# unfoldingWord Open Bible Stories — Tetun Dili

- Language code: `tdt`
- Canonical page: https://openbiblestories.org/l/tdt/
- Stories in this file: 50 of 50
- Published by: bahtraku
- Last release: 2026-04-17
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Tetun Dili translation; it is not a translation of the whole Bible.

## 1. Kriasaun

https://openbiblestories.org/l/tdt/story-1/

![](https://cdn.door43.org/obs/jpg/360px/obs-en-01-01.jpg)

Nune'e mak Maromak kria fou-foun buat hotu. Nia kria buat hotu iha mundu ne'e iha loron neen nia laran. Iha momentu ne'ebá Maromak kria mundu, mundu sei nakukun no mamuk no Nia seidauk kria buat ida iha laran. Maibe Espíritu Maromak nian mak iha ne'ebá namlele hela iha bee nia leten.

![](https://cdn.door43.org/obs/jpg/360px/obs-en-01-02.jpg)

No Maromak hatete,"sai ba naroman!" No naroman ne'e iha. Maromak haree naroman ne'e di'ak no Nia hanaran "Loron". Nia haketak naroman ne'e husi nakukun, ne'ebé Nia hanaran "kalan. Maromak kria naroman ba loron dahuluk kriasaun nian.

![](https://cdn.door43.org/obs/jpg/360px/obs-en-01-03.jpg)

Kriasaun ba loron dá-ruak nian, Maromak hatete, "sai ba kalohan/abu-abu iha bee leten." No kalohan/abu-abu ne'e mós iha. Maromak hanaran kalohan/abu-abu ne'e "Lalehan".

![](https://cdn.door43.org/obs/jpg/360px/obs-en-01-04.jpg)

Ba loron dá-toluk, Maromak hatete, "husik ba bee halibur iha fatin ida, no mosu mai rai ne'ebé maran." Nia hanaran parte ne'ebé maran ne'e "Rai-maran", no Nia hanaran bee ne'e "Tasi". Maromak haree katak buat ne'ebé Nia kria ne'e Di'ak.

![](https://cdn.door43.org/obs/jpg/360px/obs-en-01-05.jpg)

No Maromak hatete, "husik ba rai rezulta ai-hun no ai-horis oi-oin." No ida-ne'e mak akontese. Maromak haree katak buat ne'ebé Nia kria ne'e Di'ak.

![](https://cdn.door43.org/obs/jpg/360px/obs-en-01-06.jpg)

Kriasaun ba loron dá-haat nian, Maromak hatete, "sai ba naroman iha Lalehan." No mosu mai loro-matan, fulan, no fitun. Maromak halo buat sira ne'e hodi fó-naroman Mundu no hodi marka ba loron no kalan, tempu(époka) no tinan. Maromak haree katak buat ne'ebé Nia kria ne'e Di'ak.

![](https://cdn.door43.org/obs/jpg/360px/obs-en-01-07.jpg)

Ba loron dá-limak, Maromak hatete, "husik ba kriatura moris nakonu iha bee, no manu sira semo iha lalehan."Nune'e mak Nia halo buat hotu ne'ebé nani iha bee no manu sira iha lalehan. Maromak haree katak buat hotu ne'e di'ak, no Nia fó bensaun ba buat sira ne'e hotu.

![](https://cdn.door43.org/obs/jpg/360px/obs-en-01-08.jpg)

kriasaun ba loron dá-neen nian, Maromak hatete, "sai ba animal oi-oin ne'ebé iha rai-maran!" No sai ba hanesan ida-ne'ebé Maromak dehan. Tipu balun husi animal rai-maran, balun husi animal ne'ebé dolar iha rai, no balun husi animal fuik. No Maromak haree katak buat sira ne'e Di'ak.

![](https://cdn.door43.org/obs/jpg/360px/obs-en-01-09.jpg)

Depois Maromak hatete, "di'ak bainhira ita halo Ema tuir ita nia imajen no tuir ita nia illas. Sira sei ukun mundu no animal sira."

![](https://cdn.door43.org/obs/jpg/360px/obs-en-01-10.jpg)

No Maromak foti Rai, forma(komu/buti) sai ema, no huu iis moris ba Nia. Ema ne'e fó-naran Adaun. Maromak halo jardin ida ne'ebé luan tebes iha-ne'ebé Adaun hela ba, no tau Nia iha-ne'ebá hodi kuidadu jardin ne'e.

![](https://cdn.door43.org/obs/jpg/360px/obs-en-01-11.jpg)

Iha jardin ne'e Nia klaran, Maromak tau ai-hun espesial rua mak Ai-hun Moris nian no Ai-hun koñesimentu kona-ba ida-ne'ebé di'ak no ida-ne'ebé ladi'ak. Maromak dehan ba Adaun katak Nia bele han ai-fuan hotu husi ai-hun sira ne'ebé iha jardin ne'e nia laran ekseptu ai-fuan husi ai-hun koñesimentu kona-ba ida-ne'ebé di'ak no ida-ne'ebé ladi'ak. Bainhira Nia han ai-fuan husi ai-hun ne'e, Nia sei mate.

![](https://cdn.door43.org/obs/jpg/360px/obs-en-01-12.jpg)

No Maromak hatete, "la di'ak bainhira Ema ida moris mesak." Maibe laiha ida husi animal sira ne'e mak sai Adaun nia Salvador.

![](https://cdn.door43.org/obs/jpg/360px/obs-en-01-13.jpg)

Depois Maromak halo Adaun toba ho di'ak. Bainhira Adaun toba tiha no Maromak forma Feto ida husi Adaun nia knosen no hotu tiha Maromak lori Feto ne'e ba Adaun.

![](https://cdn.door43.org/obs/jpg/360px/obs-en-01-14.jpg)

Bainhira Adaun haree Nia(Feto), Adaun dehan, "Finalmente! ne'e hanesan ho Hau! no adaun hanaran Nia 'Feto' ne'ebé signifika kria husi Mane ida." Tan ne'e mak Mane ida tenki husik hela Nia Apa ho Ama no sai ida ho Nia fen.

![](https://cdn.door43.org/obs/jpg/360px/obs-en-01-15.jpg)

Maromak kria Mane no Feto tuir imajen no illas Maromak nian. Maromak fó bensaun sira no dehan ba sira. Oan beioan ba no halo nakonu ba mundu ne'e. No Maromak haree buat hotu ne'ebé Nia kria di'ak tebes no Maromak Kontenti tebes ba buat sira ne'e. Buat hotu akontese iha loron dá-neen husi kriasaun.

![](https://cdn.door43.org/obs/jpg/360px/obs-en-01-16.jpg)

Iha loron dá-hituk. Maromak remata ona Nia obra kriasaun ne'ebé Nia halo tiha ona. Maromak fó bensaun ba loron dá-hituk no hallo santu loron ne'e tamba iha loron refere Maromak para husi Nia obra kriasaun. Ida ne'e kona-ba maneira oinsa Maromak kria universu no buat hotu iha laran.

*Istoria biblia husi: Jenesis 1-2*

## 2. Pekadu tama mai mundu

https://openbiblestories.org/l/tdt/story-2/

![](https://cdn.door43.org/obs/jpg/360px/obs-en-02-01.jpg)

Adaun ho Nia fen kontenti teb-tebes hela iha jardim ne'ebé furak ida-ne'ebé Maromak halo ba sira. Sira nain-rua la uza roupa, maibe ida-ne'e la halo sira senti moe tamba laiha pekadu iha mundu. Sira dalabarak lao iha jardin no ko'alia ho Maromak.

![](https://cdn.door43.org/obs/jpg/360px/obs-en-02-02.jpg)

Maibe iha Samea ida iha jardin ne'e. Samea ne'e fila lia maka'as. Nia husu ba feto ne'e, "loos ka Maromak bandu teb-tebes han ai-fuan husi ai-hun sira iha jardin ne'e?

![](https://cdn.door43.org/obs/jpg/360px/obs-en-02-03.jpg)

Feto ne'e hatan,"Maromak hatete mai ami bele han ai-fuan husi ai-hun sira hotu ekseptu husi ai-hun koñesimentu kona-ba ida-ne'ebé diak no ida-ne'ebé ladiak. Maromak hatete mai ami, sé ó han ai-fuan ne'e ka maske kaer de'it, ó sei mate.'"

![](https://cdn.door43.org/obs/jpg/360px/obs-en-02-04.jpg)

Samea hatan ba feto ne'e,"ida-ne'e la loos! ó sei la mate. Maromak hatene de'it katak bainhira ó han ai-fuan ne'e, ó sei sai hanesan Maromak no sei komprende ida-ne'ebé di'ak no ida-ne'ebé ladi'ak hanesian Nia.

![](https://cdn.door43.org/obs/jpg/360px/obs-en-02-05.jpg)

Feto ne'e haree katak ai-fuan ne'e furak no midar. Nia mós hakarak sai matenek, nune'e Nia ku'u ai-fuan balun no han. Depois Nia fó balun ba Nia laen,ida-ne'ebé hamutuk ho Nia, no Nia mós han.

![](https://cdn.door43.org/obs/jpg/360px/obs-en-02-06.jpg)

Derepente, Sira-nia matan nakloke no sira hatene katak sira molik. Sira koko taka sira-nia isisn-lolon ho suku ai-tahan hamutuk hodi halo sai roupa.

![](https://cdn.door43.org/obs/jpg/360px/obs-en-02-07.jpg)

Depois Ema(mane) ne'e ho Nia fen rona maromak Nia lian ne'ebé la'o hela liu-husi jardin. Sira nain-rua subar husi Maromak. Depois Maromak bolu Ema(mane) ne'e,"ó iha-ne'ebé?"Adaun hatan,"Hau rona hela ita-boot la'o hela iha jardin ne'e, depois Hau sai taulk tamba Hau molik; tamba ne'e Hau subar."

![](https://cdn.door43.org/obs/jpg/360px/obs-en-02-08.jpg)

Depois Maromak husu,"sé mak fó-hatene ba ó, katak ó molik? ka ó han ona ai-fuan ida-ne'ebé Hau bandu ó han ne'e? "Ema(mane) ne'e hatan, "feto ida-ne'ebé ita-boot fó-mai Hau, Nia mak fó ai-fuan ne'e mai Hau. "Depois Maromak husu ba feto ne'e, "saida mak ó halo ona ne'e? "Feto ne'e hatan,"samea ne'e mak kontrola Hau.

![](https://cdn.door43.org/obs/jpg/360px/obs-en-02-09.jpg)

Maromak hatete ba samea ne'e, "Malisan ba ó! ho ó Nia kabun mak ó sei dolar, no rai-rahun mak ó sei han. Hau sei halo inimigu entre ó ho feto ne'e, entre ó Nia jerasaun ho Nia jerasaun; Nia jerasaun sei harahun ó Nia ulun, non ó sei harahun Nia ain-tuban.

![](https://cdn.door43.org/obs/jpg/360px/obs-en-02-10.jpg)

Depois Maromak hatete ba feto ne'e,"Hau sei halo ó todan tebes bainhira ó sei hahoris oan. ó sei hakarak ó ia laen, no Nia sei ukun ó.

![](https://cdn.door43.org/obs/jpg/360px/obs-en-02-11.jpg)

Maromak hatete ba Ema(mane) ne'e,"ó rona ó-nia fen nia lian no la rona Hau-nia orden. Agora rai ne'e hetan ona malisan, no ho kosar mak ó sei buka ó-nia hahan. Depois ó sei mate no ó-nia isin sei fila-fali ba rai. Ema(mane) ne'e fó naran EVA ba nia fen, ne'ebé signifika "Fó Moris,"tamba Nia sei sai Inan ba Ema hotu. No Maromak foó-hatais roupa husi animal nia kulit ba Adão ho Eva.

![](https://cdn.door43.org/obs/jpg/360px/obs-en-02-12.jpg)

Depois Maromak hatete,"Agora Ema sai ona hanesan ita ne'ebé hatene ida-ne'ebé di'ak no ida-ne'ebé ladi'ak, sira la hetan lisensa hodi han ai-fuan husi ai-hun Moris nian no moris ba nafatin. "Nune'e Maromak duni Adaun ho Eva sai husi jardim ne'e. Maromak tau Anju sira ne'ebé forsa iha odamatan tama jardim nian hodi evita sé de'it mak han ai-fuan husi ai-hun Moris nian.

*Istoria biblia husi: Jenesis 3*

## 3. Inundasaun Bo'ot

https://openbiblestories.org/l/tdt/story-3/

![](https://cdn.door43.org/obs/jpg/360px/obs-en-03-01.jpg)

Liu tiha tempu naruk, Ema barak moris iha mundu. Sira sai aat no kruel teb-tebes. Kondisaun sai aat tebes to'o Maromak deside atu estraga mundu tomak ho inundasaun ne'ebé boot tebes.

![](https://cdn.door43.org/obs/jpg/360px/obs-en-03-02.jpg)

Maibe Maromak haksolok ho Noe. Nia mak ema loos ida-ne'ebé moris iha ema aat sira nia leet. Maromak fó-hatene ba Noe katak Nia sei halo inundasaun boot. Ho nune'e, Nia haruka Noe hodi halo ró ida-ne'ebé boot teb-tebes.

![](https://cdn.door43.org/obs/jpg/360px/obs-en-03-03.jpg)

Maromak fó-hatene Noe hodi halo ró ho nia naruk maizoumenuz metru 140, luan metru 23, no aas metru 13,5. Noe tenki halo ho ai no halo andar tolu, kuartu barak, uma-kakuluk, no janela. Ró ida-ne'e sei halo Noe, Nia familia, no animal rai-maran oi-oin seguru durante inundasaun.

![](https://cdn.door43.org/obs/jpg/360px/obs-en-03-04.jpg)

Noe halo tuir Maromak. Nia no Nia oan mane nain-tolu konstrui ró hanesan ho ida-ne'ebé Maromak haruka ba sira. Presija tempu tinan ba tinan hodi halo ró ne'e tamba nia tamañu ne'ebé boot tebes. Noe fó-hanoin ema sira kona-ba inundasaun ne'ebé sei mai no haruka sira hodi fila-fali ba Maromak, maibe sira la fiar ba Nia.

![](https://cdn.door43.org/obs/jpg/360px/obs-en-03-05.jpg)

Maromak mós haruka Noe no nia familia hodi halibur ai-han ne'ebé natoon ba sira-nia aan rasik no animal sira. Bainhira buat hotu prontu ona, Maromak fó-hatene Noe katak tempu to'o ona ba nia, nia fen, nia oan mane nain-tolu, no sira-nia fen hodi tama ba ró laran - sira ne'e hamutuk ema nain-ualu.

![](https://cdn.door43.org/obs/jpg/360px/obs-en-03-06.jpg)

Maromak haruka animal aman no inan ida husi kada tipu animal no manu ba Noe hodi sira bele tama ba ró laran no hetan salva durante inundasaun. Maromak haruka animal aman hitu no animal inan hitu husi kada tipu animal ne'ebé bele uza hanesan sakrifisiu. Bainhira sira hotu iha tiha ona ró laran, Maromak rasik mak taka odamatan.

![](https://cdn.door43.org/obs/jpg/360px/obs-en-03-07.jpg)

Depois udan komesa tunba bebeik. Udan tun durante loron 40 no kalan 40 la para! Bee mós suli sai husi rai okos. Buat hotu iha mundu tomak taka ho bee, inklui foho sira ne'ebéaas liu.

![](https://cdn.door43.org/obs/jpg/360px/obs-en-03-08.jpg)

Buat hotu-hotu ne'ebé moris iha rai-maran mate ekseptu ema no animal ne'ebé iha ró laran. Ró ne'e namlele iha bee leten no kuidadu buat hotu-hotu ne'ebé iha ró laran hodi labele mout.

![](https://cdn.door43.org/obs/jpg/360px/obs-en-03-09.jpg)

Depois udan para, ró ne'e namlele iha bee leten durante fulan lima, no durante tempu ne'e mós bee komesa tun. Depoiz, loron ida, ró ne'e sadere iha foho tutun, maibe mundu sei taka ho bee. Liu tiha fulan tolu, foho tutun sira komesa mosu.

![](https://cdn.door43.org/obs/jpg/360px/obs-en-03-10.jpg)

Liu tiha loron 40, Noe haruka manu ida-ne'ebé hanaran manu kawaa(gagak) hodi haree bee maran ona ka seidauk. Manu kawaa ne'e semo ba mai hodi buka rai-maran, maibe nia la hetan.

![](https://cdn.door43.org/obs/jpg/360px/obs-en-03-11.jpg)

Depoiz Noe haruka manu ida ne'ebé hanaran manu pombu. Maibe manu ne'e mós labele hetan rai-maran, entaun nia fila-fali ba Noe. Liu tiha semana ida, Noe haruka tan manu pombu ne'e, no manu ne fila-fali ba Noe ho sanak ai-oliveira iha nia ibun! Bee komesa tun no ai-horis sira komesa moris tan!

![](https://cdn.door43.org/obs/jpg/360px/obs-en-03-12.jpg)

Noe hein tan semana ida no haruka manu pombu ne'e ba dala tolu. Iha ne'e, manu pombu ne'e hetan fatin atu deskansa no la fila-fali. Bee komesa maran!

![](https://cdn.door43.org/obs/jpg/360px/obs-en-03-13.jpg)

Fulan rua tuir mai, Maromak dehan ba Noe, "ó no ó-nia familia inklui mós animal hotu-hotu bele sai husi ró agora. Oan beioan barak ba no halo nakonu mundu ba."Nune'e, Noe no nia familia mós sai husi ró laran.

![](https://cdn.door43.org/obs/jpg/360px/obs-en-03-14.jpg)

Depoiz Noe tun husi ró, Nia konstrui altar ida no sakrifika animal balun husi kada tipu animal ne'ebé bele uza hanesan sakrifisiu. Maromak haksolok ho sakrifisiu ne'e no haraik bensaun ba Noe no nia familia.

![](https://cdn.door43.org/obs/jpg/360px/obs-en-03-15.jpg)

Maromak hatete, "Hau promete atu sei la fó ne'ebé malisan tan ba rai ne'e tamba hahalok aat ne'ebé ema halo, ka estraga mundu ho hamosu inundasaun, maske ema iha ona tendensia halo pekadu husi ki'ikoan."

![](https://cdn.door43.org/obs/jpg/360px/obs-en-03-16.jpg)

Tuir mai Maromak halo arko-iris dah-uluk nu'udar sinal ba Nia promesa. No bainhira arko-iris mosu iha lalehan, Maromak sei rekorda fila-fali saida mak Nia promete ona no nune'e mós ho Nia povu sira.

*A Bible story from: Genesis 6-8*

## 4. Maromak nia promesa ho Abraun

https://openbiblestories.org/l/tdt/story-4/

![](https://cdn.door43.org/obs/jpg/360px/obs-en-04-01.jpg)

Tinan barak liu ona depoiz inundasaun boot, ema sei nakonu iha mundu no sira sei halo sala ba Maromak no ba malu. Tamba sira hotu ko'alia lian ne'ebé mak hanesan, sira halibur hamutuk no forma sidade ida. Sira la halo tuir Nai Nia orden atu namkari iha mundu laran.

![](https://cdn.door43.org/obs/jpg/360px/obs-en-04-02.jpg)

Sira foti-an tebes, no la obedese ba Nai Nia orden atu moris loloos. Liu-liu tan sira komesa harii Tóre aas liu besik to'o iha lalehan. Nai Maromak haree katak se sira nafatin moris hamutuk hodi halo krime, sira sei halo pekadu barak liu tan.

![](https://cdn.door43.org/obs/jpg/360px/obs-en-04-03.jpg)

Tan ne'e Nai muda sira Nia lian sai lian oi-oin ne'ebé la hanesan no hafahe sira ba mundu rai klaran. Sidade ne'ebé sira harii ne'e hanaran Babel ka signifika "Konfuzaun".

![](https://cdn.door43.org/obs/jpg/360px/obs-en-04-04.jpg)

Tinan atus ba atus tuir mai Nai ko'alia ba mane ida naran Abraun. Nai Maromak hatete ba Nia, " Husik ó-nia nasaun no ó-nia familia hodi la'o ba nasaun ida-ne'ebé Hau sei hatudu ba ó. Hau sei fó bensaun ba ó no halo ó-nia jerasaun sai povu boot ida. Hau sei hamorin ó nia naran. Hau mós sei fó bensaun ba ema ne'ebé fó bensaun ba ó no fó malisan ba sira ne'ebé fó malisan ba ó. Ema hotu iha mundu sei hetan bensaun tamba ó.

![](https://cdn.door43.org/obs/jpg/360px/obs-en-04-05.jpg)

Abraun rona ba Maromak nia orden no halo tuir. Nia lori mós ho nia fen, Sarai, hamutuk mós ho nia atan sira hotu inklui buat ne'ebé nia iha hodi bá iha nasaun ne'ebé Maromak haruka nia atu ba, Nia mak rai kanaan.

![](https://cdn.door43.org/obs/jpg/360px/obs-en-04-06.jpg)

Bainhira Abraun to'o ba iha rai kanaan, Maromak hatete, "Haree ba ó nia sorin loos no karuk. Hau sei fó nasaun ne'e tomak ba ó, no ó nia jerasaun sei sai nain. "Nune'e Abraun hela metin iha nasaun ne'e.

![](https://cdn.door43.org/obs/jpg/360px/obs-en-04-07.jpg)

Iha mós mane ida naran Melkisedek, Nia nu'udar Maromak Poderozu Nia Saserdote ida. Loron ida, bainhira Abraun funu hotu, Nia ho Abraun hasoru malu. Melkisedek fó bensaun ba Abraun no dehan, "Maromak poderozu nain ba lalehan no rai, fó bensaun ba Abraun. "Depoiz Abraun fó presente(oituan husi nia rikusoin) balun ne'ebé Nia hetan husi manán funu ba Melkisedek.

![](https://cdn.door43.org/obs/jpg/360px/obs-en-04-08.jpg)

Tinan balun liu ona, maibe Abraun no Sarai seidauk hetan oan-mane. Nai Maromak ko'alia ba Abraun no promete tan ba Nia katakNia sei hetan oan-mane ida no Nia jerasaun sei nakonu hanesan fitun iha lalehan. Abraun fiar ba Nai nia promesa. Maromak deklara katak Abraun ema loos tamba Nia fiar ba Maromak nia promesa.

![](https://cdn.door43.org/obs/jpg/360px/obs-en-04-09.jpg)

Tuir mai Maromak halo promesa ho Abraun. Promesa nu'udar konkordansia entre parte rua hodi halo buat ruma ba ida no seluk. Maibe iha kazu ida ne'e, Maromak promete ba Abraun bainhira nia toba dukur hela, maske nune'e Abraun sei bele rona Maromak Nia lian. Maromak dehan, "Hau sei fó ba ó, oan-mane ida husi ó-nia ran rasik, Hau sei fó rai kanaan ba ó-nia jerasaun. "Maibe Abraun seidauk hetan nafatin oan-mane.

*A Bible story from: Genesis 11-15*

## 5. Oan husi Promesa

https://openbiblestories.org/l/tdt/story-5/

![](https://cdn.door43.org/obs/jpg/360px/obs-en-05-01.jpg)

Tinan sanulo liu ba Abraun ho nia fe'en Sarai to'o iha rai kanaan. no sira sedauk iha oan nune'e, Sarai dehan ba Abraun. katak, hau ferik liu ona la bele iha oan tanba ne'e mak atan feto ida hosi hau no kaben ho nia nune'e nia bele partus oan ba o Abraun.

![](https://cdn.door43.org/obs/jpg/360px/obs-en-05-02.jpg)

Nune'e Abraun kaben Hagar. Hagar partus oan mane ida, Abraun tau nia naran Ismael. iha tempu ida Sarai hirus ba Hagar. Bainhira Ismael halo ba tinan sanulu-resin-tolu. Maromak nafatin koalia ba Abraun.

![](https://cdn.door43.org/obs/jpg/360px/obs-en-05-03.jpg)

Maromak fo hanoin ba Abraun, katak Hau mak Maromak ida ne'ebe forsa bot liu Hau sei fo promesa ida ba o Abraun ho nune'e atu o nia fiar metin iha rai. Maromak mos kolia ba Abraun. O mak se sai aman ba oan ne'ebe barak. Iha rai Kanaan mos sai hanesan imi nia, ho nune'e hau se sai Maromak ba sira durante sira nia moris tomak, no o mos sei kapa o nia oan sira iha familia.

![](https://cdn.door43.org/obs/jpg/360px/obs-en-05-04.jpg)

Ó-nia fen, Sarai, sei hahoris labarik mane ida ne'ebe fiar ba promesa Maromak nian Abraun tau nia naran Izak. hau se fo haoin nia kona-ba promesa ba nia. nia se forma sucu bot ida. hau mos se forma Ismael sai sucu bot hanesan mos Ishak." ho nune'e makromak muda abraon nia naran. abraham. katak aman oan barak, nune'e mos maromak muda sarai nia naran.ba sara katak inan ba oan barak.

![](https://cdn.door43.org/obs/jpg/360px/obs-en-05-05.jpg)

Iha loron ne'ebá Abraon halo sirkunsizaun ba mane hotu-hotu iha nia familia. Maizoumenuz tinan-ida liu tiha, bainhira Abraun ho idade atus-ida, no sara sia-nulu, sara hahoris labarik mane ida. Sira fo naran Ishak, hanesan ida ne'ebe maromak haruka ba sira.

![](https://cdn.door43.org/obs/jpg/360px/obs-en-05-06.jpg)

momentu ishak se joven, maromak koko abraun nia fé hodi dehan, "Foti ba Ishak, o-nia mesak ne'e, no oho nia hanesan sakrifísiu ida mai Hau." Dala ida tan, abraun obedese ba Maromak. Abraon prepara an hodi sakrifika nia oan.

![](https://cdn.door43.org/obs/jpg/360px/obs-en-05-07.jpg)

Bainhira, abraun ho nia oan Ishak la'o ba fatin sakrifisiu, ishak husu nia-aman ita iha ai hodi sunu ba Sakrifisiu maibe iha ne'ebe maka ita atu hetan bibi mala'e nia oan?" Abraun hatan, "Maromak sei prepara bibi malae nia-oan hodi sai sakrifisiu, Hau-oan.

![](https://cdn.door43.org/obs/jpg/360px/obs-en-05-08.jpg)

Bainhira sira to'o iha fatin Sakrifisiu, Abraun kesi nia oan, Ishak, no hatoba nian iha ia-trunku nia leten. Nia atu oho nia oan maibe maromak kolia ba Abraun, "Para! la bele hakanek labarin ne'e! Agora Hau hatene katak o iha fiar mai Hau nune'e o la tahan o-nia oan mesak ne'e mai Hau.

![](https://cdn.door43.org/obs/jpg/360px/obs-en-05-09.jpg)

Abraun haree, iha nia sorin, iha bibi-malae aman ida belit iha du'ut laran. Maromak prepara tiha ona bibi-malae aman ne'e sai hanesan oferta hodi troka fali ishak. Abraun ho kontenti mos ba kaer bibi ne'e, atu fo sakrifisiu ba maromak.

![](https://cdn.door43.org/obs/jpg/360px/obs-en-05-10.jpg)

Depois maromak dehan ba Abraun, "Tanba o prontu atu fo buat hotu mai Hau, maske o-nia oan mesak, Hau promete hodi fo bensaun o. o nia jerasaun sei barak liu fitun sira iha lalehan. Tanba o obedese ona mai Hau, Hau sei fo bensaun familia hotu iha mundu liu husi o-nia familia.

*A Bible story from: Genesis 16-22*

## 6. Nai Maromak haraik ba Izak

https://openbiblestories.org/l/tdt/story-6/

![](https://cdn.door43.org/obs/jpg/360px/obs-en-06-01.jpg)

Bainhira Abraun idade ona, nia oan Izak mos sai ona joven matúr ida. Depoiz Abraun delega nia atan ida hodi lao ba nia maun-alin maluk sira nia rai hela fatin hodi buka feto ida ba nia oan mane, Izak.

![](https://cdn.door43.org/obs/jpg/360px/obs-en-06-02.jpg)

Bainhira Abraun nia atan lao do’ok tebes to’o ba iha Abraun nia maun-alin sira nia hela fatin, Nai Maromak gia atan ne’e ba hasoru Ribka. Ribka nu’udar Abraun nia beioan husi Abraun nia maun-alin.

![](https://cdn.door43.org/obs/jpg/360px/obs-en-06-03.jpg)

Ribka konkorda atu husik hela nia família no ba tuir atan ne’e hodi fila ba Izak nia uma. Bainhira Ribka to’o, Izak kaben kedan ho nia.

![](https://cdn.door43.org/obs/jpg/360px/obs-en-06-04.jpg)

Tempu balun liu tiha, Abraun mos mate. Depois Maromak fo bensaun ba Abraun nia oan Izak tamba promesa ne’ebe Nia halo ona ho Abraun. Nai nia promesa sira inkui ida mak Abraun nia jerasaun sei barak to’o sura labele. Maibe Izak nia fen, Ribka, seidauk bele hetan oan.

![](https://cdn.door43.org/obs/jpg/360px/obs-en-06-05.jpg)

Izak halo orasaun ba Ribka, no Nai Maromak fo licensa ba Ribka hodi hetan oan kaduak. Bebe kaduak rua ne’e kontra malu bainhira sira sei iha Ribka nia kabun laran, tan ne’e Ribka husu ba Maromak saida mak akontese daudaun.

![](https://cdn.door43.org/obs/jpg/360px/obs-en-06-06.jpg)

Nai Maromak hatete ba Ribka, “O sei hahoris oan mane nain-rua. Sira nain-rua nia jerasaun sei sai povu rua ne’ebe diferensa. Sira sei kontra malu. Maibe povu ne’ebe mai husi o nia oan dahuluk sei obedese ba povu ne’ebe mai husi o nia oan ikun.”

![](https://cdn.door43.org/obs/jpg/360px/obs-en-06-07.jpg)

Bainhira Ribka nia oan-sira moris, oan mane dahuluk nia isin fulun barak no kor mean uituan, nune’e sira hanaran nia Izau. Hafoin oan ikun sai tuir mai ho nia liman kaer Izaun nia ain-tuban, no sira hanaran nia Jakó.

*A Bible story from: Genesis 24:1-25:26*

## 7. Nai Maromak haraik bensaun ba Jakó

https://openbiblestories.org/l/tdt/story-7/

![](https://cdn.door43.org/obs/jpg/360px/obs-en-07-01.jpg)

Depoiz labarik sira ne’e bo’ot, Jakó kontenti liu hela iha uma, maibe Izau nia gosta liu atu kasa animal. Ribka hadomi Jakó maibe Izak hadomi Izau.

![](https://cdn.door43.org/obs/jpg/360px/obs-en-07-02.jpg)

Iha loron ida, hafoin Izau fila husi kasa, nia hamlaha tebes. Izau dehan ba Jakó, “Fo netik hahan uituan mai hau husi hahan ne’ebe o halo”. Jakó hatan, “primeiru, o tenki jura mai hau atu fo o nia direitu oan mane boot nian mai hau”. Nune’e Izau jura atu fo buat hotu ba Jakó. Tan ne’e Jakó fo hahan ba nia.

![](https://cdn.door43.org/obs/jpg/360px/obs-en-07-03.jpg)

Izak hakarak fo bensaun ba Izau. Maibe antes nia seidauk halo, Ribka ho Jakó habosok nia no haruka Jakó halo finzi sai hanesan Izau. Izak katuas ona no nia haree la hetan ona. Depoiz Jakó uza ropa Izau nian no habelit uza kulit bibi no tau iha nia kakorok no nia liman.

![](https://cdn.door43.org/obs/jpg/360px/obs-en-07-04.jpg)

Jakó mai ba Izak no dehan, “ Hau Izau. Hau mai ba ita atu ita fo bensaun mai hau”. Bainhira Izak kaer kona bibi fulun no nia horon ropa ne’e, nia hanoin katak ne’e mak Izau no nia fo bensaun ba nia.

![](https://cdn.door43.org/obs/jpg/360px/obs-en-07-05.jpg)

Izau odi Jakó tamba Jakó hadau ona nia direitu hanesan oan mane bo’ot no inklui nia bensaun. To’o ida ne’e nia planu atu oho Jakó depoiz de sira nia apa mate.

![](https://cdn.door43.org/obs/jpg/360px/obs-en-07-06.jpg)

Maibe Ribka rona Izau nia planu. Nune’e nia ho Izak haruka Jakó atu ba dook no hela hamutuk h onia familia sira.

