# unfoldingWord Open Bible Stories — Sirmauri

- Language code: `srx`
- Canonical page: https://openbiblestories.org/l/srx/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Sirmauri translation; it is not a translation of the whole Bible.

## 1. सृष्टै

https://openbiblestories.org/l/srx/story-1/

![](https://cdn.door43.org/obs/jpg/360px/obs-en-01-01.jpg)

ऐशैकैई पौरमेशवरे शुरु दी सौबी चीजौ कै सृष्टै कौरे। तैणै छौई दुसौ दै दुनिया कै औरौ जू किछै तिनुदौ औसौ तिनु सौबी कै सृष्टै कौरे। पौरमेशवर द्वारा धौरती कै रचना कै बाद धौरतै पांदी इनारौ औरौ रीती थै, जिथकै इबी तौड़ी पौरमेशवरे तिंदै कियौंई बै चीजौ खै ना बाणै रैई थी। पौरौ पौरमेशवर का आत्मा पाणी पांदी फैरांव थिया।

![](https://cdn.door43.org/obs/jpg/360px/obs-en-01-02.jpg)

तौबे पौरमेशवरे बौल़ौ, “पेयाशौ हौ।” औरौ पेयाशौ हौए गौ। पौरमेशवरे दैखौ कै पेयाशौ आछौ औसौ औरौ तिथु “दुस” बौल़ौ। औरौ तैणै तिथु पेयाशै पौरेशौ इनारो जौई कौरौ जिथु तैणै “रात” बौल़ै। पौरमेशवरे सृष्टै कौरणौ कै आगले दुसौ दै पेयाशै कै रचना कौरे।

![](https://cdn.door43.org/obs/jpg/360px/obs-en-01-03.jpg)

सृष्टै कौरणौ कै दुजै दुसै पौरमेशवरे बौल़ौ, “पाणी पांदी ऐक फासला हौं।” औरौ ऐक फासला हौए गौआ। पौरमेशवरे तैसी फासले खै “गौयण” बौल़े।

![](https://cdn.door43.org/obs/jpg/360px/obs-en-01-04.jpg)

तीज़े दुसै पौरमेशवरे बौल़ौ, “पाणी ऐकी ठांव पांदी कौठौ हौए जांव औरौ शौकै जौमीन दैखीयो। तैणै शौकै जौमीनौ खै “धौरती” बौल़े औरौ पाणी खै “समुद्र” बौल़ौ। पौरमेशवरे दैखौ कै जू तैणै बाणै राए थियुं सै आछौ थियुं।

![](https://cdn.door43.org/obs/jpg/360px/obs-en-01-05.jpg)

तोबै पौरमेशवरे बौल़ौ, “धौरती दै सान्त बान्त कै डाल़ औरौ नानड़ी डाल़टी जामौ। औरौ ऐशैकैई हौए गौ। पौरमेशवरे दैखौ कै जू तैणै बाणै राए थियुं सै आछौ थियुं।

![](https://cdn.door43.org/obs/jpg/360px/obs-en-01-06.jpg)

सृष्टै कौरणौ कै चौथे दुसै पौरमेशवरे बौल़ौ, “गौयणै दौ पेयाशौ हौंव।” औरौ सूरज, चाँद औरौ तारै प्रकट होवे। पौरमेशवरे तिनु धौरती पांदी पेयाशौ दैणौ कारिए औरौ दुसौ औरौ रातै, मौसम औरौ सालो दै भेद कौरणौ कारिए बाणै।

![](https://cdn.door43.org/obs/jpg/360px/obs-en-01-07.jpg)

पांचवे दुसै पौरमेशवरे बौल़ौ, “समुद्रौ दै जियुंदै प्राणी भौरे जाँव औरौ गौयणै दै चुड़कुल़ै ऊडांव।” ऐशैकैई तैणै पाणी मुंजी तिरणौवाल़ै सौबे जन्तुओं खै औरौ गौयणै कै चुड़कुल़ै खै बाणै। पौरमेशवरे दैखौ कै ऐजौ आछौ थियुं औरौ तिनुकै आशीष दै।

![](https://cdn.door43.org/obs/jpg/360px/obs-en-01-08.jpg)

सृष्टै बाणणौ कै छौटवे दुसै पौरमेशवरे बौल़ौ, “जौमीनो पांदी रौणौवाल़ै सान्त भान्तै कै जानवर हौंव।” औरौ पौरमेशवरौ कै बौल़णौ शै ऐशैकैई हौऐ गौ। किछै पालतू पशु थिऐ, किछै जौमीनौ पांदी रिंगणवाल़ै, औरौ किछै जोंगलौ कै जानवर थिऐ। औरौ पौरमेशवरे दैखौ कै ऐजौ आछौ थियु।

![](https://cdn.door43.org/obs/jpg/360px/obs-en-01-09.jpg)

तोबै पौरमेशवरे बौल़ौ, “आओ आमै आदमी खै आपणै रूपौ दै औरौ आपणै जैशणै बाणुबै। सै धौरती पांदी औरौ सौबी जानवरौ पांदी राज कौरदै।

![](https://cdn.door43.org/obs/jpg/360px/obs-en-01-10.jpg)

औरौ पौरमेशवरे माट्टै कौरेबा तिथलैई आदमी खै बाणा औरौ तैसदै जीवन कै सांस भौरे दै। ऐसी आदमी कौ नांव आदम थियुं। पौरमेशवरे आदम कै राखणौ कारिए ऐक बौड़ै बागौ खै बाणा औरौ तिथकै दैखरेख कौरणौ कारिए आदम खै तिथै राखै दिया।

![](https://cdn.door43.org/obs/jpg/360px/obs-en-01-11.jpg)

तैसी बागौ कै बिचौ दै पौरमेशवरे दो खास डाल़ लाए- जीवन का डाल़ औरौ भले औरौ बुरे कै ज्ञान का डाल़। पौरमेशवरे आदम कै बौल़ौ कै सै तैसी बागौ कै जीवन कै डाल़ औरौ भले औरौ बुरे कै ज्ञान का डाल़ौ खै छौड़ेबा ओकै कुणजैई बै डाल़ौ कै फौल़ कै खाए सौकै। जै तैणै तैसी डाल़ौ का फौल़ खौआ तौ सै मौर जान्दा।

![](https://cdn.door43.org/obs/jpg/360px/obs-en-01-12.jpg)

तोबै पौरमेशवरे बौल़ौ, “ मोरदो कारिए ऐकली रौणौ आछौ ना आथी।” पौरौ कुणिए बै जानवर आदम कै साथै रौणौ लायक ना हौई।

![](https://cdn.door43.org/obs/jpg/360px/obs-en-01-13.jpg)

इथकारिए पौरमेशवरे आदम खै गोएरे नींदौ दा पाए दिया तोबै पौरमेशवरे आदम कै ऐक पौसल़ै निकाल़ैबा तिथलैई ऐक बैटमाणिश बाणै औरौ तियौं आदम कै धौरे लियाए

![](https://cdn.door43.org/obs/jpg/360px/obs-en-01-14.jpg)

जोबै आदमै तियों दैखै तौ तैणै बौल़ौ, “ कम सै कम ऐजै तौ मौ जैशणै औसौ! ऐजै ‘बैटमाणिश कैहलांदै, जिथुकै इयौं मौरदौ पौरेशै बाणै राए।” इथकारिए मौरद आपणै माँ-बापू खै छौड़े दैंव औरौ आपणी घौरवाल़ीयारी ऐक हौए जांव।

![](https://cdn.door43.org/obs/jpg/360px/obs-en-01-15.jpg)

पौरमेशवरे मौरद औरौ बैटमाणिशौ खै आपणै रूपौ दै बाणै। तैणै तिनुकै आशीष दै औरौ तिनुखै बौल़ौ, “बौरिशी संतान औरौ पौते-परपौते पौएदा कौरौ औरौ धौरती कै भौरे दैंव!” औरौ पौरमेशवरे दैखौ कै जू किछै बै तैणै बाणै राए थियुं, सेजो बेजाए आछौ थियुं औरौ सै तिनु सौबी शै बैजाए खुशी थिया। ऐजौ सौबे ठुँ सृष्टै बाणणौ कै छौटै दुसै हौए रौ थियुं।

![](https://cdn.door43.org/obs/jpg/360px/obs-en-01-16.jpg)

जोबै सातौ दुस औऊ तौ जू किछै पौरमेशवरे कौरे लौ थियुं, तैणै तिनु सौबी कामौ खै खत्म कौरे। तैणै सातवे दुसौ खै आशीष दै औरौ तिथु पवित्र ठौरौऊं, जिथुकै तैसी दुसै तैणै सौबी चीज़ौ कै सृष्टै बाणैबा खत्म कौरे राए थै। ऐशैकैई पौरमेशवरे दुनिया की औरौ जू किछै तिन्दु औसौ तिनु सौबी कै सृष्टै कौरे।

*उत्पत्ति अध्याय 1-2 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_01_128kbps.m4a

## 2. पाप दुनिया दा औऊंवा

https://openbiblestories.org/l/srx/story-2/

![](https://cdn.door43.org/obs/jpg/360px/obs-en-02-01.jpg)

आदम औरौ तैसकै घौरवाल़ी पौरमेशवर कै तिनु कारिए बाणैयौंदै तैसी सुन्दर बागौ दै रौंदे बैई बैजाए खुशी थिऐ। तिनुमुंजी दै कुणिए बै खौटणौ नै बाम्बौ थिऐ, तोबे बै यों बातो लेई तिनु मुंजीदै कुणिए बै शरमाँव नै थिए। जिथुकै दुनिया दा पाप नै थी। सै जादातर तैसी बागौ दै घोमेया कौरौ थिऐ औरौ पौरमेशवर शै बात कौरया कौरौ थिऐ।

![](https://cdn.door43.org/obs/jpg/360px/obs-en-02-02.jpg)

पौरौ तैसी बागौ दा ऐक सांप थिया। सै बैजाए चालाक थिया। तैणै तिऔं बैटमाणिशौ खै पुछु, “का सौथी खै पौरमेशवरे तुऔं खै ऐसी बागौ कै कौसी बै डाल़ौ कै फौल़ कै खाणौ शै मना कौरे राए?

![](https://cdn.door43.org/obs/jpg/360px/obs-en-02-03.jpg)

तियौं बैटमाणिशै जबाब दिया, “पौरमेशवरे आमु खै बौल़ै राए कै आमै तैसी भले औरौ बुरे कै ज्ञान कै डाल़ौ कै छौड़ेबा कौसी बै डाल़ौ कै फोल़ौ खै खाए सौकु। पौरमेशवरे आमु खै बौल़ै राए कै जै तुऐं तैसी फौल़ौ खै खौऊंवा या छुआ बै, तौ तुऐं मौरे जांदै।

![](https://cdn.door43.org/obs/jpg/360px/obs-en-02-04.jpg)

तैसी सांपै बैटमाणिशौ खै जबाब दिया, “ ऐजौ साचौ ना आथी! तुऐं ना मौरदै। पौरमेशवर जाणौए कै जैशैकैई तुऐं तैसी फौल़ौ खै खालै, तुऐं पौरमेशवर कै जैशणै हौए जांदै औरौ तैसी साए भले औरौ बुरे खै समझदै लागदै।”

![](https://cdn.door43.org/obs/jpg/360px/obs-en-02-05.jpg)

तियौं बैटमाणिशै दैखौ कै सैजा फौल़ लूबाणौवाल़ा थिया औरौ दैखणौ स्वाद जाणियों थिया। सै बै समझदार बौणणौ चांव थै, इथकारिए तियें फौल़ तौड़ेबा खाए पौआ। तोबै तियें आपणै घौरवाल़ै खै जू तियौं कै साथै थिया सैजा फौल़ दिया औरौ तैणै बै खाए पौआ।

![](https://cdn.door43.org/obs/jpg/360px/obs-en-02-06.jpg)

ऐकदम ही, तिनकी आखी खौलै गौई, औरौ तिनु पौता लागा कै सै नांगै औसौ। तिनुऐ पातौ कै ऐकसाथै जौड़ेयो तिथकै खौटणौ बाणैबा तिथलैई आपणै शरीरो खै खौटिणौ कै कौशिश कौरे।

![](https://cdn.door43.org/obs/jpg/360px/obs-en-02-07.jpg)

तोबै मोरदै औरौ तैसकै घौरवाल़ीए तैसी बागौ दै घुमदै बैई पौरमेशवर कै धाव शौणै। सै दुईनै जौणै पौरमेशवर कैईदै चौरे गौऐ। तोबै पौरमेशवरे मोरदौ खै धाव दै, “तू कौकै औसौ?” आदमै जबाब दिया, “मौंऐ ताखै बागौ दा घुमदै बैई शुणा, औरौ हांव डोर गौआ थिया, जिथुकै हांव नांगी थिया। इथकारिए हांव चौरे गौआ।

![](https://cdn.door43.org/obs/jpg/360px/obs-en-02-08.jpg)

तोबै पौरमेशवरे पुछु, “ताखै कौणै बौतौऊं कै तू नांगा औसौ? का तौऐं सैजा फौल़ खाए राए जिथु खाणौं कारिए मौंऐ ताखै मना कौरे राए थियु?” मोरदै जबाब दिया, “तुऐं जू ऐजै बैटमाणिश दैऐ राए इयें मौखै सैजा फौल़ दिया।” तोबै पौरमेशवरे बैटमाणिशौ कैईदु पुछु, “तौऐं ऐजौ का कौरौ? तियौं बैटमाणिशै बौल़ौ, “सांपै मौखै धौखा दैऐ राए।”

![](https://cdn.door43.org/obs/jpg/360px/obs-en-02-09.jpg)

पौरमेशवरे सांपौ खै बौल़ौ, “तू शापित औसौ! तू आपणै पेटौ कै सारे हांडदा औरौ माट्टे चाटदा। तू औरौ ऐजै बैटमाणिश ऐकी दुजैयारी नफरत कौरदै, औरौ तैरै संतान औरौ याँरी संतान बै ऐकी दुजैयारी नफरत कौरदै। इयौं बैटमाणिशौ का वंशज तैरै मुंडौ खै पिचकला, औरौ तू तैसकी फाईनी खै डौसदा।”

![](https://cdn.door43.org/obs/jpg/360px/obs-en-02-10.jpg)

तोबै पौरमेशवरे बैटमाणिशौ कै बौल़ौ, “हांव तैरै नानड़िया वाणौ की पीड़ौ कै बैजाए बौड़ाए दैन्दा। तू आपणै घौरवाल़ै कै चाएली, औरौ सै तांव पांदी राज कौरदा।”

![](https://cdn.door43.org/obs/jpg/360px/obs-en-02-11.jpg)

पौरमेशवरे मौरदौ कै बौल़ौ, “ तौऐं आपणी घौरवाल़ी कौ शुणु औरौ मैरे आज्ञा ना मानी। इथकारिए जौमीन शापित हौए रौए, औरौ ताखै शाक पौयदा कौरणौ कारिए बैजाए मेहनत कै जौरूरत हौन्दै। ऐबै तू मौरे जाँदा, औरौ तेरा शरीर माट्टी मुंजी मेल़ जाँदा।” तैसी मौरदै आपणी घौरवाल़ी कौ नांव हव्वा राखौ, जिथका मतलब औसौ “जीवन दैणौ वाल़ै”, जिथुकै सै सौबी जाति कै माँ हौन्दै। औरौ पौरमेशवरे आदम औरौ हव्वा कै गौरु कै खौलड़ै शै बौणयोंदै खौटणौ बौम्बोऊंऐ।

![](https://cdn.door43.org/obs/jpg/360px/obs-en-02-12.jpg)

तोबै पौरमेशवरे बौल़ौ, “ ऐबै भले औरौ बुरे खै जाणैबा आदमी आमु जैशणा हौए गौआ, इथकारिए तिनु तैसी जीवन कै डाल़ौ कै फौल़ कै नै खाणौ दैणा चैंई कै सै हौमेशा कारिए जियुंदी रौंव।” इथकारिए पौरमेशवरे आदम औरौ हव्वा कै तैसी बागौ पौरेशै बाएरे घाड़े दिऐ। औरौ पौरमेशवरे कौसी कै बै तैसी जीवन कै डाल़ौ कै फौल़ कै खाणौ शै रौकणौ कारिए तैसी बागौ कै आणौ वाल़ै द्वारौ पांदी शौकतीशाली स्वर्गदूतौ खै बौठाल़े दिऐ।

*उत्पत्ति अध्याय 3 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_02_128kbps.m4a

## 3. बाढ़

https://openbiblestories.org/l/srx/story-3/

![](https://cdn.door43.org/obs/jpg/360px/obs-en-03-01.jpg)

बौहुतै सौमय कै बाद, दुनिया दै बौहिते लौग रौंव थिऐ। सै बैजाए दुष्ट औरौ झौगड़ै कौरणौ वाल़ै हौए गौवे थिऐ। ऐजौ ऐतरौ बुरू थियुं कै पौरमेशवरे ऐकी बौड़ै बाढ़ लैई इयों पोरे दुनिया कै नाश कौरणौ का फौएसला कौरा।

![](https://cdn.door43.org/obs/jpg/360px/obs-en-03-02.jpg)

पौरौ पौरमेशवर नूह शै खुश थिया। सै दुष्ट आदमी मुंजी रौणवाल़ा ऐक धरमै आदमै थिया। पौरमेशवरे नूह कैई बौल़ौ कै हांव ऐक बौड़ै बाढ़ खै लांदा। इथकारिए, तैणै नूह कै ऐक बौड़ै किश्ते बाणणौ कारिए बौल़ौ।

![](https://cdn.door43.org/obs/jpg/360px/obs-en-03-03.jpg)

पौरमेशवरे नूह कै लमसम 140 मीटर लांबे, 23 मीटर चौड़े औरौ 13.5 मीटर ओन्चे किश्ते बाणणौ कारिए बौल़ौ। नूह कै तियौं किश्ती कै लाकड़ी लैई बाणणै थै औरौ तियौं तीन मंजिला, औरौ तिंदे तीन मैड़ बौरिशै कोमरे, ऐक छापर औरौ ऐक खेड़कै बाणणै थै। सैजै किश्ते नूह औरौ तैसकै कुड़बै, औरौ धोरती कै सौबी भान्त कै जानवरो कै तियौं बाढ़ शै बौचाऐबा राखदै।

![](https://cdn.door43.org/obs/jpg/360px/obs-en-03-04.jpg)

नूहे पौरमेशवर कै बात माने। तैणै औरौ तैसकै बैटे तैशणै किशते बाणै जैशणै पौरमेशवरे बौताए राए थै। जिथुकै सैजै किश्ते बैजाए बौड़ै थै इथकारिए तियौं बाणणौ कारिए कैईयो सालो लागी। नूहे लौगौ खै आणौवाल़ै बाढ़ कै बारै मुंजी चेतावणै दै औरौ तिनुकै पौरमेशवरौ कै ढौबौ आणौ कारिए बौल़ौ, पौरौ तिनुऐ तैसपांदी विशवाश ना कौरी।

![](https://cdn.door43.org/obs/jpg/360px/obs-en-03-05.jpg)

पौरमेशवरे नूह औरौ तैसकै कुड़बे कै आपी कारिए औरौ गौरू कारिए खाणौं कै कौठौ कौरणौ का आदेश बै दिया। जोबै सोबै ठुँ तैयार थियुं, तौबै पौरमेशवरे नूह कै बौल़ौ कै ऐजा तैसकै, औरौ तैसकी घौरवाल़ी कै, तैसकै ती बैटै कै, औरौ तिनकी घौरवाल़ी कै – कुल मिलायो आठी जौणै कै किश्ती दा जाणौ का सौमय थिया।

![](https://cdn.door43.org/obs/jpg/360px/obs-en-03-06.jpg)

पौरमेशवरे सौबी जानवर औरौ चुड़कुल़े कै नर औरौ मादा कै नूह कै धौरे छाड़े ताकि सै किश्ती दै जाए सौकौ औरौ बाढ़ शै बौचयो रौए सौकौ। पौरमेशवरे ऐशणै सान्त-भान्त कै जानवरो कै सात नर औरौ मादाओ कै छाड़ै जिनुकै बलि चौड़ाणौ कारिए इस्तेमाल कौरे सौकौ। जोबै सै सोबै जौणै किश्ती पांदी हौटे गौऐ, तौ आपी पौरमेशवरे किश्ती कौ द्वार बौन्द कौरे दियुं।

![](https://cdn.door43.org/obs/jpg/360px/obs-en-03-07.jpg)

तोबै बौरखा हौणै शुरु हौऐ गौऐ, औरौ बौरखा लागै, औरौ लागदुई रौए। बिना रुके चालीश दुस औरौ चालीश राते तौड़ी बौरखा लागदु रौऐ। पूरे दुनिया की सोबै चीज़ौ, इथै तौड़ी कै ऊंची-ऊंची धौरौ बै पाणी मुंजी डोबै गौई।

![](https://cdn.door43.org/obs/jpg/360px/obs-en-03-08.jpg)

शौकै जौमीनौ पांदी रौणौ वाल़ी सोबै चीज़ौ मौरे गौई, तिनु लौगौ औरौ जानवरो कै छौड़ेबा जू किश्ती दै थिऐ। सैजै किश्ते पाणी पांदी बोंदी रौऐ औरौ किश्ती कै भीतरे की सोबै चीज़ौ कै डूबणौ शै बौचाऐबा राखी।

![](https://cdn.door43.org/obs/jpg/360px/obs-en-03-09.jpg)

बौरखा रूकणौ कै बाद, पांची मीने तौड़ी सैजै किश्ते पाणी पांदी बोंदी रौऐ, औरौ तैसी सौमय दौ पाणी कम हौन्दौ लागै रौ थियु। तोबै ऐक दुस सैजै किश्ते ऐकी धारौ कै चुटी पांदी जाऐबा रौके गौऐ। पौरौ दुनिया इबी बै पाणी दी डोबै रौए थै। ती महीने कै बाद धारो की चुटी देखिंदी लागी।

![](https://cdn.door43.org/obs/jpg/360px/obs-en-03-10.jpg)

तोबै हौजौ चालीश दुसौ कै बाद, नूहे ऐकी कौऊवे खै ऐजौ दैखणौ कारिए भाएरे छाड़ा कै पाणी शौके गौ। सैजा कौऊवा शुकी जौमीनौ कै जौंदा उंडा-पुंडा उड़ाँदा रौआ, पौरौ तैसी ऐशणा कुणजाई ठांव ना भैटी।

![](https://cdn.door43.org/obs/jpg/360px/obs-en-03-11.jpg)

तोबै बाद मे नूहे ऐक कबूतरी कै बाएरे छाड़ै। पौरौ तियौंकै बै कुणजै शौके जौमीन ना भैटी, इथकारिए सै नूह कै धौरे पाछु आए गौए, ऐक हफते कै बाद तैणै तियौं कबूतरी कै ओटेयो कै छाड़ै, औरौ सै आपणै चोंच दै ऐक जैतून कै डाल़े लियाऐबा पाछु आए। पाणी घौटे रौ थियु, औरौ पौधे बै ओटेयो जामदै लाग रौवे थिऐ।

![](https://cdn.door43.org/obs/jpg/360px/obs-en-03-12.jpg)

नूहे ऐक हप्ते हौजौ ठौल़नाए कौरे औरौ तीजल़ियो तियौं कबूतरी खै बाएरे छाड़ै। इयौं बैई, तियौंकै रौणौ कारिए ठांव भैटे गौआ औरौ सै पाछु ना ऐई। जिथुकै पाणी शौके रौ थियु।

![](https://cdn.door43.org/obs/jpg/360px/obs-en-03-13.jpg)

दु मीने कै बाद पौरमेशवरे नूह कै बौल़ौ, “ऐबै तू औरौ तैरा कुड़बा औरौ सोबै जानवर किश्ती पौरेशै बाएरे आए जांव। औरौ बौरिशै नानड़िया औरौ पोते-परपोते पौएदा कौरौ औरौ धौरती कै भौरे दैंव।” औरौ नूह औरौ तैसका कुड़बा किश्ती पौरेशा बाएरे आए गौआ।

![](https://cdn.door43.org/obs/jpg/360px/obs-en-03-14.jpg)

नूह कै, किश्ती पौरेशौ बाएरे आणौ कै बाद, तैणै बेदे बाणै औरौ बल़ि कारिए इस्तेमाल हौणौ वाल़ै सौबी बान्त कै जानवरो मुंजी दै किछेक कै बल़ि चौढ़ाए। औरौ पौरमेशवर तियौं बल़ि शै खुशी हौआ औरौ नूह औरौ तैसकै कुड़बै कै आशीर्वाद दिया।

![](https://cdn.door43.org/obs/jpg/360px/obs-en-03-15.jpg)

पौरमेशवरे बौल़ौ, हांव वादा कौरु कै आदमी कै द्वारा हौणौ वाल़ै बुरे कामौ की बौजेह शै हांव हौजौ कौलौंई धोरती कै शराप ना दैन्दा औरौ बाढ़ लैई दुनिया कै नाश ना कौरदा जिथुकै आदमै तौ पौयदा हौंदै दौऊंबा पापी औसौ।

![](https://cdn.door43.org/obs/jpg/360px/obs-en-03-16.jpg)

तोबै पौरमेशवरे आपणै वाचा कै निशान कै तौर पांदी आगल़े इन्दाधनुष बाणै। जोबै कौलोंई बै गौयणै दै इन्दाधनुष दैखियो, तौ पौरमेशवर याद कौरदा कै तैणै का वादा कौरे राए औरौ तैशैकैई तैसकै लौग बै याद कौरदै।

*उत्पत्ति अध्याय 6-8 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_03_128kbps.m4a

## 4. अब्राहमवारी पोरमेशवर कै कोरार

https://openbiblestories.org/l/srx/story-4/

![](https://cdn.door43.org/obs/jpg/360px/obs-en-04-01.jpg)

औरौ तौबै बाढ़ौ कै कैई सालो कै बाद, दुनिया दै बौरिशै लौग रौया कौरौ थिऐ, औरौ तिनुऐ हौटेयो पौरमेशवरौ कै औरौ ऐकी दुजै कै खिलाफ पाप कौरे। जिथुकै सै ऐकैई भाषा बौल़ौ दिऐ, इथकारिए सै ऐकसाथै कौठे हौवे औरौ दुनिया दै फोएले जाणौ कै पौरमेशवर कै ऐसी आदैश कै बजाए ऐकी नगर कै बाणा।

![](https://cdn.door43.org/obs/jpg/360px/obs-en-04-02.jpg)

सै बैजाए घमंडी थिए, औरौ तिनुकै कैशणा जीवन जीणा चैंई इथकै बारै मुंजी सै पौरमेशवर कै आदेश का पालन कौरणा नै चांव थिऐ। इथै तौड़ी कै तिनुऐ ऐक ऐशणै मीनार कै बाणणै शुरू कौरे जू स्वर्ग तौड़ी पौऐचले। पौरमेशवरे दैखौ कै जै सै ऐकसाथै भैटेबा बुराए कौरदै रौले, तौ सै बौरिशै पाप वाल़ै काम कौरे सौकौ।

![](https://cdn.door43.org/obs/jpg/360px/obs-en-04-03.jpg)

इथकारिए पौरमेशवरे तिनकी भाषा खै बौरिशी जौई-जौई भाषाऔ दी बौदले दी औरौ तिनु लौगौ खै पूरै दुनिया दै फौएलाए दिऐ। जिथु नगर कै तिनुऐ बाणणौ शुरू कौरे राए थियुं तिथको नावं बाबेल पोड़ो, जिथका मतलब औसौ “गड़बड़ी”।

![](https://cdn.door43.org/obs/jpg/360px/obs-en-04-04.jpg)

कैई सालो कै बाद, पौरमेशवरे अब्राम नांव कै ऐकी आदमीयारी बात कौरे। पौरमेशवरे तैसीखै बौल़ौ, “आपणै देश औरौ परिवार कै छौड़ेबा तैसी देशो कै जा जू हांव ताखै दैखौऊंबा। हांव ताखै आशीष दियुंबा औरौ तांव पौरेशै ऐक बौड़ै जाति बाणुबा। हांव तैरौ नांव महान कौरदा। जू ताखै आशीष दैला तैसी हांव बै आशीष दैन्दा, औरौ जू ताखै शराप दैला तैसी हांव बै शराप दैन्दा। तैरी बौजेह शै सारी दुनिया कै लौग आशीष पान्दै।

![](https://cdn.door43.org/obs/jpg/360px/obs-en-04-05.jpg)

औरौ अब्रामे पौरमेशवरौ कै बात मानै। तैणै आपणै सोबै सेवको औरौ आपणै सौबै धन-दौलत आपणै घौरवाल़ै सारा खै नियौं औरौ तैसी देशौ खै, यानि कनान देश कै चाल पौड़ा जू पौरमेशवरे तैसी दिखाए राए थियु।

![](https://cdn.door43.org/obs/jpg/360px/obs-en-04-06.jpg)

जोबै अब्राम कनान दैश दा पौंऊचा तौ पौरमेशवरे तैसी खै बौल़ौ, “आपणै चौऊ ढौबौ कै दैख। हांव ताखै ऐजौ पुरू देश दैन्दा औरौ तैरै पीढ़ी सदा कारिए इथपांदी औधिकार राखदै।” तोबै अब्राम तैसी देशौ दा बौस गौआ।

![](https://cdn.door43.org/obs/jpg/360px/obs-en-04-07.jpg)

मलिकिसिदक नांव का ऐक मौरद थिया जू सौबीदा बौड़ा पौरमेशवर का पुरोहित थिया। ऐक दुस जोबै अब्राम युध्द कौरेबा पाछु आन्दा लाग रौआ थिया तौ सै औरौ अब्राम भेटिए। मलिकिसिदके अब्रामो खै आशीष दै औरौ बौल़ौ, परम पौरमेशवर जू स्वर्ग औरौ धौरती का मालिक औसौ सै ताखै आशीष दैंव।” तोबै अब्रामे युध्द मुंजी जेतेयोंदी सोबै चीज़ौ का देशवां हिस्सा मलिकिसिदक कै दिया।

![](https://cdn.door43.org/obs/jpg/360px/obs-en-04-08.jpg)

कैई सालो बेत गौई, पौरौ इबी तौड़ी बै अब्राम औरौ सारा कै कुणजाई बैटा नै थी। पौरमेशवरे अब्राम शै बात कौरे औरौ औटेयो वादा कौरा कै तैसकै ऐक बैटा पौएदा हौन्दा औरौ जैशैकै गौयणै दै तारे औसौ तैशैकैई तैसकै बै बौरिशै वंशज हौन्दै। अब्रामे पौरमेशवर कै वादै पांदी बिशवाश कौरा। पौरमेशवरे साबित कौरौ कै अब्राम ऐक धरमै आदमी थिया जिथुकै तैणै पौरमेशवर कै वादै पांदी बिशवाश कौरे राए थिया।

![](https://cdn.door43.org/obs/jpg/360px/obs-en-04-09.jpg)

तोबै पौरमेशवरे अब्रामोआरी ऐक कौरार कौरा। आम तोरिके शै, ऐक कौरार दो गुट कै बीज मुंजी ऐकी दुजैआरी काम कौरणौ का ऐक समझौता हौंव। पौरमेशवरे अब्रामोआरी सैजा वादा तौलौ कौरे राए थिया जौलौ अब्राम सौत रौआ थिया, पौरौ सै तौलौ बै पौरमेशवरौ कै शौणै सौकौ थिया। पौरमेशवरे बौल़ौ, “हांव तैरै शरीर शै पौएदा कौरेबा ताखै ऐक बैटा दैन्दा जू तांव पौरेशा यानि तैरै घौरवाल़ी सारा शै पौएदा होला। हांव तैरै वंश कै ऐजा कनान देश दियुंबा।” पौरौ इबी बै अब्रामवागै कुणजाई बैटा नै थी।

*उत्पत्ति अध्याय 11-15 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_04_128kbps.m4a

## 5. वादै का बैटा

https://openbiblestories.org/l/srx/story-5/

![](https://cdn.door43.org/obs/jpg/360px/obs-en-05-01.jpg)

अब्राम औरौ सारै कै कनान दैश पौऊंचणौ कै दस सालौ कै बाद, इबी तौड़ी बै तिनकै कुणजै ओलाद नै थी। इथकारिए अब्रामो कै घौरवाल़ी साराए तैसीकै बौल़ौ, “जिथुकै पौरमेशवरे इबी तौड़ी मोखै ओलाद पौयदा कौरणौ कारिए काबिल ना बाणै रैई औरौ ऐबै हांव ओलाद पोयदा कौरणौ कारिए बैजाए बोढ़ी औसौ, दैख, मैरै दासी हाजिरा इथै औसौ। तिंयाआरी जाजड़ा बाणै पा कै सै मौ कारिए ऐक ओलाद पोयदा कौरे सौकौ।

![](https://cdn.door43.org/obs/jpg/360px/obs-en-05-02.jpg)

औरौ अब्रामे हाजिराआरी जाजड़ा बाणै पौआ। हाजिरा कै ऐक बैटा पोयदा हौआ, औरौ अब्रामे तैसकौ नांव इश्माएल राखौ। पौरौ सारा हाजिरा शै जौल़दै लागै। जोबै इश्माएल तेरो सालो का थिया, पौरमेशवरे ओटेयो अब्रामवारी बात कौरे।

![](https://cdn.door43.org/obs/jpg/360px/obs-en-05-03.jpg)

पौरमेशवरे बौल़ौ, “हांव सौबीदा बौड़ा-शोकतीशाली पौरमेशवर औसौ। हांव तांवआरी ऐक कौरार कौरूबा।” तोबै अब्रामै जौमीनो पांदी रैड़ेबा ढाल कौरे। पौरमेशवरे अब्रामौ खै ऐजौ बै बौल़ौ, “तू बौरिशी जाति का बापू हौंदा। हांव ताखै औरौ तेरै पीढ़ी खै तिनकै आपणी जौमीन हौणौ कारिए कनान देश दैंदा औरौ हांव सदा कारिए तिनका पौरमेशवर हौंदा। तू आपणै सौबी कुड़बै कै मौरदो का खतना कौरा।

![](https://cdn.door43.org/obs/jpg/360px/obs-en-05-04.jpg)

“तेरै घौरवाल़ै सारै ऐक बैटा पोयदा कौरले – सै वादै का बैटा हौंदा। तैसकौ नांव इसहाक राखैया। हांव तैसकै साथै आपणै कौरार बाणैबा राखदा औरौ सै ऐक बौड़ै जाति बौण जांदा। हांव इश्माएल कै बै ऐक बौड़ै जाति बाणदा, पौरौ मेरा कौरार इसहाकवारी रौंदा।” तोबै पौरमेशवरै अब्रामो कौ नांव बौदलेबा अब्राहम राख दियु, जिथका मतलब औसौ “बोहिते का बापू ”। पौरमेशवरै सारै का नांव बौदलेबा सारा राख दियु, जिथका मतलब औसौ “मूलमाता”।

![](https://cdn.door43.org/obs/jpg/360px/obs-en-05-05.jpg)

तैसी दुसै अब्राहमै आपणै कुड़बै कै सौबी मौरदो का खतना कौरा। लमसम ऐकी सालो कै बाद, जोबै अब्राहम 100 सालौ कै उम्रो का थिया औरौ सारा 90 सालो कै थै, तोबै साराए अब्राहम कै बैटे खै जन्म दिया। जैशैकै पौरमेशवरै तिनुकै बौल़ै राए थियु तिनुऐ तैसकौ नांव इसहाक राखौ।

![](https://cdn.door43.org/obs/jpg/360px/obs-en-05-06.jpg)

जोबै इसहाक जवान हौआ तौ पौरमेशवरै ऐजौ बौल़ेबा अब्राहम कै बिशवाश कै परीक्षा कौरे, “आपणै ऐकलौते बैटे कै नियो, औरौ तैसी मौ कारिए बल़ि कै रूप दा मारे दै।” ओटेयो अब्राहमै पौरमेशवरौ कै बात मानी औरौ आपणै बैटे कै बल़ि कौरणौ कारिए तैयार कौरा।

![](https://cdn.door43.org/obs/jpg/360px/obs-en-05-07.jpg)

जोबै अब्राहम औरौ इसहाक बल़ि चौढ़ाणौ कै ठांव कै ढौबौ जांदै लागै, तौ इसहाकै पूछु, “औए रे बापू, आमु कैंई बल़ि कौरणौ कारिए लाकड़ी तौ औसौए, पौरौ बल़ि कौरणौ कै गाबटु कौकै औसौ?” अब्राहमै जबाब दिया, औए रे बैटा, पौरमेशवर बल़ि कौरणौ कारिए गाबटु का इंतजाम आपी कौरदा।

![](https://cdn.door43.org/obs/jpg/360px/obs-en-05-08.jpg)

जोबै सै बल़ि चौढ़ाणौ कै ठांव दै पौंइचे गौऐ, तौ अब्राहमै इसहाक कै बानैबा बैदी पांदी लिटाए दिया। सै आपणै बैटे कै मारणौवाल़ा ही थिया कै पौरमेशवरै बौल़ौ, “रौक जा! भैईया कै नुकसान नै पौंईचा! ऐबै हांव जाणै गौआ कै तू मैरा डौर माने जिथुकै तौंऐ आपणै ऐकलौते बैटे कै बै मौ कैईदा बौचाएबा ना राखी।”

![](https://cdn.door43.org/obs/jpg/360px/obs-en-05-09.jpg)

नैड़िक ही अब्राहमै ऐक मेढ़े कै दैखौ जू झाड़ी मुंजी फौश रौ थियु। इसहाक कै बौदले बल़ि कौरणौ कारिए पौरमेशवरै मेढ़े का पौरबंद कौरा। अब्राहमै खुशी-खुशी मेढ़े कै बल़ि चौढ़ाए दै।

![](https://cdn.door43.org/obs/jpg/360px/obs-en-05-10.jpg)

तोबै पौरमेशवरै अब्राहमौ खै बौल़ौ, “जिथुकै तू मौ कारिए सोबै ठुं दैणौ कारिए तैयार थिया, इथैतौड़ी कै आपणै ऐकलौते बैटे कै बै, इथकारिए हांव ताखै आशीष दैणौ का वादा कौरू। तेरै वंशज गौयणै कै तारै शै बै जादा हौंदे। जिथुकै तौंऐ मैरै आज्ञा खै माने राए इथकारिए हांव तैरै कुड़बै लैईं दुनिया कै सौबी पीढ़ी कै आशीष दैंदा।”

*उत्पत्ति अध्याय 16-22 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_05_128kbps.m4a

## 6. पौरमेशवर इसहाक कारिए इंतजाम कौरौ

https://openbiblestories.org/l/srx/story-6/

![](https://cdn.door43.org/obs/jpg/360px/obs-en-06-01.jpg)

जोबै अब्राहम बौहिता बूढ़ा हौए गौआ थिया तोबै तैसका बैटा, इसहाक, ऐकी मौरदौ कै उमरौ का हौऐ गौआ थिया। इथकारिए अब्राहमै आपणै ऐक सेवक कै आपणै बैटे इसहाक कारिए तैसी देशौ पौरेशै ऐक घौरवाल़ै लाणौ कारिए छाड़ा जिथै तैसकै रिशतैदार रौंव थिऐ।

![](https://cdn.door43.org/obs/jpg/360px/obs-en-06-02.jpg)

जिथै अब्राहम कै रिशतैदार रौंव थिऐ तैसी देशौ कै जाणौ कै ऐक बैजाए लांबै यात्रा कै बाद पौरमेशवरै तैसी सेवक कै जाण-पौछेयाण रिबका आरी कौराए। सै अब्राहम कै भाईड़ी कै पोतै थै।

![](https://cdn.door43.org/obs/jpg/360px/obs-en-06-03.jpg)

रिबका आपणै कुड़बै कै छौड़ेबा तैसी सेवक कै साथै पाछु जाणौ कारिए मान गौऐ। जैशैकैई सै पौऊंचै इसहाकै तियांरी जाजड़ा बाणा।

![](https://cdn.door43.org/obs/jpg/360px/obs-en-06-04.jpg)

ऐकी लांबै सौमय कै बाद, अब्राहम मौरे गौआ। तोबै पौरमेशवरै अब्राहम कै बैटे इसहाक कै, अब्राहमौ कै साथै कौरयोंदै कौरार की बौजेह शै आशीष दै। तियों कौरारौ दा पौरमेशवरौ का ऐक वादा थिया कै अब्राहमौ कै औणगिणित वंशज हौंदे। पौरौ इसहाक कै घौरवाल़ै रिबका कै ओलाद पौयदा ना हौई।

![](https://cdn.door43.org/obs/jpg/360px/obs-en-06-05.jpg)

इसहाकै रिबका कै प्रार्थना कौरे, औरौ पौरमेशवरै तियौं खै जुड़वाँ नानड़िया कै आशीष दै। जौलौ सैजै नानड़िया रिबका कै पेटोऊदैई थिऐ सै आपी मुंजी झौगंड़िदै लागै, इथकारिए जू किछै हौंदौ लागै रौ थियु रिबकाए सैजौ पौरमेशवरावागै बौताए दियु।

![](https://cdn.door43.org/obs/jpg/360px/obs-en-06-06.jpg)

पौरमेशवरै रिबका कै बौल़ौ, “तू दु बैटे कै जन्म दैंदे। तिनकै वंशज दो जौई-जौई जाति बौणदी। सै ऐकी दुजैयारी लौड़दै। पौरौ बौड़ै बैटे शै पोयदा हौणौवाल़ौ जाति कै नानड़ै बैटे शै आणौवाल़ै जाति कै आज्ञा मानणै पौड़दै।

![](https://cdn.door43.org/obs/jpg/360px/obs-en-06-07.jpg)

जोबै रिबका कै नानड़िया पौयदा हौवे, तौ बौड़ा बैटा लाल औरौ रोएँदार थिया, औरौ तिनुऐ तैसकौ नांव एसाव राखौ। तोबै नानड़ा एसाव कै डैमणै पाकड़ेबा पौयदा हौआ, औरौ तिनुऐ तैसकौ नांव याकूब राखौ।

*उत्पत्ति अध्याय 24:1-25:26 पौरेशै बाइबल कै ऐकस काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_06_128kbps.m4a

## 7. पौरमेशवर याकूब कै आशीष दैंव

https://openbiblestories.org/l/srx/story-7/

![](https://cdn.door43.org/obs/jpg/360px/obs-en-07-01.jpg)

जोबै सैजै नानड़िया बौड़े हौऐ तौ याकूब कै घौरे रौणौ आछौ लागौ, पौरौ एसाव कै जानवरौ का शिकार कौरणा आछा लागा। रिबकाए याकूबआरी लाड़ प्यार कौरा, पौरौ इसहाकै एसाव शै प्यार राखा।

![](https://cdn.door43.org/obs/jpg/360px/obs-en-07-02.jpg)

ऐक दुस, जोबै एसाव शिकार कौरेबा पाछु औआ तौ सै बैजाए भूखे रौआ थिया एसावै याकूब कै बौल़ौ, “जू खाणौं तौंऐ बाणै राए तिथमुंजी दौ दैणिक मौखै बै दै।” याकूबै जबाब दिया, “आगै मौंआरी वादा कौर कै पहलौठे हौणौ की बौजेह शै सोबै चीज़ौ जू ताखै भैटणी चैईं, सैजौ सोबै ठुं तू मौखै दैंदा।” औरौ एसावै तिनु सोबी चीज़ौ कै याकूब कै दैणौ का वादा कौरे दिया। तोबै याकूबै तैसी कै किछै खाणौं कै दियु।

![](https://cdn.door43.org/obs/jpg/360px/obs-en-07-03.jpg)

इसहाक एसाव कै आशीष दैणै चांव थिया। पौरौ इदू आगै कै सै ऐशैकै कौरदा, रिबका औरौ याकूबै, याकूब दा एसाव का भेष बाणणो का ढ़ोंग कौरेबा तैसकै साथै धौखा कौरा। इसहाक बूढ़ा थिया औरौ ऐबै दैखै नै सौकौ थिया। इथकारिए याकूबै एसाव कै खौटणौ बाम्बै औरौ बाकरी कै खाल कै आपणै टाटु औरौ हाथौ पांदी लौपेटै।

![](https://cdn.door43.org/obs/jpg/360px/obs-en-07-04.jpg)

याकूब इसहाक कै धौरे औआ औरौ बौल़ौ, हांव एसाव औसौ। हांव इथकारिए आए रौआ, कै तू मुखै आशीष दैए।” जोबै इसहाकै बाकरी कै बाल़ौ कै छुऐं औरौ खौटणौ कै शिंगै, तौ तैणै सुंचु कै ऐजा एसाव औसौ औरौ तैसीकै आशीष दै।

![](https://cdn.door43.org/obs/jpg/360px/obs-en-07-05.jpg)

एसाव याकूब शै रिशांव थिया जिथुकै याकूबै तैसकै जैठै होणो कै ओधिकारो औरौ इथकै साथै तैसकी आशीषौ कै बै धोखे शै आपी कै कोरी। औरौ तैणै आपणै बापू कै मौरणौ कै बाद याकूब कै मारणौ कै तोरकीब बाणै।

![](https://cdn.door43.org/obs/jpg/360px/obs-en-07-06.jpg)

पौरौ रिबकाए एसाव कै चाल कै जाणी पाए। इथकारिए तियैं औरौ इसहाकै याकूब कै तैसकै रिशतेदारौ कै साथै रौणौ कारिए बैजाए दूर छाड़ै दिया।

![](https://cdn.door43.org/obs/jpg/360px/obs-en-07-07.jpg)

याकूब कैईं सालो तौड़ी आपणी माँ रिबका कै रिशतेदारौ कै साथै रौआ। तैसी सौमय दा तैणै जाजड़ा बाणा औरौ बारौंई बैटे कै औरौ ऐकी बैटी कै पोयदा कौरे। पौरमेशवरे तैसी बैजाए सैठ बाणै दिया।

![](https://cdn.door43.org/obs/jpg/360px/obs-en-07-08.jpg)

बीश सालो तौड़ी कनान देश दै आपणै घौरो दै दूर रौणौ कै बाद, याकूब आपणै कुड़बै, आपणै सेवको, औरौ आपणै गौरू कै सोबै झुंड़ कै साथै तिथै पाछु औआ।

![](https://cdn.door43.org/obs/jpg/360px/obs-en-07-09.jpg)

याकूब इथकारिए बैजाए डोरे रौआ थिया जिथुकै तैणै सुंचु कै एसाव ऐबै बै मौखै मारणा चांव। इथकारिए तैणै तोफे कै रूप दै जानवरो कै झुंड़ खै एसाव कै धौरे छाड़ै। जू सेवक तिनु झुड़ौ कै लौए गौवे थिऐ तिनुऐ बौल़ौ, “तेरा दास याकूब, इनु जानवरो कै ताखै दैंव। सै तावल़ा ही आंदा लागै रौआ।”

![](https://cdn.door43.org/obs/jpg/360px/obs-en-07-10.jpg)

पौरौ एसाव ऐबै याकूब कै नुकसान नै पौऊंचाणा चांव थिया। इथकै बजाए, ऐक बैई हौजौ तैसी दैखेबा सै बैजाए खुशी थिया। इथकै बाद याकूब कनान देश दा शान्ति कै साथै रौआ। तोबै इसहाक मौरे गौआ औरौ याकूब औरौ एसावै तैसी कै दबाए दिया। औरौ कौरार कै वादे जू पौरमेशवरै अब्राहमवारी कौरे राए थिऐ सै ऐबै इसहाक शै याकूब पांदी आए गौवै थिऐ।

