# unfoldingWord Open Bible Stories — Rautahad Tharu

- Language code: `thl-x-rautahat`
- Canonical page: https://openbiblestories.org/l/thl-x-rautahat/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Rautahad Tharu translation; it is not a translation of the whole Bible.

## 1. १.   सिरिस्टी

https://openbiblestories.org/l/thl-x-rautahat/story-1/

![](https://cdn.door43.org/obs/jpg/360px/obs-en-01-01.jpg)

परमेस्वर सभे चिजके सुरुवात अैसे कएलख । परमेस्वर सरा संसारके आ संसारमे भेल सभे चिजसबके छव दिनमे सिरिस्टी कएलख । परमेस्वर जब यि धरतिके बनएलख तब यि धरती अन्हार आ अकार बिनाके सुनसान रहे । आ धरतिमे कवनो भि चिजके सिरिस्टी न भेलरहे । लेकिन परमेस्वरके अत्मा पानिके उपरी चारुओरी घुमैत रहे ।

![](https://cdn.door43.org/obs/jpg/360px/obs-en-01-02.jpg)

जब परमेस्वर कहलख,“ इजोत होजो,तब इजोत होगेल ।”

![](https://cdn.door43.org/obs/jpg/360px/obs-en-01-03.jpg)

परमेस्वर सिरिस्टीके दोसरका दिन कहलख,धरतीके उपरी अकास सिरिस्टी होजो । तब परमेस्वर धरतिके पानिके अलग कके अकासके सिरिस्टी कएलख ।

![](https://cdn.door43.org/obs/jpg/360px/obs-en-01-04.jpg)

तब परमेस्वर तिसरका दिन, पानि आ जमिनके अलग कएलख । सुखल जमिनके धरती कहलख, आ जमा भेल पानिके समुन्दर कहलख । जब परमेस्वर अपन बनाएल सभे चिजके देखलख तब उ बहुत निमन रहे ।

![](https://cdn.door43.org/obs/jpg/360px/obs-en-01-05.jpg)

सेकरबाद परमेस्वर कहलख,”यि धरतिमे सभे किसिमके गाछ-बिरिस जाम जोअ,तब जाम गेल । जब परमेस्वर अपन बनाएल सभे चिजके देखलख । तब उ बहुत निमन रहे ।

![](https://cdn.door43.org/obs/jpg/360px/obs-en-01-06.jpg)

परमेस्वर सिरिस्टिके चौथादिनमे अपन बचनसे अकासमे सुरुज,चन्दरमा आ तरासबके बनएलख । काहेकी यिसबसे धरतिमे इजोत रहे ,अन्हार आ इजोत कारनसे दिन रात छुटिया सके,मौसम ,दिन महिना बरिस छुट्याए केलेल भि परमेस्वर अन्हार आ इजोतके बनएलख । जब परमेस्वर अपन बनाएल सभे चिजके देखलख तब उसब बहुत निमन रहे ।

![](https://cdn.door43.org/obs/jpg/360px/obs-en-01-07.jpg)

परमेस्वर पचमादिनमे भि अपन बचनसे ,पानिमे रहेबला जिबसबके आ अकासमे उरेबला पंछिसबके बनएलख । जब परमेस्वर अपन बनाएल सभे चिजके देखलख । तब उ बहुत बन्हिया रहे,सेकरबाद परमेस्वर सभे जिबसबके आसिस देलख ।

![](https://cdn.door43.org/obs/jpg/360px/obs-en-01-08.jpg)

परमेस्वर सिरिस्टिके छठमा दिनमे भि,अपन बचनसे,”हरेक किसिमके जमिनमे रहेबला जिब-जन्तुसब बनजाओ कहके कहलख । तब परमेस्वरके कहल जइसन होगेल । कुछ जनाबरसब घरैया होगेल,कुछ जिब जमिनमे पेटके बलसे बुलेबला होगेल,कुछ जंगली जनाबर होगेल । तब परमेस्वर अपन बनाएलके देखलख,तब उ सभे चिज बहुत बन्हि रहे ।

![](https://cdn.door43.org/obs/jpg/360px/obs-en-01-09.jpg)

सेकरबाद परमेस्वर कहलख,हमनिके अदमिके हमनियके सरुपमे आ परतिरुपमे बना, ताकी अदमी हमनियके जइसन होजाए । काहेकी ओकनिके समस्त धरतीमे आ धरतिमे रहल सभे जिबजिबातके उपरी अधिकार करसके ।

![](https://cdn.door43.org/obs/jpg/360px/obs-en-01-10.jpg)

ओहिसे परमेस्वर जमिनके माटि लेलख आ अदमिके अकार देके ओकरामे जिबनके सास फुंक देलख । तब अदमि जिबित परानी होगेल । तब परमेस्वर यि अदमिके नाम आदम रखलख । सेकरबाद परमेस्वर एगो बगैचा लगैलख आ बगैचाके देखरेख करकेलेल परमेस्वर आदमके लेजाके राख देलख ।

![](https://cdn.door43.org/obs/jpg/360px/obs-en-01-11.jpg)

तब उ बगैचाके बिचमे(बिच भगमे) ,परमेस्वर दुगो बिसेस परकारके जिबनके गासी रोपलख । तब एगो गासीमे निमन ग्यान देबेबला फल फरे आ दोसरका गासिमे खराब ग्यान देबेबला फल फरे । परमेस्वर आदमसे कहलख कि सभे गासी फर बिना डर खैहे । लेकिन निमन आ खराबके ग्यान देबेबला गासीके फर कबहु तु न खैहे । जवन दिन उ गासीके फर खैबे उहे दिन तु मर जैबे ।

![](https://cdn.door43.org/obs/jpg/360px/obs-en-01-12.jpg)

तब परमेस्वर कहलख,“अदमिके अकेले रहला उचित न बा ।” काहेकी यिहाँ भेल कवनो भि जनावर आदमके सहयोगी बने न सकैत बा ।

![](https://cdn.door43.org/obs/jpg/360px/obs-en-01-13.jpg)

तब परमेस्वर आदमके बहुत गैहर निनसे सुतादेलख । तब परमेस्वर आदमके फठीसब मध्येमेसे एगो फठी लेके उहेमेसे एगो सौरिके बनाके आदमके लगे लेके अएलख ।

![](https://cdn.door43.org/obs/jpg/360px/obs-en-01-14.jpg)

जब आदम यि सौरिके देखलख तब उ कहलख,“केतना सुथर सौरी”

![](https://cdn.door43.org/obs/jpg/360px/obs-en-01-15.jpg)

परमेस्वर मरद आ जनिके अपने सरुपमे बनैलख । आ परमेस्वर ओकनिके आसिरबाद देइत कहलख कि,“तोहनिके बहुतके बाल-बचा जल मैहे आ यि धरतिमे भर जैहे ।”सेकरबाद परमेस्वर अपनासे बनाएल सभे चिजके जब देखलख तब उ बहुत बन्हिया रहे,तब उसभे चिज देखके परमेस्वर बहुत खुसी भेल । काहेकी छवमा दिन तकमे परमेस्वर यि सभे सिरिस्टिके बनाके सुधा लेलेरहे ।

![](https://cdn.door43.org/obs/jpg/360px/obs-en-01-16.jpg)

जब सातमा दिन अएलख,तब परमेस्वर अपन सभे कामसब सुधालेलेरहे । ओहिसे अपन सभे कामसबसे उ बिसराम लेलख । आ उ सातमा दिनके आसिरबाद देलख आ पबितर बनएलख,काहेकी उ दिन उ अपन सभे कामसे बिसराम लेलख । अइसे परमेस्वर सरा संसार आ यिमेके सभे चिजसबके सिरिस्टी कएलख ।

*बाइबलको कथा : उत्पत्ती १-२ बा*

## 2. २.  संसारमे पापके परबेस

https://openbiblestories.org/l/thl-x-rautahat/story-2/

![](https://cdn.door43.org/obs/jpg/360px/obs-en-02-01.jpg)

परमेस्वरके बनाएल सुन्दर बगैचामे आदम आ हबा बहुत खुसिके साथ रहैत रहे । आ दुनुजना बिना बसतरके सङे रहैत रहे । फिरभी येकनिके लाज नलगैत रहे । काहेकी संसारमे कवनो किसिमके पाप परबेस न कएलेरहे । ओहिसे येकनिके दुनुजना यि बगैचामे परमेस्वरकेसङे बातचित करे ।

![](https://cdn.door43.org/obs/jpg/360px/obs-en-02-02.jpg)

लेकिन उ बगैचामे एगो बहुत चलाक साप रहे । जब उ साप जनिसे पुसलख कि,साचोमे परमेस्वर तोहनिके यि बगैचाके गासीके कवनो भि फल न खाएके कहले हौउ ?

![](https://cdn.door43.org/obs/jpg/360px/obs-en-02-03.jpg)

तब उ जनि सापके जबाफ देलख,”परमेस्वर हमनिके कहलेबा कि,खाली निमन आ खराबके ग्यान देबेबला गासीके फर न खैहे बाकी सभे गासिके फर खा सकैत बारे । लेकिन निमन आ खराबके ग्यान देबेबला गासीके फर खएबे आ सुबे त तोहनिके मर जैबे ।

![](https://cdn.door43.org/obs/jpg/360px/obs-en-02-04.jpg)

तब साप जनिके जबाफ देलख, यि झुठ बात हौ । जब तोहनिके यि गासिके फल खैबेत तोहनियोके परमेस्वरके जइसन निमन आ खराब जाने लगबे ।

![](https://cdn.door43.org/obs/jpg/360px/obs-en-02-05.jpg)

जब यि जनानी यि बगैचाके निमन आ खराबके ग्यान देबेबला गासिके फलके देखलख तब उ गासिके फल बहुत सुन्दर आ स्वादिस्ट देखलख । तब यि जनानि यि गासिके फल खाके असल आ खराब जानेके लेल इक्छा कैलख । ओहिसे बगैचाके गासीके फर तुरके खैलख आ अपन मरदाके भि खाएकेलेल देलख,तब ओकर मरदा भि खैलख । काहेकी ओकर मरदा ओकरेसङे रहे,ओहिसे ओकनिके दुनुजना खैलख ।

![](https://cdn.door43.org/obs/jpg/360px/obs-en-02-06.jpg)

जब ओकनिके अचानक चेतना खुलगेल,तब ओकनिके अपना आपके लङटे बारी कहके मालुम होगेल । तब ओकनिके गासिके पता बिनके लुगा बनैलख आ अपन सरिरके झांपेके लेल चाहलख ।

![](https://cdn.door43.org/obs/jpg/360px/obs-en-02-07.jpg)

तब यि दुनु जना परमेस्वरके बगैचामे अबैतके अबाज सुनलख । तब परमेस्वरके अबैतके अबाज सुनके दुनुजना लोकागेल । सेकरबाद परमेस्वर आदमके अइसे कहके बोलएलख,“ऐ आदम ऐ आदम तु कहा बारे ?” परमेस्वरके अबाज सुनके आदम जबाफ देलख,”हनिके तोहर बगैचामे बुलैतके अबाज सुनली ओहिसे हमनिके डेरा गेली काहेकी हमनिके लङटे रहली,ओहिसे लोकागेली ।’’

![](https://cdn.door43.org/obs/jpg/360px/obs-en-02-08.jpg)

सेकरबाद परमेस्वर पुसलख,“तु लङटे बारेसे, के कह देलौ ? जवन गासीके फर न खैहे हम कहले रहलिऔ, तु उहे गासिके फर खालेलेअ ?” सेकरबाद परमेस्वर जनिसे पुसलख कि,अइसन काम कथीला तु कैले ?तब जनानि जबाफ देलख,साप हमरासे झुठ बोलके खाएला कहलख

![](https://cdn.door43.org/obs/jpg/360px/obs-en-02-09.jpg)

तब परमेस्वर सापसे कहलख,”तोहराके हम सराप देइत बारिऔ ।

![](https://cdn.door43.org/obs/jpg/360px/obs-en-02-10.jpg)

ओकरबाद परमेस्वर जनानिसे कहलख,तु बहुत दुखके साथ बच्चा जलमएबे तोहरा सुतकेरी बेदना बरहादेबौउ । फिर भि तोहर मया पति केही ओरी रहतौ,आ तोहर पति तोहरा उपरी अधिकार करतौ ।”

![](https://cdn.door43.org/obs/jpg/360px/obs-en-02-11.jpg)

परमेस्वर आदमसे कहलख,”तुअपन मौगीके बात सुनके हमर आग्याके तु बिसर गेले आ जवन गासिके फल न खाएके कैले रहलियौ उ गासिके फल खालेले ,ओहिसे यि धरती तोहरालेल सरापित होगेलौ । खाएकेलेल तोहरा बहुत मेहनतके साथ काम करेके परतौ । सेकरबाद तु मर जएबे आ तोहर सरिर माटिमे मिलजतौ । तब आदम अपन जनिके नाम हब्बा रखलख ,जेकर अरथ बा “जिबन देबेबला” काहेकी यिहे स्तिरिसे सभे जातके अदमिसबके माइ बा । तब परमेस्वर आदम आ हब्बाके जनाबरके छालाके लुगा बनाके पेनहादेलख ।

![](https://cdn.door43.org/obs/jpg/360px/obs-en-02-12.jpg)

तब परमेस्वर कहलख,”आब अदमिसब भी हमनियके जइसन निमन आ खराब जानेबला होगेल । ओहिसे ओकनिके जिबनके गासिके फल खाके सदाके लेल जिते नरहो कहके परमेस्वर आदम आ हब्बाके उ सुनदर बगैचासे निकाल देलख । तब परमेस्वर यि जिबनके गासिके निगरानी करेकेलेल सक्तिसाली स्वरगदुतसबके बगैचाके मुल दुवारिमेमे पहरदारके रुपमे खटादेलख ।

*बाइबलको कथा : उत्पत्ति ३ बाट*

## 3. ३. जलपरलय

https://openbiblestories.org/l/thl-x-rautahat/story-3/

![](https://cdn.door43.org/obs/jpg/360px/obs-en-03-01.jpg)

सिरिस्टि होगेलाके बहुत दिनके बाद । यि,संसारमे अदमिसब जनसंख्या बहुत बरहगेल । तब उ अदमिसब बहुत दुस्ट होएलाके कारन हिंसात्मक काम बरहैत गेल । अदमिसबके बिचार दिन परती दिन येतना न खराब होइत गेल कि,परमेस्वर सरा संसारके एगो बिसाल जलपरलयसे यि धरतिके सरा जिबित परानीसबके मुया देबेकेलेल निरन्य कैलख ।

![](https://cdn.door43.org/obs/jpg/360px/obs-en-03-02.jpg)

लेकिन परमेस्वर नुहा नामके एगो अदमीके उपरी दया देखैलख । उहे एकेगो दुस्ट अदमिसबके बिचमे धरमि अदमी रहे । परमेस्वर नुहासे कहलख कि,कुछ दिनमे हम यि संसारके बहुत बिसाल जलपरलयसे नास करे जारहल बारी कहके नुहाके बतैलख । ओहिसे परमेस्वर नुहाके एगो पनिया जहाज बनाएके लेल कहलख ।

![](https://cdn.door43.org/obs/jpg/360px/obs-en-03-03.jpg)

परमेस्वर नुहासे कहलख कि,करिब १४० मिटर लाम,२३ मिटर चौरा आ १३.५ मिटर उचाइके तन तलैचा जहाज बना । तब नुहा काठके तिन तलैचा जहाज बनैलख । यि जहाजमे बहुत कोठलीसब भि बनैलख आ हरेक कोठलिमे खिरकी बनैलख । यि जहाजके एगो कोठलीमे नुहाके सभे परिवार आ बाकी कोठलीमे हरेक किसिमके यि धरतीमे रहेबला जनाबरसब जलपरलयके समयमे सुरछित रहे कहके परमेस्वर नुहासे यि जहाजके बनबैलख ।

![](https://cdn.door43.org/obs/jpg/360px/obs-en-03-04.jpg)

जब नुहा परमेस्वरके कहल बात अपन बेटासबके सुनैलख । तब नुहाके बेटासब परमेस्वरके कहल बात सनलख आ परमेस्वरके कहल मुताबिक जहाज बनाएकेलेल नुहाके मदत कैलख । लेकिन जहाज एकदम बहुत बरका होएलाके कारन येकराके बनाएमे कैअन बरिसके बाद जहाज तयारी भेल । तब नुहा अदमिसबके जलपरलयके बारेमे चेतावनी देलख । आ अदमिसबसे कहलख कि,अपन-अपन दुस्ट कामसब छोरके परमेस्वरके ओरी लवटके अबैजो कहके अदमिसबके चेताबनी भि देलख । काहेकी परमेस्वर कुछेदिनमे बिसाल जलपरलय यि धरतिपर लेयारहलबा । लेकिन अदमिसब नुहाके बातपर बिसबास नकैलख

![](https://cdn.door43.org/obs/jpg/360px/obs-en-03-05.jpg)

तब परमेस्वर नुहाके परिवारके सङे रहेबला जनाबरसबके खाएकेलेल अन्नसब नुहासे रखबैलख । जब सभे चिज तयार होगेल । तब परमेस्वर नुहासे कहलख कि समय आचुगलबा आब तोहनिके जहाजमे चहरजो, तब नुहा अपन घरबालिके सङे अपन तिनगो बेटाके आ तिनगो पुतोहके भि जहाजमे चहर जाएकेलेल कहलख । ( ओकनिके परिवारमे जम्मा आठ जना रहे ।)

![](https://cdn.door43.org/obs/jpg/360px/obs-en-03-06.jpg)

परमेस्वर मरदनबा,जनिअबा कके सभे किसिमके पसुपंछीके एक-एक जोरी नुहाकेलगे भेजलख ताकी जलपरलयके समयमे यि जनाबरसब भि सुरक्छित रहे । परमेस्वर बलिके लेल पसुपंछीमेसे हरेकमेसे सात-सातगो जोरी मरदनबा,जनिअनबा कके नुहाके पास भेजलख । तब ओकनिके सभेजना जहाज भितर ढुकगेल तब परमेस्वर अपने यि जहाजके केबारी बन्द कदेलख ।

![](https://cdn.door43.org/obs/jpg/360px/obs-en-03-07.jpg)

जब पानि परेके सुरु भेल । तब चालिस दिन चालिस रात तक पानि परते रहगेल । आ धरतिके निचासे भि बहुत बरका-बरका भुल फुटके पानि निकले लगलख । तब पानिमे सरा पहार परबतसब डुबगेल ।

![](https://cdn.door43.org/obs/jpg/360px/obs-en-03-08.jpg)

तब यि धरतिमेके सभे जिबजिवातसब मरगेल,केवल जहाज भितर रहल नुहाके सबपरिबार जिबित रहगेल, आ पसु पंछीसब जिबित रहगेल । जहाज पानिमे उतलाएल रहलख आ भितर रहल सबके पानिमे डुबेसे बचाके रखलख ।

![](https://cdn.door43.org/obs/jpg/360px/obs-en-03-09.jpg)

पानि छुटगेलाके बाद भी पानि पाच महिनातक यि धरतिके उपरी रहलख । आ जहाज पानिमे उतलायल रहलख । तब कुछ दिनके बाद पानि सुखेलगलख । सेकरबाद एकदिन जहाज एगो पहारके टुपामे आके अरकगेल । फिरभी यी धरतीमे तभीतक भि पानि रहले रहे । जब तिन महिना बितगेल । तब आरु पहारके टुपा भि देखाइ देबेलगलख ।

![](https://cdn.door43.org/obs/jpg/360px/obs-en-03-10.jpg)

तब चलिस दिनके बाद नुहा एगो कौयाके उरादेलख कि,पानि यि धरतिमे सुखल बा कि न ! तब उ कउया सुखल जमिन आ गासीसबके खोजमे एनेओने उरे लगलख । लेकिन उ कउवाके केम्हरोन सुखल जमिन न मिल्लख । फिरभी उ कउवा लवटके नुहाके पास नअएलख ।

![](https://cdn.door43.org/obs/jpg/360px/obs-en-03-11.jpg)

तब ओकर पछारी नुहा एगो परेबाके जहाजमेसे उरादेलख । लेकिन यि परेबाके भि कहबो सुखल जमिन न भेटैलख,उकारनसे यि परेबा फेरु लवटके नुहाकेलगे अएलख । सेकरबाद फेरु एक हप्ताके बाद नुहा उ परेबाके बहरा उरादेलख । तब यि परेबा अपन लोलमे एगो जैतुनके डारह लेके अएलख । काहेकी पानि लगातार सुखैत जाइत रहे,आ गासबिरिस फेरुसे जामल जाइत रहे ।

![](https://cdn.door43.org/obs/jpg/360px/obs-en-03-12.jpg)

तब फेरु कुछ दिनके बाद नुहा तिसरका पटक उ परेबाके बहरा उरैलख । लेकिन येमकिबार उ पेरबाके रहे बला जगह मिलगेल । उकारनसे नुहाके पास लवटके नअएलख काहेकी यि धरतिके पानि लगातार सुखल जाइत रहे ।

![](https://cdn.door43.org/obs/jpg/360px/obs-en-03-13.jpg)

तब दु महिनाके बाद परमेस्वर नुहासे कहलख,”तोहनिके सबपरिबार आ पसुपंछीसब आब जहाजसे बहरा निकल सकैतबारे । तब परमेस्वर येकनिके आसिरबाद देलख कि, तोहनिके बहुत बालबच्चा लमैहे आ यि धरतिमे फेरुसे भर जइहे ।”तब नुहाके सभे परिबार जहाजसे बाहर निकलके फेरु यि धरतिमे उतर गेल ।

![](https://cdn.door43.org/obs/jpg/360px/obs-en-03-14.jpg)

जब नुहा जहाजसे बहरा निकलके अएलख तब परमेस्वरके लेल एगो बेदी बनएलख आ यि बेदीमे बली करेकेलेल छुटियाल जनाबरमेसे बलिदान चरहैएलख । तब परमेस्वर उ बलिदानसे बहत खुसी होएलख । तब परमेस्वर नुहाके सभेपरिबारके आसिरबाद देलख ।

![](https://cdn.door43.org/obs/jpg/360px/obs-en-03-15.jpg)

तब परमेस्वर नुहासे परतिग्या कैलख,”आब हम फेरु कहियोन दुस्टाके खातिर यि धरतिके सरापित बनाके ,लजपरलयसे यि संसारके आब हम नस्ट न करब,काहेकी अदमिसबके हिरदयके बिचार बालकसेही खराब रहैए ।”

![](https://cdn.door43.org/obs/jpg/360px/obs-en-03-16.jpg)

सेकरबाद परमेस्वर परतिग्याके चिन्हस्वरुप अकासमे पनसोकाके चिन्हा बनैलख । हरेक पटक जब अकासमे पनसोका देखाइ दिइ,परमेस्वर अपन अदमिसबकेसङे परतिग्या कैलके याद करी ।

*बाइबलके कथा : उत्पत्ति ६-८ से*

## 4. ४-अबरहामसे परमेस्वरके करार

https://openbiblestories.org/l/thl-x-rautahat/story-4/

![](https://cdn.door43.org/obs/jpg/360px/obs-en-04-01.jpg)

जब जलपरलय होगेलाके बहुत दिनके बाद फेरु संसारमे बहुत अदमिसबके संख्या बरहैगेल,आ ओकनिके सभे जना एकेगो भसा बोलैत रहे । लेकिन परमेस्वरके अग्या रहेकि यि धरतिमे तोहनिके भरैत जैहे । लेकिन येकनिके यि धरतिमे भर जाएके त, एकसाथ मिलके एगो सहर बनाए लगलख ।

![](https://cdn.door43.org/obs/jpg/360px/obs-en-04-02.jpg)

काहेकी यि अदमिसब बहुत हठी आ घमन्डी रहे,ओहिसे येकनिके परमेस्वरके कहल बातके वास्ता न कैलख ।आ ओकनिके स्वरगमे जाएकेलेल एगो बरका धरहरा बनाए लगलख । तब परमेस्वर येकनिके देखके बिचार कैलख कि,अइसनके एकसाथ मिलके दुस्ट काम करैत जाइ त ओकनिके आरु बहुत अधरमी होएते जाइ ।

![](https://cdn.door43.org/obs/jpg/360px/obs-en-04-03.jpg)

ओहिसे परमेस्वर ओकनिके भसाके बहुत भसामे बदल देलख । जब अदमिसब एक -दोसराके भसा बुझे नसकलख । तब अदमिसब संसारमे तितर बितर होके फैलगेल । ओकनिके जवन धरहरा आ सहर बनाएके सुरु कएले रहे ,उ धरहराके नाम “बाबेल रहे” जेकर मानेबा “अलमल”

![](https://cdn.door43.org/obs/jpg/360px/obs-en-04-04.jpg)

तब सय बरिसके बाद,परमेस्वर अबरहाम नामके एकजना अदमिसे बातचित कैलख । परमेस्वर येकरासे कहलख,“तुअपन देस आ घरपरिबार, कर कुटुम छोरके हम तोहराके जवन जगह देखाइत बारियौ उ जगह जो,हम तोहराके आसिरबाद देइत बारियौ कि,जवन जगहमे तु जाइत बारे हम उ जगहके एगो महान देस बनादेबौ । आ हम तोहर नामके बरका बनादेबौ । आ जे तोहरा आसिरबाद दिइ,ओकराके हम आसिरबाद देहब आ तोहराके जे सराप दिइ हम ओकराके सराप देहब । यि पिरथिबिके सरा कुलेके अदमिसब तोहरे कारनसे आसिसित होइ कहके परमेस्वर कहलख ।

![](https://cdn.door43.org/obs/jpg/360px/obs-en-04-05.jpg)

सेकरबाद अबरहाम परमेस्वरके आग्या मानल्लख । उअपन बोह सराइ,आ नोकरसबके साथे उअपन सभे चिज लेके परमेस्वरके देखाएल देस कनानके ओरी चल देलख ।

![](https://cdn.door43.org/obs/jpg/360px/obs-en-04-06.jpg)

जब अबरहाम कनानमे जापहुचलख,तब परमेस्वर ओकरासे कहलख,”तुअपन आख पसारके देख,तु जेतना देख सकैतसे ओतना सभे देस पुरखौली सम्पतिके रुपमे हम तोहराके देब ।” तब अबरहाम परमेस्वरके देल देसमे रहे लगलख ।

![](https://cdn.door43.org/obs/jpg/360px/obs-en-04-07.jpg)

एकदिन अबरहाम महान परमेस्वरके पुजहारी मल्किसेदेकसे भेट कैलख । तब उ अबरहामके आसिस देके कहलख,“अकास आ पिरथिबीके मालिक सरबोचके परमेस्वर तोहरा आसिस देओ ।”तब अबरहाम मलकिसेदेकके अपन सरा सम्पतिके दसमा अंस देलख ।

![](https://cdn.door43.org/obs/jpg/360px/obs-en-04-08.jpg)

अबरहामके बियाह भेला बहुत दिन बित गेलरहे । लेकिन ओकनिसे कवनो सन्तानके जलम नभेल रहे । तब परमेस्वर अबरहामसे बात कैलख आ परतिग्या भि कैलख कि,तोहरासे एगो बेटा होइ आ ओकर सन्तानसब अकासके तरा बराबर होइ । तब अबरहाम परमेस्वरके परतिग्यामे बिसबास कैलख । आ परमेस्वर अबरहामके धरमी ठहरैलख ,काहेकी अबरहाम परमेस्वरके परतिग्यामे बिसबास कैलख ।

![](https://cdn.door43.org/obs/jpg/360px/obs-en-04-09.jpg)

सेकरबाद परमेस्वर अबरहामसे एगो समझौता कके कहलख । तोहर अपने जनिसे हि एगो बेटाके जलम होइ, आ यि कनान देस हम तोहरे सन्तानसबके देब ।”लेकिन अबरहामके पास एकोगो बेटा नरहे ।

*बाइबलकेकथा : उतपत्ति ११-१५ से*

## 5. ५.प्रतिज्ञा क सन्तान

https://openbiblestories.org/l/thl-x-rautahat/story-5/

![](https://cdn.door43.org/obs/jpg/360px/obs-en-05-01.jpg)

कनानहा बसाइ सरेयाङ दस बर्ष बितेस्वायाङ न्हौ कनि अब्राहम दै साराइ क आङल सन्तान ओतमानी ।हुन्लमारै अब्राम क मत्काउ साराइ इ हुनकाना गारा ,"परमेस्वर इ ङा क कोख बन्द खैबथाक्सी अनि नो सन्तान दारम क लागै ङा बुढ्ढे ओसोह्रेका ,इन्कारण इ ङा दासी हागार दैना ब्याहा खै,हुनि ङा क लागै दा ठौ सन्तान बैहि।

![](https://cdn.door43.org/obs/jpg/360px/obs-en-05-02.jpg)

इन्लमारै ,अब्राम इ हागारदै ब्याहा खया।हागार इ दा ठौ चाउ जन्माआ,अनि अब्राम इ हुन्क बृङु इसमाइल थाआ।तर साराइ इ हागार क रिस खयम ग्लाआ, इस्माएल इ तेह्र बर्ष क ओत्याउ,परमेस्वर फेरि अब्राहमदै थामा।

![](https://cdn.door43.org/obs/jpg/360px/obs-en-05-03.jpg)

परमेस्वर इ गारा ,"ङा सर्बशक्तिमान परमेस्वर हु"।ङा नाङदैना दाठौ करार ह्रुप्न्याह्रेङ ।अनि अब्राम इ दिसाहा गुम्तना ढोग खया।परमेस्वर इ फेरि गारा नाङ चोल रास्ट्रराउ क बयु ओन्याह्रेङ।कनान देशकाना ङा नाङ अनि नाङक सन्तानराउ क याकुहा सुम्पेबैहौ।अनि ङा सदाल्भरेत हुराँउक परमेस्वर ओन्याह्रेङ।नाङी आफ्नो नाम्क सब्ल यराराँउ क खतना खयम बृन्याह्रेङ।"

![](https://cdn.door43.org/obs/jpg/360px/obs-en-05-04.jpg)

नाङ्क मत्काउ साराइ इ दाठौ चाउ जन्मान्या ह्रेङ हुन चाहिँ प्रतिज्ञा खयाङ सन्तान ओन्याह्रेङ।नाङी हुन्क बृङु इसाहाक थाम हुन्दैना ङा ङा क करार ह्रुपहौ,अनि हुन्क बरे रास्ट्र ओन्याह्रेङ।ङा इस्माएल काना कनि बरे रास्ट्र बैहौ,तर ङा क करारचाही इसाहाक दैनाल ह्रुपहौ।हुन न्हौ परमेस्वर इ अब्राम क बृङु अब्राहम थाबया,जाङ्क अर्थ हु "चोल क बयु",।परमेस्वर इ साराइ क कनि बृङु नो "सारा, थाबया जाङ्क अर्थ हु "राजकुमारी"।

![](https://cdn.door43.org/obs/jpg/360px/obs-en-05-05.jpg)

हुन्काले अब्राहम इ आफ्नो नाम्क सब्ल यरा राउ क खतना खैबया।हुन्क करिब दा बर्ष न्हौ ,अब्राहम सय बर्ष क अनि सारा नब्बे बर्ष क ओत्याउ,सारा इ अब्राहम क चाउ जन्माआ।परमेस्वर इ गार्याङ् साङ्ल हुराँउ इ हुन्क बृङु इसाहाक थासो।

![](https://cdn.door43.org/obs/jpg/360px/obs-en-05-06.jpg)

जब इसाहाक बालक ल ह्रेनी ,परमेस्वर इ अब्राहम क बिश्वास क जाँच खया,अनि गारा,"नाङ्क दाल्ठौ चाउ इसाहाक काना कात्तना गात अनि हुन्काना ङा क लागै बलि चढा ।"अब्राहम इ परमेस्वर इ गार्याङ कुराकाना मानेया अनि आफ्नो चाउ काना बलि बयम तयार ओआ।

![](https://cdn.door43.org/obs/jpg/360px/obs-en-05-07.jpg)

जब अब्राहम दै इसाहक थान हाइ स्वाछाइनि ,इसाहक इ सुधेया "बै ,ङैदैना बलि क लागै सिङराँउ त ह्रेकि तर चढान्याङ बलि घोइ त "?अब्राहाम इ जवाफ बया ,"हे ङा क चाउ! परमेस्वर इ ल बलि क लागै थुमा जुटान्याह्रेङ"।

![](https://cdn.door43.org/obs/jpg/360px/obs-en-05-08.jpg)

जब हुराउ "थान "निङ्हा तोङ्कासी आब्राहम इ आफ्नो चाउकाना ह्रुप्तना थान क बेदिहा थाआ। जब हुनि आफ्नो चाउकाना बलि बयमल बाङह्रेआनि,परमेस्वर इ गारा "ताइथी

![](https://cdn.door43.org/obs/jpg/360px/obs-en-05-09.jpg)

हुन्हा नजिकल अब्राहाम इ दाठौ थुमा काना झाडी हा अल्झेह्रेयाङ मुआ।परमेस्वर इ हुन थुमा काना इसाहक सट्टा बलिदान क लागै हुन्हा थाबैथाआनी ।अब्राहम इ खुसी क साथ हुन थुमाकाना बलि चढाआ।

![](https://cdn.door43.org/obs/jpg/360px/obs-en-05-10.jpg)

अनि परमेस्वर इ अब्राहामकाना गारा ",नाङी ङाक लागै आफ्नो सब्ल थोक बयम तयार ओयाङ्क लागै अनि नाङ्क दाल्ठौ चाउ कनि बाकी माठायाङ्क मारै,ङा नाङ्काना आशिष बैन्याङ प्रतिज्ञा खैकु ।नाङ्क सन्तानराउ आकाश क ताराराउ हाइत चो ओन्याङ ह्रेकी ।नाङी ङा क आज्ञा मानेयाङ ओतना सन्सार क सब्ल नामनाम्सी राउ नाङ्क नामराँउहाइतना आशिसित ओनेह्रेकी ।

*बाइबलको कथा : उत्पत्ति १६-२२ बाट*

## 6. ६. परमेस्वर इसहाक देलख

https://openbiblestories.org/l/thl-x-rautahat/story-6/

![](https://cdn.door43.org/obs/jpg/360px/obs-en-06-01.jpg)

जब अबरहाम बुरहबा होगेल तब ओकर बेटा इसहाक जबान होगेल रहे । ओहिसे अबरहाम उअपन नोकरसे कहलख कि, हमर करकुटुमसबके लगे जो आ इसहाकके लेल एगो मौगी खोजके ल्या कहके हबरहाम अपन नोकरके अपन कर-कुटुम्बके पास भेजलख ।

![](https://cdn.door43.org/obs/jpg/360px/obs-en-06-02.jpg)

तब अबरहामके नोकर ओकर कुटुमके देसके ओरी गेल,तब परमेस्वर उ नोकरके पास रेबिका नामके एकजना सौरीके ल्यलैख । उ हबरहामके भाइके नतनी रहे ।

![](https://cdn.door43.org/obs/jpg/360px/obs-en-06-03.jpg)

जब रेबिका अपन घर-परिबारके छोरके अबरहामके नोकरके सङे इसहाकके घरमे आएकेलेल राजी-खुसी होएलख । तब इसहाकके घरमे रेबिका आपहुचलख तब येकनिके दुनुजनाके बियाह करादेल

![](https://cdn.door43.org/obs/jpg/360px/obs-en-06-04.jpg)

जब कुछ समयके बाद अबरहामके मिरतु होगेल,सेकरबाद परमेस्वर अबरहामसे जवन करार कैलेरहे उ करार इसहाकमे आगेल । तब परमेस्वर अबरहामसे कहलेरहे कि,तोहर असंख्यौ सन्तान होइ कहके परतिग्या कैलेरहे । लेकिन इसहाकके मौगी रेबिकासे कवनो भि सन्तान न भेलरहे । काहेकी रेबिका बाझिन रहे ।

![](https://cdn.door43.org/obs/jpg/360px/obs-en-06-05.jpg)

जब इसहाक रेबिकाके लेल परमेस्वरसे पराथना कैलख,तब इसहाकके पराथना परमेस्वर सुनल्लख आ रेबिकाके कोखसे जौंए बच्चा देलख । तब यि दुनु बच्चा रेबिकाके गरभमेही एक-दोसरासे लराइ करे,ओहिसे रेबिका परमेस्वरसे पुसलख कि, यि कथी होरहलबा ।

![](https://cdn.door43.org/obs/jpg/360px/obs-en-06-06.jpg)

तब परमेस्वर रेबिकासे कहलख,”तोहर पेटमे रहल दुनु बेटा दुगो देसके रुपमे आइ,आ ओकनिके दुनु भाइ एक-आपसमे लराइ करी आ जेठका बेटा छोटका बेटाके सेवा करी ।“

![](https://cdn.door43.org/obs/jpg/360px/obs-en-06-07.jpg)

जब रेबिकाके लइका भेल,तब जेठका बेटाके देहमे लाल रङके केसे केस रहे,तब ओकनिके येकर नाम एसाब रखलख । लेकिन छोटका बेटा अपन हाथसे जेठकाके गोर पकरलही सङे निकल्लख तब ओकनिके येकर नाम याकुब रखलख ।

*बाइबलके  कथा : उत्पत्ति २४:१-२५:२६ से*

## 7. ७. परमेस्वर याकुबके आसिस देलख

https://openbiblestories.org/l/thl-x-rautahat/story-7/

![](https://cdn.door43.org/obs/jpg/360px/obs-en-07-01.jpg)

जब यि बालकसब बरहैत गेल,तब याकुब घरही रहे,लेकिन एसाब सिकार करेमे रुची राखे । ओहिसे रेबिका छोटका बेटा याकुबके दुलार करे,आ इसहाक जेठका बेटा एसाबके दुलार करे ।

![](https://cdn.door43.org/obs/jpg/360px/obs-en-07-02.jpg)

एकदिन जब एसाब सिकार कके घरे लवटके अएलख,तब ओकरा बहुत जोरसे भुख लागल रहे । जब एसाब याकुबसे कहलख कि “तुअपन बनाएलमेसे हमरा खएकेलेल देत ?” तब याकुब जबाफ देलख,“पहिले तुअपन जेठके अधिकार हमरा देअ ।’’ तब हम तोहरा खाएकेलेल देबो । तब एसाब उअपन जेठ अधिकर देदेलख । सेकबाद याकुब अपन बनाएलमेसे एसाबके खाएकेलेल देदेलख ।

![](https://cdn.door43.org/obs/jpg/360px/obs-en-07-03.jpg)

लेकिन इसहाक अपन आसिस एसाबके देबेके चाहैत रहे । लेकिन इसहाक एसाबके आसिस देबेसे पहिलेही रेबिका याकुबके एसाबके कपरा लगादेलख आ एसाबके जइसन बनाके इसहाकसे छल कैलख । काहेकी इसहाक बहुत बुरह होगेल रहे आ अपन आखसे देखे नसकैत रहे ।उकारनसे रबिका याकुबके घेटमे हाथमे बकरीके केसबला सला लपेटके याकुबके इसहाकके लगे भेजदेलख ।

![](https://cdn.door43.org/obs/jpg/360px/obs-en-07-04.jpg)

तब याकुब इसहाककेलगे अएलख आ कहलख,“ हम एसाब बरी । हम तोहरासे आसिस लेबेकेलेल आएलबारी ।”जब इसहाक याकुबके कपरा सुम्हलख आ हाथ पकरैतबा तब एसाबके जइसन इसहाकके लगलख । तब इसहाक याकुबके आसिस देदेलख ।

![](https://cdn.door43.org/obs/jpg/360px/obs-en-07-05.jpg)

