# unfoldingWord Open Bible Stories — Sora

- Language code: `srb`
- Canonical page: https://openbiblestories.org/l/srb/
- Stories in this file: 50 of 50
- Published by: OBS-TLF, translationCore-Create-BCS
- Last release: 2026-07-28
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Sora translation; it is not a translation of the whole Bible.

## 1. Ganardin

https://openbiblestories.org/l/srb/story-1/

![](https://cdn.door43.org/obs/jpg/360px/obs-en-01-01.jpg)

Aparamangtan Kitungan ednegoi kuddub janaban gabdiletin. Anin tudru dinna lingan ordaran do a kuddub janaban gabdiletin. Anganti Kitungan ordarn gabdiletin, seletin ordaran lungudam do arikadam dakuli itin asan gamlenden kan lingan Kitungan itija adgardied. Bindo Kitungan a jangarda da’an a-lanankan harre.

![](https://cdn.door43.org/obs/jpg/360px/obs-en-01-02.jpg)

Ansaring Gamantungan gametin, “Panaliddan de’eti!” Do panaliddan deli. Kitungan panaliddan gijjetin do antati bangsa. Do panaliddan dinna gamle tiyhumetin. Bar anin lanungudan saring panaliddan abansaetin, bar lanunguddan togal gamle tiyhumetin. Do ganardin aymalingan Gamangtungan panalidan abmang dinna lingan gabdiletin.

![](https://cdn.door43.org/obs/jpg/360px/obs-en-01-03.jpg)

Anab bagu dinna lingan, “ Kitungan gametin, “ da-an alaningka anansan de-eti.” Do kun ati anansan deli. Kitungan anansan ati riang gamle tiyhumetin.

![](https://cdn.door43.org/obs/jpg/360px/obs-en-01-04.jpg)

Anab yagi dinna lingan, Kitungan gametin da-an ati abo manengban de-eti do a-sar solan ganijtan de-eti. Anin asar darakunan ati labon do da-an ati ganingan gamle tiyhumetin. Bar Kitungan gijetin do a-yengan ati gabdile antati bangsa.

![](https://cdn.door43.org/obs/jpg/360px/obs-en-01-05.jpg)

Ante saring Kitungan gametin, “Asar sollingan aggaban do biggarda biggarda nebanji paddabeti. Bar Kitungan gijjetin do ayenganti ati gabdile antati bangsa.”

![](https://cdn.door43.org/obs/jpg/360px/obs-en-01-06.jpg)

Anab unji dinna lingan, Kitungan gametin, riang lingan panuangan de-eti do uyungan, anggajan, bar sunkranji ganijtan de-eti. Tamban do togalan, a-nggaijan do mihnuman a-babmadbin asan Kitungan aninji adong sabjaetin. Bar Kitungan gijetin do ayengan ati gabdile antati bangsa.

![](https://cdn.door43.org/obs/jpg/360px/obs-en-01-07.jpg)

Anab monloi dinna lingan, Kitungan gametin, “Da-a lingan ameng puradanji barij de-etiji, do ontidanji riang lingan engdanetiji.” Ednegoi anin da-a lingan a-engdatinan a-jontunji do kuddub ontidanji gabdile. Bar Kitungan gijjetin antati bangsa. Do aninji adong absitale.

![](https://cdn.door43.org/obs/jpg/360px/obs-en-01-08.jpg)

Ganardin anab tudru dinnan, Kitungan gametin, “ Bigarda bigarda jontunji de-eti. Do Kitungan abirna ambrij deli. Do lanu jontunji, hanapung jontunji, tulab jontunji bar Kitungan gijited antati bangsa.”

![](https://cdn.door43.org/obs/jpg/360px/obs-en-01-09.jpg)

Anti saring Kitungan gametin, Anlen anokij mukan ambrij mandran a’sabjatai. Aninji odaran do a-kuddub jontunji a-lanangka dane-eti.

![](https://cdn.door43.org/obs/jpg/360px/obs-en-01-10.jpg)

Bar Kitungan durdi solan pangan pangle mandran adong gardietin, bar umpedan umpedle puradan tiyetin. Kan amandran a-himan Adam. Do Kitungan Adam amanrengnan apsele aboi surda kudtan oskaietin do anin ado’ng kutan a-turturbin asan tabggihjetin.

![](https://cdn.door43.org/obs/jpg/360px/obs-en-01-11.jpg)

Kitungan kutan a-tarangdi bagu ne-ebanji manan mandrengnan neeban, bangsa do irsin aganalam neebanji tabngihjetin. kitungan adam ado’ng gametin do kuttalingan bangsa do irsen aganalam ne-eban sadan sadle iti janang ne-eban a’jo’n jumle rabtite. U’anti addinna kun ati jumte seletin kahidtam.

![](https://cdn.door43.org/obs/jpg/360px/obs-en-01-12.jpg)

Ante saring Kitungan gametin, mandran a-nson a-dakunaben bangsated. Bindo Adam apsele jantunji amang saring tanudumaran adakued.

![](https://cdn.door43.org/obs/jpg/360px/obs-en-01-13.jpg)

Kun saring Kitungan Adam ado’ng akkalduman akkaldumle Adam a’ondroi jang pangan pangle a’boi insalon a’dong sabjale Adam amangba pangaited.

![](https://cdn.door43.org/obs/jpg/360px/obs-en-01-14.jpg)

Kun saring Adam insalon a’do’ng gijan gile gameted “o gai!” Kan ati hen ambriji anin insalo gamle ganudingan deli, itin asan gamlenden anin mandran saring ganadilan deli. Anti asan mandran ua-yangan omdan omdale a-dukrin batti a boi detiji.

![](https://cdn.door43.org/obs/jpg/360px/obs-en-01-15.jpg)

Kitungan a-nokijmukan ambri ongeran do insalon sabjaan sabjaale aninji adong absitale gametin, “Ateng o’onan do udleng onan dean dele odarlingan barij deba.” Bar Kitungan gijeted do anin a-kuddub ganardi janabanji boi boi bangsa do kan a-kuduban apsele boi boi moihndali. Ganardin a turu dinalingan kan a kudub Kitungan Gabdiletin.

![](https://cdn.door43.org/obs/jpg/360px/obs-en-01-16.jpg)

Anganti anab gulji dinan yerai, Kitungan a lumlen akudub baranji tabkuddeted, bar anin anab gulji dinan absitaan absitale madrideted. Itin asan gamlenden kun adinan anin kuddub baran saring luluneted. Edngoi Kitugan ordaran do kuddub janaban gabdiletin.

*Apparmangta 1-2 Kambol lingan saring bo Kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_01_128kbps.m4a

## 2. Ordar lingan Pintun Ganle

https://openbiblestories.org/l/srb/story-2/

![](https://cdn.door43.org/obs/jpg/360px/obs-en-02-01.jpg)

Kitungan aninji apsele a-oskaietin alanga kutta lingan Adam anin adukrin batti mano’han batti basuleji. Aninji sindrin adjiji nedji bindo aninji amang lingan ganandroi-jan addukued itin asan gamlenden ordaran pintun addukued. Kitungan ampra aninji tarda ayam arbirleji.

![](https://cdn.door43.org/obs/jpg/360px/obs-en-02-02.jpg)

Bindo kuttalingan aboi ja-adan dakuli do anin boi boi tarakkadam dakuli. Anin insalon ualle gametin ajardi po kitungan kutan iti janang anebban a’jon ajumdong gamle gametin?

![](https://cdn.door43.org/obs/jpg/360px/obs-en-02-03.jpg)

Insolon jalangle gametin, “Kitungan do’ngle apongle gametin do anlen kutaligan banangsan do irsin aganalaman neeban aj’on sadan sadle kutalingan akudub jo’on jumle arabtite. Do Kitugan do’nglen gametin, “bogad ajumlenden orde ajablenden ambin kahidttabin.

![](https://cdn.door43.org/obs/jpg/360px/obs-en-02-04.jpg)

Ja-adan insolon adong jalangle gametin, “kan ati jarditid. Ambin akahidbin. Kitugan galamte anganti ambin ajumte, ambin Kitugan ambri detabin bar anin ambri bangsan do irsin aganalaman ahante

![](https://cdn.door43.org/obs/jpg/360px/obs-en-02-05.jpg)

Insalon kun ajon langa do garijmaddagi gijetin Anin janang ganalam boi adebin itsumetin, bar anin dajianganti jo’n rule jumetin. Bar anti atiki anin aturdumaran adong tiyetin. Do anin aturdumaran janagan jumetin.

![](https://cdn.door43.org/obs/jpg/360px/obs-en-02-06.jpg)

Abumungdagi, aninji amaddanji ranin deli do aniji aputan adakulinanji ati imnan hangleji. Aninji jito olan sitaran sitarle adonganji absosobin eraji guilaji.

![](https://cdn.door43.org/obs/jpg/360px/obs-en-02-07.jpg)

Ansaring Adam do ainsalon Kitugan kudtalingan agorodlen asanaddan amdangan amdangle bagunji solinji. Gamangtugan mandran ado’ng gudingle gametin, aman u’an daku? Adam jalangle gametin, aman kudtalingan agodrolen ati amdanglai do batonglih anti asan hen solinai. Itin asan gamlenden hen aurdij.

![](https://cdn.door43.org/obs/jpg/360px/obs-en-02-08.jpg)

Kun saring Kitugan uale gametin, aman aurdij daku gamle butin do’ng nam oppungle? Hen dongbin J’oan ajumdo’ng gamle apunglabin bindo ardile ajumle. Mandran jalangle gametin, ayingante a insalo aman tiylih anin j’oan tiytin. Atiki Kitugan insalon adong ualan ualle gametin, Itin asan kanati lumle? Ansolon jalangle gametin, j’adan d’onghen jolda e’tin.

![](https://cdn.door43.org/obs/jpg/360px/obs-en-02-09.jpg)

Kitungan j’adan ado’ng gametin, aman anangan delam, nam saring aman kampungnam batte hantin do durdisolan jumte. Aman do insalon arasangamte, do onbinji janag arasangimteji Insalon ategaji babnam apparateji, do aman adunukudi jingnam apparate.

![](https://cdn.door43.org/obs/jpg/360px/obs-en-02-10.jpg)

Gamangtungan insalon ado’ng gametin, hen aman apsele anasudan batte kukkudonan abmetai aman tanongbanam itsumte do anin langkanam danete.

![](https://cdn.door43.org/obs/jpg/360px/obs-en-02-11.jpg)

Kitungan mandran ado’ng gametin, “ aman insalon ado’ng amdangle do birna hen adjaed nami saring janongan anangan dele, do aman gaganan ahangbin asan lagin baranabin deti. Kan saring aman kahidtam, do aman do’ngnam labolingan yartin.” Mandran adukrin adong Aba gamle tiyhimetin, agaramgaman “mandrengna tihmar,” itin asan gamlenden anin kuddub mandranji ayangan deti. Do Kitungan Adam do Aban ado’ng jontun ausal batti abjijietinji.

![](https://cdn.door43.org/obs/jpg/360px/obs-en-02-12.jpg)

Antin saring Kitungan gametin, nami mandranji banangsan do irsin ati galaman galamle anlen abrid deliji, Itin asan gamlenden aninji danangdangdagi a mandrengnan neeban aj’on jumbleji do di tordong mengnabi asan itsumlaji. Kan saring Kitungan Adam do Aban ado’ng kutansaring sangai amdungle gongetinji. Kutan agarannaba kuddub saring ranabti Pisidian ado’ng tabgijeted, yanti gamle mandrengna neeban aj’on butijanag jumle arabtie.

*Apparmangta 3 tanubban saring bo katabiran*

Audio: https://git.door43.org/OBS-TLF/srb_obs/releases/download/v1/srb_obs_v1_02_128kbps.m4a

## 3. Roblo daan

https://openbiblestories.org/l/srb/story-3/

![](https://cdn.door43.org/obs/jpg/360px/obs-en-03-01.jpg)

Ateng ayam atiki, Mandranji ordarlingan ganirsaijan deliji. Aninji irmanani do duih delaji. ordaranlingan danuihan barihlin asan kitungan kuddub mandranji adong roblo dan bati absi-ed bin asan ogaletin.

![](https://cdn.door43.org/obs/jpg/360px/obs-en-03-02.jpg)

Kitungan Noah apsele boi boi moihdali. Itin asan gamlenden anin duih maranji amangligan bo dirnamaran dakuli. Kitungan Noah ado’ng gametin hen surda roblodan abmetai. Antin asan, aman surda bungsangan sabja.

![](https://cdn.door43.org/obs/jpg/360px/obs-en-03-03.jpg)

Kitungan Noah ado’ng gametin, aman bungsangan sabjah manan, janlarin 140 santi, lanra-angan 23 santi, do landrankan 13.5 santi. Noah arran batte engda bugsangan yagi tarding, manan sannara singan, kidkin do merdo singan sabjaetin. Do kun roblodaan saring arrabrabin asan kun engda bungsanlingan Noah asing maranji, do ordaran akkuddub jontunji dakuetin.

![](https://cdn.door43.org/obs/jpg/360px/obs-en-03-04.jpg)

Noan Kitugan abernan dernetin. Anin do anin ayagi danggarda o’nanji ampara Kitungan abanihan ambrid engda bungsangan sabjaleji. Itin asan gamlenden engda bungsangan surdadam kan ati asabjabin asan ateng mihnum dingleji. Bar Noan mandranji ado’ng abkilkille roblodan yeirtai, Kitungan amang dayeraiba gamle gametin, bindo mandranji abirnan addirnedji.

![](https://cdn.door43.org/obs/jpg/360px/obs-en-03-05.jpg)

Kitungan Noan asi’ng maranji adong baihetin, anindaman do jontunji apsele ateng ganaga oskaiya. Anganti kudduban anoiskayan deli, Kitungan Noan ado’ng gametin, aman, insalonam, yagi dangada o namji, do ansalonji ampra tamji mandra bungsangligan ganbin a roiyong dakuli.

![](https://cdn.door43.org/obs/jpg/360px/obs-en-03-06.jpg)

Kitungan kuddub jontun do ontiddanji saring bo onggeran do bo insalon adong roblo da-an ayamlingan rabrabbin asan Noan amangban apaietin. Kanubanji a kubbin asan Kitungan kuddub jontunji saring galji ongeran do galji insalon apaietin. Anganti kuddubanji bungsanlingan ganlejli, Kitungan anin daman sanagan ingadetin.

![](https://cdn.door43.org/obs/jpg/360px/obs-en-03-07.jpg)

Ansaring ganuran susule, irkabdablinbi bakudi dina do bakudi todgal tarubli. Odarlingan da’an baridli, do ordaran akudub janabanji, lingka barunji janangden da’an batte tabubli.

![](https://cdn.door43.org/obs/jpg/360px/obs-en-03-08.jpg)

Bungsanglingan amandranji do jontunji saddan sadle asar janonglingan adakulin a kuddub puradanji kahidleji. Do bungsangan daalingan engdalin do allungan adakulin akuddub puradan daan saring ranabraban hangleji.

![](https://cdn.door43.org/obs/jpg/360px/obs-en-03-09.jpg)

Taruban kaddablinan atiki, monloi angai sikoija bungsangan daalingan engdalin, do kun ayamlingan daan ahadli. Kun saring bo dina bungsangan diy diy barun alingkaling dakuli, bindo kun ayaman sikoija ordaran daan batte barid dakuli. Anab yagi angai atiki barunji janang ganidtan deli.

![](https://cdn.door43.org/obs/jpg/360px/obs-en-03-10.jpg)

Bakudi dinna atiki Noan daan ahadlin ati agalambin asan aboi ontiddan manan kakan appaietin. Kakan asar janongan ahangbin asan kodikotan engdalin, bindo anin asar janongan adhanged.

![](https://cdn.door43.org/obs/jpg/360px/obs-en-03-11.jpg)

Antiatiki Noan a boi ontidan manan paruan adong appaietin. Bindo anin janag asar janongan adhanggeddan asan, anin Noan amangban yarnaitin. Bo palli atiki bar okij paruan appaietin, do anin jiton neeban akandar atoolingan hamle yaraitin! Do daan ahandli do aranji bar okij marangleji.

![](https://cdn.door43.org/obs/jpg/360px/obs-en-03-12.jpg)

Noan bo palli omdean omdile anab yagi tara paruan adong appaietin. Kan ayam, anin darruinan ahanglen asan bar okij dayare adayaraitin. Do daan a hadli.

![](https://cdn.door43.org/obs/jpg/360px/obs-en-03-13.jpg)

Anab bagu anggai atiki, Kitungan Noan adong gametin, “nami aman do sing marnamji do kuddub jontunji bungsangan saring dunglin araptite. Do ateng oonanji do udlengonanji dean dele ordarlingan ganirsijan deba.” Bar Noan do asiing maranji bungsangan saring dunglinaiji.

![](https://cdn.door43.org/obs/jpg/360px/obs-en-03-14.jpg)

Noan bungsangan saring dungnaitin atiki, anin sanoi kanub arangan sabjaan sabjale tangboi tangboi jontunji sanoi kanuban apsele handrameted. Bar Kitungan sanoi kanublingan moihli do Noan asing maranji ado’ng absitaetin.

![](https://cdn.door43.org/obs/jpg/360px/obs-en-03-15.jpg)

Kitungan gametin, “hen jibjibtinai do angaja mandran airsi baran apsele ordaran adnagaih, mandran asanna dinan saring pintun batte bariddam, dele janagden hen ordaran roblodan batte anabsiedai.

![](https://cdn.door43.org/obs/jpg/360px/obs-en-03-16.jpg)

Ansaring kitungan ajanibjib arabmaddan ambri ab’mang ilingbongan gabdiletin. Anganti anganti ruanglingan ilingbongan gidtati, Kitungan itinti jibjibnetin antiati mandranji do anindaman ayimte.

*Apparmangta 6-8 Kambolan bo Katabiran*

Audio: https://git.door43.org/OBS-TLF/srb_obs/releases/download/v1/srb_obs_v1_03_128kbps.m4a

## 4. Abraam batti Kitungan Asanibdaih Biran

https://openbiblestories.org/l/srb/story-4/

![](https://cdn.door43.org/obs/jpg/360px/obs-en-04-01.jpg)

Roblodan ateng mihnum atiki, ordarlingan bar okij mandranji barijleji, Aninji Kitungan asangimle pintun lumleji bar aninji aninjidaman asangimle pintun lumleji. Itin asan gamlenden Kitungan abanaih biran ambrij aninji odarlingan ganirsaiyan irdalabi, aninji aboi langlangan birenji do aninji rukuan rukulin gardan sabjaleji.

![](https://cdn.door43.org/obs/jpg/360px/obs-en-04-02.jpg)

Aninji kinsamaranji dakuleji, yangamle Kitungan abanaibiran batti mandrengna abhnanbin deti antati aninji abmaniedji. Aniji ruangan ajabten atading sing gubin asan susulinji. Kitungan kun gijetin do bogad kan mandranji aboiyan baralinanjiden pintun lumteji.

![](https://cdn.door43.org/obs/jpg/360px/obs-en-04-03.jpg)

Antin saring Kitungan bigada bigada langlangan sabjaetin, do ordaran mandran ganirsayan deli. ayingan agarda sabjalaji antin ati babila gardan gamle tanihiman deli, anti a-garamgaman,“jugadamdam.”

![](https://cdn.door43.org/obs/jpg/360px/obs-en-04-04.jpg)

Bo sua miahnum atiki, Kitungan Abraam gamle ahimar adong apongentin. Kitungan anin ado’ng gametin, Aman disanam do birindam adong omdrenga do ayingan adisa hen absuitam tihti yeira. Hen aman do’ngnam absitatam do aman ado’ng surda tegan abmetai. Ahim’nam Ganugudagi abmetai. Aman ayingan amandran absitatam, hen anin adong absitatai do aman ayingan amandra angtam hen dam anin adong angtai. Aman sanle ordarlingan kuddub tegan adong absitatai.

![](https://cdn.door43.org/obs/jpg/360px/obs-en-04-05.jpg)

Do Abraam kitungan abirna manieten. Anin ainsalon, Sara do akuddub buantanji do anin akuddub janabanji pangle Kitungan abgijjetin adisa kinan disaban yeirre.

![](https://cdn.door43.org/obs/jpg/360px/obs-en-04-06.jpg)

Anganti Abram Kinan disaban aduetin, Kitungan gametin, “kuddub manengban gija. Hen kan akuddub desan aman a-dong tiytam. Do tordong ayam teganamji daneteji. Antatiki kan a-desalingan Abram basule.”

![](https://cdn.door43.org/obs/jpg/360px/obs-en-04-07.jpg)

Kuddub saring lanangka Kitungan apsele bo buya maran Melchisedak gamle dakuli. Bo dinna, Abraam sanukutalingan adakulin atiki, Abram do Malchisedak mailinji. Malchisedak Abraam adong absitale gametin, “kuddub saring lanankadam Kitungan butinti ordaran do riangan adanemar absita’amti.” Ansaring Abraam sanulingan saring dainan ahanglen akuddub janaban agalji tanub Malchisedak adong tiyetin.

![](https://cdn.door43.org/obs/jpg/360px/obs-en-04-08.jpg)

Ateng mihnum sikoija Abram do Saran akkudoneji. Kitungan Abram adong jib jiblin gamentin, Aman aboi ongger o’nan a kudte do ateganji riangan a-tuitui ambri deteji. Abram Kitungan a-janibjib beran dernetin. Kitungan Abraam adong roitadmar gamle appingbaetin. Itin asan gamlenden Abram Kitungan ajibjib birlingan dirnetin.

![](https://cdn.door43.org/obs/jpg/360px/obs-en-04-09.jpg)

Kitungan Abram batte sibdaih birnetin. Kralogi, sanibdei biran bagu mandranji abara asan ganabribiran. Bindo kan tidne ati, Abram akaldumlin adnang Kitungan jibjib birnetin, anin kitungan abirnan amdanggetin. Kitungan gametin, “Hen mangnam saring onger o’nan tiytam. Hen teganamji ado’ng Kinan disan tiytai.” Bindo kun ayam sikoja ongger onan adhanged.

*Apparmangta 11-15 kambolan saring bo katabiran*

Audio: https://git.door43.org/OBS-TLF/srb_obs/releases/download/v1/srb_obs_v1_04_128kbps.m4a

## 5. Janijib Onan

https://openbiblestories.org/l/srb/story-5/

![](https://cdn.door43.org/obs/jpg/360px/obs-en-05-01.jpg)

Abram do sara galji mihnum atiki Kinan disaban aduleji, do kun ayaman sikoija aninji pasidjan adhanggeji. Saran Abram ado’ng gametin, “do nami hen talaiba boi delih itin asan gamlenden tidne buantiboihen Hagar daku, do amangan saring hen apsele pasojan tiyih.”

![](https://cdn.door43.org/obs/jpg/360px/obs-en-05-02.jpg)

Kansaring Abram Hagor amang yeiretin. Bar Hagor aboi onger sijan hangetin, do Abram pasijan adong Ishmael gamle tihyumle. Bindo Saran Hagor adong ardermadetin. Anganti Ishmael mihgel boi mihnum deli, bar okij Kitungan Abraam adong gametin.

![](https://cdn.door43.org/obs/jpg/360px/obs-en-05-03.jpg)

Kitungan gametin, “Hen Ranapati Kitungan hen aman ampora sibdeibirtam.” Anti saring Abram labolingan turkudubnetin. Kitungan janag Abram ado’ng gametin, “Aman kuddub jatinji a’ua detam. Hen aman do teganamji ado’ng Kinan dissan dabneitai do tada ayam a’Kitungan detai. Aman singlingnam kuddub ongeranji ado’ng gadredeba.”

![](https://cdn.door43.org/obs/jpg/360px/obs-en-05-04.jpg)

Insalonam, Sara, aboi ongeronan kudte¬-anin janibjib o’nan deti. Do Ahiman Isakon gamle tiyhuma. Hen anin batte sibdeihbirtai, do anin bo surda jatin deti. Bar Ishmael janang suda jattin abmedtai.” Bindo Isako batte sanibdeibiran deti. Kun saring Kitungan Abram Ahinman Abraam gamle bandaetin, Agaramgaman, “ateng mandranji a’ua.” Kitungan Sarai janang ahiman Sara gamle bandaetin agaramgaman “Rani.”

![](https://cdn.door43.org/obs/jpg/360px/obs-en-05-05.jpg)

Anti addina Abraam asi’nglingan Kuddub ongeronanji ado’ng gadrerdebetin. bo mihum ambrij atiki, anganti Abram 100 mihum deli do saran 90 mihnum deli, Saran abram aonan kudetin. Yanti gamle Kitungan aninji ado’ng oppungeteji, Aninji Isako gamle tiyhumleji.

![](https://cdn.door43.org/obs/jpg/360px/obs-en-05-06.jpg)

Angati Isakon danggarda dakuli, Kitungan Abram adernan tungjingle gijetin, “Miytub onam Isakon adong urunga do hen apsele kabhidle kuba.” Bar okkij Abram kitungan abernan manietin. Anin aonan adong akubbin asan oskaietin.

![](https://cdn.door43.org/obs/jpg/360px/obs-en-05-07.jpg)

Abraham do Isako kanub darkunaba ayiranji adnang, Isako a’uan adong oaletin, o’uang kanubban asan angalan daku, bindo murkundardan uan daku? Abraham jalangle gamdted, “e-on kanuban asan Kitungan murkundarda tiytiylangtin.

![](https://cdn.door43.org/obs/jpg/360px/obs-en-05-08.jpg)

Anganti aninji kanub darakunaban arduleji, Abraham adangardaonan Isako adong gijetin do kanub arangalingan abludluddetin. A’onan akubten ayamlingan Kitungan gametin, “ringna! Pasijan adong abasudadong! Nami hen galam do aman donghen bantongle Itinasan gamlenden aman mihtub o’nam donghen atiybin asan addang danged.

![](https://cdn.door43.org/obs/jpg/360px/obs-en-05-09.jpg)

Abraham runkudiban amanengban aboi a’on murkundardan gijetin. Isakon apanardu Kitungan kanuban kubin asan a’on murkundarda oskaietin. Abraham manoihan batte a’on murkundarda kanuban kubetin.

![](https://cdn.door43.org/obs/jpg/360px/obs-en-05-10.jpg)

Kunsaring Kitungan Abraham ado’ng gamete, “itin asan gamlenden aman akudduban ati donghen tiybin asan itsumle, mihtub o’anam janang, hen jibjiblin absitatai. Aman odleng o’namji rianglingan atuituijanji saring janang ateng ganirsaiyan de-etiji. Itin asan gamlenden aman birnahen manile, aman sing birindanmji sanle ordaran akudub parjanji adong apsitatai.

*Apparmangta 16-22 kambolan saring bo katabira*

Audio: https://git.door43.org/OBS-TLF/srb_obs/releases/download/v1/srb_obs_v1_05_128kbps.m4a

## 6. Kitungan Isakon Apsele Oskaietin

https://openbiblestories.org/l/srb/story-6/

![](https://cdn.door43.org/obs/jpg/360px/obs-en-06-01.jpg)

Ayenganti ayam Abram talaibali, kun a-onnan Isakon marangle. do selitin Abram a-onnan Isako apsele bo insalon apangbin asan a boantan ado’ng aeiemalam mandranji amangban apaietin.

![](https://cdn.door43.org/obs/jpg/360px/obs-en-06-02.jpg)

Abraam aiemalam maranji adarkunaba ateng dinna handgodan batti ardulen atiki, Kitungan buantan adong Ribikan adong arabangbin asan tangoretin. Anin Abram auban auleng dakuli.

![](https://cdn.door43.org/obs/jpg/360px/obs-en-06-03.jpg)

Ribikan asing birindanji adong omdrengan omrengle abuantan ampara Isakon asing ayeirbin asan odietin. Reibikan arduaitin atabdong Isakon Ribikan adong sidrungnetin.

![](https://cdn.door43.org/obs/jpg/360px/obs-en-06-04.jpg)

Ateng ayam atiki, Abraam kahidli. Kitungan Abram a’on Isako adong absitaetin, Itin asan gamlenden Abraam ampra sibdeibirnetin. Kun lingan aboi jibjibna sibdehbiran dakuli, do Abram abirindanji erdanisamdagi de-etiji. Bindo Isakon ainsalo, Ribikan adkudoned.

![](https://cdn.door43.org/obs/jpg/360px/obs-en-06-05.jpg)

Isakon Ribikan apsele garbiretin, bar Kitungan anin adong bo labada sidjan apanguronan asan ranabtin tiyetin. Kun labadasijanji Ribikan akampunglingan adakulinanji ayam di dargam rodilinji, anti asan Ribikan Kitungan adong apongle gametin kan ati yanambrij deti.

![](https://cdn.door43.org/obs/jpg/360px/obs-en-06-06.jpg)

Kitungan Ribikan adong gametin, “Aman bagu onger sijan kudte. Anin abirindaji bagu bigarda teganji detaji, aninji di dargam sanutinji. bindo asurda onam saring adungten atega asanna onam saring adungten atega abirnan maniteji.”

![](https://cdn.door43.org/obs/jpg/360px/obs-en-06-07.jpg)

Ayinganti ayam Ribikan apasijanji karukkudan delaji, adiban o’nan miyaman ambarid je-edam do adongan uppiran bati barij dakuli, do Anin ahiman Esso gamle tihyumleji. Anti atiki Jakobon abuhang adanunkudijingan hamle dungnaitin, do ahiman Jakob gamle tihyumleji.

*Apparmangta 24:1-25:26 kambolan saring bo katabiran*

Audio: https://git.door43.org/OBS-TLF/srb_obs/releases/download/v1/srb_obs_v1_06_128kbps.m4a

## 7. Jakobon A’lininka Kitungan A’nabsitan

https://openbiblestories.org/l/srb/story-7/

![](https://cdn.door43.org/obs/jpg/360px/obs-en-07-01.jpg)

Anganti pasijanji marangliji, Jakubon singan adakunabin itsometin, do Esson bintanabin itsometin. Ribikan Jakubon adong timyimetin, bindo Isakon Esson adong timyimetin.

![](https://cdn.door43.org/obs/jpg/360px/obs-en-07-02.jpg)

Bo dinna, Eson anganti bintan saring yarnaitin, anin boi boi dulaidali. Eson Jakubon ad’ong gametin, “hen apsele asui itinti aganagan dihle antati tihyh.” Jakuban jalangle gametin, “abmang jzjzbbirna, aman kudduban hangle itin asan gamlenden aman abmang karudkud delam, kun ati kudduban hen teih.“ Eson Jakuban adong kudduban ati atihbin asan jibjibnetin. Ansaring Jakubon Eson adong ganagan tihyetin.

![](https://cdn.door43.org/obs/jpg/360px/obs-en-07-03.jpg)

Isakon anin daman asanitan Eson a do’ng atiybeb itsumetin. Bindo anin endrang lumen abmang ribikan do jakubon Eson ambrij zllin anin ado’ng jaldaleji. Isakon boi boi talaij balin asan itidja gijle adrabtied. Antin asan Eson aronotud do kimmedan ausal asiligan do asankaligan rotudnetin.

![](https://cdn.door43.org/obs/jpg/360px/obs-en-07-04.jpg)

Jakubon Eson amang yiran yirrle gamete, “hen Eson aman absidtih gamale -hen mangbanam yerrai.” Anganti Isakon kimeddan aupuran imnetin do sindrin huetin anin ogandietin do kan ati Eson na gamle absidtaetin.

![](https://cdn.door43.org/obs/jpg/360px/obs-en-07-05.jpg)

Esson Jakobon adong asanggimetin Itin asan gamlenden anin adiba danen do asanitan Jakoba jumbzrnetin. Bar auanji akahidlin atiki Jakobon adong atuabbin asan ogaletin.

![](https://cdn.door43.org/obs/jpg/360px/obs-en-07-06.jpg)

Bindo Ribikan Esson a’ogalletin ati galametin. Bar anin do Isak Jakobon sangai desaban anin akulamanji ampra adakunabin asan appaileji.

![](https://cdn.door43.org/obs/jpg/360px/obs-en-07-07.jpg)

Jakobon Ribikan akulamanji ampra ateng mihnum sikoija basuetin. Kun ayamlingan anin sidrungnetin do mihgal onger onan do aboi insalo onan hangentin. Kitungan anin adong ateng bitimar abmeetin.

![](https://cdn.door43.org/obs/jpg/360px/obs-en-07-08.jpg)

Bokudi mihnum singgan saring sangai Kinan disaban dakuan dakulin, Asing birindanji, aboantanji, do akuddub mandra jontunji ampra yarnaitin.

![](https://cdn.door43.org/obs/jpg/360px/obs-en-07-09.jpg)

Jakoban boi boi bantongligan dakuli itin asan gamlenden Esson atuabbin asan sajetin. Antin asan anindaman a’sing jontun taniytihyan apayeti. Ayinganti aboanta jantun pangaitin anin Esson adong gametin, “Boantanam Jakubon kan akuddub jontun tiyamtin. Anin bomadiden adutai.

![](https://cdn.door43.org/obs/jpg/360px/obs-en-07-10.jpg)

Bindo Eson Jakobon adong absiedbin apsele anidsumed. Osantan anin bar okij agibin asan gusurli. Kun saring bagu banuhanganji mano’han bati Kinan desalingan dakulinji. Antin saring Isakon kahidli, Jakob do Esso anin adong tillaji. Kitungan ayinganti asanib’dei biran Abraham adong tietin nami Isakon amang saring Jakobon amang yeirre.

*Apparmangta 25:27-35:29 kambolan saring bo kata biran.*

Audio: https://git.door43.org/OBS-TLF/srb_obs/releases/download/v1/srb_obs_v1_07_128kbps.m4a

## 8. Kitungan Josepon Do Anin A’sing Birindanji Adong Rabrabte

https://openbiblestories.org/l/srb/story-8/

![](https://cdn.door43.org/obs/jpg/360px/obs-en-08-01.jpg)

Ateng mihnum atiki, Bar Jakobon atalaiban ayamlingan, anin boi boi atimyimatin aonan, Joseph adongan anin abuhanganji do kimmedanji amelgijbin asan agarupa darakunaban appaietin.