![](https://cdn.door43.org/obs/jpg/360px/obs-en-07-07.jpg)

Jakó hela ho Ribka nia familia husi tinan ba tinan. Iha tempu ne’eba, nia kaben ona no hetan oan mane nain sanulu-resin-rua no oan feto ida. Maromak halo nia riku.

![](https://cdn.door43.org/obs/jpg/360px/obs-en-07-08.jpg)

Depoiz tinan rua-nulu husik hela nia uma iha rai Kanaan, ikus mai Jakó fila ba sira ho nia familia, atan sira no animal sira hotu.

![](https://cdn.door43.org/obs/jpg/360px/obs-en-07-09.jpg)

Jakó sei tauk hela tamba nia hanoin katak Izau sei hanoin atu oho nia. Tan ne’e nia haruka animal barak ba sai hanesan prezenti ba Izau. Atan ne’ebe lori prezenti ba Izau hatete, “O nia atan, Jakó, fo animal sira ne’e ba o. Nia sei mai.”

![](https://cdn.door43.org/obs/jpg/360px/obs-en-07-10.jpg)

Maibe Izau laiha hanoin aat ona ba Jakó. Maibe, nia haksolok tebes bele hasoru fila fali Jakó. Nune’e maun-alin nain-rua ne’e moris ho dame iha rai Kanaan. Hafoin Izak mate, no Jakó ho Izau hakoi nia. Promesa sira Nai Maromak halo ho Abraun hatuun ba Izak no ba Jakó.

*A Bible story from: Genesis 25:27-35:29*

## 8. Nai Maromak salva José no nia familia sira

https://openbiblestories.org/l/tdt/story-8/

![](https://cdn.door43.org/obs/jpg/360px/obs-en-08-01.jpg)

Depoiz liu tinan ba tinan, bainhira Jakó katuas ona, nia haruka nia oan favoritu José, hodi ba haree nia maun-alin sira ne’ebé tau matan ba animal sira.

![](https://cdn.door43.org/obs/jpg/360px/obs-en-08-02.jpg)

Nia maun-alin odi José tamba sira nia aman hadomi tebes nia no tamba José hetan ona mehi ida katak José sei sai ukun-nain ba sira. Bainhira José hasoru nia maun-alin, sira na’ok no fa’an nia ba negosiante atan sira nian.

![](https://cdn.door43.org/obs/jpg/360px/obs-en-08-03.jpg)

Antes sira fila ba uma, José nia maun-alin sira lees José nia ropa no habokon ropa ne’e ba bibi nia ran. Depoiz sira hatudu ropa ne’e ba sira-nia aman no bosok hodi nia hanoin katak animal fuik mak oho ona José. Jakó triste tebes.

![](https://cdn.door43.org/obs/jpg/360px/obs-en-08-04.jpg)

Negosiante atan sira lori José ba Ejiptu. Ejiptu mak nasaun bo’ot ida no forsa ne’ebé lokaliza iha mota Nilo nia sorin. Negosiante atan sira fa’an José hanesan atan ida ba funsionariu governu nian ida ne’ebé riku. José serbí nia patraun ho di’ak no Maromak fó bensaun ba José.

![](https://cdn.door43.org/obs/jpg/360px/obs-en-08-05.jpg)

Patraun nia fen koko konvida José hodi toba ho nia, maibe José lakohi atu halo sala hasoru Maromak ho maneira ne’e. Feto ne’e sai hirus no duun José, nune’e José hetan kaer no hatama ba komarka. Maske iha komarka mos José nafatin leal ba Maromak no Maromak fo bensaun.

![](https://cdn.door43.org/obs/jpg/360px/obs-en-08-06.jpg)

Liu tiha tinan rua, José sei iha komarka, maske nia la halo sala. Kalan ida, Liurai Ejiptu ne’ebe bolu Faraun, hetan mehi rua ne’ebe inkomoda tebes nia. Laiha ema ida husi nia asesor bele fo-hatene signifikasaun husi nia mehi sira ne’e.

![](https://cdn.door43.org/obs/jpg/360px/obs-en-08-07.jpg)

Maromak fo tiha ona abilidade ba José hodi interpreta mehi, nune’e Faraun haruka ema hodi lori sai nia husi komarka. José interpreta mehi ne’e no dehan, “ Maromak sei fo kolleta ne’ebe di’ak iha tinan hitu nia laran no tuir kedas ho tinan hitu hamlaha.

![](https://cdn.door43.org/obs/jpg/360px/obs-en-08-08.jpg)

Faraun sente impresionadu tebes ho José to’o nia foti José sai ema daruak ne’ebe kaer poder iha rai Ejiptu tomak.

![](https://cdn.door43.org/obs/jpg/360px/obs-en-08-09.jpg)

Durante tinan hitu hetan kolleta ne’ebe di’ak, José haruka ema sira hodi rai hahan barak tebes. Depoiz tinan hitu hamlaha nian mosu mai, José faan hahan ba ema sira hodi sira sei hetan hahan ne’ebe naton ba sira han.

![](https://cdn.door43.org/obs/jpg/360px/obs-en-08-10.jpg)

Hamlaha boot ne’e laos deit kona Ejiptu, maibe kona mos rai Kanaan iha ne’ebe Jakó no nia familia hela ba.

![](https://cdn.door43.org/obs/jpg/360px/obs-en-08-11.jpg)

Nune’e Jakó haruka nia oan sira ba sosa hahan. Bainhira José nia maun-alin hamriik iha José nia oin hodi sosa hahan , sira la koñese nia. Maibe José koñese sira.

![](https://cdn.door43.org/obs/jpg/360px/obs-en-08-12.jpg)

Hafoin koko sira hodi haree sira nia hahalok muda ona ka lae, José dehan ba sira, “Hau imi nia maun-alin, José! Labele tauk. Imi koko atu halo krimi ida bainhira imi faan hau hanesan atan ida, maibe Maromak uza krimi ne’e ba buat di’ak! Mai no hela ba iha Ejiptu hodi hau bele prepara hahan ba imi no imi nia familia.”

![](https://cdn.door43.org/obs/jpg/360px/obs-en-08-13.jpg)

Bainhira José nia maun-alin sira fila no konta tuir ba Jakó katak José sei moris, Jakó kontenti tebes.

![](https://cdn.door43.org/obs/jpg/360px/obs-en-08-14.jpg)

Maske Jakó idade ona, nia muda ba Ejiptu h onia familia tomak, no sira hotu hela iha ne’eba. Antes Jakó mate, nia fo bensaun ba nia oan sira.

![](https://cdn.door43.org/obs/jpg/360px/obs-en-08-15.jpg)

Promete sira husi promesa ne’ebe Maromak fo ba Abraun kontinua ba Izak. Depois Jakó no ba Jakó nia oan sanulu-resin-rua ho sira nia familia. Jerasaun husi oan-mane sanulu-resin-rua ne’e sai Izrael nia suku sanulu-resin-rua.

*A Bible story from: Genesis 37-50*

## 9. Nai Maromak bolu Moizes

https://openbiblestories.org/l/tdt/story-9/

![](https://cdn.door43.org/obs/jpg/360px/obs-en-09-01.jpg)

Depois José mate tiha, nia familia sira hela iha Ejiptu. Sira no Sira-nia jerasaun nafatin hela iha ne'ebá durante tinan barak no iha oan barak. Sira hetan naran ho ema Izrael.

![](https://cdn.door43.org/obs/jpg/360px/obs-en-09-02.jpg)

Liu tiha tinan atus barak, kuantidade ema Izrael sai boot tebes. Ema sira Ejiptu haluha ona kona-ba josé no buat hotu ne'ebé nia halo hodi ajuda sira. Sira sai tauk ho ema Izrael sira tamba sira(ema Izrael) barak tebes. Nune'e, Faraun ne'ebe uluk poder boot iha Ejiptu halo ema Izrael sai hanesan atan ba ema Ejiptu.

![](https://cdn.door43.org/obs/jpg/360px/obs-en-09-03.jpg)

Ema Ejiptu obriga ema Izrael harii Edifisiu barak no mós harii sidade tomak. Servisu maka'as ne'e halo sira-nia moris sai susar, maibe Maromak fó bensaun sira no sira iha oan barak liután.

![](https://cdn.door43.org/obs/jpg/360px/obs-en-09-04.jpg)

Faraun haree katak ema Izrael tur-ahi barak, tan ne'e nia haruka atu oho hotu tiha ema Izrael nia bebé mane sira hodi soe sira ba mota Nilo nia laran.

![](https://cdn.door43.org/obs/jpg/360px/obs-en-09-05.jpg)

Feto Izrael ida hahoris bebé mane ida. Nia ho nia laen subar bebé ne'e to'o tempu ne'ebé sira bele.

![](https://cdn.door43.org/obs/jpg/360px/obs-en-09-06.jpg)

Bainhira labarik-mane ne'e nia inan-aman labele subar tan nia, sira tau nia iha raga ida ne'ebé namlele iha du'ut nia leet iha mota Nilo nia ninin atu ema labele oho nia. Ninia alin-feto boot haree atu hatene saida mak sei akontese ba nia.

![](https://cdn.door43.org/obs/jpg/360px/obs-en-09-07.jpg)

Faraun nia oan-feto haree raga ne'e no haree ba laran. Bainhira nia haree bebe ne'e nia kous hanesan nia oan rasik. Nia aluga feto ida husi Izrael hodi tau-matan ba bebe ne'e, nia la hatene katak feto ne'e inan husi bebe ne'e. Bainhira labarik ne'e tinan to'o ona no la presija ona nia inan nia susu-been, nia fó fila-fali ba Faraun nia oan-feto, ne'ebé fó-naran Moises.

![](https://cdn.door43.org/obs/jpg/360px/obs-en-09-08.jpg)

Loron ida, bainhira Moises boot ona, nia haree ema Mesir ida baku hela atan Izrael nian. Moises koko atu ajuda nia maluk husi nasaun ida.

![](https://cdn.door43.org/obs/jpg/360px/obs-en-09-09.jpg)

Bainhira Moises sente laiha ema ida mak haree, nia oho ema Mesir ne'e no hakoi nia mate isin. Maibe ema ida haree hela saida mak Moises halo.

![](https://cdn.door43.org/obs/jpg/360px/obs-en-09-10.jpg)

Bainhira Faraun hatene kona-ba ne'e, nia koko atu oho Moises. Maibe Moises halai husi Mesir ba rai-fuik iha-ne'ebé nia sei seguru husi Faraun nia tropa nia duni.

![](https://cdn.door43.org/obs/jpg/360px/obs-en-09-11.jpg)

Moises sai bibi-atan iha rai-fuik ne'ebé dook husi Mesir. Nia kaben ho feto ida husi fatin ne'ebá no sira iha oan mane na'in rua.

![](https://cdn.door43.org/obs/jpg/360px/obs-en-09-12.jpg)

Loron ida bainhira Moises hein hela ninia banin nia bibi-malae sira, nia haree ai ne'ebé lakan. Maibe ai ne'e lahó ahi. Moises bá hodi haree besik liutan. Bainhira nia la'o besik ai ne'ebé lakan-lakan ne'e, Maromak nia lian dehan, "Moises, hasai ó-nia sapatu. Ó hamriik hela iha rai ne'ebé santu."

![](https://cdn.door43.org/obs/jpg/360px/obs-en-09-13.jpg)

Maromak dehan, "Hau haree ona Hau-nia povu nia sofre. Hau sei haruka ó ba Faraun atu ó bele lori ema Izrael sai husi sira-nia eskravidaun iha Ejiptu. Hau sei fó rai Kanaan ba sira, rai ne'ebé Hau promete ba Abraun, Ishak, no Jakó."

![](https://cdn.door43.org/obs/jpg/360px/obs-en-09-14.jpg)

Moises husu, "Oinsa se hakarak hatene sé mak haruka hau, hau atu ko'alia oinsa?" Maromak dehan, "HAU MAK HAU. Hatete ba sira, 'HAU mak haruka ona hau ba imi.' Hatete mó s ba sira, 'Hau mak NA'I, imi-nia beiala Abraun, Ishak, no Jakó nia Maromak.' Ne'e mak hau-nia naran ba nafatin."

![](https://cdn.door43.org/obs/jpg/360px/obs-en-09-15.jpg)

Moises tauk no lakohi bá iha Faraun tamba nia hanoin la bele ko'alia ho di'ak, nune'e Maromak haruka Moises nia maun, Harun, hodi ajuda nia.

*A Bible story from: Exodus 1-4*

## 10.  Pesti Sanulu

https://openbiblestories.org/l/tdt/story-10/

![](https://cdn.door43.org/obs/jpg/360px/obs-en-10-01.jpg)

Maromak fó-hanoin ba Móises no Araun katak Faraun sei ulun-toos. Bainhira sira hasoru Faraun, sira dehan, "Izrael sira-nia Maromak dehan, 'husik Hau-nia povu sai!" Maibe Faraun la rona sira. Laos husik ema Izrael livre, maibe nia obriga sira atu serbisu maka'as liután!

![](https://cdn.door43.org/obs/jpg/360px/obs-en-10-02.jpg)

Faraun kontinua lakohi husik ema Izrael sira sai, tan ne'e Maromak hamosu Pesti aat sanulu ba rai Ejiptu. (Pesti mak dezastre ne'ebé aat tebes). Liu husi Pesti sira-ne'e, Maromak hatudu ba Faraun katak Nia iha kbi'it boot liu fali Faraun no Maromak sira hotu iha rai Ejiptu.

![](https://cdn.door43.org/obs/jpg/360px/obs-en-10-03.jpg)

Maromak halo mota Nilo nia bee sai raan, maibe Faraun nafatin lakohi husik ema Izrael sira sai.

![](https://cdn.door43.org/obs/jpg/360px/obs-en-10-04.jpg)

Maromak hamosu Manduku ba rai Ejiptu tomak. Faraun husu ba Móises atu halakon manduku sira-ne'e. Maibe depoiz manduku sira mate hotu, Faraun la fó fuan no lakohi ema Izrael sira sai.

![](https://cdn.door43.org/obs/jpg/360px/obs-en-10-05.jpg)

Nune'e Maromak hamosu Pesti susuk no depoiz Pesti lalar. Faraun bolu Móises no Araun no dehan ba sira katak ema Izrael bele sai sé sira hapara pesti ne'e. Móises harohan no Maromak hasai lalar sira hotu husi rai Ejiptu, maibe Faraun la fó fuan no lakohi husik ema Izrael sai husi rai Ejiptu.

![](https://cdn.door43.org/obs/jpg/360px/obs-en-10-06.jpg)

Tuir mai, Maromak hamosu moras ida hodi oho ema Ejiptu sira-nia animal. Faraun la fó fuan no nia lakohi husik ema izrael sira sai.

![](https://cdn.door43.org/obs/jpg/360px/obs-en-10-07.jpg)

Depoiz Maromak haruka Móises atu soe ahi-kadesan ba leten iha Faraun nia oin. Bainhira nia halo nune'e, moras kulit ne'ebé todan mosu rai Ejiptu, maibe laiha ema Izrael ida mak hetan moras ne'e. Maromak halo Faraun nia fuan toos no Faraun la husik ema Izrael sai ho livre.

![](https://cdn.door43.org/obs/jpg/360px/obs-en-10-08.jpg)

Depoiz ne'e, Maromak hamosu udan ho Jelu-isin ne'ebé estraga ai-horis sira iha rai Ejiptu tomak no oho sé de'it mak sai husi uma. Faraun bolu Móises ho Araun no dehan ba sira, "Hau halo sala ona. Imi bele sai." Depoiz Móises harohan no udan ho Jelu-isin para.

![](https://cdn.door43.org/obs/jpg/360px/obs-en-10-09.jpg)

Maibe Faraun halo sala tan no la fó-fuan no lakohi husik ema Izrael sai.

![](https://cdn.door43.org/obs/jpg/360px/obs-en-10-10.jpg)

Tan ne'e, Maromak halo Gafañotu lubun boot ba rai Ejiptu. Gafañotu sira-ne'e han ai-horis sira ne'ebé mak la hetan estraga husi udan ho Jelu-fatuk.

![](https://cdn.door43.org/obs/jpg/360px/obs-en-10-11.jpg)

Depoiz Maromak hamosu nakukun durante loron tolu. Kondisaun nakukun tebes to'o ema Ejiptu labele sai husi sira-nia uma. Maibe iha ema Izrael nia hela-fatin iha naroman.

![](https://cdn.door43.org/obs/jpg/360px/obs-en-10-12.jpg)

Maske hetan ona Pesti sira ne'e, Faraun nafatin lakohi husik ema Izrael sai ho livre. Tamba Faraun lakohi rona, Maromak planeia atu haruka Pesti ikus ida. Ida-ne'e sei fila Faraun nia hanoin.

*A Bible story from: Exodus 5-10*

## 11. Paskoa

https://openbiblestories.org/l/tdt/story-11/

![](https://cdn.door43.org/obs/jpg/360px/obs-en-11-01.jpg)

Na’i Maromak haruka Moizes no Araun atu hato’o ba Faraun hodi husik povu Izrael sai husi Ejiptu. Sira aviza Faraun katak kuandu nia la husik sira sai, Nai Maromak sei hamate hotu oan-mane dahuluk sira tantu ema moris ka animal sira, iha rai Ejiptu. Bainhira Faraun rona ne’e, Nia nafatin rejeita atu fiar no hamtauk ba Maromak.

![](https://cdn.door43.org/obs/jpg/360px/obs-en-11-02.jpg)

Nai Maromak fornese meius ida atu salva oan-mane dahuluk sira husi ema sira ne’ebe fiar ba Nia. Kada familia tenki hili bibi mala’e oan ne’ebe furak no koa nia.

![](https://cdn.door43.org/obs/jpg/360px/obs-en-11-03.jpg)

Na’i Maromak haruka povu Izrael sira atu kose ran husi bibi mala’e ne’ebe sira koa ona ne’e ba iha sira nia odamatan kada uma sira. Sira tenki tunu nia na’an. Hafoin sira tenki han kedan na’an ne’e ho paun ne’ebe la iha fermentasaun. Nai mós haruka povu Izrael sira atu preparan hodi husik kedan Ejiptu depoiz sira han ai-han ne’e.

![](https://cdn.door43.org/obs/jpg/360px/obs-en-11-04.jpg)

Povu Izrael halo tuir buat hirak ne’ebe Nai Maromak haruka ba sira. Iha kalan boot, Nai Maromak ba Ejiptu no oho hotu oan-mane dahuluk sira.

![](https://cdn.door43.org/obs/jpg/360px/obs-en-11-05.jpg)

Ema Izrael sira nia uma nakonu ho ran haleu sira nia odamatan sira, ho nune’e Maromak hakat liu tiha uma sira ne’e. Ema sira iha uma sira ne’e nia laran mós seguru. Sira salva tiha liu husi bibi mala’e oan ne’e nia ran.

![](https://cdn.door43.org/obs/jpg/360px/obs-en-11-06.jpg)

Maibe ema Ejiptu sira la fiar ba Maromak no hantauk ba Nia ordem sira. Tan ne’e, Maromak la hakat liu sira nia uma sira. Maromak oho hotu Ejiptu sira nia oan-mane dahuluk sira.

![](https://cdn.door43.org/obs/jpg/360px/obs-en-11-07.jpg)

Ema Ejiptu sira nia oan-mane dahuluk sira mate hotu, tantu oan dahuluk husi dadur sira iha prizaun to’o Faraun nia oan dahuluk. Ema barak iha Ejiptu tanis no halerik tamba triste bo’ot.

![](https://cdn.door43.org/obs/jpg/360px/obs-en-11-08.jpg)

Iha kalan ne’e kedan, Faraun bolu Moizes no Araun hodi hateten, “Lori ema Izrael sira no husik hela Ejiptu!” Ema Ejiptu sira mós obriga ema Izrael sira atu sai ona.

*A Bible story from: Exodus 11:1-12:32*

## 12. The Exodus

https://openbiblestories.org/l/tdt/story-12/

![](https://cdn.door43.org/obs/jpg/360px/obs-en-12-01.jpg)

Povu Izrael haksolok tebes husik hela Ejiptu. Sira la’os tan ona eskravu, no sira sei ba Rai Promesa! Ema Ejiptu sira fó saída de’it mak ema Izrael sira husu, mezmu osan-mean no osan-mutin no sasan sira seluk ne’ebe folin-boot. Ema balun husi nasaun seluk fiar ba Maromak no tuir hamutuk ho povu Izrael sira hodi husik hela Ejiptu.

![](https://cdn.door43.org/obs/jpg/360px/obs-en-12-02.jpg)

Ai-riin kalohan aas ida mosu iha sira nia oin iha tempu loron. No iha tempu kalan ai-riin kalohan ne’e sai ahi-oan ne’ebe aas. Maromak ida ne’ebe mak prezente iha ai-riin kalohan no ahi-oan ne’e nia laran, sempre akompanha sira no guia sira iha sira nia viagem. Sira presiza de’it atu tuir Nia.

![](https://cdn.door43.org/obs/jpg/360px/obs-en-12-03.jpg)

La kleur, Faraun no nia povu sira muda sira nia hanoin. Sira hakarak atu halo povu Izrael sai sira-nia atan fila fali. Tan ne’e sira duni povu Izrael sira. Maromak mak halo sira muda sira-nia hanoin. Nia halo nune’e tan Nia hakarak ema hotu atu hatene katak Nia, Maromak, ne’ebe kbiit boot liu Faraun no povu Ejiptu sira nia maromak seluk.

![](https://cdn.door43.org/obs/jpg/360px/obs-en-12-04.jpg)

Bainhira ema Izrael sira haree tropas Ejiptu duni sira, sira realiza katak sira metin hela entre Faraun nia tropas no Tasi mean. Sira tauk tebes no hakilar, “Tamba saida mak ita husik fali Ejiptu? Ita mate ona!”

![](https://cdn.door43.org/obs/jpg/360px/obs-en-12-05.jpg)

Moizes hateten ba povu Izrael, “Labele tauk! Nai Maromak sei funu ba imi loron ida ne’e no salva imi.” Hafoin Nai Maromak hatete ba Moizes, “Hatete ba povu Izrael atu book an no hakat ba Tasi mean.”

![](https://cdn.door43.org/obs/jpg/360px/obs-en-12-06.jpg)

Hafoin ai-riin kalohan ne’e bok ann entre ema Izrael no ema Ejiptu sira no nia sai ahi-oan iha tempu kalan. Ema Ejiptu sira la bele hakbesik ba ema Izrael sira durante tempu kalan.

![](https://cdn.door43.org/obs/jpg/360px/obs-en-12-07.jpg)

Nai Maromak haruka Moizes hodi tula liman iha be’e leten. Hafoin Nai halo anin hodi dudu fahe be’e tasi ba sorin karuk no sorin loos, hodi nune’e iha dalan atu hakur tasi.

![](https://cdn.door43.org/obs/jpg/360px/obs-en-12-08.jpg)

8. Povu Izrael lao hakur tasi husi rai-maran ne’ebe iha klaran entre moru be’e iha sorin-sorin.

![](https://cdn.door43.org/obs/jpg/360px/obs-en-12-09.jpg)

Depoiz ema Ejiptu haree katak ema Izrael sira halai. Ema Ejiptu sira kontinua duni fali tan sira.

![](https://cdn.door43.org/obs/jpg/360px/obs-en-12-10.jpg)

Tan ne’e sira tuir ema Izrael sira ba dalan ne’ebe hakur liu tasi, maibe Maromak halo ema Ejiptu sira pániku no sira nia kareta-sira metin tiha. Sira hakilar, “Halai! Maromak funu hela ba ema Izrael sira!”

![](https://cdn.door43.org/obs/jpg/360px/obs-en-12-11.jpg)

Povu Izrael sira to’o ba iha tasi sorin. Depoiz Maromak haruka Moizes atu tula fila fali liman ba be’e leten. Bainhira Moizes halo tuir nune, be’e fila fali ba nia fatin normal no kona tropas Ejiptu sira. Tropas Ejiptu sira mout hotu.

![](https://cdn.door43.org/obs/jpg/360px/obs-en-12-12.jpg)

Bainhira ema Izrael sira haree katak ema Ejiptu sira mate ona, sira fiar ba Maromak. Sira fiar katak Moizes nu’udar Maromak nia profeta ida.

![](https://cdn.door43.org/obs/jpg/360px/obs-en-12-13.jpg)

Povu Izrael sira mós haksolok tebes tamba Nai Maromak salva ona sira husi mate no dadur. Agora sira livre atu adora Nai Maromak no hantauk Nia. Povu Izrael hananu knanuk barak tebes hodi selebra sira nia liberdade foun no hodi fo onra ba Maromak tamba Nia salva ona sira husi tropas Ejiptu.

![](https://cdn.door43.org/obs/jpg/360px/obs-en-12-14.jpg)

Nai Maromak haruka povu Izrael atu selebra eventu ne’e kada tinan atu hanoin hikas fali oinsa Maromak halo lakon povu Ejiptu no liberta povu Izrael sira husi dadur. Eventu ne’e hanaran Páskoa. Iha selebrasaun ne’e, sira tenki selebra ho koa bibi-malae oan ida ne’ebe saúde diak, tunu, no han nia hamutuk ho paun ne’ebe la uza fermentasaun.

*A Bible story from: Exodus 12:33-15:21*

## 13. God’s Covenant with Israel

https://openbiblestories.org/l/tdt/story-13/

![](https://cdn.door43.org/obs/jpg/360px/obs-en-13-01.jpg)

Depois Maromak lidera povu Izrael hakat liu Tasi Mean, Nia lidera sira liu rai-maran ba iha foho ida nebe hanaran Sinai. Ida-ne'e mak foho nebe hanesan iha-nebe Moises haree ai nebe lakan. Povu Izrael harii sira-nia tenda sira iha foho ain.

![](https://cdn.door43.org/obs/jpg/360px/obs-en-13-02.jpg)

Maromak hatete ba Moises no povu Izrael hotu, "Imi tenki rona didiak Hau-Nia lian no kaer metin ba promesa ne'ebe Hau halo ho imi. Se imi halo tuir, imi sei sai Hau-nian ne'ebe espesial, reinu sacerdotal ida, no nasaun ne'ebe santu.

![](https://cdn.door43.org/obs/jpg/360px/obs-en-13-03.jpg)

Durante loron tolu, povu Israel prepara sira-nia an, atu Maromak bele mai besik ba sira. Depois Maromak tuun iha Foho Sinai leten. Bainhira Nia mai, lia fulin tuun, rai-lakan, ahi-suar, no lian korna boot loos. Depois, Moisés ba mesak hodi sa’e foho ne’e.

![](https://cdn.door43.org/obs/jpg/360px/obs-en-13-04.jpg)

Depois Maromak halo promesa ho povu ne'e. Nia dehan, "Hau mak NA"I, o-nia Maromak, ne'ebe hasai imi husi servisu atan iha Ejitu. Labele adora Maromak seluk.

![](https://cdn.door43.org/obs/jpg/360px/obs-en-13-05.jpg)

"Labele halo no labele adora buat lulik, tamba Hau, Maromak, tenke sai imi-nia Na'i mesak. Labele temi Hau-nia naran ho arbiru de'it. Halo santu loron Sabado. Ho liafuan seluk, halo imi-nia servisu durante loron neen, tamba loron dahituk hanesan loron deskansa ba imi hodi deskansa no hanoin Hau."

![](https://cdn.door43.org/obs/jpg/360px/obs-en-13-06.jpg)

"Respeita ba imi-nia aman no inan. Labele oho. Labele halo adulteiru. Labele na'ok. Labele hatete lia bosok ba imi-nia maluk. Labele hakarak imi-nia maluk nia uma; Labele hakarak nia feen, ka saida de'it mak imi-nia maluk iha."

![](https://cdn.door43.org/obs/jpg/360px/obs-en-13-07.jpg)

Ema hotu konkorda hodi haktuir lei ne'ebe Maromak fo ona ba sira. Sira konkorda hodi sai Maromak ninian de'it no adora Nia de'it.

![](https://cdn.door43.org/obs/jpg/360px/obs-en-13-08.jpg)

Maromak mos ordena povu Izrael hodi halo tenda boot ida — Tenda reuniaun. Nia fo-hatene sira maneira oinsa halo tenda ne'e no saida de'it mak uza iha laran. Nia haruka sira halo kurtina boot hodi hafahe tenda ne'e sai kuartu rua. Maromak sei tama ba kuartu laran ne'e no hela iha ne'eba. So sacerdote boot mak bele tama ba kuartu iha ne'ebe Maromak hela ba.

![](https://cdn.door43.org/obs/jpg/360px/obs-en-13-09.jpg)

Povu mos tenki halo altar iha tenda reuniaun oin. Se de'it mak kontra Maromak Nia lei tenki lori animal ida ba altar ne'e. Sacerdote ida sei oho animal ne'e no tunu iha altar leten hanesan oferta ba Maromak. Maromak dehan katak animal nia ran ne'e sei taka ema ne'e nia sala. Ho maneira ne'e, Maromak sei la haree tan sala ne'e. Ema ne'e sei sai "moos" iha Maromak nia oin. Maromak hili Moises nia maun-alin, Harun, no Harun nia jerasaun hodi sai sacerdote.

![](https://cdn.door43.org/obs/jpg/360px/obs-en-13-10.jpg)

Maromak hakerek Ninia mandamentu sanulu iha fatuk rua leten no fo ba Moises. Maromak mos fo lei barak no regra seluk hodi Nia povu sira obedese. Maromak promete hodi abensoa Nia povu no proteje sira se sira haktuir lei sira ne'e. Maibe, Nia mos dehan katak Nia sei kastigu sira se sira la haktuir.

![](https://cdn.door43.org/obs/jpg/360px/obs-en-13-11.jpg)

Durante loron barak, Moises nafatin iha Foho Sinai leten. Nia ko'alia ho Maromak. Maibe, ema sira komesa baruk hodi hein nia fila ba sira. Nune'e sira lori osan-mean ba Harun no husu nia hodi halo buat lulik ne'ebe sira bele adora hodi troka Maromak. Ho nune'e, sira sala boot ba Maromak.

![](https://cdn.door43.org/obs/jpg/360px/obs-en-13-12.jpg)

Harun halo estatua osan-mean forma karau-oan. Ema sira hahu adora buat lulik ne'e ho maka'as no hasa'e sakrifisiu ba nia! Maromak hirus tebtebes sira tanba sira-nia sala. Maromak hatete ba Moises katak Nia hakarak harahun tiha sira. Maibe Moises husu Maromak hodi labele oho sira. Maromak rona nia orasaun no la harahun sira.

![](https://cdn.door43.org/obs/jpg/360px/obs-en-13-13.jpg)

Bainhira Moises tun husi Foho Sinai, nia lori fatuk-belar rua ne'ebe hakerek Maromak Nia Mandamentu sanulu. Bainhira Moises haree buat lulik ne'e, nia hirus tebtebes no harahun fatuk-belar sira ne'e.

![](https://cdn.door43.org/obs/jpg/360px/obs-en-13-14.jpg)

Tuirmai Moises sunu estatua ne'e no halo sai tiha rai-rahun. Nia soe rai-rahun ne'e ba mota no haruka ema hotu hemu bee ne'e. Maromak Haruka pesti ba nasaun ne'e no halo sira mate barak.

![](https://cdn.door43.org/obs/jpg/360px/obs-en-13-15.jpg)

Moises halo fatuk-belar foun hodi troka fali fatuk-belar ne'ebe hakerek Maromak Nia Mandamentu sanulu ne'ebe nia harahun ona. Depois nia sa'e fali foho ne'e no harohan atu Maromak perdua nasaun ne'e. Maromak rona Moises no perdua Moises no perdua sira. Moises tuun fali husi foho ho Maromak Nia mandamentu sanulu iha fatuk-belar ne'ebe foun. Depois Maromak lori ema Izrael sira sai husi Foho Sinai ba rai ne'ebe Maromak promete.

*A Bible story from: Exodus 19-34*

## 14. Wandering in the ira Wilderness

https://openbiblestories.org/l/tdt/story-14/

![](https://cdn.door43.org/obs/jpg/360px/obs-en-14-01.jpg)

Maromak fo hetene ba ema Izraelmkona-ba lei hotu ne'ebe sira tenke halo tuir tanba Nia aliansa ho sira, Depois Nia lori sira sai husi Foho Sinai. Nia hakarak lori sira ba rai prometido. Rai ne'e mos hanaran Kanaan. Maromak la'o iha sira-nia oin iha kalohan leten, no sira la'o tuir Nia.

