# unfoldingWord Open Bible Stories — ትግርኛ (Tigrinya)

- Language code: `ti`
- Canonical page: https://openbiblestories.org/l/ti/
- Stories in this file: 50 of 50
- Published by: DokuWiki
- Last release: 2026-10-27
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the ትግርኛ translation; it is not a translation of the whole Bible.

## 1. ፍጥረት

https://openbiblestories.org/l/ti/story-1/

![](https://cdn.door43.org/obs/jpg/360px/obs-en-01-01.jpg?direct&)

ካብዚ ብምቕጻል እንርእዮ ናይ ኵሉ ፍጥረት ኣጀማምራ ከመይ ከምዝዀነ እዩ። እግዚኣብሄር ንዓለምን ነቶም ኣብ ውሽጣ ዘለዉ ኵሎም ኣብ ሽዱሽተ መዓልቲ ፈጠረ። እግዚኣብሄር ንምድሪ ምስ ፈጠረ፡ ምድሪ ከኣ ቅርጺ ዘይብላ፡ ጥራያን ነበረት፡ ጸልማት ከኣ ልዕሊ መዓሙቕ ነበረ፡፡ ኣብ ውሽጣ ድማ ዝተፈጥረ ነገር ኣይነበረን። መንፈስ ኣምላኽ ከኣ ኣብ ልዕሊ ማያት ይዝምቢ ነበረ፡፡

![](https://cdn.door43.org/obs/jpg/360px/obs-en-01-02.jpg?direct&)

ብድሕሪ’ዚ እግዚኣብሄር “ብርሃን ይኹን” በለ ብርሃን ድማ ኰነ። እግዚኣብሄር እቲ ብርሃን ጽቡቕ ከምዝዀነ ርእዩ “መዓልቲ” ኢሉ ሰመዮ። እግዚኣብሄር ንብርሃን ካብ ጸልማት ብምፍላይ ነቲ ጸልማት “ለይቲ” ኢሉ ሰመዮ።እግዚኣብሄር በቲ ቀዳማይቲ መዓልቲ ብርሃን ፈጠረ።

![](https://cdn.door43.org/obs/jpg/360px/obs-en-01-03.jpg?direct&)

ኣብ ካልአይቲ መዓልቲ እግዚኣብሄር ነቲ ልዕሊ ምድሪ ዘሎ ጠፈር ፈጠረ። እግዚኣብሄር ድማ ነቲ ማያት ካብ ማያት ዝፈሊ ጠፈር ይኹን በለ።

![](https://cdn.door43.org/obs/jpg/360px/obs-en-01-04.jpg?direct&)

ኣብ ሳልሳይቲ መዓልቲ እግዚኣብሄር ንማይ ካብቲ ንቑጽ ምድሪ ክፍለ ገበረ። እግዚኣብሄር ነቲ ንቑጽ መሬት “ምድሪ” ነቲ ማይ ድማ “ባሕሪ” ኢሉ ሰመዮ። እግዚኣብሄር እቲ ዝፈጠሮ ጽቡቕ ከምዝዀነ ረኣየ።

![](https://cdn.door43.org/obs/jpg/360px/obs-en-01-05.jpg?direct&)

ብድሕሪዚ እግዚኣብሄር እታ ምድሪ ኩሉ ዓይነት ኣእዋምን ተኽልታትን ተብቊል በለ፡ ከምኡ ድማ ኰነ። እግዚኣብሄር እቲ ዝፈጠሮ ጽቡቕ ከምዝዀነ ረኣየ።

![](https://cdn.door43.org/obs/jpg/360px/obs-en-01-06.jpg?direct&)

ኣብ ራብዐይቲ መዓልቲ፡ እግዚኣብሄር ጸሓይን ወርሕን ከዋኽብትን ፈጠረ። እግዚኣብሄር ድማ መዓልትን ለይትን፡ ወቕትታትን ዓመታትን ከምዝፈልዩ ገበረ። እግዚኣብሄር እቲ ዝፈጠሮ ጽቡቕ ከምዝዀነ ረኣየ።

![](https://cdn.door43.org/obs/jpg/360px/obs-en-01-07.jpg?direct&)

ኣብ ሓምሻይቲ መዓልቲ እግዚኣብሄር ኣብ ውሽጢ ማይ ዝነብሩን ህያው ነፍሲ ዘለዎምን ዝነፍሩ ኩሎም ኣዕዋፍ ፈጠረ። እግዚኣብሄር እቲ ዝፈጠሮ ኩሉ ጽቡቕ ከምዝዀነ ረኣየ፡ ነቶም ፍጥረቱ ድማ ባረኾም።

![](https://cdn.door43.org/obs/jpg/360px/obs-en-01-08.jpg?direct&)

ኣብ ሻድሻይቲ መዓልቲ እግዚኣብሄር፡ “ኣብ ምድሪ ኩሎም ዓይነታት እንስሳታት ይዅኑ” በለ። ከምቲ እግዚኣብሄር ዝበሎ ድማ ኰነ። ገሊኦም እንስሳ ዘቤት፡ ገሊኦም ኣብ ምድሪ ለመም ዝብሉ፡ ገሊኦም ድማ እንስሳ ዘገዳም ነበሩ። እግዚኣብሄር ድማ ጽቡቕ ከምዝዀነ ረኣየ።

![](https://cdn.door43.org/obs/jpg/360px/obs-en-01-09.jpg?direct&)

እግዚኣብሄር፡ “ብመልክዕና ከም ምስልና ሰባት ንፍጠር በለ፡ ንሳቶም ድማ ንብዘላ ምድርን ኣብ ኩሎም እንስሳታትን ይግዝኡ” በለ።

![](https://cdn.door43.org/obs/jpg/360px/obs-en-01-10.jpg?direct&)

እግዚኣብሄር ድማ ካብ ምድሪ ሓመድ ወሲዱ ሰብ ገበረ፡ ኣብ ኣፍንጭኡ ትንፋስ ህይወት ኡፍ በለሉ እሞ፡ ህያው ነፍሲ ኮነ። ስም እዚ ሰብ ድማ “ኣዳም” ተባህለ። እግዚኣብሄር ኣብቲ ኣዳም ዝነብረሉ ቦታ ኣብ ኤደን “ገነት” ተኺሉ: ንኸልምዓ ኣብኣ ኣቐመጦ።

![](https://cdn.door43.org/obs/jpg/360px/obs-en-01-11.jpg?direct&)

ኣብ ማእኸል ገነት ድማ እግዚኣብሄር ክልተ ዝተፈለዩ ኣእዋም ተኸለ፡ ኦም ህይወትን ክፉእን ጽቡቕን እተፍልጥ ኦምን ኣብ ማእከል ገነት ነበራ። እግዚኣብሄር ድማ ንኣዳም ብዘይካ ካብታ ክፉእን ጽቡቕን እተፍልጥ ኦም፡ ካብ ዝዀነ ፍረ ክበልዕ ከምዝኽእል፡ ካብታ ክፉእን ጽቡቕ እተፍልጥ ኦም እንተበሊዑ ግና፡ ከምዝመውት ነገሮ።

![](https://cdn.door43.org/obs/jpg/360px/obs-en-01-12.jpg?direct&)

እግዚኣብሄር ሰብ በይኑ ክኸውን ጽቡቕ ኣይኮነን በለ።

![](https://cdn.door43.org/obs/jpg/360px/obs-en-01-13.jpg?direct&)

እግዚኣብሄር ድማ ንኣዳም ከቢድ ድቃስ ኣውደቐሉ፡፡ ምስ ደቀሰ ድማ ካብ መሰንገሊኡ ሓንቲ ዓጽሚ ወሲዱ ሰበይቲ ገይሩ ሰሪሑ ናብ ኣዳም ኣምጽኣ።

![](https://cdn.door43.org/obs/jpg/360px/obs-en-01-14.jpg?direct&)

ኣዳም ምስ ረኣያ ድማ ከምዚ በለ፡ “እዚኣ ንዓይ እያ ትመስል፡ ካብ ሰብኣይ እያ ተረኺባ’ሞ ሰበይቲ ትበሃል”። ስለዚ ሰብ ኣቡኡን ኣዲኡን ይሓድግ፡ ምስ ሰበይቱ ድማ ሓደ ስጋ

![](https://cdn.door43.org/obs/jpg/360px/obs-en-01-15.jpg?direct&)

እግዚኣብሄር ብመልክዑ ተባዕታይን ኣንስተይትን ፈጠረ። “ብዙሑን ተባዝሑን፡ ንምድሪ ድማ ምልእዋ ኢሉ ባረኾም”። እግዚኣብሄር እቲ ዝሰርሖ ነገር ኩሉ ኣዝዩ ጽቡቕ ከምዝኾነ ረኣየ። ብኹሉ ነገር ድማ ተሓጐሰ፡ እዚ ኩሉ ኣብ ሽዱሽተ መዓልቲ ኰነ።

![](https://cdn.door43.org/obs/jpg/360px/obs-en-01-16.jpg?direct&)

ኣብቲ ሳብዐይቲ መዓልቲ እግዚኣብሄር ናይ ምፍጣር ስርሑ ፈጸመ። ስለዚ ካብቲ ዝሰርሖ ዝነበረ ስራሕ ኵሉ ዓረፈ፡ ነቲ ሳብዓይቲ መዓልቲ ድማ ባረኻን ቀደሳን። እዚ ዝገበረ ድማ ካብ ኩሉ ስርሑ በዛ መዓልቲ

እዚኣ ስለዝዓረፈ እዩ። እግዚኣብሄር ሰማይን ምድርን ነቶም ኣብ ውሽጣ ዝርከቡ ኩሎም ብኸምዚ መገዲ እዩ ፈጢርዎም፡፡

*ታሪኽ መጽሐፍ ቅዱስ፡- ካብ ዘፍጥረት 1-2።*

## 2. ሓጥያት ናብ ዓለም ምእታዉ

https://openbiblestories.org/l/ti/story-2/

![](https://cdn.door43.org/obs/jpg/360px/obs-en-02-01.jpg?direct&)

ኣዳምን ሰበይቱን ኣብቲ እግዚኣብሄር ዝሰርሐሎም ገነት ክነብሩ ከለዉ ሕጕሳት ነበሩ። ክልቲኦም ጥራዮም ነበሩ፡ ይኹን እምበር ኣይተሓፋፈሩን ነይሮም። ምኽንያቱ ሓጢኣት ኣብ ዓለም ኣይነበረን። ንሳቶም ኣብ ገነት እንዳተመላለሱ ምስ እግዚኣብሄር ይዘራረቡ ነበሩ።

![](https://cdn.door43.org/obs/jpg/360px/obs-en-02-02.jpg?direct&)

እንተኾነ እቲ ጐራሕ ዝዀነ ተመን፡ ነታ ሰበይቲ ድማ ከምዚ ኢሉ ሓተታ፡ “ብሓቂ እግዚኣብሄር ኣብ ውሽጢ ገነት ካብ ዘሎ ዝዀነ ፍረ ኣታኽልቲ ከይትበልዑ ኣዚዝኩም ድዩ”፧ ድማ በላ።

![](https://cdn.door43.org/obs/jpg/360px/obs-en-02-03.jpg?direct&)

እታ ሰበይቲ ድማ፣ “እግዚኣብሄር ብዘይካ ካብታ ክፉእን ጽቡቕን እተፍልጥ ኦም ዝዀነ ፍረ ክንበልዕ ከምንኽእል ነጊሩና እዩ። ካብታ ክፉእን ጽቡቕን እተፍልጥ ኦም ፍሪኣ እንተበላዕኩም ወይ እንተተንከኹም ክትሞቱ ኢኹም” ኢሉና እዩ በለቶ።

![](https://cdn.door43.org/obs/jpg/360px/obs-en-02-04.jpg?direct&)

እቲ ተመን ድማ መሊሱ፡ “ኣይፋልኩምን፡ ኣይትሞቱን፡ ካብ ፍሪኣ ምስ በላዕኹም፡ ኣዒንትኹም ከምዝበርህን ጽቡቕን ክፉእን ብምፍላጥ ድማ ከም እግዚኣብሄር ከምእትዀኑ ስለዝፈልጥ እዩ ኣይትብልዑ ዝበለኩም” በላ።

![](https://cdn.door43.org/obs/jpg/360px/obs-en-02-05.jpg?direct&)

እታ ሰበይቲ ድማ እታ ኦም ፍሪኣ ንምብላዕ ጽቡቕቲ፡ ንዓይኒ እተሕጕስን ጥበብ ብምሃብ ድማ ሃረር እተብልን ከምዝዀነ ምስ ረኣየት ካብቲ ፍረኣ ወሲዳ በልዐት። ነቲ ምስኣ ዝነበረ ሰብኣያ ድማ ሃበቶ፡ ንሱውን ከኣ ካብቲ ፍረ ኦም በልዐ።

![](https://cdn.door43.org/obs/jpg/360px/obs-en-02-06.jpg?direct&)

ሽዑ ድማ ኣዒንቶም ተኸፍታ። ጥራዮም ምዃኖም’ውን ፈለጡ፡ ቆጽሊ ኣላጊቦም ድማ ከም ልብሲ ኣካላቶም ክሽፍኑ ፈተኑ።

![](https://cdn.door43.org/obs/jpg/360px/obs-en-02-07.jpg?direct&)

እቲ ሰብኣይ ምስ ሰበይቱ ከሎ፡ እግዚኣብሄር ኣብ ገነት ክመላለስ ድምጺ ሰምዑ’ሞ፡ ካብ ገጽ እግዚኣብሄር ተሓብኡ። እግዚኣብሄር ንኣዳም ጸዊዑ፡ “ኣበይ ኣለኻ” በሎ። ኣዳም ድማ፡ “ኣብቲ ገነት ክትመላለስ ምስ ሰማዕኹ ጥራየይ ስለ ዝኾንኩ ፈሪሐ ተሓቢአ ኣለኹ” ኢሉ መለሰ።

![](https://cdn.door43.org/obs/jpg/360px/obs-en-02-08.jpg?direct&)

እግዚኣብሄር ከኣ፡ “ጥራይካ ከም ዝኾንካ መን ነገረካ፧ ካብታ ኣይትብላዕ ዝበልኩኻ ኦም’ዶ በሊዕኻ ኢኻ”፧ በሎ። ኣዳም ድማ፡ “እዛ ምሳይ ክትነብር ዝሃብካኒ ሰበይቲ ካብቲ ፍረ ኦም ሂባትኒ በሊዐ” በሎ። እግዚኣብሄር ድማ ነታ ሰበይቲ፡ “ንምንታይ ከምዚ ጌርኪ”፧ በላ። ንሳ ድማ፡ “ተመን ኣስሒቱኒ እየ በሊዐ” በለት።

![](https://cdn.door43.org/obs/jpg/360px/obs-en-02-09.jpg?direct&)

እግዚኣብሄር ድማ ነቲ ተመን በሎ፡ “ርጉም ኩን፡ ብኸብድኻ ድማ ክትከይድ፡ ኵሉ ዘመን ህይወትካ ድማ ሓመድ ክትበልዕ ኢኻ፡፡ ኣብ መንጐኻን ኣብ መንጎ እታ ሰበይቲን፡ ኣብ ዘርእኻን ኣብ ዘርኢ እታ ሰበይትን ድማ ጽልኢ እተክል ኣለኹ፡፡ ንሱ ርእስኻ ክጭፍልቕ ንስኻ ድማ ሸኾንኡ ክትነክስ ኢኻ”፡፡

![](https://cdn.door43.org/obs/jpg/360px/obs-en-02-10.jpg?direct&)

እግዚኣብሄር ነታ ሰበይቲ በላ፡ “ደቂ ብጻዕሪ ክትወልዲ ኢኺ፡ ድልየትኪ ናብ ሰብኣይኪ ክኸውን እዩ፡ ንሱውን ክመልከኪ እዩ”።

![](https://cdn.door43.org/obs/jpg/360px/obs-en-02-11.jpg?direct&)

እግዚኣብሄር ንኣዳም ከምዚ በሎ፡ “ቃል ሰበይትኻ ሰሚዕኻ ካብታ ኣይትብላዕ ኢለ ዝኣዘዝኩኻ ፍረ ኦም ስለዝበላዕኻ ብሰንክኻ ምድሪ ዝተረግመት ትዅን። ኣብ ህይወት ዘመንካ ኩሉ ድማ ምግብኻ ብጻዕርኻ ካብኣ ክትረክብ ኢኻ። ክትመውት ድማ ኢኻ፡ መሬት ስለዝኾንካ ድማ ናብ መሬት ክትምለስ ኢኻ”። ኣዳም ከኣ ንሰበይቱ ኣደ ዂሉ ህያው ኮይና እያ’ሞ ሄዋን ኢሉ ስም ኣውጽአላ፡ ትርጉሙ ድማ ወሃቢት ህይወት ማለት እዩ። እግዚኣብሄር ድማ ደበሎ ኣዳልዩ ንኣዳምን ሄዋንን ከደኖም።

![](https://cdn.door43.org/obs/jpg/360px/obs-en-02-12.jpg?direct&)

እግዚኣብሄር ከኣ፡ “ኣዳም ከም ሓደ ካባና ክፉእን ጽቡቕን ዝፈልጥ ኰይኑ ኣሎ፡፡ ስለዚ ድማ ኢዱ ሰዲዱ ካብ ፍረ እታ ኦም ህይወት ወሲዱ ከይበልዕ’ሞ ንዘለኣለም ከይነብር’ ኢሉ፡ ንኣዳምን ንሄዋንን ካብ ገነት ኣውጽኦም። ብድሕሪኡ ነቲ ናብ ኦም ህይወት ዝወስድ መገዲ ንኽሕልዉን ካብቲ ኦም ህይወት ፍረ ከይበልዕ፡ ምስናይ እተምበልብል ሃልሃልታ ሴፍ፡ ኪሩቤል ኣብ ገነት ኣቐመጠ።

*ታሪኽ መፅሓፍ ቅዱስ፡- ዘፍጥረት 3*

## 3. ማይ ኣይሂ

https://openbiblestories.org/l/ti/story-3/

![](https://cdn.door43.org/obs/jpg/360px/obs-en-03-01.jpg?direct&)

ድሕሪ ነዊሕ እውናት ኣብዛ ዓለም ብዙሕ ህዝቢ ይነብር ነበረ። ንሳቶም ድማ ኣዝዮም ክፉኣትን ዓመጸኛታትን ኰኑ። ክፍኣት ሰብ ኣዝዩ ብምብዛሑ እግዚኣብሄር ንዓለም ብዘዕለቕልቕ ማይ ኣይሂ ከጥፍኣ ወሰነ።

![](https://cdn.door43.org/obs/jpg/360px/obs-en-03-02.jpg?direct&)

ኖህ ግና ኣብ ቅድሚ እግዚኣብሄር ሞጐስ ረኸበ። ኖህ ኣብ ማእከል ኣብቲ ዘበን ዝነበሩ፡ ክፉኣት ሰባት፡ ጻድቕን ሰብ ነበረ። እግዚኣብሄር ንምድሪ ብማይ ከጥፍኣ ከም ዝሓሰበ ንኖህ ነገሮ። ዓባይ መርከብ ክሰርሕ ድማ ንኖህ ኣዘዞ።

![](https://cdn.door43.org/obs/jpg/360px/obs-en-03-03.jpg?direct&)

እግዚኣብሄር ንኖህ እታ መርከብ፡ ምንዋሓ 140 ሜትሮ፡ ምግፍሓ ድማ 23 ሜትሮ፡ ቁመታ ድማ 13.5 ሜትሮ ይዅን በሎ። እታ ኖህ ዝሰርሓ መርከብ ካብ ዕንጨይቲ ዝተሰርሐት ኰይና ብዓልቲ ሰለስተ ደርቢ፡ ብዙሕ ክፍልታትን መሳኹትን ዘለዋ ነበረት። እታ መርከብ ንኖህ ምስ ስድርኡ፡ ካብቶም ኣብ ምድሪ ዘለዉ እንስሳታት በብዓይነቶም ካብ ማይ ኣይሂ ምእንቲ ክተዕቑቦም ነገሮ።

![](https://cdn.door43.org/obs/jpg/360px/obs-en-03-04.jpg?direct&)

ኖህ ድማ ንእግዚኣብሄር ብምእዛዝ ከምቲ እግዚኣብሄር ዝተዛረቦ ኖህን ሰለስተ ደቁን ነታ መርከብ ሰርሕዋ። እታ መርከብ ኣዝያ ዓባይ ስለዝነበረት ክትስራሕ ብዙሕ ዓመታት ወሰደት። ኖህ ስለ እቲ ዝመጽእ ማይ ኣይሂ ንኹሉ ህዝቢ ብምጥንቃቕ ናብ እግዚኣብሄር ክምለሱ ይነግሮም ነበረ፡ ንሳቶም ግና ኣይኣመንዎን።

![](https://cdn.door43.org/obs/jpg/360px/obs-en-03-05.jpg?direct&)

ኖህን ስድርኡን ንዓኣቶምን ነቶም እንስሳታትን ዝኸውን እኹል ቀለብ ከዳልዉ እግዚኣብሄር ኣዘዞም። ኩሉ ነገር ምስ ኣዳለዉ፡ ኖህን ሰበይቱን ሰለስቲኦም ደቁን ኣንስቶምን ናብቲ መርከብ ክኣትዉ ጊዜኡ ከምዝኣኸለ ነገሮ። ናብታ መርከብ ድማ ሸሞንተ ሰባት ኣተዉ።

![](https://cdn.door43.org/obs/jpg/360px/obs-en-03-06.jpg?direct&)

ካብ ማይ ኣይሂ ምእንቲ ከምልጡ ድማ እግዚኣብሄር ካብ ኵሎም ተባዕትዮን ኣንስትዮን እንስሳታትን ኣዕዋፍን ወሲኹ ናብ ኖህ ሰደደ። ካብ ኵሎም ዓይነት እንስሳታት ከኣ ንመስዋእቲ ዝዀኑ ሸሸውዓተ ተባዕትዮን ኣንስትዮን ናብታ ናይ ኖህ መርከብ ሰደዶም። ኩሎም ናብታ መርከብ ምስኣተዉ እግዚኣብሄር ባዕሉ ነቲ ማዕጾ እታ መርከብ ዓጸዎ።

![](https://cdn.door43.org/obs/jpg/360px/obs-en-03-07.jpg?direct&)

ብድሕሪኡ እቲ ማይ ክዘንም ጀመረ፡ ብዘይ ምቊራጽ ድማ ን40 መዓልትን ለይትን ዘነበ። ካብ ምድሪ ከኣ ምንጪታት ይፍልፍሉ ነበሩ። ኣብ ብዘላ ዓለም ዘሎ ኩሉ ነገር ብማይ ተዋሕጠ፡ እቶም ነዋሕቲ ኣኽራናት እኳ ከይተረፉ ብማይ ተሸፈኑ።

![](https://cdn.door43.org/obs/jpg/360px/obs-en-03-08.jpg?direct&)

ብዘይካ ኣብታ መርከብ ዝነበሩ ሰባትን እንስሳታትን ኣብ ምድሪ ዝነብር ዝነበረ ሰብ ኰነ እንስሳ ኵሉ ነገር ሞተ። እታ መርከብ ኣብቲ ማይ ብምንስፋፍ ነቶም ኣብ ውሽጣ ዝነበሩ ነፍሳት ኵሎም ካብ ሞት ኣድሓነት።

![](https://cdn.door43.org/obs/jpg/360px/obs-en-03-09.jpg?direct&)

እቲ ማይ ምዝናሙ ደው ምስ ኣበለ፡ እታ መርከብ ንሓሙሽተ ኣዋርሕ ኣብ ማይ ኣንሰፈፈት። ሽዑ ድማ እቲ ማይ ምንካይ ጀመረ። ሓደ መዓልቲ ከኣ እታ መርከብ ኣብ ርእሲ ከረን ዓረፈት፡ ይዅን እምበር

ኵላ ዓለም ብማይ ተሸፊና ነበረት። ድሕሪ ሰለስተ ኣዋርሕ ድማ ጫፍ ኣኽራናት ክርኣዩ ጀመሩ።

![](https://cdn.door43.org/obs/jpg/360px/obs-en-03-10.jpg?direct&)

ድሕሪ ኣርብዓ መዓልቲ እቲ ማይ ነቒጹ እንተዀይኑ ንምፍላጥ ኳዅ ለኣኸ። እቲ ኳዅ ንየው ነጀው እናበለ እንተበረረ እኳ መዕረፊ ዝኾኖ ንቑጽ መሬት ኣይረኸበን።

![](https://cdn.door43.org/obs/jpg/360px/obs-en-03-11.jpg?direct&)

ብድሕሪኡ ኖህ ርግቢ ለኣኸ። ንሳ’ውን እትዓርፍሉ መሬት ስለዘይረኸበት ናብ ኖህ ተመልሰት። ድሕሪ ሰሙን ኖህ መሊሱ ነታ ርግቢት ሰደዳ። ንሳ ድማ ብኣፋ ቆጽሊ ኣውሊዕ ሒዛ ተመልሰት፡ ምኽንያቱ እቲ ማይ ጐዲሉ ኣእዋም ድማ ድሮ ምጥጣዕ ጀሚሮም ስለ ዝነበሩ እዩ።

![](https://cdn.door43.org/obs/jpg/360px/obs-en-03-12.jpg?direct&)

ድሕሪ ሰሙን ከኣ ኖህ ነታ ርግቢ መሊሱ ሰዳዳ፡ ሽዑ እትዓርፍሉ ስለ ዝረኸበት ተመሊሳ ኣይመጸቶን። እቲ ማይ ድማ ይነቅጽ ነበረ።

![](https://cdn.door43.org/obs/jpg/360px/obs-en-03-13.jpg?direct&)

ድሕሪ ክልተ ወርሒ እግዚኣብሄር ንኖህ ንስኻን ስድራኻን ካብታ መርክብ ውጹ፡ ፍረዩን ተባዝሑን፡ ንምድሪ ድማ ምልእዋ በሎ።

![](https://cdn.door43.org/obs/jpg/360px/obs-en-03-14.jpg?direct&)

ኖህ ካብታ መርከብ ምስወጸ መሰውኢ ሰሪሑ ካብቶም ንመስዋእቲ ዝዀኑ እንስሳታት ወሲዱ ንእግዚኣብሄር መስዋእቲ ኣቕረበ። እግዚኣብሄር ድማ በቲ መስዋእቲ ተሓጐሰ፡ ንኖህን ስድርኡን ከኣ ባረኾም።

![](https://cdn.door43.org/obs/jpg/360px/obs-en-03-15.jpg?direct&)

እግዚኣብሄር ድማ በለ፡ “ሰባት ብዛዕባ ዝገብርዎ ክፉእ ነገር ንምድሪ መሊሰ ከየጥፍኣ ቃል ኣተኹ፡ ሰባት ካብ ንእስነቶም ጀሚሮም ሓጢኣተኛታት እንትዀኑ’ኳ ድሕሪ ደጊም ንዓለም ብማይ ኣይሂ ኣየጥፍኣን”።

![](https://cdn.door43.org/obs/jpg/360px/obs-en-03-16.jpg?direct&)

እግዚኣብሄር ምልክት ቃል ኪዳኑ ምእንቲ ክኸውን ናይ መጀመርታ ቀስተ ደበና ገበረ። እቲ ቀስተ ደበና ኣብ ሰማይ ይርአ። እግዚኣብሄር በዚ ቀስተ ደበና ንህዝቡ ዝኣተዎ ቃልኪዳን ይዝክሮ።

*ታሪኽ መጽሓፍ ቅዱስ፡- ካብ ዘፍጥረት 6-8*

## 4. እግዚኣብሄር ንኣብርሃም ዝኣተዎ ቃል ኪዳን

https://openbiblestories.org/l/ti/story-4/

![](https://cdn.door43.org/obs/jpg/360px/obs-en-04-01.jpg?direct&)

ማይ ኣይሂ ምስ ወረደ ድሕሪ ብዝሕ ዓመታት ህዝቢ ኣብ ዓለም ክበዝሕ ጀመረ። ኵሎም ሓደ ቋንቋ ይዛረቡ ነበሩ። ከምቲ እግዚኣብሄር ዝኣዘዞም ንምድሪ ምምላእ ገዲፎም ብሓደ ተኣኪቦም ከተማ ሰርሑ።

![](https://cdn.door43.org/obs/jpg/360px/obs-en-04-02.jpg?direct&)

ንሳቶም ኣዝዮም ትምክሕትኛታትን ነቲ እግዚኣብሄር ዝተዛረቦም ሸለል ዝብሉ ነበሩ። ናብ ሰማይ ክብጽሑ ደልዮም ድማ ነዊሕ ህንጻ ምስራሕ ጀመሩ። እዞም ሰባት ሓቢሮም ክፉእ ምስራሕ እንተቐጺሎም፡ ካብዚ ዝኸፍአ ሓጢኣት’ውን ክገብሩ ከም ዝኽእሉ እግዚኣብሄር ረኣየ።

![](https://cdn.door43.org/obs/jpg/360px/obs-en-04-03.jpg?direct&)

ስለዚ እግዚኣብሄር ነቲ ቋንቊኦም ናብ ዝተፈላለዩ ብዙሓት ቋንቋታት ሓዋውሱ፡ ነቶም ህዝብታት ኣብ ኩላ ዓለም በተኖም። እቲ ምስራሕ ዝጀመርዎ ከተማ ድማ ባቤል ይበሃል። ትርጉሙ ድማ ዝተሓዋወሰ ወይ ዝተጸናበረ ማለት እዩ።

![](https://cdn.door43.org/obs/jpg/360px/obs-en-04-04.jpg?direct&)

ድሕሪ ኣማኢት ዓመታት እግዚኣብሄር ነቲ ኣብራም ዝተባህለ ሰብ ተዛረቦ። ከምዚ ከኣ በሎ፡ “ዓድኻን ኣዝማድካን ገዲፍካ ናብቲ ኣነ ዘርእየካ ምድሪ ውጻእ። ኣብኡ ድማ ክባርኸካ እየ፡ ዓብዪ ህዝቢ ክገብረካ እየ፡ ስምካ’ውን ከዕብዮ እየ፡ ንዝባርኹኻ ክባርኾም፡ ነቶም ዝረግሙኻ ድማ ክረግሞም እየ፡ ብኣኻ ኣብዛ ምድሪ ዘለዉ ሰባት ኩሎም ክባረኹ እዮም።”

![](https://cdn.door43.org/obs/jpg/360px/obs-en-04-05.jpg?direct&)

ኣብራም ድማ ንእግዚኣብሄር ተኣዚዙ ንሰበይቱ ንሳራይን ንኹሎም ኣገልገልቱን ኵሉ ንብረቱን ሒዙ ናብቲ እግዚኣብሄር ዘርአዮ ምድሪ ከንኣን ከደ።

![](https://cdn.door43.org/obs/jpg/360px/obs-en-04-06.jpg?direct&)

ኣብራም ከንኣን ምስ በጽሐ እግዚኣብሄር፡ “ኣብ ዙርያኻ ዘሎ ኵሉ ተመልክት፡ ነዚ ትሪኦ ዘለኻ ኩሉ ምድሪ ንዓኻን ንዘርእኻን ርስቲ ገይረ ክህበኩም እየ” በሎ። ኣብራም ድማ ኣብታ ምድሪ ተቐመጠ።

![](https://cdn.door43.org/obs/jpg/360px/obs-en-04-07.jpg?direct&)

ሓደ መዓልቲ ኣብራም ነቲ መልከ ጼዴቅ ዝተባህለ ኻህን ልዑል ኣምላኽ ረኸቦ። መልከጼዴቅ ድማ ንኣብራም ባረኾ፡ ከምዚ ከኣ በሎ፡ “ጐይታ ሰማይን ምድርን ዝዀነ ልዑል እግዚኣብሄር ንኣብራም ይባርኮ፡ ኣብራም ድማ ንመልከ ጼዴቅ ካብቲ ዘለዎ ኵሉ ዕሽር ሃቦ።”

![](https://cdn.door43.org/obs/jpg/360px/obs-en-04-08.jpg?direct&)

ኣብራምን ሳራይን ውሉድ ከይወለዱ ብዙሕ ዓመታት ሓለፈ፡፡ መሊሱ ድማ እግዚኣብሄር ንኣብራም ተስፋ ሃቦ፡ ውሉድ ከምዝወልድን ዘርኡ’ውን ከም ከዋኽብቲ ሰማይ ከምዝበዝሑ ነገሮ። ኣብራም ድማ ነቲ እግዚኣብሄር ዝሃቦ ተስፋ ኣመነ። ኣብራም ነቲ እግዚኣብሄር ዝሃቦ ተስፋ ስለዝኣመነ ጽድቂ ኰይኑ ተቘጽረሉ።

![](https://cdn.door43.org/obs/jpg/360px/obs-en-04-09.jpg?direct&)

እግዚኣብሄር ምስ ኣብራም ቃል ኪዳን ገበረ። ቃል ኪዳን ኣብ መንጎ ክልተ ወገን ዝግበር ስምምዕ እዩ። እግዚኣብሄር ንኣብራም፡ “ካብ ከስዔኻ ውሉድ ክህበካ እየ፡ ንዘርእኻ ድማ ምድሪ ከንኣን ክህቦም እየ በሎ”። ክሳብ ሽዑ ኣብራም ብዘይ ውሉድ ነበረ።

*ታሪኽ መጽሓፍ ቅዱስ፡- ካብ ዘፍጥረት 11-15*

## 5. እቲ ተስፋ ዝተገብረሉ ወዲ

https://openbiblestories.org/l/ti/story-5/

![](https://cdn.door43.org/obs/jpg/360px/obs-en-05-01.jpg?direct&)

ከንኣን ካብ ዝኣትዉ፡ ንዓሰርተ ዓመት ዝኣክል፡ ኣብራምን ሳራይን ውሉድ ኣይነበሮምን። ስለዚ ሰበይቲ ኣብራም ሳራይ ከምዚ በለቶ፡ “እግዚኣብሄር ውሉድ ከይወልድ ስለ ዝዓጸወኒ፡ ኣነ’ውን ስለዝኣረግኩ ነዛ ኣገልጋሊተይ ዝዀነት ኣጋር እነሀትልካ ናብኣ እቶ፡ ንዓይ ድማ ውሉድ ትውለደለይ” በለቶ።

![](https://cdn.door43.org/obs/jpg/360px/obs-en-05-02.jpg?direct&)

ኣብራም ከኣ ናብ ኣጋር ኣተወ። ኣጋር ምስ ጠነሰት ንሳራይ ኣቃለለታ፡ ኣጋር ድማ ወዲ ወለደት። ኣብራም ከኣ “እስማዔል” ኢሉ ስም ኣውጽአሉ፡ እስማዔል ዓሰርተ ሰለስተ ዓመት ምስኰኖ እግዚኣብሄር ንኣብራም ከምዚ በሎ።

![](https://cdn.door43.org/obs/jpg/360px/obs-en-05-03.jpg?direct&)

እግዚኣብሄር ንኣብራም፡ “ኣነ ኤልሻዳይ ኣምላኽ እየ፡ ምሳኻ ድማ ቃል ኪዳን ክገብር እየ” በሎ። ኣብራም ብገጹ ኣብ ምድሪ ተደፍአ፡ እግዚኣብሄር ከኣ ንኣብራም ተዛረቦ፡ “ንስኻ ኣቦ ብዙሓት ህዝብታት ክትከውን ኢኻ። ንምድሪ ከንኣን ድማ ንዓኻን ንዘርእኻን ርስቲ ገይረ ክህበኩም እየ፡ ንዘለኣለም ኣምላኾም ክኸውን እየ፡ ንስኻ ድማ ኣብ ቤትካ ዝርከብ ተባዕታይ ኩሉ ግዘሮ” በሎ።

![](https://cdn.door43.org/obs/jpg/360px/obs-en-05-04.jpg?direct&)

እግዚኣብሄር ድማ፡ “ሰበይትኻ ሳራይ ወዲ ክትወልድ እያ፡ ንሱ ውሉድ ተስፋ ክኸውን እዩ፡ ስሙ ይስሓቕ ክትብሎ ኢኻ፡ ቃል ኪዳነይ’ውን ምስኡ ክገብር እየ። ንሱ ዓብዪ ህዝቢ ክኸውን እዩ። ንእስማዔል’ውን ዓብዪ ህዝቢ ክገብሮ እየ። ይኹን እምበር ቃል ኪዳነይ ምስ ይስሓቕ እዩ ዝኸውን” በሎ። እግዚኣብሄር ድማ ንኣብራም ስሙ “ኣብርሃም” ኢሉ ለወጠሉ፡ ትርጉሙ ድማ “ኣቦ ብዙሓት” ማለት እዩ። እግዚኣብሄር ከኣ ንሳራይ “ሳራ” ኢሉ ስማ ለወጠላ፡ ትርጉሙ ድማ “ኣደ ብዙሓት” ማለት እዩ።

![](https://cdn.door43.org/obs/jpg/360px/obs-en-05-05.jpg?direct&)

በታ መዓልቲ እቲኣ ኣብርሃም ነቶም ኣብ ቤቱ ዝርከቡ ተባዕትዮ ኩሎም ገዘሮም። ኣብርሃም ሚእቲ ዓመት፡ ሳራ ድማ 90 ዓመት ምስ ገበሩ፡ ሳራ ንኣብርሃም ወዲ ወለደትሉ፡ ከምቲ እግዚኣብሄር ዝበሎም ድማ“ይስሓቕ” ኢሎም ስም ኣውጽኡሉ።

![](https://cdn.door43.org/obs/jpg/360px/obs-en-05-06.jpg?direct&)

ይስሓቕ ምስ ዓበየ፡ እግዚኣብሄር ናይ ኣብርሃም እምነት ከምዚ ኢሉ ፈተኖ፡ “ነቲ ሓደ ወድኻ ወሲድካ መስዋእቲ ጌርካ ኣቕርበለይ” በሎ፡፡ ኣብርሃም’ውን መሊሱ ንእግዚኣብሄር ብምእዛዝ ንወዱ ክስውኦ ተዳለወ።

![](https://cdn.door43.org/obs/jpg/360px/obs-en-05-07.jpg?direct&)

ኣብርሃምን ይስሓቕን ናብቲ መስዋእቲ ዝቐርበሉ ቦታ እንዳተጓዕዙ ከለዉ፡ ይስሓቕ ንኣቡኡ፡ “ኣቦይ እቲ ንመስዋእቲ ዝኸውን ዕንጨይቲ እንሆ፡ እቲ በጊዕ ደኣ ኣበይ ኣሎ”፧ ኢሉ ሓተቶ። አብርሃም ከኣ፡ “ወደይ እቲ ንመስዋእቲ ዝኸውን በጊዕ እግዚኣብሄር ከዳልወልና እዩ” ኢሉ መለሰሉ።

![](https://cdn.door43.org/obs/jpg/360px/obs-en-05-08.jpg?direct&)

ናብቲ መስዋእቲ ዝቐርበሉ ቦታ ምስ በጽሑ፡ ኣብርሃም ንወዱ ንይስሓቕ ኣሲሩ ኣብቲ መሰውኢ ኣደቀሶ። ኣብርሃም ንወዱ ክስውኦ ካራ ሒዙ ኢዱ ምስ ኣልዓለ፡ እግዚኣብሄር፡ “ግደፍ፡ ኣብዚ ወዲ ዝኾነ ጕድኣት ከይተብጽሕ፡ ከምእትፈርሐንን ንሓደ ወድኻ ከምዘይትኽልክለኒ ሕጂ ፈሊጠ ኣለኹ” በሎ።

![](https://cdn.door43.org/obs/jpg/360px/obs-en-05-09.jpg?direct&)

ኣብርሃም ግልጽ ምስ በለ ኣብ ድሕሪኡ ቐርኑ ብሓረግ እተታሕዘ ገንሸል ረኣየ። እዚ ድማ እግዚኣብሄር ኣብ ክንዲ ይስሓቕ ንመስዋእቲ ዝኸውን በጊዕ ኣዳልዩ ስለዝነበረ እዩ። ኣብርሃም ከኣ ተሓጒሱ ነቲ በጊዕ መስዋእቲ ገይሩ ኣቕረቦ።

![](https://cdn.door43.org/obs/jpg/360px/obs-en-05-10.jpg?direct&)

5.10 እግዚኣብሄር ንአብርሃም ከምዚ በሎ፡ “ንሓደ ወድኻ’ኳ ከይተረፈ ዘለካ ኵሉ ክትህበኒ ስለዝፈተኻ ክባርኸካ እየ። ዘርእኻ ከም ከዋኽብቲ ሰማይ ክበዝሑ እዮም፡ ስለዝተኣዘዝካኒ ድማ ህዝብታት ኵላ ምድሪ ብዘርእኻ ክባረኹ እዮም”።

*ታሪኽ መጽሓፍ ቅዱስ፡- ካብ ዘፍጥረት 16-22።*

## 6. እግዚኣብሄር ንይስሃቕ ሰበይቲ ከምዘዳለወሉ

https://openbiblestories.org/l/ti/story-6/

![](https://cdn.door43.org/obs/jpg/360px/obs-en-06-01.jpg?direct&)

አብርሃም ኣዝዩ ምስ ኣረገ፡ ይስሓቕ ንዓቕመ ኣዳም በጽሐ። ስለዚ ኣብርሃም ካብቶም ኣገልገልቱ ንሓደ፡ ንወዱ ይስሓቕ ሰበይቲ ምእንቲ