*उत्पत्ति अध्याय 25:27-35:29 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_07_128kbps.m4a

## 8. पौरमेशवर यूसुफ औरौ तैसकै कुड़बै कै बौचांव

https://openbiblestories.org/l/srx/story-8/

![](https://cdn.door43.org/obs/jpg/360px/obs-en-08-01.jpg)

कैईं सालो कै बाद, जोबै याकूब बूढ़ा हौए गौआ, तौ तैणै आपणै प्यारे बैटे यूसुफ कै तैसकै भाईड़ी कै जाँच पोड़ताल़ कौरणौ कारिए छाड़ा जिनुवे पशु कै झुंड़ौ कै दैखभाल कौरे लौए थै।

![](https://cdn.door43.org/obs/jpg/360px/obs-en-08-02.jpg)

यूसुफ कै भाएड़ै तैसीकै रिशांव थिऐ जिथुकै तिनका बापू तैसयारी जादा प्यार कौरौ थिया औरौ इथकारिए बै कै यूसुफे सुईणै दौ दैख राए थियु कै सै तिनपांदी राज कौरणौवाल़ा हौऐ जांदा। जोबै यूसुफ आपणै भाईड़ी कै धौरे औआ तौ तिनुऐ तैसीकै कौयदै बाणै दिया औरौ तैसी कै दासो का बौयपार कौरणौवाल़ै कै बैकै दिया।

![](https://cdn.door43.org/obs/jpg/360px/obs-en-08-03.jpg)

घौरौ कै पाछु आणौ दै आगै यूसुफ कै भाईड़िऐ यूसुफो कै खौटणौ कै चेरेबा बाकरी कै लौई मुंजी भिजौए दिए। तोबै तिनुऐ सैजै खौटणौ आपणै बापू कै दिखौऊंऐ ताकि सै ऐजौ सुंचौ कै कौसी जौंगलै जानवरे यूसुफ कै मारे दिया। याकूब बैजाए दुखी थिया।

![](https://cdn.door43.org/obs/jpg/360px/obs-en-08-04.jpg)

दासो का धाँदा कौरणौवाल़ै सैजै लौग यूसुफ कै मिस्र देश लौए गौवे। नील नदी कै किनारे पांदी बौसेयोंदा मिस्र ऐक विशाल औरौ शोकतीशाली देश थिया। तिनु दासो का धाँदा कौरणौवाल़ै यूसुफ कै सैठ सरकारी ओधिकारी कै दास कै रूप दा बैकै दिया। यूसुफे आपणै मालिकौ कै आछी तरह शै सेवा कौरे, औरौ पौरमेशवरै यूसुफ कै आशीष दै।

![](https://cdn.door43.org/obs/jpg/360px/obs-en-08-05.jpg)

तैसकै मालिक कै घौरवाल़ीए यूसुफवारी सुतणौ कै कौशिश कौरे, पौरौ यूसुफ ऐशैकै पौरमेशवरौ कै खिलाफ पाप कौरणौ कै भाजै गौआ। सै गुस्सा हौऐ औरौ यूसुफ पांदी झूठा इलजाम लाए दिया, इथकारिए तैसी गिरफ्तार कौरेबा कोयदै दा डाल़े दिया। इथै तौड़ी कै कौयदखाने दा बै, यूसुफ पौरमेशवर कै प्रति साचा रौआ, औरौ पौरमेशवरै तैसी आशीष दै।

![](https://cdn.door43.org/obs/jpg/360px/obs-en-08-06.jpg)

दु सालो कै बाद, यूसुफ इबी बै कौयदखाने दा थिया, जोबैकि सै बेगुनाह थिया। मिस्री लौग राजा कै फिरौन बौल़ौ थिऐ, तिनिए दो सुईणै दैखै जिनुऐ तैसी कै बैजाए बैचेन कौरे दिया। तैसका कुणजाई बै सलाह दैणवाल़ा तैसीकै तिनु सुईणै का मतलब ना बौताए सौकी।

![](https://cdn.door43.org/obs/jpg/360px/obs-en-08-07.jpg)

पौरमेशवरे यूसुफ कै सुईणै का मतलब बौताणौ कै सौमझ दैए राए थै, इथकारिए फिरौनै यूसुफ कै कौयदैखाने पौरेशा आपणै धौरे बौईदा। यूसुफै तैसी कै तिनु सुईणै का मतलब बौतौऊंवा औरौ बौल़ौ, “पौरमेशवर शाको कै बरकत वाल़ै साती सालो कै बाद काल़ो कै सात साल भैजणोवाल़ा औसौ।”

![](https://cdn.door43.org/obs/jpg/360px/obs-en-08-08.jpg)

फिरौन यूसुफ शै इशैक खुश हौआ कै तैणै तैसीकै मिस्र देश का दुजा सौबी दा शौकतीशाली मौरद बाणै दिया।

![](https://cdn.door43.org/obs/jpg/360px/obs-en-08-09.jpg)

यूसुफै लौगौ कै शाको कै आछी पैदावार होणो वाल़ै सात सालो कै बीतरे बौड़े तादाद दै शाको कै जोमा कौरणौ कारिए बौल़ौ। जोबै साती सालो का काल औआ तौबे यूसुफै लौगौ कै सैजै शाक बिकै ताकि तिनुकैई बौरिशौ खाणौं कारिए हौंव।

![](https://cdn.door43.org/obs/jpg/360px/obs-en-08-10.jpg)

ऐजा काल सिरफ मिस्र दा ही नै, पौरौ कनान देश दा बै खतरनाक थिया जिथै याकूब औरौ तैसका कुड़बा रौंव थिया।

![](https://cdn.door43.org/obs/jpg/360px/obs-en-08-11.jpg)

इथकारिए याकूबै आपणै सौबी दै बौड़ै बैटे खै खाणौ मोले लौणौ कारिए मिस्र देश कै छाड़ै। जोबै सै खाणौं मोले लौणौ कारिए यूसुफ कै धौरे खौड़े हौऐ तौ तिनु भाईड़िऐ यूसुफ कै ना पौछियाणी। पौरौ यूसुफै तिनुकै पौछियाणै पाए।

![](https://cdn.door43.org/obs/jpg/360px/obs-en-08-12.jpg)

ऐजा पौता कौरणौ कारिए कै का सै बौदले गौवे तिनुकै पौरखौणौ कै बाद, यूयुफै तिनुकै बौल़ौ, “हांव तौंवारा भाएड़ै औसौ! डौरेया नै। जोबै तुऐं मौखै दासौ कै रूपौ दा बैकै राए थिया तौ तुऐं बुरू कौरणौ कौ ठाणै राए थियु, पौरौ पौरमेशवरै तियौं बुराई कै भोलाई दै बौदले दै! ऊंडे आव औरौ मिस्र देश दै रौंव ताकि हांव तुऔं औरौ तौंवारै कुड़बै कारिए खाणौं का इतंजाम कौरे सौकु।

![](https://cdn.door43.org/obs/jpg/360px/obs-en-08-13.jpg)

जोबै यूसुफ कै भाएड़ै पाछु घौरौ कै औऐ औरौ आपणै बापू याकूब कै बौतौऊं कै यूसुफ इबी बै जियुंदी औसौ तौ सै बैजाए खुशी हौए रौआ थिया।

![](https://cdn.door43.org/obs/jpg/360px/obs-en-08-14.jpg)

जोबकै याकूब ऐक बूढ़ा आदमै थिया तोबै बै सै आपणै पूरै कुड़बै कै साथै मिस्र कै हौटे गौआ, औरौ सै तिथै बौसे गौवे। याकूबौ कै मौरणौ दै आगै, तैणै आपणै सौबी बैटे कै आशीर्वाद दिया।

![](https://cdn.door43.org/obs/jpg/360px/obs-en-08-15.jpg)

कौरारौ का सैजा वादा जू पौरमेशवरै अब्राहमवारी कौरे राए थिया सै इसहाकौ पांदी औरौ तैसकै बाद याकूब, औरौ तिथकै बाद तैसकै बारौई बैटे पांदी औरौ तिनकै कुड़बै पांदी आए गौआ थिया। तिनु बारौई बैटे कै पीढ़ी इस्राएल कै बारौ गोत बौणै गौऐ।

*उत्पत्ति अध्याय 37-50 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_08_128kbps.m4a

## 9. पौरमेशवर मूसा कै बौईदौ

https://openbiblestories.org/l/srx/story-9/

![](https://cdn.door43.org/obs/jpg/360px/obs-en-09-01.jpg)

यूसुफो कै मौरणौ कै बाद तैसकै सोबै रिशतेदार मिस्र देश दै बौसे गौवे। सै औरौ तिनकै वंशज कैई सालो तौड़ी मिस्र देश दै ही रौवे औरौ तिनुऐ बौरिशी ओलाद पोयदा कौरे। औरौ तिनु इस्राएली बौल़ौ थिए।

![](https://cdn.door43.org/obs/jpg/360px/obs-en-09-02.jpg)

कैई शौई सालो कै बाद, इस्राएली लौगौ कै गिणती बैजाए बौढ़ गौए थै। औरौ मिस्र देश कै लौग ऐबै इयौं बातौ का सान नै मानो थिऐ कै तिनकै मदद कौरणौ कारिए यूसुफे बोहुत कुछ कौरे राए थियु। सै इस्राएली लौगौ शै डोरे गौवे जिथुकै सै गिणती दै तिनुदै बैजाए जादा थिऐ। इथकारिए तैसी सोमय मिस्र देश पांदी राज कौरणौवाल़ै फिरौने इस्राएली लौगौ कै मिस्र लौगौ कै दास बाणै दिए।

![](https://cdn.door43.org/obs/jpg/360px/obs-en-09-03.jpg)

मिस्र देश कै लौगै इस्राएली लौगौ लैई बौरिशी ऊंची मौंजिलौ औरौ इथै तौड़ी कै कैई नगरौ कै बाणणौ कारिए मजबूर कौरे। तैसी चैईंथै कामै तिनकै जिन्दगी कै बौड़े दुखवाल़ै बाणै दै, पौरौ पौरमेशवरै तिनुकै आशीष दै औरौ तिनकै हौजौ जादा ओलाद पोयदा हौऐ।

![](https://cdn.door43.org/obs/jpg/360px/obs-en-09-04.jpg)

फिरौने दैखौ कै इस्राएली लौगौ कैई बैजाए ओलाद पोयदा हौंदे लागै रौए, इथकारिए तैणै आपणै लौगौ कै आदेश दैए राए थिया कै इस्राएलियो कै सौबी नानड़ै भैईया कै नील नौदी दै फेंरकाऐबा मारे दैया।

![](https://cdn.door43.org/obs/jpg/360px/obs-en-09-05.jpg)

ऐक खास इस्राएली बैटमाणिशै ऐक नानड़े भैईया कै जन्म दिया। तियैं औरौ तिंयारै घौरवाल़ै जिशैक तिनकै कौरियु तैसी भैईया कै चौरेयो राखा।

![](https://cdn.door43.org/obs/jpg/360px/obs-en-09-06.jpg)

जोबै तैसी भैईया कै मां-बापू कै तैसी हौजौ कौथी ना चुरी, तौ तिनुऐ तैसी कै मौरणौ शै बौचाणौ कारिए ऐक तिरणौवाल़ै टौपरे दा नील नौदी कै किनारे पांदी शरकाड़े मुंजी राखै दिया। तैसकै बौड़े बौईणिऐ ऐजौ दैखौ कारिए तैस पांदी नोजर राखै कै तैसकै साथै का हौंदौ।

![](https://cdn.door43.org/obs/jpg/360px/obs-en-09-07.jpg)

फिरौन कै बैटीए तियौं टौपरे कै दैखेबा तिथकै भीतरै देखो जोबै तियें तिथु नानड़िया दैखौ तौ तियें तिथु नानड़िया कै आपी खै राखौ। तियें ऐक इस्राएली बैटमाणिशौ कै तिथु दूध पियाणौ कारिए कामौ पांदी राखै दै, ऐजौ जाणै बिना कै सै तिथु नानड़िया कै ओसले मां औसौ। जोबै सैजौ नानड़िया ऐतरौ बौड़ौ हौए गौ कै ऐबै तिथुकै आपणै मां कै दुधौ कै जौरुरत नै थी, तौ तियें फिरौन कै बैटी कैई तैसी दैए दिया, औरौ तैसकौ नांव मूसा थियु।

![](https://cdn.door43.org/obs/jpg/360px/obs-en-09-08.jpg)

ऐक दुस, जोबै मूसा बौड़ा हौए गौवा, तौ तैणै दैखौ कै ऐक मिस्र देश का आदमी ऐकी इस्राएली आदमी कै पिटे लौआ। मूसाए आपणै साथौ कै इस्राएली भाई कै बौचाणौ कै कोशिश कौरे।

![](https://cdn.door43.org/obs/jpg/360px/obs-en-09-09.jpg)

जोबै मूसाए सुंचु कै तैसी कै कुणिए ना दैखदै तौ तैणै तैसी मिस्री आदमी कै मारै दिया औरौ तैसकै लाश कै दोबाए दै। पौरौ मूसाए जू कौरे राए थियु तिथु कुणिए दैखै पौंव थियु।

![](https://cdn.door43.org/obs/jpg/360px/obs-en-09-10.jpg)

फिरौनौ कै पौता चाले गौआ कै मूसाए का कौरे राए। तैणै तैसी मारणौ कै कोशिश कौरे, पौरौ मूसा मिस्र देश पौरेशा जौंगलौ पुंडा दौड़े गौआ। फिरौन कै सैनिकौ कै तैसी तिथै जुईं ना।

![](https://cdn.door43.org/obs/jpg/360px/obs-en-09-11.jpg)

मिस्र देश शै दूर जौंगल दा मूसा ऐक चोरेईया बौणै गौआ थिया। तैणै तिथै ऐकी बैटमाणिशो आरी जाजड़ा बाणै पौआ औरौ दो बैटे पोयदा कौरे।

![](https://cdn.door43.org/obs/jpg/360px/obs-en-09-12.jpg)

मूसा आपणै शौऊरै की भेड़ों कै झुंड़ो कै दैखभाल़ कौरौ थिया। ऐक दुस, तैणै बोल़ेयोंदी झाड़ी दैखी जू बिना फुकिये बोल़ै रौई थी। तिथु दैखणो कारिए सै झाड़ी कै नैड़िक हौटा। जोबै सै तिथु झाड़ी कै बिलकुलैई नैड़िक आए गौवा तौ पौरमेशवरै तैसयारी बातौ कौरी। तैणै बौल़ौ, “औए रै मूसा, आपणै बूट ऊँडै खुल़। तू ऐकी पवित्र ठांव पांदी खौड़ा औसौ।

![](https://cdn.door43.org/obs/jpg/360px/obs-en-09-13.jpg)

पौरमेशवरै बौल़ौ, “मौंऐ आपणै लौगौ कै दुख दैख राए। हांव ताखै फिरौनौ कै धौरे छाड़दा ताकि तू इस्राएली लौगौ कै मिस्र देश कै गुलामी शै छुड़ायो लेयाए। हांव तिनुकै कनान देश दैंदा, जिथका मौंऐ अब्राहम, इसहाक औरौ याकूब आरी वादा कौरे राए।

![](https://cdn.door43.org/obs/jpg/360px/obs-en-09-14.jpg)

मूसाए पुछु, “जै लौगै जाणणौ चौऊं कै मौखै कौणै छाड़ै राए तौ हांव का बौल़दा?” पौरमेशवरै बौल़ौ, “जू हांव औसौए सै औऊं औसौए, तिनुकै बौल़ेया, ‘मौंऐ ताखै तौंवारै धौरे छाड़ै राए।’ तिनुकैई ऐजौ बै बौल़ेया, ‘हांव तौंवारै पुराणिया अब्राहम, इसहाक औरौ याकूब का पौरमेशवर यहोवा औसौ।’ मैरौ ऐजौ नांव हमैशा कौ औसौ।”

![](https://cdn.door43.org/obs/jpg/360px/obs-en-09-15.jpg)

मूसा डौरौ थिया औरौ फिरौनौ कै धौरे जाणौ नै चांव थिया जिथुकै तैणै सुंचु कै मैरे ठीक शै ना बौल़ैईयों, इथकारिए पौरमेशवरै मुसा कै भाई, हारून, कै तैसकै मदद कौरणौ कारिए छाड़ा।

*निर्गमन अध्याय 1-4 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_09_128kbps.m4a

## 10. दस मुसीबतौ

https://openbiblestories.org/l/srx/story-10/

![](https://cdn.door43.org/obs/jpg/360px/obs-en-10-01.jpg)

पौरमेशवरै मूसा औरौ हारून कै चेतावणी दी कै फिरौन हठीला हौए जांदा। जोबै सै फिरौन कै धौरे हौटे तौ तिनुऐ बौल़ौ, इस्राएल का पौरमेशवर ऐशैकै बौल़ौ, ‘मैरै लौगौ कै जाणौ दै!’” पौरौ फिरौने तिनकी ना शुणी औरौ इस्राएलियो कै आज़ाद कौरणौ कै बौजेह तैणै तिनुकै हौजौ बै जादा कठोर काम कौरणौ कारिए मजबूर कौरे।

![](https://cdn.door43.org/obs/jpg/360px/obs-en-10-02.jpg)

फिरौन तिनु लौगौ कै आज़ाद कोरणौ कै रोज भाजदा रौआ, इथकारिए पौरमेशवरै मिस्र देश पांदी खतरनाक मुसीबतो छाड़ी। इनु मुसीबतो लैई, पौरमेशवरै फिरौन कै दैखौऊं कै सै फिरौन औरौ मिस्र देश कै देवतांओ शै जादा शोकतीशाली औसौ।

![](https://cdn.door43.org/obs/jpg/360px/obs-en-10-03.jpg)

पौरमेशवरै नील नौंदी कै लोई मुंजी बौदले दै, पौरौ फिरौने इबी बै इस्राएलियो खै जाणौ ना दी।

![](https://cdn.door43.org/obs/jpg/360px/obs-en-10-04.jpg)

पौरमेशवरै पुरै मिस्र दैश दै मैंढ़कै छाड़ै। फिरौने मैढ़कै बौगाणो कै मूसा कैंईदै बेनते कौरे। पौरौ सोबी मैढ़कै कै मौरणौ कै बाद, फिरौने आपणै मन कै कठोर कौरे दिया औरौ इस्राएलियो कै मिस्र देश शै जाणौ ना दी।

![](https://cdn.door43.org/obs/jpg/360px/obs-en-10-05.jpg)

इथकारिए पौरमेशवरै माच्छरौ कै मुसीबत छाड़ै। तिथकै बाद तैणै ओडगाल़ौ कै मुसीबत छाड़ै। फिरौने मूसा औरौ हारून कै बौईदै औरौ तिनुकै बौल़ौ कै जै तुऐं इनु मुसीबतो कै रोके दैंव तौ इस्राएली लौग मिस्र देश कै छौड़ेबा जाए सौकौ। जोबै मूसाए प्रार्थना कौरे तौ पौरमेशवरै मिस्र देश पौरेशै ओडगाल़ौ कै हौटाए दिऐ। पौरौ फिरौने आपणा मन हौजौ बै कठोर कौरे दिया औरौ तिनु लौगौ कै आज़ाद हौएबा जाणौ ना दी।

![](https://cdn.door43.org/obs/jpg/360px/obs-en-10-06.jpg)

इथकै बाद, पौरमेशवरै मिस्र देश कै सोबै पाल़ेयोंदै गौरू कै बीमारी दै मौरणौ दिऐ। पौरौ फिरौन का मन तोबै बै कठोर ही थिया औरौ तैणै तिनुकै आज़ाद ना कोरी।

![](https://cdn.door43.org/obs/jpg/360px/obs-en-10-07.jpg)

तोबै पौरमेसवरै मूसा कै फिरौन कै सामणै बागुरै दौ खैऊड़ फ़ैरकाणौ कारिए बौल़ौ। जोबै तैणै ऐशैकै कौरौ तौ मिस्र देश कै लौगौ की चामड़ी पांदी पीड़ौ दैणौ वाल़ै गुमड़ हौए गौवे, पौरौ इस्राएलियो कै किछै ना हौई। पौरमेशवरै फिरौन कै मन कै कठोर कौरे दिया, औरौ फिरौने इस्राएलियो कै आज़ाद हौएबा जाणौ ना दी।

![](https://cdn.door43.org/obs/jpg/360px/obs-en-10-08.jpg)

इथकै बाद, पौरमेशवरै शोरू बोरशाए औरौ मिस्र देश कै आधे दै जादा शाक नाश कौरे दै औरौ जू कुणिए बै बाएरे निकल़ा सै मौरे गौआ। फिरौने मूसा औरौ हारूनो कै बौईदै औरौ तिनुकै बौल़ौ, “मौंऐ पाप कौरे राए। तुऐं जाए सौकौ।” औरौ मूसाए प्रार्थना कौरे, औरौ गौयणै पौरेशै शोरू बौरशौणै बौन्द हौए गौवे।

![](https://cdn.door43.org/obs/jpg/360px/obs-en-10-09.jpg)

पौरौ फिरौने ओटेयो पाप कौरा औरौ आपणै मन कै कठोर कौर दिया। औरौ तैणै इस्राएलियो कै आज़ाद हौएबा जाणौ ना दी।

![](https://cdn.door43.org/obs/jpg/360px/obs-en-10-10.jpg)

औरौ पौरमेशवरे मिस्र देश पांदी चिचल़े कै डार आणौ दै। औरौ इनु चिचल़े सैजै सोबै शाक खाए पाए, जु शोरू लैई बौच रौए थै।

![](https://cdn.door43.org/obs/jpg/360px/obs-en-10-11.jpg)

तोबै पौरमेशवरै इनारौ कौरे दियु जू ती दुसौ तौड़ी रौ। ऐजौ ऐतोनो पोटंग इनारौ थियु कै मिस्र देश कै लोग आपणै घौरौ पौरेशै बायरे ना निकल़ी। पौरौ जिथै इस्राएली लौग रौंव थिऐ तिथै पेयाशौ थियु।

![](https://cdn.door43.org/obs/jpg/360px/obs-en-10-12.jpg)

इनु नोई मुसीबतो कै बाद बै, फिरौने इस्राएलियो कै आज़ाद हौएबा जाणौ शै मना कौरे दियु। जिथुकै फिरौने ना शुणी इथकारिए पौरमेशवरै ऐक आखरी मुसीबत छाड़नो कै तरकीब बाणै। इथकै बाद फ़िरोन का मन बोदल़े गौआ।

*निर्गमन अध्याय 5-10 पौरेशै बाइबल कै ऐक काहाणै।*

Audio: https://git.door43.org/OBS-TLF/srx_obs/releases/download/v1/srx_obs_v1_10_128kbps.m4a

## 11. फसह कौ तैंयार

https://openbiblestories.org/l/srx/story-11/

![](https://cdn.door43.org/obs/jpg/360px/obs-en-11-01.jpg)

पौरमेशवरै मूसा औरौ हारून कै फिरौन कै धौरे ऐजौ बौल़णौ कारिए छाड़ै कै इस्राएली लौगौ कै जाणौ दै। तिनुऐ तैसी कै चेतावणै दै कै जै सै तिनुकै जाणौ नै दैला, तौ पौरमेशवर मिस्र देश कै लौगौ औरौ जानवरो कै सोबै पहलौठै कै मार दैंदा। फिरौन ऐजौ शौणैबा बै पौरमेशवर पांदी बिशवाश कौरणौ औरौ तैसकै बात मानणौ शै भाजै गौआ।

![](https://cdn.door43.org/obs/jpg/360px/obs-en-11-02.jpg)

पौरमेशवरै तैसी पांदी बिशवाश कौरणौ वाल़ै कौसी कै बै पहलौठै बैटे कै बौचाणौ कारिए ऐक इंतजाम कौरा। सोबी कुड़बै कै ऐक निर्दोष गाबटु कै काटणो थियो।

![](https://cdn.door43.org/obs/jpg/360px/obs-en-11-03.jpg)

पौरमेशवरे इस्राएली लौगौ कै तैसी गाबटु कौ लोई कौरेबा आपणै घौरौ कै दियोल़ी पांदी लाणौ कारिए बौल़ौ। तिनकै तिथकौ माँस बुजणौ थियु औरौ तिनकै अखमीरी रोटी कै साथै तिथु फुर्ती शै खाणौ थियु। तैणै तिथु खाणौं खाणौ कै बाद तिनुकै तावल़ैई मिस्र देश कै छौड़नो कै बै तैयार रौणौ कारिए बौल़ौ।

![](https://cdn.door43.org/obs/jpg/360px/obs-en-11-04.jpg)

जैशैकै कौरणौ कारिए इस्राएली लौगौ कै पौरमेशवरै आदेश दिया औरौ तिनुऐ तिथकै हिसाब शै सोबै ठुँ कौरौ। आधी राते भीतरा, पौरमेशवर का दूत सोबी कै पहलौठे बैटे कै मारदै बैई मिस्र देश शै हौएबा हौटा।

![](https://cdn.door43.org/obs/jpg/360px/obs-en-11-05.jpg)

इस्राएली लौगौ कै सौबी घौरौ कै द्वारौ पांदी लोई लाएयोंदौ थियु, इथकारिए पौरमेशवरै तिनु घौरौ कै छौड़ै दिऐ। तिनकै भीतरै कै सोबै लौग ठीक-ठाक थिऐ। सै गाबटु कै लौई लैई बौचे गौवे थिऐ।

![](https://cdn.door43.org/obs/jpg/360px/obs-en-11-06.jpg)

पौरौ मिस्र देश कै लोगै पौरमेशवरौ पांदी बिशवाश ना कौरी औरौ तैसकै आदेशों कै ना मानी। इथकारिए पौरमेशवरै तिनकै घौरौ कै ना छुड़ी। पौरमेशवरै मिस्र देश कै सौबी पहलौठे बैटे कै मारै दिऐ।

![](https://cdn.door43.org/obs/jpg/360px/obs-en-11-07.jpg)

कौयदखाने कै कौयदी कै पहलौठे तौड़ी, सोबै पहलौठे बैटे मौरे गौवे। आपणै नानड़िया कै पीड़ौ की बौजेह शै मिस्र कै बौरिशै लौग रौऐ रौवे थिऐ औरौ शोग बारे लौ थियु।

![](https://cdn.door43.org/obs/jpg/360px/obs-en-11-08.jpg)

तियौंई राते, फिरौने मूसा औरौ हारून कै बौईदै औरौ बौल़ौ, “इस्राएली लौगौ कै नियौ तावल़ेई मिस्र देश पौरेशै आगु जांव!” मिस्र कै लोगै बै इस्राएली लौगौ शै तावल़ेई आगु जाणौ कै बेनते कौरे।

*निर्गमन अध्याय 11:1-12:32 पौरेशै बाइबल कै ऐक काहाणै।*

Audio: https://git.door43.org/OBS-TLF/srx_obs/releases/download/v1/srx_obs_v1_11_128kbps.m4a

## 12. निर्गमन

https://openbiblestories.org/l/srx/story-12/

![](https://cdn.door43.org/obs/jpg/360px/obs-en-12-01.jpg)

इस्राएली लोग मिस्र देश शै निकल़ेबा बैजाए खुशी थिऐ। सै ऐबै दास नै थी, औरौ सै वादै कै देश कै चाले रौऐ थिऐ! जू किछै बै इस्राएली लोगै मांगौ, मिस्र कै लोगै सैजौ सोबै ठुँ दियु, इथै तौड़ी कै सुनु औरौ चाँदे औरौ ऊकी मोंगी चीज़ौ। औकी देशो कै कैई लोगै पौरमेशवरौ पांदी बिशवाश कौरा औरौ जोबै इस्राएली लौग मिस्र देश पौरेशै निकल़े तौ सै बै तिनकै साथै हौटे गौवे।

![](https://cdn.door43.org/obs/jpg/360px/obs-en-12-02.jpg)

दुसौ कै सौमय बादल़ो का ऐक बौड़ा खोम्बा तिनकै औगौड़ियौ-औगौड़ियौ हांडो थिया। औरौ राते कै सौमय ऐजा खोम्बा आग का खोम्बा बौणै जाँव थिया। पौरमेशवर जू कै तैसी बादल़ कै खोम्बे दा औरौ आगै कै खोम्बे दा थिया, सदा तिनकै साथै थिया औरौ तैणै यात्रा कौरदै बैई तिनकै मौदद कौरे। तिनकै सिरफ इशैक कौरणौ थियु कै तैसकै पौछौड़ियौ हांडणो थियो।

![](https://cdn.door43.org/obs/jpg/360px/obs-en-12-03.jpg)

थोड़ैई सौमय कै बाद, फिरौन औरौ तैसकै लोगै आपणै मन कै बोदल़े दिऐ। सै इस्राएली लोगौ कै ओटेयो आपणै गुलाम बाणणै चांव थिऐ। इथकारिए तिनुऐ इस्राएली लौगौ का पीछा कौरा। ऐजा पौरमेशवर ही थिया जैणै तिनकै मन कै बौदल़े दिऐ थिऐ। तैणै ऐशैकै इथकारिए कौरौ जिथुकै सै चांव थिया कै सोबै जौणै ऐजौ जाणै पांव कै फिरौन शै औरौ मिस्र कै सौबी देवताओं शै सैजा, यहोवा, जादा शोकतीशाली औसौ।

![](https://cdn.door43.org/obs/jpg/360px/obs-en-12-04.jpg)

जोबै इस्राएली लोगै मिस्र कै सेना कैआंदै बैई दैखै तौ तिनुकै पौता चाला कै सै फिरौन कै सेना औरौ लाल समुद्र कै बीच मुंजी फौशै गौऐ। सै बैजाए डौरे गौवे औरौ रुंदै लागै, “आमुऐ मिस्र देश कै काए छौड़ौ? आमै मौरणौ वाल़ै औसौ!”

![](https://cdn.door43.org/obs/jpg/360px/obs-en-12-05.jpg)

मूसाए इस्राएली लौगौ कै बौल़ौ, घोबराणौ बौंद कौरौ! पौरमेशवर ऐलौ तुऔं कारिए लौड़दा औरौ तुऔं कै बौचाँदा।” तोबै पौरमेशवरै मूसा कै बौल़ौ, “इनु लौगौ कै लाल समुद्रो कै ढौबौ आगु जाणौ कारिए बौल़।”

![](https://cdn.door43.org/obs/jpg/360px/obs-en-12-06.jpg)

तोबै पौरमेशवरे तैसी बादल़ कै खौम्भे कै इस्राएली लौगौ औरौ मिस्र लौगौ कै बिचौ दा राखै दिया ताकि मिस्र कै लौग इस्राएली लौगौ कै दैखै नै सौकौ।

![](https://cdn.door43.org/obs/jpg/360px/obs-en-12-07.jpg)

पौरमेशवरै मूसा कै समुद्रो पांदी आपणा हाथ लोम्बाणौ कै बौल़ौ। तोबै पौरमेशवरै बागौरे लैई समुद्रो कै पाणी कै दु भागौ दौ कौरे दियु, जिथलैई कै समुद्र दै ऐक बाट बौणै गौऐ।

![](https://cdn.door43.org/obs/jpg/360px/obs-en-12-08.jpg)

इस्राएली लौग आपणै दु ढौबौ कै पाणी की दीवारो कै बिचो बीच शुकी जौमीनौ पांदी समुद्ररो कै पाईले ढौबौ हौटे।

![](https://cdn.door43.org/obs/jpg/360px/obs-en-12-09.jpg)

तोबै पौरमेशवरै तैसी बाटौ पौरेशै बादल़ो कै ऊबै निये ताकि मिस्र कै लौग इस्राएली लौगौ कै बौचेबा जांदै बैई दैखौ। मिस्र कै लोगै तिनुकै थामणौ कारिए तिनका पीछा कौरणौ का फौएसला कौरा।

![](https://cdn.door43.org/obs/jpg/360px/obs-en-12-10.jpg)

औरौ तिनुऐ समुद्रो कै जौरिए तियौं बाटौ पुंडा इस्राएली लौगौ का पीछा कौरा, पौरौ पौरमेशवरै मिस्र कै लौगौ कै घोबराए दिऐ औरौ तिनकै रथो कै फौशाए दिऐ। सै लैरौ मारदै लागै, दौऊड़ो-दौऊड़ो! इस्राएली लोगौ कै ढौबौशा पौरमेशवर लौड़े रौआ।”

![](https://cdn.door43.org/obs/jpg/360px/obs-en-12-11.jpg)

सोबै इस्राएली लौग समुद्र कै औकी ढौबौ पौंएचे गौवे। तोबै पौरमेशवरै मूसा कै बौल़ौ कै तू ओटेयो पाणी पांदी हाथ लोम्बा। जोबै मूसाए ऐशैकै कौरौ, तौ पाणी मिस्र कै सेना पांदी आए गौ औरौ जैशैकै आगै थियु तैशैकैई हौए गौ। औरौ सोबै मिस्र कै सेना डौबे गौऐ।

![](https://cdn.door43.org/obs/jpg/360px/obs-en-12-12.jpg)

जोबै इस्राएली लोगै दैखौ कै मिस्र कै लौग मौरे गौवे तौ तिनुऐ पौरमेशवरौ पांदी बिशवाश कौरा। तिनुऐ बिशवाश कौरा कै मूसा पौरमेशवर कै ढौबौशा पौरमेशवर की बातौ बौताणौवाल़ा थिया।

![](https://cdn.door43.org/obs/jpg/360px/obs-en-12-13.jpg)

इस्राएली लौग इथकारिए बै बैजाए खुशी थिऐ जिथुकै पौरमेशवरै तिनुकै मौरणौ शै औरौ गुलाम हौणौ शै बौचाए राए थिऐ। ऐबै सै पौरमेशवर कै आराधना कौरणौ औरौ तैसकै आज्ञा का पालन कौरणौ कारिए आज़ाद थिऐ। इस्राएली लोगै आपणै आज़ादै का जशन मौनाणौ कारिए औरौ पौरमेशवर कै तारीफ कौरणौ कारिए कैई गीत गौवे जिथुकै तैणै तिनुकै मिस्र कै सेना कैईदै बौचाए राए थिऐ।

![](https://cdn.door43.org/obs/jpg/360px/obs-en-12-14.jpg)

पौरमेशवरै इस्राएली लौगौ कै ऐई साल ऐक तैयार मौनाणौ का आदेश दिया ऐजौ याद कौरणौ कारिए कै कैशैकै पौरमेशवरै मिस्र कै सेना कै हौराए दै औरौ तिनुकै दास हौणौ शै आज़ाद कौरे। ऐजा फसह का तैयार कैहलांव थिया। ऐसी तैयारौ दौ तिनकै जशन मौनाणौ कारिए ऐक आछौ-भौलो गाबटु कै बल़ि कौरणै थै, तिथु बुजणौ थियु, औरौ तिथु बिना खमीर वाल़ी रोटी कै साथै खाणौ थियु।

*निर्गमन अध्याय 12:33-15:21 पौरेशै बाइबल कै ऐक काहाणै।*

Audio: https://git.door43.org/OBS-TLF/srx_obs/releases/download/v1/srx_obs_v1_12_128kbps.m4a

## 13. इस्राएली लोगौ कै साथै पौरमेशवरौ का कौरार

https://openbiblestories.org/l/srx/story-13/

![](https://cdn.door43.org/obs/jpg/360px/obs-en-13-01.jpg)

इस्राएली लौगौ कै लाल समुद्र कै पाईले ढौबौ कै जाणौ कै बाद, पौरमेशवर तिनुकै जौंगलो बाटी सीनै नांव कै धारौ कै ढौबौ लौए गौआ। ऐजै सैजै धार थै जिथै मूसाए जौल़ेयोंदी झाड़ी दैखै रैई थी। तिनु लौगै तियौं धारौ तौड़ी आपणै तोम्बु गाड़ै।

![](https://cdn.door43.org/obs/jpg/360px/obs-en-13-02.jpg)

पौरमेशवरै मूसा कै औरौ इस्राएल कै सौबी लौगौ कै बौल़ौ, “तुऔं कै हौमेशा मैरी बातौ कै मानणी पौड़दी औरौ जू कौरार हांव तौंवारी कौरू तैसी बाणैयोंदा राखौ। जै तुऐं ऐशैकै कौरौ, तौ तुऐं मैरा इनाम बैशकिमती धन, पुरोहितौ का राज, औरौ ऐक पवित्र लोग ठौरदै।”

![](https://cdn.door43.org/obs/jpg/360px/obs-en-13-03.jpg)

औरौ पौरमेशवरौ कै धौरे आणौ कारिए लोगै ती दुसौ तौड़ी आपी कै तैयार कौरे। तोबै पौरमेशवर सीनै धारौ की चुटी पांदी ऊदा उतरा। जोबै सै औआ तौ भौईचौल हौ, बिजली चमकै, धुंआ पौड़ा, औरौ तुरहियो का जौर शै शब्द हौआ। तोबै मूसा आपी ऊबा धारौ पांदी हौटे गौआ।

![](https://cdn.door43.org/obs/jpg/360px/obs-en-13-04.jpg)

तोबै पौरमेशवरे लोगौ कै साथै ऐक कौरार कौरा। तैणै बौल़ौ, “हांव तौंवारा पौरमेशवर, यहोवा औसौ। हांव ही औसौ जैणै तुऔं कै मिस्र देश कै गुलामी शै छुड़ौऊऐ। कौसी औकी देवता कै पूजा नै कौरेया।”

![](https://cdn.door43.org/obs/jpg/360px/obs-en-13-05.jpg)

मूरती नै बाणैया औरौ ना तिनकै पूजा कौरेया, जिथुकै हांव, यहोवा, तौंवारा ऐकैई पौरमेशवर औसौ। बुरे तौरीकै शै मैरौ नांव नै लौया। बिशांव कै दुसौ कै पवित्र मानणौ कारिए याद राखैया। छौ दुस आपणै सोबै काम कौरेया, सातवों दुस तुऔं कारिए बिशांव कौरणौ कौ औरौ मौखै याद कौरणौ कौ दुस औसौ।

![](https://cdn.door43.org/obs/jpg/360px/obs-en-13-06.jpg)

“आपणै माँ औरौ बापू कै इज्जत कौरेया। खून नै कौरेया। गौलत सौमबंध नै बाणैया। चोरै नै कौरेया। आपणै पौड़ौशी कै घौरवाल़ी, तैसकै घौरौ का, औरौ तैसकै कियौंई बै चीज़ौ का लालच नै कौरेया।”

![](https://cdn.door43.org/obs/jpg/360px/obs-en-13-07.jpg)

तोबै पौरमेशवरे इनु दस आज्ञा कै पात्थरौ की दु पाटड़ी पांदी लैखैबा मूसा कै दैए दी। पौरमेशवरै पालन कौरणौ कारिए लौगौ कै औके बै बौरिशै कानून दिऐ। जै तिनुऐ इनु कानूनौ का पालन कौरा तौ पौरमेशवरे तिनु लौगौ कै आशीष दैणौ औरौ तिनकै रौखवाल़ी कौरणौ का वादा कौरा। पौरौ तैणै बौल़ौ कै जै तिनुऐ इनु बातौ का पालन नै कौरी तौ सै तिनुकै सजा दैंदा।

![](https://cdn.door43.org/obs/jpg/360px/obs-en-13-08.jpg)

पौरमेशवरे इस्राएली लौगौ शै ऐक बौड़ा तौम्बू बाणणौ कारिए बै बौल़ौ – मिलाप वाल़ा तौम्बू। तैणै तिनुकै ठीक-ठीक बौतौऊं कै ऐसी तौम्बू कै कैशैकै बाणणा, औरौ तिथकै भीतरै कुणजी चीज़ौ राखणी। तैणै तिनुकै तैसी तोम्बू कै दो कमरे बाणणौ औरौ बिचो दा ऐक बौड़ा पौड़दा बाणणौ कारिए बै बौल़ौ। पौरमेशवर तैसी पौड़दै कै पाछल़े कमरे दा आंदा औरौ तिथै रौंदा। जिथै पौरमेशवर थिया तैसी कमरे दै जाणौ कै इजाजत सिरफ महा यहूदी पुरोहित कै थै।

![](https://cdn.door43.org/obs/jpg/360px/obs-en-13-09.jpg)

तिनु लोगौ कै तैसी मिलाप वाल़ै तौम्बू कै सामणै ऐक बेदी बाणणै पौड़दै। कुणिए बै जू पौरमेशवर कै कानून कै टालल़े सै तियौं बेदी पांदी ऐक जानवर कै लियालै। तोबै पुरोहित तिथु बल़ि चौढ़ाँदा औरौ बेदी पांदी पौरमेशवर कारिए बल़ि कै रूप दै जौल़ाँदा। पौरमेशवरे बौल़ौ कै तिथु जानवरौ कौ लौई तैसी आदमी कै पापौ कै खौटे दैंदा। ऐशैकैई, ऐबै पौरमेशवर तिनु पापौ कै ना दैखदा। सैजा आदमी पौरमेशवरौ कै नोजरौ दा “शुध्द” ठौरदा। पौरमेशवरै मूसा कै भाए हारून कै औरौ हारून कै वंश कै आपणै पुरोहित हौणौ कारिए चुणै।

![](https://cdn.door43.org/obs/jpg/360px/obs-en-13-10.jpg)

पौरमेशवरै तिनु लोगौ कै जू नियम दैए राए थिऐ सै तिनका पालन कौरणौ कारिए माने गौवे। सै सिरफ पौरमेशवर कै लौग हौणौ कै औरौ सिरफ तैसकै आराधना कौरणौ कारिए माने गौवे।

![](https://cdn.door43.org/obs/jpg/360px/obs-en-13-11.jpg)

कैई दुसौ तौड़ी, मूसा सीनै धारौ की चुटी पांदी ही रौआ। तैणै पौरमेशवरआरी बात कौरे लौए थै। पौरौ लौग तैसकै ठौलनाए कौरदै-कौरदै खोड़े गौवे। इथकारिए तिनुऐ हारून कै धौरे सुनू लौऊं औरौ तैसी कै ऐक मूरती बाणणौ कारिए बौल़ौ ताकि सै पौरमेशवर कै बौदल़े तिथकै पूजा कौरे सौकौ। ऐशैकैई, तिनुऐ बुरे तौरीकै शै पौरमेशवरौ कै खिलाफ पाप कौरै।

![](https://cdn.door43.org/obs/jpg/360px/obs-en-13-12.jpg)

हारूनै कौलड़ै कै जैशणै ऐक मूरती बाणै। तिनु लोगै तियौं मूरती कै पूजा कौरणै शुरू कौरै दै औरौ तियों मूरती कै बल़ि चौढ़ाए! तिनकै पाप कै बौजेह शै पौरमेशवर तिनवारी बैजाए गुस्सा हौआ थिया। सै तिनु कै नाश कौरणै चांव थिया। पौरौ मूसाए पौरमेशवर कैईदै बेनते कौरे कै तिनुकै नै मारेया। पौरमेशवरे तैसकै बेनते शौणै औरौ तिनु कै नाश ना कौरी।

![](https://cdn.door43.org/obs/jpg/360px/obs-en-13-13.jpg)

आखिरकार मूसा सीनै धारौ पांदी दा ऊदा आए गौआ। मूसा केई पात्थरौ की दो पाटड़ी थी जिथपांदी पौरमेशवरे दस आज्ञाए लैख रैई थी। तोबै तैणै तियौं मूरती कै दैखै। सै ऐतरा गुस्सा हौआ कै तैणै तिनु पाटड़ी कै चौकनाचूर कौरे दी।

![](https://cdn.door43.org/obs/jpg/360px/obs-en-13-14.jpg)

तोबै मूसाए तियौं मूरती कै पिशैबा तिथका बुरादा बाणै दिया, औरौ तिथु बुरादै कै पाणी मुंजी घोवाल़ेबा तिनु लौगौ कै सैजौ पाणी पियाए दियु। पौरमेशवरै तिनु लौगौ पांदी ऐक मुसीबत छाड़ै औरौ तिनुमुंजी दै बौहिते लौग मौरे गौवे।

![](https://cdn.door43.org/obs/jpg/360px/obs-en-13-15.jpg)

जिनु पात्थरौ की पाटड़ी कै मूसाए तौड़े दी थी तिथकै बौदल़े मूसाए ऊकी दस आज्ञाओं की पात्थरौ की नुई पाटड़ी बाणी। तोबै सै ओटेयो धारौ पांदी हौटे गौआ औरौ प्रार्थना कौरे के पौरमेशवर तिनु लौगौ कै पाप माफ कौरौ। पौरमेशवरे मूसा की शुणी औरौ तिनुकै माफ कौरे दिऐ। नुई पाटड़ी पांदी दस आज्ञा कै लौएबा मूसा धारौ पांदी दा उदा ओऊंवा। तोबै पौरमेशवरे सीनै धारौ शै पुँडी औरौ वादे कै देश तौड़ी इस्राएली लोगौ के मौदद कौरे।

*निर्गमन अध्याय 19-34 पौरेशै बाइबल कै ऐक काहाणै।*

Audio: https://git.door43.org/OBS-TLF/srx_obs/releases/download/v1/srx_obs_v1_13_128kbps.m4a

## 14. जौंगलौ पुंडौ भौटकौणौ

https://openbiblestories.org/l/srx/story-14/

![](https://cdn.door43.org/obs/jpg/360px/obs-en-14-01.jpg)

पौरमेशवरे इस्राएली लोगौ कै तिनु नियमो कै बौतायो चुकोए दिए जिनका पालन तिनुकै कौरेयोंदै तैसकै कौरारौ की बौजेह शै कौरणा थिया। तोबै तैणै सीनै धारौ दै पुंडी तिनकै अगवाए कौरे। सै तिनुकै वादे कै देश दै लौए जाणै चाँव थिया। ऐजा देश कनान बै कैहलांव थिया। पौरमेशवर बादल़ कै खौम्भे दा तिनकै औगौड़ियौ-औगौड़ियौ हांडा, औरौ सोब लोग तैसकै पौछौड़ियौ-पौछौड़ियौ हांडे।

![](https://cdn.door43.org/obs/jpg/360px/obs-en-14-02.jpg)

पौरमेशवरे अब्राहम, इसहाक औरौ याकूब शै वादा कौरे राए थिया कै सै वादे का सैजा देश तिनकै वंशजो कै दैंदा, पौरौ इबी तिथै बौरिशी जाति रौंव थी। सै कनानी कैहलांव थिऐ। ऐजै कनानी लौग पौरमेशवर कै आराधना नै कौरौ थिऐ औरौ तैसकै आज्ञा कै नै मानौ थिऐ। सै झूठै देवताओं कै पूजा कौरेया कौरौ थिऐ। औरौ बौरिशै बुरै काम कौरौ थिऐ।

![](https://cdn.door43.org/obs/jpg/360px/obs-en-14-03.jpg)

पौरमेशवरे इस्राएली लोगौ कै बौल़ौ, “जोबै तुऐं तैसी कौरारौ कै देशो दै जाले तौ तिथै कै सौबी कनानी लोगौ शै छुटकारा पाए पाया। तिनकै साथै समझौता नै कौरेया औरौ तिनवारी शादी नै कौरेया। तुऐं तिनकी सोबै मूरती कै पूरी तौरेह नाश कौरे दैया। जै तुऐं मैरे आज्ञा नै मानल़े, तौ तुऐं मेरी जौगेह तिनकै देवतांव कै पूजा कौरदै लागदै।

![](https://cdn.door43.org/obs/jpg/360px/obs-en-14-04.jpg)

जोबै इस्राएली लौग कनान कै सीमा पांदी पौंईचै, मूसाए इस्राएल कै हर गोत मुंजी दै ऐक-ऐक कौरेबा बारौ मौरदौ कै चुणै। तैणै तिनुकै जाएबा तैसी देशौ का भेद लौणौ का हुकम दिया कै दैखियो आव कै सै कैशणा देश औसौ। तिनकै तिनु कनानी लोगौ का भेद बै लौणा थिया ऐजो दैखणो कै, कै सै तागतवार थिऐ या कमजौर थिऐ।

![](https://cdn.door43.org/obs/jpg/360px/obs-en-14-05.jpg)

तिनु बारौ मौरदै पूरै कनान देश जाऐबा चालीश दुसौ कै यात्रा कौरे औरौ तोबै सै पाछु आए गौवे। तिनुऐ लोगौ कैई बौल़ौ, “सैजा देश बैजाए फौल़दार औसौ औरौ शाकौ भोरी औसौ!” पौरौ दस भेदीऐ बौल़ौ, “तिनकै नगर बैजाए मोजबूत औसौ औरौ सैजै लौग लांबै-चौड़ै औसौ! जै आमै तिनपांदी हमल़ा कौरदै, तौ पाकैई सै आमु कै हौराए दैंदे औरौ आमु कै मारै दैंदे।

![](https://cdn.door43.org/obs/jpg/360px/obs-en-14-06.jpg)

तावल़ैई कालेब औरौ यहोशू दु भेदिऐ बौल़ौ, ऐजौ साचौ औसौ कै कनान देश कै लौग लांबै औरौ तागतवार औसौ, पौरौ पाकैई आमै तिनुकै हौराए सौकु! जिथुकै पौरमेशवर आमु कारिए लौड़दाए!”