![](https://cdn.door43.org/obs/jpg/360px/obs-en-08-02.jpg)

Josepho adong anin abuhanganji ateng asanggimleji, itin asan gamlenden a’uanji Josephon adong ateng timyimetin do anin abuhanganji alankalingan danegodtin gamle ganumten gijjetin. Angganti Josephon abuhanganji amangban iyaitin, seletin aninji Josephon adong hamanhamle bebara maranji amang timlaji.

![](https://cdn.door43.org/obs/jpg/360px/obs-en-08-03.jpg)

Josepon abuhanganji singan andreng yarraienji abmang, aninji Josepon asindri ridan ridle kimmeddan amihamlingan tabbubleji. Ansaring aninji kun sindrin a’uanji adong absuileji do tulab jontun kabhidle jumnetin gamle ogalte. Do Jakubon boi boi dukkadali.

![](https://cdn.door43.org/obs/jpg/360px/obs-en-08-04.jpg)

Do bebara maranji Josepon adong misar dissaban urrungleji. Misar dissan nila alloban bo surda, ranaptidam dissan dakuli. Bebara mranji a boantanji joseph adong boanta margi desan anamhana mranji among temlaji. Joseph bangsalogi desa murda mranji adong gankileten, do josepon adong absitaeten.

![](https://cdn.door43.org/obs/jpg/360px/obs-en-08-05.jpg)

Rajan asing boi joseph ampra balmantam aludben apsele ereted guijted, bindo joseph kitugan atemangling pintun a lumben absele asale. Anin boi brab-li do jolda sakhi baten abdusale joseph adong adhamham -le kraja sing apaetin. Kraja singan janag, Kitunlinga der der nan dakuli, bar kitungan aning adong absitaetin.

![](https://cdn.door43.org/obs/jpg/360px/obs-en-08-06.jpg)

Bagu mihnum atiki, Josep erdanusa lingan kun sidkoija krajo sing lingligan dakule. Bo togal pharo, ayingante a mandra misorangi raja gamlaji, anin bagu ganumten gidle glaipiangi deli. Ganumten agramgaman agadlamben asan aganalamaranji janang oplingle adraptieji.

![](https://cdn.door43.org/obs/jpg/360px/obs-en-08-07.jpg)

Kitungan Josep adong ganumten agalambin aranaptin tihyetin, anti asan Pharon Josep adong krojo singlingan saring urrunggaitin. Bar Josep Paron aganumte garamgaman apingbale gametin, “Kitungan gulji mihnum sikoija laapurgi janumjuman gadilti do gulji mihnum kantaran abmete.”

![](https://cdn.door43.org/obs/jpg/360px/obs-en-08-08.jpg)

Paron Joseph asan boi moihdali bar anin Josep adong misar disalingan anab bagu surda danne mar abme’etin.

![](https://cdn.door43.org/obs/jpg/360px/obs-en-08-09.jpg)

Josep mandranji adong gametin gulji mihnum bangsa ganaga tanartuman adetin ayamlingan ateng ganaga janumjuman tartumba. Anganti gulji mihnum kantaran yiraitin, Josepon mandranji yanti gamle barijlogi ganagan hangteji antin asan ganagan timetin.

![](https://cdn.door43.org/obs/jpg/360px/obs-en-08-10.jpg)

Do kantaran misar dissaban tumtid, bindo kinan dissalingan uante Jakub do anin asiing birindanji basuleji.

![](https://cdn.door43.org/obs/jpg/360px/obs-en-08-11.jpg)

Bar, Jakubon ganaga janumjuman ahibin asan misar dissaban a surda onanji appaietin. Abuhanganji ganagan ahilenji ayamlingan Josepon adong adnabmadeji.

![](https://cdn.door43.org/obs/jpg/360px/obs-en-08-12.jpg)

Bogad aninji bandalinji peddi gamle abuhanganji adong tungjingle gijjetinji, Josep aninji adong gametin, batongdongbinti. “ hen buhangbin, Josepon! Ambin donghen buanta dagi timantimle irsin alumle Bindo kitungan banagsan asan irbanangsan handrametin! Yiraiba misarlingan adakunaba hen ambin do siing marbinji asan ganaga janumjuman tihtabin.”

![](https://cdn.door43.org/obs/jpg/360px/obs-en-08-13.jpg)

Aganti Josepon abuhanganji su’ngan yarrin a’uanji ado’ng opunglaji Jakobon boi boi moih dale gametin Josepan kan sikkoij ameng daku,

![](https://cdn.door43.org/obs/jpg/360px/obs-en-08-14.jpg)

Jakobon talaiba mar dakuli janangden, akuddub su’ng birindanji ampra misar disaban yiretin do aninji kuddubanji tidtin basulaji. Bar Jakoban akahidlin apurba, anin a’onanji adong absittaetinji.

![](https://cdn.door43.org/obs/jpg/360px/obs-en-08-15.jpg)

Kitungan Abraam adong atiyetin a janibjib biranji Isakon, Jakubon, ansaring Jakubon a mihgal onaniji do aninji asing birindan hangleji. Bar Jakubon a mihgal onanji Israelanji amihgal teganji delaji.

*Apparmangta 37-50 kambolan saring bo katabiran*

Audio: https://git.door43.org/OBS-TLF/srb_obs/releases/download/v1/srb_obs_v1_08_128kbps.m4a

## 9. Kitunga Mojeson Adong Gudingte

https://openbiblestories.org/l/srb/story-9/

![](https://cdn.door43.org/obs/jpg/360px/obs-en-09-01.jpg)

Josepon kahidlin atiki, anin abirindanji misarlingan basuleji. Aninji do a birindanji ateng ayam sikoija misar disalingan basuleji do ateng parjanji delaji. Aninji adong Israelenji gamle ganudingan delaji.

![](https://cdn.door43.org/obs/jpg/360px/obs-en-09-02.jpg)

Bosua mihnum atiki, Israelanji ateng ganirsaiyan delaji. Misar bai ji Josepon asanaiyam baran aninji adnayimedji. Aninji Israelanji ateng adelinji asan batongleji. Bar kun ayaman Paron dissan abhanaetin do Israelanji adong misar bai ji abuantaji abme-etin.

![](https://cdn.door43.org/obs/jpg/360px/obs-en-09-03.jpg)

Misaranji Israelanji adong balamantaman ateng tarding singan do gardan janang gutulba gamleji. Do lagin baran bati amandrengnanji ateng dukkadagi dakuli, bindo Kitungan aninji adong absitaetin do aninji ateng passijan kudleji.

![](https://cdn.door43.org/obs/jpg/360px/obs-en-09-04.jpg)

Paron gijjetin do Israellanji ateng pasijan kudteji, do anin amandranji adong opungle gamentin Israellanji akuddub o’gerananji tuable nila aloligan appangdaba.

![](https://cdn.door43.org/obs/jpg/360px/obs-en-09-05.jpg)

Bo Israel ainsalon bo onger sijan kudetin. Anin kun pasijan aranabtin sikoija sole dakuetin.

![](https://cdn.door43.org/obs/jpg/360px/obs-en-09-06.jpg)

Ayengante ayam ayangan pasijan adong sole adraptied, anin pasijan adong karadhidan saring arabrabin asan aboi pilalingan piddle do Nilo alolingan appangdaetin. Pasijan akaki kunati yandeti gamle solin gijgijetin.

![](https://cdn.door43.org/obs/jpg/360px/obs-en-09-07.jpg)

Pharon adangardi o’nan kun pilan abkudle gijetin. A-yehangti ayam anin kun sana pasidjan gijetin, anin kun pasijan adong a’ondaman ambrij urungetin. Anin irgalamlabi pasijan ayang bo Israel boijan pasijan amemebin asan badin tzhyle dakuetin. Ayinganti ayam kun pasijan marangli do arduban sanaisai adeed ayangan kun pasijan adong Pharon adangadion abyaretin, butinti anin adong Mojesh gamle tihyumetin.

![](https://cdn.door43.org/obs/jpg/360px/obs-en-09-08.jpg)

Bo dinan, ayengante ayam Mojesh marangle, anin gijeten do bo Ebri mar ado’ng bo Misor bai tzdetin. Mojesh Israel maran a’dong a-rabrabbin assan eretingujetin.

![](https://cdn.door43.org/obs/jpg/360px/obs-en-09-09.jpg)

Kun ayamlingan Mojesh ogaletin do buteja adgihlinji, anin Misor bai adong tuable lakijlingan tiletin. Bindo bo mandra Mojesh alumetin abara gijetin.

![](https://cdn.door43.org/obs/jpg/360px/obs-en-09-10.jpg)

Pharon Mojesh alumetin abara galametin. Anin a’kabhibin asan Mojesh adong sajetin, bindo Mojesh Misor saring yeranyer-e jannanglingan dakunetin. Pharon a-kudub saanu maranji janang a’hangedji.

![](https://cdn.door43.org/obs/jpg/360px/obs-en-09-11.jpg)

Mojesh kun Misor dissan saring sangai tulablingan bo gupamedmar deli. Anin kun tiedti bo insolon adong sidrunglin do bagu pasijan hangetin.

![](https://cdn.door43.org/obs/jpg/360px/obs-en-09-12.jpg)

Anganti Mojeson akuharan amarndamedan gubbetin. Bo dinna Mojeson gijetin, itija irjumtudlabi togi hamagli. Anin hamangtudaan agijbin asan runkurdiban yirretin. Anganti anin runkurdi tuyali, Kitungan apungle gametin, “Mojesh panduinam tabna a’tananglinglen alabo Mariddam.”

![](https://cdn.door43.org/obs/jpg/360px/obs-en-09-13.jpg)

Anti saring Gamangtugan gametin, hen mandra damhenji akanalkal gihlai. Misor dissaban buanta baran saring Israelanji adong urrungbin asan hen dongnam paron amangban appaitam. Abraham, Isakon, do Jakobon amang jibjiblinaihen adisa Canaan aninji adong tihtai.

![](https://cdn.door43.org/obs/jpg/360px/obs-en-09-14.jpg)

Mojesh jalangle gametin, “bogad mandranji butin aman adong mangbalen appai-yamte gamlenjiden hen itin gamai?” Kitungan gametin, “HEN BUTINTE DAKU ANTATI HENNA DAKU. aninji oppungaji mangba bin HEN NA appai-hintin. Bar okij aninji adong oppungaji, ‘Hen Jioba, Abraam, Isakon, do Jakobon jujubinji tarda ayam a Kitungan.”

![](https://cdn.door43.org/obs/jpg/360px/obs-en-09-15.jpg)

Mojeson boi boi batongli do Pharon amangba adniyed itin asan gamlenden anin ogandi-etin anin sakkai birna birrin adraptie, antin asan Kitungan Mojesh a’buhang Arun adong sanayaman apsele appaietin.

*Hanagod 1-4 kambolan saring bo Kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_09_128kbps.m4a

## 10. Galji Kanalkalan

https://openbiblestories.org/l/srb/story-10/

![](https://cdn.door43.org/obs/jpg/360px/obs-en-10-01.jpg)

Kitungan Mojeso do Aruno adong abkilkille gametin Paron dardajin deti. Ayinganti ayam aninji Paro rajan amang yirreji, aninji anin ado’ng oblingleji, kan ambri Israelanji a’Kitungan oblingle do mandra henji yirbin apsele anordin tia! bindo parnon abirnanji anamdanged. Israelanji kambra baran saring aumrenbin adulna aniji adong kra login baran alumbin asan bahentiji!

![](https://cdn.door43.org/obs/jpg/360px/obs-en-10-02.jpg)

Paron parjanji adong yirbin asan dangdangetinji, seletin Gamangtungan Misor disaligan galji barongtonggijdagi rulingan appaietiin. Kan kanalkalan bati, Kitungan paron adong abgijetin do Misor disan akuddub kungdaijanji saring anin au’r ranabtidam.

![](https://cdn.door43.org/obs/jpg/360px/obs-en-10-03.jpg)

Kitungan Nilon aloda mihaman batte bandaetin, bindo Paron nami sikkoija Israelanji yeirbin apsele anordin atied.

![](https://cdn.door43.org/obs/jpg/360px/obs-en-10-04.jpg)

Kitungan Mishor disalingan kandudan appaietin. Paroun kun kandudanji absangaibin apsele Mojeson amangba labyu garbirrtin. Bindo kuddub kandudan a-kahidlin atiki, Paron anindaman ajie dardadam ame-etin do Israellanji anomdaed.

![](https://cdn.door43.org/obs/jpg/360px/obs-en-10-05.jpg)

Selitin Kitungan siyaih budan appaietin. Atiki aninji amangban bartang budan arullingan appaietin. Mojeson do aronan adong godingle gametin bar kan rullingan abdringnalenden, Mishor saring Isrelanji omdatai. Anganti Mojeson garbirnetin, kitungan kuddub rullingan opsadetin. Bar Pharon augaran rabdule do Mishor saring Israelanji yirbin asan anordin atied.

![](https://cdn.door43.org/obs/jpg/360px/obs-en-10-06.jpg)

Atiki, Kitungan Mishor desabaiji ajontunji adong assun bati kabhidetin. Bindo Paron augaran ranabdu deli, do anin Israelanji ado’ng ayirbin apsele anordin atied.

![](https://cdn.door43.org/obs/jpg/360px/obs-en-10-07.jpg)

Atiki Kitungan Mojesh adong gametin Paron atimanglingan kummaban puhingga. Ayinganti ayam kun anin lumetin, Mishor desabaiji adonglingan ki-ingleji, bindo Israelanji itijja adeed. Kitungan Paron a ugar abdardaetin, do Pharon Israellanji adong yeirbin asan anordin atied.

![](https://cdn.door43.org/obs/jpg/360px/obs-en-10-08.jpg)

Antatiki Kitungan Mishoranji Ajanrom aganaga do butten bairan dunglinaiji a mandranji a radsumbin asan arelan appaietin. Paron Mojeson do Aron adong gudingle gametin, “hen pintu lumlai. Amben yere arabtite.” Mojes garbernetin atiki, roangan saring Arelan aganalu ringlin.

![](https://cdn.door43.org/obs/jpg/360px/obs-en-10-09.jpg)

Bindo bar okij Paron pintun lumetin do augaran darda abmeetin. Bar Israel maranji adong ayirbin asan anordin atied.

![](https://cdn.door43.org/obs/jpg/360px/obs-en-10-10.jpg)

Bar Kitungan Mishor baiji alanka papparan apaiyaitin. Kan papparji ajanonglingan adakulin a kuddub janruman radsumleji.

![](https://cdn.door43.org/obs/jpg/360px/obs-en-10-11.jpg)

Anti atiki Kitungan yagi dinan apsele lanunguddan apaiyaitin. Kan ati boi boi lunguddam dakuli Mishorbaiji asinganji dunglin adraptiedji. Bindo Israellanji adakubalinanji panuangan dakuli

![](https://cdn.door43.org/obs/jpg/360px/obs-en-10-12.jpg)

Kani tinji rulingan atiki janang, Paron Israellanji adong ayeirbin atied. Ayinganti saring kan akuddub birna adnamdanged. Kitungan aboi attanakud rulingan apaibin asan ogalletin. Kan saring Paron anogandin bandalins.

*Hanagod 5-10 kambolan saring Bo katabiran*

Audio: https://git.door43.org/OBS-TLF/srb_obs/releases/download/v1/srb_obs_v1_10_128kbps.m4a

## 11. Anelai Abduran

https://openbiblestories.org/l/srb/story-11/

![](https://cdn.door43.org/obs/jpg/360px/obs-en-11-01.jpg)

Israelanji adong aomdabin asan Kitungan Mojes do Aron adong Paron amangban appaietin. Aniji Paron ado’ng abkilkile gamleji bogad aman Israelanji adong adnumrenglenden Misorlingan mandranji do jontunji adiba ongger onanji kahidteji. Paron kan ati amdangetin janagden, anin kitungan amangban addirned do abmanied.

![](https://cdn.door43.org/obs/jpg/360px/obs-en-11-02.jpg)

Ayingante amandranji Kitungan amang derlinji aninji a-deba 0-nanji a d’ong kitungan rabrabte. Dile si’gan aboi bangsa onger medan atuabbin deti.

![](https://cdn.door43.org/obs/jpg/360px/obs-en-11-03.jpg)

Kitungan Israelanji a d’ong kun murkundan a mihaman asui pangle as’inglingananji kuddubd darannilingan antati jodba gamle gametin. Aninji kun ajelun balbin deti. Atiki aninji bayale jelun jumben dete, rutipun batti maile ajumben dete. Kan aganaga a- jumten atiki Misor dissan a-saddibin asan angtir dakunaba.

![](https://cdn.door43.org/obs/jpg/360px/obs-en-11-04.jpg)

Israelanji Kitungan a- birnan ambrij kuddub lumleji. Tungar togalan, kitungan Misor desan sanle yirretin do kuddub a-diba o-nanji kaihdleji.

![](https://cdn.door43.org/obs/jpg/360px/obs-en-11-05.jpg)

Kuddub Israelanji a si’ng lingan akuddub daranilingan mihaman a-janod dakuli, ansaring kitungan elaile yerretin. Alungan adakulin amandranji mehenglaji. Aninji kimmeddan amiham batii ranabraban delaji.

![](https://cdn.door43.org/obs/jpg/360px/obs-en-11-06.jpg)

Bindo Misoranji Kitungan amang a-ddernedji orde a banai biran admaniedji. Anten asan kitungan aninji a-singbanji adnelaed. kitungan Misoranji akuddub adiba ongger onanji a d’ong kabhidetin.

![](https://cdn.door43.org/obs/jpg/360px/obs-en-11-07.jpg)

Misor baiji akuddub ongger onanji kahidleji, krojjo si’ng maranji asurda o-nanji saring Paron adiba onan sikoija kahidleji. Ateng Misor baianji danukkan batti edalinji do sintalinji.

![](https://cdn.door43.org/obs/jpg/360px/obs-en-11-08.jpg)

Anti a-togal, Paron Mojeson do Aron ad’ong gudingle gametinji, “Ambin Israelanji a d’ong baiyale Misor disan amdungle urrungbaji!” Misor baiji janag Israelanji ad’ong disalen umeng sadba gamleji.

*Hanagod 11:1-12:32 kambolan saring bo katabiran*

Audio: https://git.door43.org/OBS-TLF/srb_obs/releases/download/v1/srb_obs_v1_11_128kbps.m4a

## 12. Hanagoddan

https://openbiblestories.org/l/srb/story-12/

![](https://cdn.door43.org/obs/jpg/360px/obs-en-12-01.jpg)

Israelanji Misar dissan aomdabin asan boi boi moihdaleji. Aninji okij buanta maranjitid, do aninji janibjib disaban yerteji! Israelanji itinti ati garleji, manan sunan, rannan do kuddub janatidam janabanji janang misarranji tiyleji. Bigarda dissan saring butinti kitungan amang dirlinji Israelanji Misar dissan aomdalenji adnang aninji ampra yertumlaji.

![](https://cdn.door43.org/obs/jpg/360px/obs-en-12-02.jpg)

Tamban adnang bo surda sundangan ambrij lubtiran abmangnetin. Togalan adnang bo surda sundangan ambrij toogin abmangnetin. Aninji ahanagodlinanji adnang, Kitungan, butinti tarwbsunlingan do toogisunlingan dakuli, tordong ayam aninji ampra hanetin do tanggoretin. Bar kudubanji anin adong sandungleji.

![](https://cdn.door43.org/obs/jpg/360px/obs-en-12-03.jpg)

Asui ayam atiki, Paron do adisaling a-mandranji amonanji bandaleji. Aninji bar okij Israellanji adong boantamar abmeben itsumleji. Anten asan Israellanji adong sandung gongleji. Kitungan aninji amonanji bandaetin. Itin asan gamlenden kuddub manranji do Israellanji a’Kitung Paron do Misoranji a’Kitung saring a’ur ranabtidam galametiji gamle Kitungan kan ambrij lumetin.

![](https://cdn.door43.org/obs/jpg/360px/obs-en-12-04.jpg)

Ayinganti ayam Israelanji gijleji do Misor a-sanu maranji a-mangbanji yirtaji, aninji ogalleji do aninji Paron asanu maranji do ganingan atarangdi lingan gegelaji. Aninji boi boi batongleji do guleji, “itin asan anlen Misor omdlabi?” Anlen nami kaihdlangtin.

![](https://cdn.door43.org/obs/jpg/360px/obs-en-12-05.jpg)

Mojes Israelanji adong gametin, “abantongdong! Nami Kitungan ambin apsele sanutin do anin rabrabbintin.” Ansaring Kitungan Moses adong gametin, “kuddub mandranji ganingan adamba ayirbin asan aponga.”

![](https://cdn.door43.org/obs/jpg/360px/obs-en-12-06.jpg)

Israelanji do Misoranji atarangdi lingan tarub sundangan dennetin do togalan ayam lingan toogi sunan deli. Misoranji togalan ayamlingan Israellanji adamba rabti adnarduedji.

![](https://cdn.door43.org/obs/jpg/360px/obs-en-12-07.jpg)

Kitungan Mojeson adong ganingan alaningka sinam tirida gametin. Atiki Kitungan rangen bati ganingan kandrabardi do jandruom saring kietin, do kun tedti ganinglingan tangoran gadilli.

![](https://cdn.door43.org/obs/jpg/360px/obs-en-12-08.jpg)

Israelanji ganingan atarangdi bagu maneng daan akintal bati asar solingan halin yirreji.

![](https://cdn.door43.org/obs/jpg/360px/obs-en-12-09.jpg)

Atiki Misoranji Israelanji ardurlinji ati gijleji. Misoranji bar okij aninji adong sandong gongleji.

![](https://cdn.door43.org/obs/jpg/360px/obs-en-12-10.jpg)

Antin saring aninji ganingan atangorlingan sanle Israellanji adong sanleji, Bindo Kitungan Misoranji adong kanalkalan do kurtan janang kuddub yirre adraptieji. Aninji guan gule gamleji, “abrijnaba! Kitungan Israellanji apsele sanutin.

![](https://cdn.door43.org/obs/jpg/360px/obs-en-12-11.jpg)

Kuddub Israelanji ganingan amihtal arduleji. Atiki Kitungan Mojes adong da’an alanka sinam urpada gamle gametin. Angante Mojeson kun ambrij lumle, da’an Misoranji a’sanu maranji alanka lingan galuli do abmang ambrij yernetin. Kuddub Misor sanu maranji tabubleji.

![](https://cdn.door43.org/obs/jpg/360px/obs-en-12-12.jpg)

Anganti Israellanji Misoranji a’karahid gidleji, aninji Kitungan amang dirlinji. Aninji Mojes Kitungan a’tungmadgijmar gamle dirlinji.

![](https://cdn.door43.org/obs/jpg/360px/obs-en-12-13.jpg)

Israelanji janang boi boi mohoihlinji iten asan gamlenden kitung aniniji adong karhidan do boanta baran saring tandietinji. Kan saring aninji kitungan abernan amanebin do a-gankilbin asan anurdagi delaji. Israellanji ateng keninan kinle abdurlinji intin asan gamlenden aninji tabme anuran hanleji do Ktungan sinleji itin asan gamlenden Anin Misar asanu maranji saring aniji adong rabrabetiji.

![](https://cdn.door43.org/obs/jpg/360px/obs-en-12-14.jpg)

Kitungan Israellanji adong gametin Kitungan yan gamle Misoranji adong abladnaetin do buanta baran saring anuran ayembin asan dile mihnum abduran lumbin deti. Kun Abduran Anelai abduran gamle ganudingan deli. Kan anayim dina lingan bugi murkundadan tuaban tuable a-jelun balle gabrungsal rutipon bati ayimba.

*Hanagod 12:33-15:21 kambolan saring bo kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_12_128kbps.m4a

## 13. Israelanji Ampra Kitungan A’sanibdei Biran

https://openbiblestories.org/l/srb/story-13/

![](https://cdn.door43.org/obs/jpg/360px/obs-en-13-01.jpg)

Kitungan Israellanji adong sup ganigan atarangdi tangoretinji atiki, Anin ring ring darkunan sanle tangorre urungle Sinai baruban abarduetinji. Kanina abarulingan Mojeson rungkudilingan hamang tudan gijetin. Kuni abaru ajaita mandraji tuppusingan sabjaleji.

![](https://cdn.door43.org/obs/jpg/360px/obs-en-13-02.jpg)

Kitungan Mojeson do kuddub Israellanji adong gametin, “ambin hen adong manihiba do ambin ampra sanibdeibirhen dakuba. Bogad ambin kan ambarij alumlenden, hen saring ambin danetabin, boya maran adisan do marrid Tegan dete.”

![](https://cdn.door43.org/obs/jpg/360px/obs-en-13-03.jpg)

Mandranji yagi dinan sikoi aninji o’sbalinji etin asan gamlenden Kitungan adambanji yeiretin. Ansaring Kitungan Sinai abarunlingan ladsonaitin. Ayinganti ayam Anin yeiraitin, tidti dardaihtiran, sismilaitiran, umuddan, bar okij surakompeddan sanadan deli. Antin saring Moses anson baruban dajeti.

![](https://cdn.door43.org/obs/jpg/360px/obs-en-13-04.jpg)

Ansaring Kitungan mandranji ampra sanibdeibiran gabrietin. Anin gametin, “ Heninna Jihoba Kitungbin. Henna butinti Misoranji abuanta baran saring rabrabbintin. Bar, Biggarda kitungan adong agankildong.“

![](https://cdn.door43.org/obs/jpg/360px/obs-en-13-05.jpg)

“Kungdaijanji asabjadong do agankildong, itinsan gamlenden, hen, Jihoba, ambin apsele Henin na Kitungbin. Aman Gamang Kitungan ahiman kayatin ahandramdong. Layem dinnan Mariddam dakkubba. Ambin turudinalingan kuddub baran lumaba, anab gulji dinna aman apsele Layemna dina de-eti do donghen ayimte.

![](https://cdn.door43.org/obs/jpg/360px/obs-en-13-06.jpg)

”Ua-yang-nam a d’ong abmenga. Tuab mardongne. Jundarda dongne. jumbwrdongne. bukkai ber dongne. toitoisingmar-nam a dukrin, orde akuddub janabban alangka lingan gijmaddong.

![](https://cdn.door43.org/obs/jpg/360px/obs-en-13-07.jpg)

Kitungan aninji adong atiyetin a-banai beran amanebin assan kuddub mandranji ordileji. Aninji Kitungan tum ati do anintum gangkilbin asan ordilei.

![](https://cdn.door43.org/obs/jpg/360px/obs-en-13-08.jpg)

Kitungan janag Israelanji adong surda tambu singan subjaba gamle gametin - anadmaina tambusingan. Kitungan sakkai gametin yan ambrij kan tambu singan sabjabin dete do eten a janabanji adakuben dete. Anin aninji adong gametin do tambu singan baggu akkul singan abmele abansabin asan aboi surda sindrin sabjaba. Kitungan mital sindrin sansanlin akkul singban yertai do tete anin dakuten. Buyan Sadtan Kitungan a-dakkulingtinan ad-kul singan ganle rabtite.

![](https://cdn.door43.org/obs/jpg/360px/obs-en-13-09.jpg)

Mandranji amainabin apsele tambusingan amukaba aboi kanub Arangan sabjabin deti. Butinti Kitungan abanai biran ardieten anin Arangaban jontun apangbin deti. Kun ati buya maran tuabte do Gamang Kitungan apsele Arangaligan soile kubte. Gamang Kitungan gametin kun ajontu amiyaman bati mandran apintu ranubruban deti. Kan ambrij, Kitungan kun a’pintu o’kij agije. Kitungan aganijgijling kun amandra “Marid” do Roitad deti. Kitungan Mojeson abuyang, Aron adong, do Aron abirindanji adong Buyamar adebin asan sedaetin.

![](https://cdn.door43.org/obs/jpg/360px/obs-en-13-10.jpg)

Kitungan kan galji banai beranji bagu kintal arenglingan idole Mojes a dong tiyetin. Kitungan janang mandranji adong ateng a’nosoijan hamle ahanabin apsele tieti. Kitungan jzb jzb bireti butinti abirna dirtin anin ranab raban do anabsitan tiete. Bindo anin gametin bogad butinti abirna ad’dirne anin panadradan tiete.

![](https://cdn.door43.org/obs/jpg/360px/obs-en-13-11.jpg)

Bar ateng dinna sikoijja, Mojeson adong Sinai a’dih dih baruligan dakunetin. Anin Kitungan ampra a-rbirreji. Bindo mandranji adayarna apsele omdile museldahimleji. Bar aninji kungdaijan asabjabin asan Arun amangban suna panglaiji do Kitungan atanna kan ati agangkiltai gamleji. Kan ambrij, Kitungan asangimling barantunggijdagi apintun lumleji.

![](https://cdn.door43.org/obs/jpg/360px/obs-en-13-12.jpg)

Aron rannan batte aontangan ambrij kungadaijan sabjaetin. Mandranji kungdaijan a d’ong gankileji do kanuban pangle kubleji! Kitungan apintunji apsele boi boi barable. Do kitungan Mojeson adong opungle gametin hen kan amanddranji adong absietai. Bindo Mojeson Kitungan adong gametin aninji a d’ong abseddong. Kitungan aganarbiran amdangetin do aninji adong anabsieded.

![](https://cdn.door43.org/obs/jpg/360px/obs-en-13-13.jpg)

Anganti Mojeson Sinai barun saring ladsole yiraitin, Kitungan aidetin agalji banai beran abagu arengan anin tambedle yiraitin. Ayiganti ayim mojes kungdajan gijetin, anin boi boi barable do anin bagu kintal arengan tabadle sidetin.

![](https://cdn.door43.org/obs/jpg/360px/obs-en-13-14.jpg)

Ansaring Mojeson kun kungdajan soyetin do kumaban abmeetin. Anin kun kumaban jordalingan abadaile kun a da’a mandranji abgaetinji. Kitungan mandraji amangban ruligan adpaietin do kun linga ateng mandranji kahidleji.

![](https://cdn.door43.org/obs/jpg/360px/obs-en-13-15.jpg)

Mojeson arengan palletin anti panardu galji banaih biran asan tabme aregan sabjaetin. Ansaring anin mandranji atannamad apsele anin barun daile kitungan amang iyetin garbirne. Kitungan Mojeson agarbiran amdagle mandranji apintu tabmadetin. Mojeson galji banaihbiran tame areganlingan hamle dayaraitin. Ansaring Kitungan Sinai barulingan saring Kinnan disaban tanggoretinji.

*Hanagod19-34 kambolan saring Bo kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_13_128kbps.m4a

## 14. Ringring Tulablingan A’ardodgod

https://openbiblestories.org/l/srb/story-14/

![](https://cdn.door43.org/obs/jpg/360px/obs-en-14-01.jpg)

Kitungan Israelanji adong kuddub anosoijan aoplinggetin atiki do itin asan gamlenden anin aninji ampra asanibdei biran asan aninji kun ati amanibin deti. Anin Sinai barun saring aninji adong tangoreteji. Anin aninji adong janibjib disaban abardubin asan itsumeten. Kan adisa Kinan gamleji. Kitungan sundanggi aninji a mang a mang yeirti do kuddubanji sandungleji.

![](https://cdn.door43.org/obs/jpg/360px/obs-en-14-02.jpg)

Kitungan Israelanji aparjanji adong kun disan atihbin asan Abraham, Isakon, do Jakubon ampra jibjibnetin, bindo kan adisaling bigarda bigarda jatimaranji dakuleji. Aninji adong kinan bai gamleji. Kinan baiji Kitungan adong adgankiledji. Aninji joldasuaman adong gankileji do irandih a pintu lumleji.

![](https://cdn.door43.org/obs/jpg/360px/obs-en-14-03.jpg)

Kitungan Israelanji adong gametin, “janibjib disaban arduten atiki Kinan baiji adong ab-ladnabin deti. Ambin aninji ampra sanbyun adedong bar aninji adangardi onanji asidrung dongne, a’mbin kuddub akungdaijanji radsumba.

![](https://cdn.door43.org/obs/jpg/360px/obs-en-14-04.jpg)

Anganti ayam Israellanji Kinan dissan a-tannod adulai, Israel mihgal Tegan saring mihgall mandra a’dong gudingeti. Ayiganti adesa a’ganbin deti kun adesan iten ambarij a’galambin asan loinle lointale agiedbin asan Mojeson hanghangetin. Aninji janang Kinan amandranji ranaptidam odie irranapti abmedle a gijbin asan iylaji.

![](https://cdn.door43.org/obs/jpg/360px/obs-en-14-05.jpg)

Mihgel mandra Kinan a gidbin asan bakudi dinna hanagodlin yeraji, bar aninji yarrinaiji. Amandranji a’dong aninji gamleji, “labon boi boi paggadam do jandruman bangsa daku” bindo galji mandra gamleji, gardan boi boi ranaptidam do mandranji boi boi suradada! Bogad anlen sanulinben denaninji anlen adong abladnateji do kab hidtaji.

![](https://cdn.door43.org/obs/jpg/360px/obs-en-14-06.jpg)

Tabdong, Kalebo do Joshua, anab bagu melgid marji gamleji, “kan ate jaded na Kanan a’mandra ji lingka do ranbatidam, bindo anlen daitinbi aninji ladtinji! Kitungan anlen asan sanutin.

![](https://cdn.door43.org/obs/jpg/360px/obs-en-14-07.jpg)

Bindo mandranji Kaleb do Joshua abirnan ad’maniedji. Aninji Mojes do Arunon a-lanagka lingan barableji do gamleji, “aman iten asan anlen adon kan barantonghid dagi a-tulab ling urunglalen? Alen Misorlingan dakulinbinnan den detibadih. Bogad anlen kun adisan ganlabinden sanulingan, anlen kahidlangtin Kinan baiji onlenji do ansololenji adong boanta baran tibtaji।” Mandraji Misor dissan ayarnabin apsele bo danemar sedaleji.

![](https://cdn.door43.org/obs/jpg/360px/obs-en-14-08.jpg)

Ayinganti ayam mandranji kan ambarij gamleji, Kitungan boi boi barabli. Anin kun maina tanbusingban anin iyetin, “Ambin asanggimling hen atanangte. Antin asan kuddub kan ring ring tulablingan ambin ae-ndongte. Kuddubbin butinti bokudi minhnun saring aur aninji kahidtaji aninji angadeli janang kun desan adgijeji. Joshuan do Kalebo satta disalingan ganteji.”