एसाब याकुबसे घिरना करे । काहेकी याकुब एसाबके समस्याके समयमे एसाबके मिलल जेठ अधिकार छिनलेलख । ओहिसे एसाब अपन बाबुके मरगेलाकेबाद याकुबके मुयाएके योजना बनैएले रहे ।

![](https://cdn.door43.org/obs/jpg/360px/obs-en-07-06.jpg)

लेकिन रेबिकाके एसाबके योजनाके बारेमे मालुम होगेल ।ओहिसे इसहाक आ रेबिका याकुबके उहबासे ममाके घरे भेजदेलख ।

![](https://cdn.door43.org/obs/jpg/360px/obs-en-07-07.jpg)

याकुब बहुत दिनतक अपन ममे घरे रहलख । उहे समयमे उहबे याकुब बियाह भि कलेलख ।आ याकुबके उहबे बारगो बेटा आ एगो बेटी भि होगेल । परमेस्वर ओकरा बहुत धनिक बनादेलख ।

![](https://cdn.door43.org/obs/jpg/360px/obs-en-07-08.jpg)

याकुब बिस बरिस अपन घर छोरके ममाके घरपर रहलख,तब याकुब अपन सरा परिवारके साथे अपन नोकरसबके आ गाइबस्तु साथमे लेके अपन घर कनानमे लवट अएलख ।

![](https://cdn.door43.org/obs/jpg/360px/obs-en-07-09.jpg)

याकुब बहुत डेरा गेलरहे,काहेकी हमर ददा एसाब अभिभि हमराके मुया दी कि,सोचैत रहे ।ओहिसे याकुब आबेसे पहिले अपन ददाके पास बहुत गाइबस्तुसब उपहार सरुप भेजदेलख । गाइबस्तुसब लेके गेल नोकरसब एसाबसे कहलख,” तोहर दास,याकुब तोहरालेल यि गाइबस्तु भेज देलेहव उ बहुत जल्दी हि आरहलहव ।“

![](https://cdn.door43.org/obs/jpg/360px/obs-en-07-10.jpg)

लेकिन एसाब याकुबके पहिलेही माफी देदेलेरहे । ओहिसे एसाब याकुबके देखके बहुत खुसी भेल । सेकरबाद याकुब अपन घर कनानमे सान्तिसे रहेलगलख । सेकरबाद इसहाक मरगेल,तब दुनु भाइ मिलके गारदेलख । परमेस्वर अबरहामसे बचनबध करार कैलेरहे उ करार इसहाकसे याकुबमे सरगेल ।

*बाइबलको कथा : उत्पत्ति २५:२७-३३:२० बाट*

## 8. ८. परमेस्वर यिसुफके आ ओकर घरनाके बचएलख

https://openbiblestories.org/l/thl-x-rautahat/story-8/

![](https://cdn.door43.org/obs/jpg/360px/obs-en-08-01.jpg)

जब समय बितैत गेल, तब याकुब बुरह्बा होगेल,तब अपन दुलरुया बेटा यिसुफके ओकर ददासबके लगे भेजलख जहाँ ओकनिके भेरा चराइत रहे । तब यिसुफके अबैत देखके येकनिके सभेभाइ मिलके योजना बनैलख कि येकराके मारके फेक दिआओ ।

![](https://cdn.door43.org/obs/jpg/360px/obs-en-08-02.jpg)

काहेकी यिसुफके ओकर भाइसब घिरना करे,काहेकी याकुब यिसुफके सबसे जदा दुलार करे । आ दोसरका कारन यि रहेकी,एकदिन यिसुफ अपन भाइसब उपरी सासक होएल बारी कहके सपना देखले रहे । ओहीसे जब यिसुफ अपन भाइसबके पास अएलख,तब ओकनिके ओकरा पकरके दास बनेकेलेल ब्यपारीके हाथमे बेचदेलख ।

![](https://cdn.door43.org/obs/jpg/360px/obs-en-08-03.jpg)

यिसुफके भाइसब घरे लवटेसे पहिलेही यिसुफके लुगा फारके बकरिके खुनमे बजबोर देलख । आ ओकनिके उ लबेदा अपन बाबुके लगे लेके अएलख आ अपन बाबुसे कहलख कि,यिसुफकेत जङगलके जनाबरसब मुयादेलो कहके सुनादेलख तब उ बात सुनके याकुब बहुत दुखित भेल ।

![](https://cdn.door43.org/obs/jpg/360px/obs-en-08-04.jpg)

तब उ ब्यपारिसब यिसुफकेलेके मिस्र देसमे लेके चलगेल । मिस्र देस निल लदिके किनारमे रहे । यि देस बहुत बिसाल आ सक्तिसाली रास्ट रहे,उ ब्यपारिसब यिसुफके एगो धनिक आ सरकारी हाकिमके हाथमे बेचदेलख । तब यिसुफ अपन मालिकके घरपरिवारके बहुत इमानदारिके साथ रेखदेख करेलगलख तब परमेस्वर यिसुफके आसिस देलख ।

![](https://cdn.door43.org/obs/jpg/360px/obs-en-08-05.jpg)

यिसुफके मलिकके जनि यिसुफकेसङे सुतेके चाहैत रहे । लेकिन यिसुफ परमेस्वरके बिरोधमे पाप करसे इनकार कैलख । उकारनसे ओकर मलकिनी खिसेयागेल आ यिसुफके बिरोधमे झुठा आरोप लगादेलख,उकारनसे यिसुफके पकरके जेलमे लेगेल । जेलमेभी यिसुफ परमेस्वरमे हि भरोसा कएलख आ परमेस्वर यिसुफके आसिस देलख ।

![](https://cdn.door43.org/obs/jpg/360px/obs-en-08-06.jpg)

कुछ दिनके बाद ओकर मालिक यिसुफके जेल भेजादेख । तब यिसुफ दु बरिस,जेल काटलेलेमेभी यिसुफके जेलमेही रखले रहे । एक रात मिस्रीसबके रजा फारो दुगो सपना देखलख । तब उ सपना रजाके बहुत चिन्तामे डालदेल । ओकर कवनो भि सलहकारसब उ सपनाके रहस्य कथीबासे बताए न सकलख ।

![](https://cdn.door43.org/obs/jpg/360px/obs-en-08-07.jpg)

परमेस्वर यिसुफके कैसनो सपनाके अरथ खोल देबेके लेल बरदान देलेरहे,ओहिसे फारो यिसुफसे सपनाके अरथ खोलेकेलेल जेलमेसे बोएलख । तब यिसुफ फारोके सपनाके अरथ बतादेलख आ फारोसे कहलख,”परमेस्वर सात बरिसतक यि देसमे बहुत जोरसे अन्नके उबजनी कराइ आ सेकरबाद सात बरिस तक यि देसमे अकाल परजाइ।

![](https://cdn.door43.org/obs/jpg/360px/obs-en-08-08.jpg)

जब रजा अपन देखल सपनाके अरथ सुनलख । तब यिसुफसे रजा फारो बहुत खुसी भेल आ यिसुफके सरा मिस्र देसके दोसरका दरजाके सक्तिसाली हाकिमके रुपमे नियुक्त कैलख ।

![](https://cdn.door43.org/obs/jpg/360px/obs-en-08-09.jpg)

तब यिसुफ यि देसके जन्तासबसे फसलके अन्न सात बरिसतक जम्मा करबैलख । जब उ देसमे सात बरिसतक अकालके समय रहलख,तबतक यिसुफ जम्मा कएल अन्नसब बेचलख ताकी अदमिसबके खाएमे कवनो किसिमके अभाव न होए ।

![](https://cdn.door43.org/obs/jpg/360px/obs-en-08-10.jpg)

अनिकाल मिस्र देसमे खाली नरहे की कनान देसमे भि होएलख,जहाँ याकुब आ ओकर घरनाके अदमिसब उहबा बैठल रहे ।

![](https://cdn.door43.org/obs/jpg/360px/obs-en-08-11.jpg)

ओहिसे याकुब अपन जेठ बेटाके मिस्र देसमे खाएके खातिर अन्न किनेकेलेल पठैलख । यिसुफके भाइसब अन्न किनेकेलेल मिस्रमे अएलख लेकिन यिसुफके भाइसब यिसुफके चिन्हे नसकलख,माने यिसुफ ओकनिके चिन्ह लेलख ।

![](https://cdn.door43.org/obs/jpg/360px/obs-en-08-12.jpg)

जब यिसुफ हमर भाइसब परिबरतन भेलबा कि न भेल बा कहके जाच कैलख, तब यिसुफ ओकनिके कहलख,”हम तोहर भाइ यिसुफ बारी,लेकिन तोहनिके नडेरा । तोहनिके हमरा दासकेरुपमे बेचके दुस्ट काम करेके लेल खोजले,लेकिन परमेस्वर दुस्ट कामके निमन काममे बदलदेलख । तोहनिके अबैजो आ यि मिस्र देसमे रहैजो ताकी तोहनिके आ तोहर परिबारसबके खाएकेलेल हम अन्न जुटासकु ।

![](https://cdn.door43.org/obs/jpg/360px/obs-en-08-13.jpg)

जब यिसुफके ददासब अपन घरमे लवटके अएलख तब यिसुफ जितेबा कहके ओकनिके अपन बाबुके खब्बर सुनादेलख तब यि खब्बर सुनके याकुब बहुत खुसि भेल ।

![](https://cdn.door43.org/obs/jpg/360px/obs-en-08-14.jpg)

याकुब बुरह होगेलामेभी उअपन सभे घरनाके लेके उ मिस्र देसमे गेल आ उहबे घर बनाके रहे लगलख ।आ याकुब मरेसे पहिले अपन सभे बेटासबके आसिस देलख ।

![](https://cdn.door43.org/obs/jpg/360px/obs-en-08-15.jpg)

परमेस्वर अबरहामसे परतिग्या सहितके करार कैलेरहे उ करार अबरहामसे इसहाकमे सरगेल ,इसहाकसे याकुबमे आ याकुबसे ओकर बारहु बेटामे सरगेल । तब ओकनिके सभे घरनामे भी परतिगया सहितके परमेस्वरके करार सरगेल । तब उहे याकुबके बारगो बेटाके सन्तानसे ही इजराएलके बार कुलके सुरुवात भेल ।

*बाइबलके कथा : उतपत्ति ३७-५० से*

## 9. ९. परमेस्वर मोसाके बोलैलख

https://openbiblestories.org/l/thl-x-rautahat/story-9/

![](https://cdn.door43.org/obs/jpg/360px/obs-en-09-01.jpg)

यिसुफके मिरतु होगेलाके बादमेभी ओकर सभे जहान-परिबारसब मिस्र देसमे ही रहैत रहे । ओकनिके सन्तानसब भी बहुत बरिसतक लगातार रुपसे मिस्र देसमे हि बसोबास करैत रहगेल । तब ओकनिके सन्तानसबके संख्या बहुत बरहगेल । तब ओकनियसब इजराएली कहैलख ।

![](https://cdn.door43.org/obs/jpg/360px/obs-en-09-02.jpg)

सय बरिसके बाद इजराएलीसबके संख्या बहुत होगेलख । तब मिस्रीसबके लेल यिसुफके निमन काम कैल बिसरगेल । आ मिस्रिसब इजराएलीसबसे डेराए लगलख,कहेकी ओकनिके संख्यामे बहुत जदा बरहैत जाइतरहे । ओहिसे उ समयमे मिस्र देसमे राज करेबला फारो इजराएलीसबके मिस्रिसबके दास बनाके राखेलगलख ।

![](https://cdn.door43.org/obs/jpg/360px/obs-en-09-03.jpg)

तब मिस्रीसब इजराएलीसबके मिस्र देसमे घर, सहरमे होएबला काममे लगैलख । ओकनिसे बहुत करा परिसरमके साथ काम करबाइत रहे उकारनसे ओकनिके जिबन बहुत हि कठिन बनादेलख,फिरभी परमेस्वर कनिके आसिस देलख,आ ओकनिके सन्तान औरभी बहुत बरहादेलख ।

![](https://cdn.door43.org/obs/jpg/360px/obs-en-09-04.jpg)

जब इजराएलीसब बहुतसे बहुत बेटाके जलम देरहलबा कहके जब फरो देखलख,तब फारो रजा अपन अदमिसबसे कहलख इजराएलिसबके भरखर जलमल लैकासबके निल लदिमे फेकके मुयादे कहके आदेस देलख ।

![](https://cdn.door43.org/obs/jpg/360px/obs-en-09-05.jpg)

औसनके अबस्थामे एगो इजराएली महिला एगो बेटाके जलम देलख । ओकनिके घर-परिबार बहुत कठिनाइसे बचाके रखलख ।

![](https://cdn.door43.org/obs/jpg/360px/obs-en-09-06.jpg)

जब उ बालकके माइबाबु ओकराके बहुत दिनतक लुकाके राखे नसकलख तब ओकनिके एगो कुसके डोली बनाके अलकतरासे पोतके यिहे भितरी यि बालकके राखदेलख आ निल लदिके किनारे नरकटके झलाके बिचमे लेजाके सोरदेलख । यि बलकके दिदी येकराके के कथी करिसे लुकाके देखैत रहे ।

![](https://cdn.door43.org/obs/jpg/360px/obs-en-09-07.jpg)

जब फारो रजाके बेटी यि डोलिके देखके उ डोलीके खोल्लख । तब एगो बालक देखाइ देलख,तब ओकर हिरदय दयासे भरगेल आ उअपन बेटाके रुपमे रखलेलख । आ एगो इजराएलियमेसे एगो जनिके यि बालकके देखरेख करे खतिरा बनिहारी देके रखलेलख । लेकिन उ जनि उ बालकके अपने माइ बा कहके ओकरा मालुम नभेल । जब यि बालक दुध पिएके छोरदेल तब उ यि बालकके फारोके बेटीके पास भेजदेलख जेकी ओकर नाम मोसा राखदेलख ।

![](https://cdn.door43.org/obs/jpg/360px/obs-en-09-08.jpg)

जब मोसा जबान होगेल,तब एकदिन एकजना मिस्री इजराएली दासके पटैत देखलख । तब मोसा अपन इजराएली अदमिके बचाएकेलेल चाहलख ।

![](https://cdn.door43.org/obs/jpg/360px/obs-en-09-09.jpg)

तब मोसा हमरा केहु नदेखैतबा कहके सोचलख आ उ मिस्रीके मुयाके गारदेलख । माने मिस्री अदमिके मुयाइत इजराएलिय मेसे केहु मोसाके देखलेले रहे ।

![](https://cdn.door43.org/obs/jpg/360px/obs-en-09-10.jpg)

जब फारो मोसा हि हत्या कैलेबा कहके फारोके मालुम भेल,तब फारो मोसाके मारेला खोजलख । ओहिसे फारोके सैनिकसबसे बाचेके लेल मोसा मिस्र देस छोरके भागके दोसर गाओके ओरी चलगेल ।

![](https://cdn.door43.org/obs/jpg/360px/obs-en-09-11.jpg)

जब मोसा मिस्र सोरके बहुत दुरके गाओमे चलगेल तब मोसा उहबे चरबाहिके काम करे लगलख आ उहे गाओके एगो लरकिसे बियाह कलेलख तब ओकरा देहसे दुगो बेटा भेल ।

![](https://cdn.door43.org/obs/jpg/360px/obs-en-09-12.jpg)

एकदिन जब मोसा आपन भेरासबके चराइत रहे,तब एगो सोट झखुलिमे आगी बरैत देखलख लेकिन उ झखुली जरके भसनर होइत न देखलख । ओहिसे मोसा और निमनसे देखेकेलेल उ झखुलिके नजदिके अएलख । जब उ जरैत झखुलिके नजिक आपहुचलख,तब परमेस्वर झखुलिके बिचमेसे मोसासे कहलख,तुअपन जुता खोल काहेकी तु जहबा खराभेल बारे उ जमिन पबितर बा ।

![](https://cdn.door43.org/obs/jpg/360px/obs-en-09-13.jpg)

परमेस्वर मोसासे कहलख,”हमे हमअपन अदमिसबे दुख देख रहलबारी । हम तोहरा फारोकेलगे पठा रहल बारी । ताकी तु इजराएलीसबके मिस्रिसबके दासत्वसे छोराके ल्यैबे । हम ओकनिके कनान देस देहब,जवन देस हम अबरहाम,इसहाक,याकुबसे परतिग्या कैलेरहली ।”

![](https://cdn.door43.org/obs/jpg/360px/obs-en-09-14.jpg)

तब मोसा परमेस्वरसे पुसलख,“अदमिसब तोहरा के पठलौ कहके हमरासे पुसी त हम ओकनिसबके कथी जबाफ देब ? तब परमेस्वर ओकरासे कहलख,“हम बारिसे हमबारी ।कहके ओकनिसे कहदिहे,हम कहेबला हमराके तोहनिसबके लगे भेजलेबा । ओकनिसबके यिभि कहदिहे कि,हम याहबे बारी,तोहनिके पितापरखा अबरहाम,इसहाक,याकुबके परमेस्वर । हमर नाम सदासरबदाके लेल यिहे रही ।”

![](https://cdn.door43.org/obs/jpg/360px/obs-en-09-15.jpg)

तब मोसा परमेस्वरके बात सुनके डेरा गेल,आ फारोके लगे जाएके लेल न चाहलख । ओहिसे मोसा बहना बनाइत कहलख कि,“ हमे त ठिकसे बोलेके भि न जनैसी ?” कहके मोसा परमेस्वरसे कहलख । ओहिसे परमेस्वर मोसाके भाइ हारुनके मोसाके सहायता करेके लेल साथमे भेजलख । फरो बहुत हठी होइ कहके परमेस्वर दुनुजनाके सचेत भि करैलख ।

*बाइबलके कथा : प्रस्थान १:से४: तक*

## 10. १०. दश विपतिसब

https://openbiblestories.org/l/thl-x-rautahat/story-10/

![](https://cdn.door43.org/obs/jpg/360px/obs-en-10-01.jpg)

मोसा आ हारुन फारोकेलगे गेल । आ फारोसे कहलख,“इजराएलके परमेस्वर अइसे कहरहलबा,“हमर अदमिसबके जाएदे कहलख ।

![](https://cdn.door43.org/obs/jpg/360px/obs-en-10-02.jpg)

लेकिन फारो इजराएलीसबके जाएदेबेसे इनकार कदेलख,“ओहिसे परमेस्वर मिसरदेसमे बहुत भ्यानक दसगो बिपती पठैलख । परमेस्वर यि बिपतीसबदोवार फारोके आ ओकर देबिदेबता आ सभे मिसरी देबतासे भि सक्तिसाली बा कहके देखादेलख ।

![](https://cdn.door43.org/obs/jpg/360px/obs-en-10-03.jpg)

परमेस्वर निल लदीके पानी खुनमे बदलदेलख,लेकिन फारो अभि भी इजराएलिसबके जाए नदेलख ।

![](https://cdn.door43.org/obs/jpg/360px/obs-en-10-04.jpg)

तब परमेस्वर सरा मिसरदेसभर बेंटासे हानि होएबला बिपती पठैलख । तब फारो मोसासे बिन्ती कहलख कि,सभे बेंटासब हटादे । जब सभे बेंटासब मरगेल तब फेरु फारो अपन हिरदय कठोर कलेलख आ इजराएलीसबे जाए नदेलख ।

![](https://cdn.door43.org/obs/jpg/360px/obs-en-10-05.jpg)

तब फेरु परमेस्वर घुसके कटाइसे होयबला महामारीके पठैलख । सेकरबाद मासीसे होयबला महामारी पठैलख, तब फारो मोसा आ हारुनके बोलैलख आ ओकनिसे कहलख ,यदि तोहनिके यि महामरीके रोदेबेत हम इजराइलीसबके जाए देबौ । जब मोसा पराथना कैलख,तब परमेस्वर मोसाके पराथना सुनके सभे किसिमके मिसरदेससे बिपतिसब हटादेलख । लेकिन एमकिबार फेरु फारो अपन मन कठोर बनालेलख आ इजराएलीसबके जाए नदेलख ।

![](https://cdn.door43.org/obs/jpg/360px/obs-en-10-06.jpg)

सेकरबाद परमेस्वर फेरु मिसरिसबके सभे मालजाल उपरी महामारी पठैलख आ ओकनिसबके सभे मालजालसब मरगेल । एमकिबार भि फारो अपन हिरदय कठोर बनालेलख आ ओकनिके जाए नदेलख ।

![](https://cdn.door43.org/obs/jpg/360px/obs-en-10-07.jpg)

तब फेरु परमेस्वर मोसाके फारोके अगारी हबामे राख उराएके कहलख । जब मोसा परमेस्वरके कहल मुताविक कएलख तब मिसरीसबके सौसे देहमे फोका बलाघाओ देखाइ देबेलगलख । लेकिन इजराएलीसबके कुछो न भेलख । एमकिबार फेरु फारो अपन हिरदय कठोर बनालेल आ ओकनिके जाए नदेलख ।

![](https://cdn.door43.org/obs/jpg/360px/obs-en-10-08.jpg)

अइसन भेगेलाकेबाद परमेस्वर बनौरीके बिपती ल्यलख,जवनकि,बहुत बरका-बरका बनौरी बरसैएलख जवनसे मिसरदेसके सरा अन्नबालीसब नस्ट होगेल आ घरसे जे बहरा निकल्ल रहे सभे मारलगेल । फारो फेरुसे मोसा आ हारुनके बोलैलख आ ओकनिसे कहलख कि,हम पाप कैली ,तोहनिके आब जा सकैत बारे ।तब मोसा फेरु परमेस्वरसे पराथना कैलख तब मेघसे बनौरी गिरेके बन्द होगेल ।

![](https://cdn.door43.org/obs/jpg/360px/obs-en-10-09.jpg)

लेकिन फारो फेरु पाप कैलख आ अपन हिरदय कठोर बनालेलख आ ओकनिके जाए नदेलख ।

![](https://cdn.door43.org/obs/jpg/360px/obs-en-10-10.jpg)

ओहिसे परमेस्वर टिरिसे हानि होएबला बिपती मिसरदेसमे पठैलख । यि टिरिसब बनौरिसे बाचल कुचल अन्नसब खालेलख ।

![](https://cdn.door43.org/obs/jpg/360px/obs-en-10-11.jpg)

तब परमेस्वर अन्हार होएबला मिसरदेसमे बिपती पठैलख,जवनकि तिन दिनतक रहलख । उ येतना न अन्हार रहेकी मिसरीसब अपन घर छोरके बहरा निकले नसकलख । लेकिन इजराएलीसबके बैठल ठाओमे इजोते रहे ।

![](https://cdn.door43.org/obs/jpg/360px/obs-en-10-12.jpg)

यि नवगो बिपतीसब होगेलामेभी फारो अभिभी इजराएलीसबके जाएनदेलख । फारो परमेस्वरके बात न सुनल्लाके कारन आब अन्तिम बिपती पठाएकेलेल योजना कएलख । जवन बिपती बहुत दरदनाक रहे । जब उ बिपती पठैलख तब पसुपंछी लेके अदमिके जेठ बेटा मरगेल तब यि बिपतिसे फारोके मन परिबरतन होगेल आ इजराएलीसबके जाएकेलेल देदेलख ।

*बाइबलके कथाः प्रस्थान ५:-१०: तक*

## 11. ११. निस्तार पवनी

https://openbiblestories.org/l/thl-x-rautahat/story-11/

![](https://cdn.door43.org/obs/jpg/360px/obs-en-11-01.jpg)

परमेस्वर फारोसे कहलख, यदि तु इजराएलीसबके मिस्र देससे जाए न देबे त तोहर देसके हरेक जनाबरसे लेके अदमितकके जेठ सन्तान मर जाएबला बिपती पठादेबौ कहके परमेस्वर फारोके चेतावनी देलख । लेकिन फारो परमेस्वरके बात सुनके भि न सुनलके जइसन कैलख आ परमेस्वरके चेताबनिके फरो रजा इन्कार कदेलख ।

![](https://cdn.door43.org/obs/jpg/360px/obs-en-11-02.jpg)

तब परमेस्वरमे बिसबास करेबलासबके लेले जेठ बेटा न मरे कहके एगो पबनी करेके लेल कहलख । हरेक परिबारसे एगो निसखोट थुमा बिसके ओकरेके बलिदान करिहे कहके कहलख ।

![](https://cdn.door43.org/obs/jpg/360px/obs-en-11-03.jpg)

परमेस्वर इजराएलीसबसे कहलख बिना खोटके बला जनाबर (थुमा)के बली कके ओकर खुन तोहनिके अपन-अपन दुहारीके चौखटमे लगालिहे । आ ओकर मास आगिमे पकाके सोडा नमिलायल सदा रोटिके साथ खैहे । आ जब खालिहे तब मिस्र देस छोरके जाएकेलेल तयार होजैहे ।

![](https://cdn.door43.org/obs/jpg/360px/obs-en-11-04.jpg)

तब इजराएलिसब परमेस्वर कहल मुताविक कैलख । मध्यरातमे परमेस्वर मिस्र होके गेल आ पहिलका जलम लेल सभे चिजके बेटासब मरगेल ।

![](https://cdn.door43.org/obs/jpg/360px/obs-en-11-05.jpg)

हरेक इजराएलीसबके घरके केबारीके चौखटमे खुन पोतल गेल रहे,ओहिसे परमेस्वर उ घरसबके लाङहके चलगेल । ओहिसे उ घरके कवनो भि अदमी नमरलख । थुमाके खुनके कारन ओकनिके बचाएल गेल रहे ।

![](https://cdn.door43.org/obs/jpg/360px/obs-en-11-06.jpg)

लेकिन मिस्रीसब परमेस्वरमे न त बिसबास कैलख न त ओकर कहलके मानलख । ओहिसे परमेस्वर ओकनिके नछोरलख । परमेस्वर मिस्रीसबके पहिलका जलमलेल सभे जेठ बेटासबके मुयादेलख ।

![](https://cdn.door43.org/obs/jpg/360px/obs-en-11-07.jpg)

जब सभे मिस्रिसबके जेठ बेटासब मरगेल,पसुसे लेके पंछीतक आ कैदीसेसे लेके फारो रजातकके जेठ बेटासब मरगेल । यि कारनसे मिस्रदेसमे अदमिसब बेदनाके कारन रोइत चिचियाइत रहे ।

![](https://cdn.door43.org/obs/jpg/360px/obs-en-11-08.jpg)

तब उहे रात फारो मोसा आ हरुनके बोलाके कहलख,”इजराएलीसबके लेके जल्दिसे मिस्रदेस छोरके चलजो ।

*बाइबलके कथाः परस्थान ११:१-१२:३२ से*

## 12. १२. परस्थान

https://openbiblestories.org/l/thl-x-rautahat/story-12/

![](https://cdn.door43.org/obs/jpg/360px/obs-en-12-01.jpg)

जब इजराएलीसब मिस्रदेस छोरके जाए लगलख तब बहुत खुसी होएलख । काहेकी आब ओकनिके दास नरहलख ओहिसे ओकनिके परतिग्याके देसमे जाएलगलख ।

![](https://cdn.door43.org/obs/jpg/360px/obs-en-12-02.jpg)

तब परमेस्वर दिनमे बादलके खम्हा बनके सङे-सङे चल्लख आ रातमे आगिके जोवाल होके अगारी-अगारी इजोत करैत चल्लख,परमेस्वर हरघरी ओकनिसबके सङे हि रहलख । आ यातराके समयमे ओकनिके रस्ता देखैलख । इजराएलीसबके करेबला काम सिरफ एकेगो रहे,परमेस्वरके पछारी-पछारी चलेके रहे ।

![](https://cdn.door43.org/obs/jpg/360px/obs-en-12-03.jpg)

कुछ समयके बाद,फारो आ ओकर अदमिसब अपन बिचार परिबरतन कैलख आ इजराएलिसबके फेरुसे अपन दास बनाएकेलेल चाहलख । तब परमेस्वर फारोके फेरुसे हठी बनादेलख,ताकी अदमिसब समझे कि उहे एकेगो सत्य परमेस्वर बा कहके देखे आ जानेकी “याहबे” फारोके देबतासबसे बहुत सक्तिसाली बा ।

![](https://cdn.door43.org/obs/jpg/360px/obs-en-12-04.jpg)

यि करनसे फारो आ ओकर फौज इजराएलिसबके फेरूसे अपन दास बनाएकेलेल पकरके लेजाएके लेल चहेटे लगलख । जब इजराएलिसब मिस्री फौज अबैत देखलख,तब ओकनिके फारोके सेना आ लाल समुन्दरके बिचमे फसगेली कहके ओकनिकेके महसुस कैलख । तब ओकनिके बहुत जोरसे डेरागेल आ अइसे कहैत चिचियाए लगलख कि,“हमनिके बेकारमे मिस्र देसके छोरली ? आब हमनिके मरहिके बा ।

![](https://cdn.door43.org/obs/jpg/360px/obs-en-12-05.jpg)

तब मोसा इजराएलिसबसे कहलख,“तोहनिके नडेरा”

![](https://cdn.door43.org/obs/jpg/360px/obs-en-12-06.jpg)

तब परमेस्वर बादलके खम्हाके इजराएली आ मिस्रीसबके बिचमे खरा कदेलख ताकि मिस्रसब इजराएलीसबके नदेखे ।

![](https://cdn.door43.org/obs/jpg/360px/obs-en-12-07.jpg)

तब परमेस्व मोसासे कहलख तुअपन हाथ समुन्दरके ओरी पसार,जब मोसा समुन्दरके अपन हाथ पसारलख तब पानी दुभाग होगेल । काहेकी परमेस्वर अइसन न,सक्तिसाली हबा बहैलख कि, दहिना ओरिके पानी दहिने ओर रुकगेल आ बेमा ओरिके पानी बेमाओर रुक गेल आ समुन्दरके बिचोबिच रस्ता बनगेल ।

![](https://cdn.door43.org/obs/jpg/360px/obs-en-12-08.jpg)

तब इजराएलिसब समुन्दरके सुखल भुइयाके रस्तासे आ पानिके दुनुओरके दिबालके बिचो-बिच समुन्दरसे निकल गेल ।

![](https://cdn.door43.org/obs/jpg/360px/obs-en-12-09.jpg)

जब ओकनिके समुन्दरसे निकलगेल,सेकरबाद परमेस्वर उ बादलके रस्तामेसे हटादेलख ताकी मिस्रिसब इजराएलिसबके भगैत देखके ओकनिके इजराएलिसबके चहेटे ।

![](https://cdn.door43.org/obs/jpg/360px/obs-en-12-10.jpg)

उकारनसे ओकनिके समुन्दरकेही रस्तासे इजराएलिसबके चहेटके अएलख,लेकिन परमेस्वर मिस्रिसबके रथ,घोरागरिके अरकादेलख तब ओकनिके बहुत जोरसे डेरागेल । तब ओकनिके चिचियाके कहलख,“भाग”

![](https://cdn.door43.org/obs/jpg/360px/obs-en-12-11.jpg)

सभे इजराएलीसब सकुसल समुन्दरके अउपार निकल गेलाकेबाद,परमेस्वर मोसासे फेरुसे कहलख अपन हाथ समुन्दरके ओरि घुमके पसार,तब मोसा अपन हाथ समुन्दरके ओरी पसारलख तब समुन्दर जइसनके तैसन होगेल आ सभे मिस्री फौजसब समुन्दरमे डुबके मरगेल ।

![](https://cdn.door43.org/obs/jpg/360px/obs-en-12-12.jpg)

जब इजराएलिसब सभे मिस्रिसबके मरैत देखलख,तब ओकनिके परमेस्वरमे भरोसा कैलख आ मोसा एक अगमबक्ता बा कहके बिसबास कैलख ।

![](https://cdn.door43.org/obs/jpg/360px/obs-en-12-13.jpg)

आ इजराएलिसब बहुत उतसाहके साथ आनन्दसे नाचे लगलख । काहेकी परमेस्वर ओकनिके मरेसे आ दास होएसे बचा लेलख ।

![](https://cdn.door43.org/obs/jpg/360px/obs-en-12-14.jpg)

परमेस्वर इजराएलिसबके मिस्रिसबके बिरोधमे जित करैएलख आ ओकनिके दासत्वसे बचैएलख कहके यादके लेल हरेक बरिस तोहनिके निस्तार पबनि मनैहे कहके कहलख । ओकनिके यि परबमे निस्खोट थुमा मारके येकर मास बिना सोडा मिसाएल रोटिकेसाथ खाके मनैलख ।

*बाइबलको कथाः प्रस्थान १२:३३-१५:२१ बाट*

## 13. १३. इजराएलीसबसे परमेस्वरके करार

https://openbiblestories.org/l/thl-x-rautahat/story-13/

![](https://cdn.door43.org/obs/jpg/360px/obs-en-13-01.jpg)

इजराएलीसब लाल समुन्दर पार करलेलाके बाद परमेस्वर ओकनिके उजार भुमिसे होके सिनै परबतके ओरी लेगेल । यि उहे परबत रहे जहाकी मोसाके आगी लागल झखुली देखाइ देलेरहे । तब अदमिसब अपन (सिरखी)पालसब परबतके निचालगैलख ।

![](https://cdn.door43.org/obs/jpg/360px/obs-en-13-02.jpg)

परमेस्वर मोसा आ इजराएलिसबसे कहलख,“यदि तोहनिके हमर कहल मानबे आ हमर करारके पालन करबे त,तोहनिके हमर सम्पति,पुजाहारिसबके एगो रज्य आ एक पबितर जाती होएबे ।

![](https://cdn.door43.org/obs/jpg/360px/obs-en-13-03.jpg)

तिन दिनके बाद,अदमिसब अपने आपके अत्मिकरुसे तयार होगेलाके बाद,परमेस्वर मेघके गरजन आ बिजुली चम्कैत बहुत बरका अबाजके साथ सिनै परबतके उपरी अएलख । तब मोसा उ परबतके उपरी चहरलख,काहेकी मोसाके हि खाली चहरेके अनुमती मिलल रहे ।

![](https://cdn.door43.org/obs/jpg/360px/obs-en-13-04.jpg)

तब परमेस्वर इजराएलिसबकसे करार कैलख ओकनिसे कहलख,हम “याहोवे बारी,तोहनिसबके परमेस्वर जे तोहनिके मिस्रदेसके दासत्वसे बचैली । ओहिसे तोहनिके कवनो भि देवी देबताके पुजा नकरिहे ।

![](https://cdn.door43.org/obs/jpg/360px/obs-en-13-05.jpg)

हमर नाममे तोहनिके “कवनो किसिमके मुरती नबनैहे न पुजिहे,काहेकी हम,याहोवे,डाही परमेस्वर बारी । हमर नाम बिना काममे नलिहे । सबाथ दिनके पवितर राखेमे नभुलिहे । काहेकी तोहनिके छव दिनतक सभे काम करिहे,लेकिन सतमा दिन तोहनिके बिसराम करिहे । जब तोहनिके बिसराम करिहे तब हमराके उ दिनमे याद करिहे ।”

![](https://cdn.door43.org/obs/jpg/360px/obs-en-13-06.jpg)

“अपन माइ,बाबुके आदर करिहे । हत्या नकरिहे । चोरी नकरिहे । झुठ नबोलिहे । अपन परोसियाके जनि आ घरके अथबा कवनो भि चिजके लोभ नकरिहे ।”

![](https://cdn.door43.org/obs/jpg/360px/obs-en-13-07.jpg)

सेकरबाद परमेस्वर मोसाके दसगो आग्या पथलके पाटिमे लिखके देलख । परमेस्वर आरु बहुत ब्यबस्थाके कानुनसब पालन करेकेलेल देलख । यदि तोहनिके यि ब्यबस्थाके पालन करबे त तोहनिके परमेस्वर आसिस दिइ ,यदि तोहनिके यि ब्यबस्था पालन नकरबे त तोहनिके परमेस्वर दन्ड दिइ ।

![](https://cdn.door43.org/obs/jpg/360px/obs-en-13-08.jpg)

तब परमेस्वर इजराएलिसबके अपन इक्सानुसारके पालके निरमान करेकेलेल बिसेस किसिमके नमुना देलख । जेकराके भेट करेबला पाल कहैतरहे आ यिमे दुगो कोठा रहे,जेकराके बडका परदासे अलग कैले रहैत रहे । परधान पुजारी हि खाली परदाके पछाडीके कोठामे जाइके परमेस्वरसे मिले,काहेकी परमेस्वर उहाँ रहे ।

![](https://cdn.door43.org/obs/jpg/360px/obs-en-13-09.jpg)

केहु भि पमेस्वरके अग्या भंङ करेत, उ एगो पसुके लेके आबे आ पालके अगारी रहल बेदीमे ल्याएके परमेस्वरके अगारी बलिकेरुपमे चरहाए । तब उ पसुके एकजना पुजारी परमेस्वरके अगारी बलि चढाए आ बेदिमे राखके आगीसे जरादेबे । जब उ बलि चरहा लेबे, तब पसुके खुनसे उ अदमिके पाप तोपे देबे आ परमेस्वरके नजरमे उ अदमी सुध होजाए । परमेस्वर मोसाके भाइ हारुन आ ओकर सन्तानके अपन पुजारी होएकेलेल नियुक्त कएलख ।

![](https://cdn.door43.org/obs/jpg/360px/obs-en-13-10.jpg)

तब इजराएलीसब कहलख कि, हमनिके सभे जना एकेगो परमेस्वरके पुजा करब आ परमेस्वरके बिसेस अदमिसबके रुपमे रहब कहके राजी होएलख । लेकिन ओकनिके जवन करार परमेस्वरसे कैलेरहे,उ करार कुछ दिनके बाद मे ही बिसर गेल आ ओकनिके बहुत भ्यानक पाप कैलख ।

![](https://cdn.door43.org/obs/jpg/360px/obs-en-13-11.jpg)

जब मोसा ४० दिनके लेल परमेस्वरसङे बात-चित करके लेल सिनै परबत उपरी चहर गेल । तब अदमिसब मोसा लवटके आइ कहके असिआएल असिआएल थाक गेल । ओहिसे ओकनिके हारुनकेलगे गेल, तब हारुन सभे जनासे सोना जम्मा करैलख आ मुरती बना देलख ।

![](https://cdn.door43.org/obs/jpg/360px/obs-en-13-12.jpg)

तब हारुन बसरुके अकारमे सोनाके मुरती बनएलख । आ अदमिसबसे उ मुरतीके पुजा करबैलख । यिहा तक कि,ओकनिके अपन बालबच्चाके भी यि मुरतिके अगारी बलि चरहैलख ।

![](https://cdn.door43.org/obs/jpg/360px/obs-en-13-13.jpg)

जब मोसा सिनै परपतसे उतरके अएलख,तब मोसा उ मुरतिके देखलख,तब मोसा बहुत जोरसे अदमिसबमे खिसिया गेल आ परमेस्वरके देल दस आग्याके पाटी फेकके फोर देलख ।

![](https://cdn.door43.org/obs/jpg/360px/obs-en-13-14.jpg)

सेकरबाद मोसा उ मुरतिके फोरके चुरचुर कदेलख आ ओकर धुरामे पानी मिलाके अदमिसबके पिएके लेल देलख । तब परमेस्वर अदमिसबमे महामारी ल्यलख आ ओकनिसब मेसे बहुत अदमिसब मर गेल ।

![](https://cdn.door43.org/obs/jpg/360px/obs-en-13-15.jpg)