![](https://cdn.door43.org/obs/jpg/360px/obs-en-14-02.jpg)

Maromak promete ona ba Abraun, Isaac, no Jacob katak Nia sei fo Rai Prometida ba sira-nia jerasaun, maibe agora iha ema grupu barak ne'ebe hela iha ne'eba. Sira hanaran ema Kanaan. Ema Kanaan la adora ka la halo tuir Maromak. Sira adora maromak falsu sira no halo buat aat oioin.

![](https://cdn.door43.org/obs/jpg/360px/obs-en-14-03.jpg)

Maromak dehan ba ema Izrael, "Depois de imi tama iha Rai Prometidu, imi tenke hasai ema Kanaan sira husi ne'eba. Labele halo dame ho sira no labele kaben ho sira. Imi tenke harahun estatua sira. Se imi la halo tuir Hau, imi sei adora estatua sira no la'os Hau."

![](https://cdn.door43.org/obs/jpg/360px/obs-en-14-04.jpg)

Bainhira ema Izrael to'o iha fronteira Kanaan, Moises hili ema na'in-12, ema ida husi kada suku husi Izrael. Nia fo instrusaun ba sira hodi ba no espia nasaun ne'eba atu haree oinsa nasaun ne'eba. Sira mos tenke hafuhu ema Kanaan atu haree se sira forte ka fraku.

![](https://cdn.door43.org/obs/jpg/360px/obs-en-14-05.jpg)

Ema na'in-12 ne'e la'o liuhusi rai-Kanaan durante loron 40, depois sira fila fali. Sira dehan ba povu ne'e, "Rai ne'e bokur tebtebes no kolleta barak!" Maibe espiaun na'in sanulu ne'e dehan, "Sidade sira forsa tebtebes no nia populasaun boot tebes! Se ita ataka sira, sira sei halakon ita no oho ita!"

![](https://cdn.door43.org/obs/jpg/360px/obs-en-14-06.jpg)

Imediatamente, Kaleb no Joshua, espiaun na'in-rua seluk, dehan, "Loos duni katak Ema Kanaan sira ne'e aas no forsa, maibe ita bele halakon sira! Maromak sei luta ba ita!"

![](https://cdn.door43.org/obs/jpg/360px/obs-en-14-07.jpg)

Maibe povu la rona ba Kaleb no Joshua. Sira sai hirus ba Moises no Harun no dehan, "Tanba sa imi lori ami ba fatin aat ne'e? Loloos ami hela nafatin iha Ejitu. Se ami tama ba nasaun ne'e, ami sei mate iha funu laran, no ema Kanaan sei halo ami-nia feen no oan sai atan." Nasaun ne'e hakarak hili lideransa seluk hodi lori sira fila ba Ejitu.

![](https://cdn.door43.org/obs/jpg/360px/obs-en-14-08.jpg)

Bainhira nasaun ne'e dehan nune'e, Maromak sai hirus tebtebes. Nia ba tenda reuniaun no dehan, "Imi kontra hasoru ona Hau, nune'e imi hotu tenke la'o-rai iha rai-maran. Kada ema hotu ne'ebe ne'ebe ho idade 20 ba leten sei mate iha ne'eba no sei la tama ba rai ne'ebe Hau fo ba imi. So Joshua no Kaleb mak sei tama iha ne'eba.

![](https://cdn.door43.org/obs/jpg/360px/obs-en-14-09.jpg)

Bainhira ema Izrael rona Maromak ko'alia nune'e, sira arepende sira-nia sala. Nune'e sira deside hodi ataka rai Kanaan. Moises fo hatene sira hodi labele ba tanba Maromak sei la hamutuk sira, maibe sira la rona.

![](https://cdn.door43.org/obs/jpg/360px/obs-en-14-10.jpg)

Maromak la hamutuk sira iha funu laran, to'o ema Kanaan halakon sira no oho ema barak. Tuirmai ema Izrael fila kotuk ba Kanaan. Durante tinan 40 tuirmai, sira la'o-rai iha rai-fuik maran.

![](https://cdn.door43.org/obs/jpg/360px/obs-en-14-11.jpg)

Durante tinan 40 ema Izrael la'o hale'u iha rai-fuik maran, Maromak fornese hahan ba sira. Nia fo ba sira paun husi lalehan, ne'ebe hanaran Manna. Nia mos haruka manu kodor (manu ho medida natoon) ba sira-nia tenda atu sira bele han na'an. Durante ne'e Maromak tau matan ba sira-nia hatais no sandalias.

![](https://cdn.door43.org/obs/jpg/360px/obs-en-14-12.jpg)

Hodi fornese bee hemu ba sira, Maromak halo milagre ida halo bee sai husi fatuk. Maibe maske nune'e, ema Izrael nafatin halerik no murmura ba Maromak no Moises. MNAske nune'e, Maromak nafatin laran-metin. NIa halo saida mak Nia promete ona ba Abraun, Isaac no Jacob nia jerasaun.

![](https://cdn.door43.org/obs/jpg/360px/obs-en-14-13.jpg)

Iha tempu seluk, bainhira ema Izrael la iha bee, Maromak dehan ba Moises, "Ko'alia ba fatuk ne'e, nune'e bee sei sai husi ne'e." Maibe Moises la ko'alia ba fatuk ne'e. Maibe, nia baku fatuk ne'e dala rua ho ai-tonka. Ho nune'e, nia insulta Maromak. Bee mos sai husi fatuk ne'e hodi ema hotu hemu, maibe Maromak hirus Moises. Nia dehan, "Tanba imi halo nune'e, imi sei la tama ba rai prometida."

![](https://cdn.door43.org/obs/jpg/360px/obs-en-14-14.jpg)

Depois ema Izrael la'o hale'u iha rai-fuik maran durante tinan 40, ema hotu ne'ebe kontra ona hasoru Maromak mate ona. Tuirmai Maromak lidera nasaun ne'e ba rai prometida nia ninin. Moises katuas tebes ona, nune'e Maromak hili Joshua hodi lidera nasaun ne'e. Maromak mos promete ba Moises katak loron ida Nia sei haruka profeta seluk hanesan Moises.

![](https://cdn.door43.org/obs/jpg/360px/obs-en-14-15.jpg)

Tuirmai Maromak haruka Moises hodi ba iha foho leten atu nia bele haree Rai Prometida. Moises haree Rai Prometida, maibe Maromak la fo lisensa nia tama. Tuirmai Moises mate, no ema Izrael triste durante loron-30. Joshua sai sira-nia lideransa foun. Joshua mak Lideransa ne'ebe diak tanba nia fiar no obedese ba Maromak.

*A Bible story from: Exodus 16-17; Numbers 10-14; 20; 27; Deuteronomy 34*

## 15. Rai ne’ebe Promete ona

https://openbiblestories.org/l/tdt/story-15/

![](https://cdn.door43.org/obs/jpg/360px/obs-en-15-01.jpg)

Finalmente tempu to’o ba povu Izrael sira atu tama iha Kanaan, Rai ne’ebe Promete ona ba sira. Iha rai ne’ebá iha sidade ida naran Jerikó. Sidade ne’e iha moru ne’ebe metin hale’u nia hodi proteje nia. Joshua haruka espiaun nain-rua ba sidade ne’e. Iha feto prostituta ida hela iha sidade ne’e, nia naran Rahab. Nia mak subar tiha espiaun nain-rua ne’e, no to’o ikus ajuda sira hodi halai sai husi sidade ne’e. Nia halo nune’e tan nia fiar ba Nai Maromak. Espiaun sira ne’e promete sei proteje Rahab no nia familia bainhira Izrael mai atu harahun Jerikó.

![](https://cdn.door43.org/obs/jpg/360px/obs-en-15-02.jpg)

Povu Izrael tenki hakur Mota Jordaun atu tama ba iha Rai ne’ebe Promete ona. Nai Maromak dehan ba Joshua, “Dehan ba sacerdote sira atu lao uluk.” Bainhira sacerdote sira hahu hakat ba Mota Jordaun, be’e husi mota ulun mos para sulin hodi ikusmai ema Izrael sira bele hakat ba mota sorin ho kondisaun mota ne’ebe maran.

![](https://cdn.door43.org/obs/jpg/360px/obs-en-15-03.jpg)

Hafoin povu Izrael sira liu tiha Mota Jordaun, Nai Maromak orienta Joshua atu prepara ann hodi funu hasoru sidade Jerikó, mazke sidade ne’e forsa tebes. Nai dehan ba povu Izrael katak sacerdote sira hamutuk ho sira-nian forsa ábrigu sira tenki forma haleu sidade ne’e dala-ida lorloron durante loron ne’en. Nune’e sacerdote sira no ábrigu sira mos halo tuir.

![](https://cdn.door43.org/obs/jpg/360px/obs-en-15-04.jpg)

Maromak mos dehan katak iha loron da-hitu, povu Izrael sira tenki forma haleu sidade ne’e dala-hitu. Tuirmai secerdote sira tenki hu’u korneta no ema hotu tenki hakilar ho maka’as. No sira mos halo nune’e.

![](https://cdn.door43.org/obs/jpg/360px/obs-en-15-05.jpg)

Lakleur parede sira haleu Jerikó mos monu! Ema Izrael sira harahun buat hothotu iha sidade ne’e, tuir saida mak Nai haruka. Sira husik hela deit Rahab no nia familia, hodi sai parte ida husi povu Izrael. Bainhira ema sira seluk ne’ebe hela iha Kanã rona katak ema Izrael sira harahun ona Jerikó, sira tauk se ema Izrael mos sei funu hasoru sira.

![](https://cdn.door43.org/obs/jpg/360px/obs-en-15-06.jpg)

Nai haruka ona povu Izrael sira atu labele halo aliansa dame ho grupu saida deit husi populasaun sira iha Kaña. Maibe, iha grupu ema Kaña nian ida, ne’e mak ema Gibeon sira, sira bosok Joshua no hateten katak sira mai husi rai ida ne’ebe dook husi Kaña. Sira husu Joshua atu halo aliansa dame ida ho sira. Joshua no líder povu Izrael sira seluk la husu ba Maromak saida mak sira tenki halo. Pela kontrariu, sira halo aliansa dame ho ema Gibeon sira.

![](https://cdn.door43.org/obs/jpg/360px/obs-en-15-07.jpg)

Loron tolu tuirmai, ema Izrael sira foin hatene katak ema Gibeon sira hela duni iha Kaña. Sira hirus tamba ema Gibeon sira bosok ona sira. Maibe, sira kumpri nafatin aliansa dame ne’ebe sira halo ona ho ema Gibeon sira tamba aliansa ne’e nu’udar promesa ne’ebe halo ona iha Nai nia futar oin. Hafoin, tempu balun tuirmai, liurai sira husi grupu sira seluk iha Kaña, ida mak povu Amori, rona katak ema Gibeon sira halo ona aliansa dame ho ema Izrael, nune’e sira forma sira nia armada konjunta ida boot tebes no ataka Gibeon. Ema Gibeon sira lori mensajem ba Joshua atu husu ajuda.

![](https://cdn.door43.org/obs/jpg/360px/obs-en-15-08.jpg)

Nune’e Joshua halibur Izrael nia soldadu sira. Sira marsa kalan ida tomak hodi ba Gibeon. Iha dadersan mai, sira halo hakfodak ábrigu Amori no ataka sira.

![](https://cdn.door43.org/obs/jpg/360px/obs-en-15-09.jpg)

Maromak funu ba Izrael iha momentu ne’eba. Nia halo ema Amori sira sai bilang no hatun udan gelu fatuk boot ne’ebe oho ema Amori barak.

![](https://cdn.door43.org/obs/jpg/360px/obs-en-15-10.jpg)

Nai Maromak mos halo loron-matan metin nafatin iha fatin ida iha lalehan hodi nune’e ema Izrael sira iha tempu naton atu halakon ema Amori. Iha loron ne’eba, Nai Maromak fo vitoria boot ba Izrael.

![](https://cdn.door43.org/obs/jpg/360px/obs-en-15-11.jpg)

Depoiz de Nai Maromak halakon ábrigu sira ne’e, Kaña nia grupu barak sira seluk halibur atu ataka Izrael. Joshua no ema Izrael ataka no destroi sira.

![](https://cdn.door43.org/obs/jpg/360px/obs-en-15-12.jpg)

Hafoin funu sira ne’e hotu, Nai Maromak fahe ba kada suku Izrael hotu hetan ida-idak nia fatin iha Rai ne’ebe Promete ona. Tuirmai Nai Maromak fó dame ba Izrael iha nia fronteira.

![](https://cdn.door43.org/obs/jpg/360px/obs-en-15-13.jpg)

Bainhira Joshua katuas ona, nia halibur povu Izrael hotu. Hafoin Joshua fó hanoin povu Izrael katak sira promete ona atu kumpri akordu ne’ebe Nai Maromak halo ona ho povu Izrael sira iha foho Sinai. Povu Izrael promete atu leal ba Maromak no obedese ba Nia mandamentu sira.

*A Bible story from: Joshua 1-24*

## 16. Libertádor

https://openbiblestories.org/l/tdt/story-16/

![](https://cdn.door43.org/obs/jpg/360px/obs-en-16-01.jpg)

Depoizde Joshua mate, povu Izrael la obedese ba Maromak. Sira la obedese ba Maromak nia mandamentu sira, no sira mos la duni povu Kaña sira seluk husi Rai ne’ebe Promete ona. Povu Izrael komesa adora fali ba Kaña sira nia maromak no laos ba Nai Maromak, Maromak ne’ebe loloos. Povu Izrael sira laiha liurai, nune’e kada ema halo buat hotu konforme ba saida mak sira konsidera los.

![](https://cdn.door43.org/obs/jpg/360px/obs-en-16-02.jpg)

Tamba la obedese ba Maromak, povu Izrael dalabarak moris ho padraun ida ne’ebe mak repete. Padraun ne’e mak nune’e: povu Izrael la obedese ba Maromak durante tinan balun nia laran, depois Maromak kastigu sira ho husik sira nia inimigu sira manán husi sira. Inimigu sira ne’e sei naok ema Izrael sira nia rikusoin no sasan, estraga sira nia sasan, no oho sira barak. Depois de Izrael nia inimigu sira hanehan sira tinan ba tinan, povu Izrael sei arrepende husi sira nia pekadu sira no husu Maromak atu salva sira.

![](https://cdn.door43.org/obs/jpg/360px/obs-en-16-03.jpg)

Kada vez povu Izrael sira arrepende, Maromak sei salva sira. Nia halo nune’e ho fó libertátor ida- ema ida ne’ebe sei funu hasoru sira nia inimigu sira no halakon inimigu sira. Hafoin sei iha dame iha nasaun ne’e no libertádor ne’e sei orienta sira ho diak. Nai Maromak haruka libertádor barak ona atu salva Nia povu. Nai Maromak halo nune’e fila fali depoiz de Nia hatán ema Midian, grupu inimigu ida besik liu, atu halakon povu Izrael.

![](https://cdn.door43.org/obs/jpg/360px/obs-en-16-04.jpg)

Ema Midian foti hotu ema Izrael sira nia kolleita durante tinan hitu. Ema Izrael sira senti tauk tebes, sira subar iha fatuk-kuak sira atu nune’e ema Midian la hetan sira. Ikusmai, sira hakilar ba Nai Maromak atu salva sira.

![](https://cdn.door43.org/obs/jpg/360px/obs-en-16-05.jpg)

Iha mane Izrael ida naran Gideon. Iha loron ida, nia baku hela trigu iha fatin subar atu nune’e ema Midian sira labele naok. Nai nia anju mosu ba Gideon no dehan, “Nai Maromak hamutuk ho o, eroi ne’ebe maka’as. Ba no salva ema Izrael sira husi ema Midian.”

![](https://cdn.door43.org/obs/jpg/360px/obs-en-16-06.jpg)

Gideon nia aman iha altár ida ne’ebe oferese ba estátua. Primeiru liu Maromak haruka Gideon atu harahun uluk altár ne’e. Maibe Gideon tauk ba ema sira, tan ne’e nia hein to’o kalan. Hafoin nia harahun altár ne’e to’o pedasuk kiik sira. Nia konstrui altár foun ida ba Maromak ne’ebe besik ho nia no oferese oferta ba Maromak iha leten nia aas.

![](https://cdn.door43.org/obs/jpg/360px/obs-en-16-07.jpg)

Dadersan mai, ema sira haree katak ema balun harahun no destrui ona altár, no sira hirus tebes. Sira ba Gideon nia uma atu oho nia, maibe Gideon nia aman hateten, “Tamba sá maki mi mak tenki ajuda fali imi nia maromak? Kuandu nia maromak, husik ba nia proteje nia ann rasik!” Tamba nia hateten nune’e, ema sira ne’e la oho Gideon.

![](https://cdn.door43.org/obs/jpg/360px/obs-en-16-08.jpg)

Tuirmai ema Midian sira mai fila fali atu naok husi ema Izrael sira. Sira barak tebes to’o susar atu sura. Gideon halibur ema Izrael atu hasoru sira. Gideon husu sinál rua ba Nai Maromak atu nia bele fiar katak tebes duni Nai Maromak mak haruka nia atu salva povu Izrael sira.

![](https://cdn.door43.org/obs/jpg/360px/obs-en-16-09.jpg)

Sinál primeiru, Gideon tau bibi-malae nia kulit iha rai leten no husu ba Nai Maromak atu maho been dader nian so monu deit iha bibi-malae nia kulit leten no la monu ba rai-leten. Nai Maromak halo duni nune’e. Kalan tuirmai, Gideon husu atu halo rai-leten bokon maibe bibi-malae nia kulit nafatin maran. Nai Maromak halo tuir nune’e. Tamba sinál rua ne’e, Gideon fiar katak Nai Maromak hakarak duni atu salva povu Izrael husi povu Midian.

![](https://cdn.door43.org/obs/jpg/360px/obs-en-16-10.jpg)

Tuirmai Gideon bolu forsa sira atu mai ba nia, no ema nain 32.000 mak mai. Maibe Nai Maromak hateten ba Gideon katak númeru ne’e barak liu. Tan ne’e Gideon haruka ema nain 22.000 fila fali, sira ne’ebe tauk atu funu. Nai Maromak dehan ba Gideon katak nia ema sei barak nafatin. Nune’e Gideon haruka sira hotu fila hodi ikus hela forsa nain 300.

![](https://cdn.door43.org/obs/jpg/360px/obs-en-16-11.jpg)

Kalan ne’e Nai Maromak dehan ba Gideon, “Ba ema Midian sira nia akampamentu no rona sira koalia seda. Depoizde rona saida mak sira koalia, o sei la tauk tan atu hasoru sira.” Nune’e kalan ne’e, Gideon ba akampamentu no rona Midian nia soldadu ida konta ba nia belun kona ba nia mehi. Nia belun hatan ba nia, “Mehi ne’e signifika Gideon nia soldadu sei halakon ita, soldadu Midian sira!” Bainhira Gideon rona nune’e, nia mos adora kedan Maromak.

![](https://cdn.door43.org/obs/jpg/360px/obs-en-16-12.jpg)

Hafoin Gideon fila ba nia soldadu sira no fó kada ema ida dikur ida, sanan rai-mean ida, no ahi-oan ida ne’ebe sei lakan hela. Sira hale’u akampamentu fatin soldadu Midian sira toba ba. Gideon nis soldadu nain 300 hatama tiha ahi-oan sira ne’e iha sanan laran nune’e ema Midian sira la hetan ahi-oan nia naroman.

![](https://cdn.door43.org/obs/jpg/360px/obs-en-16-13.jpg)

Depois, Gideon nia soldadu sira hotu halo rahun sira-nian sanan iha tempu ne’ebe hanesan, no derepenti mosu ahi husi ahi-oan sira ne’e. Sira huu trombeta no hakilar, ”Surik ba Maromak no ba Gideon!”

![](https://cdn.door43.org/obs/jpg/360px/obs-en-16-14.jpg)

Nai Maromak halo ema Midian sira konfundi hodi sira komesa ataka no oho malu. Lakleur, Gideon haruka mensajeiru ida atu bolu ema Israel sira seluk sai husi sira nia uma no ajuda duni ema Midian. Sira oho ema Midian barak no duni restu sira sai husi rai Izrael. Iha loron ne’eba Nai Maromak halo ema Midian nain 120.000 mate. Ho meiu ida ne’e Nai Maromak salva povu Izrael.

![](https://cdn.door43.org/obs/jpg/360px/obs-en-16-15.jpg)

Ema sira ne’e hakarak foti Gideon sai nu’udar sira nia Liurai. Gideon la fó sira halo nune’e, maibe nia husu kadeli osan-mean balun ne’ebe sira foti husi ema Midian sira. Ema sira ne’e fó Gideon osan-mean baluk bo’ot ida.

![](https://cdn.door43.org/obs/jpg/360px/obs-en-16-16.jpg)

Hafoin Gideon uza osan-mean ne’e atu halo roupa espesiál hanesan ida ne’ebe sacerdote boot sira baibain uza. Maibe, ema sira ne’e hahú adora nia sira konsidera roupa sira ne’e hanesan ídolu. Tan ne’e, Nai Maromak kastigu tan povu Izrael tamba sira adora ídolu. Maromak husik sira nia inimigu sira halakon sira. To’o ikusmai sira husu tan Maromak nia tulun, no Maromak haruka libertádor ida atu salva sira.

![](https://cdn.door43.org/obs/jpg/360px/obs-en-16-17.jpg)

Buat hanesan ne’e akontese fila-fila: ema Izrael sira halo pekadu, Maromak kastigu sira, sira arepende, no Maromak haruka ema ida hodi salva sira. Durante tinan barak ona, Nai Maromak haruka libertádor barak hodi salva povu Izrael husi sira nia inimigu sira.

![](https://cdn.door43.org/obs/jpg/360px/obs-en-16-18.jpg)

Ikusmai, povu ne’e husu ba Maromak liurai ida ba sira hanesan nasaun sira seluk nian. Sira hakarak liurai ida ne’ebe aas no forte, no ida ne’ebe bele lidera sira bainhira iha funu nia laran. Nai Maromak la gosta pedidu ne’e, maibe Nia nafatin fó ba sira liurai hanesan sira nia hakarak.

*A Bible story from: Judges 1-3; 6-8; 1 Samuel 1-10*

## 17.Maromak nia promesa ho David.

https://openbiblestories.org/l/tdt/story-17/

![](https://cdn.door43.org/obs/jpg/360px/obs-en-17-01.jpg)

Saul mak Izraél nia liurai dahuluk. Nia aas no kmanek, hanesan nia ema sira hakarak. Saul maka liurai di'ak ida durante periode dahuluk nia ukun Izrael. Maibé, ikusmai nia sai ema aat neʼebé la halo tuir Maromak, tan neʼe Maromak hili ema seluk atu troka nia nuʼudar liurai.

![](https://cdn.door43.org/obs/jpg/360px/obs-en-17-02.jpg)

Maromak hili joven ida hosi Izrael naran David no hahú prepara nia atu loron ida sai filafali liurai depoizde Saul. David mak bibi-atan ida husi sidade Belein. David oho ona leaun ida no mós oho ona ursu ida ne'ebé ataka nia aman nia bibi sira bainhira nia tau matan hela ba sira. David ema ida ne'ebé haraik-an no piadozu. Nia fiar ba Nai Maromak no halo tuir Nia.

![](https://cdn.door43.org/obs/jpg/360px/obs-en-17-03.jpg)

Bainhira David sei joven, nia funu hasoru jigante ida ho naran Golias. Golias mak funu-naʼin neʼebé matenek tebes. Nia forte tebes no aas besik metru tolu!Maibé Maromak ajuda David atu oho Golias no salva Izraél. Depois neʼe David manán barak hasoru Izraél nia inimigu sira. David sai soldadu neʼebé diʼak, no nia mak dirije tropa Izraél iha funu oioin. Povu admira tebes nia.

![](https://cdn.door43.org/obs/jpg/360px/obs-en-17-04.jpg)

Povu hadomi tebes David toʼo Liurai Saul sai laran-moras ba David. Ikusmai Saul hakarak atu oho nia, tan neʼe David halai ba rai-fuik hodi subar husi nia no ninia soldadu sira. Loron ida, wainhira Saul ho nia soldadu buka hela nia, Saul tama ba fatuk kuak ida. Fatuk-kuak neʼe mak ida-ne'ebe David subar hela, maibé Saul la haree nia. David hakbesik an ba iha Saul nia kotuk no tesi nia roupa pedasuk ida. Depois, bainhira Saul sai hosi fatuk-kuak, David hakilar ba nia hodi haree hena ne'ebé nia kaer hela. Ho maneira ida ne'e, Saul hatene katak David lakohi oho nia atu bele sai liurai.

![](https://cdn.door43.org/obs/jpg/360px/obs-en-17-05.jpg)

Tempu liu daudaun, Saul mate iha funu no David sai liurai ba Izraél. Nia mak liurai neʼebé diʼak no ninia povu hadomi nia. Maromak haraik bensaun ba David no halo nia hetan susesu. David luta iha funu barak, no Maromak ajuda nia atu manán inimigu sira Izraél nian. David manán sidade Jeruzalein no halo sidade neʼe sai ninia kapitál, fatin ida-ne'ebé neʼebé nia hela no ukun. David sai liurai ba tinan 40 nia laran. Durante tempu neʼe, Izraél sai forte no riku.

![](https://cdn.door43.org/obs/jpg/360px/obs-en-17-06.jpg)

David hakarak harii fatin adorasaun ida iha neʼebé nasaun Izraél tomak bele adora Maromak no hasaʼe sakrifísiu ba Nia. Durante maizumenus tinan 400, povu ne'e adora Maromak no hasa'e sakrifísiu sira ba Nia iha Tabernákulu Reuniaun nian ne'ebé Moisés harii.

![](https://cdn.door43.org/obs/jpg/360px/obs-en-17-07.jpg)

Iha profeta ida naran Natan. Maromak haruka nia atu dehan ba David ida-ne'e: "Ó luta iha funu barak ona, nune'e ó sei la harii Templu ida-ne'e ba Ha'u. Ó nia oan-mane maka sei harii ida-ne'e. Maibé, Ha'u sei haraik bensaun boot ba ó. Ó nia bei-oan ida sei ukun ha'u nia povu ba nafatin!" David nia bei-oan ida deʼit neʼebé bele ukun ba nafatin mak Mesias. Mesias mak Maromak hili atu salva ema mundu tomak hosi sira nia sala.

![](https://cdn.door43.org/obs/jpg/360px/obs-en-17-08.jpg)

Wainhira David rona liafuan ne'ebé Natan hato'o, David foo agradese no hahii Maromak. Maromak foo onra nia no haraik bensaun waꞌin ba nia. Klaru katak David la hatene bainhira mak Maromak sei kumpre promesa neʼe. Agora ita hatene katak ema Izraél tenke hein kleur molok Mesias mai, neʼe mak besik tinan 1.000.

![](https://cdn.door43.org/obs/jpg/360px/obs-en-17-09.jpg)

David ukun ninia povu ho justisa ba tempu kleur. Nia halo tuir Maromak ho laran-metin, no Maromak haraik bensaun ba nia. Maibé, iha tinan sira tuirmai, nia halo sala boot hasoru Maromak.

![](https://cdn.door43.org/obs/jpg/360px/obs-en-17-10.jpg)

Loron ida, David hateke ba liʼur husi ninia palásiu nia janela no nia haree feto bonita ida hariis hela. David la rekoñese nia, maibé nia husu no hatene katak nia naran Batseba.

![](https://cdn.door43.org/obs/jpg/360px/obs-en-17-11.jpg)

Laos hadook nia matan, David haruka mane sira atu lori feto neʼe ba nia. Nia toba ho feto ne'e no depois haruka nia fila ba uma. Lakleur, Batseba haruka mensajen ba David hodi fó-hatene nia katak nia isin-rua.

![](https://cdn.door43.org/obs/jpg/360px/obs-en-17-12.jpg)

Batseba nia laʼen, Urias, mak David nia soldadu ida neʼebé diʼak liu. Nia ba hela hodi funu bainhira ida-ne'e akontese. David bolu Urias fila husi kampu funu nian atu hela na'in rua ho nia feen. Maibé, Urias lakohi fila bainhira tropa sira hotu funu hela. Tan neʼe, ​​David haruka Urias fila fali ba kampu funu nian no haruka ninia jenerál atu tau Urias iha pozisaun ida-ne'ebé tenke hasoru inimigu ho pozisaun neʼebé forte liu atu nuneʼe nia bele mate. No nune'e akontese. Urias mate iha kampu funu nian.

![](https://cdn.door43.org/obs/jpg/360px/obs-en-17-13.jpg)

Depoizde Urias mate iha nia funu laran, David kaben ho Batseba. Tuirmai, nia tuur-ahi oan-mane ida ba David. Maromak hirus tebes ho David tanba buat neʼebé nia halo toʼo Nia haruka profeta Natan atu fó-hatene David kona-ba ninia sala neʼebé aat tebes. David arrepende nia sala no Maromak perdua nia. Iha ninia moris tomak, David halo tuir Maromak, maski iha tempu susar nia laran.

![](https://cdn.door43.org/obs/jpg/360px/obs-en-17-14.jpg)

Maibé David nia oan-mane neʼebé sei bebé mate. Neʼe mak Maromak nia maneira atu fó kastigu ba David. No mós, iha tempu neʼebé David mate, ninia família balu kontra hasoru nia, no David lakon ninia kbiit barak. Maibé Maromak laran-metin no kumpre Nia promesa ba David, maski David la halo tuir Nia. Tuirmai, David no Batseba iha oan-mane ida tan, no sira hanaran nia Salomão.

*Istória Bíblia ida husi: 1 Samuel 10; 15-19; 24; 31; 2 Samuel 5; 7; 11-12*

## 18. Reinu ne'ebé fahe malu

https://openbiblestories.org/l/tdt/story-18/

![](https://cdn.door43.org/obs/jpg/360px/obs-en-18-01.jpg)

Liurai David ukun ba tinan 40 nia laran. Tuirmai nia mate, no ninia oan-mane Salomão komesa ukun Izraél. Maromak ko'alia ba Salomão no husu ba nia saida maka nia hakarak liu Maromak atu halo ba nia. Salomão husu ba Maromak atu halo nia sai matenek tebes. Ida-ne'e halo Maromak kontente, nune'e Nia halo Salomão sai ema ne'ebé matenek liu iha mundu. Salomão aprende buat barak no sai ukun-naʼin neʼebé matenek tebes. Naꞌi Maromak moos halo nia riku teb-tebes.

![](https://cdn.door43.org/obs/jpg/360px/obs-en-18-02.jpg)

Iha Jerusalém, Salomão harii Templu neʼebé nia aman David planeia no halibur hamutuk. Agora ema adora Maromak no hasaʼe sakrifísiu ba Nia iha Templu, laʼós iha Tabernákulu. Maromak mai no halo prezensa iha Templu, no Nia hela iha ne'ebá ho Nia povu.

![](https://cdn.door43.org/obs/jpg/360px/obs-en-18-03.jpg)

Maibé Salomão hadomi feto sira husi rai seluk. Nia la halo tuir Maromak hodi kaben ho feto barak, besik naʼin-1.000! Feto sira-ne'e barak mai hosi rai seluk no lori sira nia maromak rasik hamutuk ho sira no kontinua adora sira. Bainhira Salomão sai katuas, nia mós adora sira-nia maromak. Maromak hirus Salomão tanba ida-neʼe. Nia hatete katak Nia sei fó kastigu ba nia hodi fahe nasaun Izraél ba reinu rua. Nia sei halo ida-neʼe depoizde Salomão mate.

![](https://cdn.door43.org/obs/jpg/360px/obs-en-18-04.jpg)

MAromak hirus Salomau tamba buat ne'e. Nia dehan katak Nia sei kastigu Salomau ho fahe reinu Izrael sai ba reinu rua. Nia sei halo ida-ne'e depois de Salomau mate.

![](https://cdn.door43.org/obs/jpg/360px/obs-en-18-05.jpg)

Depoizde Salomão mate, ninia oan-mane Roboão (Rehabeam) mak sai liurai. Pove Izraél tomak halibur hamutuk atu simu nia nuʼudar sira-nia liurai. Sira kesar ba Roboão katak Salomão obriga sira atu serbisu makaʼas no selu impostu neʼebé boot. Sira husu Roboão atu hamenus sira nia serbisu.