![](https://cdn.door43.org/obs/jpg/360px/obs-en-14-09.jpg)

Anganti Kitungan birnetin mandranji amdangleji, do Kitungan gameted, aninji pintun alumlenji ati garroidlaji. do Kinan baiji ampra a-sanuna asan gabrijilinji. Mojeson opungile gametenji do ayeir dong itin asan gamlenden Kitungan anlen ampra adyeire-e, Bindo aninji a-bernan ad-namdangged ji.

![](https://cdn.door43.org/obs/jpg/360px/obs-en-14-10.jpg)

Kitungan aniji ampra sanu kuttaban ad-yeired, bar Kinan baiji abladnaleji do ateng mandranji adong tuableji. Atiki Israelanji Kinan saring da-yeirlinaji. Bakudi mihnum, aninji ring ring tulab lingan endunglaji.

![](https://cdn.door43.org/obs/jpg/360px/obs-en-14-11.jpg)

Kun Bakudi mihnum aninji ring ring darakunaban endunglaji, Kitungan aninji apsele ganagan tietedji. Anin ruangan saring pupun apayeited, ahiman manna. Aninji yanti gamle jelun jumteji anti asan Anin ruangan saring gudi ontidanji janang a-tambu sing banji appaietin(sarigoij aontiddanji). Kun a-kuddub ayamling, Kitungan aninji a’sindrinji a’ridbin do panduiyanji agoibin adtied.

![](https://cdn.door43.org/obs/jpg/360px/obs-en-14-12.jpg)

A’gabin asan da’an janang Kitungan tietin, Kitungan rubmangdagi arenglingan saring daan amdungetin. Kan akuddub hangleji janang den, Israel maranji Kitungan do Moses asanggimling birdungleji. Deli janang den, Kitungan aninji amanganji rojol dakuli. Anin a kuddub sanibdeibiran sanle Abraham, Isakon do Jakob abirndanji apsele lumetin.

![](https://cdn.door43.org/obs/jpg/360px/obs-en-14-13.jpg)

Bo ayaman mandranji amangalingan daan agasa dakuli, Kitungan Mojeson adong gametin, “arengan oblinga do kun saring daan dungtinai.” Bindo Mojeson arengan adnetied. Anten adulna arengan adong bagu tra dangun batii tidetin. Kan ambrij, anin Kitungan pudyinggetin. Kuddub mandranji apsele agabin asan Daan arengan saring dungnaitin, bindo Kitungan Mojeson alananka boi boi barabli. Anin gametin, “aman kan a kuddub baran lumlen asan aman janibjib disaban adgane.

![](https://cdn.door43.org/obs/jpg/360px/obs-en-14-14.jpg)

Israelanji ringring darakunaban bakudi mihnum endunglenji atiki, Kitungan asangimlenji amandraji kuddub kahidleji. Ansaring okij Kitungan janibjib dissaban tangorle urrunggetinji. Mojeson kun ayamlingan boi boi talaibali, antin asan Kitungan kun adissa abardubin asan Josuan adong sedaetin. Kitungan Mojeson adong jibjile gametin do bo dinna Mojeson ambrij bo tungmadgij mar anappaian deti.

![](https://cdn.door43.org/obs/jpg/360px/obs-en-14-15.jpg)

Antin saring Kitungan Mojeson adong opingle gametin do aman barun alangka daija bar jenibjib dissan igija. Mojeson janibjib dissan gijetinn bindo Kitungan kun adiissan a ganbin asan adtied. Atiki Mojeson kahidli do bakudi galji dinna sikoija sanabyu garbiran lumleji. Josuan tabme anabhanamar deli. Josuan boiboi bangsa abmang god mar itin asan gamlenden anin Kitungan aman dirnetin do abirnan manietin.

*Hanagod 16-17; Danisam 10-14; 20; 27; Bagujuana bir 34 saring bo kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_14_128kbps.m4a

## 15. Janibjib Disan

https://openbiblestories.org/l/srb/story-15/

![](https://cdn.door43.org/obs/jpg/360px/obs-en-15-01.jpg)

Anab takud lingan Israellanji Kinan lingan aganbin ayaam dakuli, kun ati jibjibna dissan. Kun a’dissalingan Jeriko gamle bo gardaan dakuli. Kan agardaan rabrabbin asan unji manengan raddu kintalan dakuli. Joshuan bagu melgij maranji gardan apaietin. Kun gardalingan Rahab gamle bo jundardi boi dakunetin. Anin kun bagu malgij maranji adong soe-tin, do kun agarda saring aninji adong ardurbin asan sayametin. Anin alumetin agaramgam anin Kitungan amang dirneten. Aninji jibjiblinji do Anganti Jeriko gardan a’nabsihdan deti antin ayamlingan Rahab do asing maranji adong rab rable gardan an’bsiddan deti.

![](https://cdn.door43.org/obs/jpg/360px/obs-en-15-02.jpg)

Israellenji janijib desan aganbin asan Jordan allo padbin deti. Kitungan Josuan adong opingle gamete, “buya maranji abmangnetiji.” Angante buya maranji kun alloban padjingleji, allo daan hanaben ringneten anten saring Israelanji asar labolingan halin allon padle yerreleji.

![](https://cdn.door43.org/obs/jpg/360px/obs-en-15-03.jpg)

Jordan allo kuddub mandranji apadlenji atiki, Kitungan Josuan a’dong gameten boi boi ranaptidam deli janag den, Jericho gardan a radsumbin asan angter dakunaba. Kitungan mandranji a’dong gameten do gardan ayar yar maneng buya maranji do sanu maranji tudru dinnan sikkoija bo dinan bo tra erderlin aendungben dete. Bar buyanji do sanu maranji kun ambrij lumleji.

![](https://cdn.door43.org/obs/jpg/360px/obs-en-15-04.jpg)

Kitungan ednegoi janang gameten do anabgulji dinnalingan Israellanji gardan ayar yar maneng gulji tara endungbin deti. Ansaring Buyanji a tattadu peddan pedetaji do kuddub mandranji uai sarangan bate guetiji. Kun ambrij aninji lumlaji.

![](https://cdn.door43.org/obs/jpg/360px/obs-en-15-05.jpg)

Ansaring Jiriko gardan ayar yar maneng a kintal gungle! Do Israellanji gardan a kuddub janaban radsumlaji, Kitungan a bahenten ambrij lumleji. Aninji satta Rahab do asingmaranji adong akkabhidedji, do aninji Israellanji bati mailinji. Kinan lingan a dakkunlinji abegarda marangji angante amdanglaji do Israellanji Jeriko gardan radsumlaji, aninji ogandilaji do Israelanji anlen ampra janag sanuteenji gamle boi boi batonglaji.

![](https://cdn.door43.org/obs/jpg/360px/obs-en-15-06.jpg)

Kitungan Israelanji adong bainle gameteji do ayiganti a parjanji Kinan lingan dakuji aninji ampra sanabyu sanibdeibiran alumdong. Bindo bo Kinan baiji aparjaling saring bo ompunji ahiman Gibeon, Josuan adong jaldale gameten do anlen Kinan desan saring boi boi sangai disan amandranji. Aninji sanabyu sanibdei biran alumben asan Josuan adong opungleji. Josuan do Israelanji abmangod maranji kan ate yaan tubtabe gamle Kitugan a’dong adnopunggedji. Anten apanadu aninji Gibeonji ampra sanabyu sanibdei biran lumleji.

![](https://cdn.door43.org/obs/jpg/360px/obs-en-15-07.jpg)

Yagi dinnan atiki, Israel maranji galamlaji do Gibeon a mandraji Kinan lingan dakulinji. Aninji barablaji iten asan gamlenden Gibeon baiji aninji a’dong joldalaji. Aninji Gibeon ampra sanabyu sanibdei biran dakulaji iten asan gamlenden kun a sanbyu beran kitungan atemanglingan lumlaji. Asuyah ayam atiki Kinan lingan a-dakulinanji Amorite a-raja amdanggeted do Gibeon parjanji Israelanji ampra sanbyu sanibdei biran lumlaji, kun saring aninji a sanu maranji a boi dele ad’parjalen Gibeon a-sangemling sanulinji. Josuan sanayaman apsele Gibeon adong birna apaee-ti.

![](https://cdn.door43.org/obs/jpg/360px/obs-en-15-08.jpg)

Josuan sanu maranji adong gudingle ruku eted. Tampagalan aninji Gibeon sikoija halin adulaji. Rayel tagaldan, aninji Amorait a sanu maranji adong abankaleji do aninji ampra sanulinji.

![](https://cdn.door43.org/obs/jpg/360px/obs-en-15-09.jpg)

Kun a-dinna lingan Israellanji apsele Kitungan sanuneted. Anin abankale arelan bati ateng mandranji kahidleji.

![](https://cdn.door43.org/obs/jpg/360px/obs-en-15-10.jpg)

Israellanji Amorait anasangimling yanti gamle ateng ayam sanulin abladnataji kun asan Kitungan uyungan a’dong ruanglingan tabnanggetin. Kitungan sanle Israellanji dailinji.

![](https://cdn.door43.org/obs/jpg/360px/obs-en-15-11.jpg)

Atiki Kitungan kun asanu mandranji adong abladnaeted, Kinanlingan adakulinanji akuddub ompunji, Israel adong abgegebin asan rukulinji. Josuan do Israellanji mailin aninji adong abgegele absi’dleji.

![](https://cdn.door43.org/obs/jpg/360px/obs-en-15-12.jpg)

Kun sanun atiki, Kitungan ajibjibneted adisa Israellanji akuddub birindanji adong tieti. Atiki Kitungan Israel disan ayar yar tannodban sanabyun bati dakuetin.

![](https://cdn.door43.org/obs/jpg/360px/obs-en-15-13.jpg)

Ayinganti ayam Josuan taledbali, Israellingan akuddub mandranji adong gudingle abrukueti. Josuan kuddub mandran adong abkilkille gametin do Kitungan ayingan asanibdeibir Sinai barulingan tieti kanati manibin asan abjibjibetedji atiki kuddub mandranji Kitungan anosoi hambin asan jibjiblinji.

*Josua 1-24 Kambolan saring Bo kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_15_128kbps.m4a

## 16. Tanandi Maranji

https://openbiblestories.org/l/srb/story-16/

![](https://cdn.door43.org/obs/jpg/360px/obs-en-16-01.jpg)

Josuan a’kahidlin atiki, Israelanji Kitungan adong ardileji. Aninji Kitungan anosoijan ad’dirneji, do aninji janib jib gardan saring kuddub Kinan disan amandranji adong amdungle adraptieji. Israelanji sakkai Kitungan apanadu Kinan disan akungdaijanji adong sinkindraleji. Do Israellanji amang rajan addakued, bar antin saring kuddub mandran aninji anogandinji jadih gamle antati aniji lumteji.

![](https://cdn.door43.org/obs/jpg/360px/obs-en-16-02.jpg)

Kitungan adong adnamdangeji, Israellanji bigarda taramtaman alumbin asan bar okij susuleji. Kun ataramtam kan ambrij deli do: Israellanji a’Kitung adong dilemihnum sikoija admaniedji, atiki Kitungan aninji adong asangim maranji appaile sanulingan abladnale padradetinji. Kuni akuddub asangim maranji Israellanji akuddub janabanji jumbirlinji, abitinji radsumleji, do ateng mandranji adong tuableji. Atiki Israelanji asanggim maranji ateng mihnum sikoija danelingan dakuleji, Israellanji pintun saring daiyarle Kitungan adong a-rab rabanji asan gudingleji.

![](https://cdn.door43.org/obs/jpg/360px/obs-en-16-03.jpg)

Anganti anganti Israellanji abyar jielinji, Kitungan aninji adong rab rabtiji. Ranabrab maran apaile Israelanji asangim maranji adong abladnale rab rabbetiji. Ansaring kun aranab rab maran bati disan sanabyun bati anbhanan deti. Kitungan ateng ranab rab maranji adong appaietin. Kitungan bar okij Midiaananji a’dong Israellanji amangba appaietin, do Israellanji abladnaetiji.

![](https://cdn.door43.org/obs/jpg/360px/obs-en-16-04.jpg)

Midiananji gulji mihnum sidkoija Israellanji ajandrumanji pangleji. Israellanji boi boi bantongleji, aninji midionji saijle ad’hangenji ambrij lungarligan solinji. Anab takudlingan ranab raban ahangbin a-san Kitungan gudingleji.

![](https://cdn.door43.org/obs/jpg/360px/obs-en-16-05.jpg)

Gedion ahim bo Israel mar dakuli. Bo dina, Midion baiji yanti gamle adjumbirneji antin asan solin gamosoran alinetin. Do Jihoban APisidian Gideon amangban ihle ani adong gametin, Kitungan aman ampra daku, kuddub ayam ranabtidam. yera do Israelanji adong Midian amandranji saring irabrabaji.

![](https://cdn.door43.org/obs/jpg/360px/obs-en-16-06.jpg)

Gideon a’uan amangba bo aranga dakuli tietilingan anin kungdaijan sinpuretin. abmang Kitungan Gideon adong gametin kun ati lumbin deti bindo anin kun aranga paniddan adebin deti. Bindo Gedion mandraji adong batongli, salitn anin togallingan jzb jzbneti. Kun saring aranga pailesidle. Kun saring anin Kitungan apsele aboi aranga sabjale kunlingan Kitungan apsele kanuban tiyle.

![](https://cdn.door43.org/obs/jpg/360px/obs-en-16-07.jpg)

Anab tagalda mandraji gijleji do kun aranggan pudle pai paile sidleji, salitin anin a’ur dukadaliji. Gideon adong tuabbin apsele a-singan sidkoija yeirreji, bar Gideon a’ua gametin “ambin itin asan Kitungbin arabrabte? Bogad anin Kitungden, anindaman rabrabdamneti!“ Salitin anin gametin, mandranji Gideon adong atiddehji.

![](https://cdn.door43.org/obs/jpg/360px/obs-en-16-08.jpg)

Bar Israellanji adong akudub janabanji pangbin asan Midionlingan amandraji bar aki-e dayerleji. bar aninji er danisam dagi dakulleji. Gedion anin asanggimlingan sanunabin apsele abotakud Israellanji adong gudingleji. Gedion Kitungan adong bagu arabmaddan garetin do iti ati jadi detina. Bar Kitungan jadidtin anin adong Israelanji adong rabrabbin asan opingte gamle galametin.

![](https://cdn.door43.org/obs/jpg/360px/obs-en-16-09.jpg)

Aparmangta anabmaddan, Gideon murkundardan ausal labolingan dakueti do Kitungan adong gametin do togalan ayamligan kasiranbati kani murkundardan ausaltum dadaeti do laboligan ati dada donggenti. Kitungan kan ambrij lumetin. Anabbiyo atogal, bar okij anin gametin do labon ati dadaetin do murkundarda ausal asardakuetin. Kitungan kun ambrij lumetin. Itin asan Gamlenden kun bagu arabmaddan sanle, Gideon Kitungan amanglingan dirnetin do jadihna Kitungan anin bati Israelanji adong midion amang saring rabrabte.

![](https://cdn.door43.org/obs/jpg/360px/obs-en-16-10.jpg)

Ansaring Gideon sanu maranji a’dong gudingeten, do 32,000 onggeranji yerraiji. Bindo Kitungan gameten do kan ate boi boi ateng. Atiki a-bantong lenji amandranji Gideon 22000 mandra singban appaieten. Kitungan Gideon a’dong gametin do namihen janang ateng mandran. Ansring Gideon yagi sua mandran sadle kuddub mandranji a’dong appaieten.

![](https://cdn.door43.org/obs/jpg/360px/obs-en-16-11.jpg)

Anten a’togal Kitungan Gideon a’dong gameten, “Midionanji a tambusing ba ladsole itinte abertinanji a’ti e-amdanga. Itinti aniji gamteji amdanglenden, irbangtongle do irab ding dingle aninji batti sanulin rabptite. Do anten a-tagalan, Gideon a-tambu sing banji ladsole e-yeiretin do Midiyonanji bo sanu mar a-dudu maran a’dong gameten hen, aboi ganumten giylai a-gunumten a-sanumaranji anlen a-dong abladnale daitinji. Iye hangte ayam Gideon kan Berna amdangle anin Kitungan a’dong sinpuretin.

![](https://cdn.door43.org/obs/jpg/360px/obs-en-16-12.jpg)

Atiki Gedion asanumaranji amang dayeirtin do aninji adong Jantun adiring tihetin, labo dangan do tanapo kuddub mandran adong tieti. Aninji Midion baiji asanumaranji abladnale adarakuna kerembaleji. Gideon yagi sua sanumaran amanglingan labo danglingan tanapon hamleji do Midionnaji tanapon apuang gidle adrabtiedji.

![](https://cdn.door43.org/obs/jpg/360px/obs-en-16-13.jpg)

Atiki Gideon akuddub sanumaranji haddab ayamligan a’labo danganji palle sidleji, abumung tanapon tudan gijtali. Aninji tatudun pedleji do guleji, Jiuba Kitungan do Gedion akadib apsele.

![](https://cdn.door43.org/obs/jpg/360px/obs-en-16-14.jpg)

Kitungan Midionanji adong abumungetiji do aninji aninjidaman artuableji. Tabdong, Gedion Midionnanji adong a’ganbin asanggimbin apsele Israellanji atimang do asingbanji appaibiretin. Aninji butibuti adong tuableji do atalna maranji adong Israel disan saring bayiran gongle sidleji Kitungan 1,20,000 Midionanji adong kun adinan kabhiddetin.

![](https://cdn.door43.org/obs/jpg/360px/obs-en-16-15.jpg)

Kudub mandranji Gedion adong raja abmebin asan itsumleji kun ati Gideon alumbin asan adtied, bindo aninji kuni Midionanji akuddub ranan jumbirre pangleji. Kun amandraji Gideon adong adlagab ranan tiyeleji.

![](https://cdn.door43.org/obs/jpg/360px/obs-en-16-16.jpg)

Ansaring Gideon murda buyanji apsele ranan bati bo bigarda tamseng rarotudna sabjaetin. Bindo mandranji kan ati bo kungdaijan ambrij sinkindrabin asan susulinji. Bar Kitungan Israelanji adong padradetin itin asan gamlenden aninji kungdaijanji adong sinpurleji. Kitungan asanggim maranji Israelanji adong abladnabin asan anordin tietin. Atanakudlingan aninji Kitungan adong bar okij sanayaman asan gudingleji, do Kitungan bo bigarda ranabrab maran adong amangbanji appaietin.

![](https://cdn.door43.org/obs/jpg/360px/obs-en-16-17.jpg)

Kani ambrij ateng ayam deli: Israellanji pintun lumlenji do Kitungan aninji adong paddradeteji, abyarjihilinji den Kitungan bo mandra appaieten atiki. bigarda asanggim maranji saring arab rabin asan ateng mandra anapaiyan deli.

![](https://cdn.door43.org/obs/jpg/360px/obs-en-16-18.jpg)

Anab takulingan, bigarda disan ambrij mandranji bo rajan Kitungan adong garreji. Aninji ranaptimar do linkamar raja abmebin asan itsumleji, do butinti sanulingan abhanale rabtite. Kitungan kan aganargaran adnisumed, bindo aganargaranji ambrij Kitungan bo raja aninji adong tieti.

*Bitsara 1-3; 6-8; 1 Samuel 1-10 Kambolan saring Bo Kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_16_128kbps.m4a

## 17. Daudon Ampra Kitungan A’janibjib

https://openbiblestories.org/l/srb/story-17/

![](https://cdn.door43.org/obs/jpg/360px/obs-en-17-01.jpg)

Saulon abmang Israelanji araja dakuli. Mandranji asanai sai ambrij lanka do tamsengmar anin dakuli. Saulon abmang asuimihnum apsele bangsa raja dakuli do anin Israelanji adong abhanaetin. Bindo ansaring anin duahain mara do anin Kitungan adong admanied, anti asan Kitungan bodina bo bigarda mar adong raja abmebin asan sedaetin.

![](https://cdn.door43.org/obs/jpg/360px/obs-en-17-02.jpg)

Israelanji amang saring Daudo gamle bo dangardan adong Kitungan sedale do Saulon apanadu bodinna rajan abmebin asan anin adong osbaetin. Bethel agardalingan Daudon bo gupamed mar dakuli. Biggarda ayamlingan anganti Daudon auan amurkunda agubetin ayamling singhon kidan do kambudan tuabetin. Daudon lagad do Roitad mar dakuli. Anin Kitungan amang dirnetin do manietin.

![](https://cdn.door43.org/obs/jpg/360px/obs-en-17-03.jpg)

Daudon bo dangarda mar adakuli ayamling, anin Goliath gamle bo rakiason asangimling sanunetin. Goliath aboi bangsa sanumar dakulil. anin boi boi radumar do yagi mitor alankan dakuli! Bindo Kitungan Daudon adong Goliath atuabbin asan sayamle do Israelanji adong rab rable. Anti atiki, Israelanji asanggimar saring Daudon ateng dainan yangetin. Daudon bo surda sanumar deli, do anin sonun ayamling Israelanji asanumarji adong abhanaetin. Bar mandranji anin adong boi boi sinkindraleji.

![](https://cdn.door43.org/obs/jpg/360px/obs-en-17-04.jpg)

Mandranji Daudon adong ateng timyimleji asan Saulo rajan anin adong asangimdali. Atanakudlingan Saulon anin atuabbin asan itsummetin, Daudon Saulon do sanumaranji amang saring sonabin asan sanggai ringring darakunaban yiretin. Bo dina anganti Saulon do asanumaranji anin adong saijbin asan yireji, antin ayam Saulon lungar ban yeiretin. Daoudon asonetin alungarlingan Saulon janang sonetin, Bindo Saulon anin adong adgijed. Daudon Saulon amang adamdam yirre anin asindrin asui gadle panggetin. Atiki, Saulon lungaran omdale yirretin, Daudon surda sarrangle gule asindrin hamle tiridle absuijetin. Kan ambrij, Saulon galametin do Daudon raja adebin asan anin adong adtuabed.

![](https://cdn.door43.org/obs/jpg/360px/obs-en-17-05.jpg)

Asui ayam atiki, Saulon sanuligan kahidli, do Daudon Israelanji raja deli. Anin bangsa raja dakuli, bar mandranji anin adong timyimleji. Kitungan Daudon adong absitale do anin adong abdainaetin. Daudon ateng sanunetin, do Kitungan anin adong sayamle Israellanji asangim marji adong abladnaetin. Daudon Jerusalem gardan abladnale do kan agarda murda gardan abme’tin, uanti anin dakunetin do abhanae-tin. Daudon bakudi mihnum sikoija raja dakuli. Kun ayamligan, Israel disan barij ranabtidam do bitin bati barij dakuli.

![](https://cdn.door43.org/obs/jpg/360px/obs-en-17-06.jpg)

Kitungan asinkinrabin do kanuban atiebin asan Daudon Israel maranji apsele bo sarebasingan sabjabin asan ogaletin. Bar 400 mihnum ambrij, Mojeson asabjaetin atambusing lingan mandranji Kitungan adong sinpureji do kanuban kuble yirraiji.

![](https://cdn.door43.org/obs/jpg/360px/obs-en-17-07.jpg)

Bindo Nathon gamle bo tungmad gihmaran dakuli. Kitungan anin adong kan ati aopingbin asan appaile gametin: “Aman ateng mandranji ampra sanulin, anti asan aman hen apsele sarebasingan sabjale adrabtie. Kan ati Dangarda onnam gutulte. Bindo namintan sikoija, hen dongnam ateng absitam. Birindanam saring bo mandra ditordong sikoija mandrahenji adong abhanate!” Daudon abirinda saring satta arajaman ditordong abhanate anin na Mesian. Mesian na Kitungan asaneda mar butinti ordaran amandranji adong pintun saring rabrabte.

![](https://cdn.door43.org/obs/jpg/360px/obs-en-17-08.jpg)

Angati Daudon Nathon abirna amdangetin, anin Kitungan adong sinetin do abguguetin. Kitungan anin adong dane goddan do ateng anabsitan tietin. Kanati sakkai, Kitungan angan itin lumte anti abirna Daudon adgalamed. Anlen kuddublen agalam do Israellanji Messian adayarna apsele ateng mihnum sikoija aomdibin deti, 1000 mihnum ambrij omdileji.

![](https://cdn.door43.org/obs/jpg/360px/obs-en-17-09.jpg)

Daudon a mandranji a’dong ateng mihnum asan abhanaetin. Anin Kitungan a’dong manietin, do Kitungan anin adong boi boi absitaetin. Ateng mihnum atiki, anin Kitungan adong asangimle surda pintun lumetin.

![](https://cdn.door43.org/obs/jpg/360px/obs-en-17-10.jpg)

Bo dinna, Daudon arajam singan saring bo insalon aumanetin ati gijetin. Anin insalon adong adgalamed, bindo anin insalon ahiman saijle do ahiman Bethsheba.

![](https://cdn.door43.org/obs/jpg/360px/obs-en-17-11.jpg)

Anin ir-opsadmadlimbi, osantan Daudon kun Insolon adong aurungbin asan bo mandra appaietin. Anin bati dakunetin atiki anin adong bar si’ngan appaietin. Asui ayam atiki, Bethsheban Daudon amangban hen apanguron gamle birnan appaietin.

![](https://cdn.door43.org/obs/jpg/360px/obs-en-17-12.jpg)

Bethsheban atanongba Uriah gamle dakuli. Anin aboi Daudon abangsa sanumar dakuli. Kan ayamligan anin sanuban yiretin. Daudon sanuban saring Uriah adong gudingle do anin gametin insalonam bati yira. Bindo Urian sanun sadle singban ayerbin asan dangdangle do sanumaranji amang yarretin. Urian yantigamle sanukutalingan kahidti anti asan radu sanumaranji amaneng anin adong adakubin asan Daudon murda sanu maran adong opungetin. Kan ati na deli: Urian sanukutaligan na kahidli.

![](https://cdn.door43.org/obs/jpg/360px/obs-en-17-13.jpg)

Urian sanuligan kahidlin atiki, Daudon Bethseban adong sidrunglin. Atiki anin Daudon aonger sihjan kudle Daudon ayinganti abaran lumle kun ati Kitungan boi boi barabdali, kun saring Kitungan bo tungmadgid mar Nathon Daudon alumetin apintu aor ir-bansa gamle opingbin asan appaietin. Daudon pintun saring abyarji’netin bar Kitungan anin adong tabmadetin. Bar amandrengmatan sikoija anin kanalkal ayamlingan anin janangden Daudon Kitungan sandungle do manietin.

![](https://cdn.door43.org/obs/jpg/360px/obs-en-17-14.jpg)

Bindo Seletin Daudon a’on kahidli. Kan ambrij Kitungan Daudon adong panaradan tiyetin. Daudon inrang kahidden sikoija, asingdaman saring dajinganti mandranji anin asangim lingan dilinji, do Daudon aranaptin ateng si’edli. Bindo Kitungan boi boi asuiyimdam do anin Daudon apsele itinti lumbin asan sibdeibirnetin kun ati Daudon Kitungan abirnan abmanietin janangden anin lumetin. Atiki, Daudon do Bethseban bar okij bo Onger onan hangleji, do aninji Solomon gamle tiyhimleji.

*1 Samuel 10; 15-19; 24; 31; 2 Samuel 5; 7; 11-12 Kambolan Saring Bo Kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_17_128kbps.m4a

## 18. Panalang Rajaman

https://openbiblestories.org/l/srb/story-18/

![](https://cdn.door43.org/obs/jpg/360px/obs-en-18-01.jpg)

Daudon rajan bakurdi mihnun disan abhanaetin. Atiki anin kahidli, ansaring a-onan Solomon Israel alananka abhanabin asan susunetin. Kitungan Soloman a’dong opingle gametin hen saring aman itin Sanaisai do hen aman apsele iten lumai. Solomon Kitungan adong opungle hen ordarlingan kuddub mandranji saring ganalamar abmeih. Kan ati Kitungan boi boi moihdali, bar anin Solomon adong ordarlingan kuddub saring ganalam mar abme’tin. Solomon ateng janab hangnetin do kuddub rajanji saring anin ganalam anabhanamar dakuli. Kitungan anin a-dong biti mar janang abmetin.

![](https://cdn.door43.org/obs/jpg/360px/obs-en-18-02.jpg)

Jerusalam lingan, Solomon Kitungan asarebasingan gutuletin ayinganti ati a-uan, Daudon ogaletin do kuddub janaban rukule oskaietin. Mandranji anti saring Kitungan a’dong gankillaji do tombu singlingan kanuban irkublabi Kitungan a’sareba singlingan kanub kuban kubleji. Kitungan sareba singlingan yeraitin do Kitungan amandranji ampra dakuetin.

![](https://cdn.door43.org/obs/jpg/360px/obs-en-18-03.jpg)

Bindo Soloman bigarda disan ainsalonji a’dong boi boi timyemetin. Anin ateng do boajar insalon dakule Kitungan adong admanied! Kan insalonji bigarda bigarda disan saring yiraiji do aninjidaman akitungan panglaiji do kun akitungji adong gankille dakkuleji. Solomon atalaibalin ayamlingan, anin janang insalonji akitunganji gangkiletin.

![](https://cdn.door43.org/obs/jpg/360px/obs-en-18-04.jpg)

Kan a-kuddub asan Kitungan Solomon alananka boi boi barabli. Kitungan anin adong paddradbin asan arajaman bagu panalangan abme’tin. Kan a kuddub Soloman a-kahidten atiki anin lumte.

![](https://cdn.door43.org/obs/jpg/360px/obs-en-18-05.jpg)

Solomon akkahidlin atiki, adangarda onan Rehobiyam Raja deli. Israel disalingan kuddub mandranji aboi dele anin adong raja gamle jaleji. Aninji Rehoboam amangban gamleji do Solomon ateng lagin baran baihnlentin do ateng panu abjijilentin. Aninji Rehobiyam adong asui baran baihnlen gamle opingleji.

![](https://cdn.door43.org/obs/jpg/360px/obs-en-18-06.jpg)

Bindo Rehobiyam keka dagi aninji adong jalangle gametin. Anin gametin, “ambin agamte do Uahen, Solomon, ateng baran baihnbintin. Bindo anin saring hen a’ur lagin baran baitabin, do hen anin saring boi boi lagin do danuka baran baitabin.”

![](https://cdn.door43.org/obs/jpg/360px/obs-en-18-07.jpg)

Anganti ayam anin agadlametin a’birnan mandranji amdangleji, dajinganti mandranji anin asanggimlingan dilinji. Galji teganji anin adong omdaleji; bagu Teganji satta anin ampra dakulinji. Kani bagu teganji aninji daman Judan arajam gamdamlinji.

![](https://cdn.door43.org/obs/jpg/360px/obs-en-18-08.jpg)

Bar galji teganji aninji apsele Jerobam adong raja abmeleji. Kani ateganji kun a-disaba rarei sadyung amaneng dakuli. Aninji aninjidaman Israel arajaman gamle tiyhimleji.

![](https://cdn.door43.org/obs/jpg/360px/obs-en-18-09.jpg)

Salitin Jerobam Kitungan asangimling yirre do mandranji adong ab-irsietin. Anin amandranji apsele saninkindra lumbin asan bagu kungdaijan sabjale. Nami Juda disan Jerusalem lingan Kitungan aserebasing lingan sinkindrabin apsele adyerreji.

![](https://cdn.door43.org/obs/jpg/360px/obs-en-18-10.jpg)

Juda disan do Israel desan arsangimleji do aninjidaman ditordong sanulinji.

![](https://cdn.door43.org/obs/jpg/360px/obs-en-18-11.jpg)

Tabme Israel disalingan, kuddub rajanji duain do irmarid dakuleji. Israelanji saring butinti aninji raja danne ahangbin asan itsumleji aninji titti adakulinji ateng rajanji adong kabhidleji.

![](https://cdn.door43.org/obs/jpg/360px/obs-en-18-12.jpg)

Israel disalingan kuddub rajanji do kuddub mandranji kungdaijan adong sinpurreji. anganti aninji kan ambrij lumleji, aninji ditordong jundardi boijanji ampra dakulinji bar aninji a’onanji adong kungdaijan amangban kubleji.

![](https://cdn.door43.org/obs/jpg/360px/obs-en-18-13.jpg)

Juda disan arajanji Daudon ategaji dakuli. Dajinganti arajaji bangsa do roitad dakuliji bar aninji ranoitaddagi disan abhanaleji do aninji Kitungan adong sinkindraleji. Bindo Juda disalingan ateng duain rajanji dakuleji. Aninji danuaihan bati abhanaleji, do kungdaijan adong sinpurrleji. Ednegoi dajingti rajanji dakuleji do aninji adiba o’nanji adong kungdaijanji amangban kubleji. Ateng Juda disalingan amandranji Kitungan asanggimle dilinji do bigarda bigarda kungdaijanji sinpurlaji.

*1 Kings 1-6; 11-12 Kambolan Saring Bo Kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_18_128kbps.m4a

## 19. Tungmadgij Maranji

https://openbiblestories.org/l/srb/story-19/

![](https://cdn.door43.org/obs/jpg/360px/obs-en-19-01.jpg)

Israelanji amang Kitungan ditordong tungmadgij maranji adong apaiyetin. Tungmadgij maranji Kitungan abirna amdangle mandranji adong oblingleji.

![](https://cdn.door43.org/obs/jpg/360px/obs-en-19-02.jpg)

Aaab Israellanji arajamling raja adakulin adnang Eliyon bo tungmadgijmar dakuli. Ahab bo ir-bangsa mar dakuli. Anin mandranji adong baal gamle bo kitungan adong asinkinrabin erretin guijetin. Seletin Eliyon Ahab rajan adong gametin do Kitungan mandranji adong panadradan tiyte. Anin adong oblingle gametin, “anganti sikoija hen kan tidnelingan tarubeti gamle adgamai kun ayam sikoija adtarube orde adgasirae.” Kan asan Ahab rajan barabli do Eliyon adong atuabbin asan eretin gujeitin.