जब मोसा परमेस्वरसे बातचित करेके लेल फेरुसे सिनै परबत उपरी चहरलख । तब मोसा यि अमदमिसबके पाप माफी करु कहके परमेस्वरसे पराथना कैलख । तब परमेस्वर मोसाके बिन्ती सुनल्लख आ ओकनिके माफ भि कदेलख । मोसा दस अग्याके पाटी फोरदेले रहे ,उ दस आग्याके पाटी मोसा फेरु पथलके लयाँ पाटीमे लिखके पुनह स्थापित कैलख । सेकरबाद परमेस्वर इजराएलीसबके सिनै परबतसे परतिग्या कैल देसके ओरी लेगेल ।

*बाइबलके कथाः प्रस्थान १९:-३४: से*

## 14. १४. उजाड स्थानमे बौआइत रहलख

https://openbiblestories.org/l/thl-x-rautahat/story-14/

![](https://cdn.door43.org/obs/jpg/360px/obs-en-14-01.jpg)

जब परमेस्वर सिनै परबतमे अपन करार देदेलख तब परमेस्वर एजराएलिसबके परतिग्याके देसके ओरी लेजाए लगलख,जेकराके कनानके देस भि कहलजाइए । बादलके खम्हा ओकनिके अगारी-अगारी कनान देसके तरफ डोरियाके लेगेल आ इजराएलिसब ओकर पछारी गेलख ।

![](https://cdn.door43.org/obs/jpg/360px/obs-en-14-02.jpg)

काहेकी परमेस्वर अबरहाम,इसहाक आ याकुबसे कनान देस तोहनिके सन्तानसबके देहब कहके परतिग्या कएलेरहे । लेकिन उ समयमे यि देसमे बहुत समुदायके अदमिसब बसोबास करैत रहे । फिरभी येकनिके कनानि कहे । कनानिसब परमेस्वरके न त पुजे न त ओकर आग्याके माने । ओकनिके झुठा देबताके पुजे आ बहुत अपराधी कामसब करैत ।

![](https://cdn.door43.org/obs/jpg/360px/obs-en-14-03.jpg)

ओहिसे परमेस्वर इजराएलीसबसे कहलख,“तोहनिके उहाँ रहल सभे कनानीसबके परतिग्याके देससे निकाल दिहे आ ओकनिसे कवनो किसिमके सम्झौता नकरिहे न त बियाहे करिहे । ओकनिसबके मुरतिके साफे ध्वस्त बनादिहे । यदि तोहनिके हमरा आग्या पालन नकरबे त,तोहनिके हमर सटामे तोहनिके ओकनिके मुरती पुजे लगबे ।”

![](https://cdn.door43.org/obs/jpg/360px/obs-en-14-04.jpg)

जब इजराएलीसब कनान देसके सिमानामे पहुचलख, तब मोसा इजराएलके परतेक कुलसे एकएक जना कके जम्मा कैलख आ बारहगो अदमिके छनोट कैलख । तब मोसा उ अदमिसबके यि देसके भेद लेबेके लेल जासुसके रुपमे येकनिके पठैलख । काहेकी कनानिसब बहुत बौकार बा कि कैसन बा कहके चुपकेसे देखेकेलेल ओकनिके भेजले रहे ।

![](https://cdn.door43.org/obs/jpg/360px/obs-en-14-05.jpg)

उ बारहु जना कनान देसमे चालिस दिनतक घुम-फिर करैत रहगेल,सेकरबाद ओकनिके लवटके ऐलख । तब ओकनिके मोसा आ अपन अदमिसबसे कहलख,“ओकनिके भुमि त बहुत उबजाहुर किसिमके जमिन बा ।

![](https://cdn.door43.org/obs/jpg/360px/obs-en-14-06.jpg)

तब तुरुन्त दुगो जासुस कालेब,यहोसु अइसे कहलख,“ यि बात त सहि बा कि,कनान देसके अदमिसब बहुत ढेङ आ बौकारसब भि बा ,लेकिन हमनिके ओकनिके परास्त कर सकैत बारी ।

![](https://cdn.door43.org/obs/jpg/360px/obs-en-14-07.jpg)

लेकिन अदमिसब कालेब आ यहोसुके बात नसुनलख । ओकनिके मोसा,हारुनसे खिसियाके कहे लगलख,“तोहनिके काहेला हमनिके अइसन भ्यानक जगहमे ल्यैले ? लराइमे मरेसे आ अपन जनानी,बालबच्चासबके दास बनाएसे त बरु हमनिके त मिस्र देसमे हि रहला ठिक रहे ।’’ फेरु मिस्रदेसमे घुमाके लजाएबला इजराएलिसब एकजना लयाँ अगुवाके माग कैलख ।

![](https://cdn.door43.org/obs/jpg/360px/obs-en-14-08.jpg)

असन देखके परमेस्वर बहुत जोरसे खिसियागेल आ भेट करेबला पालमे ऐलख । तब परमेस्वर ओकनिसबसे कहलख,“हमर बिरोधमे बिद्रोह कएलाके कारन तोहनिके सभेजना यि उजार स्थानमे बौअएबे । कालेब आ यहोसु बाहेक २० बरिसके उपरिके सभेजना यिहबे मरजएबे आ परतिग्याके मुलुकमे परबेस नकरे सकबे ।

![](https://cdn.door43.org/obs/jpg/360px/obs-en-14-09.jpg)

जब अदमिसब यि बात सुनल्लख,तब अपने पाप कएलमे ओकनिके बहुत दुखित होएलख । आ ओकनिके अपन हथियारसब लेके कनानि अदमिसब उपरी आकरमन करेकेलेल गेल । तब मोसा ओकनिके उहाँ नजो कहके चेतावनि देलख । काहेकी परमेस्वर ओकनिके सङे नरहे,लेकिन ओकनिके मोसाके बात नसुनलख ।

![](https://cdn.door43.org/obs/jpg/360px/obs-en-14-10.jpg)

उ लराइमे परमेस्वर इजराएलिसबके सङे नगेलख,ओहिसे ओकनिके हार होगेल आ बहुत जना मारलगेल । सेकरबाद इजराएलिसब कनानसे लवटके अएलख आ चालिस बरिस तक उजार स्थानमे बौऐते रहगेल ।

![](https://cdn.door43.org/obs/jpg/360px/obs-en-14-11.jpg)

चालिस बरिसतक उजार स्थानमे बौयाइतके समयमे परमेस्वर हि इजराएलिसबके हरेक घटिकमिके पुरा कैलख । परमेस्वर ओकनिके लेल स्वरगसे रोटी देलख,ओकराके “मन्ना”कहलख । परमेस्वर ओकनिके मास खाएके लेल बठइल चिरै देलख । निरजन जगहमे यातरा करैत बौआइत समयभर परमेस्वर ओकनिके नत लुगा फाटे देलख नत जुता ही फाटे देलख ।

![](https://cdn.door43.org/obs/jpg/360px/obs-en-14-12.jpg)

परमेस्वर ओकनिके लेल चटानसे पानि देलख । येतना होते हुएभी,इजराएलिसब परमेस्वर आ मोसाके बिरोधमे आरोप लगैलख आ गनगन करे लगलख तबपरभी,अबरहाम,इसहाक आ याकुबसे कैल अपन परतिग्यामे परमेस्वर बिसबासयोग्य रहे ।

![](https://cdn.door43.org/obs/jpg/360px/obs-en-14-13.jpg)

एकबार,जब अदमिसबके पास पिएकेलेल पानि नरहे,तब परमेस्वर मोसासे कहलख,“चटानमे तुअपन लाठिसे यि चटानमे मार तब उमेसे पानि निकलतौ ।” लेकिन मोसा सभे अदमिके सामने चटानमे दुबार लाटिसे मारके परमेस्वरके अनादर कैलख । चटानसे पानि त अएलख,लेकिन परमेस्वर मोसासे खिसियागेल आ मोसासे कहलख कि,“तु परतिग्याके देसमे जाए नसकबे ।

![](https://cdn.door43.org/obs/jpg/360px/obs-en-14-14.jpg)

तब उजार स्थानमे बौयाइतके चालिस बरिसके बाद,परमेस्वरके बिरोधमे बिदरोह करेबला सभेजना मरगेलख । सेकरबाद परमेस्वर फेरु अदमिसबके परतिग्या कैल मुलुकके नजदिके लेगेल । तब मोसा बुरह होगेल रहे । ओहिसे परमेस्वर यहोसुके यि अदमिसबके हगुवाइ करो कहके छनलख । परमेस्वर मोसासे यि भि परतिग्या कएलख कि,एकदिन परमेस्वर मोसाके जइसन दोसर एकजना अगमबक्ता पठाएब ।

![](https://cdn.door43.org/obs/jpg/360px/obs-en-14-15.jpg)

सेकरबाद परमेस्वर मोसाके पहारके टुपामे जाएकेलेल कहलख,ताकि परमेस्वरके परतिग्या कैल मुलुक देखसके । तब मोसा परतिग्या कैल मुलुकके देखलख,लेकिन परमेस्वर मोसाके परतिग्याके देसमे जाए नदेलख । सेकरबाद मोसा मरगेल,तब इजराएलिसब तिस दिनतक मोसाके लेल सोक मनैएलख । तब यहोसु ओकनिसबके लयाँ अगुवा भेल । यहोसु एक निमन अगुवा रहे,काहेकी उ परमेस्वरमे भरोसा परे ।

*बाइबलको कथा: लेवी १६-१७, गन्ती १० -१४;२०;२७, व्यवस्था ३४ बाट*

## 15. १५. परतिग्याके मुलुक

https://openbiblestories.org/l/thl-x-rautahat/story-15/

![](https://cdn.door43.org/obs/jpg/360px/obs-en-15-01.jpg)

जब इजराएलिसबके परतिग्याके मुलुक कनान भितरी परबेस करेके लेल समय ऐलख । तब खालेब आ यहोसु दुजना जासुससबके कनानके यरिहो सहरमे भेजलख,जवन बहुत बरियार दिबारके दवारा सुरक्छित कैलगेल रहे । उ सहरमे रहाब नामके एकजना बेसिया जनानी रहे,जेकि जासुसके लोकैलख आ बादमे उहासे भगाबेमे सहायता कैलख । काहेकी रहाब बेसिया परमेस्वरमे बिसवास करैत रहे,उहे कारनसे रहाब परमेस्वरके अदमिके बचाबेके काम कैलख । तब ओकनिके यरिहो सहरके ध्वस्त करेके समयमे रहाब आ ओकर सब परिबारके सुरक्छित राखेके लेल बिचार कैलख ।

![](https://cdn.door43.org/obs/jpg/360px/obs-en-15-02.jpg)

जब इजराएलिसब परतिग्याके मुलुक भितरी ढुकेसे पहिले यरदन लदी पार करेकेरहे । तब परमेस्वर यहोसुसे कहलख,“ पहिले पुजहारिसबके जाएदे ।” जब पुजहारिसब यरदन लदी भितरी ढुकलख । तब उ लदिसे बहैत पानि सुखगेल । उकारनसे इजराएलिसब लदीके औपार सुखल रस्तासे चल गेल ।

![](https://cdn.door43.org/obs/jpg/360px/obs-en-15-03.jpg)

जब इजराएलीसब यरदन लदी पार करलेलाके बाद,परमेस्वर यहोसुके यरिहोके सक्तिसाली सहर उपरी आकरमन करेके तरिका बतैलख । तब अदमिसब परमेस्वरके अग्यापालन कैलख । आ परमेस्वरके कहल जैसन,सिपाहिसब आ पुजहारिसब छव दिनतक लगातार यरिहो सहरके घेरा लगाके सहरके ओरिपरी परिकरमा कएलख ।

![](https://cdn.door43.org/obs/jpg/360px/obs-en-15-04.jpg)

सेकरबाद सात दिनतकके इजराएलिसब परिकरमा पुराकैलख तब परमेस्वर कहलख कि, आरु सात पटक सहरके ओरिपरी परिकरमा कर । जब ओकनिके अन्तिम पटक सहरके परिकरमा करैतरहे,तब सैनिकसब बहुत जोरसे चिचिएलख आ पुजारिसब अपन अपन तुरही बजएलख ।

![](https://cdn.door43.org/obs/jpg/360px/obs-en-15-05.jpg)

तब यरिहोके चारुओरके दिबाल गिरगेल । इजराएलिसब परमेस्वरके कहल जइसन सहरमे भेल सभे चिजके नस्ट कदेलख । ओकनिके केवल रहाब आ ओकर परिवारसबके छोरदेलख,ओकनिके बादमे चलके इजराएलसबके हि हिस्सा बनगेल । तब कनानमे बैठल आरु अदमिसब इजराएलिसबके द्वारा यरिहो सहर ध्वस्त कदेल कहके मालुम भेल,तब इजराएलिसब आब आरु सहरमे भि आकरमन करि कहके ओकनिके डेराएलगलख ।

![](https://cdn.door43.org/obs/jpg/360px/obs-en-15-06.jpg)

तब परमेस्वर इजराएलिसबके कनानमे बसोबास करैत कवनो भि समुहके अदमिसबसे कवनो किसिमके सन्धि नकरेकेलेल अग्या देलख । लेकिन कनानके एगो गिबोनी नामके जात अदमिसब यहोसुसे इजराएलीके बारेमे छलफल करे ऐलख तब ओकनिके यहोसुसे कहलख कि,हमनिके कनान देससे बहुत दुरसे आएलबारी कहके ओकनिके यहोसुसे छल कैलख । ओनिके यहोसुसे सान्ति समझवता करेकेलेल परस्ताब रखलख । यहोसु आ इजराएलीसब परमेस्वरसे गिबोनीसब कहासे आएलबा कहके पुसलख । तब परमेस्वरके कहल मुताबिक यहोसु ओकनिसे सान्ति-समझौता कलेलख ।

![](https://cdn.door43.org/obs/jpg/360px/obs-en-15-07.jpg)

जब इजराएलिसब हमनिके त गिबोनिद्वारा छल कएलगेल बारी कहके मालुम भेल । तब ओकनिके बहुत करोधित भेल,लेकिन ओकनिसबके सङे सन्धि रखले रहलख,काहेकी उ सन्धी परमेस्वरके अगारी कैलगेल परतिग्या रहे । कुछ दिनके बाद जब कनान देसमे रहल आरु जातके रजासब एकजुट होगेल । आ इजराएलिसबके सङे अमोन्निसके रजा,गिबोनिसबके रजा सान्ति समझौता कैलख कहके जब सुन्नलख । तब ओकनिके अपन सैनिकसबके जम्मा कैलख आ एगो बिसाल फौज बनाके गिबोनि उपरी आकरमन कैलख । तब गिबोनिसब यहोसुके सहायताके लेल सन्देस पठैलख ।

![](https://cdn.door43.org/obs/jpg/360px/obs-en-15-08.jpg)

ओहिसे यहोसु इजरालके सैनिकसबके जम्मा कैलख आ गिबोनिसबके सहायता करेके लेल सारी रात बुलके गेल । तब एक भिन्सरबा (पोहफटै)के समयमे ओकनिके अचानक अमोन्नि फौजसब उपरी आकरमन कदेलख ।

![](https://cdn.door43.org/obs/jpg/360px/obs-en-15-09.jpg)

तब दिन भर परमेस्वर इजराएलिसबके लेल लराइ कैलख ।परमेस्वर अम्मोनिसबके अलमलमे पारदेलख आ बहुत बरका बरका बनौरी बरसैलख,उकारनसे बहुत अम्मोनिसब मरगेल ।

![](https://cdn.door43.org/obs/jpg/360px/obs-en-15-10.jpg)

परमेस्वर लराइके दिनमे सुरुजके अकासमे एकेजग्हमे रोदेलख,ताकि इजराएलिसबकेसङे अम्मोनिसबके परास्त करेकेलेल बहुत समय मिले कहके परमेस्वर सुरुजके अकासमे हि रोकके रखलख । उ दिन इजराएलिसबके लेल परमेस्वर महान बिजय करैलख ।

![](https://cdn.door43.org/obs/jpg/360px/obs-en-15-11.jpg)

जब परमेस्वर उ फौजसबके परास्त करबैलख । सेकरबाद कनानके आरु बहुत जातके रजासब एकबध होके इजराएलिसब उपरी आकरमन कैलख । तब यहोसु आ इजराएलिसब भि आकरमन कैलख आ ओकनिके खतम कदेलख ।

![](https://cdn.door43.org/obs/jpg/360px/obs-en-15-12.jpg)

तब यि लराइके बाद परमेस्वर इजराएलके परतेक कुलके लेल एकुनगो परान्त परतिग्या कैल मुलुक मेसे अलगे अलगे कके छुटया देदेलख । सेकर बाद परमेस्वर सरा इजराएल भर आ ओकर सिमना समेततक सान्ति देलख ।

![](https://cdn.door43.org/obs/jpg/360px/obs-en-15-13.jpg)

जब यहोसु बुरह होगेल,तब यहोसु इजराएलके सरा अदमिसबके एकसाथ जम्मा करैएलख । सेकरबाद उ यि अदमिसबके सिनै परबतमे परमेस्वरके द्वारा देलगेल करारके पालन करेमे इजराएलिसबके केहन बाध्यता बासे ओकर बारेमे यहोसु स्मरन करैलख । तब अदमिसब परमेस्वरमे बिसवासयोग्य होके परमेस्वरके ब्यबस्था पालन करेकेलेल परतिग्या कएलख ।

*बाइबलको कथा: यहोशू १-२४ बाट*

## 16. १६. छुटकारा दिनेहरू

https://openbiblestories.org/l/thl-x-rautahat/story-16/

![](https://cdn.door43.org/obs/jpg/360px/obs-en-16-01.jpg)

जब यहोसु मर गेल,तब इजराएलिसब फेरु अनाग्याकारी होगेल । तब कनानमे बाकि रहल कनानिसबके उहाबासे न भगाके। परमेस्वरके अग्याके पालन न कैलख । इजराएलिसब “याहोबे” एकेगो साचो परमेस्वरके पुजा नकके ओकर बदलामे कनानी देबतासबके पुजा करेलगलख । काहेकी इजराएलिसबके उसमयमे कवनो भी किसिमके राजा नरहे । ओहिसे ओकनिके मनमौजी काम करे जथी ठिक लागे ओकनिके उहे करे ।

![](https://cdn.door43.org/obs/jpg/360px/obs-en-16-02.jpg)

इजराएलीसब परमेस्वर परती अटेरी होएते चलगेल । ओहिसे परमेस्वर दुसनसबके इजराएली उपरी बिजय कराके दन्ड देलख । आ उ दुसमनसब इजराएलिसबके सरसमानसब लुटके लेगेल,आ बाकी सम्पतिसबके नस्ट कदेलख साथे बहुत अदमिसबके मुयादेलख । बहुत बरिसतक इजराएलिसब परमेस्वरमे अनाग्याकरी होएलाके कारन अपन दुसमनकेद्वारा सतावट भोगलख । तब इजराएलिसब पसताप करैत छुटकराकेलेल परमेस्वरसे पराथना कैलख ।

![](https://cdn.door43.org/obs/jpg/360px/obs-en-16-03.jpg)

सेकरबाद परमेस्वर ओकनिके लेल एकजना छुटकरा देबेबला अदमिके पठादेलख । तब ओकनिसबके दुसमनसे बचाके ओकनिके देसमे सान्ति ल्यादेलख । लेकिन फेरुसे इजराएलिसब परमेस्वरके भुलगेल आ मुरति पुजा करेलगलख । ओहिसे परमेस्वर मिध्यानिसब (इजराएलिसबके नजदिके रहेबला एगो जात इजराएलिसबके दुसमन रहे ।) के इजराएली उपरी जित करादेलख ।

![](https://cdn.door43.org/obs/jpg/360px/obs-en-16-04.jpg)

सात बरिसतक मिध्यानिसब इजराएलिसबके सभे अन्नबालिसब लुटके लेगेल । काहेकी इजराएलिसब येतना न डेरागेल रहेकी मिध्यानिसब हमनिके न भेटाओ कहके ओकनिके पहारके गुफा-गुफामे लोका जाए । तब ओकनिके अन्तमे जाके बचाबके लेल परमेस्वरसे पराथना कएलख ।

![](https://cdn.door43.org/obs/jpg/360px/obs-en-16-05.jpg)

एकदिन,गिदोन नामके इजराएली अदमी गुप्तमे अन्न झारैत रहे । ताकी मिध्यानीसब आके अन्न लुटके न लजाए कहके लुकाके अन्न पिटैत रहे । उहे समयमे यहोबा परमेस्वरके एगो दुत गिदोनकेलगे आके कहलख,“परमेस्वर तोहरासङे बा,हे बिर पुरुस । जोअ इजराएलिसबके मिध्यानिसबके हाथसे बचाले ।”

![](https://cdn.door43.org/obs/jpg/360px/obs-en-16-06.jpg)

जब गिदोनके बाबुके पास मुरतिके अरपन कके बनाएलगेल एगो बेदी रहे । तब परमेस्वर गिदोनसे उ मुरतिके फोरबा देलख । लेकिन गिदोन अदमिसबसे डेराइत रहे । उ दिन जबतक रात नभेल तबतक उ मुरतिके फोरेके लेल हसिआएल रहे । जब रात परगेल तब गिदोन बेदिके भरका देलख आ टुकरा-टुकरा कदेलख । गिदोन मुरतिके लेल बनाएल गेल बेदिके नजदिके परमेस्वरके लेल एगो लयाँ बेदी बनएलख आ परमेस्वरके लेल बलि चरहएलख ।

![](https://cdn.door43.org/obs/jpg/360px/obs-en-16-07.jpg)

बिहान भेला ओकनिके मालुम भेलकी हमनिके मुरतिके अरपन कएल बेदीके त भरकादेलबा कहके जब ओकनिके देखलख आ सुनलख । तब ओकनिके बहुत जोरसे खिसिया गेलख । तब गिदोनके मारेके लेल ओकनिके ओकर घरपर अएलख,लेकिन ओकर बाबु कहलख,“तोहनिके काहेला अपन देबताके सहजोग करेके लेल खोजइतसे ? यदि उ देबता है त उ अपना आपके बचा लेतैन ।

![](https://cdn.door43.org/obs/jpg/360px/obs-en-16-08.jpg)

सेकर बाद मिध्यानिसब फेरु इजराएलिसबके लुटेके लेल अएलख । ओकनिके एतना न संख्या रहेकी ओकनिके गने न सकैत रहे । जब ओकनिसबसे लराइ करेके लेल गिदोन इजराएलिसबके एकसाथ जम्मा कएलख । तब गिदोन परमेस्वरसे दुगो चिन्हसब मङलख ताकी इजराएलिसबके बचाएके लेल परमेस्वर गिदोनके साथमे बा कि न बा कहके पक्का-पक्की होजाए कि, परमेस्वर गिदोनके साथमे बा ।

![](https://cdn.door43.org/obs/jpg/360px/obs-en-16-09.jpg)

पहिलका चिन्हके लेल,गिदोन एगो कपरा भुइयामे बिसादेलख आ परमेस्वरसे कहलख बिहान होइ तब सित भुइयामे न परके खालि सित कपरामे परेके चाही कहके अनुरोध कएलख । तब परमेस्वर औसनके कदेलख । दोसरका बार कहलख सितसे खालि जमिन भिजेके चाही लेकिन कपरा सुखल रहे,कहके अनुरोध कएलख । तब परमेस्वर गिदोनके कहल मुताविक कदेलख । तब यि दुगो चिन्ह देखके गिदोनके मिध्यानिसबसे इजराएलिसबके बचाएके लेल परमेस्वर हि हमरा अगुवाइ कर रहल बा कहके बिसबास होगेल ।

![](https://cdn.door43.org/obs/jpg/360px/obs-en-16-10.jpg)

जब ३२,००० हजार सैनिकसब गिदोनके पास अएलख,लेकिन परमेस्वर गिदोनसे कहलख कि यि संख्यामे बहुत होगेल । ओहिसे गिदोन लराइसे डेराबला २२,००० हजार जनाके घरे पठादेलख । तब फेरु परमेस्वर गिदोनसे कहलख कि, अदमिसबके अभि भि बहुत संख्यामे बा । ओहिसे गिदोन फेरु ३०० सय सैनिकके राखके बाकी सभे सैनिकके घरे पठादेलख ।

![](https://cdn.door43.org/obs/jpg/360px/obs-en-16-11.jpg)

तब उ रात परमेस्वर गिदोनसे कहलख,“ मिध्यानिसबके पालमे चुपकेसे जोअ आ जब तु ओकनिके बात सुनबे तब,तु फेरु कहियोन डेरएबे ।” जब गिदोन उ रात निचा उतरके मिध्यानिसबके पालके पास अएलख । तब एकजना मिध्यानी सैनिक अपन सपनामे देखल घटनाके बारेमे अपन सङहतियाके सुनाइत गिदोन सुनलख । उ अदमी अैसे कहैत रहे,“यि सपनाके अरथ यि बा कि,गिदोनके फौज मिध्यानि फौजके परास्त कदीइ ।

![](https://cdn.door43.org/obs/jpg/360px/obs-en-16-12.jpg)

सेकर बाद गिदोन अपन सैनिकसबके लगे घुमके अैलख,आ परतेकके एकुनगो तुरही आ माटिके घैला आ मसाल देलख । तब ओकनिके मिध्यानिसबके सुतलके अबस्थामे ओकनिके सिबिरमे घेरा लगएलख । गिदोनके जम्मा ३०० सय सैनिकसब अपन मसालसब घैलामे रखले रहे,ताकी मिध्यानिसब मसालके इजोत न देखे ।

![](https://cdn.door43.org/obs/jpg/360px/obs-en-16-13.jpg)

सेकरबाद गिदोन सभे सैनिकसबके एकेबार मसालके इजोत देखाइत अपन अपन घैलासब जोरसे पटकके फोरलख । आ ओकनिके अपन-अपन तुरहि बजाइत जोरसे चिचिएलख,“याहोबे आ गिदोनके लेल तरबार

![](https://cdn.door43.org/obs/jpg/360px/obs-en-16-14.jpg)

जब परमेस्वर मिध्यानिसबके अलमलमे पारदेलख,तब ओकनिके एक-आपसमे लराइ कएलख आ मरगेल । तब तुरन्त इजराएलिसब मिध्यानिसबके घरमेसे भगाएकेलेल बोलएलख । तब ओकनिके बहुत मिध्यानिसबके मारदेलख आ बाकी रहलसबके इजराएलिसब अपन भुमिसे बहरा खधेर देलख । उ दिन (१,२०,०००)१ लाख २० हजार मिधानिसबके मिरतु होगेल । लेकिन परमेस्वर इजराएलिसबके बचालेलख ।

![](https://cdn.door43.org/obs/jpg/360px/obs-en-16-15.jpg)

तब अदमिसब गिदोनके अपन राजा बनाएके चाहलख । लेकिन गिदोन ओकनिके अइसे करे नदेलख । लेकिन गिदोन इजराएलिसबसे कहलख कि,तोहनिके जवन मिध्यानिसबसे छिनले बारे उ सोनाके औठीसब हमराके देअ । तब अदमिसब गिदोनके बहुतके सोना देलख ।

![](https://cdn.door43.org/obs/jpg/360px/obs-en-16-16.jpg)

तब गिदोन उ सोनाके परधान पुजारी लगाएबला जइसन एगो बिसेस पोसाक बनाएके लेल लगएलख । लेकिन अदमिसब गिदोनके बनाएल पोसाकके हि पुजा करेलगलख । मनाकी उ एक किसिमके मुरतिय जैसन हि रहे । ओहिसे परमेस्वर फेरु इजराएलिसबके दन्ड देलख । काहेकी ओकनिके मुरतीके पुजलख । तब परमेस्वर ओकनिके दुसमनसबके फेरु इजराएलिसब उपरी बिजय करएलख । लेकिन आखिरमे जाके ओकनिके परमेस्वसरसे सहायताके लेल पुकारा कएलख, । तब परमेस्वर ओकनिके दुसमनसे छोराएके लेल एकजना अदमीके भेजदेलख ।

![](https://cdn.door43.org/obs/jpg/360px/obs-en-16-17.jpg)

एहन किसिमके घटना इजराएलिसब बारम्बार कके पाप कएलख,आ परमेस्वर ओकनिके दन्ड देलख । जब ओकनिके पसताप कएलख,तब परमेस्वर ओकनिके बचाएके लेल आ छुटकरा देबेके लेल अदमिसबके भेजलख । तब बहुत बरिसके बाद,परमेस्वर बहुत जनाके दुसमनसे छोराएके लेल अदमिसबके भेजलख जेकनिके ,इजराएलिसबके ओकनिके दुसमनसबसे बचएलख ।

![](https://cdn.door43.org/obs/jpg/360px/obs-en-16-18.jpg)

आखिरमे जाके इजराएलिसब भी,आरु रास्टके जइसन परमेस्वरसे एकजना रजाके माङ कएलख । लेकिन ओकनिके अइसन रजा चाहैत रहे,जवन कि, खुब लम्बा-चवरा आ बहुत बरियार होखे,ताकि उ लराइमे अगुवाइ करसके । परमेस्वरके यि अनरोध मन न परलख,फिरभी परमेस्वर ओकनिके खोजलके जइसन रजा देलख ।

*बाइबलको कथा: न्यायकर्ता १-३; ६-८ बाट*

## 17. १७. दाऊदसे परमेस्वरके करार

https://openbiblestories.org/l/thl-x-rautahat/story-17/

![](https://cdn.door43.org/obs/jpg/360px/obs-en-17-01.jpg)

साउल इजराएलिसबके पहिलका रजा रहे । साउल इजराएलिसबके चाहलके जइसन अदमी रहे । पहिलका कुछ बरिसतक साउल इजराएल उपरी सासन करेबला एगो निमन रजा रहे । लेकिन बादमे चलके उ एक दुस्ट अदमी होगेल आ परमेस्वरके अनाग्याकारी होयते चलगेल, । ओहिसे परमेस्वर दोसर अदमिके इजराएलके रजा होएके लेल चुनलख । ताकी आबेबला दिनमे साउलके बदलामे एकदिन इजराएलमे राज कर सके ।

![](https://cdn.door43.org/obs/jpg/360px/obs-en-17-02.jpg)

परमेस्वर इसराएलिके दाउद नामके एगो जबान अदमिके साउलके बाद राजा होएके लेल चुन्नलख । दाउद बेथलेहेम नामके गाओमे रहेबला एगो चरबाह रहे । दाउद अपन बाबुके भेरासबके देखरेख करेके समयमे बहुत बार उ अपन भेरासबके उपरी आकरमन करेबला सिंह आ भाल जइसन जनाबरसबके मुया देबे । दाउद नरम आ धरमी अदमी रहे,जेकी परमेस्वरमे भर परैत रहे आ परमेस्वरके आग्याके पालन करैत रहे ।

![](https://cdn.door43.org/obs/jpg/360px/obs-en-17-03.jpg)

जब दाउद एगो महान सिपाही आ अगुवा इजराएलिसबके लेल बनगेल । तब दाउद जबान रहे,सेकरबाद दाउद गोलेत नामके एकजना दत्य जइसन अदमिसे लराइ कएलख । गोलेत एक तालिम परापत लराकु आ बहुत बौकार करिब तिन मिटरके लम्बा अदमी रहे । फिरभी दाउद ओकराके मार गिरैएलख ,आ इजराएलिसबके बिजय करैलख ।

![](https://cdn.door43.org/obs/jpg/360px/obs-en-17-04.jpg)

ओहिसे दाउदके अदमिसब बहत मया करेलगलख उकारनसे साउल डाह करेलगलख । तब बहुत बार साउल दाउदके मुयाएके चाहलख,ओहिसे दाउद डेरागेल । जब साउलके देख,तब दाउद लुकाजाए । एकदिन साउल दाउदके मारेके लेल खोजइत बुलइत रहे । साउल एगो गुफा भितरी ढुकलख जहाँ दाउद साउलके डरसे लुकाएल रहे । माने साउल दाउदके नदेखलख । उहे समयमे दाउद साउलके बहुत करिब रहे । साउलके दाउद मार भि सकैत रहे,लेकिन दाउद औसे नकएलख बरु दाउद साउलके हत्या करेके न चाहलख ।

![](https://cdn.door43.org/obs/jpg/360px/obs-en-17-05.jpg)

लेकिन आखिरमे जाके साउल लराइमे मरगेल । तब दाउद इजराएलके रजा होगेल । उ एक निमन रजा रहे,आ अदमिसब दाउदके मया करे । तब परमेस्वर दाउदके आसिस देलख आ ओकरा सफल बनएलख । दाउद बहुत लडाइ लरलख आ परमेस्वर दाउदके इजराएलके दुसमनसबके हराबेमे सहायता कएलख । दाउद यरुसलेम कब्जा कएलख,तब उहे सहरके दाउद राजधानी बनएलख । दाउदके सासनकालमे इजराएल एक सक्तिसाली आ समपन्न रास्टके रुपमे निरमान कएलख ।

![](https://cdn.door43.org/obs/jpg/360px/obs-en-17-06.jpg)

दाउद एगो मन्दिरके निरमान करेके लेल चाहलख,जहाँ कि,सरा इजराएलिसब परमेस्वरके अराधना करसके । आ परमेस्वरके अपन बलीसब चरहा सके । करिब ४०० सय बरिसतक अदमिसब पालमे ही परमेस्वरके अराधना कएलख । जइसे कि, ओकनिके पालमे ही बलिसब चरहएलख, भेट कएलख । जवनकी मोसा पालके बेदिके घर निरमान कएले रहे ।

![](https://cdn.door43.org/obs/jpg/360px/obs-en-17-07.jpg)

लेकिन परमेस्वर नतान नामके एकजना अगमबक्ताके दाउदके लगे यि खबर पठैलख,“ तु लराइ करेबला अदमी होएलाके कारन, तु हमरा लेल मन्दिरके बनाए नसकबे । लेकिन तोहर बेटा मन्दिर मन्दिर बनाइ । लेकिन,हम तोहराके बहुत आसिस देलेबारी । ओहिसे तोहर सन्तानसबमेसे एकजना सदाके लेल रजाके रुपमे हमर अदमिसब उपरी राज करी ।

![](https://cdn.door43.org/obs/jpg/360px/obs-en-17-08.jpg)

जब दाउद यि बातसब सुनल्लख,तब दाउद तुरन्त परमेस्वरके धन्यबाद देलख आ ओकराके परसंसा कएलख । कहेकी परमेस्वर दाउदसे उ महान आदर आ बहुत आसिससबके परतिग्या कएलख । दाउदके यि बात कहिया होइ कहके मालुम न भेल । लेकिन यि करार कहिया पुरा होइ कहके,इजराएलिसब मसिहा आबेसे पहिले करिब १,००० हजार बरिसतक रस्ता देखलख ।

![](https://cdn.door43.org/obs/jpg/360px/obs-en-17-09.jpg)

तब दाउद बहुत बरिस तक न्याय आ बिसबासयोग्यके साथ राज कएलख । सेकबाद परमेस्वर दाउदके आसिस देलख । लेकिन दाउद अपन जिबनकालके अन्तिममे जाके परमेस्वरके बिरोधमे भ्यानक पाप कएलख ।

![](https://cdn.door43.org/obs/jpg/360px/obs-en-17-10.jpg)

एकदिन,जब दाउदके सभे सैनिकसब लराइ करेके लेल अपन घरसे दुर गेलरहे । तब दाउद अपन दरबारके सतके उपरिसे बहराके ओर देखलख । तब एकजना बेतसेबा नामके एगो सुथर जनानिके लहाइत देखलख ।

![](https://cdn.door43.org/obs/jpg/360px/obs-en-17-11.jpg)

जब दाउद लराइमे होखेके चाही लेकिन दाउद उ जनानिके अपना लगे ल्याबेके लेल नोकरके पठएलख । दाउद उ जनानिसङे सुतलख आ यि जनानिके घरे फिरता पठादेलख । तब कुछ समयके बाद बेतसेबा दाउदके लगे एगो समदियासे समाद पठएलख कि,हम त गरबती होगेल बारी ।

![](https://cdn.door43.org/obs/jpg/360px/obs-en-17-12.jpg)

तब बेतसेबाके मरदा,उरियाह नामके अदमी रहे । दाउदके सेनासब मध्यमेसे एक उत्तम सैनिक रहे । दाउद उरियाहके लराइमेसे फिरता बोलएलख आ ओकराके अपन जनिके लगे जाएके लेल अनरोध कएलख । लेकिन उरियाह लराइमे बाकी रहल अपन सिपाहिसबके छोरके अपन घरे जाएसे इन्कार कदेलख । ओहिसे दाउद उरियाहके लराइमे फिरता पठादेलख आ परधान सेनापतीसे कहलख जहाँ जोरसे लराइ चरकल होइ उहबे उरियाहके भेजा देबेके लेल आदेस लिखके उरियाहके हाथमे पठएलख ताकी उरियाह मारल जाए ।

![](https://cdn.door43.org/obs/jpg/360px/obs-en-17-13.jpg)

जब उरियाह मारल गेल तब दाउद बेतसेबासे बियाह कलेलख । सेकरबाद बेतसेबासे एगो बेटाके जलम भेल । दाउदके अइसन काम देखके परमेस्वर बहुत करोधित भेल । ओहिसे परमेस्वर नतान अगमबक्ताके दाउदके पास भेजलख कि,उ केतना दुस्ट काम कएलख आ केहन बरका पाप कएलखसे बताएके लेल दाउदके पास नतान अगमबक्ताके पठैएलख । जब दाउद अपन पापके लेके बहुत पसतैएलख । तब परमेस्वर दाउदके पाप माफ कदेलख । सेकरबादके बाकी जिबन भर दाउद कस्टके घरिमे भि परमेस्वरके अग्याकारी होके पछारी चल्लख ।

![](https://cdn.door43.org/obs/jpg/360px/obs-en-17-14.jpg)

लेकिन दाउदके पापके दन्डके कारन बेतसेबासे जनमल बेटाके मिरतु होगेल । सेकरबाद दाउदके बाकी जिबन भर परिबारमे कल्ह होएते रहगेल । ओहिसे दाउद बहुत कमजोर होगेल । दाउद परमेस्वरमे बिसबासयोग्य न होएलामे भी परमेस्वर अपन कएल परतिग्यामे बहुत बिसबास योग्य रहे । बादमे चलके दाउद आ बेतसेबाके देहसे दोसरका बेटाके जलम भेल । तब ओकनिके ओकर नाम सुलेमान रखलख ।

*बाइबलको कथाः १ शमुएल १०; १५-१९; २४; ३१; २ शमुएल ५; ७; ११-१२ बाट*

## 18. १८. बिभाजित राज

https://openbiblestories.org/l/thl-x-rautahat/story-18/

![](https://cdn.door43.org/obs/jpg/360px/obs-en-18-01.jpg)

जब दाउदके मिरतु होगेल तब ओकर बेटा सुलेमान इजराएल उपरी सासन करे लगलख । परमेस्वर सुलेमानसे पुसलख कि तोहरा कवन चिजके बहुत जरुरत बा । तब सुलेमान परमेस्वरसे कहलख हमरा ग्यान आ बुधी सबसे जरुरी बा । तब परमेस्वर सुलेमानके संसारके सबसे बुधिमान अदमी बनादेलख । जब सुलेमान बहुत बातसब सिखलख आ एक बुधिमान न्यायकरता बनगेल । तब परमेस्वर सुलेमानके बहुत धन-सम्पतीसे उदबुद भि बनएलख ।

![](https://cdn.door43.org/obs/jpg/360px/obs-en-18-02.jpg)

सुलेमान यरुसलेममे मन्दिर बनएलख,जवन कि ओकर बाबु दाउदके योजना बनाएल गेलरहे । यि मन्दिर बनाएके लेल दाउद सर-समानसब जम्मा कएले रहे । जब यि मन्दिर तयारी होगेल । तब अदमिसब परमेस्वरके पुजा करेके लेल आ भेट करेके लेल पालके सट्टामे मन्दिरमे बलि चरहैएलख । तब परमेस्वर यि मन्दिरमे अैलख । आ परमेस्वर अपन अदमिसबके सङे रहलख ।