![](https://cdn.door43.org/obs/jpg/360px/obs-en-18-06.jpg)

Maibé Roboão hatán ba sira ho maneir neʼebé beik tebes. Nia dehan, "Imi dehan katak ha'u nia aman Salomão halo imi serbisu maka'as. Maibé ha'u sei halo imi serbisu maka'as liután, no ha'u sei halo imi terus liután."

![](https://cdn.door43.org/obs/jpg/360px/obs-en-18-07.jpg)

Wainhira ema rona nia koʼalia hanesan neʼe, sira barak liu rebelde hasoru nia. Suku sanulu husik nia; suku rua de'it maka hela ho nia. Suku rua neʼe hanaran sira-nia an nuʼudar reinu Judá.

![](https://cdn.door43.org/obs/jpg/360px/obs-en-18-08.jpg)

Suku sanulu seluk foti mane ida naran Jeroboão(Yerobeam) nuʼudar sira-nia liurai. Suku sira-ne'e iha parte norte husi nasaun nee. Sira bolu sira-nia an reinu Izrael nian.

![](https://cdn.door43.org/obs/jpg/360px/obs-en-18-09.jpg)

Jeroboão kontra hasoru Maromak no halo ema halo sala. Nia harii estátua rua ba nia povu atu adora. Sira la ba tan Jerusalém iha reinu Judá nian atu adora Maromak iha Uma Lulik.

![](https://cdn.door43.org/obs/jpg/360px/obs-en-18-10.jpg)

Reinu Judá no Izrael sai inimigu no dala barak funu hasoru malu.

![](https://cdn.door43.org/obs/jpg/360px/obs-en-18-11.jpg)

Iha reinu foun Izraél, liurai hotu-hotu aat. Liurai sira-neʼe barak mak ema Izraél seluk oho tanba hakarak sai liurai hodi troka sira.

![](https://cdn.door43.org/obs/jpg/360px/obs-en-18-12.jpg)

Liurai sira hotu no maioria hosi povu reinu Izrael nian adora estátua sira. Wainhira sira halo ida-neʼe, dala barak sira toba hamutuk ho feto-aat sira no dala ruma mós sakrifisia sira-nia oan ba estátua sira.

![](https://cdn.door43.org/obs/jpg/360px/obs-en-18-13.jpg)

Liurai Judá sira nian mak David nia bei-oan sira. Liurai sira-neʼe balu mak ema diʼak neʼebé ukun ho justisa no adora Maromak. Maibé liurai Judá nian barak liu mak aat. Sira ukun ho ladiʼak, no adora estátua sira. Liurai balu mós hasaʼe sira-nia oan nuʼudar sakrifísiu ba maromak falsu sira. Maioria husi povu Judá mós kontra hasoru Maromak no adora maromak sira seluk.

*A Bible story from: 1 Kings 1-6; 11-12*

## 19. Profeta sira

https://openbiblestories.org/l/tdt/story-19/

![](https://cdn.door43.org/obs/jpg/360px/obs-en-19-01.jpg)

Maromak sempre haruka Profeta ba ema Izrael. Profeta sira rona mensajen husi Maromak depois hato'o ba ema.

![](https://cdn.door43.org/obs/jpg/360px/obs-en-19-02.jpg)

Elia mak Profeta ida bainhira Ahab sai liurai ba reinu Izrael. Ahab mak ema aat ida. Nia koko halo povu adora Maromak falsu ida naran Baal. Tan ne'e mak Elia fo hatene ba Liurai Araun katak Maromak sei kastigu nia povu sira. Elia dehan ba nia(Liurai Araun), "Sei laiha udan ka mahobeen iha reinu Izrael to'o hau dehan udan sei tuun fali." Ida-ne'e halo Araun sai hirus tebes to'o nia deside atu oho Elia.

![](https://cdn.door43.org/obs/jpg/360px/obs-en-19-03.jpg)

Nune'e Maromak haruka Elia bá rai-fuik hodi subar husi Araun. Elia bá rai-fuik iha mota ida-ne'ebé Maromak haruka nia bá. Dadeer-dadeer no lorokraik, manu sira lori paun no na'an ba Elia. Iha tempu ne'ebá, Araun ho ninia tropa buka Elia, maibe sira la hetan nia.

![](https://cdn.door43.org/obs/jpg/360px/obs-en-19-04.jpg)

Tanba laiha udan, neneik-neneik mota ne'e sai maran. Nune'e Elia bá rai seluk ne'ebé besik. Iha rai ne'ebá iha feto faluk ki'ak ida ho nia oan mane. Sira kuaze atu laiha ai-han tanba laiha kolleta. Maibe nafatin, bainhira feto ne'e tau matan ba Elia, Maromak prepara nia no nia oan mane nia nesesidade. Fariña no mina nia fatin nunka mamuk. Sira hetan hahan durante tempu hamlaha. Elia hela iha ne'ebá besik tinan tolu.

![](https://cdn.door43.org/obs/jpg/360px/obs-en-19-05.jpg)

Liu tiha tinan tolu ho balu, Maromak hatete ba Elia katak nia sei haruka fali udan. Nia haruka Elia atu fila fali ba reiñu Izrael no ko'alia ho Araun. Nune'e Elia bá hasoru Araun. Bainhira Araun haree nia, Araun dehan, "mak ne'e, ó ne'ebé halo problema!" Elia hatan ba nia, "ó mak halo halo problema! imi abandona ona Maromak. Nia mak Maromak loos, maibe imi adora Baal. Agora ó tenke lori povu reiñu Izrael hotu ba foho Karmelu."

![](https://cdn.door43.org/obs/jpg/360px/obs-en-19-06.jpg)

Nune'e ema Izrael hotu la'o bá foho Karmelu. Ema balu dehan katak sira hato'o mensajen ba Baal mos mai. Baal nia Profeta sira mak ne'e. Iha na'in Atus-haat lima nulu. Elia dehan ba ema sira-ne'e, "to'o bainhira imi sei muda hanoin? Se Maromak ne'e Maromak, imi tuir Nia! Maibe se Baal, imi tuir nia!"

![](https://cdn.door43.org/obs/jpg/360px/obs-en-19-07.jpg)

Elia dehan ba Baal nia profeta sira, "Oho karau-aman ida, fahe nia na'an ba pedasuk, no tau iha altar leten hodi hasa'e sakrifísiu, maibe keta sunu ahi. Depois hau sei halo hanesan ne'e, no hau sei tau na'an ne'e iha altar seluk. Tuirmai bainhira Maromak haruka ahi ba altar, imi sei hatene katak Nia mak Maromak loos." Nune'e Baal nia profeta sira prepara sakrifísiu maibe la sunu ahi.

![](https://cdn.door43.org/obs/jpg/360px/obs-en-19-08.jpg)

Tuirmai Baal nia profeta sira harohan ba Baal dehan, "Rona mai ami, Baal!" Loron tomak sira harohan, hakilar, no to'o sira hakanek an ho tudik, maibe Baal la hatan, no la tiru ahi ida.

![](https://cdn.door43.org/obs/jpg/360px/obs-en-19-09.jpg)

Baal nia profeta sira gasta kuaze loron tomak hodi harohan ba Baal. Ikusmai sira para harohan. Tuirmai Elia tau karau-aman seluk nia isin iha Maromak nia altar leten. depois ida-ne'e, nia haruka ema sira iha ne'ebá hodi fakar bee sanan boot 12 ba sakrifísiu nia leten to'o na'an, ai, no rai ne'ebé hale'u altar sai bokon hotu.

![](https://cdn.door43.org/obs/jpg/360px/obs-en-19-10.jpg)

Depois Elia harohan, "Maromak, Abraun, Izak, no Jakó nia Maromak, hatudu mai ami agora katak Ita-boot mak Izrael nia Maromak no katak hau Ita-boot nia atan. Hatan mai hau hodi ema sira ne'e hatene katak Ita-boot mak Maromak loos."

![](https://cdn.door43.org/obs/jpg/360px/obs-en-19-11.jpg)

Momentu ne'e kedas, ahi tun husi lalehan. Ahi ne'e sunu na'an, ai, fatuk, rai, no mós bee ne'ebé hale'eu altar. Bainhira ema sira haree ida-ne'e, sira hakru'uk ba rai no dehan, "Maromak mak Maromak! Maromak mak Maromak!"

![](https://cdn.door43.org/obs/jpg/360px/obs-en-19-12.jpg)

Liu tiha ne'e, Elia dehan, "Keta husik Baal nia profeta ida halai sai!" Nune'e povu kaer Baal nia profeta sira no lori sira sai husi ne'ebá depois oho sira.

![](https://cdn.door43.org/obs/jpg/360px/obs-en-19-13.jpg)

No Elia dehan ba liurai Araun, "Fila kedas ba ó-nia uma, tamba udan besik mai ona."Lalehan sai metan kedas, no udan boot komesa tun. Maromak hakotu rai-maran(bai-loron). Ida-ne'e mos hatudu katak Nia mesak mak Maromak loos.

![](https://cdn.door43.org/obs/jpg/360px/obs-en-19-14.jpg)

Bainhira Elia remata ninia servisu, Maromak hili ema ida ho naran Eliza hodi sai nia profeta. Maromak halo milagra barak liu husi Eliza. Milagre ida mak akontese ba Naaman. Nia mak komandante tropa inimigu nian, maibe nia iha moras kulit ne'ebé grave. Naaman rona kona-ba Eliza, nune'e nia ba hasoru Eliza no husu ho kura nia. Eliza haruka Naaman ba iha Mota Jordaun no habokon nia an ba bee laran dala hitu.

![](https://cdn.door43.org/obs/jpg/360px/obs-en-19-15.jpg)

Naaman sai hirus. Nia lakohi atu halo ida-ne'e tamba hanesan la lojika. Maibe tuirmai Nia troka ninia hanoin. Nia ba iha Mota Jordaun no habokon nia an dala hitu iha bee laran. Bainhira nia sai husi bee-mota ikus, Maromak kura nia.

![](https://cdn.door43.org/obs/jpg/360px/obs-en-19-16.jpg)

Maromak mós haruka profeta barak seluk ba ema Izrael. Sira hotu haruka ema sira hodi para adora buat lulik. Duké halo nune'e, sira tenke trata malu ho justu no hatudu laran-sadia ba malu. Profeta sira fó-hanoin ba ema katak sira tenke para halo krime no fila hodi obedese ba Maromak. Se ema la halo ida-ne'e, Maromak sei konsidera sira halo sala, no Nia sei kastigu sira.

![](https://cdn.door43.org/obs/jpg/360px/obs-en-19-17.jpg)

Dala barak ema la obedesse ba Maromak. Dala barak sira halo aat profeta sira no to'o oho sira. Loron ida, sira hatama profeta Jeremias ba bee posu maran ida nia laran no husik nia mate iha ne'ebá. Nia mout iha tahu iha bee posu nia okos. Maibe depois liurai sente laran-sadia ba nia no haruka ninia atan sira hodi hasai Jeremias husi bee posu molok nia mate.

![](https://cdn.door43.org/obs/jpg/360px/obs-en-19-18.jpg)

Profeta sira nafatin ko'alia reprezenta Maromak maske ema balu odi sira. Sira fó-hanoin ema sira katak Maromak sei oho sira se sira la arepende. Sira mos fó-hanoin ema sira katak Maromak promete sei haruka Mesias ba sira.

*A Bible story from: 1 Kings 16-18; 2 Kings 5; Jeremiah 38*

## 20. The Exile and Return

https://openbiblestories.org/l/tdt/story-20/

![](https://cdn.door43.org/obs/jpg/360px/obs-en-20-01.jpg)

Reinu Izrael no reinu Yehuda halo sala hasoru Maromak. Sira kontra promesa ne'ebé Maromak halo ona ho sira iha foho Sinai. Maromak haruka ninia profeta sira hodi fó-hanoin sira atu arepende no adora fali Nia, maibe sira lakohi obedese.

![](https://cdn.door43.org/obs/jpg/360px/obs-en-20-02.jpg)

Nune'e Maromak kastigu reinu rua ne'e ho husik inimigu estraga sira. Asyur mak nasaun seluk ida-ne'ebé sai forsa tebes. Nasaun Asiria mós kruél tebes ho nasauk seluk. Sira mai no harahun reinu Izrael. Nasaun Asiria oho ema barak iha reinu Izrael, hadau buat gotu ne'ebé sira hakarak, no sunu maioria parte husi nasaun ne'ebá.

![](https://cdn.door43.org/obs/jpg/360px/obs-en-20-03.jpg)

Nasaun Asyur halibur líderansa sira, ema riku sira, no ema sira ne'ebé bele produz sasán sira ne'ebé ho folin boot. Sira lori ema sira ne'e ba Asyur. Hela ema Izrael oituan ne'ebé ki'ak tebes mak sei hela iha Izrael.

![](https://cdn.door43.org/obs/jpg/360px/obs-en-20-04.jpg)

Depois nasaun Asyur lori ema oin-foun hodi hela iha nasaun ne'ebá. Ema oin-foun sira harii fali sidade sira ne'ebá. Sira kaben ho ema Izrael ne'ebé sei hela iha-ne'ebá. Jerasaun ema sira ne'e hanaran ema Samaria.

![](https://cdn.door43.org/obs/jpg/360px/obs-en-20-05.jpg)

Abitante reinu Judá sira nian haree oinsa Maromak kastigu abitante reinu Izrael sira tamba la fiar no la obedese Nia. Maibe sira nafatin adora buat lulik, inklui maromak sira ema kanaan nian. Maromak haruka profeta sira hodi fó-hanoin sira, maibe sira lakohi rona.

![](https://cdn.door43.org/obs/jpg/360px/obs-en-20-06.jpg)

Maizumenus tinan 100 depois ema Asíria halakon reinu Izrael, Maromak haruka Nabukodonosor, liurai Babilónia, atu ataka reinu Judá. Babilónia mak nasaun ne'ebé forte. Liurai Judá konkorda atu sai Nabukodonosor nia atan no fó osan barak ba nia tinan-tinan.

![](https://cdn.door43.org/obs/jpg/360px/obs-en-20-07.jpg)

Maibe liutiha tinan balu, liurai Judá kontra hasoru Babilónia. Nune'e ema Babilónia sira fila fali no ataka reinu Judá. Sira hadau sidade Jerusalém, harahun Templu, no hadau sidade nia rikusoin hotu inklui Templu.

![](https://cdn.door43.org/obs/jpg/360px/obs-en-20-08.jpg)

Hodi kastigu liurai Judá tamba kontra, soldadu Nabukodonosor oho liurai nia oan-mane sira iha nia oin no tuirmai halo delek nia. Liu tiha ne'e, sira lori liurai sai atu nune'e nia mate iha komarka Babilónia nian.

![](https://cdn.door43.org/obs/jpg/360px/obs-en-20-09.jpg)

Nabukodonosor no nia soldadu sira kuaze lori hotu povu reinu Judá ba Babilónia, husik de'it ema ki'ak sira atu halo to'os. Període tempu bainhira Maromak nia povu obriga an husik hela rai prometida hanaran Dispozisaun.

![](https://cdn.door43.org/obs/jpg/360px/obs-en-20-10.jpg)

Maske Maromak kastigu nia povu sira liu-husi lori sira ba ezíliu tamba sira-nia pekadu, Nia la haluha sira ka Nia promesa sira. Maromak nafatin tau-matan ba Nia povu sira no ko'alia ho sira liuhusi profeta sira. Nia promete katak, liutiha tinan 70, sira sei fila fali ba rai Prometida.

![](https://cdn.door43.org/obs/jpg/360px/obs-en-20-11.jpg)

Maizumenus tinan 70 liutiha, Ciro, liurai Persia, halakon Babilónia. Nune'e la'os tan Babilónia nia Impériu maibe Persia nia Impériu ne'ebé agora kontrola hela nasaun barak. Nasaun Izrael agora hanaran Judeu. Barak husi sira mak hala'o ona sira-nia moris tomak iha Babilónia. Oituan de'it mak ema Judeu ne'ebé idade tebes mak sei relembra rai Judá.

![](https://cdn.door43.org/obs/jpg/360px/obs-en-20-12.jpg)

Ema Persia iha duni kbi'it, maibe sira hatudu laran-sadi'a ba ema ne'ebé sira manán. Lakleur depois Ciro sai liurai iha Persia, nia fó órden ida katak ema Judeu hotu-hotu ne'ebé hakarak fila fali ba Judá bele husik hela Persia no fila fali ba Judá. Nia mós fó sira osan hodi harii fali Templu! Nune'e, liutiha tinan 70 iha ezíliu, grupu ki'ik ema Judeu ida fila fali ba sidade Jerusalém iha Judá.

![](https://cdn.door43.org/obs/jpg/360px/obs-en-20-13.jpg)

Bainhira ema ezíliu sira to'o iha Jerusalém, sira fila fali Templu no parede hale'u sidade. Ema Persia sei komanda sira, maibe dala ita tan ema Judeu hela iha Rai Prometida no halo adorasaun iha Templu.

*A Bible story from: 2 Kings 17; 24-25; 2 Chronicles 36; Ezra 1-10; Nehemiah 1-13*

## 21. God Promises the Messiah

https://openbiblestories.org/l/tdt/story-21/

![](https://cdn.door43.org/obs/jpg/360px/obs-en-21-01.jpg)

Maske bainhira Maromak kria mundu, Nia hatene katak loron ruma Nia sei haruka Mesias. Nia promete ba Adaun no Eva katak Nia sei halo ida-ne'e. Nia hatete katak Eva nia jeresaun sei moris mai ne'ebé sei harahun samea nia ulun. Tuir lolos Sataná hatudu an hanesan samea hodi lohi Eva. Maromak hakarak katak Mesias sei Manán satanás.

![](https://cdn.door43.org/obs/jpg/360px/obs-en-21-02.jpg)

Maromak promete ba Abraun katak husi nia ema hotu-hotu iha mundu sei hetan bensaun. Maromak sei kumpre promesa ne'e hodi haruka Mesias iha futuru. Mesias sei salva ema husi sira-nia pekadu iha grupu étniku hotu-hotu iha mundu.

![](https://cdn.door43.org/obs/jpg/360px/obs-en-21-03.jpg)

Maromak promete ba Moises katak iha futuru Nia sei haruka profeta seluk hanesan Moises. Profeta ne'e sei bolu Mesias. Ho maneira ne'e, Maromak promete fali katak Nia sei haruka Mesias.

![](https://cdn.door43.org/obs/jpg/360px/obs-en-21-04.jpg)

Maromak promete ba liurai David katak nia jerasaun ida sei sai Mesias. Nia sei sai liurai no ukun Maromak nia povu ba nafatin.

![](https://cdn.door43.org/obs/jpg/360px/obs-en-21-05.jpg)

Maromak ko'alia ba profeta Jeremias no fó-hatene katak iha loron ida Nia sei halo testamentu foun. Testamentu foun sei la hanesan testamentu tuan ne'ebé Maromak halo ho Izrael iha Sinai. Bainhira Nia halo testamentu foun ho ema, Nia sei halo sira koñese Nia pesoalmente. Ema ida-idak sempre hadomi Nia no hakarak obedese ba Ninia ukun-fuan sira. Maromak hatete ida-ne'e hanesan hakerek hela Ninia ukun-fuan iha sira-nia fuan. Sira sei sai Ninia povu, no Maromak sei perdua sira-nia pekadu sira. Mesias mak sei halo testamentu foun ho sira.

![](https://cdn.door43.org/obs/jpg/360px/obs-en-21-06.jpg)

Maromak nia profeta sira mós hatete katak Mesias sei sai profeta ida, amululik ida, no liurai ida. Profeta mak ema ne'ebé rona Maromak nia liafuan no sei haklaken Maromak nia mensajen ba ema. Mesias ne'ebé Maromak promete hodi haruka sei sai profeta ne'ebé perfeitu. Signifika, Mesias sei rona Maromak nia mensajen sira ho perfeitu, no nia sei komprende ho perfeitu, no nia sei hanorin ba ema ho perfeitu.

![](https://cdn.door43.org/obs/jpg/360px/obs-en-21-07.jpg)

Amululik sira Izrael nian nafatin halo sakrifísiu ba Maromak tanba nia povu sira. Sakrifísiu sira ne'e sai hanesan substitutu ba Maromak ne'ebé fó kastigu ba ema tamba sira-nia pekadu sira. Amululik sira mós harohan ba Maromak tamba nia povu sira. Maibe, Mesias sei sai Amululik bo'ot ne'ebé perfeitu ne'ebé sei fó nia-an hanesan sakrifísiu ida-ne'ebé perfeitu ba Maromak. Signifika katak, Nia sei la halo pekadu, no bainhira Nia entrega Nia-an hodi sai sakrifísiu, nune'e sei la iha sakrifísiu seluk ba pekadu nesesáriu sira.

![](https://cdn.door43.org/obs/jpg/360px/obs-en-21-08.jpg)

Liurai no lideransa komanda ema lubun ida, no dalaruma sira halo sala. Liurai David komanda de'it povu Izrael sira. Maibe Mesias, David nia jerasaun, sei komanda mundu tomak, no nia sei komanda ba nafatin. Aleinde ne'e, Nia sei komanda ho justu no foti desizaun ho lolos.

![](https://cdn.door43.org/obs/jpg/360px/obs-en-21-09.jpg)

Maromak nia profeta sira hatete buat barak seluk kona-ba Meisias. Hanesan banati, Malaquias hatete katak profeta seluk sei mai molok Mesias mai. Profeta ne'e sei sai importante tebes. Mós, profeta Isáias hakerek katak Mesias sei moris husi feto virjen ida. No profeta Miqueias dehan katak Mesias sei moris iha sidade Belém.

![](https://cdn.door43.org/obs/jpg/360px/obs-en-21-10.jpg)

Profeta Isáias hatete Mesias sei hela iha rejiaun Galilea. Mesias sei fó kmaan ba ema triste sira. Nia mós sei liberta ema dadur sira. Mesias mós sei kura ema moras no sira ne'ebé la bele rona, haree, ko'alia, ka la'o.

![](https://cdn.door43.org/obs/jpg/360px/obs-en-21-11.jpg)

Profeta Isáias mós hatete katak ema hotu sei odi Mesias no rejeita Nia. Profeta sira seluk hatete katak Mesias nia belun di'ak sei fila komtra Nia. Profeta Zacaria hatete katak belun ne'e sei simu osan mutin 30 husi ema seluk tamba halo buat ne'e. Mós, profeta balu hatete katak ema sira sei oho Mesias, no sira sei vota hodi hetan Nia ropa.

![](https://cdn.door43.org/obs/jpg/360px/obs-en-21-12.jpg)

Profeta sira mós konta kona-ba oinsa Mesias sei mate. Isáias profesia katak ema sira sei tafui, hamoe, no baku Mesias. Sira sei tuu Nia, no Nia sei mate iha moras no sofrimentu ne'ebé maka'as tebes, maske Nia la halo sala buat ida.

![](https://cdn.door43.org/obs/jpg/360px/obs-en-21-13.jpg)

Profeta sira mós hatete katak Mesias sei la halo pekadu. Nia sei sai perfeitu. Maibe Nia sei mate tan de'it Maromak sei kastigu Nia tamba ema seluk nia pekadu. Bainhira Nia mate, ema sei bele dame ho Maromak. tamba ida-ne'e, iha Maromak nia planu, Mesias tenke mate.

![](https://cdn.door43.org/obs/jpg/360px/obs-en-21-14.jpg)

Profeta sira mós hatete katak Maromak sei hamoris Mesias husi mate. Buat ne'e hatudu katak Jesus nia mate no moris Maromak nia planu hodi halo testamentu foun, atu nune'e Nia bele salva ema hotu ne'ebé halo sala hasoru Nia.

![](https://cdn.door43.org/obs/jpg/360px/obs-en-21-15.jpg)

Maromak revela ba profeta sira buat barak kona-ba Mesias, maibe Mesias la mai iha profeta sira-nia tempu. Liu husi tinan 400 depois relata profesia ikus, iha tempu ne'ebé loos, Maromak mengirimkan Mesias ba mundu.

*A Bible story from: Genesis 3; 12; Deuteronomy 18:15; 2 Samuel 7; Psalm 16; 22; 35; 69; 41; Isaiah 7:14; 9:1-7; 61; 53; 50:6; 59:16; Jeremiah 31; Daniel 7; Micah 5:2; Zechariah 11:12-13; Malachi 4:5*

## 22. The Birth of John

https://openbiblestories.org/l/tdt/story-22/

![](https://cdn.door43.org/obs/jpg/360px/obs-en-22-01.jpg)

Iha pasadu, Maromak ko'alia ba Nia profeta sira hodi sira bele ko'alia ho Nia povu sira. Depois, tinan 400 silensiu nian mai iha-ne'ebé Nia la ko'alia ho ema. Depois Maromak ordena anju ba amululik ho naran Zacarias. Zacarias no nia feen, Isabel, fiar ba Maromak. Sira idade ona, no nia feen seidauk hahoris oan ida.

![](https://cdn.door43.org/obs/jpg/360px/obs-en-22-02.jpg)

Anju ne'e ko'alia ba Zacarias, "Ó-nia feen sei hahoris bebe mane ida. No imi tenke fó-naran nia Joaun. Maromak sei kompleta nia ho Espiritu Santu, no Joaun sei prepara ema sira hodi simu Mesias!" Zacarias hatan, "Hau no hau-nia feen idade liu ona hodi iha oan! Oinsa hau hatene katak ida ita-bo'ot hatete ne'e loos?"

![](https://cdn.door43.org/obs/jpg/360px/obs-en-22-03.jpg)

Anju ne'e hatan ba Zacarias, "Maromak mak ordena hau hodi hato'o mensajen di'ak ne'e ba ó. Tamba ó la fiar mai hau, ó sei la bele ko'alia to'o labarik ne'e moris." Momentu ne'e kedas, Zacarias la bele ko'alia. Tuirmai anju ne'e husik hela Zakarias. Liu tiha ne'e, Zacarias fila ba uma no nia feen isin-rua.

![](https://cdn.door43.org/obs/jpg/360px/obs-en-22-04.jpg)

Bainhira Isabel isin-rua hela fulan neen, derepente anju ne'ebé hanesan hatudu an ba Isabel nia feto maluk, ida naran Maria. Nia sei virjen no prenda hela ho mane ida naran José. Anju ne'e dehan, "Ó sei isin-rua no sei hahoris bebe mane ida. No ó tenke fó-naran Nia Jesus. Nia sei ukun ba nafatin.

![](https://cdn.door43.org/obs/jpg/360px/obs-en-22-05.jpg)

Maria hatan, "Oinsa buat ne'e bele akontese, bainhira hau sei virjen?" Anju ne'e hatan, "Epiritu Santu sei tuun ba ó-nia leten, no Maromak aas liu hotu nia kbi'it sei hamutuk ho ó. Tammba ne'e, labarik ne'e sei sai Santu no Nia sei sai Maromak nia Oan." No Maria fiar ho saida mak anju ne'e ko'alia.

![](https://cdn.door43.org/obs/jpg/360px/obs-en-22-06.jpg)

Liu tiha buat ne'ebé akontese ne'e, Maria bá no vizita Isabel. Maria kumprimenta tiha nia, Isabel nia bebe tama kedas bannia knotak. Feto na'in rua ne'e haksolok ho saida mak Maromak halo ba sira na'in rua. Depois de Maria vizita Isabel durante fulan tolu, Maria fila ba uma.

![](https://cdn.door43.org/obs/jpg/360px/obs-en-22-07.jpg)

Liu tiha ne'e, Isabel hahoris nia oan mane. Zacarias ho Isabel fó-naran bebe ne'e Joaun, hanesan saida mak anju haruka. Zacarias dehan, "Hahii ba Maromak, tamba Nia hanoin Nia povu! Ó, hau-nia oan, sei sai Maromak ne'ebé aas liu hotu nia profeta. Ó sei haklaken ba ema hotu oinsa sira bele hetan perdaun ba sira-nia pekadu.

*A Bible story from: Luke 1*

## 23. Jesus moris

https://openbiblestories.org/l/tdt/story-23/

![](https://cdn.door43.org/obs/jpg/360px/obs-en-23-01.jpg)

Maria prenda ho ema lo’os ida naran José. Bainhira José rona katak Maria iha kondisaun isin-rua, nia hatene katak labarik iha kabun-laran ne’e laos nia oan. Maibe, nia lakoi hamoe Maria, nune’e nia hili atu sadia Maria hodi fahe malu ho nonok. Maibe antes nia halo nune’e, anju ida mai ba nia iha mehi no koalia ho José.

![](https://cdn.door43.org/obs/jpg/360px/obs-en-23-02.jpg)

Anju ne’e hateten, “José, keta tauk atu foti Maria nu’udar o nia feen. Labarik ne’ebe iha Maria nia knotak ne’e mai husi Espiritu Santu. Nia sei hahoris oan-mane ida. No imi sei hanaran Nia Jezús (ne’ebe signifika ‘Maromak salva’), tamba Nia mak sei salva ema sira husi sira-nia pekadu sira.

![](https://cdn.door43.org/obs/jpg/360px/obs-en-23-03.jpg)

Depoiz José kaben ho Maria no lori fila nia nu’udar nia feen, maibe nia la toba ho Maria to’o Maria partus.

![](https://cdn.door43.org/obs/jpg/360px/obs-en-23-04.jpg)

Bainhira tempu too ona Maria atu hahoris, nia ho José iha viagem do’ok atu ba sidade Belém. Sira tenki ba ne’eba tamba líder Romano atu halo konta ba ema hotu ne’ebe iha rai Izrael. Sira hakarak ema hotu-hotu ba rai neʼebé sira-nia beiʼala sira orijna. Liurai David moris iha rai Belém, no nia mak José no Maria nia bei’ala.

![](https://cdn.door43.org/obs/jpg/360px/obs-en-23-05.jpg)

Maria no José to’o iha rai Belém, maibe sira laiha fatin atu hela ba exetu animal nia luhan. Iha animal nia luhan mak Maria hahoris nia oan. Nia hatoba bebe ne’e iha manger laran, tamba fatin toba laiha. No sira hanaran labarik ne’e Jezús.

![](https://cdn.door43.org/obs/jpg/360px/obs-en-23-06.jpg)

Kalan ne’eba, iha bibi-atan balun iha kampo du’ut besik bibi-luhan ne’e hein hela sira nia bibi-malae sira. Derepenti, anju ida naromak mosu ba sira, no sira ta’uk tebes. Anju ne’e hatete. “Labele tauk, tamba hau lori novidades diak ba imi. Mesias, Salvador, moris ona iha Belém!”

![](https://cdn.door43.org/obs/jpg/360px/obs-en-23-07.jpg)

Kalan ne’eba, iha bibi-atan balun iha kampo du’ut besik bibi-luhan ne’e hein hela sira nia bibi-malae sira. Derepenti, anju ida naromak mosu ba sira, no sira ta’uk tebes. Anju ne’e hatete. “Labele tauk, tamba hau lori novidades diak ba imi. Mesias, Salvador, moris ona iha Belém!”

![](https://cdn.door43.org/obs/jpg/360px/obs-en-23-08.jpg)

Nune’e anju sira ne’e fila. No bibi-atan sira ne’e husik hela sira-nia bibi-malae sira hodi ba buka bebe ne’e. Sira to’o fatin ne’ebe Jezús iha ba no sira hetan Nia latan hela iha Manger laran, hanesan ho saida mak anju sira hateten ba sira. Sira haksolok tebes. Hotu tiha bibi-atan sira ne’e fila fali ba kampo du’ut ne’ebe sira husik sira nia bibi-malae sira ba. No sira fó glória ba Maromak tamba buat sira ne’ebe sira rona no haree.

![](https://cdn.door43.org/obs/jpg/360px/obs-en-23-09.jpg)

Iha matenek-na’in balun husi rai ida do’ok ba parte leste. Sira estuda kona-ba fitun-sira no sira prudente tebes. Sira haree fitun ida ne’ebe la normál iha lalehan. Sira hateten ne’e signifika Liurai foun ida ba ema Judeu sira moris ona. Tan ne’e sira desidi atu halo viagem husi sira-nia rai atu ba haree labarik ne’e. Depoiz sira lao do’ok, sira to’o iha Belém no hetan uma ne’ebe Jezús no nia inan-aman hela ba.

