# unfoldingWord Open Bible Stories — Dangaura Tharu (Tharu, Dangaura)

- Language code: `thl`
- Canonical page: https://openbiblestories.org/l/thl/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Dangaura Tharu translation; it is not a translation of the whole Bible.

## 1. ०१. सृष्टि

https://openbiblestories.org/l/thl/story-1/

![](https://cdn.door43.org/obs/jpg/360px/obs-en-01-01.jpg)

सक्कु चीजके सुरु यैसिक हुइल। परमेश्वर सक्कु संसार ओ वम्ने रहल सक्कु चीज हे छे दिनमे बनईनै। ओ परमेश्वर पृथ्वी फे बनईनै, पृथ्वी अन्धार् ओ खाली रहे वम्ने कुछ चीज फे बनाईल नाई रहे। मने परमेश्वरके आत्मा पानीक् उप्पर उप्पर नेगै ओ उहै रहैँ।

![](https://cdn.door43.org/obs/jpg/360px/obs-en-01-02.jpg)

तब परमेश्वर कहनै, "ओज्रार होजा" तब ओज्रार होगिल।

![](https://cdn.door43.org/obs/jpg/360px/obs-en-01-03.jpg)

दोसर दिन, परमेश्वर पृथ्वीक उप्पर आकाश बनईनै। ओ ऊ पृथ्वीके उप्पर ओ पृथ्वीके तरे रहल पानी हे अलग करके आकाश फे बनईनै।

![](https://cdn.door43.org/obs/jpg/360px/obs-en-01-04.jpg)

तिसर दिन, परमेश्वर पृथ्वी मानिक पानी हे एक ठाउँमे जम्मा करके सुखल जमिनसे अलग कर्नै। ओ सुखल जमिनहे "पृथ्वी" कहनै ओ पानी हे "समुन्द्र" कहनै। अपन् बनाईल सक्कु चीज परमेश्वर हेर्नै ओ ऊ सब चीज मजा रहे।

![](https://cdn.door43.org/obs/jpg/360px/obs-en-01-05.jpg)

ओकर पाछे परमेश्वर कहनै, " पृथ्वी सक्कु चीज के रुखुवाबरिखुवा जमाए।” तब ओस्ते हुइगिलस्। परमेश्वर देख्नै कि हुँकार बनाईल सब चीज मजा रहे।

![](https://cdn.door43.org/obs/jpg/360px/obs-en-01-06.jpg)

चौथा दिन, परमेश्वर डिन, जोन्ह्याँ ओ तोरईँया हुक्रन बनईनै। परमेश्वर पृथ्वीहे ओज्रार देहेक लग दिन ओ रात छुट्याइक लग ऋतु ओ वर्ष छुट्याइक लग खास करके यी डिन, जोन्ह्याँ ओ तोरईँया फे बनइनै। यी सब चीज बनाके सेक्नै तब हेर्नै सक्कु चीज मजा रहे।

![](https://cdn.door43.org/obs/jpg/360px/obs-en-01-07.jpg)

पाँचौं दिन, परमेश्वर पानीमे पहुरना सक्कु चीज ओ सक्कु किसिमके चिरई चुरुङ्गन हुक्रन बनइनै। परमेश्वर ऊ सक्कु चीज हेर्नै ओ मजा देख्नै, ओ ओइन पृथ्वीमे बहरती भर्टी जाऊ कैके आशिष् देनै।

![](https://cdn.door43.org/obs/jpg/360px/obs-en-01-08.jpg)

सृष्टिक छैठौं दिन, परमेश्वर कहनै "पृथ्वमे सक्कु किसिमके भुइयामे नेङ्ना प्राणी होइँ।” तब् जस्ते हुइगिल। कौनो जनावर हुक्रे घर पालुवा रहैँ, कौने भुइँयामे घिस्याइना ओला रहैँ आउर कौनो जुन बनवामे रहना वाला रहैँ। परमेश्वर यी सब चीज हेर्नै टो मजा देख्नै।

![](https://cdn.door43.org/obs/jpg/360px/obs-en-01-09.jpg)

ओकर पाछे परमेश्वर, मनईन अपने प्रतिरुपमे बनाइनै। यी मनइ सब पृथ्वीमे ओ पृथ्वीमे रहल सब जीवजन्तु हुक्रनमे अधिकार कर्ही।” कैके आशिष देनै।

![](https://cdn.door43.org/obs/jpg/360px/obs-en-01-10.jpg)

उहे मारे परमेश्वर भुइयामासे कुछ माटी लेके औ मनईयक आकार देके वकरमे जीवनके साँस दारदेनै। ओ ऊ मनईयक् नाउँ आदम रहिन्। तब जाके परमेश्वर एक्थो बगिया बनइनै ओ बगिया हेरेक लग आदम हिन् वहा बरहेर्वा के रुप मे ढर्नै।

![](https://cdn.door43.org/obs/jpg/360px/obs-en-01-11.jpg)

बगियाक् बिच्चेमे, परमेश्वर दुई थो खास रूखवन लगइनै - जीवनके रूखवा ओ मजा वा खराब ग्यान् देना रुखवा। परमेश्वर आदमहे कहनै कि सक्कु रुखुवक फल खाइस मने मजा ओ खराब ग्यान देना रुखवाके फल भर् नाई खाइस। अगर आदम ऊ रुखवाके फल खाई तो ऊ मरजाई।

![](https://cdn.door43.org/obs/jpg/360px/obs-en-01-12.jpg)

तब परमेश्वर कहनै, "मनइया अक्केली रहना ठिक नाई हो। '' मने वहाँ रहल कौनो फे जनावर आदमके संघरया नाई बने सेक्नै।

![](https://cdn.door43.org/obs/jpg/360px/obs-en-01-13.jpg)

उहे मारे परमेश्वर आदमहे गहिर निन्दमे पर्नै ओ आदमके करङमनसे एकठो करङ लेनै ओ उहे करङमनसे एकठो जन्नी मनइ बनइनै ओ उहिन आदमके थे लन्नै।

![](https://cdn.door43.org/obs/jpg/360px/obs-en-01-14.jpg)

जब आदम उहिन देख्नै, तो कहनै, “यी तो मोरे हड्डीके हड्डी हो ओ मोरे मासके मास हो। यिहिन जन्नी कहबी। काहेकी यिहिन थारुके करंग मनसे निकर्नै। ''

![](https://cdn.door43.org/obs/jpg/360px/obs-en-01-15.jpg)

परमेश्वर थारु मनई ओ जन्नी मनई अपन स्वरुपमे बनइनै ओर आशिष् देनै ओ कहनै, “धेर लरकापरका जन्मईहो ओ पृथ्वीमे भरती जइहो। '' ओ परमेश्वर अपन बनाइल सक्कु चीज मजा देख्नै, ओ यी सब कामसे खुस् हुइनई। यी सक्कु बात् छैठौं दिनसम् हुइल रहे।

![](https://cdn.door43.org/obs/jpg/360px/obs-en-01-16.jpg)

जब् सातौ दिन आइल, परमेश्वर अपन सक्कु काम ओरवासेक्ले रहैं। तबे अपन सक्कु कामसे ऊ बिस्राम लेनै। ऊ सातौ दिनहे आशिष् देहेनै ओ पवित्र कनै, काहेकी ऊ दिन अपन कामसे परमेश्वर अराम कर्नै। अइसिके परमेश्वर सक्कु संसार ओ ओम्ने रहल सब चीज बनइनै।

*बाइबलके कथा : उत्पत्ती १-२ से*

## 2. ०२. सन्सारमे पापके सुरु

https://openbiblestories.org/l/thl/story-2/

![](https://cdn.door43.org/obs/jpg/360px/obs-en-02-01.jpg)

परमेश्वर वैनहनके लग बनाइल सुग्धर बगियामे आदम ओ हव्वा बहुत खुसीसे बैथल रहैं। दुनु जाने बिना लुगरा लगैले बैथैं; तौन्फे यी बातमे वैनहन कौनो लाज नाइ रहिन, काहेकी सन्सारमे पाप नाइ रहे। वैने बगीयामे घुम्ना ओ परमेश्वरसँगे बात बताईँ।

![](https://cdn.door43.org/obs/jpg/360px/obs-en-02-02.jpg)

मने ऊ बगीयामे एकठो चत्तुर सपुवा रहे। ऊ जन्नी हे पुछल, “का जत्तिसे परमेश्वर तोनहन बगिया मे रहल कौनो रुखवाक फल नाई खइहो कहले बाटैँ?''

![](https://cdn.door43.org/obs/jpg/360px/obs-en-02-03.jpg)

जन्नी बतइनीन, “परमेश्वर हमहान मजा ओ खराबके ग्यान देना रुखवाके फल नाई खईहो कहले बातैं। परमेश्वर हमहान कहले बातै! तुहुरे ऊ रुखवाके फल खईबो ओ छुबो किलतो तुहुरे मरजिबो।

![](https://cdn.door43.org/obs/jpg/360px/obs-en-02-04.jpg)

तब् सपुवा जन्नीहिन कहल, " यी बात ठागल नाई हो। यी फल खाके परमेश्वर जस्ते हुईजिबो। ''

![](https://cdn.door43.org/obs/jpg/360px/obs-en-02-05.jpg)

मजा ओ खराब ग्यान देना फल सुघ्घर ओ मिठ देख्निन्। ऊ फे बुद्धिमान हुइना चाहानिन्, तबे बगीया मनसे फल तुरके खालेलिन्। ओर ऊ आदमहे फे फल देनिन् ओ आदम फे उहे फल खइनई।

![](https://cdn.door43.org/obs/jpg/360px/obs-en-02-06.jpg)

एक्चोत्ते वैनके आँखी खुल्निन्, ओ वैने अप्ने आपहे नङ्गा रहल पता पइनै। तब वैने पट्याक लुग्गा बनाके अपन देँह हे छोप्नै।

![](https://cdn.door43.org/obs/jpg/360px/obs-en-02-07.jpg)

तब् आदम ओ हुकार जन्नी बगीयामे परमेश्वर नेङती रहल अवाज सुन्नै। वैने (ओइने ) दुनुजाने नुक्नै। तब् परमेश्वर आदमहे बोलाके कहनै, “तइँ कहाँ बाते?'' आदम कहनै, “मइँ नेङगत् सुन्नु तो डरइनु, काहेकी मइँ नङ्गा रहुँ। उहेमारे मै नुके (नुक्नु )

![](https://cdn.door43.org/obs/jpg/360px/obs-en-02-08.jpg)

तब् परमेश्वर पुछ्नै, “तइँ नङ्गा बाते कैके तुहिन के कहल्? का मइँ जोन रुखवाक फल नाइ खाइस कले रहु तइँ उहे खईले?'' आदम जवाफ देहेल्, “जोन जन्नी (स्त्री ) देले रहो उहे महिन् यी फल देहेल। तब् परमेश्वर जन्नीहे(स्त्री हे ) पुछ्नै तइँ यी का कर्ले?'' जन्नी (स्त्री )कहनिन्, “(उ )सपुवा महिन् ठागल (लुक्झुकुवा देहल )तबे मइँ खईनु।

![](https://cdn.door43.org/obs/jpg/360px/obs-en-02-09.jpg)

परमेश्वर सपुवाहे कनई, “तइँ स्रापित हुइलबाटे।

![](https://cdn.door43.org/obs/jpg/360px/obs-en-02-10.jpg)

ओकर पाछे परमेश्वर जन्नी (स्त्री) हे कनै, “मइँ तोर लर्का पाइबेरिक पिडा ज्यादा बरहादेम। तबु फेन तोर इच्छा तोर थरुवाक ओर रही, ओ उ तुहिन अधिकार करी।”

![](https://cdn.door43.org/obs/jpg/360px/obs-en-02-11.jpg)

परमेश्वर आदमहे (मनइया हे) कहनै, “तइँ अपन जन्नीक् बात सुन्के मोर बात नाइ मनलेक ओरसे यी जमिन तोर कारणसे स्रापित हुइलबा। खाइक लग तइँ ज्यादा मेहेनत कर्बे। तब् तइँ मुबे, ओ तोर् शरीर माटीमे मिली। '' मनइया (आदम) अपन जन्नीक नाउँ हव्वा धर्नै। जेकर मतलब् “जीवन देहुइया हो।” काहेकी ऊ सक्कु जातिनके दाइ कहलइनिन्। तब् परमेश्वर आदम ओ हव्वा हे जनावरके छालाके लुग्गा बनाके लगादेनै।

![](https://cdn.door43.org/obs/jpg/360px/obs-en-02-12.jpg)

तब् परमेश्वर कहनै, “अब् मनई हुक्रेफे हमार जैसिन मजा ओ खराब जन्ना हुइगिल बातै। उहे मारे वैने (ओइने) अब जीवनके रुखवाके फल खाके सदा दिन जित्ती रहे नाइपईही कैके परमे‌श्वर आदम ओ हव्वा हे ऊ सुघ्घर बगीया मसे निकार देनै। परमेश्वर जीवनके रुखवाके चौकीदारी करेक लग (शक्तिशाली) स्वर्गदुत हुक्रहन बगीयाके दवारमे लगइनै।

*बाइबलके कथा : उत्पत्ति ३ से*

## 3. ०३. जलप्रलय

https://openbiblestories.org/l/thl/story-3/

![](https://cdn.door43.org/obs/jpg/360px/obs-en-03-01.jpg)

धेउर समयपाछे, दुन्यामे बहुत धेउर मनाई हुइलेक आोरसे ओइने ज्यादै खराब हुइगिनै। यी खराब चाल चालन ज्यादा बहरलेक ओरसे परमेश्वर यी दुन्याहिन् एक्थो बर्वार बहियासे खटम करना सोच बनैनई।

![](https://cdn.door43.org/obs/jpg/360px/obs-en-03-02.jpg)

मने नोआ परमेश्वरसे निगाह पइनै। खराब मनइहुँक्रहनके बीचमे ऊ एकथो धर्मि मनइया रहै। परमेश्वर नोआहे बहिया पठैना बात बतैनै। परमेश्वर नोआहे एकथो जहाज बनाइ लगैनै।

![](https://cdn.door43.org/obs/jpg/360px/obs-en-03-03.jpg)

परमेश्वर नोआ हे लग्भग् १ सय ४० मिटर नम्मा, २३ मिटर चाकिल, ओ १३.५ मिटर ढेंग बरवार लाउ बनाइ कहनै। ऊ, जहाजहे कठ्रवासे ३ तल्हक् बनाइ पर्ना रहे ओ मोका फेन हुइपर्ना रहे। ऊ बरवार लाउ मे नोआ ओ हुँकार परिवार ओ हर किसिमके धर्तिमे बैथ्ना जनावर हुँक्रहन् बहियासे बचइक ओम्मे धरना रहे।

![](https://cdn.door43.org/obs/jpg/360px/obs-en-03-04.jpg)

नोआ परमेश्वरके बात मन्नै। नोआ ओ हुँकार तीन थो छावाहुँक्रे परमेश्वरके कहल जस्ते बरवार लाउ बनैनै। बरवार लाउ बरे भारी रहलेक ओरसे उहिन बनैना धेरे वर्ष लागल। नोआ मनइहुँक्रहन् बहिया अइना बा कैके चेतावनी देनै और वेनहे परमेश्वरके ओर लौट्ना सजक करैनै, मने वैने हुँकार बातमे विश्वास नाइ कर्नै।

![](https://cdn.door43.org/obs/jpg/360px/obs-en-03-05.jpg)

परमेश्वर नोआहे, हुँकार परिवार ओ जनावरहुँक्रहन चहना जत्ना खयना चीज जम्मा करे लगैनै। जब् सक्कु चीज तयार हुइगिल, परमेश्वर नोआहे अब् समय आइगिल कहनै ओ ऊ, हुँकार जन्नी, हुँकार तीन छावाहुँकन ओ पतोहियन सक्कुजहान जहाजमे जाइ कहनै (वैने जम्मा आठ नो रहैँ)।

![](https://cdn.door43.org/obs/jpg/360px/obs-en-03-06.jpg)

परमेश्वर लवरा ओ लहुन्दी करके सक्कु किसिमके पशुपन्छीके एक–एक जोर नोआक्थे पठैनै ताकि बहियाके समयमे वैने सबजे बरवार लाउ मे सुरक्षित रहैँ। परमेश्वर बलिके लग् चहना पशुपँछी हरेकके सात–सात जोरी लवरा ओ लहुन्दी करके पठैनै। जब् वैने सक्कुजे बरवार लाउ के भित्तर गइनै, तब् परमेश्वर बरवार लाउ के दुवार बन्द करदेनै।

![](https://cdn.door43.org/obs/jpg/360px/obs-en-03-07.jpg)

तब् पानी आइना सुरु हुइल। चालीस दिन ओ चालीस रातसम् लगतार पानी आइती रहल। तरेसे फेन पानी बरे जोरसे छल्कतेहे। सारा संसार ओ ढेंग ढेंग पहारहे फेन पानीमे बुरगील रहे।

![](https://cdn.door43.org/obs/jpg/360px/obs-en-03-08.jpg)

सुख्खा धर्तिमे जीईना सक्कु चाीज मरगिनै, बरवार लाउ भित्तर रहल मनइ ओ पशुपंक्षीहुँक्रे किल जीत्ती रहैँ। बरवार लाउ पानीमे उत्राइल रहे ओ भित्तर रहल सक्कुहुन बुरना बचैले राखल।

![](https://cdn.door43.org/obs/jpg/360px/obs-en-03-09.jpg)

पानी वर्षना थम्हलके पाँच महिनासम् जहाज पानीमे उत्राइल पलि रहल, ओ उहे बीचमे पानी सुख्ति जाइतेहे। और एकदिन एकथो पहारके टिप्पामे बरवार लाउ रुकगिल, मने पृथवी अभिनसम् पानीमे डुबल रहे। तीन महिनापाछे, आउर पहारके उप्रेक भाग देखाइ लागल रहे।

![](https://cdn.door43.org/obs/jpg/360px/obs-en-03-10.jpg)

आउर चालीस दिनपाछे नोआ एकथो कौवाहे पानी सुखल बा कि नाइ कैके हेरे बाहेर पठैनै। कौवा यहरओहोर सुख्खा धर्तिके खोजीमे उरे लागल, मने कहुँ फेन नाइ भेटाइल।

![](https://cdn.door43.org/obs/jpg/360px/obs-en-03-11.jpg)

पाछे नोआ एकथो ढौरी चिरैँया हे पठैनै। मने ऊ फेन सुख्खा धर्ति नाइ भेटैलस, तबेमारे ऊ नोआक्थे लौट्के आइगिल। ओकर एक हप्तापाछे नोआ फेन उहे ढौरी चिरैँया हे पठैनै, ओ ऊ चिरैया आपन ठोँरेमे एकथो जैतुनके दँहिया लैके आइल। पानी सुख्ति जाइतेहे ओ झारपात जम्ति जाइतेहे।

![](https://cdn.door43.org/obs/jpg/360px/obs-en-03-12.jpg)

एक हप्ता आउर रुक्नै तब् नोआ तिसर बेर ऊ चिरैयाहे बाहेर पठैनै। यि बेरमे ऊ चिरैया आराम कर्ना ठाउँ भेटाइगिल ओ ऊ लौटके नोआक्थे नाइ आइल। पानी सुखत जैतिरहे।

![](https://cdn.door43.org/obs/jpg/360px/obs-en-03-13.jpg)

दुई महिनापाछे परमेश्वर नोआहे कहनै, “तँई ओ तोर परिवार सक्कु पशुपंक्षीहुँक्रहन जहाजसे बाहेर निक्रे सेक्बो। तुह्रे धेउरे सन्तान जन्मैहो ओ फेनसे सारा पृथ्वीमे भरति जिहो।” तब् नोआअ ो हुँकार परिवार जहाजसे बाहेर अइनै।

![](https://cdn.door43.org/obs/jpg/360px/obs-en-03-14.jpg)

बरवार लाउ से बाहेर अइलेकपाछे नोआ परमेश्वरके लग् एकथो पुजा करना ठाउँ (पाटा) बनैनै ओ ऊ पाटामे बलिके धारल जनावरहुँक्रहनके बलि चह्रैनै। परमेश्वर ऊ बलिसे खुशी हुइनै और नोआ ओ हुँकार परिवारहे आशिष देनै।

![](https://cdn.door43.org/obs/jpg/360px/obs-en-03-15.jpg)

परमेश्वर प्रतिज्ञा कर्नै, “अब् मई कब्बु फेन मनइनके खराबिके कारण यि पृथ्वीहे श्रापित नाइ बनइम, बहियासे नाश नाइ करम, मनइनके मन छोट्टीहिसे खराब रथिन तौनफे अब् बहियासे नाश नाइ करम।”

![](https://cdn.door43.org/obs/jpg/360px/obs-en-03-16.jpg)

तब् परमेश्वर प्रतिज्ञाके चिन्हके लग् इन्द्रेणी बनैनै। हरेक बेर जब् उप्पर बदरीमे इन्द्रेणी देखाइ देहेथ, परमेश्वर आपन मनयनसँग करल वाचा सम्झथैँ।

*बाइबलके कथा: उत्पत्ति ६–८*

## 4. ०४. अब्रहामकेसग् परमेश्वरके वाचा

https://openbiblestories.org/l/thl/story-4/

![](https://cdn.door43.org/obs/jpg/360px/obs-en-04-01.jpg)

बहिया अइलेक धेउरे वर्षपाछे, संसारमे मनइहुँकहनके संख्या बहरति गैल, ओ वैने सक्कुजाने एक्के भाषा बालैँ। मने परमेश्वरके कहल जस्ते पृथ्वीमे भरेक छोरके वैने एकथन कुरिहिया गैनै ओ एकथो शहर बनाइ लग्नै।

![](https://cdn.door43.org/obs/jpg/360px/obs-en-04-02.jpg)

वैने बहुत घमण्डी रहैँ, और परमेश्वरके कहल बातके मतलबे नाइ कर्नै। वैने स्वर्गसम् पुगेक लग् ढेंग धरहरा बनाइ लग्नै। यदि वैने आउर एकसाथ खराब काम कर्ति जैलेसे वैने आउर ज्यादा अधर्मी हुई सेक्ना बात परमेश्वर देख्नै।

![](https://cdn.door43.org/obs/jpg/360px/obs-en-04-03.jpg)

तबेमारे परमेश्वर वैनके भाषा अउरे धेरे भाषामे बदलदेनै और मनइहुँक्रहन तितिरबितिर पारदेनै। वैने जौन शहर बनाइ सुरु कर्ले रहैँ, ऊ शहरके नाउँ ‘बाबेल’ रहे, जेकर अर्थ ‘अलमलमे पर्ना’ कैके रहे।

![](https://cdn.door43.org/obs/jpg/360px/obs-en-04-04.jpg)

सयौं वर्षपाछे, परमेश्वर अब्राम नाउँ रहल एकजाने मनइयासे बोल्नै। परमेश्वर उहिनहे कहनै, “तोर देश ओ घरानाहे छोर् ओ मई तुहिन देखैम उहे ठाउँमे जा। मई तुहिन आशिष देम ओ तुहिन देहेल ठाउँहे एकथो भारी देश बनैम। मई तोर नाउँ महान् करैम्। मई तोर नाउँहे भारी पारम। तुहिन आशिष देहुइयन मई आशिष देम ओ तुहिन श्राप देहुइयन श्राप देम। पृथवीमे रहल सक्कु घरानाहुँक्रे तोर कारण आशिषित हुइहिँ।”

![](https://cdn.door43.org/obs/jpg/360px/obs-en-04-05.jpg)

तब् अब्राम परमेश्वरके बात मन्नै। ऊ आपन जन्नी साराइ, आपन नोकरहुँक्रहन ओ आपन सक्कु चीज लैके परमेश्वरके देखाइल देश ओर गइनै।

![](https://cdn.door43.org/obs/jpg/360px/obs-en-04-06.jpg)

जब् अबम कनान देशमे पुग्नै, परमेश्वर कहनै, “आपन चारुओर हेर। तई ओ तोर सन्तानहे तई जत्ना देखे सेकते ओत्ना सब देश पैतृक सम्पत्तिके रुपमे तुहिन देम।” तब् अब्राम ऊ देशमे बैथे लग्नै।

![](https://cdn.door43.org/obs/jpg/360px/obs-en-04-07.jpg)

एकदिन, अब्राम परमेश्वरके पुजाहारी, मल्कीसेदेकहे भेट्नै। मल्कीसेदेक अब्रामहे आशिष दैके कहनै, “आकाश ओ पृथवीके मालिक, सर्वोच्चके परमेश्वर तुहिन आशिष देईँ।” तब् अब्राम मल्कीसेमेकहे आपन सक्कु सम्पत्तिके दशांस देनै।

![](https://cdn.door43.org/obs/jpg/360px/obs-en-04-08.jpg)

धेरे वर्ष बितगिल मने अब्राम ओ साराइके सन्तान नाइ रहिन्। परमेश्वर अब्रामसे बोल्नै ओ फोसे वाचा कर्नै कि ओकर एकथो छावा हुई ओ ओकर सन्तानहुँक्रे तोरैया”जस्ते धेर हुइहिँ। अब्राम परमेश्वरके वाचामे विश्वार कर्नै। परमेश्वर अब्रामहे धर्मि ठहरैनै काहेकि अब्राम परमेश्वरके वाचामे विश्वास कर्नै।

![](https://cdn.door43.org/obs/jpg/360px/obs-en-04-09.jpg)

तब् परमेश्वर अब्रामसे एकथो करार(वाचा) बन्ध्नै। करार दुई पक्ष बीचके सम्झौता हो। परमेश्वर कहनै, “तोर अपने शरीरसे मई तुहिन एकथो छावा देम। कनान देश मई तोर सनतानहुँक्रहन् देम।” मने अब्रामके एकथो छावा फे नाइ रहिन्।

*बाइबलके कथा: उत्पत्ति ११–१५*

## 5. ०५. वाचाके सन्तान

https://openbiblestories.org/l/thl/story-5/

![](https://cdn.door43.org/obs/jpg/360px/obs-en-05-01.jpg)

कनानमे गैलेक १० वर्ष बितगिल रहे तौनफे अब्राम ओ सराइके कौनो सन्तान नाइ हुइल रहिन्। तबेमारे अब्रामके जन्नी साराइ अब्रामहे कहनिन्, “परमेश्वर मोर कोख बन्द करदेले बाटै ओ अब् मई बुह्राइगिल बाटु, उहेमारे तुँ मोर दासी हागारसे भोज करो और ऊ मोर लग् एकथो सन्तान दिई।”

![](https://cdn.door43.org/obs/jpg/360px/obs-en-05-02.jpg)

तबेमारे अब्राम हागारसे भोज कर्नै। हागार एकथो छावा जन्मैनिन्, और अब्राम ओकर नाउँ इश्माएल धर्नै। मने साराइ हागारकेमे डाह करे लग्निन्। इश्माएल तेह्र वर्षके रह, तब् परमेश्वर फेनसे अब्रामसे बोल्नै।

![](https://cdn.door43.org/obs/jpg/360px/obs-en-05-03.jpg)

परमेश्वर कहनै, “मई सर्वशक्तिमान परमेश्वर हुँ। मई तोरसँग एकथो वाचा बाँधम्।” और अब्राम भु“यामे घोपत्या होके परमेश्वरहे दण्डवत कर्नै। परमेश्वर फेनसे कहनै, “तुँई धेउरे देशके बाबा हुइबे। कनान देशहे तुहिन ओ तोर सन्तानहुँक्रहनके हातमे सौ“प देम ओ मई सदा तोहोनके परमेश्वर रहम। त्हिन आपन घरानाके सक्कु जहानके खतना करेक पर्ना बा।”

![](https://cdn.door43.org/obs/jpg/360px/obs-en-05-04.jpg)

“तोर जन्नी साराइ एकथो छावा जन्मैहिन्–ऊ वाचाके सन्तान रहि। तैँओकर नाउँ इसहाक धारिस्। ओकरसँग मई मोर करार बाँधम्, ओ ओकर एकथो भारी देश रहिहिस्। मई इश्माएलहे फे भारी देश देम मने मई मोर करारभर् इसहाकसँग बाँधम्।” तब् परमेश्वर अब्रामके नाउँ अब्रहाम धारदेनै, जेकर अर्थ हो धेरे जहानके बाबा। परमेश्वर साराइके नाउँ ‘सारा’ धारदेनै जेकर अर्थ हो “राजकुमारी”।

![](https://cdn.door43.org/obs/jpg/360px/obs-en-05-05.jpg)

ऊ दिन अब्राहाम आपन घरानाके सक्कु पुरुषहुँक्रहन्के खतना करदेनै। ओकर लग्भग् एक वर्षपाछे, अब्राहाम सइ वर्षके ओ सारा नब्बे वर्षके हुइगिल रहैँ, सारा अब्राहामके छावा जन्मैनिन्। परमेश्वरके कहल जस्ते वैने ओकर नाउँ इसहाक धर्नै।

![](https://cdn.door43.org/obs/jpg/360px/obs-en-05-06.jpg)

जब् इसहाक छोट्टीहि रहैँ, परमेश्वर अब्रहामके विश्वासके जा“च कर्नै ओ कहनै, “तोर एक्केथो छावा इसहाकहे लैके जा ओ उहिन मोर लग् बलि चह्रा।” अब्रहाम परमेश्वरके बात मन्नै ओ आपन छावाहे बलिदान करेक लग् तयार हुइगिनै।

![](https://cdn.door43.org/obs/jpg/360px/obs-en-05-07.jpg)

जब् अब्राहाम ओ इसहाक वेदीके ओर जाइतहै, इसहाक पुछ्नै, “बाबा, बलिके लग् काठी तो बा, मने थुमा कहाँ बा तो?” अब्राहाम जवाफ देनै, “हे मोर छावा परमेश्वर बलिके लग् थुमा जुटैहिँ।”

![](https://cdn.door43.org/obs/jpg/360px/obs-en-05-08.jpg)

जब् वैने वेदी रहल ठाउँमे पुग्नै, अब्राहाम आपन छावाहे बँध्नै ओ उहिन वेदीमे धर्नै। जब् अब्राहाम आपन छावाहे बलि चह्राइ लागल रहैँ, परमेश्वर कहनै, “रुक्।”

![](https://cdn.door43.org/obs/jpg/360px/obs-en-05-09.jpg)

वहाँ लग्गे अब्राहाम एकथो थुमाहे झारमे अत्कल देख्नै। परमेश्वर ऊ थुमाहे इसहाकके सट्टामे बलिदान करेक लग् वहाँ धारदेले रहैँ। अब्राहाम खुशीके साथ ऊ थुमाहे बलि चह्रैनै।

![](https://cdn.door43.org/obs/jpg/360px/obs-en-05-10.jpg)

तब् परमेश्वर अब्राहामहे कहनै, “तुँई मोर लग् आपन सक्कु चीज देहे तयार हुइलेक ओरसे, और थोर एक्केथो छावाहे फेन बाँकी नाइ रख्लेक ओरसे, मई तुहिन आशिष देना वाचा करतु। तोर सन्तानहुँक्रे बदरीक् तोरैयाहुँक्रहनसे फे धेर हुइहिँ। तुँई मोर बात मन्लेक ओरसे, संसारके सक्कु घरानाहुँक्रे तोर घरानाद्वारा आशिषित हुइहिँ।”

*बाइबलके कथा: उत्पत्ति १६–२२*

## 6. ०६. परमेश्वर इसाहकहे जन्नी देनै

https://openbiblestories.org/l/thl/story-6/

![](https://cdn.door43.org/obs/jpg/360px/obs-en-06-01.jpg)

आब्राहम बुरहाइ गील रहै हुकार छावा इसाहक जवान हुइगील रहीन। उहेमारे अब्राहम आपन नोक्रहुवाहे इसाहकके लग जन्नी खोजे अपने नतुवान गरगोतियारीनके देशमे पठइनै

![](https://cdn.door43.org/obs/jpg/360px/obs-en-06-02.jpg)

जब हब्राहमके नोक्रहुवा हुँकार नतुवानके देशमे लम्बा यात्रा करके पुग्नै तब परमेश्वर अब्राहमके भतिजिया रिबेका हे इसाहकके जन्नी बनेक लग देखइनै

![](https://cdn.door43.org/obs/jpg/360px/obs-en-06-03.jpg)

तब रिबेका नाोक्रहुवाके सँग इसाहकके घर गइनिन् ओ इसाहकके सँग भोज कर्लिन्।

![](https://cdn.door43.org/obs/jpg/360px/obs-en-06-04.jpg)

धेर समय पाछे,अब्राहम मुलेक बादमे परमेश्वर अब्राहमके सँग जौन वाचा बन्ध्ले रहै ऊ बाचा इसाहकके मे सरल। परमेश्वर अब्राहमहे वाचा कर्ले रहै कि तोर गने नाई सेकजीना सन्तान रहिही, मने रिबेका बाँझ रहिन्।

![](https://cdn.door43.org/obs/jpg/360px/obs-en-06-05.jpg)

इसाहक प्रार्थना करनै तब परमेश्वर रिबेकाके गर्भमे दृई थो जेइकाहा बच्चन् दारदेनै। ऊ दुनु बच्चा एकदोसर से भित्ताार लडाइ करे लग्थै तब रिकबेका परमेश्वर हे कथिन् कि परमेश्वर यी का हुइता

![](https://cdn.door43.org/obs/jpg/360px/obs-en-06-06.jpg)

तब परमेश्वर रिबेका हे बतइथै कि तोहार पेटमे रहल यी दुइ छावान् द्धारा दुइ थो जाति निकरहीँ ओ वैने एक दोसरसे लडाइ करिही ओ बरका छावा छोट्की छावाक् सेवा करी

![](https://cdn.door43.org/obs/jpg/360px/obs-en-06-07.jpg)

जब रिबेका छावन् जन्मइनिन् तो बसका छावा लाल रङगके शरीरमे भुत्लभुत्ला जन्मल तबे ओकर नाउ एसाव धरनै। छोट्की छावा आपन बरका दादाके गोराके पउली पकरकले निकरल, तबे ओकर नाउ याकुब धरनै।

*बाइबलके कथा:उत्पत्ति २४: १–२५:२६*

## 7. ०७. परमेश्‍वर याकूह आशिष् देल

https://openbiblestories.org/l/thl/story-7/

![](https://cdn.door43.org/obs/jpg/360px/obs-en-07-01.jpg)

जब एसाव ओ याकुब भारी हुइनै तो, एसाब बाहेर बाहेर रहना ओ खेल्न मन पराई मने याकुब चाहिँ घरेमे पलिरहना शान्त स्वाभावके रहै। रिबेका याकुब हे धेर माया कनि तो यसाहक साबहे धेर माया करै।

![](https://cdn.door43.org/obs/jpg/360px/obs-en-07-02.jpg)

एक दिन एसाब शिकार खेलके बहुत भुखाइल अइनै। तब एसाब याकुब हे, याकुब के पकाइल खइना चीज मग्नै, तो याकुब कहनै कि पहिले कहिन ताहार बरका छावा के अधिकार देऊ। तब खइनाके लग एसाब आपन बरका छावा के अधिकार याकुबहे दइदेनै।

![](https://cdn.door43.org/obs/jpg/360px/obs-en-07-03.jpg)

तब खइनाके लग एसाब आपन बरका छावा के अधिकार याकुबहे दइदेनै। इसाहकके थे गइनै, इ साहकके आँखी कमजोर हुइलेक ओरसे ऊ चिहीन नाई पाई।

![](https://cdn.door43.org/obs/jpg/360px/obs-en-07-04.jpg)

याकुब इसाहकके थे जाके कहनै कि मई एसाब हुँ। इसाहक याकुब हे छम्नै ओ लुग्गक् बास्ना से फे उहिन एसाब जस्ते लग्निन्।

![](https://cdn.door43.org/obs/jpg/360px/obs-en-07-05.jpg)

