତକ୍ ମୁନୁଷ୍ ଲୋକ୍‌ ସାଙ୍ଗେ କଥା ନାଇଁ ହେଲେ। ତାର୍‌ପରେ ମାହାପୁରୁ ଗୁଟେ ଦୂତକେ ଜିଖରୀୟ ବଲିକରି ଗୁଟେ ଯାଜକ୍ ନିକେ ପଠାଲେ। ଜିଖରୀୟ ଆର୍ ତାର୍ ମାଇକୀନା ଏଲିଜାବେଥ୍‌ ମାହାପୁରୁକେ ଭୟଭକ୍ତି କରୁଥିଲେ। ସେମାନେ ପୁରା ବୁଢାବୁଢି ହେଇଯାଇ ଥିଲେ ନ, ଆର୍ ତାକର୍ ମାଇକିନା ଛୁଆପୁତା ଜନମ୍ ନାଇଁ କରିଥାଇଁ ତାଏଲ୍।

![](https://cdn.door43.org/obs/jpg/360px/obs-en-22-02.jpg)

ସରଗ୍‌ ଦୂତ ଜିଖରୀୟକେ କହେଲେ, "ତୁମର୍ ମାଇକିନାକେ ଗୁଟେ ପୁଓ ହେବା। ଆର୍‌ ତୁମେ ତାର୍ ନାଁ ଯୋହନ ଦେବ। ମାହାପୁରୁ ତାହାକେ ପବିତ୍ର ଆତ୍ମାନ ଭରି ଦେବେ, ଆର୍ ଯୋହନ୍ ଲୋକ୍‌ମାନ୍‌କୁଁ ଖ୍ରୀଷ୍ଟଙ୍କୁ ଗ୍ରହଣ କର୍‌ବାର୍ ଲାଗି ତିଆର୍ କର୍‌ବେ। ଜିଖରୀୟ କହେଲେ, " ମୋର ମାଇକିଣା ଆର୍ ମୁଇଁ ବନେ ବୁଢାବୁଢି ହେଇ ଗଲୁନ। ଇହାଦେ ମୁଇଁ କେନ୍‌ତା କରି ଜାନିପାର୍‌ମି ଯେ, ତୁମେ ମତେ ସତ୍ କହୁଛ?

![](https://cdn.door43.org/obs/jpg/360px/obs-en-22-03.jpg)

ସରଗ୍‌ର ଦୂତ ଜିଖରୀୟକେ ଉତର୍‌ଦେଲେ , " ଇ ଶୁଭ୍ ସମାଁଚାର୍ ତମ୍‌କେ କହେବାର୍ ଲାଗି ମାହାପୁରୁ ମତେ ପଠେଇ ଛନ୍। କାଁକରି କି ତମେ ମତେ ବିଶ୍ୱାସ୍ ନାଇଁ କଲ , ପିଲାଟେ ଜନମ୍‌ ନେଇ ହେବାର୍ ତକ୍ ତମେ କଥା କହି ନାଇପାର। " ସାଙ୍ଗେ ସାଙ୍ଗ୍‌, ଜିଖରୀୟ କଥା କହି ନାଇଁ ପାର୍‌ଲେ।ତେହେଁରୁ ଦୂତ ଜିଖରୀୟକେ ଛାଡିକରି ପଲାଲେ। ଇତାର ପରେ, ଜିଖରୀୟ ଘର୍‌କେ ଆଏଲେ ଆର୍ ତାକର୍ ମାଇକିନା ଗର୍ଭବତୀ ହେଲେ।

![](https://cdn.door43.org/obs/jpg/360px/obs-en-22-04.jpg)

ଯେତ୍‌କିବେଲେ ଏଲିଜାବେଥ୍ ଛଅ ମାସର୍ ଗର୍ଭବତୀ ହେଲା, ସେ ସରଗ୍‌ର ଦୂତ ସାଙ୍ଗେସାଙ୍ଗ୍ ଏଲିଜାବେଥ୍‌ର ଘରୁଆ ଲୋକର୍ ପାସ୍‌କେ ଆଇକରି ଦେଖାଗଲେ, ଯାହାର୍‌ ନାଁ ମରିୟମ୍‌ ଥିଲା। ସେ ଗୁଟେ କୁଆଁରି ଥିଲେ ଆର୍‌ ଯୋଷେଫ୍ ବଲି କରି ଗୁଟେ ଲୋକ୍‌କେ ବିହା ହେବାର୍ ଲାଗି ତାକର୍ ବନ୍‌ବସ୍‌ ହେଇଥିଲା। ଦୂତ କହିଲେ ଯେ, "ତମେ ଗର୍ଭବତୀ ହେବ ଆର୍‌ ଗୁଟେ ପୁଓ କେ ଜନମ୍ ଦେବ।ଆର୍‌ ତମେ` ତାର୍ ନାଁ ଯୀଶୁ ଦେବ। ସେ ସମ୍‌କିରନ୍‌ନୁ ମହାନ୍ ମାହାପୁରୁର୍ ପୁଓ ହେବେ ଆର୍ ସବୁଦିନର୍ ଲାଗି ଶାସନ୍ କରିବେ। "

![](https://cdn.door43.org/obs/jpg/360px/obs-en-22-05.jpg)

ଆର୍ ମରିୟମ୍ କହେଲେ, “ ଇଟା କେନ୍‌ତା କରି ହେବା, କାରନ୍‌ ମୁଇଁ ତ ଗୁଟେ କୁଆଁରି ଟୁକେଲ୍‌? ସରଗର୍ ଦୂତ କହେଲେ , “ପବିତ୍ର ଆତ୍ମା ତମର୍‌ନିକେ ଆସ୍‌ବେ ଆର୍ ମାହାପୁରୁର୍‌ର ଶକ୍ତି ତମର୍ ପାସ୍‌କେ ଆସ୍‌ବା। ଆର୍ ଇଥିର୍‌ଲାଗି ସେ ଶିଶୁ ପବିତ୍ର ହେବା ଆର୍‌ ସେ ମାହାପୁରୁର୍ ପୁଓ ହେବା। ସରଗ୍‌ର ଦୂତ ଯେନ୍‌ତା କହେଲେ, ମରିୟମ୍ ସେଟା ବିଶ୍ୱାସ୍ କଲେ।

![](https://cdn.door43.org/obs/jpg/360px/obs-en-22-06.jpg)

ଇ ଘଟ୍‌ନା ପରେ, ମରିୟମ୍‌ ଯାଇକରି ଏଲିଜାବେଥ୍‌କେ ଭେଟ୍‌ଲେ। ଯେନ୍ତା ମରିୟମ୍‌ ତାହାକେ ଅଭିବାଦନ୍ ଜଣାଲେ, ଏଲିଜାବେଥ୍‌ର ପେଟେ ଥିବାର୍ ଛୁଆ ଡେଇଁ ପଡ୍‌ଲା।ମାହାପୁରୁ ସେମାନ୍‌ଙ୍କର୍ ଲାଗି ଯାଣା କରି ଥିଲେ ସେଥିର୍ ଲାଗି ମାଇକିନା ମାନେ ଖୁସି ମନାଲେ। ମରିୟ ମ୍ ତିନ ମାଁସ୍ ତକ୍ ଏଲିଜାବେଥ୍ କେ ଦେଖ୍‌ଲା ପରେ, ମରିୟମ୍ ଘର୍‌କେ ଫିରି ଆସ୍‌ଲେ।

![](https://cdn.door43.org/obs/jpg/360px/obs-en-22-07.jpg)

ଇତାର୍ ପରେ, ଏଲିଜାବେଥ୍ ଛୁଆକେ ଜନମ୍ ଦେଲେ। ଯେନ୍‌ତା ହିସାବେ ଦୂତ କହିଥିଲେ ଯିଖରିୟ ଆର୍‌ ଏଲିଜାବେଥ୍ ଶିଶୁର ନାଁ ଯୋହନ୍ ଦେଲେ। ତେହେରୁଁ ମାହାପୁରୁ ଯିଖରିୟକେ ଫେର୍‌ଘାଏ କହେବାର୍ ଲାଗି ତାର୍ ମୁହୁଁକେ ଖୁଲି ଦେଲେ। ଜିଖରୀୟ କହେଲେ, "ମାହାପୁରୁ ନାଁ କେ ଧନ୍ୟବାଦ୍‌ କର କାଁକରି କି, ସେ ତାକର୍ ଲୋକ୍ ମାନ୍‌କୁଁ ସାହାଯ୍ୟ କର୍‌ବାର୍ ଲାଗି ମନେ ରଖିଛନ୍! ଇ ମୋର୍‌ ପୁଓ, ସବୁଠାନୁ ମାହାପୁରୁର୍ ବଡ୍‌ ଭବିଷ୍ୟଦ୍‌ବକ୍ତା ହେବା। ଲୋକ୍ ମାନ୍‌କୁଁ କହେବା ଯେ, ଲୋକ୍‌ମାନେ ଯେନ୍‌ତା ସେମାନ୍‌କର୍ ପାପ୍‌ନୁ କ୍ଷମା ପାଏବେ।"

*ବାଇବଲ୍‌ର କଥାନୀ: ଲୁକ ୧*

Audio: https://git.door43.org/OBS-TLF/spv_obs/releases/download/v1/spv_obs_v1_22_128kbps.m4a

## 23. ୨୩. ଯୀଶୁଙ୍କର୍‌ ଜନମ୍ କଥାନୀ

https://openbiblestories.org/l/spv/story-23/

![](https://cdn.door43.org/obs/jpg/360px/obs-en-23-01.jpg)

ଯୋଷେଫ୍‌ ବଲିକରି ଗୁଟେ ଧାର୍ମିକ୍‌ ଲୋକର୍ ସାଙ୍ଗେ ମରିୟମ୍‌ର ବନ୍‌ବସ୍‌ ହେଇଥିଲା। ଯେତ୍‌କିବେଲେ ସେ ଶୁନ୍‌ଲେ ଯେ, ମରିଅମ୍ ଦିହେଁ ବୁହିଛନ୍, ସେତ୍‌କିବେଲେ ସେ ଜାନ୍‌ଲେ ଯେ ଇଟା ତାକର୍‌ ଛୁଆ ନୁହେଁସେ। ତାର୍ ପରେ ବି ସେ ମରିୟମ୍ କେ ଲୋକ୍ ହଁଶା କରବାର୍‌କେ ନେଇଁ ଚାହୁଥାଇଁ, ଇଥିର୍ ଲାଗି ସେ ତାକର୍ ପ୍ରତି ଦୟା କଲେ ଆର୍‌ ଚୁପ୍‌ଚାପ୍ ଛାଡ୍‌ପତର୍‌ ଦେବାର୍‌ଲାଗି ମନେ ମନେ ଭାବ୍‌ଲେ। ଆର୍ ସେ ଇଟା କର୍‌ବାର୍ ଆଗୋନୁ, ଗୁଟେ ସରଗ୍‌ର ଦୂତ ସପନ୍ ଥିଁ ତାକର୍ ପାକ୍‌କେ ଆସି କରି କହେଲେ।

![](https://cdn.door43.org/obs/jpg/360px/obs-en-23-02.jpg)

ସରଗ୍ ଦୂତ କହେଲେ, “ଯୋଷେଫ୍, ମରିୟମ୍‌କେ ତୁମର୍‌ ମାଇକିନା ଭାବେ ଆନ୍‌ବାର ଲାଗି ନାଇ ଡ଼ର। ତାର୍ ଭିତ୍‌ରେ ଥିବାର୍ ଛୁଆ ପବିତ୍ର ଆତ୍ମାଠାନୁ ଅନ୍‌। ସେ ଗୁଟେ ପୁଓ ସନ୍ତାନ୍ ଜନମ୍‌ କର୍‌ବେ। ତାହାକୁ ଯୀଶୁ ବଲିକରି ନାଁ ଦେବ। (ଯାହାର୍‌ ଅର୍ଥ ହଉଛେ “ସଦାପ୍ରଭୁ ଉଧାର୍‌ କାରୀ ) କାରନ୍‌ ସେ ଲୋକ୍‌ ମାନ୍‌କୁଁ ସେମାନ୍‌କର୍ ପାପ୍‌ନୁ ଉଧାର୍‌ କର୍‌ବେ। ”

![](https://cdn.door43.org/obs/jpg/360px/obs-en-23-03.jpg)

ଆର୍‌ ଯୋଷେଫ୍ ମରିଅମ୍ କେ ବିହା ହେଲେ ଆର୍‌ ତାହାକେ ତାକର୍ ମାଇକିନା ଭାବେ ଘର୍‌କେ ଆନ୍‌ଲେ, ଆର୍‌ ସେ ଛୁଆ ଜନମ୍‌ ନାଇ କର୍‌ବାର୍‌ ତକ୍‌ ସେ ତାକର୍‌ ସାଙ୍ଗେ ନାଇଁ ରହେଲେ।

![](https://cdn.door43.org/obs/jpg/360px/obs-en-23-04.jpg)

ଯେତ୍‌କିବେଲେ ମରିୟମ୍‌ ଛୁଆ ଜନମ୍‌ କର୍‌ବାର୍ ସମିଆଁ ପାକ୍‌କେ ଆସ୍‌ଲା, ସେ ଆର୍‌ ଯୋଷେଫ୍‌ ବେଥ୍‌ଲିହିମ୍ ବଲିକରି ଗୁଟେ ଦୁରିଆ ସହର୍‌କେ ଯାତ୍ରା କଲେ। ସେମାନ୍‌କୁ ସେଠାନ୍‌କେ ଯିବାର୍‌କେ ପଡ୍‌ଲା କାଁଏଯେ କି, ରୋମ୍‌ର ଅଧିକାରୀମାନେ ଇସ୍ରାଏଲ୍ ରାଏଜର୍‌ର ସବୁ ଲୋକ୍‌ମାନ୍‌କୁ ଗନ୍‌ତି କର୍‌ବାର୍ ଲାଗି ଚାହୁଁଥିଲେ। ସେମାନେ ଚାହୁଁଥିଲେ ଯେ, ସବେ ସେମାନ୍‌କର୍ ପୂରବ୍ ପୁରୁଷ୍‌ ରହୁଥିବାର୍ ଯାଗାକେ ଯାଉନ୍‌। ରଜା ଦାଉଦ୍ ବେଥଲିହିମ୍ ନ ଜନମ୍ ହେଇଥିଲେ ଆର୍‌ ସେ ଦୁହେଁ ମରିୟମ୍ ଆର୍‌ ଯୋଷେପ୍‌ର ପୂରୁବ୍ ପୁରୁଷା ଥିଲେ।

![](https://cdn.door43.org/obs/jpg/360px/obs-en-23-05.jpg)

ମରିୟମ୍ ଆର୍‌ ଯୋଷେଫ୍‌ ବେଥଲିହିମ୍‌କେ ଗଲେ, ଆର୍‌ ସେନ ସେମାନ୍‌କର୍ ଲାଗି ପଶୁମାନ୍‌କର୍‌ ରହେବାର୍ ଜାଗା ଛାଡି କରି ଆର୍‌ କେନ୍‌ସି ଜାଗା ନେଇଁ ଥାଇଁ , ଯେନ୍‌ଠାନେକି ସେମାନେ ରହେବେ। ସେଠାନେ ମରିୟମ୍ ତାକର୍‌ ଶିଶୁକେ ଜନମ୍ ଦେଲେ। ତାକର୍‌ ଲାଗି ଜାଗା ନାଇଁ ଥାଇଁ, ସେଥିର୍ ଲାଗି ତାହାକେ ଗୁଟେ ପଶୁ ମାନେ ଖାଇବାର୍ ଡ଼ଙ୍ଗାନ ରଖ୍‌ଲେ। ସେମାନେ ତାକର୍ ନାଁ ଯୀଶୁ ଦେଲେ।

![](https://cdn.door43.org/obs/jpg/360px/obs-en-23-06.jpg)

ସେ ରାଏତ୍ ନ, ପାଖର୍ କ୍ଷେତେ କେତେଟା ମେଢି ଚରୁଆ ସେମାନ୍‌କର୍ ମେଢ଼ି ମାନ୍‌କୁ ଜୁଗି ଥିଲେ। ସାଙ୍ଗେ ସାଙ୍ଗ୍ ଗୁଟେ ଉଜାଲା ସରଗ୍ ଦୂତ ସେମାନ୍‌କୁ ଦେଖା ଦେଲେ, ଆର୍ ସେମାନେ ଦେଖିକରି ଡରିଗଲେ। ସରଗ୍‌ର ଦୂତ ସେମାନ୍‌କୁ କହେଲେ, “ ନେଇଁ ଡର, କାଏଁଯେ କି ମୁଇଁ ତମର୍ ଲାଗି ଗୁଟେ ଖୁସିର୍ ଖବର୍ ଆନିଛେଁ। ବେଥଲିହିମ ନ ଗୁରୁ, ଖ୍ରୀଷ୍ଟ ଜନମ୍ ହଇ ଛନ୍।

![](https://cdn.door43.org/obs/jpg/360px/obs-en-23-07.jpg)

“ତୁମେ ସେ ଛୁଆକେ ଖୁଜ୍‌ବାର୍ ଲାଗି ଯ, ଆର୍ ତମେ ତାହାକେ ଗୁଟେ ଡଙ୍ଗାନ କପ୍‌ଡ଼ା ଗୁଡେଇ ହଇକରି ଶୁଆ ହେଇ ଥିବାର୍ ଦେଖ୍‌ବ।” ସାଙ୍ଗେସାଙ୍ଗ୍, ଆକାଶେ ଦୂତମାନେ ଭରି ଗଲେ। ସେମାନେ ମାହାପୁରୁର୍‌ ପ୍ରଶଂସା କରୁଥିଲେ। ଆର୍ ସେମାନେ କହୁଥିଲେ, “ସବୁ ମହିମା ଆଦର୍ ସର୍‌ଗେ ମାହାପୁରୁର୍‌ ହଉ। ସେ ଅନୁଗ୍ରହ କରୁଥିବାର୍ ଲୋକ୍ ମାନକର୍‌ ଲାଗି ପୃର୍‌ଥିନ ଶାନ୍ତି ହଉ!”

![](https://cdn.door43.org/obs/jpg/360px/obs-en-23-08.jpg)

ତେହେରୁଁ ଦୂତମାନେ ପଲାଲେ, ଆର୍‌ ମେଢି ଚରୁଆ ମାନେ ବି ସେମାନ୍‌କର୍ ମେଢି ଚରାବାର୍ ଛାଡିକରି ଛୁଆକେ ଖୁଜ୍‌ବାର୍ କେ ଗଲେ। ଯୀଶୁ ଯେନ୍ ଜାଗାନ ଥିଲେ ସେମାନେ ସେ ଠାନ୍‌କେ ଜଲ୍‌ଦି ପୁହୁଁଚିଲେ ଆର୍‌ ସେମାନେ ତାହାକେ ଗୁଟେ ଡଙ୍ଗାନ ଶୁଆ ହେଇ ଥିବାର୍ ଦେଖ୍‌ଲେ, ଯେନ୍‌ତା ଦୂତ ସେମାନ୍ କୁଁ କହିଥିଲେ। ସେମାନେ ବହୁତ୍ ଖୁସି ହେଲେ। ତେହେରୁଁ ମେଢି ଚରୁଆ ମାନେ ସେମାନ୍‌କର୍ ମେଢି ଚରାବାର୍ ଜାଗାକେ ଫିରିଗଲେ। ସେମାନେ ଯେନ୍‌ଟା ଶୁନି ଥିଲେ ଆର୍‌ ଦେଖିଥିଲେ ସେଥିର୍ ଲାଗି ସେମାନେ ମାହାପୁରୁର୍ ପ୍ରଶଂସା କଲେ।

![](https://cdn.door43.org/obs/jpg/360px/obs-en-23-09.jpg)

ଦୂର୍‌ନୁ ପୂରବ୍ ଦେଶର୍ କେତେଟା ପୁରୁଷ୍ ଲୋକ୍‌ ଥିଲେ। ସେମାନେ ତାରା ମାନ୍‌କୁ ଗବେଷଣା କରୁଥିଲେ ଆର୍ ସେମନେ ବହୁତ୍‌ ବୁଦ୍ଦିମାନ୍ ଥିଲେ। ସେମାନେ ଆକାଶେ ଗୁଟେ ଅଲ୍‌ଗା କିସ୍‌ମର୍ ତାରା ଦେଖ୍‌ଲେ। ସେମାନେ କହେଲେ ଯେ, ଇତାର୍‌ ଅର୍ଥ ହେଉଛେ ଯିହୁଦୀ ମାନ୍‌କର୍‌ ଗୁଟେ ନୁଆଁ ରଜାଟେ ଜନମ୍ ହଇଛନ୍‌ ସେଥିର୍ ଲାଗି ସେମାନେ ଛୁଆକେ ଦେଖ୍‌ବାର୍‌ ଲାଗି ନିଜର୍ ଦେଶ୍‌କେ ଯାତ୍ରା କର୍‌ବାର୍‌କେ ସ୍ଥିର୍‌ କଲେ। କେତେ ଦିନ୍‌ ଯାତ୍ରା କଲା ପରେ ସେମାନେ ବେଥଲିହିମ୍‌କେ ଆସିକରି ଯୀଶୁ ଆର୍ ତାକର୍‌ ବୁଆ ମା ରହୁଥିବାର୍‌ ଘର୍‌କେ ଆଏଲେ।

![](https://cdn.door43.org/obs/jpg/360px/obs-en-23-10.jpg)

ଯେତ୍‌କିବେଲ୍‌କେ ସେମାନେ ଯୀଶୁକେ ତାକର୍‌ ମାଁ ସାଙ୍ଗେ ଦେଖ୍‌ଲେ। ସେମାନେ ତାହାକୁ ଜୁହାର୍‌ କଲେ। ଆର୍‌ ସେମାନେ ଯୀଶୁକେ ଦାମ୍‌କିୟା ଭେଟି ଚଢାଲେ। ତାର୍‌ପରେ ସେମାନେ ଘର୍‌କେ ଗଲେ।

*ବାଇବଲ୍‌ର କଥାନୀ: ମାଥିଉ ୧-୨; ଲୁକ ୨*

Audio: https://git.door43.org/OBS-TLF/spv_obs/releases/download/v1/spv_obs_v1_23_128kbps.m4a

## 24. ୨୪. ଯୋହନଙ୍କର୍‌ଠାନୁ ଯୀଶୁଙ୍କର୍‌ ଡୁବନ୍

https://openbiblestories.org/l/spv/story-24/

![](https://cdn.door43.org/obs/jpg/360px/obs-en-24-01.jpg)

ଜିଖରୀୟ ଆର୍‌ ଏଲିଜାବେଥ୍‌ର ପୁଓ ଯୋହନ୍, ବଡ୍ ହେଇ କରି ଗୁଟେ ଭବିଷ୍ୟ‌ଦ୍‌ବକ୍ତା ହେଲେ। ସେ ମରୁଭୂମି ନ ରହୁଥିଲେ, ସେ ଝାରର୍‌ ମହୁ ଆର୍ ପଙ୍ଗପାଳ ଖାଉଥିଲେ ଆର୍‌ ଓଟର୍‌ ବାଲେ ବନା ହେଉଥିବାର୍ କପଡା ପିନ୍ଧୁଥିଲେ।

![](https://cdn.door43.org/obs/jpg/360px/obs-en-24-02.jpg)

ବହୁତ୍ ଲୋକ୍ ମରୁଭୂମିକେ ଯୋହନ୍‌ର କଥା ଶୁନ୍‌ବାର୍ ଲାଗି ବାହାରି କରି ଆଏଲେ। ସେ ସେମାନ୍‌କୁ ହୁଲାଜାରି କରି କହିଲେ, “ମନ୍‌କେ ବଦ୍‌ଲ, କାଁକରି କି ମାହାପୁରୁର୍‌ ରାଏଜ୍ ପାସ୍‌କେ ଆସ୍‌ଲା ନ !”

![](https://cdn.door43.org/obs/jpg/360px/obs-en-24-03.jpg)

ଯେତ୍‌କିବେଲେ ଲୋକ୍‌ମାନେ ଯୋହନର୍ କଥା ଶୁନ୍‌ଲେ, ସେମାନ୍‌କର୍ ଭିତୁରୁ ବହୁତ୍ ଲୋକ୍ ନିଜର୍‌ ପାପ୍‌ନୁ ଅନୁତାପ୍‌ କଲେ, ଆର୍‌ ଯୋହନ୍‌ ସେମାନକୁଁ ଡୁବନ୍ ଦେଲେ। ଆର୍‌ ଅନେକ ଧାର୍ମିକ୍‌ ନେତା ମାନେବି ଯୋହନ୍‌କେ ଦେଖ୍‌ବାର୍ ଲାଗି ଆସ୍‌ଲେ, ହେଲେ ସେମାନେ ଅନୁତାପ୍‌ ନାଇଁକରି ଆର୍‌ ସେମାନ୍‌କର୍ ପାପ୍‌ର କ୍ଷମା ବି ନାଇ ମାଗି।

![](https://cdn.door43.org/obs/jpg/360px/obs-en-24-04.jpg)

ଯୋହନ୍ ଧାର୍ମିକ୍‌ ନେତା ମାନ୍‌କେ କହେଲେ, “ହେ ନାଗ୍ ସାପ୍‌ର ଲୋକ୍‌ମାନେ! ତମର୍ ମନ୍‌କେ ବଦ୍‌ଲ୍ ଆର୍‌ ତମର୍‌ ବେଭାର୍‌କେ ସୁଧ୍‌ର। ମାହାପୁରୁ ଯେନ୍ ଗଛେ ଭଲ୍ ଫଳ ନାଇଁ ଫଲ୍‌ବା ସେ ସବୁ ଗଛ୍‌କେ କାଟି ଦେବେ, ଆର୍‌ ଜୁଏଁନ ପୁଡେଇ ଦେବେ। ଭବିଷ୍ୟ‌ଦ୍‌ବକ୍ତା ମାନେ ଯେନ୍‌ଟା କହିଥିଲେ, ଯୋହନ୍ ସେଟା ପୁରା କଲେ, “ଦେଖ, ମୁଇଁ ଜଲ୍‌ଦି ମୋର ସରଗ୍‌ଦୂତ ମାନ୍‌କେ ତମର୍ ଆଘେ ପଠାମି , ଯେନ୍‌ତା କି ସେମାନେ ତମ୍‌କେ ରାସ୍ତା ଦେଖାବେ।”

![](https://cdn.door43.org/obs/jpg/360px/obs-en-24-05.jpg)

କେତେ ଧାର୍ମିକ୍ ନେତା ମାନେ ଯୋହନ୍‌କେ ପଚ୍‌ରାଲେ, କାଣା ତୁମେ ଖ୍ରୀଷ୍ଟ ଅ? ଯୋହନ କହେଲେ, “ନେଇଁ ମୁଇଁ ଖ୍ରୀଷ୍ଟ ନୁହେଁସେ, ହେଲେଁ ଯିଏ ମୋର୍‌ ପରେ ଆସୁଛନ୍ ସେ ଏତ୍‌କି ମହାନ୍ ଯେ ମୁଇଁ ତାକର୍‌ ଜୁତା ଖୁଲ୍‌ବାର୍ ବି ଲାଏକ୍‌ ନୁହେଁସେ।

![](https://cdn.door43.org/obs/jpg/360px/obs-en-24-06.jpg)

ତାର୍ ଆର ଦିନେ ଯୀଶୁ ଯୋହନ୍‌କେ ଡୁବନ୍‌ ଦେବାର୍ ଲାଗି ଆସ୍‌ଲେ। ଯେତ୍‌କିବେଲେ ଯୋହନ୍ ତାହାକେ ଦେଖ୍‌ଲେ, ସେ କହିଲେ, “ଦେଖ, ଇଟା ମାହାପୁରୁର ମେଷଶାବକ୍, ଯିଏକି ଜଗତର୍ ସବୁ ପାପ୍‌କେ ଦୂର୍ କର୍‌ବେ।”

![](https://cdn.door43.org/obs/jpg/360px/obs-en-24-07.jpg)

ଯୋହନ୍‌ ଯୀଶୁଙ୍କୁ କହେଲେ, “ମୁଇଁ ତମ୍‌କେ ଡୁବନ୍ ଦେବାର୍ ଲାଏକ୍ ନୁହେଁସେ। ତୁମେ ଇତାର୍ ବଦ୍‌ଲେ ମୋତେ ଡୁବନ୍ ଦେବାର୍ କଥା। ” ହେଲେ ଯୀଶୁ କହିଲେ, “ତୁମେ ମତେ ଡୁବନ୍ ଦେବାର୍ କଥା, କାଁକରି କି ଇଟା କରବାର୍‌ ଉଚିତ୍ ଆଏ।” ଯୀଶୁ କେଭେ ପାପ୍ ନାଇଁ କରି ଥାଇଁ ହେଲେବି ଯୋହନ୍ ତାହାକୁଁ ଡୁବନ୍ ଦେଲେ।

![](https://cdn.door43.org/obs/jpg/360px/obs-en-24-08.jpg)

ଯେତ୍‌କିବେଲେ ଯୀଶୁ ଡୁବନ୍ ନେଇ କରି ପାଏନ୍‌ନୁ ବାହାରି ଆସ୍‌ଲେ, ମାହାପୁରୁର୍‌ ଆତ୍ମା ପରୁଆ ରୂପ୍‌ରେ ଆଇ କରି ତାକର୍‌ ଉପ୍‌ରେ ବସ୍‌ଲେ। ଆର୍‌ ସେ ସମିୟାଁ ନ, ମାହାପୁରୁ ସରଗ୍‌ନୁ କହେଲେ। “ ଇଟା ମୋର ଗେଲ୍ହା ପୁଓ ଯାହାକେ ମୁଇଁ ପ୍ରେମ୍‌ କର୍‌ସିଁ ଆର୍‌ ମୁଇଁ ତାକର୍‌ ଉପ୍‌ରେ ବହୁତ୍ ଖୁସି ଆଏଁ।”

![](https://cdn.door43.org/obs/jpg/360px/obs-en-24-09.jpg)

ମାହାପୁରୁ ଯୋହନ୍‌କେ କହିଥିଲେ, “ପବିତ୍ର ଆତ୍ମା ଉତ୍‌ରିବେ ଆର୍‌ ତୁମେ ଯାହାକେ ଡୁବନ୍ ଦେବ ତାକର୍ ନ ରହେବେ। ସେ ଲୋକ୍‌ଟା ମାହାପୁରୁର ପୁଓ। ” ଗୁଟେ ବଲି ମାହାପୁରୁ ଅଛନ୍‌। ଆର୍ ଯୋହନ୍ ଯେତ୍‌କିବେଲ୍‌କେ ଯୀଶୁଙ୍କୁ ଡୁବନ୍‌ ଦେଲେ, ସେ ପିତା ମହାପୁରୁର୍‌ କଥା ଶୁନ୍‌ଲେ, “ମାହାପୁରୁର୍ ପୁଓକେ ଦେଖ, ଯିଏ କି ଯୀଶୁ ଆନ୍‌” ଆର୍‌ ସେ ପବିତ୍ରଆତ୍ମାକେ ଦେଖ୍‌ଲେ।

*ବାଇବଲ୍‌ର କଥାନୀ: ମାଥିଉ ୩;ମାର୍କ ୧; ଲୁକ ୩; ଯୋହନ ୧:୧୫-୩୭*

Audio: https://git.door43.org/OBS-TLF/spv_obs/releases/download/v1/spv_obs_v1_24_128kbps.m4a

## 25. ୨୫. ଶଏତାନ୍ ଯୀଶୁକେ ପରୀକ୍ଷା କଲା

https://openbiblestories.org/l/spv/story-25/

![](https://cdn.door43.org/obs/jpg/360px/obs-en-25-01.jpg)

ଯୀଶୁ ଡୁବନ୍‌ ନେଲା ଉତାରେ, ପବିତ୍ର ଆତ୍ମା ତାହାକେ ମରୁଭୂମିକେ ନେଇଗଲେ। ଯୀଶୁ ସେଠାନେ ୪୦ ଦିନ୍ ଆର୍‌ ୪୦ ରାଏତ୍‌ତକ୍‌ ରହେଲେ। ସେ ସମିୟାଁ ନ ସେ ଉପାସ୍ କଲେ ଆର୍ ଶଏତାନ୍ ଯୀଶୁର୍ ପାସ୍‌କେ ଆସି କରି ପାପ୍‌ କରବାର୍ ଲାଗି ଲୋଭ୍‌ ଦେଖାଲା।

![](https://cdn.door43.org/obs/jpg/360px/obs-en-25-02.jpg)

ପହେଲା , ଶଏତାନ୍ କହେଲା, “ ଯଦିତୁମେ ମାହାପୁରୁର୍‌ ପୁଓ, ତାହେଲେ ଇ ପଥର୍‌କେ ରୁଟି କରିଦିଅ, ଯେନ୍‌ତାକି ତୁମେ ଖାଇପାର୍‌ବ।

![](https://cdn.door43.org/obs/jpg/360px/obs-en-25-03.jpg)

“ହେଲେ ଯୀଶୁ ଶଏତାନ୍‌ କେ କହେଲେ, ମାହାପୁରୁର୍ ଶାସ୍‌ତର୍ ନ ଲେଖା ଅଛେ, ଲୋକ୍‌ମାନେ ବଂଚ୍‌ବାର୍ ଲାଗି ଖାଲି ରୁଟି ଦର୍‌କାର୍ ନୁହେଁସେ, ହେଲେ ମାହାପୁରୁ ଯାହା ସବୁ କହେସନ୍ ସେସବୁ ଦର୍‌କାର୍।

![](https://cdn.door43.org/obs/jpg/360px/obs-en-25-04.jpg)

ତେହେରୁଁ ଶଏତାନ୍ ଯୀଶୁଙ୍କୁ ମନ୍ଦିର୍‌ର ଉଚ୍ଚା ଜାଗାକେ ନେଇ ଗଲା, ଆର୍ କହେଲା, ଯଦି ତୁମେ ମାହାପୁରୁ ପୁଓ ଅ, ତାହେଲେ ତୁମେ ଉପୁରୁ ତଲ୍‌କେ ଡେଗି ଦିଅ। କାଏଁଯେକି ଶାସ୍‌ତର୍ ନ ଲେଖା ଅଛେ , ମାହାପୁରୁ ତମ୍‌କୁ ଧର୍‌ବାର୍ ଲାଗି ତାକର୍ ସରଗ୍ ଦୂତ ମାନ୍‌କୁ ହୁକୁମ୍ ଦେବେ, ଯେନ୍‌ତାକି ତୁମର୍ ପାଦ୍ ପଥର୍‌ରେ ନେଇଁ ବାଜ୍‌ବା।

![](https://cdn.door43.org/obs/jpg/360px/obs-en-25-05.jpg)

ହେଲେ ଶଏତାନ୍ ଯେନ୍‌ଟା କହେଲା ଯୀଶୁ ସେଟା ନାଇଁ କରି। ଉଲ୍‌ଟିଆ ସେ କହେଲେ, ମାହାପୁରୁ ସମ୍‌କୁ କହେସନ୍ “ତମେ ତୁମର୍ ସଦା ପ୍ରଭୁ ପର୍‌ମେଶ୍ୱର୍‌କେ କେଭେଁ ବି ପରିକ୍ଷା ନାଇଁ କର୍‌ବ।”

![](https://cdn.door43.org/obs/jpg/360px/obs-en-25-06.jpg)

ତେହେରୁଁ ଶଏତାନ୍‌ ଯୀଶୁକେ ସଂସାର୍‌ର ସବୁ ରାଏଜ୍‌କେ ଦେଖାଲା, ସେ ତାହାକୁଁ ଦେଖାଲା ଯେ, ସେମାନେ କେତେ ଧନୀ ଆର୍‌ ବର୍‌କଶ୍ ଅଛନ୍। ଆର୍ ସେ କହେଲା, ଯଦି ତୁମେ ମତେ ମୁଡିଆ ମାର୍‌ବ ବଏଲେ ଇସବୁ ତମ୍‌କୁ ଦେଇଦେମି।

![](https://cdn.door43.org/obs/jpg/360px/obs-en-25-07.jpg)

ଯୀଶୁ କହେଲେ , “ ଶଏତାନ୍! ମର୍ ଠାନୁ ଯା ପଲା, ମାହାପୁରୁ ତାକର୍ ବାକ୍ୟରେ ନିଜର୍ ଲୋକ୍‌ମାନ୍‌କେ ଆଦେଶ୍ ଦେସନ୍, ‘ଖାଲି ତମେ ତୁମର୍ ମାହାପୁରୁକେ ଆରାଧନା କର୍‌ବ, ଆର୍‌ ତାହାକୁ ହିଁ ମାହାପୁରୁ ବଲି ଆଦର୍ କର୍‌ବ।”’

![](https://cdn.door43.org/obs/jpg/360px/obs-en-25-08.jpg)

ଯୀଶୁ ଶଏତାନ୍‌ର ଲୋଭ୍ ନ ହାର୍ ନେଇଁ ମାନି, ଇଥିର୍‌ଲାଗି ଶଏତାନ୍ ତାହାକୁ ଛାଡିକରି ପଲେଇ ଗଲା। ତେହେରୁଁ ସର୍‌ଗ୍‌ର ଦୂତ ମାନେ ଆସି କରି ଯୀଶୁ ମାହାପୁରୁକେ ଦେଖ୍‌ରେଖ୍ କଲେ।

*କଥାନୀ :ମାଥିଉ ୪:୧-୧୧; ମାର୍କ ୧:୧୨-୧୩; ଲୁକ ୪: ୧-୧୩*

Audio: https://git.door43.org/OBS-TLF/spv_obs/releases/download/v1/spv_obs_v1_25_128kbps.m4a

## 26. ୨୬. ଯୀଶୁ ତାକର୍‌ ସେବାକାମ୍‌ ଆରମ୍ କଲେ

https://openbiblestories.org/l/spv/story-26/

![](https://cdn.door43.org/obs/jpg/360px/obs-en-26-01.jpg)

ମାହାପୁରୁ ଶଇତାନ୍‌ର ଲୋଭ୍‌କେ ଲାତ୍ ମାର୍‌ବାର୍ ଉତାରେ, ସେ ଗାଲିଲୀ ଇଲାକାକେ ଫିର୍‌ଲେ। ଯେନ୍‌ଠାନେକି ସେ ରହୁଥିଲେ। ପବିତ୍ର ଆତ୍ମା ତାହାକୁ ବହୁତ୍ ତାକତ୍ ଦଉଥିଲେ, ଆର୍ ଯୀଶୁ ଇ ଜାଗା ସେ ଜାଗା ଯାଇକରି ଲୋକ୍‌ ମାନ୍‌କକୁ ଶିକ୍ଷା ଦଉଥିଲେ। ଯୀଶୁଙ୍କୁ ସବୁଲୋକ୍ ଭଲ୍ ବଲି କହୁଥିଲେ।

![](https://cdn.door43.org/obs/jpg/360px/obs-en-26-02.jpg)

ଯୀଶୁ ନାଜରିଅତ୍‌ ନଗର୍‌କେ ଗଲେ। ଇଟା ସେ ଗାଁ ଆଏ ଯେନ୍ ଗାଁରେ କି ଯୀଶୁ ଛୁଆବେଲେ ରହୁଥିଲେ। ବିଶ୍ରାମ୍‌ବାର୍ ଦିନେ, ସେ ମନ୍ଦିର୍‌ ଗଲେ। ଆର୍ ନେତାମାନେ ତାହାକେ ସେଠାନେ ଯିଶାଇୟ ଭବିଷ୍ୟଦ୍‌ବକ୍ତାର୍ ବାକ୍ୟ ଲେଖା ହେଇଥିବାର୍ ଗୁଟେ ଶାସ୍ତର୍‌କେ ଦେଲେ। ସେମାନେ ଚାହୁଁଥିଲେ କି, ସେ ଇ ଶାସ୍ତର୍‌ନୁ ପଢୁନ୍। ତେହେରୁଁ ଯୀଶୁ ସେ ଶାସ୍ତର୍‌କେ ଖୁଲ୍‌ଲେ ଆର୍ କିଛି ଅଂଶ୍‌ ଲୋକ୍‌ମାନ୍‌କର୍ ଲାଗି ପଢ଼୍‌ଲେ।

![](https://cdn.door43.org/obs/jpg/360px/obs-en-26-03.jpg)

ଯୀଶୁ ଇଟା ପଢ଼ଲେ, “ ମାହାପୁରୁ ତାକର୍ ଆତ୍ମା ମତେ ଦେଇଛନ୍ ଯେନ୍ତାକି ମୁଇଁ ଗରିବ୍ ଲୋକ୍ ମାନ୍‌କେ ମଙ୍ଗଲ୍ ସୁସମାଚାର୍ କହିପାର୍‌ମି। ସେ ମତେ ବନ୍ଧି ଲୋକ୍‌ମାନ୍‌କେ ମୁକୁଲାବାର୍‌ ଲାଗି ପଠେଇଛନ୍, ଆର୍ କଣା ଲୋକ୍‌ମାନ୍‌କେ ଆର୍ ଥରେ ଦେଖେଇ ପାର୍‌ବାକେ, ଆର୍ ଯେନ୍‌ମାନ୍‌କେ ଲୋକ୍ ମାନେ ଅତ୍ୟାଚାର୍ କରୁଛନ୍, ସେମାନ୍‌କୁଁ ଉଦ୍ଧାର୍ କର୍‌ବାର୍ ଲାଗି ସେ ମତେ ପଠେଇ ଛନ୍। ଇଟା ସମିୟାଁ ଆଏ, ମାହାପୁରୁ ଆମ୍‌କୁ ଦୟା କର୍‌ବେ ଆର୍ ଆମ୍‌କୁ ସାହାଯ୍ୟ କର୍‌ବେ।”

![](https://cdn.door43.org/obs/jpg/360px/obs-en-26-04.jpg)

ତାର୍‌ପରେ ଯୀଶୁ ବସିପଡ୍‌ଲେ। ଆର୍ ସଭେ ତାହାକୁ ବହୁତ୍ ଧ୍ୟାନ୍‌ରେ ଦେଖି ନଉଥିଲେ। ସେମାନେ ଜାନ୍‌ଲେଯେ ସେ ଯେନ୍ ଶାସ୍ତର୍‌ ପଢ଼୍‌ଲେ ସେଟା ମସିହା ବାବଦ୍‌ରେ ଆଏ। ଯୀଶୁ କହେଲେ, “ଯେନ୍ ବିଷୟରେ ମୁଇଁ ତମର୍ ଲାଗି ପଢ଼ଲିଁ, ସେ ସବୁ ବିଷୟ ଇହାଦେ ହିଁ ଘଟୁଛେ।” ସବେ କାବା ହେଇଗଲେ, ଆର୍ ସେମାନେ କହେଲେ, “ ଇଟା କାଣା ସେ ଯୋଷେଫ୍‌ର ପୁଓ ନୁହେକାଏଁ?”