ከምጽአሉ ናይ ኣዝማዱ ዓዲ ለኣኾ።

![](https://cdn.door43.org/obs/jpg/360px/obs-en-06-02.jpg?direct&)

እቲ ኣገልጋሊ ድማ ድሕሪ ነዊሕ ጉዕዞ ናብቲ ኣዝማድ ኣብርሃም ዝነብሩሉ ምድሪ በጽሐ። ነቲ ዝተላእኸ ኣገልጋሊ ኣብርሃም፡ እግዚኣብሄር ናብ ርብቃ መርሖ። ርብቃ ከኣ ንሓው ኣብርሃም ጓል ወዱ ነበረት።

![](https://cdn.door43.org/obs/jpg/360px/obs-en-06-03.jpg?direct&)

ርብቃ ንስድርኣ ገዲፋ ምስቲ ኣገልጋሊ ናብ እንዳ ይስሓቕ ንምኻድ ተሰማምዐት። ምስ ኣተወት ድማ ይስሓቕ ተመርዓዋ።

![](https://cdn.door43.org/obs/jpg/360px/obs-en-06-04.jpg?direct&)

ድሕሪ ነዊሕ እዋን ኣብርሃም ሞተ፡ እቲ እግዚኣብሄር ምስ ኣብርሃም ዝግበሮ ቃል ኪዳን ድማ ናብ ይስሓቕ ተመሓላለፈ። እግዚኣብሄር ንአብርሃም ክቚጸር ዘይኽእል ዘርኢ ከምዝህልዎ ተስፋ ሂብዎ ነበረ። ይኹን እምበር ሰበይቲ ይስሓቕ ርብቃ፡ ውሉድ ክትወልድ ኣይከኣለትን።

![](https://cdn.door43.org/obs/jpg/360px/obs-en-06-05.jpg?direct&)

ይስሓቕ ንርብቃ ምስ ጸለየላ፡ ማንታ ደቂ ክትጠንስ እግዚኣብሄር ፈቐደ። ክልቲኦም ቈልዑ ኣብ ማህጸን ርብቃ እናሃለዉ ንሕድሕዶም ይደፋፍኡ ነበሩ። ስለዚ ርብቃ እቲ ኣብ ከርሳ ዝኸውን ዘሎ ነገር እንታይ ከምዝዀነ ንእግዚኣብሄር ሓተተቶ።

![](https://cdn.door43.org/obs/jpg/360px/obs-en-06-06.jpg?direct&)

እግዚኣብሄር ንርብቃ ከምዚ በላ፡ “ካብቶም ኣብ ከርስኺ ዘለዉ ክልተ ደቂ ክልተ ህዝብታት ክውጹ እዮም፡ ንሕድሕዶም ክቃለሱ፡ እቲ ዓብዪ ድማ ነቲ ንእሽተይ ክግዝኦ እዩ” በላ።

![](https://cdn.door43.org/obs/jpg/360px/obs-en-06-07.jpg?direct&)

ደቂ ርብቃ ምስ ተወልዱ እቲ ዓብዪ ጨጓርን ቀይሕን ነበረ’ሞ “ኤሳው” ኢሎም ስም ኣውጽኡሉ፡ እቲ ምንኣሱ ከኣ ኩርኹረ እግሪ ኤሳው ሒዙ ወጸ፡ “ያእቆብ” ኢሎም ድማ ስም ኣውጽኡሉ።

*ታሪኽ መጽሓፍ ቅዱስ፡- ካብ ዘፍጥረት 24፡1-25፤ 26።*

## 7. እግዚኣብሄር ንያእቆብ ባረኾ

https://openbiblestories.org/l/ti/story-7/

![](https://cdn.door43.org/obs/jpg/360px/obs-en-07-01.jpg?direct&)

እቶም ቈልዑ ምስ ዓበዩ ያእቆብ ምስ ኣዲኡ ኣብ ገዛ ምውዓል ዝፈቱ ኰነ። ኤሳው ግና ሃደን ይፈቱ ነበረ። ርብቃ ንያእቆብ ትፈትዎ ነበረት፡ ይስሓቕ ግን ንኤሳው ይፈትዎ ነበረ።

![](https://cdn.door43.org/obs/jpg/360px/obs-en-07-02.jpg?direct&)

ሓደ መዓልቲ ኤሳው ካብ ሃደን ተመሊሱ ምስ መጸ ኣዝዩ ጠምይዎ ነበረ። ኤሳው ንያእቆብ “በጃኻ ካብቲ ዘዳለኻዮ ምግቢ ንእሽተይ ሃበኒ” በሎ። ያእቆብ ኸኣ ኣቐዲምካ መሰል ብዅርንኻ ሽጠለይ በሎ። ኤሳው ድማ መሰል ብዅርንኡ ንያእቆብ ሃቦ። ያእቆብ’ውን ካብቲ ዝሰርሖ ምግቢ ንኤሳው ሃቦ።

![](https://cdn.door43.org/obs/jpg/360px/obs-en-07-03.jpg?direct&)

ይስሓቕ ንኤሳው ክባርኾ ደለየ። ቅድሚኡ ግና ርብቃን ያእቆብን ንይስሓቕ ኣታለልዎ። ያእቆብ ንኤሳው መሲሉ፡ ናብ ይስሓቕ ቀረበ። ይስሓቕ ስለ ዝኣረገ ኣይርእይን ነበረ። ስለዚ ያእቆብ ናይ ኤሳው ክዳውንቲ ተኸዲኑ ኣብ ኣእዳዉን ኣብ ክሳዱን ድማ ቆርበት ማሕስእ ገይሩ ብምቕራብ ንይስሓቕ ኣታለሎ።

![](https://cdn.door43.org/obs/jpg/360px/obs-en-07-04.jpg?direct&)

ያእቆብ ናብ ይስሓቕ መጺኡ፡ “ኣነ ኤሳው እየ፡ መጺአ ኣለኹ’ሞ ባርኸኒ” በሎ። ይስሓቕ ነቲ ጨጕሪ ማሕስእ ዳህሲሱን ክዳኑ ኣጫንዩን ኤሳው ከምዝዀነ ብምሕሳብ ባረኾ።

![](https://cdn.door43.org/obs/jpg/360px/obs-en-07-05.jpg?direct&)

ያእቆብ መሰል ብዅርንኡን በረኸቱን ኣታሊሉ ስለዝወሰደሉ ኤሳው ንያእቆብ ጸልኦ። ኣቡኦም ምስ ሞተ ድማ ክቐትሎ ሓሰበ።

![](https://cdn.door43.org/obs/jpg/360px/obs-en-07-06.jpg?direct&)

እንተኾነ ርብቃ መደብ ኤሳው ሰምዐት። ስለዚ ንሳን ይስሓቕን ተማኺሮም ምስ ኣዝማዶም ክነብር ናብ ርሑቕ ዓዲ ንያእቆብ ሰደድዎ።

![](https://cdn.door43.org/obs/jpg/360px/obs-en-07-07.jpg?direct&)

ያእቆብ ንብዙሕ ዓመት ምስ ኣዝማድ ርብቃ ተቐመጠ። ሽዑ ሓዳር ገይሩ 12 ኣወዳትን ሓንቲ ጓልን ወለደ። እግዚኣብሄር ከኣ ኣሀብተሞ።

![](https://cdn.door43.org/obs/jpg/360px/obs-en-07-08.jpg?direct&)

ካብ ከንኣን ርሒቁ ዒስራ ዓመት ምስ ተቐመጠ ያእቆብ ምስ ስድርኡን ምስ ሰራሕተኛታቱን ምስ ጥሪቱን ናብ ምድሪ ከንኣን ክምለስ ወሰነ።

![](https://cdn.door43.org/obs/jpg/360px/obs-en-07-09.jpg?direct&)

ያእቆብ ከኣ ኤሳው ሕጂ’ውን ክቐትለኒ ይደሊ ይኸውን እዩ ኢሉ ሓሲቡ ፈርሐ። ስለዚ ገጸ በረኸት ዝኸውን ብዙሕ ማል ውህብቶ ገይሩ ንኤሳው ሰደደሉ። ነቶም ንኤሳው ማል ዝወስዱሉ ኣገልገልቲ ያእቆብ ንኤሳው፡ “ኣገልጋሊኻ ያእቆብ ነዘን ማል ሰዲዱልካ እንሆ፡ ንሱ ድማ ቀልጢፉ ክመጽእ እዩ” በልዎ።

![](https://cdn.door43.org/obs/jpg/360px/obs-en-07-10.jpg?direct&)

ኤሳው ግን ቀደሙ’ውን ንያእቆብ በደሉ ይቕረ ስለዝበለሉ፡ መሊሱ ክረኽቦ ሕጕስ ነበረ። ያእቆብ ኣብ ምድሪ ከንኣን ብሰላም ተቐመጠ። ብድሕሪኡ ይስሓቕ ሞተ፡ ያእቆብን ኤሳውን ድማ ቀበርዎ። እቲ እግዚኣብሄር ንኣብርሃም ዝኣተዎ ቃል ኪዳን ኸኣ፡ ናብ ያእቆብ ተመሓላለፈ። ።

*ታሪኽ መጽሓፍ ቅዱስ፡- ካብ ዘፍጥረት 25፣27-33፡20።*

## 8. እግዚኣብሄር ንዮሴፍን ቤተሰቡን ኣድሓኖም

https://openbiblestories.org/l/ti/story-8/

![](https://cdn.door43.org/obs/jpg/360px/obs-en-08-01.jpg?direct&)

ድሕሪ ብዙሕ ዓመታት ያእቆብ ምስ ኣረገ እቶም ማል ዝሕልዉ ኣሕዋቱ ከመይ ከምዘለዉ ምእንቲ ክርእዮም ነቲ ዝፈትዎ ወዱ ዮሴፍ ለኣኾ።

![](https://cdn.door43.org/obs/jpg/360px/obs-en-08-02.jpg?direct&)

ኣቡኦም ያእቆብ ንዮሴፍ ካብ ኣሕዋቱ ሓለፋ ይፈትዎ ስለዝነበረን ዮሴፍ’ውን ሓለቓ ኣሕዋቱ ከምዝኸውን ሕልሚ ርእዩ ስለዝነበረ ኣሕዋቱ ንዮሴፍ ጸልእዎ። ስለዚ ዮሴፍ፡ ኣሕዋቱ ክሓትት ናብኣቶም ምስ መጸ፡ እቶም ኣሕዋቱ ጨውዮም ባሮት ንዝነግዱ ነጋዶ ሸጥዎ።

![](https://cdn.door43.org/obs/jpg/360px/obs-en-08-03.jpg?direct&)

ኣሕዋት ዮሴፍ ናብ ገዝኦም ቅድሚ ምምላሶም ነቲ ዮሴፍ ይኽደኖ ዝነበረ ቀምሽ ቀዳዲዶም ብደም ወጠጦ ለኽይዎ። ብድሕሪኡ ነቲ ብደም ዝተኣልከ ቀምሽ ነቡኦም ኣርአይዎ። ንሱ ከኣ ኣራዊት በረኻ ቀቲልዎ እዩ ኢሉ ሓሰበ፡ ኣዝዩ’ውን ሓዘነ።

![](https://cdn.door43.org/obs/jpg/360px/obs-en-08-04.jpg?direct&)

እቶም ነጋዶ ድማ ንዮሴፍ ንግብጺ ወሰድዎ። ሽዑ ግብጺ ኣብ ጥቓ ሩባ ኒል እትርከብ ዓባይን ሓያልን ሃገር ነበረት። እቶም ባሮት ዝነግዱ ንዮሴፍ ንሓደ ብዓል ስልጣን ሃብታም ሰብኣይ ሸጥዎ። ዮሴፍ ድማ ንፉዕ ኣገልጋሊ ነበረ። እግዚኣብሄር ከኣ ንዮሴፍ ባረኾ።

![](https://cdn.door43.org/obs/jpg/360px/obs-en-08-05.jpg?direct&)

ሰበይቲ ጐይትኡ ንዮሴፍ ምስ ዮሴፍ ክትድቅስ ደለየት። ዮሴፍ ግና ኣብ ቅድሚ እግዚኣብሄር ሓጢኣት ኣይሰርሕን ኢሉ እምቢ በላ። ንሳ ድማ ሓሪቓ ብሓሶት ከሲሳ ተታሒዙ ናብ ቤት ማእሰርቲ ክኣቱ ገበረት፡ ኣብ ቤት ማእሰርቲ’ኳ እንተኣተወ ንእግዚኣብሄር እሙን ኰይኑ ስለ እተረኽበ፡ እግዚኣብሄር ባረኾ።

![](https://cdn.door43.org/obs/jpg/360px/obs-en-08-06.jpg?direct&)

ንጹህ ሰብ’ኳ እንተኾነ፡ ኣብ ቤት ማእሰርቲ ክልተ ዓመት ገበረ። ሓደ ለይቲ ንጉስ ግብጺ “ፈርኦን” ክርድኦም ዘይከኣለ ክልተ ዘፍርሑ ሕልምታት ሓለመ። ካብ ኣማኸርቱ ሓደ’ኳ ነቶም ሕልምታት ክፈትሐሉ ዝኸኣለ ኣይነበረን።

![](https://cdn.door43.org/obs/jpg/360px/obs-en-08-07.jpg?direct&)

እግዚኣብሄር ንዮሴፍ ሕልሚ ናይ ምትርጓም ውህበት ዓዲልዎ ነበረ። ስለዚ ፈርኦን ንዮሴፍ ካብ ቤት ማእሰርቲ ኣጸውዖ። ዮሴፍ ንሕልሚ ፈርኦን ብምትርጓም፡ “እግዚኣብሄር ሸውዓተ ናይ ጽጋብ ዓመታት ከምጽእ እዩ፡ ብድሕሪኡ ድማ ሸውዓተ ናይ ጥሜት ዓመታት ክመጹ እዮም” በሎ።

![](https://cdn.door43.org/obs/jpg/360px/obs-en-08-08.jpg?direct&)

ፈርኦን ብዮሴፍ ኣዝዩ ገረሞ፡ ኣብ ኵላ ግብጺ ድማ ካብኡ ቀጺሉ ካልኣይ ብዓል ስልጣን ገይሩ ሸሞ።

![](https://cdn.door43.org/obs/jpg/360px/obs-en-08-09.jpg?direct&)

ዮሴፍ ድማ ነቶም ህዝቢ ኣብተን ሸውዓተ ናይ ጽጋብ ዓመታት ብዙሕ እኽሊ ኣብ ማዕኸናት ከዋህልሉ ነገሮም። እተን ናይ ጥሜት ሸውዓተ ዓመታት ምስ መጻ ዮሴፍ ካብቶም ቆፎታት እኽሊ እናውጽአ ብምሻጡ እኹል ዝብላዕ ምግቢ ረኸቡ።

![](https://cdn.door43.org/obs/jpg/360px/obs-en-08-10.jpg?direct&)

እቲ ጥሜት ኣብ ግብጺ ጥራይ ዘይኰነስ ኣብቲ ያእቆብን ስድርኡን ዝነብሩሉ ከንኣን’ውን ኣትዩ ነበረ።

![](https://cdn.door43.org/obs/jpg/360px/obs-en-08-11.jpg?direct&)

ስለዚ እኽሊ ምእንቲ ክሽምቱ ያእቆብ ንደቁ ናብ ግብጺ ለኣኾም። ኣሕዋት ዮሴፍ እኽሊ ክሽምቱ ከይዶም ኣብ ቅድሚ ዮሴፍ ደው ምስ በሉ፡ ዮሴፍ ከምዝዀነ ኣይፈለጥዎን፡ ንሱ ግና ኣለልይዎም ነበረ።

![](https://cdn.door43.org/obs/jpg/360px/obs-en-08-12.jpg?direct&)

ነሕዋቱ ምስ ፈተኖም ተለዊጦም እንተኾይኖም ክርኢ፡“ኣይትፍርሑ፡ ኣነ ሓውኩም ዮሴፍ እየ፡ ንባርነት ክትሸጡኒ ከለኹም ክፉእ ክተብጽሑለይ ፈቲንኩም ኔርኩም ኢኹም፡ ይኹን እምበር እግዚኣብሄር ነቲ ክፉእ ንሰናይ ገበሮ፡ ናብ ግብጺ መጺኹም ድማ ተቐመጡ፡ ንዓኻትኩምን ንቤተሰብኩምን ዘድልየኩም ነገር ኩሉ ከዳልወልኩም እየ” በሎም።

![](https://cdn.door43.org/obs/jpg/360px/obs-en-08-13.jpg?direct&)

ኣሕዋት ዮሴፍ ንዓዶም ተመሊሶም ዮሴፍ ብህይወት ከምዘሎ ነቡኦም ንያእቆብ ምስ ነገርዎ ያእቆብ ኣዝዩ ተሓጐሰ።

![](https://cdn.door43.org/obs/jpg/360px/obs-en-08-14.jpg?direct&)

ዋላ’ኳ ያእቆብ ኣሪጉ እንተዀነ ምስ ኵሎም ቤተሰቡ ናብ ግብጺ ከይዶም ኣብኡ ተቐመጡ። ያእቆብ ቅድሚ ምሟቱ ንነፍሲ ወከፍ ደቁ ባረኾም።

![](https://cdn.door43.org/obs/jpg/360px/obs-en-08-15.jpg?direct&)

እግዚኣብሄር ንአብርሃም ዝሃቦም ተስፋ ቃል ኪዳኑ መጀመርታ ናብ ይስሃቕ ተመሓላለፈ፡ ካብኡ ድማ ናብ ያእቆብ፡ ሕጂ ድማ ናብቶም ዓሰርተ ክልተ ደቂ ያእቆብን ቤተሰቦምን ተመሓላለፈ። እቶም ዓሰርተ ክልተ ደቂ ያእቆብን ዘርኦምን ከኣ ዓሰርተ ክልቲኦም ነገዳት እስራኤል ኰኑ።

*ታሪኽ መጽሓፍ ቅዱስ፡- ካብ ዘፍጥረት 37-50።*

## 9. እግዚኣብሄር ንሙሴ ከም ዝጸውዖ

https://openbiblestories.org/l/ti/story-9/

![](https://cdn.door43.org/obs/jpg/360px/obs-en-09-01.jpg?direct&)

ዮሴፍ ምስ ሞተ ኣዝማዱ ኩሎም ኣብ ግብጺ ጸንሑ። ንሳቶምን ዘርኦምን ንብዙሕ ዓመት ኣብኡ ተቐመጡ። ብዙሓት ድማ ወለዱ። ንሳቶም ድማ “እስራኤላውያን” ተባሂሎም ተጸውዑ።

![](https://cdn.door43.org/obs/jpg/360px/obs-en-09-02.jpg?direct&)

ድሕሪ ኣማኢት ዓመታት ቁጽሪ እስራኤላውያን እናበዝሐ መጸ። ግብጻውያን ንዮሴፍን ንኣታቶም ዝገበሮ ኩሉ ሓገዝን ረስዕዎ። እስራኤላውያን እናበዝሑ ስለዝመጹ ግብጻውያን ፈርሕዎም። ስለዚ እቲ ሽዑ ንግብጺ ዘማሓድር ዝነበረ ፈርኦን፡ እስራኤላውያን ባሮት ግብጻውያን ገበሮም።

![](https://cdn.door43.org/obs/jpg/360px/obs-en-09-03.jpg?direct&)

እስራኤላውያን ቀጽርታት ክሰርሑን ነቲ ከተማ ኵላ ክሃንጹን ግብጻውያን የገድድዎም ነበሩ። ብብዝሒ ስራሕ ድማ ላሕ ኣበልዎም። ግናኸ እግዚኣብሄር ባረኾም፡ ብዙሓት ውሉድ ድማ ሃቦም።

![](https://cdn.door43.org/obs/jpg/360px/obs-en-09-04.jpg?direct&)

ፈርዖን፡ እስራኤላውያን ብዙሓት ህጻናት ከምዝወለዱ ምስ ረኣየ፡ ሽዑ ፈርኦን ካብ እስራኤላውያን ኣወዳት ምስ ዝውለዱ ኩሎም ኣብ ሩባ ኒል ክድርብይዎ ንህዝቢ ኣዘዘ።

![](https://cdn.door43.org/obs/jpg/360px/obs-en-09-05.jpg?direct&)

ሓንቲ እስራኤላዊት ሰበይቲ ወዲ ወለደት፡ ንሳን ሰብኣያን ድማ ክሳብ ዝከኣሎም ነቲ ቈልዓ ሓብእዎ።

![](https://cdn.door43.org/obs/jpg/360px/obs-en-09-06.jpg?direct&)

እቶም ወለዱ ድማ ነዚ ቈልዓ ምሕብኡ ምስ ሰኣኑ፡ ምእንቲ ከይመውት ሳጹን ሻምብቆ ብቕጥራንን ብዕንዲዳን ለቢጦም ብምድላው ነቲ ቈልዓ ኣእትዮም፡ ኣብ ወሰን ሩባ ኒል ኣብ ዝርከብ ሰልሰላ ኣንበርዎ። ዓባይ

ሓብቱ ድማ እንታይ ከምዝበጽሖ ክትርኢ ኣብ ቀረባ ኮይና ትከታተል ነበረት።

![](https://cdn.door43.org/obs/jpg/360px/obs-en-09-07.jpg?direct&)

ጓል ፈርኦን ኣብቲ ሩባ ሳጹን ምስ ረኣየት፡ ገረዳ ልኢኻ ብምምጻእ፡ ኣብ ውሽጡ ዝነበረ ቈልዓ ረኣየቶ። ነቲ ህጻን ከም ወዳ ገይራ ወሰደቶ። ነቲ ቈልዓ እተዕብየላ እስራኤላዊት ሰበይቲ ድማ ቆጸረት። እታ ዝተቘጽረት ሰበይቲ ድማ ኣዲኡ ከምዝዀነት ኣይፈለጠትን ነበረት። እቲ ቈልዓ ዓብዩ ጡብ ምስገደፈ ናብ ጓል ፈርኦን መለሰቶ። ስሙ ድማ “ሙሴ” ኢላ ኣውጽኣትሉ።

![](https://cdn.door43.org/obs/jpg/360px/obs-en-09-08.jpg?direct&)

ሙሴ ምስ ዓበየ፡ ሓደ መዓልቲ ሓደ ግብጻዊ ንሓደ እስራኤላዊ ክወቕዖ ረኣየ። ሙሴ ነቲ ብጻዩ ዝዀነ እስራኤላዊ ከድሕኖ ደለየ።

![](https://cdn.door43.org/obs/jpg/360px/obs-en-09-09.jpg?direct&)

ሙሴ ሰብ ዘይረኣዮ መሲልዎ ድማ ነቲ ግብጻዊ ቀቲሉ ቀበሮ። ይኹን እምበር ነቲ ሙሴ ዝገበሮ ሓደ ሰብ ርእይዎ ነበረ።

![](https://cdn.door43.org/obs/jpg/360px/obs-en-09-10.jpg?direct&)

ነቲ ሙሴ ዝገበሮ ፈርኦን ምስ ሰምዐ ክቐትሎ ደለየ። ሙሴ ግና ካብ ወታደራት ፈርኦን ነፍሱ ከድሕን ናብ ምድረ በዳ ሃደመ።

![](https://cdn.door43.org/obs/jpg/360px/obs-en-09-11.jpg?direct&)

ካብ ግብጺ ርሑቕ ዝኾነ ምድረ በዳ ድማ ሓላዊ ኣባጊዕ ኰነ። ካብታ ሃገር ሰበይቲ ኣእትዩ ክልተ ኣወዳት ወለደ።

![](https://cdn.door43.org/obs/jpg/360px/obs-en-09-12.jpg?direct&)

ሓደ መዓልቲ ሙሴ ኣባጊዕ እናሓለወ ከሎ፡ ዝነድድ ኣሻዂ ቈጥቋጥ ረኣየ፡ እቲ ቈጥቋጥ ግና ኣይተበልዐን፡ ሙሴ ድማ ኣጸቢቑ ክርኢ ደልዩ ናብቲ ቈጥቋጥ ተጸግዐ። ናብቲ ዝነድድ ቈጥቋጥ ምስ ተጸግዐ ድምጺ እግዚኣብሄር፡ “ሙሴ፡ ሙሴ እቲ ደው ኢልካሉ ዘለኻዮ ቦታ ቅዱስ እዩ’ሞ ኣሳእንካ ካብ ኣእጋርካ ኣውጽእ” በሎ።

![](https://cdn.door43.org/obs/jpg/360px/obs-en-09-13.jpg?direct&)

እግዚኣብሄር ከኣ፡ “መከራ ህዝበይ ስለዝርአኹ ናብ ፈርኦን ክሰደካ እየ፡ ንህዝበይ ንእስራኤል ድማ ካብ ባርነት ግብጺ ሓራ ክተውጽኦም ኢኻ። ነቲ ንኣብርሃምን ንይስሓቕን ንያእቆብን ዘተስፈኹዎም ምድሪ ከንኣን ድማ ክህቦም እየ”

![](https://cdn.door43.org/obs/jpg/360px/obs-en-09-14.jpg?direct&)

ሙሴ ድማ እቶም ህዝቢ መን ልኢኹካ እንተበሉኒኸ መን ክብሎም እየ፧ ኢሉ ንእግዚኣብሄር ሓተቶ። እግዚኣብሄር ከኣ ንሙሴ፡ “ኣነ፡ ዘለኹን ዝነብርን እየ” ስለዚ “እቲ ዘሎን ዝነብርን፡ ኣምላኽ ኣቦታትኩም ኣምላኽ ኣብርሃም ይስሓቕ ያእቆብ፡ ልኢኹኒ፡ ስመይ ከኣ ንሓዋሩ እዚ እዩ” ኢልካ ንገሮም”፡፡

![](https://cdn.door43.org/obs/jpg/360px/obs-en-09-15.jpg?direct&)

ሙሴ ስለዝፈርሐ ናብ ፈርኦን ክኸይድ ኣይደለየን። ምኽንያቱ ናይ ምዝራብ ክእለት የብለይን ኢሉ ስለዝሓሰበ እዩ። ስለዚ እግዚኣብሄር ሓው ሙሴ ኣሮን ምስኡ ከይዱ ክሕግዞ ለኣኾ። እግዚኣብሄር ንሙሴን ንኣሮንን፡ ፈርኦን ንእስራኤላውያን ኣይሓድግን ኢሉ ልቡ ከትርር ከምዝኽእል ኣጠንቀቖም።

*ታሪኽ መጽሓፍ ቅዱስ፡- ካብ ዘፀኣት 1-4።*

## 10. እቶም ዓሰርተ መዓት

https://openbiblestories.org/l/ti/story-10/

![](https://cdn.door43.org/obs/jpg/360px/obs-en-10-01.jpg?direct&)

ሙሴን ኣሮንን ናብ ፈርኦን ከይዶም፡ “ኣምላኽ እስራኤል ንህዝበይ ሕደጎም” ይብለካ ኣሎ በልዎ። ፈርኦን ግና ኣይሰምዖምን። እስራኤላውያን ናጻ ኰይኖም ክወጹ ኣብ ክንዲ ምግባር ዝገደደ ከቢድ ስራሕ ክሰርሑ ኣገደዶም።

![](https://cdn.door43.org/obs/jpg/360px/obs-en-10-02.jpg?direct&)

ፈርዖን ነቲ ህዝቢ ኣይሓድግን ምባሉ ቀጸለ። እግዚኣብሄር ድማ ኣብ ልዕሊ ግብጺ ዓሰርተ መዓት ሰደደ። እግዚኣብሄር ከኣ ብምኸንያት እዞም መዓት ካብ ፈርኦንን ካብ ኩሎም ኣማልኽቲ ግብጽን ዝበለጸ ሓያል ምዃኑ ንፈርኦን ኣርአዮ።

![](https://cdn.door43.org/obs/jpg/360px/obs-en-10-03.jpg?direct&)

እግዚኣብሄር ንማይ ኒል ናብ ደም ለወጦ፡ ሕጂ’ውን ፈርኦን ንእስራኤላውያን ክሰዶም ኣይደለየን።

![](https://cdn.door43.org/obs/jpg/360px/obs-en-10-04.jpg?direct&)

እግዚኣብሄር ኣብ ኩሉ ግብጺ ቊርዖብ ሰደደ። ፈርኦን ከኣ ነተን ቊርዖብ ከወግድሉ ንሙሴ ለመኖ። ብድሕሪዚ ከኣ ኩለን እተን ቊርዖብ ምስ ሞታ፡ ፈርኦን ግን ልቡ ብምትራር እስራኤላውያን ካብ ግብጺ ክውጹ ኣይሰደዶምን። ን።

![](https://cdn.door43.org/obs/jpg/360px/obs-en-10-05.jpg?direct&)

ስለዚ እግዚኣብሄር ጻጹት ሰደደ። ቀጺሉ ድማ ጽንጽያ ከልቢ ሰደደ። ሽዑ ፈርኦን ንሙሴን ንኣሮንን ጸዊዑ ነዞም መዓት እንተ ኣወጊዶሙሉ፡ እስራኤላውያን ካብ ግብጺ ክኸዱ ከምዝኽእሉ ነገሮም። ሙሴ ምስ ጸለየ ድማ እግዚኣብሄር ነቶም ጽንጽያታት ካብ ግብጺ ኣወገዶም። ሕጂ’ውን ፈርኦን ልቡ ብምትራር ንእስራኤላውያን ኣይሓድግን በለ።

![](https://cdn.door43.org/obs/jpg/360px/obs-en-10-06.jpg?direct&)

ብድሕሪኡ እግዚኣብሄር ማል ግብጻውያን ብሕማም ክሞታ ገበረ። ፈርኦን ግና ልቡ ብምትራር ንእስራኤላውያን ኣይሰደዶምን።

![](https://cdn.door43.org/obs/jpg/360px/obs-en-10-07.jpg?direct&)

ብድሕሪኡ እግዚኣብሄር ኣብ ቅድሚ ፈርኦን ናብ ሰማይ ሓሙኽስቲ ክብትን ንሙሴ ኣዘዞ። ሙሴ ነቲ ሓሙኽሽቲ ናብ ሰማይ ምስ በተነ፡ ኣብ ልዕሊ ግብጻውያን ዘሕምም ቊስሊ ወጾም። ኣብ እስራኤላውያን ግና እቲ ቊስሊ ኣይወጸን። እግዚኣብሄር ንልቢ ፈርኦን ኣትረሮ፡ ፈርኦን ድማ ንእስራኤላውያን ኣይሓደጎምን።

![](https://cdn.door43.org/obs/jpg/360px/obs-en-10-08.jpg?direct&)

ድሕሪ እዚ ኣብ ምድሪ ግብጺ ዘሎ ኣዝርአቲ ኩሉን ኣብ መሮር ዝነበረ ሰብ ዘጥፍአ በረድ ከምዝወቅዕ ገበረ። ሽዑ ፈርኦን ንሙሴን ኣሮንን ጸዊዑ፡ “በዲለ እየ፡ ሕጂ ክትከዱ ትኽእሉ ኢኹም” ኢሉ ነገሮም። ስለዚ ሙሴ ጸለየ፡ እቲ በረድ ድማ ምውቃዕ ኣቋረጸ።

![](https://cdn.door43.org/obs/jpg/360px/obs-en-10-09.jpg?direct&)

ይኹን እምበር ፈርኦን መሊሱ ሓጢኣት ሰርሐ ልቡ’ውን ኣትረረ። ንእስራኤላውያን ድማ ክሰዶም ኣይፈተወን።

![](https://cdn.door43.org/obs/jpg/360px/obs-en-10-10.jpg?direct&)

እግዚኣብሄር ድማ ናብ ግብጺ ዕስለ ኣንበጣ ኣምጽአ። እዞም ኣንበጣታት ከኣ ነቲ በረድ ዘየጥፍኦ እኽሊ በልዕዎ።

![](https://cdn.door43.org/obs/jpg/360px/obs-en-10-11.jpg?direct&)

ብድሕሪኡ እግዚኣብሄር ንሰለስተ መዓልቲ ዝጸንሐ ጸልማት ሰደደ። ግብጻውያን ካብ ኣባይቶም ምውጻእ ክሳዕ ዝስእኑ ኣዝዩ ጸልሚቱ ነበረ።

ኣብቲ እስራኤላውያን ዝነብሩሉ ከባቢ ግና ብርሃን ነበረ።

![](https://cdn.door43.org/obs/jpg/360px/obs-en-10-12.jpg?direct&)

ድሕሪ እዞም ትሽዓተ መዓት’ኳ ፈርኦን ንእስራላውያን ክሰድድ ኣይፈተወን፡፡ ፈርኦን ምስማዕ ስለ ዝኣበየ፡ እግዚኣብሄር ልቢ ፈርኦን ዝልውጥ ሓደ ናይ መወዳእታ መዓት ክሰድድ ወሰነ።

*ታሪኽ መጽሓፍ ቅዱስ፡- ካብ ዘፀኣት 5-10።*

## 11. ፋሲጋ

https://openbiblestories.org/l/ti/story-11/

![](https://cdn.door43.org/obs/jpg/360px/obs-en-11-01.jpg?direct&)

እግዚኣብሄር ንፈርኦን እስራኤላውያን እንተ ዘይሓዲጉ ካብ ሰባትን እንስሳታትን በኲሪ ተባዕታይ ዘበለ ኩሉ ከምዝቐትል ኣጠንቀቖ። ፈርኦን ነዚ’ውን ሰሚዑ ንእግዚኣብሄር ምእማንን ምእዛዝን ኣበየ።

![](https://cdn.door43.org/obs/jpg/360px/obs-en-11-02.jpg?direct&)

እግዚኣብሄር ነቲ ብእኡ ዝኣመነ ዘበለ ኩሉ ሰብ “በዅሩ ውሉድ” ንምድሓን መገዲ ኣዳለወ። ነፍሲ ወከፍ ቤተሰብ ኣበር ዘይብሉ ገንሸል መሪጹ ሓረደ።

![](https://cdn.door43.org/obs/jpg/360px/obs-en-11-03.jpg?direct&)

እግዚኣብሄር ንእስራኤላውያን ነቲ ደም ገንሸል ኣብ ልዳት ኣባይቶም ክለኽይዎ፡ ነቲ ስጋ ጠቢሶም ድማ ብዘይ መባዅዕቲ ምስ ዝተሰንከተ ቅጫ ብቕልጡፍ ክበልዕዎ ኣዘዞም። ምስ በልዕዎ ከኣ ካብ ግብጺ ንምውጻእ ክዳለዉ ነገሮም።

![](https://cdn.door43.org/obs/jpg/360px/obs-en-11-04.jpg?direct&)

እስራኤላውያን ከምቲ እግዚኣብሄር ክገብርዎ ዝኣዘዞም፡ ኩሉ ነገር ከምኡ ገበሩ። ፍርቂ ለይቲ ምስኰነ እግዚኣብሄር ኣብ ኩላ ግብጺ ብምሕላፍ በዅሪ ዝዀነ ተባዕታይ ኩሉ ቀተለ።

![](https://cdn.door43.org/obs/jpg/360px/obs-en-11-05.jpg?direct&)

ልዳት ኣባይቲ እስራኤላውያን ኵሉ ብደም ተለኽዩ ነበረ፡፡ ስለዚ እግዚኣብሄር ነተን ኣባይቲ ሓለፈን። ኣብተን ገዛውቲ ዝነበረ ኵሉ ሰብ ድማ ደሓነ። እስራኤላውያን ብምኽንያት እቲ ደም ገንሸል ደሓኑ።

![](https://cdn.door43.org/obs/jpg/360px/obs-en-11-06.jpg?direct&)

ግብጻውያን ግን ብእግዚኣብሄር ኣይመኑን ነበሩ’ሞ ትእዛዛቱ ኣይፈጸሙን። ስለዚ እግዚኣብሄር ብኣባይቶም ብምሕላፍ፡ እግዚኣብሄር ኵሎም በዅሪ ተባዕትዮ ግብጻውያን ቀተለ።

![](https://cdn.door43.org/obs/jpg/360px/obs-en-11-07.jpg?direct&)

ኣብ ቤት ማእሰርቲ ካብ ዘሎ በዅሪ እሱር ጀሚሩ ክሳብ እቲ በዅሪ ፈርኦን ነፍሲ ወከፍ በዅሪ ግብጻዊ ሞተ። ካብቲ ዝነበሮም ሓዘን ዝተላዕለ ድማ፡ ኣብ ግብጺ ዝነበሩ ብዙሓት ሰባት ይብኽዩን የእውዩን ነበሩ።

![](https://cdn.door43.org/obs/jpg/360px/obs-en-11-08.jpg?direct&)

በታ ለይቲ እቲኣ ፈርኦን ንሙሴን ንኣሮንን ጸዊዑ፡ “ንእስራኤላውያን ሒዝኩም ሕጂ ካብ ምድሪ ግብጺ ውጹ” በሎም። ግብጻውያን ድማ ንእስራኤላውያን ክወጹ ሃወኽዎም፡፡

*ታሪኽ መጽሓፍ ቅዱስ፡- ካብ ዘፀኣት 11፡1-12፡32።*

## 12. እስራኤላውያን ካብ ግብፂ ምውፅኦም

https://openbiblestories.org/l/ti/story-12/

![](https://cdn.door43.org/obs/jpg/360px/obs-en-12-01.jpg?direct&)

እስራኤላውያን ካብ ግብጺ ብምውጽኦም ኣዝዮም ተሓጐሱ። ናብታ ምድሪ ተስፋ ይጐዓዙ ስለዝነበሩ ድሕሪ ደጊም ባሮት ኣይኮኑን፡፡ ግብጻውያን፡ እስራኤላውያን ወርቅን ብሩርን ካልኦት ዝኸበሩ ነገራትን ከይተረፉ ዝሓተትዎም ኵሉ ሂቦም ሰደድዎም። ካብ ግብጺ ክውጹ ከለዉ ሓደሓደ እስራኤላውያን ዘይኰኑ ሰባት ብእግዚኣብሄር ኣሚኖም ምስ እስራኤላውያን ሓቢሮም ወጹ።

![](https://cdn.door43.org/obs/jpg/360px/obs-en-12-02.jpg?direct&)

እግዚኣብሄር ቀቅድሚኦም ዝኸይድ ብመዓልቲ ዓንዲ ደበና፡ ብለይቲ ድማ ነዊሕ ዓንዲ ሓዊ ጌይሩ መርሖም። እግዚኣብሄር ምስኦም ነበረ’ሞ ኣብ ኵሉ ጉዕዝኦም መርሖም፡፡ ንሳቶም ክገብርዎ ዝግባእ ንዕኡ ምስዓብ ጥራይ ነበረ።

![](https://cdn.door43.org/obs/jpg/360px/obs-en-12-03.jpg?direct&)

ድሕሪ ቁሩብ መዓልቲ፡ ፈርኦንን ህዝቡን ሓሳቦም ብምቕያር፡ ንእስራኤላውያን መሊሶም ባሮት ክገብርዎም ደለዩ። እግዚኣብሄር ንሱ ጥራይ ሓቀኛ ኣምላኽ ከምዝዀነ ህዝቡ ምእንቲ ክርእዩ፡ ከምኡ’ውን ንሱ “ያህዌ” ካብ ፈርኦንን ኣማልኽቱን ዝበለጸ ሓያል ኣምላኽ ከምዝዀነ ምእንቲ ክፈልጡ ንልቢ ፈርኦን ኣትረሮ። ።

![](https://cdn.door43.org/obs/jpg/360px/obs-en-12-04.jpg?direct&)

ስለዚ ፈርዖንን ሰራዊቱን መሊሶም ባሮቶም ክገብርዎም ንእስራኤላውያን ኣሳደድዎም። እስራኤላውያን፡ ሰራዊት ግብጺ ክስዕቦም ምስረኣዩ፡ ኣብ መንጎ ሰራዊት ፈርኦንን ቀይሕ ባሕርን ከምእተቐርቀሩ ተረድኡ። ኣዝዮም ፈሪሖም ስለዝነበሩ ድማ፡ “ካብ ግብጺ ንምንታይ ወጻእና፧ ደጊም ክውድኡና እዮም” ኢሎም ኣእወዩ።

![](https://cdn.door43.org/obs/jpg/360px/obs-en-12-05.jpg?direct&)

ሙሴ ከኣ ንእስራኤላውያን፡ “ኣይትፍርሑ፡ ሎሚ እግዚኣብሄር ክዋግኣልኩምን ከድሕነኩምን እዩ” በሎም። እግዚኣብሄር ከኣ፡ “ናብ ቀይሕ ባሕሪ ንኽኸዱ ነቶም ህዝቢ ንገሮም” ኢሉ ንሙሴ ተዛረቦ።

![](https://cdn.door43.org/obs/jpg/360px/obs-en-12-06.jpg?direct&)

ብድሕሪኡ እግዚኣብሄር፡ ግብጻውያን ንእስራኤላውያን ምእንቲ ከይርእይዎም ነቲ ዓንዲ ደበና ኣብ መንጎ እስራኤላውያንን ግብጻውያንን ገበሮ።

![](https://cdn.door43.org/obs/jpg/360px/obs-en-12-07.jpg?direct&)