एसाब याकुब हे घृणा करैँ, काहेकी याकुब हुँकार सक्कु आधिकर छिनलेले रहैँ। तबे एसाब याकूब हे मुवाइक लग रहैँ।

![](https://cdn.door43.org/obs/jpg/360px/obs-en-07-06.jpg)

एसाब याकुब हे मुवाइक लग बा कैके रिबेमका पता पइनिन्। तब याकुब हे आपन सस्रार भगा देलीन्।

![](https://cdn.door43.org/obs/jpg/360px/obs-en-07-07.jpg)

याकूब धेरै वर्षसम् आपन मामान्के वहाँ रहनै, वहैँ भोज करनै ओ ब्राह थो छावन् ओ एकथो छाई जन्मइने। परमेश्वर उहिन सब चीजके धनी बनैले रहिन्।

![](https://cdn.door43.org/obs/jpg/360px/obs-en-07-08.jpg)

बीस वर्ष पाछे, याकब आपन सक्कु परिवार, नोक्र हुक्रँहन सम्पत्ति लेके आपन घर (कनान देशमे) लौट्नै।

![](https://cdn.door43.org/obs/jpg/360px/obs-en-07-09.jpg)

याकूबके मनमे डर रहिन काहेकी एसाब उहिन् मुवाइक लग् रहै। तब यााकूब एसाबके लग् उपहारके रुपमे धेरे गाईगोरु, छेगरी, गधा पठैनै। याकूब के नोकरहुवन एसाबकेथे गइनै ओ कहनै कि तोहार दास याकुब तोहार लग यी सब पठैले बाटै।

![](https://cdn.door43.org/obs/jpg/360px/obs-en-07-10.jpg)

जब याकुब ओ एसाब भेट हुइनै, दुनजने एकदमै खुसी हुइनै, अँगालो मर्नै। जब इसाहक मुनै तब परमेश्वरक अबा्रहमसे करल वाचा इसाहक से याकूबके मे सरगील।

*बाइबलके कथा: उत्पत्ति २५:२७–३३:२०*

## 8. ०८. परमेश्वर योसेफ ओ योसेफके घरानाहे बचैनै

https://openbiblestories.org/l/thl/story-8/

![](https://cdn.door43.org/obs/jpg/360px/obs-en-08-01.jpg)

योसेफहे योसेफके दादाहुँक्रे घृणा करैँ, काहेकि योसेफ आपन बाबाक् सकसे प्यारा छावा रहैँ ओ योसेफ अपने आपहे हुँकार दादाहुँक्रे दण्डवत करल सपना फे देख्ले रहैँ। तबे योसेफहे हुँकार दादाहुँक्रे व्यापारिन्थे बेच देनै।

![](https://cdn.door43.org/obs/jpg/360px/obs-en-08-02.jpg)

याकूब योसफहे छेगरिभेरि चराइ गील हुँकार दादान्थे का–कैसिन बाटै कैके हेरेक पठैनै।

![](https://cdn.door43.org/obs/jpg/360px/obs-en-08-03.jpg)

घर लौट्ना बेला योसेफहे हुँकार दादाहुँक्रे योसेफहे जनावर मारदेलिस कैके देखाइक लग् योसेफके लुग्गा चीँठके ओम्मे छेगरियक रगत लगैनै घरे जाके आपन बाबाहे दखैनै। यी देखके याकूब ज्यादै दुखी हुइनै।

![](https://cdn.door43.org/obs/jpg/360px/obs-en-08-04.jpg)

व्यापारिहुँके्र योसेफहे मिश्र देशमे लैगिनै। वहाँ उहिन एकथो धनी, सरकारी कर्मचारीक्थे बेच्नै। योसेफ आपन मलिकवक् घर मजासे काम कर्नै ओ परमेश्वर उहिन आशिष देनै।

![](https://cdn.door43.org/obs/jpg/360px/obs-en-08-05.jpg)

योसेफके मल्किनिया योसेफहे आपनसँग सुतेक कहनिन् मने योसेफ नाई मन्नै काहेकि ऊ परमेश्वरके विरुद्ध पाप काम रहे। तबे मल्किनिया रिसके मारे योसेफकेमे झुठ आरोप लगाके जेलमे दरवादेनिन्। तौनो फे योसेफ परमेश्वरमे भरोसा करती रहनै।

![](https://cdn.door43.org/obs/jpg/360px/obs-en-08-06.jpg)

दुई वर्षपाछे, आभिन जब् योसेफ जेलेमे पलिरहैँ तबहि मिश्रके राजा सपना पैनै। राजक् सपनामके अर्थ कोइ फे नाइ खोले सेकल। सपनाके कारण राजाक् छट्पट्टी परतिहिन।

![](https://cdn.door43.org/obs/jpg/360px/obs-en-08-07.jpg)

परमेश्वर योसेफहे सपनाके अर्थ खोल्ना वरदान देले रहैँ। तब् राजा योसेफहे बोलैनै ओ सपना बतैनै। सपनाके अर्थ योसेफ यी बतैनै कि परमेश्वर अइना सात वर्षसम् धेर अनाज दिहिँ ओ आकरपाछे सात वर्षसम् भुखमरि परि।

![](https://cdn.door43.org/obs/jpg/360px/obs-en-08-08.jpg)

फारो योसेफके मे अतना ज्यामा खुशी हुइनै कि मिश्र देशके दोसो्र शक्तिशालि मनइया बनादेनै।

![](https://cdn.door43.org/obs/jpg/360px/obs-en-08-09.jpg)

योसेफ सात वर्षसम् धेरे अनाज जम्मा कर्नै ओ धुखमरिके समयमे ऊ अनाज बेच्नै।

![](https://cdn.door43.org/obs/jpg/360px/obs-en-08-10.jpg)

मिश्र देशमे किल अनिकाल नाइ परल रहे मने कनान देशमे फे परल रहे जहाँ याकूब रहैँ।

![](https://cdn.door43.org/obs/jpg/360px/obs-en-08-11.jpg)

तबे याकूब मिश्र देशमे आपन छावन अनाज किने पठैनै। वैने अनाज किने गइनै तो योसेफ आपन दादा हुक्रहन चिहिनलेनै मने वैने धर नाइ चिहिन्नै।

![](https://cdn.door43.org/obs/jpg/360px/obs-en-08-12.jpg)

तब् दादाहुँक्रे बद्लल बाटै कि नाइ कैके जाँच करके सेकके योसेफ बतैनै, “मई तोहोनके भइया योसेफ हुँ, नाय डराऊ। तुहे्र महिन यहाँ बेचके मोर नाइ मजा करे खोज्लो, मने परमेश्वर ओम्मेसे महिन मजा कामके लग चलैनै। आऊ मिश्र देशमे बैथो ताकि मई तोहोनके लग अनाज जुटाइ सेकू“।”

![](https://cdn.door43.org/obs/jpg/360px/obs-en-08-13.jpg)

योसेफके दादाहुँक्रे घर लौटके गइनै ओ याकूबहे योसेफके बारेमे बतैनै। याकूब बहुत खुशी हुइनै।

![](https://cdn.door43.org/obs/jpg/360px/obs-en-08-14.jpg)

याकूब बुहा्रइगील रहैँ, तौन फे आपन सक्कु परिवार लैकै मिश्र देशमे गइनै ओ वहैँ बैथे लग्नै। मूनासे पहिले याकूब आपन सक्कु छावन आशिष देनै।

![](https://cdn.door43.org/obs/jpg/360px/obs-en-08-15.jpg)

परमेश्वरके आबा्रहामसे करल वाचा इसाहाककेमे सरल, तब् याकूबकेमे, तब् याकूबके छावनमे। बाह्र छावनके सन्तान इसा्रएलके बाह्र कुल बन्नै।

*बाइबलके कथा : उत्पत्ति ३७*

## 9. ०९. परमेश्वर मोशाहे बलैनै

https://openbiblestories.org/l/thl/story-9/

![](https://cdn.door43.org/obs/jpg/360px/obs-en-09-01.jpg)

योसेफके मृत्युपाछे, हुँकार सक्कु आपन मनई मिश्र देशमे बैथे लग्नै। संख्यामे वैने बहरति गइनै। ओ वैनहे ‘इस्राइली' कहैँ।

![](https://cdn.door43.org/obs/jpg/360px/obs-en-09-02.jpg)

सयौ”वर्षपाछे, इस्राइलीह“ुके्र बोहोत धेर हुइगिनै। तब् मिश्रिहुँक्रेर डराइ लग्नै कि इस्राइलीहुँक्रे बहरजिहि तो हमार विरुद्धमे लराइ करिहि। तबे मिश्रिके राजा फारो इस्राइली हुक्रहन कमैया बनालेहेल।

![](https://cdn.door43.org/obs/jpg/360px/obs-en-09-03.jpg)

मिश्रीहुँक्रे इस्राइली हुक्रहनसे कर्रा–कर्रा काम करवाई लग्नै, घर बनैना, खेतवक काम जैसिन कर्रा काम इस्राइलीहुँक्रे करैँ। मने परमेश्वर वैनहे संख्यामे बह्रैति गैनै।

![](https://cdn.door43.org/obs/jpg/360px/obs-en-09-04.jpg)

फारो राजा इस्राइली हुँक्रहन धेउरसे धेउर लर्का जन्माइत देखल तो वैनके भर्खर हुइल लर्कन नील लदियामे फकादेना आदेश देहेल।

![](https://cdn.door43.org/obs/jpg/360px/obs-en-09-05.jpg)

कौनो एक इस्राइली जन्नी एकथो छावा जँमइनिन्। एम जन्नी आपन छावाहे नुकाके धरले रहिन्।

![](https://cdn.door43.org/obs/jpg/360px/obs-en-09-06.jpg)

जब् धेउर दिनसम् नुकाके नाइ धारे सेक्निन्, टेकरीमे लर्काहे धारके नील लदियाक् किनारे गौलरके बिच्चे छोरदेनिन्। लरकाक् दिदी लरकाहे हेरति रहनिन का हुइथिस कैके।

![](https://cdn.door43.org/obs/jpg/360px/obs-en-09-07.jpg)

फारो रज्वक छाई नील लदियामे लहाइ अइनिन् तब् टोकरी देख्निन्, टोकरी खोलके हेरनिन् तो लर्का देख्निन्। उहिन आपन छावा बनालेनिन्। उहिन हेरदेख करेक लग् एकथो इस्राइली जन्नीहे धर्निन्, ओ ऊ जन्नी उहे लर्काकर दाई रहिन्, यी बात फारोक् छाई नाई जनले रहिन्। जब् लर्का दुध खाइ नाइ पर्ना जत्ना भारी हुइल, ऊ जन्नी उहिन फारोक् छाइक्थे पठादेनिन्। लवराक् नाउँ मोशा रख्निन्।

![](https://cdn.door43.org/obs/jpg/360px/obs-en-09-08.jpg)

एकदिन, जब् मोशा जवान हुइगील रहैँ, एकथो मिश्री मनइया एकथो इस्राइली कमैयाहे पिटट देख्नै। मोशा इस्राइली कमैयाहे बाचइ खोज्नै।

![](https://cdn.door43.org/obs/jpg/360px/obs-en-09-09.jpg)

योसेफ सात वर्षसम् धेरे अनाज जम्मा कर्नै ओ धुखमरिके समयमे ऊ अनाज बेच्नै।

![](https://cdn.door43.org/obs/jpg/360px/obs-en-09-10.jpg)

जब् फारो रज्वा मोशा मिश्रीहे मर्नै कैके पता पाइल ऊ मोशाहे मारे खोजल। तबे मोशा मिश्रसे भागके मिद्यान देशमे गइनै।

![](https://cdn.door43.org/obs/jpg/360px/obs-en-09-11.jpg)

मोशा मिद्यानमे छेगरीभेरी चराईं। ऊ गोठलहुवा रहैँ। वहाँ मोशा भोज कर्नै ओ दुईथो छावान् फे हुइनिन्।

![](https://cdn.door43.org/obs/jpg/360px/obs-en-09-12.jpg)

एकदिन जब् चछेगरीभेरीन् चराइतहै, तब् एकथो झाड जरत देख्नै। ऊ झाड जरतिक जरति रहे, जरके ओरैबे नाइ करे। मोशा झाडके लग्गे गइनै तब् परमेश्वर बोल्नै। परमेश्वर कहनै, “तोर जुत्ता निकार। काहेकि तईँ पवित्र ठाउँमे थरह्याइल बाटे।”

![](https://cdn.door43.org/obs/jpg/360px/obs-en-09-13.jpg)

परमेशवर मोशाहे कहनै, “मई मोर मनइनके दुख देख्ले बाटुँ। मई तुहिन फारोक्थे पठइम ओ तईँ इस्राइली हुक्रहन वहाँसे छुटाके मो वाचा कल देशमे लैजिबे। मोर वाचा करल देश कनान, जौन मई अब्राहाम, इसाहक ओ याकूबसँग वाचा करले रहूँ,

![](https://cdn.door43.org/obs/jpg/360px/obs-en-09-14.jpg)

मोशा परमेश्वरहे पुछ्नै, “मनइ महिन तसहिन के पठाइल कैके पुछिहि तो मई का कहम?” परमेशवर कहनै, “मईं हुँ, जे मईं हँ"। वैन यैसिक कहिस ‘मई हुँ’ कहुइया महिन तोहोनथे पठैलै बाटै। वैन यी फे कहिस, ‘मई यहोवा हुँ, तोहोनके पितापूर्खा अबा्रहम, यसाहक, ओ याकूबके परमेशवर’। मोर नाउँ सदाके लग् यीहे हो।”

![](https://cdn.door43.org/obs/jpg/360px/obs-en-09-15.jpg)

मोशा फरोक् वहाँ जइना नाय चहातहै, काहेकि मोशा डराइल रहैँ ओ सिपारसे बोले फे नाइ जानै। उहेमारे मोशाक् दादा हारुनहे मोशाहे मदत करेक लग् सँगे पठैनै। फारो कठोर हुइजाइ कैके परमेशवर हारुनहे सचेत करैनै।

*बाइबलके कथा: प्रस्थान १–४*

## 10. १०. दश विपत

https://openbiblestories.org/l/thl/story-10/

![](https://cdn.door43.org/obs/jpg/360px/obs-en-10-01.jpg)

मोशा ओ हारुन फारोक्थे जाके कहनै, “इसा्रएलके परमेश्वर मोर मनइन जाइदे कहतै।”

![](https://cdn.door43.org/obs/jpg/360px/obs-en-10-02.jpg)

मने फारो इस्राइली हुक्रहन् छोरेक मन नाइ करल। उहेमारे परमेश्वर मिश्र देशमे दश तो विपत्ति पठादेनै। परमेश्वर यी वपत्तिसे देखैनै किफारो ओ सक्कु मिश्री हुक्रहनके देवतन्से शक्तिशालि बाटै।

![](https://cdn.door43.org/obs/jpg/360px/obs-en-10-03.jpg)

परमेश्वर नील लदियाहेरगतमे बदलदेनै तौनफे फारो इस्राइली शुक्रहन नाइ जाइ देहेल।

![](https://cdn.door43.org/obs/jpg/360px/obs-en-10-04.jpg)

परमेश्वर सारा मिश्रभर मघुवनके विपत्ति पठैनेै। तब् फारो मोशाहे मेघुवन हाटाइक लग् कहल ओ इस्राइली हुक्रहन जाइ देम कहल। जब् सब मेघी मुनै तब् फे फारो रज्वा आपन मन कठोर करालेहेल। इस्राइली हुक्रहन नाइ जाई देहेल।

![](https://cdn.door43.org/obs/jpg/360px/obs-en-10-05.jpg)

उहेमारे परमेश्वर भुस्कीन्के विपत्ति पठैनै। ओकरपाछे माछीन्के विपित्तिपठैनै। तब् यी सब रोकेक लग् फारो मोशा ओ हारुनहे बोलाइल ओ यी सब रुकी तो इस्राइली हुक्रहन जाई देम कहल। माोशा परमेश्वरसे प्रार्थना कर्नै तब् सब हटगिल। मने फे फारो आपन मन कठोर करालेहेल ओ इस्राइली हुक्रहन नाइ जाई देहेल।

![](https://cdn.door43.org/obs/jpg/360px/obs-en-10-06.jpg)

ओकरपाछे, परमेश्वर मिश्रीहुक्रहनके गाइवस्तुन्मे महामारी पठैनै ओ वैनके सब गाइवस्तु मरगिनै। मने फारोक् मन कठोर पलि रहल।

![](https://cdn.door43.org/obs/jpg/360px/obs-en-10-07.jpg)

परमेश्वर मोशाक् आघे हावामे भुवा छिटे कहनै। जब् मोशा ओस्तहि कर्नै, मिश्रीन्के शरीरमे पिरैनाहा खाटी हुइगिनिन्। परमेश्वर फारोक् मन कठोर पारदेनै। फारो इस्राइली हुक्रहन फे नाइ जाई देहेल।

![](https://cdn.door43.org/obs/jpg/360px/obs-en-10-08.jpg)

यी सब् होके सेक्के, परमेश्वर पथरा पानी वर्षैनै। मिश्रदेशके अन्नबाली सआप हुइगील ओ बाहेर निक्रुइया मनइे फे पथरा पानी लागके मुनै। फारो मोशा ओ हारुनहे बोलाके कहल, “मई पाप करले बाटुँ। तुहे्र मिश्रमन्से जायसेक्बो। तब् मोशा परमेश्वरसे प्रार्थना कर्नै, पथरा पानी पर्ना बन्द हुइल।

![](https://cdn.door43.org/obs/jpg/360px/obs-en-10-09.jpg)

मने फारो फे पाप करल, आपन मनहे फे कठोर पारलेहेल। ऊ इस्राइली हुक्रहन नाइ जाई देहेल।

![](https://cdn.door43.org/obs/jpg/360px/obs-en-10-10.jpg)

उहेमो परमेश्वर बरका फटिङ्गन्के हसल पठादेनै। पथरा पानीसे बचल बाली फटिङ्गल् खादेनै।

![](https://cdn.door43.org/obs/jpg/360px/obs-en-10-11.jpg)

तब् परमेश्वर अन्धार पठैनै। पूरै मिश्र अत्ना अन्धार हुइगिल कि कुछ नाइ देखैलेक मारे मिश्रीहुँके्र आपन घरसे निक्रे फे नाइ सेकैं। मने इस्राइली हुँके्र बैथल ठाउँ भर ओज्रार रहे।

![](https://cdn.door43.org/obs/jpg/360px/obs-en-10-12.jpg)

यी नौ थो विपत्ति आइल तौनफे फारो अभिन फे इसा्रइली हुक्रहा मिश्र देशमन्से जाई नाइ देहेल। फारो परमेश्वरके बात नाइ सुन्लेक आरसे अब ऊ अन्तिम विपत्ति पठैना योजना कर्नै। यी विपत्ति फारोक् मन बदल देहेल।

*बाइबलके कथा : प्रस्थान ५–१०*

## 11. ११. निस्तार तिउहार

https://openbiblestories.org/l/thl/story-11/

![](https://cdn.door43.org/obs/jpg/360px/obs-en-11-01.jpg)

फारो अभिन फेन इस्रएलीहुँक्रहन मिश्र देशमन्से नाइ जाइ देलेक ओरसे मनइनके ओ पशुनके बरका लरका मुवादेना चेतावनी देनै। जब् फारेो यी बात सुनल, तभुन फेन परमेश्वरकेमे विश्वास नाइ करल ओ हुँकार बात नाइ मानल।

![](https://cdn.door43.org/obs/jpg/360px/obs-en-11-02.jpg)

परमेश्वरहे विश्वास करुइयनके लग् वैनके अपन बरका लरका हुँक्रन बचाइक लग् एकथो डगरा देनै। ऊ डगरा यि रहे कि सक्कु इस्राएलीहुँक्रहन एकथो चोखा थुमा छानके मर्ना रहिन्।

![](https://cdn.door43.org/obs/jpg/360px/obs-en-11-03.jpg)

परमेश्वर इस्राएलीहुँक्रहन ऊ तुमाके रगत वैनके घरेक दुवारमे लगाइ ओ आकर सिकार भुजके, खमिर नाइ दारल रोटीसँग खाइक कहनै। तब् ऊ खाके सेकके मिश्र देश छोरेक तयार हुइक लग् फे वैन परमेश्वर कहनै।

![](https://cdn.door43.org/obs/jpg/360px/obs-en-11-04.jpg)

इस्राएलीहुँक्रे परमेश्वरके कहल अनुसार कर्नै। आधा रातमे परमेश्वर मिश्र होके गइनै ओ हरेक घरके बरका छावान सक्कुहुन मारदेनै।

![](https://cdn.door43.org/obs/jpg/360px/obs-en-11-05.jpg)

सक्कु इस्राएलीहुँक्रहनके घरेक दुवारमे गित लगाइल रहे, उहेमारे परमेश्वर वैनके घरहे छोरदेनै। ऊ घरेक भित्तर रहल सक्कुजाने सुरक्षित रहैँ। थुमाके रगतके कारण वैने बचाया गैनै।

![](https://cdn.door43.org/obs/jpg/360px/obs-en-11-06.jpg)

मने मिश्रीहुँक्रे परमेश्वरकेमे विश्वास नाइ कर्नै नतो हुँकार आज्ञा मन्नै, तबेमारे परमेश्वर वैनके घरहे नाइ छोरनै। परमेश्वर सक्कु मिश्रीन्के सुरुक् जन्मल बरका छावाहुँक्रहन मारदेनै।

![](https://cdn.door43.org/obs/jpg/360px/obs-en-11-07.jpg)

सारा मिश्रीहुँक्रहनके बरका छावाहुक्रे मरगिनै, कैदीक् छावासे लेके फारोक् छावासम्, सबजाने मुगिनै। मिश्र देशमे मनइ दुखसे रोइतहै ओ चिल्लाईतहै।

![](https://cdn.door43.org/obs/jpg/360px/obs-en-11-08.jpg)

उहे रात फारो मोशा ओ हारुनहे बोलैनै ओ कहनै, “इस्राएलीहुँक्रहन लैजाऊ, और तुरुन्तै मिश्र देश छोरके चलजाऊ।”

*बाइबलके कथा: प्रस्थान ११:१–१२:३२*

## 12. १२. प्रस्थान

https://openbiblestories.org/l/thl/story-12/

![](https://cdn.door43.org/obs/jpg/360px/obs-en-12-01.jpg)

इस्राएलीहुँक्रे मिश्र देश छोरके जाई पाइति कैके बरे खुशी रहँ। वैने अब् दास नाइ होईँ ओ वैने प्रतिज्ञा करल देशमे जाइतहैँ।

![](https://cdn.door43.org/obs/jpg/360px/obs-en-12-02.jpg)

परमेश्वर दिनके बद्रीक खम्भा बनके डोरयैनै, ओ रातके आगीक् खम्भा बनके, ऊ वैनके आघेआघे जाए। परमेश्वर वैनके सँगे रहैँ और यात्राके समयमे वैनहे डगर देखैनै। इस्राउलीहुक्रहन करे पर्ना एक्के काम उहिन पछ्यैना रिहिन बस्।

![](https://cdn.door43.org/obs/jpg/360px/obs-en-12-03.jpg)

ओकर कुछ समयपाछे, फारो ओ ओकर मनइहुँक्रे आपन मन फेन बदल लेनै ओ इस्राएलीहुँक्रहन फेनसे आपन दास बनैना चहनै। परमेश्वर फारो राजाक् मन कठोर बनादेनै ताकि मनइहुँक्रे उहे किल एक्केथो सँच्चा परमेश्वर हुइतै कैके देखैँ ओ यि जानैँ कि उहाँ अर्थात यहोवा, फारो ओ फारोक् देवीदेवतनसे ज्यादा शक्तिशाली बाटैँ।

![](https://cdn.door43.org/obs/jpg/360px/obs-en-12-04.jpg)

उहेमारे फारो ओ ओकर फौज इस्राएलीहुँक्रहन फेनसे आपन दास बनाइक् लग् वैन खेद्ति अइनै। जब् इस्राएलीहुँक्र मिश्री फौजहे आइत देख्नै, वैने अपनहे फारोक् सेनाहुँक्रहन ओ लाला समुन्द्रक् बीचमे फँसल देख्नै। तभे वैने डरैनै ओ यैसिक कहिके चिल्लैनै, “हम्रे काहे मिश्र देश छोरके अइलि? अब् हम्रे मुबि।”

![](https://cdn.door43.org/obs/jpg/360px/obs-en-12-05.jpg)

मोशा इस्राएलीहुँक्रहन कहनै, “नाइ डराऊ

![](https://cdn.door43.org/obs/jpg/360px/obs-en-12-06.jpg)

तब् परमेश्वर बद्रिक् खम्भाहे इस्राइली ओ मिश्रीन्के बिच्चे धारदेनै ताकि मिश्रीहुँक्रे इस्राइलीहुँक्रहन नाइ देख पाईँ।

![](https://cdn.door43.org/obs/jpg/360px/obs-en-12-07.jpg)

परमेश्वर मोशाहे मोशाक् हात उठाके पानीहे दूई भाग पारदेनै। तब् परमेश्वर दाहिन ओ बाहिनहोर शक्तिशाली हावा चलाके समुदूके बिच्चेसे एकथो डगर बनैनै।

![](https://cdn.door43.org/obs/jpg/360px/obs-en-12-08.jpg)

इस्राएलीहुँक्रे पानीक् बिच्चे बनल सुख्खा जमिनके डगर नेँति उपार गैनै।

![](https://cdn.door43.org/obs/jpg/360px/obs-en-12-09.jpg)

तब् परमेश्वर ऊ बद्रीहे डगरीमन्से हटादेनै ताकि मिश्रीहुँक्रे इस्राएलीहुँक्रहन भागत देखे सेकैँ। मिश्रीहुँक्रे वैनके पाछे लग्ना निर्णय कर्नै।

![](https://cdn.door43.org/obs/jpg/360px/obs-en-12-10.jpg)

तबेमारे वैने समुद्रक् डगर हुइति इस्राएलीहुँक्रहनके पाछे लग्नै, मने परमेश्वर मिश्रीहुँक्रहन हद्बद्वा देनै ओ वैनके घोडचढीहुँक्रहन अत्क्वादेनै। वैने चिल्लाके कहनै, “भागो।”

![](https://cdn.door43.org/obs/jpg/360px/obs-en-12-11.jpg)

सक्कु इस्राएलीहुँक्रे मजैसे समुद्रके उपार पुगके सेक्नै तब् परमेश्वर फेनसे मोशाहे मोशाक् हात पसारे कहनै। जब् ऊ वैसिक कर्नै, फेनसे समुद्र जस्तेक रहे ओस्तेक हुइगिल। तब् इस्राएलीहुँक्रहन पछ्छुइया मिश्री फौजहुँक्रे डुबके मरगिनै।

![](https://cdn.door43.org/obs/jpg/360px/obs-en-12-12.jpg)

जब् इस्राएलीहुँक्रे सक्कु मिश्रीहुँक्रहन मुवल देख्नै, वैने परमेश्वरमे भर पर्नै ओ मोशा एक अगमवक्ता होईँ कैके विश्वास कर्नै।

![](https://cdn.door43.org/obs/jpg/360px/obs-en-12-13.jpg)

इस्राएलीहुँक्रे जोशके साथ खुशी फे मनैनै काहेकि परमेश्वर वैनहुक्रहन मृत्यु ओ दासत्वसे बचैले रहैँ।

![](https://cdn.door43.org/obs/jpg/360px/obs-en-12-14.jpg)

इस्राएलीहुँक्रहन परमेश्वर मिश्रीन्के उप्पर जीत देनै ओ वैन दासत्वसे बचैलेक सम्झनामे निस्तार तिउहार मनाइ कहनै। वैने ऊ तिउहार एकथो चोखा तुमा मारके उहिन खमिर नाइ दारल रोटीसँग खाके मनैनै।

*बायबलके कथा: १२:३३–१५:२१*

## 13. १३. इस्राएलकेसँग परमेश्वरके वाचा

https://openbiblestories.org/l/thl/story-13/

![](https://cdn.door43.org/obs/jpg/360px/obs-en-13-01.jpg)

इस्राएलीहुँक्रे लाल समुद्र पार कसके सेक्नै तब्, परमेश्वर वैनहे मरुभुमि होके सिनै पहाडमे लैगिनै। यि उहे पहाड रहे जहाँ मोशा जर्तिरहल झ“ख्रा देख्ले रहैँ। इस्राएलीहुँक्रे आपन पाल उहे पहारके तरे टँग्नै।

![](https://cdn.door43.org/obs/jpg/360px/obs-en-13-02.jpg)

परमेश्वर मोशा ओ यस्राएलके मनइन कहनै, “यदि तुह्रे मोर बात मन्बो ओ मोर वाचा पालन कर्बो कलेसे, तुह्रे मोर सम्पत्ति, पूजाहारीहुँक्रहनके एक राज्य ओ पवित्र जाति बन्बो।”

![](https://cdn.door43.org/obs/jpg/360px/obs-en-13-03.jpg)

तीन दिनपाछे, मनइहुँक्रे अपनेआहे आत्मिक रुपमे तयार पारके सेक्नै तब्, परमेश्वर गजैन, चट्याङ, धुँवा ओ जोर विगुलके आवाजके साथ सिनै पहारके टिपुन्निमे अइनै। ऊ पहारके उप्पर जैना अनुमति मोशाहे किल रहिन्।

![](https://cdn.door43.org/obs/jpg/360px/obs-en-13-04.jpg)

तब् परमेश्वर वैनहे ऊ वाचा देनै ओ कहने, “मई यहोवा हुँ, तोहोनके परमेश्वर, जे तोहोनहे मिश्र देशके दासत्वमन्से बचाइल। तुह्रे औरे कौाने देवीदेवताहुँक्रहन नाइ पूजोहो।”

![](https://cdn.door43.org/obs/jpg/360px/obs-en-13-05.jpg)

“कौनो किसिमके मूर्ति नाइ बनैहो ओ वैन नाइ पूजोहो, काहेकि मई, याहोवा, डाह करुइया परमेश्वर हुइतुँ। मोर नाउँ व्यर्थमे नाइ लेहो। शबाथ दिनहे पवित्र मनोहो। ६ दिनसम् काम करके, सातौँ दिन आराम कर्ना ओ महिन सम्झना दिन उहे शबाथ दिन हो।”

![](https://cdn.door43.org/obs/jpg/360px/obs-en-13-06.jpg)

“आपन दाई–बाबान्के आदर करोहो। हया नाइ करोहो। व्यभिचार नाइ करोहो। नाइ ठगोहो। आपन छिमेकीके जन्नीक्, घरके,कौनो फेन चीजके लालच नाइ करोहो।”

![](https://cdn.door43.org/obs/jpg/360px/obs-en-13-07.jpg)

तब् परमेश्वर यि दशथो आज्ञा दुईथो पथ्राक् पाटीमे लिख्नै ओ मोशाहे देनै। परमेश्वर आउर फे धेउरे व्यवस्था ओ नियमपालन करेक लग् देनै। यदि वैने यि व्यवसथा पालन करिही कलेसे परमेश्वर वैनहे आशिष देना ओ वैनके रक्षा कर्ना प्रतिज्ञा कर्नै। यदि वैने यि आज्ञा भ“ग् करिही कलेसे परमेश्वर वैनहे सजाय देहिँ।

![](https://cdn.door43.org/obs/jpg/360px/obs-en-13-08.jpg)

परमेश्वर इस्राएलीहुँक्रहन आपन चाहल जस्ते पाल बनाइक लग् नमूना देनै। उहिन भेट हुइना पाल कहैँ ओ एकर दुईथो कोन्टी रहे, जौन एकथो भारी पर्दासे छुट्ट्याइल रहे। मूख्य पूजाहारी ऊ पर्दाक् पाछेक् वला कोन्टीमे जाई पाईँ, कहेकी वहाँ परमेश्वर रहैँ।

![](https://cdn.door43.org/obs/jpg/360px/obs-en-13-09.jpg)

कौनो फेन मनइया परमेश्वरके आज्ञा भंग कर्लेसे एकथो जनावर भेट हुइना पालके आगे रहल वेदीमे लानके परमेश्वरहे बलिके रुपमे चह्रैना रहे। एकथो पूजाहारी ऊ जनावरहे मारे ओ वेदीमे धारके जरादेहैँ। बलि चह्राइल जनावरके रगत ऊ मनइयक पाप छोपे ओ परमेश्वरके नजरमे ऊ मनइया शुद्ध हुईजिना रहे। परमेश्वर मोशाक भइया हारुन ओ हुँकार सन्तानहे आपन पूजाहारी हुइक लग् चुन्नै।

![](https://cdn.door43.org/obs/jpg/360px/obs-en-13-10.jpg)

सक्कु मनइनहे परमेश्वर आज्ञा देनै कि खालि एक्केथो परमेश्वरहे पूजोहो और वैने हमरे अलग करल मनइ हुई कहिके मान लेनै। मने वाचा करल कुछ दिनपाछे वैने डरलग्तिक पाप कर्नै।

![](https://cdn.door43.org/obs/jpg/360px/obs-en-13-11.jpg)

धेरे दिनसम्, मोशा परमेश्वरसँग बातचित करेक लग् सिनै पहारके टिप्पामे गइल रहैँ। मनइहुँक्रे हुँकार लौट्ना आश लागत लागत मिच्छाई गैनै। उहेमारे वैने हारुनकेथे सोन लन्नै ओ मूर्ति बनाइ लगैनै।

![](https://cdn.door43.org/obs/jpg/360px/obs-en-13-12.jpg)

हारुन बछुवा जस्ते सोनेक मूर्ति बनैनै। मनइहुँक्रे ऊ मूर्तिहे पूजे लगनै ओ बलि चह्राइ लग्नै।

![](https://cdn.door43.org/obs/jpg/360px/obs-en-13-13.jpg)

मोशा तरे अइनै तब् मूर्ति देख्नै, मोशा अत्ना जोरसे रिसैनै कि परमेश्वरके देहेल दशथो आज्ञाके पाटी फकाके फुटादेनै।

![](https://cdn.door43.org/obs/jpg/360px/obs-en-13-14.jpg)

तब्, मोशा ऊ मूतिहिन कुटके खुर्बुस्नी करादेनै, और खुर्बुस्नी पानीमे दरनै ओ मनइहुँक्रहन ऊ पानी पिएक कहनै। परमेश्वर मनइनमे महामारी पठादेनै और धेउरे जाने मुनइ।

![](https://cdn.door43.org/obs/jpg/360px/obs-en-13-15.jpg)

मोशा फेनसे पहारके उप्पर गइनै ओ इस्राएलीहुँक्रहन क्षमा करदेहेक लग् परमेश्वरसे प्रार्थना गरे। परमेश्वर मोशाके बिन्ती सुन्नै ओ वैनहे क्षमा करदेनै। आपन फुटाइल दश आज्ञाके पाटीहुँक्रन मोशा फेनसे पथ्राक् एकथो लावा पाटीमे लिखके फेनसेस्थापित कर्नै। तब् परमेश्वर इस्राइलीहुँक्रहन सिनै पहारसे वाचा करल देशओर लैगिनै।

*बाइबलके कथा: प्रस्थान १९–३४*

## 14. १४. उजाड स्थानमे भौँतर्ति

https://openbiblestories.org/l/thl/story-14/

![](https://cdn.door43.org/obs/jpg/360px/obs-en-14-01.jpg)

सिनै पहारमे आज्ञा दैसेक्लेक बादमे, परमेश्वर इस्राएलीहुँक्रहन प्रतिज्ञाके देशओर लैजाइ लगनै, जिहिन कनान देश कहैँ। बद्रीक् खम्भा वैनहुँक्रहनके आगे आगे वैनहे डोरयाइत लैगिल ओ इस्राएलीहुँक्रे उहिन पछ्छ्याइँ।