![](https://cdn.door43.org/obs/jpg/360px/obs-en-23-10.jpg)

Bainhira matenek-na’in sira ne’e haree Jezús no Nia inan, sira hakneak no adora Nia. Sira fó Jezús prezente sira ne’ebe folin karun. No hafoin ne’e sira fila ba uma.

*A Bible story from: Matthew 1-2; Luke 2*

## 24. John Baptizes Jesus

https://openbiblestories.org/l/tdt/story-24/

![](https://cdn.door43.org/obs/jpg/360px/obs-en-24-01.jpg)

Zakaria no Elizabet nia oan Joaun sai joven no sai profeta ida. Nia hela iha dezertu, ninia hahan mak banin been fuik no gafañotu, no uza roupa halo husi kuda kamelu nia fulun.

![](https://cdn.door43.org/obs/jpg/360px/obs-en-24-02.jpg)

Ema barak ba dezertu hodi rona Joaun. Nia haklaken ba sira, no dehan, “Arepende ba, tamba Maromak nia reinu besik ona!”

![](https://cdn.door43.org/obs/jpg/360px/obs-en-24-03.jpg)

Bainhira ema-sira rona Joaun nia mensajem, maioria husi sira arepende husi sira-nia pekadu sira, no Joaun fó sarani sira. Líder relijiozu barak mós ba hodi haree Joaun, maibe sira la arepende nem konfesa sira nia sala.

![](https://cdn.door43.org/obs/jpg/360px/obs-en-24-04.jpg)

Joaun dehan ba líder relijiozu sira, “imi samea veneno! Arepende no muda ba imi-nia hahalok. Maromak sei tesi ai-hun sira ne’ebe la fó fuan di’ak, no Nia soe ba ahi.” Joaun kompleta saida mak profeta sira profesia ona, “Haree ba, Hau sei haruka Hau-nia mensajeiru uluk ba Imi, ne’ebe sei prepara dalan ba Imi.”

![](https://cdn.door43.org/obs/jpg/360px/obs-en-24-05.jpg)

Líder relijiozu balu husu ba Joaun se nia mak Mesias. Joaun hatán, “Hau laos Mesias, maibe Nia sei mai tuir husi hau. Nia maka’as liu hau, no hau la merese atu kore nia sandálias tali.”

![](https://cdn.door43.org/obs/jpg/360px/obs-en-24-06.jpg)

Loron tuirmai, Jezús mai ba Joaun hodi sarani. Bainhira Joaun haree Nia, nia dehan, “Haree! Ne’e mak Maromak nia bibi-malae oan ne’ebe sei kasu sala iha mundu.”

![](https://cdn.door43.org/obs/jpg/360px/obs-en-24-07.jpg)

Joaun dehan ba Jezús, “Hau la serve hodi fó sarani Ita. Maibe, Ita boot mak fó sarani hau.” Maibé Jezús dehan, “Ó tenki fó sarani hau, tamba loloos ida ne’e mak tenki akontese.” Hafoin Joaun fó sarani Nia mazke Jezús nunka halo pekadu.

![](https://cdn.door43.org/obs/jpg/360px/obs-en-24-08.jpg)

Bainhira Jezús sai husi be’e depoiz de sarani, Nai nia Ispíritu Santu mosu mai ho forma manu-pombu ida, no tuun no hela iha Nia leten. Iha momentu ne’ebe hanesan, Nai Maromak koalia mai husi lalehan. Nai dehan, “Ne’e mak hau nia oan ne’ebe hau hadomi no hau haksolok ho Nia.”

![](https://cdn.door43.org/obs/jpg/360px/obs-en-24-09.jpg)

Nai dehan ona ba Joaun, “Ispíritu Santu sei tuun no hela iha ema ne’ebe o fó sarani ona. Ema ne’e Nai nia oan.” Só iha Maromak ida de’it. Maibe bainhira Joaun fó sarani Jezús, nia rona Aman Maromak hateten, haree Maromak Oan, ne’e mak Jezús, no nia mós haree hetan Ispíritu Santu.

*A Bible story from: Matthew 3; Mark 1; Luke 3; John 1:15-37*

## 25. Satan Tempts Jesus

https://openbiblestories.org/l/tdt/story-25/

![](https://cdn.door43.org/obs/jpg/360px/obs-en-25-01.jpg)

Depois de Jesus simu batizmu, Espiritu santu lori Nia ba rai maran. Jesus hela iha neba durante loron 40 no kalan 40. Iha momentu neba Nia jejun hela, no Satanas mai iha Jesus no tenta Nia atu halo sala.

![](https://cdn.door43.org/obs/jpg/360px/obs-en-25-02.jpg)

Dahuluk, Satanas dehan ba Jesus, "Se Ita-bo'ot Maramak Oan, muda fatuk sira ne'e sai paun hodi Ita-bo'ot bele han!"

![](https://cdn.door43.org/obs/jpg/360px/obs-en-25-03.jpg)

Maibe Jesus dehan ba Satanas, "Hakerek iha Maromak nia liafuan sagrada(biblia), 'Ema la moris deit ho paun, maibe sira presiza buat hotu nrbr iha ligasaun ho sira-nia Maromak!'"

![](https://cdn.door43.org/obs/jpg/360px/obs-en-25-04.jpg)

Depois Satanas lori Jesus ba fatin nebe aas iha Maromak nia Templu. Nia dehan ba Jesus, "Se Ita-bo'ot Maromak Oan, hamonu O an ba kraik, tamba hakerek ona, 'Maromak sei haruka Nia anju sira hodi simu Ita-bo'ot hodi O nia ain la kona fatuk.'"

![](https://cdn.door43.org/obs/jpg/360px/obs-en-25-05.jpg)

Maibe Jesus la halo saida mak Satanas ne ko'alia. Maibe, Nia dehan, "Maromak dehan ba ema hotu, 'Labele koko Na'i, o nia Maromak'."

![](https://cdn.door43.org/obs/jpg/360px/obs-en-25-06.jpg)

Depois Satanas hatudu Reinu mundu nian ba Jesus. Nia hatudu oinsa sira-nia forsa no sira-nia riku ba Jesus. Depois nia dehan ba Jesus, 'Hau sei fo buat hotu ne'e ba Ita-bo'ot se Ita-bo'ot hakneak no adora hau."

![](https://cdn.door43.org/obs/jpg/360px/obs-en-25-07.jpg)

Jesus hatan, "Sai husi Hau-nia oin, Satanas! Iha Maromak nia liafuan sagrada, Nia haruka Nia povu hodi, 'Adora Na'i, o-nia Maromak. No ba de'it Nia o hamtauk'."

![](https://cdn.door43.org/obs/jpg/360px/obs-en-25-08.jpg)

Jesus la rende ho Satanas nia tentasaun, to'o Satanas husik hela Nia. Depois anju sira mai no servi Nia.

*A Bible story from: Matthew 4:1-11; Mark 1:12-13; Luke 4:1-13*

## 26. Jesus Starts His Ministry

https://openbiblestories.org/l/tdt/story-26/

![](https://cdn.door43.org/obs/jpg/360px/obs-en-26-01.jpg)

Depois de Jesus rejeita Satanas nia tentasaun, Nia fila ba area Galilea. Nia hela iha neba. Espiritu santu fo poder barak ba Nia, no Jesus la'o ba fatin ida ba fatin seluk no hanorin ema sira. Ema sira dehan buat nebe di'alk kona ba Nia.

![](https://cdn.door43.org/obs/jpg/360px/obs-en-26-02.jpg)

Jesus la'o ba sidade Nazaret. Ne'e mak aldeia nebe Nia hela ba bainhira Nia sei ki'ik. Iha loron sabadu, Nia la'o ba fatin kultu. Lider sira fó ba Nia livru ne'ebé iha mensajen hosi profeta Isaías. Sira hakarak Nia lee. Nia loke livru ne'e, depois Nia lee parte balu husi livru ne'e ba ema sira.

![](https://cdn.door43.org/obs/jpg/360px/obs-en-26-03.jpg)

Jesus lee, "Maromak fo mai hau Ninia Espiritu hodi Hau bele fo-sai novidade di'ak ba ema ki'ak sira. Nia haruka Hau hodi liberta dadur sira, halo ema matan-delek bele haree fila fali, no liberta sira nebe hetan presaun husi ema seluk. Agora mak tempu ne'ebé Na'i sei hatudu nia misericórdia ba ita no tulun ita."

![](https://cdn.door43.org/obs/jpg/360px/obs-en-26-04.jpg)

Depois Jesus tuur. Ema hotu haree Nia ho atensaun tomak. Sira hatene katak parte ida husi Maromak nia liafuan ne’ebé Nia lee mak kona-ba Mesias. Jesus dehan, "Buat sira nebe Hau lee ba imi, sira ne'e agora akontese hela." Ema hotu hakfodak. Sira dehan "Laos ka Nia ne'e Jose nia oan?."

![](https://cdn.door43.org/obs/jpg/360px/obs-en-26-05.jpg)

Depois jesus dehan, "Loos duni katak profeta ida nunka hetan simu iha fatin nebe nia bo'ot ba. Iha tempu profeta Elia, iha Izrael feto-faluk barak. Maibe bainhira udan la iha durante tinan tolu ho balun, Maromak la haruka Elia hodi ajuda feto-faluk ida iha Izrael. Maibe, Nia haruka Elia ba iha feto-faluk ida husi rai seluk."

![](https://cdn.door43.org/obs/jpg/360px/obs-en-26-06.jpg)

Tuiur mai Jesus dehan, "No iha tempu profeta Eliza, iha ema Izrael barak mak hetan moras kulit. Maibe Eliza la kura ida husi sira. Nia kura de'it moras kulit husi Naaman, komandante ida husi Izrael nia inimigu." Maibe ema sira nebe rona hela Jesus iha momentu neba sira mak ema Judeu. Depois bainhira sira rona Nia dehan nune'e, sira sai hirus tebes ba Nia.

![](https://cdn.door43.org/obs/jpg/360px/obs-en-26-07.jpg)

Ema Nazaret sira kaer Jesus no dada Nia sai husi fatin kultu. Sira lori Nia ba rai-naruk ninin hodi hamonu Nia atu sira bele oho Nia. Maibe Jesus la'o liu husi ema lubun bo'ot ne'e no la'o sai husi sidade Nazaret.

![](https://cdn.door43.org/obs/jpg/360px/obs-en-26-08.jpg)

Depois Jesus la'o ba area hotu iha Galilea, no ema barak mak mai iha Nia. Sira lori ema moras barak ka difisiensia. Iha ema matan-delek balun, no sira seluk difisiensia, diuk, ka ko'alia lahatene, depois Jesus kura sira.

![](https://cdn.door43.org/obs/jpg/360px/obs-en-26-09.jpg)

No mos, ema barak mak posedu husi satana lori ba Jesus. Jesus haruka sai satana sira husi sira-nia isin, depois satana sira ne'e sai. Satana sira hakilar, "Ita-bo'ot Maromak Oan!" Ema lubun barak ne'e hakfodak, no sira hahi Maromak.

![](https://cdn.door43.org/obs/jpg/360px/obs-en-26-10.jpg)

Depois Jesus hili ema na'in 12 entre Ninia eskolante sira hodi sai Nia mensajenáriu espesiál. Nia hanaran sira "Profeta". Profeta sira ne'e hala'o viajen hamutuk ho Jesus no aprende husi Nia.

*A Bible story from: Matthew 4:12-25; Mark 1-3; Luke 4*

## 27. The Story of the Good Samaritan

https://openbiblestories.org/l/tdt/story-27/

![](https://cdn.door43.org/obs/jpg/360px/obs-en-27-01.jpg)

Loron ida, iha Eskriba ida mai husi Judeu ba iha Jesus. Nia hakarak hatudu ba ema hotu katak Jesus fo doutrina ne'ebé sala. Depois nia dehan, "Mestre, saida mak hau tenke halo hodi hetan moris rohan laek?" Jesus hatan, "Saida mak hakerek iha lei torah?"

![](https://cdn.door43.org/obs/jpg/360px/obs-en-27-02.jpg)

Eskriba ne'e hatan, "Dehan, 'Hadomi imi nia Na'i Maromak ho imi nia fuan tomak, ho imi nia klamar tomak, ho imi nia kbiit tomak, no ho imi nia neon tomak. No hadomi ó-nia maluk hanesan ó-nia an rasik'."Jesus hatan, "Ita-boot loos! sé ita-boot halo buat hirak ne'e hotu, ita-boot sei hetan moris rohan laek."

![](https://cdn.door43.org/obs/jpg/360px/obs-en-27-03.jpg)

Maibe eskriba ne'e hakarak hatudu ba ema hotu katak nia maneira moris mak loos. Depois nia husu ba Jesus, "sé hanesan ne'e, sé mak hau nia maluk?"

![](https://cdn.door43.org/obs/jpg/360px/obs-en-27-04.jpg)

Jesus hatan ba eskriba ne'e ho konta istória ida. "Iha ema Judeu ida ne'ebé halo viajen tuir dalan husi Jerusalém ba Jeriko."

![](https://cdn.door43.org/obs/jpg/360px/obs-en-27-05.jpg)

"Maibe na'okten balun hetan nia no ataka nia. Sira foti buat hotu neʼebé nia iha no baku nia besik atu mate. Depois sira bá tiha."

![](https://cdn.door43.org/obs/jpg/360px/obs-en-27-06.jpg)

"Lakleur, am'lulik Jeudeu nian ida la'o tuir dalan ne'ebé hanesan. Am'lulik ne'e hetan ema Judeu ne'e toba hela iha dalan. Bainhira nia haree ida-ne'e, nia muda ba dalan seluk no kontinua nia viajen. Nia ignora tebes ema ne'e."

![](https://cdn.door43.org/obs/jpg/360px/obs-en-27-07.jpg)

"Lakleur depois ne'e, ema Levi ida liu husi dalan ne'e. (Levita sira mak suku ida husi Judeu neʼebé tulun am'lulik sira iha Templu). Levita ne'e mos atravesa ba dalan seluk no nia ignora ema ne'e."

![](https://cdn.door43.org/obs/jpg/360px/obs-en-27-08.jpg)

"Ema tuirmai neʼebé liu mak ema Samaria ida. (Ema Samaria no ema Judeu odi malu.) Ema Samaria nee haree ema nee iha dalan. Nia haree katak nia ema Judeu ida, maibé nia nafatin iha laran-sadia boot ba nia. Nune'e nia hakbesik ba nia hodi falun nia kanek sira."

![](https://cdn.door43.org/obs/jpg/360px/obs-en-27-09.jpg)

"Depois, ema Samaria ne'e hasa'e ema ne'e ba nia kuda-burru. Nia lori nia ba uma ida iha dalan ninin. No iha ne'ebá nia tau matan ba ema ne'e."

![](https://cdn.door43.org/obs/jpg/360px/obs-en-27-10.jpg)

"Iha loron tuirmai ema Samaria tenke kontinua nia viajen. Nia fó osan ba uma-na'in. Nia dehan ba nia, 'Tau matan ba ema ne'e. Se ó gasta liu ida-ne'e, ha'u sei selu fali ó bainhira ha'u fila'."

![](https://cdn.door43.org/obs/jpg/360px/obs-en-27-11.jpg)

Depois Jesus husu ba eskriba ne'e, "Oinsa Ó nia hanoin? Husi ema na’in tolu ne’e, ida ne’ebé mak maluk husi mane ne’ebé ema na’ok no baku?" Nia hatan, "Ema neʼebé laran-sadia ba nia." Jesus dehan ba nia, "Bá no halo ba buat neʼebé hanesan."

*A Bible story from: Luke 10:25-37*

## 28. Ukun na'in joven ne'ebe riku

https://openbiblestories.org/l/tdt/story-28/

![](https://cdn.door43.org/obs/jpg/360px/obs-en-28-01.jpg)

Loron ida, ukun na’in joven riku ida mai hasoru Jesus hodi husu ba Nia, “Mestre ne'ebé di’ak, saida mak ha’u tenke halo atu hetan moris rohan-laek?” Jesus dehan ba nia: "Tansá ó bolu Ha'u 'di'ak'? Só iha ida de'it mak Di'ak, mak Maromak. Maibé se ó hakarak hetan moris rohan-laek, halo tuir Maromak nia ukun-fuan."

![](https://cdn.door43.org/obs/jpg/360px/obs-en-28-02.jpg)

"Ukun-fuan sira ne'ebé maka ha'u tenke halo tuir?" nia husu. Jesus hatán: “Keta oho, keta halo adultériu, keta naʼok, keta fó sasin bosok, respeitu ó-nia aman no inan, no hadomi ó-nia maluk hanesan ó-nia an rasik.”

![](https://cdn.door43.org/obs/jpg/360px/obs-en-28-03.jpg)

Maibee klosan nee dehan, "Hau halo tuir ona ukunfuan sira nee hotu desde hau sei kiik. Saida tan mak hau tenki halo atu hetan moris rohan laek?" Jesus hateke ba nia no hadomi nia.

![](https://cdn.door43.org/obs/jpg/360px/obs-en-28-04.jpg)

Jesus hatan: "Se ó hakarak sai perfeitu, bá no fa'an buat hotu ne'ebé ó iha no fó osan ba ema kiak sira, no ó sei hetan rikusoin iha lalehan. Depois mai no tuir Ha'u."

![](https://cdn.door43.org/obs/jpg/360px/obs-en-28-05.jpg)

Bainhira joven neʼe rona buat neʼebé Jesus koʼalia, nia sai triste tebes tanba nia riku tebes no lakohi fó buat hotu neʼebé nia iha. Nia fila kotuk hodi husik Jesus.

![](https://cdn.door43.org/obs/jpg/360px/obs-en-28-06.jpg)

Depois Jesus dehan ba Nia eskolante sira: "Susar tebes ba ema riku ida atu tama iha Maromak nia reinu! Loos, fasil liu ba kuda-kamelu ida atu tama husi daun nia kuak duké ema riku ida atu tama iha Maromak nia reinu."

![](https://cdn.door43.org/obs/jpg/360px/obs-en-28-07.jpg)

Bainhira eskolante sira rona saida mak Jesus ko'alia, sira hakfodak tebes. Sira dehan, "Se nune'e, Maromak sei soi se?"

![](https://cdn.door43.org/obs/jpg/360px/obs-en-28-08.jpg)

Jesus hateke ba eskolante sira hodi dehan: "Imposível ba ema atu salva sira-nia an. Maibé la iha buat ida mak imposivel ba Maromak."

![](https://cdn.door43.org/obs/jpg/360px/obs-en-28-09.jpg)

Pedro dehan ba Jesus, "Ami husik ona buat hotu hodi tuir Ita Bo'ot. Ami sei hetan saida?"

![](https://cdn.door43.org/obs/jpg/360px/obs-en-28-10.jpg)

Jesus hatán, "Ema hotu-hotu ne'ebé husik nia uma, maun-alin, aman, inan, oan sira, ka rikusoin sira tanba Ha'u nia naran, sei simu dala 100 liu no sei hetan mós moris rohan-laek. Maibé, sira ne'ebé uluk sei sai ikus, no sira ne'ebé ikus sei sai uluk."

*A Bible story from: Matthew 19:16-30; Mark 10:17-31; Luke 18:18-30*

## 29. The Story of the Unmerciful Servant

https://openbiblestories.org/l/tdt/story-29/

![](https://cdn.door43.org/obs/jpg/360px/obs-en-29-01.jpg)

Loron ida, Pedro husu ba Jesus, "Mestre, to'o dala hira hau tenke perdua hau-nia maun-alin bainhira sira halo sala hasoru hau? To'o dala hitu?" Jesus dehan, "La'os dala hitu, maibe dala hitu-nulu!" Ho ida-ne'e, Jesus hakarak dehan katak ita tenke fó perdua nafatin. Depois Jesus konta istória ida.

![](https://cdn.door43.org/obs/jpg/360px/obs-en-29-02.jpg)

Jesus dehan, "Maromak nia reinu hanesan liurai ida nebe atu halo konta ho nia atan sira. Ninia atan ida iha tusan boot hanesan ho kolen servisu tinan 200,000 nian."

![](https://cdn.door43.org/obs/jpg/360px/obs-en-29-03.jpg)

"Maibé atan ne'e labele selu nia tusan, nune'e liurai dehan, 'Fa'an ema ne'e ho nia família nu'udar atan hodi selu nia tusan'."

![](https://cdn.door43.org/obs/jpg/360px/obs-en-29-04.jpg)

“Atan neʼe hakneak iha liurai nia oin no dehan, ‘Favór pasiensia ba, haʼu sei selu haʼu-nia tusan hotu ba Ita.’ Liurai sente laran-susar ba atan neʼe, ​​nune'e nia fó perdua ba ninia tusan hotu no husik nia bá.”

![](https://cdn.door43.org/obs/jpg/360px/obs-en-29-05.jpg)

"Maibé bainhira atan ne'e sai hosi liurai nia oin, nia hasoru nia maluk atan ida ne'ebé debe nia saláriu fulan haat. Atan ne'e kaer nia maluk hodi dehan, 'Selu ó-nia tusan mai hau!'"

![](https://cdn.door43.org/obs/jpg/360px/obs-en-29-06.jpg)

“Maluk atan neʼe hakneak hodi dehan, ‘Favór ida, pasiénsia bá, no haʼu sei selu hotu haʼu-nia tusan.’ Maibé, atan neʼe hatama nia maluk neʼe ba komarka toʼo nia bele selu hotu ninia tusan.”

![](https://cdn.door43.org/obs/jpg/360px/obs-en-29-07.jpg)

“Atan sira seluk haree buat neʼebé akontese no sira laran-taridu tebes, no sira bá hasoru liurai no konta buat hotu ba nia.”

![](https://cdn.door43.org/obs/jpg/360px/obs-en-29-08.jpg)

"Liurai bolu atan ne'e hodi dehan, 'Ó atan aat! Ha'u perdua ona ó nia tusan sira hotu tanba ó husu ha'u. Ó mós tenke halo hanesan.' Liurai hirus tebes to’o hatama atan ne’e ba komarka to’o nia bele selu hotu nia tusan sira.”

![](https://cdn.door43.org/obs/jpg/360px/obs-en-29-09.jpg)

Depois Jesus dehan, "Hau-nia Aman ne'ebe iha lalehan sei halo nune'e ba ema hotu iha imi nia leet, se ó la perdua ó-nia maun-alin ho ó-nia laran-tomak."

*A Bible story from: Matthew 18:21-35*

## 30. Jesus Feeds Thousands of People

https://openbiblestories.org/l/tdt/story-30/

![](https://cdn.door43.org/obs/jpg/360px/obs-en-30-01.jpg)

Jesus fo orden ba Nia apostolu sira hodi ba fahe Maromak nia liafuan no hanorin ema sira iha aldeia sira. Bainhira sira fila ba Jesus nia fatin, sira konta sai saida mak sira halo. Depois Jesus konvida sira hodi lao hamutuk Nia ba fatin nebe hakmatek iha mota-sorin hodi deskansa. Nune'e, sira ho ro ida no ba mota-sorin.

![](https://cdn.door43.org/obs/jpg/360px/obs-en-30-02.jpg)

Maibe iha ema barak mak hetan Jesus no eskolante sira sa'e ro. Ema sira ne'e halai husi mota ninin hodi uluk tiha ba sira. Nune'e bainhira Jesus no Nia eskolante sira to'o, ema lubum bo'ot ida iha neba ona, hein sira.

![](https://cdn.door43.org/obs/jpg/360px/obs-en-30-03.jpg)

Ema lubun bo'ot ne'e forma husi mane 5.000, sedauk konta ho feto no labarik sira. Jesus sente laran-sadia bo'ot ba ema sira ne'e. Ba Jesus, ema sira ne'e hanesan bibi-malae sira nebe la iha nia mahein(bibi-atan). Nune'e Nia hanorin sira no kura ema moras sira iha sira nia let.

![](https://cdn.door43.org/obs/jpg/360px/obs-en-30-04.jpg)

Loron tun ona, eskolante sira dehan ba Jesus, "kalan ona no laiha sidade ida mak besik iha ne'e. Haruka ema sira ba ona hodi sira bele buka hahan."

![](https://cdn.door43.org/obs/jpg/360px/obs-en-30-05.jpg)

Maibe Jesus dehan ba eskolante sira, "Fo sira han!" Sira hatan, "Oinsa ami bele halo ida-ne'e? Ami iha deit paun lima no ikan ki'ik rua."

![](https://cdn.door43.org/obs/jpg/360px/obs-en-30-06.jpg)

Jesus haruka Nia eskolante sira hodi haruka ema sira nebe iha ema lubun bo'ot ne'e hodi tuur iha du'ut leten ho grupu nebe forma husi ema nai'in 50.

![](https://cdn.door43.org/obs/jpg/360px/obs-en-30-07.jpg)

Depois Jesus foti paun lima no ikan rua ne'e, hasa'e ba lalehan, no agradese ba Maromak tanba hahan ne'e.

![](https://cdn.door43.org/obs/jpg/360px/obs-en-30-08.jpg)

Depois Jesus fahe paun no ikan ne'e sai ba parte balu. Nia fo parte sira ne'e ba Nia eskolante sira hodi fahe ba ema barak. Nia eskolante sira nafatin fahe hahan ne'e, no hahan ne'e nunka hotu! Ema hotu han no sente bosu.

![](https://cdn.door43.org/obs/jpg/360px/obs-en-30-09.jpg)

Liu tiha ne'e, eskolante sira halibur hahan nebe restu. Hahan ne'e to'o atu enxe ba raga 12! Hahan sira ne'e mai husi paun lima no ikan rua.

*A Bible story from: Matthew 14:13-21; Mark 6:31-44; Luke 9:10-17; John 6:5-15*

## 31. Jesus la'o iha bee leten

https://openbiblestories.org/l/tdt/story-31/

![](https://cdn.door43.org/obs/jpg/360px/obs-en-31-01.jpg)

Depois de Jesus fó han ema barak, Nia haruka Ninia eskolante sira sa'e ba ró. Nia haruka sira atu hakur tasi enkuantu Nia hela kleur oituan. No eskolante sira bá, no Jesus haruka ema barak ne'e fila ba sira-nia uma ida-idak. Liu tiha ne'e, Jesus sa'e ba foho hodi harohan. Nia mesak iha-ne'ebá, no Nia harohan to'o kalan bo'ot.

![](https://cdn.door43.org/obs/jpg/360px/obs-en-31-02.jpg)

Durante ne'e, eskolante sira sa'e sira-nia ró, maibe anin huu maka'as hasoru sira. Bainhira kalan boot ona mak, sira foin to'o iha tasi klaran.

![](https://cdn.door43.org/obs/jpg/360px/obs-en-31-03.jpg)

Momentu ne'ebá, Jesus harohan hotu ona no hahu fila la'o hasoru Nia eskolante sira. Nia la'o iha bee leten ba sira-nia ró.

![](https://cdn.door43.org/obs/jpg/360px/obs-en-31-04.jpg)

Depois eskolante sira haree Nia. Sira ta'uk tebes tamba sira hanoin Nia mate-klamar. Jesus hatene katak sira ta'uk, nune'e Nia hatete ba sira no dehan, " Labele ta'uk. Ne'e Ha'u!"

![](https://cdn.door43.org/obs/jpg/360px/obs-en-31-05.jpg)

Depois Pedru dehan ba Jesus, "Mestre, se ne'ebá ita-boot, komanda hau la'o iha bee leten ba ita-boot." Jesus dehan ba Pedru, "Mai ba!"

![](https://cdn.door43.org/obs/jpg/360px/obs-en-31-06.jpg)

Nune'e, Pedru tuun husi ró no hahu la'o ba Jesus iha bee leten. Maibe depois nia la'o pasu balu, nia hateke ses husi Jesus no hahu haree ba laloran no sente anin boot.

![](https://cdn.door43.org/obs/jpg/360px/obs-en-31-07.jpg)

Depois Pedru sai ta'uk no hahu mout ba bee laran. Nia hakilar, "Mestre, salva hau!" Iha ne'ebá kedas, Jesus fó liman no kaer Pedru. Depois Nia dehan ba Pedru, "Ó-nia fé ki'ik tebes! Tansá ó la tau fiar mai Ha'u hodi kuidadu ó?"

![](https://cdn.door43.org/obs/jpg/360px/obs-en-31-08.jpg)

Depois Pedru ho Jesus sa'e ba ró laran, no anin para kedas. Bee sai kalma. Nia eskolante sira hakfodak tebes no hakneak hodi hahii Jesus. Sira hahii Nia hodi dehan ba Nia, "Tebes, Ita-boot mak Maromak Oan.

*A Bible story from: Matthew 14:22-33; Mark 6:45-52; John 6:16-21*

## 32. Jesus kura ema ne'ebé prosedu husi sataná & feto ida  ne'ebé moras

https://openbiblestories.org/l/tdt/story-32/

![](https://cdn.door43.org/obs/jpg/360px/obs-en-32-01.jpg)

Jesus ho Nia eskolante sira ho ró bá area iha ne'ebé ema Gerasa sira hela ba.

![](https://cdn.door43.org/obs/jpg/360px/obs-en-32-02.jpg)

Agora iha mane ida iha ne'ebá ne'ebé posedu husi sataná.

![](https://cdn.door43.org/obs/jpg/360px/obs-en-32-03.jpg)

Ema ne'e forsa tebes to'o la iha ida mak bele kontrola nia. Dalaruma ema kesi nia liman no ain ho arame, maibe nia nafatin sobu.

![](https://cdn.door43.org/obs/jpg/360px/obs-en-32-04.jpg)

Mane ne'e hela entre rate sira iha area ne'ebá. Mane ne'e sempre hakilar loron no kalan tomak. Nia la uza ropa, no nia kadavéz hakanek nia an rasik ho fatuk.

![](https://cdn.door43.org/obs/jpg/360px/obs-en-32-05.jpg)

Ema ne'e halai ba Jesus no hakneak iha Nia oin. Depois Jesus ko'alia ba Espíritu aat ne'ebé iha nia laran no dehan, "Sai tiha husi ema ne'e!"

![](https://cdn.door43.org/obs/jpg/360px/obs-en-32-06.jpg)

Sataná ne'e hakilar ho lian maka'as, "Saida mak Ita-boot hakarak husi ha'u, Jesus, Maromak Oan ne'ebé aas liu hotu? Favór labele tortura/kastigu ha'u!" Depois Jesus husu ba sataná ne'e, "Ó-nia naran saida?" Nia hatan, "Hau-nia naran Lejiun, tamba ami barak."

![](https://cdn.door43.org/obs/jpg/360px/obs-en-32-07.jpg)

Espíritu aat sira ne'e husu ba Jesus, "Favór labele duni ami husi area ne'e!" Iha-ne'ebá iha fahi-lubun ida mak buka hela hahan iha foho besik ne'ebá. Nune'e Espíritu aat sira ne'e husu ba Jesus, "Favór haruka ami tama ba fahi sira ne'ebá!" Jesus dehan, "Di'ak, tama ba iha fahi sira ne'ebá.

![](https://cdn.door43.org/obs/jpg/360px/obs-en-32-08.jpg)

Nune'e espríitu aat sira sai husi ema ne'e no tama ba iha fahi sira. Fahi sira ne'e halai tuun husi foho ne'ebé klean tuun ba tasi no mout. Fahi-lubun ne'e besik 2.000.

![](https://cdn.door43.org/obs/jpg/360px/obs-en-32-09.jpg)

Iha ema balu mak tau-matan ba fahi sira ne'e. Bainhira sira haree saida mak akontese, sira halai ba sidade. Iha-ne'ebá sira konta ba ema hotu kona-ba saida mak Jesus halo ona. Ema sira husi sidade mai no haree ema ida uluk prosedu husi sataná ne'e. Nia tur ho kalma, uza ropa, no halo hahalok hanesan ema normal.

![](https://cdn.door43.org/obs/jpg/360px/obs-en-32-10.jpg)

Ema sira ta'uk tebes no husu Jesus atu bá/sai. Nune'e Jesus sa'e ba ró laran. Ema ne'ebé uluk prosedu husi sataná husu atu tuir Jesus.

![](https://cdn.door43.org/obs/jpg/360px/obs-en-32-11.jpg)

Maibe Jesus dehan ba nia, "Lae, Hau hakarak ó fila no konta ba ema hotu saida mak Maromak halo ona ba ó. Konta ba sira oinsa Nia sadia ona ó."

![](https://cdn.door43.org/obs/jpg/360px/obs-en-32-12.jpg)

Nune'e ema ne'e bá no konta ba ema hotu kona-ba saida mak Jesus halo ona ba nia. Ema hotu ne'ebé rona nia istoria hakfodak tebes.

