# unfoldingWord Open Bible Stories — Panchpargania

- Language code: `tdb`
- Canonical page: https://openbiblestories.org/l/tdb/
- Stories in this file: 50 of 50
- Published by: translationCore-Create-BCS, OBS-TLF
- Last release: 2026-07-28
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Panchpargania translation; it is not a translation of the whole Bible.

## 1. सिरिस्टी

https://openbiblestories.org/l/tdb/story-1/

![](https://cdn.door43.org/obs/jpg/360px/obs-en-01-01.jpg)

ई रकम सुरु मेहेन परमेश्‍वर सउब जिनिस गिला केर सिरिस्टी करलक। ऊ छह दिने संसार केर आर जे कनअय उटाक उपरे आहे उ सउब जिनिस गिला केर सिरिस्टी करलक। परमेश्‍वर केर दाराय पिरथिबी केर रचना करल बादे उटा आन्धार लेक भरल आर खाली रहे, काहेकि उखन तक परमेश्‍वर उटाय कनअय जिनिस गिला के नाइ बनाय रहे। किन्तु परमेश्‍वर केर आत्मा पानी केर उपरे उइड़ बुलत रहे।

![](https://cdn.door43.org/obs/jpg/360px/obs-en-01-02.jpg)

फिन परमेश्‍वर कहलक, “इन्जत हउक!” आर इन्जत हय गेलक। परमेश्‍वर देखलक कि इन्जत बेस आहे आर उटा के ‘दिन’ कहलक। आर ऊ उटा के आन्धार लेक भिनु करलक जेटा के ऊ ‘राइत’ कहलक। परमेश्‍वर सिरिस्टी करल केर पहिले दिन मेहेन इन्जत केर रचना करलक।

![](https://cdn.door43.org/obs/jpg/360px/obs-en-01-03.jpg)

सिरिस्टी करलक तेकर बादेक दिने परमेश्‍वर कहलक, “पानी केर उपरे एकटा आँतर हउक।” आर एकटा आँतर हय गेलक। परमेश्‍वर उ आँतर के “आकाश” कहलक।

![](https://cdn.door43.org/obs/jpg/360px/obs-en-01-04.jpg)

तीसर दिने परमेश्‍वर कहलक, “पानी एक ताहाँ जामा हय जाउक आर सुखल भूँई देखाउक।” ऊ सुखल भूँई टाके “पिरथिबी” कहलक आर पानी के “समुन्दर” कहलक। परमेश्‍वर देखलक, कि जेटा ऊ बनाय रहे सेटा बेस रहे।

![](https://cdn.door43.org/obs/jpg/360px/obs-en-01-05.jpg)

फिन परमेश्‍वर कहलक, “पिरथिबी सउब किसिम केर गाछ बिरिछ गिला के उगाउक।” आर एसनेइ हलक। परमेश्‍वर देखलक कि जे गिला ऊ बनाय रहे उ गिला बेस रहे।

![](https://cdn.door43.org/obs/jpg/360px/obs-en-01-06.jpg)

सिरिस्टी करे केर चौथा दिने परमेश्‍वर कहलक, “आकाश मेहेन इन्जत देवइया गिला हउन।” आर सूरुज, चाँद आर तारेया गिला देखा हलयँ। परमेश्‍वर उ गिला के पिरथिबी मेहेन आलो देक तेहें आर दिन आर राइत, मउसम गिला आर बछर गिलाय अन्तर करेक तेहें बनालक। परमेश्‍वर देखलक कि जे गिला के ऊ बनाय रहे उ गिला बेस रहे।

![](https://cdn.door43.org/obs/jpg/360px/obs-en-01-07.jpg)

पाँचवाँ दिने परमेश्‍वर कहलक, “जीयँत प्रानी गिला पानीये भइर जाउन आर आकाश मेहेन चरइ गिला उड़ुन।” इ रकम ऊ पानीये पँउरइया सउब जन्तु गिला के आर सभे चरइ गिला के बनालक। परमेश्‍वर देखलक कि इ गिला बेस रहे आर उ गिला के आसिरबाद देलक।

![](https://cdn.door43.org/obs/jpg/360px/obs-en-01-08.jpg)

सिरिस्टी केर छटवाँ दिने परमेश्‍वर कहलक, “भूँईये रहइया सभे किसिम केर जानवर गिला हउन।” आर परमेश्‍वर केर कहल मोताबिक एसने हलक। थोड़ेक जानवर गिला पसइया रहयँ, थोड़ेक भूँइये रेंगइया, आर थोड़ेक जंगली जानवर गिला रहयँ। आर परमेश्‍वर देखलक कि इ गिला बेस रहे।

![](https://cdn.door43.org/obs/jpg/360px/obs-en-01-09.jpg)

फिन परमेश्‍वर कहलक, “आवा हामरे मानुस के निजेक स्वरुप मेहेन आर आपन समानता मेहेन बनाबिक। उमन पिरथिबी मेहेन आर सउब जानवर गिलाय परभुता करबयँ।”

![](https://cdn.door43.org/obs/jpg/360px/obs-en-01-10.jpg)

सेतेहें परमेश्‍वर माटी ले कहन उटा लेक मानुस के बनालक आर उकर मेहेन जीबन केर निनास के फुँइक देलक। उ मानुस टाकेर नाम आदम रहे। परमेश्‍वर आदम के रहेक तेहें एकटा बड़े निहार बगइचा बनालक आर उटा केर देखभाल करेक तेहें आदम के हुआँ राइख देलक।

![](https://cdn.door43.org/obs/jpg/360px/obs-en-01-11.jpg)

उ बगइचा केर माझे परमेश्‍वर दुइटा खास गाछ गिला के लगालक- जीबन केर गाछ आर बेस बेकार गेयान देवइया गाछ। परमेश्‍वर आदम के कहलक कि तोयँ उ बगइचा केर जीबन केर गाछ आर बेस बेकार गेयान देवइया गाछ के छोइड़ कहन दसर कनअए गाछ केर फर के खाय पारिस। जदि तोहरे उ गाछ केर फर के खाबा हले तोहरे मइर जाबा।

![](https://cdn.door43.org/obs/jpg/360px/obs-en-01-12.jpg)

फिन परमेश्‍वर कहलक, “पुरुस केर तेहें एकलाइ रहेक बेस ना लागे।” मन्तुक कनअय जानवर आदम केर संगी नाइ हय पालयँ।

![](https://cdn.door43.org/obs/jpg/360px/obs-en-01-13.jpg)

सेतेहें परमेश्‍वर आदम के भरखर निन्द मेहेन निन्दाय देलक। फिन परमेश्‍वर आदम केर एकटा पन्जरा हाड़ के ले कहन उटा लेक एकटा बेटी छुवा केर रचना करलक आर उके आदम केर पासे ले आनलक।

![](https://cdn.door43.org/obs/jpg/360px/obs-en-01-14.jpg)

जखन आदम उके देखलक तो ऊ कहलक, “कम से कम ई तो मोरे जेसन आहे! ई नारी कहाई, काहेकि ई पुरुस लेक बनाल जाय आहे।” एहे चलते पुरुस आपन माँय बाप के छोइड़ देला आर आपन पत्नी केर संगे एक हय जायला।

![](https://cdn.door43.org/obs/jpg/360px/obs-en-01-15.jpg)

परमेश्‍वर पुरुस आर नारी के आपन स्वरुप मेहेन बनालक। ऊ उमन के आसिरबाद देलक आर उमन के कहलक, “बेजाइन बेसी छुवा-पुता आर नाती पोता गिला सिरजावा आर पिरथिबी के भराय देवा।” आर परमेश्‍वर देखलक कि जे कनअय ऊ बनाय रहे उ गिला बेजाइन बेस रहे, आर ऊ उ सउब गिला लेक बेजाइन खुस रहे। ई सउब गिला सिरिस्टी करे केर छटवाँ दिने हय रहे।

![](https://cdn.door43.org/obs/jpg/360px/obs-en-01-16.jpg)

जखन सातवाँ दिन आलक तो जे कनअय परमेश्‍वर करत रहे उ सउब काम गिला के सिराय देलक। ऊ सातवाँ दिन के आसिरबाद देलक आर उटा के पबितर ठहरालक, काहेकि उ दिन ऊ सउब जिनिस गिला केर सिरिस्टी करेक टा सिराय दे रहे। इ रकम परमेश्‍वर संसार के आर जे कनअय उटाय आहे से सउब गिला केर सिरिस्टी करलक।

*उत्पत्ति अध्याय 1-2 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_01_256kbps.m4a

## 2. पाप संसार मेहेन आतेहे

https://openbiblestories.org/l/tdb/story-2/

![](https://cdn.door43.org/obs/jpg/360px/obs-en-02-01.jpg)

आदम आर उकर पत्नी केर तेहें परमेश्‍वर केर दाराय बनाल उ सुन्दर बगइचा मेहेन रहत के उमन बेजाइन खुस रहयँ। उमनेक मइधे केअउ लूगा नाइ पिंधत रहयँ, तेअउ इ कथा टा उमनेक लेक केकअउ के लजमी नाइ कइर रहे, काहेकि संसार मेहेन पाप नाइ रहे। उ दुइयो कखनअ कखनअ उ बगइचा मेहेन दाइन बुलत रहयँ आर परमेश्‍वर संगे कथा करत रहयँ।

![](https://cdn.door43.org/obs/jpg/360px/obs-en-02-02.jpg)

लेकिन उ बगइचा मेहेन एकटा साँप रहे। ऊ बेजाइन धूर्त रहे। साँप टा उ बेटी छुवा के पुछलक, “का सतेइ परमेश्‍वर तोहरे के इ बगइचा केर कनअय गाछ केर फर के खायेक तेहें माना कइर आहे?”

![](https://cdn.door43.org/obs/jpg/360px/obs-en-02-03.jpg)

ऊ बेटी छुवा टा जबाब देलक, “परमेश्‍वर हामरे के कइह आहे कि हामरे उ बेस खराब केर गेयान देवइया गाछ के छइड़ कहन कनअय गाछ केर फर के खाय पारीला। परमेश्‍वर हामरे के कइह आहे कि जदि तोहरे उ गाछ केर फर के खाबा चाहे उटा के छुबअ करबा, तेअउ तोहरे मइर जाबा।”

![](https://cdn.door43.org/obs/jpg/360px/obs-en-02-04.jpg)

उ साँप टा बेटी छुवा के जबाब देलक, “इटा सत ना लागे! तोहरे नाइ मरबा। परमेश्‍वर जानेला कि जेसनेइ तोहरे उ फर टाके खाबा, तोहरे परमेश्‍वर केर समान हय जाबा आर उकरे समान बेस आर खराब के समझे लागबा।”

![](https://cdn.door43.org/obs/jpg/360px/obs-en-02-05.jpg)

उ बेटी छुवा टा देखलक कि उ फर टा मन भुलायेक निहार रहे आर स्वादिस्ट देखात रहे। उहऊ समझदार बनेक चाहत रहे, सेतेहें ऊ फर टाके तइर कहन खाय लेलक। फिन ऊ आपन पति के जे उकर संगे रहे उ फर टाके देलक आर उहऊ खाय लेलक।

![](https://cdn.door43.org/obs/jpg/360px/obs-en-02-06.jpg)

अचकाय, उकर आँइख खुइल गेलक, आर उमन के मालुम हलक कि उमन लंगटाय आहयँ। उमन पात गिला के सी कहन निजेक लूगा बनाय कहन उटा लेक आपन गात के ढाँपेक केर कोसिस करलयँ।

![](https://cdn.door43.org/obs/jpg/360px/obs-en-02-07.jpg)

तखन पुरुस आर उकर पत्नी उ बगइचा मेहेन बुलत के परमेश्‍वर केर सड़ा के सुनलयँ। उ दुइयो परमेश्‍वर ना देखुक कइह कहन लुइक गेलयँ। तखन परमेश्‍वर पुरुस के हाँकाय लागलक, “तयँ कहाँ आहिस?” आदम जबाब देलक, मयँ बगइचा मेहेन तोर बुलत केर साड़ा के सुनलँ, आर मयँ डराय गेलँ, काहेकि मयँ लंगटाय रहँ। सेतेहें मयँ लुइक गेलँ।”

![](https://cdn.door43.org/obs/jpg/360px/obs-en-02-08.jpg)

फिन परमेश्‍वर पुछलक, “तके के कइह देलक कि तयँ लंगटाय आहिस? का तयँ उ फर टाके खाय आहिस जेटा के मयँ खायेक तेहें माना कइर रहँ?” पुरुस टा जबाब देलक, “तयँ मके जन बेटी छुवा टाके दे आहिस इहेइ मके उ फर टाके देलक।” तखन परमेश्‍वर बेटी छुवा टाके पुछलक, “तयँ इटा का करले?” उ बेटी छुवा टा कहलक, “साँप मके धोखा देलक।”

![](https://cdn.door43.org/obs/jpg/360px/obs-en-02-09.jpg)

परमेश्‍वर साँप टाके कहलक, “तयँ सरपल आहिस! तयँ आपन पेट केर बले चला बुला करबे आर माटी चाटबे। तयँ आर इ बेटी एक दसर लेक घिरना करबा, आर तोर छुवा-पुता आर उकर छुवा-पुताउ एक दसर लेक घिरना करबयँ। इ बेटी छुवा केर बंसज गिला तोर मुड़ के छेंछबयँ, आर तयँ उकर एँड़ी के ठटकबे।”

![](https://cdn.door43.org/obs/jpg/360px/obs-en-02-10.jpg)

तखन परमेश्‍वर बेटी छुवा के कहलक, “मयँ तोर छुवा जनमायेक टा बेजाइन दुखदायक करमुँ। तयँ आपन पति लेक लालसा करबे, आर ऊ तोर उपरे प्रभुता करी।”

![](https://cdn.door43.org/obs/jpg/360px/obs-en-02-11.jpg)

परमेश्‍वर पुरुस के कहलक, “तयँ आपन पत्नी केर कथा सुइन आहिस आर मर आग्या के नाइ माइन आहिस। सेतेहें भूँई स्रापित हय आहे, आर तके खायेक उपजायेक तेहें कठिन कस्टो उठाय केर दरकार हइ। एधांव तयँ मइर जाबे, आर तोर गात माटी मेहेन मिल जाइ।” ऊ पुरुस टा आपन पत्नी के नाम हव्वा राखलक, जेटाक माने हेके “जीबन देवइया”, काहेकि ऊ सउब जाइत गिला केर माँय हइ। आर परमेश्वर आदम आर हव्वा के जानवर केर चाम लेक बनाल लूगा पिंधालक।

![](https://cdn.door43.org/obs/jpg/360px/obs-en-02-12.jpg)

फिन परमेश्वर कहलक, “एधांव बेस आर खराब के जानेक लेक मानुस हामरेक समान बइन गेलयँ, सेतेहें उमन के जीबन केर गाछ केर फर के नाइ खाय देक चाही कि उमन हमेसा केर तेहें जीयँत रहुन।” सेतेहें परमेश्‍वर आदम आर हव्वा के उ बगइचा लेक बाहिर बाहराय देलक। आर परमेश्‍वर केकअउ के उ जीबन गाछ केर फर के खायेक रकेक तेहें उ बगइचा केर समायेक दुरा मेहेन सक्तिसाली सरग दुत गिला के पहरा राइख देलक।

*उत्पत्ति अध्याय 3 लेक एकटा बाइबल केर कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_02_256kbps.m4a

## 3. बाइढ़

https://openbiblestories.org/l/tdb/story-3/

![](https://cdn.door43.org/obs/jpg/360px/obs-en-03-01.jpg)

बेजाइन दिनेक बादे, संसार मेहेन बेजाइन लोग गिला रहत रहयँ। उमन बेजाइन दुस्ट आर उपद्रवी हय जाय रहयँ। इटा एतना खराब रहे कि परमेश्‍वर एकटा बड़े बाइढ़ लेक इ गोटा संसार के नास करे केर निरनय लेलक।

![](https://cdn.door43.org/obs/jpg/360px/obs-en-03-02.jpg)

किन्तु परमेश्‍वर नूह नामेक लोग लेक खुस रहे। ऊ दुस्ट मानुस गिलाक मइधे रहइया एकटा धरमी लोग रहे। परमेश्‍वर नूह के कइह देलक कि ऊ बेजाइन बड़े बाइढ़ के आनअइया आहे। एहे चलते ऊ नूह के एकटा बड़े जहाज बनायेक तेहें कहलक।

![](https://cdn.door43.org/obs/jpg/360px/obs-en-03-03.jpg)

परमेश्‍वर नूह के लगभग तीन सअ हाथ लम्बा, पचास हाथ ओसार आर तीस हाथ ऊँचा जहाज बनायेक तेहें कहलक। नूह उटा के काठी लेक बनायेक रहे आर उटाय तीन तला, बेजाइन बेसी कोठरी, एकटा छाइन आर एकटा खिड़की बनायेक रहे। ऊ जहाज टा नूह, उकर परिबार, आर भूँईयेक हर किसिम केर जानवर गिला के आवइया बाइढ़ लेक सुरक्षित राखी।

![](https://cdn.door43.org/obs/jpg/360px/obs-en-03-04.jpg)

नूह परमेश्‍वर केर कथा के मानलक। ऊ आर उकर बेटा गिला ओसनेइ जहाज बनालयँ जेसन परमेश्‍वर कइह दे रहे। काहेकि उ जहाज टा बेजाइन बड़े रहे, सेतेहें उटा के बनायेक मेहेन ढेइर बछर लागलक। नूह लोग गिला के आवइया बाढ़ के बारे चेतावनी देलक आर उमन के परमेश्‍वर बाटे घुइर आयेक तेहें कहलक, किन्तु उमन उकर उपरे बिसास नाइ करलयँ।

![](https://cdn.door43.org/obs/jpg/360px/obs-en-03-05.jpg)

परमेश्‍वर नूह के आर उकर परिबार के निजेक आर जानवर गिला केर तेहें परचुर मातरा मेहेन खायेक जिनिस गिला जामा करेक केर आदेसो देलक। जखन सउब कुछ तेयार रहे, तखन परमेश्‍वर नूह के कहलक कि इ समय टा उकर, उकर पत्नी केर, उकर तीन टा बेटा गिला केर, आर उमनेक पत्नी गिला केर –- सउब जामा मिलाय कहन आठ झन के जहाज मेहेन जाय केर रहे।

![](https://cdn.door43.org/obs/jpg/360px/obs-en-03-06.jpg)

परमेश्‍वर हर जानवर आर चरइ गिला केर नर आर मादा के नूह केर ताहाँ पइठालक ताकि उमन जहाज मेहेन जाय पारुन आर बाइढ़ केर समइ मेहेन सुरक्षित रहे पारुन। परमेश्‍वर एसने हर किसिम केर जानवर गिला केर सात टा नर आर सात टा मादा गिला के पइठालक जे गिला के बलि चेढ़ायेक तेहें इस्तेमाल करे पारे। जखन उ गिला सउब जहाज मेहेन पहँइच गेलयँ तो खुद परमेश्‍वर जहाज केर दुरा के बन्द कइर देलक।

![](https://cdn.door43.org/obs/jpg/360px/obs-en-03-07.jpg)

तखन पानी गिरायेक सुरु करलक, आर बारिस होते गेलक, होते गेलक। लगातार चालीस दिन आर राइत तक बारिस होते रहलक। गोटा संसार केर हरेक जिनिस गिला, हिआँ तक कि ऊँचा लेक ऊँचा पहाड़ गिलाउ पानी मेहेन डुइब गेलक।

![](https://cdn.door43.org/obs/jpg/360px/obs-en-03-08.jpg)

सुखल भूँईये रहइया हर एक जीउ गिला मइर गेलयँ, उ लोग गिला आर जानवर गिला के छोइड़ कहन जे गिला जहाज मेहेन रहयँ। जहाज टा पानी उपरे पउँरते रहलक आर परमेश्‍वर जहाज भीतरेक हर एक जिनिस गिला डुबेक लेक सुरक्षित राखलक।

![](https://cdn.door43.org/obs/jpg/360px/obs-en-03-09.jpg)

बारिस हका हल बादे, पाँच महिना तक जहाज पानी उपरे पउँरते रहलक, आर उ समय पानी केर स्तर घटे लाइग रहे। तखन एक दिन उ जहाज टा एकटा पहाड़ उपरे अटइक गेलक, किन्तु संसार एखनो तक पानी ले डुबा हले रहे। तीन महीना केर बादे, पहाड़ केर पथाइन गिला देखाय लागलक।

![](https://cdn.door43.org/obs/jpg/360px/obs-en-03-10.jpg)

फिन आरो चालीस दिन केर बादे, नूह एकटा कउआ के इटा जानेक तेहें बाहिर पइठालक कि का पानी सुइख गेलक। उ कउआ टा सुखल भूँई केर खोज मेहेन हिन्दे-हुन्दे उड़ते रहलक, किन्तु उके एसन कनअ जायगा नाइ पावालक।

![](https://cdn.door43.org/obs/jpg/360px/obs-en-03-11.jpg)

फिन बादे नूह एकटा ढाइड़ पेरवाँ के बाहिर पइठालक। किन्तु उकउ कनअ सुखल भूँई नाइ पावालक, सेतेहें ऊ नूह पासे फिन वापस आय घुरलक। एक सप्‍ताह केर बादे नूह अहे ढाइड़ पेरवाँ के फिन पइठालक, आर ऊ आपन ठर मेहेन जैतून केर डग के ले कहन घुइर आलक। पानी घटते जात रहे, आर गाछ-बिरिछ लेक नावा डाइर गिला नगजत रहे।

![](https://cdn.door43.org/obs/jpg/360px/obs-en-03-12.jpg)

नूह एक हप्‍ताह आरो इन्तजार करलक आर तीसर धांव अहे ढाइड़ पेरवाँ केइ बाहिर पइठालक। एबार, उके बइसेक जायगा पावाय गेलक आर ऊ आरो घुइर कहन नाइ आलक। पानी सुखते जात रहे।

![](https://cdn.door43.org/obs/jpg/360px/obs-en-03-13.jpg)

दुई महीना केर बादे परमेश्‍वर नूह के कहलक, “एधांव तयँ आर तर परिबार आर सउब जानवर गिला जहाज लेक बाहिर निकइल जावा। बेजाइन बेसी छुवा-पुता आर नाती-पोता गिला के जनमावा आर पिरथिबी के भइर देवा।” सेतेहें नूह आर उकर परिबार जहाज लेक बाहिर निकइल अलयँ।

![](https://cdn.door43.org/obs/jpg/360px/obs-en-03-14.jpg)

नूह केर जहाज लेक बाहिर आयेक बादे, ऊ एकटा वेदी बनालक आर बलि केर तेहें इस्तेमाल करल जाय पारइया हर किसिम केर जानवर गिलाक मइध लेक थोड़ेक ले कहन बलि चेढ़ालक। परमेश्‍वर बलि लेक खुस हलक आर नूह आर उकर परिबार के आसिरबाद देलक।

![](https://cdn.door43.org/obs/jpg/360px/obs-en-03-15.jpg)

परमेश्‍वर कहलक, “मयँ परतिंगा करँला कि मानुस केर दाराय करल जावइया खराब काम केर चलते मयँ कबउ भूँई के नास नाइ करमुँ, हालाँकि मानुस आपन छुवा समय लेकेइ पापी हेके।

![](https://cdn.door43.org/obs/jpg/360px/obs-en-03-16.jpg)

फिन परमेश्‍वर निजेक वाचा केर चिन्हा केर रुप मेहेन पहिला मेघधेनुक के बनालक। कखनउ आकाश मेहेन मेघधेनुक देखाय हइ, हले परमेश्‍वर याइद करेला कि ऊ का परतिंगा कइर आहे आर असनेइ उकर लोग गिलाउ याइद करबयँ।

*उत्पत्ति अध्याय 6-8 लेक एकटा बाइबल केर कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_03_256kbps.m4a

## 4. अब्राहम केर संगे परमेश्‍वर केर वाचा

https://openbiblestories.org/l/tdb/story-4/

![](https://cdn.door43.org/obs/jpg/360px/obs-en-04-01.jpg)

बाइढ़ केर ढेइर बछर बादे, संसार मेहेन बेजाइन लोग गिला रहत रहयँ, आर उमन फिन परमेश्‍वर केर आर एक दसर केर बिरुद्ध मेहेन पाप करलयँ। काहेकि उमन एकेटा भासाय कथा कहत रहयँ, सेतेहें उमन एके संगे जामा हलयँ आर संसार के भइर देक केर परमेश्‍वर केर आदेस केर बदली मेहेन एकेटा सहर के बनालयँ।

![](https://cdn.door43.org/obs/jpg/360px/obs-en-04-02.jpg)

उमन बेजाइन घमन्डी रहयँ, आर उमन के केसन जीबन जीयेक चाही इटाक बारे उमन परमेश्‍वर केर आदेस केर पालन करेक नाइ चाहत रहयँ। हिआँ तक कि उमन एकटा एसन ऊँचा इमारत बनायेक सुरु करलयँ जे सरग तक पहँची। परमेश्‍वर देखलक कि जदि उमन एके संगे मिल कहन खराब काम करते रहबयँ, हले उमन बेजाइन पापी काम गिला के करबयँ।

![](https://cdn.door43.org/obs/jpg/360px/obs-en-04-03.jpg)

सेतेहें परमेश्‍वर उमनेक भासा के बेजाइन बेसी भिनु-भिनु भासा मेहेन बदइल देलक आर उ लोग गिला के गोटा संसार मेहेन फयलाय देलक। जन सहर के उमन बनायेक सुरु कइर रहयँ उटा बाबेल कहायला, जेटाक माने हेके “गड़बड़ी।”

![](https://cdn.door43.org/obs/jpg/360px/obs-en-04-04.jpg)

ढेइर बछर केर बादे, परमेश्‍वर अब्राम नाम केर एकटा मानुस संगे बातचीत करलक। परमेश्‍वर उके कहलक, “निजेक देस आर परिबार के छोइड़ कहन उ देस मेहेन चइल जाहिन जेटा मयँ तके देखामुँ। मयँ तके आसिरबाद देमुँ आर तर लेक एकटा बड़े जाइत बनामुँ। मयँ तर नाम के बड़े करमुँ। जे तके आसिरबाद देइ मयँ उके आसिरबाद देमुँ, आर जे तके सराप देइ मयँ उके सराप देमुँ। तर चलते संसार केर सउब खन्दान गिला आसिरबाद पाबयँ।”

![](https://cdn.door43.org/obs/jpg/360px/obs-en-04-05.jpg)

सेतेहें अब्राम परमेश्‍वर केर कथा के मानलक। ऊ आपन सउब धाँगर गिला आर निजेक सउब सम्पति संगे निजेक पत्नी सारै के लेलक आर कनान देस मेहेन चइल गेलक जेटा परमेश्‍वर उके देखाय रहे।

![](https://cdn.door43.org/obs/jpg/360px/obs-en-04-06.jpg)

जखन अब्राम कनान देस पहँचलक तखन परमेश्‍वर उके कहलक, “आपन चाइरो धार देख। मयँ तके इ गोटा देस के देमुँ आर तर बंसज गिला हमेसा केर तेहें इटाक उपरे अधिकार राखबयँ।” तखन अब्राम उ देस मेहेन बइस गेलक।

![](https://cdn.door43.org/obs/jpg/360px/obs-en-04-07.jpg)

मलिकिसिदक नाम केर एकटा पुरुस रहे जे सर्बपरि परमेश्‍वर केर पुरोहित रहे। एक दिन जखन अब्राम लड़ाई करेक बादे घुरत रहे तखन ऊ आर अब्राम केर भेंट हलक। मलिकिसिदक अब्राम के आसिरबाद देलक आर कहलक, “सर्बपरि परमेश्‍वर जे सरग आर पिरथिबी केर मालिक हेके ऊ तके आसिरबाद देउक।” फिन अब्राम लड़ाई मेहेन जीतल सउब जिनिल गिला केर दसवाँ हिस्सा मलिकिसिदक के देलक।

![](https://cdn.door43.org/obs/jpg/360px/obs-en-04-08.jpg)

ढेइर बछर बित गेलक, किन्तु एखनउ अब्राम आर सारै केर कनअ छुवा-पुता नाइ रहयँ। परमेश्‍वर अब्राम संगे कथा करलक आर फिन परतिंगा करलक कि उकर एकटा बेटा उत्पन्न हइ आर जेसन आकास केर तारेया गिला आहयँ असने उकर बेजाइन बंसज गिला हबयँ। अब्राम परमेश्‍वर केर परतिंगा उपरे बिसास करलक। परमेश्‍वर घोसना करलक कि अब्राम एकटा धरमी लोग रहे काहेकि ऊ परमेश्‍वर केर परतिंगा उपरे बिसास कइर रहे।

![](https://cdn.door43.org/obs/jpg/360px/obs-en-04-09.jpg)

तखन परमेश्‍वर अब्राम संगे एकटा वाचा बाँधलयँ। साधारन रुप लेक, एकटा वाचा दुइ समुह केर मइधे एक दसर केर तेहें काम गिला के करे केर एकटा समझौता हयला। परमेश्‍वर अब्राम लेक उ परतिंगा टा उ समइ कइर रहे जखन अब्राम निदात रहे, किन्तु ऊ तखनउ परमेश्‍वर केर सुने पारेला। परमेश्‍वर कहलक, “मयँ तर गात लेक उत्पन्‍न कइर कहन तके एकटा निज बेटा देमुँ। मयँ तर बंसज गिला इ कनान देस टाके देवँला।” किन्तु एखनउ अब्राम केर कनअ बेटा नाइ रहयँ।

*उत्पत्ति अध्याय 11-15 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_04_256kbps.m4a

## 5. परतिंगा केर बेटा

https://openbiblestories.org/l/tdb/story-5/

![](https://cdn.door43.org/obs/jpg/360px/obs-en-05-01.jpg)

अब्राम आर सारै केर कनान देस पहँचेक दस बछर बादे, एखन तक उमनेक कनअ छुवा-पुता नाइ रहयँ। सेतेहें अब्राम केर पत्नी सारै के कहलक, “चूँकि परमेश्‍वर एखन तक मके छुवा जनमाय मेहेन सक्षम नाइ कइर आहे आर एधाँव मयँ छुवा-पुता जनमायेक तेहें बेजाइन बुढ़िया हय गेलँ, देख, मर धांगरिन हाजिरा हुआँ आहे। उकर लेक बिहा कइर लेहिन कि ऊ तर तेहें एकटा छुवा उत्पन्‍न करे पारुक।”

![](https://cdn.door43.org/obs/jpg/360px/obs-en-05-02.jpg)

आखिर मेहेन अब्राम हाजिरा के बिहा कइर लेलक। हाजिरा लेक एकटा बेटा हलक, आर अब्राम उकर नाम इश्‍माएल राखलक। किन्तु सारै हाजिरा लेक जले लागलक। जखन इश्माएल तेरह बछर केर रहे, परमेश्‍वर फिन अब्राम संगे कथा करलक।

![](https://cdn.door43.org/obs/jpg/360px/obs-en-05-03.jpg)

परमेश्‍वर कहलक, “मयँ सर्वसक्तिमान परमेश्‍वर हेकँ। मयँ तर संगे एकटा वाचा बाँधमुँ।” तखन अब्राम भूँईये गिर कहन दन्डवत करलक। परमेश्‍वर अब्राम लेक इटाउ कहलक, “तयँ बेजाइन जाइत गिला केर बाप हबे। मयँ तके आर तर बंसज गिला के उमनेक निज भूँई हयक तेहें कनान देस के देमुँ आर मयँ हमेसा केर तेहें उमनेक परमेश्‍वर हमुँ। तके निजेक घर परिबार केर हर पुरुस गिला केर खतना करेक आहे।”

![](https://cdn.door43.org/obs/jpg/360px/obs-en-05-04.jpg)

“तर पत्नी सारै एकटा बेटा जनमाइ – ऊ परतिंगा केर बेटा हइ। उकर नाम इसहाक राखबे। मयँ उकर संगे आपन वाचा के बनाय राखमुँ आर ऊ एकटा बड़े जाइत बइन जाइ। मयँ इश्माएल केरउ एकटा बड़े जाइत बनामुँ, किन्तु मर वाचा इसहाक संगे रही।” तखन परमेश्‍वर अब्राम केर नाम बदइल कहन अब्राहम कइर देलक, जेकर माने हेके “ढेइर गिलाक बाप”। परमेश्‍वर सारै केर नाम बदइल कहन सारा कइर देलक, जेकर माने हेके, “मूल माँय”।

![](https://cdn.door43.org/obs/jpg/360px/obs-en-05-05.jpg)

उ दिन अब्राहम आपन घर परिबार केर सभे पुरुस गिला केर खतना करलक। लगभग एक बछर केर बादे, जखन अब्राहम केर आयु एक सअ बछर रहे आर सारा नब्बे बछर केर रहे, तखन सारा अब्राहम केर बेटा के जनम देलक। जेसन परमेश्‍वर उके कइह रहे ऊ उकर नाम इसहाक राखलक।

![](https://cdn.door43.org/obs/jpg/360px/obs-en-05-06.jpg)

जखन इसहाक जुवान हलक तो परमेश्‍वर इ कइह कहन अब्राहम केर बिसास केर परीछा करलक, “निजेक एकेटा बेटा के लेहिन, आर उके मर खातिर बलि केर रुप मेहेन मराय देहिन।” फिन अब्राहम परमेश्‍वर केर कथा के मानलक आर निजेक बेटा के बलि करेक तेहें तेयार करलक।

![](https://cdn.door43.org/obs/jpg/360px/obs-en-05-07.jpg)

जखन अब्राहम आर इसहाक बलि करेक जायगा बाटे जाय लागलयँ तखन इसहाक पुछलक, “ए बा, हामरेक पासे बलि करेक तेहें काठी गिला तो आहे, किन्तु बलि करेक तेहें भेड़ा छुवा कई?” अब्राहम जबाब देलक, “ए मर बेटा, परमेश्‍वर बलि करेक तेहें भेड़ा छुवा केर उपाय करी।”

![](https://cdn.door43.org/obs/jpg/360px/obs-en-05-08.jpg)

जखन उमन बलि चेढ़ायेक जायगा मेहेन पहँचलयँ, तो अब्राहम इसहाक के बाँइध कहन बेदी मेहेन सुताय देलक। ऊ आपन बेटा के मराइयाइ रहे कि परमेश्‍वर कहलक, “ठहइर जा! लड़का के कनअ नकसान ना करबे! एधाँव मयँ जाइन गेलँ कि तयँ मर भय मानिसला काहेकि तयँ निजेक एकेटा बेटा कउ मर लेक बाँचाय नाइ राखले।”

![](https://cdn.door43.org/obs/jpg/360px/obs-en-05-09.jpg)

पासेइ अब्राहम एकटा भेड़ा के देखलक जे झुंड़ गिलाय बाझल रहे। इसहाक केर बदली मेहेन बलि केर तेहें परमेश्‍वर भेड़ा केर उपाय कइर रहे। अब्राहम खुसी-खुसी भेड़ा टाके बलि चढ़ाय देलक।

![](https://cdn.door43.org/obs/jpg/360px/obs-en-05-10.jpg)

तखन परमेश्‍वर अब्राहम के कहलक, “काहेकि तयँ मर खातिर सभे टाके देक इछुक रहिस, हिआँ तक कि निजेक एके बेटा कउ, सेतेहें मयँ तके आसिरबाद देक केर परतिंगा करँला। तर बंसज आकास केर तारेया गिला ले कउ बेसी हबयँ। काहेकि तयँ मर आग्या के माइन आहिस सेतेहें मयँ तर परिबार केर दाराय संसार केर सउब कुल गिला के आसिरबाद देमुँ।”

*उत्पत्ति अध्याय 16-22 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_05_256kbps.m4a

## 6. परमेश्‍वर इसहाक केर तेहें उपाय करेला

https://openbiblestories.org/l/tdb/story-6/

![](https://cdn.door43.org/obs/jpg/360px/obs-en-06-01.jpg)

जखन अब्राहम ढेइरे बुढ़ा हय जाय रहे तखन उकर बेटा, इसहाक, जुवान उमइर केर हय जाय रहे। सेतेहें अब्राहम आपन एकटा धांगर के निजेक बेटा इसहाक केर तेहें उ देस लेक एकटा पत्नी आनेक तेहें पइठालक जहाँ उकर रिस्तेदार गिला रहत रहयँ।

![](https://cdn.door43.org/obs/jpg/360px/obs-en-06-02.jpg)

जहाँ अब्राहम केर रिस्तेदार रहत रहयँ उ देस के जाय केर एकटा लम्बा सफर केर बादे परमेश्‍वर उ धांगर के रिबका केर पासे ले गेलक। ऊ अब्राहम केर भाई केर नाती रहे।

![](https://cdn.door43.org/obs/jpg/360px/obs-en-06-03.jpg)

रिबका निजेक परिबार के छोइड़ कहन उ धांगर केर संगे वापिस जायेक तेहें माइन गेलक। जेसनेइ उमन पहँचलयँ इसहाक उके बिहा कइर लेलक।

![](https://cdn.door43.org/obs/jpg/360px/obs-en-06-04.jpg)

ढेइर दिन केर बादे, अब्राहम मइर गेलक। तखन परमेश्‍वर केर बेटा इसहाक के, अब्राहम केर संगे बाँधल वाचा केर चलते आसिरबाद देलक। उ वाचा मेहेन परमेश्‍वर केर एकटा परतिंगा रहे कि अब्राहम केर अनगिनत बंसज हबयँ। किन्तु इसहाक केर पत्नी रिबका केर छुवा-पुता उत्पन्‍न नाइ हलयँ।

![](https://cdn.door43.org/obs/jpg/360px/obs-en-06-05.jpg)

इसहाक रिबका केर तेहें परथना करलक, आर परमेश्‍वर उके जुड़ुवा छुवा गिला केर गर्भ धारन करेक मेहेन सक्षम करलक। जन समय उ छुवा गिला रिबका केर गर्भ मेहनेइ रहयँ उमन आपस मेहेन लड़े लागलयँ, सेतेहें जे कनअ हत रहे रिबका उटा के परमेश्‍वर के कइह देलक।

![](https://cdn.door43.org/obs/jpg/360px/obs-en-06-06.jpg)

परमेश्‍वर रिबका के कहलक, “तयँ दुइटा बेटा के जनम देबे। उमनेक बंसज दुइटा अलग-अलग जाइत गिला बनबयँ। उमन एक दसर लेक लड़बयँ। किन्तु बड़े बेटा लेक उत्पन्‍न हवइया जाइत गिला के छोट बेटा लेक आवइया जाइत केर आग्या मानेक हइ।”

![](https://cdn.door43.org/obs/jpg/360px/obs-en-06-07.jpg)

जखन रिबका केर छुवा गिला केर जनम हलक, तखन बड़े बेटा लाल आर रोएँदार रहे, आर ऊ उकर नाम एसाव राखलक। तखन छोट बेटा एसाव केर एँड़ी के धरले जनमलक, आर ऊ उकर नाम याकूब राखलक।

*उत्पत्ति अध्याय 24:1-25:26 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_06_256kbps.m4a

## 7. परमेश्‍वर याकूब के आसिरबाद देतेहे

https://openbiblestories.org/l/tdb/story-7/

![](https://cdn.door43.org/obs/jpg/360px/obs-en-07-01.jpg)

जखन उ छुवा गिला बड़े हलयँ तो याकूब के घरे रहेक बेस लागे लागलक, किन्तु एसाव के जानवर गिला केर सिकार करेक बेस लागलक। रिबका याकूब लेक प्रेम करलक, किन्तु इसहाक एसाव लेक प्रेम राखत रहे।

![](https://cdn.door43.org/obs/jpg/360px/obs-en-07-02.jpg)

एक दिन, जखन एसाव सिकार कइर कहन वापस घुइर आलक तो ऊ बेजाइन भूखे रहे। एसाव याकूब के कहलक, “जेटा तयँ पकाय आहिस उटा लेक थोड़ेक टा खायेक मके देहिन।” याकूब जबाब देलक, “पहिले मर संगे इटा परतिंगा कर कि पहिल बेटा हयक चलते हर जिनिस जेटा तके पवायेक चाही, उ सउब तयँ मके देबे।” आखिर मेहेन एसाव उ सउब चीज गिला के याकूब के देक केर परतिंगा कइर देलक। तखन याकूब उके थोड़ेक टा खायेक देलक।

![](https://cdn.door43.org/obs/jpg/360px/obs-en-07-03.jpg)

इसहाक एसाव के आसिरबाद देक चाहत रहे। किन्तु इटा लेक पहिल कि ऊ एसन करलक, रिबका आर याकूब इसहाक के एसाव हय केर ढोंग कइर कहन उकर संगे धोखा करलयँ। इसहाक बूढ़ा रहे आर एधांव देखे नाइ पात रहे। सेतेहें याकूब एसाव केर लूगा पिंध कहन आर छागिर केर चाम के आपन घेंचाय आर हाथे बाँधाय लेलक।

![](https://cdn.door43.org/obs/jpg/360px/obs-en-07-04.jpg)

याकूब इसहाक पासे आलक आर कहलक, “मयँ एसाव हेकँ। मयँ एहे तेहें आय आहँ कि तयँ मके आसिरबाद देहिन।” जखन इसहाक छागिर के चुइल गिला के छुइ कहन पता लगालक आर लूगा गिला के सुँघलक, तो ऊ सोंचलक कि ऊ एसाव हेके आर उके आसिरबाद देलक।

![](https://cdn.door43.org/obs/jpg/360px/obs-en-07-05.jpg)

एसाव याकूब के खिंसालक काहेकि याकूब उकर पहिल बेटा केर अधिकार टाके आर संगेइ उकर आसिरबाद गिला कउ चराय ले रहे। आखिर मेहेन ऊ उकर बा केर मरेक बादे याकूब के मराय देक जोजना बनालक।

![](https://cdn.door43.org/obs/jpg/360px/obs-en-07-06.jpg)

किन्तु रिबका एसाव केर जोजना के सुइन लेलक। सेतेहें ऊ आर इसहाक याकूब के उकर गतिया गिलाक संगे रहेक तेहें बेजाइन दूर पइठाय देलक।

![](https://cdn.door43.org/obs/jpg/360px/obs-en-07-07.jpg)

याकूब ढेइर बछर तक रिबका केर गतिया गिलाक संगे रहलक। अहे समइ मेहेन ऊ बिहा करलक आर उकर बारोटा बेटा आर एकटा बेटी छुवा उत्पन्‍न हलयँ। परमेश्‍वर उके बेजाइन धनीमान बनाय देलक।

![](https://cdn.door43.org/obs/jpg/360px/obs-en-07-08.jpg)

बीस बछर तक कनान देस मेहेन आपन घर लेक दूरे रहेक बादे, याकूब निजेक परिबार, निजेक धांगर गिला, आर निजेक जानवर गिला केर सभे गठ केर संगे हुँआ वापिस घुइर आलक।

![](https://cdn.door43.org/obs/jpg/360px/obs-en-07-09.jpg)

याकूब एहे तेहें बेजाइन डराय रहे काहेक ऊ सोंइच रहे कि एसाव एधाँवउ उके मरायेक चाहत रहे। सेतेहें ऊ उपहार केर रुप मेहेन जानवर गिला केर गठ गिला के एसाव केर पासे पइठालक। जेटा धांगर गिला उ गठ गिला के ले कहन जाय रहयँ उमन कहलयँ, “तर धांगर याकूब, इ जानवर गिला के तके देतेहे। ऊ चाँड़ेइ आतेहे।”

![](https://cdn.door43.org/obs/jpg/360px/obs-en-07-10.jpg)

