# unfoldingWord Open Bible Stories — Shahmirzadi

- Language code: `srz`
- Canonical page: https://openbiblestories.org/l/srz/
- Stories in this file: 50 of 50
- Published by: OBS-TIBIBLE, fa_gl
- Last release: 2026-07-30
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Shahmirzadi translation; it is not a translation of the whole Bible.

## 1. خلق هاکردِن

https://openbiblestories.org/l/srz/story-1/

![](https://cdn.door43.org/obs/jpg/360px/obs-en-01-01.jpg)

اَوّل خدا، هَمه چی ر این جوری خلق ها کرده. او دنیا و هرچی اِ دلِه دَرنه ر شِش روز خلق ها کرده. بعد از اینکه زمین رِ خلق ها کرده، چون خدا هیچّی ر شکل نِدا بِئه، همِه جا تاریک و خالی بِئِه. امّا خدائِه روح اوئه سر دَوِئه.

![](https://cdn.door43.org/obs/jpg/360px/obs-en-01-02.jpg)

بعد خدا بُگُتِه: »هَمه جا روشَن بو« و روشن بِوِئِه. خدا بِدیئِه سو چِنِّه خوبه همینِو اور روز نوم هَدائِه. خدا تاریکی ر از روشِنی سِوا ها کِردِه و اُور شو نوم هِدائِه. خدا روشنایی ر اوّلین روز خلق ها کرده.

![](https://cdn.door43.org/obs/jpg/360px/obs-en-01-03.jpg)

دوّمین روزِ خلق ها کِردِن، خدا بُگُتِه: »فَلَکی اوهای بالا بوجود بیه« وهنتی هم بِوِاِ. خدا اون فلک رِ آسمون نوم وِشته.

![](https://cdn.door43.org/obs/jpg/360px/obs-en-01-04.jpg)

سُوُمین روز خدا بُگُته: »اوها همه آسمون جِر یَکجا جمع بَوِن تا خشکی پیدا یِوُ. « او خُشکی رِ »زمین« و اوها رِ »دِریا« نوم ویشته. خدا بدیه اونچه که خلق ها کرده خوبه.

![](https://cdn.door43.org/obs/jpg/360px/obs-en-01-05.jpg)

بعد خدا بُگُته: »سبزه و دار زمین دله در بیان. « وهنتی بوِئه. باز خدا بدیئِه، اونچه خلق ها کرده خوبه.

![](https://cdn.door43.org/obs/jpg/360px/obs-en-01-06.jpg)

چارِمین روزِ خلق ها کردِن، خدا بُگُته: »آسمونِ دلِه روشنایی به وجود بِه«. و هَنتی بِئِه که خدا، آفتاب، ماه و سِتارِه ها ر به وجود بیوردِه تا زمین ر سو هادِن روشنایی بُوَخشن. همنتی بِئه، که روز، شو، فصل و سال همدیگِه با سِوا بَوِنِه. خدا بِدیئه، اونچِه خلق ها کرده، خوبه.

![](https://cdn.door43.org/obs/jpg/360px/obs-en-01-07.jpg)

پنجمین روز، خدا بُگُته: »اوزیون، دریا ر پُر ها کُنن، پرنِّه ها، آسمونِ دله پَر بَزنن. این جوری بِئه که او همِئه اوزیون و پر نّئون ر به وجود بیورده. خدا بِدیئه اونچه به وجود بیورده، خوبه و اُشن ر برکت هدائِه.

![](https://cdn.door43.org/obs/jpg/360px/obs-en-01-08.jpg)

شِشمین روزِ خلق ها کردن، خدا بُگُتِه: »زمین ازجونِورون پُر بَوو. « اونچه خدا بُگُتِه عَملی بَوِئِه. اون حِوونون، وَحشیون و زمین خیزون، و بَئُوها بِنه. خدا بدیئه اونچه خلق ها کرده خوبه و اِدل خوش بوِئه.

![](https://cdn.door43.org/obs/jpg/360px/obs-en-01-09.jpg)

بعد خدا فَرماش ها کرده: »اِنسونه خوشتنِه واری بسازم، تا زمین و جونو رون ر فرمون هادِن.

![](https://cdn.door43.org/obs/jpg/360px/obs-en-01-10.jpg)

اون گُدر خدا اَنزِه خاک روگِته و اور اِنسونِ واری در بیورده و اُورزنّه ها کردِه. خدا اور آدَم نُوم هدائِه ویک گنّه باغ اِو جور ها کردِه، تا اونجه، زِنّگی ها کُنِه و اون باغ ر مواظِب بو.

![](https://cdn.door43.org/obs/jpg/360px/obs-en-01-11.jpg)

خدا دوتا دارِ مخصوص باغِ میون وِشته، یک دارِ نوم حیات بِئَه و یک دارِ نوم شناخت خوب و بد. خدا آدم ر بُگُته: بتّونی همه ی این باغِ حاصِل ر بَخوری، اِلاّ حاصلِ خوب و بد بشناسّین ر. چون اَگِه او، اون دارِ حاصِل ر مُخورِدِه، مُمُردِه.

![](https://cdn.door43.org/obs/jpg/360px/obs-en-01-12.jpg)

بعد خدا بُگُته: »خوب نیِه آدَم تنها ر بِمُنِه. « چون حِوونون نتّونسّنه، همدمِ مناسبی آدمِوبون.

![](https://cdn.door43.org/obs/jpg/360px/obs-en-01-13.jpg)

هنتی بِئه که خدا آدمِ خُور سِگّین ها کردِه. بعد اِ چینِکِ اسّقون ر بگته و اُور زن بساته و اور آدمِ پیش بیورده.

![](https://cdn.door43.org/obs/jpg/360px/obs-en-01-14.jpg)

وقتی آدَم او رِ بِدیه، بُگُته: »این جو ندار مِه شبیهِ مو. او رِ زن نوم هاکومه، چون از مرد بِگِته بِوِاِ. « به این خاطر که مرد خوش پدر مارِ با جدا بونه خوش همسرِ با یکی بونه و از اون به بعد اون دو تا یَکی بُونه.

![](https://cdn.door43.org/obs/jpg/360px/obs-en-01-15.jpg)

خُدا مَرد و زن رِ خوش شِکل واری بِساتِه. او اوشِن رِ برکت هِدِاِ و بِفَرماییه: »باردار بَوِن، کُت کَته و زَمین رِ پُر هاکُنِن. خدا بدیهِ هرچی خلق هاکُردِه خوب و راضی بِوِاِ. همه اینا ششمین روز پیش بِمِ اِ.

![](https://cdn.door43.org/obs/jpg/360px/obs-en-01-16.jpg)

آسِنِکی از کِتابِ مُقَدِس کتاب پیدایش فصل۱و۲

*هفتمین روز سر، خدا کار خلق هاکُردِن رِ تموم هاکُردِه، هفتمین روز رِ برکت هِداِ و اون رِ مقدس بِنامیه؛ چون روزی بِ اِ که خدا بعد از تموم بِوِن کار خلق هاکُردِن، آروم بِگِتِه. هَنتی بِوِاِ که دنیا و همه مخلوقات رِ خلق هاکُرده.*

## 2. دنیا بَمِنِ گوناه

https://openbiblestories.org/l/srz/story-2/

![](https://cdn.door43.org/obs/jpg/360px/obs-en-02-01.jpg)

آدم و حّوا یک قَشگِه باغِ دله که خدا اُشِنِو بِساتبِئه، با خوشی زِنـّـگی ها مکردنــه. با اینکه لوخت بِـنِه، خِجالت مِنکـشینه چونکه هنوز گوناه دنیا دله نمبِـئه. آُن ویشتـِرِ موقع باغ دلــه قَدم مِزِنـه و خدا با حرف مـزنه.

![](https://cdn.door43.org/obs/jpg/360px/obs-en-02-02.jpg)

اَمّـا یک دُم دِرازِ حُـقِه باز اون باغ دلـه دَوِئــه. اون دُم دراز زَنکه جن، بُپُرسیئه: »حقیقَت دانِه که خدا شمار از بُـخوردنِ هَمه میوه های این باغ، مَنع هاکِرده؟ «

![](https://cdn.door43.org/obs/jpg/360px/obs-en-02-03.jpg)

زَنکه جواب هِدائِه: »اما اِجازه دامّی هَمِةِ حاصِلِ این باغ ر بَخورِم، جز حاصلی که مَخصوصِ خوب و بد بِشناسّینه. خدا اِ مار بُـگُـته: »اَگِه شما این حاصِل رِ بَخـورِن، یا اینکه اوردَس بَزنـِن، میرِنّی. «

![](https://cdn.door43.org/obs/jpg/360px/obs-en-02-04.jpg)

دُم دِراز زَنـکر بُگُتـه: »این حرف دُرُس نیئه شما نمیرنّی. « خدا دونِه اون گُدر که شما اون دارِ حاصِل ر بـَخورِن، خدائِه واری خوب و بد ر اِ دَه با اِشنا سِنّی. «

![](https://cdn.door43.org/obs/jpg/360px/obs-en-02-05.jpg)

زَنکه بِدیئِه، اون دارِ حاصل، خَلِه قَشگه و خوشمَزه واشونِه. او که واسّه هَمه چی ر بَدونِه، یک میوِه دارِ دیم بِچیئه و بُخورده. بعد اون میوه ر، خوش شور ر هَدائه او هم بُخورده.

![](https://cdn.door43.org/obs/jpg/360px/obs-en-02-06.jpg)

ناغافـلِکی )ناگِمون( اُشِنِ چَش وا بوِئـِه و بُفهمینه لوخت هَسِنه، آدم و اِزن، تلاش ها کردنه، تا دارِ وَلگ با، خوشتن ر دپوشنّـِن.

![](https://cdn.door43.org/obs/jpg/360px/obs-en-02-07.jpg)

بعد آدم و اِزن خدائه صدا ر بشنینِه، که دَوِئه باغ دلـه را مشِـئه. اُشن خوشـتنـه خدا با نِهون هاکَردَنــِه. خدا بُگته: »آدم کُجِه دَری؟ « آدم جواب هدائه: »تِه صِدا ر باغ دلـه بُشنیمـه چون لوخت بِـمه بِترسیمه خوشتِن ر نِهون هاکردمـه. «

![](https://cdn.door43.org/obs/jpg/360px/obs-en-02-08.jpg)

بعد خدا بُـپُرسیـئِه: »کی تَر بُـگُـتِه لوختی؟ »آیا از اون دارِ میوٍه که شمار مَنع هاکردِمِه، بُخوردی؟ « آدم جواب هدائـه »این زَن که مَر بُوَخشی، اون میوه ر مَر هـدائه. « اون وَقت خدا اون زَنکه جن بُپُرسیئه: »این چه کاری بِئـه که هاکردی؟ « زَنکه بُـگـُته: »دُم دراز اِمـار فِرِب بدائه )گول بزِئـه(.

![](https://cdn.door43.org/obs/jpg/360px/obs-en-02-09.jpg)

خدا دُم دِراز ر بُـگُـته: »تو مَـلعون هَسّی )نفرین کرده هَسّی(. « و خوش اشکَمِ سر خیزِنی و خاک خورِنی. تو و تِه زن اِ ده با بِزار بونّی مو دیگه تِه نسل و تِه زنِ نَسلِ میون دشمنی وِلمِّه. یکی از نسلِ زن تِه سر ر کوتـنِّـنه و تو اِ کاب رِ زِنی.

![](https://cdn.door43.org/obs/jpg/360px/obs-en-02-10.jpg)

بعد خدا زن ر بُگـُته: »تِه بداشتنِ درد ر خَلِه زیاد هاکومِه. تو خَـلِه خوش شور با علاقِه پیدا کونی و او تِه سر مُسَـلِّط بونه. «

![](https://cdn.door43.org/obs/jpg/360px/obs-en-02-11.jpg)

خدا مرد ر بُگتِه: »چون تو خوش زنِ حرف ر گوش هِدائی و مو با نافَـرمونی هاکردی، زمین لعنتی بونه و تو با زحمت زیاد غذا فراهم هاکونی. آخِسَّر میرِنی و تِه تن وگـِردِنـِه خاک بونِه. آدم خوش زن رٍ حوّا نوم هدائه که اِ معنا زِنّـگی بُوَخشینِه؛ چون او وانه هَمِة آدِمـونِ مار بَوو. خدا اُشن ر با لباسایی که حِـوونونِ پوس بِئِه دِپوشِننیئِه.

![](https://cdn.door43.org/obs/jpg/360px/obs-en-02-12.jpg)

بعد خدا بُـگُـته: »اسـا که اِنسون اِمِه واری بَوِئـِه و خوب رٍ از بد اِشناسِّـنِه، نَوانه بِشـِن اون دارِحاصِلِ زنـّــگی ر بَخورِه و هَمش زِنّـِه بَـمُـنِه. « هنتی بِئه که خدا اُشـن ر اون قَشـگِه باغ جن در بکرده. اون باغِ دَرِبون فـرشته هائِـه بنّیون دار وِشته تا اُشـن ر نِـلن، از داری که حاصـلِ زنگی دانِه ر بَخـورِن.

*آسِنِکی از کِتابِ مُقَدِس: کتاب پیدایش فصل۳*

## 3. سِل

https://openbiblestories.org/l/srz/story-3/

![](https://cdn.door43.org/obs/jpg/360px/obs-en-03-01.jpg)

بعد از سالهای زیاد، آدمون زَمینِ دیم خَلِه زیاد بَوِنَه. اُشن انـِّه خَشِن و شَرور بَوِنَه، که خدا بخواسّه تمومِ دنیا رِ با یَک مَهین سِل نابودها کُنِه.

![](https://cdn.door43.org/obs/jpg/360px/obs-en-03-02.jpg)

امّا خُدا نوح با راضی بِئَه. او یَک مردِ عاقِل بِئَه. که مَردِم شَرور میون زنّگی ها مکِردَه. خُدا نوح رِ خَوَر هَدائَه و ان یَکَ گُنّـَه سِل بیوره. او نوح ر دَسّور هَدائهَ که یَک گُنّـَه کشتی بسازه.

![](https://cdn.door43.org/obs/jpg/360px/obs-en-03-03.jpg)

خُدا تا نوح دَسّور هَدائه یک کشتی که اِدِرازی صد و چل متر و اِ پَهنا بیست و سُه متر و اِ قَد سِـّزه و نیم متر بو بَسازِه. نوح واسّـه این سُه طبقه کًشتی رِ با اورس چومَسِاته. کشتی واسّه سرپوش، اُتاقای زیاد و نیم دری داشتبا. کَشتی اینِو بَساتَه موِئه تا نوحَ، خوشی خونَوادَه و حِو ونانی که خٌشکی دَوِنه ر از سِل حفظ ها کُنِه.

![](https://cdn.door43.org/obs/jpg/360px/obs-en-03-04.jpg)

نوح خُدا با اطات ها کردَه. او و اِسُه تا پسر کشتی ر هَمون جور که خُدا دَسّور هدابِئَه، بَساتنَه. چونکه اون کشتی خلِه مهین بِئه، خَله سال بِکشیئه تا اون کشتی بساته بَوو. نوح مَردم ر گوش به زنگ ها کرده که سِل آنه و اُشن و انه خُدائه سو وَ گردن. امّا اُشن نوحِ حَرف ر بووَر نکردَنه.

![](https://cdn.door43.org/obs/jpg/360px/obs-en-03-05.jpg)

خُدا هم دَسّورهدائه که نوح و اِ خونوادِه خوراکِ به انّازَه خوشتنِو و جونورائِو جَم ها کنَن. وقتی هَمه چی فراهم بَوِئه، خُدا نوح ر بُگُته اًسا این گدر بوسّیئه تا اون هَش نَفر یَنی او، اِ زن و سُه تا پسر و اُشنِ عاروسا بوشون کشتیِ دِله.

![](https://cdn.door43.org/obs/jpg/360px/obs-en-03-06.jpg)

خُدا از هر جور حِوون و پَرنّـه، یک جُفت نر و ما نوح طَرَف برسّیئه تا کشتی دلِه بوشون تا سِلِ گُدَر در امون بون. هَمنتَی خُدا، هَف جُفت نر و ما از هَمه جور حِوونائی که قُربونییو مناسِب بِنَه بِرسّیئَه. وقتی هَمه کشتی دَ له بشِنه، خدا دَر رِ دوسّـه.

![](https://cdn.door43.org/obs/jpg/360px/obs-en-03-07.jpg)

بعد از اون چِل روز وارش دُدار بواریئِه و او چِنون زمین د له مِجوشیئه که هَمه چی، حَتّی بُلنِ کوه رهم او دپوشنّیئَه.

![](https://cdn.door43.org/obs/jpg/360px/obs-en-03-08.jpg)

هَمه موجوداتی که خُشکیِ دیم زِنگی ها مکردنه، به جُز انسونا و حِوونائه کشتی د له، هَلاک بوِنِه. کشتی اوئه سر مشِئه و هَمه چی که کشتیِ د له دوِنه از غرق بوِن اِمن بوِنه.

![](https://cdn.door43.org/obs/jpg/360px/obs-en-03-09.jpg)

بعد از اینکه وارِش بِسّائه کشتی پنج ماه اوئه سَر مَشِئه و در این مُدّت او شروها کرده پائین بشِن. بَعدِ یک روز کوهِ سَر بِسّائه. امّا دنیا هنوز اوئِه جِردَوِئه. بعد از سُه ماه کوه تُک مَلیم بوِئه.

![](https://cdn.door43.org/obs/jpg/360px/obs-en-03-10.jpg)

بعد از چل روز، نوح یک کلاغ رَ برِسّیئه بُریم تا خشکی ر پیدا کُنِه. کلاغ پَر بزِئه امّا خشکی پیدا نکرده.

![](https://cdn.door43.org/obs/jpg/360px/obs-en-03-11.jpg)

بعد نوح یک کوتَر بوسّیئه. کوترم نَتّونسّـه خُشکِ زمین پیدا کُنِه، همینِو نوحِ پیش و گردیئه کشتیِ طرف. هفته بعد کوتر رِ یَک بار دیگه بِرِسّی و کوتر با یک زیتون وَرگ ِوِگِردی کَشتس دله! او فروکِش ها کرده و سبزه ئون بالا بُمنِسّـنِه.

![](https://cdn.door43.org/obs/jpg/360px/obs-en-03-12.jpg)

نوح یک هفته دیگه چش به راه بُمنِسّـه و کوتر ر سُوّمین دَفه برسّیـئه. این دَفَه کوتر و نگردیئه. او پایین بمئه و کوتر یک خشکِ جا پیدا کردبِئِه.

![](https://cdn.door43.org/obs/jpg/360px/obs-en-03-13.jpg)

دو ماه بَعد خدا نوح ر دسّور هدائه: »خوش خونواده هَمرا و حِوونون کشتی با در بِنـِن. آبسّـن بَون و اُویلاد بیورِن و زمین ر پُر هاکُنِن« هنتی بِئه که نوح و اِ خونوادِه کشتی جًن در بَمِنِه.

![](https://cdn.door43.org/obs/jpg/360px/obs-en-03-14.jpg)

نوح بعد از ترکِ کشتی، یک قربونگا بساته و اون حِوونون رَ که این خاطِر بیوردبِئه، قربونی هاکرده. خدا این کار نوح با راضی بوئَه و اُشنِ نسل رَ برکت هدائه.

![](https://cdn.door43.org/obs/jpg/360px/obs-en-03-15.jpg)

بعد خدا این جوری قویل هدائه: »دیگه زمین رَ به خاطرِ اِنسون شرارَت سِل با، لعنت و نابود نکومّـه؛ هر چَن آدم دل از خورد بِکی گوناهکار هَسّـِه. «

![](https://cdn.door43.org/obs/jpg/360px/obs-en-03-16.jpg)

بعد خدا خوش قویلِ نشونه، اوّلین یَرکمون ر آسمون د له به وجود بیورده. هر گدر تِر کَمون آسمون د له مَلیم موِئه، خدا و اِ قوم اِ قویل رَ یا دمیور د نه.

*آسِنِکی از کِتابِ مُقَدِس: کتاب پیدایش فصل۶تا۸*

## 4. خدائِه عهد و پِیمون با اِوراهیم

https://openbiblestories.org/l/srz/story-4/

![](https://cdn.door43.org/obs/jpg/360px/obs-en-04-01.jpg)

سالها بعد از تیفون نوح، نفراتِ اِنسون باز زیاد بونه. اُشن دوبارِه اِده با و خدا با گوناه ها مکردنـه. با اینکه با یک زوون حرف مَزِنه، به جائِه اطات ها کُردن از خدائِه فرمون و اِده با سِوا بون و مَشت ها کردنِ زمین، یًک جا جَم مونه شروها کِردنـه خوشتنِو شهر بِساتَنِ.

![](https://cdn.door43.org/obs/jpg/360px/obs-en-04-02.jpg)

اُشن خَلِه آدمائه خود خوابِنه و نخواسّنـه با دسّور خدا زِنـّگی ها کُنـن و حتّی یک ساختمون بُلـن بالا بَساتنه که سر به آسمون مکشیئه. خُدا بدیئه اًگِه اُشن خوش شرارتِ دمّال ر بـیرن خَلِه کارایی که گوناه هَسّـه ها کونّـه.

![](https://cdn.door43.org/obs/jpg/360px/obs-en-04-03.jpg)

هَمینِو بِئه که خدا اُشنِ زَوون رَ جورو واجورها کرده و اُشن ر هَمه جائِه دُنیا سِواسِوا پخش ها کرده. اون شهری که آدما اوّل اِ بساتَن ر شُرو هاکردنـه، بابِل نوم هدابئه که اِ معنا درهم برهم هَسّـه.

![](https://cdn.door43.org/obs/jpg/360px/obs-en-04-04.jpg)

خُدا صدها سال بعد با یِک مردی که اَبرام نوم داشته حرف بزِئه. خدا او ر دسّور هدائه: »خوش سرزمین و پِر خونه ر ترک هاکون و سرزَمینی بوشو که موتَر اونجه هدایت ها هاکومّـَه. موتَر برکَت دِمّـه تو با یک مهین قوم دُرس کومّـِه. موتِه نوم رَ مهین ها کومّـه. هر کسونی که تَر برکت هادَن مو برکت دِمّـه و اونائی که تر لعنت هاکُنن، ملعون )نفرین کرده(هاکومّـه. همه خونِواده هائِه زمین د له تِه خاطِر برکت پیدا کونـَه. «

![](https://cdn.door43.org/obs/jpg/360px/obs-en-04-05.jpg)

اَبرام هَم خدا رَ اِطات ها کَرده. او خوش زن سارای، خدمتکارون و خوش دارائی ر و گتـَه و بَشِئه سرزمینِ کنعان که خدا اور نشون بِدابِئـِه.

![](https://cdn.door43.org/obs/jpg/360px/obs-en-04-06.jpg)

وقتی اَبرام کنعان وارّد بَوِئـِه، خدا دَسّور هَدائه: »خوش دورو وَر رَ هیشین. تَمومِ این سرزمین رَ که وینی، توو تِه اویلاد رَ بَخشَمّـِه. « اون گدر بِئه که اَبرام اون زمین، دَلـه بُمَنِسّـه.

![](https://cdn.door43.org/obs/jpg/360px/obs-en-04-07.jpg)

اونجه یِک مَردی دَوِئه اِنوم مِلکیصِدِق که خدائِه بُلن رتبه کاهِن بِئه. اَبرام اور آخرِ یکی از جَنگا دیدارها کرده )بَدیئِه(. مِلکیصِدِق، اَبرام رَ برکَت هَدائه و بَگُتـه: »خدا بُلن مرتَبه که آسمون و زمین صاحاب هَسّـِه، اَبرام رَ برکت هاده. « اون گُدر اَبرام از ده تا غنیمتی که جنگ با بگته یکی رَ مِلکصِدِق رَ بُوَخشیئِه.

![](https://cdn.door43.org/obs/jpg/360px/obs-en-04-08.jpg)

خَلِه سال بُگذِشتِه، اَمّا ابرام و سارای، هَنوز کُته نَداشتَنِه. خدا ابرام با حرف بِزِئه و دوباره وعده هدائه که اُشن رَ یک پسر بَخشِنه و اِنسل با اویلادِ زیادی به وجود آنّه که آسمونِ ستارِه و اری زیاد بونِه. خُدا ابرام رَ عادل بِشمارده، چونکه او خدائه وعدِه ر بُوورها کَردبِئه.

![](https://cdn.door43.org/obs/jpg/360px/obs-en-04-09.jpg)

بعد از اون خدا ابرام با پِمون درسّـه. معمولن پِمون یک توافُقِ دو طرفه هسّـه که اِ مطابق هر دو طرَف تعهُّد دِنّـه که اِدو یک کاری ها کُنن. امّا در موردِ اَبرام، خدا زمونی این پِمون رَ دوسّـه که ابرام خلِه سَکَیّن خودَوِئه. با این حال اَبرام بـتّونسّـه خُدائه صِدا رَ بُشنِه. خُدا بُگته: »موتِه وجود جن یِک پِسر تَر بَخشَمّـَه و سرزمینِ کنعان رَ تِه نسل رَ دِمّـه. « امّا اَبرام هنوز هیچ پسری نَداشته.

*آسِنِکی از کِتابِ مُقَدِس: کتاب پیدایش فصل۱۱تا۱۵*

## 5. وَعدِه پسَر

https://openbiblestories.org/l/srz/story-5/

![](https://cdn.door43.org/obs/jpg/360px/obs-en-05-01.jpg)

دَه سال بعد از مهاجرَت به سرزَمین کنعون، اَبرام و سارا، هنوز کُته ای نَداشتَنِه. بعد سارائِه شور اَبرام اُور بگُتـَه: »اَسا که خدا اَجازه نَدائه تا موکته داشتبام و مواسا اِشکَم دار بوِ نِو خِلِه پیر هَسّـمَه، توامِه پیش خِدمت هاجَر با اِزدواج هاکون تا او بِتـّونِه مِو یِک کُتـه بیورده. «

![](https://cdn.door43.org/obs/jpg/360px/obs-en-05-02.jpg)

بعد اَبرام هاجَر با ازدِواج ها کرده. هاجر یِک پسر دنیا بیوردِه و اَبرام اِنوم رَ اسماعیل وِشتِه. وَلی سارا هاجَر با حَسودی ها مِکردِه. اون گُدر که اسماعیل سِزَّه سالِه بوِئِه، خُدا یک دَفِه دیگه اَبرام با حرف بِزِئه.

![](https://cdn.door43.org/obs/jpg/360px/obs-en-05-03.jpg)

خدا بفَرمائِه: »مُو خدائِه قادرِ مُطلق هَسّـِمِه و تو با پمونی دونِمّـه. « اون گُدَر اَبرام در مقابل درگاه خدا سَر فروز بیوردِه. خدا هم اَبرام ر بِفَرمائه: »تو یک عالمِه قومائه پِربونی. مو سرزمینِ کنعون ر به عنوان اِرث، تو و تِه نَسل ر دِمّـه و هَمیشه اُشنِ خُدا بومّـه. تو هَم وانه تَمومِ پًرونِ خوش خونواده رِ خَتنه ها کُنِی. «

![](https://cdn.door43.org/obs/jpg/360px/obs-en-05-04.jpg)

»تِه زن سارای، هم یک پِسر دنیا اُورَنـه که همون کُته ای که وَعدِه هدامه بونه. اِنوم رِ اسحاق وِل. مُوتو با پیمون دونِمّـه و او با یک مهین نُسل به وجود اورمّـِه. اسماعیل جن هم یک مهین نسل دُرُس هاکومّـِه، ولی مِه پِمون با اسحاق هَسّـِه. « بعد از اون خدا اَبرامِ نوم ر اِوراهیم عوَض هاکِرده و اَوراهیم وِشته یعنی قوم های زیادِ پِر. همین جور خدا سارائه نوم ر به سارَه عَوض هاکرده که اِمَعنا »شاهزاده« هَسّـِه.

![](https://cdn.door43.org/obs/jpg/360px/obs-en-05-05.jpg)

اون روز اِوراهیم هَمِه پسرون خوش خاندان ر خَتنه ها کَردِه. بعد از حدودِ یک سال، که اَوراهیم صد و ساره نُوَد سالِه بِئه، سارَه یِک پسر دُنیا بیوردِه. همون جور که خدا بِخواس بِئه، و اُشن اِنوم ر اِسحاق وِشتنه.

![](https://cdn.door43.org/obs/jpg/360px/obs-en-05-06.jpg)

اون وقت که اسحاق یِک مرد جَوون بوِئِه، خدا اِوراهیم ایمون رِ آزماش ها کِرده و بُگتِه: »تنها خوش پسَر ر مِوقربونی هاکون. « اِوراهیم یک دَفِه دیگه خدا جن اِطات ها کرده و حاضِر بوِئه تا خوش پسر ر قربونی هاکُنِه.

![](https://cdn.door43.org/obs/jpg/360px/obs-en-05-07.jpg)

موقعی که اوراهیم و اسحاق قربونگائِه طرف مشِنه، اسحاق بُپُرسیئه: »پِرجون، هِمِه قربونیِو حاضِره، ولی وَرَه قربونیو کوئه؟ « اوراهیم جَواب هَدائه: »پسر، خدا وَره قربونی ر آماده هاکونه. «

![](https://cdn.door43.org/obs/jpg/360px/obs-en-05-08.jpg)

وقتی اُشن به قربونگا برسّینه، اوراهیم اسحاق ر با یِک رَسن دَوِسّـِه و او ر جِلوی قربونگا وِشته. اِوراهیم واس خوش پسر ر قربونی ها کُنِه که خدا بِفرمائِه: »اَنِزه بِسّا! خوش پسر ر ضربه نَزَنا! اسا دو نِسّمه که تو خوش دل دنیم موجن ترس دانی، چونکه یِکّـِه پسر ر هم مِوْ دریغ نداشتی. «

![](https://cdn.door43.org/obs/jpg/360px/obs-en-05-09.jpg)

اِوراهیم اون نزّیکی یًک قوچِ وَرَه بِدیئِه که یک تِجِ تَلی دَلـِه گیرها کرد بِئِه. خدا قوچِ وَرَه ر به جائه اسحاق قربونیو آماده ها کَرد بِئه. اوراهیم با خوشالی قوچ وَرَه ر قربونیِو خدائو پیش کِش ها کرده.

![](https://cdn.door43.org/obs/jpg/360px/obs-en-05-10.jpg)

اون وقت خدا اوراهیم ر بُگُتِه: »از اینکه تو حاضر بَوی تا خوشتنِ هَمَه چی ر حتّی یِکّه پسر ر مَو بُوَخشی، موهم قویل دِمّـِه تَر برکت دِمّـِه. ته نسل از ستاره هائه آسِمون ویشته بونِه. از اینکه ازمو اِطات ها کردی، تمومِ خونواده هائه زَمین تِه خونواده خاطر برکت پیدا کونّـِه. «

*آسِنِکی از کِتابِ مُقَدِس: کتاب پیدایش فصل۱۶تا۲۲*

## 6. خدا اِسحاقِو آماده هاکونِه

https://openbiblestories.org/l/srz/story-6/

![](https://cdn.door43.org/obs/jpg/360px/obs-en-06-01.jpg)

اون وَخت که اوراهیم به سِنِّ پیری و اِ پسَر اسحاق به سِنِّ جَوونی بِرِسّی بِئه، اِوراهیم یِکی از خوشتن پیش خدمتارِ بِرِسّیئه خوش زادگاه و خوش سرزَمین تا از اونجِه اسحاقِو یِک همسر )زن( بیورِه.

![](https://cdn.door43.org/obs/jpg/360px/obs-en-06-02.jpg)

بعد از یک سَفَر طولانی که اوراهیم و اِ قوم و خِشِ اونجِه زِنّگی ها مِکَردَنه، خُدا او خِدمتکار ر راهنمایی ها کرده که بَشِه رِبِکا اِوراهیم برارِ زائِه پیشن.

![](https://cdn.door43.org/obs/jpg/360px/obs-en-06-03.jpg)

رِبِکا قَبول هاکردِه که خوش خونِواده ر ترک هاکُنِه و اون خدمتکار همرا بَشِه اسحاق خونِه. اِسحاق هَم تا او بِرسّیئه، او با ازدواج هاکرده.

![](https://cdn.door43.org/obs/jpg/360px/obs-en-06-04.jpg)

بعد از مدّت زیاد، اوراهیم بُمُردِه و خدا به خاطرِ عَهد و پمونی که اوراهیم با دوَسبِئه، اسحاق ر برکت هدائه. یکی از وعده های خُدا اون پِمون دَ لًه این بِئه که اوراهیم، نَسلِ فراوونی پیدا کونِه. امّا رِبِکا اسحاق زن نَتونِسّـِه کُته دار بَوو.

![](https://cdn.door43.org/obs/jpg/360px/obs-en-06-05.jpg)

خدا اِجازه هِدائه که اسحاق داعابا، رِبِکا دوگُلی کُته دار بَوو. این دو تا کٌتـه، پیش از دنیا بِمِن، خوش ما ر اِشکَم دِله، درگیر بِنِه. هَمینو، رِبـِکا عِلّـتِ این درگیری ر خدا جن پُرس و جوها کردُه.

![](https://cdn.door43.org/obs/jpg/360px/obs-en-06-06.jpg)

خُدا رِ بِکا ر بُگته: »تو دو تا پسر دنیا اورًنی. و از هر دو تا قومی به وجود آنّـِه که با هم فرق دانّه و اُشَن هَمَش با هم جنگ و درگیری دانّـِه، ولی قومِ خوردِ پسر از قوم مِهین پسر اطات ها کونّـِه. «

![](https://cdn.door43.org/obs/jpg/360px/obs-en-06-07.jpg)

اون گُدَر که رِ بِکای پسرون دُنیا بِمِنه، اَوّلی پسرِ دیم، سُرخ بِئه و اِتَن می پُربِئه، اُشن او ر عیسو نوم هِدانـِه. بعد دُوّمی پسر در حالی که عیسوئِه کاب ر خوش دس گتبئه دنیا بمِئِه و اِنوم ر یعقوب وِشتَنه.

*آسِنِکی از کِتابِ مُقَدِس: کتاب پیدایش فصل۲۴آیات۱تا۲۵و فصل۲۶*

## 7. خدا یعقوب ر برکَت دِنِه.

https://openbiblestories.org/l/srz/story-7/

![](https://cdn.door43.org/obs/jpg/360px/obs-en-07-01.jpg)

اون دو تا پِسِر مِهین بوِنِه. عیسو دوس داشته شِکار بَشِه، امّا یعقوب یِک مردِ خونه نِشین بِئِه. رِبِکا یَعقوب ر دوس داشتِه، امّا عیسو اسحاق ر دوس داشتِه.

![](https://cdn.door43.org/obs/jpg/360px/obs-en-07-02.jpg)

یِک روز عیسو، که خَلِه وَشنا بِئِه، شکار جن وَگردیئِه. عیسو یعقوب ر بَگتِه: »لطف هاکون اَنزِه خوش غَذا رِ مَرهادِه. « یعقوب جَواب هِدائِه: »اَوّل مَرقُویل هادِه هر اونچِه که به خاطِرِ اوّلین کُته ای که از تو عَمَل بَمِئه و تِه هَسّـِه، مَر بُوخشی. « هَمینِو عیسو قویل هَدائِه که هر چی اوّل از او عَمل بمِئِه یعقوب ر بُوَخشِه. بعد یعقوب اَنزِه غذاعیسو ر هَدائِه.

![](https://cdn.door43.org/obs/jpg/360px/obs-en-07-03.jpg)

اون گُدر که اِسحاق بِخواسّـِه که خوش بَرکت )حق(ر عیسو ر هادِه، رِبِکا با حُقّـِه بازی یعقوب ر به جای عیسو اسحاقِ اتاق برسّیئِه. اِسحاق پیر بِوِ بِئِه و دیگه نَتّونِسّـِه خوب بوینه. یعقوب عیسوئه لِباس رخوش تَن کردِه و خوشتِنه گَل و گًردَن و دَسّون ر با بُزِپوس دَپوشِنّیه.

![](https://cdn.door43.org/obs/jpg/360px/obs-en-07-04.jpg)

یعقوب خوش پِرپیش بمِئِه و بُگتِه: »مو عیسو هَسّـِمِه و بِمِمَه تا مَر برکَت هادی. « وقتی اسحاق بُزِ می ر دَس بِزِئِه و اِ لباس ر بو بِکِشیئِه، خیال ها کِردِه که عیسو اِ پیش بِمِئِه و اُور برکت هَدائِه.

![](https://cdn.door43.org/obs/jpg/360px/obs-en-07-05.jpg)

عیسو یعقوب با بِزار بِئِه، چونکه او حّق اوّل دنیا بمِن و اِ برکت ر بَدُزّیئِه. هَمینِو نَقشِه بِکَشیئِه که بعد از بُمُردنِ اسحاق، یعقوب ر بَکُشِه.

![](https://cdn.door43.org/obs/jpg/360px/obs-en-07-06.jpg)

ولی رِبِکا از اِنیّت مُخبِر بِوِئه. او و اسحاق، یعقوب ر به یک دیر جا رِبِکای فامیلونِ پیش بِرِسّینِه.

![](https://cdn.door43.org/obs/jpg/360px/obs-en-07-07.jpg)

یعقوب خَلِه سال رِبِکای فامیلون پیش زِنّگی هاکِرده. اون مُدّت او عروسّی هاکرده و صاحابِ دوازّه پسر و یک دُتَر بَوِئه. خدا هم یعقوب ر مال زیادی بُوَ خشیئه.

![](https://cdn.door43.org/obs/jpg/360px/obs-en-07-08.jpg)

بعد از بیس سال که از خوشتنِ خونه کنعون دِر دَوِئِه، یعقوب با خوش خونواده و خانمون و همِه رَمِه وَگَردیئِه اونجه.

![](https://cdn.door43.org/obs/jpg/360px/obs-en-07-09.jpg)

یعقوب خَلِه بیز بزه بِئِه. چون فکرها مِکَرده که عیسو هنوز وانه اور بَکُشِه. هَمینِو یک عالَمه از خوش گوسفن رَمِه ر، سوغاتی برسّیئِه عیسوئه پیش. اون خدمتکاری که حِوونا ر عیسوئو بُوُرد بِئِه، اُور بُگُتِه: »این گوسفَنّون ر تِه خدمتکار یعقوب تَر بُوَ خشیئِه. او خِلِه زود اینجه رَسّـنه. «

![](https://cdn.door43.org/obs/jpg/360px/obs-en-07-10.jpg)

امّا عیسو دیگه نخواسّـه یعقوب ر ضَربِه بَزَنِه و اور بدیئِه خِلِه خوشال بوِئِه. یعقوب با صلح و آرامش کنعون زِنـّگی ها مِکِردَه. بعد اسحاق بُمُرده و یعقوب و عیسو اور خاک بِسپاردَنـِه. اون پِمونی که خُدا اِوراهیم با دِوِس بِئه، بعد از اسحاق یعقوبِه بِرَسّیئِه.