![](https://cdn.door43.org/obs/jpg/360px/obs-en-32-13.jpg)

Jesus fila fali ba tasi sorin. Nia to'o iha ne'ebá, ema barak hobur no sena Nia. Entre ema barak ne'e iha feto ida mak sofre ran fakar durante tinan 12. Nia selu hotu ona nia osan ba doutor sira hodi sira bele kura nia, maibe nia ran ne'e aumenta fakar barak.

![](https://cdn.door43.org/obs/jpg/360px/obs-en-32-14.jpg)

Feto ne'e rona tiha ona katak Jesus kura ona ema moras barak no hanoin, 'Hau fiar katak hau bele kaer Jesus nia ropa, nune'e hau mós sei di'ak!' Nune'e nia hakbesik ba Jesus no kaer Nia ropa. Depois nia kaer, nia ran fakar ne'e para!

![](https://cdn.door43.org/obs/jpg/360px/obs-en-32-15.jpg)

Momentu ne'ebá kedas, Jesus realiza katak Nia kbi'it sai ona husi Nia. No nia fila no husu, "Sé mak kaer Hau?" Nia eskolante sira hatan, "Iha ema barak mak hobur Ita-boot no soke Ita-boot. Tansá Ita-boot husu, 'Sé mak kaer Hau?'"

![](https://cdn.door43.org/obs/jpg/360px/obs-en-32-16.jpg)

Feto ne'e hakne'ak iha Jesus nia oin, nakdedar no ta'uk tebes. Depois nia konta saida mak nia halo ona, katak nia hetan ona kura. Jesus dehan ba nia, "Ó-nia fé kura ona ó. La'o ba ho dame."

*A Bible story from: Matthew 8:28-34; 9:20-22; Mark 5; Luke 8:26-48*

## 33. Istoria kona-ba to'os-na'in

https://openbiblestories.org/l/tdt/story-33/

![](https://cdn.door43.org/obs/jpg/360px/obs-en-33-01.jpg)

Loron ida, Jesus iha hela iha mota ninin. Nia hanorin hela ema lubun boot. Ema barak mai hodi rona Nia to'o Jesus la iha fatin hodi ko'alia ba sira hotu. Nune'e, Nia sa'e ba ró ida no hanorin ema barak.

![](https://cdn.door43.org/obs/jpg/360px/obs-en-33-02.jpg)

Jesus konta istoria ne'e. "To'os na'in ida bá hodi kuda fini. Bainhira nia kuda fini ne'e ho liman, fini balun monu iha dalan. Maibe manu sira mai no han hotu fini sira ne'e."

![](https://cdn.door43.org/obs/jpg/360px/obs-en-33-03.jpg)

"Fini seluk ne'ebe monu iha fatuk leet, ne'ebé iha rai oituan de'it. Fini iha rai fatuk moris lalais, maibe nia abut la bele tama kle'an ba rai laran. Bainhira loron sa'e no sai manas, ai-horis ne'e sai namlaik no mate."

![](https://cdn.door43.org/obs/jpg/360px/obs-en-33-04.jpg)

Fini seluk tan monu iha ai-tarak nia leet. fini ne'e hahu moris, maibe ai-tarak sira ne'e taka nia. Nune'e ai-horis ne'ebe moris husi fini ne'ebe iha ai-tarak ne'e la fo fuan.

![](https://cdn.door43.org/obs/jpg/360px/obs-en-33-05.jpg)

Fini seluk monu iha rai ne'ebe di'ak. Fini ne'e moris no fó produsaun dala 30, 60, ka dala 100 liu fali fini ne'ebe kuda. Sé maka hakarak tuir Maromak, nia sei atensaun ba saida mak Ha'u ko'alia ne'e!"

![](https://cdn.door43.org/obs/jpg/360px/obs-en-33-06.jpg)

Istoria ne'e halo eskolante sira konfuzaun. Nune'e Jesus esplika, "Fini mak Maromak Nia liafuan. Nia dalan mak ema ne'ebe rona Maromak Nia liafuan maibe la komprende. Tuirmai sataná foti liafuan ne'e husi nia. Signifika katak, sataná taka nia hodi komprende."

![](https://cdn.door43.org/obs/jpg/360px/obs-en-33-07.jpg)

"Fini ne'ebe iha fatuk leet mak ema ne'ebé rona Maromak nia liafuan no simu ho haksolok. Maibe bainhira nia terus, ka bainhira ema seluk halo nia terus, nia monu husi Maromak. Signifika katak, nia para fiar ba Maromak."

![](https://cdn.door43.org/obs/jpg/360px/obs-en-33-08.jpg)

"Fini ne'ebé ho tarak mak ema ne'ebe rona Maromak nia liafuan. Maibe nia hahu taridu ba buat barak, no nia koko resulta osan barak, no nia koko hetan buat barak. Depois de tempu barak, nia la hadomi tan Maromak. Nune'e, saida mak nia aprende husi Maromak nia liafuan laiha kbi'it atu halo kontente Maromak nia laran. Nia hanesan hare kain ne'ebé la fó fuan.

![](https://cdn.door43.org/obs/jpg/360px/obs-en-33-09.jpg)

"Maibe fini ne'ebé monu iha rai ne'ebe di'ak mak ema ne'ebé rona Maromak nia liafuan, fiar no fó fuan.

*A Bible story from: Matthew 13:1-23; Mark 4:1-20; Luke 8:4-15*

## 34. Jesus Hanorin  Istoria Sira Seluk

https://openbiblestories.org/l/tdt/story-34/

![](https://cdn.door43.org/obs/jpg/360px/obs-en-34-01.jpg)

Jesus konta istoria barak seluk kona-ba Maromak nia reiñu. Ezemplu, Nia dehan, "Maromak nia reiñu hanesan fini mostarda nian ne'ebe ema kari iha nia to'os. Imi hatene katak mostarda musan mak fini ne'ebe ki'ik liu entre fini hotu."

![](https://cdn.door43.org/obs/jpg/360px/obs-en-34-02.jpg)

"Maibe bainhira mostarda musan moris, nia sai ida-ne'ebé boot liu entre ai-horis sira iha jardin, boot to'o manu sira mós mai no han nia tahan sira."

![](https://cdn.door43.org/obs/jpg/360px/obs-en-34-03.jpg)

Iha istoria seluk, Jesus dehan, "Maromak nia reiñu hanesan fermentu ne'ebe kahur husi feto ida ba masa paun nian to'o habelar no espalla iha masa tomak."

![](https://cdn.door43.org/obs/jpg/360px/obs-en-34-04.jpg)

"Maromak nia reiñu ne'e hanesan riku-soin ne'ebé ema subar iha to'os. Ema seluk hetan riku-soin ne'e no hakarak tebtebes. Nune'e nia hakoi fali. Nia kontente tebes to'o nia bá no fa'an hotu ida ne'ebé nia iha atu bele sosa to'os ne'ebe riku-soin hela ba."

![](https://cdn.door43.org/obs/jpg/360px/obs-en-34-05.jpg)

"Maromak Nia reiñu mós hanesan perola ida ne'ebé valór boot tebes. Bainhira komersiante perola ida hetan, nia fa'an hotu ida ne'ebé nia iha hodi sosa perola ne'e."

![](https://cdn.door43.org/obs/jpg/360px/obs-en-34-06.jpg)

Ema balun hanoin katak Maromak sei simu sira tanba sira halo buat ne'ebé di'ak. Ema sira ne'e hateke la vale ema seluk ne'ebé la halo buat di'ak. Nune'e Jesus konta istoria ne'e ba sira: "Iha ema na'in-rua ne'ebé ba iha Maromak nia Templu hodi harohan. Ema ida husi sira mak kobrador impostu, no ida seluk mak lideransa relijiaun."

![](https://cdn.door43.org/obs/jpg/360px/obs-en-34-07.jpg)

Lider relijiaun ne'e harohan hanesan ne'e, 'Obrigadu, Maromak, tanba ha'u la halo sala hanesan ema seluk hanesan na'ok teen, ema ne'ebe la justu, adulteiru, ka hanesan kobrador impostu ida ne'ebá.'"

![](https://cdn.door43.org/obs/jpg/360px/obs-en-34-08.jpg)

"'Purezemplu, ha'u halo jejun dala rua iha semana ida no ha'u fó pursentu sanulu husi osan no sasan ne'ebe ha'u simu.'"

![](https://cdn.door43.org/obs/jpg/360px/obs-en-34-09.jpg)

"Maibe kobrador impostu ne'e hamriik dook husi lideransa relijiaun ne'e. Nia la hateke ba lalehan. Maibe, nia baku nia hirus-matan ho nia liman-fuan no harohan, 'Maromak, hatudu laran-sadia mai ha'u tanba ha'u ema sala-na'in.'"

![](https://cdn.door43.org/obs/jpg/360px/obs-en-34-10.jpg)

Depois Jesus dehan, "Ha'u dehan ba imi, Maromak rona tiha ona kobrador impostu nia orasaun no deklara nia hanesan ema loos, la'os hanesan lideransa relijiaun. Maromak sei halo moe ema sira ne'ebé foti an, maibe Nia sei hasa'e ema ne'ebé haraik-an."

*A Bible story from: Matthew 13:31-46; Mark 4:26-34; Luke 13:18-21; 18:9-14*

## 35. Istoria Kona-ba Aman Ne'ebé Domin Na'in

https://openbiblestories.org/l/tdt/story-35/

![](https://cdn.door43.org/obs/jpg/360px/obs-en-35-01.jpg)

Loron ida, Jesus hanorin hela ema barak ne'ebé halibur hamutuk hodi rona Nia. Ema sira ne'e mak kobrador impostu sira no mós ema sira seluk ne'ebe la esforsu atu obedese ba lei torah Moises nian.

![](https://cdn.door43.org/obs/jpg/360px/obs-en-35-02.jpg)

Lideransa relijiaun balun haree Jesus ko'alia ho ema sira ne'e hanesan belun. Nune'e sira hahú ko'alia ba malu katak Nia halo sala. Jesus rona sira-nia konversa, depois Nia konta istoria ne'e ba sira.

![](https://cdn.door43.org/obs/jpg/360px/obs-en-35-03.jpg)

"Iha mane ida ne'ebé iha oan mane na'in-rua. Oan ikun dehan ba nia aman, 'Aman, hau hakarak eransa agora! Nune'e aman ne'e fahe ninia riku-soin ba nia oan na'in rua."

![](https://cdn.door43.org/obs/jpg/360px/obs-en-35-04.jpg)

"Nune'e oan ikun halibur hamutuk hotu ida-ne'ebé ninian no la'o dook no estraga nia osan ba moris sala nian."

![](https://cdn.door43.org/obs/jpg/360px/obs-en-35-05.jpg)

"Depois de ida-ne'e, hamlaha boot ida mosu iha rai ne'ebé oan ikun hela ba, no nia laiha osan hodi sosa hahan. Nune'e nia foti serbisu ida ne'ebé nia bele hetan, mak fó-han fahi. Nia terus tebtebes no hamlaha to'o nia hakarak han fahi ne'e nia hahan."

![](https://cdn.door43.org/obs/jpg/360px/obs-en-35-06.jpg)

"Ikusmai, oan ikun ne'e dehan iha nia laran, 'Saida mak ha'u tenke halo? Ha'u-nia aman nia atan hotu iha hahan barak, maibe ha'u iha ne'e hamlaha. Hau sei fila ba ha'u aman no husu hodi sai ninia atan ida.'"

![](https://cdn.door43.org/obs/jpg/360px/obs-en-35-07.jpg)

"Nune'e oan ikun ne'e fila ba nia aman nia uma. Bainhira nia sei dook, nia aman haree nia no sente laran-sadia ba nia. Nia halai ba nia oan no hako'ak no rei nia."

![](https://cdn.door43.org/obs/jpg/360px/obs-en-35-08.jpg)

Oan ne'e dehan, 'Aman, hau sala ona hasoru Maromak no ba ita. Hau la serve sai ita-nia oan.'"

![](https://cdn.door43.org/obs/jpg/360px/obs-en-35-09.jpg)

"Maibe nia aman dehan ba nia atan ida, 'Bá lalais no lori mai ropa ne'ebé di'ak liu no fó-hatais ba ha'u-nia oan. Tau kadeli ba nia liman-fuan no fó-hatais sandallas ba nia ain. Tuirmai oho karau-oan ne'ebé di'ak liu atu ita bele halo festa no selebra, tanba ha'u-nia oan mate ona, maibe agora nia moris fali! Nia lakon ona, maibe agora ita hetan fali ona nia!'"

![](https://cdn.door43.org/obs/jpg/360px/obs-en-35-10.jpg)

"Nune'e ema hotu hahu selebra. La kleur, oan mane boot fila husi servisu iha to'os. Nia rona múzika no dansa no nia husu saida mak akontese."

![](https://cdn.door43.org/obs/jpg/360px/obs-en-35-11.jpg)

"Bainhira oan mane boot hatene katak sira selebra hela tanba nia alin fila ona, nia hirus tebtebes no lakohi tama bá uma laran. Nia aman sai no husu nia hodi selebra hamutuk, maibe nia rejeita."

![](https://cdn.door43.org/obs/jpg/360px/obs-en-35-12.jpg)

"Oan mane boot ne'e dehan ba nia aman, 'Durante ne'e ha'u servisu ona ho leal ba ita! Ha'u nunka la halo tuir ita, no ita la fó-mai ha'u mesmu bibi ki'ik ida atu ha'u bele selebra hamutuk ho ha'u-nia maluk sira. Maibe ita-nia oan ne'e estraga ona osan ho halo buat ne'ebé sala. Bainhira nia fila, ita oho bibi-oan ne'ebé di'ak liu hodi selebra!'"

![](https://cdn.door43.org/obs/jpg/360px/obs-en-35-13.jpg)

"Aman hatan, ;Ha'u oan, ó sempre hamutuk ho ha'u, no buat hotu ne'ebé ha'u nian hanesan mós ó nian. Maibe loos mai ita hodi selebra tanba ó-nia alin mate ona, maibe agora moris fali. Nia lakon ona, maibe agora ita hetan fali ona nia!'"

*A Bible story from: Luke 15*

## 36. The Transfiguration

https://openbiblestories.org/l/tdt/story-36/

![](https://cdn.door43.org/obs/jpg/360px/obs-en-36-01.jpg)

Loron ida, Jesus bolu ho Nia eskolante na'in-tolu, Pedro, Tiago no Joaun. (Eskolante ida ho naran Joaun la hanesan ho ema ne'ebe sarani Jesus). Sira la'o ba foho ida ne'ebe aas hodi harohan.

![](https://cdn.door43.org/obs/jpg/360px/obs-en-36-02.jpg)

Bainhira Jesus harohan hela, Nia oin sai nabilan hanesan loro-matan. Nia ropa sai mutin hanesan naroman, mutin liu duke ida-ne'ebe ema halo iha mundu.

![](https://cdn.door43.org/obs/jpg/360px/obs-en-36-03.jpg)

Tuirmai Moises no Profeta Elia mosu. Sira moris ona iha mundu tinan atus ba atus antes ne'e. Sira ko'alia ho Jesus kona-ba Nia mate tanba Nia sei mate iha Jerusalem.

![](https://cdn.door43.org/obs/jpg/360px/obs-en-36-04.jpg)

Bainhira Moises no Elia ko'alia ho Jesus, Pedro dehan ba Jesus, "Di'ak tebes ita iha ne'e. Mai ita halo abrigu tolu, ida ba Ita-Boot, ida ba Moises, no ida tan ba Elia." Maibe Pedro la hatene saida mak nia dehan.

![](https://cdn.door43.org/obs/jpg/360px/obs-en-36-05.jpg)

Bainhira Pedro ko'alia hela, kalohan nabilan ida tun no hale'u sira. Depois sira rona lian mai husi kalohan ne'e. Lian ne'e dehan, "Ne'e mak Hau-Nia Oan ne'ebe Hau hadomi. Hau kontenti ho Nia. Rona Nia ba." Eskolante na'in-tolu ne'e tauk tebtebes no monu ho oin tun ba rai.

![](https://cdn.door43.org/obs/jpg/360px/obs-en-36-06.jpg)

Depois Jesus kaer sira no dehan, "Labele tauk. Hader ba." Bainhira sira haree sorsorin, ida-ne'ebe sei iha ne'eba maka Jesus de'it.

![](https://cdn.door43.org/obs/jpg/360px/obs-en-36-07.jpg)

Depois Jesus no eskolante na'in-tolu ne'e tuun husi foho ne'e. Tuirmai Jesus dehan ba sira, "Labele dehan ba ema ida kona-ba saida mak akontese iha ne'e. Hau sei mate no moris fali. Liutiha ne'e, hafoin imi bele konta ba ema seluk."

*A Bible story from: Matthew 17:1-9; Mark 9:2-8; Luke 9:28-36*

## 37. Jesus halo Lazarus moris hi'as husi mate

https://openbiblestories.org/l/tdt/story-37/

![](https://cdn.door43.org/obs/jpg/360px/obs-en-37-01.jpg)

Iha ema ida naran Lazaru. Nia iha alin feto na'in-rua naran Maria no Marta. Sira hotu mak Jesus nia belun di'ak. Loron ida ema ida dehan ba Jesus katak Lazaru moras makaas hela. Bainhira Jesus rona ida-ne'e, Nia dehan, "Moras ne'e sei la hotu ho Lazaru nia mate. Maibe, moras ne'e sei halo ema hahii Maromak."

![](https://cdn.door43.org/obs/jpg/360px/obs-en-37-02.jpg)

Jesus hadomi Nia belun sira, maibe Nia hein iha fatin ne'e durante loron rua. Liutiha loron rua, Nia dehan ba Nia eskolante sira, "Mai ita fila ba Judeia." "Maibe mestre," Nia eskolante sira hatan, "tempu balun liu ba ema sira iha-ne'eba hakarak oho Ita-Boot!" Jesus dehan, "Ita-nia belun Lazaru toba ona no Hau tenke fanu nia."

![](https://cdn.door43.org/obs/jpg/360px/obs-en-37-03.jpg)

Jesus Nia eskolante sira hatan, "Mestre, se Lazaru toba, nia sei hetan kura." Tuirmai Jesus dehan ho klaru ba sira, "Lazaru mate tiha ona. Hau kontente katak Hau la iha ne'eba, atu imi fiar mai Hau."

![](https://cdn.door43.org/obs/jpg/360px/obs-en-37-04.jpg)

Bainhira Jesus to'o iha Lazaru nia knua moris fatin, Lazaru mate tiha ona durante loron haat. Marta la'o hasoru Jesus no dehan, "Mestre, se Ita-Boot iha ne'e, hau-nia maun sei la mate. Maibe hau fiar katak Maromak sei fo saida mak Ita-Boot husu ba Nia."

![](https://cdn.door43.org/obs/jpg/360px/obs-en-37-05.jpg)

Jesus hatan, "Hau mak Moris hias no Moris. Se de'it mak fiar mai Hau, nia sei moris maske nia mate tiha ona. Se de'it mak fiar mai Hau, nia sei la mate. O fiar kona-ba ida-ne'e?" Marta hatan, "Loos, Mestre! Hau fiar katak Ita-Boot mak Mesias, Maromak Oan."

![](https://cdn.door43.org/obs/jpg/360px/obs-en-37-06.jpg)

Tuirmai Maria to'o. Nia monu ho oin iha Jesus Nia ain no dehan, "Mestre, se Ita-Boot iha ne'e, hau-nia maun sei la mate." Jesus husu ba sira, "Imi tau Lazaru iha-ne'ebe?" Sira hatan, "Iha rate laran. Mai no haree ba." Depois Jesus tanis.

![](https://cdn.door43.org/obs/jpg/360px/obs-en-37-07.jpg)

Rate ne'e mak fatuk-kuak ida ho fatuk ne'ebe taka netik iha rate nia odamatan. Bainhira Jesus to'o iha rate ne'e, Nia dehan ba sira, "Dudu sees tiha fatuk ne'e." Maibe marta dehan, "Nia mate loron haat ona. Sei iha iis ne'ebe ladi'ak."

![](https://cdn.door43.org/obs/jpg/360px/obs-en-37-08.jpg)

Jesus hatan: "Laos Hau dehan ona o, katak o sei haree Masromak nia poder, se o fiar mai Hau?" Depois sira dudu sees tiha fatuk ne'e.

![](https://cdn.door43.org/obs/jpg/360px/obs-en-37-09.jpg)

Depois Jesus haree ba lalehan no dehan, "Aman, obrigadu tanba ITA-BOOT rona ona Hau. Hau hatene ITA-BOOT sempre rona Hau, maibe Hau dehan ida-ne'e hodi ajuda ema hotu ne'ebe hamriik iha-ne'e, atu sira fiar katak ITA-BOOt haruka ona hau." Depois Jesus hakilar, "Lazaru, sai mai ba!"

![](https://cdn.door43.org/obs/jpg/360px/obs-en-37-10.jpg)

Nune'e Lazaru sai mai! Nia sei taka ho hena mutin. Jesus dehan ba sira, "Ajuda nia hasai tiha hena ne'e no husik nia bá!" Ema Judeu barak mak fiar ba Jesus tanba milagre ne'e.

![](https://cdn.door43.org/obs/jpg/360px/obs-en-37-11.jpg)

Maibe lideransa relijiozu sira laran moras ba Jesus, to'o sira halibur hamutuk hodi planu oinsa sira bele oho Jesus no lazaru.

*A Bible story from: John 11:1-46*

## 38. Jesus Is Betrayed

https://openbiblestories.org/l/tdt/story-38/

![](https://cdn.door43.org/obs/jpg/360px/obs-en-38-01.jpg)

Kada tinan, ema Jedeu selebra Paskua. ne'e mak selebrasaun hodi hanoin oinsa maromak salva ona sira-nia bei'ala husi servisu atan iha Ejitu iha sekulu sira antes. Maizoumenuz tinan tolu liutiha Jesus haklaken ba dala uluk no hanorin iha publiku, Jesus fo hatene Nia eskolante sira katak Nia hakarak selebra Paskua hamutuk sira iha Jerusalem no Nia sei hetan oho iha-ne'eba.

![](https://cdn.door43.org/obs/jpg/360px/obs-en-38-02.jpg)

Jesus Nia eskolante ida naran Judas. Judas responsavel ba apostolu sira-nia saku osan nian, maibe dalaruma nia na'ok osan husi saku refere. Depois Jesus no eskolante sira to'o iha Jerusalem, Judas la'o ba lideransa Judeu sira. Nia halo negosiasaun ba Nia An hodi trai Jesus ho maneira identifika Jesus ba autoridade sira hodi troka ba osan. Judas hatene katak lideransa Judeu sira la simu Jesus hanesan Mesias. Nia hatene katak sira hakarak oho Nia.

![](https://cdn.door43.org/obs/jpg/360px/obs-en-38-03.jpg)

Lideransa Judeu sira, ne'ebe lidera husi am'lulik boot, selu Judas ho osan-mutin 30 hodi trai Jesus ho entrega Nia ba sira. Ida-ne'e akontese hanesan ida-ne'ebe hetan profesia ona husi profeta sira. Judas aseita, foti osan ne'e, no ba. Nia hahu buka tempu hodi ajuda sira kaer Jesus.

![](https://cdn.door43.org/obs/jpg/360px/obs-en-38-04.jpg)

Iha Jerusalem, Jesus selebra Paskua hamutuk ho Nia eskolante sira, Jesus foti paun no harahun. Nia dehan, "Foti no han ba ida-ne'e. Ne'e mak hau-nia isin, ne'ebe saran ba imi. halo ida-ne'e hodi hanoin Hau." Ho ida ne'e, Jesus dehan katak Nia sei mate ba sira no Nia sei saran Nia isin ba sira.

![](https://cdn.door43.org/obs/jpg/360px/obs-en-38-05.jpg)

Depois Jesus foti kopu ho tua no dehan, "Hemu ba ida-ne'e. Ne'e mak Hau-Nia ran, ran aliansa foun, ne'ebe sei fakar atu Maromak perdua imi-nia sala. Halo ba saida mak Hau halo agora, hodi hanoin Hau bainhira imi hemu."

![](https://cdn.door43.org/obs/jpg/360px/obs-en-38-06.jpg)

Depois Jesus dehan ba eskolante sira, "Ida husi imi sei trai Hau." Eskolante sira hakfodak no husu se mak sei halo ida-ne'e. Jesus dehan, "Ema ne'ebe Hau fo paun pedasuk ne'e mak traidor ne'e." Depois Nia fo paun ne'e ba Judas.

![](https://cdn.door43.org/obs/jpg/360px/obs-en-38-07.jpg)

Depois Judas foti paun ne'e, Satanas tama ba nia laran. Judas ba no ajuda lideransa Judeu sira hodi kaer Jesus. Momentu ne'eba kalan.

![](https://cdn.door43.org/obs/jpg/360px/obs-en-38-08.jpg)

Depois de han, Jesus no Nia eskolante sira la'o ba Foho Zaitun. Jesus dehan, "Imi hotu sei husik hela hau kalan ne'e. Hakerek nanis ona: Hau sei baku bibi-atan no bibi-malae hotu sei namkari.'"

![](https://cdn.door43.org/obs/jpg/360px/obs-en-38-09.jpg)

Pedro hatan, "Maske sira seluk husik hela Ita-Boot, hau sei la husik hela Ita-Boot!" Depois Jesus dehan ba Pedro, "Satanas hakarak domina imi hotu, maibe Hau harohan ona ba o, Pedro, atu o-nia fe la nakdoko. Make nune'e, kalan ne'e, antes manu kokorek, o sei nega dala tolu katak o konese Hau."

![](https://cdn.door43.org/obs/jpg/360px/obs-en-38-10.jpg)

Depois Pedro dehan ba Jesus, "Maske hau sei mate, hau sei la nega Ita-Boot!" Eskolante sira seluk mos dehan nune'e.

![](https://cdn.door43.org/obs/jpg/360px/obs-en-38-11.jpg)

Depois Jesus la'o hamutuk ho Nia eskolante sira ba fatin ida naran Getsemani. Jesus haruka Nia eskolante sira hodi harohan atu sira la monu ba tentasaun. Depois Jesus ba harohan mesak.

![](https://cdn.door43.org/obs/jpg/360px/obs-en-38-12.jpg)

Jesus harohan dala tolu, "Hau-Nia Aman, se bele, labele halo Hau hemu kopu terus nian ne'e. Maibe se laiha dalan seluk atu perdua ema nia sala sira, halo ba tuir Ita-Boot nia hakarak." Jesus laran susar tebes no Nia kosar hanesan ran. Maromak haruka anju ida hodi fo forsa ba Nia.

![](https://cdn.door43.org/obs/jpg/360px/obs-en-38-13.jpg)

Kada Nia harohan hotu, Jesus fila fali ba Nia eskolante sira, maibe sira toba hela. Bainhira Nia fila fali ba dala tolu, Jesus dehan, "Hader ba! Hau-Nia traidor iha ne'e."

![](https://cdn.door43.org/obs/jpg/360px/obs-en-38-14.jpg)

Judas mai hamutuk ho lideransa Judeu sira, soldadu, no ema barak. Sira lori surik no ai-tonka sira. Judas mai hasoru Jesus no dehan, "Komprimentus, Mestre," depois rei Nia. Nia halo ida-ne'e hodi hatudu ba lideransa Judeu sira katak nia mak ema ne'ebe sei hetan kaer. Depois Jesus dehan "Judas, los ka o trai Hau ho beijo ida-ne'e?"

![](https://cdn.door43.org/obs/jpg/360px/obs-en-38-15.jpg)

Bainhira soldadu sira kaer Jesus, Pedro hasai nia surik no tesi Am'lulik boot nia atan nia tilun. Maibe Jesus dehan, "Hadook tiha surik ne'e! Hau bele husu soldadu anju sira hodi defende Hau, maibe Hau tenke obedese ba Hau Aman." Jesus kura ema ne'e nia tilun. Depois eskolante sira halai.

*A Bible story from: Matthew 26:14-56; Mark 14:10-50; Luke 22:1-53; John 18:1-11*

## 39. Jesus Is Put on Trial

https://openbiblestories.org/l/tdt/story-39/

![](https://cdn.door43.org/obs/jpg/360px/obs-en-39-01.jpg)

Momentu ne'eba kalan boot. Soldadu sira lori Jesus ba am'lulik boot nia uma tanba nia hakarak husu Jesus. Pedro la'o tuir husi dook iha sira-nia kotuk. Bainhira soldadu sira lori Jesus tama ba uma laran, Pedro nafatin iha liur no hamanas an iha ahi nia sorin.

![](https://cdn.door43.org/obs/jpg/360px/obs-en-39-02.jpg)

Iha uma laran, lideransa Judeu sira atu tesi lia ba Jesus. Sira lori testamuna falsu barak ne'ebe bosok kona-ba Nia. Maibe, sira-nia deklarasaun la koresponde ba malu, to'o lideransa Judeu sira labele prova katak Nia la halo sala buat ruma. Jesus la dehan buat ida.

![](https://cdn.door43.org/obs/jpg/360px/obs-en-39-03.jpg)

Ikusmai, am'lulik boot hateke Jesus diretamente no dehan, "Hatete mai ami, los ka Ita-Boot Mesias, Maromak Oan ne'ebe moris?"

![](https://cdn.door43.org/obs/jpg/360px/obs-en-39-04.jpg)

Jesus dehan, "Hau mak Nia, no o sei haree Hau tuur iha Maromak Nia sorin los no Hau mai lalehan." Am'lulik boot lees nia ropa tanba nia hirus tebes rona Jesus nia liafuan. Nia hakilar ba lideransa sira seluk, "Ita la presija tan testamuna hodi dehan mai ita saida mak ema ne'e halo ona! O rasik rona ona Nia dehan katak Nia mak maromak Oan. Oinsa o-nia desizaun kona-ba Nia?"

![](https://cdn.door43.org/obs/jpg/360px/obs-en-39-05.jpg)

Lideransa Judeu sira hatan ba Am'lulik boot, "Nia serve mate!" Depois sira taka Jesus Nia matan, tafui Nia, baku Nia, no hamoe Nia.

![](https://cdn.door43.org/obs/jpg/360px/obs-en-39-06.jpg)

Iha mos pedro, nia hein hela iha liur. Atan fetoi ida haree nia. Dehan ba nia, "O mos hamutuk ho Jesus!" Pedro nega. Depois, feto seluk dehan buat ne'ebe hanesan, no Pedro nega tan. Ikusmai, ema balun dehan, "Ami hatene katak o hamutuk ho jesus tanba imi mai husi Galileia."

![](https://cdn.door43.org/obs/jpg/360px/obs-en-39-07.jpg)

Depois Pedro dehan, "Espera Na'i fo-malisan hau se hau konese ema ne'e!" Bainhira Pedro jura tiha nune'e, manu aman ida kokorek. Jesus fila kotuk no hateke Pedro.

![](https://cdn.door43.org/obs/jpg/360px/obs-en-39-08.jpg)

Pedro ba no tanis ho triste. Iha momentu ne'ebe hanesan, Judas, ema ne'ebe trai ona Jesus, haree katak lideransa Judeu sira hamonu ona kastigu mate ba Jesus. Judas sai triste tebes no ba oho an.

![](https://cdn.door43.org/obs/jpg/360px/obs-en-39-09.jpg)

Iha momentu ne'e Pilatus mak governadór Judeia nian. Nia servisu ba Roma. Lideransa Judeu sira lori Jesus ba nia. Sira hakarak Pilatus kastigu Jesus no oho Nia. Pilatus husu ba Jesus, "Los ka Ita-Boot liurai ema Judeu?"

![](https://cdn.door43.org/obs/jpg/360px/obs-en-39-10.jpg)

Jesus hatan, "O dehan ona ida-ne'ebe loos. Maibe Hau-Nia reinu la'os iha mundu ne'e. Se iha, Hau-Nia atan sira sei luta ba Hau. Hau mai iha mundu hodi hatete lia loos kona-ba Maromak. Ema hotu ne'ebe hadomi lia loos sei rona Hau." Pilatus husu, "Saida mak lia loos ne'e?"

![](https://cdn.door43.org/obs/jpg/360px/obs-en-39-11.jpg)

Depois de ko'alia ho jesus, Pilatus la'o ba ema lubun boot da dehan, "Hau labele hetan razaun ida katak ema ne'e serve hodi kastigu mate." Maibe lideransa Judeu sira no ema barak hakilar maka'as liutan. Depois Pilatus dehan ba dala tolu nian, "Nia la halo sala!"