ሙሴ ኢዱ ናብቲ ባሕሪ ብምዝርጋሕ ነቲ ባሕር ክመቕሎ እግዚኣብሄር ነገሮ። ሽዑ ንፋስ መጺኡ ነቲ ባሕሪ ኣብ ክልተ መቒሉ መገዲ ኣውጽአሉ።

![](https://cdn.door43.org/obs/jpg/360px/obs-en-12-08.jpg?direct&)

ሽዑ እስራኤላውያን እቲ ማይ ብየማነ ጸጋሞም ከም መንደቕ ኰነሎም፡ በቲ ባሕሪ ብንቑጽ መሬት ሰገሩ።

![](https://cdn.door43.org/obs/jpg/360px/obs-en-12-09.jpg?direct&)

ብድሕሪኡ እስራኤላውያን ከምዘምልጥዎም፡ ግብጻውያን ምእንቲ ክርእዩ፡ ነቲ ዓንዲ ደበና ኣግለሶ። ግብጻውያን ከኣ ደድሕሪኦም ስዒቦም ምስጓጕ ጀመሩ።

![](https://cdn.door43.org/obs/jpg/360px/obs-en-12-10.jpg?direct&)

ኣብቲ ባሕሪ ኣትዮም ድማ ንእስራኤላውያን ሰዓብዎም። እግዚኣብሄር ግና ግብጻውያን ከምዝጭነቑን ሰረገላታቶም ምኻድ ከምዝኣብይዎምን ገበረ። “ህደሙ! እግዚኣብሄር ንእስራኤላውያን እናተዋግአሎም እዩ” ኢሎም ድማ ኣእወዩ።

![](https://cdn.door43.org/obs/jpg/360px/obs-en-12-11.jpg?direct&)

እስራኤላውያን ነቲ ባሕሪ ብሰላም ምስ ሰገሩ፡ እግዚኣብሄር ንሙሴ መሊሱ ኢዱ ናብቲ ባሕሪ ክዝርግሕ ኣዘዞ። ከምቲ ዝበሎ ምስገበረ ከኣ፡ እቲ ባሕሪ ኣብ ልዕሊ ሰራዊት ግብጻውያን ተመሊሱ ከምቲ ዝነበሮ ኰነ። ኩሎም ሰራዊት ግብጺ ድማ ኣብቲ ባሕሪ ሰጠሙ።

![](https://cdn.door43.org/obs/jpg/360px/obs-en-12-12.jpg?direct&)

እስራኤላውያን ግብጻውያን ከምዝሞቱ ምስረአዩ፡ ብእግዚኣብሄረ ኣመኑ፡ ሙሴ’ውን ናይ እግዚኣብሄር ነብዪ ከምዝዀነ ኣመኑ።

![](https://cdn.door43.org/obs/jpg/360px/obs-en-12-13.jpg?direct&)

ከምኡ’ውን እስራኤላውያን እግዚኣብሄር ካብ ሞትን ባርነትን ስለዘድሐኖም ኣዝዮም ተሓጐሱ፡ ሕጂ ንእግዚኣብሄር ከገልግሉ ናጻ ኰኑ። ካብ ሰራዊት ግብጻውያን ስለዘድሐኖም ስለ እቲ ዝረኸብዎ ሓድሽ ናጽነት፡ ንእግዚኣብሄር ከኽብርዎን ከመስግንዎን ብዙሕ መዝሙር ዘመሩ።

![](https://cdn.door43.org/obs/jpg/360px/obs-en-12-14.jpg?direct&)

እግዚኣብሄር ከመይ ገይሩ ኣብ ግብጻውያን ዓወት ከምዝሃቦምን ካብ ባርነት ናጻ ከምዘውጽኦምን ምእንቲ ክዝክሩ በብዓመቱ ፋሲጋ ዝበሃል በዓል ከብዕሉ ንእስራኤላውያን ኣዘዞም። ገንሸል ሓሪዶም ምስ ዘይበዅዐ ቅጫ በሊዖም ድማ ተሐጐሱ።

*ታሪኽ መጽሓፍ ቅዱስ፡- ካብ ዘፀኣት 12፡33-15፡21።*

## 13. እግዚኣብሄር ምስ እስራኤል ዝገበሮ ቃል ኪዳን

https://openbiblestories.org/l/ti/story-13/

![](https://cdn.door43.org/obs/jpg/360px/obs-en-13-01.jpg?direct&)

እግዚኣብሄር ንእስራኤላውያን ብቐይሕ ባሕሪ ምስ መርሖም፡ ብምድረበዳ ገይሩ ሲና ናብ ዝበሃል ከረን ወሰዶም። እዚ እቲ ዝቃጸል ዝነበረ ግናኸ ዘይነድድ ቈጥቋጥ፡ ሙሴ ዝረኣየሉ ከረን እዩ። እቶም ህዝቢ ድማ ኣብ እግሪ እቲ ከረን ድንኳኖም ተኸሉ።

![](https://cdn.door43.org/obs/jpg/360px/obs-en-13-02.jpg?direct&)

እግዚኣብሄር፣ “ንዓይ እንተተኣዚዝኩምን ቃል ኪዳነይ እንተሓሊኹምን፡ ዝኸበረ ርስቲ፡ ናይ ንጉስ ካህናት፡ ከምኡ’ውን ቅዱስ ህዝቢ ክትኰኑለይ ኢኹም” ኢሉ ንሙሴን ንህዝቢ እስራኤልን ነገሮም።

![](https://cdn.door43.org/obs/jpg/360px/obs-en-13-03.jpg?direct&)

ነቶም ህዝቢ መንፈሳዊ ነገር ብዝምልከት ርእሶም ምስ ኣዳለዉ፡ ድሕሪ ሰለስተ መዓልቲ፡ እግዚኣብሄር ብነጐዳ፡ ብበርቅን ብትክን ከምኡ’ውን ዓው ብዝበለ ድምጺ መለኸትን ናብ ከረን ሲና ወረደ። ናብቲ ከረን ክድይብ እተፈቕደሉ ሙሴ ጥራይ ነበረ።

![](https://cdn.door43.org/obs/jpg/360px/obs-en-13-04.jpg?direct&)

ብድሕሪኡ፡ እግዚኣብሄር ንእስራኤላውያን ቃል ኪዳን ብምሃብ፡ “ኣነ ካብ ባርነት ግብጺ ዘውጻእኻ፡ ኣምላኽካ ያህዌ እየ። ካልኦት ኣማልኽቲ ኣይተምልኽ”፡፡

![](https://cdn.door43.org/obs/jpg/360px/obs-en-13-05.jpg?direct&)

“ጣኦታት ኣይትስርሕ፡ ኣይተምልኮም’ውን፡ ምኽንያቱ፡ ኣነ ያህዌ፡ ቀናእ ኣምላኽ እየ። ንስመይ ብኸንቱ ኣይትጸውዕ። ንመዓልቲ ሰንበት ቀድሳ። ምኽንያቱ፡ ሽዱሽተ መዓልቲ ሰሪሕኻ፡ እቲ ሻውዓይቲ መዓልቲ እትዓርፈላን ንዓይ እትዝክረላን ዕለት እያ”።

![](https://cdn.door43.org/obs/jpg/360px/obs-en-13-06.jpg?direct&)

“ኣቦኻን ኣደኻን ኣኽብር። ኣይትቕተል። ኣይትዘሙ። ኣይትስረቕ። ኣይትሓሱ። ሰበይቲ ብጻይካ፡ ገዝኡ፡ ወይ ዝዀነ ናቱ ነገር ክትወስድ ኣይትመነ”።

![](https://cdn.door43.org/obs/jpg/360px/obs-en-13-07.jpg?direct&)

ብድሕሪኡ እግዚኣብሄር ነዞም ዓሰርተ ትእዛዛት ኣብ ክልተ ጸፋሕቲ ኣእማን ጽሒፉ ንሙሴ ሃቦ። ከምኡ’ውን ክስዕብዎም ዝግባእ ካልኦት ሕግታትን ትእዛዛትን ሃቦም። እቶም ህዝቢ ነዞም ሕግታት ምስ ዝፍጽሙ እግዚኣብሄር ከምዝባርኾምን ከምዝሕልዎምን ተስፋ ሃቦም።እንተዘይፈጺሞምዎ ግና እግዚኣብሄር ክቐጽዖም እዩ።

![](https://cdn.door43.org/obs/jpg/360px/obs-en-13-08.jpg?direct&)

ከምኡ’ውን እግዚኣብሄር ብዛዕባ እቲ ክሰርሕዎ ዘለዎም ድንኳን መግለጺ ሃቦም። ንሱ ከኣ “ድንኳን ምርኻብ” ተባሂሉ ይጽዋዕ፡ ብዓብዪ መጋረጃ ዝተመቕሉ ክልተ ክፍልታት ነበርዎ። እግዚኣብሄር ኣብኡ ይነብር ስለዝነበረ፡ ነቲ መጋረጃ ሓሊፉ ክኣቱ ዝፍቀደሉ ዝነበረ ሊቀ ኻህናት ጥራሕ ነበረ።

![](https://cdn.door43.org/obs/jpg/360px/obs-en-13-09.jpg?direct&)

ሕጊ እግዚኣብሄር ዘይፍጽም ዝዀነ ይዅን ሰብ ኣብ ቅድሚት እቲ ድንኳን መራኸቢ ኣብ ዘሎ መሰውኢ ንእግዚኣብሄር ዝቐርብ መስዋእቲ ዝኸውን እንስሳ ሒዙ ይመጽእ። እቲ ካህን ድማ ነቲ እንስሳ ሓሪዱ ኣብቲ መሰውኢ የቃጽሎ ነበረ። ደም እቲ እንስሳ ንሓጢኣት እቲ ሰብ ብምሽፋን ነቲ ሰብ ኣብ ቅድሚ እግዚኣብሄር የንጽሆ ነበረ። ካህናቱ ምእንቲ ክዀኑ ንሓው ሙሴ ንኣሮንን ንዘርኡንእግዚኣብሄር መረጸ።

![](https://cdn.door43.org/obs/jpg/360px/obs-en-13-10.jpg?direct&)

ኩሎም እቶም ህዝቢ፡ ነቶም እግዚኣብሄር ዝሃቦም ትእዛዛት ንምፍጻም፡ ንእግዚኣብሄር ጥራሕ ንምምላኽን ዝተፈልየ ህዝቡ ንምዃንን ተሰማምዑ። ይኹን እምበር ንእግዚኣብሄር ንምእዛዝ ቃል ምስ ኣተዉ፡ ድሕሪ ቁሩብ እዋን ዝኸፍአ ሓጢኣት ሰርሑ።

![](https://cdn.door43.org/obs/jpg/360px/obs-en-13-11.jpg?direct&)

ሙሴ ንብዙሕ መዓልቲ ኣብ ጫፍ ከረን ሲና ኰይኑ ምስ እግዚኣብሄር ይዘራረብ ነበረ። እቶም ህዝቢ ግና ንዕኡ ምጽባይ ተሃከዩ። ስለዚ ናብ ኣሮን ወርቂ ኣምጺኦም ጣኦት ክሰርሐሎም ለመንዎ።

![](https://cdn.door43.org/obs/jpg/360px/obs-en-13-12.jpg?direct&)

ኣሮን ድማ ብመልክዕ ምራኽ ናይ ወርቂ ጣዖት ሰርሐሎም። እቶም ህዝቢ ድማ ቅጥዒ ብዘይብሉ ኩነታት ነቲ ጣዖት ከምልኹ ጀመሩ። መስዋእት’ውን ሰውኡሉ። ብሓጥያቶም ከኣ እግዚኣብሄር ኣዝዩ ተቘጥዐ። ከጥፍኦም’ውን ሓሰበ። ነገር ግን ሙሴ ብዛዕብኣቶም ፀለየ። እግዚኣብሄር ፀሎቱ ስለዝሰምዐ ድማ ኣየጥፍኦምን።

![](https://cdn.door43.org/obs/jpg/360px/obs-en-13-13.jpg?direct&)

ሙሴ ካብቲ እምባ ወሪዱ ነቲ ጣኦት ምስረኣየ፡ ኣዝዩ ተቘጥዐ። ነቶም ዓሰርተ ትእዛዛት ዝተጻሕፉሎም ጸፋሕቲ ኣእማን ከኣ ሰባበሮም።

![](https://cdn.door43.org/obs/jpg/360px/obs-en-13-14.jpg?direct&)

ብድሕሪኡ ሙሴ ነቲ ጣዖት ጠሓኖ፤ ኣብ ማይ ድማ በተኖ፤ ነቶም ህዝቢ ከኣ ኣሰተዮም። እግዚኣብሄር ኣብቶም ህዝቢ መቕዘፍቲ ሰዲዱ ካብኣቶም ብዙሓት ሞቱ።

![](https://cdn.door43.org/obs/jpg/360px/obs-en-13-15.jpg?direct&)

ሙሴ መሊሱ ናብቲ ከረን ወጺኡ እግዚኣብሄር ነቶም ህዝቢ ይቕረ ክብለሎም ጸለየ። እግዚኣብሄር ንሙሴ ሰሚዑ ድማ ይቕረ በለሎም። ነቶም ዝሰባበሮም ጸፋሕቲ ኣእማን ብምትካእ ኣብ ካልኦት ጸፋሕቲ ኣእማን ነቶም ዓሰርተ ትእዛዛት ጸሓፎም።

![](https://cdn.door43.org/obs/jpg/360px/obs-en-13-16.jpg?direct&)

ብድሕሪኡ እግዚኣብሄር ንእስራኤላውያን ካብ ከረን ሲና ናብታ ምድሪ ተስፋ መርሖም።

*ታሪኽ መጽሓፍ ቅዱስ፡- ካብ ዘፀኣት 19-34።*

## 14. ኣብ ምድረበዳ ኮለል በሉ

https://openbiblestories.org/l/ti/story-14/

![](https://cdn.door43.org/obs/jpg/360px/obs-en-14-01.jpg?direct&)

እግዚኣብሄር እቲ ምስኣቶም ዝገበሮ ቃል ኪዳንን ሕግታትን ክእዘዙ ንእስራኤላውያን ምስ ነገሮም፡ ካብ ከረን ሲና ከዱ። እግዚኣብሄር ንህዝቡ ካብ ከረን ሲና ናብታ ከንኣን ተባሂላ እትጽዋዕ ዝነበረት ምድሪ ተስፋ መርሖም። ዓንዲ ደበና ቀቅድሚኦም ከደ፡ ንሳቶም ከኣ ሰዓብዎ።

![](https://cdn.door43.org/obs/jpg/360px/obs-en-14-02.jpg?direct&)

እግዚኣብሄር ነታ ምድሪ ተስፋ ንዘርኦም ከምዘውርሶም ንኣብርሃም፡ ንይስሓቕን ንያእቆብን ተስፋ ሂብዎም ነበረ። ይኹን እምበር ኣብታ ምድሪ ዝተፈላለዩ ህዝብታት ይነብሩ ነበሩ። ንሳቶም ድማ ከንኣናውያን ተባሂሎም ይፍለጡ ነበሩ። ከንኣናውያን ንእግዚኣብሄር ኣይእዘዝዎን፡ ኣየምልኽዎን’ውን። ናይ ሓሶት ኣማልኽቲ ኣምለኹ፡ ብዙሕ ነገራት ድማ ፈጸሙ።

![](https://cdn.door43.org/obs/jpg/360px/obs-en-14-03.jpg?direct&)

እግዚኣብሄር ንእስራኤላውያን ከምዚ ኢሉ ነገሮም፤ “ኣብታ ምድሪ ተስፋ ዘለዉ ከንኣናውያን ኣጥፍእዎም። ምስኣቶም ሰላም ኣይሃልኹም፡ ኣይትዋሰቡ’ውን። ንኹሎም ጣኦታቶም ድማ ኣጥፍእዎም። ንዓይ ምእዛዝ እንተኣቢኹም፡ ኣብ ክንዳይ ንጣኦታቶም ክተምልኹ ኢኹም”።

![](https://cdn.door43.org/obs/jpg/360px/obs-en-14-04.jpg?direct&)

እስራኤላውያን ናብ ወሰን ከንኣን ምስበጽሑ፡ ሙሴ ካብ ነፍሲ ወከፍ ዓሌት እስራኤል ሓድሓደ ሰብ፡ ዓሰርተ ኽልተ ሰባት መረጸ። ከይዶም እታ ምድሪ እንታይ ከምእትመስል ክስልዩ መምሪሒ ሃቦም። እቶም ሰባት ብርቱዓት ወይ ድኹማት ምዃኖም ንምርኣይ ንኸንኣናውያን ምስላይ ኣድለዮም።

![](https://cdn.door43.org/obs/jpg/360px/obs-en-14-05.jpg?direct&)

እቶም ዓሰርተ ኽልተ ሰባት ኣብ ከንኣን ንኣርብዓ መዓልቲ ብምጕዓዝ ተመሊሶም መጹ። “እታ ምድሪ ኣዝያ ለምለም፡ እኽላ ድማ ብዙሕ እዩ”› ኢሎም ነቶም ህዝቢ ነገርዎም። እቶም ዓሰርተ ሰለይቲ ግና፣ “ከተማታቶም ጽኑዓት እየን፡ ንሳቶም ድማ ብርቱዓት እዮም፡ ምስኣቶም እንተተዋጋእና ክስዕሩና፡ ክቐትሉና’ውን እዮም” በሉ።

![](https://cdn.door43.org/obs/jpg/360px/obs-en-14-06.jpg?direct&)

ሽዑ እቶም ካልኦት ክልተ ሰለይቲ፡ ካሌብን ኢያሱን፡ “ከንኣናውያን ነዋሕትን ብርቱዓትን ምዃኖም ሓቂ እዩ፡ ይኹን እምበር ንሕና ክንስዕሮም ኢና፡ ኣብ ክንዳና ዝዋጋእ እግዚኣብሄር እዩ” በሉ።

![](https://cdn.door43.org/obs/jpg/360px/obs-en-14-07.jpg?direct&)

እቲ ህዝቢ ግና ንካሌብን ኢያሱን ኣይሰምዕዎምን። ኣብ ሙሴን ኣሮንን ተቘጢዖም ድማ፡ “ናብዚ ክፉእ ቦታ ንምንታይ ኣምጺእኹምና፡ ብውግእ ካብ እንሞት’ሞ ኣንስትናን ደቅናን ባሮት ካብ ዝዀኑ፡ ኣብ ግብጺ እንተንነብር ምሐሸና” በሉ። እቲ ህዝቢ መሊሱ ናብ ግብጺ መሪሑ ዝወስዶም መራሒ ንምምራጽ ደለዩ።

![](https://cdn.door43.org/obs/jpg/360px/obs-en-14-08.jpg?direct&)

እግዚኣብሄር ብጣዕሚ ተቘጢዑ ናብቲ ድንኳን ምርኻብ መጸ። ከምዚ ድማ በሎም፡ “ንስኻትኩም ኣባይ ስለዝዓመጽኩም እዞም ህዝቢ ኩሎም ኣብ ምድረ በዳ ኮለል ክብሉ እዮም። ብዘይካ ኢያሱን ካሌብን ድማ ልዕሊ ዒስራ ዓመትን ዝዀኑ ኵሎም ኣብኡ ክሞቱ እዮም፡ ካባታቶም ሐደ’ኳ ናብታ ምድሪ ተስፋ ኣይክኣትውን” በለ።

![](https://cdn.door43.org/obs/jpg/360px/obs-en-14-09.jpg?direct&)

እቶም ህዝቢ ነዚ ምስ ሰምዑ፡ ሓጢኣት ብምስርሖም ሓዘኑ። ናውቲ ውግኦም ሒዞም ድማ ምስ ከንኣናውያን ክዋግኡ ከዱ። እግዚኣብሄር ምስኣቶም ስለዘየለ ናብቲ ውግእ ከይኸዱ ሙሴ ኣጠንቀቖም። ንሳቶም ግን ኣይሰምዕዎን።

![](https://cdn.door43.org/obs/jpg/360px/obs-en-14-10.jpg?direct&)

እግዚኣብሄር ምስኣቶም ናብቲ ውግእ ስለዘይወጸ ተሳዕሩ፡ ብዙሓት’ውን ሞቱ። ብድሕሪኡ እስራኤላውያን ካብ ከንኣን ተመሊሶም ኣብ ምድረ በዳ ንኣርብዓ ዓመት ኮለል በሉ፡፡

![](https://cdn.door43.org/obs/jpg/360px/obs-en-14-11.jpg?direct&)

ህዝቢ እስራኤል ኣብተን ኣብ ምድረበዳ ዝተንከራተቱለን ኣርብዓ ዓመታት እግዚኣብሄር መገቦም። ካብ ሰማይ “ማና” ዝብሃል እንጀራ ሃቦም። ስጋ ክበልዑ ድማ ናብ ሰፈሮም ብርንሂጎታት ሰደደሎም። ኣብቲ ግዜ እቲ ክዳኖም ኰነ ጫምኦም ከምዘይኣርግ ገበረሎም።

![](https://cdn.door43.org/obs/jpg/360px/obs-en-14-12.jpg?direct&)

እግዚኣብሄር ተኣምራዊ ብዝዀነ መንገዲ ካብ ከውሒ ከይተረፈ’ኳ ማይ ኣውጺኡ ኣስተዮም። እዚ ኩሉ ኰይኑ ክነሱ፡ ህዝቢ እስራኤል ኣብ ሙሴን ኣብ እግዚኣብሄርን ኣማረሩን ኣጒረምረሙን። ይዅን እምብር እግዚኣብሄር እቲ ንኣብርሃምን ንይስሓቕን ንያእቆብን ዘተስፈዎም ንምፍጻም ሕጂ’ውን እሙን ነበረ።

![](https://cdn.door43.org/obs/jpg/360px/obs-en-14-13.jpg?direct&)

እቶም ህዝቢ ጥብ እትብል ማይ ኣብ ዘይነበሮም እዋን እግዚኣብሄር ንሙሴ፡ “ነዚ ከውሒ ተዛረቦ፡ ንሱ ከኣ ማይ ክፍልፍል እዩ” በሎ። ሙሴ ግና ነቲ ከውሒ ኣብ ክንዲ ምዝራብ ክልተ ሳዕ ብበትሪ ስለዝወቕዖ፡ ኣብ ቅድሚ እቲ ኵሉ ህዝቢ ንእግዚኣብሄር ኣየኽበሮን። ኵሉ ሰብ ምእንቲ ክሰቲ ድማ ካብቲ ከውሒ ማይ ፈልፈለ፡ እንተኾነ እግዚኣብሄር ኣብ ሙሴ ተቘጥዐ፡ “ናብታ ምድሪ ተስፋ ኣይትኣትውን” ድማ በሎ።

![](https://cdn.door43.org/obs/jpg/360px/obs-en-14-14.jpg?direct&)

እስራኤላውያን ንኣርብዓ ዓመት ኣብ ምድረበዳ ኮለል ምስ በሉ፡ እቶም ኣብ እግዚኣብሄር ዝዓመጹ ኵሎም ሞቱ። ብድሕሪኡ እግዚኣብሄር ንህዝቡ መሊሱ ናብ ወሰን እታ ምድሪ ተስፋ መርሖም። ሽዑ ሙሴ ኣሪጉ ነበረ። ስለዚ ነቲ ህዝቢ ብምምራሕ ምእንቲ ክሕግዞ እግዝኣብሄር ንኢያሱ መረጸ። ከምኡ’ውን ከም ሙሴ ዝበለ ካልእ ነብዪ ሓደ መዓልቲ ከምዝልእኽ እግዚኣብሄር ንሙሴ ተስፋ ሃቦ።

![](https://cdn.door43.org/obs/jpg/360px/obs-en-14-15.jpg?direct&)

ብድሕሪኡ ነታ ምድሪ ተስፋ ምርኣይ ምእንቲ ክኽእል ናብ ጫፍ ከረን ክወጽእ ንሙሴ እግዚኣብሄር ነገሮ። ሙሴ ነታ ምድሪ ተስፋ ረኣያ፡ ናብኣ ክኣቱ ግና እግዚኣብሄር ኣይፈቐደሉን። ብድሕሪኡ ድማ ሙሴ ሞተ። እስራኤላውያን ከኣ ሰላሳ መዓልቲ ሓዘኑ። ቀጺሉ ሓዱሽ መራሒኦም ኢያሱ ኰነ። ኢያሱ ብእግዚኣብሄር ዝኣመነን ምእዙዝን ስለዝነበረ ጥዑይ መራሒ ነበረ።

*ታሪኽ መፅሓፍ ቅዱስ፡- ካብ ዘፀኣት 16-17፤ ዘሁልቁ 10-14፤ 20፤ 27፤ ዘዳግም 34።*

## 15. እታ ምድሪ ተስፋ

https://openbiblestories.org/l/ti/story-15/

![](https://cdn.door43.org/obs/jpg/360px/obs-en-15-01.jpg?direct&)

ኣብ መወዳእታ እስራኤላውያን ናብታ ምድሪ ተስፋ ናብ ከንኣን ዝኣትዉሉ እዋን በጽሐ። ኢያሱ ናብታ ብብርቱዕ ቀጽሪ ትሕለው ዝነበረት ከተማ ከንኣናውያን “ያሪኮ” ክልተ ሰለይቲ ለኣኸ። ኣብታ ከተማ ድማ ነቶም ሰለይቲ ዝሓብአትን ከምልጡ ዝሓገዘቶምን ረሃብ እትበሃል ኣመንዝራ ሰበይቲ ነበረት። ንሳ ነዚ ዝገበረት ብእግዚኣብሄር ስለዝኣመነት እያ። እቶም ሰለይቲ፡ እስራኤላውያን ንያሪኮ ከጥፍእዋ እንከለዉ ንረሃብን ቤተሰባን ከምዘድሕንዋ ቃል ኣተዉላ።

![](https://cdn.door43.org/obs/jpg/360px/obs-en-15-02.jpg?direct&)

እስራኤላውያን ናብታ ምድሪ ተስፋ ንምእታው ንሩባ ዮርዳኖስ ክሰግሩ ነይሩዎም። እግዚኣብሄር፡ “መጀመርታ ካህናት ክሰግሩ ግበር” ኢሉ ንኢያሱ ነገሮ። እቶም ካህናት ናብ ሩባ ዮረዳኖስ ምእታው ምስጀመሩ፡ እቲ ማይ ምፍሳሱ ደው ኣበለ፡ እስራኤላውያን ድማ ብንቑጽ መሬት ሰገሩ።

![](https://cdn.door43.org/obs/jpg/360px/obs-en-15-03.jpg?direct&)

እቶም ህዝቢ ሩባ ዮርዳኖስ ምስሰገሩ፡ ነታ ሓያል ከተማ ያሪኮ ከመይ ገይሮም ከጥቅዕዋ ከምዘለዎም እግዚኣብሄር ንኢያሱ ነገሮ። እቶም ህዝቢ ከኣ ንእግዚኣብሄር ተኣዘዙ። እቲ ሰራዊትን እቶም ካህናትን ከምቲ እግዚኣብሄር ዝነገሮም በብመዓልቱ ሓደ ሳዕ ንሽዱሽተ መዓልቲ ንኸተማ ኢያሪኮ ዘወርዋ።

![](https://cdn.door43.org/obs/jpg/360px/obs-en-15-04.jpg?direct&)

ብድሕሪኡ እስራኤላውያን ነታ ከተማ ሸውዓተ ሻዕ ዘወርዋ። ንመወዳእታ ግዜ እናዘወሩ ከለዉ እቶም ሰራዊት ጨደሩ፡ ካህናት’ውን መለኸቶም ነፍሑ።

![](https://cdn.door43.org/obs/jpg/360px/obs-en-15-05.jpg?direct&)

ሽዑ እቲ ኣብ ዙርያ ያሪኮ ተነዲቑ ዝነበረ ቀጽሪ ወደቐ፡ ከምቲ እግዚኣብሄር ዝኣዘዞም ድማ ኣብታ ከተማ ንዝነበረ ኩሉ ኣጥፍእዎ። ረኣብን ቤተሰባን ግና ኣድሓንዎም። ንሳቶም ከኣ ምስ እስራኤላውያን ተጸንበሩ፡፡ ኣብ ከንኣን ይነብሩ ዝነበሩ ካልኦት ህዝቢ እስራኤላውያን ንኢያሪኮ ከምዘጥፍእዋ ምስ ሰምዑ፡ ንዓና’ውን ኣይገድፉናን ኢሎም ፈርሑ።

![](https://cdn.door43.org/obs/jpg/360px/obs-en-15-06.jpg?direct&)

እግዚኣብሄር ኣብ ከንኣን ምስዝርከቡ ዝዀኑ ይኹኑ ህዝብታት ናይ ሰላም ስምምዕነት ከይገብሩ ንእስራኤላውያን ኣዚዝዎም ነበረ። ካብ ከንኣናውያን ሓደ ዓሌት ዝዀኑ ጊብዖናውያን ዝብሃሉ ካብ ርሑቕ ከምዝመጹ ብምምሳል ንኢያሱ ሓሲዮም ነገረዎ። ምስኣቶም ሰላም ክገብር ንኢያሱ ሓተትዎ። ጊብዖናውያን ካበይ ከም ዝመጹ ኢያሱን እስራኤላውያንን ንእግዚኣብሄር ኣይሓተትዎን ነበሩ’ሞ ምስኣቶም ናይ ሰላም ስምምዕነት ገበረ።

![](https://cdn.door43.org/obs/jpg/360px/obs-en-15-07.jpg?direct&)

ጊብዖናውያን ከምዘታለልዎም ምስፈለጡ እስራኤላውያን ሓረቑ፡ ይኹን እምበር ኣብ ቅድሚ እግዚኣብሄር ዝኣተውዎ ቃል ስለ ዝነበረ ነቲ ምስኣቶም ዝገበርዎ ናይ ሰላም ስምምዕነት ሓለዉ። ጽንሕ ኢሎም ብኻልእ ግዜ ኣብ ከንኣን ዝነበሩ ናይ ካልእ ዓሌት ህዝቢ ነገስታት፣ ኣሞራውያን፡ ሰብ ጊብዖኦን ምስ እስራኤላውያን ናይ ሰላም ስምምዕነት ከምዝገበሩ ሰምዑ: ስለዚ ሰራዊቶም ኣተሓባቢሮም ንጊብዖናውያን ወግእዎም። ጊብዖናውያን ከኣ ሓገዝ ደልዮም ናብ ኢያሱ መልእኽቲ ሰደዱ። ።

![](https://cdn.door43.org/obs/jpg/360px/obs-en-15-08.jpg?direct&)

ስለዚ ኢያሱ ንሰራዊት እስራኤል ኣኪቡ፡ ናብ ጊብዖናውያን ከርክብ ሙሉእ ለይቲ ተጓዕዙ። ምስ ወግሐ ከይሓሰብዎ ንሰራዊት ኣሞራውያን ወግኡ።

![](https://cdn.door43.org/obs/jpg/360px/obs-en-15-09.jpg?direct&)

በታ መዓልቲ እቲኣ እግዚኣብሄር፡ ንእስራኤላውያን ተዋግኣሎም። ንኣሞራውያን ብምድንጋር ዓበይቲ ኣእማን በረድ ኣውሪዱ ብዙሓት ኣሞራውያን ቀተለ።

![](https://cdn.door43.org/obs/jpg/360px/obs-en-15-10.jpg?direct&)

ከምኡ’ውን እስራኤላውያን ንኣሞራውያን ፈጺሞም ምእንቲ ክስዕርዎም ጸሓይ ኣብ ሰማይ ደው ኢላ ካብ ምዕራብ ክትድንጒ ገበረ። በታ መዓልቲ እቲኣ እግዚኣብሄር ንእስራኤላውያን ዓብዪ ዓወት ሃቦም።

![](https://cdn.door43.org/obs/jpg/360px/obs-en-15-11.jpg?direct&)

እግዚኣብሄር ነዞም ሰራዊት ምስ ሰዓረ፡ መብዛሕትኦም ህዝብታት ከንኣን ተሓባቢሮም ንእስራኤላውያን ክወግኡ ተላዕሉ። ኢያሱን እስራኤላውያንን ግና ሰዓርዎምን ኣጥፍእዎምን።

![](https://cdn.door43.org/obs/jpg/360px/obs-en-15-12.jpg?direct&)

ድሕሪ እዚ ውግእ፡ እግዚኣብሄር ንነፍሲ ወከፍ ዓሌት እስራኤል ናይታ ምድሪ ተስፋ ዘዝብጽሖም ርስቲ መቐሎም። ብድሕሪኡ እግዚኣብሄር ነታ ምድሪ ኣብ ኵሉ ወሰና ሰላም ገበረላ፡፡

![](https://cdn.door43.org/obs/jpg/360px/obs-en-15-13.jpg?direct&)

ኢያሱ ምስ ኣረገ፡ ንህዝቢ እስራኤል ብሓንሳብ ጸውዖም። ሽዑ ነቲ እግዚኣብሄር ኣብ ከረን ሲና ምስ እስራኤላውያን ዝገበሮ ቃል ኪዳን ክእዘዙ ግቡኦም ኣፍለጦም። እቶም ህዝቢ ደማ ንእግዚኣብሄር ሕግታቱ ክእዘዙን እሙናት ኰይኖም ክነብሩን ቃል ኣተዉ።

*ታሪኽ መፅሓፍ ቅዱስ፡- ካብ ኢያሱ 1-24።*

## 16. መውጻእቲ ሓራ

https://openbiblestories.org/l/ti/story-16/

![](https://cdn.door43.org/obs/jpg/360px/obs-en-16-01.jpg?direct&)

ኢያሱ ምስ ሞተ፡ እስራኤላውያን ንእግዚኣብሄር ኣይተኣዘዙን፡ ነቶም ተሪፎም ዝነበሩ ከንኣናውያን’ውን ካብ መንጐኦም ኣይውጽእዎምን፡ ከምኡ’ውን ንሕጊ እግዚኣብሄር ኣይተኣዘዙን። እስራኤላውያን ነቲ ሓቀኛ ኣምላኽ ዝዀነ ንያህዌ ምምላኽ ገዲፎም ንኣማልኽቲ ከንኣናውያን ምምላኽ ጀመሩ። እስራኤላውያን ንጉስ ኣይነበሮምን፡ ስለዚ ነፍሲ ወከፍ ሰብ ቅኑዕ መሲሉ ዝተራእዮ ኩሉ ይገብር ነበረ።

![](https://cdn.door43.org/obs/jpg/360px/obs-en-16-02.jpg?direct&)

እስራኤላውያን ንእግዚኣብሄር ብዘይምእዛዝ ስለ ዝቐጸሉ፡ እግዚኣብሄር ኣብ ኢድ ጸላእቶም ኣሕሊፉ ሃቦም። እዞም ጸላእቶም ነቑሑት እስራኤላውያን ሰረቑ፡ ናውቶም’ውን ኣዕነዉ፤ ንመብዛሕትኦም’ውን ቀተልዎም። እስራኤላውያን ንእግዚኣብሄር ብዘይምእዛዝን ብመግዛእቲ ጸላእቶም ንብዙሕ ዘበናት ምስ ጸንሑ፡ ተነስሑ፡ ካብ ጸላእቶም ከናግፎም ድማ ናብ እግዚኣብሄር ጸለዩ።

![](https://cdn.door43.org/obs/jpg/360px/obs-en-16-03.jpg?direct&)

ብድሕሪኡ እግዚኣብሄር ካብ ጸላእቶም ዘናግፎም ሓራ ዘውጽእ ሰብ ሰደደሎም፡ ኣብታ ምድሪ ድማ ሰላም ኣብዝሐሎም። ንሳቶም ግና ንኣምልኾም መሊሶም ንእግዚኣብሄር ረስዕዎ። ካልኦት ጣኦታት’ውን ኣምለኹ። በዚ ምኽንያት እዚ ድማ እግዚኣብሄር ንሚድያማውያን ጸላእቶም ገይሩ ኣተንስኣሎም፡ ሰዓርዎም ድማ።

![](https://cdn.door43.org/obs/jpg/360px/obs-en-16-04.jpg?direct&)

ሚድያማውያን ንሸውዓተ ዓመት ዝኸውን ንዘራእቲ እስራኤላውያን ኩሉ ወሰዱሎም። እስራኤላውያን ኣዝዮም ፈሪሖም ነበሩ። ኣብ በብበዓቱን በብጐዳጒድን ተሓቢኦም ስለዝነበሩ ድማ ሚድያማውያን ክረኽብዎም ኣይከኣሉን። ላሕ ምስበሉ ድማ ከድሕኖም ናብ እግዚኣብሄር ጸለዩ።

![](https://cdn.door43.org/obs/jpg/360px/obs-en-16-05.jpg?direct&)

ሓደ መዓልቲ ጊዴዎን ዝበሃል እስራኤላዊ፡ ሚድያማውያን እኽሉ ከይወስዱሉ ተሓቢኡ እኽሊ ይዘብጥ ነበረ። መልኣኽ እግዚኣብሄር ናብኡ መጺኡ ከኣ ከምዚ በሎ፡ “ኣታ ሓያል ጅግና ሰብ፡ እግዚኣብሄር ምስኻ እዩ። ኬድካ ንእስራኤላውያን ካብ ሚድያማውያን ኣድሕኖም”።

![](https://cdn.door43.org/obs/jpg/360px/obs-en-16-06.jpg?direct&)

ኣቦ ጊዴዎን ንኣምልኾ ጣኦት ዝተዳለወ መሰውኢ ነበሮ። እግዚኣብሄር ድማ ነቲ መሰውኢ ከፍርሶ ንጊዴዎን ነገሮ። ነገር ግን ጊዴዎን ነቲ ህዝቢ ስለዝፈርሐ ክሳዕ ዝመሲ ጸንሐ። ብድሕሪኡ ነቲ መሰውኢ ኣፈራረሶ፡ ሰባበሮ ድማ። ኣብ ጥቕኡ ከኣ ሓዱሽ መሰውኢ ንእግዚኣብሄር ሰርሐ። ንእግዚኣብሄር ድማ መስዋእቲ ሰውኣሉ።

![](https://cdn.door43.org/obs/jpg/360px/obs-en-16-07.jpg?direct&)

ንጽባሒቱ ንጉሆ ዝዀነ ሰብ ነቲ መሰውኢ ከምዘፍረሶ ርእዮም ኣዝዮም ተቘጥዑ። ንጊዴዎን ክቐትሉ ከኣ ናብ እንዳ ጊዴዎን ከዱ። ኣቦ ጊዴዎን ድማ፡ “ንምንታይ ንኣምላኽኩም ክትሕግዙ እትፍትኑ፡ ንሱ ኣምላኽ እንትዀይኑ ንርአሱ ባዕሉ ይከራኸር” በሎም። ነዚ ስለ ዝበሎም ከኣ እቶም ህዝቢ ንጊዴዎን ኣይቀተልዎን።

![](https://cdn.door43.org/obs/jpg/360px/obs-en-16-08.jpg?direct&)

ሚድያማውያን ንእስራኤላውያን ክወርዎም መሊሶም መጹ። ቁጽሮም ኣዝዩ ብዙሕ ስለዝነበረ ክቘጽሮም ዝኽእልን ኣይነበረን። ጊዴዎን ንሚድያማውያን ንምውጋእ ንእስራኤላውያን ጸውዖም። እግዚኣብሄር

ንዕኡ ተጠቒሙ ንእስራኤል ከድሕን እንተዀይኑ ንምርግጋጽ ጌዴዎን ክልተ ምልክታት ከርእዮ ንእግዚኣብሄር ለመኖ።

![](https://cdn.door43.org/obs/jpg/360px/obs-en-16-09.jpg?direct&)

ነቲ ናይ መጀመረታ ምልክት ጨርቂ ኣብ መሬት ገይሩ እቲ ናይ ንጉሆ ዛዕዛዕታ ኣብቲ ጨርቂ ጥራይ እምበር ኣብ መሬት ከይርአ ሓተቶ። እግዚኣብሄር ድማ ከምቲ ዝለመኖ ገበረሉ። ንጽባሒቱ ምሸት ጌዴዎን ንእግዚኣብሄረ ከምዚ ኢሉ ሓተቶ፡፡ እቲ መሬት ብዛዕዛዕታ ንጉሆ ይርሓስ፡ እቲ ጨርቂ ግና ደረቕ ይዅን በለ። እግዚኣብሄር ከኣ ከምኡ ገበረ። እዞም ክልተ ምልክታት እግዚኣብሄር ንዕኡ ተጠቒሙ ንእስራኤል ካብ ኢድ ሚድያማውያን ከምዘድሕን ንጊዴዎን መረጋገጺ ኰኑሉ።

![](https://cdn.door43.org/obs/jpg/360px/obs-en-16-10.jpg?direct&)

32,000 ወታደራት እስራኤላውያን ናብ ጊዴዎን መጹ፡፡ እግዚኣበሄር ግና ቁጽሮም ብዙሕ እዩ በሎ። ስለዚ ጊዴዎን ንምውጋእ ዝፈርሑ 22,000 ወታደራት ናብ ቤቶም መለሶም። እግዚኣብሄር ንጌዴዎን ሕጂ’ውን ቁጽሪ እቶም ወታደራት ብዙሕ እዩ በሎ። ስለዚ ጊዴዎን 300 ወታደራት ኣትሪፉ ነቶም ካልኦት ነናብ ገዝኦም ክምለሱ ገበረ።

![](https://cdn.door43.org/obs/jpg/360px/obs-en-16-11.jpg?direct&)