*آسِنِکی از کِتابِ مُقَدِس: کتاب پیدایش فصل۲۵آیات۲۷تا۳۵و فصل۲۹*

## 8. خدا یوسِف و اِ خونوادَه ر نِجات دِنِه.

https://openbiblestories.org/l/srz/story-8/

![](https://cdn.door43.org/obs/jpg/360px/obs-en-08-01.jpg)

بعد از سالا، وقتی یعقوب یِک پیرمردِ سِن دار بَوِئه، خوش پسر یوسِف رِ که خَلِه اور عَلاقِه داشته بِرَسّیئِه تا از خوش برارون که دَوِنه صحرا گوسفن رَمَه ر مِچارنّینِه، خَوَر بیورِه.

![](https://cdn.door43.org/obs/jpg/360px/obs-en-08-02.jpg)

بعد از سالا، وقتی یعقوب یِک پیرمردِ سِن دار بَوِئه، خوش پسر یوسِف رِ که خَلِه اور عَلاقِه داشته بِرَسّیئِه تا از خوش برارون که دَوِنه صحرا گوسفن رَمَه ر مِچارنّینِه، خَوَر بیورِه.

![](https://cdn.door43.org/obs/jpg/360px/obs-en-08-03.jpg)

پیش از اینکه برارون خونه بَرِسّـَن، اُشن یوسفِ جومَه ر تکه ها کردَنـه وادِیم بُزِخین دپا تنِه. جومِه ر خوش پِر ر نِشون بِدانِه تا خیال ها کُنِه که یک حِوون وحشی یوسِف ر بُکُشتِه. پس یعقوب خَلِه غُصّه دار بَوِئه.

![](https://cdn.door43.org/obs/jpg/360px/obs-en-08-04.jpg)

تاجِرون مصر برده خَر یوسف ر بُوُردَنِه مصر. مصر سرزمین مَهین و قدرتمند بِئِه که کنار رود نیل وجود داشته. اُشن او )یوسف(ر به یک مقام ثروتمند دولت مصر بروتَنِه. یوسف خَلِه خوب خوش ارباب ر خدمت ها مِکَرده و خُدا هم او ر برکت هَدائِه.

![](https://cdn.door43.org/obs/jpg/360px/obs-en-08-05.jpg)

اون مقام دولتیِ زن تلاش ها مِکَرده یوسف با هم بَستر بَوو )اِوَر بَخوسِه(، ولی یوسف قبول نکرده که به خاطرِ خدا گوتاه ها کُنِه. بعد اون زَنکـه غِیظ بَگتِه و یک بخودی تهمت یوسِف ر بِزِئه. او )یوسف(دستگیر بوِئِه و راهی حبس بوِئه. ولی یوسف حبس دلـِه هم خدا با وَفادارِ بُمَنِسّـِه و خدا او ر برکت هِدائه.

![](https://cdn.door43.org/obs/jpg/360px/obs-en-08-06.jpg)

پس از اینکه دو سال بُگذِشته یوسف همنتی زِنّون دَوِئِه، با اینکه بی گوتاه بِئه. یک شو فرعون )پادشاهون مصر قدیم(، دو تا خوبَ دیئِه که خَلِه او ر پریشون هاکردِه و هیچ کُدوم از اِمشاورون نَتّونسّـه اِخورِ تعبیر هاکُنَن.

![](https://cdn.door43.org/obs/jpg/360px/obs-en-08-07.jpg)

چونکه خدا قدرت تعبیر خود رَ یوسف رهدا بئِه، فرعون او )یوسف(ر از زِنّون بخواسّه تا اِ خور تعبیر هاکُنِه. یوسِف اور بُگُتِه: »خدا هف سال، اَنّه زاری محصول دِنِه ولی بعد از اون، هف سال قحطی بونًه. «

![](https://cdn.door43.org/obs/jpg/360px/obs-en-08-08.jpg)

فِرعون اَنَّه یوسف شخصیت او رِ تحت تاثیر قِرار هِدا اِ که زا مقام رِ دُوُمین نفر قُدرَتمَندِ مصر قرار هدا اِ.

![](https://cdn.door43.org/obs/jpg/360px/obs-en-08-09.jpg)

یوسف مردم ر بُگُتِه که در مدّت هف سال فراوونی محصول محصولات ر امّا رها کُنَن. بعد وقتی هف سال قحطی شروع بوِئِه، یوسِف اون محصولات ر مَردُمِه مروتِه تا خوراک کافی دارَن.

![](https://cdn.door43.org/obs/jpg/360px/obs-en-08-10.jpg)

قحطی و خشکسالی عَلاوه بر مصر سرزمین کنعون ر هم که یعقوب و اِ خونواده اونجِه زِنّگی ها مِکردَنه ر دربر بِگتِه.

![](https://cdn.door43.org/obs/jpg/360px/obs-en-08-11.jpg)

همینوِ یعقوب خوشتنِ مهین پسَرون ر مصر بِرِسّیئِه تا غذا و آذوقه فراهم هاکُنن. اون وقت که اُشن یوسِف با روبه رو بوِنه تا اوجن غَذا بَخَرَن، اور نَشناسّینِه. ولی یوسف اُشن ر بَشناسّیئِه.

![](https://cdn.door43.org/obs/jpg/360px/obs-en-08-12.jpg)

یوسف که واسّـِه اُشنِ تغییر حالَت ر بوینِه، اُشن ر اِزماش هاکرده، بعد بُگُتِه: »مو یوسف، شِمِه برار هَسّـَمِه، نَتَرسِن. شما در حقّ مو بدی ها کردنی، امّا خدا شِمِه بدی ر بَدل به خوبی ها کرده. بِنِن در مصر زِنّگی ها کُنِن و مو بتّومّـِه اینجِه همه چی شمِو و شمِه خونوادِو ر فراهم ها کُنم. «

![](https://cdn.door43.org/obs/jpg/360px/obs-en-08-13.jpg)

یوسفِ برارون وگَردینِه خونه و یعقوب ر خَوَر هدانِه که یوسِف زِنّـِه هَسّـِه او خَلِه خوشال بوِئِه.

![](https://cdn.door43.org/obs/jpg/360px/obs-en-08-14.jpg)

هر چن یعقوب یک پیرمرد بوِبِئه، با خوش خونواده کوچ ها کرده به مصر و اونجِه کنار هم زِنّگی ها کردَنـِه. یعقوب قبل از بُمُردن خوش هَمِه پسَرون ر برکَت هَدائِه.

![](https://cdn.door43.org/obs/jpg/360px/obs-en-08-15.jpg)

هر چن یعقوب یک پیرمرد بوِبِئه، با خوش خونواده کوچ ها کرده به مصر و اونجِه کنار هم زِنّگی ها کردَنـِه. یعقوب قبل از بُمُردن خوش هَمِه پسَرون ر برکَت هَدائِه.

*آسِنِکی از کِتابِ مُقَدِس: کتاب پیدایش پیدایش: فصل۳۷تا۵۰*

## 9. خدا موسی ر صِدا کونِه

https://openbiblestories.org/l/srz/story-9/

![](https://cdn.door43.org/obs/jpg/360px/obs-en-09-01.jpg)

بعد از اینکه یوسِف بُمُرده اِ هَمه فامیلون مصر بُمِنِسّـنِه. خَلِه سال دراز اُشن و اُشن اویلاد اونجِه زِنّگی ر پیش بُوُردَنه و نسل و اویلاد زیادی پیدا کردنِه. مردمِ مصر اُشن ر اسرائیلی مُخونّینِه.

![](https://cdn.door43.org/obs/jpg/360px/obs-en-09-02.jpg)

بعد از صدها سال که بَگذِشَته، اِسرائیلیون خَلِه زیاد بوِنِه و مردم مِصر دیگه یوسف و اِ کُمِکایی که ها کَردبِئه ر یاد نداشتَنِه. اُشن اسرائیلی ها جن مترسینِه، چونکه اُشنِ نَفَرات زیاد بِئِه. هَمینِو فرعونی که اون زَمون مصر حکومَت ها مَکِردِه، اسرائیلی ها ر اُشنِ برده ها کردِه.

![](https://cdn.door43.org/obs/jpg/360px/obs-en-09-03.jpg)

مصریا، اسرائیلیها ر مجبورها مکردنِه اُشنِو ساختمون و حَتّی شهر بسازن. کارای سخت زِنّگی ر اُشنِو تَل ها کرد بِئه. ولی خدا اُشن ر برکت هدائه و صاحاب اویلاد زیادی بَوِنِه.

![](https://cdn.door43.org/obs/jpg/360px/obs-en-09-04.jpg)

فرعون بَدیئِه که اسرائیلیها زیاد اویلاد اورّنه، هَمینِو خوش قوم ر دَسّور هَدائِه تَمومِ پسَرون اسرائیلی ها ر رود خونه نیل د لًکَـّـًن و بَکُشِن.

![](https://cdn.door43.org/obs/jpg/360px/obs-en-09-05.jpg)

تا اینکه یِک اسرائیلی زَنَکِهیک پسَر بِداشتِه )دنیا بیوردِه(. او و اِ شور تا بتّونِسّـِنِه، کُته ر نِهون ها کردنه.

![](https://cdn.door43.org/obs/jpg/360px/obs-en-09-06.jpg)

وقتی که پِر مارِ، دیگه نتّونسّـنه خوش چیلیک کُتِه ر جا بَدَن، واس اِ بُکُشِن جلو ر بیرن، اَور یک زمیّل شَنوورِ دَلِه هللََ زاری که رودخونه وردَوِئه وِشتنه. امّا اِ مهین خواخر از دِ رِجا اور میشیئه تا بوینِه چه اِتّفاقی اِو دکفنِه.

![](https://cdn.door43.org/obs/jpg/360px/obs-en-09-07.jpg)

فرعون دتِر زمیّل ر بدیئِه و اِ دلِه ر هیشیئه. وقتی چیلیک کُته ر بدیئه اُور به عنوان خوش پسر قبول ها کرده. او یک اسرائیلی زَنًکه ر، به خدمت بگته تا چیلیک کُته ر شیرها دِه. بدون اینکه بَدونِه اون زَنکه اون چیلیک کُتِه ما ر هَسّـه وقتی اِ مار کُته رً از شیر بگتِه او ر وگاردنیّـه فرعونِ دترِ پیش و فرعونِ دتر این کُتِه نوم ر موسی وِشتِه.

![](https://cdn.door43.org/obs/jpg/360px/obs-en-09-08.jpg)

وقتی موسی مهین بوِئِه، یک مصری ر بَدیئِه که یک غلومِ اسرائیلی ر کٌتًک زِنِه. موسی همّت ها کرده خوش بَرار اسرائیلی ر نجات بَدِه.

![](https://cdn.door43.org/obs/jpg/360px/obs-en-09-09.jpg)

موسی با این گمون که هیشکی اور نوینه، اون مصری ر بُکُشتِه و اِ جَسَد ر جا بَدائِه، امّا یک نفر این کارِ موسی ر بِدیئِه.

![](https://cdn.door43.org/obs/jpg/360px/obs-en-09-10.jpg)

فرعون از این کارِ موسی با خَوَر بوِئه و تلاش ها کرده موسی ر بکُشِه و امّا موسی از مصر به طرف بیابون فرار ها کرده و فرعونِ سربازون نتّونَسّـنه اور اونجه پیدا کُنن.

![](https://cdn.door43.org/obs/jpg/360px/obs-en-09-11.jpg)

موسی در یک بیابون که از مصر دیر بِئه مشغولِ چَپّونی بوِئه. او با یک زن از اون سرزمین ازدواج ها کرده و صاحاب دو تا پسر بوِئه.

![](https://cdn.door43.org/obs/jpg/360px/obs-en-09-12.jpg)

یک روز موسی که خوش زن پِر گوسفنّون ر مواظب بِئه، یک تَلی بَدیئِه که بل ها گتبِئه امّا مَنَسوته. بعد اِ نزّ یک بشِئه تا علّت ر بُفَهمِه. وقتی که موسی اون بَلِ نزّیک بوِئِه، خدا اون تَلی دَلـِه صدا کرده: »خوش کوش ر لنگدِله در بیور، چون جایی که اِسّائی مقدّس هَسّـه. «

![](https://cdn.door43.org/obs/jpg/360px/obs-en-09-13.jpg)

بعد خدا بُگُتِه: »مو خوش قومِ بلا مصیبت ر در مصر بَدیمِه. موتِر فرعون پیش رسِّمّـه تا مِه قوم را از غُلومی مصر در بیوری. مو سرزمینِ کنعون ر اُشن ردِمّـه. سرزمینی که به اِوراهیم، اسحاق و یعقوب وعده هَدا بِمِه. «

![](https://cdn.door43.org/obs/jpg/360px/obs-en-09-14.jpg)

موسی بگُته: اگه قوم موجن بَپُرسن که کی مَر برسّیئه، اُشن رَ چچی بِئوم؟ خدا بفرمائه: »دَرَمًه، اونکِه اُشن ر بئو: »دَرَمًه« مَرشِمِه پیش برسّیئِه هَمَنتی اُشن ر بئو که مو یهْوَه، شمِه اِوراهیم و اسحاق و یعقوب پِرهَسّـمه. و مِه نوم هَمَش همینِه. «

![](https://cdn.door43.org/obs/jpg/360px/obs-en-09-15.jpg)

موسی نواسّـِه فرعون پیش بَشِه، چونکِه متًسیئه که نَتّونـِه خوب حرف بَزَنـِه. همینو خدا موسائه بَرار، هارون رِ برسّیئه تا اور کُمِک ها کُنِه.

*آسِنِکی از کِتابِ مُقَدِس: کتاب خروج فصل۱تا۴*

## 10. ده بَلا

https://openbiblestories.org/l/srz/story-10/

![](https://cdn.door43.org/obs/jpg/360px/obs-en-10-01.jpg)

خدا موسی و هارون ر با خَوَر هاکِرده که فرعون سرسخت بونه. موسی و هارون بَشِنِه فرعون پیش و بُگُتنه: »این پِغوم اسرائیل خدا تِوْ هَسّـِه: مِه قوم رَ وِل هاکون تا بوشون. فرعون اُشِنِ حرف ر نُشنی بَگته و به جای وِل ها کردِنِ قومِ بنی اسرائیل اُشن ر مجبورها کرده تا سخت تر از قبل کارها کُنَن.

![](https://cdn.door43.org/obs/jpg/360px/obs-en-10-02.jpg)

فرعون همنتی از وِل کِردَنِ قوم اسرائیل نافرمونی ها مَکِردِه. همینِو خدا ده تا بَلای وَحشتناک مِصِر و برسّیئِه. خدا از بَلاها، فرعون ر نَشون بَدائِه که اِ قُدرت از فِرعون و همه خدائون مصر ویشَر هَسّـِه.

![](https://cdn.door43.org/obs/jpg/360px/obs-en-10-03.jpg)

خدا رود نیلِ او ر تبدیل به خین ها کردِه. ولی فرعون هَمنتی قومِ اسرائیل ر وِل نَکردِه.

![](https://cdn.door43.org/obs/jpg/360px/obs-en-10-04.jpg)

خدا تَمومِ سرزمین مِصرِو از وَک پُرها کردِه. فرعون موسی جَن بَخواسّه که این وَ کار از اُشنِ سرزمین دِرها کُنِه. امّا بعد از اینکه وَ کا از بین بَشِنِه فرعون دَل، سخت تر بَوِئِه و اجازه بُریم بشِن از مِصر رَ اُشن ر ندائه.

![](https://cdn.door43.org/obs/jpg/360px/obs-en-10-05.jpg)

بعد خُدا لائه پَشِه ئون و ما زا ر برَسّیئِه. فرعون موسی و هارون ر بُگُته اگِه این بلائون ر دِر ها کُنن اُشن ر اجازه دِنه مصر ر ترک ها کُنن. بعد از موسائه داعا خدا این بلائون رِ دِ رها کرده. امّا فرعون خوش قلب ر سخت ها کِرده و باز اجازه ندائه اُشن مصر ر ترک ها کُنَن.

![](https://cdn.door43.org/obs/jpg/360px/obs-en-10-06.jpg)

بعد از اون خدا کاری ها کرده تا همه حِوونایی که مال مصریا با بِئه و یمار بَوون و بَمیرن. ولی فرعون دل سخت بَوِبِئه و این دَفَه هم اُشَن رَ اَجازِه نَدائَه بوشون.

![](https://cdn.door43.org/obs/jpg/360px/obs-en-10-07.jpg)

خدا موسی ر بُگُته تا خوش مُشت ر کهلین با پُرها کُنِه و اونا رِ فرعون پیش هوا بَده. وقتی که موسی این کار رِ ها کَرده، تَمومِ مَردمِ مِصر غیر از اسرائیلیون دچاره گرِ دردناک بَوِنه. امّا خدا فرعون قلب ر سخت ها کرده و فرعون اِجازه ندائه که اُشن بوشون.

![](https://cdn.door43.org/obs/jpg/360px/obs-en-10-08.jpg)

بعد خدا بَلائِه تَریک ر بِرِسّیئه و ویشتَرِ حاصِل و هر جونوری که بُریم دَوِنه رِ نابودها کردِه. اون گُدر فرعون، موسی و هارون رِ دعوت ها کردِه و بُگُته: »مو این دَفه گوتاه ها کردمِه، شما آزاد هَسّـنی که بَشِن. « بعد موسی داعا ها کرده و تریک بِسّائه و نواریئه.

![](https://cdn.door43.org/obs/jpg/360px/obs-en-10-09.jpg)

امّا فرعون باز گوتاه ها کِرده و خوش دل ر سخت ها کردِه و اِجازِه نَدائِه اسرائیلیون آزاد بَوون.

![](https://cdn.door43.org/obs/jpg/360px/obs-en-10-10.jpg)

هَمینِوه خدا یِک عالَمه مَلخ ر مصر برسّیئِه و مَلخا هر چی از حاصلی که از بَوارین تَریک بُمَنِسبِئِه، بُخوردنـِه. «

![](https://cdn.door43.org/obs/jpg/360px/obs-en-10-11.jpg)

بعد خدا بلائه تاریکی ر برسّیئه که سُه روز طول بَکَشیئِه و هَمه جا چَنون تاریکی بوِئه که مصریون نَتّونَسّـنه خونه جَن در بیان. امّا جایی که اسرائیلیون زِنِگّی ها مَکِردنه، روشنائی بِئِه.

![](https://cdn.door43.org/obs/jpg/360px/obs-en-10-12.jpg)

حَتّی بعد از این نه تا بَلا، فرعون اسرائیلیون ر اَجازِه نَدائِه بوشون. از اونجِه که فرعون، گوش شَنوا نًداشتِه، خدا اِرادِه هاکرده تا آخَرین بلا ر هم بَرًسّـِه. این بَلا باعث مَوِئِه که فرعون خوش تصمیمه عَوَض هاکُنِه.

*آسِنِکی از کِتابِ مُقَدِس: کتاب خروج۵تا۱۰*

## 11. عید پِسَخ

https://openbiblestories.org/l/srz/story-11/

![](https://cdn.door43.org/obs/jpg/360px/obs-en-11-01.jpg)

خدا موسی و هارون رِ فرعون پیش بِرَسّیئِه تا او رِ بئون تا اسرائیلیون رِ آزاد ها کُنِه. اُشن فرعون رِ اخطارها کردنه که اَگِه قوم اسرائیلی رِ آزاد نَکُنِه خدا تمومِ پسرونی که اوّل دنیا بمِنه و حتّی حِوونون مِصر رِ نابود هاکونِه وقتی که فرعون این رِ بُشنیئِه، بووَر نکَردِه و باز خدا با نافرمونی ها کردِه.

![](https://cdn.door43.org/obs/jpg/360px/obs-en-11-02.jpg)

خُدا اونایی که به او ایمون داشتَنِه، یک راهی فراهم ها کرده تا اون پَسرونی اَوّل دنیا بمِنه از بَلا نِجات پیدا کُنَن. هر خونواده واسّـِه یک وَره خوب و سالِم پیدا کنه و اور قربونی هاکُنِه.

![](https://cdn.door43.org/obs/jpg/360px/obs-en-11-03.jpg)

خدا قومِ اسرائیل ر فَرمون هَدائِه تا وَرِه خین رِ دور و وَرِ خوشتنِ خونه هائِه دَرِدیم د مّالّـن. اُشن حتّی واسّـه اون وَره گوشت ر داغ و بریون ها مکردِنِه و با نونی که خمیر مایه نداشتِه تُن مُخوردَنه. خدا هم اُشن ر فرمون هدائه تا حاضِر بَوون تا بعد از بُخوردنِ گوشت زود مصر رِ ترک ها کُنَن.

![](https://cdn.door43.org/obs/jpg/360px/obs-en-11-04.jpg)

اسرائیلیون تَموم دستورای خُدا رِ دقیق عَمَل ها کردنِه. همون نصفه شو خدا از مِصر رد بوِئه و تموم پسرون ارشد مصر رِ از بِین بُوُرده.

![](https://cdn.door43.org/obs/jpg/360px/obs-en-11-05.jpg)

خدا از تموم خونه هایی که قوم اسرائیل نشونه خین رِ خوش خونه دَرِ وَر داشتَنِه رَد مَوِئِه. تموم کسونی که اون خونه های دلـِه دَوِنِه، به خاطرِ وَرِه خین اِمِن بُمَنِسّـنِه.

![](https://cdn.door43.org/obs/jpg/360px/obs-en-11-06.jpg)

امّا خدا مصریون خونه وَر که به او ایمون نداشتنِه و اِ فَرمون ر اِطاعت نکردَنِه رَد منَوِئه و تموم اُشن پسرون ارشد ر بُکُشتِه.

![](https://cdn.door43.org/obs/jpg/360px/obs-en-11-07.jpg)

پسرون مصری که اوّل دنیا بَمِنِه همه کُشته بَوِنِه. از پسر ارشدِ فرعون بَئی تا پسر اَرشَد غلومی که زندون دَلـِه دَوِئِه. خَلِه از مردمِ مصر به خاطرِ غم و غصّه زیاد، بَرمِه و زاری ها مَکَردِنِه.

![](https://cdn.door43.org/obs/jpg/360px/obs-en-11-08.jpg)

فِرعون همون شو، موسی و هارون رِ بخواسّـه و بُگته: »قوم اسرائیل رِ ویرِن و خَلِه زود از مِصر دَر بَشن. « مصریون هم اُشِنِو زِفرونه بزنه که هر چی زوتّـَر، اون سرزمین رِ ترک ها کُنَن.

*آسِنِکی از کِتابِ مُقَدِس: کتاب خروج، فصل۱۱آیه۱تا۱۲و فصل۳۲*

## 12. خروج

https://openbiblestories.org/l/srz/story-12/

![](https://cdn.door43.org/obs/jpg/360px/obs-en-12-01.jpg)

اسرائیلیون خَلِه خوشال بِنِه که مصر رِ ترک ها مِکَردَنـِه. اُشِن دیگه غلوم و بَردِه نَوِنه و به طرفِ سرزمین وَعدِه بدا پیش مِشِنِه. مِصرین اونچه رِ که اسرائیلیون مِخواسّـنه، از جمله: نقره، طلا و چیزای قیمتی خوشتَن رِ اُشن رِ بُوخشینِه. بعضی از قومای دیگه هـم که به خدا ایمون بیورد بِنه اُشنِ همرا مصر ر ترک ها کردنـه.

![](https://cdn.door43.org/obs/jpg/360px/obs-en-12-02.jpg)

یک سُتون از اَور در روز و یک ستون از آتش دلـه شو اُشنِ براور دَوِئِه و هَمَش این سَفرِ دلـِه اُشن ر هدایت ها مکردِه. تنها کاری که که اُشن واس هاکُنن این بِئِه که اور دمّال ها کُنن.

![](https://cdn.door43.org/obs/jpg/360px/obs-en-12-03.jpg)

اَنزِه بکشیه تا فرعون و اِ قوم خوشتنِ، کار جَن پِشمون بوِنِه و اسرائیلیون رِ تعقیب )دِمّال(ها کردنه، تا دوباره اُشن ر خوشتِنِ بردِه در بیورَن. خدا اُشن نظر رِ عَوض ها کرد بِئِه تا نِشون بَدِه، تنها او خدائه حقیقی هَسّـه و مَردُم بَفَهمَن که یَهوه از فرعون و خدائونِ مصر قوی تره.

![](https://cdn.door43.org/obs/jpg/360px/obs-en-12-04.jpg)

وقتی اسرائیلیون مصرِ لَشکر رِ بِدینِه، مُتوجّه بوِنِه که میون دَریائِه سُرخ و لَشکر فرعون دوم د کثنِه. اُشَن خَلِه بِتَرسینِه و داد و قال ها کَردنِه که: »چا مصر ر ترک ها کردَمی؟ « »امّا هَمه زود میرمّی! «

![](https://cdn.door43.org/obs/jpg/360px/obs-en-12-05.jpg)

موسی اسرائیلیون رِ بگُته: »نَتَرسِن! خدا اَمروز شمِو جَنگَنِه و نجات پیدا کونّی. « بعد خدا موسی رِ فَرمون هـدائِه: »قومِ اسرائیل ر بِئو که به طرف دَریائه سرخ حرکَت ها کُنَن. «

![](https://cdn.door43.org/obs/jpg/360px/obs-en-12-06.jpg)

بعد خدا ستونِ اَور رِ حرکت بَدائه و اورَ میون بنی اسرائیل و لَشکرِ فرعون قرار بَدائِه، تا سربازون مصری نَتّونَن دیگه اُشَن رِ بَویَن.

![](https://cdn.door43.org/obs/jpg/360px/obs-en-12-07.jpg)

خدا موسی ر دَسّور هدائِه که خوش دَس رِ دریائه سَربُلَن ها کُنِه. بعد خَدا یک وا بِرَسّیئـِه که دریائه او رِ به طرفِ چپ وراس بُرُمنِـّه به طوری که یک را در دریا وا بوِئِه.

![](https://cdn.door43.org/obs/jpg/360px/obs-en-12-08.jpg)

پس قوم اسرائیل در حالتی که دو طَرفِ اُشن دیفاری از او بِئه، دَریائه میون خوش را رِ اِدامِه هـدائِه.

![](https://cdn.door43.org/obs/jpg/360px/obs-en-12-09.jpg)

بعد از اون خدا سُتونِ اَور ر وگته تا مصریون بِتّونَن اسرائیلیون فَرار رِ بَویَن. بعد مصریون تصمیم بگًتَنـِه که اُشن رِ دمّال ها کُنَن.

![](https://cdn.door43.org/obs/jpg/360px/obs-en-12-10.jpg)

هـمینِو اُشن اسرائیلیونِ دَمّال بِشِنِه دریائه دلِه، امّا خُدا مصریون رِ بِتا ر سِنّیه کاری ها کرده که اُشنِ اَرّابـِه، گِلِ دلـه گیرها کُنِه. اُشن داد و قال ها کَردنه: » فرارها کُنِن! چون خدا اسرائیلیونِو جنگَنِه. «

![](https://cdn.door43.org/obs/jpg/360px/obs-en-12-11.jpg)

بعد از اونکه قوم اسرائیل به سلامت به اون طرفِ دریا بِرسّیئه، خدا موسی رِ فرمون هـَدائه: »یک دَفَه دیگه خوش دَس رِ به طرف دریا دِراز هاکون. « اون گُدر که او این کار رِ ها کرده، او مصریون و اُشن اَرّابِه هائِه سر دِپا جِسّـه و اُشن هَمه دریائه دله غرق بونه.

![](https://cdn.door43.org/obs/jpg/360px/obs-en-12-12.jpg)

وقتی اسرائیلیون نابودی کاملِ لشکرِ مصر رِ بدینه، خُدا با اعتماد ها کردنه. و به این بووَر بِرَسّینـه که موسی، پیومبری از طرفِ خدا هـَسّـِه .

![](https://cdn.door43.org/obs/jpg/360px/obs-en-12-13.jpg)

اسرائیل قوم خَلِه خوشال بِنِه؛ چون خدا اُشن رِ از بردگی و مرگ نجات بِدابِئه. اسا اُشن آزاد بِنِه که خُدا رِ پرستِش و اور اطات ها کُنًن. اسرائیلیون سرو دای زیادی در وصفِ آزادی خوشتن بسرونه و خدا ر سِتایش ها کَردَنِه که اُشن رِ از دَسِ لَشکَرِ مِصر نجات بَدائه.

![](https://cdn.door43.org/obs/jpg/360px/obs-en-12-14.jpg)

بعد خدا قوم رِ فرمون هـَدائِه، که هر سال این اتّفاق ر جَشن بیرَن و یاد بیورَن که خدا چِتی مصریون ر شکست بِدائِه و قوم اسرائیل رِ از بردگی آزاد ها کردِه. این جَشن پسخ نوم هدا بوئِه. اُشن هر سال با بریون ها کردنِ وَرئِه قربونی با نونِ فًطیر، اون رِ جشن مِگَتَنِه.

*آسِنِکی از کِتابِ مُقَدِس: کتاب خروج فصل۱۲آیه۳۳تا فصل۱۵آیه۲۱*

## 13. پیمون خدا با اِسراییل

https://openbiblestories.org/l/srz/story-13/

![](https://cdn.door43.org/obs/jpg/360px/obs-en-13-01.jpg)

پس از عُبورِ قوم اِسرائیل از دریائه سُرخ، خُدا اُشن رِ به طرف کوه سینا هدایَت هاکَردَه. یعنی اِمون کوهی که موسی بوَتیه بَل بزَه ر اِدیم بِدیبِئِه.

![](https://cdn.door43.org/obs/jpg/360px/obs-en-13-02.jpg)

خدا موسی و قومِ اسرائیل ر دَسّور هَدائِه: »شما همش وانـَه از مو اِطات هاکُنِن و به عهد و پِمونی که شما با دوَنِمّـِه وَفادار بَمونِن. اَگِه این کار رِ ها کُنِن، مِوَه خانه مخصوص و مَملِکَتی از کاهِنون و اُمّتی مُقدّس بونّی.

![](https://cdn.door43.org/obs/jpg/360px/obs-en-13-03.jpg)

مَردم مُدَتِ سُه روز خوشتَن رِ آماده دیدار خُدا ها کردَنـِه. پس خدا رَ گـوار همرا، دی و صدائِه ترسناکِ شَیپور، کوهِ سینائه تُک فروز بَمِئِه. موسی تَنهائی کوه جور بَشِئِه.

![](https://cdn.door43.org/obs/jpg/360px/obs-en-13-04.jpg)

بعد خُدا اُشِن با پِمونی دوِسّـِه و بُگُتِه: »مُو یَهُوَّه تِه خدا هَسّـمِه که تَو از اِسارت وَ بنِّگی مصر آزادها کَردِه. هیچ خدائی غَیر از مَرِه پرستِش نکُنا.

![](https://cdn.door43.org/obs/jpg/360px/obs-en-13-05.jpg)

بُت نَسازا و اُو ر پرستش نکُنا؛ چون مُو یَهُوَه، وانَه تنها خُدائه قو بوم. مِه نوم رِ بِحُرمَت نکُنا و روز و شوها ر مُقدّس دار. خوش هَمِئِه کارا ر در شِش روز انجام بَدِه، چون تو در هفتمین روز وان آروم بَیری و مَر یاد بیوری.

![](https://cdn.door43.org/obs/jpg/360px/obs-en-13-06.jpg)

خوش پِر مار رِ اَرزش قائل بَوا. کشتا ر نکُنا، زَنا نَکُنا، دُزّی نکُنا و دَرو نَئا. به مال و همسرِ هَمسائِه چَشم طَمَع نَدا را.

![](https://cdn.door43.org/obs/jpg/360px/obs-en-13-07.jpg)

قوم قَبول ها کَردَنِه از قانونائی که خدا اُشن رِ هَدابِئِه اَطات هاکُنَن. اُشن قبول ها کردنِه، مالِ خُدا بون و فقط اور پرَستِش هاکُنَن.

![](https://cdn.door43.org/obs/jpg/360px/obs-en-13-08.jpg)

خُدا هم مَردُمِ اسرائیل رِ فَرمون هَدائِه که یک مهین چادر )چادرِ دیدار(بَسازن. او دَسّورِ بَساتِنِ این چادر رِ با همه جُزیات و هر چی که وانـِه اِ دِ لِه قرار بَیرِه رِ اُشن رِ هِدائِه. او دَسّور هَدائِه یِک مِهین پردِه بَسازِن که چادر رِ دو قِسمَت ها کُنِه. خُدا اُتاقِ پُشت پَردَه حاضِر و ساکن مَوِئِه. فقط مهین ترین کاهِن اِجازه داشتِه که اون اِتاق دَلِه، خُدائه پیش حاضِر بَوو.

![](https://cdn.door43.org/obs/jpg/360px/obs-en-13-09.jpg)

قوم هَمِنتی وانِه قربونگاهی خِیمهی )مِهین چادر(جلو بر پا کُنَن. هر کی که از دَسّورِ شرعی خُدا نافرمونی ها مَکرِده، واسّـِه یک حِوون رِ قربونگاه پیش بیورِه. یک کاهِن واشِه اون حِوون رِ بَکُشِه واو رِ به عنوانِ قربونی خُدائِو قربونگاه بالا بِسوزَنّـِه. خُدا بُگُتِه: »که خین حِوون قربونی بُوه هر کس گوناه رِ سرپوش وِلَنِه. و این جوری خدا اِ گوناه ر نَدید مَگِتِه و اون آدم از نظرِ خُدا پاک به حساب ممِئِه. خُدا موسائه برار، هارون و اِ نسل رِ اِنتخاب ها کَردِه تا اِ کاهِنون بون.

![](https://cdn.door43.org/obs/jpg/360px/obs-en-13-10.jpg)

بعد خُدا ده تا فرمون رِ دو تا صفحه سنگی بِنَشتِه و موسی رِ هَدائِه. خُدا همین جور قوم رِ قانونهای دیگِه هدائِه تا از اونا اِطات ها کُنَن. خُدا وعدِه بَدائِه، اگه از اون قانونا اِطات هاکُنَن اُشَن ر برکت دِنِه و مُحافظت ها کونِه، امّا اِگه نافرمونی ها کُنَن اُشن رِ مُجازات ها کونِه.

![](https://cdn.door43.org/obs/jpg/360px/obs-en-13-11.jpg)

موسی خَلِه از روزها کوه سینائه سر بُمِنِسِّه و خُدا با حرف مِزِئِه. مردم از چشم انتظاری به خاطِرِ وّ گَردین او خَسّـِه بَوِنِه. پس طلاها رِ هارون پیش بیوردَنـِه و اوجن بَخواسّـِه اُنِو یک بُت بَسازِه، تا به جائه خُدا اور پرستش ها کُنَن. به این صورت بِئه که دس به گوناهی وحشتناک در حقّ خُدا بَزِنِه.

![](https://cdn.door43.org/obs/jpg/360px/obs-en-13-12.jpg)

هارون یک بُتِ طَلائی به شًکلِ گوگَزا بِساتِه. مَردِم با حالَتِ وَحشیانِه بت رِ پرستش ها مِکَردَنِه و اِو قربونی ها مِکَردنِه. خُدا به خاطر اُشن گوناه خَلِه عَصبانی بَوِئه و موسی رِ بُگُتِه که تصمیم به نابودی اُشن بَگتِه. امّا موسی خُدا جن بِخواسِّه که این کار رِ نَکُنِه. خُدا موسائه داعا رِ بُشنیئِه و اُشن رِ از بینِ نَوُردِه.

![](https://cdn.door43.org/obs/jpg/360px/obs-en-13-13.jpg)

اون گُدر که موسی از کوه سینا پایین بُمِئه، دو تا صفحه سنگی رِ که خُدا ده تا فرمون او نائه دیم بنَشتبِئِه خوش دَس داشتِه. وقتی بُت رِ بدیئِه چَنون عَصبانی بُوِئِه، که اون صَفِه های سنگی ر زمین دیم بکوتَنّیئه و بَشکتِه.

![](https://cdn.door43.org/obs/jpg/360px/obs-en-13-14.jpg)

بعد بُت رِ بَسوزنّیئِه و اورِ رِزها کردِه و گردِواری دربیورده. گرد رِ اوئه دله دپاتِه و مَردِم ر وادار به بخوردَن او ها کَردِه. خُدا یک بَلا نازل ها کردِه و خَلِه از اونا بُمُردِنِه.

![](https://cdn.door43.org/obs/jpg/360px/obs-en-13-15.jpg)

موسی به جائه اون صفحه هائه سنگی که خودش اونارِ بَشکَتبِئِه، صفحه هائه دیگه ای ده فرمونوِ بَتاشتِه، بعد دوباره، کوهِ سر بِشِئه و به خاطر بخششِ قوم داعاها کرده. خُدا موسائه داعاها ر بُشنیئِه و اُشن رِ بُوَ خشیئِه. موسی با ده فرمون که خدا صَفحه های تازه بُنَشبِئِه، کوه جن جِر بُمِئِه. بعد خُدا اُشِن رِ از کوه سینا به طرف سرزمین وَعده بَدا هدایَت ها کَرده.

*آسِنِکی از کِتابِ مُقَدِس: کتاب خروج فصل۱۹تا ۳٤*

## 14. سرگِردونی بیابون دِله

https://openbiblestories.org/l/srz/story-14/

![](https://cdn.door43.org/obs/jpg/360px/obs-en-14-01.jpg)

پس از اینکه خُدا قوم رِ از قانون های شریعت با خُوَرهاکرده، اُشِن ر به طرف کوهِ سینا هدایت ها کردِه. اُشِن به خاطِر عهد و پمونی که با خُدا دُوَس بِنِه، واسّـِه قانون شَریعَت رِ اِطات ها مَکردَنِه. خدائه خواسّـِه این بِئه که اُشن به سرزمین وعده بدا، یعنی کنعونِ برسّـِن. خُدا اُشِنِ جِلو جلو اورِ سُتونِ همرا مشِئِه و مَردِم هم اُور دمّال ها مکردَنِه.

![](https://cdn.door43.org/obs/jpg/360px/obs-en-14-02.jpg)

خُدا اوراهیم، اسحاق و یعقوب رِ قویل هدابِئه که سرزمین وَعدِه بَدا رِ اُشِنِ کُتکُتِه رِ دِنِه. امّا اون گُدر قبیله هائه زیادی اونجِه زِنّگی ها مکردَن که اُشِن رِ کنعونیون مُگُتـنِه )مُخونّینِه(. کنعونیون خُدائه اِطات دنـوِنِه و اور پرستش ها نَمَکُردِنـِه. اُشِن خُداهائی که درو بِئه رِ پَرَستش ها مکردنـِه و کارائه که شَر بِئه ها مکردَنـِه.

![](https://cdn.door43.org/obs/jpg/360px/obs-en-14-03.jpg)

خدا قومِ اسرائیل رِ دَسّور هدائِه: »پس از بِرسّین به سرزمینِ وَعده بدا، وانه خوشتَن رِ از کنعونیونی که اونجِه ساکِن بِنَه آزادها کُنـن. اُشِن با صُلح و ازدواج نَکُنِن. شما وانه اُشِنِ هَمه بتها رِ نابودها کُنِن. نتیجه و عاقبتِ نافرمونی از این دَسّورا، پرستِشِ اُشن بُتها به جائِه موهَسّـِه.

![](https://cdn.door43.org/obs/jpg/360px/obs-en-14-04.jpg)

وقتی اسرائیلیون به سرزمین کنعون برسّینِه، موسی از هر قَبیلَه یک نَفَر، یعنی دوازّه تا مَرد رِ انتخاب ها کُردِه. او راه کارایی برای جاسوسی در سرزمین کنعون اُشن رِ یاد بدائِه. و هم از اونا بخواسّـِه تا چکه پُرسی ها کُنن که کنعونیون مردم قوی هَسّـنِه یا ناتوون هَسّـنِه.