![](https://cdn.door43.org/obs/jpg/360px/obs-en-26-05.jpg)

ତାର୍‌ପରେ ଯୀଶୁ କହେଲେ, “ଇଟା ସତ୍ଆଏଯେ ସେ ଯେନ୍ ସହରେ ବଡ଼୍ ହେଇଛନ୍ ସେ ସହରର୍‌ ଲୋକ୍ ଭବିଷ୍ୟବକ୍ତା ମାନ୍‌କୁ ଗ୍ରହଣ କେବେ ନେଇଁ କରୁଥାଇଁ। ଏଲିଜା ଭବିଷ୍ୟତ୍‌ବକ୍ତାର୍ ସମିୟାଁ ନ, ସାଡେ ତିନି ବରଷ୍ ତକ୍ ବର୍ଷା ନେଇଁ ହେଇଁ, ଆର୍‌ ସେତ୍‌କିବେଲ୍‌କେ ଏସ୍ରାଏଲ୍‌ରେ ବହୁତ୍ ବିଧବା ମାନେ ଥିଲେ। ହେଲେ ମାହାପୁରୁ ଏଲିୟକେ କେନ୍‌ସି ଇସ୍ରାଏଲ୍‌ର ବିଧ୍‌ବାକେ ସାହାଯ୍ୟ କର୍‌ବାର୍ ଲାଗି ନେଇଁ ପଠେଇ। ହେଲେ, ସେ ଏଲିୟ କେ ଗୁଟେ ଅଲ୍‌ଗା ଜାତିର୍ ବିଧବା ନିକେ ପଠାଲେ।

![](https://cdn.door43.org/obs/jpg/360px/obs-en-26-06.jpg)

ଯୀଶୁ କଥାନୀକେ କହିଚାଲ୍‌ଲେ, “ ଆର୍‌ ଏଲିଜା ଭବିଷ୍ୟବକ୍ତାର୍ ସମିୟାଁ ନ, ଇସ୍ରାଏଲ୍‌ର ବହୁତ୍ ଲୋକ୍ ଖଁସୁ ଖୁଜୁରି ବେମାର୍‌ନ ପଡିଥିଲେ। ହେଲେ ଏଲିୟ ସେମାନ୍‌କୁ କାହାକେବି ସୁସ୍ଥ ନାଇଁ କରି। ସେ ଖାଲି ଇସ୍ରାଏଲ୍‌ର ଶତ୍ରୁମାନ୍‌କର୍ ସେନାପତି ନାମାନ୍‌କେ ଖସୁ ଖୁଜିରି ବେମାର୍‌ନୁ ସୁସ୍ଥ କଲେ।” ହେଲେ ଯେନ୍ ଲୋକ୍‌ମାନେ ଯୀଶୁର୍ କଥା ଶୁନୁଥିଲେ ସେମାନେ ଯିହୁଦୀ ଥିଲେ। ସେଥିର୍‌ଲାଗି, ଯେତ୍‌କିବେଲ୍‌କେ ସେମାନେ ଇଟା କହେବାର୍‌ଟା ଶୁନ୍‌ଲେ, ସେମାନେ ତାକର୍ ଉପ୍‌ରେ ରିସ୍‌ମି ହେଇଗଲେ।

![](https://cdn.door43.org/obs/jpg/360px/obs-en-26-07.jpg)

ନାଜରିଅତ୍‌ର ଲୋକ୍‌ ମାନେ ଯୀଶୁଙ୍କୁ ଧରିକରି ଉପାସନା କର୍‌ବାର୍ ଜାଗାକେ ଘିଚ୍‌ତେଲ୍‌ ନେଲେ। ଆର୍ ତାହାକେ ଫିକିକରି ମାର୍‌ବାର୍‌ ଲାଗି ସେମାନେ ଗୁଟେ ପାହାଡ୍‌ର ଶିଖ୍‌କେ ନେଇ ଗଲେ। ଆର୍‌ ଯୀଶୁ ଭିଡ଼ ଭିତୁରୁ ବାହାରି କରି ନାଜରିଅତ୍‌ ସହର୍ ଛାଡି କରି ପଲେଇ ଗଲେ।

![](https://cdn.door43.org/obs/jpg/360px/obs-en-26-08.jpg)

ତାର୍‌ପରେ ଯୀଶୁ ଗାଲିଲିର୍‌ ସବୁ ଜାଗାକେ ଗଲେ। ତେହେରୁଁ କେତିନିକେତେ ଲୋକ୍ ତାକର୍‌ ପାସ୍‌କେ ଆଏଲେ। ସେମାନେ ଅନେକ୍ ବେମାରି ଲୋକ୍‌ମାନ୍‌କୁ ଆନ୍‌ଲେ। ସେଠାନେ କେତେ ଲୋକ୍ କଣା ଥିଲେ, କେତେ ଛୁଟା ଥିଲେ, ଆର୍‌ କେତେ ଲୋକ୍ କୁନ୍ଦା ଭଏଁରା ବି ଥିଲେ, ଆର୍ ଯୀଶୁ ସେମାନ୍‌କୁ ଭଲ୍ କଲେ।

![](https://cdn.door43.org/obs/jpg/360px/obs-en-26-09.jpg)

ଆର୍‌ବି, ଯେନ୍‌ମାନ୍‌କର୍ ଭିତ୍‌ରେ ଭୂତ୍ ଲାଗିଥିଲା ସେମାନ୍‌କୁଁ ଯୀଶୁର୍ଙ୍କର ପାସ୍‌କେ ଆନ୍‌ଲେ। ଯୀଶୁ ଭୂତ୍ ମାନ୍‌କେ ସେମାନ୍‌କର୍‌ଠାନୁ ବାହାରି ଯିବାର୍‌କେ ଆଦେଶ୍ ଦେଲେ, ଆର୍ ଭୂତମାନେ ବାହାରି ଗଲେ। ଆର୍ ଭୁତ୍‌ମାନେ ବାର୍‌ବାର୍ ରଡିକରି କହେଲେ, “ତୁମେ ମାହାପୁରୁର୍‌ ପୁଓ ଆଏ!” ବହୁତ୍ ଲୋକ୍‌ ଆଶ୍ଚଯ୍ୟ ଚକିତ୍‌ ହେଲେ ଆର୍‌ ସେମାନେ ନିଜର୍ ନିଜର୍ ଭିତରେ ମାହାପୁରୁର୍‌ ପ୍ରଶଂସା କଲେ।

![](https://cdn.door43.org/obs/jpg/360px/obs-en-26-10.jpg)

ତାର୍‌ପରେ ଯୀଶୁ ତାକର୍‌ ଚାଲା ମାନ୍‌କର୍‌ ଭିତୁରୁ ବାର ଜନ୍‌କେ ତାକର୍ ବିଶେଷ୍‌ ଲୋକ୍‌ ଭାବେ ବାଛ୍‌ଲେ। ଆର୍‌ ସେ ସେମାନ୍‌କୁ “ପ୍ରେରିତ୍” ବୋଲି ଡାକ୍‌ଲେ। ଆର୍ ସେ ପ୍ରେରିତ୍ ମାନେ ଯୀଶୁର୍‌ ସାଙ୍ଗେ ଗଲେ ଆର୍‌ ତାକର୍‌ଠାନୁ ଶିଖ୍‌ଲେ।

*କାଥାନୀ: ମାଥିଉ ୪:୧୨-୨୫; ମାର୍କ ୧-୩; ଲୁକ ୪*

Audio: https://git.door43.org/OBS-TLF/spv_obs/releases/download/v1/spv_obs_v1_26_128kbps.m4a

## 27. ୨୭. ଶମିରନୀୟର୍‌ କଥାନୀ

https://openbiblestories.org/l/spv/story-27/

![](https://cdn.door43.org/obs/jpg/360px/obs-en-27-01.jpg)

ଦିନେ, ଗୁଟେ ଯିହୁଦୀ ଲୋକ୍‌ ଯୀଶୁଙ୍କର୍ ପାସ୍‌କେ ଆସ୍‌ଲା, ଯିଏକି ମୋଶାର୍ ବ୍ୟବସ୍ଥାନ ବଡ୍‌ଜାନ୍‌ବାର୍‌ ଥିଲା। ସେ ସବ୍‌କୁ ସାବିତ୍ କରବାର୍ ଲାଗି ଚାହୁଁଥିଲା ଯେ, ଯୀଶୁ ଭୁଲ୍ ଶିକ୍ଷା ଦେଉଛନ୍। ସେଥିର୍‌ଲାଗି ସେ କହେଲା, “ଗୁରୁ, ଅନନ୍ତ୍ ଜୀବନ୍‌ର ଅଧିକାରୀ ହେବାର୍‌ଲାଗି ମୁଇଁ କାଣା କର୍‌ମି?” ଯୀଶୁ କହେଲେ, ମାହାପୁରୁର୍ ବ୍ୟବସ୍ଥାନ କାଣା ଲେଖା ହେଇଛେ?

![](https://cdn.door43.org/obs/jpg/360px/obs-en-27-02.jpg)

ସେ ଲୋକ୍ କହେଲା, “ଇଟା କୁହା ଯାଇଛେ ଯେ, ତୁମେ ତୁମର୍ ମାହାପୁରୁ ପର୍‌ମେଶ୍ୱର୍ କେ ପୁରା ହୃଦେ, ମନେ, ପରାଣେ, ଆରୁ ପୁରା ଶକ୍ତିନ ପ୍ରେମ୍ କର। ତୁମେ ନିଜ୍‌କେ ଯେତେ ଭଲ ପାଏସ ସେତେ ତୁମର୍ ପଡୋଶୀକେ ବି ଭଲ୍ ପାଅ।”’ ଯୀଶୁ କହେଲେ, “ତୁମେ ଠିକ୍ କହୁଛ! ଯଦି ତୁମେ ଇଟା କର୍‌ବ, ତାହେଲେ ତୁମେ ଅନନ୍ତ ଜୀବନ୍ ପାଏବ।”

![](https://cdn.door43.org/obs/jpg/360px/obs-en-27-03.jpg)

ହେଲେ ସେ ନିଜ୍‌କେ ଲୋକ୍‌ମାନ୍‌କର୍‌ନ ଦେଖେଇ ହେବାର୍ ଲାଗି ଚାହୁଁଥିଲାଯେ, ସେ ଯେନ୍‌ତା ଜୀବନ୍ ଯାପନ୍ କରୁଛେ ସେଟା ଠିକ୍ ଆଏ। ତେହେରୁଁ ସେ ଯୀଶୁଙ୍କୁ ପଚ୍‌ରାଲା, “ଠିକ୍ ଅଛେ ତାହେଲେ, ମୋର୍‌ ପଡ଼ୋଶୀ କିଏ ଆଏ?”

![](https://cdn.door43.org/obs/jpg/360px/obs-en-27-04.jpg)

ଯୀଶୁ ତାହାକେ ଗୁଟେ କଥାନୀ କହିକରି ତାହାକେ ଉତ୍ତର୍ ଦେଲେ, “ଗୁଟେ ଯିହୂଦୀ ଲୋକ୍ ଥିଲା ଯିଏ କି ଯିରୁଶାଲମ୍‌ରୁ ଯିରୀହୋ ଯିବାର୍ ରାସ୍ତା ନ ଯାଉଥିଲା।"

![](https://cdn.door43.org/obs/jpg/360px/obs-en-27-05.jpg)

“ହେଲେ କେତେଟା ଡକେତ୍‌ ତାହାକେ ଦେଖ୍‌ଲେ ଆର୍ ଧରି ପକାଲେ। ତାର୍‌ ପାଖେ ଯାହା ଥିଲା ସବୁ ଜିନିଷ୍ କେ ନେଇ ଗଲେ ଆର୍ ଦର୍‌ମରା କରି ପିଟ୍‌ଲେ। ଆର୍‌ ସେମାନେ ସେଠାନୁ ପଲେଇ ଗଲେ।”

![](https://cdn.door43.org/obs/jpg/360px/obs-en-27-06.jpg)

“ତାର୍ ପରେ ପରେ, ଗୁଟେ ଯିହୁଦୀ ଯାଜକ୍‌ ସେ ବାଟେ ଯାଉଥିଲା। ସେ ଦେଖ୍‌ଲାଯେ ଲୋକ୍‌ଟା ବାଟେ ପଡିଛେ। ଯେତ୍‌କିବେଲ୍‌କେ ସେ ଦେଖ୍‌ଲା, ଆର୍ ଗୁଟେ ରାସ୍ତା ଆଡୁ ଆଗ୍‌କେ ପଲେଇ ଗଲା। ଆର୍‌ ସେ ଲୋକ୍‌କେ ଦେଖିକରି ନାଇଁ ଦେଖ୍‌ଲା ବାଗିର୍ ହେଲା।

![](https://cdn.door43.org/obs/jpg/360px/obs-en-27-07.jpg)

“ଇତାର୍ କେତେ ସମିୟାଁ ପରେ, ଗୁଟେ ଲେବୀୟ ସେ ବାଟେ ଆସ୍‌ଲା। (ଲେବୀୟ ବଏଲେ ଯିହୁଦୀ ମାନ୍‌କର୍‌ ଗୁଟେ ଜାତି ଅନ୍‌ ଯେନ୍‌ମାନେ କି ମନ୍ଦିର୍ ନ ଯାଜକ୍ ମାନ୍‌କୁ ସାହାଯ୍ୟ କରୁଥିଲେ) ସେ ଲେବୀୟବି ସେ ଲୋକ୍‌କେ ଦେଖିକରି ଅଲ୍‌ଗା ବାଟୁ ପଲେଇ ଗଲା। ସେ ଲୋକ୍‌ବି ନାଇଁଦେଖ୍‌ଲା ବାଗିର୍ ହେଲା।

![](https://cdn.door43.org/obs/jpg/360px/obs-en-27-08.jpg)

ଆର୍‌ଗୁଟେ ଲୋକ୍ ସେ ବାଟେ ଆସ୍‌ଲା, ଯିଏକି ଗୁଟେ ଶମିରୀୟ ଲୋକ୍‌ ଥିଲା। (ଶମିରୋଣୀୟ ଆର୍‌ ଯିହୁଦୀ ମାନେ ତାକର୍ ତାକର୍ ଭିତରେ ଘୃଣା କରୁଥିଲେ) ସେ ଶମିରନୀୟ ଲୋକ୍ ବାଟେ ପଡିଥିବାର୍‌ ଲୋକ୍‌କେ ଦେଖ୍‌ଲା। ସେ ଦେଖ୍‌ଲା ସେଟା ଗୁଟେ ଯିହୂଦୀ ଲୋକ୍, ହେଲେବି ତାର୍ ଉପ୍‌ରେ ତାହାକେ ଦୟା ଲାଗ୍‌ଲା। ତେହେରୁଁ ସେ ତାର୍‌ ପାସ୍‌କେ ଯାଇକରି ତାର୍ ଖଣିଆ ଖାବ୍‌ରା ଜାଗାନ ପଟି ବାନ୍ଧ୍‌ଲା।”

![](https://cdn.door43.org/obs/jpg/360px/obs-en-27-09.jpg)

“ତେହେରୁଁ ଶମିରନୀୟ ଲୋକ୍ ତାହାକେ ଉଠେଇ କରି ତାର୍‌ ଗଧ ଉପରେଁ ବସାଲା। ଆର୍‌ ସେ ବାଟେ ଥିବାର୍ ଗୁଟେ ଧରମ୍ ସାଲାକେ ନେଇ କରି ଗଲା। ସେଠାନେ ସେ ତାହାକେ ସଁକିଲ୍‌ଲା।”

![](https://cdn.door43.org/obs/jpg/360px/obs-en-27-10.jpg)

“ତାର୍ ଆର ଦିନେ, ଶମିରଣୀୟ ଲୋକ୍‌କେ ଫେର୍ ଆଗ୍‌କେ ଯିବାର୍ ଥିଲା। ସେ ଲୋକ୍ ଧରମ୍‌ଶାଲାନ ଥିବାର୍ ମାଲିକ୍‌କେ କିଛି ଟଙ୍କା ଦେଲା। ଆର୍‌ ସେ ତାହାକେ କହେଲା, ‘ଇ ଲୋକର୍ ଚିକିତ୍ସା ଆରୁ ଯତନ୍ କର, ଯଦି ଇତାର୍‌ଠାନୁ ଅଧିକ୍‌ ପଇସା ଖର୍‌ଚା ହେବା ମୁଇଁ ଫିର୍‌ଲା ବେଲେ ଦେଇ ଦେମି।”’

![](https://cdn.door43.org/obs/jpg/360px/obs-en-27-11.jpg)

ତାର୍‌ପରେ ଯୀଶୁ ବ୍ୟବସ୍ଥାର୍ ବଡ୍‌ଜାନ୍‌ବାର୍‌ ଲୋକ୍‌କେ ପଚ୍‌ରାଲେ, “ତମେ କାଣା ଭାବୁଛ? ଇ ତିନ୍ ଝନ୍ କର୍ ଭିତ୍‌ରୁ କିଏ ସେ ଯିହୁଦୀ ଲୋକର୍ ପ୍ରତିବାଶୀ? ” ସେ କହେଲା, “ଯିଏ ତାହାକେ ଦୟା କଲା।” ଯୀଶୁ ତାହାକେ କହିଲେ, “ତମେବି ଯାଇ କରି ହେନ୍ତା ହିଁ କର।”

*କାଥାନୀ: ଲୁକ ୧୦:୨୫-୩୭*

Audio: https://git.door43.org/OBS-TLF/spv_obs/releases/download/v1/spv_obs_v1_27_128kbps.m4a

## 28. ୨୮. ଗୁଟେ ଜୁଆନ୍ ଧନୀ ନେତାର୍ କଥାନୀ

https://openbiblestories.org/l/spv/story-28/

![](https://cdn.door43.org/obs/jpg/360px/obs-en-28-01.jpg)

ଦିନେ, ଗୁଟେ ଜୁଆନ୍ ଯିହୁଦୀ ଧନୀ ନେତା ଯୀଶୁର୍ ପାସ୍‌କେ ଆସ୍‌ଲା ଆର୍ ପଚ୍‌ରାଲା, “ହେ ଉତ୍ତମ୍ ଗୁରୁ, ଅନନ୍ତ ଜୀବନ୍ ପାଇବାର୍‌ ଲାଗି ମତେ କାଣା କରବାର୍‌କେ ପଡ଼ବା?” ଯୀଶୁ ତାହାକେ କହେଲେ, “ତମେ ମତେ କାଏଁହେଲା ଯେ ‘ଉତ୍ତମ’ ବଲିକର଼଼ି କହୁଛ? ଖାଲି ଜନେ ଉତ୍ତମ ଗୁ଼ରୁ ଅଛନ୍ ଆର୍‌ ସେ ହଉଛନ୍ ମାହାପୁରୁ। ତୁମେ ଯଦିର୍‌ବି ଅନନ୍ତ ଜୀବନ୍ ପାଏବାର୍ ଲାଗି ଚାହୁଁଛ, ମାହାପୁରୁର୍ ଆଜ୍ଞାକେ ପାଲନ୍ କର।

![](https://cdn.door43.org/obs/jpg/360px/obs-en-28-02.jpg)

“ସେ ପଚ୍‌ରାଲା, ମତେ କେନ୍‌କେନ୍ ଆଜ୍ଞାକେ ମାନ୍‌ବାର୍‌କେ ପଡ଼ବା? ଯୀଶୁ କହେଲେ, “କାହାକେ ନାଇଁ ମାର। ବ୍ୟଭିଚାର୍ ନାଇଁ କର। ନାଇଁ ଚୁର। ମିଛ୍‌ କଥା ନାଇଁ କହ। ତୁମର୍ ବୁଆ ମାଆଁକେ ଆଦର୍ କର, ଆର୍ ତମେ ନିଜ୍‌କେ ଯେନ୍‌ତା ପ୍ରେମ୍‌ କର୍‌ସ ତମର୍ ପ୍ରତିବେଶୀକେ ବି ହେନ୍‌ତା ହିଁ ପ୍ରେମ୍ କର।”

![](https://cdn.door43.org/obs/jpg/360px/obs-en-28-03.jpg)

ହେଲେଁ ଜୁଆନ୍‌ ପିଲା କହେଲା, “ମୁଇଁତ ଇସବୁ ଆଜ୍ଞାକେ ମୋର୍ ଛୁଆ ଦିନୁ ମାନୁଛେଁ।ହେଲେଁ ସବୁ ଦିନର୍ ଲାଗି ବାଂଚ୍‌ବାର୍‌କେ ଆର୍ ମୁଇଁ କାଣା କର୍‌ମି? ଯୀଶୁ ତାର୍‌ ଆଡ୍‌କେ ଦେଖ୍‌ଲେ ଆର୍ ତାହାକେ ପସନ୍ଦ କଲେ।

![](https://cdn.door43.org/obs/jpg/360px/obs-en-28-04.jpg)

ତେହେରୁଁ ଯୀଶୁ କହେଲେ, “ଯଦି ତୁଇ ସିଦ୍ଧ ହେବାର୍‌କେ ଚାହୁଁଛୁ, ତାହେଲେ ଯା ଆର୍ ଯାହା ତୋର୍‌ ଠାନେ ଅଛେ ସେ ସବୁକେ ବିକିକରି ଗରିବ୍ ଲୋକ୍‌ମାନ୍‌କୁ ଦେଇଦେ, ଆର୍ ତୁଇ ସରଗ୍‌ନ ଧନ୍ ପାଏବୁ। ତାର୍‌ପରେ ଆ ଆର୍‌ ମୋର୍ ପଛେ ଚାଲ୍।”

![](https://cdn.door43.org/obs/jpg/360px/obs-en-28-05.jpg)

ଯେତ୍‌କିବେଲ୍‌କେ ଜୁଆନ୍‌ପିଲା ଯୀଶୁର୍ କଥାକେ ଶୁନ୍‌ଲା, ସେ ବହୁତ୍ ଦୁଃଖି ହେଇଗଲା କାଆଁହେଲାଯେ କି ସେ ବହୁତ୍ ଧନୀ ଥିଲା ଆର୍‌ ସେ ତାର୍ କମାଲା ଧନ୍ ସମ୍ପତିକେ ହରାବାର୍ ଲାଗି ନେଇଁଚାହୁଁଥାଇଁ। ସେ ମୁହୁଁ ଆଡ଼ିକରି ଯୀଶୁ ଠାନୁ ପଲେଇ ଗଲା।

![](https://cdn.door43.org/obs/jpg/360px/obs-en-28-06.jpg)

ତେହେରୁଁ ଯୀଶୁ ତାକର୍ ଚାଲା ମାନ୍‌କୁ କହେଲେ, “ଧନୀ ଲୋକ୍‌ ମାନ୍‌କର୍ ଲାଗି ମାହାପୁରୁର୍‌ ରାଏଜ୍‌କେ ଯିବାର୍‌ଟା ବହୁତ୍ କଠିନ୍ ଆଏ ! ହଁ , ଗୁଟେ ଓଟ୍‌କେ ସୁଜିର୍ କଢ଼ାଁ ବାଟେ ଯିବାର୍‌ଟା ସହଜ୍ ଆଏ ହେଲେଁ ଧନୀ ଲୋକର୍ ଲାଗି ଯିବାର୍‌ଟା ମୁସ୍‌କିଲ ଆଏ।

![](https://cdn.door43.org/obs/jpg/360px/obs-en-28-07.jpg)

ଯେତ୍‌କିବେଲ୍‌କେ ଚାଲାମନେ ଯୀଶୁର୍ କଥାକେ ଶୁନ୍‌ଲେ, ସେମାନେ ଚକିତ୍ ହେଇଗଲେ। ସେମାନେ କହେଲେ, “ଯଦି ଏନ୍ତା ଆଏ, ମାହାପୁରୁ କାହାକେ ବଚାଁବେ?

![](https://cdn.door43.org/obs/jpg/360px/obs-en-28-08.jpg)

ଯୀଶୁ ଚାଲା ମାନ୍‌କର୍‌ ଆଡେ ଦେଖ୍‌ଲେ ଆର୍ କହେଲେ, “ ନିଜ୍‌କେ ବଁଚାବାର୍‌ଟା ଲୋକ୍‌ ମାନ୍‌କର୍‌ ଲାଗି ଅସମ୍ଭବ ଆଏ। ହେଲେ ମାହାପୁରୁ ଲାଗି କିଛିବି ଅସମ୍ଭବ ନୁହେଁସେ।”

![](https://cdn.door43.org/obs/jpg/360px/obs-en-28-09.jpg)

ପିତର ଯୀଶୁକେ କହେଲେ, “ ଆମେ ଯେନ୍ ତମର୍ ଚାଲାମାନେ ସବୁକିଛି ଛାଡିଦେଇଛୁଁ ଆର୍ ତମର୍ ପଛେ ଚାଲୁଛୁଁ। ଆମର୍ ଲାଗି କାଣା ପୁରସ୍କାର ଅଛେ?”

![](https://cdn.door43.org/obs/jpg/360px/obs-en-28-10.jpg)

ଯୀଶୁ କହେଲେ, “ଯେନ୍‌ମାନେ ନିଜର୍ ଘର୍-ଦୁଆର୍ , ଭାଇ-ବୁହେନ୍, ମାଆଁ-ବୁଆ, ଆର୍ ଧନ୍-ସଂମ୍ପତିକେ ମୋର୍‌ଲାଗି ଛାଡ଼ିଦେଇଛନ୍‌ ସେମାନେ ଆର୍ ଶହେ ଗୁନା ପାଏବେ ଆର୍‌ ଅନନ୍ତ ଜୀବନ୍ ବି ପାଏବେ। ବହୁତ୍ ଲୋକ୍ ଯେନ୍‌ମାନେ ଆଗେ ଅଛନ୍ ସେମାନେ ପଛେ ହେବେ, ଆର୍ ବହୁତ୍ ଲୋକ୍ ଯେନ୍‌ମାନେ ପଛେ ଅଛନ୍ ସେମାନେ ଆଗେ ହେବେ।

*ବାଇବଲ୍‌ର କଥାନୀ: ମାଥିଉ ୧୯:୧୬-୩୦; ମାର୍କ ୧୦:୧୭-୩୧; ଲୁକ ୧୮:୧୮-୩୦*

Audio: https://git.door43.org/OBS-TLF/spv_obs/releases/download/v1/spv_obs_v1_28_128kbps.m4a

## 29. ୨୯. ଗୁଟେ ନିର୍‌ଦୟ ଚାକର୍‌ର କଥାନୀ

https://openbiblestories.org/l/spv/story-29/

![](https://cdn.door43.org/obs/jpg/360px/obs-en-29-01.jpg)

ଦିନେ, ପିତର ଯୀଶୁକେ ପଚ୍‌ରାଲେ, “ ଗୁରୁ, ଯେତ୍‌କିବେଲ୍‌କେ ମୋର୍ ଭାଇ ମୋର୍‌ ବିରୋଧ୍‌ନ ପାପ୍ କର୍‌ବା ତାହାକେ ମୁଇଁ କେତେଥର୍ କ୍ଷମା କର୍‌ବାର୍ କଥା? କାଣା ସାତ୍ ଥର୍?” ଯୀଶୁ କହେଲେ, “ସାତ୍ ଥର୍ ନେଇଁ, ହେଲେ ସତସ୍ତର୍ ଥର୍ (୭୭)!”ଯୀଶୁ କହେବାର୍ ମାନେ ଇଟା ଆଏଯେ ଆମେ ସବୁବେଲେ କ୍ଷମା କରବାର୍ କଥା। ତେହେରୁଁ ଯୀଶୁ ଇ କଥାନୀକେ କହେଲେ।

![](https://cdn.door43.org/obs/jpg/360px/obs-en-29-02.jpg)

ଯୀଶୁ କହେଲେ, “ମାହାପୁର୍ ରାଏଜ୍ ଗୁଟେ ଏନ୍ତା ରାଏଜ୍ ଆଏ, ଯେନ୍ତାକି ଗୁଟେ ରଜା ତାକର୍ ଚାକର୍ ମାନ୍‌କର୍‌ନୁ ହିସାବ୍ ନେବାର୍ ଲାଗି ଚାହେଁସି। ତାର୍ ଗୁଟେ ଚାକର୍ ବହୁତ୍ ଟଙ୍କା ଉଧାର୍ ନେଇ ଥିଲା।

![](https://cdn.door43.org/obs/jpg/360px/obs-en-29-03.jpg)

“ହେଲେ ସେ ଚାକର୍ ଉଧାର୍ କେ ଛୁଟି ନେଇଁପାର୍‌ଲା, ଇଥିର୍‌ଲାଗି ରଜା କହେଲେ, “ତାର୍ ଉଧାର୍ ଛୁଟ୍‌ବାର୍ ଲାଗି ଇ ଲୋକ୍‌କେ ଆର୍ ତାର୍ କୁଟୁମ୍‌କେ ଚାକର୍ ଭାବେଁ ବିକିଦିଅ।”

![](https://cdn.door43.org/obs/jpg/360px/obs-en-29-04.jpg)

ସେ ଚାକର୍‌ ରଜା ଆଗେ ମୁଡ଼ିଆ ମାରିକରି କହେଲା, “ ଦୟାକରି ଟିକେ ଦମ୍ ଧର, ଆରୁ ମୁଇଁ ଯେତେ ଉଧାର ନେଇଁଛେଁ ପୁରା ଛୁଟି ଦେମି। ” ରଜା ସେ ଚାକର୍‌କେ ଦୟା କଲେ, ତେହେରୁଁ ସେ ତାର୍ ସବୁ ଉଧାର୍‌କେ ଛାଡ଼ି ଦେଲେ ଆର୍ କ୍ଷମା କରିଦେଲେ।”

![](https://cdn.door43.org/obs/jpg/360px/obs-en-29-05.jpg)

“ହେଲେ ଯେତ୍‌କିବେଲ୍‌କେ ସେ ଚାକର୍ ରଜାର୍ ଠାନୁ ପଲେଇ ଗଲା, ସେ ଆର୍ ଗୁଟେ ତାର୍ ସାଙ୍ଗର୍ ଚାକର୍‌କେ ଭେଟ୍‌ଲା ଯିଏକି ତାର୍‌ଠାନୁ କିଛି ଟଙ୍କା ଉଧାର୍ ନେଇଁଥିଲା। ସେ ଚାକର୍ ତାର୍ ସାଙ୍ଗ୍‌କେ ଧର୍‌ଲା ଆର୍ କହେଲା, ‘ଯେନ୍ ପଇସା ମୋର୍‌ନୁ ଉଧାରି ନେଇଁଥିଲୁ ସେଟା ମତେ ଦେ!”’

![](https://cdn.door43.org/obs/jpg/360px/obs-en-29-06.jpg)

ସେ ଚାକର୍ ମୁଁଡ଼ିଆ ମାର୍‌ଲା ଆର୍ କହେଲା, “ ଦୟାକରି ଟିକେ ଦମ୍‌ଧର୍, ଆର୍‌ ଯେତେ ଉଧାର ମୁଇଁ ନେଇଁଛେଁ, ପୁରା ସୁଝି ଦେମି। ” ହେଲେ ତାର୍‌ସାଙ୍ଗ୍ ତାର୍ ଉଧାର୍ ନେଇଁ ସୁଝ୍‌ବାର୍ ତକ୍ ତାହାକେ ଜେଲ୍ ଭିତେରେ ଭରି ଦେଲା।”

![](https://cdn.door43.org/obs/jpg/360px/obs-en-29-07.jpg)

“ଯେନ୍ ସବୁ ଘଟ୍‌ନା ହେଇଥିଲା ତାହାକେ ଅଲ୍‌ଗା ଚାକର୍ ମାନେ ଦେଖ୍‌ଲେ ଆର୍ ବହୁତ୍ ବିଚ୍‌ଲିତ୍ ହେଇଗଲେ। ସେମାନେ ରଜାର୍ ପାସ୍‌କେ ଗଲେ ଆର୍ ତାହାକୁଁ ସବୁ କଥା କହେଲେ।“

![](https://cdn.door43.org/obs/jpg/360px/obs-en-29-08.jpg)

“ରଜା ସେ ଚାକର୍‌କେ ଡାକ୍‌ଲେ ଆର୍ କହେଲେ, ‘ ତୁଇ ଗୁଟେ ଖରାପ୍ ଚାକର୍ ! ତୁଇ ମୁଡିଆ ମାର୍‌ଲୁ ସେଥିର୍ ଲାଗି ମୁଇଁ ତୋର୍ ସବୁ ଉଧାରୀ କେ ଛାଡି ଦେଲିଁ। ତୁଇବି ହେନ୍ତା କ୍ଷମା କର୍‌ବାର କଥା।’ ତେହେରୁଁ ରଜା ରିସ୍‌ମି ହଇଗଲେ ଆର୍ ସବୁ ଉଧାର୍ ବାଏଡ୍ ନେଇ ସୁଝ୍‌ବାର ତକ୍ ସେ ଖରାପ୍‌ ଚାକର୍‌କେ ଜେଲ୍ ଭିତ୍‌ରେ ଭରିଦେଲେ।

![](https://cdn.door43.org/obs/jpg/360px/obs-en-29-09.jpg)

ତେହେରୁଁ ଯୀଶୁ କହେଲେ, ମୋର୍‌ ସରଗର୍ ପିତା ତମ୍‌କୁ ମାନ୍‌କୁ ହେନ୍‌ତା ହିଁ କର୍‌ବେ ଯଦି ତମେ ତମର୍ ଭାଇକେ ହୃଦ ଭିତ୍‌ରୁ କ୍ଷମା ନେଇ କର୍‌ବ।”

*ବାଇବଲ୍‌ର କଥାନୀ: ମାଥିଉ ୧୮:୨୧-୩୫*

Audio: https://git.door43.org/OBS-TLF/spv_obs/releases/download/v1/spv_obs_v1_29_128kbps.m4a

## 30. ୩୦. ଯୀଶୁ ହଜାର୍ ହଜାର୍ ଲୋକ୍‌କେ ଖୁଆଲେ

https://openbiblestories.org/l/spv/story-30/

![](https://cdn.door43.org/obs/jpg/360px/obs-en-30-01.jpg)

ଯୀଶୁ ତାକର୍ ଚାଲା ମାନ୍‌କୁ ଅଲ୍‌ଗା ଅଲ୍‌ଗା ଗାଁ ମାନ୍‌କୁ ପ୍ରଚାର୍ କର୍‌ବାର୍‌ ଆର୍‌ ଶିକ୍ଷା ଦେବାର୍ ଲାଗି ପଠାଲେ। ଯେତ୍‌କିବେଲ୍‌କେ ସେମାନେ ଯେନ୍ ନ ଯୀଶୁ ଥିଲେ ସେନିକେ ଆଏଲେ, ସେମାନେ ଯାହା ଯାହା ସବୁ କରିଥିଲେ ସେ ସବୁକେ ଯୀଶୁଙ୍କୁ କହେଲେ। ତେହେରୁଁ ଯୀଶୁ ସେମନ୍‌କୁ ସମୁଦ୍ର ଆର୍‌ଫାଲ୍‌କେ ଯାଇକରି ଗୁଟେ ଶାନ୍ତି ଜାଗାନ ଘାଏ ବସ୍‌ବାର୍ ଲାଗି ଡାକ୍‌ଲେ। ତେହେରୁଁ, ସେମାନେ ଡଙ୍ଗାନ ବସ୍‌ଲେ ଆରୁ ସମୁଦ୍ରର୍‌ ଆର୍‌ ଫାଲ୍‌କେ ଗଲେ।

![](https://cdn.door43.org/obs/jpg/360px/obs-en-30-02.jpg)

ହେଲେ ସେନ ବହୁତ୍ ଲୋକ୍‌ମାନେ ଥିଲେ ଯେନ୍ ମାନେ ଯୀଶୁ ଆର୍ ତାକର୍ ଚାଲା ମାନ୍‌କୁ ଡଙ୍ଗାନ ବସିକରି ଯିବାର୍ ଟା ଦେଖ୍‌ଲେ। ସେଲୋକ ମାନେ ସମୁଦ୍ର ତରେ ତରେ ଦୋଉଡ଼ି କରି ସେମାନ୍‌କର୍ ଆଗେ ଆଗେ ଆର ଫାଲ୍ କେ ଗଲେ। ତେହେରୁଁ ଯେତେବେଳେ ଯୀଶୁ ଆର୍ ତାକର୍ ଚାଲାମାନେ ପୁହୁଁଚିଲେ, ସେ ଗୁହୁଡେ ଲୋକ୍ ସେନିକେ ଆଗରୁ ପୁହୁଁଚିକରି ଜୁଗିଥିଲେ।

![](https://cdn.door43.org/obs/jpg/360px/obs-en-30-03.jpg)

ସେ ଗୁହୁଡାନ ୫୦୦୦ ଉପ୍‌ରେ ଲୋକ୍ ଥିଲେ, ଟୁକେଲ୍ ପିଲା ଆରୁ ଛୁଆ ମାନ୍‌କୁ ଛାଡି କରି। ଯୀଶୁ ସେମାନ୍‌କୁ ଦେଖିକରି ବହୁତ୍ ଦୁଃଖ କଲେ। ଯୀଶୁଙ୍କର୍ ଲାଗି ସେମାନେ ଗୁଟେ ବିନା ଚରୁହାର୍ ମେଢ଼ି ଗୁହୁଡା ଭଲିଆ। ତେହେରୁଁ ଯୀଶୁ ସେମାନ୍‌କୁ ଶିକ୍ଷା ଦେଲେ ଆର୍‌ ସେମାନ୍‌କର୍ ଭିତ୍‌ରୁ ଯେନ୍ ମାନେ ବେମାର୍ ଥିଲେ ସେମାନ୍‌କୁ ଭଲ୍‌ କଲେ।

![](https://cdn.door43.org/obs/jpg/360px/obs-en-30-04.jpg)

ବେଲ୍ ବୁଡିଯାଇଥିଲା ନ, ଚାଲା ମାନେ ଯୀଶୁଙ୍କୁ କହେଲେ, “ ବେଲ୍‌ବୁଡି ଗଲାନ ଆର୍ ଆଖେ ପାଖେ କେନ୍‌ସି ସହର୍ ବି ନେଇନ। ଲୋକ୍‌ମାନ୍‌କେ ପଠେଇ ଦିଅ ସେମାନେ ଯେନ୍ତା କିଛି କିଛି ଘିନି ଖାଇ ପାର୍‌ବେ।

![](https://cdn.door43.org/obs/jpg/360px/obs-en-30-05.jpg)

ହେଲେ ଯୀଶୁ ତାକର୍ ଚାଲା ମାନ୍‌କୁ କହେଲେ, “ ତୁମେ ସେମାନ୍‌କୁ କିଛି ଖାଇବାର୍‌ଲାଗି ଦିଅ!” ସେମାନେ କହେଲେ, ଆମେ କେନ୍ତା କରି ଦେଇ ପାର୍‌ମୁ? ଆମର୍ ପାଖେ ଖାଲି ପାଞ୍ଚ୍ ଟା ରୁଟି ଆର୍ ଦୁଇଟା ମାଛ୍ ଅଛେ।

![](https://cdn.door43.org/obs/jpg/360px/obs-en-30-06.jpg)

ଯୀଶୁ ତାକର୍ ଚାଲା ମାନ୍‌କୁ କହେଲେ ଭିଡ୍‌ନ ଥିବାର୍ ଲୋକ୍ ମାନ୍‌କୁ କହ ପଚାଶ୍ ପଚାଶ୍ ଲୋକ୍ କରି ଗୁଟେ ଗୁଟେ ଗୁହୁଡା ହେଇ ଘାଁସ୍ ଉପ୍‌ରେ ବସୁନ୍‌।

![](https://cdn.door43.org/obs/jpg/360px/obs-en-30-07.jpg)

ତାର୍‌ପରେ ଯୀଶୁ ସେ ପାଞ୍ଚ୍‌ଟା ରୁଟି ଆରୁ ଦୁଇଟା ମାଛ୍‌କେ ଧଏଲେ, ସରଗ୍ ଉପର୍‌କେ ଦେଖ୍‌ଲେ, ଆର୍ ଭୋଜନ୍‌ର ଲାଗି ମାହାପୁରୁକେ ଧନ୍ୟବାଦ୍ ଦେଲେ।

![](https://cdn.door43.org/obs/jpg/360px/obs-en-30-08.jpg)

ତେହେରୁଁ ଯୀଶୁ ରୁଟିକେ ଭାଙ୍ଗ୍‌ଲେ ଆର୍‌ ମାଛ୍‌କେ ଖଁଡ୍ ଖଁଡ୍ କରି ଲୋକ୍ ମାନ୍‌କୁ ବାଁଟ୍‌ବାର ଲାଗି ତାକର୍ ଚାଲା ମାନ୍‌କୁ ଦେଲେ। ଚାଲାମାନେ ଭୋଜନ୍‌କେ ବାଁଟି ବସ୍‌ଲେ, ଆର୍ ଇଟା କେତେ ବେଲେବି ନେଇ ସର୍‌ଲା! ସବେ ଖାଇଲେ ଆରୁ ବୋଦ୍ ହେଇଗଲେ।

![](https://cdn.door43.org/obs/jpg/360px/obs-en-30-09.jpg)

ତାର୍‌ପରେ, ଯେତ୍‌କି ଅଗ୍‌ଲି ଯାଇଥିଲା ସେଟା ଚାଲା ମାନେ ଗୁଟେ ଜାଗାନ ଗଦାଲେ। ସେଟା ବାର ଡଲା ରୁ ଅତ୍‌କା ଥିଲା! ସବୁ ଖାଇବାର୍‌ଟା ସେ ପାଞ୍ଚ୍‌ଟା ରୁଟି ଆରୁ ଦୁଇଟା ମାଛ୍‌ନୁ ହଇଥିଲା।

*ବାଇବଲ୍‌ର କଥାନୀ: ମାଥିଉ ୧୪:୧୩-୨୧; ମାର୍କ ୬:୩୧-୪୪; ଲୁକ ୯:୧୦-୧୭; ଯୋହନ ୬:୫-୧୫*

Audio: https://git.door43.org/OBS-TLF/spv_obs/releases/download/v1/spv_obs_v1_30_128kbps.m4a

## 31. ୩୧. ଯୀଶୁ ପାଏନ୍ ଉପ୍‌ରେ ଚାଲ୍‌ଲେ

https://openbiblestories.org/l/spv/story-31/

![](https://cdn.door43.org/obs/jpg/360px/obs-en-31-01.jpg)

ଯୀଶୁ ପାଞ୍ଚ ହଜାର୍ ଲୋକ୍‌କେ ଖୁଏଇ ସାର୍‌ଲା ପରେ, ସେ ତାକର୍ ଚାଲା ମାନ୍‌କୁଁ ଡଙ୍ଗାନ ଚଢ୍‌ବାର୍‌କେ କହେଲେ। ସେ ସେମାନ୍‌କୁ ସମୁଦ୍ରର୍ ଆର ଫାଲ୍‌କେ ଯିବାର୍ ଲାଗି କହେଲେ ଆର୍ ସେ କିଛି ସମିୟାଁର୍‌ ଲାଗି ସେଠାନେ ରହେଲେ। ତେହେରୁଁ ଚାଲା ମାନେ ପଲେଇ ଗଲେ, ଆର୍‌ ଯୀଶୁ ଲୋକ୍ ମାନ୍‌କୁ ତାକର୍ ଘର୍‌କେ ପଠେଇ ଦେଲେ। ତାର୍‌ପରେ, ଯୀଶୁ ଗୁଟେ ପାହାଡ୍ ଉପ୍‌ରକେ ପାର୍‌ଥନା କର୍‌ବାର୍‌ଲାଗି ଗଲେ। ସେ ସେଠାନେ ଏକ୍‌ଲା ରହେଲେ, ଆର୍‌ ବହୁତ୍ ରାଏତ୍ ତକ୍ ପାର୍‌ଥନା କଲେ।

![](https://cdn.door43.org/obs/jpg/360px/obs-en-31-02.jpg)

ଇ ସମିୟାଁ ନ, ଚାଲା ମାନେ ତାକର୍ ଡଙ୍ଗା ଚଲଉ ଥିଲେ, ହେଲେ ପବନ୍ ବହୁତ୍ ଜୋର୍‌ରେ ତାକର୍ ଆଡ଼େ ମାରୁଥିଲା, ସେତ୍‌କିବେଲେ ଇଟା ରାତିର୍ ବନେ ସମିୟାଁ ହେଇ ଯାଇ ଥିଲା ନ, ଖାଲି ସେମାନେ ସମୁଦ୍ରର୍ ମଝ୍‌ତକ୍‌ ପୁହୁଁଚି ଥିଲେ।

![](https://cdn.door43.org/obs/jpg/360px/obs-en-31-03.jpg)

ଇ ସମିୟାଁ ନ ଯୀଶୁ ପାର୍‌ଥନା କର୍‌ବାର୍‌ଟା ସରାଲେ ଆର୍ ତାକର୍ ଚାଲା ମାନ୍‌କର୍ ପାସ୍‌କେ ଫିରିକରି ଯିବାର୍ ଆରମ୍ କଲେ। ସେ ପାଏନ୍‌ ଉପ୍‌ରେ ଚାଲିକରି ତାକର୍‌ ଡ଼ଙ୍ଗା ଆଡ୍‌କେ ଆସ୍‌ଲେ।

![](https://cdn.door43.org/obs/jpg/360px/obs-en-31-04.jpg)

ତାର୍‌ପରେ ଚାଲାମାନେ ତାହାକୁ ଦେଖ୍‌ଲେ। ସେମାନେ ବହୁତ୍ ଡରି ଗଲେ କାଁକରି କି ସେମାନେ ଭାବ୍‌ଲେ ଇଟା ଗୁଟେ ଭୁତ୍ ଆଏ। ଯୀଶୁ ଯାନ୍‌ଲେ ଯେ ସେମାନେ ଡରିଗଲେ, ସେଥିର୍‌ଲାଗି ସେ ସେମାନ୍‌କୁଁ ତାକର୍ ପାସ୍‌କେ ଡାକ୍‌ଲେ ଆର୍ କହେଲେ, “ନେଇଁ ଡର! ଇଟା ମୁଇଁ ଆଏ।

![](https://cdn.door43.org/obs/jpg/360px/obs-en-31-05.jpg)

ତାର୍‌ପରେ ପିତର୍ ଯୀଶୁଙ୍କୁ କହେଲେ, “ ପ୍ରଭୂ, ଯଦିତୁମେ ଅ, ମତେ ପାଏନ୍ ଉପ୍‌ରେ ଚାଲି କରି ଆସ୍‌ବାର୍‌କେ ଆଦେଶ୍ ଦିଅ।” ଯୀଶୁ ପିତର୍‌କେ କହେଲେ, “ଆସ!”