![](https://cdn.door43.org/obs/jpg/360px/obs-en-19-03.jpg)

Bar Kitungan Eliyon adong gametin Ahab rajan amang saring yirre ringring darakunaban isona. Bar Eliyon kun abirnan sanle Kitungan absuijetin aringring darakunalingan sonaban yirretin. Dile tagaldan do oruban ontiedan rotipon do jelun pangetin. Kan ayaman lingan, Ahab do asanu maranji Eliyon adong saijleji bindo ani ad-hangedji.

![](https://cdn.door43.org/obs/jpg/360px/obs-en-19-04.jpg)

Itin asan Gamlenden titti taruban addakued, asui ayam atiki dungdamnadan ahadli. Bar Eliyon kun titti saring tuiyadaman bo bigarda disan yirretin. Kun agardalingan bo banagidam juarboijan do a’onan dakulinji. Aninji tanartuman adakuedan asan aganaganji ahidbin ati dakuliji. Bindo deli janang, insalon Eliyon ganagan atiyetin asan Kitungan insalon do aonan apsele ganagan tietin. Anin abanrai daradkulingan do miyolan addarkudlingan angaja adnahided. Kantaran ayamlingan aninji ganagan hangleji. Eliyon yagi mihnum sikkoija titti dakunetin.

![](https://cdn.door43.org/obs/jpg/360px/obs-en-19-05.jpg)

Yagi mihnum tuddru angai atiki, Kitungan bar Eliyon adong oblinggetin bar okij hen taruban ab’mehtai. Kitungan Eliyon adong Israel disaban yarna do Ahab rajan bati i-arbira. Seletin Eliyon Ahab amang yiretin. Anganti Ahab anin adong gijetin, anin gametin, “Aman tedne tananga, aman kanalkalan asabjamar!” Eliyon abyarbirre gametin, “kan aman na kanalkalan asabjamar! Aman Yahaweh Kitungan adong omdale. Anin roitad Kitungan, bindo aman baal kungdaijan adong gankilte. Namihen aman kuddub Israel maranji a’dong Carmel baruban urungbin deti.

![](https://cdn.door43.org/obs/jpg/360px/obs-en-19-06.jpg)

Bar kuddub Israellanji Carmel baruban yeraiji. Ayingante amandraji baal a-bernan aoblingtai gamleji aninji janang titti yirraiji. Kani a-kuddub baal sonuman a tungmadgij maranji dakuli. Aninji 450 delaji. Eliyon mandranji adong gametin, “ Amben dajing ayam sikkoija monnabin a-bandate? Bogad Yahweh Kitungan den, anin a’dong gankilba! Bindo bogad Baal Kitungan den, anin adong gankilba!”

![](https://cdn.door43.org/obs/jpg/360px/obs-en-19-07.jpg)

Ansaring Eliyon baal a-tungmadgij maranji a’dong gametin, “Onggertangan tuaba, a-jelun bantiba, atiki sanoy kanublingan jelun pidba, bindo tetti lingan to’gin a-soidong. Kun ambrij hen janang tiki lumtai, do hen bigarda sanoy kanub aranglingan jelun pidtai. Ansaring bogad Kitungan kun sanoy kanuban arangalingan to’gin appayaitin den, ambin a-galamte do anin na sakkai Kitungan.” Bar baal a tungmadgij maranji kanub arangan sabjaleji bindo aninji to’gin adsoyedji.

![](https://cdn.door43.org/obs/jpg/360px/obs-en-19-08.jpg)

Ansaring baal atungmadgij marji baal a’dong gudinglaji, “Ganudinglen amdangaa, baal!” Bo Dinnasing sikkoija aninji gudingleji do uai sarangle guleji do kundin bati aninji daman gaddamlinji do podam linji, bindo Baal adjalangedji, anin to’gin adnapayaited.

![](https://cdn.door43.org/obs/jpg/360px/obs-en-19-09.jpg)

Baal atungmadgij marji dinna sikkoija Baal amangban garbirlinji. Aninji tanakud lingan garbiran kaddablinji. Ansaring Eliyon biggarda aranga lingan biggarda tangliyan a-jelu kanub arangalingan Kitungan apsele dakkuetin. Antatiki, jelun, angalan, do kanub arangaban yaryar manengan asoldan janag adadatin sikkoija mihgal godiya daan arubin asan mandranji adong baihentin.

![](https://cdn.door43.org/obs/jpg/360px/obs-en-19-10.jpg)

Ansaring Eliya garbernetin, “Yahweh, Abraam, Issako do Jakubo a-Kitungan aman Israelanji a-Kitung do hen boantanam gamle nami adinna absuilen. Kitungan ganarbirhen amdanga do kan a-kuddub mandranji aman na roitad Kitungan gamle galamteji.”

![](https://cdn.door43.org/obs/jpg/360px/obs-en-19-11.jpg)

Tabdong, ruangan saring to’hgin galuli. Anten a-to’gin bati jelun, angalan, arenganji, labon do kanub arangan ayaryar maneng adakulin a-kuddub daanji janag juntuli. Anganti mandranji kan ati gijleji, aninji labo lingan lamboteilin gamleji, “Yahweh na Kitungan! Yahweh na Kitungan!”

![](https://cdn.door43.org/obs/jpg/360px/obs-en-19-12.jpg)

Ansaring Eliyon gametin, “baal atungmadgij maranji aboi janang ardur dongetiji!” Bar baal atungmadgij maranji adong hamle sangai urongan urongle aninji adong tuableji.

![](https://cdn.door43.org/obs/jpg/360px/obs-en-19-13.jpg)

Bar Eliyon Ahab rajan adong gametin, “singbanam umengle yarna, itin asan gamlenden taruban yeirtai.” Tabdong abubmung lungadli do surda ganuran gurre. Ganuran Kitungan kaddabetin. Kani ati janang bati ganijtan deti do anin na jardid Kitungan.

![](https://cdn.door43.org/obs/jpg/360px/obs-en-19-14.jpg)

Angantin Eliyon abaran tabkudetin, Kitungan anin apsele bo tungmadgij mar Elisayon adong seda-etin. Elisayon sanle Kitungan ateng rubmangdagi baran lumetin. Naman amanglingan janag bo rubmangda baran deli. Anin aboi sanumaranji adane mar dakuli, bindo anin muta rogaman hamle. Naman Elisayon abirn amdangle, anin Elisayon amang yiretin do anin adong ualle gametin hen ab-bangsahin. Elisayon Naman adong gametin aman Jordan aloba yira do alo daa lingan gulji tra itabbubna.

![](https://cdn.door43.org/obs/jpg/360px/obs-en-19-15.jpg)

Naman brabli. Anin kan ati lumbin asan asali itin asan gamlenden kan ati anin kekadagi appardietin. Bindo tiki anin amonan bandaetin. Anin Jordan Alolingan yiretin do anin daman gulji tra daa lingan tabbubnetin. Anganti anin daa lingan saring atanakud ayamlingan dungnaitin, Kitungan anin adong absamangetin.

![](https://cdn.door43.org/obs/jpg/360px/obs-en-19-16.jpg)

Kitungan biggarda tunmadgij maranji adong janang Isaraelanji amangban appayetin. Aninji kuddub mandranji a dong kungdai puranji a-omdabin asan oblingleji, kan ati sadle mandranji aninjidaman ampra ranoitadan do asuiyiman bati dakunetiji. Tungmadgij maranji mandranji adong abkilkille gamleji kungdai puran omdale Kitungan adong sandungba. Bogad mandranji kan ati adlumlenjiden, Kitungan aninji adong irsimarji gamle bitsarate, do aninji adong kanalkalan abmete.

![](https://cdn.door43.org/obs/jpg/360px/obs-en-19-17.jpg)

Dajinganti ayam, mandranji Kitungan abirnan admaniedji. Aninji tungmadgij maranji a’dong adgankileji do bute bute a’dong janang tuableji. Bodinna, Jeremiyon tungmadgijmar akabhidbin asan ahaddaa kadsilingan pidleji. Anin kadsi a-kaddulingan tabubli. Bindo rajan asuyim dale do Jeremiyon inrang-kahidden abmang abuantanji adong kadasi lingan saring a-tabbin asan bahetinji.

![](https://cdn.door43.org/obs/jpg/360px/obs-en-19-18.jpg)

Mandranji Tungmadgij maranji a’dong asangemleji janangden Kitungan a-birna aninji upingleji. Aninji mandranji adong abkilkile opinleji do bogad aninji adnabyar ji’linanjiden Kitungan aninji adong absi’dte. Kitungan Mesian adong appaitai gamle ajibjibnetin ati janang Aninji mandranji adong abayimleji.

*1 Kings 16-18; 2 Kings 5; Jeremiah 38 Kambolan Saring Bo Kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_19_128kbps.m4a

## 20. Krojjon Do Dayarnan

https://openbiblestories.org/l/srb/story-20/

![](https://cdn.door43.org/obs/jpg/360px/obs-en-20-01.jpg)

Israelanji arajaman do Judanji arajaman bagun arajamanji Kitungan asangimling pintun lumlaji. Kitungan Sinai baru lingan aninji ampra asabjaetin asanibday biran aninji admanedji. Kitungan anin atungmadgij maranji a’dong mandranji amang abkilkille ababyar ji’bin do bar okkij anin adong asinkindrabin asan appaietinji, bindo aninji amanibin asan assaleji.

![](https://cdn.door43.org/obs/jpg/360px/obs-en-20-02.jpg)

Antatiki kan bagu disan a’dong asangem maranji asinling padradle radsumetin. Asariya bo bigarda disa boi boi ranabti dam dakuli. Assariyanji janang bigarda disan apsele ateng danuaihn dakuli. Aninji yeraiji do Israel desan kuddub radsumle sedlaji. Assariyanji yerre Israel lingan a daku ateng mandranji kabhidleji, itinte a kuddub janab aninji itsumleji pangle yeraji do ateng maneng desan soileji.

![](https://cdn.door43.org/obs/jpg/360px/obs-en-20-03.jpg)

Assarianji a-kuddub abmanggod maranji rukulinji, biti maranji, do ayinganti a-mandraji janati janaban sabjateji. Aninji a’dong Assariya desaban urunglaji. Asui tungdamjadam satan Israellanji Israel desalingan dakuleji.

![](https://cdn.door43.org/obs/jpg/360px/obs-en-20-04.jpg)

Atiki Assarianji biggarda desan a-mandraji a’dong urungle desalingan abdakunalaji. Kun biggard desa maranji bar okij gardan barsabjalaji. Butinti kun disalingan dakuliji Aninji Israelanji ampra sidrunglinji. Kun amandraji aonji Samaria gamle ganudingan delaji.

![](https://cdn.door43.org/obs/jpg/360px/obs-en-20-05.jpg)

Israellanji Kitungan amang addernedanji do admaniedanji asan yan gamle panadradan hangleji kun ati Juda desan amanranji gijleji. Bindo delijanag aninji kundaijan do Kinaan disan akungdaijanji gankkillaji. Kitungan tungmadgij maranji adong appaietin, bindo aninji adnamdangeji.

![](https://cdn.door43.org/obs/jpg/360px/obs-en-20-06.jpg)

Bosua mihnum atiki Assariyanji Israel a-kuddub desan radsumleji. Kitungan Babylon a raja, Nabukudanezzar, Juda disa abgegebin asan appaietin. Babilon bo ranabtidam a-desa dakuli. Juda desan a-raja Nabukudnezzar a boanta a debin do dile mihnum ateng tankan atiybin asan ordietin.

![](https://cdn.door43.org/obs/jpg/360px/obs-en-20-07.jpg)

Bindo asui mihnum atiki, Juda desan araja Babilon asangimlingan dinetin. Bar, Babilonji yaryarlin Juda disan adong abgegelaji. Aninji Jerusalem gardan panglaji, Kitungan a-sarebasingan radsumlaji, Kitungan a’sareba singnlingan do garda lingan a’dakulin a’kuddub bittin pangle yeraiji.

![](https://cdn.door43.org/obs/jpg/360px/obs-en-20-08.jpg)

Menede baran alumlenji Asan Juda desan a raja a’dong padradbin asan, Nabakudnazzar asanu maranji atimangan a’onanji a’dong tuablaji do anin a’dong abkadulaji. Kun atiki, aninji Judan araja a’dong pangle kabhidbin asan Babilon krajasinglingan dakkuleji.

![](https://cdn.door43.org/obs/jpg/360px/obs-en-20-09.jpg)

Nabakudnizzar do asanu maranji Juda arajam lingan adakkulin kuddub mandranji a’dong Babilon urunglaji, Dajinganti banagi maranji satta adong kun disaling umrengle yirreji. Kani ayam lingan Kitungan a mandraji janib jib desan balamantaman omdaleji ati banondi darakunan ganaman deli.

![](https://cdn.door43.org/obs/jpg/360px/obs-en-20-10.jpg)

Kitungan amandranji apintun apsele banondi darakunalingan pangle padradetin janang den aninji a’dong do a janib jiban biranji a karida-ed. Kitungan ditordong amandranji a lananka lingan gijgijle do tungmadgij maranji sanle aninji ampra bernetin. Anin jibjibnetin do, 70 mihnum a’tiki, aninji janibjib desaban bar okij yarrin raptiteji.

![](https://cdn.door43.org/obs/jpg/360px/obs-en-20-11.jpg)

70 mihnum ambrij atiki, Cyrus, Perosia araja, Babilon disan abladnaetin. Bar, Babilon a dulna, Perosia ateng desan abhanaetin. Kan saring Israellanji Jiudi gamle ganudingan deli. Aninji saring ateng mandranji karahid sikoija Babilon lingan dakulinji. Ateng talaiba Jiudinji Juda disan ayimleji.

![](https://cdn.door43.org/obs/jpg/360px/obs-en-20-12.jpg)

Parosianji boi boi ranbtidam dakuliji, bindo aninji abladnalenji amandraji alananka asuyiman dakuli. Parosia disalingan Cyrus raja a’delin asui mihnum a tiki, anin kuddub mandranji a’dong gametin do bute bute Parosia desan saring Juda desaban ayarnabin aidsumte ambin yeire arabtite. Anin Kitungan a sarebasing abar gutulbin asan tankan janang tiyetin! Bar, 70 mihnum banondi darakunban atiki, asui ompu Jiuda maranji Juda lingan Jerusalem gardban yerrinji.

![](https://cdn.door43.org/obs/jpg/360px/obs-en-20-13.jpg)

Anganti mandranji Jerusalem lingan arduleji, aninji sarebasingan bargutuleji do gardan ayar yar manegan kintalan sabjaleji. Parosianji kun sikoija abhanaleji, bindo bar okij Jiudinji janibjib disanligan dakulinji do sarebasingligan Kitungan adong saninkindraleji.

*2 Kings 17; 24-25; 2 Chronicles 36; Ezra 1-10; Nehemiah 1-13 Kambolan Saring Bo Kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_20_128kbps.m4a

## 21. Kitungan Messian Apsele Jibjibnetin

https://openbiblestories.org/l/srb/story-21/

![](https://cdn.door43.org/obs/jpg/360px/obs-en-21-01.jpg)

Anganti Kitungan odaran gabdiletin, anin janang galametin do anin ateng mihnum atiki ordarlingan Messian appaite. Kan ati lumtai gamle Anin Adam do Aban a’dong jib jible oppungetinji. Anin gametin do jaadan abab arabrdibin asan Aban a kanpungligan saring karudkudan deti. Jardina Aban a’dong a joldabin asan sanuman jaadan ilneten. Kitungan gabrijienetin do Messian duaihn suman aranaptin kuddub abladnate.

![](https://cdn.door43.org/obs/jpg/360px/obs-en-21-02.jpg)

Kitungan Abram a’dong jib jible gameten do anin sanle ordaran a kuddub jatinji anab sitan hangtaji. Ateng mihnum atiki Messian appaile Kitungan janibjib biran abojoraite. Messian odarlingan kuddub jatinji a’pintunji saring rabrabte.

![](https://cdn.door43.org/obs/jpg/360px/obs-en-21-03.jpg)

Kitungan Mojeson adong jib jible gametin do ateng mihnum atiki Mojeson ambrij bo tungmadgij maran appaite. Kan atungmadgij maran Messian na. Kan ambrij Kitungan Messih a’dong appaibin asan jibjibnetin.

![](https://cdn.door43.org/obs/jpg/360px/obs-en-21-04.jpg)

Kitungan Daudon rajan a’dong jibjible gametin do aboi teganam saring Messiah yeirtai. Anin na rajan do Kitungan amandranji abhanate.

![](https://cdn.door43.org/obs/jpg/360px/obs-en-21-05.jpg)

Kitungan Jirimiyo tungmadgijmar adong gametin do anin bo dinna bo tabme sanibdeibiran ganabrite. Tabme sanibdeibiran Kitungan Sinai barulingan Israelanji ampra asabjaetin asanideibiran ambrij adee. Anganti anin tabme sanibdeibiran mandraji ampra gabrite, aninji anin a’dong bangsale galamteji. Dile mandranji anin a’dong timyimteji do anin anosoijanji maniteji. Kitungan gametin kan a’kuddub anosoibiranji a’ugarlinganji idolltenji ambrij. Aninji a’mandranji detiji, do Kitungan a’pintunji tabmate. Messian na mandranji ampra tabme sanibdeibiran sabjate.

![](https://cdn.door43.org/obs/jpg/360px/obs-en-21-06.jpg)

Kitungan a’tungmadgij maranji janang gamleji do Messian na bo tungmadgijmar, bo buyamar do bo rajan. Bo tungmadgij maran Kitungan a’birna amdangle kuddub mandranji a’timang lingan Kitungan a’birna a’pingbale gadlamte. Ayinganti Kitungan Messian appaitai gamle jibjibnetin anin na bo tungna tungmadgijmar. Kuni na, Messian Kitungan a’biranan sakai amdangte, anin sakai gamle ganludte, do anin kuddub mandraji a’dong sakai gamle hanghangte.

![](https://cdn.door43.org/obs/jpg/360px/obs-en-21-07.jpg)

Israellanji a’buyanji mandranji apsele Kitungan a’dong kanuban tiyle dakuleji. Kan akuddub kanubanji mandraji Kitungan apanaddradan saring ranab raban hangbin asan lumleji. Buyanji janang mandranji apsele Kitungan amang garbirlinji. Yanti gamle janang, Messian anindaman marid kanubdagi Kitungan amang kubdamtin do anin bo marid buyan deti. Anin pintun adlume, do anganti anin anindaman kanubdagi tihdamtin, pintun asan itija kanuban sanaisaidagi addee.

![](https://cdn.door43.org/obs/jpg/360px/obs-en-21-08.jpg)

Rajanji do murda maranji mandranji adong abhanaleji, do aninji tangboi ayamlingan ardodleji. Daudo rajan Israellanji a’dong satta abhanaetin. Bindo Messian, Daudon audlengon, kuddub ordaran abhanate, do anin tordong ayam asan abhanate. Anin ditordong ranoitadan bati abhanate do sakkai biran gabrite.

![](https://cdn.door43.org/obs/jpg/360px/obs-en-21-09.jpg)

Kitungan a tungmadgij maranji Messian apsele ateng birnan oblingleji. Arabsui biran, Molakin gameten do Messian ayirtahen abmang bo tungmadgij mar yertai. Ante atungmadgijmar boi boi Sanaid saidam. Atiki Jisayo tungamadgijmar idoletin do bo poilang bojan sanle Messian karudkudan deti. Do Mika tungmadgijmar gameten do Messian Bethliam gardalingan karudkudan deti.

![](https://cdn.door43.org/obs/jpg/360px/obs-en-21-10.jpg)

Jisaya tungmadgid mar gameten do Messiah galili gorjanglingan dakuten. Messian danukalingan adaku maranji a’dong babyete. Krojosing lingan adakun amanraji a’dong abumrengte. Messian bimbim maranji a’dong absamangte do ayinganti a mandraji adnamdangeji, adgijeji, adbirneji orde adhaneji kuddubanji absamangte.

![](https://cdn.door43.org/obs/jpg/360px/obs-en-21-11.jpg)

Jisayo tungmadgijmar janang gameten do Messian a’dong mandranji asanggimteji do ajabin asan asateji. Bigarda tungmadgij maranji gamleji do atudumaran na anin a’dong asanggimlingan tanagte. Jikoriyo tungmadgijmar gametin do kun a turdumar bokudigalji rupa leban jale kan a bara lumte. Atiki janang dajinganti tungamadgij maranji gamleji do mandranji Messian a’dong tuabteji, do aninji asindrin arruiteji.

![](https://cdn.door43.org/obs/jpg/360px/obs-en-21-12.jpg)

Tungmadgij maranji Messian yan gamle karahindan hante kun ati janang oblingleji. Jisayon tungmadgij biran oblingetin Messian a’dong bijolteji, gabroiteji do tidteji. Anin iteja danusa baran adlume dele janangden, Aninji anin a’dong poteji, do anin boi boi anasudan bati karahidan deti.

![](https://cdn.door43.org/obs/jpg/360px/obs-en-21-13.jpg)

Tungmadgij maranji janang gamleji do Messian pintun adlume. Anin marid dakuti. Bindo pintu maranji asan Kitungagn anin adong kanabhid panadradan tihyte. Anganti anin kahindti, mandranji Kitungan ampra sanabyu lingan dakutinji. Kanti asan, Messian akahidbin deti gamle, Kitungan anogalan dakuli.

![](https://cdn.door43.org/obs/jpg/360px/obs-en-21-14.jpg)

Tungmadgij maranji janang gamleji do Kitungan Messian adong karahiddan saring abdite. Kanati absuite do Kitungan tabme sanibdeibiran asanabja asan Jisun akarhidan do amandrengna Kitungan aganabri birlingan dakuli, yanti gamle anin asanggimle pintun alumlenji amandranji adong rabrabte.

![](https://cdn.door43.org/obs/jpg/360px/obs-en-21-15.jpg)

Kitungan tungmadgij maranji amangaban ateng Messian abirna abgijetin, bindo kun tungmadgij maranji adakulinji ayam Messian addayaraited. 400 saring ateng mihnum atiki atanakud tungmadgij biran anoblingan deli, kun ayamlingan, Kitungan Messian a’dong Odarban appaiyaitin.

*Genesis 3; 12; Deuteronomy 18:15; 2 Samuel 7; Psalm 16; 22; 35; 69; 41; Isaiah 7:14; 9:1-7; 61; 53; 50:6; 59:16; Jeremiah 31; Daniel 7; Micah 5:2; Zechariah 11:12-13; Malachi 4:5 Kambolan Saring Bo Kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_21_128kbps.m4a

## 22. Jon A’karukudan

https://openbiblestories.org/l/srb/story-22/

![](https://cdn.door43.org/obs/jpg/360px/obs-en-22-01.jpg)

Aparmangtan, Kitungan tungmadgij maranji a’dong oblingetedji do aninji amandranji amangban oblingetiji. Ansaring 400 ringring mihnum dakuli do Kitungan mandranji adong itija birna adnoblingged. Kitungan Pisirdian adong Jikoriya gamle bo buya mar amang appaiyetin. Jikoriyan do a insalon Elisabeth, Kitungan a’dong gankileji. Aninji ateng taledbaleji, do anin pasijan ad’kuded.

![](https://cdn.door43.org/obs/jpg/360px/obs-en-22-02.jpg)

Pisirdian Jikoriyan a’dong gameten, “si’ing boinam bo ongger onan kudte. Aman anin ahiman Jon gamle dakua. Kitungan Marid Jangardan bati anin adong barij abmete, do Jon Mesian hangeteji gamle mandranji a’dong osbate!” Jikoriyan jalangle gametin, “insalo hen do hen anlen talaibagod ayam adnang pasijan a hangtai! Kan ati jardi oblingtih gamle hen yangam galamai?”

![](https://cdn.door43.org/obs/jpg/360px/obs-en-22-03.jpg)

Pisirdian Jikoriyan adong jalangle gametin, kan a bangsa anobling mangbanam a panglanbin asan Kitungan amang saring anappaiyan delihn. Itinasan gamlenden aman birna hen ad dirne, anti asan aman pasijan karukud inrang deen sikoija birnan birrin adraptie. Atabdung, Jikoriyan birrin adraptied. Ansaring Pisidian Jikoriyan amang saring yereitin. Kan atiki Jikoriyan si’ingan dayarnetin do a si’ing boijan pananguronan deli.

![](https://cdn.door43.org/obs/jpg/360px/obs-en-22-04.jpg)

Aganti Elisabeth tudru angai a panguron dakuli, kuni na a Pisirdia Elisabeth akulam mar amang abgijnetin, butinti ahiman Meri dakuli. Anin bo poilang boi dakuli do anin Josepo gamle bo mandran bati sidrungan debin asan panimingan deli. Pisirdian gametin, “Aman pananguronan dele bo onger onan kudte. Anin ahiman Jisu gamle tiyhima. Anin kuddub saring lananka Kitungan a mihtub onan do anin odaran abhanate.”

![](https://cdn.door43.org/obs/jpg/360px/obs-en-22-05.jpg)

Merin abyarbirre gametin, “ kan ati yangam deti, hen nam sikoija dangardi daku?” Pisirdian padlabireti, “Marid jangardan mangling nam yeirtai, do Kitungan a ranapti manglingnam yeirtai. Bar kun apasijan Mariddam deti, do anin Kitungan a onan deti.” Pisirdian a birna Merin dernetin.

![](https://cdn.door43.org/obs/jpg/360px/obs-en-22-06.jpg)

Kun ati adelin atabdong, Elisabeth a si’ngban Meri yeretin. Anganti Meri anin adong limetin, Elisabeth alung kanpunglingan pasijan irjangetin. Kitungan Amang linganji alumeten apsele aninji boi boi moihdaleji. Elisabeth Meri asi’ngban yagi anggai sikoija dakulinan atiki, Merin asi’ingban dayarnetin.

![](https://cdn.door43.org/obs/jpg/360px/obs-en-22-07.jpg)

Kan atiki, Elisabeth bo ongger onan kude-tin. Pisirdian abahentinji ambrij Jikoriyan do Elisabeth pasijan adong Jon gamle tihyumleji. Atiki Kitungan Jikoriyan adong bar okij birnabin apsele ranabtin tietin. Jikoriyan gametin, “Kitungan ganugun de’eti, itin asan gamlenden anin amadranji adong sayambin asan ayimetin! Aman, onhen na, aman Kuddub saring lanangka Kitungan atungmadgijmar dete. Aman mandranji adong yan gamle aninji apintunji saring tanadmadan hangteji anti ati oblinga!”

*Luke 1Kambolan Saring Kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_22_128kbps.m4a

## 23. Jisun A,karukudan

https://openbiblestories.org/l/srb/story-23/

![](https://cdn.door43.org/obs/jpg/360px/obs-en-23-01.jpg)

Marin bo roitad mar Josepo gamle ahim mar bati janijin deli. Anganti anin Marin apanguron do kun apasijan aonantid gamle galametin. Yanti gamle, anin Marin adong gananroidagi irabmelabi, anin butijja ir-gadlamlabi Marin adong alung ji’n lingan aomdabin asan ogandietin. Bindo anin inrang lumen abmang, Pisirdian anin aganumtelingan iyan iyle anin adong opinggetin.

![](https://cdn.door43.org/obs/jpg/360px/obs-en-23-02.jpg)

Pisirdian gametin, “Josepo, Marin adong ansalonam gamle ajabin asan batongdongamti. Akanpunglingan adakun apasij Marid Janggardan saring pananguronan deli. Anin bo ongger onan kudte. Anin ahiman Jisu gamle tihba (agaramgaman “Yahweh ablute’), itin asan gamlenden anin amandranji adong apintunji saring rabrabte.”

![](https://cdn.door43.org/obs/jpg/360px/obs-en-23-03.jpg)

Bar Josepon Marin adong sidrungle insalo hen gamle asingbadaman urungetin, bindo Marin inrang kudden sikkoija anin merin bati addimaded.

![](https://cdn.door43.org/obs/jpg/360px/obs-en-23-04.jpg)

Anganti Marin kukkudonan ayaman tuyali, anin do Josepon Bethliam gardaban yirreji. Aninji yirbin ati dakuli itin asan gamlenden Roman disan adanne mar Israellingan mandranji adisambin itsumetin. Aninji kuddubanji ajujunji adakulinanji adisaling ayirbin asan itsumleji. Daudon Bethliamlingan karukkud deli, do Marin do Josepon bagunji ajuaju anin dakuli.

![](https://cdn.door43.org/obs/jpg/360px/obs-en-23-05.jpg)

Marin do Josepon Bethliamban yirreji, bindo tittilingan dajingti jontunji adarkku sadle aninji apsele darakunan adakued. Kun titti jontun adarakkuling Marin pasijan kudetin. Anin pasijan adong arabludludan adakueddan asan tarihda bungsanglingan abludludetin. Aninji pasijan adong Jisu gamle tiyhumleji.

![](https://cdn.door43.org/obs/jpg/360px/obs-en-23-06.jpg)

Kun atogal, dajinganti gupamed maranji basenglingan mandamedan turdaleji. Abubmungdagi, bo Pisirdian tanaaran bati amangbanji gijtali, do aninji boi boi batongleji. Pisirdian gametin, “bantongdagi adedong, itin asan gamlenden hen ambin apsele bangsa anoblingbiran panglai. Mesian, gamangan, Bethliam lingan karukkud deli.”

![](https://cdn.door43.org/obs/jpg/360px/obs-en-23-07.jpg)

“Maba Yirba do pasijan adong isaijba, do ambin pasijan sindrin bati ayanum do bungsang lingan anabludlud ahangte.” Abubmungdagi, rianglingan Pisirdianji barij ganijtan deli. Aninji Kitungan adong sinleji. Aninji gamleji, “kudduban aganugun ruang Kitungan ati. Ordarlingan anin amandranji amanglingan sanabyun deeti!”

![](https://cdn.door43.org/obs/jpg/360px/obs-en-23-08.jpg)

Ansaring Pisirdianji yirreji. Gupamed maranji kimmeddan umdale pasijan adong agijbin asan yirreji. Aninji uanti amaneng Jisun dakuli umeng arduleji do Pisirdian aoplinggetinji ambrij pasijan bungsanglingan anabludlud gijleji. Aninji boi boi moihdaleji. Ansaring gupamed maranji garupa janonglingan kimmedanji amangban yarrenji. Aninji amdanglenji do agijleji akudduban asan Kitungan adong sinkinraleji.

![](https://cdn.door43.org/obs/jpg/360px/obs-en-23-09.jpg)

Darungyung disan dajinganti mandranji dakuliji. Aninji tuituijan sannileji do aninji boi boi banudimar dakuliji. Aninji tabmedage ruanglingan tuituijan gijleji. Aninji gamleji kani tuituijan agaramgaman manan bo tabme jiodinji araja karukkudan deli. Bar aninji adisanji saring handagoddan bati pasijan adong agijbin asan gabriji’linji. Sanggai hanagodlinanji atiki, aninji Bethliamlingan uanti Jisun do ayangan auan dakulinji titti ardulaiji.

![](https://cdn.door43.org/obs/jpg/360px/obs-en-23-10.jpg)

Anganti kan amandranji Jisun adong ayangan ampra gijleji, aninji anin adong turdumjinglin limle sinpurleji. Aninji Jisun adong janatidam tanihtiyan tiyleji. Ansaring aninji asingdamanji yarrinji.

*Matthew 1-2; Luke 2 Kambolan saring bo Kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_23_128kbps.m4a

## 24. Jon Jisun Adong Tabbubdate

https://openbiblestories.org/l/srb/story-24/

![](https://cdn.door43.org/obs/jpg/360px/obs-en-24-01.jpg)

Jikariya do Elisabet aonan, Jon, surdali do bo tungmadgij mar deli. Anin ringring darakunalingan basuetin, kandringan adangda do surda papparan jumetin, sisibongdan ausalan saring asanabjan asindrin jijinetin.

![](https://cdn.door43.org/obs/jpg/360px/obs-en-24-02.jpg)

Jon abirna amdangbin asan ateng mandranji ringring darakunaban dunglin yiraiji. Anin hanagan tiyle, gametin, “Abyarj’inaba, itin asan gamlenden Kitungan Arajaman tuiali!”

![](https://cdn.door43.org/obs/jpg/360px/obs-en-24-03.jpg)

Angati mandranji Jon abirna amdangleji, ateng mandranji aninji apintunji saring abyarj’ilinji, do Jon aninji adong tabbubdaetin. Ateng murda danne maranji janang Jon adong agijbin asan yiraiji, bindo aninji adnabyar j’ineji orde apintunji adnabpingbaeji.

![](https://cdn.door43.org/obs/jpg/360px/obs-en-24-04.jpg)

Jon murda danne maranji adong gametin, “ambin bison batti barij adakun aj’adanji! Abyarj’inaba do anabhanabin bandaba. Uanti araji j’on adj’oe Kitungan kun akuddub aranji raibabte, do anin kun akudduban to’gilingan sidte.” Tumadgij maranji abiran Jon badrijle, “ gijba, anappai mar-hen mukkaba-nam Hen appaitai, butinti tanggornam oskaite.”

![](https://cdn.door43.org/obs/jpg/360px/obs-en-24-05.jpg)

Dajinganti murda danne maranji anin bogad paring Messian gamle Jon adong ualleji. Jon abyar birre gametinji, “ Hen Messian ted, bindo hen atiki Anin yirtai. Anin bo surda ganugudam do anin atalabjing lingan apanduian janang aurbin asan hen ir-tungnadam.”

![](https://cdn.door43.org/obs/jpg/360px/obs-en-24-06.jpg)

Anti adinna atiki, Jisun tabbubdan ahangbin asan Jon amangban yiraitin. Anganti Jon Jisun adong gijetin, anin gametin, “ gijba! Titti Kitungan amurkundarda butinti ordaran apintu pangle yirte.”

![](https://cdn.door43.org/obs/jpg/360px/obs-en-24-07.jpg)

Jon Jisun adong gametin, “Hen dongnam atabbubdabin asan ir-tungnadam. Aman ma’ih donghen atabbubdabin asan tungna daku.” Bindo Jisun gametin, “aman donghen atabbubdabin detina, itin asan gamlenden kan alanuman sakkai daku.” Bar Jisun pintun adlumed deli janangden Jon anin adong tabbubdaetin.