![](https://cdn.door43.org/obs/jpg/360px/obs-en-14-02.jpg)

परमेश्वर अब्राहाम, इसाहाक ओ याकूबकेसँग ऊ देश वैनके सन्तानन दैम कहिके वाचा कर्ले रहैँ, मने ऊ समयमे वहाँ धेउरे समुदायके मनइहुँक्रे बैथल रहैँ। वैनहुँक्रहन कनानी कहैँ। कनानीहुँक्रे परमेश्वरहे नाइ पूजैँ नतो हुँकार बात मानै। वैने झुठा देवीदेवतन् पूजा करैँ ओ धेरे नाइ मजा काम करैँ।

![](https://cdn.door43.org/obs/jpg/360px/obs-en-14-03.jpg)

परमेश्वर इस्राएलीहुँक्रहन कहनै, “तुह्रे वहाँक् सक्कु कनानीहुँक्रहन देशमन्से हटैहो ओ वैनसँग कौनो किसिमके सम्झौता वा भोज नाइ करोहो। वैनके मूर्तिहुँक्रहन पूरै खतम पारदेहो। यदि तुह्रे मोर आज्ञा पालन नाइ कर्बोतो तुह्रे मोर सट्टामे वैनके मूर्तिहुँक्रहन पूज्बो।”

![](https://cdn.door43.org/obs/jpg/360px/obs-en-14-04.jpg)

जब् इस्राएलीहुँक्रे कनाा देशके सीमामे पुग्नै, मोशा इस्राएलके हरेक कूलसे एक–एक जहानकरके बाह्र मनइन छन्नै। ऊ वैनहे कनान देशके बात बुझे जासूस बनाके पठैनै। कनानीहुँक्रे बलगर बाटै कि कमजोर बाटै कैके जानेक लग् वैन पठायागिल रहे।

![](https://cdn.door43.org/obs/jpg/360px/obs-en-14-05.jpg)

ऊ बाह्रजाने मनइ चालीस दिनसम् कनान घुम्ति रहनै तब् वैने वहाँसे लौट्नै। वैने इस्राएलीहुँक्रहन आके बतैनै, कि वहाँक् जमिन बहुत मलगर ओ धेउर फसल हुइना खालके बा।

![](https://cdn.door43.org/obs/jpg/360px/obs-en-14-06.jpg)

तब् तरुन्ते अउरे दुईजाने जासूसहुँक्रे, कालेब ओ यहोशू कहनै, “यि बात जात्तिक हो कि कनानके मनइ ढे· आ बलगर बाटै, मने

![](https://cdn.door43.org/obs/jpg/360px/obs-en-14-07.jpg)

मने मनइहुँक्रे यहोशू ओ कालेबके बात नाइ सुन्नै। वैने बोशा ओ हारुनकेमे रिसैनै ओ कहनै, “तुह्रे काहे हमाहन यैसिन ठाउँमे अन्लो? लराईमे मुवल ओ अपन जन्नी ओ लरकन्हे दास बनाइलसे तो बरु हम्रे मिश्र देशेमे रति तौन ठीके रहत।” फेनसे मिश्र देशमे लौटाके लैजाइक् लग् इस्राएलीहुँक्रे एकथो लावा अगुवा माँग कर्नै।

![](https://cdn.door43.org/obs/jpg/360px/obs-en-14-08.jpg)

यि देखके परमेश्वर ज्यादै रिसैनै ओ भेट हुइना पालमे अइनै। परमेश्वर कहनै मोर विरुद्धमे विद्रोह कलेृक ओरसे तुह्रे सक्कुजे उजाड ठाउँमे भौँतर्ति ने·बो। कालेब ओ यहोशू बाहेक २० वर्षथन्से उप्परके सक्कु मनइ यहै “मुहिँ ओ प्रतिज्ञाके देशके भित्तर छिरे नाइ पैहिँ।”

![](https://cdn.door43.org/obs/jpg/360px/obs-en-14-09.jpg)

जब् मनइहुँक्रे यि बात सुन्नै, तब् पाप कर्लेक ओरसे बरे द्ख िहुइनै। वैने आपन हतियार लेनै ओ कनान देशके मनइन आकूमण करे गइनै। मोशा वैनहे वहाँ नाइ जाइक कहनै काहेकि परमेश्वर वैनके साथमे नाइ रहैँ,मने वैने हुँकार बात नाइ सुन्नै।

![](https://cdn.door43.org/obs/jpg/360px/obs-en-14-10.jpg)

ऊ लराईमे परमेश्वर इस्राएलीहुँक्रहनके सँग नाइ गइनै, तबेमारे वैने हितगिनै ओ धेर मनइ मुगिनै। ओकरपाछे इस्राएलीहुँक्रे कनानसे लौट्नै ओ चालीस वर्षसम् उजाड ठाउँमे भौ“तर्ति रहनै।

![](https://cdn.door43.org/obs/jpg/360px/obs-en-14-11.jpg)

चालीस वर्षसम् उजाड ठाउँमे भौँतर्ति रहल बेलामे परमेश्वर इस्राएलीहुँक्रहन लग् रोटी जुटादेनै। परमेश्वर वैनके लग् स्वर्गसे रोटी देनै, ऊ रोटीहिन् ‘मन्न’ कहै। परमेश्वर वैने बेथल पालपमे खाइक लग् सिकार फे होए कैके बट्टाई चिरई पठादेनै। उ सब समयभर परमेश्वर वोके लुग्गा ओ जुत्ता फट्नासे बचादेनै।

![](https://cdn.door43.org/obs/jpg/360px/obs-en-14-12.jpg)

परमेश्वर वैनहुँक्रहन चट्टानसे पानी पिवैनै। अत्ना सब् पैति– पैति फेन, इस्राएलीहुँक्रे परमेश्वर ओ मोशाक् विरुद्धमे बोल्नै ओ वैने बरबरैनै। तभुनफे, अबा्रहम, इसाहक ओ याकूबसे बाँधल वाचामे परमेश्वर विश्वासयोग्य रहैँ।

![](https://cdn.door43.org/obs/jpg/360px/obs-en-14-13.jpg)

एकचोट, जब् मनयहुँक्रहनसँग पानी नाइ रहिन्, परमेश्वर मोशाहे कहनै, “चट्टानहे कोह ओ आम्मेसे पानी आई।” मने मोशा सक्कु मनइनके आगे बोलेक छोरके चट्टानमे दुईचोट लट्ठीले मारके परमेश्वरके अनादर कर्नै। चट्टानसे पानी तो आयल मने परमेश्वर मोशाकसँग रिसैनै और मोशाहे कहनै कि तईँ वाचाके देशमे जाइ नाइ पैबे।

![](https://cdn.door43.org/obs/jpg/360px/obs-en-14-14.jpg)

उजाड ठाउँमे भौतरलेक चालीस वर्ष पाछे, परमेश्वरके विरुद्धमे विद्रोह करुइया सक्कु इस्राएलीहुँक्रे मुसेकल रहैँ। तब् परमेश्वर फेनसे मनइहुक्रहन वाचा करल देशके लग्गे लैगिनै। मोशा अब् बुह्राइगिल रहँ, तबेमारे परमेश्वर यहोशूहे इस्राएलीहुँक्रहन अगुवाइ करेक लग् चुन्नै। परमेश्वर मोशाहे फे एकथो वाचा कर्नै कि एकदिन मोशा जस्ते एकजहान अगमवक्ता पठैम।

![](https://cdn.door43.org/obs/jpg/360px/obs-en-14-15.jpg)

तब् परमेश्वर मोशाहे पहारके टिप्पामे जाइ कहनै, ताकि परमेश्वरके वाचा करल देश हेरे सेकैँ। मोशा वाचा करल देश देखे पैनै मने परमेश्वर मोशाहे वहाँ भित्तर पेले नाइ देनै। तबजाके, मोशा मुनै, ओर इस्राएलीहुँक्रे हुँकार लग् तीस दिनसम् शोक मनैनै। यहोशू वौके लावा अगुवा बन्नै। यहमेशू एक मजा अगुवा रहँ काहेकि ऊ परमेश्वरमे भर परैँ।

*बाइबलके कथा: लेवी १६–१७, गन्ती १०–१४, २०,२७, वयवस्था ३४*

## 15. १५. वाचाके देश

https://openbiblestories.org/l/thl/story-15/

![](https://cdn.door43.org/obs/jpg/360px/obs-en-15-01.jpg)

अब्, इस्राएलीहुँक्रे वाचाके देशमे भित्तर पेल्ना समय आइगिल रहे। यहोशू दुईजहान जासूसहुक्रन कनानके शहर यरीहोमे पठैनै, जौन शहरहे एकदम बलगरसे सुरक्षित करल रहे। ऊ शहरमे एकथो व्यभिचारी जन्नी रहे जे जासूसहुँक्रहन नुक्न ओ भगनमे मदत कर्निन्। ऊ जन्नी परमेश्वरमे विश्वास कर्लेक ओरसे मदत कर्निन्। तबे जासूसहुँक्रे यरीहो शहरहे नाश पारेबेर ऊ जन्नी ओ हुँकार परिवारहे नाश नाइ पर्ना वाचा कर्नै।

![](https://cdn.door43.org/obs/jpg/360px/obs-en-15-02.jpg)

इस्राएलीहुँक्रे वाचाके देशके भित्तर पेलनासे आघे लदिया पार कना रहे। परमेश्वर यहोशूहे कहनै, “सुरुमे पूजाहारीहुँक्रहन जाई देऊ।” जब् पूजाहारीहुँक्रे यर्दन लदियामे पेल्नै, तब् लदिया बहना बन्द हुइगिल और वैने नेंगे उपार गैनै।

![](https://cdn.door43.org/obs/jpg/360px/obs-en-15-03.jpg)

यर्दन लदिया पार करके सेकके, परमेश्वर यहोशूहे यरीहोके शहरहे आक्रमण कर्ना तरिका बतादेनै। मनइहुँक्रे परमेश्वरके बात मन्नै। परमेश्वरके बताइल जस्ते, सिपाहीहुँक्रे ओ पूजाहारीहुँक्रे ६ दिनसम् लगातार यरीहो शहरहे घेरके ओकर आँजरपाँजर घुम्नै।

![](https://cdn.door43.org/obs/jpg/360px/obs-en-15-04.jpg)

तब् सातौँ दिनमे इस्राएलीहुँक्रे सात चोट आउर शहरहे द्दुम्नै। जब् वेने अन्त्मि चोट शहरहे घुमतहै, सैनिकहुँक्रे जोरसे चिल्लैनै ओ पुजाहारीहुँक्रे आपन तुरही फुक्नै।

![](https://cdn.door43.org/obs/jpg/360px/obs-en-15-05.jpg)

तब् यरीहोके चारोओरिक पक्की भिता ढलगिल। इस्राएलीहुँक्रे परमेश्वरके कहल अनुसार शहरमनिक सक्कु चीज नाश करदेनै। राहाब, जे जासूसहुँक्रह नबचैले रहे, ओ हुँकार परिवारहे छोरदेनै, वैने इस्राएलीन्मे मिलगिनै। जब् कनानमे बेथुइया आउर मनइहुँक्रे इसएलीहुँक्रहन द्धारा यरीहो शहर नाश पारल पता पैनै, इस्राएलीहुँक्रे हब् आउर शहरहुँक्रहनफे आक्रमण करिहि कैके वैने डरेनै।

![](https://cdn.door43.org/obs/jpg/360px/obs-en-15-06.jpg)

परमेश्वर इस्राएलीहुँक्हन कनान देशके कौनो फेन मनइनसँग कौनो सम्झौता नाइ कर्ना आज्ञा देले रहैँ। मने कनानके एक गिबोनी नाउँके जातिके मनइ यहोशूक्स“ग छल कर्नै ओ औरे देशसे आइल बाटी कैके ठग्नै। वैने यहोशूक्सँग शान्ति–सम्झौताके बात धर्नै। यहोशू ओ इस्राएलीहुँक्रे परमेश्वरहे ऊ गिबोनीहुँक्रे कहाँसे अइनै कैके नाइ पुछ्नै। और यहोशू वैनकेसँग शान्ति–सम्झौता कर्नै।

![](https://cdn.door43.org/obs/jpg/360px/obs-en-15-07.jpg)

जब् इस्राइलीहुँक्रे अपनहे ऊ गिबोनीहुँक्रहनसे ठग्वा पाइल पता पैनै, वैने एकदम जोरसे रिसैनै, मने वैनके सँग करलि सम्झौता नाइ तुर्नै काहेकि ऊ परमेश्वरके आगे करल वाचा रहे। कुछ समयपाछे, कनानमे रहुइया औरे जातिके राजाहुँक्े, अम्मोनीह्ँक्रे, गिबोनीहुँक्रे इस्राएलीहुँक्रहनसँग शान्ति–सम्झौता करल सुन्नै, उहेमारे वैने आपन सेनाहुँक्रहन भेला कराके भारी फौज बनैनै ओ गिबोनीन्के उप्पर आक्रमण कर्नै। गिबोनीहुँक्रे यहोशूहे मद्दतके लग् खबर पठैनै।

![](https://cdn.door43.org/obs/jpg/360px/obs-en-15-08.jpg)

तबेमारे यहोशू इस्राएलके सेनाहुँक्रहन भेला कर्नै ओ गिबोनीहुँक्रनथे पुगेक लग् पूरा रात ने·नै। झिसमिसे ओज्रारमे वैने अचानक अम्मोनी फौजके उप्पर आक्रमण कर्नै।

![](https://cdn.door43.org/obs/jpg/360px/obs-en-15-09.jpg)

ऊ दिन परमेश्वर इस्राएलीहुँक्रहनके लग् लरदेनै। परमेश्वर अम्मोनीहुँक्रहन दोधारमे पारदेनै ओ भारी भारी पथ्रा पानी वैनमे वर्षादेनै, जेकर कारण धेरे अम्मोनीहुँक्रे मुनै।

![](https://cdn.door43.org/obs/jpg/360px/obs-en-15-10.jpg)

परमेश्वर सूर्यहे बद्रीमे एकथो ठाउँमे रोकदेनै, ताकि इस्राएलीहुँक्रहनथे अम्मोनीहुँक्रन हिटाइक लग् धेर समय रहे। ऊ दिन, इस्राएलहे परमेश्वर बहुत भारी जित देनै।

![](https://cdn.door43.org/obs/jpg/360px/obs-en-15-11.jpg)

परमेश्वर अम्मोनी फौजहुँक्रहन हिटाके सेक्नै तब् कनानके आउर जातिहुँक्रे एक होके इस्राएलहे आक्रमण कर्नै। यहोशू ओ इस्राएलीहुँक्रे फे आक्रमण कर्नै ओ वैन नाश पारदेनै।

![](https://cdn.door43.org/obs/jpg/360px/obs-en-15-12.jpg)

यि लराईपाछे परमेश्वर इस्राएलके सक्कु कुलहुँक्रहन वैनहे कनान देशके अलग अलग प्रदेश देनै। तब् परमेश्वर सक्कु इस्राएलमे शान्ति देनै।

![](https://cdn.door43.org/obs/jpg/360px/obs-en-15-13.jpg)

जब् यहोशू बुह्राइगिनै, ऊ इस्राएलके सक्कु मनइनहे एक्केथे भेला करैनै। तब् यहोशू वैनहे सिनै पहारमे वैनकेसँग करल परमेश्वरके आज्ञाके सम्झना करवैनै। इस्राएलीहुँक्रे परमेश्वरमे विश्वास कर्ना ओ हुँकार आज्ञा मन्ना वाचा कर्नै।

*बाइबलके कथा: यहोशू १–२४*

## 16. १६. छुटकारा देहुइया

https://openbiblestories.org/l/thl/story-16/

![](https://cdn.door43.org/obs/jpg/360px/obs-en-16-01.jpg)

यहोशूक् मुलेक बादमे, इस्राएलीहुँक्रे परमेश्वरके बात नाइ मन्नाहा हुइगिनै ओर बाँकी रहल कनानीहुँक्रहन नतो वहाँसे भगैनै नतो परमेश्वरके बात मन्नै। इस्राएलीहुँक्रे यहोवा, एक्केथो सच्चा परमेश्वरहे पूजेक छोरके कनानी देवतन्हे पूजे लग्नै। इस्राएलीहुँक्रहनके कौनो राजा नाइ रहिन्, तबेमारे जिहिन ज्या ठीक लागिन उहे कर्नै।

![](https://cdn.door43.org/obs/jpg/360px/obs-en-16-02.jpg)

परमेश्वरके बात नाइ मन्लेक ओरसे, परमेश्वर इस्राएलीहुँक्रहनके उप्पर वैनके दुस्मनहुँक्रहन जित देके वैनहे सजाय देनै। यि दुस्मनहुँक्रे इस्राएलीहुक्रहनके सामान लुटलेनै, वैनके सम्पत्ति नाश करदेनै ओ धेउरे इस्राएलीहुँक्रहन मारदेनै। धेर वर्षसम् अस्तेक दुस्मनिनसे थिचल रहनै, तब् वैने पश्चताप कर्नै ओ छुटाइक लग् परमेश्वरसे प्राथैना कर्नै।

![](https://cdn.door43.org/obs/jpg/360px/obs-en-16-03.jpg)

तब् परमेश्वर वैनके लग् एकजाने छुटुइया मनइया पठादेनै, जे वैनहे दुस्मनहुँक्रहनसे बचाइल ओ देशमे शान्ति लन्नै। मने फेनसे वैने परमेश्वरहे बिस्राइगिनै ओ मूर्तिहे पूजे लग्नै। तबेमारे परमेश्वर मिद्दानीहुँक्रहन ( एक जाति जे इस्राएलीहुक्रहनके दुस्मन रहे) हे वैनके उप्पर जिते देनै।

![](https://cdn.door43.org/obs/jpg/360px/obs-en-16-04.jpg)

सात वर्षसम् मिद्दानी हुँक्रेर इस्राएलीहुँक्रहनके अनाज लैगिनै। इस्राएलीहुँक्रे अत्ना डराइल रहैँ कि मिद्दानीहुँक्रे नाइ भेटाइ”कैके वैने गुफामे नुकैँ। तब् फेनसे वैनहे बचाइक लग् परमेश्वरहे पुकर्नै।

![](https://cdn.door43.org/obs/jpg/360px/obs-en-16-05.jpg)

एकदिन, गिदोन नाउँ रहल इस्राएलके एकथो मनइया चुप्पे चुप्पे अनाज कुटतेहे ताकि मिद्दानीहुँक्रे आके लुटे नाइ पाईँ कहिके। उहे बेला परमेश्वरके एक दूत गिदेनकेथे आके कहनै, “परमेश्वर तोरसँग बाटैँ, बहादुर लडाकू। जाऊ ओ इस्राएलहे मिद्दानीहुँक्रहनके हातसे बचाऊ।”

![](https://cdn.door43.org/obs/jpg/360px/obs-en-16-06.jpg)

गिदोनके बाबाक् वहाँ मूर्तिहे चह्राइल एकथो वेदी रहे। परमेश्वर गिदोनहे ऊ मूर्तिहिन् भत्काइ कहनै। मने गिदोन मनइहुँक्रहनसे डराइल रहैँ, तबे रात हुइनाके अस्रा लागतहैँ। तब् गिदोन उ वेदीहे भत्कादेनै ओ उहिन टुक्रा टुक्रा पारदेनै। गिदोन मूर्तिक् लग् बनाइल वेदीक् लग्गे परमेश्वरके लग् एकथो लावा वेद बनैनै ओ परमेश्वरके लग् बलि चहै्रनै।

![](https://cdn.door43.org/obs/jpg/360px/obs-en-16-07.jpg)

दोसर बिहानके मनइहुँक्रे वैनके वेदी भत्काइल देख्नै तो वैने बहुत ज्यादा रिसैनै। गिदोनहे मारेक लग् वैने ओकर घर गइनै, मने हुँकार बाबा वैनहे कहनै, “तुह्रे काहे आपन देवताहे मद्दत करे खोजतो? यदि ऊ देवता हो कलेसे, ऊ अपनहे अप्नहि बचाए।

![](https://cdn.door43.org/obs/jpg/360px/obs-en-16-08.jpg)

तब् मिद्दानीहुँक्रे फेनसे इस्राएलीहुँक्रहन लुटे अइनै। वैने अत्ना धेर रहैँ कि गने फेन नाइ सेकजिना जत्ना रहैँ। वेनसँग लराइ करेक लग् गिदोन इस्राएलीहुँक्रहन एकसाथ भेला करैनै। गिदोन परमेश्वरसँग दुईथो चिन्ह मँग्नै ताकि इस्राएलके बचाऊके लग् परमेश्वर उहिनहे चलाइतै कैके ऊ पक्का हुई सेकैँ।

![](https://cdn.door43.org/obs/jpg/360px/obs-en-16-09.jpg)

सरुक् चिन्हकेलग्, गिदोन एकथो कपरा भुइँयामे बिछैनै ओ परमेश्वरहे बिहान्नेक शीत भुइँयामे नाइ पराके उहे कपरामे किल परादेहो कैके बिनति कर्नै। परमेश्वर आस्तहेक करदेनै। दोसर चोट, भुइँया भिजाइ कहनै मने कपरा सुख्खा पारदेहो कैके कहनै। परमेशवर ओस्तेक फे करदेनै। यी दुई चिन्हसे गिदोनहे मिद्दानीहुँक्रहनसे इस्राएलीहुँक्रहनहे बचाइक लग् परमेश्वर उहिन चलाइतैँकैके विश्वार कराइल।

![](https://cdn.door43.org/obs/jpg/360px/obs-en-16-10.jpg)

३२,००० इस्राएली सैनिकहुँक्रे गिदोनकेथे अइनै, मने परमेश्वर उहिन धेउर सैनिक हुइगिनै कैके कहनै। तबेमारे गिदोन लराइ करेक डरुइया २२००० जहान घर लौटादेनै। परमेश्वर गिदोनहे हभिन फेन धेउर बाटै कहनै। तब् फे गिदोन ३०० सैनिकहुँक्हन किल लराइके लग् छन्नै बा“कि सबजहान घर पठादेनै।

![](https://cdn.door43.org/obs/jpg/360px/obs-en-16-11.jpg)

उहे रात परमेश्वर गिदोनहे कहनै, “मिद्दानीहुँक्रहनके पालमे जा ओ जब् तईँ वैनके बात सुन्बे, तईँ फेनसे नाइ डरैबे।” उहेमारे उ रात गिदोन तरे मिद्दानीहुँक्रहनके पाल वहाँ गइनै और एकथो मिद्दानी सैनिक आपन संघरियाहे सपनामे देखल बात बताइत सून्नै। ऊ सैनिक यैसिक कहतेहे, “यि सपनाके अर्थ हो कि, गिदोनके फौज मिद्दानी फौजहे हिताई।”

![](https://cdn.door43.org/obs/jpg/360px/obs-en-16-12.jpg)

तबजाके, गिदोन आपन सैनिकहुँक्रहनथे लौटके गइनै ओ सक्कुहुन एक–एकथो तुरही, माटीक् गग्री ओ रा“को देनै। वैने मिद्दानीहुँक्रे सुतल समयमे घेर्नै। गिदोनके ३०० सैनिकहुँक्रे आपन रा“को गग्रीक् भित्तर धर्ले रहैँ ताकि मिद्दानीहुँक्रे रा“कोके ओज्रार नाइ देखे सेकैँ।

![](https://cdn.door43.org/obs/jpg/360px/obs-en-16-13.jpg)

तब् गिदोनके सक्कु सैनिकहुँक्रे एक्केसँग रा“को देखैति गग्री फुटैनै। वैने आपन तुरही फुक्नै ओ चिल्लेनै, “यहोवा ओ गिदोनके लग् तरवार

![](https://cdn.door43.org/obs/jpg/360px/obs-en-16-14.jpg)

परमेश्वर मिद्दानीहुँक्रहन अक्मक्वादेनै, तबे वैने आक्रमण करे लग्नै ओ एक–औरे जाहान मारे लग्नै। तुरुन्ते औरे इस्राएलीहुँक्रहन वैनके घरसे मिद्दानीहुँक्रहन खेदेक लग् बोलैनै। वैने धेउरे जहान मर्नै ओ बाँकी रहलहुँक्रहन इस्राएलीहुँक्रहनके जमिनसे बाहेर निकारदेनै। ऊ दिन १,२०,००० मिद्दानीहुँक्रे मुनै। इस्राएलहे परमेश्वर बचैले रहैँ।

![](https://cdn.door43.org/obs/jpg/360px/obs-en-16-15.jpg)

मनइहुँक्रे गिदोनहे वैनके राजा बनैना चहाले रहैँ। मने गिदोन राजा बन्ना नाइ चहनै। मिद्दानीहुँक्रहनसे लेहेल सोन मनइहुँक्रे गिदोनहे देनै।

![](https://cdn.door43.org/obs/jpg/360px/obs-en-16-16.jpg)

तब् गिदोन ऊ सोनहे मूख्य पूजाहारीक् लगइना जस्ते लुग्गा बनाइक लग् काम लगैनै। मने मनइहुँक्रे ऊ लुग्गाहे पूजे लग्नै मानोकि ऊ एक मूर्ति रहे। तबेमारे परमेश्वर फेनसे इस्राएलहे सजाय देनै काहेकि वैने मूर्तिहे पूज्नै। परमेश्वर वैनके दुस्मनहुँक्रहन वैनके उप्पर जिते देनै

![](https://cdn.door43.org/obs/jpg/360px/obs-en-16-17.jpg)

अस्तेके कयौ चोट हुइल, इस्राएलीहुँक्रे पाप करैँ, परमेश्वर वैनहे सजाय देईँ तब् वैने पश्चताप करैँ परमेश्वर वैनहे छुटाइक लग् मनइ पठादेईँ। धेर धेर वर्षपापछे, परमेश्वर छुटुइया मनइहुँक्रहन पठाईँ जे इस्राएलीहुँक्रहन वैनके दुस्मनहुँक्रहनसे बचाइर्“।

![](https://cdn.door43.org/obs/jpg/360px/obs-en-16-18.jpg)

अन्तमे, मनइहुँक्रे आउर देशके जस्ते आपन लग् फे परमेश्वरसे राजा मँग्नै। वैने यैसिन राजा मँग्नै जे ढेँग ओ बलगर रहे, और वैनहे लराईमे अगुवाइ करे सेके। परमेश्वरहे वैनके यि बिनति नाइ मन पर्लिन, तौन फे परमेश्वर वैनहे मागल जस्ते राजा देनै।

*बाइबलके कथा: न्यायकर्ता १–३, ६–८*

## 17. १७. दाऊदसँग परमेश्वरके वाचा

https://openbiblestories.org/l/thl/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएलके पहिला राजा रहैँ। ऊ मनइनके चाहल जस्ते ढेँग ओ सुग्धुर रहैँ। सुरुके कुछ वर्ष शाऊल इस्राएलमे शासन करुइया एक बह्रिया राजा रहैँ। मने पाछे जाके खराब बनगिनै ओ परमेश्वरके बात नाइ मन्नाहा हुइगिनै, तबेमारे परमेश्वर अउरे मनइयाहे चुन्नै जे एकदिन ओकर सट्टामे राजा बनुइया रहे।

![](https://cdn.door43.org/obs/jpg/360px/obs-en-17-02.jpg)

परमेश्वर दाऊद नाउँके एकथो जवान इस्राएलीहे शाऊलपाछे राजा हुइक लग् चुन्नै। दाऊद बेथलेहेम गाउँमे बैथैँ ऊ एक भेँरहुवा रहैँ। आपन बाबाक् भेँरिहुँक्रहन चराइबेर धेरे चोट दाऊद आपन भेँरिहुँक्रहन बचाबयक लग् बरका बघुवा ओ भालुहुँक्रहनस मर्ले रहैँ। दाऊद नम्र ओ धर्मि मनइउा रहैँ, ऊ परमेश्वरमे भर परै”ओ हुँकार बात मानै“।

![](https://cdn.door43.org/obs/jpg/360px/obs-en-17-03.jpg)

दाऊद एक भारी सिपाही ओ अगुवा बन्नै। जब् दाऊद जवान रहैँ, ऊ गोल्यत नाउँके एकथो मनइयासे लराई कर्नै। गोल्यत तालिम पाइल, एकदम बलगर ओ लग्भग् तीन मिटर जत्ना ढेँग मनइया रहे।

![](https://cdn.door43.org/obs/jpg/360px/obs-en-17-04.jpg)

मनइहुँक्रे दाऊदके प्रसंसा ओ धेर प्रेम करत देखके शाऊलहे जलन हुइलिन्। तबे धेरे चो शाऊल दाऊदहे मारे खाज्नै, तबेमारे दाऊद शाऊलके डरे नुक्ति रहैँ। एकदिन शाऊल दाऊदहे मारेक लग् उहिन खोजे गइनै। शाऊल एकथो गुफाक् भित्तर पेल्नै जहाँ दाऊद शाऊलके डरे नुकल रहैँ, मने शाऊल उहिनहे नाइ देख्नै। वहाँ दाऊद शाऊलके अत्ना लग्गे रहैँ कि दाऊद शाऊलहे मारे फे सेक्तैँ, मने ऊ नाइ मर्नै। बरु दाऊद, शाऊलहे मारके अपने राजा बन्न नाइ चहथैँ कैके प्रमाणित करेक लग् शाऊलके लुग्गाक् टुक्रा कट्रनै। लुग्गाक् टुक्रा काटेबेर शाऊल पता नाइ पैनै।

![](https://cdn.door43.org/obs/jpg/360px/obs-en-17-05.jpg)

अन्तमे शाऊल मुनै, ओ दाऊद इस्राएलके राजा बन्नै। ऊ एक बह्रिया राजा रहै, हो मनइहुँक्रे उहिन प्रेम करैँ। परमेश्वर उहिन आशिष देनै ओ उहिन सफल बनैनै। दाऊद धेरे लराई लरनै ओ परमेश्वर उहिन इस्राएलके दुस्मनहुँक्रन हिटाइक लग् मद्दत कर्नै। दाऊद यरुशलेमहे कब्जा कर्नै ओ ऊ शहरहे देशके राजधानी बनैनै। दाऊदके शासनके समयमे इस्राएल एक शक्तिशाली ओ धनी देश बनल।

![](https://cdn.door43.org/obs/jpg/360px/obs-en-17-06.jpg)

दाऊद एकथो मन्दिर बनैना चहनै जहाँ इस्राएलीहुँक्रे परमेश्वरके आराधना करे सेकै और परमेश्वरहे बलि चह्राइ सेकै। करिब ४०० बर्षसम् मनइहुँक्रे परमेश्वरके आराधना कर्ना ओ बलि चह्रैना काम भेट हुइना पालमे कर्ति आइल रहैँ, जौन मोशा बनैले रहैँ।

![](https://cdn.door43.org/obs/jpg/360px/obs-en-17-07.jpg)

मने परमेश्वर नातान नाउँके एकथो अगमवक्ताहे दाऊदकेथे यि खबर पठैनै, “तईँ लराई करुइया मनइया हुइलेक ओरसे तईँ मन्दिर नाइ बनैबे। तोर छावा मन्दिर बनाई। मने, मई तुहिन फालाफाल आशिष देम। तोर सन्तानहुक्रनमध्ये एकजाने सदाके लग् राजाके रुपमे मोर मनइनमे राज्य करि।”

![](https://cdn.door43.org/obs/jpg/360px/obs-en-17-08.jpg)

जब् दाऊद यि बात सुन्नै। ऊ तुरुन्ते परमेश्वरहे धन्यवाद देनै ओ हुँकार प्रशंसा कर्नै काहेकि दाऊदहे परमेश्वर महान् आदर ओ धेरे आशिषके वाचा कर्ले रहैँ। दाऊदहे यि बात कहिया हुई कैके पता नाइ रहिन, यि बात पूरा हुइक लग् इस्राएलीहुँक्रहन मसिह अइनासे आघे लग्भग् १००० वर्षसम् असरा लग्ना रहिन्।

![](https://cdn.door43.org/obs/jpg/360px/obs-en-17-09.jpg)

दाऊद धेरे वर्षसम् न्यनय ओ विश्वासयोग्यताके साथ राज्य कर्नै, तब् परमेश्वर उहिन आशिष देनै। मने, दाऊद परमेश्वरके विरद्धमे डरलग्तिक पाप कर्नै।

![](https://cdn.door43.org/obs/jpg/360px/obs-en-17-10.jpg)

एकदिन, जब् दाऊदके सक्कु सैनिकहुँक्रे लराई करेक लग् घरसे दूर गइल रहैँ, ऊ आपन दरबारसे बाहेर हेर्नै तो एकथो सुग्घुर जन्नीहे लहाइत देख्नै। ऊ जन्नीक् नाउँ बतशेबा रहे।

![](https://cdn.door43.org/obs/jpg/360px/obs-en-17-11.jpg)

दाऊद कहिनो कहिके बतशेबाहे आपनथे लाने पठैनै। दाऊद ओकरसँग सुत्नै और उहिन ओकर घर पठादेनै। कुछ समयपाछे, बतशेबा दाऊदहे अपने गर्भवती रहल खबर पठैनिन्।

![](https://cdn.door43.org/obs/jpg/360px/obs-en-17-12.jpg)

बतशेबाक् थर्वा, उरियाह जाउँके मनइया, दाऊदके सेनाहुँक्रहनमध्ये एक बह्रिया सैनिक रहैँ। दाऊद उरियाहहे लराइमन्से फिर्ता बोलैनै ओ उहिन ओकर जन्नीक्थे जाई कहनै। मने उरियाह आपन सिपाही संघरियिन छोरके घरे जाइक् मन नाइ कर्नै। तब् दाऊद उरियाहाहे लराइमे फिर्ता पठैनै, ओ मूख्य सेनापतिहे जहाँ बलगर बलगर दुस्मनहुँक्रे बाटै वहै उरियाहाहिन् धारेक् कहनै, ताकि उरियाहा लराईमे मरजाए कैके वैसिक दाऊद सेनापतिहे कहनै।

![](https://cdn.door43.org/obs/jpg/360px/obs-en-17-13.jpg)

उरियाहा मुवल तब् दाऊद बतशेबासे भोज कर्नै। पाछे, बतशेबा छावा जन्मइनिन्। दाऊदके करल काममे परमेश्वर बरे जोर रिसैनै, तबे परमेश्वर नातान अगमवक्ताहे दाऊदके पाप कत्ना खराब रहे कैके बताइक् लग् पठैनै। दाऊद आपन पापाके पश्चताप कर्नै ओ परमेश्वर उहिन क्षमा कर्नै। आपन बाँकी जीवनभर दाऊद दुखके बेलामे परमेश्वरहे पछ्यइनै ओ आज्ञाकारी रहनै।

![](https://cdn.door43.org/obs/jpg/360px/obs-en-17-14.jpg)

मने दाऊदके करल पापके सजाय स्वरप, हुँकार छावा मुगिल। दाऊदके बाँकी जीवनभर हुँकार परिवारमे अशान्ति हुइति रहनिन् और दाऊदके ताकत फे हेराइगिनिन्। दाऊद परमेश्वरमे विश्वासयोग्य नाइ हुइलेसेफे परमेश्वर आपन प्रतिज्ञामे विश्वासयोग्य रहैँ। पाछे, दाऊद ओ बतशेबाक् अउरे छावा हुइनिन् और ओकर नाउँ सोलोमन धर्नै।

*बायबलके कथा: १ शमुएल १०,१५–१७,२४,३१, २ शमुएल ५,७,११–१२*

## 18. १८. खण्डाइल राज्य

https://openbiblestories.org/l/thl/story-18/

![](https://cdn.door43.org/obs/jpg/360px/obs-en-18-01.jpg)