किन्तु एसाव एबार याकूब के नकसान पहँचायेक नाइ चाहत रहे। उकर बदली, ऊ उके एक धाँव फिन देइख कहन बेजाइन खुस रहे। उकर बाद याकूब कनान देस मेहेन सान्तिपूर्बक रहलक। फिन इसहाक मइर गेलक आर याकूब आर एसाव उके तइप देलयँ। वाचा केर परतिंगा जेटा परमेश्‍वर अब्राहम केर संगे कइर रहे उ गिला एधाँव इसहाक आर याकूब उपरे आय जाय रहे।

*उत्पत्ति 25:27-35:29 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_07_256kbps.m4a

## 8. परमेश्‍वर यूसुफ आर उकर परिबार बाँचायला

https://openbiblestories.org/l/tdb/story-8/

![](https://cdn.door43.org/obs/jpg/360px/obs-en-08-01.jpg)

ढेइर बछर केर बादे, जखन याकूब बूढ़ा हय जाय रहे, तो ऊ निजेक दुलार बेटा यूसुफ के उकर भाई गिला के देखेक तेहें पइठालक जे जानवर गिला केर गठ के चरात रहयँ।

![](https://cdn.door43.org/obs/jpg/360px/obs-en-08-02.jpg)

यूसुफ के उकर भाई गिला खिंसाय देत रहयँ काहेकि उमनेक बाप उकर संगे बेसीये प्रेम करत रहत आर एहे तेहेंउ कि यूसुफ सपन देइख रहे कि ऊ उमनेक उपरे सासन करोइया बइन जाइ। जखन यूसुफ आपन भाई गिलाक पासे आलक तो उमन उके बन्धक बनाय लेलयँ आर उके गुलामी गिला केर बेपार करइया गिलाक हाथे बेंइच देलयँ।

![](https://cdn.door43.org/obs/jpg/360px/obs-en-08-03.jpg)

यूसुफ केर भाई गिला घर वापिस घुइर लाय लेक पहिले यूसुफ केर लूगा के फाइड़ कहन छागिर केर लहू मेहेन भिंजाय देलयँ। फिन उमन उ लूगा टाके आपन बाप के देखालयँ ताकि ऊ इटा सोंचुक कि कनअ जंगली जानवर यूसुफ के मराय दे आहे। याकूब बेजाइन उदास हलक।

![](https://cdn.door43.org/obs/jpg/360px/obs-en-08-04.jpg)

गुलामी गिला केर बेपार करइया उ लोग गिला यूसुफ के मिस्र देस मेहेन ले गेलयँ। नील नदी धारे बसल मिस्र एकटा बिशाल आर सक्तिसाली देस रहे। उ गुलामी गिला केर बेपार करइया गिला यूसुफ के एकटा धनीमान सरकारी अधिकारी के गुलाम केर रुप मेहेन बेंइच देलयँ। यूसुफ आपन मालिक केर बेस निहार सेवा करलक, आर परमेश्‍वर यूसुफ के आसिरबाद देलक।

![](https://cdn.door43.org/obs/jpg/360px/obs-en-08-05.jpg)

उकर मालिक केर पत्नी यूसुफ केर संगे सुतेक कोसिस करलक, किन्तु यूसुफ इ रकम लेक परमेश्‍वर केर बिरुद्ध पाप करेक लेक इंकार कइर देलक। ऊ बेजाइन खिंसाय गेलक आर यूसुफ उपरे झूठा आरोप लगाय देलक, सेतेहें उके गिरप्‍तार कइर कहन जेल पइठाल गेलक। हिआँ तक कि जेल मेहनउ, यूसुफ परमेश्‍वर केर प्रति बिसास लाइक रहलक, आर परमेश्‍वर उके आसिरबाद देलक।

![](https://cdn.door43.org/obs/jpg/360px/obs-en-08-06.jpg)

दुइ बछर बादे, यूसुफ एखनउ जेल मेहेन रहे, भलेइ ऊ निर्दोस रहे। एक राइत, फिरौन, जेसन कि मिस्री लोग गिला आपन राजा के डाकत रहयँ, दुइटा सपन देखलक जे उके बेजाइन बिचलित कइर देलक। उकर केउ सलाहकार उके उ सपन गिला केर माने नाइ कइह देक पारलयँ।

![](https://cdn.door43.org/obs/jpg/360px/obs-en-08-07.jpg)

परमेश्‍वर यूसुफ के सपन गिलाक माने कइह देक केर छमता परदान कइर रहे, सेतेहें फिरौन यूसुफ के जेल घर लेक आपन पासे डाकलक। यूसुफ उके उ सपन गिला केर माने कइह देलक आर कहलक, “परमेश्‍वर भरपूर फसल उपजेक सात बछर गिला केर बादे अकाल केर सात बछर भेजइया आहे।”

![](https://cdn.door43.org/obs/jpg/360px/obs-en-08-08.jpg)

फिरौन यूसुफ लेक एतना परभावित हलक कि ऊ उके मिस्र देस केर दुसरा सउब लेक सक्तिसाली पुरुस नियुक्त कइर देलक।

![](https://cdn.door43.org/obs/jpg/360px/obs-en-08-09.jpg)

यूसुफ लोग गिला के बेस फसल उपजेक सात बछर गिलाक समइ मेहेन बेजाइन बेसी मात्रा मेहेन खायेक जामा करेक तेहें कहलक। जखन सात बछर केर अकाल आलक तखन यूसुफ लोग गिला के उ खायेक गिला के बेंचलक ताकि उमनेक पासे खायेक तेहें काफी हउक।

![](https://cdn.door43.org/obs/jpg/360px/obs-en-08-10.jpg)

उ अकाल टा केबल मिस्र देस मेहेन एकला नाहीं, किन्तु कनान देस मेहनउ भयंकर रहे जहाँ याकूब आर उकर परिबार रहत रहयँ।

![](https://cdn.door43.org/obs/jpg/360px/obs-en-08-11.jpg)

सेतेहें याकूब निजेक बड़े बेटा गिला के खायेक किनेक तेहें मिस्र देस पइठालक। जखन उमन खायेक किनेक तेहें यूसुफ केर पासे ठाड़ हलयँ तो उ भाई गिला यूसुफ के नाइ चिन्हलयँ। किन्तु यूसुफ उमन के चिन्ह लेलक।

![](https://cdn.door43.org/obs/jpg/360px/obs-en-08-12.jpg)

इटा मालूम करेक तेहें कि का उमन बदइल गेलयँ उमनेक जाँच करेक बादे, यूसुफ उमन के कहलक, “मयँ तोहरेक भाई यूसुफ हेकँ! ना डरावा। जखन तोहरे मके गुलाम केर रुप मेहेन बेंइच रहा तो तोहरे बुरा करे केर ठाइन रहा, किन्तु परमेश्‍वर उ बुराई टाके भलाई केर तेहें उपयोग करलक! आवा आर मिस्र देस मेहेन रहा ताकि मयँ तोहरे आर तोहरेक परिबार केर आरो लोग गिलाक तेहें खायेक केर प्रबन्ध करे पारों।”

![](https://cdn.door43.org/obs/jpg/360px/obs-en-08-13.jpg)

जखन यूसुफ केर भाई गिला घर वापिस घुरलयँ आर आपन बाप याकूब के कइह देलयँ कि यूसुफ एखनअ जीयँत आहे ऊ बेजाइन खुस हलक।

![](https://cdn.door43.org/obs/jpg/360px/obs-en-08-14.jpg)

हालाँकि याकूब एकटा बूढ़ा अदमी रहे तेउ ऊ निजेक परिबार केर संगे मिस्र देस चइल गेलक, आर उमन हुआँ बइस गेलयँ। याकूब केर मरेक लेक पहिले, ऊ निजेक हरेक बेटा गिला के आसिरबाद करलक।

![](https://cdn.door43.org/obs/jpg/360px/obs-en-08-15.jpg)

वाचा केर ऊ परतिंगा गिला जेटा परमेश्‍वर अब्राहम केर संगे कइर रहे उ गिला इसहाक उपरे आर उकर बादे याकूब, आर उकर बादे उकर बारोटा गिला आर उमनेक परिबार गिलाक उपरे आय जाय रहे। उ बारो बेटा गिला केर बंसज गिला इस्राएल केर बारो गोत्र बइन गेलयँ।

*उत्पत्ति अध्याय 37:50 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_08_256kbps.m4a

## 9. परमेश्‍वर मूसा के डाकेला

https://openbiblestories.org/l/tdb/story-9/

![](https://cdn.door43.org/obs/jpg/360px/obs-en-09-01.jpg)

यूसुफ केर मरेक बादे उकर सउब गतिया गिला मिस्र देस मेहेन बइस जाय रहयँ। उमन आर उमनेक बंसज गिला ढेइर बछर तक मिस्र मेहने रहयँ आर उमन बेजाइन छुवा-पुता जनमालयँ। उमन इस्राएली कहालयँ।

![](https://cdn.door43.org/obs/jpg/360px/obs-en-09-02.jpg)

ढेइर बछर केर बादे, इस्राइली गिला केर संख्या बेजाइन बाइढ़ जाय रहे। आर मिस्री लोग गिला इ कथा केर आभारी नाइ रहयँ कि उमनेक साहेता करेक तेहें यूसुफ बेजाइन बेसी कइर रहे। उमन इस्राइली गिला लेक डराय जाय रहयँ काहेकि उमन संख्या मेहेन उमन लेक बेजाइन सांगी रहयँ। सेतेहें उ समइ मिस्र देस मेहेन राइज करइया फिरौन इस्राइली गिला के मिस्र गिला केर गुलाम बनाय देलक।

![](https://cdn.door43.org/obs/jpg/360px/obs-en-09-03.jpg)

मिस्री लोग गिला इस्राइली गिला के ढेइरे इमारत गिला के आर हिआँ तक कि कयटा बड़े सहर गिला के बनायेक तेहें मजबूर करलक। कठिन कस्टो उमनेक जीबन केर बेजाइन दुखदायी बनाय देलक, किन्तु परमेश्‍वर उमन के आसिरबाद देलक आर उमन केर आरो बेसी छुवा-पुता गिला उत्पन्‍न हलयँ।

![](https://cdn.door43.org/obs/jpg/360px/obs-en-09-04.jpg)

फिरौन देखलक कि इस्राइली गिला केर बेजाइन बेसी छुवा-पुता गिला उत्पन्‍न हत रहयँ, सेतेहें ऊ निजेक लोग गिला इस्राइली गिला केर सभे बाबू छुवा गिला के नील नदी मेहेन फेंइक कहन मरायेक केर आदेस देलक।

![](https://cdn.door43.org/obs/jpg/360px/obs-en-09-05.jpg)

एकटा इस्राइली बेटी छुवा एकटा बाबू छुवा के जनम देलक। ऊ आर उकर पति जतना उमनेक संगे हय पारलक उ छुवा के लुकाय कहन राखलयँ।

![](https://cdn.door43.org/obs/jpg/360px/obs-en-09-06.jpg)

जखन उ छुवा के माँय- बाप उके आरो बेसी नाइ लुकाय पारलयँ, तो उमन उके मरेक लेक बाँचायेक तेहें एकटा पउँरइया खाँची मेहेन नील नदी धारे नदी घाँस गिलाक माझे राइख देलक। उकर दीदी इटा देखेक तेहें उकर निगरानी करलक कि उकर संगे का हइ।

![](https://cdn.door43.org/obs/jpg/360px/obs-en-09-07.jpg)

फिरौन केर बेटी उ खाँची के देइख कहन उकर भीतर हुलकलक। जखन ऊ एकटा छुवा के देखलक तो ऊ उके आपन छुवा केर रुप मेहेन लेलक। ऊ एकटा बेटी छुवा के उके दूध पियायेक तेहें काम मेहेन राखलक, बिना इटा जाने कि ऊ उ छुवा केर बास्तबिक माँय रहे। जखन उ छुवा टा एतना बड़े हय गेलक कि एधाँव उकर माँय के दूध पियाय केर दरकार नाइ रहे, तो ऊ फिरौन केर बेटी केर तहाँ उके घुराय देलक, उकर नाम मूसा रहे।

![](https://cdn.door43.org/obs/jpg/360px/obs-en-09-08.jpg)

एक दिन, जखन मूसा बड़े हय गेलक, तो ऊ देखलक कि एकटा मिस्री लोग एकटा इस्राइली लोग के पिटोतेहे। मूसा आपन संगी इस्राइली के बाँचायेक कोसिस करलक।

![](https://cdn.door43.org/obs/jpg/360px/obs-en-09-09.jpg)

जखन मूसा सोंचलक कि उटा के केउ नाइ देखलयँ तो ऊ उ मिस्री लोग टाके मराय देलक आर उकर मरल गात के तइप देलक। किन्तु मूसा जेटा कइर रहे उटाके केउ देइख रहे।

![](https://cdn.door43.org/obs/jpg/360px/obs-en-09-10.jpg)

फिरौन के पता चइल गेलक कि मूसा का कइर आहे। ऊ उके मराय देक केर कोसिस करलक, किन्तु मूसा मिस्र देस लेक जंगल मेहेन भाइग गेलक। फिरौन केर पालटन गिला उके हुआँ खजे नाइ पारलयँ।

![](https://cdn.door43.org/obs/jpg/360px/obs-en-09-11.jpg)

मिस्र देस लेक दूर जंगल मेहेन एकटा चरवाह बइन गेलक। ऊ हुआँ एकटा बेटी छुवा लेक बिहा करलक आर दुइटा बेटा उत्पन्‍न हलयँ।

![](https://cdn.door43.org/obs/jpg/360px/obs-en-09-12.jpg)

मूसा आपन ससुर केर भेड़ी गिला केर चरहवाई करत रहे। एक दिन, ऊ एकटा जरत झुँड़ के देखलक जेटा जरोतेहे किन्तु जइल कहन राख नाइ हतेहे। उटा के देखेक तेहें ऊ उ झुँड़ पासे गेलक। जखन ऊ उटाक पासे रहे तो परमेश्‍वर उकर संगे कथा करलक। ऊ कहलक, “ए मूसा, निजेक जूता गिला के खइल देहिन। तयँ एकटा पबितर जायगा मेहेन ठाड़ आहिस।”

![](https://cdn.door43.org/obs/jpg/360px/obs-en-09-13.jpg)

परमेश्‍वर कहलक, “मयँ निजेक लोग गिला केर दुख गिला के देइख आहँ। मयँ तके फिरौन केर पासे पइठामुँ ताकि तयँ इस्राइली गिला के मिस्र केर गुलामी लेक निकलाइन। मयँ उमन के कनान देस के देमुँ, उ देस टा मयँ अब्राहम, इसहाक आर याकूब केर संगे परतिंगा कइर आहँ।”

![](https://cdn.door43.org/obs/jpg/360px/obs-en-09-14.jpg)

मूसा पुछलक, “जदि लोग गिला जानेक चाहबयँ कि मके के पइठाय आहे हले मयँ का कहमुँ?” परमेश्‍वर कहलक, “जे मयँ हेकँ से हेकँ। उमन के कहिन, ‘मयँ हेकँ से मके तोहरेक पासे पइठाय आहे।’ उमन लेक इटाउ कहिन, ‘मयँ तोहरेक पुरखा अब्राहम, इसहाक आर याकूब केर परमेश्‍वर यहोवा हेकँ।’ मर इ नाम हमेसा केर हेके।”

![](https://cdn.door43.org/obs/jpg/360px/obs-en-09-15.jpg)

मूसा डरात रहे आर फिरौन पासे जायेक नाइ चाहत काहेकि ऊ सोंचलक कि ऊ बेस निहार कहे नाइ पारी, सेतेहें परमेश्‍वर मूसा केर भाई, हारुन, के उकर साहेता करेक तेहें पइठालक।

*निर्गमन अध्याय 1-4 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_09_256kbps.m4a

## 10. दसटा बिपइत गिला

https://openbiblestories.org/l/tdb/story-10/

![](https://cdn.door43.org/obs/jpg/360px/obs-en-10-01.jpg)

परमेश्‍वर मूसा आर हारुन के चेतावनी देलक कि फिरौन हठिला हय जाइ। जखन उमन फिरौन पासे गेलयँ तो उमन कहलयँ, “इस्राएल केर परमेश्‍वर एसन कहेला, ‘मर लोग गिला के जायेक देहिन!’” किन्तु फिरौन उमनेक कथा नाइ सुनलक आर इस्राएल गिला के जाय कहन स्वतंत्र करेक बदली ऊ उमन के आरो बेसी कठिन कस्टो करेक तेहें मठजबरी करलक।

![](https://cdn.door43.org/obs/jpg/360px/obs-en-10-02.jpg)

फिरौन उ लोग गिला के जायेक देल लेक लगातार इंकार करते रहलक, सेतेहें परमेश्‍वर मिस्र देस मेहेन दसटा भयंकर बिपइत गिला के पइठालक। इ बिपइत गिला केर दाराय, परमेश्‍वर फिरौन के देखालक कि ऊ फिरौन आर मिस्र केर देवता गिला लेको बेसी सक्तिसाली आहे।

![](https://cdn.door43.org/obs/jpg/360px/obs-en-10-03.jpg)

परमेश्‍वर नील नदी केर पानी के लहू मेहेन बदइल देलक, किन्तु फिरौन एखनउ इस्राएली गिला के जाय नाइ देलक।

![](https://cdn.door43.org/obs/jpg/360px/obs-en-10-04.jpg)

परमेश्‍वर गोटा मिस्र देस मेहेन बेंग गिला के पइठालक। फिरौन बेंग गिला के हटायेक तेहें मूसा लेक अर्जी करलक। किन्तु सउब बेंग गिला केर मइर जायेक बादे, फिरौन आपन मन के कठोर कइर लेलक आर इस्राएली गिला के मिस्र देस लेक निकलेक नाइ देलक।

![](https://cdn.door43.org/obs/jpg/360px/obs-en-10-05.jpg)

सेतेहें परमेश्‍वर कुटकी गिला केर बिपइत के पइठालक। उकर बादे ऊ पिचु गिला केर बिपइत के पइठालक। फिरौन मूसा आर हारुन के डाकलक आर उमन के कहलक कि जदि उमन उ बिपइत के रइक देबयँ हले इस्राएली गिला मिस्र देस के छोइड़ कहन जाय पारयँ। जखन मूसा परथना करलक तो परमेश्‍वर मिस्र लेक पिचु गिला के हटाय देलक। किन्तु फिरौन आपन मन के कठोर कइर लेलक आर उ लोग गिला के आजाद हय कहन जायेक नाइ देलक।

![](https://cdn.door43.org/obs/jpg/360px/obs-en-10-06.jpg)

इकर आघु, परमेश्‍वर मिस्री गिला केर सउब पसल जानवर गिला के रोगी हय कहन मरेक देलक। किन्तु फिरौन केर मन कठोर हय जाय रहे आर ऊ इस्राएली गिला के जाय नाइ देलक।

![](https://cdn.door43.org/obs/jpg/360px/obs-en-10-07.jpg)

तखन परमेश्‍वर मूसा के फिरौन केर पासे राख के फेंकेक तेहें कहलक। जखन ऊ एसने करलक तो मिस्र देस केर लोग गिला केर चाम मेहेन दुखाइया गुड़ा बाहरालक, किन्तु इस्राएली गिला के कनअ नाइ हलक। परमेश्‍वर फिरौन केर मन के कठोर कइर देलक, आर फिरौन इस्राएली गिला के आजाद हय कहन जाय नाइ देलक।

![](https://cdn.door43.org/obs/jpg/360px/obs-en-10-08.jpg)

इकर बादे, परमेश्‍वर पाखना पानी गिरालक आर मिस्र केर बेसी लेक बेसी फसल गिला के नस्ट कइर देलक आर जे केउ बाहिर बाहरालयँ उमन के मराय देलक। फिरौन मूसा आर हारुन के डाकलक आर उमन के कहलक, “मयँ पाप कइर आहँ। तोहरे जाय पारा।” आखिर मेहेन मूसा परथना करलक, आर आकास लेक पाखना पानी गिरायेक हका हलक।

![](https://cdn.door43.org/obs/jpg/360px/obs-en-10-09.jpg)

किन्तु फिरौन फिन पाप करलक आर आपन मन के कठोर कइर लेलक। ऊ इस्राएली गिला के आजाद हय कहन जायेक नाइ देलक।

![](https://cdn.door43.org/obs/jpg/360px/obs-en-10-10.jpg)

आखिर मेहेन परमेश्‍वर मिस्र देस मेहेन फेनगा गिला केर झुंड आय देलक। इ फेनगा गिला उ सउब फसल गिला के खाय लेलयँ जेटा पाखना पानी लेक बरबाद नाइ हय रहे।

![](https://cdn.door43.org/obs/jpg/360px/obs-en-10-11.jpg)

फिन परमेश्‍वर अन्धार कइर देलक जे तीन दिन तक रहले रहलक। इटा एतना बेसी अन्धार रहे कि मिस्री लोग गिला आपन घर लेक बाहिर बाहरायेक नाइ पारलयँ। किन्तु जहाँ इस्राएली लोग गिला रहत रहयँ हुआँ इन्जत रहे।

![](https://cdn.door43.org/obs/jpg/360px/obs-en-10-12.jpg)

इ नअ बिपइत गिला केर बादउ, फिरौन इस्राएली गिला के आजाद हय कहन जाय देक ले इंकार कइर देलक। चूँकि फिरौन नाइ सुनलक सेतेहें परमेश्‍वर एकटा आखरी बिपइत के पइठाय केर जोजना बनालक। इटा फिरौन केर मन के बदइल देइ।

*निर्गमन अध्याय 5-10 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_10_256kbps.m4a

## 11. फसह

https://openbiblestories.org/l/tdb/story-11/

![](https://cdn.door43.org/obs/jpg/360px/obs-en-11-01.jpg)

परमेश्‍वर मूसा आर हारुन के फिरौन केर पासे इटा कहेक तेहें पइठालक कि इस्राएली गिला के जायेक देउक। उमन उके चेतावनी देलयँ कि जदि ऊ उमन के नाइ जायेक देइ, हले परमेश्‍वर मिस्र केर लोग गिला के आर जानवर गिला केर सउब पहिल बेटा गिला के मराय देइ। फिरौन इटा सुइन कहनउ परमेश्‍वर उपरे बिसास करेक लेक आर उमनेक कथा मानेक लेक इंकार कइर देलक।

![](https://cdn.door43.org/obs/jpg/360px/obs-en-11-02.jpg)

परमेश्‍वर उकर उपरे बिसास करइया गिला केकरउ पहिल बेटा गिला के बाँचायेक तेहें एकटा उपाय करलक। हर परिबार के एकटा निर्दोस भेड़ा छुवा के ले कहन उकर बलि करेक रहे।

![](https://cdn.door43.org/obs/jpg/360px/obs-en-11-03.jpg)

परमेश्‍वर इस्राएली गिला के उ भेड़ा छुवा केर लहू के ले कहन आपन घर केर दुआइरे लगायेक तेहें कहलक। उमन के उकर माँस के भुँजेक रहे आर फिन उटा के बिना खमीर मेसाल पिठा संगे चाँडे-चुड़ु खायेक रहे। उमन उ खायेक टाके खाल बादे उमन के अहे खने मिस्र देस के छोड़ेक तेंहउ तेयार रहेक तेहें कहलक।

![](https://cdn.door43.org/obs/jpg/360px/obs-en-11-04.jpg)

जेसन करेक तेहें परमेश्‍वर इस्राएली गिला के आदेस दे रहे उमन उटाक मोताबिक सभे टा के करलयँ। आधा राइते, परमेश्‍वर हर एक पहिल बेटा गिला के मरात के मिस्र केर माझ डहर लेक हय कहन पार हलक।

![](https://cdn.door43.org/obs/jpg/360px/obs-en-11-05.jpg)

इस्राएली गिला केर हर एक दुआइर गिलाय लहू लगाल रहे, सेतेहें परमेश्‍वर उ घर गिला के छोइड़ देलक। उकर भीतर केर सउब लोग गिला सुरक्षित रहयँ। उमन भेड़ा छुवा केर लहू केर चलते बाँइच जाय रहयँ।

![](https://cdn.door43.org/obs/jpg/360px/obs-en-11-06.jpg)

किन्तु मिस्री लोग गिला परमेश्‍वर उपरे बिसास नाइ कइर रहयँ आर उकर आदेस गिला के नाइ माइन रहयँ। सेतेहें परमेश्‍वर उमनेक घर गिला के नाइ छोड़लक। परमेश्‍वर मिस्री गिला केर हर एक पहिल बेटा गिला के मराय देलक।

![](https://cdn.door43.org/obs/jpg/360px/obs-en-11-07.jpg)

जेहेल केर कैदी गिलाक पहिल बेटा गिला लेक, फिरौन केर पहिल बेटा तक, हर एक पहिल बेटा गिला मइर गेलयँ। निजेक बड़े दुख केर चलते मिस्र केर ढेइर लोग गिला कान्दत रहयँ आर विलाप करत रहयँ।

![](https://cdn.door43.org/obs/jpg/360px/obs-en-11-08.jpg)

अहे राइते, फिरौन मूसा आर हारुन के डाकल आर कहलक, “इस्राएली गिला के ले कहन तुरतेइ मिस्र देस लेक निकइल जावा!” मिस्र केर लोग गिलाउ इस्राएली गिला के तुरुत निकइल जाय केर अर्जी करलयँ।

*निर्गमन अध्याय 11:1-12:32 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_11_256kbps.m4a

## 12. .12 निर्गमन

https://openbiblestories.org/l/tdb/story-12/

![](https://cdn.door43.org/obs/jpg/360px/obs-en-12-01.jpg)

इस्राएली लोग गिला मिस्र देस लेक निकइल कहन बेजाइन खुस रहयँ। उमन एधाँव गुलाम नाइ रहयँ, आर उमन परतिंगा केर देस के जात रहयँ! जे कनअ इस्राएली गिला माँगलयँ, मिस्री गिला उमन के उ सउब के देलयँ, हिआँ तक कि सोना आर चाँदी आर दसर किमती बस्तु गिला। दसर देस केर थोड़ेक लोग गिला परमेश्‍वर उपरे बिसास करलयँ आर जखन इस्राएली लोग गिला मिस्र लेक निकललयँ तो उमनउ उमनेक संगे मेइस गेलयँ।

![](https://cdn.door43.org/obs/jpg/360px/obs-en-12-02.jpg)

दिन केर समइ बादइर केर एकटा बड़े खुँटा उमनेक आघु-आघु चललक। आर राइत केर समइ मेहेन इटा आइग केर खुँटा बइन गेलक। परमेश्‍वर जे उ बादइर केर खुँटा मेहेन आर आइग केर खुँटा मेहेन रहे, हमेसा उमनेक संगे रहे आर ऊ यात्रा करत समइ उमन केर अगुवाई करलक। उमन के केबल एतना करेक रहे कि उकर पेछुवे चलुन।

![](https://cdn.door43.org/obs/jpg/360px/obs-en-12-03.jpg)

थोड़ेक समइ बादे, फिरौन आर उकर लोग गिला आपन मन के बदइल देलयँ। उमन इस्राएली गिला के फिन आपन गुलाम बनायेक चाहत रहयँ। सेतेहें उमन इस्राएली गिला केर पीछा करलयँ। इ परमेश्‍वरेइ रहे जे उमनेक मन गिला के बदइल दे रहे। ऊ एसन एहेतेहें करलक काहेकि ऊ चाहत रहे कि हर कोई इटा जाइन लेउन कि फिरौन लेक आर मिस्री गिला केर सउब देवता गिला लेक ऊ, बेसीये सक्तिसाली आहे।

![](https://cdn.door43.org/obs/jpg/360px/obs-en-12-04.jpg)

जखन इस्राएली गिला मिस्र केर पालटन गिला के आत के देखलयँ तो उमन के पता चललक कि उमन फिरौन केर पालटन आर लाल समुन्दर केर माझे फाँइस गेलयँ। उमन बेजाइन डराय गेलयँ आर कान्दे लागलयँ, “हामरे मिस्र देस के काहे छोइड़ देली? हामरे मरइया आही!”

![](https://cdn.door43.org/obs/jpg/360px/obs-en-12-05.jpg)

मूसा इस्राएली गिला के कहलक, “डरायेक हका करा! परमेश्‍वर आइज तोहरेक तेहें लड़ी आर तोहरे के बाँचाइ।” तखन परमेश्‍वर मूसा के कहलक, “इ लोग गिला के लाल समुन्दर बाटे आघु बाढेक तेहें कहिन।”

![](https://cdn.door43.org/obs/jpg/360px/obs-en-12-06.jpg)

तखन परमेश्‍वर उ बादइर केर खुँटा के ले कहन इस्राएली गिला आर मिस्री गिला केर मइध मेहेन राइख देलक ताकि मिस्री लोग गिला इस्राएली गिला के देखे ना पाउन।

![](https://cdn.door43.org/obs/jpg/360px/obs-en-12-07.jpg)

परमेश्‍वर मूसा के समुन्दर उपरे आपन हाथ बढ़ायेक तेहें कहलक। फिन परमेश्‍वर हवा लेक समुन्दर केर पानी के लेंगा आर दहिना बाटे करुवाय देलक, जेटा लेक कि समुन्दर माझ लेक हय कहन एकटा डहर बइन गेलक।

![](https://cdn.door43.org/obs/jpg/360px/obs-en-12-08.jpg)

इस्राएली लोग गिला आपन दुइयो बाटे पानी केर पाचीर केर संगे सुखल भूँईये समुन्दर लेक हय कहन आघु चइल गेलयँ।

![](https://cdn.door43.org/obs/jpg/360px/obs-en-12-09.jpg)

तखन परमेश्‍वर उ डहर लेक बादइर के उठाय लेलक ताकि मिस्री लोग गिला इस्राएली गिला के बाँइच कहन जात के देखुन। मिस्री गिला उमन के धरेक तेहें उमनेक पीछा करे केर निर्नय लेलयँ।

![](https://cdn.door43.org/obs/jpg/360px/obs-en-12-10.jpg)

आखिर मेहेन उमन समुन्दर माझ लेक उ डहरे इस्राएली गिला केर पीछा करलयँ, किन्तु परमेश्‍वर मिस्री गिला के डरुवाय देलक आर उमनेक रँथ गिला के अटकाय देलक। उमन चिचियाय लागलयँ, “भागा! इस्राइली गिला बाटे लेक परमेश्‍वर लड़तेहे!”

![](https://cdn.door43.org/obs/jpg/360px/obs-en-12-11.jpg)

सभे इस्राएली गिला समुन्दर केर दसर धार बाटे पहुँइच गेलयँ। तखन परमेश्‍वर मूसा के कहलक कि ऊ फिन पानी उपरे हाथ बढ़ाउक। जखन मूसा एसन करलक, तो पानी मिस्री पालटन गिलाय आय गेलक आर आपन सामान्य स्थिति मेहेन हय गेलक। सभे मिस्री पालटन गिला डुइब गेलयँ।

![](https://cdn.door43.org/obs/jpg/360px/obs-en-12-12.jpg)

जखन इस्राएली गिला देखलयँ कि मिस्री गिला मइर गेलयँ तो उमन परमेश्‍वर उपरे बिसास करलयँ। उमन बिसास करलयँ कि मूसा परमेश्‍वर बाटे लेक भबिस्यबक्ता रहे।

![](https://cdn.door43.org/obs/jpg/360px/obs-en-12-13.jpg)

इस्राएली लोग एहे तेंहउ बेजाइन खुस रहयँ काहेकि परमेश्‍वर उमन के मरेक लेक आर गुलाम हयक लेक बाँचाय ले रहे। एधाँव उमन परमेश्‍वर केर आराधना करेक आर उकर आग्या केर पालन करेक तेहें आजाद रहयँ। इस्राएली गिला आपन आजादी केर परब मानायेक तेहें आर परमेश्‍वर केर प्रसंसा करेक तेहें कयटा गीत गिला के गीतकालयँ काहेकि ऊ इमन के मिस्री गिला केर पालटन गिला लेक बाँचाय रहे।

![](https://cdn.door43.org/obs/jpg/360px/obs-en-12-14.jpg)

परमेश्‍वर इस्राएली गिला के हर बछर एकटा परब मानायेक केर आदेस देलक, इटा याइद करेक तेहें कि केसन परमेश्‍वर मिस्री गिला के हराय देलक आर उमन के गुलामी हय लेक आजाद करलक। इटा फसह केर परब कहात रहे। इ परबे उमन के इकर परब मानायेक तेहें एकटा स्वस्थ भेड़ा छुवा के बलि करेक रहे, उटा के भुँजेक रहे, आर उटा के बिना खमीर मेसाल पीठा संगे खायेक रहे।

*निर्गमन 12:33-15:21 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_12_256kbps.m4a

## 13. इस्राएल केर संगे परमेश्‍वर केर वाचा

https://openbiblestories.org/l/tdb/story-13/

![](https://cdn.door43.org/obs/jpg/360px/obs-en-13-01.jpg)

इस्राएली गिला के लाल समुन्दर केर पार ले जायेक बादे, परमेश्‍वर उमन के जंगल लेक हय कहन सीनै नामेक पहाड़ बाटे ले कहन गेलक। इटा ओहे पहाड़ रहे जहाँ मूसा जरत झुँड़ के देइख रहे। उ लोग गिला उ पहाड़ केर हेंठे आपन तम्बु गिला के ठाड़ करलयँ।

![](https://cdn.door43.org/obs/jpg/360px/obs-en-13-02.jpg)

परमेश्‍वर मूसा आर इस्राएल केर सउब लोग गिला के कहलक, “तोहरे के हमेसा मर कथा गिला के मानेक आहे आर जन वाचा टा मयँ तोहरेक संगे बाँधलाँ उटा के बनाय राखेक आहे। जदि तोहरे एसन कराला, हले तोहरे मर पुरस्कार किमती धन, याजक गिला केर राइज, आर एकटा पबितर जाइत ठहरबा।”

![](https://cdn.door43.org/obs/jpg/360px/obs-en-13-03.jpg)

परमेश्‍वर केर दाराय उमनेक पासे आयेक तेहें लोग गिला के तीन दिन तक निजे के तेयार करलक। तखन परमेश्‍वर सीनै पहाड़ केर पथाइन मेहेन हेंठे नाभलक। तखन ऊ आलक तो भूँईडल हलक, बिजली चमकलक, धूआँ उठलक, आर तुरधुतु गिलाक डबल आँटे आवाज हलक। तखन मूसा खूद पहाड़ उपरे चेड़लक।

![](https://cdn.door43.org/obs/jpg/360px/obs-en-13-04.jpg)

तखन परमेश्‍वर लोग गिलाक संगे एकटा वाचा बाँधलक। ऊ कहलक, “मयँ तोहरेक परमॆश्‍वर, यहॊवा हॆकँ। मयँए हेकँ जे तोहरे के मिस्र केर गुलामी लेक छोड़ालँ। कनअ दसर देवता केर उपासना ना करा।”

![](https://cdn.door43.org/obs/jpg/360px/obs-en-13-05.jpg)

“मूर्ति गिला के ना बनाबा आर उमनेक उपासना ना करा, काहेकि मयँ, यहोवा, तोहरे केर एकटा मातर परमेश्‍वर हेकँ। अनुचित रीति लेक मर नाम केर उपयोग ना करा। सब्त केर दिन के पबितर मानेक तेहें याइद राखबा। दसर सब्द मेहेन, छह दिन गिलाय आपन सउब काम गिला के करबा, सातवाँ दिन तोहरेक तेहें बिसराम करे केर आर मके याइद करे केर दिन हेके।”

![](https://cdn.door43.org/obs/jpg/360px/obs-en-13-06.jpg)

“निजेक माँय आर बाप केर आदर करबा। हत्या ना करबा। ब्यभिचार ना करबा। चोरी ना करबा। आपन पड़ोसी केर पत्नी, उकर घर, चाहे उकर कनअए सामान के ले केर हिंछा ना करबा।”

![](https://cdn.door43.org/obs/jpg/360px/obs-en-13-07.jpg)

तखन परमेश्‍वर इ दस आग्या गिला के पाखना केर दुइटा तख्ताय लिख कहन मूसा के दे देलक। परमेश्‍वर पालन करेक तेहें लोग गिला के दसर ढेइरे बेबस्था गिला के देलक। जदि उमन इ बेबस्था गिला के पालन करलयँ हले परमेश्‍वर उ लोग गिला के आसिरबाद देक आर उमनेक सुरक्षा करे केर परतिंगा करलक। किन्तु ऊ कहलक कि जदि उमन उटाक पालन नाइ करलयँ हले ऊ उमन के दन्ड देइ।

![](https://cdn.door43.org/obs/jpg/360px/obs-en-13-08.jpg)

परमेश्‍वसर इस्राएली गिला के एकटा बड़े निहार तम्बु बनायेक तेहउ कहलक – मिलापवाला तम्बु। ऊ उमन के ठीक-ठीक कइह देलक कि इ तम्बु टाके का निहार बनायेक आहे, आर उकर भीतर का जिनिस गिला के राखेक आहे। ऊ उमनके उ तम्बु केर दुइटा कठरी बाँटेक तेहें एकटा बड़े निहार परदा के बनायेक तेहउ कहलक। परमेश्‍वर उ परदा केर पेछु वाटेक कठरी मेहेन आइ आर हुआँ रही। जहाँ परमेश्‍वर रहे उ कठरी मेहेन जाय केर अनुमति केबल महायाजक के रहे।

![](https://cdn.door43.org/obs/jpg/360px/obs-en-13-09.jpg)

उ लोग गिला के उ मिलापवाला तम्बु केर पासे एकटा बेदी बनाय हइ। केउ जे परमेश्‍वर केर बेबस्था केर उलंघन करी उ लोग टा उ बेदी उपरे बलि चेढ़ायेक तेहें एकटा जानवर के ले कहन आउक। तखन याजक उके बलि करी आर बेदी उपरे परमेश्‍वर केर तेहें बलि केर रुप मेहेन पड़ाइ। परमेश्‍वर कहलक कि उ जानवर केर लहू उ लोग केर पाप गिला के ढाँइप लेइ। एहे निहार लेक, एधाँव परमेश्‍वर उ पाप के नाइ देखी। उ लोग टा परमेश्‍वर केर नजइर मेहेन “शुद्ध” ठहरी। परमेश्‍वर मूसा केर भाई हारुन के आर हारुन केर बंसज गिला के आपन याजक हयेक तेहें चुनलक।

![](https://cdn.door43.org/obs/jpg/360px/obs-en-13-10.jpg)

परमेश्‍वर उ लोग गिला के जे नियम दे रहे उमन उटा के पालन करेक तेहें सहमत हलयँ। उमन केबल परमेश्‍वर केर लोग हयेक केर आर केबल उकरे आराधना करेक तेहें सहमत हलयँ।

![](https://cdn.door43.org/obs/jpg/360px/obs-en-13-11.jpg)

कयो दिन तक, मूसा सीनै पहाड़ केर पथाइन मेहनेइ रहलक। ऊ परमेश्‍वर केर संगे कथा करत रहे। किन्तु लोग गिला मूसा केर वापस घुरेक केर आसरा देखत अनसाय गेलयँ। सेतेहें उमन हारुन केर पासे सोना गिला के ले कहन आलयँ आर उटा लेक मूर्ति बनायेक तेहें कहलयँ ताकि उमन परमेश्‍वर केर बदली उटाक उपासना करे पारुन। एहे निहार, उमन भयंकर रुप लेक परमेश्‍वर कर बिरुद्ध पाप करलयँ।

![](https://cdn.door43.org/obs/jpg/360px/obs-en-13-12.jpg)

हारुन बाछा केर रुप मेहेन सोना केर एकटा मूर्ति बनालक। उ लोग गिला उ मूर्ति केर उपासना करेक सुरु कइर देलयँ आर उके बलि चेढ़ालयँ! उमनेक पाप केर चलते परमेश्‍वर उमन लेक बेजाइन खिंसाय रहे। ऊ उमन के नास कइर देक चाहत रहे। किन्तु मूसा उमन के नाइ मरायेक केर परमेश्‍वर लेक परथना करलक। परमेश्‍वर उकर परथना के सुनलक आर उमन के नास नाइ करलक।

![](https://cdn.door43.org/obs/jpg/360px/obs-en-13-13.jpg)

आखिर मेहेन मूसा सीनै पहाड़ लेक हेंठे नाभलक। ऊ उ दुइ टा पाखना केर तख्ता गिला के धइर राइख रहे जेटाय परमेश्‍वर दस आग्या गिला के लिख रहे। फिन ऊ उ मूर्ति टाके देखलक। ऊ एतना खिंसाय गेलक कि ऊ उ तख्ता गिला के पटइक कहन रापू कइर देलक।

![](https://cdn.door43.org/obs/jpg/360px/obs-en-13-14.jpg)

फिन मूसा उ मूर्ति के पीस कहन गुँड़ा बनाय देलक, आर उ गुँड़ा गिला के पानी मेहेन घइल कहन उ लोग गिला के उ पानी टाके पियाय देलक। परमेश्‍वर उ लोग गिलाक उपरे एकटा बिपइत पइठालक आर उमनेक मइध लेक ढेइर लोग गिला मइर गेलयँ।

![](https://cdn.door43.org/obs/jpg/360px/obs-en-13-15.jpg)

जन तख्ता गिला के मूसा फुटाय दे रहे उटाक जायगाय मूसा उ दस आग्या गिला केर नावा तख्ता गिला के बनालक। तखन ऊ फिन पहाड़ उपरे चेइढ़ गेलक आर परथना करलक कि परमेश्‍वर उ लोग गिला के छमा करुक। परमेश्‍वर मूसा केर परथना के सुनलक आर उमन के छमा कइर देलक। नावा तख्ता गिलाय दस आग्या गिला के धरल मूसा पहाड़ लेक हेंठे उतइर आलक। तखन परमेश्‍वर सीनै पहाड़ लेक ले कहन परतिंगा केर देस तक इस्राएली गिला केर अगुवाई करलक।

*निर्गमन अध्याय 19-34 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_13_256kbps.m4a

## 14. बन मेहेन भटकेक

https://openbiblestories.org/l/tdb/story-14/

![](https://cdn.door43.org/obs/jpg/360px/obs-en-14-01.jpg)

परमेश्‍वर इस्राएली गिला के उ नियम गिला के बतायेक सिरालक जेटाक उमन के बाँधल उकर वाचा केर चलते पालन करेक आहे। फिन ऊ सीनै पहाड़ लेक आघु बाटे उमन केर अगुवाई करलक। ऊ उमन के परतिंगा केर देस मेहेन लेजायेक चाहत रहे। इ देस टा कनानअ कहायला। परमेश्‍वर बादइर खूँटा केर रुप मेहेन उमनेक आघु-आघु चललक, आर उमन उकर पेछु-पेछु चललयँ।

![](https://cdn.door43.org/obs/jpg/360px/obs-en-14-02.jpg)

परमेश्‍वर अब्राहम, इसहाक आर याकूब लेक परतिंगा कइर रहे कि उ परतिंगा करल उ देस टाके उमनेक बंसज गिला के देइ, किन्तु इ समइ हुआँ ढ़ेइरे जाइत गिला रहत रहयँ। उ गिला कनानी कहाय रहयँ। इ कनानी लोग गिला परमेश्‍वर केर आराधना नाइ करत रहयँ आर उकर आग्या गिला के नाइ मानत रहयँ। उमन झठा देवता गिला केर उपासना करत रहयँ आर बेजाइन खराब काम करत रहयँ।

![](https://cdn.door43.org/obs/jpg/360px/obs-en-14-03.jpg)

परमेश्‍वर इस्राएली गिला के कहलक, “जखन तोहरे उ वाचा केर देस मेहेन जाबा हले हुआँ केर सउब कनानी जाइत गिला लेक छुटकारा पाय लेबा। उमनेक संगे समझौता ना करबा आर उमनेक संगे बिहा ना करबा। तोहरे के उ सउब मूर्ति गिला के एकदम नास कइर देक आहे। जदि तोहरे मर आग्या के नाइ मानबा, हले तोहरे मके छोइड़ कहन उमनेक देवता गिला केर उपासना करे लागबा।”

![](https://cdn.door43.org/obs/jpg/360px/obs-en-14-04.jpg)

जखन इस्राएली गिला कनान देस केर सिमाना मेहेन पहँचलयँ, मूसा इस्राएल केर हरेक गोत्र मइध लेक एक-एक झन कइर कहन बारो झन के चुनलक। ऊ उमन के जाय कहन उ देस केर भेद लेक केर निर्देस देलक कि देखुन कि उटा केसन देस हेके। उमन के उ कनानी गिला केरअ भेद लेक रहे कि देखुन कि उमन बलिमान रहयँ न निर्बल रहयँ।

![](https://cdn.door43.org/obs/jpg/360px/obs-en-14-05.jpg)

उ बारो झन गिला गोटा कनान देस मेहेन घुरत के चालीस दिन केर यात्रा करलयँ आर फिन उमन वापिस घुइर आलयँ उमन लोग गिला के बताय देलयँ, “उ देस टा बेजाइन उपजाउ आहे आर फसल गिला बेजाइन बेसी आहे!” किन्तु दस झन भेद लेवइया गिला कहलयँ, “उमनेक सहर गिला बेजाइन मजबुत आहे आर उ लोग गिला लम्बा चौड़ा आहयँ! जदि हामरे उमनेक उपरे हमला करिला, हले पक्‍काइ उमन हामरे के हराय देबयँ आर हामरे के मराय देबयँ।”

![](https://cdn.door43.org/obs/jpg/360px/obs-en-14-06.jpg)

तुरतेइ कालेब आर यहोशू आर दसर दुइ टा भेदिया गिला कहलयँ, “इटा सत हेके कि कनान केर लोग गिला लम्बा आर बलिमान आहयँ, किन्तु पक्‍काइ हामरे उमन के हराय पारबिक! परमेश्‍र हामरेक लड़ी!”