![](https://cdn.door43.org/obs/jpg/360px/obs-en-14-07.jpg)

पौरौ लोगै कालेब औरौ यहोशू की नी शुणी। सै मूसा औरौ हारून पांदी गुस्सा हौए गौवे औरौ बौल़ौ, “तौंऐ आमु कै ऐसी खतरनाक ठांव पांदी किथु कै लाए राए? आमु कै मिस्र देश दौ ही रौणौ चैंई थियु। जै आमै तैसी देशौ दै जौऊं तौ आमै युध्द दै मौरे जांदै, औरौ कनान देश कै लौग अमारी घौरवाल़ी औरौ नानड़िया कै दास बाणै दैंदे।” सैजै लौग तिनुकै पाछु मिस्र देश निणौ कारिए ऐक औका अगुवा बाणणा चांव थिऐ।

![](https://cdn.door43.org/obs/jpg/360px/obs-en-14-08.jpg)

जोबै तिनु लोगै ऐशै कै बौल़ौ तौ पौरमेशवर बैजाए दुखी हौए गौआ थिया। सै मिलाप वाल़ै तोम्बू दा औआ औरौ बौल़ौ, “तुऐं मैरे खिलाफ पाप कौरे राए, इथकारिए तुऔं सौबी कै ऐसी जौंगलौ दौ भौटकौणौ पौड़दौ। हरेक आदमी जू बिशी सालो या तिंददा जादा उमरे का औसौ सै मौरे जांदा औरौ कौलौंई बै तैसी देशौ दा ना जाए पांदा जू हांव तुऔं कै दिंयु। सिरफ कालेब औरौ यहोशू ही तिंदै जाए सौकदै।

![](https://cdn.door43.org/obs/jpg/360px/obs-en-14-09.jpg)

जोबै लोगै पौरमेशवरौ कै ऐशैकै बौल़दै बैई शुणा, तौ सै दुखी हौऐ जिथुकै तिनुऐ पाप कौरे राए थिया। इथकारिए तिनुऐ कनान देश कै लौगौ पांदी हमला कौरणौ का फौएसला कौरा। मूसाए तिनुकै ना जाणौ कारिए चेतावणी दै जिथुकै पौरमेशवर तिनकै साथै ना जांदा, पौरौ तिनुऐ तैसकी ना शुणी।

![](https://cdn.door43.org/obs/jpg/360px/obs-en-14-10.jpg)

पौरमेशवर ऐसी युध्द दा तिनकै साथै नै थी, इथकारिए कनानी लोगै तिनुकै हौराए दिऐ औरौ तिनमुंजी दै बौहिते कै मारे दिऐ। तोबै इस्राएली लौग कनान देश पौरेशै पाछु फेरे गौवे। आगले चालीश सालो तौड़ी, सै जौंगलौ दै उंडै-पुंडै भौटकै।

![](https://cdn.door43.org/obs/jpg/360px/obs-en-14-11.jpg)

इस्राएली लोगौ कै जौंगलौ पुंडै भौटकौणौ कै चालीश सालो तौड़ी, पौरमेशवरे तिनकी जरूरतौ कै पूरी कौरी। तैणै तिनुकै स्वर्ग शै “मन्ना” नांव की रोटी दी। तैणै बटेरों कै झुंड बै (जू कै छोटे आकार कै चुड़कुले हौंव थिऐ) तिनकी छावनी दै छाड़ै ताकि तिनकैई खाणौ कै मास हौंव। तैसी पूरे सौमय, पौरमेशवरे तिनकै खौटणौ कै औरौ जूतै कै फाटणौ शै बौचाऐबा राखै।

![](https://cdn.door43.org/obs/jpg/360px/obs-en-14-12.jpg)

इथै तौड़ी कै पौरमेशवरे तिनु कारिए चमत्कारी रूप शै चट्टान पौरेशौ पाणी घाड़ौ। पौरौ इनु सौबी बातौ कै बाऊजूद बै, इस्राएली लोगै पौरमेशवरौ कै खिलाफ औरौ मूसा कै खिलाफ शिकायत कौरे औरौ कुड़कुड़ौऊऐ। तोबै बै, पौरमेशवर बिशवाशलायक थिया। तैणै जू वादा कौरे राए थिया कै सै अब्राहम, इसहाक, औरौ याकूब कै वंशज कारिए कौरदा तैणै सैजौ कौरौ।

![](https://cdn.door43.org/obs/jpg/360px/obs-en-14-13.jpg)

ऐक बैई हौजौ जोबै तिनु लौगौ कैई पाणी नी थी, पौरमेशवरे मूसा कै बौल़ौ, “चट्टान वारी बातौ कौर, औरौ तिथ पौरेशौ पाणी निकल़दौ।” पौरौ मूसाए चट्टान वारी बातौ नी कौरी। इथकै बाजाए, तैणै लैकड़ै लैई चट्टानो पांदी दो बैई लैई। ऐशैकैई तैणै पौरमेशवरौ का निरादर कौरा। सौबी कै पीणौ कारिए चट्टान पौरेशौ पाणी तौ आए गौ, पौरौ पौरमेशवर मूसा शै गुस्सा हौए गौआ। तैणै बौल़ौ, “जिथुकै तौंऐ ऐशैकै कौरो, इथकारिए तू वादे कै देश दा ना जाए सौकदा।”

![](https://cdn.door43.org/obs/jpg/360px/obs-en-14-14.jpg)

जोबै इस्राएली लौग चालीश सालो तौड़ी जौंगलौ पुँडै भौटकै गौवे थिऐ, तोबै जिनुऐ पौरमेशवर कै खिलाफ बुरू कौरे राए थियु सैजै सोबै मौरे गौवे थिऐ। तोबै पौरमेशवर तिनु लोगौ कै ओटेयो तैसी वादे कै देश कै नैड़िक लौए गौआ। ऐबै मूसा बैजाए बूढ़ा हौए गौआ थिया, इथकारिए पौरमेशवरे लोगौ कै अगवाए कौरणौ कै औरौ तिनकै मौदद कौरणौ कारिए यहोशू कै चुणा। पौरमेशवरे मूसाआरी ऐजा वादा बै कौरे राए थिया कै ऐक दुस सै तिनु लौगौ कै धौरे मूसा कै जैशणाई ऐक पौरमेशवरौ की बातौ बौताणौ वाल़ा छाड़दा।

![](https://cdn.door43.org/obs/jpg/360px/obs-en-14-15.jpg)

तोबै पौरमेशवरे मूसा कै ऐकी धारौ की चुटी पांदी जाणौ कारिए बौल़ौ ताकि सै वादे कै देश कै दैखै सौकौ। मूसाए तैसी वादे कै देश कै दैखा पौरौ पौरमेशवरे तैसी कै तिथै जाणौ कै छुट नी दी। तोबै मूसा मौरे गौआ, औरौ इस्राएली लोगै तीश दुसौ तौड़ी शोग मौनौऊंआ। यहोशू तिनका नौवाँ अगुवा बौणै गौआ। यहोशू ऐक आछा अगुवा थिया जिथुकै तैणै पौरमेशवरौ पांदी भौरोशा राखा औरौ तैसकी बातौ मानी।

*निर्गमन अध्याय 16-17; गिनती 10-14; 20; 27; व्यवस्थाविवरण 34 पौरेशै बाइबल कै ऐक काहाणै।*

Audio: https://git.door43.org/OBS-TLF/srx_obs/releases/download/v1/srx_obs_v1_14_128kbps.m4a

## 15. वादे का देश

https://openbiblestories.org/l/srx/story-15/

![](https://cdn.door43.org/obs/jpg/360px/obs-en-15-01.jpg)

आखरी दा, ऐबै सैजा सौमय आए गौआ थिया कै इस्राएली लौग वादे कै देश, कनान दै जांव। तैसी देशौ दा यरीहो नांव का ऐक नगर थिया। तिथकै बौचांव कारिए तिथकै चौऊं ढौबौ मजबूत दीवारौ थी। यहोशूए तैसी नगरौ दै दो भेदिए छाड़ै। तैसी नगरौ दै राहाब नांव कै ऐक बेशया रौंव थै। तियें तिनु भेदिए कै चोरे, औरौ तोबै बाद मे तियें तिनुकै नगर पौरेशै बौचाएबा निकल़णौ दै मोदद कौरे। तियें ऐशैकै इथकारिए कौरौ जिथुकै सै पौरमेशवरौ पांदी बिशवाश कौरौ थै। जौलौ इस्राएली लौग यरीहो का नाश कौरले तौलौ तिनुऐ राहाब औरौ तिंयारै कुड़बै कै रक्षा कौरणौ का वादा कौरे राए थिया।

![](https://cdn.door43.org/obs/jpg/360px/obs-en-15-02.jpg)

इस्राएली लोगौ कै वादे कै देश दै जाणौ कारिए यरदन नौंदे पार कौरणै थै। पौरमेशवरे यहोशू कै बौल़ौ, “पुरोहितौ कै औगौड़ियौ जाणौ दै।” जोबै पुरोहितै यरदन नौंदी दै आपणै लातौ कै राखै तौ पाणी का भौआव रौकै गौआ, जिथलैई कै इस्राएली लौग नौंदी कै पाईले ढौबौ शुकी जौमीनौ पांदी पांडै जाए सौकौ।

![](https://cdn.door43.org/obs/jpg/360px/obs-en-15-03.jpg)

तिनु लोगै यरदन नौंदी पार कौरे पाए तौ पौरमेशवरे यहोशू कै बौल़ौ कै यरीहो पांदी हमला कौरणौ कारिए तैयार रौया, भलैई सै बैजाए मजबूत नगर थिया। पौरमेशवरे तिनु लोगौ कै बौल़ौ कै तौंवारे पुरोहितौ कै छौई दुसौ तौड़ी तैसी नगरौ कै चौऊ ढौबौ चौक्कर लाणै। औरौ पुरोहिते औरौ सैनिकै ऐशैकैई कौरौ।

![](https://cdn.door43.org/obs/jpg/360px/obs-en-15-04.jpg)

तोबै सातवें दुसै, इस्राएली लोगै तैसी नगरौ कै चौऊ ढौबौ कै सात बैई हौजौ चौक्कर लौऐ। तिनकै नगरौ कै चौऊ ढौबौ कै सात बैई चौक्कर लाणौ कै बाद, पुरोहितै आपणी तुरहियाँ बौजेई औरौ सैनिकै जोर शै धाव मारे।

![](https://cdn.door43.org/obs/jpg/360px/obs-en-15-05.jpg)

तोबै यरीहो कै चौऊ ढौबौ की दीवारौ डोल़ गौई! जैशैकै पौरमेशवरे आज्ञा दैए राए थै इस्राएली लोगै नगरौ की सोबै चीज़ौ कै नाश कौरे दी। तिनुऐ सिरफ राहाब औरौ तियौंकै कुड़बै कै छौड़े दिऐ, जू इस्राएली लौगौ कै भाग बौणै गौवे थिऐ। जोबै कनान देश दै रौणौ वाल़ै औकी लोगै शुणु कै इस्राएली लोगै यरीहो का नाश कौरे दिया, तौ सै डौरे गौवे कै इस्राएली लौग तिनपांदी बै हमला कौरदै।

![](https://cdn.door43.org/obs/jpg/360px/obs-en-15-06.jpg)

पौरमेशवरे इस्राएली लोगौ कै आज्ञा दैए राए थै कै कनान देश दी रौणौवाल़ी कौसी बै जातिआरी सौमझौता नै कौरेया। पौरौ गिबोनीयों नांव कै ऐक कनानी जातिऐ यहोशू कैई झूठू बौल़ौ कै सै कनान देश शै दूर ऐकी ठांव कै रौणौवाल़ै औसौ। तिनुऐ यहोशू कैईदै तिनवारी सौमझौता कौरणौ कै बेनते कौरे। यहोशू औरौ औकी इस्राएली अगुवे पौरमेशवरौ कैईदु नै पूछी कै तिनुकै का कौरणौ चैंई। इथकै बजाए, तिनुऐ गिबोनियो कै साथै सौमझौता कौरे पाए।

![](https://cdn.door43.org/obs/jpg/360px/obs-en-15-07.jpg)

ती दुसौ कै बाद, इस्राएली लोगौ कै पौता चाला कै गिबोनी लौग कनान देश दैई रौंव। सै गुस्सा हौए गौवे जिथुकै गिबोनी लोगै तिनुकै धौखा दैए राए थिया। पौरौ तिनुऐ तिनवारी कौरेयोंदै सौमझौते कै बाणैबा राखा। जिथुकै सै पौरमेशवरौ कै सामणै कौरे राए थिया। तोबै कैई दुसौ कै बाद, कनान देश दी रौणौवाल़ी ऐकी औकी जातिए, एमोरीयो कै राजाए शुणु कै गिबोनीए इस्राएली लौगवारी सौमझौता कौरे पाए, इथकारिए तिनुऐ आपणै-आपणै सेना कै ऐकेक कौरेबा बौड़े सेना बाणै औरौ गिबोन पांदी हमला कौरे दिया। गिबोनी लोगै आपणै मौदद कौरणौ कारिए यहोशू कै धौरे ऐक बेवरा दिया।

![](https://cdn.door43.org/obs/jpg/360px/obs-en-15-08.jpg)

औरौ यहोशूए इस्राएली लोगौ कै सेना कौठे कौरे औरौ गिबोनी लोगौ कै धौरे पौऊंचणौ कारिए सै पौरे रात हांडै। झीशौ झिशीदै तिनुऐ एमोरी लौगौ कै सेना कै हैरान कौरे दिऐ औरौ तिनपांदी हमला कौरे दिया।

![](https://cdn.door43.org/obs/jpg/360px/obs-en-15-09.jpg)

तैसी दुसे पौरमेशवर इस्राएली लोगौ कारिए लौड़ा। तैणै एमोरी लौगौ कै घौबराए दिऐ औरौ तैणै बौड़ै-बौड़ै शौरू बौरशाऐबा बौरिशै एमोरी लौगौ कै मारै दिऐ।

![](https://cdn.door43.org/obs/jpg/360px/obs-en-15-10.jpg)

पौरमेशवरे सूरजौ कै बै गौयणै दा ऐकी ठांव दा रोकै दिया ताकि इस्राएली लोगौ कै जादा सौमय भैटे जांव कै एमोरी लोगौ कै आछ कौरेयो हौराए दैंव। तैसी दुसै, पौरमेशवरे इस्राएली लोगौ कारिए ऐक बौड़ै जीत कौराए।

![](https://cdn.door43.org/obs/jpg/360px/obs-en-15-11.jpg)

जोबै पौरमेशवरे तिनु सेनाओं कै हौराणौ कै बाद, बौरिशै कनानी जाति कै लौग इस्राएली लोगौ पांदी हमला कौरणौ कारिए कौठे हौऐ। यहोशू औरौ इस्राएली लोगै हमला कौरेबा तिनका काम तमाम कौरे दिया।

![](https://cdn.door43.org/obs/jpg/360px/obs-en-15-12.jpg)

इनु युध्दो कै बाद, पौरमेशवरे इस्राएली लोगौ कै सौबी गोत्रो कै वादे कै तैसी देशौ दा तिनका हिस्सा दिया। तोबै पौरमेशवरे इस्राएली लोगौ कै तिनकी सौबी सीमा पांदी शान्तै दै।

![](https://cdn.door43.org/obs/jpg/360px/obs-en-15-13.jpg)

जोबै यहोशू बूढ़ा हौए गौआ तौ इस्राएल कै सौबी लोगौ कै ऐक साथै बौईदै। तोबै यहोशूए तिनु लोगौ कै याद कौरौऊं कै तिनुऐ तैसी कौरारौ का पालन कौरणा का वादा कौरे राए थिया जू पौरमेशवरे तिनवारी सीनै धारौ पांदी कौरे राए थिया। तिनु लोगै पौरमेशवरौ कै प्रति बिशवाश लायक रौणौ औरौ तैसकै कानूनो का पालन कौरणौ का वादा कौरा।

*यहोशू अध्याय 1-24 पौरेशै बाइबल कै ऐक काहाणै।*

Audio: https://git.door43.org/OBS-TLF/srx_obs/releases/download/v1/srx_obs_v1_15_128kbps.m4a

## 16. छुड़ाणौवाल़ै

https://openbiblestories.org/l/srx/story-16/

![](https://cdn.door43.org/obs/jpg/360px/obs-en-16-01.jpg)

यहोशू कै मौरणौ कै बाद इस्राएली लोगै पौरमेशवर कै आज्ञा ना मानी। तिनुऐ पौरमेशवरौ कै नियमौ का पालन ना कौरी, औरौ तिनुऐ तैसी कौरारौ कै देश पौरेशै बौचेयोंदै कनानी लोगौ कै बाएरै ना घाड़ी। इस्राएली लोगै आपणै साचै पौरमेशवर, यहोवा कै छौड़ेबा कनानी लोगौ कै देवताओं कै पूजा कौरणै शुरू कौरे दै। इस्राएली लोगौ कैई कुणजाई राजा नी थी, इथकारिए जैसिकै जू आछौ लागौ तैणै सैजौई कौरौ।

![](https://cdn.door43.org/obs/jpg/360px/obs-en-16-02.jpg)

पौरमेशवर कै आज्ञा ना मानणौ कै कारण इस्राएली लोगै ऐशणै नियम कै शुरू कौरे दिए जिथुकै तिनुऐ कैई बैई ओटेयो कौरे राए थिए। ऐजै नियम ऐशैकै चाले: किछै सालो तौड़ी इस्राएली लौग पौरमेशवरौ कै आज्ञा ना मानदै, तोबै सै तिनुकै तिनकै दुशमनो शै हौरायो सजा दैंदा। ऐजै लौग इस्राएली लोगौ शै तिनकी चीज़ौ लौटे दैंदे, तिनकै जायदात नाश कौरे दैंदे, औरौ तिनमुंजी दै बौहिते कै मारे दैंदे। तोबै जोबै इस्राएली लोगौ कै दुशमन तिनका कैई सालो तौड़ी बुरा हाल कौरले, तिथकै बाद इस्राएली लौग पाप कौरणा छौड़ दैंदे औरौ पौरमेशवर कैंईदै तिनुकै बौचाणौ कारिए प्रार्थना कौरदै।

![](https://cdn.door43.org/obs/jpg/360px/obs-en-16-03.jpg)

हर बार जोबै इस्राएली लौग पाप कौरणा छौड़े दैंले तौ पौरमेशवर तिनुकै बौचाला। सै ऐक छुड़ाणौ वाल़ै कै द्वारा ऐशैकै कौरदा – ऐक ऐशणा आदमै जू तिनकै दुशमणौ कै खिलाफ लौड़दा औरौ तिनुकै हौराए दैंदा। तोबै देश दै शान्ति हौंदे औरौ सै छुड़ाणौ वाल़ा तिनपांदी आछै शै राज कौरदा। पौरमेशवरे तिनु लौगौ कै बौचाणौ कारिए बौरिशै छुड़ाणौ वाल़ै छाड़े। पौरमेशवरै नैड़िक कै ऐक दुशमन जाति, मिधानियो कै द्वारा इस्राएली लोगौ कै हौरायो ओटेयो कै ऐशैकै कौरौ।

![](https://cdn.door43.org/obs/jpg/360px/obs-en-16-04.jpg)

मिद्यानी लोगै साती सालो तौड़ी इस्राएली लोगौ की शाकौ कै लूटी। इस्राएली लौग बैजाए डौरे गौवे थिऐ, औरौ सै औड़ारौ बितरे चौरे गौवे, ताकि मिद्यानी लौग तिनुकै जौए नै पांव। आखिरकार, तिनुऐ आपी कै बौचाणौ कारिए पौरमेशवरौ का नांव लौआ।

![](https://cdn.door43.org/obs/jpg/360px/obs-en-16-05.jpg)

गिदोन नांव का ऐक इस्राएली मौरद थिया। ऐक दुस, तैणै ऐकी ठांव दै मेसो गियुँ पोणे लौवे थिऐ ताकि मिद्यानी लौग तिनु चौरे नै दैंव। यहोवा कै स्वर्गदूतै गिदोन कै धौरे आऐबा तैसी कै बौल़ौ, “ओए रै शूरवीर सूरमा, पौरमेशवर तैरे साथै औसौ। जा औरौ इस्राएली लौगौ कै मिद्यानी लोगौ शै बौचा।”

![](https://cdn.door43.org/obs/jpg/360px/obs-en-16-06.jpg)

गिदोनो कै बापू कैई मूरती कै चौढ़ाणौ कारिए ऐक बेदी थै। सौबदै आगले बात जू पौरमेशवरे गिदोन कै कौरणौ कारिए बौल़े तैसकै सैजै बेदी तौड़णै थै। पौरौ गिदोन लोगौ दा डौरौ थिया, इथकारिए तैणै रात हौणौ कै ठौल़नाए कौरे। तोबै तैणै तियौं बेदी कै तौड़ेबा टुकड़ै-टुकड़ै कौरे दिऐ। तैणै पौरमेशवरौ कारिए ऐक नौऐं बेदी बाणै औरौ तिथपांदी पौरमेशवरौ कारिए बौल़ि चौढ़ाए।

![](https://cdn.door43.org/obs/jpg/360px/obs-en-16-07.jpg)

औकी दुसै लोगै दैखौ कै कुणिए बेदी कै तौड़ेबा टुकड़ै-टुकड़ै कौरे दिऐ, इथकारिए सै बैजाए गुस्सै हौवे। औरौ सै गिदोन कै मारणौ कारिए तैसकै घौरे हौटे, पौरौ गिदोन कै बापूए बौल़ौ, “तुऐं किथुकै आपणै देवता कै मौदद कौरणौ कै कोशिश कौरे लौए? जै सै देवता औसौ तौ तैसी आपणा ध्यान आपी राखणौ दैंव!” जिथुकै तैणै ऐशैकै बौल़ौ इथकारिए लोगै गिदोन कै ना मारी।

![](https://cdn.door43.org/obs/jpg/360px/obs-en-16-08.jpg)

तोबै इस्राएली लोगौ कै लूटणौ कारिए मिद्यानी लौग ओटेयो औवे। सै ऐतरै जौणे थिऐ कै तिनकै गिनती बै ना हौए सौकौ। गिदोनै तिनकै खिलाफ लौड़णौ कारिए इस्राएली लोगौ कै ऐक साथै बौईदै। गिदोनै पौरमेशवरौ कैईदै दो निशान मांगै ताकि तैसी बिशवाश हौए जांव कै पौरमेशवरे सौथी कै तैसीकै, इस्राएली लोगौ कै बौचाणौ कारिए बौल़े लौ।

![](https://cdn.door43.org/obs/jpg/360px/obs-en-16-09.jpg)

आगले निशानौ कारिए, गिदोने भेड़ कै ऊन कै जौमीनौ पांदी राखैबा पौरमेशवरौ कै बौल़ौ कै झिशौ कै ओश सिरफ भेड़ो कै तियौं ऊनो पांदी पौड़ौ औरौ जौमीनौ पांदी नै पौड़ौ। पौरमेशवरै ऐशैकैई कौरौ। औकी राते, तैणै पौरमेशवरौ कै बौल़ौ कै जौमीन बिज़ जांव पौरौ ऊन शौकै रौंव। पौरमेशवरे ऐशैकै बै कौरौ। इनु दु निशानौ की बौजेह शै, गिदोनै बिशवाश कौरा कै पौरमेशवर सौथी कै चांव कै सै इस्राएली लोगौ कै मिद्यानी लोगौ शै बौचांव।

![](https://cdn.door43.org/obs/jpg/360px/obs-en-16-10.jpg)

तोबै गिदोनै सैनिकौ कै आपणै धौरे बौईदै औरौ 32,000 मौरद औवे। पौरौ पौरमेशवरै तैसीकै बौल़ौ कै ऐजै बौहिते औसौ। औरौ गिदोनै तिनु मुंजीदै 22,000 मोरदो कै घौरै पाछु छाड़ै दिऐ जू लौड़णौ शै डौरौ थिऐ। पौरमेशवरे गिदोन कै बौल़ौ कै ऐजै मौरद इबी बै बौहिते औसौ। इथकारिए गिदोनै तिनु मुंजीदै बै र्सिफ़ 300 सैनिकौ कै छौड़ेबा बाकि सौब घौरै कै छाड़ै दिऐ।

![](https://cdn.door43.org/obs/jpg/360px/obs-en-16-11.jpg)

तियौंई राते पौरमेशवरे गिदोन कै बौल़ौ, “मिद्यानियों कै डैरै पाछी जा औरौ तिनकी बातौ शुण। जोबै तू शौणै पाए कै सै का बातौ कौरौ तौ तू तिनपांदी हमला कौरणौ शै नै डौरेया।” इथकारिए तियौंई राते, गिदोन ऊदा तिनकै डैरै पाछी हौटा औरौ तैणै ऐक मिद्यानी सैनिक कै आपणै दोस्तो कैई सैजै बात बौतंदी बैई शुणै जू तैणै सुईणै मुंजी दैखै राए थै। तैसी मौरदौ कै दोस्ते बौल़ौ, “ऐसी सुईणै का मतलब औसौ कै गिदोन कै सेना आमु मिद्यानी सेना कै हौराए दैंदे!”जोबै गिदोनै ऐजौ शुणु तौ तैणै पौरमेशवरौ कै बौड़ाए कौरे।

![](https://cdn.door43.org/obs/jpg/360px/obs-en-16-12.jpg)

तोबै गिदोन आपणै सैनिकौ कै धौरे पाछु औआ औरौ तिनमुंजी दै सौबी कै ऐक-ऐक नरसिंगा, ऐक माटी कौ बासण, औरौ ऐक मशाल दै। तिनुऐ तिनु घेर दिऐ जिथै मिद्यानी सैनिक सौते रौए थिऐ। गिदोन कै 300 सैनिकै आपणी मशालो बासणौ लैई खौटे रैई थी इथकारिए मिद्यानी लौगौ कै तिनु मशालो कौ पेयाशौ ना दैखी।

![](https://cdn.door43.org/obs/jpg/360px/obs-en-16-13.jpg)

तोबै गिदोन कै सौबी सैनिकै आपणै बासणौ कै ऐकी बैई तौड़ेबा ऐकदम शै मशालो कै आग दैखाए दै। तिनुऐ आपणै नरसिंगे बौजौऊंऐ औरौ जोर शै बौल़ौ, “यहोवा कै ढौबौशै गिदोन कै तलवार!”

![](https://cdn.door43.org/obs/jpg/360px/obs-en-16-14.jpg)

पौरमेशवरै मिद्यानी लोगौ कै डौराए दिए, इथकारिए सै ऐकी दुजै कै मारदै औरौ काटदै लागै। तोलौंई, गिदोनै शुजा दैणौवाल़ै कै बौरिशै औकी इस्राएली लौगौ कै बौईददै छाड़ै। ताकि सै मिद्यानी लौगौ का पीछा कौरणौ दै तिनकै मदद कौरो। तिनुऐ तिनमुंजी दै बौहिते कै मारे दिए औरौ बाकी का पीछा कौरबा तिनुकै इस्राएल देश पौरेशै बाएरै गाड़ै दिए। तैसी दुसै 1,20,000 मिद्यानी लौग मौर गौवे। ऐशैकै पौरमेशवरै इस्राएल लोगौ कै बौचाए।

![](https://cdn.door43.org/obs/jpg/360px/obs-en-16-15.jpg)

सैजै लौग गिदोन कै आपणा राजा बाणणा चांव थिए, पौरौ गिदोनै तिनुकै ऐशैकै ना कौरणौ दी, पौरौ तैणै तिनुवादै सैजै सुनै कै गौणै मांगै जू तिनमुंजी दै सौबीए मिद्यानी लोगौ शै लूटी राए थिए। तिनु लोगै बौरिशु सुनु गिदोन कै दियु।

![](https://cdn.door43.org/obs/jpg/360px/obs-en-16-16.jpg)

तोबै गिदोनै तिथु सुनै लैई ऐक खास खौटीयोण बाणौ जैशैकै महा पुरोहित बाम्बेया कौरौ थिए। पौरौ लोगै तिथ खौटीयोणौ कै पूजा कौरणै शुरू कौरे दै जैशैकै सै ऐक मूरते हौले। तोबै पौरमेशवरे ओटेयो कै इस्राएल कै सजा दै। जिथुकै तिनुऐ मूरती कै पूजा कौरे। पौरमेशवरै तिनकै दुशमनो कै तिनु हौराणौ कारिए काबिल बाणै। आखिरकार तिनुऐ ओटेयो पौरमेशवर कैईदै मदद मांगणौ कारिए प्रार्थना कौरे, औरौ पौरमेशवरे तिनकै धौरे तिनुकै बौचाणौ कारिए ऐक औका छुड़ाणौवाल़ा छाड़ा।

![](https://cdn.door43.org/obs/jpg/360px/obs-en-16-17.jpg)

ऐजै बात कैई बैई होए: कै इस्राएली लौग पाप कौरदै गोवे औरौ पौरमेशवर तिनुकै सजा दैंदा रौआ सै पाप कौरणै छौड़ दैंव, औरौ पौरमेशवर तिनुकै छुड़ाणौ कारिए कौसी कै छाड़ो थिया। कैई सालो तौड़ी, पौरमेशवरै बौरिशै छुड़ाणवाल़ै कै छाड़ै जिनुऐ इस्राएली लोगौ कै तिनकै दुशमनौ कैंईदै बौचौऊंए।

![](https://cdn.door43.org/obs/jpg/360px/obs-en-16-18.jpg)

आखिरकार, तिनु लोगै औकी देशौ साय पौरमेशरौ कैंईदा आपी कारिए ऐक राजा मांगा। सै ऐक ऐशणा राजा चांव थिए जू लांबा औरौ शोकतीशाली हौंव, औरौ जू युध्द मुंजी तिनकै अगवाए कौरे सौकौ। पौरमेशवरौ इयों बिनती शै खुश ना थी, पौरौ तैणै तिनुकै तैशणाई राजा दिया जैशणा तिनुऐ मांगै राए थिया।

*न्यायियों अध्याय 1-3; 6-8; 1 शमूएल 1-10 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_16_128kbps.m4a

## 17. दाऊद वारी पौरमेशवरौ का कौरार

https://openbiblestories.org/l/srx/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएल का आगला राजा थिया। सै लांबा औरौ सुंदर थिया, जैशैकै सैजै लौग चाँव थिऐ ऐकदम तैशणाई। इस्राएल पांदी आपणै राज कौरणौ कै शुरू कै किछै सालो दा शाऊल ऐक आछा राजा थिया। पौरौ बाद मे सै ऐक दुष्ट आदमी बौणै गौआ जैणै पौरमेशवरौ की बातौ कै ना मानी, इथकारिए पौरमेशवरे ऐक औका आदमै चुणा जू कै ऐक दुस तैसकै ठांव पांदी राजा बौणदा थिया।

![](https://cdn.door43.org/obs/jpg/360px/obs-en-17-02.jpg)

पौरमेशवरे दाऊद नांव कै ऐक जवान इस्राएली मौरदो कै चौणैबा शाऊल कै ठांव पांदी राजा हौणौ कारिए तैयार कौरणा शुरू कौरा। दाऊद बैतलमहम नगरौ का भेड़ो का चौराईयाँ थिया। कैई बैई, दाऊदै सिंह औरौ भालू दु कै मारै दिऐ थिऐ जिथुकै दाऊद कै रौखवाल़ै कौरदै बैई तैसकै बापू की भेड़ो पांदी तिनुऐ हमला कौरे राए थिया। दाऊद ऐक शरीप औरौ धरमी आदमै थिया। तैणै पौरमेशवरौ पांदी भौरोशा राखा औरौ तैसकी बातौ मानी।

![](https://cdn.door43.org/obs/jpg/360px/obs-en-17-03.jpg)

जोबै दाऊद इबी जवान मौरद ही थिया, तैणै लांबे-चौड़े गोलियत कै खिलाफ लौड़ाई कौरे। गोलियत ऐक बैजाए बौड़िया सैनिक थिया। सै बैजाए मजबूत औरौ लमसम तीन मीटर लांबा थिया! पौरौ पौरमेशवरै गोलियत कै मारणौ औरौ इस्राएल कै बौचाणौ कारिए दाऊद कै मोदद कौरे। इथकै बाद, दाऊदै इस्राएल कै दुशमनौ पांदी कैई बैई जीत हासिल कौरे। दाऊद ऐक बौड़ा सैनिक बौणै गौआ, औरौ तैणै बौरिशै युध्दो मुंजी इस्राएली सेना कै अगवाए कौरे। लोगै तैसकै बैजाए तारीफ कौरे।

![](https://cdn.door43.org/obs/jpg/360px/obs-en-17-04.jpg)

औरौ लोगै दाऊदवारी इशैक प्यार कौरा, कै शाऊल तैसी शा रिशांदा लागा। आखिरकार शाऊल तैसी कै मारे दैणा चांव थिया। इथकारिए दाऊद तैसीयांदा औरौ तैसकै सैनिकवांदा चुरिणौ कारिए जौंगलौ पुंडा दौड़े गौआ। ऐक दुस, जोबै शाऊल औरौ तैसकै सैनिक दाऊद कै ताको दै थिऐ तौ शाऊल ऐकी औड़ारो पुंडा हौटा। ऐजा सैजाई औड़ार थिया जिथपुंडा दाऊद चौरे रौआ थिया, पौरौ शाऊलै तैसी कै ना दैखी। दाऊद शाऊल कै पौछौड़ियौ बिलकुल नैड़िक हौटे गौआ औरौ तैसकै खौटणौ का ऐक पाला काटे दिया। बाद मे, जोबै शाऊल तैसी औड़ारौ पौरेशा निकल़ा तौ दाऊदै तैसी धांव दैएबा तैसी कै खौटणौ का पाला दिखौऊंआ। ऐशैकैई, शाऊले जाणै पौऊ कै दाऊद राजा बौणणौ कारिए तैसी मारणा ना चांव।

![](https://cdn.door43.org/obs/jpg/360px/obs-en-17-05.jpg)

कुछ दुस कै बाद, शाऊल युध्द दा मौरे गौआ, औरौ दाऊद इस्राएल का राजा बौणै गौआ। सै ऐक आछा राजा थिया। औरौ लोगै तैसीयारी प्यार राखा। पौरमेशवरै दाऊद कै आशीषित कौरा औरौ तैसी कै कामेयाब कौरा। दाऊदै कैई युध्द लौड़े, औरौ पौरमेशवरै इस्राएल कै दुशमनौ कै जीतणौ दै तैसकै मोदद कौरे। दाऊदै यरूशलेम नगर कै जीतेबा तिथु आपणै राजधानी बाणै, जिथै सै रौआ औरौ राज कौरा। दाऊद चालीश सालो तौड़ी राजा रौआ। तौलौंई, इस्राएल देश तागतवर औरौ अमीर देश बौण गौ।

![](https://cdn.door43.org/obs/jpg/360px/obs-en-17-06.jpg)

दाऊद ऐक मंदिर बाणणा चांव थिया जिथै सोबै इस्राएली लौग पौरमेशवर कै आराधना कौरे सौकौ औरौ तैसकारिए बल़िदान चौढ़ाए सौकौ। लमसम 400 सालो दौऊंड़े, तिनु लौगै मूसा कै बाणैयोंदै मिलाप वाल़ै तोम्बू दै पौरमेशवर कै आराधना कौरे लौए थै औरौ तैसकारिए बल़िदान चौढ़ाए लौऐ थिऐ।

![](https://cdn.door43.org/obs/jpg/360px/obs-en-17-07.jpg)

पौरौ तिथै नातान नांव का ऐक पौरमेशवर का बातौ बौताणौवाल़ा थिया। पौरमेशवरै तैसीकै दाऊदो कैई ऐजौ बौताणौ कारिए छाड़ा: “तौंऐ बैजाए युध्द राए लौड़े, इथकारिए तू मौं कारिए ऐसी मंदिरो कै ना बाणदा। तैरा बैटा ऐसी मंदिरो कै बाणदा। तोबै बै, हांव ताखै बौरी आशीषित कौरदा। तैरा ऐक वंशज सदा कारिए मैरे लौगौ पांदी राजा कै रूप दा राज कौरदा।” सदा कारिए राज कौरणौवाल़ा सैजा दाऊद का ऐकैई वंशज मसीह थिया। मसीह पौरमेशवरौ का चौणैयोंदा आदमै थिया जू दुनिया कै लौगौ कै तिनकै पापौ शै बौचांदा।

![](https://cdn.door43.org/obs/jpg/360px/obs-en-17-08.jpg)

जोबै दाऊदै नातानो का सौंदेश शुणा तौ तैणै पौरमेशवरौ का धन्यवाद कौरा औरौ तैसकै बौड़ाए कौरे। पौरमेशवरे तेसका रुतबा बौढ़ाए लौआ थिया औरौ तैसीकै बौरिशी आशीषो दैए लौई थी। बैशक, दाऊद नै जाणौ थिया कै पौरमेशवर इनु बातौ कै कौलौ कौरदा। पौरौ इबी आमै जाणुए कै इस्राएली लौगौ कै ऐकी लांबे सौमय तौड़ी, लमसम 1000 सालो तौड़ी मसीह कै आणौ कै ठौलनाए कौरणै पौड़दै।

![](https://cdn.door43.org/obs/jpg/360px/obs-en-17-09.jpg)

दाऊदै कैई सालो तौड़ी न्याय कै साथै आपणै लौगौ पांदी राज कौरा। तैणै बौड़ै सौचाई शै पौरमेशवरौ की बातौ कै मानी औरौ पौरमेशवरै तैसी आशीषित कौरा। भलैई, आपणै जीवन कै आखरी मे तैणै पौरमेशवरौ कै खिलाफ खतरनाक पाप कौरे राए थिया।

![](https://cdn.door43.org/obs/jpg/360px/obs-en-17-10.jpg)

ऐक दुस दाऊदै आपणै महलौ पौरेशौ बाएरै दैखौ औरौ ऐक सुंदर बैटमाणिशौ कै नाईदिए बैई दैखै। सै तियौं कै नी जाणौ थिया, पौरौ तैणै पौता लाए पौआ कै तिंयारौ नांव बतशेबा औसौ।

![](https://cdn.door43.org/obs/jpg/360px/obs-en-17-11.jpg)

आपणै सोच बोदलणो कै बजाए, दाऊदै तियौं कै आपणै धौरे लियाणौ कारिए कौसी कै छाड़ै। सै तिंयारै धौरे सुता औरौ तियौंकै पाछु घौरौ कै छाड़ै दै। थौड़े दुसौ कै बाद बतशेबाए ऐजौ बौलेबा दाऊद कैंई बैवरा दिया कै मैरे होल़किणु औसौ।

![](https://cdn.door43.org/obs/jpg/360px/obs-en-17-12.jpg)

बतशेबा का घौरवाल़ा ऊरिय्याह नांव का ऐक आदमै थिया। सै दाऊद कै बौड़िया सैनिकौ मुंजीदा ऐक थिया। इबी सै युध्द कौरणौ कारिए बाएरे हौटे रौआ थिया। दाऊदै ऊरिय्याह कै युध्द पौरेशा पाछु बौएदैबा तैसीकै आपणी घौरवाल़ीयारी रौणौ कारिए बौल़ौ। पौरौ औके सैनिक युध्द दै थिऐ इथकारिए ऊरिय्याह घौरौ जाणौ कै भाजै गौआ। औरौ दाऊदै ऊरिय्याह कै पाछु युध्द दा छाड़ै दिया औरौ सेनापति कै बौल़ेयो तैसीकै युध्द दा ऐशणै ठांव पांदी राखणौ कारिए बौल़ौ जिथै दुशमन सौबीदै जादा शोकतीशाली हौंव ताकि सै मौरे जांव। तौ ऐशैकै हौ कै ऊरिय्याह युध्द दा मौर गौआ।

![](https://cdn.door43.org/obs/jpg/360px/obs-en-17-13.jpg)

ऊरिय्याह कै युध्द दै मौर जाणौ कै बाद दाऊदै बतशेबाआरी जाजड़ा बाणै पौआ। बाद मे, तियैं दाऊद कै बैटे कै जन्म दिया। दाऊदै जू कौरौ तिथलैई पौरमेशवर बैजाए गुस्सै थिया, इथकारिए तैणै नातान जू पौरमेशवर की बातौ बौताणौवाल़ा थिया तैसीकै तैसकै धौरे एजो बोताणो कै छाड़ा कै तैसका पाप कैतरा बुरा थिया। दाऊदै आपणै पापौ का पच्शाताप कौरा औरौ पौरमेशवरै तैसी कै माफ कौरे दिया। आपणै बौचयोंदै जीवन दै, आपणै मुशकिल सौमय दै बै दाऊद पौरमेशवरौ कै पौछौड़ियौ- पौछौड़ियौ चाला औरौ तैसकी बातौ मानी।

![](https://cdn.door43.org/obs/jpg/360px/obs-en-17-14.jpg)

पौरौ दाऊद कौ नानड़िया मौरे गौ। ऐशैकै पौरमेशवरै दाऊद कै सजा दै। इथकै आलावा, दाऊदौ कै मौरणौ तौड़ी, तैसकै आपणै कुड़बै कै किछै लौगै तैसकै खिलाफ लौड़ाए कौरे, औरौ दाऊद कै आपणै शौकती कम हौए गौए थै। पौरौ पौरमेशवर बिशवाश लायक थिया। औरौ ऐबै बै तैणै सैजौ कौरौ जू तैणै दाऊद शै कौरणौ का वादा कौरे राए थिया कै सै कौरदाए, भलेई दाऊदै तैसकै आज्ञा ना मानी। बाद मे, दाऊद औरौ बतशेबा कै औके ओलाद पौयदा हौए, औरौ तिनुऐ तैसकौ नांव सुलैमान राखौ।

*1 शमूएल अध्याय 10; 15-19; 24; 31; 2 शमूएल 5; 7; 11-12 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_17_128kbps.m4a

## 18. बौंटवारै कै राज्य

https://openbiblestories.org/l/srx/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजाए चालीश सालो तौड़ी राज कौरा। तोबै सै मौरे गौआ, औरौ तैसकै बैटे सुलैमानै इस्राएल पांदी राज कौरणा शुरू कौरा। पौरमेशवरे सुलैमानवारी बात कौरे औरौ तैसकेंदु पुछु कै तू सोबदौ जादा का चांए कै पौरमेशवर तांव कारिए कौरौ। सुलेमानै पौरमेशवरौ वांदौ मांगौ कै सै तैसीकै बौहिता बुध्दिमान बाणै दैंव। इयौं बातै पौरमेशवरौ कै खुश कौरा, इथकारिए पौरमेशवरे सुलैमानौ कै दुनिया का सौबीदा बुध्दिमान मौरद बाणै दिया। सुलैमानै बौरिशी बातौ शिखी औरौ सै ऐक बुध्दिमान राजा बौण गौआ। पौरमेशवरै तैसी कै बैजाए अमीर बै बाणै दिया थिया।

![](https://cdn.door43.org/obs/jpg/360px/obs-en-18-02.jpg)

यरूशलेम शहर दै सुलैमानै तैसी मंदिरौ कै बाणा जिथकारिए तैसकै बापूए योजना बाणै राए थै औरौ समान कौठौ कौरे राए थियु। ऐबै लौग मिलाप वाल़ै तोम्बू कै जौगेह मंदिरौ दै पौरमेशवर कै आराधना कौरौ थिऐ औरौ तैसकारिए बौल़ि चौढ़ांव थिऐ। पौरमेशवर आऐबा मंदिर दा रोया कौरौ थिया, औरौ तिथै सै आपणै लौगवारी बात कौरौ थिया।

![](https://cdn.door43.org/obs/jpg/360px/obs-en-18-03.jpg)

पौरौ सुलैमानै औकी देशौ की बैटमाणिशवारी प्यार कौरा। तैणै बौरिशी, लमसम 1,000 बैटमाणिशवारी जाजड़ा बाणैबा पौरमेशवर कै आज्ञा टाल़ै! इनु मुंजी दी बौहिती बैटमाणिशौ पराए देशौ पौरेशी आई औरौ आपीयारी दैव लियौऊंए औरौ तिनकै पूजा कौरणै ना छुड़ी। जोबै सुलैमान बूढ़ा हौए गौआ तौ तैणै बै तिनकै दैव कै पूजा कौरे।

![](https://cdn.door43.org/obs/jpg/360px/obs-en-18-04.jpg)

इयौं बौजेह शै पौरमेशवर सुलैमान शै निराज थिया। तैणै बौल़े राए थियु कै सै इस्राएल देश कै दु राज्य दै बांटियों सजा दैंदा। सै सुलैमान कै मौरणौ कै बाद ऐशैकै कौरदा।

![](https://cdn.door43.org/obs/jpg/360px/obs-en-18-05.jpg)

सुलैमानौ कै मौरणौ कै बाद, रहबाम राजा बौणा। इस्राएल देश कै सोबै लौग तैसी आपणै राजा कै रूप दा औपनाणौ कारिए ऐकसाथै कौठे हौवे। तिनुऐ रहबामवागै शिकाएत कोरै कै सुलैमानै तिन लैई बैजाए चैंईथै टौल सौंडाए राए थै औरौ बौरिशै मामले लौए राए थिऐ। तिनुऐ रहबामवादै बिनते कौरे कै आमलैई कम टौल सौंडाऐया।

![](https://cdn.door43.org/obs/jpg/360px/obs-en-18-06.jpg)

पौरौ रहबामै तिनुकै बौड़ा बैकार जबाब दिया, “तुऐं बौल़ौ कै मैरे बापूए सुलैमानै तुऔं लैई चैईंथै टौल सौंडाए। पौरौ हांव तुऔं लैईबा तिदंदै बै जादा टौल सौंडादा, औरौ हांव तुऔं कै तिदंदै बै जादा दुखी कौरदा।”