![](https://cdn.door43.org/obs/jpg/360px/obs-en-14-05.jpg)

اون دوازّه مرد چَل روز در سراسرِ کنعون سَفرها کردَنـِه و بعد از اون و گردینِه. اُشِن قوم رِ بُگُتَنه: »زمین حاصلخیزه و حاصل فراوون دانِه. « امّا دَه نفر از اون جاسوسون بُگُتـنِه: »شهرها مَحکم هَسّـنِه امّا اونجِئه مَردِمون غول پیکر هَسّـَنِه. اگه به اُشِن حَمله ها کُنِم، حتما شَکَس خورمّی و اُشِن دَس بَکُشتِه بومّی. «

![](https://cdn.door43.org/obs/jpg/360px/obs-en-14-06.jpg)

بعد از اون دو تا جاسوسِ دیگه که اُشِنِ نوم کالیب و یوشع بِئِه، بُگُتنِه: »دُرسّـِه که مردِمونِ کنعون اَما با بُلَن تر و قوی تر هَسّـَنِه، اَمّا اَما حتما بًتّومّی اُشِن رَ شُکِس بَدِم! چونکه خُدا اَمِو جَگًّنِه. «

![](https://cdn.door43.org/obs/jpg/360px/obs-en-14-07.jpg)

امّا قوم یوشع و کالیب حرف رِ گوش نِدانِه و با عصبانیت موسی و هارون رِ بُگُتِنِه: »چُکا امار این جائِه وحشتناک بیوردِنی؟ امّا واس مِصر مُمِنِسّـَمی. اَگِه به اون سرزَمین وارد بَومِ، جَنگدِله کُشته بومّی و اَمِه زن و کُته رِ به بردگی بُرّنـّه. « اُشِن بَخواسّـَنِه یک رهبر دیگه انتخاب ها کُنن تا اُشِن زوگاردنّن مِصر.

![](https://cdn.door43.org/obs/jpg/360px/obs-en-14-08.jpg)

خُدا از این حرفائه مَردِم خَلِه عَصَبانی بوِئِه و وارد چادر دیدار بوِئِه و بُگُـتِه: »شما نسبت به مو سرکش بوِنی، پس هَمه شما بیابون دلـِه سرگَردون بونّی. همه افراد بیس سال به بالا، غیر از کالیب و یوشع، بیابون دلـِه میرنّـِه و دَکّل سرزمین وَعده بدا وارد نو ونّـِه. «

![](https://cdn.door43.org/obs/jpg/360px/obs-en-14-09.jpg)

وقتی مردم این گفتِئه خُدا رِ بُشنینه، از خوش گوناه، پِشمون بِوِنِه و اراده ها کَردنه که به کنعونیون حمله هاکُنَن. موسی اُشِن ر هُشدار هدائه که نشون، چونکِه خُدا با اُشِن نوِئِه. امّا اُشِن موسائه حرف رِ نُشنینِه.

![](https://cdn.door43.org/obs/jpg/360px/obs-en-14-10.jpg)

خدا اون جنگدِِلِه اُشِن رِ همرائی نَکردِه. همینِو از کنعونیون شَکَست بُخوردنـِه. و خَلِه از اونا کُشته بَوِنِه. بعد از اون قومِ اسرائیل از سرزمین کنعون وگَردینِه و مدّتِ چَل سال بیابون دلـِه سرگردون بُمًنِسّـِنِه.

![](https://cdn.door43.org/obs/jpg/360px/obs-en-14-11.jpg)

اون چًل سالی که اسرائیلیون بیابون دلـِه سرگًردون بِنِه، خُدا اُشِنِ اِحتیاج رِ برآورده ها مکِرده او از آسِمون اُشِن ر نونی هَدائه که اِنوم »مَنّا« بِئِه. او هَمَنتی اُشِنِو بَدبَدِه مَرَسّیئِه تا گوشت هم بُخوردَنِو داشتبان. در تَمومِ اون مُدّت خُدا نِشتِه اُشِنِ کوش و لباس کاهنِه بَوو.

![](https://cdn.door43.org/obs/jpg/360px/obs-en-14-12.jpg)

خُدا به مثلِ یک موجِزِه چکِلِ میون، اُشِن رِ آبِ خوردَن هَدائِه. با این حال، قومِ اسرائیل خُدا و موسی جن گلائِه داشتَنِه و غُرغُرها مَکُردَنـِه. با این حال، خُدا با عهد و پمونی که با ابراهیم، اسحاق و یعقوب دوس بِئِه، وفادار بُمَنِسّـِه.

![](https://cdn.door43.org/obs/jpg/360px/obs-en-14-13.jpg)

یک دَفِه دیگِه وقتی مَردم او نداشتَنِه بَخورَن، خُدا موسی رِ دَسّور هِدائِه: »چکَل رِ بئو که او از خودش جاری هاکُنِه. « امّا موسی به جائه اینکه چکَل ر فَرمون هادِه، عَصا با دو دَفه چَکَل رِ بَزئِه و با این کار خدا رِ بی حُرمَتی ها کُرده. او اَنّه که لازِم بِئِه چکلِ دلـِه هَمِو در بَمِئِه. امّا خُدا نسبت به موسی غَضَب هاکُردِه و بُگُتِه: »تو به سرزمین وَعده بدا وارد نَوونی. «

![](https://cdn.door43.org/obs/jpg/360px/obs-en-14-14.jpg)

پس از چل سال که قومِ اسرائیل بیابون دلـِه سرگَردون بِنِه، همه که ضِدّ خُدا شورش هاکُردبِنِه بُمُردَنـِه. اون گُدَر خُدا یک دَفِه دیگِه قوم رِ به نزّ یک مرزائه سرزمین وعده بِدا هِدایت هاکُردِه. چونکه موسی خَلِه پیر بَوِ بِئه، خُدا یوشع رِ رهبَرییِو انتخاب هاکُردِه. خُدا موسی رِ قویل هَدائِه که یک روز، اِ واری پِیغَمبَر مَردُمِو رَسّـَنِه.

![](https://cdn.door43.org/obs/jpg/360px/obs-en-14-15.jpg)

خُدا موسی رِ دَسّور هِدائه یک کوهِ بُلِن سر بَشِه تا از اونجِه بتّونِه سرزمین وَعدِه بَدا رِ بَوینِه. موسی سرزمینِ وَعدِه بِدا رِ بدیئِه، امّا خُدا اور اِجازه دَنیم بِشِن نَدائِه. بعد موسی بُمُرده و قوم اسرائیل سی روز اِوِه عزاداری ها کُردِه. یوشع اُشِن رهبر بَوِئه او یک خارِ رهبر بِئه، چونکه به خُدا اِطمینون داشتِه و اور اِطات ها مکردِه.

*آسِنِکی از کِتابِ مُقَدِس: کتاب خروج باب۱۶و۱۷، کتاب اعداد باب۱۰تا۱۴، کتاب تثنیه باب۳۴*

## 15. سرزمین موعود

https://openbiblestories.org/l/srz/story-15/

![](https://cdn.door43.org/obs/jpg/360px/obs-en-15-01.jpg)

آخِرسر وقت اون بِوِاِ که قوم اسرائیل به سرزمین موعود )کنعان(وارد بَوِن. کنعان دِلِه شهری دِوِ اِ که اِ نُوَم اریحا بِ اَ که دُور تا دُور دیوار محکمی حفاظِت ها مکرده. یوشَع دو تا جاسوس بِرِسی یه شهر دلِه. اونجِه یک زن جِذاب زندگی هامِکرده به نومِ راحاب. اُو جاسوسارِ خوش پیش پنِهون ها کِرده و اُوشِن رِ کمکها کُرده کِه از شهر فِرار هاکُنِن. اُو چُون خُدا رِ قِبول داشته این کار رِها کُردِنه. جاسوسا هم قُول هِدانه هر وقت اَریحارِ نابود هاکِردِنه، هم او هم اِ خونِواده رِ حفظ ها کُنن.

![](https://cdn.door43.org/obs/jpg/360px/obs-en-15-02.jpg)

برای وارد بِوِن به سرزمین موعود، اِسرائیلی ها واسِه از رود اردن گُذِرها مِکِردِنه. خدا یوشعِ رِ بُگُته: »پیشتِر کاهنا رِ راهی ها کُنِه. « هِمین که کاهِنان کفِ پا بِرِسّیِه به او رود اُردن، جِریان آب بن بِمهِ و اسرائیلی ها بِتُونه نِسِنه زمینِ خشک، رو بَشِن اونورِ رودخُونه.

![](https://cdn.door43.org/obs/jpg/360px/obs-en-15-03.jpg)

وقتی که از رود اُردن رِد بِوِنه، خُدا به یوشع بُگُته آماده بَوِن تا به شهر قُدرِتمندِ اَریحا حَملِه ها کُنینِ. خدا بُگُته: کاهنا و سربازاوانه )بایِد( تا شِش روز، هر روز یک بار دُور شهر راه بِشن و کاهِنا و سربازا هم هِمین کار رِ هاکُردِنه.

![](https://cdn.door43.org/obs/jpg/360px/obs-en-15-04.jpg)

هفتِمین روز واسه اسرائیلیها هفت بار دُور شهرِ رِ دُور بَزِنِن، بعد کاهِنا شِیپور بَزِنِن و همه بلند فِریاد بَزِنِن. اونا هم اینکار رِ هاکُردنه.

![](https://cdn.door43.org/obs/jpg/360px/obs-en-15-05.jpg)

بعد دیوارهای دُور تا دُورِ اریحا دیاتِه. اسرائیلیها به دستورِ خُدا همه چی رِ شهر دِلِه از بین بُوِردِنه. فقط هم راحاب و اِ خُونواده که به اسرائیلیها پناه بُوُردِنه، در اَمون دَوِنه. وقتی بقیه قومها بُفَمینه در کنعان، اسرائیل اَریحارِ نابود هاکُرده، بِتِرسینه که نِبادا قوم اسرائیل به اُشِن هم حمله هاکُنه.

![](https://cdn.door43.org/obs/jpg/360px/obs-en-15-06.jpg)

خُدا به قوم اسرائیل بُگُته با هیچ قبیله ای در کنعان پِیمون آشتی دِنِوِنِّن. اِمّا یکی از قبیلهها که اِنوم جبعونیان بِ اِ، به یوشع دُروغ بُگُته و اِدعا هاکُرده از جایی غیر از کنعان بِمِ اِ و از یوشع بِخاسِّه تا با اوشِن پِیمون آشتی دَوِنه. یوشَع و رهبرای اسرائیل، بِدون مشورت هاکُردِن با خدا، پییمونِ صلح با جبعونیون دِوِسِّنه.

![](https://cdn.door43.org/obs/jpg/360px/obs-en-15-07.jpg)

سُ روز بعد، اسرائیلیها بُفَهمینه که جِبعونیان در واقع کنعانی هَسِّنه. پس، از گُول بُخوردِن عصبانی بِوِنه. ولی پِیمون رِ نِشکستِنه، چون خدا گواه پِیمون بِ اِ. مُدَّتی بعد شاهان قبیلههای دیگری از کنعانیان به نُوم اَموریان، وقتی بُشنِینه جِبعونیان با بنیاسرائیل پِیمون صلح دِوِسِّنه، با هم دیگه پیمون بِوِنِه که خُوش سپاهیا رِ جمع هاکُنِن و به جبعونیان حمله هاکُنِن. جبعونیان از یوشَع کمک بخواسِّنِه.

![](https://cdn.door43.org/obs/jpg/360px/obs-en-15-08.jpg)

یوشع خوش سپاه رِ جمع ها کُرده. اوشِن تموم شو رِ راه بشِنِه تا برسینِه به جبعون. اِوِل صُب اَموریان را غافلگیر هاکُردِنه، به اوشِن حَمله هاکُردنه.

![](https://cdn.door43.org/obs/jpg/360px/obs-en-15-09.jpg)

خُدا اونروز اسرائیلیها وِ بجنگیه. او اَموریان رِ سردرگم هاکُردِه و تگریهای مِهین از آسمون بِرَسّیِه و خیلی از اموریان رِ بُکُشته.

![](https://cdn.door43.org/obs/jpg/360px/obs-en-15-10.jpg)

همینکه خُدا کاری هاکُردِه که خورشید آسِمون دِلِه یسّارا، تا اسرائیلیها وقت هاکُنِن کاملا اموریان رِ شِکِست هادِن. خدا اونروز پیرویه مِهینی اسرائیلیها وِ فِراهَم هاکرده.

![](https://cdn.door43.org/obs/jpg/360px/obs-en-15-11.jpg)

بعد از اینکه خُدا اسرائیلیها را شکست هِدِ اِ، خیلی از قَبیلههای دیگر کنعانی برای حمله به اسرائیلی ها با هم دیگر هم پِیمون بِوِنِه. یوشع و اسرائیلیها به اُشِن حمله هاکردِنه و اُشِن رِ نابود هاکردنه.

![](https://cdn.door43.org/obs/jpg/360px/obs-en-15-12.jpg)

بعد این جنگها، خُدا سهم هر قبیله اسرائیل رِ از سرزمین موعود به اُوشِن بُووَخشیه. بعد خدا در تموم سرزمینهای اسرائیل آرامش برقرار هاکُردِه.

![](https://cdn.door43.org/obs/jpg/360px/obs-en-15-13.jpg)

وقتی یوشَع پیریِوِاِ، همه قوم بنی اسرائیل رِ جمع هاکُرده و مردم رِ یاد بیوردِه که شِما قول هَدانی، پِیمونی که با خدا دِوِسِّنی کوه سینا ور رِ اِطاعِت هاکُنین. مردم قول هِدانه که به خدا وفادار بَمونِن و دستورات را اطاعت هاکُنِن.

*آسِنِکی از کِتابِ مُقَدِس: کتاب یوشع باب۱تا۲۴*

## 16. نجات دِهِندِهها

https://openbiblestories.org/l/srz/story-16/

![](https://cdn.door43.org/obs/jpg/360px/obs-en-16-01.jpg)

بعد از اینکه یُوشَع بُمُرده، قوم اسرائیل دستوراتِ خدا رِ اطاعت نَکردنِه و همه کنعانیان رِ از سرزمین موعود بُرون نَکِردنه وُ به جای یَهُوَّه خدای حقیقی بتهای کنعانی رِ سَتایشها مِکِردِنه. اون زمون، قوم اسرائیل شاه نِداشتِنه، پس هر کی هر کار رِ درست دونِسته، ها مِکِرده.

![](https://cdn.door43.org/obs/jpg/360px/obs-en-16-02.jpg)

نافرمونی قوم اسرائیل موجب بِوِ که یک سری اتفاقها هِی تکرار بوِو. این اتفاقها هنتی بِ اِ که قوم اسرائیل چن سال خدارِ اطاعت ها نِمِکُردِنه. بعد خدا برای اینکه اوشِن را مجازات هاکُنه، اجازه مِدِ اِ دشمنون اوشِن رِ سِوار بَوِن. دشمنمون هم اوشِنِ مال و اموال را غارِت ها مِکِردِنه و خَلِهِها را مُکُشتِنه. بعد از اینکه سالها دشمنون اوشِن رِ آزار مِدانه، خدا پیش تُووِ هاکِردِنه و از خدا مِخاسِنه اوشِن رِ از دست دشمنمون نجات هادِه.

![](https://cdn.door43.org/obs/jpg/360px/obs-en-16-03.jpg)

هر بار که اونا تُووِ هامِکِردِنه، خدا یک نجات دهندهای مِرِسیه تا اونارِ نجات هادِه. اون آدم با دشمنمون جنگ هامِکرده و اوشِن رِ شکست هامِدااِ. هنتی بِ اِ که آرامش اوشِن سرزمین برقرار اِمِوِاِ و نجات دهنده هارِ حاکم مِوِاِ و حکومت هامِکِرده. خدا خِلِه نجات دهنده برای نجات قوم اسرائیل بِرِسّیه. وقتی خدا اجازه هدااِ تا گروهی از دشمنمون به نوم مدیان قوم بنی اسرائیل رِ شکست هاده، دِواره اُشِنو رِ نجات دهنده برسّیِه.

![](https://cdn.door43.org/obs/jpg/360px/obs-en-16-04.jpg)

مدیانیا هفت سال، محصولات قوم بنی اسرائیل رِغارت هامِکِردِنه. قوم اسرائیل از ترسشون بِشِنه غار دله قایم بِوِنه تا نِبادا مدیانیا اوشِن رِ پیدا هاکُنن. آخر سر اونا خدا با خواهش هاکردِنه که اوشِن رِ نجات هادِه.

![](https://cdn.door43.org/obs/jpg/360px/obs-en-16-05.jpg)

یک روز یک اسرائیلی مرد به نومِ جدعون دَوِاِ یِواشِکی گَنِم را مِکوبیه تا مدیانیا نتونن اورِ غارت هاکنِن. همون موقع فرشته یَهُوَّه ظاهر بِوِاِ و بُگُته: »ای جنگجو دلاور، خدا با تو اِ. بُشو اسرائیل رِ از چنگ مدیانیا نجات هادِه. «

![](https://cdn.door43.org/obs/jpg/360px/obs-en-16-06.jpg)

جدعون پِر، خوش قرون گاه رِ تقدیم هاکُردِه به. یک بت اولین خواست خدا از جدعون این بِ اِ که قرونگاه را خراب هاکنِه. ولی چون جدعون از مردم مِتِرِسیِّه تا شو منتَظر بِ اِ. بعد قرونگاه را خراب هاکردِه و خورد هاکردِه. او همون نزدیکی قروونگاهی خدا رِ بِساتِه و اونجه قرونی هاکردِه.

![](https://cdn.door43.org/obs/jpg/360px/obs-en-16-07.jpg)

فردا صوایی مردم بِدینه یکی بِمِ اِ قرونگاه رِ بشکِسّه و اون رِ نابود هاکِرده خَله عصبانی بِوِنه. بِشِنه جدعون خونه طَرِف که او رِ بَکُشِن، ولی جدعون پِر بُگُته: »چا شما خوانّی خوش خدا رِ کمک هاکنین؟ اگه او خدا اِ بِلین، خودش خوشتن رِ نجات هادِه. اوشِن بخاطرِ اِ حرف جدعون رِ نَکُشتِنِه. )از بُکُشتِن پَشمون بِوِنه(

![](https://cdn.door43.org/obs/jpg/360px/obs-en-16-08.jpg)

بعد زین مِدیانیا اِ د بِینه تا قوم اسرائیل رِ غارت هاکنِن. اوشِن اَنّه زیاد بِنه مِنِوِ را اوشِن رِ بِشماری. جدعون همه قوم جا بخاسّه تا با مِدیانیا جنگ هاکنِن. بعد خدا با بخاسّه دو تا نشونه هادِه تا مطمئن بوو که راسی راسی خدا بخاسّه تا او اسرائیل رِ نجات هادِه.

![](https://cdn.door43.org/obs/jpg/360px/obs-en-16-09.jpg)

برای نشونه اوِّل جدعون یک تکه گوسفن پوس زمین وشته و از خدا بخاسّه که پوس رو، شبنم بِشیره ولی زمین خشک بَهُنّه. خدا این کار رِ هاکردِه. روز بعد از خدا بخاسّه زمین خیس بِوو، ولی پوس خشک بَمونِّه، خدا این کار رِ هاکردِه. این دو تا نشونه جدعون رِ قانع هاکردِه که خدا خانه که او اسرائیل رِ از دست مدیانیا نجات هادِه.

![](https://cdn.door43.org/obs/jpg/360px/obs-en-16-10.jpg)

۳۲۰۰۰سرباز اسرائیلی بِمِنه جدعون پیش، ولی خدا بُگُته تعداد خَله زیاده. بنابراین جدعون۲۲۰۰۰سرباز که از جنگ مِتَرسِنه بِرِسّیِ خونه. خدا بُگُته باز هم زیاده. بعد جدعون همه رِغیر سیصد نفِر وِگاردِنیه خونه.

![](https://cdn.door43.org/obs/jpg/360px/obs-en-16-11.jpg)

همون شو خدا به جدعون بُگُته: »یواشکی بُشو به اردوگاه مِدیانیا، وقتی اوشِن حرف ها رِ گوش ها دی دیگه از حمله به اوشِن نَتِرسنی. « جِدعون بِشه اوشِن اردوگاه و بُشنیه یک سرباز مدیانی دَوِ اونچه خُو بدیه خوش رَفقِ وِتعریف هامُکرده. اورِ بُگُته: »مو خو بِدیمه که سپاه جدعون اِ مِه سپاه مِدیانیا را شکست دنِمِه. « جدعون که این رِ بُشنیه خدا را شکر هاکردِه.

![](https://cdn.door43.org/obs/jpg/360px/obs-en-16-12.jpg)

جدعون وِگِردیه خوش سربازا پیش و هر کُدوم رِ یک شیپور و یک کوزه گِلی هدااِ که کوزه دِلِه مشعَل دَوِاِ. اوشِن اردوگاه دشمن رِ وقتی همه سربازا مدیانی خُودَوِنه، محاصره هاکردِنِه. ۳۰۰تا سرباز جدعون خوش مشعَل ها رِ کوزه دِلِه وشتِنه تا مِدیانیا نتونن مشعل های نورِ رِ بِوینن.

![](https://cdn.door43.org/obs/jpg/360px/obs-en-16-13.jpg)

بعد همه سربازا جِدعون، با هم کوزه هارا بشکسِّنه و مشعل های نور پیدا بِوِاِ و همِنتی که شیپور دِلِه فُوت هامِکِردِنه، داد مِزِنه: »شمشیر برای یَهُوَّه و جدعون. «

![](https://cdn.door43.org/obs/jpg/360px/obs-en-16-14.jpg)

خدا چِنون مِدیانیان رِ پِریشون بِساتِه که شروع هاکردنِه به حمله و کشتِنِ همدیگر. جدعون فوری بقیه قومِ اسرائیل رِ بخاسّه که بنن کمک هاکنِن تا مدیانیان رِ تعقیب هاکنن. اونان خله از رِ بُکُشتِنِه و بقیه رِ هم از سرزمین بنی اسرائیل بوریم هاکُردِنه. اونا۰۰۰٫۱۲۰هزار نفر از مِدیانیان رِ بُکُشتِنِه و هنتی بِوِاِ که خدا قوم بنی اسرائیل رِ نجات هِدااِ.

![](https://cdn.door43.org/obs/jpg/360px/obs-en-16-15.jpg)

مردم بخاسِّنِه جدعون رِ خوش شاه هاکُنِن. او اجازه اینکاررِ به اوشِن نِدااِ، اِمّا اوشِن با بَخاسّه یَک مقدار از حلقه ها طلایی ر کِه از مدیانیان بِگِتِنه به تحویل او هادِن. مردم طلای زیادی رِ به جدعون هِدانه.

![](https://cdn.door43.org/obs/jpg/360px/obs-en-16-16.jpg)

بعد جدعون با او طلاها، جلیقهای مثل اونیکه رئیس کاهنان دِمِکرده بِساته. ولی مردم جلیقه بِساته رِ بتِ واری ستایش هامِکردنه. پس خدا اِد قوم اسرائیل رِ تنبیه هاکِرده، چون دِواره بت رِ ستایش ها مِکِردِنه و به اوشِن دوشمنون اجازه هدااِ که اونااِ شکست. هادِن باز اوشِن از خُدا کمک بِخاسِنِّه و خدا نجات دهنده دیگهای اوشِنِو بَرِسیه.

![](https://cdn.door43.org/obs/jpg/360px/obs-en-16-17.jpg)

این کارها هِی تکرار بِواِ: قوم اسرائیل گناه مَکِردنِه، خدا اُشِن رِ تنبیه ها مکُردِه، اونا تووِ هامِکردنِه و اِدِ خدا اوشِنو نجات دهندهای مِرِسیه. سالهای سال خُدا اوشِنو آدمهای زیادی بِرِسیِّه تا اوشِن رِ نجات هادِه.

![](https://cdn.door43.org/obs/jpg/360px/obs-en-16-18.jpg)

آخر سر قوم اسرائیل از خدا کمک بخاسِنِّه که ملتهای دیگرواری اوشِن را یِک پادشاه هادِه. اوشِن یک پادشاه قَد بُلَن و قوی هادِه که اوشِن رِ در جنگ رهبری هاکُنِه. خُدا دل مِنِه خاسِه، ولی همونجور که مردم بِخاسِنِّه اوشِن رِ یک پادشاه بِوَخشیِه.

*آسِنَکی از کتابمقدس: کتاب داوران فصل۱آیه۳و۶تا۸؛ کتاب اول سموئیل فصل۱آیه۱۰*

## 17. پِیمون خدا با داود

https://openbiblestories.org/l/srz/story-17/

![](https://cdn.door43.org/obs/jpg/360px/obs-en-17-01.jpg)

اولی پادشاهِ اسرائیل داود بِ اِ که مردم مِخاسِنِّه قد بُلِن و قَشِنگ بِ اِ. او اِولای پادشاهی خودش، خارِ پادشاه بِ اِ، اما کم کم مرد شَروری بِوِاِ که خدا ر اطاعِت مِنِکِردِه. بعد خُدا مردِ دیگِری رِ به جای او پادشاه هاکُردِه.

![](https://cdn.door43.org/obs/jpg/360px/obs-en-17-02.jpg)

خدا یک جوونِ اِسرائیلی به نومِ داود رِ انتخاب هاکُرده تا او رِ آماده هاکُنه جای شائول پادشاه بِوو. داود یک چوپون بِ اِ بیت الحمی. او موقعی که دَ وِ اَ خوش پِرِ گوسفندارو نِگَهبونی مِدِ اِ، دو بار گله رِ از جمله خرس و شیرِ نجات هِدا اِ و اونارِ بُکُشته. داود مردی فروتن و عادِلی بِ اً. او به خدا اعتماد هامِکِردِه و از او اطاعت مِکِردِه.

![](https://cdn.door43.org/obs/jpg/360px/obs-en-17-03.jpg)

وقتی که داود هنوز جوون بِ اِ، با جُلیات که غول پیکِر ب اِ و سه متر قَد داشته و قَوی بِ اِ، مبارِزه هاکُردِه. ولی خُدا به داود کُمِک هاکُردِه تا جُلیات رِ بُکُشه و اسرائیل رِ نجات هادِه. بَعدِز اون داود بارها دشمنون اسرائیل رِ شِکِست هَدا اِ. او مِثل سربازِ وارِد بِوِاِ و خَله از نَبِردها اسرائیل رِ رهبِری هاکُرده. مردم همه او رِ تحسین مِکِردِنِه.

![](https://cdn.door43.org/obs/jpg/360px/obs-en-17-04.jpg)

دوستی مردم به داود باعِث حَسودی شائول بِوِاِ. آخِر شائول تصمیم بِگِتِه داود رِ بَکُشِه. ولی او فرارهاکُردِه طرف بیابون و خوشتِن رِ قائِم هاکُردِه. یک روز وقتی شائول واِ سربازا داود دنبال مِکِشتَنِه، شائول ندونسته بِشِ اِ اون غار دِله که داود اونجه قائِم بِوِاِ. شائول داود رِ نِدیه. داود خَله به شائول نزدیک بِوِاِ و یک تِکه از لباس شائول رِ او رِ نشون هِدائِه. اینجوری ثابِت بِوِاِ که داود نخوانه او رِ بَکُشِه و شاه بِوِاِ.

![](https://cdn.door43.org/obs/jpg/360px/obs-en-17-05.jpg)

آخرِ سَر یک جَنگ دِلِه شائول کُشتِه بِوِاِ و داود اسرائیل شاه بِوِاِ. او خارِ پادشاه بِ اِ و مردم او رِ دوس داشِتِنِه. هدا او رِ برکت هِدِاِ و او خوش همه کارا کامیاب بِوِاِ. او خِلِه از جنگها شرکت هاکُردِه و با کمک خُدا اسرائیل دُشمُنون رِ شکست هِدااِ. داود اورشَلیم رِ فتح هاکُردِه و اونجِه رِ خوش پایتَخت بِساتِه. داود همونجِه زندِگی هاکُردِه و همونجا دفن بِوِاِ. او۴۰سال شاه بِوِاِ و این مدت اسرائیل قِوی و ثروِتمِند بِوِاِ.

![](https://cdn.door43.org/obs/jpg/360px/obs-en-17-06.jpg)

داود مِخاسِّه یک مَعبِدی بِسازِه که همه قومِ اسرائیل بتونن اونجا خدا رِ پرستش هاکُنِن و قورونی تقدیم او هاکُنِن. تقریبا۴۰۰سال، مردم از جایی عِبادت و قورونی هامکُردِنه که خیمه ملاقات اِ نوم بِ اِ و موسی اون رِ بساتِه.

![](https://cdn.door43.org/obs/jpg/360px/obs-en-17-07.jpg)

اما خُدا پیغَمبِری به اسم ناتان رِ پیش داود بِرِسیِّه و او رِ بُگُته: »چون تو خَلِه در جنگ دَوی، معبَد رِ مِوِ نِسازِنی، بلکه تهِ پسرون اون رِ بَنا هاکُنِه. با همه اینها مو تَرِ خَلِه برکت دِمِه. یکی از نسلِ تو بِرای همیشه بر قومِ من سلطِنِت هاکُنِه. « تنها کسی که از داود نسلِ مَتونِسِّه تا همیشه سِلطِنِت هاکُنِه مِسیح بِ اِ. مسیح همون برگزیده خدا بِ اِ که دُنیا رِ از گناهانِشون نِجات مِدا اِ. «

![](https://cdn.door43.org/obs/jpg/360px/obs-en-17-08.jpg)

وقتی داود این کِلام رِ بُشنیه، خِدا رِ شُکر و ستایش هاکُردِه. حدا هم او رِ سربلند بِساتِه و خَله برکت بُوَخشیِه. البِته داود از زَمون تحقُق پیدا هاکُردنِ وعده های خداوَند آگاه نَوِاِ. وِلی الان اَما دومِّی که قُومه اِسرائیل وانه از زمون داود حدودِا هِزار سال مِسیح بِمِن رِ اِنتِظار بَکِشه.

![](https://cdn.door43.org/obs/jpg/360px/obs-en-17-09.jpg)

داود خَلِه سالها عادلانِه حُکومِت هاکُردِه. او خُدا رِ اِطاعِت هامِکُردِه و خدا هم او رِ برکت مِدا اِ. با همه اینا آخِرای عمر در برابر خدا گُناهِ مِهینی هاکُردِه.

![](https://cdn.door43.org/obs/jpg/360px/obs-en-17-10.jpg)

یَک روز، وقتی سرباز جَنگِو بِشِنِه بوریم، او از پشت بوم بوریم رِ میشیه و بِدیهِ یک قشِنگ زن دَرِه حموم هاکُنه. او زنکه را مِنِشِناسه ولی بُفَهمیِه اِ نوم بِتشِبَع هَسِّه.

![](https://cdn.door43.org/obs/jpg/360px/obs-en-17-11.jpg)

او به جای اینکه از هَوِس دوری هاکُنِه، یه نفر رِ برسی که بسُه اون زنِکِه رِ بیوِرِ. او با زنکه بَخوسِه و بعد او رِ برسی خوش خونِه. اَنزه که بُگذشته بِتشبَع پِغوم برِسیِّه داود و بُگُتِه مو حامله مِه.

![](https://cdn.door43.org/obs/jpg/360px/obs-en-17-12.jpg)

بِتشبَع شور که اوریا نام داشته یکی از بهترین سربازا داود بِ اِ. اون زَمون اوریا دور از خونه در جنگ دَوِاِ. داود او رِ خَوِر هاکُردِه و به او بُگُتِه بَشه خوش خونه و خوش همسر کِنار بَمُنِه. ولی اوریا قبول نکِردِه وقتی همه سربازا دَرِنِه جنگ هاکونَّه او وَگِردِه خونه. پس یَکبار دیگه داود، اوریا رِ بِرِسّیه جنگ و از فرماندهون بِخواسِّه او جلوی خط بِلِن تا کشته بِوِاِ وهِنتی بِوِاِ که اوریا جنگ دِلِه بُموردِه.

![](https://cdn.door43.org/obs/jpg/360px/obs-en-17-13.jpg)

بعد اینکه اوریا بُمُردِه، داود با بِتشبَع عروسی هاکُنه و او یک پِسراِوِ بداشته. خدا خلِه از داود کارِ عصبانی بِوِاِ. همینخاطر ناتان نبی رِ بِرِسیِّه تا پلیدیی داود گناه رِ او رِ یاد بیورِه. داود خوش گناه رِ قبول هاکُردِه و خدا هم او رِ بُوَخشیِه. داود بقیه خوش عمر رِ خلی در سختترین وضع زندگی هم خدا رِ اِطاعت هاکُردِه.

![](https://cdn.door43.org/obs/jpg/360px/obs-en-17-14.jpg)

داود پسرِ برای اینکه داود مجازات بِوِو بُمُرده. خَله از اوشِنِ اعضای خونواده هم اِ مُقابل سرکشی هاکُردِنه و اِ کم بِوِن قُدرِت خَله به چَشمِمِ اِ. با اینکه داود خدا رِ اطاعت نکِردِه، خدا هَمِنتی اون پیمونی که با داود دِوِسه بِ اَ وفادار بِ اِ. بَعدِا داود و بتشبَع پسردار بِوِنه و اِ نوم رِ سلیمان وِشتِنِه.

*آسِنِکی از کتاب مقدس: کتاب اوّل سموئیل، فصل۱۰؛ و فصل۱۵تا۱۹و۲۴و۳۱؛ کتاب دوم سموئیل فصل۵و۷و۱۱و۱۲*

## 18. داود پادشاهیِ تقسیم

https://openbiblestories.org/l/srz/story-18/

![](https://cdn.door43.org/obs/jpg/360px/obs-en-18-01.jpg)

داودِ پادشاه۴۰سال سِلطِنِت هاکُردِه. بعد اینکه بُمُردِه، اِ پسر سلیمان به پادشاهی قوم اسرائیل بِرِسّیِه. خدا با سلیمان حرف بِزِاِ و اِ جا بِپُرسیِّه: »مو با چه خوانی تِر هادِمِه؟ « سلیمان، خدا جا حکمت بِخواسِّه. خدا از اونچه که سلیمان بِخواسِّه خله خوشحال بِوِاِ و او رِ داناترین مرد رویِ زمین هاکُردِه. سلیمان خَلِه چیزها یاد بِگِتِه و پادشاه خله عاقلی بِهِ و خدا هِم او رِ خله ثروتمند هاکُردِه.

![](https://cdn.door43.org/obs/jpg/360px/obs-en-18-02.jpg)

سلیمان اورشلیم شهر دِلِه معبدی بِساتِه که داود اود رِ برنامه ریزی هاکُردِه و اِ مِصالِح کرد بیوِردِه. از اون به بعد مردم بِتونِسِنه به جای خیمه ملاقات، اونجه خدا رِ عبادِت هاکُنِن و قورونی تقدیم هاکُنِن. خدا معبد دِلِه حاضر بِ اِ و خوش قومِ با زندگی هامکُردِه.

![](https://cdn.door43.org/obs/jpg/360px/obs-en-18-03.jpg)

اِمّا سلیمان به زنونی از قوم های دیگه دِل دَوِسِه و اونها رِ خوش زن هاکُردِه. او حدودا۱۰۰۰تا زن بِگتِه وهِنتی بِوِاِ که خدا رِ نافرمونی هاکُردِه. خَلِه از این زِنون از سرزمین بیگانه بِمِنِه و خوش همراه بت هایی داشته برای پرستش. وقتی سلیمان پیر بِوِاِ، خوش زنون بت رِ پرستش هامکُردِه.

![](https://cdn.door43.org/obs/jpg/360px/obs-en-18-04.jpg)

همین خاطِر خدا، سُلِیمان دست عصبانی بِوِاِ و او رِ بُگُتِه بخاطر نافرمونی تو برای مجازات، بعد مرگتِو پادشاهیِ اسرائیل رِ دو قسمت هاکومِه.

![](https://cdn.door43.org/obs/jpg/360px/obs-en-18-05.jpg)

بعد اینکه سلیمان بُموردِه، به جای او اِ پسر رِحُبعام شاه بِوِاِ. اِ همه مردم جمع بِوِنِه تا او را به پادشاهی قبول هاکُنَن. اونا رِحُبعام پیش شِکایت هاکُردِنِه که سلیمان خَلِه اوشِن با کار مِکِشِه و مجیور بِنِه خَلِه مالیات هادِن. اونا از رحُبعام بِخواسِنِه خوش پرواری سخت گیر نواشه.

![](https://cdn.door43.org/obs/jpg/360px/obs-en-18-06.jpg)

ولی رِحُبعام جواب نادونانِه ای اوشِن رِ هدا اِ و بُگُتِه: »شِما فکر هاکُنِنی مه پِر سخت گیری هامکردِه، ولی مو شِما رِ ویشتر به کار کِشِمِه و ویشتر شِما رِ عذاب دِمه.

![](https://cdn.door43.org/obs/jpg/360px/obs-en-18-07.jpg)

بعد از اینکه مردم اِ حرف رِ بُشنینه، خِلِه از مردم علیه او شورِش هاکُردِنِه. ده قبیله از قبایل اسرائیل اِ با جدا بِوِنِه. فقط دو تا قبیله به او وفادار بُمونِسنِه و اونا خوشتن رِ پادشاهی یهودا نوم وِشتِنِه.

![](https://cdn.door43.org/obs/jpg/360px/obs-en-18-08.jpg)

ده تا قبیله دیگر مردی رِ که اِ نوم یِرُبعام بِ اِ خوش پادشاه بِساتِنِه که قسمت شمالی ساکِن بِنِه و خوشتَن رِ پادشاهی اسرائیل نوم وِشتِنِه.

![](https://cdn.door43.org/obs/jpg/360px/obs-en-18-09.jpg)

یِرُبعام خدا رِ اطاعَت مِنِکردِه و باعِث بِوِاِ مردم به طرف گناه بَشِن. او دو تا بت بِساتِه و مردم جا بِخواسِّه تا اونا رِ پرستش هاکُنِن. اونا پرستشِ وِ دیگِه مِنِشنِه اورشَلیم که پادشاه یهودا اونجِه دَوِا.

![](https://cdn.door43.org/obs/jpg/360px/obs-en-18-10.jpg)

اسرائیل پادشاه و یهودا پادشاه با هم دشمن بِوِنِه و ویشتَر اوقات با هم مِجِنگینِه.

![](https://cdn.door43.org/obs/jpg/360px/obs-en-18-11.jpg)

پادشاهی جدید اسرائیل دِلِه هم پادشاها شرور بِنِه. خَلِه از اونا تِوِسُطِ افرادی که مِخواسِنِه پادشاه بِوِن، کشته بِوِنِه.

![](https://cdn.door43.org/obs/jpg/360px/obs-en-18-12.jpg)

همه اون پادشاها و ویشتَر مردم اسرائیل بت ها رِ پرستش هامکُردِنِه. در حال پرستش بت ها، با خراب زِنون مُخوسِنِه و حتی خوش کُت کُتِه رِ بت اِ قورونی هامَکُردِنِه.