धेरवर्षपाछे, दाऊदके मृत्यु हुइल और हुँकार छावा सोलोमन इस्राएलमे शासन करे लग्नै। परमेश्वर सोलोमनसँग बोल्नै ओ उहिन सबसे जयादा का चीजके चाहाना बा कैके पुछ्नै। सोलोमन ज्ञान–बुद्धि मँग्नै और परमेश्वर खुशी हुइनै ओ उहिन संसारके सबसे बुद्धिमान मनइया बनैनै। सोलोमन धेरे बात सिख्नै ओ एक बुद्धिमान न्याय करुइया हुइनै। परमेश्वर उहिनहे सम्पन्न बनैनै।

![](https://cdn.door43.org/obs/jpg/360px/obs-en-18-02.jpg)

यरुसलेममे, सोलोमन ऊ मन्दिर बनैनै जौन हुँका् बाबा दाऊद बनैना योजना कर्ले रहैँ ओ ओकर लग् बनैना सामान जम्मा कर्ले रहैँ। मनइहुँक्रे अब् परमेश्वरहे पूज्ना ओ भेट हुइना पालके सट्टा मन्दिरमे बलि चहै्रनै। परमेश्वर ऊ मन्दिरमे रहैँ। और परमेश्वर आपन मनइनसँग रहनै।

![](https://cdn.door43.org/obs/jpg/360px/obs-en-18-03.jpg)

मने सोलोमन अउरे देशके लहुन्दीहुँक्रहनसे प्रेम कर्नै। ऊ लग्भग् १००० जहानसे भोज कर्नै, ओ परमेश्वरके अनाज्ञाकारी हुइनै। हुँकार जन्नीहुँक्रे आपन देवताहुँक्रहन अपनसँग अन्ले रहैँ जिहिन वैने पूजै“। जब् सोलोमन बुह्रैनै, ऊ आपन जन्नीन्के देवताहुँक्रन पूजे लग्नै।

![](https://cdn.door43.org/obs/jpg/360px/obs-en-18-04.jpg)

परमेश्वर सोलोमनकेमे रिसाइल रहैँ और और ओकर अविश्वनीयताके कारण सजायके रुपमे, परमेश्वर सोलोमनके मृत्युपाछे इस्राएलहे दुई राज्यमे खण्डा देना प्रतिज्ञा कर्नै।

![](https://cdn.door43.org/obs/jpg/360px/obs-en-18-05.jpg)

सालोमनके मृत्युपाछे हुँकार छावा, रहावाम, इस्राएलके राजा बन्नै। रहोवाम एक मूर्ख मनइया रहैँ। इस्राएलके सक्कु मनइहुँक्रे उहिन राजा अभिषेक करेक लग् एकसाथ भेला हुइनै। वैने रहोवामहे सोलोमन राजा एकदम ज्यादा मिहिनेत ओ धेउर कर तिरेक लगाइल कैके गुनासो कर्नै।

![](https://cdn.door43.org/obs/jpg/360px/obs-en-18-06.jpg)

रहोवाम मूर्खतासे वैनहे जवाफ देनै, “मोर बाबा एकदम ज्यादा मेहेनत करे लगैले बाटैँ कैके तुह्रे सोच्ले बाटो मने मई तोहोन हुँकारसे आउर ज्यादा मेहेनत करे लगैम ओ हुँकारसे ज्यादा सजाय देम।”

![](https://cdn.door43.org/obs/jpg/360px/obs-en-18-07.jpg)

इस्राएल देशके कुलहुँक्रेमध्ये दश कुलहुँक्रे रहोवामके विरुद्धमे विदा्रेह कर्नै। दुई कुल किल हुँकारमे विश्वासयोग्य रहल। यि दुईथो कुल यहूदा देश बनल।

![](https://cdn.door43.org/obs/jpg/360px/obs-en-18-08.jpg)

रहोवामके विरुद्धमे विदा्रह करुइया इस्राएलके आउर कुल, यरोबाम नाउँके एकजाने मनइयाहे आपन राजा बनेक लग् चुन्नै। वैने आपन राज्य देशके उत्तरओर बनैनै, और उहिन इस्राएल कहागिल।

![](https://cdn.door43.org/obs/jpg/360px/obs-en-18-09.jpg)

यरोबाम परमेश्वरके विरुद्धमे विदा्रह करके मनइनहे पाप करे लगैनै। यहूदाके राज्यमे रहल मन्दिरमे जाके परमेश्वरहे आराधना क्र्वाइक छोरके ऊ मनइनके लग् आराधना करेक लग् दूर्यथो मूर्ति बनादेहेल।

![](https://cdn.door43.org/obs/jpg/360px/obs-en-18-10.jpg)

यहूदा ओ इसएल दुस्मन हुइगिनै ओ घरीघरी एक–दोसरसे लर्ति रहनै।

![](https://cdn.door43.org/obs/jpg/360px/obs-en-18-11.jpg)

इसाएलके लावा राज्यमे, सक्कु राजाहुँक्रे खराब रहैँ। यि राजाहुँक्रहनमध्ये धेउरे जाने अउरे इस्राएलीहुँक्रहनसे मुवायागिनै जे वैनके ठाउँमे राजा बन्ना चहाले रहै।

![](https://cdn.door43.org/obs/jpg/360px/obs-en-18-12.jpg)

इस्राएल राज्यके सक्कु राजाहुँक्रे ओ धेर जैसिन मनइहुँक्रे मूर्तिपूजा करैँ। वैनके मूर्तिपुजाक् कामहुँक्रहनमे धेर जैसिन व्यभिचार ओ कबुबकु छोटछोट लरकन्के बलि सामिल करैँ।

![](https://cdn.door43.org/obs/jpg/360px/obs-en-18-13.jpg)

यहूदाके राजाहुँक्रे दाऊदके सन्तानहुँक्रे रहैँ। यी राजाहक्रनमध्ये कोईकोई मजा मनइ रहै जे न्यायसे राज्य कर्नै ओ परमेश्वरहे पुज्नै। मने यहूदाके धेर जैसिन राजाहुँक्रे खराब रहैँ और वैने फेन मूर्तिपूजा कर्नै। काईकोई राजाहुँक्रे तो झुठा देवतनके लग् अपने बालबच्चनके बलि देनै। यहूदाके धेर जैसिन मनइहुँक्रे फेन परमेश्वरके विरुद्धमे विदा्रेह कर्नै ओ अउरे देवतन पूज्नै।

*बाइबलके कथा: १ राजा १–६, ११–१२*

## 19. १९. अगमवक्ताहुँक्रे

https://openbiblestories.org/l/thl/story-19/

![](https://cdn.door43.org/obs/jpg/360px/obs-en-19-01.jpg)

इस्राएलीहुँक्रहनके इतिहासभर, परमेश्वर वैनथे अगमवक्ता पठैनै। अगमवक्ताहुँक्रे परमेश्वरसे खबर सुनै”ओ उहे खबर मनइहुँक्रहन बतादेईँ।

![](https://cdn.door43.org/obs/jpg/360px/obs-en-19-02.jpg)

आहाब राजा इस्राएलमे शासन कर्ना बेलामे एलिया अगमवक्ता रहैँ। आहाब एक दुष्ट मनइया रहे जे मनइनहे बाल नाउँ रहल देवताके मूर्तिपूजा करे लगाए। एलिया आहाबहे कहनै, “मोर वचनविना सक्कु इस्राएलके राज्यभर न तो शीत परि न तो पानी परि।” यि बातसे आहाबहे बरे बरे ज्यादा रिस लग्लिस्।

![](https://cdn.door43.org/obs/jpg/360px/obs-en-19-03.jpg)

परमेश्वर एलियाहे आहाबसे नुकेक लग् उजाड ठाउँमे एकथो झरन रहल ठाउँमे जाई कहनै काहेकि आहाब एलियाहे मारेक लग् रहे। हरेक बिहानके ओ साँझके, कौवा हुँकार लग् रोटी ओ सिकार लानदेहे। आहाब ओ ओकर सैनिकहुँक्रे एलियाहे खाज्नै मने नाइ भेटाइ सेक्नै। वहाँ अत्ना ज्यादा सुख्खापन रहे कि ऊ झरनैह्या सुखगिल।

![](https://cdn.door43.org/obs/jpg/360px/obs-en-19-04.jpg)

तबेमारे एलिया एक छिमेकी देशमे गइनै। ऊ देशमे एकजने विधुवा ओ हुँकार छावा अनिकालके कारण खइना नाइ रहिन्। मने वैने एलियाक् ख्याल रख्नै, और परमेश्वर वैनके लग् जुटादेनै। वैनके भाँरामे रहल पिठा ओ तेल कब्बु नाइ आरैनिन्। पूरै अनिकालभर वैनकेथे खइना रहिन्। एलिया वहाँ कुछ वर्षसम् रहनै।

![](https://cdn.door43.org/obs/jpg/360px/obs-en-19-05.jpg)

साह्रे तीन वर्षपाछे, परमेश्वर एलियाहे इस्राएलमे लौट्के जाई ओ आहाबकेसँग बात करे कहनै काहेकि परमेश्वर फेनसे पानी वर्ष्वाइक लग् रहैँ। जब् आहाब एलियाहे देखल, ऊ कहल, “तुही हुइतो समस्या लनुइया मनइया? तब् एलिया जवाफ देनै, “मई नाइ हुँ, मने तुँ ओ तोहार बाबाक् परिवार हो।”

![](https://cdn.door43.org/obs/jpg/360px/obs-en-19-06.jpg)

इस्रएल राज्यके मनइहुँक्रे, ओ बालके ४५० जाने अगमवक्ताहुँक्रे सक्कुजे कर्मेल पहारमे अइनै। एलिया मनइहुँक्रहन कहनै, “तुह्रे कहियासम् अपन मन बदलति रहबो? यहोवा परमेश्वर बाटै कलेसे हुँकार सेवा करो।”

![](https://cdn.door43.org/obs/jpg/360px/obs-en-19-07.jpg)

तब् एलिया बालके अगमवक्ताहुँक्रहन कहनै, “एकथो गोरुवा मारो ओ उहिन बलिके रुपमे तयार पारो, मने उहिनहे आगीसे नाइ जरैहो। मई फे औस्तेके करम। जौन परमेश्वर आगीसे जवाफ दिहिँ उहे परमेश्वर सच्चा हुइतै।” तबे बाल पूजाहारीहुँक्रे बलि तयार कर्नै मने आगी नाइ लग्निन्।

![](https://cdn.door43.org/obs/jpg/360px/obs-en-19-08.jpg)

तब् बालके अगमवक्ताहुँक्रे यैसिक कहिके प्रार्थना कर्नै, “हे बाल, हमाहान जवाफ देऊ।”

![](https://cdn.door43.org/obs/jpg/360px/obs-en-19-09.jpg)

दिन ढल्ना बेला, एलिया परमेश्वरके लग् एकथो बलि तयार कर्नै। और बाह्र गग्री पानी लानके बलिके सिकासेक् उप्पर, काठी ओ भुँइयाफे ओ वेदीक् सब भाग पूरा नाइ भिजतसम् उल्द्वाइ लगैनै।

![](https://cdn.door43.org/obs/jpg/360px/obs-en-19-10.jpg)

तब् एलिया प्रार्थना कर्नै, “यहोवा अब्राहाम, इसाहाक ओ याकूबके परमेश्वर, तुहि हमार परमेश्वर हुइतो ओ मई तोहार दास हुँ। महिन उत्तर देऊ ताकि यि मनइहुँक्रे जानै कि तुँ हि एक्केथो सच्चा परमेश्वर हुइतो।”

![](https://cdn.door43.org/obs/jpg/360px/obs-en-19-11.jpg)

तब् तुरुन्ते, बद्रीमन्से आगी गिरल ओ सिकार, काठी, पथ्रा, माटी और वेदीक् आँजरपाँजर रहल पानी सहित जरादेहेल। जब् मनइहुँक्रे यि सब् देख्नै, वैने भुईँयामे घोपट्या पर्नै ओ कहनै, “यहोवा परमेश्वर हुइतै।”

![](https://cdn.door43.org/obs/jpg/360px/obs-en-19-12.jpg)

तब् एलिया कहनै, “बालके कौनोफे अगमवक्ताहुँक्रहन भागे नाइ देऊ।”

![](https://cdn.door43.org/obs/jpg/360px/obs-en-19-13.jpg)

तब् एलिया राजा आहाबहे कहनै, “तुरुन्ते शहरमे लौट जाऊ, काहेकि पानी वर्षेक लग् बा।” एक्केघचिपाछे बद्री करिया हुइगिल, ओ बरे भारी पानी वर्षे लागल। यहोवा खडेरीके अन्त्य कर्नै, उहे किल एक्केथो सच्चा परमेश्वर हुइतै कैके प्रमाणित कर्नै।

![](https://cdn.door43.org/obs/jpg/360px/obs-en-19-14.jpg)

एलियाके समयपाछे, परमेश्वर एलिशा नाउँके मनइया हुँकार अगमवक्ताके रुपमे छान्नै। परमेश्वर एलिशाद्वारा धेउरे अचम्मके काम कर्नै। ऊ अचम्मके काममध्ये एक अचम्के काम नामानके सँग हुइल। नामान दुस्मन देशके सेनापति रहैँ, उहिन छालाक् रोग लागल रहिन्। ऊ एलिशाक् बारेमे सुन्ले रहै तबे ऊ एलिशाक्थे गइनै ओ निक पारेक लग् बिनति कर्नै। एलिशा नामानहे यदैन लदियामे जाके रात चोट डुब्की लगाई कहनै।

![](https://cdn.door43.org/obs/jpg/360px/obs-en-19-15.jpg)

सुरुमे तो नामान रिसैनै और यैसिक नाइ करे मन कर्नै काहेकि यि काम मूर्खता जस्ते लग्लिन्। मने पाछे नामान आपन मन बदल्नै ओ अपनहिन् सात चोट यर्दन लदियामे डुबैनै। जब् नामान अन्तिम चोट डुब्की लगाके उप्पर अइनै, हुँकार छालाक् रोग पूरा निक हुइगिल रहिन्।

![](https://cdn.door43.org/obs/jpg/360px/obs-en-19-16.jpg)

परमेश्वर आउर फे धेउरे अगमवक्ताहुँक्रहन पठैनै। वैने सक्कुजे मनइहुँक्रहन मूर्तिपूजा छोरे ओ आउर मनइनमे न्याय ओ दया देखाइ कहनै। अगमवक्ताहुँक्रे मनइहुँक्रहन चेतावनी देनै कि यदि तुह्रे खराब काम करे नाइ छोरबो ओ परमेश्वरके बात नाइ मन्बो कलेसे, परमेश्वर तोहोन दोषि ठहरैहि ओ सजाय दिहि।

![](https://cdn.door43.org/obs/jpg/360px/obs-en-19-17.jpg)

मनइह“ुके्र परमेश्वरहे नाइ सुन्नै। वैने जब्फेन अगमवक्ताहुँक्रहनसे नाइ मजा व्यवाहार कर्नै ओ किहिनो–किहिनो तो मार देनै। एकचोट, यर्मिया अगमवक्ताहे सुख्खा कू“वामे धारदेनै ओ मुएक लग् वहैँ छार्देनै। यर्मिया कू“वक् हिल्लामे धसगिनै, मने राजा हुँकारमे दाया कर्नै ओ आपन नोक्रहुवन् यर्मियाहे कू“वामन्से निकारे लगैनै।

![](https://cdn.door43.org/obs/jpg/360px/obs-en-19-18.jpg)

मनइहुँक्रे अगमवक्ताहुँक्रहन्हे घृणा कर्लेसे फेन वैने परमेश्वरके लग् बोल्ति रहनै। पश्चताप नाइ करुइया मनइहुँक्रहन् परमेश्वर नाश करिहि कैके चेतावनी देति रहनै। वैने मनइहुँक्रहन् मसिह अइना प्रतिज्ञा फे सम्झना करवैनै।

*बाइबलके कथा: १राजा १६–१८, २राजा ५, यर्मिया ३८*

## 20. २०. निर्वासन ओ फिर्ती

https://openbiblestories.org/l/thl/story-20/

![](https://cdn.door43.org/obs/jpg/360px/obs-en-20-01.jpg)

इस्राएलके राज्य ओ यहूदाके राज्य, दुनुजे परमेश्वरके विरुद्धमे पाप कर्नै। परमेश्वर वैनसँग सिनै पहारमे बाँधल वाचा वैने भंग कर्नै। परमेश्वर वैनहे पश्चताप करे ओ अपनहे पूजे कैके चेतावनी देहेक लग् अगमवक्ताहुँक्रहन पठैनै मने वैने आमवक्तहुँक्रहनके बात नाइ मन्नै।

![](https://cdn.door43.org/obs/jpg/360px/obs-en-20-02.jpg)

तबेमारे परमेश्वर दुनु राज्यहुँक्रहन् वैनके दुस्मनद्वारा नाश हुईदेनै। एक शक्तिशाली ओ क्रूर देश अश्शूरी राज्य इस्राएलके राज्य नाश पारदेहेल। अश्शूरीहुँक्रे इस्राएल देशके धेरे मनइहुँक्रन मर्नै, ओ वैनके महंगा महंगा सामान सक्कु लैगिनै और देशके धेउरे ठाउँ जरादेनै।

![](https://cdn.door43.org/obs/jpg/360px/obs-en-20-03.jpg)

अश्शूरीहुँक्रे सक्कु अगुवा, धनी मनइ, रसीप रहल मनइहुँक्रहन जम्मा करके वैनहे अश्शुरके देशमे लैगिनै। नाइ मारगिल गरिब इस्राएलीहुँक्रे किल इस्राएलमे बाँकी रहिगिनै।

![](https://cdn.door43.org/obs/jpg/360px/obs-en-20-04.jpg)

तब् अश्शूरीहुँक्रे इस्राएलके राज्यमे विदेशीहुँक्रहन लानके धर्नै। विदेशीहुँक्रे भत्कल शहरहे फेनसे बनैनै ओ इस्राएलीहुँक्रहनसे भोज कर्नै। विदेशीहुँक्रहन् भोज करुइया इस्राएली सन्तानहुँक्रहन ‘सामरी’ कहागिल।

![](https://cdn.door43.org/obs/jpg/360px/obs-en-20-05.jpg)

यहूदाके मनइहुँक्रे परमेश्वरमे विश्वास नाइ कर्लेक ओ हुँकार बात नाइ मन्लेक कारण कैसिके इस्राएलीहुँक्रहन् सजाय देनै कैके देख्नै। तभुनफे वैने कनानी देवताहुँक्रहन पूज्ती रहनै। परमेश्वर वैनहे चेतावनी देहे अगमवक्ता पठैनै, मने वैने सुनेक मन नाइ कर्नै।

![](https://cdn.door43.org/obs/jpg/360px/obs-en-20-06.jpg)

अश्शूरीहुँक्रे इस्राएल नाश कर्लेक १०० वर्षपाछे परमेश्वर बेबिलोनके राजा, नबूकदनेसरहे यहूदाक् राज्यमे आक्रमण करे पठैनै। बेबिलोन एक शक्तिशाली देश रहे। यहूदाके राजा नबूकदनेसरके दास हुइना ओ हरेक वर्ष उअिन धेउरे पैसा तिर्ना सहमत हइनै।

![](https://cdn.door43.org/obs/jpg/360px/obs-en-20-07.jpg)

मने कुछ वर्षपाछे, यहूदाके राजा बेबिलोनके विरुद्धमे विदा्रेह कर्नै। तबेमारे, बेबिलोनीहुँक्रे फेन अइनै ओ यहूदाके राज्यहे आक्रमण कर्नै। वैने यरुशलेमके शहर कब्जा कर्नै, मन्दिर भत्कादेनै, और शहर ओ मन्दिरमे रहल सक्कु सम्पत्ति लैगिनै।

![](https://cdn.door43.org/obs/jpg/360px/obs-en-20-08.jpg)

विदा्रेह कर्लेक कारण यहूदाके राजाहे सजायके रुपमे नबूकदनेरसके सिपाहीहुँक्रे हुँकार छावाहे हुँकारे आघे मारदेनै और उहिन आँधर करादेनै। ओकरपाछे, वैने राजाहे झ्यालखानामे दारे बेबिलोन लैगिनै।

![](https://cdn.door43.org/obs/jpg/360px/obs-en-20-09.jpg)

नबूकदनेसर ओ हुँकार फौज खेतवक् काम करेक लग् गरीब मनइहुँक्रहनभर वहैँ खेतवक् काम करेक लग् छोरदेनै ओ बाँकी सक्कुजहान वेबिलोन लैगिनै। यिहे समयमे परमेश्वरके मनइ प्रतिज्ञाके देश, कनान छोर्ना बाध्य हुइनै, यिहिने निर्वासन कहल हो।

![](https://cdn.door43.org/obs/jpg/360px/obs-en-20-10.jpg)

परमेश्वर मनइहुँक्रहन् वैनके पापके कारण निर्वासनमे दुर लैजाके सजाय देनै, मने वैनहे ओ आपन करल प्रतिज्ञा नाइ बिस्राइल रहैँ। परमेश्वर आपन मनइनके रेखदेख कर्ना ओ वैनसे बात कर्ना काम आपन अगमवक्ताहुँक्रहन् पठाके यि काम जारी रख्नै। सत्तरी वर्षपाछे फेनसे प्रतिज्ञाके देश लौटीहि कैके परमेश्वर प्रतिज्ञा कर्नै।

![](https://cdn.door43.org/obs/jpg/360px/obs-en-20-11.jpg)

सत्तरी वर्षपाछे फारसीहुँक्रहनके राजा, कोरेस बेबिलोनहे लराईमे हितैनै, तबेमारे फारसी साम्राज्य बेबिलोनी साम्राज्यहे प्रतिस्थापित कर्नै। अब् इस्राएलीहुँक्रहन् ‘यहूदीहुँक्रे’ कैके कहैँ ओ वैने आपन जीवन बेबिलोनेमे बितैनै। कौनो कौनो यहूदीहुँक्रे किल आपन यहूदा देशहे सोचैँ।

![](https://cdn.door43.org/obs/jpg/360px/obs-en-20-12.jpg)

फारसी साम्रमज्य एक शक्तिशाली साम्राज्य रहे मने वैने आपन कब्जा करल मनइहुँक्रहनमे दया करै वैने दयालु रहैँ। कोरेस फारसीहुँक्रहनके राजा हुइलेक कुछ समयपाछे, ऊ जौन–जौन यहूदी यहूदा जइना चाहता कलेसे फारसी देशहे छोरके यहूदा लौटे सेक्बो कैके आदेश जारी करदेहेल। राजा वैनहे मन्दिरहे फेनसे बनाइक लग् रुपिया–पैसा देहल।

![](https://cdn.door43.org/obs/jpg/360px/obs-en-20-13.jpg)

जब् मनइहुँक्रे यरुशलेम अइनै, वैने मन्दिर ओ शहरके भिात फेनसे बनैनै। वैनेके उप्पर अभिन फे अउरे राज्य शासन करतेहे तौनफे फेनसे वैने प्रतिज्ञाके देशमे बैथे ओ ऊ मन्दिरमे आराधना करे पइनै।

*बाइबलके कथा: २राजा १७, २४–२५, २इतिहास ३६, एज्रा १–१०, नहेम्याह १–१३*

## 21. २१. परमेश्वर मसिह पठैना वाचा कर्नै

https://openbiblestories.org/l/thl/story-21/

![](https://cdn.door43.org/obs/jpg/360px/obs-en-21-01.jpg)

सब चीके सुरु हुइल तब्बहीसे परमेश्वर मसिह पठैना योजना कर्ले रहैँ। मसिह अइना बारेमे सबसे सुरुमे आदम ओ हव्वाहे वाचा कर्नै। परमेश्वर वैनसे यी वाचा कर्ले रहैँ कि हव्वाके वंशसे एकथो सन्तान जन्मी जे सपुवक मुन्टी कुच्ली। हव्वाहे छलुइया उहे सपुवा शैतान रहे। ऊ बाचाके अर्थ मसिह अइा ओ शैतान हे हितइना रहे।

![](https://cdn.door43.org/obs/jpg/360px/obs-en-21-02.jpg)

परमेश्वर आब्राहमहे प्रतिज्ञा करनैकि उहिनद्धारा संसारके सक्कु जातिके मनइ आशिष पइहीँ। उ आशिष मसिह आके पुरा हुइना रहे। ऊ अइहप् ओ संसारके मनइनके पाप से छुटइही कहना अर्थ रहे।

![](https://cdn.door43.org/obs/jpg/360px/obs-en-21-03.jpg)

परमेश्वर मोशााहे भविष्यमे मोशा जस्ते उकजने अगमवक्ता पठइम् कना वाचा कर्नै। यी फे मसिह अइना एकथो वाचा रहे।

![](https://cdn.door43.org/obs/jpg/360px/obs-en-21-04.jpg)

परमेश्वर दाउद राजासे वाचा कर्नै कि हुँकार वंशके सन्तान मनइनमे सदा राज्यकरी। ओकर अर्थ मसिह दाउदके वंशके रहिहिँ।

![](https://cdn.door43.org/obs/jpg/360px/obs-en-21-05.jpg)

यर्मिया अगमवक्ताद्धारा, परमेश्वर प्रतिज्ञा करले रहैँ कि उ एकथो लावा वाचा स्थापित करिहिँ, जौन वाचा सिनै पर्वतमे करल जैसिननाइ रहि पमेश्वर अपन व्यवस्था मनइनके मनम लिखीहि मनइ परमेश्वरहे नज्दिक से जनिहि। वइने परमेश्वरके मनइ हुइहिँ ओ परमेश्वर वइनके पाप क्षमा करदिहि। उ लावा वाचाके सुरु मसिह करिहिँ।

![](https://cdn.door43.org/obs/jpg/360px/obs-en-21-06.jpg)

परमेश्वरके अगमवक्तन् यी फे कहनै कि मसिह एक अगमवक्रा, एक पुजाहारी ओ एक राजा रहिहिँ। अगमवक्ता उ मनइया हो जे परमेश्वरके वचन स्नथ ओ मनइनके बचमे घोषणा करदेहेथ। मसिह किल एक्के थो सिद्ध अगमवक्ता रहैँ।

![](https://cdn.door43.org/obs/jpg/360px/obs-en-21-07.jpg)

इस्राइली पूजाहारीहुँक्रे मनइनके तरफसे वैनके पाप क्षमाके लग् बलि चहा्रदेइँ। पूजाहारीहुँक्रेर मनइन लग् परमेश्वरसे प्रार्थना करदेइँ। मसिह किल एकथो सिद्ध प्रधान पूजाहारी रहैँ, जे अपने आपहे सिद्ध बलिके रुपमे परमेश्वरकेथे सौ“प देहुईया रहैँ।

![](https://cdn.door43.org/obs/jpg/360px/obs-en-21-08.jpg)

राजा ऊ हो, जे कौनो राज्यमे राज करथ ओ मनइनके न्याय करथ। कसिह किल एकथो सिद्ध राजा रहैँ, जे आपन पूर्खा दाउदके राजगद्दीमे बैथुईया रहैँ। ऊ सारा संंसारमे सदाके लग् राज करुइया ओ सही न्याय करुईया रहैँ।

![](https://cdn.door43.org/obs/jpg/360px/obs-en-21-09.jpg)

परमेश्वके अगमवक्तन मसिहके बारेमे धेरे बातके भविष्यवाणी कर्नै। मलाकी अगमवक्ता एकजने महान अगमवक्ता अइहिँ कना भविष्यवाणी कर्नै। यशैया अगमवक्ता मसिह कन्याके कोखसे जन्मही कैके भविष्यवाणी कर्नै। मीका अगमवक्ता मसिह बेथलेहेममे जन्मही कहनै।

![](https://cdn.door43.org/obs/jpg/360px/obs-en-21-10.jpg)

यशैया अगमवक्ता कहनै कि, मसिह गालीलमे बैथिहिँ, टुटल मनहे जोरदिहिँ ओ बन्धनमे परल मनइन बन्धनसे छुटादिहिँ। मसिह रोगीन् निक परिहिँ कैके भविष्यवाणी कर्नै।

![](https://cdn.door43.org/obs/jpg/360px/obs-en-21-11.jpg)

यशैया अगमवक्ता यी फे भविष्यवाणी कर्नै कि मसिहहे विना कारणके मनइ घृणा करिहि। आउर अगमवक्ताहुँक्रे मसिहहे मरुइया हुँक्रे हुँकार लुग्गाक् चिठ्ठा लगैहीँ ओ हुँकार एकथो संघरिया उहिन धोखा दिहिन कैके धविष्यवाणी कर्नै। जकरिया अगमवक्ता धविष्यणी कर्नै कि मसिहहे धोखा देहुइया संघरियाहे धोखा देलेक बापतमे तीस चाँदीके तिराजाई।

![](https://cdn.door43.org/obs/jpg/360px/obs-en-21-12.jpg)

अगमवक्ताहुँक्रे मसिहके मृत्युके बारेमे फे भविष्यवाणी कर्नै। यशैया अगमवक्ता भविष्यवाणी कर्नै कि मनयहुँक्रे मसिहहे थुकिही ओ पिटिही। हुँकार कौनौ गल्ती नाइ रही तौनो फे उहिन भालाले गोझिही ओ ऊ बहुत पिडासे मूहीँ।

![](https://cdn.door43.org/obs/jpg/360px/obs-en-21-13.jpg)

अगमवक्ताहुँक्रे यी फे कहनै कि मसिह सिद्ध ओ पवित्र रहिहीँ। ऊ मनइनके पापके सजाय भोगिहीँ,ओ उहे सजायसे मनइ ओ पमेश्वरके बीचमे आई। उहेमारे, मसिहहे कुल्चना परमेशवरेके चाहाना रहे।

![](https://cdn.door43.org/obs/jpg/360px/obs-en-21-14.jpg)

अगमवक्ताहुँक्रे भविष्यवाणी कर्नै कि, मसिह मूहीँ ओ परमेश्वर उहिन मूवलमन्से फे जीई उठैहीँ। मसिह मूनम ओ जीई उठ्नासे,परमेश्वर पापीहुँक्रहन बचैना ओ लावा वाचाके सुरु कर्ना आपन योजना पूरा करिहीँ।

![](https://cdn.door43.org/obs/jpg/360px/obs-en-21-15.jpg)

परमेश्वर मसिहके बारेमे अगमवक्ताहुँक्रहन धेउरे बात बतैनै, मने मसिह वैनके पालामे नाइ अइनै। अन्तिममे जौन भविष्यवाणी देहेल बा ओकर ४०० सालसे फे धेर समयपाछे परमेश्वर मसिहहे संसारमे पठैनै।

*बाइबलके कथा : उत्पत्ति ३:१५,१२:१–३≤ व्यवस्था १८:१५ ≤ २ शामुएल ७≤ यर्मिया ३१≤ यशैया ५९:१६ ≤ दानिएल ७≤ मलाकी ४:५≤ यशैया ७:१४ ≤ मीका ५:२≤ यशैया ९:१–७ ≤३५:३–५≤ ६१≤ ५३≤ भजनसंग्रह २२:१८ ≤ ३५:१९ ≤ ६९:४≤ ४१:९≤ जकरिया ११:१२–१३ ≤ यशैया ५०–६≤ भजनसंग्रह १६:१०*

## 22. २२. यूहन्नाके जनम

https://openbiblestories.org/l/thl/story-22/

![](https://cdn.door43.org/obs/jpg/360px/obs-en-22-01.jpg)

पहिले परमेश्वर आपन मनइनसंग् स्वर्गदूत ओ अगमवक्ताहुक्हनके माध्यमसे बोलैँ। मने ४०० सालसम् परमेशवर मनइनसँग नाइ बोल्नै। अचानक इकथो स्वर्गदूत जकरिया नाउँ रहल एकजाने पूजाहारीक्थे परमेश्वरके सन्देश लैके अइनै। जकरिया ओ हुँकार जन्नी एलिशिबा,परमेश्वरके भक्त रहैं। मने एलशिबा बाझ रहिन्।

![](https://cdn.door43.org/obs/jpg/360px/obs-en-22-02.jpg)

ऊ स्वर्गदूत जकरिया कहनै, “तोहार जन्नी एकथो छावा पइहीँ। तुँ ओकर नाउँ यूहन्ना धरहो। एलिशिबा पवित्र आत्मासे भरजिहिन् ओ ऊ लर्का मसिह अइना डगरा बनाईअ मने जकरिया स्वर्गदूतके बातमे विस्वास नाय कर्नै।

![](https://cdn.door43.org/obs/jpg/360px/obs-en-22-03.jpg)

तब् स्वर्गदूत जकरियाहे कहनै, “महिन परमेशवर यी खुशीक् खबर सुनाइ पठैनै। मने तुँ मोर बातमे विश्वास नाइ कर्लेक ओरसे तोहार लरका नाइ जन्मतसम् तुँ बोले नाइ सेक्बो।” तुरुन्ते, जकरिया लाट हुइगिनै। तब् स्वर्गदूत वहाँसे गइगिनै ओ जकरिया फे आपन घर गइनै ओ हुँकार जन्नी गर्भवती हुइनिन्

![](https://cdn.door43.org/obs/jpg/360px/obs-en-22-04.jpg)

जब्, एलिशिबाक् गर्भवती हुइलेक ६ महिना पुगल, अचानकसे उहे स्वर्गदूत एलिशिबाक् बाहिनया मरियमके थे अइनै। मरियम एक कन्या रहिन्, हुँकार मंगनी योसेफ कना मनइयासे हुइल रहिन्। स्वर्गदूत मरियमहे कहनै, “तुँ गर्भवती हुइबो ओ एकथो छावा जन्मैबो। तुँ हुँकार नाउँ येशू धरबो। ऊ परमेशवरके छावा कहलैहीँ ओ सदासर्वदा राज्य करिहीँ।”

![](https://cdn.door43.org/obs/jpg/360px/obs-en-22-05.jpg)

मरियम कहनिन्, “यी कैसिक हुइसेकि, जब्कि मय तो कन्या हुइतु?”स्वर्गदूत कहनै, “पवित्र आतमा तोहारमे अइहीँ, ओ पवित्र आत्माकृ छाया”तोहारमे परि। तबे ऊ लर्का पवित्र परमेशवरके छावा रही।” मरियम स्वर्गदूतके कहल बातमे विश्वास कर्निन् ओ स्वीकर्निन्।

![](https://cdn.door43.org/obs/jpg/360px/obs-en-22-06.jpg)

स्वर्गदूतकेसँग बात कर्लेक कुछ दिनपाछे, मरियम एलिशिबाहे भेटे गैनिन्। जब् मरियमके अभिवादन एलिशिबा सुन्निन् तो एलिशिबाक् पेटके भित्तर रहल लरका खुसिसे उल्रल। वैने परमेश्वरके महिमा कर्नै। मरियम तीन महिनासम् एलिशिबाक् घर रहनिन् तब् आपन घर लौट्निन्।

![](https://cdn.door43.org/obs/jpg/360px/obs-en-22-07.jpg)

एलिशिबा छावा जन्मैनिन् ओ ओकर नाउँ ‘यूहन्ना’ धर्नै। तब् जकरियाहे फेनसे परमेशवर बोल्नाहा करादेनै। जकरिया परमेशवरके प्रशंसा कर्नै।

*बाइबलके कथा: लुका १*

## 23. २३. येशूके जनम

https://openbiblestories.org/l/thl/story-23/

![](https://cdn.door43.org/obs/jpg/360px/obs-en-23-01.jpg)

योसेफ नाउँके एकजने धर्मी मनइयाक्सँग मरियमके मंगनी हुइल रहिन्। जब् योसेफ मरियमहे गर्भवती हुइल पता पैनै तब् मरियमहे लाजमे नाइ परेदेहेक लग् चुप्पेसे छोरदेना विचार कर्नै। मने यैसिन कनौसे पहिले, हुँकार सपनामे स्वर्गदूत अइनै।