![](https://cdn.door43.org/obs/jpg/360px/obs-en-14-07.jpg)

किन्तु लोग गिला कालेब आर यहोशू केर कथा के नाइ सुनलयँ। उमन मूसा आर हारुन उपरे खिंसाय गेलयँ आर कहलयँ, “तयँ हामरे के इ डरडरा जायगा मेहेन काहे ले कहन आइन आहिस? हामरे के मिस्र देस मेहनेइ रहेक चाही रहे। जदि हामरे उ देस मेहेन जाइला हले हामरे लड़ाई मेहेन मराय जाब, आर कनान केर लोग गिला हामरेक पत्नी गिला आर छुवा गिला के गुलाम बनाय लेबयँ।” उ लोग गिला के वापिस मिस्र लेजायेक तेहें एकटा दसर अगुवा के चुनेक चाहत रहयँ।

![](https://cdn.door43.org/obs/jpg/360px/obs-en-14-08.jpg)

जखन उ लोग गिला एसन कहलयँ तो परमेश्‍वर बेजाइन खिंसाय जाय रहे। ऊ मिलापवाला तम्बु मेहेन आलक आर कहलक, “तोहरे मर बिरुद्ध बलवा कइर आहा, सेतेहें तोहरे सउब के इ बन मेहेन भटकेक हइ। हर झन जे बीस बछर चाहे उकर लेक बेसी उमइर केर आहयँ उमन हुआँ मइर जाबयँ आर कबउ उ देस मेहेन समाय नाइ पारबयँ जेटा मयँ तोहरे के देवलाँ। केबल कालेब आर यहोशू हुआँ समाबयँ।”

![](https://cdn.door43.org/obs/jpg/360px/obs-en-14-09.jpg)

जखन लोग गिला परमेश्‍वर के एसन कहत के सुनलयँ, तो उमन दुखी हलयँ काहेकि उमन पाप कइर रहयँ। सेतेहें कनान केर लोग गिला उपरे हमला करे केर निर्नय करलयँ। मूसा उमन के नाइ जाय केर चेतावनी देलक काहेकि परमेश्‍वर उमनेक संगे नाइ जाइ, किन्तु उमन उकर नाइ सुनलयँ।

![](https://cdn.door43.org/obs/jpg/360px/obs-en-14-10.jpg)

परमेश्‍वर इ लड़ाई मेहेन उमनेक संगे नाइ जाय रहे, सेतेहें कनानी गिला उमन के हराय देलयँ आर उमन लेक ढेइर गिला के मराय देलयँ। तखन इस्राएली लोग गिला कनान लेक वापिस घुइर गेलयँ। आघुक चालीस बछर तक, उमन बन मेहेन हिन्दे-हुन्दे भटकते रहलयँ।

![](https://cdn.door43.org/obs/jpg/360px/obs-en-14-11.jpg)

इस्राएली लोग गिला बन मेहेन भटकेक केर चालीस बछर समइ मेहेन, परमेश्‍वर उमनेक जरुरत गिला के पूरा करलक। ऊ उमन के सरग लेक “मन्‍ना” कहाइया पिठा देलक। ऊ बटेर चरइ गिलाक दल कउ (जे कि ठीक साइज केर चरइ हयन्ला) उमनेक छावनी मेहेन पइठालक ताकि उमनेक पासे खायेक केर माँस हउक। उ पूरा समइ, परमेश्‍वर उमनेक लूगा गिला आर जूता गिलाके फाटेक नाइ देलक।

![](https://cdn.door43.org/obs/jpg/360px/obs-en-14-12.jpg)

हिआँ तक कि परमेश्‍वर उमन के पीयेक तेहें चमत्कारी रुप लेक चट्टाइन लेक पानी बाहरालक। किन्तु इ सउब के बउजुद, इस्राएली लोग गिला परमेश्‍वर केर बिरुद्ध आर मूसा केर बिरुद्ध सिकायत करलयँ आर कुरकुरालयँ। तेउ, परमेश्‍वर बिसास लाइक रहे। ऊ जे परतिंगा कइर रहे कि ऊ अब्राहम, इसहाक, आर याकूब केर बंसज गिला केर तेहें करी ऊ उटा के करलक।

![](https://cdn.door43.org/obs/jpg/360px/obs-en-14-13.jpg)

एकटा दसर समइ मेहेन उखन उ लोग गिला केर पासे पानी नाइ रहे, परमेश्‍वर मूसा के कहलक, “चट्टाइन लेक कथा करिन, आर उटा लेक पानी बाहराइ।” किन्तु मूसा चट्टाइन ले कथा नाइ करलक। इकर बदली मेहेन, ऊ ठेंगा लेक चट्टाइने दुइ धाँव मारलक। इ रकम चट्टाइन लेक पानी तो बाहरालक, किन्तु परमेश्‍वर मूसा लेक खिंसाय गेलक। ऊ कहलक, “काहेकि तयँ एसन कइर आहिस, सेतेहें तयँ परतिंगा केर देस मेहेन समाय नाइ पारबे।”

![](https://cdn.door43.org/obs/jpg/360px/obs-en-14-14.jpg)

जखन इस्राएली लोग गिला चालीस बछर तक बन मेहेन भटक चुइक रहयँ, तखन जे गिला परमेश्‍वर केर बिरुद्ध बलवा कइर रहयँ उ सउब गिला मइर गेलयँ। तखन परमेश्‍वर उ लोग गिला के फिन उ परतिंगा केर देस केर सीमान तक ले गेलक। एधाँव मूसा ढेइरे बूढ़ाय जाय रहे, सेतेहें परमेश्‍वर लोग गिला के अगुवाई करेक मेहेन उकर साहेता करेक तेहें यहोशू के चुनलक। परमेश्‍वर मूसा संगे इ परतिंगाउ कइर रहे कि एक दिन ऊ उ लोग गिलाक पासे मूसा जेसन एकटा भबिस्यबक्ता के पइठाइ।

![](https://cdn.door43.org/obs/jpg/360px/obs-en-14-15.jpg)

तखन परमेश्‍वर मूसा के एकटा पहाड़ केर चुटी मेहेन जायेक कहलक ताकि उ परतिंगा केर देस के देखेक पारुक। मूसा उ परतिंगा केर देस के देखलक किन्तु परमेश्‍वर उके हुआँ समाय केर अनुमति नाइ देलक। तखन मूसा मइर गेलक, आर इस्राएली गिला तीस दिन तक शोक मनालयँ। यहोशू उमनेक नावा अगुआ बइन गेलक। यहोशू एकटा बेस अगुवा रहे काहेकि उ परमेश्‍वर उपरे भरसा करलक आर उकर कथा गिला मानलक।

*निर्गमन अध्याय 16-17; गिनती 10-14; 20; 27; बेबस्था बिबरन 34 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_14_256kbps.m4a

## 15. परतिंगा केर देस

https://openbiblestories.org/l/tdb/story-15/

![](https://cdn.door43.org/obs/jpg/360px/obs-en-15-01.jpg)

आखिर मेहेन, एधाँव उ समइ आय गेलक कि इस्राएली लोग गिला परतिंगा केर देस, कनान मेहेन समाउन। उ देस मेहेन यरीहो नामेक एकटा नगर रहे। उकर सुरक्षा केर तेहें उटाक चाइरो धार मजबूत पाचीर गिला रहे। यहोशू उ नगर मेहेन दुइटा भेदिया गिला के पइठालक। उ नगर मेहेन राहाब नामेक एकटा रन्डी रहत रहे। ऊ इ भेदिया गिला के लुकालक, आर फिन बादे उ उमन के नगर लेक बाँइच कहन निकलेक मेहेन साहेता करलक। ऊ एसन एहे तेहें करलक काहेकि ऊ परमेश्‍वर मेहेन बिसास करत रहे। जन समइ इस्राएली लोग गिला यरीहो के नास करबयँ तखन उमन राहाब आर उकर परिबार केर रइकछा करे केर परतिंगा कइर रहयँ।

![](https://cdn.door43.org/obs/jpg/360px/obs-en-15-02.jpg)

इस्राएली लोग गिला परतिंगा केर देस मेहेन समायेक तेहें यरदन नदी के पार करेक रहे। परमेश्‍वर यहोशू के कहलक, “याजक गिला के पहिल जायेक देहिन।” जखन याजक गिला यरदन नदी मेहेन आपन कदम के राखलयँ तो पानी केर बहेक थइम गेलक, जेटा लेक कि इस्राएली लोग गिला नदी केर दसर धार बाटे सुखल भूँई मेहेन जाय पारुन।

![](https://cdn.door43.org/obs/jpg/360px/obs-en-15-03.jpg)

उ लोग गिला यरदन नदी के पार कइर लेलयँ तो परमेश्‍वर यहोशू के कहलक कि यरीहो उपरे हमला करेक तेहें तेयार रहा, हालाँकि उटा बेजाइन मजबूत नगर रहे। परमेश्‍वर उ लोग गिला के कहक कि उमनेक याजक गिला आर पालटन गिला के छह दिन तक उ नगर केर चाइरो धार चक्‍कर लगायेक आहे। आखिर मेहेन याजक गिला आर पालटन गिला एसनेइ करलयँ।

![](https://cdn.door43.org/obs/jpg/360px/obs-en-15-04.jpg)

तखन सातवाँ दिने, इस्राएली गिला उ नगर केर चाइरो धार सात धाँव आरो चक्‍कर लगालयँ। उमनेक नगर केर चाइरो धार सातवाँ धाँव चक्‍कर लगायेक बादे, याजक गिला आपन तुरधुतु गिला के फुँकलयँ आर पालटन गिला डबल आँटे चिल्‍लालयँ।

![](https://cdn.door43.org/obs/jpg/360px/obs-en-15-05.jpg)

तखन यरीहो केर चाइरो धार केर पाचीर गिला गिर गेलक! जेसन परमेश्‍वर आग्या दे रहे इस्राएली गिला नगर केर हर एक चीज के नास कइर देलयँ। उमन के राहाब आर उकर परिबार के छोइड़ देलयँ, जे इस्राएली गिला केर हिस्सा बइन जाय रहे। जखन कनान मेहेन रहइया दसर लोग गिला सुनलयँ कि इस्राएली गिला यरीहो के नास कइर दे आहयँ, तो उमन डराय गेलयँ कि इस्राएली लोग गिला उमनेक उपरउ हमला करबयँ।

![](https://cdn.door43.org/obs/jpg/360px/obs-en-15-06.jpg)

परमेश्‍वर इस्राएली गिला के आग्या दे रहे कि कनान मेहेन रहइया कनअय जाइत गिला संगे समझौता नाइ करेक आहे। किन्तु गिबोनी नामेक एकटा कनानी जाइत केर लोग गिला यहोशू लेक झूठ कहलयँ कि उमन कनान लेक दूर एक जायगा केर रहइया हेकयँ। उमन यहोशू के उमनेक संगे शान्ति समझौता करे केर अर्जी करलयँ। यहोशू आर दसर इस्राएली अगुवा गिला परमेश्‍वर के नाइ पुछलयँ कि उमन के का करेक चाही। इकर बदली मेहेन, उमन गिबोनी गिला संगे शान्ति समझौता कइर लेलयँ।

![](https://cdn.door43.org/obs/jpg/360px/obs-en-15-07.jpg)

तीन दिन केर बादे, इस्राएली गिला के पता हलक कि गिबोनी लोग गिला कनान मेहनेइ रहत रहयँ। उमन खिंसाय गेलयँ काहेकि गिबोनी गिला उमन के धोखा दे रहयँ। किन्तु उमन उमनेक संगे करल उ शान्ति समझौता के बनाय राखलयँ काहेकि उटा परमेश्‍वर केर पासे करल जाय रहे। तखन थोड़ेक समइ केर बादे, कनान मेहेन रहइया एकटा दसर जाइत, एमोरी गिला केर राजा गिला सुनलयँ कि गिबोनी गिला इस्राएली गिला संगे शान्ति समझौता कइर ले आहयँ, सेतेहें उमन आपन-आपन पालटन गिला के जामा कइर कहन एकटा बड़े पालटन गिलाक दल बनालयँ आर गिबोन उपरे हमला कइर देलयँ। गिबोनी गिला उमन केर साहेता करेक तेहें यहोशू केर पासे एकटा सन्देस पइठालयँ।

![](https://cdn.door43.org/obs/jpg/360px/obs-en-15-08.jpg)

आखिर मेहेन यहोशू इस्राएली गिलाक पालटन गिला के जामा करलक आर गिबोनी गिला केर पासे पहँचेक तेहें गोटा राइत चललयँ। उनगुते उमन एमोरी गिलाक पालटन गिला के चकित कइर देलयँ आर उमनेक उपरे हमला कइर देलयँ।

![](https://cdn.door43.org/obs/jpg/360px/obs-en-15-09.jpg)

उ दिन परमेश्‍वर इस्राएली गिलाक तेहें लड़लक। ऊ एमोरी गिला के डरुवाय देलक आर ऊ बड़े-बड़े पाखना पानी गिराय कहन ढेइरे एमोरी गिला के मराय देलक।

![](https://cdn.door43.org/obs/jpg/360px/obs-en-15-10.jpg)

परमेश्‍वर सूरुज कउ आकास मेहेन एक जायगाय थिर कइर देलक ताकि इस्राएली गिला के काफी समइ पावाउक कि एमोरी गिला के पूरा पूरी हराय देउन। उ दिन, परमेश्‍वर इस्राएली गिलाक तेहें एकटा बड़े बिजइ पालक।

![](https://cdn.door43.org/obs/jpg/360px/obs-en-15-11.jpg)

जखन परमेश्‍वर उ पालटन गिला के हरायेक बादे, ढेइरे कनानी जाइत केर लोग गिला इस्राएली गिलाक उपरे हमला कइर कहन उमन के सर्बनास कइर देलक।

![](https://cdn.door43.org/obs/jpg/360px/obs-en-15-12.jpg)

इ लड़ाई गिलाक बादे, परमेश्‍वर इस्राएल केर हर एक गोत्र के परतिंगा केर उ देस मेहेन हिस्सा देलक। तखन परमेश्‍वर इस्राएली गिला के उमनेक सभे सीमान गिलाय शान्ति देलक।

![](https://cdn.door43.org/obs/jpg/360px/obs-en-15-13.jpg)

जखन यहोशू बूढ़ा हय गेलक तो ऊ इस्राएल केर सभे लोग गिला के एके संगे डाकलक। तखन यहोशू उ लोग गिला के याइद करलक कि उमन जे उ वाचा केर पालन करे केर परतिंगा कइर रहयँ जे परमेश्‍वर उमनेक संगे सीनै पहाड़ उपरे बाँइध रहे। उ लोग गिला परमेश्‍वर केर प्रति बिसास लाइक रहेक आर उकर बेबस्था गिला केर पालन करे केर वादा करलक।

*यहोशू अध्याय 1-24 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_15_256kbps.m4a

## 16. छुड़ाइया गिला

https://openbiblestories.org/l/tdb/story-16/

![](https://cdn.door43.org/obs/jpg/360px/obs-en-16-01.jpg)

यहोशू केर मरेक बादे इस्राएली गिला परमेश्‍वर केर आग्या के नाइ मानलयँ। उमन परमेश्‍वर केर नियम गिला केर पालन नाइ करलयँ, आर उमन उ परतिंगा केर देस लेक बाँचल कनानी गिला के बाहिर कइर देलयँ। इस्राएली गिला आपन सच्‍चा परमेश्‍वर, यहोवा के छोइड़ कहन कनानी गिलाक देवता गिला केर उपासना करेक सुरु कइर देलयँ। इस्राएली गिला केर पासे कनअ राजा नाइ रहयँ, सेतेहें जेके जेटा बेस लागत रहे उमन उटाइ करलयँ।

![](https://cdn.door43.org/obs/jpg/360px/obs-en-16-02.jpg)

परमेश्‍वर केर आग्या नाइ मानेक दाराय इस्राएली गिला एकटा पद्धति के सुरु कइर देलयँ जेटा कयो धाँव दहराल जाय रहे। इ पद्धति इ रकम चललक: थोड़े बछर तक इस्राएली गिला परमेश्‍वर केर आग्या गिला के मानबयँ, तखन ऊ उमन के उमनेक दुस्मन गिला लेक हरुवाय कहन दन्ड करी। इ दुस्मन गिला इस्राएली गिला लेक उमनेक जिनिस गिला के लुइट लेबयँ, उमनेक सम्पत्ति गिला के नास कइर देबयँ, आर उमनेक लेक बेजाइन लोग गिला के मराय देबयँ। फिन जखन इस्राएली गिला केर दुस्मन गिला उमनेक उपरे ढेइर बछर तक अत्याचार करबयँ, उकर बादे इस्राएली गिला आपन पाप गिलाक पछताप करबयँ आर परमेश्‍वर लेक उमन के बाँचायेक तेहें परथना करबयँ।

![](https://cdn.door43.org/obs/jpg/360px/obs-en-16-03.jpg)

हरेक धाँव जखन इस्राएली गिला पछताप करबयँ तो परमेश्‍वर उमनके बाँचाइ। ऊ एकटा छोड़ाइया केर दाराय एसन करी – एकटा एसन लोग जे उमनेक दुस्मन गिला केर बिरुद्ध लड़ी आर उमन के हराय देइ। तखन देस मेहेन शान्ति हइ आर ऊ छोड़ाइया उमनेक उपरे बेस निहार सासन करी परमेश्‍वर उ लोग गिला के बाँचायेक तेहें ढेइरे छोड़ाइया गिला के पइठालक। परमेश्‍वर पासे केरेइ एकटा दुस्मन जाइत, मिद्यानी गिला केर दाराय इस्राएली गिला के हरुवायेक दाराय फिन एसन करलक।

![](https://cdn.door43.org/obs/jpg/360px/obs-en-16-04.jpg)

मिद्यानी गिला सात बछर तक इस्राएली गिला केर फसल गिला के लुटलयँ। इस्राएली लोग गिला बेजाइन डराय जाय रहयँ, आर उमन पहाड़ लाता गिलाय लुइक गेलयँ ताकि मिद्यानी लोग गिला उमन के खजे ना पाउन। आखिर मेहेन, उमन के बाँचायेक तेहें उमन परमेश्‍वर के हाँकालयँ।

![](https://cdn.door43.org/obs/jpg/360px/obs-en-16-05.jpg)

गिदोन नामेक एकटा इस्राएली पुरुस रहे। एक दिन, ऊ एकटा गुपुत स्थान मेहेन गेंहूँ मिसत रहे ताकि मिद्यानी लोग गिला उटा के चरायेक ना पारुन। यहोवा केर सरगदूत गिदोन केर पासे आय कहन उके कहलक, “ए शूरवीर सूरमा, परमेश्‍वर तर संगे आहे। जाहिन आर इस्राएली गिला के मिद्यानी गिला लेक बाँचाइन।”

![](https://cdn.door43.org/obs/jpg/360px/obs-en-16-06.jpg)

गिदोन केर बाप केर पासे मूर्ति के समर्पित एकटा बेदी रहे। सउब लेक पहिल बात जे परमेश्‍वर गिदोन के करेक तेहें कहलक ऊ उ बेदी टा के तोड़ेक रहे। किन्तु गिदोन लोग गिला लेक डरात रहे, सेतेहें ऊ राइत हय केर इन्तजार करलक। तखन ऊ उ बेदी टाके तोइड़ कहन खँड़ा-खँड़ा कइर देलक। ऊ परमेश्‍वर केर तेहें एकटा नावा बेदी बनालक आर उटाय परमेश्‍वसर केर तेहें बलि चेढ़ालक।

![](https://cdn.door43.org/obs/jpg/360px/obs-en-16-07.jpg)

आघु दिन बिहाने लोग गिला देखलयँ कि केउ बेदी टाके तोइड़ कहन खँड़ा-खँड़ा कइर दे आहयँ, सेतेहें उमन बेजाइन खिंसालयँ। उमन गिदोन के मरायेक तेहें उकर घर गेलयँ, किन्तु गिदोन केर बाप कहलक, “तोहरे काहे आपन देवता केर साहेता करे केर कोसिस करताहा? जदि ऊ देवता हेके हले उके आपन सुरक्षा खुद करेक देवा!” काहेकि ऊ एसन कहलक सेतेहें लोग गिला गिदोन के नाइ मरालयँ।

![](https://cdn.door43.org/obs/jpg/360px/obs-en-16-08.jpg)

तखन इस्राएली गिला के लुटेक तेहें मिद्यानी गिला फिन आलयँ। उमन एतना बेसी रहयँ कि उमनेक गिनतीयो नाइ करे पारातक। गिदोन उमनेक बिरुद्ध लड़ेक तेहें इस्राएली गिला के एके संगे डाकलक। गिदोन परमेश्‍वर ले दुइटा चिन्हा केर माँग करलक ताकि उके बिसास हय जाउक कि परमेश्‍वर सच मेहेन उके इस्राएली गिला के बाँचायेक तेहें कहतेहे।

![](https://cdn.door43.org/obs/jpg/360px/obs-en-16-09.jpg)

पहिला चिन्हा केर तेहें, गिदोन एकटा भेड़ी केर ऊन के भूँईये राइख कहन परमेश्‍वर के कहलक, कि बिहान केर सित पानी केबल भेड़ी केर उ चुइल (ऊन) उपरे पड़ुक आर भूँईये ना पड़ुक। परमेश्‍वर एसनेइ करलक। आघुक राइते, ऊ परमेश्‍वर के कहलक कि भूँई भिंजुक किन्तु भेड़ी केर चुइल (ऊन) सुखल रहुक। परमेश्‍वर एसनेइ करलक। इ दुइटा चिन्हा गिला केर चलते, गिदोन बिसास करलक कि परमेश्‍वर सच मेहेन चाहेला कि ऊ इस्राएली के मिद्यानी गिला लेक बाँचाउक।

![](https://cdn.door43.org/obs/jpg/360px/obs-en-16-10.jpg)

तखन गिदोन पालटन गिला के आपन पासे डाकलक आर 32,000 पुरुस गिला आलयँ। किन्तु परमेश्‍वर उके कहलक कि इमन बेजाइन सांगी आहयँ। सेतेहें गिदोन उ सउब 22,000 के घर वापिस पइठाय देलक जे गिला लड़ेक ले डरात रहयँ। परमेश्‍वर गिदोन के कहलक कि इ पुरुस गिला एखनअ बेजाइन सांगी रहयँ। सेतेहें गिदोन 300 पालटन गिला के छइड़ कहन उ सउब के घर पइठाय देलक।

![](https://cdn.door43.org/obs/jpg/360px/obs-en-16-11.jpg)

उ राइते परमेश्‍वर गिदोन के कहलक, “मिद्यानी गिला केर छावनी मेहेने जाहिन आर उमन के कथा करत के सुनिन। जखन तयँ सुनबे कि उमन का कथा करतहयँ तो तयँ उमनेक उपरे हमला करेक लेक ना डराबे।” सेतेहें उ राइते, गिदोन हेंठे उमनेक छावनी मेहेन गेलक आर ऊ एकटा मिद्यानी पालटन के आपन संगी के उ कथा कइह देत के सुनलक जे स्वपन मेहेन देइख रहे। उ पुरुस केर संगी टा कहलक, “इ स्वपन केर माने हेके कि गिदोन केर पालटन गिला हामरे मिद्यानी पालटन गिला के हराय देइ!” जखन गिदोन इटा सुनलक तो ऊ परमेश्‍वर केर स्तुति करलक।

![](https://cdn.door43.org/obs/jpg/360px/obs-en-16-12.jpg)

तखन गिदोन आपन पालटन गिलाक पासे घुरलक आर उमन लेक हर एक झन के एकुकटा तुरधुतु, हाँड़ी, आर बम्बारु देलक। उमन उ छावनी टाके घेइर लेलयँ जहाँ मिद्यानी पालटन गिला निदात रहयँ। गिदोन केर 300 पालटन गिला आपन बम्बारु गिला के हाँड़ी लेक ढाँपल राइख रहयँ सेतेहें मिद्यानी लोग गिला उ बम्बारु गिला केर आलो के नाइ देइख पाय रहयँ।

![](https://cdn.door43.org/obs/jpg/360px/obs-en-16-13.jpg)

तखन गिदोन केर सउब पालटन गिला आपन हाँड़ी गिला के एके धाँवे अचकाय बम्बारु गिला केर आइग के परगट कइर देलयँ। उमन आपन तुरधुतु गिला के फुँकलयँ आर चिल्‍लालयँ, “यहोवा केर तलवाइर आर गिदोन केर तलवाइर!”

![](https://cdn.door43.org/obs/jpg/360px/obs-en-16-14.jpg)

परमेश्‍वर मिद्यानी गिला के डरुवाय देलक, सेतेहें उमन एक दसर के मारे लागलयँ। तुरतेइ, गिदोन उ सन्देसवाहक गिला के ढेइर दसर इस्राएली के डाकेक तेहें पइठालक कि उमन मिद्यानी गिला केर पीछा करेक मेहेन साहेता करुन। उमन उमनेक मइध लेक ढेइर लोग गिला के मराय देलयँ आर बाकी गिला केर पीछा कइर उमन के इस्राएल देस लेक बाहिर कइर देलयँ। उ दिन 1,20,000 मिद्यानी गिला माराय गेलयँ। इ निहार परमेश्‍वर इस्राएली गिला के बाँचालक।

![](https://cdn.door43.org/obs/jpg/360px/obs-en-16-15.jpg)

उ लोग गिला गिदोन के आपन राजा बनायेक चाहत रहयँ, किन्तु गिदोन उमन के एसन करेक नाइ देलक, लेकिन ऊ उमन लेक उ सोना केर आभूषण गिला के माँगलक जेटा उमनेक मइध लेक हर एक झन मिद्यानी गिला के लुइट रहयँ। उ लोग गिला बेजाइन मात्रा मेहेन गिदोन के सोना देलयँ।

![](https://cdn.door43.org/obs/jpg/360px/obs-en-16-16.jpg)

तखन गिदोन उ सोना गिला लेक एकटा खास पोसाक बनालक जेसन कि महायाजक पिंधत रहे। किन्तु लोग गिला उकर उपासना करेक सुरु कइर देलयँ जेसन कि ऊ एकटा मूर्ति हेके। तखन परमेश्‍वर फिन इस्राएली गिला के दन्ड देलक काहेकि उमन मूर्ति केर उपासना कइर रहयँ। परमेश्‍वर उमनेक दुस्मन गिला के उमन के हरायेक तेहें सक्षम करलक। आखिर मेहेन उमन फिन परमेश्‍वर लेक साहेता करेक तेहें परथना करलयँ, आर परमेश्‍वर उमनेक पासे उमन के बाँचायेक तेहें एकटा दसर छोड़ाइया के पइठालक।

![](https://cdn.door43.org/obs/jpg/360px/obs-en-16-17.jpg)

एहे कथा टा कयो धाँव घटित हलक, इस्राएली लोग गिला पाप करबयँ, परमेश्‍वर उमन के दन्ड देइ, उमन पछताप करबयँ, आर परमेश्‍वर उमन के छोड़ायेक तेहें केकउ के पइठाइ। ढेइर बछर तक, परमेश्‍वर ढेइरे छोड़ाइया गिला के पइठालक जे इस्राएली गिला के उमनेक दुस्मन गिला लेक बाँचालक।

![](https://cdn.door43.org/obs/jpg/360px/obs-en-16-18.jpg)

आखिर मेहेन, उ लोग गिला दसर देस गिला निहार परमेश्‍वर लेक निजेक तेहें एकटा राजा केर माँग करलयँ। उमन एकटा एसन राजा के चाहत रहयँ जे लम्बा आर सक्तिसाली हउक, आर जे लड़ाई मेहेन उमन केर अगुवाई करे पारुक। परमेश्‍वर के इ अर्जी टा बेस नाइ लागलक, किन्तु ऊ उमन के असने राजा देलक जेसन उमन माँग कइर रहयँ।

*न्यायी गिलाक अध्याय 1-3; 6-8; 1शमूएल 1-10 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_16_256kbps.m4a

## 17. दाऊद केर संगे परमेश्‍वर केर वाचा

https://openbiblestories.org/l/tdb/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएल केर पहिला राजा रहे। ऊ लम्बा आर सुन्दर रहे, जेसन उ लोग गिला चाहत रहयँ एकदम असनेइ। इस्राएल उपरे आपन सासन केर पहिलेक थोड़ेक बछर गिलाय शाऊल एकटा बेस राजा रहे। किन्तु बाद मेहेन ऊ एकटा दुस्ट अदमी बइन गेलक जे परमेश्‍वर केर कथा गिला के नाइ मानलक, सेतेहें परमेश्‍वर एकटा दसर अदमी के चुनलक जे कि एक दिन उकर जायगा मेहेन राजा बनी।

![](https://cdn.door43.org/obs/jpg/360px/obs-en-17-02.jpg)

परमेश्‍वर दाऊद नामेक एकटा जुवान इस्राएली पुरुस के चुइन कहन एक दिन शाऊल केर जायगा मेहेन राजा हयेक तेहें तेयारी करेक सुरु करलक। दाऊद बैतलहम नगर केर एकटा चरवाह रहे। कयो धाँव, दाऊद सिंह आर भालू दुइयो के माइर दे रहे काहेकि दाऊद चरवाहाइ करत समय उकर बाप केर भेड़ी गिलाय हमला कइर रहयँ। दाऊद एकटा नम्र आर धरमी अदमी रहे। ऊ परमेश्‍वर उपरे भरसा करलक आर उकर कथा गिला के मानलक।

![](https://cdn.door43.org/obs/jpg/360px/obs-en-17-03.jpg)

जखन दाऊद एखन जुवाने रहे, ऊ लम्बा-चौड़ा गोलियत केर बिरुद्ध लडाई करलक। गोलियत एकटा बेजाइन बेस पालटन रहे। ऊ बेजाइन मजबूत आर करिबन तीन मीटर लम्बा रहे! किन्तु परमेश्‍वर गोलियत के मरायेक आर परनेश्‍वर इस्राएल के बाँचायेक तेहें दाऊद केर साहेता करलक। इकर बादे, दाऊद इस्राएल केर दुस्मन गिलाय कयो धाँव जीत हाँसिल करलक। दाऊद एकटा बड़े पालटन बइन गेलक, आर ऊ बेजाइन लड़ाई गिलाय इस्राएली पालटन गिला केर अगुवाई करलक। लोग गिला उकर बेजाइने परसंसा करलयँ।

![](https://cdn.door43.org/obs/jpg/360px/obs-en-17-04.jpg)

लोग गिला दाऊद के एतना दुलार करलयँ कि शाऊल उकर लेक हिसिंगा करे लागलक। आखिर मेहेन शाऊल उके माइर देक चाहत रहे, सेतेहें दाऊद उकर लेक आर उकर पालटन गिला लेक छिपेक तेहें बने भाइग गेलक। एक दिन, जखन शाऊल आर उकर पालटन गिला दाऊद केर खोज मेहेन रहयँ तो शाऊल एकटा पहाड़ लाता मेहेन गेलक। इटा अहे लाता रहे जेटाय दाऊद छिपल रहे, किन्तु शाऊल उके नाइ देखलक। दाऊद शाऊल केर पेछु वाटे लेक उकर पासे चइल गेलक आर उकर लूगा के एक खँड़ा काइट लेलक। बादे, जखन शाऊल उ लाता लेक बाहरालक तो दाऊद उके हाँकाय कहन उ लूगा केर खँड़ा टाके देखालक। इ रकम लेक, शाऊल जाइन गेलक कि दाऊद राजा बनेक तेहें उके मराय देक लेक इंकार कइर दे आहे।

![](https://cdn.door43.org/obs/jpg/360px/obs-en-17-05.jpg)

थोड़ेक बछर केर बादे, शाऊल लड़ाई मेहेन मइर गेलक, आर दाऊद इस्राएल केर राजा बइन गेलक। ऊ एकटा बेस राजा रहे, आर लोग गिला उकर संगे प्रेम करे लागलयँ। परमेश्‍वर दाऊद के आसिरबाद लेक भइर देलक आर उके सफल बनालक। दाऊद कयोटा लड़ाई लड़लक, आर परमेश्‍वर इस्राएल केर दुस्मन गिला के हराय देक मेहेन उकर साहेता करलक। दाऊद यरुशलेम नगर के जीत कहन उटा के आपन राजधानी बनालक, जहाँ ऊ रहलक आर सासन करलक। दाऊद चालीस बछर तक राजा रहे। इ समइ केर दौरान, इस्राएल गिला सामर्थी आर धनीमान बइन गेलयँ।

![](https://cdn.door43.org/obs/jpg/360px/obs-en-17-06.jpg)

दाऊद एकटा मन्दिर बनाय चाहत रहे जहाँ सभे इस्राएली गिला परमेश्‍वर केर आराधना करे पारयँ आर उकर तेहें बलिदान चेढ़ाय पारयँ। करिबन 400 बछर लेक, उ लोग गिला मूसा केर बनाल मिलापवाला तम्बु मेहेन परमेश्‍वर केर आराधना करत रहयँ आर उकर तेहें बलिदान चेढ़ात रहयँ।

![](https://cdn.door43.org/obs/jpg/360px/obs-en-17-07.jpg)

किन्तु हुआँ नातान नामेक एकटा भबिस्यबक्ता रहे। परमेश्‍वर उके दाऊद के इटा कहेक तेहें पइठालक: “तयँ बेजाइन लड़ाई लइड़ आहिस, सेतेहें तयँ मर खातिर इ मन्दिर के नाइ बनाबे। तर बेटा इके बनाइ। तेउ, मयँ तके बेजाइन बेसी आसिरबाद लेक भइर देमुँ। तर एकटा बंसज हमेसा केर तेहें मर लोग गिलाक उपरे राजा केर रुप मेहेन सासन करी।” हमेसा केर तेहें सासन करइया ऊ दाऊद केर एकमात्र बसंज मसीह रहे। मसीह परमेश्‍वर केर चुनल जन रहे जे संसार केर लोग गिला के उमनेक पाप गिला केर दन्ड लेक बाँचाइ।

![](https://cdn.door43.org/obs/jpg/360px/obs-en-17-08.jpg)

जखन दाऊद नातान केर सन्देस के सुनलक तो ऊ परमेश्‍वर के धन्यवाद देलक आर उकर स्तुति करलक। परमेश्‍वर उकर मान-सम्मान के बढ़ात रहे आर ढेइरे आसिरबाद गिला देत रहे। बेशक, दाऊद नाइ जानत रहे कि परमेश्‍वर इ कथा गिला के कबे करी। इ समइ हामरे नाइ जानिला कि इस्राएली गिला के एकटा लम्बा समइ तक, करिबन एक हजार बछर तक मसीह केर आयेक केर इन्तजार करेक हइ।

![](https://cdn.door43.org/obs/jpg/360px/obs-en-17-09.jpg)

दाऊद कयो बछर तक न्यायपूर्बक आपन लोग गिलाक उपरे सासन करलक। ऊ इमानदारी लेक परमेश्‍वर केर कथा गिला के मानलक आर परमेश्‍वर उके आसिरबाद लेक भइर देलक। हालाँकि, आपन जीबन केर आखिर मेहेन ऊ परमेश्‍वर केर बिरुद्ध भयानक पाप कइर रहे।

![](https://cdn.door43.org/obs/jpg/360px/obs-en-17-10.jpg)

एक दिन दाऊद निजेक महल लेक बाहिर हुलकलक आर एकटा सुन्दर बेटी छुवा के नहात के देखलक। ऊ उके नाइ जानत रहे, लेकिन उके पता लगाय लेलक कि उकर नाम बतशेबा रहे।

![](https://cdn.door43.org/obs/jpg/360px/obs-en-17-11.jpg)

आपन नजइर के घुरायेक बदली, दाऊद उके आपन पासे आनेक तेहें केकउ के पइठालक। ऊ उकर संगे सुतलक आर उके आपन घर पइठाय देलक। थोड़ेक दिन केर बादे बतशेबा इटा कइह कहन दाऊद केर पासे सन्देस पइठालक कि ऊ भारी गात मेहेन आहँ।

![](https://cdn.door43.org/obs/jpg/360px/obs-en-17-12.jpg)

बतशेबा केर पति ऊरिय्याह नामेक एकटा अदमी रहे। ऊ दाऊद केर बेस पालटन गिलाक मइधे एक झन रहे। इ समइ ऊ लड़ाई करेक तेहें बाहिर जाय रहे। दाऊद ऊरिय्याह के लड़ाई लेक वापिस डाइक कहन उके आपन पत्नी केर संगे रहेक तेहें कहलक। किन्तु दसर पालटन गिला लड़ाई मेहेन रहयँ सेतेहें ऊरिय्याह घर जाय लेक इंकार कइर देलक। आखिर मेहेन दाऊद ऊरिय्याह के वापिस लड़ाई मेहेन पइठाय देलक आर सेनापति के उके लड़ाई मेहेन एसन जायगाय राखेक तेहें कहलक जहाँ दुस्मन सउब लेक सक्तिसाली हउन ताकि ऊ माराय जाउक। तो एसन हलक कि ऊरिय्याह लड़ाई मेहेन माराय गेलक।

![](https://cdn.door43.org/obs/jpg/360px/obs-en-17-13.jpg)

ऊरिय्याह केर लड़ाई मेहेन मइर जायेक बादे दाऊद बतशेबा के बिहा कइर लेलक। बादे, ऊ दाऊद केर बेटा के जनम देलक। दाऊद जेटा करलक उटा लेक परमेश्‍वर बेजाइन बेसी खिंसाल रहे, सतेहें ऊ नातान भबिस्यबक्ता के दाऊद के इटा बतायेक तेहें पइठाल कि उकर पाप कतना खराब रहे। दाऊद आपन पाप केर तेहें पछताप करलक आर परमेश्‍वर उके छमा कइर देलक। आपन बाँचल जीबन मेहेन, आपन कठिन समइ मेहनउ दाऊद परमेश्‍वर केर पेछु-पेछु चललक आर उकर कथा के मानलक।

![](https://cdn.door43.org/obs/jpg/360px/obs-en-17-14.jpg)

किन्तु दाऊद केर छुवा मइर गेलक। इ रकम परमेश्‍वर दाऊद के दन्ड देलक। इकर अलावा, दाऊद केर मरेक तक, उकर परिबार केर थोड़ेक लोग गिला उकर बिरुद्ध लड़ाई करलयँ, आर दाऊद केर आपन सक्ति कम हय जाय रहे। किन्तु परमेश्‍वर बिसास लाइक रहे आर एखनउ ऊ उटा करलक जे ऊ दाऊद लेक करे केर वादा कइर रहे कि ऊ करी, भलेइ दाऊद उकर आग्या के नाइ माइन रहे। बादे, दाऊद आर बतशेबा केर दसर छुवा उत्पन्‍न हलक, आर उमन उकर नाम सुलेमान राखलयँ।

*1शमूएल अध्याय 10; 15-19; 24; 31; 2शमूएल 5; 7; 11-12 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_17_256kbps.m4a

## 18. बाँटल राइज

https://openbiblestories.org/l/tdb/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजा चालीस बछर तक सासन करलक। जखन ऊ मइर गेलक, आर उकर बेटा सुलेमान इस्राएल मेहेन सासन करेक सुरु करलक। परमेश्‍वर सुलेमान संगे कथा करलक आर उके पुछलक कि ऊ सउब लेक बेसी का चाहेला कि परमेश्‍वर उकर खातिर करुक। सुलेमान परमेश्‍वर लेक माँगलक कि ऊ उके बेजाइन बुद्धिमान बनाय देउक। इ कथा लेक परमेश्‍वर खुस हलक, सेतेहें परमेश्‍वर सुलेमान के संसार केर सउब लेक बेसी बुद्धिमान पुरुस बनाय देलक। सुलेमान ढेइर कथा गिला के सिखलक आर ऊ एकटा बुद्धिमान सासन करइया रहे। परमेश्‍वर उके बेजाइन धनीमानो बनाय दे रहे।

![](https://cdn.door43.org/obs/jpg/360px/obs-en-18-02.jpg)

यरुशलेम मेहेन सुलेमान उ मन्दिर के बनालक जेटाक तेहें उकर बाप जोजना बनाय रहे आर सामान गिला के जामा कइर रहे। एधाँव लोग गिला मिलापवाला तम्बु केर बदली मन्दिर मेहेन परमेश्‍वर केर आराधना करत रहयँ आर उकर तेहें बलि चेढ़ात रहयँ। परमेश्‍वर आय कहन मन्दिर मेहेन उपस्थित रहत रहे, आर हुआँ ऊ आपन लोग गिला संगे बासा करत रहे।

![](https://cdn.door43.org/obs/jpg/360px/obs-en-18-03.jpg)

किन्तु सुलेमान दसर देस केर जनी गिला संगे प्रेम करलक। ऊ ढेइरे, करिबन एक हजार जनी गिला के बिहा कइर कहन परमेश्‍वर केर आग्या के पालन नाइ करलक! इमनेक मइध लेक ढेइर जनी गिला दसर देस लेक आलयँ आर आपन संगे आपन देवता गिला के आनलयँ आर उमनेक उपासना करेक जारी राखलयँ। जखन सुलेमान बूढ़ा हय गेलक तो उहउ उमनेक देवता गिला केर उपासना करलक।

![](https://cdn.door43.org/obs/jpg/360px/obs-en-18-04.jpg)

एहे चलते परमेश्‍वर सुलेमान लेक खिंसाल रहे। ऊ कहलक कि ऊ इस्राएल देस के दुइटा राइज मेहेन बिभाजित करेक दाराय उके दन्ड देइ। ऊ सुलेमान केर मरेक बादे एसन करी।