![](https://cdn.door43.org/obs/jpg/360px/obs-en-31-06.jpg)

ତେହେରୁଁ ପିତର୍‌ ଡ଼ଙ୍ଗାନୁ ଉତ୍‌ରି ଗଲେ ଆର୍ ପାଏନ୍‌ ଉପ୍‌ରେ ଚାଲି କରି ଯିବାର୍‌ ଆରମ୍ କଲେ। ହେଲେ କେତେ ଦୂର୍ ଗଲା ପରେ, ସେ ଯୀଶୁଙ୍କୁ ପଚ୍‌ଆଡ଼େ ଲେହେଁଟି କରି ଦେଖ୍‌ଲେ ତାର୍‌ପରେ ସେ ଗୁଟେ ବଡ଼ ଲହଡ଼ି ଆର୍‌ ଜୋର୍‌ସେ ପବନ୍ ମାର୍‌ବାର୍‌ଟା ଅନ୍‌ମାନ୍‌ କଲେ।

![](https://cdn.door43.org/obs/jpg/360px/obs-en-31-07.jpg)

ତେହେରୁଁ ପିତର୍ ଡ଼ରି ଗଲେ ଆର୍ ପାନି ବୁଡ୍‌ବାର୍‌କେ ଲାଗ୍‌ଲେ। ସେ କାନ୍ଦି କରି କହେଲେ, “ପ୍ରଭୁ, ମତେ ବଂଚ ! ସାଙ୍ଗେସାଙ୍ଗ୍‌ ଯୀଶୁ ଆସିକରି ତାହାକେ ଧର୍‌ଲେ। ତେହେରୁଁ ସେ ପିତର୍‌କେ କହେଲେ, ତୁମର୍ ବିଶ୍ୱାସ୍ ବହୁତ୍ କମ୍ ଆଏଁ! କାଏଁଯେ ବିଶ୍ୱାସ୍ ନେଇଁ କଲ ମୁଇଁ ତମ୍‌କୁ ବଚାଁମି ବଲି?”

![](https://cdn.door43.org/obs/jpg/360px/obs-en-31-08.jpg)

ତେହେରୁଁ ଯୀଶୁ ଆର୍ ପିତର୍‌ ଡଙ୍ଗା ନ ବସ୍‌ଲେ, ତାର୍‌ପରେ ସାଙ୍ଗେସାଙ୍ଗ୍ ପବନ୍ ମାର୍‌ବାର୍‌ଟା ବନ୍ଦ ହେଇଗଲା। ପାଏନ୍ ଶାନ୍ତ୍ ହଇଗଲା। ଚାଲା ମନେ ଆବାକ୍ ହଇଗଲେ ଆର୍ ଯୀଶୁର୍ ପାଦ୍‌ତଲେ ପଡ୍‌ଲେ। ସେମାନେ ଉପାସନା କଲେ ଆର୍ ଯୀଶୁକେ କହେଲେ, ସତେ, ତମେ ମାହାପୁରୁର୍ ପୁଓ ଅ।

*ବାଇବଲ୍‌ର କଥାନୀ: ମାଥିଉ ୧୪:୨୨-୩୩; ମାର୍କ ୬:୪୫-୫୨; ଯୋହନ ୬:୧୬-୨୧*

Audio: https://git.door43.org/OBS-TLF/spv_obs/releases/download/v1/spv_obs_v1_31_128kbps.m4a

## 32. ୩୨. ଯୀଶୁ ଗୁଟେ ଭୁତ୍ ଲାଗିଥିବାର୍ ଲୋକ୍‌କେ ଆର୍ ବେମାରି ମହିଲାକେ ସୁସ୍ଥ କଲେ

https://openbiblestories.org/l/spv/story-32/

![](https://cdn.door43.org/obs/jpg/360px/obs-en-32-01.jpg)

ଯୀଶୁ ଆର୍ ତାକର୍ ଚାଲାମାନେ ତାକର୍ ଡ଼ଙ୍ଗାଥି ବସିକରି ସେ ଜାଗାକେ ଗଲେ, ଯେନ୍‌ଠାନେ କି ଗାରାସିଅ ଲୋକ୍‌ ମାନେ ରହୁଥିଲେ। ସେମାନେ ସେ ଜାଗାକେ ପୁହୁଁଚି କରି ଡ଼ଙ୍ଗାନୁ ଉତ୍‌ରିଲେ।

![](https://cdn.door43.org/obs/jpg/360px/obs-en-32-02.jpg)

ଆର୍‌ ସେଠାନେ ଗୁଟେ ଲୋକ୍‌ ଥିଲା ଯାହାକେ ଭୂତ୍ ଧରିଥିଲା।

![](https://cdn.door43.org/obs/jpg/360px/obs-en-32-03.jpg)

ସେ ଲୋକ୍‌ ଏତିକି ତାକତ୍ ବର୍‌ ଥିଲାଯେ, ତାହାକେ କିହେବି ସମାଲି ନାଇଁ ପାରୁଥାଇଁ। ଆର୍ କେଭେ କେଭେ ଲୋକ୍ ମାନେ ତାର୍ ବାହାଁକେ ଆର୍ ଗୋଡ୍ ମାନ୍‌କୁ ଚେନ୍ ମାନ୍‌କେ ବାନ୍ଦିକରି ରଖୁଥିଲେ, ହେଲେ ସେ ସେଟାକେବି ଛିଡେଇ ଦେଉଥିଲା।

![](https://cdn.door43.org/obs/jpg/360px/obs-en-32-04.jpg)

ସେ ଲୋକ୍‌ ମସାନ୍ ପଦା(କବର୍‌ ଖାନା) ନ ରହୁଥିଲା। ସେ ଲୋକ୍‌ ଦିନ୍ ଆର୍ ରାଏତ୍ ରଡୁ ଥିଲା। ସେ କପ୍‌ଡ଼ା ଲତା ନେଇଁ ପିନ୍ଦୁଥାଇଁ, ଆର୍ ସେ ବାର୍‌ବାର୍‌ ପଥରେଁ ନିଜର୍‌ ଦିହିଁ କେ ନିଜେ ଆଘାତ୍ କରୁଥିଲା।

![](https://cdn.door43.org/obs/jpg/360px/obs-en-32-05.jpg)

ଯେନ୍ତା ସେ ଲୋକ୍‌ ଯୀଶୁକେ ଦେଖ୍‌ଲା,ସେ ଦଉଡ଼ି ଯାଇ କରି ଯୀଶୁକେ ମୁଡିଆ ମାର୍‌ଲା। ତେହେରୁଁ ଯୀଶୁ ସେ ଲୋକର୍‌ ଭିତ୍‌ରେ ଥିବାର୍ ଭୂତ୍‌କେ କହେଲେ,“ ଇ ଲୋକ୍‌ଠାନୁ ବାହାରି ଯା!”

![](https://cdn.door43.org/obs/jpg/360px/obs-en-32-06.jpg)

ଭୂତ୍ ଜୋର୍‌ସେ ରଡ଼ିକରି କାନ୍ଦି କାନ୍ଦି କହେଲା, “ତୁମେ ମର୍‌ଠାନୁ କାଣା ଚାହୁଁଛ, ହେ ପରମ ପ୍ରଧାନ ମାହାପୁରୁର ପୁଓ, ଯୀଶୁ? ଦୟାକରି ମତେ ଦୁଃଖ୍‌ ନେଇଁଦିଅ!” ତେହେରୁଁ ଯୀଶୁ ଭୂତ୍‌କେ ପଚ୍‌ରାଲେ, “ତୋର୍ ନାଁ କାଏଁନା ?” ସେ କହେଲା,“ ମୋର ନାଁ ବାହିନୀ , କାଏଁଯେ କି ଆମେ ବହୁତ୍ ଜନ୍‌ ଅଛୁ।”

![](https://cdn.door43.org/obs/jpg/360px/obs-en-32-07.jpg)

ଭୂତ ଯୀଶୁକେ ଗୁହାରିଲା,“ଦୟାକରି ଇ ଜାଗାନୁ ମତେ ବାହାର୍‌ ନେଇଁ କର!” ସେଠାନେ ଗୁଟେ ପାହାଡ଼ ଥିଲା ଯେନେ ଘୁଷୁରି ଗୁହୁଡ଼େ ଚରୁଥିଲେ। ତେହେରୁଁ ଭୂତ୍ ଯୀଶୁକେ ଗୁହାରି କଲା, “ ଦୟାକରି ଆମ୍‌କୁ ସେ ଘୁଷୁରି ଗୁହୁଡ଼ାକେ ପଠେଇ ଦିଅ!” ଯୀଶୁ କହେଲେ, ଠିକ୍ ଅଛେ, ସେ ମାନ୍‌କର ନିକେ ଯ !”

![](https://cdn.door43.org/obs/jpg/360px/obs-en-32-08.jpg)

ତେହେରୁଁ ସେ ଭୂତ୍‌ମାନେ ସେ ଲୋକର୍‌ନୁ ବାହାରି କରି ଘୁଷୁରି ମାନ୍‌କର୍ ନିକେ ପସିଗଲେ। ଘୁଷୁରି ମାନେ ହ୍ରଦର୍‌ ଖଣ୍‌କେ ଦଉଡି ଆସ୍‌ଲେ ଆର୍‌ ଝପେଁଇ ହେଇକରି ବୁଡି ମଲେ। ସେ ଗୁହୁଡ଼ାନ ପାଖାପାଖି ଦୁଇ ହଜାର୍‌ଟା ଘୁଷୁରି ଥିଲେ।

![](https://cdn.door43.org/obs/jpg/360px/obs-en-32-09.jpg)

ସେଠାନେ ଘୁଷୁରି ଚରାବାର୍ ଲୋକ୍ ମାନେ ଥିଲେ। ଯାହା ହେଇଥିଲା ସେଟା ସେମାନେ ଦେଖିକରି ଗାଁ କେ ପଲାଲେ। ଯୀଶୁ ଯାହା କରିଥିଲେ ସେମାନେ ସବ୍‌କେ କହେଲେ। ସେ ନଗର୍‌ର ଲୋକ୍‌ମାନେ ଆସ୍‌ଲେ ଆର୍ ସେ ଲୋକ୍‌କେ ଦେଖ୍‌ଲେ ଯାହାକେ ଭୂତ୍ ଲାଗି ଥିଲା। ସେ ଶାନ୍ତି ନ ବସିଥିଲା, କପଡ଼ା ପିନ୍ଦିଥିଲା, ଆରୁ ଗୁଟେ ସାଧାରନ୍ ଲୋକ୍ ଭଲିଆ ବେବହାର୍ କରୁଥିଲା।

![](https://cdn.door43.org/obs/jpg/360px/obs-en-32-10.jpg)

ଲୋକ୍ ମାନେ ବହୁତ୍ ଡ଼ରିଗଲେ ଆରୁ ଯୀଶୁଙ୍କୁ ସେନୁ ଯିବାର୍‌ଲାଗି କହେଲେ। ତେହେରୁଁ ଯୀଶୁ ଡ଼ଙ୍ଗା ଉପ୍‌ରେ ଚଢ୍‌ଲେ। ଯେନ୍‌ଲୋକ୍‌ର ଭିତ୍‌ରେ ଭୂତ୍‌ମାନେ ଥିଲେ ସେ ଲୋକ୍‌ ଯୀଶୁକେ ଗୁହାରି କଲା ତାକର୍‌ ସାଙ୍ଗେ ଯିବାର୍‌ଲାଗି।

![](https://cdn.door43.org/obs/jpg/360px/obs-en-32-11.jpg)

ହେଲେ ଯୀଶୁ ତାହାକେ କହେଲେ, “ନାଇଁ, ମୁଇଁ ଚାହୁଁଛେ ଯେ ତୁଇ ଘର୍‌କେ ଯା ଆରୁ ମାହାପୁରୁ ତୋର୍‌ଲାଗି ଯାହା କରିଛନ୍ ଲୋକ୍‌ ମାନ୍‌କେ କହ। ଆର୍ ତୁଇ ସେମାନ୍‌କେ କହ କେନ୍‌ତା କିସ୍‌ମେ ମାହାପୁରୁ ତୋର୍‌ଉପରେ ଦୟା କରିଛନ୍।“

![](https://cdn.door43.org/obs/jpg/360px/obs-en-32-12.jpg)

ତେହେରୁଁ ସେ ଲୋକ୍ ଗଲା ଆର୍ ଯାହା ଯୀଶୁ ତାର୍ ଲାଗି କରିଥିଲେ ସେଟା ସବ୍‌କୁ କହେଲା।ଯେନ୍ ମାନେ ତାର୍ କଥା ସୁନ୍‌ଲେ ସେମାନେ ଆବାକ୍‌ ହେଇଗଲେ।

![](https://cdn.door43.org/obs/jpg/360px/obs-en-32-13.jpg)

ଯୀଶୁ ସମୁଦ୍ରର୍ ଆର ଫାଲ୍ କେ ଫିରିଗଲେ। ସେ ସେଠାନ୍‌କେ ପୁହୁଞ୍ଚିଲା ପରେ ତାକର୍ ଚାରିଆଡେ ଗୁଟେ ବଡ୍ ଗୁହୁଡେ ଲୋକ୍ ତାକର୍ ଉପର୍‌କେ ମାଡି ବସ୍‌ଲେ। ସେ ଭିଡ୍ ଭିତ୍‌ରେ ଗୁଟେ ମହିଳା ଥିଲା ଯିଏ ୧୨ ବରଷ୍‌ନୁ ରକ୍ତସ୍ରାବର୍ ବେମାର୍ ନ ପଡିଥିଲା। ସେ ତାର୍ ସବୁ ଟଙ୍କା ପଇସା ଡାକ୍ତରମାନ୍‌କୁଁ ଦେଇ ଦେଇଥିଲା ଯେନ୍ତାକି ସେମାନେ ତାହାକେ ଭଲ୍ କରିଦେବେ, ହେଲେ ତାର୍ ଦିହେଁ ଆର୍‌ ବିଗିଡି ଯାଇଥିଲାା

![](https://cdn.door43.org/obs/jpg/360px/obs-en-32-14.jpg)

ସେ ଶୁନିଥିଲା ଯେ ଯୀଶୁ ବହୁତ୍ ବେମାରି ଲୋକ୍‌ମାନ୍‌କୁ ଭଲ୍‌ କର୍‌ସନ୍, ଆର୍ ଭାବ୍‌ଲା, "ଯଦି ମୁଇଁ ଖାଲି ଯୀଶୁର୍ କପ୍‌ଡା କେ ଛି ଦେଇ ପାର୍‌ମି ନିଶ୍ଚେ ମୁଇଁବି ଭଲ୍ ହେଇଯିମି !" ସେଥିର୍ ଲାଗି ସେ ଯୀଶୁର୍ ପଛ୍ଆଡୁ ଆସ୍‌ଲା ଆର୍ ତାକର୍ କପ୍‌ଡାକେ ଛି ଦେଲା। ସେ ତାହାକେ ଯେନ୍ତା ଛିଲା ହେନ୍‌ତା ହିଁ ତୁରନ୍ତ ତାର୍ ରକ୍ତସ୍ରାବ ବନ୍ଦ୍ ହେଇଗଲା!

![](https://cdn.door43.org/obs/jpg/360px/obs-en-32-15.jpg)

ତୁରନ୍ତ ଯୀଶୁ ଯାନି ପାର୍‌ଲେ ଯେ ତାକର୍‌ଠାନୁ ଶକ୍ତି ବାହାର୍‌ରିଲା। ତେହେରୁଁ ସେ ବୁଲିକରି ପଚ୍‌ରାଲେ, ମତେ କିଏ ଛି ଲା? ଚାଲାମାନେ କହେଲେ, "ତମର୍ ଚାରିଆଡେ ବହୁତ୍ ଲୋକ୍ ଗଦା ହେଇଛନ୍ ଆରୁ ଧକ୍କାବି ଦେଉଛନ୍। ତୁମେ କାଏଁ ହେଲାଯେ ପଚ୍‌ରଉଛ, 'ମତେ କିଏ ଛିଲା ବଲି?”’

![](https://cdn.door43.org/obs/jpg/360px/obs-en-32-16.jpg)

ସେ ମହିଲା ଡରେ ଥର୍‌ଥରି ଗଲା ଆର୍ ଯୀଶୁର୍ ଆଗେ ମୁଡିଆ ମାର୍‌ଲା। ତାର୍‌ପରେ ସେ ଯାହା କଲା ସେଟା ଯୀଶୁଙ୍କୁ କହେଲା ଆରୁ ସୁସ୍ଥ ହେବାର୍‌ଟା ବି କହେଲା। ଯୀଶୁ ତାହାକେ କହେଲେ, "ତର୍ ବିଶ୍ୱାସ୍ ତତେ ସୁସ୍ଥ କରିଛେ। ଶାନ୍ତି ରେ ଯା।"

*ବାଇବଲ୍‌ର କଥାନୀ: ମାଥିଉ ୮:୨୮-୩; ୯:୨୦-୨୨; ମାର୍କ ୫; ଲୁକ ୮:୨୬-୪୮*

Audio: https://git.door43.org/OBS-TLF/spv_obs/releases/download/v1/spv_obs_v1_32_128kbps.m4a

## 33. ୩୩. ଗୁଟେ ଚାଷିର୍ କଥାନୀ

https://openbiblestories.org/l/spv/story-33/

![](https://cdn.door43.org/obs/jpg/360px/obs-en-33-01.jpg)

ଦିନେ ଯୀଶୁ ସମୁଦ୍ରର୍ ଖଣିନ ଥିଲେ ଆର୍ ସେ ବହୁତ୍ ବଡ୍ ଲୋକ୍ ଗୁହୁଡାକେ ଶିକ୍ଷା ଦଉଥିଲେ। ଇଟାକେ ସୁନ୍‌ବାର୍‌ ଲାଗି ଏତ୍‌କି ଲୋକ୍ ଆସ୍‌ଲେ ଯେ, ତାକର୍ ପାସେ ଏତେ ଲୋକ୍ ବସିକରି କଥା ସୁନ୍‌ବାର୍ ଲାଗି ଜାଗା ବି ନେଇଁ ଥାଇ। ସେଥିର୍ ଲାଗି ସେ ପାଏନ୍‌ରେ ଥିବାର୍ ଗୁଟେ ଡଙ୍ଗା ଉପ୍‌ରେ ଚଢ୍‌ଲେ ଆର୍ ସେ ସେଠାନ ବସ୍‌ଲେ ଆର୍ ଲୋକ୍‌ମାନ୍‌କୁ ଶିକ୍ଷା ଦେବାର୍‌କେ ଲାଗ୍‌ଲେ।

![](https://cdn.door43.org/obs/jpg/360px/obs-en-33-02.jpg)

ଯୀଶୁ ସେମାନ୍‌କୁ ଇ କଥାନୀ ଶୁନାଲେ , ଗୁଟେ ଚାଷି ବିହନ୍ ବୁନ୍‌ବାର୍ ଲାଗି ବାହାରିଲେ। ଯେତ୍‌କିବେଲ୍‌କେ ସେ ବିହନ୍‌ ବୁନୁ ଥିଲା, କେତେ ବିହନ୍ ବାଟ୍ ଉପ୍‌ରେ ପଡ୍‌ଲା। ତେହେରୁଁ ଚରେ ମାନେ ଆସିକରି ସେ ସବୁ ବିହନ୍‌କେ ଖାଇ ଦେଲେ।

![](https://cdn.door43.org/obs/jpg/360px/obs-en-33-03.jpg)

ଆର୍ କେତେ ଦୁସ୍‌ରା ବିହନ୍ ପଥ୍‌ରିଆ ମାଏଟ୍‌ନ ପଡ୍‌ଲା ଯେନ୍‌ଠାନେ ବହୁତ୍ କମ୍ ମାଏଟ୍ ଥିଲା। ପଥ୍‌ରିଆ ମାଏଟ୍‌ରେ ପଡିଥିବାର୍ ବିହନ୍ ଝାଏଁକରି ବଢିଗଲା, ହେଲେ ତାର୍ ଚେର୍ ମାଏଟ୍ ତଲ୍‌କେ ଯେଇନେଇ ପାର୍‌ଲା। ଆର୍ ଯେତ୍‌କିବେଲେ ସୁର୍ଯ୍ୟ ଉଦ୍‌ଲା ଆରୁ ଖରା ଟାଏଁ ଟାଏଁ କଲା। ତାର୍ ପତର୍ ସବୁ ଶୁଖିଗଲା ଆର୍ ଗଛ୍‌ ମରିଗଲା।

![](https://cdn.door43.org/obs/jpg/360px/obs-en-33-04.jpg)

ଆର୍ କେତେ ବିହନ୍ କଁଟାବୁଟା ଭିତ୍‌ରେ ପଡ୍‌ଲା। ଇ ବିହନ୍ ବଢ୍‌ବାର୍‌କେ ଲାଗ୍‌ଲା, ହେଲେ କଁଟାବୁଟା ଚାପି ଦେଲା, ସେଥିର୍‌ଲାଗି କଁଟା ବୁଟାର୍‌ ମାଏଟ୍ ଉପ୍‌ରେ ପଡ଼ିଥିବାର୍ ବିହନ୍‌ନୁ ବାହାରି ଥିବାର୍ ଗଛେଁ କିଛିବି ଫସଲ୍ ନେଇଁ ହେଇ ପାର୍‌ଲା।

![](https://cdn.door43.org/obs/jpg/360px/obs-en-33-05.jpg)

ଦୁସ୍‌ରା କେତେ ବିହନ୍ ଭଲ୍ ମାଏଟ୍‌ନ ପଡ଼୍‌ଲା।ସେ ବିହନ୍ ବଡ୍‌ ହେଲା ଆର୍ ଯେତ୍‌କି ବିହନ୍ ବୁନା ହେଇଥିଲା ସେତାର ଠାନୁ ତିରିସ୍, ସାଠେ, ଆରୁ ସହେ ଗୁଣାରେ ଫସଲ୍ ହେଲା। ଯେନ୍‌ମାନେ ବି ମାହାପୁରୁର୍ ପଛେ ଚାଲ୍‌ବାର୍ କେ ଚାଁହେସନ୍, ସେମାନେ ମୁଇଁ ଯାଣା କହୁଛେଁ ଧିଆନ୍ ଦଉନ୍।

![](https://cdn.door43.org/obs/jpg/360px/obs-en-33-06.jpg)

ଇ କଥାନୀଟା ଚାଲା ମାନ୍‌କୁ ଧନ୍ଦେଇଁଦେଲା। ସେଥିର୍‌ଲାଗି, ଯୀଶୁ ବୁଝେଇ କରି କହେଲେ ଯେ, “ଇ ବିହନ୍ ହେଉଛେ ମାହାପୁରୁର୍ ବାକ୍ୟ। ସେ ବାଟ୍‌ ଗୁଟେ ଏନ୍‌ତା ଲୋକ୍ ଯିଏକି ମାହାପୁରୁର୍ ବାକ୍ୟକେ ସୁନ୍‌ସି ହେଲେ ବୁଝି ନେଇଁପାରେ, ତେହେରୁଁ ସଇଏତାନ୍ ତାର୍‌ଠାନୁ ବାକ୍ୟକେ ନେଇଁ ଯାଇସି। ତାର୍ ଅର୍ଥ ହଉଛେ ସଇତାନ୍ ସେ ବାକ୍ୟକେ ବୁଝ୍‌ବାର୍ ଲାଗି ଦୁରେ ରଖ୍‌ସି।“

![](https://cdn.door43.org/obs/jpg/360px/obs-en-33-07.jpg)

ସେ ପଥ୍‌ରିଆ ମାଏଟ୍ ଗୁଟେ ଏନ୍ତା ଲୋକ୍ ଆଏ ଯେ, ମାହାପୁରୁର୍ ବାକ୍ୟକେ ଖୁସିନ ସୁନ୍‌ସି ତାହାକେ ଗ୍ରହଣ କରି ନେସି। ହେଲେ ଯେତ୍‌କିବେଲେ କଠିନ୍ ସମିୟାଁ ଆଏସି ସେ ମାହାପୁରୁ ନୁ ଦୂର୍ ହେଇଯାଏସି। ଜାହାର୍ ଅର୍ଥ ସେ ମାହାପୁରୁ କେ ଭରସା କର୍‌ବାର୍ ଟା ଛାଡ଼ି ଦେସି।

![](https://cdn.door43.org/obs/jpg/360px/obs-en-33-08.jpg)

କଁଟା ବୁଟାର୍ ମାଏଟ୍‌ ଗୁଟେ ଏନ୍‌ତା ଲୋକ୍‌ ଆଏ ଯିଏ ମାହାପୁରୁର୍ ବାକ୍ୟ କେ ସୁନ୍‌ସି। ହେଲେ ସେ ଅନେକ୍ କଥାକେ ନେଇଁକରି ଚିନ୍ତା କର୍‌ବାର ଆର୍‌ମ କର୍‌ସି, ଆର୍ ସେ ବହୁତ୍ ଧନ୍ କମାବାକେ ଚେଷ୍ଟା କର୍‌ସି, ଆର୍ ବହୁତ୍ ଜିନିଷ୍ ପତର୍ ପାଏବାର୍‌କେ ଚେଷ୍ଟା କର୍‌ସି। ଆର୍ କେତେ ସମିୟାଁ ପରେ, ସେ ମାହାପୁରୁକେ ଆର୍‌ ପ୍ରେମ୍ କରିନେଇଁ ପାରେ। ସେଥିର୍‌ଲାଗି ଯାହା କିଛି ସେ ମାହାପୁରୁର୍ ବାକ୍ୟନୁ ଶିଖି ଥିସି, ସେ ସବୁନୁ ମାହାପୁରୁକେ ଖୁସ୍ ନାଇ କରିପାରେ।ସେ ଗହମ୍‌ର ପୋଲ୍ ଭଲିଆ, ଯେନ୍‌ଟା କି କିଛି ବିହନ୍ ନେଇଁ ବାହାରେ।

![](https://cdn.door43.org/obs/jpg/360px/obs-en-33-09.jpg)

ହେଲେ ଭଲ୍ ମାଏଟ୍ ର ବିହନ୍ ଗୁଟେ ଏନ୍‌ତା ଲୋକ୍ ଏ ଯିଏ କି ମାହାପୁରୁର୍ ବାକ୍ୟକେ ସୁନ୍‌ସି, ବିଶ୍ୱାସ କର୍‌ସି, ଆର୍ ଭଲ୍ ଫଲ୍ ଫଲ୍‌ସି।

*ବାଇବଲ୍‌ର କଥାନୀ: ମାଥିଉ ୧୩:୧-୨୩;ମାର୍କ ୪:୧-୨୦; ଲୁକ ୮:୪-୧୫*

Audio: https://git.door43.org/OBS-TLF/spv_obs/releases/download/v1/spv_obs_v1_33_128kbps.m4a

## 34. ୩୪. ଯୀଶୁ ଅଲ୍‌ଗା ଅଲ୍‌ଗା କଥାନୀ ଶିଖାଲେ

https://openbiblestories.org/l/spv/story-34/

![](https://cdn.door43.org/obs/jpg/360px/obs-en-34-01.jpg)

ଯୀଶୁ ମାହାପୁରୁର୍ ରାଏଜ୍ ବାବ୍‌ଦେ ଅନେକ୍ କଥାନୀ କହେଲେ। ଉଦାହର୍‌ନ୍ ଦେଇ କରି କହେଲେ, “ମାହାପୁରର୍ ରାଏଜ୍ ଜନେ ତାର୍‌ ବାଏର୍‌ନେ ଜଗେଇ ଥିବାର୍‌ ସୁର୍‌ସୋ ମଞ୍ଜି ବାଗିର୍। ଯେନ୍‌ତା ତମେ ଯାନିଛ ସୁର୍‌ସୋ ମଞ୍ଜି ସବୁ ମଞ୍ଜି ଠାନୁ ସାନ୍ ଆଏ।

![](https://cdn.door43.org/obs/jpg/360px/obs-en-34-02.jpg)

“ହେଲେ ଯେତ୍‌କିବେଲେ ସୁର୍‌ସୋ ମଞ୍ଜିର୍ ଗଛ୍ ବଢ୍‌ସି, ଇଟା ଖେତେଁ ଥିବାର୍‌ ସବୁ ଗଛ୍‌ନୁ ବଡ୍ ହଇ ଯାଇସି, ଇଟା ଏଡେ ବଡ଼୍‌ ହେଇ ଯାଇସି ଯେ, ଚେରେଁ ମାନେ ବି ତାର୍ ଡ଼ାଲେ ରହି ପାର୍‌ସନ୍।”

![](https://cdn.door43.org/obs/jpg/360px/obs-en-34-03.jpg)

ଯୀଶୁ ଅଲ୍‌ଗା କଥାନୀଟେ କହେଲେ, “ମାହାପୁରୁ ରାଏଜ୍ ଗୁଟେ ଖମିର୍ ସମାନ୍, ଯେନ୍‌ଟାକେ ନେଇଁ କରି ଗୁଟେ ସ୍ତ୍ରୀ ଅଟାରେ ମିଶେଇ ଦେସି ଆର୍ ସେଟା ଅଟାନେ ମିଶି ଯାଏସି।

![](https://cdn.door43.org/obs/jpg/360px/obs-en-34-04.jpg)

ମାହାପୁରୁର୍ ରାଏଜ୍‌ବି ଗୁଟେ ଧନ୍ ସମ୍ପତି ଭଲିଆ, ଜେନ୍‌ତା କି ଜନେ ମାଏଟ୍ ଭିତ୍‌ରେ ଲୁକେଇ କରି ରଖ୍‌ସି। ଆର୍ ଗୁଟେ ଲୋକ୍ ସେଟାକେ ପାଏଲା ଆର୍ ସେଟାକେ ସେ ପାଏବାର୍ ଲାଗି ଚାହୁଁ ଥିଲା।ସେଥିର୍ ଲାଗି ସେ ଇଟାକେ ଫେର୍ ତୁପିଦେଲା। ସେ ଏତେ ଖୁସି ହେଇଗଲାଯେ ତାର୍‌ଠାନେ ଯାହା ଥିଲା ସେ ଯେଇକରି ସବୁ ବିକିଦେଲା, ଆର୍ ଯେନ୍‌ତାକି ସେ ଖେତ୍‌କେ ଘିନି ପାର୍‌ବା ଯେନେ ସେ ସମ୍ପତି ଥିଲା।

![](https://cdn.door43.org/obs/jpg/360px/obs-en-34-05.jpg)

ସରଗ୍‌ ରାଏଜ୍ ଗୁଟେ ବହୁତ୍ ମୁଲ୍ୟର୍ ଶୁଦ୍ଧ ମତିର୍ ସମାନ୍। ଯେତ୍‌କିବେଲେ ଇଟାକେ ଗୁଟେ ମତି ବେପାରୀ ପାଏସି ସେ ତାର୍ ସବୁକିଛିକେ ବିକି ଦେସି କାଏଁଯେକି ସେ ସେଟାକେ ଘିନିପାର୍‌ବା।”

![](https://cdn.door43.org/obs/jpg/360px/obs-en-34-06.jpg)

ସେଠାନେ କେତେ ଲୋକ୍ ଥିଲେ ଯେନ୍‌ମାନେ ଭାବ୍‌ଲେ ଯେ, ମାହାପୁରୁ ସେମାନ୍‌କୁ ଗ୍ରହଣ କର୍‌ବେ କାଁକରି କି ସେମାନେ ଭଲ୍ କାମ୍ କରୁଥିଲେ। ଯେନ୍ ଲୋକ୍‌ ମାନେ ଭଲ୍ କାମ୍ ନାଇଁ କରନ୍‌ ସେମାନ୍‌କୁ ଖରାପ୍ ଭାବୁଥିଲେ, ସେଥିର୍ ଲାଗି ଯୀଶୁ ସେମାନ୍‌କୁ ଇ କଥାନୀ କହେଲେ: ଦୁଇଟା ଲୋକ୍ ଥିଲେ, ଦୁହେଁ ମନ୍ଦିର୍‌କେ ପ୍ରାର୍‌ଥନା କର୍‌ବାର୍ ଲାଗି ଗଲେ ସେମାନ୍‌କର୍ ଭିତୁରୁ ଗୁଟେ କର୍ ଅସୁଲ୍ କର୍‌ବାର୍ ଲୋକ୍ ଥିଲା ଆର୍ ଜନେ ଧାର୍‌ମିକ୍ ନେତା ଥିଲା।

![](https://cdn.door43.org/obs/jpg/360px/obs-en-34-07.jpg)

“ଧାର୍‌ମିକ୍ ନେତା ଇନ୍‌ତା ପ୍ରାର୍‌ଥନା କଲା, ଧନ୍ୟବାଦ୍ ମାହାପୁରୁ, ‘ଯେ ମୁଇଁ ଅଲ୍‌ଗା ଲୋକର୍ ମିତାର୍ ପାପି ନୁହେ ଆଏଁ- ଯେନ୍‌ତାକି ଡ଼ାକୁ, ଅନିଏ କକର୍‌ବାର୍ ଲୋକ୍, ବେଭିଚାରି, ଆର୍‌ ଯେନ୍‌ତାକି ଇଠାନେ ଆସି ଥିବାର କର ଅସୁଲ୍ କର୍‌ବାର୍ ଲୋକ୍ ବାଗିର୍ ପାପୀ ନୁହେଁସେ”’।

![](https://cdn.door43.org/obs/jpg/360px/obs-en-34-08.jpg)

“ଯେନ୍‌ତାକି ମୁଇଁ ସବୁ ହପ୍ତା ଥି ଦୁଇ ଥର୍ ଉପାସ୍ କର୍‌ସିଁ, ଆର୍ କମେଇଁ ଥିବାର୍ ଧନ୍ ସମ୍ପତିନୁ ଦସ ମାସଂ ତମ୍‌କୁ ଦେସିଁ।”

![](https://cdn.door43.org/obs/jpg/360px/obs-en-34-09.jpg)

ହେଲେ ସେ କର ଅସୁଲ୍ କର୍‌ବାର୍‌ ଲୋକ୍‌ ଦୂରିଆନ ଠିଆ ହେଲା ଆର୍ ସେ ସରଗ୍‌ ଆଡ୍‌କେ ବି ନେଇଁ ଦେଖ୍‌ଲା ଆର୍‌ ସେ ନିଜର୍ ଛାତିନ ବିଧା ମାରିକରି ପ୍ରାର୍‌ଥନା କଲା ଆର୍ କହେଲା, ମାହାପୁରୁ, ମତେ ଦୟାକର କାଏଁଯେ କି ମୁଇଁ ଜନେ ପାପୀ ଆଏ।

![](https://cdn.door43.org/obs/jpg/360px/obs-en-34-10.jpg)

ତେହେରୁଁ ଯୀଶୁ କହେଲେ, “ ମୁଇଁ ତମ୍‌କେ କହୁଛେ, ମାହାପୁରୁ କର ଅସୁଲ୍ କର୍‌ବାର୍ ଲୋକ୍‌ ର ପ୍ରାର୍‌ଥନାକେ ସୁନ୍‌ଲେ ଆର୍‌ ଧାର୍‌ମିକ୍ ନେତାକେ ଧାର୍‌ମିକ୍ ଘୋଷଣା ନେଇଁ କରି କରି କର୍ ଅସୁଲି କର୍‌ବାର୍ ଲୋକ୍‌କେ ଧାର୍ମିକ୍‌ ଘୋଷଣା କଲେ। ଯିଏ ଗର୍ବି ଆଏ ତାହାକେ ମାହାପୁରୁ ଅନାଦାର୍ କର୍‌ସନ୍, ହେଲେ ଯିଏ ନିଜ୍‌କେ ନମ୍ର କର୍‌ସି ତାହାକେ ସେ ଆଦର୍ କର୍‌ସନ୍।”

*ବାଇବଲ୍‌ର କଥାନୀ: ମଥିଉ ୧୩:୩୧-୪୬; ମାର୍କ ୪:୨୬-୩୪; ଲୁକ ୧୩:୧୮-୨୧;୧୮:୯-୧୪*

Audio: https://git.door43.org/OBS-TLF/spv_obs/releases/download/v1/spv_obs_v1_34_128kbps.m4a

## 35. ୩୫. ଦୟାଲୁ ବୁଆର୍‌ କଥାନୀ

https://openbiblestories.org/l/spv/story-35/

![](https://cdn.door43.org/obs/jpg/360px/obs-en-35-01.jpg)

ଦିନେ ଯୀଶୁ ବହୁତ୍ ଲୋକ୍ ମାନ୍‌କୁଁ ଶିକ୍ଷା ଦଉଥିଲେ ଯେନ୍‌ମାନେକି ଗଦା ହଇ କରି ତାକର୍ ଶିକ୍ଷାକେ ଶୁନୁଥିଲେ। ସେନ କରଆଦାୟକାରୀ ଆର୍ ମୁଶାର୍ ବେବସ୍ଥାକେ ନେଇଁ ମାନ୍‌ବାର୍ ଲୋକ ମାନେ ବି ଥିଲେ।

![](https://cdn.door43.org/obs/jpg/360px/obs-en-35-02.jpg)

କେତେ ଧାର୍‌ମିକ ନେତା ମାନେ ଦେଖ୍‌ଲେଯେ ଯୀଶୁ ଇ ଲୋକ୍‌ ମାନ୍‌କର୍ ସାଙ୍ଗେ ନିଜର୍ ସାଙ୍ଗ୍ ମିତାର୍ କଥା ହଉଛନ୍। ତେହେରୁଁ ସେମାନେ ନିଜର୍ ଭିତେରେ କୁହା କୁହି ହେଲେ ଯେ, ସେ ଭୁଲ୍ କାମ୍ କରୁଛନ୍।ଯୀଶୁ ସେମାନ୍‌କର୍ କଥାକେ ସୁନ୍‌ଲେ, ଆର୍‌ ଗୁଟେ କଥାନୀ କହେଲେ।

![](https://cdn.door43.org/obs/jpg/360px/obs-en-35-03.jpg)

“ଗୁଟେ ଲୋକର୍ ଦୁଇଟା ପିଲା ଥିଲେ। ତାର୍ ସାନ୍‌ପିଲା ତାର୍ ବାପାକେ କହେଲା, ବାପା, ଇହାଦେ ମତେ ମୋର୍ ସମ୍ପତିର୍ ଭାଗ ଦିଅ!’ ତେହେରୁଁ ତାର୍ ବାପା ତାର୍ ସମ୍ପତିକେ ଦୁଇ ଭାଇ ଲାଗି ଦୁଇବଟା କରିଦେଲେ।”

![](https://cdn.door43.org/obs/jpg/360px/obs-en-35-04.jpg)

“ସାଙ୍ଗେ ସାଙ୍ଗ ଛେଦ୍‌ଲି ପିଲା ଯାହାଥିଲା ତାର୍ ସବୁ ସମ୍ପତିକେ ଜମାକଲା ଆର୍ ଦୂର୍ ଦେଶ୍‌କେ ପଲାଲା। ଆର୍ ସମ୍ପତିକେ ଖରାପ୍ କାମଥି ଖର୍‌ଚା କରି କରି ସରେଇ ଦେଲା।

![](https://cdn.door43.org/obs/jpg/360px/obs-en-35-05.jpg)

ତାର୍‌ପରେ, ଛେଦ୍‌ଲି ପିଲା ଯେନେ ଥିଲା ସେ ଜାଗାନ ବଡ୍‌ଭାରି ଅକାଲ୍ ପଡ଼ଲା, ଆର୍ ତାର୍ ପାଖେ ଖାଏବାର୍‌ଟା ଘିନ୍‌ବାର୍ ଲାଗି ପଇସା ନାଇଁଥାଇଁ। ତେହେରୁଁ ତାହାକେ ଯେନ୍‌କାମ୍ ମିଲ୍‌ଲା ସେଟା କଲା, ସେ ଘୁଷୁରି ଚରାଲା। ସେ ଏତେ ଗୁଲ୍‌ଗୁଲା ଆର୍‌ ଭୁକା ହଇଯାଇ ଥିଲା ଯେ, ଘୁଷୁରି ମାନ୍‌କର୍ ଖାଏବାର୍‌ଟାକେ ଖାଏବାର୍‌ଲାଗି ଚାହୁଁଥିଲା।

![](https://cdn.door43.org/obs/jpg/360px/obs-en-35-06.jpg)

ଶେଷ୍ ନ, ସେ ଛେଦିଲି ପିଲା ନିଜ୍‌କେ କହେଲା, ମୁଇଁ ଇଠାନେ କାଣା କରୁଛେଁ? ମୋର୍ ବୁଆର୍ ହଲିଆ ମାନ୍‌କର୍ ନ ଖାଏବାର୍ ଲାଗି ବହୁତ୍ ଅଛେ, ହେଲେ ମୁଇଁ ଇନ ଭୁକେ ମରୁଛେଁ। ମୁଇଁ ମୋର ବାପା ନିକେ ଫିରି ଯିମି ଆର୍ କହେମି ମତେ ଗୁଟେ ତମର୍ ହଲିଆ ବାଗିର୍ ରଖ।

![](https://cdn.door43.org/obs/jpg/360px/obs-en-35-07.jpg)

“ତେହେରୁଁ ସେ ଛେଦ୍‌ଲି ପିଲା ତାର୍ ବୁଆର୍ ଘର୍ ଆଡ଼େ ଫିର୍‌ଲା।ଆର୍ ଯେତ୍‌କିବେଲେ ସେ ଦୂରେଥିଲା, ତାର୍ ବୁଆ ତାହାକେ ଦେଖ୍‌ଲା ଆର୍ ତାର୍ ଉପ୍‌ରେ ଦୟାକଲା। ସେ ତାର୍ ପୁଓ ନିକେ ନର୍‌ଧିଁ କରି ଗଲା ଆର୍ ଉଁଘେଇ କରି ଧର୍‌ଲା ଆର୍ ଚୁମା ଦେଲା।

![](https://cdn.door43.org/obs/jpg/360px/obs-en-35-08.jpg)

ପୁଓ କହେଲା, “ବୁଆ ଗୋ, ମୁଇଁ ମାହାପୁରୁର୍ ଆର୍ ତମର୍ ବିରୋଧ୍ ନ ପାପ୍ କରିଛେଁ। ମୁଇଁ ତୁମର୍ ପୁଓ ହେବାର୍ ଯୋଗ୍ୟ ନୁହେଁସେ।”’

![](https://cdn.door43.org/obs/jpg/360px/obs-en-35-09.jpg)

“ତେହେରୁଁ ତାର୍ ବୁଆ ଗୁଟେ ହଲିଆକେ କହେଲା, ‘ଯଲ୍‌ଦି ଯା ଆର୍ ସବୁଠାନୁ ବଢିଁଆ କପଡ଼ା ଆନ୍ ଆର୍ ମୋର୍ ପୁଓକେ ପିନ୍ଧା, ତାର୍ ଆଙ୍ଗ୍‌ଠିନ ମୁଦି, ଆର୍ ପାଦେ ଚପଲ୍ ପିନ୍ଦା। ଆରୁ ସବୁଠାନୁ ବଢିଁଆ ମେଲ୍‌ଛା ମାର୍ ଯେନ୍‌ତାକି ଭୁଜି ଆରୁ ଉସଦ୍‌ ମନାମା, କାଏଁଯେ କି ମୋର ଇ ପୁଓ ମରିଯାଇ ଥିଲା, ହେଲେ ଇହାଦେ ବଚିଁଛେ! ସେ ହଜି ଯାଇଥିଲା, ହେଲେ ଏବେ ଆମେ ତାହାକେ ପାଇଛୁଁ।”’

![](https://cdn.door43.org/obs/jpg/360px/obs-en-35-10.jpg)

ତେହେରୁଁ ଲୋକ୍‌ ମାନେ ଖୁସି ମନାବାର୍ ଆରମ୍ କଲେ।କେତେ ସମିୟାଁ ଗଲାପରେ, ବଡ୍‌ଖା ପିଲା ଖେତ୍‌ନୁ କାମ୍ କରି କରି ଘର୍‌କେ ଆସ୍‌ଲା। ସେ ଗୀତ୍ ଆରୁ ନାଚ୍‌ବାର୍ ଆବାଜ୍‌କେ ସୁନ୍‌ଲା ଆର୍ କାଣା ହଉଛେ ବଲିକରି ଆବାକ୍‌ ହେଇଗଲା।

![](https://cdn.door43.org/obs/jpg/360px/obs-en-35-11.jpg)

ଯେତ୍‌କିବେଲ୍‌କେ ବଡ୍‌ଖା ପୁଓ ଯାନି ପାର୍‌ଲା ଯେ ସାନ୍ ପୁଓ ଘର୍‌କେ ଆସିଛେ ହେଥିର୍‌ଲାଗି ଉସବ୍ ମନଉଛନ୍, ସେ ବହୁତ୍ ରିସ୍‌ମି ହଇଗଲା ଆର୍ ଘର୍‌କେ ନାଇଁ ଯାଇ।ତାର୍ ବୁଆ ଘରୁ ବାହାର୍‌କେ ଆସ୍‌ଲା ଆର୍ କହେଲା ଚାଲ୍ ସେମାନ୍‌କର୍ ସାଙ୍ଗେ ଖୁସି ମନାଁ, ହେଲେ ସେ ମନାକରିଦେଲା।

![](https://cdn.door43.org/obs/jpg/360px/obs-en-35-12.jpg)

ବଡ୍‌ଖା ପୁଓ ତାର୍ ବୁଆକେ କହେଲା, ବରଷ୍ ସାରା ମୁଇଁ ତୁମର୍‌ଲାଗି ବିସ୍ୱସ୍ତ ଭାବେ କାମ୍‌କରିଛେ! ମୁଇଁ କେଭେବି ତୁମର୍ କଥାକେ ଅମାନ୍ୟ ନାଇଁ କରି, ହେଲେବି ତମେ ମତେ ମୋର୍ ସାଙ୍ଗ୍ ମାନ୍‌କର୍ ସାଙ୍ଗେ ଖୁସି ମନାବାର୍ ଲାଗି ଛେଲ୍ ଛୁଆଟେ ବି ନେଇଁ ଦେଲ। ହେଲେ ଇ ତୁମର୍ ପୁଓ ପାପ୍ କାମ୍ କରି କରି ସବୁ ପଇସାକେ ବର୍‌ବାଦ୍ କରିଦେଇଛେ। ଆର୍ ଯେତ୍‌କିବେଲେ ସେ ଘର୍‌କେ ଆସ୍‌ଲା, ତୁମେ ଖୁସି ମନାବାର୍ ଲାଗି ଭଲ୍ ମେଲ୍‌ଛାଟେ ମାରିଛ।

![](https://cdn.door43.org/obs/jpg/360px/obs-en-35-13.jpg)

“ତାର୍ ବାପା ଉତର୍ ଦେଲା, “ହଏରେ ମୋର୍ ପୁଓ, ତୁଇତ ସବୁବେଲେ ମୋର୍ ସାଙ୍ଗେ ଅଛୁ, ଯାହାସବୁ ମୋର୍ ଅଛେ ସବୁତ ତୋର୍ ଆଏ। ଆମ୍‌କୁଁ ଖୁସି ମନାବାର୍ କଥା କାଏଁହେଲାଯେ ବଏଲେ ତୋର୍ ଭାଇ ମରିଯାଇ ଥିଲା, ହେଲେ ଇହାଦେ ବଞ୍ଚିଛେ। ସେ ହଜିଯାଇଥିଲା ଆର୍ ଆମେ ତାହାକେ ପାଇଛୁଁ!”