![](https://cdn.door43.org/obs/jpg/360px/obs-en-23-02.jpg)

स्वर्गदूत उहिन कहनै, “योसेफ, मरियमहे अपन जन्नी स्वीकार कर्नासे नाय डराऊ। काहेकी हुँकार पेटेक् भित्तर रहल लर्का पवित्र आत्मासे आइल हुइतै। ऊ एकथो छावा जन्मैहीन्। लर्काक् नाउँ येशू धरहो – जेकर अर्थ हो, परमेश्वर बचैहीँ), काहेकी ऊ मनइन वैनके पापसे बचैहीँ।”

![](https://cdn.door43.org/obs/jpg/360px/obs-en-23-03.jpg)

तबे योसेफ मरियमहे नाइ छोरनै ओ उहिनसे भोज कर्नै। जब्सम् लर्का नाइ हुइल तब्सम् योसेफ मरियमकेसँग नाइ सुत्नै।

![](https://cdn.door43.org/obs/jpg/360px/obs-en-23-04.jpg)

मरियमके लर्का जन्मइना समय लग्गे आइगिल रहे, उहे समयमे रोमी सरकार सक्कु जहान जनगणनाके लग् आपन आपन पूर्खन्के देश जइना आदेश जारी करल। योसेफ ओ मरियम आपन पुर्खन्के सहर बेथलेहेम गइनै।

![](https://cdn.door43.org/obs/jpg/360px/obs-en-23-05.jpg)

जब् वैने बेथेलेहेम पुग्नै बहाँ वैनके रहेक लग् ठाउँ नाइ भेटैनै। तब् गैयनके गोठमे जाके बैथ्नै। वहैँ मरियम लर्काहे जन्मैनिन् ओ लर्काहे डो“रवामे धर्निन्। काहेकी लर्काहे धारेक लग् औरे कौनो ठाउँ नाइ रहे। लर्काक् नाउँ ‘येशू' धर्नै।

![](https://cdn.door43.org/obs/jpg/360px/obs-en-23-06.jpg)

उहे रात, ओथहि लग्गे खेत्वामे गोठालाहुँक्रे आपन भेँरिन् हेरतहैँ। अचानक स्वर्गदूतवैनकेथे देखा पर्ने, यी देखके गोठालाहुँक्रे डरैनै। तब् स्वर्गदूत कहनै, “नाइ डराऊ, काहेकी मई तोहोन बरे खुशीके खबर सुनाइ आयल बाटुँ। तोहोनके मसिह बेथलेहेममे जनम लैसेक्ले बाटैँ।”

![](https://cdn.door43.org/obs/jpg/360px/obs-en-23-07.jpg)

जन्मल लर्काहे खोजे जाऊ, ओ तुह्रे उहिन लुग्गासे बेह्रल ओ डोरवामे सुताइल भेटैबो। तब् अचानकसे स्वर्गदूतहुक्रनसँग स्वर्गीय सेना देखा पर्नै। ओ वैने सबजे परमेशवरके प्रशंसा यैसिक कर्ने, “सर्वोच्चमे परमेश्वरहे महिमा ओ पृथवीमे जौन मनइनसे ऊ खुशी बाटैँ, वैनहे शान्ति।”

![](https://cdn.door43.org/obs/jpg/360px/obs-en-23-08.jpg)

कुछ घचिपाछे, गोठालाहुँक्रे येशू जन्मल ठाउँमे आयपुग्नै ओ स्वर्गदूत जस्तेक कहले रहैँ ओस्तेक भेटैनै। वैने यी सब देखके बरे खुशी हुइनै। ओ परमेश्वरहे धन्यवाद चहै्रति आपन भेँरिन्थे लौट्नै।

![](https://cdn.door43.org/obs/jpg/360px/obs-en-23-09.jpg)

कुछ समयपाछे, बरे दुरके पूरुबके ज्ञानी जयोतिषिहुँक्रे बद्रीमे एकथो यैसिन तोरैँया देख्नै। जेकर मतलब राजाहुक्रहनके राजा जन्मना कैके संकेत रहे। उहेमारे उहे राजाहे हेरेक लग् वैने बरे दुरसे बेथलेहेम अइनै। ओ येशू ओ हुँकार दाई–बाबा रहल ठाउँ पत्ता लगैनै।

![](https://cdn.door43.org/obs/jpg/360px/obs-en-23-10.jpg)

जब् ऊ ज्ञानी जयोतिषिहुँक्रे येशूहे हुँकार दाईक्सँग देख्नै, वैने घोपत्या होके दण्डवत कर्नै ओ येशूक् आराधना कर्नै। वैने येशूहे सोन, धुप ओ मूर्रके भेटी चहै्रनै। तब् आपन घर लौट्नै।

*बाइबलके कथा: मत्ती १: लूका २*

## 24. २४. यूहन्ना येशूहे बप्तिसमा देनै

https://openbiblestories.org/l/thl/story-24/

![](https://cdn.door43.org/obs/jpg/360px/obs-en-24-01.jpg)

जकरिया ओ एलिशिबाक् छावा यूहन्ना भारी होके एक अगमवक्ता हुइनै। यूहन्ना फँट्वा ( उजाड स्थान) मे बैथैँ वनमह ओ फटिङ्गा खाईँ उँटवक भुत्लासे बनल लुग्गा लगाईँ।

![](https://cdn.door43.org/obs/jpg/360px/obs-en-24-02.jpg)

धेरे मनइ युहन्नाक् बात सुने अइनै। यूहन्ना यैसिक कहिके प्रचारि करैँ, “पश्चताप करो काहेकी परमेश्वरके काजय लगगे आइगील बा।”

![](https://cdn.door43.org/obs/jpg/360px/obs-en-24-03.jpg)

जब् मनइहुँक्रे यूहन्नाक् बात सुन्नै, तो धेरेजे आपन पापसे पश्चताप कर्जै ओ यूहन्ना वैनहे बप्तिसमा देनै। धेरे धार्मिक अगुवाहुँक्रे फे बप्तिसमा लृहे आइल रहैँ, मने वैने आपन पाप स्वीकार नाइ कर्नै, पश्चताप नाइ कर्नै।

![](https://cdn.door43.org/obs/jpg/360px/obs-en-24-04.jpg)

यूहन्ना ऊ धार्मिक अगुवाहुक्रहन कहनै, “ए दुष्टके सन्तानौ,

![](https://cdn.door43.org/obs/jpg/360px/obs-en-24-05.jpg)

कोई कोई यहूदीहुँक्रे यूहन्नाहे का तुही मसिह हुइतो कैके पछ्नै। यूहन्ना जवाफ देनै, “मई मसिह नाइ हुँ, मने मोर पाछे कोई आइतै जेकर जुत्ताक् फिता फे खोल्ना लायकके मई नाइ हुइतु।”

![](https://cdn.door43.org/obs/jpg/360px/obs-en-24-06.jpg)

दोसर दिन येशू यूहन्नासे बप्तिसमा लेहे अइनै। जब् यूहन्ना येशूहे देख्नै, ऊ कहनै, “हेरो

![](https://cdn.door43.org/obs/jpg/360px/obs-en-24-07.jpg)

यूहन्ना येशूहे कहनै, “तुहिन बप्तिसमा देना लायकके मई नाइ हुइतु। बरु तुँ महिनहे बप्तिसमा देना चाही। मने येशू जवाफमे कहनै कि अब्बैक् लग् अस्ते हुइदेऊ, यीहे सहि बा। तब् यूहन्ना येशूहे बप्तिसमा देनै, येशू कौनो फे पाप कर्ले रहैँ तौनफे बप्तिसमा लेनै।

![](https://cdn.door43.org/obs/jpg/360px/obs-en-24-08.jpg)

बप्तिसमा लैके जब् येशू पानीसे बाहेर निकर्नै तब् परमेश्वरके आत्मा ढौ“री चिरैँयाके रुपमे देखा पर्नै ओ आके येशूक्मे बैथ्नै। तब स्वर्गसे परमेश्वरके आवाज आइल, “यि मोर एकदम मनपर्ना छावा होईँ, यिहिनसे मई बरे खुशी बाटुँ।”

![](https://cdn.door43.org/obs/jpg/360px/obs-en-24-09.jpg)

परमेश्वर यूहन्नाहे कहले रहैँ, “पवित्र आत्मा अइहीँ ओ तुँ जिहिन बप्तिसमा देबो ओकरमे बैथिही। ओ बप्तिसमा लेहुइया परमेश्वरके छावा हुइतै।” जब् परमेश्वर येशूक्सँग बोल्नै तब् यूहन्ना फे परमेश्वरके आवाज सुन्नै, परमेश्वरके छावा येशूहेओ पवित्र आत्माहे देख्नै।

*बाइबलके कथा: मत्ती ३ मर्कूस १:९–११ लूका ३: १–२३*

## 25. २५. शैतानद्वारा येशूको परीक्षा

https://openbiblestories.org/l/thl/story-25/

![](https://cdn.door43.org/obs/jpg/360px/obs-en-25-01.jpg)

येशूके बप्तिसमा होके सेकके, तुरुन्ते पवित्र आत्मा येशूहे फँट्वामे लैगिनै। वहाँ येशू चालीस दिन ओ चालीस रातसम् उपवास बैथ्नै। तब् शैतान येशूक्थे आइल ओ पापमे पारेक लग् परीक्षा करल।

![](https://cdn.door43.org/obs/jpg/360px/obs-en-25-02.jpg)

शैतान यैसिक कैके परीक्ष्ाँ करल, “यदि तुँ परमेश्वरके छावा हुइतो तो, यी पथ्रन्हे रोटी बनाके खाऊ।”

![](https://cdn.door43.org/obs/jpg/360px/obs-en-25-03.jpg)

येशू जवाफ देनै, “परमेश्वरके वचनमे यैसिक लिखल बा,मनइ रोटीसे किल नाइ बच्थै मने परमेश्वरके वचनसे फे।”

![](https://cdn.door43.org/obs/jpg/360px/obs-en-25-04.jpg)

ओकरपाछे, शैतान येशूहे मन्दिरके उप्पर लैजाके करल, “यदि तुँ परमेश्वरके छावा हुइतो तो, यहाँसे तरे कुद्गो। काहेकी परमेश्वरके वचनमे लिखल बा कि दूतहरुको तोहार हात पकरलिही ओ तरे भुइयामे गिरे नाइ दिहीँ।”

![](https://cdn.door43.org/obs/jpg/360px/obs-en-25-05.jpg)

मने येशू शैतानहे वचनसे जवाफ देनै। येशू कहनै, “परमेशवरके वचन कहथ कि परमप्रभु आपन परमेश्वरके परीक्षा नाइ करोहो।”

![](https://cdn.door43.org/obs/jpg/360px/obs-en-25-06.jpg)

ओकरपाछे, शैतान येशूहे संसारके सक्कु राज्य देखाइल ओ कहल, “तुँ महिन ढोग्बो, तो मई यी सब चीज तुहिन देम।”

![](https://cdn.door43.org/obs/jpg/360px/obs-en-25-07.jpg)

येशू जवाफ देनै, “परमेश्वरके वचनमे लिखल बात तईँ आपन परमेश्वरहे किल ढोगिस्।”

![](https://cdn.door43.org/obs/jpg/360px/obs-en-25-08.jpg)

येशू शैतानके करल परीक्षामे नाइ फस्नै, तब् शैतान येशूहे छोरके भागल। तब् स्र्वदूतहुँक्रे अइनै ओ येशूक् सेवा कर्नै।

*बाइबलके कथाm मत्ती ४:१–११≤ मर्कूुस १:१२–१३≤ लूका ४:१–१३*

## 26. २६. येशू सेवाकाई सुरु कर्नै

https://openbiblestories.org/l/thl/story-26/

![](https://cdn.door43.org/obs/jpg/360px/obs-en-26-01.jpg)

शैतानके परीक्षासे विजय होके सेकके, येशू पवित्र आत्माके शक्तिमे गालील प्रदेशमे लौट्नै। जहाँ येशू बैथैँ। येशू बात सिखैति एक ठाउँसे दोसर ठाउँ गइनै। सबजाने येशूक् बारेमे मजा बात बोलैँ।

![](https://cdn.door43.org/obs/jpg/360px/obs-en-26-02.jpg)

येशू नासरतमे गइनै, जहाँ ऊ छोट्टी भर रहनै। शबाथके दिनमे, येशू आराधना कर्ना घरमे गइनै। मनइ उहिनहे पह्रेक लग् यशैया अगमवक्ताके किताब देनै। येशू वैनके लग् वचनके एक भाग पहरदेनै।

![](https://cdn.door43.org/obs/jpg/360px/obs-en-26-03.jpg)

येशू पहरनै कि परमेश्वरके आत्मा मोरमे बाटैँ काहेकी गरीबहुक्रहन मजा खबर सुनाइक लग् महिन अभिषेक कर्ले बाटैँ। टुटल मन रहल मनइन चोख्वाइक लग्, बन्धनमे परल हुक्रहन छुटाइक लग्, आन्धर मनइन देख्नाहा बनाइक लग्, थिचल मिचल हुक्रहन छुटकारा देहेक लग् ओ प्रभूक दयाके समय घोषणा करेक लग् परमेश्वर महिन पठैले बाटैँ।

![](https://cdn.door43.org/obs/jpg/360px/obs-en-26-04.jpg)

तब् यी बात कहिके येशू बैथ्नै। सक्कुजाने उहिने हेरतहै। काहेकी जौन वचन पहरले रहैँ ऊ मसिहके बारेमे रहे। येशू कहनै,“पवित्रशास्टके यी वचन आज तुह्रे सुनेबेर पूरा हुसेकल।” तब् सब मनइ यी बात सुनके अचम पर्नै। वैने कहनै यी योसेफके छावा नाइ हुइतै का?

![](https://cdn.door43.org/obs/jpg/360px/obs-en-26-05.jpg)

तब् येशू कहनै,“मई तुहरन सच कहतु, कौनो फे अगमवक्ताहे ओकर देशके मनइ उहिन स्वीकार नाई कर्थै। एलियाके समयमे इसा्रएलमे धेउरे विधुवाहुँक्रे रहैँ। जब् साह्रे तिन सालसम् इसा्रएलमे पानी नाइ परल तब् परमेश्वर एलियाहे इसा्रएलमे रहल विधुवाहुक्रहन मदत करे नाइ पठैनै, औरे देशके विधुवाहे सहायता करे पठैनै।

![](https://cdn.door43.org/obs/jpg/360px/obs-en-26-06.jpg)

येशू ओस्तेक कहती गइनै, “एलिशा अगमवक्ताके समयमे, छालाके रोग रहल मनइ धेउरे इसा्रएलमे रहैँ। मने एलिशा वैनहे निक नाइ पर्नै। एलिशा सिरिया देशके नामानहे किल निक पर्नै।” यी बात सुनुइयन यहूदीहुँक्रे रहैँ।जब् यि बात यहूदीहुँक्रे यी बात सुन्नै, वैनै येशूक्मे बहुत ज्यादा रिसैनै।

![](https://cdn.door43.org/obs/jpg/360px/obs-en-26-07.jpg)

नासरतके मनइ येशूहे आराधना घरमन्से घिसयैति बाहेर निकर्नै ओ पहारके किनारे लैजाके मारेक् खोज्नै मने येशू भीरके बीच्चेसे छिरके निकरगिनै।

![](https://cdn.door43.org/obs/jpg/360px/obs-en-26-08.jpg)

ओकरपाछे येशू गालीलके सहरमे गइनै, ओ हुँकारथे मनइनके भारी भीर आइल। वैने येशूक्थे रोगीयन, आन्धर, नाँङगर, लाट मनइन लन्नै ओ येशू वैनहे निक पर्नै।

![](https://cdn.door43.org/obs/jpg/360px/obs-en-26-09.jpg)

भूतात्मा लागल धेरे मनइ हुँक्रन येशूक्थे लन्नै। येशू वैनहे फे निक पर्नै। भूत लागल मनइ यैसिक चिल्लाईँ, “तुँ परमेश्वरके छावा हुइतो।"

![](https://cdn.door43.org/obs/jpg/360px/obs-en-26-10.jpg)

तब् येशु ब्राह थो मनइन् छन्नै ओ वैन आपन चेला बनइने। ऊ चेलन् येशुके सँग रहै ओ सिखैँ।

*बाइबलके कथा : मत्ति ४:१२–२५ मर्कुस १:१४–१५, ३५–३९ ३:१३–२१ लुका ४:१४–३०, ३८–४४*

## 27. २७. बह्रिया/मजा सामरीके कथा

https://openbiblestories.org/l/thl/story-27/

![](https://cdn.door43.org/obs/jpg/360px/obs-en-27-01.jpg)

एकदिन, यहुदी व्यवस्था एकदम मजासे जानल एकजने गुरु मनइया येशुहे जाँच करेक लग अइनै। ओ येशुहे पुछ्नै “गुरुज्यु, अनन्त जीवन पाइक लग मइ का करुँ?” येशु जवाफ देहनै कि परमेश्वरके वचनमे का लिखल बा; तुँ का बुझ्ले बाटो।

![](https://cdn.door43.org/obs/jpg/360px/obs-en-27-02.jpg)

तब् ऊ मनइया कहल कि परमेश्वरके वचनमे लिखल बा तईँ परमप्रभु आपन परमेश्वरहे आपन सारा ह्दयसे, सारा प्राणसे, सारा शक्तिसे ओ सारा समझसे प्रेम करिस् ओ आपन छिमेकीहे आपनहे जस्ते प्रेम कर्थे ओस्तेक प्रेम करिस्। येशू कहनै, “तुँ ठीक कहलो, अनन्त जीवन पाइक लग् यीहे करहो।”

![](https://cdn.door43.org/obs/jpg/360px/obs-en-27-03.jpg)

“जैतिबेला उअिन डाँकूहुँक्रे लुट्नै ओ कूना मेराइक पिटके ओथही छोरके चलगिनै।”

![](https://cdn.door43.org/obs/jpg/360px/obs-en-27-04.jpg)

“इकघचिपाछे, यहूदी पूजाहारी उहे डगर हुइति जाइतहे। जब् ऊ, अट्घटाहा मनइयाहे देखल, औरे डगर लाग्गिल।”

![](https://cdn.door43.org/obs/jpg/360px/obs-en-27-05.jpg)

“जैतिबेला उहीन डाँकूहुँक्रे लुट्नै ओ मूना मेराइक पिटके ओथही छोरके चलगिनै।”

![](https://cdn.door43.org/obs/jpg/360px/obs-en-27-06.jpg)

“इकघचिपाछे, यहूदी पूजाहारी उहे डगर हुइति जाइतहे। जब् ऊ, अट्घटाहा मनइयाहे देखल, औरे डगर लाग्गिल।”

![](https://cdn.door43.org/obs/jpg/360px/obs-en-27-07.jpg)

“फे एकघचिपाछे, उहे डगर एकथो लेवी फे आइल। ऊ फे उहिन मरमरे देखल मने आपन डगर लाग्गिल। ऊ फे ओकर वास्ता नाइ करल।”

![](https://cdn.door43.org/obs/jpg/360px/obs-en-27-08.jpg)

“उहे डगर एकथो सामरी मनइया आइल। (सामरीहुँक्रेर यहूदीन्के ऊ सन्तान रहैँ, जे औरे देशके मनइनसे भोज कर्ले रहैँ। सामरी हो यहूदीहुँक्रेर इक दोसरहे घृणा करैँ। ) जब् ऊ सामरी अट्घटाहा मनइयाहे देखल, ऊ यासे भरगिल। तब् सामरी ऊ अट्घटाहा यहूदी मनययाक् पर् पट्टी लगादेहेल।”

![](https://cdn.door43.org/obs/jpg/360px/obs-en-27-09.jpg)

“ओ ऊ सामरी यहूदी अट्घटाहा मनइयाहे आपन गधामे चह्राके पौवामे लैगिल ओ वहाँ ओकर स्याहार सुसार करल।”

![](https://cdn.door43.org/obs/jpg/360px/obs-en-27-10.jpg)

“दासर दिन, ऊ सामरी मनइया पौवाके मलिक्वाहे पैसा देहेल ओ कहल, “ओकर सुािर करदेहो, ओ अत्नासे आउर धेर खर्च लागि तो मई लौटके आइबेर तिरदेम। ’’’

![](https://cdn.door43.org/obs/jpg/360px/obs-en-27-11.jpg)

कथा बताके सेक्के येशू ऊ व्वस्था जनुइया यहूदीसे पुछ्नै, “तुहिन का लागथ? वैनमध्ये ऊ अट्घटाहा मनइयक् छिमकी हो?” ऊ जवाफ देहेल, “उहे, जे ओकरमे दया करल।” तब् येशू उहिन कहनै, “तुँ फे जाऊ ओ ओस्तेक करो।”

*बाइबलके कथा: लूका १०:२५–३७*

## 28. २८. धनी जवान मनइया

https://openbiblestories.org/l/thl/story-28/

![](https://cdn.door43.org/obs/jpg/360px/obs-en-28-01.jpg)

एकदिन, एकजाने धनी मनइया येशूहे पुछल, “हे असल गुरु, अनन्त जीवनलग् महिन का करेक् परि?” येशू उहिन कहनै, “काहे तुँ महिन ‘असल’ कहतो? असल तो परमेश्वर किल बाटैँ। मने तुँ अनन्त जीवन पइना चहाथो कलेसे, परमेश्वरके कहल बात मानो।”

![](https://cdn.door43.org/obs/jpg/360px/obs-en-28-02.jpg)

धनी जवन मनइया पुछल, “कोन कोन बात माने परि?” येशू कहनै, “हत्या नाइ करोहो। व्यभिचार नाइ करोहो। चोरी नाइ करोहो। झुठ नाय बोलोहो। आपन दाई–बाबाक् आदर करोहो, ओ आपन छिमेकीहे अपने जस्ते पे्रम करोहो।”

![](https://cdn.door43.org/obs/jpg/360px/obs-en-28-03.jpg)

तब् ऊ जवान मनइया कहल, “मई तो यी सब बात छोट्टेसे मनती आइल बाटुँ। सदा जीयेक लग् अभिन महिन का करेक परि?” येशू उहिन हेर्नै ओ ओकरमे दया लग्निन्।

![](https://cdn.door43.org/obs/jpg/360px/obs-en-28-04.jpg)

येशू कहनै, “यदि तुँ सिद्ध हुयना चाहाथो कलेसे, तोहार थन् रहल धनसम्पत्ति बेचके गरीबहुक्रहन बाँतदेऊ, ओ स्वर्गमे तुँ धन पैबो। तब् आऊ ओ मोरपाछे लागो।”

![](https://cdn.door43.org/obs/jpg/360px/obs-en-28-05.jpg)

जब् ऊ धनी जवान मनइया येशूक बात सुनल, ऊ बरे दुखी हुइगील, काहेकी ऊ ज्यादै धनी रहे ओ आपन धन देहे नाइ चहले रहे। तब् वहाँसे चलगिल।

![](https://cdn.door43.org/obs/jpg/360px/obs-en-28-06.jpg)

येशू आपन चेलाहुक्रहन कहनै, “धनी मनइहुँक्रे परमेश्वके राज्यमे छिर्ना बहुत कर्रा बा।”

![](https://cdn.door43.org/obs/jpg/360px/obs-en-28-07.jpg)

जब् चेलाहुँक्रे येशूक् कहल यी बात सुन्नै, वैने अचम पर्नै ओ पुछ्नै, “तो के मुक्ति पाई?”

![](https://cdn.door43.org/obs/jpg/360px/obs-en-28-08.jpg)

येशू चेलन्ओर हेरके कहनै, “मनइाके लग् यी असम्भव बा, मने परमेश्वरके लग् सब समभव बा।”

![](https://cdn.door43.org/obs/jpg/360px/obs-en-28-09.jpg)

पत्रुस येशूहे कहनै, “हमे्र सब चीज छोरके तुहिन पछ्रयइले बाटी। हमार लग् का इनाम रही?”

![](https://cdn.door43.org/obs/jpg/360px/obs-en-28-10.jpg)

येशू जवाफमे कहनै, “जे मोर नाउँके लग् आपन घर, दादाभाइ, बाबा, दाई, छाईछावा, ओ धनसम्पत्ति छोर्ले बा, वैने सय गुणा धेउर पैहीँ ओ वैने अनन्त जीवन फे पैहीँ। मने अब्बे जे आगे बाटैँ, वैने पाछे हुइजिहीँ ओ जे अब्बे पाछे बा, वैने आगे हुइजिहीँ।”

*बाइबलके कथा: मत्ती १९:१६–३०, मर्कूस १०:१७–३१, लूका १८:१८–३०*

## 29. २९. निर्दयी नोक्रहुवाक् कथा

https://openbiblestories.org/l/thl/story-29/

![](https://cdn.door43.org/obs/jpg/360px/obs-en-29-01.jpg)

एकदिन, पत्रुस येशुहे पछ्नै, मालिक, मोर भइ्या मोर बिरुद्धमे पाप करि कलेसे मइ उहिन कै चो माफ करम? का सात चो माफ करम? तब येशु कहनै कि सात चो नाइ, मने सात गणा सत्तरी चो।

![](https://cdn.door43.org/obs/jpg/360px/obs-en-29-02.jpg)

“परमेश्वरके राज्य एकजने राजाके जैसिन हो, जे आपन नोक्रहुवन्स“ग हिसाब – हिताब मागल। एक थो नोकरहुवक् २,००,००० सम्के ऋण रहिस।”

![](https://cdn.door43.org/obs/jpg/360px/obs-en-29-03.jpg)

“ऊ नोकरहुवा आपन ऋण तिरे नाइ सेक्लेक कारण राजा ऊ नोकरहुव ओ ओकर परिवार हुक्रहन् दास के रुपमे बेचदेना हुकुम देनै ताकि ओकर ऋण चुकाइस ”

![](https://cdn.door43.org/obs/jpg/360px/obs-en-29-04.jpg)

“तब ऊ नोक्अुवा राजाक् आघे घु“डा टेकल ओ कहल कि धैर्य करो, तुहिन तिरेपर्ना जतना फे ऋण बाँकी बा मई तिरदेम। तब राजाहे नोकरहुवक् पर दया लग्निन्, ओ ओकर सक्कु ऋण माफ करदेनै।”

![](https://cdn.door43.org/obs/jpg/360px/obs-en-29-05.jpg)

“जब् ऊ नोकरहुवा राजाके वहाँसे बाहेर अइलस तब् एकथो आपन सँगे काम करना औरे नोक्रहुवा हे भेटइलस जेकर थन्से २,००० सम् लेना रहिस्। तब ऊ नोकरहुवा आपन संघरिया नोकरहुवा हे कहल, महिन तिर्ना ऋण हालि तिर्।”

![](https://cdn.door43.org/obs/jpg/360px/obs-en-29-06.jpg)

“तब संघरिया नोकरहुवा घोपट्या होके बिन्ती करल कि धैर्य करो, मई सक्कु ऋण तिरदेम। मने ऊ नाइ मानल ओ उहिन झ्यालखानामे दारदेहेल।”

![](https://cdn.door43.org/obs/jpg/360px/obs-en-29-07.jpg)

“यी सब करत् कुछ औरे नोकरहुवन् देख्नै, तब वैने राजाक्थे जाके बतादेनै।”

![](https://cdn.door43.org/obs/jpg/360px/obs-en-29-08.jpg)

“राजा ऊ नोकरहुवइ बोलैनै ओ कहनै, “तईँ हराम नोकर, मई तोर ऋण माफ करनु, तोर मे दया देखैनु। जस्तेके मइ तोर मे दया कर्नु, का तुहिन् हे ओकरमे दया नाई कर्ना रहे? तब् राजा रिससेचुर हुके, उहिन झ्यालखानामे दारदेनै।”

![](https://cdn.door43.org/obs/jpg/360px/obs-en-29-09.jpg)

तब् येशू कहनै, “अगर तुह्रे आपन ह्दयसे आपन भेवन्, बहिनीयन् माफ नाइ करबो कलेसे स्वर्गमे रहुइया मोर बाबा फे तोहोन माफ नाइ करिहीँ।”

*बाइबलके कथा : मत्ती १८:२१–३५*

## 30. ३०. येशू पाच हजार मनइन् खवैनै

https://openbiblestories.org/l/thl/story-30/

![](https://cdn.door43.org/obs/jpg/360px/obs-en-30-01.jpg)

परमेश्वरके बारेमे प्रचार करेक लग् येशु आपन चेला हुक्रहन ठाउँ ठाउँमे पठैले रहै। जब् वैने लौट्के अइनै तब् आपन करल काम येशुक् थे वतैनै। ओकरपाछे, येशू आपनसँग चेलाहुक्रहन समुन्द्रक उपार जाइकलग् ओ शान्त ठाउँमे जाके आराम करेक लग् बोलैनै।

![](https://cdn.door43.org/obs/jpg/360px/obs-en-30-02.jpg)

मने येशूहे उपार आइत धेउरेै मनइ देखलेले रहै। तब् यी मनइफे येशूक् पाछेपाछे लाउ चहरके उपार गैनै। येशूसे पहिे वैने वहाँ पुग्गिल रहैँ।

![](https://cdn.door43.org/obs/jpg/360px/obs-en-30-03.jpg)

ऊ मनयनके भीरमे जन्नी मनइ ओ लर्का छोर्के ५००० से धेर थारु मनइ किल रहैँ। येशूहे ऊ भीरकेमे दया लग्निन्, काहेकी वैने गोठालाविनाके भेँरिहस रहैँ। येशू वैनहे परमेश्वरके बात सिखैनै ओ रोगी मनइन फे निक पर्नै।

![](https://cdn.door43.org/obs/jpg/360px/obs-en-30-04.jpg)

जब् दिन ढले लागल, चेलाहुँक्रेर येशूहे कहनै, “अबतो साँझ हुइगील, यी मनइनहे विदा करो। अइने लग्गेक गाउँमे जाके आपन लग् खइना किनिहि ओ वहैँ रात बैथिहि।”

![](https://cdn.door43.org/obs/jpg/360px/obs-en-30-05.jpg)

मने येशू चेलाहुँक्रकन कहनै, “तुह्रेही अ‍ैन लग् खइना जुटाऊ।”

![](https://cdn.door43.org/obs/jpg/360px/obs-en-30-06.jpg)

येशू मनइनहे पचास–पचास जहानके समूहमे बैथेक् कहनै।

![](https://cdn.door43.org/obs/jpg/360px/obs-en-30-07.jpg)

तब् येशू पाँच थो रोटी ओ दुई थो मछ्छी लेनै ओ स्वर्गओर हेरके परमेश्वरहे धन्यवाद देनै।

![](https://cdn.door43.org/obs/jpg/360px/obs-en-30-08.jpg)

ओकरपाछे, येशू रोटी ओ मछ्छी खण्डा–खण्डा करैनै ओ मनइन बाँटदेहेक लग् भेलाहुँक्रहन अहै्रनै। चेलाहुँक्रेर बँट्टी रहनै मने रोटी ओ मछ्छी ओरैबे नाइ करल।

![](https://cdn.door43.org/obs/jpg/360px/obs-en-30-09.jpg)

सक्कु मनइ पेट भरके खइनै। चेलाहुँक्रे १२ डाला रोटी आ मछ्छीक् टुक्रा बिटोरनै। ऊ उब्रल मछ्छी ओ रोटी कोरे रहे।

*बाइबलको कथाm मत्ती १४:१३–२१, मर्कूस ६:३१–४४, लूका ९:१०–१७, यूहन्ना ६:५–१५*

## 31. ३१. येशू पानीक् उप्पर नेङ्ग्नै

https://openbiblestories.org/l/thl/story-31/

![](https://cdn.door43.org/obs/jpg/360px/obs-en-31-01.jpg)

तब् भीरहे बिदा करके सेकके येशू चेलाहुक्रहन् लाउमे चहुरके समुन्द्रके उपार जाई कहनै। भीरहे बिदा करके सेकके येशू प्रार्थना करे पहारमे गइनै। येशू वहाँ अकेलि रहैँ, ओ रातके बरे बेरसम् प्रार्थना करति रहनै।

![](https://cdn.door43.org/obs/jpg/360px/obs-en-31-02.jpg)

चेलाहुँक्रे लाउ चलैति रहै, बरे बेर हुलि रहे तोनफे मने वैने भर्खर समुन्द्रक् बीच्चेहि पुगल रहैँ। हावा उल्टा बहलेक ओरसे वैनहे लाउ चलैना कर्रा परतिहिन।

![](https://cdn.door43.org/obs/jpg/360px/obs-en-31-03.jpg)

येशू प्रार्थना करके सेक्नै तब् चेलाहुँक्रहनथे गइनै। येशू समुन्द्रक पानीक् उप्पर नेङ्ग्ति वैनथे गइनै।

![](https://cdn.door43.org/obs/jpg/360px/obs-en-31-04.jpg)

जब् चेलाहुँक्रे येशूहे देख्नै, वैने बरे जोर डरैनै काहेकि वैने उहिन भूतुवा हो कैके सोच्नै। वैने डराइल बाटै कैके येशूहे पता रहे, तबेमारे येशू वैनहे कहनै कि नाइ डराऊ, मई हुँ।

![](https://cdn.door43.org/obs/jpg/360px/obs-en-31-05.jpg)

तब् पत्रुस येशूहे कहनै, “गुरुज्यू, यि तुँहि हुइबो तो, महिन तोहारथे पानीक् उप्पर अइना आज्ञा करो।” येशू पत्रुसहे आऊ कहिके कहनै।

![](https://cdn.door43.org/obs/jpg/360px/obs-en-31-06.jpg)

तबे, पत्रुस लाउमन्से निक्रनै और पानीक् उप्पर येशू रहल ठाउँमे जाइ लग्नै। मने नेङ्ग्ति नेङ्ग्ति, येशूहे नाइ हेरके अन्ते समुन्द्रक् होल्कारामे ओ आँधीमे ध्यान देहे लग्नै।

![](https://cdn.door43.org/obs/jpg/360px/obs-en-31-07.jpg)

तबेमारे पत्रुस डरैनै ओ डुबे लग्नै। तब गुरुज्यू, महिन बचाउ कहिके जोरसे चिल्लैनै

![](https://cdn.door43.org/obs/jpg/360px/obs-en-31-08.jpg)

पत्रुस ओ येशू लाउमे चहरनै तुरुन्ते आँधी और पानी रुक्गील। चेला हुकरे अचम पर्नै। वैने यैसिक कहति येशूक् आराधना कर्नै, “जात्तिसे, तुँ परमेश्वरके छावा हुइतो।”

*बायबलके कथा: मत्ति १४:२२–३३, मर्कूस ६:४५–५२, युहन्ना ६:१६–२१*

## 32. ३२. येशू भूतुवा लागल मनइया ओ रोगीया जन्नीहे निक पर्नै

https://openbiblestories.org/l/thl/story-32/

![](https://cdn.door43.org/obs/jpg/360px/obs-en-32-01.jpg)

एकदिन, येशू ओ हुँकार चेलाहुँक्रे लाउमे चहरके समुन्द्रक् उपार गदरिनी मनइहुँक्रहनके ठाउँमे गइनै।

![](https://cdn.door43.org/obs/jpg/360px/obs-en-32-02.jpg)

जब् येशू उपार पुग्नै, एकथो भूतुवा लागल मनइया येशूक्थे दौडति अइलस।

![](https://cdn.door43.org/obs/jpg/360px/obs-en-32-03.jpg)

यि मनइया अत्ना बलगर रहे, कि कोइ फेन उहिन सम्हारे नाइ सेकैँ। मनइहुँक्रे ओकर हात ओ गोरा जन्जििरसे बाँध देले रहैँ, मने ऊ मनइया जन्जिरहे टुटादेहे।

![](https://cdn.door43.org/obs/jpg/360px/obs-en-32-04.jpg)