![](https://cdn.door43.org/obs/jpg/360px/obs-en-18-03.jpg)

लेकिन सुलेमान अन्य देसके स्तिरिसबसे परेम कएलख । आ उ करिब १,००० हजारगो स्तिरिसे बियाह कएलख । आ परमेस्वरके अनाग्याकारी होएलख । यि स्तिरिसब मध्यमेसे बहुत जना अन्य देससे ल्याल गेल रहे । ओहिसे ओकनिके अपन-अपन देबता भि साथमे लेके अएलख आ ओकनिके पुजलख । जब सुलेमान बुरह होगेल तब सुलेमान भि ओकनिके देबतासबके पुजा कएलख ।

![](https://cdn.door43.org/obs/jpg/360px/obs-en-18-04.jpg)

तब परमेस्वर सुलेमानसे खिसियागेल,काहेकी सुलेमानके अबिसबासके कारन दन्ड स्वरुप,परमेस्वर सुलेमानके मिरतु होगेलाके बाद इजराएल रास्ट दुउ टुकरा होजाइ कहके परतिग्या कएलख ।

![](https://cdn.door43.org/obs/jpg/360px/obs-en-18-05.jpg)

सुलेमानके मिरतु होगेलाके बाद,ओकर बेटा रहोबाम इजराएलके रजा होएलख । रहोबाम एक मुरुख अदमी रहे । इजराएल रास्टके सरा अदमिसब रहोबामके राज्य अबिसेक करेके लेल एकसाथ जम्मा भेल । ओकनिके रहोबाम सुलेमान रजासे भि करा मेहनत करबा रहल बा आ बहुत महङा कर तिरबा रहल बा कहके जन्तासबके ओरिसे बिरोध अैएलख ।

![](https://cdn.door43.org/obs/jpg/360px/obs-en-18-06.jpg)

रहोबाम मुरखता पुरबक ओकनिके जबाफ देलख,“ हमर बाबु तोहनिसे बहुत करा मेहनत करबएलख कहके तोहनिके सोचैत होखबे,लेकिन हम तोहनिसबके हमअपन बाबुसे भि बहुत करा मेहनत करबाएब आ ओकरासे भि बरहके सजाए देहब ।”

![](https://cdn.door43.org/obs/jpg/360px/obs-en-18-07.jpg)

तब इजराएल रास्टके कुलसब मध्यमेसे दस कुल रहोबामके बिरोधमे बिदरोह कएलख । लेकिन खाली दुगो कुल रहोबामके समरथन कएलख । ओहिसे दुगो कुलसब हि यहुदाके रास्ट होगेल ।

![](https://cdn.door43.org/obs/jpg/360px/obs-en-18-08.jpg)

जब रहोबामके बिरोधमे बिदरोह कएलख । तब इजराएलके आरु दस कुल यरोबाम नामके एकजना अदमिके अपन रजा होएके लेल नियुक्त कएलख । ओकनिके अपन राज्य देसके उतर भागमे खरा कएलख आ ओकराके इजराएल राज्य कहलख ।

![](https://cdn.door43.org/obs/jpg/360px/obs-en-18-09.jpg)

यरोबाम परमेस्वरके बिरोधमे बिदरोह कएलख आ अदमिसबके पाप करबएलख । यहुदाके राज्यमे बनल मन्दिरमे जाके परमेस्वरके अराधनाके करबाबेके बदलामे रहोबाम अदमिसबके लेल अराधना करेके लेल दुगो मुरती बनादेलख ।

![](https://cdn.door43.org/obs/jpg/360px/obs-en-18-10.jpg)

तब यहुदाके राजमे आ इजराएलके राजमे दुनुके दुसमनी होगेल । ओहिसे येकनिके बारम-बार एकदोसराके बिरोधमे लराइ करते रहे ।

![](https://cdn.door43.org/obs/jpg/360px/obs-en-18-11.jpg)

इजराएल राज्यमे,सभे लया रजासब दुस्ट रहे । यि रजासब मध्यमेसे बहुतजना आरु इजराएलिसब द्वारा मारल गेल । काहेकी कि,ओकनिके बदलामे रजा होएके चाहैत रहे ।

![](https://cdn.door43.org/obs/jpg/360px/obs-en-18-12.jpg)

जब इजराएल राज्यके रजासब आ अदमिसब मुरतिके पुजा करेलगलख । तब ओकनिके मुरति पुजाके समयमे बहुत बेबिचार होखे आ कभि-कभी त ओकनिके अपन बालकसबके भि बलि चरहा देइतरहे ।

![](https://cdn.door43.org/obs/jpg/360px/obs-en-18-13.jpg)

यहुदाके रजासब दाउदके सन्तानसब रहे । यि रजासब मध्यमेसे कुछ असल अदमिसब रहे । जेकी न्यायपुरबक राज्य कएलख आ परमेस्वरके पुजलख । लेकिन यहुदाके बहुत जइसन रजासब दुस्ट आ भरस्ट रहे । आ ओकनिके भि मुरतिपुजा कएलख । लेकिन कुछ रजासब त झुठा देबतासबके लेल अपन बालबच्चाके समेत बलि चरहएलख । यहुदाके बहुतजइसन अदमिसब भि परमेस्वरके बरोधमे बिदरोह कएलख आ आरु देबतासबके पुजलख ।

*बाइबलको कथा: १ राजा १-६; ११-१२ बाट*

## 19. १९. अगमवक्तासब

https://openbiblestories.org/l/thl-x-rautahat/story-19/

![](https://cdn.door43.org/obs/jpg/360px/obs-en-19-01.jpg)

इजराएलिसबके इतिहास भर,परमेस्वर ओकनिसबके लगे अगमबक्तासब पठएलख । आ उ अगमबक्तासब परमेस्वरके सन्देस सुनके अदमिसबके सुनाइत आ बताइत रहे ।

![](https://cdn.door43.org/obs/jpg/360px/obs-en-19-02.jpg)

जब अहाब रजा इजराएलमे सासन करैत रहे,उ समयमे एलिया नामके एगो अगमबक्ता रहे । अहाब एगो दुस्ट अदमी रहे । जेकी अदमिसबके बाल देबताके मुरती पुजा करेके लेल सहायता करैत रहे । एलिया अहाबसे कहलख,“हमर बचन बिना यि इजराएलके राज्यभर न त सित परी न त पानिय परी ।”यि बात सुनके अहाब बहुत जोरसे एलियामे खिसिया गेलख ।

![](https://cdn.door43.org/obs/jpg/360px/obs-en-19-03.jpg)

परमेस्वर एलियाके अहाबसे लोकाएके लेल उजार स्थानके एगो खोल्सीमे जाएके लेल कहलख । काहेकी अहाब एलियाके मारेके चाहैत रहे । हरेक दिन सबेरे आ सझके काग एलियाके लेल रोटी मास ल्यादेबे । जब अहाबके साथे सैनिकसब एलियाके खोजी करैत रहे । तब ओकनिके एलियाके न भेटाए । तब कुछ दिनके बाद उ कोल्सीके भि पानि सुखगेल ।

![](https://cdn.door43.org/obs/jpg/360px/obs-en-19-04.jpg)

ओहिसे एलिया एगो परोसियाके देसमे चलगेल । उ देसमे एकजना बिधबासङे ओकर बेटा रहे । आ उ देसमे अकाल परल रहे,उकारनसे ओकनिके खाएके लेल बहुत दुख रहे । फिरभी ओकनिके एलियाके वास्ता कएलख । तब परमेस्वर ओकनिके लेल खना जुटादेलख । ओकनिके हाँरहीके पिसान आ खिखिमेके तेल कहियोन ओरएलख । पुरा अनिकाल भर ओकनिके खाएके लेल अन्नके अभाब नभेल । तब एलिया ओकनिके साथे कुछ बरिसतक रहलख ।

![](https://cdn.door43.org/obs/jpg/360px/obs-en-19-05.jpg)

जब सारहे तिन बरिस बितगेल । तब परमेस्वर एलियाके इजराएल राज्यमे लवटके आबेकेलेल कहलख आ अहाबसे भेट कके बात करेके लेल कहलख । कहेकी परमेस्वर फेरु बरसा बरसाएबला रहे । जब अहाब एलियाके देखलख । तब अहाब कहलख,“ तुहि बारे यि देसमे समस्या ल्याएबे बला अदमी ‌

![](https://cdn.door43.org/obs/jpg/360px/obs-en-19-06.jpg)

जब इजराएल राज्यके अदमिसब आ बाल देबताके पुजाहारी ४५० जनाके साथे अगमबक्तासब कमरेल पहारमे सभेजना जम्मा होएलख । तब एलिया अदमिसबसे कहलख,“ तोहनिके कहियातक अपन मन बदलैत रहबे ? यदि याहोबे परमेस्वर बा त ओकरे सेबा कर ।

![](https://cdn.door43.org/obs/jpg/360px/obs-en-19-07.jpg)

सेकरबाद एलिया बाल देबताके पुजहारिके अगमबक्तासबसे कहलख,“ एगो गोरु मारके बलिके रुपमे तयार कर । लेकिन उ बलिके पसुमे आगी नलगैहे । हमे भि न लगाएब । लेकिन जवन परमेस्वर आगिसे जबाफ दिइ,उहे सत्य परमेस्वर होइ ।”ओहिसे बालके पुजाहरिसब बलि तयार कएलख । लेकिन आगी न लगैएलख ।

![](https://cdn.door43.org/obs/jpg/360px/obs-en-19-08.jpg)

सेकरबाद बालके पुजहारिसब अइसे कहैत पराथना कएलख,“हे बला देबता,हमनिके पराथनाके सुनुउ आ जबाफ दिउ ।लेकिन बाल देबताके ओरिसे कवनो किसिमके उतर न अएलख ।

![](https://cdn.door43.org/obs/jpg/360px/obs-en-19-09.jpg)

तब एलिया बेरिया पहरके समयमे परमेस्वरके लेल एगो बेदी तयार कएलख आ पसु बली कके यि बेदिके उपरी राखदेलख । सेकरबाद एलिया अदमिसबसे कहलख कि,यि बेदी पर बारह घैला पानि ल्याके यि बली उपरी राखदे । तब ओकनिके बार घैला पनि लेके अएलख आ बेदिमे राखदेलख तब बेदी आ बलिसमेत पानिसे डुबगेल ।

![](https://cdn.door43.org/obs/jpg/360px/obs-en-19-10.jpg)

जब एलिया अैसे कहके पराथना कएलख, “ हे याहोबे ” अबरहाम,इसहाक आ याकुबके परमेस्वर,आजु तु हमर पराथनाके जबाफ दा कि तुही हमनिके इजराएलके परमेस्वर बारा । काहेकी हम तोहर दास बारी कहके ओकनिसबके देखादा । हमराके जबाफ दा ताकी यि अदमिसबके मालुम होजाए कि,तुही एगो खाली सत्य परमेस्वर बारा ।’’

![](https://cdn.door43.org/obs/jpg/360px/obs-en-19-11.jpg)

तब तुरन्त,अकाससे आगी गिरके बलिके पसु सहित,काठ,पथल,माटी आ बेदीके ओरिपरी भेल पानि समेत जरा देलख । जब अदमिसब यि देखलख, तब ओकनिके भुइयामे मुहखुरिया देके कहेलगलख कि,“याहोबा हि परमेस्वर बा ।”

![](https://cdn.door43.org/obs/jpg/360px/obs-en-19-12.jpg)

तब एलिया कहलख,“ बाल देबताके कवनो भि पुजहारीके भागे नदेअ आ केकरो बाकी नरखिहे ।

![](https://cdn.door43.org/obs/jpg/360px/obs-en-19-13.jpg)

तब एलिया रजा अहाबसे कहलख,“अपने तुरन्त सहरमे लवट जाउ,काहेकी पानि परे जारहल बा ।” तब एकेतैकामे अकास करिया होगेल आ बहुत जोरसे पानी परेलगलख । काहेकी याहोबे परमेस्वर खरेरी अन्त कदेलख । ओहिसे उहे एगो सत्य परमेस्वर बा कहके परमानित होगेल ।

![](https://cdn.door43.org/obs/jpg/360px/obs-en-19-14.jpg)

जब एलियाके समय बितगेल । तब परमेस्वर एलिसा नामके अदमिके परमेस्वरके अगमबक्ताके रुपमे चुनल्लख । तब परमेस्वर एलिसाके द्वारा बहुत आसचरजके कामसब कएलख । उ मध्यमेसे एगो आसचरजके काम नमानके जिबनमे भेल रहे । जेकी,सतरुसबके एक सैनिकके बरका हकिम रहे आ उ एगो बहुत भ्यानक छलाके रोगसे पिरित रहे । नमान एलिसाके बारेमे सुनल्लख आ अपनाके निमन कदु कहके अनुरोध कएलख । तब एलिसा नमानके सात बार अपने यरदन लदिमे डुबलकी मारेके कहलख ।

![](https://cdn.door43.org/obs/jpg/360px/obs-en-19-15.jpg)

पहिले त नमान एलिसामे खिसिया गेल आ यरदन लदिमे डुबकी लगाएसे इनकार कदेलख,काहेकी नमान एक मुरख जइसन लगलख । लेकिन बादमे चलके नमान अपन मन परिबरतन कएलख आ अपने सात बार यरदन लदिमे डुबकी लगएलख । जब नमान अन्तिम बार डुबकी लगाके पानिसे जब बहरा निकल्लख तब ओकर छलाके रोग निमन होगेलरहे ।

![](https://cdn.door43.org/obs/jpg/360px/obs-en-19-16.jpg)

परमेस्वर आरु बहुत अगमबक्तासबके भेजलख । तब ओकनिके सभेजना अदमिसबके मुरती पुजा छोरदे आ अदमिसब उपरी न्याय,दया देखा कहके आगरह कएलख । अगमबक्तासब अदमिसबके चेताबनि भि देलख कि,यदि तोहनिके दुस्ट काम नछोरबे आ परमेस्वरके नजरमे अनाग्याकारी होएबे त,परमेस्वर तोनिके दोसी ठहरबे आ परमेस्वर तोहनिके दन्ड दिइ कहके चेतावनी भि उ अगमबक्तासब अदमिसबके देलख ।

![](https://cdn.door43.org/obs/jpg/360px/obs-en-19-17.jpg)

बहुत अइसन समयमे अदमिसब परमेस्वरके बात नसुनल्लख । आ ओकनिके अकसर कके अगमबक्तासबके दुरबेबहार कएलख । आ कहियो-कहियो त अगमबक्तासबके भि जानसे मारदेलख । एकबार त यरमिया अगमबक्ताके सुखल इनारके भितरी घेरके रखलख ताकि यि उहबे मरजाए कहके छोरदेलेरहे । लेकिन यरमिया उ इनारके जरमे रहल थालमे हलगेल । तब रजाके यरमिया उपरी दया देखएलख आ अपन नोकरसबसे कहके यरमिया मरेसे पहिले इनारसे निकलबा देलख

![](https://cdn.door43.org/obs/jpg/360px/obs-en-19-18.jpg)

अदमिसब अगमबक्तासबके घिरना करे फिरभी ओकनिके परमेस्वरके ओरिसे बोलते रहे । पसचताप न करबे त परमेस्वर अदमिसबके नास कदी कहके ओकनिके चेताबनि देतेरहे । ओकनिके अदमिसबके परमेस्वरके मसिहा आइ कहके परतिग्याके बारेमे स्मरन कराइत रहलख ।

*बाइबलको कथा: १ राजा १६-१८; २ राजा ५; यर्मिया ३८ बाट*

## 20. २०. निरबासन से फिरता

https://openbiblestories.org/l/thl-x-rautahat/story-20/

![](https://cdn.door43.org/obs/jpg/360px/obs-en-20-01.jpg)

इजराएल राज्य आ यहुदा राज्य,दुनु परमेस्वरके बिरोधमे पाप कएलख । परमेस्वर ओकनिसबके सङे सिनै परबतमे जवन करार कएले उ करार ओकनिसब भङ कदेलख । तब परमेस्वर फेरुसे ओकनिके पसताप कके आबे आ हमरे पुजे कहके चेतावनी देबेके लेल उअपन अगमबक्तासबके पठएलख । लेकिन ओकनिके परमेस्वरके अग्या इन्कार कदेलख ।

![](https://cdn.door43.org/obs/jpg/360px/obs-en-20-02.jpg)

ओहिसे परमेस्वर दुनु राज्यके ओकनिएके दुसमनसे नस्ट करबाके दन्ड देलख । एक सक्तिसाली आ कुरुर रास्ट असुरि समराज्य इजराएल राज्यके ध्वस्त कदेलख । असुरिसब इजराएल रास्टके बहुत अदमिसबके मुयादेलख । आ ओकनिसबके बहुमुल्य समानसब सभे लुटके लेगेल आ देसके बहुत जग्हसब जरा देलख ।

![](https://cdn.door43.org/obs/jpg/360px/obs-en-20-03.jpg)

तब असुरिसब सभे अगुवाके,धनिकसबके आ सिप-कला भेल अदमिसबके जम्मा कके ओकनिके असुर देसमे लेगेल । आ बहुत गरिब अदमिसबके इजराएल राज्यमे हि छोरदेलख ।

![](https://cdn.door43.org/obs/jpg/360px/obs-en-20-04.jpg)

सेकरबाद असुरिसब इजराएल राज्यमे बिदेसिसबके ल्याके बसोबास करादेलख । तब बिदेसिसब खतम कदेल सहरसबके फेरुसे बनएलख आ इजराएलिसबसे बियाह कएलख । जेतना अदमिसब उहबा छोरलगेल रहे । ओकनिके बिदेसिसबसे बियाह कएलख । तब ओकनिसे जलमल इजराएलिसबके बालबच्चासब “सामरी” कहएलख ।

![](https://cdn.door43.org/obs/jpg/360px/obs-en-20-05.jpg)

यहुदाके अदमिसब परमेस्वर उपरी बिसबास न कएलख न त, ओकर अग्या हि पालन कएलख । ओहिसे परमेस्वर कैसे उ इजराएल राज्यके दन्ड देलखसे ओकनिके देखले रहे । तबपर भि ओकनिके बहुत किसिमके कनानी देबतासबके मुरतिके पुजलख । तब परमेस्वर ओकनिके चेताबनी देबेके लेल अगमबक्तासबके भेजलख । लेकिन ओकनिके परमेस्वरके ओरिसे भेजाएल अगमबक्ताके बात सुनेसे इन्कार कएलख ।

![](https://cdn.door43.org/obs/jpg/360px/obs-en-20-06.jpg)

जब असुरिसब इजराएल राज्यके नस्ट कदेलख । तब १०० परिसके बाद परमेस्वर बेबिलोनके रजा,नबुकनेसर यहुदाके राज्यमे आकरमन करबएलख आ बेबिलोनके दास बनबादेलख । काहेकी बेबिलोन एक सक्तिसाली समराज्य रहे । तब यहुदाके रजा नबुकदनेसरके दास होगेल । तब हरेक बरिस बेबिलोनके बहुत पैसा कर तिरेके लेल सहमत होगेल ।

![](https://cdn.door43.org/obs/jpg/360px/obs-en-20-07.jpg)

लेकिन कुछ बरिसके बाद,यहुदाके रजा बेबिलोन बिरोधमे बिदरोह कएलख । ओहिसे,बेबिलोनिसब फेरु आके यहुदाके राज्यमे आकरमन कएलख । आ ओकनिके यरुसलेमके सहर कब्जा कके मन्दिरके भरकादेलख । तब ओकनिके सहर आ मन्दिरमे भेल सभे सम्पतिसब लुटके लेगेल ।

![](https://cdn.door43.org/obs/jpg/360px/obs-en-20-08.jpg)

यहुदाके रजा बेबिलोनके बिरोधमे बिदरोह कएलाके कारन यहुदाके रजाके रजा नबुकदनेसर दन्ड देलख । ओहिसे सिपाहिसब यहुदाके रजाके बेटाके ओकरे सामने मुयादेलख आ रजाके आन्हर बनाके ओकनिके जेलमे हि मरजाए कहके बेबिलोनमे लेगेल ।

![](https://cdn.door43.org/obs/jpg/360px/obs-en-20-09.jpg)

नबुकदनेसरके सैनिकसब ओकनिसे बाली-बिरुबा रोपाबेके लेल गरिबसे-गरिब अदमिसबके बाहेक यहुदाके राज्यके सभे अदमिसबके पकरके बेबिलोनमे लेगेल । उ समयके अबधी भर परमेस्वरके देल परतिग्याके मुलुक छोरेमे बाध्य होगेल । तब ओकनिके परतिग्याके मुलुक छोरके चलगेल । (येकरेके निरबासन कहलख ।)

![](https://cdn.door43.org/obs/jpg/360px/obs-en-20-10.jpg)

तब परमेस्वर इजराएलिसबके पापके कारन डन्ड देबेके लेल बहुत दुर निरबासनमे लेगेल । फिरभी परमेस्वर ओकनिके आ उअपन परतिग्याके न बिसरएलख । लेकिन परमेस्वर लगातार रुपसे अगमबक्ता दोवारा अपन अदमिसबके देखरेख कएलख आ बोलैत रहलख । सेकरबाद परमेस्वर ओकनिसे परतिग्या कएलख कि,तोहनिके सतर बरिसके बाद फेरु तोहनिके यि परतिग्याके मुलुकमे लवटके अएबे । ।

![](https://cdn.door43.org/obs/jpg/360px/obs-en-20-11.jpg)

तब करिब सतर बरिसके बाद फारसिसबके रजा,कोरेस बेबिलोनके परास्त कएलख । ओहिसे फारसी समराज्य बेबिलोनी समराज्यके बदलामे स्थापित कएलख । तबसे इजराएलिसबके यहुदिसब कहेलगलख । तब ओकनिके मध्यमेसे बहुत जना पुरा जिबन बेबिलोन मेही बितएलख । लेकिन कुछ बुरह अदमसबके खाली यहुदाके मुलुकमे सेबा कएलख ।

![](https://cdn.door43.org/obs/jpg/360px/obs-en-20-12.jpg)

फारसी समराज्य एक सक्तिसाली समराज्य रहे । लेकिन ओकनिके अपनसे कब्जा कएल अदमिसब उपरी दयालु रहे । ओहिसे कोरेस फारसिसबके रजा होएलाके कारनसे कुछ समयके बाद, फारसी समराज्य छोरके यहुदामे लवटेके आएके चाहेबला सबके लेल रजा आदेस जारी कएलख । आ ओकनिके अराधना करेके लेल फेरुसे मन्दिर बनाएके लेल रुपैया –पेसा समेत देलख ।

![](https://cdn.door43.org/obs/jpg/360px/obs-en-20-13.jpg)

जब अदमिसब यरुसलेममे आपहुचलख,तब ओकनिके मन्दिर आ सहरके वरिपरी देबालके फेरुसे बनएलख । ओकनिसब उपरी अभि भि आरु हि राज्यके सासन करैतरहे फिरभी,एकबार फेरु ओकनिके परतिग्याके मुलुकमे बास करेकेलेल आ उहबेके मन्दिरमे अराधना करेके लेल मिल्लख ।

*बाइबलको कथा: २ राजा १७; २४-२५; २ इतिहास ३६; एज्रा १-१०; नेहम्याह १-१३ बाट*

## 21. २१. परमेस्वर मसिहके परतिग्या कएलख

https://openbiblestories.org/l/thl-x-rautahat/story-21/

![](https://cdn.door43.org/obs/jpg/360px/obs-en-21-01.jpg)

जब सभे चिजके सुरुवात भेल तबसे,परमेस्वर यिसु मसिहके भेजाएब कहके योजना कएलख । यिसुमसिह आबे बला सबसे पहिले परतिग्या आदम आ हबाके लगे अएलख । परमेस्वर परतिग्या कएलख कि हबाके बन्ससे एकजना सन्तान जलम लिइ ,जेकी सापके मुरी कुच दिइ । हबाके छल करेबला उ साप सैतान रहे । उ परतिग्याके अरथ यि बाकी मसिहके आगमन सैतानके सफारुपसे परास्त होएबला रहे ।

![](https://cdn.door43.org/obs/jpg/360px/obs-en-21-02.jpg)

परमेस्वर अबरहामसे परतिग्या कएलख कि,ओकरे द्वारा हि संसारके सभे जातके अदमिसब आसिसित होइ । उ आसिस यिसु मसिहके आगमनसे हि पुरा होइ । येसु मसिह संसारके सभे जातके अदमिसबके उधारके रस्ता परदान करी ।

![](https://cdn.door43.org/obs/jpg/360px/obs-en-21-03.jpg)

परमेस्वर मोसासे कहलख कि,भबिस्यमे तोहरे जइसन दोसर एकजना अगमबक्ता खरा करब कहके मोसासे परतिग्या कएलख । यि यिसु मसिहके आगमनके समबन्धित एगो दोसर परतिग्या रहे ।

![](https://cdn.door43.org/obs/jpg/360px/obs-en-21-04.jpg)

परमेस्वर दाउद रजासे परतिग्या कएले रहे कि,तोहरे बन्सके सन्तान परमेस्वरके अदमिसब उपरी सदाके लेल राज करी । ओकर अरथ यि बाकी यिसु मसिह दाउदके बन्सके एकजना होइ ।

![](https://cdn.door43.org/obs/jpg/360px/obs-en-21-05.jpg)

यरमिया अगमबक्ता द्वारा,परमेस्वर परतिग्या कएले रहे कि,उ एगो लया करार स्थापित करी । जवनकी उ सिनै परबतमे स्थापित कएल जइसन उ करार नरहे । यि लया करार परमेस्वर अपन ब्यबस्थासब अदमिसबके हिरदयमे लिखदी,अदमिसब परमेस्वरके ब्यक्तिगत रुपसे जाने लागी । आ परमेस्वर ओकनिसबके सभे पापसब माफ कदिइ । यिसु मसिह लया करारके सुरुवात करी ।

![](https://cdn.door43.org/obs/jpg/360px/obs-en-21-06.jpg)

परमेस्वर हगमबक्तासबके अइसे भि कहलख कि, यिसुमसिह एगो अगमबक्ता,एगो पुजहारी आ एगो रजा होइ । अगमबक्ता उ अदमी बा,जेअ परमेस्वरके बचनसब सुनी आ परमेस्वरके बचनसब अदमिसबके बिचमे घोसना करी । परमेस्वर पठाएब कहके परतिग्या कएल सबमेसे यिसु मसिह हि खाली सिध अगमबक्ता रहे ।

![](https://cdn.door43.org/obs/jpg/360px/obs-en-21-07.jpg)

इजराएली पुजहारीसब अदमिसबके तरफसे ओकनिके पापके खातिर दन्डके सटा माफिके लेल बलिसब चरहा देइत रहे । आ फेरु पुजहारिसब अदमिसबके लेल परमेस्वरसे पराथना कदेइत रहे । यिसु मसिह हि खाली सिध परधान पुजहारी रहे,जेकी अपना आपके एक सिध बलिके रुपमे परमेस्वरके लगे अरपन कएलख ।

![](https://cdn.door43.org/obs/jpg/360px/obs-en-21-08.jpg)

रजा उ बा कि, जे कवनो राज उपरी सासन करैए आ अदमिसबके सहि न्याय करैए । यिसु मसिह हि खाली सिध रजा रहे,जे कि,अपन पुरखा दाउदके सिंहासनमे बैठलख । आ यिसुमसिह सदा-सरबदाके लेल सरा संसार उपरी राज करी,आ सदयब इमान्दारी आ सही निरनयके साथ न्याय करी ।

![](https://cdn.door43.org/obs/jpg/360px/obs-en-21-09.jpg)

परमेस्वरके अगमबक्तासबके यिसु मसिहके बारेमे अन्य बहुत बातसबके भबिस्यबानी कएलख । मलाकी अगमबक्ता भी यिसु मसिह आबेसे पहिले एकजना महान अगमबक्ता आइ कहके भबिस्यबानी कएले रहे । यसैया अगमबक्ता भी यिसु मसिह एगो कुमार लरकिसे जलम लिइ कहके भबिस्यबानी कएले रहे । मिका अगमबक्ता भी यिसु मसिह बेथलेहेमके गाओमे जलम लिई कहके कहले रहे ।

![](https://cdn.door43.org/obs/jpg/360px/obs-en-21-10.jpg)

यसैया अगमबक्ता कहलख कि,यिसु मसिह गालिलमे बैठी,आ मन टुटलसबके हिरदयमे सान्ति भरदी,बन्धनमे परलसबके स्वतन्तरता दिइ आ कैदमे परलसबके छुटकरा दी । यिसु मसिह रोगि-बिमारीसबके निमन करी,जइसेकी बैहर,आन्हर,लेङर यिसबके निमन करी कहके भबिस्यबानी कएलख

![](https://cdn.door43.org/obs/jpg/360px/obs-en-21-11.jpg)

यसैया हगमबक्ता अइसे भि भबिस्यबानी कैलख कि,यिसु मसिहाके बिनाकारन घिरना आ तिरसकार करी । आरु भबिस्यबक्तासब पहिलेहीसे भबिस्यबानी कैलेरहे कि,यिसु मसिहके मारेबलासब ओकर लुगामे चिठा लगाइ आ एकजना ओकर चेला ओकराके धोखा दिइ कहके भबिस्यबानी कएले रहे । जकरिया अगमबक्ता पहिलेहिसे अगमबानी कैलेरहे कि,यिसु मसिहके ओकर चेला ओकरा तिसगो चानिके डलरके लेल धोखा दीइ ।

![](https://cdn.door43.org/obs/jpg/360px/obs-en-21-12.jpg)

अगमबक्तासब भबिस्यबानी अइसे कएले रहेकि, यिसु मसिहके मिरतु यि तरिकासे होइ । यसैया अगमबक्ता भबिस्यबानी अइसे कैलेरहे कि,अदमिसब ओकरा उपरी थुक फेकी,मजाक उराइ आ पिटी आ मुयादी । ओकनिके ओकरा भलासे गिंथी आ बहुत कस्ट आ पिराके साथ यिसु मसिह मारल जाइ,लेकिन उ कवनो भी मितुय दन्ड भोगेबला गल्ती काम न कैलेरहे ।

![](https://cdn.door43.org/obs/jpg/360px/obs-en-21-13.jpg)

भबिस्यबक्तासब यि भि कहले रहे,यिसु मसिह कवनो भि पाप नकैलेरहे आ उ एगो सिध अदमी रहे । उ अदमिसबके पापके दन्ड बोके लेल मारल जाइ । ओकर बलिदानसे अदमी आ परमेस्वरके बिचमे सान्ति ल्याइ । उकारनसे अइसे करेमे परमेस्वरके इक्छा रहे कि यिसु मसिहके दन्डित कैल जाए ।

![](https://cdn.door43.org/obs/jpg/360px/obs-en-21-14.jpg)

अगमबक्तासब भबिस्यबानी कैलेरहे कि, यिसु मसिह मारल जाइ आ परमेस्वर ओकरा मुरदासे जियादी । यिसु मसिहके मुरदासे जिउठाइसे परमेस्वर पापिसबके बचाइ आ लया करारके सुरुवात करी आ उअपन योजना पुरा करी ।

![](https://cdn.door43.org/obs/jpg/360px/obs-en-21-15.jpg)

परमेस्वर यिसु मसिहके बारेमे पहिलेहीसे अगमबक्तासबके द्वारा बहुत बातसब बतैले रहे । माने मसिह उ कवनो अगमबक्तासबके समयमे न अएलख । अन्तिम भबिस्यबानी होएसे करिब चारसय बरिसके बाद,जब सहि समय अएलख,तब परमेस्वर यिसुके यि संसारमे भेजलख ।

*बाइबलको कथा: उत्पत्ति ३:१५; १२:१-३; व्यवस्था १८:१५; २ शामुएल ७; यर्मिया ३१; यशैया ५९:१६; दानिएल ७; मलाकी ४:५; यशैया ७:१४; मीका ५:२; यशैया ९:१-७; ३५:३-५; ६१; ५३; भजनसंग्रह २२:१८; ३५:१९; ६९:४; ४१:९; जकरिया ११:१२-१३; यशैया ५०:६; भजनसंग्रह १६:१०-११ बाट*

## 22. २२. यिहुन्‍नाके जलम

https://openbiblestories.org/l/thl-x-rautahat/story-22/

![](https://cdn.door43.org/obs/jpg/360px/obs-en-22-01.jpg)

पहिलेके समयमे परमेस्वर अपन अदमिसबके सङे स्वरगदुत आ अगमबक्तासबके माध्यमसे बोलैत रहे । लेकिन चारसय बरिसतक परमेस्वर ओकनिसबसे नबोल्लख । अचानक एगो स्वरगदुत जकरिया नामके एगो बुरह पुजाहारीके पास परमेस्वरके सन्देस लेके अएलख । काहेकी जकरिया आ ओकर जनि एलिसिबा परमेस्वरके नजरमे धरमी अदमी रहे, लेकिन ओकनिके कवनो सन्तान नरहे । ओकनिके बाझ-बाझिन रहे ।

![](https://cdn.door43.org/obs/jpg/360px/obs-en-22-02.jpg)

उ स्वरगदुत जकरियासे कहलख,“तोहर मौगी एलिसिबा एगो बेटाके जलम दी । तु ओकर नाम यिहुन्ना रखिहे । उ पबितर अत्मासे भरल होइ,आ यिसु मसिहके लेल रस्ता तयार करी । तब जकरिया स्वरगदुतके जबाफ देलख कि,यि कैसे होसकैत बा हम त बुरह होगेल बारी । यि हम कैसे जान सकैत बारि ?