በታ ለይቲ እቲኣ እግዚኣብሄር ንጊዴዎን፡ “ናብ ሰፈር ሰራዊት ሚድያማውያን ውረድ፡ ዝብልዎ እንተሰማዕኻ’ኳ ኣይትፍርሓዮም” በሎ። ስለዚ ጊዴዎን ናብ ሰፈር ሰራዊት ሚድያማውያን በታ ለይቲ ወረደ፡ ሓደ ናይ ሚድያም ወታደር ንዓርኩ ብሕልሙ፡ “ሰራዊት ጌዴዎን ንናይ ሚድያም ሰራዊት ክስዕር” ከምዝርአየ ክዛረብ ሰምዖ። ጊዴዎን ነዚ ምስ ሰምዐ ንእግዚኣብሄር ሰገደ።

![](https://cdn.door43.org/obs/jpg/360px/obs-en-16-12.jpg?direct&)

ብድሕሪኡ ጊዴዎን ናብቶም ሰራዊቱ ተመሊሱ ንሕድሕዶም መለኸትን ሳርማን ሽግን ሃቦም። ሰራዊት ሚድያማውያን ደቂሶም ከለዉ ነቲ ሰፊሮሙሉ ዝነበረ ሰፈር ከበብዎ። እቶም 300 ሰራዊት ጊዴዎን ነቲ ዝወልዕዎ ሽግ ኣብ ውሽጢ ሳርማኦም ሒዞምዎ ስለዝነበሩ፡ ሰራዊት ሚድያማውያን ነቲ ናይቲ ሽግ ብርሃን ክርእይዎ ኣይከኣሉን።

![](https://cdn.door43.org/obs/jpg/360px/obs-en-16-13.jpg?direct&)

ብድሕሪኡ ወታደራት ጊዴዎን ብሓደሳዕ ነቶም ሳርማኦም ሰበሩ፡ ናይቲ ሽጎም ብርሃን ብሓደሳዕ ብሃንደበት በርሀ። መለኸቶም እናነፍሑ ድማ፡ “ሰራዊት እግዚኣብሄርን ጊዴዎንን” እናበሉ ጨደሩ።

![](https://cdn.door43.org/obs/jpg/360px/obs-en-16-14.jpg?direct&)

እግዚኣብሄር ድማ ንሚድያማውያን ኣደናጋገሮም፡ ንሕድሕዶም ከኣ ተቓተሉ። ሽዑ ኣብ በቤቶም ዝነበሩ እስራኤላውያን ተጸዋዊዖም ንሚድያማውያን ከባርሩ ተሓጋገዙ። ንብዙሓት’ውን ቀተሉ፡ ነቶም ዝተረፉ ድማ ካብ ምድሪ እስራኤላውያን ኣባረርዎም። በቲ ግዜ እቲ 120,000 ወታደራት ሚድያማውያን ሞቱ። እግዚኣብሄር ከኣ ንእስራኤል ካብኣቶም ኣድሓኖም።

![](https://cdn.door43.org/obs/jpg/360px/obs-en-16-15.jpg?direct&)

እቶም ህዝቢ ድማ ጊዴዎን ንጉሶም ክኸውን ደለዩ። ጊዴዎን ከምኡ ክገብሩ ኣይፈቐደሎምን፤ ይኹን እምበር ነፍሲ ወከፎም ካብ ሚድያማውያን ዝወሰድዎም ቐላብቲ ወርቂ ከምጽኡሉ ሓተቶም። እቶም ህዝቢ ድማ ኣዝዩ ብዙሕ ወርቂ ኣምጽኡሉ።

![](https://cdn.door43.org/obs/jpg/360px/obs-en-16-16.jpg?direct&)

ጊዴዎን ነቲ ወርቂ ኣምኪኹ ከምቲ ሊቀኻህን ዝኽደኖ ዝበለ ፍሉይ ክዳን ገይሩ ኣስርሖ። እቶም ህዝቢ ነቲ ክዳን ከም ጣኦት ከምልኽዎ ጀመሩ። በዚ ምኽንያት እዚ ከኣ እግዚኣብሄር ኣብ ኢድ ጸላእቶም ኣሕሊፉ ሃቦም። ኣብ መወዳእታ እቶም ህዝቢ ከድሕኖም ናብ እግዚኣብሄር ጸለዩ። እግዚኣብሄር ድማ ካልእ መድሓኒ ለኣኸሎም።

![](https://cdn.door43.org/obs/jpg/360px/obs-en-16-17.jpg?direct&)

እዚ ከምዚ ዘበለ ነገር ብዙሕ ሳዕ ተደጋገመ። እስራኤላውያን ሓጥያት ይሰርሑ፡ እግዚኣብሄር ከዓ ይቐጽዖም፤ መሊሶም ይንስሑ፡ እግዚኣብሄር መሊሱ ዘድሕኖም ሰብ የተንስአሎም። ንብዙሕ ዓመታት እግዚኣብሄር ንእስራኤላውያን ንምድሓን ብዙሓት መውጻእቲ ሓራ ሰደደሎም።

![](https://cdn.door43.org/obs/jpg/360px/obs-en-16-18.jpg?direct&)

ብድሕሪኡ፡ እቶም ህዝቢ ከምቲ እቶም ካልኦት ኣህዛብ ዘለዉዎም ንጉስ ክገብረሎም ንእግዚኣብሄር ለመንዎ። ኣብ ውግእ ዝመርሖም ነዊሕን ብርቱዕን ንጉስ ክህልዎም ደለዩ። እግዚኣብሄር ግና ነዚ ሕቶኦም ኣይፈተወሎምን። ይኹን እምበር ከምቲ ዝደለይዎ ንጉስ ኣንገሰሎም።

*ታሪኽ መፅሓፍ ቅዱስ፡- መሳፍንቲ 1-5፣ 6-8።*

## 17. እግዚኣብሄር ምስ ዳዊት ዝገበሮ ቃል ኪዳን

https://openbiblestories.org/l/ti/story-17/

![](https://cdn.door43.org/obs/jpg/360px/obs-en-17-01.jpg?direct&)

ሳኦል ናይ መጀመርታ ንጉስ እስራኤል ነበረ። ንሱ ከምቲ ንሳቶም ዝደልይዎ ነዊሕን ምልኩዕን ነበረ። ሳኦል ኣብተን ናይ መጀመርታ ዓመታት ንእስራኤላውያን ከመሓድር ከሎ ቅኑዕ ንጉስ ነበረ። እናጸንሐ

ምስከደ ግና ንእግዚኣብሄር ዘይእዘዝ ክፉእ ሰብ ኰነ፡ ስለዚ እግዚኣብሄር ሓደ መዓልቲ ኣብ ክንዲ ሳኦል ዝትካእ ካልእ ሰብ መረጸ።

![](https://cdn.door43.org/obs/jpg/360px/obs-en-17-02.jpg?direct&)

እግዚኣብሄር ድሕሪ ሳኦል ንጉስ ከኸውን ዳዊት ንዝበሃል መንእሰይ መረጸ። ዳዊት ወዲ ከተማ ቤተልሄም ዝዀነ ጓሳ ኣባጊዕ ነበረ። ዳዊት ኣብ ዘተፈላለዩ እዋናት ኣባጊዕ ኣቡኡ እንዳሓለወ፡ ኣባጊዑ ክበልዑ ዝመጸ ኣንበሳን ድቢን ይቐትል ነበረ። ዳዊት ብእግዚኣብሄር ዝኣምንን ንዕኡ ዝእዘዝን ትሑትን ጻድቅን ሰብ ነበረ።

![](https://cdn.door43.org/obs/jpg/360px/obs-en-17-03.jpg?direct&)

ዳዊት ጅግና ወታደርን መራሕን ኰነ። ዳዊት ገና መንእሰይ ከሎ ጎልያድ ምስ ዝብሃል ገዚፍ ሰብኣይ ተዋግአ። ጎልያድ ስልጡን ወታደር፡ ኣዝዩ ብርቱዕ፡ ከምኡ’ውን ቁመቱ ዳርጋ ሰለስተ ሜትሮ ነበረ። ነገር ግን እግዚኣብሄር ንጎልያድ ቀቲሉ ንእስራኤል ከድሕን ንዳዊት ሓገዞ። ብድሕሪኡ ዳዊት ኣብ ጸላእቲ እስራኤላውያን ብዙሕ ዓወታት ረኸበ። እስራኤላውያን ዘመስግንዎ ድማ ኰነ።

![](https://cdn.door43.org/obs/jpg/360px/obs-en-17-04.jpg?direct&)

እቶም ህዝቢ ንዳዊት ብዝነበሮም ፍቕሪ ሳኦል ቀንአ። ሳኦል ብዙሕሳዕ ንዳዊት ክቐትሎ ፈተነ፡ ስለዚ ዳዊት ካብ ሳኦል ተሓብአ። ሓደ መዓልቲ ሳኦል ንዳዊት ከቐትሎ ይደልዮ ነበረ። ሳኦል ናብቲ ዳዊት ተሓቢኡሉ ዝነበረ በዓቲ ከደ፡ ሳኦል ግና ኣይረኣዮን። ዳዊት ናብ ሳኦል ተጸጊዑ ስለዝነበረ ክቐትሎ ምኸኣለ ነይሩ፡ እንተኾነ ኣይቀተሎን። ኣብ ክንድኡ ዳዊት ንጉስ ክኸውን ደልዩ ከምዘይቐትሎ ሳኦል ምእንቲ ክፈልጥ ኢሉ ካብ ጫፍ ክዳን ሳኦል ቈረጸ።

![](https://cdn.door43.org/obs/jpg/360px/obs-en-17-05.jpg?direct&)

ኣብ መወዳእታ ሳኦል ኣብ ውግእ ሞተ፡ ዳዊተ ድማ ንጉስ እስራኤል ኰነ። ዳዊት ቅኑዕ ንጉስ ስለ ዝነበረ እቶም ህዝቢ ፈተውዎ። እግዚኣብሄር ንዳዊት ባረኾ፡ ዕዉት’ውን ገበሮ። ዳዊት ብዙሕ ውግኣት ተዋግአ፡ ንጸላእቲ እስራኤል ክስዕር ከኣ እግዚኣብሄር ረድኦ። ዳዊት ነቶም ኣብኣ ዝነበሩ ስዒሩ ንየሩሳሌም ዋና ከተማኡ ገበራ፡ ዳዊት ኣብ ዝነበረሉ ዘበን እስራኤል ሓያልን ሃብታምን ኰነት።

![](https://cdn.door43.org/obs/jpg/360px/obs-en-17-06.jpg?direct&)

ዳዊት ኩሎም እስራኤላውያን ንእግዚኣብሄር ዘምልኹሉን ንዕኡ መስዋእትታት ዘቕርቡሉን ቤተ መቕደስ ክሰርሕ ደለየ። እስራኤላውያን ን400 ዓመት ዝኸውን ኣብቲ ሙሴ ዝሰርሖ ድንኳን ምርኻብ ንእግዚኣብሄር የምልኹን መስዋእትታት የቕርቡን ነበሩ።

![](https://cdn.door43.org/obs/jpg/360px/obs-en-17-07.jpg?direct&)

እንተኾነ እግዚኣብሄር ነዚ ዝስዕብ መልእኽቲ ንናታን ኣትሒዙ ናብ ዳዊት ለኣኾ፡ “ንስኻ ናይ ውግእ ሰብ ስለዝዀንካ ነዚ ቤተ መቕደስ ንስኻ ንዓይ ኣይትሰርሐለይን። ወድኻ እዩ ዝሰርሐለይ።

ይኹን እምበር ኣዝየ ክባርኸካ እየ። ካብ ዘርእኻ እቲ ሓደ ኣብ ህዝበይ ንጉስ ኰይኑ ንዘለኣለም ክገዝእ እዩ” ንዘለኣለም ዝገዝእ ዘርኢ ዳዊት እቲ መሲሕ እዩ።

እቲ መሲሕ ንህዝብታት ዓለም ካብ ሓጥያቶም ዘድሕኖም “ሕሩይ” እግዚኣብሄር እዩ።

![](https://cdn.door43.org/obs/jpg/360px/obs-en-17-08.jpg?direct&)

ዳዊት ነዚኦም ቃላት ምስ ሰም፡፣ ነዚ ኩሉ ክብርን በረኸትን ክህቦ ቃል ስለ ዝኣተወሉ ሽኡ ንእግዚኣብሄር ምስጋናን ውዳሰን ኣቕረበ። ዳዊት እግዚኣብሄር ነዚኣቶም ነገራት መዓስ ከምዝገብሮም ኣይፈለጠን። ነገር ግን እስራኤላውያን እቲ መሲሕ ክሳዕ ዝመጽእ ንነዊሕ ዘበን፡ ዳርጋ 1000 ዓመት ተጸበዩ።

![](https://cdn.door43.org/obs/jpg/360px/obs-en-17-09.jpg?direct&)

ዳዊት ብፍትሕን ብተኣማንንትን ንብዙሕ ዓመታት ገዝአ፡ እግዚኣብሄር ድማ ባረኾ። ይዅን እምበር ኣብቲ መወዳእታ ዘመኑ፡ ኣብ ቅድሚ ኣምላኽ ዝኸፍአ ሓጥያት ሰርሐ። ።

![](https://cdn.door43.org/obs/jpg/360px/obs-en-17-10.jpg?direct&)

ሓደ መዓልቲ ኩሎም ወታደራት ዳዊት ካብ ቤቶም ናብ ውግእ ከይዶም ከለዉ፡ ንሱ ኣብ ደገ ቤተ መንግስቲ ከሎ ሓንቲ ጽብቕቲ ሰበይቲ ኣካላታ ክትሕጸብ ረኣየ። ስም እታ ሰበይቲ ባትሳባ ነበረ።

![](https://cdn.door43.org/obs/jpg/360px/obs-en-17-11.jpg?direct&)

ዳዊት ገጹ ኣብ ክንዲ ዘወር ምባል ነታ ሰበይቲ ከምጽኡሉ ሰብ ለኣኸ። ምስኣ ደቂሱ ድማ ንገዝኣ ከምእትምለስ ገበረ። ድሕሪ ቁሩብ መዓልቲ ባትሳባ “ጠኒሰ እየ” ኢላ ናብ ዳዊት መልእኽቲ ሰደደት።

![](https://cdn.door43.org/obs/jpg/360px/obs-en-17-12.jpg?direct&)

እቲ ኡርያ ተባሂሉ ዝጽዋዕ ሰብኣይ ባትሳባ ካብቶም ምሩጻት ወታደራት ዳዊት ሓደ ነበረ። ዳዊት ንኡርያ ካብቲ ውግእ ኣጸዊዑ ምስ ሰበይቱ ክኸውን ነገሮ፡፡ ኡርያ ግና እቶም ካልኦት ወታደራት ኣብ ውግእ ስለዝዀኑ ናብ ቤቱ ክኸይድ ኣይፈተወን። ስለዚ ዳዊት ንኡርያ ናብቲ ውግእ ለኣኾ’ሞ ምእንቲ ክመውት፡ ኣብቲ ከቢድ ውግእ ዘለዎ ቦታ ከሰልፎ ነቲ ጀነራል ነገሮ፡፡

![](https://cdn.door43.org/obs/jpg/360px/obs-en-17-13.jpg?direct&)

ኡርያ ምስ ተቐትለ ዳዊት ንባትሳባ ኣእተዋ። ንሳ ድማ ንዳዊት ወዲ ወለደትሉ። በቲ ዳዊት ዝገበሮ እግዚኣብሄር ኣዝዩ ተቘጥዐ። ሓጥያቱ ከቢድ ከምዝዀነ ንዳዊት ምእንቲ ክነግሮ እግዚኣብሄር ንነብዪ ናታን

ለኣኾ። ዳዊት ሓጥያቱ ስለእተናዘዘ እግዚኣብሄር ይቕረ በሎ። ዳዊት በቲ ዝተረፈ ዘበን ህይወቱ ኣብ ኣሸጋሪ ኵነታት እናሃለወ እኳ ንእግዚኣብሄር ብምስዓብ ተኣዘዞ።

![](https://cdn.door43.org/obs/jpg/360px/obs-en-17-14.jpg?direct&)

ይኹን እምበር ብዛዕባ እቲ ዳዊት ዝሰርሖ ሓጥያት ወዱ ሞተ። በቲ ዝተረፈ ዘበን ህይወቱ ንዳዊት ኣብ ቤተሰቡ ውግእ ነበረ፡ ሓይሊ ዳዊት ከኣ ኣዝዩ ተዳኸመ። ዳዊት ንእግዚኣብሄር እሙን እንተዘይነበረ’ኳ ሕጂ’ውን እግዚኣብሄር ስለ እቶም ዝሃቦም ተስፋታት እሙን ነበረ። ብድሕሪኡ ዳዊት ካብ ባትሳባ ካልእ ወዲ ወለደ። ስሙ’ውን ሰለሞን በልዎ።

*ታሪኽ መፅሓፍ ቅዱስ፡- ካብ 1ይ ሳሙኤል 10፡15-19፤ 24፤ 31፤ 2ይ ሳሙኤል 5፤ 7፤ 11-12።*

## 18. ዝተመቕለ መንግስቲ

https://openbiblestories.org/l/ti/story-18/

![](https://cdn.door43.org/obs/jpg/360px/obs-en-18-01.jpg?direct&)

ድሕሪ ብዙሕ ዓመታት ዳዊት ሞተ፡ ወዱ ሰለሞን ድማ ኣብ እስራኤል ይገዝእ ነበረ። እግዚኣብሄር ንሰለሞን ተገልጸሉ እንታይ ከምዝደሊ ሓተቶ። ሰለሞን ጥበብ ምስ ለመነ፡ ኣብ ዓለም ካብ ዘለዉ ኩሎም ዝበለጸ ጥበበኛ ገበሮ። ሰለሞን ብዙሕ ነገራት ተማህረ፡ ጥበበኛ ፈራድ’ውን ኰነ። ከምኡ’ውን እግዚኣብሄር ኣዝዩ ሃብታም ገበሮ።

![](https://cdn.door43.org/obs/jpg/360px/obs-en-18-02.jpg?direct&)

ሰለሞን ኣብ የሩሳሌም ከምቲ ኣቡኡ ዳዊት ዝሓሰቦን በቲ ንምህናጽ ዘድልዩ ነገራት ዝኣከበሉን ተጠቒሙ ቤተመቕደስ ሰርሐ። ሕጂ እቶም

ህዝቢ ኣብ ክንዲ ኣብ ድንኳን ምራኻብ፡ ኣብ ቤተ መቕደስ ንእግዚኣብሄር ኣምለኽዎ፡ መስዋእት’ውን ኣቕረቡሉ። እግዚኣብሄር መጺኡ ኣብቲ ቤተ መቕደስ ተረኽበ፡ ኣብኡ ድማ ምስ ህዝቡ ነበረ።

![](https://cdn.door43.org/obs/jpg/360px/obs-en-18-03.jpg?direct&)

እንተኾነ ሰለሙን ጓኖት ኣንስቲ ፈተወ። ዳርጋ 1000 ዝዀና ኣንስቲ ብምእታው ንእግዚኣብሄር ኣይተኣዘዘን፡ ካብዘን ኣንስቲ መብዛሕትአን ካብ ወጻኢ ዓድታት ዝመጻ ነበራ፡፡ ንጣኦታተን ኣምጺአን ንዓኣቶም ምምላኽ ቀጸላ። ሰለሙን ምስ ሸምግለ፡ ንሱ’ውን ነቶም ናታተን ጣኦታት ኣምለኸ።

![](https://cdn.door43.org/obs/jpg/360px/obs-en-18-04.jpg?direct&)

እግዚኣብሄር ንሰለሙን ተቘጥዖ፡ ሰለሙን እሙን ስለ ዘይነበረ እግዚኣብሄር ክቐጽዖ ወሰነ፡ ሰለሙን ምስ ሞተ መንግስቲ እስራኤል ኣብ ክልተ ከም እትምቀል ተዛረበ።

![](https://cdn.door43.org/obs/jpg/360px/obs-en-18-05.jpg?direct&)

ሰለሙን ምስ ሞተ ወዱ ሮብኣም ነገሰ። ሮብኣም ከኣ ዓሻ ነበረ። ህዝቢ እስራኤል ብዘሎ ንግስንኡ ከጽድቑሉ ተኣኪቦም መጹ። ሰለሙን ከቢድ ስራሕ ከምዘስርሖምን ብዙሕ ግብሪ ከምዘኽፈሎምን ዝነበሮም ቅሬታ ንሮብኣም ነገርዎ።

![](https://cdn.door43.org/obs/jpg/360px/obs-en-18-06.jpg?direct&)

ሮብኣም ብዕሽነት ከምዚ በሎም፡ “ኣቦይ ሰለሙን ከቢድ ስራሕ ኣስሪሑና ኢልኩም ሓሲብኩም ኢኹም፡ ኣነ ግና ካብኡ ዝገደደ ከቢድ ስራሕ ከስርሐኩም እየ፡ ካብኡ ብዝገደደ’ውን ብኸቢድ ክቐጽዐኩም እየ”።

![](https://cdn.door43.org/obs/jpg/360px/obs-en-18-07.jpg?direct&)

እቶም ዓሰርተ ነገዳት እስራኤል ኣብ ሮብኣም ዓመጹ። ክልተ ነገዳት ጥራይ ነቲ ንጉስ እሙናት ኰይኖም ቀጸሉ። እዞም ክልተ ነገድ ከኣ መንግስቲ ይሁዳ ኰኑ።

![](https://cdn.door43.org/obs/jpg/360px/obs-en-18-08.jpg?direct&)

እቶም ኣብ ሮብኣም ዝዓመፁ ዓሰርተ ዓሌታት እስራኤል ኢዮርብኣም ዝተባህለ ሰብ ንጉሶም ገይሮም ሸሙዎ። ኣብ ሰሜናዊ ክፍሊ እታ ዓዲ ኰይኖም መንግስቲ እስራኤል ተባሂሎም ተፀውዑ።

![](https://cdn.door43.org/obs/jpg/360px/obs-en-18-09.jpg?direct&)

የሮብኣም ኣብ እግዚኣብሄር ዓሚጹ እቶም ህዝቢ ሓጥያት ክሰርሑ ገበረ። ኣብቲ ኣብ ይሁዳ ዘሎ ቤተ መቕደስ ኣብ ክንዲ ንእግዚኣብሄር ምምላኽ፡ ክልተ ዘምልኽዎም ጣኦታት’ውን ሰርሐሎም።

![](https://cdn.door43.org/obs/jpg/360px/obs-en-18-10.jpg?direct&)

መንግስታት ይሁዳን እስራኤልን ንሓድሕዶም ጸላእቲ ኰኑ። ነንባዕሎም ድማ ብዙሕ ግዜ ተዋግኡ።

![](https://cdn.door43.org/obs/jpg/360px/obs-en-18-11.jpg?direct&)

ኣብታ ሓዳሽ መንግስቲ እስራኤል ዝነገሱ ኩሎም ክፉኣት ነበሩ። ካብዞም ነገስታት መብዛሕትኦም፡ ኣብ ክንድኦም ክነግሱ ብዝደልዩ ካልኦት እስራኤላውያን ተቐትሉ።

![](https://cdn.door43.org/obs/jpg/360px/obs-en-18-12.jpg?direct&)

ኩሎም ነገስታትን መብዛሕትኦም ህዝብታት መንግስቲ እስራኤልን ጣኦታት ኣምለኹ። ኣምልኾ ጣኦቶም ድማ ስነ ምግባር ዝጐደሎ ጾታዊ ርክብን ሓድሐደ ግዜ ከኣ ደቆም ዝስውኡሉ ጊዜ ነበረ።

![](https://cdn.door43.org/obs/jpg/360px/obs-en-18-13.jpg?direct&)

ነገስታት ይሁዳ ኩሎም ወለዶ ዳዊት ነበሩ። ካብዞም ነገስታት ብቅንዕና ዘመሓደሩን ንእግዚኣብሄር ዘምለኹ ጥዑያት ነገስታት ነበሩ። መብዛሕትኦም ግና ክፉኣትን ግዕዙያትን ነበሩ። ጣኦታት ዘምልኹ’ውን

ነበሩ። ገሊኦም ነገስታት ንሓሰውቲ ኣማልኽቲ ደቆም ሰዊኦም እዮም። ከምኡ’ውን መብዛሕትኦም ህዝቢ ይሁዳ ኣብ እግዚኣብሄር ዓመጹ። ካልኦት ኣማልኽት’ውን ኣምለኹ። ።

*ታሪኽ መፅሓፍ ቅዱስ፡- ካብ 1ይ ነገሥት 1-6፤ 11-12።*

## 19.ነብያት

https://openbiblestories.org/l/ti/story-19/

![](https://cdn.door43.org/obs/jpg/360px/obs-en-19-01.jpg?direct&)

ኣብ ኩሉ ታሪኽ እስራኤል ምስ እንርኢ እግዚኣብሄር ንእስራኤላውያን ኩሉ ሳዕ ነብያት ይልእኸሎም ነበረ። ካብ እግዚኣብሄር መልእኽቲ ሰሚዖም ድማ ነቶም ህዝቢ ይነግርዎም ነበሩ።

![](https://cdn.door43.org/obs/jpg/360px/obs-en-19-02.jpg?direct&)

ኣክኣብ ኣብ እስራኤል ምስ ነገሰ ኤልያስ ነብዪ ነበረ። ኣክኣብ ባዓል ዝበሃል ነቶም ህዝቢ ናይ ሓሶት ኣምላኽ ከምልኹ ዘደፋፈረ ክፉእ ሰብ ነበረ። ኤልያስ ድማ ንኣክኣብ፤ “ኣነ ክሳዕ ዝዛረብ ኣብ እስራኤል ዝናብ ወይ ኣውሊ ዝብሃል ኣይክህሉን” በሎ። እዚ ድማ ንኣኽኣብ ኣዚዩ ኣቘጥዖ።

![](https://cdn.door43.org/obs/jpg/360px/obs-en-19-03.jpg?direct&)

እግዚኣብሄር ንኤልያስ ካብቲ ክቐትሎ ዝደልዮ ዘሎ ካብ ኣክኣብ ንኽሕባእ ናብ ምድረ በዳ ዘሎ ሩባ ከኸይድ ነገሮ። እቶም ኳዃት ድማ ንጉሆን ምሸትን ዝብላዕ እንጌራን ስጋን የምጽኡሉ ነበሩ። ኣክኣብን ሰራዊቱን ንኤልያስ ደለይዎ። ክረኽብዎ ግና ኣይክኣሉን። እቲ ድርቂ ኣዝዩ ከቢድ ስለዝነበረ ሩባታት’ውን ነቐጸ።

![](https://cdn.door43.org/obs/jpg/360px/obs-en-19-04.jpg?direct&)

ስለዚ ኤልያስ ናብ ካልእ ዓዲ ከደ። ኣብታ ዓዲ ብምኽንያት እቲ ጥሜት ሓንቲ ሰበይቲ ምስ ወዳ ምግቦም ክውዳእ ቀሪቡ ነበረ። ይኹን እምበር ንኤልያስ ተኸናኸንዎ። እግዚኣብሄር ከኣ ሕሩጭ ካብቲ ቁራዕ፡ ዘይት’ውን ካብቲ ዕትሮ ከምዘይጐድል ገይሩ መገቦም። በቲ እዋን ጥምየት ዝብላዕ ኣይሰኣኑን። ኤልያስ ኣብኡ ንሓያሎ ዓመታት ተቐመጠ።

![](https://cdn.door43.org/obs/jpg/360px/obs-en-19-05.jpg?direct&)

እግዚኣብሄር ንኤልያስ፡ ድሕሪ ሰለስተ ዓመትን ፈረቓን ዝናም ከም ዘዝንም ናብ መንግስቲ እስራኤል ከይዱ ንኣካኣብ ክዛረቦ ነገሮ። ኣክኣብ ንኤልያስ ምስ ረአዮ፡ “ኣታ ፈጣር ጸገም መጺኻዶ” በሎ። ኤልያስ ድማ ከምዚ ኢሉ መለሰሉ፡ “ጸገም እትፍሕስስ ንስኻ ኢኻ! ነቲ ሓቀኛ ኣምላኽ ገዲፍካ፡ ንባዓል ኣምሊኽካ ኢኻ፡ በል ሕጂ ናብ ከረን ቀርሜሎስ ነቶም ህዝቢ ኩሎም ኣክቦም”፡፡

![](https://cdn.door43.org/obs/jpg/360px/obs-en-19-06.jpg?direct&)

እቶም 450 ነብያት ባዓል ሓዊሱ ኩሉ ህዝቢ መንግስቲ እስራኤል ናብ ከረን ቀርሜሎስ ተኣከበ። ኤልያስ ነቶም ህዝቢ፡ “ክንደይ ሳዕ ኢኹም ሓሳብኩም እትለዋውጡ፧ እግዚኣበሄር ኣምላኽ እንትዀይኑ ንዕኡ ኣገልግሉ! ባዓል ኣምላኽ እንተዀይኑ ደማ ንዕኡ ኣገልግሉ” በሎም።

![](https://cdn.door43.org/obs/jpg/360px/obs-en-19-07.jpg?direct&)

ብድሕሪኡ ኤልያስ ንነብያት ባዓል፡ “ሓደ ብዕራይ ሕረዱ’ሞ መስዋእቲ ጌርኩም ኣቕርብዎ፡ ሓዊ ግና ኣይትእጐዱ። ኣነ’ውን ከምኡ ክገብር እየ። እቲ ብሓዊ ዝምልስ ኣምላኽ ንሱ ብሓቂ ኣምላኽ እዩ” በሎም። ስለዚ ካህናት ባዓል መስዋእቲ ኣዳለዉ ሓዊ ግና ኣይኣጐዱን።

![](https://cdn.door43.org/obs/jpg/360px/obs-en-19-08.jpg?direct&)

ድሕር’ዚ ነብያት ባዓል፡ “ዎ ባዓል፡ ስምዐና” ኢሎም ናብ ባዓል ጸለዩ። ሙሉእ መዓልቲ ድማ ዓው ኢሎም ክጽልዩ ወዓሉ፡ ኣካላቶም’ውን ብኻራ ተፍተፍዎ፡፡ መልሲ ግን ኣይነበረን።

![](https://cdn.door43.org/obs/jpg/360px/obs-en-19-09.jpg?direct&)

ኣብ መወዳእታ፡ ኤልያስ ንእግዚኣብሄር መስዋእቲ ኣዳለወ። ብድሕሪኡ ኣብቲ ስጋን ዕንጨይትን እቲ ዙርያ መሰውኢ ዘለዎ ምድሪ፡ ኩሉ ክሳዕ ኣዝዩ ዝጥልቂ፡ ክልተ ገንኢ ምሉእ ማይ ኣፍስሱሉ ኢሉ ነቶም ኣብኡ ዝነበሩ ህዝቢ ነገሮም።

![](https://cdn.door43.org/obs/jpg/360px/obs-en-19-10.jpg?direct&)

ብድሕሪኡ ኤልያስ ከምዚ ኢሉ ጸለየ፡ “ኣምላኽ ኣብርሃምን ይስሓቕን ያእቆብን ዝዀንካ ያህዌ፡ ንስኻ ኣምላኽ እስራኤል ከምዝዀንካን ኣነ’ውን ኣገልጋሊኻ ከምዝዀንኩን ሎሚ መዓልቲ ኣርእየና። ንስኻ ብሓቂ ኣምላኽ ከምዝዀንካ እዚ ህዝቢ ምእንቲ ክፈልጥ መልሲ ሃበኒ።

![](https://cdn.door43.org/obs/jpg/360px/obs-en-19-11.jpg?direct&)

ሽዑ ድማ፡ ሓዊ ካብ ሰማይ ወደቐ፡ ነቲ ስጋን ዕንጨይቲን እምንን፡ ጐሓፍን ነቲ ኣብቲ ከባቢ መስዋእቲ ዝነበረ ማይ ኩሉ’ኳ ኣቃጸሎ። እቶም ህዝቢ ነዚ ምስ ረአዩ ናብ መሬት ተደፊኦም፡ “ብሓቂ ያህዌ ኣምላኽ እዩ፡ ያህዌ ኣምላኽ እዩ” በሉ።

![](https://cdn.door43.org/obs/jpg/360px/obs-en-19-12.jpg?direct&)

ብድሕሪኡ ኤልያስ፡ “ካብ ነብያት ባዓል ሓደ’ኳ ከየምልጥ” በለ። ስለዚ እቶም ህዝቢ ንነብያት ባዓል ሒዞም ቀተልዎም።

![](https://cdn.door43.org/obs/jpg/360px/obs-en-19-13.jpg?direct&)

ብድሕሪኡ ኤልያስ ንንጉስ ኣክኣብ፡ “ማይ ዝለዝወቅዕ ቀልጢፈካ ናብ ከተማ ተመለስ” በሎ። ሽዑ ድማ ሰማይ ጸልመተ፡ ከቢድ ዝናም ምውቃዕ ከኣ ጀመረ። ያህዌ ነቲ ድርቂ ደው ኣበሎ፡ ሓቀኛ ኣምላኽ ምዃኑ’ውን ኣረጋገጸ።

![](https://cdn.door43.org/obs/jpg/360px/obs-en-19-14.jpg?direct&)

ድሕሪ ዘበን ኤልያስ፡ እግዚኣብሄር ነብዪ ክኸውን ኤልሳእ ዝተባህለ ነብዪ መረጸ። እግዚኣብሄር ብኤልሳእ ኣቢሉ ብዙሕ ተኣምራት ገበረ። ካብቶም ተኣምራት እቲ ሓደ፡ ንእማን ኣብ ዝበሃል ናይ ጸላኢ ኣዛዚ ሰራዊት ክፉእ ሕማም ቈርበት ወጾ። ብዛዕባ ኤልሳእ ሰሚዑ ነበረ’ሞ ምእንቲ ክፍውሶ ንኤልሳእ ሓተቶ። ኤልሳእ ኣብ ሩባ ዮርዳኖስ ሸውዓተ ሻዕ ውጽእ እትው ክብል ንንእማን ነገሮ።

![](https://cdn.door43.org/obs/jpg/360px/obs-en-19-15.jpg?direct&)

ብመጀመርታ ንእማን ኰርዩ ዕሽነት ስለ ዝመሰሎ ነቲ ኤልሳእ ዝነገሮ ኣይገበሮን። ደሓር ግና ሓሳቡ ቀዪሩ ኣብ ሩባ ዮርዳኖስ ኣትዩ ሸውዓተ ጊዜ እትው ውጽእ በለ። ካብቲ ሩባ ምስ ወጸ ድማ ካብ ሕማሙ ፈጺሙ ተፈወሰ። እግዚኣብሄር ፈወሶ።

![](https://cdn.door43.org/obs/jpg/360px/obs-en-19-16.jpg?direct&)

እግዚኣብሄር ካልኦት ብዙሓት ነብያት ለኣኸ። ኩሎም ድማ እቶም ህዝቢ ጣኦታት ከየምልኹ፣ ንኻልኦት ፍትሕን ምሕረትን ክገብሩ ነገርዎም። እቶም ህዝቢ ክፉእ ምስርሖም እንተዘይገዲፎምን ንእግዚኣብሄር እንተዘይተኣዚዞምን እግዚኣብሄር ብኽፍኣቶም ከምዝፈርዶምን ከምዝቐጽዖምን እቶም ነብያት ኣጠንቀቕዎም።

![](https://cdn.door43.org/obs/jpg/360px/obs-en-19-17.jpg?direct&)

መብዛሕትኡ ግዜ እቶም ህዝቢ ንእግዚኣብሄር ኣይተኣዘዙን። ነቶም ነብያት ከኣ ብጽቡቕ ኣይቀባበልዎምን ነበሩ። ሓድሓደ ግዜ ድማ ይቐትልዎም ነበሩ። ሓደ እዋን፡ ነብዪ ኤርምያስ ማይ ኣብ ዘይብሉ ዒላ ተደርብዩ ኣብኡ ክመውት ገዲፎምዎ ነበሩ። ኣብቲ ጕድጓድ ኣብ ዝነበረ ጭቃ ኣተወ፡ እቲ ንጉስ ራሕርሓሉ’ሞ ቅድሚ ምሟቱ ካብ ጕድጓድ ጐቲቶም ከውጽእዎ ንኣገልገልቱ ኣዘዞም።

![](https://cdn.door43.org/obs/jpg/360px/obs-en-19-18.jpg?direct&)

እቶም ህዝቢ ነቶም ነብያት እንትጸልእዎም’ኳ ንእግዚኣብሄር ኢሎም ምዝራቦም ቀጸሉ። ንስሓ እንተዘይኣትዮም እግዚኣብሄር ከምዘጥፍኦም ነቶም ህዝቢ ኣጠንቀቕዎም። ከምኡ’ውን መሲሕ ከምዝመጽእ ብዛዕባ እቲ እግዚኣብሄር ዝሃቦ ተስፋ ነቶም ህዝቢ ኣዘኻኸርዎም።

*ታሪኽ መፅሓፍ ቅዱስ፡- ካብ 1ይ ነገሥት 16-18፤ 2ይ ነገሥት 5፤ ኤርምያስ 38።*

## 20. ምርኮን ካብ ምርኮ ምምላስን

https://openbiblestories.org/l/ti/story-20/

![](https://cdn.door43.org/obs/jpg/360px/obs-en-20-01.jpg?direct&)

ክልቲኦም መንግስትታት፡ መንግስቲ እስራኤልን መንግስቲ ይሁዳን ኣብ ቅድሚ እግዚኣብሄር ሓጥያት ሰርሑ። ነቲ እግዚኣብሄር ምስኣቶም ኣብ ከረን ሲና ዝኣተዎ ቃልኪዳን ኣፍረስዎ። ብንስሓ ተመሊሶም ንዕኡ ምእንቲ ከምልኽዎ ንምጥንቃቕ ነብያቱ ለኣኸ። ንሳቶም ግና ኣይተኣዘዝዎን።

![](https://cdn.door43.org/obs/jpg/360px/obs-en-20-02.jpg?direct&)

ስለዚ እግዚኣብሄር ምእንቲ ጸላእቶም ከጥፍእዎም ንኽልቲኦም መንግስታት ቀጽዖም። እታ ሓያልን ጨካንን ግዝኣት ኣሶር፡ ንመንግስቲ እስራኤል ኣጥፍአ፡ ዋጋ ኣለዎም ዝበሃሉ ንብረት ኩሎም’ውን ወሰደ። መብዛሕትኡ ክፍሊ እታ ዓዲ ድማ ኣቃጸሎ።

![](https://cdn.door43.org/obs/jpg/360px/obs-en-20-03.jpg?direct&)

እዞም ኣሶራውያን ድማ ነቶም መራሕትን ሃብታማትን ሙያ ዝነበሮም ሰባት ኩሎምን ኣኪቦም ናብ ኣሶር ወሰድዎም። ዘይተቐትሉ’ሞ ኣዝዮም ድኻታት ዝነበሩ እስራኤላውያን ጥራይ ኣብ ግዝኣት እስራኤል ክተርፉ ገበሩ።

![](https://cdn.door43.org/obs/jpg/360px/obs-en-20-04.jpg?direct&)

ብድሕሪኡ ኣሶራውያን ካልኦት ጓኖት ህዝብታት ኣብ እስራኤል ክነብሩ ናብ እስራኤል ኣምጽእዎም። እቶም ጓኖት ነቶም ዝፈራረሱ ከተማታት መሊሶም ሰሪሖም ካብቶም ኣብኡ ተሪፎም ዝነበሩ እስራኤላውያን ተመርዐዉ። ነቶም ባዕዳውያን ዝተመርዐዉ እስራኤላውያን ከኣ ሳምራውያን ተባሂሎም ተጸውዑ።

![](https://cdn.door43.org/obs/jpg/360px/obs-en-20-05.jpg?direct&)

ህዝቢ መንግስቲ እስራኤል ንእግዚኣብሄር ስለ ዘይኣመንዎን ስለዘይተኣዘዝዎን እግዚኣብሄር ከመይ ገይሩ ከምዝቐጽዖም እቶም ኣብ መንግስቲ ይሁዳ ዝነበሩ ህዝቢ ረአዩ።

ይዅን እምበር፣ ህዝቢ መንግስቲ ይሁዳ ነቶም ኣማልኽቲ ከንኣናውያን ሓዊሶም ንጣኦታት ኣምለኹ። እግዚኣብሄር ድማ ምእንቲ ከጠንቅቕዎም ነብያት ለኣኸሎም። ንሳቶም ግና ምስማዕ ኣበዩ።

![](https://cdn.door43.org/obs/jpg/360px/obs-en-20-06.jpg?direct&)

ኣሶራውያን ንመንግስቲ እስራኤል ካብ ዘጥፍኡ ድሕሪ ኣስታት 100 ዓመታት ንመንግስቲ ይሁዳ ምእንቲ ክወግእዎም እግዚኣብሄር ንባቢሎናውያን ሰደደ። ባቢሎን ሓያል ናይ ነገስታት ዓዲ ነበረት። ንጉስ ይሁዳ ንንጉስ ባቢሎን ንነቡከደነጾር ኣገልጋሊኡ ክኸውንን በቢዓመቱ ብዙሕ ገንዝብ ክኸፍሎን ተሰማምዐ።

![](https://cdn.door43.org/obs/jpg/360px/obs-en-20-07.jpg?direct&)