ऊ मनइया मरघट्टीओर बैथे। ऊ रोज दिनरात चिल्लाए। ऊ लुगगा फेन नाइ लगाए ओ अपने आपहे पथ्रासे मारे।

![](https://cdn.door43.org/obs/jpg/360px/obs-en-32-05.jpg)

ऊ मनइया येशूक्थे आके हुँकार आघे घोपत्या परल। येशू ऊ भूतात्माहे कहनै, “यि मनइयाक्मन्से बाहेर निकर।”

![](https://cdn.door43.org/obs/jpg/360px/obs-en-32-06.jpg)

भूतात्मा लागल मनइया जोरसे चिल्लाके कहल, “येशू, परमप्रभु परमेश्वरके छावा, तुँ महिनसे का चहथो? दया करके महिन नाइ सताऊ।”

![](https://cdn.door43.org/obs/jpg/360px/obs-en-32-07.jpg)

ऊ भूतात्माहुँक्रे येशूहे बिनति कर्नै, “हमाहन यि इलाकामन्से बाहेर नाइ निकारो मने, ओथ्थहि लग्गे सुवर चरतहै, वैनहनमे जाइ देऊ।”

![](https://cdn.door43.org/obs/jpg/360px/obs-en-32-08.jpg)

ऊ भूतात्माहुँक्रे मनइयक्मन्से बाहेर अइनै और सुवरिनके भित्तर पेलनिै। ऊ सुवरहुँक्रे पहारमन्से तरे समुन्द्रमे गिर्नै ओ डुबके मरगिनै। लग्भग् २००० सुवर रहैँ।

![](https://cdn.door43.org/obs/jpg/360px/obs-en-32-09.jpg)

जब् सुवर चह्रुइया मनयहुँक्रे यि सब् देख्नै, वैने गाउँओर भगनै ओ सक्कुहुन् येशूक् करल काम बतादेनै। मनइहुँक्रे गाउँमन्से निकरके अइनै और ऊ भूतात्मा लागल मनइयाहे निक हुइल देख्नै।

![](https://cdn.door43.org/obs/jpg/360px/obs-en-32-10.jpg)

मनइहुँक्रे बरे डराइल रहैँ तबेमारे वैने येशूहे वहाँसे चलजाइक् लग् बिनति कर्नै। तबे येशू लाउमे बैथ्नै ओ जाइक् लग् तयार हुइनै। भूतुवा लागल मनइया फे येशूक्सँगे जइम कैके तिनति करल।

![](https://cdn.door43.org/obs/jpg/360px/obs-en-32-11.jpg)

मने येशू ऊ मनइयाहे कहनै, “नाइ, तुँ आपन घर जाऊ और आपन परिवार ओ संघरियनहे परमेश्वर तोहार लग् करल काम ओ तोहारमे देखाइल दयाके सक्कु बात वैनथे बतादेऊ कैके मई चहातु।”

![](https://cdn.door43.org/obs/jpg/360px/obs-en-32-12.jpg)

तबेमारे ऊ मनइया वहाँसे गइल और सक्कुहुन येशू ओकर लग् जया कर्नै सब् बात बताइल। ओकर बात सुनके सबजाने अचम पर्नै।

![](https://cdn.door43.org/obs/jpg/360px/obs-en-32-13.jpg)

येशू समुन्द्रक् उपार लौट्नै। उपार गइनै तो, वहाँ बरे भारी भीर जम्मा हुइगिल। उ भीरमे एकथो जन्नी मनइया रहिन् जे बाह्र बर्षसम् रगत बहना पिरा भोगतिहिन। ऊ जन्नी आपन सारा पैसा निक हुइक् लग् खर्च करसेक्ले रहिन् मने ठीक नाइ हुइसेकल रहिन्।

![](https://cdn.door43.org/obs/jpg/360px/obs-en-32-14.jpg)

येशू धेरे रोगी मनइहुँक्रहन निक पर्ले बाटै कैके ऊ जन्नी मनइया सुन्ले रहिन्। ऊ सोच्ली, “मई येशूक् लुग्गा किल छुलेम तो मई निक हुइजिम।”

![](https://cdn.door43.org/obs/jpg/360px/obs-en-32-15.jpg)

तुरुनते, येशू आपनमन्से शक्ति निक्रत पता पैनै। तबे येशू पाछे घुम्नै ओ पुछ्नै कि के महिन छुवल। चेलाहुँक्रे जवाफ देनै, “तोहार ओरपारे अत्ना भारी भीर बा, ठेलमेल करतै ओ तुँ पुछतो के महिन छुवल।”

![](https://cdn.door43.org/obs/jpg/360px/obs-en-32-16.jpg)

ऊ जन्नी येशूक् आघे डरैति आइल ओ घोपत्या पर्निन। और मई छुनु कैके बतादेनिन् ओ निक हुइगिनु कैके फे बतादेनिन्। येशू उहिन कहनै, “तोहार विश्वास तुहिन निक पारल। शान्तिसे जाऊ।”

*बाइबलके कथा: मत्ति ८:२८–३४,९:२०–२२, मर्कूस ५:१–२०,५:२४(ख)–३४, लूका ८:२६–३९,८:४२(ख)–४८*

## 33. ३३. किसनवक् कथा

https://openbiblestories.org/l/thl/story-33/

![](https://cdn.door43.org/obs/jpg/360px/obs-en-33-01.jpg)

एकदिन, येशू समुन्द्रक् किनारे धेउरे मनइहुँक्रहन शिक्षा देहतहै। हुँकार बात सुनेक लग् अत्ना धेर मनइ अइनै कि वहाँ बोलेक लग् ठाउँ फे नाइ बचगिल, तबे येशू लाउमे चहुरनै और मनइनहे सिखाइ लग्नै।

![](https://cdn.door43.org/obs/jpg/360px/obs-en-33-02.jpg)

येशू यि कथा बतैनै, “एकजाने किसनवा यिबा छिटे बाहेर निक्रल। बिया छिटेबेर, कुट बिया डगरीमे परल, और चिरइ”अइनै ओ सक्कु बिया खादेनै।”

![](https://cdn.door43.org/obs/jpg/360px/obs-en-33-03.jpg)

“आकुर कुछ बिया पथ्राहा जमिनमे परल, जहाँ धेर माटी नाइ रहे। पथरहा जमिनमे परल बिया हालि जम्नै, मने वैनके जर माटीक् भित्तर नाइ जाइ सेकल काहेकि माटी कम रहे। जब् घाम पाइल, ऊ विरुवाहुँक्रे कुलमुलाके मरगिनै।”

![](https://cdn.door43.org/obs/jpg/360px/obs-en-33-04.jpg)

“आउर बिया काँटा रहल ठाउँमे परल। ऊ बिया बहरना तो बहरनै, मने काँटाहुँक्रे वैनहे दाबदेनै। उहेमारे काँटा रहल जमिनमे जामल बा“ेट फल नाई फलैनै।”

![](https://cdn.door43.org/obs/jpg/360px/obs-en-33-05.jpg)

“आउर बिया मजा जमिनमे परल। यी बिया जामल और ३०,६० ओ १०० गुणा ज्यादा फल देनै। जेकर कान बा ऊ सुने

![](https://cdn.door43.org/obs/jpg/360px/obs-en-33-06.jpg)

यि कथाके अर्थ चलाहुँक्रे नाई बुझ्नै। तब् येशू वैनहे येकर अर्थ बुझैनै। येशू कहनै, “बिया परमेश्वरके वचन हो। डगर ऊ मनइया हो जे परमेश्वरके वचन सुनथ, मने नाइ बुझथ, और शैतान ओकरमसे वचन चोरके लैजाइथ।”

![](https://cdn.door43.org/obs/jpg/360px/obs-en-33-07.jpg)

“पथ्राहा जमिन ऊ मनइया हो जृ परमेश्वरके वचन सुनथ ओ खुशीसे स्वीकार करथ। मने जब् कौनो समस्या आइथ,ऊ पाछे हटजाइथ।”

![](https://cdn.door43.org/obs/jpg/360px/obs-en-33-08.jpg)

“काँटाहा जमिन ऊ मनइया हो जे परमेश्वरके वचन सुनथ, मने जीवनके चिन्ता ओ धनसम्पत्तिके कारण परमेश्वरप्रति रहल ओकर पे्रमहे मारदेहेथ। तबेमारे, ऊ फल नाइ फलाइ सेकथ।”

![](https://cdn.door43.org/obs/jpg/360px/obs-en-33-09.jpg)

“मने मजा जमिन ऊ मनइया हो, जे परमेश्वके वचन सुनथ, ओम्मे विश्वास करथ ओ फ फलाइथ।”

*बाइबलके कथा: मत्ति१३:१–८,१८–२३, मर्कुस ४:१–८,१३–२०, लूका ८:४–१५*

## 34. ३४. येशू आउर कथा फे बतैनै

https://openbiblestories.org/l/thl/story-34/

![](https://cdn.door43.org/obs/jpg/360px/obs-en-34-01.jpg)

परमेश्वरके राज्यके बारेमे येशू आउर फे धेउरे कथा बतैनै। उदाहरणके लग्, ऊ कहनै, “परमेश्वरके राज्य एकथो लाहीक् बिया जस्ते हो, जौन कोइ मनइया आपन खेतवामे लगाइल। तोहोनहे पतै बा, कि लाहीक् बिया सबसे छोट बिया रहथ।”

![](https://cdn.door43.org/obs/jpg/360px/obs-en-34-02.jpg)

“मने जब् लाहीक् बिया जामथ, तब् ऊ बगैँचामे रहल सक्कु बोँटहुँक्रहनमन्से सबसे चारी रहथ, अत्ना भारी कि चिरईँहुँक्रे फे आके ओकर दहिँयामे आराम कर्थै।”

![](https://cdn.door43.org/obs/jpg/360px/obs-en-34-03.jpg)

येशू अउरे कथा कहनै, “परमेश्वरके राज्य खमिर जस्ते हो जौन एकथो जन्नी रोटी बनाइक लग् पिठामे मिलाइल, ओ खमिरल ऊ पिठाहे खमिरी बनादेहेल।”

![](https://cdn.door43.org/obs/jpg/360px/obs-en-34-04.jpg)

“परमेश्वरके राज्य एक गारल धन जस्ते हो, जिहिन कौनो मनइया माटीक भित्तर नुकाके धरले रहे। कौनो अउरे मनइया ऊ गारल धनहे भेटायल ओ फेन उहिन गारदेहेल। तब् ऊ मनइया बरे खुशी हुइल,कि ऊ गइल ओ आपनथे हल सक्कु चीज बेचल ओ बृचके आइल पैसासे धन गारल वला खेतवा किनल।”

![](https://cdn.door43.org/obs/jpg/360px/obs-en-34-05.jpg)

“परमेश्वरके राज्य मूल्यवान मोती जस्ते हो। जब् कौनो एक मोतीके व्यापारी ऊ मोतीहे भेटायल, व्यापारी माइया आपनथे रहल सक्कु चीज बेचल ओ बेचके आइल पैसासे मोती किनल।”

![](https://cdn.door43.org/obs/jpg/360px/obs-en-34-06.jpg)

तब् येशू एकथो कथा ऊ मनइहुँक्रहन सुनैनै जे आपन काममे भरोा करैँ और अउरे मनइनहे घृण करैँ। येशू कहनै, “दुईथो मनइ मन्दिरमे प्रार्थना करे गइनै। एकथो कर उठुइया रहे ओ एकथो धार्मिक अगुवा रहे।”

![](https://cdn.door43.org/obs/jpg/360px/obs-en-34-07.jpg)

“धार्मिक अगुवा यैसिके प्रार्थना करल, ‘धन्यवाद,परमेश्वर, मई अउरे मनइहुँक्रहन जस्ते पापी नाइ हुँ (जस्ते:लुटेराहुँक्रे, अन्यायी मनइहुँक्रे, व्यभिचारीहुँक्रे वा कर उठुइया मनइया जस्ते)।’”

![](https://cdn.door43.org/obs/jpg/360px/obs-en-34-08.jpg)

“मई हरेक हप्ता दुईचोट उपवास बैथ्थु ओ मई दशांस फे देथुँ।”

![](https://cdn.door43.org/obs/jpg/360px/obs-en-34-09.jpg)

“मने कर उठुइया मनइया ऊ धार्मिक अगुवासे दुरे बैथल, ओ स्वर्गओर आपन आँखी फे नाइ उठाइल। बरु, ऊ आपन छाती पिटके यैसिके प्रार्थना करल, ‘परमेश्वर, मोरमे दया करो काहेकि मई एक पापी हुँ।’”

![](https://cdn.door43.org/obs/jpg/360px/obs-en-34-10.jpg)

ओकरपाछे येशू कहनै, “जात्तिसे मई तोहोन कहतु, परमेश्वर ऊ कर उठुइया मनइयाके प्रार्थना सुन्नै ओ उहिन धर्मी ठहरैनै। मने परमेश्वरहे ऊ धर्मि मनइयाके प्रार्थना मन नाइ पर्निन्। हरेक जे अपने आपहे भारी ठानी, परमेश्वर उहिन होच्यइहि, मने जे अपने आपहे होच्याइ ऊ भारी पाराजाइ।”

*बाइबलके कथा: मत्ति १३:३१–३३, ४४–४६, मर्कूस ४:३०–३२, लूका: १३:१८–२१, १८:९–१४*

## 35. ३५. दयालु बाबाके कथा

https://openbiblestories.org/l/thl/story-35/

![](https://cdn.door43.org/obs/jpg/360px/obs-en-35-01.jpg)

एकदिन, येशू धेउरे कर उठुइया ओ पापीहुँक्रहनहे शिक्षा देहेतहै। वैने हुँकार बात सुनेक लग् जम्मा हुइल रहैँ।

![](https://cdn.door43.org/obs/jpg/360px/obs-en-35-02.jpg)

वहाँ रहल धार्मिक अगुवाहुँक्रे येशूहे पापीहुँक्रहनसँग संघरिया जस्ते व्यवहार करत देख्नै,और वैने एकदोसर जहानसे येशूक् बात काटे लग्नै। तबे येशू वैनहे यि कथा कहनै।

![](https://cdn.door43.org/obs/jpg/360px/obs-en-35-03.jpg)

“एकजाने मनइया रहे, जेकर दुईथो छावा रहिस्। छोटकी छावा कहल, ‘बाबा, महिन अब्बहि मोर सम्पत्तिके हिस्सा दे।

![](https://cdn.door43.org/obs/jpg/360px/obs-en-35-04.jpg)

“तब् छोटकी छावा आपनते रहल सक्कु चीज जम्मा करल और आपन घरसे दूर गइगिल ओ सारा रुपिया पैसा मोजमस्तीमे उराइल।”

![](https://cdn.door43.org/obs/jpg/360px/obs-en-35-05.jpg)

“कुछ समयपाछे, छोटकी छावा जौन देशमे रहे, वहाँ भोकमरी परल, ओ खैना किनेक लग् ओकरथे पैसा नाइ रहिस्। तब् ऊ सुवरहुँक्रहन चारा खवैना काम पाइल। ओकर अवस्था अत्ना दुखदायी रहिस कि ऊ सुवरिनके खाना खाए।”

![](https://cdn.door43.org/obs/jpg/360px/obs-en-35-06.jpg)

“तब्, ऊ अपने आपमे सोचल कि मई यहाँ का करतु, मोर बाबाक् सक्कु नोकरहुँक्रहनसँग प्रशस्त खैना बातिन, और माई यहाँ भुखेले मरेमरे करतु। मई आपन बाबाक्थे लौटजिम ओ हुँकार नोकर बने पाऊँ कैके बिनति करम।”

![](https://cdn.door43.org/obs/jpg/360px/obs-en-35-07.jpg)

“तबै, ऊ छोटकी छावा आपन बाबाक्थे लौटल। छोटकी छावा आपन बाबाक् घरेओर अइति रहे, तबहि ओकर बाबा उहिन दूरेसे देखलेहेल और उहिन छावाक्मे दया दखैनै। बाबा माइया आपन छावाक्थे दौड्ति गइल ओ आपन छावाहे समोतके चुमल।”

![](https://cdn.door43.org/obs/jpg/360px/obs-en-35-08.jpg)

“ओकर छावा कहल, ‘बाबा, मई पमेश्वरके ओ तोहार विरुद्धमे पाप कर्ले बाटुँ। मई तोहार छावा हुइना योगयके नाइ हुइतु।’”

![](https://cdn.door43.org/obs/jpg/360px/obs-en-35-09.jpg)

“मने ओकर बाबा आपन नोक्रहुवाहे कहल, ‘हाली जाऊ ओ मोर छावाक् लग् सबसे सुग्घुर, मजा लुग्गा लैके आऊ और मोर छावाहे घलादेऊ।’”

![](https://cdn.door43.org/obs/jpg/360px/obs-en-35-10.jpg)

“तबेमारे वहाँ सक्कुजे खुशी मनाइ लग्नै। एकघचिपाछे, बरका छावा खेतवासे काम करके घरे अइलस। ऊ घरे नाचगान करत सुनल तो, का हुइता कैके अचम परल।”

![](https://cdn.door43.org/obs/jpg/360px/obs-en-35-11.jpg)

“जब् ऊ बरका छावा आपन भैया लौटके आयलेक कारण खुशीयाली मनाइतै कैके पता पाइल, ऊ बरे जोर रिसाइल और घरेक भित्तर नाइ जाइ मन करल। ओक बाबा बाहेर आइल ओ उहिन भित्तर आके सक्कुहुनसँग खुशीयाली मनाइ कहल, मने ऊ नाइ मानल।”

![](https://cdn.door43.org/obs/jpg/360px/obs-en-35-12.jpg)

“बरका छावा आपन बाबाहे कहल, ‘सब दिन मई तोहार सेवा करति आइल बाटुँ, तोहार हरेक बात मन्नु, मने तुँ महिन कब्बु फेन संघरियनसँग खुशी मनायक लग् एकथो पठुवा फे नाइ देलो। मने जे आपन सम्पत्ति वेश्यहुँक्रहनमे उराके आइल ओकर लग् तुँ अत्ना भारी पशु मरैलो।’”

![](https://cdn.door43.org/obs/jpg/360px/obs-en-35-13.jpg)

“तब् बाबा मनइया जवाफ देहेल, ‘तुँ तो मोरसँगेहि बाटो, और मोरथे रहल सक्कु चीज तोहारे हो। मने आझिक दिन हमाहन खुशी मनइना चाही, काहेकी तोहार भैया मरल रहे, मने अब् जीई गिल बा। ऊ हेराइल रहे, मने अब् भेट्टायगिल बा।’”

*बाइबलके कथा: लूका १७:११–३२*

## 36. ३६. येशूक् रुप बदलल्

https://openbiblestories.org/l/thl/story-36/

![](https://cdn.door43.org/obs/jpg/360px/obs-en-36-01.jpg)

एकदिन, येशू आपन चेलवन पत्रुस, याकूब ओ यूहन्नाहे आपनसँग उप्पर पहारमे प्रार्थना करे लैगिनै। ( यी यहन्ना येशूहे बप्तिसमा देहुइया वला नाइ होईँ)

![](https://cdn.door43.org/obs/jpg/360px/obs-en-36-02.jpg)

जब् येशू प्रार्थना करतहै, हुँकार महार सूर्य जस्ते चहाकार हुइगिनिन् ओ हुँकार लुग्गा बत्ती जैसिन उज्जर हुइगिनिन्।

![](https://cdn.door43.org/obs/jpg/360px/obs-en-36-03.jpg)

एकरपाछे, वहाँ मोशा ओ एलिशा देखा पर्नै। यी मनइ, यी समयसे सयौ”साल आघे पृथ्वीमे रहैँ। यैने येशूसँग हुँकार मृत्युके बारेमे बात कर्नै, जौन अब् हाली यरुशलेममे हुइना रहे।

![](https://cdn.door43.org/obs/jpg/360px/obs-en-36-04.jpg)

जब् मोशा ओ एलिया येशूक्सँग बात करती रहैँ, पत्रुस येशूहे कहनै, “हम्रे यहाँ रहल मजा बा। हम्रे तीनथो िबैथ्ना बनैबि, एकथो तोहार लग्, एकथो मोशाक् लग् ओ एकथो एलियाक् लग्।” ऊ समयमे मई का कहतु कैके पत्रुसशे पतै नाइ रहिन्।

![](https://cdn.door43.org/obs/jpg/360px/obs-en-36-05.jpg)

जब् पत्रुस बोल्ती रहैँ, एकथो ओज्रार बदरी वैनके उप्पर आइल ओ ओम्मेसे परमेश्वरके आवाज आइल, “यि मोर छावा होइर्”जिहिन मई माया कर्थु“। मई उहिनसे खुशी बाटुँ। ओकर बात सुनो।” यी सब सुनके भेलवन डरेनै ओ घोपत्या पर्नै।

![](https://cdn.door43.org/obs/jpg/360px/obs-en-36-06.jpg)

तब् येशू चेलवन् छुनै ओ कहनै, “नाइ डराऊ, उठो।” जब् वैने आँजरपाँजर हेर्नै, तो वहाँ येशूहे किल देख्नै।

![](https://cdn.door43.org/obs/jpg/360px/obs-en-36-07.jpg)

येशू ओ तीन चेलवन पहारसे तरे अइनै। ओ येशू वैनहे कहनै, “यहाँ हुइल घटनाके बारेमे किहिनो फे नाइ बतैहो। मई अब् हालि मरम ओ फे जीउठम। तब् तुह्रे यी बात मनइन बताइ सेक्बो।”

*बाइबलके कथा: मत्ती १७:१–९, मर्कूस ९:२–८, लूका ९:२८–३६*

## 37. ३७. येशू लाजरसहे जिवैनै

https://openbiblestories.org/l/thl/story-37/

![](https://cdn.door43.org/obs/jpg/360px/obs-en-37-01.jpg)

एकदिन, येशू लाजरस बेराम रहल खबर पैनै। लाजरस ओ लाजरसके दुई थो दिदी, मरियम ओ मार्था येशूक् मिल्ना संघरियन् रहैँ। जब् येशू यि खबर सुन्नै तो कहनै, “यि बेराम मृतयुसम् नाइ पुगाई, मने परमेश्वरके महिमाके लग् हो।” येशू लाजरसहे माया करैँ, मने येशू जहाँ बैथल रहैँ वहैँ पलि रनै, लाजरसकेथे नाइ गैइनै।

![](https://cdn.door43.org/obs/jpg/360px/obs-en-37-02.jpg)

दुई दिनपाछे, येशू आपन चेलाहुक्रहन कहनै, “आऊ अब् हम्रे यहूदीया लौटी।” चेलाहुँक्रे कहनै, “मने गुरुज्यू, भखृर तो वहाँक् मनइ तुहिन मारे खोज्ले रहैँ।”

![](https://cdn.door43.org/obs/jpg/360px/obs-en-37-03.jpg)

येशूक्् चेलाहुँक्रे कहनै, “प्रभु, लाजरस सुतल हुइही कलेसे,ऊ उठजिहि।” मने येशू वैन साफ–साफ बतादेनै कि लाजरस मरगील बा। ओ येशू कहनै, “मई वहाँ नाई रहू“, तबे खुशी बाटुँ, काहेकी अब् तुहे्र अचमके काम देख्बो ओ मोरमे विश्वास करे सेक्बो।”

![](https://cdn.door43.org/obs/jpg/360px/obs-en-37-04.jpg)

जब् येशू लाजरस घर पुग्नै, लाजरस चार दिन आघेहि मूसेकल रहैँ। येशूहे भेटे मार्था बाहेर अइनिन् ओ कहनिन्, “प्रभु तुँ यहाँ रहतो तो, मोर भैया नाइ मूवत। मने विश्वास कर्थु”कि तुँ परमेश्वरसे ज फे मङ्ग्बो कलेसे परमेश्वर तुहिन दिहिँ।”

![](https://cdn.door43.org/obs/jpg/360px/obs-en-37-05.jpg)

येशू कहनै, “परनरुत्थन ओ जीवन मही हुँ। जेजे मोरमे विश्वास करि, वैने कब्बु नाइ मूहिं। का तुँ यि विश्वास कर्थो?” मार्था कनिन्, “हाँ प्रभु मइ विश्वास कर्थु।”

![](https://cdn.door43.org/obs/jpg/360px/obs-en-37-06.jpg)

तब् मरियम अइनिन्। ऊ येशूक् गोरामे झुक्के कनिन्, “प्रभु, तुँ यहाँ रहतो कलेसे मोर भैया नाइ मूवत।” येशू वैन पुछ्नै, तुह्रे लाजरसहे कहाँ धर्ले बाटो?” वैनै कहनै, चिहानमे। आके हेरो।” तब् येशू रोइनै।

![](https://cdn.door43.org/obs/jpg/360px/obs-en-37-07.jpg)

ऊ चिहान एकथो गुफ रहे, जेकर िदुवार बरे भारी पथ्रा रहे। जब् येशू चिहानमे अइनै, ऊ वैनहे पथ्रा हटाइ कहनै। मने मर्था कनिन् कि ऊ मरगिल बा, ओकर मरलके चार दिन हुइगिल ओ गन्ध आइ।

![](https://cdn.door43.org/obs/jpg/360px/obs-en-37-08.jpg)

येशू कहनै, “का मइ तोहोन नाइ कहले रहू“, कि मोरमे विश्वास करबो कलेसे परमेश्वरके महिमा देख्बो?” उहेमारे वैने पथ्रा हटादेनै।

![](https://cdn.door43.org/obs/jpg/360px/obs-en-37-09.jpg)

तब् येशू स्वर्गओर हेर्नै आ कहनै, “बाबा, तुँ मोर बात सुन्लो ओकर लग् धन्वाद। मइ जन्ले बाटुँ कि तुँ जब्फे मोर बात सुन्थो, मने यि बात मइ यहाँ रहल सक्कुहुन लग् कहतु, ताकि वैने विश्वास करैँ कि तुँही महिन पठैले बाटो।” तब् येशू चिललाके कहनै, लाजरस बाहेर आऊ।”

![](https://cdn.door43.org/obs/jpg/360px/obs-en-37-10.jpg)

तब् लाजरस बाहेर आइल।

![](https://cdn.door43.org/obs/jpg/360px/obs-en-37-11.jpg)

मने यहूदी धार्मिक अगुवाहुँक्रे रिस कर्नै, उहेमारे वैने येशू ओ लाजरसहे कैसिक मारी कैके योजना बनाइक् लग् भेला हुइनै।

*बायबलके कथा: यूहन्ना ११:१–४६*

## 38. ३८. येशूहे धोखा करल

https://openbiblestories.org/l/thl/story-38/

![](https://cdn.door43.org/obs/jpg/360px/obs-en-38-01.jpg)

हर साल, यहूदीहुँक्रे निस्तार तिउहार मनाईँ। यि एकथो खुशीयाली रहे। परमेश्वर वैनके पूर्खन् मिश्रदेशके कर्मया मन्से छुटैले रहै, तो उहे छुटकाराके तिउहार सम्झनाके रुपमे मनाईँ। येशू आपन चेलाहुक्रहन् वैनसँग निस्तार तिउहार मनइना बात कहनै।

![](https://cdn.door43.org/obs/jpg/360px/obs-en-38-02.jpg)

येशूक् चेलवन्मध्येसे यहूदा नाउँ रहल एकथो चेलवा रहे। यहूदा चेलवनके पैसा धरना काम करे, ऊ पैसाहे प्रेम करे ओ थैलीमन्से पैसा चोराए। येशू ओ चेलचहुँक्रे यरुशलेममे अइनै तब्, यहूदा यहूदी अगुवाहुक्रहनथे गइल ओ र्पसा लेके येशूहे वैनथे पका्रदेना बात करल। यहूदी अगुवाहुँक्रे येशू, मसिह हुइतै कैके विश्वार नाइ करैँ ओ येशूहे मर्ना जुगार लगैति रहैँ। ओ यि बात यहूदा जन्ले रहे कि वैने येशूहे मारेक् लग् बाटैँ।

![](https://cdn.door43.org/obs/jpg/360px/obs-en-38-03.jpg)

मूख्य पूजाहारी ओ यहूदी अगुवाहुँक्रे येशूहे पक्रवाइक् लग् यहूदाहे तीस चाँदीक् सिक्का देनै। अगमवक्ताहुँक्रे भविष्यवाणीबरल बात पूरा हुइक लग् यि सब हुइल। यहूदा पैसा लेहेल ओ येशूहे पक्र्वादेहेक लग् मनैका हेरति रहे।

![](https://cdn.door43.org/obs/jpg/360px/obs-en-38-04.jpg)

यरुशलेममे, येशू आपन चेलाहुँक्रहनसँग निस्तार तिउहार मनैनै। निस्तारके बेला,येशू रोटी लेनै ओ उहिन तुर्नै। येशू कहनै, “यि लेऊ ओ खाऊ। यि मोर शरीर हो, जौन तोहोनके लग् देहेल बा। यि मोर सम्झनामे करोहो।” यसिके, येशू कहनै, कि हुँकार शरीर वैनके लग् बलिदान हुइ।

![](https://cdn.door43.org/obs/jpg/360px/obs-en-38-05.jpg)

तब् येशू खोरया लेनै ओ कहनै, “यि पिओ। यि नया”वाचाके मोर रगत हो, जौन पाप क्षमाके लग् बहल बा। जब्जब् तुह्रे यि पिबो मोर सम्झनामे कराहो।”

![](https://cdn.door43.org/obs/jpg/360px/obs-en-38-06.jpg)

ओकरपाछे, येशू चेलाहुँक्हन कहनै, “तोहोनमधयेसे एकजाने महिन धोखा दि।” चेलाहुँक्रे अचम पर्नै ओ पुछ्नै कि के तुहिन धोखा दि। येशू कहनै, “जिहिन मई रोटीक् खण्डा देम, हे विश्वासघाती हो।” तब् येशू रोटीक् खण्ढा यहूदाहे देनै।

![](https://cdn.door43.org/obs/jpg/360px/obs-en-38-07.jpg)

यहूदा रोटी लैके सेकल तब् ओकरमे शैतान पेलगिल। यहूदा वहाँसे निकरके येशूहे पक्र्वायक् लग् यहूदी अगुवाहुँक्रहनथे गइल। यि सब रातिक बात रहे।

![](https://cdn.door43.org/obs/jpg/360px/obs-en-38-08.jpg)

खाना खाके सेकके, येशू ओ हुँकार चेलाहुँक्रे जैतुन पहारमे नेङ्ग्ति गैइनै। येशू कहनै, “तुह्रे आज रातके महिन छोरदेबो। जैसिन लिखल बा, ‘ मइृ गोठालाहे हम्ला करम ओ सब भेँरिहुँक्रे छिदिर–बिदिर हुइजिहिँ।’”

![](https://cdn.door43.org/obs/jpg/360px/obs-en-38-09.jpg)

तब् पत्रुस कहनै कि प्रभु औरे जाने तुहिन छोरदिहिँ मने मइृ तुहिन नाइ छोरम।

![](https://cdn.door43.org/obs/jpg/360px/obs-en-38-10.jpg)

ओ पत्रुस येशूहे यि फे कहनै, “महिन मूये परि तभुन मइ तुहिन नाइ छोरम।”

![](https://cdn.door43.org/obs/jpg/360px/obs-en-38-11.jpg)

येशू आपन चेलाहुँक्रहनसँग गेतसमनी कहना ठाउँमे गइनै। येशू हुँकार चेलाहुँक्रहन परीक्ष्ाँमे नाइ परेक लग् प्रार्थना करोहो कैके कहनै। ओ येशू अपने प्रार्थना करे गइनै।

![](https://cdn.door43.org/obs/jpg/360px/obs-en-38-12.jpg)

येशू तीन चोट प्रार्थना कर्नै, “हे बाबा, हुइसेकी कलेसे, यि दुख दुर करदेऊ। मने मनइनके पाप क्षमाके लग् औरे कौनो डगर नाइ हो कलेसे, तोहार इच्छा पूरा हुये।” येशू बरे ज्यादा दुखी हुइगिल रहैँ, हूँकार पस्ना रगतके थोपा जस्ते भुइयामे गिरतहे। तब् परमेशवर स्वर्गदूतहे येशूहिन् बल देहेक लग् पठैनै।

![](https://cdn.door43.org/obs/jpg/360px/obs-en-38-13.jpg)

प्रार्थना करके सेकके, येशू हुँकार चेलाहुँक्रहनथे अइनै,तो वैन सुतत देख्नै। जब् येशू तिसर बेर प्रार्थना करके खइनै, तब् वैन उठो कैके कहनै।

![](https://cdn.door43.org/obs/jpg/360px/obs-en-38-14.jpg)

यहूदी अगुवाहुँक्रे, सैनिकहुँक्रे ओ तरवार ओ भठ्ठा लेहेल मनइ यहूदाक् सँगे अइनै। यहूदा येशूक्थे आके येशूहे चुमल। ष्हिे मनइयाहे पक्रना हो कैके यहूदी अगुवाहुँक्रहन जनाइक लग् यहूदा येशूहे चुमल। तब् येशू यहूदाहे कहनै, “यहूदा, तुँ महिन चुमके धोखा देहेतो?”

![](https://cdn.door43.org/obs/jpg/360px/obs-en-38-15.jpg)

जब् सेनाहुँक्रे येशूहे पकरनै, पत्रुस तवारसे मूख्य पूजाहारीक् एकथो नोकरहुवक् कान काटदेनै। मने येशू कहनै कि तरवार नाइ चलाऊ। ओ ऊ नोकरहुवक् कान जोटादेनै।

*बाइबलके कथा: मत्ती २६:१४–५६, मर्कूस १४:१०–५०, लूका २२:१–५३, यूहन्ना १२:६, १८:१–११*

## 39. ३९. येशूहे महासभामे लैगिनै

https://openbiblestories.org/l/thl/story-39/

![](https://cdn.door43.org/obs/jpg/360px/obs-en-39-01.jpg)

मध्यरातक सोधपूछ करेक लग् येशूहे मूख्य पूजाहारीक् घरे लैगिनै। पत्रुस फे दुरदुर रहिके येशूक् पाछेपाछे जाइतहैँ। जब् येशूहे घरेक भित्तर लैगिनै, पत्रुस बाहिरे रहनै ओ आगी तापे लग्नै।

![](https://cdn.door43.org/obs/jpg/360px/obs-en-39-02.jpg)

येशूहे घरेक् भित्रे, यहूदी अगुवाहुँक्रे महासभामे धर्ले रहनै। वैने झुठा साक्षी बनैनै ओ हुँबार बारेमे झुठ बात बोल्नै। तबु फे वैनके बयान एक दोसरसे फरकफरक हुृइलेक आरसे यहूदी अगुवाहुँक्रे उहिन कौनो फे बातमे दोषी ठहराइनाइ सेक्नै। येशू कुछ फे नाइ बोल्नै।

![](https://cdn.door43.org/obs/jpg/360px/obs-en-39-03.jpg)

मूख्य पूजाहारी येशूहे पुछल, “हमाहान बताऊ का तुँही मसिह हुयतो,जित्ति परमेश्वरके छावा?”