![](https://cdn.door43.org/obs/jpg/360px/obs-en-24-08.jpg)

Jisun tabbubdan dean dele dunglinaihen adnang, Kitungan ajanggarda bo paruan ambrij riangan saring latsolin anin akaparda lingan duihlin. Antin ayamlingan, Kitungan ruangan saring birretin. Anin gametin, “Kani ati ongger On-Hen na. Hen anin adong ateng timyimtai, do anin asan Heni ateng moihintinai.”

![](https://cdn.door43.org/obs/jpg/360px/obs-en-24-09.jpg)

Kitungan Jon adong gametin, “Aman atabbubdalen amandra alaningka Marid Janggardan latsotinai. Kun amandra na Kitungan a-Onan.” Aboi Kitungan satta daku. Bindo anganti Jon Jisun adong tabbubdaetin, anin Ua-Kitungan abirna amdangetin, A-On Kitungan Jisu adong gijetin, do anin Marid Janggardan adong janang gijetin.

*Matthew 3; Mark 1; Luke 3; John 1:15-37 Kambolan Saring Bo Kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_24_128kbps.m4a

## 25. Sonuman Jisun Adong Tungjingle

https://openbiblestories.org/l/srb/story-25/

![](https://cdn.door43.org/obs/jpg/360px/obs-en-25-01.jpg)

Jisun tabbubdan deli atabdon, Marid Janggardan Anin adong ringring darakunaban tanggoretin. Jisun kun titti 40 dinna do 40 togal dakulin. Kun ayamlingan Anin anumnetin, do Sonuman Jisun amangban yirran yirre pintulingan gablubin asan tungjingetin.

![](https://cdn.door43.org/obs/jpg/360px/obs-en-25-02.jpg)

Abmang, Sonuman Jisun adong gametin, “Bogad aman Kitungan Aon den, kani arenganji rotipon abmele juma!”

![](https://cdn.door43.org/obs/jpg/360px/obs-en-25-03.jpg)

Bindo Jisun Sonuman adong gametin, “Kitungan abirnan ednegoi annidan daku, ‘mandran am’engbin asan rotipon satta sanaisaited, bindo Kitungan aninji adong aoplingten akkuddub birrnanji aninji sanaisai.

![](https://cdn.door43.org/obs/jpg/360px/obs-en-25-04.jpg)

Ansaring Sonuman Jisun adong sarebasingban balingan alaninkaban urrungetin. Sonuman anin adong gametin, “bogad aman Kitungan Aon den, aman tidne saring Jaitan irjanga, itin asan gamlenden ednegoi aniddan daku, Kitungan dongnam jingnamji arrengan agatarbin saring tirridle rabrabbin asan apisirdianji adong baihnte.”

![](https://cdn.door43.org/obs/jpg/360px/obs-en-25-05.jpg)

Bindo Jisun Sonuman aoplingetin ambrij adlumed. Anti appanardu Anin gametin, “Kitungan kuddub mandran adong oppungte, ‘Gamang Kitungbin adong atungjingdong.”

![](https://cdn.door43.org/obs/jpg/360px/obs-en-25-06.jpg)

Ansaring Sonuman Jisun adong ordaran arajaman absuijetin. Anin Jisun adong aninji yan aradu, do yan agamang gamle absuijetin. Anin Jisun adong gametin, “Bogad aman donghen turdumjinglin limle sinpurihenden Hen kan kudduban ati dongnam tiytam.”

![](https://cdn.door43.org/obs/jpg/360px/obs-en-25-07.jpg)

Jisun abyar birre gametin, “Sonum, manghen saring sanggai yirra! Kitungan abirnanling amandranji adong baihnte, ‘Gamang Kitungbin adong satta sinpurba. Anin satta adong Kitungan gamle maniba.”

![](https://cdn.door43.org/obs/jpg/360px/obs-en-25-08.jpg)

Jisun Sonuman atanungjing lingan adgalued, bar Sonuman amangan saring yirretin. Ansaring Pisirdianji yirraiji do Jisun adong sayamleji.

*Matthew 4:1-11; Mark 1:12-13; Luke 4:1-13 Kambolan Saring bo Kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_25_128kbps.m4a

## 26. Jisun Ganangkil Baran Susuetid

https://openbiblestories.org/l/srb/story-26/

![](https://cdn.door43.org/obs/jpg/360px/obs-en-26-01.jpg)

Jisun duaihsuman a tanungjing ardian ardile, anin Galili a manengban dayaretid. Tidne anin dakunetid. Marid Jangardan anin ado’ng ateng ranabtin tietid, do Jisun biggarda biggarda gorjang ban yerre hanghang tietidji. Kuddub mandranji anin abangsa baran abmele birrinji.

![](https://cdn.door43.org/obs/jpg/360px/obs-en-26-02.jpg)

Jisun Nazarit gardaban yeretid. Ayinganti agorjanglingan anin apandrasijan ayam dakunetid. Layemna dinan anin ganangkil singban yiretid. Abmangod maranji Jisayo tungmad gij maran a-nid kambolan tiyleji. Aninji kan ati akinolbin asan itsumleji. Bar Jisun kan a-nid kambolan rile do mandranji apsele asui kinoletid.

![](https://cdn.door43.org/obs/jpg/360px/obs-en-26-03.jpg)

Jisun kinoletid, “Kitungan a Jangardan dohong hen tiyetin yanti gamle hen banage maranji amangban bangsa anobling biran opungle raptitai. Anin karojosi’ng lingan a daku amandranji a u’rungbin asan appayintid, bar kardu maranji a’gijbin asan, do tanemderan ahang tenji amanranji adong abumrelbin asan. Anlen apsele Kitungan asuyim do a snayim ayam kani na.”

![](https://cdn.door43.org/obs/jpg/360px/obs-en-26-04.jpg)

Ansaring Jisun Jaitan gobetin. Anin ado’ng kuddub mandranji tangtang madle gij gijlaji. Aninji galamlaji do ayiganti a hanang a kanbolan anin kinoletin kun ati Messian abirna na dakuli. Jisun gametin, “Ayingante ajanab ambin apsele hen kinollai, kun a kudduban namidhen pungiti.” Kuddub mandraji kan apsele boi boi rubmangdalaji. Aninji gamleji “Kan ati Josepon a o’nan tid po?”

![](https://cdn.door43.org/obs/jpg/360px/obs-en-26-05.jpg)

Atiki Jisun gametid, “Kan ati jardina ayinganti a garda lingan bo tungmadgij maran surdati kun titti a’mandranji anin ado’ng angaja adjaeji. Eliyo tungmadgij maran ayamlingan, Israel lingan ateng juar bojanji dakulaji. Bindo ayingganti ayam lingan yagi mihnum tudru angai sikoija ganuran ad’de-ed, Kitungan Israel lingan a’dakulin a’kuddub juar bojanji a sayimbin asan Eliyon ado’ng ad’nappaied. Bindo bigarda disan lingan a daku ajuar boijan amangba Eliyon ado’ng appaietid.”

![](https://cdn.door43.org/obs/jpg/360px/obs-en-26-06.jpg)

Jisun ir-kadab linbe birnetid, “Do Elisayo tungmadgij maran ayam lingan, Israel lingan ateng ganatan batti maranji dakuleji. Bindo Elisayon aninji ado’ng adnab samanged. Anin Naaman sattan adong abangsae-tin, anin Israellanji asangim murda sanu mar dakuli.” Bindo Jisun a berna amdanglenji amandraji Jiudi maranji dakulaji. Do ayinganti ayam aninji abirnan amdangleji, Aninji alanankan boi boi barableji.

![](https://cdn.door43.org/obs/jpg/360px/obs-en-26-07.jpg)

Najareta baiji ganangkil singang saring Jisun ado’ng dingle bayiran amdungleji. Aninji anin ado’ng a kabhidbin asan aling ling darakunaban urungleji. Bindo Jisun parjanji amang sanle Nazareta gardan umrengentid.

![](https://cdn.door43.org/obs/jpg/360px/obs-en-26-08.jpg)

Atiki Jisun Galilee gardaban hiretid, do ateng parjanji amanagban yiraiji. Aninji ateng asu bimbim maranji do irtu’hul mranji ado’ng urunglaji. Titti dajingti kardu maranji, kujjadung maranji, kalla maranji, ado’ng Jisun absamangetidji.

![](https://cdn.door43.org/obs/jpg/360px/obs-en-26-09.jpg)

Bar okij janang, ateng hamkul maranji ado’ng Jisun amangban urunglaiji. Jisun kun kulmanji ado’ng aninji amang saring, a dungnabin asan bahetidji, do kulmanji dunglinaiji. Kun kulmanji uai sarrangan batti gule gamleji, “Aman na Kitungan a o’nan!” parjanji boi boi rubmang dagi delaji, do Kitungan ado’ng abgugulaji.

![](https://cdn.door43.org/obs/jpg/360px/obs-en-26-10.jpg)

Atiki Jisun kun hanangna maranji amang saring mihgal mandranji ado’ng anin abangsa baranji abgijben asan sedae-tidji. Anin aninji ado’ng “Anappaimarji” gamle gudingetidji. kani anappai marji Jisun ampra endungleji do anin saring ateng birnan hanglinji.

*Mattiu 4:12-25; Marko 1-3; Luko 4 Kambolan Saring Bo Katabiran*

Audio: https://git.door43.org/OBS-TLF/srb_obs/releases/download/v1/srb_obs_v1_26_128kbps.m4a

## 27. Bangsa Samaria Maran akatabiran

https://openbiblestories.org/l/srb/story-27/

![](https://cdn.door43.org/obs/jpg/360px/obs-en-27-01.jpg)

Bo dinna, Jiudinji anosaij lingan bo ganalam maran Jisun amangban yiraitid. Jisun a hanang biran ardod gamle kuddub mandraji ado’ng agalambin asan Itsumetid. Bar Anin gametid, “Hanghangmar, “Ir-ahid mandrengnan ahangbin asan hen itin alumbin deti?” Jisun jalangle gametid, “Kitungan anosaij kanbol lingan itin anidan daku?”

![](https://cdn.door43.org/obs/jpg/360px/obs-en-27-02.jpg)

Kun mandran gametid, “Gamang Kitungnam ado’ng barij ranabtin, do barij puradan, do barij monanam batti timyimma. Do engale aman timyimdamtin etile toi toi sing mar nam ado’ng timyima.” Jisun abyar bireitid, “Aman sakkai! Bogad aman kanate lumlenden, aman Ir-ahid mandrengnan hangte.”

![](https://cdn.door43.org/obs/jpg/360px/obs-en-27-03.jpg)

Bindo kun anosaij ganalam maran anin amandrengnan ati sakkai gamle mandranji ado’ng absuibin asan itsumetid. Bar anin Jisun ado’ng ualletid, “Etiden toi toi sing mar-hen butin?”

![](https://cdn.door43.org/obs/jpg/360px/obs-en-27-04.jpg)

Jisun anosai ganalam maran ado’ng bo kata biran batti abyarbirretid. Bo Jiudi maran Jirusalem saring Jiriko a tangorlingan hanagodlingan yeiretid.”

![](https://cdn.door43.org/obs/jpg/360px/obs-en-27-05.jpg)

“Bindo dajinganti Jumbwr maranji anin ado’ng gijle hamleji. Anin amanglingan a dakulin a kuddub janaban ruileji do anin ado’ng ab’rahid tidlaji. Ansaring aninji omdale yeireji.”

![](https://cdn.door43.org/obs/jpg/360px/obs-en-27-06.jpg)

“Anti atabdong, kun a tangorlingan bo Jiudi buya maran sanaitid. Kun buya maran gijetid do tangor lingan bo mandra alulud dakuli. Anganti anin ado’ng gijetid, tangoran bigard maneng mordengle yeiretid. Anin kun mandran ado’ng adgijgijed.”

![](https://cdn.door43.org/obs/jpg/360px/obs-en-27-07.jpg)

“Asui ayam atiki, kun atangorlingan bo Lebi mar sanle yeiraitid. (Lebi maranji Jiudinji saring bo tegan butinti sareba si’nglingan buyanji ado’ng sayamteji.) kun Lebi maran janang bigarda manengan sansanlin yeiretid. Anin janang anin ado’ng adgijgijed.”

![](https://cdn.door43.org/obs/jpg/360px/obs-en-27-08.jpg)

“Bo bigarda mar janang kun tagoran sanle yeiretid anin Samaria saring dakuli. (Samarianji do Jiudinji amanglingan arasangiman dakuli) Samaria maran kun mandran ado’ng gijetid. Anin gijetid do anin bo Jiudi mar dakuli, deli janang den anin ado’ng gijan gijle boi boi asuyimdali. Bar anin amang ban iyan iyle a panaran sindrin batti jile do bolode-tid.”

![](https://cdn.door43.org/obs/jpg/360px/obs-en-27-09.jpg)

“Ansaring kun Samaria maran a’pekud lingan abgob goble urungetid. Anin ado’ng tangorban bo si’ngban sikoija urungetid. Tittid anin ado’ng sanagalan deli.”

![](https://cdn.door43.org/obs/jpg/360px/obs-en-27-10.jpg)

“Anab biyo, Samaria maran bar okij ayirbin dakuli. Anin regam si’nglingan abhana mar ado’ng lebun tiyetid. Anin anin ado’ng gametid, ‘kan a mandra ado’ng sagala. Kan alebu saring bogad aman ateng karsulenden, anganti hen yartinai kun ayam hen dongnam bar okkij lebun tiytam.”

![](https://cdn.door43.org/obs/jpg/360px/obs-en-27-11.jpg)

Ansaring Jisun kun anosaij ganalam maran ado’ng ualetid, “Itinti aman ogalte? kan yagi mandranji saring butin kun jumbwr maranji a tidlenji amandra a toi toi si’ng mar deti?” Anin abyar birretid, “Butinti anin ado’ng asuyimdali.” Jisun anin ado’ng gametid, “Aman yira do kun ambrij e-luma.”

*Luko 10:25-37 Kambolan saring Bo Katabiran*

Audio: https://git.door43.org/OBS-TLF/srb_obs/releases/download/v1/srb_obs_v1_27_128kbps.m4a

## 28. Bitti Danggardan Anabhana mar

https://openbiblestories.org/l/srb/story-28/

![](https://cdn.door43.org/obs/jpg/360px/obs-en-28-01.jpg)

Bo dinna, bo bitti danggardan anab hanamar Jisun amang ban yerre ualetid, “Bangsa hanghang mar, ir-ahiddan amandrengna ahangbin asan hen itin lumai? Jisun anin ado’ng gameted, “Bansa hanghang mar gamle aman iten asan do’nghen gudinglih? Bo mandran satan bangsa maran daku, anti ati Gamangtungan. Bindo bogad aman ir-ahindan amandrengnan a hangbin itsumlenden, Kitungan a banai biran mania.”

![](https://cdn.door43.org/obs/jpg/360px/obs-en-28-02.jpg)

“Uan ate hen mania? Anin ualetid. Jisun jalangle gametid, “Tuab mardong ne, Jundarda baran lumdo’ng, Jumbwrdo’ngne, Jolda birdo’ngne. U’anam do yangnam abgugua, do engale aman timyimdamtin kun ambrij toi toi si’ng marnam ado’ng timyima.”

![](https://cdn.door43.org/obs/jpg/360px/obs-en-28-03.jpg)

Bindo kun dangarda gametid, “Hen pandrasij hen saring kan a kuddub anosoi biranji manilai. Ir-ahid mandrengnan a’hangbin asan hen itin lumai? “Jisun anin ado’ng tumyimle gij gijjetid.

![](https://cdn.door43.org/obs/jpg/360px/obs-en-28-04.jpg)

Jisun abyar biretid, “Aman bogad roitad adebin itsumlenden, aman yirra do bitti damnam timle banagi maranji ado’ng tiya, Do aman apsele Ruang lingan bittin iyte hange. Ansaring yerai do donghen sandungih.”

![](https://cdn.door43.org/obs/jpg/360px/obs-en-28-05.jpg)

Anganti Jisun a birna dangardan amdangentid, Anin boi boi duka dagi deli itin asan gamlenden anin boi boi biti mar dakuli do anin a kuddub bittin umdrengbin asan ad’nitsumed. Anin Jisun amang saring dayare yirretid.

![](https://cdn.door43.org/obs/jpg/360px/obs-en-28-06.jpg)

Ansaring Jisun a hanangna maranji ado’ng gametid, “Kan ati jardihna gamang maran Kitungan arajam aganbin asan boi boi kalkaldam! Kan ati hadab Sunsin apatud lingan Sisbongdan ganle ayirbin boi boi rojoldam bindo gamang maran Kitungan arajaman rapti adgane.

![](https://cdn.door43.org/obs/jpg/360px/obs-en-28-07.jpg)

Anganti hanangna maranji Jisun a birna amdangleji, Aninji kilkal kilamgi deleji. Aninji gamleji, “Bogad kan ati kan ambrij den, Kitungan butin ado’ng rabrabte?”

![](https://cdn.door43.org/obs/jpg/360px/obs-en-28-08.jpg)

Jisun hanangana maranji ado’ng gijle gametidji, “Mandran aninji daman a rabrabdamnabin tungnatid. Bindo Kitungan sanle ite janang ir-tungnatid.

![](https://cdn.door43.org/obs/jpg/360px/obs-en-28-09.jpg)

Pitoron Jisun ado’ng gametid, “Anlen hanangna maranji kuddub umdrengle aman a sadunglam. Uhul kuijlen iten daku?”

![](https://cdn.door43.org/obs/jpg/360px/obs-en-28-10.jpg)

Jisun jalangle gametid, “Buti buti si’ngbin, buhangbinji, tonanbinji, u’abin, yangbin, onbinji, orde bittibin hen asan a omdrengle bo sua saring awr uhulkuijan a hangte do ir-ahidan amandrengnan janang a hangte. Bindo abmang maranji juluteji, do julu maranji abmangteji.”

*Mattiu 19:16-30; Marko 10:17-31; Luko 18:18-30 Kambolan saring bo Katabiran*

Audio: https://git.door43.org/OBS-TLF/srb_obs/releases/download/v1/srb_obs_v1_28_128kbps.m4a

## 29. Ir-Suyim Dagi A Boanta Akatabiran

https://openbiblestories.org/l/srb/story-29/

![](https://cdn.door43.org/obs/jpg/360px/obs-en-29-01.jpg)

Bo dinna, Pitoron Jisun ado’ng ualetin, “Hanghang mar, buhang hen bogad asanggemling hen pintun lumetin den dajingan tara hen anin ado’ng tadmadai? Gulji tara sidkoij po?” Jisun gametid, “Gulji tara satta tid, bindo yakurdi galji tarding gulji tara sikoija tadmada!” Kan sanle, anlen tordong ayam tadmabin deti gamle Jisun gametid. Ansaring Jisun kan a katabiran oblingle.

![](https://cdn.door43.org/obs/jpg/360px/obs-en-29-02.jpg)

Jisun gametid, “Ruang rajaman bo rajan a boantanji ado’ng rirdan atiyetin ambrij. Bo boantan 200,000 mihnum abadileb ambrij ateng rirdali.”

![](https://cdn.door43.org/obs/jpg/360px/obs-en-29-03.jpg)

“Bindo kun boantan abyarre ad’rabtied, ansaring rajan gametid, “Rirdan adulbin asan anin do a dukrin do a passijanji mangbahen tihba.”

![](https://cdn.door43.org/obs/jpg/360px/obs-en-29-04.jpg)

“Kun boantan rajan amukkaban turdumle anin ado’ng limsenle gameted, ‘Abasuyimle hen abmele labyu omdih do hen, aman saring a panglen akuddub rirdan abyar tiytam.’ do rajan kun boantan ado’ng abasuyimle, do anin a kuddub rirdan omdale ayirbin asan anin tiyetid.”

![](https://cdn.door43.org/obs/jpg/360px/obs-en-29-05.jpg)

Bindo anganti boantan, rajan a mukkaban saring dunglin yeretid anin bo biggarda boantan ado’ng rabanggetid ayinganti amandra anin saring unji anggai abadi rirdan pangetid. Kun boantan anin ado’ng abubmung hamle gametid, “Rirdalin, a panglen a tanka abyarih.”

![](https://cdn.door43.org/obs/jpg/360px/obs-en-29-06.jpg)

Kun turdu boantan turdumjinglin gametid, ‘abasuyim gamle asuij ayam omdih, do arirdali nahen a kuddub hen aman ado’ng abyartam.’ Bindo osantan, rirdan inrang dulen sikkoija a turdu boantan ado’ng karoijo si’ng lingan pidetid.”

![](https://cdn.door43.org/obs/jpg/360px/obs-en-29-07.jpg)

Bindo itinte deli, antate bigarda a-turdu boantanji gijan gijle museldayimgi deleji. Aninji rajan amang iyan iyle opungeleji.

![](https://cdn.door43.org/obs/jpg/360px/obs-en-29-08.jpg)

“Rajan kun boantan ado’ng gudingle opungetid, ‘Aman duaih boanta! Aman donghen labyule agarbirrinan asan hen rirda nam kuddub tabmadlam. Aman janang kan ambrij turdu boantanam alumbin dakuli.’ Rajan boi boi barabli do duaih boantan ado’ng rirdan inrang abyarren sikoija karoij si’ng lingan pidetid.

![](https://cdn.door43.org/obs/jpg/360px/obs-en-29-09.jpg)

Salettin Jisun gametid, “Bogad buhangnam alung ugarnam batti adtabmadlenden Ruang lingan uahen janang kuddub mandranji atimang lingan kan ambrij lumte.”

*Mathiu 18:21-35 Kambolan saring Bo Kata biran*

Audio: https://git.door43.org/OBS-TLF/srb_obs/releases/download/v1/srb_obs_v1_29_128kbps.m4a

## 30. Jisun Ajar Ajar Mandranji Ado’ng Rujumetid

https://openbiblestories.org/l/srb/story-30/

![](https://cdn.door43.org/obs/jpg/360px/obs-en-30-01.jpg)

Jisun ahanangna maranji ado’ng ateng biggarda biggarda gorjangbanji a hanghangbin do a oblingbin asan appayetid. Anganti ayam aninji Jisun amang dayarraji, Aninji itinti lumlaji kun ati anin ado’ng gadlamlaji. Atiki Jisun aninji ado’ng ganingan adam ring ring darakunaban asuij ayam lulunabin asan gudingentinji. Bar, aninji bungsang lingan ganle mijtal ganingan yirreji.

![](https://cdn.door43.org/obs/jpg/360px/obs-en-30-02.jpg)

Bindo tidti a’dakulinji a kuddub mandranji Jisun do a hanangna maranji bungsang lingan a yerbin asan angtirlenji ati gijleji. Kuni a mandranji mijtal ganingban Jisun a rabangbin asan maneng ganing lingan halin yerraji. Bar anganti ayam Jisun do a hanagna maranji ardulaiji, ababmang ateng onla maranji aninji ado’ng omdileji.

![](https://cdn.door43.org/obs/jpg/360px/obs-en-30-03.jpg)

Kun parjan insolan do passijanji ado’ng ir-mailebi monloi ajar saring awr mandra dakuleji. Jisun kun mandranji a lanangkaling boi boi asuyimdali. Jisun ado’ng kani amandranji ir-gupa mar lingan a murkundardanji ambrij. Atiki anin aniji ado’ng hanangan tiyetid kun tidti a dakulinji bimbim maranji ado’ng absamangeted.

![](https://cdn.door43.org/obs/jpg/360px/obs-en-30-04.jpg)

Orublin adnang, hanangna maranji Jisun ado’ng opungleji, “Ayaman dingle do kan atuya lingan gardan agassa. Mandranji ado’ng omdrengaji yante gamle aninji yerre asuij ganaga hille raptiteji.”

![](https://cdn.door43.org/obs/jpg/360px/obs-en-30-05.jpg)

Bindo Jisun a hanangna maranji ado’ng gametid, “Ambin aninji ado’ng eti janang ganagan tiyba.” Aninji jalangle gamleji, “Yan gamle anlen kan ati alumai? Mangbalen monloi rutipun do bagu sanna ayon satta daku.”

![](https://cdn.door43.org/obs/jpg/360px/obs-en-30-06.jpg)

Jisun a hanang maranji kuddub parjanji ado’ng a gablingan tang bakurdi galji mandra dardi gamle jaitan abgob gobbin asan baihetidji.

![](https://cdn.door43.org/obs/jpg/360px/obs-en-30-07.jpg)

Atiki Jisun monloi rutipun do bagu ayon pangle, Ruangban manggile do kun a ganaga apsele Kitungan ado’ng sinetid.

![](https://cdn.door43.org/obs/jpg/360px/obs-en-30-08.jpg)

Salettin Jisun kun rutipun do ayon pijpijetid. Anin mandranji ado’ng bantile tiybin asan a hanangna maranji ado’ng tiyetinji. Hanangna maranji mandranji ado’ng tiyle dakulinji, do kun ati adnahided! Kuddub mandranji be’e be’e jumlaji.

![](https://cdn.door43.org/obs/jpg/360px/obs-en-30-09.jpg)

Anti atiki, hanagna maranji a laggulin a janumjum hidaleji. Kanti ati mijgal turdud lingan barij deli! Kuddub ganagan monloi rutipun do bagu sanna ayon batti gadilli.

*Mattiu 14:13-21; Marko 6:31-44; Luko 9:1-17; Jon 6:5-15 Kambolan Saring Bo Kata Biran*

Audio: https://git.door43.org/OBS-TLF/srb_obs/releases/download/v1/srb_obs_v1_30_128kbps.m4a

## 31. Jisun Daan A’linka Hanetin

https://openbiblestories.org/l/srb/story-31/

![](https://cdn.door43.org/obs/jpg/360px/obs-en-31-01.jpg)

Jisun parjanji ganagan ati-etid atiki, anin hanangna maranji ado’ng bungsang lingan aganbin asan oblingetinji. Anin aninji akandungbanji asuij ayam adakunetid adnang Anin mi’httal ganingban bungsangan batti aninji ado’ng ayirbin asan oblingetinji. Bar hanangna maranji omdale yirreji, do Jisun parjanji ado’ng asi’ngbanji appaietid. Ante atiki, Jisun baruban garbirnabin asan yiretid. Anin titti atingsoijjan dakunetid, do anin tungar togalan sikoija garbirnetid.

![](https://cdn.door43.org/obs/jpg/360px/obs-en-31-02.jpg)

Kun ayam lingan, hanangna maranji mi’htal padbin asan bungsangan uijleji, bindo ranggin anin amangbanji raddudam idaitid. Agante tungartogal deli, aninji tarangdi ganing lingan satta arduleji.

![](https://cdn.door43.org/obs/jpg/360px/obs-en-31-03.jpg)

Kun ayam lingan, Jisun garbiran tabkudetid do hanangna maranji ado’ng rabangbin asan yiretid. Anin da’an alinkaling halin aninji abungsang ban yiretid.

![](https://cdn.door43.org/obs/jpg/360px/obs-en-31-04.jpg)

Ansaring hanangna maranji anin ado’ng gijleji. Aninji ateng batongleji itin asan gamlenden aninji ogandileji kun ati kulman na. Jisun kun ati galametid do aninji batongteji, bar anin aninji ado’ng gudingetiji, “Abangtongdong. Kan ati henin na.”

![](https://cdn.door43.org/obs/jpg/360px/obs-en-31-05.jpg)

Ansaring Jisun Pitoran ado’ng gametid, “Gamang, bogad kan ati aman, da’a lingan halin mangbanam yirbin asan anordin tiyh.” Jisun Pitoron ado’ng gametid, “Yerai!”

![](https://cdn.door43.org/obs/jpg/360px/obs-en-31-06.jpg)

Bar, Pitoron bungsangan saring ladsolin da’an alingka lingan halin Jisun amangban ayirbin susunetid. Bindo asui sangai halinan atiki, Jisun amang saring amadan opsadetid do surda ranggin galambin asan anin a-tidana da’an gijgijetid.

![](https://cdn.door43.org/obs/jpg/360px/obs-en-31-07.jpg)

Ansaring Pitoron batongli do da’a lingan tabubbin susu e-tid. Anin edanetid, “Gamang, rab rabih!” tabdong, Jisun amang ban yirre anin ado’ng kundule hametid. Ansaring Anin Pitoron ado’ng gametid, “Aman asuij dirnanam! Dong nam rabrabbin asan aman laningka hen itiban ad-dirned?”

![](https://cdn.door43.org/obs/jpg/360px/obs-en-31-08.jpg)

Ansaring Pitoron do Jisun bungsang lingan ganleji, do ranggin abubmung kaddablin. Da’an sayuli. Hanangna maranji rubmangdale Jisun amang turdumleji. Anin ado’ng singkinrale gamleji, “Jardid, aman Kitungan a-onan na.”

*Mattiu 14:22-33; Marko 6:45-52; Jon 6:16-21 Kambolan Saring Bo Kata Biran*

Audio: https://git.door43.org/OBS-TLF/srb_obs/releases/download/v1/srb_obs_v1_31_128kbps.m4a

## 32. Jisun bo Hamkul Maran Do Bo Bimbim Boijan Ado’ng Absamangte

https://openbiblestories.org/l/srb/story-32/

![](https://cdn.door43.org/obs/jpg/360px/obs-en-32-01.jpg)

Garasiya maranji a-disaban yirbin asan Jisun do a-hanangna maranji aninji bungsang ban yirreji. Aninji kun adisaling arduleji do bungsangan saring dunglinaiji.

![](https://cdn.door43.org/obs/jpg/360px/obs-en-32-02.jpg)

Nami titti bo hamkul maran dakuli.

![](https://cdn.door43.org/obs/jpg/360px/obs-en-32-03.jpg)

Anin ateng radumar dakuli do buti janang anin ado’ng ad-raptie-edji. Uanti ayam lingan mandranji anin ado’ng singkurdin batti asin do ajingan jile dakkuleji, bindo anin kun ati tadde-etid.

![](https://cdn.door43.org/obs/jpg/360px/obs-en-32-04.jpg)

Kun a mandra kintolod lingan dakunetid. Togal tamba kun amandra gule dakunetid. Anin adjijined a-putan dakunetid, do anin daman arengan batti ado’ng apparanetid.

![](https://cdn.door43.org/obs/jpg/360px/obs-en-32-05.jpg)

Jisun amang ban kun amandra abrijlin yirre amang ban turdumetid. Ansaring Jisun mandran amang ling adakun kulman ado’ng gametid, “Mandran amang saring dunglin yirra!”

![](https://cdn.door43.org/obs/jpg/360px/obs-en-32-06.jpg)

Kulman surda sarangan batti gue-tid, “Jisun, Kuddub saring lananka Kitungan a-onan manghen saring aman itin sanaisai? Abasuyim gamle do’nghen abkalkal dong!” Ansaring Jisun kulman ado’ng ualle gametid, “Ahimnam itin?” Anin abyar biretid, “Ahimhen kanuduai, itin asan gamlenden anlen atengdam.”

![](https://cdn.door43.org/obs/jpg/360px/obs-en-32-07.jpg)

Kulmanji Jisun ado’ng garmadetid, “Abasuyim gamle kan disan atanod saring do’nglen bayiran appaidonglen!” Barun amanengan kun ayam lingan kanbunanji jumjumlinji. Kun apanardu kulmanji Jisun amang garmadlinji, “Abasuyim gamle kanbunanji amang lingan appailen!” Jisun gametid, hadab, amang linganji yirba!”

![](https://cdn.door43.org/obs/jpg/360px/obs-en-32-08.jpg)

Bar kulmanji Mandran saring dunglin kanbunanji amangban ganlinji. Kanbunanji er-rin ganingan alung lingan Er-jangleji do tabbubleji. Manda lingan kanbunanji 2,000 saring aur dakuleji.

![](https://cdn.door43.org/obs/jpg/360px/obs-en-32-09.jpg)

Kanbunanji a gublenji amandraji tittin dakuleji. Angante aninji kun ati gijleji aninji gardaban irreji. Jisun itinti lumetid anti ati kuddub mandraji ado’ng oblingleji. Mandranji gardan saring yirraiji do ahamkullin amandra ado’ng gijleji. Anin lagad gamle gobetid, sindrin jijinetid, do anin abangsa maran ambrij dakunetid.

![](https://cdn.door43.org/obs/jpg/360px/obs-en-32-10.jpg)

Mandranji boi boi batongleji do Jisun ado’ng yira gamleji. Bar Jisun bungsang lingan ganetid. Ongante amandra hamkulli anin Jisun ampra yirbin asan oblingleji.

![](https://cdn.door43.org/obs/jpg/360px/obs-en-32-11.jpg)

Bindo Jisun anin ado’ng gametid, “ijja. Hen itsumtai aman si’ngnam yira do Kitungan itinti aman asan lumetid kuddub mandran ado’ng i-oblinga. Anin yangamle do’ngnam Asuyumetid anti ati i-oblinga.”

![](https://cdn.door43.org/obs/jpg/360px/obs-en-32-12.jpg)

Bindo Jisun anin ado’ng gametid, “ijja. Hen itsumtai aman si’ngnam yira do Kitungan itinti aman asan lumetid kuddub mandran ado’ng i-oblinga. Anin yangamle do’ngnam Asuyumetid anti ati i-oblinga.”

![](https://cdn.door43.org/obs/jpg/360px/obs-en-32-13.jpg)

Jisun ganingan ami’httal saring dayaraitid. Anin titti arduetid atiki, ateng parjanji ayar yar manegan rukulinji do alaninka lingan ar-tampalleji. Ayingante ainsalo mi’hgal (12) mi’hnum sikkoijja jarammi bimbim lingan dakuli anin parjan alung lingan dakuli. Anin regam maranji amang lingan kuddub lebunji karsuetid yanti gamle aninji abbangsateji, bindo anin er-bangsan ati hangetid.

![](https://cdn.door43.org/obs/jpg/360px/obs-en-32-14.jpg)

Jisun ateng bimbim maranji ado’ng ab-bangsa-etid ati anin amdangle, “Hen jardidna anin asindri sunnilahen den, heni janang banangsan hangtai!” Bar anin Jisun akandung ban yiraitid do asindrin sunni etid. Anin sunnile atabdong, mihaman ajorod kaddablin!

![](https://cdn.door43.org/obs/jpg/360px/obs-en-32-15.jpg)

Tabdong, Jisun aranaptin yiretid gamle anin daman imdamnetid. Bar anin dayarguilin gametid, “Butin do’ng hen sunni etid?” Hanangna maranji abyarbir-reji, “Yar yar manengba nam ateng parjanji artampal damgi detiji do aman sunnilamji. Do butin do’ng hen sunnile gamle, Itin asan aman ualte?”