![](https://cdn.door43.org/obs/jpg/360px/obs-en-39-12.jpg)

Pilatus sai tauk ema lubun boot sei halo revolta, nune'e nia aseita hodi haruka nia soldadu hedi Jesus iha krúz. Soldadu Romanu baku Jesus no fo-hatais ropa liurai nian no koroa ne'ebe halo husi tarak ba Nia. Depois sira hamoe Nia ho dehan, "Haree ba, liurai ema Judeu nian!"

*A Bible story from: Matthew 26:57-27:26; Mark 14:53-15:15; Luke 22:54-23:25; John 18:12-19:16*

## 40. Jesus Is Crucified

https://openbiblestories.org/l/tdt/story-40/

![](https://cdn.door43.org/obs/jpg/360px/obs-en-40-01.jpg)

Depois soldadu sira hamoe Jesus, sira lori Nia ba no hedi Nia iha Krúz. Sira haruka nia lori krúz ne'ebe sei sai nia mate fatin.

![](https://cdn.door43.org/obs/jpg/360px/obs-en-40-02.jpg)

Soldadu sira lori Jesus ba fatin ne'ebe hanaran 'Kakutak' no hedi Nia liman no ain ba krúz. Maibe Jesus dehan, "Aman, perdua sira ba, tanba sira la hatene saida mak sira halo." Sira mos prega sinal ida ba krúz iha Nia ulun leten. Iha ne'eba hakerek, "Liurai ema Judeu nian." Ida-ne'e mak Pilatus haruka sira atu hakerek.

![](https://cdn.door43.org/obs/jpg/360px/obs-en-40-03.jpg)

Depois soldadu sira joga hodi hetan Jesus Nia ropa. Bainhira sira halo ida-ne'e, sira kúmpre profesia ne'ebe dehan, "Sira fahe Hau-Nia ropa iha sira leet no joga hodi hetan hau-Nia ropa."

![](https://cdn.door43.org/obs/jpg/360px/obs-en-40-04.jpg)

Iha mos ema na'in-rua na'ok ten ne'ebe soldadu sira hedi iha krúz iha momentu ne'ebe hanesan, no tau sira iha Jesus Nia sorin rua. Ida husi na'ok ten ne'e goja Jesus, maibe na'ok ten ida seluk dehan ba Nia, "Ita-Boot la tauk katak Maromak sei kastigu Ita-boot? Ami halo sala tanba ami halo buat ne'ebe ladi'ak, maibe ema ne'e la halo sala." Depois nia dehan ba Jesus, "hanoin ba hau se Ita-Boot sai liurai iha Ita-Boot Nia reinu." Jesus hatan nia, "Iha loron ne'e mos Ó sei hamutuk ho Hau iha Paraizu."

![](https://cdn.door43.org/obs/jpg/360px/obs-en-40-05.jpg)

Lideransa Judeu sira no ema sira seluk entre ema barak goja Jesus. Sira dehan ba Nia, "Se Ita-Boot Maromak Oan, tun husi krúz no salva Ita-Boot-Nia an! Nune'e ami sei fiar ba Ita-Boot."

![](https://cdn.door43.org/obs/jpg/360px/obs-en-40-06.jpg)

Depois, kalohan iha área tomak nakukun tebes, maske momentu ne'ebá kalan boot. Kalohan sai nakukun iha kalan boot no nafatin nakukun durante oras tolu.

![](https://cdn.door43.org/obs/jpg/360px/obs-en-40-07.jpg)

Depois Jesus hakilar, "Hotu ona! Aman, Hau entrega hau-Nia ispíritu ba Ita-Boot Nia liman." Depois Nia hatuun Nia ulun no entre Nia ispíritu. Bainhira Nia mate, akontese rai-nakdodo. Iha maromak Nia templu laran, kurtina boot ne'ebe haketak ema sira husi maromak Nia prezensa fahe-malu sai ba rua husi leten ba kraik.

![](https://cdn.door43.org/obs/jpg/360px/obs-en-40-08.jpg)

Liuhusi Nia mate, Jesus loke dalan ba ema hodi mai iha maromak. bainhira soldadu ida ne'ebe hein Jesus haree buat hotu ne'ebe mak akontese, Nia dehan, "Klaru, eme ne'e la halo sala. Nia mak Maromak Oan."

![](https://cdn.door43.org/obs/jpg/360px/obs-en-40-09.jpg)

Depois lideransa Judeu nian na'in rua, José no Nikodemus, mai no husu Jesus Nia mate isin ba Pilatus. Sira fiar katak Jesus mak Mesias. Sira falun Nia mate isin ho hena, lori Nia ba rate ida ne'ebe halo husi fatuk, no hatoba Nia iha laran. Depois sira dudu netik fatuk boot ida iha rate oin hodi taka nia kuak.

*A Bible story from: Matthew 27:27-61; Mark 15:16-47; Luke 23:26-56; John 19:17-42*

## 41. God Raises Jesus from the Dead

https://openbiblestories.org/l/tdt/story-41/

![](https://cdn.door43.org/obs/jpg/360px/obs-en-41-01.jpg)

Depois soldadu sira hedi Jesus iha krúz, lideransa Judeu sira dehan ba Pilatus, "Bosok-teen ne'ebá, Jesus, dehan katak liutiha loron tolu nia sei moris hi'as husi mate. Ema ida tenke hein Nia rate hodi garantia katak Nia eskolante sira la na'ok Nia mate isin. Se sira halo nune'e, sira sei dehan katak Nia moris ona husi mate."

![](https://cdn.door43.org/obs/jpg/360px/obs-en-41-02.jpg)

Pilatus dehan, "Foti soldadu balun no hein rate ne'e ho didi'ak." Depois sira monta ahi oan ba fatuk iha rate nia odamatak tama. Sira mós tau soldadu iha ne'ebá hodi garantia laiha ida mak bele na'ok mate isin ne'ebá.

![](https://cdn.door43.org/obs/jpg/360px/obs-en-41-03.jpg)

Loron ne'ebé Jesus mate mak loron sábado. Laiha ema ida mak bele servisu iha loron sábado, to'o laiha Jesus Nia belun sira la'o ba Nia rate. Maibe iha loron tuir mai depois de loron sábado, dadeer-saan tebes, feto balun prepara hodi la'o ba Jesus Nia rate. Sira hakarak tau buat morin ba Jesus Nia isin.

![](https://cdn.door43.org/obs/jpg/360px/obs-en-41-04.jpg)

Antes feto sira to'o iha-ne'ebá, akontese rai-nakdoko maka'as iha rate ne'ebá. Anjo ida mai husi lalehan. Nia dudu sees fatuk ne'ebé taka rate nia odamatan tama no tur iha leten. Anjo ne'e nabilan maka'as hanesan rai-lakan. Soldadu sira ne'ebé iha rate haree nia. Sira tauk tebes no monu ho oin ba rai hanesan ema mate.

![](https://cdn.door43.org/obs/jpg/360px/obs-en-41-05.jpg)

Bainhira feto sira to'o iha rate, anjo ne'e dehan ba sira, "Labele tauk. Jesus laiha iha ne'e. Nia moris hi'as ona husi mate, hanesan ida-ne'ebé hatete ona! Haree ba rate laran." Feto sira ne'e haree ba rate laran no haree iha-ne'ebé Jesus Nia isin hatoba ba. Nia Isin laiha iha-ne'ebá!

![](https://cdn.door43.org/obs/jpg/360px/obs-en-41-06.jpg)

Depois anjo ne'e dehan ba feto sira ne'e, "Ba no hatete ba Nia eskolante sira, Jesus moris hi'as ona husi ema mate no Nia sei la'o uluk ba imi ba Galileia.'"

![](https://cdn.door43.org/obs/jpg/360px/obs-en-41-07.jpg)

Feto sira ne'e apresia tebes no haksolok tebes. Sira halai hodi fo-hatene novidade di'ak ne'e ba eskolante sira.

![](https://cdn.door43.org/obs/jpg/360px/obs-en-41-08.jpg)

Bainhira feto sira iha hela dalan hodi hato'o novidade ne'e ba eskolante sira, Jesus fo-hatudu Nia An ba sira. Sira monu ho oin ba Nia ain. Depois Jesus dehan, "Labele tauk. Ba no fo-hatene ba Hau-Nia eskolante sira hodi la'o ba Galileia. Sira sei haree Hau iha ne'ebá."

*A Bible story from: Matthew 27:62-28:15; Mark 16:1-11; Luke 24:1-12; John 20:1-18*

## 42. Jesus Returns to Heaven

https://openbiblestories.org/l/tdt/story-42/

![](https://cdn.door43.org/obs/jpg/360px/obs-en-42-01.jpg)

Iha loron bainhira Nai halo moris Jezús husi mate, Jezús nia eskolante nain-rua ba sidade ida besik liu mai. Lao daudaun, sira koalia kona-ba saida mak akontese ona ba Jezús. Sira espera katak Nia duni mak Mesias, maibe ema oho ona Nia. Agora feto sira ne’e dehan katak Nia moris fila fali. Sira lahatene atu fiar los ida ne’ebe.

![](https://cdn.door43.org/obs/jpg/360px/obs-en-42-02.jpg)

Jezús hakbesik ba sira no komesa lao ho sira, maibe sira la konhese Nia. Nia husu sira koalia hela saida. Sira konta ba Nia kona-ba buat hotu ne’ebe akontese ba Jezús durante loron hirak liu ba. Sira hanoin katak sira koalia hela ho ema fuik le’et ida ne’ebe lahatene buat seda mak akontese ona iha Jeruzalem.

![](https://cdn.door43.org/obs/jpg/360px/obs-en-42-03.jpg)

Hafoin Jezús esplika ba sira kona-ba Mesias bazeia ba Maromak nia Liafua. Uluk liu, profeta sira hateten katak ema aat sira sei halo Mesias sofre no mate. Maibe profeta sira mós hateten katak Nia sei moris hikas fali iha loron da-tolu.

![](https://cdn.door43.org/obs/jpg/360px/obs-en-42-04.jpg)

Bainhira sira too iha sidade ema nain-rua ne’e nia hela fatin, rai nakaras ona. Sira konvida Jezús atu hela hamutuk ho sira, no Nia mos tama ba uma ida. Sira tuur hodi han kalan. Jezús foti paun baluk ida, fó agradesimentu ba Nai Maromak, no fera paun ne’e. Derepenti, sira foin hakfodak no konhese katak Nia mak Jezús. Maibe iha momentu ne’eba kedan, Nia lakon husi sira nia oin.

![](https://cdn.door43.org/obs/jpg/360px/obs-en-42-05.jpg)

Ema nain-rua ne’e koalia ba malu, “Ohin ne’e Jezús, Tan ne’e mak ami haksolok tebes bainhira nia esplika Maromak nia liafuan mai ami!” Sira fila ba kedan Jeruzalem. Bainhira sira too, sira fó hatene ba eskolante sira, “Jezús moris! Ami haree ona Nia!

![](https://cdn.door43.org/obs/jpg/360px/obs-en-42-06.jpg)

Bainhira eskolante sira konversa hela, Jezús derepenti mosu iha sala laran hamutuk ho sira. Nia dehan, “Dame no prósperu ba imi!” Eskolante sira hanoin Nia mate-klamar, maibe Jezús dehan, “Tamba sá mak imi tauk? Tamba sá mak imi la fiar katak ne’e Hau duni, Jezús? Haree Hau nia liman no ain. Mate-klamar la iha isin hanesan Hau nian.” Atu hatudu katak Nia laos mate-klamar, Nia husu hahan. Sira fó Nia ikan baluk ida, no Nia han.

![](https://cdn.door43.org/obs/jpg/360px/obs-en-42-07.jpg)

Jezús dehan, “Buat hirak kona-ba Hau ne’ebe koalia husi Maromak nia Liafuan sei akontese, Hau dehan tiha ona ba imi katak buat ne’e sei akontese duni.” Hafoin Jezús halo sira komprende Maromak nia Liafuan ho diak liu tan. Nia dehan, “Inisiu, profeta sira hakerek ona katak Hau, Mesias, sei sofre, mate no hafoin moris hias husi ema mate sira nia leet iha loron da-tolu.”

![](https://cdn.door43.org/obs/jpg/360px/obs-en-42-08.jpg)

“Profeta sira mos hakerek katak Hau nia eskolante sira sei hato’o Maromak nia mensagem. Sira sei fó hatene ema hotu atu arepende. Se sira arepende, Maromak sei perdua sira nia pekadu-sira. Hau nia eskolante sira sei hato’o mensagem ne’e hahu husi Jeruzalém. Hafoin sira sei bá ema husi grupu ne’ebe deit. Imi mak testamunha sira husi buat hirak ne’ebe Hau koalia no Hau halo, no buat hotu ne’ebe akontese ona mai Hau.”

![](https://cdn.door43.org/obs/jpg/360px/obs-en-42-09.jpg)

Durante loron 40 tuirmai, Jezús hatudu ann ba Nia eskolante sira fila-fila. Dala ida, Nia hatudu ann ba ema liu 500 iha momentu ne’ebe hanesan! Ho maneira oi-oin, Nia hatudu ba Nia eskolante sira katak Nia sei moris no hanorin sira kona-ba Maromak nia reiñu.

![](https://cdn.door43.org/obs/jpg/360px/obs-en-42-10.jpg)

Jezús dehan ba Nia eskolante sira, “Nai Maromak fó ona ba hau direitu atu ukun ema hotu ne’ebe iha lalehan no iha mundu. Tamba ne’e, Hau dehan ba imi: Bá no halo povu hotu-hotu sai Hau nia eskolante. Atu halo nune’e, imi tenki fó sarani sira hodi Aman, Oan no Ispiritu Santu nia naran. Imi mos tenki hanorin sira atu halo buat hirak ne’ebe mak Hau orienta ona ba imi. Hanoin hetan ba, Hau sempre hamutuk ho imi.”

![](https://cdn.door43.org/obs/jpg/360px/obs-en-42-11.jpg)

Loron ha’at nulu depoizde Jezús moris hias husi mate, Nia dehan ba Nia eskolante sira, “Hela ba iha Jeruzalém to’o Hau nia Aman haraik ba imi poder. Nia sei halo nune’e ho haruka Ispiritu Santu mai ba imi nia leten.” Hafoin Jezús sae ba lalehan, no kalohan taka metin Nia husi sira-nia vizaun. Jezús tuur iha lalehan iha Nai Maromak nia sorin loos atu ukun buat hotu-hotu.

*A Bible story from: Matthew 28:16-20; Mark 16:12-20; Luke 24:13-53; John 20:19-23; Acts 1:1-11*

## 43. The Church Begins

https://openbiblestories.org/l/tdt/story-43/

![](https://cdn.door43.org/obs/jpg/360px/obs-en-43-01.jpg)

Depoizde Jezús fila tiha ba lalehan, eskolante sira hela nafatin iha Jeruzalém hanesan Jezús nia orientasaun ba sira. Ema sira ne’ebe fiar iha fatin ne’eba sempre halibur hamutuk hodi halo orasaun.

![](https://cdn.door43.org/obs/jpg/360px/obs-en-43-02.jpg)

Kada tinan, loron lima-nulu depoizde Páskoa, ema Judeu sira komemora loron importante ne’ebe hanaran Pentakosta. Pentakosta mak tempu bainhira ema Judeu sira selebra ko’a hare. Ema Judeu sira mai husi mundu tomak ba iha Jeruzalém atu selebra Pentakosta hamutuk. Tinan ida ne’e, Pentakosta monu mais-ou-menus semana ida depoizde Jezús fila ba lalehan.

![](https://cdn.door43.org/obs/jpg/360px/obs-en-43-03.jpg)

Bainhira ema fiar sira halibur hamutuk hela, derepenti uma ne’ebe sira halibur bá nakonu ho lian hanesan anin bo’ot. Hafoin buat ida hanesan ahi-lakan mosu iha ema fiar sira nia ulun. Sira hotu nakonu ho Ispiritu Santu, no sira hahi Nai Maromak ho lian oin seluk. Sira rasik lahatene lian sira ne’e, maibe Ispiritu Santu mak halo sira bele koalia lian sira ne’e.

![](https://cdn.door43.org/obs/jpg/360px/obs-en-43-04.jpg)

Bainhira ema sira iha Jeruzalém rona lian ne’e, sira halibur atu haree saida mak akontese daudaun. Sira rona ema fiar sira fó sai buat bo’ot sira ne’ebe Nai Maromak halo ona. Sira hakfodak tamba sira bele komprende mazke sira mai husi nasaun oi-oin no koalia ho lingua oi-oin. Eskolante sira ne’e mai husi Izrael no koalia ho lian Aram, Ebreu, ka Gregu, maibe ema barak sira ne’e rona saida mak Nai Maromak halo ona ho sira nia inan nia lingua rasik.

![](https://cdn.door43.org/obs/jpg/360px/obs-en-43-05.jpg)

Sira balun dehan katak eskolante sira ne’e lanu hela. Maibe Pedru hamrik no dehan ba sira, “Rona mai hau! Ema sira ne’e la lanu! Maibe, ida imi haree ne’e hanesan saida mak profeta Joel hateten ona sei akontese: Nai Maromak dehan ona, “Iha loron-sira ikus, Hau sei haraik Hau nia Ispiritu.”

![](https://cdn.door43.org/obs/jpg/360px/obs-en-43-06.jpg)

“Hei ema Izrael sira, Jezús mak ema ne’ebe halo buat majiku oi-oin atu revela Nia ann. Nia halo buat barak ne’ebe furak ho Nai Maromak nia poder. Imi hatene ida ne’e tamba imi haree ona. Maibe imi krusifika Nia!”

![](https://cdn.door43.org/obs/jpg/360px/obs-en-43-07.jpg)

“Jezús mate ona, maibe Nai Maromak halo Nia moris hias husi ema mate sira nia leet. Ho nune’e halo tuir ona saida mak profeta ida hakerek: “Ita boot sei la husik Ita-nian Mak Santu att iha rate laran. Ami mak testamunha katak Nai Maromak halo ona Jezús moris hias fila fali.”

![](https://cdn.door43.org/obs/jpg/360px/obs-en-43-08.jpg)

Maromak Aman agora foti ona Jezús atu tuur iha Nia sorin loos. No Jezús haruka ona Ispiritu Santu mai ba ita tuir Nia promesa. Ispiritu Santu mak halo buat hirak ne’ebe imi haree no rona daudaun ne’e.”

![](https://cdn.door43.org/obs/jpg/360px/obs-en-43-09.jpg)

“Imi krusifika ema ne’e, mak Jezús. Maibe imi tenki hatene ho loloos katak Nai Maromak halo ona Jezús sai Maromak ba buat hotu-hotu no Mesias!”

![](https://cdn.door43.org/obs/jpg/360px/obs-en-43-10.jpg)

Ema sira ne’ebe rona Pedru senti buat hirak ne’ebe nia koalia kona tebes ba sira nia laran. Depoiz sira husu ba Pedru no nia eskolante sira, “Irmaun sira, saida mak ami tenki halo?”

![](https://cdn.door43.org/obs/jpg/360px/obs-en-43-11.jpg)

Pedru hatán ba sira, “Imi presiza Nai Maromak atu perdua imi nia pekadu sira. Tamba ne’e arepende ona bá no fó imi nia ann atu sarani hodi Nain Jezús nia naran. Nune’e Nai Maromak sei haraik Ispiritu Santu ba imi nu’udar prezente husi Nia.”

![](https://cdn.door43.org/obs/jpg/360px/obs-en-43-12.jpg)

Mais ou menus ema nain 3.000 fiar bá saida mak Pedru hateten no sai Jezús nia eskolante. Sira sarani no hola parte iha igreja iha Jeruzalém.

![](https://cdn.door43.org/obs/jpg/360px/obs-en-43-13.jpg)

Ema sira kontinua fiar bainhira rona apóstolu sira hanorin sira. Sira hasoru malu hela deit no han hamutuk, no sira dalabarak halo orasaun hamutuk. Sira hahi ba Nai Maromak hamutuk no sempre fahe buat ne’ebe sira iha ba malu. Ema hotu iha sidade ne’eba hanoin diak ba sira. Loron baloron, ema barak liu tan mak sai fiar.

*A Bible story from: Acts 1:12-14; 2*

## 44. Peter and John Heal a Beggar

https://openbiblestories.org/l/tdt/story-44/

![](https://cdn.door43.org/obs/jpg/360px/obs-en-44-01.jpg)

Loron ida Pedru no Joaun ba Nai Maromak nia Templu. Ema isin-matek ida tuur hela iha portaun husu hela esmola.

![](https://cdn.door43.org/obs/jpg/360px/obs-en-44-02.jpg)

Pedru haree ema isin-matek ne’e no dehan, “Hau laiha osan atu fó ba o. Maibe hau sei fó ba o saida mak hau iha. Hodi Nain Jezús nia naran, hamriik no lao!”

![](https://cdn.door43.org/obs/jpg/360px/obs-en-44-03.jpg)

Iha momentu ne’eba kedas, Nai Maromak kura ema isin-matek ne’e. Nia komesa lao no haksoit no adora ba Maromak. Ema sira ne’ebe iha pátiu Nai nia Templu hakfodak tebes.

![](https://cdn.door43.org/obs/jpg/360px/obs-en-44-04.jpg)

Ema lubun boot ida komesa mai atu haree ema ne’ebe hetan kura ona ne’e. Pedru dehan ba sira, “Ema ne’e rekupera ona, maibe imi labele hakfodak tan buat ne’e. Ami la kura nia ho ami-nia forsa, ka tamba ami ne’e respeitu Maromak. Maibe Jezús mak kura ona ema ne’e ho Nia poder, tamba ita fiar ba Nia.”

![](https://cdn.door43.org/obs/jpg/360px/obs-en-44-05.jpg)

Imi mak haruka governadór Roma nian atu oho Jezús. Imi oho Nia ne’ebe mak fó moris ba ema hotu-hotu. Maibe Nai Maromak halo moris ona Nia husi ema-mate sira nia leet. Imi la komprende saida mak imi halo, maibe bainhira imi halo buat ne’e, saida mak profeta sira koalia ona sai realidade. Sira dehan katak Mesias sei terus no mate. Nai Maromak kumpri ho buat ne’e. Tan ne’e agora, arepende no fila fali ba Maromak, atu nune’e Nia hamoos hotu imi nia sala sira.”

![](https://cdn.door43.org/obs/jpg/360px/obs-en-44-06.jpg)

Bainhira Nai nia Templu nia líder sira rona Pedru no Joaun nia liafuan, sira hirus tebes. Tan ne’e sira kaer ema nain-rua ne’e no hatama sira ba kadeia. Maibe ema barak mak fiar saida mak Pedru hateten. Kuantidade ema ne’ebe fiar ba Jezús aumenta sai mais ka menus ema-nain 5.000.

![](https://cdn.door43.org/obs/jpg/360px/obs-en-44-07.jpg)

Loron tuirmai, líder Judeu sira lori Pedru no Joaun ba secerdote no líder relijiozu sira seluk. Sira mós lori ema ne’ebe mak isin-maten ne’e. Sira husu ba Pedru no Joaun, “Ho poder ida ne’ebe mak imi kura ema isin-matek ne’e?”

![](https://cdn.door43.org/obs/jpg/360px/obs-en-44-08.jpg)

Pedru hatan ba sira, “Ema ne’ebe hamriik daudaun iha o nia oin ne’e hetan kura ona ho Jezús nia poder, Mesias. Imi krusifika ona Jezús, maibe Nai Maromak halo moris fila fali Nia! Imi rejeita ona Nia, maibe laiha dalan seluk atu hetan salvasaun se la’os liuhusi Jezús nia kbiit!”

![](https://cdn.door43.org/obs/jpg/360px/obs-en-44-09.jpg)

Líder sira ne’e hakfodak tamba Pedru no Joaun koalia ho aten-barani. Sira haree katak ema nain-rua ne’e la’os ema edukadu no ema ne’ebe baibain hela. Maibe depoiz sira hanoin hetan katak ema nain-rua ne’e uluk hamutuk ho Jezús. Tan ne’e sira dehan ba sira nain-rua, “Ami sei kastigu imi ho todan tebes kuandu imi nafatin hatoo mensazem ba ema barak kona-ba ema ida ne’ebe naran Jezús.” Depoizde koalia barak hanesan ne’eba, sira husi Pedru no Joaun.

*A Bible story from: Acts 3-4:22*

## 45. Stephen and Philip

https://openbiblestories.org/l/tdt/story-45/

![](https://cdn.door43.org/obs/jpg/360px/obs-en-45-01.jpg)

Líder ida mós entre Jezús nia seguidor sira primeiru inklui mane ida naran Estevão. Ema hotu respeita nia. Ispiritu Santu fó kbiit no sabedoria barak ba nia. Estevão halo milagre barak. Ema barak mak fiar nia bainhira nia hanorin sira atu fiar ba Jezús.

![](https://cdn.door43.org/obs/jpg/360px/obs-en-45-02.jpg)

Loron ida bainhira Estevão sei hanorin kona-ba Jezús, ema Judeu balun ne’ebe mak la fiar ba Jezús mai ba nia no hahu debate ho nia. Sira hirus tebes, to’o sira ba líder relijiozu sira no konta lia falsu kona-ba Estevão. Sira dehan, “Ami rona Estevão koalia buat att kona-ba Moizes no Nai Maromak!” Nune’e líder relijiozu sira kaer Estevão no lori nia ba sacerdote no líder Judeu sira seluk nia oin. Testamunha falsu sira mai barak liu tan hodi bosok sira kona-ba Estevão.

![](https://cdn.door43.org/obs/jpg/360px/obs-en-45-03.jpg)

Sacerdote husu ba Estevão, “Ida ema sira ne’e hatete kona-ba o ne’e loos duni ka lae?” Estevão komesa hateten buat barak atu hatán ba Sacerdote. Nia dehan katak Nai Maromak halo ona buat barak ne’ebe mak extraordináriu ba povu Izrael desde Abraun moris too ba Jezús nia tempu. Maibe povu ne’e sempre la obedese ba Maromak. Estevão dehan, “Imi ulun toos no rebelde ba Nai Maromak. Imi sempre rejeita Ispiritu Santu, hanesan mós ita-nian beiala sira ne’ebe sempre rejeita Maromak no sempre oho Nia profeta sira. Maibe imi halo buat ida ne’ebe att liu duké ida sira halo! Imi oho tiha ona Mesias!”

![](https://cdn.door43.org/obs/jpg/360px/obs-en-45-04.jpg)

Bainhira líder relijiozu sira rona kona-ba buat ne’e, sira hirus tebes no taka sira-nia tilun no hakilar makaas. Sira dada Estevão sai husi sidade no tuda nia uza fatuk hodi oho nia.

![](https://cdn.door43.org/obs/jpg/360px/obs-en-45-05.jpg)

Bainhira Estevão besik mate, nia hakilar, “Jezús, simu hau nia klamar.” Nia hakneak no hakilar tan, “Mestre, labele tau todan sala ne’e ba sira.” Hafoin nia mate.

![](https://cdn.door43.org/obs/jpg/360px/obs-en-45-06.jpg)

Iha loron ne’eba ema barak iha Jeruzalem mak komesa persege Jezús nia seguidor sira, tan ne’e ema fiar sira halai sai ba fatin seluk. Maibe máske nune’e, sira nafatin fó sai kona-ba Jezús iha ne’ebe deit sira ba.

![](https://cdn.door43.org/obs/jpg/360px/obs-en-45-07.jpg)

Iha ema ida ne’ebe fiar ba Jezús naran Filipe. Nia halai husi Jeruzalem, hanesan ema fiar-nain sira seluk. Nia ba área Samaria, nia haklaken ba ema sira kona-ba Jezús. Ema barak mak fiar ba nia no hetan salvasaun. Loron ida, anju ida mai husi Maromak ba Filipe no haruka nia atu ba dezertu, no lao tuir dalan ida. Filipe mós ba duni. Bainhira nia lao hela iha dalan, nia haree mane ida ne’ebe sae nia komboiu. Ema ne’e ofisiál importante ida husi nasaun Etiopia. Ispiritu Santu haruka Filipe atu ba no koalia ho ema ne’e.

![](https://cdn.door43.org/obs/jpg/360px/obs-en-45-08.jpg)

Hafoin Filipe lao ba komboiu ne’e. Nia rona ema Etiopia ne’e lee Maromak nia Liafuan. Nia lee saida mak profeta Izaias hakerek ona. Ema ne’e lee, “Sira dada Nia hanesan bibi-malae oan ne’ebe atu koa ona, no hanesan bibi-malae oan ne’ebe nonok, Nia la koalia buat ida. Sira trata Nia ho la justu no la respeita Nia. Sira foti Nia vida husi Nia ann.”

![](https://cdn.door43.org/obs/jpg/360px/obs-en-45-09.jpg)

Filipe husu ba ema Etiopia ne’e, “O komprende saida mak o lee ne’e ka lae?” Ema Etiopia ne’e hatán, “Lae, hau labele komprende ida ne’e se ema ida la esplika mai hau. Mai no tuur iha hau nia sorin. Izaias hakerek kona-ba nia ann rasik ka ema seluk ida?”

![](https://cdn.door43.org/obs/jpg/360px/obs-en-45-10.jpg)

Filipe sae ba komboiu ne’e nia laran no tuur. Hafoin nia dehan ba ema Etiopia ne’e katak Izaias hakerek ne’e kona-ba Jezús. Filipe mós koalia barak kona-ba parte seluk husi Nai nia Liafuan. Ho meiu ida ne’e, nia hato’o novidade kona-ba Jezús ba ema ne’e.

![](https://cdn.door43.org/obs/jpg/360px/obs-en-45-11.jpg)

Bainhira Filipe no ema Etiopia ne’e iha hela viagem laran, sira too iha fatin ida ne’ebe iha bee. Ema Etiopia ne’e dehan, “Haree ne’eba! Iha bee! Hau bele sarani ka?” Depoiz nia haruka nia kondotór hodi hapara komboiu.

![](https://cdn.door43.org/obs/jpg/360px/obs-en-45-12.jpg)

Hafoin sira tuun ba bee laran no Filipe fó sarani ema Etiopia ne’e. Depoizde sira sai husi bee, derepenti Ispiritu Santu lori Filipe lakon ba fatin seluk. Iha ne’eba Filipe nafatin konta ba ema-sira kona-ba Jezús.

![](https://cdn.door43.org/obs/jpg/360px/obs-en-45-13.jpg)

Ema Etiopia ne’e kontinua viagem ba nia uma. Nia kontenti tebes tamba agora nia koñese ona Jezús.

*A Bible story from: Acts 6-8*

## 46. Saul Becomes a Follower of Jesus

https://openbiblestories.org/l/tdt/story-46/

![](https://cdn.door43.org/obs/jpg/360px/obs-en-46-01.jpg)

Iha mane ida naran Saul ne’ebe mak la fiar ba Jezús. Nu’udar joven ida, nia kuidadu ema sira ne’ebe oho Estevão nia hatais. Tuirmai nia halo terus ema sira ne’ebe mak fiar. Nia tama sai uma sira iha Jeruzalem atu kaer mane ka feto sira no hatama sira ba komarka. Hotu Sacerdote fo licensa ba Saul atu ba sidade Damasku. Nia haruka Saul atu ba kaer Jezús nia seguidor sira iha ne’eba no lori sira fila fali ba Jeruzalem.

![](https://cdn.door43.org/obs/jpg/360px/obs-en-46-02.jpg)

Tan ne’e Saul mós sai ba Damasku. Antes hela uituan nia too sidade ne’e, naroman ida iha lalehan naroman haleu nia sorin sira, no nia mós monu ba rai. Saul rona ema ida dehan, “Saul! Saul! Tamba saida mak o persege Hau?” Saul husu, “Ita se, Mestre?” Jezús hatán, “Hau Jezús. O persege Hau!”

![](https://cdn.door43.org/obs/jpg/360px/obs-en-46-03.jpg)

Bainhira Saul hader, nia labele haree ho mos. Nia belun sira tenki guia nia ba Damasku. Saul la han no la hemu durante loron tolu.