![](https://cdn.door43.org/obs/jpg/360px/obs-en-18-05.jpg)

सुलेमान केर मरेक बादे, रहबाम राजा बनलक। इस्राएल देस केर सउब लोग गिला उके आपन राजा केर रुप मेहेन स्वीकार करेक तेहें एके संगे जामा हलयँ। उमन रहबाम लेक सिकायत करलयँ कि सुलेमान उमन लेक बेजाइन कठिन कस्टो करुवाय रहे आर बेजाइन मासुल ले रहे। उमन रहबाम लेक अर्जी करलयँ कि उकर लेक कमे काम करुवाइन।

![](https://cdn.door43.org/obs/jpg/360px/obs-en-18-06.jpg)

किन्तु रहबाम उमन के बेजाइन मुर्खता लेक जबाब देलक, “तोहरे कहाला कि मर बा सुलेमान तोहरे लेक कठिन कस्टो करुवालक। किन्तु मयँ तोहरे के उकर लेकउ बेसी पीड़ित करमुँ।”

![](https://cdn.door43.org/obs/jpg/360px/obs-en-18-07.jpg)

जखन लोग गिला उके एसन कहत के सुनलयँ तो उमनेक मइध लेक ढेइर लोग गिला उकर बिरुद्ध बलवा करलयँ। दस टा गोत्र केर लोग गिला उके छोइड़ देलयँ; उकर संगे एधाँव केबल दुइटा गोत्र केर लोग गिलाइ बाँचलक। इ दुइटा गोत्र केर लोग गिला खुद के यहूदा केर राइज कहलयँ।

![](https://cdn.door43.org/obs/jpg/360px/obs-en-18-08.jpg)

बाकी दस गोत्र केर लोग गिला यारोबाम नामेक एकटा पुरुस के आपन राजा बनाय लेलयँ। इ गोत्र केर लोग गिला देस केर उत्तर-पुर्बी हिस्सा मेहेन रहयँ। उमन खुद के इस्राएल केर राइज कहलयँ।

![](https://cdn.door43.org/obs/jpg/360px/obs-en-18-09.jpg)

किन्तु यारोबाम परमेश्‍वर केर बिरुद्ध बलवा करलक आर लोग गिला के पाप करुवालक। ऊ आपन लोग गिला केर दाराय उपासना करेक तेहें दुइटा मूर्ति के बनालक। उमन एधाँव यहूदा केर राइज मेहेन यरुशलेम मेहेन परमेश्‍वर केर मन्दिर मेहेन उकर आराधना करेक तेहें नाइ गेलयँ।

![](https://cdn.door43.org/obs/jpg/360px/obs-en-18-10.jpg)

यहूदा आर इस्राएल केर राइज आपस मेहेन दुस्मन बइन गेलयँ, आर कबउ-कबउ एक दसर केर बिरुद्ध लड़े लागलयँ।

![](https://cdn.door43.org/obs/jpg/360px/obs-en-18-11.jpg)

इस्राएल केर नावा राइज मेहेन, सभे राजा गिला दुस्ट रहयँ। इमनेक मइध लेक कयोटा राजा गिला उमनेक जायगा मेहेन राजा बनेक चाह राखइया दसर इस्राएली गिला केर दाराय माराय जाय रहयँ।

![](https://cdn.door43.org/obs/jpg/360px/obs-en-18-12.jpg)

इस्राएल राइज केर सभे राजा गिला आर अधिकतर लोग गिला मूर्ति गिला केर उपासना करलयँ। जखन उमन एसन करलयँ, तो उमन खने-खने रन्डी गिला संगे सुतलयँ आर हिआँ तक कि कयो धाँव मूर्ति गिला केर आघुवे छुवा गिला के बलियो करलयँ।

![](https://cdn.door43.org/obs/jpg/360px/obs-en-18-13.jpg)

यहूदा राइज केर राजा गिला, दाऊद केर बंसज रहयँ। इ राजा गिलाक मइध लेक थोड़ेक बेस लोग रहयँ जे गिला न्यायपूर्बक सासन करलयँ आर परमेश्‍वर केर आराधना करलयँ। किन्तु यहूदा केर अधिकतर राजा गिला दुस्ट रहयँ। उमन दुस्टता लेक सासन करलयँ, आर मूर्ति गिला केर उपासना करलयँ। हिआँ तक कि इमनेक मइध लेक थोड़ेक राजा गिला झूठा देवता गिला केर आघुवे आपन छुवा गिला कउ बलि कइर देलयँ। यहूदा केर अधिकतर लोग गिलाउ परमेश्‍वर केर बिरुद्ध बलवा करलयँ आर दसर देवता गिला केर उपासना करलयँ।

*1राजा अध्याय 1-6; 11-12 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_18_256kbps.m4a

## 19. भबिस्यबक्ता

https://openbiblestories.org/l/tdb/story-19/

![](https://cdn.door43.org/obs/jpg/360px/obs-en-19-01.jpg)

परमेश्‍वर हमेसा इस्राएली गिला केर पासे भबिस्यबक्ता गिला के पइठाते रहत रहे। भबिस्यबक्ता परमेश्‍वर लेक सन्देस गिला के सुनत रहयँ आर फिन उटा लोग गिला के बतात रहयँ।

![](https://cdn.door43.org/obs/jpg/360px/obs-en-19-02.jpg)

जखन अहाब इस्राएल राइज केर राजा रहे तो उ समइ एलिय्याह भबिस्यबक्ता रहे। अहाब एकटा दुस्ट लोग रहे। ऊ झूठा बाल नामेक देवता केर उपासना करुवायेक तेहें लोग गिला के बिबस करत रहे। सेतेहें एलिय्याह अहाब के कहलक कि परमेश्‍वर उ लोग गिला के दन्डित करे जात रहे। ऊ उके कहलक, “जखन तक मयँ फिन बारिस हयेक तेहें नाइ कहमुँ तखन तक इस्राएल केर राइज मेहेन ना बारिस हइ आर ना सित गिराइ।” इ कथा टा अहाब के एतना खिंसा करुवालक कि ऊ एलिय्याह के मराय दे केर निर्नय करलक।

![](https://cdn.door43.org/obs/jpg/360px/obs-en-19-03.jpg)

सेतेहें परमेश्‍वर एलिय्याह के कहलक कि ऊ बन मेहेन जाय कहन अहाब लेक छिप जाउक। एलिय्याह बन मेहेन उ सतिया केर पासे गेलक जहाँ जायेक तेहें परमेश्‍वर उके कइह दे रहे। हर बिहान आर सांझ, चरइ गिला एलिय्याह केर तेहें पिठा आर माँस ले कहन आत रहयँ। इ सम्पूर्न समइ, अहाब आर उकर पालटन गिला एलिय्याह केर खोज करते रहलयँ, किन्तु उमन उके खोजे नाइ पालयँ।

![](https://cdn.door43.org/obs/jpg/360px/obs-en-19-04.jpg)

बारिस नाइ हयेक लेक कुछ समइ केर बादे उ सतिया टा सुइख गेलक। सेतेहें एलिय्याह पासेइ एकटा देस मेहेन चइल गेलक। उ देस मेहेन एकटा राँड़ी बेटी छुवा रहे जेकर एकटा बेटा रहे। उमनेक पासे खायेक टा करिबन सिराय जाय रहे काहेकि हुआँ कनअ फसन नाइ हय रहे। किन्तु तेउ, उ बेटी छुवा टा एलिय्याह केर देखभाल करलक, सेतेहें परमेश्‍वर उकर आर उकर बेटा केर जरुरत गिला के पूरा करलक, एहे चलते उकर आटा केर हाँड़ी आर उकर तेल केर कुप्पी कबउ खाली नाइ हलक। उ समुचा अकाल केर समइ उमनेक पासे खायेक रहे। एलिय्याह कुछ बछर तक हुआँ रहलक।

![](https://cdn.door43.org/obs/jpg/360px/obs-en-19-05.jpg)

साढ़े तीन बछर केर बादे, परमेश्‍वर एलिय्याह के कहलक कि ऊ फिन बारिस करी। ऊ एलिय्याह के वापिस इस्राएल केर राइज मेहेन जाय कहन अहाब संगे कथा करेक तेहें कहलक। सेतेहें एलिय्याह अहाब केर पासे गेलक। जखन अहाब उके देखलक तो ऊ कहलक, “अच्छा तयँ हेकिस, मुसीबत सिरजइया!” एलिय्याह जबाब देलक, “मुसीबत सिरजइया तो तयँ हेकिस! तयँ यहोवा के छोइड़ दे आहिस। ओहे सच्चा परमेश्‍वर हेके, लेकिन तयँ बाल केर उपासना करतिहिस। एधाँव तके इस्राएल राइज केर सउब लोग गिला के कर्मेल नामेक पहाड़ उपरे ले कहन आयेक आहे।”

![](https://cdn.door43.org/obs/jpg/360px/obs-en-19-06.jpg)

सेतेहें सउब लोग गिला कर्मेल पहाड़ मेहेन गेलयँ। उ पुरुस गिलाउ आलयँ जे कहत रहयँ कि उमन बाल केर सन्देस गिला के बोलयलाँ। इ गिला बाल केर भबिस्यबक्ता रहयँ। इ सउब साढ़े चाइर सअ रहयँ। एलिय्याह लोग गिला के कहलक, “कबे तक तोहरे आपन मन गिला फिराय राखबा? जदि यहोवा परमेश्‍वर हेके हले उकर आराधना करा! जदि बाल परमेश्‍वर हेके हले उकर उपासना करा!”

![](https://cdn.door43.org/obs/jpg/360px/obs-en-19-07.jpg)

तखन एलिय्याह बाल केर भबिस्यबक्ता गिला के कहलक, “एकटा बरद के बलि कइर कहन उकर माँस के बलिदान हयेक तेहें एकटा बेदी उपरे राखा, किन्तु आइग ना लगाबा। उकर बादे मयों ओसनेइ करमुँ, आर एकटा अलग बेदी उपरे मयँ उ माँस टाके राखमुँ। तखन जदि परमेश्‍वर बेदी उपरे आइग गिरायला हले तोहरे जाइन लेबा कि ऊ सच्‍चा परमेश्‍वर हेके।” तखन बाल केर भबिस्यबक्ता गिला एकटा बलि के तेयार करलयँ किन्तु आइग नाइ लगालयँ।

![](https://cdn.door43.org/obs/jpg/360px/obs-en-19-08.jpg)

तखन बाल केर भबिस्यबक्ता गिला बाल लेक पारथना करलयँ, “ए बाल, हामरेक सनिन!” गोटा दिन उमन पारथना करलयँ आर चिल्‍लालयँ आर हिआँ तक कि खुद के चाकू गिलालेक काटाय लेलयँ, किन्तु बाल जबाब नाइ देलक, आर ऊ कनअ आइग नाइ गिरालक।

![](https://cdn.door43.org/obs/jpg/360px/obs-en-19-09.jpg)

बाल केर भबिस्यबक्ता गिला बाल लेक पारथना करेक मेहेन करिबन गोटा दिन बिताय देलयँ। आखिर मेहेन उमन पारथना करेक हका कइर देलयँ। तखन एलिय्याह दसर बरद केर माँस के परमेश्‍वर केर बेदी उपरे राइख देलक। उकर बादे, ऊ लोग गिला के पानी के बड़े हाँड़ी लेक बलिदान बेदी उपरे तखन तक उझलेक तेहें कहिन जखन तक कि माँस, काठी गिला, आर हिआँ तक कि बेदी केर आसे-पासेक भूँईटा पूरापूरी भिंज ना जाउक।

![](https://cdn.door43.org/obs/jpg/360px/obs-en-19-10.jpg)

तखन एलिय्याह पारथना करलक, “ए यहोवा, अब्राहम, इसहाक, आर याकूब केर परमेश्‍वर, हामरे के देखाइन कि तयँ इस्राएल केर परमेश्‍वर हेकिस आर इटा कि मयँ तर धाँगर हेकँ। मके जबाब देहिन कि इ लोग गिला जाइन लेबयँ कि तयें सच्‍चा परमेश्‍वर हेकिस।”

![](https://cdn.door43.org/obs/jpg/360px/obs-en-19-11.jpg)

तुरतेइ, आकास लेक आइग गिरलक आर ऊ माँस, काठी गिला, पाखना गिला, माटी, आर हिआँ तक कि बेदी केर आसे-पासेक पानी कउ जलाय देलक। जखन लोग गिला इटा देखलयँ, उमन भूँईये गिर गेलयँ आर कहलयँ, “यहोवाइ परमेश्‍वर हेके! यहोवाइ परमेश्‍वर हेके!”

![](https://cdn.door43.org/obs/jpg/360px/obs-en-19-12.jpg)

तखन एलिय्याह कहलक, “बाल केर एकटाउ भबिस्यबक्ता बाँइच कहन ना जाय पाउन!” सेतेहें लोग गिला बाल केर भबिस्यबक्ता गिला के धइर लेलयँ आर उमन के हुआँ लेक अलग ले गेलयँ आर उमन के माइर देलयँ।

![](https://cdn.door43.org/obs/jpg/360px/obs-en-19-13.jpg)

तखन एलिय्याह अहाब राजा के कहलक, “चाँड़े आपन घर भाइग जाहिन, काहेकि बारिस हवइया आहे।”‍ चाँड़ेइ बादइर चेइढ़ आलक, आर भारी बारिस सुरु हय गेलक। यहोवा उ सुखा के सिराय देत रहे। इटा लेक परगट हलक कि यहोवाइ सच्‍चा परमेश्‍वर हेके।

![](https://cdn.door43.org/obs/jpg/360px/obs-en-19-14.jpg)

जखन एलिय्याह आपन काम के सिराय देलक, तो परमेश्‍वर एलिशा नामेक एकटा पुरुस के आपन भबिस्यबक्ता हयेक तेहें चुनलक। परमेश्‍वर एलीशा के माध्यम लेक ढेइरे चमत्कार करलक। एकटा चमत्कार नामान केर संगे हलक। ऊ एकटा दुस्मन केर पालटन केर सरदार रहे, किन्तु उके चाम केर एकटा खराब रोग हय रहे। नामान एलीशा केर बारे सुनलक, सेतेहें ऊ एलीशा केर पासे आलक आर उकर लेक बेस करेक तेहें अर्जी करलक। एलीशा नामान के कहलक कि जाय कहन यरदन नदी केर पानी मेहेन सात धाँव डुबकी लगाय लेहिन।

![](https://cdn.door43.org/obs/jpg/360px/obs-en-19-15.jpg)

नामान खिंसाय गेलक। ऊ एसन करेक लेक इंकार कइर देलक, काहेकि इटा उके मुरुखपन केर काम लागत रहे। किन्तु बादे ऊ आपन मन बदइल लेलक आर जाय कहन यरदन नदी केर पानी मेहेन सात धाँव डुबकी लगालक। जखन आखरी धाँव ऊ पानी लेक बाहिर बाहरलक तो परमेश्‍वर उके बेस कइर देलक।

![](https://cdn.door43.org/obs/jpg/360px/obs-en-19-16.jpg)

परमेश्‍वर इस्राएल केर लोग गिलाक पासे दसर ढेइरे भबिस्यबक्ता के पइठालक। उ सउब लोग गिला के मूर्ति गिला केर उपासना करेक हका करेक तेहें कहलयँ। इकर बदली, उमन के एक दसर संगे न्यायपूर्बक बेबहार करेक चाही आर एक दसर उपरे दया करेक चाही। उ भबिस्यबक्ता गिला लोग गिला के चेतावनी देलयँ कि उमन के खराब काम गिला के करेक बन्द कइर देक आहे आर इकर बदली परमेश्‍वर केर कथा गिला केर पालन करेक आहे। जदि उ लोग गिला एसन नाइ करबयँ हले परमेश्‍वर उमन के दोसी माइन कहन उमनेक न्याय करी, आर उमन के दन्ड देइ।

![](https://cdn.door43.org/obs/jpg/360px/obs-en-19-17.jpg)

अधिकांश समइ, उ लोग गिला परमेश्‍वर केर आग्या केर पालन नाइ करलयँ। खने खने उमन भबिस्यबक्ता गिला केर संगे खराब बेबहार करलयँ आर हिआँ तक कि कखनअ कखनअ उमन के मराय देलयँ। एक धाँव, उमन यिर्मयाह भबिस्यबक्ता के सूखल कुआँ मेहेन डाइल देलयँ आर उके हुआँ मरेक तेहें छोइड़ देलयँ। उ कुआँ केर हेंठे कादो मेहेन धँइस गेलक। लेकिन तखन राजा के उकर उपरे दया आलक आर ऊ आपन पालटन गिला के आदेस देलक कि यिर्मयाह के मरेक लेक पहिले उके कुआँ लेक बाहिर टाइन लेवा।

![](https://cdn.door43.org/obs/jpg/360px/obs-en-19-18.jpg)

भबिस्यबक्ता गिला परमेश्‍वर बाटे लेक कहेक जारी राखलयँ भलेइ लोग गिला उमन लेक नफरत करलयँ। उमन लोग गिला के चेतावनी देलयँ कि जदि उमन पछताप नाइ करलयँ हले परमेश्‍वर उमन के नास कइर देइ। उमन लोग गिला के इटाउ याइद करुवालयँ कि परमेश्‍वर उमनेक पासे मसीह के पइठायेक केर परतिंगा कइर आहे।

*1 राजा अध्याय 16-18; 2 राजा 5; यिर्मयाह 38 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_19_256kbps.m4a

## 20. .20  बंधुआई आर घुरेक

https://openbiblestories.org/l/tdb/story-20/

![](https://cdn.door43.org/obs/jpg/360px/obs-en-20-01.jpg)

इस्राएल केर राइज आर यहूदा केर राइज दुइयो परमेश्‍वर केर बिरुद्ध पाप करलयँ। उमन उ वाचा के तोइड़ देलयँ जेटा परमेश्‍वर उमनेक संगे सीनै पहाड़ मेहेन बाँइध रहे। परमेश्‍वर उमन के पछताप करेक आर फिन उकर आराधना करेक तेहें चेतावनी देक तेहें आपन भबिस्यबक्ता के पइठालक, किन्तु उमन उमनेक कथा गिला के मानेक लेक इंकार कइर देलयँ।

![](https://cdn.door43.org/obs/jpg/360px/obs-en-20-02.jpg)

सेतेहें परमेश्‍वर उमनेक दुस्मन गिला के उमन के नास करेक मेहेन सक्षम करेक दाराय दुइयो राइज के दन्ड देलक। अश्शूर एकटा दसर देस रहे जे बेजाइन सक्तिसाली हय जाय रहे। उ दसर देस गिला केर प्रति बेजाइन निर्दयी रहे। उमन आय कहन इस्राएल केर राइज के नास कइर देलयँ। अश्शूरी गिला आय कहन इस्राएली केर राइज मेहेन ढेइर लोग गिला के मराय देलयँ, जेटा चाहलयँ उटा लुइट लेलयँ, आर देस केर कयो हिस्सा के जलाय देलयँ।

![](https://cdn.door43.org/obs/jpg/360px/obs-en-20-03.jpg)

अश्शूरी गिला सउब अगुवा गिला, धनीमान गिला, आर एसन लोग गिला के जे किमती जिनिस गिला के बनाय पारत रहयँ एके संगे जामा करलयँ आर उमन उमन के अश्शूर देस मेहेन ले गेलयँ। इस्राएल मेहेन केबल थोड़ेक गरीब इस्राएली गिलाइ बाँचलयँ।

![](https://cdn.door43.org/obs/jpg/360px/obs-en-20-04.jpg)

फिन अश्शूरी लोग गिला उ देस मेहेन रहेक तेहें बिदेसी गिला के ले कहन आलयँ। उ बिदेसी गिला उ नगर गिला के फिन बनालयँ। जे इस्राएली गिला हुआँ बाँचल रहयँ उमन लेक बिहा करलयँ। इ लोग गिला केर बंसज गिला सामरी कहालयँ।

![](https://cdn.door43.org/obs/jpg/360px/obs-en-20-05.jpg)

यहूदा केर राइज केर लोग गिला देखलयँ कि केसन परमेश्‍वर उकर उपरे बिसास नाइ करेक आर उकर कथा गिला के नाइ मानेक चलते इस्राएल केर राइज केर लोग गिला के दन्ड दे रहे। किन्तु तेउ उमन कनानी गिलाक देवता गिला केर मूर्ति गिला केर उपासना करलयँ। परमेश्‍वर उमन के चेतावनी देक तेहें भबिस्यबक्ता गिला के पइठालक, किन्तु उमन सुनेक लेक इंकार कइर देलयँ।

![](https://cdn.door43.org/obs/jpg/360px/obs-en-20-06.jpg)

करिबन एक सअ बछर केर बादे अश्शूरी गिला इस्राएल केर राइज के नास कइर देलयँ। परमेश्‍वर बेबीलोन केर राजा, नबुकदनेस्सर के यहूदा केर राइज उपरे हमला करेक तेहें पइठालक। बेबीलोन एकटा सक्तिसाली देस रहे। यहूदा केर राजा नबूकदनेस्सर केर गुलामी बनेक आर हर एक बछर उके बेजाइन बेसी धन केर भुगतान करेक तेहें सहमत हय गेलयँ।

![](https://cdn.door43.org/obs/jpg/360px/obs-en-20-07.jpg)

किन्तु कुछ बछर केर बादे, यहूदा केर राजा बेबीलोन केर बिरुद्ध बलवा करलक। सेतेहें बेबीलोनी गिला फिन आय कहन यहूदा केर राइज उपरे हमला कइर देलयँ। उमन यरुशलेम नगर उपरे कब्जा कइर लेलयँ, मन्दिर के नास कइर देलयँ, आर नगर आर मन्दिर केर खजाना के लुइट ले गेलयँ।

![](https://cdn.door43.org/obs/jpg/360px/obs-en-20-08.jpg)

बलवा करेक चलते यहूदा केर राजा के दन्ड देक तेहें, नबूकदनेस्सर केर पालटन गिला राजा केर बेटा के उकर पासेइ मराय देलयँ आर फिन उके अन्धा कइर देलयँ। इकर बादे, उमन राजा के ले गेलयँ ताकि ऊ बेबीलोन केर जेहेल मेहेन मइर जाउक।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर आर उकर पालटन गिला यहूदा केर राइज के करिबन सभेइ लोग गिला के बेबीलोन ले गेलयँ, केबल सउब लेक बेसी गरीब लोग गिला के पेछु छोइड़ कहन ताकि उमन खेत गिलाय फसल उगाउन। समइ केर इ काल के बन्धुआई कहल जाय आहे जेटाय परमेश्‍वर केर लोग गिला के परतिंगा केर देस लेक निकइल जायेक तेहें बिबस करल जाय रहे।

![](https://cdn.door43.org/obs/jpg/360px/obs-en-20-10.jpg)

भलेइ परमेश्‍वर निजेक लोग गिला के उमनेक पाप केर तेहें बन्धुआई मेहेन ले जायेक दाराय दन्ड देलक, तेउ ऊ उमन के चाहे आपन परतिंगा गिला के नाइ बिसइर रहे। परमेश्‍वर निजेक लोग गिला केर देखरेख करेक जारी राखलक आर निजेक भबिस्यबक्ता गिला केर दाराय उमन लेक कथा करते रहलक। ऊ परतिंगा करलक कि सत्तर बछर केर बादे, उमन फिन परितंगा केर देस मेहेन घुइर आबयँ।

![](https://cdn.door43.org/obs/jpg/360px/obs-en-20-11.jpg)

करिबन सत्तर बछर केर बादे, फारस केर राजा कुस्रु बेबीलोन के हराय देलक, सेतेहें बेबीलोन केर साम्राज्य केर बदली फारस केर साम्राज्य कयो देस गिलाय सासन करलक। इस्राएली लोग गिला एधाँव यहूदी कहात रहयँ। उमनेक मइध लेक ढेइर गिला आपन पूरा जीबन बेबीलोन मेहेन बिताय रहयँ। केबल बहुत कमे बूढ़ा यहूदी गिला केइ यहूदा केर देस याइद रहे।

![](https://cdn.door43.org/obs/jpg/360px/obs-en-20-12.jpg)

फारसी लोग बेजाइन सामर्थी रहयँ, किन्तु उमन आपन जीतल लोग गिलाक उपरे दया कइर रहयँ। फारसी लोग गिला केर राजा बनेक कुछ समइ केर बादे, कुस्रु एकटा आदेस देलक कि केउ यहूदी जे यहूदा देस घुरेक चाहत रहयँ, उमन फारस लेक निकइल कहन वापस यहूदा जाय पारयँ। हिआँ तक कि ऊ उमन के मन्दिर के फिन बनायेक तेहें धनउ देलक। सेतेहें बंधुआई केर सत्तर बछर केर बादे, यहूदी गिला एकटा छोटे समूह यहूदा मेहेन यरुशलेम नगर के घुइर आलयँ।

![](https://cdn.door43.org/obs/jpg/360px/obs-en-20-13.jpg)

जखन उ लोग गिला यरुशलेम पहँचलयँ तो उमन मन्दिर के आर नगर केर चाइरो बाटेक पाचीर के फिन बनालयँ। फारसी लोग गिला एधाँव उमनेक उपरे सासन करत रहयँ लेकिन एक धाँव फिन उमन परतिंगा केर मेहेन रइत रहयँ आर मन्दिर मेहेन आराधना करत रहयँ।

*2 राजा अध्याय 17; 24-25; 2 इतिहास 36; एज्रा 1-10; नहेम्याह 1-13 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_20_256kbps.m4a

## 21. परमेश्‍वर मसीह केर परतिंगा करेला

https://openbiblestories.org/l/tdb/story-21/

![](https://cdn.door43.org/obs/jpg/360px/obs-en-21-01.jpg)

जखन परमेश्‍वर संसार केर सिरिस्टी कइर रहे, ऊ जानत रहे कि उके बादे कनअ दिन मसीह के पइठाय हइ। ऊ आदम आर हव्वा संगे परतिंगा करलक कि ऊ एसन करी। ऊ कहलक कि हव्वा लेक एकटा बंसज जनम लेइ जे साँप केर मुड़ के छेंछी। जन साँप टा हव्वा के धोखा देलक उटा नि: सन्देह सयतान रहे। परमेश्‍वर केर मतलब रहे कि मसीह पूरा पूरी सयतान के हराय देइ।

![](https://cdn.door43.org/obs/jpg/360px/obs-en-21-02.jpg)

परमेश्‍वर अब्राहम लेक परतिंगा कइर रहे कि उकर दाराय संसार केर सउब जाइते लोग गिला आसिरबाद पाबयँ। परमेश्‍वर बादे कनअ समइये मसीह के पइठायेक दाराय इ परतिंगा के पूरा करी। उ मसीह संसार केर हर एक जाइत मइध लेक लोग गिला उमनेक पाप लेक छोड़ाइ।

![](https://cdn.door43.org/obs/jpg/360px/obs-en-21-03.jpg)

परमेश्‍वर मूसा संगे परतिंगा कइर रहे कि भबिस्य मेहेन ऊ मूसा केर समान एकटा दसर भबिस्यद्बक्ता के पइठाइ। इ भबिस्यद्बक्ता टा मसीह हइ। इ रकम लेक, परमेश्‍वर फिन परतिंगा करलक कि ऊ मसीह के पइठाइ।

![](https://cdn.door43.org/obs/jpg/360px/obs-en-21-04.jpg)

परमेश्‍वर राजा दाऊद लेक परतिंगा कइर रहे कि उकर एकटा बंसज मसीह हइ। ऊ राजा हइ आर परमेश्‍वर केर लोग गिलाक उपरे सदा केर तेहें सासन करी।

![](https://cdn.door43.org/obs/jpg/360px/obs-en-21-05.jpg)

परमेश्‍वर यिर्मयाह भबिस्यद्बक्ता लेक कथा करलक आर कहलक कि एक दिन ऊ एकटा नावा वाचा बाँधी। उ नावा वाचा इस्राएल केर संगे सीनै मेहेन बाँधल पुरना वाचा जेसन नाइ हइ। जखन लोग गिलाक संगे ऊ आपन नावा वाचा के बाँधी, तो ऊ उमनेक उपरे खुद के बेक्तिगत रुप लेक परगट करी। हर एक झन उटा लेक प्रेम राखबयँ आर उकर बेबस्था केर पालन करे केर हिंछा राखबयँ। परमेश्‍वर कहलक, कि इटा उकर बेबस्था केर उमनेक हिरदय गिलाय लिख देक जेसन हइ। उमन उकर लोग गिला हबयँ, आर परमेश्‍वर उमनेक पाप गिला के छमा करी। उ मसीह हइ जे उमनेक संगे उ नावा वाचा के बाँधी।

![](https://cdn.door43.org/obs/jpg/360px/obs-en-21-06.jpg)

परमेश्‍वर केर भबिस्यद्बक्ता इटाउ कहलक कि मसीह एकटा भबिस्यद्बक्ता हइ। एकटा भबिस्यद्बक्ता उ अदमी हेके जे परमेश्‍वर केर बचन गिला के सुनेला आर फिन लोग गिलाय परमेश्‍वर केर सन्देस गिला केर घोसना करेला। जेके पइठायेक केर परमेश्‍वर परतिंगा कइर रहे उ मसीह एकटा सिद्ध भबिस्यद्बक्ता हइ। यानी उ मसीह परमेश्‍वर केर सन्देस गिला के बेस निहार सुनी, आर उ लोग गिला के उ सन्देस गिला के बेस निहार सिखाइ।

![](https://cdn.door43.org/obs/jpg/360px/obs-en-21-07.jpg)

इस्राएली याजक गिला केर तेहें परमेश्‍वर केर आघुवे बलिदान चेढ़ायेक जारी राखलक। इ बलिदान टा लोग गिलाक पाप गिला केर तेहें उमन के परमेश्‍वर केर दाराय दन्ड देक बदलीये चेढ़ाल जाय रहे। याजक गिला लोग गिलाक तेहें पारथनाउ करलयँ। किन्तु उ मसीह सिद्ध महायाजक हइ जे परमेश्‍वर के देक तेहें एकटा सिद्ध बलि केर रुप मेहेन खुद के चेढ़ाय देइ। यानी ऊ कबउ पाप नाइ करी, आर जखन ऊ खुद के बलि हयेक तेहें देइ, तो संसार केर कनअय दसर बलि केर दरकार नाइ हइ।

![](https://cdn.door43.org/obs/jpg/360px/obs-en-21-08.jpg)

लोग गिला केर समूह उपरे राजा आर परधान सासन करयलाँ, आर कबउ-कबउ उमन गलतीयो करयलाँ। राजा दाऊद केबल इस्राएल गिलाक उपरे सासन करलक, किन्तु राजा दाऊद केर बंसज मसीह गोटा संसार उपरे सासन करी, ऊ हमेसा केर तेहें सासन करी। इकर अलावे, ऊ हमेसा न्यायपूर्न रीति लेक सासन करी, आर सही निर्नय गिला के लेइ।

![](https://cdn.door43.org/obs/jpg/360px/obs-en-21-09.jpg)

परमेश्‍वर केर भबिस्यद्बक्ता गिला मसीह केर बारे ढेइरे कथा गिला के कहलयँ। उदाहरन केर तेहें, मलाकी कहलक कि मसीह केर आयेक लेक पहिले एकटा दसर भबिस्यद्बक्ता आइ। उ भबिस्यद्बक्ता टा बेजाइन महत्वपुर्न हइ। इकर अलावे, यशायाह भबिस्यद्बक्ता लिख आहे कि मसीह एकटा डिंड़ा बेटी छुवा लेक जनम लेइ। आर मीका भबिस्यद्बक्ता कहलक कि मसीह बैतलहम नगर मेहेन जनम लेइ।

![](https://cdn.door43.org/obs/jpg/360px/obs-en-21-10.jpg)

यशायाह भबिस्यद्बक्ता कहलक कि मसीह गलील क्षेत्र मेहेन बासा करी। जे गिला बेजाइन दुखी आहयँ मसीह उमन के सान्ति देइ। ऊ कैदी गिला कउ आजाद करी। मसीह रोगी गिला के आर जे सुने नाइ पारयलाँ, देखे नाइ पारयलाँ, बोले नाइ पारयलाँ, चाहे चले नाइ पारयलाँ उमन कउ चंगा करी।

![](https://cdn.door43.org/obs/jpg/360px/obs-en-21-11.jpg)

यशायाह भबिस्यद्बक्ता इटाउ कहलक कि लोग गिला मसीह लेक नफरत करबयँ आर उके स्वीकार करेक लेक इंकार कइर देबयँ। दसर भबिस्यद्बक्ता गिला कहलयँ कि मसीह केर एकटा संगी उकर बिरुद्ध उठी। जकर्याह भबिस्यद्बक्ता कहलक कि उकर इ संगी टा एसन करेक तेहें दसर लोग गिला लेक चाँदी केर तीस टा सिक्‍का लेइ। इकर अलावे, थोड़ेक भबिस्यद्बक्ता गिला कहलयँ कि लोग गिला मसीह के मराय देबयँ, आर इटा कि उमन उकर लूगा गिला केर तेहें जुआ खेलबयँ।

![](https://cdn.door43.org/obs/jpg/360px/obs-en-21-12.jpg)

भबिस्यद्बक्ता गिला इटाउ कइह देलयँ कि मसीह का निहार मरी। यशायाह भबिस्यद्वाणी करलक कि लोग गिला मसीह उपर थुकबयँ, उकर मजाक उड़ाबयँ, आर उके पिटबयँ। उमन उके छेदबयँ आर ऊ बेजाइन दुखा आर बाथा मेहेन मइर जाइ, जखन कि ऊ कनअय गलत नाइ कइर हइ।

![](https://cdn.door43.org/obs/jpg/360px/obs-en-21-13.jpg)

भबिस्यद्बक्ता गिला इटाउ कइह दे रहयँ कि मसीह पाप नाइ करी। इ सिद्ध हइ। किन्तु ऊ एहे तेहें मरी परमेश्‍वर उके दसर लोग गिला केर पाप गिला केर चलते दन्ड देइ। उकर मरेक लेक लोग गिला परमेश्‍वर केर संगे मेल करेक मेहेन सक्षम हबयँ। एहे तेहें परमेश्‍वर चाहेला कि मसीह मरुक।

![](https://cdn.door43.org/obs/jpg/360px/obs-en-21-14.jpg)

भबिस्यद्बक्ता गिला इटाउ कइह देलयँ कि परमेश्‍वर मसीह के मरल मइध लेक जीयँत करी। इटा दर्सायला कि इ सउब नावा वाचा के बाँधे केर परमेश्‍वर केर जोजना रहे, ताकि ऊ उ लोग गिला के बाँचाय पारुक जे गिला उकर बिरुद्ध पाप कइर आहयँ।

![](https://cdn.door43.org/obs/jpg/360px/obs-en-21-15.jpg)

परमेश्‍वर भबिस्यद्बक्ता गिलाय मसीह केर बारे बेजाइन कथा गिला के परगट करलक, किन्तु मसीह उ भबिस्यद्बक्ता गिला मइध लेक केकरअ जीबन काल मेहेन नाइ आय रहे। इ भबिस्यद्वानी गिला के देल जाय केर चाइर सअ लेक बेसी बछर केर बादे, सही समइ मेहेन, परमेश्‍वर मसीह के इ संसार मेहेन भेजी।

*उत्पत्ति 3:15; 12:1-3; बेबस्था बिबरन 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11  लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_21_256kbps.m4a

## 22. योहन केर जनम

https://openbiblestories.org/l/tdb/story-22/

![](https://cdn.door43.org/obs/jpg/360px/obs-en-22-01.jpg)

बितल समइ मेहेन, परमेश्‍वर आपन भबिस्यद्बक्ता गिला लेक कथा कइर रहे सेतेहें उ गिला लोग गिला लेक कथा करे पाइर रहयँ। किन्तु उ समइ लेक ले कहन फिन चाइर सअ बछर केर बितेक तक ऊ उमन लेक कथा नाइ करलक। तखन परमेश्‍वर जकर्याह नामेक याजक केर पासे एकटा सरगदूत के पइठालक। जकर्याह आर उकर पत्नी एलीशिबा परमेश्‍वर केर आदर करत रहयँ। उमन ढेइरे बूढ़ा-बूढ़ी हय जाय रहयँ, आर उमनेक कनअ छुवा उत्पन्‍न नाइ हय रहयँ।

![](https://cdn.door43.org/obs/jpg/360px/obs-en-22-02.jpg)

ऊ सरगदूत जकर्याह के कहलक, “तर पत्नी केर एकटा बेटा उत्पन्‍न हय। तयँ उकर नाम योहन राखबे। परमेश्‍वर उके पबित्रात्मा लेक परिपुर्न करी, आर योहन लोग गिला के मसीह के ग्रहन करेक तेहें तेयार करी।” जकर्याह जबाब देलक, “मयँ आर मर पत्नी छुवा उत्पन्‍न करेक तेहें बेजाइन बूढ़ा-बूढ़ी आही! मयँ का निहार जानमुँ कि तयँ मर लेक सत कहोतिहिस?”

![](https://cdn.door43.org/obs/jpg/360px/obs-en-22-03.jpg)

उ सरगदूत टा जकर्याह के जबाब देलक, “तर पासे इ बेस खबर के लानेक तेहें मयँ परमेश्‍वर केर दाराय पइठाल जाय आहँ। काहेकि तयँ मर उपरे बिसास नाइ करले, सेतेहें छुवा केर जनमेक तक तयँ बोलेक मेहेन सक्षम नाइ हबे।” तुरतेइ, जकर्याह बोलेक मेहेन असमर्थ रहे। तखन ऊ सरगदूत जकर्याह केर तहाँ लेक चइल गेलक। इकर बादे, जकर्याह घर घुइर आलक आर उकर पत्नी भारी गात हलक।

![](https://cdn.door43.org/obs/jpg/360px/obs-en-22-04.jpg)

जखन एलीशिबा छह महीना केर भारी गाते रहे, तो ओहे सरगदूत टा अचकाय एलीशिबा केर गतिया उपरे परगट हलक, जेकर नाम मरियम रहे। मरियम डिंड़ाय रहे आर बिहा हयेक तेहें यूसुफ नामेक एकटा पुरुस केर संगे उकर मंगनी हय चुइक रहे। सरगदूत कहलक, “तयँ भारी गात हबे आर एकटा बेटा के जनम देबे। तके उकर नाम यीशु राखेक आहे। ऊ सर्बसक्तिमान परमेश्‍वर केर बेटा हइ आर सदा केर तेहें सासन करी।”

![](https://cdn.door43.org/obs/jpg/360px/obs-en-22-05.jpg)

मरियम जबाब देलक, “इटा का निहार हइ, काहेकि मयँ तो डिंड़ाय आहँ?” उ सरगदूत टा समझालक, “पबित्रात्मा तर उपरे आइ, आर परमेश्‍वर केर सामर्थ तर उपरे छाँहिर करी। सेतेहें उ छुवा टा पबितर हइ, आर ऊ परमेश्‍वर केर बेटा हइ।” जेटा उ सरगदूत टा कहलक उटा के मरियम बिसास करलक।

![](https://cdn.door43.org/obs/jpg/360px/obs-en-22-06.jpg)

इटा हल तुरुत बादे, मरियम जाय कहन एलीशिबा संगे भेंट करलक। जेसनेइ मरियम उके नमस्कार करलक, एलीशिबा केर छुवा उकर पेट भीतरे हड़बड़ालक। उमनेक तेहें परमेश्‍वर जेटाइ कइर रहे उकर बारे उ बेटी छुवा गिला एक संगे आनन्दित हलयँ। एलीशिबा केर संगे तीन महीना रहेक बादे, मरियम आपन घर घुइर गेलक।

![](https://cdn.door43.org/obs/jpg/360px/obs-en-22-07.jpg)

इकर बादे, एलीशिबा आपन छुवा के जनम देलक। जकर्याह आर एलीशिबा उ छुवा केर नाम योहन राखलयँ, जेसन कि उ सरगदूत टा आदेस दे रहे। तखन परमेश्‍वर जकर्याह के बोलेक मेहेन सक्षम करलक। जकर्याह कहलक, “परमेश्‍वर केर स्तुति हउक, काहेकि ऊ आपन लोग गिला केर साहेता करेक तेहें याइद राइख आहे! ए मर बेटा, तयँ सर्बसक्तिमान परमेश्‍वर केर भबिस्यद्बक्ता हबे। तयँ लोग गिला के बताबे कि उमन केसन आपन पाप गिला केर तेहें छमा पाय पारबयँ।”

*लूका अध्याय 1 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_22_256kbps.m4a

## 23. यीशु केर जनम

https://openbiblestories.org/l/tdb/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नामेक एकटा धरमी अदमी केर संगे मरियम केर मंगनी हय चुइक रहे। जखन ऊ सुनलक कि मरियम भारी गात मेहेन आहे तो ऊ जानत रहे कि ऊ उकर छुवा ना लागे। किन्तु ऊ मरियम के बदनाम नाइ करेक चाहत रहे, सेतेहें ऊ उकर उपरे किरपा करे केर आर चुपचाप तलाक दे केर सोंचलक। किन्तु इकर लेक पहिले कि ऊ एसन करतक, एकटा सरगदूत उके सपन मेहेन आय कहन उकर संगे कथा करलक।

![](https://cdn.door43.org/obs/jpg/360px/obs-en-23-02.jpg)

ऊ सरगदूत टा कहलक, “ए यूसुफ, मरियम के आपन पत्नी केर रुप मेहेन ले आनेक तेहें ना डराबे। उकर भीतर जन छुवा टा आहे ऊ पबित्रात्मा बाटे लेक आहे। ऊ एकटा बेटा के जनम देइ। उकर नाम यीशु राखबे (जेटाक माने हेके, ‘यहोवा बचायला’), काहेकि ऊ लोग गिला के उमनेक पाप केर दन्ड लेक बाँचाइ।”

![](https://cdn.door43.org/obs/jpg/360px/obs-en-23-03.jpg)

सेतेहें यूसुफ मरियम के बिहा करलक आर उके आपन पत्नी केर रुप मेहेन घर ले आनलक, किन्तु उकर छुवा केर जनम देक तक ऊ उकर संगे नाइ सुतलक।

![](https://cdn.door43.org/obs/jpg/360px/obs-en-23-04.jpg)

जखन मरियम केर जनम देक समइ टा पासे रहे, तो ऊ आर यूसुफ बैतलहम जायेक तेहें एकटा लम्बा यात्रा करलयँ। उमन के हुआँ जायके रहे काहेकि रोमी अधिकारी इस्राएल मेहेन रहइया सभे लोग केर गिनती करेक चाहत रहयँ। उमन चाहत रहयँ कि सभे लोग गिला हुआँ जाउन जहाँ उमनेक पुरखा गिला रहत रहयँ। राजा दाऊद केर जनम बैतलहम मेहेन हय रहे, आर ऊ मरियम आर यूसुफ दुइयो के पुरखा रहे।

![](https://cdn.door43.org/obs/jpg/360px/obs-en-23-05.jpg)

मरियम आर यूसुफ बैतलहम गेलयँ, किन्तु हुआँ जानवर गिला के रहइया जायगा केर अलावे उमन के ठहरेक तेहें कनअ जायगा नाइ रहे। ओहे जायगा रहे जहाँ मरियम आपन छुवा के जनम देलक। ऊ उके बामनी मेहेन सुतालक काहेकि हुआँ उमनेक तेहें कनअ बिछना नाइ रहे। उमन उकर नाम यीशु राखलयँ।

![](https://cdn.door43.org/obs/jpg/360px/obs-en-23-06.jpg)

ओहे राइते, हुआँ पासे केरेइ टाँइड़ मेहेन कुछ चरवाह गिला आपन भेड़ी गिला केर गठ केर रखवाली करत रहयँ। अचकाय, एकटा चमकदार सरगदूत उमनेक तहाँ परगट हलक, आर उमन डराय गेलयँ। उ सरगदूत टा कहलक, “ना डराबा, काहेकि मर पासे तोहरेक तेहें बेस खबर आहे। बैतलहम मेहेन मसीह, परभु केर जनम हय आहे!”