![](https://cdn.door43.org/obs/jpg/360px/obs-en-18-07.jpg)

जोबै लोगै तैसी कै ऐशैकै बुलदिए बैई शुणा तौ तिनमुंजी दै कैईऐ तैसकै खिलाफ लौड़ाए कौरे औरौ दस गोत्र कै लोगै तैसी कै छौड़े दिया; औरौ तैसकै साथै ऐबै दो ही गोत्र बौचे गौवे। ऐजै दो गोत्रो कै लौग आपी कै यहूदा का राज्य बौल़ौ थिए।

![](https://cdn.door43.org/obs/jpg/360px/obs-en-18-08.jpg)

बाकी कै दस गोत्र कै लोगै यारोबाम नांव कै ऐकी मौरदौ कै आपणा राजा बाणै दिया। ऐजै गोत्र देशौ कै उतर-पूर्वी हिस्सै दै थिऐ। तिनुऐ आपी कै इस्राएल का राज्य बौल़ा।

![](https://cdn.door43.org/obs/jpg/360px/obs-en-18-09.jpg)

पौरौ यारोबामै पौरमेशवरौ कै खिलाफ बुरू सांडौ औरौ लोगौ लैई पाप कौरौऊंआ। तैणै आपणै लौगौ लैई पूजा कौराणौ कारिए दो मूरती बाणी। सै ऐबै यहूदा कै राज्य यरूशलेम दै पौरमेशवरौ कै मंदिर दै तैसकै आराधना कौरणौ कारिए ना हुटी।

![](https://cdn.door43.org/obs/jpg/360px/obs-en-18-10.jpg)

यहूदा औरौ इस्राएल कै राज्य दुशमन बौण गौवे औरौ जादातर ऐकी दुजै कै खिलाफ लौड़दै लागै।

![](https://cdn.door43.org/obs/jpg/360px/obs-en-18-11.jpg)

इस्राएल कै नौंऐ राज्य दै, सोबैई राजा दुष्ट थिऐ। इनमुंजी दै कैई राजा तिनकै ठांव पांदी राजा बौणणौ कै चाहत राखणौवाल़ै औके इस्राएली लौगौ लेई मारे गौवे थिऐ।

![](https://cdn.door43.org/obs/jpg/360px/obs-en-18-12.jpg)

इस्राएल राज्य कै सौबी राजाए औरौ जादातर लौगै मूरती कै पूजा कौरे। जोबै तिनुऐ ऐशैकै कौरौ, तौ सै जादातर वेशयारी सुतै औरौ इथै तौड़ी कै कैई बैई मूरती कै औगौड़ियौ नानड़िया कै बै बौल़ि कौरे।

![](https://cdn.door43.org/obs/jpg/360px/obs-en-18-13.jpg)

यहूदा राज्य कै राजा, दाऊद कै वंशज थिऐ। इनु राजाओ मुंजीदै कुणजैई आछै आदमै थिऐ जिनुऐ न्याय कै साथै राज कौरा औरौ पौरमेशवरौ कै आराधना कौरे। पौरौ यहूदा कै जादातर राजा दुष्ट थिऐ। तिनुऐ दुष्टता शै राज कौरा, औरौ मूरती कै पूजा कौरे। इथै तौड़ी कै इनु मुंजीदै कैई राजाए झुठै दैव कै औगौड़ियौ आपणै नानड़िया कै बै बौल़ि कौरे दै। यहूदा कै जादातर लौगै बै पौरमेशवरौ कै खिलाफ बुरू सांडौ औरौ औकी दैव कै पूजा कौरे।

*1 राजा अध्याय 1-6; 11-12 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_18_128kbps.m4a

## 19. पौरमेशवरौ की बातौ बौताणौ वाल़ै

https://openbiblestories.org/l/srx/story-19/

![](https://cdn.door43.org/obs/jpg/360px/obs-en-19-01.jpg)

पौरमेशवर हौमेशा इस्राएली लौगौ कै धौरे पौरमेशवर की बातौ बौताणौ वाल़ै कै छाड़दा रौंव थिया। पौरमेशवरौ की बातौ बौताणौ वाल़ै पौरमेशवरौ कै सौंदेशौ कै शुणौ थिऐ औरौ तोबै लौगौ कै बौतांव थिऐ।

![](https://cdn.door43.org/obs/jpg/360px/obs-en-19-02.jpg)

जोबै अहाब इस्राएल राज्य पांदी राजा थिया तौ तौलौ एलिय्याह पौरमेशवर की बातौ बौताणौ वाल़ा थिया। अहाब ऐक बुरा आदमै थिया। तैणै झूठै बाल देवता कै पूजा कौराणौ कारिए लौगवारी जबरदस्तै कौरे थै। इथकारिए एलिय्याहै अहाब कै बौल़ौ कै पौरमेशवर तिनु लोगौ कै सजा दैणौ वाल़ा औसौ। तैणै तैसी कै बौल़ौ, “जांव तौड़ी हांव ओटेयो बौरखा हौणौ कारिए ना बुलु तांव तौड़ी इस्राएल कै राज्य दै ना बौरखा हौंदे औरौ ना ही औश पौड़दै।” इयौं बातौ लैई अहाब कै इशैक गुस्सा औआ कै तैणै एलिय्याह कै मारणौ का फौएसला कौरा।

![](https://cdn.door43.org/obs/jpg/360px/obs-en-19-03.jpg)

इथकारिए पौरमेशवरै एलिय्याह कै बौल़ौ कै तू जौंगलौ पुंडा जाऐबा अहाब कैंईदा चौरे जा। एलिय्याह जौंगलौ पुंडा तैसी नाले कैई हौटा जिथै जाणौ कारिए पौरमेशवरै तैसी कै बौल़े राए थियु। रोज झीशौ औरौ रोज बैल़कै, कौऊवे एलिय्याह कारिए रोटी औरौ मास लैयांव थिऐ। इनु पूरै दुसौ दै, अहाब औरौ तैसकै सेना एलिय्याह कै जौंदै रौए, पौरौ तिनकै तैसी जुई ना।

![](https://cdn.door43.org/obs/jpg/360px/obs-en-19-04.jpg)

बौरखा ना हौणौ शै किछै दुसौ कै बाद सैजा नाला शौकै गौआ। इथकारिए एलिय्याह नैड़िक कै ऐकी देशौ दा हौटे गौआ। तैसी देशौ दै ऐक गरीब बिधवा थै जियौंकै ऐकैई बैटा थिया। तिनकैई खाणौ लमसम खत्म हौए गौ थियु जिथुकै तिथै कुणजै शाक ना हौए रैई थी। पौरौ तोबै बै, तियैं बैटमाणिशै एलिय्याह कै दैखभाल़ कौरे, इथकारिए पौरमेशवरै तियौंकै औरौ तिंयारै बैटे की जरूतरौ कै पूरी कौरी, इथकी बौजेह शै तिंयारै आटै कौ बासण औरौ तिंयारै तेलौ कै कौप्पे कौलौंई खाली ना हौई। तैसी पूरे काल़ौ कै सौमय तिनकैई खाणौं थियु। एलिय्याह किछै सालो तौड़ी तिथै रौआ।

![](https://cdn.door43.org/obs/jpg/360px/obs-en-19-05.jpg)

साढ़े ती सालो कै बाद, पौरमेशवरै एलिय्याह कै बौल़ौ कै सै ओटेयो बौरखा कौरदा। तैणै एलिय्याह कै पाछु इस्राएल कै राज्य दै जाऐबा अहाब वारी बातौ कौरणौ कारिए बौल़ौ। इथकारिए एलिय्याह अहाब कै धौरे हौटा। जोबै अहाबै तैसीकै दैखा तौ तैणै बौल़ौ, “आछा तू औसौ, मुसीबत पौयदा कौरणौ वाल़ा!” एलिय्याहै जबाब दिया, “मुसीबत पौयदा कौरणौ वाल़ा तौ तू औसौ! तौंऐ यहोवा कै छौड़े दिया। सैजाई साचा पौरमेशवर औसौ, पौरौ तौंऐ बाल दैव कै पूजा कौरे लौए। ऐबै ताखै इस्राएल राज्य कै सौबी लौगौ कै कर्मेल धारौ पांदी निणै पौड़दै।”

![](https://cdn.door43.org/obs/jpg/360px/obs-en-19-06.jpg)

औरौ सोबै लौग कर्मेल धारौ पांदी हौटे। सैजै मौरद बै औवे जू बौल़ौ थिऐ कै बाल दैव कै सौंदेशौ कै बौल़ौए। ऐजै बाल दैव कै बातौ बौताणौ वाल़ै थिऐ। ऐ‍जै सोबै जौणै 450 थिऐ। एलिय्याहै लौगौ कै बौल़ौ, “कौलौ तौड़ी तुऐं आपणै मनो कै कठोर राखदै? जै यहोवा पौरमेशवर औसौ तौ तैसकै आराधना कौरौ! औरौ जै बाल दैव पौरमेशवर औसौ तौ तैसकै पूजा कौरौ!”

![](https://cdn.door43.org/obs/jpg/360px/obs-en-19-07.jpg)

तोबै एलिय्याहै बाल कै बातौ बौताणौ वाल़ै कै बौल़ौ, “ऐकी बौल़्लदौ कै बौल़ि कौरेबा तिथकौ मास बोल़िदान हौणौ कै ऐकी बेदी पांदी राखौ, पौरौ आग नै लाया। तिथकै बाद हांव बै ऐशैकैई कौरदा, औरौ ऐकी जौई बेदी पांदी हांव तिथु मास राखदा। तोबै जै पौरमेशवर बेदी पांदी आग भैजल़ा तौ तुऐं जाणै पांदै कै सै साचा पौरमेशवर औसौ।” तोबै बाल कै बातौ बौताणौ वाल़ै ऐक बौल़ि तैयार कौरे पौरौ आग ना लैई।

![](https://cdn.door43.org/obs/jpg/360px/obs-en-19-08.jpg)

तोबै बाल कै बातौ बौताणौ वाल़ै बाल दैव शै प्रार्थना कौरे, “ओए रै बाल, आमारी शुण!” पूरे दुस भौरे तिनुऐ प्रार्थना कौरे औरौ लैरौ मारी औरौ इथै तौड़ी कै आपी चाकु लैई काटिए, पौरौ बाल दैवताए जबाब ना दी, औरौ तैणै कुणजै आग ना भैजी।

![](https://cdn.door43.org/obs/jpg/360px/obs-en-19-09.jpg)

बाल कै बातौ बौताणौ वाल़ै बाल दैवआरी प्रार्थना कौरणौ कै लमसम पूरू दुस बिताए दियु। औरौ तिनुऐ प्रार्थना कौरणै बौन्द कौरे दै। तोबै एलिय्याहै औकी बौल़्लदौ कौ मास पौरमेशवरौ कै बेदी पांदी राखै दियु। तिथकै बाद, तैणै लोगौ कै पाणी कै बौड़े बासणौ कै तैसी बोल़िदान पांदी तांव तौड़ी पैरनो कै बौल़ौ जांव तौड़ी कै मास, लाकड़ी, औरौ इथै तौड़ी कै बेदी कै आएरे-बाएरे जौमीन आछ कौरेयो गारा ना बौणै जांव।

![](https://cdn.door43.org/obs/jpg/360px/obs-en-19-10.jpg)

तोबै एलिययाह प्रार्थना कौरे, “ओए रै यहोवा, अब्राहम, इसहाक, औरौ याकूब कै पौरमेशवर, आमु कै दिखांव कै तुई इस्राएल का पौरमेशवर औसौ औरौ ऐजौ कै हांव तैरा दास औसौ। मौखै जबाब दै जिथलैई कै ऐजै लौग जाणै पांव कै तुई साचा पौरमेशवर औसौ।”

![](https://cdn.door43.org/obs/jpg/360px/obs-en-19-11.jpg)

तौलौंई, गौयणै पौरेशै आग छौटै औरौ तिथुऐ मास, लाकड़ी, चट्टानौ, माटै, औरौ इथै तौड़ी कै बेदी कै नैड़ि-बैड़ि कौ पाणी बै जौल़ाए दियु। जोबै लोगै ऐजौ दैखौ, तौ सै जौमीनौ पांदी रिड़ै औरौ बौल़ौ, “यहोवा ही पौरमेशवर औसौ! यहोवा ही पौरमेशवर औसौ!”

![](https://cdn.door43.org/obs/jpg/360px/obs-en-19-12.jpg)

तोबै एलिय्याहै बौल़ौ, “बाल दैव का ऐक बै बातौ बौताणौ वाल़ा बौचेबा नै जाणा चैंई!” इथकारिए लोगै बाल दैव कै बातौ बाताणौ वाल़ै कै पाकड़ै दिऐ औरौ तिनुकै तिथैदै जौई नियौ औरौ तिनुकै मारे दिऐ।

![](https://cdn.door43.org/obs/jpg/360px/obs-en-19-13.jpg)

तोबै एलिय्याहै अहाब राजा कै बौल़ौ, “तावल़ा आपणै घौरौ कै दौड़े जा, जिथुकै बौरखा हौणौवाल़ै औसौ।” तावल़ैई बादल़ घौणै हौए गौवे, औरौ जादा बौरखा शुरू हौए गौए। यहोवा तिथु शुकै कै खत्म कौरे लौ थियु इथलैई पौता चाला कै यहोवा ही साचा पौरमेशवर औसौ।

![](https://cdn.door43.org/obs/jpg/360px/obs-en-19-14.jpg)

जोबै एलिय्याहै आपणै काम खत्म कौरे पाए, तौ पौरमेशवरे एलीशा नांव कै ऐकी मौरदौ कै आपणा पौरमेशवर की बातौ बौताणौ वाल़ा हौणौ कारिए चुणा। पौरमेशवरे एलीशा कै जरिए बौरिशै चमत्कार कै काम कौरे। ऐक काम नामान कै साथै हौआ। सै ऐक दुशमनौ कै सेना का ठौगड़ा थिया, पौरौ तैसी कै कौढ़ का रोग हौए गौआ थिया। नामानै एलीशा कै बारै मुंजी शौणै राए थियु, इथकारिए सै एलीशा कै धौरे औआ औरौ तैसकैई दै आपी कै ठीक हौणौ कै बिनते कौरे। एलीशाए नामान कै बौल़ौ कै जाऐबा यरदन नौंदी कै पाणी दी सात बैई डुबकै लाएआण।

![](https://cdn.door43.org/obs/jpg/360px/obs-en-19-15.jpg)

नामान गुस्सा हौए गौआ। सै ऐशैकै कौरणौ कै बाजे गौआ। जिथुकै ऐजा तैसीकै बेवकुफी वाल़ा काम लागौ थिया। पौरौ बाद मे तैणै आपणा मन बौदल़े दिया औरौ जाऐबा यरदन नौंदी कै पाणी मुंजी सात बैई डुबकै मारे। जोबै सै आखरी बैई पाणी मुंजी दा बाएरै औऊंवा तौ पौरमेशवरे तैसी कै ठीक कौरे दिया।

![](https://cdn.door43.org/obs/jpg/360px/obs-en-19-16.jpg)

पौरमेशवरे इस्राएल कै लौगौ कै धौरे औकै बौरिशै पौरमेशवर की बातौ बौताणौ वाल़ै छाड़ै। तिनु सौबीए लौगौ शै मूरती कै पूजा बौन्द कौरणौ कारिए बौल़ौ। इथकै बाजाए, तिनुकै ऐकी दुजैयारी न्याय कै साथै बरताव कौरणा चैंई औरौ ऐकी दुजै पांदी दया कौरणै चैंई। तिनु पौरमेशवरो की बातौ बौताणौ वाल़ै लौगौ कै चेतावनी दी कै तुऐं बुरै काम कौरणै बौन्द कौरे दैंव औरौ इथकै बौदल़े पौरमेशवर की बातौ का पालन कौरौ। जै तिनु लोगै ऐशैकै नै कौरौ तौ पौरमेशवर तिनुकै दोषै मानेबा तिनका न्याय कौरदा, औरौ तिनुकै सजा दैंदा।

![](https://cdn.door43.org/obs/jpg/360px/obs-en-19-17.jpg)

जादातर सौमय, तिनु लोगै पौरमेशवर कै आज्ञा का पालन ना कौरी। हमैशा तिनुऐ पौरमेशवर की बातौ बौताणौ वाल़ै कै साथी बुरा बौरताव कौरा औरौ इथै तौड़ी कै कौलौंई-कौलौंई तिनुकै मारे दिऐ। ऐक बैई, तिनुऐ यिर्मयाह पौरमेशवर की बातौ बौताणौ वाल़ै कै शुकै कुएँ दा पाए दिया औरौ तैसी कै तिथै मौरणौ कारिए छौड़े दिया। सै कुएँ कै थाले दा कीचड़ौ मुंजी धौंसै गौआ। पौरौ तोबै राजा कै तैसपांदी दया आए औरौ तैणै आपणै सैनिकौ कै आदेश दिया कै यिर्मयाह कै मौरणौ दा आगै कुएँ पौरेशा बाएरै गाड़ै दैंव।

![](https://cdn.door43.org/obs/jpg/360px/obs-en-19-18.jpg)

पौरमेशवर की बातौ बौताणौ वाल़ै पौरमेशवर कै ढौबौशौ बौल़णौ जारी राखौ भलैई लोगै तिनुवारी नफरत कौरे। तिनुऐ लोगौ कै चेतावनी दै कै जै तिनुऐ पाप कौरणै नै छुड़ी तौ पौरमेशवर तिनुकै नाश कौरे दैंदा। तिनुऐ लोगौ कै ऐजौ बै याद कौरौऊं कै पौरमेशवरै तिनकै धौरे मसीह कै भैजणौ का वादा कौरे राए।

*1 राजा अध्याय 16-18; 2 राजा 5; यिर्मयाह 38 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_19_128kbps.m4a

## 20. गुलामी औरौ पाछु आणौ

https://openbiblestories.org/l/srx/story-20/

![](https://cdn.door43.org/obs/jpg/360px/obs-en-20-01.jpg)

इस्राएल कै राज्य औरौ यहूदा कै राज्य दुऐ पौरमेशवरौ कै खिलाफ पाप कौरा। तिनुऐ तैसी कौरारौ कै तौड़े दिया जू पौरमेशवरै तिनवारी सीनै धारौ पांदी कौरे राए थिया। पौरमेशवरै तिनुकै पाप कौरणै छौड़ दैणौ कारिए औरौ ओटेयो तैसकै आराधना कौरणौ कारिए चेतावनी दैणौ कै आपणै पौरमेशवर कै बातौ बौताणौ वाल़ै छाड़ै, पौरौ सै तिनकी बातौ मानणौ कै बाजै गौवे।

![](https://cdn.door43.org/obs/jpg/360px/obs-en-20-02.jpg)

औरौ पौरमेशवरे तिनकै दुशमनौ कै तिनुकै नाश कौरणौ कै काबिल बाणणौ कै द्वारा दु राज्य कै सजा दै। अश्शूर ऐक औका देश थिया जू बैजाए शोकतीशाली हौए गौआ थिया। सै औकी देशौ कै प्रति बैजाए खराब थिऐ। तिनुऐ आऐबा इस्राएल कै राज्य का नाश कौरे दिया। अश्शूरी लौगै आऐबा इस्राएल कै राज्य दै बौहितै लौगौ कै मारे दिऐ, जू चौऊं सैजौ लूट पौऊ, औरौ देश कै कैई हिस्से जौलाए दिऐ।

![](https://cdn.door43.org/obs/jpg/360px/obs-en-20-03.jpg)

अश्शूरी लौगै सौबी अगुवो, सैठ लौगौ, औरौ ऐशणै लौगौ कै जू मौंगी चीज़ौ बाणै सौकौ थिऐ ऐक साथै कौठे कौरे औरौ सै तिनुकै अश्शूर देश दै लौए गौवे। इस्राएल दै सिरफ दैणिक गरीब इस्राएली बौच गौवे।

![](https://cdn.door43.org/obs/jpg/360px/obs-en-20-04.jpg)

तोबै अश्शूरी लोगै तैसी देशो दै रौणौ कारिए बिदेशी लौगौ कै लियौऊंऐ। तिनु बिदेशी लौगै तिनु नगरौ कै ओटेयो बाणै। जू इस्राएली तिथै बौचे रौवे थिऐ तिनुवारी तिनुऐ जाजड़ा बाणा। औरौ तिनु लौगौ कै वंशज कै सामरी बौल़ौ।

![](https://cdn.door43.org/obs/jpg/360px/obs-en-20-05.jpg)

यहूदा कै राज्य कै लोगै दैखौ कै कैशैकै पौरमेशवर पांदी बिशवाश ना कौरणौ औरौ तैसकी बातौ ना मानणौ की बौजेह शै पौरमेशवरे इस्राएल कै राज्य कै लौगौ कै सजा दैऐ राए थै। पौरौ तोबै बै तिनुऐ कनानी लौगौ कै देवताओं कै पूजा कौरे। पौरमेशवरै तिनुकै चेतावनी दैणौ कारिए पौरमेशवर की बातौ बौताणौ वाल़ै छाड़ै, पौरौ सै शुणणौ शै बाजै गौवे।

![](https://cdn.door43.org/obs/jpg/360px/obs-en-20-06.jpg)

लमसम 100 सालो कै बाद अश्शूरी लोगै इस्राएल कै राज्य कै नाश कौरे दिया। पौरमेशवरै बेबीलोन कै राजा, नबूकदनेस्सर कै यहूदा कै राज्य पांदी हमला कौरणौ कारिए छाड़ा। बेबीलोन ऐक शोकतीशाली देश थिया। यहूदा का राजा नबूकदनेस्सर का दास बौणणौ औरौ ऐई साल तैसीकै बौरिशै पौएसै दैणौ कारिए माने गौआ।

![](https://cdn.door43.org/obs/jpg/360px/obs-en-20-07.jpg)

पौरौ किछै सालो कै बाद, यहूदा कै राजाए बेबीलोन कै खिलाफ बुरू कौरौ। औरौ बेबीलोन कै लोगै पाछु आऐबा यहूदा कै राज्य पांदी हमला कौरे दिया। तिनुऐ यरूशलेम नगर पांदी कब्जा कौरे दिया, औरौ मंदिर कै खत्म कौरे दिया, औरौ नगर औरौ मंदिर कै खौजाने कै लौटेबा लौए गौवे।

![](https://cdn.door43.org/obs/jpg/360px/obs-en-20-08.jpg)

बुरू कौरणौ की बौजेह शै यहूदा कै राजा कै सौजा दैणौ कारिए, नबूकदनेस्सर कै सैनिकै राजा कै बैटे कै तैसकै सामणै मारे दिया औरौ ओटेयो तैसीकै आंधा कौरे दिया। इथकै बाद, सै राजा कै लौए गौवे ताकि सै बेबीलोन कै कोयदखाने दा मौरे जांव।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर औरौ तैसकै सेना यहूदा कै राज्य कै लमसम सौबी लौगौ कै बेबीलोन लौए गौवे, सिरफ सौबी दै गरीब लौगौ कै पौछौड़ियौ छौड़ेबा ताकि सै खेतौ पुंडै शाक बौवं। ऐसी सोमय कै काल़ो खै गुलामी बौल़े। जेसी बोकतो पौरमेशवर कै लौगौ कै वादे कै देश पौरेशै आगु जाणौ कारिए जबरदस्ते कौरे राए थै।

![](https://cdn.door43.org/obs/jpg/360px/obs-en-20-10.jpg)

भलैई पौरमेशवरै आपणै लौगौ कै तिनकै पापौ कारिए गुलामी दै जाणौ कारिए सौजा दै, तोबै बै सै तिनुकै या आपणै वादे कै ना बिसरे रैई थी। पौरमेशवरै आपणै लौगौ कै निगराने राखणै जारी राखै औरौ आपणै पौरमेशवर की बातौ बौताणौ वाल़ै लैई तिनवारी बातौ कौरदा रौआ। तैणै वादा कौरा कै सतर सालो कै बाद, सै ओटेयो वादे कै देश दै पाछु जांदै।

![](https://cdn.door43.org/obs/jpg/360px/obs-en-20-11.jpg)

लमसम सतर सालो कै बाद, फारस कै राजा कुस्रूए बेबीलोन कै हौराए दियु, इथकारिए बेबीलोन कै साम्राज्य कै बजाए फारस कै साम्राज्यऐ कैई देशो पांदी राज कौरा। इस्राएली लौग ऐबै यहूदी कैहलांव थिऐ। तिनमुंजी दै बौहिते आपणा जीवन बेबीलोन दा बिताए दिया थिया। सिरफ थोड़ेई बूढ़े यहूदी लौगौ कै ही यहूदा का देश याद थिया।

![](https://cdn.door43.org/obs/jpg/360px/obs-en-20-12.jpg)

फारसी लौग बेजाए तागतवर थिऐ, पौरौ तिनुऐ आपणै जीतेयोंदै लौगौ पांदी दया कौरे राए थै। फारसी लोगौ का राजा बौणणौ कै थौड़े दुसौ कै बाद, कुस्रूए ऐक आदेश दिया कै कुणजाई बै यहूदी जू यहूदा देश कै पाछु जाणौ चांव थिया, सै फारस शै निकल़ेबा पाछु यहूदा कै जाए सौकौ। इथै तौड़ी कै तैणै तिनुकै मंदिर कै ओटेयो बाणणौ कारिए पोयसे बै दिये। औरौ गुलामी कै सतर सालो कै बाद, यहूदी लोगौ का ऐक नानड़ा गुट यहूदा दा यरूशलेम नगर कै पाछु आए गौआ।

![](https://cdn.door43.org/obs/jpg/360px/obs-en-20-13.jpg)

जोबै सैजै लौग यरूशलेम पौंईचे तौ तिनुऐ मंदिर कै औरौ नगर कै चौऊ ढौबौ कै दीवार ओटेयो बाणै। फारसी लौग ऐबै बै तिनु पांदी राज कौरौ थिऐ पौरौ ऐक बैई ओटेयो सै वादे कै देश दै रौए रौवे थिऐ औरौ मंदिर दै आराधना कौरे लौए थै।

*2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_20_128kbps.m4a

## 21. पौरमेशवर मसीह कै आणो का वादा कौरौ

https://openbiblestories.org/l/srx/story-21/

![](https://cdn.door43.org/obs/jpg/360px/obs-en-21-01.jpg)

जोबै पौरमेशवरै दुनिया कै सृष्टै कौरे राए थै, सै जाणौ थिया कै तैसी कै बाद मे कौसी मसीहा कै छाड़ना पौड़दा। तैणै आदम औरौ हव्वाआरी वादा कौरे राए थिया कै सै ऐशैकै कौरदा। तैणै बौल़ौ कै हव्वा कै ऐक वंशज पौयदा हौंदा जू शौगौंऊ कै मुँडो कै पिचकला। जिथु शौगौंऊए हव्वा कै धौखा दिया सै पाका शैतान थिया। पौरमेशवर का मतलब थिया कै मसीह पूरी तौरेह शै शैतान कै हौराए दैंदा।

![](https://cdn.door43.org/obs/jpg/360px/obs-en-21-02.jpg)

पौरमेशवरै अब्राहमवारी वादा कौरे राए थिया कै तैसी शै दुनिया की सोबै जाति आशीष पांदी। पौरमेशवर बाद मे कौसी सौमय पांदी मसीह कै छाड़ेबा ऐसी वादे कै पूरा कौरदा। मसीह दुनिया कै सौबी जाति कै लौगौ कै तिनकै पाप शै बौचांदा।

![](https://cdn.door43.org/obs/jpg/360px/obs-en-21-03.jpg)

पौरमेशवरै मूसाआरी वादा कौरे राए थिया कै आणौ वाल़ै सौमय दै सै मूसा कै जैशणा ऐक औका पौरमेशवरौ की बातौ बौताणौ वाल़ा छाड़ादा। ऐजा पौरमेशवर की बातौ बौताणौ वाल़ा मसीह हौंदा। ऐशैकैई, पौरमेशवरै ओटेयो वादा कौरा कै सै मसीह कै छाड़दा।

![](https://cdn.door43.org/obs/jpg/360px/obs-en-21-04.jpg)

पौरमेशवरै राजा दाऊदवारी वादा कौरे राए थिया कै तैसका ऐक वंशज मसीह हौंदा। सै राजा हौंदा औरौ पौरमेशवरौ कै लौगौ पांदी हौमेशा कारिए राज कौरदा।

![](https://cdn.door43.org/obs/jpg/360px/obs-en-21-05.jpg)

पौरमेशवरै यिर्मयाह पौरमेशवर की बातौ बौताणौ वाल़ैयारी बातौ कौरी औरौ बौल़ौ कै ऐक दुस सै ऐक नौवाँ कौरार कौरदा। सैजा नौवाँ कौरार इस्राएली लौगवारी सीनै धारौ पांदी कौरेयोंदै पुराणै कौरारौ कै जैशणा ना आथी। जोबै लौगवारी सै आपणा नौवाँ कौरार कौरला, तौ सै तिनपांदी आपी कै जोई-जोई तरीके शै प्रकट कौरदा। सोब जौणै तैसयारी प्यार राखदै औरौ तैसकै कानून का पालन कौरणौ कै इछा राखदै। पौरमेशवरै बौल़ौ कै ऐजौ तैसकै कानून कै तिनकै दिल पांदी लिख दैणौ कै जैशणौ हौंदौ। सैजै तैसकै लौग हौंदै, औरौ पौरमेशवर तिनकै पापौ कै माफ कौरदा। सै मसीह हौंदा जू तिनुवारी तैसी नौवे कौरार कै कौरदा।

![](https://cdn.door43.org/obs/jpg/360px/obs-en-21-06.jpg)

पौरमेशवर की बातौ बौताणौ वाल़ै ऐजौ बै बौल़ौ कै मसीह ऐक पौरमेशवर की बातौ बौताणौ वाल़ा हौंदा। ऐक पौरमेशवर की बातौ बौताणौ वाल़ा सैजा आदमै औसौ जू पौरमेशवर कै बचनो कै शुणांव औरौ तोबै लौगौ पांदी पौरमेशवरौ कै सौंदेशौ कै साबित कौरौ। जैसी छाड़नौ का पौरमेशवरै वादा कौरे राए थिया सैजा मसीह ऐक सिध्द पौरमेशवर की बातौ बौताणौ वाल़ा हौंदा। औरौ सै मसीह पौरमेशवर कै सौंदेशौ कै ठीक-ढंग शै शुणदा, औरौ सै लोगौ कै तिनु सौंदेशौ कै ठीक-ढंग शै शिखांदा।

![](https://cdn.door43.org/obs/jpg/360px/obs-en-21-07.jpg)

इस्राएली पुरोहितै लौगौ कारिए पौरमेशवरौ कै औगौड़ियौ बौल़िदान चौढ़ाणा जारी राखा। ऐजै बौल़िदान लोगौ कै पापौ कारिए तिनुकै पौरमेशवर कै द्वारा सौजा दैणौ कै ठाँव पांदी चौढ़ाए जांव थिऐ। पुरोहितै लौगौ कारिए प्रार्थना बै कौरे। पौरौ, सैजा मसीह सिध्द महा यहूदी पुरोहित हौंदा जू पौरमेशवरौ कै दैणौ कारिए ऐक सिध्द बौल़ि कै रूपौ दा आपी कै चौढ़ाए दैंदा। यानि, सै कौलौंई पाप ना कौरदा, औरौ जोबै सै आपी कै बौल़ि हौणौ कारिए दैला, तौ दुनिया का कुणजाई बै औका बौल़िदान जौरूरी ना आथी।

![](https://cdn.door43.org/obs/jpg/360px/obs-en-21-08.jpg)

लौगौ कै गुट पांदी राजा औरौ प्रधान राज कौरौ, औरौ कौलौंई-कौलौंई सै गलती कौरौ। राजा दाऊदै सिरफ इस्राएली लौगौ पांदी राज कौरा, पौरौ राजा दाऊद का वंशज मसीह पूरे दुनिया पांदी राज कौरदा, औरौ सै हौमेशा कारिए राज कौरदा। इथकै अलावा, सै हौमैशा न्याय कै साथै राज कौरदा, औरौ सौही फौएसला लौंदा।

![](https://cdn.door43.org/obs/jpg/360px/obs-en-21-09.jpg)

पौरमेशवर की बातौ बौताणौ वाल़ै मसीह कै बारै मुंजी बौरिशी बातौ बुली। उदारण कारिए, मलाकीए बौल़ौ कै मसीह कै आणौ दा औगौड़ियौ ऐक औका पौरमेशवर की बातौ बौताणौ वाल़ा आंदा। सैजा पौरमेशवर की बातौ बौताणौ वाल़ा बैजाए खास हौंदा। इथकै अलावा, यशायाह पौरमेशवर की बातौ बौताणौ वाल़ै लिख राए कै मसीह ऐक कुंवारी पौरेशा पौयदा हौंदा। औरौ मीका पौरमेशवर की बातौ बौताणौ वाल़ै बौल़ौ कै मसीह बैतलहम नगर दा पौयदा हौंदा।

![](https://cdn.door43.org/obs/jpg/360px/obs-en-21-10.jpg)

यशायाह पौरमेशवर की बातौ बौताणौ वाल़ै बौल़ौ कै मसीह गलील कै इलाके दा रौंदा। जू लौग बैजाए दुखी औसौ मसीह तिनुकै शान्तै दैंदा। सै कोयदी कै बै आज़ाद कौरदा। मसीह बीमारो कै औरौ जू शौण ना सौकौ, दैख ना सौकौ, बौल़ाए ना सौकौ, या हांडे ना सौकौ तिनुकै बै ठीक कौरदा।

![](https://cdn.door43.org/obs/jpg/360px/obs-en-21-11.jpg)

यशायाह पौरमेशवर की बातौ बौताणौ वाल़ै ऐजौ बै बौल़ौ कै लौग मसीह यारी नफरत कौरदै औरौ तैसी कै औपनाणौ शै मना कौरे दैंदे। औकी पौरमेशवर की बातौ बौताणौ वाल़ै बौल़ौ कै मसीह का ऐक साथै तैसकै खिलाफ हौंदा। जकर्याह पौरमेशवर की बातौ बौताणौ वाल़ै बौल़ौ कै तैसका ऐजा साथै ऐशैकै कौरणौ कारिए औकी लौगवादै चाँदी कै तीस सिके मांगदा। इथकै अलावा, किछै पौरमेशवर की बातौ बौताणौ वाल़ै बौल़ौ कै लौग मसीह कै मारे दैंदे, औरौ ऐजौ कै सै तैसकै खौटणौ कारिए जुआ खैलदै।

![](https://cdn.door43.org/obs/jpg/360px/obs-en-21-12.jpg)

पौरमेशवर की बातौ बौताणौ वाल़ै ऐजौ बै बौल़ौ कै मसीह कैशैकै मौरदा। यशायाहै भविष्यवाणी कौरे कै लौग मसीह पांदी थुकदैए, तैसका मजाक उड़ांदै, औरौ तैसी कै पीटदैए। सै तैसीकै बिन दैंदे औरौ सै बैजाए पीड़ौ औरौ तड़प दा मौरे जांदा, जोबै कै तैणै किछै बै गौल़त ना कौरे रैई।

![](https://cdn.door43.org/obs/jpg/360px/obs-en-21-13.jpg)

पौरमेशवर की बातौ बौताणौ वाल़ै ऐजौ बै बौतौऊं कै मसीह पाप ना कौरदा। सै सिध्द हौंदा। पौरौ सै इथकारिए मौरदा ताकि पौरमेशवर तैसी कै औकी लौगौ कै पापौ की बौजेह शै सौजा दैंव। तैसकै मौरणौ शै लौग पौरमेशवर कै साथै मेल कौरणौ दै कामयाब हौंदे। इथकारिए पौरमेशवर चांव कै मसीह मौरौ।

![](https://cdn.door43.org/obs/jpg/360px/obs-en-21-14.jpg)

पौरमेशवर की बातौ बौताणौ वाल़ै ऐजौ बै बौल़ौ कै पौरमेशवर मसीह कै मौरेयौंदे मुंजीदा जिंयुदी कौरदा। ऐजौ दर्शावं कै ऐजौ सोबै नौवे कौरार कौरणौ कै पौरमेशवर कै योजना थै, ताकि सै तिनु लौगौ कै बौचाए सौकौ जिनुऐ तैसकै खिलाफ पाप कौरे राए।

![](https://cdn.door43.org/obs/jpg/360px/obs-en-21-15.jpg)

पौरमेशवरै आपणै बातौ बौताणौ वाल़ै पांदी मसीह कै बारै मुंजी भोरिशी बातौ प्रकट कौरी, पौरौ मसीह तिनु पौरमेशवर की बातौ बौताणौ वाल़ै मुंजीदा कौसी कै बै सौमय दा ना ऐई। इनु भविष्यवाणी दैणौ कै 400 दै जादा सालो कै बाद, सौही सौमय पांदी, पौरमेशवरे मसीह कै ऐसी दुनिया दा छाड़ा।

*उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_21_128kbps.m4a

## 22. यूहन्ना का जन्म

https://openbiblestories.org/l/srx/story-22/

![](https://cdn.door43.org/obs/jpg/360px/obs-en-22-01.jpg)

पुराणै सौमय दी, पौरमेशवरै आपणै बातौ बौताणौ वाल़ै आरी बातौ कौरे रैई थी इथकारिए सै लौगौआरी बातौ कौरे सौकौ थिऐ। पौरौ तौलौ दौऊंडे औरौ ओटेयो 400 सालो बीतणौ तौड़ी तैणै तिनुवारी बात ना कौरी। तोबै पौरमेशवरै जकर्याह नांव कै पौरमेशवर की बातौ बौताणौ वाल़ै कै धौरे ऐक स्वर्गदूत छाड़ा। जकर्याह औरौ तैसकै घौरवाल़ै एलीशिबा पौरमेशवरौ का आदर कौरौ थिऐ। सै बैजाए बूढ़ै हौए गौवे थिऐ, औरौ तिनकै कुणजै औलाद पौयदा ना हौए रैई थी।

![](https://cdn.door43.org/obs/jpg/360px/obs-en-22-02.jpg)

तैसी स्वर्गदूतै जकर्याह कै बौल़ौ, “तैरे घौरवाल़ी कै ऐक बैटा पौयदा हौंदा। तू तैसकौ नांव यूहन्ना राखेया। पौरमेशवर तैसी कै पवित्र आत्मा शै भौरे दैंदा, औरौ यूहन्ना लौगौ कै मसीह कै औपनाणौ कारिए तैयार कौरदा।” जकर्याहै जबाब दिया, “हांव औरौ मैरे घौरवाल़ी ओलाद पौयदा कौरणौ कारिए बैजाए बूढ़ै औसौ! हांव कैशैकै जाणु कै तौंऐ मौंवागै साचौ बौल़े लौ?”

![](https://cdn.door43.org/obs/jpg/360px/obs-en-22-03.jpg)

तैसी स्वर्गदूतै जकर्याह कै जबाब दिया, “तैरे धौरे ऐसी आछै सौंदेश कै लाणौ कारिए मौखै पौरमेशवरै छाड़ै राए। जिथुकै तौऐं मौं पांदी बिशवाश ना कौरे रैई, इथकारिए नानड़िया कै पौयदा हौणौ तौड़ी तू बौल़ाए ना पांदा।” तौलौंई, जकर्याह कै बौल़ाणौ बौन्द हौए गौ। तोबै सैजा स्वर्गदूत जकर्याह कै धौरौ दा आगु हौटा। इथकै बाद, जकर्याह घौरौ कै आए गौआ औरौ तैसकी घौरवाल़ी कै हौल़किणु हौं।

![](https://cdn.door43.org/obs/jpg/360px/obs-en-22-04.jpg)

जोबै एलीशिबा कै छटा मीहना थिया, तौ सैजाई स्वर्गदूत ऐकदम एलीशिबा कै रिशतेदारौ पांदी प्रकट हौआ, जियौंकौ नांव मरियम थियु। मरियम कौंवारे थै औरौ जाजड़ा बाणणौ कारिए यूसुफ नांव कै मौरदौ कै साथै तियौंकै सौगाए हौए रौऐ थै। स्वर्गदूतै बौल़ौ, “तैरै हौल़किणौ हौल़ौ औरौ तू ऐकी बैटे कै जन्म दैले। तू तेसकौ नांव यीशु राखेया। सै पौरमेशवर का जू सौबीदा बौड़ा पौरमेशवर औसौ तैसका बैटा हौंदा औरौ हौमेशा कारिए राज कौरदा।”

![](https://cdn.door43.org/obs/jpg/360px/obs-en-22-05.jpg)

मरियमै जबाब दिया, “ऐजौ कैशैकै हौंदौ, जिथुकै हांव तौ कौंवारे औसौ?” तैसी स्वर्गदूतै सौमझौऊं, “पवित्र आत्मा तांव पांदी आंदा, औरौ पौरमेशवरौ कै शोकते तांव पांदी आंदै। इथकारिए सैजा भैईया पवित्र हौंदा, औरौ सै पौरमेशवरौ का बैटा हौंदा।” जू तैणै स्वर्गदूतै बौल़ौ तिथपांदी मरियमै बिशवाश कौरा।

![](https://cdn.door43.org/obs/jpg/360px/obs-en-22-06.jpg)

ऐजौ हौणौ कै बाद तावल़े, मरियम जाऐबा एलीशिबा आरी भैटे। जैशैकैई मरियमै तियौंकै नमशकार कौरा, एलीशिबा कौ नानड़िया तियौंकै पेटौ दौ छाटियु। तिनु कारिए जू पौरमेशवरै कौरे राए थियु तिथकै बारै मुंजी सैजी बैटमाणिशौ ऐक साथै खुशी हौई। एलीशिबा कै साथै तीन मीने रौणौ कै बाद, मरियम आपणै घौरौ कै पाछु हौटे गौऐ।

![](https://cdn.door43.org/obs/jpg/360px/obs-en-22-07.jpg)

इथकै बाद, एलीशिबाए आपणै भेईया कै जन्म दिया। जकर्याह औरौ एलीशिबाए तैसी भेईया कौ नांव यूहन्ना राखौ, जैशैकै तैणै स्वर्गदूतै आदेश दैऐ राए थिया। तोबै पौरमेशवरै जकर्याह कै बौल़ाणौ कारिए काबिल बाणा। जकर्याहै बौल़ौ, “पौरमेशवर कै बौड़ाए हौंव, जिथुकै तैणै आपणै लौगौ कै मदद कौरणौ कै याद राख राए! ओए रै मैरा बैटा, तू पौरमेशवर का जू सौबीदा बौड़ा पौरमेशवर औसौ तैसका बातौ बौताणौ वाल़ा हौंदा। तू लौगौ कै बौतांदा कै सै कैशैकै आपणै पापौ कारिए माफी पाए सौकौ!”

*लूका अध्याय 1 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_22_128kbps.m4a

## 23. यीशु का जन्म

https://openbiblestories.org/l/srx/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नांव कै ऐकी धरमी आदमीयारी मरियम कै सौगाए हौए रौए थै। जोबै तैणै शुणु कै मरियमौ कै होल़किणु औसौ तौ सै जाणौ थिया कै सैजौ नानड़िया तैसकौ ना आथी। पौरौ, सै मरियम कै बदनाम नै कौरणै चांव थिया, इथकारिए तैणै तियौं पांदी दया कौरे औरौ तियौंकै चुपी तलाक दैणौ कौ सुंचु। पौरौ इंदु औगौड़ियौ कै सै ऐशैकै कौरदा, ऐकी स्वर्गदूतै तैसकै सुईणै मुंजी आऐबा तैसयारी बात कौरे।

![](https://cdn.door43.org/obs/jpg/360px/obs-en-23-02.jpg)

तैसी स्वर्गदूतै बौल़ौ, “औए रै यूसुफ, मरियम कै आपणै घौरवाल़ी बाणैबा उंडे लाणौ कै डौरेया नै। तिंयारै पेटौ दौ जू नानड़िया औसौ सै पवित्र आत्मा कै ढौबौशा औसौ। सै ऐकी बैटे कै जन्म दैंदे। तैसकौ नांव यीशु राखैया (जिथका मतलब औसौ, ‘यहोवा बौचांणौ वाल़ा’), जिथुकै सै लौगौ कै तिनकै पापौ शै बौचांदाए।”

![](https://cdn.door43.org/obs/jpg/360px/obs-en-23-03.jpg)

औरौ यूसुफे मरियमवारी जाजड़ा बाणा औरौ तिंयौकै आपणै घौरवाल़ी बाणैबा घौरौ कै लाए, पौरौ तिंयारै नानड़िया कै जन्म दैणौ तौड़ी सै तिंयारै साथी ना सुती।

![](https://cdn.door43.org/obs/jpg/360px/obs-en-23-04.jpg)

जोबै मरियमौ कै सुजणौ का सौमय नैड़िक थिया, तौ तियैं औरौ यूसुफे बैतलहम जाणौ कै ऐक लांबै यात्रा कौरे। तिनुकै तिथै जाणौई पोड़ो थियु जिथुकै रोमी अधिकारी इस्राएल दै रौणौ वाल़ै सौबी लौगौ कै गिनते कौरणै चांव थिऐ। सै चांव थिऐ कै सोबै लौग तिथै जांव जिथै तिनकै पुराणिया रौंव थिऐ। राजा दाऊद का जन्म बैतलहम दा हौए रौआ थिया, औरौ सै मरियम औरौ यूसुफ दु का पुराणिया थिया।

![](https://cdn.door43.org/obs/jpg/360px/obs-en-23-05.jpg)

मरियम औरौ यूसुफ बैतलहम नगर कै हौटे, पौरौ तिथै गौरू कै शाल़ छौड़ेबा तिनुकै रौणौ कारिए औका कुणजाई बै ठाँव ना भैटी। सैजाई ठाँव थिया जिथै मरियमै आपणै बैईया कै जोनम दिया। तिंयै तैसीकै खुरल़ी दा राखा जिथुकै तिथै तियौं कारिए कुणजाई बिछाणा नै थी। तिनुऐ तैसकौ नांव यीशु राखौ।

![](https://cdn.door43.org/obs/jpg/360px/obs-en-23-06.jpg)

तियौंई राते, तिथै नैड़िक ही खेतौ दै किछै चोराईयाँ आपणी भेड़ौ कै झुंडौ कै रौखवाल़ै कौरे लौए थै। ऐकदम शै, ऐक झमाकेदार स्वर्गदूत तिनपांदी प्रकट हौआ, औरौ सै डौर गौवे। औरौ तैसी स्वर्गदूतै बौल़ौ, “डौरेया नै, जिथुकै मौंवागै तुऔं कारिए खुशी का सुसमाचार औसौ। बैतलहम नगर दा मसीह, जू सोबिका मालिक औसौ तैसका जोनम हौए रौआ!”

![](https://cdn.door43.org/obs/jpg/360px/obs-en-23-07.jpg)

जाऐबा तैसी बैईया कै जौंऔ, “औरौ तुऐं तैसी खौटणौ दा लोपेटेयौंदा औरौ खुरल़ी दा लेटेयौंदा दैखदै।” ऐकदम शै, गौयण स्वर्गदूतौ लैई भौरे गौऐ। तिनुऐ पौरमेशवर कै बौड़ाए कौरे लौए थै। तिनुऐ बौल़ौ, “सोबै महिमा स्वर्ग दै रौंणौवाल़ै पौरमेशवरौ कै भैटौ। धौरती पांदी तिनु लौगौ मुंजी शान्ते हौंव जिनकै सै फिकर कौरौ!”