![](https://cdn.door43.org/obs/jpg/360px/obs-en-39-04.jpg)

येशू कहनै, “मई हुँ, तुँ महिन परमेश्वरसँगे बैथल ओ स्वर्गसे तरे आइत देख्बो।” मूख्य पूजाहारी रिसमे आपन लगाइल लुग्गा चिठल ओ अउरे धार्मिक अगुवाहुँक्रहन कहल कि अब् हमाहन अउरे कौनो साक्षी नाइ चाही। काहेकि हम्रे एक्रे मूहसे सुनलेली।

![](https://cdn.door43.org/obs/jpg/360px/obs-en-39-05.jpg)

सक्कु यहूदी अगुवाहुँक्रे कहनै, “यि मनइया मूना योग्यके बा।”

![](https://cdn.door43.org/obs/jpg/360px/obs-en-39-06.jpg)

जब् पत्रुस घरेक् बाहेर येशूहे रुकतहै, एकजाने नोक्रिन्ह्या उहिन कहनिन, “तुँ फे येशूक् सँगे रहो।”

![](https://cdn.door43.org/obs/jpg/360px/obs-en-39-07.jpg)

तब् पत्रुस कहनै कि मइ यि मनइयाहे नाइ चिहिन्थु“। यदि मइ यि मनइयाहे चिहिनथ हुइबु कलेसे परमेश्वर महिन सरापै“। पत्रुस येशूहे जनइ चिहिन्थु”कैके तीन चोट कथै“।

![](https://cdn.door43.org/obs/jpg/360px/obs-en-39-08.jpg)

पत्रुस वहाँसे अन्ते चलगिनै ओ खुब रौइनै। यिहे बीचमे यहूदा, जे येशूहे धोखा देहेल, यहूदी अगुवाहुँक्रे यैसिके येशूहे दाष लगाइल देखल तो बरे दुखी हुइल। तब् टँग्के मरगिल।

![](https://cdn.door43.org/obs/jpg/360px/obs-en-39-09.jpg)

दोसर बिहानके, यहूदी अगुवाहुँक्रेर येशूहे रोमी राज्यपाल पिलातसकेथे लेगिनै। वैने यि आश कर्ले रहैँ कि पिलातस येशूहे दोषी ठहरैहिँ ओ उहिन मृत्यु सजाय दिहिँ। पिलातस येशूहे पुछ्नै, “का तुँ यहूदीन्के राजा हुइतो?”

![](https://cdn.door43.org/obs/jpg/360px/obs-en-39-10.jpg)

येशू जवाफ देनै, “तुँही यैसिक कहतो। मनेर राज्य यि संसारके नाइ हो। यैसिन रहत कलेसे, मोर सेवकहुँक्रे कोर लग् लड्तैँ। मई संसारमे परमेश्वरके सत्यता बताइ आइल बाटुँ। जे सत्य हे प्रेम करथ, वैने मोर बात सुन्थैँ। पिलातस पुछल, “सत्य का हो?”

![](https://cdn.door43.org/obs/jpg/360px/obs-en-39-11.jpg)

येशूसे बता करके सेकके, पिलातस बाहेर गइनै ओ भीरहे कहनै, “मइ यि मनइयक्मे कौनो फे दोष नाइ भेटैनु।” मने यहूदी अगुवाहुँक्रे ओ भीरहुँक्रे यिहिन क्रुसमे टाँगो कैके चिल्लाइ लग्नै।

![](https://cdn.door43.org/obs/jpg/360px/obs-en-39-12.jpg)

अब्बा भीर हुलदुङ्गा मच्चैहिँ कैके पिलातस डरैनै। तबे ऊ आपन सिपाहीहुक्रहन येशूहे क्रुसमे टँग्ना हुकुम देनै। रोमी सिपाहीहुँक्रे येशूहिन् कोर्रा लगैनै हो राजकिय लुग्गा लगादेनै ओ काँटक् मुकुट लगादेनै। ओ वैने ‘हेरो यहूदीन्के रज्वा’ कैके येशूक् मजाक उरैनै।

*बाइबलके कथा: मत्ती २६:५–७,मर्कूृस १४:५३–१५, लुका २२:५४–२३, यूहन्ना १८:१२–१९*

## 40. ४०. येशूहे क्रुसमे टँग्नै

https://openbiblestories.org/l/thl/story-40/

![](https://cdn.door43.org/obs/jpg/360px/obs-en-40-01.jpg)

येशूक् मजाक उराके सेक्नै तब् सिपाहीहुँक्रे उहिन कु्रसमे टाँग्ेक लग् वहाँसे अन्ते ठाउँमे लैगिनै। वैने येशूहे जौन कु्रसमे टाँगेक् लग् रहैँ उहे कु्रस येशूहे बोकैनै।

![](https://cdn.door43.org/obs/jpg/360px/obs-en-40-02.jpg)

सिपाहीहुँक्रे येशूहे “खप्परे” कहना ठाउँमे लैगिनै ओ हुँकार हात ओ गोरामे किल्ला ठोकके क्रुसमे टँगादेनै। मने येशू कहनै, “बाबा यैनहे क्षमा करदेऊ, काहेकि यैने का करतै कैके नाय जन्ले होईँ। तब् सिपाहीहुँक्रे “यहूदीन्के राजा” कैके लिखके येशूक् मुन्टीथे टाँसदेनै।

![](https://cdn.door43.org/obs/jpg/360px/obs-en-40-03.jpg)

सिपाहीहुँक्रे येशूक् लुगगाक् चिट्ठा लगैनै। जब् यैने यैसिक कर्नै तो यी भविष्यवाणी पूरा हुइल, वैने मोर लुगगा बट्नै, ओ मोर लुग्गाक् चिट्ठा लगैनै।

![](https://cdn.door43.org/obs/jpg/360px/obs-en-40-04.jpg)

येशूहे दुइृथो चोरवन्के बीच्चे टँग्ले रहैँ। एकथो चोरवा येशूक् मजाक उराइल, मने औरे भोरवा कहल, “का तुहिन परमेश्वरके डर नाइ डरैथे? हम्रे तो दोषी बाटी, मने यी मनइया तो कुछ फे गलत नाइ कर्ले होइर्ँ।” तब् ऊ येशूहे कहल, “हे येशू, तुँ आपन राज्यमे अइबो तो महिन सम्झहो।” येशू जवाफ देनै, “आझी, तुँ मोरसँग स्वर्गमे रहबो।”

![](https://cdn.door43.org/obs/jpg/360px/obs-en-40-05.jpg)

यहूदी अगुवाहुँक्रे ओ भीरमे रहल आउर सब मनइ येशूक् मजाक उरैनै। वैने कहनै, “यदि तईँ परमेश्वरके छावा हुइते कलेसे, कु्र मन्से उतरके तरे आअ ो अपनहे बचा।”

![](https://cdn.door43.org/obs/jpg/360px/obs-en-40-06.jpg)

दिनके बाह्र बजल रहे, मने सारा देशभर अन्धार हुइगिल रहे ओ तीन बजेसम् अन्धारे पलि रहल।

![](https://cdn.door43.org/obs/jpg/360px/obs-en-40-07.jpg)

तब् येशू जोरसे चिल्लाके कहनै, “अब् ओराइगिल।”

![](https://cdn.door43.org/obs/jpg/360px/obs-en-40-08.jpg)

अपन मृत्युसे, येशू मनइनके लग् परमेश्वरकेथे अइना डगर खोलदेनै। जब् येशूक्थे थरह्याइल चौकीदारी करुइया वला सिपाही यि सब देखल तबे कहल, “जात्तिके, यी मनइया कौनो गलत काम नाइ कर्ले रहैँ। यी परमेश्वरके छावा रहैँ।”

![](https://cdn.door43.org/obs/jpg/360px/obs-en-40-09.jpg)

थब् योसेफ ओ निकोदेमस यहूदी अगुवाहुँक्रे, जे येशूहे मसिह कैके विश्वास कर्ले रहैँ, वैने दुईजाने पिलातससे येशूक् शरीर मङ्ग्नै। वैने शरीरहे लुग्गासे बेहेर्नै ओ चिहानके भित्तर धारदेनै। वैने चिहानके दुवार बन्द करेक लग् बरे भारी पथ्रा लगादेनै।

*बाइबलके कथा : मत्ती २७:२७–६१, मर्कूस १५:१६–४७, लूका २३: २६–५६, यूहन्ना १९:१७–४२*

## 41. ४१. परमेश्वर यशूहे मूवलमन्से जीई उठैनै

https://openbiblestories.org/l/thl/story-41/

![](https://cdn.door43.org/obs/jpg/360px/obs-en-41-01.jpg)

सिपाहीहुँक्रे येशूहे क्रुसमे टाँङ्ग्के सेक्लेक पाछे, यहूदी अगुवाहुँक्रे पिलातसहे कहनै, “ऊ झठा येशू तीन दिनपाछे फे जीई उठजिम कहले रहे। ओक् चेलाहुँक्रे ओकर लास तोरके लैजाइ सेकिहि ओ तीन दिनपाछे जीई उठगिल कैके मनइन बताइ लगिहिँ। तबे चिहानके आगे पहरा लगाइक् लग् हुकुम देऊ।”

![](https://cdn.door43.org/obs/jpg/360px/obs-en-41-02.jpg)

पिलातस कहनै, “एक–दुई सिपाहीहुँक्रे लैजाऊ ओ चिहानहे सुरक्षित रखहो।” उहेमारे वैने चिहानके दुवार बनाइल पथ्रामे एकथो छाप लगैनै ओ कोई फे शरीर नाइ चोरे सेकैँ कैके सिपाहीहुँक्रहन वहाँ धर्नै।

![](https://cdn.door43.org/obs/jpg/360px/obs-en-41-03.jpg)

येशूहे गर्लेक दोसर दिन शबाथ दिन रहे, यि दिनमे यहूदीह्“क्रे चिहानमे जइना मनाही रहे। उहेमारे शबाथ दिनके दोसर दिन बिहान्ने मरियम मग्दलिनि ओ दोसर वला मरियम चिहानमे येशूक् शरीरमे अत्तर लगाइ गैइनै।

![](https://cdn.door43.org/obs/jpg/360px/obs-en-41-04.jpg)

अचानकसे, एकथो स्वर्गदुत चिहान वहाँ देखा पर्नै तबे वहाँ भारी भूकम्प अइलस, स्वर्गदूत चिहानहे बन्द करल पथ्राहिन् हटादेनै ओ आकर उप्पर बैथगिनै। चिहानके पहरा करुइया सिपाहीहुँक्रे डरैनै ओ मूवल मनइन जस्ते भुँइयामे गिरगिनै।

![](https://cdn.door43.org/obs/jpg/360px/obs-en-41-05.jpg)

जब् दुनु मरियम चिहान वहाँ पुग्नै, स्वर्गदूत वैनहे कहनै, “नाइ डराऊ। येशू यहाँ नाइ होईँ। ऊ जस्ते कहले रहैँ कि फिनसे जीई उठम आस्तेक् मूवलमन्से जीई उठल बाटैँ।”

![](https://cdn.door43.org/obs/jpg/360px/obs-en-41-06.jpg)

तब् स्वर्गदूत ऊ जन्नीहुँक्रहन कहनै, “जाऊ ओ चेलाहुँक्रहन यि बात बतादेऊ, कि येशू मूवलमन्से जीई उठल बाटैँ। ओ ऊ तोहोनसे आघे गालीलमे पुगल रहिहीँ।

![](https://cdn.door43.org/obs/jpg/360px/obs-en-41-07.jpg)

ऊ जन्नीहुक्रे डराइल फे रहै ओ बरे खुशी फे रहै। यि खबर सुनाइक् लग् दौड्ति चेलाहुक्रहनथे गइनै।

![](https://cdn.door43.org/obs/jpg/360px/obs-en-41-08.jpg)

जब् ऊ जन्नीहुँक्रे चेलाहुँक्रहन यि खबर सुनाइ जैति रहैँ, अचानकसे येशू वैनके आघे देखा पर्नै, तब् वैने हुँकार आराधना कर्नै। येशू कहनै, “नाइ डराऊ। जाऊ ओ मोर चलाहुँक्रहन गालीलमे जाइ कहो। वैने महिन गालीलमे देखिहिँ।”

*ब्ँँइबलके कथा: मत्ती २७:६२–२८, मर्कूस १६:१–११, लूका २४:१–१२, यूहन्ना २०:१–१८*

## 42. ४२. येशू स्वर्ग लौट्नै

https://openbiblestories.org/l/thl/story-42/

![](https://cdn.door43.org/obs/jpg/360px/obs-en-42-01.jpg)

येशू मूके जीई उठल दिनमे, हुँकार दुईथो चेलाहुँक्रे लग्गेक् गाउँओर जाइतहैँ। वैनै नेङ्ति नेङ्ति येशूक् बारेमे बात बतावाइतहैँ। वैने आशा कर्ले रहैँ कि येशू मसिह हुइतै कैके, मने ऊ तो मारागैनै। अब जन्नीहुँक्रे कहतै कि येशू फिनसे जीई उठगिल बाटैँ। वैन केकरमे विश्वास करि कैके पतै नाइ पाइतहैँ।

![](https://cdn.door43.org/obs/jpg/360px/obs-en-42-02.jpg)

तब् येशू वैनथे आइगिनै ओ वैनसँग नेङ्गे लग्नै,मने वैने येशूहे चिहिन नाइ पैनै। येशू वैनहे केकर बोमे बात बतवाइतो कैके पुछ्नै, वैने येशूक् बारेमे बात करति कैके सब बात बतैनै। वैने यि सोच्ले रहैँ कि वैने परदेशी मनइयासे बात करति जे यरुशलेममे का हुइल कैके नाइ जन्ले हो।

![](https://cdn.door43.org/obs/jpg/360px/obs-en-42-03.jpg)

तब् येशू वैनहे प्मेश्वरके वचनमे मसिहके बारेमे का कहल बा कैके मजासे बतादेनै। येशू वैनहे अगमवत्ताक् कहल बात सम्झना करवैनै कि मसिह दुख भोगि ओ माराजाई मने तिसर दिनमे फे जीई उठजाइ। वैने जौन गाउँजाइतहै उहे गाउँपुग्नै, जहाँ वैने बैथ्ना योजन बनैले रहैँ, ओ साँझ हुइगिल रहे।

![](https://cdn.door43.org/obs/jpg/360px/obs-en-42-04.jpg)

ऊ दुई मनइ येशूहे आपनसँग वहैँ बैथे कहनै, तबे येशू वैनसँग बैथ्नै। जब् वैने बेरि खाइ बैथ्नै, येशू रोटीक् टुक्रा लेनै, परमेश्वरहे धन्यवाद चह्रैनै, ओ रोटी टुर्नै। अचानक वैने यि मनइया येशू हुइतै कैके चिहिन्नै। मने तब्बेहि, येशू ओथ्थिसे हेराइगिनै।

![](https://cdn.door43.org/obs/jpg/360px/obs-en-42-05.jpg)

ऊ दुई मनइ एक–दोसरहे कहनै कि यि तो येशू रहैँ।

![](https://cdn.door43.org/obs/jpg/360px/obs-en-42-06.jpg)

जब् चेलाहुँक्रे बात बतवाइतहैँ, अचानकसे येशू वैने रहल कोठामे वैनथे देखा पर्नै ओ कहनै, “तोहोनहे शान्ति

![](https://cdn.door43.org/obs/jpg/360px/obs-en-42-07.jpg)

येशू कहनै, “मई तोहोन कहल ेरहुँ कि मोर बारेमे परमेश्वरके वचनमे लिखल सब बात पूरा हुइहिक् परि।” तब् येशू वैनके समझ खोलदैनै ताकि वैने परमेश्वरके वचन बुझेसेकैँ। येशू कहनै, “यि बात तो पहिलेही लिखल रहे कि मसिह दुख भोगि, मूई ओ तिसरि दिनमे जीई उठी।”

![](https://cdn.door43.org/obs/jpg/360px/obs-en-42-08.jpg)

“वरमेश्वरके वचनमे यैसिक फे लिखल बा कि मोर चेलाहुँक्रे घोषणा करिहि कि सक्कुजाने पापसे क्षमा पाइक लग् पश्चताप करेक परि। वैने यि बातके घोषणा कर्ना सुरु यरुशलेमसे करिहिँ, ओ तब् सारा जातके मनइनथे जैहिँ। तुह्रे यि बातके साक्षी बन्बो।”

![](https://cdn.door43.org/obs/jpg/360px/obs-en-42-09.jpg)

तब् चालिस दिनसम्, येशू आपन चेलाहुँक्रहनथे धेरे चोट देखा पर्नै। एकचो, येशू ५०० से धेर मनइनथे देखा पर्नै। येशू आपन चेलाहुँक्रहन मई जीत्ती बाटुँ कैके प्रमाणित कर्नै ओ परमेश्वरके राज्यके बारेमे सिखैनै।

![](https://cdn.door43.org/obs/jpg/360px/obs-en-42-10.jpg)

येशू हुँकार चेलाहुँक्रहन कहनै, “स्वर्ग ओ पृथ्वीमे रहल सक्कु चीजमे महिन अधिकार दियागिल बा। उहेमारे जाऊ, सक्कु जातिक् मनइन बाबा, छावा ओ पवित्र आत्माके नाउँमे बप्तिसमा दैके चेला बलाऊ ओ वैनहे मोर कहल बात माने सिखाऊ। याद राखो, मई तोहानके सँगे रहम।”

![](https://cdn.door43.org/obs/jpg/360px/obs-en-42-11.jpg)

येशू जीई उठ्लेक चालीस दिनपाछे, आपन चेलाहुँक्रहन कहनै, “मोर बाबाक् प्रतिज्ञा, पवित्र हात्मा मई तोहोनथे पठैम, मने जब्सम् तुह्रे शक्ति नाइ पैबो तुह्रे यरुशलेममे बैथल रहहो।” तब् येशू उप्पर स्वर्गमे गइनै, ओ बदरी उहिन चेलाहुँक्रहनके नजरसे छोपदेहेल। येशू सक्कु चीजमे राज्य करे परमेश्वरके दाहिन पँजार बैतल बाटैँ।

*बाइबलके कथा: मत्ती २८:१६–२०, मर्कूस १६:१२–२०, लूका २४:१३–५३, यूहन्ना २०:१९–२३, पे्ररित १:१–११*

## 43. ४३. मण्डलीके शुरु

https://openbiblestories.org/l/thl/story-43/

![](https://cdn.door43.org/obs/jpg/360px/obs-en-43-01.jpg)

येशू स्वर्गमे लौट्लेक् पाछे, चेलाहुँक्रे येशूक् अहा्रइल अनुसार यरुशलेममे बैथल रहनै। वहाँक् विश्वासीहुँक्रे हरदिन प्रार्थना कर्ति रहनै।

![](https://cdn.door43.org/obs/jpg/360px/obs-en-43-02.jpg)

हर साल, निस्तार तिउहारके ५० दिनपाछे, यहूदीहुँक्रे पेन्तिकोसके दिन मनाईँ। पेन्तिकोस ऊ समय रहे, जब् यहूदीहुँक्रे उत्सव मनैना करैँ। सारा संसारके यहूदीहुँक्रे यरुशलेममे पेन्तिकोसके दिन मनाइ आईँ। ऊ साल, पेन्तिकोसके दिन येशूके स्वर्ग लौटल १० दिनपाछे आइल रहे।

![](https://cdn.door43.org/obs/jpg/360px/obs-en-43-03.jpg)

जब् विश्वासीहुँक्रे सबजाने एक्केथे रहैँ, अचानक वैने बैथल घर एक शक्तिशाली हावाके झोक्का जस्ते आवाजसे भरगिल। आकरपाछे आगीक् ज्वाला जस्ते बिल्गैना वस्तु सक्कु विश्वासीन्के मुन्टिक् उप्प् देखाइ परल। वैने सबजे पवित्र आत्मासे भरगिनै ओ अन्यभाषामे बोले लग्नै।

![](https://cdn.door43.org/obs/jpg/360px/obs-en-43-04.jpg)

जब् यरुशलेममे रहल मनइ ऊ हल्ला सुन्नै, भित्तर का हुइता कैके हेरे अइनै। जब् मनइहुँक्रे विश्वासीहुँक्रे परमेश्वरके अचम्मके कामके परचार करत सुन्नै, वैने अचम् पर्नै काहेकि वैने यि सब् बात अपन भाषामे बोलत सुनतहैँ।

![](https://cdn.door43.org/obs/jpg/360px/obs-en-43-05.jpg)

कोई कोई मनइहुँक्रे चेलाहुँक्रे मत्वार बाटै कैके वैनके मे हँस्नै ओ आरोप लगैनै। मने पत्रुस उठ्नै ओ वैनहे कहनै, “मोर बात सुनो

![](https://cdn.door43.org/obs/jpg/360px/obs-en-43-06.jpg)

“इसा्रएलके मनइहुँक्रे हो, येशू एक मनइ रहैँ जे परमेश्वरके शक्तिसे धेरे महान चिन्ह ओ अचमके काम कर्नै, जौन तुह्रे देख्ले बाटो ओ पता पैले बाटो। मने तुह्रे उहिन क्रुसमे टँग्लो

![](https://cdn.door43.org/obs/jpg/360px/obs-en-43-07.jpg)

“येशू मूनै, मने परमेशवर उहिन मूवलमन्से जीई उठैनै। यि बात ऊ भविष्यवाणी पूरा हुइल, ‘तुँ आपन पवित्र मनइयाहे चिहानमे सरे नाइ देबो। ’ हम्रे यिहे बातके साक्षीहुँक्रे हुइति, कि परमेश्वर येशूहे फिनसे जीई उठैनै।”

![](https://cdn.door43.org/obs/jpg/360px/obs-en-43-08.jpg)

“येशू अब् परमेश्वर बाबाक् दाहिन हात पा“जर महिमित बाटैँ। ओ आपन प्रतिज्ञा करल अनुसार येशू पवित्र आत्मा पठैले बाटैँ। तुह्रे अब्बे जौन देखतो ओ सुनतो यि सब पवित्र आत्मा करतैँ।”

![](https://cdn.door43.org/obs/jpg/360px/obs-en-43-09.jpg)

“तुह्रे येशूहे क्रुसमे टँग्लो। मने यि बात पक्कासे जानलेऊ कि परमेश्वर येशूहे प्रभु ओ मसिह दुनु बनैनै

![](https://cdn.door43.org/obs/jpg/360px/obs-en-43-10.jpg)

पत्रुसके बात सुनुइया मनइहुँक्रे हुँकार बातसे प्रभावित हुइनै। तबे वैने पत्रुस ओ चेलाहुँक्रहन पुछ्नै, “भैयाहुँक्रे, हम्रहन का करेक परि?”

![](https://cdn.door43.org/obs/jpg/360px/obs-en-43-11.jpg)

पत्रुस वैनहे कहनै, “तुश्रे हरेक जे आपन पाप स्वीकार करेक परि ओ येशू खी्रष्टके नाउँमे बप्तिसमा लेहेक परि, तब् परमेश्वर तोहानके पाप क्षमा करिदिहिँ। ओ परमेश्वर तोहोन पवित्र आत्मासे भरदिहिँ।”

![](https://cdn.door43.org/obs/jpg/360px/obs-en-43-12.jpg)

लग्भग् ३००० मनइ पत्रुसके कहल बातेमे विश्वास कर्नै ओ येशूक् चेला बन्नै। वैने बप्तिसमा लेनै ओ मण्डलीक् हिस्सा बन्नै।

![](https://cdn.door43.org/obs/jpg/360px/obs-en-43-13.jpg)

ऊ चेलाहुँक्रे हरेक दिन प्रेरितहुँक्रहनके शिक्षा सुनै“, एकसाथ समय बिताईँ, एकसाथ खाईँ, ओ एक–दोसरकेसँग प्रार्थना करैँ। वैने एबसँगे परमेश्वरके प्रशंसा करैँ ओ आपनथे रहल सब चीज एक–दोसरसे बाँटैँ। हरेकजे वैनके बारेमे मजा सोचैँ। दिनदिने आउर धेउर मनइ विश्वास कर्तिै गैनै ओ बहर्ति गैनै।

*बाइबलके कथा: प्रेरित २*

## 44. ४४. नाङ्गर मनइया निक हुइल

https://openbiblestories.org/l/thl/story-44/

![](https://cdn.door43.org/obs/jpg/360px/obs-en-44-01.jpg)

एकदिन पत्रुस ओ यूहन्ना मन्दिर जाइतहैँ। मन्दिरके दुवारमे पुग्नै तो एकथो नाङ्ग् मनइयनहे देख्नै जे भीख मागतेहे।

![](https://cdn.door43.org/obs/jpg/360px/obs-en-44-02.jpg)

पत्रुस ऊ नाङ्गर मनइयाक्ओर हेरके कहनै, “तुहिन देहेक लग् मोरथे पैसा तो नाइ हँ। मने मोरथे ज्या बा उहे मई तुहिन देम। येशूके नाउँमे, उठो ओ नेङ्गो।”

![](https://cdn.door43.org/obs/jpg/360px/obs-en-44-03.jpg)

तरुन्ते, परमेशवर ऊ नाङ्गर मनइयाहे निक पर्नै, ओ ऊ नेङ्ग्ति ओ उल्रति परमेश्वरके प्रशंसा करे लागल। मन्दिरके चौकमे रहल मनइ यि देखके अचम पर्नै।

![](https://cdn.door43.org/obs/jpg/360px/obs-en-44-04.jpg)

एक्केघचिमे मनइनके भीर ऊ निक हुइल मनइयाहे हेरे आइगिल। पत्रुस वैनहे कहनै, “यि मनइया निक हुइगिल कैके काहे तुह्रे अचम बाटो? हम्रे उहिन आपन शक्तिसे निक नाइ पर्लि, यि तो येशूके शक्तिसे, उहाँ मे रहल विश्वाससे निक हुइल।”

![](https://cdn.door43.org/obs/jpg/360px/obs-en-44-05.jpg)

“तुह्रेहि हुइतो जे रोमी राज्यपालहे येशूहिन् मारे कहलो। हमाहन बनूइयाहे तुह्रे मर्लो मने परमेश्वर उहिन जीई उठैनै। का करति कैके तोहोन पता नाइ रहे, मने परमेश्वर अगमवाणी पूरा हुइक लग् तोहोनहे चलैनै, कि मसिह दुख भोगिहिँ ओ मूहीँ। उहेमारे अब्, पाप स्वीकार करो ओ परमेश्वरकेओ् लौटो, तोहोनके पाप धोयाजाइ।”

![](https://cdn.door43.org/obs/jpg/360px/obs-en-44-06.jpg)

पत्रुस ओ यूहन्नाक् बातसे मन्दिरके अगुवाहुँक्रे रिसेनै। तबे अगुवाहुँक्रे वैन पकरनै ओ झ्यालखानामे दारदेनै। मने धेउरे मनइ पत्रुसके बातमे विश्वास कर्नै, ओ येशूमे विश्वास करुइया मनइन लग्भग् ५००० हुइगिल।

![](https://cdn.door43.org/obs/jpg/360px/obs-en-44-07.jpg)

दोसर दिन, यहूदी अगुवाहुँक्रे पत्रुस ओ यूहन्नाहे मूख्य पूजाहारी ओ धर्म अगुवाहुक्रहनथे लैगिनै। वैने पत्रुस ओ यूहन्नाहे पुछ्नै, “कोन शक्तिसे तुह्रे यि नाङ्ग्राहे निक पर्लो?”

![](https://cdn.door43.org/obs/jpg/360px/obs-en-44-08.jpg)

पत्रुुस जवाफ देनै, “तोहानके आघे ठरह्याइल मनइया येशू मसिहके शक्तिसे निक हुइल। तुह्रे येशूहे कु्रसमे टँग्लो, मने परमेश्वर उहिन फिन्से जीत्ती पर्नै।”

![](https://cdn.door43.org/obs/jpg/360px/obs-en-44-09.jpg)

पत्रुस ओ यूहन्ना यैसिके साहसके साथ बोलत देखके ऊ अगुवाहुँक्रे अचम पर्नै काहेकि वैने साधारण मछुवारा ओ नाइ पह्रल– लिखल रहैँ। मने ऊ अगुवाहुक्रहन याद अइनिन कि यैने येशूक्सँग रहैँ। तब् पत्रुस ओ यूहन्नाहे धम्की दैके छोरदेनै।

*बाइबलके कथा: प्रेरित ३:१–१०,४:२२*

## 45. ४५. मण्डलीके शुरु

https://openbiblestories.org/l/thl/story-45/

![](https://cdn.door43.org/obs/jpg/360px/obs-en-45-01.jpg)

येशू स्वर्गमे लौट्लेक् पाछे, चेलाहुँक्रे येशूक् अहा्रइल अनुसार यरुशलेममे बैथल रहनै। वहाँक् विश्वासीहुँक्रे हरदिन प्रार्थना कर्ति रहनै।

![](https://cdn.door43.org/obs/jpg/360px/obs-en-45-02.jpg)

हर साल, निस्तार तिउहारके ५० दिनपाछे, यहूदीहुँक्रे पेन्तिकोसके दिन मनाईँ। पेन्तिकोस ऊ समय रहे, जब् यहूदीहुँक्रे उत्सव मनैना करैँ। सारा संसारके यहूदीहुँक्रे यरुशलेममे पेन्तिकोसके दिन मनाइ आईँ। ऊ साल, पेन्तिकोसके दिन येशूके स्वर्ग लौटल १० दिनपाछे आइल रहे।

![](https://cdn.door43.org/obs/jpg/360px/obs-en-45-03.jpg)

जब् विश्वासीहुँक्रे सबजाने एक्केथे रहैँ, अचानक वैने बैथल घर एक शक्तिशाली हावाके झोक्का जस्ते आवाजसे भरगिल। आकरपाछे आगीक् ज्वाला जस्ते बिल्गैना वस्तु सक्कु विश्वासीन्के मुन्टिक् उप्प् देखाइ परल। वैने सबजे पवित्र आत्मासे भरगिनै ओ अन्यभाषामे बोले लग्नै।

![](https://cdn.door43.org/obs/jpg/360px/obs-en-45-04.jpg)

जब् यरुशलेममे रहल मनइ ऊ हल्ला सुन्नै, भित्तर का हुइता कैके हेरे अइनै। जब् मनइहुँक्रे विश्वासीहुँक्रे परमेश्वरके अचम्मके कामके परचार करत सुन्नै, वैने अचम् पर्नै काहेकि वैने यि सब् बात अपन भाषामे बोलत सुनतहैँ।

![](https://cdn.door43.org/obs/jpg/360px/obs-en-45-05.jpg)

कोई कोई मनइहुँक्रे चेलाहुँक्रे मत्वार बाटै कैके वैनके मे हँस्नै ओ आरोप लगैनै। मने पत्रुस उठ्नै ओ वैनहे कहनै, “मोर बात सुनो

![](https://cdn.door43.org/obs/jpg/360px/obs-en-45-06.jpg)

“इसा्रएलके मनइहुँक्रे हो, येशू एक मनइ रहैँ जे परमेश्वरके शक्तिसे धेरे महान चिन्ह ओ अचमके काम कर्नै, जौन तुह्रे देख्ले बाटो ओ पता पैले बाटो। मने तुह्रे उहिन क्रुसमे टँग्लो

![](https://cdn.door43.org/obs/jpg/360px/obs-en-45-07.jpg)

“येशू मूनै, मने परमेशवर उहिन मूवलमन्से जीई उठैनै। यि बात ऊ भविष्यवाणी पूरा हुइल, ‘तुँ आपन पवित्र मनइयाहे चिहानमे सरे नाइ देबो। ’ हम्रे यिहे बातके साक्षीहुँक्रे हुइति, कि परमेश्वर येशूहे फिनसे जीई उठैनै।”

![](https://cdn.door43.org/obs/jpg/360px/obs-en-45-08.jpg)

“येशू अब् परमेश्वर बाबाक् दाहिन हात पा“जर महिमित बाटैँ। ओ आपन प्रतिज्ञा करल अनुसार येशू पवित्र आत्मा पठैले बाटैँ। तुह्रे अब्बे जौन देखतो ओ सुनतो यि सब पवित्र आत्मा करतैँ।”

![](https://cdn.door43.org/obs/jpg/360px/obs-en-45-09.jpg)

“तुह्रे येशूहे क्रुसमे टँग्लो। मने यि बात पक्कासे जानलेऊ कि परमेश्वर येशूहे प्रभु ओ मसिह दुनु बनैनै

![](https://cdn.door43.org/obs/jpg/360px/obs-en-45-10.jpg)

पत्रुसके बात सुनुइया मनइहुँक्रे हुँकार बातसे प्रभावित हुइनै। तबे वैने पत्रुस ओ चेलाहुँक्रहन पुछ्नै, “भैयाहुँक्रे, हम्रहन का करेक परि?”