ይኹን እምበር ድሕሪ ቁሩብ ዓመታት ንጉስ ይሁዳ ኣብ ባቢሎን ዓመጸ። ስለዚ ባቢሎናውያን ተመሊሶም መጺኦም ንመንግስቲ ይሁዳ ወግኡ። ከተማ ኢየሩሳሌም ድማ ተታሕዘት። ንቤተ መቕደስ ኣፍረሱ፡ ኩሉ መዛግብቲ እታ ከተማን እቲ ኣቑሑ ቤተ መቕደስን ከኣ ወሰዱ።

![](https://cdn.door43.org/obs/jpg/360px/obs-en-20-08.jpg?direct&)

ንጉስ ይሁዳ ስለዝዓመጸ ክቐጽዕዎ ደልዮም፡ ንንጉስ ይሁዳ ኣወዳት ደቁ ኣብ ቅድሚኡ ቀተልዎም፡ ንዕኡ ድማ ኣዒንቱ ኣዕወርዎ። ብድሕሪኡ ኣብ ባቢሎን ኣብ ቤት ማእሰርቲ ምእንቲ ክመውት ወሰድዎ።

![](https://cdn.door43.org/obs/jpg/360px/obs-en-20-09.jpg?direct&)

ነቡከደነጾርን ሰራዊቱን ኣብ ሕርሻ ዝሰርሑ ድኻታት ዝዀኑ ብዙሓት ሰባት ጥራይ ብምግዳፍ ዳርጋ ኩሎም ህዝብታት መንግስቲ ይሁዳ ማሪኹ ናብ ባቢሎን ወሰዶም። ህዝቢ እግዚኣብሄር ነታ ምድሪ ተስፋ ክሓድጉ ዝተገደዱሉ እዚ እዋን፡ ዘመን ምርኮ ተባሂሉ ይጽዋዕ።

![](https://cdn.door43.org/obs/jpg/360px/obs-en-20-10.jpg?direct&)

እግዚኣብሄር ነቶም ህዝቡ ናብ ምርኮ ብምውሳድ ብዛዕባ ሓጥያቶም እንተቐጽዖም’ኳ ነቲ ዝኣተዎ ተስፋን ንዓኣቶምን ኣይረስዖምን። እግዚኣብሄር ንህዝቡ ምሕላዉን ብነብያቱ ኣቢሉ ምዝራቡ ቀጸለ። ድሕሪ ሰብዓ ዓመት ናብታ ምድሪ ተስፋ መሊሱ ከም ዝመልሶም ተስፋ ሃቦም።

![](https://cdn.door43.org/obs/jpg/360px/obs-en-20-11.jpg?direct&)

ድሕሪ ሰብዓ ዓመታት ንጉስ ፋርስ ንባቢሎን ሰዓረ። ስለዚ ግዝኣት ንጉስ ፋርስ ንግዝኣት ንጉስ ባቢሎን ተክኦ። ሕጂ እስራኤላውያን መጸውዒኦም ኣይሁድ ኰነ። መብዛሕትኦም ድማ ሙሉእ ዕድሚኦም ኣብ ባቢሎን ኣሕለፍዎ። ኣዝዮም ዝኣረጉ ቁሩብ ኣይሁዳውያን ጥራይ ንምድሪ ይሁዳ ዘከርዋ።

![](https://cdn.door43.org/obs/jpg/360px/obs-en-20-12.jpg?direct&)

ንጉስ ፋርስ ጽኑዕ፡ ንዝሓዞም ህዝቢ ግና ሕያዋይ ነበረ። ቂሮስ ዝበሃል ንጉስ ፋርሳውያን ምስኰነ፡ ናብ ይሁዳ ክምለስ ዝደሊ ኩሉ ኣይሁዳዊ ናብ ይሁዳ ክምለስ ከምዝኽእል ፍቓድ ሃበ። ንቤተ መቕደሶም ክሰርሑ’ኳ ከይተረፈ ገንዘባዊ ሓገዝ ገበረሎም፡ ስለዚ ድሕሪ እቶም ኣብ ምርኮ ዝጸንሑሎም ሰብዓ ዓመታት ቁሩብ ኣይሁዳውያን ናብታ ኣብ ይሁዳ ዘላ ከተማ የሩሳሌም ተመልሱ።

![](https://cdn.door43.org/obs/jpg/360px/obs-en-20-13.jpg?direct&)

እቶም ህዝቢ ናብ ኢየሩሳሌም ምስ በጽሑ፡ ነቲ ቤተመቕደስን ነቲ ቀጽሪ እታ ከተማ ብዘሎ መሊሶም ሰርሕዎ። ዋላኳ ክሳዕ ሕጂ ብኻልኦት ህዝብታት ዝተገዝኡ እንተኾኑ፡ ኣብታ ምድሪ ተስፋ መሊሶም ብምንባር ኣብቲ ቤተመቕደስ ንእግዚኣብሄር ኣምላኾም ኣምለኽዎ።

*ታሪኽ መፅሓፍቅዱስ፡- ካብ 2ይ ነገስት 17፤ 24-25፤ 2ይ ዜና 36፤ እዝራ 1-10፤ ነህምያ 1-13።*

## 21. እግዚኣብሄር መሲሕ ከምዝልእኸሎም ተስፋ ሃበ

https://openbiblestories.org/l/ti/story-21/

![](https://cdn.door43.org/obs/jpg/360px/obs-en-)

ገና ካብ መጀመርትኡ እግዚኣብሄር መሲሕ ክልእኽ መደበ። እቲ ናይ መጀመርታ ተስፋ ናብ ኣዳምን ሄዋንን መጸ። ካብ ዘርኢ ሄዋን ርእሲ እቲ ተመን ዝጭፍልቕ ከምዝውለድ ተስፋ ሃበ። ንሄዋን ዘታለላ “ተመን” ንሱ ሰይጣን ነበረ። እቲ ተስፋ ድማ እቲ መሲሕ ንሰይጣን ፈጺሙ ከምዝስዕሮ እዩ።

![](https://cdn.door43.org/obs/jpg/360px/obs-en-21-02.jpg?direct&)

ብእኡ ኣቢሉ ወገናት ህዝብታት ዓለም ኩሎም በረከት ከምዝቕበሉ እግዚኣብሄር ንኣብርሃም ተስፋ ሃቦ። እዚ በረከት ከኣ እቲ መሲሕ እንትመፅእ ዝፍፀም ይኸውን። ንሱ ድማ ኣብ ዓለም ዘለዉ ኩሎም ወገናት ህዝብታት ክድሕኑ ይገብር።

![](https://cdn.door43.org/obs/jpg/360px/obs-en-21-03.jpg?direct&)

ካልእ ግዜ ከም ሙሴ ዝበለ ነብዪ ከምዘተንስእ እግዚኣብሄር ንሙሴ ተስፋ ሃቦ። እዚ ድማ ስለ እቲ ደሓር ዝመጽእ መሲሕ ዝተዋህበ ካልእ ተስፋ ነበረ።

![](https://cdn.door43.org/obs/jpg/360px/obs-en-21-04.jpg?direct&)

ካብቶም ዘርኡ ሓደ ኣብ ህዝቢ እግዚኣብሄር ንጉስ ኰይኑ ንዘለኣለም ከምዝገዝእ እግዚኣብሄር ንንጉስ ዳዊት ተስፋ ሃቦ። እዚ ማለት ድማ፡ እቲ መሲሕ ካብ ዘርኢ ዳዊት እቲ “እንኮ” ዝኸውን ማለት እዩ።

![](https://cdn.door43.org/obs/jpg/360px/obs-en-21-05.jpg?direct&)

እግዚኣብሄር ሓድሽ ቃል ኪዳን ከምዝገብር ብነብዪ ኤርምያስ ኣቢሉ ተስፋ ሃበ፡ እዚ ቃል ኪዳን ግና ከምቲ እግዚኣብሄር ኣብ ሲና ምስ እስራኤላውያን ዝገበሮ ዓይነት ቃል ኪዳን ኣይኰነን። በቲ ሓድሽ ቃል ኪዳን እግዚኣብሄር ንሕጉ ኣብ ልቢ ህዝቡ እዩ ዝጽሕፍ፡ ህዝቡ ብግሎም ንእግዚኣብሄር ይፈልጥዎ፡፡ ህዝቡ ይዀኑ፡ እግዚኣብሄር ድማ ሓጥያቶም ይቕረ ይብል። እቲ መሲሕ ድማ ሓድሽ ኪዳን ይጅምር።

![](https://cdn.door43.org/obs/jpg/360px/obs-en-21-06.jpg?direct&)

ከምኡ’ውን ነብያት እግዚኣብሄር እቲ መሲሕ ነብዪ፡ ካህን፡ ንጉስን ከምዝኸውን ተዛረቡ። ነብዪ ቃል ኣምላኽ ዝሰምዕ’ሞ ነቲ ቃል ንህዝቡ ዝእውጅ ሰብ እዩ። እቲ እግዚኣብሄር ክልእኾ ዘተስፈዎ መሲሕ ፍጹም ነብዪ ይኸውን።

![](https://cdn.door43.org/obs/jpg/360px/obs-en-21-07.jpg?direct&)

ካህናት እስራኤልን ኣብ ክንዲ ህዝቢ ብዛዕባ ሓጥያቶም ዝበጽሖም መቕጻዕቲ ንእግዚኣብሄር መስዋእቲ የቕርቡ ነበሩ። እቶም ካህናት ብዛዕባ ህዝቦም ናብ እግዚኣብሄር ጸለዩ። እቲ መሲሕ ንርእሱ ፍጹም መስዋእቲ ገይሩ ንእግዚኣብሄር ዘቕርብ ሊቀኻህናት ይኸውን።

![](https://cdn.door43.org/obs/jpg/360px/obs-en-21-08.jpg?direct&)

ንጉስ ኣብ መንግስቱ ዝገዝእን ኣብ ህዝቡ ዝፈርድን ሰብ እዩ። እቲ መሲሕ ካብ ወለዶ ዳዊት ኮይኑ፡ ኣብ ዝፋኑ ዳዊት ዝቕመጥ ፍጹም ንጉስ ይኸውን። ኣብ መላእ ዓለም ድማ ይገዝእ፡ ኩሉሳዕ ብቕንዕና ብምፍራድ ቅኑዕ ብይን ይህብ።

![](https://cdn.door43.org/obs/jpg/360px/obs-en-21-09.jpg?direct&)

ነብያት እግዚኣብሄር ብዛዕባ እቲ መሲሕ ብዙሕ ነገር ተነብዮም እዮም። ነብዪ ሚልክያስ እቲ መሲሕ ቅድሚ ምምጽኡ፡ ዓብዪ ነብዪ ከምዝትንስእ ኣቐዲሙ ተነበየ። እቲ መሲሕ ካብ ድንግል ከምዝውለድ ነብዪ ኢሳይያስ ተነበየ። ነብዪ ሚክያስ ድማ እቲ መሲሕ ኣብ ቤተልሄም እዩ ዝውለድ በለ።

![](https://cdn.door43.org/obs/jpg/360px/obs-en-21-10.jpg?direct&)

ነብዪ ኢሳይያስ እቲ መሲሕ ኣብ ገሊላ ይነብር፡ ልቦም ንዝተሰብረ ሰባት ከኣ የጸናንዖም፡ ከምኡ’ውን ንምሩኻት ናጽነት፡ ንዝተኣስሩ ከኣ ሓርነት ይእውጅ። ከምኡ’ውን እቲ ነብዪ ነቶም ዝሓመሙን ነቶም ምስማዕን ምርኣይን ምዝራብን ወይ ድማ ምኻድ ዘይኽእሉን ህዝቢ ከምዝፍውሶም ተነበየ።

![](https://cdn.door43.org/obs/jpg/360px/obs-en-21-11.jpg?direct&)

ከምኡ ድማ ነብዪ ኢሳይይስ እቲ መሲሕ ብዘይ ምኽንያት ከምዝጽላእን ተቓውሞ ከምዝበጽሖን ተነበየ። ካልኦት ነብያት ከኣ ነቲ መሲሕ ዝቐተሉ ክዳውንቱ ብዕጫ ከምዝማቐሉን ፈታዊኡ ኣሕልፉ ከምዝህቦን ኣቐዲሙ ተነበዩ። ነብዪ ዘካርያስ ነቲ መሲሕ ኣሕሊፉ ዝህብ ሰብ ሰላሳ ቅርሺ ከምዝኸፍልዎ ተነበየ።

![](https://cdn.door43.org/obs/jpg/360px/obs-en-21-12.jpg?direct&)

ከምኡ’ውን እቲ ነብዪ ብዛዕባ ኣማውታ እቲ መሲሕ ተዛረበ። ሰባት ጡፍ ከምዝብሉሉ፡ ከምዘላግጹሉን ከምዝወቕዕዎን ተነበየ። ዋላኳ ስሕትት ዘይገበረ እንተዀነ ክወግእዎን ብኸቢድ ቃንዛን ስቓይን ይመውት።

![](https://cdn.door43.org/obs/jpg/360px/obs-en-21-13.jpg?direct&)

ከምኡ ድማ ነብያት እቲ መሲሕ ፈጺሙ ሓጥያት ዘይብሉ ከምዝኸውን ተዛረቡ። ናይ ኩሉ ሰብ መቕጻዕቲ ንምቕባል ንሱ ሞተ። ንሱ ብምቕጽዑ ኣብ መንጎ እግዚኣብሄርን ሰባትን ሰላም የምጽእ። በዚ ምኽንያት እዚ ነቲ መሲሕ ምውራድ ፍቓድ እግዚኣብሄር ነበረ።

![](https://cdn.door43.org/obs/jpg/360px/obs-en-21-14.jpg?direct&)

እቲ መሲሕ ከምዝመውትን እግዚኣብሄር ካብ ምዉታት ከምዘትስኦን ነብያት ኣቐዲሞም ተዛረቡ። እግዚኣብሄር ብሞትን ትንሳአን እቲ መሲሕ ንሓጥያተኛታት ንምድሓን መደቡ ብምፍጻም ነቲ ሓድሽ ኪዳን ይጅምር።

![](https://cdn.door43.org/obs/jpg/360px/obs-en-21-15.jpg?direct&)

እግዚኣብሄር ንነብያት ብዛዕባ እቲ መሲሕ ብዙሕ ነገራት ገለጸሎም፡ ነገር ግን እቲ መሲሕ እቶም ነብያት ኣብ ዝነበሩሉ ዘበን ኣይመጸን። እቲ ናይ መወዳእታ ትንቢት ምስ ተነገረ ድሕሪ 400 ዓመት፡ ኣብቲ ምዱብ ጊዜኡ እግዚኣብሄር ነቲ መሲሕ ናብ ዓለም ይልእኾ።

*ታሪኽ መፅሓፍቅዱስ፡- ካብ ዘፍጥረት 3፡15፤ 12፡1-3፤ ዘዳግም 18፡15፤ 2ይ ሳሙኤል 7፤ ኤርምያስ 31፤ ኢሳይያስ 59፡16፤ ዳንኤል 7፤ ሚልክያስ 4፡5፤ ኢሳይያስ 7፡14፤ ሚክያስ 5፡2፤ ኢሳይያስ 9፡1-7፤ 35፡3-5፤ 61፡53፤ መዝሙር 22፡18፤ 35፡19፤ 69፡4፤ 41፡9፤ ዘካርያስ 11፡12-13፤ ኢሳይያስ 50፡6፤ መዝሙር 16፡10-11።*

## 22. ዮሃንስ ከምእተወልደ

https://openbiblestories.org/l/ti/story-22/

![](https://cdn.door43.org/obs/jpg/360px/obs-en-22-01.jpg?direct&)

እግዚኣብሄር ኣቐዲሙ ብመላእኽቱን ብነብያቱ ኣቢሉ ንህዝቡ ተዛሪቡ ነበረ። ነገር ግን ንህዝቡ ዘይተዛረበሎም 400 ዓመታት ሓለፉ።

ብሃንደበት ሓደ መልኣኽ ዘካርያስ ናብ ዝበሃል ሽማግለ ካህን ካብ እግዚኣብሄር መልእኽቲ ሒዙ መጸ። ዘካርያስን ሰበይቱ ኤልሳቤጥን ንእግዚኣብሄር ዝፈርሑ ሰባት ነበሩ። ይኹን እምበር ኤልሳቤጥ ውሉድ ክትወልድ ኣይከኣለትን ነበረት።

![](https://cdn.door43.org/obs/jpg/360px/obs-en-22-02.jpg?direct&)

እቲ መልኣኽ ንዘካርያስ ከምዚ በሎ፡ “ሰበይትኻ ወዲ ክትውልድ እያ። ስሙ ዮሃንስ ክትብሎ ኢኻ፡ ብመንፈስ ቅዱስ ክምላእ እዩ፤ ነቲ ህዝቢ ድማ ነቲ ዝመጽእ መሲሕ ከዳልው እዩ” ዘካርያስ ድማ፣

![](https://cdn.door43.org/obs/jpg/360px/obs-en-22-03.jpg?direct&)

እቲ መልኣኽ ንዘካርያስ ከምዚ በሎ፡ “ነዚ ብስራት ሒዘልኩም ክመጽእ ዝለኣኸኒ እግዚኣብሄር እዩ። ስለ ዘይኣመንካኒ እቲ ቈልዓ ከሳዕ ዝውለድ ምዝራብ ኣይክትክእልን” ሽዑ ድማ ዘካርያስ ምዝራብ ሰኣነ። ብድሕሪኡ እቲ መልኣኽ ካብ ዘካርያስ ተፈልየ። ዘካርያስ ከኣ ናብ ቤቱ ተመልሰ፡ ሰበይቱ ኤልስቤጥ ድማ ጠነሰት።

![](https://cdn.door43.org/obs/jpg/360px/obs-en-22-04.jpg?direct&)

ኤልሳቤጥ ካብ ትጠንስ ሽዱሽተ ወርሒ ምስኰነ፡ እቲ መልኣኽ ብሃንደበት ንኤልሳቤጥ ዘመዳ ንዝዀነት ማርያም ንእትበሃል ተገልጸ። ንሳ ድንግል ስለዝነበረት ክትምርዖ ዮሴፍ ንእተባህለ ሰብ ተሓጽያ ነበረት። እቲ መልኣኽ፡ “ክትጠንሲ ኢኺ፡ ወድ’ውን ክትወልዲ ኢኺ። ስሙ ድማ ኢየሱስ ትብልዮ። ንሱ ወዲ ልዑል እግዚኣብሄር ክበሃል እዩ፡ ንዘለኣለም ድማ ገዛኢ ይኸውን” በለ።

![](https://cdn.door43.org/obs/jpg/360px/obs-en-22-05.jpg?direct&)

ማርያም ከኣ፡ “ኣነ ድንግል ስለዝዀንኩ እዚ ከመይ ኢሉ ይኸውን” ኢላ መለሰት። እቲ መልኣኽ ድማ ከምዚ በላ፡ “መንፈስ ቅዱስ ናባኺ ክመጽእን ሓይሊ እቲ ልዑል ከጽልለኪ እዩ። ስለዚ እቲ ዝውለድ ቅዱስ ወዲ ኣምላኽ ክበሃል እዩ” ማርያም ኣመነቶ’ሞ ነቲ ዝበሎ ተቐበለቶ።

![](https://cdn.door43.org/obs/jpg/360px/obs-en-22-06.jpg?direct&)

እቲ መልኣኽ ንማርያም ምስ ነገራ ሽኡ ናብ ኤለሳቤጥ ከደት። ኤልሳቤጥ ሰላምታ ማርያም ምስ ሰምዐት እቲ ዝጠነሰቶ ኣብ ውሽጢ ከርሳ ተሰራሰረ። እዘን ኣንስቲ በቲ እግዚኣብሄር ዝገበረለን ብሓደ ተሓጐሳ። ማርያም ምስ ኤልሳቤጥ ሰለስተ ወርሒ ጸኒሓ ናብ ገዝኣ ተመልሰት። ”

![](https://cdn.door43.org/obs/jpg/360px/obs-en-22-07.jpg?direct&)

ኤልሳቤጥ ወዲ ምስ ወለደት ዘካርያስን ኤልሳቤጥን ከምቲ መልኣኽ ዝኣዘዞም ስም እቲ ህጻን ዮሃንስ በልዎ፡ በቲ እዋን እቲ እግዚኣብሄር ዘካርያስ መሊሱ ክዛረብ ፈቐደሉ። ዘካርያስ ድማ ከምዚ በለ፡ “ንህዝቡ ስለዝዘከረ እግዚኣብሄር ይመስገን፡ ኣታ ወደይ! ንስኻ’ውን እቶም ህዝቢ ስርየት

*ታሪኽ መፅሓፍ ቅዱስ፡- ካብ ሉቃስ 1።*

## 23. ልደት ኢየሱስ

https://openbiblestories.org/l/ti/story-23/

![](https://cdn.door43.org/obs/jpg/360px/obs-en-23-01.jpg?direct&)

ማርያም ዮሴፍ ንእተባህለ ጻድቕ ሰብ ተሓጽያ ነበረት። ሕጹያ ዮሴፍ፡ ማርያም ከምዝጠነሰት ምስ ረኣየ፡ ካብኡ ከምዘይኰነ ፈለጠ። ንማርያም ከሕፍራ ስለ ዘይደለየ ስቕ ኢሉ ክሓድጋ ደለየ። ቅድሚ ነቲ ዝሓሰቦ ምግባሩ ድማ “መልኣኽ” ብሕልሙ ተዛረቦ።

![](https://cdn.door43.org/obs/jpg/360px/obs-en-23-02.jpg?direct&)

እቲ መልኣኽ ከኣ ከምዚ በለ፡ “ዮሴፍ፣ ንማርያም ሕጽትኻ ጌርካ ክትወስዳ ኣይትፍራሕ። እቲ ኣብ ከርሳ ዘሎ ህጻን ካብ መንፈስ ቅዱስ ዝተጠንሰ እዩ። ወዲ ክትወልድ እያ። ስሙ ኢየሱስ ክትሰምዮ ኢኻ። (ትርጉሙ ድማ ‘ያህዌ የድሕን’ ማለት እዩ) ምኽንያቱ ንሱ ንህዝብታት ካብ ሓጥያቶም ከድሕኖም እዩ፡፡

![](https://cdn.door43.org/obs/jpg/360px/obs-en-23-03.jpg?direct&)

ስለዚ ዮሴፍ ንማርያም ሕጽይቱ ወሰዳ፡ ክሳዕ በኹሪ ወዳ እትወልድ ከኣ ኣይፈለጣን ነበረ።

![](https://cdn.door43.org/obs/jpg/360px/obs-en-23-04.jpg?direct&)

ማርያም እትወልደሉ ግዜ ምስ በጽሐ፡ መንግስቲ ሮም ኩሉ ሰብ ናብ ትውልዲ ዓዱ እናኸደ ክምዝገብ ኣዘዘ። ዮሴፍን ማርያምን ትውልዶም ካብ ዳዊት ስለዝነበረ ካብቲ ዝነብሩሉ ካብ ናዝሬት ናብ ቤተ ልሄም ተጓዕዙ።

![](https://cdn.door43.org/obs/jpg/360px/obs-en-23-05.jpg?direct&)

ናብ ቤተ ልሄም ምስ በጽሑ ዝዓርፉሉ ቦታ ኣይረኸቡን። ስለዚ ኣብ መብልዕ ማል ክሓድሩ ወሰኑ። እ ህጻን ምስ ተወልደ ዘደቅሱሉ ስለዘይነበሮም ኣብ መብልዕ ማል ኣደቀስዎ። ስሙ ድማ ኢየሱስ በልዎ።

![](https://cdn.door43.org/obs/jpg/360px/obs-en-23-06.jpg?direct&)

በታ ለይቲ እቲኣ ኣብቲ ከባቢ ኣብ ዝርከብ ጐልጐል መጓሲኦም ዝሕልዉ ጓሶት ነበሩ። ብሃንደበት ዘብርህ መልኣኽ ተራእዮም። ንሳቶም ድማ ፈርሑ። እቲ መልኣኽ ከኣ፡ “ኣይትፍርሁ እንሆ መድሓኒ ኣብ ዓዲ ዳዊት ተወሊድልኩም ስለ ዘሎ፡ ንሱ ከኣ “ክርስቶስ ጐይታ” እዩ፡ ፡ እዚ ብስራት ድማ ኤብስረኩም ኣለኹ” በለ።

![](https://cdn.door43.org/obs/jpg/360px/obs-en-23-07.jpg?direct&)

“ኬድኩም ነቲ ህጻን ርኸብዎ፡ ብጨርቂ ተጠቕሊሉ ኣብ መብልዕ ማል ደቂሱ ክትረኽብዎ ኢኹም። ብሃንደበት ድማ ሰማይ ብመላእኽቲ ተመልአ። ንእግዚኣብሄር እናመስገኑ ድማ፣ “ክብሪ ንኣምላኽ ኣብ ሰማይ ይዅን፡ ሰላም ከኣ ኣብ ምድሪ፡ ንሰባት’ውን ሰናይ ፍቓድ ይዅን!›› በሉ።

![](https://cdn.door43.org/obs/jpg/360px/obs-en-23-08.jpg?direct&)

እቶም ጓሶት ናብቲ ኢየሱስ ዝተወልደሉ ስፍራ ቀልጢፎም ብምኻድ ከምቲ እቲ መልኣኽ ዝነገሮም እቲ ህጻን ኣብ መብልዒ ማል ደቂሱ ረኸብዎ። ኣዝዮም ከኣ ተሐጐሱ። ማርያም’ውን ተሓጐሰት። እቶም ጓሶት ስለቲ ዝሰምዕዎን ዝረኣይዎን ኩሉ ንእግዚኣብሄር እናመስገኑ፡ ናብ መጓሲኦም ተመልሱ።

![](https://cdn.door43.org/obs/jpg/360px/obs-en-23-09.jpg?direct&)

ድሕሪ ቁሩብ እዋን ካብ ዓድታት ርሑቕ ምብራቕ ዝዀኑ ጠቢባን ኣብ ሰማይ ሓደ ዘይተለምደ ኮኾብ ረአዩ። ሓድሽ ንጉስ ኣይሁድ ከምእተወልደ ድማ ተረድኡ። ስለዚ ነዚ ዝተወልደ ንጉስ ክርእዩ ነዊሕ መንገዲ ተጓዕዙ። ናብ ቤተልሄም ከይዶም ድማ ነቲ ኢየሱስን ወለዱን ዝነበሩሉ ቤቱ ረኸብዎ።

![](https://cdn.door43.org/obs/jpg/360px/obs-en-23-10.jpg?direct&)

እቶም ጠቢባን ንኢየሱስ ምስ ኣዲኡ ምስ ረኣይዎ ሰገዱሉ። ህያባት ድማ ሃብዎ። ካብኡ ከኣ ናብ ዓዶም ተመሊሶም ከዱ።

*ታሪኽ መፅሓፍ ቅዱስ፡- ካብ ማቴዎስ 1፤ ሉቃስ 2።*

## 24. ዮሃንስ ንኢየሱስ ኣጠመቖ

https://openbiblestories.org/l/ti/story-24/

![](https://cdn.door43.org/obs/jpg/360px/obs-en-24-01.jpg?direct&)

ዮሃንስ ወዲ ዘካርያስን ዓበየ፡፡ ነብዪ ድማ ኰነ። ኣብ ምድረ በዳ ድማ ይነብር ነበረ። መዓር በረኻን ኣንበጣን ይምገብ ነበረ። ክዳኑ ድማ ካብ ጨጕሪ ጊመል ዝተሰርሐ ነበረ።

![](https://cdn.door43.org/obs/jpg/360px/obs-en-24-02.jpg?direct&)

ብዙሓት ህዝቢ ንዮሃንስ ክሰምዑ ናብ ምድረ በዳ መጹ። ንሱ ከኣ፡ “መንግስቲ እግዚኣብሄር ቀሪባ እያ’ሞ ተነስሑ” እናበለ ሰበኸሎም።

![](https://cdn.door43.org/obs/jpg/360px/obs-en-24-03.jpg?direct&)

እቶም ህዝቢ ነቲ ዮሃንስ ይዛረቦ ዝነበረ መልእኽቲ ሰሚዖም መብዛሕትኦም ሓጥያቶም ተናዘዙ። ዮሃንስ ከኣ ኣጠመቖም። ብዙሓት መራሕቲ ሃይማኖት’ውን ክጥመቑ ናብ ዮሃንስ መጹ፡ ሓጥያቶም ግና ኣይተናዘዙን።

![](https://cdn.door43.org/obs/jpg/360px/obs-en-24-04.jpg?direct&)

ዮሃንስ ነቶም መራሕቲ ሃይማኖት ከምዚ በሎም፤ “ኣቱም ውሉድ ኣትማን፡ ተነስሑ’ሞ ካብ ሓጥኣትኩም ተመለሱ፡ ሰናይ ፍረ ዘየፍሪ ተኽሊ ኩሉ ተቘሪጹ ናብ ሓዊ እዩ ዝድርበ”። እንሆ እቲ ብነብያት “መንገደይ ዝጸርግ ልኡኸይ ኣብ ቅድሜኻ ክሰድድ እየ”። ኢሎም እተዛረብዎ ተፈጸመ።

![](https://cdn.door43.org/obs/jpg/360px/obs-en-24-05.jpg?direct&)

ገለ ኣይሁድ ዮሃንስ እቲ “መሲሕ” እንተዀይኑ ሓተትዎ። ዮሃንስ ድማ ከምዚ በሎም፡ “ኣነ መሲሕ ኣይኰንኩን፡ ግናኸ ብድሕረይ ዝመጽእ ሰብ ኣሎ። መእሰር ጫምኡ’ኳ ክፈትሐሉ ክሳዕ ዘይግብአኒ ኣዝዩ ዓብዪ እዩ”።

![](https://cdn.door43.org/obs/jpg/360px/obs-en-24-06.jpg?direct&)

በቲ ቀጺሉ ዘሎ መዓል፡ ኢየሱስ ብዮሃንስ ክጥመቕ መጸ። ዮሃንስ ምስ ረአዮ፡ “እንሆ፣ ሓጥያት ዓለም ዘርሕቕ ገንሸል ኣምላኽ” በለ።

![](https://cdn.door43.org/obs/jpg/360px/obs-en-24-07.jpg?direct&)

ዮሃንስ ንኢየሱስ፣ “ኣነ ንዓኻ ከጠምቕ ብቑዕ ኣየኰንኩን። የግዳስ ኣነ እየ ብኣኻ ክጥመቕ ዝግባእ” በሎ። ኢየሱስ ከኣ፡ “ኩሉ ግብሪ ጽድቂ ክንፍጽም ይግብኣና፡ ሕጅ’ስ ይኹን ደኣ ሕደግ በለ። ስለዚ ኢየሱስ ፈጺሙ ሓጥያት ዝበሃል’ኳ እንተዘይሰርሐ፡ ዮሃንስ ንኢየሱስ ኣጠመቖ።

![](https://cdn.door43.org/obs/jpg/360px/obs-en-24-08.jpg?direct&)

ኢየሱስ ምስ ተጠመቐ ካብ ማይ ወጸ። መንፈስ ኣምላኽ ብኣምሳል ርግቢ ተራእዩ ኣብኡ ዓለበ። ሽዑ ድምጺ እግዚኣብሄር ካብ ሰማይ፡ “ንስኻ ዝፈትወካ ወደይ ኢኻ፣ ብኣኻ ድማ ኣዝየ ሕጕስ እየ” ኢሉ ተዛረበ።

![](https://cdn.door43.org/obs/jpg/360px/obs-en-24-09.jpg?direct&)

እግዚኣብሄር ንዮሃንስ፡ “መንፈስ ቅዱስ ወሪዱ ኣብቲ እተጥምቖ ሰብ ክዓርፍ እዩ። ንሱ ድማ ወዲ ኣምላኽ እዩ” ኢሉ ነጊርዎ ነበረ። ሓደ ኣምላኽ ጥራይ ኣሎ። ይኹን እምበር ዮሃንስ ንኢየሱስ ከጠምቖ ከሎ፡ እግዚኣብሄር ኣቦ ክዛረብ ሰምዐ፡ ንእግዚኣብሄር ወልድ ርእይዎ እዩ፡ ንሱ ድማ ባዕሉ ኢየሱስ እዩ፡፡ ንመንፈስ ቅዱስ’ውን ርእይዎ እዩ።

*ታሪኽ መፅሓፍ ቅዱስ፡- ካብ ማቴዎስ 3፤ ማርቆስ 1፡9-11፤ ሉቃስ 3፡1-23።*

## 25. ሰይጣን ንኢየሱስ ፈተኖ

https://openbiblestories.org/l/ti/story-25/

![](https://cdn.door43.org/obs/jpg/360px/obs-en-25-01.jpg?direct&)

ኢየሱስ ምስ ተጠመቐ፡ ሽኡ መንፈስ ቅዱስ ናብ ምድረበዳ ወሰዶ፡፡ ኣብኡ ድማ ኣርብዓ መዓልትን ለይትን ጾመ። ሽዑ ሰይጣን ናብ ኢየሱስ መጺኡ ሓጥያት ክገብር ንኢየሱስ ፈተኖ።

![](https://cdn.door43.org/obs/jpg/360px/obs-en-25-02.jpg?direct&)

“ወዲ ኣምላኽ እንትዄንካስ ምእንቲ ክትበልዕ ነዞም ኣእማን ናብ እንጌራ ለውጦም” ኢሉ ሰይጣን ንኢየሱስ ፈተኖ።

![](https://cdn.door43.org/obs/jpg/360px/obs-en-25-03.jpg?direct&)

ኢየሱስ ከኣ፡ “ሰብ ካብ ኣፍ ኣምላኽ ብዝወጽእ ኵሉ ቃል እምበር፡ ብእንጌራ ጥራይ ኣይነብረን” ተባሂሉ ኣብ ቃል ኣምላኽ ተጻሒፉ እዩ፡ ኢሉ መለሰሉ።

![](https://cdn.door43.org/obs/jpg/360px/obs-en-25-04.jpg?direct&)

ብድሕሪኡ ሰይጣን ንኢየሱስ ናብ ገምገም ቤተ መቕደስ ወሲዱ፡ “ወዲ ኣምላኽ እንተዄንካስ ንታሕቲ ገጽካ ጽደፍ፡ ምኽንያቱ፡ “እግርኻ ብእምኒ ከየዕንቅፍ ምእንቲ ክስከሙኻ እግዚኣብሄር ንመላእኽቱ ክእዝዘልካ እዩ ተባሂሉ ተጻሒፉ እዩ” በለ።

![](https://cdn.door43.org/obs/jpg/360px/obs-en-25-05.jpg?direct&)

ግናኸ ኢየሱስ ካብ ቃል ኣምላኽ ብምጥቃስ ንሰይጣን መለሰሉ፡ “ንእግዚኣብሄር፡ ኣምላኽካ ኣይትፈታተኖ” ዝብል ጽሑፍ ኣሎ በሎ።

![](https://cdn.door43.org/obs/jpg/360px/obs-en-25-06.jpg?direct&)

ብድሕሪኡ ሰይጣን ንመንግስትታት ዓለምን ክብሮምን ኣርአዮ’ሞ፡ “ፍግም ኢልካ ንዓይ እንተሰጊድካለይ ነዚ ኩሉ ክህበካ እየ” በለ።

![](https://cdn.door43.org/obs/jpg/360px/obs-en-25-07.jpg?direct&)

ኢየሱስ፡ “ኪድ! ርሓቕ! ሰይጣን “ንእግዚኣብሄር ኣምላኽካ ጥራይ ስገድ፡ ንዕኡ ጥራይ’ውን ኣምልኽ ኢሉ እግዚኣብሄር ንህዝቡ ኣዚዙ’ዩ” በሎ።

![](https://cdn.door43.org/obs/jpg/360px/obs-en-25-08.jpg?direct&)

ኢየሱስ ንሰይጣን ፈተና ኣይተሳዕረን፡ ስለዚ ሰይጣን ንግዚኡ ሓደጎ፡፡ ብድሕሪኡ መላእኽቲ መጺኦም ንኢየሱስ ኣገልገልዎ።

*ታሪኽ መጽሓፍ ቅዱስ፡- ካብ ማቴዎስ 4፡1-11፤ ማርቆስ 1፡12-13፤ ሉቃስ 4፡1-13።*

## 26. ኢየሱስ ኣገልግሎቱ ጀመረ

https://openbiblestories.org/l/ti/story-26/

![](https://cdn.door43.org/obs/jpg/360px/obs-en-26-01.jpg?direct&)

ኢየሱስ ነቲ ሰይጣን ዘምጽአሉ ፈተና ምስ ሰዓረ፡ ብሓይሊ መንፈስ ቅዱስ ናብቲ ዝነብረሉ ዝነበረ ገሊላ ዝበሃል ኣውራጃ ተመልሰ። ሽዑ ካብ ቦታ ናብ ቦታ እናኸደ መሃረ። ኩሉ ሰብ ድማ ብዛዕብኡ ጽቡቕ ይዛረብ ነበረ።

![](https://cdn.door43.org/obs/jpg/360px/obs-en-26-02.jpg?direct&)

ኢየሱስ ኣብ እዋን ቍልዕነቱ ናብቲ ዝነብረሉ ዝነበረ ከተማ ናዝሬት ተመልሰ። ሰንበት ምስ ኰነ ናብ በት ጸሎት ከደ። ምእንቲ ከንብብ ድማ ጥቕሉል መጽሓፍ ኢሳይያስ ሃብዎ። ኢየሱስ ነቲ ጥቕሉል መጽሓፍ ከፊቱ ነቶም ህዝቢ ኣንበበሎም።

![](https://cdn.door43.org/obs/jpg/360px/obs-en-26-03.jpg?direct&)

ኢየሱስ፡ “ንድኻታት ብስራት፡ ንዝተማረኹ ናጽነት፡ ንዕዉራት ምርኣይ፡ ንእተኣስሩ ሓርነት ክስብኽ እግዚኣብሄር መንፈሱ ሃበኒ። እዚኣ ሕርይቲ ዓመት ጐይታ እያ” ኢሉ ኣንበበ።

![](https://cdn.door43.org/obs/jpg/360px/obs-en-26-04.jpg?direct&)

ብድሕሪኡ ኢየሱስ ተቐመጠ። ኩሎም ድማ ቀሪቦም ረአይዎ። እቲ ሕጂ ዘንበቦ ክፍሊ ብዛዕባ እቲ መሲሕ ዘመልክት እዩ። ኢየሱስ፡ “እዚ ዘንበብኩልኩም ቃል ሕጂ ኣብ ኣእዛንኩም ተፈጸመ በሎም” እቶም ህዝቢ ድማ ብምድናቕ፡ “እዚ ወዲ ዮሴፍዶ ኣይኰነን” በሉ።

![](https://cdn.door43.org/obs/jpg/360px/obs-en-26-05.jpg?direct&)

ብድሕሪኡ ኢየሱስ፡ “ነብዪ ኣብ ዓዱ ከምዝይኽበር ሓቂ እዩ፡ ኣብ ዘበን ኤልያስ ኣብ እስራኤል ብዙሓት መበለታት ነበራ። ነገር ግን ንሰለስተ ዓመትን ፈረቓን ዝናብ ኣብዘይነበሉ እዋን እግዚኣብሄር ንኤልያስ ኣብ ዝተፈልየ ዓዲ እምበር ኣብ እስራኤል ናብ ዘላ መበለት ክረድኣ ኣይለኣኾን።

![](https://cdn.door43.org/obs/jpg/360px/obs-en-26-06.jpg?direct&)

ኢየሱስ ከምዚ ኢሉ ምዝራብ ቀጸለ፡ “ብዘበን ኤልሳእ ሕማም ቈርበት ዝነበሮም ብዙሓት ሰባት ነበሩ። ኤልሳእ ግና ንሓዲኦም’ኳ ኣይፈወሶምን። ናይ እስራኤል ጸላእቲ ኣዛዚ ሰራዊት ዝነበረ ናይ ንእማን ሶርያዊ ጥራይ ፈወሰ” እቶም ንኢየሱስ ይሰምዕዎ ዝነበሩ ህዝቢ ኣይሁዳውያን ነበሩ። ስለዚ ነዚ ክዛረብ ምስ ሰምዑ ብእኡ ሓረቑ።

![](https://cdn.door43.org/obs/jpg/360px/obs-en-26-07.jpg?direct&)

ህዝቢ ናዝሬት ንኢየሱስ ካብቲ ዝምለኸሉ ቦታ ጎቲቶም ወሲዶም ክቐትልዎ ናብ ቀልቀል ጸድፊ ኣምጽእዎ። ነገር ግን ኢየሱስ ብማእኸል እቲ ህዝቢ ሓሊፉ ናብ ናዝሬት ከደ።

![](https://cdn.door43.org/obs/jpg/360px/obs-en-26-08.jpg?direct&)

ብድሕሪኡ ኢየሱስ ኣብ ኩሉ ኣውራጃ ገሊላ ተዘዋወረ፡ ብዙሕ’ውን ናብኡ መጹ። ምርኣይ፡ ምኻድ፡ ምስማዕ፡ ምዝራብ ዘይኽእሉ ወሲኹ ብዙሓት ሕሙማትን ኣካለ ስንኩላን ናብኡ ኣምጽኡ።

![](https://cdn.door43.org/obs/jpg/360px/obs-en-26-09.jpg?direct&)