*ବାଇବଲ୍‌ର କଥାନୀ: ଲୁକ ୧୫*

Audio: https://git.door43.org/OBS-TLF/spv_obs/releases/download/v1/spv_obs_v1_35_128kbps.m4a

## 36. ୩୬. ରୂପାନ୍ତର

https://openbiblestories.org/l/spv/story-36/

![](https://cdn.door43.org/obs/jpg/360px/obs-en-36-01.jpg)

ଦିନେ, ଯୀଶୁ ତାକର୍ ତିନ୍‌ଟା ଚାଲା, ପିତର୍, ଯାକୁବ୍ ଆର୍‌ ଯୋହନ୍‌କେ ତାକର୍‌ ସାଙ୍ଗେ ନେଇଁ କରି ଗଲେ।(ଇନ ଯୋହନ ବଲିକରି ଯେନ୍‌ ଚାଲା ଥିଲା, ଇଟା ସେ ଯୋହୋନ ନୁହେଁସେ ଯିଏ ଯୀଶୁଙ୍କୁ ଡୁବନ୍ ଦେଇଥିଲେ) ସେମାନେ ପ୍ରାର୍‌ଥନା କରବାର୍ ଲାଗି ଗୁଟେ ଉଚ୍ଚା ପାହାଡ୍‌କେ ଗଲେ।

![](https://cdn.door43.org/obs/jpg/360px/obs-en-36-02.jpg)

ଯେତ୍‌କିବେଲେ ଯୀଶୁ ପାର୍‌ଥନା କରୁଥିଲେ, ତାକର୍ ଚେହେରା ସୁର୍ଯ୍ୟ ଭଲିଆ ଉଜାଲା ହଇଗଲା। ତାକର୍ ପୁଷାକ୍ ଆଲୋକ୍ ଭଲିଆ ଧୋପ୍ ହଇଗଲା। ଇ ଦୁନିଆର୍ କିଏବି ଏନ୍‌ତା କରି ନେଇଁ ପାରନ୍ ହେନ୍‌ତା ଧୋପ୍।

![](https://cdn.door43.org/obs/jpg/360px/obs-en-36-03.jpg)

ତେହେରୁଁ ମୋଶା ଆର୍ ଏଲିୟ ଭବିଷ୍ୟଦ୍‌ବକ୍ତା ଦେଖାଦେଲେ। ଇ ଲୋକ୍‌ମାନେ ଇତାର୍ ଶହ ଶହ ବରଷ୍ ଆଗନୁ ଇ ଜଗତ୍‌ନ ରହୁଥିଲେ। ସେମାନେ ଯୀଶୁର୍ ସାଙ୍ଗେ ତାକର୍ ମରଣ୍‌ର କଥା ବାର୍‌ତ୍ତା ହେଲେ।କାଏଁଯେକି ସେ ଜଲ୍‌ଦି ଯିରୁଶାଲମ୍‌ନ ମର୍‌ବେ।

![](https://cdn.door43.org/obs/jpg/360px/obs-en-36-04.jpg)

ଯେତ୍‌କିବେଲ୍‌କେ ମୋଶା ଆର୍ ଏଲିୟ ଯୀଶୁର୍ ସାଙ୍ଗେ କଥା ବାର୍‌ତା ହଉଥିଲେ, ପିତର୍‌ ଯୀଶୁକେ କହେଲେ, “ଇନ ରହେ ବାର୍‌ଟା ଆମର୍ ଲାଗି ଭଲ୍ଏ। ଚାଲ୍ ତିନ୍‌ଟା ଘର୍ ବନାମା, ଗୁଟେ ତୁମର୍ ଲାଗି, ଗୁଟେ ମୋଶାର୍ ଲାଗି, ଆର୍ ଗୁଟେ ଏଲିୟର୍‌ ଲାଗି।” ହେଲେ ପିତର କାଣା କହୁଥିଲେ ଯେ ନିଜେ ଯାନିନେଇଁ ପାରୁଥାଇ।

![](https://cdn.door43.org/obs/jpg/360px/obs-en-36-05.jpg)

ପିତର ଯେତ୍‌କିବେଲେ କଥା ହଉଥିଲେ, ଗୁଟେ ଉଜଲ୍ ମେଘ ତଲ୍‌କେ ଆସ୍‌ଲା ଆର୍ ସେମାନ୍‌କୁ ଘେରି ନେଲା। ଆର୍ ମେଘ୍‌ନୁ ଗୁଟେ ଆବାଜ୍ ଆସଲା।କହେଲା, “ଇଟା ମୋର୍ ପୁଓ ଯାହାକେ ମୁଇଁ ପ୍ରେମ କର୍‌ସିଁ ତାର୍ ଉପରେ ମୁଇଁ ଖୁସି ଆଏ।ତାକର୍ କଥା ଶୁନ।” ତାକର୍ ତିନ୍‌ଟା ଚାଲା ମାନେ ଡରି ଗଲେ ଆର୍ ତଲେ ପଡିଗଲେ।

![](https://cdn.door43.org/obs/jpg/360px/obs-en-36-06.jpg)

ତେହେରୁଁ ଯୀଶୁ ସେମାନ୍‌କେ ଛି ଲେ ଆର୍ କହେଲେ, “ ନେଇଁ ଡର, ଉଠ।” ସେମାନେ ଯେତ୍‌କିବେଲେ ନିଜର୍ ଚାରି ତରାକେ ଦେଖ୍‌ଲେ, ସେନେ ଖାଲି ଯୀଶୁ ଥିଲେ।

![](https://cdn.door43.org/obs/jpg/360px/obs-en-36-07.jpg)

ଯୀଶୁ ଆର୍ ତାକର୍ ତିନ୍‌ଜନ୍ ଚାଲା ପର୍ବତ୍‌ର ତଲ୍ ଆଡ଼କେ ଉତ୍‌ରି ଆଏଲେ, ତେହେରୁଁ ଯୀଶୁ ସେମାନ୍‌କୁଁ କହେଲେ, ଏତ୍‌କି ବେଲ୍‌ତକ୍ ଇନେ ଯାହା ଘଟ୍‌ଲା କାହାକେ ନାଇଁ କହେବ, ମୁଇଁ ଜଲ୍‌ଦି ମର୍‌ମି ଆର୍ ଫେର୍ ଜିଁ ଉଠ୍‌ମି। ତାର୍‌ପରେ, ତୁମେ ଲୋକ୍ ମାନ୍‌କୁ କହେବ।

*ବାଇବଲ୍‌ର କଥାନୀ: ମାଥିଉ ୧୭:୧-୯; ମାର୍କ ୯:୨-୮; ଲୁକ ୯:୨୮-୩୬ ; ଯୋହନ ୯:୨୮-୩୬*

Audio: https://git.door43.org/OBS-TLF/spv_obs/releases/download/v1/spv_obs_v1_36_128kbps.m4a

## 37. ୩୭. ଯୀଶୁ ମଲା ଲାଜାର୍‌କେ ଜିଁଆଲେ

https://openbiblestories.org/l/spv/story-37/

![](https://cdn.door43.org/obs/jpg/360px/obs-en-37-01.jpg)

ଲାଜାର୍ ବଲିକରି ଜଣେ ଲୋକ୍ ଥିଲେ। ମରିୟମ୍ ଆର୍‌ ମାର୍ଥା ନାଁରେ ତାକର୍‌ ଦୁଇଟା ବୁହେନ୍‌ ଥିଲେ। ସେମାନେ ସବେ ଯୀଶୁର୍ ଅତି ନିଜର୍ ସାଙ୍ଗ୍ ଥିଲେ। ଦିନେ କିଏ ଜନେ ଯୀଶୁଙ୍କୁ କହେଲେ ଯେ ଲାଜାର୍ ବହୁତ୍ ବେମାର୍‌ରେ ପଡିଛନ୍‌। ଯେତ୍‌କିବେଲେ ଯୀଶୁ ଇଟା ଶୁନ୍‌ଲେ, ସେ କହେଲେ, “ଇ ବେମାର୍‌ ମୃତ୍ୟୁର୍ ଲାଗି ନୁହେଁସେ, ହେଲେ ମାହାପୁରୁର୍ ମହିମା ଲାଗି ଆଏ, ଯେନ୍‌ତାକି ଲୋକ୍‌ମାନେ ମାହାପୁରୁର୍ ଆଦର୍ କର୍‌ବେ। ”

![](https://cdn.door43.org/obs/jpg/360px/obs-en-37-02.jpg)

ଯୀଶୁ ତାକର୍ ସାଙ୍ଗ ମାନ୍‌କେ ଭଲ୍ ପାଉଥିଲେ, ହେଲେ ସେ ଦୁଇ ଦିନ୍ ତକ୍‌ ଅଟ୍‌କି ଥିଲେ। ଦୁଇ ଦିନର୍ ପରେ ସେ ତାକର୍ ଚାଲାମାନ୍‌କୁଁ କହେଲେ, “ଚାଲ ଯିହୁଦା ଦେଶ୍‌କେ ଫିରି ଯିମା।” ହେଲେ ଚାଲାମାନେ ଉତର୍ ଦେଲେ “ଗୁରୁ”, “ କିଛି ସମିୟାଁ ଆଗରୁତ ସେ ଲୋକ୍‌ମାନେ ତମ୍‌କୁଁ ମାର୍‌ବାର୍ ଲାଗି ଚାହୁଁଥିଲେ!” ଯୀଶୁ କହେଲେ, “ଆମର୍‌ ସାଙ୍ଗ୍ ଲାଜାର୍ ସୁଇ ପଡିଛନ୍, ଆର୍ ମୁଇଁ ତାହାକୁ ଉଠାମି।

![](https://cdn.door43.org/obs/jpg/360px/obs-en-37-03.jpg)

ଯୀଶୁଙ୍କର୍ ଚାଲାମାନେ ଉତ୍ତର ଦେଲେ, “ଗୁରୁ, ଲାଜାର୍ ଯଦି ଶୁଇଛନ୍, ତାହେଲେ ସେ ଭଲ୍ ହେଇଯିବେ।” ତେହେରୁଁ ଯୀଶୁ ସେମାନ୍‌କୁ ଖୁଲା ଖୁଲି ଭାବେ କହିଲେ, “ଲାଜାର୍ ମରି ଯାଇ ଛନ୍‌। ମୁଇଁ ଖୁସି ଆଏଁ ଯେ ମୁଇଁ ସେଠାନେ ନେଇଁଥାଇ, ଇଥିର୍ ଲାଗି ତମେ ମର୍‌ ଉପରେ ବିଶ୍ୱାସ୍ କର୍‌ବ। ”

![](https://cdn.door43.org/obs/jpg/360px/obs-en-37-04.jpg)

ଯେତ୍‌କି ବେଲେ ଯୀଶୁ ଲାଜାର୍‌ର ସହର୍‌କେ ପୁହୁଚିଁଲେ, ଲାଜାର୍ ମର୍‌ବାର୍‌ଟା ଚାର୍ ଦିନ୍‌ ହେଇ ଯାଇଥିଲା ନ। ମାର୍ଥା ଯୀଶୁକେ ଭେଟ୍ ପଡ୍‌ବାର୍‌କେ ଗଲେ ଆର୍‌ କହିଲେ, “ ହେ ଗୁରୁ, ଯଦି ତମେ ଇଠାନେ ଥିତ, ମୋର୍‌ ଭାଇ ନେଇଁ ମରିଥିତା।ହେଲେ ମୁଇଁ ବିଶ୍ୱାସ୍ କରୁଛେଁ ତୁମେ ଯାହାବି ତାକର୍ ଲାଗି ମାଗ୍‌ବ ମାହାପୁରୁ ତୁମ୍‌କେ ସେଟା ଦେବେ। ”

![](https://cdn.door43.org/obs/jpg/360px/obs-en-37-05.jpg)

ଯୀଶୁ ଉତ୍ତର୍‌ ଦେଲେ, “ମୁଇଁ ପୁନରୁଥାନ୍‌ ଆର୍‌ ଜୀବନ୍‌। ଯିଏ ମୋର୍‌ ଉପ୍‌ରେ ବିଶ୍ୱାସ୍‌ କର୍‌ସି ସେ ମରିଗଲେ ବି ବଞ୍ଚବା। ଯେନ୍‌ମାନେ ମତେ ବିଶ୍ୱାସ୍‌ କର୍‌ସନ୍‌ ସେମାନେ କେବେବି ନେଇଁ ମରନ୍। ତୁମେ କାଣା ଇଟା ବିଶ୍ୱାସ୍‌ କରୁଛ ? ” ମାର୍ଥା କହେଲେ, “ହଁ ଗୁରୁ! ମୁଇଁ ବିଶ୍ୱାସ୍‌ କରୁଛେଁ ତମେ ମସିହା, ମାହାପୁରୁର୍ ପୁଓ ଅ। ”

![](https://cdn.door43.org/obs/jpg/360px/obs-en-37-06.jpg)

ତେହେରୁଁ ମରିୟମ୍‌ ପହୁଁଚିଲେ। ସେ ଯୀଶୁର୍ ପାଦ୍‌ତଲେ ପଡ଼ିଗଲେ ଆର୍‌ କହେଲେ, “ଗୁରୁ, ଯଦି ତମେ ଇନ ଥିତ, ମୋର ଭାଇ ନାଇଁ ମରିଥିତେ।” ଯୀଶୁ ସେମାନ୍‌କୁଁ ପଚ୍‌ରାଲେ, “ତମେ ଲାଜାର୍‌କେ କେନ୍‌ଠାନେ ରଖିଛ?” ସେମାନେ କହେଲେ, “କବର୍ ଭିତ୍‌ରେ। ଆସ ଆର୍ ଦେଖ।” ତାର୍‌ପରେ ଯୀଶୁ କାନ୍ଦ୍‌ଲେ।

![](https://cdn.door43.org/obs/jpg/360px/obs-en-37-07.jpg)

ସେ କବର୍ ଗୁଟେ ଗୁମ୍ଫା ଥିଲା ଯେନ୍‌ଠାନେ ଖୁଲ୍‌ବାର୍ ଦୁଆନ ଗୁଟେ ପଥର୍ ଗଡେଇ ଦିଆହେଇଥିଲା। ଯେତ୍‌କିବେଲେ ଯୀଶୁ କବର୍ ନିକେ ପୁହୁଁଚିଲେ, ସେ ସେମାନ୍‌କୁଁ କହେଲେ, “ପଥର୍‌କେ ଖସ୍‌ରେଇ ଦିଅ।” ହେଲେ ମାର୍ଥା କହେଲେ, “ସେ ଚାର୍‌ ଦିନ ହେଲା ମଲେନ। ସେଟା ଗନ୍ଧି ଯାଇ ଥିବା ନ।”

![](https://cdn.door43.org/obs/jpg/360px/obs-en-37-08.jpg)

ଯୀଶୁ ଉତ୍ତର୍ ଦେଲେ, ମୁଇଁ ତମ୍‌କୁଁ କାଣା ନାଇଁ କହିଥାଇ ତମେ ଯଦି ମତେ ବିଶ୍ୱାସ୍ କର୍‌ବ ତାହାଲେ ମାହାପୁରୁର୍‌ ଶକ୍ତିକେ ଦେଖ୍‌ବ?” ତାର୍‌ପରେ ସେମାନେ ପଥର୍ ଖସ୍‌ରେଇ ଦେଲେ।

![](https://cdn.door43.org/obs/jpg/360px/obs-en-37-09.jpg)

ତେହେରୁଁ ଯୀଶୁ ସରଗ୍‌ ଆଡ଼୍‌କେ ଦେଖିକରି କହେଲେ, “ ହେ ପିତା, ମୋର୍ କଥା ଶୁନିଥିବାର୍‌ ଲାଗି ଧନ୍ୟବାଦ୍। ମୁଇଁ ଯାନିଛେଁ ତମେ ସବୁବେଲେ ମୋର୍ କଥାକେ ଶୁନ୍‌ସ, ହେଲେ ଇଠାନେ ଯେନ୍‌ମାନେ ଠିଆ ହେଇଛନ୍ ସେମାନ୍‌କେ ସାହାର୍ଯ୍ୟ କର୍‌ବାର୍ ଲାଗି ଇଟା ମୁଇଁ କହୁଛେଁ, ଯେନ୍ତାକି ସେମାନେ ତମ୍‌କୁ ବିଶ୍ୱାସ୍ କର୍‌ବେ ଯେ, ତୁମେ ମତେ ପଠେଇଛ। ତାର୍‌ପରେ ଯୀଶୁ ଜୋର୍‌ସେ ଲଡି କରି କହେଲେ, “ଲାଜାର୍‌, ବାହାରି ଆସ!”

![](https://cdn.door43.org/obs/jpg/360px/obs-en-37-10.jpg)

ତାର୍‌ପରେ ଲାଜାର୍ ବାହାରି ଆଏଲେ ! ଆରୁ ସେ କପ୍‌ଡ଼ାରେ ଗୁରେଇ ହେଇଥିଲେ। ଯୀଶୁ ସେମାନ୍‌କୁ କହେଲେ, “ସେ ଗୁରେଇ ହେଇଥିବାର୍‌ କପଡ଼ାକେ ଖୁଲିକରି ତାହାକେ ବାହାରିବାର୍‌ ଲାଗି ସାହାଯ୍ୟ କର!” ବହୁତ୍ ଯିହୁଦୀ ଲୋକ୍‌ମାନେ ଯୀଶୁକେ ବିଶ୍ୱାସ୍ କଲେ କାଏଁଯେକି ସେମାନେ ଯୀଶୁର୍ ଆଶ୍ଚଯ୍ୟ କାମ୍‌କେ ଦେଖ୍‌ଲେ।

![](https://cdn.door43.org/obs/jpg/360px/obs-en-37-11.jpg)

ହେଲେ ଯିହୁଦୀ ଧାର୍ମିକ୍‌ ନେତା ମାନେ ଯୀଶୁକେ ଅଂହକାର୍‌ ହେଲେ, ସେଥିର୍‌ଲାଗି ସେମାନେ ସବେ ଏକ୍‌ଜୁଟ୍‌ ହେଲେ ଆର୍ ଯୀଶୁ ଆର୍ ଲାଜାର୍‌କେ ମାର୍‌ବାର୍ ଲାଗି ଯୋଜନା କଲେ।

*ବାଇବିଲ୍‌ର କଥାନୀ : ଯୋହନ ୧୧:୧-୪୬*

Audio: https://git.door43.org/OBS-TLF/spv_obs/releases/download/v1/spv_obs_v1_37_128kbps.m4a

## 38. ୩୮ ଯୀଶୁଙ୍କୁ ଶତୃ ହାତେଁ ଧରେଇ ଦେଲେ

https://openbiblestories.org/l/spv/story-38/

![](https://cdn.door43.org/obs/jpg/360px/obs-en-38-01.jpg)

ଯୀହୁଦୀ ମାନେ ସବୁ ବର୍‌ଷେଁ ନୀସ୍ତାର୍ ପରବ୍ ପାଲନ୍ କରୁଥିଲେ। ମାହାପୁରୁ କେନ୍ତା କୀସ୍‌ମେ ତାକର୍ ପୁର୍ବ ପୁରୁଷ୍‌ ମାନ୍‌କୁ ମିଶର୍ ଦେଶୁ କିଣା ଚାକର୍ କାମ୍‌ନୁ ଶହ ଶହ ବରଷ୍ ଆଗନୁ ଉଦ୍ଧାର୍ କରିଥିଲେ। ଇଥିର୍ ଲାଗି ଇ ପରବ୍ ପାଲନ୍ କରୁଥିଲେ। ଯୀଶୁର୍‌ ପହେଲା କରି ଲୋକ୍ ମାନ୍‌କର୍‌ନ ପ୍ରଚାର୍ ଆରୁ ଶିକ୍ଷା ଦେବାର୍‌ କାମ୍ ଆରମ୍ କର୍‌ବାର ପାଖାପାଖି ତିନ୍ ବରଷ୍ ପରେ, ଯୀଶୁ ତାକର୍ ଚାଲା ମାନ୍‌କେ କହେଲେ ଯେ ସେ ତାକର୍ ସାଙ୍ଗେ ଇ ନିସ୍ତାର୍ ପରବ୍ କେ ଯିରୁଶାଲମ୍ ନ ପାଲନ୍ କର୍‌ବାର୍ ଲାଗି ଚାହୁଁଛନ୍‌। ଆର୍ ସେନ ତାହାକୁ ମାରି ଦିଆଯିବା।

![](https://cdn.door43.org/obs/jpg/360px/obs-en-38-02.jpg)

ଯୀଶୁର୍ ଗୁଟେ ଚାଲା ତାର୍ ନାଁ ଯିହୁଦା। ଯିହୁଦା ପ୍ରେରିତ୍ ମାନ୍‌କର୍‌ ପଏସା ମୁନା ଧରୁଥିଲା। ହେଲେ ସେ ବାର୍ ବାର୍ ଇ ପଏସା ମୁନାନୁ ପଏସା ଚୁରୋଉ ଥିଲା। ଯୀଶୁ ଆର୍ ତାକର୍ ଚାଲା ମାନେ ଯିରୁଶାଲମ୍ କେ ପୁହୁଁଚିଲା ପରେ, ଯିହୁଦା ଯିହୁଦୀ ମାନ୍‌କର୍‌ ନେତା ମାନ୍‌କର୍‌ ନିକେ ଗଲା। ପଏସା ଦେଲେ ଯୀଶୁକୁ ଧରେଇ ଦେମି ବଲି ଯଚେଇ ହେଲା। ସେ ଯାନି ଥିଲାଯେ ଯିହୁଦୀ ନେତା ମାନେ ଯୀଶୁଙ୍କୁ ମସିହା ବଲି କରି ଗ୍ରହଣ ନେଇ କରୁଥାଇଁ। ସେ ଜାନିଥିଲା ଯେ ସେମାନେ ତାହାକେ ମାର୍‌ବାର ଲାଗି ଚାହୁଁଛନ୍‌।

![](https://cdn.door43.org/obs/jpg/360px/obs-en-38-03.jpg)

ପ୍ରଧାନ୍ ଯାଜକର୍‌ ନେତୃତ୍ୱ ନ ଯୀଶୁକେ ଧରେଇ ଦେବାର୍ ଲାଗି ଯିହୁଦୀ ନେତାମାନେ ଯିହୁଦାକେ ତିରିସ୍ ଟା ରୁପାର୍‌ ଟଙ୍କା ଦେଲେ। ଯେନ୍‌ତା ଭାବବାଦି ମାନେ କହିଥିଲେ ସେନ୍‌ତା ହିଁ ଘଟ୍‌ଲା।ଯିହୁଦା ଧରାବାର୍ ଲାଗି ରାଜି ହେଲା, ପଏସା ନେଲା, ଆର୍ ଅଲ୍‌ଗା ଆଡ଼େ ପଲାଲା। ଯୀଶୁଙ୍କୁ ବନ୍ଧି କର୍‌ବାର୍ ଲାଗି ସେମାନ୍‌କୁ ସାହାର୍ଯ୍ୟ କର୍‌ବାର୍‌ଲାଗି ସେ ଗୁଟେ ସୁଯୋଗ୍‌ ଖୁଜ୍‌ବାର୍‌ ଆରମ୍ କଲା।

![](https://cdn.door43.org/obs/jpg/360px/obs-en-38-04.jpg)

ଯିରୁଶାଲମ୍‌ ନ ଯୀଶୁ ତାକର୍ ଚାଲାମାନ୍‌କର୍ ସାଙ୍ଗେ ନିସ୍ତାର୍‌ ପରବ୍ ପାଲନ୍ କଲେ। ନିସ୍ତାର୍ ପରବ୍‌ ଭୁଜି ବେଲ୍‌କେ, ଯୀଶୁ କେତେଟା ରୁଟି ନେଇକରି ଖଣ୍ତ ଖଣ୍ତ କଲେ। ସେ କହେଲେ ଇଟା ନିଅ ଆଉ ଖଅ, ଇଟା ମୋର ଶରୀର୍ ଆଏ, ଇଟା ମୁଇଁ ତୁମର୍‌ ମାନ୍‌କର୍‌ ଲାଗି ଦେଉଛେଁ। ମତେ ସୋର୍ କର୍‌ବାର୍‌ ଲାଗି ଇଟା କର।ଏନ୍‌ତା କିସ୍‌ମେ, ଯୀଶୁ କହିଲେଯେ ସେମାନ୍‌କର୍ ଲାଗି ମର୍‌ବେ, ଆର୍ ସେମାନ୍‌କର୍ ଲାଗି ନିଜର୍ ଦିହେଁକେ ବଳି ଚଢାବେ।

![](https://cdn.door43.org/obs/jpg/360px/obs-en-38-05.jpg)

ତେହେରୁଁ ଯୀଶୁ ପାଏନ୍ ଗ୍ଲାସ୍ ନୁ ଦ୍ରାକ୍ଷାରସ୍‌ ନେଲେ ଆର୍ କହେଲେ, ଇଟା ପିଅ। ଇଟା ହେଉଛେ ନୁଆଁ ଚୁକ୍ତିର୍ ମୋର୍ ରକତ୍, ମୁଇଁ ଢାଲିଦେମି ତେହେରୁଁ ମାହାପୁରୁ ତୁମର୍ ପାପ୍‌ କ୍ଷମା କର୍‌ବେ। ତୁମେମାନେବି ଏନ୍‌ତାକର ଯେନ୍‌ତା ମୁହିଁ ଇହାଦେ କରୁଛେଁ, ଯେତେକି ବେଲ୍‌କେ ଇନୁ ପିଇବ ମତେ ସବୁବେଲେ ମନେପକାବ।

![](https://cdn.door43.org/obs/jpg/360px/obs-en-38-06.jpg)

ତାର୍‌ପରେ ଯୀଶୁ ଚେଳା ମାନ୍‌କେ କହେଲେ, “ତୁମର୍ ମାନ୍‌କର୍ ଭିତୁରୁ ଜନେ ମତେ ବିଶ୍ୱାସ୍‌ଘାତ୍‌ କର୍‌ବା।”ଚାଲା ମାନେ ଚକିତ୍‌ ହେଇଗଲେ, ଆର୍ ପଚ୍‌ରାବାର୍‌କେ ଲାଗ୍‌ଲେ କିଏ ଏନ୍‌ତା କାମ୍ କର୍‌ବା। ଯୀଶୁ କହେଲେ, “ମତେ ବିଶ୍ୱାସ୍‌ଘାତ୍‌ କର୍‌ବାର୍ ଲୋକ ଇଟା ଆଏଁ ଯାହାକେ ମୁଇଁ ଇ ଭାଙ୍ଗ୍‌ଲା ରୁଟି ଦେଉଛେଁ।” ତାର୍‌ପରେ ରୁଟି ଯିହୁଦା କେ ଦେଲେ।

![](https://cdn.door43.org/obs/jpg/360px/obs-en-38-07.jpg)

ଇ ରୁଟିକେ ନେବାର୍ ଉତାରେଁ, ଯିହୁଦାର୍ ମନ୍ ଭିତ୍‌ରେଁ ଶଏତାନ୍ ପସ୍‌ଲା। ଯିହୁଦା ସେ ଜାଗା ନୁ ପଲେଇ ଆଏଲା ଆର୍ ଯୀଶୁ କେ ଧରାବାର୍‌ ଲାଗି ଯିହୁଦୀ ନେତା ମାନ୍‌କେ ସାହାର୍ଯ୍ୟ କଲା।ଇଟା ରାତିର୍ ସମିୟାଁ ଥିଲା।

![](https://cdn.door43.org/obs/jpg/360px/obs-en-38-08.jpg)

ଖାଇ ସାର୍‌ଲା ପରେଁ, ଯୀଶୁ ଆର୍ ଚାଲାମାନେ ଜୀତ ପର୍ବତ୍‌କେ ଗଲେ। ଯୀଶୁ ସେମାନ୍‌କୁଁ କହେଲେ, “ତୁମେମାନେ ଆଏଜ୍ ସବେ ମତେ ଛାଡ଼ି ଦେବ। ଇଟା ଲେଖା ହେଇଛେଁ, ‘ମୁଇଁ ମେଷ ପାଲକ୍ କେ ମାର୍‌ମି ଆର୍ ସବୁ ମେଷମାନେ ଇଆଡ଼େ ସେଆଡ଼େ ହଇଯିବେ।”’

![](https://cdn.door43.org/obs/jpg/360px/obs-en-38-09.jpg)

ପିତର୍ ଉତ୍ତର୍ ଦେଲେ, “ ସବେ ତମ୍‌କେ ଛାଡ଼ଲେ ବି ମୁଇଁ ତୁମକୁଁ କେବେ ନାଇଁ ଛାଡେ!” ତେହେରୁଁ ଯୀଶୁ ପିତର୍‌କେ କହେଲେ, “ ଶଏତାନ୍ ତମ୍‌କେ ସବ୍‌କେ ନେବାର୍‌କେ ଚାହୁଁଛେ, ହେଲେ ପିତର୍, ମୁଇଁ ତମର୍ ଲାଗି ସବୁବେଲେ ପ୍ରାର୍‌ଥନା କରୁଛେଁ, ଯେନ୍‌ତାକି ତମେ ବିଶ୍ୱାସ୍ ନ ଦୁର୍‌ବଲ୍ ନେଇ ହେଇଯିବ, ହେଲେ ବି, ଆଏଜ୍ ରାତି କୁକୁଡ଼ା ଡାକ୍‌ବାର୍ ଆଗୋନୁ ତମେ ମତେ ତିନ୍‌ଥର୍ ନାଇ ଜାନିବଲି ମନା କର୍‌ବ।

![](https://cdn.door43.org/obs/jpg/360px/obs-en-38-10.jpg)

ପିତର୍ ତେହେରୁଁ ଯୀଶୁଙ୍କୁ କହେଲେ, “ମୁଇଁ ମରିଗଲେବି, “ତମ୍‌କେ କେଭେ ନାଇଯାନି ବଲି ଅସ୍ୱୀକାର୍ ନାଇ କରେଁ” ଆରୁ ଅଲ୍‌ଗା ଚାଲା ମାନେବି ଇକଥା କହେଲେ।

![](https://cdn.door43.org/obs/jpg/360px/obs-en-38-11.jpg)

ତାର୍‌ପରେ ଯୀଶୁ ତାକର୍ ଚାଲା ମାନ୍‌କର୍ ସାଙ୍ଗେ ଗେଥ୍‌ଶିମାନି ବଲିକରି ଗୁଟେ ଜାଗାକେ ଗଲେ। ଯୀଶୁ ତାକର୍ ଚାଲା ମାନ୍‌କୁଁ ପ୍ରାର୍ଥନା କର୍‌ବାର୍ ଲାଗି କହେଲେ, ଯେନ୍‌ତାକି ସେମାନେ ପରୀକ୍ଷା ନ ନାଇ ପଡ୍‌ବେ। ତେହେରୁଁ ଯୀଶୁ ନିଜେ ପ୍ରାର୍‌ଥନା କର୍‌ବାର୍ ଲାଗି ଗଲେ।

![](https://cdn.door43.org/obs/jpg/360px/obs-en-38-12.jpg)

ଯୀଶୁ ତିନ୍ ଥର୍ ପ୍ରାର୍ଥନା କଲେ, ହେ ମୋର୍‌ ପିତା, ଯଦି ଇଟା ହେଇ ପାର୍‌ବା, ତ ଇ ଦୁଃଖର୍ ପାଏନ୍‌ ପାତ୍ର ମୋର୍‌ଠାନୁ ଦୂର୍ କର। ହେଲେ ଲୋକମାନ୍‌କର୍‌ ପାପ୍ କ୍ଷମା କର୍ ବାର୍ ଲାଗି ଆର୍‌ ଯଦି କିଛି ବାଟ୍‌ ନାଇଁ ନ, ତ ତମର୍‌ ଇଚ୍ଛା ପୁରା ହେଉ। ଯୀଶୁ ବହୁତ୍‌ ବ୍ୟାକୁଲ ଥିଲେ ଆର୍ ତାକର୍ ଝାଲ୍ ରକତ୍ ଭଲିଆ ବାହାରି ପଡ଼୍‌ଲା ଆର୍ ତାହାକୁ ଶକ୍ତି ଦେବାର୍ ଲାଗି ମାହାପୁରୁ ଗୁଟେ ସରଗ୍‌ ଦୂତ କେ ପଠାଲେ।

![](https://cdn.door43.org/obs/jpg/360px/obs-en-38-13.jpg)

ସବୁ ଥର୍‌ ପ୍ରାର୍ଥନା କରି ସାର୍‌ଲା ପରେ, ଯୀଶୁ ତାକର୍ ଚାଲା ମାନ୍‌କର୍ ପାଖ୍‌କେ ଆସ୍‌ଲେ, ହେଲେ ସେମାନେ ଶୁଇ ପଡ଼ି ଥିଲେ। ଯେତ୍‌କିବେଲ୍‌କେ ଯୀଶୁ ତିନ୍‌ ନମର୍ ଥର୍ ଆସ୍‌ଲେ, ଯୀଶୁ କହେଲେ, “ଉଠି ପଡ଼, ମତେ ଧର୍‌ବାର୍ ଲୋକ୍ ଇନ ଅଛନ୍।”

![](https://cdn.door43.org/obs/jpg/360px/obs-en-38-14.jpg)

ଯିହୁଦା ଗୁଟେ ବଡେ ଭିଡ଼ ଭିତର୍‌ରେ ଆସ୍‌ଲେ, ଯେନ ଯିହୁଦୀ ନେତା ଆର୍ ସଏନିକ୍‌ ଜବାନ୍ ମାନେ ଥିଲେ। ସେମାନେ ଖଣ୍ତା ଆର୍ ଠେଙ୍ଗା ବାଡି ଧରିକରି ଆସି ଥିଲେ, ଯିହୁଦା ଯୀଶୁର୍ ନିକେ ଆସ୍‌ଲା ଆର୍ କହେଲା, “ଗୁରୁ ଜୁହାର୍” ଆର୍ ଚୁମାଟେ ଦେଲା। ଇଟା କଲା ଉତାରେ ସେ ଯିହୁଦୀ ନେତାମାନ୍‌କୁ କେନ୍ ଲୋକ୍‌କେ ଧର୍‌ବାର୍ ଅଛେ ଦେଖେଇ ଦେଲା। ତେହେରୁଁ ଯୀଶୁ କହେଲେ, ତୁମେ ମତେ ଗୁଟେ ଚୁମା ଦେବାର୍‌ ବାହାନା କରି ଧରେଇ ଦେଲ।

![](https://cdn.door43.org/obs/jpg/360px/obs-en-38-15.jpg)

ଯେତ୍‌କିବେଲେ ସନ୍ୟ ମାନେ ଯୀଶୁଙ୍କୁ ଧରୁଥିଲେ, ପିତର୍‌ ଖଣ୍ତା ବାହାର୍ କରି ମହାଜାଜକ୍‌ ର ଗୁଟେ ଦାସର୍ କାନ୍‌କେ କାଟି ଦେଲେ। ହେଲେ ଯୀଶୁ କହେଲେ “ତୁମର୍ ଖଣ୍ତା କେ ଦୁରିଆ ନ ରଖ! ମୁଇଁ ମୋର୍‌ ପିତାକେ ମୋର୍‌ ବଂଚବାର୍ ଲାଗି ସରଗ୍‌ ଦୂତ ମାନ୍‌କର୍‌ ଗୁଟେ ସୈନ୍ୟ ମାଗି ପାର୍‌ମି ହେଲେ ମୁଇଁ ମୋର୍ ପିତାଙ୍କର୍ ଆଦେଶ୍‌ ନିଶ୍ଚେ ମାନ୍‌ମି। ଯୀଶୁ ସେ ଲୋକର୍ କାନ୍‌କେ ଭଲ୍ କରି ଦେଲେ। ତେହେରୁଁ ସବୁ ଚାଲା ସେନୁ ପଲେଇ ଗଲେ।

*ବାଇବଲ୍‌ର କଥାନୀ: ମାଥିଉ ୨୬:୧୪-୫୬; ମାର୍କ ୧୪:୧୦-୫୦; ଲୁକ ୨୨:୧-୫୩; ଯୋହନ ୧୮:୧-୧୧*

Audio: https://git.door43.org/OBS-TLF/spv_obs/releases/download/v1/spv_obs_v1_38_128kbps.m4a

## 39. ୩୯. ଯୀଶୁଙ୍କର୍‌ ବିଚାର୍‌ କରାଗଲା

https://openbiblestories.org/l/spv/story-39/

![](https://cdn.door43.org/obs/jpg/360px/obs-en-39-01.jpg)

ଇଟା ଅଦ୍‌ରାତିଆ ସମିୟାଁର୍ କଥା। ସୈନ୍ୟମାନେ ଯୀଶୁଙ୍କୁ ମହାଯାଜକ୍ ଘର୍‌କେ ନେଇଁକରି ଆସ୍‌ଲେ କାଏଁଯେକି ସେ ଯୀଶୁଙ୍କୁ ପଚ୍‌ରା ଉଚ୍‌ରା କର୍‌ବାର୍ ଲାଗି ଚାହୁଁଥିଲେ। ପିତର୍ ଦୁରିଆନୁ ସେମାନ୍‌କର୍ ପିଛା କରୁ ଥିଲେ। ଯେତ୍‌କିବେଲେ ସୈନ୍ୟମାନେ ଯୀଶୁଙ୍କୁ ଘର୍‌କେ ନେଲେ ପିତର୍‌ ବାହାରେ ଥାଇ କରି ଜୁଏଁ ତାପ୍‌ଲେ।

![](https://cdn.door43.org/obs/jpg/360px/obs-en-39-02.jpg)

ଘର୍ ଭିତ୍‌ରେଁ ଯିହୁଦୀ ନେତା ମାନେ ଯୀଶୁଙ୍କର୍‌ ଉପ୍‌ରେ କାନୁନ୍ ର ଦଫା ଲଗାଲେ। ସେମାନେ ତାକର୍‌ ନାଁ ଥି କେତ୍‌ନିଟେ ମିଛ୍‌ କଥା କହେଲେ। ହେଲେ ଇ ସମ୍‌କିରର୍ କଥା ତାଲ୍‌ମିଲ୍ ନେଇଁ ଖାଉ ଥାଇ ଇଥିର୍ ଲାଗି ଯିହୁଦୀ ନେତା ମାନେ ତାହାଙ୍କୁ ଦୋସୀ ବଲିକରି ପ୍ରମାଣ କରି ନାଇଁ ପାର୍‌ଲେ। ଯୀଶୁ କିଛି ନାଇଁ କହେଲେ।

![](https://cdn.door43.org/obs/jpg/360px/obs-en-39-03.jpg)

ଶେଷେଁ, ମହାଯାଜକ୍‌ ଯୀଶୁଙ୍କୁ ଦେଖ୍‌ଲେ ଆର୍ କହେଲେ, “କାଣା ତୁମେ ଯୀବିତ୍ ପର୍‌ମେଶର୍‌ର ପୁତ୍ର ମସିହା ଅ?”’

![](https://cdn.door43.org/obs/jpg/360px/obs-en-39-04.jpg)

ଯୀଶୁ କହେଲେ, “ହଁ ମୁଇଁ ଆଏଁ, ଆର୍ ତମେ ମତେ ମାହାପୁରୁର୍ ସାଙ୍ଗେ ବସିଥିବାର୍ ଆର୍ ସରଗ୍ ନୁ ଆସୁଥିବାର୍ ବି ଦେଖ୍‌ବ।” ଯୀଶୁଙ୍କର୍‌ କଥା ଶୁନିକରି ମହା ଯାଜକ୍ ରିସ୍‌ମି ହେଲା ଆର୍‌ ତାର୍ କପ୍‌ଡ଼ା କେ ଚିରିଦେଲା। ସେ ଅଲ୍‌ଗା ଧାର୍‌ମିକ୍ ନେତା ମାନ୍‌କୁ ଗାଲି ଦେଇ କରି କହେଲା “ ଆମ୍‌କୁ ଇଟା ପ୍ରମାଣ କର୍‌ବାର୍‌ଲାଗି ଦୁସୁରା ସାକ୍ଷି ଦର୍‌କାର୍ ନାଇଁନ, ଇ ଲୋକଟା କାଣା କରିଛେ। ତୁମେମାନେ ନିଜେ ହିଁ ସେ ଯାହା କହେଲା କଥା ସୁନ୍‌ଲ, ସେ ପରମେଶ୍ୱର୍‌ର ପୁଓ ଆଏଁ। ଇତାର୍ ବାବଦ୍ ରେ ତୁମର୍ ମାନ୍‌କର୍ କାଣା ବିଚାର୍ ଆଏ?”