![](https://cdn.door43.org/obs/jpg/360px/obs-en-23-08.jpg)

तोबै स्वर्गदूत हौटे गौवे। सै चोराईयाँ बै आपणी भेड़ौ कै छौड़ेबा भेईया कै दैखदै हौटे। तावल़ेई सै तैसी ठाँव दै पौंईचे जिथै यीशु थिया औरौ तिनुऐ तैसीकै खुरल़ी दा लेटेयौंदा दैखा, जैशैकै तैसी स्वर्गदूतै बौल़े राए थियु। सै बैजाए खुशी थिऐ। तोबै सैजै चोराईयाँ पाछु तिथै हौटे जिथै तिनकी भेड़ौ थी। तिनुऐ जु किछै बै शुणौ औरौ दैखौ तिथु सौबी कारिए तिनुऐ पौरमेशवरौ कै बौड़ाए कौरे लौए थै।

![](https://cdn.door43.org/obs/jpg/360px/obs-en-23-09.jpg)

पूर्व दै दूर ऐकी देशौ दै किछै मौरद थिऐ। तिनुऐ सितारो कै बारै मुंजी पौढ़े राए थियु औरौ सै बैजाए बुध्दिमान थिऐ। तिनुऐ ऐक औकबांता तारा गौयणै दा दैखा। तिनुऐ बौल़ौ कै इथका मतलब औसौ कै यहूदियो दा ऐक नौवाँ राजा का जोनम हौआ। इथकारिए तिनुऐ तैसी बैईया कै दैखणौ कारिए आपणै देश पौरेशै यात्रा कौरणौ का फोयसला कौरा। ऐक लांबै यात्रा कै बाद, सै बैतलहम दै औवे औरौ तैसी घौरे हौटे जिथै यीशु औरौ तैसकै माँ-बापू रौंदै लाग रौवे थिऐ।

![](https://cdn.door43.org/obs/jpg/360px/obs-en-23-10.jpg)

जोबै इनु मौरदै यीशु कै आपणै माँआरी दैखा तौ तिनुऐ गुन्डू नियुड़ाऐबा तैसकै आराधना कौरे। तिनुऐ यीशु कै मौंगै तौफे दिऐ। तोबै सै पाछु घौरौ कै हौटे।

*मत्ती अध्याय 1; लूका 2 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_23_128kbps.m4a

## 24. यूहन्ना यीशु कै बपतिस्मा दैंव

https://openbiblestories.org/l/srx/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा औरौ जकर्याह का बैटा यूहन्ना, बौड़ा हौएबा ऐक पौरेमेशवरौ की बातौ बौताणौ वाल़ा बौणै गौआ। सै जौंगलौ पुंडा रौया कौरौ थिया, औरौ जौंगलौ का मौं औरौ चिचले खाया कौरौ थिया, औरौ ऊँटौ कै बाल़ौ कै बुणैयोंदै खौटणौ बाम्बेया कौरौ थिया।

![](https://cdn.door43.org/obs/jpg/360px/obs-en-24-02.jpg)

बौहिते लौग यूहन्ना की बातौ शुणणौ कारिए जौंगलौ कै नैड़िक औऊंवे। तैणै ऐजौ बौल़ेबा तिनुकैंई प्रचार कौरा, “पाप कौरणै छौड़े दैंव, जिथुकै स्वर्ग का राज्य नैड़िक औसौ!”

![](https://cdn.door43.org/obs/jpg/360px/obs-en-24-03.jpg)

जोबै लोगै यूहन्ना कै सौंदेशौ कै शुणा, तौ तिनु मुंजीदै बौहिते आदमिए पाप कौरणै छौड़े दिऐ, औरौ यूहन्नाए तिनुकै बपतिस्मा दिया। यूहन्ना दैखणौ कारिए बौरिशै धरमी अगुवे बै औऊंवे, पौरौ तिनुऐ पाप कौरणै ना छुड़ी औरौ आपणै पाप ना मानी।

![](https://cdn.door43.org/obs/jpg/360px/obs-en-24-04.jpg)

यूहन्नाए धरमी अगुवौ कै बौल़ौ, “औए रै जौईरीले शौंगौऊ कै जैशणै लौगौ! पाप कौरणै छौड़े दैंव औरौ आपणै बरताव कै बौदल़ौ। पौरमेशवर तिनु सौबी डाल़ौ कै काटे दैंदा जू आछा फौल़ ना लांव, औरौ सै तिनुकै आगै मुंजी पाए दैंदा।” जू पौरमेशवर की बातौ बौताणौ वाल़ै बौल़े राए थियु यूहन्नाए तिथु पूरू कौरौ, “दैख, तावल़ाई हांव तैरे औगौड़ियौ आपणा सौंदेश दैणौ वाल़ा छाड़दा जू तांव कारिए बाट तैयार कौरदा।”

![](https://cdn.door43.org/obs/jpg/360px/obs-en-24-05.jpg)

किछै धरमी अगुवे यूहन्ना कैंईदु पूछु कै का तू मसीह औसौ। यूहन्नाए जबाब दिया, “हांव मसीह ना आथी, पौरौ सै मैरे बाद आंदा लाग रौआ। सै इशैक महान औसौ कै हांव तौ तैसकै जूतै कै तशमै खौलणौ कै लायक बै ना आथी।”

![](https://cdn.door43.org/obs/jpg/360px/obs-en-24-06.jpg)

औकी दुसै, यीशु बपतिस्मा लौणौ कारिए यूहन्ना कै धौरे औआ। जोबै यूहन्ना तैसी कै दैखा, तौ तैणै बौल़ौ, “दैखौ! पौरमेशवर का गाबटु जू दुनिया कै पापौ कै सौऐन कौरेबा लौए जांदा।”

![](https://cdn.door43.org/obs/jpg/360px/obs-en-24-07.jpg)

यूहन्नाए यीशु कै बौल़ौ, “हांव ताखै बपतिस्मा दैणौ कै लायक ना आथी। इथकी जौगेह जौरूरी औसौ कै तू मौखै बपतिस्मा दै।” पौरौ यीशुए बौल़ौ, “ताखै मौखै बपतिस्मा दैणा चैंई, जिथुकै कौरणौ कारिए सौही काम ऐजाई औसौ।” औरौ यूहन्नाए तैसीकै बपतिस्मा दिया, जोबै कै यीशुए कौलौंई पाप ना कौरे रैई थी।

![](https://cdn.door43.org/obs/jpg/360px/obs-en-24-08.jpg)

बपतिस्मा दैणौ कै बाद जोबै यीशु पाणी पौरेशा बाएरै औआ, तौ पौरमेशवरौ का आत्मा कबूतर कै रुपौ दा प्रकट हौआ औरौ धैनै आऐबा तैसपांदी बौठ गौआ। तौलौंई, पौरमेशवरै स्वर्ग पौरेशै बात कौरे। तैणै बौल़ौ, “तू मैरा लाड़कु बैटा औसौ। हांव तौंवारी प्यार कौरू, औरौ हांव तांवदा बैजाए खुशी औसौ।

![](https://cdn.door43.org/obs/jpg/360px/obs-en-24-09.jpg)

पौरमेशवरै यूहन्ना कै बौल़े राए थियु, “पवित्र आत्मा धैनै आऐबा जैसी कौसी पांदी बौठ जाला जैसीकै तू बपतिस्मा दैला।” सैजाई पौरमेशवरौ का बैटा औसौ पौरमेशवर ऐकैई औसौ। पौरौ जोबै यूहन्नाए यीशु कै बपतिस्मा दिया, तौ तैणै पौरमेशवर पिता कै बातौ कौरदिए बैई शुणा, बैटा पौरमेशवर कै दैखा, जू कै यीशु औसौ, औरौ तैणै पवित्र आत्मा कै दैखा।

*मत्ती अध्याय 3; मरकुस 1:9-11; लूका 3:1 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_24_128kbps.m4a

## 25. शैतानै यीशु कै पौरखा

https://openbiblestories.org/l/srx/story-25/

![](https://cdn.door43.org/obs/jpg/360px/obs-en-25-01.jpg)

यीशु का बपतिस्मा हौणौ कै बाद तावल़ा, पवित्र आत्माएँ तैसी जौंगलौ पुंडा निया। यीशु तिथै चालीश दुस औरौ चालीश रात रौआ। तौलौ तैणै उपवास कौरा, औरौ शैताने यीशु कै धौरे आऐबा पाप कौरणौ कारिए तैसीकै पौरखा।

![](https://cdn.door43.org/obs/jpg/360px/obs-en-25-02.jpg)

आगै, शैताने यीशु कै बौल़ौ, “जै तू पौरमेशवर का बैटा औसौ तौ इनु पात्थरौ की रोटी बाणै दै ताकि तू खाए सौके!”

![](https://cdn.door43.org/obs/jpg/360px/obs-en-25-03.jpg)

पौरौ यीशुए शैतानौ कै बौल़ौ, “पौरमेशवर कै वचनौ दौ ऐजौ लिख राए, ‘जियुंदी रौणौ कारिए आदमी कै रोटी कै जौरूरत ना आथी, पौरौ तिनुकै तिनु सौबी बातौ कै जौरूरत औसौ जू पौरमेशवर तिनुकैई बौल़ौए।’”

![](https://cdn.door43.org/obs/jpg/360px/obs-en-25-04.jpg)

तोबै शैतान यीशु कै मंदिर कै सौबीदै ऊंचै कुणै पांदी लौए गौआ। तैणै तैसीकै बौल़ौ, “जै तू पौरमेशवर का बैटा औसौ तौ इथै दै ऊदै फाल़ मार, जिथुकै लैख राए, ‘पौरमेशवर ताखै टिपणौ कारिए आपणै स्वर्गदूतौ कै आज्ञा दैंदा कै तैरे लातौ पांदी पात्थरौ लैई ढैस नै लागौ।

![](https://cdn.door43.org/obs/jpg/360px/obs-en-25-05.jpg)

पौरौ यीशुए सैजौ नै कौरी जू शैताने तैसीकै कौरणौ कारिए बौल़े राए थियु। इथकै बौदल़े, तैणै बौल़ौ, “ पौरमेशवर सौबी कै बौल़ौ, ‘तू आपणै प्रभु पौरमेशवर कै पौरखेया नै।”’

![](https://cdn.door43.org/obs/jpg/360px/obs-en-25-06.jpg)

तोबै शैताने यीशु कै दुनिया कै सोबै राज्य दिखौऊंए। तैणै तैसीकै दिखौऊं कै सै किशैक शोकतेशाली औसौ। तैणै यीशु कै बौल़ौ, “हांव ताखै ऐजौ सोबै ठुँ दैन्दा जै तू घुन्टू नियुड़ाऐबा मौखै ढाल़ कौरे।”

![](https://cdn.door43.org/obs/jpg/360px/obs-en-25-07.jpg)

यीशुए जबाब दिया, शैतान, मैरे धौरौ दा आगू जा! पौरमेशवर कै वचन दा सै आपणै लौगौ कै आदेश दैंव, ‘सिरफ आपणै प्रभु पौरमेशवर कै आराधना कौरौ। पौरमेशवर कै रूपौ दा सिरफ तैसकाई आदर कौरौ।”’

![](https://cdn.door43.org/obs/jpg/360px/obs-en-25-08.jpg)

यीशुए शैतानौ कै पौरखौणौ शै हार नै मानी, इथकारिए शैतान तैसकै धौरौ दा आगु हौटे गौआ। तोबै स्वर्गदूत आऐबा यीशु कै सेवा कौरदै लागै।

*मत्ती अध्याय 4:1-11; मरकुस 1:12-13; लूका 4:1-13 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_25_128kbps.m4a

## 26. यीशु आपणै सेवा शुरू कौरौ

https://openbiblestories.org/l/srx/story-26/

![](https://cdn.door43.org/obs/jpg/360px/obs-en-26-01.jpg)

शैतानौ कै पौरखौणौ कै बाद, यीशु पाछु गलील इलाके दा औऊंवा। ऐजाई सैजा ठांव औसौ जिथै सै रौंव थिया। पवित्र आत्मा तैसी कै बैजाए शौकते दैए लौए थै, औरौ यीशु ऐकी ठाँव पौरेशा औकी ठाँव दा हौटा औरौ लौगौ कै शिक्षा दै। औरौ सौबीए तैसकै बारै मुंजी आछी बातौ बुली।

![](https://cdn.door43.org/obs/jpg/360px/obs-en-26-02.jpg)

यीशु नासरत गांव दा हौटा। ऐजा सैजा गांव औसौ जिथै सै नानड़ै दा रौंव थिया। बिशांव कै दुसै, सै आराधना कौरणौ कै ठाँव दा हौटा। अगुवे तैसीकै यशायाह पौरमेशवर की बातौ बौताणौ वाल़ै कै सौंदेशौ कै ऐक किताब दै। सै चांव थिऐ कै सै तिथ पौरेशौ पौढ़ौ। औरौ यीशुए तिंयौ किताबौ कै खौलेबा तिथका ऐक भाग लौगौ कारिए पौढ़ा।

![](https://cdn.door43.org/obs/jpg/360px/obs-en-26-03.jpg)

यीशुए पौढ़ौ, “पौरमेशवरै मौखै आपणा आत्मा दिया ताकि हांव कंगालौ कै सुसमाचार प्रचार कौरे सौकुं। तैणै मौखै इथकारिए छाड़ा कै कौयदी कै आज़ाद कौरू, शैड़े कै ओटेयो दैखियो, औरौ तिनुकै छुटकारा दिंयु जिनुकै औकी लोगै जैन्गै लौवे। ऐजा सैजा सौमय औसौ जोबै पौरमेशवर आमु पांदी दया कौरदा औरौ अमारै मौदद कौरदा।”

![](https://cdn.door43.org/obs/jpg/360px/obs-en-26-04.jpg)

तोबै यीशु बौठ गौआ। सौबी लोगै तैसी कै ध्यान शै दैखै लौआ थिया। लोग जाणौ थिऐ कै पवित्रशास्त्र का जू भाग तैणै इबी पौढ़े राए थिया सै मसीह कै बारै मुंजी थिया। यीशुए बौल़ौ, “जू बातौ मौंऐ इबी तुऔं कारिए पौढ़े रैई, सैजी इबी हौंदी लाग रौई।” सोबै लौग हैरान थिऐ। तिनुऐ बौल़ौ, “का ऐ यूसुफ का बैटा ना आथी?”

![](https://cdn.door43.org/obs/jpg/360px/obs-en-26-05.jpg)

तोबै यीशुए बौल़ौ, “ऐजौ साचौ औसौ कै लौग कौसी ऐशणै पौरमेशवर की बातौ बौताणौ वाल़ै कै कौलौंई ना औपनांव जू तिनकै नगरौ दा बौड़ा हौए रौला। एलिय्याह पौरमेशवर कै बातौ बौताणौ वाल़ै कै सौमय दी, इस्राएल दी बौरिशी बिधवा थी। पौरौ जोबै साढ़े तीन शौ सालो तौड़ी बारिश ना हौई तौ पौरमेशवरै एलिय्याह कै इस्राएल दा कौसी औकी बिधवा कै मौदद कौरणौ कारिए ना छाड़ी। इथकै जौगेह, तैणै एलिय्याह कै कौसी औकी देशो कै बिधवा कै धौरे छाड़ा।”

![](https://cdn.door43.org/obs/jpg/360px/obs-en-26-06.jpg)

यीशुए हौजौ बौल़ौ, “औरौ एलीशा पौरमेशवर की बातौ बौताणौ वाल़ै कै सौमय दै, इस्राएल दै बौरिशै लौग चमड़ी कै रोगी थिए। पौरौ एलीशाए तिनमुंजी दै कौसी कै बै ठीक ना कौरी। तैणै सिरफ इस्राएल कै दुशमन सेनापति नामान कै ठीक कौरा।” पौरौ जिनु लोगै यीशु कै शौणै लौआ थिया सै यहूदी थिऐ। इथकारिए जोबै तिनुऐ तैसीकै ऐजौ बौलदिये बैई शुणा तौ सै तैसपांदी गुस्से हौवे।

![](https://cdn.door43.org/obs/jpg/360px/obs-en-26-07.jpg)

नासरत गांव कै लोगै यीशु कै पाकड़ा औरौ तैसीकै आराधना कै ठांव पौरेशा झिड़ेयो बायरै लौए गौवे। तिनिए तैसी मारणौ कारिए धैनै फैरकाणौ कै ऐकी कोफाड़ो कै कुणै पांदी लौए गौवे। पौरौ यीशु भीड़ौ मुंजी दा निकल़े गौआ औरौ नासरत गांव कै छौड़ेबा आगु हौटा।

![](https://cdn.door43.org/obs/jpg/360px/obs-en-26-08.jpg)

तोबै यीशु पूरे गलील जिले दा हौटा, औरौ बौड़े भीड़ तैसकै धौरे आए। तिनुऐ बौरिशै ऐशणै लौग लियौऊंए जू बीमार औरौ अंपग थिऐ। तिनमुंजी दै किछै दैखै, हांडे, शौणै औरौ बौल़ाए नै सौकौ थिऐ, औरौ यीशुए तिनुकै ठीक कौरे।

![](https://cdn.door43.org/obs/jpg/360px/obs-en-26-09.jpg)

इथकै आलावा, बौरिशै ऐशणै लौग यीशु कै धौरे लियौंऊए जिनुदी दुष्टआत्माएं थी। यीशुए दुष्टआत्मांव कै निकौल़णौ का आदेश दिया। तिनु दुष्टआत्माएं जादातर लेरौ मारेयो बौल़ौ, “तू पौरमेशवर का बैटा औसौ!” भीड़ कै लौग हैरान थिऐ, औरौ तिनुऐ पौरमेशवरौ कै बौड़ाए कौरे।

![](https://cdn.door43.org/obs/jpg/360px/obs-en-26-10.jpg)

तोबै यीशुए बारौ मौरदौ कै चुणै जिनुकै तैणै आपणै प्रेरित बौल़े। तिनु प्रेरिते तैसकै साथै यात्रा कौरी औरौ तैसकैंई दी शिक्षा पैई।

*मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_26_128kbps.m4a

## 27. गिणाल़ु सामरी कै काहाणै

https://openbiblestories.org/l/srx/story-27/

![](https://cdn.door43.org/obs/jpg/360px/obs-en-27-01.jpg)

ऐक दुस, यहूदी शास्त्र का ऐक ज्ञानी यीशु कै धौरे औऊंवा। सै सौबी कै ऐजौ दिखाणौ चाँव थिया कै यीशुए गौल़त तरीकै शै शिक्षा दैऐ लौए थै। इथकारिए तैणै बौल़ौ, “औए रै गुरु जी, सदा कै जिन्दगी पाणौ कारिए हांव का कौरु?” यीशुए जबाब दिया, “मूसा कै कानून दौ का लैखै राए?”

![](https://cdn.door43.org/obs/jpg/360px/obs-en-27-02.jpg)

तैसी आदमीए बौल़ौ, “सै बौल़ौ कै आपणै पौरमेशवरआरी आपणै पुरै मन शै, प्राण शै, पुरी शौकती शै औरौ पुरी बुध्दि शै प्यार राख।” यीशुए जबाब दिया, “तू ऐकदम सौही औसौ! जै तू ऐशैकै कौरे, तौ ताखै सदा कै जिन्दगी भैटदै।”

![](https://cdn.door43.org/obs/jpg/360px/obs-en-27-03.jpg)

पौरौ सैजा यहूदी शास्त्र का ज्ञानी लौगौ कै दिखाणौ चांव दिया कै तैसका जीवन जीणौ का तौरीका सौही थिया। इथकारिए तैणै यीशु कै पूछु, “ठीक औसौ, तौ मैरा पौड़ौशै कुण औसौ?”

![](https://cdn.door43.org/obs/jpg/360px/obs-en-27-04.jpg)

यीशुए तैसी यहूदी शास्त्र कै ज्ञानी कै ऐक काहाणै शुणाऐबा जबाब दिया। “ऐक यहूदी आदमै थिया जू ऐकी शौड़कै बाटी यरूशलेम शहर पौरेशा यरीहो नगर कै चाले रौआ थिया।”

![](https://cdn.door43.org/obs/jpg/360px/obs-en-27-05.jpg)

“पौरौ किछै डाकुऐ तैसीकै दैखा औरौ तैसपांदी हमला कौरे दिया। तिनुऐ तैसकौ सोबै ठुँ उंढु कौरौ औरौ तैसीकै मारै पिटेबा अधमौरेयौंदा छौड़ेबा आगु हौटे।”

![](https://cdn.door43.org/obs/jpg/360px/obs-en-27-06.jpg)

“तौलौंई, ऐक यहूदी पुरोहित तियौं शौड़कै बाटी हौटा। तैसी यहूदी पुरोहिते तैसी आदमी कै शौड़कै दा पौड़ेयौंदा दैखा। जोबै तैणै तैसीकै दैखा तौ सै शौड़कै कै औकी बाटो बाटी आगु हौटा। तैणै तैसी आदमी कै जाणबुझियों अणदैखा कौरे दिया।”

![](https://cdn.door43.org/obs/jpg/360px/obs-en-27-07.jpg)

“इथकै बाद किछै सौमय हौणौ पांदी, ऐक लेवी तैसी शौड़कै बाटी औआ। (लेवी यहूदियो का ऐक गोत थिया जिनुऐ मंदिर दै पुरोहितौ कै मौदद कौरे राए थै।) सै बै शौड़कै कै औकी बाटो बाटी आगु हौटा। तैणै बै तैसी आदमी कै अणदैखा कौरे दिया।”

![](https://cdn.door43.org/obs/jpg/360px/obs-en-27-08.jpg)

“औका आदमै जू शौड़कै बाटी औआ सै सामरिया देश का ऐक मौरद थिया। (सामरी औरौ यहूदी लौग ऐकी दुजैयारी नफरत कौरौ थिऐ।) तैसी सामरीए शौड़कै दा तैसी आदमी कै दैखा। तैणै दैखौ कै सै यहूदी औसौ, पौरौ तोबै बै सै तैसी पांदी गिणौऊंवा। औरौ सै तैसकै धौरे हौटा औरौ तैसकै घाव पांदी पाटी बानी।”

![](https://cdn.door43.org/obs/jpg/360px/obs-en-27-09.jpg)

“तोबै तैसी सामरी आदमीए तैसी कै आपणै गधे पांदी राखा औरौ तैसीकै तियौंई शौड़कै बाटी ऐकी संराऐं दा लौए गौआ। जिथै तैणै तैसकै देखभाल कौरे।”

![](https://cdn.door43.org/obs/jpg/360px/obs-en-27-10.jpg)

औकी दुसै, तैसी सामरी कै आपणै यात्रा कौरणै जौरूरी थै। तैणै तैसी संराऐं कै मालिकौ कै किछै रूपीए दिऐ। तैणै तैसीकै बौल़ौ, “ऐसी आदमी कै दैखभाल कौरेया। जै इनु रूपीए कै अलावा तैरै हौजौ किछै रूपीए लागौ तौ पाछु आऐबा हांव तैरे तिनु रूपीए बै दैय दैंदा।”

![](https://cdn.door43.org/obs/jpg/360px/obs-en-27-11.jpg)

तोबै यीशुए तैसी यहूदी शास्त्र कै ज्ञानी कैईदु पूछु, “तुऐं का सुंचौ? इनु ती लोगौ मुंजी दा कूण तैसी आदमी का पौड़ोशै औसौ जैसीकै लौटे औरौ पिटे राए थिया?” तैणै जबाब दिया, “सैजा जू तैसपांदी गिणौऊंवा थिया।” यीशुए तैसीकै बौल़ौ, “तू बै जा औरौ ऐशैकैई कौर।”

*लूका अध्याय 10:25-37 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_27_128kbps.m4a

## 28. सैठ नोजवान सैनिक

https://openbiblestories.org/l/srx/story-28/

![](https://cdn.door43.org/obs/jpg/360px/obs-en-28-01.jpg)

ऐक दुस, ऐक सैठ नोजवान सैनिकै यीशु कै धौरे आऐबा तैसकैंईदु पूछु, “औए रै सौबिदा बौड़ा गुरु, सदा कै जिन्दगी पाणौ कारिए मौखै का कौरणौ चैंई?” यीशुए तैसीकै बौल़ौ, “तू मौखै ‘सौबिदा बौड़ा’ किथुकै बौल़ै? सिरफ ऐकैई सौबिदा बौड़ा औसौ औरौ सै पौरमेशवर औसौ। पौरौ जै तू सदा कै जिन्दगै पाणै चांए तौ पौरमेशवरौ कै कानूनौ का पालन कौर।”

![](https://cdn.door43.org/obs/jpg/360px/obs-en-28-02.jpg)

तैणै पूछु, “मौखै कुणजी-कुणजी आज्ञाओ का पालन कौरणौ कै जौरूरत औसौ?” यीशुए जबाब दिया, “खून नी कौरेया। गौलत सौमबंध नी बाणैया। चौरे नी कोरेया। झूठ नी बौल़ेया। औरौ आपणै माँ-बापू का आदर कौरेया, औरौ आपणै पौड़ोशीयारी आपणै जैशणा प्यार कौरेया।”

![](https://cdn.door43.org/obs/jpg/360px/obs-en-28-03.jpg)

पौरौ तैसी नोजवान मौरदै बौल़ौ, “हांव आपणै बचपन शै इनु सौबी आज्ञाओं का पालन कौरदा आए रौआ। मौखै सदा जियुंदी रौणौ कारिए ऐबै बै का कौरणौ कै जौरूरत औसौ?” यीशुए तैसी दै नौजर पाए औरौ तैसयारी प्यार कौरा।

![](https://cdn.door43.org/obs/jpg/360px/obs-en-28-04.jpg)

यीशुऐ जबाब दिया, “जै तू सिध्द बौणणौ चांए तौ जाऐबा आपणौ सोबै ठुँ बिकै दै औरौ सैजै पोएसै गरीबौ मुंजी बांटै दै, औरौ ताखै स्वर्ग दा धन भैटला। तोबै आऐबा मैरे पौछौड़ियौ हौए जा।”

![](https://cdn.door43.org/obs/jpg/360px/obs-en-28-05.jpg)

जू यीशुए बौल़ौ सेजो तैसी नोजवान मौरदै शुणु तौ सै बैजाए उदास हौए गौआ, जिथुकै सै बैजाए सैठ थिया औरौ तैणै आपणै सोबै जायदात दैणै ना चैंई। सै पाछु फेरेबा यीशु कै धौरै दा आगु हौटा।

![](https://cdn.door43.org/obs/jpg/360px/obs-en-28-06.jpg)

तोबै यीशुए आपणै चैलै कै बौल़ौ, “पौरमेशवर कै राज्य दा सैठ लौगौ का जाणा बैजाए चैईंथा औसौ! जोरुर, ऐक सैठ आदमी कौ पौरमेशवरौ कै राज्य दौ जाणौ कै तुलना दौ कौसी ऊँटौ कै सिओणी कै पाशी पौरेशौ होयो जाणौ आसान औसौ।”

![](https://cdn.door43.org/obs/jpg/360px/obs-en-28-07.jpg)

जू यीशुऐ बौल़ौ जौबै चैलै ऐजौ शुणु तौ सै बैजाए हैरान हौवे। तिनुऐ बौल़ौ, “जै ऐजौ ऐशैकै औसौ तौ पौरमेशवर कौसी कै बौचांदा?”

![](https://cdn.door43.org/obs/jpg/360px/obs-en-28-08.jpg)

यीशुऐ चैलै पांदी नौजर लाए औरौ बौल़ौ, “लोगौ का आपणा उध्दार कौरणा चैईंथा औसौ। पौरौ पौरमेशवरौ कारिए किछै बै कौरणौ चैईंथु ना आथी।”

![](https://cdn.door43.org/obs/jpg/360px/obs-en-28-09.jpg)

पतरसै यीशु कै बौल़ौ, “आमै सोबै चैलै आपणौ सोबै ठुँ छौड़ेबा तैरे पौछौड़ियौ हौए गौवे। तौ अमारा इनाम का हौंदा?”

![](https://cdn.door43.org/obs/jpg/360px/obs-en-28-10.jpg)

यीशुऐ जबाब दिया, “हरेक आदमै जैणै मौ कारिए घौर, भाए, बौईण, माँ, बापू, नानड़िया, औरौ जायदात बै छौड़े दै, सै तिंददा बै जादा 100 गुणा फोल़ पांदा औरौ सदा कै जिन्दगै बै पांदाए। पौरौ बौरिशै जू आगल़ै औसौ सै पौछौड़ियौ हौंदै, औरौ बौरिशै जू पाछल़े औसौ सै औगौड़ियौ हौंदै।”

*मत्ती अध्याय 19:16-30; मरकुस 10:17-31; लूका 18:18-30 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_28_128kbps.m4a

## 29. बिना दया कौरणौ वाल़ै ऐकी दासौ कै काहाणै

https://openbiblestories.org/l/srx/story-29/

![](https://cdn.door43.org/obs/jpg/360px/obs-en-29-01.jpg)

ऐक दुस, पतरसै यीशु कैंईदु पूछु, “ओए रे प्रभु, मौखै आपणै भाई कै किशैक बैई माफ कौरणा चैंई जोबै सै मैरे खिलाफ पाप कौरौ? का सात बैई?” यीशुऐ बौल़ौ, “ सात बैई नी, पौरौ सात कै सतर बैई! इथका मतलब औसौ कै आमु कै हौमेशा माफ कौरणा चैंई। तोबै यीशुऐ ऐजै काहाणै बौताए।

![](https://cdn.door43.org/obs/jpg/360px/obs-en-29-02.jpg)

यीशुऐ बौल़ौ, “पौरमेशवर का राज्य ऐकी राजा कै जैशणा औसौ जू आपणै दास कैंईदा लैखा लौणा चांव थिया। तैसका ऐक दास 2,00,000 मजदूरी कै ऐकी बौड़े कोरजे का कोरजदार थिया।”

![](https://cdn.door43.org/obs/jpg/360px/obs-en-29-03.jpg)

पौरौ तैसी दासौ कै आपणा कोरजा चुकैईना, इथकारिए राजाए बौल़ौ, “ऐसका कोरजा चुकाणौ कारिए ऐसी मौरदौ कै औरौ ऐसकै कुड़बै कै दास बाणणौ कारिए बिकै दैंव।”

![](https://cdn.door43.org/obs/jpg/360px/obs-en-29-04.jpg)

“तैसी दासै राजा कै सामणै आपणै घुन्डु नियुड़ाऐबा बौल़ौ, ‘ताखै ढाल ऐ मौ पांदी दया कौर, औरौ हांव आपणा सोबै कोरजा दैय दैंदा।’ राजाऐ दासौ पांदी दया कौरे, इथकारिए तैणै तैसका सोबै कोरजा माफ कौरे दिया औरौ तैसी कै जाणौ दिया।”

![](https://cdn.door43.org/obs/jpg/360px/obs-en-29-05.jpg)

“पौरौ जोबै सैजा दास राजा कै धौरौ दा बायरै हौटा, तौ तैसीकै तैसकै साथौ का ऐक दास भैटा जू तैसकै चौऊ मीनै कै मजदूरी का कोरजवाऐ थिया। तैसी दासै आपणै साथी दासौ कै पाकड़ै दिया और बौल़ौ, ‘जू मैरा कौरजा तांव पांडा औसौ सैजा ऊँडा दैय दैया!”

![](https://cdn.door43.org/obs/jpg/360px/obs-en-29-06.jpg)

“तैसी साथी दासै घुन्डु नियुड़ाऐबा बौल़ौ, ‘ढाल ऐ मौ पांदी दया कौर, औरौ हांव आपणा सोबै कोरजा दैय दैंदा।’ पौरौ इथकै बजाए, तैणै दासै आपणै साथौ कै दासौ कै कोयदैखाने दा पाए दिया जांव तौड़ी कै सै आपणौ सोबै कोरजा नै दैय दैंव।”

![](https://cdn.door43.org/obs/jpg/360px/obs-en-29-07.jpg)

“जू किछै हौए रौ थियु, तिथु कुणिए औकी दासै दैखौ औरौ सै बैजाए पौरेशान हौवे। औरौ सै राजा कै धौरे हौटे औरौ तैसकैई सोबै ठुँ बौताए दियु।”

![](https://cdn.door43.org/obs/jpg/360px/obs-en-29-08.jpg)

“राजाऐ तैसी दासौ कै बौएदैबा बौल़ौ, ‘ओए रै दुष्ट दास! मौऐं तैरौ कोरजा इथकारिए माफ कौरे राए थियु जिथुकै तौऐं मौ कैंईदै बेनते कौरे राए थै। ताखै बै तैशैकैई कौरणौ चैंई थियु।’ राजा इशैक गुस्सा थिया कै तैणै तैसी दुष्ट दास कै कोयदखाने दा पाए दिया जांव तौड़ी कै सै आपणा सोबै कोरजा ना दैय दैंव।”

![](https://cdn.door43.org/obs/jpg/360px/obs-en-29-09.jpg)

तोबै यीशुऐ बौल़ौ, “मैरा स्वर्ग दा रौणौवाल़ा पिता तुऔं मुंजीदै सौबी कै साथै ऐशैकैई कौरदा जै तुऐं आपणै भाई कै आपणै दिल शै माफ नै कौरदै।”

*मत्ती अध्याय 18:21-35 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_29_128kbps.m4a

## 30. यीशु पांची हौजारोई लौगौ कै खाणौ खियांव

https://openbiblestories.org/l/srx/story-30/

![](https://cdn.door43.org/obs/jpg/360px/obs-en-30-01.jpg)

यीशुऐ आपणै चौणैयोंदै चैलै कै प्रचार कौरणौ औरौ लोगौ कै शिक्षा दैणौ कारिए जौई-जौई कैई गांव दै छाड़ै। जोबै सै तिथै पाछु औऊंवे जिथै यीशु थिया तौ तिनुऐ तैसीकै बौतौऊं कै तिनुऐ का कौरे राए थियु। तोबै यीशुऐ तिनुकै झीलौ कै औकी ढौबौ कै तैसकै साथै ऐकी शुनशान जौगेह पांदी जाऐबा ऐघौड़ै बिशांव कौरणौ कारिए बौल़ौ। औरौ सै ऐकी किश्ती पांदी बौठै गौवे औरौ झीलौ कै औकी ढौबौ हौटे।

![](https://cdn.door43.org/obs/jpg/360px/obs-en-30-02.jpg)

पौरौ तिथै बौरिशै ऐशणै लौग थिऐ जिनुऐ यीशु कै औरौ तैसकै चैलै कै किश्ती पांदी जांदिऐ बैई दैखै राए थिऐ। ऐजै लौग तिनुदै आगै झीलौ कै औकी ढौबौ जाणौ कारिए झीलौ कै किनारे-किनारे पांदी दौऊंड़ै। औरौ जोबै यीशु औरौ तैसकै चैलै पौंईचै तौ लोगौ कै ऐक बौड़े भीड़ तिनकै ठौल़नाऐ कौरणौ कारिए तिथै आगैई बौठै रौए थै।

![](https://cdn.door43.org/obs/jpg/360px/obs-en-30-03.jpg)

तियौं भीड़ौ मुंजी बैटमाणिशौ औरौ नानड़िया छौड़ेबा मौरदौ कै गेनते 5,000 दै जादा थै। यीशु कै तिनु लोगौ पांदी बैजाए गिणौ लागी। यीशु कारिए सैजै लौग बिना चोराईयाँ कै भैड़ौ कै जैशणै थिए। इथकारिए तैणै तिनुकै शिक्षा दै औरौ तिनमुंजी जू लौग बैमार थिए तिनुकै ठीक कौरे।

![](https://cdn.door43.org/obs/jpg/360px/obs-en-30-04.jpg)

बैल़खै कै सौमय, चैलै यीशु कैंईदु पूछु, “ऐबै बैएरै गौ औरौ नैड़ी-बैड़ी कुंजाई नगर ना आथी। इनु लोगौ कै जाणौ दै ताकि जाऐबा खाणौं कै मोल़े लौंव।”

![](https://cdn.door43.org/obs/jpg/360px/obs-en-30-05.jpg)

पौरौ यीशुऐ चैलै कै बौल़ौ, “तुऐं तिनुकै खाणौं कारिए किछै दैंव!” तिनुऐ जबाब दिया, “आमुऐ ऐजौ कैशैकै कौर सौकुं? आमु कैई सिरफ पांच रौटी औरौ दो नानड़ी माछी औसौ।”

![](https://cdn.door43.org/obs/jpg/360px/obs-en-30-06.jpg)

यीशुऐ आपणै चैलै कै बौल़ौ कै तुऐं भीड़ौ कै लौगौ कै घासौ पांदी पचाश-पचाश की पाँती दै बौठणौ कारिए बौल़ौ।

![](https://cdn.door43.org/obs/jpg/360px/obs-en-30-07.jpg)

तोबै यीशुऐ पांच रौटी औरौ दो माछी ऊँढी कौरी औरौ स्वर्ग कै ढौबौ, दैखौ, औरौ तिथु खाणौं कारिए पौरमेशवर का धन्यवाद कौरा।

![](https://cdn.door43.org/obs/jpg/360px/obs-en-30-08.jpg)

तोबै यीशुऐ रौटी औरौ माछी कै दो टुकड़ै बाणै। तैणै लोगौ कै दैणौ कारिए आपणै चैलै कै सैजै टुकड़ै दैय दिऐ। चैलै सैजौ खाणौं बांटेया कौरौ, औरौ सै कौलौंई ना चुकी! सैजै सोबै लौग खाऐबा छौके गौवे।

![](https://cdn.door43.org/obs/jpg/360px/obs-en-30-09.jpg)

तिथकै बाद, चैलै सैजौ खाणौं कौठौ कौरौ जिथु खाए ना रैई थी औरौ सैजी बारौ शैकड़ी भौरी! सैजौ सोबै खाणौं तिनु पांची रौटी औरौ दु माछी पौरेशौ आए रौ थियु।

*मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_30_128kbps.m4a

## 31. यीशु पाणी पांदी हाँडा

https://openbiblestories.org/l/srx/story-31/

![](https://cdn.door43.org/obs/jpg/360px/obs-en-31-01.jpg)

पांची होजारौ लौगौ कै खाणौं खियांणौ कै बाद, यीशुऐ आपणै चैलै कै किश्ती पांदी जाणौ कै बौल़ौ। तैणै तिनुकै झीलौ कै औकी ढौबौ कै जाणौ कारिए बौल़ौ जोबै कै सै ऐघौड़ै तिथी रौके गौआ। औरौ चैलै आगु हौटे औरौ यीशुऐ भीड़ौ कै बिदा कौरे कै भीड़ आपणै घौरौ कै जांव। इथकै बाद, यीशु प्रार्थना कौरणौ कारिए ऐकी धारौ पांदी हौटे गौआ। तिथै सै ऐकली थिया, औरौ तैणै रात भौरै प्रार्थना कौरे।

![](https://cdn.door43.org/obs/jpg/360px/obs-en-31-02.jpg)

तौलौ, चैलै आपणै किश्ते चौलाए लौए थै, पौरौ बागुर बैरवें कै बौऐ रौए थै। बौहिते रात हौए जाणौ के बाद बै सै सिरफ झील कै बीचो दै पौंऐचे रौवे थिऐ।

![](https://cdn.door43.org/obs/jpg/360px/obs-en-31-03.jpg)

तौलौ तोड़ी यीशुऐ प्रार्थना कौरे पाए औरौ आपणै चैलै कै धौरे पाछु जाणौ शुरू कौरौ। सै किश्ती पांदी जाणौ कारिए पाणी पांदी हांडदा लागा।

![](https://cdn.door43.org/obs/jpg/360px/obs-en-31-04.jpg)

तोबै चैलै तैसीकै दैखा। सै बैजाए डौरे गौवे जिथुकै तिनुऐ सौंचै राए थियु कै सै कुणजाई भूत औसौ। यीशु जाणौ थिया कै सै डौरे गौवे, इथकारिए तैणै तिनुकै धाव दैऐबा बौल़ौ, “डौरेया नै, हांव औसौ!”

![](https://cdn.door43.org/obs/jpg/360px/obs-en-31-05.jpg)

तोबै पतरसै यीशु कै बौल़ौ, “ ओए रै प्रभु, जै ऐजा तू औसौ तौ मौखै पाणी पांदी हांडेबा आपणै धौरे आणौ का आदेश दै।” यीशुऐ पतरसौ कै बौल़ौ, “आ”

![](https://cdn.door43.org/obs/jpg/360px/obs-en-31-06.jpg)

औरौ पतरस किश्ती पौरेशा उदा उतरा औरौ यीशु कै धौरे जाणौ कारिए पाणी पांदी हांडणौ शुरू कौरौ। पौरौ देणिक दूर जाऐबा, तैणै आपणी आखी यीशु पौरेशी हौटाए दी औरौ फालौ दैखयो औरौ जौराल़े बागुर दैखेबा डौरे गौआ।

![](https://cdn.door43.org/obs/jpg/360px/obs-en-31-07.jpg)

तोबै पतरस डौरे गौआ औरौ पाणी मुंजी डूबदा लागा। तैणै लेरौ मारी, “ओए रै प्रभु, मौखै बौचा!” यीशुऐ तौलौंई हाथ दैऐबा तैसी पाकड़ै दिया। तोबै तैणै पतरसौ कै बौल़ौ, “तैरा बिशवाश बैजाए कम औसौ! आपणा बोचाव राखणौ कारिए तौंऐ मौ पांदी बिशवाश काए ना कौरी?”

![](https://cdn.door43.org/obs/jpg/360px/obs-en-31-08.jpg)

तोबै यीशु औरौ पतरस किश्ती पांदी बौठ गौवे, औरौ तौलौंई बागुर बौहणै बौन्द हौए गौऐ औरौ पाणी का शाद बै बौंद हौए गौआ। चैलै हैरान हौऐबा यीशु कै औगौड़ियौ घुन्डु नियुड़ाए दिऐ। तिनुऐ तैसकै बौड़ाए कौरे औरौ तैसीकै बौल़ौ, “सौथी कै तू पौरमेशवर का बैटा औसौ।”

*मत्ती अध्याय 14:22-33; मरकुस 6:45-52; यूहन्ना 6:16-21 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_31_128kbps.m4a

## 32. यीशु दुष्टाआत्मा कै पेलचियौंदे आदमी कै औरौ ऐकी बीमार बैटमाणिशौ कै ठीक कौरौ

https://openbiblestories.org/l/srx/story-32/

![](https://cdn.door43.org/obs/jpg/360px/obs-en-32-01.jpg)

यीशु औरौ तैसकै चैलै आपणी किश्ती दै तैसी इलाकै दै हौटे जिथै गिरासेनी लौग रौंव थिऐ। सै तैसी इलाकै दै पौंएचेबा किश्ती पौरेशै उदै उतरै।

![](https://cdn.door43.org/obs/jpg/360px/obs-en-32-02.jpg)

तिथै ऐक आदमै थिया जैसदी दुष्टाआत्मा पेलचियौंदी थी।

![](https://cdn.door43.org/obs/jpg/360px/obs-en-32-03.jpg)

ऐजा आदमै इशैक तागतवर थिया कै कुणिए बै तैसी बांनै नै सौकौ थिऐ। कैई बैई लोगै तैसी कै हाथौ लातौ पौरेशा शाँगल़ै लैई बै बाना, पौरौ सै तिनु बै तौड़े दैंव थिया।

![](https://cdn.door43.org/obs/jpg/360px/obs-en-32-04.jpg)

सैजा आदमै तैसी इलाकै दा कब्रौ दा रौंव थिया। ऐजा आदमै पूरै दुस भोरे औरौ पूरै रात भोरे लेरौ मारौ थिया। सै खौटणौ नै बाम्बौ थिया औरौ जादातर आपी कै पात्थरौ लैई बुरै हाल कौरौ थिया।

![](https://cdn.door43.org/obs/jpg/360px/obs-en-32-05.jpg)

सैजा आदमै दौड़ेबा यीशु कै धौरे हौटा औरौ तैसकै सामाणै घुन्डु नियुड़ाए दिऐ। तोबै यीशुऐ तैसी आदमी कै बीतरौ की दुष्टाआत्माआरी बातौ कौरी औरौ बौल़ौ, “ऐसी आदमी पौरेशी बायरै आंव!”

![](https://cdn.door43.org/obs/jpg/360px/obs-en-32-06.jpg)

तिनु दुष्टाआत्माए जौर शै लेरौ मारी, “ओए रै यीशु, शौकतीशाली पौरमेशवरौ का बैटा, तैरा मौंआरी का काम औसौ? ढाल ऐ मौखै पीड़ौ नै दै!” तोबै यीशुऐ तिनु दुष्टाआत्मा कैंईदु पूछु, “तेरौ नांव का औसौ?” तैणै जबाब दिया, “मेरौ नांव सेना औसौ, जिथुकै आमै बौहिती औसौ।” (रोमी सेना मुंजी कैई होजार सैनिकौ का ऐक गुट “सेना” हौंव थिए।)

![](https://cdn.door43.org/obs/jpg/360px/obs-en-32-07.jpg)

तिनु दुष्टाआत्माऐं यीशु कैंईदै बेनते कौरे, “ढाल ऐ ताखै आमु कै ऐसी इलाके पौरेशी बायरै नै जाणौ दैं!” तिथी नैड़िक धारौ पांदी सुंगरौ का ऐक झुंड चौरे रौआ थिया। इथकारिए तिनु दुष्टाआत्माऐं यीशु कैंईदै बेनते कौरे, “ताखै ढाल ऐ तू आमु कै इनु सुंगरौ मुंजी छाड़ै दै!” यीशुऐ बौल़ौ, “ठीक औसौ, तिनमुंजी जांव!”