![](https://cdn.door43.org/obs/jpg/360px/obs-en-23-07.jpg)

“जाय कहन उ छुवा केर खोज करा, आर तोहरे उके लूगाय लेपटाल आर बामनी मेहेन सुतल पाबा।” अचकाय, आकास सरगदूत गिला लेक भइर गेलक। उमन परमेश्‍वर केर स्तुति करत रहयँ। उमन कहलयँ, “सम्पूर्न महिमा सरग मेहेन बिराजमान परमेश्‍वर के मिलुक। पिरथिबी उपरे उ लोग गिला मेहेन सान्ति हउक जेकर ऊ चिन्ता करेला।”

![](https://cdn.door43.org/obs/jpg/360px/obs-en-23-08.jpg)

तखन सरगदूत गिला चइल गेलयँ। उ चरवाह गिलाउ आपन भेड़ी गिला के छोइड़ कहन छुवा के देखेक गेलयँ। चाँड़ेइ उमन उ जायगाय पहँचलयँ जहाँ यीशु रहे आर उमन उके बामनी मेहेन सुतल पालयँ, जेसन कि उ सरगदूत गिला कइह रहयँ। उमन बेजाइन उत्साहित रहयँ। तखन उ चरवाह गिला वापस हुआँ घुइर गेलयँ जहाँ उमनेक भेड़ी गिला रहयँ। उमन जे कनअ सुनलयँ आर देखलयँ उ सउब केर तेहें उमन परमेश्‍वर केर स्तुति करत रहयँ।

![](https://cdn.door43.org/obs/jpg/360px/obs-en-23-09.jpg)

पूर्बे दूर एकटा देस मेहेन कुछ पुरुस गिला रहयँ। उमन तारेया केर अध्ययन कइर रहयँ आर उमन बेजाइन बुद्धिमान रहयँ। उमन एकटा असामान्य तारेया के आकास मेहेन देखलयँ। उमन कहलयँ कि इकर माने हेके कि यहूदी गिला केर एकटा राजा केर जनम हय आहे। सेतेहें उमन उ छुवा के देखेक तेहें आपन देस लेक यात्रा करे केर निर्नय लेलयँ। एकटा लम्बा यात्रा केर बादे, उमन बैतलहम आलयँ आर उ घर के पालयँ जहाँ यीशु आर उकर माँय बाप ठहरल रहयँ।

![](https://cdn.door43.org/obs/jpg/360px/obs-en-23-10.jpg)

जखन इ पुरुस गिला यीशु के आपन माँय केर संगे देखलयँ तो उमन घुटना देइक कहन उकर आराधना करलयँ। उमन यीशु के किमती उपहार देलयँ। फिन उमन घर वापस घुइर गेलयँ।

*मत्ती अध्याय 1; लूका 2 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_23_256kbps.m4a

## 24. योहन यीशु के बपतिस्मा देला

https://openbiblestories.org/l/tdb/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा आर जकर्याह केर बेटा योहन, बड़े हय कहन एकटा भबिस्यद्बक्ता बइन गेलक। ऊ बने रहत रहे, आर बनेक मधु आर फेनगा गिला के खात रहे, आर ऊँट केर रौवाँ लेक बनल लूगा गिला के पिंधत रहे।

![](https://cdn.door43.org/obs/jpg/360px/obs-en-24-02.jpg)

ढेइर लोग गिला योहन केर कथा गिला के सुनेक तेहें बने बाहराय कहन आलयँ। ऊ इटा कइह कहन उमन के परचार करलक, “पछताप करा, काहेकि सरग केर राइज पासे आहे!”

![](https://cdn.door43.org/obs/jpg/360px/obs-en-24-03.jpg)

जखन लोग गिला योहन केर सन्देस के सुनलयँ, तो उमनेक मइध लेक ढेइरे झन आपन पाप गिला लेक पछताप करलयँ, आर योहन उमन के बपतिस्मा देलक। योहन के देखेक तेहें ढेइरे धारमिक आगुवा गिलाउ आलयँ, किन्तु उमन आपन पाप गिला केर पछताप चाहे अंगीकार नाइ करलयँ।

![](https://cdn.door43.org/obs/jpg/360px/obs-en-24-04.jpg)

योहन धारमिक आगुवा गिला के कहलक, “ए जहरीला साँप गिला! पछताप करा आर आपन बेबहार के बदला। परमेश्‍वर हर उ गाछ के काटी जे बेस फर नाइ देला, आर ऊ उके आइग मेहेन फेंइक देइ।” जेटा भबिस्यद्बक्ता कइह रहे योहन उटा के पूरा करलक, “देखा,‍ चाँड़ेइ मयँ तोहरेक आघु आपन सन्देसवाहक के पइठामुँ जे तोहरेक तेहें डहर के तेयार करी।”

![](https://cdn.door43.org/obs/jpg/360px/obs-en-24-05.jpg)

कुछ धारमिक आगुवा गिला योहन के पुछलयँ कि का ऊ मसीह हेके। योहन जबाब देलक, “मयँ मसीह ना लागँ, किन्तु ऊ मर बादे आतेहे। ऊ एतना महान् आहे कि मयँ उकर जूता गिला केर फीता के खलेक लाइको नेखँ।”

![](https://cdn.door43.org/obs/jpg/360px/obs-en-24-06.jpg)

आघुग दिन, यीशु बपतिस्मा लेक तेहें योहन केर पासे आलक। जखन योहन उके देखलक, तो ऊ कहलक, “देखा! परमेश्‍वर केर भेड़ा छुवा जे संसार केर पाप गिला के उठाय कहन ले जातेहे।”

![](https://cdn.door43.org/obs/jpg/360px/obs-en-24-07.jpg)

योहन यीशु के कहलक, “मयँ तके बपतिस्मा देक लाइक नेखँ। इकर बदली दरकार आहे कि तयँ मके बपतिस्मा देहिन।” किन्तु यीशु कहलक, “तकेइ मके बपतिस्मा देक चाही, काहेकि करेक तेहें सही काम एहे टाइ हेके।” सेतेहें योहन उके बपतिस्मा देलक, जखन कि यीशु कबउ पाप नाइ कइर रहे।

![](https://cdn.door43.org/obs/jpg/360px/obs-en-24-08.jpg)

बपतिस्मा देल बादे जखन यीशु पानी लेक निकइल कहन बाहिर आलक, तो परमेश्‍वर केर आत्मा पेरवाँ केर रुप मेहेन परगट हलक आर हेंठे आय कहन उकर उपरे ठहइर गेलक। ओहे समइ, परमेश्‍वर सरग लेक कथा करलक। ऊ कहलक, “तयँ मर बेटा हेकिस। मयँ तर लेक प्रेम करलाँ, आर मयँ तर लेक बेजाइन खुस आहँ।”

![](https://cdn.door43.org/obs/jpg/360px/obs-en-24-09.jpg)

परमेश्‍वर योहन के कहलक, “पबित्रात्मा हेंठे आय कहन केकरअ उपरे ठहइर जाइ जेके तयँ बपतिस्मा देबे।” ओहे परमेश्‍वर केर बेटा हेक परमेश्‍वर एकटाइ आहे। किन्तु जखन योहन यीशु के बपतिस्मा देलक, तो ऊ परमेश्‍वर बाप के कथा करत के सुनलक, बेटा परमेश्‍वर के देखलक, जे कि यीशु हेके, आर ऊ पबित्रात्मा के देखलक।

*मत्ती अध्याय 3; मरकुस 1:9-11; लूका 3:1 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_24_256kbps.m4a

## 25. सयतान यीशु केर परीछा करेला

https://openbiblestories.org/l/tdb/story-25/

![](https://cdn.door43.org/obs/jpg/360px/obs-en-25-01.jpg)

यीशु केर बपतिस्मा हल केर तुरुत बादेइ, पबित्रात्मा उके बन मेहेन ले गेलक। यीशु हुआँ चालीस दिन आर चालीस राइत रहे। उ समइ उ उपास करलक, आर सयतान यीशु केर पासे आय कहन पाप करुवायेक तेहें उकर परीछा करलक।

![](https://cdn.door43.org/obs/jpg/360px/obs-en-25-02.jpg)

पहिले, सयतान यीशु के कहलक, “जदि तयँ परमेश्‍वर केर बेटा हेकिस हले इ पाखना गिला के पिठा बनाय देहिन ताकि तयँ खाय पारिस!”

![](https://cdn.door43.org/obs/jpg/360px/obs-en-25-03.jpg)

किन्तु यीशु सयतान के कहलक, “परमेश्‍वर केर बचन मेहेन इटा लिखल आहे, ‘जीयँत रहेक तेहें मानुस के केबल पिठा केर दरकार नेखे, किन्तु उके हर उ कथा केर दरकार आहे जेटा परमेश्‍वर उकर लेक कहेला!’”

![](https://cdn.door43.org/obs/jpg/360px/obs-en-25-04.jpg)

तखन सयतान यीशु के मन्दिर केर सउब लेक ऊँचा चुटी मेहेन ले गेलक। ऊ उके कहलक, “जदि तयँ परमेश्‍वर केर बेटा हेकिस हले हुआँ लेक हेंठे डेइग देहिन, काहेकि लिखल आहे, ‘परमेश्‍वर तके उठायेक तेहें आपन सरगदूत गिला के आग्या देइ कि तर गड़ गिलाय पाखना लेक ठेंस ना लागुक।’”

![](https://cdn.door43.org/obs/jpg/360px/obs-en-25-05.jpg)

किन्तु यीशु उटा नाइ करलक जेटा सयतान उके करेक तेहें कइह रहे। बदलीये, ऊ कहलक, “परमेश्‍वर हर एक लेक कहेला, ‘तयँ परभु आपन परमेश्‍वर केर परीछा ना करबे।’”

![](https://cdn.door43.org/obs/jpg/360px/obs-en-25-06.jpg)

फिन सयतान उके संसार केर गोटा राइज के देखालक। ऊ उके देखालक कि उ गिला कतना सक्तिसाली रहयँ,आर उ गिला कतना सम्पन्‍न रहयँ। ऊ यीशु के कहलक, “मयँ तके इ सउब के देमू जदि तयँ घुटने टेइक कहन मर उपासना करबे।”

![](https://cdn.door43.org/obs/jpg/360px/obs-en-25-07.jpg)

यीशु जबाब देलक, “ए सयतान, मर पास लेक चइल जाहिन! परमेश्‍वर केर बचन मेहेन ऊ लोग गिला के आदेस देला, केबल आपन परभु परमेश्‍वर केर आराधना करा। परमेश्‍वर केर रुप मेहेम केबल उकरे आदर करा।”

![](https://cdn.door43.org/obs/jpg/360px/obs-en-25-08.jpg)

यीशु सयतान केर परीछा लेक हार नाइ मानलक, सेतेहें सयतान उकर पास लेक चइल गेलक। तखन सरगदूत गिला आय कहन यीशु केर सेवा सुसरा करे लागलयँ।

*मत्ती अध्याय 4:1-11; मरकुस 1:12-13; लूका 4:1-13 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_25_256kbps.m4a

## 26. यीशु आपन सेवा सुरु करेला

https://openbiblestories.org/l/tdb/story-26/

![](https://cdn.door43.org/obs/jpg/360px/obs-en-26-01.jpg)

सयतान केर परीछा गिलाक इंकार करेक बादे, यीशु वापल गलील क्षेत्र मेहेन आलक। एहटाइ उ जायगा हेके जहाँ ऊ रहत रहे। पबित्रात्मा उके बेजाइन सामर्थ देत रहे, आर यीशु एक जायगा लेक दसर जायगा बाटे गेलक आर लोग गिला के सिछा देलक। सभे काइ उकर बारे बेस कथा गिला कहलयँ।

![](https://cdn.door43.org/obs/jpg/360px/obs-en-26-02.jpg)

यीशु नासरत नगर मेहेन गेलक। इटा उ गाँव हेके जहाँ ऊ आपन बचपन मेहेन रहत रहे। सब्त केर दिने, ऊ आराधना करेक जायगा मेहेन गेलक। आगुवा गिला उके यशायाह भबिस्यद्बक्ता केर सन्देस गिलाक एकटा किताब देलयँ। उमन चाहत रहयँ कि ऊ उटा लेक पढ़ुक। सेतेहें यीशु उ किताब टाके खइल कहन उटाक एकटा हिस्सा के लोग गिलाक तेहें पढ़लक।

![](https://cdn.door43.org/obs/jpg/360px/obs-en-26-03.jpg)

यीशु पढ़लक, “परमेश्‍वर मके आपन आत्मा दे आहे ताकि मयँ कंगाल गिला के सुसमाचार परचार करे पारँ। ऊ मके एहे तेहें पइठालक कि कैदी गिला के आजाद करँ, अन्धा गिला के फिन देखे पाउन, आर उमन के छुटकारा दे पारँ जेके दसर लोग टा सतातेहे। इटा उ समइ हेके जखन परमेश्‍वर हामरे उपरे कृपालु हइ आर हामरे केर साहेता करी।”

![](https://cdn.door43.org/obs/jpg/360px/obs-en-26-04.jpg)

फिन यीशु बइस गेलक। सउब लोग गिला उके बेजाइन धेयान लेक देखत रहयँ। उमन जानत रहयँ कि पबित्र शास्त्र केर उ हिस्सा टाके उ एखन पइढ़ रहे उटा मसीह केर बारे मेहेन रहे। यीशु कहलक, “जन कथा गिला के मयँ एखन तोहरेक तेहें पढ़लँ, उ गिला इ समइ घटित हतेहे।” सउब लोग गिला चकित रहयँ। उमन कहलयँ, “का इटा यूसुफ केर बेटा ना लागे?”

![](https://cdn.door43.org/obs/jpg/360px/obs-en-26-05.jpg)

तखन यीशु कहलक, “इटा सच हेके कि लोग गिला कनअ एसन भबिस्यद्बक्ता के कबउ स्वीकार नाइ करतयँ जे उमनेक नगर मेहेन पइस-बाढ़ल हइ। एलिय्याह भबिस्यद्बक्ता केर समइ मेहेन, इस्राएल मेहेन बेजाइन बेसी राँड़ी गिला रहयँ। किन्तु जखन साढ़े तीन बछर तक बारिस नाइ हलक तो परमेश्‍वर एलिय्याह के इस्राएल मेहेन कनअ राँड़ी के साहेता करेक तेहें नाइ पइठालक। इकर अलावे, ऊ एलिय्याह के कनअ दसर देस केर राँड़ी केर पासे पइठालक।”

![](https://cdn.door43.org/obs/jpg/360px/obs-en-26-06.jpg)

यीशु कहेक जारी राखलक, “आर एलीशा भबिस्यद्बक्ता केर समइ मेहेन, इस्राएल मेहेन बेजाइन चाम रोग लेक पीड़ित रहयँ। किन्तु एलीशा उमनेक मइध लेक केकउ के चंगा नाइ करलक। ऊ केबल इस्राएल केर दुस्मन गिला केर सेनापति नामान के चंगा करलक।” किन्तु जन लोग गिला यीशु केर सुनत रहयँ उमन यहूदी गिला रहयँ। सेतेहें जखन उमन उके इटा कहत के सुनलयँ तो उमन उकर उपरे खिंसालयँ।

![](https://cdn.door43.org/obs/jpg/360px/obs-en-26-07.jpg)

नासरत केर लोग गिला यीशु के धइर लेलयँ आर उके आराधना केर जायगा लेक घिसराय कहन बाहिर ले गेलयँ। उमन उके मरायेक तेहें हेंठे फेंइक गिरायेक तेहें एकटा पहाड़ उपरे ले गेलयँ। किन्तु यीशु भीड़ मइध लेक निकइल गेलक आर नासरत नगर के छोइड़ कहन चइल गेलक।

![](https://cdn.door43.org/obs/jpg/360px/obs-en-26-08.jpg)

फिन यीशु गोटा गलील क्षेत्र मेहेन गेलक, आर बड़े भीड़ उकर पासे आलक। उमन एसन बेजाइन लोग गिला के ले कहन आलयँ जे रोगी आर बिकलांग रहयँ। उमनेक मइध लेक थोड़ेक देखे, चलेक, सुनेक चाहे बोलेक नाइ पारत रहयँ, आर यीशु उमन के चंगा करलक।

![](https://cdn.door43.org/obs/jpg/360px/obs-en-26-09.jpg)

इकर अलावे, बेजाइन एसन लोग यीशु केर पासे लानल गेलयँ जेकर मेहेन दुस्टात्मा गिला रहयँ। यीशु दुस्टात्मा गिला के उमनेक मइध लेक निकइल जाय केर आदेस देलक। उ दुस्टात्मा गिला हमेसा चिलालयँ, “तयँ परमेश्‍वर केर बेटा हेकिस।” भीड़ केर लोग गिला चकित रहयँ, आर उमन परमेश्‍वर केर स्तुति करलयँ।

![](https://cdn.door43.org/obs/jpg/360px/obs-en-26-10.jpg)

फिन यीशु बारो टा पुरुस गिला के चुनलक जेके ऊ आपन प्रेरित कहलक। उ प्रेरित गिला उकर संगे यात्रा करलयँ आर उकर लेक सिछा प्राप्त करलयँ।

*मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_26_256kbps.m4a

## 27. दयालू सामरी केर कहनी

https://openbiblestories.org/l/tdb/story-27/

![](https://cdn.door43.org/obs/jpg/360px/obs-en-27-01.jpg)

एक दिन, यहूदी बेबस्था केर एकटा जानोइया यीशु केर तहाँ आलक। ऊ सउब के इटा देखायेक चाहत रहे कि यीशु गलत रीति लेक सिछा देत रहे। सेतेहें ऊ कहलक, “हे गुरु, अनन्त जीबन पायेक तेहें मयँ का करमु?” यीशु जबाब देलक, “परमेश्‍वर बेबस्था मेहेन का लिखल आहे?”

![](https://cdn.door43.org/obs/jpg/360px/obs-en-27-02.jpg)

उ लोग टा कहलक, “उटा कहेला कि आपन परमेश्‍वर लेक आपन सम्पूर्न मन, परान, सामर्थ, आर बुद्धि लेक प्रेम राखिन। आर आपन पड़ोसी लेक आपन समान प्रेम राखिन।” यीशु जबाब देलक, “तयँ एकदम ठीक आहिस! जदि तयँ एसन करबे, हले तके अनन्त जीबन पावाइ।”

![](https://cdn.door43.org/obs/jpg/360px/obs-en-27-03.jpg)

किन्तु उ बेबस्था केर जानोइया टा लोग गिला के देखाय चाहत रहे कि उकर जीबन जीये केर तरीका सही रहे। सेतेहें ऊ यीशु के पूछलक, “ठीक आहे, हले मर पड़ोसी के हेके?”

![](https://cdn.door43.org/obs/jpg/360px/obs-en-27-04.jpg)

यीशु उ बेबस्था केर जानोइया टाके एकटा कहनी कइह देक दाराय जबाब देलक। “एकटा यहूदी अदमी रहे जे एकटा डहर लेक हय कहन यरुशलेम लेक यरीहौ केर यात्रा करत रहे।”

![](https://cdn.door43.org/obs/jpg/360px/obs-en-27-05.jpg)

“किन्तु थोड़ेक डाकू गिला उके देखलयँ आर उकर उपरे हमला कइर देलयँ। उमन उकर सउब कुछ के ले लेलयँ आर उके करिबन मरेक तक मारलयँ-पिटलयँ। तखन उमन चइल गेलयँ।”

![](https://cdn.door43.org/obs/jpg/360px/obs-en-27-06.jpg)

“उकर तुरुत बादे, एकटा यहूदी याजक ओहे डहर लेक हय कहन जात रहे। उ याजक टा उ अदमी के डहर धारे पड़ल देखलक। जखन ऊ उके देखलक तो ऊ डहर केर दसर धार बाटे लेक आघु चइल गेलक। ऊ उ अदमी टाके एकदमे अनदेखा कइर देलक।”

![](https://cdn.door43.org/obs/jpg/360px/obs-en-27-07.jpg)

“इकर बादे तनिके समइ बितल बादे, एकटा लेवी ओहे डहर लेक आलक। (लेवी यहूदी गिला केर एकटा गोत्र रहे जे मन्दिर मेहेन याजक गिला केर साहेता कइर रहयँ।) ऊ लेवी टाउ डहर केर दसर धार लेक निकइल गेलक। उहउ उ अदमी के अनदेखा कइर देलक।”

![](https://cdn.door43.org/obs/jpg/360px/obs-en-27-08.jpg)

“दसर अदमी जे उ डहरे आलक ऊ सामरिया केर एकटा पुरुस रहे। (सामरी आर यहूदी एक दसर लेक नफरत करत रहयँ।) उ सामरी टा डहरे उ अदमी के देखलक। ऊ देखलक कि ऊ अदमी टा यहूदी रहे, किन्तु तेउ ऊ उकर उपरे बेजाइन तरस खालक। सेतेहें ऊ उकर पासे गेलक आर उकर घाव गिलाय पट्टी बाँधलक।”

![](https://cdn.door43.org/obs/jpg/360px/obs-en-27-09.jpg)

“फिन उ सामरी उ अदंमी टाके आपन गधा उपरे बइसालक आर उके उ डहर लेक एकटा सराय मेहेन ले गेलक। जहाँ ऊ उकर देखभाल करेक जारी राखलक।”

![](https://cdn.door43.org/obs/jpg/360px/obs-en-27-10.jpg)

आघु दिन, उ सामरी टाके आपन यात्रा के जारी राखेक दरकार रहे। ऊ उ सराय केर प्रभारी अदमी के कुछ धन देलक, ऊ उके कहलक, “इ अदमी केर देखभाल करबे। जदि इ धन केर अलावा तर कनअ आरो धन खर्चा हइ हले वापस आमु सेखन मयँ तर उ खर्चा गिला के दे देमु।”

![](https://cdn.door43.org/obs/jpg/360px/obs-en-27-11.jpg)

फिन यीशु उ बेबस्था केर जानोइया टाके पुछलक, “तयँ का सोचिसला? इ तीन झन मइध लेक के उ अदमी केर पड़ोसी हेके जेके लुटलयँ आर पिटल जाय रहे?” ऊ जबाब देलक, “ओहे जे उकर उपरे कृपालू रहे।” यीशु उके कहलक, “तयँ जाहिन आर एसनेइ करिन।”

*लूका अध्याय 10:25-37 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_27_256kbps.m4a

## 28. धनीमान जुवान सासक

https://openbiblestories.org/l/tdb/story-28/

![](https://cdn.door43.org/obs/jpg/360px/obs-en-28-01.jpg)

एक दिन, एकटा धनीमान जुवान सासक यीशु तहाँ आय कहन उके पुछलक, “ए श्रेष्ठ गुरु, अनन्त जीबन पायेक तेहें मके का करेक चाही?” यीशु उके कहलक, “तयँ मके श्रेष्ठ काहे कहतिहिस? केबल एकेटाइ श्रेष्ठ आहे आर ऊ परमेश्‍वर हेके। किन्तु जदि तयँ अनन्त जीबन पायेक चाहोतिहिस हले परमेश्‍वर केर बेबस्था केर पालन करिन।”

![](https://cdn.door43.org/obs/jpg/360px/obs-en-28-02.jpg)

“मके कन्-कन् आग्या गिला केर पालन करेक केर दरकार आहे?” ऊ पुछलक। यीशु जबाब देलक, “हत्या ना करबे। ब्यभिचार ना करबे। चोरी ना करबे। झूठ ना कहिन। आपन बाप आर माँय केर आदर करिन, आर आपन पड़ोसी ले आपन समान प्रेम करिन।”

![](https://cdn.door43.org/obs/jpg/360px/obs-en-28-03.jpg)

किन्तु उ जुवान पुरुस टा कहलक, “मयँ आपन छुवा समइ लेकेइ इ सउब आग्या गिला केर पालन करते आतहँ। मके सदा केर तेहें जीयँत रहे केर एखनअ का करे केर दरकार आहे?” यीशु उकर उपरे नजइर उठालक आर उकर लेक प्रेम करलक।

![](https://cdn.door43.org/obs/jpg/360px/obs-en-28-04.jpg)

यीशु जबाब देलक, “जदि तयँ सिद्ध हयेक चाहोतिहिस हले जाय कहन आपन सउब कुछ के बेंच कहन आर उ धन टाके गरीब गिलाक मइधे बाँइट देहिन, आर तके सरग मेहेन धन मिली। तखन आय कहन मर पेछु गुड़ियाय लेहिन।”

![](https://cdn.door43.org/obs/jpg/360px/obs-en-28-05.jpg)

जेटा यीशु कहलक सेटा के जखन उ जुवान पुरुस सुनलक तो ऊ बेजाइन उदास हय गेलक, काहेकि ऊ बेजाइन धनीमान रहे आर ऊ आपन सउब सम्पत्ति के देक नाइ चाहत रहे। ऊ पेछुवाय कहन यीशु केर पास लेक चइल गेलक।

![](https://cdn.door43.org/obs/jpg/360px/obs-en-28-06.jpg)

तखन यीशु आपन चेला गिला के कहलक, “परमेश्‍वर केर राइज मेहेन धनीमान लोग गिला केर समायेक बेजाइन कठिन आहे! हँ, एकटा धनीमान पुरुस के परमेश्‍वर केर राइज मेहेन समायेक तुलना मेहेन कनअ ऊँट केर सूई केर छेंदा लेक हय कहन निकइल जायेक आसान आहे।”

![](https://cdn.door43.org/obs/jpg/360px/obs-en-28-07.jpg)

जेटा यीशु कहलक जखन चेला गिला सुनलयँ तो उमन चकित रहयँ। उमन कहलक, “जदि इटा एसन आहे हले परमेश्‍वर केके बाँचाइ?”

![](https://cdn.door43.org/obs/jpg/360px/obs-en-28-08.jpg)

यीशु चेला गिला केर उपरे नजइर उठालक आर कहलक, “लोग गिलाक तेहें खुद केर उद्धार करेक असम्भव आहे। किन्तु परमेश्‍वर केर तेहें कनअए करेक असम्भव नेखे।”

![](https://cdn.door43.org/obs/jpg/360px/obs-en-28-09.jpg)

पतरस यीशु के कहलक, “हामरे चेला गिला आपन सभे टाके छोइड़ कहन तर पेछु हय ले आही। तो हामरे केर प्रतिफल का हइ।”

![](https://cdn.door43.org/obs/jpg/360px/obs-en-28-10.jpg)

यीशु जबाब देलक, “हर एक झन जे मर चलते घर, भाई, बहिन, बाप, माँय, छुवा गिला, चाहे सम्पत्ति के छोइड़ आहा, ऊ उटा लेक सअ गुना बेसी पाइ आर अनन्त जीबन कउ पाइ। किन्तु ढेइरे गिला लेक जे पहिले आहयँ उमन पेछुवे हबयँ, आर ढेइरे लोग लेक जे पेछुवे आहयँ उमन पहिले हबयँ।”

*मत्ती अध्याय 19:16-30; मरकुस 10:17-31; लूका 18:18-30 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_28_256kbps.m4a

## 29. निर्दयी धाँगर केर कहनी

https://openbiblestories.org/l/tdb/story-29/

![](https://cdn.door43.org/obs/jpg/360px/obs-en-29-01.jpg)

एक दिन, पतरस यीशु के पुछलक, “ए मालिक, मके आपन भाई के कतना धाँव छमा करेक चाही जखन ऊ मर बिरुद्ध पाप करेला? का सात धाँव तक?” यीशु कहलक, “सात धाँव नाहीं, किन्तु सात केर सत्तर धाँव!” इकर दाराय, यीशु केर मतलब आहे कि हामरे के हमेसा छमा करेक चाही। तखन यीशु इ कहनी कइह देलक।

![](https://cdn.door43.org/obs/jpg/360px/obs-en-29-02.jpg)

यीशु कहलक, “परमेश्‍वर केर राइज एकटा राजा केर समान आहे जे आपन धाँगर गिला लेक लेखा लेक चाहत रहे। उकर एकटा धाँगर दुइ लाख बछर केर मजदूरी केर एकटा बड़े कर्जा केर कर्जदार रहे।”

![](https://cdn.door43.org/obs/jpg/360px/obs-en-29-03.jpg)

किन्तु ऊ धाँगर टा आपन कर्जा के चुकाय नाइ पारलक, सेतेहें राजा कहलक, “इकर कर्जा चुकायेक तेहें इ पुरुस के आर इकर परिबार के धाँगर केर रुप मेहेन बेंइच देवा।”

![](https://cdn.door43.org/obs/jpg/360px/obs-en-29-04.jpg)

“उ धाँगर टा राजा केर पासे आपन हेंठुये गिर कहन कहलक, ‘कृपया मर संग धीरज घर, आर मयँ आपन कर्जा केर पूरी रकम केर भुगतान कइर देमु।’ राजा धाँगर उपरे दया करलक, सेतेहें उकर सउब कर्जा के छमा कइर देलक आर उके जाय देलक।”

![](https://cdn.door43.org/obs/jpg/360px/obs-en-29-05.jpg)

“किन्तु जखन ऊ धाँगर टा राजा केर पास लेक बाहिर गेलक, तो उके उकर एकटा संगी धाँगर भेंट हलक जे उकर चाइर महीना केर मजदूरी केर कर्जदार रहे। ऊ धाँगर टा आपन संगी धाँगर के धइर लेलक आर कहलक, ‘जे तर उपरे मर कर्जा आहे मके उटाक भुगतान कर!’”

![](https://cdn.door43.org/obs/jpg/360px/obs-en-29-06.jpg)

“ऊ संगी धाँगर हेंठुये गिर कहन कहलक, ‘कृपया मर संगे धीरज धरिन, आर मयँ आपन कर्जा केर सउब रकम केर भुगतान कइर देउम।’ किन्तु इकर उलटा, उ धाँगर टा आपन संगी धाँगर के जेहेल घर मेहेन डाइल देलक जखन तक कि ऊ उ कर्जा केर भुगतान नाइ कइर देइ।”

![](https://cdn.door43.org/obs/jpg/360px/obs-en-29-07.jpg)

“जे कनअ हय रहे उटा के कुछ दसर धाँगर गिला देखलयँ आर उमन बेजाइन परेशान हलयँ। उमन राजा केर पासे गेलयँ आर उके सउब कुछ के कइह देलयँ।”

![](https://cdn.door43.org/obs/jpg/360px/obs-en-29-08.jpg)

“राजा उ धाँगर टाके डाइक कहन कहलक, ‘ए दुस्ट धाँगर, मयँ तर कर्जा के एहे तेहें छमा कइर रहँ काहेकि तयँ मर लेक अर्जी कइर रहिस। तकउ ओसनेइ करेक चाही रहे।’ राजा एतना खिंसाय रहे कि ऊ उ दुस्ट धाँगर के जेहेल घर मेहेन डाइल देलक जखन तक कि ऊ आपन सउब कर्जा केर वापस भुगतान नाइ कइर देइ।”

![](https://cdn.door43.org/obs/jpg/360px/obs-en-29-09.jpg)

तखन यीशु कहलक, “मर सरग मेहेन बिराजमान बाप तोहरेक मइध लेक हर एक केर संगे एहे टाइ करी जदि तोहरे आपन भाई के आपन हिरदय लेक छमा नाइ कराला।”

*मत्ती अध्याय 18:21-35 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_29_256kbps.m4a

## 30. यीशु पाँच हजार लोग गिला के खियालक

https://openbiblestories.org/l/tdb/story-30/

![](https://cdn.door43.org/obs/jpg/360px/obs-en-30-01.jpg)

यीशु आपन चेला गिला के परचार करेक आर लोग गिला के सिछा देक तेहें ढेइरे अलग-अलग गाँव गिलाय पइठालक। जखन उमन घुरलयँ जहाँ यीशु रहे तो उमन उके कइह देलयँ कि उमन का कइर रहयँ। तखन यीशु उमन के झील केर दसर धार बाटे उकर संगे एकटा सान्त जायगाय जाय कहन थोड़ेक समइ आराम करेक तेहें डाकलक। सेतेहें उमन एकटा नाव उपरे चापलयँ आर झील केर दसर धार बाटे चइल गेलयँ।

![](https://cdn.door43.org/obs/jpg/360px/obs-en-30-02.jpg)

किन्तु हुआँ ढेइर एसन लोग गिला रहयँ जे गिला यीशु आर चेला गिला के नाव मेहेन जात के देइख रहयँ। इ लोग गिला उमन लेक आघु झील केर दसर धार बाटे जायेक तेहें झील केर धारे-धारे कुदलयँ। सेतेहें जखन यीशु आर चेला गिला पहँचलयँ तो लोग गिला केर एकटा बड़े भीड़ उकर इन्तजार करत के हुआँ पहिल लेक रहयँ।

![](https://cdn.door43.org/obs/jpg/360px/obs-en-30-03.jpg)

उ भीड़ मेहेन बेटी छुवा गिला आर छुवा गिला केर संख्या बिना गनले पाँच हजार लेक बेसी पुरुस गिलाय रहयँ। यीशु उ लोग गिलाय बेजाइन तरस खालक। यीशु केर तेहें उ लोग गिला बिना चरवाह केर भेड़ी गिला केर समान रहयँ। सेतेहें ऊ उमन के सिछा देलक आर उमन मेइधे जन लोग गिला रोगी रहयँ उमन के चंगा करलक।

![](https://cdn.door43.org/obs/jpg/360px/obs-en-30-04.jpg)

दिन केर आखरी मेहेन, चेला गिला यीशु के कहलयँ, “एधाँव देरी हय गेलक आर आसे-पासे कनअ नगर नेखे। इ लोग गिला के विदा कर ताकि उमन खायेक तेहें कनअ लेउन।”

![](https://cdn.door43.org/obs/jpg/360px/obs-en-30-05.jpg)

किन्तु यीशु चेला गिला के कहलक, “तोहरे उमन के खायेक तेहें कनअ देवा!” उमन जबाब देलयँ, “हामरे एसन का निहार करे पारब? हामरेक तहाँ केबल पाँच टा पिठा आर दुइटा छोटे माछ गिला आहयँ।”

![](https://cdn.door43.org/obs/jpg/360px/obs-en-30-06.jpg)

यीशु आपन चेला गिला के कहलक कि उमन भीड़ केर लोग गिला के घाँसे पचास-पचास केर समूह मेहेन बइसेक तेहें कहुन।

![](https://cdn.door43.org/obs/jpg/360px/obs-en-30-07.jpg)

तखन यीशु पाँच टा पिठा आर दुइटा माछ गिला के ले कहन सरग बाटे देखलक, आर उ खायेक तेहें परमेश्‍वर केर धन्यबाद देलक।

![](https://cdn.door43.org/obs/jpg/360px/obs-en-30-08.jpg)

फिन यीशु पिठा आर माछ गिला के खेंचा करलक। ऊ लोग गिला के देक तेहें आपन चेला गिला के उ खेंचा गिला के दे देलक। चेला गिला उ खायेक टाके बाँटते रहलयँ, आर उटा कबउ सिराय नाइ हलक! उ सउब लोग गिला खाय कहन आघाय गेलयँ।

![](https://cdn.door43.org/obs/jpg/360px/obs-en-30-09.jpg)

उकर बादे, चेला गिला उ खायेक टाके जामा करलयँ जेटा के उमन नाइ खाय रहयँ आर उटा बारो खाँची भरेक तेहें काफी रहे! उ सउब खायेक गिला उ पाँच टा पिठा आर दुइटा माछ गिला लेक आय रहे।

*मत्ती अध्याय 14:13-21; मरकुस 6:31-44; लूका 9:10-17; योहन 6:5-15 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_30_256kbps.m4a

## 31. यीशु केर पानी उपरे चलेक

https://openbiblestories.org/l/tdb/story-31/

![](https://cdn.door43.org/obs/jpg/360px/obs-en-31-01.jpg)

पाँच हजार लोग गिला के खियाल बादे, यीशु आपन चेला गिला के नाव मेहेन चापेक तेहें कहलक। ऊ उमन के झील केर दसर धार बाटे जायेक तेहें कहलक जखन कि ऊ थोड़ेक समइ केर तेहें हुआँइ रुइक गेलक। सेतेहें चेला गिला चइल गेलयँ आर यीशु भीड़ के विदा करलक कि उमन आपन घर जाउन। इकर बादे, यीशु पारथना करेक तेहें एकटा पहाड़ उपरे चइल गेलक। हुआँ ऊ एकलाइ रहे, आर ऊ ढेइर राइत तक पारथना करलक।

![](https://cdn.door43.org/obs/jpg/360px/obs-en-31-02.jpg)

उ समइ, चेला गिला आपन नाव के चलात के जात रहयँ, किन्तु हवा उमनेक बिरुद्ध बेजाइन आँटे बहत रहे। बेजाइन राइत हय गेलक तेउ उमन केबल झील केर माझ मेहनेइ पहँचल रहयँ।

![](https://cdn.door43.org/obs/jpg/360px/obs-en-31-03.jpg)

उ समइ यीशु पारथना करेक सिरालक आर आपन चेला गिला केर पासे वापस जायेक सुरु करलक। ऊ नाव बाटे जायेक तेहें पानी केर उपरे चले लागलक।

![](https://cdn.door43.org/obs/jpg/360px/obs-en-31-04.jpg)

तखन चेला गिला उके देखलयँ। उमन बेजाइन डराय जाय रहयँ काहेकि उमन सोंइच रहयँ कि ऊ कनअ भूत हेके। यीशु जानत रहे कि उमन डराय जाय रहयँ, सेतेहें ऊ उमन के आवाज दे कहन कहलक, “ना डरावा, मयँ हेकँ!”

![](https://cdn.door43.org/obs/jpg/360px/obs-en-31-05.jpg)

तखन पतरस यीशु के कहलक, “ए परभु, जदि तयँ हेकिस हले मके पानी उपरे चइल कहन तर पासे आयेक केर आदेस देहिन।” यीशु पतरस के कहलक, “आविन!”

![](https://cdn.door43.org/obs/jpg/360px/obs-en-31-06.jpg)

सेतेहें पतरस नाव लेक उतइर गेलक आर यीशु केर पासे जायेक तेहें पानी उपरे चलेक सुरु करलक। किन्तु थोड़ेक दूर जाय कहन, ऊ आपन आँइख गिला के यीशु लेक मुइड़ लेलक आर ढेउ गिला के देखेक आर तेज हवा के महसूस करेक सुरु कइर देलक।

![](https://cdn.door43.org/obs/jpg/360px/obs-en-31-07.jpg)

तखन पतरस डराय गेलक आर पानी मेहेन डुबे लागलक। ऊ चिलालक, “ए परभु, मके बाँचाइन!” यीशु ओहे समइ हाथ लम्बा कइर कहन उके धइर लेलक। तखन ऊ पतरस के कहलक, “तर बिसास बेजाइन कम आहे! तके सुरछित राखेक तेहें तयँ मर उपरे भरसा काहे नाइ करले?”

![](https://cdn.door43.org/obs/jpg/360px/obs-en-31-08.jpg)

तखन यीशु आर पतरस नाव उपरे चाइप गेलयँ, आर तुरुत हवा केर बहेक बन्द हय गेलक। पानी सान्त हय गेलक। चेला गिला चकित हय कहन यीशु केर आघुवे हेंठु टेइक देलयँ। उमन उकर आराधना करलयँ आर उके कहलयँ, “सचमुच तयँ परमेश्‍वर केर बेटा हेकिस।”

*मत्ती अध्याय 14:22-33; मरकुस 6:45-52; योहन 6:16-21 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_31_256kbps.m4a

## 32. यीशु केर दुस्टात्मा ग्रस्त अदमी आर एकटा रोगी बेटी छुवा के चंगा करेक

https://openbiblestories.org/l/tdb/story-32/

![](https://cdn.door43.org/obs/jpg/360px/obs-en-32-01.jpg)

यीशु आर उकर चेला गिला आपन नाव मेहेन चाइप कहन उ इलाका मेहेन गेलयँ जहाँ गिरासेनी लोग गिला रहत रहयँ। उमन उ इलाका मेहेन पहँइच कहन नाव लेक नाभलयँ।

![](https://cdn.door43.org/obs/jpg/360px/obs-en-32-02.jpg)

हुआँ एकटा अदमी रहे जे दुस्टात्मा लेक ग्रस्त रहे।

![](https://cdn.door43.org/obs/jpg/360px/obs-en-32-03.jpg)

इ अदमी टा एतना बलिमान रहे कि केउ उके आपन अधीन मेहेन नाइ करे पाइर रहयँ। कयो धाँव लोग गिला उके हाथ गिलाय आर गड़ गिलाय सिकड़ लेकउ बाँधलयँ, किन्तु ऊ उ गिला के टुटाय देत रहे।

![](https://cdn.door43.org/obs/jpg/360px/obs-en-32-04.jpg)

ऊ अदमी टा उ इलाका मेहेन मसना गिलाय रहत रहे। इ अदमी गोटा दिन आर राइत चिलाय बुलत रहे। ऊ लूगा नाइ पिंधत रहे आर खने-खने खुद के पाखना लेक छेंछाय हय कहन लहूलुहान कइर देत रहे।

![](https://cdn.door43.org/obs/jpg/360px/obs-en-32-05.jpg)

उ अदमी टा कुइद कहन यीशु तहाँ आलक आर उकर पासे हेंठु टेइक देलक। तखन यीशु उ अदमी केर भीतर केर दुस्टात्मा लेक कथा करलक आर कहलक, “इ अदमी भीतर लेक बाहिर निकइल आइन!”

![](https://cdn.door43.org/obs/jpg/360px/obs-en-32-06.jpg)

उ दुस्टात्मा टा डबल आँटे चिलालक, “ए यीशु, परम परधान परमेश्‍वर केर बेटा, तर मर लेक का काम? किरपा कइर कहन मके ना सताबे!” तखन यीशु उ दुस्टत्मा के पुछलक, “तर का नाम हेक?” उ जबाब देलक, “मर नाम पालटन हेके, काहेकि हामरे बेजाइन आही।” (रोमी पालटन मेहेन कयो हजार पालटन गिला केर एकटा दल एकटा “पालटन” हत रहे।)

![](https://cdn.door43.org/obs/jpg/360px/obs-en-32-07.jpg)

उ दुस्टात्मा गिला यीशु लेक अर्जी करलक, “किरपा कइर कहन हामरे के इ इलाका लेक बाहिर ना पइठाइन!” उठिन पासेइ पहाड़ उपरे सुअर गिला केर एकटा गठ चरत रहे। सेतेहें उ दुस्टात्मा गिला यीशु लेक अर्जी करलयँ, “किरपा कइर कहन हामरे के सुअर गिलाय पइठाय देहिन!” यीशु कहलक, “ठीक आहे, उमन मेहेन चइल जावा!”