![](https://cdn.door43.org/obs/jpg/360px/obs-en-32-16.jpg)

Insalon Jisun atimang ban turdumetid, do takarli ateng batongli. Ansaring anin itinti lumetid ante ati oblingetid, do anin banangsan deli. Jisun anin ado’ng gametid, “Dirnanam absamangamtid. “Sanabyun batti yira.”

*Mattiu 8:28-34; 9:20-22; Marko 5; Luko 8:26-48 Kambolan Saring Bo Kata Biran*

Audio: https://git.door43.org/OBS-TLF/srb_obs/releases/download/v1/srb_obs_v1_32_128kbps.m4a

## 33. Orro Maran Akata Biran

https://openbiblestories.org/l/srb/story-33/

![](https://cdn.door43.org/obs/jpg/360px/obs-en-33-01.jpg)

Bo dinna, Jisun ganingan amanengban dakuli. Anin surda parjanji ado’ng hanghangetinji. Do ateng mandranji Jisun amangban yirraiji ante asan kuddub mandranji ado’ng oblingle ad-raptied. Anin da’a lingan abungsang lingan yiretid. Titti goble mandranji ado’ng hanghangetid.

![](https://cdn.door43.org/obs/jpg/360px/obs-en-33-02.jpg)

Jisun kan asaitaron oblingetid. “Bo bidbid maran asuij jabmolan hamle bidbin asan dungnetid. Anin asin batti jabmolan hamle biretid, dajingante jabmolanji maneng godban galoli. Bindo ontiddanji yiirre kuddub jabmolan jumleji.

![](https://cdn.door43.org/obs/jpg/360px/obs-en-33-03.jpg)

“Asuij jabmolanji arengan lingan galuli, uanti asuij labon dakuli. Areng lingan agalulin ajabmol rayil dunglin marangli, bindo ajiddanji labo lingan jaru ad-yired. Angante uyungan dungnaitid kan ati tagidam dean dele asarre kahidleji.”

![](https://cdn.door43.org/obs/jpg/360px/obs-en-33-04.jpg)

“Nami sikoija asuij jabmolanji ibaniban galuli. Kan jamolan marangbin asan susunetid, bindo iban kan ati ladlade-etid. Bar ibaniban amaranglin ajabmolan itidja jo’n adjo’ed.”

![](https://cdn.door43.org/obs/jpg/360px/obs-en-33-05.jpg)

“Asuij jabmolan bangsa sol lingan galuli. Kan ajabmolan ni’eble marangli do jo’n 30, 60, bar 100 tarding marangle jo’li. Butinti Kitungan ado’ng sanilte, hen itinti birtinai anin daludle amdangeti!”

![](https://cdn.door43.org/obs/jpg/360px/obs-en-33-06.jpg)

Kan asaitaron hanangna maranji ad-ganluddeji. Bar Jisun bangsale oblingetid, “Jabmolan agaramgam Kitungan abirna. Tangoran agaramgam bo mandran butinti Kitungan abirnan amdangte, bindo anin kan ati ad-ganludde. Ansaring duaih suman birnan anin saring sabngaite. ante ati, Sonuman aganludbin asan anin ado’ng adtie.”

![](https://cdn.door43.org/obs/jpg/360px/obs-en-33-07.jpg)

“Areng lingan asoldan agaramgam bo mandran butinti Kitungan abirnan manoihan bati amdangle jate. Bindo anganti anin kanalkallingan dakuti, ordi biggarda maranji anin ado’ng kanalkalan abmetinji, anin Kitungan saring sangaiti. Ante saring, Kitungan amang ad-dirne do anin kaddabtid.”

![](https://cdn.door43.org/obs/jpg/360px/obs-en-33-08.jpg)

“Ibba solan bo mandran butinti Kitungan abirnan amdangte. Bindo anin ateng janabanji asan museldayimti, do anin ateng lebun atartumbin asan erte guijte, do anin ateng janabanji hangbin asan erte guijte. Asuij ayam atiki, ateng dinan Kitungan atanimyim lingan ad-dakune. Bar anin itinti abirnan Kitungan amang saring hangnetid kun batti Kitungan ado’ng admoi’hle adraptie. Anin gommo saran ambrij itijja jo’n ad’jo’e.”

![](https://cdn.door43.org/obs/jpg/360px/obs-en-33-09.jpg)

“Bindo bangsa labo lingan agalotin a jabmolan bo mandran butinti Kitungan a birnan amdangte, kan ati dirtin, do jo’n jo’ti.”

*Mattiu 13:1-23; Marko 4:1-20; Luko 8:4-15 Kambolan Saring Bo Kata Biran*

Audio: https://git.door43.org/OBS-TLF/srb_obs/releases/download/v1/srb_obs_v1_33_128kbps.m4a

## 34. Jisun Bigarda Katabiranji Hanghangte

https://openbiblestories.org/l/srb/story-34/

![](https://cdn.door43.org/obs/jpg/360px/obs-en-34-01.jpg)

Kitungan Arajam apsele Jisun ateng kata biran batti obligentid. Bo birnan, Anin gametid, “Kitungan Arajaman bo sursu baian bo mandra kutta lingan aguten ambrij. Ambin galam daku do sursu baian kuddub ba’ayanji saring sannadam.”

![](https://cdn.door43.org/obs/jpg/360px/obs-en-34-02.jpg)

“Bindo angante sursu baian padable marangte, kan ati biggarda ni’eban saring surda marangti, ednegoi surda dam deti do ontiddanji janang kun akandar lingan duilin lulutinji.

![](https://cdn.door43.org/obs/jpg/360px/obs-en-34-03.jpg)

Jisun biggada kata biran oblingetid, “Kitungan Arajaman bo insalon ganabrung salan do banraijan batti in-rang mainen sikoijja maile adakkuten ambrij.

![](https://cdn.door43.org/obs/jpg/360px/obs-en-34-04.jpg)

“Do Kitungan Arajaman bo tanartum Bitin anti ati kutta lingan bo mandra asoten ambrij. Bo biggarda maran kun a-bitti hangentid do anin ateng Sanai sai dam deli. Bar okkij anin tiletid. Anin ateng Manoi’h lingan barij deli ansaring anin yiretid do intinti anin amangan dakuli kun ati kudduban timle kun jannongan hibin asan yirretid.”

![](https://cdn.door43.org/obs/jpg/360px/obs-en-34-05.jpg)

“Kitungan Arajaman muktan ambrij ateng Janatidam. Angante Muktan atanim na maran kun ati hangetid, anin kudduban timetid atiki anin akudduban bar hie-tid.”

![](https://cdn.door43.org/obs/jpg/360px/obs-en-34-06.jpg)

Dajingante mandraji ogandileji Kitungan aninji ado’ng jate itin asan gamlenden aninji bangsa baran lumteji. Kan amandraji er-bangsa baran alumtenji amandraji ado’ng asanggimleji. Jisun kan akata biran aninji ado’ng oblingetid: “Bagu mandra dakuliji, bagunji garbirnaban sarebasi’ngban yirreji. Titti lingan Bo mandra gargar panu mar do okkij bo mandra dane god mar dakuli.”

![](https://cdn.door43.org/obs/jpg/360px/obs-en-34-07.jpg)

“Danedgod maran ednegoi garbirnetid, ‘Sintam, Kitungan, hen biggarda maranji ambrij pintumar tid, jumburmar tid, er-bangsa mar, jundarda ordi jundardi boi, ordi tidne gargar panumaran ambrij tid.”

![](https://cdn.door43.org/obs/jpg/360px/obs-en-34-08.jpg)

“Bo anabsuijbirgi, hen bo palli lingan bagu tara anumtinai do hen kuddub tankan do kuddub tanartuman saring galji tanuban tiytam.”

![](https://cdn.door43.org/obs/jpg/360px/obs-en-34-09.jpg)

“Bindo danegod maran saring gargar panu maran sangai tanangetid. Anin Ruangban janang adgijgijed. Apanardun, anin a-uggardaman tidle a talabjingan abmainale garbirnetid, ‘Kitungan, lananka hen abasuyimih itin asan gamlenden hen bo pintumar.“

![](https://cdn.door43.org/obs/jpg/360px/obs-en-34-10.jpg)

Antin saring Jisun gametid, “Hen obling tabin, Kitungan Danegod maran agarbiran janajan er-delabi, panu gar maran a garbiran janajan deli do bo roitadmar gamle anabpingban deli. Kitungan kinsa maranji ad-nabmade, bindo Anin amang ban a labyutinan amandra ado’ng abmadte.”

*Mattiu 13:31-46; Marko 4:26-34; Luko 13:18-21; 18:9-14 Kambolan Saring Bo Kata Biran*

Audio: https://git.door43.org/OBS-TLF/srb_obs/releases/download/v1/srb_obs_v1_34_128kbps.m4a

## 35. Asuyim Ua-an Akata biran

https://openbiblestories.org/l/srb/story-35/

![](https://cdn.door43.org/obs/jpg/360px/obs-en-35-01.jpg)

Bo dinna, Jisun a birnan amdangbin asan arukkulinan amandraji ado’ng anin hanghangetid. Kan a mandraji panuleb gar gar maranji do biggarda maranji butinti Mojeson anosoij ardilenji amandraji janang dakuleji.

![](https://cdn.door43.org/obs/jpg/360px/obs-en-35-02.jpg)

Gardi maranjii ambrij kan amandraji ampra Jisun abirnetid ati dajingante dannegod maranji gijleji. Bar anin saridsid baran lumte gamle Aninji daman bir-dalinji. Jisun aninji abirnanji amdangetid, bar ante asan aninji ado’ng kan abirnan oblingetinji.

![](https://cdn.door43.org/obs/jpg/360px/obs-en-35-03.jpg)

“Bo ayaman bo mandra bagu a-ongger onan dakuli. A sanna onan A-uanggon ado’ng gametid, ‘u’ang, tanubling hen abitti hen namihen Sanai saij!’ Bar ante saring abittin bagun adanggarda onanji ado’ng bantile tie-tinji.”

![](https://cdn.door43.org/obs/jpg/360px/obs-en-35-04.jpg)

“Tabdong asanna onan kudduban abittin rukkule anin sangai disaban yiretid do alebunji pintu bara lingan karsue-tid.”

![](https://cdn.door43.org/obs/jpg/360px/obs-en-35-05.jpg)

“Ante Atiki, uanti adisa lingan sanna danggarda onan dakuli titti bo surda kantaran deli do gaganan ahibin asan asi’lingan lebun ad-dakued. Ante asan anin bo baran sajeitid bindo anin ad-hangedan asan, kanbunanji gupae-tid. Anin ateng duleidan do danuka lingan dakuli ante asan anin kanbunanji ajumlenji aganaga jumbin asan itsumetid.”

![](https://cdn.door43.org/obs/jpg/360px/obs-en-35-06.jpg)

“Atanakud lingan, Sanna danggarda onan anin daman gametid, ‘hen itin lumtai? Kuddub Uangohen abuantanji la’a pasirgi ganagan hangteji, do hen tidne ganagan ad-hangai. Hen Uangohen amang ban dayartin do hen aboantan adebin asan anin ado’ng oblingtai.”

![](https://cdn.door43.org/obs/jpg/360px/obs-en-35-07.jpg)

Ante saring sanna danggarda onan a-uangon asi’ngban dayaretid. Angante anin sangai dakuli janang, auangon anin ado’ng gijle anin apsele ateng asuyumdali. A-uan amangban irnetid do anin ado’ng kundule hamle kurkurtametid.”

![](https://cdn.door43.org/obs/jpg/360px/obs-en-35-08.jpg)

“Danggardan a-uan ado’ng gametid, ‘uang, heni Kitungan amang lingan do mangling nam hen pintun lumlai. Hen danggarda Onam a-debin tungnatid.”

![](https://cdn.door43.org/obs/jpg/360px/obs-en-35-09.jpg)

“Bindo auangon bo boantan ado’ng gametid, ‘loyirra do bangsa sindrin pangle onhen abjijiba! A ondersi lingan engsin abtolba do anin ajing lingan panduiyan ab-ratudba. Bangsa bugi tangan pangle tuabba do bujilin amoi’hnaba, itin asan gamlenden onhen kahidli badi-e, bindo nami anin yarmengli! Anin Si’edli badi-e, bindo nami anlen anin ado’ng hanglebi!”

![](https://cdn.door43.org/obs/jpg/360px/obs-en-35-10.jpg)

“Bar mandranji moi’hlinji. Ateng ayam atiki, asurda onan baralin kutaban saring si’ngban yarnaitid. Anin kininan tongsengan amdangle rubmangdale gametid do kan tidne itin deti.”

![](https://cdn.door43.org/obs/jpg/360px/obs-en-35-11.jpg)

“A-uban si’ngan ayernaitid asan kan amanoi’h jumdaran deti gamle Angante asurda danggarda onan galametid, anin ateng barabli do anin si’ngan alung ad-ganed. A uangon bayiran dunglin do aninji ampra moi’hnabin asan anin ado’ng garmadle yirai gamle oblingetid, bindo anin assali.”

![](https://cdn.door43.org/obs/jpg/360px/obs-en-35-12.jpg)

“A surda onan a uangon ado’ng gametid, ‘dijne mi’hnuman dirnan batti aman apsele hen baralinai! Angaja hen do’ng nam er-ardi, do nami sikoija gardi henji ampra manoi’h jumdaran jumbin apsele do’nghen bo sanna kimmeddan soij ad-tiylih. Bindo kan onam kuddub lebunam ersi bara lingan karsule absi’hidetid. Angante anin si’ngan yarnaitid, aman bangsa bugi tangan tuable manoi’h jumdaran lumle!”

![](https://cdn.door43.org/obs/jpg/360px/obs-en-35-13.jpg)

“Auango jalangle gametid, ‘E onhen, aman tordong ayam hen ampra dakulam, do itinti akuddub janaban hen ati ante ati aman ati. Bindo kan a manoi’h jumdaran anlen apsele hadab daku itin asan gamlenden ubanam kahidli, bindo nami anin ameng. Anin si’edli badi, bindo nami anin ado’ng alen hanglabi!’”

*Luko 15:11-32 Kambolan Saring Bo Kata Biran*

Audio: https://git.door43.org/OBS-TLF/srb_obs/releases/download/v1/srb_obs_v1_35_128kbps.m4a

## 36. Jisun A Bananda Mukkan

https://openbiblestories.org/l/srb/story-36/

![](https://cdn.door43.org/obs/jpg/360px/obs-en-36-01.jpg)

Bo dinna Jisun yagi ahanangna maranji Pitoron, Jakubon bar Jon anin ampra urungetinji. (hanangna mar Jon Jisun ado’ng atabbubdaetid a Jon tid.) aninji garbirnabin apsele bo langka baruban yirreji.

![](https://cdn.door43.org/obs/jpg/360px/obs-en-36-02.jpg)

Ayingante ayam jisun garberrlin, amukkan uyungan ambrij puangle. Asindrin tana’ran ambrij paludam deli, kan ambrij ordar lingan ednegoi butijja abmele adraptie.

![](https://cdn.door43.org/obs/jpg/360px/obs-en-36-03.jpg)

Ansaring Mojeson do Eliyon tungmadgijmar amangban abgijdamlinji. Kun amandranji ordar lingan bo sua mi’hnum abmang basuleji. Aninji Jisun akarahiddan apsele birrinji, iten asan gamlenden anin Jirusalem lingan baya karahidan deti.

![](https://cdn.door43.org/obs/jpg/360px/obs-en-36-04.jpg)

Ayingante ayam Mojeson do Eliyon Jisun ampra arbirdaleji, Pitoron Jisun ado’ng gametid,” tidne adakunlaihen anlen apsele bangsa. Bar jaba anlen yagi tambu si’ngan asabjaba, aboi aman apsele, aboi Mojeson apsele, do aboi Eliyon apsele.” Bindo Pitoron anin itin gamte adgalamed.

![](https://cdn.door43.org/obs/jpg/360px/obs-en-36-05.jpg)

Pitoron birnetid ayam, bar ta’rdam taruban anin amangban luble. Ansaring tarub lingan saring bo sarangan anamdangan deli. Anin gametid, “Kan ati tanimyim on-hen anin ado’ng hen tamyimtai. Anin amang lingan moi’hdatih. Anin abirnan amdangba.” Yagi hanangna maranji batongleji do labo lingan turkurdublinji.

![](https://cdn.door43.org/obs/jpg/360px/obs-en-36-06.jpg)

Ansaring Jisun jabsile gametid,” abantongdong. Do dinaba.” Bar anin kuddub manengban melgijleji, bo mandra satta Jisun titti dakuli.

![](https://cdn.door43.org/obs/jpg/360px/obs-en-36-07.jpg)

Jisun do bar yagi ahanangna maranji aninji latso birrinji. Jisun aninji ado’ng gametid, “Nami tidne itinti dele antati buti janang ettibintid. Hen baya kahidti bindo yarmengtih. Ante atiki, ambin mandranji ado’ng etile araptite.

*Mattiu 17:1-9; Marko 9:2-8; Luko 9:28-36 Kambolan Saring Bo Kata Biran*

Audio: https://git.door43.org/OBS-TLF/srb_obs/releases/download/v1/srb_obs_v1_36_128kbps.m4a

## 37. Jisun Lajaran Adong Karahiddan Saring Abdite

https://openbiblestories.org/l/srb/story-37/

![](https://cdn.door43.org/obs/jpg/360px/obs-en-37-01.jpg)

Lajar gamle bo mandra dakule. Bagu a tonananji dakuli anin ahimanji Meri do Marta. Aninji Jisun a gardinji na. Bo dinna bo mandran Jisun a do’ng gadlamle gametin do Lajaran a-ur bimbim lingan daku. Anganti Jisun amdangetin anin gametin, “kuni kanalkal Lajaran akarahiddan bati adnahide. Bindo, kan batti Kitungan asaninsinan deti.

![](https://cdn.door43.org/obs/jpg/360px/obs-en-37-02.jpg)

Jisun a gardinji ado’ng timyimten, bindo kun lingan bagu dinna sikoijja anin omdietin. Bagu dinna atiki, anin a hanangna maranji a do’ng gametin, “maba bar okij Juda desaban ayarnaba.” A hanangna maranji anin a do’ng abyar birreji “E hanghang mar,” nami asui ayam abmang kun amandraji dongnam atuabbin asan saijlamji!” Jisun jalangle gametenji, “gardi marlen Lajaran adimad, do hen anin abdeben deti.”

![](https://cdn.door43.org/obs/jpg/360px/obs-en-37-03.jpg)

Jisun ahanangna maranji abyar birreji, “E Gamang, bogad Lajaran dimadlinanden, anin samangte.” Jisun aninji adong bangsale oblingetinji, “Lajaran kahidli. hen manoihdam do hen kun titti a ddakulih. Yanti gamel ambin nami addirtin.”

![](https://cdn.door43.org/obs/jpg/360px/obs-en-37-04.jpg)

Anganti Lajaran a basulen a garjangban ardule, Lajaran kahiddan kahidle inreng unji dinna deli. Martan Jisun a do’ng rabangben asan si’ngan saring dungan dunglin gametin. E Gamang, bogad aman satta tedne dakulamanden, u-bba hen akkahide badih. Bindo hen der-derna hen daku do itenti anin apsele garte antate Kitungan tiytam.

![](https://cdn.door43.org/obs/jpg/360px/obs-en-37-05.jpg)

Jisun anin a do’ng abyar biretin, “Yanarmenggan do mandrengnan henina. Buttinti mangling hen dirtin anin kahidle janangden meengti. Buti buti mangling hen dertinji aninji angaja a kahiddeji. Kan ati aman dertin po? Martan anin a do’ng gametin, “O, Gamang! hen kanate dertenai aman na Kitungan a-onan Messian.”

![](https://cdn.door43.org/obs/jpg/360px/obs-en-37-06.jpg)

Ansaring Merin dayaraiten. Bar jisun a jingba anin turdumle gameten, “E Gamang, bogad aman tidne dakulamanden u-bba hen akahide badih.” Jisun anin a do’ng ualle gametin, “amben Lajaran ado’ng u-an a dakkule?” Aninji gadlamle gamleji, “tariltillung lingan. Yirai ageijja. Ansaring Jisun e-danetin.

![](https://cdn.door43.org/obs/jpg/360px/obs-en-37-07.jpg)

Kun tariltillungan bo lunggaran na kun at’odlung lingan bo a rengan ranuban dele. Anganti Jisun tariltillungban arduaitin, aninji a do’ng gametin, “arenggan debba.” Bindo Martan anin adong gametin, “inrang kahidan kahidle unji dinna deli. Do kan ati so’li.

![](https://cdn.door43.org/obs/jpg/360px/obs-en-37-08.jpg)

Jisun anin ado’ng abyar biretin, “hen dongnam adnopunglam po bogad aman mangling hen dirrinanden Kitungan aranapti gijte?” Saliten aninji arengan kudleji.

![](https://cdn.door43.org/obs/jpg/360px/obs-en-37-09.jpg)

Bar Jisun ruangan a langka mukkale gameten, “E u-ang aman Berna hen amdangle asan sentam. Hen galam bernahen ditordong aman a mdangte, bindo tidne a tanangan a onla maranji sayambin asan hen kan ate opinglai yante gamle aman a ppailih anti ati aninji rapti dirtinji.” Ansaring Jisun uai saranggan batte guetin, E Lajar Dunglin yierai!”

![](https://cdn.door43.org/obs/jpg/360px/obs-en-37-10.jpg)

Bar Lajaran dunglin yiraitin! Sindrikaban batti anin abanolod dungnaitin. Jisun aninji a do’ng gametin, “Kun sindrikaban tabba do anin adong urba!” Kun arubmang baran batti ateng Jiudinji Jisun amanglingan derrenji.

![](https://cdn.door43.org/obs/jpg/360px/obs-en-37-11.jpg)

Bar Jiudinji aderna badloyim maranji loinle Jisun a do’ng a sanggemlaji, bar aninji rukkuan rukkulin yan gamle Jisun do Lajaran tuabbin deti anti asan osbalinji.

*Jon11:1-46 Kambolan saring bo Kata biran.*

Audio: https://git.door43.org/OBS-TLF/srb_obs/releases/download/v1/srb_obs_v1_37_128kbps.m4a

## 38. Jisun Assanggim Maranji Asi lingan Sanurpiddan Deli

https://openbiblestories.org/l/srb/story-38/

![](https://cdn.door43.org/obs/jpg/360px/obs-en-38-01.jpg)

Dile mi’hnum, Jiudinji Anelai abdur lumleji. Kitungan yan gamle aninji ajujunji ado’ng Misar disa lingan boanta baran saring arab rabetinji asan Kan amanoi’h abduran deli. Bar yagi mi’hnum atiki Jisun abmang tra bayiran mandranji amangban hanangan ti-etid, Jisun ahanangna maranji ado’ng gametid do Jirusalem lingan aninji ampra Anelai abdur lingan moi’hnabin itsumetid, do anin titti kanabhiddan deti.

![](https://cdn.door43.org/obs/jpg/360px/obs-en-38-02.jpg)

Jisun ahanangna marji saring Juda gamle bo mandra dakkule. Judan anappai maranji tangka munan adakkuleb mar dakuli, bindo ditordong anin kun muna lingan saring lebun jumbirnetid. Jisun do ahanangna maranji Jirusalemban ardulenji atiki, Judan Jiodi abmang god maranji amang yirretid. Anin Jisun ado’ng absuijbin asan dane god maranji amang saring lebun jalin Jisun ado’ng timetid. Jiodi dane maranji Jisun ado’ng Messian gamle adjaedanji ati anin galametid. Aninji anin ado’ng tuabteji gamle galametid.

![](https://cdn.door43.org/obs/jpg/360px/obs-en-38-03.jpg)

Jiodi dane maranji, murda buyan batti anabhanan deliji, Jisun ado’ng asi linganji surpidbin asan aninji Judan ado’ng 30 tanka tiyleji. Tungmadgij maranji abirna ambrij kan ati deli. Judan dirnetid, lebun jalin, do sangai yiretid. Jisun ahambin apsele aninji ado’ng sayambin asan anin bangsa royongan saijetid.

![](https://cdn.door43.org/obs/jpg/360px/obs-en-38-04.jpg)

Jirusalem lingan, Jisun ahanangna maranji ampra anelai abdur lingan moi’hlinji. Gaganan ayam lingan, Jisun dajingante ruttipun pangle pijpijetid. Anin gametid, “Nabba do kan ati jumba. Kan ati do’nghen na, itinti hen ambin apsele tiytai. Do’nghen ayimbin apsele ambin kan ati lumba.” Ednegoi, Jisun gametid do aninji apsele kahidte, do anin ado’ngan aninji apsele tiyte.”

![](https://cdn.door43.org/obs/jpg/360px/obs-en-38-05.jpg)

Ansaring Jisun bo pinsamin lingan drakiya da’an hamle gametid,” kan ati gaba. Kan ati mihamhen Atabme Sanibdei biran do hen latai yanti gamle Kitungan pintubinji tabmate. Nami hen alumtahen ati ambin lumba, yanti gamle angante ambin agate do’nghen ayimte.“

![](https://cdn.door43.org/obs/jpg/360px/obs-en-38-06.jpg)

Ansaring Jisun ahanangna maranji ado’ng gametid, “Ambin saring bo mandra do’ng hen surpidtih.” Ahanangna maranji kilkalkilamgi deleji, do aninji opungleji buttin kan ambrij lumte. Jisun gametid, “Butinti ado’ng hen kun rutipun pijle tiytai anin na janolda maran.” Ansaring anin kun rutipun Judan ado’ng ti-etid.

![](https://cdn.door43.org/obs/jpg/360px/obs-en-38-07.jpg)

Judan rutipun panglen atiki, sonuman ado’ng lingan ganetid. Judan dungan dunglin Jisun ado’ng abhamhambin asan parusinji ado’ng sayamben yirretid. Kun ati togal ayaman dakuli.

![](https://cdn.door43.org/obs/jpg/360px/obs-en-38-08.jpg)

Rengjumlenji atiki, Jisun do ahanangna maranji Jito baruban yerreji. Jisun gametid, “Nami atoggalan ambin kuddub do’nghen aomdate. Kan ati anidolan daku, ‘hen gupamed maranji ado’ng tidtai do kuddub murkundardanji barsinggardaigi detaji.’”

![](https://cdn.door43.org/obs/jpg/360px/obs-en-38-09.jpg)

Pitoron abyar biretid, “Kuddub mandranji omdalamji janang den, hen do’ngnam ad-numrengai!” Ansaring Jisun Pitoron ado’ng gametid, “Sonuman ambin kuddubin apangbin asan itsumte, bindo e Pitoro, hen aman apsele garbirlai, do dirnanam ad-balae. Bar janang, nami toggalan, tadariman inrang ulen abmang, aman do’nghen ad-galamai gamle yagi tra sosotin.”

![](https://cdn.door43.org/obs/jpg/360px/obs-en-38-10.jpg)

Pitoron bar Jisun ado’ng gametid, “Bogad hen kahidlihen janang den, hen angaja d’ong nam ad-sosolangnai!” Bar kuddub hanangna maranji janang etigoi gamleji.

![](https://cdn.door43.org/obs/jpg/360px/obs-en-38-11.jpg)

Ansaring Jisun ahanangna maranji ampra Getsemeni darakunaban yerreji. Jisun ahanangna maranji ado’ng garbirnabin asan oblingetid yanti gamle aninji tanungjing lingan adgalueji. Ansaring Jisun garbirnaban yieretid.

![](https://cdn.door43.org/obs/jpg/360px/obs-en-38-12.jpg)

Jisun yagi tra garbirnetid, “e ua-hen, bogad kan ati delin den, abasuyim gamle kan kanalkal ganagan agabin apsele tihdongih. Bindo mandranji apintu tadmadbin asan biggarda tanggoran agasa den, itsumnam ojoraieti.” Jisun aur danukkalingan dakule bar anin ado’ng lingan saring uhulan mihaman ambrij jorodle. Tanu-ulan tiybin apsele Kitungan bo Pisirdian appaiaitid.

![](https://cdn.door43.org/obs/jpg/360px/obs-en-38-13.jpg)

Dile garbirnan takkudlin ayam, Jisun ahanangna maranji amangba dayarnaitid, bindo aninji dimadleji. Angante Jisun yagi tara yarren, Jisun gametid, “Denaba! Do’ng hen abhamhamten amandra tidne daku.”

![](https://cdn.door43.org/obs/jpg/360px/obs-en-38-14.jpg)

Judan Jiudi dane maranji, do bo surda parjanji ampra yirraiji. Aninji kardiban do sittoij luddan panglaiji. Judan Jisun amang yiran iyrre gametid, “Limtam, hanghang mar,” do anin ado’ng kurkurtamle. Anin Jiudi dane maranji Jisun ado’ng ab-hamhambin asan ednegoi absuile abgijetinji. Ansaring Jisun gametid, “e Juda, “Aman kurkurtamle do’ng hen abhamhamle po?“

![](https://cdn.door43.org/obs/jpg/360px/obs-en-38-15.jpg)

Sanu maranji Jisun ado’ng hamlenji adnang. Pitoron akardiban roilangle murda buyan aboanta ado’ng sabludetid. Bindo Jisun gametid, “Kardiban sabngaja! Do’ng hen arabrab bin asan u-ah hen ruang Pisirdian bo sanu margi appaibin asan gartai, bindo u-ah hen abirna mannibin deti.” Ansaring Jisun kun mandran alud absamangetid. Ansaring kuddub hanangna maranji omdale yirreji.

*Mattiu 26:14-56; Marko 14:10-50: Luko 22:1-53; Jon 18:1-11 Kambolan Saring Bo Kata Biran*

Audio: https://git.door43.org/OBS-TLF/srb_obs/releases/download/v1/srb_obs_v1_38_128kbps.m4a

## 39. Jisun A Banitsaran

https://openbiblestories.org/l/srb/story-39/

![](https://cdn.door43.org/obs/jpg/360px/obs-en-39-01.jpg)

Nami tunggar togalan dakule. Kun sanu maranji Jisun ado’ng gugu buyan asi’ng urungleji itin asan gamlenden aninji Jisun ado’ng tungjingben asan itsumleji. Bar Pitoron sanggai saring sanggud sandungetid. Do Angante Jisun ado’ng sanumaranji si’ngan urungleji. Kun saring Pitoron bayiran dakkulin to’oge lingan hadhadnetid.

![](https://cdn.door43.org/obs/jpg/360px/obs-en-39-02.jpg)

Alung si’ngan, Jiudinji amurda mar Jisun ado’ng bitsaraetid. Do Anin asanggim lingan ateng bukkai sakkin a-oblinglenji amandraji ado’ng urrunglaiji. Bar okkij, anin asanggim lingan a oblinglejni abirna itija bukkai sakkin admained, bar Jiudinji anabhana marji Jisun adanusa rapti adhangedji. Do Jisun janang ringlin dakkunetid.

![](https://cdn.door43.org/obs/jpg/360px/obs-en-39-03.jpg)

Atanakud lingan, “Atiki bar okij gugu buyan Jisun ado’ng ualle gametid, “Aman oblinglen, aman Messian po, manrengna Kitugan a-On po?”

![](https://cdn.door43.org/obs/jpg/360px/obs-en-39-04.jpg)

Jisun gametid, “Hen anin na, bar amben hen Kitungan batti agobtahen do ruangan saring ayirtahen ati agijte.” Gugu Murda buyan ajarijinan rideten itin asan gamlenden Jisun abirna batti anin aur barabdale. Anin biggarda abmanggod maranji amang uai sarangan batti guetid, “Kan amandra alumetid abirna donglen oblingbin apsele biggarda sakki maran sanaij saijtid! Anin Kitungan a-onan gamle abirrenan ati ambin kuddubbin amdangle. Do anin apsele amben itin gabri je’enabin?”

![](https://cdn.door43.org/obs/jpg/360px/obs-en-39-05.jpg)

Bar kuddub jiudi murda danne maranji gugu murda buyan ado’ng gamleji, “Anin karahidan adebin tungna daku!” Saletin aninji Jisun ado’ng jimadan jimadle bijolleji, tadleji, do anin ado’ng pudyingleji.

![](https://cdn.door43.org/obs/jpg/360px/obs-en-39-06.jpg)

Bar Pitoron, si’ngan a-bayira omdile dakkunetid. Kun ayam anin ado’ng bo boanti danggardin gijetid. Anin Pitoron ado’ng gametid, “Amandam Jisun ampra dakkulam!” Pitoran anin sosonetid. Atiki kan abirna bo bigarda boanti danggardin etile, bar Pitoron bar okkij sosolangnetid. Atanadkud lingan, dajingante mandranji gamleji, “Anlen galam do aman Jisun ampra dakkulam itin asan gamlenden ambin bagunbin Gallili baije.”

![](https://cdn.door43.org/obs/jpg/360px/obs-en-39-07.jpg)

Saletin Pitoron gametid, “Bogad hen kan mandra ado’ng galamlai hen den Kitungan do’ng hen angeti!” Pitoron jibjib berlin Gamlen atiki tabdong, bo tadariman uletid. Jisun dayargulin Pitoron ado’ng gijgijetid.

![](https://cdn.door43.org/obs/jpg/360px/obs-en-39-08.jpg)

Pitoron kun saring dunglin sangai yirretid bar adaddyimle danukkan batti edanetid. Kun ayam lingan, Jisun anab hamhammar Judan ado’ng gijle bar Jiudinji Jisun ado’ng abdusaleji. Judan anin aur dukkadali bar sangai yirre kabhid damnetid.

![](https://cdn.door43.org/obs/jpg/360px/obs-en-39-09.jpg)

Nami Pilaton Juda desan agobornor sai dakuli. Anin Romi disan apsele baranetid. Jiudi abmanggod maranji amangban Jisun ado’ng urunglaiji. Bar aninji Pilaton Jisun ado’ng abdusale kabhidbin asan itsumleji. Pilaton Jisun ado’ng ualletid, “Aman Jiudinji araja po?”