![](https://cdn.door43.org/obs/jpg/360px/obs-en-45-11.jpg)

पत्रुस वैनहे कहनै, “तुश्रे हरेक जे आपन पाप स्वीकार करेक परि ओ येशू खी्रष्टके नाउँमे बप्तिसमा लेहेक परि, तब् परमेश्वर तोहानके पाप क्षमा करिदिहिँ। ओ परमेश्वर तोहोन पवित्र आत्मासे भरदिहिँ।”

![](https://cdn.door43.org/obs/jpg/360px/obs-en-45-12.jpg)

लग्भग् ३००० मनइ पत्रुसके कहल बातेमे विश्वास कर्नै ओ येशूक् चेला बन्नै। वैने बप्तिसमा लेनै ओ मण्डलीक् हिस्सा बन्नै।

![](https://cdn.door43.org/obs/jpg/360px/obs-en-45-13.jpg)

ऊ चेलाहुँक्रे हरेक दिन पे्र्ितहुँक्रहनके शिक्षा सुनै“, एकसाथ समय बिताईँ, एकसाथ खाईँ, ओ एक–दोसरकेसँग प्रार्थना करैँ। वैने एबसँगे परमेश्वरके प्रशंसा करैँ ओ आपनथे रहल सब चीज एक–दोसरसे बाँटैँ। हरेकजे वैनके बारेमे मजा सोचैँ। दिनदिने आउर धेउर मनइ विश्वास कर्तिै गैनै ओ बहर्ति गैनै।

*बाइबलके कथा: प्रेरित २*

## 46. ४६. पावल विश्वासी बन्नै।

https://openbiblestories.org/l/thl/story-46/

![](https://cdn.door43.org/obs/jpg/360px/obs-en-46-01.jpg)

शाऊल एक जवान मनइया रहे जे स्तिफनसहे मरुइयनके देखरेख करे। ऊ येशूहे विश्वास नाइ कर्ले रहे, तबे ऊ विश्वासीहुँक्रहन सताए। उ येरुशलेमके घर घर मे जाके थारु और जन्नी दुृन्हुन् पकरके झ्यालखानामे दारदेहे। मुख्य पुजारी शाऊलहिन, दमस्कसके शहरमे जाके विश्वासीहुकाहान पकर्के यरुशलेममे लन्ना अनुमति देले रहे।

![](https://cdn.door43.org/obs/jpg/360px/obs-en-46-02.jpg)

जब् शाऊल दमस्कसओर जाइतेहे तब् स्वर्गसे एक्थो ओज्रार ज्योति ओकर आन्जर पान्जर चम्कल। ऊ भुँइयामे गिरगिल और ऊ यैसिक कहत सुनल सुनल, “शाऊल, शाऊल, तुँ काहे महिनहे सतैथो? शाऊल पुछल, “प्रभु तुँ के हुईतो”? तब् यी अवाज शाऊल सुन्नै कि, “मई येशू हुँ, जिहिन तुँ सतइथो। मनो उठ्के सहरमे जाऊ, तुहिन् का करेक परि ऊ मई बतइम”।

![](https://cdn.door43.org/obs/jpg/360px/obs-en-46-03.jpg)

जब् शाऊल उठ्नै, ऊ कुछ फे नाइ दखे लग्नै। हुँकार संघरियन उहिन दमस्कससम् डोरयैति लैगिनै। शाऊल तीन दिनसम् न कुछ खैनै न पिनै।

![](https://cdn.door43.org/obs/jpg/360px/obs-en-46-04.jpg)

दमस्कसमे हननिया नाउँके एकजाने चेला रहैँ। परमेश्वर उहिन कहनै, “ऊ घरमे जाऊ जहाँ शाऊल बैथल बाटैँ। तोहार हात हुँकारमे धरोहो ताकि ऊ फे देखे सेकैँ।” मने हननिया कहनै, “प्रभु, यि मनइया तो विश्वासीह“ुक्हन सतैले बाटैँ कैके मई सुन्ले बाटुँ।” परमेश्वर उहिन कहनै, “जाऊ, काहेकि अन्यजाति ओ राजान् ओ इस्राएलके सन्तान हुँक्रहनके आघे मोर नाउँके परचार करेक लग् चुनागिल बाटैँ।”

![](https://cdn.door43.org/obs/jpg/360px/obs-en-46-05.jpg)

उहेमारे हननिया शाऊलकेथे गइनै, आपन हात हुँकारमे धर्नै, ओ कहनै, “येशू,जिहिन तुँ डगरीमे देख्लो, उहे महिन तोहारथे पठैनै ताकि तुँ फेनसे देख्नाहा हुइ जाऊ ओ पवित्र आत्मासे भरजाऊ।” शाऊल तरुन्ते फेनसे देख्नाहा हुइगिनै, ओ हननिया उहिन बप्तिसमा देनै। शाऊल कुछ खैना खैनै तब् ताकत अइनिन।

![](https://cdn.door43.org/obs/jpg/360px/obs-en-46-06.jpg)

ओकर लगत्तै, शाऊल दमस्कसमे रहल यहूदीहुँक्रहन यैसिक परचार करे लग्नै, “येशूहि परमेश्वरके छावा हुइतैँ।”

![](https://cdn.door43.org/obs/jpg/360px/obs-en-46-07.jpg)

धेरि दिन पाछे, यहूदीहुँक्रे शाऊलहे मर्ना योजना बनैनै। उहिन मारेक् लग् वैने शहरके दुवार–दुवारमे मनइन नुकके बैथे लगैनै। मने शाऊल ऊ योजनाक् बारेमे सुन्नै ओ हुँकार संघरियन उहिन वहाँसे भगनामे मदत कर्नै। एक रात वैने उहिन डालोमे दारके शहरके भितामन्से तरे उतारदेनै। शाऊल दमस्कससे भागके सेकके फे निरन्तर येशूक् बारेमे परचार कर्ति रहनै।

![](https://cdn.door43.org/obs/jpg/360px/obs-en-46-08.jpg)

शाऊल चेलाहुँक्रहन भेछटे यरुशलेम गइनै, मने वैने उहिनसे डराइल रहैँ काहेकि पहिले तो शाऊल विश्वासीहुँक्रहन पिट्ना काम करैँ। बरनाबास नाउँके एकजाने विश्वासी शाऊलहे प्रेरितहुँक्रहनथे लैगिनै ओ शाऊल कैसिके साहासके साथ दमस्कसमे परचार कर्नै कैके वैने प्रेरितहुँक्रहनथे बतैनै। तब्, चेलाहुँक्रे शाऊलहे स्वीकार कर्नै।

![](https://cdn.door43.org/obs/jpg/360px/obs-en-46-09.jpg)

यरुशलेममे हुइल सतावतसे भागके कुछ विश्वासीहुँक्रे एन्टिओखियाके शहरमे गइनै ओ येशूक् बारेमे परचार कर्नै। एन्टिओखियके धेउरे मनइ विश्वास कर्नै। बरनाबास ओ शाऊल यी लावा विश्वासीहुँक्रहन येशूक् बारेमे आउर धेर बात सिखाइ ओ मण्डलीहे बलगर बनाइ गइनै। येशूमे विश्वास करुइयन सुरुमे यिहे एन्टिओखियामे ‘ ख्रिष्टियान ’ कहनै।

![](https://cdn.door43.org/obs/jpg/360px/obs-en-46-10.jpg)

एकदिन, जब् एन्टीओखियामे रहल ख्रिष्टियानहुँक्रे उपवास ओ प्रार्थना, तब् पवित्र आत्मा वैनहे कहनै, “मोर लग् बारनाबास ओ शाउ,ल हे ऊ कामके लग् अलग् करो, जौन कामके mग् मई वैनहे बोलैले बाटुँ।” उहेमारे एन्टिओखियाके मण्डली बरनाबास ओ शाऊलके लग् वैने प्रार्थना कर्नै ओ आपन हात दुनुहुकेमे धर्नै। ओ वैनहे येशूक् बारेमे आउर धेर ठाउँमे सु–समाचार सुनाइ पठैनै। बरनाबास ओ शाऊल धेरे जातजातिक् मनइहुक्रहन शिक्षा देनै, ओ धेरे मनइहुँक्रे येशूमे विश्वास कर्नै।

*बाइबलके कथा: प्रेरित ८:३, ९:१–३१, ११:१९–२६, १३:१–३*

## 47. ४७. पावल ओ सिलास फिलिप्पिम

https://openbiblestories.org/l/thl/story-47/

![](https://cdn.door43.org/obs/jpg/360px/obs-en-47-01.jpg)

जब् शाऊल रोमी साम्राज्यभर यात्रा कर्नै, ऊ आपन रोमी नाउँ “पावल” धारलेनै। एकदिन पावल ओ हुँकार संघरिया सिलास फिलिप्पिके शहरमे येशूक् बारेमे सु–समाचार सुनाइ गइनै। वैने लदिया नहाङके शहरके बाहे एकथो ठाउँमे गइनै जहाँ मनइहुँक्रे प्रार्थना करेक लग् जुटैँ। वहाँ वैने लिडिया नाउँके एकजाने जन्नीहे भेट्नै जे एक व्यापारी रहिन्। ऊ जन्नी परमेश्वरहे प्रेम ओ आराधना करिन्।

![](https://cdn.door43.org/obs/jpg/360px/obs-en-47-02.jpg)

येशूक् बारेमे विश्वास करेक लग् परमेश्वर लिडियाक् ह्दय खोलदेनै, और ऊ ओ हुँकार परिवार वप्तिसमा लेनै। ऊ पावल ओ सिलासहे आपन घरे बैतेक लग् कहनिन्, तबे वैने हुँकार वहाँ रहनै।

![](https://cdn.door43.org/obs/jpg/360px/obs-en-47-03.jpg)

पावल ओ सिलास ऊ प्रार्थना कना ठाउँमे मनइन्सँग भेट कर्ति रहैँ। हरेक दिन वहैँ नेङ्गा करैँ, भूतात्मा लागल एकथो कन्या लहुन्दी वैनके पाछेपाछेप करे। भूतमत्माद्धारा ऊ लहुन्दी मनइके भविष्य बताए, यैसिके भविष्य बताके ऊ आपन मलिक्वन् लग् धेरे पैसा कमादेहे।

![](https://cdn.door43.org/obs/jpg/360px/obs-en-47-04.jpg)

ऊ लहुन्दी यैसिक चिललाई लागल, “यी मनइहुँक्रे सर्वोच्च परमेश्वरके सेवकहुँक्रे होईँ। यैने तोहोन मुक्तिके डगर घोषणा करतैँ।

![](https://cdn.door43.org/obs/jpg/360px/obs-en-47-05.jpg)

यि लहुन्दी अस्तेक करल करे, तब् पावल आकरओर घुमके ओकरमे रहल दुष्टात्माहे कहनै, “येशूके नाउँमे आकरमन्से बाहेर निकर।” तब् दुष्टात्मा तब्बहि ऊ लहुन्दीहे छोरके गइल।

![](https://cdn.door43.org/obs/jpg/360px/obs-en-47-06.jpg)

ऊ लहुन्दीक् मलिक्वन् बरे रिस लग्निन्।

![](https://cdn.door43.org/obs/jpg/360px/obs-en-47-07.jpg)

उहेमारे ऊ लहुन्दीक् मलिक्वन् पावल ओ सिलासहे रोमी अधिकारीहुँक्रहनथे लैके गइनै, वहाँ वैनहे पिट्नै ओ झ्यालखानामे दारदेनै।

![](https://cdn.door43.org/obs/jpg/360px/obs-en-47-08.jpg)

पावल ओ सिलासहे झ्यालखानामे सबसे सुरक्षित ठाउँमे धर्नै ओ वैनके गोरामे ँगुरो ठोकदेनै। तौनफे आधारातमे फेनु पावल ओ सिलास परमेश्वरके भजन गाइतहैँ।

![](https://cdn.door43.org/obs/jpg/360px/obs-en-47-09.jpg)

अचानक, वहाँ भारी भूईँचाल गइल। ओ झ्यालखानाक् जग हिलल ओ पावल ओ सिलासके बन्धन खुलगिनिन्।

![](https://cdn.door43.org/obs/jpg/360px/obs-en-47-10.jpg)

झ्यालखानाक् हाकिमके निन्द खुल्निन्, और झ्यालखानाक् दुवार खुलल देखके डरैनै।

![](https://cdn.door43.org/obs/jpg/360px/obs-en-47-11.jpg)

ऊ डरले लगलगैति पावल ओ सिलासके आघे अइनै ओ पछ्नै, “उद्धार पाइक लग् महिन का करेक् परि?” पावल कहनै, “येशू प्रभुमे विश्वास करो, और तुँ ओ तोहार परिवार उद्धार पाई।” ऊ हाकिम पावल ओ सिलासहे आपन घर लैगिनै ओ वैनहे खाति धरेदेनै। पावल हुँकार घरेक मनइन सु–समाचार सुनैनै।

![](https://cdn.door43.org/obs/jpg/360px/obs-en-47-12.jpg)

ऊ हाकिम ओ हुँकार परिवार येशूमे विश्वास कर्नै ओ बप्तिसमा लेनै। और ऊ हाकिम पावल ओ सिलासहे खाना देनै ओवैने सबजे खुशी मनैनै।

![](https://cdn.door43.org/obs/jpg/360px/obs-en-47-13.jpg)

अ‍ोकर दोसर दिन शहरके हाकिमहुँक्रे पावल ओ सिलासहे झ्यालखानामन्से छोरदेनै ओ वैनहे फिलिप्पिसे जाइ कहनै। पावल ओ सिलास लिडिया ओ आउर संघरियनहुँक्रहन भेट कर्नै तब् शहर छोरके गइगिनै। येशूक् बारेमे सु–समाचार फैलतिगिल, ओ मण्डली बहर्ति गिल।

![](https://cdn.door43.org/obs/jpg/360px/obs-en-47-14.jpg)

पावल ओ औरे खी्रष्टियान अगुवाहुँक्रे धेउरे शहरमे येशूक् बारेमे सु–समाचार परचार कर्ति आ शिक्षा देति यात्रा कर्नै। वैने मण्डलीमे रहल विश्वासीहुँक्रहन उत्साह देहेक लग् ओ सिखाइक् लग् चिठ्ठी फे लिख्नै। यि चिठ्ठीहुँक्रहनमध्ये कुछ चिठ्ठी बाइबलके किताब बनल बाटै।

*बाइबलके कथा: प्रेरित १६:११–४०*

## 48. ४८. येशू वाचा करल मसिह हुइतै

https://openbiblestories.org/l/thl/story-48/

![](https://cdn.door43.org/obs/jpg/360px/obs-en-48-01.jpg)

जब् परमेश्वर संसारशे बनैनै, तब् सब चीज मजा रहे। वहाँ कौनो पाप नाइ रहे। आदम ओ हव्वा एक दोसरसे प्रेम करैँ। वहाँ कौनो रोग नाइ रहे।

![](https://cdn.door43.org/obs/jpg/360px/obs-en-48-02.jpg)

बगियामे हव्वाहे शैतान सपुवाके रुपमे आके छलल्। वैनके करल पापके कारणसे, मृत्यु,रोग, दुख, यि संसारके मनइनमे आइल।

![](https://cdn.door43.org/obs/jpg/360px/obs-en-48-03.jpg)

आदम ओ हव्वा पाप कर्लेक ओरसे वैने परमेश्वरके दुस्मन हुइगिनै। तबे, अब् सब मनइ जन्मत्तिसे पापी रथैँओ परमेश्वरके शत्रु हुइतै। परमेश्वर ओ मनइनके बीचके सम्बन्ध पापके कारणसे टुटगिल। मने ऊ सँबन्धहे जोरेक लग् परमेश्वरकेथे एकथो योजना रहे।

![](https://cdn.door43.org/obs/jpg/360px/obs-en-48-04.jpg)

परमेश्वर वाचा कर्ले रहै कि हव्वाके एकथो सँतान शैतानके मुन्टि कुच्लि, ओ शैतान ओकर पौलि काटी। यकर मतलब यि हो कि शैतान मसिहहे मारी, मने परमेश्वर मसिहहे फेनसे जीई उठैहि, ओ शैतानके शक्तिहे सदाके लग् हटादिहि। धेर सालपाछे, परमेश्वर येशूहे (मसिह) संसारमे पठैनै।

![](https://cdn.door43.org/obs/jpg/360px/obs-en-48-05.jpg)

जब् परमेश्वर जलवतनसे सक्कु पृथ्वीहे नाश पर्नै, जे परमेश्वरकेमे विश्वास करे ऊ मनिन्के लग जहाज जुतादेनै। ठिक ओस्तेके सक्कु जाने अपन पापके कारण मुना जरुरी रहत, मनो जे परमेश्वरमे विश्वास करत ओकर लग येशू आइल बातैँ।

![](https://cdn.door43.org/obs/jpg/360px/obs-en-48-06.jpg)

सयौँ बर्षसम्, मनिन्के पापाके कारण ओइने पाइक् पर्ना सजायके बद्ला पुजाहारीहुक्रे परमेश्वरहिन रोजदिन बलि चर्हादेनै। मनो ऊ बलि ओइने पापा नाइ हटाइसेकल। येशू बरका पुजाहारी हुइतैँ। येशू अपने आपहिन एक्कैथो बलिके रुपमे दैदेनै जे संसारके सक्कु मनिन्के पाप उठाइसेकी। येशू एक सब्से मजा बरका पुजाहारी रहैँ। काहेकी सक्कु मनिन्के पापके लग अप्निही सजाय भाग्नै।

![](https://cdn.door43.org/obs/jpg/360px/obs-en-48-07.jpg)

परमेश्वर आब्राहमहे कनै, “पृथ्वीके सक्कु मनिन्के जातहुक्रे तुहिनसे आशिषित् हुँइही।” येशू आब्राहमके इक्थो सन्तान रहैँ। सक्कु मनिन्के जात येशूसे आशिषित हुँइही, काहेकि सबजे जे येशूमे विश्वास करत, ओइने पापसे उद्द्यार पइँही, वोर ओइने आब्राहमके आत्मिक सन्तान बन्ही“।

![](https://cdn.door43.org/obs/jpg/360px/obs-en-48-08.jpg)

जब् परमेश्वर आब्रााहमहिन हुँकार छावा इसाहाकहिन, बलिके रुपमे चरहइक कनै, परमेश्वर बलिके लग ओ“कार छावक् बद्ला एक्थो भेरवा जुतादेनै। हमहान सक्कु जाहान हमार पापके लग मुना एकदम जरुरी बा।

![](https://cdn.door43.org/obs/jpg/360px/obs-en-48-09.jpg)

जब् परमेश्वर मिश्रदेशमे अन्तिम विपत्ति पठैनै, ऊ हरेक इस्राएली परिवारहे एकथो सिद्ध भेँरवा मारके आकर रगत वैनके घरेक दुवारके चौकसके दुनु ओर ओ उप्पर लगाई कहनै। जौन जौन घरमे ऊ रगत लगाइल परमेश्वर देख्नै, ऊ घरेक् बरका लरकाहे नाइ मर्नै। यि घटनाहे निस्तार तिउहार कथै“।

![](https://cdn.door43.org/obs/jpg/360px/obs-en-48-10.jpg)

येशू हमार लग् निस्तारके भेँरवा हुइतै। ऊ सिद्ध ओ हुँकारमे कौनो पाप नाइ रहे ओ निस्तार तिउहारके समयमे मारागैल रहैँ। जब् कोई येशूमे विश्वास करथ, येशूक् रगत ऊ, मनइयाक् पापके ऋण तिरदेहेथ और परमेश्वरके सजायसे बचजाइथ।

![](https://cdn.door43.org/obs/jpg/360px/obs-en-48-11.jpg)

परमेश्वर इस्राएलीहुँक्रहनसँग एकथो वाचा कर्नै, वैने हुँकार चुनल मनइ रहैँ। मने अब् परमेश्वर एकथो लावा वाचा बनैले बाटैँ।, जौन सब मनइनके लग् हो। यि लावा वाचाक् कारणसे, अब् कौनो फे मनइया येशूमे विश्वास करके परमेश्वरके छाईछावा बने सेकि।

![](https://cdn.door43.org/obs/jpg/360px/obs-en-48-12.jpg)

मोशा महान् अगमवक्ता रहैँ जे परमेश्वरके वचन घोषणा करैँ। मने येशू आउर सबसे महान् अगमवक्ता रहैँ। ऊ परमेश्वर हुइतै, तबे हुँकार करल ओ कहल सब बात परमेश्वरके वचनके काम रहे। उहेमारे येशूहे परमेश्वरके वचन कहा जाइथ।

![](https://cdn.door43.org/obs/jpg/360px/obs-en-48-13.jpg)

परमेश्वर दाउद राजाहे वाचा कर्ले रहैँ कि हुँकार सन्तानहुँक्रहनमध्ये एकजाने राजाके रुपमे सदा सर्वदा राज्य करिहि। काहेकि येशू परमेश्वरके छावा ओ मसिह हुइतै। येशूहि दाउदके सन्तान हुइतै जे सदा सर्वदा राज्य करे सेकिहिँ

![](https://cdn.door43.org/obs/jpg/360px/obs-en-48-14.jpg)

दाउद इस्राएलके राजा रहैँ, मने येशू संसारके राजा हुइतै।

*बाइबलके कथा: उत्पत्ति १–३,६,१४,२२, प्रस्थान १२,२०, २ शमूएल ७, हिब्रु३:१–६, ४:१४,५:१०, ७:१–८:१३, ९:११–१०:१८, प्रकाश २१*

## 49. ४९. परमेश्वरके लावा वाचा

https://openbiblestories.org/l/thl/story-49/

![](https://cdn.door43.org/obs/jpg/360px/obs-en-49-01.jpg)

एकथो स्वर्गदूत मरियम नाउँके एक कन्याहे कहनै, कि ऊ परमेश्वरके छावाहे जन्मैहिन्। तबे जब् ऊ कन्यै रहिन्, एकथो छावा जन्मैनिन् ओ आक् नाउँ येशू धर्निन्। तबेमारे, येशू परमेश्वर ओ मनइया दुनु हुइतै।

![](https://cdn.door43.org/obs/jpg/360px/obs-en-49-02.jpg)

येशू धेउरे अचमके काम कर्नै, जिहिनसे यि प्रमाणित हुइत कि ऊ परमेश्वर हुइतै। ऊ पानीमे नेङ्ग्नै, आँधी थम्हैनै, धेरे रोगी मनइन निक पर्नै, दुष्टात्माहुँक्रहन् निकर्नै, मूवल मनइन जीई उठैनै, ओ पाँच रोटीक् टुक्रा ओ दुई मच्छीसे ५००० जहानसेफे ज्यादा मनइन फालाफाल खवाके अपनहे प्रमाणित कर्नै।

![](https://cdn.door43.org/obs/jpg/360px/obs-en-49-03.jpg)

येशू महान् शिक्षक फे हुइतै, और ऊ अधिकारके साथ बोलैँ काहेकि ऊ परमेश्वरके छावा रहैँ। ऊ सिखैनै कि तुह्रे अउरे मनइन आपनहे जस्तेक प्रेम कर्थो आस्तेक प्रेम करोहो।

![](https://cdn.door43.org/obs/jpg/360px/obs-en-49-04.jpg)

ऊ यि फे सिखैनै कि तुह्रे परमेश्वरहे सबसे धेर प्रेम करोहो, आपन धनसम्पत्तिसेफे धेर।

![](https://cdn.door43.org/obs/jpg/360px/obs-en-49-05.jpg)

येशू कहनै कि परमेश्वरके राज्य संसारमे रहल हरेक चीजसे मूल्यवान बा। केका्रे लग् सबसे जरुीरी बात कलेसे ऊ परमेश्वरके राज्यके हकदार हुइना हो। परमेश्वरके राज्यमे छिरेक लग्, आपन पापसे उद्धार पाईहिक परत।

![](https://cdn.door43.org/obs/jpg/360px/obs-en-49-06.jpg)

येशू सिखैनै कि कुछ मनइ उहिन पैहिँ और बचायाजिहिँ। येशू कहनै कि कोई कोई मनइ मजा जमिन जस्ते होईँ। वैने येशूक् सु–सामाचार सुन्थै ओ बचायाजिथै। आउर मनइहुँक्रे डगरीक् आँखर माटी जस्ते होईँ, जहाँ परमेश्वरके वचनके बिया नाइ छिरथ ओ कुछ नाइ फरथ। ऊ मनइहुँक्रे येश्रक् सु–सामाचार नाइ सुन्थै, स्वीकार नाइ कर्थै ओ वैने परमेश्वरके राज्यमे भित्तर पेले नाइ पैहिँ

![](https://cdn.door43.org/obs/jpg/360px/obs-en-49-07.jpg)

येशू सिखैनै कि परमेश्वर पापीहुँक्रहन बहुत प्रेम कर्थै। ऊ वैन सक्कुहुन् क्षमा देना चाहाथैँओ वैन आपन छाईछावा बनैना चाहाथै“।

![](https://cdn.door43.org/obs/jpg/360px/obs-en-49-08.jpg)

येशू यि फे कहनै कि परमेश्वर पापहे घृणा कर्थै। जब् आदक ओ हव्वा पाप कर्नै, वैने परमेश्वरसे दुर हुइगिनै। संसारमे सब मनइ पाप कर्थै ओ परमेश्वरसे अलग हुइगिल बाटै।

![](https://cdn.door43.org/obs/jpg/360px/obs-en-49-09.jpg)

मने परमेश्वर संसारमे रहल सक्कुहुन् अत्ना धेर प्रेम कर्नै कि ऊ आपन एक्केथो छावा देनै, ताकि येशूक्मे विश्वास करुइया कोई फे पापके सजाय ना भोगे, मने अनन्त जीवन पाए।

![](https://cdn.door43.org/obs/jpg/360px/obs-en-49-10.jpg)

तोहोनके पापके कारणसे, तुह्रे दोष ओ मूना योगयके बाटो। परमेश्वर तोहोनमे रिसाइ पर्ना हो, मने आपन रिस तोहोनके सट्टा येशूक् उप्पर उतर्नै। जब् येशू क्रुसमे मूनै, तब् येशू तोहोनके लग् सजाय भोग्नै।

![](https://cdn.door43.org/obs/jpg/360px/obs-en-49-11.jpg)

येशू कब्बु पाप नाई कर्नै, मनो येशू सजाय भोगेक लग तोहार और संसारके सक्कु मनिन्के पाप उठाके लैजाइक लग चोखो बलिके रुपमे मुना चाहानइ। येशु अप्ने आपहिन दैदेलेक ओरसे, परमेश्वर जैसिनफे पाप क्षमा करे सेकिही।

![](https://cdn.door43.org/obs/jpg/360px/obs-en-49-12.jpg)

मजा कामसे तोहोन बाचई नाइ सेकी, परमेश्वरकेसँग सम्बन्ध बनाईक् लग तोहोन्के सेक्ना काम कुछ नाई हो। येशूकिल् तोहोनके पाप धोइ सेकिही। तोहोन यी विश्वास करेक् परि कि येशूनै परमेश्वरके छावा होइँ, तोहार लग येशू कु्रसमे मुनै, और परमेश्वर फेनसे उहिँन जिवइनै।

![](https://cdn.door43.org/obs/jpg/360px/obs-en-49-13.jpg)

येशूक्मे विश्वास करुइयन् और अपन मुक्तिदाता कैके मनुइयन् सब जाहान परमेश्वर बचईहीँ। मनो ओहोकारमे विश्वास् नाई करुइयन् किहीनोफे नाई बचइहीँ। तुँ धनी रहो या गरिब, थारु या जन्नी, बुर्हाइल या जवान, या तुँ जाहाँ फे बैठो, कुछ फरक नाई परि। परमेश्वर तुहिन् प्रेम कर्थै और चाहाथँई कि येशूमे विश्वास करो, ताकि तोहार और परमेश्वरबिच सम्बन्ध लग्घे हुए।

![](https://cdn.door43.org/obs/jpg/360px/obs-en-49-14.jpg)

येशू तुहिन परमेश्वरमे विश्वास करेक लग और बप्तिस्मा लेहेक लग बलइथै। का तुँ येशूनै मसिह एक्कैथो छावा हुइतै कैके विश्वास् कर्थो? का तुँ विश्वास कर्थो कि मइ पापी हुइतुँ और परमेश्वरसे पैना सजायके भागिदार हुँ कैक, तोहार पाप उठाइक् लग येशू क्रु्समे मुनै कैके का तुँ विश्वास कर्थो?

![](https://cdn.door43.org/obs/jpg/360px/obs-en-49-15.jpg)

अगर तुँ येशू और तोहार लग करल हुँकार काम्मे विश्वास कर्थो कलेसे, तुँ एक्थो ख्रीष्टियन हुईता।

![](https://cdn.door43.org/obs/jpg/360px/obs-en-49-16.jpg)

यदि तुँ एक खी्रष्टियान हुइतो तो, येशूक् करल कामके कारण परमेश्वर तोहार पाप क्षमा करदेले बाटैँ। परमेश्वर अब् तुहिन दुस्मन नाई मने एक संघरिया मन्ले बाटैँ।

![](https://cdn.door43.org/obs/jpg/360px/obs-en-49-17.jpg)

यदि तुँ परमेश्वरके संघरिया हुइतो ओ येशू प्रभुक् सेवक हुइतो कलेसे, तुँ अब् येशूक् सिखाइल बात मन्ना चहबो। तुँ एक खीष्टियान हुइबो तभुनफे पाप कर्ना परिक्षामे परे सेक्बो। मने परमेश्वर विश्वासयोग्य बाटैँ कि यदि तुँ आपन पपाहे मानके क्षमा मँगबो कलेसे, परमेश्वर तोहार पाप माफ करदिहि। पापके विरुद्धमे लडेक् लग् परमेश्वर शक्ति दिहिँ।

![](https://cdn.door43.org/obs/jpg/360px/obs-en-49-18.jpg)

परमेश्वर तुहिन प्रार्थना कर्ना, हुँकार वचन पहरना, अउरे खीष्टियानहुँक्रहनसँग बात कर्ना, और ऊ तोहार लग् ज्या कर्ले बाटैँ उहे बात अउरे जहान बताइ कथै“। यि सक्कु बात तुहिन हुँकारसँग आउर लग्गे हुइनामे मदत करथ।

*बाइबलके कथा: रोमी ३:२१–२६,७:१–११, यूहन्ना ३:१६, मर्कूस १६:१६, कलस्सी १:१३–१४, २कोरिन्थि ५:१७–२१, १यूहन्ना १:५–१०*

## 50. ५०. येशू फेनसे अइही

https://openbiblestories.org/l/thl/story-50/

![](https://cdn.door43.org/obs/jpg/360px/obs-en-50-01.jpg)

करिब २००० सालसे, संसारभरके धेरसे धेर मनइ येशू मसिहके बारेमे सु–सामाचार सुन्ति आइल बाटैँ। मण्डली बहर्ति बा। येशू प्रतिज्ञा कर्ले रहैँ कि संसारके अन्त्यमे ऊ लौटके अइहीँ। ऊ अभिनसम् लौटके आइल तो नाइ होईँ, मने अइहीँ।

![](https://cdn.door43.org/obs/jpg/360px/obs-en-50-02.jpg)

जब् हम्रे येशूक् अइनाके अस्रा लागति कलेसे हम्रे पवित्र जीवन जीई कैके परमैश्वरु चाहथै“। हम्रे औरे जहान फे हुँकार राज्यके बारेमे बताइ कैके चाहथै“। जब् येशू संसारमे रहैँ, ऊ कहनै, “मोर चेलाहुँक्रे परमेश्वरके राज्यके बारेमे सारा संसारके मनइन सु–सामाचार परचार करिहिँ।”

![](https://cdn.door43.org/obs/jpg/360px/obs-en-50-03.jpg)

धेरे मनइहुँक्रे अभिन फेन येशूक् बारेमे नाइ सुन्ले हाईँ। स्वर्गमे लौटनासे आघे येशू खी्रष्टियानहुँक्रहन ऊ मनइन सु–समाचार बताइ कहनै, जे कब्बु फेन हुँकार बारेमे नाइ सुन्ले हो। येशू कहनै, “जाऊ ओ सब जातिक् मनइन चेला बनाऊ।”

![](https://cdn.door43.org/obs/jpg/360px/obs-en-50-04.jpg)

येशू यि फे कहनै, “कोनो फन दास आपन मलिक्वासस भारी नाइ हुई सेकि। जैसिके यि संसारके अधिकारीहुँक्रे महिन घृणा कर्नै, ओस्तेके महिन पछ्छुइया फेन मोर लग् दुख भोगिहि ओ मूहीँ। यि संसारमे तुह्रन दुख भोगेक् परि तौनफे, जोसिलो हुओ, काहेकि मई यि संसारके शासक शैतानहे हितैले बाटुँ। यदि तुह्रे अन्तिमसम् विश्वासयोग्य रहबो कलेसे, परमेश्वर तोहोनके उद्धार करिहिँ।

![](https://cdn.door43.org/obs/jpg/360px/obs-en-50-05.jpg)

येशू हुँकार चेलाहुँक्रन संसारके अन्त्य होके सेकि तब् कैसिन हूई कैके बुझाइक लग् एकथो कथा बतैनै। ऊ कहनै, “एकथो मनइया खेतवामे मजा बिया छिटल। जब् ऊ सुतल रहे, ओकर दुस्मन आके गहुँके बीचमे सावाँछिटदेहेल।”

![](https://cdn.door43.org/obs/jpg/360px/obs-en-50-06.jpg)

“जब् बिया जामल, ऊ मनइयक् नोक्रहुवन कहनै, ‘ मालिक, तुँ तो उ खेतवम मजा बिया छिट्ले रहो। मने कहाँसे वहाँ सावाँआइगिनै तो?’ ऊ मलिक्वा कहल, ‘ पक्कै फे यि दुस्मनके काम हो।”

![](https://cdn.door43.org/obs/jpg/360px/obs-en-50-07.jpg)

“नोक्रहुवन् मलिक्वै कहनै, ‘ हम्रे सावाँहे उखारदी?’ मलिक्वा कहल, ‘ नाइ। अब्ब तुह्रे सावाँउखरबो तो सावाँक्सँग गहुँ फेन उखरजाइ। काटे लगबो तब् सावाँअल्गाके, जराइक लग् बोझा बनैहो मने गहुँ भर मोर देहेरिमे धरोहो।’”

![](https://cdn.door43.org/obs/jpg/360px/obs-en-50-08.jpg)

चेलाहुँक्रे ऊ कथाके अर्थ नाइ बुझ्नै, तबे वैने येशूहे कथा बुझादेहेक लग् बिनति कर्नै। येशू बतैनै कि मजा बिया छिट्इया मनइया मसिहहे जनाइथ। खेतवा संसारहे जनाइथ। मजा बिया परमेश्वरके राज्यके मनइन जनाइथ।

![](https://cdn.door43.org/obs/jpg/360px/obs-en-50-09.jpg)

“सावाँखराब मनइन जनाइथ। सावाँछिटुइया दुष्ट अथवा शतानहे जनाइथ ओ फसल कटुइया परमेश्वरके स्वर्गदूतहुँक्रहन जनाइथ।”

![](https://cdn.door43.org/obs/jpg/360px/obs-en-50-10.jpg)

“जब् संसारके अन्त्य हुई, स्वर्गदूतहुँक्रे अधर्मि मनइनहे जम्मा करिहि ओ वैनहुँक्रहन आगीमे फकादिहिँ, जहाँ वैने रोइहिँ ओ एकदम ज्यादा पिडाके मारे दाँत पिसिहिँ। मने धर्मि मनइहुँक्रे वैनके बाबा वरमेश्वरके राज्यमे सूर्य जस्ते चम्किहिँ।”

![](https://cdn.door43.org/obs/jpg/360px/obs-en-50-11.jpg)

येशू यि फेन कहनै कि संसारके अन्त्य हुइनासे ठीक आघे ऊ पृथ्वीमे लौटके अइहिँ। जस्तेके छोरके गइल रहै ओस्तेके लौट्के अइहिँ, शरीरेमे। जब् येशू उप्पर बद्रीमे अइहिँ, सक्कु मुवल खी्रष्टियानहुँक्रे मुवलमन्से जीई उठिहि ओ येशूहे बदरीमे भेँटिहिँ।

![](https://cdn.door43.org/obs/jpg/360px/obs-en-50-12.jpg)

और ऊ बेला बँच्तिरहल खी्रष्टियानहुँक्रे उप्पर बदरीमे उठायाजैहिँ ओ मुवलमन्से जीई उठल ख्रीष्टियानहुँक्रहनसँग मिलिहिँ। वैने सबजाने येशूक्सँग रहिहीँ। ओकरपाछे, येशू हुँकार मनइनसँग सदाके लग् शान्ति ओ एकतामे बैथिहीँ।

![](https://cdn.door43.org/obs/jpg/360px/obs-en-50-13.jpg)

येशू हुँकारमे विश्वास करुइयन सक्कुजहान जीवनके मुकुट देना प्रतिज्ञा कर्ले बाटैँ। वैने परमेश्वरकेसँग शान्तिमे रहिहीँ ओ राज्य करिहिँ।

![](https://cdn.door43.org/obs/jpg/360px/obs-en-50-14.jpg)

मने परमेश्वर येशूमे विश्वास नाइ करुइया सक्कुहुनके न्याय करिहि। परमेश्वर वैनहे नरकमे फेकादिहिँ, जहाँ वैने सद्दीमान रौइहिँ ओ पिडामे दाँत पिसिहिँ। कब्बु जरके नाइ ओरैना आगी वैन जरैति रहिहिन्, ओ किराहुँक्रे वैन खैति रहिहिन।

![](https://cdn.door43.org/obs/jpg/360px/obs-en-50-15.jpg)

जब् येशू लौटिहिँ, ऊ शैतानहे ओ ओकर राज्यहे पूरै रुपसे हिटादिहिँ। येशू शैतानहे नरकमे फेकादिहिँ जहाँ वैने सद्दीमान जरिहिँ, यैनसँग वैने फेन रहिहीँ जे परमेश्वरके आज्ञा नाइ मानके शैतानहे पछ्याइल।

![](https://cdn.door43.org/obs/jpg/360px/obs-en-50-16.jpg)

आदम ओ हव्वा परमेश्वरके आज्ञा नाइ मन्लेक आरसे यि संसारमे पाप आइल जेकर कारण परमेश्वर यि संसारहे सराप देनै ओ संसारहे खतम कर्ना निर्णय लेनै। मने कोनो एक दिन, परमेश्वर एक लावा स्वर्ग ओ लावा पृथ्वी बनैहिँ जौन सिद्ध रहि।

![](https://cdn.door43.org/obs/jpg/360px/obs-en-50-17.jpg)

येशू ओ हुँकार मनयहुँक्रे लावा पृथ्वीमे बैथिहिँ, और येशू सदाके लग् वहाँ राज्य करिहिँ। ऊ सब् आँस पोछदिहिँ और वहाँ कौनो दुख, रुवाई, खराबि, पिडा, मृत्यु नाइ रहि। येशू शान्त् िओ न्यायके साथ आपन राज्य चलैहिँ, ओ सदाके लग् आपन मनइहुँक्रहनसँग रहिहीँ।

*बाइबलके कथा: मत्ति २४:१४, २८:१८, यूहन्ना १५:२०, १६:३३, प्रकाश २:१०, मत्ति १३:२४–३०, ३६–४२, १थेसलोनिकि ४:१३–५:११, याकूब १:१२, मत्ति २२:१३, प्रकाश २०:१०, २१:१–२२:२१*