![](https://cdn.door43.org/obs/jpg/360px/obs-en-32-08.jpg)

सेतेहें उ दुस्टात्मा गिला उ अदमी भीतर लेक निकइल कहन उ सुअर गिलाय समाय गेलयँ। उ सुअर गिला कुइद कहन एकटा टुँगरी उपर लेक झील मेहेन डेइग देलयँ आर डुइब मरलयँ। उ गठ मेहेन करिबन दुइ हजार सुअर गिला रहयँ।

![](https://cdn.door43.org/obs/jpg/360px/obs-en-32-09.jpg)

हुआँ उ सुअर गिलाक चरवाह गिला रहयँ। जे कनअ हय रहे जखन उमन उटा के देखलयँ तो उमन नगर मेहेन भाइग गेलयँ। यीशु जेटा कइर रहे सेटा के उमन सभे टाके कइह देलयँ। उ नगर केर लोग गिला बाहराय आलयँ आर उ अदमी के देखलयँ जेकर मेहेन दुस्टात्मा गिला रहयँ। ऊ सचेत, लूगा पिंधल, आर एकटा सामान्य अदमी निहार बेबहार करत के बइसल रहे।

![](https://cdn.door43.org/obs/jpg/360px/obs-en-32-10.jpg)

उ लोग गिला बेजाइन डराल रहयँ आर उमन यीशु के चइल जायेक तेहें कहलयँ। सेतेहें यीशु नाव उपरे चेइड़ गेलक। ऊ अदमी टा जेकर मेहेन दुस्टात्मा गिला रहयँ ऊ यीशु केर संगे जायेक तेहें अर्जी करलक।

![](https://cdn.door43.org/obs/jpg/360px/obs-en-32-11.jpg)

किन्तु यीशु उके कहलक, “नाहीं। मयँ चाहलाँ कि तयँ घर जाय कहन सउब लोग गिला के कइह देहिन कि परमेश्‍वर तर तेहें का कइर आहे। उमन के कइह देहिन कि केसन परमेश्‍वर तर उपरे दया कइर रहे।”

![](https://cdn.door43.org/obs/jpg/360px/obs-en-32-12.jpg)

सेतेहें उ अदमी टा चइल गेलक आर सउब के इ बारे कइह देलक जेटा यीशु उकर तेहें कइर रहे। उकर कहनी के सुनइया हर एक झन चकित रहयँ।

![](https://cdn.door43.org/obs/jpg/360px/obs-en-32-13.jpg)

यीशु झील केर दसर धार बाटे घुइर आलक। उकर हुआँ पहँचेक बादे, एकटा बड़े भीड़ उकर आसे पासे जामा हलयँ आर उके चिपे लागलयँ। उ भीड़ मेहेन एकटा बेटी छुवा रहे जे बारो बछर लेक लहू बहे केर समस्या लेक पीड़ित रहे। उ आपन सउब धन बइद्ध गिला के दे दे रहे ताकि उमन उके बेस करे पारयँ, किन्तु उकर रोग टा आरो बेसी बाढ़ते जाय रहे।

![](https://cdn.door43.org/obs/jpg/360px/obs-en-32-14.jpg)

ऊ सुइन रहे कि यीशु कयोटा रोगी गिला के बेस कइर रहे आर ऊ सोंचलक, “मयँ निश्‍चित आहँ कि जदि मयँ केबल यीशु केर लूगा केइ छुइ लेमु, हले मयँ बेस हय जामु!” सेतेहें ऊ यीशु केर पेछु बाटे लेक आलक आर उकर लूगा के छुइ लेलक। जेसनेइ उ उके छुलक, लहू केर बहेक बन्द हय गेलक।

![](https://cdn.door43.org/obs/jpg/360px/obs-en-32-15.jpg)

तुरतेइ, यीशु जाइन लेलक कि उकर भीतर लेक सामर्थ निकइल आहे। सेतेहें ऊ पेछु बाटे मुहाय कहन पुछलक, “मके के छुलक?” चेला गिला जबाब देलयँ, “हिआँ एतना बेसी लोग गिला तर चाइरो धार बाटे भीड़ लगाय आहयँ, आर तके ढेकलतहयँ। हलउ तयँ काहे पुछले कि मके के छुइ आहे?”

![](https://cdn.door43.org/obs/jpg/360px/obs-en-32-16.jpg)

ऊ बेटी छुवा टा यीशु केर पासे काँपत के आर बेजाइन डराल आपन ठेमनाय बइस गेलक। तखन उ उके कइह देलक कि उ का कइर आहे, आर इटाउ कि ऊ बेस हय जाय आहे। यीशु उके कहलक, “तर बिसास टाइ तके चंगा कइर आहे। सान्ति लेक जाहिन।”

*मत्ती 8“28-34; 9:20-22; मरकुस 5:1-20; 5:24b-34; लूका 8:26-39; 8:42b-48 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_32_256kbps.m4a

## 33. एकटा किसान केर कहनी

https://openbiblestories.org/l/tdb/story-33/

![](https://cdn.door43.org/obs/jpg/360px/obs-en-33-01.jpg)

एक दिन, यीशु झील केर धार पासे रहे। ऊ लोग गिला केर एकटा बड़े भीड़ के सिछा देत रहे। उके सुनेक तेहें एतना बेसी लोग आलयँ कि यीशु केर पासे उ सभे लेक कथा करेक तेहें जायगा नाइ बाँचलक। सेतेहें ऊ पानी मेहेन ठाड़ नाव उपरे चाइप गेलक। हुआँ ऊ बइस गेलक आर लोग गिला के सिछा देलक।

![](https://cdn.door43.org/obs/jpg/360px/obs-en-33-02.jpg)

यीशु उमन के इ कहनी टा के सुनालक, “एकटा किसान बिहिन बुनेक तेहें बाहिर बाहरालक। जखन ऊ हाथ गिला लेक बिहिन गिला के छिंटत रहे तो थोड़ेक बिहिन गिला डहरे गिरलक। किन्तु चरइ गिला आय कहन उ सउब बिहिन गिला के खाय लेलयँ।”

![](https://cdn.door43.org/obs/jpg/360px/obs-en-33-03.jpg)

“दसर बिहिन गिला पाखना भूँईये जहाँ बेजाइन कम माटी रहे। पाखना भूँईये गिरल बिहिन गिला बेजाइन चाँड़े अंकुरित हलक, किन्तु उटाक जेइर भूँई मेहेन भीतर तक जायेक मेहेन सक्षम नाइ रहे। जखन सूरुज उगलक आर गरम हलक तो उ पौधा गिला मुरझाय गेलक आर मइर गेलक।”

![](https://cdn.door43.org/obs/jpg/360px/obs-en-33-04.jpg)

“तेउ दसर बिहिन गिला झूँड़ गिलाक माझे गिरलक। उ बिहिन गिला बाढ़े सुरु हलक, किन्तु काँटा गिला उटा के दबाय देलक। सेतेहें झूँड़ भूँईये गिरल बिहिन मइध लेक जनमल पौधा मइध लेक कनअए अनाज उत्पन्‍न नाइ करे पारलक।”

![](https://cdn.door43.org/obs/jpg/360px/obs-en-33-05.jpg)

“दसर बिहिन बेस भूँईये गिरलक। उ बिहिन गिला बाढ़लक आर जतना बिहिन बुनल जाय रहे उटा लेक तीस, साइठ, आर हिआँ तक कि सअ गुना अनाज उत्पन्‍न करलक। जे केउ परमेश्‍वर केर पेछुवे चलेक चाहयलाँ, ऊ उ कथा उपरे धेयान देइ जेटा मयँ कहतहँ!”

![](https://cdn.door43.org/obs/jpg/360px/obs-en-33-06.jpg)

इ कहनी टा चेला गिला के उलझन मेहेन डाइल देलक। सेतेहें यीशु उकर माने कइह देलक, “उ बिहिन टा परमेश्‍वर केर बचन हेके। उ डहर टा एकटा एसन लोग हेके जे परमेश्‍वर केर बचन के सुनेला, किन्तु उटा के समझेला नाहीं। तखन सयतान उकर पास लेक बचन के चराय लेला। यानि कि सयतान उके बचन के समझेक लेक दूर राखेला।”

![](https://cdn.door43.org/obs/jpg/360px/obs-en-33-07.jpg)

“उ पाखना भूँई टा एसन लोग हेके जे परमेश्‍वर केर बचन के सुनेला आर आनन्द लेक उटा के स्वीकार कइर लेला। किन्तु जखन मुस्किल समइ आयला, चाहे जखन दसर लोग गिला उके सतायलाँ, तो उ परमेश्‍वर लेक दूर चइल जायला। यानी ऊ परमेश्‍वर उपरे भरसा करेक बन्द कइर देला।”

![](https://cdn.door43.org/obs/jpg/360px/obs-en-33-08.jpg)

“उ झूँड़ भूँई टा एसन लोग हेके जे परमेश्‍वर केर बचन के सुनेला। किन्तु ऊ बेजाइन बेसी कथा गिला केर बारे चिन्ता करेक सुरु कइर देला, आर ऊ बेजाइन धन कमायेक केर परयास करेला, आर ऊ बेजाइन चीज गिला के पायेक केर परयास करेला। थोड़ेक समइ केर बादे, एधाँव ऊ परमेश्‍वर के प्रेम करेक मेहेन सक्षम नेखे। सेतेहें जे उ परमेश्‍वर कर बचन लेक सिख रहे ऊ उटा के परमेश्‍वर केर खुस करेक मेहेन सक्षम नाइ करेला। ऊ गहम केर डाँटी गिला केर समान आहे जेटा कनअ अनाज उत्पन्‍न नाइ करेला।”

![](https://cdn.door43.org/obs/jpg/360px/obs-en-33-09.jpg)

“किन्तु बेस भूँई टा उ लोग हेके जे परमेश्‍वर केर बचन के सुनेला, उकर उपरे बिसास करेला, आर फर उत्पन्‍न करेला।”

*मत्ती अध्याय 13:1-8, 18-23; मरकुस 1:1-8, 13-20; लूका 8:4-15 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_33_256kbps.m4a

## 34. यीशु दसर कहनी गिला केर सिछा देला

https://openbiblestories.org/l/tdb/story-34/

![](https://cdn.door43.org/obs/jpg/360px/obs-en-34-01.jpg)

यीशु परमेश्‍वर केर राइन केर बारे दसर बेजाइन बेसी कहनी गिला के सुनालक। उदाहरन केर तेहें, ऊ कहलक, “परमेश्‍वर केर राइज एकटा राई केर मन्जी केर समान आहे जेटा के केउ आपन खेत मेहेन बुइन देलक। तोहरे जानाला कि राई केर बिहिन सउब मन्जी गिलाय सउब लेक छोटे हयला।”

![](https://cdn.door43.org/obs/jpg/360px/obs-en-34-02.jpg)

“किन्तु जखन राई केर बिहिन बाइढ़ जायला तो उटा बगइचा केर सउब गाछ गिलाय सउब लेक बड़े हय जायला, एतना बड़े कि चरइ गिला आय कहन उकर डाइर गिलाय आराम करयलाँ।”

![](https://cdn.door43.org/obs/jpg/360px/obs-en-34-03.jpg)

यीशु एकटा दसर कहनी कइह देलक, “परमेश्‍वर केर राइज खमीर (सोडा) केर समान आहे जेटा के ले कहन एकटा बेटी छुवा सानल आटा मेहेन मेसाय देला तखन उटा गोटा सानल आटा मेहेन फैल जायला।”

![](https://cdn.door43.org/obs/jpg/360px/obs-en-34-04.jpg)

“सरग केर राइज उ खजाना केर समान आहे जेटा के केउ खेत मेहेन लुकाय देलक। कनअ दसर लोग टा उ खजाना टाके मिल गेलक आर ऊ उटाके पायेक केर बेजाइन चाह करलक। सेतेहें ऊ उटा के फिन तइप देलक। ऊ आनन्द लेक एतना भरल रहे कि ऊ जाय कहन आपन सउब कुछ के बेंइच देलक ताकि ऊ उ खेत टाके किने पारे जहाँ उ खजाना टा रहे।”

![](https://cdn.door43.org/obs/jpg/360px/obs-en-34-05.jpg)

“सरग केर राइज एकटा बेजाइन किमती सुद्ध मोती केर समानअ आहे। जखन केउ मोती गिला केर बेपारी उटा के पाय लेला तो ऊ उटा के किनेक तेहें आपन सउब कुछ के बेंइछ देला।”

![](https://cdn.door43.org/obs/jpg/360px/obs-en-34-06.jpg)

हुआँ थोड़ेक लोग गिला रहयँ जे सोंचत रहयँ कि परमेश्‍वर उमन के एहे तेहें स्वीकार करी काहेकि उमन भला काम करतहयँ। इ लोग गिला एसन लोग गिला के तुछ मानोयलाँ जे उ भला काम गिला के नाइ करयलाँ। सेतेहें यीशु उमन के कहनी कइह देलक: “दुइ झन रहयँ आर दुयोइ पारथना करेक तेहें मन्दिर मेहेन गेलयँ। उमनेक मइध लेक एक झन मासुल लेवइया रहे, आर दसर एकटा धारमिक आगुवा रहे।”

![](https://cdn.door43.org/obs/jpg/360px/obs-en-34-07.jpg)

“उ धारमिक आगुवा टा इ रकम लेक पारथना करलक, ‘ए परमेश्‍वर, तर धन्यवाद हउक कि मयँ दसर लोग गिला केर समान- जेसन कि डाकू, अन्यायी मानुस, ब्यभिचारी,चाहे हियाँ तक कि हिआँ उपस्थित उ मासुल लेवइया केर समान एकटा पापी ना लागँ।’”

![](https://cdn.door43.org/obs/jpg/360px/obs-en-34-08.jpg)

“उदाहरन केर तेहें, मयँ हर सप्ताह दुइ धाँव उपास राखलाँ, आर मयँ मके पावाइया धन आर सामान केर दसवाँ हिस्सा तके देवलाँ।”

![](https://cdn.door43.org/obs/jpg/360px/obs-en-34-09.jpg)

“किन्तु ऊ मासुल लेवइया उ धारमिक आगुवा लेक बेजाइन दूरे ठाड़ हय गेलक। ऊ उपर सरग बाटे आँइखअ नाइ उठालक। इकर उलटा, ऊ आपन मुट्का लेक आपन छाती के पिटलक आर पारथना करलक, ‘ए परमेश्‍वर, किरपा कइर कहन मर उपरे दया करिन काहेकि मयँ एकटा पापी हेकँ।’”

![](https://cdn.door43.org/obs/jpg/360px/obs-en-34-10.jpg)

फिन यीशु कहलक, “मयँ तोहरे लेक सत कहलाँ, परमेश्‍वर उ मासुल लेवइया केर पारथना के सुनलक आर उके धर्मी घोसित करलक। किन्तु ऊ उ धारमिक आगुवा केर पारथना के पसन्द नाइ करलक। परमेश्‍वर हर एक घमन्डी केर मुड़ के नीचा करेला, किन्तु ऊ हर उ लोग के आदर देला जे खुद के नम्र करेला।”

*मत्ती 13:31-33, 44-46; मरकुस 4:30-32; लूका 13:18-21; 18:9-14 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_34_256kbps.m4a

## 35. दयालू बाप केर कहनी

https://openbiblestories.org/l/tdb/story-35/

![](https://cdn.door43.org/obs/jpg/360px/obs-en-35-01.jpg)

एक दिन, यीशु उ बेजाइन लोग गिला के सिछा देत रहे जे उकर सुनेक तेहें जामा हय रहयँ। इ लोग गिला मासुल लेवइया आर संगेइ दसर लोग गिलाउ रहयँ जे गिला मूसा केर बेबस्था केर पालन करे केर परयास नाइ करत रहयँ।

![](https://cdn.door43.org/obs/jpg/360px/obs-en-35-02.jpg)

कुछ धारमिक आगुवा गिला देखलयँ कि यीशु इ लोग गिला लेक एकटा संगी केर समान कथा करत रहे। सेतेहें उमन एक दसर लेक इटा कहेक सुरु कइर देलयँ कि ऊ गलत करत रहे। यीशु उमन के कथा करत के सुनलक, सेतेहें ऊ उके इ कहनी टाके सुनालक।

![](https://cdn.door43.org/obs/jpg/360px/obs-en-35-03.jpg)

“एकटा अदमी रहे जेकर दुइटा बेटा रहयँ। छोटे बेटा टा आपन बाप के कहलक, ‘ए बा, मके एखन मर हिस्सा चाही!’ सेतेहें बाप आपन दुइयो बेटा केर मइध मेहेन आपन सम्पत्ति केर बाँटवार कइर देलक।”

![](https://cdn.door43.org/obs/jpg/360px/obs-en-35-04.jpg)

“चाँड़ेइ छोटे बेटा टा आपन सभे हिस्सा गिला के जामा कइर कहन दूर देस चइल गेलक आर पापी जीबन जीयेक मेहेन आपन सउब धन के बर्बाद कइर देलक।”

![](https://cdn.door43.org/obs/jpg/360px/obs-en-35-05.jpg)

“इकर बादे, जहाँ छोटे बेटा रहे उ देस मेहेन एकटा भयंकर अकाल पड़लक, आर उकर पासे खायेक किनेक तेहें धन नाइ रहे। सेतेहें उके जे काम पावालक उटा सुअर गिला के चराय केर रहे। ऊ एतना दुखी आर भूखा रहे कि ऊ सुअर गिला केर चरा गिला के खायेक चाहत रहे।”

![](https://cdn.door43.org/obs/jpg/360px/obs-en-35-06.jpg)

“आखिर मेहेन, उ छोटे बेटा टा खुद लेक कहलक, ‘मयँ का करतहँ? मर बा केर सउब धाँगर गिलाक पासे खायेक केर तेहें बेजाइन बेसी लेक आहे, तेउ मयँ हिंआ भूखे मरतहँ। मयँ आपन बा केर पासे वापस जामु आर आपन बाप केर एकटा धाँगर बनेक तेहें उकर लेक अर्जी करमु।’”

![](https://cdn.door43.org/obs/jpg/360px/obs-en-35-07.jpg)

“सेतेहें उ छोटे बेटा वापस आपन बाप केर घर बाटे जायेक सुरु करलक। जखन कि ऊ एखन दुरेइ रहे, उकर बाप उके देखलक आर उकर उपरे तरस खालक। ऊ कुइद कहन आपन बेटा केर पासे गेलक आर उके पटइर कहन चुमलक।”

![](https://cdn.door43.org/obs/jpg/360px/obs-en-35-08.jpg)

“ऊ बेटा टा कहलक, ‘हे बा, मयँ परमेश्‍वर केर आर तर बिरुद्ध पाप कइर आहँ। मयँ तर बेटा कहायेक लाइकअ नेखँ।’”

![](https://cdn.door43.org/obs/jpg/360px/obs-en-35-09.jpg)

“किन्तु बाप आपन एकटा धाँगर के कहलक, ‘चाँड़े जाय कहन सउब लेक बेस लूगा ले कहन आइन आर मर बेटा के पिंधाइन! उकर आंगुर मेहेन आंगठी आर उकर गड़ गिलाय जूता गिला के पिंधाइन। फिन सउब बेस पसल जानवर के मरावा ताकि हामरे खाबिक आर खुसी मनाब, काहेकि मर बेटा मइर जाय रहे, किन्तु एधाँव ऊ जीयँत आहे! ऊ हेराय जाय रहे, किन्तु एधाँव हामरे उके पाय लेली!’”

![](https://cdn.door43.org/obs/jpg/360px/obs-en-35-10.jpg)

“सेतेहें लोग गिला खुसी मनायेक सुरु करलँय। थोड़ेक समइ बितल बादे, बड़े बेटा टा खेत मेहेन काम कइर कहन घर आलक। ऊ गीत गायेक आर नाच डेक केर आवाज के सुनलक आर अचम्भित हलक कि इटा का हतेहे।”

![](https://cdn.door43.org/obs/jpg/360px/obs-en-35-11.jpg)

“जखन बड़े बेटा के पता चललक कि उमन एहे तेहें खुसी मनात रहयँ काहेकि उकर भाई घर आय जाय रहे, तो ऊ बेजाइन खिंसालक आर घर नाइ समालक। उकर बाप बाहिर आय कहन उके उकर संगे खुसी मनाय केर अर्जी करलक, किन्तु ऊ मना कइर देलक।”

![](https://cdn.door43.org/obs/jpg/360px/obs-en-35-12.jpg)

“ऊ बड़े बेटा आपन बाप के कहलक, ‘इ सउब बछर गिलाय मयँ तर तेहें इमानदार पूर्बक काम करलँ! कबउ तर कथा के नाइ टाललँ, किन्तु तयँ कबउ मके एकटा छोटे छागिर तक नाइ दे आहिस ताकि मयँ आपन संगी गिलाक संगे खावा पिया करे पारँ। किन्तु तर इ बेटा टा तर धन के पापी काम करेक मेहेन बर्बाद कइर दे आहे। आर एधाँव जखन ऊ आलक तो उकर तेहें खुसी मनायेक तेहें तयँ सउब लेक बेस पसल जानवर के मराय देले!’”

![](https://cdn.door43.org/obs/jpg/360px/obs-en-35-13.jpg)

“बाप जबाब देलक, ‘ए मर बेटा, तयँ हमेसा मर संगे आहिस, आर जे कनअ मर हेके उ सउब तर हेके। किन्तु हामरेक तेहें खुसी मनायेक सही हेके काहेकि तर भाई मइर जाय रहे, किन्तु एधाँव जीयँत आहे। ऊ हेराय जाय रहे, किन्तु एधाँव हामरे उके पाय ले आही!’”

*लूका अध्याय 15:11-32 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_35_256kbps.m4a

## 36. रुपान्तरन

https://openbiblestories.org/l/tdb/story-36/

![](https://cdn.door43.org/obs/jpg/360px/obs-en-36-01.jpg)

एक दिन, यीशु आपन तीन टा चेला, पतरस, याकूब, आर योहन के आपन संगे लेलक। (इ योहन नामेक चेला उ अदमी ना लागे जे यीशु के बपतिस्मा दे रहे।) उमन पारथना करेक तेहें एकटा ऊँचा पहाड़ उपरे गेलयँ।

![](https://cdn.door43.org/obs/jpg/360px/obs-en-36-02.jpg)

जखन यीशु पारथना करत रहे तो उकर चेहरा सूरुज केर समान चरका हय गेलक। उकर लूगा आलो निहार चरका हय गेलक, जेसन पिरथिबी मेहेन केउ उकर लेकउ बेसी चरका करे पारयँ।

![](https://cdn.door43.org/obs/jpg/360px/obs-en-36-03.jpg)

तखन मूसा आर एलिय्याह भबिस्यद्बक्ता परगट हलयँ। इ पुरुस गिला इ पिरथिबी मेहेन इ समय लेक हजार लेकअ बेसी बछर पहिले रहत रहयँ। उमन यीशु लेक उकर मिरतु केर बारे कथा करलयँ, काहेकि ऊ चाँड़ेइ यरुशलेम मेहेन मइर जाइ।

![](https://cdn.door43.org/obs/jpg/360px/obs-en-36-04.jpg)

जखन मूसा आर एलिय्याह यीशु लेक कथा करत रहयँ तखन पतरस यीशु के कहलक, “हामरेक तेहें हिआँ हयेक बेस हेके। हामरे तीनटा मंडप गिला के बनाब, एकटा तर तेहें, एकटा मूसा केर तेहें आर एकटा एलिय्याह केर तेहें।” किन्तु पतरस नाइ जानत रहे कि ऊ का कहतेहे।

![](https://cdn.door43.org/obs/jpg/360px/obs-en-36-05.jpg)

जखन पतरस कथा करत रहे, तो एकटा चरका बादइर हेंठे आय कहन उमने उपरे आय गेलक। फिन उमन बादइर लेक एकटा आवाज के आत के सुनलयँ। ऊ कहलक, “इटा मर बेटा हेके जेके मयँ प्रेम करलाँ। मयँ उकर लेक खुस आहँ। उकर सुना।” इ तीनो चेला गिला डराय गेलयँ आर भूँईये गिर गेलयँ।

![](https://cdn.door43.org/obs/jpg/360px/obs-en-36-06.jpg)

तखन यीशु उमन के छुलक आर कहलक, “ना डरावा। उठ जावा।” जखन उमन चाइरो बाटे देखलयँ, तो जे एक झन एखनअ हुआँ रहे ऊ यीशु रहे।

![](https://cdn.door43.org/obs/jpg/360px/obs-en-36-07.jpg)

यीशु आर उ तीनअ चेला गिला उ पहाड़ लेक वापस हेंठे उतइर आलयँ। तखन यीशु उमन के कहलक, “एखन जे हिआँ हलक उकर चर्चा केकरअ लेक ना करबा। मयँ चाँड़ेइ मइर जामु आर फिन जीयँत हय जामु। उकर बादे, तोहरे के कइह देक पारतहँ।”

*मत्ती अध्याय 17:1-9; मरकुस 9:2-8; लूका 9:28-36 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_36_256kbps.m4a

## 37. यीशु केर दाराय लाजर के मरल मइध लेक जीयँत करेक

https://openbiblestories.org/l/tdb/story-37/

![](https://cdn.door43.org/obs/jpg/360px/obs-en-37-01.jpg)

लाजर नामेक एकटा अदमी रहे। उकर दुइटा बहिन गिला रहयँ जेकर नाम मरियम आर मार्था रहे। उ सउब यीशु केर नजदीकी संगी गिला रहयँ। एक दिन, केउ यीशु के कइह देलक कि लाजर बेजाइन रोगी रहे। जखन यीशु इटा सुनलक तो ऊ कहलक, “इ रोग टा लाजर के मरेक संगे सिराय नाइ जाइ। उकर उलटा, इटा लोग गिला के परमेश्‍वर केर आदर करेक तेहें प्रेरित करी।”

![](https://cdn.door43.org/obs/jpg/360px/obs-en-37-02.jpg)

यीशु आपन संगी गिला लेक प्रेम करत रहे, किन्तु जहाँ ऊ रहे हुआँ ऊ दुइ दिन तक इतंजार करलक। उ दुइ दिन केर बादे, ऊ आपन चेला के कहलक, “आवा, वापस यहूदिया के जाबिक।” चेला गिला जबाब देलयँ, “किन्तु ए गुरु, एखन थोड़ेके समइ पहिले हुआँ केर लोग गिला तके मराय देक चाहत रहयँ!” यीशु कहलक, “हामरे केर संगी लाजर निदाय जाय आहे, आर मके उके जगायेक आहे।”

![](https://cdn.door43.org/obs/jpg/360px/obs-en-37-03.jpg)

यीशु केर चेला गिला जबाब देलयँ, “ए परभु, जदि लाजर निदातेहे, हले ऊ बेस हय जाइ।” तखन यीशु उमन के साफा साफी कइह देलक, “लाजर मइर जाय आहे। मयँ आनन्दित आहँ कि मयँ हुआँ नाइ रहँ, ताकि तोहरे मर उपरे बिसास करे पारा।”

![](https://cdn.door43.org/obs/jpg/360px/obs-en-37-04.jpg)

जखन यीशु लाजर केर गाँव पहँचलक तो लाजर केर मरल पहिले लेकेइ चाइर दिन हय चुइक रहे। मार्था यीशु लेक भेंट करेक तेहें बाहिर आलक आर कहलक, “ए परभु, जदि तयँ हिआँ हते हले मर भाई नाइ मरतक। किन्तु मयँ बिसास करलाँ कि जे कनए तयँ परमेश्‍वर लेक माँगबे ऊ तके देइ।”

![](https://cdn.door43.org/obs/jpg/360px/obs-en-37-05.jpg)

यीशु जबाब देलक, “फिन जी उठेक आर जीबन मयें हेकँ। जे केउ मर उपरे बिसास करेला जदि ऊ मरीयो जाइ तेउ जीयँत हय घुरी। जे केउ मर उपरे बिसास करयलाँ ऊ कबउ नाइ मरी। का तयँ इ कथाय बिसास करिसला?” मार्था जबाब देलक, “ए परभु, मयँ बिसास करलाँ कि तयँ परमेश्‍वर केर बेटा मसीह हेकिस।”

![](https://cdn.door43.org/obs/jpg/360px/obs-en-37-06.jpg)

तखन मरियम आलक। ऊ यीशु केर गड़ तले गिर कहन कहलक, “ए परभु, जदि तयँ हिआँ हते हले मर भाई नाइ मरतक।” यीशु उके पुछलक, “तोहरे लाजर के कहाँ राइख आहा?” ऊ उके कइह देलक, “मसना मेहेन, आविन आर देइख लेहिन।” तखन यीशु कान्दे लागलक।

![](https://cdn.door43.org/obs/jpg/360px/obs-en-37-07.jpg)

ऊ मुर्दा गड़हा टा एकटा पाखना लाता रहे जेकर दुवाइरे एकटा पाखना के लुढ़काल जाय रहे। जखन यीशु मुर्दा गड़हा मेहेन पहँचलक तो ऊ उमन के कहलक, “पाखना टाके हटाय देवा।” किन्तु मार्था कहलक, “उकर मरल चाइर दिन हय चुइक आहे। उटा लेक बास आत हइ।”

![](https://cdn.door43.org/obs/jpg/360px/obs-en-37-08.jpg)

यीशु जबाब देलक, “का मयँ तोहरे के नाइ कइह रहँ कि जदि तोहरे मर उपरे बिसास करबा हले परमेश्‍वर केर सामर्थ के देखबा?” सेतेहें उमन पाखना के हटाय देलयँ।

![](https://cdn.door43.org/obs/jpg/360px/obs-en-37-09.jpg)

तखन यीशु उपर सरग बाटे देइख कहन कहलक, “ए बा, मर सुइन ले आहिस तेहें मयँ तर धन्यवाद करलाँ। मयँ जानलाँ कि तयँ हमेसा मर सुनिसला, किन्तु मयँ इटा हिआँ ठाड़ हल इ सउब लोग गिला केर साहेता करेक तेहें कहलँ ताकि इमन बिसास करुन कि तयँ मके पइठाय आहिस।” तखन यीशु आँटे कहलक, “ए लाजर, बाहिर निकइल आइन!”

![](https://cdn.door43.org/obs/jpg/360px/obs-en-37-10.jpg)

सेतेहें लाजर बाहिर निकइल आलक! ऊ एखनअ कफन मेहेन लेपटल रहे। यीशु उके कहलक, “इ कफन टाके हटायेक मेहेन उकर साहेत करा आर उके आजाद करा।” इ चमत्कार केर चलते बेजाइन यहूदी गिला यीशु उपरे बिसास करलयँ।

![](https://cdn.door43.org/obs/jpg/360px/obs-en-37-11.jpg)

किन्तु यहूदी गिला केर धारमिक आगुवा गिला यीशु लेक हिंसगाय जले लागलयँ, सेतेहें उमन जोजना बनायेक तेहें एके संगे जामा हलयँ कि केसन यीशु आर लाजर के माइर मराबिक।

*योहन 11:1-46 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_37_256kbps.m4a

## 38. यीशु केर संगे बिसासघात

https://openbiblestories.org/l/tdb/story-38/

![](https://cdn.door43.org/obs/jpg/360px/obs-en-38-01.jpg)

हरेक बछर, यहूदी लोग गिला फसह केर परब मानत रहयँ। इटा एहे बारे मेहेन एकटा खुसी रहे कि कयो शताब्दी गिलाक पहिले परमेश्‍वर उमन केर पुर्बज गिला के मिस्र देस केर गुलामी लेक छोड़ाय रहे। करिबन तीन बछर केर बादे यीशु सार्बजनिक रुप लेक परचार करेक आर सिछा देक सुरु करलक। यीशु आपन चेला गिला के बतालक कि ऊ उमनेक संगे यरुशलेम मेहेन फसह केर परब के मानेक चाहेला, आर इटाउ कि ऊ हुआँ मराय देल जाइ।

![](https://cdn.door43.org/obs/jpg/360px/obs-en-38-02.jpg)

यीशु चेला गिलाक मइधे एकटा यहूदा नामेक अदमी रहे। यहूदा प्रेरित गिलाक धन केर थइला राखेक केर प्रभारी रहे, किन्तु खने-खने ऊ उ थइला लेक पइसा गिला के निकलात रहे। यीशु आर चेला गिला यरुशलेम मेहेन पहँचल बादे यहूदा यहूदी आगुवा गिला केर पासे गेलक। ऊ धन केर बदली मेहेन यीशु के उमनेक हाथ धरुवायेक केर प्रस्ताव राखलक। ऊ जानत रहे कि यहूदी आगुवा गिला स्वीकार नाइ करत रहयँ कि यीशुवे मसीह रहे। ऊ जानत रहे कि उमन उके मरायेक चाहत रहयँ।

![](https://cdn.door43.org/obs/jpg/360px/obs-en-38-03.jpg)

महायाजक केर कहल मोताबिक यहूदी आगुवा गिला यीशु के उमनेक हाथे धरुवायेक तेहें यहूदा के तीस चाँदी केर सिक्‍का देलयँ। इटा ओहे निहार हलक जेसन कि भबिस्यद्बक्ता कइह रहे कि हइ। यहूदा माइन गेलक आर धन ले कहन चइल गेलक। उमन यीशु के गिरफ्तार करेक मेहेन साहेता करेक तेहें कनअ मोका केर खोज करे लागलयँ।

![](https://cdn.door43.org/obs/jpg/360px/obs-en-38-04.jpg)

यरुशलेम मेहेन, यीशु आपन चेला गिला केर संगे फसह केर परब मानालक। फसह केर भोज केर समइ, यीशु पिठा ले कहन टुटालक। ऊ कहलक, “इटा के लेवा आर खावा। इटा मर गात हेके जे मयँ तोहरेक तेहें देवलाँ। इटा के मर याइद मेहेन करबा।” इ निहार, यीशु कहलक कि ऊ उमनेक तेहें मइर जाइ, यानि उमनेक तेहें ऊ आपन गात के बलि चेढ़ाय देइ।

![](https://cdn.door43.org/obs/jpg/360px/obs-en-38-05.jpg)

फिन यीशु एकटा अंगुर रस केर डुभी टाके लेलक आर कहलक, “इटा लेक पिया। इटा नावा वाचा केर मर लहू हेके जे कि मयँ उझलमु ताकि परमेश्‍वर तोहरेक पाप गिला के छमा करुक। हरेक धाँव इटा के पियेक समइ मर याइद मेहेन इटा के करा जे मयँ इखन करतहँ।”

![](https://cdn.door43.org/obs/jpg/360px/obs-en-38-06.jpg)

तखन यीशु आपन चेला गिला के कहलक, “तोहरेक मइध लेक एक झन मके धरुवाइ।” चेला गिला चँइक गेलयँ, आर पुछे लागलयँ कि के एसन काम करी। यीशु कहलक, “मर धरुवाइया अदमी उ हेके जेके मयँ इ पिठा केर खेंचा टा के देवलाँ।” तखन ऊ उ पिठा टाके यहूदा के देलक।

![](https://cdn.door43.org/obs/jpg/360px/obs-en-38-07.jpg)

उ पिठा टाके लेलक उकर बादे, यहूदा मेहेन सयतान समाय गेलक। यहूदा निकइल कहन यीशु के गिरफ्तार करेक तेहें यहूदी आगुवा गिला के साहेता करेक तेहें चइल गेलक। इटा राइत केर समइ रहे।

![](https://cdn.door43.org/obs/jpg/360px/obs-en-38-08.jpg)

खायेक बादे, यीशु आर उकर चेला गिला जैतून पहाड़ उपरे चइल गेलयँ। यीशु कहलक, “तोहरे सउब आइज राइते मके छोइड़ देबा। इटा लिखल आहे, ‘मयँ चरवाह गिला के मरामु आर सउब भेड़ी गिला छिति-बिति हय जाबयँ।’”

![](https://cdn.door43.org/obs/jpg/360px/obs-en-38-09.jpg)

पतरस जबाब देलक, “भलेइ बाकी सभे गिला तके छोइड़ देबयँ, मयँ नाइ छोड़मु!” तखन यीशु पतरस के कहलक, “सयतान तयँ सउब के लेक चाहिसला, किन्तु ए पतरस, मयँ तर तेहें पारथना कइर आहँ कि तयँ बिसास लेक चुइक ना जाहिन। तेउ, आइज राइते, खुकड़ी डाइक देइ उकर पहिले तयँ तीन धाँव इंकार करबे कि तयँ मके जानबअ नाइ करलाँ।”

![](https://cdn.door43.org/obs/jpg/360px/obs-en-38-10.jpg)

पतरस तखन यीशु के कहलक, “भलेइ मयँ मरियो जामु, मयँ कबउ तर इंकार नाइ करमु!” बाकी सभे चेला गिलाउ एसने कहलयँ।

![](https://cdn.door43.org/obs/jpg/360px/obs-en-38-11.jpg)

तखन यीशु आपन चेला गिला संगे गतसमनी नामेक जायगा मेहेन गेलक। यीशु आपन चेला के पारथना करेक तेहें कहलक ताकि सयतान उमन के परीछा ना करुक। तखन यीशु खुद पारथना करेक तेहें चइल गेलक।

![](https://cdn.door43.org/obs/jpg/360px/obs-en-38-12.jpg)

यीशु तीन धाँव पारथना करलक, “ए मर बा, जदि सम्भव हइ हले किरपा कइर कहन इ दुख केर डुभी पियेक तेहें मके ना देहिन। किन्तु लोग गिला केर पाप छमा करल जायेक तेहें कनअ आरो दसर डहर नेखे, हले तरेइ हिंछा पूरा हउक।” यीशु बेजाइन बेयाकुल रहे आर उकर पसीना लहू केर टिपा निहार रहे। उके सामर्थ देक तेहें परमेश्‍वर एकटा सरगदूत के पइठालक।

![](https://cdn.door43.org/obs/jpg/360px/obs-en-38-13.jpg)

हर धाँव पारथना करेक बादे, यीशु आपन चेला गिलाक तहाँ वापिस आलक, किन्तु उमन निदात रहयँ। जखन यीशु तिसर धाँव घुरलक तो यीशु कहलक, “जाइग जावा! मर धरुवाइया हिआँ आहे।”

![](https://cdn.door43.org/obs/jpg/360px/obs-en-38-14.jpg)

यहूदी आगुवा, पालटन गिला, आर एकटा बड़े भीड़ केर संगे यहूदा आलक। उमन तलवाइर आर ठेंगा धइर रहयँ। यहूदा यीशु तहाँ आय कहन उके कहलक, “ए गुरु, परनाम,” आर उके चुइम लेलक। ऊ गिरफ्तार करेक जायेक अदमी टाके यहूदा आगुवा गिलाय परगट करेक तेहें एसन कइर रहे। तखन यीशु कहलक, “ए यहूदा, का तयँ एकटा चुम्बन लेक मके धरुवातिहिस?”

![](https://cdn.door43.org/obs/jpg/360px/obs-en-38-15.jpg)

जखन उ पालटन गिला यीशु के धरत रहयँ, तो पतरस आपन तलवाइर बाहरालक आर महायाजक केर एकटा धाँगर केर कान टाके काइट देलक। यीशु कहलक, “तलवाइर के छँ कर! मयँ आपन बाप लेक मर बचाव करेक तेहें बिनती करे पारँ। किन्तु मके मर बाप केर कथा के मानेक आहे।” तखन यीशु उ अदमी केर कान के बेस कइर देलक। तखन सभे चेला गिला भाइग गेलयँ।

*मत्ती 26:14-56; मरकुस 14:10-50; लूका 22:1-53; योहन 12:6; 18:1-11 लेक बाइबल केर एकट कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_38_256kbps.m4a

## 39. यीशु उपरे मुकद्दमा चलेला

https://openbiblestories.org/l/tdb/story-39/

![](https://cdn.door43.org/obs/jpg/360px/obs-en-39-01.jpg)

एधाँव इटा राइत केर समइ रहे। उ पालटन गिला यीशु के महायाजक केर घर ले आनलयँ, काहेकि ऊ यीशु के सवाल करेक चाहत रहे। पतरस दूर लेक उमनेक पीछा करत रहे। जखन पालटन गिला यीशु के घर मेहेन ले गेलयँ, तो पतरस बाहिरे रुइक कहन खुद के आइग लेक गरम करे लागलक।

![](https://cdn.door43.org/obs/jpg/360px/obs-en-39-02.jpg)

घर केर भीतरे, यहूदी आगुवा गिला यीशु उपरे मुकद्दमा चलालयँ। उमन उकर बिरुद्ध झूठा कथा कहेक तेहें ढेइरे झूठा गवाह गिला के ले कहन आलयँ। हालाँकि, उमनेक कथा गिला एक दसर लेक नाइ जुमलक, सेतेहें यहूदी आगुवा गिला इटा साबित नाइ करे पारलयँ कि ऊ कनअ कथा केर दोसी रहे। यीशु कनअ नाइ कहलक।

![](https://cdn.door43.org/obs/jpg/360px/obs-en-39-03.jpg)

आखिर मेहेन, महायाजक यीशु बाटे देइख कहन कहलक, “हामरे के कइह देहिन कि का तयें जीयँत परमेश्‍वर केर बेटा मसीह हेकिस?”

![](https://cdn.door43.org/obs/jpg/360px/obs-en-39-04.jpg)

यीशु कहलक, “मयँ हेकँ, आर तयँ मके परमेश्‍वर केर संगे बइसल आर सरग लेक आत कउ देखबा।” महायाजक आपन लूगा के फाइर लेलक काहेकि यीशु कहलक ऊ उ कथाय बेजाइन खिंसाय रहे। ऊ दसर आगुवा गिला के चिलाय कहन कहलक, “हामरे के इटा बतायेक तेहें कनअ आरो गवाह केर दरकार नेखे कि इ मानुस टा का कइर आहे! तोहरे खुदेइ उके इटा कहत के सुइन आहा कि उ परमेश्‍वर केर बेटा हेके। उकर बारे मेहेन तोहरे केर का निर्नय आहे?”

![](https://cdn.door43.org/obs/jpg/360px/obs-en-39-05.jpg)

सउब यहूदी आगुवा गिला महायाजक के जबाब देलयँ, “ऊ मराय देक लाइक आहे!” तखन उमन यीशु केर आँइखे पट्टी बाँइध देलयँ, उकर उपरे थूकलयँ, उके मारलयँ, आर उकर मजाक उड़ालयँ।

![](https://cdn.door43.org/obs/jpg/360px/obs-en-39-06.jpg)

आर पतरस, जखन ऊ घर केर बाहिरे इन्तजार करत रहे। तखन एकटा धाँगरिन उके देखलक। ऊ उके कहलक, “तयँअ यीशु केर संगे रहिस!” पतरस इंकार कइर देलक। बादे, कनअ दसर लड़की एहे कथा के कहलक, आर पतरस फिन इंकार कइर देलक। आखिर मेहेन, थोड़ेक लोग गिला कहलयँ, “हामरे जानिला कि तयँ यीशु केर संगे रहिस काहेकि तोहरे दुइयो झन गलील केर हेका।”

![](https://cdn.door43.org/obs/jpg/360px/obs-en-39-07.jpg)

तखन पतरस कहलक, “जदि मयँ इ मानुस के जानलाँ हले परमेश्‍वर मके सराप देउक!” तुरतेइ पतरस इ निहार शपत खाल बादे, एकटा खुकड़ी डाइक देलक। यीशु पेछु बाटे मुहाय कहन पतरस के देखलक।

![](https://cdn.door43.org/obs/jpg/360px/obs-en-39-08.jpg)

पतरस हुआँ लेक चइल गेलक आर फुइट-फुइट कहन कान्दलक। ओहे समइ, यीशु के धरुवाइया यहूदा देखलक कि यहूदी आगुवा गिला यीशु के मृत्युदंड दे आहयँ। यहूदा बेजाइन दुखी हय गेलक आर जाय कहन खुद के मराय देलक।

![](https://cdn.door43.org/obs/jpg/360px/obs-en-39-09.jpg)

एधाँव उ देस केर राइजपाल पिलातुस रहे। ऊ रोम केर तेहें काम करत रहे। यहूदी आगुवा गिला यीशु के उकर पासे ले कहन आलयँ। उमन चाहत रहयँ कि पिलातुस उके मृत्युदंड देउक आर उके मराय देउक। तखन पिलातुस यीशु के पुछलक, “का तयँ यहूदी गिला केर राजा हेकिस?”