![](https://cdn.door43.org/obs/jpg/360px/obs-en-39-10.jpg)

Jisun jalangle gametid, “Aman jardid opungle. Bindo rajamhen kan aordar lingantid. Bogad delinden mandrahenji hen apsele sanutenji. Hen ordar lingan Kitungan apsele janardin oblingbin asan yirrai. Bar buttinti janardin timyimte birnahen amdangba.” Pilaton gametid, “Janardin itin?”

![](https://cdn.door43.org/obs/jpg/360px/obs-en-39-11.jpg)

Jisun batti arbir’renji atiki, Pilaton bayiran dungan dunglin parjanji amang iyle gametid, “Hen anin adanusan itija ad-hanglai kan mandra ado’ng kabhid bin ednegoij anosoijan agasa.” Bindo Jiudi anabhana mar bar ateng parjanji uaille gule gamleji, “Anin arakkadang lingan anamdaijan de-eti!” Pilaton abyar biretid, “Anin amang lingan er-bangsa baran alanum abdusate.” Bindo aninji bar surda sarangle uaile guleji. Bar Pilaton anab yagi tra gametid, “Amang lingan danusan agasa!”

![](https://cdn.door43.org/obs/jpg/360px/obs-en-39-12.jpg)

Pilaton batongdale onla maranji tidbin susuleji, kun saring asanu maranji Jisun do’ng arakkadang lingan amdaijbin asan anordin tiyle. Rom lingan asanumarji Jisun ado’ng raja kabban abrotudleji, bar abob lingan ibban abrubbodleji. Ansaring goibirre gabroijleji,” gijba, Jiudinji a-raja.”

*Mattiu 26:57-27:26; Marko 14:53-15:15; Luko 22:54-23:25; Jon 18:12-19:16 kanbollingan a katabiran.*

Audio: https://git.door43.org/OBS-TLF/srb_obs/releases/download/v1/srb_obs_v1_39_128kbps.m4a

## 40. Arakaddang lingan Jisun Anamdaijan Deli

https://openbiblestories.org/l/srb/story-40/

![](https://cdn.door43.org/obs/jpg/360px/obs-en-40-01.jpg)

Jisun ado’ng sanuna maranji pudying birrenji atiki, anin ado’ng arakaddang lingan amdaibin asan aninji pangleji. Anin uanti arakaddang lingan kahidti ante ati anin ado’ng abtambeleji.

![](https://cdn.door43.org/obs/jpg/360px/obs-en-40-02.jpg)

Sanu maranji Jisun ado’ng, ‘Ajangbob’ gamle bo darakunaban urungleji do anin asi lingan do ajing lingan arakaddang lingan tangleji. Bindo Jisun gametid, “E Uang, aninji ado’ng tabmadaji, itin asan gamlenden aninji itin lumteji antati ad-galameji.” Anin abob ban arakaddang lingan aninji arabmadan idolle tangleji. Kan ati ednegoi birnan dakuli, “Jiudinji Araja.” Kan ati Pilaton idolba gamle oblingetinji.

![](https://cdn.door43.org/obs/jpg/360px/obs-en-40-03.jpg)

Jisun asindri asan sanu maranji aninji rurdilinji. Angante kan ati aninji lumleji, tungmadgij biran anoblingan adelin ati anojoraiyan deli, “Aninji sindri hen bantilinji, do ranotud hen asan aninji rurdilinji.”

![](https://cdn.door43.org/obs/jpg/360px/obs-en-40-04.jpg)

Etigoi janang sanu maranji bagu jumbir maranji ado’ng arakaddang lingan amdaileji, Jisun bagu manengba dakuleji. Jumbir marlingan saring bo mandra Jisun ado’ng pudying biretid, bindo okij bo mandra anin ado’ng gametid, “Kitungan do’ngnam padradamtid ati aman abatongam po? Anlen ateng er-bangsa baran alumlabin asan anlen dusa marji, bindo kan a mandra er-danusa mar.” Saletin anin Jisun ado’ng gametid, “Angante aman Rajam lingnam Raja detam do’nghen abasuyim gamle ayimih.” Jisun anin ado’ng jalangle gametid, “Nami adinna aman hen ampra Parodisan dakutam.”

![](https://cdn.door43.org/obs/jpg/360px/obs-en-40-05.jpg)

Jiudi anabhana maranji do onla maranji saring ateng biggada mandranji Jisun ado’ng pudying birreji. Aninji anin ado’ng gamleji, “Bogad aman Kitungan a-on den, arakaddangan saring ladsonai do aman rab rabdamna! Eti den tum anlen manglingnam a dirtinai.”

![](https://cdn.door43.org/obs/jpg/360px/obs-en-40-06.jpg)

Kun ayaman tamban dakuli janang den, Saletin kudduban adisa riyang lingan lungaddam deli. Tamban a-uyung yagi gonta sikoija barij lunguddam dakuli.

![](https://cdn.door43.org/obs/jpg/360px/obs-en-40-07.jpg)

Saletin Jisun uai sarangle edanetid, “Nami Tadkudli! E uang, purarda hen nami silingnam surpidtai.” Saletin anin labdui boblin a-janggardan omdaetid. Angante anin kahidli, kun ayam lingan titti yurlon deli. Sarebasingan alung, uanti asindri mandran do Kitungan adarakuna adanang kaban janang lingkan saring jaitan sikkoja ri’edle bagu deli.

![](https://cdn.door43.org/obs/jpg/360px/obs-en-40-08.jpg)

Anin a karahindan sanle, Jisun Kitungan amangan ayirbin asan tangoran ri-e-tid. Angante Jesus aturturetid asanumar kudduban adelin ati gijle gametid, “Sakkai na, kan amandra er-danusa dakuli. Anin Kitungan a onan na.

![](https://cdn.door43.org/obs/jpg/360px/obs-en-40-09.jpg)

Saletin bagu Jiudinji abmanggod maranji Josepon do Nikodimos yirre Jisun ado’ng apangbin asan Pilaton ado’ng oblingleji. Aninji Jisun Messian gamle dirrinji. Ado’ngan sindrin batti yumleji, do arengan batti sanubjan adelin a kintalod alungan pangle dakuleji. Ante saring aninji garan naban bo surda a’rengan godaile a-mukaban rubleji.

*Mattiu 27:27-41; Marko 15: 16-47; Luko 23: 26-56; Jon 19: 17-42 Kambolan saring bo Kata biran.*

Audio: https://git.door43.org/OBS-TLF/srb_obs/releases/download/v1/srb_obs_v1_40_128kbps.m4a

## 41. Kitungan Karahidan Saring Jisun Ado’ng Abdite

https://openbiblestories.org/l/srb/story-41/

![](https://cdn.door43.org/obs/jpg/360px/obs-en-41-01.jpg)

Sanu maranji Jisun arakaddang lingan anamdaijan delin atiki Jiudi abmang god maranji Pilat ado’ng gamleji, “Yagi dinnan atiki karahidan saring yarmeng tiy gamle, kun jolda maran, Jisun oblengetid. Ahangna maranji Jisun ado’ng Jumburtenji, agalambin asan bo mandra tariltil lungan atur tur bin deti. Bogad Jumbur linanji den, aninji gamteji, anin karahid maranji amang saring yarmengle deneted.”

![](https://cdn.door43.org/obs/jpg/360px/obs-en-41-02.jpg)

Pilaton gametid, “Atam ranabti bin ambrij, dajingte turtur maranji urungle tariltillungan abtur turba.” Ansaring aninji tariltillungan a mukkaban ranub-areng ab-lad leji. Aninjil turtur maranji ado’ng tabgihlaji yanti gamle buteja Jisun amardun Jumburrin adrabtieji.

![](https://cdn.door43.org/obs/jpg/360px/obs-en-41-03.jpg)

Jisun akahidlin adinna atiki Layumna dinan dakuli. Kun adinna lingan butidja abaranabintid antin asan Jisun agardinji butija atariltillungban adniedji. Bindo layumna dinna ayam, dungroilin adnang, biggarda Insolanji oskailin Jisun atariltil lungban yirreji. aninji ateng sarum janaban Jisun ado’ng ajodbin itsumleji.

![](https://cdn.door43.org/obs/jpg/360px/obs-en-41-04.jpg)

Insolanji ardulahenji apurba, tariltillungban karran yurlon deli. Aboi Gamangtungan apisirdian ruangan saring yeraitid. Anin tariltillungan a mukkaban ranub-arengan kudan kudle anti lingan gobetid.

![](https://cdn.door43.org/obs/jpg/360px/obs-en-41-05.jpg)

Anganti Insolanji tariltillungban ardulaji, Ruang Pisirdian aninji ado’ng gametid. Ambin abantongdang. Jisun tidne agasa. Anin karahid maranji amang saring anabdinan deli, Yanti gamle anin opungetid ettigoi lumetid! tariltillungan gijba do agijba.” Insolanji tariltillung ban yerre ablud ludleji tetin eyle gejeji. Ado’ng tiedti arika!

![](https://cdn.door43.org/obs/jpg/360px/obs-en-41-06.jpg)

Ansaring Insolanji ado’ng ruang Pisidian gametid. “Yirba do maranji ado’ng igamba, anin karahid maranji amang saring anabdin deli. Anin Galili desaban yiretid.”

![](https://cdn.door43.org/obs/jpg/360px/obs-en-41-07.jpg)

Insolonji rubamdangleji do boi boi mo’ihleji. Aninji adudugi yirre ahanangna maranji ado’ng bangsa anoblingan upongleji.

![](https://cdn.door43.org/obs/jpg/360px/obs-en-41-08.jpg)

Anganti Insolonji hanangna maranji ado’ng bangsa anabling opungbin tongar lingan yirreji, Jisun aninji ado’ng gijetid aninji ajingan haman hamle limsinleji. Bar Jisun gametid abantongdong, yirba do hanang na mar henji ado’ng Gallili desaban yerba gamle opungba aninji tettin do’nghen gijteji.

*Mattiu 27: 62-28:15; Marko 16:1-11; Luko 24:1-12; Jon 20:1-18 Kambolan saring Bo Kata Biran*

Audio: https://git.door43.org/OBS-TLF/srb_obs/releases/download/v1/srb_obs_v1_41_128kbps.m4a

## 42. Jisun Ruangban Yirte

https://openbiblestories.org/l/srb/story-42/

![](https://cdn.door43.org/obs/jpg/360px/obs-en-42-01.jpg)

Kan ayam ling Kitungan Jisun ado’ng karahind maranji amang saring abdietid. Salitin ahanangna maranji saring bagu mandra aboi gardaban yirreji. Engale yirreji, aninji Jisun apsele itinti tangadle kun abmele birrinji. Aninji dirdir linji do aninna Messian bindo anin kanabhidan deli. Nami Insolon gametid anin bar okkij yarmengli aniji unati dirtimbi kun ati adgalamedji.

![](https://cdn.door43.org/obs/jpg/360px/obs-en-42-02.jpg)

Jisun adambanji yirre aninji ampra yiretid, bindo aninji anin ado’ng adnabmadanji itinti apsele aninji arberaji antiate opungetid, a yirren asuj dinnan ayam lingan itinti Jisun apsele tangadle kun akudub aninji anin ado’ng opungleji. Anin ogalleji anle sangai desan amanra batti arbirtai butinti Jerusalem atanangadan itidja adgalame.

![](https://cdn.door43.org/obs/jpg/360px/obs-en-42-03.jpg)

Ansaring Jisun (Messia) apsele Kitungan abirnan itin gamte antati abganludetinji purban, tungmadgij maran gamedtid Messian kanalkalan do karahidan hangle (ir-bangsa maranji abaran batti) Bindo tummagij maran janang gametid anin yagi dinna lingan yar mengli.

![](https://cdn.door43.org/obs/jpg/360px/obs-en-42-04.jpg)

Anganti aninji gardaban ardulaji titin bagu mandra adakunabin itsumlaji. Kun ayam sadlum yungan deli aninji anin ado’ng rangle gamleji anlen ampra dakuna. Bar anin aninji ampra su’ngan ganlinji. Aninji oruban a’gaganan apsele gobleji. Jisun rutipun hidaban hidable Kitungan ado’ng sinle pijpijetid. Anta tabdong, aninji abmadleji do anin Jisun na. Bindo kun ayam lingan, anin aganij gij lingan saring sadsadli.

![](https://cdn.door43.org/obs/jpg/360px/obs-en-42-05.jpg)

Bagu mandra di-dargam arbirtaji kan ati Jisunna itin san gamlenden anganti Kitungan abirnan abganlud lalen anlen boi boi moihdalalen. Tabdong aninji Jerusalem yerrenji anganti aninji ardulaji aninji ahanangna maranji opengleji Jisun yermengli anin ado’ng agijlai.

![](https://cdn.door43.org/obs/jpg/360px/obs-en-42-06.jpg)

Hanangna maranji arbirdalaji Jisun tabdo’ng si’ng lingan aninji amang lingan absujdam netid. Anin gametid, “Sanabyun debinti hanangna maranji ogandilaji anin aboi kulma bindo Jisun gametid itin asan abantongte? Itin asan kanati jardi gamle anogandie. Hen Jisun sihen do jinghen gijba. Anin kulma tid gamle abgijbin asan, anin janumjuman garetidji. Aninji asui ayon tiyleji, do anin kan ati jumetid.

![](https://cdn.door43.org/obs/jpg/360px/obs-en-42-07.jpg)

Jisun gametin,Gamangtungan itinti abirna gametid ante akudduban hen apsele tangadte. “Itinti dongbin opunglai kun ati deti,” Ansaring Jisun Gamangtungan abirnan bangsale abganludetinji. Anin gametid, “Purban, kan ati tumadgij maran idolletid. Hen Messian, Hen kanalkalan hanglai, kihidlih do anabyagi dinna lingan karahid maranji amang saring yermengle dilinai.”

![](https://cdn.door43.org/obs/jpg/360px/obs-en-42-08.jpg)

Tumadgij maran janang idoletid do hanagna marhenji Gamangtungan abirnan oblingtaji. Aninji kuddubanji ado’ng abyarjienabin apsele oblingleji, bogad aninji abyarjielinanji den, Kitungan apintunji tabmadte. Hangana marhenji kan birnan Jirusalem lingan a’oblingbin susulinji. Ansaring aninji kuddub mandranji amangban yirreji, Hen itinti lumtai do opunglabin kun akuddub a’sakkin a’dete.Bar kun akudduban hen apsele tangadle.”

![](https://cdn.door43.org/obs/jpg/360px/obs-en-42-09.jpg)

Bakurdi (40) dinnan atiki lingan, Jisun ahanangna maranji amang lingan ateng ayam absuij damnetid. Botara, anin monloi sua saring a’ur mandraji amang absuij damnetid! Kan akuddub batti, anin ahanangna maranji amang abpemingdamlin do anin mengli, bar anin Kitungan arajaman apsele aninji ado’ng hanghangetid.

![](https://cdn.door43.org/obs/jpg/360px/obs-en-42-10.jpg)

Jisun ahanangna maranji ado’ng gametid, Kitungan ado’ng hen ordaran,Ruangan do kudduban alananka ling danen tiyted. Antin asan nami hen do’ngbin opungtai: yirba do kuddub mandranji ado’ng hanangna marhenji abmeba.Kan ambrij lumba,u’an a onan do marid janggardan ahim lingan aninji ado’ng da’lingan tabubdan tiyba. Itinti hen bihlabin antati akuddub birnan amanibin asan hanghangbaji. Ayimba, Hen tordang ayam ambin ampora dakutinai.”

![](https://cdn.door43.org/obs/jpg/360px/obs-en-42-11.jpg)

Bakurdi (40) dinna atiki Jisun karahidan saring dinetid. Anin ahanangna maranji ado’ng gametid,” U’ahen ranabtin endrang tiybinan sikkoija Jerusalem lingan basuba, Anin lanangkabin marid Janggardan appaitai.” Ansaring Jisun ruangban yeretid, bar yagatiran anin ado’ng aninji aganij gijan saring absasoetid. Jisun Ruangban yirre Gamantungan ajandrum siban goble kuddub janaban abhanetid.

*Mattiuu 28:16-20; Marko 16:122-20; Luko 24:13-53; Jon 20:19-23; Anappai 1:1-11*

Audio: https://git.door43.org/OBS-TLF/srb_obs/releases/download/v1/srb_obs_v1_42_128kbps.m4a

## 43. Ranukkun Asusunan

https://openbiblestories.org/l/srb/story-43/

![](https://cdn.door43.org/obs/jpg/360px/obs-en-43-01.jpg)

Jisun ruangban dayarre yirren atiki, hanangna maranji jirusalem lingan basule Jisun engale banaihan tiyetin etile lumleji. Mandranji rukuan rukkulin gabri jielin garbirnji.

![](https://cdn.door43.org/obs/jpg/360px/obs-en-43-02.jpg)

Dile mihuman anelai abduran 50 adinna atiki jiudinji aboij murda dinna ganabrin deli antati penticost. Penticoston adinna lingan Jiudinji goma saran abdurteji. Jiudinji rder ayaryar maneng saring Jirusalemban yerre penticost abduran lumleji.kan amijhun penticost Jisun ruangan adaijten atiki apalli penticost ardutai.

![](https://cdn.door43.org/obs/jpg/360px/obs-en-43-03.jpg)

Ayinganti ayam derna maranji rukkulinji, abubmung dagi ayinganti asing ling aninji dakulinji guyurdi ringan ambrij surda ringgin si’ng lingan atiki alang tudan ambrij kuddub dirna maranji abobanji alininka gijtali. Marid Janggardan batti aninji barij leji do beggarda lang langan batti Kitungan adong abguguleji. Aninji kan akuddub lang langan adgalameji, bindo kan akuddub lang langan abirnabin tiyetid.

![](https://cdn.door43.org/obs/jpg/360px/obs-en-43-04.jpg)

Ayinganti ayam jirusalem amandraji kan asanaddan amdangleji, aninji parjanji amangban yirre itin dele gamle iylai gijeji. Kun dirna maranji amanglingan kitungan ayinganti asurda bara lumetin antati appingbaleji, aninji rubmang daleji itin asan gamlenden aninji beggarda beggarda adisa marji do beggarda beggarda lang lang maranji dakuleji

![](https://cdn.door43.org/obs/jpg/360px/obs-en-43-05.jpg)

kun lingan asuij madranji gamleji do hanangna maranji gasalinji bindo pitoran tanangan tanangle aninji adong gametin, “birnahen amdangba! kan akuddub madranji atadaedji! bindo ayinganti ati ambina agijte Juel tumaggij maran abirna pungeli:kitungan gametin ‘tanakud ayam lingan jaggardahen lataij

![](https://cdn.door43.org/obs/jpg/360px/obs-en-43-06.jpg)

“E Israel, Jisun bo mandra dakule anin butin kan ati absuijben asan ateng rubmang baran lumetin. Anin kitungan aranabtin bati ateng rumang daman abaran lumetin. Kan ati ambin agalamle etin asan gamlenden kan ati ambin agijle. Bindo ambin anin adong arakkadanglingan amdaijle!”

![](https://cdn.door43.org/obs/jpg/360px/obs-en-43-07.jpg)

“Jisun kahidle, bindo kitungan anin adong karahidan saring abyarmengetin.Itinti Tumaggij maran anidole antati anojoraiyan dele : ambin manarid maran adong kintolod lingan anobsoed.’ Anlen sakkin daku do kitungan Jisun adong abdietin.

![](https://cdn.door43.org/obs/jpg/360px/obs-en-43-08.jpg)

“Ua Kitungan namijhen Jisun adong ajandrum siban abgob gable abgugutin. Bar Jisun mangbalen marid janggardan appayaitid yanti gamle anin jibjible ittegoi anin lumetin. Marid janggardan kan ati lumte itinti amben agijle do amdangle!”

![](https://cdn.door43.org/obs/jpg/360px/obs-en-43-09.jpg)

“Ambin kun amandra, Jisun ado’ng arakkadangling amdaijle.bindo sakaij galamba do kitungan Jisun adong kuddub janaban akitung messiah.

![](https://cdn.door43.org/obs/jpg/360px/obs-en-43-10.jpg)

Mandranji Pitoran abirna monnan tiyle amdangleji. atiki aninji pitoran do hanangna maranji ado’ng buhangji namihen itin lumtebi.

![](https://cdn.door43.org/obs/jpg/360px/obs-en-43-11.jpg)

Pitor aninji ado’ng jalangle gametin, kuddubin Kitungan amang pintubin appingbabin deti, kuddubin abyerjielin Jisun amang tabubdan hangba.atiki kitungan marid jaggardan tiytabin.

![](https://cdn.door43.org/obs/jpg/360px/obs-en-43-12.jpg)

Pitoran anobling biran amdangle derren 3000 mandra Jisun ahanangna mar deleji. Aninji tabubdalinji do Jirusalem aranukku lingan maidamlinji

![](https://cdn.door43.org/obs/jpg/360px/obs-en-43-13.jpg)

Mandranji hanang marn ahanang amdangle dakulinji. aninji ateng tara arrabangleji do mailin gagalinji, do ateng tara di-dargam apsele garbirleji. Aninji kitungan adong mailin abguguleji, ayinganti ajanab amanglinganji dakuli antati artiyleji. kun gardalingan akuddub mandran kan ati bangsa gamle ogandileji. dile dinnan dirna maranji atengleji.

*Anappai 1:12-14; 2 Kambolan Saring Bo Kata Biran*

Audio: https://git.door43.org/OBS-TLF/srb_obs/releases/download/v1/srb_obs_v1_43_128kbps.m4a

## 44. Pitoran Do Jon Gargar Maran Absamangteji

https://openbiblestories.org/l/srb/story-44/

![](https://cdn.door43.org/obs/jpg/360px/obs-en-44-01.jpg)

Bo dinna Pitoran do Jon sareba singban yirreji. Bo garde maran sareba singan agaranaba goble gargarnetid.

![](https://cdn.door43.org/obs/jpg/360px/obs-en-44-02.jpg)

Pitor kun mandran ado’ng gijle gametin, “Manglinghen itidja lebun agasa dongan atiybin asan, itinti mangling hen daku antati tiytam.Jisun ahimlingan, dilin hana!”

![](https://cdn.door43.org/obs/jpg/360px/obs-en-44-03.jpg)

Atabdong, Kitungan garde maran ado’ng absamangetid. anin hanabin susunetin yaryar manengan lilidamlin Kitungan ado’ng sinkkindraetin.sereba singban arondardiban adakulin amandranji kan ati gijan gijle rubmang daleji.

![](https://cdn.door43.org/obs/jpg/360px/obs-en-44-04.jpg)

Anlamaranji sanamangan adeli amandran adong agijbin asan bayale yirraji. Pitor aninji adong gametin, kun mandran bangsali, bindo kun apsele arubmang dagi adedong. ranabtilen batti anin ado’ng er-abbangsa, bindo kitungan aranobtin batti. Osantan kan ati Jisun kun amandran ado’ng aranabtin batti absamangetin, itin asan gamleden anlen jisun adirtinai.”

![](https://cdn.door43.org/obs/jpg/360px/obs-en-44-05.jpg)

“Aman ayinganti amarda Jisun atubbin asan Rom gabornar sai ado’ng opungle. ayinganti amadra kuddub mandranji absele mandrengnan tiyte. Anin ado’ng ambin atuble. Bindo Kitungan anin ado’ng karahidan saring abyarmengetid.ambin itnti alumle antati galamle arabtied, bindon ayinganti ayam kan ati alumle, tumadgij maranji abirna anobajarayan deli .aninji gamleji Messian bo dinna danukkan do karahidan deti. Kitungan kan ambrij kanati lumetid.antin asan, abyarjinaba kitungan amang yiraiba,adtiden anin kuddub pintubin tabmadte.”

![](https://cdn.door43.org/obs/jpg/360px/obs-en-44-06.jpg)

Ayingati ayam sereba singan amurda dene maranji amdangleji do, Pitoran do Jon boi boi danukka lingan dakuleji. Atiki aninji ado’ng hamjle korojo singlingan pidleji.binod Pitor ayinganti abirnan birren ateng mandra dirrenji. Jisun amang aderrinan amaranji adanisaman 5000 saring aur.

![](https://cdn.door43.org/obs/jpg/360px/obs-en-44-07.jpg)

Anabiyo tagaldan jiudinji abmanggod maranji murda buyan do beggarda abmanggod maranji atemang lingan urunglaji. aninji Garde maran ado’ng janang urunglaji.aninji Pitoran do jon ado’ng apungleji itin aranabtin batti ambin kan garde maran adong absamangle?”

![](https://cdn.door43.org/obs/jpg/360px/obs-en-44-08.jpg)

Pitoran aninji jalanggetid “ayinganti amandra mukkababin atanang anin messian jisu kristun aranabtin batti absamangte.ambin jisun ado’ng arakkaddang lingan tangle akabhidle, bindo kitungan anin ado’ng mandrengnan tiyetid! Ambin anin ado’ng ajjaed, bindo jisun arabtin sadan sadle ranabraban agasa!”

![](https://cdn.door43.org/obs/jpg/360px/obs-en-44-09.jpg)

Abmang god maranji Pitoran do Jonan aumang bir amdangan amdangle juggardamdam deliji. aninji gijleji do kan aninji osengdagi amadranji do er-hangna marji dakuleji. bindo atiki aninji ayimleji do kan amandranji jisun ampra dakuleji. Atiki aninji aninji adong gamleji. “Bogad ambin kun amandra, Jisun, absele bangsa anoblingan aoblinglen den Anlen dongbin atenng pandradan atiytai.” atiki kan ambrij ateng birranji opungan opungle, Pitoran do jon ado’ng omdaleji.

*Anappai 3-4:22 Kambolan Saring Bo Kata Biran*

Audio: https://git.door43.org/OBS-TLF/srb_obs/releases/download/v1/srb_obs_v1_44_128kbps.m4a

## 45. Stipan do Philipon

https://openbiblestories.org/l/srb/story-45/

![](https://cdn.door43.org/obs/jpg/360px/obs-en-45-01.jpg)

Jisun abmang hanangna maranji saring bo abmanggod mar ahiman Stipan gamle dakuli. Kuddub mandranji anin ado’ng manileji. Marid Janggardan anin ado’ng ateng ranaptin do banudin tietin. Stipan ateng rubmangda baran lumetin. Anganti anin mandranji adong Jisun amang dirnaba gamle hanghangetinji ateng mandranji anin abirnan dirlinji.

![](https://cdn.door43.org/obs/jpg/360px/obs-en-45-02.jpg)

Bo dinna anganti Stipan Jisun abirna hanghangle dakunetin, dajinganti Jiodinji butinti Jisun amang addirnedji aninji amangban yirre anin ampra arbadibirreji. Aninji boi boi barableji, bar aninji Kitung gankil maranji amangban yirreji do anin abirnan iele joldaneji. Aninji gamleji, “anlen amdanglai do Stipan Mojeson do Kitugan alananka irsi biran birte!” Bar Kitung gankil maranji Stipan ado’ng hamle murda buyan do Jiudinji abmanggod maranji amangban urrunglaiji. Stipan apsele ateng jolda sakki biran amangbanji panglaiji.

![](https://cdn.door43.org/obs/jpg/360px/obs-en-45-03.jpg)

Murda buyan Stipan adong ualetin, “Aman apsele kan amandranji sakkai po birtinji?” Stipan murda buyan ado’ng abyarbirbin asan ateng birnan birnetin. Anin gametin do Abraam amadre’engan saring Jisun amandreengan sikkoija Kitungan ateng rubmangda baran lumetin. Bindo mandranji Kitungan ado’ng tordong ayam abmaniedji. Stipan gametin, “Ambin keka marji do Kitungan assanggimling aditin. Purban jujulenji yanti gamle Kitungan adong adjaedji, Ambin janang tordong ayam Marid Janggardan adong adjaed do tordong ayam tungmadgij maranji ado’ng atuable. Bindo aninji saring kara surda ardod baran alumle! Ambin Messian ado’ng atuable!”

![](https://cdn.door43.org/obs/jpg/360px/obs-en-45-04.jpg)

Anganti Kitung gankil maranji kanati amdangleji, aninji boi boi barableji do aninji aludanji tudableji do surda sarangan bati uai guleji. Aninji Stipan ado’ng kun gardalingan dingoileji do anin adong tuabbin asan arengan bati tidleji.

![](https://cdn.door43.org/obs/jpg/360px/obs-en-45-05.jpg)

Stipan akahidlin ayamlingan, anin uai saranle gulle gametin, “E Jisu, janggarda hen panga.” Anin turdumle bar okij uai sarangle gule gametin, “E gamang, kan apintunji ayimdong.” Ansaring anin kahidli.

![](https://cdn.door43.org/obs/jpg/360px/obs-en-45-06.jpg)

Kun adinna Jirusalemlingan Jisun asanandung maranji ado’ng mandranji tanamderan susuleji, bar dirna maranji bigarda bigarda darakunaban yirreji. Bindo kan ati umdale, aninji uanti yirreji Jisun abirna hanangan iyle tieji.

![](https://cdn.door43.org/obs/jpg/360px/obs-en-45-07.jpg)

Pillipo gamle bo dirna maran dakuli. Bigarda dirna marnji ambrij anin Jirusalem saring sanggai yirretin. Anin Samaria amanengban yirretin uanti anin Jisun abirna oplinggetin. Ateng mandranji dirrinji do ranab raban hangleji. Bo dinna, Kitungan amang saring bo Pisirdian Pillipon amangban yirre jaitan atanggor sanle ring ring darakunaba yirra gamle oplinggetin. Pillipn tidti yirretin. Anin tanggoran halinan adnang, anin bo mandra saggard lingan ayirten ati gijjetin. Kan amandra Etopia gamle bo disan saring bo sanaisaidam amandra dakuli. Marid Janggardan Pillipon adong kun mandran iolanga gametid.

![](https://cdn.door43.org/obs/jpg/360px/obs-en-45-08.jpg)

Do Pillipon kun mandran adong olanggetin. Anin Etopia maran Kitungan abirnan akinoletin ati amdanggetin. Anin Jisayo tungmadgij maran aidoletin ati kinoletin. Mandran kan abmrij kinoletin, “Aninji bo murkundardan ambrij tuabin asan tanggoreji, do bo murkundardan ambrij aring ring, dakitid soi adbirned. Aninji anin adong kanalkalan abmeleji do anin admaniedji. Anin adong tuableji.”

![](https://cdn.door43.org/obs/jpg/360px/obs-en-45-09.jpg)

Pillipon Etopia maran adong ualetin, “Aman akinolten ati ganlutam po?” Etopia maran abyar biretin, “Ijja. Bo mandra adnabganludihen sikoija hen adganludihn. Abasuyim gamle yirrai mangbahen agoba. Jisayon anindaman apsele idoletin orde bo bigarda mar apsele?”

![](https://cdn.door43.org/obs/jpg/360px/obs-en-45-10.jpg)

Pillipon saggarda lingan daijle gobetin. Ansaring Etopia maran ado’ng opingle gametin do Jisayon Jisun apsele idoletin. Pillipon kambolingan dajinganti maneng saring ateng Kitungan abirananji oblinggetin.Kan ambrij, anin mandran ado’ng Jisun abangsa anoblingan oblinggetin.

![](https://cdn.door43.org/obs/jpg/360px/obs-en-45-11.jpg)

Pillipon do Etopia maran hanata hanata, aninji asui daa ban ardulaiji. Etopia maran gametin, “Gijja! Tidne asui daan daku! Hen tabbub dan detihn po?” Do anin sagarda abhana maran ado’ng sagardan dakua gametin.

![](https://cdn.door43.org/obs/jpg/360px/obs-en-45-12.jpg)

Bar aninji daaban ladsole yirreji, do Pillipon Etopia maran ado’ng tabbub daetin. Aninji daan saring dunglinaihenji atiki, Marid Janggardan abumungdagi Pillipon adong bigarda darakunaban pangetin. Tidti Pillipon Jisun abirna oblinggetin.

![](https://cdn.door43.org/obs/jpg/360px/obs-en-45-13.jpg)

Etopia maran asingban yirretin. Anin Jisun ado’ng galamle gamle moihndali.

*Anappai. 6:8-8:5; 8:26-40 kanbolingan katabiran*

Audio: https://git.door43.org/OBS-TLF/srb_obs/releases/download/v1/srb_obs_v1_45_128kbps.m4a

## 46. Saulon Jisun asanandungmar dete

https://openbiblestories.org/l/srb/story-46/

![](https://cdn.door43.org/obs/jpg/360px/obs-en-46-01.jpg)

Saulo gamle bo mandran dakuli anin Jisun amang addirned. Anin danggarda adakulin adnang, anin Stipan ado’ng atuablennji amandraji ado’ng abhanaetin. Atiki anin dirna maranji ado’ng tamderretinji. Anin Jirusalemlingan kuddub singban iyle insalonji do onggeranji ado’ng tolbadan tolbadle krojosingban piddetinji. Ansaring murda buyan Saulon ado’ng Damasika gardaban yirbin asan anordin tietin. Tidti Jisun asanandung maranji ado’ng hamle Jirusalemban aurrungbin asan oblinggetin.

![](https://cdn.door43.org/obs/jpg/360px/obs-en-46-02.jpg)

Bar Saulon Damasika gardaban hanabin asan susunetin. Kun gardaban ardubin asan asui dakuli ayam, bo tanaaran anin ayaryar manengban tarre, do anin labolingan galuli. “Saulo Saulo gamle bo mandra agugudingnetid ati Saulon amdanggetin! Aman itin asan do’ng hen tamdertihn?” Saulon ualetin, “E gamang aman butin?” Jisun anin adong abyar birretin, “Hen Jisun. Butinti adong aman tamderte!”

![](https://cdn.door43.org/obs/jpg/360px/obs-en-46-03.jpg)

Ansaring Saulon dinetin, do anin adgijed. Bar Anin aturdu maranji Damasikaban urrungleji. Saulon yagi dinna sikoija itidja adjumed orde adgaed.

![](https://cdn.door43.org/obs/jpg/360px/obs-en-46-04.jpg)

Damasika garda lingan Anania gamle bo hanangna mar dakuli. Kitungan anin ado’ng gametin, “Saulon adarakunaba yirra. Anin yanti gamle gijle raptite anti asan aman sinam alanankan dakkua.” Bindo Ananian gametin, “E gamang, kan amandra dirna maranji adong yan gamle tamderretin antati hen amdanglai.” Kitungan anin adong jalangle gametin, “Yirra! Ahim hen Jiudinji do bigarda ompunji amangban appingbabin asan anin adong hen sedalai. Anin ahim hen asana ten kanalkalan hangte.”