![](https://cdn.door43.org/obs/jpg/360px/obs-en-39-05.jpg)

ସବୁ ଯିହୁଦୀ ନେତା ମାନେ ମହା ଯାଜକ୍ କେ ଉତର୍ ଦେଲେ, “ସେ ମର୍‌ବାର୍ ଲାଏକ୍ ଆଏ!” ତେହେରୁଁ ସେମାନେ ଯୀଶୁର୍ ଆଖିଁନ ପଟି ବାନ୍ଧ୍‌ଲେ, ଆର୍‌ ତାକର୍ ଉପରେ ଥୁକ୍‌ଲେ, ତାହାକୁ ପିଟ୍‌ଲେ, ଆର୍ ତାହାକେ ପରିହାସ୍ କଲେ।

![](https://cdn.door43.org/obs/jpg/360px/obs-en-39-06.jpg)

ପିତର୍ ସେତେବେଲେ ଘରର୍ ବାହାରେ ଜୁଗିଥିଲେ। ଗୁଟେ ଦାସୀ ତାହାକେ ଦେଖ୍‌ଲା। ଆର୍ ସେ ତାହାକେ କହେଲା, “ତୁମେ ବି ଯୀଶୁର୍ ସାଙ୍ଗେ ଥିଲ !” ପିତର୍, ମୁଇଁ ନାଇଁ ଥାଇ ବଲି କହେଲା। ଆର୍ ଗୁଟେ ଅଲ୍‌ଗା ଟୁକେଲ୍ ସେ କଥାକେ କହେଲା, ଆର୍ ପିତର୍‌ ତାହାକେ ବି ମୁଇଁ ନାଇଁ ଥାଇ ବଲି କହେଲା। ଶେଷେଁ, ଆର୍ କେତେ ଲୋକ୍ କହେଲେ, “ଆମେ ଯାନିଛୁଁ ଯେ ତମେ ଯୀଶୁ ସାଙ୍ଗେ ଥିଲ, କାଁଏ ହେଲାଯେ ବଏଲେ ତମେ ଦୁହେଁ ଗାଲିଲୀ ନୁ ଆସିଛ।”

![](https://cdn.door43.org/obs/jpg/360px/obs-en-39-07.jpg)

ତାର୍‌ପରେ ପିତର୍ କହେଲେ, “ଯଦି ମୁଇଁ ଇଲୋକ୍‌ କେ ଯାନିଥିମି ମାହାପୁରୁ ମତେ ଅଭିସାପ୍ ଦଉନ୍।” ପିତର ଏନ୍‌ତା କିରିଆ କର୍‌ବାର୍ ଉତାରେ ସାଙ୍ଗେସାଙ୍ଗ୍ ଗୁଟେ କୁକୁରା ଡାଖ୍‌ଲା। ଯୀଶୁ ଟିକେ କିନ୍ଦ୍ରି କରି ପିତର୍‌ ଆଡ୍‌କେ ଦେଖ୍‌ଲେ।

![](https://cdn.door43.org/obs/jpg/360px/obs-en-39-08.jpg)

ପିତର୍‌ ଧୁରିଆକେ ଗଲେ ଆରୁ ଦୁଃଖ୍‌ ମନା ହେଇ ବହୁତ୍‌ କାନ୍ଦ୍‌ଲେ ଠିକ୍ ସେତ୍‌କି ସମିୟାଁ ନ ଯିହୁଦା, ଯିଏକି ଯୀଶୁଙ୍କୁ ଧରାଲା, ଦେଖ୍‌ଲା ଯେ ଯିହୁଦୀ ନେତା ମାନେ ଯୀଶୁଙ୍କୁ ମାର୍‌ବାର୍ ଲାଗି ବଦ୍‌ନାମ୍ କରୁଥିଲେ। ଯିହୁଦା କେ ବହୁତ୍‌ଟେ ଦୁଃଖ୍ ଲାଗ୍‌ଲା ଆର୍ ସେ ନିଜ୍‌କେ ଆତ୍ମହତ୍ୟା କଲା।

![](https://cdn.door43.org/obs/jpg/360px/obs-en-39-09.jpg)

ଏତ୍‌କି ବେଲ୍‌କେ ପିଲାତ, ଯିହୁଦା ରାଏଜ୍‌ର ଶାସକ୍ ଥିଲେ। ସେ ରୋମିୟ ମାନ୍‌କର୍ ଲାଗି କାମ୍‌କରୁଥିଲେ।ଯିହୁଦୀ ନେତା ମାନେ ଯୀଶୁଙ୍କୁ ତାକର୍‌ ପାସ୍‌କେ ଆନ୍‌ଲେ। ସେମାନେ ଚାହୁଁ ଥିଲେଯେ, ପିଲାତ ଯୀଶୁଙ୍କୁ ବଦ୍‌ନାମ୍ କରି ମୃତ୍ୟୁ ଦଣ୍ତ ଦଉନ୍। ପିଲାତ୍ ଯୀଶୁଙ୍କୁ ପଚ୍‌ରାଲେ, “ତମେ କାଣା ଯିହୁଦାର୍‌ ରଜା?”

![](https://cdn.door43.org/obs/jpg/360px/obs-en-39-10.jpg)

ଯୀଶୁ ଉତର୍ ଦେଲେ ତମେ ଠିକ୍‌ କହେଲ, ହେଲେ ମୋର୍ ରାଏଜ୍ ଇ ପୃଥିବିର୍ ନାଇଁ ସେ। ଯଦି ଇଟା ହେଇଥିତା ମୋର୍ ଦାସ ମାନେ ମୋର ଆଡ଼ୁ ଯୁଦ୍ଧ କରିଥିତେ।ମୁଇଁ ପୁର୍‌ଥିକେ ମାହାପୁରୁର୍ ସତ୍‌କଥା କହେବାର୍‌ଲାଗି ଆସିଛେଁ। ସଭେ ଲୋକ୍ ଯେନ୍‌ମାନେ ସତ୍ କେ ପ୍ରେମ୍ କର୍‌ସନ୍ ସେମାନେ ମୋର୍‌କଥାକେ ସୁନ୍‌ସନ୍। ପିଲାତ ପଚାରିଲେ ସତ୍ ଟା କାଣା ଆଏ?

![](https://cdn.door43.org/obs/jpg/360px/obs-en-39-11.jpg)

ଯୀଶୁ ସାଙ୍ଗେ କଥା ବାର୍‌ତା ହେଇ ସାର୍‌ଲା ପରେ“ ପିଲାତ ସେ ଲୋକମାନ୍‌କର୍ ଭିଡ଼ ଭିତର୍‌କେ ଯାଇକରି କହେଲେ ଏନ୍‌ତା କିଛି କାରନ୍ ନେଇଁ ପାଏବାର୍ ଯେ, ଇ ଲୋକ୍‌କେ ମାରି ଦିଆ ଯିବାର୍ କଥା।” ହେଲେ ଯିହୁଦୀ ନେତା ମାନେ ହୋ ହାଲା ହେଇ କରି କହେଲେ “ଇତାକେ କୃଶ ନ ଚଡ଼େଇ ଦିଅ!” ପିଲାତ ଉତର୍‌ ଦେଲେ, “ସେ ଟିକେବି ଦୋଷ୍ କରିଥିବାର୍ ପର୍‌ମାନ୍ ନାଇଁ ନ।” ହେଲେ ଯୀହୁଦି ମାନେ ଆର୍ ଜୋର୍ ରେ ରଡ଼ି ବସଲେ। ସେଥିର୍ ଲାଗି ତିନ୍ ନମର୍ ଥର୍ କହେଲେ “ସେ ଦୋଷି ନୁହେଁ ଆଏ!”।

![](https://cdn.door43.org/obs/jpg/360px/obs-en-39-12.jpg)

ପିଲାତ ଡରିଗଲେ କି ଲୋକମାନେ ଦଙ୍ଗା କର୍‌ବେ, ସେଥିର୍‌ଲାଗି ସେ ତାକର୍ ସୈନ୍ୟ ଦ୍ୱାରା ଯୀଶୁଙ୍କୁ କୃଶ ନ ଚଢାବାର୍ ଲାଗି ମାନିଗଲେ।ରୋମିୟ ସୈନ୍ୟ ମାନେ ଚାବୁକ୍ ମାର୍‌ଲେ, ରାଜକିଅ କପ୍‌ଡା ପିନ୍ଦାଲେ, ଆରୁ ତାକର୍ ମୁଡ଼େ କଁଟାରେ ବନାହେଇ ଥିବାର୍ ମୁକୁଟ ପିନ୍ଦାଲେ। ତେହେରୁଁ ସେମାନେ ଇଟା କହିକରି ତାକର୍ ମଜାକ୍ ଉଡ଼ାଲେ, “ଦେଖ, ଯିହୁଦୀ ମାନ୍‌କର୍ ରଜା କେ।

*ବାଇବଲ୍‌ର କଥାନୀ: ମାଥିଉ ୨୬:୫୭-୨୭:୨୬; ମାର୍କ ୧୪:୫୩-୧୫:୧୫ ଲୁକ ୧୪:୫୩-୧୫:୧୫*

Audio: https://git.door43.org/OBS-TLF/spv_obs/releases/download/v1/spv_obs_v1_39_128kbps.m4a

## 40. ୪୦. ଯୀଶୁଙ୍କୁ କୃଶ ନ ଚଢାଲେ

https://openbiblestories.org/l/spv/story-40/

![](https://cdn.door43.org/obs/jpg/360px/obs-en-40-01.jpg)

ଯୀଶୁଙ୍କୁ ପରିହାସ୍ କରିସାର୍‌ଲା ପରେ, ସେମାନେ ତାହାକୁଁ କୃଶ ନ ଚଡ଼ାବାର୍ ଲାଗି ନେଇ ଗଲେ। ସେମାନେ ଇନ୍‌ତା କିସ୍‌ମେ କ୍ରୁଶ କେ ବୁହାଲେ ଯେନ୍‌ତା ସେ ମରିଯିବେ।

![](https://cdn.door43.org/obs/jpg/360px/obs-en-40-02.jpg)

ସୈନ୍ୟ ମାନେ ଯୀଶୁଙ୍କୁ କପାଲ ବଲିକରି ଗୁଟେ ଜାଗାକେ ନେଲେ ଆର୍ କ୍ରୁଶ ଉପ୍‌ରେ ତାକର୍ ହାତେ ଆର୍ ପାଦେଁ କଁଟା ପିଟ୍‌ଲେ।ହେଲେ ଯୀଶୁ କହେଲେ, “ପିତାଃ ଇମାନ୍‌କୁଁ କ୍ଷମା କରିଦିଅ କାରନ୍ ସେମାନେ କାଣାକରୁଛନ୍ ସେମାନେ ଯାନି ନାଇଁ ପାର୍‌ବାର୍।” ସେମାନେ କ୍ରୁଶ ନ ତାକର୍‌ ମୁଡ଼ ଉପ୍‌ରେ ଗୁଟେ ଚିହ୍ନାଟେ ଦେଲେ, ଯାହାର୍ ଅର୍ଥ ହେଲା “ ଯିହୁଦୀ ମାନ୍‌କର୍ ରଜା।” ଯେନ୍‌ଟାକି ପିଲାତ ଲେଖ୍‌ବାର୍ ଲାଗି କହିଥିଲେ।

![](https://cdn.door43.org/obs/jpg/360px/obs-en-40-03.jpg)

ତେହେରୁଁ ସେ ସୈନ୍ୟମାନେ ଯୀଶୁଙ୍କର୍‌ କପ୍‌ଡାର୍‌ ଲାଗି ଗୁଲିବାଣ୍ଟ କଲେ। ଯେତ୍‌କିବେଲେ ସେମାନେ ଇଟାକଲେ, ଗୁଟେ ଭବିଷ୍ୟଦ୍‌ବାନୀ ପୁରା ହେଲା, “ସେମନେ ମୋର୍ କପଡ଼ାକେ ଭାଗ୍ ବଟା କର୍‌ବେ ଆର୍ ମୋର୍ କପଡ଼ାର୍‌ ଲାଗି ଗୁଲି ବାଣ୍ଟ କର୍‌ବେ।

![](https://cdn.door43.org/obs/jpg/360px/obs-en-40-04.jpg)

ସେ ସମିୟାଁନ ସଠାନେ ଦୁଇଟା ଚୋର୍ କେବି କ୍ରୁଶ ନ ଚଢାବାର୍ ଥିଲା, ସେମାନେ ଯୀଶୁର୍ ଦୁହି ଆଡ଼େ ଥିଲେ।ଗୁଟେ ଚୋର୍ ଯୀଶୁଙ୍କୁ ପରିହାସ୍ କଲା, ହେଲେ ଆର୍ ଗୁଟେ ଚୋର୍ ତାହାକେ କହେଲା, ମାହାପୁରୁ ତତେ ଦଣ୍ଡ ଦେବେ ତତେ କାଣା ଡ଼ର୍ ନେଇଁ ଲାଗ୍‌ବାର୍? ଆମେ ଅନେକ ଖରାପ୍‌କାମ୍ କରି ଦୋସି ହେଇଛୁଁ ହେଲେ ଇ ଲୋକଟା ସତ୍ ଆରୁ ନିପ୍ପାପି ଆନ୍‌। ତେହେରୁଁ ସେ ଯୀଶୁଙ୍କୁ କହେଲା, “ଯେତ୍‌କିବେଲେ ତୁମେ ସରଗ୍‌ ଯିବ ଦୟାକରି ମତେ ସୋର୍ କର୍‌ବ।” ଯୀଶୁ ତାହାକେ ଉତ୍ତର୍ ଦେଲେ, “ତମେ ଆଏଜ୍ ହିଁ ମୋର୍ ସାଙ୍ଗେ ସରଗ୍‌କେ ଯିବ।“

![](https://cdn.door43.org/obs/jpg/360px/obs-en-40-05.jpg)

ଯିହୁଦୀ ନେତାମାନେ ଆର୍‌ ସେ ଭିଡ଼୍‌ର ଅନ୍ୟ ଲୋକ୍‌ମାନେ ଯୀଶୁଙ୍କୁ ପରିହାସ୍ କରି ବସ୍‌ଲେ। ସେମାନେ ଯୀଶୁଙ୍କୁ କହେଲେ, “ଯଦି ତୁଇ ମାହାପୁରୁର୍‌ ପୁଓ ଆଏଁ, ତାହେଲେ କ୍ରୁଶ ନୁ ତଲ୍‌କେ ଉତ୍‌ରିଆ ଆର୍ ନିଜ୍‌କେ ବଚାଁ! ତେହେରୁଁ ଆମେ ତତେ ବିଶ୍ୱାସ୍‌ କର୍‌ମୁ।

![](https://cdn.door43.org/obs/jpg/360px/obs-en-40-06.jpg)

ସେତେବେଲେ ଦିନର୍‌ ଦୁଇ ପହର୍‌ ସମିୟାଁ ହେଇଥିଲା, ହେଲେ ବି ସବୁଆଡେ ଆକାଶେ ପୁରାପୁରି ଅନ୍ଧାର୍‌ ହେଇ ଗଲା। ବେଲାନୁ ଅନ୍ଧାର୍ ହେଇଗଲା ଆର୍ ଇଟା ତିନ୍ ଘନ୍‌ଟା ତକ୍ ଅନ୍ଧାର୍ ହେଇ ରହେଲା।

![](https://cdn.door43.org/obs/jpg/360px/obs-en-40-07.jpg)

ତ ଯୀଶୁ ଜୋର୍‌ସେ କାନ୍ଦି କରି କହେଲେ, “ଶେଷ୍ ହେଲା, ହେ ପିତା, ମୁଇଁ ତମର୍ ହାତେଁ ମୋର୍ ଆତ୍ମାକେ ଦଉଛେଁ।” ତେହଁରୁ ସେ ମୁଡ଼୍‌କେ ତଲ୍ କରି ତାକର୍ ଜୀବନ୍‌କେ ତ୍ୟାଗ କରି ଦେଲେ। ଯେତ୍‌କିବେଲେ ସେ ମରି ଗଲେ , ସେନ ଗୁଟେ ଭୁମିକମ୍ପ ହେଲା। ମନ୍ଦିର୍‌ର ବଡ଼ ପର୍‌ଦା ଜେନ୍‌ଟା ମାହାପୁରୁର୍ ଉପସ୍ତିତିକେ ଲୋକ୍‌ମାନ୍‌କର୍ ନୁ ଅଲ୍‌ଗା କରୁଥିଲା ସେ ବିଛେଦ ପର୍‌ଦା ଉପୁରୁଁ ତଲ୍‌ତକ୍ ଚିରିହେଇ ଦୁଇଭାଗ୍ ହେଇଗଲା।

![](https://cdn.door43.org/obs/jpg/360px/obs-en-40-08.jpg)

ତାକର୍ ମୃତୁ ଦ୍ୱାରା, ଯୀଶୁ ଲୋକମାନ୍‌କୁଁ ମାହାପୁରୁର୍ ପାସ୍‌କେ ଆଏବାର୍ ଲାଗି ବାଟ୍ ଖୁଲିଦେଲେ। ଯେତେବେଲ୍‌କେ ଯୀଶୁଙ୍କର ଶରୀର୍ କେ ଜୁଗିଥିବାର୍ ଗୁଟେ ସୈନ୍ୟ ଯାହା ଘଟିଥିଲା ସବୁକେ ଦେଖ୍‌ଲା, ଆର୍ କହେଲା, “ନିଶ୍ଚିତ୍ ଭାବେ ଇ ଲୋକ୍‌ଟା ନିର୍‌ଦୋଷ୍ ଥିଲା।ଇ ଲୋକ୍‌ଟା ମାହାପୁରୁର ପୁଓ ଆଏ।

![](https://cdn.door43.org/obs/jpg/360px/obs-en-40-09.jpg)

ତାର୍‌ପରେ ଯୋସେଫ୍‌ ଆର୍ ନିକଦିମ ବଲିକରି ଦୁଇଟା ଯିହୁଦୀ ନେତା ଆସ୍‌ଲେ ଆର୍ ପିଲାତକେ ଯୀଶୁଙ୍କର୍‌ ଶରିର୍‌କେ ମାଗ୍‌ଲେ। ସେମାନେ ବିଶ୍ୱାସ୍‌ କରୁଥିଲେ ଯେ, ଯୀଶୁ ମସିହା ଅନ୍‌। ସେମାନେ ତାକର୍ ଶରୀର୍‌କେ କପ୍‌ଡ଼ାନେ ଢାପ୍‌ଲେ।ତେହେରୁଁ ସେମାନେ ଶରୀର୍‌କେ ପଥର୍‌ନେ କଟାହେଇ କରି ବନା ହେଇ ଥିବାର୍‌ ଗୁଟେ କବର୍ ଭିତ୍‌ରେ ରଖ୍‌ଲେ ତାର୍‌ପରେ ସେମାନେ କବର୍‌ର ବାଟ୍‌କେ ବନ୍ଦ କର୍‌ବାର୍ ଲାଗି ଗୁଟେ ବଢେ ପଥର୍‌କେ ଗଡେଇ କରି ଆନ୍‌ଲେ।

*ବାଇବଲ୍‌ର କଥାନୀ: ମାଥିଉ ୨:୨୭-୬୮;ମାର୍କ ୧୫:୧୬-`୪୭; ଲୁକ ୨୩:୨୬-୫୬; ଯୋହନ ୧୯:୧୭*

Audio: https://git.door43.org/OBS-TLF/spv_obs/releases/download/v1/spv_obs_v1_40_128kbps.m4a

## 41. ୪୧. ପିତା ପର୍‌ମେଶ୍ୱର୍‌ ଯୀଶୁଙ୍କୁ ମୃତ୍ୟୁ ନୁ ଉଠାଲେ

https://openbiblestories.org/l/spv/story-41/

![](https://cdn.door43.org/obs/jpg/360px/obs-en-41-01.jpg)

ସଏନିକ୍‌ ମାନେ ଯୀଶୁଙ୍କୁ କ୍ରୁଶ ନ ଚଢାଲା ଉତାରେ, ଯିହୁଦୀ ନେତା ମାନେ ପିଲାତକେ କହେଲେ, “ସେ ମିଛୁଆ”, ଯୀଶୁ କହିଥିଲା ଯେ ସେ ତିନ୍‌ଦିନ୍ ପରେ ମୃତ୍ୟୁନୁ ଜିଁ ଉଠ୍‌ବା। ଯିଏ ବି ଜଣେ ସେ ସମାଧିକେ ନିଶ୍ଚେ ଜୁଗ୍‌ବା କାଁକରି କି ତାର୍‌ଚାଲା ମାନେ ତାର୍ ଶରୀର୍‌କେ ଚୁରେଇ ନେବେ। ଯଦି ସେମାନେ ସେନ୍‌ତା କର୍‌ବେ ତାହେଲେ ସେମାନେ କହେବେ ଯେ ସେ ମୃତ୍ୟୁନୁ ଜିଁ ଉଠିଛନ୍‌।

![](https://cdn.door43.org/obs/jpg/360px/obs-en-41-02.jpg)

ପିଲାତ କହେଲେ, “ କେତେ ସୈନ୍ୟ ମାନ୍‌କୁ ନେଇକରି ଯ ଆର୍ ଯେନ୍‌ତା କି ତୁମେ ଭଲ୍‌ସେ ସେ କବର୍ କେ ନିଘା ରଖିପାର୍‌ବ। ସେଥିର୍ ଲାଗି ସେମାନେ ସେ କବର୍ ର ବାଟ୍ ମୁହେଁ ପଥର୍ ଗୁଟେକେ ଚୁଟିଦେଲେ। ସେମାନେ ସେନ ସୈନ୍ୟ ମାନ୍‌କୁ ରଖିଦେଲେ ଯେନ୍‌ତା କି କିହେବି ସେ ଶରୀର୍ କେ ଚୁରେଇ ନେଇପାର୍‌ବେ।

![](https://cdn.door43.org/obs/jpg/360px/obs-en-41-03.jpg)

ଯୀଶୁଙ୍କର୍ ସମାଧି କର୍‌ବାର୍ ଆରଦିନେ ବିଶ୍ରାମ୍‌ବାର୍ ଥିଲା। କିଏବି ବିଶ୍ରାମ୍‌ବାର୍‌ ଦିନେ କାମ୍ ନେଇ କରୁଥାଇ, ଇଥିର୍‌ଲାଗି ଯୀଶୁଙ୍କର୍ କେହେନି ସାଙ୍ଗ୍ କବର୍‌କେ ନେଇ ଆସୁ ଥାଇଁ। ହେଲେ ବିଶ୍ରାମ୍‌ବାର୍ ର ଆର ଦିନେ, ସକାଲର୍‌ ବଢେପୁରୁଁ କେତେ ସ୍ତ୍ରୀ ଲୋକ୍ ଯୀଶୁଙ୍କର୍ କବର୍ କେ ଯିବାର୍ ଲାଗି ସଜ୍‌ବାଜ୍ ହେଲେ। ସେମାନେ ଯୀଶୁର୍ ଶରୀର୍‌କେ ଅତର୍ (ତେଲ) ଲଗାବାର୍ ଲାଗି ଚହୁଁ ଥିଲେ।

![](https://cdn.door43.org/obs/jpg/360px/obs-en-41-04.jpg)

ମହିଲା ମାନେ ପୁହୁଁଚିବାର୍ ଆଗନୁ, କବର୍‌ରେ ଗୁଟେ ବଡ୍ ଭୂମି କମ୍ପ ହେଲା। ସରଗ୍‌ ନୁ ଗୁଟେ ସର୍‌ଗର୍ ଦୂତ ଆସିକରି ସେ ପଥର୍ କେ ଅଡେଇ ଦେଲେ, ଯେନ୍‌ଟା କି କବର୍ ଯିବାର୍ ବାଟ୍‌କେ ବନ୍ଦକରି ରଖିଥିଲା ଆର୍ ସେନ ବସିଗଲା ସେ ସରଗ୍ ଦୂତ ଉଜାଲା ରେ ଚକ୍ ଚକ୍ କରୁଥିଲେ, କବର୍ ଉପ୍‌ରେ ଯେନ୍ ସୈନିକ ଥିଲା ସେ ତାହାକେ ଦେଖିକରି ଏତେ ଡରିଯାଇ ଥିଲାଯେ ମଲାଲୋକର୍ ଭଲିଆ ଭୁଇଁ ଉପ୍‌ରେ ପଡିଗଲା।

![](https://cdn.door43.org/obs/jpg/360px/obs-en-41-05.jpg)

ଯେତ୍‌କିବେଲ୍‌କେ ସ୍ତ୍ରୀମାନେ କବର୍‌କେ ପୁହୁଚିଁଲେ, ସରଗ୍‌ ଦୂତ ସେମାନ୍‌କୁ କହେଲେ, “ ନେଇଡର, ଯୀଶୁ ଇନ ନାଇନ। ସେ ମୃତ୍ୟୁନୁ ଜିଁ ଉଠିଛନ୍, ଯେନ୍‌ତା ସେ କହିଥିଲେ ସେ ସେନ୍ତା ଜିଁ ଉଠ୍‌ବେ! କବର୍‌କେ ନୁରିକରି ଦେଖ।“ ସେ ନାରୀ ମାନେ କବର୍ ଭିତର୍‌କେ ଦେଖ୍‌ଲେ ଯେନ ଯୀଶୁଙ୍କର୍‌ ଶରୀର୍‌କେ ରଖାହେଇ ଥିଲା। ତାକର୍ ଶରୀର୍ ସେନ ଆରୁ ନାଇ ଥାଇଁ!

![](https://cdn.door43.org/obs/jpg/360px/obs-en-41-06.jpg)

ତେହଁରୁ ଦୂତ ସ୍ତ୍ରୀମାନ୍‌କୁ କହେଲେ, “ଯାଇକରି ଚାଲାମାନ୍‌କୁ କହ, ‘ ଯୀଶୁ ମୃତ୍ୟୁନୁ ଜଁ ଉଠିଛନ୍ ଆର୍ ତୁମର୍‌ ଆଘେ ଆଘେ ଗାଲିଲୀ ସହର୍ କେ ଯିବେ।

![](https://cdn.door43.org/obs/jpg/360px/obs-en-41-07.jpg)

ନାରୀମାନେ ଚକିତ୍‌ ହେଇଗଲେ ଆର୍ ଖୁସି ହେଲେ। ସେମାନେ ଇ ଖୁସିର୍ ଖବର୍‌ ଚାଲା ମାନ୍‌ଙ୍କୁ କହେବାର୍ ଲାଗି ନର୍‌ଧିଁ ଗଲେ।

![](https://cdn.door43.org/obs/jpg/360px/obs-en-41-08.jpg)

ଯେତେବେଲ୍‌କେ ସେମାନେ ଚାଲା ମାନଙ୍କୁ ଇ ଖୁସିର୍‌ କଥା କହେବାର୍ ଲାଗି ବାଟେ ଥିଲେ, ସେତ୍‌କିବେଲେ ଯୀଶୁ ସେମାନ୍‌କୁ ଦେଖା ଦେଲେ। ସେମାନେ ଯୀଶୁର୍ ପାଦ୍‌ତଲେ ପଡିଗଲେ। ତେହେରୁଁ ଯୀଶୁ କହେଲେ, “ ନାଇଡର। ଯାଇକରି ମୋର୍‌ ଚାଲାମନ୍‌କୁ ଗାଲିଲି ଯିବାର୍ ଲାଗି କହ। ସେମାନେ ସେଠାନେ ମତେ ଦେଖ୍‌ବେ।

*ବାଇବଲ୍‌ର କଥାନୀ: ମାଥିଉ ୨୭:୬୨-୨୮:୧୫; ମାର୍କ ୧୬:୧-୧୧; ଲୁକ ୨୪:୧-୧୨; ଯୋହନ ୨୦:୧-୧୮*

Audio: https://git.door43.org/OBS-TLF/spv_obs/releases/download/v1/spv_obs_v1_41_128kbps.m4a

## 42. ୪୨. ଯୀଶୁ ସରଗ୍ କେ ଫିର୍‌ଲେ

https://openbiblestories.org/l/spv/story-42/

![](https://cdn.door43.org/obs/jpg/360px/obs-en-42-01.jpg)

ଯେନ୍‌ଦିନେ ମାହାପୁରୁ ଯୀଶୁଙ୍କୁ ମୃତ୍ୟୁ ନୁ ଜିଆଁଲେ, ତାକର୍ ଦୁଇଟା ଚାଲା ପାଖର୍ ସହର୍‌କେ ଯାଉଥିଲେ। ଚାଲୁଥିଲା ବେଲ୍‌କେ, ସେମାନେ ଯୀଶୁଙ୍କର୍‌ ଯାହାଘଟିଥିଲା ସେ ବାବଦ୍ ରେ କଥା ହେଉଥିଲେ। ସେମାନ୍‌କୁ ଭରସା ଥିଲାଯେ ସେ ଉଧାର୍ କର୍ତ୍ତା ଥିଲେ, ହେଲେବି ସେ ମରାଗଲେ। ସ୍ତ୍ରୀମାନେ କହେଲେ, ସେ ଆର୍‌ଥରେ ଜିଇଁ ଗଲେ। ସେମାନେ ଜାନି ନେଇ ପାର୍‌ଲେ ଯେ କାଣାକେ ବିଶ୍ୱାସ୍‌ କର୍‌ବେ।

![](https://cdn.door43.org/obs/jpg/360px/obs-en-42-02.jpg)

ଯୀଶୁ ତାକର୍‌ନିକେ ଆସିକରି ତାକର୍‌ସାଙ୍ଗେ ଚାଲୁଥିଲେ, ହେଲେ ସେମାନେ ତାହାକେ ଚିହ୍ନିନେଇ ପାରୁଥାଇ। ସେ ସେମାନ୍‌କେ ପଚ୍‌ରାଲେ ତୁମେ କାହାର୍‌ ବାବଦ୍ ନ କଥାହେଉଛ। ସେମାନେ ତାହାକେ କହେଲେ ଯେ କିଛିଦିନର୍‌ ଆଗେ ଯୀଶୁଙ୍କର୍‌ ଯେନ୍ ଯେନ୍ ଘଟ୍‌ନା ଘଟିଥିଲା ସେ ବାବ୍‌ଦେଁ କଥା ଲାଗୁଛୁଁ। ସେମାନେ ଭାବୁଥିଲେ ସେମାନେଗୁଟେ ପର୍‌ଦେଶୀ ସାଙ୍ଗେ କଥାହେଉଛନ୍ ଯିଏକି ଯିରୁଶାଲମ୍‌ନ ହେଇଥିବାର୍ ବାବଦ୍‌ରେ କିଛି ନାଇଁ ଜାନି।

![](https://cdn.door43.org/obs/jpg/360px/obs-en-42-03.jpg)

ତେହେରୁଁ ଯୀଶୁ ସେମାନ୍‌ଙ୍କୁ ବୁଝାଲେ ଯାହା ମାହାପୁରୁ ବାକ୍ୟନ ମସିହାଃ ବାବଦ୍‌ରେ ଲେଖାହେଇଛେ। ବହୁତ୍ ବରଷ୍‌ ଆଗୋ ଭବିଷ୍ୟତ୍‌ବକ୍ତାମାନେ କହିଥିଲେ ଯେ ଦୁଷ୍ଟ ଲୋକମାନେ ଯୀଶୁଙ୍କୁ ଦୁଃଖ୍‌ଦେବେ ଆରୁ ମାରିଦେବେ। ହେଲେ ଭବିଷ୍ୟତ୍‌ବକ୍ତା ମାନେ ଇଟାବି କହେଲେଯେ ତିନ୍‌ଦିନ୍ ପରେ ଫେର୍ ସେ ଜିଇଁ ଉଠୁବେ।

![](https://cdn.door43.org/obs/jpg/360px/obs-en-42-04.jpg)

ଯେତେବେଲ୍‌କେ ସେମାନେ ସେ ସହର୍‌କେ ପୁହୁଁଚିଲେ ଆର୍ ଯେନ ଦୁଇଜନ୍ ରହେବାର୍ ଲାଗି ଚାହୁଁଥିଲେ, ସେତ୍‌କିବେଲ୍‌କେ ବେଲ୍‌ବୁଡି ଯାଇଥିଲାନ।ସେମାନେ ଯୀଶୁଙ୍କୁ ତାକର୍ ସାଙ୍ଗେ ରହେବାର୍ ଲାଗି ଡ଼ାକ୍‌ଲେ, ତେହେରୁ ଯୀଶୁ ତାକର୍ ସାଙ୍ଗେ ଗୁଟେ ଘର୍‌କେ ଗଲେ। ସେମାନେ ରାତି ଖାଇବାର୍ ଲାଗି ବସ୍‌ଲେ। ଯୀଶୁ ରୁଟିର୍ ଫାଲେ ଧର୍‌ଲେ, ଆର୍ ରୁଟି ଲାଗି ମାହାପୁରୁ କେ ଧନ୍ୟବାଦ୍ ଦେଲେ, ଆରୁ ସେଟାକେ ଭାଙ୍ଗ୍‌ଲେ। ସାଙ୍ଗେ ସାଙ୍ଗ୍‌, ସେମାନେ ଚିହ୍ନି ପାର୍‌ଲେ ଯେ ଇଟା ଯୀଶୁ ଆନ୍‌ ବଲି। ହେଲେ ସେତ୍‌କିବେଲ୍‌କେ ତାକର୍ ଠାନୁ ସେ ଉଭେଇ ଗଲେ।

![](https://cdn.door43.org/obs/jpg/360px/obs-en-42-05.jpg)

ସେ ଦୁହେଁ କୁହା କୁହି ହେଲେ, “ସେ ଯୀଶୁ ଥିଲେ ସେଥିର୍‌ଲାଗି ଯେତ୍‌କିବେଲ୍‌କେ ସେ ଆମ୍‌କୁ ମାହାପୁର୍‌ ବାକ୍ୟନୁ ବୁଝଉ ଥିଲେ ସେତ୍‌କିବେଲେ ଆମେ ଉସତ୍ ହଇଯାଉଥିଲାଁ। ଆର୍ ସାଙ୍ଗେ ସାଙ୍ଗ୍ ସେମାନେ ସେଠାନୁ ଯୀରୁଶାଲମ୍‌କେ ଫିରିଗଲେ। ଯେତ୍‌କିବେଲ୍‌କେ ସେମାନେ ପୁହୁଁଚିଲେ, ସେମାନେ ଚାଲା ମାନ୍‌କୁ କହେଲେ, “ଆମେ ଯୀଶୁଙ୍କୁ ଦେଖୁଲୁଁ! ସେ ଜିଁ ଛନ୍!”

![](https://cdn.door43.org/obs/jpg/360px/obs-en-42-06.jpg)

ଯେତେବଲେ ଚାଲାମାନେ କଥାହେଉଥିଲେ, ଯୀଶୁ ହଠାତ୍ ସେମାନ୍‌ଙ୍କୁ ଘରେ ଦେଖାଦେଲେ। ସେ କହେଲେ, “ତମ୍‌କୁ ମାନ୍‌କୁଁ ଶାନ୍ତି ମିଲୁ!” ଚାଲାମାନେ ଭାବୁଥିଲେ ଯେ ସେ ଗୁଟେ ଭୁତ୍ ଆଏ, ହେଲେ ଯୀଶୁ କହେଲେ, “ତୁମେ କାଁକରି ଡରୁଛ? ତୁମେ ଇଟା କାଏଁଯେ ନେଇଁ ଭାବିପାର୍‌ବାର ଯେ ମୁଇଁ ସତର୍‌ ଯୀଶୁ ଆଏ? ମୋର୍ ହାତ୍ ଆର୍ ଗୋଡ଼୍ ମାନ୍‌କେ ଦେଖ। ଆର୍ ଭୁତର୍ ଏନ୍‌ତା ଶରୀର୍ ନେଇଁଥାଏ ଜେନ୍‌ତା ମୋର ଶରୀର ଅଛେ।ଇଟା ଦେଖାବାର୍ ମାନେ ସେ ଭୁତ୍ ନୁହେଁସେ। ସେ କିଛି ଖାଇବାର୍ ଲାଗି ମାଙ୍ଗ୍‌ଲେ। ସେମାନେ ତାହାକେ ମାଛ ଖଢ଼େଁ ଦେଲେ ଆର୍ ସେ ସେଟା ଖାଏଲେ।

![](https://cdn.door43.org/obs/jpg/360px/obs-en-42-07.jpg)

ଯୀଶୁ କହେଲେ, “ ମୋର୍‌ବାବଦ୍ ରେ ମାହାପୁରୁର୍‌ ବାକ୍ୟ ଯାହାସବୁ କହେସି ସେସବୁ ଘଟ୍‌ବା, ମୁଇଁ ତମକୁ କହିଥିଲି ଯେ ଇସବୁ ଘଟନା ବାଧ୍ୟ ହେବା। ତାର୍‌ପରେ ଯୀଶୁ ସେମାନ୍‌କେ ମାହାପୁର୍‌ବାକ୍ୟ ଭଲ୍ ଭାବେ ବୁଝାଲେ। ସେ କହେଲେ, “ ବହୁତ୍ ଆଗୋନୁ, ଭବିଷ୍ୟତବକ୍ତା ମାନେ ଲେଖିଥିଲେ ଯେ ମୁଇଁ, ମସିହାଃ, ଦୁଃଖ ଉଠାବାର୍‌ କେ ପଡ଼ବା, ମର୍‌ବା କେ ପଡ଼ବା ଆର୍ ଫେର୍ ତିନ୍‌ଦିନ୍ ପରେ ମଲା ନୁ ଜିଁ ଉଠମି।”

![](https://cdn.door43.org/obs/jpg/360px/obs-en-42-08.jpg)

“ଆର୍ ଭବିଷ୍ୟତବକ୍ତା ମାନେ ଇଟାବି ଲେଖିଥିଲେ ଯେ ମୋର ଚାଲାମାନେ ମାହାପୁରୁର୍‌ ବାକ୍ୟକେ ପ୍ରଚାର୍ କର୍‌ବେ ସେମାନେ ସବୁଲୋକ୍‌କେ ଅନୁତାପ୍ କର୍‌ବାର୍‌କେ କହେବେ। ଯଦି ସେମାନେ ଏନ୍‌ତା କର୍‌ବେ ମାହାପୁରୁ ସେମାନ୍‌କର୍ ପାପ୍‌କେ କ୍ଷମା କର୍‌ବେ। ଆର୍ ଚାଲାମାନେ ମାହାପୁର ବାକ୍ୟକେ ଯିରୁଶାଲମ୍‌ ନୁ ପର୍‌ଚାର୍‌ ଆରମ୍‌ କର୍‌ବେ ତାପରେ ସେମାନେ ସବୁଜାଗା ସବୁ ଜାତିର୍ ଲୋକର୍‌ ନିକେ ଯିବେ ଆର୍‌ ପ୍ରଚାର୍ କର୍‌ବେ। ତୁମେମୋର ସବୁ ବାକ୍ୟ ଆର୍ ସବୁକାମର୍‌ ସାଖି ଅ ଯେନ୍‌ଟା ମୁଇଁ କହିଛେଁ ଆର୍ କରିଥିଲି ଆର୍ ଯେନ୍‌ସବୁ ମୋର୍‌ଠାନେ ଘଟିଯାଇଛେ।

![](https://cdn.door43.org/obs/jpg/360px/obs-en-42-09.jpg)

ତାର୍‌ ଚାଲିସ୍‌ଦିନ୍ ପରେ, ଯୀଶୁ ତାକର୍ ଚାଲା ମାନ୍‌କର୍‌ ଠାନେ ଅନେକଥର୍‌ ଦେଖେଇ ହେଲେ। ଥରେ ସେ ଇନ୍ତାଗୁଟେ ସମିୟାନେ ପାଞ୍ଚଶହ ନୁ ଅଧିକା ଲୋକର୍ ଠାନେ ଦେଖାଦେଲେ! ଅନେକ ପ୍ରକାର୍‌ରେ ସେ ତାକର୍ ଚାଲାମାନ୍‌କୁ ପ୍ରମାଣିତ୍‌ କରୁଥିଲେ ଯେ ସେ ଜୀବିତ୍‌ ଥିଲେ , ଆର୍ ସେ ସେମାନ୍ କେ ମାହାପୁରୁର୍ ରାଏଜ୍‌ ର ଶିକ୍ଷା ଦେଲେ।

![](https://cdn.door43.org/obs/jpg/360px/obs-en-42-10.jpg)

ଯୀଶୁ ତାକର୍ ଚାଲା ମାନ୍‌କେ କହେଲେ, “ମାହାପୁରୁ ମତେ ସରଗ୍ ଆର୍ ପୃଥିବିର୍ ର ସବୁଲୋକ ମାନ୍‌କର୍ ଉପରେ ଶାସନ୍ କର୍‌ବାର୍ ଅଧିକାର୍ ଦେଇଛନ୍।ସେଥିର ଲାଗି ମୁଇଁ ତୋମଙ୍କୁ କହୁଛେଁ ଯାଇକରି ସବୁଜାତି ଲୋକ୍‌ମାନ୍‌କୁ ଚାଲା ବନାଅ। ଆର୍ ଇଟା କର୍‌ବାର୍ ଲାଗି ତୁମେ ସେମାନ୍‌କୁ ପିତା, ପୁତ୍ର, ଆର୍ ପବିତ୍ର ଆତ୍ମା ଙ୍କର୍‌ ନାଆଁରେ ସେମାନ୍‌କେ ନିଶ୍ଚ ଡୁବନ୍‌ଦିଅ। ମୁଇ ତୋମ୍‌କେ ଯେନ୍ ସବୁ ଶିକ୍ଷା ଦେଇଛେଁ ସେମାନ୍‌କେ ନିଶ୍ଚେ ଶିଖ।ମନେରଖ ମୁଇଁ ସବୁବେଲେ ତୁମରସାଗେଁ ରହେମି।“

![](https://cdn.door43.org/obs/jpg/360px/obs-en-42-11.jpg)

ମରିକରି ଜିଁ ଉଠ୍‌ବାର୍ ଚାଲିସ୍ ଦିନ୍‌ପରେ ସେ ତାକର୍ ଚାଲା ମାନ୍‌କେ କହେଲେ, “ ପିତା ତମ୍‌କୁ ପବିତ୍ର ଆତ୍ମାର୍‌ ଶକ୍ତି ଦେବାର୍ ତକ୍ ତୁମେ ଯିରୁସାଲମ୍‌ରେ ରହିଥାଅ। ସେ ତୁମର୍ ନିକେ ପବିତ୍ର ଆତ୍ମାକେ ପଠାବେ।“ ତାର୍‌ପରେ ଯୀଶୁ ସରଗ୍‌ ଆଡ଼୍‌କେ ଗଲେ ଆର୍ ଗୁଟେ ବାଦଲ୍ ଆସିକରି ତାହାକୁ ଢାପି ନେଲା, ଯେନ୍‌ଟା ଚାଲାମାନ୍‌କର୍ ଅଦୃଶ୍ୟ ହେଇଗଲା ଆର୍ ଦେଖିନେଇଁ ପର୍‌ଲେ। ସରଗ୍‌ ନ ଯୀଶୁ ସବୁ ବିଷୟରେ ଶାସନ୍ କର୍‌ବାର୍ ଲାଗି ମାହାପୁରୁର୍‌ ଭୁଜୁନି ଆଡେ ବସ୍‌ଲେ।

*ବାଇବଲ୍‌ର କଥାନୀ: ମାଥୀଉ ୨୮:୧୬-୨୦; ମାର୍କ ୧୬:୧୨-୨୦; ଲୁକ ୨୪ :୧୩-୫୩; ଯୋହନ ୨୦:୧୯-୨୩; ପ୍ରେରିତ ୧:୧-୧୧*

Audio: https://git.door43.org/OBS-TLF/spv_obs/releases/download/v1/spv_obs_v1_42_128kbps.m4a

## 43. ୪୩. ମଣ୍ତଲିର୍‌ ଆରମ୍

https://openbiblestories.org/l/spv/story-43/

![](https://cdn.door43.org/obs/jpg/360px/obs-en-43-01.jpg)