![](https://cdn.door43.org/obs/jpg/360px/obs-en-22-03.jpg)

तब स्वरगदुत जकरियाके जबाफ देलख,“हम परमेस्वरके पाससे तोहरालगे यि खुसिके खब्बर सुनाएके लेल भेजल गेलबारी । तु हमरा उपरी बिसबास नकैले ओहिसे जबतक बालकके जलम नहोइ तबतक तु बताह होजएबे । “ तब जकरिया उहे समयसे बताह होगेल । तब स्वरगदुत जकरियाके पाससे चलगेल । सेकरबाद,जकरिया अपन घरे गेलख, तब कुछ समयके बाद एलिसिबा गरभबती होगेल ।

![](https://cdn.door43.org/obs/jpg/360px/obs-en-22-04.jpg)

जब एलिसिबा गरभबती छव महिनाके गरभबती भेल,उहे स्वरगदुत अचानक एलिसिबाके कुटुम मरियमके पास देखाइ देलख । उ समयमे मरियम कुमार लरकी रहे,जेकर देखासुनी यिसुफ नामके एगो छवरासे भेल रहे । स्वरगदुत मरियमसे कहलख,“तु गरभबती होएबे आ एगो बेटाके जलम देबे । आ ओकर नाम यिसु रखिहे । उ परम धामके बेटा कहाइ आ हमेसाके लेल राज करी ।”

![](https://cdn.door43.org/obs/jpg/360px/obs-en-22-05.jpg)

तब मरियम स्वरगदुतसे कहलख,“अइसे कइसे होसकैत बा,जबकी हम एगो कुमार लरकी बारी ?” तब स्वरगदुत जबाफ देलख,“पबितर अतमा तोहरा उपरी उतरी आ पबितर अतमाके सक्तिके छया परी । ओहिसे उ बालक पबितर होइ आ परमेस्वरके बेटा कहाइ ।” तब मरियम स्वरगदुतके कहल बातपर बिसबास कैलख आ उ बातके स्वीकार कैलख ।

![](https://cdn.door43.org/obs/jpg/360px/obs-en-22-06.jpg)

जब स्वरगदुत मरियमसे बातचित कैलख,तब कुछ समयके बाद मरियम एलिसिबासे भेट करेके लेल गेल । तब एलिसिबा मरियमके अभिबादन सुनते ही ओकर पेटके बच्चा चलबला उठलख । परमेस्वर ओकनिके लेल कएल कामके लेल ओकनिके बहुत खुसी होएलख । तब मरियम एलिसिबाके लगे तिन महिनातक रहके मरियम अपन घर लवटके अएलख ।

![](https://cdn.door43.org/obs/jpg/360px/obs-en-22-07.jpg)

जब एलिसिबाके बच्चा जलमाएके समय अएलख, तब उ एगो बालकके जलम देलख । जकरिया आ एलिसिबा अपन बेटाके नाम यिहुन्ना रखलख । जइसेकी स्वरगदुत जकरियासे कहले रहे । तब परमेस्वर जकरियाके मुह खोलदेलख,तब जकरिया पहिलेके जइसन बोले लगलख । तब जकरिया “परमेस्वरके परसंसा कैलख,काहेकी परमेस्वर अपन अदमिसबके याद कैलख ।

*बाइबलके कथा: लुका १ :से*

## 23. २३. यिसुके जलम

https://openbiblestories.org/l/thl-x-rautahat/story-23/

![](https://cdn.door43.org/obs/jpg/360px/obs-en-23-01.jpg)

मरियमके मङनी एगो यिसुफ नामके एगो धरमी छवरा(अदमी)के साथ भेल रहे । जब मरियम गरभबती बा कहके यिसुफके मालुम भेल कि,ओकर पेटके बच्चा हमर नबा तब यिसुफ मरियमके बेजती करेके न चाहलख । ओहिसे यिसुफ चुपेचाप मरियमके छोर देबेके लेल योजना बनएलख । लेकिन यिसुफ मरियमके छोरेसे पहिलेही,यिसुफके सपनामे एगो स्वरगदुत आके देखाइ देलख ।

![](https://cdn.door43.org/obs/jpg/360px/obs-en-23-02.jpg)

स्वरगदुत यिसुफसे कहलख,“ हे यिसुफ ! तुअपन पत्नी मरियमके स्वीकार करेसे नडेरा । काहेकी जे ओकर गरभमे बा,उ पबितर अतमासे भेल बा । उ एगो बेटाके जलम दी । ओकर नाम यिसु रखिहे (जेकर अरथ बा ,‘ याहोबे बचाइ’)काहेकी उअपन अदमिसबके ओकनिके पापसे बचाइ ।”

![](https://cdn.door43.org/obs/jpg/360px/obs-en-23-03.jpg)

ओहिसे यिसुफ मरियमसे बियाह कलेलख आ ओकराके अपन पत्नीके रुपमे स्वीकार कके अपन घरे लेअएलख । लेकिन जबतक बालकके जलम नभेल तबतक यिसुफ मरियमके सङे न सुतलख ।

![](https://cdn.door43.org/obs/jpg/360px/obs-en-23-04.jpg)

जब मरियमके बच्चा जलमाएके समय अएलख,तब रोमी सरकार सभेजनाके जनगन्नाके लेल अपन पुरखासबके बैठल सहरमे जाएके लेल आदेस जारी कएलख । तब यिसुफ आ मरियम ओकनिके बैठल सहरमे नासरथसे बेथलेहेमतक यातरा करेके रहे,काहेकी ओकनिके पुरखा दाउदके सहर बेथलेहेममे रहे ।

![](https://cdn.door43.org/obs/jpg/360px/obs-en-23-05.jpg)

जब ओकनिके बेथलेहेममे पहुचलख तब उहा रहेके लेल कवनो घरमे जग्ह नरहे । ओहिसे ओकनिके रहेके लेल एगो ठाओ मिलबो कैलख त पसु रहेबाल गैघरा मिल्लख ।तब मरियम उहबे बालकके जलम देलख आ घास खाएबला डेङीमे सुताके रखलख,काहेकी बालक राखेके लेल कवनो ठाओ नरहे । तब ओकनिके यि बालकके नाम ‘यिसु’ रखलख ।

![](https://cdn.door43.org/obs/jpg/360px/obs-en-23-06.jpg)

उ रात,नजदिकेके खेतमे कुछ चरबाहसब अपन घारी रखबाली करैत रहे । अचानक,चम्कैत एगो स्वरगदुत ओकनिके लगे देखाइ देलख तब ओकनिके डेरागेल । तब स्वरगदुत ओकनिसे कहलख,“नडेरा” काहेकी हम तोहनिके लेल बहुत आनन्दके सुसमाचर सुना रहल बरी कि,आजुय बेथलेहेमके नगरमे तोहनिके लेल एगो उधारकरताके जलम भेलबा जेकी यिसु मसिह परभु बा ।

![](https://cdn.door43.org/obs/jpg/360px/obs-en-23-07.jpg)

“तोहनिके जोअ,आ उ बालकके खोज,तोहनिके उ बालकके कपरामे लपेटके डेङिमे सुतैले तोहनिके देखबे ।”तब एकाएक स्वरगदुतके एगो दल परमेस्वरके स्तुती करैत देखाइ देलख । ओकनिके अइसे कहैत रहे कि,“अकासमे परमेस्वरके महिमा आ पिरथिबिमे जवन अदमिमे खुसियाली बा ओकराके सान्ति होए ।”

![](https://cdn.door43.org/obs/jpg/360px/obs-en-23-08.jpg)

तब चरबाहसब स्वरगदुतके बात सुनके यिसु जलम भेल ठाओ जापहुचलख तब ओकनिके जइसे स्वरगदुत कहले रहे,औसनके यिसुके कपरामे लपेटके डेङिमे सुताएल देखलख । ओकनिके उ देखके बहुत उतसाहित भेल । मरियम भि बहुत खुसी रहे । तब चरबाह लोग ओकनिके जथी देखलख आ सुनल्लख ओकनिके उ सभे बातसबके लेल परमेस्वरके परसंसा कैलख आ ओकनिके अपन अपन भेरा रहल जग्हमे लवट अएलख ।

![](https://cdn.door43.org/obs/jpg/360px/obs-en-23-09.jpg)

कुछ समयके बाद जोतिसिसब पुरुबके ओरी अकासमे एगो तरा देखलख । जेकर अरथ बाकी,यहुदिसबके एकजना लया रजाके जलम भेलबा कहके जोतिसिसबके मालुम भेल । ओहिसे उ रजाके देखेके लेल ओकनिके बहुत लम्बा यातरा कके बेथलेहेममे अएलख । तब ओकनिके पता लगैलख कि, यिसु परभुके अपन माइ-बाबुके साथ देखलख ।

![](https://cdn.door43.org/obs/jpg/360px/obs-en-23-10.jpg)

जब यि ग्यानि जोतिसिसब यिसुके अपन माइके सङे देखलख,तब ओकनिके ठेहिया देके डन्डवत कैलख आ अराधना कैलख । आ ओकनिके यिसुके बहुत बहुमुल्य उपहारसब चरहैलख । सेकरबाद ओकनिके अपन-अपन घरमे लवट अएलख ।

*बाइबलके कथा: मत्ती १; लूका २ से*

## 24. २४. यिहुन्ना यिसुके बपतिस्मा देलख

https://openbiblestories.org/l/thl-x-rautahat/story-24/

![](https://cdn.door43.org/obs/jpg/360px/obs-en-24-01.jpg)

जब जकरिया आ एलिसिबाके बेटा यिहुन्ना जबान होएलख तब उ अगमबक्ता बनगेल । उ उजार स्थानमे रहेलगलख,आ उ उटके रोइयासे बनाएल गेल कपरा लगाए आ डारमे चमराके बेल्ट बन्हेले रहे । उ बनमध आ टिरि खाए ।

![](https://cdn.door43.org/obs/jpg/360px/obs-en-24-02.jpg)

बहुत अदमिसब उजार स्थानमे यिहुन्नाके पास बचन सुनेके लेल आबे । उ ओकनिसबके अइसे कहके परचार करैत रहे कि,“अपन पापसे पसताप कर,काहेकी परमेस्वरके राज्य बहुत करिब बा ।

![](https://cdn.door43.org/obs/jpg/360px/obs-en-24-03.jpg)

जब अदमिसब यिहुन्नाके मुक्तिके सन्देस सुन्लख,तब ओकनिसबके मध्यमेसे बहुत जना अपन पापसे पसताप कएलख,आ यिहुन्ना ओकनिके पानिके बपतिस्मा देलख । बहुत धरमी अगुवासब भि यिहुन्नासे पानिके बपतिस्मा लेबेके लेल अएलख । लेकिन ओकनिके अपन पाप न स्वीकारे कएलख,न पसताप कएलख ।

![](https://cdn.door43.org/obs/jpg/360px/obs-en-24-04.jpg)

तब यिहुन्ना उ धारमिक अगुवासबसे कहलख,“हे दुस्टके सन्तानसब ! पापसे अपन मन फिरा आ ब्यबहारके बदल जवन-जवन पेर निमन फल न फलाइ उ पेरके काटके आगिमे झोक दी ।”यिहुन्ना यि बातके पुरा कैलख कि,यसैया अगमबक्ताके किताबमे लिखल रहे,“देख हम हमअपन दुतके तोहर अगारी भेज रहल बारी,जोकी तोहरालेल रस्ताके सुधार करी ।

![](https://cdn.door43.org/obs/jpg/360px/obs-en-24-05.jpg)

जब कुछ यहुदिसब यिहुन्नासे पुसलख कि,तु हि मसिहा बारे कि ? तब यिहुन्ना जबाफ देलख,“हम मसिहा नबारी,लेकिन हमरा पछारी केहु आरहल बा कि,उ येतना महान बा की,ओकर जुताके फिता समेत खोलेके हम योग्य न बारी ।”

![](https://cdn.door43.org/obs/jpg/360px/obs-en-24-06.jpg)

दोसरका दिन,यिसु यिहुन्ना द्वारा पानिके बपतिस्मा लेबेके लेल अएलख । जब यिहुन्ना यिसुके देखलख तब यिसुके देखाके कहलख,“देख ! परमेस्वरके थुमा,जे संसारके पापसे उधार करी ।”

![](https://cdn.door43.org/obs/jpg/360px/obs-en-24-07.jpg)

यिहुन्ना यिसुसे कहलख,“ हम येतना योग्यके न बारीकि,हम तोहराके बपतिस्मा दिउ । बरु तुउ हमराके बपतिस्मा देअ ।”लेकिन यिसु जबाफ देलख कि,“तु हमराके बपतिस्मा देअ,काहेकी अभी अइसे कएलामेही सही होइ ।”ओहिसे यिहुन्ना यिसुके बपतिस्मा देलख,फिरभी यिसु कहियोन पाप कएले रहे ।

![](https://cdn.door43.org/obs/jpg/360px/obs-en-24-08.jpg)

जब यिसु बपतिस्मा लेलेख तब पानिसे बहरा निकलके अएलख,तब परमेस्वरके अतमा परेबाके रुपमे यिसुके उपरी उतरके अएलख आ यिसुके उपरी बैठलख । उहे समयमे स्वरगसे परमेस्वरके अकसबानी अएलख कि,“यि हमर दुलरुया बेटा बा हम येकरसे बहुत खुसी बारी ।”

![](https://cdn.door43.org/obs/jpg/360px/obs-en-24-09.jpg)

परमेस्वर यिहुन्नासे कहले रहे कि,“पबितर अतमा निचा केकरो एकजना उपरी उतरके आइ आ तु जब बपतिस्मा देबे ओकरा उपरी बैठी । उहे अदमी परमेस्वरके बेटा कहाइ ।” केबल एक हि परमेस्वर बा । लेकिन जब यिहुन्ना यिसुके बपतिस्मा देलख,तब ओकरासे पिता परमेस्वर बोलैत सुनलख कि, परमेस्वरके बेटाके देखली आ पबितर अतमाके भि देखली ।

*बाइबलको कथाः मत्ती ३; मर्कूस १:९-११; लूका ३:१-२३ बाट*

## 25. २५. सैतानद्वारा यिसुके परीक्छा

https://openbiblestories.org/l/thl-x-rautahat/story-25/

![](https://cdn.door43.org/obs/jpg/360px/obs-en-25-01.jpg)

यिसुके बपतिस्मा लेलके बाद तुरन्त पबितर अतमासे उजार स्थानके ओर लेजाएल गेल,यिसु उहा चालिस दिन चालिस राततक उपबास रहलख । सेकरबाद सैतान यिसुके लगे अएलख आ यिसुसे पाप कराएके लेल परिक्छा कएलख ।

![](https://cdn.door43.org/obs/jpg/360px/obs-en-25-02.jpg)

सैतान अइसे कहैत यिसुके परिक्छा कैलख,“ यदी तु परमेस्वरके बेटा बारे त,यि पथलके रोटी बनादे,ताकी,तु ओकराके ख सकैतसे ।

![](https://cdn.door43.org/obs/jpg/360px/obs-en-25-03.jpg)

तब यिसु सैतानके जबाफ देलख,“परमेस्वरके बचनमे अइसे लिखल बा कि,“ अदमिके बाचेके लेल केबल रोटी हि नचाही,बलकी परमेस्वरके मुहसे नकल्ल हरेक बचन चाही ।

![](https://cdn.door43.org/obs/jpg/360px/obs-en-25-04.jpg)

सेकरबाद सैतान यिसुके मन्दिरके सबसे टुपामे लेगेल आ यिसुसे कहलख,“ यदी तु परमेस्वर बेटा बारे त,यिहबासे तु कुदुक जो,काहेकी लिखल बा कि,परमेस्वर तोहर बिसयमे अपन दुतसबके अग्या करी आ ओकनिके तोहर पैर पथलमे न बजारे कहके ओकनिके तोहरा अपन हाथमे बोकली ।

![](https://cdn.door43.org/obs/jpg/360px/obs-en-25-05.jpg)

लेकिन यिसु सैतानके बचनसे जबाफ देलख । यिसु कहलख,“ परमेस्वर अपन बचनमे अदमिसबसे अग्या कैले बा कि, तोहनिके अपन परमपरभु परमेस्वरके परिक्छा न करिहे ।”

![](https://cdn.door43.org/obs/jpg/360px/obs-en-25-06.jpg)

सेकरबाद सैतान यिसुके संसारके सरा राज्यके बैभब आ यि मेके सरा महिमा देखाके कहलख,“यदी तु हमर गोरमे गिरके डन्डवत करबे त,यि संसारके सभे चिज हम तोहराके देदेहब ।”

![](https://cdn.door43.org/obs/jpg/360px/obs-en-25-07.jpg)

तब यिसु सैतानसे कहलख,“ ऐ सैतान तु दुर होजो ! परमेस्वर अपन बचनमे अपन अदमिसबके अग्या देलेबा कि,खाली तु परमपरभु परमेस्वरके डन्डवट करिहे आ खाली ओकरे उपासना करिहे ।

![](https://cdn.door43.org/obs/jpg/360px/obs-en-25-08.jpg)

यिसु सैतानके लालच पर न परलख,ओहिसे सैतान यिसुके छिरके चलगेल । तब स्वरगदुतसब आके यिसुके सेबाटहल करेलगलख ।

*बाइबलके कथाः मत्ती ४:१-११; मरकुस १:१२-१३; लुका ४:१-१३ से*

## 26. २६. यिसु अपन सेबकाइ सुरू कएलख

https://openbiblestories.org/l/thl-x-rautahat/story-26/

![](https://cdn.door43.org/obs/jpg/360px/obs-en-26-01.jpg)

सैतानके जाचमे बिजय होगेलाके बाद,यिसु पबितर अतमाके सक्तिमे गालिल परदेसमे लवटगेल,जहाँ यिसु रहैत रहे । तब यिसु परचार करैत एक गाओसे दोसर गाओमे गेल । सभे जना यिसुके बारेमे निमन कहलख ।

![](https://cdn.door43.org/obs/jpg/360px/obs-en-26-02.jpg)

सेकरबाद नासरथके गाओमे गेल,जहाँ यिसु अपन बचपनके समय बितैले रहे । तब यिसु सबाथ दिनमे अराधना करेबला सभाघरमे गेलख । तब उहबा रहल अदमिसब परहेके लेल यिसुके हाथमे यसैया अगमबक्ताके लिखल किताब देलख । तब यिसु उ किताबके खोलके एकभाग ओकनिके लेल परदेलख ।

![](https://cdn.door43.org/obs/jpg/360px/obs-en-26-03.jpg)

तब यिसु उ खन्डसे परहलख,“परमेस्वरके अतमा हमरा उपरी बा,काहेकी गरिबसबके सुसमाचार सुनाएके लेल,परमेस्वर हमराके अभिसेक कैलेबा । मन टुटलसबके निमन करेके लेल,कैदिसबके कैदसे छुटकार देबेके लेल,आन्हरसबके दिरिस्टी देबेके लेल,चरुओरसे दबाएलसबके निकालेके लेल,आ परमपरभु परमेस्वरके परसन्नताके बरिसके घोसना करेके लेल परमेस्वर हमराके भेजैले बा ।”

![](https://cdn.door43.org/obs/jpg/360px/obs-en-26-04.jpg)

किताब परह लेलाके बाद यिसु बैठगेल । तब सभे अदमिसब यिसुके ध्यानसे देखैत रहे । ओकनिसबके मालुम रहे,कि यिसु जवन बचन परहलख उ बचन मसिहाके बारेमे लिखल बा । तब यिसु ओकनिसे कहलख,“पबितर धरम सास्तरके बचन आजु तोहनिके सुनाइमे पुरा भेल ।“ यिसुके अइसन बात सुनके अदमिसब चकित परगेल । “तब ओकनिके कहे लगलख कि,यि यिसुफके बेटा न हैइ ?”

![](https://cdn.door43.org/obs/jpg/360px/obs-en-26-05.jpg)

तब यिसु ओकनिसबसे कहलख,“हम तहनिसबसे सच कहरहल बारी कि,कवनो भि भबिस्यबक्ताके ओकर अपन देसमे कवनो भैलु नहोइसै ।” एलियाके समयमे इजराएलमे बहुत बिधबासब रहे । लेकिन जब सारहे तिन बरिसतक पानि नपरलख, फिरभी परमेस्वर एलियाके इजराएलमे भेल बिधबासबके सहायता करेके लेल न भेजलख,बरु अन्य देसके बिधबासबके लगे भेजलख ।

![](https://cdn.door43.org/obs/jpg/360px/obs-en-26-06.jpg)

यिसु कहैत गेल,“ एलिसाके अगमबक्ताके समयमे छलाके रोगसे बहुत अदमिसब इजराएलमे रहे । लेकिन एलिसा ओकनिमेसे केकरो निमन न कैलख । एलिसा केबल इजराएलके नमानके छलाके रोगसे खाली निमन कैलेरहे ।” यिसुके बात सुनेबला खाली यहुदिसब रहे । ओहिसे जब ओकनिके यिसुके बात सनल्लख,तब ओकनिके यिसु उपरी खिसिया चुर होगेल ।

![](https://cdn.door43.org/obs/jpg/360px/obs-en-26-07.jpg)

तब नासरथके अदमिसब यिसुके अराधनाके स्थानसे घिसियाके बहरा निकाल देलख,आ पहारके भितामे लेजाके यिसुके उहबासे गिराके मुया देबेके लेल चाहलख । लेकिन यिसु अदमिसबके भिरसे निकलगेल आ नासरथके छोरके चलगेल ।

![](https://cdn.door43.org/obs/jpg/360px/obs-en-26-08.jpg)

सेकरबाद यिसु गालिल परदेसमे अएलख,तब यिसुके पास बहुत अदमिसब अएलख,आ ओकनिके बहुत रोग बिमारसे थलल अदमिसबके भि लेके अएलख । उमेसे केतना जना लेङर रहे,आखसे आन्हर रहे,कानसे बैहर रहे,मुहसे बताह रहे,जब यिसु येकनिके देखलख तब ओकनिके सभेजनाके निमन कएलख ।

![](https://cdn.door43.org/obs/jpg/360px/obs-en-26-09.jpg)

बहुत भुतअतमासे सताएल अदमिसबके भि यिसु पास लेके अएलख । तब यिसु यि भुतअतमाके अग्या कैलख कि ओकनिमेसे तुउ निकलजोअ,तब उ भुतअतमासब चिचियाके अइसे कहैत नकल गेल कि,“तु त परमेस्वरके बेटा बारे ।

![](https://cdn.door43.org/obs/jpg/360px/obs-en-26-10.jpg)

सेकरबाद यिसु बारह जना अदमिसबके बिसलख,जेकराके यिसुके चेलासब कहलख । उहे चेलासब यिसुके सङे बुलैत रहे आ यिसुसे सिक्छा सिखैत रहे ।

*बाइबलको कथाः मत्ती ४:१२-२५; मर्कूस १:१४-१५, ३५-३९; ३:१३-२१; लूका ४:१४-३०, ३८-४४ बाट*

## 27. २७. असल सामरीके कथा

https://openbiblestories.org/l/thl-x-rautahat/story-27/

![](https://cdn.door43.org/obs/jpg/360px/obs-en-27-01.jpg)

एक दिन यहुदी ब्यबस्थाके निपुन एकजना गुरु जाँच करेके लेल यिसुके पास अएलख,आ यिसुसे पुसलख कि,“ गुरुजी अनन्त जिबनके हकदार होएके लेल हमरा कथी करेके परी ?” तब यिसु जबाफ देलख कि,“ परमेस्वरके ब्यबस्थामे कथी लिखल बा ?”

![](https://cdn.door43.org/obs/jpg/360px/obs-en-27-02.jpg)

उ ब्यबस्थाके निपुन अदमी परमेस्वरके ब्यबस्थामे अइसे लिखल बा कहके उतर देलख,“ तुअपन परमपरभु अपन परमेस्वरके अपन सरा हिरदयसे,अपन सरा परानसे,अपन सरा सक्तिसे आ अपन सरा समझसे परेम कर,आ अपन परोसियाके अपने जइसन मया कर ।” तब यिसु ओकरासे कहलख,“ तु ठिके कहले ।

![](https://cdn.door43.org/obs/jpg/360px/obs-en-27-03.jpg)

लेकिन उ ब्यबस्थाके निपुन अदमी अपना धरमी ठहराएके चहलख,ओहिसे उ यिसुसे पुसलख,“हमर परोसिया के बा ?”

![](https://cdn.door43.org/obs/jpg/360px/obs-en-27-04.jpg)

तब यिसु उ अदमिके एगो कथा कहके जबाफ देलख,“एकजना यहुदी अदमी यरुसलेमके रस्तासे यरिहोके ओरी जाइत रहे ।”

![](https://cdn.door43.org/obs/jpg/360px/obs-en-27-05.jpg)

तब उ अदमिके उपरी डाकुसब हमला कएलख । ओकनिके ओकराके अधमरु बनाके पिटलख आ ओकर पासमे रहल सभे चिज लुटके लेगेल । आ ओकरा ओकनिके बिचे रस्तामे छोरके उहासे चलगेल ।”

![](https://cdn.door43.org/obs/jpg/360px/obs-en-27-06.jpg)

“कुछ समयके बाद,एकजना यहुदी पुजारी उहे रस्तासे जाइत रहे । तब उ धारमिक अगुवा यि अदमिके लुटके आ घाएल बनाएलके अबस्थामे छरदेल देखलख ।तब उ रस्ताके छेवसे निकलके लचगेल आ यि अदमिके औसनके अबस्थामे छोर देलख ।

![](https://cdn.door43.org/obs/jpg/360px/obs-en-27-07.jpg)

तब फेरु कुछ समयके बाद,एकजना लेबी उहे रस्तासे गेल ।(लेबीसब यहुदिसबके एगोकुल रहे,जे मन्दिरमे पुजहारसबके सहायता करे )। उ लेबी भि रस्ताके छेवसे निकलगेल,आ यि घाएल अबस्थाके अदमिके औसनके हबस्थामे छोरके चलगेल,ओकराके वास्ता न कैलख ।

![](https://cdn.door43.org/obs/jpg/360px/obs-en-27-08.jpg)

तब फेरु कुछ समयके बाद तिसरका अदमी एकजना सामरी रहे ।(सामरिसब यहुदिसबके उ सन्तानसब रहे कि,जवन कि,अपन जातसे बाहेकसे बियाह कके जलमाएल बच्चासब सामरिसब रहे,जबि भि सामरी आ यहुदिसबके एक-अरकाके गिरना करे )। लेकिन जब यि सामरी यहुदी अदमिके देखलख,तब ओकर हिरदय दयासे भरगेल ।ओहिसे उ यहुदी परती सहानुभुती देखैलख आ ओकर घाओमे मलहम पटी लगादेलख ।”

![](https://cdn.door43.org/obs/jpg/360px/obs-en-27-09.jpg)

“तब उ सामरी यि यहुदिके अपन गदहा उपरी चरहैलख आ ओकराके रस्ताके छेओमे एगो पौवामे लेगेल आ उ सामरीके स्याहार कैलख ।“

![](https://cdn.door43.org/obs/jpg/360px/obs-en-27-10.jpg)

“दोसरका दिन,उ सामरी अपन यातरामे जाएके रहे । ओहिसे उ बरघराके मालिकके कुछ पैसा देके कहलख,येकराके देखभाल करब,यदी तोहर यिसे भि जदा खरचा होइत,हम जब लवटके आएब,तब बाकी खरचा हम तोहराके तिरदेहब ।”

![](https://cdn.door43.org/obs/jpg/360px/obs-en-27-11.jpg)

सेकरबाद यिसु ब्यबस्थाके उ निपुन अदमिसे पुसलख कि,“तोहरा कइसन लगलौ ? ओकनिके मध्यमेसे लुटाएल आ घाएल बनाएल अदमिके असल परोसिया के लगलौ ?” तब उ ब्यबस्थाके पन्डित जबाफ देलख,“जे ओकरा परती दयालु भेल ।” तब यिसु ओकरासे कहलख,तु भि जो आ औसने कर ।

*बाइबलको कथाः लूका १०:२५-३७ बाट*

## 28. २८. धनीक जबान सासक

https://openbiblestories.org/l/thl-x-rautahat/story-28/

![](https://cdn.door43.org/obs/jpg/360px/obs-en-28-01.jpg)

एकदिन,एकजना धनिक जबान सासक यिसुके लगे अएलख आ पुसलख,“हे असल गुरु,अनन्त जिबन पाएके लेल हमरा कथी करेके परी ?” तब यिसु उ जबान अदमिसे कहलख,“तु हमरा काहेला असल गुरु कहैसे ? खाली परमेस्वर बाहेक केहु असल नबा । लेकिन यदी तु अनन्त जिबन चाहैसे त,परमेस्वरके ब्यबस्थाके किताबमे लिखल अग्यासबके पालन कर ।”

![](https://cdn.door43.org/obs/jpg/360px/obs-en-28-02.jpg)

“ धनिक अदमी यिसुसे पुसलख कवन-कवन ब्यबस्था पालन कैलामे ठिक रही ?तब यिसु ओकरासे कहलख,“हत्या नकरिहे,ब्यभिचार नकरिहे,केकरो धनमाल नचोरैहे,झुठ बातसब नबोलिहे । आ अपन माइ बाबुके आदर करहे आ अपन परोसियाके अपने जइसन मया करिहे ।”

![](https://cdn.door43.org/obs/jpg/360px/obs-en-28-03.jpg)

लेकिन उ जबान अदमी अपना आपके ठिक परमानित करेके लेल कहलख कि,“हमे त यि सब अग्याके जब छोटे रहली तबेसे पालन करते अबैत बारी । हमराके अभी कथी करेके परी कि,सदाके लेल जि सकैत बारी ?” यिसु यि अदमिके देखके मया करैत कहलख ।

![](https://cdn.door43.org/obs/jpg/360px/obs-en-28-04.jpg)

“यदी तु सिध होएके चहैसे त,जोअ तुअपन सभे चिज बेचके गरिबसबके बाटदे ताकि,तोहरा स्वरगमे स्वरगिय धन मिली । सेकरबाद हमरालगे आअ । आ हमर पछारी चल ।”

![](https://cdn.door43.org/obs/jpg/360px/obs-en-28-05.jpg)

तब यि जबान अदमी यिसुके अइसन बात सुनके,उ धनिक अदमी बहुत दुखित भेल,कहेकी उ बहुत जदा धनिक रहे । अपन अधिकर जमाएल सरा चिज बेचके गरिबसबके देबेके लेल नचाहलख । तब उ धनिक अदमी यिसुके लगेसे लवटके चलगेल ।

![](https://cdn.door43.org/obs/jpg/360px/obs-en-28-06.jpg)

तब यिसु यि धनिक अदमिसे कहलख,“धनिक अदमिसबके परमेस्वरके राज्यमे परबेस करेमे बहुत कठिन बा ।

![](https://cdn.door43.org/obs/jpg/360px/obs-en-28-07.jpg)

जब चेलासब यिसु कहल बातसब सुनल्लख,तब चेलासब छक्क परगेल । तब चेलासब कहलख,“तब त के मुक्ती पासकैत बा ?”

![](https://cdn.door43.org/obs/jpg/360px/obs-en-28-08.jpg)

तब यिसु चेलासबके ओरी देखके कहलख,“अदमिसबके लेल असम्भब बा,लेकिन परमेस्वरके लेल सभे बात सम्भब बा ।”

![](https://cdn.door43.org/obs/jpg/360px/obs-en-28-09.jpg)

तब पतरुस यिसुसे पुसलख,“हमनिके त अपन-अपन सभे चिजसब छोरके तोहर पछारी लागल बारी । हमनिके लेल इनाम कती बा ?”

![](https://cdn.door43.org/obs/jpg/360px/obs-en-28-10.jpg)

यिसु जबाफ देलख,“जे हमर नामके खातिर अपन घर,बौया,ददा,दिदि बैया,बाबु,माइ,बेटाबेटी आ धन सम्पती छोरलेबा,ओकनिके सभेजना सय गुनासे बेसी पाइ,आ साथे ओकनिके अनन्त जिबन भि पाइ । लेकिन बहुत जना जे पहिलका बा,ओकनिके पछारी होइ आ पछारी होए बला पहिला होइ ।”

*बाइबलको कथा: मत्ती १९:१६-३०; मर्कूस १०:१७-३१; लूका १८:१८-३० बाट*

## 29. २९. निरदयी नोकरके कथा

https://openbiblestories.org/l/thl-x-rautahat/story-29/

![](https://cdn.door43.org/obs/jpg/360px/obs-en-29-01.jpg)

एकदिन पतरुस येसुसे पुसलख,“ मालिक हमर भाइ हमर बिरोधमे पाप करी त हमे ओकरा केतना बार माफी करेके परी ? कथी सात बार ?” तब यिसु कहलख,“ सातबार नैखे,लेकिन सात गुना सतरी पटक माफी करिहे ।

![](https://cdn.door43.org/obs/jpg/360px/obs-en-29-02.jpg)

“परमेस्वरके राज्य एगो रजाके जइसन बा,जे अपन नोकरसबके सङे हिसब किताब बुझेके चाहलख तब ओकर नोकरसब मध्यमेसे एकजना करिब २,००,००० बरिसतकके मजदुरिके रिन बोकले रहे ।”

![](https://cdn.door43.org/obs/jpg/360px/obs-en-29-03.jpg)

“उ नोकर अपन रजाके रिन तिरे नसकैत रहे,तब रजा उ नोकरसे कहलख,‘यि अदमिके आ येकर सभे परिबारके दासके रुपमे बेचदे । ताकी यि अपन रिन चुक्ता कर सके ।”

![](https://cdn.door43.org/obs/jpg/360px/obs-en-29-04.jpg)

“तब उ नोकर रजाके गोरमे गिरके कहलख,‘ हमरा उपरी दया करु,ताकी तोहर सभे रिन हम तिर सकु । तब रजा यि निकर उपरी दया देखैलख । ओहिसे रजा उ निकरके सरा रिनसबसे उकरिम देदेलख आ ओकरा जाए देलख ।”

![](https://cdn.door43.org/obs/jpg/360px/obs-en-29-05.jpg)

“लेकिन जब उ नोकर रजाके रिनसे माफी पैलख,तब उ दोसर एकजना सङेरहल नोकरसे भेट कैलख जवनकी ओकरा उपरी चार महिनातकके मजदुरिके रिन रहे । तब उ नोकर अपन सङे रहल नोकरके पकरलख आ कहलख,“आब तु हमरासे लेले रहले उ रिन तिरदे ।

![](https://cdn.door43.org/obs/jpg/360px/obs-en-29-06.jpg)

“तब ओकरा सङे रहल नोकर ओकर गोरमे गिरके कहलख,“हमरा उपरी दया करु । तोहरा तिरेके बाकी रहल सभे पैसा हम तिर देब । लेकिन उ नोकर अपना सङे रहल नोकर ओकर रिन चुक्ता करे नसकलख । ओहिसे उ नोकरके जेलमे भेजदेलख ।

![](https://cdn.door43.org/obs/jpg/360px/obs-en-29-07.jpg)

“जब आरु नोकरसब यि घटनाके देखलख तब ओकनिके निरास बनादेलख । तब ओकनिके रजाके लगे गेलख आ रजाके सभे बात बतादेलख ।’’

![](https://cdn.door43.org/obs/jpg/360px/obs-en-29-08.jpg)

“तब रजा उ नोकरके बोलाके कहलख,“ तु दुस्ट नोकर ”

![](https://cdn.door43.org/obs/jpg/360px/obs-en-29-09.jpg)

तब यिसु कहलख,“यदी तोहनिके अपन हिरदयसे हि अपन भाइके माफी नदेबे त स्वरगमे रहेबला हमर पिता भि तोहनिके हरेकके अउसनके करी ।”

*बाइबलको कथा: मत्ती १८:२१-३५ बाट*

## 30. ३०. यिसु पाँच हजार अदमिसबके खिएलख

https://openbiblestories.org/l/thl-x-rautahat/story-30/

![](https://cdn.door43.org/obs/jpg/360px/obs-en-30-01.jpg)

अदमिसबके परचार करेके लेल आ सिक्छा देबेके लेल यिसु अपन चेलासबके बिभिन्न जगहसबमे भेजएलख । जब ओकनिके यिसुके पास लवटके अएलख,तब ओकनिके कएल कामसबके बारेमे बतैलख । सेकर बाद यिसु ओकनिसबके अपनासङे समुन्दरके औपार सान्त जगहमे कुछ समय बिताएके लेल चेलासबके बोलैलख । ओहिसे ओकनिके डेङिमे चहरके समुन्दरके औपार गेलख ।

![](https://cdn.door43.org/obs/jpg/360px/obs-en-30-02.jpg)

काहेकी उहबा बहुत अदमिसब रहे,तब जेकनिके यिसुके आ ओकर चेलासबके डेङिमे चहरके समुनदर औपार जाइत देखलख । तब उ अदमिसब भि यिसुसे पहिले समुनदरके औपार जाएके दाओसे पखे-पखे ओकनिके दौरके जाए लगलख । जब यिसु अपन चेलासबके सङे उ जगहमे पहुचलख,तब अदमिसबके बहुत बरका भिर उहबा पहिलेहिसे ओकनिके लेल असियाएल रहे ।

![](https://cdn.door43.org/obs/jpg/360px/obs-en-30-03.jpg)

उ भिरमे जनानिसबके आ बच्चासबके छोरके करिब ५,००० हजारसे भि बहुत मरदुवासब रहे । यिसु यि अदमिसबके दया देखैल । काहेके यिसु यि अदमिसबके चरबाह बिनाके भेरा जइसन देखलख । ओहिसे यिसु ओकनिसबके सिक्छा देबे लगलख आ रोगी अदमिसबके निमन कएलख ।

![](https://cdn.door43.org/obs/jpg/360px/obs-en-30-04.jpg)

जब बेरिया पहर होगेल तब चेलासब यिसुसे कहलख,“आब बहुत अबेर होगेलबा आ यिहा नजिकमे कवनो बस्ती भि न बा । यि अदमिसबके अपन-अपन घरे जाएके लेल कहदु,ताकी येकनिके अपन खनाके अपने बन्दोबस्त कली ।”

![](https://cdn.door43.org/obs/jpg/360px/obs-en-30-05.jpg)

लेकिन यिसु चेलासबसे कहलख,“तोहनिके हि येकनिके लेल खनाके बन्दो बस्त कदे ।

![](https://cdn.door43.org/obs/jpg/360px/obs-en-30-06.jpg)

यिसु भिरमे भेल सभे अदमिसबके पचास-पचास जनाके समुहमे बैठेके लेल कह,कहके चेलासबके अरहैलख ।

![](https://cdn.door43.org/obs/jpg/360px/obs-en-30-07.jpg)

सेकरबाद यिसु पाच रोटी आ दुगो मसरी लेके स्वरगके ओरी देखके यि खनाके लेल परमेस्वरके धन्यबाद देलख ।

![](https://cdn.door43.org/obs/jpg/360px/obs-en-30-08.jpg)

तब यिसु रोटी आ मसरिके टुकरा-टुकरा तुरदेलख । यिसु उ टुकरासब अदमिसबके परोसेके लेल चेलासबके देलख । तब चेलासब रोटी आ मसरी बाटदेलख आ अदमिसब खाके अघा गेल,फिरभी उ रोटी आ मसरी न ओरैलख ।

![](https://cdn.door43.org/obs/jpg/360px/obs-en-30-09.jpg)

जब अदमिसब खालेलाके बाद उबरल रोटी आ मसरी जब जम्मा कैलख,तब बारह दउरासे भि बहुत उबर गेल रहे ।

*बाइबलको कथा: मत्ती १४:१३-२१; मर्कूस ६:३१-४४; लूका ९:१०-१७; यूहन्‍ना ६:५-१५ बाट*

## 31. ३१. यिसु पानी उपरी  बुल्लख

https://openbiblestories.org/l/thl-x-rautahat/story-31/

![](https://cdn.door43.org/obs/jpg/360px/obs-en-31-01.jpg)

तब यिसु अदमिसबके बिदा कके अपन चेलासबके डेङिमे चहरके समुनदरके औपार चल कहलख । लेकिन भिरके बिदा कदेलाके बाद यिसु पराथना करेके लेल पहारमे चहर गेल । तब उहबा यिसु एकेले रहगेल,आ पराथना करते करते रात होगेल तब पर भी यिसु पराथना करते रहे ।

![](https://cdn.door43.org/obs/jpg/360px/obs-en-31-02.jpg)

तब यिसुके चेलासब अपन डेङी चलाके जाइत रहे, फिरभी ओकनिके समुनदर मेही रहे,काहेकी बिपरित दिसासे सक्तिसाली आधीके कारन बहुत कठिनाइके साथ डेङी चलाके जाइत रहे ।

![](https://cdn.door43.org/obs/jpg/360px/obs-en-31-03.jpg)

जब यिसु पराथना सुधालेलाके बाद यिसु अपन चेलासबके पास जाए लगलख । तब समुनदरके पानी उपरी बुलैत ओकनिके डेङिके ओरी गेलख ।

![](https://cdn.door43.org/obs/jpg/360px/obs-en-31-04.jpg)

जब चेलासब यिसुके पानी उपरी बुलके अबैत देखलख,तब ओकनिके बहुत जोरसे डेरा गेल,काहेकी ओकनिके बिचार कैलख कि कवनो भुत न त बा । जब यिसु मालुम भेल कि, हमर चेलासब डेरा गेल बा,तब यिसु ओकनिसबके बोलैलख आ कहलख,“तोहनिके न डेरा हम बारी ।”

![](https://cdn.door43.org/obs/jpg/360px/obs-en-31-05.jpg)

तब पतरुस यिसुसे कहलख,“गुरु जी,यदी अपने हि बारी त हमे भी अपनेके पास पानी उपरी बुलके आबेके लेल अनुमती दिउ ।” तब यिसु पतरुससे कहलख,“आअ”

![](https://cdn.door43.org/obs/jpg/360px/obs-en-31-06.jpg)

ओहिसे पतरुस डेङी मेसे उतरके पानी उपरी बुलैत यिसुके पास जाए लगलख,तब यिसुके पास पहुच हि बला रहे कि,पतरुस पानिके लहर देखके डेरागेल,

![](https://cdn.door43.org/obs/jpg/360px/obs-en-31-07.jpg)

तब पतरुस डेरा गेलाके कारन पानिमे डुबे लगलख,तब बहुत जोरसे चिचियाके कहलख,“गुरु जी हमराके बचाउ ।”

![](https://cdn.door43.org/obs/jpg/360px/obs-en-31-08.jpg)

तब पतरुस आ यिसु डेङिमे चहर गेल तब तुरुन्त समुनदरके आन्ही रुकगेल आ पानी भि सान्त होगेल । यि देखके चेलासब चकित होगेल । तब चेलासब अइसे कहैत यिसुके परसंसा कैलख,“साचोमेही अपने त परमेस्वरके बेटा बारी ।”

*बाइबलको कथा: मत्ती १४:२२-३३; मर्कूस ६:४५-५२; यूहन्‍ना ६:१६-२१ बाट*

## 32. ३२. यिसु भुतअतमा लागल अदमी आ रोग लागल स्तिरीसबके निमन कैलख

https://openbiblestories.org/l/thl-x-rautahat/story-32/

![](https://cdn.door43.org/obs/jpg/360px/obs-en-32-01.jpg)

एक दिन यिसु आ ओकर चेलासब डेङिमे चहरके समुन्दरके औपार अदमिसब रहल गदरिनी एरियामे गेल ।

![](https://cdn.door43.org/obs/jpg/360px/obs-en-32-02.jpg)

जब ओकनिके तालके औपार गेल तब एकजना भुतअतमा लागल अदमी यिसुके पास दौरके अएलख ।

![](https://cdn.door43.org/obs/jpg/360px/obs-en-32-03.jpg)

यि अदमी बहुत बौकार रहे,काहेकी केहु भी ओकरा पकर राखे नसकैत रहे । अदमिसब ओकर हाथ आ गोर सिंकरसे बान्हके रखले रहे । लेकिन उ सिंकरके भि तुर देबे ।

![](https://cdn.door43.org/obs/jpg/360px/obs-en-32-04.jpg)

उ अदमीके बास मुरघटिमे रहे । उ अदमी हरेक दिन-हरेक रात चिचियाए आ उ उघारे रहे,आ उ अपना आपके पथलसे पिटैत रहैत रहे ।

![](https://cdn.door43.org/obs/jpg/360px/obs-en-32-05.jpg)

उ अदमी यिसुके पास आके ओकर गोरमे गिरगेल । तब यिसु उ भुतअतमासे कहलख,“यि मेसे निकलके बहरा आअ ।

![](https://cdn.door43.org/obs/jpg/360px/obs-en-32-06.jpg)

तब भुतअतमा लागल अदमी बहुत जोरसे चिचिआइत कहलख,“अपने हमरासे कथ चाहैत बारी,“हे परमपरभु परमेस्वरके बेटा ? हमराके पिरा मत दिउ !” तब यिसु उ दुस्ट अतमासे पुसलख कि,“तोहर नाओ कथी हौ ?” तब उ उतर देलख कि,हमर नाम सेना बा,काहेकी हमनिके बहुत जना बारी ।”

![](https://cdn.door43.org/obs/jpg/360px/obs-en-32-07.jpg)

उ भुतअतमासब यिसुसे बहुत बिन्ती कैलख,।“हमरा यि देससे बहरा न भेजाउ ।“तब उहबा एगो सुगरके बगाल चरैत रहे । तब यि भुतअतमासब यिसुसे बिन्ती कके कहलख कि,“ हमरा उपरी दया करु आ उ सुगरमे भेजा दुउ !” तब यिसु कहलख,“चल जोअ !”