![](https://cdn.door43.org/obs/jpg/360px/obs-en-46-05.jpg)

Bar Ananian Saulon amangban iyetin, anin bagu asin alanankan dakkuetin, do gametin, “Jisun, yanti gamle aman gijle raptite, do Marid Janggardan bati barij dete, antiasan Jisun, butinti tanggor lingan mangba nam abgijnetin, anin mangbanam appaientin.” Tabdung Saulon gijle raptietin, do Ananian anin adong tabbubdaetin. Ansaring Saulon Janumjuman jumetin do bar okij ranadon hanggetn

![](https://cdn.door43.org/obs/jpg/360px/obs-en-46-06.jpg)

Anti ati dean dele Saulon Damasika lingan Jiudinji amangban hanangan tietin. Anin gametin, “Jisun na aon Kitungan!” Jiudinji kilkal killamgi deleji itin asan gamlenden Saulon dirna maranji ado’ng tuabbin asan eretin guijetin, do nami anin Jisun amang dirnetin! Saulon Jiudinji ampra baddi birnetin. Anin Jisun na Messian gamle absuijetin.

![](https://cdn.door43.org/obs/jpg/360px/obs-en-46-07.jpg)

Ateng dinnan atiki, Jiudinji Saulon ado’ng atuabbin asan gabri birrinji. Aninji anin ado’ng tuabbin asan gardaban mandranji adong gijgijbin asan appaileji. Bindo Saulon aninji aganabri biranji amdanggetin, do aturdu maranji anin ado’ng solin ayirbin asan sayamleji. Bo togal aninji gardan akintalba anin adong abgegeleji. Saulon Damasika saring ardurlin atiki, anin Jisun apsele hanangan tiyle dakunetin.

![](https://cdn.door43.org/obs/jpg/360px/obs-en-46-08.jpg)

Saulon anappai maranji ado’ng rabangbin asan Jirusalemban yiretin, bindo aninji anin ado’ng batongleji. Ansaring Barnabas gamle bo dirna maran Saulon ado’ng anappai maranji amangban urrunggetin. Saulon yan gamle anuyuban bati Damasika lingan hanagan tietin antati Anin aninji ado’ng oblinggetin. Anti atiki anappai maranji anin ado’ng jaleji.

![](https://cdn.door43.org/obs/jpg/360px/obs-en-46-09.jpg)

Dajinganti dirna maranji butinti Jirusalem lingan tanamderan ayamlingan sangai Antiyok gardaban yirreji do aninji Jisun apsele hanangan iyle tieji. Antiyok lingan ateng mandranji Jiudinjitid, bindo abmang tra, bigarda maranji dirna mar deleji. Tabme dirna maranji adong bar okij Jisun abirna hanghangbin asan do ranukun arabdubin asan Barnoban do Saulon tidti yirreji. Antiyok lingan ababmang Jisun adirna marji adong Kristumar gamle ganudingan deleji.

![](https://cdn.door43.org/obs/jpg/360px/obs-en-46-10.jpg)

Bo dinna, Jisun asanandung maranji Antiyok lingan anumna garbirlinji. Marid Janggardan aninji adong gametin, “itinti abara alumbin asan hen aninji adong gudinglaiji anti asan hen apsel Saulon do Barnoban adong bigarda abmebaji.” Bar Antiyok ranuku lingan Barnoban do Saulon alaninka asinji dakule garbirreji. Ansaring aninji aninji adong Jisun apsele bangsanobling biran oblingbin asan bigarda bigarda darakunaban appaileji. Barnoban do Saulon bigarda bigarda mandranji aompunji hanghangleji, do ateng mandranji Jisun amang dirrinji.

*Anappai. 8:3; 9:1-31; 11:19-26; 13:1-3 kanbolingan a katabiran*

Audio: https://git.door43.org/OBS-TLF/srb_obs/releases/download/v1/srb_obs_v1_46_128kbps.m4a

## 47. Pillip, Paulon do Silan

https://openbiblestories.org/l/srb/story-47/

![](https://cdn.door43.org/obs/jpg/360px/obs-en-47-01.jpg)

Saulon Romi rajaman gorodaijetin, anin Romi langlang lingan ahiman handrametin, ‘Paulo.’ Bo dinna, Paulon do a turdu maran Silan bati Jisun abangsa anoblingan oblingbin asan Pillipi gardaban yirreji. Aninji jordaban amaneng gardan saring baieran uanti mandranji garbirnabin asan rukkutinji kun adarakunaban yirreji. Aninji titti Ludiyo gamle bo insalon adong rabangleji anin je’edai kaban sabjale timetin. Anin Kitungan adong timyimetin do sinkinraetin.

![](https://cdn.door43.org/obs/jpg/360px/obs-en-47-02.jpg)

Kitungan Ludiyon adong Jisun abirna dirnabin asan ranaptin tietin. Paulon do Silan anin do anin asing birindanji adong tabbubdaleji. Anin aninji adong asing lingan dakunabin asan gudinggetinji, bar aninji titti dakkulinji.

![](https://cdn.door43.org/obs/jpg/360px/obs-en-47-03.jpg)

Paulon do Silan Jiudinji agarbirling linanji ditordong mandranji ampra mailinji. Didinna titti aninji halinji, bo hamkul dangardi sijan aninji adong sandungetinji. Kan akulman bati, anin ayirtaihen ayam apsele mandranji adong oblinggetin, bar karama gij boij dele anin agamangan apsele ateng lebun tartumetin.

![](https://cdn.door43.org/obs/jpg/360px/obs-en-47-04.jpg)

Aninji halin ayirlenji adnang hamkul boijan gulle dakunetin, “kan amandranji kuddub saring lananka Kitungan abuantaji. Aninji ranabrab goddan absuitamji!” anin ditordong kan ambrij tubnetin do Paulon museldahimli.

![](https://cdn.door43.org/obs/jpg/360px/obs-en-47-05.jpg)

Tanakud lingan, bo dinna anganti kun hamkul boijan guetin, Paulon kun ansalon amangban yaryarlin kulman adong, “Jisun ahimlingan adonglingan saring dunglin yirai gametin.” Tabdong dangardin saring kulman dunglin yirretin.

![](https://cdn.door43.org/obs/jpg/360px/obs-en-47-06.jpg)

Butinti danggardin adong dakuetin boi boi barabli! Aninji galamleji do, kulman tid den, kun danggardin ayirtaihen adinna apsele mandranji oblingle adraptie. Garamgaman mandranji kun danggardin agamangan adong okij ayirtaihen adinna oblingbin apsele lebun adtiedji.

![](https://cdn.door43.org/obs/jpg/360px/obs-en-47-07.jpg)

Bar kun buanti danggardin agamangan Paulon do Silan adong Romi dane maranji amangban urrungetin, aninji Paulon do Silan adong tidleji, ansaring krojosingban sidleji.

![](https://cdn.door43.org/obs/jpg/360px/obs-en-47-08.jpg)

Uanti akrojo sing lingan ateng turtur maranji dakuleji Aninji Paulon do Silan adong titti pidlejji. Aninji ajinglinganji surarda arran janang jilleji. Bindo tungar togallan adnang, Paulon do Silan Kitungan adong kaninan bati sinkindraleji.

![](https://cdn.door43.org/obs/jpg/360px/obs-en-47-09.jpg)

Abubmungdagi, surda yurlon deli! Kuddub krojosingan asanang rinetin, do banondi maranji ajarijileji sikidilangan galuli.

![](https://cdn.door43.org/obs/jpg/360px/obs-en-47-10.jpg)

Ansaring krojosingan anomdimar dinetin. Anin krojosingan asanang aririn dakuli. Anin kuddub banondi maranji ardurleji gamle ogandietin. Anin aninji adong aomdaetin asan Romi dane maranji tuabtihnji gamle batongli, bar anin kabhiddamnabin asan oskainetin! Bindo Paulon anin adong gijetin do “ringna gamle guetin! Aman abasudadamdongne. Anlen tidne daku.”

![](https://cdn.door43.org/obs/jpg/360px/obs-en-47-11.jpg)

Krojosingan aturtur mar Paulon do Silan amangba ayiraitin adnang takkardali, do ualle gametin ranabraban ahangbin asan hen itin lumai?” Paulon abyar birretin, “Gamang Jisun amang dirna, do aman do sing marnamji ranabraban adete.” Ansaring anin Paulon do Silan adong asingban urrunggetinji do ambasunji gijdaetin. Paulon kuddub asing maranji amangban Jisun abmele bangsa obling hanagan tietin.

![](https://cdn.door43.org/obs/jpg/360px/obs-en-47-12.jpg)

Krojosingan aturtur mar do anin asing maranji Jisun amang dirrinji, bar Paulon do Silan aninji adong tabbudaleji. Ansaring krojo turdasing maran Paulon do Silan adong ganagan tietin, do anrukun moihnlinji.

![](https://cdn.door43.org/obs/jpg/360px/obs-en-47-13.jpg)

Anab dinna lingan gardan amurda maranji Paulon do Silan adong krojo singan saring omdaleji do aninji adong Pillipi gardan omdaba gamleji. Paulon do Silan Ludiyan amang do dajinganti turdu maranji amang ileji ansaring gardan omdaleji. Jisun abmele bangsa anoblingan harre, do ranukun surdali.

![](https://cdn.door43.org/obs/jpg/360px/obs-en-47-14.jpg)

Paulon do bigarda dirna abmanggod maranji bigarda bigarda gardaban gorodleji. Aninji Jisun abmele bangsa anoblingan oblingle hanghangleji. Ranuku lingan dirna maranji abuyubbin do ahanghangbin asan aninji ateng sittin idoleji. Dajinganti sittinji Bibol lingan kambolan deli.

*Paulon do bigarda dirna abmanggod maranji bigarda bigarda gardaban gorodleji. Aninji Jisun abmele bangsa anoblingan oblingle hanghangleji. Ranuku lingan dirna maranji abuyubbin do ahanghangbin asan aninji ateng sittin idoleji. Dajinganti sittinji Bibol lingan kambolan deli.*

Audio: https://git.door43.org/OBS-TLF/srb_obs/releases/download/v1/srb_obs_v1_47_128kbps.m4a

## 48. Jisun Na Janibjib Messian

https://openbiblestories.org/l/srb/story-48/

![](https://cdn.door43.org/obs/jpg/360px/obs-en-48-01.jpg)

Anganti Kitungan ordaran Gabdile, Kuddub janaban rojol dakuli. Ordar lingan pintun ad,dakued. Adam do Aban boi boi artimyimleji, do aninji Kitungan adong janang Timyimleji. Tidti lingan bim biman ordi karahidan ad,dakued. Kan ambrij Ordaran adebin asan Kitungan itsumetin.

![](https://cdn.door43.org/obs/jpg/360px/obs-en-48-02.jpg)

Sonuman ja’adan sanle kuttan adnang Insalon adong olangetin itin asan gamlenden anin insalon adong joldabin asan itsumetin. Seletin Insalon do Adam Kitungan assangimling pintun lumleji. Do aninji pintun alumlenji asan ordar lingan kuddub mandranji karahidan hangteji.

![](https://cdn.door43.org/obs/jpg/360px/obs-en-48-03.jpg)

Itin asan gamlenden Adam do Aban pintun alumlenji asan bo surda kanalkalan deli. Aninji Kitungan assanggim marji deleji. Kun saring kuddub mandranji Pintun lumleji. Kuddub mandranji karukudan saring Kitungan assanggim marji. Do Kitungan do mandranji sanabyun ad-dakued. Bindo Kitungan sanabyun abmebin asan itsumetin.

![](https://cdn.door43.org/obs/jpg/360px/obs-en-48-04.jpg)

Kitungan jibjibnetin do Aban a’on saring bo mandra Sonuman a’bob tudate, do sonuman mandran a’danunkurdi jingan ramte. Gamlabinden, Sonuman Messian adong kabhidte, bindo Kitungan anin adong abyar mengte. Do Messian Sonuman aranapti kuddub ayam asan pangle yirte. Bar ateng mihnum atiki, Kitungan Jisun na Messian gamle absuijetin.

![](https://cdn.door43.org/obs/jpg/360px/obs-en-48-05.jpg)

Kitungan appaitaihen a’roblo daan saring Noa asing marji adong rabrab bin asan Anin Noa adong bo surda bungsangan assabjabin asan oblingetin. Butinti Kitungan amang dirrinji Anin kan ambrij aninji adong rabrabetin. Ednegoi na buti buti Pintun lumleji aninji Kitungan saring karahidan adebin tungna daku. Bindo buti buti Jisun amang dirtinji aninji adong a’rabrab bin asan Kitungan Jisun appaietin.

![](https://cdn.door43.org/obs/jpg/360px/obs-en-48-06.jpg)

Bo sua mihnum ambrij, buyanji Kitungan adong taniy kanuban tiyle dakulinji. Kan ati gadlamte do mandranji pintu alumlenji asan aninji Kitungan saring panadradan adebin tungna dakuleji. Do kun kanuban batti apintunji tanabmadan ade’ed. Itinti ati buyanji lumle adraptiedji anti ati Jisun lumetin. Bar kuddub mandranji apintu pangbin asan anin daman bo marid kanubdagi tiydamnetin. Pintulenji asan itinti a’panadradan anlen a’hangbin dakuli anti ati anindaman jaetin. Kan asan, Jisun na Kuddub saring Bo Gugu Murda Buyan deli.

![](https://cdn.door43.org/obs/jpg/360px/obs-en-48-07.jpg)

Kitungan Abram adong gametin, “Aman sanle ordar lingan kuddub teganji adong absitatai. “Jisun Abram a’udleng onan dakuli. Kitungan Abram sanle Kuddub teganji adong absitate, itin asan gamlenden buti buti Jisun amang dirtinji Kitungan aninji adong pintun saring rabrabte. Anganti kan amandranji Jisun amang dirtinji, Kitungan aninji adong Abram ategaji gamle jate.

![](https://cdn.door43.org/obs/jpg/360px/obs-en-48-08.jpg)

Kitungan Abram adong a’onan Isakon Amangban Kub bin asan oblingetin. Bindo salitin kanuban apsele Kitungan Isakon apanardu bo murkundardan aninji adong tiyetinji. Anlen pintulenji asan kuddublen karahidan a’hangbin tungna daku! Bindo anlen apanardu Kitungan Jisun adong bo kanub dagi tiyetin. Antin asan anlen Jisun adong Kitungan a’murkundardan gamtabi.

![](https://cdn.door43.org/obs/jpg/360px/obs-en-48-09.jpg)

Anganti Kitungan Misor lingan a’tanakud rulingan appaietin, anin kuddub Israelanji adong asing linganji tangboi murkundardan a’tuabbin asan oblingetin. Murkundardan itidja ir-marid dakubin tid. Ansaring aninji mihaman darani lingan jodleji. Anganti Kitungan kun darani lingan mihaman gijetin, anin a’murda onanji ir-kabhidlabi asinganji Elaile yirretin. Salitin Kitungan kan ati Anelai gametin.

![](https://cdn.door43.org/obs/jpg/360px/obs-en-48-10.jpg)

Jisun bo Anelai abduran a’murkundardan ambrij. Anin pintun adlume, bar amanglingan ir-pansardin ad-dakue. Anelai abduaran ayam lingan anin adong tanuaban deli. Anganti buti buti Jisun amang dirtin, Jisun a’miham kun mandran a’pintu apsele tiyte. Kan ati Kitungan kun mandran alaninka elaile ayirten ambrij, itin asan gamlenden Kitungan anin adong ad-padrade.

![](https://cdn.door43.org/obs/jpg/360px/obs-en-48-11.jpg)

Kitungan Isaraelanji ampra Sanibdei birnetin itin asan gamlenden Anin Anindaman apsele kun mandranji adong sedaetin. Bindo nami Kitungan kuddub mandranji apsele bo Tabme Sanibdei biran sabjaetin. Ayinganti a’ompuji kan Tabme Sanibdei biran jate, anin Kitunan amandraji ampra deti. Anin Jisun amang a’dirtinan asan anin kan ati lumte.

![](https://cdn.door43.org/obs/jpg/360px/obs-en-48-12.jpg)

Mojeson bo tungmad gij maran dakuli do anin ranaptin batti Kitungan abirna oblingetin. Bindo kuddub tungmad gij maranji saring Jisun satta kuddub saring surda tungmad gij mar dakuli. Anin Kitungan na, anin alumetin do a’oblingetin a’kudduban ati Kitungan abara do abirnan na. Anti asan Kambolan oblingte Jisun na Kitungan abirnan.

![](https://cdn.door43.org/obs/jpg/360px/obs-en-48-13.jpg)

Kitungan Daudo rajan ampra jibjibnetin do anin a’tegan saring bo mandra Raja dele kuddub ayam apsele Kitungan amandranji adong abhanate. Jisun na A’on Kitungan do Messian, bar anin na Daudon a’tega butinti kuddub ayam abhanate.

![](https://cdn.door43.org/obs/jpg/360px/obs-en-48-14.jpg)

Daudon Israelanji a’raja dakuli, bindo Jisun ordaran a’raja! Anin bar okij yartai do ranoitadan do sanabyun batti a’rajaman kuddub ayaman apsele abhanate.

*Apparmangta 1-3, 6, 14, 22; Hanagod 12, 20; 2 Samuel 7; Ebri 3:1-6, 4:14-5:10, 7:1-8:13, 9:11-10:18; Anappungi 21 Kambolan saring Bo Kata Biran.*

Audio: https://git.door43.org/OBS-TLF/srb_obs/releases/download/v1/srb_obs_v1_48_128kbps.m4a

## 49. Kitungan A’tabme Sanibdei Biran

https://openbiblestories.org/l/srb/story-49/

![](https://cdn.door43.org/obs/jpg/360px/obs-en-49-01.jpg)

Bo Pisirdian Marin, bo danggardin adong Kitungan A’on kudte gamle oblingetin. Anin bo danggardi boijan dakuli, bindo Marid Janggardan amangban yirre do anin Pangguronetin. Anin bo ongger onan kudle do Jisu gamle timyimleji. Ansaring, Jisun bagun ati Kitungan do Mandra.

![](https://cdn.door43.org/obs/jpg/360px/obs-en-49-02.jpg)

Jisun ateng rubmangda baran lumle anindaman Kitung gamle appingbaetin. Anin da’an alaninka hanlin do kudsalih dan abringnaetin. Anin ateng bimbim maranji absamangetin and ateng mandranji amang saring kulman amdungle gongetin. Anin karahidan saring abyarmengetin, do monloi rutipon do bagu sanna ayon batti 5000 ajar mandranji adong gaganan ateng tiyetinji.

![](https://cdn.door43.org/obs/jpg/360px/obs-en-49-03.jpg)

Jisun janang bo surda hanang mar dakuli. Itinti akuddubban ati anin hanangan tiyetin kun ati rojol gamle oblingetin. Itinti ati anin alumbin asan oblingetin anti ati mandranji alumbin sanaisai itin asan Gamlen den Anin A’on Kitungan na. Manan, anin hanangan tietin do ambin yanti gamle atimyimdamtin etigoi toi toi sing mar nam adong timyim bin sanaisai.

![](https://cdn.door43.org/obs/jpg/360px/obs-en-49-04.jpg)

Anin janang hanangan tiyetin do Ambin iti janang ati, ordi bittidam bin janang saring Kitungan adong ateng timyimbin Sanaisai.

![](https://cdn.door43.org/obs/jpg/360px/obs-en-49-05.jpg)

Jisun gametin do ordar lingan iti janang janaban hangtabin apanardu Kitungan a’rajam ling adakubin kuddub saring bangsa. Arajam lingan aganbin asan Kitungan dongbin pintubin saring rabrab binti.

![](https://cdn.door43.org/obs/jpg/360px/obs-en-49-06.jpg)

Jisun gametin do dajinganti mandranji anin adong jateji. Kitungan kan a’mandraji adong rabrabte. Deli janang, biggarda maranji anin adong ad-jaeji. Anin janang gametin do kun a’mandraji bangsa solan ambrij. Itin asan gamlenden aninji Jisun abmele bangsa anoblingan amdangtenji do Kitungan aninji adong rabrabte. Deli janang, biggarda maranji tanggore lingan a’soldan ambrij. Kitungan abirnan bo ba’ayan ambrij uanti ati tanggore ban galuli do appadabed. Kan a’mandraji Jisun abmele ad-ja’eji. Aninji anin a’rajam lingan aganbin assateji.

![](https://cdn.door43.org/obs/jpg/360px/obs-en-49-07.jpg)

Jisun oblingetin do Kitungan pintu maranji adong boi boi timyimte. Anin aninji adong tabmalle a’on daman abmebin asan itsumte.

![](https://cdn.door43.org/obs/jpg/360px/obs-en-49-08.jpg)

Jisun janang donglen oblingetin do Kitungan pintun assanggimte. Itin asan Gamlen den Adam do Aban pintu lumleji do a’onanji janang pintu lumteji. Ordar lingan kuddub mandranji pintu lumteji do Kitungan saring sanggai dakuji. Bar kuddub mandranji Kitungan assanggim marji.

![](https://cdn.door43.org/obs/jpg/360px/obs-en-49-09.jpg)

Bindo Kitungan kan ambrij ordar lingan kuddub mandranji adong timyimte: Anin a’mitum onan tiyle yanti gamle butinti Jisun amang dirtin Kitungan aninji adong panadradan adti-e. Do dirna maranji anin ampra tordong ayam dakutinji.

![](https://cdn.door43.org/obs/jpg/360px/obs-en-49-10.jpg)

Aman pitun alumlen asan karahidan ahangbin tungna. Kitungan dongbin padrabbin ati sakkai badih, bindo pintulen asan Jisun panadradan pangetin. Anlen asan Kitungan Jisun adong arrakadang lingan kabhidle padradetin.

![](https://cdn.door43.org/obs/jpg/360px/obs-en-49-11.jpg)

Jisun anggaja pintun adlumed. Delijanang Pintulen apsele anin panadradan do danuka kanalkal karahidan jaetin. Kan ambrij, Pintunamji do ordar lingan kubddub mandranji apintu apangbin asan anin na rojol kanuban deli. Jisun anindaman Kitungan amang kubdamnetin, yanti gamle butinti amang lingan dirtin, Kitungan aninji apintunji, barantongih dagi apintu janang tabmadte.

![](https://cdn.door43.org/obs/jpg/360px/obs-en-49-12.jpg)

Bogad aman ateng bangsa baran lumle janang den, kan batti Kitungan dongnam adnab-rabrabbe. Anin batti bo gardi mar adebin asan amandaman itidja lumle adraptie. Anti apanardu, anin Kitungan A’on, aman asan arakadang lingan kahidli, do Kitungan anin adong karahidan saring abdietin gamle dirna. Bogad aman kan ati dirrin nan den, Kitungan Pintunam tabmadte.

![](https://cdn.door43.org/obs/jpg/360px/obs-en-49-13.jpg)

kuddub mandranji butinti Jisun amang dirtin do a’Gamanganji gamle jateji Kitungan aninji adong rabrabte. Bindo butinti anin amangan ad-dirneji Kitungan aninji adong ad-rabrabe’e. Aman gamang mar ordi banagi mar, ongger mar ordi insalo mar, talaiba mar ordi danggarda mar, ordi uan aman dakuten. Kitungan dongbin timyimte do anin ambin ampra gardinabin asan dongbin Jisun amangban a’dirna gamle a’itsuman daku.

![](https://cdn.door43.org/obs/jpg/360px/obs-en-49-14.jpg)

Amangban dirnabin do tabubdan hangbin asan Jisun dongbin gudingte. Jisun Messian, do Kitungan a’on gamle ambin adirtin po? Aman pintu mar do pintunam asan aman Kitungan a’panadradan hangbin tungna daku gamle dirtin po? Jisun pintu nam apangbin asan arakadang lingan kahidli gamle dirtin po?“

![](https://cdn.door43.org/obs/jpg/360px/obs-en-49-15.jpg)

Bogad ambin Jisun amang dirrinan den do anin alumetin ati apingbalen den, aman Jisun asanandung mar na! Sonuman lunggud rajam lingan okij abhanale adraptibin. Nami Kitungan dongbin panalidan arajam lingan abhanabin tin. Abmang pintun alumlen ambrij Kitungan dogbin pintu adlumbin asan ranptin tiybintin. Anin dongbin bo tabme dane mandrengnan tiybintin.

![](https://cdn.door43.org/obs/jpg/360px/obs-en-49-16.jpg)

Bogad ambin Jisun asanandung marji den, Jisun alumetin abara asan Kitungan pitun bin tabmadetin. Nami, Kitungan dongbin assanggim maran ir-gij labi osantan bo tuya gardi maran gamle jabintin.

![](https://cdn.door43.org/obs/jpg/360px/obs-en-49-17.jpg)

Bogad aman Kitungan a’gardi den do Gamang Jisun a’buanta den, Jisun a’hangamtin ati aman maniebin asan itsumte. Aman Jisun asanandung mar delam janang den, Sonuman dongnam pintu lingan agablubin asan tungjingamtin. Bindo Kitungan itinti oblingte anti ati ditordong anin lumte. Anin kun ati gamte do bogad aman pintu nam pingbalen den, anin tabmadamtin. Anin pitun assanggim ling sanunabin asan ranaptin tiyamtin.

![](https://cdn.door43.org/obs/jpg/360px/obs-en-49-18.jpg)

Kitungan dongbin garbiranbin do abirnan kinolbin asan oblingte. Anin janang sinpur bin asan dongnam do biggarda sanandung maranji adong oblingte. Itinti anin aman apsele lumetin anti biggarda maran adong oblingbin deti. Bogad aman kan a’kuddubban ati lumlenden, anin bo raddu gardin detam.

*Romi 3:21-26, 5:1-11; Jon 3:16; Marko 16:16; Kolosi 1:13-14; 2 Koronti 5:17-21; 1 Jon 1:5-10 Kanbolingan a katabiran*

Audio: https://git.door43.org/OBS-TLF/srb_obs/releases/download/v1/srb_obs_v1_49_128kbps.m4a

## 50. Jisun A’dayarna

https://openbiblestories.org/l/srb/story-50/

![](https://cdn.door43.org/obs/jpg/360px/obs-en-50-01.jpg)

2000 mihnum ambrij deli ordarlinga yar yar maneng mandranji Jisun Messian abmele bangsan anoblingan amdangle yirataiji. Ranukun marangti. Ordaran atanakud adnang Jisun dayartai gamle jibjibnetin. Anin nami sikoija inrang dayarai deli janang den, anin ajanibjib biran ambrij lumte.

![](https://cdn.door43.org/obs/jpg/360px/obs-en-50-02.jpg)

Anlen Jisun a dayarna a omditabin ayam, Kitungan donglen manaridan do mananin a mandrengnan abhanabin itsumte. Anin donglen arajaman apsele bigarda maranji adong oblingbin asan itsumte. Anganti Jisun kan ordara lingan dakunetin, anin gametin, “Hanangna marhenji mandranji adong ordar lingan kuddub manengban Kitungan a rajaman abmele bangsa anob lingan oblingteji, ansaring tanakudan ayam yiratai.”

![](https://cdn.door43.org/obs/jpg/360px/obs-en-50-03.jpg)

Ateng ompu maranji namintan sikoija Jisun abmele inrang amdangeji. Anin ruangban inrang dayarren abmang, anin a hanangna maranji adong butinti bangsa anoblingan inrang amdangeji aninji adong oblingba gamle oblingetin. Anin gametin, “Yirba d kuddub jatinji ordi ompu maranji amang lingan hanangna maranji iabmeba!” Bar janruman gu’ri gadgaddan ayam deli!”

![](https://cdn.door43.org/obs/jpg/360px/obs-en-50-04.jpg)

Jisun janang gametin, “Bo buantan anin gamangan saring surda tid. Sanai sai dagi kan ordar lingan amandraji donghen assanggimlinji, do aninji hen asan do’ng bin janang abasudateji do tuabteji, kan ordar lingan ambin ateng kanal kalan ahangte, bindo raddu deba, itin asan gamlenden duihn Suman butinti ordaran abhanate anin adong hen abladnalai. Bogad ambin tanakud sikoija barij dirna lingan adakulinan den, seletin Kitungan dongbin rabrabte!”

![](https://cdn.door43.org/obs/jpg/360px/obs-en-50-05.jpg)

Ordaran a tanakudan ayam lingan itin deti anti ati aggadlambin asan Jesus ahanangna maranji adong bo kata biran batti oblingetin. Anin gametin, “Bo mandra a kuttalingan bo bangsa baiyan guetin. Anin adimadnetin ayam lingan, assanggim maranji yirre kung jannong lingan gamo saran guleji, do ansaring anin sangai yirretin.”

![](https://cdn.door43.org/obs/jpg/360px/obs-en-50-06.jpg)

“Anganti baiyan padabli, mandran a buantaji gamleji, ‘Gamang, aman jannong lingan bangsa baiyan gulle. Bar yan gamle titti lingan gamo sara dungle?’ Mandran abyar biretin, ‘assangim marhenji kun ati gulleji. Bo assangim marhen kan ati lumetin.’”

![](https://cdn.door43.org/obs/jpg/360px/obs-en-50-07.jpg)

“Buantanji Gamangan adong abyar birre gamleji, ‘Anlen kun gamo saran pille asidai po?’ Gamangan gametin, ‘Ijja. Bogad ambin kun ati alumlen den, gommo aneeb janang a piete. Gadgadan sikoija ambin omdiba. Ansaring gamo saran bo maneng rukulle jiba do yanti gamle ambin soile araptite. Bindo gommon ati darakuban pangaiba.’”

![](https://cdn.door43.org/obs/jpg/360px/obs-en-50-08.jpg)

Hanangna maranji kata biran a garamgam adganludedji, bar aninji Jisun adong bangsale abganludbin asan oppingleji. Jisun gametin, “Bo Mandra butinti bangsa jabmolan guetin Messian absuite. Do jannongan ordaran absuite. Bangsa baiyan Kitungan a rajaman absuite.”

![](https://cdn.door43.org/obs/jpg/360px/obs-en-50-09.jpg)

“Gamo saran sonuman amandraji absuite, ir-bara maranji. Mandran assanggim mar, butinti gamo saran guetin, kan ati sonuman absuite. Gadgaddan ordaran atanakudan absuite, do gadgad maranji Kitungan Apisirdianji absuite.”

![](https://cdn.door43.org/obs/jpg/360px/obs-en-50-10.jpg)

“Anganti ordaran tanakudan deti, Pisirdanji duihn suman a kuddub mandranji adong rukkuteji. Pisirdianji aninjij adong taggin to’ogi sing lingan sidteji. Titti kun amandraji barantongih dagi kanal kalan batti edanan do ramdaji deteji. Bindo butinti amandraji roitad, Jesus adong sandungleji, aninji Ua Kitungan arajam lingan uyungan ambrij tarteji.

![](https://cdn.door43.org/obs/jpg/360px/obs-en-50-11.jpg)

Jisun kan janang ati gametin do ordaran atakutin abmang anin dayartai. Anin yanti gamle yiretin ati goi dayartai. Manan, anin d’ong dagi, bar ruangan saring tarubratam lingan yirtai. anganti Jisun yirtai,kuddub Jisun asanadung maranji kahidleji janangden aninji ditinji do aninji Jisun ampra rianglingan maitinji.

![](https://cdn.door43.org/obs/jpg/360px/obs-en-50-12.jpg)

Ansaring Jisun asanandung maranji buti buti namintan sikkoija ameng daku aninji adong ruangban anurungan deti do buti buti karahidan saring yarmengle dilinji aninji ampra iyte maineji. Aninji tidti Jisun ampra iyte deeji.kan atiki,Jisun amandranji ampra dakuten.anganti aninji aboijna dakutinji tardayam sanabyun detiji.

![](https://cdn.door43.org/obs/jpg/360px/obs-en-50-13.jpg)

Jisun amangling adirrinan akuddub amandraji adong ranub baban atiybin asan jibjibnetid.aninji tarda ayam kitungan ampra kuddub janaban abhanateji. Aninji amang lingan sakkaij sanbyun deti.

![](https://cdn.door43.org/obs/jpg/360px/obs-en-50-14.jpg)

Bindo butinti Jisun amanglin addirne aninji adong kitungan bitsarate.aninji adong kinnaraibn appaite. Tidti aninji edatinji do ramdajitinji, bar tarda ayam kanalkalan hangteji togin er-kahid labi aninji adong jumtudle dakuten,budbudanji aninji adong ajumbin akaddabneji.

![](https://cdn.door43.org/obs/jpg/360px/obs-en-50-15.jpg)

Anganti Kitungan dayartai,anin abotakud sanuman arajaman absiete.Sonuman adong kinnaraiban appaite.Sanuman tidti tarda ayam juamtudti,kitungan asundungbin apanardu osantan duaih suman asandungten amadranji janang jumtudteji.

![](https://cdn.door43.org/obs/jpg/360px/obs-en-50-16.jpg)

Itin asan gamlenden Adam do Aban Kitungan adong admaniedji do ordar lingan pintun panglaiji, Kitungan kan rabrdile absi’dbin asan gabri ji’netin. Bindo bo dinna Kitungan tabme riangan do tabme ordaran rojol ati sabjate.

![](https://cdn.door43.org/obs/jpg/360px/obs-en-50-17.jpg)

Jisun do a mandranji tabme ordar lingan dakutinji, bar anin kudduban alaninka ati abhanate. Anin kuddub mandranji amadaa godgodte. Butidja kanal kalan do danukan okij adgijeji. Aninji adnedaneji. Aninji ab bimaji ordi adkahideji. Bar titti itidja irbangsan ad dakue. Jisun anin arajaman ranoitadan bati do sanabyun batti abhanate. Anin amandranji ampra kuddub ayam asan dakuten.

*Mattiu 13:24-42; 22:13; 24:14; 28:18; Jon 4:35; 15:20; 16:33; 1 Thesoloni 4:13-5:11; Jakubo 1:12; Anappungi 2:10; 20:10; 21-22 Kambolan Saring Bo Kata Biran*

Audio: https://git.door43.org/OBS-TLF/srb_obs/releases/download/v1/srb_obs_v1_50_128kbps.m4a