![](https://cdn.door43.org/obs/jpg/360px/obs-en-32-08.jpg)

औरौ सैजी दुष्टाआत्माऐं तैसी आदमी पौरेशी नेकल़ेबा तिनु सुंगरौ दी हौटे गौई। सैजै सुंगर दौड़ेबा ऐकी डांगौ पौरेशै झीलौ दै रेड़ गौवे औरौ डौबेबा मौरे गौवे। तैसी झुंडौ दै लमसम 2,000 सुंगर थिऐ।

![](https://cdn.door43.org/obs/jpg/360px/obs-en-32-09.jpg)

तिथै तिनु सुंगरौ कै दैखभाल कौरणौ वाल़ै लौग थिऐ। जू किछै हौए रौ थियु जोबै तिनुऐ दैखौ तौ सै नगरौ दै दौऊंड़ै। यीशुऐ जू कौरे राए थियु तिथै तिनुऐ सौबी कैई बौल़ौ। तैसी नगरौ कै लौग ओऊंवे औरौ तैसी आदमी कै दैखा जैसी दी दुष्टाआत्मा थी। सै मेसौ, खौटणौ बाम्बेबा, औरौ ऐक आछै भौले आदमी साए बौरताव कौरदिऐ बैई बौठे रौआ थिया।

![](https://cdn.door43.org/obs/jpg/360px/obs-en-32-10.jpg)

सैजै लौग बैजाए डौरे गौवे थिऐ औरौ तिनुऐ यीशु कै आगु जाणौ कारिए बौल़ौ। औरौ यीशु किश्ती पांदी बौठे गौआ। सैजा आदमै जैसी दी दुष्टाआत्माऐं थी तैणै यीशु कै साथै जाणौ कै बेनते कौरे।

![](https://cdn.door43.org/obs/jpg/360px/obs-en-32-11.jpg)

पौरौ यीशुऐ तैसीकै बौल़ौ, “ना। हांव चौऊं कै तू घौरे जाऐबा सौबी कै बौताए कै पौरमेशवरै तांव कारिए का कौरे राए। तिनुकै बौता कै कैशैकै पौरमेशवरै तांव पांदी दया कौरे राए थै।”

![](https://cdn.door43.org/obs/jpg/360px/obs-en-32-12.jpg)

इथकारिए सैजा आदमै आगु हौटा औरौ सौबी कै इथकै बारै मुंजी बौतौऊं जू यीशुऐ तैसकारिए कौरे राए थियु। तैसकै काहाणै शुणणौ वाल़ा हरेक आदमै हैरान हौआ।

![](https://cdn.door43.org/obs/jpg/360px/obs-en-32-13.jpg)

यीशु झीलौ कै औकी ढौबौ पाछु औआ। तैसकै तिथै पौंईचणौ कै बाद, ऐक बौड़ै भीड़ तैसकै नेड़ि-बैड़ी कौठे हौए औरौ तैसीकै दौबांदै लागै। तियौं भीड़ौ मुंजी ऐक बैटमाणिश थै जियौंकै बारौ सालो दौऊंबा लौऊ बौहणौ का रोग थिया। तियैं आपणै सोबै पोएसै वेदौ पाछी खत्म कौरे दिऐ थिऐ ताकी सै तियौंकै ठीक कौरे सौकौ, पौरौ तियांरा रोग हौजौ बै जादा बिगड़ै गौआ थिया।

![](https://cdn.door43.org/obs/jpg/360px/obs-en-32-14.jpg)

तियैं शौणै राए थियु कै यीशुऐ कैई बीमार लौगौ कै ठीक कौरे राए थिऐ औरौ तियैं सुंचु, “मौखै पाका बिशवाश औसौ कै जै हांव सिरफ यीशु कै खौटणौ ही छौऐ पौऊंबै, तौ हांव बै ठीक हौए जांदै!” इथकारिए सै यीशु कै पौछौड़ियौ दै आए औरौ तैसकै खौटणौ छौऐ पौऊंवे। जैशैकैई तियैं तिनु छुऐ, तौलौंई लौऊ बौहणौ बौन्द हौऐ गौ।

![](https://cdn.door43.org/obs/jpg/360px/obs-en-32-15.jpg)

तौलौंई, यीशुऐ जाणै पौऊं कै तैस पौरेशै शोकतै निकल़े रौए। इथकारिए तैणै पाछु फिरेबा पूछु, “मौखै कौणै छुआ?” चैलै जबाब दिया, “इथै इशैक सारे लौगै तैरै चौऊं ढौबौ भीड़ लाए राए, औरौ तांव दै डाकै दैऐ लौऐ। तौ तौंऐ काए पूछु कै मौखै कौणै छुआ?”

![](https://cdn.door43.org/obs/jpg/360px/obs-en-32-16.jpg)

सैजै बैटमाणिश यीशु कै सामाणै काम्बलेबा औरौ बैजाए डौरेबा आपणै घुन्डु नियुड़ाऐबा बौठे गौए। तोबै तियैं बौताए दियु कै तियैं का कौरे राए, औरौ ऐजौ बै कै सै ठीक हौए गौऐ। यीशुऐ तियौंकै बौल़ौ, “तैरे बिशवाशै ताखै ठीक कौरे राए। शान्ति शै आगु जा।”

*मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_32_128kbps.m4a

## 33. ऐकी किसानौ कै काहाणै

https://openbiblestories.org/l/srx/story-33/

![](https://cdn.door43.org/obs/jpg/360px/obs-en-33-01.jpg)

ऐक दुस, यीशु झील कै किनारे कै नैड़िक थिया। तैणै लौगौ कै ऐक बैजाए बौड़े भीड़ कै शिक्षा दैऐ लौए थै। तैसी शुणणौ कारिए इशैक सारे लौग औवे कै यीशु कै धौरे तिनु सौबीयारी बातौ कौरणौ कारिए ठांव ना बौची। इथकारिए सै पाणी मुंजी खौल़ेयौंदे किश्ती पांदी होटा। तिथै सै बौठे गौआ औरौ लोगौ कै शिक्षा दै।

![](https://cdn.door43.org/obs/jpg/360px/obs-en-33-02.jpg)

यीशुऐ तिनुकै ऐजै काहाणै शुणाऐ, “ऐक किसान बीज बौन्दा बायरै निकल़ा। जोबै तैणै हाथौ लैई बीज छिड़कै लौवे थिऐ तौ किछै बीज़ बाटौ पुंडै छुटै। पौरौ चुड़कुल़ै आऐबा तिनु बीज़ौ कै खाए दिऐ।”

![](https://cdn.door43.org/obs/jpg/360px/obs-en-33-03.jpg)

“औके बीज़ शोकरेड़े जौमीनौ पांदी छुटे जिथै बैजाए कम माट्टै थै। शौकरेड़े जौमीनौ पांदी छौटेयौंदे बीज़ बैजाए तावल़े जामै गौवे, पौरौ तिनकी जौड़ी जौमीनौ दी ना हुटी। जोबै सूरज निकल़ा औरौ गोरमी लागै तौ सैजै पौधे शौकै गौवे औरौ मौरे गौवे।”

![](https://cdn.door43.org/obs/jpg/360px/obs-en-33-04.jpg)

“तोबै औके बीज़ झाड़ी मुंजी छुटै। तिनु बीज़ौ दै तुणै फाटै, पौरौ कान्डैऐ तिनुकै दौबाए दिऐ। इथकारिए कान्डेयाल़े जौमीनौ दै छुटैयौंदे बीज़ौ मुंजीदै निकल़ेयौंदे पौधे मुंजी दै कौसीए बै नाज़ ना पौयदा कोरी।”

![](https://cdn.door43.org/obs/jpg/360px/obs-en-33-05.jpg)

“औकै बीज़ कामकै जौमीनौ दै छुटै। सैजै बीज़ बौड़े हौऐ औरौ जिशैक बीज़ बौए राए थिऐ तिनु पौरेशौ 30, 60, औरौ इथै तौड़ी कै 100 गुणा नाज़ हौ। जू कुणिए बै पौरमेशवर कै पौछौड़ियौ हांडणौ चांव, सै तियौं बातौ पांदी ध्यान दैंव जू मौंऐ बौल़े लौई!”

![](https://cdn.door43.org/obs/jpg/360px/obs-en-33-06.jpg)

इयौं काहाणै शौणैबा चैलै औनाल़े गौवे। इथकारिए यीशुऐ इथका मतलब बौतौऊंवा, “सेजै बीज़ पौरमेशवर का बचन औसौ। सैजै बाट ऐक ऐशणा आदमै औसौ जू पौरमेशवर कै बचन कै शुणौ, पौरौ तिनु सौमझौ ना। तोबै शैतान तैसकै मनौ पौरेशा बचन कै चुराऐबा लौए जांव। यानी शैतान तैसी कै बचन कै सौमझौणौ शै दूर राखौ।”

![](https://cdn.door43.org/obs/jpg/360px/obs-en-33-07.jpg)

“सैजै शौकरेड़े जौमीन ऐशणा आदमै औसौ जू पौरमेशवर कै बचन कै शुणौ औरौ खुशी शै तैसी ओपनांए दैंव। पौरौ जोबै चैईथा सौमय आंव, औरौ जोबै औकै लौग तैसीकै सौतांवऐ, तौ सै पौरमेशवरौ कैंईदा दूर हौए जांव। यानी सै पौरमेशवर पांदी भौरोशा कौरणा बै छौड़े दैंव।”

![](https://cdn.door43.org/obs/jpg/360px/obs-en-33-08.jpg)

“सैजै कांडैयाल़ै जौमीन ऐशणा आदमी औसौ जू पौरमेशवर कै बचन कै शुणौ। पौरौ सै बौरिशी बातौ कै बारै मुंजी फिकर कौरणै शुरू कौरे दैंव, औरौ सै बौरिशै पौयसै कौमाणौ कै कौशिच कौरौ, औरौ सै बौरिशी चीजौ कै पाणौ कै कौशिच कौरौ। किछै दुसौ कै बाद, ऐबै सै पौरमेशवर कै प्यार कै लायक ना आथी। इथकारिए जू तैणै पौरमेशवर कै बचन शै शैखै राए थियु सै तैसीकै पौरमेशवर कै खुश कौरणौ कै लायक ना बौणणौ दैंव। सै गियुँ कै नोल़ौऊं कै जैशणै औसौ जू कुणजुई नाज़ पौयदा ना कौरे सौकौ।”

![](https://cdn.door43.org/obs/jpg/360px/obs-en-33-09.jpg)

“पौरौ आछी जौमीन सैजा आदमै औसौ जू पौरमेशवर कै बचन कै शुणौ, औरौ तैसपांदी बिशवाश कौरौ, औरौ फोल़ लांव।

*मत्ती अध्याय 13:1-8, 18-23; मरकुस 4:1-8, 13-20; लूका 8:4-15 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_33_128kbps.m4a

## 34. यीशु औकी काहाणी कै शिक्षा दैंव

https://openbiblestories.org/l/srx/story-34/

![](https://cdn.door43.org/obs/jpg/360px/obs-en-34-01.jpg)

यीशुऐ पौरमेशवर कै राज्य कै बारै मुंजी ऊकी भोरिशी काहाणी शुणैई। उदारण कारिए, तैणै बौल़ौ पौरमेशवर का राज्य ऐकी राई कै बीज़ौ कै जैशणा औसौ जिथुकै कौसी आदमीऐ आपणै खैतौ दौ बोए दियु। तुऐं जाणौऐ कै राई कौ बीज़ सौबी बीज़ौ मुंजीदौ सौबीदौ नानड़ौ हौंव।”

![](https://cdn.door43.org/obs/jpg/360px/obs-en-34-02.jpg)

“पौरौ जोबै राई का दाणा बौढ़े जांव तौ सै बागौ कै सौबी डाल़ौ मुंजीदा सौबीदा बौड़ा हौए जांव, इशैक बौड़ा कै चुड़कुल़ै आऐबा तिथकी डाल़ी पांदी बिशांव कौरौ।”

![](https://cdn.door43.org/obs/jpg/360px/obs-en-34-03.jpg)

यीशुऐ ऐक औके काहाणै शुणाऐ, “पौरमेशवरौ का राज्य खमीर कै जैशणा औसौ जिथु लौऐबा ऐकी बैटमाणिशै पराते दौ आटे कै ढिंडे मुंजी बाटे दैंव तोबै सैजौ सोबै आटो ढिंडवारी रौल़ जांव।”

![](https://cdn.door43.org/obs/jpg/360px/obs-en-34-04.jpg)

“स्वर्ग का राज्य तैसी खौजानै कै जैशणा औसौ जैसी कुणिए कौसी कै बागड़ी दा चोरे दिया। कौसी औकी आदमी कै सैजा खौजाना भैटे गौआ औरौ तैणै तिथु पाणौ कै बैजाए चाह कौरे। इथकारिए तैणै तिथु औटेयो दौबाए दियु। औरौ सै खुशी कै मारे इशैक भौरे गौआ कै तैणै जाऐबा आपणौ सोबै ठुँ बिकै दियु ताकि सै तियौं बागड़ी कै मौले लौए सौकौ जिथै सैजा खौजाना थिया।”

![](https://cdn.door43.org/obs/jpg/360px/obs-en-34-05.jpg)

“स्वर्ग का राज्य ऐक बैजाऐ मौंगै शुध्द मोती कै जैशणा बै औसौ। जोबै कौसी मोती कै बिकणौवाल़ै कै सै भैटी जांव तौ सै तिथु मोलै लौणौ कारिए आपणौ सोबै ठुँ बिकै दैंव।”

![](https://cdn.door43.org/obs/jpg/360px/obs-en-34-06.jpg)

तिथै कुणिए लौग ऐशणै थिऐ जू सुंचौ थिऐ कै पौरमेशवर तिनुकै इथकारिए औपनांदा जिथुकै तिनुऐ भोलैई कै काम कौरे लौवे। ऐजै लौग ऐशणै लोगौ कै बैकार मानौ थिऐ जू इनु भोलैई कै कामौ कै नै कौरौ थिऐ। इथकारिए यीशुऐ तिनुकै ऐजै काहाणै बौताए: “दो मौरद थिऐ औरौ दुईनैई प्रार्थना कौरणौ कारिए मंदिरौ दै हौटे। तिनु मुंजीदा ऐक मामल़ा लौणौवाल़ा थिया, औरौ औका ऐक धरम का अगुवा थिया।”

![](https://cdn.door43.org/obs/jpg/360px/obs-en-34-07.jpg)

“तैसी धरमी अगुवे ऐशैखै प्रार्थना कौरे, ‘ओए रै पौरमेशवर, तैरा धन्यवाद हौंव कै हांव औकी लोगौ कै जैशणा ना आथी – जैशैकै डाकू, न्याय ना कौरणौ वाल़ा आदमै, गौलत सौमबंध बाणाणौवाल़ा, औरौ इथै तौड़ी कै इथै आयोंदै ऐसी मामला लौणौ वाल़ै कै जैशणा ऐक पापे ना आथी।’”

![](https://cdn.door43.org/obs/jpg/360px/obs-en-34-08.jpg)

“उदारण कारिए, हांव हप्ते दा दो बैई उपवास राखु, औरौ हांव आपणै कौमायोंदै पोएसै औरौ समानौ का देशवाँ हिस्सा ताखै दियु।”

![](https://cdn.door43.org/obs/jpg/360px/obs-en-34-09.jpg)

“पौरौ सैजा मामला लौणौ वाल़ा तैसी धरम कै अगुवे कैंईदा बैजाए दूर खौड़ा हौए गौआ। तैणै उबै स्वर्ग कै ढौबौ बै दैखी ना। इथकै जौगेह, तैणै आपणै मुठकुरै लैई आपणै छाते पीटे औरौ प्रार्थना कौरे, ‘ओए रै पौरमेशवर, ढाल ऐ ताखै मौं पांदी दया कौर जिथुकै हांव ऐक पापी औसौ।’”

![](https://cdn.door43.org/obs/jpg/360px/obs-en-34-10.jpg)

तोबै यीशुऐ बौल़ौ, “हांव तुऔं कैई साचु बुलू, पौरमेशवरै तैसी मामला लौणौ वाल़ै कै प्रार्थना शौणै औरौ तैसी धरमै साबित कौरा। पौरौ तैणै तैसी धरम कै अगुवे कै प्रार्थना कै पसंद ना कौरी। जिथुकै पौरमेशवर सौबी घमंड़ी कौ मुंड उदू कौरदा, पौरौ सै तिनु सौबी कै इज्जत दैंदा जू आपी कै नम्र कौरौ।”

*मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_34_128kbps.m4a

## 35. दयालू बापू कै काहाणै

https://openbiblestories.org/l/srx/story-35/

![](https://cdn.door43.org/obs/jpg/360px/obs-en-35-01.jpg)

ऐक दुस, यीशुए तिनु बौरिशै लोगौ कै शिक्षा दैए लौए थै जू तैसकी शुणणौ कारिए कौठे हौए रौवे थिऐ। ऐजै लौग मामला लौणौ वाल़ै औरौ साथआरी औकै लौग बै थिऐ जिनुऐ मूसा कै कानून का ठीक शै पालन ना कौरे रैई थी।

![](https://cdn.door43.org/obs/jpg/360px/obs-en-35-02.jpg)

किछै धरम कै अगुवे दैखौ कै यीशुऐ इनु लौगवारी ऐकी दौस्तौ कै जैशणी बातौ कौरे लौई। इथकारिए तिनुऐ ऐकी-दुजीया ऐजी बातौ कौरी कै तैणै गौल़त लौ सांडे। यीशुऐ तिनुकै बातो कौरदिऐ बैई शुणै, इथकारिए तैणै तिनुकै ऐजै काहाणै शुणाए।

![](https://cdn.door43.org/obs/jpg/360px/obs-en-35-03.jpg)

“ऐक आदमै थिया जैसकै दौ बैटे थिऐ। नानड़ै बैटे आपणै बापू कै बौल़ौ, ‘औए रै बापू, मैरे इबी आपणा हिस्सा चैई!’ औरौ बापूऐ आपणै दु बैटे कै आपणै जायदात मुंजीदा हिस्सा दैय दिया।”

![](https://cdn.door43.org/obs/jpg/360px/obs-en-35-04.jpg)

“तावल़ाई सैजा नानड़ा बैटा आपणौ सोबै ठुँ कौठौ कौरेबा दूर दैशौ कै हौटे गौआ औरौ पाप दै जिन्दगै जीणौ कारिए आपणै सोबै पौएसै बरबाद कौरे दिऐ।

![](https://cdn.door43.org/obs/jpg/360px/obs-en-35-05.jpg)

“इथकै बाद, जिथै नानड़ा बैटा थिया तैसी देशौ दा ऐक खतरनाक काल़ पौड़ा, औरौ तैसकैई ऐबै खाणौं मोल़े लौणौ कारिए पौएसै बै थी नी। इथकारिए तैसीकै जू काम भैटे रौआ थिया सै सुंगरौ कै चौराणौ का थिया। सै इशैक दुखी औरौ भूखै रौआ थिया कै सै ऐबै सुंगरौ कौ खाणौं खाणौ चांव थिया।”

![](https://cdn.door43.org/obs/jpg/360px/obs-en-35-06.jpg)

“आखिकार, तैसी नानड़ै बैटे कै मनबातौ लागी कै, ‘मौंऐ का कौरे लौ? मैरै बापू कै सौबी नौकरौ कैई खाणौं कारिए बौरिशौ खाणौ औसौ, तोबै बै हांव इथै भूखा मौरदा लाग रौआ। हांव आपणै बापू कै धौरे पाछु जांदा औरौ आपणै बापू का ऐक नौकर बौणणौ कारिए तैसकैंई दै बेनते कौरूबा।’”

![](https://cdn.door43.org/obs/jpg/360px/obs-en-35-07.jpg)

“औरौ तैणै नानड़ै बैटे पाछु आपणै बापू कै घौरौ कै ढौबौ जाणौ शुरू कौरौ। जौबै कै सै इबी दूर ही थिया, तैसकै बापूऐ तैसीकै दैखा औरौ तैसपांदी गिणौऊंआ। सै दौड़ेबा आपणै बैटे कै धौरे हौटा औरौ तैसीकै हौंगटै लाऐबा खौपटियौऊंआ।”

![](https://cdn.door43.org/obs/jpg/360px/obs-en-35-08.jpg)

“तैसी बैटे बौल़ौ, ‘ओए रै बापू, मौंऐ पौरमेशवरौ कै औरौ तेरै खिलाफ पाप कौरे राए। हांव तैरा बैटा बौल़णौ कै लायक बै रौऐ ना रैई।

![](https://cdn.door43.org/obs/jpg/360px/obs-en-35-09.jpg)

“पौरौ बापूऐ आपणै ऐकी नौकरौ कै बौल़ौ, ‘तावल़ै जाऐबा सौबीदै कामकै खौटणौ लियांव औरौ मैरै बैटे कै बौम्बांव! तैसकै गुठी दी कांगणी औरौ तैसकै लातौ दै जूतै लांव। तौबै सौबीदा कामका बाकरा काटौ ताकि आमै कामकै खाए औरौ जोशन मौनाए सौकु, जिथुकै मैरा बैटा मौरे गौआ थिया, पौरौ ऐबै सै जियुंदी औसौ! सै हाँईचै रौआ थिया, पौरौ ऐबै सै मौखै भैटे गौआ!’”

![](https://cdn.door43.org/obs/jpg/360px/obs-en-35-10.jpg)

“इथकारिए लोगै जोशन मौनाणा शुरू कौरा। किछै सोमय कै बाद, बौड़ा बैटा खेतौ कै काम चुकौयो घौरौ कै औऊंवा। तैणै नाचणा गाना शुणा औरौ हैरान हौआ कै ऐजौ का हौंदौ लागै रौ।”

![](https://cdn.door43.org/obs/jpg/360px/obs-en-35-11.jpg)

“जोबै बौड़े बैटे कै पौता लागा कै तिनुऐ इथकारिए जोशन मौनाए लौआ जिथुकै तैसका भाए घौरौ कै आए रौआ थिया, तौ सै बैजाए गुस्सै हौआ औरौ घौरौ कै ना हुटी। तैसकै बापूऐ बायरै आऐबा तैसीयादै आपीयारी जोशन मौनाणौ कै बेनते कौरे, पौरौ तैणै मौना कौरे दियु।”

![](https://cdn.door43.org/obs/jpg/360px/obs-en-35-12.jpg)

“तैसी बौड़े बैटे आपणै बापू कै बौल़ौ, ‘ऐतरे सालौ दौऊंडै मौऐं इमानदारी शै तैरे टौल सांडै! कौलौंई बै तैरे बात ना टाल़ी, पौरौ तौंऐ कौलौंई बै मौखै ऐक नानड़ा शा बाकरा बै दी ना ताकि हांव आपणै दौस्तौवारी बोईदुत मौनाए सौकु। पौरौ तैरै ऐसी बैटे तैरे सोबै पौयसै पाप कै कामौ दै बरबाद कौरे दिऐ। औरौ ऐबै जोबै सै आए रौआ तौ तैसी कारिए जोशन मौनाणौ कै तौंऐ कामका बकरा काटा!’”

![](https://cdn.door43.org/obs/jpg/360px/obs-en-35-13.jpg)

“बापूऐ जबाब दिया, ‘ ओए रै मैरे बैटे, तू सदा मैरे साथै औसौ सैजौ सोबै ठुँ तैरौ औसौ। पौरौ आमु कारिए जोशन मौनाणा ठीक औसौ, जिथुकै तैरा भाए मौरे गौआ थिया, पौरौ ऐबै सै जियुंदी हौए गौआ। सै हाँईचै रौआ थिया, पौरौ ऐबै आमु कै सै भैटे गौआ!’”

*लूका अध्याय 15:11-32 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_35_128kbps.m4a

## 36. यीशु कै रुपो दा बोदलाव

https://openbiblestories.org/l/srx/story-36/

![](https://cdn.door43.org/obs/jpg/360px/obs-en-36-01.jpg)

ऐक दुस, यीशुऐ आपणै तीन चैलै, पतरस, याकूब, औरौ यूहन्ना कै आपणै साथै निऐ। (ऐजा यूहन्ना नांव का चैला सैजा आदमै ना आथी जैणै यीशु कै बपतिस्मा दैऐ राए थिया।) सै प्रार्थना कौरणौ कारिए ऐकी ऊंचै धारौ पांदी हौटे।

![](https://cdn.door43.org/obs/jpg/360px/obs-en-36-02.jpg)

जोबै यीशुऐ प्रार्थना कौरे लौऐ थै तौ तैसकौ मुंह सुरज कै जैशणौ चोमकै गौ। तैसकै खौटणौ पैयाशै कै जैशणै चिटे हौए गौवे, जैशणै चिटे धौरती पांदी कुणिए कौरे सौकौ तिदंदै बै जादा चिटे।

![](https://cdn.door43.org/obs/jpg/360px/obs-en-36-03.jpg)

तोबै मूसा औरौ एलिय्याह पौरमेशवर की बातौ बौताणौ वाल़ै दैखिये। ऐजै मौरद ऐसी सौमय दौऊंड़ै सैकड़ौ साल आगै रौया कौरौ थिऐ। तिनुऐ यीशु वारी तैसकै मौत कै बारै मुंजी बातौ कौरी, जिथुकै सै तावल़ाई यरूशलेम दा मौरे जांदा।

![](https://cdn.door43.org/obs/jpg/360px/obs-en-36-04.jpg)

जोबै मूसाऐ औरौ एलिय्याहै यीशु आरी बातौ कौरे लौई थी तोबै पतरसै यीशु कै बौल़ौ, “अमारौ इथै रौणौ आछौ औसौ। आमै तीन तोम्बू बौणौऊंबै, ऐक तांव कारिए, ऐक मूसा कारिए, औरौ ऐक एलिय्याह कारिए।” पौरौ पतरस नै जाणौ थिया कै तैणै का बौल़े लौ।

![](https://cdn.door43.org/obs/jpg/360px/obs-en-36-05.jpg)

जोबै पतरसै बात कौरे लौए थै, तौ ऐक चोमकैयोंदौ बादल़ धैनै आऐबा तिनपांदी आए गौ। तोबै तिनुऐ बादल़ौ पौरेशै ऐक धांव दैंदिये बैई शौणै। तैणै बौल़ौ, “ ऐजा मैरा बैटा औसौ जैसियारी हांव प्यार कौरूं। हांव ऐसी शै खुशी औसौ। ऐसकी शुणौ।” सैजै तीने चैलै डौरे गौवे औरौ जौमीनौ पांदी रिड़े गौवे।

![](https://cdn.door43.org/obs/jpg/360px/obs-en-36-06.jpg)

तोबै यीशुऐ तिनुकै छुऐ औरौ बौल़ौ, “डौरेया नै। ऊबै बिज़ौ।” जोबै तिनुऐ चौऊ ढौबौ कै दैखौ, तौ तिथै औकै कुणिऐ नै थी सिवाए यीशु कै।

![](https://cdn.door43.org/obs/jpg/360px/obs-en-36-07.jpg)

यीशु औरौ सैजै तीन चैलै तियौं धारौ पौरेशै पाछु ऊदै औवे। तोबै यीशुए तिनुकै बौल़ौ, “इबी जू किछै इथै हौए रौ तिथु कौसी कैई नै बौल़ेया। हांव तावल़ा मौरे जांदा औरौ ओटेयो जियुंदी हौए जांदा। तिथकै बाद, तुऐं लौगौ कै बौताए सौकौ।”

*मत्ती अध्याय 17:1-9; मरकुस 9:2-8; लूका 9:28-36 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_36_128kbps.m4a

## 37. यीशु लाज़र कै मौरेयोंदै मुंजीदा जियुंदी कौरौ

https://openbiblestories.org/l/srx/story-37/

![](https://cdn.door43.org/obs/jpg/360px/obs-en-37-01.jpg)

लाज़र नांव का ऐक आदमी थिया। तैसकी दो बौईणी थी जिनुकौ नांव मरियम औरौ मार्था थियु। सैजा यीशु का खास दोस्त थिया। ऐक दुस, कुणिए यीशु कैई बौल़ौ कै लाज़र बैजाए बीमार औसौ। जोबै यीशुए ऐजौ शुणु तौ तैणै बौल़ौ, “ऐजै बैमारे लाज़रवारी खत्म ना हौंदे। इथकी जौगह, ऐजै लौगौ कै पौरमेशवर का आदर कौरणौ कारिए हिम्मत दैंदे।”

![](https://cdn.door43.org/obs/jpg/360px/obs-en-37-02.jpg)

यीशु आपणै दोस्तोआरी प्यार कौरौ थिया, पौरौ जिथै सै थिया तिथै तैणै दु दुसौ तौड़ी ठोल़नाए कौरे। तिनु दु दुसौ कै बाद, तैणै आपणै चैलै कै बौल़ौ, “आव, पाछु यहूदिया प्रदेश कै जौऊंबै।” चैलै जबाब दिया, “पौरौ ओए रै गुरु जी, इबी हागड़िडौ शै तिथै कै लौग ताखै मार दैणा चांव थिऐ!” यीशुए बौल़ौ, “अमारा दोस्त लाज़र सौत गौआ, औरौ मैरे तैसी कै उबा बिज़ाल़ना।”

![](https://cdn.door43.org/obs/jpg/360px/obs-en-37-03.jpg)

यीशु कै चैलै जबाब दिया, “ओए रै प्रभु, जै लाज़र सोते रौआ, तौ सै ठीक हौए जांदा।” तोबै यीशुए तिनुकै साफ-साफ बौल़े दियु, “कै लाज़र मौरे गौआ। हांव खुशी औसौ कै हांव तिथै नै थी, ताकि तुऐं मौ पांदी बिशवाश कौरे सौकौ।”

![](https://cdn.door43.org/obs/jpg/360px/obs-en-37-04.jpg)

जोबै यीशु लाज़रौ कै गाँव दा पौंईचा तौ लाज़रौ कै मौरेबा आगैई चार दुस हौए रौवे थिऐ। मार्था यीशु कै भैटेदै बायरै आए औरौ बौल़ौ, “ओए रै प्रभु, जै तू इथी हौंदा तौ मैरा भाऐ नी मौरदा थिया। पौरौ हांव बिशवाश कौरू कै जू किछै तू पौरमेशवर वादौ मांगला सै ताखै दैय दैंदाए।”

![](https://cdn.door43.org/obs/jpg/360px/obs-en-37-05.jpg)

यीशुऐ जबाब दिया, “मौरेयौंदै मुंजी दौ जियुंदी हौणौ औरौ जीवन हांव औसौ। जू कुणिए मौ पांदी बिशवाश कौरौ जै सै मौरे बै जांव तोबै बै जियुंदी रौंदा। जू कुणिए मौ पांदी बिशवाश कौरौ सै कौलौंई ना मौरदा। का तू इथपांदी बिशवाश कौरे?” मार्थाऐ जबाब दिया, “ओए रै प्रभु, हांव बिशवाश कौरू कै तू पौरमेशवर का बैटा मसीह औसौ।”

![](https://cdn.door43.org/obs/jpg/360px/obs-en-37-06.jpg)

तोबै मरियम आए। औरौ तियैं यीशु कै लाथौ पांदी पौड़ेबा बौल़ौ, “ओए रै प्रभु, जै तू इथी हौंदा तौ मैरा भाऐ नै मौरदा थिया।” यीशुए तियौंके बौल़ौ, “तुऐं लाज़रौ कै कौकै राखै राए?” तिनुऐ तैसी कैई बौतौऊं, “कब्र दा। ऊंडा आ औरौ दैखै कौर।” तोबै यीशु रुंदा लागा।

![](https://cdn.door43.org/obs/jpg/360px/obs-en-37-07.jpg)

सैजै कब्र ऐक गुफा थै जिथकै द्वारौ पांदी ऐक पात्थर लाए राए थिया। जोबै यीशु कब्रौ पांदी पौंईचा तौ तैणै तिनुकै बौल़ौ, “पात्थर हौटाए दै।” पौरौ मार्थाऐ बौल़ौ, “तैसी मौरेबा चार दुस हौए गौऐ। तिथ पौरेशै बांस आए रौले।”

![](https://cdn.door43.org/obs/jpg/360px/obs-en-37-08.jpg)

यीशुऐ जबाब दिया, “का मौंऐ तुऔं कैई ना बौल़े रैई थी कै जै तुऐं मौ पांदी बिशवाश कौरली तौ पौरमेशवर कै शोकते दैखली?” इथकारिए तिनुऐ पात्थर हौटाए दिया।

![](https://cdn.door43.org/obs/jpg/360px/obs-en-37-09.jpg)

तोबै यीशुऐ उबै स्वर्ग कै ढौबौ दैखैबा बौल़ौ, “ औए रै बापू, मैरी बातौ शुणणौ कारिए हांव तैरा धन्यबाद कौरू। हांव जाणुऐ कै तू सदा मैरी शुणै, पौरौ मुऐं ऐजौ इथै हौटेयोंदै इनु सौबी लौगौ कै मोदद कौरणौ कारिए बौल़ौ ताकि सै बिशवाश कौरौ कै तुऐं मौखै छाड़े राए।” तोबै यीशुए धाव मारे, “ओए रै लाज़र बांईडा आ!”

![](https://cdn.door43.org/obs/jpg/360px/obs-en-37-10.jpg)

औरौ लाज़र बायरै आए गौआ! सै इबी बै कोफनी बितरा लौपेटियौंदा थिया। यीशुए तिनुकै बौल़ौ, “इयौं कोफनी खौलणौ कारिए तैसकै मदद कौरौ औरौ तैसीकै आज़ाद कौरौ।” ऐसी चोमत्कार की बौजेह शै बौरिशै यहूदी लोगै यीशु पांदी बिशवाश कौरा।

![](https://cdn.door43.org/obs/jpg/360px/obs-en-37-11.jpg)

पौरौ यहूदी लौगौ कै धरमी अगुवे यीशु दै जौल़दै लागै, इथकारिए सै योजना बाणणौ कारिए ऐक साथै कौठे हौवे कै कैशैकै यीशु औरौ लाज़र कै मारे देंई।

*यूहन्ना 11:1-46 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_37_128kbps.m4a

## 38. यीशु कै ऊंडा पौकड़ौऊआ

https://openbiblestories.org/l/srx/story-38/

![](https://cdn.door43.org/obs/jpg/360px/obs-en-38-01.jpg)

ऐई साल, यहूदी लौग फसह कौ तैयार मौनांव थिऐ। ऐजौ इथकै बारै मुंजी ऐक जोशन थिया कै कैई साल आगै पौरमेशवरै तिनकै पुराणिया खै मिस्र देश की गुलामी शै छुड़ाए राए थिए। लमसम तीन सालो कै बाद यीशुऐ सौबी लोगौ मुंजी प्रचार कौरा औरौ शिक्षा दैणै शुरू कौरे। यीशुऐ आपणै चैलै कै बौतौऊं कै सै तिनुवारी यरूशलेम शहर दा फसह का तैयार मौनाणा चांव, औरौ ऐजौ बै कै तैसी तिथै मारै दैन्दै।

![](https://cdn.door43.org/obs/jpg/360px/obs-en-38-02.jpg)

यीशु कै चैलै मुंजीदा ऐक यहूदा नांव का आदमै थिया। औरौ यहूदा चौणैयोंदै चैलै कै पौयसै कै थौलै राखणौवाल़ा खजांची थिया, पौरौ जादातर सै तियौं थौली पौरेशै पौयसै उंडै घाड़ेया कौरौ थिया। यीशु औरौ तैसकै चैलै यरूशलेम शहर दै पौऊंचणौ कै बाद यहूदा, यहूदी नेता कै धौरे हौटा। तैणै पौयसै कै बौदल़ै यीशु कै तिनकै हाथौ दै थौम्बाणौ कै बात राखै। सै जाणौ थिया कै यहूदी नेता यीशु कै मसीह ना मानौ। सै जाणौ थिया कै सै तैसी कै मारै दैणा चांव।

![](https://cdn.door43.org/obs/jpg/360px/obs-en-38-03.jpg)

महा यहूदी पुरोहित कै बौल़णौ पांदी यहूदी नेताऐ यीशु कै तिनकै हाथौ दै थौम्बाणौ कारिए यहूदा कै तीश चांदी कै सिक्के दिऐ। ऐजौ तैशैकैई हौ जैशैकै पौरमेशवर की बातौ बौताणौ वाल़ै बौल़े राए थियु कै ऐशैकैई हौंदौए। यहूदा माने गौआ थिया औरौ पौयसै नियौं आगु हौटा। सै यीशु कै थौम्बाणौ औरौ तिनकै मौदद कौरणौ कारिए कियौंई मौके कै ताकौ दा रौआ।

![](https://cdn.door43.org/obs/jpg/360px/obs-en-38-04.jpg)

यरूशलेम दा, यीशुऐ आपणै चैलै कै साथै फसह का तैयार मौनौऊंआ। फसह कै खाणौं कै सौमय, यीशुऐ रोटे तौड़े। तैणै बौल़ौ, “इयौं आगु कौरौ औरौ खाए पाव। ऐजा मैरा शोरीर औसौ जू हांव तुऔं कारिए दिंयु। औरौ मैरै याद दौ ऐशैकैई कौरेया।” ऐशैकैई, यीशुऐ बौल़ौ कै हांव तुऔं कारिए मौर जांदा, औरौ तुऔं कारिए हांव आपणै शोरीरो कै बौल़ि चौढ़ाए दैंदा।

![](https://cdn.door43.org/obs/jpg/360px/obs-en-38-05.jpg)

तोबै यीशुऐ अंगूरौ कै रसौ का ऐक छाना कौरा औरौ बौल़ौ, “इथु पी पाव। ऐजा नौंऐ कौरारौ का मैरा लौऊ औसौ जू कै हांव तुऔं कै देंदा ताकि पौरमेशवर तौंवारै पापौ कै माफ कौरौ। ऐई बैई इथु पिंदिऐ बैई मैरी याद दौ ऐशैकैई कौरेया कौरौ जू मौंऐ इबी कौरे लौ।”

![](https://cdn.door43.org/obs/jpg/360px/obs-en-38-06.jpg)

तोबै यीशुऐ आपणै चैलै कै बौल़ौ, “तुऔं मुंजीदा ऐक जौणा मौखै थौम्बांदा।” चैलै हैरान हौए गौवे, औरौ पूछदै लागै कै कुण ऐशणा काम कौरदा। यीशुऐ बौल़ौ, “मौखै थौम्बाणौ वाल़ा आदमै सैजा औसौ जैसीकै हांव ऐजा रौटी का टुकड़ा दिंयु।” तोबै तैणै सैजै रोटे यहूदा कै दै।

![](https://cdn.door43.org/obs/jpg/360px/obs-en-38-07.jpg)

तियौं रोटे खाणौं कै बाद, यहूदा दा शैतान सौमाए गौआ। यहूदा आगु जाऐबा यीशु कै थौम्बाणौ कारिए यहूदी नेतांव कै मौदद कौरणौ कारिए हौटे गौआ। ऐजा राते का समय थिया।

![](https://cdn.door43.org/obs/jpg/360px/obs-en-38-08.jpg)

खाणौं खाणौ कै बाद, यीशु औरौ तैसकै चैलै जैतून धारौ पांदी हौटे। औरौ यीशुऐ बौल़ौ, “तुऐं सोबै जौणै ऐलौई राते मौखै छौड़े दैंदे। ऐजौ लैख राए, ‘कै हांव चौराईयाँ कै मारदा औरौ सोबै भेड़ौ आपि-आपि कै बिखरै जांदी।’”

![](https://cdn.door43.org/obs/jpg/360px/obs-en-38-09.jpg)

पतरसै जबाब दिया, “भौलैई बाकी सोबै ताखै छौड़े दैंव, पौरौ हांव ना छौड़दा!” तोबै यीशुऐ पतरस कै बौल़ौ, “शैतान तुऔं सौबी कै लौऐ जाणै चाँव, पौरौ औए रै पतरस, मौंऐ तांव कारिए प्रार्थना कौरे राए कै तू बिशवाश दा कमजोर नै हौए जांऐ। तोबै बै, ऐलौ कै रातेये, कुकड़ै कै बाँक दैणौ दै आगै तू तीन बैई मौखै भाजै जांदा कै हांव ताखै ना जाणु।”

![](https://cdn.door43.org/obs/jpg/360px/obs-en-38-10.jpg)

पतरसै तोबै यीशु कै बौल़ौ, “भौलैई हांव मौरे बै जौऊं, हांव कौलौंई बै ताखै ना भाजदा!” बाकी कै सौबी चैलै बै ऐशैकैई बौल़ौ।

![](https://cdn.door43.org/obs/jpg/360px/obs-en-38-11.jpg)

तोबै यीशु आपणै चैलै कै साथै गतसमनी नांव कै ऐकी ठांव पांदी हौटा। यीशुऐ आपणै चैलै खै प्रार्थना कौरणौ कारिए बौल़ौ ताकि शैतान तिनुकै पौरखौ नै। तोबै यीशु प्रार्थना कौरणौ कारिए जौई हौटा।

![](https://cdn.door43.org/obs/jpg/360px/obs-en-38-12.jpg)

यीशुऐ तीन बैई प्रार्थना कौरे, “ओए रै मैरे पिता, जै हौए सौकौ तौ ताखै मैरे ढाल़ ऐ ऐजा दुख का छाना मौखै पीणौ कारिए नै दै। पौरौ जै लौगौ कै पाप माफ कौरणौ कारिए कोणजै औके बाट ना आथी, पौरौ तौबे बै तैरै मौरजै पोरै हौंव।” यीशु बैजाए बैचेन थिया औरौ तैसका परसीना लौई कै जैशणा थिया। तैसी कै शोकते दैणौ कारिए पौरमेशवरै ऐक स्वर्गदूत छाड़ा।

![](https://cdn.door43.org/obs/jpg/360px/obs-en-38-13.jpg)

हर बैई प्रार्थना कौरणौ कै बाद, यीशु आपणै चैलै कै धौरे पाछु औआ, पौरौ सै सौते गौवे थिऐ। जोबै यीशु तिज़ालियौ पाछु ओआ तौ यीशुऐ बौल़ौ, “उबै बिजौ! मैरा थौम्बाणौ वाल़ा इथी औसौ।”

![](https://cdn.door43.org/obs/jpg/360px/obs-en-38-14.jpg)

यहूदी नेता, सैनिकौ, औरौ ऐकी भीड़ लियाऐबा यहूदा औआ। तिनवागै तलवारी औरौ डैंगै थिऐ। यहूदाऐ यीशु कै धौरे आऐबा तैसकैई बौल़ौ, “ओए रै गुरु जी, नमशकार,” औरौ तैसी कै हौंगटे लौआ। तैणै यीशु कै थौम्बाणौ कै यहूदी नैतांव पांदी प्रकट कौरणौ कारिए ऐशैकै कौरे राए थियु। तोबै यीशुऐ बौल़ौ, “ओए रै यहूदा, का तौऐं ऐक बैई हौंगटे लाऐबा मौखै थौम्बाए लौआ?”

![](https://cdn.door43.org/obs/jpg/360px/obs-en-38-15.jpg)

जोबै तिनु सैनिकै यीशु कै थाम्बै लौआ थिया, तोबै पतरसै आपणै तलवार घाड़ै औरौ महा यहूदी पुरोहित कै ऐकी नौकरौ का कान काटे दिया। यीशुऐ बौल़ौ, “तलवार दूरकै राख! हांव आपणै बापू कैंईदै आपी कै बौचाणौ कारिए स्वर्गदूतौ कै ऐक सेना मांगणौ कै बेनते कौरे सौकुं। पौरौ मैरे आपणै बापू कै बात मानणै।” तोबै यीशुऐ तैसी आदमी का कान ठीक कौरे दिया। तोबै सोबै चैलै दौड़ै गौवे।

*मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_38_128kbps.m4a

## 39. यीशु पांदी मुकद्दमा चालौ

https://openbiblestories.org/l/srx/story-39/

![](https://cdn.door43.org/obs/jpg/360px/obs-en-39-01.jpg)

ऐबै ऐजा आधैये राते का सौमय थिया। तिनु सैनिकै यीशु कै महा यहूदी पुरोहित कै घौरे निया, जिथुकै सै यीशु कैंईदै सवाल पूछणै चांव थिऐ। पतरसै दूरकै दा तिनका पीछा कौरे लौआ थिया। जोबै सैनिकै यीशु कै घौरे पुंडा भिटा निया, तौ पतरस बायरै ठोहरियो आग सैके लौए थै।

![](https://cdn.door43.org/obs/jpg/360px/obs-en-39-02.jpg)

घौरौ कै भीतरै, यहूदी नेताऐ यीशु पांदी मुकद्दमा चौलौऊंआ। तिनुऐ तैसकै खिलाफ झूठी बातौ बौल़णौ कारिए भौरिशै झूठै गवाह लियौऊंऐ। भौलैई, तिनकी गोवाई ऐकी दुजैयारी नी मिलौ थी, इथकारिए यहूदी नेता कै ऐजौ साबित ना कौरी कै सै कियौं बातौ का दोषै थिया। यीशुऐ किछै ना बुल़ी।

![](https://cdn.door43.org/obs/jpg/360px/obs-en-39-03.jpg)

आखरी दौ, महा यहूदी पुरोहितै सीधु यीशु कै ढौबौ दैखेबा बौल़ौ, “आमु कै बौता कै तू ही जियुंदी पौरमेशवर का बैटा मसीह औसौ?”

![](https://cdn.door43.org/obs/jpg/360px/obs-en-39-04.jpg)

यीशुऐ बौल़ौ, “हांव औसौए, औरौ तुऐं मौखै पौरमेशवर कै साथै बौठैयोंदा औरौ स्वर्ग पौरेशा आंदिये बैई दैखदै।” महा यहूदी पुरोहितै आपणै खौटणौ फाड़ै दिऐ जिथुकै जू यीशुऐ बौल़ौ सै तियौं बातौ पांदी बैजाए गुस्सा थिया। सै औकी नेतांव पांदी लेरो मारदा लागा, “आमु कै ऐजौ बौताणौ कारिए कौसी औकी गवाह कै जौरूरत ना आथी कै ऐसी आदमीए का कौरे राए! तुऐं आपी ही तैसी ऐजौ बुल़दिऐ बैई शौणै पोआ कै सै पौरमेशवर का बैटा औसौ। ऐसकै बारै मुंजी तौंवारा का फोयसला औसौ?”

![](https://cdn.door43.org/obs/jpg/360px/obs-en-39-05.jpg)

सौबी यहूदी नेताऐ महा यहूदी पुरोहित कै जबाब दिया, “सै मौरणौ कै लायक औसौ!” तोबै तिनुऐ यीशु की आखी पांदी पाट्टी बानै दी, तैसपांदी थूकु, तैसीकै पीटा, औरौ तैसका मजाक उड़ौऊंआ।

![](https://cdn.door43.org/obs/jpg/360px/obs-en-39-06.jpg)

औरौ पतरस, जोबै तैणै घौरौ कै बायरै ठौल़े लौआ थिया। तोबै ऐकी दासी बाईटिऐ तैसीकै दैखा। तियैं तैसीकै बौल़ौ, “तू बै यीशु कै साथै थिया!” पौतरसे मौना कौरे दियु। तैथियोंड़ै, कुणिए औकी बाईटिऐ बै ऐजै बात बौल़े, औरौ पतरसे ओटेयो मौना कौरे दियु। आखरी दौ, किछै औकी लोगै बौल़ौ, “आमै जाणुऐ कै तू यीशु कै साथै थिया जिथुकै तुऐं दुईनै जौणै गलील कै औसौ।”

![](https://cdn.door43.org/obs/jpg/360px/obs-en-39-07.jpg)

तोबै पतरसे बौल़ौ, “जै हांव ऐसी आदमी कै जाणु होला तौ पौरमेशवर मौखै शराप दैंव!” तौलौंई पतरसौ कै ऐशैकै शौं खाणौ कै बाद, ऐकी कुकड़ै बाँग दै। यीशुऐ पाछु फिरेबा पतरसौ कै दैखा।

![](https://cdn.door43.org/obs/jpg/360px/obs-en-39-08.jpg)

पतरस तिथै दा आगु हौटा औरौ हिणकै-हिणकैबा रुन्दा लागा। यीशु कै थौम्बाणौ वाल़ै यहूदाऐ दैखौ कै यहूदी नेताऐ यीशु कै मौत कै सजा दैय राए। यहूदा बैजाए दुखी हौए गौआ औरौ जाऐबा आपी कै मारै दिया।

![](https://cdn.door43.org/obs/jpg/360px/obs-en-39-09.jpg)

ऐबै तैसी देशौ का राज्यपाल पिलातुस थिया। सै रोम दैशो कारिए काम कौरेया कौरौ थिया। यहूदी नेताऐ यीशु कै तैसकै धौरे लियौंऊआ। सै चांव थिऐ कै पिलातुस तैसी कै मौत कै सजा दैंव औरौ तैसी कै मारै दैंव। तोबै पिलातुसै यीशु कैंईदु पूछु, “का तू यहूदियो का राजा औसौ?”