![](https://cdn.door43.org/obs/jpg/360px/obs-en-32-08.jpg)

जब उ भुतअतमासब उ अदमिमेसे नकलके बहरा अएलख आ सुगरसबके भितरी ढुकगेल । तब उ सुगरके बगाल भागे लगलख आ समुन्दरमे खसके डुबके मरगेल । उ सुगरके बगालमे करिब २,००० गो सुगरसब रहे ।

![](https://cdn.door43.org/obs/jpg/360px/obs-en-32-09.jpg)

जब यि सुगरसबके देखरेख करेबला अदमी यि घटनाके देखलख,तब ओकनिके गाओके ओरी भागके गेल आ सभे अदमिसबके यिसुके कैल कामके बारेमे बतादेलख । तब उ बस्तीके अदमिसब निकलके अएलख आ भुतअतमा लागल अदमिके देखलख । यिसुके पास कपरा लगाके सान्तसे बैठल आ निमन अदमिके जइसन बातचित करैत देखलख ।

![](https://cdn.door43.org/obs/jpg/360px/obs-en-32-10.jpg)

अदमिसब बहुत जोरसे डेरागेल रहे,ओहिसे अदमिसब यिसुके उहबासे निकलके चलजाए कहके बिन्ती कएलख । जब यिसु डेङिमे चहरके जाएके लेल तयार होगेल । तब भुतअतमासे निमन भेल अदमी भी यिसुके सङे जाएके लेल बिन्ती कएलख ।

![](https://cdn.door43.org/obs/jpg/360px/obs-en-32-11.jpg)

लेकिन यिसु उ अदमिसे कहलख,“नअ,तु अपना घरमे लवट जोअ आ अपन दोस-महिमसबसे आ परिबारसबसे परमेस्वरके दयासे तोहरा जिबनमे कैसन काम कएलखसे उ सभे कामके बारेमे बता दे कहके हम चाहैत बारी ।”

![](https://cdn.door43.org/obs/jpg/360px/obs-en-32-12.jpg)

ओहिसे उ अदमी यिसुके पाससे चलगेल आ यिसु ओकर जिबनमे कैसन काम कैलखसे उ कामके बारेमे बखान कएलख । तब अदमिसब उ बातके सुनलख तब सभेजना आसचरज मानैत छक्क परगेल ।

![](https://cdn.door43.org/obs/jpg/360px/obs-en-32-13.jpg)

तब यिसु फेरुसे समुन्दरके अइपार लवटके अएलख । जब यिसु यि जग्हमे अएलख,तब बहुत बरका भिर ओकर चारुओर जम्मा होगेल आ यिसुके धकिले लगलख । उहे भिरमे एगो स्तिरी रहे । जेकराके कि,बारह बरिससे खुन गिरेबला रोगसे पिरा भोगैत रहे । उअपन सरा पैसा निमन होएके लेल बैधसबके तिर देलेरहे,लेकिन ओकर अबस्था और भि बिगरल जाइत रहे ।

![](https://cdn.door43.org/obs/jpg/360px/obs-en-32-14.jpg)

ओहिसे उ स्तिरिके मालुम रहे कि,यिसु बहुत अदमिसबके निमन कैलेबा कहके सुनले रहे । तब उ सोचलख कि,“हमरा पका मालुम होगेल कि,यदी हम यिसुके खाली बस्तर सु लेहब त हम निमन हो जाएब ।

![](https://cdn.door43.org/obs/jpg/360px/obs-en-32-15.jpg)

तब उ स्तिरी चपकेसे यिसुके सु लेलख,तब यिसुके मालुम होगेल कि,यिसुके सरिरसे एगो सक्ति निकल्लख । ओहिसे यिसु पछारी घुमलख आ पुसे लगलख कि,“हमरा के सुलख ?” तब चेलासब जबाफ देलख,“अपनेके चारुओर अदमिसबके भिर बा,आ अपनेके ठेल रहल बा आ अपने कहैत बारी कि,हमराके के सुलख कहके हनिसे पुस रहल बारी ?”

![](https://cdn.door43.org/obs/jpg/360px/obs-en-32-16.jpg)

जब उ स्तिरी यिसुके अइसन बात पुसैत सुनके यिसुके अगारी डरसे थर-थराइत यिसुके गोरमे जाके गिरलख । आ उ कैसे अपन बिमारसे निमन होगेलीसे यिसुके बता देलख । तब यिसु ओकरासे कहलख,“तोहर बिसबाससे तोहरा निमन कलौउ सान्तिसे जोअ ।“

*बाइबलको कथा: मत्ती ८:२८-३४; ९:२०-२२; मर्कूस ५:१-२०; ५:२४(ख)-३४; लूका ८:२६-३९; ८:४२(ख)-४८ बाट*

## 33. ३३. किसानके कथा

https://openbiblestories.org/l/thl-x-rautahat/story-33/

![](https://cdn.door43.org/obs/jpg/360px/obs-en-33-01.jpg)

एक दिन,यिसु समुन्दरके किनारे बहुत बरका अदमिसबके भिरके सिक्छा देइत रहे । तब यिसुके बात सुनेके लेल येतना न बहुत अदमिसब अएलख कि,बोलेके लेल बहुत जगह नहोएलाके कारन यिसु समुन्दरके छेवमे रहल डेङि उपरी चहरके बैठगेल आ अदमिसबके सिक्छा देबेलगलख ।

![](https://cdn.door43.org/obs/jpg/360px/obs-en-33-02.jpg)

तब यिसु यि कथा कहलख,“एकजना किसान बिया छिटेके लेल खेतमे गेल । जैसे उ बिया छिटलख तब कुछ बिया रस्तामे जा गिरलख,तब चिरैसब अएलख आ खागेल ।”

![](https://cdn.door43.org/obs/jpg/360px/obs-en-33-03.jpg)

आ कुछ बिया पथलाह जमिनमे जागिरलख,जहाँ कि माटी बहुत कम होएलाके कारनसे पथलाह जमिनमे परल बिया बहुत जलदी जामगेल,लेकिन ओकर जर माटिमे न गरलाके कारनसे जब रउद लगलख आ गरमी भेल तब उ बियासब मौरगेल ।”

![](https://cdn.door43.org/obs/jpg/360px/obs-en-33-04.jpg)

कुछ बिया काटके झोखिमे जा गिरलख । तब उ बिया जामेला त जमलख माने काटसब ओकराके तोप देलख । ओहिसे काटके झोखीमे परल बिया फल फलाए नसकलख ।”

![](https://cdn.door43.org/obs/jpg/360px/obs-en-33-05.jpg)

लेकिन कुछ बिया निमन जमिनमे परलख । तब उ बिया जमलख आ ३०,गुना,६०गुना,आ १०० गुनासे बहुत फल फलैलख । जेकरा कान बा उ सुनो ।

![](https://cdn.door43.org/obs/jpg/360px/obs-en-33-06.jpg)

तब यि कथा सुनके चेलासब अलमलमे परगेल । ओहिसे यिसु चेलासबके बुझैलख,“ बिया परमेस्वरके बचन बा । रस्ता उ अदमी बा,जे परमेस्वरके बचन सुनैए,लेकिन उ नबुझैए,ओहिसे दुस्ट ओकरासे परमेस्वरके बचन छिनके लेजाइए ।“

![](https://cdn.door43.org/obs/jpg/360px/obs-en-33-07.jpg)

“पथलाह जमिन उ अदमी बा,जे परमेस्वरके बचन सुनैए आ बहुत खुसिके साथ बचनके स्वीकार करैए । लेकिन जब ओकरा उपरी कठिन परिस्थीके साथ सतावटके समना करै,तब उ बिसबाससे पछारी हट जाइए ।”

![](https://cdn.door43.org/obs/jpg/360px/obs-en-33-08.jpg)

“काटके झोखिमे परल बिया उ अदमी बा,जे परमेस्वरके बचन सुनैए,लेकिन जइसे-जइसे समय बितैत जाइए,जिबनके चिन्ता-फिकरी,धनसम्पती आ आनन्द,सुख-बिलासके कारन परमेस्वर परती ओकर बिसबासके तोप देइए । फलस्वरुप उ जे सुनै उ सिक्छासे ओकर जिबनमे कवनो फल नफलाइए ।

![](https://cdn.door43.org/obs/jpg/360px/obs-en-33-09.jpg)

“लेकिन असल जमिनमे परल बिया उ अदमी बा,जे कि,परमेस्वरके बचन सुनैए आ बिसबास करैए तब उ बहुत फल फलाइए ।”

*बाइबलको कथा: मत्ती १३:१-८, १८-२३; मर्कूस ४:१-८, १३-२०; लूका ८:४-१५ बाट*

## 34. ३४. यिसु आरू भि कथासब सिखैलख

https://openbiblestories.org/l/thl-x-rautahat/story-34/

![](https://cdn.door43.org/obs/jpg/360px/obs-en-34-01.jpg)

परमेस्वरके राज्यके बिसयमे यिसु आरु बहुत कथासब कहलख । यि कथासब उदाहरनके लेल,यिसु कहलख,“परमेस्वरके राज्य एगो राइके बियाके समान बा,जे अपन खेतमे लगैलख । उ सागपातके झारसे बहुत बरका होजाइए तोहनिसबके मालुमे बा कि,राइके बिया, बियासबमे सबसे छोट रहैए ।”

![](https://cdn.door43.org/obs/jpg/360px/obs-en-34-02.jpg)

“लेकिन जब राइके बिया जमैए,तब उ खेतके सागपातके बिरुबासे बहुत बरका होजाए,येतना बरका होइए कि येकर ढारहमे चिरैसब बैठके अराम करैए ।”

![](https://cdn.door43.org/obs/jpg/360px/obs-en-34-03.jpg)

सेकरबाद यिसु दोसर कथा कहलख,“परमेस्वरके राज्य फिटकिरीके जइसन बा,जेकरा एगो जनि रोटी बनाएके लेल पिसानमे मिलाके सौनैए आ उ फिटकिरी सभे पिसानके लोइयाके फुले बला बनादेइए ।”

![](https://cdn.door43.org/obs/jpg/360px/obs-en-34-04.jpg)

“परमरस्वरके राज्य एगो गारल धनके जइसन बा,जवनकी कवनो अदमी जमिन खनके अपन धन भितरी लोकाके रखले रहे । तब दोसर अदमीके उ गारल धन मिलगेल तब उ फेरू ओकराके उहबे गारदेलख । तब उ बहुत खुसी भेल आ अपन सरा सम्पती बेचके उ खेत किन लेलख ।”

![](https://cdn.door43.org/obs/jpg/360px/obs-en-34-05.jpg)

“परमेस्वरके राज्य बहुमुल्य मोतिके जइसन बा । जब कवनो ब्यपारीके उ मोती मिलजाइए । तब उअपन सरा धन बेचके उसे आएल सभे पैसा उ मोती किनेके लेल खरचा करैए ।

![](https://cdn.door43.org/obs/jpg/360px/obs-en-34-06.jpg)

सेकरबाद यिसु कुछ अदमिसबके लेल फेरूसे एगो कथा कहलख,जे अपन असल आ धारमिक कामसबमे भरोसा करैत रहे । आ दोसर अदमिसबके घिरना करे । उ कथा अइसेबा ,“दुजना अदमी मन्दिरमे पराथना करेके लेल गेल । ओकनिमेसे एक जना कर उठाएबला अदमी रहे,आ दोसरका अदमी एगो धरमिक अगुवा रहे ।”

![](https://cdn.door43.org/obs/jpg/360px/obs-en-34-07.jpg)

तब उ धारमिक अगुवा अइसे कहैत पराथना करे लगलख,“धन्यबाद हे परमेस्वर हम आरु अदमिसबके जइसन पापी न बारी । जइसे कि,चोरी करेबला,भरस्टाचार करेबला,अन्याय करबला,ब्यभिचार करेबला,आ उ कर उठाएबल अदमी जइसन हम न बारी ।”

![](https://cdn.door43.org/obs/jpg/360px/obs-en-34-08.jpg)

“ हम हरक हप्तामे दुबार उपबास बैठैसी आ हमपन सभे कमाके आ सभे सम्पतिके दसांसके हिसा हम अपनेके चरहाइसी ।”

![](https://cdn.door43.org/obs/jpg/360px/obs-en-34-09.jpg)

“लेकिन उ कर उठाएबला अदमी धारमिक अगुवासे दुरे रहके स्वरगके ओरी अपन आख न उठाके उअपन छाती पिट-पिटके पराथना करे लगलख,“हे परमेस्वर हमरा उपरी दया देखाउ काहेकी हम एक पापी अदमी बारी ।”

![](https://cdn.door43.org/obs/jpg/360px/obs-en-34-10.jpg)

सेकरबाद यिसु कहलख,“हम तोहनिसबसे सच कह रहल बारी कि,परमेस्वर उ कर उठाएबला अदमिके पराथना सुनले होइ आ ओकरे धरमी ठहरैले होइ । लेकिन परमेस्वरके उ धारमिक अगुवाके पराथन मन न परहोइ । ओहिसे हरेक जे अपनाके बरका बनाइ ओकराके परमेस्वर छोट बनादी,लेकिन जे अपनाके छोट बनाइ ओकराके परमेस्वर बरका बनाइ ।”

*बाइबलको कथा: मत्ती १३:३१-३३, ४४-४६; मर्कूस ४:३०-३२; लूका १३:१८-२१; १८:९-१४ बाट*

## 35. ३५. दयालु बाबुके कथा

https://openbiblestories.org/l/thl-x-rautahat/story-35/

![](https://cdn.door43.org/obs/jpg/360px/obs-en-35-01.jpg)

एक दिन यिसु बहुत कर उठाएबला आ पापी अदमिसबके सिक्छा देइत रहे । आ ओकनिके यिसुके बात सुनेके लेल जम्मा भेल रहे ।

![](https://cdn.door43.org/obs/jpg/360px/obs-en-35-02.jpg)

तब उहबा जम्मा भेल कुछ धारमिक अगुवासब यिसुके देखलख कि,पापीसबसे भि संहातियाके जइसन ब्यबहार करैत रहे । तब ओकनिके एक-आपसमे यिसुके आलोचना करे लगलख । ओहिसे यिसु ओकनिके यि कथा सुनैलख ।

![](https://cdn.door43.org/obs/jpg/360px/obs-en-35-03.jpg)

“एकजना अदमी दुगो बेटा रहे । छोटका बेटा अपन बाबुजिसे कहलख,“बाबु हमरा अखुनिय हमर फाटमे परेबला सम्पती चाही ।

![](https://cdn.door43.org/obs/jpg/360px/obs-en-35-04.jpg)

“ तब ओकर बाबु छोटका बेटाके फाटमे परेबला सरा सम्पती देदेलख । तब उअपन सभे सम्पती बेचके घर छोरके दुरके सहरमे चलगेल आ अपन सरा रुपैया-पैसा जिबनके मौजमस्तिमे उरालेलख ।

![](https://cdn.door43.org/obs/jpg/360px/obs-en-35-05.jpg)

“कुछ समयके बाद,जहा उ घर छोरके गेल रहे उहबा अकाल परगेल तब ओकरा पासमे रहल सभे पैसा भि ओरागेल रहे । ओहिसे खाएकेलेल कुछो किने नसकलख । तब उ कामके खोजी करे लगलख । तब ओकरा सुगरके चरा खिआएके काम मिल्लख । ओकर अबस्था बहुत खराब रहे ओहिसे उ भुखके मारे सुगरके चरा खाएमे तुल गेल ।”

![](https://cdn.door43.org/obs/jpg/360px/obs-en-35-06.jpg)

“तब ओकर छोटका बेटा अपनाके कहलख,“हम यि कथी करे जारहल बारी ?हमर बाबुके घरमे सभे नोकरसबके खाएकेलेल बहुत खना बा । आ हम यिहबा भुखसे मर रहल बारी । आब हम हमअपन बाबुके लगे लवटके जाएब आ ओकर एगो नोकरके समान हमरा स्वीकार करला कहके हमअपन बाबुसे अनुरोध करब ।“

![](https://cdn.door43.org/obs/jpg/360px/obs-en-35-07.jpg)

“तब ओकर छोटका बेटा अपन बाबुके घरके ओरी लवट गेल । जइसे ओकर छोटका बेटा घरमे अबैत बा कहके मालुम भेल तब ओकर बाबु ओकराके कुछ दुरसे देख लेलख तब ओकर बाबुके मन दयासे भर गेल । तब ओकर बाबु अपन बेटाके ओरी दौरके गेलख आ भर पजा पकरके चुमा कैलख ।”

![](https://cdn.door43.org/obs/jpg/360px/obs-en-35-08.jpg)

“तब ओकर बेटा अपन बाबुसे कहलख,‘बाबु, हम परमेस्वरके आ तोहर बिरोधमे पाप कएले बारी । हम तोहर बेटा कहलाएके योग्यके न बारी ।”

![](https://cdn.door43.org/obs/jpg/360px/obs-en-35-09.jpg)

“लेकिन ओकर बाबु अपन नोकरसबमेसे एकजना नोकरके कहलख,‘झलदी जोअ सबसे बन्हिया कपरा लेके येकराके पेन्हादे ।

![](https://cdn.door43.org/obs/jpg/360px/obs-en-35-10.jpg)

“ तब ओकर बाबु अपन अदमिसबके सङे खुसियाली मनाएके सुरु कैलख । कुछ समय बित गेलाके बाद जेठ बेटा खेतमेसे काम कके अपन घरमे लवटके अएलख,तब उ नाच-गानके अबाज सुनल्लख तब उ अपन नोकरसबसे पुसलख कि यि कथी होरहल बा । उ छक्क परगेल ।”

![](https://cdn.door43.org/obs/jpg/360px/obs-en-35-11.jpg)

“जब जेठका बेटाके मलुम भेल कि,हमर छोटका भाइ लवटके घरमे अएलख ओहिसे ओकनिके खुसियाली मना रहलबा । तब उ बहुत जोरसे अपन बाबुमे खिसिया गेल आ घरमे ढुकेके न चाहलख । तब ओकर बाबु जेठका बेटासे भेटेके लेल बहरा अएलख आ ओकरासे कहलख तुहु घर भितर आअ आ सभेसङे खुसियाली मना कहके आगरह कैलख । लेकिन जेठका बेटा अइसे करसे इन्कार कदेलख ।”

![](https://cdn.door43.org/obs/jpg/360px/obs-en-35-12.jpg)

“जेठका बेटा अपन बाबुसे कहलख,‘हमे जबि भि हरेक बरिस बिसबासके साथ अपनेके लेल काम कैली । माने हमरा एकेगो खुसियाली मनाएके लेल एगो बकरिके पठरु भि नदेला ताकी हम हमअपन सङहतियासबके सङे खुसियाली मनाउ । लेकिन यि तोहर छोटका बेटा अपन सरा सम्पती ओराके अलौव फिरभी ओकरा लेल तुउ पालल बछा कटबाके खुसियाली मना रहल बरा ।”

![](https://cdn.door43.org/obs/jpg/360px/obs-en-35-13.jpg)

“तब ओकर बाबु जबाफ देलख, देख बेटा तु त हरमेसा हमरे सङे बारे,आ हमर सभे चिज तोहरे हौव । लेकिन यि खुसियाली मनैला हमरा उचित लगलख,काहेकी तोहर भाइ मर गेल रहलो,लेकिन आब जि गेल हव । उ भुतलागेल रहलव,लेकिन लवटके आगेल हव ।

*बाइबलको कथा: लूका १५:११-३२ बाट*

## 36. ३६. यिसुके रूप परिबरतन

https://openbiblestories.org/l/thl-x-rautahat/story-36/

![](https://cdn.door43.org/obs/jpg/360px/obs-en-36-01.jpg)

एक दिन यिसु अपन साथमे तिनगो चेलासबके लेकेगेल जइसेकि, पतरुस,याकुब आ यिहुन्ना रहे ,ओकनिके पहारमे पराथनाके लेल गेल ।

![](https://cdn.door43.org/obs/jpg/360px/obs-en-36-02.jpg)

जब यिसु पराथना करैत रहे,तब यिसुके चेहरा सुरुजके जइसन चमकैत रहे,आ ओकर लगाएल कपरा इजोतके जइसन उजर होगेल ।

![](https://cdn.door43.org/obs/jpg/360px/obs-en-36-03.jpg)

सेकर बाद उहबा मोसा आ एलिया अगमबक्ता देखाइ देलख । यि अदमिसब उ घटना होयसे सयौ बरिस पहिलेही ओकनिके रहे । ओकनिके यिसुसंङे ओकर मिरतुके बारेमे बात करैत रहे,जवन कि,बहुत जलदी हि यरुसलेममे होए बला रहे ।

![](https://cdn.door43.org/obs/jpg/360px/obs-en-36-04.jpg)

जब मोसा आ एलिया यिसुसङे बातचित करैत रहे,तब पतरुस यिसुसे कहलख,“हमनिके यिहबे रहला असल बा । हमनिके यिहबे रहेके लेल तिनगो घर बनाउ,एगो अपनेके लेल,एगो मोसाके लेल आ एगो एलियाके लेल,जब पतरुस यि बात बोलैत रहे,तब ओकरा मालुमे न भेलकि,हम कथी बोल रहल बारी ।

![](https://cdn.door43.org/obs/jpg/360px/obs-en-36-05.jpg)

जब पतरुस बोलैत रहे,तब ओकनिके एगो बादल निचा हएलख आ ओकनिके तोपदेलख । सेकरबाद बादलसे परमेस्वर अइसे बिल्लख,“यि हमर दुलरुया बेटा बा,जेकराके हम मया करैसी । हम ओकरासे बहुत खुसी बारी । ओकर कहल बातसब सुनहे ।”तब चेलासब डेराके भुइयामे मुहखुरिया देलख ।

![](https://cdn.door43.org/obs/jpg/360px/obs-en-36-06.jpg)

जब यिसु चेलासबके सुके उठाइत कहलख,“तोहनिके न डेरा,उठ”तब चेलासब उहबा एनेओने देखलख त खाली यिसु केहि देखलख ।

![](https://cdn.door43.org/obs/jpg/360px/obs-en-36-07.jpg)

जब यिसु अपन तिनु चेलासबके सङे पहारसे निचा उतरके अएलख । तब यिसु ओकनिसे कहलख,“यिहबा भेल घटनाके बारेमे अभी केकरोसे किसियो नकहिहे । हम बहुत जलदी हि मरे जारहल बारी । लेकिन हम फेरु मरल मेसे जि जाएब । सेकरबाद तोहनिके अदमिसबके कह सुना सकैत बारे ।”

*बाइबलको कथा: मत्ती १७:१-९; मर्कूस ९:२-८; लूका ९:२८-३६ बाट*

## 37. ३७. यिसु लाजरसके मिरतुसे जियादेलख

https://openbiblestories.org/l/thl-x-rautahat/story-37/

![](https://cdn.door43.org/obs/jpg/360px/obs-en-37-01.jpg)

एक दिन यिसु लाजरस बहुत जोरसे बिमार परल बा कहके खब्बर पैलख । तब लाजरस आ ओकर दुगो दिदी मरियम आ मरथा यिसुके नजिकके सङहतिया रहे । जब यिसु यि समाचार सुनल्लख,तब यिसु कहलख,“यि बिमारी मिरतु न कराइ,लेकिन यि त परमेस्वरके महिमाके लेल बा ।”यिसु अपन सङहतियासबके बहुत मया करे,लेकिन यिसु खब्बर सुनके भि आरु दु दिनतक उहबे रहगेल । जहा कि यिसु बैठैत रहे ।

![](https://cdn.door43.org/obs/jpg/360px/obs-en-37-02.jpg)

दु दिनके बाद,यिसु अपन चेलासबसे कहलख,“अबैजो,आब हमनिके यहुदियामे लवटजाउ ।”तब चेलासब जबाफ देलख,“लेकिन गुरु जी ! कुसे दिनके त,बात बा कि,उहबाके अदमिसब अपनेके मुयाएके खोजैत रहे ।

![](https://cdn.door43.org/obs/jpg/360px/obs-en-37-03.jpg)

तब यिसुके चेलासब जबाफ देलख,“ परभु यदी लाजरस सुतल होइ त ,उ जरुरे उठी ।”तब यिसु चेलासबसे खुलके कहदेलख कि,“लाजरस मर गेल बा । हमरा उहबा न रहला मे ही खुसी बारी,कहेकी आब ओकनिके अपन आखसे अदभुत बात देखी,जेकर कारनसे तोहनिके ओकरा उपरी बिसबास करबे ।”

![](https://cdn.door43.org/obs/jpg/360px/obs-en-37-04.jpg)

जब यिसु लजरसके घरमे पहुचलख,तब लाजरस चार दिन पहिलेही मर गेल रहे । यिसुके भेटेके लेल मरथा बहरा निकलके अएलख आ यिसुसे कहलख,“ परभु,यदी अपने यिहबा रहती त,हमर भाइ न मरैत । लेकिन हम बिसबास करैत बारी कि,अपने परमेस्वरसे जवन चिज माङब उ अपनेके दे दीइ ।”

![](https://cdn.door43.org/obs/jpg/360px/obs-en-37-05.jpg)

तब यिसु जबाफ देलख,“पुनररुथान आ जिबन हमही बारी । जेकनिके हमरा उपरी बिसबास करी,ओकनिके कहियोन मरी । कथी तु यि बात पर बिसबास करैत बारे ?”मरथा जबाफ देलख,“ह परभु ”

![](https://cdn.door43.org/obs/jpg/360px/obs-en-37-06.jpg)

सेकरबाद मरियम अएलख आ यिसुके गोर पकरके कहलख,“परभु यदी अपने यिहा रहती त हमर भाइ न मरैत ।” तब यिसु ओकनिसे पुसलख कि,“तोहनिके लाजरसके कहा गारले बारे ?”ओकनिके यिसुसे कहलख,“लाजरसके यिहे गुफामे गारले बा ।” तब लजरसके गारल देखके यिसु रोएलख ।

![](https://cdn.door43.org/obs/jpg/360px/obs-en-37-07.jpg)

उ कबर एगो गुफाके जइसन रहे,जेकर मुहमे पथलके पेहनासे बन्द कदेले रहे । जब यिसु लाजरसके कबरके पास गेल,तब यिसु ओकनिससे कहलख,“येकर पेहना हटादे ।” तब मरथा कहलख,ओकर मरला चार दिन होगेल ।आब त उ गिन्हा गेल होइ ।

![](https://cdn.door43.org/obs/jpg/360px/obs-en-37-08.jpg)

तब यिसु ओकरासे कहलख,“कथी हम तोनिके कहले न रहलियौ कि,जब तोहनिके हमरा उपरी बिसबास करबे त परमेस्वरके महिमा देखबे ?” तब ओहिसे ओकनिके कबरके पेहना हटादेलख ।

![](https://cdn.door43.org/obs/jpg/360px/obs-en-37-09.jpg)

तब यिसु स्वरगके ओरी देखलख आ कहलख,“हे हमर पिता,तु हमर बात सुनल्ला ओहिसे तोहरा धन्यबाद । हम जनैत बारी कि,तु हमर हरेक बात सुनैसा,लेकिन हम यि बात यिहबा खराभेल सभे अदमिसबके खातिर कहरहल बारी,ताकी ओकनिके बिसबास करे कि,तुही हमरा भेजएले बरा । सेकरबाद यिसु जोरसे बोलैलख कि, “लाजरस,बहरा निकलके आजोअ ।

![](https://cdn.door43.org/obs/jpg/360px/obs-en-37-10.jpg)

तब लाजरस कब्बरसे बहरा निकल गेल ।

![](https://cdn.door43.org/obs/jpg/360px/obs-en-37-11.jpg)

लेकिन यहुदिसबके धारमिक अगुवासब डाह करे लगलख,ओहिसे ओकनिके कैसे यिसुके आ लाजरसके मारब कहके ओकनिके योजना बनाएके लेल एक साथ जम्मा भेल ।

*बाइबलको कथा: यूहन्‍ना ११:१-४६ बाट*

## 38. ३८. यिसुके धोखा देलख

https://openbiblestories.org/l/thl-x-rautahat/story-38/

![](https://cdn.door43.org/obs/jpg/360px/obs-en-38-01.jpg)

हरेक बरिस,यहुदिसब निस्तार पबनि मनाए । उ एगो पबनीके रुपमे मनाइत अबैत रहे, जवन कि,कयौ सताब्दिसे कैसे परमेस्वर ओकनिके पुरखासबके मिस्रदेसके दासत्वसे बचाके लेअएले रहे ओकर सम्झनामे मनाइत अबैत रहे । यिसु पहिलका बार खुलारुपसे परचार आ सिक्छा देबेलगलख उसे करिब तिन बरिसके बाद,यिसु अपन चेलासबके ओकनिसबके सङे येरुसलेममे निस्तार पबनि मनाएके लेल कहलख,आ यि भि अपन चेलासबसे कहलख कि,उ उहबा मारल जाइ ।

![](https://cdn.door43.org/obs/jpg/360px/obs-en-38-02.jpg)

यिसुके चेला मध्यमेसे यहुदा नामके एगो चेला रहे । उ सभे चेलासबके रुपैया पैसाके नेमजाके जिम्मा लेलेरहे । लेकिन उ रुपैया पैसाके बहुत मोह करे आ बहुत बार उ पैसाके थैलिसे पैसा चोरालेले रहे । जब यिसु अपन चेलासबके सङे यरुसलेममे अएलख,तबयहुदा यहुदी अगुवासबके लगे गेल आ पैसा लेके यिसुके धोखा देबेके लेल परसताब रखलख । यहुदी अगुवासब यिसुके मसिह कहके स्वीकार न करैत रहे । आ यिसुके मारेके लेल जाल रचैत बा कहके ओकरा मालुम रहे ।

![](https://cdn.door43.org/obs/jpg/360px/obs-en-38-03.jpg)

परमुख पुजहारिके अगुवाइमे,यहुदी अगुवासब यिसुके बिसबासघात करेके लेल यहुदाके तिस गो चानिके डलर देलख । जइसे अगमबक्तासब भबिस्यबानी कैले रहे,औसनके यिसुके जिबनमे घटना घटलख । तब यहुदा उ बातके मन्जुर कैलख आ पैसा लेके उहबासे चलगेल । ताकी यिसुके पकरेके लेल सहायता कर सके कहके मौकासब खोजे लगलख ।

![](https://cdn.door43.org/obs/jpg/360px/obs-en-38-04.jpg)

जब येरुसलेममे,यिसु अपन चेलासबके सङे निस्तार पवनि मनाएके लेल गेल । तब निस्तार पबनिके भोजके समयमे यिसु रोटी लेके धन्बाद देलख आ तुरके अपन चेलासबके देइत कहलख ,“यि लेअ आ खोअ । यि हमर देह बा,जवन कि,तोहनिके लेल देले बा । यि हमर यादमे करिहे ।”यिला यिसु कहलख कि,ओकर देह ओकनिके लेल बलिदान होइ ।

![](https://cdn.door43.org/obs/jpg/360px/obs-en-38-05.jpg)

तब फेरु यिसु अँगुरके रस बला गिलास लेके धन्यबाद देलख आ चेलासबसे कहलख,“यि लेके पिइ । काहेकी यि नया करारके खुन बा,जवन पाप समाके लेल बहाएल जाइ । जब तोहनिके हरेक बार तोहनिके पिहे तब तोहनिके हमरा इयाद करिहे ।”

![](https://cdn.door43.org/obs/jpg/360px/obs-en-38-06.jpg)

सेकरबाद यिसु चेलासबसे कहलख,“तोनिसबमेसे एकजना हमरा धोखा दिइ ।” यिसुके अइसन बात सुनके चेलासब छक्क परगेल,आ चेलासब यिसुसे पुसे लगलख कि, उ के बा । तब यिसु कहलख,“जेकरा हम यि रोटिके टुकरा देहब उहे हमराके धोखा दी ।”सेकरबाद यिसु उ रोटिके टुकरा यहुदाके देलख ।

![](https://cdn.door43.org/obs/jpg/360px/obs-en-38-07.jpg)

जब यहुदा रोटिके टुकरा लेलख,तब सैतान यहुदामे ढुकगेल आ यहुदा उहबासे निकलके यिसुके पकरबाएमे सहयोग करेके लेल यहुदी अगुवासबके लगे गेल । उ समय रातके समय रहे ।

![](https://cdn.door43.org/obs/jpg/360px/obs-en-38-08.jpg)

भोजन कलेलाके बाद यिसु अपन चेलासबके सङे बुलैत जैतुन पहारमे पराथनाके लेल गेल,आ अपन चेलासबसे कहलख,“तोहनिके आजुके रात हमराके एकेले छोरदेबे । धरमसास्तरमे अइसे लिखल बा कि,“हम चरबाहके परहार करब तब ओकर सभे भेरासब राइसाइ होजाइ ।

![](https://cdn.door43.org/obs/jpg/360px/obs-en-38-09.jpg)

तब पतरुस यिसुके जबाफ देलख,“सभेकोइ अपनेके त्याग देलामे भी हम अपनेके त्यागे नसकैत बारी ।

![](https://cdn.door43.org/obs/jpg/360px/obs-en-38-10.jpg)

तब पतरुस यिसुके अइसे भी कहलख,“हमरा मरेके परी तब पर भी,हम अपनेके कहियोन इन्कार नकरब ।

![](https://cdn.door43.org/obs/jpg/360px/obs-en-38-11.jpg)

सेकरबाद यिसु अपन चेलासबके सङे गेतसमनी कहेबला जग्हमे गेल । आ अपन चेलासबसे परिक्छामे न परु कहके पराथना करेके लेल कहलख । सेकरबाद यिसु चेलासबके छोरके अकेले पराथना करेके लेल चलगेल ।

![](https://cdn.door43.org/obs/jpg/360px/obs-en-38-12.jpg)

तब यिसु तिनबार पराथना कैलख,“हे पिता हो सकैत बा त,हमरा उपरी दया करु ताकी यि कचोराके कस्ट पिएके नपरे । लेकिन अदमिसबके पापसे मुक्ती पाएके लेल आरु कवनो रस्ता न बा त,अपने अपन इक्छा पुरा करु ।“ यिसु बहुत चिन्तामे रहे आ ओकर पसिना खुन बनके बुन्दे-बुन्दे गिरैत रहे । तब परमेस्वर स्वरगदुतके यिसुके सक्ती देबेके लेल भेजलख ।

![](https://cdn.door43.org/obs/jpg/360px/obs-en-38-13.jpg)

पराथनाके समयके बाद,यिसु अपन चेलासबके लगे लवटके अएलख । लेकिन चेलासब निनाइत रहे । जब यिसु तिसरका बार फेरु अपन चेलासबके पास अएलख तब फेरु ओकनिके सुतले रहे,तब यिसु चेलासबसे कहलख,“उठ”

![](https://cdn.door43.org/obs/jpg/360px/obs-en-38-14.jpg)

तब यहुदी अगुवासब सैनिकसबके साथ लेके अएलख,जब ओकनिके अपन हाथमे तलबार,लाठी लेके यहुदाके साथ अएलख । तब यहुदा यिसुकेलगे अएलख आ यिसुसे कहलख,“गुरु जी गोर लगैत बारी कहके यिसुके चुमा लेलख ।उ यहुदी अगुवासबके लेल उ केकराके पकर बाएके बा से संकेत रहे । तब यिसु कहलख यहुदा तुउ हमरा चुमा लेके धोखा देइत बारे ?”

![](https://cdn.door43.org/obs/jpg/360px/obs-en-38-15.jpg)

जब सेनासब यिसुके पकर लेलख तब पतरुस अपन तलबार निकालके एगो परधान-पुजहारीके एगो नोकरके कान काटदेलख । तब यिसु पयरुससे कहलख,“तलबारके म्यान भितरी राख ।

*बाइबलको कथा: मत्ती २६:१४-५६; मर्कूस १४:१०-५०; लूका २२:१-५३; यूहन्‍ना १२:६; १८:१-११ बाट*

## 39. ३९. महासभाके सामने यिसु

https://openbiblestories.org/l/thl-x-rautahat/story-39/

![](https://cdn.door43.org/obs/jpg/360px/obs-en-39-01.jpg)

मध्य रातके समय रहे । जब सेनासब सोधपुस करेके लेल यिसुके परमुख पुजहारिके घरमे लेगेल । तब पतरुस ओकनिसबके पछारी-पछारी गेल । जब यिसुके घर भितरी लेगेल, तब पतरुस बहरा बैठके आगी तपैत रहे ।

![](https://cdn.door43.org/obs/jpg/360px/obs-en-39-02.jpg)

तब यिसुके घर भितर लेगेल,यहुदी अगुवासब महासभके सामने खरा कैलख । तब ओकनिके यिसुके बिरोधमे बहुत झुठा सक्सिसब ल्यैलख,तब ओकनिके यिसुके बारेमे झुठ बोल्लख । फिरभी ओकनिके ब्यान एक-आपसमे मिल्दो जुल्दो नरहे,तबपर भि यहुदी अगुवासब यिसुके कवनो भि बातमे दोसी परमानित नकरे सकलख । तैयो मे भी यिसु किसियो न बोल्लख चुपचाप सुनैत रहे ।

![](https://cdn.door43.org/obs/jpg/360px/obs-en-39-03.jpg)

जब ओकनिके कवनो बातपर दोस न भेटैलख तब अन्मे जाके परमुख पुजहारी सिधे यिसुके ओरी देखैत पुसलख कि,“हमनिसबके बता कि,कथी मसिहा तुही बारे ? जिबित परमेस्वरके बेटा ?”

![](https://cdn.door43.org/obs/jpg/360px/obs-en-39-04.jpg)

तब यिसु कहलख,“ हम बारी,तोहनिके हमरा परमेस्वरके दहिना हाथ ओरी बैठल देखबे आ स्वरगसे न्याय करेके लेल यि संसारमे अबैत देखबे ।” तब यिसुके अइसन बात सुनके परमुख पुजहारी खिसके मारे अपन बसतरके फारलेलख आ आरु धरमिक अगुवासबसे अइसे बहुत जोरसे चिचियाके कहलख,“आब हमनिके कवनो गबाही नचाही ।

![](https://cdn.door43.org/obs/jpg/360px/obs-en-39-05.jpg)

सभे यहुदी अगुवासब जबाफ देलख,“ यि मरेके हि योग्यके बा ।”

![](https://cdn.door43.org/obs/jpg/360px/obs-en-39-06.jpg)

जब पतरुस घरके बहरा यिसुके लेल असियाएल बैठलरहे,तब एकजना नोकरनी पतरुसके देखके कहलख,“तुहु यिसुके सङे रहैत रहले तु ओकरे चेला बारे । लेकिन पतरुस इन्कार कैलख कि,हम ओकरा नचिन्हैसी । जब पतरुस घरके ओसरामे अएलख तब फेरुँ दोसर नोकरनी पतरुसके देखके कहलख,“यि अदमि भि यिसुके साथ रहे ।” तब फेरु पतरुस फेरु इन्कार कदेलख । अन्तमे जवन अदमिसबके सङे खरा भेल रहे,ओकनिके पतरुसके पास आके कहलख,“हमनिके मालुम बाकि,तुहु यिसुके साथमे चलेत रहले काहेकी तोहनिके दुनुजना गालिलसे हि बारे ।”

![](https://cdn.door43.org/obs/jpg/360px/obs-en-39-07.jpg)

जब पतुरुस ओकनिके औसन बात सुनल्लख तब उ अपन मनमे बिचार करैत किरिया खाए लगलख,“यदी हम यिसुके चिन्हैसी कहैत बारी त परमेस्वर हमरा सराप देओ ।“तब तुरुन्त मुरगा बान देलख तब यिसु घुमके पतरुसके ओरी देखलख ।

![](https://cdn.door43.org/obs/jpg/360px/obs-en-39-08.jpg)

तब पतरुस उहबासे बहरा आके फुट-फुटके रोए लगलख । उहे बिचमे,उ बिसबासघाती यहुदा आ यहुदी अगुवासब यिसुके अपराधी साबित कके मारेके चाहैत रहे । अइसन देखके यहुदा बहुत दुखित होएलख आ यहुदा अपना आपके आतम्हत्या कलेलख ।

![](https://cdn.door43.org/obs/jpg/360px/obs-en-39-09.jpg)

बिहान भेला सबेरे,यहुदी अगुवासब यिसुके रोमी राज्यपाल पिलातसके समने ल्यैलख । ओकनिके यि असा कैलेरहे कि,पिलातस यिसुके अपराधी ठहराके मिरतुडन्डके सजाए देदी । जब पिलातस यिसुसे पुसलख कि,“कथी तुउ यहुदिसबके रजा बरे ?”