ଯୀଶୁ ସରଗ୍ କେ ଫେରି ଗଲା ପରେ, ଚାଲା ମାନେ ଯିରୁଶାଲମ୍ ନ ହିଁ ଥିଲେ ଯେନ୍‌ତା କି ଯୀଶୁ ସେମାନ୍‌କୁ ଆଦେଶ୍‌ ଦେଇଥିଲେ।ସେ ଜାଗାନ୍‌ ବିଶ୍ୱାସୀ ମାନେ ନିରନ୍ତର୍‌ ପ୍ରାର୍ଥନା କର୍‌ବାର୍ ଲାଗି ଗଦା ହେଇଥିଲେ।

![](https://cdn.door43.org/obs/jpg/360px/obs-en-43-02.jpg)

ସବୁ ବରଷ୍‌, ନିସ୍ତାର୍‌ ପରବ୍ ର ପଚାସ୍ ଦିନ୍ ପେରେ, ଯିହୁଦୀ ଲୋକମାନେ ପେଣ୍ଟିକଷ୍ଟ ବଲିକରି ଗୁଟେ ମୁଖ୍ୟ ଦିନ୍ ଭାବେଁ ମାନୁଥିଲେ। ପେଣ୍ଟିକଷ୍ଟ ଗୁଟେ ସମିୟାଁ ଯେନ୍ ସମିୟାଁ କି ଯିହୁଦୀମାନେ ଗହମ୍‌ ଫସଲ୍ ର ଅମଲ୍ କର୍‌ବାର୍ ପରବ୍ ପାଲନ୍ କରୁଥିଲେ। ପୃଥିବିର୍ ସବୁ ଆଡର୍ ଯିହୁଦୀ ଲୋକମାନେ ପେଣ୍ଟିକଷ୍ଟ ଦିନ୍‌କେ ମାନ୍‌ବାର୍ ଲାଗି ଯିରୁଶାଲମ୍ କେ ଆସୁଥିଲେ, ଯୀଶୁ ସରଗ୍‌କେ ଯାଇଥିବାର୍ ଗୁଟେ ସପ୍ତା ପରେ ଇ ବରଷ୍ ପେଣ୍ଟିକଷ୍ଟ ଦିନ୍ ଆସିଥିଲା।

![](https://cdn.door43.org/obs/jpg/360px/obs-en-43-03.jpg)

ଯେତ୍‌କିବେଲେ ସବୁ ବିଶ୍ୱାସୀମାନେ ଗୁଟେ ଜାଗାରେ ଥିଲେ, ଯେନ୍ ଘରେ ସେମାନେ ଥିଲେ ଅଚାନକ୍ ଜୋର୍‌ସେ ପବନ୍ ବହେବାର୍ ସବଦ୍‌ ହେଲା, ତାର୍‌ପରେ ଜୁଏ ହୁଲା ଭଲିଆ ଦିସୁ ଥିବାର୍ କିଛି ବିଶ୍ୱାସୀ ମାନ୍‌କର୍‌ ମୁଡ଼ ଉପରେ ଦେଖାଦେଲା, ସେମାନେ ସଭେ ପବିତ୍ର ଆତ୍ମା ନ ଭରିଗଲେ ଆରୁ ଦୁସୁରା ଦୁସୁରା ଭାଷାରେ ମାହାପୁରୁର୍‌ ସ୍ତୁତିକର୍‌ବାର୍‌କେ ଲାଗ୍‌ଲେ ସେମାନେ ସେଭାଷାକେ ନେଇ ଜାନିଥାଇଁ, ସେଟା ସେ ଭାଷାଥିଲା ଯେନ୍‌ଭାଷାରେ କହେବାର୍ ଲାଗି ତାହାକୁ ପବିତ୍ର ଆତ୍ମା ସକ୍ଷମ୍‌ କରିଥିଲେ।

![](https://cdn.door43.org/obs/jpg/360px/obs-en-43-04.jpg)

ଯେତ୍‌କିବେଲ୍‌କେ ଯିରୁସାଲମ୍‌ର ଲୋକ୍‌ମାନେ ଆବାଜ୍‌କେ ଶୁନ୍‌ଲେ, କାଣାହଉଛେ ଦେଖ୍‌ବାର୍ ଲାଗି ସେମାନେ ଲୋକ୍ ଗୁହୁଡାଟେ ଆସଲେ। ସେମାନେ ବିଶ୍ୱାସୀ ମାନ୍‌କୁ ମାହାପୁରୁର୍‌ ବଡ଼୍‌ ବଡ୍‌ କାମ୍ ଘୋଷଣା କର୍‌ବାର୍‌ଟା ଶୁନ୍‌ଲେ। ସେମାନେ ଚକିତ୍ ହେଇଗଲେ କାଏଁହେଲାଯେ କି ସେମାନେ ଅଲ୍‌ଗା ଅଲ୍‌ଗା ଦେଶର୍ ହେଇଥିଲେ ବି ଅଲ୍‌ଗା ଅଲ୍‌ଗା ଭାଷାରେ କଥାହେଉଥିଲେ ଆର୍ ବୁଝି ପାରୁଥିଲେ। ଚାଲା ମାନେ ଇଶ୍ରାଏଲ୍‌ର ଥିଲେ ଆରୁ ସେମାନେ ଆରାମିୟ, ଏବ୍ରି ଆରୁ ଗ୍ରିକ୍ ଭାଷାରେ କଥା ହେଉଥିଲେ, ହେଲେ ସେମାନେ ନିଜର୍ ନିଜର୍ ଭାଷାରେ ସୁନୁଥିଲେ ଯେ ମାହାପୁରୁ କାଣା କାଣା କରୁଥିଲେ।

![](https://cdn.door43.org/obs/jpg/360px/obs-en-43-05.jpg)

ସେମାନ୍‌କର୍ ଭିତୁରୁ କେତେଲୋକ କୁହା କୁହି ହେଉଥିଲେ ଯେ, ସେମାନେ ନିଶାରେ ଅଛନ୍‌, ହେଲେ ପିତର ଠିଆହେଲେ ଆର୍ ସେମାନ୍‌କେ କହେଲେ, “ମୋର୍ କଥାକେ ସୁନ! ଇ ଲୋକ୍‌ମାନେ ନେଇ ପିଇବାର୍ ! ହେଲେ ତୁମେଯାହା ଦେଖୁଛ ଯୋଏଲ୍ ଭବିଷ୍ୟତ୍‌ବକ୍ତା କହିଥିଲେ ଯେ ଇସବୁ ଘଟ୍‌ନା ହେବା: ମାହାପୁରୁ କହେଲେ, ‘ଶେସ୍ ସମିୟାଁରେ, ମୁଇଁ ମୋର୍‌ ଆତ୍ମାକେ ଢାଲିଦେମି।‘

![](https://cdn.door43.org/obs/jpg/360px/obs-en-43-06.jpg)

“ହେ ଇଶ୍ରାଏଲ୍‌ର ଲୋକ୍‌ମାନେ, ଯୀଶୁ ଗୁଟେ ଏନ୍‌ତା ଲୋକ୍‌ଥିଲେ ଯିଏକି ବହୁତ୍ ମହାନ୍‌କାମ୍ କରିଥିଲେ। ସେ ମାହାପୁରୁର୍‌ ଶକ୍ତିରେ ବହୁତ୍ ଅଦ୍‌ଭୁତ୍ କାମ୍‌ମାନେ କରିଥିଲେ।ତୁମେ ଇଟାଜାନିଛ କାଏଯେକି ତୁମେ ଇସବୁ ବିଷୟ ଦେଖିଛ। ହେଲେ ତୁମେମାନେ ତାହାକେ କୃଶରେ ଚଢେଇ ଦେଲ!”

![](https://cdn.door43.org/obs/jpg/360px/obs-en-43-07.jpg)

“ଯୀଶୁ ମରିଗଲେ, ହେଲେ ମାହାପୁରୁ ତାହାକେ ମୃତ୍ୟୁ ନୁ ଉଠାଲେ।ଗୁଟେ ଭବିଶ୍ୱତବକ୍ତା ଯାହାଲେଖିଥିଲେ ସେଟା ପୁରା ହେଲା: ତୁମର୍‌ ପବିତ୍ର ଲୋକ୍‌କେ କବର୍‌ରେ କୁହିବାର୍‌କେ ନେଇଁ ଦିଏଁ।” ‘ଆର୍‌ ଆମେ ଇକଥାର୍‌ ସାଖି ଅଛୁଁ ଯେ। ମାହାପୁରୁ ଯୀଶୁଙ୍କୁ ମୃତୁନୁ ଆର୍‌ଥରେ ଜିଁ ଉଠେଇ ଛନ୍।

![](https://cdn.door43.org/obs/jpg/360px/obs-en-43-08.jpg)

“ପରମେଶ୍ୱର ପିତା ଇହାଦେ ଯୀଶୁଙ୍କୁ ତାକର୍ ଡ଼େବିରି ଆଡେ ବସେଇ କରି ତାହାକୁ ଆଦର୍‌ କରିଛନ୍‌।ଆର୍ ଯୀଶୁ ଆମର୍ ଲାଗି ପବିତ୍ର ଆତ୍ମାକେ ପଠେଇଛନ୍ ଯେନ୍‌ତା ସେ ପଠାବାର୍‌ଲାଗି ପ୍ରତିଜ୍ଞା କରିଥିଲେ। ଯାହା ସବୁ ଇହାଦେ ତୁମେ ଦେଖୁଛ ଆର୍ ସୁନୁଛ ତାର୍ କାର୍‌ଣ ହଉଛେ ପବିତ୍ର ଆତ୍ମା।”

![](https://cdn.door43.org/obs/jpg/360px/obs-en-43-09.jpg)

“ତୁମେ ଇଲୋକ୍, ଯୀଶୁଙ୍କୁ, କୃଶରେ ଚଢାଲ, ହେଲେ ତୁମେ ପୁରାପୁରି ଭାବେ ଜାନିଥାଅ ଯେ ମାହାପୁରୁ ଯୀଶୁଙ୍କୁ ଦୁହିଟା ପ୍ରଭୁ ଆର୍ ମସିହାଃ ବନେଇଛନ୍‌।

![](https://cdn.door43.org/obs/jpg/360px/obs-en-43-10.jpg)

ପିତରର କଥାସୁନିଥିବାର୍ ଲୋକ୍‌ମାନ୍‌କେ ତାକର୍ କଥା ଭେଦିଗଲା। ତେହେରୁଁ ସେମାନେ ପିତର ଆର୍ ଚାଲା ମାନ୍‌କେ ପଚ୍‌ରାଲେ, “ ଭାଇମାନେ, ଆମେ କାଣା କର୍‌ବାର୍‌ କଥା?”

![](https://cdn.door43.org/obs/jpg/360px/obs-en-43-11.jpg)

ପିତର ସେମାନ୍‌କେ ଉତରଦେଲେ, “ ତୁମେ ସବେ ତମର୍ ପାପ୍‌ରଲାଗି ଅନୁତାପ କର ଯେନ୍‌ତା ମହାପୁରୁ ତମର୍‌ ପାପ୍‌କେ କ୍ଷମା କର୍‌ବେ ଆର୍ ଯୀଶୁଖ୍ରୀଷ୍ଟ ନାଁ ରେ ଡ଼ୁବନ୍ ନିଅ।ତାପରେ ସେ ତୁମର୍‌ଲାଗି ଉପହାର ଭାବେ ପବିତ୍ର ଆତ୍ମାକେ ପଠାବେ।

![](https://cdn.door43.org/obs/jpg/360px/obs-en-43-12.jpg)

ପିତର କହେଲା କଥାରେ ତିନ୍‌ହଜାର୍ ଲୋକ ବିଶ୍ୱାସ୍‌କଲେ ଆର୍ ଯୀଶୁର୍ ଚାଲା ହେଲେ।ସେମାନେ ଡ଼ୁବନ୍‌ନେଲେ ଆରୁ ଯିରୁଶାଲମର ମଣ୍ତଲି ରେ ସାମିଲ୍‌ହେଲେ।

![](https://cdn.door43.org/obs/jpg/360px/obs-en-43-13.jpg)

ଯେତ୍‌କିବେଲ୍‌କେ ପ୍ରେରିତମାନେ ଶିକ୍ଷା ଦେଉଥିଲେ ବିଶ୍ୱାସୀ ମାନେ ସେଟା ସବୁବେଲେ ଶୁନୁଥିଲେ।ସେମାନେ କେବେକେବେ ଗୁଟେ ଜାଗାକେ ଆସୁଥିଲେ, ସାଙ୍ଗେ ଖାଉଥିଲେ ଜନେ ଆର୍‌ଜନେର୍ ଲାଗି ପ୍ରାର୍ଥନା କରୁଥିଲେ। ସେମାନେ ମିଶିକରି ମାହାପୁରୁର୍‌ ସ୍ତୁତି କରୁଥିଲେ ଆର୍ ତାକର୍ ପାଖେ ଯାହାଥିଲା ଦିଆ ନିଆ ହେଉଥିଲେ।ନଗର୍‌ର ସବୁଲୋକ ମାନେ ତାକର୍ ପ୍ରତି ବହୁତ୍ ଭଲ୍ ଭାବ୍‌ନା ରଖୁଥିଲେ। ସବୁଦିନ୍ ଅଧିକ ରୁ ଅଧିକ ଲୋକ ବିଶ୍ୱାସ୍ ରେ ବଢି ଆସୁଥିଲେ।

*ବାଇବଲ୍‌ର କାଥାନୀ:ପ୍ରେରିତ ୧:୧୨-୧୪; ୨*

Audio: https://git.door43.org/OBS-TLF/spv_obs/releases/download/v1/spv_obs_v1_43_128kbps.m4a

## 44. ୪୪. ପିତର୍ ଆର୍ ଯୋହନ୍ ଗୁଟେ ଭିକାରୀକେ ସୁସ୍ଥ କଲେ

https://openbiblestories.org/l/spv/story-44/

![](https://cdn.door43.org/obs/jpg/360px/obs-en-44-01.jpg)

ଦିନେ ପିତର୍ ଆର୍ ଯୋହନ୍ ମନ୍ଦିର୍‌କେ ଯାଉଥିଲେ। ଗୁଟେ ଛୁଟା ଲୋକ୍‌ ମନ୍ଦିର୍‌ର ଦୁଆର୍ ମୁହେଁ ବସିକରି ଭିକ୍ ମାଗୁ ଥିଲା।

![](https://cdn.door43.org/obs/jpg/360px/obs-en-44-02.jpg)

ପିତର୍‌ ସେ ଛୁଟା ଲୋକ୍‌କେ ଦେଖିକରି କହେଲେ, “ମୋର ପାଖେଁ ତତେ ଦେବାର୍ ଲାଗି କିଛି ଟଙ୍କା ପଏସା ନାଇନ। ହେଲେ ମୋର୍ ପାଖେ ଜାଣା ଅଛେ ମୁଇଁ ତତେ ଦେମି।ଯୀଶୁ ନାଁରେ ଉଠ୍ ଆର୍ ଚାଲ୍ !”

![](https://cdn.door43.org/obs/jpg/360px/obs-en-44-03.jpg)

ସାଙ୍ଗେ ସାଙ୍ଗ୍, ମାହାପୁରୁ ସେ ଛୁଟାକେ ଭଲ୍ କରିଦେଲେ। ସେ ଚାରିଆଡ଼େ ଚାଲ୍‌ବାର୍ ଆର୍ ଡ଼େଗ୍‌ବାର୍ ଆରମ୍ କଲା, ଆର୍ ମାହାପୁରୁର୍‌ ସ୍ତୁତି କଲା। ମନ୍ଦିର୍‌ରେ ଥିବାର୍ ଲୋକ୍‌ମାନେ ଆଶ୍ଚର୍ଯ୍ୟ ହେଇଗଲେ।

![](https://cdn.door43.org/obs/jpg/360px/obs-en-44-04.jpg)

ଗୁଟେ ଗୁହୁଡ଼ା ଲୋକ୍ ସାଙ୍ଗେସାଙ୍ଗ୍ ସେ ଭଲ୍ ହେଇଥିବାର୍ ଲୋକ୍‌କେ ଦେଖ୍‌ବାର୍‌ଲାଗି ଆସ୍‌ଲେ।ପିତର୍ ସେମାନ୍‌କେ କହେଲେ, “ଇ ଲୋକ୍‌ ଠିକ୍ ହେଇଯାଇଛେ, ହେଲେ ତୁମେ ଇଟା ଦେଖିକରି ଚକିତ୍ ନେଇଁ ହୁଅ। ଆମେ ନିଜର୍ ଶକ୍ତିରେ ଇତାକେ ଭଲ୍ ନେଇ କରି, କି ଆମେ ମାହାପୁରୁକେ ଆଦର୍ କର୍‌ସୁଁ ହେତିର୍‌ ଲାଗି ନେଇଁସେ। ହେଲେ ଯୀଶୁ ଯେ ତାକର୍ ଶକ୍ତିନୁ ସୁସ୍ଥ କରିଛନ୍ କାଏଁଯେ କି ଆମେ ତାହାକେ ବିଶ୍ୱାସ୍‌ କର୍‌ସୁଁ।”

![](https://cdn.door43.org/obs/jpg/360px/obs-en-44-05.jpg)

“ତୁମେମାନେ ହେଉଛ ସେଲୋକ୍‌ ଯେନ୍‌ମାନେ କି ରୋମ୍‌ର ଶାସକ୍ କେ ଯୀଶୁଙ୍କୁ ମାର୍‌ବାର୍ ଲାଗି କହିଥିଲ। ଯିଏ ସବୁ ଲୋକ୍‌କେ ଜୀବନ୍ ଦେସନ୍ ତୁମେମାନେ ତାହାକେ ମାରିଦେଲ। ହେଲେ ମାହାପୁରୁ ତାହାକୁ ମୃତ୍ୟୁନୁ ଉଠେଇଛନ୍‌।ତୁମେମାନେ ବୁଝି ନେଇ ପାର୍‌ଲ ଯେ ତୁମେକାଣା କରୁଥିଲ ହେଲେ ଯେତ୍‌କିବେଲ୍‌କେ ଇ କାମ୍‌କେ କରୁଥିଲ, ଏନ୍‌ତା କିସ୍‌ମେ ଭବିଶ୍ୱତ୍‌ବକ୍ତାକର୍ ବାକ୍ୟ ସଫଲ୍‌ହେଲା ଯେ ମସିହାଃ ଦୁଃଖ ଉଠାବେ ଆର୍ ମର୍‌ବେ।ପରମେଶ୍ୱର୍‌ ଇଟାକେ ଏନ୍‌ତା ହିସାବେ ହେବାକେ ଦେଲେ। ଇଥିର୍ ଲାଗି ଏବେ ଅନୁତାପ୍ କର ଆର୍ ମାହାପୁରୁର୍‌ ଆଡ଼େ ଫିର ଯେନ୍ତା ତୁମର୍‌ ପାପ୍‌କେ ସଫା କରିଦେବେ।

![](https://cdn.door43.org/obs/jpg/360px/obs-en-44-06.jpg)

ଯେତ୍‌କିବେଲ୍‌କେ ମନ୍ଦିର୍‌ର ଯାଜକ୍‌ମାନେ ପିତର୍‌ ଆରୁ ଯୋହନ୍‌ର କଥାକେ ଶୁନ୍‌ଲେ, ସେମାନେ ବହୁତ୍‌ ବିଚଲିତ୍‌ ହେଇଗଲେ। ସେଥିର୍‌ଲାଗି ସେମାନେ ଧରିକରି ଜେଲ୍‌ରେ ଭରିଦେଲେ।ହେଲେ ପିତର୍‌ ଜେନ୍‌ଟା କହିଥିଲେ ବହୁତ୍ ଲୋକ୍‌ମାନେ ବିଶ୍ୱାସ୍‌କଲେ।ଯୀଶୁଠାନେ ବିଶ୍ୱାସ୍‌ କର୍‌ବାର୍ ଲୋକ୍‌ ସଂଖ୍ୟା ବଢିକରି ପ୍ରାୟ ୫୦୦୦ ହେଇଗଲେ।

![](https://cdn.door43.org/obs/jpg/360px/obs-en-44-07.jpg)

ତାର୍‌ ଆରଦିନେ ସେ ଯିହୁଦୀ ନେତାମାନେ ପିତର୍‌ ଆର୍ ଯୋହନ୍‌କେ ମହାଯାଜକ୍ ଆର୍‌ ଅଲଗା ଧରମ୍‌ ନେତା ମାନ୍‌କର୍ ଠାନ୍‌କେ ନେଇକରି ଆସ୍‌ଲେ। ଆର୍ ସେମାନେ ସେଲୋକ୍‌କେ ବି ସେନ୍‌କେ ନେଇକରି ଆଏଲେ ଯିଏକି ଛୁଟାଥିଲା। ସେମାନେ ପିତର୍‌ ଆର୍ ଯୋହନ୍‌କେ ପଚାରାଲେ, “ତୁମେ କାହାର୍‌ ଅଧିକାର୍‌ରେ ଛୁଟା ଲୋକ୍‌କେ ସୁସ୍ଥ କଲ?”

![](https://cdn.door43.org/obs/jpg/360px/obs-en-44-08.jpg)

ପିତର୍‌ ସେମାନ୍‌କେ ଉତ୍ତର୍‌ଦେଲେ, “ ଇଲୋକ୍‌ ଯିଏ ତୁମର୍‌ ଆଗେ ଠିଆ ହେଇଛେ ତାହାକେ ଯୀଶୁଙ୍କର୍‌ ସକ୍ତିରେ (ଭଲ)ସୁସ୍ଥ କରା ଯାଇଛେ। ତୁମେମାନେ ଯୀଶୁଙ୍କୁ କୃଶରେ ଚଡ଼େଇଦେଲ, ହେଲେ ପରମେଶ୍ୱର୍‌ (ମାହାପୁରୁ)ତାହାକେ ଫେର୍ ଜିଏଁଇ ଦେଲେ! ତୁମେମାନେ ତାହାକେ ଅଶ୍ୱିକାର୍‌ କରିଦେଲ ହେଲେ ଯୀଶୁର୍‌ ଶକ୍ତି ବିନା ଉଦ୍ଧାର୍‌ ପାଇବାର୍ ଅଲ୍‌ଗା ବାଟ ଆର୍ ନେଇଁନ।

![](https://cdn.door43.org/obs/jpg/360px/obs-en-44-09.jpg)

ସେଥିର୍‌ଲାଗି ସେମାନେ ସେମାନ୍‌କୁ କହେଲେ, ଆମେ ତମ୍‌କୁ ବହୁତ୍ ଦଣ୍ତ ଦେମୁ ଯଦିତୁମେ ଇ ଯୀଶୁର୍‌ ବାବଦ୍‌ରେ ଲୋକମାନ୍‌କେ କହେବ। ଇସବୁ ବହୁତ୍ କଥା କହେଲାପରେ, ସେମାନେ ଯୋହନ୍ ଆର୍ ପିତର୍‌କେ ଯିବାର୍‌ଲାଗି ଛାଡିଦେଲେ।

*ବାଇବଲ୍‌ର କଥାନୀ: ପ୍ରେରିତ ୩-୪:୪୪*

Audio: https://git.door43.org/OBS-TLF/spv_obs/releases/download/v1/spv_obs_v1_44_128kbps.m4a

## 45. ୪୫. ସ୍ତିଫାନ୍ ଆର୍ ପିଲିଫ୍‌

https://openbiblestories.org/l/spv/story-45/

![](https://cdn.door43.org/obs/jpg/360px/obs-en-45-01.jpg)

ପହେଲା ଖ୍ରୀଷ୍ଟିଏନ୍ ନେତା ମାନ୍‌କର୍‌ ଭିତରେ ସ୍ତିଫାନ୍ ବଲି କରି ଗୁଟେ ଲୋକ ଥିଲେ।ସବୁ ଲୋକ୍‌ମାନେ ତାହାକୁ ସମ୍ମାନ ଦେଉଥିଲେ।ପବିତ୍ର ଆତ୍ମା ତାହାକୁ ବହୁତ୍ ଶକ୍ତି ଆର୍ ବୁଦ୍ଧି ଦେଇ ଥିଲେ। ସ୍ତିଫାନ୍‌ ବହୁତ୍ ଚତ୍ମକାର୍‌ କାମ୍ କରିଥିଲେ ଯେତ୍‌କିବେଲ୍‌କେ ସେ ଯୀଶୁ ଉପ୍‌ରେ ବିଶ୍ୱାସ କର୍‌ବାର୍ କଥାକେ ଶିକ୍ଷା ଦେଉଥିଲେ ତ ବହୁତ୍ ଲୋକ୍‌ମାନେ ବିଶ୍ୱାସ୍‌ କଲେ।

![](https://cdn.door43.org/obs/jpg/360px/obs-en-45-02.jpg)

ଦିନେ ସ୍ତିଫାନ୍‌ ଯୀଶୁର୍ ବାବ୍‌ଦେ ଶିକ୍ଷା ଦେଉଥିଲେ, ଆର୍ କେତେ ଯିହୁଦୀ ଲୋକ ଆସ୍‌ଲେ ଯେନ୍‌ମାନେ କି ଯୀଶୁକେ ବିଶ୍ୱାସ୍‌ ନେଇଁ କରୁଥାଇଁ ଆର୍ ସେମାନେ ତାକର୍ ସାଙ୍ଗେ ବାଦ୍ ବିବାଦ୍ କର୍‌ବାର୍ ଟା ଆର୍‌ମ୍ କଲେ। ସେମାନେ ବହୁତ୍ ରାଗି ଗଲେ ସେଥିର୍ ଲାଗି ସେମାନେ ଧାର୍‌ମିକ୍‌ ନେତା ମାନ୍‌କର୍ ପାସ୍‌କେ ଗଲେ ଆର୍ ସେମାନ୍‌କର୍ ବିସେଥି ମିଛ୍ କହେଲେ।ସେମାନେ କହେଲେ, “ ଆମେମାନେ ଶୁନ୍‌ଲୁଁ ଯେ ସ୍ତିଫାନ୍‌ ମାହାପୁରୁ ଆରୁ ମୁଶା ବାବଦ୍‌ରେ ବହୁତ୍ ଖରାପ୍ କଥା କହେଲେ” ତେହେରୁଁ ଧାର୍‌ମିକ୍ ନେତାମାନେ ସ୍ତିଫାନକେ ଧର୍‌ଲେ ଆର୍ ମହାଯାଜକ୍ ଆର୍ ଅଲ୍‌ଗା ଯିହୁଦୀ ନେତାମାନ୍‌କର୍ ନିକେ ଆନ୍‌ଲେ।ସେମାନେ ସ୍ତିଫାନ୍ ର ବାବଦ୍‌ରେ କେତ୍‌ନିଟେ ମିଛ୍‌ କଥାର୍ ସାଖୀ ହେଲେ।

![](https://cdn.door43.org/obs/jpg/360px/obs-en-45-03.jpg)

ମହାଯାଜକ୍ ସ୍ତିଫାନକେ ପଚ୍‌ରାଲେ, ଇ ଲୋକ୍‌ମାନେ କାଣା ତମର୍ ବାବଦ୍‌ରେ ସତ୍ କଥା କହୁଛନ୍?” ସ୍ତିଫାନ୍‌ ମହାଯାଜକ୍‌କେ ବହୁତ୍‌କଥା ଉତର୍‌ ଦେବାର୍‌ ଆରମ୍ କଲେ। ସେ କହେଲେ ଅବ୍ରାହାମ୍‌ର ସମିୟାନୁ ଯୀଶୁଙ୍କର୍‌ ସମିୟାତକ୍, ମାହାପୁରୁ ଇଶ୍ରାଏଲ୍‌ର୍‌ର ଲୋକ୍ ମାନ୍‌କର୍ ଲାଗି ବହୁତ୍ ଆଶ୍ଚର୍ଯ୍ୟ କାମ୍ କରିଛନ୍। ହେଲେ ଲୋକ୍‌ମାନେ ସବୁବେଲେ ପରମେଶ୍ୱର୍ କେ ଅମାନ୍‌ତି କଲେ। ସ୍ତିଫାନ୍‌ କହେଲେ, ତୁମେ ସଭେ ମାହାପୁରୁ ବିରୋଧ୍‌ ନ କହେବାର୍ ଲୋକମାନେ।ତୁମେମାନେ ସବୁବେଲେଁ ପବିତ୍ରାଆତ୍ମାକେ ପ୍ରତ୍ୟାଖ୍ୟାନ୍‌ କର୍‌ସ, ଯେନ୍‌ତା କି ଆମର୍‌ ପୁର୍ବ ପୁରୁଷ୍‌ ମାନେ ସବୁବେଲେ ମାହାପୁରୁଙ୍କୁ ଗ୍ରହଣ ନେଇ କଲେ ଆରୁ ଭବିଷ୍ୟାତ୍‌ବକ୍ତା ମାନ୍‌କୁ ମାରିଦେଲେ।ହେଲେ ତୁମେ ସେମାନ୍‌କର୍ ଠାନୁ ବି ବହୁତ୍ ଖରାପ୍ କାମ୍ କରିଛ! ତୁମେମାନେ ମସିହାଃ କେ ମାରିଦେଲ।

![](https://cdn.door43.org/obs/jpg/360px/obs-en-45-04.jpg)

ଯେତ୍‌କିବେଲ୍‌କେ ଇକଥାଟା ଧାର୍‌ମିକ୍ ନେତା ମାନେ ଶୁନ୍‌ଲେ, ସେମାନେ ବହୁତ୍‌ ରିସ୍‌ମି ହେଇଗଲେ ଆର୍ ରଡ଼ିକରି ତାକର୍ କାନ୍‌କେ ଛାପି କରିଧରଲେ।ସେମାନେ ସ୍ତିଫାନକେ ସହର୍‌ର ବାହାର୍‌କେ ଘିଚ୍‌ତେଲ୍‌ ନେଲେ ଆର୍ ପଥର୍‌ ମାରିକରି ତାହାକେ ମାର୍‌ବାର୍ ଲାଗି ଆଦେଶ ଦେଲେ।

![](https://cdn.door43.org/obs/jpg/360px/obs-en-45-05.jpg)

ଯେତ୍‌କିବେଲ୍‌କେ ସ୍ତିଫାନ ମରୁଥିଲା, ସେ କାନ୍ଦି କାନ୍ଦି କରି କହେଲା, “ ଯୀଶୁ, ମୋର୍ ଆତ୍ମାକେ ନେଇ ଯ ” ସେ ଆଣ୍ଠୁ ମାଡ଼ିକରି ବସ୍‌ଲା ଆର୍‌ଥରେ କାନ୍ଦି କରି କହେଲା, ପ୍ରଭୁ, ଇ ପାପ୍‌କେ ଇମାନ୍‌କର୍ ଉପରେ ନାଇଁ ଲଗାବ।” ତାପରେ ସେ ମରିଗଲା।

![](https://cdn.door43.org/obs/jpg/360px/obs-en-45-06.jpg)

ସେଦିନେ ଯିରୁଶାଲମ୍ ନ ରହୁଥିବାର୍ ଲୋକ୍ ମାନେ ଯୀଶୁଙ୍କୁ ମାନୁଥିବାର୍ ଲୋକ୍‌ମାନ୍‌କୁ ବହୁତ୍ ତାଡ଼ନା ଦେବାର୍ ଆରମ୍‌ କଲେ, ତେହେରୁଁ ବିଶ୍ୱାସୀ ମାନେ ଅଲ୍‌ଗା ଜାଗାକେ ପଲାଇଁଗଲେ।ଇତାର୍‌ବଦଲା ସେମାନେ ଯେନ୍‌ନିକେ ଗଲେ ସେମାନେ ଯୀଶୁଙ୍କର୍‌ ବିଷେଥି ପ୍ରଚାର୍ କଲେ।

![](https://cdn.door43.org/obs/jpg/360px/obs-en-45-07.jpg)

ସେଠାନେ ଫିଲିଫ୍‌ ବଲିକରି ଗୁଟେ ଯୀଶୁଙ୍କର୍‌ ବିଶ୍ୱାସୀ ଥିଲେ। ତାଡ଼ନାର୍ ଲାଗି ବହୁତ୍ ଟେ ବିଶ୍ୱାସୀ ଯେନ୍‌ତା ଯିରୁଶାଲମ୍‌ ନୁ ପଲେଇ ଆସିଥିଲେ ହେନ୍‌ତା ସେ ବି ଯିରୁଶାଲମ୍‌ ନୁ ପଲେଇ ଆସିଥିଲେ।ସେ ଶମରିଆର୍‌ ଗୁଟେ ଜାଗାକେ ଗଲେ ଯେନ୍‌ନ କି ସେ ଯୀଶୁ ବାବଦ୍‌ରେ ଲୋକମାନ୍‌କୁ ପ୍ରଚାର୍ କଲେ।ବହୁତ୍ ଲୋକ ବିଶ୍ୱାସ୍‌ କଲେ ଆର୍ ଉଦ୍ଧାର୍ ପାଏଲେ। ଦିନେ ଗୁଟେ ସରଗ୍ ଦୂତ୍‌ ମାହାପୁରୁର୍‌ ଠାନୁ ଫିଲିଫ୍‌ ନିକେ ଆସ୍‌ଲେ ଆରୁ ମରୁଭୁମିକେ ଯିବାର୍ ଲାଗି କହେଲେ, ଆର୍ ଗୁଟେ ରାସ୍ତାରେ ଚାଲ୍‌ବାର୍‌ଲାଗି କହେଲେ। ଫିଲିଫ୍‌ ସେଠାନ୍‌କେ ଗଲେ। ଆର୍‌ ଯେତ୍‌କିବେଲ୍‌କେ ସେ ବାଟେଁ ଯାଉଥିଲେ ସେ ଦେଖ୍‌ଲେ ଯେ ଜଣେ ତାକର୍ ରଥ୍‌କେ ଚଲଉଥିଲା।ଇ ଲୋକ୍‌ଟା ଇଥୋପିଆର୍‌ ଗୁଟେ ବଡ଼ ମୁଖ୍ୟା ଲୋକ ଥିଲା। ପବିତ୍ର ଆତ୍ମା ଫିଲିପ୍‌କେ ସେ ଲୁକର୍ ସାଙ୍ଗେ ଯାଇକରି କଥା ହେବାର୍‌ ଲାଗି କହେଲେ।

![](https://cdn.door43.org/obs/jpg/360px/obs-en-45-08.jpg)

ତେହେରୁଁ ଫିଲିଫ୍‌ ରଥ ପାସ୍‌କେ ଆସ୍‌ଲେ।ସେ ଶୁନ୍‌ଲେ ଯେ ଏଥେନ୍‌ସ୍‌ ର ଲୋକ୍‌ ମାହାପୁରୁର୍‌ ବାକ୍ୟକେ ପଢ଼ୁ ଥିଲେ। ସେ ପଢୁଥିଲେ ଯେନ୍‌ଟା କି ଯିଶାଇୟ ଭବିଶ୍ୱସତ୍‌ବକ୍ତା ଲେଖିଛନ୍। ସେ ପଢ୍‌ଲେ, “ ସେମାନେ ତାହାକେ ଗୁଟେ ବଳି ଦେବାର୍ ମେଢ଼ି ଭଲିଆ ନେଇଗଲେ ଆର୍ ଯେନ୍‌ତା ଗୁଟେ ମେଢ଼ି ଛୁଆ ଶାନ୍ତିରେ ଥିସି, ସେ କଥା ପଦେବି ନେଇଁକହେ। ସେମାନେ ତାର୍‌ସାଙ୍ଗେ ଅନୁଚିତ୍ ବେଭାର୍‌ କଲେ ଆର୍ ତାର୍ ସମ୍ମାନ ନେଇ କଲେ। ସେମାନେ ସେତାର୍ ଜୀବନ୍ ନେଇଗଲେ।

![](https://cdn.door43.org/obs/jpg/360px/obs-en-45-09.jpg)

ଫିଲିପ୍‌ ସେ ଇଥିଓପିଆ ଦେଶର୍‌ ଲୋକ୍ କେ ପଚ୍‌ରାଲେ, ଯେନ୍‌ଟା ତୁମେ ପଢୁଛ କାଣା ସେଟା ତୁମେ ବୁଝିବି ପାରୁଛ?”ସେ ଇଥିଓପିଆ ଲୋକ ଉତର୍ ଦେଲା “ନେଇଁ। ଯେତେବେଲ୍‌ତକ୍‌ ଇଟା ମତେ କିଏ ନେଇଁ ବୁଝାବା ସେତେ ବେଲ୍‌ତକ୍ ମୁଇଁ ସେଟା ନେଇଁ ବୁଝିପାରେଁ।ଦୟା କରି ମୋର୍ ପାସ୍‌କେ ଆସିକରି ବସ। କାଣା ଯିଶାଇୟ ଇଟା ନିଜର୍ ବାବଦ୍‌ରେ ଲେଖିଥିଲେ କି ଅଲ୍‌ଗା କାହାର୍ ଲାଗି ଲେଖିଛନ୍‌?”

![](https://cdn.door43.org/obs/jpg/360px/obs-en-45-10.jpg)

ଫିଲିଫ୍‌ ରଥ୍‌ରେ ଚଢ଼୍‌ଲେ ଆର୍‌ ବସ୍‌ଲେ।ତାର୍‌ପରେ ଇଥିଓପିଆ ଦେଶର୍‌ ଲୋକ୍‌କେ ଇଟା କହେଲେ ଯେନ୍ ଯିଶାଇୟ ଯୀଶୁ ବାବଦ୍‌ରେ ଲେଖିଥିଲେ। ଫିଲିଫ୍‌ ମାହାପୁରୁ ବାକ୍ୟକେ ବହୁତ୍ ଲୋକମାନ୍‌କର୍ ଅଲ୍‌ଗା ଅଂସରୁ ବି ଆଲୋଚନା କଲେ, ହେନ୍‌ତାକରି ସେ ଲୋକକେ ଯୀଶୁ ବାବଦ୍‌ରେ ସୁଭବାରତା ସୁନାଲେ।

![](https://cdn.door43.org/obs/jpg/360px/obs-en-45-11.jpg)

ଫିଲିପ୍‌ ଆର୍ ସେ ଇଥିଓପିଆ ଦେଶର୍‌ ଲୋକ ଯିବାର୍ ଭିତରେ ପାଏନ୍ ପାସ୍‌କେ ଆସ୍‌ଲେ।ଇଥିଓପିଆ ଲୋକ୍‌ କହେଲା, “ଦେଖ୍! ଇନେ ପାଏନ୍ ଅଛେ! ମୁଇଁ ଡ଼ୁବନ୍ ନେମିକାଏଁ?” ତାର୍ ପରେ ସେ ତାର୍‌ ସାଥି କେ ରଥ୍ ଅଟ୍‌କାବାର୍‌ଲାଗି କହେଲା।

![](https://cdn.door43.org/obs/jpg/360px/obs-en-45-12.jpg)

ତେହେରୁଁ ସେମାନେ ପାଏନ୍ ଭିତର୍ କେ ଗଲେ, ତାର୍‌ପରେ ଫିଲିଫ୍‌ ଇଥିଓପିଆ ଦେଶର୍‌ ଲୋକକେ ଡ଼ୁବନ୍ ଦେଲେ। ସେମାନେ ପାଏନ୍‌ ରୁ ବାହାରିଲା ପରେ, ପବିତ୍ର ଆତ୍ମା ସାଙ୍ଗେ ସାଙ୍ଗ୍‌ ଫିଲିଫ୍‌ କେ ଅଲ୍‌ଗା ଜାଗାକେ ନେଇଗଲେ।ସେଠାନେ ଫିଲିପ୍‌ ଲଗାତାର୍‌ ଯୀଶୁର୍ ବାବଦ୍ ନ ପ୍ରଚାର୍ କଲେ।

![](https://cdn.door43.org/obs/jpg/360px/obs-en-45-13.jpg)

ସେ ଇଥିଓପିଆ ଲୋକ ତାର୍ ନିଜର୍ ଘର୍‌କେ ଯିବାର୍ କେ ଲାଗ୍‌ଲା। ଯୀଶୁଙ୍କୁ ଜାନିକରି ସେ ବହୁତ୍ ଖୁସିଥିଲା।

*କଥାନୀ : ପ୍ରେରିତ୍ ୬-୮*

Audio: https://git.door43.org/OBS-TLF/spv_obs/releases/download/v1/spv_obs_v1_45_128kbps.m4a

## 46. ୪୬. ଶାଉଲ ଯୀଶୁଙ୍କର୍‌ ଚାଲା ହେଲେ

https://openbiblestories.org/l/spv/story-46/

![](https://cdn.door43.org/obs/jpg/360px/obs-en-46-01.jpg)

ଶାଉଲ ବଲି କରି ଜଣେ ଲୋକ୍ ଥିଲେ ଯିଏ କି ଯୀଶୁଙ୍କୁ ବିଶ୍ୱାସ୍ ନାଇଁ କରୁଥାଇଁ। ଯେତ୍‌କି ବେଲ୍‌କେ ସେ ଜୁଆନ୍ ଥିଲେ, ସେ ଷ୍ଟିଫାନ୍ କେ ମାରିଥିବାର୍ ଲୋକ୍ ମାନ୍‌କର୍ କପ୍‌ଡ଼ା ଜୁଗୁଥିଲେ।ପରେ ସେ ବିଶ୍ୱାସୀ ମାନ୍‌କୁଁ ତାଡ଼ନା କରୁଥିଲେ। ସେ ଯିରୁଶାଲମ୍ ନ ବିଶ୍ୱାସୀ ଘର୍ ମାନ୍‌କୁ ଯାଇକରି ସେ ସେମାନ୍‌କୁ ବାନ୍ଧିକରି ଜେଲ୍ ଖାନାଥିଁ ପକେଇ ଦେଉ ଥିଲେ। ଇସମିୟାଁ ଭିତ୍‌ରେ ମହାଯାଜକ୍‌ ଶାଉଲ୍‌କେ ଦାମେସକ୍ ସହର୍‌କେ ଯିବାର୍ ଲାଗି ଅନୁମତି ଦେଲେ। ସେ ଶାଉଲ୍‌କେ ଯୀଶୁଙ୍କର୍ ଚାଲା ମାନ୍‌କୁ ଗିରଫ୍ କର୍‌ବାର୍‌କେ ଆର୍ ସେମାନ୍‌କୁ ଯିରୁଶାଲମ୍‌ନୁ ଫେଇ ଆନ୍‌ବାର୍‌କେ କହେଲେ।

![](https://cdn.door43.org/obs/jpg/360px/obs-en-46-02.jpg)

ତେହେରୁଁ ଶାଉଲ ଦାମେସକ୍‌ ଯିବାର୍ କେ ଲାଗ୍‌ଲେ।ସେ ସହର୍‌କେ ପହୁଁଚିବାର୍ ଆଗୋନୁ ଆକାଶେଁ ଗୁଟେ ଉକିଆ ତାକର୍‌ ଚାରି ପାଖେଁ ଘେରି ଦେଲା, ଆର୍ ସେ ତଲେ ପଡ଼ିଗଲେ।ଶାଉଲ ଶୁନ୍‌ଲେ କିଏ ଜଣେ କହୁଛେ, “ଶାଉଲ! ଶାଉଲ! ତମେ ମତେ କାଏଁଯେ ତାଡ଼ନା କରୁଛ?” ଶାଉଲ ପଚ୍‌ରାଲେ, “ ହେ ସ୍ୱାମି ତମେ କିଏ ଅ?” ଯୀଶୁ ତାହାକେ ଉତର୍ ଦେଲେ, “ମୁଇଁ ଯୀଶୁ। ତମେ ମତେ ତାଡ଼ନା କରୁଛ !’’