![](https://cdn.door43.org/obs/jpg/360px/obs-en-39-10.jpg)

यीशुऐ जबाब दिया, “तौंऐ साचौ बौल़े लौ। पौरौ मैरा राज्य इथै धौरती पांदी का ना आथी। जै हौंदा तौ मैरे दास मौ कारिए युध्द लौड़दै थिऐ। हांव धौरती पांदी पौरमेशवरौ कै बारै मुंजी सौचाए बौताणौ कारिए आए रौआ। हरेक आदमै जू सौचाई शै प्यार कौरौ सै मैरी शुणौ।” पिलातुसै बौल़ौ, “तौ सौचाए का औसौ?”

![](https://cdn.door43.org/obs/jpg/360px/obs-en-39-11.jpg)

यीशु कै साथै बातौ कौरणौ कै बाद, पिलातुसे बायरै भीड़ौ कै धौरे जाऐबा बौल़ौ, “हांव तैसदै ऐशणै कुणजै बौजेह ना पौऊं कै ऐजा आदमै मारै दैणौ कै लायक हौला।” पौरौ यहूदी नेताऐ औरौ भीड़ै लेरो मारैबा बौल़ौ, “तैसीकै क्रूसौ पांदी चौढ़ाए दैंव!” पिलातुसै जबाब दिया, “सै किछै बै गोल़त कौरणौ का दोषै ना आथी।” पौरौ सै हौजौ बै जौर शै लेरो मारदै लागै। तोबै पिलातुसे तिज़ालियौ बौल़ौ, “सै दोषै ना आथी!”

![](https://cdn.door43.org/obs/jpg/360px/obs-en-39-12.jpg)

पिलातुस डौरे गौआ कै सैजै भीड़ दंगा कौरणा शुरू नै कौरे दैंव, इथकारिए सै आपणै सैनिकौ लैई यीशु कै क्रूसौ पांदी चौढ़ाणौ कारिए मानै गौआ। रोमी सैनिकै यीशु दै कोड़े लाए, औरौ तैसीकै शाही खौटणौ बाम्बाऐ, औरौ तैसकै मुंडौ पांदी कांडै कौ बाणयोंदौ ताज राखौ। तोबै सै ऐजौ बौल़ेबा तैसका मजाक उड़ांदै लागै, “देखौ,यहूदियो का राजा!”

*मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_39_128kbps.m4a

## 40. यीशु कै क्रूस पांदी चौढ़ौऊंआ

https://openbiblestories.org/l/srx/story-40/

![](https://cdn.door43.org/obs/jpg/360px/obs-en-40-01.jpg)

यीशु का ठाट्ठा कौरणौ कै बाद, सैनिक तैसीकै क्रूसौ पांदी चौढ़ाणौ कारिए लौए गौवे। तिनुऐ सैजौ क्रूस तैसी लैई टिपौऊं जिथपांदी सै मौरदा थिया।

![](https://cdn.door43.org/obs/jpg/360px/obs-en-40-02.jpg)

सैजै सैनिक यीशु कै तैसी ठांव दै लौए गौवे जिथुकै “खोपड़ी बौल़ौ, औरौ तैसकै हाथौ औरौ लाथौ कै क्रूसौ पांदी किले दिऐ। पौरौ यीशुए बौल़ौ, “ओए रै बापू, इनु माफ कौर, जिथुकै ऐ‍जै ना जाणौ कै इनुऐ का कौरे लौ।” तिनुऐ ऐक तोख्ते कै बै तैसकै मुंडौ पांदी टांगै दै। तिथपांदी लैख राए थियु, “यहूदियों का राजा।” पिलातुसे तिनुकै ऐजौई लिखणौ कै बौल़े राए थियु।

![](https://cdn.door43.org/obs/jpg/360px/obs-en-40-03.jpg)

तोबै सैनिकै यीशु कै खौटणौ कारिए चिट्ठी पैई। जोबै तिनुऐ ऐशै कै कौरौ तौ तिनुऐ तियौं भविष्यवाणी कै पोरै कौरे जू बोतांव कै, “तिनुऐ मैरै खौटणौ आपी मुंजी बांटे दिऐ, औरौ मैरै खौटणौ कारिए चिट्ठी पैई।”

![](https://cdn.door43.org/obs/jpg/360px/obs-en-40-04.jpg)

तिथै दो डाकू बै थिऐ, जिनुकै सैनिकै तौलौंई क्रूसौ पांदी चौढ़ाए राए थिऐ। तिनुऐ तिनुकै यीशु कै दु ढौबौ राखै राए थिऐ। तिनमुंजी दै ऐकी डाकूऐ यीशु का मजाक उड़ौऊआ, पौरौ औकी डाकुए तैसीकै बौल़ौ, “का तू डौरे ना कै पौरमेशवर ताखै सजा दैंदा? आमै बौहितै बुरै कामौ कै कौरणौ कै दोषी औसौ, पौरौ ऐजा आदमै निर्दोष औसौ।” तोबै तैणै यीशु कै बौल़ौ, “जौलौ तू आपणै राज्य दा आईला तौ ताखै मैरे ढाल औसौ कै मौखै बै याद राखेया।” यीशुऐ जबाब दिया, “ऐलौई तू मैरै साथै स्वर्ग दा हौंईदा।”

![](https://cdn.door43.org/obs/jpg/360px/obs-en-40-05.jpg)

यहूदी नेताऐ औरौ भीड़ौ कै औकी लोगै यीशु का मजाक उड़ौऊआ। तिनुऐ तैसीकै बौल़ौ, “जै तू पौरमेशवर का बैटा औसौ, तौ क्रूस पौरेशा उदा आ औरौ आपी कै बौचा! तोबै आमै तांव पांदी बिशवाश कौरदै।”

![](https://cdn.door43.org/obs/jpg/360px/obs-en-40-06.jpg)

तोबै तैसी पूरै देशौ कै गौयण पूरी तौरेह शै काल़े हौए गौए, भौलैई सै दुसौ का सौमय थिया। गौयण दोफारौ कै सौमय काल़ी हौए रौई थै औरौ तीन घांटे तौड़ी ऐशैकैई रौ।

![](https://cdn.door43.org/obs/jpg/360px/obs-en-40-07.jpg)

तोबै यीशुए जौर शै बौल़ौ, “पूरू हौ! औए रै बापू, हांव आपणै आत्मा तैरै हाथौ दै दिंयु।” तोबै तैणै आपणौ मुंड नियुंडौऊं औरौ आपणै प्राण छौड़े दिऐ। जोबै सै मौरा तौ ऐक भोईचौल़ औऊं। सैजा बौड़ा पोरदा जू पौरमेशवर कै मोजूदगी शै लौगौ कै जौई कौरौ थिया उपरौ शै तौल तौड़ी दो भाग हौए गौआ।

![](https://cdn.door43.org/obs/jpg/360px/obs-en-40-08.jpg)

आपणै मौत कै द्वारा, यीशुऐ लोगौ कारिए पौरमेशवर कै धौरे आणौ कै बाट खौल दै। जोबै यीशु कै दैखरेख कौरणौ वाल़ै ऐकी सैनिकै जू किछै हौऐ रौ थियु ऐजौ सोबै ठुँ दैखौ तौ तैणै बुलू, “जौरुर, ऐजा आदमै निर्दोष थिया। ऐजा पौरमेशवर का बैटा औसौ।”

![](https://cdn.door43.org/obs/jpg/360px/obs-en-40-09.jpg)

तोबै यूसुफ औरौ नीकुदेमुस नांव कै दो यहूदी अगुवे औऊंवे। सै बिशवाश कौरौ थिऐ कै यीशु ही मसीह औसौ। तिनुऐ पिलातुसौ कैंईदै यीशु कै लाश मांगै। तिनुऐ तैसकै लाश खौटणौ दै लौपेटे। तोबै सै यीशु कै लाशौ कै ऐकी चट्टानौ कै काटेयो बौणायोंदै कब्र दै लौए गौवे औरौ तिथ बितरै राखै दै। तोबै तिनुऐ तियौं कब्रौ कै द्वार बौन्द कौरणौ कारिए ऐक बौड़ा पात्थर रौड़काऐ दिया।

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_40_128kbps.m4a

## 41. पौरमेशवर यीशु कै मौरेयोंदै मुंजीदा जियुंदी कौरौ

https://openbiblestories.org/l/srx/story-41/

![](https://cdn.door43.org/obs/jpg/360px/obs-en-41-01.jpg)

यीशु कै क्रूसौ पांदी चौढ़ाणौ कै बाद, यहूदी नेताए पिलातुस कै बौल़ौ, “तैसी झूठै, यानि यीशुऐ बौल़े राए थियु कै सै ती दुसौ कै बाद मौरेयोंदै मुंजी दा जियुंदी हौंदा। कौसी कै ऐजौ साबित कौरणौ कारिए कब्र कै दैखरेख कौरणै पौड़दै कै तैसकै चैलै तैसकै लाश चौरेयो नै लौए जांव। जै सै ऐशैकै कौरौ तौ सै बौलदै कै सै मौरेयोंदै मुंजीदा जियुंदी हौए गौआ।”

![](https://cdn.door43.org/obs/jpg/360px/obs-en-41-02.jpg)

पिलातुसै बौल़ौ, “किछै सैनिक लौए जांव, औरौ जैशैकै तुऐं कौरे सौकौ तैशैकै कब्र कै दैखरेख कौरौ।” इथकारिए तिनुऐ तियौं कब्रौ कै दियोल़े कै पात्थरौ पांदी ऐक मोहर लाए दै। तिनुऐ ऐजौ साबित कौरणौ कारिए तिथै रोखवाल़ै कौरणौ कै सैनिकौ कै बै बौठाल़े दिए कै कुणिए बै तैसकै लाश चौरे नै दैंव।

![](https://cdn.door43.org/obs/jpg/360px/obs-en-41-03.jpg)

यीशु कै मौरणौ कै बाद कौ दुस बिशांव कौ दुस थियु। कुणिए बै बिशांव कै दुसै ठौल नै सांडे सौकौ थिया, इथकारिए यीशु का कुणजाई बै दोस्त कब्रौ पांदी ना आए रैई थी। पौरौ बिशांव कै दुसौ कै बाद, झीशौ झीशिंदी, किछै बैटमाणिशौ यीशु कै कब्रौ पांदी जाणौ कारिए तैयार हौई। सै तैसकै लाशौ पांदी हौजौ बै खुशबू वाल़ी चीज़ौ लाणी चांव थी।

![](https://cdn.door43.org/obs/jpg/360px/obs-en-41-04.jpg)

तिनु बैटमाणिशौ कै पौंईचणौ दै आगै, कब्रौ पांदी ऐक बौड़ौ भौईचौल़ औऊ। स्वर्ग पौरेशौ ऐकी स्वर्गदूतै आऐबा तैसी पात्थरौ कै हौटाए दिया जू कब्रौ कै दियोल़े पांदी थिया औरौ तिथ पांदी बौठ गौआ। ऐजा स्वर्गदूत पैयाशै कै जैशणा चौमकै रौआ थिया। कब्रौ पांदी जू सैनिक थिए तिनुऐ तैसी कै दैखा। सै इशैक डौर गौवे थिऐ कै मौरेयोंदै साए जौमीनौ पांदी रिड़ै गौवे।

![](https://cdn.door43.org/obs/jpg/360px/obs-en-41-05.jpg)

जोबै सैजी बैटमाणिशौ कब्रौ पांदी पौंईची तौ तैसी स्वर्गदूतै तिनुकै बौल़ौ, “डौरेया नै। यीशु इथै ना आथी। सै मौरेयोंदै मुंजीदा जियुंदी हौए गौआ, जैशैकै तैणै बौल़े राए थियु कै सै जियुंदी हौंदा! कब्रौ दा जौआ औरौ दैखा।” तिनु बैटमाणिशै कब्रौ कै भीतरै औरौ जिथै यीशु कै लाश राखै राए थै तिथै जौआ औरौ दैखौ कै तैसकै लाश तिथै ना आथी!

![](https://cdn.door43.org/obs/jpg/360px/obs-en-41-06.jpg)

तोबै तैसी स्वर्गदूतै तिनु बैटमाणिशौ कै बौल़ौ, “जाऐबा तैसकै चैलै कैई बौतांव, ‘यीशु मौरेयोंदै मुंजी दा जियुंदी हौए रौआ औरौ सै तुऔं दा औगौड़ियौ गलील जिले कै जांदा।’”

![](https://cdn.door43.org/obs/jpg/360px/obs-en-41-07.jpg)

सैजी बैटमाणिशौ हैरान हौई औरौ बैजाए खुशी हौई। सै चैलै कै ऐजा सुसमाचार शुणाणौ कारिए दौऊंड़ी।

![](https://cdn.door43.org/obs/jpg/360px/obs-en-41-08.jpg)

जोबै सैजी बैटमाणिशौ चैलै कै ऐजा सुसमाचार शुणाणौ कारिए आपणै बाटौ पुंडी थी, तौ यीशु तिनुकै देखिया। सै तैसकै लाथौ पांदी पौड़ी। तोबै यीशुऐ बौल़ौ, “डौरेया नै। जाऐबा मैरै चैलै कै गलील जिले कै जाणौ कै बौल़ौ। सै तिथै मौखै दैखदै।”

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_41_128kbps.m4a

## 42. यीशु स्वर्ग कै पाछु जांव

https://openbiblestories.org/l/srx/story-42/

![](https://cdn.door43.org/obs/jpg/360px/obs-en-42-01.jpg)

जैसी दुसै पौरमेशवरै यीशु कै मौरेयोंदै मुंजी दा जियुंदी कौरा, तैसी दुसै तैसकै दो चैलै नैड़िक कै गांव दै चाले रौवे थिए। हांडदिए बैई तिनुऐ यीशु कै साथै जू हौए रौ थियु। तिथकै बारै मुंजी बातौ कौरे लौई थी, तिनुकै उमीद थै कै सै मसीह थिया, पौरौ तोबै सै मौरे गौआ थिया। ऐबै सैजी बैटमाणिशौ बौल़ौ कै सै ओटेयो जियुंदी हौए गौआ। सै नै जाणौ थिए कै कौसकी बातौ पांदी बिशवाश कौरी।

![](https://cdn.door43.org/obs/jpg/360px/obs-en-42-02.jpg)

यीशु तिनकै धौरे आऐबा तिनुवारी हांडा, पौरौ तिनकै तैसी पौछयाणी ना। तैणै पूछु कै तुऐं कौसकै बारै मुंजी बातौ कौरे लौई। तिनुऐ यीशुकैंई यीशु ही कै बारै मुंजी हौयौयोंदी बातौ कै बारै मुंजी बौतौऊं। तिनुऐ सुंचु कै आमुऐ कौसी परदेशीयारी बातौ कौरे लौई जू जाणौ ना कै यरूशलेम शहर दौ का हौए रौ।

![](https://cdn.door43.org/obs/jpg/360px/obs-en-42-03.jpg)

तोबै यीशुऐ तिनुकै सौमझौऊऐ कै पौरमेशवर का बचन मसीह कै बारै मुंजी का बौल़ौ। कैई सालो आगै, पौरमेशवरौ की बातौ बौताणौ वाल़ै बौल़े राए थियु कै बुरै लौग मसीह कै दुख दैंदे औरौ मारे दैंदे। औरौ पौरमेशवरौ की बातौ बौताणौ वाल़ै ऐजौ बै बौल़े राए थियु कै सै तीज़ै दुसै जियुंदी हौए जांदा।

![](https://cdn.door43.org/obs/jpg/360px/obs-en-42-04.jpg)

जोबै सै तैसी नगरौ दै पौंईचै जिथै सैजै दो जौणै टिकणौ चांव थिए, तौ तैतियो लमसम बैल़खौ हौए गौ थियु। तिनुऐ यीशु कै आपणै साथै टिकणौ कारिए हाएड़ै कौरे, औरौ सै तिनुवारी कोसी ऐकी कै घौरे हौटा। औरौ जोबै तिथै सै बियाल़े खांदै बौठे गौवे। तौ यीशुऐ ऐक रोटे कौरे औरौ तिथकारिए पौरमेशवर का धन्यवाद कौरा, औरौ तोबै तियौं तौड़े। तौलौईं, तिनुऐ जाणै पौऊं कै सै यीशु औसौ। पौरौ तौलौंई, सै तिनकी आखी कैईदा हांएचै गौआ।

![](https://cdn.door43.org/obs/jpg/360px/obs-en-42-05.jpg)

तिनु दु जौणै आपी मुंजी बौल़ौ, “सै यीशु थिया! इथकारिए जोबै तैणै आमु कै पौरमेशवरौ कै वचन कै बारै मुंजी सौमझाए लौवे थिए तौ आमै बैजाए खुशी थिए!” तौलौंई, सै निकल़ेबा पाछु यरूशलेम कै हौटे। जोबै सै पौंईचै तौ तिनुऐ चैलै कै बौतौऊं, “यीशु जियुंदी औसौ! आमुऐ तैसीकै दैख राए!”

![](https://cdn.door43.org/obs/jpg/360px/obs-en-42-06.jpg)

जोबै चैलै आपी मुंजी पोईले रौवे थिए, तौ तौलौईं यीशु तिनकै ऐकदम शै तैसी कमरे दा दैखिया। औरौ तैणै बौल़ौ, “तुऔं कै शान्ते भैटौ!” चैलै सुंचु कै सै भूत औसौ, पौरौ यीशुऐ बौल़ौ, “तुऐं किथुकै डौरे रौवे? तुऐं ऐशै काए ना सुंचौ, कै हांव भूत ना आथी, पौरौ यीशु औसौ? मैरै हाथ लाथ दैखौ। भूतौ दी हाड़की औरौ माँस ना हौंव जैशैकै मौ कैंई औसौ।” ऐजौ दिखाणौ कारिए कै सै कुणजाई भूत ना आथी, तैणै खाणौं कारिए किछै मांगौ। तिनुऐ तैसी कै माछी का ऐक टुकड़ा दिया, औरौ तैणै सै खाए पौऊआ।

![](https://cdn.door43.org/obs/jpg/360px/obs-en-42-07.jpg)

यीशुऐ बौल़ौ, “मैरे बारै मुंजी पौरमेशवर का वचन जू किछै बै बौल़ौए सै घौटदाए। मौंऐ तुऔं कै बौताए दियु कै तिथकौ हौणौ जौरूरी औसौ।” तोबै यीशुऐ तिनुकै पौरमेशवरौ का वचन ठीक शै सोमझौऊंवा। तैणै बौल़ौ, “बैजाए सालो औगौड़ियौ पौरमेशवरौ की बातौ बौताणौ वाल़ै लैख राए थियु कै मौखै, मसीह कै दुख सौहणा पौड़दा, औरौ मौरणौ पौड़दौ औरौ तोबै तीज़ै दुसै मौरेयोंदै मुंजीदा जियुंदी हौंदा।”

![](https://cdn.door43.org/obs/jpg/360px/obs-en-42-08.jpg)

“तिनु पौरमेशवरौ की बातौ बौताणौ वाल़ै ऐजौ बै लैख राए थियु कै मैरे चैलै पौरमेशवर कै वचन कै घोषणा कौरदै। सै सौबी कै पाप कौरणै छौड़े दैणौ कै बारै मुंजी बौतांदै। जै सै ऐशैकै कौरले तौ पौरमेशवर तिनकै पापौ कै माफ कौरदा। मैरे चैलै ऐसी सौंदेशौ का प्रचार कौरणा यरूशलेम शै शुरू कौरदै। तोबै सै सौबी ठांव दै सौबी जाति मुंजी जांदै। तुऐं सोबै लौग मैरी इनु बातौ औरौ कामौ कै गवाह औसौ जू मौंऐ बौल़े औरौ कौरे राए थिऐ, औरौ तिथु सौबी कै बै जू मैरे साथै हौए रौ थियु।”

![](https://cdn.door43.org/obs/jpg/360px/obs-en-42-09.jpg)

मौरेयो जियुंदी हौणौ कै बाद, यीशु आपणै चैलै कै कैई बैई दैखिया। ऐक बैई तौ सै ऐकी सौमय पांदी 500 दै जादा लौगौ कै दैखिया! तैणै आपणै चैलै पांदी कैई तरीकौ लैई साबित कौरौ कै सै जियुंदी औसौ, औरौ तैणै तिनुकै पौरमेशवरौ कै राज्य कै बारै मुंजी शिक्षा दै।

![](https://cdn.door43.org/obs/jpg/360px/obs-en-42-10.jpg)

यीशुऐ आपणै चैलै कै बौल़ौ, “पौरमेशवरै मौखै स्वर्ग औरौ धौरती कै सौबी आदमी पांदी राज कौरणौ का ओधिकार दैए राए। इथकारिए ऐबै हांव तुऔं कै बुलू : जाऐबा सौबी जाति कै लौगौ कै चैला बाणौ। ऐशैकै कौरणौ कारिए, तुऐं पिता, बैटा, औरौ पवित्र आत्मा कै नांव शै बपतिस्मा दैंव। जू किछै बै मौंऐ तुऔं कै आज्ञा दैए राए तिनु सौबी बातौ कै मानणी बी तुऔं तिनुकै शिखाणी पौड़दी। याद राखौ, हांव होमैशा तौंवारै साथै रौंदा।

![](https://cdn.door43.org/obs/jpg/360px/obs-en-42-11.jpg)

यीशु कै मौरेयोंदै मुंजी दै जियुंदी हौणौ कै चालीश दुसौ कै बाद, तैणै आपणै चैलै कै बौल़ौ, “जांव तौड़ी कै मैरा बापू तुऔं शोकती ना दैंव तांव तौड़ी यरूशलेम दै टिकेयोंदै रौंव। सै तुऔं पांदी पवित्र आत्मा छाड़ेबा ऐशैकै कौरदा।” तोबै यीशु स्वर्ग दा हौटे गौआ, औरौ ऐकी बादल़े तैसीकै तिनकी नोजरो पौरेशा छुपाए दिया। स्वर्ग दा यीशु सौबी चीज़ौ पांदी राज कौरणौ कारिए पौरमेशवर कै सौऐं ढौबौ बौठे गौआ।

*मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 पौरेशै बाइबल कै ऐक काहाणै।*

Audio: https://git.door43.org/OBS-TLF/srx_obs/releases/download/v1/srx_obs_v1_42_128kbps.m4a

## 43. कलीसिया कै शुरूवात

https://openbiblestories.org/l/srx/story-43/

![](https://cdn.door43.org/obs/jpg/360px/obs-en-43-01.jpg)

यीशु कै स्वर्गौ पाछु जाणौ कै बाद, चैलै यरूशलेम दै ही रौवे जैशैकै यीशुऐ तिनुकै कौरणौ का आदेश दैए राए थिया। तिथै कै बिशवासी लौग रोज ऐक साथै प्रार्थना कौरणौ कारिए कोठै हौया कौरौ थिए।

![](https://cdn.door43.org/obs/jpg/360px/obs-en-43-02.jpg)

ऐई साल, फसह कै तैयारौ कै 50 दुसौ कै बाद, यहूदी लौग पिन्तेकुस्त नांव को ऐकी खास दुसौ कै मौनांव थिए। पिन्तेकुस्त सैजा सौमय थिया जोलो यहूदी लौग गियुँ कै शाक काटौ थिए तिथु पिन्तेकुस्त कौ तैयार बौल़ौ थिए। पूरी दुनिया शै यहूदी लौग पिन्तेकुस्त कै दुसौ कै ऐकसाथै मौनाणौ कारिए यरूशलेम दै औवे। इयौं साल, पिन्तेकुस्त मौनाणौ का सौमय यीशु कै स्वर्ग कै पाछु जाणौ कै बाद लमसम ऐक हफ्ते कै बाद आए रौआ थिया।

![](https://cdn.door43.org/obs/jpg/360px/obs-en-43-03.jpg)

जोलो सोबै बिशवाशै लौग ऐक साथै कौठे थिए, तौ जेसी घौरे पुंडै सै थिए ऐकदम शै तिथ पौरेशै बागुरौ कै जैशणै जोराल़े आवाज़ शुणै। तोबै आग कै लोयारे कै जैशणो दैखिणौ वाल़ो किछै सौबी बिशवाशी कै मुंडौ पांदी प्रकट हौ। सैजै सोबै जौणै पवित्र आत्मा लैई भौरे गौवे औरौ तिनुऐ अनजानै भाषा दै पौरमेशवर कै बौड़ाए कौरे। ऐजी सैजी भाषा थी जिनु बौल़णौ कारिए तिनुकै पवित्र आत्माऐ शोकते देय राए थै।

![](https://cdn.door43.org/obs/jpg/360px/obs-en-43-04.jpg)

जोबै यरूशलेम शहर दै रौणौ वाल़ै लोगै सैजा शौर शुणा, तौ सैजै भीड़ ऐजौ दैखणौ कारिए ऐकसाथै आए कै का हौंदौ लागै रौ। तिनुऐ बिशवाशी कै पौरमेशवरौ कै द्वारा कौरियोंदै बौड़े-बौड़ै कामौ कै घोषणा कौरदिए बैई शुणै। सै बैजाए हैरान थिए जिथुकै सै तिनु कामौ कै आपणै ही भाषा दै शुणौ थिए।

![](https://cdn.door43.org/obs/jpg/360px/obs-en-43-05.jpg)

तिनमुंजी दै किछै लौगै बौल़ौ कै सै माचे रौवे। पौरौ पतरस उबा बिज़ा औरौ बौल़ौ, “मैरे बात शुणौ! ऐजै लौग माचे ना रैई! इथकारिए, जू किछै तुऐं दैखौए सै सैजौई औसौ जू योएल पौरमेशवर की बातौ बौताणौ वाल़ै बौल़े राए थियु कै हौंदौए: पौरमेशवरै बौल़ौ, ‘आखरी कै दुसौ दा, हांव आपणा आत्मा तुऔं कै दिंयुबा।’”

![](https://cdn.door43.org/obs/jpg/360px/obs-en-43-06.jpg)

“ओए रै इस्राएली मौरदौ, यीशु ऐक ऐशणा आदमै थिया जैणै ऐजौ दिखाणौ कारिए कै सै कुण थिया बौरिशै अनोखै काम कौरे राए थिए। तैणै पौरमेशवर कै शोकती लैई भोरिशै अनोखै काम कौरे राए थिए। तुऐं ऐजौ जाणौए, जिथुकै तुऐं इनु कामौ कै दैख राए। पौरौ तुऐं तैसीकै क्रूसौ पांदी चौढ़ाए दिया!”

![](https://cdn.door43.org/obs/jpg/360px/obs-en-43-07.jpg)

“यीशु मौरे गौआ पौरौ पौरमेशवरै तैसी कै मौरेयोंदै मुंजीदा जियुंदी कौरे दिया। तैणै तिनु बातौ कै पूरी कौर दी जू ऐकी पौरमेशवरौ की बातौ बौताणौ वाल़ै लैख रैई थी: ‘तू आपणै पवित्र जन कै कब्र दा ना शौड़नौ दैंदा।’ आमै गवाह औसौ कै पौरमेशवरै यीशु कै ओटेयो जियुंदी कौरे दिया।”

![](https://cdn.door43.org/obs/jpg/360px/obs-en-43-08.jpg)

“पौरमेशवर पिताऐ ऐबै यीशु कै आपणै सौऐं ढौबौ बौठाल़ेबा तैसीकै आदर दिया। औरौ यीशुऐ आमु कारिए पवित्र आत्मा छाड़ा जैशैकै तैणै वादा कौरे राए थिया कै सै छाड़दाऐ। पवित्र आत्मा ही तिनु कामौ कै हौणौ दैए लौवे जिनु तुऐं दैखै औरौ शुणै लौवे।”

![](https://cdn.door43.org/obs/jpg/360px/obs-en-43-09.jpg)

“तुऐं तैसी आदमी, यानि यीशु मसीह कै क्रूसौ पांदी चौढ़ाए दिया। पौरौ पाकौई जाणै पाव कै पौरमेशवरै यीशु कै सौबी चीज़ौ पांदी प्रभु औरौ मसीह दुईनै ठौरौऊआ!”

![](https://cdn.door43.org/obs/jpg/360px/obs-en-43-10.jpg)

पतरसौ की शुणणौ वाल़ै लौग तैसकी बौलयोंदी बातौ लैई बीतरौ तौड़ी हिंज़ले गौवे। इथकारिए तिनुऐ पतरस औरौ चैलै कैंईदु पूछु, “ओए रै भाईड़ियों, आमु कै का कौरणौ चैई?”

![](https://cdn.door43.org/obs/jpg/360px/obs-en-43-11.jpg)

पतरसै तिनुकै जबाब दिया, “तुऔं मुंजी दै सौबीकै पाप कौरणै छौड़णै चैंई ताकि पौरमेशवर तौंवारै पापौ कै माफ कौरे दैंव, औरौ यीशु मसीह कै नांव लैई बपतिस्मा लौंव। तोबै सै तुऔं कै वरदान कै रुपौ दा पवित्र आत्मा बै दैंदा।”

![](https://cdn.door43.org/obs/jpg/360px/obs-en-43-12.jpg)

पतरसै जू बौल़ौ तिथ पांदी लमसम 3,000 लौगै बिशवाश कौरा औरौ यीशु कै चैलै बौणै गौवे। तिनुऐ बपतिस्मा लौआ औरौ यरूशलेम कै कलीसिया का हिस्सा बौणै गौवे।

![](https://cdn.door43.org/obs/jpg/360px/obs-en-43-13.jpg)

जोबै चौणेयोंदै चैलै तिनुकै शिक्षाएँ दी तौ बिशवाशीए रोज शुणी। सै रोज मिलाया कौरौ थिए औरौ ऐकसाथै खाणौ खांव थिए, औरौ तिनुऐ रोज ऐकी दुजै कारिए प्रार्थना कौरी। औरौ तिनुऐ मिलेबा पौरमेशवरौ कै बौड़ाए कौरे औरौ जू किछै बै तिनकैंई थियु तिनुऐ ऐकी दुजैयारी बांडौ। औरौ नगरौ कै सोबै आदमै तिनकारिए आछौ सुंचौ थिए। रोज, जादा शै जादा लौग बिशवाशी बौणदै लागै।

*प्रेरितों के काम 2 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_43_128kbps.m4a

## 44. पतरस औरौ यूहन्ना ऐकी भिखारी कै ठीक कौरौ

https://openbiblestories.org/l/srx/story-44/

![](https://cdn.door43.org/obs/jpg/360px/obs-en-44-01.jpg)

ऐक दुस, पतरस औरौ यूहन्ना मंदिर दै हौटे। ऐक लौंगड़ा आदमै भीख मांगदा मंदिर कै द्वारौ पांदी बौठे रौआ थिया।

![](https://cdn.door43.org/obs/jpg/360px/obs-en-44-02.jpg)

पतरसै तैसी लौंगड़ै आदमी कै ढौबौ दैखौ औरौ बौल़ौ, “मौंवागै ताखै दैणौ कारिए पौयसै तौ ना आथी। पौरौ जू मौंवागै औसौ सैजौ हांव ताखै दिंयु। यीशु कै नांव शै, उबा बिज़ औरौ आगु हांड!”

![](https://cdn.door43.org/obs/jpg/360px/obs-en-44-03.jpg)

तौलौंई, पौरमेशवरै तैसी लौंगड़ै आदमी कै ठीक कौरे दिया। तैणै ऊंडु-पुंडू हांडणौ औरौ फाल़ी मारणी शुरू कौरे दी। मंदिरौ कै आंगणौ दै आएयोंदै लौग हैरान थिए।

![](https://cdn.door43.org/obs/jpg/360px/obs-en-44-04.jpg)

तौलौंई लोगौ कै ऐक भीड़ तैसी आदमी कै दैखदै आए जू ठीक हौए गौआ थिया। पतरसै तिनुकै बौल़ौ, “ऐजा आदमै ठीक औसौ, पौरौ इयौं बातौ पांदी हैरान नै हौया। आमुऐ ऐसी कै आपणी शोकती लैई ठीक ना कौरे रैई, या इथकारिए नै कै आमै पौरमेशवरौ का आदर कौरू। पौरौ, सै यीशु औसौ जैणै ऐसी आदमी कै आपणी शोकती लैई ठीक कौरे राए, जिथुकै आमै यीशु पांदी भौरोशा कौरू।”

![](https://cdn.door43.org/obs/jpg/360px/obs-en-44-05.jpg)

“सैजै बै तुऐंई औसौ जिनुऐ तैसी रोमी राज्यपाल शै यीशु कै मार दैणौ कै बौल़े राए थियु। तुऐं तैसी मारे दिया जू सौबी कै जीवन दैंव। पौरौ पौरमेशवरै तैसी कै मौरेयोंदै मुंजीदा जियुंदी कौरा। तुऐं ना जाणी कै तुऐं का कौरे लौ थियु, पौरौ जोबै तुऐं तिनु कामौ कै कौरे लौवे थिए, तौ जू पौरमेशवरौ की बातौ बौताणौ वाल़ै बौल़े राए थियु सैजौ पूरू हौ। तिनुऐ बौल़े राए थियु कै मसीह दुख सौंहदा औरौ मौरे जांदा। पौरमेशवरै ऐशैकै हौणौ दियु। इथकारिए ऐबै, पाप कौरणै छौड़े दैंव औरौ पौरमेशवरौ कै ढौबौ फिरौ, ताकि सै तौंवारै पापौ कै धोएबा साफ कौरे दैंव।”

![](https://cdn.door43.org/obs/jpg/360px/obs-en-44-06.jpg)

जोबै मंदिर कै नेताए पतरस औरौ यूहन्ना कै शुणै, तौ सै बैजाए डौरे गौवे। इथकारिए तिनुऐ तिनुकै बानैबा कोयदखानै दै पाए दिए। पौरौ जू पतरसै बौल़े राए थियु तिथपांदी भौरिशै लौगै बिशवाश कौरा। यीशु पांदी बिशवाश कौरणौ वाल़ै कै गेणते बौढ़ेबा लमसम 5,000 हौए गौए।

![](https://cdn.door43.org/obs/jpg/360px/obs-en-44-07.jpg)

औकी दुसै, सैजै यहूदी नेता पतरस औरौ यूहन्ना कै महा यहूदी पुरोहित कै औरौ औकी धरमी नेतांव कै धौरे लौए गौवे। तिनुऐ तैसी आदमी कै बै लियौंऊआ जू लौंगड़ा थिया। तिनुऐ पतरस औरौ यूहन्ना कैंईदु पूछु, “कौसकै औधिकार शै तुऐं तैसी आदमी कै ठीक कौरे राए?”

![](https://cdn.door43.org/obs/jpg/360px/obs-en-44-08.jpg)

पतरसै जबाब दिया, “ऐजा आदमै जू तौंवारै सामणै खौड़ा औसौ तैसी यीशु मसीह की शोकती लैईबा ठीक कौरे राए। तुऐं यीशु कै क्रूसौ पांदी चौढ़ाए दिया, पौरौ पौरमेशवरै तैसी कै ओटेयो जियुंदी कौरे दिया! तुऐं तैसी कै ना औपनैई, पौरौ यीशु कै शोकती कै छौड़ेबा मुकतै पाणौ कै कुणजै औके बाट ना आथी!”

![](https://cdn.door43.org/obs/jpg/360px/obs-en-44-09.jpg)

सैजै नेता हैरान थिए कै पतरस औरौ यूहन्नाए बैजाए हिम्मत कै साथै बातौ कौरी। तिनुऐ दैखौ कै ऐजै तौ आम आदमै थिए जू कै अनपढ़ थिए। पौरौ तोबै तिनकै याद औऊं कै ऐजै आदमै यीशु कै साथै रौए रौवे थिए। इथकारिए तिनुऐ तिनुकै बौल़ौ, “आमै तुऔं कै बैजाए बौड़े सजा दैंदे जै तुऐं ऐसी आदमी यानि यीशु कै बारै मुंजी लौगौ कै कुणजाई औका सौंदेश दैंलै।” ऐशणी बौरिशी बातौ बौल़णौ कै बाद, तिनुऐ पतरस औरौ यूहन्ना कै जाणौ दिए।

*प्रेरितों के काम 3:1-4:22 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_44_128kbps.m4a

## 45. स्तिफनुस औरौ फिलिप्पुस

https://openbiblestories.org/l/srx/story-45/

![](https://cdn.door43.org/obs/jpg/360px/obs-en-45-01.jpg)

आगल़े मसीही नेतांव मुंजी स्तिफनुस नांव का ऐक मौरद थिया। सोबै लौग तैसका आदर कौरौ थिए। पवित्र आत्माए तैसी कै बौरिशी शोकते औरौ बुध्दि दैए राए थै। स्तिफनुसै बौरिशै चोमत्कार कौरे राए थिए। जोबै तैणै यीशु पांदी भौरोशा कौरणौ कै बारै मुंजी शिक्षा दै तौ बौरिशै लौगै तैसपांदी बिशवाश कौरा।

![](https://cdn.door43.org/obs/jpg/360px/obs-en-45-02.jpg)

ऐकी दुसै, स्तिफनुसै यीशु कै बारै मुंजी शिक्षा दैए लौए थै, औरौ किछै ऐशणै यहूदी लौग औऊंवे जिनुऐ यीशु पांदी बिशवाश ना कौरे रैई थी औरौ तैसियारी भैसबाजै कौरणै शुरू कौरे। सै बैजाए गुस्सै हौए गौवे, इथकारिए सै धरमी नैता कै धौरे हौटे औरौ तैसकै बारै मुंजी झूठौ बौल़ौ। तिनुऐ बौल़ौ, “आमुऐ स्तिफनुस कै मूसा औरौ पौरमेशवर कै बारै मुंजी बुरी बातौ बुलुदिए बैई शौणै राए!” इथकारिए धरमी नेताऐ स्तिफनुस कै उंडा पाकड़ा औरौ तैसीकै महा यहूदी पुरोहितौ कैंई औरौ यहूदी लौगौ कै औकी नेता कैई लौए गौवे। हौजौ बै झूठै गवाह औवे औरौ तिनुऐ स्तिफनुसौ कै बारै दो झूठौ बौल़ौ।

![](https://cdn.door43.org/obs/jpg/360px/obs-en-45-03.jpg)

महा यहूदी पुरोहितै स्तिफनुसौ कैईदौ पूछु, “का तिनु लोगै तैरे बारै मुंजी साचौ बौल़े लौ?” स्तिफनुसै महा यहूदी पुरोहितौ कै जबाब दैणौ कारिए बौरिशी बातौ बुल़णी शुरू कौरे दी। तैणै बौल़ौ कै अब्राहम कै सौमय दौऊंडै यीशु कै सौमय तौड़ी पौरमेशवरै इस्राएल कै लोगौ कारिए बौरिशै अनोखै काम कौरे। पौरौ लोगै होमेशा पौरमेशवर कै आज्ञा ना मानी। स्तिफनुसै बौल़ौ, “तुऐं पौरमेशवर कै खिलाफ हठीले औरौ बुरू कौरणौ वाल़ै लोग औसौ। तुऐं कौलौंई बै पवित्र आत्मा कै औपनैई ना, जैशैकै अमारै पुराणियाए होमेशा पवित्र आत्मा कै ना औपनैई औरौ होमेशा पौरमेशवरौ की बातौ बौताणौ वाल़ै कै मारै दिए थिए। पौरौ जू तिनुऐ कौरे राए थियु तुऐं तिनंदु बै बुरू कौरौ! तुऐं मसीह कै मारै दिया!”

![](https://cdn.door43.org/obs/jpg/360px/obs-en-45-04.jpg)

जोबै तिनु धरमी नेताऐ ऐजौ शुणु, तौ सै इशैक गुस्सै हौए गौवे कै तिनुऐ आपणै कान बौन्द कौरे दिए औरौ जौरौ की लेरो मारी। तिनुऐ स्तिफनुस कै झिड़यों नगरौ पौरेशा बायरै निया औरौ तैसी मारणौ कारिए पात्थर टिपे औरौ तैसीकै पात्थरौ लैई मारा।

![](https://cdn.door43.org/obs/jpg/360px/obs-en-45-05.jpg)

जोबै स्तिफनुस मौरदा लाग रौआ थिया, तैणै जौर शै बौल़ौ, “ ओए रै यीशु, मैरे आत्मा कबूल कौर!” तोबै सै आपणै घुन्डु नियुड़ाऐबा ऊदा रिड़ा औरौ ओटेयो जौर शै बौल़ौ, “औए रै प्रभु, ऐजा पाप तिनपांदी नै लाया।” तोबै सै मौरे गौआ।

![](https://cdn.door43.org/obs/jpg/360px/obs-en-45-06.jpg)

तैसी दुसै, यरूशलेम शहर दै रौणौ वाल़ै बौहितै लोगै यीशु कै शिक्षा मानणौ वाल़ै कै सौताणै शुरू कौरे दिए, इथकारिए बिशवाशी लौग औकी ठांव दै भागै गौवे। पौरौ इथकै बावजूद बै, जिथै कौथी बै सै हौटे तिनुऐ यीशु कै बारै मुंजी प्रचार कौरा।

![](https://cdn.door43.org/obs/jpg/360px/obs-en-45-07.jpg)

फिलिप्पुस नांव का आदमी यीशु का ऐक बिशवाशै थिया। जैशैकै औकी बौरिशै विशवासीए कौरे राए थियु सै बै यरूशलेम पौरेशा दौड़े गौआ सै सामरिया गांव दा हौटा तैणै तिथै लौगौ कै यी‌शु कै बारै मुंजी प्रचार कौरा। बोहितै लौगै तैसपांदी विशवास कौरा औरौ मुकतै पाए। ऐक दुस, फिलिप्पुसौ कै धौरे पौरमेशवर कै ढौबौशा ऐक स्वर्गदूत औऊंवा औरौ तैसी कै जौंगलो पुंडौ जाणौ कारिए, औरौ ऐकी शौड़कै पांदी हांडणौ कै बौल़ौ। फिलिप्पुस तिथै हौटे गौआ। जोबै सै तियौं शौकड़ै पुंडा हांडे रौआ थिया, तौ तैणै ऐकी आदमी कै आपणै रथौ पांदी जांदिए बैई दैखा। ऐजा आदमै कूश देश का ऐक खास ओधिकारी थिया। पवित्र आत्माएं फिलिप्पुस कै बौल़ौ, कै जाऐबा तैसी आदमीआरी हांड।

![](https://cdn.door43.org/obs/jpg/360px/obs-en-45-08.jpg)

इथकारिए फिलिप्पुस रथौ कै धौरे हौटा। तैणै शुणु कै तैसी कूशी आदमीए पौरमेशवर का वचन पौढ़े लौआ थिया। जू यशायाह पौरमेशवरौ की बातौ बौताणौ वाल़ै लैखै राए थिया तैणै तिथु पौढ़े लौ थियु। तैणै ऐजा बचन पौढ़े लौवा थिया, “तिनुऐ तैसी कै बौल़ि कौरणौ वाल़ै भेड़ौ कै जैशणा आगु निया, औरौ जैशैकै ऐक गाबटु मेसौ रौंव, तैशैकैई यीशुऐ बै ऐक आखर ना घाड़ी। तिनुऐ तैसीयारी बुरा बरताव कौरा औरौ तैसका आदर ना कौरी। तिनुऐ तैसीकै मारे दिया।”

![](https://cdn.door43.org/obs/jpg/360px/obs-en-45-09.jpg)

फिलिप्पुसै तैसी कूशी आदमी कैईदु पूछु, “जू तौंऐ पौढ़े लौ का तू तिथु बै सौमझै? तैसी कूशी आदमीए जबाब दिया, “ना। जांव तौड़ी कुणिए इथु मौखै सौमझांव ना, तांव तौड़ी हांव इथु सौमझै ना सौकुं। ढाल ऐ मैरे धौरे आऐबा बौठ। यशायाह ऐजौ आपणै बारै मुंजी लिखै लौ थियु या कौसी औकी कै?”

![](https://cdn.door43.org/obs/jpg/360px/obs-en-45-10.jpg)

फिलिप्पुस रथौ पांदी बौठे गौआ। तोबै तैणै तैसी कूशी आदमी कै सैजौ बौतौऊं जू यशायाहै यीशु कै बारै मुंजी लिखै राए थियु। फिलिप्पुसै पौरमेशवरौ कै वचन कै बौरिशै औकी भागौ कै बै चौर्चा कौरे। ऐशैकै, तैणै तैसी आदमी कै यीशु कै बारै मुंजी सुसमाचार शुणौऊंआ।

![](https://cdn.door43.org/obs/jpg/360px/obs-en-45-11.jpg)

फिलिप्पुस औरौ सैजा कूशी हांडदै-हांडदै पाणी कै धौरे पौंईचै। औरौ तैसी कूशी आदमीए बौल़ौ, “दैख! इथै पाणी औसौ! का हांव बपतिस्मा लौए सौकू?” औरौ तैणै सारथी कै रथ रौकणौ कारिए बौल़ौ।

![](https://cdn.door43.org/obs/jpg/360px/obs-en-45-12.jpg)

औरौ सै पाणी मुंजी हौटे, औरौ फिलिप्पुसै तैसी कूशी आदमी कै बपतिस्मा दिया। जोबै सै पाणी पौरेशै बायरै औऊंवे, तोबै पवित्र आत्मा ऐकदम शै फिलिप्पुस कै टिपेयों कौसी औकी ठांव दा निया औरौ ऐकदम शै सै तैसी कूशी आदमी कैंईदा हांएचै गौआ। औरौ तिथै फिलिप्पुस लौगौ कैंई यीशु कै बारै मुंजी बौतांदा रौआ।

![](https://cdn.door43.org/obs/jpg/360px/obs-en-45-13.jpg)

सैजा कूशी आदमै आपणै घौरौ कै यात्रा पांदी आगु हौटा। सै खुशी थिया कै सै ऐबै यीशु कै जाणौ थिया।

*प्रेरितों के काम 6:8-8:5; 8:26-40 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_45_128kbps.m4a

## 46. पौलुस मसीही बिशवासी बौणै जांव

https://openbiblestories.org/l/srx/story-46/

![](https://cdn.door43.org/obs/jpg/360px/obs-en-46-01.jpg)

शाऊल नांव का ऐक आदमै थिया जैणै यीशु पांदी बिशवाश कौरा। जोलो सै जवान थिया, तोबै तैणै स्तिफनुस कै मारणौ वाल़ै लौगौ कै खौटणौ कै दैखभाल कौरे राए थै। बाद मे, तैणै बिशवाशी कै सौताए राए थिए। तैणै यरूशलेम दै घौर-घौर जाऐबा मौरदौ औरौ बैटमाणिशौ कै बानैबा कौयदखाने दै पाए दिए। तोबै महा यहूदी पुरोहितै शाऊल कै दमिश्क नगर दै जाणौ कै इजाजत दै। तैणै तिथै कै मसीह लौगौ कै बानैबा औरौ तिनुकै पाछु यरूशलेम शहर दै लाणौ कारिए शाऊलौ कै बौल़ौ।

![](https://cdn.door43.org/obs/jpg/360px/obs-en-46-02.jpg)

औरौ शाऊलै दमिश्क नगर जाणौ कै यात्रा शुरू कौरे। तैसी नगरौ दा पौऊंचणौ दा दैणिक औगौड़ियौ, तैसकै चौऊ ढौबौ कै गौयणै पौरेशौ ऐक झमाकैदार पैयाशौ चोमकौ, औरौ सै जौमीनौ पांदी रिड़े गौआ। शाऊलै कौसी कै बुलदिए बैई शुणा, “ओए रै शाऊल! औए रै शाऊल! तूऐं मौखै काए सौताए लौआ?” शाऊलै पूछु, “औए रै प्रभु, तू कुण औसौ?” यीशुऐ तैसी कै जबाब दिया, “हांव यीशु औसौ। तौंऐ मौखै सौताए लौआ!”