![](https://cdn.door43.org/obs/jpg/360px/obs-en-39-10.jpg)

तब यिसु जबाफ देलख,“अपनेहु अइसे कहैत बारी,लेकिन हमर राज्य संसारिक राज्य नबा । यदी अइसे होइत त,हमर सेबकसब हमरा लेल लराइ करैत । हम यि संसारमे परमेस्वरके सत्य बचन बताएके लेल आएल बारी । सभेजना जे सत्यताके परेम करैए आ ओकनिके हमर बात सुनैए।“तब पिलातस यिसुसे पुसलख,सत्य बचन कथी बा ?”

![](https://cdn.door43.org/obs/jpg/360px/obs-en-39-11.jpg)

जब पिलातस यिसुसे बात कलेलाके बाद,पिलातस बहरा जाके तिनबार कहलख,“हम यि अदमिमे कवनो किसिमके अपराधिक दोस न देखैत बारी ।” लेकिन यहुदी अगुवासब आ अदमिसबके भिर चिचिया-चिचियाके कहेलगलख । “यिसुके कुरुसमे लटका ।”

![](https://cdn.door43.org/obs/jpg/360px/obs-en-39-12.jpg)

तब भिरके अइसन माङके देखके पिलातस डेरागेल काहेकी हुल उठ न जाए । ओहिसे पिलातस अपन सिपाहिसबके हाथमे यिसुके कुरुसमे लटकाएके लेल सोपदेलख । तब यिसुके सिपाहिसब ओकरा कोरा लगैलख आ राजकिए पोसाक लगाके,यिसुके मुरिमे काटके मकुट बनाके लगादेलख । सेकर बाद ओकनिके अइसे कहैत मजाक उरैएलख,“ देख-देख यहुदिसबके रजा ।”

*बाइबलको कथा: मत्ती २६:५७-२७:२६; मर्कूस १४:५३-१५:१५; लूका २२:५४-२३:२५; यूहन्ना १८:१२-१९:१६ बाट*

## 40. ४०. यिसुके कुरुसमे टाँङ देलख

https://openbiblestories.org/l/thl-x-rautahat/story-40/

![](https://cdn.door43.org/obs/jpg/360px/obs-en-40-01.jpg)

जब ओकनिके यिसुके मजाक उरालेल्लाके बाद,सिपाहिसब यिसुके कुरुसमे चरहाएके लेल ओकनिके यिसुसे कुरुस बोकैलख आ उहेमे यिसुके टाङेके रहे ।

![](https://cdn.door43.org/obs/jpg/360px/obs-en-40-02.jpg)

उ सिपाहिसब यिसुके,“खप्परे”कहेबला ठाओमे लेके गेल आ यिसुके कुरुसमे राखके ओकर हाथ आ गोरमे किल्ला ठोकदेलख । फिरभी यिसु कहलख,“हे पिता,येकनिके माफ करु,काहेकी येकनिके कथी कर रहल बासे येकनिके न जनैत बा ।”तब पिलातस उ सिपाहिसबके हुकुम देलख कि,एगो पटहामे “यहुदिसबके रजा” लिखके ओकर कुरुसमे यिसुके सिरके उपरी ठोक देअ ।

![](https://cdn.door43.org/obs/jpg/360px/obs-en-40-03.jpg)

तब सिपाहिसब यिसुके कपरा लेके चिठा लगैलख । जब ओकनिके अइसे कैलख तब उ अगमबानी पुरा होगेल कि,जे कहले रहे,“ओकनके हमर बसतर लेबेके लेल चिठा लगाइ आ आपसमे बाटली ।

![](https://cdn.door43.org/obs/jpg/360px/obs-en-40-04.jpg)

जब यिसुके दुगो लुटेरासबके बिचमे कुरुसमे लटकादेलख । तब ओकनिमेसे एकजना यिसुके गिल्ला कैलख,तब दोसरका ओकरासे कहलख,“कथी तोहरा परमेस्वरके डर न लगैसौ ? कहेकी यि त निरदोस अदमी बा ।”तब फेरु यि अदमी यिसुसे कहलख,“दया कके जब अपनेके राज्य आइ तब हमरो यियाद करब ।”तब यिसु ओकरासे कहलख,“आजुय तुउ हमरासङे स्वरगमे रहबे ।

![](https://cdn.door43.org/obs/jpg/360px/obs-en-40-05.jpg)

तब यहुदी अगुवासब आ यिहबा रहल अदमिसबेके भिर यिसुके मजाक उरैलख । ओकनिके यिसुसे कहलख,“यदी तु परमेस्वरके बेटा बारे त,कुरुससे निचा उतरके आअ आ अपना आपके बचाअ । तब हमनिके तोहरामे बिसबास करब ।

![](https://cdn.door43.org/obs/jpg/360px/obs-en-40-06.jpg)

तब दोसरका पहरसे लेके तिसरका पहर तक पुरा देसमे अन्हार होगेल । यि घटना कलौउ पहरके समयके रहे । काहेकी यि अन्हार कलौ पहरसे लेके बेरिया पहरतक रहलख (१२ बजेसे लेके ३ बजेतक ) ।

![](https://cdn.door43.org/obs/jpg/360px/obs-en-40-07.jpg)

तब यिसु जोरसे चिचियाके हलख,आब ओरागेल ! हे पिता,हमअपन अतमा तोहर हाथमे सोपैत बारी ।” तब यिसु अपन सिर गिरालेलख आ अपन अतमा परमेस्वरके हाथमे सोप देलख,जैसही यिसुके मिरतु होगेल तब भुकम्प अएलख आ मन्दिरके परदा जवनकी परमेस्वरके उपस्थिसे दुर रखले रहे यि परदा उपरिसे निचातक फाटके दु भाग होगेल ।

![](https://cdn.door43.org/obs/jpg/360px/obs-en-40-08.jpg)

यिसु अपन मिरतु द्वारा,अदमिसबके लेल परमेस्वरके लगे जाएके लेल रस्ता खोलदेलख । जब यिसुके कबरमे पहरा देइत रहे,उ सिपाही यि सभे बातसब देखके उ कहलख,“बास्तबमे हि अदमी धरमी आ निरदोस आ परमेस्वरके हि बेटा रहे ।”

![](https://cdn.door43.org/obs/jpg/360px/obs-en-40-09.jpg)

जब युसुफ निकोदेमस यहुदिसबके पुजहारी जे कि,यिसु हि मसिह बा कहके बिसबास करैत रहे । उ दुनुजना पिलातसके पास गेलख आ यिसुके लास मङलख । ओकनिके यिसुके लासके कफनसे लपेटके चटामे बनाएल गेल कबरमे लेजाके राखदेलख । सेकर बाद ओकनिके कबरके दुवारिमे एगो पथलके बरका पेहना गुरकाके लेगे आ ओकर मुह तोप देलख

*बाइबलको कथा: मत्ती २७:२७-६१; मर्कूस १५:१६-४७; लूका २३:२६-५६; यूहन्‍ना १९:१७-४२ बाट*

## 41. ४१. परमेस्वर यिसुके मरलमेसे जिइ उठैलख

https://openbiblestories.org/l/thl-x-rautahat/story-41/

![](https://cdn.door43.org/obs/jpg/360px/obs-en-41-01.jpg)

जब सिपाहिसब यिसुके कुरुसमे लटकादेलख तब उहबा रहल अदमिसब आ यहुदी अगुवासब पिलातससे कहेलगलख कि,“यिसु झुठ बात बोल्ले रहेकि,उ तिन दिनके बाद हम मरल मेसे फेरुसे जि उठजाएब । ओहिसे ओकर चेलासब ओकर लास चोराके लेजाइ,आ ओकनिके कहेलागी कि, उ मरलमेसे जि उठगेल कहके परचार करेलागी ओहिसे ओकर कब्बरमे पहरा देबहीके परी ।”

![](https://cdn.door43.org/obs/jpg/360px/obs-en-41-02.jpg)

तब पिलातस ओकनिसे कहलख,“कुछ सिपाहिसबके लेके जोअ आ कब्बरमे पहरा देबाके सुरक्छा कर ।” ओहिसे ओकनके कब्बरके मुहमे लगाएल गेल पेहनामे लाहके सरकारी मोहर लगादेलख आ यिसुके लास केहु चोराके न लेजाए कहके सिपाहिके पहरा देबेके लेल खटादेलख ।

![](https://cdn.door43.org/obs/jpg/360px/obs-en-41-03.jpg)

यिसुके लास गारलके बिहान भेला बिसराम दिन रहे,ओहिसे यहुदिसबके उ दिनमे कब्बरमे जाएसे मनाही रहे । ओहिसे बिसराम दिनके बिहान भेला एक भिन्सरबा कुछ जनानिसब यिसुके कब्बमे ओकर सरिरमे गमके बला अतरके मलहम लगाबेके लेल गेल ।

![](https://cdn.door43.org/obs/jpg/360px/obs-en-41-04.jpg)

तब यि जनानिसब उहबा पुगेसे पहिले,अचानक एगो बहुत बरका भुकम्पके जइसन अएलख । तब बिजुलिके समान चमकैत स्वरगसे स्वरगदुत अएलख आ कब्बरके मुह पुनल पथलके पेहना हटाके उहे उपरी बैठगेल । तब कब्बरके पहरा देबे बला सिपाहसब डरके मारे मरल जइसन भुयामे गिरगेल ।

![](https://cdn.door43.org/obs/jpg/360px/obs-en-41-05.jpg)

जब उ जनानिसब कब्बरमे अएलख तब उ स्वरगदुत ओकनिसबके हलख,“तोहनिके नडेरा” यिसु यिहबा नहौउ यिसु जब जिते रहे उ समयमे तोहनिसे कथी कहले रहलौ ,ओहिसे यिसु मरलमेसे जि उठगेलहौ ।

![](https://cdn.door43.org/obs/jpg/360px/obs-en-41-06.jpg)

तब स्वरगदुत उ जनानिसबसे कहलख,“ जाइजो ओकर चेलासबसे कहदे कि,“यिसु मरल मेसे जि उठलबा, काहेकी यिसु तोहनिसबसे पहिले गालिलमे जाइ ।”

![](https://cdn.door43.org/obs/jpg/360px/obs-en-41-07.jpg)

तब यि जनानिसब भयसे आ खुसिसे भर गेल । ओकनिके चेलासबके यि खुसिके सुसमाचार सुनाएके लेल दौरके गेल ।

![](https://cdn.door43.org/obs/jpg/360px/obs-en-41-08.jpg)

जब उ जनानिसब चेलासबके यि खुसिके समाचार सुनाए जएते रहे कि,यिसु ओकनिके लगे देखा देलख तब ओकनिके ओकर अराधना कैलख । तब यिसु कहलख,“नडेरा । जोअ आ हमर चेलासबसे कहदे की, ओकनिके गालिलमे जाइ । ओकनिके हमरा उहबे देखी ।”

*बाइबलको कथा: मत्ती २७:६२-२८:१५; मर्कूस १६:१-११; लूका २४:१-१२; यूहन्‍ना २०:१-१८ बाट*

## 42. ४२. यिसुके स्वरगरके ओरी लवट गेल

https://openbiblestories.org/l/thl-x-rautahat/story-42/

![](https://cdn.door43.org/obs/jpg/360px/obs-en-42-01.jpg)

उहे दिन,जवन दिन यिसु मरलमेसे जि उठल रहे,ओकर चेलासबमेसे दुजना नजिकके गाओमे जाइत रहे । जब ओकनिके जाएते रहे,तब ओकनिके यिसुके जिबनमे कथी भेल रहे से,उ बिसयमे बातचित करैत रहे । ओकनिके असा कैले रहे कि,यिसु हि मसिह रहे,लेकिन यिसुके मुयादेलख । माने जनानिसब आके चेलासबसे कहलख कि,यिसु मरलमेसे जि उठलबा । ओकनिके नजनैत रहे कि,हमनिके कथिमे आ कैसे बिसबास करु

![](https://cdn.door43.org/obs/jpg/360px/obs-en-42-02.jpg)

यिसु ओकनिसबके सङे बुलैत गेल,लेकिन ओकनिके यिसुके न चिन्हलख । जब यिसु ओकनिसे पुसलख कि,तोहनिके केकर बारेमे बात-चित कर रहल बारे । तब ओकनिके बिगतके समयमे यिसुके जिबनमे घटल घटनासबके बारेमे सभे बात यिसुके बतादेलख ।ओकनिके सोचैत रहेकि,ओकनिके कवनो परदेसिसे बातचित कर रहल बारी कहके ओकनिके ओकरा यरुसलेममे कथी भेलसे ओकरा मालुम नहोइ कहके बिचार करैत रहे ।

![](https://cdn.door43.org/obs/jpg/360px/obs-en-42-03.jpg)

सेकरबाद यिसु ओकनिके परमेस्वरके बचन मसिहके बारेमे कथी कहले रहे से ब्यख्या कदेलख । सेकरबाद यिसु ओकनिके यियाद दिलैलख कि,अगमबक्तासब ओकर बिसयमे कथी कहले रहे,“मसिह कस्ट भोगी,आ मारल जाइ माने फेरु उ तिसरका दिनमे जि उठजाइ । जब उ गाओके पास पहुचलख तब ओकनिके दुनजना उहबे रहगेल,काहेकी साझ होगेल रहे ।

![](https://cdn.door43.org/obs/jpg/360px/obs-en-42-04.jpg)

ओहिसे यि दुनुजना यिसुके भी सङे रहेके लेल अनुरोध कैलख,तब यिसु ओकनियसबके सङे उहबे रहगेल । जब ओकनिके रातके खाना खएकेलेल तयार भेल,तब यिसु रोटी लेके,परमेस्वरके धन्यबाद देलख आ रोटिके तुरके एक-एक टुकरा ओकनिके देलख । तब ओकनिके झटसे याद अएलख कि,यि त यिसु हि बा कहके ओकनिके चिन्हलेलख । तब यिसु उहे घरी ओकनिके नजरसे अलोपित होगेल ।

![](https://cdn.door43.org/obs/jpg/360px/obs-en-42-05.jpg)

तब यि दुनुजना एक-आपसमे कहेलगलख कि, उ त यिसु रहे ! जब यिसु परमेस्वरके बचनसे हमनिके सम्झाइत रहे,त कथी हमनिसबके मनमे उतेजना आ उतसाह न मिल्ल रहे ? तब ओकनिके तखुनिय यरुसलेसे लवट गेल ।जब ओकनिके लवटके अएलख,तब ओकनिके चेलाबसे कहलख कि,“यिसु सचमुचमे जि उठल बा । हमनिके ओकरा देखली ।”

![](https://cdn.door43.org/obs/jpg/360px/obs-en-42-06.jpg)

जब चेलासब एक आपसमे बातचित करते रहेकी,अचानक यिसु ओकनिसबके बिचमे आके खरा होगेल आ कनिसे कहलख,“ तोहनिसबके सान्ति मिले ।”लेकिन चेलासब सोचे लहलख कि,उ कवनो भुत बा । तब यिसु ओकनिसे कहलख,“तोहनिके काहेला डेराइत बारे,हमरा उपरी संखा करैत बारे ?” हमर हाथ आ गोर देख काहेकी अतमाके हडी आ मास न होइसै,जइसन कि,हमरामे देखैत बारे । तब यिसु ओकनिसे पुसलख कि, यिहा तोहनिके पास किसियो खाए बला चिज बा ?” तब ओकनिके यिसुके आगिमे पकाएल मसरीके एगो टुकरा देलख तब यिसु लेलख आ ओकनिके समनेमे खागेल ।

![](https://cdn.door43.org/obs/jpg/360px/obs-en-42-07.jpg)

यिसु अपन चेलासबसे कहलख कि,“हमे तोहनिसबसे कहले रहली कि,हमर बारेमे परमेस्वरके बचनमे लिखल सभे बात पुरा होहिके रहे ।” तब यिसु ओकनिसबके समझ खोलदेलख,ताकी ओकनिके परमेस्वरके बचन बुझ सके । यिसु ओकनिसे कहलख,“यि त बहुत पहिलेही हमर बारेमे लिखल रहे कि,मसिह कस्ट भोगी,आ मारल जाइ,फिरभी तिसरका दि उ मरलमेसे जिके उठजाइ ।”

![](https://cdn.door43.org/obs/jpg/360px/obs-en-42-08.jpg)

“धरमसास्तरमे अइसे भि लिखल रहे कि,हमर चेलासब परचार करी कि,हरेक अदमिसब अपन पापसे माफी पाएके लेल पसताप करेके परी । ओकनिके यि बात यरुसलेमसे सुरु करी,फिरभी हरक जगहमे आ हरेक जातमे परचार होजाइ ।तोहनिके यि बातसबके साक्सी होएबे ।”

![](https://cdn.door43.org/obs/jpg/360px/obs-en-42-09.jpg)

चालिस दिनतक,यिसु अपन चेलासबके लगे बहुत बार देखाइ देलख । एकबार यिसु ५०० सय जनासे भि बहुत अदमिसबके लगे एकेबार देखाइ देलख । यिसु अपन चेलासबके बहुत किसिमसे हम जिते बारी कहके परमानित कैलख,आ यिसु ओकनिके परमेस्वरके राज्यके बारेमे सिखैलख ।

![](https://cdn.door43.org/obs/jpg/360px/obs-en-42-10.jpg)

यिसु अपन चेलासबसे कहलख,“स्वरग आ पिरथिबिमे भेल सरा अधिकार हमरा देलेबा । ओहिसे जोअ,सभे जातके अदमिसबके बाप,बेटा आ पबितर अतमाके नाममे बपतिस्मा देअ आ चेला बना । तोहनिके हम जवन अग्या करब उ सभे बात पालन करेके लेल ओकनिके सिखा । यियाद कर कि,हम सभे दिन तोहनिसबके सङे सदाकेलेल रहब ।”

![](https://cdn.door43.org/obs/jpg/360px/obs-en-42-11.jpg)

यिसु मरलामेसे जि उठला चालिस दिनके बाद,यिसु अपन चेलासबसे कहलख,“हम बाबु तोहनिके जब सक्ती दिइ,तब तोहनिमे पबितर अतमा आइ,जबतक पबितर अतमा न पैबे तबतक तोहनिके यरुसले छोरके केनहरो नजैहे ।“यरुसलेममे हि रहिहे” तब चेलासबके छोरके यिसु स्वरगमे चलगेल आ बादल यिसुके तोपदेलख तब चेलासबके नजरसे अलोपित होगेल । यिसु सभे चिज उपरी राज करके लेल परमेस्वर पिताके दहिना हाथके ओरी बैठलबा ।

*बाइबलको कथा: मत्ती २८:१६-२०; मर्कूस १६:१२-२०; लूका २४:१३-५३; यूहन्‍ना २०:१९-२३; प्रेरित १:१-११ बाट*

## 43. ४३. मन्डलिके सुरुवात

https://openbiblestories.org/l/thl-x-rautahat/story-43/

![](https://cdn.door43.org/obs/jpg/360px/obs-en-43-01.jpg)

यिसु स्वरगमे लवटके चलगेलाके बाद,चेलासब यिसुके अग्या कएल बमोजिम यरुसलेममे हि बैठल असियाएल रहे । उहबाके बिसबासिसब निरन्तर रुपसे पराथना करेके लेल जम्मा भेल रहे ।

![](https://cdn.door43.org/obs/jpg/360px/obs-en-43-02.jpg)

हरेक बरिसके,निसतार पबनिके ५० दिनके बाद,यहुदसब बिसेस दिनके रुपमे पेन्तिकोसके दिनमे भि उतसब मनाए । पेन्तिकोसके उतसब उ समयमे मनाए,जब यहुदिसब सभे अन्न काट लेलाके बाद यि उतसब मनाए । यि समयमे यहुदिसब संसारके हरेक जगहसे यरुसलेममे एकसाथ पेन्तिकोसके दिन उतसब मनाएके लेल आबे । लेकिन उ बरिसमे,पेन्तिकोसके उतसबके दिन यसुके स्वरगरोहन होगेलाके बाद करिब १० पछारी अएलख ।

![](https://cdn.door43.org/obs/jpg/360px/obs-en-43-03.jpg)

जब बिसबासिसब सभे एके साथमे एके जगहमे जम्मा होके पराथना करैत रहे,तब अचानक ओकनिके बैठल घरमे एगो सक्तिसाली हबाके अबाजसे भरगेल । सेकरबाद आगिके चिनगोरी जइसन देखे बला बस्तु सभे बिसबासीसबके मुरिके उपरी बैठगेल । तब ओकनिके सभेजना पबितर अतमासे भरगेलख आ ओकनिके अन्य भसामे बोले लगलख ।

![](https://cdn.door43.org/obs/jpg/360px/obs-en-43-04.jpg)

जब यरुसलेमके अदमिसब यिसुके चेलासब अन्य भसामे बोलैत हल्ला सुनलख,तब ओकनिके समुहमे कथिके होहल्ला बा कहके येकनिके देखे अएलख । तब ओकनिके बिसबासिसबके परमेस्वरके अमचम्हुके कामसबके बारेमे हमनियके भसामे परचार करहलबा ओकनिके सुनके अतरज होगेल कि,येकनिके कैसे हरकके मातरी भसामे बोल रहल बा ।

![](https://cdn.door43.org/obs/jpg/360px/obs-en-43-05.jpg)

जब अदमिसब चेलासबके मजाक उराइत कहलख कि,येकनिके नसासे चुर भेल बा ।”तब पतरुस खराहोके ओकनिसे कहलख,“हमर बात सुन ।जैसन तोहनिके समझ रहल बारे यि लोग नसासे चुर न बा । लेकि बात यि बा कि,जोएल भबिस्यबक्ता कहले रहे कि,अन्तके दिनमे अइसे होइ कि,हमर अतमासे सभे अदमिसब भरजाइ कहके परमेस्वर कहले रहे ।”

![](https://cdn.door43.org/obs/jpg/360px/obs-en-43-06.jpg)

“हे इजराएलके अदमिसब सुन,यिसु एगो अदमी रहे । फिरभी उ परमेस्वरके सक्तिद्वारा बहुत महान चिन्ह आ अचम्मके कामसब कैलख । जवन अचम्मके कामसब तोहनिके अपन आखसे देखबे कैले आ तोहनिके मालुम भि हौउ । लेकिन तोहनिके ओकरा कुरुसमे लटकाके मुयादेले ।

![](https://cdn.door43.org/obs/jpg/360px/obs-en-43-07.jpg)

“यिसु मरगेल फिरभी,परमेस्वर यिसुके मरल मेसे जिआदेलख । यिसे उ भबिस्यबानी पुरा भेल कि,अपने कहले रहली,“अपने अपन पबितर जनके सरिर कब्बरमे सरे नदेहब ।”हमनिके उहे बातके साक्सिसब बारी,कि परमेस्वर यिसुके फेरुसे जिबित बनादेलख ।”

![](https://cdn.door43.org/obs/jpg/360px/obs-en-43-08.jpg)

“ओहिसे यिसु परमेस्वर पिताके दहिना हथके ओरी महिमा लेइत बैठल बा । यिसु जइसे हनिसे परतिग्या कैले रहे,उहे अपन परतिग्या पुरा करेके लेल पबितर अतमा पठैले बा । तोहनिके अभी जथी देखैत बारे आ सुनैत बारे उसब कामसब पबितर अतमा ही कररहल बा ।”

![](https://cdn.door43.org/obs/jpg/360px/obs-en-43-09.jpg)

“तोहनिके यिसुके कुरुसमे लटकादेले । लेकिन यि बात पक्का-पक्की जानलेकी परमेस्वर यिसुके परभु आ मसिह दुनु बनैलख ।

![](https://cdn.door43.org/obs/jpg/360px/obs-en-43-10.jpg)

तब जवन अदमिसब पतरुसके बात सुनलख,तब ओकनिके हिरदयमे बहुत बन्हियासे परभाब परलख । ओहिसे ओकनिके पतरुस आ चेलासबसे पुसलख,“भाइसब,हमनिके कथी करेके परी ?”

![](https://cdn.door43.org/obs/jpg/360px/obs-en-43-11.jpg)

तब पतरुस ओकनिके जबाफ देलख कि,“तोहनिके हरेक जना पसताप कर आ यिसु खिरिस्टके नाममे बपतिस्मा लेअ,जेकर माध्यमसे परमेस्वर तोहनिसबके पाप माफ कदी । आ यिसु तोहनिसबके पबितर अतमाके बरदान भी दिइ ।

![](https://cdn.door43.org/obs/jpg/360px/obs-en-43-12.jpg)

पतरुसके बात सुनके ३००० हजार अदमिसब बिसबास कैलख आ यिसुके चेला बनगेल । जब ओकनिके बपतस्मा लेलख तब ओकनिके यरुसलेम मन्डलीके बिसबासी होगेल ।

![](https://cdn.door43.org/obs/jpg/360px/obs-en-43-13.jpg)

तब यि बिसबासीसब निरन्तर रुपसे परेरितसबसे सिक्सा सुनके सिखैत रहे,एकसाथ समय बिताइत रहे,एकेसाथ खना खाए,आ एक-आपसमे बैठके पराथना करे । आ ओकनिके एकेसाथे परमेस्वरके परसंसा करे आ खुसीहोखे । ओकनिके अपनासङे रहल सभे धन-सम्पती जवरे राखे आ समस्याके समयमे एक-आपसमे बारचुर करे । हरेक जना एक-अरकाके बारेमे निमने सोचे । तब दिन-परती दिन बिसबासिसब बरहते गेल ।

*बाइबलको कथा: प्रेरित २ बाट*

## 44. ४४. पतरुस आ यिहुन्‍ना भिखारीके निमन कैलख

https://openbiblestories.org/l/thl-x-rautahat/story-44/

![](https://cdn.door43.org/obs/jpg/360px/obs-en-44-01.jpg)

एक दिन,पतरुस आ यिहुन्ना मन्दिरमे जाइत रहे । जइसे ओकनिके मन्दिरके दुवारिमे पुगलख तब ओकनिके एगो लेङर अदमिसबके देखलख जे कि पैसाके लेल भिख मङैत रहे ।

![](https://cdn.door43.org/obs/jpg/360px/obs-en-44-02.jpg)

पतरुस यि लेङर अदमिके ओरी देखके कहलख,“तोहरा देबेके लेल हमर पासमे पैसा त न बा । लेकिन हमरासङे जथी बा,हम तोहराके देइत बारी कि,योसुके नाममे उठ आ चल ।

![](https://cdn.door43.org/obs/jpg/360px/obs-en-44-03.jpg)

तब तुरन्ते, परमेस्वर उ लेङर अदमिके निमन कदेलख,जब उ निमन होगेल तब खुसिके मारे कुदकैत परमेस्वरके परसंसा करे लगलख । मन्दिर भितरी आ बहरा रहल अदमिसब उ लेङर अदमी निमन भेल देखके अचमित होगेल ।

![](https://cdn.door43.org/obs/jpg/360px/obs-en-44-04.jpg)

एके तैकामे अदमिसबके भिर उ निमन भेल अदमिके देखे अएलख । तब पतरुस ओकनिसबसे कहलख, “यि अदमी निमन होगेल कहके काहेला तोहनिके सक परैत बारे ?हमनिके येकरा अपने सक्तिमे वा बलबुतामे निमन न कैली,लेकिन यि त यिसुके नामके सक्तिमे बिसबास कैलख,जेकरकारनसे यि अदमी निम होगेल ।

![](https://cdn.door43.org/obs/jpg/360px/obs-en-44-05.jpg)

“तोहनिके उहेसब बारे कि, रोमी राजपालसे कहके यिसुके मरबादेले । जवनकी जिबन करताके तोहनिके मारदेले,लेकिन परमेस्वर यिसुके मरलमेसे जि उठैलख । तोहनिके हम कथी करे जाइत बारी से थाह न होएलामे भी,परमेस्वर अगबानिसबके पुरा करेके लेल तोहनिसे काम करबैएलख कि,मसिह कस्ट भोगी,आ मारल जाइ । ओहिसे तोहनिके मन फिराके परमेस्वरके ओरी लवटजो ताकी तोहनिके पापसबसे माफ कदी ।

![](https://cdn.door43.org/obs/jpg/360px/obs-en-44-06.jpg)

पतरुस आ यिहुन्नाके कहल बातसबसे मन्दिरके अगुवासब बहुत जोरसे खिसिया गेल । ओहिसे ओकनिके पतरुस आ यिहुन्नाके पकरके जेलमे डालदेल । लेकिन बहुत अदमिसब पतरुसके परचारके बचनमे बिसबास कैलाके कारन ओकनिके यिसुमे बिसबास कैलख । तब बिसबास करेबलासबके संख्या ५००० हजार होगेल ।

![](https://cdn.door43.org/obs/jpg/360px/obs-en-44-07.jpg)

तब दोसरका दिन,यहुदी अगुवासब पतरुस आ यिहुन्नाके परमुख पुजहारी आ आरु धारमिक अगुवासबके सामने ल्यैलख । जब ओकनिके पतरुस आ यिहुन्नासे पुसलख कि,“केकर सक्तिसे तोहनिके यि लेङर अदमिके निमन कैले ?”

![](https://cdn.door43.org/obs/jpg/360px/obs-en-44-08.jpg)

तब पतरुस जबाफ देलख कि,तोहनियके सामने खरा भेल यि अदमिके यिसु खिरिस्टके सक्तिसे यि निमन भेल । तोहनिके यिसुके कुरुसमे लटकाके मुयादेले,लेकिन परमेस्वर ओकराके फेरुसे जिबित कदेलख ।

![](https://cdn.door43.org/obs/jpg/360px/obs-en-44-09.jpg)

पतरु आ यिहुन्ना बहुत साहसके साथ बोलैत देखके,यि अगुवासब छक्क परगेल । काहेकी ओकनिके देखैत रहे कि,येकनिके दुनुजना सधारन आ असिकसित अदमिसब रहे । लेकिन येकनिके यिसुसङे रहैत रहे कहके ओकनिके याद आगेल । तब ओकनिके पतरुस आ यिहुन्नाके धमकी देके छोरदेलख ।

*बाइबलको कथा: प्रेरित ३:१-४:२२ बाट*

## 45. ४५. फिलिप आ इथोपियाके हाकिम

https://openbiblestories.org/l/thl-x-rautahat/story-45/

![](https://cdn.door43.org/obs/jpg/360px/obs-en-45-01.jpg)

सुरुके मन्डलिके अगुवासबमेसे स्तिफनस नामके एकजना अदमी रहे । उ निमन आ मानइजत पाएल,साथे पबितर अतमासे भरल आ बुधिसे भरपुर भेल अदमी रहे । आ स्तिफनस बहुत अचम्मके कामसब कैलख आ अदमिसबके यिसुमे बिसबास करेके परी कहके बहुत बन्हिया तरिकासे सम्झाइत आ बुझाइत रहे ।

![](https://cdn.door43.org/obs/jpg/360px/obs-en-45-02.jpg)

एकदिन,जब स्तिफनस यिसुके बिसयमे सिक्सा देइत रहे,तब यिसुमे बिसबास नकरबला कुछ यहुदिसब स्तफनससे झगरा करेलगलख । ओकनिके बहुत जोरसे कोरोधित होगेल आ स्तिफनसके बारेमे धारमिक अगुवासबके झुठ बातसब सुनादेलख । ओकनिके कहलख,“उ मोसा आ परमेस्वरके बारेमे दुस्ट बातसब बोलैत हमनिके सुनली ।

![](https://cdn.door43.org/obs/jpg/360px/obs-en-45-03.jpg)

तब परधान पुजहारी स्तिफनससे पुसलख कि,“कथी यि बात साचोमे बा ?”स्तिफनस ओकनिके परमेस्वर आ अबरहामसे लेके यिसुके समयतक भेल कयौ महान कामसबके बारेमे बतैलख कि,कैसे परमेस्वरके अदमिसब निरन्तर रुपसे ओकर अग्याके उलङघन करैत रहलख ओकर बिस्यमे भी स्मरन कराइत जबाफ देलख । स्तिफनस ओकनिके अइसे भी कहलख,“तोहनिके जइसन हठी आ बिदरोही अदमिसबके सभे दिन पबितर अतमाके इन्कार कैलख,जइसे कि,तोहनिके पुरखासब सभे दिन परमेस्वरके इनकार कैलख आ ओकर अगमबक्तासबके मार देलख ।लेकिन तोहनिके त आरु बहुत खराब काम करैत बारे ।

![](https://cdn.door43.org/obs/jpg/360px/obs-en-45-04.jpg)

जब यि यहुदी धारमिक अगुवासब स्तिफनसके बात सुनलख,तब बहुत जोरसे खिसियाके ओकनिके अपन कान तोपलेल आ बहुत जोरसे चिचियैलख । तब ओकनिके स्तफनसके सहरसे घिसियाके बहरा लेगेल आ पथलसे मारके मुयादेलख ।

![](https://cdn.door43.org/obs/jpg/360px/obs-en-45-05.jpg)

जब स्तिफनस मरे लगलख,तब उ बहुत जोरसे चिचियाके कहलख,“हे यिसु,हमर अतमाके गरहन करु ।”तब उअपन ठेङहुनमे खरा होके जोरसे चिचियाके कहलख,“हे परभु, यि पापके दोस येकनिके उपर नलागो कहके स्तिफनस मरगेल ।

![](https://cdn.door43.org/obs/jpg/360px/obs-en-45-06.jpg)

सावल नामके एकजना जबान अदमी रहे जे की,स्तिफनसके मारेमे अदमिसबके सहमतिमे रहे । काहेकी जब ओकनिके स्तिफनसके पथलसे मारैत रहे तब यि ओकनिसबके लुगाके रखबाली करैत रहे । उ दिनसे,यरुसलेममे बहुत अदमिसब यिसुके चेलासबके सताए लगलख । ओहिसे बिसबासिसब यरुसलेम छोरके अन्य जगहमे भाग गेल । लेकिन ओकनिके सतावटके समयमे दुख भोगलामे भी ओकनिके जहा-जहा गेल ओकनिके उहा-उहा यिसुके बारेमे परचार कैलख ।

![](https://cdn.door43.org/obs/jpg/360px/obs-en-45-07.jpg)

फिलिप नामके यिसुके एकजना चेला रहे,जे सतावटके समयमे यरुसलेमसे भागके जाएबलामेसे बिसबासीसब मध्यमेसे एक जना उ भि रहे । तब उ समरियामे गेल जहा उ येसुके बारेमे परचार कैलख आ उहबाके बहुत अदमिसबके यिसुमे बिसबास कराके बचैले रहे । सेकरबाद एकदिन परमेस्वरके एगो दुत फिलिपके मरुभुमिके सरकमे जाएके लेल कहलख । जइसे फिलिप उ रस्ता बुलैत रहलख,फिलिप इथोपियाके एकजना परमुख हाकिमके अपन रथमे चहरके जाइत देखलख । तब फिलिपके पबितर अतमा कहलख कि, जो उ रथमे चहरल अदमिसे बातचित कर ।

![](https://cdn.door43.org/obs/jpg/360px/obs-en-45-08.jpg)

जब फिलिप उ रथके नजिके गेल,तब फिलिप उ इथियोपियाली अदमिके यसैया अगमबक्ताके लिखल किताब परहैत सुनलख । उ अदमी यि खन्डके परहैत रहे,“ जइसे कि भेरा काटेकेलेल लेजाएल जाए,फिरभी उ अपन मुह न खोलैए,ओकरा अपमानित अबस्थामे भि ओकरा न्याय नमिल्लख । काहेकी ओकर जिबन पिरथिबिसे हरन होगेल ।

![](https://cdn.door43.org/obs/jpg/360px/obs-en-45-09.jpg)

जब फिलिप यि इथोपियालीसे पुसलख,“अपने जे परहैत बारी कथी अपने बुझैत बारी की ?”तब यि इथोपियाली जबाफ देलख कि,“ नैखे । जबतक केहु हमराके नबताइ तब हम कैसे बुझब ? ओहिसे तु हमरा लगे आके बैठ । कथी यसैया अपने बारेमे लिखले बा की,आरु दोसर कोइके बिसयमे लिखले बा ?”