![](https://cdn.door43.org/obs/jpg/360px/obs-en-18-13.jpg)

پادشاهای یهودا داود نَسلِ بنِه. بعضی ار اوم پادشاها خارِ آدِم بِنِه و با عدالِت حکومت هامِکِردِنِه و خدا رِ پرستش هامکُردِنِه. اما ویشتَر اون پادشاهای یهودا شرور بِنِه. بعضی از اونا حتی خوش کُت کُتِه رِ بت ها وِ قورونی هامکُردِنِه. ویشتَر مردم یهودا بر ضد خدا پاسانِه و خداهای دیگِر را پرستش هامکُردِنِه.

*آسِنِکی از کتاب مقدس: کتاب اول پادشاهان فصل۱تا۶و۱۱و۱۲*

## 19. پِیغُمبِرون

https://openbiblestories.org/l/srz/story-19/

![](https://cdn.door43.org/obs/jpg/360px/obs-en-19-01.jpg)

در طول تاریخ اسرائیلTخدا پِیغُمبِرونی رِ اُشِنِو بِرِسّیه. پِیغُمبِرون از خدا پِیغومهایی رِ بِگِتِنه و اونارِ به مردم منتقل هاکُردنه.

![](https://cdn.door43.org/obs/jpg/360px/obs-en-19-02.jpg)

ایلیا پِیغُمبِری بِ اِ که اَخابِ پادشاهیِ دوره زندگی ها مِکِردِه. اَخاب مرد شَری بِ اِ که مردم رِ تشویق ها مِکِرده بتِ بَعَل رِ پرستش ها کُنن. ایلیا به اَخاب بُگُته که خدا او رِ مجازات هاکونه. او آخاب رِهم بُگُته: »در قلمرو اسرائیل، مو فَرمون ندم، هیچ وارِش یا شونَم زِمین رِ سر نِوارِنه. « آخاب از ایلیاِ سُخِن هِنتی عصِبانی بِوِاِ که تصمیم بِگِته اُو رِ بَکُشه.

![](https://cdn.door43.org/obs/jpg/360px/obs-en-19-03.jpg)

خدا به ایلیا بُگُته بَشه بیایون دِله و خودش رِ از اَخاب قایم هاکنه. ایلیا بِشِ اِ بیابون و نهرو ر که خدا اورِ نشون هِدِاِ، ساکن بِوِاِ. هر روز صبح و عصر، کِلاغا اِ وِ نون و گوشت میوردِنه. همه این مدت، اَخاب و اِسپاهیا ایلیا رِ دنبال مِکِردنیه، ولی نتونِسّینه او رِ پیدا هاکونن.

![](https://cdn.door43.org/obs/jpg/360px/obs-en-19-04.jpg)

چون وارِش مِنِمِ اِ، بعدِ مدتی اون نهر خُشک بِوِ اِ. بنابراین ایلیا به سرزمین دیگری بِشِ اِ که اون نزدیکی بِ اِ. اون سرزَمین دِلِه یک فقیرِ زَن با خوش پسِر زندگی ها مِکِرده که اوشِن آذوقه خشکسالی خاطر تموم بِوِاِ. با این وَصف اون زن ایلیا جا مراقبِت هامِکِردِه و خدا هم اِ و اِ پسرِ نیازها رِ برطرف هامِکِردِه. آرد و روغن کوزه هیچوقت خالی نَوِ اَو تمام مُدِتِ خشکسالی غِذا برای بُخُردِن داشته. ایلیا به مدت سه سال اونجه بُمُنِسِّه.

![](https://cdn.door43.org/obs/jpg/360px/obs-en-19-05.jpg)

سه سال بعد خدا به ایلیا بُگُته که دوباره وارَ آنه. خدا ایلیا رِ بِخاسّه تا وَ کِرده به قلمرو اسرائیلی ها و اَخاب جا صحبِت هاکنه. وقتی اَخاب ایلیا رِ بِدی او رِ بُگُته: »تو هستی که همه این مشکلات رِ به وجود بِوِردی! « ایلیا در جواب بُگُته: »همه این مشکلات رِ تو به وجود بیوِردی! تو یهُوَّه رِ که خدای واقعی بِ اِ ترک هاکُردی و بَعَل رِ پرستش هاکُنی. همه قوم اسرائیل رِ بیور کوه کَرمِل. «

![](https://cdn.door43.org/obs/jpg/360px/obs-en-19-06.jpg)

همه اسرائیل حتی پِیغِمبِرون بَعَل که اوشِن تعداد به۴۵۰نفر بِرِسّیه بِمِنه کوه کرمِل. ایلیا بُگُته: »تا کی شِما وانه دو دل بَمونِن؟ اگه یهوه خدا اِ، او رِ پرستش هاکُنِن و اگه بَعَل خدا اِ او رِ پیروی هاکُنِن. «

![](https://cdn.door43.org/obs/jpg/360px/obs-en-19-07.jpg)

بعد ایلیا به پِیغِمبِرون بَعَل بُگُته: »یک نَرِ کَو قرونی هاکُنین، اِ گوشت رِ تکه تکه هاکنین و لین قرون گاه سر، ولی اون رِ آتِش نَزِنین. مو هَم دیگِر قرون گاه سر همین کار رِ هاکوتِه. اون خدایی که قرون گاهِ وِ آتِش بَرِسِّه خدای واقعی هسِّه. « بنابراین پِیغِمبِرون بت بَعَل، قُرونی رِ فِراهِم هاکُردِنه، ولی آتِشی روشن نِکِردِنه.

![](https://cdn.door43.org/obs/jpg/360px/obs-en-19-08.jpg)

بعد اوشِن به طرف بت بَعَل دعا هاکُردِنه: »ای بَعَل، اما صدا اِ بُشنو! « اونا تمومِ روز رِ مشغول دعا، فِریاد بزِن و زخمی هاکُردن خوش تَن با چاقو بِنِ. اما از طرف بَعَل جِوابی نَمِ اِ و آتِشی روشن نَوِاِ.

![](https://cdn.door43.org/obs/jpg/360px/obs-en-19-09.jpg)

پِیغُمبِرون بَعَل بعد اینکه همه روزرِ دعا هاکُردِنه، خسِّه بِوِنه و دعا رِ متوقف هاکُردِن. بعد ایلیا یه نَرِ گو دیگری رِ بِرای قُروُنی، قرون گاه سر وِشتِه و به مردم بُگُته که دوازده تا سِمین خمره او دِ کُنن قرونگاه، سر هِنتی بو که گو گوشت، هِمِه و حتی اِ دورِ زمین کاملا تَر بِوُ.

![](https://cdn.door43.org/obs/jpg/360px/obs-en-19-10.jpg)

بعد ایلیا هنتی دعا هاکُرده: »ای یهوه، ای ابراهیم و اسحاق و یعقوب خدا، امروز اَمارِ نشون هادِه که تو اسرائیل خدا هَسّی و موتِه خَدمِتگزار مه. مو دعا رِ اِجابِت هاکون تا این قوم بَدونه که تو خدای واقعی هَسّی. «

![](https://cdn.door43.org/obs/jpg/360px/obs-en-19-11.jpg)

بلافاصله آتِشی از آسمون نازِل بِو اِِ و گوشت، هِمِه، سنگها، خاک و حتی او اطراف قُرون گاه رِ بِسوزنیّه. وقتی مردم این رِ بدینه، بلافاصله بِکِتِنه زِمین و بگُتِنه: »یَهُوَّه خدااِ! یهوه خدااِ! «

![](https://cdn.door43.org/obs/jpg/360px/obs-en-19-12.jpg)

بعد ایلیا بُگُته: »نِلین حتی یه نفر از پِیغِمبُرون بَعَل فِرار هاکنه! « پس مردم پِیغِمبُرون بَعَل رِ دستگیر هاکُردِنه و همه رِ از اونجه بُوُردِنه و بُکُشتنه.

![](https://cdn.door43.org/obs/jpg/360px/obs-en-19-13.jpg)

بعد ایلیا به اَخاب پادشاه بُگُته: »بلافاصله وَگِرد خوش خونه، چون خَله رو وارِش وارِنه. « همون وقت اورِ سیا، آسمون رِ بِپوشونِیه و وارِش تُنّی شروع به واریدن هاکُرده. یَهُوَّه خشکسالی رِ پایون هِدِ اِ و با اینکار ثابت هاکُرده که فقط او خُدای واقعیِه.

![](https://cdn.door43.org/obs/jpg/360px/obs-en-19-14.jpg)

بعدِ اینکه ایلیا خُوش ماموریتی رِ تموم هاکُرده، خدا مردی رِ به نومِ اِلیشَع خوش پیامبر انتِخاب هاکُرده. خدا معجزاتِ زیادی رِ به وسیله الیشع اِنجوم هِدِ اِ. یکی از این معجزات نَعَمان اتفاق وِ کِسِه که از فرماندهان ارتش دشمن بِ اِ. او یه جور مریضی پوستی وحشِتناک مبتلا بِوِاِ. او در مورد اِلیشَع نُشنیوَ، پس بِشِ اِ پیش و تقاضای شفا هاکُرده. اِلیشع به نَعَمان بُگُته که خودِش رِ هفت بار اُردُن رودخونه او فرو هاکُنه.

![](https://cdn.door43.org/obs/jpg/360px/obs-en-19-15.jpg)

اَوِّل نَعَمان از این پیشنِهاد عصبانی بِوِاِ و چون فکر هامِکِرده این کار احمقانه هَسّه، مِنِخاسّه این کار رِ انجوم هاده. ولی بعد خوش تصمیم رِ عوض هاکُرده و هفت بار خودش رِ رودخونه اُردُن او فرو هاکُرده. وقتی هفتمین بار او دِله بوریم بِمِ اِ، کاملا شفا پیدا هاکُرده! خدا او رِ شفا هِدا اِ.

![](https://cdn.door43.org/obs/jpg/360px/obs-en-19-16.jpg)

خدا قوم اسرائیل رِ پیامبرون زیادِ دیگری هم بِرِسّیه. همه اونا مردم رِ هشدار مِدانه که از پرستش بت ها دست بَکِشِن، با بقیه عادلانه رفتار هاکُنِن، نسبتِ به هم رحم دارِن، از شرارِت دوری و در عَوِض از خدا اطاعت هاکُنِن. اگه هِنتی رفتار نکُنِن، از نظر خدا گناهکار به حساب آنه و او اینا رِ مجازات هاکُنه.

![](https://cdn.door43.org/obs/jpg/360px/obs-en-19-17.jpg)

ویشتَر موقع ها، مردم خدا رِ اطاعت ها نِمِکِردنه. اونا اکثرِا با پیامبرون رفتار بدی داشتِتنه و یه وقت هایی حتی اوشِن رِ مُکُشتُنه! یک بار اِرمیای نبی رِ چاه دله دُنبِدانه و او رِ همونجه وِل هاکُردِنه تا بِمیره. ارمیا چاهِ تَه گِل و تیل دله فرو بشِ. اِ اِما بعد اون، پادشاه اِ با رحم هاکُرده و خوش خدمتکارا رِ دستور هِدا اِ تا قبل اینکه بمیره او رِ چاه دله دربیورَن.

![](https://cdn.door43.org/obs/jpg/360px/obs-en-19-18.jpg)

با اینکه مردم از پِیغُمبِرون نفرت داشتِنه، اونا بازم در مورد خدا صحبت هامِکِردِنه. اوشِن به مردم هشدار مِدانه که اگه تووِه نکنِن، از بین شونّه. اونا وعده خدا رِ هم به مردم یادآوری هامِکِردنه که همون بِرِسّیه مسیح بِ اِ.

*آسِنَکی از کتاب مقدس: کتاب اول پادشاهان فصل۱۶تا۱۸؛ کتاب دوم پادشاهان فصل۵؛ کتاب ارمیا فصل۳۸*

## 20. تَبید و وِگِر دیین

https://openbiblestories.org/l/srz/story-20/

![](https://cdn.door43.org/obs/jpg/360px/obs-en-20-01.jpg)

اسرائیل پادشاهی و یهودا پادشاهی هر دو بَر عِلَیه خدا گُناه هاکُردِنِه. اونا خوش عَهد رِ که با خدا در کوهِ سینا دِوِسُّه، بِشکِستِنه. خدا تَوِسّطِ پَیومبَرون اونا رِ هُشدار هِدا اِ تا تووِ هاکُنِن و دوارِه او رِ پرستش هاکُنِن، وِلی اونا از خدا اِطاعت نَکِردِنِه.

![](https://cdn.door43.org/obs/jpg/360px/obs-en-20-02.jpg)

بِنابَرین خدا اوشِن رِ تنبیه هاکُردِه و اَجازه هَدا اِ اِ اوشِن دُشمِنون، اوشِن رِ نابود هاکُنِن. اون زَمون قوم قُدرِتمِند دیگِری به نوم آشور دَوِاِ. آشوریا نِسبِت به قوم های دیگِر خَلِه بی رَحم بِنِه. اسرائیل پادشاهی تَوِسُّطِ آشور از بِین بِشِ اِ. آشوریا خَلِه از مردُم اسرائیل پادشاهی رِ بُکُشتِنِه، هر چی مِخواسِنِّه غارِت هامکردِنِه و خَلِه قِسمِتهای اوشِنِ سرزمین رِبِسوزِنینِ.

![](https://cdn.door43.org/obs/jpg/360px/obs-en-20-03.jpg)

آشوریا تمومِ رهبرا، افرادِ پولدار و اونایی که مهارِتِ خاص داشتِنِه را خوش هِمراه بُوُردِنِه آشور. فَقِط بعضی مردمِ خَلِه فقیر اِسرائیل دِلِه بُمونِسِنِه.

![](https://cdn.door43.org/obs/jpg/360px/obs-en-20-04.jpg)

بعد آشوریا، بیگونه ها رِ بیوردِنِه اسرائیل سرزمین که اونجِه زندگی هاکُنِن. بیگونِه ها شهرهایی که ویرون بِوِاِ رِ دُوارِه بِساتِنِه و با باقی اسرائیلیا که اونجِه بُمونِسِّنِه، عروسی هاکُردِنِه. نسلی که بِوُجود اَ رِ، سامِری مُگُتِنِه.

![](https://cdn.door43.org/obs/jpg/360px/obs-en-20-05.jpg)

یهودا پادِشاهی مردمِ بَدینِه که خدا اسرائیل پادشاهی ساکِنین رّ به عِلِتِ بی ایمونی و نافَرمونی مجازات هاکُردِه، ولی اوشِن هَمِنتی بُتها و کَنعانیونِ خدا رِ پرستِش هامِکِردِنِه. خدا پَیومبَرونی رِ بِرِسّیِّه که اوشِن رِ هشدار هادِه، وِلی اونا هَمِنتی خوش کارا رِ ادامِه مِدانِه.

![](https://cdn.door43.org/obs/jpg/360px/obs-en-20-06.jpg)

حدودا صد سال بعدِ نابودیِ اسرائیل پادشاهی تَوسط آشوریا، خدا نِبوکَدنِصَّر بابِل پادِشاه رِ بِرِسیِّه تا یهودا پادشاهی رِ حمله هاکُنِه. بابِلیها قومِ قدرِتمَندی بِنِه. یهودا پادِشاه قبول هاکُردِه نِبوکَدنِصَّرِخدمتگزار بَوِ و هر سال پول او رِ هادِ.

![](https://cdn.door43.org/obs/jpg/360px/obs-en-20-07.jpg)

ولی چند سال بعد، یهوداِ پادِشاه علِیهِ بابِل شورش هاکُردِنِه. همین خاطِر بابِلیها وِگِردینِه و دُوارِه به یهودا پادشاهی حمله هاکُردِنِه. بابلیها اورشَلیم شهرِ رِ تصرف هاکُردِنِه، معبِد رِ نابود بَساتِنِه و ثِروِتی که شهر دَلِه و معبد دَلِه دَوِاِ، خوش هِمراه بُوُردِنِه.

![](https://cdn.door43.org/obs/jpg/360px/obs-en-20-08.jpg)

برای تنبیهِ یهودا پادِشاه، نِبوکَدنِصَّر سربازا، اِ پِسِرون رِ اِ پیش بُکُشتِنِه و اِ چَشارِ کورها کُردِنِه. بعِ این، اونا پادشاه رِ خوش هِمراه بُوُردِنِه بابِل زندون دِلِه بِمیره.

![](https://cdn.door43.org/obs/jpg/360px/obs-en-20-09.jpg)

نِبوکَدنِّصَّر و اِ سپاهیا تقریبا همه مردُم یهوداِ پادشاهی رِ خوش هِمراه بُوُردِنِه و فقط مردم بسیار فَقیر رِ باقی بِشتِنِه تا زِراعَت هاکُنِن. این دورِه رِ که قومِ خدا مجبور بِوِنِه سرزِمین موعود رِ ترک هاکُنِن، تبعید گونِّه.

![](https://cdn.door43.org/obs/jpg/360px/obs-en-20-10.jpg)

اگِرچه خدا خوش قُوم رِ بهخاطِر گناهانِشون مُجازات هاکُردِه، ولی اوشِن رِ و وعدههایی که به اوشِن هَدااِ رِ فراموش نکرده. خدا مواظبِ خوش قوم بِ اِ و اونا با توسطِ خوش پَیومبَرون صُحبِت هامَکردِه. خدا وعده بِدااِ که هِفتاد سال بعد دُوارِه اسرائیل قوم رِ به سرزمین موعود وگِردونِه.

![](https://cdn.door43.org/obs/jpg/360px/obs-en-20-11.jpg)

هفتاد سال بَعد، کورش پارسیان پادِشاه، بابلیها رِ شِکِست هِدااِ وهَنتی بِوِاِ که پارسیان امپراطوری به جایِ بابلی امپراطوری خَلِه از قومهای سرِ تسلط پیدا هاکُردِنِه. اون زِمون اسرائیل مردم رِ یهودی مُگُتِنِه و ویشتِرِ اونا تمومِ عمرِشون رِ بابِل دلِه زندِگی هامِکِردِنه. فقط اونایی که خَلِه پیر بِنِه، بِتونِسِّنِه یهودا سرزمین رِ یاد بیورِن.

![](https://cdn.door43.org/obs/jpg/360px/obs-en-20-12.jpg)

پارسیان با اینکه خَلِه قدرِتمِند بِنِه، با دیگِر قومهای تحتِ تسلط خودِشون با ملایمت مهرَوُنی رفتار هامِکِردِنِه. بعدِ یِک مدت کوتاهی که کورش به پادشاهی پارس بِرِسّیُه، دَسّور هِدااِ که هر یهودی که خوانِه وَگِردِه به یَهودا، بِتونِه سرزِمینِ پارس رِ ترک هاکُنِه و به یَهودا سرزمین وَگِردِه. او حتی اوشِن رِ پول هَدااِ معبد رِ اورشَلیم دِله دُوارِه بسازِن! پس هفتاد سال بعدِ تبعید، گروهِ کوچِکی از یَهودیا به شهرِ اورشَلیم در سرزمینِ یهودا وَگِردِنِه.

![](https://cdn.door43.org/obs/jpg/360px/obs-en-20-13.jpg)

وقتی قوم بِرِسّینِه اورشَلیم، مَعبد و دیوارِ دورِ شهر رِ دُوارِه بِساتِنِه. هنوز پارسیان به اوشِن تسلط داشتِنِه، ولی اوشِن در سرزمین موعود دَوِنِه و بَتونِسِّنِه خدا رِ معبد دِلِه پرستِش هاکُنِن.

*آسِنِکی از کتاب مقدس: کتاب دوم پادشاهان فصل۱۷و۲۴و۲۵؛ کتاب دوم تواریخ فصل۶؛ کتاب عزرا فصل۱تا۱۰؛ کتاب نحمیا فصل۱تا۱۳*

## 21. خداوند وَعدِه بِمِنِ مسیح رِ هَدائِه

https://openbiblestories.org/l/srz/story-21/

![](https://cdn.door43.org/obs/jpg/360px/obs-en-21-01.jpg)

از همون اوَّلِ آفرینِش خدا خوب دونِسِّه بعدِ مدت طولانی مسیحِ موعود رِ رِسِّنِه. او آدِم و حَوّا رِ وعدِه هَداوِئِه که این کار بی گُمون انجام بونِه. خدا وَعدِه هَدائِه که حَوا اِ نسل یِکی آنِه که مارِ کَلِه بِکوبه نِنِه. دم درازی که حوا ر گول بِزِاِ همون شَیطون بِ اِ. وعده این بِ اِ که مسیح، شَیطون رِ کامِلاِ شِکِست هاده.

![](https://cdn.door43.org/obs/jpg/360px/obs-en-21-02.jpg)

خدا اِوراهیم رِ وَعده هدائِه که اِ وَسیله همه مردم جهان برکت پیدا کُنَّن. او خوش وَعدِه بعد مدتی با بِرِسیِّنِ مسیح عمل هاکُردِه. مسیح موعود باسِه مردم رِ از هر قومی در دنیا از گناهونوشون نجات هادِه.

![](https://cdn.door43.org/obs/jpg/360px/obs-en-21-03.jpg)

خدا موسی رِ وَعدِه هَدائِه که آینده اِواری نجات دهنده ای بلند بُنِه. این نجات دهندِه همون مَسیحِ موعود بِ اِ.

![](https://cdn.door43.org/obs/jpg/360px/obs-en-21-04.jpg)

خدا پادشاهِ داود رِ وعدِه هَدائِه که اِ نَسل یکی به پادشاهی رَسِنِه و تا اَبَد بر قومِ خدا سلطنت هاکُنِه. این یعنی مسیح داودِ نسلِ وا آنِه.

![](https://cdn.door43.org/obs/jpg/360px/obs-en-21-05.jpg)

خدا به وسیلِه ارمیای نِبی وعده هِدائِه که پِیمونِ جدیدی فِراهِم هاکونِّه، ولی نا شَبیهِ عهدی که خدا در کوهِ سینا با اسرائیل دِوِسِّه. پِیمونِ جدید دلِه، خدا خوش قانون رِ مَردُم قلب دلِه نِسِنِّه، مردمُ خودشون او رِ اَشناسِنِّه، اِ با مُحِبِت هاکونِه و اِ حُکما رِ اِطاعِت هاکونِّه. مسیح کسی بِ اِ که این پیمون جدید رِ اوشنا با دِمِوِسِّه. اوشِن اِ قوم بونِّه و خدا اوشِن گناها رِ بَخشِنِه.

![](https://cdn.door43.org/obs/jpg/360px/obs-en-21-06.jpg)

پیامبِرای خدا بُگُتِنِه که مسیح موعود نَبی، کاهِن و پادِشاه بُونِه. نبی کسی هِسِّه که خدا اِ کِلام رِ شنونِه و مردم و رِ واگو هاکونِه. مسیح موعود خدا، نبی کامِل بُنِه چون او خدا پِیغوم رِ کامِل فَهمِنِه و اون رِ یکجوری کامِل به مردم واگو هاکونِه.

![](https://cdn.door43.org/obs/jpg/360px/obs-en-21-07.jpg)

کاهِنای یَهودی مردِم طرف خُدا وِ قُرونی هامکردِنِه به جای اوشِن مجازات گُناهون. کاهنا هم مردِم وِ به درگاه خدا دعا هامِکِردِنِه. با این حال قِرار بِ اِ مسیح موعود مهین کاهِن بِوُ که خویشتَن رِ به عنوون یک قُرونی کامِل تقدیم خدا هاکُنِه. یعنی او هرگز گُناه نَکونِه و وقتی خودِش رِ به عنوانِ قُرونی تقدیم هاکُنِه احتیاجب به قُرونی هاکِردِه دیگَرون نیِه.

![](https://cdn.door43.org/obs/jpg/360px/obs-en-21-08.jpg)

پادشاهون و رَئیسون سر گُروهی از مردم حکومِت هاکونِّه و گاهی اشتباهایی هم دانِّه. داود پادشاه فقط اسرائیلیها وِ حکومِت هامِکِردِه. ولی مسیح موعود که از داود نسل آنِه، تا ابد بر همه مردِم دنیا حکومِت هاکونِه. او عادِلانِه حکومت هاکونِّه و تصمیمهای دُرُست گیرِنِّه.

![](https://cdn.door43.org/obs/jpg/360px/obs-en-21-09.jpg)

پیامبُرونی که از طرف خدا بِرِسی بنِه، نِبُوَتهای زیادی از طرف مسیح موعود هاکردِه بنِه. مَلاکی نَبی نبوت هاکردِه بِ اِ که قبل از بِمِئِنِ مسیحِ موعود، پیامبَرِ مهین تِر دیگری آنِه. اشعیای نبی نبوت هاکُردِه بِ اِ که مسیح موعود از یِک دتِر شور نکردِه متولد بِوِاِ. میکاهِ نبی هم بُگُتِه بِ اِ که او بیتلَحِم شهرِ دلِه به دنیا بِوِاِ.

![](https://cdn.door43.org/obs/jpg/360px/obs-en-21-10.jpg)

اشعیای نَبی بُگُتِه که مسیح در جلیل زِندِگی هاکونِه. او تسَلّیِ قلبایِ بِشکِستِه هَسِّه و اسیرا رِ آزاد هاکونِه. او نبوت هاکُونِه که مسیح موعود، مریضا یعنی کُورون، وَلون، کزون و لالون رِ هم شفا دِنِه.

![](https://cdn.door43.org/obs/jpg/360px/obs-en-21-11.jpg)

اشعیای نَبی هم نبوت هاکُردِه بِ اِ که مردم از مسیحِ موعود نفرت پیدا هاکونِّه و او رِ قَبول نَکونِّه. اَنبیای دیگه هم نِبوِّت هاکُردِبِنِه که یکی از یارای مَسیح به او پُشت هاکُونِه. زَکَریا نِبوِّت هاکردِه که این یار در برابرِ سی سِکِّه نُقرِه اِ با خیانِت هاکونِه. انبیایِ دیگه هم نَبُوِّت هاکُردِه بِنِه که مسیح رِ کُشِنِّه و اِ لباس سر قرعه دم دِنِّه.

![](https://cdn.door43.org/obs/jpg/360px/obs-en-21-12.jpg)

همچِنین اِنبیا در موردِ اِ چتی مُومُوردِن نِبِوِّت هاکردِه بِنِه. اِشعیای نَبی بُگُتِه بِ اِ که مردم اِ رو تَف دِکونِّه و او رِ کُتِک زِنِّه و مسخرِه هاکونِه. بعد اِ تِن رِ سوراخ هاکونِّه تا با رنج مِهینی بِمیره، با اونکِه هیچ گُناهی نَکِردِه.

![](https://cdn.door43.org/obs/jpg/360px/obs-en-21-13.jpg)

اَنبیا دیگِه هم نَبُوِّت هاکُردِنِه که مسیح موعود وانه انسانِ کامِلِ و بی هیچ گونِه گُناهی بُوِ. او وانه بِمیرِه، چونکِه خدا او رِ جای گناهِ مردُمِ دنیا مجازات هاکونِه. اِ مجازات باعِث بُوِنِه که بِین انسان و خدا آرامش و صُلح برقِرار بِوُه. هَمینِ خاطِر خدا اِرادِه هاکُردِه که مسیح ضَربه بخورِه و کُشتِه بِوُه.

![](https://cdn.door43.org/obs/jpg/360px/obs-en-21-14.jpg)

اِنبیایِ دیگِه این رِ هِم نِبُوِّت هاکُردِنِه که خُدا مَسیح رِ پس از مَرگ دووارِه زِنِّه هاکونِه. بنابراین با بُمُوردِن و دووارِه زِنِّه هاکُردِنِه مسیح از مرگ، خُدا مِخاسِّه که نقشِه نَجاتِ گُناهکارا رِ کامِل هاکُونِه و عَهدِ کامِل با گناهکاران دَوِنِّه.

![](https://cdn.door43.org/obs/jpg/360px/obs-en-21-15.jpg)

خدا خَلِه چیزا دربارِه بِمِن مسیح به انبیا آشکار هاکُردِه. اِما مسیح در زَمونِ هیچ کدوم از این انبیا نِمِبِ اِ. ویشتَر از چهارصد سال بعد از آخرین نبوِّت، اون موقِع که زمون به کِمال بِرِسیِّه، خدا مسیح رِ به جهان بِرِسیِّه.

*آسِنِکی از کتاب مقدس: کتاب پیدایش فصل۳آیه۱۵، فصل۱۲آیه۱تا۳، کتاب تثنیه فصل۱۸آیه۱۵، کتاب دوم سموئیل فصل۷، کتاب ارمیا فصل۳۱، کتاب اشعیا فصل۵۹آیه۱۶، کتاب دانیال فصل۷، کتاب ملاکی فصل۴آیه۵، کتاب اشعیا فصل۷آیه۱۴، کتاب میکا فصل۵آیه۲، کتاب اشعیا فصل۹آیه۱تا۷و فصل۳۵آیه۳تا۵و فصل۵۳، کتاب مزامیر فصل۲۲آیه۱۸و فصل۳۵ آیه۱۹و فصل۶۹آیه۴و فصل۴۱آیه۹، کتاب زکریا فصل۱۱آیه۱۲و۱۳، کتاب اشعیا فصل۵۰آیه۶، کتاب مزامیر فصل۱۶ آیه۱۰و۱۱*

## 22. زالِ یوحنای تعمید دِنِه

https://openbiblestories.org/l/srz/story-22/

![](https://cdn.door43.org/obs/jpg/360px/obs-en-22-01.jpg)

از خَلِه وقت پیش خدا خوش قومِ تِوِسط خوش پیامبُرون حرف مِزِاِ. ولی بعد اینکه۴۰۰سال خدا با خوش قوم نَگُتبِ اِ، یَکدِفِه خدا یک کاهِنِ پیر جلو ظاهِر بِوِاِ. او و اِ زن الیزابِت آدمهای خداترسی بِنِ. اونا پیر بِنِ و کُتِه دار مِنِوِنِ.

![](https://cdn.door43.org/obs/jpg/360px/obs-en-22-02.jpg)

فرشته خدا زَکَریا رِ بُگُتِه: »ته زن یک پسر اُرِنِ. تو اِ نوم رِ یوحَنا اِلِنی. خدا او رِ از اِ روح پُر هاکُنِه و یوحنا مردِم رِ برای مسیح موعود بِمِن آمادِه هاکونِه. « زکریا بُگُتِه: »مواُمِ زن کتِه دار بِوِنِو خَلِه پیرِمی! از کجِه بَدونم تو راست گونی؟ «

![](https://cdn.door43.org/obs/jpg/360px/obs-en-22-03.jpg)

فرشته خدا زکَریا رِ جواب هِدا اِ: »مو خدا طَرِف بِمِمِ تا این خَوِرِ خوش رِ به تو بَرِسِّنِم. اِسا که تو مِ حرفِ قبول نَکِردی، ترِ لال هاکومِه تا اون کُتِه به دنیا بِ اِ. « از هَمون وقت زکریا دیگر نَتونِسِّه حرف بَزِنِه. بعد فرشته خدا از زکریا پیش بِشِن اِ زکریا وِگِردیِه خونه و خَلِه نگذِشتِه بِ اِ که اِ زن حامِلِه بِوِاِ.

![](https://cdn.door43.org/obs/jpg/360px/obs-en-22-04.jpg)

وقتی الیزابت شش ماهه حامِلِه بِ اِ، همونوقت فرشته یکدفه یکی از فامیلای اِلیزابِت به نومِ مریم جلو ظاهِر بِوِاِ. او دِتَر بِ اِ و مردی به نومِ یوسف جا نومزِه بِ اِ. فرشته او رِ بُگُتِه: »تو حامِلِه بونی و پسر دارِنی و اِ نوم رِ عیسی وِلِنی. او خدای پسر هَسِّه و اِ پادشاهی اَبِدیِه. «

![](https://cdn.door43.org/obs/jpg/360px/obs-en-22-05.jpg)

مریم جواب هدائِه: »چِتی همچِه چیزی مُمکِنِه؟ مو که دِتِرِم. « فرشته بُگُتِه: »روح القدس بر تو آنِه و خدای قُوِّه تِه سر سایه دُمدِنِه. هَمینِو اون پسر، قدوس و او رِ خدای بزرگ پسرِ خونِنه. « مریم فرشته حرف با ایمون بیُوردِه و اونچه که بُگُتِه رِ قبول هاکُردِه.

![](https://cdn.door43.org/obs/jpg/360px/obs-en-22-06.jpg)

مدت کمی بعدِ این اتِفاق، مریم بِشِ اِ اِلیزابِت خونه. همینکِه الیزابِت مَریم سِلام صدا رِ بُشنیِه، کُته اِ رحمِ دله حرکِت هاکرده. اونا بخاطر کارهایی که خدا اوشِنو هاکردِه خَلِه خوشحالی هاکِردِنِه. مریم حدودا سه ماه الیزابِت وَر بُمُنِسِّه و بعد وگردیِه خونه.

![](https://cdn.door43.org/obs/jpg/360px/obs-en-22-07.jpg)

بعد این اتفاق الیزابِت پسری به دنیا بیوردِه. او و زَکَریا همونجور که فرشته بُگُتِه بِ کُتِه نوم رِ یوحنا وشتِنِه. بعد خدا زکریا دَهون رِ وا هاکردِه و زکریا بُگُتِه: »خدا رِ شکر، چون او وانِه خوش قوم رِ یاری هاکونِه! و تو مه پسر پیامبر خدا بزرگ بُونی و آدِما رِ گونی که چِتی بِتونَّن خوش آمرزش گناهون رِ پیدا هاکُنِن! «

*آسِنِکی از از کتاب مقدس: انجیل لوقا فصل۱*

## 23. عیسی اِ تولود

https://openbiblestories.org/l/srz/story-23/

![](https://cdn.door43.org/obs/jpg/360px/obs-en-23-01.jpg)

مَریِم با یک عادل و خوب سیرِت مردِ با نومزِه بِوِبِ اِ. وقتی یوسف بُفَهمیِه که مریم حامِلِه اِ، او دونِسِّه که اِ کُتِه نیِه. یوسِف مِنِخواسِّه که مریم رِ رسوا و بی آبرو هاکُنِه. پس تصمیم بِگِتِه بی سر و صدا اِ با جُدا بِو و. ولی قبل اینکه این کارِ رِ هاکُنِه، یک فرشته رویای دلِه اِ با ظاهِر بِوِاِ.

![](https://cdn.door43.org/obs/jpg/360px/obs-en-23-02.jpg)

فرشته به یوسف بُگُتِه: »از عروسی هاکُردن با مریم نَتِرسا. کُته ای که اِ رَحِم دلِه دَ رِ از روح القدس هَسِّه. مریم پسری دارِنه اّ نوم رِ عیسی )یهوه نجات میبخشد( بِل، چون او مردِم رِ از گناهونشون رها هاکنِه.

![](https://cdn.door43.org/obs/jpg/360px/obs-en-23-03.jpg)

بِنابراین یوسف مریم با عروسی هاکردِه و او رِ خوش خونه بوردِه. ولی تا اِ کُتِه به دنیا نِمِ اِ، اِ ورنَختِه.

![](https://cdn.door43.org/obs/jpg/360px/obs-en-23-04.jpg)

آخرین روزای حاملگی مریم، امپراطورِ روم دِسّور هِدااِ سرشماری وِ، هرکسی وانِه وَگِردِه خوش جَد و آبا اِ شهر. یوسف و مریم واسِه مِسافِتِ زیادی رِ از ناصِرِه تا بِیت لَحِم طِی هاکُنِن، چون اوشِن جدِ داود پادشاه و اوشِن شهر بیت لحِم بِ اِ.

![](https://cdn.door43.org/obs/jpg/360px/obs-en-23-05.jpg)

وقتی مریم و یوسف بِرِسینِه بیت لحِم، بُمونِسِنِ و جایی پیدا نَکِردِنِه. تنها جایی که مَتُنِسِنِه بَمونِن، جایی بِ اِ که حِوونا رِ نگهداری مِکِردِنِه. اونجه مریم خوش کُته رِ بِداشته و او رِ طِویله دِله بُخُسِنیًه، چون اِ وِ جای بُخُتن نِداشته. اِ نوم رِ عیسی وِشتِنه.

![](https://cdn.door43.org/obs/jpg/360px/obs-en-23-06.jpg)

اون شو چوپونایی که صحرا دِلِه خوش گلهها رِ مواظبت مِکِردِنِه. یَکدَفِه فرشته ای نورانی بین اوشِن ظاهر بِوِاِ و اوشِن رِ ترس و وحشت بِگِتِه. فرشته اوشِن رِ بُگُتِه: نَتَرسِن. ، چون من شِمِوِ مژده ای دامِّه. مسیح که خداوند وعده بِدااِ در بیت لحِم دنیا بِمِ اِ.

![](https://cdn.door43.org/obs/jpg/360px/obs-en-23-07.jpg)

»بَشِن اِ دنبال بَگردِن و یَک نوزاد پیدا هاکونّی قنداق دِلِه دِپیتِه و طویلِه دلِه بُخُسِنّی پیدا هاکُنِی. « یکدَفِه یک عالم فرشته های آسِمونی بمنِه این فرشته ور. اونا در مورد ستایش خدا مُخونینِه و مُگُتِنِه: »خدا آسمون دلِه جلال بو و زمین سر صلح و آروکی برای مردمی که خدا به اوشِن لطف دانِه. «

![](https://cdn.door43.org/obs/jpg/360px/obs-en-23-08.jpg)

پس فرشته ها اونان رِ ترک هاکردِنِه و چوپونا هم خوش گله ها رِ بُوُردِنِه اون محلی که عیسی اونجِه دَوِاِ و نوزادی بِدینِه که طویلِه دله بُخُتِه بِ اِ. دُرُس هَمِنتی که فرشته بُگُته اونا خلِه هِیجان زده بِوِنِه. چوپونون وِگِردِنِه خوش گله های وَر و خدا رِ پرستش و ستایِش هامکِردِنِه بخاطر اونچِه که بِدینِه.

![](https://cdn.door43.org/obs/jpg/360px/obs-en-23-09.jpg)

بعد اون مردمی از مشرق زمین که سِتاره شِناس و خَلِه حکیم بِنِه، یک عجیبِ ستاره آسمون دِلِه بِدینِه. اونا بُفَهمِ سِّنِه که پادشاه جدید یهود به دنیا بِمِ اِ. بِنابَراین مِسافَتِ زیادی رِ از خوش سرزمین طی هاکُردنِه برای بّدیَّنِ این کُتِه. اونا بِمِنِ بِیت لَحِم و خونه ای که عیسی با خوش پِر و مار زندگی هامکردِه پیدا هاکُردنِه.

![](https://cdn.door43.org/obs/jpg/360px/obs-en-23-10.jpg)

وقتی اون مَردمون دانشمند عیسی رِ با خوش مار بِدینِه، زانو بِزِنِه و او رِ پرستش هاکردنِه. اونا هدیه های گرونقیمتی عیسی رِ هدانِه و وِگِردینِه خوش خونه.

*آسِنِکی از کتاب مقدس: انجیل متی فصل۱و انجیل لوقا فصل۲*

## 24. یوحنا عیسی رِ تَعمید دِنِه

https://openbiblestories.org/l/srz/story-24/

![](https://cdn.door43.org/obs/jpg/360px/obs-en-24-01.jpg)

یوحنا، زَکَزیا و اِلیزابِت پِسِر مِهین بِوِاِ و پیامبریوِ برگُزیدِه بِوِاِ. او بیایون دِلِه زندگی هامِکِردِه، عسل صحرایی و مَلِخِک مُخوردِه و پشم شترِ لباس تن هامکردِه.