![](https://cdn.door43.org/obs/jpg/360px/obs-en-46-04.jpg)

Iha Damasku iha disiplu ida naran Ananias. Nai Maromak dehan ba nia, “Ba uma ne’ebe Saul hela ba. Tula o nia liman iha nia leten atu nune’e nia bele haree fila fali.” Maibe Ananias dehan,”Mestre, hau rona ona oinsa ema ne’e persege ema fiar sira.” Nai Maromak hatán, “Ba ona, Hau hili ona nia atu haklaken Hau nia naran ba ema Judeu sira no ba ema-sira husi grupu étniku seluk. Nia sei terus barak tanba Hau nia naran.”

![](https://cdn.door43.org/obs/jpg/360px/obs-en-46-05.jpg)

Hafoin Ananias ba Saul no tau nia liman ba iha Saul nia leten no dehan, “Jezús, ne’ebe hatudu ann ona ba o iha ona viagem mai, haruka ona hau ba o, atu o bele haree fila fali, no atu nune’e Ispiritu Santu nakonu iha o.” Momentu ne’eba kedas Saul bele haree fila fali, no Ananias fó sarani nia. Hafoin Saul han no sai forte fila fali.

![](https://cdn.door43.org/obs/jpg/360px/obs-en-46-06.jpg)

Momentu ne’eba kedan, Saul komesa haklaken ba ema-sira Judeu iha Damasku. Nia dehan, “Jezús mak Maromak Oan!” Ema Judeu sira hakfodak tamba Saul ne’ebe koko atu oho ema fiar sira, no agora nia fiar ba Jezús! Saul debate ho ema Judeu sira. Nia hatudu katak Jezús mak Mesias.

![](https://cdn.door43.org/obs/jpg/360px/obs-en-46-07.jpg)

Hafoin loron balun, ema Judeu sira halo planu atu oho Saul. Sira haruka ema atu tau matan ba nia iha sidade nia portaun atu oho nia. Maibe Saul rona kona-ba planu ne’e, no nia belun sira ajuda nia hodi halai. Iha kalan ida sira hatuun nia hakat liu moru sidade ho raga ida. Depoizde Saul halai husi Damasku, nia nafatin haklaken kona-ba Jezús.

![](https://cdn.door43.org/obs/jpg/360px/obs-en-46-08.jpg)

Saul ba Jeruzalem atu hasoru apostolu sira, maibe sira tauk ba nia. Hafoin ema ida fiar naran Barnabas lori Saul ba apostolu sira. Nia konta ba sira kona-ba oinsa Saul haklaken ona ho aten-barani iha Damasku. Hafoin, apostolu sira simu Saul.

![](https://cdn.door43.org/obs/jpg/360px/obs-en-46-09.jpg)

Ema fiar balun ne’ebe halai husi persegesaun iha Jeruzalem halai dook ba sidade Antiokia no haklaken kona-ba Jezús. Maioria ema iha Antiokia laos ema Judeu, maibe pela primeira vez, ema sira ne’ebe laos Judeu sai ema fiar-nain. Barnabas no Saul ba ne’eba atu hanorin buat barak liu tan kona-ba Jezús ba ema sira ne’ebe foin fiar ne’e no reforsa igreja. Iha Antiokia ema sira ne’e mak fiar uluk ba Jezús ne’ebe hanaran ‘ema Kristaun sira.’

![](https://cdn.door43.org/obs/jpg/360px/obs-en-46-10.jpg)

Loron ida, Jezús nia seguidor sira iha Antiokia jejún no orasaun hela. Ispiritu Santu dehan ba sira, “Haketak Barnabas ho Saul ba Hau atu halo serbisu ne’ebe hau haruka sira atu halo.” Nune’e sarani sira Antiokia halo orasaun ba Barnabas no Saul no tula liman ba sira nia leten. Hafoin sira haruka sira-nain-rua atu fahe novidade kona-ba Jezús iha fatin sira seluk. Barnabas no Saul hanorin ema husi grupu oi-oin, no ema barak mak sai fiar ba Jezús.

*A Bible story from: Acts 8:1-3; 9:1-31; 11:19-26; 13-14*

## 47. Paul and Silas in Philippi

https://openbiblestories.org/l/tdt/story-47/

![](https://cdn.door43.org/obs/jpg/360px/obs-en-47-01.jpg)

Bainhira Saul lao haleu Imperiu Romanu tomak, nia hahu uza nia naran Romanu, ‘Paulo.’ Loron ida, Paulo no nia belun, Silas, ba sidade Filipe atu fahe novidade kona-ba Jezús. Sira ba fatin ida iha mota ninin sai husi sidade fatin ne’ebe ema halibur hodi halo orasaun. Iha ne’eba sira hasoru vendedor feto ida naran Lidia. Nia hadomi tebes Nai Maromak no adora Nai.

![](https://cdn.door43.org/obs/jpg/360px/obs-en-47-02.jpg)

Nai Maromak halo Lidia fiar ba novidade kona-ba Jezús ne’e. Paulo no Silas fó sarani nia no nia familia sira. Nia konvida Paulo no Silas atu hela iha nia uma, nune’e sira hela iha ne’eba.

![](https://cdn.door43.org/obs/jpg/360px/obs-en-47-03.jpg)

Paulo no Silas hasoru beibeik ho ema sira iha fatin ne’ebe ema Judeu sira reza ba. Loron-loron bainhira sira lao ba ne’eba, atan feto ida ne’ebe diabu tama nia laran sempre tuir sira. Liu husi satanás ne’e, nia halo predisaun ba ema-sira nia futuru, to’o nia hetan osan barak ba nia nain ne’eba mak adviñadór ida.

![](https://cdn.door43.org/obs/jpg/360px/obs-en-47-04.jpg)

Atan feto ne’e sempre lao ho hakilar, “Ema sira ne’e Maromak ne’ebe Aas liu nia atan. Sira fó hatene ba imi oinsa atu hetan salvasaun!” Nia halo nune’e hela deit to’o halo Paulo sateia.

![](https://cdn.door43.org/obs/jpg/360px/obs-en-47-05.jpg)

Ikusmai, loron ida bainhira atan feto ne’e foin hakilar, Paulo haree ba nia no dehan ba satanás ne’ebe iha nia laran ne’e, “Hodi Jezús nia naran, sai husi nia.” Satanás ne’e mos husik kedan nia.

![](https://cdn.door43.org/obs/jpg/360px/obs-en-47-06.jpg)

Mane ida atan feto nia nain ne’e hirus tebes! Sira realiza katak, sei satanás ne’e laiha, atan feto ne’e sei labele fó hatene sai ema nia futuru. Ne’e signifika katak ema sei la selu tan ba nia nain hodi hatene sira nia futuru.

![](https://cdn.door43.org/obs/jpg/360px/obs-en-47-07.jpg)

Tan ne’e atan feto nia nain ne’e lori Paulo no Silas hasoru ukun-nain Romanu nian, ne’ebe baku Paulo no Silas, no hafoin hatama sira ba komarka.

![](https://cdn.door43.org/obs/jpg/360px/obs-en-47-08.jpg)

Sira hatama Paulo no Silas iha komarka ne’ebe guarda maka’as liu. Sira to’o kesi sira-nia ain ho ai pedasuk boot. Maibe iha kalan boot, Paulo no Silas kanta knanuk hodi hahi Nai Maromak.

![](https://cdn.door43.org/obs/jpg/360px/obs-en-47-09.jpg)

Derepenti, akontese rai nakdoko ne’ebe maka’as! Odamatan sira iha komarka ne’e nakloke luan hotu, no korrente hodi kesi dadur sira ne’e kotu hotu.

![](https://cdn.door43.org/obs/jpg/360px/obs-en-47-10.jpg)

Hafoin xefi prizaun ne’e hader mai. Nia haree katak odamatan prizaun nakloke hotu. Nia hanoin dadur sira halai hotu ona. Nia tauk tebes kuandu autoridade Romanu sira oho nia tamba hanoin karik nia husik ona sira halai, tan ne’e nia prepara atu oho ann! Maibe Paulo hetan nia no hakilar, “Para! Labele hakanek o-nia ann. Ami hotu iha ne’e hela.”

![](https://cdn.door43.org/obs/jpg/360px/obs-en-47-11.jpg)

Xefi prizaun ne’e nakdedar tebes bainhira nia lao ba Paulo no Silas no husu, “Saida mak hau tenki halo atu hetan salvasaun?” Paulo hatán ba nia, “Fiar ba Jezús, Maromak, no o ho o nia familia sira sei hetan salvasaun.” Tuirmai xefi prizaun ne’e lori Paulo no Silas ba nia uma no fase sira nia kanek-sira. Paulo fó sai novidade kona-ba Jezús ba ema hotu iha nia uma.

![](https://cdn.door43.org/obs/jpg/360px/obs-en-47-12.jpg)

Xefi prizaun no nia familia sira hotu sai fiar ba Jezús, hodi Paulo no Silas fó sarani sira. Hafoin xefi prizaun ne’e fó hahan ba Paulo no Silas hodi han, no sira haksolok hamutuk.

![](https://cdn.door43.org/obs/jpg/360px/obs-en-47-13.jpg)

Loron tuirmai, ulun-nain sidade nian hasai Paulo no Silas husi komarka no husu sira atu sai husi Filipe. Paulo no Silas bá vizita Lídia no sira-nia belun sira seluk hafoin sai husi sidade ne’e. Novidade kona-ba Jezús kontinua espalha, no Igreja kontinua buras.

![](https://cdn.door43.org/obs/jpg/360px/obs-en-47-14.jpg)

Paulo no líder ema fiar-nain sira seluk halao viagem ba sidade barak. Sira haklaken no hanorin ema barak novidade kona-ba Jezús. Sira mós hakerek karta barak hodi enkoraja no hanorin ema fiar-nain sira iha kongregasaun sira. Husi karta balun sira ne’e mak sai livru sira iha Bíblia.

*A Bible story from: Acts 16:11-40*

## 48. Jesus Is the Promised Messiah

https://openbiblestories.org/l/tdt/story-48/

![](https://cdn.door43.org/obs/jpg/360px/obs-en-48-01.jpg)

Bainhira Nai Maromak kria mundu, buat hotu perfeitu. Laiha pekadu. Adaun no Eva hadomi malu, no sira hadomi Maromak. Laiha moras ka mate. Nai hakarak mundu ida hanesan ne’e.

![](https://cdn.door43.org/obs/jpg/360px/obs-en-48-02.jpg)

Satanás koalia ba Eva iha jardim liu husi samea tamba nia hakarak lohi nia. Tuirmai Eva no Adaun halo sala ba Maromak. Tamba sira halo pekadu, ema hotu iha mundu mate.

![](https://cdn.door43.org/obs/jpg/360px/obs-en-48-03.jpg)

Tamba Adaun no Eva halo pekadu, buat ida att liu tan akontese. Sira sai Nai Maromak nia inimigu. Nia konsikuensia, desde momentu ne’eba ema hotu halo sala ona. Ema hotu-hotu sai Maromak nia inimigu desde sira moris. Laiha paz entre ema no Maromak. Maibe Maromak hakarak atu dame.

![](https://cdn.door43.org/obs/jpg/360px/obs-en-48-04.jpg)

Nai Maromak promete katak Eva nia jerasaun ida sei sama Satanás nia ulun, no Satanás sei tata nia ain-tuban. Ho liafuan seluk dehan, Satanás sei oho Mesias, maibe Maromak sei halo Nia moris fila fali. Mesias sei domina Satanás nia kbiit too rohan. Tinan barak mai, Nai Maromak hatudu katak Mesias ne’e mak Jezús.

![](https://cdn.door43.org/obs/jpg/360px/obs-en-48-05.jpg)

Maromak haruka Noé atu halo ró boot hodi salva nia familia husi inundasaun boot ne’ebe sei mai. Ne’e nu’udar Maromak nia meiu atu salva ema sira ne’ebe fiar ba Nia. Ho meiu ne’ebe hanesan, ema hotu-hotu merese hetan kastigu mate husi Maromak tamba sira halo ona pekadu. Maibe Nai Maromak haruka Jezús atu salva ema sira ne’ebe fiar ba Nia.

![](https://cdn.door43.org/obs/jpg/360px/obs-en-48-06.jpg)

Durante tinan atus ba atus, amlulik sira kontinua hasa’e sakrifísiu ba Maromak. Ida ne’e hatudu ba ema katak sira halo sala no merese Maromak nia kastigu. Maibé sakrifísiu sira ne’e la bele perdua sira nia sala. Jezús halo buat ne’ebe amlulik sira labele halo. Nia hasae Nia aan nudar sakrifisiu mesak ne’ebe bele kasu ema hotu nia sala. Nia simu kastigu ne’ebe ita merese tanba ita-nia sala. Tanba razaun ida ne’e, Jezús mak Amlulik Boot.

![](https://cdn.door43.org/obs/jpg/360px/obs-en-48-07.jpg)

Nai Maromak dehan ona ba Abraun, “Hau sei fó bensaun ba povu hotu iha mundu ne’e liu husi o.” Jezús nu’udar Abraun nia jerasaun. Nai Maromak fó bensaun ema hotu-hotu liu husi Abraun tanba Nai Maromak salva ema sira ne’ebe fiar ba Jezús husi pekadu. Bainhira ema sira ne’e fiar ba Jezús, Maromak konsidera sira nu’udar Abraun nia jerasaun.

![](https://cdn.door43.org/obs/jpg/360px/obs-en-48-08.jpg)

Nai Maromak haruka Abraun atu sakrifika nia oan-mane rasik, Izak, ba Nia. Maibe depoiz Maromak fó bibi-malae aman ida sai sakrifísiu hodi troka Izak. Ita hotu merese mate tamba ita nia pekadu sira! Maibe Maromak fó Jezús atu sai sakrifísiu troka ita. Tanba ne’e mak ita bolu Jezús Maromak nia Bibi-malae-Oan.

![](https://cdn.door43.org/obs/jpg/360px/obs-en-48-09.jpg)

Bainhira Maromak haruka malisan ikus ba Ejiptu, Nia haruka família Izrael ida-idak atu oho bibi-oan ida. Bibi-oan ne’e tenke perfeitu. Tuirmai sira tenke kose raan ne’e iha sira-nia odamatan nia kuadru leten no sorin. Bainhira Maromak haree raan, Nia liu sira nia uma no la oho sira nia oan primeiru. Bainhira ne’e akontese, Nai Maromak hanaran ne’e Páskoa.

![](https://cdn.door43.org/obs/jpg/360px/obs-en-48-10.jpg)

Jezús hanesan Bibi-malae-Oan Páskoa nian. Nia nunka halo sala, tan ne’e la iha buat ida mak la loos husi Nia. Ema oho Nia iha selebrasaun Páskoa nian. Kuandu ema ida fiar ba Jezús, Jezús nia raan selu fali ema ne’e nia sala. Hanesan Maromak liu tiha ema ne’e tanba Nia la fó kastigu ba nia.

![](https://cdn.door43.org/obs/jpg/360px/obs-en-48-11.jpg)

Nai Maromak halo promesa ho ema Izrael sira tanba sira mak Maromak hili ona sai nia reinu. Maibe agora Maromak halo ona promesa foun ba ema hotu-hotu. Se ema ruma husi suku ne’ebe deit simu Promesa Foun ida ne’e, nia hamutuk ho Maromak nia povu sira. Nia halo ida ne’e tamba nia fiar ba Jezús.

![](https://cdn.door43.org/obs/jpg/360px/obs-en-48-12.jpg)

Moizes mak profeta ida ne’ebe iha kbiit boot tebes haklaken Maromak nia liafuan. Maibe Jezús mak profeta boot liu hotu. Nia mak Maromak, tan ne’e buat hotu ne’ebe Nia halo no koalia mak Maromak nia hahalok no liafuan. Tan ne’e mak Bíblia bolu Jezús nu’udar Maromak nia Liafuan.

![](https://cdn.door43.org/obs/jpg/360px/obs-en-48-13.jpg)

Nai Maromak promete ba Liurai David katak nia jerasaun ida sei ukun Nai nia povu nu’udar liurai to’o rohan. Jezús mak Maromak Oan no Mesias, tan ne’e Nia mak David nia jerasaun ida ne’ebe sei ukun to’o rohan.

![](https://cdn.door43.org/obs/jpg/360px/obs-en-48-14.jpg)

David mak liurai Izrael, maibe Jezús mak liurai ba universu tomak ida ne’e. Nia sei mai fila fali no ukun nia reinu ho justisa no dame to’o rohan.

*A Bible story from: Genesis 1-3, 6, 14, 22; Exodus 12, 20; 2 Samuel 7; Hebrews 3:1-6, 4:14-5:10, 7:1-8:13, 9:11-10:18; Revelation 21*

## 49. God’s New Covenant

https://openbiblestories.org/l/tdt/story-49/

![](https://cdn.door43.org/obs/jpg/360px/obs-en-49-01.jpg)

Anju ida dehan ba Maria, feto klosan ida, katan nia sei hahoris Maromak nia Oan. Nia sei virgem, maibe Ispiritu Santu mai ba nia no fó kbiit ba nia atu kous. Nia hahoris oan mane ida no hanaran nia Jezús. Tamba ne’e Jezús Maromak no ema dala ida.

![](https://cdn.door43.org/obs/jpg/360px/obs-en-49-02.jpg)

Jezús halo milagre barak ne’ebe hatudu katak Nia Maromak. Nia lao iha bee leten no hapara udan boot. Nia kura ema moras barak no duni sai satanás husi ema barak. Nia halo ema mate moris fila fali no halo paun fuan lima no ikan kiik rua sai too ba ema nain 5.000 liu hodi han.

![](https://cdn.door43.org/obs/jpg/360px/obs-en-49-03.jpg)

Jezús mos mestre ne’ebe mak diak. Buat hotu ne’ebe Nia hanorin, hanorin ho loos. Ema hotu-hotu tenki halo tuir saida mak Nia haruka tamba Nia Maromak nia Oan. Ezemplu hanesan, Nia hanorin katak imi tenki hadomi ema seluk hanesan imi hadomi imi-nian ann rasik.

![](https://cdn.door43.org/obs/jpg/360px/obs-en-49-04.jpg)

Nia mos hanorin katak imi tenki hadomi Maromak liu buat hotu-hotu, inklui imi-nia rikusoin.

![](https://cdn.door43.org/obs/jpg/360px/obs-en-49-05.jpg)

Jezús dehan diak liu hela iha Maromak nia reinu duké iha buat hotu-hotu iha mundu ne’e. Maromak tenki salva imi husi imi nia pekadu sira atu nune’e imi bele tama iha reinu Maromak nian.

![](https://cdn.door43.org/obs/jpg/360px/obs-en-49-06.jpg)

Jezús dehan ema balun sei simu Nia. Maromak sei salva ema sira ne’e. Maibe, ema sira seluk sei la simu Nia. Nia mos dehan katak ema balun hanesan rai ne’ebe diak. Tamba sira simu novidade kona-ba Jezús, Maromak salva sira. Maibe, ema sira seluk hanesan rai ne’ebe toos iha dalan. Maromak nia Liafuan hanesan fini ida ne’ebe monu iha dalan ne’e, maibe laiha ida mak buras. Ema sira ne’e rejeita mensagem kona-ba Jezús. Sira rejeita atu tama iha Nia reinu.

![](https://cdn.door43.org/obs/jpg/360px/obs-en-49-07.jpg)

Jezús hanorin katak Maromak hadomi ema sala-nain sira. Nia hakarak atu perdua sira no halo sira sai Nia oan-sira.

![](https://cdn.door43.org/obs/jpg/360px/obs-en-49-08.jpg)

Jezús mós dehan mai ita katak Maromak la gosta pekadu. Tamba Adaun no Eva halo ona pekadu, sira-nia jerasaun sira mos halo pekadu. Ema hotu iha mundu ne’e halo pekadu no dook husi Maromak. Ema hotu Maromak nia inimigu.

![](https://cdn.door43.org/obs/jpg/360px/obs-en-49-09.jpg)

Maibe Maromak hatudu Nia domin ba ema hotu-hotu iha mundu ho maneira ida ne’e: Nia fó Nia Oan mane mesak atu nune’e Maromak sei la kastigu ema sira ne’ebe fiar ba Jezús. Maibe, ema sira ne’ebe fiar ne’e sei moris ho Nia too rohan .

![](https://cdn.door43.org/obs/jpg/360px/obs-en-49-10.jpg)

Imi merese atu mate tamba imi halo ona sala. Justu ba Maromak atu kastigu imi, maibe Jezús lori todan kastigu sira ne’e hotu hodi troka ita tamba ita nia sala. Maromak kastigu Jezús ho husik Nia mate iha kruz.

![](https://cdn.door43.org/obs/jpg/360px/obs-en-49-11.jpg)

Jezús nunka halo sala. Nia simu kastigu ba sala, no mate ida att liu. Ho nune’e, Nia mak sakrifisiu ida perfeitu atu hamoos imi nia sala-sira no ema hotu iha mundu nia sala. Jezús sakrifika Nia ann ba Maromak, atu nune’e Maromak perdua sala sira hotu, inklui sala ida att liu hotu, husi ema sira ne’ebe fiar ba Jezús.

![](https://cdn.door43.org/obs/jpg/360px/obs-en-49-12.jpg)

Mazke imi halo buat diak barak, ne’e sei labele halo Maromak atu salva imi. Laiha buat ida mak imi bele halo mesak atu sai Nia belun. Maibe, imi tenki fiar katak Jezús Maromak nia Oan duni, katak Nia troka imi hodi mate iha kruz leten, no katak Maromak halo Nia moris hikas ona. Kuandu imi fiar ida ne’e, Maromak sei perdua imi husi imi nia pekadu.

![](https://cdn.door43.org/obs/jpg/360px/obs-en-49-13.jpg)

Maromak sei salva ema hotu ne’ebe fiar ba Jezús no simu sira atu bolu Nia sira nia Nain. Maibe Nia sei la salva ema sira ne’ebe la fiar ba Nia. Laiha problema atu imi riku ka kiak, mane ka feto, boot ka kiik ka imi hela iha ne’ebe. Maromak hadomi imi no hakarak imi atu fiar ba Jezús atu nune’e Nia bele sai imi nia belun.

![](https://cdn.door43.org/obs/jpg/360px/obs-en-49-14.jpg)

Jezús bolu imi atu fiar ba Nia no atu sarani. Imi fiar ka lae katak Jezús mak Mesias, Maromak nia Oan mane mesak? Imi fiar ka lae katak imi nu’udar ema sala-nain ne’ebe merese simu Maromak nia kastigu tamba imi-nia sala? Imi fiar ka lae katak Jezús mate iha kruz leten atu hamoos imi nia sala?

![](https://cdn.door43.org/obs/jpg/360px/obs-en-49-15.jpg)

Kuandu imi fiar ba Jezús no konsidera saida mak Nia halo ona ba imi, imi nu’udar Jezús nia seguidor! Diabu sei la ukun ona imi iha nia reinu ne’ebe nakukun. Agora Nai Maromak mak ukun imi iha Nia reinu ne’ebe naroman. Nai Maromak fó ona kbiit ba imi atu la halo sala hanesan ida uluk imi halo ona. Nia fó ona dalan ba imi atu moris foun ho loloos.

![](https://cdn.door43.org/obs/jpg/360px/obs-en-49-16.jpg)

Se imi Jezús nia seguidor, Maromak perdua ona imi nia salat amba saida mak Jezús halo ona. Agora, Nai Maromak konsidera imi Nia belun ida besik ho Nia laos inimigu.

![](https://cdn.door43.org/obs/jpg/360px/obs-en-49-17.jpg)

Se imi Maromak nia belun no Señor Jezús nia atan, imi sei hakarak atu obedese ba saida mak Jezús hanorin ba imi. Mazke imi Jezús nia seguidor, Satanás sei bele habosok imi atu halo sala. Maibe Maromak sempre halo saida mak Nia dehan Nia sei halo. Nia dehan katak se imi konfesa imi nia sala, Nia sei perdua imi. Nia sei fó forsa ba imi atu kontra sala.

![](https://cdn.door43.org/obs/jpg/360px/obs-en-49-18.jpg)

Nai Maromak dehan ba imi atu halo orasaun no aprende Nia liafuan. Nia mos dehan ba imi atu adora Maromak ho Jezús nia seguidor sira seluk. Imi mos tenki fó sai ba ema seluk saida deit mak Nia halo ona ba imi. Se imi halo tuir buat sira ne’e hotu, imi sei sai Nia belun ne’ebe forte.

*A Bible story from: Genesis 3; Matthew 13-14; Mark 10:17-31; Luke 2; 10:25-37; 15; John 3:16; Romans 3:21-26, 5:1-11; 2 Corinthians 5:17-21; Colossians 1:13-14; 1 John 1:5-10*

## 50. Jesus Returns

https://openbiblestories.org/l/tdt/story-50/

![](https://cdn.door43.org/obs/jpg/360px/obs-en-50-01.jpg)

Durante besik tinan 2.000, ema barak iha mundu mak rona ona novidade kona-ba Mesias Jezús. Igreja buras liu tan. Jezús promete katak Nia sei fila fali iha loron ikus. Mazke Nia seidauk fila, maibe Nia sei kumpri Nia promesa.

![](https://cdn.door43.org/obs/jpg/360px/obs-en-50-02.jpg)

Durante ita hein Jezús fila fali mai, Maromak hakarak ita atu moris ho santu no respeita Nia. Nia mos hakarak atu ita fó sai Nia reinu ba ema seluk. Bainhira Jezús moris iha mundu, Nia dehan, “Hau nia eskolante sira sei haklaken novidade kona-ba Maromak nia reinu ba ema hotu iha mundu tomak, no hafoin tempu ikus to’o mai.”

![](https://cdn.door43.org/obs/jpg/360px/obs-en-50-03.jpg)

Ema nian grupu barak mak seidauk rona kona-ba Jezús. Antes Nia fila ba lalehan, Jezús dehan ba ema sira ne’ebe tuir Nia atu lori novidade ne’e ba ema sira ne’ebe nunka rona kona-ba Nia. Nia dehan, “Ba, no halo povu hotu sai Hau nia eskolante!” no “Natar kinur ona, prontu atu ko’a ona!”

![](https://cdn.door43.org/obs/jpg/360px/obs-en-50-04.jpg)

Jezús mos dehan, “Atan la boot liu nia Nain. Ema boot sira iha mundu ne’e odi Hau, sira mos sei persege no oho imi tamba Hau. Iha mundu ne’e imi sei terus, maibe forsa nafatin, tamba hau halakon ona Satanás ne’ebe ukun mundu ne’e. Se imi nafatin fiel mai Hau to’o rohan, Maromak sei salva imi!”

![](https://cdn.door43.org/obs/jpg/360px/obs-en-50-05.jpg)

Jezús konta istoria ida ba Nia dixiplu sira atu esplika saida mak sei akontese ba ema moris sira bainhira mundu ne’e ramata. Nia dehan, “Mane ida kuda fini ne’ebe diak iha nia tos. Bainhira Nia toba, nia inimigu mai no kuda fini ne’ebe hamutuk ho duut entre fini hare sira, no ba fali.”

![](https://cdn.door43.org/obs/jpg/360px/obs-en-50-06.jpg)

Bainhira ai-horis ne’e moris ona, mane ne’e nia atan sira dehan, ‘Nai, ita boot kuda ona fini diak iha tos ne’eba. Maibe tamba sá mak iha duut iha nia laran?’ Ema ne’e hatán, ‘So hau nia inimigu mak hakarak kuda ida att ne’e. Hau nia inimigu balun mak halo ona nune’e.’”

![](https://cdn.door43.org/obs/jpg/360px/obs-en-50-07.jpg)

“Atan sira ne’e hatán ba sira nia Nain, ‘Ami fokit tiha lalang sira ne’e ka?’ Nai ne’e dehan, ‘Labele. Tamba dalaruma hare ne’e mos sei sai hotu bainhira imi fokit duut ne’e. Hein deit too tempu kolekta. Hafoin hili uluk lalang sira ne’e no kesi hamutuk atu sunu; Tuirmai foin hili fali hare hodi rai iha hau nia armajen.’”

![](https://cdn.door43.org/obs/jpg/360px/obs-en-50-08.jpg)

Dixiplu sira la komprende signifikasaun husi istoria ne’e, tan ne’e sira husu ba Jezús atu esplika ba sira. Jezús dehan, “Ema ne’ebe kuda fini ne’ebe diak ne’e mak Mesias. Tos mak mundu ida ne’e. Fini diak sira ne’e mak hau nia Reinu sira.”

![](https://cdn.door43.org/obs/jpg/360px/obs-en-50-09.jpg)

9. “Lalang sira ne’e mak ema sira ne’ebe tuir, ida att ne’e. Inimigu ne’ebe kuda fini att ne’e mak Diabu. Tempu kolekta ne’e mak tempu ikus mai no ema sira ne’ebe mak rekolha ne’e mak Maromak nia anju sira.”

![](https://cdn.door43.org/obs/jpg/360px/obs-en-50-10.jpg)

Iha tempu ikusmai, anju sira sei rekolha hotu ema sira ne’ebe halo buat att. Anju sira sei soe sira ba ahi laran. Iha ne’eba ema sira ne’e sei tanis no ruun sira nia nehan iha sofrementu att nia laran. Maibe ema sira ne’ebe mak loos, ne’ebe mak tuir Jezús, sei naroman hanesan loron matan iha sira nia Aman Maromak nia reinu.”

![](https://cdn.door43.org/obs/jpg/360px/obs-en-50-11.jpg)

Jezús mos dehan katak Nia sei fila fali mai mundu tempu ida antes mundu ne’e ramata. Nia sei fila ho meiu ida hanesan momentu Nia ba. Katak, Nia sei mai ho isin-lolon duni no mai iha kalohan leten iha lalehan. Bainhira Jezús fila fali, ema sira ne’ebe mak tuir Nia maibe mate uluk ona sei moris husi mate no hasoru ho Nia iha lalehan.

![](https://cdn.door43.org/obs/jpg/360px/obs-en-50-12.jpg)

Hafoin ema sira sei moris ne’ebe mak tuir Jezús sei sae ba lalehan no halibur hamutuk ho Jezús nia seguidor sira ne’ebe moris husi mate. Sira hotu sei hamutuk ho Jezús iha ne’eba. Depoiz, Jezús sei moris hamutuk ho Nia reinu sira. Bainhira sira moris hamutuk sira sei moris iha paz ne’ebe mak furak to’o rohan.

![](https://cdn.door43.org/obs/jpg/360px/obs-en-50-13.jpg)

Jezús promete atu fó koroa ba ema sira ne’ebe mak fiar ba Nia. Sira sei ukun buat hotu hamutuk ho Maromak to’o rohan. Sira sei iha paz ne’ebe mak perfeitu.

![](https://cdn.door43.org/obs/jpg/360px/obs-en-50-14.jpg)

Maibe Maromak sei julga ema sira ne’ebe la fiar ba Jezús. Nia sei soe sira ba infernu. Iha ne’eba sira sei tanis no ruun sira nia nehan no sofre laiha rohan. Ahi ne’ebe sei la mate sunu nafatin sira, no ular oan sira sei la para han sira.

![](https://cdn.door43.org/obs/jpg/360px/obs-en-50-15.jpg)

Bainhira Jezús fila, Nia sei harahun hotu Satanás no nia reinu. Nia sei soe Satanás ba infernu. Satanás sei mutuk iha ne’eba too rohan, hamutuk ho ema sira ne’ebe hili atu tuir nia duke obedese ba Maromak.

![](https://cdn.door43.org/obs/jpg/360px/obs-en-50-16.jpg)

Tamba Adaun no Eva la obedese ba Maromak no lori pekadu ba mundu ida ne’e. Maromak sei fó malisan no desidi atu harahun mundu ne’e. Maibe loron ida mai, Maromak sei kria lalehan foun no mundu foun ne’ebe perfeitu.

![](https://cdn.door43.org/obs/jpg/360px/obs-en-50-17.jpg)

Jezús no Nia reinu sira sei moris iha mundu ne’ebe mak foun, no Nia sei ukun buat hotu-hotu too rohan. Nia sei hamoos matan-been husi ema hotu nia matan. Laiha ida mak sei terus ka triste tan. Sira sei la tanis. Sira sei la moras ka mate. No laiha att iha ne’eba. Jezús sei ukun Nia reinu ho justu no paz. Nia sei hamutuk ho Nia reinu too rohan.

*A Bible story from: Matthew 13:24-42; 22:13; 24:14; 28:18; John 4:35; 15:20; 16:33; 1 Thessalonians 4:13-5:11; James 1:12; Revelation 2:10; 20:10; 21-22*