አጋንንቲ ዝሓደርዎም፡ ብዙሓት ሰባት ናብ ኢየሱስ ኣምጽኡ። ኢየሱስ ክወጹ ምስ ኣዘዞም እቶም ኣጋንንቲ ካብቶም ሰባት ወጹ። ብዙሕ ግዜ ከኣ፡ “ንስኻ ወዲ ኣምላኽ ኢኻ” እናበሉ ድማ የእውዩ ነበሩ። እቶም ህዝቢ ነዚ ርእዮም ብምድናቕ ንእግዚኣብሄር ኣምለኹ።

![](https://cdn.door43.org/obs/jpg/360px/obs-en-26-10.jpg?direct&)

ብድሕሪኡ ኢየሱስ ዓሰርተ ኽልተ ደቀ መዛሙርቲ መረጸ። እዞም ሃዋርያት ከኣ ምስ ኢየሱስ እናተጓዕዙ ካብኡ ተማህሩ።

*ታሪኽ መፅሓፍ ቅዱስ፡- ካብ ማቴዎስ 4፡12-25፤ ማርቆስ 1፡14-15፣ 35-39፤ 3፡13-21፤ ሉቃስ 4፡14-30፣ 38-44።*

## 27. ታሪኽ እቲ ርሕሩሕ ሳምራዊ

https://openbiblestories.org/l/ti/story-27/

![](https://cdn.door43.org/obs/jpg/360px/obs-en-27-01.jpg?direct&)

ሓደ መዓልቲ ሓደ ኣይሁዳዊ ፈላጥ ሕጊ ንኢየሱስ ክፍትኖ መጸ፡ “መምህር፡ ናይ ዘለኣለም ህይወት ክወርስ እንታይ ክገብር” በሎ። ኢየሱስ ድማ፡ “ኣብ ሕጊ እግዚኣብሄር እንታይ ተጻሒፉ ይርከብ” በሎ።

![](https://cdn.door43.org/obs/jpg/360px/obs-en-27-02.jpg?direct&)

እቲ ፈላጥ ሕጊ ድማ፣ “ንእግዚኣብሄር ኣምላኽካ ብፍጹም ልብኻ፡ ብፍጹም ነፍስኻ፡ ብፍጹም ሓይልኻን ብፍጹም ሓሳብካን ኣፍቅሮ። ንብጻይካ’ውን ከም ነፍስኻ ኣፍቅ” ይብል ኢሉ መለሰሉ። ኢየሱስ ከኣ፡ “ጽቡቕ መለስካ ከምኡ ግበር ብህይወት ክትነብር ኢኻ” በሎ።

![](https://cdn.door43.org/obs/jpg/360px/obs-en-27-03.jpg?direct&)

እቲ ፈላጥ ሕጊ ግና ጻድቕ ከምዝዀነ ከፍልጥ ደልዩ፣ “ብፃየይከ መን እዩ” ኢሉ ሓተቶ።

![](https://cdn.door43.org/obs/jpg/360px/obs-en-27-04.jpg?direct&)

ኢየሱስ ሓደ ታሪኽ ብምንጋር ነቲ ፈላጥ ሕጊ መለሰሉ፡ “ካብ ኢየሩሳሌም ናብ ኢያሪኮ ይኸይድ ዝነበረ ሓደ ኣይሁዳዊ ነበረ”።

![](https://cdn.door43.org/obs/jpg/360px/obs-en-27-05.jpg?direct&)

እቲ ሰብኣይ እናኸደ እንተሎ ከተርቲ ሓዝዎ። ነቲ ዝሓዞ ኩሉ ኣሕዲጎም ዳርጋ ምዉት ገይሮም ቀጥቂጦም ደርብዮምዎ ከዱ።

![](https://cdn.door43.org/obs/jpg/360px/obs-en-27-06.jpg?direct&)

“ሓደ ኣይሁዳዊ ካህን ብእኡ ይሓልፍ ነበረ። እዚ መራሒ ሃይማኖት ነቲ ዝተዘረፈን ዝተወቕዐን ሰብኣይ ምስ ረአዮ ልግስ ኢሉ ከደ“ ነቲ ሓገዝ ዝደሊ ዝነበረ ሰብ ሸለል ኢሉ መንገዱ ቀጸለ።

![](https://cdn.door43.org/obs/jpg/360px/obs-en-27-07.jpg?direct&)

“ብዙሕ ከይጸንሐ፡ ሓደ ሌዋዊ ብእኡ ሓለፈ። (ሌዋውያን ኣብ ቤተመቕደስ ንኣይሁዳውያን ዝሕግዙ ዓሌት እስራኤላውያን ነበሩ።) እቲ ሌዋዊ’ውን ከምቲ ካህን ልግስ ኢሉ ነቲ ዝተገርፈን ዝተወቕዐን ሰብ ሸለል ኢልዎ ከደ።

![](https://cdn.door43.org/obs/jpg/360px/obs-en-27-08.jpg?direct&)

“በቲ መንገዲ ዝሓለፈ ካልእ ሰብ ድማ ሳምራዊ ነበረ”። (ሳምራውያን ካብ ካልኦት ዓሌት ዝተመርዓዉ ኣይሁዳውያን እዮም። ሳምራውያንን ኣይሁዳውያንን ንሕድሕዶም ኣይፋተዉን ነበሩ።) ነገር ግን እቲ ሳምራዊ ነቲ ኣይሁዳዊ ምስረኣዮ ራሕርሓሉ። ስለዚ ተኸናኺኑ ኣቊስሉ ሰፈፈሉ።

![](https://cdn.door43.org/obs/jpg/360px/obs-en-27-09.jpg?direct&)

“ሽዑ እቲ ሳምራዊ ነቲ ሰብኣይ ኣልዒሉ ኣብ ኣድጉ ኣወጥሖ’ሞ ናብ መሕደር ኣጋይሽ ወሲዱ ተኸናኸኖ”።

![](https://cdn.door43.org/obs/jpg/360px/obs-en-27-10.jpg?direct&)

“ንጽባሒቱ እቲ ሳምራዊ መገዱ ክቕጽል ስለዝደለየ ነቲ ብዓል ቤት ገንዘብ ሂቡ፡ ‘ተኸናኸኖ፣ ካብዚ ንላዕሊ እንተውጺእኻ ድማ ክምለስ ከለኹ ክኸፍለካ እየ’ በሎ።

![](https://cdn.door43.org/obs/jpg/360px/obs-en-27-11.jpg?direct&)

ብድሕሪኡ ኢየሱስ ነቲ ፈላጥ ሕጊ፡ “ እንታይ ትብል፧ ነቲ ዝተዘርፈን ዝተወቕዐን ሰብ ካብቶም ሰለስተ ብጻዩ ኣየናይ እዩ”፧ ኢሉ ሓተቶ። ንሱ ድማ፣ “እቲ ዝራሕርሕሉ” ኢሉ መለሰሉ። ኢየሱስ ከኣ፣ “ንስኻ’ውን ኬድካ ከምኡ ግበር” ኢሉ ነገሮ።

*ታሪኽ መጽሓፍ ቅዱስ፡- ካብ ሉቃስ 10፡25-37።*

## 28. ሃብታም መንእሰይ

https://openbiblestories.org/l/ti/story-28/

![](https://cdn.door43.org/obs/jpg/360px/obs-en-28-01.jpg?direct&)

ሓደ መዓልቲ ሓደ ሃብታም መንእሰይ ናብ ኢየሱስ መጺኡ፡ “ኣታ ሄር መምህር፡ ዘለኣለም ህይወት ክወርስ እንታይ ክገብር፧ ኢሉ ሓተቶ።

ኢየሱስ ድማ፣ “ስለምንታይ “ሄር” ትብለኒ፧ ሄር ሓደ እግዚኣብሄር ጥራይ እዩ። ዘለኣለም ህይወት ክትረክብ እንተደሊኻ ንሕጊ እግዚኣብሄር ተኣዘዝ በሎ።

![](https://cdn.door43.org/obs/jpg/360px/obs-en-28-02.jpg?direct&)

“ኣየኖት ትእዛዛት”፧ ኢሉ ሓተቶ። ኢየሱስ ድማ ከምዚ ኢሉ መለሰሉ፡ “ኣይትቕተል፡ ኣይትዘሙ፡ ኣይትሓስው፡ ኣቦኻን ኣደኻን ኣኽብር፡ ንብጻይካ’ውን ከም ነፍስኻ ኣፍቅር”።

![](https://cdn.door43.org/obs/jpg/360px/obs-en-28-03.jpg?direct&)

እቲ መንእሰይ ከኣ፡ “ካብ ንእስነተይ ጀሚረ፡ ነዞም ሕግታት ኩሎም ፈጺመ አየ። ናይ ዘለኣለም ህይወት ክረክብ ካልእ እንታይ ክገብር”፧ በለ። ኢየሱስ ረኣዮ’ሞ ፈተዎ።

![](https://cdn.door43.org/obs/jpg/360px/obs-en-28-04.jpg?direct&)

ኢየሱስ ከኣ፡ “ፍጹም ክትከውን አንተደሊኻ ዘለካ ኩሉ ሸይጥካ ነቲ ገንዘብ ንድኻታት ሃቦም፡ ኣብ ሰማይ ደማ ዓስቢ ክትረክብ ኢኻ። ሽዑ ንዓ’ሞ ሰዓበኒ”። ኢሉ መለሰሉ።

![](https://cdn.door43.org/obs/jpg/360px/obs-en-28-05.jpg?direct&)

እቲ መንእሰይ፡ ነቲ ኢየሱስ ዝተዛረቦ ምስ ሰምዐ፡ ብጣዕሚ ሃብታም ስለ ዝነበረ ነቲ ዘለዎ ክህብ ስለዘይደለየ ኣዝዩ ሓዘነ። ገጹ ኣዚሩ ድማ ኸደ።

![](https://cdn.door43.org/obs/jpg/360px/obs-en-28-06.jpg?direct&)

ሽዑ ኢየሱስ ንደቀ መዛሙርቱ ከምዚ በሎም፡ “ሃብታማት ናብ መንግስቲ ኣምላኽ ክኣትዉ ኣዝዩ ዘጸግም እዩ፡፡ እወ ሃብታም ናብ መንግስቲ ኣምላኽ ካብ ዝኣቱ ጊመል ብዓይኒ መርፍእ ክትሓልፍ ይቐልል”፡፡

![](https://cdn.door43.org/obs/jpg/360px/obs-en-28-07.jpg?direct&)

ደቀ መዛሙርቱ ነቲ ኢየሱስ ዝተዛረቦ ምስ ሰምዑ ሰንበዱ’ሞ፡ “እሞ ደኣ መን ክድሕን ይኽእል” በሉ።

![](https://cdn.door43.org/obs/jpg/360px/obs-en-28-08.jpg?direct&)

ኢየሱስ ነቶም ደቀመዛሙርቱ ርእዩ፡ “እዚ ብሰብ ዝከኣል ኣይኰነን፡ ብኣምላኽ ግና ኵሉ ይከኣል እዩ” በለ።

![](https://cdn.door43.org/obs/jpg/360px/obs-en-28-09.jpg?direct&)

ጴጥሮስ ንኢየሱስ፡ “ንሕና ኵሉ ገዲፍና ተኸተልናካ፡ ዓስብናኸ እንታይ እዩ” በሎ።

![](https://cdn.door43.org/obs/jpg/360px/obs-en-28-10.jpg?direct&)

ኢየሱስ ድማ ከምዚ ኢሉ መለሰሉ፡ “ስለይ ቤትን ኣሕዋትን ኣሓትን ኣቦን ኣዲኡን ወይ ድማ ጥሪት ዝሓደገ፡ ሚእቲ ዕጽፊ ይቕበል፡ ናይ ዘለኣለም ህይወት’ውን ይወርስ። ስለዚ ብዙሓት ቀዳሞት ዳሕረዎት፡ ብዙሓት’ውን ዳሕረዎት ድማ ቀዳሞት ክዀኑ እዮም”፡፡

*ታሪኽ መፅሓፍ ቅዱስ፡- ካብ ማቴዎስ 19፡16-30፤ ማርቆስ 10፡17-31፤ ሉቃስ 18፡18-30።*

## 29. ታሪኽ እቲ ምሕረት ዘይብሉ ኣገልጋሊ

https://openbiblestories.org/l/ti/story-29/

![](https://cdn.door43.org/obs/jpg/360px/obs-en-29-01.jpg?direct&)

ሓደ መዓልቲ ጴጥርስ ንኢየሱስ፡ “ዎ መምህር፡ ሓወይ እንተበደለኒ ክንደይ ሳዕ ይቕረ ክብሎ፧ ሸውዓተ ሳዕ ድዩ” ኢሉ ሓተቶ። ኢየሱስ ድማ፣ “ሸውዓተ ሰብዓ ሻዕ እምበር፡ ሸውዓተ ሻዕ ኣይኰነን” በሎ። ኢየሱስ ነዚ ምባሉ ኩልሳዕ ይቕረ ክንብል ኣለና ማለቱ እዩ። ሽዑ ኢየሱሰ ነዚ ቀጺሉ ዘሎ ታሪኽ ተዛረበ።

![](https://cdn.door43.org/obs/jpg/360px/obs-en-29-02.jpg?direct&)

ኢየሱስ ከምዚ በለ፡ “መንግስቲ ኣምላኽ ኣገልገልቱ ክቈጻጸር ዝደለየ ንጉስ እያ እትመስል። ካብቶም ኣገልገልቱ እቲ ሓደ 10,000 መኽሊት ዝኸውን ዕዳ ነበሮ”።

![](https://cdn.door43.org/obs/jpg/360px/obs-en-29-03.jpg?direct&)

“እቲ ኣገልጋሊ ዕድኡ ክኸፍል ስለዘይከኣለ፡ እቲ ንጉስ፡ “እዚ ኣገልጋሊ ዕድኡ ምእንቲ ክኸፍል ንዕኡን ንቤተሰቡን ሽጥዎም” በሎ።

![](https://cdn.door43.org/obs/jpg/360px/obs-en-29-04.jpg?direct&)

“እቲ ኣገልግሊ ኣብ ቅድሚ እቲ ንጉስ ተደፊኡ፡ “በጃኻ ተዓገሰኒ፡ ዘለኒ ዕዳ ኩሉ ክኸፍለካ እየ” በሎ። እቲ ንጉስ ነቲ ኣገልጋሊ ሓዚኑሉ ዕድኡ ኩሉ ሓዲገሉ ፈትሖ ድማ”

![](https://cdn.door43.org/obs/jpg/360px/obs-en-29-05.jpg?direct&)

“እንተኾነ እቲ ኣገልጋሊ፡ ካብቲ ንጉስ ምስ ወጸ፡ ካብቶም ብጾቱ ሚእቲ ዲናር ዕዳ ዘለዎ ሓደ ኣገልጋሊ ረኸበ። እቲ ምሕረት ዝተገብረሉ ኣገልጋሊ፡ ነቲ ዕዳ ዘለዎ ብጻዩ ሒዙ “ዘለካ ዕዳ ክፈለኒ” በሎ።

![](https://cdn.door43.org/obs/jpg/360px/obs-en-29-06.jpg?direct&)

“እቲ ብጻዩ ዝዀነ ኣገልጋሊ ኣብ እግሩ ወዲቑ፡ “በጃኻ ተዓገሰኒ፡ ዘለኒ ዕዳ ኩሉ ክኸፍለካ እየ” በሎ። እቲ ኣገልጋሊ ግና ነቲ ዕዳ ዘለዎ ብጻዩ ክሳዕ ዕድኡ ዝኸፍሎ ኣብ ቤት ማእሰርቲ ኣእተዎ”።

![](https://cdn.door43.org/obs/jpg/360px/obs-en-29-07.jpg?direct&)

“ካልኦት ኣገልገልቲ ነቲ ዝተፈጸመ ነገር ርእዮም ሓረቑ። ናብቲ ንጉስ ከይዶም ድማ ነቲ ዝዀነ ነገር ነገርዎ”።

![](https://cdn.door43.org/obs/jpg/360px/obs-en-29-08.jpg?direct&)

“እቲ ንጉስ ድማ ነቲ ኣገለጋሊ ኣጸዊዑ፣ ‹ኣታ ጨካን ባርያ ዕዳኻ ክገድፈልካ ስለዝለመንካኒ ገደፍኩልካ። ንስኻ’ውን ከምኡ ክትገብር ይግብአካ ነይሩ”። በሎ። እቲ ንጉስ ኣዝዩ ተቘጢዑ ዕድኡ ኩሉ ክሳዕ ዝኸፍል ናብ ቤት ማእሰርቲ ኣእተዎ።

![](https://cdn.door43.org/obs/jpg/360px/obs-en-29-09.jpg?direct&)

ብድሕሪኡ ኢየሱስ ከምዚ በለ፡ “ንስኻትኩም’ውን ንሕድሕድኩም ነሕዋትኩም ይቕረ እንተዘይልኩም፡ እቲ ኣብ ሰማይ ዘሎ ኣቦይ’ውን ይቕረ ኣይብለኩምን እዩ።

*ታሪኽ መፅሓፍ ቅዱስ፡- ካብ ማቴዎስ 18፡21-35።*

## 30. ኢየሱስ ሓሙሽተ ሽሕ ሰብ መገበ

https://openbiblestories.org/l/ti/story-30/

![](https://cdn.door43.org/obs/jpg/360px/obs-en-30-01.jpg?direct&)

ኣብ ዝተፈላለዩ ዓዲታት ክሰብኩን ከምህሩን ንሃዋርያቱ ለኣኸ። ንሳቶም ድማ ናብቲ ኢየሱስ ዝነበረሉ ምስ ተመልሱ፡ ነቲ ዝገበርዎ ኩሉ ነገርዎ። ብድሕሪኡ ኢየሱስ ነቲ ቃላይ ሰጊሮም ብሕት ናብ ዝበለ ቦታ ምስኡ ክኸዱ’ሞ ቁሩብ ክዓርፉ ነገሮም። ስለዚ ናብ ጃልባ ኣትዮም ነቲ ቃላይ ሰገርዎ።

![](https://cdn.door43.org/obs/jpg/360px/obs-en-30-02.jpg?direct&)

በቲ ጃልባ ክኸዱ እንከለዉ ግና ብዙሓት ዝረኣይዎም ሰባት ነበሩ። እዞም ሰባት ድማ ቀዲሞምዎም ክሓልፉ ብወሰናወሰን እቲ ቃላይ ጐየዩ። ኢየሱስን ደቀመዛሙርቱን ናብ ማዕዶ ምስ በጽሑ፡ ብዙሓት ሰባት ቀዲሞም ይጽበይዎም ነበሩ።

![](https://cdn.door43.org/obs/jpg/360px/obs-en-30-03.jpg?direct&)

እእቶም ህዝቢ ኣንስትን ቈልዑን ከይተቘጸሩ ካብ 5000 ዝበዝሑ ሰብኡት ነበሩ። ኢየሱስ ነቶም ህዝቢ ደንገጸሎም። እዞም ህዝቢ ንኢየሱስ ሓላዊ ከምዘይብለን ኣባጊዕ ነበሩ። ስለዚ መሃሮምን ነቶም ምስኣቶም ዝነበሩ ሕሙማት’ውን ፈወሶም።

![](https://cdn.door43.org/obs/jpg/360px/obs-en-30-04.jpg?direct&)

በታ ምሸት ደቀመዛሙርቱ ከምዚ ኢሎም ነገርዎ፡ “ሕጂ መስዩ እዩ ኣብዚ ከባቢ ድማ ከተማ የለን። ዝበልዕዎ ምእንቲ ክዕድጉ ኣፋንዎም።

![](https://cdn.door43.org/obs/jpg/360px/obs-en-30-05.jpg?direct&)

ኢየሱስ ግን ንደቀመዛሙርቱ፡ “ዝበልዕዎ ንስኻትኩም ሃብዎም፡ በሎም። ንሳቶም ድማ፡ “ከመይ ጌርና ኢና ነዚ ኩሉ ሰብ እነብልዖ፡ ሓሙሽተ እንጀራን ክልተ ዓሳን ጥራይ እዩ ዘለና” ኢሎም መለሱሉ።

![](https://cdn.door43.org/obs/jpg/360px/obs-en-30-06.jpg?direct&)

ሓምሳ ሓምሳ ኰይኖም ክቕመጡ ነቶም ህዝቢ ክነግርዎም ንደቀመዛሙርቲ ነገሮም።

![](https://cdn.door43.org/obs/jpg/360px/obs-en-30-07.jpg?direct&)

ብድሕሪኡ ኢየሱስ ነቶም ሓሙሽተ እንጀራን ክልተ ዓሳን ሒዙ ናብ ሰማይ እንዳጠመተ ስለቲ ምግቢ ድማ ኣመስገነ።

![](https://cdn.door43.org/obs/jpg/360px/obs-en-30-08.jpg?direct&)

ነቲ እንጀራን ዓሳን ከኣ ቈረሰ። ነቶም ህዝቢ ክህብዎም ድማ ነቶም ደቀመዛሙርቲ ሃቦም። እቶም ደቀመዛሙርቲ ከኣ ነቶም ህዝቢ ዓደልዎም፡ እቲ ምግቢ ግና ኣይተወድአን፡ እቶም ህዝቢ ከኣ በሊዖም ጸገቡ።

![](https://cdn.door43.org/obs/jpg/360px/obs-en-30-09.jpg?direct&)

ብድሕሪኡ እቶም ደቀመዛሙርቲ ነቲ ቍርስራስ ምግቢ ኣከብዎ፡ ዓሰርተ ኽልተ መሶብ ድማ መልአ፡ እዚ ኩሉ ምግቢ ዝተረኽበ ከኣ ካብቲ ሓሙሽተ እንጀራን ክልተ ዓሳን እዩ፡፡

*ታሪኽ መፅሓፍ ቅዱስ፡- ካብ ማቴዎስ 14፡13-21፤ ማርቆስ 6፡31-44፤ ሉቃስ 9፡10-17፤ ዮሐንስ 6፡5-15።*

## 31. ኢየሱስ ኣብ ልዕሊ ማየማይ ከደ

https://openbiblestories.org/l/ti/story-31/

![](https://cdn.door43.org/obs/jpg/360px/obs-en-31-01.jpg?direct&)

ብድሕሪኡ ኢየሱስ ነቶም ህዝቢ ክፋንዉ ከለዉ ደቀመዛሙርቱ ብጃልባ ንማዕዶ ክሰግሩ ነገሮም። ኢየሱስ ነቶም ህዝቢ ምስ ኣፋነወ ናብ ሓደ ከረን ወጸ። ኣብኡ ድማ በይኑ ነበረ። ኣብኡ ኰይኑ ክሳዕ ፍርቂ ለይቲ ከኣ ጸለየ።

![](https://cdn.door43.org/obs/jpg/360px/obs-en-31-02.jpg?direct&)

በዚ ግዜ እዚ ደቀመዛሙርቱ ብጃልባ ይኸዱ ነበሩ፡ ፍርቂ ለይቲ ምስ ኰነ፡ ኣብ ፍርቂ እቲ ባሕሪ በጽሑ። ንፋስ ኣዝዩ ይነፍስ ስለዝነበረ ነታ ጃልባ ንምእላይ ኣዝዮም ተሸገሩ።

![](https://cdn.door43.org/obs/jpg/360px/obs-en-31-03.jpg?direct&)

በቲ ግዜ ኢየሱስ ጸሎቱ ወዲኡ ናብ ደቀመዛሙርቱ ከደ። ብማየማይ እናኸደ ነቲ ባሕሪ ኣቋሪጹ ናብ ጃልብኦም ከደ!

![](https://cdn.door43.org/obs/jpg/360px/obs-en-31-04.jpg?direct&)

ደቀመዛሙርቱ ንኢየሱስ ምስረኣዩ ምትሃት መሲሉዎም ኣዝዮም ፈርሑ፡ ኢየሱስ ከምዝፈርሑ ስለዝፈለጠ ጸዊዑ፣ “ኣነ እየ፡ ኣይትፍርሑ” በሎም።

![](https://cdn.door43.org/obs/jpg/360px/obs-en-31-05.jpg?direct&)

ቢቲ ግዜ እቲ ጴጥሮስ ንኢየሱስ“ “መምህር፡ ንስኻ እንተዄንካስ ብማየማይ ናባኻ ክመጽእ ኣዝዘኒ” በሎ። ኢየሱስ ድማ ንጴጥሮስ“ “ንዓ” በሎ።

![](https://cdn.door43.org/obs/jpg/360px/obs-en-31-06.jpg?direct&)

ስለዚ ጴጥሮስ ካብቲ ጃልባ ወሪዱ ብማየማይ ናብ ኢየሱስ ምኻድ ጀመረ። እንተኾነ ነዊሕ ከይከደ ኣዒንቱ ካብ ኢየሱስ ኣልዒሉ ነቲ ማዕበልን ብርቱዕ ንፋስን ረኣየ።

![](https://cdn.door43.org/obs/jpg/360px/obs-en-31-07.jpg?direct&)

ሽዑ ጴጥሮስ ፈሪሑ ኣብቲ ማይ ምጥሓል ጀመረ። ሽዑ፡ “መምህር፡ ኣድሕነኒ፡ ኢሉ ኣእወየ። ኢየሱስ ኢዱ ዘርጊሑ ሓዞ። ንጴጥሮስ ድማ፡ “ኣታ ጐደሎ እምነት፡ ንምንታይ ትጠራጠር” በሎ።

![](https://cdn.door43.org/obs/jpg/360px/obs-en-31-08.jpg?direct&)

ጴጥሮስን ኢየሱስን ናብታ ጃልባ ምስኣተዉ፡ እቲ ህቦብላ ምንፋስ ገዲፉ ጸጥ በለ። ደቀመዛሙርቱ ከኣ ተደነቑ። “ንስኻ ብሓቂ ወዲ ኣምላኽ ኢኻ” ኢሎም ንኢየሱስ ሰገዱሉ።

*ታሪኽ መፅሓፍ ቅዱስ፡- ካብ ማቴዎስ 14፡22-23፤ ማርቆስ 6፡45-52፤ ዮሐንስ 6፡16-21።*

## 32. ኢየሱስ ርዅስ መንፈስ ዝሓዞ ሰብኣይን ዝሓመመት ሰበይትን ፈወሰ

https://openbiblestories.org/l/ti/story-32/

![](https://cdn.door43.org/obs/jpg/360px/obs-en-32-01.jpg?direct&)

ሓደ መዓልቲ ኢየሱስን ደቀመዛሙርቱን ብጃልባ ነቲ ባሕሪ ኣቋሪጾም ሰብ ጌርጌሴኖን ናብ ዝነብሩሉ ቦታ ከዱ።

![](https://cdn.door43.org/obs/jpg/360px/obs-en-32-02.jpg?direct&)

ናብ ማዕዶ እቲ ባሕሪ ምስ በጽሑ ርዅስ መንፈስ ዝሓዞ ሰብ እናጐየየ ናብ ኢየሱስ መጸ።

![](https://cdn.door43.org/obs/jpg/360px/obs-en-32-03.jpg?direct&)

ንሱ ከኣ ሰብ ሒዙ ከጽንዖ ዘይኽእል ኣዝዩ ብርቱዕ ሰብ እዩ ዝነበረ። ሰባት ኣእዳዉን ኣእጋሩን ብሰንሰለት ይኣስርዎ ነበሩ፡ ነቲ ሰንሰለት ግና ይበጣጥሶ ነበረ።

![](https://cdn.door43.org/obs/jpg/360px/obs-en-32-04.jpg?direct&)

እቲ ሰብኣይ ኣብቲ ከባቢ ኣብ ዘሎ ኣብ መንጎ መቓብር ይነብር ነበረ። እዚ ሰብ መዓልትን ለይትን የእዊ ነበረ። ክዳን ኣይኽደን፡ ኣካላቱ ድማ እናደጋገመ ብእምኒ ይጠብሕ ነበረ።

![](https://cdn.door43.org/obs/jpg/360px/obs-en-32-05.jpg?direct&)

እቲ ሰብኣይ ናብ ኢየሱስ ምስ መጸ፡ ኣብ ቅድሚኡ ወዲቑ ሰገደሉ። ኢየሱስ ነቲ ርዅስ መንፈስ፣ “ካብዚ ሰብኣይ ውጻእ” በሎ።

![](https://cdn.door43.org/obs/jpg/360px/obs-en-32-06.jpg?direct&)

እቲ ርዅስ መንፈስ ዝሓዞ ሰብ ዓው ኢሉ፡ “ኣታ ወዲ ልዑል ኣምላኽ፡ ካባይ እንታይ ትደሊ፧ በጃኻ ኣይተሳቕየኒ” እናበለ ኣእወየ። ኢየሱስ ከኣ ነቲ ርዅስ መንፈስ፣ “ስምካ መንዩ”፧ ኢሉ ሓተቶ። ንሱ ድማ፣ “ብዙሓት ስለዝዀንና ስመይ ለጌዎን እዩ” ኢሉ መለሰ። (“ለጌዎን” ኣብ ሰራዊት ሮም ብዙሕ ሽሕ ወታደር ዝሓዘ ክፍሊ ሰራዊት እዩ።)

![](https://cdn.door43.org/obs/jpg/360px/obs-en-32-07.jpg?direct&)

እቶም ርዅሳን መናፍስቲ፡ “በጃኻ ካብዚ ከባቢ ኣይተርሕቐና” ኢሎም ለመንዎ። ኣብቲ ከባቢ ኣብ ዘሎ ኩጀት መጓሰ ሓሰማ ይቓርማ ነበራ። ስለዚ እቶም ርዅሳን መናፍስቲ ንኢየሱስ፡ “በጃኻ ናብተን ሓሰማ ስደደና” ኢሎም ለመንዎ። ኢየሱስ ከኣ፡ “ኪዱ” በሎም።

![](https://cdn.door43.org/obs/jpg/360px/obs-en-32-08.jpg?direct&)

እቶም ርዅሳን መናፍስቲ ካብቲ ሰብኣይ ወጺኦም ናብተን ሓሰማ ኣተዉ። እተን ሓሰማ ኣንቈልቍለን ካብቲ ጸድፊ ናብቲ ባሕሪ ጠሓላ። እተን መጓሰ ሓሰማ ኣዚየን ብዙሓት ነበራ።

![](https://cdn.door43.org/obs/jpg/360px/obs-en-32-09.jpg?direct&)

ነተን ሓሰማ ዝሕልዉ ዝነበሩ ጓሶት ነቲ ዝዀነ ነገር ምስ ረኣዩ ናብ ከተማ እናጐየዩ ከይዶም ነቲ ኢየሱስ ዝገበሮ ኩሉ ተዛረቡ። ናይታ ከተማ ሰባት ድማ መጺኦም ነቲ ርዅሳን መናፍስቲ ሓዲሮምዎ ዝነበረ ሰብ ረኣይዎ። ንሱ ድማ ጥዑይ ኰይኑ ክዳኑ ለውጡ ብሰላም ተቐሚጡ ነበረ።

![](https://cdn.door43.org/obs/jpg/360px/obs-en-32-10.jpg?direct&)

እቶም ሰባት ኣዝዮም ፈሪሖም ስለዝነበሩ ንኢየሱስ ክኸደሎም ለመንዎ። ስለዚ ኢየሱስ ናብ ጃልባ ኣትዩ ክኸይድ ተዳለወ። እቲ ርዅስ መንፈስ ሓዲርዎ ዝነበረ ሰብ ምስ ኢየሱስ ክኸይድ ለመኖ።

![](https://cdn.door43.org/obs/jpg/360px/obs-en-32-11.jpg?direct&)

ኢየሱስ ግና፡ “ኣይፋሉን፡ ናብ ቤትካ ኬድካ ብዛዕባ እቲ እግዚኣብሄር ዝገበረልካ ነገር ኩሉን ከመይ ከምዝመሓረካን ንወለድኻን ንቤተሰብካን ክትነግሮም እየ ዝደሊ” በሎ።

![](https://cdn.door43.org/obs/jpg/360px/obs-en-32-12.jpg?direct&)

ስለዚ እቲ ሰብኣይ ከይዱ ብዛዕባ እቲ ኢየሱስ ዝገበረሉ ንኹሉ ሰብ ተዛረበ። ነቲ ታሪኽ ዝሰምዐ ኩሉ ሰብ ብምድናቕን ብምግራምን ተመልአ።

![](https://cdn.door43.org/obs/jpg/360px/obs-en-32-13.jpg?direct&)

ኢየሱስ ናብ ማዕዶ እቲ ባሕሪ ተመልሰ። ኣብኡ ምስ በጽሐ ብዙሓት ሰባት ከበብዎ። ኣብ ማእኸል እቲ ህዝቢ ንዓሰርተኽልተ ዓመት ደም ይፈሳ ዝነበረት ሰበይቲ ነበረት። ክትሓዊ ኢላ’ውን ገንዘባ ኩሉ ንሓኻይም እናኸፈለት ወዲኣ ነበረት። ግንከ ገደዳ እምበር ኣይሐሻን።

![](https://cdn.door43.org/obs/jpg/360px/obs-en-32-14.jpg?direct&)

ኢየሱስ ንብዙሓት ሕሙማት ከምዝፈወሰ ሰሚዓ ነበረት’ሞ፡ “ክዳን ኢየሱስ እንተተንክፈ ጥራይ ኣነ’ውን ክፍወስ እየ” ኢላ ሓሰበት። ስለዚ ብድሕሪ ኢየሱስ መጺኣ ክዳኑ ተንከፈት። ክዳኑ ምስ ተንከፈት ድማ ሽኡ እቲ ዝፈስስ ዝነበረ ደማ ደው በለ፡፡

![](https://cdn.door43.org/obs/jpg/360px/obs-en-32-15.jpg?direct&)

ሽኡ ኢየሱስ፡ ሓይሊ ካብኡ ከምዝወጸ ፈለጠ። ንድሕሪት ዘወር ኢሉ ድማ፡ “መን’ዩ ዝተንከፈኒ” ኢሉ ሓተተ። ደቀመዛሙርቱ ከኣ፡ “ከቢቦም ዝደፋፍኡኻ ብዙሓት ሰባት እዮም። እሞ ንምንታይ ደኣ፡ ‹መን’ዩ ዝተንከፈኒ” ኢልካ ትሓትት፧ በልዎ።

![](https://cdn.door43.org/obs/jpg/360px/obs-en-32-16.jpg?direct&)

እታ ሰበይቲ እናንቀጥቀጠትን እናፈርሐትን ኣብ ቅድሚ ኢየሱስ ተደፍአት። ብድሕሪኡ ነቲ ዝገበረቶን ከመይ ከምእተፈወሰትን ነገረቶ። ኢየሱስ ድማ፡ “እምነትኪ ኣድሒናትኪ ብሰላም ኪዲ፡ በላ።

*ታሪኽ መፅሓፍ ቅዱስ፡- ካብ ማቴዎስ 8፡28-34፤ 9፡20-22፤ ማርቆስ 5፡1-20፤ 5፡24-34፤ ሉቃስ 8፡26-39፤ 8፡42-48።*

## 33. ታሪኽ ሓደ ሓረስታይ

https://openbiblestories.org/l/ti/story-33/

![](https://cdn.door43.org/obs/jpg/360px/obs-en-33-01.jpg?direct&)

ሓደ መዓልቲ ኢየሱስ ኣብ ገምገም እቲ ባሕሪ ብዙሕ ሰብ ይምህር ነበረ። እቶም ሰባት ኣዝዮም ብዙሓት ስለዝነበሩ ኢየሱስ ዝምህረሉ እኹል ቦታ ስለዘይረኸበ ኣብቲ ገምገም ባሕሪ ናብ ጃልባ ኣትዩ ይምህሮም ነበረ።

![](https://cdn.door43.org/obs/jpg/360px/obs-en-33-02.jpg?direct&)

ኢየሱስ ነዚ ስዒቡ ዘሎ ታሪኽ ነገሮም፡ “ሓደ ሓረስታይ ዘርኢ ክዘርእ ወጸ። ዘርኢ እናዘርአ ከሎ ገሊኡ ኣብ ወሰን መገዲ ወደቐ፡ ኣዕዋፍ መጺአን ከኣ በልዓኦ።

![](https://cdn.door43.org/obs/jpg/360px/obs-en-33-03.jpg?direct&)

“ገሊኡ ዘርኢ ድማ መሬት ኣብዘይብሉ ኣብ ጭንጫ ወደቐ፡ በቝሉ ግና ሱር ክሰድድ ኣይከኣለን። ጸሓይ ወጺኣ ምስ በረቐት፡ እቲ በቚሊ ጸምልዩ ነቐጸ።

![](https://cdn.door43.org/obs/jpg/360px/obs-en-33-04.jpg?direct&)

“ገሊኡ ዘርኢ ከኣ ኣብ ማእኸል ኣእሻዅ ወዲቑ ምብቋል ጀመረ፡ እንተኾነ እቲ እሸዅ ሓነቖ’ሞ ፍረ ከፍሪ ኣይከኣለን።

![](https://cdn.door43.org/obs/jpg/360px/obs-en-33-05.jpg?direct&)

“ገሊኡ ዘርኢ ድማ ኣብ ልሙዕ መሬት ወደቐ። በቝሉ ከኣ ገሊኡ 30፡ ገሊኡ 60፡ ገሊኡ’ውን 100 ፍረ ሃበ። ዝሰምዕ እዝኒ ዘለዎ ይስማዕ”፡፡

![](https://cdn.door43.org/obs/jpg/360px/obs-en-33-06.jpg?direct&)

እቶም ደቀመዛሙርቲ ግና ነዚ ኣይተረድእዎን። ስለዚ ኢየሱስ ከምዚ ኢሉ ገለጸሎም፡ “እቲ ዘርኢ፡ ቃል ኣምላኽ እዩ። እቲ ወሰን መገዲ፡ እቶም ነቲ ቃል ዝሰምዑ እዮም። ዲያብሎስ ነቲ ዘርኢ ስለዝምንጥሎ ግና ኣየስተውዕልዎን።

![](https://cdn.door43.org/obs/jpg/360px/obs-en-33-07.jpg?direct&)

“እቲ ኣብ ጭንጫ ዝተዘርአ ዘርኢ፡ እቲ ንቓል ኣምላኽ ሰሚዑ ብታሕጓስ ዝቕበሎ ሰብ እዩ። መከራ ወይ ስደት ከጋጥሞ ከሎ ግና እምነቱ ዝሓድግ እዩ።

![](https://cdn.door43.org/obs/jpg/360px/obs-en-33-08.jpg?direct&)

“እቲ እሸዅ ዝመልኦ መሬት፡ እቲ ንቓል ኣምላኽ ዝሰምዕ’ሞ ደሓር ናይዛ ዓለም ሓሳብን ሃብትን ሓጐስን ነቲ ንኣምላኽ ዘለዎ ፍቕሪ ይሓንቆ፡ ካብዚ ዝተላዕለ ድማ እቲ ዝሰምዖ ቃል ፍረ ኣየፍርን።

![](https://cdn.door43.org/obs/jpg/360px/obs-en-33-09.jpg?direct&)

“እቲ ልሙዕ መሬት ግና፡ እቲ ቃል ኣምላኽ ሰሚዑ ዝኣምንን ፍረ ዘፍርን ሰብ እዩ።››

*ታሪኽ መፅሓፍ ቅዱስ፡- ካብ ማቴዎስ 13፡1-8፣ 18-23፤ ማርቆስ 4፡1-8፣ 13-20፤ ሉቃስ 8፡4-15።*

## 34. ኢየሱስ ካልኦት ምስላታት መሃረ

https://openbiblestories.org/l/ti/story-34/

![](https://cdn.door43.org/obs/jpg/360px/obs-en-34-01.jpg?direct&)

ኢየሱስ ብዛዕባ መንግስቲ ኣምላኽ ካልኦት ብዙሓት ምስላታት መሃረ። ንኣብነት: ከምዚ በለ: “መንግስቲ ኣምላኽ ሰብ ኣብ ግራቱ ዝዘርኣ ዘርኢ ኣድሪ እያ ትመስል። ንሳ ካብ ኩለን ዘርእታት ዝነኣሰት እያ።

![](https://cdn.door43.org/obs/jpg/360px/obs-en-34-02.jpg?direct&)

“ስለዚ እታ ዘርኢ ኣድሪ ምስ ዓበየት ካብ ኩሎም ተኽልታት ዝበለጸት ኮነት፡ ኣዕዋፍ መጺአን ክሳዕ ዝዓርፋላ።

![](https://cdn.door43.org/obs/jpg/360px/obs-en-34-03.jpg?direct&)

ኢየሱስ መሊሱ ካሊእ ምስላ ተዛረበ፡ “መንግስቲ ኣምላኽ ሰበይቲ ወሲዳ ኩሉ ክሳዕ ዝበኵዕ ምስ ሕሩጭ ዝሓወሰቶ መባዅዕቲ እያ ትመስል”።

![](https://cdn.door43.org/obs/jpg/360px/obs-en-34-04.jpg?direct&)

“ከምኡ'ውን መንግስቲ ኣምላኽ፡ ሰብ ኣብ ማእኸል ግራት ዝሓብኣ ሃብቲ እያ ትመስል። ካሊእ ሰብ ነቲ ሃብቲ ረኺቡ መሊሱ ቀበሮ። ኣዝዩ ተሓጒሱ ከይዱ ዘለዎ ኩሉ ሸይጡ በቲ ገንዘብ ነቲ ሕርሻ ዓደጎ”።