![](https://cdn.door43.org/obs/jpg/360px/obs-en-24-02.jpg)

خَله از مردم مِمِنه بیابون یوحناوَرو اِ حرفها را گوش هامِکِردِنِه. او اوشنو پَند مِدااِ و مُگُتِه: »توُوِه هاکُنین، چون خدا اِ پادشاهی نزدیکه. «

![](https://cdn.door43.org/obs/jpg/360px/obs-en-24-03.jpg)

چون مردم یوحنا اِ پیام رِ مُشنینِه، از خَلِه از گناها تووِه هامِکِردنِه و یوحنا اوشن رِ او اِ با تعمید مِدااِ. خَلِه از رهبرای مذهبی هم مِمِنه یوحنا اِ وِ ولی خوش گناها رِ مُقُر مِنِمِنه و تووِه مِنِکِردِنِه.

![](https://cdn.door43.org/obs/jpg/360px/obs-en-24-04.jpg)

یوحنای تعمیددهنده به رهبرای مذهبی مُگُتِه: »ای دُم درازی سمّی! تووِه هاکُنین و خوش رِفتارِ تغییر هادین. خدا هر داری رِ که خار میوِه نیوُره، اِورینِه و آتِش دِلِه دَر اِنگِنِه. « یوحنا پیشگویی پیامبرون رِ به پایان برسنیه که بُگُتِبِنِه: »هیشن مو الان خوش پیام آوِرِ رِ تِ پیش رِسِّمِه تا تِ وِ راه رِ هموار هاکُنِه. «

![](https://cdn.door43.org/obs/jpg/360px/obs-en-24-05.jpg)

بعضی از رهبرای مذهبی یوحنا اِ جا بُپُرسینِه: »آیا تو مسیح هَسّی؟ « یوحنا جواب هِدااِ: »مو مسیح نیمِه، اما بعد مو یکی آنه که اِ مقام مِتون بالاتره. اَنِّه که مو شایسته نیمه اِ بند کفش رِ وا کنم. «

![](https://cdn.door43.org/obs/jpg/360px/obs-en-24-06.jpg)

روز بعد عیسی تعمید او اِوِ بِشِ اِ یوحنای تعمید دهندهِ وَر. وقتی یوحنا او رِ بِدیِه، بُگُتِه: »او همون خدا ورِه هَسِّه که گناه همه دنیا رِ گیرِنِه. «

![](https://cdn.door43.org/obs/jpg/360px/obs-en-24-07.jpg)

یوحنای تعمیددهنده عیسی رِ بُگُتِه: »مُو لیاقِت نِدامِه تو رِ تَعمید هادم. تو وانه مَرِ تَعمید هادی. « اما عیسی بُگُتِه: »مَرِ تعمید هادِه، چون کار درست همینه. « بِنابراین یوحنا عیسی رِ تعمید هِدااِ، با این که عیسی هرگز گناهی نکِرده.

![](https://cdn.door43.org/obs/jpg/360px/obs-en-24-08.jpg)

اون موقع که عیسی بعدِ تَعمید او اِ با در بِمِ اِ، خدا اِ روح کوترواری پِدیدار بِوِاِ و پایین بِمِ اِ و اِ رو قرار بِکِنِه و همون وقت، از آسمون خدای نِدا بِرِسیِه که : »اومِ پِسِر هَسِّه که او رِ دوس دامه و او با راضیم. «

![](https://cdn.door43.org/obs/jpg/360px/obs-en-24-09.jpg)

خدا یوحنا رِ بُگُتِه بِ اِ: »روحالقدس شخصی که تو او رِ تعمید هادی پیش آنه، اون شخص خدا اِ پسرِ. « خدا یکی هَسِّه و وقتی که یوحنا عیسی رِ تعمید هِدااِ، خدای پر صدا رِ بُشنیِه. خدای پسر یعنی عیسی رِ بدیه و روحالقدس رِ شکل کوتر بِدیِّه.

*آسِنِکی از کتاب مقدس: کتاب انجیل متی باب۳، کتاب انجیل مرقس باب۱آیه۹تا۱۱، کتاب انجیل لوقا باب۳آیه۱تا۲۳*

## 25. شِیطون عیسی رِ وسوسه هاکونِه

https://openbiblestories.org/l/srz/story-25/

![](https://cdn.door43.org/obs/jpg/360px/obs-en-25-01.jpg)

بعد تَعمیدِ عیسی، روح خدا او رِ بُوُردِه بیابون. جایی که او مُدِّتِ چِل شَبونِه روز، روزه بِگِتِه. بعد شیطون، عیسی پیش با بِمِ اِ و او رِ وسوسه هاکردِه تا گناه هاکُنِه.

![](https://cdn.door43.org/obs/jpg/360px/obs-en-25-02.jpg)

شیطون عیسی رِ وسوسه هاکردِه و بُگُتِه: »اگه خدای پسر هَسّی، سَنگارِ بِ اُ نون بَوِن تا تو بتونی بخوری! «

![](https://cdn.door43.org/obs/jpg/360px/obs-en-25-03.jpg)

عیسی جواب هِدا اِ: خدا کَلوم دله بِنِشتِه »اِنسون زِنِّه بُمونِسِ نِو فقط نون نِوانِه، بلکه به هر کلومی که خِدا دُهون بُوریم بِ دانه! «

![](https://cdn.door43.org/obs/jpg/360px/obs-en-25-04.jpg)

یعد شِیطون او رِ بُوردِه بالاترین جاب مَعبِد و بُگُتِه: »تو اگه خدایِ پِسِری، خوشتنِ اینجِه با دُمبدَه پایین؛ چون خدا کتاب مقدسِ دِلِه بُگُتِه: »خدا خوش فرشتهها رِ دَسّور دنِه تا تَرِ حَمل هاکُنِن، مِبادا خوش لِنگ رِ سَنگ ِبزنی. «

![](https://cdn.door43.org/obs/jpg/360px/obs-en-25-05.jpg)

ولی عیسی اونچه که شیطون بُگُتِه رِ عَمِل نکرده و جواب هِدااِ: خدا خوش کَلوم دلِه خوش قوم رِ دِسّور هِدااِ: »خداوِند خوش خدا رِ اِمتحون نَکُنا. «

![](https://cdn.door43.org/obs/jpg/360px/obs-en-25-06.jpg)

بعد شِیطون او رِ بُوردِه قله بُلِنِ کوه و همه کِشورهای جهون و قُدرِت و ثِروِتِ اوشِن رِ او رِ نِشون هِد اِ و بُگُتِه: »اگه زانو بزنی و مَرِ پرستش هاکونی، همه اینارِ بَخشِمِ تَرِ. «

![](https://cdn.door43.org/obs/jpg/360px/obs-en-25-07.jpg)

عیسی جواب هِدااِ: مُبا دور بِوا ای شیطون! خدا خوش کلوم دِلِه خوش قُوم رِ فرمون هَدا اِ که: »فقط خوش خداوند خدا رِ پرستش هاکون و فقط او رِ خِدمِت هاکون. «

![](https://cdn.door43.org/obs/jpg/360px/obs-en-25-08.jpg)

شِیطونِ وسوسه نتونِسه عیسی رِ دام دَر اِنگنه. پس شِیطون او رِ ترک هاکُرده و فرشته ها بِمِنِ عیسی رِ خدمت هاکُردِنه.

*آسِنِکی از کتاب مقدس: کتاب انجیل متی باب۴آیه۱تا۱۱، کتاب انجیل مرقس باب۱آیه۱۲و۱۳، کتاب انجیل لوقا باب۴آیه۱تا ۱۳*

## 26. شروع خِدمِت عیسی

https://openbiblestories.org/l/srz/story-26/

![](https://cdn.door43.org/obs/jpg/360px/obs-en-26-01.jpg)

بعد از مسلط بِوِن به شیطون وسوسهها، عیسی وِگِردیِه به خوش مَحِل زندگی جَلیل. روحالقدس عیسی رِ قُوِّتِ فِراوون مِدِااِ و او تعلیم وِ این مکان اون مکان مِشِ اِ و همه با نیکی دروارِه او یاد هامِکِردِنِه.

![](https://cdn.door43.org/obs/jpg/360px/obs-en-26-02.jpg)

عیسی بِشِ دهِ ناصِرِه که خوش خوردِکی رِ اونجا سِپِری هاکُردِه بِ اِ. شَبّاتِ روز او بِش اِ پرستشگاه. رهبرای مذهبی کتاب اشعیای نبی نسخه ها رِ چند تا او رِ هِدانِه تا بَخونِّه، پس عیسی طومار رِ واکِردِه و بعضی قِسمِتها رِ مردمو بُخُونیِّه.

![](https://cdn.door43.org/obs/jpg/360px/obs-en-26-03.jpg)

او هِنتی بُخونیِه: »خدا خوش روح رِ مِ رو وِستِه بشتِه تا مو خَوِرِ خوشی رِ بینوایون و اعلام هاکونِم. او مَرَ بَرِسیِه تا اسیران رِ آزادی، کورا رِ چِشن و ستم بِدی رِ رِهایی بُوَخشِم. چون وقتِ رحمِت خدا به آدِما بِرِسیِّه. «

![](https://cdn.door43.org/obs/jpg/360px/obs-en-26-04.jpg)

بعد عیسی بِنیشتِه و همه با دَقِّت او رِمیشنیه. اونا دونِسِنِّه اون قسمِت از کتاب مقدس، مسیح موعود رِ اشاره هاکونِه. عیسی بُگُتِه: »کلامی که شمِوِ بُخُونیمِّه، الان درِ انجام بُونِه. « همه مردم تعجب هاکُردِنِه و بُپُرسینِه: »مگه این شخص یوسف پِسِر نیه؟ «

![](https://cdn.door43.org/obs/jpg/360px/obs-en-26-05.jpg)

بعد عیسی بُگُتِه: »راس راسی که یک پیامبر خوش زادگاه دله شناخته بِوِه نیه. اونوقتی که ایلیای پیامبرِ دُوره سُه سال و نیم وارش نِواریه، با اینکه بیوه زن اسرائیل دله زیاد بِنه، خدا ایلیا رِ بِرِسّیِّه کمکِ پیرزنی که دیار دیگِری زندگی مِکِردِه. « مِکِردِه. «

![](https://cdn.door43.org/obs/jpg/360px/obs-en-26-06.jpg)

و هِنتی ادامه هدا اِ که: »الیشع پیامبر دُوره، خله آدمای در اسرائیل بیماریِ پوسیِ دچار بِوِنِه. ولی اِلیشَع هیچکدوم اینا رِ شِفا ندا اِ. او فقِط نَعمانِ سوری، اسرائیل دُشمِن فرماندِه رِ از اون بیماری نَجات هَدا اِ. « شنوندهها که یَهودی بِنِه، این حرفا رِ بشنینِه اِ با خشم بِگِتِنِه.

![](https://cdn.door43.org/obs/jpg/360px/obs-en-26-07.jpg)

ناصِرِه مردم، عیسی رِ از پرستشگاه بوریم بِکِشینِه و بُوُردِنِه یک صخره لب تا او رِ از اونجِه دُمبَدِن پائین. ولی عیسی اوشِن میون رد بِوِاِ و ناصِرِه رِ ترک هاکُردِه.

![](https://cdn.door43.org/obs/jpg/360px/obs-en-26-08.jpg)

بعد عیسی به سراسر جلیل بِشِ اِ. خَلِه از مردم اِ سو مِمِنِه و خلِه مِریض خوش هِمراه میّوردِنِه. اوشِن میون بعضی مَعلول، کور و کَر دَوِنِه، بعضی هم نتونِسِّنِه را بَشِن و حرف بَزِنِن. عیسی اوشِن رِ شفا مدانِه.

![](https://cdn.door43.org/obs/jpg/360px/obs-en-26-09.jpg)

همِنتی خَلِه رِ که روح پِلید گرفتار بِنِه میوردِنِه عیسی پیش. عیسی اِ دَسّور روح پِلید از مردم بُوریم مِشِ اِ. خَلِه از اونا فِریاد مِزِنِ: »تو خدایِ پِسِری! « و مردم با تعجب خدا رِ سِتایِش هامکِردِنِه.

![](https://cdn.door43.org/obs/jpg/360px/obs-en-26-10.jpg)

اون زمون عیسی دِوازده نفر رِ از میون خوش شاگِردون انتخاب هاکُردِه و اوشِن اسم رِ وشتِه رسولان. اونا عیسی همراه مُسافرِت هامِکِردِنِه اِ با یاد مِگِتِنِه.

*آسِنِکی از کتاب مقدس: کتاب انجیل متی باب۴آیههای۱۲تا۲۵، کتاب انجیل مرقس بابهای۱تا۳، کتاب انجیل لوقا باب۴*

## 27. سامِری نیکو اِ قصه

https://openbiblestories.org/l/srz/story-27/

![](https://cdn.door43.org/obs/jpg/360px/obs-en-27-01.jpg)

یِکروز یکی از استادونِ مذهبی عیسی پیش بِمِ اِ. او واسِّه ثابت هاکونِه که عیسی آموزشها اشتباهه. او بُپُرسیِّه: »اوسّا، آدم وانِ چُکُنِه تا زندگی همیشگی رِ بدست بیورِه؟ « عیسی جِواب هِدا اِ: »تورات کتاب دِلِه در این باره چی بِنِشتِه؟ «

![](https://cdn.door43.org/obs/jpg/360px/obs-en-27-02.jpg)

اون مرد بُگُتِه: »خداوند خدای خودِت رِ با همه دل و جون، با تموم قوِه و با تموم فکرت دوس دار. خوش همسادِه رِ خوش واری، دوس دار. « بعد عیسی بُگُتِه: »راس گونی! تو هم هَمِنتی هاکون تا زندگی جاودونی داری. «

![](https://cdn.door43.org/obs/jpg/360px/obs-en-27-03.jpg)

ولی اون عالِم مذهبی چون مِخاسِّه خوشتِن رِ پارسا نِشون هادِه، دووارِه بُپُرسیِّه: »مِ همسادِه کیه؟ «

![](https://cdn.door43.org/obs/jpg/360px/obs-en-27-04.jpg)

عیسی با یک قصه جواب اون رهبر مذهبی رِ هِدااِ: »مرد یهودی از اورشلیم به سمت اریحا در سفر بِ اِ.

![](https://cdn.door43.org/obs/jpg/360px/obs-en-27-05.jpg)

راه دِلِه، یاغی ها او رِ حملِه هاکُردِنِه و همه دارایی او رِ بِگِتِنِه، او رِ کُتِک بِزِنِه و نیمه جونِ تن رِ کِنار جاده ول هاکُردِنِه.

![](https://cdn.door43.org/obs/jpg/360px/obs-en-27-06.jpg)

بعدِ این جریان یک کاهن یهودی اونجِه با رَد مِوِاَ. بدیِه یک مرد جاده دِلِه بَکِتِه بِشِ اِ و نور جاده از یک راه دیگه خوش راه رِ ادامه هدااِ و او رِ کاملا ندیده بِگتِه. «

![](https://cdn.door43.org/obs/jpg/360px/obs-en-27-07.jpg)

کمی بعد یک لاوی از راه بِرِسیِّه.)لاویا قبیله ای از اسرائیلیها بِنِه که کاهنای یهود رِ کُمِک هامِکِردِنِه(. او هم بِشِ اِ سمتِ دیگرِ جاده و اون مرد رِ رسیدگی نَکِردِه.

![](https://cdn.door43.org/obs/jpg/360px/obs-en-27-08.jpg)

بعد مرد دیگری بِمِ اِ که سامِری بِ اِ.)سامریها و یهودیها از هم نِفرِت داشتِنِه(. با اینکه بِدیهِ مرد زخمی یهودی بِ اِ، ولی اِ دل اِ وِ بِسوتِه و اِ زخمها رِ بُشُشتِه، مَرهِم وشته و دِوِسِه.

![](https://cdn.door43.org/obs/jpg/360px/obs-en-27-09.jpg)

بعد مرد سامِری او رِ خوش الاغ سر سِوار هاکُردِه، او رِ بُوُردِه یَک مهمونخونِه و اونجِه اِ پَرِستاری هاکُردِه.

![](https://cdn.door43.org/obs/jpg/360px/obs-en-27-10.jpg)

»فِردای اونروز، سامری واسِّه خوش سفر رِ ادامه هاده. یَک مقدار پول مهمونخونه صاحب رِ هدااِ و بَکتِه: »اِ با مراقبت هاکون و اگر اِ خرج ویشتِه بِوِاِ، وقتی وِگِردیمِه تَرِ پرداخت هاکومِّه. «

![](https://cdn.door43.org/obs/jpg/360px/obs-en-27-11.jpg)

بعد عیسی از اون عالم مذهبی بُپُرسیِّه: »اَسا فکر هاکونی کُمین یکی از اون سُه نفر، همسادِه اون مردی بِنِه که اِ با دُزّی هاکِردِنِه و به او حملِه هاکُردِنِه؟ « عالم مذهبی جواب هِدااِ: »اونکِه اِ وِ دل بسوزنیِّه. « عیسی او رِ جواب هِدااِ: »تو هم بُشُو و هِمین کار رِ هاکون. «

*آسِنِکی از کتاب مقدس: کتاب انجیل لوقا باب۱۰آیههای۲۵تا۳۷*

## 28. پولدارِجِوون

https://openbiblestories.org/l/srz/story-28/

![](https://cdn.door43.org/obs/jpg/360px/obs-en-28-01.jpg)

یَکروز یَکی از سرانِ ثِروتمِند بِمِ اِ عیسی اِ پیش و اِ با بُپُرسیِّه: »اُسّایِ نیکو، چُکُنم تاَ زِندِگی جاودونی رِ بِدَس بیوُرِم؟ « عیسی بُفَرمیِّه اِو رِ: »چُکا مَرِ نیکو بُخُنّی؟ در صورِتیکه، هیشکی جز خدا نیکو نیِه. اگه وانی زندگی جاوِدون داری، وانه خدا اِ دِسّورا رِ پِیرُوی هاکُنی. «

![](https://cdn.door43.org/obs/jpg/360px/obs-en-28-02.jpg)

او بُپُرسیِّه: »از کُمین یَک از فَرمونها وانِه پِیرُوی هاکُنِم؟ « عیسی جِواب هِدااِ: »قَتل نَکُنا، زِنا نَکُنا، دُزّی نَکُنا، دورو نَ آ، خوش پِر و مار رِ اِحتِرام وِل و هَمسا اِ رِ خوش واری دوس دار. «

![](https://cdn.door43.org/obs/jpg/360px/obs-en-28-03.jpg)

ولی اون مردِ جَوون بُگُتِه: »مو از وقتی کُتِه بِمِ همه اون فَرمونها رِ نگهداری هاکُردِمِه، اَسا دیگه وانِه چُکُنِم تا زندگی جاوِدون دارِم؟ « عیسی با مُحِبِّت او رِ هیشیِّه.

![](https://cdn.door43.org/obs/jpg/360px/obs-en-28-04.jpg)

و جِواب هدااِ: »اگه وانی بِهتِرین رِ انجام هادی، بُشو هرچه دانی بِروش و اِ پول رِ هادِه نیازمَندون تا ته گنجِ آسِمون دِلِه دِوُ نا زمینِ سر! بعد بُورو و مَرِ پیروی هاکون! «

![](https://cdn.door43.org/obs/jpg/360px/obs-en-28-05.jpg)

وقتی اون مردِ جَوون این حرف عیسی رِ بُشنیِّه، خَلِه ناراحِت بِوِاِ، چون او ثِروِتمِند بِ اِ و مِنِخاسِّه خوش دارایی و خوش اِندوختِه ها رِ از دست هادِه. او خوش رو رِ وِگاردِنیِّه و عیسی با دور بِوِاِ.

![](https://cdn.door43.org/obs/jpg/360px/obs-en-28-06.jpg)

بعد عیسی خوش شاگِردون رِ بُفَرماییه: »این رِ بَدونین که وارِد بِوِن یک ثِروِتمِند به پادشاهی خدا خَلِه دُشوارِ. باز هم گومِه، بُگذِشتِن شتر از سوراخ سوزِن راحت ترِ از وارد بِوِن یَک نَفِر دارا به پادشاهی خدا! «

![](https://cdn.door43.org/obs/jpg/360px/obs-en-28-07.jpg)

شاگِردون تَعَجُّب هاکُردِنِه این حرف رِ با عیسی بُشنینِه و بُپُرسینِه: »پس کی بُتونِه نَجات پیدا هاکونِه؟ «

![](https://cdn.door43.org/obs/jpg/360px/obs-en-28-08.jpg)

عیسی شاگِردون رِ هیشیِه و بفرمائیه: »اِنسون نَتونِه خوشتِن رِ نِجات هادِه، ولی خداِ پیش همه چی ممکِنِه. «

![](https://cdn.door43.org/obs/jpg/360px/obs-en-28-09.jpg)

پِترُس عیسی رِ بُگُتِه: »اِ ما خوشتِنِ همه چی رِ دست بِکِشیمی تا ته پیرو بِویم، اِسا اِ مِه پاداش چِچیِه؟ «

![](https://cdn.door43.org/obs/jpg/360px/obs-en-28-10.jpg)

عیسی جواب هِدا اِ: »هر که مِوِ از بِرا و خواخِر، پِر و مار و کُتِه، خونِه و زمین چِشم پوشی هاکُنِه، صد بِرابِر ویشتِه پیدا هاکونِه و حیات جاوِدون رِ بدَس اورِنِه. ولی خَلِه کسایی که اوِّلِنِه، آخِر بِوِنِه و خَلِه که آخرِنِه، اَوِّل بوُنِه. «

*آسِنِکی از کتاب مقدس: انجیل متی فصل۱۹آیه های۱۶تا۳۰، انجیل مرقس فصل۱۰آیه های۱۷تا۳۱، انجیل لوقا فصل۱۸آیه های۱۸تا۳۰*

## 29. خِدمِتکار سنگدِل

https://openbiblestories.org/l/srz/story-29/

![](https://cdn.door43.org/obs/jpg/360px/obs-en-29-01.jpg)

یَکروز پترس عیسی با بُپُرسیِّه: »ااوسّا، بِراری که مو با بدی هاکونِه، چند بار وانِه بُووَخشِم؟ آیا هَف بار؟ « عیسی بُفَرمیِه: »هَف بار نا، هِفتاد هَف بار! « عیسی واسِه اِ ما رِ بُفَهمونِه که وانِه همیشه بُوَخشیم. بعد عیسی این داستان رِ بُگُتِه.

![](https://cdn.door43.org/obs/jpg/360px/obs-en-29-02.jpg)

او بُگُتِه: »پادشاهیِ خدا عِینِ پادشاهی هَسِّه که وانِه خوش خِدمِتکارا با خوش حسابها تسویِه هاکونِه. بدهی یکی از اون خِدمِتکارا بِرابِر دَسمُزِّ۲۰۰۰۰۰سال کار بِ اِ.

![](https://cdn.door43.org/obs/jpg/360px/obs-en-29-03.jpg)

چون خِدمِتکار نَتونِسِّه این مقدار بِدِهی رِ پراداخت هاکونِه، پادشاه دَسّور هِدا اِ در مقابِل اِ بدهی، او رِ با اِ زن و کُتِه و اِ همه دارایی بِرُشِن.

![](https://cdn.door43.org/obs/jpg/360px/obs-en-29-04.jpg)

ولی اون مرد خوشتِن رِ دُمبِدا اِ پادشاه لِنگ سر و التماس هاکُردِه و بُگُتِه: »ای پادشاه خواهش هاکومِّه مَرِ وقت هادین تا مو خوش همه بِدِهی رِ تا آخِر پرداخت هاکُنِم. « پادشاه دِل اِو بِسوتِه، پس او رِ آزاد هاکُردِه و اِ بِدِهی همه رِ بُوَخشیِّه.

![](https://cdn.door43.org/obs/jpg/360px/obs-en-29-05.jpg)

ولی وقتی اون خِدمِتکار پادشاه دربارِ با بوریم بِمِ اِ، یکی از خوش همکارا رِ بِدیِه که اندازه چهار ماه دَسمُز او رِ بِدِهکاره. پس اِ گِلو رِ فُشار هدا اِ و بُگُتِه: »خوش بِدِهی رِ مرِ پرداخت هاکون. «

![](https://cdn.door43.org/obs/jpg/360px/obs-en-29-06.jpg)

اِ بِدِهکارِ دوست اِ لِنگ سر دِکتِه و بُگُتِه: »خواهِش هاکومِه مرِ مُهلَتی هادِه تا مو تِ همه بِدِهی رِ پس هادِم. « اِما طَلِبکار راضی نَوِاِ و خوش همکار رِ تا پرداخت هاکُردِنِ همه بِدِهی دُمبِدااِ زِندون.

![](https://cdn.door43.org/obs/jpg/360px/obs-en-29-07.jpg)

وقتی اِ دوسّا این ماجِرا رِ بُشنینه، خَلِه ناراحِت بِوِنِه و بِشِن پادشاه پیش، ماجِرا رِ اِوِ بُگُتِنِه.

![](https://cdn.door43.org/obs/jpg/360px/obs-en-29-08.jpg)

پادِشاه فوری اون مرد رِ بِخاسِّه و بُگُتِه: »ای خادِم شَرور! مو تِ خواهِش خاطِر اون بِدِهی مِهین رِ بُوَخشیمِه. تو هم واسِّه هِمین کار رِ با خوش همکار مِکِردی. « پادشاه خَلِه عصبانی بِوِاِ و دِسّور هِدا اِ او رِ دُمبَدِن زِندون تا همه بِدِهی رِ نِدا اِ، او رِ آزاد نَکُنِن.

![](https://cdn.door43.org/obs/jpg/360px/obs-en-29-09.jpg)

بَعد عیسی بُفَرمیِه: »اگه شِما خوش بِرار رِ از ته دل نَوَخشین، مِ آسمانی پِر هم شِما با هَمِنتی رِفتار هاکونِه. «

*آسِنِکی از کتاب مقدس: انجیل متی فصل۱۸آیه های۲۱تا۳۵*

## 30. عیسی مسیح پنج هزار نَفِرِ خوراک دِنِه.

https://openbiblestories.org/l/srz/story-30/

![](https://cdn.door43.org/obs/jpg/360px/obs-en-30-01.jpg)

عیسی رَسولان رِ برای بِشارت و آموزش بِرِسیِه بِه خَلِه روستاها. بعد از وِگِردیِّن، اونا عیسی رِ از کارهایی که هاکِردِه بِنِه آگاه هاکُردِنِه. بعد عیسی اوشِن رِ بُوردِه خلوتِ جا نزدیکی دِریاچه نا یِک کَم اِستراحِت هاکُنِن. بِنابَراین همه بِشِنِ یَک قایِق دِلِه و بِشِن اون وَرِ رودخونِه.

![](https://cdn.door43.org/obs/jpg/360px/obs-en-30-02.jpg)

وقتی مردم بِدینِ عیسی و اِ شاگِردون قایق سوار بِوِنِ و اونجِه با دَرِشونِّ، لبِ دِریا شروع هاکُردِنِه دو به دو هاکُردِن تا قبلِ زاونا بَرِسِن اونور دِریا. بِنابراین وقتی که عیسی و اِ شاگِردون بِرِسینِ اونجِه، گروهِ مَهینی از مردم اونجِه چَش به راه اوشِن بِنِه و اوشِن استقبال هاکُردِنِه.

![](https://cdn.door43.org/obs/jpg/360px/obs-en-30-03.jpg)

اوشِن تِعداد جز زَنون و کُت کیزه نزدیک پنج هزار مرد بِنِه. عیسی مسیح دل اوشِنِو بِسوتِه، چون اوشِن مثلِ گوسفِندا بی چُپون بِنِه. پس شروع هاکُردِه اوشِن رِ آموزش هِدااِن و اونایی رِکه مِریض بِنِه، شِفا هِدااِ.

![](https://cdn.door43.org/obs/jpg/360px/obs-en-30-04.jpg)

شُومِ وقت شاگِردون بِمِنِ عیسی اِ پیش و بُگُتِنِه: »ای اوسّا، مردم رِ بَرِس خوشتن وِ خوراک فِراهِم هاکُنِن، چون این دُور اُفتادِه جا، هیچ چی خوردِن وِپیدا نِوِنِه. «

![](https://cdn.door43.org/obs/jpg/360px/obs-en-30-05.jpg)

ولی عیسی خوش شاگِردون بُگُتِه: »شِما خودِتون اُوشِن رِ خوراک هادین. « اونا جِواب هِدانِه: »چِتی بِتومی این جمعیت رِ سِر هاکونیم؟! اِما فقط پنج تا نون و دو تا خوردِ ماهی دامّی. «

![](https://cdn.door43.org/obs/jpg/360px/obs-en-30-06.jpg)

عیسی خوش شاگِردون رِ بِفَرماییه به مردم بَ اِ نِ که در گروههای پنجاه نفری سبزه سر بِنشیرِن.

![](https://cdn.door43.org/obs/jpg/360px/obs-en-30-07.jpg)

بعد عیسی پنج تا نون و دوتا ماهی رِ دست گته، آسمون رِ هیشییه و اونِ رِبرکت هدااِ.

![](https://cdn.door43.org/obs/jpg/360px/obs-en-30-08.jpg)

بَعد اون عیسی نونِها و ماهیها رِ تکه تکه هاکُردِه و اونا رِ هِدااِ خوش شاگِردونِ تا مردِم میون پخش هاکُنِن. شاگِردون مردم رِ خوراک هِدانِه و همه بُخوردِنِه و سِر بِوِنِه، اما هیچی اون خوراکیها با کم مِنِوِاِ.

![](https://cdn.door43.org/obs/jpg/360px/obs-en-30-09.jpg)

بعد شاگِردون خوراک بُمُونِسُه رِ جَم هاکُردِنِه وَهِنتی بِوِاِ که دِوازده تا سَبِد پُر بِوِاِ از بقیه پَنچ تا نون و دو تا ماهی.

*آسِنِکی از کتاب مقدس: انجیل متی فصل۱۴آیه های۱۳تا۲۱ ، انجیل مرقس فصل۶آیه های۳۱تا۴۴، انجیل لوقا فصل۹آیه های ۱۰تا۱۷، انجیل یوحنا فصل۶آیه های۵تا۱۵*

## 31. عیسی او سر راه مِشِ اِ

https://openbiblestories.org/l/srz/story-31/

![](https://cdn.door43.org/obs/jpg/360px/obs-en-31-01.jpg)

بعد اینکِه عیسی جَمعیِّت رِ خوراک هِدااِ، خوش شاگِردون رِ بُفَرمیه قایق رِ سِوار بَوِن و بَشِن اونورِ دریاچه، ولی خودِش مدِتِ کوتاهی اونجِه بُمُونِسِّه. پس اِ شاگِردون حرکت هاکُردِنِه و عیسی بعد اینکه مردم رِ روونِه هاکُردِه، بِشِه یک کوه بالا تا دُعا هاکُنِه. او اونجِه تنها بِ اِ و تا خَلِه از شو گذشته دعا هامِکِردِه.

![](https://cdn.door43.org/obs/jpg/360px/obs-en-31-02.jpg)

شاگِردون قایق دِلِه مشغول پارو بِزِن بِنِه، ولی وا اِ مُخالِف دِکِتِه و اونا تا نِصفِ شو فقط یک قِسمِتِ کمی از دریاچه را طِی هاکُردِنِه.

![](https://cdn.door43.org/obs/jpg/360px/obs-en-31-03.jpg)

اون موقع عیسی خوش دعا رِ تموم هاکُردِه و بِشِ اِ خوش شاگِردون طَرِف. او اوشِن قایق طرف او اِ سر قدم مِزِاِ.

![](https://cdn.door43.org/obs/jpg/360px/obs-en-31-04.jpg)

وقتی شاگِردون عیسی رِ بِدینِ، خَلِه بِتِرسینِه، چون فِکر هامِکِردِنِه یک روح هَسِّه. عیسی دونِسِّه اوشِن بِتِرسنِه، پس اوشِن رِ خِطاب هاکُردِه و بُفَرمییِه: »نَتِرسِن، مو هَسِّمِه. «

![](https://cdn.door43.org/obs/jpg/360px/obs-en-31-05.jpg)

بعد پِترُس عیسی رِ بُگُتِه: »سَروِرَم! اگه تو هَسّی، بُفَرما تا او اِسر ته طرِف بِ اِ مِ. « عیسی به پترس بُفَرمیه: »بُرو! «

![](https://cdn.door43.org/obs/jpg/360px/obs-en-31-06.jpg)

پس پتری قایق با بوریم بِمِ اِو سر راه دِکِتِه و عیسی اِ ور روونِه بِوِاِ. ولی بعد اینکِه مَسافِتی کَم رِ طی هاکُردِه، عیسی با رو رو وِگاردنیِّه و بُلِند بلند موج چَش بَدوتِه، اونوقت شِدید وا اِ قُدرِت رِ حس هاکُردِه.

![](https://cdn.door43.org/obs/jpg/360px/obs-en-31-07.jpg)

اون زمون پترُس رِ ترس بِگتِه و در حالی که دَوِاِ او دِلِه فُرو مِشِ اِ، فِریاد بِزِاِ: »مِ سرور مَرِ نجات هادِه! « عیسی به سرعت خوش دس رِ دراز هاکُردِه و او رِ بوریم بِکِشیِه. یعد عیسی پِترُس رِ بُگُتِه: »ای کم ایمون! چُکا به مو اعتماد نَکِردی تا در اَمون بمونی؟ «

![](https://cdn.door43.org/obs/jpg/360px/obs-en-31-08.jpg)

وقتی پترس و عیسی سوار قایق بِوِنِه، وا بِسّا اِ و او آروم بِگِتِه. شاگِردون که خَلِه تعجب هاکُردِنِه، عیسی رِ پرستش هاکُردِنِه و او رِ بُگُتِنِه: »راس راسّی تو خدا اِ پِسِری. «

*آسِنِکی از کتاب مقدس: کتاب انجیل متی باب۱۴آیههای۲۲تا۳۳؛ کتاب انجیل مرقس باب۶آیههای۴۵تا۵۲؛ کتاب انجیل یوحنا باب۶آیههای۱۶تا۲۱*

## 32. عیسی یک مردِ دیو بِزِ و یک مریض زن رِ شِفا دِنِه

https://openbiblestories.org/l/srz/story-32/

![](https://cdn.door43.org/obs/jpg/360px/obs-en-32-01.jpg)

یکروز عیسی و اِ شاگردون قایقِ با بِشِنه اونورِ دریاچه ، سرزمین جَدریان. وقتی بِرِسینِه خشکی خوش قایق با بوریم بِمِنِه.

![](https://cdn.door43.org/obs/jpg/360px/obs-en-32-02.jpg)

مردی اونجِه دَوِاِ که گرفتارِ ارواح پِلید بِوِاِ.

![](https://cdn.door43.org/obs/jpg/360px/obs-en-32-03.jpg)

اون مرد اَنَّه قوی بِ اِ که هیچکی نَتونِسِّه او رِ رام هاکونِه. چند بار او رِ زِنجیر هاکوردِنِه، ولی او زنجیرها رِ پاره هامِکِردِه.

![](https://cdn.door43.org/obs/jpg/360px/obs-en-32-04.jpg)

اون مرد اون ناحیه قبرای میون زندگی هامکِردِه. او شب و روز فِریاد مِزِاِ و اِ تن لباس دِنِوِاِ و خوشتِن رِ تِژِ سنگ ِبا زخمی هامِکِردِه.

![](https://cdn.door43.org/obs/jpg/360px/obs-en-32-05.jpg)

وقتی او بِشِ اِ عیسی اِ پیش، اِ بِرابِر زانو بِزاِ. عیسی اون دیو رِ دَسّور هِدااِ: »این مردِ با بُریم بُورو. «

![](https://cdn.door43.org/obs/jpg/360px/obs-en-32-06.jpg)

دیو فِریاد بُلِندی بِکِشیِه و بُگُتِه: »ای عیسی، خدای متِعالِ پِسِر، مو با چِچی خوانی؟ تو با خواهش دامِّه مَرِ عذاب نده! « بعد عیسی اِ با بُپُرسیِّه: »تِ نوم چیه؟ « او جِواب هِدااِ: »مِ نوم لِژیون هسِّه، چون اِ ما خَلِه هَسِّمی. « )لِژیون چند هَزار سِرباز ارتش روُم دِلِه بِ اِ.(

![](https://cdn.door43.org/obs/jpg/360px/obs-en-32-07.jpg)

دیوها عیسی با خواهش هاکُردِنِه: »اِ ما رِ این سرزمین با بوُریم نَکُنا. « اونجا یک گلِه خوک تَپِه بالا دَوِنِ چِرا هامِکِردِنِه. روحهای ناپاک عیسی رِ التماس هاکُردِنِه و بُگُتِنِه: »پس اِ ما رِ بَرِس خوکها دِلِه. « عیسی اِجازِه هِدااِ و بُفَرمیِه: »بَشِن. «

![](https://cdn.door43.org/obs/jpg/360px/obs-en-32-08.jpg)

دیوا اون مرد دِلِه بوریم بِمِنِ و خوک دِلِه بِشِنِ. همه اون خوکها که نزدیکِ دو هزار بِنِه، سرازیری تپه با دریاچه دِلِه دِکِتِنِه و غرق بِوِنِه.

![](https://cdn.door43.org/obs/jpg/360px/obs-en-32-09.jpg)

خوکبانایی که اون گلهها اِ نگهداری مِکِردِنِه، اون اتفاق رِ که بِدینِه شهر طرف دو بِدانِه و کارایی که عیسی هاکُردِه رِ مردم رِ خَوِر بِدانِه. مردم شهر بِمِنِ اون مرد دیوبِزِه رِ بِدینِ که آروم بِکِتِه، لباس تَن دِکِردِه و عاقِل نیشتِه.

![](https://cdn.door43.org/obs/jpg/360px/obs-en-32-10.jpg)

مردم که خَلِه بِتِرسینِه، عیسی با بِخواسِّنِه اونجِه رِ ترک هاکُنِه. پس عیسی قایِق رِ سِوار بِوِاِ. ولی اون مردی که قبلاً اسیر دیو بِ اِ، عیسی با خواهِش هاکُردِه اِ هِمراه بَشِه.

![](https://cdn.door43.org/obs/jpg/360px/obs-en-32-11.jpg)

ولی عیسی او رِ بُگتِه: »وَگِرد خوش خونِه و همه رِ بِ او که خدا تِوِ چِکِردِه و چِتی اِ رحمِت شامل حال تو بِوِاِ. «

![](https://cdn.door43.org/obs/jpg/360px/obs-en-32-12.jpg)

بِنابراین اون مرد بِشِ اِ با هرکی بِرابِر مِوِاِ، مُگُتِه که عیسی اِ وِ چِکِردِه. هر کی اِ داستان رِ مُشنیه تعجب هامِکِرده.