![](https://cdn.door43.org/obs/jpg/360px/obs-en-46-03.jpg)

जोबै शाऊल खौड़ा हौआ तौ सै दैखै नी सौकौ थिया। तैसकै दौस्त तैसीकै दमिश्क शहर दा लौए गौवे थिए। शाऊलै ती दुसौ तौड़ी ना किछै खैई ना पी।

![](https://cdn.door43.org/obs/jpg/360px/obs-en-46-04.jpg)

दमिश्क शहर दा हनन्याह नांव का ऐक चैला थिया। पौरमेशवरै तैसीकै बौल़ौ, “तैसी घौरे कै जा जिथै शाऊल रौके रौआ थिया। आपणै हाथ तैसपांदी राख ताकि सै ओटेयो दैखदा लागौ।” पौरौ हनन्याहै बौल़ौ, “ओए रै प्रभु, मौंऐ शौणै राए कै ऐसी आदमीए बिशवाशियो कै कैशैकै सौताए राए।” पौरमेशवरै तैसी कै जबाब दिया, “जा! मौंऐ तैसीकै यहूदियो मुंजी औरौ औकी जाति कै लौगौ मुंजी मैरे नांव कै घौषणा कौरणौ कारिए चौणै राखा। सै मैरे नांव कारिए बैजाए दुख सौंहदा।”

![](https://cdn.door43.org/obs/jpg/360px/obs-en-46-05.jpg)

औरौ हनन्याह शाऊल कै धौरे हौटा, आपणै हाथ तैसपांदी राखै, औरौ बौल़ौ, “यीशु, जू इथै आणौ दा आगै ताखै बाटौ पुंडा भैटिया, तैणै मौखै तैरे धौरे छाड़ै राए ताकि तू ओटेयो दैखदा लागै, औरौ पवित्र आत्मा तांदा सोमाय जांव।” तौलौंई शाऊल ओटेयो दैखदा लागा, औरौ हनन्याहै तैसी कै बपतिस्मा दिया। तोबै शाऊलै खाणौं खौऊ औरौ ओटेयो जान पाए।

![](https://cdn.door43.org/obs/jpg/360px/obs-en-46-06.jpg)

तौलौंई, शाऊलै दमिश्क शहर दै रौणौ वाल़ै यहूदी लोगौ मुंजी प्रचार कौरणा शुरू कौरे दिया। “ यीशु ही पौरमेशवर का बैटा औसौ!” यहूदी लौग हैरान थिए, जिथुकै शाऊलै तौ बिशवाशी लौगौ कै मार दैणौ कै कौशिच कौरे राए थै, पौरौ ऐबै तैणै यीशु पांदी बिशवाश कौरा। शाऊलै यहूदी लौगौ कै साथै भैसबाजी कौरे। तैणै साबित कौरौ कै यीशु ही मसीह थिया।

![](https://cdn.door43.org/obs/jpg/360px/obs-en-46-07.jpg)

बौहितै दुसौ कै बाद, यहूदी लौगै शाऊलौ कै मार दैणौ कै तरकीब बाणै। तिनुऐ तैसी मार दैणौ कारिए नगरौ कै कवाड़ौ पांदी लौगौ कै छाड़े। ताकि तैसपांदी नोजर राखियो पौरौ शाऊलै तिनकी तरकीबौ कै शौणै पाए, औरौ तैसकै दोस्तै तैसी बौचणौ कारिए तैसकै मोदद कौरे। ऐक रात तिनुऐ तैसी कै टोकरी दा बौठाल़ेबा नगरौ कै दीवारौ पौरेशा तैसी ऊदा निकाल़ा। दमिश्क शहर पौरेशा बौचेबा आगु जाणौ कै बाद शाऊल यीशु कै बारै दा प्रचार कौरदा रौआ।

![](https://cdn.door43.org/obs/jpg/360px/obs-en-46-08.jpg)

शाऊल चौणैयोंदै चैलै कै भैटिणौ कारिए यरूशलेम शहर दा हौटा, पौरौ सै तैसी दै डौरौ थिए। तोबै बरनबास नांव का ऐकी बिशवाशीए शाऊलौ कै चौणैयोंदै चैलै कै धौरे निया। तैणै तिनुकैंई बौतौऊं कै शाऊलै कैशैकै हिम्मत कै साथै दमिश्क दा प्रचार कौरे राए थिया। तिथकै बाद, चौणैयोंदै चैलै शाऊलौ कै आपीआरी मिलाए दिया।

![](https://cdn.door43.org/obs/jpg/360px/obs-en-46-09.jpg)

किछै बिशवाशी जू यरूशलेम शहर पौरेशै सौताव कै डौरौ कै दौड़े गौवे थिए सै दूर अंताकिया नगर दै हौटे गौवे थिए औरौ यीशु कै बारै मुंजी प्रचार कौरौ थिए। अंताकिया दै रौणौ वाल़ै लौग जादातर यहूदी लौग ना थी, पौरौ आगल़े बैई, तिनमुंजी दै बौरिशै लौग बिशवाशी बौणै गौवे। बरनबास औरौ शाऊल इनु नौऐं बिशवाशी लोगौ कै यीशु कै बारै मुंजी जादा शिखाणौ कारिए तिथै हौटे औरौ कलीसिया कै मोजबूत कौरे। यीशु पांदी बिशवाश कौरणौ वाल़ै आगल़े बैई अंतकिया शहर दे ही “मसीही” बौल़े गौवे।

![](https://cdn.door43.org/obs/jpg/360px/obs-en-46-10.jpg)

ऐक दुस, अंताकिया कै मसीही लौग उपवास कै साथै प्रार्थना कौरे लौए थै। पवित्र आत्माए तिनुकै बौल़ौ, “मौ कारिए बरनबास औरौ शाऊलौ कै तैसी काम कौरणौ कारिए जौई कौरो जिथु कारिए मौंऐ तिनुकै बौएदै राए।” इथकारिए अंतकिया कै कलीसियाए बरनबास औरौ शाऊल कारिए प्रार्थना कौरे औरौ तिनपांदी आपणै हाथ राखै। तोबै तिनुऐ तिनुखै औकी कोंई ठांव पांदी यीशु कै बारै मुंजी सुसमाचार का प्रचार कौरणौ कारिए छाड़ै दिए। बरनबास औरौ शाऊलै जौई-जौई जाति कै लोगौ कै शिक्षा दै, औरौ बौरिशै लौगै यीशु पांदी बिशवाश कौरा।

*प्रेरितों के काम 8:3; 9:1-31; 11:19-26; 13:1-3 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_46_128kbps.m4a

## 47. फिलिप्पी शहर दै पौलुस औरौ सीलास

https://openbiblestories.org/l/srx/story-47/

![](https://cdn.door43.org/obs/jpg/360px/obs-en-47-01.jpg)

जोबै शाऊलै पुरै रोम देश दै यात्रा कौरे तौ तैणै आपणै रोमी नांव “पौलुस” का इस्तेमाल कौरणा शुरू कौरे दिया। ऐक दुस, पौलुस औरौ तैसका दोस्त सीलास फिलिप्पी नगर दै यीशु कै बारै मुंजी सुसमाचार शुणाणौ कारिए हौटे। सै नगरौ कै बायरै नौदी कै किनारै ऐकी ठाँव पांदी हौटे जिथै लौग प्रार्थना कौरणौ कारिए कौठे थिए। तिथै सै लुदिया नांव कै ऐकी बैटमाणिशवारी भैटिए जू ऐक बौएपारै थै। सै पौरमेशवरौ वारी प्यार कौरौ थै औरौ तैसकै आराधना कौरौ थै।

![](https://cdn.door43.org/obs/jpg/360px/obs-en-47-02.jpg)

पौरमेशवरे लुदिया कै यीशु कै बारै मुंजी सौंदेश पांदी बिशवाश कौरणौ कै लायक बाणै। पौलुस औरौ सीलासै तियों औरौ तियारैं कुड़बियाले कै बपतिस्मा दिया। तियैं पौलुस औरौ सीलासौ कै आपणै घौरे टिकणौ कारिए हाएड़ै कौरे, इथकारिए सै तिथै टिकै गौवे।

![](https://cdn.door43.org/obs/jpg/360px/obs-en-47-03.jpg)

पौलुस औरौ सीलास लौगवारी जादातर तैसी ठांव पांदी भैटेया कौरौ थिए जिथै यहूदी लौग प्रार्थना कौरेया कौरौ थिए। रोज जोबै सै तिथै जाया कौरौ थिए तौ ऐक गुलाम बाईटी जियौं दै दुष्टआत्मा थै सै तिनका पीछा कौरेया कौरौ थै। इयौं दुष्टआत्मा कै जरिए सै लौगौ कै हौणौ वाल़ी बातौ बौतांव थै, इथकारिए सै हौणौ वाल़ी बातौ बौताऐबा आपणै मालिकौ कारिए बौरिशै पौयसै कौमाया कौरौ थै।

![](https://cdn.door43.org/obs/jpg/360px/obs-en-47-04.jpg)

तिनकै जांदिए बैई ऐजै दासी बाईटै जोर दैएबा बौल़ौ थै, “ऐजै मौरद सौबीदै बौड़े पौरमेशवर कै सेवक औसौ। इनुऐ तुऔं कै मुकते पाणौ कै बाट बौताए लौए!” सै रोज ऐशैकै कौरेया कौरौ थै जिथलैई कै पौलुस नाराज़ हौए गौआ।

![](https://cdn.door43.org/obs/jpg/360px/obs-en-47-05.jpg)

आखरी दे, ऐक दुस जोबै तियों बाईटिए जोर शै बोलणो शुरु कोरो, तौ पौलुसै तिंयारै ढौबौ फिरेबा तिंयारै बीतरौ दी दुष्टआत्मा कै बौल़ौ, “यीशु कै नांव शै इयौं पौरेशै आगु जा।” तौलौंई तियैं दुष्टआत्माएं तियौं कै छौड़े दै।

![](https://cdn.door43.org/obs/jpg/360px/obs-en-47-06.jpg)

तियौं बाईटी कै मालिक बैजाए गुस्सै हौए गौवे। तिनुकै पौता चालै गौआ कै तियों दुष्टआत्मा बिना सैजै दासी बाईटी लौगौ कै हौणौ वाल़ी बातौ ना बौताए सौकौ। इथका मतलब थिया कै लौग ऐबै तियारैं मालिकौ कै पौयसै ना दैंदे कै सै तिनुकै हौणौ वाल़ी बातौ बौतांव कै तिनकै साथै का हौंदौ।

![](https://cdn.door43.org/obs/jpg/360px/obs-en-47-07.jpg)

इथकारिए तियौं गुलाम बाईटी कै मालिकै पौलुस औरौ सीलासौ कै रोमी ओधिकारी कैई निये। तिनुऐ पौलुस औरौ सीलासौ कै पीटे, औरौ तोबै कौयदखाने दै पाए दिए।

![](https://cdn.door43.org/obs/jpg/360px/obs-en-47-08.jpg)

तिनुऐ पौलुस औरौ सीलासौ कै कौयदखाने कै ऐशणै ठांव दै राख राए थिए जिथै सौबीदै जादा सिपाही थिए। इथै तौड़ी कै तिनुऐ तिनकै लातौ कै लाकड़ी कै बौड़े गेली दै बानै दिए। पौरौ पौलुस औरौ सीलास आधीए राते, पौरमेशवरौ कै बौड़ाई कै गीत गाए लौवे थिए।

![](https://cdn.door43.org/obs/jpg/360px/obs-en-47-09.jpg)

ऐकदम शै, ऐक खतरनाक भौईचोल़ औऊ! कौयदखाने कै सोबै द्वार खौले गौवे, औरौ सौबी कौयदी की शांगुली खोलेबा उदी छुटी।

![](https://cdn.door43.org/obs/jpg/360px/obs-en-47-10.jpg)

तोबै दरोगा ऊबा बिज़ा। तैणै दैखौ कै कौयदखाने कै द्वार खौलेयोंदै औसौ। तैणै सुंचु कै सोबै कौयदै बौचेबा दौड़े गौवे। सै डौरे गौआ कै तिनकै दौऊंड़नो की बौजेह शै रोमी ओधिकारी तैसी कै मारे दैंदे, इथकारिए सै आपी कै मार दैणौ कारिए तैयार हौए गौआ! पौरौ पौलुसै तैसी दैखेबा धाव मारे, “रौक जा! आपी कै नुकसान नै पौंईचा। आमै सोबै इथै औसौ।”

![](https://cdn.door43.org/obs/jpg/360px/obs-en-47-11.jpg)

तैसी दोरोगाए कामणैबा पौलुस औरौ सीलासौ कै धौरे आऐबा पूछु, “मोकते पाणौ कारिए हांव का कौरू?” पौलुसै जबाब दिया, “प्रभु यीशु मसीह पांदी बिशवाश राख, तौ तू औरौ तैरा कुड़बा मोकते पांदा।” तोबै सैजा दोरोगा पौलुस औरौ सीलासौ कै आपणै घौरे लौए गौआ औरौ तिनकै घाव धौवे। पौलुसै तिनकै घौरौ कै सौबी लौगौ कै यीशु मसीह कै बारै मुंजी सुसमाचार शुणौऊंआ।

![](https://cdn.door43.org/obs/jpg/360px/obs-en-47-12.jpg)

दोरोगा औरौ तैसकै सौबी कुड़बै यीशु पांदी बिशवाश कौरा, इथकारिए पौलुस औरौ सीलासै तिनुकै बपतिस्मा दिया। तोबै दोरोगाए पौलुस औरौ सीलासौ कै खाणौं खियौंऊ, औरौ तिनुऐ ऐक साथै खौशै मौनाए।

![](https://cdn.door43.org/obs/jpg/360px/obs-en-47-13.jpg)

औक दुसै नगरौ कै नेताए पौलुस औरौ सीलासौ कै कौयदखाने पौरेशै आज़ाद कौरे दिए औरौ फिलिप्पी शहर पौरेशै आगु जाणौ कारिए बौल़ौ। पौलुस औरौ सीलास लुदिया औरौ किछै औकी दोस्तवारी भैटिए औरौ तिथकै बाद नगरौ पौरेशै आगु हौटे। औरौ यीशु कै बारै मुंजी सुसमाचार शुणौऊंआ, औरौ कलीसिया बौढ़दै रौए।

![](https://cdn.door43.org/obs/jpg/360px/obs-en-47-14.jpg)

पौलुस औरौ ओकी मसीही नेताऐ बोहितै नगरो कै यात्रा कौरे। तिनुऐ लोगों कै यीशु कै बारै मुंजी सुसमाचार शुणौऊंआ। तिनुऐ कलीसिया कै विशवासियों कै हिम्मत दैणौ औरौ शिक्षा देणो कारिए बौरिशी चिट्ठी बै लिखी तिनमुंजी दी कुणजी चिट्ठी बाइबल की किताबौ बोणै गौई।

*प्रेरितों के काम 16:11-40 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_47_128kbps.m4a

## 48. यीशु ही वादा कौरेयोंदा मसीह औसौ

https://openbiblestories.org/l/srx/story-48/

![](https://cdn.door43.org/obs/jpg/360px/obs-en-48-01.jpg)

जोबै पौरमेशवरै दुनिया बाणै तौ सोबै ठुँ ठीक थियु। कुणिए बै पाप नै कौरौ थिए। आदम औरौ हव्वा ऐकी दुजीयारी प्यार कौरौ थिए, औरौ सै पौरमेशवर आरी प्यार कौरौ थिए। कुणजै बीमारी औरौ मौत नै थी। पौरमेशवर ऐशणै दुनिया चांव थिया।

![](https://cdn.door43.org/obs/jpg/360px/obs-en-48-02.jpg)

शैतानै शौंगौऊ कै जोरिए बागौ दै हव्वा आरी बातौ कौरी, जिथुकै सै तियौं कै धौखा दैणा चांव थिया। तोबै हव्वा औरौ आदमै पौरमेशवर कै खिलाफ पाप कौरा। तिनकै पाप कौरणौ की बौजेह शै धौरती पांदी रौणौ वाल़ै सौबी आदमी पांदी मौत आवं।

![](https://cdn.door43.org/obs/jpg/360px/obs-en-48-03.jpg)

जिथुकै आदम औरौ हव्वाए पाप कौरे राए थिया, इथकारिए किछै हौजौ बै बुरु हौ। सै पौरमेशवर कै दुशमन बौण गौवे। जिथकी बौजेह शै, तौलौ दौऊंडे हरेक आदमीए पाप कौरे राए। सोबवें जौणै जन्म दौऊबै पौरमेशवर कै दुशमन औसौ। पौरमेशवर औरौ लौगौ कै बीच शान्ते ना आथी। पौरौ पौरमेशवर शान्ते बाणाणै चांव थिया।

![](https://cdn.door43.org/obs/jpg/360px/obs-en-48-04.jpg)

पौरमेशवरै वादा कौरा कै हव्वा कै ऐक पीढ़ी शैतान कै मुंडौ कै पिचकला। तैणै ऐजौ बै बौल़ौ कै शैतान तैसकै फाएनै दा डंक मारला। इथका मतलब औसौ कै, शैतान मसीह कै मार दैंदा, पौरौ पौरमेशवर तैसीकै ओटेयो जियुंदी कौरे दैंदा। इथकै बाद, मसीह शैतान की शौकती कै होमेशा कारिए खत्म कौरे दैंदा। कैई सालौ कै बाद, पौरमेशवरै प्रकट कौरौ कै सैजै पीढ़ी मसीह यीशु औसौ।

![](https://cdn.door43.org/obs/jpg/360px/obs-en-48-05.jpg)

आदम औरौ हव्वा कै बाद पीढ़ी दर पीढ़ी पाप बोड़दा गौआ औरौ पौरमेशवरै बाढ़ भैजियो लोगो कै सोजा दै। पौरो पौरमेशवरै तियौं बाढ़ौ पौरेशै आपणै कुड़बै कै बौचौऊंऐ जू तैणै धोरती पांदी लाए। तैणै नूह कै ऐक जाहज बाणणौ कारिए बौल़ौ औरौ ऐशैकै पौरमेशवरै तिनु लौगौ कै बौचौऊंऐ जू तैसपांदी बिशवाश कौरौ थिए। ऐशैकैई, ऐलो बै सोब जौणै पौरमेशवर कै सजा कै लायक औसौ जिथुकै सोबिए पाप कौरे राए। पौरौ पौरमेशवरै आमु सौबी कै बौचाणौ कारिए यीशु कै छाड़ा जू तैसपांदी बिशवाश कौरौ।

![](https://cdn.door43.org/obs/jpg/360px/obs-en-48-06.jpg)

सैकड़ौ सालौ तौड़ी, पुरोहित पौरमेशवर कारिए बोलिदान चौढ़ांदै रौवे। औरौ ऐजौ दिखांव कै लौगै पाप कौरे राए, औरौ ऐजौ कै सै पौरमेशवर कै द्वारा तिनुकै सजा दैणौ कै लायक थिए। पौरौ सैजै बोलिदान तिनकै पापौ कै माफ ना कौरे सौकौ। यीशु सौबीदा बौड़ा महा यहूदी पुरोहित औसौ। तैणै सैजौ कौरौ जू कुणिए पुरोहित ना कौर सौकौ थिया। तैणै बोलिदान हौणौ कारिए आपी कै दैए दिया जू सौबी कै पापौ कै मिटाए सौकौ। तैणै मानै पौऊं कै पौरमेशवर तिनु सौबी कै पापौ कारिए यीशु कै सजा दैंदा। इथकारिए, यीशु सिध्द महा यहूदी पुरोहित औसौ।

![](https://cdn.door43.org/obs/jpg/360px/obs-en-48-07.jpg)

पौरमेशवरै अब्राहम कै बौल़ौ, “हांव तैरे द्वारा दुनिया कै सौबी पीढ़ी कै आशीष दैंदा।” यीशु ऐसी अब्राहम कै पीढ़ी का थिया। पौरमेशवर अब्राहम कै जोरिए सौबी पीढ़ी कै आशीष दैंव, जिथुकै जू यीशु पांदी बिशवाश कौरौ पौरमेशवर तिनु सौबी कै पापौ शै बौचांव। जोबै ऐजै लौग यीशु पांदी बिशवाश कौरौ, तौ पौरमेशवर तिनुकै अब्राहम कै संतान मानौ।

![](https://cdn.door43.org/obs/jpg/360px/obs-en-48-08.jpg)

पौरमेशवरै अब्राहमौ कै बौल़ौ कै तू आपणा सौरा बैटा, मौ कारिए बलिदान कौरे दै। पौरौ ओटेयो पौरमेशवरै इसहाक कै बौदल़े बोल़ि कौरणौ कारिए ऐक गाबटु दियु। आमै सोबै आपणै पापौ कारिए मार दैणौ कै लायक थिए! पौरौ पौरमेशवरै अमारै ठाँव पांदी मौरणौ कारिए यीशु कै बोल़िदान कै रूपौ दा दिया। इथकारिए आमै यीशु कै पौरमेशवर का गाबटु बुलु।

![](https://cdn.door43.org/obs/jpg/360px/obs-en-48-09.jpg)

जोबै पौरमेशवरै मिस्र देश पांदी आखरी समस्या छाड़े तौ तैणै सौबी इस्राएली कुड़बै कै बौल़ौ कै सै ऐकी गाबटु कै बोल़ि कौरौ। तैसी गाबटु दा कुणजाई दोष नी हौणा चैंई। तोबै तिनुकै आपणै द्वारौ कै चौखट पांदी औरौ दु ढोबो तिथकौ खून लाणौ थियु। जोबै पौरमेशवरै सैजा खून दैखा तौ तैणै तिनकै घौर छौड़े दिए औरौ तिनकै जैठै बैटे कै ना मारी। जोबै ऐजौ हौ तौ पौरमेशवरै इथुकै फसह कौ तैयार बौल़ौ।

![](https://cdn.door43.org/obs/jpg/360px/obs-en-48-10.jpg)

यीशु फसह कै ऐकी तैयारौ कै गाबटु कै जैशणा औसौ। तैणै कौलौंई पाप ना कौरी, इथकारिए यीशु दौ किछै बै गोलत नै थी। सै फसह कै तैयारौ कै सौमय पांदी मौरा। जोबै कुणिए यीशु पांदी बिशवाश कौरौ, तोबै यीशु का लौऊ तैसी आदमी कै पापौ कै कीमत चुकांव। ऐजौ ऐशैकै औसौ जैशैकै पौरमेशवर तैसी आदमी कै धौरौ दा औगौड़ियौ हौटे गौआ, जिथुकै सै तैसी कै सजा ना दैंव।

![](https://cdn.door43.org/obs/jpg/360px/obs-en-48-11.jpg)

पौरमेशवरै इस्राएली लौगौ कै साथै ऐक कौरार कौरा, जिथुकै सै ऐशणै लौग थिए जिनुकै पौरमेशवरै आपणै हौणौ कारिए चौणै राए थिए। पौरौ ऐबै पौरमेशवरै ऐक ऐशणा कौरार कौरे राए जू कै सौबी कारिए औसौ। जै कुणिए बै जाति का कुणजाई बै आदमै ऐसी नौऐ कौरारौ कै औपनांवे, तौ सै पौरमेशवरौ कै लौगौ मुंजी मिले जांव। सै ऐशैकै इथकारिए कौरौ जिथुकै सै यीशु पांदी बिशवाश कौरौ।

![](https://cdn.door43.org/obs/jpg/360px/obs-en-48-12.jpg)

मूसा ऐक ऐशणा पौरमेशवरौ की बातौ बौताणौ वाल़ा थिया तैणै पौरमेशवर कै वचन का बौड़ी शोकती कै साथै प्रचार कौरा। पौरौ यीशु सौबी पौरमेशवरौ की बातौ बौताणौ वाल़ै दा बौड़ा औसौ। सै पौरमेशवर औसौ, इथकारिए जू किछै बै तैणै कौरे राए औरौ बौल़े राए सै पौरमेशवर कै काम औरौ वचन थिए। इथकारिए पवित्र-शास्त्र यीशु कै पौरमेशवर का वचन बौल़ौ।

![](https://cdn.door43.org/obs/jpg/360px/obs-en-48-13.jpg)

पौरमेशवरै राजा दाऊद आरी वादा कौरे राए थिया कै राजा कै रूपौ दा तैसकै पीढ़ी का ऐक संतान पौरमेशवर कै लौगौ पांदी सदा कारिए राज कौरदा। यीशु पौरमेशवर का बैटा औरौ मसीह औसौ, इथकारिए सै राजा दाऊद कै पीढ़ी का औसौ जू सदा कारिए राज कौरे सौकौ।

![](https://cdn.door43.org/obs/jpg/360px/obs-en-48-14.jpg)

दाऊद तौ इस्राएल का राजा थिया, पौरौ यीशु पूरै दुनिया का राजा औसौ! सै ओटेयो आंदा औरौ सदा कारिए न्याय औरौ शान्ती कै साथै आपणै राज्य पांदी राज कौरदा।

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_48_128kbps.m4a

## 49. पौरमेशवरौ का नौवाँ कौरार

https://openbiblestories.org/l/srx/story-49/

![](https://cdn.door43.org/obs/jpg/360px/obs-en-49-01.jpg)

ऐकी स्वर्गदूतै जवान बैटमाणिश मरियम कै बौल़ौ कै सै पौरमेशवर कै बैटे कै जन्म दैंदे। सै इबी कुँवारी थै, पौरौ पवित्र आत्मा कै शोकती शै तिंयारै हौल़किणौ हौ। तियैं ऐकी बैटे कै जन्म दिया जैसकौ नांव तियैं यीशु राखौ। इथकारिए, यीशु पौरमेशवर औरौ आदमै दुईनै औसौ।

![](https://cdn.door43.org/obs/jpg/360px/obs-en-49-02.jpg)

यीशुऐ भोरिशै चमत्कार कौरे जू दिखांव कै सै पौरमेशवर औसौ। सै पाणी पांदी हांडा औरौ आँधी तूफान शान्त कौरौ। तैणै बौरिशै बीमार लौगौ कै ठीक कौरे औरौ बौरिशै लौगौ पौरेशी दुष्टआत्मा कै बांईडी घाड़ी। तैणै मौरेयोंदै लौगौ कै जियुंदी कौरे दिए, औरौ तैणै पांची रोटी औरौ दु माछी लैई 5,000 लौगौ कै खाणौं खियाणौ कारिए दैणी शौ खाणौ सौबी कै सौंटोए दियुं।

![](https://cdn.door43.org/obs/jpg/360px/obs-en-49-03.jpg)

यीशु ऐक महान गुरु बै थिया। जू किछै बै तैणै शिखौऊं, सैजौ तैणै साफ तरीकै शै शिखौऊं। जू सै लौगौ कै कौरणौ कारिए बौल़ौ सैजौ तिनुकै कौरणौ चैंई जिथुकै सै पौरमेशवर का बैटा औसौ। उदारण कारिए, तैणै शिखौऊं कै औकी लौगौ कै बै तैशैकैई प्यार कौरणौ कै जौरूरत औसौ जैशैकै तुऐं आपीयारी प्यार कौरौ।

![](https://cdn.door43.org/obs/jpg/360px/obs-en-49-04.jpg)

तैणै ऐजौ बै शिखौऊं कै तुऔं सौबी चीजौ दौ जादा औरौ आपणै जायदात दै जादा पौरमेशवर आरी प्यार कौरणा चैंई।

![](https://cdn.door43.org/obs/jpg/360px/obs-en-49-05.jpg)

यीशुऐ बौल़ौ कै दुनिया दै कुणजै बै चीज़ पाणौ दौ जादा आछौ ऐजौ औसौ कै आमै पौरमेशवर कै राज्य दै हौऊं। तैसकै राज्य दौ जाणौ कारिए जौरूरी औसौ कै पौरमेशवर तुऔं कै तौंवारै पापौ शै बौचांव।

![](https://cdn.door43.org/obs/jpg/360px/obs-en-49-06.jpg)

यीशुऐ बौल़ौ कै दैणिक ही लौग तैसी कै औपनांदै। पौरमेशवर तिनु लौगौ कै बौचांदाए। पौरौ औके लौग तैसी कै औपनांदै ना। तैणै ऐजौ बै बौल़ौ कै किछै लौग कामकै जौमीनौ कै जैशणै औसौ, जिथुकै सै यीशु कै बारै मुंजी सुसमाचार कै औपनाएं पांव, औरौ पौरमेशवर तिनुकै बौचांवऐ। पौरौ किछै लौग बाटौ कै शौकरैड़े जौमीनौ कै जैशणै औसौ। पौरमेशवर का वचन बीजौ कै जैशणा बाटौ पुंडा छुटौ, पौरौ तिथै किछै बै जामौ ना। ऐजै लौग यीशु कै बारै मुंजी सुसमाचार कै औपनांव ना। औरौ ऐजै तैसकै राज्य दै जाणौ शै मौना कौरे दैंव।

![](https://cdn.door43.org/obs/jpg/360px/obs-en-49-07.jpg)

यीशुऐ शिखौऊं कै पौरमेशवर पापियारी बैजाए प्यार कौरौ। सै तिनुकै माफ कौरेणे चांव औरौ तिनुकै आपणै संतान बाणणै चांव।

![](https://cdn.door43.org/obs/jpg/360px/obs-en-49-08.jpg)

यीशुऐ ऐजौ बै बौतौऊं कै पौरमेशवर पाप शै नफरत कौरौ। जिथुकै आदम औरौ हव्वाऐ पाप कौरा, इथकारिए तिनकी सौबी पीढ़ीऐ बै पाप कौरा। ऐसी दुनिया दा रौणौ वाल़ा हरेक आदमै पाप कौरौ औरौ पौरमेशवर कैंईदा दूर औसौ। हरेक आदमै पौरमेशवर का दुशमन औसौ।

![](https://cdn.door43.org/obs/jpg/360px/obs-en-49-09.jpg)

पौरौ पौरमेशवरै इयौं दुनिया दै रौणौ वाल़ै हरेक आदमी यारी ऐशणा प्यार कौरा: कै तैणै आपणा एकलौता बैटा बै दैए दिया ताकि पौरमेशवर तिनुकै सजा नै दैंव जू तैसपांदी बिशवाश कौरौ। इथकै बजाए, सै तैसकै साथै होमेशा कारिए रौंदै।

![](https://cdn.door43.org/obs/jpg/360px/obs-en-49-10.jpg)

तुऐं मौरणौ कै लायक औसौ, जिथकै तुऐं पाप कौरे राए। तुंआरी पौरमेशवर का गुस्सा हौणा जाईज़ औसौ, इथकै बौदल़े, सै यीशु पांदी गुस्सा हौआ। तैणै अमारै बोदल़ै यीशु कै क्रूस कै मौत दैएबा सजा दै।

![](https://cdn.door43.org/obs/jpg/360px/obs-en-49-11.jpg)

यीशुऐ कौलौंई पाप ना कौरी, पौरौ तैणै पौरमेशवर कै सजा आपी कै दैणौ दै। तैणै मौर जाणौ पसंद कौरौ। ऐशैकै, तौंवारै पापौ कै औरौ इयौं दुनिया दै रौणौवाल़ै हरेक आदमी कै पापौ का बोझ टिपणौ कारिए सै ऐक सिध्द बोल़िदान थिया। यीशुऐ आपी कै पौरमेशवर कारिए बोल़िदान कौरे दिया। इथकारिए पौरमेशवर कैशणाई बै पाप, इथै तौड़ी कै खतरनाक पापौ कै बै माफ कौरौ।

![](https://cdn.door43.org/obs/jpg/360px/obs-en-49-12.jpg)

भोलेई जै तुऐं बौरिशै आछै काम कौरौ, तौ इथलैई पौरमेशवर तुऔं कै ना बौचांदा। तैसका दोस्त बौणणौ कारिए ऐशणौ किछै ना आथी जू तुऐं कौरे सौकौ। इथकै बजाए, तौंवारै बिशवाश कौरणा कै, यीशु पौरमेशवर का बैटा औसौ, औरौ सै तौंवारै बौदल़े क्रूसौ पांदी मौरे गौआ, औरौ ऐजौ बै कै पौरमेशवरै तैसीकै ओटेयो जियुंदी कौरे दिया। जै तुऐं तैसपांदी बिशवाश कौरौ, तौ पौरमेशवर तौंवारै पापौ कै माफ कौरदा।

![](https://cdn.door43.org/obs/jpg/360px/obs-en-49-13.jpg)

पौरमेशवर तैसी हरेक आदमी कै बौचांदा जू यीशु पांदी बिशवाश कौरौ औरौ तैसीकै आपणा प्रभु मानौ। पौरौ सै तिनुकै ना बौचांदा जू तैसपांदी बिशवाश ना कौरौ। ऐजौ किछै मायनै ना राखौ कै तुऐं सैठ औसौ या गरीब औसौ, मौरद औसौ या बैटमाणिश औसौ, बूढ़ै औसौ या जवान औसौ या तुऐं कौके रौंव। पौरमेशवर तुआरी प्यार कौरौ औरौ चांवऐ कै तुऐं यीशु पांदी बिशवाश कौरौ कै सै तौंवारा दोस्त बौण सौकौ।

![](https://cdn.door43.org/obs/jpg/360px/obs-en-49-14.jpg)

यीशुऐ तुऔं कै बौएदै लौवे कै तैसपांदी बिशवाश कौरौ औरौ बपतिस्मा लौंव। का तुऐं बिशवाश कौरौऐ कै पौरमेशवर का ऐकलौता बैटा, यीशु ही मसीह औसौ? का तुऐं बिशवाश कौरौऐ कै तुऐं पाप कौरे राए औरौ ऐजौ बै कै तुऐं पौरमेशवर कै सजा कै लायक औसौ? का तुऐं बिशवाश कौरौऐ कै तौंवारै पापौ कै मिटाणौ कारिए यीशु क्रूसौ पांदी मौरा?

![](https://cdn.door43.org/obs/jpg/360px/obs-en-49-15.jpg)

जै तुऐं यीशु पांदी औरौ जू तैणै तुऔं कारिए कौरे राए तिथपांदी बिशवाश कौरौ, तौ तुऐं ऐक मसीही औसौ! शैतान आपणै इनारै कै राज्य दा ऐबै तुऔं पांदी राज ना कौरौ। ऐबै पौरमेशवर आपणै पैयाशै कै राज्य दा तुऔं पांदी राज कौरौ। तैणै तुऔं कै पाप कौरणौ शै रौके दिए, जू तुऐं कौरेया कौरौ थिए। तैणै तुऔं कै ऐक नौवाँ औरौ सोही जीवन दैए राए।

![](https://cdn.door43.org/obs/jpg/360px/obs-en-49-16.jpg)

जै तुऐं ऐक मसीही औसौ तौ जू यीशुऐ कौरे राए तिथकी बौजेह शै पौरमेशवरै तौंवारै पापौ कै माफ कौरे दिए। ऐबै, पौरमेशवर ऐकी दुशमन कै जौगेह तुऔं ऐक दोस्त मानौ।

![](https://cdn.door43.org/obs/jpg/360px/obs-en-49-17.jpg)

जै तुऐं पौरमेशवर कै दोस्त औसौ औरौ प्रभु कै सेवक औसौ तौ तुऐं तिनु बातौ कै मानणौ कै इछा कौरदै जू यीशु तुऔं कै शिखांवऐ। भोलैई तुऐं ऐक मसीही औसौ, शैतान इबी बै पाप कौरणौ कारिए तुऔं कै पौरखदाए। पौरौ पौरमेशवर होमेशा सैजौ कौरौ जू सै बौल़ौऐ कै हांव कौरदाए। सै बौल़ौऐ कै जै तुऐं आपणै पाप मानै पांव, तौ सै तुऔं माफ कौरे दैंदा। सै तुऔं कै पाप कै खिलाफ लौड़नौ कै शौकतै दैंदा।

![](https://cdn.door43.org/obs/jpg/360px/obs-en-49-18.jpg)

पौरमेशवर तुऔं कै प्रार्थना कौरणौ औरौ तैसकै वचन कै पौढ़नौ कारिए बौल़ौ। सै तुऔं कै औकी बिशवाशी आरी मिलेबा तैसकै आराधना कौरणौ कारिए बै बौल़ौऐ। तुऔं औकी लौगौ कैई बै बौताणौ चैंई कै तैणै तुऔं कारिए का कौरे राए। जै तुऐं इनु सौबी कामौ कै कौरौ, तौ तुऐं तैसकै पाकै दोस्त बौणै जांदै।

*रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_49_128kbps.m4a

## 50. यीशु पाछु आंदा

https://openbiblestories.org/l/srx/story-50/

![](https://cdn.door43.org/obs/jpg/360px/obs-en-50-01.jpg)

लमसम 2,000 सालौ दा ऊंडा, दुनिया कै सौबी ठांव पांदी जादा शै जादा लौगै मसीह यीशु कै बारै मुंजी सुसमाचार शौणै लौआ। कलीसिया बौढ़दै लाग रौए। यीशुऐ वादा कौरे राए कै सै दुनिया कै आखरी सौमय दा पाछु आंदा। भोलैई सै इबी पाछु ना आए रैई, तौबै बै सै आपणै वादै कै पूरा कौरदा।

![](https://cdn.door43.org/obs/jpg/360px/obs-en-50-02.jpg)

जोबै कै आमै यीशु कै पाछु आणौ कै ठौल़नाए कौरु, पौरमेशवर आमुवादै ऐशणै जीवन जीणौ कै इछा कौरौ जू पवित्र औसौ जू तैसका आदर कौरौ। जोबै यीशु धौरती पांदी रौंदा लाग रौआ थिया तोबै तैणै बौल़ौ, “मैरे चैलै दुनिया दा सौबी ठाँव कै लौगौ कै पौरमेशवर कै राज्य कै बारै मुंजी सुसमाचार प्रचार कौरदै, औरौ तोबै ओन्त आए जांदा।”

![](https://cdn.door43.org/obs/jpg/360px/obs-en-50-03.jpg)

बौरिशी जातिऐ इबी तौड़ी यीशु कै बारै मुंजी ना शौणै रैई। स्वर्ग कै पाछु जाणौ दै आगै, यीशुऐ मसीही लौगौ कै तिनु लौगौ कै सुसमाचार शुणाणौ कारिए बौल़ौ जिनुऐ ऐजौ कौलौंई ना शौणै रैई। तैणै बौल़ौ, “जाओ औरौ सौबी जाति कै लौगौ कै चैलै बौणांव!” औरौ “काटणौ कारिए खेत तैयार होए रौवे!”

![](https://cdn.door43.org/obs/jpg/360px/obs-en-50-04.jpg)

यीशुऐ ऐजौ बै बौल़ौ, “कौसी आदमी का सेवक आपणै मालिक दा बौड़ा ना हौंव। इयौं दुनिया कै खास लोगै मौंआरी नफरत कौरे, औरौ मैरी बौजेह शै सै तुऔं कै बै सौतांदै औरौ मारै दैंदे। इयौं दुनिया दै तुऐं दुखी हौंदै, पौरौ आपी कै मजबूत बाणौ, जिथुकै मौंऐ शैतानौ कै हौराए दिया जू इयौं दुनिया पांदी राज कौरौ। जै तुऐं आखरी तौड़ी बिशवाश लायक बौणैयोंदै रौले, तौ पौरमेशवर तुऔं कै बौचांदाए!”

![](https://cdn.door43.org/obs/jpg/360px/obs-en-50-05.jpg)

यीशुऐ आपणै चैलै कै ऐजौ सौमझाणौ कारिए ऐक काहाणै शुणाए कै जोबै दुनिया का ओन्त हौंव तौ लौगौ कै साथै का हौंदौ। तैणै बौल़ौ, “कौसी आदमीए आपणै खेतौ दौ आछौ बीज बौं। जोबै सै सौते रौआ थिया तौ तैसका दुशमन औऊंवा औरौ गियुँ कै बीजौ मुंजी जौंगले पौधे कै बीज बौए दिए, औरौ तोबै सै आगु हौटा।”

![](https://cdn.door43.org/obs/jpg/360px/obs-en-50-06.jpg)

“जोबै पौधे बौढ़दै लागै तौ सेवकै तैसी आदमी कै बौल़ौ, ‘ओए रै मालिक, तौंऐ तौ आपणै खेतौ दौ आछौ बीज बौए राए थियु। तौ तोबै इंदै जौंगल़े पौधे किथुकै औसौ?’ तैसी आदमीए जबाब दिया, ‘सिरफ मैरा दुशमन ही तिनुकै बौणै चांव थिया। ऐजा मैरा कुणिए दुशमन औसौ जैणै ऐशैकै कौरे राए।’”

![](https://cdn.door43.org/obs/jpg/360px/obs-en-50-07.jpg)

“तिनु सेवकै आपणै मालिकौ कै जबाब दिया, ‘का आमु कै जौंगल़े पौधे उपाड़े दैणै चैंई?’ तैणै मालिकै बौल़ौ, ‘ना। जै तुऐं ऐशैकै कौरले तौ तुऐं किछै गियुँ बै उपाड़ै दैंदे। काटाणौ कै सौमय तौड़ी ठौल़नाए कौरौ। तोबै जौंगल़ी पौधे कै गौढे दै कौठे कौरे ताकि तुऐं तिनुकै जौलाए सौकौ। पौरौ गियुँ मैरे कौठारौ दै लियांव।’”

![](https://cdn.door43.org/obs/jpg/360px/obs-en-50-08.jpg)

चैलै इनु काहाणी का मतलब नी सौमझी, इथकारिए तिनुऐ यीशु कैंईदै तिनुकै सौमझाणौ कै बेनते कौरे। यीशुऐ बौल़ौ, “कामकौ बीज बौणवाल़ा आदमै यीशु मसीह कै दर्शांव औरौ खेत का मतलब दुनिया औसौ। कामकै बीज का मतलब पौरमेशवर कै राज्य कै लौग औसौ।”

![](https://cdn.door43.org/obs/jpg/360px/obs-en-50-09.jpg)

“जौंगल़े पौधे तैसी दुष्ट आदमै, मतलब शैतान कै लौग औसौ। तैसी आदमी का दुशमन शैतान औसौ। जैणै जौंगले पौधे बौए दिए थिए। कौटाए दुनिया का ओन्त औसौ, औरौ कौटाए कौरणौ वाल़ै पौरमेशवरौ कै स्वर्गदूत औसौ।”

![](https://cdn.door43.org/obs/jpg/360px/obs-en-50-10.jpg)

“जोबै दुनिया का ओन्त हौंदा तोबै स्वर्गदूत तिनु सौबी लौगौ कै ऐक साथै कौठे कौरदे जू शैतान कै औसौ। सैजै स्वर्गदूत तिनुकै ऐकी बैजाए ताती आगे मुंजी फेरकाए दैंदे। तिथै सैजै लौग खतरनाक सौतांव दै रुंदै औरौ आपणै दांत पीशदै। पौरौ जू लौग धरमी औसौ, जिनुऐ यीशु कौ शुणौ औरौ मानौ, सैजै लोग आपणै पौरमेशवर पिता कै राज्य दै सूरजौ कै जैशणै चोमकौंदे।”

![](https://cdn.door43.org/obs/jpg/360px/obs-en-50-11.jpg)

यीशुऐ ऐजौ बै बौल़ौ कै सै दुनिया का ओन्त हौणौ शा आगै धौरती पांदी पाछु आंदा। सै तैशैकैई पाछु आंदा जैशैकै सै हौटे रौआ थिया। यानि, तैसकैंई आदमी का शरीर हौंदा, औरौ सै गौयणै दा बादलो पांदी सवार हौऐबा पाछु आंदा। जोबै यीशु पाछु आला, तौ सोब मसीही लोग जू मौरे गौवे मौरेयोंदै मुंजीदै जियुंदी हौंदे औरौ तैसयारी गौयणै दै भैंटिदै।

![](https://cdn.door43.org/obs/jpg/360px/obs-en-50-12.jpg)

तोबै जू मसीही लोग इबी बै जियुंदी औसौ सै गौयण दै ऊबै जांदै औरौ तिनु औकी मसीही लोगवारी मिल जांदै जू मौरेयोंदै मुंजी दै जियुंदी हौए रौवे। सै सोबै यीशु कै साथै हौंदे। तिथकै बाद, यीशु आपणै लौगवारी रौंदा। जोबै सै ऐकसाथै रौले तौ तिनवांगै सदा कारिए पूरै शान्ते हौंदे।

![](https://cdn.door43.org/obs/jpg/360px/obs-en-50-13.jpg)

यीशुऐ तैसपांदी बिशवाश कौरणौ वाल़ै हरेक आदमी कै ऐक ताज दैणौ का वादा कौरे राए। सै सदा कारिए पौरमेशवर कै साथै सौबी चीज़ौ पांदी राज कौरदै। तिनकैई होमेशा कै शान्ते हौंदे।

![](https://cdn.door43.org/obs/jpg/360px/obs-en-50-14.jpg)

पौरौ पौरमेशवर तिनु सौबी का न्याय कौरदा जू यीशु पांदी बिशवाश ना कौरौ। सै तिनुकै नरकौ दै पाए दैंदा। तिथै सै रुंदै औरौ आपणै दांत पीशदै, औरौ सै होमेशा दुखी रौंदे। औरौ कौलौंई ना हिशणौवाल़ै आग तिनुकै रोज फ़ोकदै रौंदे, औरौ कीड़े तिनुकै होमैशा खांदै रोंदै।

![](https://cdn.door43.org/obs/jpg/360px/obs-en-50-15.jpg)

जोबै यीशु पाछु आंव, तौ सै आछा कौरेयो शैतानौ कै औरौ तैसकै राज्य कै खत्म कौरे दैंदा। सै शैतानौ कै नरक दा पाए दैंदा। तिथै शैतान तिनु सौबी कै साथै हौमेशा कारिए जौल़दा रौंदा,जिनुऐ पौरमेशवरौ की बातौ मानणौ कै बजाए शैतानौ कै पौछौड़ियौ हांडणौ का फोयसला कौरे राए थिया।

![](https://cdn.door43.org/obs/jpg/360px/obs-en-50-16.jpg)

जिथुकै आदम औरौ हव्वाए पौरमेशवर कै आज्ञा ना मानी औरौ पाप कै ऐसी दुनिया दा लियौऊंआ, पौरमेशवरै तेसी कै शराप दिया औरौ तेसी कै नाश कौरणौ का फोयसला कौरा। पौरौ ऐक दुस पौरमेशवर ऐक नौ स्वर्ग औरौ ऐक नौए धौरती बाणदा जू सिध्द हौंदे।

![](https://cdn.door43.org/obs/jpg/360px/obs-en-50-17.jpg)

यीशु औरौ तेसकै लौग तियौं नौए धौरती पांदी रौंदे, औरौ सै सदा कारिए सौबी चीजौ पांदी राज कौरदै। सै लौगौ की आखी पौरेशै सोबै आशु साफ कौरदा। ऐबै कुणिए बै बीमार औरौ दुखी ना हौंदे। सै रुंदै ना। सै बीमार ना हौंदे औरौ मौरदै ना। औरौ तिथै कुणजै बै बुराए ना हौंदे। यीशु आपणै राज्य पांदी न्याय कै साथै औरौ शान्ती कै साथै राज कौरदा। सै होमेशा कारिए आपणै लौगौ कै साथै रौंदा।

*मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 पौरेशै बाइबल कै ऐक काहाणै*

Audio: https://git.door43.org/OBS-TLF/srx_obs/releases/download/v1/srx_obs_v1_50_128kbps.m4a