![](https://cdn.door43.org/obs/jpg/360px/obs-en-34-05.jpg?direct&)

“ከምኡ'ውን መንግስቲ ኣምላኽ፡ ዋግኣ ኣዝዩ ክቡር ዝዀነ ዕንቍ እያ ትመስል። ሓደ ነጋዳይ ዕንቊ ነታ ዕንቊ ምስ ረኸባ ዘለዎ ኩሉ ሸይጡ ዓደጋ”።

![](https://cdn.door43.org/obs/jpg/360px/obs-en-34-06.jpg?direct&)

ብድሕሪኡ ኢየሱስ ብዛዕባ ሓደሓደ ብሰናይ ግብሮም ዝእመኑን ንኻልኦት ዝንዕቑን ምስላ ገለገለ ሰባት ተዛረበ። “ክልተ ሰባት ክጽልዩ ናብ ቤተ መቕደስ ከዱ። እቲ ሓደ ኣካብ ቀረጽ ኮይኑ፡ እቲ ካልእ ድማ መራሒ ሃይማኖት ነበረ” በለ።

![](https://cdn.door43.org/obs/jpg/360px/obs-en-34-07.jpg?direct&)

“እቲ መራሒ ሃይማኖት ከምዚ ኢሉ ጸለየ፡ “ዎ እግዚኣብሄር፡ ከም ካልኦት ሰባት፡ ከታሪን ዓመጸኛን ኣመንዝራን፡ ከምዚ ኣካብ ቀረጽ'ውን ስለዘይኰንኩ የመስግነካ”።

![](https://cdn.door43.org/obs/jpg/360px/obs-en-34-08.jpg?direct&)

“እዚ ድማ፡ በብሰሙን እጸውም፣ ካብ ዝረኽቦ ገንዘብን ጥሪትን ኩሉ'ውን ዕሽር እኸፍል”።

![](https://cdn.door43.org/obs/jpg/360px/obs-en-34-09.jpg?direct&)

“እቲ ኣካቢ ቀረጽ ግና ካብቲ መራሒ ሃይማኖት ርሕቕ ኢሉ ደው በለ፡ ናብ ሰማይ እኳ ኣይረኣየን። ኣብ ክንድ’ዚ፡ ኣፍልቡ እናወቕዐ፡ “ዎ እግዚኣብሄር፡ ኣነ ሓጥያተኛ ስለዝዀንኩ በጃኻ መሓረኒ” ይብል ነበረ።

![](https://cdn.door43.org/obs/jpg/360px/obs-en-34-10.jpg?direct&)

ብድሕሪኡ ኢየሱስ ከምዚ በለ፡ “ብሓቂ እብለኩም ኣለኹ፡ እግዚኣብሄር ናይቲ ኣካቢ ቀረጽ ጸሎት ሰሚዑ “ጻድቕ ኢኻ” በሎ። ንጸሎት እቲ መራሒ ሃይማኖት ግና ኣይፈተወሉን። እግዚኣብሄር፡ ርእሱ ክብ ንዘብል ኵሉ የዋርዶ፡ ርእሱ ንዘዋርድ ግና ልዕል የብሎ” በለ።

*ታሪኽ መፅሓፍ ቅዱስ፡- ካብ ማቴዎስ 13፡31-33፣ 44-46፤ ማርቆስ 4፡30-32፤ ሉቃስ 13፡18-21፤ 18፡9-14።*

## 35. ምስላ እቲ ርህሩህ ኣቦ

https://openbiblestories.org/l/ti/story-35/

![](https://cdn.door43.org/obs/jpg/360px/obs-en-35-01.jpg?direct&)

ሓደ መዓልቲ ኢየሱስ ንኣከብቲ ቀረጽን ክሰምዕዎ ናብኡ ንዝተኣከቡ ካልኦት ብዙሓት ሓጥኣተኛ ሰባትን ይምህሮም ነበረ።

![](https://cdn.door43.org/obs/jpg/360px/obs-en-35-02.jpg?direct&)

ከምኡ'ውን ኣብኡ ዝነበሩ ገለ መራሕቲ ሃይማኖት፡ ኢየሱስ ንሓጥኣተኛታት ክቕበሎም ረኣዩ፡ ንሕድሕዶም ክነቕፍዎ ጀመሩ። ስለዚ ኢየሱስ ነዚ ምስላ ክነግሮም ጀመረ።

![](https://cdn.door43.org/obs/jpg/360px/obs-en-35-03.jpg?direct&)

ክልተ ደቂ ዘለውዎ ሓደ ሰብ ነበረ። እቲ ንእሽተይ ወዱ ነቡኡ፡ “ኣቦይ ካብ ጥሪትካ ዝብጽሐኒ ግደ ሕጂ ሃበኒ” በሎ። ስለዚ ኣቡኡ ነቲ ዘለዎ ጥሪት ነቶም ክልተ ደቁ መቐሎም።

![](https://cdn.door43.org/obs/jpg/360px/obs-en-35-04.jpg?direct&)

“ሽዑ እቲ ንእሽተይ ወዱ ነቲ ዘለዎ ኩሉ ሒዙ ናብ ርሑቕ ዓዲ ከይዱ ብምንባር፡ ሓጥኣት እናገበረ ነቲ ገንዘቡ ኩሉ ዘረዎ።

![](https://cdn.door43.org/obs/jpg/360px/obs-en-35-05.jpg?direct&)

“ብድሕሪኡ ኣብቲ እቲ ንእሽተይ ወዱ ዝነበረሉ ዓዲ ከቢድ ጥሜት ኰነ፡ ዝብላዕ ዝዕድገሉ ገለ ገንዘብ ድማ ኣይነበሮን። ስለዚ ኸኣ ምጕሳይ ሓሰማታት ክሰርሕ ጀመረ። ኣዝዩ ተጐሳቝሉን ጠምዩን ስለዝነበረ፡ ነቲ እተን ሓሰማ ይበልዕኦ ዝነበራ ክበልዕ ይምነ ነበረ።

![](https://cdn.door43.org/obs/jpg/360px/obs-en-35-06.jpg?direct&)

“ኣብ መወዳእታ እቲ ንእሽተይ ወዱ ንርእሱ ከምዚ በለ፡ “እንታይ እየ ዝገብር ዘለኹ፧ ኩሎም ኣገልገልቲ ኣቦይ ዝበልዕዎ ብዙሕ ምግቢ ኣለዎም፡ ኣነ ግና ብጥሜት እመውት ኣለኹ። ሕጂ ናብ ኣቦይ ተመሊሰ ካብቶም ኣገልገልቱ ከም ሓዲኡ ክገብረኒ ክልምኖ እየ”።

![](https://cdn.door43.org/obs/jpg/360px/obs-en-35-07.jpg?direct&)

“ስለዚ እቲ ንእሽተይ ወዱ ናብ ኣቡኡ ክምለስ ጀመረ። ገና ኣብ ርሑቕ ከሎ ኣቡኡ ርእይዎ ሓዘነሉ። ናብኡ ጐይዩ ድማ ሓቝፉ ሰዓሞ።

![](https://cdn.door43.org/obs/jpg/360px/obs-en-35-08.jpg?direct&)

እቲ ወዱ ከኣ ከምዚ በለ፡ “ኣቦይ ንኣምላኽን ንዓኻን በዲለ እየ፡ ወድኻ ክበሃል'ውን ኣይበቅዕን”።

![](https://cdn.door43.org/obs/jpg/360px/obs-en-35-09.jpg?direct&)

ኣቡኡ ግና ካብቶም ኣገልገልቱ ነቲ ሓደ ጸዊዑ፡ “ቀልጢፍካ ኬድካ ብሉጽ ክዳን ኣምጺኻ ንወደይ ክደኖ፡ ነጻብዕቱ ቀለቤት፡ ንእግሩ’ውን ጫማ ግበረሉ። ብድሕሪኡ በሊዕና ምእንቲ ክንሕጐስ ስቡሕ ኣምጺኹም ሕረዱ። ምኽንያቱ እዚ ወደይ ሞይቱ ነይሩስ ህያው ኰይኑ፡ ጠፊኡ ነይሩ ሕጂ ግና ተረኺቡ እዩ በለ፡፡

![](https://cdn.door43.org/obs/jpg/360px/obs-en-35-10.jpg?direct&)

ስለዚ እቶም ሰባት ክሕጐሱ ጀመሩ። ከይደነጐየ፡ ዓብዪ ሓዉ ካብቲ ይሰርሐሉ ዝነበረ ሕርሻ ናብ ገዝኡ መጸ። ናይ ሙዚቃን ደርፍን ድምጺ ድማ ሰምዐ፡ እንታይ ኰን ይኸውን ኢሉ ከኣ ተገረመ።

![](https://cdn.door43.org/obs/jpg/360px/obs-en-35-11.jpg?direct&)

“እቲ ዓብዪ ወዱ፡ ሓዉ ስለዝመጸ ይሕጐሱ ከምዘለዉ ምስ ፈለጠ፡ ኣዝዩ ተቘጥዐ፡ ንገዝኡ ክኣቱ ድማ ኣይፈተወን። ኣቡኡ ወጺኡ፡ ኣትዩ ምስኣቶም ክሕጐስ ለመኖ፡ ንሱ ግና እምቢ በለ።

![](https://cdn.door43.org/obs/jpg/360px/obs-en-35-12.jpg?direct&)

“እቲ ዓብዪ ወዱ ነቡኡ ከምዚ በሎ፡ “ኣብዘን ኩለን ዓመታት እሙን ኰይነ ሰሪሐልካ እየ፡ ትእዛዝካ’ውን ኣይጠሓስኩን፡ ክሳብ ሕጂ ምስ ኣዕሩኽተይ ክሕጐስ ኢልካ ሓደ ማሕስእ እኳ ሂብካኒ ኣይትፈልጥን።

ነዚ ሓጥኣት ብምስራሕ ገንዘብካ ዘጠፋፍአ ወድኻ ናብ ገዝኡ ምስ መጸ ግና ስብሕቲ ላም ሓረድካሉ፡፡

![](https://cdn.door43.org/obs/jpg/360px/obs-en-35-13.jpg?direct&)

ኣቡኡ ድማ ከምዚ ኢሉ መለሰሉ፡ “ወደይ ንስኻ ኵሉ ሳዕ ምሳይ ኢኻ፡ ዘለኒ ኩሉ'ውን ናትካ እዩ። ክንሕጐስን ባህ ክብለናን ይግብኣና እዩ፡ ምኽንያቱ ሓውካ ሞይቱ ነይሩስ ህያው ኰይኑ፡ ጠፊኡ ነይሩስ፡ ሕጂ ተረኺቡ በለ፡፡

*ታሪኽ መፅሓፍ ቅዱስ፡- ካብ ሉቃስ 15፡11-32።*

## 36. ትርኢት ኢየሱስ ምልዋጡ

https://openbiblestories.org/l/ti/story-36/

![](https://cdn.door43.org/obs/jpg/360px/obs-en-36-01.jpg?direct&)

ሓደ መዓልቲ ኢየሱስ ንሰለስቲኦም ደቀ መዛሙርቱ፡ ንጴጥሮስን ንያእቆብን ንዮሐንስን ሒዙ ክጽሊ ናብ ነዊሕ ከረን ወጸ። (እዚ ዮሃንስ ዝበሃል ደቀመዝሙር፡ ንኢየሱስ ዘጠመቖ ኣይኰነን)

![](https://cdn.door43.org/obs/jpg/360px/obs-en-36-02.jpg?direct&)

ኢየሱስ እናጸለየ ከሎ ገጹ ከም ጸሓይ ኣብርሀ፡ ክዳኑ’ውን ከም ብርሃን ጻዕዳ ኰነ፡ ኣብ ምድሪ ዘሎ ሓጻቢ ዝዀነ ሰብ ከጽርዮ ክሳዕ ዘይኽእል ኣዝዩ ጻዕዳ ኰነ።

![](https://cdn.door43.org/obs/jpg/360px/obs-en-36-03.jpg?direct&)

ሽዑ ሙሴን ነብዪ ኤልያስን ተራእዩ። እዞም ሰባት ቅድሚ ኣማኢት ዓመታት ኣብ ምድሪ ዝነበሩ እዮም። ኣብ ቀረባ እዋን ብዛዕባ’ቲ ኣብ ኢየሩሳሌም ክፍጸም ዘለዎ “ሞቱ” ምስ ኢየሱስ ይዘራረቡ ነበሩ።

![](https://cdn.door43.org/obs/jpg/360px/obs-en-36-04.jpg?direct&)

ሙሴን ኤልያስን ምስ ኢየሱስ፡ እናተዘራረቡ ከለዉ፡ ጴጥሮስ ንኢየሱስ፡ “ንዓና ኣብዚ ምንባር ጽቡቕ እዩ። ሓደ ንዓኻ፡ ሓደ ንሙሴ፡ ሓደው ድማ ንኤልያስ ዝኸውን ሰለስተ ዳስ ንስራሕ” በሎ። ጴጥሮስ ግና ዝብሎ ኣይፈልጥን ነበረ።

![](https://cdn.door43.org/obs/jpg/360px/obs-en-36-05.jpg?direct&)

ጴጥሮስ እናተዛረበ ከሎ፡ ብሩህ ደበና መጺኡ ከበቦም’ሞ ካብቲ ደበና ድምጺ ወጺኡ፡ “ብእኡ ዝሰመርኩ ፍትዊ ወደይ እዚ እዩ፡ ንዕኡ ስምዕዎ” በለ። ሰለስቲኦም ደቀመዛሙርቲ ድማ ፈሪሖም ኣብ መሬት ወደቑ።

![](https://cdn.door43.org/obs/jpg/360px/obs-en-36-06.jpg?direct&)

ሽዑ ኢየሱስ ዳህሰሶም’ሞ፡ “ኣይትፍርሑ፡ ተንስኡ በሎም። ኣብ ዙርይኦም ግልጽ ኢሎም እንተጠመቱ ኸኣ፡ ብዘይ ኢየሱስ በይኑ፡ ሓደ እኳ ኣይነበረን።

![](https://cdn.door43.org/obs/jpg/360px/obs-en-36-07.jpg?direct&)

ኢየሱስን ሰለስቲኦም ደቀ መዛሙርቲ ካብቲ ከረን ወረዱ። በቲ ግዜ እቲ ኢየሱስ ከምዚ በሎም፤ “ወዲ ሰብ ካብ ምውታት ክሳዕ ዝትንስእ፡ ኣብዚ ብዛዕባ ዝዀነ ነገር፡ ንሓደ እኳ ከይትነግሩ ኢሉ ኣዘዞም”።

*ታሪኽ መፅሓፍ ቅዱስ፡- ካብ ማቴዎስ 17፡1-9፤ ማርቆስ 9፡2-8፤ ሉቃስ 9፡28-36።*

## 37. ኢየሱስ ንኣልኣዛር ካብ ሞት ኣተንስኦ

https://openbiblestories.org/l/ti/story-37/

![](https://cdn.door43.org/obs/jpg/360px/obs-en-37-01.jpg?direct&)

ሓደ መዓልቲ ንኢየሱስ ኣልኣዛር ኣዝዩ ሓሚሙ እዩ ዝብል መልእኽቲ በጽሖ። ኣልኣዛርን ክልተ ኣሓቱ ማርያምን ማርታን ንኢየሱስ ናይ ቀረባ ፈተውቱ ነበሩ። ኢየሱስ ነዚ ወረ ምስ ሰምዐ፡ “እዚ ሕማም እዚ ወዲ ኣምላኽ ብእኡ ምእንቲ ክኸብር፡ ንኽብሪ ኣምላኽ እዩ እምበር ንሞት ኣይኰነን” በለ። ኢየሱስ ኣዝዩ’ኳ ይፈትዎም እንተነበረ። እንተኾነ ኣብቲ ዝነበሮ ዓዲ ንኽልተ መዓልቲ ጸንሐ።

![](https://cdn.door43.org/obs/jpg/360px/obs-en-37-02.jpg?direct&)

ድሕሪ ክልተ መዓልቲ፡ ኢየሱስ ንደቀ መዛሙርቱ፡ “ናብ ይሁዳ ንኺድ” በሎም።

“ደቀ መዛሙርቱ ግን መምህር፡ ከምቲ ቅድሚ ቁሩብ እዋን ይሓስብዎ ዝነበሩ፡ ኣብኡ ዘለዉ ህዝብ ክቐትሉኻ’ኮ ይደልዩ ነይሮም” ኢሎም መለሱሉ። ኢየሱስ ድማ “ፈታዊና ኣልኣዛር ደቂሱ ስለዘሎ ካብ ድቃሱ ከተንስኦ ክኸይድ እየ” በሎም።

![](https://cdn.door43.org/obs/jpg/360px/obs-en-37-03.jpg?direct&)

እቶም ደቀ መዛሙርቲ ንኢየሱስ፡ “ዎ ጐይታ፡ ኣልኣዛር ደቂሱ እንተዀይኑስ ክሓዊ እዩ” በልዎ። ሽዑ ኢየሱስ ብግህዶ ነገሮም፡ ኣልኣዛር ሞይቱ እዩ። ንስኻትኩም ብኣይ ምእንቲ ክትኣምኑ ኣብኡ ዘይምንባረይ ሕጕስ እየ”።

![](https://cdn.door43.org/obs/jpg/360px/obs-en-37-04.jpg?direct&)

ኢየሱስ ናብቲ ኣልኣዛር ዝተወልደሉ ከተማ በጽሐ፡ ኣልኣዛር ካብ ዝመውት ኣርባዕተ መዓልቲ ኰይንዎ ነበረ። ማርታ ንኢየሱስ ክትረኽቦ ወጺኣ ከምዚ በለት፡ “ዎ ጐይታ፡ ንስኻ ኣብዚ ኔርካ እንተትነብር ሓወይ ኣይምሞተን።

ሕጂውን ንኣምላኽ እትልምኖ ኩሉ ከም ዝህበካ እኣምን እየ” በለት።

![](https://cdn.door43.org/obs/jpg/360px/obs-en-37-05.jpg?direct&)

ኢየሱስ ድማ ከምዚ በላ፡ “ትንሳኤን ህይወትን ኣነ እየ። ብኣይ ዝኣምን ኩሉ እንተሞተ’ኳ ህያው ይኸውን። ብኣይ ዝኣምን ኵሉ ፈጺሙ ንዘለኣለም ኣይመውትን። ነዚ ትኣምኒ ዲኺ፧ ማርታ ከኣ፡ “እወ ጐይታ ንስኻ እቲ መሲሕ ወዲ ኣምላኽ ከምዝዀንካ እኣምን እየ” በለቶ።

![](https://cdn.door43.org/obs/jpg/360px/obs-en-37-06.jpg?direct&)

ብድሕሪኡ ማርያም መጸት። ኣብ እግሪ ኢየሱስ ወዲቓ ድማ፡ “ዎ ጐይታ ንስኻ ኣብዚ ኔርካ እንተትነብር ሓወይ ኣይምሞተን” በለት። ኢየሱስ ከኣ፡ “ንኣልኣዛር ኣበይ ኢኹም ኣቐሚጥኩምዎ፧ ኢሉ ሓተቶም። ንሳቶም ድማ “ኣብ መቓብር እዩ፡ መጺኻ ርአ” ኢሎም ነገርዎ። ሽዑ ኢየሱስ ነብዐ።

![](https://cdn.door43.org/obs/jpg/360px/obs-en-37-07.jpg?direct&)

እቲ መቓብር በዓቲ ነበረ። ብእምኒ ተሓቲሙ ድማ ነበረ። ኢየሱስ ናብቲ መቓብር ምስ በጽሐ “ነቲ እምኒ ኣልግስዎ በሎም። ማርታ ግን ፡ “ካብ ዝመውት ራብዕቲ ገይሩ እሞ ፈጺሙ ጨንዩ እዩ” በለቶ።

![](https://cdn.door43.org/obs/jpg/360px/obs-en-37-08.jpg?direct&)

ኢየሱስ ድማ፡ “ብኣይ እንተትኣምንስ ክብሪ ኣምላኽ ከምእትርእዪዶ ኣይነገርኩኽን” በላ። ስለዚ ነቲ እምኒ ኣልገስዎ።

![](https://cdn.door43.org/obs/jpg/360px/obs-en-37-09.jpg?direct&)

ብድሕሪኡ ኢየሱስ ንላዕሊ ቋሕ ኢሉ፡ “ኣቦ ስለ ዝሰማዕካኒ የመስግነካ ኣላኹ፡፡ እዞም ደው ዘለዉ ህዝቢ ንስኻ ከም ዝለኣኽካኒ ምእንቲ ክኣምኑ፡ ደኣ እየ እዚ ዝበልኩ እምበር፡ ኣነስ ኵሉሳዕ ከምእትሰምዐኒ እፈልጥ ኣለኹ” በለ።

ብድሕሪኡ ኢየሱስ ዓው ኢሉ፡ “ዎ ኣልኣዛር ንዓ! ውጻእ” በለ።

![](https://cdn.door43.org/obs/jpg/360px/obs-en-37-10.jpg?direct&)

ስለዚ ኣልኣዛር ብግንዙ ወጸ። ኢየሱስ ከኣ፡ “ፍትሕዎ’ሞ ይኺድ ሕደግዎ” በሎም። ብምኽንያት እዚ ተኣምር ድማ ካብ ኣይሁድ ብዙሓት ብኢየሱስ ኣመኑ።

![](https://cdn.door43.org/obs/jpg/360px/obs-en-37-11.jpg?direct&)

እንተኾነ መራሕቲ ሃይማኖት ኣይሁድ ቀንኡ፡ ስለዚ ንኢየሱስን ንኣልኣዛርን ከመይ ገይሮም ከምዝቐትልዎም ንምትላም ብሓደ ተኣከቡ።

*ታሪኽ መፅሓፍ ቅዱስ፡- ካብ ዮሃንስ 11፡1-46።*

## 38. ንኢየሱስ ኣሕሊፎም ከምዝሃብዎ

https://openbiblestories.org/l/ti/story-38/

![](https://cdn.door43.org/obs/jpg/360px/obs-en-38-01.jpg?direct&)

ኣይሁድ በብዓመቱ በዓል ፋሲጋ የብዕሉ ነበሩ። እዚ በዓል ቅድሚ ብዙሓት ኣማኢት ዓመታት እግዚኣብሄር ንኣቦታቶም ካብ ኣብ ግብጺ ዝነበሩሉ ባርነት ከመይ ከምዘውጽኦም ንምዝካር ዝበዓል እዩ። ኢየሱስ ብግልጺ ምምሃር ካብ ዝጅምር ዳርጋ ድሕሪ ሰለስተ ዓመት፡ ነዚ በዓል ፋሲጋ ምስኣቶም ከብዕል ደለየ፡ ኣብኡ ድማ፡ ከምዝቕተል ንደቀመዛሙርቱ ነገሮም።

![](https://cdn.door43.org/obs/jpg/360px/obs-en-38-02.jpg?direct&)

ካብ ደቀመዛሙርቲ ኢየሱስ እቲ ሓደ ይሁዳ ዝበሃል ሰብ ነበረ። ይሁዳ ተሓዝ ገንዘብ ናይ ሃዋርያት ነበረ። እንተኾነ ገንዘብ ይፈቱ ስለዝነበረ ብዙሕ ግዜ ካብቲ ማሕፉዳ ገንዘብ ይሰርቕ ነበረ። ኢየሱስ ምስ ደቀመዛሙርቱን ናብ ኢየሩሳሌም ምስ በጽሑ፡ ይሁዳ ናብ መራሕቲ ኣይሁድ ከይዱ ንኢየሱስ ብገንዘብ ኣሕሊፉ ክህቦም ተሰማምዐ። ኢየሱስ መሲሕ ምዃኑ ከምዝኸሓዱን፡ ክቐትልዎ ሻራ ይገብሩ ከምዝነበሩን ፈለጠ።

![](https://cdn.door43.org/obs/jpg/360px/obs-en-38-03.jpg?direct&)

መራሕቲ ኣይሁድ በቲ ሊቀኻህናት እናተመርሑ ንኢየሱስ ኣሕሊፉ ምእንቲ ክህቦም ንይሁዳ ሰላሳ ቅርሺ ብሩር ከፈልዎ። ከምቲ ነብያት ዝተነበይዎ’ውን ኰነ። ይሁዳ ኸኣ ተሰማምዐ፡ ነቲ ገንዘብ ሒዙ ድማ ኸደ። ንኢየሱስ ምእንቲ ክሕዝዎ፡ ክሕግዞም ኣጋጣሚ ይደሊ ነበረ።

![](https://cdn.door43.org/obs/jpg/360px/obs-en-38-04.jpg?direct&)

ኢየሱስ ምስ ደቀ መዛሙርቱ ኣብ ኢየሩሳሌም ፋሲጋ ኣብዓለ። በቲ ጊዜ ፋሲጋ እንጀራ ኣልዒሉ ቈረሰ። ከምዚ ድማ በለ፡ “ውሰዱ ነዚ ብልዑ።እዚ ስሌኹም እተዋህበ ስጋይ እዩ። ነዚ ድማ ንመዘከርታይ ግበርዎ”። በዚ መገዲ ኢየሱስ ስጋኡ፡ ስሊኦም ከምዝስዋእ ነገሮም።

![](https://cdn.door43.org/obs/jpg/360px/obs-en-38-05.jpg?direct&)

ከምኡ’ውን ኢየሱስ ጽዋዕ ኣልዒሉ፡ “ነዚ ስተይዎ። ስለ ሕድገት ሓጥያት ዝፈስስ ናይ ሓዱሽ ኪዳን ደመይ እዩ። ነዚ ምስ እትሰትዩ ኵሉ ሳዕ ንመዘከርታይ ግበርዎ” በለ።

![](https://cdn.door43.org/obs/jpg/360px/obs-en-38-06.jpg?direct&)

ብድሕሪኡ ኢየሱስ ንደቀ መዛሙርቱ፡ “ካባኻትኩም ሓደ ንዓይ ኣሕሊፉ ክህበኒ እዩ” በሎም። ደቀ መዛሙርቱ ከኣ ሰምበዱ፡ ከምዚ ዝበለ ነገር ዝገብርከ መን’ዩ ተበሃሃሉ። ኢየሱስ ድማ፡ “ነዚ ቊራስ እንጀራ ዝህቦ ሰብ እዩ ኣሕሊፉ ዝህበኒ” በለ። ሽዑ እንጀራ ቈሪሱ ንይሁዳ ሃቦ።

![](https://cdn.door43.org/obs/jpg/360px/obs-en-38-07.jpg?direct&)

ይሁዳ ነቲ እንጀራ ምስ ተቐበለ፡ ሰይጣን ኣተዎ። ንኢየሱስ ክሕዝዎ ምእንቲ ክሕግዞም ይሁዳ ናብ መራሕቲ ኣይሁድ ከደ። እዋኑ ድማ ምሸት ነበረ።

![](https://cdn.door43.org/obs/jpg/360px/obs-en-38-08.jpg?direct&)

ኢየሱስን ደቀ መዛሙርቱን ድራር ምስ በልዑ ናብ ደብረ ዘይቲ ኸዱ። ኢየሱስ፡ “ሎሚ ለይቲ ኵሉኹም ገዲፍኩሙኒ ክትከዱ ኢኹም። “ነቲ ጓሳ እወቕዖ፡ ኲለን ኣባጊዑ ድማ ፋሕ ይብላ፡ ተባሂሉ ተጻሒፉ እዩ” በለ።

![](https://cdn.door43.org/obs/jpg/360px/obs-en-38-09.jpg?direct&)

ኢየሱስ ንጴጥሮስ ከምዚ በሎ፡ “ሰይጣን ንኹልኹም ክወስደኩም ይደሊ እዩ ዘሎ፡ ነገር ግን ጴጥሮስ እምነትካ ምእንቲ ከይደክም ለመንኩ።

ጴጥሮስ፡ “ኵሎም እንተገደፉኻ’ኳ፡ ኣነ ኣይገብሮን፡ ኢሉ ተዛረበ። ሽዑ ኢየሱስ ከምዚ በሎ፡ ሎሚ ለይቲ ደርሆ ቅድሚ ምንቃዉ ከምዘይትፈልጠኒ ሰለስተ ሻዕ ክትክሕደኒ ኢኻ”።

![](https://cdn.door43.org/obs/jpg/360px/obs-en-38-10.jpg?direct&)

ሽዑ ጴጥሮስ ንኢየሱስ፡ “ሞት’ኳ እንተመጸ ፈጺመ ኣይክሕደካን” በሎ። እቶም ካልኦት ደቀ መዛሙርቲ’ውን ከምኡ በሉ።

![](https://cdn.door43.org/obs/jpg/360px/obs-en-38-11.jpg?direct&)

ብድሕሪኡ ኢየሱስ ምስ ደቀ መዛሙርቱ ጌተሴማኒ ናብ ዝበሃል ቦታ ከደ። ሽዑ ኢየሱስ ናብ ፈተና ከይኣትዉ ክጽልዩ ንደቀ መዛሙርቱ ነገሮም። ንሱ ድማ ንበይኑ ክጽሊ ከደ።

![](https://cdn.door43.org/obs/jpg/360px/obs-en-38-12.jpg?direct&)

ኢየሱስ ሰለስተ ግዜ ጸለየ፡ “ኣቦ ዝከኣል እንተዀይኑስ ነዚ ናይ መከራ ጽዋዕ ካባይ ትሕለፍ፡ ግንከ፣ ፍቓድካ ደኣ እምበር ፍቓደይ’ሲ ኣይኹን፡፡ ፍቓድካ ይኹን”።

ኢየሱስ ጻዕሪ ሞት ሒዝዎ ነበረ፡፡ ረሃጹ ድማ ከም ነጥቢ ደም ናብ ምድሪ ይነጥብ ነበረ። እግዚኣብሄር ድማ ዘበርትዖ መልኣኽ ለኣኸሉ።

![](https://cdn.door43.org/obs/jpg/360px/obs-en-38-13.jpg?direct&)

ድሕሪ ጸሎት ግዚኡ ኢየሱስ ናብ ደቀመዛሙርቱ ተመላለሰ፡ ንሳቶም ግና ደቂሶም ነበሩ። ንሳልሳይ ግዜ ምስ ተመልሰ ግና፣ “ተንስኡ! ኣሕሊፉ ዝህበኒ ቀሪቡ እዩ” በለ።

![](https://cdn.door43.org/obs/jpg/360px/obs-en-38-14.jpg?direct&)

ይሁዳ ምስ መራሕቲ ኣይሁድን ወታደራትን ብዙሓት ህዝብን መጸ። ኣስይፍን ኣባትር ከኣ ሒዞም ነበሩ። ይሁዳ ናብ ኢየሱስ መጺኡ፡ “ዎ መምህር፡ ሰላም ንዓኻ ይኹን” በሎ፡ ሰዓሞ ድማ። ከምዚ ዝገበረ ድማ እቲ ዝሕዝዎ ኢየሱስ ኣየናይ ከምዝዀነ ንመራሕቲ ኣይሁድ ምልክት ክህቦም ኢሉ እዩ። ብድሕሪኡ ኢየሱስ፡ “ኣታ ይሁዳ፡ ብምስዓም ዲኻ ኣሕሊፍካ እትህበኒ” በለ።

![](https://cdn.door43.org/obs/jpg/360px/obs-en-38-15.jpg?direct&)

እቶም ወታደራት ንኢየሱስ ምስ ሓዝዎ፡ ጴጥሮስ ሰይፉ መሲቱ ነቲ ኣገልጋሊ ሊቀ ኻህናት በቲ ሰይፊ ወቒዑ እዝኑ ቈረጾ። ሽዑ ኢየሱስ፡ “ሰይፍኻ ናብ ሰገብኡ ምለሶ! ምእንቲ ክከላኸሉለይ ሰራዊት መላእኽቲ ክልእኸለይ፡ ንኣቦይ ክሓቶ’ዶ ዘይክእል መሲሉካ፧ በሎ። ኢየሱስ ድማ ነቲ ሰብኣይ እዝኖ ፈወሶ። ኢየሱስ ምስ ተታሕዘ ኩሎም ደቀ መዛሙርቲ ንኢየሱስ ገዲፎምዎ ሃደሙ።

*ታሪኽ መፅሓፍ ቅዱስ፡- ካብ ማቴዎስ 26፡14-56፤ ማርቆስ 14፡10-50፤ ሉቃስ 22፡1-53፤ ዮሐንስ 12፡6፤ 18፡1-11።*

## 39. ኢየሱስ ኣብ ፍርዲ ቀረበ

https://openbiblestories.org/l/ti/story-39/

![](https://cdn.door43.org/obs/jpg/360px/obs-en-39-01.jpg?direct&)

እዋኑ ፍርቂ ለይቲ ነይሩ። እቲ ሊቀ ኻህናት ንኢየሱስ ሕቶ ምእንቲ ከቕርበሉ እቶም ወታደራት ንኢየሱስ ናብ እንዳ እቲ ሊቀ ኻህናት ወሰድዎ። ጴጥሮስ ድማ ርሕቕ ኢሉ ሰዓቦም። ንኢየሱስ ናብ እንዳ እቲ ሊቀ ኻህናት ምስ ኣእተዉዎ፡ ጴጥሮስ ኸኣ ብወፃኢ ኰይኑ ሓዊ ይስሕን ነበረ።

![](https://cdn.door43.org/obs/jpg/360px/obs-en-39-02.jpg?direct&)

ኣብ ውሽጢ ቤቱ መራሕቲ ኣይሁድ ንኢየሱስ ናብ ፍርዲ ኣቕረብዎ። ብዛዕባኡ ሓስዮም ዝምስክሩ ብዙሓት ናይ ሓሶት መሰኻኽር ድማ ኣምጽኡ። ይዅን እምበር ቃሎም ንሕድሕዱ ኣይሰማማዕን ነበረ፡ ስለዚ እቶም መራሕቲ ኣይሁድ ብዝዀነ ይዅን ነገር ኢየሱስ በደለኛ ምዃኑ ከረጋግጹ ኣይከኣሉን።

![](https://cdn.door43.org/obs/jpg/360px/obs-en-39-03.jpg?direct&)

ኣብ መወዳእታ፡ እቲ ሊቀ ኻህናት ንኢየሱስ ትኽ ኢሉ ርእዩ፡ “እስኪ ንገረና፡ ንስኻ እቲ መሲሕ፡ ወዲ ህያው ኣምላኽ ዲኻ፧ በሎ።

![](https://cdn.door43.org/obs/jpg/360px/obs-en-39-04.jpg?direct&)

ኢየሱስ፡ “እወ እየ፡ ከምኡ’ውን ወዲ ሰብ ኣብ የማን ኣምላኽ ተቐሚጡ፡ ካብ ሰማይ ክመጽእን ክትርኡ ኢኹም” በሎ። እቲ ሊቀ ኻህናት ብቚጥዓ ክዳኑ ብምቕዳድ ነቶም ካልኦት መራሕቲ ሃይማኖት፡ “ተወሰኽቲ መሰኻኽር ኣየድልዩናን፡ ወዲ ኣምላኽ እየ ክብል ሰሚዕኹምዎ ኢኹም። እንታይ ትፈርዱ”፧ ኢሉ ጨደረ።

![](https://cdn.door43.org/obs/jpg/360px/obs-en-39-05.jpg?direct&)

ኩሎም መራሕቲ ኣይሁድ ድማ ነቲ ሊቀኻህናት፡ “ሞት ይግብኦ” ኢሎም መለሱሉ። ብድሕሪኡ ንኢየሱስ ገጹ ሸፈንዎ፡ ጡፍ በሉሉ፡ ወቕዕዎ፡ ኣላገጽሉ’ውን።

![](https://cdn.door43.org/obs/jpg/360px/obs-en-39-06.jpg?direct&)

ጴጥሮስ ብደገ እቲ ወጻኢ እናተጸበየ ከሎ፡ ሓንቲ ገረድ ርእያቶ፡ “ንስኻ ምስ ኢየሱስዶ ኣይነበርካን”፧ በለቶ። ጴጥሮስ ግና ነቲ ንሳ ዝበለቶ ከሓደ። ከምኡ’ውን ካልእ ገረድ ከምኡ ኢላ ተዛረበት፡ ንሱ ግና መሊሱ ከሓደ። ኣብ መወዳእታ ካልኦት ድማ፡ “ክልቴኹም ገሊላዊያን ስለዝዀንኩም ንስኻ ምስ ኢየሱስ ከምዝዀንካ ንፈልጥ ኢና” በሉ።

![](https://cdn.door43.org/obs/jpg/360px/obs-en-39-07.jpg?direct&)

ብድሕሪኡ ጴጥሮስ፡ “ነዚ ሰብ እዚ ኣነ ኣይፈልጦን ኢሉ፡ ክራገምን ክምሕልን ጀመረ። ሽኡ ድማ ደርሆ ነቀወ፡ ኢየሱስ ከኣ ግልጽ ኢሉ ንጴጥሮስ ረኣዮ።

![](https://cdn.door43.org/obs/jpg/360px/obs-en-39-08.jpg?direct&)

ጴጥሮስ ከይዱ ኣምሪሩ በኸየ። እዚ ከምዚ ኢሉ ከሎ፡ መራሕቲ ኣይሁድ ኢየሱስ ክቕተል ከምዝፈረዱ እቲ ንኢየሱስ ኣሕሊፉ ዝሃቦ ይሁዳ ፈለጠ። ሽዑ ይሁዳ ኣዝዩ ስለዝሓዘነ ከይዱ ነፍሱ ኣጥፍአ።

![](https://cdn.door43.org/obs/jpg/360px/obs-en-39-09.jpg?direct&)

ንጽባሒቱ ንጉሆ፡ መራሕቲ ኣይሁድ ንኢየሱስ ናብቲ ገዛኢ ሮም ናብ ጲላጦስ ኣምጽእዎ። ጲላጦስ ንኢየሱስ በደለኛ እዩ ኢሉ ናይ ሞት ፍርዲ ክፈርድ መራሕቲ ኣይሁድ ተስፋ ገይሮም ነበሩ። ጲላጦስ ንኢየሱስ፡ “ንጉስ ኣይሁድ ዲኻ”፧ ኢሉ ሓተቶ።

![](https://cdn.door43.org/obs/jpg/360px/obs-en-39-10.jpg?direct&)

ኢየሱስ ድማ ከምዚ ኢሉ መለሰሉ፡ “ንስኻ በልካ” መንግስተይ ግን ምድራዊት ኣይኰነትን። ከምኡ እንተትኸውን፡ ኣገልገልተይ ምተዋግኡለይ ነይሮም።

ብዛዕባ ሓቂ ኣምላኽ ክነግር እየ ናብ ምድሪ መጺአ። ሓቂ ዝፈቱ ኩሉ ንዓይ ይሰምዐኒ”። ጲላጦስ ከኣ፡ “ሓቂ እንታይ እዩ” በለ።

![](https://cdn.door43.org/obs/jpg/360px/obs-en-39-11.jpg?direct&)

ጲላጦስ ምስ ኢየሱስ ተዘራረበ፡ ወጺኡ ኸኣ፡ “ኣብዚ ሰብ’ዚ ሓንቲ በደል’ኳ ኣይረኸብኩሉን” በለ። መራሕቲ ኣይሁድን እቶም ህዝብን ግና፡ “ስቐሎ” እናበሉ ጨደሩ። ጲላጦስ ድማ፡ “በደለኛ’ኮ ኣይኰነን” በሎም። ንሳቶም ግና ዝገደደ ጨደሩ። ሽዑ ጲላጦስ ንሳልሳይ ግዜ፡ “ዝበደሎ የልቦን” በለ።

![](https://cdn.door43.org/obs/jpg/360px/obs-en-39-12.jpg?direct&)

ሽዑ ጲላጦስ እቶም ህዝቢ ዕግርግር ከይጅምሩ ፈርሐ፡ ስለዚ ወታደራቱ ንኢየሱስ ክሰቕልዎ ኣዘዞም። ወታደራት ሮማ ንኢየሱስ ክዳኑ ገፊፎም ገረፍዎ፡ ቀይሕ ኪዳን ድማ ኣልበስዎ፡ ከምኡ’ውን ኣኽሊል እሸዅ ኣብ ርእሱ ገበሩ። “ንጉስ ኣይሁድ እነሀልኩም” እናበሉ ድማ ኣላገጽሉ።

*ታሪኽ መፅሓፍ ቅዱስ፡- ካብ ማቴዎስ 26፡57-27፡26፤ ማርቆስ 14፡53-15፡15፤ ሉቃስ 22፡54-23፡25፤ ዮሐንስ 18፡12-19፡16።*

## 40. ኢየሱስ ተሰቕለ

https://openbiblestories.org/l/ti/story-40/

![](https://cdn.door43.org/obs/jpg/360px/obs-en-40-01.jpg?direct&)

እቶም ወታደራት ንኢየሱስ ምስ ኣላገጽሉ ክሰቕልዎ ወሰድዎ። ነቲ ዝስቀለሉ መስቀል’ውን ኣሰኪሞም ወሰድዎ።

![](https://cdn.door43.org/obs/jpg/360px/obs-en-40-02.jpg?direct&)