![](https://cdn.door43.org/obs/jpg/360px/obs-en-32-13.jpg)

عیسی وِگِردی اونور دِریاچه. بعد بِرِسّیِّن به اونجه، خَله ها اِ دور جمع بِوِنِ. میونِ این همه جمعیِت، زنی دَوِاِ که دوازده سال از خونریزی رنج مُوُردِه. او خوش همه دارایی رِ هزینه هاکُردِه و دکترا رِ هِدااِ، ولی اِحال بدتِر هم بِوِاِ.

![](https://cdn.door43.org/obs/jpg/360px/obs-en-32-14.jpg)

او بُشنی بِ اِ عیسی خَلِه از مریضا رِ شفا هِدااِ. پس خوش پیش بُگُتِه: »باوِر دامِّه اگِر فقط عیسی لباس رِ لمس هاکُنم، مو هم شِفا پیدا کومَّه. « اون زَن از میونِ جمعیت خوشتِن رِ بِرِسینِّه عیسی پشت و اِ قِبا رِ لمس هاکُردِه. همینکِه عیسی لباس رِ لمس هاکُردِه، اِ خونریزی قطع بِوِاِ.

![](https://cdn.door43.org/obs/jpg/360px/obs-en-32-15.jpg)

همون وقت عیسی متِوِجِه بِوِاِ که یک نیرویی اِ با خارج بِوِاِ. پس وِگِردیه و بُپُرسیِّه: »کی مِ لِباس رِ لمس هاکُردِه؟ « شاگِردون جِواب هِدانِه: »خَلِه از مردم از هر طرِف تَرِ فِشار مِدانِه، چُکا پُرسِنی کی مَرِ دس بِزِاِ؟ «

![](https://cdn.door43.org/obs/jpg/360px/obs-en-32-16.jpg)

اون زن هَمِنتی که از ترس مِلِرزیِه، عیسی پای جلو زانو بِزِاِ. بعد او رِ بُگُتِه چِکِرده و چتی شَفا پیدا هاکُردِه. عیسی او رِ بُگُتِه: »تِه ایمان تَرِ شِفا هِدااِ! بُشُو به سلامِت. «

*آسِنِکی از کتاب مقدس: انجیل متی فصل۸آیه های۲۸تا۳۴؛ فصل۹: آیه های۲۰تا۲۲؛ انجیل مرقس فصل۵؛ انجیل لوقا فصل۸ آیه های۲۶تا۴۸*

## 33. کشاورز قصه

https://openbiblestories.org/l/srz/story-33/

![](https://cdn.door43.org/obs/jpg/360px/obs-en-33-01.jpg)

یک روز عیسی دَوِاِ دریاچه کنار گروه زیادی از مردم رِ تعلیم مِدااِ. اوشِن اَنِّه زیاد بِنِه که عیسی جای کافی نِداشته که اوشِن با صحبت هاکُنِه. همین خاطِر سوار قایقی بِوِاِ که او کِنار دَوِاِ و از اونجِه مردم رِ تعلیم مِدااِ.

![](https://cdn.door43.org/obs/jpg/360px/obs-en-33-02.jpg)

عیسی این داستان رِ مردمِ وِ واگو هاکِردِه: »کشاوِرزی بِکاشتنِ تیمِ و بِشِ بوریم. هَمِنتی که تیم ها رِ هر طرف مِپاشِه، یک مِقدار بِکِتِه راه دله و پرنده ها بِمِن همه رِ بُخوردِنِه. «

![](https://cdn.door43.org/obs/jpg/360px/obs-en-33-03.jpg)

»بعضی سنگلاخ رو بکتنه که اِ سر رِ کمی خاک دپوشونیِّه. تیم ها اون کم عمق خاک جِر، خَلِه زود جوونه بِزِاِ. ولی اِ ریشه ها نَتونِسِّنِه خاک جر فرو بَشِ. بِنابراین وقتی آفتابِ داغ بِتابیه، همه بِسوتِنِه و از بین بَشِنِه. «

![](https://cdn.door43.org/obs/jpg/360px/obs-en-33-04.jpg)

»بعضی از تیم ها خار میون دِپاتِنِه. تیم ها با خارها با هم رشد هاکُردِنِه و ساقه های تازه گیاه خار فِشار جِر از بین بِشِنِه و هیچ محصولی نِدانِه.

![](https://cdn.door43.org/obs/jpg/360px/obs-en-33-05.jpg)

»بعضی از تیم ها خاک خوب رو بِکِتِنِه و هر تیم با سی، شصت و حتی صد بِرابِر بار بِمِ اِ. هر کی خوانه خدا رِ اطاعت هاکُنِه، مِ سُخِنا رِ گوش هادِه. «

![](https://cdn.door43.org/obs/jpg/360px/obs-en-33-06.jpg)

شاگُردون از بُشییِن این داستان گیج بِوِنِه. بعد عیسی اونا رِ هِنتی توضیح هِدااِ: »تیم، کَلومِ خدا اِ. گذرگاه، فردی هَسِّه که کلومِ خدا رِ اُشنونِه، ولی اون رِ درک نکونِه و شیطون کلوم رِ اِ با دزدی هاکونِه. در واقع شیطون نِلِنِه او کلوم خدا رِ درک هاکونِه. «

![](https://cdn.door43.org/obs/jpg/360px/obs-en-33-07.jpg)

»زمین سنگی، آدمی هَسِّه که پیغوم خدا رِ اُشنونِه، و اون رِ با خوشحالی قبول هاکونِه، ولی سختیهایِ وقت یا وقتی مردم او او رِ اذیت هاکونِن، خدا اِ با روگردون بِوِنِه. بِعبارِتی او از اعتماد به خدا دست گیرنِه. «

![](https://cdn.door43.org/obs/jpg/360px/obs-en-33-08.jpg)

»زمینی که از خار دپوشونیه، کسی هَسِّه که پیغوم رِ اُشنونِه، ولی دلواپسیهای زندگی و اِ دلبسته بِوِنِ به پول و بدست بیوردنِ چیزهای زیاد، بعد مُدِّتِ کوتاهی او رِ از عشق بُوَرزیِن به خدا جلوگیری هاکونِه. دیگه نتونه طبق اونچه که کلومِ خدا یاد بِگِتِه خدا رِ راضی هاکونِه. او مثل گَنُمهای خوشهای هسِّه که بار نَدِنِه. «

![](https://cdn.door43.org/obs/jpg/360px/obs-en-33-09.jpg)

»ولی زمین خوب، کسی هَسِّه که خدا پیغوم رِ اُشنونِه، باور هاکونِه و حاصل دِنِه. «

*آسِنِکی از کتاب مقدس: انجیل متی فصل۱۳آیه های۱تا۸؛ فصل۱۳آیه های۱۸تا۲۳؛ انجیل مرقس فصل۴آیه های۱تا۸؛ فصل ۴: آیه های۱۳تا۲۰؛ انجیل لوقا فصل۸آیه های۴تا۱۵*

## 34. عیسی مَثِلهای دیگِری تعلیم دِنِه

https://openbiblestories.org/l/srz/story-34/

![](https://cdn.door43.org/obs/jpg/360px/obs-en-34-01.jpg)

عیسی خَلِه داستانهای زیاد دیگِری درباره پادشاهی خدا مُگُوتِه. مثلاً هنتی مُگُتِه: »پادشاهی خدا مثل خردِل دانِه هَسِّه که یکنَفِر خوش مزرعه دِلِه بِکاشتِه. شَما خَله خوب دونِّنی که خردب دونه خوردترین دونهها هَسِّه. «

![](https://cdn.door43.org/obs/jpg/360px/obs-en-34-02.jpg)

»با این وجود وقتی خردل دونه رشد هاکونِه، از تموم گیاهای دیگِر باغ مِهین تر بونِه. اَنِّه که پرندهها شاخه میون دِلِه اِستراحِت هاکونِّه.

![](https://cdn.door43.org/obs/jpg/360px/obs-en-34-03.jpg)

عیسی داستان دیگهای بِیان هاکُردِه و بُگُتِه: »پادشاهی خدا مثل خمیرمایه ای هَسِّه که زنی اون رِ با آرد قاطی هاکونِه تا تموم خمیر دِلِه پخش بِوُ.

![](https://cdn.door43.org/obs/jpg/360px/obs-en-34-04.jpg)

»پادشاهی خدا مثل گنجی هَسِّه که یکنفِر اون رِ مزرعه دِلِه قایِم هاکُردِه بِ اِ. یَکنفِر دیگه اون رِ پیدا هاکُردِه و دُوارِه خاک جِر پنهون هاکُردِه و از ذُوق بِشِ اِ و هرچی داشته بِرُتِه تا پول کافی بِدست بیورِه و اون مزرعه ای که گنج اِ دِله دَوِاِ رِ بِخَرِه. «

![](https://cdn.door43.org/obs/jpg/360px/obs-en-34-05.jpg)

»پادشاهی خدا مثلِ یک قَشِنگمِرواریدِ خَلِه گَرون بَها هَسِّه که تاجِری اون مروارید رِ پیدا هاکُردِه و هرچه داشته بِروتِه تا با اِ پول اون رِ بِخَره. «

![](https://cdn.door43.org/obs/jpg/360px/obs-en-34-06.jpg)

اونجِه کَسایی دَوِنِه که فکر هامِکِردِنِه بخاطر خارِ کاراشون قبول بِوِنِه خداوند هَسِّنِه. اونا دیگرون رِ که خارِ کارا مِنِکِردِنِه خوار هامِکِردِنِه. پس عیسی اوشِنو این داستان رِ تعریف هاکُردِه: »دو نفر بِشِنِه مَعبَد تا دعا هاکُنِن. یکی از اونا رهبر مذهبی و دیگری باجگیر بِ اِ. «

![](https://cdn.door43.org/obs/jpg/360px/obs-en-34-07.jpg)

»رهبر مذهبی بِسّا اِ و هِنتی دعا هاکُردِه: »خدایا تَرِ شُکر هاکومِّه که مثل مردم دیگه، گناهکار، دُز، سِتِمکار، فاسد و حتی اِ واری باج گیر نیمه. «

![](https://cdn.door43.org/obs/jpg/360px/obs-en-34-08.jpg)

»هفته دو بار روزه گیرِمِّه و از همه پول و درآمِدی که به دست آوِرِّمِه، یَک دهم رِ تَرِ دِمِّه. «

![](https://cdn.door43.org/obs/jpg/360px/obs-en-34-09.jpg)

»ولی اون باجگیر از اون رهبر مذهبی دورتِر بِسّااِ و دعا اِ وقت حتی خوش سر رِ به طرف آسمون بُلِند نکردِه، بلکه با مشت خوش سینه رِ بِزِاِ، بُگُتِه: »خدایا مو با رحم هاکُون، چون مو گناهکارِمِه. «

![](https://cdn.door43.org/obs/jpg/360px/obs-en-34-10.jpg)

دُوارِه عیسی ادامِه هدااِ: »حقیقت رِ شِمارِ گُمِّه؛ خدا اون باجگیر دعا رِ بُشنیِّه و او رِ عادل بُشنیِّه و او رِ عادِل بُخونیِّه. خدا هر کی رِ که خود خواه بُو پست هاکونه و هر کی که خودِش رِ اُفتاده هاکُونِه سربلند هاکونِه. «

*آسنکی از کتاب مقدس: انجیل متی فصل۱۳آیههای۳۱تا۴۶؛ انجیل مرقس فصل۴آیههای۲۶تا۳۴؛ انجیل لوقا فصل۱۳آیههای ۱۸تا۲۱؛ فصل۱۸آیههای۹تا۱۴*

## 35. دلسوزِ پِرِ

https://openbiblestories.org/l/srz/story-35/

![](https://cdn.door43.org/obs/jpg/360px/obs-en-35-01.jpg)

یک روز عیسی خَلِه از مردِم رِ که اِ دور جمع بِوِنِه تا اِ با بُشنواِن، تعلیم مِدااِ. ویشتِرِ اونا باجگیرا و سائِرِه مردُمونی بِنِه که مِنِخاسَّنِه موسی شِریعت رِ اطاعِت هاکونِن.

![](https://cdn.door43.org/obs/jpg/360px/obs-en-35-02.jpg)

اما رهبرای مذهبی که اونجِه دَوِنِه، مِدینِه که عیسی چِتی گناهکارا اِ با مثل رُفِقایِ صِمیمی رِفتار هاکونِه. پس هَمدیگه رِ مُگُتِنِه که عیسی کار اشتباهی هاکونِه. وقتی عیسی اوشِنِه حرفها رِ بُشنیِه، این داستان رِ اوشِنو بازگو هاکُردِه.

![](https://cdn.door43.org/obs/jpg/360px/obs-en-35-03.jpg)

»یک مَردی بِ اِ که دو تا پِسِر داشتِه. یَک روز خوردِه پسِر خوش پِرِ بُگُتِه: »پِر، مو خوش اِرث رِ الان مَرِوانِه! « بِنایراین پِر اِ سَهم خوش دارایی با هِدااِ. «

![](https://cdn.door43.org/obs/jpg/360px/obs-en-35-04.jpg)

خَلِه نگذشته که پِسِرک هرچی داشته جمع هاکُردِه و بِشِ اِ خله سرزمینِ دوری و اونجِه با زندگی گُناه آلود همه رِ بر باد هِدااِ.

![](https://cdn.door43.org/obs/jpg/360px/obs-en-35-05.jpg)

خَلِه نگذشته اونجه ای که اون پِسِر دَوِاِ قحطی شَدیدی بِوِاِ و او دیگِر خرید خوراکِ وِ پولی نِداشتِه. بنابراین تنها کاری که اِ دس بَرمِم اِ یِعنی چِرا بُوِردِن خوکها مشغول بِوِاِ و اَنِّه درمونده و و وِشنابِ اِ خوکها اِ غذا با خوشتِن رِ سِر هامِکِردِه.

![](https://cdn.door43.org/obs/jpg/360px/obs-en-35-06.jpg)

آخِرسَر یک روز پِسِرِک خوشتِن پیشِ بُگُتِه: »مُو اینجِه چِکُمِّه؟ همه خِدمِتکارای مِ پِر غذا فراوون بِخُوردِنو دانِّه و مو اینجِه وشنایی با میرِمِّه. پس نزد خوش پر وگردمِّه و اِ با خوامِّه یکی از خِدمتکارا او بِوُم. «

![](https://cdn.door43.org/obs/jpg/360px/obs-en-35-07.jpg)

پس را دِکِتِه خوش پِر خونه طرِف. هنوز خوش پِر خونه با دور بِ اِ که اِ پِر او رِ بِدیه و اِ دل که حال با بِسوتِه و دو به دو بِشِ اِ اِ طرِفِ، او رِ کَشِه بِگتِه و او رِ خوش هِدااِ.

![](https://cdn.door43.org/obs/jpg/360px/obs-en-35-08.jpg)

پِسِر خوش پِر رِ بُگُتِه: »پِر، مو نسبِت به تو و خدا گناه هاکردِمِه و دیگه لیاقِت نِدامِّه ته پسِر بُوم. «

![](https://cdn.door43.org/obs/jpg/360px/obs-en-35-09.jpg)

ام اِ پِر یکی از خِدمِتکارا رِ بُگُتِه: »دُو بَدِن و بِهتِرین جومِه رِ خونه با بیورِن ومه پِسِر تن هاکونن. اِ دس انگشتِر و اِ لِنگ کفش دَکونِن و چاق گوگِزا بیورِن سَرِ بزنین تا جشن بِیریم و شادی هاکُنیم. چون مِ این پسِر، بُمُردِه بِ اِ و اِسا زِنِّه بِوِاِ. گُم بِوِب اِ و اِسا او رِ پیدا هاکردمِه.

![](https://cdn.door43.org/obs/jpg/360px/obs-en-35-10.jpg)

پس، همه اونا جشن مَهینی بِگِتِنِه. خَلِه نُگذشته بِ اِ که مِهین پسر که دَوِاِ مَزرعه کار هامکردِه و وِمِگِردیه خونه، رقص و آواز صِدا رِ بُشنیِه و کُنجکاو بِوِاِ چه اتفاقی دِکِته.

![](https://cdn.door43.org/obs/jpg/360px/obs-en-35-11.jpg)

وقتی مِهین پِسِر بُفَهمیِه پسرِک خونه وِگِردیه و این جشن رِ بِگِتِنِه، عصبانی بِوِاِ و مِنِخواسِّه خونه بِ اِ. اِ پِر بِمِ اِ بوریم و اِ خواهش هاکُردِه وَگردِه خونه و مهمونی شِرِکت هاکُنِه، اما او خوش پرِ خواسِّه رِ قبول نَکِردِه.

![](https://cdn.door43.org/obs/jpg/360px/obs-en-35-12.jpg)

مِهین پِسِر خوش پرِ بُگُتِه: »این همه سال تَرِ با وفاداری خِدمِت هاکُردِمِه! هیچوقت ته فرمون رِ سرپیچی نِکِردِمه و این همه وقت، مَرِ حتی یَک بزغالِه مَرِ ندایی که مو خوش دوسا با جشن بِیرُم. ولی این ته پِسِر ته ثِروِت رِ خوش گناه آلود را تَلِف هاکُردِه و اِسا که وگِردیه خونه بهترین چاقِ گو گِزا رِ اِوِ سر بُوریی تا جشن بِر پا هاکُنی. «

![](https://cdn.door43.org/obs/jpg/360px/obs-en-35-13.jpg)

اِ پِر جِواب هِدااِ: »پیر تو همیشه مِ کنار دَوی و مو هرچه دامِه تِه هَسِّه. وِلی الان بهترین کار اینه جشن بِیریم و خوشحالی هاکُنیم، چون ته بِرار بُمُرده بِ اِ و زِنِّه بِوِاِ و گُم بِوِ بِ اِ و پیدا بِوِاِ. «

*آسِنِکی از کتاب مقدس: انجیل لوقا فصل۱۵آیه های۱۱تا۳۲*

## 36. تغییر قیافه عیسی

https://openbiblestories.org/l/srz/story-36/

![](https://cdn.door43.org/obs/jpg/360px/obs-en-36-01.jpg)

یک روز عیسی سُ تا از خوش شاگردون یعنی پترس، یعقوب و یوحنا رِ بِگِتِه بِشِ اِ بُلِنِّ کوه سر تا با همدیگه دعا هاکُنِن.)یوحنایی که عیسی رِ تعمید هِدااِ، یکی دیگه بِ اِ.(

![](https://cdn.door43.org/obs/jpg/360px/obs-en-36-02.jpg)

دعا وقتِ، عیسی صورِت خورشید واری روشِن بِوِاِ و اِ لباس نورواری اِسپه بِوِاِ. هنتی اِسپه بِوِاِ که زمین سر اِ واری پیدا مِنِوِاِ.

![](https://cdn.door43.org/obs/jpg/360px/obs-en-36-03.jpg)

اونوقت موسی و ایلیا نِبی ظاهِر بِوِنِ. این مَردِمون، صدها سال پیش از این جِریان زمین سر زندگی هامِکِردِنِه. اونا عیسی با در مورد اِ بوموردن که خله زود اورشلیم دله پیش مِم اِ، صحبِت هامِکِردنِه.

![](https://cdn.door43.org/obs/jpg/360px/obs-en-36-04.jpg)

وقتی موسی و ایلیا عیسی با حرف مِزِنِه، پترس عیسی رِ بُگُتِه: »چَنِّه خوبه اَ ما اینجه دَرِمی. اِجازه هادِه سُ تا سایبون بسازیم ؛ یکی تِوِ، یکی موسی و یکی هم ایلیا وِ. « پترس ندونِسِّه چه چی گونِه.

![](https://cdn.door43.org/obs/jpg/360px/obs-en-36-05.jpg)

هنوز پترس حرفِ تموم نَوِاِ که ابری روشِن بِمِ اِ پایین و اوشِنِ دور بگتِه و نِدایی اِ دله در بِمِ اِ که: »این مِ عزیز پِسِر هَسِّه که اِ با راضیمه. اِ حرف رِ گوش هادِن. « سُ تا شاگرد ترِو بِکِتِنه زمین.

![](https://cdn.door43.org/obs/jpg/360px/obs-en-36-06.jpg)

عیسی دست به اوشِن بِشتِه و بِگُتِه: »پاسِّن و نتِرسِن. « اون زمون اونا هر طرِفِ هیشینِه، هیچکس دیگِری غیر عیسی رِ اونجِه نِدینِه.

![](https://cdn.door43.org/obs/jpg/360px/obs-en-36-07.jpg)

عیسی و اون سُ تا شاگِرد وگِردینِ کوه پایین. اون زمون عیسی اوشِن رِ بفرمیِه: »اِسا از این چیزا که بدینی هیچکس رِ هیچی نَ اِن. مو بزودی میرمِّه . دُواره زنِّه بومِّه. بعد اون بِتّونِنی دِگران رِ بَاِن چه چی بدینی. «

*آسِنِکی از کتاب مقدس: انجیل متی فصل۱۷آیههای۱تا۹، انجیل مرقس فصل۹آیههای۲تا۸، انجیل لوقا فصل۹آیههای۲۸تا۳۶*

## 37. عیسی ایلعازر رِ زِنِّه هاکونِه

https://openbiblestories.org/l/srz/story-37/

![](https://cdn.door43.org/obs/jpg/360px/obs-en-37-01.jpg)

مردی بِ اِ به نومِ ایلعازِر، او و اِ دو تا خواخر مریم و مَرتا، از رفقایِ نِزدیک و صمیمی عیسی بِنِ. یکروز، عیسی بُشنیِه که ایلعازر سخت مِریضِه. وقتی عیسی این خَوِر رِ بُشنیِه، بُگُتِه: »این مِریضی به مرگ او نَرِسِنِه، بلکه بزرگی و جِلالِ خدا، دیگَرانِو، در اون نِمایون بِوِنِه. «

![](https://cdn.door43.org/obs/jpg/360px/obs-en-37-02.jpg)

عیسی با اینکه اونا رِ دوس داشتِه، دو روز دیگه اونجهای که دَوِ اِ، بِمونِسِّه. بعد اینکه دو روز بُگذِشتِه عیسی خوش شاگِردون رِ بُگُتِه: »بِنِن وَگِردیم یَهودیِه. « ولی شاگِردون بُگُتِنِه: »ای اُسّا، همین چند روز پیش بِ اِ که یَهودیِه مردِم خواسِنِه تَرِ بَکُشِن! « عیسی بُگُتِه: »مِ رَفِق ایلعازِر بُخُتِه و انه او رِ بیدار هاکُنِم. «

![](https://cdn.door43.org/obs/jpg/360px/obs-en-37-03.jpg)

عیسی شاگِردون جواب هِدانِه: »خداوندا! اگِر او بُخُتِه، خار بُونه. « اونوقت عیسی خَلِه روشِن بُگُتِه: »ایلعازر بُمُردِه. خوشحالمِه که اونجِه دِنِوِمِه تا شما بِتونِن به مو ایمون بیورین. «

![](https://cdn.door43.org/obs/jpg/360px/obs-en-37-04.jpg)

وقتی عیسی بِرِسیِه شهری که ایلعازر در اون زِنِگی هامِکِردِه، چهار روز از ایلعازر بُمُردن بُگذشتِه بِ اِ. مرتا بِشِ اِ عیسی پیشواز و بُگُتِه: »سرورم! اَگِر اینجه دَوی مه، بِرار مِنِمُردِه. اما مو ایمون دامُّه هرچی تو با خدا بِخواهی، تَرِ بَخشِنِه. «

![](https://cdn.door43.org/obs/jpg/360px/obs-en-37-05.jpg)

عیسی جِواب هِدااِ: »مو قیامت و حیات هَسِّمِه. هر کی به مو ایمون بیورِه، حتی اگه بِمیرِه، زِنِّه بونه. هرکی به مو ایمون بیورِه، هیچوقت نِمیرِنِه. آیا تو به این حرفِ مو ایمون دارنی؟ « مرتا جواب هِدا اِ: »بله اوسّا، مو ایمون دامِّه تو عیسی خدا اِ پسِری. «

![](https://cdn.door43.org/obs/jpg/360px/obs-en-37-06.jpg)

بعد مریم بِرِسّیِه عیسی پیش و اِ لِنگ پیش دِکِتِه و بُگُتِه: »مِ سَرور اگه اینجِه دَوی، مه بِرار مِنِمُردِه. « عیسی اونای با بُپُرسیه: »او رِ کجه دفن هاکُردِنی؟ « اونان بُگُتِنِه: »یک مَقبِرِه دله. بُرو بِبین. « بعد عیسی بُرمِه هاکُردِه.

![](https://cdn.door43.org/obs/jpg/360px/obs-en-37-07.jpg)

ایلعازر قبر غاری بِ اِ که یک مِهین سنگ اِ دهنه جِلو وِشتِ بِنِ. وقتی عیسی بِرِسیِه مقبره اونا رِ بُگُتِه: »سَنگرِِ کِنار بَزِنین! « ولی مَرتا بُگُتِه: »چهار روز اِ مَرگ ِبا بُگذِشته. الان دیگه اِ جَسِد بو بِگِتِه. «

![](https://cdn.door43.org/obs/jpg/360px/obs-en-37-08.jpg)

عیسی جِواب هِدا اِ: »مگه مو نَگُتِم اگه به مو ایمون بیوری خدا جِلال رِ وینی؟ « بنابراین اونا سنگ رِ کِنار بِزِنِ.

![](https://cdn.door43.org/obs/jpg/360px/obs-en-37-09.jpg)

اونموقع عیسی آسِمون رِ هیشیِه و بُگُتِه: »پِر تَرِ شکر هاکومِه که مَرِ اوشنونی. دوِمِّه همیشه مَرِ گوش دِنی، ولی این رِ مَردم خاطِر که اینجه دَرِنِه گومِّه، تا ایمون بیورِن که تو مرِ بِرِسی. « بعد با صدای بُلِند بُفُرمائیه: »ایلعازر! بوریم بورو! «

![](https://cdn.door43.org/obs/jpg/360px/obs-en-37-10.jpg)

ایلعازر هَمِنتی که کفن اِ دور دِپیتِه بِ اِ، قبر با بوریم بِمِ اِ. عیسی اونا رِ بُگُتِه: »او رِ واکونن تا بِتونِه راه بَشِه. « خَله از یهودیا چون این معجِزِه رِ بِدینِه، عیسی با ایمون بیوردِنِه.

![](https://cdn.door43.org/obs/jpg/360px/obs-en-37-11.jpg)

ولی سرانِ مذهبی یهود حِسادِت هاکُردِنِه، پس دُور هم جمع بِوِنِه تا عیسی و ایلعازر قَتلِ و نقشه بَکِشِن.

*آسِنِکی از کتاب مقدس: انجیل یوحنا فصل۱۱آیه های۱تا۴۶*

## 38. خیانِت به عیسی

https://openbiblestories.org/l/srz/story-38/

![](https://cdn.door43.org/obs/jpg/360px/obs-en-38-01.jpg)

یهودیا هر سال عید پِسَخ رِ جشن مِگِتِنِه. این جشن اوشِن رِ یاد میوردِه که چِتی صد سالِ پیشُ خدا اوشِن پِرون رِ از بندگی مصر نِجات بوخشیِه. نزدیکِ سه سال بعد اینکه عیسی شروع به موعظه هاکُردِه، و همه رِ تعلیم مِدا اِ، خوش شاگِردون رِ بُگُتِه خوانِه اورشلیم اوشِن با عید پِسَخ رِ جشن بِیرِه. او اینِم بُگُتِه که اونجِه کشتِه بِوِنِه.

![](https://cdn.door43.org/obs/jpg/360px/obs-en-38-02.jpg)

یَهودا یکی از عیسی شاگِردون و خِزونه دارِ گروه بِ اِ. ویشتر وقتا هم از اون پولا دُزّی هامِکِردِه. بعد اینکه عیسی و اِ شاگُردون بِرِسّینِه اورشلیم، یهودا بِشِ اِ کاهن اعظم پیش و پیشنهاد هدا اِ در مقابل دِریافت پول عیسی رِ او دِنِه. او دونِسِّه رهبرای یهودی، مسیح بودن عیسی رِ باوِر ندانِّه و خواهونِ بُکُشتِنِ او بِنِه.

![](https://cdn.door43.org/obs/jpg/360px/obs-en-38-03.jpg)

سرانِ مذهبی یهود با رهبِری کاهن اعظِم، سی سِکِّه نقره او رِ هدانِه برای خیانِت یهودا و تحویل عیسی. هَمِنتی که انبیا پیشگویی هاکِردِنِه یهودا قبول هاکُردِه و پولِ بِگِتِه و روونِه بِوِاِ. از اون وقت او فرصِت دنبال دَوِاِ که عیسی رِتسلیمِ اوشِن هاکُنِه.

![](https://cdn.door43.org/obs/jpg/360px/obs-en-38-04.jpg)

عیسی در اورشلیم همراه خوش شاگِردون عید پسَخ رِ جشن بِگِتِه. شُم پسخ بخوردن وقت عیسی نون رِ پاره هاکردنِه و بُگُتِه: »بِیرین و بَخورین، این مه تَن هَسِّه که شما رِ دِنِّه. این رِ مه جا یاد بجا بیورین. « هنتی بِ اِ که عیسی بُگُتِه اوشِن خاطر جون دنه و اِ تن اوُشنو قوروُنی بوِنِه.

![](https://cdn.door43.org/obs/jpg/360px/obs-en-38-05.jpg)

عیسی در اورشلیم همراه خوش شاگِردون عید پسَخ رِ جشن بِگِتِه. شُم پسخ بخوردن وقت عیسی نون رِ پاره هاکردنِه و بُگُتِه: »بِیرین و بَخورین، این مه تَن هَسِّه که شما رِ دِنِّه. این رِ مه جا یاد بجا بیورین. « هنتی بِ اِ که عیسی بُگُتِه اوشِن خاطر جون دنه و اِ تن اوُشنو قوروُنی بوِنِه.

![](https://cdn.door43.org/obs/jpg/360px/obs-en-38-06.jpg)

بعد عیسی شاگِردون رِ بُگُتِه: »یکی از شماها به مو خیانِت هاکونِه. « شاگِردون تعجب هاکُردِنِه و بُپُرسینِه که کی دست به این کار هازِنِه. عیسی بُگُتِه: »اونکِه این لقمه رِ مِ با گیرِ نِ خیانتکاره. « بعد نون اِ هدا اِ یهودا رِ.

![](https://cdn.door43.org/obs/jpg/360px/obs-en-38-07.jpg)

بعد اینکِه یهودا نون رِ بِگِتِه، شیطون بِشِ اِ جِلدِ دله. او بِشِ اِ سران یهود پیش تا اوشِن رِ کُمِک هاکُنِه تا عیسی رِ دستگیر هاکُنِن. همه اینا شو اِتِفاق دِکِتِه.

![](https://cdn.door43.org/obs/jpg/360px/obs-en-38-08.jpg)

بعد اینکِه غِذا رِ بُخوردِنِ، عیسی و اِ شاگِردون بِشِنِ طرف کوه زِیتون. عیسی بُگُتِه: »اَمِشِه شما همه مَرِ تِنها وِلِّنی. چون بنشتِه که: »چوپون رِ زِمِه و همه گوسفندون پِراکنده بِوِنِه. «

![](https://cdn.door43.org/obs/jpg/360px/obs-en-38-09.jpg)

پترُس بُگُتِه: »حتی اگر همه تَرِ ترک هاکنِن، مو این کار رِ نَکومِّه. « عیسی او رِ بُگُتِه: »شُیطون خوانِه همه شما رِ خوشتِن طرِف هاکونِه. ولی مو تِو دعا هاکُردِمِه تا ته ایمون از بین نَشِه. با این وجود اَمِشِه تو قبلِ خروس خون، سه بار اِنکار هاکونی که مَرِ اِ شناسی. «

![](https://cdn.door43.org/obs/jpg/360px/obs-en-38-10.jpg)

پترس عیسی رِ بُگُتِه: »حتی اگِر بِمیرِم، ترِ اِنکار نَکومِّه. « بقیه شاگِردون هم همین رِ بُگُتّنِه.

![](https://cdn.door43.org/obs/jpg/360px/obs-en-38-11.jpg)

بعد عیسی و اِ شاگِردون بِشِنِ باغ جِتسیمانی. عیسی اونا رِ بُگُتِه دعا هاکونِن تا شیطون نَتونِّه اوشِن رِ وسوسه هاکُنِه و بِشِ اِ خَلوت تا دعا هاکُنِه.

![](https://cdn.door43.org/obs/jpg/360px/obs-en-38-12.jpg)

عیسی سُ بار هِنتی دعا هاکِردِه: »ای مِه پر، اگر ممکنِه اِجازه هادِ که این جام رنج رِ نَخورِم. اکا اگر راه دیگری برای بُوَخشینِه مردم گناهادَ نیه، پس تو ارادِه انجام بِو. « عیسی هنتی مضطرب بِ اِ که اِ عرق مثل قطرههای خون بِ اِ. خدا یک فرشته بِرِسیِّه تا او رِ تقویت هاکُنِه.

![](https://cdn.door43.org/obs/jpg/360px/obs-en-38-13.jpg)

بعد هر بار دعا عیسی وِمِگِردیِه خوش شاگِردون پیش، ولی اوشِن رِ بُخُتِه مِدیِه. سُوُمین بار که وِگِردیِه، بُگُتِه: »پاسِّن، اون شاگردِ خیانِتکار اینجِه درِ. «

![](https://cdn.door43.org/obs/jpg/360px/obs-en-38-14.jpg)

یَهودا همراه رهبرون یَهود، سربازان و جمعیتِ مِهینی بِمِنِ. اونا خوش هَمراه شمشیر و چماق حمل مِکِردِنِه. یهودا بِمِ اِ عیسی اِ طرف و بُگُتِه: »سلام ای اوسّا. « و او رِ خوش وینِه. این نشونه ای بِ اِ تا عیسی رِ به سران یهود برای دستگیری بِشناسونِه. عیسی او رِ بُگُتِه: »یهودا، آیا با یک خوش به مو خیانِت هاکونی؟ «

![](https://cdn.door43.org/obs/jpg/360px/obs-en-38-15.jpg)

وقتی که سربازا عیسی رِ دستگیر هاکُردِنِه، پترس خوش شمشیر رِ بِکِشیِه و کاهن اعظم خدمتکارِ گوش رِ بُوریه. عیسی او رِ بُگُتِه: »خوش شمشیر رِ غِلاف هاکون. مو بِتومه خوش پِرِ با درخواست کُمِک هاکُنِم که یک لشگر از فرشتهها رِ مِ کُمک بَرِسِه. اما وانِه او با اطاعِت هاکنِم. « بعد عیسی اون مردِ گوش رِ شِفا هِدا اِ و همه شاگردا فرار هاکُردِنِه.

*آسنکی از کتاب مقدس: انجیل متی فصل۲۶آیه های۱۴تا۵۶، انجیل لوقا فصل۲۲آیه های۱تا۵۳، انجیل یوحنا فصل۱۸آیه های ۱تا۱۱*

## 39. عیسی اِ محاکمه

https://openbiblestories.org/l/srz/story-39/

![](https://cdn.door43.org/obs/jpg/360px/obs-en-39-01.jpg)

نصفِ شو سربازا عیسی رِ بُوُردِنه کاهن اعظم خونه تا اِ با بازجویی هاکُنِن. پتروس هم دور دور اوشِن دِنبال مِمِ اِ. وقتی عیسی رِ بُوُردنَه خونه دِنیم، پتُرس خونه بوریم آتِشِ وَر بسا اِ تا خوشتِن رِ گرم هاکُنه.

![](https://cdn.door43.org/obs/jpg/360px/obs-en-39-02.jpg)

خونه دله سران یهود عیسی با بازجویی هامِکِردِنه. اوشن خله شاهدای اَلِکی رِ بیوردِنِه که تُهمِتهای نارِوا به عیسی مِزِنه. ولی، اوشن گفتهها با هم یکی نَوِاِ، بِنابراین رهبرای یهود نتونِسِّنه اِوِّ گناهی رِ ثابت هاکُنن/ عیسی هم هیچ حرفی نَزِاِ.

![](https://cdn.door43.org/obs/jpg/360px/obs-en-39-03.jpg)

آخر سرکاهن اعظم عیسی رِ هیشیّه وَ بُگُته: »اِ ما رِ بِاو، آیا تو مِسیح پسِر خدای زنده هَسّی؟ «

![](https://cdn.door43.org/obs/jpg/360px/obs-en-39-04.jpg)

عیسی بُگُته: »بله هَسِّمه و یَک روز مَرِ ویِنّنی که خدا رِ راسِّ دَسِّ طرف نیشتِمِه و از آسمون به زِمین وِگِردمِّه. « کاهن اعظم از او اونچه که عیسی بُگُته عصبانی بِوِاِ خوش لباس رِ پاره هاکُرده و با فِریاد به رهبرای دیگِر مذهبی بُگُته: »اِما شاهدای دیگِری رِ نیاز نِدامّی. همه بُشَنیمی که او بُگُتِه: مو خُدایِ پسِر هسِّم. رای شِما چیه؟ «

![](https://cdn.door43.org/obs/jpg/360px/obs-en-39-05.jpg)

رهبرای یهود همه در جواب بُگُتِنهِ: »او سِزاوار بُمُردِن هسِّه. « اُنموقع اِ چُشا رِ دِوِسِّنه، اِ صورِت تُف دُمبِدانه، او رِ بِزِنه و مسخره هاکُردنِه.

![](https://cdn.door43.org/obs/jpg/360px/obs-en-39-06.jpg)

پتروس بوریم خونه اِسّباب اِ کِنیزی اورِ بِدیه و او رِ بُگُته: »توهم عیسی با دَوِای. « پتروس اِنکارهاکُرده کمی بعد کِنیز دیِگری همین حرف رِ او رِ بِزِاِ و پتروس باز انکار هاکُرده. آخر سر کسایی که اونجه را اِسّابِنِ او رِ بُگُتِنِه: »دومّی تو یَکی از شاگردای عیسی هسّی، چون تو هم جلیلی هسّی. «

![](https://cdn.door43.org/obs/jpg/360px/obs-en-39-07.jpg)

اونوقت پتروس قَسِم بُخورده و بُگُته: »خدا مَرِ لَعنِت هاکونِه اگه این مرد رِ بشناسم. « همون لحظه دم طِلا بُخونیه و عیسی وِگردیه و پِتروس رِ هیشیِه.

![](https://cdn.door43.org/obs/jpg/360px/obs-en-39-08.jpg)

پتروس بش اِ و زار زار بَرمه بِزِرا. همون زمون یهودای خیانِتکار بِدیِه که رهبرای یهود عیسی را مِحکوم به مرگ هاکُردِنِه. غم و غصه او رِ سر گِته بِش اِ و خودکشی هاکُرده.