![](https://cdn.door43.org/obs/jpg/360px/obs-en-46-03.jpg)

ଯେତ୍‌କିବେଲ୍‌କେ ଶାଉଲ ଠିଆ ଉଠ୍‌ଲେ ସେ ଦେଖି ନାଇଁ ପାର୍‌ଲେ।ତାକର୍ ସାଙ୍ଗ୍ ମାନେ ତାହାକେ ଦାମେସକ୍ କେ ନେଇ ଗଲେ।ଶାଉଲ୍ ତିନ୍‌ଦିନ୍ ତକ୍ ନାଇଁ ଖାଇଲେ କି ନାଇଁ ପିଇଲେ।

![](https://cdn.door43.org/obs/jpg/360px/obs-en-46-04.jpg)

ହାନାନିଅ ବଲିକରି ଗୁଟେ ଚାଲା ଥିଲା।ମାହାପୁରୁ ତାହାକେ କହେଲେ, “ ଶାଉଲ ଯେନ୍ ଜାଗାନ ରହୁଛନ୍ ସେ ଘର୍ ନିକେ ଯଅ, ଆର୍ ତାର୍ ଉପରେ ତୁମର୍‌ ହାତ୍ ରଖ, ଯେନ୍‌ତା କି ସେ ଆର୍ ଥରେ ଦେଖି ପାର୍‌ବା।“ ହେଲେ ହାନାନିଅ କହେଲା, ସ୍ୱାମି, ମୁଇଁ ସୁନିଛେଁ ଯେ ଇ ଲୋକ୍ ବିଶ୍ୱାସ୍ କରୁଥିବାର୍ ଲୋକ୍ ମାନ୍‌କେ ତାଡ଼ନା କର୍‌ସି।” ମାହାପୁରୁ ତାହାକେ କହେଲେ, “ଯଅ! ଯିହୁଦୀ ଲୋକ୍ ମାନ୍‌କର୍‌ନ ଆର୍ ଅଲ୍‌ଗା ଜାତିର୍‌ ଲୋକ ମାନ୍‌କର୍‌ନ, ମୋର୍‌ ନାଁ କେ ଘୋଷଣା କର୍‌ବାର୍‌କେ ମୁଇଁ ତାହାକେ ବାଛିଛେଁ।ସେ ମୋର୍‌ ନାଁରେ ବହୁତ୍ କଷ୍ଟ୍ ପାଏବେ।”

![](https://cdn.door43.org/obs/jpg/360px/obs-en-46-05.jpg)

ଆର୍ ହାନାନିଅ ଶାଉଲ୍‌ ନିକେ ଗଲେ, ତାକର୍ ହାତ୍‌କେ ତାକର୍ ଉପ୍‌ରେ ରଖ୍‌ଲେ, ଆର୍ କହେଲେ, ଯୀଶୁ, ଇଠାନ୍‌କେ ତମେ ଆସ୍‌ବାର୍ ବାଟେଁ ତୋମର୍‌ଠାନେ ଦେଖା ହେଇଥିଲେ, ସେ ମତେ ତୁମର ପାସ୍‌କେ ପଠେଇଛନ୍ ଯେନ୍‌ତା ଆର୍ ଥରେ ତୁମେ ଦେଖି ପାର୍‌ବ, ଆର୍ ସେ ତୁମ୍‌କୁଁ ପବିତ୍ରଆତ୍ମାରେ ଭରି ଦେବେ।ତୁରନ୍ତ ସେ ଦେଖ୍‌ବାର୍ ଲାଗି ସକ୍ଷମ୍ ହେଇ ପାର୍‌ଲେ, ଆର୍ ହାନାନିଅ ତାହାକୁଁ ଡ଼ୁବନ୍ ଦେଲେ। ତେହେରୁଁ ଶାଉଲ୍ ଖାନା ଖାଏଲେ ଆର୍‌ ଆରୁ ଥରେ ବଲ୍‌ ପାଏଲେ।

![](https://cdn.door43.org/obs/jpg/360px/obs-en-46-06.jpg)

ସେଦିନୁ ଶାଉଲ ଦମେସକ୍‌ ନ ଥିବାର ଯିହୁଦୀ ମାନ୍‌କର୍ ଠାନେ ପର୍‌ଚାର୍‌ କର୍‌ବାର୍ ଆରମ୍ କଲେ। ସେ କହେଲା, “ ଯୀଶୁ ମାହାପୁରୁର୍ ପୁଓ ! ”ଯିହୁଦୀ ଲୋକ୍ ମାନେ କାବା ହଇଁ ଗଲେ କାଁକରି କି, ସେ ଯିହୁଦୀ ବିଶ୍ୱାସୀ ଲୋକ୍‌ ମାନଙ୍କୁ ମାର୍‌ବାର୍ କେ ଚେଷ୍ଟାକରୁ ଥିଲା, ଆର୍ ଇହାଦେ ସେ ଯୀଶୁଙ୍କୁ ବିଶ୍ୱାସ୍‌ କରୁଛେ! ଶାଉଲ ଯିହୁଦୀ ଲୋକ୍‌ର ସାଙ୍ଗେ ଯୁକ୍‌ତି ତର୍‌କ କଲା।ସେ ଦେଖାଲା ଯେ ଯୀଶୁ ହିଁ ମସିହାଃ ଅନ୍‌।

![](https://cdn.door43.org/obs/jpg/360px/obs-en-46-07.jpg)

କେତେଦିନ୍‌ ଉତାରେ, ଶାଉଲ୍ କେ ମାର୍‌ବାର୍ ଲାଗି ଯିହୁଦୀ ମାନେ ଗୁଟେ ଯୋଜନା ବନାଲେ।ସେମାନେ ତାହାକୁଁ ମାର୍‌ବାର୍ ଲାଗି ନଗର୍‌ର୍‌ ଫାଟକ୍‌ ନିକେ ଲୋକମାନ୍‌କୁ ପଠାଲେ।ହେଲେ ଶାଉଲ୍ ତାକର୍‌ ସବୁ କପଟ୍ କଥା ଶୁନି ପାଏଲେ ଆର୍‌ ତାକର୍ ସାଙ୍ଗ ମାନେ ଖସିକରି ପଲେଇ ଯିବାର୍‌ ଲାଗି ସାହାଯ୍ୟ କଲେ।ଦିନେ ରାତି ଇମାନେ ଇତାକେ ଭୁଗା ନ ଭରିକରି ନଗର୍‌ର ବାଢା କାଁଥିର୍ ଉପୁରୁ ତଲ୍‌କେ ଉତେରେଇ ଦେଲେ। ଦମେଶକ୍ ନୁ ବଂଚି କରି ଆଏଲା ପରେ ଶାଉଲ୍ ଯୀଶୁଙ୍କର୍‌ ପର୍‌ଚାର୍‌ କର୍‌ବାର୍‌ କାମେ ଲାଗି ପଡ଼୍‌ଲେ।

![](https://cdn.door43.org/obs/jpg/360px/obs-en-46-08.jpg)

ଶାଉଲ ପ୍ରେରିତ୍ ମାନ୍‌କର୍ ସାଙ୍ଗେ ମିସ୍‌ବାର୍ ଲାଗି ଯିରୁଶାଲମ୍‌କେ ଗଲେ, ହେଲେ ସେମାନେ ଶାଉଲକେ ଡରୁଥିଲେ।ତେହେରୁଁ ବର୍ଣ୍ଣବାସ୍‌ ବଲିକରି ଗୁଟେ ବିଶ୍ୱାସୀ ଶାଉଲ୍‌କେ ପ୍ରେରିତ୍‌ ମାନ୍‌କର୍ ପାସ୍‌କେ ନେଇଁକରି ଗଲେ। ସେ ସେମାନ୍‌କୁଁ କହେଲେ କି ଶାଉଲ୍ କେନ୍‌ତା କିସ୍‌ମେ ସାହାସୀ ହେଇକରି ଦାମେସକ୍ ନ ପର୍‌ଚାର୍‌ କାମ୍ କରି ଥିଲେ। ଇତାର୍ ପରେ ପ୍ରେରିତ୍ ମାନେ ଶାଉଲ୍ କେ ଗ୍ରହଣ କରିଥିଲେ।

![](https://cdn.door43.org/obs/jpg/360px/obs-en-46-09.jpg)

କେତେଟା ବିଶ୍ୱାସୀ ମାନେ ଯିରୁଶାଲମ୍ ନୁ ତାଡ଼ନା ଲାଗି ପଲାଇ ଯାଇଥିଲେ ସେମାନେ ବହୁତ୍ ଦୁର୍‌କେ ଅନ୍ତିଖିଆ ଗାଆଁ କେ ଗଲେ ଆରୁ ଯୀଶୁଙ୍କର୍ ପର୍‌ଚାର୍‌ କରୁଥିଲେ। ଅନ୍ତିଖିଆ ନ ରହୁଥିବାର୍ ଲୋକ୍‌ମାନେ ବେଶି ଲୋକ୍ ଯିହୁଦୀ ନାଇଁ ଥାଇଁ, ହେଲେ ପହେଲା ଥର୍ ଇ ଲୋକ୍‌ମାନେ ଯେନ୍‌ମାନେ ଯିହୁଦୀ ନାଇଁ ଥାଇ ବିଶ୍ୱାସୀ ହେଲେ। ବର୍ଣବାସ୍ ଆର୍ ଶାଉଲ୍ ଇ ନୂଆଁ ବିଶ୍ୱାସୀ ମାନ୍‌କୁ ଯୀଶୁଙ୍କର୍ ବାବ୍‌ଦେଁ ଆରୁ ଅଧିକା ଶିଖାବାର୍ ଲାଗି ଗଲେ ଆର୍ ମଣ୍ତଲିକେ ମଜ୍‌ଭୁତ୍ କଲେ। ଯୀଶୁଙ୍କୁ ବିଶ୍ୱାସ୍‌ କରିଥିବାର୍ ବିଶ୍ୱାସୀ ମାନ୍‌କୁ ପହେଲା କରି ଖ୍ରୀଷ୍ଟିଆନ୍‌ କୁହା ଗଲା।

![](https://cdn.door43.org/obs/jpg/360px/obs-en-46-10.jpg)

ଦିନେ ଆନ୍ତିଖିଆ ର ବିଶ୍ୱାସୀ ମାନେ ଉପବାସ ପ୍ରାର୍ଥନା କରୁଥିଲେ। ପବିତ୍ର ଆତ୍ମା ସେମାନ୍‌କୁଁ କହେଲେ, ମୁଖ୍ୟ କାମ୍ କର୍‌ବାର୍ ଲାଗି ମୁଇଁ ବର୍ଣବାସ ଆର୍ ଶାଉଲକେ ଡ଼ାକ୍‌ଲିଁ, ସେ କାମ୍ କର୍‌ବାର୍‌ଲାଗି ଦୁହେଁକେ ଅଲ୍‌ଗା କରି ଦିଅ।ଇଥିର୍‌ଲାଗି ଅନ୍ତିଖିଆ ମଣ୍ତଲି ବର୍ଣବାସ୍ ଆର୍ ଶାଉଲ୍ ଲାଗି ହାତ୍ ରଖିକରି ପ୍ରାର୍ଥନା କଲେ ତେହେରୁଁ ସେମାନେ ସେମାନ୍‌କୁ ଅନେକ୍ ଜାଗାକେ ଯୀଶୁଙ୍କର୍ ବିଷେଁ ନ ସୁସମାଚାର୍ ପ୍ରଚାର୍ କର୍‌ବାର୍ ଲାଗି ପଠାଲେ। ବର୍ଣବାସ ଆର୍ ଶାଉଲ ଅଲ୍‌ଗା ଅଲ୍‌ଗା ଜାତି ନ ଶିକ୍ଷାଦେଲେ, ଆର୍ ବହୁତ୍‌ଟେ ଲୋକ୍‌ ଯୀଶୁଙ୍କୁ ବିଶ୍ୱାସ୍‌ କଲେ।

*ବାଇବଲ୍‌ର କଥାନୀ: ପ୍ରେରିତ ୮:୧-୩; ୯:୧-୩୧; ୧୧:୧୯-୨୬; ୧୩-୧୪*

Audio: https://git.door43.org/OBS-TLF/spv_obs/releases/download/v1/spv_obs_v1_46_128kbps.m4a

## 47. ୪୭. ଫିଲିଫ୍‌ନ ପାଉଲ ଆର୍ ଶିଲା

https://openbiblestories.org/l/spv/story-47/

![](https://cdn.door43.org/obs/jpg/360px/obs-en-47-01.jpg)

ଯେତ୍‌କିବେଲ୍‌କେ ଶାଉଲ୍‌ ପୁରା ରୋମ ସାମ୍‌ରାଜ୍ୟଥିଁ ଯାତ୍ରା କରୁଥିଲେ ସେ ତାକର୍ ରୋମି ନାଁ “ପାଉଲ୍‌” ର ବ୍ୟବହାର୍ କଲେ, ଦିନେ ପାଉଲ ଆର୍ ତାକର୍ ସାଙ୍ଗ୍ ଶିଲା ଫିଲିଫ୍‌ ନଗର୍ ରେ ଯୀଶୁଙ୍କର୍ ମଙ୍ଗଲ ସୁସମାଚାର୍ ଶୁନାବାର୍ ଲାଗି ଗଲେ। ସେମାନେ ନଗର୍‌ର୍ ବାହାରେ ଥିବାର୍ ନଏଦ ଖଣିର୍‌ ଗୁଟେ ଜାଗାକେ ଗଲେ ଯେନ୍‌ନ ଲୋକ୍ ମାନେ ପାର୍‌ଥନା କର୍‌ବାର୍ ଲାଗି ଜମା ହେଇଥିଲେ। ସେନ ଲୁଦିଆ ବଲି କରି ଗୁଟେ ଟୁକେଲ୍ ସାଙ୍ଗେଁ ଭେଟ୍ ପଡ଼ଲେ ଯିଏକି ଗୁଟେ ବେପାରୀ ଥିଲା। ସେ ମାହାପୁରୁକେ ପ୍ରେମ୍ କରୁଥିଲା ଆର୍ ତାକର୍ ଆରାଧନା କରୁଥିଲା।

![](https://cdn.door43.org/obs/jpg/360px/obs-en-47-02.jpg)

ମାହାପୁରୁ ଲୁଦିଆକେ ଯୀଶୁଙ୍କର୍ ସଂଦେଶ କେ ବିଶ୍ୱାସ୍ କର୍‌ବାର୍ ଲାଗି ସକ୍ଷମ୍ କଲେ। ପାଉଲ ଆର୍ ଶିଲା ତାହାକେ ଆର୍ ତାର୍ ପରିବାର୍‌କେ ଡ଼ୁବନ୍ ଦେଲେ। ସେ ପାଉଲ ଆର୍ ଶିଲାକେ ତାକର୍ ଘରେ ରହେବାର୍ ଲାଗି ନିମନ୍ତ୍ରଣ କଲେ, ତେହେରୁଁ ସେମାନେ ସେନ ରହେଲେ।

![](https://cdn.door43.org/obs/jpg/360px/obs-en-47-03.jpg)

ପାଉଲ ଆର୍ ଶିଲା ବାର୍ ବାର୍ ଲୋକ୍ ମାନ୍‌କର୍ ସାଙ୍ଗେ ଗୁଟେ ଯାଗାନ ଭେଟ୍ ପଡ଼ୁଥିଲେ, ଯେନ୍ ନ କି ଯିହୁଦୀ ଲୋକମାନେ ପ୍ରାର୍ଥନା କରୁଥିଲେ। ସବୁ ଦିନେ ଯେତ୍‌କିବେଲ୍‌କେ ସେମାନେ ସେନିକେ ଯାଉଥିଲେ, ଗୁଟେ ଦାସୀ ଟୁକେଲ୍ ଯାହାକେ ଭୁତ୍ ଧରିଥିଲା, ଆର୍‌ ସେ ତାର୍ ପିଛା କରୁଥିଲା। ସଏତାନ୍ ଦ୍ୱାରା ଇ ଦୁଷ୍ଟ ଆତ୍ମା ଲୋକ୍ ମାନ୍‌କର୍ ଭବିଷ୍ୟତ୍ ଅନ୍‌ମାନ୍ କରି କହୁଥିଲା।ସେଥିର୍ ଲାଗି ସେ ଗୁଟେ ଭବିଷ୍ୟତ୍‌ବକ୍ତା ହିସାବେ ତାର୍ ମାଲିକ୍‌ ଲାଗି ବହୁତ୍ ଟଙ୍କା ପଏସା କମଉ ଥିଲା।

![](https://cdn.door43.org/obs/jpg/360px/obs-en-47-04.jpg)

ଇ ମାନେ ଯାଉ ଥିଲା ସମିୟାଥିଁ ଇ ଚାକେରେନ୍ ଟୁକେଲ୍ ବହୁତ୍ କିର୍‌ଲେଇ କରି କହୁଥିଲା, “ଇ ଲୋକମାନେ ସବୁଠାନୁ ବଡ଼ ମାହାପୁରୁର ସେବକ୍ ଅନ୍‌। “ ସେମାନେ ତମ୍‌ଙ୍କୁ ମୁକ୍ତି ପାଇବାର୍ ବାଟ୍ ବାବ୍‌ଦେଁ କହୁଛନ୍‌।”

![](https://cdn.door43.org/obs/jpg/360px/obs-en-47-05.jpg)

ଶେଷେଁ, ଦିନେ ଯେତ୍‌କିବେଲ୍‌କେ ଚାକ୍‌ରାନି ଟୁକେଲ୍ ରଡ଼ା କିଲ୍‌ଲା ଆରମ୍ କଲା, ପାଉଲ୍‌ ତାର୍ ଆଡ଼୍‌କେ ଦେଖ୍‌ଲେ ଆର୍ ତାର୍‌ ଭିତରେଁ ଥିବାର୍ ଦୁଷ୍ଟ ଆତ୍ମାକେ କହେଲେ, “ଯୀଶୁଙ୍କର୍ ନାଁ ରେ ବାହାରି ଯା, ସାଙ୍ଗେ ସାଙ୍ଗ ସେ ଭୁତ୍ ବାହାରି ଗଲା।

![](https://cdn.door43.org/obs/jpg/360px/obs-en-47-06.jpg)

ଇ ଚାକର୍‌ ଟୁକେଲ୍ ର ମାଲିକ୍ ବହୁତ୍ ରାଗିଗଲା!ଇମାନେ ଯାନିପାର୍‌ଲେ ଯେ, ଇ ଦୁଷ୍ଟ୍ ଆତ୍ମାର୍ ବିନା ସେ କେଭେ ଲୋକର୍ କଥା କହି ନେଇପାରେ।ଇତାର୍ ଅର୍ଥ ଲୋକ୍‌ମାନେ ଇହାଦେ ତାର୍‌ ମାଲିକ୍‌କେ ଭାଗ୍ୟ ଦେଖାବାର୍ କେ ଆରୁ ପଏସା ନେଇ ଦିଅନ୍‌।

![](https://cdn.door43.org/obs/jpg/360px/obs-en-47-07.jpg)

ଇଥିର୍‌ଲାଗି ଇ ଚାକ୍‌ରାନି ଟୁକେଲ୍‌ର ମାଲିକ୍ ପାଉଲ୍‌ ଆର୍ ଶିଲାକେ ରୋମ୍‌ର ଅଧିକାରୀ ମାନ୍‌କର୍‌ ପାଖ୍‌କେ ନେଇଗଲା, ଯିଏକି ପାଉଲ୍‌ ଆର୍ ଶିଲା କେ ପିଟି ଥିଲା, ଆର୍ ଫେର୍ ସେମାନ୍‌କେ ଜେଲ୍ ଖାନା ନ ଭରିଦେଇ ଥିଲା।

![](https://cdn.door43.org/obs/jpg/360px/obs-en-47-08.jpg)

ସେମାନେ ପାଉଲ ଆର୍ ଶିଲାକେ ଜେଲ୍ ଖାନାର୍ ଏନ୍‌ତା ଜାଗା ନ ରଖିଥିଲେ କି ଯେନ୍‌ନ ସବୁଆଡେ ସିପାଇ ଯୁଗିଥିଲେ, ସେମାନେ ତାକର୍ ଗୋଡ୍‌ ହାତ୍‌କେ ବଡ୍ ଗଛର୍ ଖୁଟାଥିଁ ବାନ୍ଦି ଦେଇ ଥିଲେ। ହେଲେ ପାଉଲ ଆର୍ ଶିଲା ଅଧାରାତି, ମାହାପୁରୁର୍ ସ୍ତୁତି ପ୍ରଶଂସା ଗୀତ୍ ଗାଉଥିଲେ।

![](https://cdn.door43.org/obs/jpg/360px/obs-en-47-09.jpg)

ଅଚାନକ୍ ଗୁଟେ ଭୁମିକମ୍ପ ହେଲା! ଜେଲ୍‌ଖାନା ର ସବୁ କବାଟ୍ ଝର୍‌କାର୍‌ ବାଟ୍ ଖୁଲିଗଲା, ସବୁ କଏଦି ମାନ୍‌କର୍ ହାତୁଁ ଚେନ୍ ଖୁଲିଗଲା।

![](https://cdn.door43.org/obs/jpg/360px/obs-en-47-10.jpg)

ତେହେରୁଁ ଜୁଗୁଆଲି ନିଦୁଁ ଚେତ୍‌ଲା, ତେହେରୁଁ ସେ ଦେଖ୍‌ଲା ଯେ ଜେଲ୍‌ଖାନାର୍ ଦୁଆର୍ ମୁହୁଁ ଖୁଲା ହେଇ ଯାଇଛେଁ। ସେ ଭାବ୍‌ଲା ଯେ ସବୁ କଏଦି ଖସିକରି ପଲେଇ ଯାଇଥିବେ। ସେ ଡ଼ରିଗଲା ଯେ ସେମାନେ ସବେ ପଲାଇ ଯାଇଥିବେ ଆର୍‌ ରୋମିର ଅଧିକାରୀ ମାନେ ତାହାକେ ମାରି ଦେବେ, ଇଥିର୍‌ଲାଗି ସେ ନିଜେ ନିଜ୍‌କେ ଆତ୍ମହତ୍ୟା କର୍‌ବାର୍ ଲାଗି ତେଆର୍ ହେଇଗଲା।ହେଲେ ପାଉଲ ତାହାକେ ଦେଖି ରଡ଼ିକରି କହେଲେ, ରହ! ନିଜର୍ କ୍ଷତି ନାଇ କର।ଆମେ ସଭେ ଇନ ଅଛୁଁ।

![](https://cdn.door43.org/obs/jpg/360px/obs-en-47-11.jpg)

ଜଗୁଆଲି ଥରି ଥରି ପାଉଲ୍ ଆର୍ ଶିଲାର୍‌ ପାଶ୍‌କେ ଆଏଲା ଆର୍ ପଚାରାଲା, “ ଅନନ୍ତ ଜୀବନ୍ ପାଏବାର୍‌କେ ମତେ କଣା କର୍‌ବାର୍‌କେ ପଡ଼ବା?” ପାଉଲ ଉତର୍ ଦେଲେ, “ପ୍ରଭୁ ଯୀଶୁ ମାହାପୁରୁର୍ ଠାନେ ବିଶ୍ୱାସ୍ କର ତୁମେ ଆର୍ ତମର୍ ପରିବାର୍ ପରିତ୍ରାଣ ପାଏବ। ତେହେରୁଁ ସେ ଜେଲ୍‌ର ଜୁଗୁଆଲି ପାଉଲ୍ ଆର୍ ଶିଲା କେ ତାକର୍ ଘର୍‌କେନେଲା ଆର୍ ତାକର୍ ଘାଆ କେ ସଫାକଲା। ପାଉଲ ଯୀଶୁଙ୍କର୍ ସୁସମାଚାର୍ ତାକର୍ ଘର୍‌ର ସବୁଲୋକକେ ଶୁନାଲେ।

![](https://cdn.door43.org/obs/jpg/360px/obs-en-47-12.jpg)

ସେ ଜେଲ୍ ଜୁଗୁଆଲି ଆର୍ ତାର୍ ପରିବାର୍‌ ଯୀଶୁଙ୍କୁ ବିଶ୍ୱାସକଲେ , ତାର୍‌ପରେ ପାଉଲ ଆର୍ ଶିଲା ଜଗୁଆଲିକେ ଆର୍ ତାର୍ କୁଟୁମ୍ ବସିଆ ସମ୍‌କୁ ଡ଼ୁବନ୍ ଦେଲେ।ତେହେରୁଁ ଜଗୁଆଲି, ପାଉଲ୍ ଆର୍ ଶିଲାକେ ଖାଏବାର୍‌କେ ଦେଇ କରି ସେମାନେ ସବେ ମିଶି କରି ଖୁସି ମନାଲେ।

![](https://cdn.door43.org/obs/jpg/360px/obs-en-47-13.jpg)

ତାର୍ ଆରଦିନେ, ସେ ସହର୍‌ର ନେତା ପାଉଲ୍ ଆର୍ ଶିଲା କେ ଜେଲ୍ ନୁ ବାହାର୍ କଲେ ଆର୍ ଫିଲିଫ୍‌ ସହର୍‌ନୁ ଯିବାର୍ ଲାଗି କହେଲେ।ପାଉଲ୍‌ ଆର୍ ଶିଲା ଲୁଦିଆକେ ଗଲେ ଆର୍ କେତେଟା ତାକର୍ ସାଙ୍ଗ୍‌ମାନ୍‌କୁଁ ଭେଟ୍‌ପଡ୍‌ଲେ ଆର୍ ସହର୍‌କେ ଛାଡିକରି ପଲାଲେ। ଯୀଶୁଙ୍କର୍‌ ସୁସମାଚାର୍ ସବୁଆଡ଼େ ଚହିଲି ଗଲା ଆର୍ ମଣ୍ତଲି ମାନେବି ବଢିଚାଲ୍‌ଲା।

![](https://cdn.door43.org/obs/jpg/360px/obs-en-47-14.jpg)

ପାଉଲ ଆର୍ ବିଶ୍ୱାସୀମାନ୍‌କର୍ ଅଲଗା ନେତାମାନେ ଅନେକ ନଗର୍‌ ମାନ୍‌କୁଁ ଯାତ୍ରା କଲେ। ସେମାନେ ଲୋକ୍ ମାାନ୍‌କୁ ପର୍‌ଚାର୍‌ କଲେ ଆର୍ ଯୀଶୁଙ୍କର୍‌ ବାବ୍‌ଦେଁ ସୁସମାଚାର ଶୁନାଲେ, ସେମାନେ ତାକର୍ ମଣ୍ତଲିର୍ ବିଶ୍ୱାସୀ ମାନ୍‌କୁ ଉସାହିତ୍ ଆର୍ ଶିକ୍ଷା ଦେବାର୍‌ଲାଗି କେତେ ଚିଠିମାନେ ବି ଲେଖ୍‌ଲେ। ଇଥିର୍ ଭିତୁରୁ କେତେଟା ଚିଠି ବାଇବଲ୍‌ର ପୁସ୍ତକ ହେଲା।

*ବାଇବଲ୍‌ର କଥାନୀ: ପ୍ରେରିତ ୧୬:୧୧-୪୦*

Audio: https://git.door43.org/OBS-TLF/spv_obs/releases/download/v1/spv_obs_v1_47_128kbps.m4a

## 48. ୪୮. ଯୀଶୁ ପ୍ରତିଜ୍ଞାର୍ ମସିହା

https://openbiblestories.org/l/spv/story-48/

![](https://cdn.door43.org/obs/jpg/360px/obs-en-48-01.jpg)

ଯେତ୍‌କିବେଲ୍‌କେ ମାହାପୁରୁ ସଂସାର୍ କେ ବନାଲେ ତ ସବୁକିଛି ଠିକ୍‌ ଥିଲା।କିଛି ପାପ୍ ନେଇଥାଇଁ।ଆଦମ୍‌ ଆର୍ ହବା ଦୁହେଁ ଦୁହେଁକେ ଭଲ୍‌ପାଉଥିଲେ।ସେତ୍‌କି ବେଲ୍‌କେ ଦୁଃଖ୍ ବେମାର୍ କି ମରନ୍‌ ନେଇଁ ଥାଇ। ମାହାପୁରୁ ଇନ୍‌ତା ଗୁଟେ ସଂସାର କର୍‌ବାର୍‌ଲାଗି ଚାହିଁଥିଲେ।

![](https://cdn.door43.org/obs/jpg/360px/obs-en-48-02.jpg)

ବଗିଚା ନ ଶଏତାନ୍ ସାଁପ୍ ହଇକରି ହବା ନିକେ ଆସ୍‌ଲା କାଁକରି କି ସେ ହବାକେ ଠକ୍‌ବାର୍‌ଲାଗି ଚାହୁଁଥିଲା। ତେହେରୁଁ ହବା ଆରୁ ଆଦମ୍‌ ମହାପୁରୁର୍‌ ବିରୋଧ୍ ରେ ପାପ୍‌ କରିଥିଲେ। ତାକର୍‌ କରିଥିବାର୍ ପାପର୍‌ଲାଗି, ଇ ସଂସାର୍‌ର ସବୁଲୋକ୍‌ ମର୍‌ସନ୍।

![](https://cdn.door43.org/obs/jpg/360px/obs-en-48-03.jpg)

ଆଦମ୍ ଆର୍ ହବା ପାପ୍‌ କର୍‌ବାର୍ ନୁ, ଆର୍‌ବି ଅନେକ୍‌ ଖରାପ୍ ଜିନିଷ ଘଟିଗଲା। ସେମାନେ ମାହାପୁରୁର୍ ବିରୋଧ ରେ ପାପ୍‌ କଲେ। ତାର୍ ପରିଣାମ୍, ସେତ୍‌କିଦିନୁ ପ୍ରତେକ୍ ଲୋକ୍‌ ପାପ୍ କରିଚାଲିଛନ୍। ପ୍ରତେକ୍‌ଲୋକ ଜନମ୍‌ ହେଲେକି ମାହାପୁରୁର୍ ଶତ୍ରୁ। ଲୋକ୍‌ମାନ୍‌କର୍‌ ଆର୍ ମହାପୁରୁ ଭିତରେଁ ଶାନ୍ତି ନେଇଁଥାଇଁ। ହେଲେ ମହାପୁରୁ ଶାନ୍ତି ଆନ୍‌ବାର୍‌ଲାଗି ଚାହୁଁଥିଲେ।

![](https://cdn.door43.org/obs/jpg/360px/obs-en-48-04.jpg)

ମାହାପୁରୁ ପ୍ରତିଜ୍ଞା କଲେ ଯେ ହବାର୍ ଗୁଟେ ବଂଶର୍ ଲୋକ୍ ଶୈତାନ୍‌ର ମୁଡ଼ କେ ବିଦ୍‌ରାବା। ଆର୍‌ ଶଏତାନ୍‌ର ଶକ୍ତିକେ ସବୁଦିନର୍ ଲାଗି ଶେଷ୍ କରି ଦେବେ।ବହୁତ୍ ବରଷ୍‌ ପରେ, ମାହାପୁରୁ ଦେଖାଲେ ଯେ ସେ ମସିହା ଟା ଯୀଶୁ ଅନ୍।

![](https://cdn.door43.org/obs/jpg/360px/obs-en-48-05.jpg)

ମାହାପୁରୁ ନୋହକେ ଗୁଟେ ଡ଼ଙ୍ଗା ବନାବାର୍ ଲାଗି କହେଲେ ଇଥିର୍‌ଲାଗିକି ସେ ଯେନ୍‌ ଜଲ୍‌ବୁଡ଼ିକେ ପଠାବାର୍‌କେ ଯଉଛନ୍ ସେନୁ ତାର୍ ପରିବାର୍‌କେ ବଚେଁଇ ପାର୍‌ବା।ଇନ୍ତା କରି ମାହାପୁରୁ ସେ ଲୋକମାନ୍‌କୁ ବଚାଁଉଥିଲେ ଯେନ୍‌ମାନେ ତାକର୍‌ଠାନେ ବିଶ୍ୱାସ୍‌ କରୁଥିଲେ।ଏନ୍ତା କିସ୍‌ମେ, ସବେ ମାହାପୁରୁ ଦ୍ୱାରା ମାରିଦିଆ ଯିବାର୍ ଲାଏକ୍‌ଥିଲେ, କାଏଁଯେ କି ସବେ ପାପ୍ କରିଥିଲେ। ହେଲେ ମାହାପୁରୁ ଇ ସମ୍‌କୁଁ ବଚାବାର୍ ଲାଗି ଯୀଶୁଙ୍କୁ ପଠାଲେ ଯେନ୍‌ମାନେ ତାକର୍ ଉପ୍‌ରେ ବିଶ୍ୱାସ୍‌ କର୍‌ସନ୍।

![](https://cdn.door43.org/obs/jpg/360px/obs-en-48-06.jpg)

ଶହ ଶହ ବରଷ୍‌ ତକ୍, ଯାଜକ୍‌ ମାନେ ମାହାପୁରୁର୍ କେ ବଲି ଚଢ଼ଉଥିଲେ।ତାର୍ ଅର୍ଥ ଇଟା ହେଲାଯେ ଲୋକ୍‌ମାନେ ପାପ୍‌ କରୁଥିଲେ ଆର୍ ସେଥିର୍‌ଲାଗି ସେମାନେ ମାହାପୁରୁ ନୁ ସଜା ପାଏବାର୍ ଲାଏକ୍ ଥିଲେ। ହେଲେ ସେସବୁ ବଲିଦାନ୍ ସେମାନ୍‌କର୍ ପାପ୍ କ୍ଷମା କରିନାଇ ପାର୍‌ଲା। ସେ ଯାଜକ୍‌ ମାନେ ଯେନ୍‌ଟା କରି ନେଇଁ ପାର୍‌ଲେ ଯୀଶୁ ସେଟା କଲେ।ସମ୍‌କିରର୍‌ ପାପର୍‌ ଲାଗି ଗୁଟେ ଖାଲି ବଲିଦାନ୍ ଚଢ଼ାବାର୍ ଳାଗି ଯୀଶୁ ନିଜ୍‌କେ ଦେଇଦେଲେ, ଯେନ୍‌ଟାକି ଆମେ ଆମର୍ ପାପର୍‌ ଲାଗି ସଜା ପାଇବାର୍ ଥିଲା, ସେ ନିଜେ ଆମର୍‌ ପାପର୍‌ଲାଗି ଶାସ୍ତି ପାଏଲେ, ଇ କାରନ୍ ନୁ, ଯୀଶୁ ଜନେ ମହାନ୍ ଯାଜକ୍ ଅନ୍।

![](https://cdn.door43.org/obs/jpg/360px/obs-en-48-07.jpg)

ମାହାପୁରୁ ଅବ୍ରାହାମ୍ କେ କହିଥିଲେ, “ତୁମର୍ ଦେଇ ମୁଇଁ ପୁର୍‌ଥିର୍‌ ସବୁଜାତିର୍‌ ଲୋକ୍ ମାନ୍‌କୁଁ ଆର୍ଶବାଦ୍‌ କର୍‌ମି।“ଯୀଶୁ, ଅବ୍ରାହାମ୍‌ଙ୍କର୍‌ ଗୁଟେ ବଂଶଧର୍ ଥିଲେ। ମାହାପୁରୁ ସବୁଜାତିର୍ ଲୋକ୍‌କୁ ଅବ୍ରାହାମ୍ ଦେଇ ଆର୍ଶିବାଦ କରିଛନ୍‌, କାର୍‌ନ୍‌ ଯେନ୍‌ମାନେ ଯୀଶୁଙ୍କୁ ବିଶ୍ୱାସ୍‌ କର୍‌ସନ୍ ସେ ପ୍ରତେକ୍‌ ଲୋକ୍‌ ମାନ୍‌କୁ ସେମାନ୍‌ଙ୍କର୍‌ ପାପ୍‌ନୁ ସେମାନ୍‌କୁଁ ରକ୍ଷା କର୍‌ସନ୍। ଯେତ୍‌କିବେଲ୍‌କେ ଇ ଲୋକମାନେ ଯୀଶୁଠାନେ ବିଶ୍ୱାସ୍‌ କର୍‌ସନ୍, ମାହାପୁରୁ ଇମାନ୍‌କୁ ଅବ୍ରାହାମ୍ ର ବଂଶଧର୍‌ ବଲି ମନେ କର୍‌ସନ୍।

![](https://cdn.door43.org/obs/jpg/360px/obs-en-48-08.jpg)

ମାହାପୁରୁ ଅବ୍ରାହାମ୍‌କେ ତାକର୍ ଗୁଟେ ବଲି ନିଜର୍ ପୁଓ ଇସାକ୍‌କେ ବଲି ଚଡ଼ାବାର୍‌ଲାଲାଗି କହେଲେ , ହେଲେ ମାହାପୁରୁ ଇସାକ୍‌ କେ ବଲି ଦେବାର୍ ଜାଗାନ ମେଢ଼ି ପଟେକେ ଦେଲେ। ଆମେ ସବେ ଆମର୍ ପାପର୍‌ଲାଗି ମର୍‌ବାର୍ ଲାଏକ୍ ଥିଲାଁ। ହେଲେ ମାହାପୁରୁ ଆମର୍ ପାପର୍ ଲାଗି ବଲିରୁପେଁ ମର୍‌ବାର୍‌କେ ଯୀଶୁଙ୍କୁ ଦେଲେ।ସେଥିର୍ ଲାଗି ଆମେ ଯୀଶୁକୁ ମାହାପୁରୁର ମେଷଶାବକ ବଲି କହେସୁଁ।

![](https://cdn.door43.org/obs/jpg/360px/obs-en-48-09.jpg)

ଯେତେବେଲେ ମାହାପୁରୁ ମିଶର୍‌ ଦେଶ୍‌କେ ଶେଷ୍‌ ବିପତ୍ତି ପଠାଲେ, ସେ ଇସ୍ରାଏଲ୍‌ର ସବୁ ପରିବାର୍‌କେ କହେଲେ ଯେ, ସେମାନେ ଗୁଟେ ମେଢ଼ିକେ ବଳି ଚଡ଼ାବେ। ଇ ମେଢ଼ି ନିଖୁନ୍‌ ଥିବାର୍ କଥା।ସେମାନେ ତାକର୍ ଘରର୍ କବାଟର୍‌ ଉପରେଁ ଆର୍ ଚାରିଆଡ଼େ ସେ ରକତ୍‌କେ ଲଗାବାର୍‌ଥିଲା। ଯେତ୍‌କିବେଲ୍‌କେ ମାହାପୁରୁ ଇ ରକତ୍ କେ ଦେଖ୍‌ଲେ ସେ ଇମାନ୍‌କର୍ ଘରୁ ଆଗ୍‌କେ ପାର୍‌ହଇ ଗଲେ ଆର୍ ଇମାନ୍‌କର୍ ପରୁହାଁ ପୁଓ ମାନ୍‌କୁ ନାଇ ମାର୍‌ଲେ।ଯେତ୍‌କିବେଲ୍‌କେ ଇନ୍ତା ହେଲା ମାହାପୁରୁ ଇତାକେ ନିସ୍ତାର୍ ପରର୍ବବଲି କହେଲେ।

![](https://cdn.door43.org/obs/jpg/360px/obs-en-48-10.jpg)

ଯୀଶୁ ନିସ୍ତାର ପରବ୍‌ ର ଗୁଟେ ମେଢ଼ି ବାଗିର୍‌।ସେ କେବେବି ପାପ୍ ନାଇକରିଥାଇଁ, ଇଥିର୍ ଲାଗି ତାକର୍ କିଛି ଦୋଷ ନାଇଁ ଥାଇଁ।ସେ ନିସ୍ତାର ପରବ୍ ସମିଆଁଥିଁ ବଲି ହେଇ ଥିଲେ। ଯିଏବି ଯୀଶୁଙ୍କୁ ବିଶ୍ୱାସ୍‌ କର୍‌ସି ଯୀଶୁଙ୍କର୍‌ ରକତ୍ ସେ ଲୋକର୍ ପାପକେ ଧୁଇଦେସି।ଯୀଶୁଙ୍କର୍ ରକତ୍ ସେ ଲୋକର୍ ପାପର୍ ମୂଲ୍ ଚୁକାଲେ।ଯେନ୍ ପାପର୍ ଦଣ୍ଡ ମୁନୁଷ୍ ପାଏବାର୍ ଥିଲା ଖ୍ରୀଷ୍ଟ ନିଜର୍ ଉପର୍ କେ ନେଲେ ଆର୍ ଦଣ୍ଡ ପାଏଲେ ଯେନ୍‌ତା ଆର୍ ମୁନୁଷ୍ ପାପର୍ ଦଣ୍ଡ ନାଇଁ ପାଏ।

![](https://cdn.door43.org/obs/jpg/360px/obs-en-48-11.jpg)

ମାହାପୁରୁ ଇସ୍ରାଏଲ୍ ଲୋକ୍ ମାନ୍‌କର୍ ସାଙ୍ଗେ ଗୁଟେ ଚୁକ୍ତି କଲେ, କାରନ୍ ସେମାନ୍‌ଙ୍କୁ ତାକର୍ ଲୋକ୍ ହେବାର୍ ଲାଗି ବାଛିଥିଲେ। ହେଲେଁ, ମାହାପୁରୁ ଇହାଦେ ଗୁଟେ ନୁଆଁ ଚୁକ୍ତି କଲେ, ଯେନ୍‌ତା କି ସମ୍‌କିରର୍ ଲାଗି। କେନ୍‌ସି ଜାତିର୍ ଲୋକ୍ ବି ଇ ଚୁକ୍ତି କେ ଗ୍ରହନ୍ କର୍‌ସି ସେ ମାହାପୁରୁରୁର୍ ଲୋକ୍ ମାନ୍‌କର୍ ସଙ୍ଗେ ମିଶି ଯାଇସି।ସେ ପର୍‌ଭୂ ଯୀଶୁଙ୍କୁ ବିଶ୍ୱାସ୍ କରୁ ଥିବାର୍ ଲାଗି ଇନ୍‌ତା ହେସି।

![](https://cdn.door43.org/obs/jpg/360px/obs-en-48-12.jpg)

ମୋଶା ଗୁଟେ ଭବିଷ୍ୟତବକ୍ତା ଥିଲେ ଯିଏକି ମାହାପୁରୁର୍‌ ବାକ୍ୟକେ ଜୋର୍‌ସୋର୍ ପର୍‌ଚାର୍‌ କରୁଥିଲେ।ହେଲେଁ ଯୀଶୁ ସବୁ ଭବିଷ୍ୟତ୍‌ବକ୍ତା ମାନ୍‌କର୍ ଠାନୁ ବଡ଼ ଆନ୍‌। ସେ ମାହାପୁରୁ ଆନ୍, ଇଥିର୍‌ଲାଗି ସେ ଯାହା କରିଛନ୍‌ ଆର୍ ଯାହା କହିଛନ୍ ସେଟା ମହାପୁରୁର୍‌ କାମ୍‌ ଆର୍ ବାକ୍ୟ ଥିଲା। ଇଥିର୍‌ଲାଗି ପବିତ୍ର ଶାସ୍ତ୍ର ନ ଯୀଶୁଙ୍କୁ ମାହାପୁରୁ ର ବାକ୍ୟ କହେସନ୍‌।

![](https://cdn.door43.org/obs/jpg/360px/obs-en-48-13.jpg)

ମାହାପୁରୁ ରଜା ଦାଉଦ୍‌ ସାଙ୍ଗେ ଗୁଟେ ପ୍ରତିଜ୍ଞା କରିଥିଲେ ଯେ ତାକର୍‌ ବଂଶ୍‌ଧର୍‌ ଝନେ ରଜା ହିସାବେ ମାହାପୁରୁର୍‌ ଲୋକ ମାନ୍‌କର୍ ଉପରେ ସବୁଦିନର୍ ଲାଗି ଶାସନ୍ କର୍‌ବେ।ଯୀଶୁ ମାହାପୁରୁର୍‌ ପୁଓ ଆର୍ ଖ୍ରୀଷ୍ଟ ଆନ୍, ଇଥିର୍ ଲାଗି ସେ ରଜା ଦାଉଦ ବଂଶ୍‌ଧର୍ ଯିଏକି ସବୁଦିନର୍‌ ଲାଗି ଶାସନ୍ କରି ପାର୍‌ବେ।

![](https://cdn.door43.org/obs/jpg/360px/obs-en-48-14.jpg)

ଦାଉଦ୍‌ ଇଶ୍ରାଏଲ୍‌ର ରାଜା ଥିଲେ, ହେଲ ଯୀଶୁ ସାରା ସଂସାର୍ ର ରାଜା ଅନ୍। ସେ ଆର୍‌ଥରେ ଆସ୍‌ବେ ଆର୍ ସବୁଦିନର୍ ଲାଗି ନିଏ ଆର୍ ଶାନ୍ତି ନ ତାକର୍ ରାଏଜ୍‌କେ ଶାସନ୍‌ କର୍‌ବେ।