![](https://cdn.door43.org/obs/jpg/360px/obs-en-45-10.jpg)

तब फिलिप उ इथोपियाली अदमिसे कहलख कि,यसैया यिसुके बारेमे लिखले बा कहके समझैलख । फिलिप ओकरा यिसुके बारेमे सुसमाचार सुनाएके लेल आरु अन्य किताबसे यिसुके बारेमे सुसमाचार सुनैएलख ।

![](https://cdn.door43.org/obs/jpg/360px/obs-en-45-11.jpg)

जब फिलिप इथोपियाली हाकिमके सुसमाचर परचार करैत रथमे जाइत रहे । तब उ हाकिम सरकके छेओमे पानि देलख,“तब उ हाकिम कहलख यिहबा पानी बा ! कथी यिहबा हम बपतिस्मा लेसकैत बारी ?” तब उ अपन रथ खरा करेके लेल कहलख ।

![](https://cdn.door43.org/obs/jpg/360px/obs-en-45-12.jpg)

ओहिसे ओकनिके दुनुजना पानिमे उतरलख,आ फिलिप इथोपियाली हाकिमके बपतिस्मा देदेलख । तब ओकनिके दुनजना पानिमेसे बहरा निकल्लख तब पबितर अतमा फिलिपके दोसर जगहमे लेगेल जहाकी फिलिप अदमिसबके यिसुके बारेमे बतैते गेल ।

![](https://cdn.door43.org/obs/jpg/360px/obs-en-45-13.jpg)

तब इथोपियाली हाकिम अपन घरके ओरी खुसिके मारे गदगद होइत लवट अएलख । काहेकी उ हाकिमके यिसुके बारेमे बहुत कुछ मालुम होगेल ।

*बाइबलको कथा: प्रेरित ८:५; ८:२६-४० बाट*

## 46. ४६. पावल बिसबासी बनगेल

https://openbiblestories.org/l/thl-x-rautahat/story-46/

![](https://cdn.door43.org/obs/jpg/360px/obs-en-46-01.jpg)

साबल उ जबान अदमी रहे कि,जे स्तिफनसके मारेबलासबके बसतरसब रेखदेख कैले रहे । उ यिसुमे बिसबास न कैले रहे । ओहिसे साबल बिसबासिसबके सताइत रहे । आ यरुसलेममे घर-घरमे जाके पुरुस आ स्तिरिसबके पकरके जेल पठादेबे । जब परधान पुजहारी साबलके दमसकसके सहरमे जाके बिसबासिसबके पकरके ओकनिके घुमाके यरुसलेममे ल्याबेके लेल ओकर अनुमती मिलल रहे ।

![](https://cdn.door43.org/obs/jpg/360px/obs-en-46-02.jpg)

जब साबल समसकसओरी जाइत रहे,तब स्वरगसे एगो जोती ओकर चारुओर चमकलख आ उ भुइयामे गिर गेल ।तब साबलके अइसे कहैत सुनलख कि,।“ए साबल ए साबल तु हमराके काहेला सताइसे ?” तब साबल पुसलख,“हे परभु अपने केबारी ?” “हम यिसु बारी जेकराके तुउ सताइसे ।”

![](https://cdn.door43.org/obs/jpg/360px/obs-en-46-03.jpg)

जब साबल उठलख,तब साबल उहबा किसियो न देखलख ।सेकरबाद ओकर सङहतियासब दमसकसमे लेगेल तब साबल उहबा तिन दिन न किसियो खाएसकलख न पिएसकलख ।

![](https://cdn.door43.org/obs/jpg/360px/obs-en-46-04.jpg)

दमसकसमे हननिया नामके एगो चेला रहे । परमेस्वर ओकरासे कहलख,“उ घरमे जोअ जहाँ साबल रहरहलबा । तुअपन हाथ ओकर सिर उपरी राखिहे ताकी उ फेरुसे देख सके।” तब हननिया कहलख कि,“हे परभु,यि अदमी बिसबासीसबके सता रहलबा बासे अपनेके मालुमे बा ।” लेकिन परमेस्वर कहलख कि,तुउ जोअ,आब उ अन्य जातिके बिचमे,रजासबके समने हमर नामके परचार करी । आब हम ओकरा बताब कि,हमर नामके खातिर कैसन कैसन दुख भोगेके परी ।

![](https://cdn.door43.org/obs/jpg/360px/obs-en-46-05.jpg)

ओहिसे हननिया साबलके पास गेलख आ उअपन हात सबलके सिरके उपरी राखैत,साबलसे आकहलख,“जब तुउ अबैत रहले उ समयमे “यिसु” देखाइ देलख, उहे हमराके भेजलख ताकी तुउ फेरुसे देख सके आ पबितर अतमासे भरिभराउ होजाए । तब साबल तुरन्त देखेलगलख । हननिया साबलके बपतिस्मा देलख । सेकरबाद साबल खाए-पिए लगलख तब फेरुसे उ तागतसे बरगेल ।

![](https://cdn.door43.org/obs/jpg/360px/obs-en-46-06.jpg)

जब साबल निमन होगेल तब तुरुन्त साबल दमसकसमे भेल यहुदिसबके अइसे परचार करे लगलख,“यिसु हि परमेस्वरके बेटा बा” कहके यहुदिसबसे बहस करे आ यि बातके परमान देबे कि,कैसे यिसु हि मसिह बा ।

![](https://cdn.door43.org/obs/jpg/360px/obs-en-46-07.jpg)

साबल बहुत दिनतक दमसकसमे रहके यिसु हि मसिह बा कहके परचार कैलख,तब यहुदिसब साबले मारेके लेल योजना बनाए लगलख । आ साबलके मुयाएके लेल यहुदिसब सहर-सहरमे ढुका लागेलख । जब यहुदिसबके योजनाके बारेमे साबलके मालुम होगेल । तब साबलके सङहतियासब ओकरा उहबासे भागेके लेल सहायता कैलख । एकरात ओकनिके साबलके टोकरिमे राखके सहरके परखालसे उतार देलख ।तब साबल दमसकससे भाग गेल,आ साबल यिसुके बारेमे आरु गाओमे भि निरन्तर परचार करेलगलख

![](https://cdn.door43.org/obs/jpg/360px/obs-en-46-08.jpg)

तब साबल चेलासबसे भेटके लेल यरुसलेममे गेल,लेकिन चेलासब साबलसे डेरा गेल । सेकरबाद बरनाबास नामके एकजना बिसबासी रहे,उहे साबलके लेके पेरेरितसबके लगे लेगेल कि,ओकनिके कैसे साबल साहसके साथ दमसकसमे परचार कैलख से पेरेरितसबके बतादेलख । तब चेलासब साबलके स्विकार कैलख ।

![](https://cdn.door43.org/obs/jpg/360px/obs-en-46-09.jpg)

यरुसलेममे सतावटके कारन कुछ बिसबासिसब एन्टिओकियाके सहरमे भगके चलरहे,आ ओकनिके यिसुके बारेमे परचार कैलख । काहेकी एन्टिओकियाके अदमिसब यहुदी नरहे,लेकिन पहिलके बारमे ओकनिके बहुत जना बिसबासीसब होगेल । तब बरनाबास आ साबल उहबा उ लया बिसबासिसबके यिसुके बारेमे आरु बहुत सिक्छा देबेके लेल आ मन्डलिके मजगुत बानएके लेल गेल ।तब यिसुमे बिसबास करेबला अदमिसबके पहिलका बार“खिरिसटियनसब” कहलख उ जगह एन्टिओकिया हि बा ।

![](https://cdn.door43.org/obs/jpg/360px/obs-en-46-10.jpg)

एकदिन जब एन्टिओकियामे भेल खिरिसटियनसब उपबास पराथना करैत रहे । तब पबितर अतमा ओकनिसे कहलख कि,“हमरा लेल बरनाबास आ सबलके यि कामके लेल अलग कर,जवन कामके लेल हमे ओकनिके बोलैले बारी ।”ओहिसे एन्टिओकियाके मन्डली बरनाबास आ साबलके सिरमे हाथ राखके पराथना कैलख । तब ओकनिके बरनाबास साबल यिसुके बारेमे आरु बहुत जगहमे सुसमाचार सुनाएके लेल पठैलख ।बरनाबास आ साबल आरु बहुत जातके अदमिसबके सिक्छा देलख तब बहुत अदमिसब यिसुमे बिसबास कैलख ।

*बाइबलको कथा: प्रेरित ८:३; ९:१-३१; ११:१९-२६; १३:१-३ बाट*

## 47. ४७. पाबल आ सिलास फिलिप्पीमे

https://openbiblestories.org/l/thl-x-rautahat/story-47/

![](https://cdn.door43.org/obs/jpg/360px/obs-en-47-01.jpg)

जब साबल रोमी समराज्य भर यातरा कैलख,तब साबल नाम हटाके अपन रोमी नाम “पाबल” राखलेलख ।एकदिन पाबल आ ओकर सङहतिया सिलास आ फिलिपी सहरमे यिसुके बारेमे सुसमाचार सुनाइके लेल गेल । सेकरबाद ओकनिके एगो लदी बटके सहरके बहरा एगो गाओमे गेल,जहा अदमिसब पराथना करेके लेल जमा होखे । ओकनिके उहा लिडिया नामके एकजना बेपारी जनानिसे भेट भेल,जेकी परमेस्वरके बहुत सरधाके साथ अराधना करे ।

![](https://cdn.door43.org/obs/jpg/360px/obs-en-47-02.jpg)

तब यिसुके बारेके बचनमे बिसबास करेकेलेल परमेस्वर लिडियाके हिरदय खोलदेलख,तब ओकनिके सभे परिबार यिसुमे बिसबास कैलख आ पानिके बपतिस्मा लेलख । सेकरबाद पाबल आ सिलासके अपन घरमे आबेके लेल नेवता देलख,ओहिसे ओकनिके ओकर घर-परिबारकेसङे बास बैठलख ।

![](https://cdn.door43.org/obs/jpg/360px/obs-en-47-03.jpg)

पाबल आ सिलास उ पराथना करेबला जगहमे अदमिसबकेसङे पराय भेट करे । हरेक दिन जइसन ओकनिके यिहे माहे जाए,तब भुतअतमा लागल एगो दास कुमार सौरी ओकनिके पिटियाके सङे-सङे जाए । आ सौरी भुतअतमाके सहारासे अदमिसबसे पैसा लेके ओकर भबिस्यके बारेमे बताए । उ यिहे कामसब कके अपन मालिकके लेल बहुत कमाइ कके देबे ।

![](https://cdn.door43.org/obs/jpg/360px/obs-en-47-04.jpg)

तब उ भुतअतमा लगल सौरी पाबल आ सिलासके पछारी आके चिचियाए कहे लगलख कि,“यि अदमिसब परमेस्वरके सेबकसब बा । येकनिके तोहनिसबके मुक्तिके रस्ता बतारहल बा ।

![](https://cdn.door43.org/obs/jpg/360px/obs-en-47-05.jpg)

तब एकदिन फेरु यि भुतअतमा लागल कुमार सौरी चिचियाए लगलख,तब पाबल ओकरा ओरी घुमके ओकर भितर रहल दुस्टअतमाके कहलख,“यिसुके नामसे ओकरामेसे निकलके भगजो ।”सेकरबाद उ सौरिमेसे दुस्टअतमा निकलके उहे घरी भाग गेल ।

![](https://cdn.door43.org/obs/jpg/360px/obs-en-47-06.jpg)

अइसन देखके यि नोकरनी सौरीके मालिक बहुत जोरसे पाबल उपरी खिसिया गेल । काहेकी ओकरा मालुम होगेल कि, यि आब हमरा कामइ कके देबे नसकी ।

![](https://cdn.door43.org/obs/jpg/360px/obs-en-47-07.jpg)

ओहिसे उ नोकरनी सौरिके मालिक पाबल आ सिलासके पकरके रोमी हाकिमसबके पास लेके गेल,तब यि रोमी हाकिमसब दुनुजनाके पिटाइ कैलख आ जेलमे ढोकदेल ।

![](https://cdn.door43.org/obs/jpg/360px/obs-en-47-08.jpg)

यि रोमी हाकिमसब पाबल सिलासके जेलके सबसे सुरक्छित जगहमे लेजाके रखलख आ ओकनिके गोरमे तुरुङमे ठोकदेलख । फिरभी मध्यरातके समयमे,ओकनिके परमेस्वरके परसंसाके गितसब गाइत रहे ।

![](https://cdn.door43.org/obs/jpg/360px/obs-en-47-09.jpg)

सेकरबाद, उहबा एकासी बहुत बरका भुकम्प गेल । आ सरा कैदीसबके बनधन खुलगेल आ जेलके सभे केबारिसब भि खुलगेल ।

![](https://cdn.door43.org/obs/jpg/360px/obs-en-47-10.jpg)

जब जेलके हाकिम निनसे उठलख,तब देखैत बा कि,जेलके सरा दुवार खुला बा,तब हाकिम डेरागेल आ अपन तलबारसे अपने आपके हत्या करेके चाहलख । लेकिन पाबल आ सिलास कहलख,“ हमनिक सभे जना यिहबे बारी,“ओहिसे अपने-आपके कवनि किसिमके हानी न करु ।”

![](https://cdn.door43.org/obs/jpg/360px/obs-en-47-11.jpg)

तब हाकिन डरसे थरथराइत पाबल आ सिलासके पास जाके पुसलख कि,“उधार पाएके लेल हमरा खती करेके परी ?”तब पाबल हाकिमके जबाफ देलख,“यिसुमे बिसबास करु,ताकी अपने आ अपनेके सब परिबार उधार पासके ।सेकरबाद पाबल आ सिलासके हाकिम अपन घरमे लेगेल आ ओकनिके घाओसब धोदेलख । तब पाबल हाकिमके सभे परिबारके यिसुके बारेमे सुसमाचार सुनैएख ।

![](https://cdn.door43.org/obs/jpg/360px/obs-en-47-12.jpg)

तब यि हाकिमके सभे परिबार यिसुमे बिसबास कैलख आ बपतिस्मा लेलख । तब हाकिमके परिबारसबके सङे पाबल आ सिलास भोजन खैएलख आ एकसाथ आनन्द मनैलख ।

![](https://cdn.door43.org/obs/jpg/360px/obs-en-47-13.jpg)

उके दोसरका दिन सहरके हाकिमसब पाबल आ सिलासके जेलसे छोरदेलख । तब ओकनिके फिलिप्पीसे निकलेसे पहिले पाबल आ सिलास लिडिया आरु सङहतियासबसे भेट करलेलाके बाद ओकनिके उ सहरसे निकलके चलगेल । यिसुके बारेमे सुसमाचार फैलैत गेल आ मन्डली भि बरहैत गेल ।

![](https://cdn.door43.org/obs/jpg/360px/obs-en-47-14.jpg)

पाबल आ आरु खिरिसटियन अगुवासब बहुत सहरसबमे यिसुके बारेमे सुसमाचार परचार करैत आ सिखाइत यातरा कैलख । ओकनिके मन्डलिमे भेल बिसबासिसबके उतसाह देबेके लेल आ सिखाएके लेल पाबल बहुत चिठीसब भि लिखलख । उहेमेसे कुछ चिठिसब आजु बाइबलके किताबसब बा ।

*बाइबलको कथा: प्रेरित १६:११-४० बाट*

## 48. ४८. यिसु परतिग्या कैल मसिह बा

https://openbiblestories.org/l/thl-x-rautahat/story-48/

![](https://cdn.door43.org/obs/jpg/360px/obs-en-48-01.jpg)

जब परमेस्वर संसारके सिरिस्टि कैले रहे,तब सभे बात सिध रहे ।उहा कवनो पाप नरहे । आदम आ हबा एक-पसमे पेरेम करे,आ ओकनिके परमेस्वरके पेरेम करे । उहबा कवनो रोग आ मिरतु नरहे । परमेस्वरके चाहल जैसनके संसार रहे ।

![](https://cdn.door43.org/obs/jpg/360px/obs-en-48-02.jpg)

बगैचामे हबाके छल कके सैतान सापके माध्यमसे बोल्लख ।तब हबा,आदम परमेस्वरके बिरोधमे पाप कैलख । तब ओकनिके पाप कैलाके कारन मिरतु,रोग,पिरा,यी सभे संसारके सरा अदमिसबके जिबनके एगो हिसा बनगेल ।

![](https://cdn.door43.org/obs/jpg/360px/obs-en-48-03.jpg)

काहेकी आदम आ हबा पाप कैलासे भी भ्यानक त ओकनिके परमेस्वरके दुसमन होगेल । ओकरे फलस्वरुप,उहे समयसे सभे अदमिसब जलमतेही पाप-स्वभाब लेके जलमैए आ ओकनिके भि परमेस्वरके सतरु होजाइए । परमेस्वर आ अदमिसब बिचके नता पाप कैलाके कारनसे टुटगेल । फिरभी उ नता फेरुसे जोरेकेलेल परमेस्वरसङे एगो योजना रहे ।

![](https://cdn.door43.org/obs/jpg/360px/obs-en-48-04.jpg)

तब परमेस्वर वादा कैलख कि,हबाके जरिए हि एगो सन्तानके जलम होइ,आ उ सैतनके सिर कुची,आ सैतान ओकर ऐरीमे डसी । येकर अरथ यि बा कि,सैतान मसिहाके मुयादी । लेकिन परमेस्वर ओकरा फेरुसे मरलमेस जिन्दा कदी । तब मसिहा सैतानके सभे सक्तिके सदाके लेल खतम कदी । बहुत बरिसके बाद परमेस्वर यिसु हि मसिहा कहके परकट कैलख ।

![](https://cdn.door43.org/obs/jpg/360px/obs-en-48-05.jpg)

जब परमेस्वर सरा पिरथिबिके जलपरलयके द्वारा नास कैलख,तब परमेस्वरमे बिसबास करेबला अदमिसबके लेल परमेस्वर पनिया जहाज बनबाके जलपरलयसे बचालेलख । ठिक औसनके हरकोइ पापके कारन नस्ट होएके योग्य बा । लेकिन परमेस्वर यिसुमे बिसबास करेबला सबके उधारके एगो रस्ता देलख ।

![](https://cdn.door43.org/obs/jpg/360px/obs-en-48-06.jpg)

सय बरिसतक, अदमिसबके पापके कारन पुजहारिसब डन्डके समझना कराएकेलेल परमेस्वरके निरन्तर रुपसे बलिदान चरहाए । लेकिन उ बलिसे ओकनिके पापके हरन करे नसकलख । ओहिसे यिसु परधान पुजहारीके रुपमे अएलख । काहेकी,यिसु आरु पुजहारिसबके जइसन नकैलख,बलकी अपना आपके एकलवता बलिके रुमे अरपनाके अरपन कदेलख, ताकी संसारके सभे अदमिसबके पाप उठाके लेजाए । ओहिसे यिसु सिध परधान-पुजहारी रहे । काहेकी हरेक अदमिसबके पापके लेल यिसु डन्ड भोगलख ।

![](https://cdn.door43.org/obs/jpg/360px/obs-en-48-07.jpg)

परमेस्वर अबरहामसे कहलख,“पिरथिबिके सभे जातके अदमी तोहरेद्वार आसिसित होइ ।”ओहिसे यिसु अबरहामके बंससे अएलख । सभे जातके अदमिसब ओकरेद्वारा आसिसित होइ,काहेकी सभे जना जे यिसुमे बिसबास करी,ओकनिके अपन पापसे उधार पाइ,आ अबरहामके आतमिक सन्तान बनजाइ ।

![](https://cdn.door43.org/obs/jpg/360px/obs-en-48-08.jpg)

जब परमेस्वर अबरहामके एकेगो बेटा,इसहाककेबलिदान चरहाएके कहलख,तब परमेस्वर ;सहाकके बदलामे बली होएके लेल एगो भेराके बच्चा जुटैलख । औसनके हमनिके सभेजना पापके कारन मिरतुके योग्यके बारी । फिरभी परमेस्वर यिसुके भेजलख आ हमनिके पापके कारन बलिदान होएसे हमनिके बदलामे यिसु बलिदान होगेल ।

![](https://cdn.door43.org/obs/jpg/360px/obs-en-48-09.jpg)

जब परमेस्वर मिस्रदेसमे अन्तिम बिपती पठैलख,तब परमेस्वर कहलख हरेक इजराएली परिबारके एगो सुध भेराके बच्चाके बलिदान कके ओकर खुन अपन-अपन घरके दुवारिके चौखटमे उपरिसे लेके निचातक लगैहे । जब परमेस्वरके मिरतुके दुत उ खुन जवन-जवन घरमे देखलख,उघरके छोर देलख आ ओकनिके जेठ सन्तान न मरलख । यि घटनाके निसतार पबनी कहैए ।

![](https://cdn.door43.org/obs/jpg/360px/obs-en-48-10.jpg)

यिसु हमनिसबके लेल निसतार पबनिके बलिदानके भेराके बच्चा बा । यिसु सिध आ पापरहित रहे आ निसतार पबनि मनाएके समयमे यिसु मारगेल । जब केहु यिसुमे बिसबास करी,यिसुके खुनसे उ अदमिके पापके मोल तिर दीइ, आ परमेस्वरके डनड ओकरा उपरिसे हट जाइ ।

![](https://cdn.door43.org/obs/jpg/360px/obs-en-48-11.jpg)

तब परमेस्वर अपन चुनल अदमी इजराएलिसबसे एगो करार कैलख । लेकिन आब परमेस्वर एगो लया करार बनैएले बा । जवन कि,सभेके लेल उपलब्ध बा । ओहिसे यि लया करारके कारनसे कवनो भि अदमी यिसुमे बिसबास करी उ परमेस्वरके सन्तान बनजाइ ।

![](https://cdn.door43.org/obs/jpg/360px/obs-en-48-12.jpg)

मोसा एगो बहुत बरका अगमबक्ता रहे,आ उ परमेस्वरके बचनके घोसना करे । लेकिन यिसु ओकरोसे बरका अगमबक्ता रहे । यिसु परमेस्वर बा,ओहिसे यिसु जथी कैलख आ जथी बोल्लख उ सभे काम परमेस्वरके बचनके कामसब रहे । यि कारनसे यिसुके परमेस्वरके बचन कहैए ।

![](https://cdn.door43.org/obs/jpg/360px/obs-en-48-13.jpg)

परमेस्वर रजा दाउदसे करार कैएले रहे कि,ओकर सन्तानसब मध्यमेसे एकजना रजाके रुपमे सदा-सरबदाके लेल परमेस्वरके अदमिसब उपरी राज्य करी । काहेकी यिसु परमेस्वरके बेटा आ मसिह बा । उ दाउदके उ बिसेस बन्स बा,जेकी सदा-सरबदा राज कर सकैत बा ।

![](https://cdn.door43.org/obs/jpg/360px/obs-en-48-14.jpg)

दाउद खाली इजराएल देसके रजा रहे । लेकिन यिसु यि सरा बरहमानडके रजा बा । यिसु फेरु यि संसारमे न्याय करेके लेल आ सान्तिके साथ हमेसाके लेल राज करी ।

*बाइबलको कथा: उत्पत्ती १-३,६,१४,२२; प्रस्थान १२, २०; २ शमूएल ७; हिब्रु ३:१-६, ४:१४-५:१०, ७:१-८:१३, ९:११-१०:१८; प्रकाश २१ बाट*

## 49. ४९. परमेस्वरके लया करार

https://openbiblestories.org/l/thl-x-rautahat/story-49/

![](https://cdn.door43.org/obs/jpg/360px/obs-en-49-01.jpg)

एगो स्वरगदुत मरियम नामके एकजना कुमार सौरिसे कहलख कि,तुउ परमेस्वरके बेटाके जलम देबे । उ कुमारे रहे,फिरभी उ कुमारे अबस्थामे एगो बेटाके जलम देलख आ ओकर नाम यिसु रखलख । ओहिसे यिसु अदमी आ परमेस्वर दुनु बा ।

![](https://cdn.door43.org/obs/jpg/360px/obs-en-49-02.jpg)

यिसु बहुत अचमके काम कैलख,उसे परमानित होइए कि,यिसु पानिके उपरी भी चल्लख,आन्हिके भि सान्त कैलख,आ बहुत रोग-बिमारसे लथरल अदमिसबके निमन कैलख,अदमिसबमेसे दुस्टअतमासबके भि निकाल्लख ।मरल अदमिके भि जिया देलख,पाचगो रोटी आ दोगो मसरिसे ५००० हजार अदमिसबके पेट भर खिएलख। तब यिसे परमानित होइके यिसु बासतबमे परमेस्वर बा ।

![](https://cdn.door43.org/obs/jpg/360px/obs-en-49-03.jpg)

यिसु महान सिकछक भि रहे,ओहिसे उ अधिकारके साथ बोलैत रहे,काहेकी यिसु परमेस्वरके बेटा रहे । यिसु सिखैलख कि,तोहनिके दोसर कोइके अउसनके मया करिहे जइसे कि,तोहनिके अपना आपके मया करैसे ।

![](https://cdn.door43.org/obs/jpg/360px/obs-en-49-04.jpg)

यिसु यि भि सिखैलख कि,तोहनिके परमेस्वरके यि संसारके सभे चिजसबसे भि बहुत जादा मया करिहे,जइसे कि,तोहनिके धन-समपतिसे भि बरहके ।

![](https://cdn.door43.org/obs/jpg/360px/obs-en-49-05.jpg)

यिसु कहलख कि, परमेस्वरके राज संसारमे भेल कवनो भि चिजसे बहुत मुल्यबान बा । केकरोके लेल सबसे मुल्यबानके बात हि परमेस्वरके राज्यके होएलामे बा । परमेस्वरके राजमे परबेस करेके लेल,तोहनिके अपन पापसे मुक्ति पाएके परी ।

![](https://cdn.door43.org/obs/jpg/360px/obs-en-49-06.jpg)

यिसु सिखैलख कि,कुछ लोग ओकराके गरहन करी आ मुक्ती पाइ,लेकिन बहुतसे लोग अइसे नकरी । तब यिसु कहलख कुछ अदमी निमन भुमिके जइसन बा । ओकनिके यिसुके बारेमे सुसमाचार पराप्त करैए आ मुक्ती पाइए । कुछ लोगसब रस्ता आ काटके झोखिके जइसन बा जहबा परमेस्वरके बचनके बिया न ढुकैए आ न फल फलाइए उ अइसन अदमी बा कि,यिसुके बारेमे सुसमाचारके सुनेसे इनकार करैए आ परमेस्वरके राज्य भितरी न ढुकैए ।

![](https://cdn.door43.org/obs/jpg/360px/obs-en-49-07.jpg)

यिसु सिखैलख कि,परमेस्वर पापिसबके बहुत मया करैए । आ ओकनिसबके परमेस्वर माफी देबेके चाहैए आ ओकनिके अपन सन्तान बनाएके चाहैए ।

![](https://cdn.door43.org/obs/jpg/360px/obs-en-49-08.jpg)

यिसु अइसे भि सिखैलख कि,परमेस्वर पापके घिरना करैए । जब आदम आ हबा पाप कैलख,उसे ओकनिसबके सभे सन्तानसबके असर पारलख । फलस्वरुप संसारमे सभे अदमिसब पाप करैए आ परमेस्वरके उपस्थितिसे भागल रहैए । ओहिसे सभेजना परमेस्वरसे दुर होगेल बा ।

![](https://cdn.door43.org/obs/jpg/360px/obs-en-49-09.jpg)

लेकिन परमेस्वर संसारमे भेल अदमिसबके येतना न मया कैलख कि,परमेस्वर उअपन एकलवता बेटाके देदेलख,ताकी यिसु उपरी बिसबास करेबला केहु भि उअपन पापके कारन सजाए न भोगे आ उ हरमेसा परमेस्वरके सङे रहसके ।

![](https://cdn.door43.org/obs/jpg/360px/obs-en-49-10.jpg)

अदमिसब अपने पापके कारनसे,परमेस्वरके नजरमे अपराधी आ मिरतुके हकदार बा । ओहिसे परमेस्वर महनिके उपरी खिसियाके सजाए देबेके चाही,लेकिन परमेस्वर अपन खिस हमनिके सटामे यिसुके उपरी झारलख । जब यिसु कुरुसमे हमनिसबके लेल मारल गेल आ यिसु हमनिके सजाए भोगेसे बचालेलख ।।

![](https://cdn.door43.org/obs/jpg/360px/obs-en-49-11.jpg)

यिसु कहियोन कवनि किसिमके पाप कैलख,लेकिन उ सजाए भोगलख । काहेकी संसारके हरेक अदमिसबके पाप उठाके लेजाए बला सुध बलिके रुपमे मरेके लेल चाहलख । ओहिसे यिसु जब अपना आपके बलिदान होगेलाके कारन परमेस्वर कैसनो भि पापके माफ कर सकैबा ।

![](https://cdn.door43.org/obs/jpg/360px/obs-en-49-12.jpg)

निमन कामसबसे हमनिके बचाए नसकी, परमेस्वरके सङे सम्बन्ध राखेके लेल हमनिसबके सङे कवनो भि काम न बा । खाली यिसु हि महनिसबके पापसबसे धोसकैत बा । हमनिके यि बिसबास करही केपरी कि,यिसु हि परमेस्वरके बेटा बा । आ हमनिके लेल यिसु कुरुसमे मारगेल आ परमेस्वर फेरु ओकरा मुरदामेसे जियाके उठाके लेगेल ।

![](https://cdn.door43.org/obs/jpg/360px/obs-en-49-13.jpg)

जे केहु यिसुमे बिसबास करी आ यिसु हमर मुक्तिदाता बा कहके गरहन करी उसभेके परमेस्वर बचाइ । लेकिन ओकरामे बिसबास नकरे बलासबके केकरो नबचाइ । हमनिके गरिब बारी कि धनिक,पुरुस बारी महिला,बुरहबा बारी कि, जबान कवनो फरक न पारसकैत बा । लेकिन परमेस्वर हमनिके मया करैए आ हमनिके यिसुमे बिसबास करो कहके चहैए,ताकी परमेस्वरसे नजिकी सम्बन्ध होसके ।

![](https://cdn.door43.org/obs/jpg/360px/obs-en-49-14.jpg)

यिसु अपनेसबके परमेस्वरमे बिसबास करेके लेल आ बपतिस्मा लेबेके लेल नेवता देरहलबा । कथी अपनेसब यिसु हि मसिह बा आ परमेस्वरके एकलवता बेटा बा कहके बिसबास करसकैत बारी ? कथी अपने ,अपना-अपके पापी आपरमेस्वरके डन्डके भागिदार बारी कहके बिसबास कर रहल बारी ? अपनेके पापसब उठाके लेजाएके खातिर यिसु कुरुसमे मारल गेल कहके कथ अपने बिसबास कर रहल बारी ?

![](https://cdn.door43.org/obs/jpg/360px/obs-en-49-15.jpg)

यदी अपनेके जिबनके लेल यिसु कथी कैले बा से बिसबास करब त अपने एक इसाइ बारी

![](https://cdn.door43.org/obs/jpg/360px/obs-en-49-16.jpg)

यदी अपने एक इसाइ बारी त,जे कुछ यिसु कैलख उकारनसे परमेस्वर अपनेके पापसब माफ कदेलख । परमेस्वर आब अपनेसबके एगो दुसमनके जइसन न देखैबा बरु एगो नजिकके सङहतिया समझ रहल बा ।

![](https://cdn.door43.org/obs/jpg/360px/obs-en-49-17.jpg)

यदी अपने परमेस्वरके सङहतिया आ यिसु परभुके सेवक बारी कहके अपने आब यिसुके सिखाएल बातसबके मानेके नचाहैत बारी त,अपने इसाइ होके भी,आरु बहुत अपने पाप करेबला परिक्छामे परब । लेकिन परमेस्वर बिसबासयोग्य बा । काहेकी उ कहरहल बा कि,यदी अपनेसब अपन पापसबसे पराचित करब त,परमेस्वर अपनेके माफ कदी आ पापके बिरुध समना करेके लेल परमेस्वर अपनेके सक्ती दी ।

![](https://cdn.door43.org/obs/jpg/360px/obs-en-49-18.jpg)

परमेस्वर अपनेसे कह रहल बा कि,तोहनिके पराथना कर,बचन अध्यन कर आ इसाइसबके सङे अराधना कर,सेकरबाद यिसु अपनेके जिबनमे कैसन न पतियाएबला कामसब कैलखसे आरु अदमिसबके भि बताउ कहके परमेस्वर कह रहल बा । यि सभे बातसबसे अपनेके परमेस्वर सङे आरु बहुत घनिस्ट समबन्ध राखेकेलेल मदत करी ।

*बाइबलको कथा: रोमी ३:२१-२६, ५:१-११; यूहन्‍ना ३:१६; मर्कूस १६:१६; कलस्सी १:१३-१४; २ कोरन्थी ५:१७-२१; १ यूहन्‍ना १:५-१० बाट*

## 50. ५०. यिसु फेरु आइ

https://openbiblestories.org/l/thl-x-rautahat/story-50/

![](https://cdn.door43.org/obs/jpg/360px/obs-en-50-01.jpg)

करिब २००० हजार बरिससे संसारभरके बहुतसे बहुत अदमिसब यिसु मसिहके बारेमे सुसमाचार सुनैत आरहलबा । मन्डली भि बरह रहल बा । यिसु परतिग्या कैले बा कि,संसारके अन्तमे हम लवटके फेरु यि संसारमे आएब । लेकिन यिसु अभी भी लवटके न आएल बा फिरभी यिसु अपन परतिउया पुरा करी ।

![](https://cdn.door43.org/obs/jpg/360px/obs-en-50-02.jpg)

जब हमनिके यिसुके आगमनके परतिक्सा करैत बारी त,हमनिके पबितरताके जिबन जिइ कहके परमेस्वर चाहैय,जेकनिके ओकरा आदर करैए । हमनिके आरु अदमिके भि ओकर राज्यके बारेमे बताउ कहके उ चाहैए । जब यिसु यि संसारमे रहे त, उ कहलख,“हमर चेलासब परमेस्वरके राज्यके बारेमे सरा संसारके अदमिसबके सुसमाचार सुनादी,सेकर बाद यि संसारके अन्त होजाइ ।”

![](https://cdn.door43.org/obs/jpg/360px/obs-en-50-03.jpg)

आजु भी बहुत अदमिसब यिसुके बारेमे न सुनल्लेबा । ओहिसे यिसु स्वरगमे जाएसे पहिले अपन बिसबासिसबसे कहलख,जवन अदमिसब अभितक कहियोन सुसमाचार न सुनल्ले बा । ओकनिसबके लगे ,“जोअ आ सभे जातके अदमिसबके चेला बनाअ ।”

![](https://cdn.door43.org/obs/jpg/360px/obs-en-50-04.jpg)

यिसु अइसे भी कहलख,“कवनो भि दास अपन मालिकसे बरका न होसकैसै ।जैसे यि संसारके हाकिमसब हमरा घिरना कैलख,ओकनिके हमरा खातिर तोहनिके दुख दी आ मुयादी । यि संसारमे तोहनिके कस्ट भोगेपरी तब परभी,उतसाहित होअ,काहेकी हम यि संसारके सासक सैतानके हरादेलबारी । यदी तोहनिके अन्तिम घरितक बिसबासयोग्य रहबे त,परमेस्वर तोहनिसबके उधार करी ।

![](https://cdn.door43.org/obs/jpg/360px/obs-en-50-05.jpg)

यिसु अपन चेलासबसे संसारके अन्ति घरिमे कैसन होइ कहके बुझाएके लेल एगो कथा कहलख । “एकजना अदमी अपन खेतमे बहत बन्हिया गहुमके बिया बोएलख । जब उ सुतल रहे । तब ओकर दुसमन आके गहुमके बिचमे समाके बिया बोके चलगेल ।”

![](https://cdn.door43.org/obs/jpg/360px/obs-en-50-06.jpg)

“जब उ बिया जमलख,तब उ अदमिके दाससब कहलख,मालिक“अपने त उ खेतमे बहुत बन्हिया गहुमके बिया बोएले रहली । लेकिन कहासे उमे समा जामगेल ?” तब ओकर मालिक जबाफ देलख,“हमर कवनो दुसमन आके समा बोअ देले होइ ।”

![](https://cdn.door43.org/obs/jpg/360px/obs-en-50-07.jpg)

“तब यि दाससब अपन मालिकके जबाफ देलख,‘कथी हमनिके जाके उ समाके उखार दु ?’ तब ओकर मालिक कहलख अभी ओकराके नउखार काहेकी जब ओकरा उखारबे त गहुम सुधा उखार देबे । ओहिसे कटनिके समयतक हसिया सेकरबाद समासबके बिटोरके जराके लेल बोझा बनाअ,लेकिन गहुमसब हमर बेरहिमे ल्याके राख ।”

![](https://cdn.door43.org/obs/jpg/360px/obs-en-50-08.jpg)

लेकिन चेलासब यि कथाके बारेमे नबुझे सकलख,ओहिसे ओकनिके यिसुसे यि कथाके अरथ बुझादेबेके लेल अनुरोध कैलख । तब यिसु बतैएलख कि,“निमन बिया बोए बला अदमी मसिहके परतिनिधित्व करैए ।खेत संसारके जनाए । आ निमन बिया परमेस्वरके राज्यके अदमिसबके परतिनिधित्व करैए ।”

![](https://cdn.door43.org/obs/jpg/360px/obs-en-50-09.jpg)

समासब दुस्ट अदमिसबके परतिनिधित्व करैए । समा बोदेबेबला दुसमन सैतानके परतिनिधित्व करैए,आ कटनिके समय अन्तिमदिनके परतिनिधित्व करैए,आकटनी गरेबलासब परमेस्वरके स्वरगदुतसबके परतिनिधित्व करैए ।”

![](https://cdn.door43.org/obs/jpg/360px/obs-en-50-10.jpg)

“जब यि संसारके अन्त होइ,तब स्वरगदुतसब अधरमी अदमिसबके जम्मा करी आ ओकनिके नरकके दन्कैत आगिमे झोक दी,जहा ओकनिके रोइ आ भ्यानक कस्ट भोगी आ अपन दात पिसी ।तब धरमी जनसब अपन पिता परमेस्वरके राज्यमे सुरजके जइसन चमकी ।”

![](https://cdn.door43.org/obs/jpg/360px/obs-en-50-11.jpg)

यिसु यि भि कहले कि,संसारके अन्त होएसे पहिले हम यि संसारमे लवटके आएब । उ औसनके आइ जइसेके उ स्वरगमे गेल रहे । ओकर एगो भौतिक सरिर होइ,आ उ अकासमेसे बादलके सबारिमे आइ ।जब यिसु यि धरतिमे आइ तब हरेक मरल इसाइसब मरलमेसे जिजाइ । आ अकासमे ओकरासे भेट करी ।

![](https://cdn.door43.org/obs/jpg/360px/obs-en-50-12.jpg)

सेकरबाद उसमयमे जवन बिसबासिसब बाचल रही उसबके उपरी अकासमे उठालियाइ आ मिरतुसे जि उठल बिसबासिसबसे भेटकरी । तब ओकनिके सभेजना यिसुसङे रही । ओकरबाद यिसु अपन अदमिसबके सङे सदाके लेल सान्ति आ एकतामे बैठी ।

![](https://cdn.door43.org/obs/jpg/360px/obs-en-50-13.jpg)

यिसुमे बिसबास करेबला हरेकके बिसबासिसबके लेल जिबनके मकुट देहब कहके परतिग्या कैलेबा । ओहिसे ओकनिके परमेसवरसङे रही आ परमेस्वरसङे राज करी ।

![](https://cdn.door43.org/obs/jpg/360px/obs-en-50-14.jpg)

लेकिन परमेस्वर यिसुमे बिसबास नकरेबलासबके न्याय करी । परमेस्वर ओकनिके नरकमे फेकदी,जहाओकनिके सदाके लेल रोइ आ कस्टके कारन अपन दात पिसी । कहियोन भुताएबला आगिमे सदाके लेल ओकनिके फेकदी जहा नत किरा मरैए न त आगिए भुताइए ।

![](https://cdn.door43.org/obs/jpg/360px/obs-en-50-15.jpg)

जब यिसु लवटके आइ तब सैतानके आ ओकर राज्यके सदाके लेल नस्ट कदी ।यिसु सैतानके नरकमे फेकदी,जहा ओकनिके सदाके लेल जरी आ सैतानसङे ओकनिके भी होइ जेकनिके परमेस्वरके अग्या न मानके सैतानके अपन इस्वर बनाएके लेल रोजलख ।

![](https://cdn.door43.org/obs/jpg/360px/obs-en-50-16.jpg)

काहेकी आदम आ हबा परमेस्वरके अग्यापालन नकैलख आ यि संसारमे पापके परबेस करैलाके कारनसे परमेस्वर यि संसारके सराप देलख । आ यि संसारके नास करेके लेल निरनय कैलख । लेकिन एक दिन परमेस्वर एगो लया स्वरग लया पिरथिबीके सिरिस्टी करी जवन की,सिध होइ ।

![](https://cdn.door43.org/obs/jpg/360px/obs-en-50-17.jpg)

तब यिसु आ ओकर अदमिसब लया अकास लया पिरथिबिमे रही, आ यिसु सदाके लेल असितत्वमे रहल सभे चिज उपरी राज्य करी,आ सभेके लोर पोंस दी । सेकरबाद उहबा कवनो कस्ट,दुख रोआइ,दुस्टता,बेदना,आ मिरतु नहोइ । यिसु सान्ति आ न्यायके साथ अपन राज्यके सासन करी,आ यिसु अपन अदमिसबके सङे सदाके लेल रही ।

*बाइबलको कथा: मत्ती २४:१४, २८:१८, यूहन्‍ना १५:२०, १६:३३, प्रकाश २:१०, मत्ती १३:२४-३०, ३६-४२, १ थेसलोनिकी ४:१३-५:११, याकूब १:१२, मत्ती २२:१३, प्रकाश २०:१०, २१:१-२२:२१ बाट*