![](https://cdn.door43.org/obs/jpg/360px/obs-en-39-09.jpg)

اون روزا پیلاتس فرموندارِ رُومی یهودا سر حُکمرونی هامِکرده. سران یهود عیسی رِ بُوُردنِه اِ پیش. اوشن خاسّه این بِ اِ که عیسی رِ محکوم به مرگ هاکنن. پیلاتس عیسی جا بُپُرسیّه: » آیا تو پادشاه یهود هَسّی؟ «

![](https://cdn.door43.org/obs/jpg/360px/obs-en-39-10.jpg)

عیسی جواب هِدا اِ: »درست بُگُتی. اما مِ پادشاهی زمینه نیه. اگر هِنتی ب اِ مِ به پیرووُن مِوِ جنگ هاموکِردِنه. اِما مو به این جهان بِمِمِ تا حقیقِت رِ درباره خدا بَه همه بَ اِم. هر کس که حقیقت رِ دوس داره مِ حرف رِ گوش هاکونه. « پیلاتُس بُپُرسیِّه: »حِقیقِت چیِه؟ «

![](https://cdn.door43.org/obs/jpg/360px/obs-en-39-11.jpg)

پیلاتس بعد اینکه با عیسی گفت و شُنود هاکُرده، بِشِ اِ بوریم، جمعیت پیش و بُگُته: »مو گناهی در این شخص پیدا نِکردِمه که سِزاوار مرگ بو. « ولی سران یهود و جمعیت فریاد مِزِنِه: »او رو به صلیب بَکِشِن. « پیلاتس جِواب هِدا: »اِ اوگناهکار نیه. « ولی اونا این بار با صِدای بُلندتِری داد بِزِنه. بعد پیلاتس برای سُوُّمین بار بُگُفته: »او گُناهکار نیه. «

![](https://cdn.door43.org/obs/jpg/360px/obs-en-39-12.jpg)

پیلاتس از ترس اینکه شورش نِوُ، قِبول هاکُرده و عیسی رِ بِسپرده به خوش سربازا تا او رو بِه صلیب بَکِشِن. سربازای رومی عیسی رِ شِلاق بِزِنه و رِدای سلطِنِتی او رِ دِپوشین نینه و تاجی از کگ بَربچَه اِ سر وشتنه بعد به مسخره مُگُتِنه: »زِنِّه باد پادشاه یهود. «

*آسِنِکی از کتاب مقدس: انجیل متی فصل۲۶آیه۵۷و فصل۲۷آیه۲۶، انجیل مرقس فصل۱۴آیه۵۳و فصل۱۵، انجیل لوقا فصل ۲۲آیه۵۴و فصل۲۳آیه۲۵، انجیل یوحنا فصل۱۸آیه۱۲و فصل۱۹آیه۱۶*

## 40. عیسی به صلیب کشیده بِوِاِ

https://openbiblestories.org/l/srz/story-40/

![](https://cdn.door43.org/obs/jpg/360px/obs-en-40-01.jpg)

بعد اینکه سربازا عیسی رِ مسخِرِه هاکردِنِه، او رِ بُوُردِنِه بوریم تا به صلیب بَکِشِن. اونا او رِ مجبور هاکُردِنِه تا خوش صلیب رِ حمل هاکُنِه.

![](https://cdn.door43.org/obs/jpg/360px/obs-en-40-02.jpg)

سربازا عیسی رِ بُوُردِنِه جایی که اِ نوم جُلجُتا بِ )جمجمه یر(بِ اِ و اِ دس و لِنگ رِ صلیب سر میخکوب هاکردِنِه. ولی عیسی بُگُتِه: »ای پِر! این مردِم رِ بُوَخش، چون نَدونِّه چِکوُنِّه. « پیلاتِسِ دَسوری اِ بالا یرِ کِتیبه ای وِشتِنِه که اِ رو بِنِشتِنِه بِنِ: این هَسِّه پادشاه یَهود.

![](https://cdn.door43.org/obs/jpg/360px/obs-en-40-03.jpg)

بعد سربازا عیسی اِ لباسِ سر قُرعِه دُمبِدانِه. با این کار اون پیشگویی کتاب مقدس اِنجام بِوِ اِ که مُگُتِه: »مِ لباس رِ خوش میون تقسیم هاکُردِنِه و مِ قِبا سر قرعه دُمبِدانِه. «

![](https://cdn.door43.org/obs/jpg/360px/obs-en-40-04.jpg)

سربازا همون زمون دو تا دُز رِ هم مصلوب هاکُردِنِه و عیسی رِ صلیب سر اوشِن میون وِشتِنِه. یکی از اونا عیسی رِ مسخرِه هامکردِه، اما دیگری او رِ بُگُتِه: »تو خدا با نَتَرسی؟ اِ ما گناهکاریم، ولی این مرد بی گناهه. « بعد عیسی رِ بُگُتِه: »ای عیسی! مَرِ خوش پادشاهی وقت به یاد بیور. « عیسی او رِ جواب هِدااِ: »تو همین اَمروز مِ با بهشت دری. «

![](https://cdn.door43.org/obs/jpg/360px/obs-en-40-05.jpg)

سَرونِ مذهبی یهود و مردمی که اونجا دَوِنِ عیسی رِ مسخره هامکردِنِه و مُگُتِنِه: »اگه تو خدا پِسِری صلیب سر بورو پایین و خوشتِن رِ نِجات هادِه! بعد اِ ما به تو ایمان اورِمّی. «

![](https://cdn.door43.org/obs/jpg/360px/obs-en-40-06.jpg)

گرچه ظهر بِ اِ، اما یرتایر آسِمونِ اون منطقه تاریک بِوِاِ. این تاریکی محض تا سُ ساعِت ادامه پیدا هاکُردِه.

![](https://cdn.door43.org/obs/jpg/360px/obs-en-40-07.jpg)

بعد عیسی فِریاد بِزِاِ: »تموم بِوِ اِ. ای پِر، خوش روح رِ تِ دس اِ سپورمِّه. « بعد خوش سر رِ خم هاکِردِه و خوش روح رِ تسلیم هاکُردِه. وقتی جون هِدا اِ زِمین بِلِرزیِه و معبِدِ مِهین پرده که مردم رِ از حضور خدا جدا هامِکِردِه )قدس الاقداس(، از بالا تا پایین دو تِکِّه بِوِ اِ.

![](https://cdn.door43.org/obs/jpg/360px/obs-en-40-08.jpg)

عیسی با خوش بُمُردِن راهی رِ وا هاکُردِه تا مردِم بِتونِّن بَرِسِن خدا اِ حضور. وقتی نگَهبونِ رومی این حادثهها رِ بِدیِه، بُگُتِه: »راسی این مرد بی گناه بِ اِ. او خدا اِ پِسِر بِ اِ. «

![](https://cdn.door43.org/obs/jpg/360px/obs-en-40-09.jpg)

بعد دو تا از سرونِ یهود، نیقودیموس و یوسِف که ایمون داشتِنِه عیسی همون مسیحِ موعود هَسِه، بِشِنه پیلاتِسِ با بِخاسِنِّه عیسی اِ جسِد رِ تحویل بِیرِن. اوشِن جسد رِ با کَتون پارچه اِ با دِپیچینِه و وشتِنِه سنگی قَور دلِه و یک مِهین سنگ هم غِل هِدانِه تا قَورِ جلو تا دِوِسِّه بِوِ.

*آسِنکی از کتاب مقدس: کتاب انجیل متی باب۲۷آیههای۲۷تا۶۱، کتاب انجیل مرقس باب۱۵آیههای۱۶تا۴۷، کتاب انجیل لوقا باب۲۳آیههای۲۶تا۵۶، کتاب انجیل یوحنا باب۱۹آیههای۱۷تا۴۲*

## 41. خدا عیسی رِ از مُردِهها زِنِّه هاکونِه

https://openbiblestories.org/l/srz/story-41/

![](https://cdn.door43.org/obs/jpg/360px/obs-en-41-01.jpg)

بعد اینکِه سربازا عیسی رِ مصلوب هاکُردِنه، سرونِ قوم یُهود بِشِنِه پیلاتِس پیش و بُگُتِنِه: »عیسی الکی بُگُتِه سُ روز بعد از میونِ مُردِهها زِنِّه بُونِه. بِرای اینکه اِ شاگِردون نَتونِن اِ جسِد رِ بِدوزِّن، وانِه یکی رِ مامور هاکونیم تا سُ روز قَورِ نگهبونی هادِه. اگه بَتونِن اِ جَسِد رِ بَدُزِّن، اونوقت ادعا هاکونِّه که او از میونِ مردهها زِنِّه بِوِ اِ. «

![](https://cdn.door43.org/obs/jpg/360px/obs-en-41-02.jpg)

پیلاتُس بُگُتِه: »سربازایی خوش هِمراه بَوُرین و تا جایی که بِتونین قَورِ محافظت هاکُنین. « بِنابراین اوشِن سنگ قَور رِ مهر و موم هاکردنِه و سربازایی رِ اونجه به نگهبونی وِشتِنِه تا کسی نَتونِّه جسد رِ بَدُژِّه.

![](https://cdn.door43.org/obs/jpg/360px/obs-en-41-03.jpg)

چون روز بعد دَفنِ عیسی، یعنی روز شَبّات کار هاکُردِن ممنون بِ اِ، هیچکدوم از دوسّایِ عیسی نتونِسِّنِه اِ قَورِ سر بَشِن. ولی روز بعد سَحَرِ وقت، چَن تا از زَنون آماده بِوِنِه تا عیسی قَورِ سر بَشِن و عیسی جَسِدِ اِ عطری هاکُنِن.

![](https://cdn.door43.org/obs/jpg/360px/obs-en-41-04.jpg)

قبل اینکه زَنون بَرِسِن اونجِه، قَورِ کِنار زلزله اِ تُندی بِمِ اِ. فرشتهای از آسِمون بِمِ اِ پایین، سنگ ورودی قَور رِ غِل بِدا اِ کِنار و اِ سر بِنیشتِه. اون فرشته آسمون برق واری مِدِرِخشیِه. نگهبونا او رِ بِدینِه هِنتی بِتِرسینه که مُرده واری بِکِتِنِه زِمین.

![](https://cdn.door43.org/obs/jpg/360px/obs-en-41-05.jpg)

وقتی زنون برسینِه قَورِ سر، فرشته اُوشِن رِ بُگُتِه: »نَتِرسین! عیسی اینجٍه دَنیه. او هَمِنتی که وعده هِدا اِ از مردهها زِنِّه بِوِ اِ. قَور دِلِه رِ هیشینن و بِوینِن. « زنون قَورِ دِلِه رِ هیشینِه و جایی که عیسی تَن رِ وِشتِه بِنِه رِ بِدینِه، ولی جسدی رِ پیدا نکردِنِه.

![](https://cdn.door43.org/obs/jpg/360px/obs-en-41-06.jpg)

اونوقت فرشته به زنون بُگُتِه: »بَشِن و عیسی اِ شاگردون رِ بَ اِ ن عیسی از مردهها زِنِّه بِوِ اِ و قبل شما خوانِه بَشه جلیل. «

![](https://cdn.door43.org/obs/jpg/360px/obs-en-41-07.jpg)

زنون هَمِنتی که خوشحال و تعجب هاکردِ بِنِه، بِشِنِه شاگردای طرف تا خَوِر خوش رِ به اونا بَرِسِنِن.

![](https://cdn.door43.org/obs/jpg/360px/obs-en-41-08.jpg)

همنتی که زنون دوبهدو هامکردِنِه تا این خَوِر خوش رِ به شاگردون هادِن، یَکدفه عیسی اوشِنو ظاهر بِوِ اِ. اونا اِ بِرابِر سجده هاکُردِنِه. عیسی اونا رِ بُگُتِه: »نَتِرسین! بَشِن و مه شاگردون رِ بَ اِن بَشِن به جلیل و مَره اونجِه وینّی. «

*آسِنِکی از کتاب مقدس: کتاب انجیل متی باب۲۷آیه۶۲تا باب۲۸آیه۱۵؛ کتاب انجیل مرقس باب۱۶آیههای۱تا۱۱؛ کتاب انجیل لوقا باب۲۴آیههای۱تا۱۲؛ کتاب انجیل یوحنا باب۲۰آیههای۱تا۱۸*

## 42. وِگِردین عیسی به آسمون

https://openbiblestories.org/l/srz/story-42/

![](https://cdn.door43.org/obs/jpg/360px/obs-en-42-01.jpg)

روزی که خدا عیسی رِ از مردهها زِنِّه هاکردِه، دو تا از شاگردها همنتی که دَوِنِ مِشِنِ یکی از شهرهای نزدیک درباره اونچه عیسی وِ اتفاق دِکِتِه صحبِت هامِکِردِنِه. اونا امید داشتِنِه عیسی همون مسیح موعود بِو، ولی او کشته بِوِ اِ. اِسا زنون گونِّه او دِواره زِنِّه بِوِاِ، ولی شاگردا نَدونِسِنِه چی رِ باوِر هاکُنِن.

![](https://cdn.door43.org/obs/jpg/360px/obs-en-42-02.jpg)

عیسی به شاگردا نزدیک بِوِ اِ و اوشِن با حرف بِزِ اِ، ولی اونا او رِ نِشناسینِه. عیسی اوشِنِ با بُپُرسیِّه درباره چه چی صحبِت هامِکردِنِه. عیسی رِ بُگُتِنِه که اوشِن صحبت درباره اتفاقایی هَسِّه که این روزا عیسی وِ پیش بِمِ اِ. اونا فکر هامِکردِنِه عیسی یه غریبه هَسِّه که اتفاقای اورشلیم رِ خَوِر ندانِه.

![](https://cdn.door43.org/obs/jpg/360px/obs-en-42-03.jpg)

بعد عیسی اوشِن وِ توضیح هِدا اِ که کَلومِ خدا در مورد عیسی چه چی بُگُتِه بِ اِ. خَلِه وقت پیش پیامبرا بُگُتِه بِنِه که شرورا مسیح رِ شکنجه دِنِّه و او رِ کُشِنِّه، ولی او سُوُمین روز زِنِّه بُونِه.

![](https://cdn.door43.org/obs/jpg/360px/obs-en-42-04.jpg)

وقتی اون دو تا مرِد بِرِسینِه مقصِد، تقریبِن شو بِوّ اِ. اونا عیسی رِ دعوِت هاکُردنِه که شو اوشِن با بُمونِّه، او هم اوشِن با خونه دلِه وارد بِوِ اِ. وقتی سفره سر بِنیشتِنِه، عیسی نون رِ بِگِتِه و شکرگزاری هاکُردِه و نون رِ پاره هاکُردِه. یکدفِه اوشِن چَش وا بِوِ اِ و فوری او رِ بِشناسینِه. ولی عیسی همونوقت اوشِن نظِر ناپدید بِوِ اِ.

![](https://cdn.door43.org/obs/jpg/360px/obs-en-42-05.jpg)

اون دو تا همدیگه رِ بُگُتِنِه: »او عیسی بِ اِ، چونکِه وقتی کتاب مقدسِ مطلبا رِ تعریف هامِکردِه، رامِ دل مِتِپیِّه. « بعد بلافاصلِه وِگِردینِه اورشَلیم و وقتی که بِرِسینِه، شاگردا رِ بُگُتِنِه: »عیسی زِنِّه هَسِّه! اِ ما او رِ بِدیمی. «

![](https://cdn.door43.org/obs/jpg/360px/obs-en-42-06.jpg)

همون وقت که سرگرم حرف بِزِن بنِه، ناگهون عیسی اوشِن میون ظاهر بِوِ اِ و بُگُتِه: »سلامتی دارینِ! « شاگردون فکر هاکردِنِه روح بِدینِه، ولی عیسی بُگُتِه: »چا بِتِرسینی! شک دانّی مو عیسی هَسِّمِه؟ مِ دسا و لِنگا رِ هیشینین، ارواح مِ مواری تن ندانِه. « و برای اینکه اونا رِ نِشون هادِه که روح نیِه، از اونا بِخواسِّه یک چیزی هادِن او بَخورِه. اونا یه تِکِّه ماهی او رِ هِدانِه عیسی اون رِ بُخوردِه.

![](https://cdn.door43.org/obs/jpg/360px/obs-en-42-07.jpg)

عیسی بُگُتِه: »مو شِما رِ بُگُتِمِه که هرچه در کَلومِ خدا درباره مو بُگُتِه، بِ اِ وا نه اتفاق دَکِنِه. « اونوقت عیسی اونا رِ کمِک هاکردِه تا کلومِ خدا رِ بِهتر بُفَهمِن. او بُگُتِه: »از زمونای دور، پیامبرای کتاب دلِه بِنِشتِه بِ اِ مسیح موعود وانِه رنج و زحمت بِوینِه، بِمیرِه و روز سُوم از مردهها زِنِّه بِوو. «

![](https://cdn.door43.org/obs/jpg/360px/obs-en-42-08.jpg)

»پیامبرا این هم بِنِشتِنِه مِ شاگِردا خدا کَلوم رِ اعلام هاکونِه و همه رِ گونِّه که وانِه تووِه هاکُنن هرکی که تووه هاکُنِه خدا اِ گناها رِ آمرزِنِه. مِ شاگردا اعلام این پیغوم رِ از اورشلیم شروع هاکردنه و بعد بین همه قوم ها و همه جا شونه. شما شاهد حرفا، کارا و همه وقایعی که مِو پیش آنِه هَسِّنی. «

![](https://cdn.door43.org/obs/jpg/360px/obs-en-42-09.jpg)

عیسی در مدت چهل روز بعد زِنِّه بِوِن از مردهها، بارها خوشتن رِ شاگردونِو ظاهر هاکرده. او یکبار حتی هم زمون خودش رِ۵۰۰ نفرِو آشکار هاکرده. او روشهای مختلف با خوش شاگردون رِ ثابت هاکردِه که زِنِّه هسِّه و اوشِن رِ درباره خدا پادشاهی تعلیم مِدا اِ.

![](https://cdn.door43.org/obs/jpg/360px/obs-en-42-10.jpg)

عیسی به شاگِردون بُفرمیِه: »خدا تموم اختیارای زمین و آسمون رِ مَرِ هِدا اِ. پس بَشِن و همه قومها رِ مِ شاگرد بِسازِن و اوشِن رِ به نام پِر، پسر و روحالقدس تعمید هادین و اوشن رِ تعلیم هادان که چِتی همه دسورایی که شما رِ هِدامه اطاعت هاکنن. شمه یاد دِوو که مو همیشه با شما دَرِمِه. «

![](https://cdn.door43.org/obs/jpg/360px/obs-en-42-11.jpg)

چهل روز بعد اینکه عیسی از مردهها زِنِّه بِوِ اِ به خوش شاگردون بُفرمیِه: »اورشلیم دله بَمونِن تا مِ پرِ با برسینِه روح القدس، شما رِ قدرت هادِه. « بعد عیسی اوشِن چَش پیش به طرف آسمون بالا بِشِ اِ و یه ابر دله ناپدید بِوِ اِ. عیسی خدا راست دست بنیشتِه تا به همه چیز حکومِت هاکنِه. «

*آسنکی از کتاب مقدس: کتاب متی باب۲۸آیههای۱۶تا۲۰؛ کتاب مرقس باب۱۶آیههای۱۲تا۲۰؛ کتاب لوقا باب۲۴آیههای۱۳تا ۵۳؛ کتاب یوحنا باب۲۰آیههای۱۹تا۲۳؛ کتاب اعمال باب۱آیههای۱تا۱۱*

## 43. کلیسا شروعِ

https://openbiblestories.org/l/srz/story-43/

![](https://cdn.door43.org/obs/jpg/360px/obs-en-43-01.jpg)

بعد اینکه عیسی وِگِردیِه آسمون، اِ شاگردون هَمِنتی که عیسی دِسّور هِدا اِ اورشلیم دله بُمونِسِّنِه. ایموندارا مرتب جمع مِوِنِه تا دعا هاکُنن.

![](https://cdn.door43.org/obs/jpg/360px/obs-en-43-02.jpg)

یهودیا هر سال روز مهمی که اِ نوم پنتیکاست بِ اِ رِ جشن مِگِتِنِه که بِرابِر با پنجاهمین روز بعد عید پسخ بِ اِ. پنتیکاست، جشن یهودیان برای دِرو هاکُردن گَنِم بِ اِ. اونا از سراسر دنیا مِمِنه اورشلیم تا این جشن رِ با هم برگزار هاکنِن. اون سال جشن پنتیکاست حدودا یَک هفته بِشِنِ عیسی به آسمون اتفاق دِکتِه.

![](https://cdn.door43.org/obs/jpg/360px/obs-en-43-03.jpg)

وقتی همه ایموندارا دور هم جمع بِوِه بِنِه، ناگِهون صدایی مثل تُن وا بُشنینِه. بعد یک چیز مثل آتِش شعله واری اوشِن سر شُعله بِکِشیه. بعد همه اونان پُر بِوِنه از روح القدس و خدا اِ با زوونهایی که ندونستنه پرستش هامکردنه. روح القدس اوشِن رِ قدرت حرف بزِن به زوونها رِ بوخشی بِ اِ.

![](https://cdn.door43.org/obs/jpg/360px/obs-en-43-04.jpg)

وقتی مردمی که بِمِبِنِه اورشلیم، این صدا رِ بُشنیِه، دوور هم جمع بِوِنه تا بِوینِن چه اتفاقی دِکِتِه. اونا بُشنینه که ایموندارا کارهای مِهین خدا رِ اعلام هاکونِّه. اونا از این مطلب تعجب هاکردنه، چون مِتونِسِّنِه اوشن حرفا رِ بُفَهمِن. اونا اِ کشور دِلِه مردم زِوونهای مختلفی داشتنه. شاگردا اسرائیلی بنه و متونسنِه فقط به زوونهای آرامی، عبرانی و با یونانی حرف بزنِن. ولی اونا بُشنینه که شاگردون به زوون مادِری اونا کارای خدا رِ اعلام هامِکِردنِه.

![](https://cdn.door43.org/obs/jpg/360px/obs-en-43-05.jpg)

بعضی هم بُگُتِنِه: شاگردون مَس بِوِنِه. ولی پترس بِسّا اِ و اوشِن رِ بُگُتِه: »گوش هاکنن! این مردم مَس نینِه! بلکه این همون پیشگویی یوئیل نبی هَسِّه که خدا بگُتِه بِ اِ: »روزای آخِر مو خوش روح رِ بر تمامی بشر دِپاجِمِّه. «

![](https://cdn.door43.org/obs/jpg/360px/obs-en-43-06.jpg)

»ای قوم اسرائیل، عیسی شخصی بِ اِ که کارای خارقالعاده هامکردِه تا خوشتن رِ به اِ ما بشناسونِه. او کارای تعجب آوری خدا قدرت با انجوم هِدا اِ. شِما این رو دونّی، چون شاهد اِ کارها بِنی، ولی او رِ به صلیب بِکِشینی. «

![](https://cdn.door43.org/obs/jpg/360px/obs-en-43-07.jpg)

»عیسی بُمرده، ولی خدا او ریِ زنِّه هامکرده از میون مردهها. این همون پیشگویی پیامبری بِ اِ که بُگُتِه: تو نِلِنی که ته مقدس فرزنِّ تن قَورِ دله فاسد بِوِو. اِما شاهدمی که خدا عیسی رِ از میون مردهها زِنِّه هاکردِه. «

![](https://cdn.door43.org/obs/jpg/360px/obs-en-43-08.jpg)

خدا اِ پر الان عیسی رِ بلندترین جایگاه آسمون بعنی خوش دَسِ راست بنیش تِنیه. عیسی هَمِنتی که وعده هاکردِه روحالقدس رِ اِ مِو بِرِسّیِه. این کارایی که امروز وینی و اشنوننی رِ روحالقدس هاکردِه.

![](https://cdn.door43.org/obs/jpg/360px/obs-en-43-09.jpg)

»شما عیسی رِ مصلوب هاکردنی، ولی یقین بدونِن که خدا او رِ، خداوند و مسیح، تعیین بُفَرمیِّه. «

![](https://cdn.door43.org/obs/jpg/360px/obs-en-43-10.jpg)

مردم خَلِه تحت تاثیر پترس حرفا قرار بِگِتِنِه. بنابراین اِ با و دیگر شاگِردون با بپرسیِّه: »ای برارون، اِسا وانه چُکُنیم؟ «

![](https://cdn.door43.org/obs/jpg/360px/obs-en-43-11.jpg)

پترس جواب هِدا اِ: »اِ همه شِما به آمرزش گناه احتیاج دانّی. پس تووِه هاکُنین و عیسی مسیح نوم با تعمید بِیرِن. اونوقت خدا روحالقدس هدیه رِ به شِما هم بخشِنِه. «

![](https://cdn.door43.org/obs/jpg/360px/obs-en-43-12.jpg)

تقریباٍ۳۰۰۰نفر پترس حرفای با ایمون بیوردِنِه و عیسی شاگرد بِوِنِه. اونا تعمید او بِگِتِنِه و ایموندارا اورشلیم کلیسا جمعی بِوِنِه.

![](https://cdn.door43.org/obs/jpg/360px/obs-en-43-13.jpg)

ایموندارا همیشه دسورای تعلیمات رِ گوش مِدانِه. دور هم جمع مِوِنِه، با هم غذا مُخوردنِه و دعا هامِکِردنِه. اوشِن جمع دله خدا رِ پرستش هامکردنِه و هرچی داشتنِه با همدیگه شِریک مِوِنه. مردم درباره اونا با خوبی حرف مِزِنِه و هر روز تعداد ویشتری ایمون میوردنِه.

*آسنکی از کتاب مقدس: کتاب اعمال رسولان فصل۱آیه۱۲تا۱۴و فصل۲*

## 44. شفای گدا مردی توسط پترس و یوحنا

https://openbiblestories.org/l/srz/story-44/

![](https://cdn.door43.org/obs/jpg/360px/obs-en-44-01.jpg)

روزی پترس و یوحنا بِشِنِ پرستشگاه طرف. دروازه کنار فَلجِ مردی رِ بِدینِه که گدایی هامِکردِه.

![](https://cdn.door43.org/obs/jpg/360px/obs-en-44-02.jpg)

پترس اون فلج مردی رِ هیشیِّه و بُگُتِه: »مو هیچی پول نِدامِه تَرِ هادم. ولی اونچه که دامِّه، تَرِ دِمِه. عیسی نام، بابُلِن بِوا و راه بُشو. «

![](https://cdn.door43.org/obs/jpg/360px/obs-en-44-03.jpg)

خدا همون وقت اون مرد رِ شِفا هِدا اِ و او شروع هاکردِه راه بِشِن و اوشِنِ دور، خوشحالی هامکرده و خدا رِ پرستش هامِکردِه. مردمی که پرستشگاه حیاط دَوِنه، تعجب هاکردنِه.

![](https://cdn.door43.org/obs/jpg/360px/obs-en-44-04.jpg)

جمعیت زیادی به سرعت جمع بِوِنه تا اون مردی که شفا بِگِتِه رِ بِوینن. پترس به اون جماعت بُگُتِه: »از بِدینِّه شِفای این مرد تعجب نَکنین. اِما این مرد رِ با قدرت یا بخاطر دینداری خودمون شِفا نِدامی. بلکه این عیسی اِ قدرت هَسِّه که او رِ شِفا هدا اِ، چون اِ ما به او ایمون دامّی. «

![](https://cdn.door43.org/obs/jpg/360px/obs-en-44-05.jpg)

شِما کسایی هَسِّنی که فرماندارای رومیِ با بِخواسِّنی که عیسی را بَکُشِه. شِما اونکه همه رِ جون وخشنه رِ بُکُشتنی، ولی خدا او رِ از بین مردهها زِنِّه هاکردِه. گرچه شما ندونِسِّنی دَرِنی چَکار هاکونی، ولی پیشگویی پیامبرا رِ عَمِلی هاکردِنی که بگتِه بِ اِ مسیح وانِه عذاب بَکشه بعد بِمیره. خدا بِخاسِّه که هَنتی بِوو. پس توو هاکنین و به طرف خدا وَکردین تا او شمه گناها رِ پاک هاکُنِه. «

![](https://cdn.door43.org/obs/jpg/360px/obs-en-44-06.jpg)

وقتی رهبرای پرستشگاه پترس و یوحنا حرفا رِ بُشنیِه، خله عصبانی بِوِنه. بعد اوشِن رِ دستگیر هاکردنه و دُمبِدانِه زِندون. ولی خَلِه از اونا که پترس پیغوم رِ بُشنیِه، ایمون بیوردنِه و تعداد ایموندارا بِرِسیِّه به۵۰۰۰نفر.

![](https://cdn.door43.org/obs/jpg/360px/obs-en-44-07.jpg)

روز بعد، سران یهود و یوحنا اِ همراه فلج کردی بوردنِه به حضور کاهن اعظم و رهبرای مذهبی. اونا از پترس و یوحنا بُپرسینه: »با چه قدرتی این فلجِ مردی رِ شفا هِدانی؟ «

![](https://cdn.door43.org/obs/jpg/360px/obs-en-44-08.jpg)

پترس جواب هِدا: »اِ که این مرد که شِمه روبرو اِسا اِ عیسی مسیح قدرتِ با شفا بِگِتِه. شِما عیسی رِ به صلیب بِکِشینی، ولی خدا او رِ دِواره زِنِّه هاکرده! شِما او رِ رِد هاکردِنی، ولی راه نجات دیگری وجود ندانِه، جز به قدرتِ عیسی مسیح! «

![](https://cdn.door43.org/obs/jpg/360px/obs-en-44-09.jpg)

رهبِرای مذهبی تعجب هاکردنِه از پترس و یوحنا شجاعِت، چونکه اونا اشخاصی بی سواد و معمولی بِنِه. اونوقت به یاد بیوردِنِه که این مردا عیسی با دَونِه. پس اونا رِ بُکُتِنِه: »اگر بازم در مورد عیسی مردِم با حرف بزِنین، شِما رِ سخت تنبیه هاکومی. « اونا بعد اینکه پترس و یوحنا رِ تهدید هاکردنه، اونا رِ آزاد هاکردِنه.

*آسنکی از کتاب مقدس: کتاب اعمال رسولان فصل۳و فصل۴آیه۲۲*

## 45. استیفان و فیلیپُس

https://openbiblestories.org/l/srz/story-45/

![](https://cdn.door43.org/obs/jpg/360px/obs-en-45-01.jpg)

یکی از رهبرای کلیسا اون اوِلا، کسی بِ اِ به اسم استیفان که همه او رِ احترام وِمشتِنِه. روحالقدس او رِ قُدرِت و حکمت هِدا اِ بِ اِ. استیفان موجِزاتِ زیادی داشته و خَلهها اِ حرف با به عیسی ایمون بیوردِنِه.

![](https://cdn.door43.org/obs/jpg/360px/obs-en-45-02.jpg)

روزی که استیفان مَشغول تعلیم درباره عیسی بِ اِ، بعضی یهودیا که عیسی با ایمون نِداشتِنِه، شروع هاکُردِنِه جر و بحث با استیفان. اونا خَلِه عصبانی بِنِ و رهبرای مذهبی پیش درباره استیفان الَکی بُگُتِنِه: »اِما بُشنیمی که او درباره موسی و خدا، حرفای زشتی مُگُتِه. « پس رهبرای دینی، استیفان رِ دستگیر هاکُردِنِه و او رِ بُوردِنِه کاهِنِ اعظم و دیگر رِهبرای یهود پیش. بعد شاهدای دروغگوی ویشتری بِمنِه و درباره او دروغ بُگُتِنِه.

![](https://cdn.door43.org/obs/jpg/360px/obs-en-45-03.jpg)

کاهن اعظم استیفان با بپرسیِه: »آیا اونچِه این آدما تِه یارِه گونِّه حِقیقِت دانِه؟ « استیفان برای جواب هِدا اِ نِ به این سوال، حرفای زیادی کاهنِ اعظم رِ بُگُتِه. او بُگتِه خدا از ابراهیم موقِع تا عیسی دورِه، کارهای مِهین زیادی یهودیاو رِ هاکُردِه، ولی این قوم بارها نافَرمونی هاکُردِنِه. استیفان اوشِن رِ بُگُتِه: »شِما قوم سرسخت و در برابر خدا سرکش هَسِّنی. شِما همیشه روحالقدس رِ رد هاکردنی، دُرُس مثل اِ مه پِرون که همیشه خدا رِ رد هاکردِه و اِ پیامبِرون رِ بُکُشتِنِه. ولی شِما کار بدتری از اونا هاکردِنی، شِما مسیح رِ بُکُشتِنی! «

![](https://cdn.door43.org/obs/jpg/360px/obs-en-45-04.jpg)

وقتی رهبِرای مذهبی این حرفا رِ بُشنیِه، خَلِه عصبانی بِوِنِه، خوشتن گوش رِ بِگِتِنه و داد بِزِنِه. اونا استیفان رِ بِکِشینِه بوریم شهر و او رِ سنگسار هاکُردنِه تا بمیره.

![](https://cdn.door43.org/obs/jpg/360px/obs-en-45-05.jpg)

استیفان در حالی که جون مِدا اِ، داد بِزِ اِ: »ای عیسی! روحِ مَرِ قِبول هاکُن. « اون وقت به زانو در بِمِ اِ و دوواره داد بِزِاِ: »ای خداوند! این گناها رِ اوشِنو نِیرا. « و بعد جون هِدا اِ.

![](https://cdn.door43.org/obs/jpg/360px/obs-en-45-06.jpg)

از اونروز خَلِه از مردِم اورشلیم شروع به جفا و آزارِ طرفدارای عیسی هاکُردِنِه و ایموندارا به منطقههای دیگه فِرار هاکُردِنِه. ولی با همه این اتفاقا، اونا هرجا مِشِنِه درباره عیسی موعظه هامِکِردِنِه.

![](https://cdn.door43.org/obs/jpg/360px/obs-en-45-07.jpg)

یکی از عیسی اِ شاگردا با نام فیلیپُس همرته خَلِه دیگه از ایموندارون، در زمانِ جفا از اورشلیم فِرار هاکُردنِه. او بِش اِ سامِره، اونجِه درباره عیسی موعظه هاکردِه و خلِه از مردم اونجِه اِ نِجات هِدااِ. بعد یک روز فرشتهای از طرف خدا به فیلیپس امر هاکردِه تا بشِه به جادهای در بیابون. وقتی او اون جاده دِلِه دَوِاِ، یکی از مقامهای مهم حبشه رِ بِدیه که خوش ارابه با سفر هامکِردِه. روحالقدس به فیلیپس بُفرمیِه بَشِه اون مرد پیش و اِ با حرف بَزِنِه.

![](https://cdn.door43.org/obs/jpg/360px/obs-en-45-08.jpg)

وقتی فیلیپس به ارابه نزدیک بِوِاِ، بُشنیِه که اون شخص قسمتی از کتاب اشعیای نبی رِ خونِن. اونجِه که مُگُتِه: »گوسفَن واری که بُکُشتِنو بُورنه و و وَرهای که خوش پَشم چین پیش ساکِتِه و هیچ حرفی نَزِاِ، اِ با ناعادلانِه برخورد هاکردِنِه و احترام وِنِشتِنِه. اونا اِ جون رِ بِگتِنِه. «

![](https://cdn.door43.org/obs/jpg/360px/obs-en-45-09.jpg)

فیلیپُس از شخص حبشی بُپُرسیِّه: »بِتّونی اونچِه رِ که خونِنی بُفَهمی؟ « حبشی جِواب هِدااِ: »نه. نامونِتّومِّه بُفَهمِم، مَگِر اینکه یَکی مِو توضیح هادِه. خواهش هاکومِّه بوروم ور بِنشیر. آیا اشعیا این رِ درباره خودش بُگُتِه یا دیگِریو بُگُتِه؟ «

![](https://cdn.door43.org/obs/jpg/360px/obs-en-45-10.jpg)

فیلیپُس بِشِ اِ ارابه دله و اِ وَربِنیشتِه، بعد حبشی و توضیح هِدا اِ که اشعیا اون قِسمت رِ درباره عیسی بِنِشتِه. فیلیپس قِسمتهای زیادی از کلوم خدا رِ اِو توضیح هِدااِ و عیسی انجیل پیام رِ او رِ بِرِسینِّیه.

![](https://cdn.door43.org/obs/jpg/360px/obs-en-45-11.jpg)

در حالی که فیلیپُس و مرد حبشی پیش مِشِنِه، بِرِسینِه یک اِنّون اِو. مرد حبشی بُگُتِه: »هیشین اینجِه اِو دَرِ. آیا امکان دانِه تعمید بِیرم؟ « و به خوش خادِم دَسّور هِدااِ که ارابه رِ بِسِّنه.

![](https://cdn.door43.org/obs/jpg/360px/obs-en-45-12.jpg)

پس اونا بِشِنِ اِو دلِه و فیلیپُس مرد حبشی رِ تعمید هِدااِ. وقتی او اِجا بوریم بِمِنِه، یَکدِفِه روح القدس فیلیپُس رِ بوردِه یک جای دیگه. فیلیپُس اونجه به موعظه درباره عیسی ادامه هِدااِ.

![](https://cdn.door43.org/obs/jpg/360px/obs-en-45-13.jpg)

مرد حبشی خوش سَفِرِ خوش خونه طَرِف ادامه هِدااِ. او از اینکه عیسی رِ بِشناسیِّه خوشحال بِوِاِ

*آسنکی از کتاب مقدس: کتاب اعمال رسولان باب۶تا۸*

## 46. پولس مسیحی بِوِنِه

https://openbiblestories.org/l/srz/story-46/

![](https://cdn.door43.org/obs/jpg/360px/obs-en-46-01.jpg)

مردی دَوِ اِ به نوم سولس که جِوونیها در حال بُکُشتِنِ استیفان، یهودیای لباس محافِظِت هامِکِردِه و به عیسی اِ یا ایمون نداشته. او مسیحیا رِ آزار هامِکِرده و اورشلیم دِلِه خونه به خونه مِشِ اِ تا مردون و زنون رِ دستگیر هاکنِه و دُمبَدِه زندون. کاهِنِ اعظم او رِ بُگُتِه که بَشِه شهر دمشق تا مسیحیا اونجِه رِ دستگیر هاکُنِه و به اورشلیم وگردونِه.

![](https://cdn.door43.org/obs/jpg/360px/obs-en-46-02.jpg)

بِنابراین سولس راهی دمشق بِوِاِ. قبل اینکه بَرِسِه اونجه، یک نورِ خَلِه روشِنی از آسمون اِ دور تا دور رِ بِگتِه و بِکِتِه زمین. سولس صدایی بُشنیه که او رِ بُگُتِه: »شائول، شائول، چُکا مو با جفا هاکونی؟ « سولس بُپُرسیِه: »سرورم، تو کی هسّی؟ « عیسی او رِ جواب هِدااِ: »مو عیسی هَسِّمِه. همون که او رِ آزار رِسِنی. «

![](https://cdn.door43.org/obs/jpg/360px/obs-en-46-03.jpg)

وقتی سولس خوش جا پاسّااِ، اِ چَش مِنِدّیِه. اِ دِوسا او رِ راهنمایی هاکردنه طرِف دمشق. سولس مُدِت سُ روز هیچی نابُخوردِه و نابنوشیِه.

![](https://cdn.door43.org/obs/jpg/360px/obs-en-46-04.jpg)

شهر دَمِشق دِلِه، شاگردی به نومِ حنانیا زندگی هامکردِه. خدا او رِ بُفَرمیِه: »بُشو خونه دله ای که سولس اونجِه سُکونِت دانِه. خوش دست رِ اِ رو وِل تا دووارِه بِوینِه. « ولی حَنانیا بُگُتِه: »خدای من! مو بُشنیمِه که این مرد چِتی به ایموندارا جِفا هاکُنِه. « خدا جِواب هِدا اِ: »بُشو! مُو او رِ انتخاب هاکُردِنِه تا به یهودیا و دیگر قبیله ها مِ نوم رِ اعلام هاکُنِه. او مِ نومِ خاطر خَلِه رنج و مصیبت کِشِنِه.