![](https://cdn.door43.org/obs/jpg/360px/obs-en-39-10.jpg)

यीशु जबाब देलक, “तयँ सतेइ कइह आहिस। किन्तु मर राइज हिआँ पिरथिबी केर ना लागे। जदि हतक हले मर धाँगर मर तेहें युद्ध करतयँ। मयँ पिरथिबी मेहेन परमेश्‍वर केर बारे सच बतायेक तेहें आय आहँ। हर एक झन जे सच लेक प्रेम करेला ऊ मर सुनेला।” पिलातुस कहलक, “तो सच का हेके?”

![](https://cdn.door43.org/obs/jpg/360px/obs-en-39-11.jpg)

यीशु केर संगे कथा करेक बादे, पिलातुस बाहिर भीड़ केर पासे जाय कहन कहलक, “मयँ एसन कनअ कारन नाइ पातहँ कि इ मानुस टा माइर देक लाइक हउक।” किन्तु यहूदी आगुवा गिला आर भीड़ चिल्‍लाय कहन कहलयँ, “उके क्रूस उपरे चेढ़ाय देहिन!” पिलातुस जबाब देलक, “ऊ कनअए गलत करे केर दोसीदार ना लागे।” किन्तु उमन आरो बेसी आँटे चिल्‍लाय लागलयँ। तखन पिलातुस तिसर धाँव कहलक, “ऊ दोसीदार ना लागे!”

![](https://cdn.door43.org/obs/jpg/360px/obs-en-39-12.jpg)

पिलातुस डराय गेलक कि उ भीड़ केर लोग गिला दंगा करेक सुरु कइर देलयँ, सेतेहें ऊ आपन पालटन गिला केर दाराय यीशु के क्रूस उपरे चेढ़ायेक तेहें माइन गेलक। रोमी पालटन गिला यीशु के कोडराय मारलयँ, आर उके राइज पोसाक पिंधालयँ, आर उकर मुड़े काँटा गिला लेक बनाल मुकुट राखलयँ। तखन उमन इटा कइह कहन उकर मजाक उड़ाय लागलयँ, “देखा, यहूदी गिला केर राज!”

*मत्ती 26:57-27:26; मरकुस 14:53-15:15; लूका 22:54-23:25; योहन 18:12-19:16 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_39_256kbps.m4a

## 40. यीशु के क्रूस उपरे चेढ़ाल जातेहे

https://openbiblestories.org/l/tdb/story-40/

![](https://cdn.door43.org/obs/jpg/360px/obs-en-40-01.jpg)

यीशु केर ठट्ठा करेक बादे, पालटन गिला उके क्रूस उपरे चेढ़ायेक तेहें ले गेलयँ। उमन क्रूस टाके उकेइ उठवालयँ जेटाय ऊ मरी।

![](https://cdn.door43.org/obs/jpg/360px/obs-en-40-02.jpg)

उ पालटन गिला यीशु के उ जायगा मेहेन ले कहन आलयँ जे “मुड़ेक हाड़” कहायला आर उकर हाथ आर गड़ गिला के क्रूस मेहेन ठोंइक देलयँ। किन्तु यीशु कहलक, “ए बा, इमन के छमा करिन, काहेकि इ गिला नाइ जानतहयँ कि इ गिला का करतहयँ।” उमन एकटा तख्ता कउ उकर मुड़ केर उपरे टाँइग देलयँ। उटाय लिखल रहे, “यहूदी गिलाक राजा।” पिलातुस उमन लेक एहे टाइ लिखेक तेहें कइह रहे।

![](https://cdn.door43.org/obs/jpg/360px/obs-en-40-03.jpg)

तखन पालटन गिला यीशु केर लूगा गिलाक तेहें चिट्ठी गिला डाललयँ। जखन उमन एसन करलयँ तो उमन उ भबिस्यद्वानी के पूरा करलयँ जे कहत रहे, “उमन मर लूगा गिला के आपस मेहेन बाँइट लेलयँ, आर मर लूगा केर तेहें चिट्ठी गिला डालयँ।”

![](https://cdn.door43.org/obs/jpg/360px/obs-en-40-04.jpg)

हुआँ दुइटा डाकू गिलाउ रहयँ, जे गिला के पालटन गिला ओहे समइ मेहेन क्रूस उपरे चेढ़ाय रहयँ। उमन उ दुइयो के यीशु केर दुइयो बाटे राइख रहयँ। उमनेक मइध लेक एकटा डाकू यीशु के मजाक उड़ालक, किन्तु दसर टा कहलक, “का तयँ नाइ डराइसला कि परमेश्‍वर तके दंड देइ? हामरे ढेइरे खराब काम गिला के करेक केर दोसीदार आही, किन्तु इ मानुस टा निर्दोस आहे।” फिन ऊ यीशु के कहलक, “जखन तयँ आपन राइज मेहेन आबे हले किरपा कइर कहन मके याइद राखबे।” यीशु जबाब देलक, “आइजे तयँ मर संगे सरगलोक मेहेन हबे।”

![](https://cdn.door43.org/obs/jpg/360px/obs-en-40-05.jpg)

यहूदी आगुवा गिला भीड़ केर दसर लोग गिला यीशु के मजाक उड़ालयँ। उमन उके कहलयँ, “जदि तयँ परमेश्‍वर केर बेटा हेकिस, हले क्रूस लेक हेंठे उतइर आइन आर खुद के बाँचाय लेहिन! तखन हामरे तर उपरे बिसास करबिक।”

![](https://cdn.door43.org/obs/jpg/360px/obs-en-40-06.jpg)

तखन उ गोटा देस केर आकास पूरा पूरी करिया हय गेलक, भलेइ उ दिन केर दुपहर केर समय रहे। इ दुपहर केर समइ करिया हय गेलक आर तीन घन्टा तक एसने रहले रहे।

![](https://cdn.door43.org/obs/jpg/360px/obs-en-40-07.jpg)

तखन यीशु डाइक कहन कहलक, “पूरा हलक! ए बा, मयँ आपन आत्मा तर हाथ मेहेन सोंइप देवलाँ।” तखन ऊ आपन मुड़ के झुकालक आर आपन परान के तेयाग देलक। जखन ऊ मरलक तो एकटा भूँईडल आलक। उ बड़े परदा जे परमेश्‍वर केर उपस्थिति लेक लोग गिला के अलग करत रहे ऊपर लेक हेंठ बाटे फाइट कहन दुइ भाग हय गेलक।

![](https://cdn.door43.org/obs/jpg/360px/obs-en-40-08.jpg)

आपन मृत्यु केर दाराय, यीशु लोग गिलाक तेहें परमेश्‍वर केर पासे आय केर डहर खइल देलक। जखन यीशु केर निगरानी करइया एकटा पालटन जे कनअ हय रहे इ सउब के देखलक तो ऊ कहलक, “निश्‍चित रुप लेक, इ मानुस निर्दोस रहे। इ परमेश्‍वर केर बेटा हेके।”

![](https://cdn.door43.org/obs/jpg/360px/obs-en-40-09.jpg)

तखन यूसुफ आर नीकुदेमुस नामेक दुइ झन यहूदी आगुवा गिला आलयँ। उमन बिसास करत रहयँ कि यीशुवे मसीह रहे। उमन पिलातुस लेक यीशु केर मुरदा के माँगलयँ। उमन उकर मुरदा टाके लूगा मेहेन लेपटालयँ। तखन उमन उके एकटा चट्‍टाइन मइधे काइट कहन बनाल जाय रहे मुरदा गड़हा मेहेन ले गेलयँ आर उकर भीतर राइख देलयँ। तखन उमन उ मुर्दा गड़हा केर दुवाइर के बन्द करेक तेहें एकटा बड़े पाखना के लुढ़काय देलयँ।

*मत्ती 27:27-61; मरकुस 15:16-47; लूका 23:26-56; योहन 19:17-42 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_40_256kbps.m4a

## 41. परमेश्‍वर यीशु के मरल मइध लेक जीयँत करेला

https://openbiblestories.org/l/tdb/story-41/

![](https://cdn.door43.org/obs/jpg/360px/obs-en-41-01.jpg)

पालटन गिला केर दाराय यीशु के क्रूस उपरे चेढ़ाय देल बादे, यहूदी आगुवा गिला पिलातुस के कहलयँ, “उ झूठा, यीशु कइह रहे कि ऊ तीन दिन केर बादे मरल गिलाक मइध लेक जी उठी। केकउ के इटा निश्चित करेक तेहें मुर्दा गड़हा केर निगरानी करेक हइ कि उकर चेला गिला उकर मुर्दार के चराय कहन ना ले जाउन। जदि उमन एसन करयलाँ हले उमन कहबयँ कि ऊ मरल मइध लेक जी उइठ आहे।”

![](https://cdn.door43.org/obs/jpg/360px/obs-en-41-02.jpg)

पिलातुस कहलक, “थोड़ेक पालटन गिला के ले जावा, आर जेसन तोहरे करे पारा ओसने मुर्दा गड़हा केर निगरानी करा।” सेतेहें उमन उ मुर्दा गड़हा केर समायेक दुवाइर केर पाखनाय एकटा मोहर लगाय देलयँ। उमन निश्‍चित करेक तेहें हुआँ पालटन गिला कउ बइसाय देलयँ कि केउ उकर मुर्दार टाके चराय ना पारुन।

![](https://cdn.door43.org/obs/jpg/360px/obs-en-41-03.jpg)

यीशु केर मरेक बाद केर दिन सब्त केर दिन रहे। केउ सब्त केर दिने काम नाइ करे पारत रहयँ, सेतेहें यीशु केर कनअए संगी मुर्दा गड़हा तहाँ नाइ आय रहयँ। किन्तु सब्त केर बाद केर दिन, बिहान के उनगुते, थोड़ेक बेटी छुवा गिला यीशु केर मुर्दा गड़हा मेहेन जायेक तेहें तेयार हलयँ। उमन उकर मुर्दार मेहेन आरोइ मसाला गिला के लगाय चाहत रहयँ।

![](https://cdn.door43.org/obs/jpg/360px/obs-en-41-04.jpg)

उ बेटी छुवा गिलाक पहँचेक लेक पहिले, मुर्दा गड़हाय एकटा बड़े भूँईडल हलक। सरग लेक एकटा सरगदूत आय कहन उ पाखना टाके लुढ़काय देलक जे मुर्दा गड़हा केर समायेक दुवाइर टा ढाँपल रहे आर उकर मेहेन बइस गेलक। इ सरगदूत टा आलो केर समान चमकत रहे। मुर्दा गड़हाय जन पालटन गिला रहयँ उमन उके देखलयँ। उमन एतना डराय जाय रहयँ कि मरल गिला निहार भूँईये गिर गेलयँ।

![](https://cdn.door43.org/obs/jpg/360px/obs-en-41-05.jpg)

जखन उ बेटी छुवा गिला मुर्दा गड़हाय पहँचलयँ तो उ सरगदूत टा उमन के कहलक, “ना डरावा। यीशु हिआँ नेखे। ऊ मरल मइध लेक जी उइठ आहे, जेसन कि ऊ कइह रहे कि ऊ जी उठी! मुर्दा गड़हाय खजा आर देखा।” उ बेटी छुवा गिला मुर्दा गड़हा भीतर आर जहाँ यीशु केर मुर्दार टा राखल रहे हुआँ खज करलयँ आर देखलयँ तो उकर मुर्दार टा हुआँ नाइ रहे!

![](https://cdn.door43.org/obs/jpg/360px/obs-en-41-06.jpg)

तखन उ सरगदूत टा उ बेटी छुवा गिला के कहलक, “जाय कहन उकर चेला गिला के बतावा, ‘यीशु मरल मइध लेक जी उइठ आहे आर ऊ तोहरे केर आघु आघु गलील के जाइ।’”

![](https://cdn.door43.org/obs/jpg/360px/obs-en-41-07.jpg)

उ बेटी छुवा गिला अचम्भित हलयँ आर बेजाइन आनन्दित हलयँ। उमन चेला गिला के इ बेस खबर सुनायेक तेहें कुदलयँ।

![](https://cdn.door43.org/obs/jpg/360px/obs-en-41-08.jpg)

जखन उ बेटी छुवा गिला चेला गिला के इ बेस खबर टाके बतायेक तेहें आपन डहरे रहयँ, तो यीशु उमनेक तहाँ परगट हलक। उमन उकर गड़ गिलाय गिर देलयँ। तखन यीशु कहलक, “ना डरावा। जाय कहन मर चेला गिला के गलील जायेक तेहें कहा। उमन हुआँ मके देखबयँ।”

*मत्ती 27:62-28:15; मरकुस 16:1-11; लूका 24:1-12; योहन 20:1-18 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_41_256kbps.m4a

## 42. यीशु सरग के घुइर जायला

https://openbiblestories.org/l/tdb/story-42/

![](https://cdn.door43.org/obs/jpg/360px/obs-en-42-01.jpg)

जन दिन परमेश्‍वर यीशु के मरल मइध लेक जीयँत कइर रहे, उकर दुइटा चेला गिला पास केर गाँव मेहेन जात रहयँ। चलत के उमन यीशु केर संगे जेटा हय रहे। उटाक बारे मेहेन कथा करत रहयँ, उमन के आसा रहे कि उ मसीह रहे, किन्तु तखनउ उ मराय देल जाय रहे। एधाँव उ बेटी छुवा गिला कहयलाँ कि ऊ फिन जीयँत हय जाय आहे। उमन नाइ जानत रहयँ कि कन कथाय बिसास करेक आहे।

![](https://cdn.door43.org/obs/jpg/360px/obs-en-42-02.jpg)

यीशु उमनेक तहाँ आय कहन उमनेक संगे चले सुरु करलक, किन्तु उमन उके चिन्हे नाइ पालयँ। ऊ पुछलक कि उमन का केर बारे कथा करत रहयँ। उमन उके बितल दिन गिलाय यीशु केर संगे हल सउब घटना केर बारे मेहेन बतालयँ। उमन सोंचलयँ कि उमन कनअ परदेसी लेक कथा करत रही जे नाइ जानत रहे कि यरुशलेम मेहेन का हय रहे।

![](https://cdn.door43.org/obs/jpg/360px/obs-en-42-03.jpg)

तखन यीशु उमन के समझालक कि परमेश्‍वर केर बचन मसीह केर बारे का कहेला। ढेइर पहिले, भबिस्यद्बक्ता गिला कइह रहयँ कि खराब लोग गिला मसीह के पीड़ित करबयँ आर माइर देबयँ। किन्तु भबिस्यद्बक्ता गिला इटाउ कइह रहयँ कि ऊ तीसर दिने जी उठी।

![](https://cdn.door43.org/obs/jpg/360px/obs-en-42-04.jpg)

जखन उमन उ नगर मेहेन पहँचलयँ जहाँ उ दुइ झन ठहरेक चाहत रहयँ, तखन तक करिबन सांझ हय जाय रहे। उमन यीशु के उमनेक संगे ठहरेक तेहें कहलयँ, सेतेहें ऊ उमनेक संगे एकटा घरे गेलयँ। आपन सांझ केर खायेक टाके खायेक तेहें परमेश्‍वर केर धन्यवाद देलक, आर फिन उटा के खेंचा करलक। अचकाय, उमन जाइन गेलयँ कि ऊ यीशु रहे। किन्तु ओहे खने, ऊ उमनेक आँइख लेक छिप गेलक।

![](https://cdn.door43.org/obs/jpg/360px/obs-en-42-05.jpg)

उ दुइ झन एक दसर के कहलयँ, “ऊ यीशु रहे! सेतेहें जखन ऊ हामरे के परमेश्‍वर केर बचन के समझाय रहे तो हामरे बेजाइन उत्साहित रही।” तुरतेइ, उमन निकइल कहन वापस यरुशलेम के गेलयँ। जखन उमन पहँचलयँ तो उमन चेला गिला के बतालयँ, “यीशु जीयँत आहे! हामरे उके देइख आही!”

![](https://cdn.door43.org/obs/jpg/360px/obs-en-42-06.jpg)

जखन चेला गिला कथा करत रहयँ, यीशु अचकाय उमनेक कठरी मेहेन उमनेक संगे परगट हलक। ऊ कहलक, “तोहरे के सान्ति मिलुक!” चेला गिला सोंचलयँ कि ऊ कनअ भूत रहे, किन्तु यीशु कहलक, “तोहरे काहे डराताहा? तोहरे इटा काहे नाहीं सोंचताहा कि इटा सचमुच मेहेन मयँ, यीशु हेकँ? मर हाथ गिला आर गड़ गिला के देखा। भूत गिला केर एसन गात नाइ हयला जेसन मर पासे आहे।” इटा देखायेक तेहें कि ऊ कनअ भूत नाइ रहे, ऊ खायेक केर कनअ माँगलक। उमन उके माछ केर एकटा खेंचा देलयँ, आर ऊ उटा के खाय लेलक।

![](https://cdn.door43.org/obs/jpg/360px/obs-en-42-07.jpg)

यीशु कहलक, “मर बारे मेहेन परमेश्‍वर केर बचन जे कनअ कहेला उटा घटित हइ। मयँ तोहरे के बताय दे रहँ कि इकर हयेक अवश्य आहे।” तखन यीशु उमन के परमेश्‍वर केर बचन बेस निहार समझालक। ऊ कहलक, “बहुत दिने पहिले भबिस्यद्बक्ता गिला लिख रहयँ कि मके, मसीह के दुख उठायेक हइ, मरेक हइ आर फिन तीसर दिने मरल गिलाक मइध लेक जी उठेक हइ।”

![](https://cdn.door43.org/obs/jpg/360px/obs-en-42-08.jpg)

“उ भबिस्यद्बक्ता गिला इटाउ लिख रहयँ कि मर चेला गिला परमेश्‍वर केर बचन केर घोसना करबयँ। उमन हर एक झन के पछताप करेक तेहें बताबयँ। जदि उमन एसन करयलाँ हले परमेश्‍वर उमनेक पाप गिला के छमा करी। मर चेला गिला इ सन्देस केर परचार करेक टा यरुशलेम लेक सुरु करबयँ। तखन उ सउब जायगाय सउब जाइत केर लोग गिलाय जाबयँ। तोहरे मर हर एक कथा आर काम केर गवाह हबा जे मयँ कहलँ आर कइर रहँ, आर उ सउब कउ जे मर संगे हलक।”

![](https://cdn.door43.org/obs/jpg/360px/obs-en-42-09.jpg)

आघुक चालीस दिन गिलाक दौरान, यीशु आपन चेला गिलाय कयो धाँव परगट हलक। एक धाँव तो ऊ एके समइ मेहेन पाँच सअ लेक बेसी लोग गिलाय परगट हलक! ऊ आपन चेला गिलाय कयो किसिम लेक साबित करलक कि ऊ जीयँत रहे, आर ऊ उमन के परमेश्‍वर केर राइज केर बारे मेहेन सिछा देलक।

![](https://cdn.door43.org/obs/jpg/360px/obs-en-42-10.jpg)

यीशु आपन चेला गिला के कहलक, “परमेश्‍वर मके सरग आर पिरथिबी केर हर एक झने सासन करे केर अधिकार दे आहे। सेतेहें एधाँव मयँ तोहरे के कहलाँ: जाय कहन सउब जाइत केर लोग गिला के चेला बनावा। एसन करेक तेहें, तोहरे के उमन के बाप, बेटा, आर पबित्रात्मा केर नाम लेक बपतिस्मा देक आहे। जे कनअ मयँ तोहरे के आग्या दे आहँ उ सउब कथा गिला के मानेकअ तोहरे के सिखायेक आहे। याइद राखा, मयँ हमेसा तोहरेक संगे रहमु।”

![](https://cdn.door43.org/obs/jpg/360px/obs-en-42-11.jpg)

यीशु केर मरल गिलाक मइध लेक जी उठेक चालीस दिन केर बादे, ऊ आपन चेला गिला के कहलक, “जखन तक कि मर बा तोहरे के सामर्थ नाइ देला तखन तक यरुशलेम मेहेन ठहरल रहबा। ऊ तोहरेक उपरे पबित्रात्मा पइठायेक दाराय एसन करी।” तखन यीशु सरग मेहेन चइल गेलक, आर एकटा बादइर उके उमने नजइर लेक छिपाय लेलक। सरग मेहेन यीशु सउब चीज गिलाय सासन करेक परमेश्‍वर केर दाहिना बाटे बइस गेलक।

*मत्ती 28:16-20; मरकुस 16:12-20; लूका 24:13-53; योहन 20:19-23; प्रेरित 1:1-11 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_42_256kbps.m4a

## 43. कलीसिया केर सुरुआत

https://openbiblestories.org/l/tdb/story-43/

![](https://cdn.door43.org/obs/jpg/360px/obs-en-43-01.jpg)

यीशु केर सरग घुरेक बादे, चेला गिला यरुशलेम मेहनेइ रुकलयँ जेसन कि यीशु उमन के करेक केर आदेस दे रहे। हुआँ केर बिसासी लोग गिला लगातार एक संगे पारथना करेक तेहें जामा हत रहयँ।

![](https://cdn.door43.org/obs/jpg/360px/obs-en-43-02.jpg)

हरेक बछर, फसह केर परब केर 50 दिन केर बादे, यहूदी लोग पिन्तेकुस्त नामेक एकटा महत्वपूर्न दिन के मानत रहयँ। पिन्तेकुस्त उ समइ रहे जखन यहूदी लोग गिला गहम केर कटनी केर परब मनात रहयँ। गोटा संसार लेक यहूदी लोग गिला पिन्तेकुस्त केर दिन के एक संगे मनायेक तेहें यरुशलेम मेहेन आय रहयँ। इ बछर, पिन्तेकुस्त मनायेक केर समइ यीशु केर सरग के चइल जायेक करिबन एक सप्‍ताह केर बादे आय रहे।

![](https://cdn.door43.org/obs/jpg/360px/obs-en-43-03.jpg)

जन समइ सउब बिसासी लोग गिला एके संगे जामा रहयँ, तो जन घर मेहेन उमन रहयँ अचकाय उटा तेज हवा केर आवाज लेक भइर गेलक। तखन आइग केर लव निहार देखइया कनअ सउब बिसासी गिला केर मुड़ उपरे परगट हलक। उ सउब पबित्रात्मा लेक भइर गेलयँ आर अन्य भासा गिलाय परमेश्‍वर केर स्तुति करलयँ। इ गिला उ भासा गिला रहे जेटा के बोलेक तेहें उमन के पबित्रात्मा ने सक्षम कइर रहे।

![](https://cdn.door43.org/obs/jpg/360px/obs-en-43-04.jpg)

जखन यरुशलेम मेहेन रहइया लोग गिला उ हल्‍ला के सुनलयँ, तो उमन भीड़ केर रुप मेहेन इटा देखेक तेहें एके संगे आलयँ कि का हत रहे। उमन बिसासी गिला परमेश्‍वर केर दाराय करल बड़े-बड़े काम गिला केर घोसना करत के सुनलयँ। उमन बिस्मित रहयँ काहेकि उमन उ काम गिला के निजेक भासा गिलाय सुनत रहयँ।

![](https://cdn.door43.org/obs/jpg/360px/obs-en-43-05.jpg)

इमनेक लेक थोड़ेक लोग गिला कहलयँ कि इ चेला गिला नसा मेहेन रहयँ। किन्तु पतरस ठाड़ हलक आर उमन के कहलक, “मर कथा के सुना! इ लोग गिला नसा मेहेन नेखयँ! इकर उलटा, जेटा तोहरे देखताहा उटा ओहेटा हेके जेके योएल भबिस्यद्बक्ता कइह रहे कि हइ: परमेश्‍वर कहलक, ‘आखरी केर दिन गिलाय, मयँ आपन आत्मा उझलमु।’”

![](https://cdn.door43.org/obs/jpg/360px/obs-en-43-06.jpg)

“ए इस्राएली पुरुस गिला, यीशु एकटा एसन मानुस रहे जे इटा देखायेक तेहें कि ऊ के रहे ढेइरे अद्भूत काम कइर रहे। ऊ परमेश्‍वर केर सामर्थ लेक बेजाइन अद्भुत काम गिला के कइर रहे। तोहरे इटा जानाला, काहेकि तोहरे इ काम गिला के देइख आहा। किन्तु तोहरे उके क्रूस उपरे चेढ़ाय देला!”

![](https://cdn.door43.org/obs/jpg/360px/obs-en-43-07.jpg)

“यीशु मइर गेलक किन्तु परमेश्‍वर उके मरल गिलाक मइध लेक जीयँत कइर देलक। ऊ इ कथा के पूरा कइर देलक जेटा के एकटा भबिस्यद्बक्ता लिख आहे: ‘तयँ आपन पबित्र अदमी के मुर्दा गड़हाय सड़े नाइ देइ।’ हामरे गवाह हेकी कि परमेश्‍वर यीशु के फिन जीयँत कइर देलक।”

![](https://cdn.door43.org/obs/jpg/360px/obs-en-43-08.jpg)

“परमेश्‍वर बाप एधाँव यीशु के आपन दहिना बाटे बइसाय कहन उके आदर दे आहे। आर यीशु हामरेक तेहें पबित्रात्मा के पइठालक जेसन कि उ परतिंगा कइर रहे कि ऊ पइठाइ। पबित्रात्माइ उ काम गिला के हय देतेहे जेटा के तोहरे देखताहा आर सुनताहा।”

![](https://cdn.door43.org/obs/jpg/360px/obs-en-43-09.jpg)

“तोहरे उ मानुस, यीशु के क्रूस उपरे चेढ़ाय देला। किन्तु निश्‍चित रुप लेक जाइन लेवा कि परमेश्‍वर यीशु के सउब चीज गिलाय परभु आर मसीह दुइयो ठहराय आहे!”

![](https://cdn.door43.org/obs/jpg/360px/obs-en-43-10.jpg)

पतरस सुनोइया लोग गिला उकर दाराय कहल कथा गिला लेक भीतर तक हिल जाय रहयँ। सेतेहें ऊ पतरस आर चेला गिला के पुछलयँ, “ए भाई सउब, हामरे के का करेक चाही?”

![](https://cdn.door43.org/obs/jpg/360px/obs-en-43-11.jpg)

पतरस उमन के जबाब देलक, “तोहरेक मइध लेक हर एक आपन पाप केर तेहें पछताप करा ताकि परमेश्‍वर तोहरेक पाप गिला के छमा करुक, आर यीशु मसीह केर नाम लेक बपतिस्मा लेवा। तखन ऊ तोहरे के बरदान स्वरुप पबित्रात्माउ देइ।”

![](https://cdn.door43.org/obs/jpg/360px/obs-en-43-12.jpg)

पतरस जे कहलक उटाय करिबन तीन हजार लोग गिला बिसास करलयँ आर यीशु केर चेला बइन गेलयँ। उमन बपतिस्मा लेलयँ आर यरुशलेम केर कलीसिया केर हिस्सा बइन गेलयँ।

![](https://cdn.door43.org/obs/jpg/360px/obs-en-43-13.jpg)

जखन प्रेरित गिला उमन के सिछा देलयँ तो बिसासी गिला लगातार सुनलयँ। उमन खने-खने जामा हत रहयँ आर एके संगे खावा दावा करत रहयँ, आर उमन खने खने एक दसर केर तेहें पारथना करलयँ। उमन मिल कहन परमेश्‍वर केर स्तुति करलयँ आर जे कनअ उमनेक पासे रहे उमन एक दसर केर संगे साझा करलयँ। नगर केर हर एक अदमी उमनेक तेहें बेस बिचार राखत रहयँ। प्रतिदिन, बेसी लेक बेसी लोग गिला बिसासी बनते गेलयँ।

*प्रेरित गिलाक काम अध्याय 2 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_43_256kbps.m4a

## 44. पतरस आर योहन केर दाराय एकटा भिखारी के चंगा करेक

https://openbiblestories.org/l/tdb/story-44/

![](https://cdn.door43.org/obs/jpg/360px/obs-en-44-01.jpg)

एक दिन, पतरस आर योहन मन्दिर मेहेन गेलयँ। एकटा अपंग अदमी भीख माँगेक तेहें फाटक पासे बइसल रहे।

![](https://cdn.door43.org/obs/jpg/360px/obs-en-44-02.jpg)

पतरस उ लंगड़ा अदमी बाटे देखलक आर कहलक, “मर पासे तके देक तेहें पएसा तो नेखे। किन्तु जेटा मर पासे आहे उटा के मयँ तके देवलाँ। यीशु केर नाम लेक, उठ आर चइल बुलिन!”

![](https://cdn.door43.org/obs/jpg/360px/obs-en-44-03.jpg)

तुरतेइ, परमेश्‍वर उ लंगड़ा अदमी के चंगा कइर देलक। उ हिन्दे-हुन्दे चलेक आर कुदेक, आर परमेश्‍वर केर स्तुति करेक सुरु कइर देलक। मन्दिर केर आन्गा मेहेन उपस्थित लोग गिला अचम्भित रहयँ।

![](https://cdn.door43.org/obs/jpg/360px/obs-en-44-04.jpg)

चाँड़ेइ लोग गिला केर एकटा भीड़ जे चंगा हय जाय रहे उ अदमी के देखेक तेहें आलयँ। पतरस उमन के कहलक, “इ मानुस बेस हलक, किन्तु इ कथाय अचम्भित ना होवा। हामरे इके आपन सक्ति लेक चंगा कइर आही, चाहे एहे तेहें नाहीं कि हामरे परमेश्‍वर केर आदर करिला। बल्कि, ऊ यीशु हेके जे इ अदमी टाके आपन सक्ति लेक चंगा कइर आहे, काहेकि हामरे यीशु उपरे भरसा करिला।”

![](https://cdn.door43.org/obs/jpg/360px/obs-en-44-05.jpg)

“ऊ तोहरेइ हेका जे उ रोमी राइजपाल के यीशु के माइर मरायेक तेहें कइह रहा। तोहरे उके मराय देला जे सउब के जीबन देला। किन्तु परमेश्‍वर उके मरल गिलाक मइध लेक जीयँत करलक। तोहरे नाइ समझला कि तोहरे का करत रहा, किन्तु जखन तोहरे उ काम गिला के करत रहा, तो जे भबिस्यद्बक्ता कइह रहे उटा पूरा हलक। ऊ कइह रहे कि मसीह दुख उठाइ आर मइर जाइ। परमेश्‍वर इ रकम लेक हय देलक। सेतेहें एधाँव, पछताप करा आर परमेश्‍वर बाटे घुइर आवा, ताकि ऊ तोहरे केर पाप गिला के धइ कहन साफा कइर देउक।”

![](https://cdn.door43.org/obs/jpg/360px/obs-en-44-06.jpg)

जखन मन्दिर केर आगुवा गिला पतरस आर योहन केर कथा सुनलयँ, तो उमन बेजाइन डराय गेलयँ। सेतेहें उ आगुवा गिला उमन के गिरफ्तार कइर कहन जेहेल घर मेहेन डाइल देलयँ। किन्तु जे पतरस कइह रहे उटाय बेजाइन लोग गिला बिसास करलयँ। यीशु उपरे बिसास करइया गिला केर संख्या बाइढ़ कहन करिबन पाँच हजार हय गेलयँ।

![](https://cdn.door43.org/obs/jpg/360px/obs-en-44-07.jpg)

आघु दिन, उ यहूदी आगुवा गिला पतरस आर योहन के महायाजक आर दसर धारमिक आगुवा गिला केर पासे ले कहन आलयँ। उमन उ अदमी कउ ले कहन आलयँ जे अपंग रहे। उमन पतरस आर योहन के पुछलयँ, “कन अधिकार लेक तोहरे उ अपंग अदमी के चंगा करला?”

![](https://cdn.door43.org/obs/jpg/360px/obs-en-44-08.jpg)

पतरस जबाब देलक, “इ अदमी टा तोहरेक पासे ठाड़ आहे उके यीशु मसीह केर सामर्थ केर दाराय चंगा करल जाय आहे। तोहरे यीशु के क्रूस उपरे देढ़ाय देला, किन्तु परमेश्‍वर उके फिन जीयँत कइर देलक! तोहरे उके अस्वीकार कइर देला, किन्तु यीशु केर सामर्थ केर माध्यम केर अलावे उद्धार पाय केर कनअ दसर डहर नेखे!”

![](https://cdn.door43.org/obs/jpg/360px/obs-en-44-09.jpg)

उ आगुवा गिला हैरान रहयँ कि पतरस आर योहन बेजाइन साहसी रुप लेक कथा कइर रहयँ। उमन देखलयँ कि इ गिला साधारन पुरुस रहयँ जे कि अनपढ़ रहयँ। किन्तु फिन उमन के याइद आलक कि इ पुरुस गिला यीशु केर संगे रहयँ। सेतेहें उ गिला उमन के कहलयँ, “हामरे तोहरे के बेजाइन बेसी दंड देबिक जदि तोहरे इ मानुस यीशु केर बारे मेहेन लोग गिला के कनअ आरो सन्देस देवाला।” एसन ढेइरे कहेक बादे, उमन पतरस आर योहन के जायेक देलयँ।

*प्रेरित गिलाक काम 3:1-4:22 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_44_256kbps.m4a

## 45. स्तिफनुस आर फिलिप्पुस

https://openbiblestories.org/l/tdb/story-45/

![](https://cdn.door43.org/obs/jpg/360px/obs-en-45-01.jpg)

पहिला मसीही आगुवा गिलाक माझे स्तिफनुस नाम केर एकटा पुरुस रहे। सउब लोग गिला उकर आदर करत रहयँ। पबित्रात्मा उके बेजाइन सामर्थ आर बुद्धि प्रदान कइर रहे। स्तिफनुस ढेइरे चमत्कार केर काम के कइर रहे। जखन ऊ यीशु उपरे भरसा करे केर बारे उमन के सिछा देलक तो ढेइरे लोग गिला उकर उपरे बिसास करलयँ।

![](https://cdn.door43.org/obs/jpg/360px/obs-en-45-02.jpg)

एक दिन, स्तिफनुस यीशु केर बारे सिछा देत रहे, आर थोड़ेक एसन यहूदी गिला आलयँ जे गिला यीशु उपरे बिसास नाइ कइर रहयँ आर उकर संगे बाद-बिबाद करेक सुरु कइर देलयँ। उमन बेजाइन खिंसाय गेलयँ, सेतेहें उमन धार्मिक आगुवा गिला केर पासे आर उकर बारे झूठ कहलयँ। उमन कहलयँ, “हामरे स्तिफनुस के मूसा आर परमेश्‍वर केर बारे खराब कथा गिला के कहत के सुइन आही!” सेतेहें धार्मिक आगुवा गिला स्तिफनुस के गिरफ्तार कइर लेलयँ आर उके महायाजक आर यहूदी गिलाक दसर आगुवा गिला केर पासे ले कहन आलयँ। आर झूठा गवाह आलयँ आर उमन स्तिफनुस केर बारे झूठ कहलयँ।

![](https://cdn.door43.org/obs/jpg/360px/obs-en-45-03.jpg)

महायाजक स्तिफनुस के पुछलक, “का इ लोग गिला तर बारे मेहेन सच कहतहयँ?” स्तिफनुस महायाजक के जबाब देक तेहें ढेइरे कथा गिला के कहेक सुरु कइर देलक। ऊ कहलक कि अब्राहम केर समइ लेक यीशु केर समइ तक परमेश्‍वर इस्राएल केर लोग गिलाक तेहें ढेइरे अद्भुत काम कइर आहे। किन्तु लोग गिला हमेसा परमेश्‍वर केर आग्या के नाइ माइन रहयँ। स्तिफनुस कहलक, “तोहरे परमेश्‍वर केर बिरुद्ध हठीला आर बलवा करइया हेका। तोहरे हमेसा पबित्रात्मा के अस्वीकार करला, जेसन कि हामरेक पुरखा गिला हमेसा पबित्रात्मा के अस्वीकार कइर रहयँ आर हमेसा उकर भबिस्यद्बक्ता गिला के मराय दे रहा। किन्तु जेटा उमन कइर रहेयँ उकर तुलना मेहेन तोहरे आरो बेसी खराब कइर आहा! तोहरे मसीह के मराय दे आहा!”

![](https://cdn.door43.org/obs/jpg/360px/obs-en-45-04.jpg)

जखन उ धार्मिक आगुवा गिला इटा सुनलयँ, तो उमन एतना खिंसाय गेलयँ कि उमन आपन कान गिला के बन्द कइर लेलयँ आर डबल आँटे चिल्‍लालयँ। उमन स्तिफनुस के घिसराय कहन नगर लेक बाहिर ले गेलयँ आर उके मरायेक तेहें पाखनाय लेबदालयँ।

![](https://cdn.door43.org/obs/jpg/360px/obs-en-45-05.jpg)

जखन स्तिफनुस मरत रहे, ऊ हाँकालक, “ए यीशु, मर आत्मा के ग्रहन कर!” तखन ऊ आपन हेंठु गाइड़ कहन गिर गेलक आर फिन हाँकालक, “ए परभु, इ पाप टा उमनेक उपरे ना लगाबे।” तखन ऊ मइर गेलक।

![](https://cdn.door43.org/obs/jpg/360px/obs-en-45-06.jpg)

उ दिन, यरुशलेम मेहेन रहइया बेजाइन लोग गिला यीशु केर अनुयायी गिला के सतायेक सुरु कइर देलयँ, सेतेहें बिसासी लोग गिला दसर जायगा गिलाय भाइग गेलयँ। किन्तु इकर बावजूदो, जहाँ कहीं उमन गेलयँ उमन यीशु केर बारे मेहेन परचार करलयँ।

![](https://cdn.door43.org/obs/jpg/360px/obs-en-45-07.jpg)

फिलिप्पुस नाम केर यीशु केर एकटा बिसासी रहे। जेसन कि दसर ढेइर बिसासी गिला यीशु उपरे बिसास कइर रहयँ उमनउ यरुशलेम लेक भाइग गेलयँ। उ सामरिया केर इलाका मेहेन चइल गेलक। हुआँ ऊ लोग गिला के यीशु केर बारे परचार करलक। ढेइरे लोग गिला उकर उपरे बिसास करलयँ आर उद्धार पालयँ। एक दिन, फिलिप्पुस केर पासे परमेश्‍वर बाटे लेक एकटा सरगदूत आलक आर उके बन बाटे जायेक तेहें, आर एकटा सँड़क लेक चलेक तेहें कहलक। फिलिप्पुस हुआँ चइल गेलक। जखन ऊ उ सँड़के चलत रहे, तो उके एकटा अदमी के निजेक रँथ मेहेन जात के देखलक। इ अदमी टा कूश देस केर एकटा महत्वपूर्न अधिकारी रहे। पबित्रात्मा फिलिप्पुस के कहलक कि जाय कहन उ अदमी केर संगे-संगे चलिन।

![](https://cdn.door43.org/obs/jpg/360px/obs-en-45-08.jpg)

सेतेहें फिलिप्पुस रँथ केर पासे गेलक। उ सुनलक कि ऊ कूशी टा परमेश्‍वर केर बचन के पढ़त रहे। जे यशायाह भबिस्यद्बक्ता लिख रहे उटा के ऊ पढ़त रहे। ऊ पढ़त रहे, “उमन उके वध करल जावइया भेड़ी केर समान ले गेलयँ, आर जेसन एकटा भेड़ा छुवा सान्त हयला, ओसने एक सब्द नाइ कहलक। उमन उकर संगे अनुचित बेबहार करलयँ आर उकर आदर नाइ करलयँ। उमन उकर परान के ले लेलयँ।”

![](https://cdn.door43.org/obs/jpg/360px/obs-en-45-09.jpg)

फिलिप्पुस उ कूशी के पुछलक, “जेटा तयँ पढ़तिहिस का तयँ उटा के समझब करतिहिस?” उ कूशी टा जबाब देलक, नाहीं। जखन तक केउ इटा के मके ना समझाबयँ, तखन तक मयँ इटा के नाइ समझे पारँ। किरपा कइर कहन मर तहाँ आय कहन बइस। यशायाह इटा आपन बारे लिखत रहे न कनअ आरो दसर के?”

![](https://cdn.door43.org/obs/jpg/360px/obs-en-45-10.jpg)

फिलिप्पुस रँथ उपरे चाइप कहन बइस गेलक। तखन ऊ उ कूशी अदमी टाके बताय देलक जे यशायाह यीशु के बारे मेहेन लिख रहे। फिलिप्पुस परमेश्‍वर केर बचन के ढेइरे दसर भाग गिला केरअ चर्चा करलक। इ निहार लेक, ऊ उ अदमी के यीशु केर बारे मेहेन बेस खबर सुनालक।

![](https://cdn.door43.org/obs/jpg/360px/obs-en-45-11.jpg)

फिलिप्पुस आर उ कूशी चलत के पानी केर पासे आलयँ। ऊ कूशी के कहलक, “देखिन! हिआँ पानी आहे! का मयँ बपतिस्मा ले पारलाँ?” आर ऊ सारथी के रँथ के रकेक तेहें कहलक।

![](https://cdn.door43.org/obs/jpg/360px/obs-en-45-12.jpg)

सेतेहें उमन पानी मेहेन चइल गेलयँ, आर फिलिप्पुस उ कूशी के बपतिस्मा देलक। जखन उमन पानी लेक बाहिर आलयँ, तो पबित्रात्मा अचकाय फिलिप्पुस के उठाय कहन कनअ दसर जायगा मेहेन ले गेलक। हुआँ फिलिप्पुस लोग गिला के यीशु केर बारे मेहेन बतायेक जारी राखलक।

![](https://cdn.door43.org/obs/jpg/360px/obs-en-45-13.jpg)

उ कूशी आपन घर केर यात्राय आघु चइल गेलक। ऊ खुस रहे कि ऊ एधाँव यीशु के जानत रहे।

*प्रेरित गिलाक काम 6:8-8:6; 8:26-40 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_45_256kbps.m4a

## 46. पौलुस मसीही बिसासी बइन जायला

https://openbiblestories.org/l/tdb/story-46/

![](https://cdn.door43.org/obs/jpg/360px/obs-en-46-01.jpg)

शाऊल नाम केर एकटा अदमी रहे जे यीशु उपरे बिसास नाइ कइर रहे। जखन ऊ जुवान रहे, तखन ऊ स्तिफनुस के मराइया लोग गिला केर लूगा गिला केर निगरानी कइर रहे। बाद मेहेन, ऊ बिसासी गिला के सताय रहे। ऊ यरुशलेम मेहेन घर-घर जाय कहन पुरुस आर बेटी छुवा दुइयो के गिरफ्तार कइर कहन जेहेल घर मेहेन डाइल दे रहे। तखन महायाजक शाऊल के दमिश्क नगर मेहेन जायेक केर अनुमति देलक। ऊ हुआँ केर मसीही गिला के गिरफ्तार करेक आर उमन के यरुशलेम ले कहन आनेक तेहें शाऊल के कहलक।

![](https://cdn.door43.org/obs/jpg/360px/obs-en-46-02.jpg)

सेतेहें शाऊल दमिश्क जायेक केर यात्रा सुरु करलक। उ नगर के पहँचेक लेक तनिक पहिले, उकर चाइरो बाटे आकास लेक एकटा चरका आलो चमकलक, आर ऊ भूँईये गिर गेलक। शाऊल केकउ के कहत के सुनलक, “ए शाऊल! ए शाऊल! तयँ मके काहे सतातिहिस?” शाऊल पुछलक, “ए परभु, तयँ के हेकिस?” यीशु उके जबाब देलक, “मयँ यीशु हेकँ। तयँ मके सतातिहिस!”