*ବାଇବଲ୍‌ର କଥାନୀ: ଆଦିପୁସ୍ତକ ୧-୩, ୬, ୧୪, ୨୨; ଯାତ୍ରାପୁସ୍ତକ ୧୨, ୨୦; ୨ ସାମୁଏଲ ୭; ଏବ୍ରି ୩:୧-୬, ୪:୧୪-୫:୧୦, ୭:୧-୮:୧୩, ୯:୧୧-୧୦:୧୮; ପ୍ରକାଶିତବାକ୍ୟ ୨୧*

Audio: https://git.door43.org/OBS-TLF/spv_obs/releases/download/v1/spv_obs_v1_48_128kbps.m4a

## 49. ୪୯. ମାହାପୁରୁର୍‌ ନୁଆଁ ପ୍ରତିଜ୍ଞା

https://openbiblestories.org/l/spv/story-49/

![](https://cdn.door43.org/obs/jpg/360px/obs-en-49-01.jpg)

ସରଗ୍ ଦୂତଟେ ମରିଅମ୍ ବଲିଁକରିଁ ଗୁଟେ କୁଆଁରୀ ଟୁକେଲ୍‌କେ କହେଲେ , ସେ ମାହାପୁରୁର୍‌ ପୁଓକେ ଜନମ୍ ଦେବେ। ଇଥିର୍‌ଲାଗି ସେ କୁଆଁରୀ ଥିଲେଁ ବି ସେ ଗୁଟେ ପୁଓକେ ଜନମ୍ ଦେଲେ ଆର୍ ତାର୍ ନାଁ ଯୀଶୁ ଦେଲେ। ସେଥିର୍‌ଲାଗି ଯୀଶୁ ପର୍‌ମେଶ୍ୱର୍ ଆର୍ ମୁନୁଷ୍ ଦୁହିଟା ଅନ୍‌।

![](https://cdn.door43.org/obs/jpg/360px/obs-en-49-02.jpg)

ଯୀଶୁ ବହୁତ୍ ଚମତ୍କାର୍ କାମ୍ କରିଛନ୍ ଯେନ୍‌ଟା ପ୍ରମାଣ କର୍‌ସି ଯେ ସେ ମାହାପୁରୁ ଆନ୍, ସେ ପାଏନ୍‌ଥି ଚାଲ୍‌ଲେ ଆର୍‌ ଧୁକା ଗର୍‌ଡି କେ ଶାନ୍ତିକଲେ, ସେ ବହୁତ୍ ଟେ ବେମାରି ଲୋକକୁଁ ସୁସ୍ଥ କଲେ, ଆର୍ ବହୁତ୍ ଲୋକ୍ ମାନ୍‌କର୍ ଠାନୁ ଭୂତ୍ ଛଡ଼ାଲେ।ସେ ମରିଯାଇଥିବାର୍ ଲୋକମାନ୍‌କୁଁ ଜିଆଁଲେ ଆର୍‌ ପାଂଚ୍‌ଟା ରୁଟି ଆର୍ ଦୁଇଟା ମାଛ୍‌କେ ପାଞ୍ଚ ହଜାର୍ ଲୋକ୍‌କେ ଖାଏବାର୍‌ ଲାଗିଁ ଦେଲେ।

![](https://cdn.door43.org/obs/jpg/360px/obs-en-49-03.jpg)

ଯୀଶୁ ଭଲ୍‌ ଶିକ୍ଷକ ଗୁଟେ ଥିଲେ। ସେ ଯେନ୍‌ଟା ଶିଖଉଥିଲେ, ସଠିକ୍ ଭାବେ ଶିଖଉଥିଲେ, ସେ ଯେନ୍‌ଟା କର୍‌ବାର୍‌ଲାଗି କହୁଥିଲେ ସେଟା ଲୋକ୍‌ମାନେ କର୍‌ବାର୍ କଥା କାଏଁଯେ କି ସେ ମାହାପରୁର୍‌ ପୁଓ ଅନ୍‌।ଉଦାହରନ୍‌ ଲାଗି, ସେ ଶିକ୍ଷା ଦେଉଥିଲେ ଯେ ତୁମେ ନିଜ୍‌କେ ଯେନ୍‌ତା ପ୍ରେମ୍‌ କର୍‌ସ, ସେନ୍‌ତା ତୁମେମାନେ ଅନ୍ୟମାନ୍‌କୁ ବି ପ୍ରେମ୍‌ କର।

![](https://cdn.door43.org/obs/jpg/360px/obs-en-49-04.jpg)

ସେ ଇଟାବି ଶିକ୍ଷା ଦେଲେ ଯେ, ତୁମେ ତୁମର୍‌ ସବୁ ଜିନ୍‌ଷର୍ ଠାନୁ ଆରୁ ନିଜର୍ ସବୁ ଧନ୍ ସଂପତି ଠାନୁ ମାହାପୁରୁ କେ ଅଏତ୍‌କା ପ୍ରେମ୍ କର।

![](https://cdn.door43.org/obs/jpg/360px/obs-en-49-05.jpg)

ଯୀଶୁ କହେଲେ ଇ ସଂସାରର୍‌ କେନ୍‌ସି ବି ଜିନିଷ୍ କେ ପାଏବାର୍‌ଠାନୁ, ମାହାପୁରୁ ରାଏଜ୍‌ନ ରହେବାର୍‌ଟା ବହୁତ୍ ଭଲ୍‌। କାଁକରି କି ତୁମେ ସରଗ୍‌କେ ଯିବାର୍ ଲାଗିଁ ମାହାପୁରୁ ତୁମ୍‌କୁଁ ତୁମର୍ ସବୁ ପାପ୍ ନୁ ବଞ୍ଚାବେ।

![](https://cdn.door43.org/obs/jpg/360px/obs-en-49-06.jpg)

ଯୀଶୁ କହେଲେ କେତେ ଲୋକ୍‌ ତାହାକୁଁ ଗ୍ରହଣ କର୍‌ବେ। ମାହାପୁରୁ ସେ ଲୋକ୍ ମାନଙ୍କୁଁ ରକ୍ଷା କର୍‌ବେ। ହେଲେ କେତେଲୋକ୍‌ ତାହାକୁଁ ଗ୍ରହଣ ନାଇ କରନ୍। ସେ ଇଟାବି କହିଛନ୍ କି କେତେଲୋକ୍‌ ଭଲ୍ ମାଏଟ୍ ସମାନ୍। କାଏଁକରି କି ସେମାନେ ଯୀଶୁଙ୍କର୍ ସୁସମାଚାର୍‌କେ ଗ୍ରହଣ୍ କର୍‌ବେ, ତେହେରୁଁ ମହାପୁରୁ ସେମାନ୍‌କୁଁ ରକ୍ଷା କର୍‌ବେ। ହେଲେ କେତେ ଲୋକ୍ ବାଟର୍‌ ପଥ୍‌ରିଆ ମାଏଟ୍ ମିତାର୍। ମାହାପୁରୁର୍‌ ବାକ୍ୟ ବିହନ୍ ମିତାର୍ ଯେନ୍‌ଟା ବାଟେ ପଡ୍‌ସି ହେଲେ ନାଇ ବଢିପାରେ , ଇଲୋକମାନେ ଯୀଶୁଙ୍କର୍‌ ବାକ୍ୟକେ ଶୁନ୍‌ସନ୍ ଆର୍ ଅଶ୍ୱିକାର୍ କରିଦେସନ୍, ସେମାନେ ମହାପୁରୁର୍‌ ରାଏଜ୍‌କେ ପ୍ରବେଶ କର୍‌ବାର୍ ଟା ମନା କରିଦେସନ୍।

![](https://cdn.door43.org/obs/jpg/360px/obs-en-49-07.jpg)

ଯୀଶୁ ଶିଖାଲେ ଯେ ମହାପୁରୁ ପାପିମାନ୍‌କୁଁ ବହୁତ୍ ପ୍ରେମ କରସନ୍, ସେ ସେମାନ୍‌କୁଁ କ୍ଷେମା କର୍‌ବାର୍ ଲାଗି ଚାଁହେସନ୍ ଆର୍ ସେମାନ୍‌କୁଁ ତାକର୍ ସନ୍ତାନ୍ କରବାର୍ ଲାଗି ଚାଁହେସନ୍।

![](https://cdn.door43.org/obs/jpg/360px/obs-en-49-08.jpg)

ଯୀଶୁ ଇଟାବି ଆମ୍‌କୁ ଶିଖାସନ୍ ଯେ, ସେ ପାପ୍‌କେ ଘୁର୍‌ନା କର୍‌ସନ୍। କାରନ୍ ଆଦମ୍ ଆର୍ ହବା ପାପ୍ କଲେ, ତାକର୍ ବଂଶ ଯାକର୍ ସବେ ପାପ୍‌କଲେ। ଇ ସଂସାର ସବେ ପାପ୍ କର୍‌ସନ ଆର୍ ମାହାପୁରୁର୍‌ନୁ ଦୂର୍ ହଇ ଯାଏସନ୍। ଇଥିର୍ ଲାଗି ସବୁ ଲୋକ୍ ମହାପୁରୁର୍ ଗୁଟେ ଗୁଟେ ଶତ୍ରୁ ଆଏ।

![](https://cdn.door43.org/obs/jpg/360px/obs-en-49-09.jpg)

ହେଲେ ମାହାପୁରୁ ଇ ସଂସାରରେ ରହୁଥିବାର୍ ସବୁଲୋକ ମାନ୍‌କୁଁ ଏନ୍ତା କିସ୍‌ମେ ପ୍ରେମ୍‌ କଲେ ଯେ: ସେ ତାକର୍‌ ଗୁଟେ ବଲି ପୁଓକେ ଦେଇ ଦେଲେ କାରନ୍‌ ଯେନ୍‌ମାନେ ଯୀଶୁଙ୍କୁ ବିଶ୍ୱାସ୍ କର୍‌ସନ୍ ମାହାପୁରୁ ସେମାନ୍‌କୁ ଦଣ୍ତ ନାଇ ଦିଅନ୍। ହେଲେ ବିଶ୍ୱାସ୍ କରୁଥିବାର୍ ଲୋକ୍‌ମାନେ ତାକର୍ ସାଙ୍ଗେ ସବୁବେଲେ ରହେବେ।

![](https://cdn.door43.org/obs/jpg/360px/obs-en-49-10.jpg)

ତୁମେମାନେ ପାପ୍ କରିଛ ହେତିର୍ ଲାଗି ମର୍‌ବାର୍ ଲାଏକ୍ ଆଏ। ମାହାପୁରୁ ତମ୍‌କୁଁ ଦଣ୍ଡ ଦେଇଥିଲେ ଭଲ୍‌ହେଇ ଥିତା, ହେଲେ ଯୀଶୁ ନିଜେ ଆମର୍ ପାପର୍ ଲାଗି ଦଣ୍ତ ପାଏଲେ, ମାହାପୁରୁ ଯୀଶୁଙ୍କୁ କୃଶରେ ମାରି କରି ଦଣ୍ତ ଦେଲେ।

![](https://cdn.door43.org/obs/jpg/360px/obs-en-49-11.jpg)

ଯୀଶୁ କେବେ ବି ପାପ୍‌ ନାଇ କରି। ହେଲେ ସେ ପାପର୍‌ ଦଣ୍ତକେ ସ୍ୱୀକାର୍‌ କଲେ, ଏନ୍ତାକି ସବୁଠାନୁ ଭୟଙ୍କର୍‌ ମର୍‌ବାର୍ ଦଣ୍ତକେ ବି ସ୍ୱୀକାର୍‌ କଲେ। ଇନ୍‌ତା କିସ୍‌ମେ ଆମର୍‌ ମାନ୍‌କର୍‌ ପାପ୍‌କେ ଆର୍ ଇ ସଂସାର୍ ନ ରହୁଥିବାର୍‌ ସବୁ ଲୋକର୍ ପାପ୍‌କେ ବୁହି ନେବାର୍‌ଲାଗି ସେ ଗୁଟେ ଶିଦ୍ଧ ବଲିଦାନ୍ ହେଲେ। ଯୀଶୁ ନିଜ୍‌କେ ମାହାପୁରୁର୍‌ ଲାଗି ବଳିଦାନ୍ କରିଦେଲେ। ସେଥିର୍‌ଲାଗି ମହାପୁରୁ ସବୁ ପାପ୍ କ୍ଷମାକର୍‌ବେ, ଇନ୍ତାକି ଯେତେ ବଡ୍‌ ପାପ୍‌ ହେଲେବି କ୍ଷମା କର୍‌ବେ , ଯେନ୍‌ମାନେ ଯୀଶୁଙ୍କୁ ବିଶ୍ୱାସ୍‌ କର୍‌ବେ।

![](https://cdn.door43.org/obs/jpg/360px/obs-en-49-12.jpg)

ତୁମେମାନେ ବହୁତ୍ ଭଲ୍‌କାମ୍ କଲେବି, ମହାପୁରୁ ତମ୍‌କୁମାନ୍‌କୁ ନାଇ ବଚନ୍। ତାକର୍ ବନ୍ଧୁ ହେବାର୍‌ଲାଗି ହେନ୍‌ତା କିଛି ବି ନାଇନ ଯେନ୍‌ଟା ତୁମେ କରିପାର୍‌ବ। ଇତାର୍‌ ବଦଲା ତୁମେ ବିଶ୍ୱାସ୍‌ କର୍‌ବାର୍‌ କେ ପଡ୍‌ବା ଯେ ଯୀଶୁ ମାହାପୁରୁର୍‌ ପୁଓ, ଆର୍ ସେ ତୁମର୍‌ ଲାଗି କୃଶନ ମରିଛନ୍ ଆର୍ ମାହାପୁରୁ ତାହାକୁଁ ଫେର୍ ଘାଏ ଜୀଁ ଉଠେଇଛନ୍‌। ଯଦି ଇଟା ତୁମେ ବିଶ୍ୱାସ୍‌ କରୁଛ, ତ ମାହାପୁରୁ ତୁମର୍‌ ପାପ୍‌କେ କ୍ଷାମା କର୍‌ବେ।

![](https://cdn.door43.org/obs/jpg/360px/obs-en-49-13.jpg)

ମାହାପୁରୁ ସେ ଲୋକମାନ୍‌କୁଁ ରକ୍ଷା କର୍‌ବେ ଯେନ୍‌ମାନେ ଯୀଶୁ ଉପ୍‌ରେ ବିଶ୍ୱାସ୍‌ କରୁଛନ୍ ଆର୍ ତାହାକୁଁ ନିଜର୍‌ ପ୍ରଭୁ ବଲି ସ୍ୱୀକାର୍ କରୁଛନ୍।ହେଲେ ସେ ସେମାନ୍‌କୁଁ ନେଇଁ ରକ୍ଷା କରନ୍ ଯେନ୍‌ମାନେ କି ତାହାକୁଁ ବିଶ୍ୱାସ୍‌ ନେଇ କରନ୍।ଆର୍ ସେ କେବେ ବି ଇଟା ନେଇ ଦେଖନ୍ ଯେ ତୁମେ ଧନୀ କି ଗରିବ୍‌, ମାହେଜି କି ମୁନୁଷ୍, ବୁଢା କି ଯୁଆନ୍ ଆର୍ ତୁମେ କେନ୍‌ଠାନେ ରହୁଛ। ମାହାପୁରୁ ତମ୍‌କୁ ପ୍ରେମ୍ କର୍‌ସନ୍ ଆର୍ ଚାହେଁସନ୍‌ ଯେ ତୁମେ ଯୀଶୁଙ୍କୁ ବିଶ୍ୱାସ୍‌କର ତାହେଲେଁ ତୁମେ ତାକର୍‌ ବନ୍ଧୁ ହେଇ ପାର୍‌ବ।

![](https://cdn.door43.org/obs/jpg/360px/obs-en-49-14.jpg)

ଯୀଶୁ ତମ୍‌କୁ ଡ଼ାକୁଛନ୍ ଯେ ତାକର୍‌ ଉପରେ ବିଶ୍ୱାସ୍‌ କର ଆର୍ ଡ଼ୁବନ୍ ନିଅ। କାଣା ତୁମେମାନେ ବିଶ୍ୱାସ୍‌ କରୁଛ ଯେ, ଯୀଶୁଖ୍ରୀଷ୍ଟ ହିଁ ଉଧାର୍‌ କର୍ତ୍ତା ଆର୍‌ ସେ ହିଁ ଗୁଟେ ବଲି ମାହାପୁରୁର୍‌ ପୁଓ? କାଣା ତୁମେ ବିଶ୍ୱାସ୍‌ କରୁଛ ଯେ ତୁମେ ଗୁଟେ ପାପୀ ଆର୍ ଏନ୍ତାକି ମାହାପୁରୁ ଠାନୁ ସଜା ପାଏବାକେ ଲାଏକ୍ ଅ ? କାଣା ତୁମେ ବିଶ୍ୱାସ୍‌ କରୁଛଯେ ତୁମର୍‌ ପାପ୍‌କେ ନେଇକରି ଯୀଶୁ କୃଶ ଉପରେ ମଲେ?

![](https://cdn.door43.org/obs/jpg/360px/obs-en-49-15.jpg)

ଯଦି ତୁମେମାନେ ଯୀଶୁ ଉପରେ ବିଶ୍ୱାସ୍‌ କରୁଛ ଆର୍ ସେ ତୁମର୍ ଲାଗି ଯାହା ସବୁ କିଛି କରିଛନ୍ ବଲି ସ୍ୱୀକାର୍ କରୁଛ, ତାହେଲେ ତୁମେ ଝନେ ଯୀଶୁଙ୍କର୍‌ ଚାଲା! ଇହାଦେ ଶଏତାନ୍ ଆରୁ ତାର୍ ଅନ୍ଧକାର୍ ରାଏଜ୍‌ନ ତୁମର୍‌ ଉପରେ ଶାସ୍‌ନ କରି ନାଇପାରେ। ହେଲେ ମାହାପୁରୁ ତାକର୍ ଉକିଆ ରାଏଜ୍ ନ ତୁମର୍‌ ଉପରେ ଶାସ୍‌ନ କର୍‌ବେ, ଆଘୋ ଯେନ୍‌ତା ପାପ୍ କରୁଥିଲ ହେନ୍ତା ପାପ୍ ନାଇ କର୍‌ବାର୍ ଲାଗି ସାମର୍ଥ କର୍‌ବେ। ସେ ତମ୍‌କୁ ଗୁଟେ ନୁଆ ଆର୍ ଜିଁ ବାର୍ ଗୁଟେ ସଠିକ୍ ରାସ୍ତା ଦେଇଛନ୍।

![](https://cdn.door43.org/obs/jpg/360px/obs-en-49-16.jpg)

ଯଦି ତୁମେ ଯୀଶୁଙ୍କର୍‌ ଚାଲା, ତାହେଲେ ଯେନ୍‌ଟା ଯୀଶୁ କରିଛନ୍ ସେଥିର୍‌ଲାଗି ମାହାପୁରୁ ତୁମର୍ ମାନ୍‌କର୍‌ ପାପ୍‌କେ କ୍ଷମା କରିଦେଲେ, ଇହାଦେ ମାହାପୁରୁ ତୁମ୍‌କେ ଗୁଟେ ଶତୃ ନାଇଁ ଭାବିକରି ଗୁଟେ ଅତି ନିଜର୍‌ ବନ୍ଦୁ ବଲି ମାନ୍‌ସନ୍‌।

![](https://cdn.door43.org/obs/jpg/360px/obs-en-49-17.jpg)

ଯଦି ତୁମେ ମାହାପୁରୁର୍‌ ଜନେ ବନ୍ଧୁ ଆର୍ ପ୍ରଭୁଯୀଶୁଙ୍କର୍‌ ସେବକ୍, ତାହେଲେଁ ଯେନ୍‌ତା ଯୀଶୁ ତମ୍‌କୁଁ ଶିଖେଇଛନ୍ ସେଟା ପାଲନ୍ କର୍‌ବାର୍ ଲାଗି ଚାହେଁବ। ଯଦିବି ତୁମେମାନେ ଯୀଶୁର୍‌ ଚାଲା ହେଇଛ ଶଏତାନ୍ ଏବେ ବି ପାପ୍‌ କର୍‌ବାର୍ ଲାଗି ତୁମର୍‌ ପରିକ୍ଷା କର୍‌ବା, ହେଲେ ମାହାପୁରୁ ସବୁବେଲେ ଇଟା କର୍‌ସନ୍ ଯେନ୍‌ଟା ସେ କହେସନ୍ ସେ କର୍‌ବେ। ସେ କହେସନ୍ ଯେ ଯଦି ତୁମେ ତମ୍‌ର ପାପ୍‌କେ ମାନିନେବ ତାହେଲେ ସେ ତମ୍‌କେ କ୍ଷମା କରିଦେବେ।ସେ ତମ୍‌କୁ ପାପର୍‌ ବିରୋଧରେ ଲଢ୍‌ବାର୍ ଲାଗି ଶକ୍ତି ଦେବେ।

![](https://cdn.door43.org/obs/jpg/360px/obs-en-49-18.jpg)

ମାହାପୁରୁ ତୁମକୁମାନ୍‌କୁ ପାର୍‌ଥନା କର୍‌ବାର୍ ଆର୍ ତାକର୍‌ ବାକ୍ୟ ପଢ଼୍‌ବାର୍‌ ଲାଗି କହେସନ୍‌। ସେ ତମ୍‌କୁ ଅଲଗା ବିଶ୍ୱାସୀ ମାନ୍‌କର୍‌ ସଙ୍ଗେ ମିଶିକରି ତାକର୍‌ ଆରାଧନା କର୍‌ବାର୍‌ଲାଗି ବି କହେସନ୍‌। ତୁମେମାନେ ନିଶ୍ଚେ ଅଲ୍‌ଗା ଲୋକ୍‌ମାନ୍‌କୁ ବି କହେବ ଯେ, ସେ ତୁମର୍ ଲାଗି କାଣା କାଣା କରିଛନ୍। ଯଦି ତୁମେମାନେ ଇ ସବୁ କାମ୍‌କେ କର୍‌ବ, ତାହେଲେ ତୁମେ ତାକର୍‌ ଅତି ନିଜର ବନ୍ଧୁ ହେଇଯିବ।

*ବାଇବଲ୍‌ର କଥାନୀ: ଆଦିପୁସ୍ତକ ୩; ମାଥିଉ ୧୩-୧୪; ମାର୍କ ୧୦:୧୭-୩୧; ଲୁକ ୨; ୧୦:୨୫-୩୭; ୧୫; ଯୋହନ ୩:୧୬; ରୋମିୟ ୩:୨୧-୨୬, ୫:୧-୧୧; ୨ କରିନ୍ଥୀୟ ୫:୧୭-୨୧; କଲସୀୟ ୧:୧୩-୧୪; ୧ ଯୋହନ ୧:୫-୧୦*

Audio: https://git.door43.org/OBS-TLF/spv_obs/releases/download/v1/spv_obs_v1_49_128kbps.m4a

## 50. ୫୦. ଯୀଶୁ ଫେର୍‌ ଆସ୍‌ବେ

https://openbiblestories.org/l/spv/story-50/

![](https://cdn.door43.org/obs/jpg/360px/obs-en-50-01.jpg)

ପ୍ରାୟ ଦୁଇ ହଜାର୍ ବର୍‌ଷୁଁ ଜଗତ୍‌ତର୍‌ ସବୁ ଜାଗାନ ଅଧିକ୍‌ ରୁ ଅଧିକ୍‌ ଲୋକ୍ ସୁସମାଚାର୍‌ ଶୁନି ଆସୁଛନ୍ ଯେ, ଯୀଶୁ ଉଦ୍ଧାର୍ କର୍ତ୍ତା ଆନ୍‌। ମଣ୍ତଲି ବଡ଼ିଚାଲିଛେ। ଯୀଶୁ ପ୍ରତିଜ୍ଞା କରିଛନ୍ ଯେ ପୁର୍‌ଥିର୍‌ ଶେଷ୍‌ ଦିନ୍‌ତକ୍ ମୁଇଁ ଫେର୍‌ ଆସ୍‌ମି।ଯଦିବି ଏତ୍‌କିବେଲ୍‌ତକ୍‌ ସେ ଫେର୍‌ ନେଇଁ ଆସ୍‌ବାର୍ ତଥାବି ସେ ତାକର୍ ପ୍ରତିଜ୍ଞାକେ ପୁରାକର୍‌ବେ ଆର୍ ଆସ୍‌ବେ।

![](https://cdn.door43.org/obs/jpg/360px/obs-en-50-02.jpg)

ଯେତ୍‌କିବେଲ୍‌କେ ଆମେ ଯୀଶୁଙ୍କର୍‌ ଫିର୍‌ବାର୍‌ଟାକେ ଚାହିଁରହିଛୁଁ , ମାହାପୁରୁ ଆମର୍ ଠାନୁ ପବିତ୍ର ଆର୍ ଆଦର୍ ସମ୍ମାନ୍ ଜୀବନ୍‌ ଜିଁବାର୍ ଲାଗି ଚାହେଁସନ୍‌। ସେ ଇଟାବି ଇଛା କରସନ୍‌ ଯେ ଆମେ ଅଲ୍‌ଗା ଲୋକ୍ ମାନ୍‌କୁ ତାକର୍‌ ରାଜ୍ୟର୍‌ ବାବ୍‌ଦେଁ କହୁଁ। ଯେତ୍‌କିବେଲ୍‌କେ ଯୀଶୁ ପୃର୍‌ଥି ନ ରହୁଥିଲେ, ସେ କହୁଥିଲେ, ମୋର୍ ଚାଲାମାନେ ସଂସାର୍‌ର ସବୁଆଡେ ଲୋକ୍‌ମାନ୍‌କୁ ମାହାପୁରୁର୍‌ ରାଏଜ୍‌ର୍‌ ବାବ୍‌ଦେଁ କହେବେ, ଆର୍ ତାପରେ ଶେଷ୍‌ ସମିୟାଁ ଆଏବା।

![](https://cdn.door43.org/obs/jpg/360px/obs-en-50-03.jpg)

ବହୁତ୍‌ ଜାତିର୍‌ ଲୋକ୍ ଏତ୍‌କି ଦିନ୍‌ତକ୍ ବି ଯୀଶୁଙ୍କର୍‌ ସୁସମାଚାର୍‌ ନୁହେଁ ଶୁନ୍‌ବାର୍ ତାଏଲ୍‌, ସରଗ୍‌କେ ଯିବାର୍‌ ଆଗୋନୁ ଯୀଶୁ ତାକର୍‌ ଚାଲା ମାନ୍‌କୁ ଲୋକମାନ୍‌କୁଁ ସୁସମାଚାର୍‌ ଶୁନ୍‌ବାର୍‌ ଲାଗି କହେଲେ ଯେନ୍‌ମାନେ ଅଜ୍‌ତକ୍‌ କେବେ ନାଇଶୁନି। ସେ କହେଲେ, ଯାଅ ଆର୍ ସବୁଜାତିର୍ ଲୋକକେ ଚାଲା ବନ ! ଆର୍ କାଟ୍‌ବାର୍ ଲାଗି ଖେତେଁ ଫସଲ୍ ପାଚି ସାରିଛେ।

![](https://cdn.door43.org/obs/jpg/360px/obs-en-50-04.jpg)

ଯୀଶୁ କହେଲେ, “ଗୁଟେ ଚାକର୍ ତାର୍‌ ମାଲିକ୍ ଠାରୁ କେଭେ ବଡ଼୍‌ ନାଇ ହୁଏ। ଇ ସଂସାର୍ ର ମୁଖିଆ ଲୋକ୍‌ମାନେ ମତେ ଘୁର୍‌ନା କରିଛନ୍‌, ଆର୍ ମୋର୍‌ଲାଗି ସେମାନେ ତମ୍‌କୁ ବି ଦୁଃଖ୍ ଦେବେ ଆର୍ ମାରିଦେବେ। ଇ ସଂସାର୍ ନୁ ତୁମେମାନେ ଦୁରେଇ ରହେବ, ହେଲେ ସାହାଁସ ଧର କାଁକରି କି ମୁଇଁ ଶଏତାନ୍ କେ ହରେଇ ସାରିଛେଁ, ଯିଏ କି ଇ ସଂସାର୍‌ କେ ଶାସନ୍ କର୍‌ସି। ଯଦି ତୁମେ ଶେଷ୍‌ ସମିୟାଁ ତକ୍ ମୋର୍‌ ଉପ୍‌ରେ ବିଶ୍ୱାସ କର୍‌ବ ତାହେଲେଁ ମାହାପୁରୁ ତମ୍‌କୁ ରକ୍ଷା କରବେ।

![](https://cdn.door43.org/obs/jpg/360px/obs-en-50-05.jpg)

ଯୀଶୁ ତାକର୍‌ ଚେଲା ମାନ୍‌କୁଁ ଇଟା ବୁଝାବାର୍‌ଲାଗି ଗୁଟେ କଥାନୀ ଶୁନାଲେ ଯେ, ଯେତ୍‌କିବେଲ୍‌କେ ସଂସାର୍ ଶେଷ୍‌ ହେବା ତାହେଲେ ଲୋକ୍‌ମାନ୍‌କର୍‌ ସାଙ୍ଗେ କାଣା ଘଟ୍‌ବା। ସେ କହେଲେ, “ଗୁଟେ ମୁନୁଷ୍‌ ତାର୍ ଖେତେଁ ଭଲ ବିହନ ବୁନଲା, ଯେତ୍‌କିବେଲ୍‌କେ ସେ ଶୁଇଥିଲା, ତାର୍‌ ଶତୃ ଆସ୍‌ଲା ଆର୍‌ ଗହମ୍‌ ବିହନ୍ ଥିଁ ଜଙ୍ଗ୍‌ଲିଆ ଘାସ୍ ର ବିହନ୍‌ ବୁନିଦେଲା, ଆର୍ ସେ ପଲେଇ ଗଲା।

![](https://cdn.door43.org/obs/jpg/360px/obs-en-50-06.jpg)

“ଯେତ୍‌କିବେଲ୍‌କେ ଘାସ୍‌ ଆଁକ୍‌ରିଲା, ତ ଚାକର୍‌ ସେ ଲୋକ୍‌କେ କହେଲା, “ହେ ମାଲିକ୍‌, ତୁମେ ତ ଖେତେଁ ଭଲ୍‌ ବିହନ୍ ବୁନିଥିଲ, ହେଲେଁ ଇଠାନେ କେନ୍‌ତା ଜଙ୍ଗ୍‌ଲି ଘାସ୍ ହଇଛେ? ସେ ଲୋକ୍‌ କହେଲା, “ଖାଲି ମୋର୍‌ ଶତୃ ଏକା ଇନ୍ତା କାମ୍‌ କରବାର୍ ଲାଗିଁ ଚାହିଁଥିବା ଆର୍ ସେ ହିଁ ଇଟା କରିଥିବା।”

![](https://cdn.door43.org/obs/jpg/360px/obs-en-50-07.jpg)

ସେ ଚାକର୍‌ ତାର୍‌ ମାଲିକ୍‌କେ ଉତ୍ତର୍‌ ଦେଲା, କାଣା ଆମେ ଇ ଜଙ୍ଗ୍‌ଲିଆ ଘାସ୍ କେ ଘିଚି ଦେମା କାଏଁ?’ ସେ ମାଲିକ୍‌ କହେଲା, “ନେଇଁ। ଯଦି ତୁମେ ସେଟା କର୍‌ବ, ବଏଲେ ଭଲ୍‌ ଗହମ୍‌ ଗଛକେ ବି ଘିଚି ଦେବ କାଟ୍‌ବାର୍ ତକ୍ ଅପେକ୍ଷା କର। ତାର୍‌ପରେ ଜଙ୍ଗ୍‌ଲି ଘାଁସ୍‌ ପତର୍‌ କେ ଗୁଟେ ବିଡା ନ ବାନ୍ଧି ଦିଅ ଯେନ୍‌ତା କି ତାହାକେ ଜଲେଇ ପାର୍‌ବ , ହେଲେ ଗହମ୍‌ କେ ମୋର୍ ଖେତୁଁ ଆନିକରି ଆସ।

![](https://cdn.door43.org/obs/jpg/360px/obs-en-50-08.jpg)

ଚାଲାମାନେ ଇ କଥାନୀର୍‌ ଅର୍ଥ କେ ବୁଝିନାଇଁ ପାର୍‌ଲେ, ସେଥିର୍‌ ଲାଗି ସେମାନେ ଯୀଶୁକୁଁ ଇ କଥାନିକେ ବୁଝେଇ ଦେବାର୍‌ ଲାଗି ଗୁହାରି କଲେ। ଯୀଶୁ କହେଲେ, “ଭଲ୍ ବିହନ୍‌ ବୁନ୍‌ବାର୍ ଲୋକ୍‌ ଯୀଶୁଙ୍କୁ ବୁଝାସି, ଆର୍ ସଂସାର୍ ଟା ଖେତ୍‌କେ ବୁଝାସି, ଆର୍ ଭଲ୍‌ ବିହନ୍ ର ଅର୍ଥ ମାହାପୁରୁ ଙ୍କର୍ ରାଏଜର୍‌ ଲୋକ୍‌ମାନ୍‌କୁଁ ବୁଝାସି।

![](https://cdn.door43.org/obs/jpg/360px/obs-en-50-09.jpg)

ସେ ଘାଁସ୍ ଶଏତାନ ଠାନେ ରହୁଥିବାର୍ ଦୃଷ୍ଟ ଲୋକ୍‌ମାନ୍‌କେ ବୁଝାସି, ସେଦୁଷ୍ଟ ଲୋକ୍ ଇ ମୁନୁଷର୍‌ ଶତୃ ଯିଏକି ଜଙ୍ଗଲି ଘାଁସ ବୁନିଥିଲା, ଇଟା ଶଏତାନ୍‌ କେ ବୁଝାସି। ସେ କଟା ହେଇଥିବା ଫସଲ୍ ସଂସାର୍‌ର ଶେଷ୍ ସମିୟା କେ ବୁଝାସି ଆର୍ କାଟ୍‌ବାର୍ ଲୋକ୍‌ମାନେ ସରଗ୍ ଦୂତ ମାନ୍‌କୁ ବୁଝାସି।”

![](https://cdn.door43.org/obs/jpg/360px/obs-en-50-10.jpg)

“ଯେତ୍‌କିବେଲ୍‌କେ ସଂସାର୍‌ ଶେଷ୍‌ ହଇଯିବା, ସେତ୍‌କିବେଲ୍‌କେ ସରଗ୍ ଦୂତ ଇ ସବୁ ଲୋକ୍‌ମାନ୍‌କେ ପାରେକେ ଗୁଟେ ଜାଗା ନ ରଖ୍‌ବେ, ଯେନ୍‌ମାନେ ଶଏତାନର୍‌ ଅନ୍‌। ସରଗ୍ ଦୂତ ମାନେ ସେ ଲୋକ୍‌ମାନ୍ କୁଁ ଜଲ୍‌ଲା ଜୁଏଥିଁ ଫିକି ଦେବେ। ସେଠାନେ ସେ ଲୋକ୍‌ମାନେ ବଢେ କଲ୍‌ବଲ୍‌ ହେଇକରି ଦୁଃଖେ କାନ୍ଦ୍‌ବେ ଆର୍ ତାକର୍ ଦାନ୍ତ୍ ଚାବ୍‌ବେ। ହେଲେ ଯେନ୍‌ମାନେ ଧାର୍‌ର୍ମିକ ଥିବେ, ଯେନ୍‌ମାନେ ଯୀଶୁଙ୍କୁ ଅନୁଶରଣ କରୁଥିବେ , ସେମାନେ ପରମେଶ୍ୱର୍‌ ପିତାର୍ ରାଏଜେଁ ସୂର୍ଯ୍ୟ ଭଲିଆ ଚମ୍‌କୁଥିବେ।”

![](https://cdn.door43.org/obs/jpg/360px/obs-en-50-11.jpg)

ଯୀଶୁ ଇଟାବି କହିଛନ୍ ଯେ, ସେ ସଂସାର୍‌ର ଶେଷ୍‌ ହେବାର୍‌ ଆଗନୁ ପୁର୍‌ଥିକେ ଆଏବେ। ସେ ଇନ୍‌ତା କରି ଫିର୍‌ବେ ଯେନ୍‌ତା ସେ ଯାଇଥିଲେ। ତାକର୍‌ଠାନେ ସତର୍‌ର ଶରୀର୍‌ ଥିବା ଆର୍ ସେ ମେଘ୍‌ ଉପ୍‌ରେ ସବାରି ହେଇକରି ଆସ୍‌ବେ। ଯେତ୍‌କିବେଲ୍‌କେ ଯୀଶୁ ଆସ୍‌ବେ ଯୀଶୁର୍‌ ସବୁ ଅନୁଗାମୀ ଯେନ୍‌ମାନେ କି ମରି ସାରିଛନ୍ ସେମାନେ ଉଠ୍‌ବେ ଆର୍ ସେମାନେ ଆକାଶ୍‌ ନ ଭେଟ୍‌ପଡ୍‌ବେ।

![](https://cdn.door43.org/obs/jpg/360px/obs-en-50-12.jpg)

ଆର୍ ଯେନ୍ ଅନୁଗାମୀ ମାନେ ଇହାଦେ ବି ବଂଚିଛନ୍‌ ସେମାନ୍‌କୁଁ ଆକାଶ୍‌କେ ଉଠେଇ ନେବେ, ଆର୍ ଅଲ୍‌ଗା ଅନୁଗାମି ସାଙ୍ଗେ ମିଶାଇ ଦେବେ ଯେନ୍‌ମାନେ ମୃତ୍ୟୁନୁ ଜିଁ ଉଠିଥିବେ। ତେହେରୁଁ ଯୀଶୁ ତାକର୍ ଲୋକର୍ ସାଙ୍ଗେ ରହେବେ। ଯେତ୍‌କିବେଲ୍‌କେ ସେମାନେ ଗୁଟେସାଙ୍ଗେ ରହେବେ ସେମାନ୍‌କର୍ ଠାନେ ସବୁବେଲେଁ ଶାନ୍ତି ଥିବା।

![](https://cdn.door43.org/obs/jpg/360px/obs-en-50-13.jpg)

ଯୀଶୁର୍‌ ଠାନେ ଯେନ୍‌ମାନେ ବିଶ୍ୱାସ୍‌ କରିଛନ୍ ସେମାନ୍‌କୁ ଗୁଟେ ଗୁଟେ ମୁକୁଟ୍ ଦେବାର୍ ଲାଗି ଯୀଶୁ ପ୍ରତିଜ୍ଞା କରିଛନ୍। ସେମାନେ ସବୁବେଲର୍‌ ଲାଗି ମହାପୁରୁ ସାଙ୍ଗେ ସବୁ କାମ୍‌ଥି ଶାସନ୍ କର୍‌ବେ। ସେମାନ୍‌କର୍ ସାଙ୍ଗେ ପବିତ୍ର ଆର୍ ଶାନ୍ତି ଥିବା।

![](https://cdn.door43.org/obs/jpg/360px/obs-en-50-14.jpg)

ହେଲେ ଯେନ୍‌ମାନେ ଯୀଶୁଙ୍କୁ ବିଶ୍ୱାସ୍‌ ନେଇ କରନ୍‌ , ମହାପୁରୁ ସେ ସବୁଲୋକର୍‌ ନ୍ୟାୟ ବିଚାର୍ କର୍‌ବେ। ସେ ସେମାନ୍‌କୁଁ ନରକ୍ ରେ ପକେଇ ଦେବେ।ସେଠାନେ ସେମାନେ କାନ୍ଦ୍‌ବେ ଆର୍ ଦାନ୍ତ ଚାବ୍‌ବେ ଆର୍ ସବୁବେଲେ ଦୁଃଖି ହେଇକରି ରହେବେ। ସେ ମାନ୍‌କୁଁ କେଭେ ନେଇ ଲିଭ୍‌ବାର୍ ଜୁଏ ନ ପକାବେ ଆର୍ ସେମାନ୍‌କୁଁ କିରା ମାନେ ସବୁବେଲେ ଚାବୁଥିବେ କେବେ ବି ବନ୍ଦ ନେଇ ହୁଏ।

![](https://cdn.door43.org/obs/jpg/360px/obs-en-50-15.jpg)

ଯେତ୍‌କିବେଲ୍‌କେ ଯୀଶୁ ଫିର୍‌ବେ, ସେ ପୁରା ପୁରି ଶଏତାନ୍ ର ଶକ୍ତି ଆର୍ ତାର୍ ରାଏଜ୍‌କେ ନାଶ୍‌ କରିଦେବେ। ସେ ଶଏତାନ୍ କେ ନରକ୍‌ନ ପକେଇ ଦେବେ। ସଏତାନ୍ ସବୁଦିନର୍ ଲାଗି ଜଲୁଥିବା, ଇସବୁ ଲୋକ୍‌ମାନ୍‌କର୍ ଲାଗି ଯେନ୍‌ମାନେ କି ମହାପୁରୁର୍‌ କଥା ନାଇ ମାନିକରି ଶଏତାନ୍‌ର ପଛେ ଚାଲିଛନ୍ ଆର୍‌ ମାହାପୁରୁର କଥା କେ ନେଇଁ ମାନ୍‌ନ।

![](https://cdn.door43.org/obs/jpg/360px/obs-en-50-16.jpg)

କାଏଁଯେ କି ଆଦମ୍‌ ଆର୍ ହବା ମାହାପୁରୁର୍‌ ଆଜ୍ଞା କେ ନାଇ ମାନ୍‌ଲେ ଆର୍ ପାପ୍‌କେ ଇ ସଂସାର୍‌ କେ ଆନିକରି ଆସ୍‌ଲେ, ମାହାପୁରୁ ଇ ସଂସାର୍‌ କେ ଅଭିଷାପ୍ ଦେଲେ। ଆର୍ ଇତାକେ ନାଶ୍‌ କର୍‌ବାର୍ ଲାଗି ନିଷ୍ପତି ନେଲେ। ହେଲେ ଫେର୍ ଘାଏ ମାହାପୁରୁ ଗୁଟେ ନୁଆଁ ସରଗ୍‌ ଆର୍ ନୁଆଁ ପୁର୍‌ଥି ତିଆରି କର୍‌ବେ ଯେନ୍‌ଟାକି ପବିତ୍ର ଥିବା।

![](https://cdn.door43.org/obs/jpg/360px/obs-en-50-17.jpg)

ଯୀଶୁ ଆର୍ ତାକର୍ ଲୋକ୍‌ମାନେ ନୂଆଁ ପୁର୍‌ଥିନ ରହେବେ ଆର୍ ସେନ ସବୁଦେଶର୍‌ ଲାଗି ସବୁ ବିଷେ ଥି ଶାସନ୍ କର୍‌ବେ। ସେ ଲୋକମାନ୍‌କର୍‌ ଆଖିଁର୍‌ ପାଏନ୍‌କେ ପୁଛିଦେବେ। ଇହାଦେ କିଏବି ଦଣ୍ତିତ ଆର୍ ଦୁଃଖି ନେଇ ରହନ୍। ସେମାନେ କିହେବି ନାଇଁ କାନ୍ଦ୍‌ନ। ସେମାନେ କିହେବି ରୋଗ୍ ବେମାର୍ ନ ନାଇଁ ପଡନ୍‌ କି ନେଇଁ ମରନ୍। ଆର୍ ସେଠାନେ କିହେବି ଖରାପ୍ କାମ୍ ନାଇଁକରନ୍। ଯୀଶୁ ତାକର୍ ରାଏଜେଁ ନିଏ ଆର୍ ଶାନ୍ତି ନ ଶାସନ୍ କର୍‌ବେ। ସେ ସବୁବେଲର୍ ଲାଗି ତାକର୍ ଲୋକ୍‌ମାନ୍‌କର ସାଙ୍ଗେ ରହେବେ।

*ବାଇବଲ୍‌ର କଥାନୀ: ମାଥିଉ ୧୩:୨୪-୪୨; ୨୨:୧୩; ୨୪:୧୪; ୨୮:୧୮; ଯୋହନ ୪:୩; ୧୫:୨୦; ୧୬:୩୩; ଥେସଲୋନିୟ ୪:୧୩-୫:୧୧; ଯାକୁବ ୧:୧୨; ପ୍ରକାଶିତବାକ୍ୟ ୨:୧୦; ୨୦:୧୦;୨୧-୨୨*

Audio: https://git.door43.org/OBS-TLF/spv_obs/releases/download/v1/spv_obs_v1_50_128kbps.m4a