![](https://cdn.door43.org/obs/jpg/360px/obs-en-46-05.jpg)

پس حنانیا بِشِ اِ سولس پیش و خوش دسا رِ اِ رو وِشتِه و بُگُتِه: »همون عیسی که ته راه سر ظاهر بِوِاِ، مَرِ بِرِسیِه تا تو خوش بینایی رِ دووارِه بِدَس بیوری و گُر بِوی از روحالقدس. « سولس بلافاصله بِتونِسِّه دووارِه بِوینه و حَنانیا او رِ تعمید هِدااِ. اونوقت سولس خوراک بخوردِه و اِ قدرِت وِگِردیِه.

![](https://cdn.door43.org/obs/jpg/360px/obs-en-46-06.jpg)

سولس فوری موعظه رِ یهودیاو شروع هاکُردِه و بُگُتِه: »عیسی خدا اِ پِسَرِ! « بهودیا تعجب زِده بِوِنِه، چون مردی که تلاش هامِکِردِه ایموندارا رِ از بین بَوُرِ، اِسا خودِش به عیسی ایمون بیوردِه! سولس با یهودیا جر و بحث هامِکِردِه. او ثابِت هاکُردِه که عیسی همون مسیحه.

![](https://cdn.door43.org/obs/jpg/360px/obs-en-46-07.jpg)

بعد چند روز، یهودیا قصدِ بُکُشتِن سولس رِ هاکُردِنِه. اونا کسایی رِ بِرِسینِه تا او رِ دروازه های شهر دَله پیدا هاکُنِن و بَکُشِن. ولی سولس اوشِن نیِت با آگاه بِوِاِ و رَفِقا او رِ یاری هاکُردَنِه تا فِرار هاکُنِه. یک شو او رِ دِنانه سَبِد دلِه و دیوار شهر با هِدانِه پایین. وقتی سولس دمِشق با فِرار هاکُردِه، دربارِه عیسی موعظه رِ ادامه هِدااِ.

![](https://cdn.door43.org/obs/jpg/360px/obs-en-46-08.jpg)

سولس بِشِ اِ اورشلیم تا رسولا رِ بِوینِه، ولی اونا اِ با بِتَرسینِه. اونوقت یک ایموندار به نام برنابا سولس رِ بورده رسولای پیش. او اوشِن رِ بُگُتِه که چِتی

![](https://cdn.door43.org/obs/jpg/360px/obs-en-46-09.jpg)

بعضی از ایموندارا که اورشلیم شهرِ جفا اِ با فرار هاکُردنه بِشِنه یک شهر دور به نوم انطاکیه و درباره عیسی موعظه هامِکِردنِه. ویشتر اهالی انطاکیه یهودی نَوِنِه، ولی برای اولین بار ایمون بیوردنِه. برنابا و سولس بِشنِه اونجه تا به ایموندارای تازه، درباره عیسی ویشتَر یاد بَدِن و کلیسا رِ تقویت هاکُنِن. انطاکیه دلِه بِ اِ که ایموندارای به مسیح رِ برای اولین بار »مسیحی« نوم وِشتِنِه.

![](https://cdn.door43.org/obs/jpg/360px/obs-en-46-10.jpg)

یک روز مسیحیای اَنطاکیِه مشغول دعا و روزه بِنِه که روحالقدس اوشِن رِ بُفَرمیِه: »برنابا و سولس رِ برای کاری که اوشِن رِ برای انجوم اون خَوِر هاکردمه، جدا هاکنین. « اونوقت کلیسای انطاکیه خوش دس رِ برنابا و سولس رو وشته و اوشِنو رِ دعا هاکردِه. بعد اونا رِ روونه هاکردنِه تا خَوِر خوش عیسی رِ جاهای دیگه موعظه هاکنن. برنابا و سولس به مردمای زیادی از قبیلههای مختلفی تعلیم هدانِه و خلهها به عیسی ایمون بیوردِنِه.

*آسنکی از کتاب مقدس: کتاب اعمال رسولان باب۸آیه۳؛ باب۹آیه۱تا۱۳؛ باب۱۱آیههای۱۹تا۲۶؛ باب۱۳آیههای۱تا۳*

## 47. پولس و سیلاس در فیلیپی

https://openbiblestories.org/l/srz/story-47/

![](https://cdn.door43.org/obs/jpg/360px/obs-en-47-01.jpg)

سولس وقتی که در تمام امپراطوری روم سفر هامِکردِه، تصمیم بِگِتِه از خوش رومی نومِ جا که پولس بِ اِ، استفاده هاکُنِه. یک روز پولس و اِ رَفِق سیلاس بِشِنِه شهر فیلیپی تا خَوِرِ خوش عیسی رِ اعلام هاکُنِن. اوشِن بِشِنِه رودخونِه ور که خارج شهر دَوِاِ. مردم اونجِه جمع مِوِنِه دعا هاکُنِن. اونجه اوشن زنی به نوم لیدیِه رِ ملاقات هاکُردِنِه که تاجر بِ اِ. او خدا رِ دوس داشته و او رِ پرستش هامِکِرده.

![](https://cdn.door43.org/obs/jpg/360px/obs-en-47-02.jpg)

خدا لیدیه رِ قدرِت هِدااِ که به عیسی ایمون بیورِه. پولس وسیلاس او رِ با خونوادِه تعمید هِدانِه. بعد او، پولس و سیلاس رِ دعوِت هاکردِه تا اِ خونه بُمونِّن و اونا اِ پییش بُمونِسِّنِه.

![](https://cdn.door43.org/obs/jpg/360px/obs-en-47-03.jpg)

پولس و سیلاس اَغلِب جایی که یهودیا دعا هامِکِردِنِه، مِشنِه مردمُ ملاقات. اونجِه کنیزی دَوِاِ که روح ناپاکی داشت و هر روز اُشِن دِمّال مِشِ اِ. او با کُمِکِ اون روح پلید، آیِنده رِ مَردُمِو پیشبینی هامِکردِه و از این راه بِعنوانِ غِیبگو، سود زیادی خوش اَربابا اِ قسمت هامکردِه.

![](https://cdn.door43.org/obs/jpg/360px/obs-en-47-04.jpg)

اون کنیز وقتی اوشِن راه مِشِنِه، داد مِزِاِ که: »این آقایون خِدمِتگزارانِ خدایِ متعال هَسِّنِه. اونا راهِ نَجات رِ شما رِ نِشون دِنِنِه. « او خَلِه روز این کارِ هاکُردِه تا اینکه حوصلِه پولس سَر بِمِ اِ.

![](https://cdn.door43.org/obs/jpg/360px/obs-en-47-05.jpg)

عاقِبِت یک روز وقتی که اون کِنیز داد بِزِاِ، پولس رو به او هاکُردِه و به روح کثیفی که اِ دِله دَوِاِ بُگُتِه: »به نومِ عیسی این دِ تِرک وُجود بُوریم بورو روح کثیف. « همون دم او رِ وِل هاکُردِه.

![](https://cdn.door43.org/obs/jpg/360px/obs-en-47-06.jpg)

عاقِبِت یک روز وقتی که اون کِنیز داد بِزِاِ، پولس رو به او هاکُردِه و به روح کثیفی که اِ دِله دَوِاِ بُگُتِه: »به نومِ عیسی این دِ تِرک وُجود بُوریم بورو روح کثیف. « همون دم او رِ وِل هاکُردِه.

![](https://cdn.door43.org/obs/jpg/360px/obs-en-47-07.jpg)

بِنابراین اربابای اون کنیز، پولس و سیلاس رِ بُوُردِنِه مِقاماتِ رُومی پیش. اونا پولس و سیلاس رِ کُتِک بِزِنِه و اونا رِ بُوُردنِه زندون.

![](https://cdn.door43.org/obs/jpg/360px/obs-en-47-08.jpg)

اونا پولس و سیلاس رِ دُم بِدانِه اون قسمِتِ زندون که ویشتِرین نِگهبون رِ داشتِه. اونا اوشِن لِنگا رِ هم با مِهین تکههای چو اِ با دِوِسُنِه. با این همه اوشِن نصفههای شو سرودهایی در ستایِش و پرستش خدا مُخُنّینِه.

![](https://cdn.door43.org/obs/jpg/360px/obs-en-47-09.jpg)

ناگِهون زلزِلِه شِدیدی بِمِ اِ! تمومِ درای زندون وا بِوِاِ و زنجیرایِ همه زندونیها بِکِتِه.

![](https://cdn.door43.org/obs/jpg/360px/obs-en-47-10.jpg)

پس زندونبان بیدار بِوِاِ و بِدیِّه که زندونای در وا بِوِاِ. او فکر هاکُردِه همه زندونیا فِرار هاکُردِنِه و از ترس مجازاتِ مرگ وسیلِ مِقامات رومی، تصمیم بِگِتِه خوشتِن رِ بَکُشِه. ولی پولس او رِ بِدیه و داد بِزِاِ: »خوشتِن رِ صدمِه نزن! اِما همه اینجِه دَرِمی. «

![](https://cdn.door43.org/obs/jpg/360px/obs-en-47-11.jpg)

زندونبان با ترس و لرز بِمِ اِ و سیلاس پیش و بُپُرسیِّه: »چُکُنِم تا نِجات پیدا کُنِم؟ « پولس جواب هِدائِه: »عیسی اِ خدا اِ با ایمون بیور. بعد تو و ته خونِوادِه نِجات پیدا هاکونّی. « بعد زندونبان، پولس و سیلاس رِ بُوُردِه خوش خونه و اُشِن زخما رِ بُشُشتِه. پولس خَوِر خوش عیسی رِ همه کسونی که اِ خونِه دَوِنِه، موعظه هاکُردِه.

![](https://cdn.door43.org/obs/jpg/360px/obs-en-47-12.jpg)

اون زندونبان و اِ همه اِ اعضای خونواده به عیسی ایمون بیّوردِنِه و پولس و سیلاس اونا رِ تعمید هِدانِه. اونوقت زندونبان پولس و سیلاس غِذا هِدااِ و اونا با هم شادی هاکُردِنِه.

![](https://cdn.door43.org/obs/jpg/360px/obs-en-47-13.jpg)

روز بعد رهبرای شهر، پولس و سیلاس رِ از زندون آزاد هاکُردنِه و اوشِن با مِخواسِّنِه تا فیلیپی رِ ترک هاکُنِن. پولس و سیلاس بِشِنِه لیدیه دیدِن و چندتا از خوش رُفَقا و بعد شهر رِ ترک هاکُردِنِه. خور خوش در مورد عیسی هَمِنتی گُستِرِش پیدا هامِکِردِه و رشد مِکِردِه.

![](https://cdn.door43.org/obs/jpg/360px/obs-en-47-14.jpg)

پوس و رهبرای دیگر مسیحی به شهرهای زیادی سَفِر مِکِردِنِه. اونا درباره خَوِر خوش عیسی تعلیم مِدانِه و موعظِه هامِکِردِنِه. اونا نامههای خلِه زیادی هم مِنِشتِنِه تا ایموندارا رِ کلیسا دله تعلیم هادِن و تشویق هاکُنِن. بعضی از این نامهها تبدیل بِوِاِ به کتابهایی از کتاب مقدس.

*آسنکی از کتاب مقدس: کتاب اعمال رسولان فصل۱۶آیه های۱۱تا۴۰*

## 48. عیسی مسیحایِ موعود هَسِّنِه

https://openbiblestories.org/l/srz/story-48/

![](https://cdn.door43.org/obs/jpg/360px/obs-en-48-01.jpg)

وقتی خدا دنیا رِ بِوجود بیوردِه، همه چی کامل بِ اِ و گناه وجود نِداشتِه. آدم و حوا همدیگر رِ دوست داشتِنِه و عاشِق خدا بِنِ. هیچ مریضی و مرگی دِنِ. این همون دنیایی بِ اِ که خدا مِخاسِّه.

![](https://cdn.door43.org/obs/jpg/360px/obs-en-48-02.jpg)

شیطون از طِریقِ دُم درازی که باغ دله دَوِاَ، حوا با حرف بِزِاَ، چون مخاسِّه او رِ گول بَزِنِه. بعد او و آدم گناه هاکردِنِه. بخاطر فرمون نَبردنِ اونا، همه مردم محکوم به بُموردن بِوِنِه.

![](https://cdn.door43.org/obs/jpg/360px/obs-en-48-03.jpg)

حتی آدم و حوا اِ گناهِو اِتفاقِ وحشِتناکتِری پیش بِمِ اِ. اونا دَشمِن خدا بِوِنِ. پس از اون وقت تا الان همه گناه هاکردِنِه. هرکِس از وقتی به دنیا آنِه دشمن خدا هَسِّه. میون خدا و آدِما رابطه صلح دِنِوِاِ، ولی خدا مخاسِّه صلح برقِرار بِوِا.

![](https://cdn.door43.org/obs/jpg/360px/obs-en-48-04.jpg)

خدا وعده هِدااِ یک نفر از نسل حوا شیطون سر رِ کوبونّونِه و شیطون اِ لِنگ کاب رِ نیش زِنِه. اِ معنی اینه که شیطون مسیح رِ کُشتِن، ولی خدا او رِ دُوارِه زنِّه هاکونِه. اونوقت مسیح موعود شیطون قدرِت رِ همیشِو از میون بُرِن. بعدِ سالهای زیاد، خدا آشِکار هاکُردِه که عیسی همون مسیحای موعود هَسِّه.

![](https://cdn.door43.org/obs/jpg/360px/obs-en-48-05.jpg)

خدا نوح رِ دَسّور هدااِ تا یک کشتی بِسازِه تا خوش خونواده رِ از طوفانی که وانِ بَرِسه نِجات هادِ. به این صورت خدا کسایی رِ که به او ایمون داشتنِه نجات هِدااِ. به همین صورت همه آدِما خوش گناهانِو سزاوارِ مرگ از طرِفِ خدا هَسّنِه، ولی خدا عیسی رِ بِرِسیِه که هرکی به او ایمون بیورده، او رِ نجات هادِه.

![](https://cdn.door43.org/obs/jpg/360px/obs-en-48-06.jpg)

تا صدها سال، کاهنا آدماو رِ به درگاه خدا قورونی هامِکِردِنِه. این کار مردُم رِ نشون هِدا اِ که گناه هاکُردنِه و سزاوارِ مجازات از طرِف خدا هَسّنِه. ولی اون قورونیها نَتونِسِّنِه باعث بُوَخشیِّنِ آدمای گناها بَوِن. عیسی کاهِنِ اعظم هَسِّه ا و کاری هاکردِه که کاهنا ناتِوون از انجام اون بنه. او خودش رِ فِدا هاکُردِه تا آدکای گناهانِو قربونی فراهم هاکونِه. او قِبول هاکردِه تا بخاطر گناهای همه آدِما مجازات بِوِو. هِمینِ خاطر عیسی کاهن اعظم هَسِّه.

![](https://cdn.door43.org/obs/jpg/360px/obs-en-48-07.jpg)

خدا ابراهیم رِ بُگُتِه: »از طِریقِ تو تموم قِبیلههای دنیا رِ بَرِکِت دِمِّه. « عیسی ابراهیم نسل بابِ. اَ خدا همه قومهای دنیا رِ ابراهیم وسیله برِکِت دِنِه، چون هرکی که به عیسی ایمون اُوِرنِه، گناه با نجات پیدا هاکونِه. وقتی این مردم به عیسی ایمون اورِنِّه، خدا اونا رِ ابراهیم نسلِ دونِه.

![](https://cdn.door43.org/obs/jpg/360px/obs-en-48-08.jpg)

خدا به ابراهیم بُفَرمیِه تا خوش پِسر اسحاق رِ اِ وِ قُروُنی هاکُنِه. ولی خدا وَرهای رِ اسحاق جا فراهِم هاکردِه تا قُورُنی بِوُ. اِ ما همه خوش گناهانِو سِزاوار مَرگِمی! ولی خدا عیسی رِ به دنیا بُوَختیِه تا جایِ اِ ما قُروُنی بِوُ و بمیره. همین خاطِر عیسی رِ خدایِ وَرِه گُومّی.

![](https://cdn.door43.org/obs/jpg/360px/obs-en-48-09.jpg)

وقتی خدا آخِرین بِلا رِ مِصرِو بِرِسیِه، هر خونوادِه اسرائیلی رِ بُفَرمیِه تا یک وَرِه بَکُشِن. این وَرِه وانِه بی عِیب مِوِاِ. بعد اونا واسِه اِ خون رِ بالا و کِناره های خونه درِ چارچوب مِپاشینِه. وقتی خدا اون خون رِ مِدیِّه، اوشِن خونِه با رَد مِوِاِ و اوشِنِ اولی پِسِر رِ مِنِکُشتِه. وقتی این اتفاق دِکِتِه، خدا اون رِ پِسَخ نوم هاکُردِه.

![](https://cdn.door43.org/obs/jpg/360px/obs-en-48-10.jpg)

عیسی عید پِسَخ وَرِه واری هَسِّه. او هیچ اِشتباهی نکِردِه بِ اِ و هرگز گناهی نَکِردِه. اون همون روزهای پِسَخ بُمُردِه. وقتی کسی به عیسی ایمون اورِنِه، عیسی اِ خون، اِ گناهای جِریمه رِ پرداخت هاکونِه. انگار خدا با مجازات نَکِردِن او اِ با گُذِرنِه.

![](https://cdn.door43.org/obs/jpg/360px/obs-en-48-11.jpg)

خدا بنی اسرائیل با پِیمون دِوِسِه، برای اینکه اونا قومی بِنِه که او انتخاب هاکُردِه تا به او تعلق دارِن ولی حالا خدا پِیمون تازهای برقِرار هاکُردِه که همه دسترِس دَرِه. هرکی از هر قوم و قبیلهای اگِر این پیمون رِ قِبول هاکُنِه، به قوم خدا پیوسته بُونِه.

![](https://cdn.door43.org/obs/jpg/360px/obs-en-48-12.jpg)

موسی پیغمبِری بِ اِ که خدا اِ کلوم رِ با قُدرِت زیاد اعلام هامِکِردِه. ولی عیسی مِهینتِرین پیغمبِرون هَسِّه. او حدا هَسِّه، پس هرچی او انجوم هِدا اِ و بُگُتِه، کارا و حرفهای خدا بِ اِ. همینِو هَسِّه که کتاب مقدس رِ خدا کلمه خونِّن.

![](https://cdn.door43.org/obs/jpg/360px/obs-en-48-13.jpg)

خدا داودِ پادشاه رِ وعده هِدااِ که کسی از اِ نسل به عنوانِ پادشاه تا ابد بر قوم خدا حکومِت هاکونِه. عیسی خدا اِ پِسرِ و مسیحای موعود هَسِّه و او اون داود نسل هَسِّه که بتونِه تا ابد پادشاهی هاکونِه.

![](https://cdn.door43.org/obs/jpg/360px/obs-en-48-14.jpg)

داود، اسرائیل پادشاه بِ اِ، ولی عیسی همه دنیای پادشاه هَسِّه! او دُواره آنِه و عدالت و صلح با تا ابد پادشاهی هاکونِه.

*آسنِکی از کتاب مقدس: کتاب پیدایش فصل۱؛ فصل۳؛ فصل۶؛ فصل۱۴؛ فصل۲۲؛ کتاب خروج فصل۱۲؛ فصل۲۰؛ کتاب دوم سموئیل فصل۷؛ کتاب عبرانیان فصل۳آیه های۱تا۶؛ فصل۴آیه۱۴؛ فصل۵آیه۱۰؛ فصل۷آیه۱؛ فصل۸آیه۱۳؛ فصل۹آیه ۱۱؛ فصل؛ کتاب مکاشفه فصل۲۱*

## 49. پِیمونِ تازه خدا

https://openbiblestories.org/l/srz/story-49/

![](https://cdn.door43.org/obs/jpg/360px/obs-en-49-01.jpg)

فرشتهای جِوون دِتری به نومِ مریِم رِ بُگُتِه که او خدا اِ پسِر رِ دنیا اوِرنِه. اونوقتی که مریم هنوز دِتِر بِ اِ، روحالقدس او رِ فوت هاکُردِه و او حامِلِه بِوِاِ. او پِسِری دنیا بیوردِه که اِ نوم رِ عیسی وِشتِنِه. اینِو وِ عیسی هم اِنسونِه هم خدا.

![](https://cdn.door43.org/obs/jpg/360px/obs-en-49-02.jpg)

عیسی مُعجزاتِ زیادی هاکُردِه اِ که ثابِت هاکونِه او خدا هَسِّه. او، او اِ سَر راه بِشِ اِ توفان رِ آروم هاکُردِه، خله از مِریضا رِ شِفا هِدااِ، اِرواحِ پِلید رِ از خَلِه از آدِما بوریم هاکُردِه، مُردهها رِ زِتِّه هاکُردِه و پنج نون و دو تا خوردِه ماهی رِ بَرِکِت هِدااِ و ویشتر از۵۰۰۰نَفِرِو به غذای کافی تبدیل هاکُردِه.

![](https://cdn.door43.org/obs/jpg/360px/obs-en-49-03.jpg)

عیسی معلم مِهینی بِ اِ. همه چیزایی که او یاد مِدااِ، حِقیقِت داشتِه. مردم هرچی که او اوشِنِ مُکُتِه رِ واسِّه هاکُنِن، چونکه او خدا اِ پِسِر بِ اِ. مَثِلاٍ او یاد مِدااِ که دیگران رِ خوشتنِ واری وانِه مُحبت هاکونیم.

![](https://cdn.door43.org/obs/jpg/360px/obs-en-49-04.jpg)

همچنین او اونا رِ یاد بِدااِ که خداوند رِ وانِه ویشتر از هرچیزی، مثلا ویشتر خوش دارایی با دوست داریم.

![](https://cdn.door43.org/obs/jpg/360px/obs-en-49-05.jpg)

عیسی بُگُتِه که در این دنیا با ارزشتِر از هرچیزی دَوِن در پادشاهی خدا هَسِّه. ورود به پادشاهی خداوِّ، او تَرِ از گناها رهایی بُوَخشِ.

![](https://cdn.door43.org/obs/jpg/360px/obs-en-49-06.jpg)

عیسی بُگُتِه بعضی از آدِما او رِ قبول هاکونِّه، بعد خدا اونا رِ نجات دِنِه. ولی همه او رِ قِبول نکونَّه. او این رِ هم بُگُتِه که بعضی آدِما، خوبِ خاکِ واری هَسِّنِه، چون خَوِرِ خوب عیسی رِ قِبول هاکونِّه و خدا اوشِن رِ نِجات دنِه. بعضیها هم سفت و سخت خاک کِنارِ حاده واری هَسِّنِه. خدا اِ حرف اون تیم واری هَسِّه که کِفِنِ زِمِن، ولی هیچ محصولی به بار نیورِن. اینا مردمی هَسِّنِه که عیسی پیغوم رِ قبول نَکونَّه و نِخانِّه خدا اِ پادشاهی رِ وارد بَوِنِ.

![](https://cdn.door43.org/obs/jpg/360px/obs-en-49-07.jpg)

عیسی اونا رِ یاد بِدااِ که خدا گناهکارا رِ خَلِه دوس دانِه. او خانه اونا رِ بُوَخشیِه و خوش فرزندا هاکُنِه.

![](https://cdn.door43.org/obs/jpg/360px/obs-en-49-08.jpg)

عیسی همچنین بُگُتِه خدا گناه با نفرِت دانِه. آدم و حوا گناهِو، همه نسلا گناه هاکونِّه. پس در دنیا هر شخصی گناه هاکونِه و خدا اِ با جدا بِوِاِ. همه خدا اِ دشمِن هَسِّنِه.

![](https://cdn.door43.org/obs/jpg/360px/obs-en-49-09.jpg)

ولی خدا همه مردمِ دنیا رِ هِنتی محبِّت هاکُردِه که خوش یَکه پِسِر عیسی رِ هِدااِ تا هرکی به او ایمون بیورده تا ابِد خوش گناهانِ و رِ مجازات نِوُ، بلکه تا ابِد خدا اِ با زندگی هاکُنِه.

![](https://cdn.door43.org/obs/jpg/360px/obs-en-49-10.jpg)

شِما گناه هاکِردِنِو، سزاوارِ بُمُردِن هَسِّنی. خدا حق دانِ شِما با عصبانی بِوِ، ولی عیسی با بِشِنِ صلیبِ رو و بموردِنِش اِ مه مجازاتِ گناها رِ خوشتِنِو بِگِتِه.

![](https://cdn.door43.org/obs/jpg/360px/obs-en-49-11.jpg)

عیسی هرگز هیچ گناهی نَکِردِه، ولی قِبول هاکُردِه آدِمِ گناهانِو مجازات بِوُ. او حتی سِنگینترین مجازات که مرگ بِ اِ رِ قبول هاکُردِه. به این ترتیب او قوروُنی کاملی بِ اِ که تا شمِه گناها و هرکس دیگری رِ در این دنیا پاک هاکُنِه. چون عیسی خویشتن رِ بِعنوانِ قورونی تقدیم خدا هاکُردِه، پس خدا همه گناها رِ، حتی گناهانِ خلِه بَدِ اونایی رِ که ایمون بیوردنِه بَخشِنِه.

![](https://cdn.door43.org/obs/jpg/360px/obs-en-49-12.jpg)

حتی کارای خوب شِما هم نَتونِّه شِما رِ نجات هادِه. کاری دنیه که شِما هاکنین تا بَتونی او با رابطه دوسّی برقِرار هاکُنی. به جای اون وانه ایمون بیّوری که عیسی خدا اِ پسرِ و شِما اِ عَوِض صِلیب رو بُمُردِه و خدا دووارِه او رِ از قَور بلند هاکُردِه. اگر این حقیقِت رِ ایمون بیورید خدا هم همه گناهای شِما رِ بَخشِنِه.

![](https://cdn.door43.org/obs/jpg/360px/obs-en-49-13.jpg)

خدا هر کی رِ که به عیسی ایمون بیورِه و او رِ به عنوان خوش خدا قبول هاکُنِه، نجات دِنِه. ولی خدا کسایی رِ که به او ایمون نیورِن، نجات نَدِنِه. مهم نیه فقیر یا پولدار، مرد یا زن، پیر یا جوون یا اینکه کجایی یی. خدا شِما رِ دوس دانِه و خانه شِما به عیسی ایمون بیورین با او بَتونِه شِما با رابطه دوسّی دارِه.

![](https://cdn.door43.org/obs/jpg/360px/obs-en-49-14.jpg)

عیسی شِما رِ دعوت هاکونِه تا شِما اِ با ایمون بیورین و تعمید بِیرین. آیا ایمون دانّی عیسی همون مسیحِ موعود و تِنها پِسِرِ خِدا هَسِّه؟ آیا ایمون دانّی که گناهکار و سزاوارِ مجازاتِ خدا هَسِّنی؟ آیا ایمون دانّی که عیسی صلیبِ رو بمردِه تا شِما گناها رِ پاک هاکنِه؟

![](https://cdn.door43.org/obs/jpg/360px/obs-en-49-15.jpg)

اگر عیسی و اونچه او شِماو رِ هاکردِه ایمون دانّی، در این صورت شِما مسیحی هسِّنی! از این به بعد دیگه شیطون خوش تاریکِ پادشاهی دله شِمِ وِ حکومِت نَکونِه. الان خِدا خوش نورانی پادشاهی و شِما با حُکومِت هاکونِه. خدا شِما رِ قدرِت هِدا اِ تا گذشته واری گناه نَکنین و شِما رِ درست زندگی هاکردِن رِ یاد بِدا اِ.

![](https://cdn.door43.org/obs/jpg/360px/obs-en-49-16.jpg)

اگِر مسیحی هَسِّنی، خدا شِما رِ عیسی اِ کارِو بُوَخشیِه. الان خدا شِما رِ خویش نزدیک دوس دونه نا دُشمِن.

![](https://cdn.door43.org/obs/jpg/360px/obs-en-49-17.jpg)

اگِر خدا اِ دوس و عیسی اِ خادمِنی، مشتاقِ پیروی از تعلیمهای عیسی هسِّنی. با اینکه یَک مِسیحی هسِّنی، شِیطون هنوز شِما رِ وسوسه هاکونِه تا گناه هاکُنن، ولی خدا همیشه خوش وعده رِ وِفا هاکونِه. او فَرمونِه که اگِر شما خوش گناها رِ اِعتراف هاکُنین، شِما رِ بَخشِنِه و شِما رِ قدرِت دِنِه تا با گناها مبارزه هاکنین.

![](https://cdn.door43.org/obs/jpg/360px/obs-en-49-18.jpg)

خدا شما رِ گونِه دعا هاکنین و اِ کلوم رِ بَخونّین. او همچنین گونِه با دیگِر مسیحیون او رِ پرستش هاکُنین و دیگران رِ هم بَ اِن که شِماو رِ چِکِرده. اگر همه اینا رِ هاکُنین، دوسّیِ قوی میونِ شِما و خدا به وجود آنِه.

*آسِنِکی از کتاب مقدس: رساله پولس به رومیان باب۳آیه۲۱تا۲۶؛ باب۵آیه۱تا۱۱؛ کتاب انجیل یوحنا باب۳آیه۱۶؛ کتاب انجیل متی باب۱۶آیه۱۶؛ رساله پولس به کولسیان باب۱آیه۱۳تا۱۴؛ رساله دوم پولس به تسالونیکیان باب۵آیه۱۷تا۲۱؛ رساله اول یوحنا باب۱آیه۵تا۱۰*

## 50. عیسی وِگِردِنِه

https://openbiblestories.org/l/srz/story-50/

![](https://cdn.door43.org/obs/jpg/360px/obs-en-50-01.jpg)

نِزیکِ۲۰۰۰سال هَسِّه که آدمای زیادی در دنیا خَوَرِ خوش عیسی مسیح انجیل رِ اوشِنونَّه. کِلیسا دَوِاِ اِ رشد هامِکردِه. عیسی وعدِه هاکُردِه که آخِرِ دنیا وِگِردنِه. گرچه عیسی هنوز نِمِ اَ، ولی خوش وعدِه رِ وِفا هاکونِه.

![](https://cdn.door43.org/obs/jpg/360px/obs-en-50-02.jpg)

خدا اِما با خانه هَمِنتی که مسیحِ وِگِردییِّنه مُنتَظِرِمی جوری زِندِگی هاکُنیم که مقَدِس باشیم واورِ اکرام هاکُنیم. او اوینم اِ ما با خانِه که درباره اِ پادشاهی با دیگرون صحبت هاکُنیم. وقتی مسیح هنوز زمین سر زندگی هامِکِردِه، هنتی بُفَرمیِه: »مِ شاگِردون خَوِرِ خوش خدا پادشاهی رِ در همه دنیا موعظه هاکونِّه، اونوقت پایان آنِه. «

![](https://cdn.door43.org/obs/jpg/360px/obs-en-50-03.jpg)

خَلِه از قومها هَسِّنِه که هنوز درباره عیسی هیچی نوشنینِه. قبل وِگِردینِ مسیح به آسمون، او مسیحیا رِ بُفَرمیِه تا این خَورِ خوش رِ به همه کسایی که تا الان هیچوقت اون رِ نوشنینِه، اعلام هاکُنِن. عیسی بُفَرمیِه: »بَشِن و همه مِلِتها رِ مِ شاگرد بِسازین، چونکه قلبا مزرعه آمادِه دِرو هَسِّه. «

![](https://cdn.door43.org/obs/jpg/360px/obs-en-50-04.jpg)

عیسی این رِ هم بُگُتِه که: »خادم از خوش آقا بالاتِر نیِّه. هَمِنتی که اربابای این دنیا مِ با نفرِت داشتنِه، شِما رِ هم مِ خاطر شکنجه هاکونِه و کُشِّنِه. این دنیا رِنج کِشِّنی ولی دل رِ قوی هاکُنین؛ چونکه مو، شِیطون رِ که حاکِم این دنیا هَسِّه شِکِست هِدامِه. اگر تا آخر به مو وفادار بَمُنّین، اونوقت خدا شِما رِ نِجات دِنِه. «

![](https://cdn.door43.org/obs/jpg/360px/obs-en-50-05.jpg)

عیسی خوش شاگردونِو داستانی تعریف هاکُردِه، تا اوشِنو توضیح هادِه آخِرِ دنیا مردم سَر چی آنِه. او بُگُتِه: »مردی خوش مزرعه دلِه خارِ تیم بِکاشتِه. وقتی هنوز خو دَوِاِ، اِ دُشمِن بِمِ اِو لابلااِ گَنِم، تیم عَلِف هرزِ تیم بکاشتِه و خوش راه رِ بِشِ اِ.

![](https://cdn.door43.org/obs/jpg/360px/obs-en-50-06.jpg)

وقتی تیما جوونِه بِزِاِ، کارگِرای اون مرد بُگُتِنه: »آقا، شِما خارِ تیم بِکاشتِنی! چُکا اونا میونِ عَلفِ هرز دَر بِمِ اِ؟ « اون مرد جِواب هِدااِ: »این فقط بِتونِه مِ دشمِنِ کار بوِ که اونا رِ بکارِن. یکی از مِ دُشمِنا این کار رِ هاکُردِه. «

![](https://cdn.door43.org/obs/jpg/360px/obs-en-50-07.jpg)

کارِگِرا در جِوابِ خوش اِرباب بُگُتِنِه: »آیا وانِه علفا رِ بُوریم بَکِشیم؟ « ارباب جِواب هِدااِ: نا. اَگِه این کار رِ هاکُنین، بعضی از گَنُمها رِ هم اونا با بوریم کِشِّنی. تا دِرو موقع صَبر هاکُنین و بِسوزِنین، ولی گَنِم رِ مِ اِنبار بیورین. «

![](https://cdn.door43.org/obs/jpg/360px/obs-en-50-08.jpg)

شاگِردون معنی این داستان رِ متوجه نَوِنِ و مسیح با بِخاسِّنِه تا این داستان رِ اوشِنِو توضیح هادِه. عیسی بُگُتِه: »مردی که خارِ تیم بِکاشتِه، نشون دهنده مسیح هَسِّه. مزرعه نشونگرِ این دنیا هَسِّه و خارِ تیم یِعنی مردمی که در پادشاهی خدا دَرِنِه. «

![](https://cdn.door43.org/obs/jpg/360px/obs-en-50-09.jpg)

عَلِفِ هرز آدمایی هَسِّنِه که متعلق به شیطون، یعنی شِرورِنِه. دشمِن اون مرد یعنی کسی که علف هرزِ بِکاشتِه، همون ابلیسِ. فصل دِرو، آخِرِ دنیا هَسِّه و درودگِرا فِرِشته هَسِّنِه.

![](https://cdn.door43.org/obs/jpg/360px/obs-en-50-10.jpg)

وقتی دنیا تِموم بِوِو، فرشتهها همه مردمی رِ که متعلق به ابلیس هَسِّنِه رِ، از تمومِ دنیا جمع هاکُردِه و دِریاچه آتیش دله دم دِنِّنِه. جایی که اونا با رنج و مُصیبِت وحشتناکی بَرمِه زنِّه و خوش دَنّونا رِ بهم سینِّه. ولی عادلا که عیسی با پِیرُوی هاکُردِنِه خورشید واری خوش پِرِ پادشاهی با دِرَخشون بِوِنِه.

![](https://cdn.door43.org/obs/jpg/360px/obs-en-50-11.jpg)

عیسی اینِم بُگُتِه قَبلِ تموم بِوِنِه دنیا وِگِردِنِه زمین. او همِنتی که زِمین رِ ترک هاکُردِه وِگِردِنِه، او یک تنِ واقعی دانِه و در آسِمون اَبرِ سر آنِه. وقتی عیسی وَگِردِه، هر مسیحی که بُمُردِه، مُردههای میون پاسِّنِه و اِ با آسمون دلِه مُلاقات هاکونِه.

![](https://cdn.door43.org/obs/jpg/360px/obs-en-50-12.jpg)

بعد مسیحیایی که هنوز زِنِّن، آسمونِ رِ جورشونِه و به مسیحیای دیگر که مردههای میون پاسانااِ با پِیوِند هاکونِّه. همه اونا عیسی با اونجِه دَرِنِه و عیسی خوش قوم با زندگی هاکونِه. اونا در صلح هِمیشِگی همدیگر با زندِگی هاکونِّه.

![](https://cdn.door43.org/obs/jpg/360px/obs-en-50-13.jpg)

عیسی وعدِه هِدااِ هرکی رِ که او با ایمون دارِه، تاجی بَخشِنِه. اونا خُدا اِ هِمراه تا ابِد بر همه چیز حُکُمِت هاکونِّه و کامِلاً در آرامِش دَرِنِه.

![](https://cdn.door43.org/obs/jpg/360px/obs-en-50-14.jpg)

ولی خدا کسایی که به عیسی ایمون نیّوردنِه، داوِری هاکونِه. او اوشِن رِ دِرِنگِن جهنِّم. اونجه جایی هَسِّه که اونا تا اَبِد بَرمِه هاکونِّه و خوش دنددنا رِ بهم سیِنِّه و رنج کِشِنِّه. آتِشی که هرگز خاموش نِوِنِه اونا رِ سوزِنِن و کِرما از بخوردِن اوشِن نِسِّنِه.

![](https://cdn.door43.org/obs/jpg/360px/obs-en-50-15.jpg)

اونوقت که عیسی وَگِردِه، شِیطون و حکومت رِ کاملاً تابود هاکونِه. شیطون تا اَبِد همراه همه کسایی که جای اِطاعِت از خدا، اِ با پیروی هاکردِنِه، اونجِه سوزِنِه.

![](https://cdn.door43.org/obs/jpg/360px/obs-en-50-16.jpg)

به خاطرِ نافرمونیِ آدِم و حوا و وارد هاکُردنِه گناه به این دنیا، خدا دنیا رِ لعنِت هاکُردِه و تصمیم به نابودی اون بِگِتِه. ولی یک روز خدا آسمون و زمینِ جِدیدی رِ بوجود اوِرنِه که کامل هَسِّه.

![](https://cdn.door43.org/obs/jpg/360px/obs-en-50-17.jpg)

عیسی و اِ قوم زمین جدید دِلِه رندگی هاکونِه، و او تا ابد بر هر چیزی که وجود دانِه سِلطِنِت هاکونِه. او هر اَسِری رِ مردم چَشمون با پاک هاکونِه. دیگه غمی دنیِه و هیچکی رنج نَکِشِنِه. اونا هیچوقت بَرمِه نزنِّه، دیگه هیچکی مِریض نَوُنِه و نِمیرِنِه. و هیچ چیز بدی اونجِه دنیه و عیسی صلح و عِدالِت با خوش پادشاهی دله حکومِت هاکونِه. بعد اون او خوش قوم با تا اَبِد دَرِه.

*آسِنِکی از کتاب مقدس: کتاب انجیل متی باب۲۴آیه۱۴؛ باب۲۸آیه۱۸؛ کتاب انجیل یوحنا باب۱۵آیه۲۰؛ باب۱۶آیه۳۳؛ کتاب مکاشفه باب۲آیه۱۰؛ کتاب انجیل متی باب۱۳آیه۲۴تا۳۰؛ باب۱۳آیه۳۶تا۴۲؛ رساله اول پولس به تسالونیکیان باب۴آیه۱۳ و باب۵*