![](https://cdn.door43.org/obs/jpg/360px/obs-en-46-03.jpg)

जखन शाऊल उठलक तो ऊ देखे नाइ पात रहे। उकर संगी गिला उके दमिश्क मेहेन ले कहन गेलयँ। शाऊल तीन दिन तक कनअ खायो चाहे पिबो नाइ कइर रहे।

![](https://cdn.door43.org/obs/jpg/360px/obs-en-46-04.jpg)

दमिश्क मेहेन हनन्याह नाम केर एकटा चेला रहे। परमेश्‍वर उके कहलक, “उ घर मेहेन जाहिन जहाँ शाऊल ठहरल आहे। आपन हाथ उकर उपरे राखिन ताकि ऊ फिन देखे पाउक।” किन्तु हनन्याह कहलक, “ए परभु, मयँ सुइन आहँ कि इ अदमी टा बिसासी गिला के केसन सताय आहे।” परमेश्‍वर उके जबाब देलक, “जाहिन! मयँ उके यहूदी गिलाय आर दसर जाइत केर लोग गिला मेहेन मर नाम केर घोसना करेक तेहें चुइन ले आहँ। ऊ मर नाम केर तेहें बेजाइन कस्टो सही।”

![](https://cdn.door43.org/obs/jpg/360px/obs-en-46-05.jpg)

सेतेहें हनन्याह शाऊल केर पासे गेलक, आपन हाथ के उकर उपरे राखलक, आर कहलक, “यीशु, जे हिआँ आयेक तर डहर मेहेन तर तहाँ परगट हय रहे, मके तर तहाँ पठाय आहे ताकि तयँ फिन देखे पाइन, आर पबित्रात्मा लेक तके भइर देउक।” तुरतेइ शाऊल फिन देखेक मेहेन सक्षम हय गेलक, आर हनन्याह उके बपतिस्मा देलक। तखन शाऊल खालक आर फिन बलवन्त हय गेलक।

![](https://cdn.door43.org/obs/jpg/360px/obs-en-46-06.jpg)

तखन लेक, शाऊल दमिश्क मेहेन रहइया यहूदी गिलाय परचार करेक सुरु कइर देलक। ऊ कहलक, “यीशुवे परमेश्‍वर केर बेटा हेके!” यहूदी लोग गिला अचम्भित रहयँ, काहेकि शाऊल तो बिसासी गिला के मरायेक केर प्रयास कइर रहे, किन्तु एधाँव ऊ यीशु मेहेन बिसास कइर रहे। शाऊल यहूदी गिला केर संगे बाद-बिबाद करलक, ऊ देखालक कि यीशुवे मसीह रहे।

![](https://cdn.door43.org/obs/jpg/360px/obs-en-46-07.jpg)

ढेइर दिन केर बादे, यहूदी गिला शाऊल के मराय दे केर जोजना बनालयँ। उमन उके मराय देक तेहें नगर केर फाटक पासे लोग गिला के पठालयँ कि उकर निगरानी करुन। किन्तु शाऊल उ जोजना केर बारे सुइन लेलक, आर उकर संगी गिला बाँइच कहन निकलेक मेहेन उकर साहेता करलयँ। एक राइत के उमन उके खाँची मेहेन बइसाय कहन नगर के पाचीर लेक उके हेंठे उतराय दे रहयँ। दमिश्क लेक बाँइच कहन निकलल बादे शाऊल यीशु केर बारे मेहेन परचार करेक जारी राखलक।

![](https://cdn.door43.org/obs/jpg/360px/obs-en-46-08.jpg)

शाऊल प्रेरित गिला संगे मुलाकत करेक तेहें यरुशलेम गेलक, किन्तु उमन उकर लेक डरात रहयँ। तखन बरनबास नाम केर एकटा बिसासी शाऊल के प्रेरित गिलाक पासे ले कहन गेलक। ऊ उमन के बतालक कि शाऊल केसन साहसी हय कहन दमिश्क मेहेन परचार कइर रहे। उकर बादे, प्रेरित गिला शाऊल के स्वीकार कइर लेलयँ।

![](https://cdn.door43.org/obs/jpg/360px/obs-en-46-09.jpg)

थोड़ेक बिसासी गिला जे यरुशलेम केर सताव केर चलते भाइग जाय रहयँ उमन दूर अन्ताकिया नगर मेहेन चइल जाय रहयँ आर यीशु केर बारे मेहेन परचार करत रहे। अन्ताकिया मेहेन रहइया लोग गिला अधिकतर यहूदी नाइ रहयँ, किन्तु पहली बार, उमनेक मइध लेक ढेइर लोग गिला बिसासी बइन गेलयँ। बरनबास आर शाऊल इ नावा बिसासी गिला के यीशु केर बारे मेहेन आरो बेसी सिखायेक तेहें हुआँ गेलयँ आर कलीसिया के मजबूत करलयँ। यीशु उपरे बिसास करइया के पहली बार अन्ताकिया मेहनेइ “मसीही” कहालयँ।

![](https://cdn.door43.org/obs/jpg/360px/obs-en-46-10.jpg)

एक दिन, अन्ताकिया केर मसीही लोग गिला उपास केर संगे पारथना करत रहयँ। पबित्रात्मा उमन के कहलक, “मर तेहें बरनबास आर शाऊल के उ काम के करेक तेहें अलग कइर देवा जेटा के करेक तेहें मयँ उमन के डाइक आहे।” सेतेहें अन्ताकिया केर कलीसिया बरनबास आर शाऊल केर तेहें पारथना करलयँ आर उमनेक उपरे आपन हाथ के राखलयँ। तखन उ गिला उमन के दसर ढेइर जायगा गिलाय यीशु केर बारे मेहेन बेस खबर केर परचार करेक तेहें पइठाय देलयँ। बरनबास आर शाऊल अलग-अलग जाइत गिला केर लोग गिला के सिछा देलयँ, आर ढेइर लोग गिला यीशु मेहेन बिसास करलयँ।

*प्रेरित गिलाक काम 8:3; 9:1-31; 11:19-26; 13:1-3 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_46_256kbps.m4a

## 47. फिलिप्पी मेहेन पौलुस आर सीलास

https://openbiblestories.org/l/tdb/story-47/

![](https://cdn.door43.org/obs/jpg/360px/obs-en-47-01.jpg)

जखन शाऊल गोटा रोमी साम्राज्य मेहेन यात्रा करलक तो ऊ आपन रोमी नाम “पौलुस” केर उपयोग करेक सुरु कइर देलक। एक दिन, पौलुस आर उकर संगी सीलास फिलिप्पी नगर मेहेन यीशु केर बारे मेहेन बेस खबर सुनायेक तेहें गेलयँ। उमन नगर केर बाहिरे नदी धारे एकटा जायगाय गेलयँ जहाँ लोग गिला पारथना करेक तेहें जामा रहयँ। हुआँ उमन लुदिया नाम केर एकटा बेटी छुवा लेक भेंट हलक जे एकटा बेपारी रहे। ऊ परमेश्‍वर लेक प्रेम करत रहे आर उकर आराधना करत रहे।

![](https://cdn.door43.org/obs/jpg/360px/obs-en-47-02.jpg)

परमेश्‍वर लुदिया के यीशु केर बारे सन्देस मेहेन बिसास करेक तेहें सक्षम करलक। पौलुस आर सीलास उके आर उकर परिबार के बपतिस्मा देलयँ। उमन पौलुस आर सीलास के आपन घर मेहेन ठहरेक तेहें नेवता करलयँ, सेतेहें उमन हुआँ ठहइर गेलयँ।

![](https://cdn.door43.org/obs/jpg/360px/obs-en-47-03.jpg)

पौलुस आर सीलास लोग गिला संगे खने खने उ जायगाय भेंट हत रहयँ जहाँ यहूदी लोग गिला पारथना करत रहयँ। प्रतिदिन जखन उमन हुआँ जात रहयँ तो एकटा धाँगरिन जे दुस्टात्मा केर दाराय नियंत्रित रहे उमनेक पीछा करत रहे। इ टुस्टात्मा केर दाराय उ लोग गिला के भबिस्य के बतात रहे, सेतेहें ऊ भबिस्य बताइया केर रुप मेहेन आपन मालिक गिला केर तेहें बेजाइन धन कमात रहे।

![](https://cdn.door43.org/obs/jpg/360px/obs-en-47-04.jpg)

उमन केर जात समइ इ धाँगरिन टा चिल्‍लात रहे, “इ पुरुस गिला परम परधान परमेश्‍वर केर सेवक हेकयँ। इ गिला तोहरे के उद्धार पायेक डहर बताय देन्ला!” ऊ प्रतिदिन एसनेइ करत रहे जेटा लेक कि पौलुस नाराज हय रहे।

![](https://cdn.door43.org/obs/jpg/360px/obs-en-47-05.jpg)

आखिर मेहेन, एक दिन जखन उ धाँगरिन टा चिल्‍लायेक सुरु करलक, तो पौलुस उकर बाटे मुहाय कहन उकर भीतर केर दुस्टात्मा के कहलक, “यीशु केर नाम लेक इकर लेक निकइल जाहिन।” ओहे समइ उ टुस्टात्मा उके छोइड़ देलक।

![](https://cdn.door43.org/obs/jpg/360px/obs-en-47-06.jpg)

ऊ धाँगरिन केर मालिक टा बेजाइन खिंसाय गेलक। उमन के पता हय गेलक कि बिना उ दुस्टात्मा केर उ धाँगरिन टा लोग गिला के भबिस्य नाइ बताय पारत रहे। इकर मतलब रहे कि लोग गिला एधाँव उकर मालिक गिला के पयसा नाइ देइ कि ऊ उमन के भबिस्य कइह देइ कि उमनेक संगे का हइ।

![](https://cdn.door43.org/obs/jpg/360px/obs-en-47-07.jpg)

सेतेहें उ धाँगरिन केर मालिक टा पौलुस आर सीलास के रोमी अधिकारी गिला केर पासे ले गेलक। उमन पौलुस आर सीलास के पिटलयँ, आर फिन उमन के जेहेल घर मेहेन डाइल देलयँ।

![](https://cdn.door43.org/obs/jpg/360px/obs-en-47-08.jpg)

उमन पौलुस आर सीलास के जेहेल घर केर एसन हिस्सा मेहेन राखलयँ जहाँ सउब लेक बेसी सिपाही गिला रहयँ। हिआँ तक कि उ गिला उमनेक गड़ गिला के बड़े काठी गिलाय जोइड़ देलयँ। किन्तु पौलुस आर सीलास आधा राइत केर समइ, परमेश्‍वर केर स्तुति केर गीत गीतकात रहयँ।

![](https://cdn.door43.org/obs/jpg/360px/obs-en-47-09.jpg)

अचकाय, एकटा भयानक भूँईडल हलक! जेहेल घर केर सउब दुवाइर खुइल गेलक, आर सउब कैदी गिला केर सिकड़ गिला खुइल कहन गिर गेलक।

![](https://cdn.door43.org/obs/jpg/360px/obs-en-47-10.jpg)

तखन दरोगा जाइग गेलक। ऊ देखलक कि जेहेल घर केर दुवाइर खुलल रहे। ऊ सोंचलक कि सउब कैदी गिला बाँइच कहन भाइग गेलयँ। ऊ डराय गेलक कि उमनेक भाइग जायेक चलते रोमी अधिकारी गिला उके मराय देबयँ, सेतेहें ऊ खुद के मराय देक तेहें तेयार हय गेलक! किन्तु पौलुस उके देइख कहन चिल्‍लालक, “रुइक जावा! खुद के नकसान ना पहँचावा। हामरे सउब हिंयाइ आही।”

![](https://cdn.door43.org/obs/jpg/360px/obs-en-47-11.jpg)

उ दरोगा टा काँपत के पौलुस आर सीलास केर पासे आय कहन पुछलक, “उद्धार पायेक तेहें मयँ का करमु?” पौलुस जबाब देलक, “परभु यीशु उपरे बिसास करिन, हले तयँ आर तर घर केर सउब लोग गिला उद्धार पाबयँ।” तखन ऊ दरोगा टा पौलुस आर सीलास के आपन घर ले गेलक आर उमनेक घाव गिला के धइ देलक। पौलुस उकर घर कर सउब लोग गिला के यीशु केर बारे बेस खबर सुनालक।

![](https://cdn.door43.org/obs/jpg/360px/obs-en-47-12.jpg)

दरोगा आर उकर घर केर सउब लोग गिला यीशु उपरे बिसास करलयँ, सेतेहें पौलुस आर सीलास उमन के बपतिस्मा देलक। तखन दरोगा पौलुस आर सीलास के खाना खियालक, आर उमन एके संगे आनन्दित हलयँ।

![](https://cdn.door43.org/obs/jpg/360px/obs-en-47-13.jpg)

आघु दिन नगर केर आगुवा गिला पौलुस आर सीलास के जेहेल घर लेक आजाद कइर देलयँ आर फिलिप्पी लेक चइल जायेक तेहें कहलयँ। पौलुस आर सीलास लुदिया आर थोड़ेक दसर संगी गिला संगे भेंट करलयँ आर उकर बादे नगर लेक निकइल गेलयँ। यीशु केर बारे बेस खबर टा फयलते गेलक, आर कलीसिया बाढ़ते गेलक।

![](https://cdn.door43.org/obs/jpg/360px/obs-en-47-14.jpg)

पौलुस आर दसर मसीही आगुवा गिला ढेइरे नगर गिला केर यात्रा करलयँ। उमन लोग गिला के यीशु केर बारे मेहेन बेस खबर सुनालयँ। ऊ कलीसिया केर बिसासी गिला के उत्साहित करेक आर सिछा देक तेहें कयोटा चिट्ठी गिला के लिखलक। इमनेक मइध लेक थोड़ेक चिट्ठी गिला बाइबल केर किताब गिला बइन गेलक।

*प्रेरित गिलाक काम 16:11-40 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_47_256kbps.m4a

## 48. यीशुवे परतिंगा करल मसीह हेके

https://openbiblestories.org/l/tdb/story-48/

![](https://cdn.door43.org/obs/jpg/360px/obs-en-48-01.jpg)

जखन परमेश्‍वर संसार के बनालक तो सभे टा बेस रहे। कनअ पाप नाइ रहे। आदम आर हव्वा एक दसर के प्रेम करत रहयँ, आर उमन परमेश्‍वर लेक प्रेम करत रहयँ। कनअ रोग चाहे मिरतु नाइ रहे। परमेश्‍वर एसनेइ संसार के चाहत रहे।

![](https://cdn.door43.org/obs/jpg/360px/obs-en-48-02.jpg)

सयतान साँप केर माध्यम लेक बगइचा मेहेन हव्वा संगे कथा करलक, काहेकि ऊ उके धोखा देक चाहत रहे। तखन हव्वा आर आदम परमेश्‍वर केर बिरुद्ध पाप करलयँ। काहेकि उमन पाप कइर रहयँ सेतेहें पिरथिबी उपरे रहइया सउब लोग गिला मरयलाँ।

![](https://cdn.door43.org/obs/jpg/360px/obs-en-48-03.jpg)

काहेकि आदम आर हव्वा पाप कइर रहयँ, सेतेहें कुछ आरोइ बेसी खराब हलक। उमन परमेश्‍वर केर दुस्मन बइन गेलयँ। जेकर परिनाम स्वरुप, तखन लेक हर अदमी पाप कइर आहयँ। हर एक अदमी जनम लेकेइ परमेश्‍वर केर दुस्मन हेकयँ। परमेश्‍वर आर लोग गिलाक मइध मेहेन सान्ति नाइ रहे। किन्तु परमेश्‍वर सान्ति स्थापित करेक चाहत रहे।

![](https://cdn.door43.org/obs/jpg/360px/obs-en-48-04.jpg)

परमेश्‍वर परतिंगा करलक कि हव्वा केर एकटा बंसज सयतान केर मुड़ के केंची। ऊ इटाउ कहलक कि सयतान उकर एड़ी के ठटकी। दसर सब्द गिलाय, सयतान मसीह के मराय देइ, किन्तु परमेश्‍वर उके फिन जीयँत कइर देइ। इकर बादे, मसीह सयतान केर सक्ति के हमेसा केर तेहें सिराय देइ। कयो बछर केर बादे, परमेश्‍वर परगट करलक कि ऊ मसीह यीशु हेके।

![](https://cdn.door43.org/obs/jpg/360px/obs-en-48-05.jpg)

परमेश्‍वर उ बाढ़ लेक आपन परिबार के बाँचालक जेटा उ पिरथिबी मेहेन लानइया रहे। नूह के एकटा जहाज बनायेक तेहें कहलक कि ऊ इ रकम परमेश्‍वर उ लोग गिला के बाँचालक जे उकर उपरे बिसास करत रहयँ। इ रकम, उमन सउब केर सउब परमेश्‍वर केर दाराय मराय देक लाइक रहयँ काहेकि उमन पाप कइर रहयँ। किन्तु परमेश्‍वर उ सउब के बाँचायेक तेहें यीशु के पइठालक जे उकर उपरे बिसास करयलाँ।

![](https://cdn.door43.org/obs/jpg/360px/obs-en-48-06.jpg)

सैकड़ों बछर तक, याजक परमेश्‍वर केर तेहें बलिदान चेढ़ात रहे। इटा दर्सायला कि लोग गिला पाप करलयँ, आर इटा कि उमन परमेश्‍वर केर दाराय दंड देक लाइक रहयँ। किन्तु उ बलिदान उमनेक पाप गिला के छमा नाइ करे पारत रहे। यीशु सउब लेक बड़े महायाजक हेके। ऊ उटा करलक जे केउ याजक नाइ करे पारत रहयँ। ऊ ओहे एकमात्र बलिदान हयेक तेहें खुद के दे देलक जे हर केकर केर पाप गिला के मेटाय पारत रहे। ऊ स्वीकार करलक कि परमेश्‍वर उ सउब केर पाप गिला केर तेहें उके सजा देउक। इ कारन, यीशु सिद्ध महायाजक रहे।

![](https://cdn.door43.org/obs/jpg/360px/obs-en-48-07.jpg)

परमेश्‍वर अब्राहम के कहलक, “मयँ तर दाराय संसार केर सउब कुल गिला के आसिरबाद देमु।” यीशु एहे अब्राहम केर बंसज रहे। परमेश्‍वर अब्राहम केर माध्यम लेक सउब कुल गिला के आसिरबाद देला, काहेकि जे यीशु उपरे बिसास करेला परमेश्‍वर उ सउब के पाप लेक बाँचायला। जखन इ लोग गिला यीशु उपरे बिसास करयलाँ, तो परमेश्‍वर उमन के अब्राहम केर बंसज मानेला।

![](https://cdn.door43.org/obs/jpg/360px/obs-en-48-08.jpg)

परमेश्‍वर अब्राहम के कहलक कि ऊ आपन निज बेटा के उकर तेहें बलिदान कइर देउक। किन्तु फिन परमेश्‍वर इसहाक केर बदली मेहेन बलि करेक तेहें एकटा भेड़ा छुवा देलक। हामरे सउब आपन पाप गिला केर तेहें मराय देक लाइक रही! किन्तु परमेश्‍वर हामरेक जायगाय मरेक तेहें यीशु के बलिदान केर रुप मेहेन देलक। एहे चलते हामरे यीशु के परमेश्‍वर केर भेड़ा छुवा कहिला।

![](https://cdn.door43.org/obs/jpg/360px/obs-en-48-09.jpg)

जखन परमेश्‍वर मिस्र देस मेहेन आखरी बिपइत के भेजलक तो ऊ हर एक इस्राएली परिबार के कहलक कि उमन एकटा भेड़ा छुवा केर बलि करुन। उ भेड़ा छुवा मेहेन कनअ दोस नाइ हयेक चाही। तखन आपन दुवाइर केर चौखट केर उपर आर बगल मेहेन उमन उकर लहू के लगाय रहयँ। तखन परमेश्‍वर उ लहू के देखलक तो ऊ उमनेक घर गिला लेक आघु चइल गेलक आर उमनेक पहिल बेटा गिला के नाइ मरालक। जखन इटा हलक तो परमेश्‍वर इटाके फसह केर परब कहलक।

![](https://cdn.door43.org/obs/jpg/360px/obs-en-48-10.jpg)

यीशु फसह केर परब केर एकटा भेड़ा छुवा निहार रहे। ऊ कबउ पाप नाइ करलक, सेतेहें उकर मेहेन कनअ गलत नाइ रहे। ऊ फसह केर परब केर समइये मरलक। जखन केउ यीशु उपरे बिसास करेला, तखन यीशु केर लहू उ अदमी केर पाप गिला केर किमइत चुकायला। इटा एसन आहे जेसन कि परमेश्‍वर उ अदमी केर पास लेक आघु बाइढ़ गेलक, काहेकि ऊ उके दंड नाइ देला।

![](https://cdn.door43.org/obs/jpg/360px/obs-en-48-11.jpg)

परमेश्‍वर इस्राएली लोग गिला केर संगे एकटा वाचा बाँधलक, काहेकि उमन एसन लोग रहयँ जेके परमेश्‍वर आपन हयेक तेहें चुइन रहे। किन्तु एधाँव परमेश्‍वर एकटा एसन वाचा बाँइध आहे जे कि सउब केर तेहेंक हेके। जदि कनअए जाइत केर केउ अदमी नावा वाचा के स्वीकार करेला, हले ऊ परमेश्‍वर केर लोग गिला मेहेन शामिल हय जायला। ऊ एसन एहे तेहें करेला काहेकि ऊ यीशु उपरे बिसास करेला।

![](https://cdn.door43.org/obs/jpg/360px/obs-en-48-12.jpg)

मूसा एकटा एसन भबिस्यद्बक्ता रहे जे परमेश्‍वर केर बचन के बड़े सामर्थ केर संगे परचार कइर रहे। किन्तु यीशु सउब भबिस्यद्बक्ता गिला मइधे सउब लेक बड़े आहे। ऊ परमेश्‍वर हेके, सेतेहें जे कनअ ऊ करलक आर कहलक उटा परमेश्‍वर केर काम आर बचन रहे। सेतेहें पबित्र-शास्त्र यीशु के परमेश्‍वर केर बचन कहेला।

![](https://cdn.door43.org/obs/jpg/360px/obs-en-48-13.jpg)

परमेश्‍वर राजा दाऊद लेक परतिंगा कइर रहे कि राजा केर रुप मेहेन उकर एकटा बंसज परमेश्‍वर केर लोग गिलाय हमेसा केर तेहें सासन करी। यीशु परमेश्‍वर केर बेटा आर मसीह हेके, सेतेहें ऊ राजा दाऊद केर बंसज हेके जे हमेसा केर तेहें राइज करे पारेला।

![](https://cdn.door43.org/obs/jpg/360px/obs-en-48-14.jpg)

दाऊद इस्राएल केर राजा रहे, किन्तु यीशु गोटा जगत केर राजा हेके! ऊ फिन आय घुरी आर हमेसा केर तेहें न्याय आर सान्ति केर संगे आपन राइज मेहेन सासन करी।

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानी 3:1-6, 4:14-5:10, 7:1-8:13, 9:11-10:18; प्रकासित बाक्य 21 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_48_256kbps.m4a

## 49. परमेश्‍वर केर नावा वाचा

https://openbiblestories.org/l/tdb/story-49/

![](https://cdn.door43.org/obs/jpg/360px/obs-en-49-01.jpg)

एकटा सरगदूत एकटा जुवान बेटी छुवा मरियम के कहलक कि ऊ परमेश्‍वर केर बेटा के जनम देइ। ऊ एखन डिंड़ा रहे, किन्तु पबित्रात्मा उकर पासे आलक आर ऊ भारीगात हलक। उकर एकटा बेटा के जनम देलक जेकर नाम ऊ यीशु राखलक। एहे तेहें, यीशु परमेश्‍वर आर मानुस देइयो हेके।

![](https://cdn.door43.org/obs/jpg/360px/obs-en-49-02.jpg)

यीशु ढेइरे चमत्कार केर काम गिला के करलक जेटा देखायला कि ऊ परमेश्‍वर हेके। ऊ पानी उपरे चललक आर आँधी के सान्त करलक। ऊ ढेइरे बीमार लोग गिला के चंगा करलक आर ढेइर लोग गिला लेक दुस्टात्मा गिला के बाहरलक। ऊ मरल लोग गिला के जीयँत कइर देलक, आर ऊ पाँचटा पिठा आर दुइटा माछ के पाँच हजार लोग गिला के खियायेक तेहें पर्याप्त खायेक मेहेन परिबर्तित कइर देलक।

![](https://cdn.door43.org/obs/jpg/360px/obs-en-49-03.jpg)

यीशु एकटा महान् शिक्षक रहे। जे कनअए ऊ सिखालक, उटा ऊ सिद्धता केर संगे सिखालक। जे ऊ लोग गिला लेक करेक तेहं कहेला उटा उके करेक चाही काहेकि ऊ परमेश्‍वर केर बेटा हेके। उदाहरन केर तेहें, ऊ सिखालक कि तोहरे के दसर लोग गिला के ओहे निहार लेक प्रेम करे केर दरकार आहे जेसन तोहरे खुद के प्रेम कराला।

![](https://cdn.door43.org/obs/jpg/360px/obs-en-49-04.jpg)

ऊ इटाउ सिखालक कि तोहरे सउब जिनिस गिला लेक बेसी आर आपन सम्पत्ति लेकउ बेसी परमेश्‍वर के प्रेम करेक चाही।

![](https://cdn.door43.org/obs/jpg/360px/obs-en-49-05.jpg)

यीशु कहलक कि संसार मेहेन कनअए चीज के पायेक लेक बेसी बेस आहे परमेश्‍वर केर राइज मेहेन हयेक। उकर राइज मेहेन तोहरे केर समायेक तेहें दरकार आहे कि परमेश्‍वर तोहरे के तोहरेक पाप गिला लेक बाँचाउक।

![](https://cdn.door43.org/obs/jpg/360px/obs-en-49-06.jpg)

यीशु कहलक कि थोड़ेक लोग गिला उके ग्रहन करबयँ। परमेश्‍वर उ लोग गिला के बाँचाइ। किन्तु दसर लोग गिला उके ग्रहन नाइ करबयँ। ऊ इटाउ कहलक कि थोड़ेक लोग गिला बेस भूँई केर समान आहयँ, काहेकि उमन यीशु केर बारे बेस खबर के स्वीकार कइर लेन्ला, आर परमेश्‍वर उमन के बाँचायला। किन्तु थोड़ेक लोग गिला डहर केर डाँट भूँई केर समान आहयँ। परमेश्‍वर केर बचन बिहिन केर समान डहरे गिरेला, किन्तु हुआँ कनअए नाइ उगेला। इ लोग गिला यीशु केर बारे मेहेन सन्देस के अस्वीकार कइर देन्ला। उमन उकर राइज मेहेन समायेक लेक इंकार कइर देन्ला।

![](https://cdn.door43.org/obs/jpg/360px/obs-en-49-07.jpg)

यीशु सिखालक कि परमेश्‍वर पापी गिला लेक बेजाइन प्रेम करेला। ऊ उमन के छमा करेक चाहेला आर उमन के आपन छुवा-पुता बनायेक चाहेला।

![](https://cdn.door43.org/obs/jpg/360px/obs-en-49-08.jpg)

यीशु इटाउ बतालक कि परमेश्‍वर पाप लेक घिरना करेला। काहेकि आदम आर हव्वा पाप करलयँ, सेतेहें उमन केर सउब बंसज गिलाउ पाप करलयँ। इ संसार मेहेन रहइया हर एक झन पाप करेला आर परमेश्‍वर लेक दूर आहे। हर एक झन परमेश्‍वर केर दुस्मन हेके।

![](https://cdn.door43.org/obs/jpg/360px/obs-en-49-09.jpg)

किन्तु परमेश्‍वर इ संसार मेहेन रहइया हर एक झन लेक इ निहार लेक प्रेम करलक: ऊ आपन एकेटा बेटा के दे देलक ताकि परनेश्‍वर उमन के दंड ना देउक जे उकर उपरे बिसास करयलाँ। इकर अलावा, उमन उकर संगे हमेसा केर तेहें रहबयँ।

![](https://cdn.door43.org/obs/jpg/360px/obs-en-49-10.jpg)

तोहरे मरेक लाइक आहा, काहेकि तोहरे पाप कइर आहा। तोहरे लेक परमेश्‍वर केर खिंसायेक उचिते हेके, इकर अपेछा, ऊ यीशु उपर खिंसाय हलक। ऊ यीशु के क्रूस केर मिरतु दे कहन दंड देलक।

![](https://cdn.door43.org/obs/jpg/360px/obs-en-49-11.jpg)

यीशु कबउ पाप नाइ करलक, किन्तु ऊ परमेश्‍वर के उके दंड देक देलक। ऊ मइर जायेक स्वीकार करलक। इ निहार लेक, तोहरेक पाप गिला के आर इ संसार मेहेन रहइया हर एक झन केर पाप गिला के उठाय ले जायेक तेहें ऊ एकटा सिद्ध बलिदान रहे। यीशु खुद के परमेश्‍वर केर तेहें बलिदान कइर देलक, सेतेहें परमेश्‍वर कनअए पाप के, हिआँ तक कि भयंकर पाप गिला कउ छमा करेला।

![](https://cdn.door43.org/obs/jpg/360px/obs-en-49-12.jpg)

भलेइ जदि तोहरे ढेइर बेस काम गिला के कराला, हले इकर दाराय परमेश्‍वर तोहरे के नाइ बाँचायला। उकर संगी बनेक तेहें एसन कनअए नेखे जे तोहरे करे पाराला। इकर अपेछा, तोहरे के बिसास करेक आहे कि यीशु परमेश्‍वर केर बेटा हेके, आर ऊ तोहरेक बदली मेहेन क्रूस उपरे मइर गेलक, आर इटाउ कि परमेश्‍वर उके फिन जीयँत कइर देलक। जदि तोहरे इ कथाय बिसास करा, हले परमेश्‍वर तोहरेक पाप गिला के छमा देइ।

![](https://cdn.door43.org/obs/jpg/360px/obs-en-49-13.jpg)

परमेश्‍वर उ हर एक झन के बाँचायला जे यीशु उपरे बिसास करेला आर उके आपन परभु स्वीकार करेला। किन्तु ऊ उमन के नाइ बाँचायला जे उकर उपरे बिसास नाइ करयलाँ। इटा कनअ मायने नाइ राखेला कि तोहरे धनी हेका चाहे गरीब हेका, पुरुस हेका चाहे बेटी छुवा, बूढ़ा चाहे जुवान हेका, चाहे तोहरे कहाँ रहाला। परमेश्‍वर तोहरे लेक प्रेम करेला आर चाहेला कि तोहरे यीशु उपरे बिसास करा कि ऊ तोहरे केर संगे बने पारुक।

![](https://cdn.door43.org/obs/jpg/360px/obs-en-49-14.jpg)

यीशु तके डाकतेहे कि उकर उपरे बिसास करिन आर बपतिस्मा लेहिन। का तयँ बिसास करिसला कि परमेश्‍वर केर एकेटा बेटा, यीशुवे मसीह हेके? का तयँ बिसास करिसला कि तयँ एकटा पापी हेकिस आर इटा कि तयँ परमेश्‍वर केर दाराय तके दंड देक लाइक आहिस? का तयँ बिसास करिसला कि तोहरेक पाप गिला के मेटायेक तेहें यीशु क्रूस उपरे मरलक?

![](https://cdn.door43.org/obs/jpg/360px/obs-en-49-15.jpg)

जदि तयँ यीशु उपरे आर जे ऊ तर तेहें कइर आहे उटाय बिसास करिसला, हले तयँ एकटा मसीही हेकिस! सयतान आपन अंधकार केर राइज मेहेन एधाँव तर उपरे सासन नाइ करेला। एधाँव परमेश्‍वर आपन आलो केर राइज मेहेन तर उपरे सासन करेला। ऊ तके पाप करेक लेक रइक दे आहे, जेटा के तयँ करत रहिस। ऊ तके एकटा नावा, उचित जीबन दे आहे।

![](https://cdn.door43.org/obs/jpg/360px/obs-en-49-16.jpg)

जदि तयँ एकटा मसीही हेकिस हले जे यीशु कइर आहे उटाक चलते परमेश्‍वर तर पाप गिला के छमा कइर दे आहे। एधाँव, परमेश्‍वर एकटा दुस्मन केर अपेछा तके एकटा घनिस्ठ संगे मानेला।

![](https://cdn.door43.org/obs/jpg/360px/obs-en-49-17.jpg)

जदि तयँ परमेश्‍वर केर संगी हेकिस आर परभु यीशु केर सेवक हेकिस हले तयँ उ कथा गिला केर पालन करे केर हिंछा राखबे जे यीशु तके सिखायला। भलेइ तयँ एकटा मसीही हेकिस, सयतान एखनउ पाप करेक तेहें तर परीछा करी। किन्तु परमेश्‍वर उटा करेला जेटा ऊ कहेला कि ऊ करी। ऊ कहेला कि जदि तयँ आपन पाप गिला के माइन लेबे, हले ऊ तके छमा कइर देइ। ऊ तके पाप केर बिरुद्ध लड़े केर सामर्थ देइ।

![](https://cdn.door43.org/obs/jpg/360px/obs-en-49-18.jpg)

परमेश्‍वर तके पारथना करेक आर उकर बचन के पढ़ेक तेहें कहेला। ऊ तके दसर बिसासी गिला केर संगे मिल कहन उकर आराधना करेक तेहेंउ कहेला। तके दसर लोग गिला कउ बतायेक आहे कि ऊ तोहरेक तेहें का कइर आहे। जदि तयँ इ सउब काम गिला के करबे, हले तयँ उकर एकटा पक्‍का संगी बइन जाबे।

*रोमि. 3:21-26, 5:1-11; योहन 3:16; मरकुस 16:16; कुलुस्सी 1:13-14; 2 कुरिन्थ 5:17-21; 1 योहन 1:5-10 लेक बाइबल केर एकटा कहनी*

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_49_256kbps.m4a

## 50. यीशु वापिस घुइर आयला

https://openbiblestories.org/l/tdb/story-50/

![](https://cdn.door43.org/obs/jpg/360px/obs-en-50-01.jpg)

करिबन 2,000 बछर लेक, संसार मेहेन सउब जायगाय बेसी लेक बेसी लोग गिला मसीह यीशु केर बारे बेस खबर के सुनोतहयँ। कलीसिया बाढ़ोतेहे। यीशु वादा कइर आहे कि ऊ संसार केर आखरी मेहेन वापिस घुइर आइ। ऊ एखन वापिस नाइ आय आहे, तेउ ऊ आपन वादा के पूरा करी।

![](https://cdn.door43.org/obs/jpg/360px/obs-en-50-02.jpg)

जखन कि हामरे यीशु केर वापिस घुइर आय केर इन्तजार करिला, परमेश्‍वर हामरे लेक एसन किसिम केर जीबन जीये केर इंछा करेला जेटा पबितर आहे आर जे उकर आदर करेला। जखन यीशु पिरथिबी मेहेन रहत रहे तखन ऊ कइह रहे, “मर चेला गिला गोटा संसार मेहेन सउब जायगाय लोग गिला के परमेश्‍वर केर राइज केर बारे बेस खबर परचार करबयँ, आर तखन संसार केर आखरी आय जाइ।”

![](https://cdn.door43.org/obs/jpg/360px/obs-en-50-03.jpg)

ढेइरे जाइत केर लोग गिला एखन तक यीशु केर बारे नाइ सुइन आहयँ। सरग घुइर जायेक लेक पहिले, यीशु बिसासी गिला के उ लोग गिला के बेस खबर सुनायेक कहलक जे गिला इटा के कबउ नाइ सुइन आहयँ। ऊ कहलक, “जावा, आर सउब जाइत केर लोग गिला के चेला बनावा!” आर “काटेक तेहें खेत पाइक चुइक आहे!”

![](https://cdn.door43.org/obs/jpg/360px/obs-en-50-04.jpg)

यीशु इटाउ कहलक, “कनअए लोग केर धाँगर आपन मालिक लेक बड़े नाइ हयला। इ संसार केर खास लोग गिला मर लेक दुस्मनी करलयँ, आर मर चलते तोहरे कउ सताबयँ आर मराय देबयँ। इ संसार मेहेन तोहरे पीड़ित हबा, किन्तु मजबूत बना, काहेकि मयँ सयतान के हराय दे आहँ जे संसार मेहेन राइज करेला। जदि तोहरे आखरी समइ तक मर तेहें बिसास लाइक बनल रहबा, हले परमेश्‍वर तोहरे के बाँचाइ!”

![](https://cdn.door43.org/obs/jpg/360px/obs-en-50-05.jpg)

यीशु आपन चेला गिला के इटा समझायेक तेहें एकटा कहनी सुनालक कि जखन संसार केर आखरी हयला तो लोग गिलाक संगे का होइ। ऊ कहलक, “कनअए लोग आपन खेत मेहेन बेस बिहिन के बुनलक। जखन ऊ निदात रहे तो उकर दुस्मन आलक आर गहम केर बिहिन गिलाक उपरे पसड़ा बिहिन गिला के बुइन देलक, आर फिन ऊ चइल गेलक।”

![](https://cdn.door43.org/obs/jpg/360px/obs-en-50-06.jpg)

“जखन बिहिन अंकुर हलक तो धाँगर गिला उ लोग टाके कहलयँ, ‘ए मालिक, तयँ तो आपन खेत मेहेन बेस बिहिन बुइन रहिस! तो फिन इटाय पसड़ा काहे आहे?’ उ लोग टा जबाब देलक, ‘इटा मर कनअ दुस्मन केर कामेइ हेके। मर कोनो दुस्मन आहे जे एसन कइर आहे

![](https://cdn.door43.org/obs/jpg/360px/obs-en-50-07.jpg)

“उ धाँगर गिला आपन मालिक के जबाब देलयँ, ‘का हामरे पसड़ा गिला के उखनाय देबिक?’ उ मालिक टा कहलक, ‘नाहीं। जदि तोहरे एसन करबा हले थोड़ेक गहम गिला कउ उखनाय देबा। काटेक समइ तक इन्तजार करा। तखन पसड़ा गिला के बिड़ा बाँइद कहन जामा करा ताकि तोहरे उटा के डुँड़काय पारा। किन्तु गहम गिला के मर घर मेहेन ले कहन आना।

![](https://cdn.door43.org/obs/jpg/360px/obs-en-50-08.jpg)

चेला गिला इ कहनी केर माने के नाइ बुझलयँ, सेतेहें उमन यीशु के उमन के समझायेक तेहें अर्जी करलयँ। यीशु कहलक, “बेस बिहिन बुनोइया लोग टा मसीह केर प्रतिनिधित्व करेला। खेत संसार केर प्रतिनिधित्व करेला। बेस बिहिन परमेश्‍वर केर राइज केर लोग गिलाक प्रतिनिधित्व करेला।”

![](https://cdn.door43.org/obs/jpg/360px/obs-en-50-09.jpg)

“पसड़ा उ दुस्ट लोग गिला, सयतान केर लोग गिला केर प्रतिनिधित्व करयँला। उ मानुस केर दुस्मन सयतान केर प्रतिनिधित्व करेला, जे पसड़ा बिहिन गिला के दे रहे। कटनी इ संसार केर आखरी केर प्रतिनिधित्व करेला, काटोइया गिला परमेश्‍वर केर सरगदूत गिला केर प्रतिनिधित्व करयँला।”

![](https://cdn.door43.org/obs/jpg/360px/obs-en-50-10.jpg)

“जखन संसार केर आखरी हइ तखन सरगदूत गिला उ सउब लोग गिला के एके संगे जामा करबँय जे सयतान केर हेकयँ। उ सरगदूत गिला उमन के एकटा बेजाइन गरम आइग मेहेन फेंइक देबयँ। हुआँ उ लोग गिला भयंकर सताव मेहेन काँदबयँ आर आपन दाँत किटकिटाबयँ। किन्तु जे गिला धर्मी हेकयँ, जे यीशु केर पेछुवे चइल आहयँ, उमन उमनेक परमेश्‍वर बाप केर राइज मेहेन सूरुज केर समान चमकबयँ।”

![](https://cdn.door43.org/obs/jpg/360px/obs-en-50-11.jpg)

यीशु इटाउ कहलक कि ऊ संसार केर आखरी होयेक लेक पहिले पिरथिबी मेहेन घुइर आइ। ऊ ओहे निहारे वापिस घुइर आइ जेसन ऊ जाय रहे। यानीकि उकर पासे बास्तबिक गात होइ, आर आकाश मेहेन बादइर मेहेन सवार हय कहन आइ। जखन यीशु घुइर आइ, तो हर एक बिसासी गिला जे मइर चुइक आहयँ मरल मइध लेक जीयँत हय घुरबयँ आर उकर संगे आकाश मेहेन भेंट करबयँ।

![](https://cdn.door43.org/obs/jpg/360px/obs-en-50-12.jpg)

तखन जे बिसासी गिला एखनउ जीयँत आहयँ उमन आकाश मेहेन उठाल जाबयँ आर उ दसर बिसासी गिला संगे सामिल हय जाबयँ जे मरल मइध लेक जीयँत हय घुरबयँ। उ सउब हुआँ यीशु केर संगे हबयँ। उकर बादे, यीशु आपन लोग गिला संगे रही। जखन उमन एके संगे रहयँला हले उमनेक पासे सदा केर तेहें पूरा शान्ति हइ।

![](https://cdn.door43.org/obs/jpg/360px/obs-en-50-13.jpg)

यीशु उकर उपरे बिसास करइया हर एक झन के एक टा मुकुट दे केर परतिंगा कइर आहे। उमन हमेसा केर तेहें परमेश्‍वर केर संगे हर एक जिनिस उपरे शासन करबयँ। उमनेक पासे सिद्ध शान्ति हइ।

![](https://cdn.door43.org/obs/jpg/360px/obs-en-50-14.jpg)

किन्तु परमेश्‍वर उ सउब केर फयसला करी जे यीशु उपरे बिसास नाइ करयँला। ऊ उमन के नरक मेहेन डाइल देइ। हुआँ उमन कान्दबयँ आर आपन दाँत किटकिटाबयँ, आर उमन हमेसा तड़पते रहबयँ। कबउ नाइ निंझइया आइग उमन के लगातार पड़ाते रही, आर पोका उमन के खायेक हका नाइ करबयँ।

![](https://cdn.door43.org/obs/jpg/360px/obs-en-50-15.jpg)

जखन यीशु घुइर आयला, हले ऊ पूरी रीति लेक सयतान के आर उकर राइज के नास कइर देइ। ऊ सयतान के नरक मेहेने डाइल देइ। हुआँ सयतान हमेसा केर तेहें जरते रही, उ सउब केर संगे जे गिला परमेश्‍वर केर कथा गिला के मानेक बदली सयतान केर पेछुवे चले केर चुनाव कइर रहयँ।

![](https://cdn.door43.org/obs/jpg/360px/obs-en-50-16.jpg)

काहेकि आदम आर हव्वा परमेश्‍वर केर आग्या के नाइ माइन रहयँ आर पाप के इ संसार मेहेन ले कहन आइन रहयँ, परमेश्‍वर उमन के स्राप देलक आर उटाके नास करे केर निर्नय करलक। किन्तु कनअए दिन परमेश्‍वर एकटा नावा सरग आर नावा पिरथिबी केर रचना करी जेटा सिद्ध हइ।

![](https://cdn.door43.org/obs/jpg/360px/obs-en-50-17.jpg)

मत्ती 24:14; 28:18; योहन 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकि 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 लेक एकटा बाइबल केर कहनी।

Audio: https://git.door43.org/translationCore-Create-BCS/tdb_obs/releases/download/v1/tdb_obs_v1_50_256kbps.m4a