እቶም ወታደራት ንኢየሱስ፡ “ቀረንቀራ ርእሲ” ናብ ዝበሃል ቦታ ኣምጺኦም ኣእዳዉን ኣእጋሩን ኣብ መስቀል ሸንከርዎም።

ኢየሱስ ግን፡ “ዎ ኣቦ፡ ዝገብርዎ ኣይፈልጡን’ሞ ይቕረ በለሎም” በለ። ጲላጦስ ድማ “ንጉስ ኣይሁድ” ኢሎም ጽሒፎም ኣብቲ መስቀል ኣብ ልዕሊርእሲ ኢየሱስ ክሰቕልዎ ኣዘዘ።

![](https://cdn.door43.org/obs/jpg/360px/obs-en-40-03.jpg?direct&)

እቶም ወታደራት ነቲ ክዳን ኢየሱስ ዕጫ ኣውዲቖም ተማቐልዎ። ነዚ ብምግባሮም ነቲ፡ “ክዳውንተይ ተማቐሉ፡ ኣብ ልብሰይ’ውን ዕጫ ኣውደቑ” ዝብል ትንቢት ፈጸሙ።

![](https://cdn.door43.org/obs/jpg/360px/obs-en-40-04.jpg?direct&)

ኢየሱስ ኣብ መንጎ ክልተ ከተርቲ ተሰቕለ። እቲ ሓደ ንኢየሱስ ኣላገጸሉ፡ እቲ ካልእ ግን፡ “ኣታ ንኣምላኽዶ ኣይትፈርሖን፧ ንሕና ብሓቂ ብግብርና ዝግብኣና ተፈደና፡፡ እዚ ሰብ ግና ሓንቲ ክፍኣት እኳ ኣይገበረን በለ። ሽዑ ንኢየሱስ፡ “በጃኻ ኣብ መንግስትኻ ዘክረኒ” በሎ። ኢየሱስ ድማ፡ “ሎሚ ምሳይ ኣብ ገነት ክትከውን ኢኻ” ኢሉ መለሰሉ።

![](https://cdn.door43.org/obs/jpg/360px/obs-en-40-05.jpg?direct&)

መራሕቲ ኣይሁድን ኣብ ማእኸል እቶም ህዝቢ ዝነበሩ ካልኦት ሰባትን ኸኣ ንኢየሱስ ኣላገጽሉ። “ወዲ ኣምላኽ እንተዄንካ ካብ መስቀል ውረድ’ሞ ንርእስኻ ኣድሕን! ሽዑ ብኣኻ ክንኣምን ኢና” በልዎ።

![](https://cdn.door43.org/obs/jpg/360px/obs-en-40-06.jpg?direct&)

እቲ እዋን ፍርቂ መዓልቲ እንተዀነ’ኳ፡ ብዘሎ ምድሪ ጸልመተ፡፡ ካብ ፍርቂ መዓልቲ ክሳዕ ታስዐይቲ ሰዓት ድማ ጸልመተ።

![](https://cdn.door43.org/obs/jpg/360px/obs-en-40-07.jpg?direct&)

ብድሕሪኡ ኢየሱስ ዓው ኢሉ፡ “ተፈጸመ! ዎ ኣቦ፡ ነፍሰይ ኣብ ኢድካ የማዕቑብ ኣለኹ” በለ። ሽዑ ርእሱ ኣድነነ፡ ነፍሱ ድማ ወጸት። ምስ ሞተ፡ ምንቅጥቃጥ ምድሪ ኰነ፡ እቲ ኣብ ቤተ መቕደስ ዝነበረ ዓብዪ መጋረጃ፡ ንህዝቢ ካብ እግዚኣብሄር ይፈልዮ ዝነበረ፡ ካብ ላዕሊ ክሳዕ ታሕቲ ተተርተረ።

![](https://cdn.door43.org/obs/jpg/360px/obs-en-40-08.jpg?direct&)

ኢየሱስ ብሞቱ ኣቢሎም ሰባት ናብ እግዚኣብሄር ክመጹ መንገዲ ከፈተሎም። ንኢየሱስ ይሕሉ ዝነበረ ወታደር ነቲ ዝዀነ ኩሉ ምስ ረኣየ፡ “ብርግጽ እዚ ሰብ እዚ በደል የብሉን። ብሓቂ ወዲ ኣምላኽ እዩ” በለ።

![](https://cdn.door43.org/obs/jpg/360px/obs-en-40-09.jpg?direct&)

በቲ ግዜ እቲ፡ ኢየሱስ መሲሕ ከምዝዀነ ዝኣመኑ ዮሴፍን ኒቆዲሞስን ዝበሃሉ ክልተ መራሕቲ ኣይሁድ፡ ስጋ ኢየሱስ ንኽህቦም ንጲላጦስ ለመንዎ። ነቲ ስግኡ ብጨርቂ ገኒዞም ኣብ ዝተወቕረ መቓብር ከውሒ ድማ ኣንበርዎ። ነቲ ኣፍ እቲ መቓብር ድማ ዓብዪ እምኒ ኣንከራርዮም ዓጸውዎ።

*ታሪኽ መፅሓፍ ቅዱስ፡- ካብ ማቴዎስ 27፡27-61፤ ማርቆስ 15፡16-47፤ ሉቃስ 23፡26-56፤ ዮሐንስ 19፡17-42።*

## 41. ኣምላኽ ንኢየሱስ ካብ ምዉታት ኣተንስኦ

https://openbiblestories.org/l/ti/story-41/

![](https://cdn.door43.org/obs/jpg/360px/obs-en-41-01.jpg?direct&)

እቶም ወታደራት ንኢየሱስ ምስ ሰቐልዎ፡ ብኢየሱስ ዘይኣምኑ መራሕቲ ኣይሁድ ንጲላጦስ፡ “እቲ ኢየሱስ ዝብልዎ መስሓቲ፡ ድሕሪ ሰለስተ መዓልቲ ክትንስእ እየ ኢሉ እዩ’ሞ፡ ደቀ መዛሙርቱ ስግኡ ሰሪቖም ካብ ምዉታት ተንሲኡ ምእንቲ ከይብሉ፡ ነቲ መቓብር ሓለውቲ ክሕልዎ ኣለዎም” በልዎ።

![](https://cdn.door43.org/obs/jpg/360px/obs-en-41-02.jpg?direct&)

ጲላጦስ ድማ፡ “ገለ ወታደራት ወሲድኩም እቲ መቓብር ክሕሎ ግበሩ” በለ። ስለዚ ነቲ ኣብ ኣፍ እቲ መቓብር ዝተዓጽወሉ እምኒ ሓቲሞም፡ ዝኾነ ሰብ ከይሰርቆ ምእንቲ ክሕልዉ ወታደራት ኣቘሙ።

![](https://cdn.door43.org/obs/jpg/360px/obs-en-41-03.jpg?direct&)

ድሕሪ ስቕለት ኢየሱስ፡ ቀጺሉ ዘሎ መዓልቲ ሰንበት ኣይሁድ ነበረ። በቲ መዓልቲ ኣይሁድ ናብ መቓብር ክኸዱ ኣይፍቀደሎምን ነበረ። ስለዚ ድሕሪ ሰንበት ኣብ ወጋሕታ ብዙሓት ኣንስቲ ኣብ ስጋ ኢየሱስ ሽቱ ክለኽያኦ ናብቲ ኢየሱስ ዘለዎ መቓብር ክኸዳ ተዳለዋ።

![](https://cdn.door43.org/obs/jpg/360px/obs-en-41-04.jpg?direct&)

ብሃንደበት ዓብዪ ምንቅጥቃጥ ምድሪ ኰነ። ከም በርቂ ዘብርህ መልኣኽ ድማ ኣብ ሰማይ ተራእየ። ነቲ እቲ መቓብር ተዓጽዩሉ ዝነበረ እምኒ ኣንከራርዩ ኣብ ልዕሊኡ ኮፍ በለ። እቶም ነቲ መቓብር ይሕልዉ ዝነበሩ ወታደራት ብስንባደ ከምዝሞቱ ኰይኖም ኣብ መሬት ወደቑ።

![](https://cdn.door43.org/obs/jpg/360px/obs-en-41-05.jpg?direct&)

እተን ኣንስቲ ናብቲ መቓብር ምስ በጽሓ እቲ መልኣኽ፡ “ኣይትፍርሓ ኢየሱስ ኣብዚ የለን። ከምቲ ክትስእ እየ ዝበሎ ካብ ምዉታት ተንሲኡ እዩ! ንዕነ ነቲ መቓብሩ ርአያ” ኢሉ ነገረን። እተን ኣንስቲ ድማ ናብ ውሽጢ እቲ መቓብር ጠሚተን ነቲ ስጋ ኢየሱስ ኣቐሚጦሙሉ ዝነበረ ስፍራ ረአያ። ስጋኡ ከኣ ኣብኡ ኣይነበረን፡፡

![](https://cdn.door43.org/obs/jpg/360px/obs-en-41-06.jpg?direct&)

ብድሕሪኡ እቲ መልኣኽ ነተን ኣንስቲ፡ “ኪዳ’ሞ ኢየሱስ ካብ ምዉታት ተንሲኡ እዩ፡ ቀዲሙኩም ናብ ገሊላ ክሓልፍ እዩ ኢልክን ንደቀ መዛሙርቱ ንገርኦም” ኢሉ ነገረን።

![](https://cdn.door43.org/obs/jpg/360px/obs-en-41-07.jpg?direct&)

እተን ኣንስቲ ድማ ብፍርሕን ብዓብዪ ታሕጓስን ተመሊአን ነበራ። ነቲ ብስራት ንደቀ መዛሙርቱ ክነግራ እናተጓየያ ከዳ።

![](https://cdn.door43.org/obs/jpg/360px/obs-en-41-08.jpg?direct&)

እተን ኣንስቲ ነቲ ብስራት ንደቀ መዛሙርቲ ክነግራ እናኸዳ እንተለዋ፡ ኢየሱስ ተራእየን፡ ንሳተን ከኣ ሰገዳሉ። ኢየሱስ ድማ፡ “ኣይትፍርሓ፡ ናብ ገሊላ ክሓልፉ ንደቀ መዛሙርተይ ንገርኦም።ኣብኡ ድማ ክርእዩኒ እዮም” በለን።

*ታሪኽ መፅሓፍ ቅዱስ፡- ካብ ማቴዎስ 27፡62-28፡15፤ ማርቆስ 16፡1-11፤ ሉቃስ 24፡1-12፤ ዮሐንስ 20፡1-18።*

## 42. ኢየሱስ ናብ ሰማይ ዓረገ

https://openbiblestories.org/l/ti/story-42/

![](https://cdn.door43.org/obs/jpg/360px/obs-en-42-01.jpg?direct&)

ኢየሱስ በቲ ካብ ምውታት ዝተላዕለሉ መዓልቲ ካብ ደቀ መዛሙርቱ ክልቲኦም ኣብ ቀረባ ናብ ዘላ ዓዲ ይኸዱ ነበሩ። ክኸዱ ከለዉ፡ ብዛዕባ እቲ ኣብ ኢየሱስ ዝበጽሐ ነገር ይዘራረቡ ነበሩ። ንሱ መሲሕ እዩ ኢሎም ተስፋ ገይሮም ነይሮም፡ እንተኾነ ቀቲሎምዎ። ሕጂ ድማ መሊሰን እተን ኣንስቲ ህያው ኰይኑ ይብላ ኣለዋ በሉ። ክልቲኦም ደቀ መዛሙርቲ እንታይ ከምዝኣምኑ ኣይፈለጡን ነበሩ።

![](https://cdn.door43.org/obs/jpg/360px/obs-en-42-02.jpg?direct&)

ኢየሱስ ናባታቶም ቀሪቡ ምስኣቶም ምኻድ ጀመረ፡ ንሳቶም ግና ኣይፈለጥዎን። ብዛዕባ እንታይ ይዘራረቡ ከምዝነበሩ ድማ ሓተቶም፡ ንሳቶም ከኣ ኣብቶም ዝሓለፉ መዓልቲታት ብዛዕባ ኢየሱስ እንታይ እንታይ ዘገርሙ ነገራት ከምእተፈጸሙ ኵሉ ነገርዎ። ብዛዕባ እቲ ኣብ ኢየሩሳሌም ዝዀነ ነገር ምስ ዘይፈልጥ ጋሻ ይዘራረቡ ከምዘለዉ ድማ ሓሰቡ።

![](https://cdn.door43.org/obs/jpg/360px/obs-en-42-03.jpg?direct&)

ሽዑ ኢየሱስ፡ ቃል ኣምላኽ ብዛዕባ “መሲሕ” ዝብሎ ኩሉ ኣረድኦም። መሲሕ መከራ ከምዝቕበልን ከምዝቕተልን፡ ኣብ ሳልሳይ መዓልቲ ግና ከምዝትስእ ነብያት ዝተዛረብዎ ኩሉ ኣዘከሮም። እቶም ክልተ ሰባት ናብታ ዝሓድሩላ ዝሓሰብዋ ዓዲ በጽሑ። እዋኑ ድማ መስዩ ነበረ።

![](https://cdn.door43.org/obs/jpg/360px/obs-en-42-04.jpg?direct&)

ክልቲኦም ሰባት ምስኣቶም ክሓድር ለመንዎ፡ ንሱ’ውን ሕራይ ኢሉ ምስኣቶም ከደ። ድራር ክበልዑ ምስ ተዳለዉ፡ ኢየሱስ ኣመስጊኑ ነቲ እንጌራ ቈሪሶ። ሽዑ ኣዕንቶም ተኸፍታ እሞ ኢየሱስ ምዃኑ ኣለለይዎ። ንሱ ግና ካብ ዓይኖም ተሰወረ።

![](https://cdn.door43.org/obs/jpg/360px/obs-en-42-05.jpg?direct&)

ክልቲኦም ሰባት፡ “ኢየሱስ እኮ እዩ! ቃል ኣምላኽ ክትርጕመልና ከሎ ልብና ይነደና ዝነበረ እምበኣር ነዚ እዩ” ተበሃሃሉ። ሽዑ ድማ ናብ ኢየሩሳሌም ተመልሱ። ኢየሩሳሌም በጽሑ ከኣ ንደቀ መዛሙርቱ “ኢየሱስ ህያው እዩ! ርኢናዮ ኢና” ኢሎም ነገርዎም።

![](https://cdn.door43.org/obs/jpg/360px/obs-en-42-06.jpg?direct&)

ደቀ መዛሙርቱ እናተዘራረቡ ከለዉ፡ ኢየሱስ ብሃንደበት ናብቲ ዝነበሩሉ ክፍሊ ኣትዩ ኣብ ማእኸሎም ተራእየ’ሞ፡ “ሰላም ንዓኻትኩም ይዅን” በሎም። ደቀ መዛሙርቱ ድማ መንፈስ መሰሎም፡ ኢየሱስ ግና፡ “ንምንታይ ትፈርሑ፧ ኣእዳወይን ኣእጋረይን ርአዩ። መንፈስ ከምዚ ከማይ ዓጽሚን ስጋን የብሉን” በሎም። መንፈስ ከምዘይኰነ ከረጋግጸሎም ዝብላዕ እንተሃልይዎም ክህብዎ ሓተቶም። ንሳቶም ድማ ካብ ዝተጠብሰ ዓሳ ሓደ ቊራጽ ሃብዎ፡ በልዐ ድማ።

![](https://cdn.door43.org/obs/jpg/360px/obs-en-42-07.jpg?direct&)

ኢየሱስ ከኣ፡ “ብዛዕባይ ኣብ ቃል ኣምላኽ እተጻሕፈ ኩሉ ክፍጸም ኣለዎ ኢለ ነጊረኩም እየ” በለ። በቲ ግዜ እቲ ቃል ኣምላኽ ከስተውዕሉ ኣእምሮኦም ከፈተሎም። “መሲሕ፡ መከራ ከምዝቕበል፡ ከምዝመውት፡ ኣብ ሳልሳይ መዓልቲ ካብ ምዉታት ከምዝትስእ፡ ቅድሚ ነዊሕ ዘበን ተጻሒፉ እዩ” በሎም።

![](https://cdn.door43.org/obs/jpg/360px/obs-en-42-08.jpg?direct&)

“ከምኡ’ውን ኣብ መጻሕፍቲ፡ ኩሎም ሰባት ሕድገት ሓጥኣቶም ንምርካብ ክንስሑ ምእንቲ ደቀ መዛሙርቱ ከምዘበስሩ ተጻሒፉ እዩ።

ንሳቶም ካብ ኢየሩሳሌም ጀሚሮም ነዚ ይገብሩ፡ ካብኡ ድማ ኣብ ኩሉ ስፍራ ናብ ዘለዉ ዓሌታት ህዝቢ ኩሎም ይኸዱ። ስለ’ዚ ነገር’ዚ ድማ ንስኻትኩም መሰኻኽር ኢኹም”።

![](https://cdn.door43.org/obs/jpg/360px/obs-en-42-09.jpg?direct&)

ኣብተን ዝቕጽላ ኣርብዓ መዓልቲ ኢየሱስ ንደቀ መዛሙርቱ መመሊሱ ተራእዮም። ሓደ ግዜ ካብ 500 ንዝበዝሑ ሰባት ተራእየ፡ ህያው ከምዝዀነ ብብዙሕ መንገዲ ንደቀ መዛሙርቱ ኣረጋገጸሎም፡ ብዛዕባ መንግስቲ ኣምላኽ ከኣ መሃሮም።

![](https://cdn.door43.org/obs/jpg/360px/obs-en-42-10.jpg?direct&)

ኢየሱስ ንደቀ መዛሙርቱ ከምዚ በሎም፡ “ስልጣን ኵሉ ኣብ ሰማይን ኣብ ምድርን ተዋሂቡኒ እዩ። ስለዚ ኪዱ፡ ንኵሎም ኣህዛብ ብስም ኣብን ወልድን መንፈስ ቅዱስን እናጠመቕኩም፡ ዝኣዘዝኩኹም ኩሉ’ውን ክሕልዉ እናመሃርኩም፡ ደቀ መዛሙርተይ ግበርዎም። ኣነ ኵሉ ሳዕ ምሳኻትኩም እየ”።

![](https://cdn.door43.org/obs/jpg/360px/obs-en-42-11.jpg?direct&)

ኢየሱስ ካብ ምዉታት ምስ ተንስአ ድሕሪ ኣርብዓ መዓልቲ ንደቀ መዛሙርቱ፡ “ኣቦይ ሓይሊ ክሳዕ ዝህበኩም መንፈስ ቅዱስ ኣባኻትኩም ክሳዕ ዝወርድ ኣብ ኢየሩሳሌም ጽንሑ” በሎም። ብድሕሪኡ ኢየሱስ ናብ ሰማይ ዓረገ፡ ደበና ከኣ ካብ ኣዒንቶም ሰወረቶ። ኢየሱስ ንኹሉ ፍጥረት ክገዝእ ኣብ የማን እግዚኣብሄር ተቐመጠ።

*ታሪኽ መፅሓፍ ቅዱስ፡- ካብ ማቴዎስ 28፡16-20፤ ማርቆስ 16፡12-20፤ ሉቃስ 24፡13-53፤ ዮሐንስ 20፡19-23፤ የሐዋርያት ሥራ 1፡1-11።*

## 43. መጀመርታ ቤተ ክርስቲያን

https://openbiblestories.org/l/ti/story-43/

![](https://cdn.door43.org/obs/jpg/360px/obs-en-43-01.jpg?direct&)

ኢየሱስ ናብ ሰማይ ምስ ተመልሰ፡ ደቀ መዛሙርቲ ከምቲ ኢየሱስ ዝኣዘዞም ኣብ ኢየሩሳሌም ጸንሑ። እቶም ኣብኡ ዝነበሩ ኣመንቲ ድማ ከየቋረጹ ንምጽላይ ይእከቡ ነበሩ።

![](https://cdn.door43.org/obs/jpg/360px/obs-en-43-02.jpg?direct&)

ኣይሁድ በብዓመቱ ድሕሪ ፋሲጋ ኣብ ዘለዋ 50 መዓልቲ ጴንጤቆስጤ ዝበሃል ኣድላዪ መዓልቲ የብዕሉ ነበሩ። ጴንጤቆስጤ፡ ኣይሁድ በዓል ቀውዒ ዘብዕሉሉ መዓልቲ እዩ። ኣይሁድ ንጴንጤቆስጤ ብሓባር ከብዕሉ ካብ ምሉእ ዓለም ናብ ኢየሩሳሌም ይመጹ ነበሩ። ኣብዚ ዓመት፡ ኢየሱስ ናብ ሰማይ ምስ ዓረገ፡ ድሕሪ ሓደ ሰሙን ጴንጤቆስጤ ዝበዓለሉ እዋን በጽሐ።

![](https://cdn.door43.org/obs/jpg/360px/obs-en-43-03.jpg?direct&)

ኣመንቲ ኩሎም ብሓባር ተኣኪቦም ከለዉ፡ ብሃንደበት እቲ ዝነበርዎ ቤት ድምጺ ብዝመስል ንፋስ ተመልአ። ሽዑ ኣብ ርእሲ ኩሎም ኣመንቲ ሃልሃልታ ሓዊ ዝመስል ነገር ተራእየ። ኩሎም ብመንፈስ ቅዱስ ተመሊኦም ብኻልኦት ቋንቋታት ምዝራብ ጀመሩ።

![](https://cdn.door43.org/obs/jpg/360px/obs-en-43-04.jpg?direct&)

ኣብ ኢየሩሳሌም ዝነበሩ ሰባት ድምጺ ምስ ሰምዑ፡ እንታይ ከምዝዀነ ክርእዩ ተኣኪቦም መጹ። እቶም ኣመንቲ ዘደንቕ ግብሪ ኣምላኽ ክዛረቡ ምስ ሰምዑ፡ ነዞም ነገራት በብቛንቊኦም ብምስምዖም ተገረሙ።

![](https://cdn.door43.org/obs/jpg/360px/obs-en-43-05.jpg?direct&)

ገሊኦም ሰባት፡ እዞም ደቀ መዛሙርቲ ሰኺሮም እዮም በሉ። ነገር ግን ጴጥሮስ ደው በለ’ሞ፡ “ስምዑኒ! እዞም ሰብ ኣይሰኸሩን! እዚ እቲ እግዚኣብሄር ብነብዪ ኢዩኤል፡ “ኣብ መወዳእታ መዓልቲ፡ ንመንፈሰይ ከፍስስ እየ” ዝበሎ ትንቢት ተፈጺሙ ማለት እዩ በሎም።

![](https://cdn.door43.org/obs/jpg/360px/obs-en-43-06.jpg?direct&)

“ህዝቢ እስራኤል፡ ከምቲ ዝረኣይኩምዎን ኣቐዲምኩም እትፈልጥዎን ኢየሱስ ብሓይሊ እግዚኣብሄር ብዙሓት ዓበይቲ ምልክታትን ትእምርትን ዝገበረ ሰብ እዩ። ንስኻትኩም ግና ሰቒልኩምዎ፡፡

![](https://cdn.door43.org/obs/jpg/360px/obs-en-43-07.jpg?direct&)

“ዋላኳ ኢየሱስ ይሙት እምበር፡ እግዚኣብሄር ካብ ምዉታት ኣተንስኦ። እዚ ድማ እቲ፡ “ንቕዱስካ ኣብ መቓብር ምብስባስ ክርኢ ኣይትገድፎን” ዝብል ትንቢት ምእንቲ ክፍጸም እዩ። ኣምላኽ ንኢየሱስ ህያው ገይሩ ከምዘተንስኦ ድማ ንሕና መሰኻኽር ኢና።

![](https://cdn.door43.org/obs/jpg/360px/obs-en-43-08.jpg?direct&)

“ኢየሱስ ሕጂ ኣብ የማን ኣምላኽ ልዕል ኢሉ ይርከብ። ከምኡ’ውን ኢየሱስ ልክዕ ከምቲ ዘተስፈዎ ንመንፈስ ቅዱስ ለኣኸ። ነዞም ሕጂ እትርእይዎምን እትሰምዑዎምን ነገራት እዚ ኸኣ መንፈስ ቅዱስ ገበሮ።

![](https://cdn.door43.org/obs/jpg/360px/obs-en-43-09.jpg?direct&)

“ንኢየሱስ ሰቐልኩምዎ። ኣምላኽ ግና ንኢየሱስ ጐይታን መሲሕን ከምዝገበሮ ብርግጽ ፍለጡ”፡፡

![](https://cdn.door43.org/obs/jpg/360px/obs-en-43-10.jpg?direct&)

ንጴጥሮስ ይሰምዑ ዝነበሩ ሰባት በቲ ዝተዛረቦም ነገር ተተንከፉ። ስለዚ ንጴጥሮስን ንደቀ መዛሙርትን፡ “ኣቱም ኣሕዋትና፡ እንታይ’ሞ ንግበር”፧ ኢሎም ሓተትዎም።

![](https://cdn.door43.org/obs/jpg/360px/obs-en-43-11.jpg?direct&)

ጴጥሮስ ኸኣ ከምዚ ኢሉ መለሰሎም፡ “እግዚኣብሄር ምእንቲ ሓጥያትኩም ይቕረ ክብለልኩም ተነስሑን ብስም ኢየሱስ ክርስቶስ ኸኣ ተጠመቑ። ብድሕሪኡ ንሱ ውህበት መንፈስ ቅዱስ ክህበኩም እዩ”።

![](https://cdn.door43.org/obs/jpg/360px/obs-en-43-12.jpg?direct&)

3000 ዝዀኑ ሰባት ነቲ ጴጥሮስ ዝተዛረቦ ሰሚዖም ብምእማን ደቀ መዛሙርቲ ኢየሱስ ኰኑ። ተጠሚቖም ድማ ምእመን እታ ኣብ ኢየሩሳሌም ዘላ ቤተክርስቲያን ኰኑ።

![](https://cdn.door43.org/obs/jpg/360px/obs-en-43-13.jpg?direct&)

እቶም ደቀ መዛሙርቲ ብዘይምቊራጽ ንትምህርቲ ሃዋርያት ይሰምዑ ነበሩ፡ ግዚኦም’ውን ብሓባር የሕልፉ ነበሩ፡ ሓቢሮም ድማ ይበልዑን ንሕድሕዶም ይጽልዩ ነበሩ። ብሓባር ንእግዚኣብሄር ኣመስገንዎ። ዘለዎም ኩሉ’ውን ንሕድሕድ ይማቑሉን ይተሓላለዩን ነበሩ። ኣብ ኵሉ ሰብ ኸኣ ሞገስ ነበሮም፡፡ ኣብ ጸጽባሕ ድማ ብዙሓት ሰባት ይኣምኑ ነበሩ።

*ታሪኽ መፅሓፍ ቅዱስ፡- ካብ ግብሪ ሃዋርያት 2።*

## 44. ጴጥሮስን ዮሃንስን ይልምን ንዝነበረ ሰብ ፈወሱ

https://openbiblestories.org/l/ti/story-44/

![](https://cdn.door43.org/obs/jpg/360px/obs-en-44-01.jpg?direct&)

ሓደ መዓልቲ ጴጥሮስን ዮሃንስን ናብ ቤተ መቕደስ ይኸዱ ነበሩ። ናብ ኣፍ ደገ እቲ ቤተ መቕደስ ምስ ቀረቡ፡ ገንዘብ ይልምን ዝነበረ ሓደ ዝለመሰ ሰብ ረኣዩ።

![](https://cdn.door43.org/obs/jpg/360px/obs-en-44-02.jpg?direct&)

ጴጥሮስ ነቲ ልሙስ ሰብ ረኣዮ’ሞ፡ “ዝህበካ ምንም ገንዘብ የብለይን። ነዚ ዘለኒ ግና ክህበካ እየ። ብስም ኢየሱስ ተስእ’ሞ ተመላለስ” በሎ።

![](https://cdn.door43.org/obs/jpg/360px/obs-en-44-03.jpg?direct&)

እግዚኣብሄር ድማ ሽዑ ነቲ ልሙስ ሰብ ፈወሶ። ንሱ ከኣ እናዘለለን እናጐየየን ንኣምላኽ ከመስግን ጀመረ። እቶም ኣብ ዙርያ እቲ ቤተ መቕደስ ዝነበሩ ሰባት ድማ ኣዝዮም ተደነቑ።

![](https://cdn.door43.org/obs/jpg/360px/obs-en-44-04.jpg?direct&)

ብዙሕ ህዝቢ ከኣ ነቲ እተፈወሰ ሰብ ክርእይዎ ተኣከቡ። ጴጥሮስ ድማ ከምዚ በሎም፡ “እዚ ሰብ ስለእተፈወሰ ንምንታይ ትግረሙ፧ ብገዛእ ሓይልና ወይ ብልግስናና ኣይኰነን ዝተፈወሰ። እዚ ሰብ እተፈወሰ ብሓይሊ ኢየሱስን ብእኡ ብምእማን እዩ።

![](https://cdn.door43.org/obs/jpg/360px/obs-en-44-05.jpg?direct&)

“ንኢየሱስ ምእንቲ ክቐትሎ ነቲ ገዛኢ ሮም ዝነገርኩምዎ ንስኻትኩም ኢኹም። ነቲ ራእሲ ህይወት ቀተልኩምዎ፡ እግዚኣብሄር ግና ካብ ምዉታት ኣተንስኦ። ነቲ እትገብርዎ ዝነበርኩም እንተዘየስተውዓልኩምዎ እኳ፡ ነቶም መሲሕ መከራ ከምዝቕበልን ከምዝመውትን ዝተነግሩ ትንቢታት ንምፍጻም ኮነ፡፡ ስለዚ ሓጥኣትኩም ምእንቲ ክድምሰሰልኩኩም ሕጂ ተነስሑን ናብ እግዚኣብሄር ተመለሱን”።

![](https://cdn.door43.org/obs/jpg/360px/obs-en-44-06.jpg?direct&)

መራሕቲ ቤተ መቕደስ ግና በቲ ጴጥሮስን ዮሃንስን ይዛረብዎ ዝነበሩ ኣዝዮም ተቘጥዑ። ሒዞም ድማ ናብ ቤት ማእሰርቲ ኣእተውዎም። ይዅን እምበር ብዙሓት በቲ ጴጥሮስ ዝተዛረቦ ቃል ኣመኑ፡ ቍጽሪ እቶም ብኢየሱስ ዝኣመኑ ሰባት ከኣ ናብ 5,000 ዓበየ።

![](https://cdn.door43.org/obs/jpg/360px/obs-en-44-07.jpg?direct&)

ንጽባሒቱ፡ መራሕቲ ኣይሁድ ንጴጥሮስን ዮሃንስን ናብቲ ሊቀ ኻህናትን ናብቶም መራሕቲ ሃይማኖትን ኣምጽእዎም። ንጴጥሮስን ዮሃንስን ከኣ፡ “ነዚ ልሙስ ሰብ ብምንታይ ሓይሊ ኢኹም ፈዊስኩምዎ”፧ ኢሎም ሓተትዎም።

![](https://cdn.door43.org/obs/jpg/360px/obs-en-44-08.jpg?direct&)

ጴጥሮስ ድማ ከምዚ ኢሉ መለሰሎም፡ “እዚ ሰብ ብሓይሊ እቲ መሲሕ ኢየሱስ ተፈዊሱ ኣብ ቅድሜኹም ደው ኢሉ እንሆ። ንስኻትኩም ንኢየሱስ ሰቐልኩምዎ፡ እግዚኣብሄር ግና መሊሱ ኣተንስኦ! ንስኻትኩም ድማ ኣይተቐበልኩምዎን፡ ኮይኑ ግና ብሓይሊ ኢየሱስ እንተዘይኰይኑ ብኻልእ ምድሓን የለን”

![](https://cdn.door43.org/obs/jpg/360px/obs-en-44-09.jpg?direct&)

ጴጥሮስን ዮሃንስን ብድፍረት ስለእተዛረቡ እዞም መራሕቲ ሰንበዱ። ምኽንያቱ እዞም ሰባት ዘይተማህሩ ተራ ሰባት ከምዝዀኑ ይፈልጡ ስለዝነበሩ እዩ። እንተኾነ እዞም ሰባት ምስ ኢየሱስ ከምዝነበሩ ዘከሩ። ንጴጥሮስን ዮሃንስን ምስ ኣፈራርሕዎም፡ ኪዱ ኢሎም ሰደድዎም።

*ታሪኽ መፅሓፍ ቅዱስ፡- ካብ ግብሪ ሃዋርያት 3፡1-4፡22።*

## 45.እስጢፋኖስን ፊልጶስን

https://openbiblestories.org/l/ti/story-45/

![](https://cdn.door43.org/obs/jpg/360px/obs-en-45-01.jpg?direct&)

ኣብታ ጥንታዊት ቤተክርስቲያን ካብዝ ነበሩ መራሕቲ እስጢፋኖስ ዝበሃል ሰብ ነበረ። ንሱ ውሩይ ስም ዘለዎን መንፈስ ቅዱስን ጥበብን ዝመልኦ ሰብ ነበረ። እስጢፋኖስ ብዙሕ ተኣምራት ዝገበረን ሰባት ብኢየሱስ ምእንቲ ክኣምኑ ኣጸቢቑ ዝዛረብ ሰብ ነበረ።

![](https://cdn.door43.org/obs/jpg/360px/obs-en-45-02.jpg?direct&)

ሓደ መዓልቲ እስጢፋኖስ ብዛዕባ ኢየሱስ እናመሃረ ከሎ፡ ብኢየሱስ ዘይኣምኑ ኣይሁድ ምስኡ ምክርኻር ጀመሩ። ኣዝዮም ብምቚጣዕ ድማ ብዛዕባ እስጢፋኖስ ንመራሕቲ ሃይማኖት ዘይኰነ ሓስዮም ተዛረቡ። “ብዛዕባ ሙሴን እግዚኣብሄርን ክፉእ ነገር ክዛረብ ሰሚዕናዮ ኢና” ከኣ በሉ። ስለዚ እቶም መራሕቲ ሃይማኖት ንእስጢፋኖስ ሒዞም ካልኦት ናይ ሓሶት መሰኻኽር ወሲኾም ናብቲ ሊቀ ኻህናትን ናብቶም ካልኦት መራሕቲ ኣይሁድን ኣምጽእዎ።

![](https://cdn.door43.org/obs/jpg/360px/obs-en-45-03.jpg?direct&)

እቲ ሊቀ ኻህናት ንእስጢፋኖስ፡ “እዞም ነገር እዚ ከምኡ ድዩ”፧ ኢሉ ሓተቶ። እስጢፋኖስ ነቶም ካብ ዘበን ኣብርሃም ኣትሒዙ ክሳዕ እቲ ኢየሱስ ዝነበረሉ እግዚኣብሄር ዝገበሮም ዓበይቲ ነገራትን ህዝቢ ኣምላኽ ብተደጋጋሚ ከመይ ይዕምጹ ከምዝነበሩን ብምዝካር መልሱ ሃበ። ቀጺሉ ድማ ከምዚ በለ፡ “ኣቱም ተረርቲ ክሳድን ዓመጸኛታትን፣ ከምቲ ኣቦሓጎታትኩም ንእግዚኣብሄር እተቓወምዎን ንነብያቱ ዝቐተልዎምን፡ ንስኻትኩም’ውን ኵሉ ሳዕ ንመንፈስ ቅዱስ ትቃወሙ። ንስኻትኩም ግና ካብኣቶም ዝገደደ ነገር ገበርኩም፡ ነቲ መሲሕ ቀተልኩምዎ”፡፡

![](https://cdn.door43.org/obs/jpg/360px/obs-en-45-04.jpg?direct&)

እቶም መራሕቲ ሃይማይኖት ነዚ ምስ ሰምዑ፡ ኣእዛኖም ደፊኖም ክሳዕ ዝጭድሩ ኣዝዮም ተቘጥዑ። ንእስጢፋኖስ ካብታ ከተማ ጐቲቶም ኣውጺኦም ብዳርባ እምኒ ቀጥቀጥዎ።

![](https://cdn.door43.org/obs/jpg/360px/obs-en-45-05.jpg?direct&)

እስጢፋኖስ ክመውት ከሎ ዓው ኢሉ፡ “ዎ ኢየሱስ፡ ነፍሰይ ተቐበላ” በለ። ካብኡ ብብርኩ ተበሪኹ መሊሱ ዓው ኢሉ፡ “ዎ ጎይታ፣ ነዚ ሓጥያቶም ኣይትሓዘሎም” በለ። ብድሕሪኡ ሞተ።

![](https://cdn.door43.org/obs/jpg/360px/obs-en-45-06.jpg?direct&)

ሳውል ዝተባህለ መንእሰይ ድማ ምስቶም ንእስጢፋኖስ ዝቐተልዎ ተሰማሚዑ ናይቶም ንእስጢፋኖስ ብእምኒ ዝቕጥቅጥዎ ሰባት ክዳን ይሕሉ ነበረ። በታ ዕለት እቲኣ ኣብ ኢየሩሳሌም ዝነበሩ ብዙሓት ሰባት ነቶም ሰዓብቲ ኢየሱስ ከሳድድዎም ጀመሩ። ስለዚ እቶም ኣመንቲ ናብ ካልኦት ቦታታት ሃደሙ። ስደት እንተሃለወ’ኳ ኣብ ዝኸድዎ ኵሉ ብዛዕባ ኢየሱስ ይሰብኩ ነበሩ።

![](https://cdn.door43.org/obs/jpg/360px/obs-en-45-07.jpg?direct&)

ካብቶም ካብ ኢየሩሳሌም ዝሃደሙ ኣመንቲ እቲ ሓደ ፊልጶስ ዝተባህለ ወደ መዝሙር ኢየሱስ ነበረ። ናብ ሰማርያ ከይዱ ድማ ብዛዕባ ኢየሱስ ሰቢኹ’ሞ ብዙሓት ሰባት ደሓኑ። ብድሕሪኡ ሓደ መዓልቲ ካብ እግዚኣብሄር ዝተላእኸ መልኣኽ ኣብ ምድረ በዳ ናብ ዘሎ ሓደ መንገዲ ንኽኸይድ ንፊልጰስ ነገሮ። ፊልጶስ ኣብ መንገዲ እናኸደ እንተሎ ሓደ ስሉብ ኢትዮጵያዊ ብዓል ስልጣን ብሰረገላ ክኸይድ ረኣየ። ናብዚ ሰብ ቀሪቡ ከዛርቦ መንፈስ ቅዱስ ንፊልጶስ ነገሮ።

![](https://cdn.door43.org/obs/jpg/360px/obs-en-45-08.jpg?direct&)

ፊልጶስ ናብቲ ሰረገላ ምስ ቀረበ፡ እቲ ኢትዮጵያዊ ካብ ትንቢት ኢሳይያስ ከንብብ ሰምዖ። እቲ ዘንብቦ ከምዚ ዝብል ነበረ፡ “ከም ዝሕረድ ገንሸል ወሰድዎ፡ ከምቲ ገንሸል ስቕዝብል ሓንቲ ቃል’ኳ ኣይተዛረበን። ብምውራዱ ፍርዲ ተሳዕረ፡ ኣየኽበርዎን ድማ። ካብ ምድሪ ህያዋን ከኣ ተመንቈሰ”።

![](https://cdn.door43.org/obs/jpg/360px/obs-en-45-09.jpg?direct&)

ፊልጶስ ነቲ ኢትዮጵያዊ፡ “ነቲ እተንብቦ ተስተውዕሎዶ ኣለኻ፧ ኢሉ ሓተቶ። እቲ ኢትዮጵያዊ ከኣ፡ “ኣይፋሉን። ዘረድአኒ ሰብ ከይይሃለወ ከመይ ገይረ ከስተውዕሎ እኽእል። በጃኻ ንዓ’ሞ ምሳይ ተቐመጥ በሎ፡፡ ኢሳይያስ ነዚ ዝጸሓፎ ብዛዕባ ባዕሉ ድዩ ወይስ ብዛዕባ ካሊእ።

![](https://cdn.door43.org/obs/jpg/360px/obs-en-45-10.jpg?direct&)

ኢሳይያስ ዝጸሓፎ ብዛዕባ ኢየሱስ ከምዝዀነ ፊልጶስ ነቲ ኢትዮጵያዊ ኣብርሀሉ። ከምኡ’ውን ፊልጶስ ብዛዕባ ኢየሱስ ዝገልጹ ካልኦት ክፍልታት ብምጥቃስ ነዚ ብስራት ነገሮ።

![](https://cdn.door43.org/obs/jpg/360px/obs-en-45-11.jpg?direct&)

ፊልጶስን እቲ ኢትዮጵያውን እናኸዱ ከለዉ ማይ ናብ ዘለዎ ቦታ በጸሑ። እቲ ኢትዮጵያዊ ከኣ፡ “ኣብዚ ስፍራ ማይ ስለዘሎ ክጥመቕዶ እኽእል”፧ በለ። ነቲ ሰረገላ ደው ኸኣ ከብላ ኣዘዘ።

![](https://cdn.door43.org/obs/jpg/360px/obs-en-45-12.jpg?direct&)

ስለዚ ናብቲ ማይ ወረዱ፡ ፊልጰስ ድማ ነቲ ኢትዮጵያዊ ኣጠመቖ። ካብቲ ማይ ምስ ወጹ ከኣ መንፈስ ቅዱስ ንፊልጶስ መንዝዖ፡ ናብ ካልእ ቦታ ድማ ወሰዶ። ንብዙሓት ሰባት ድማ ብዛዕባ ኢየሱስ ይዛረብ ነበረ።

![](https://cdn.door43.org/obs/jpg/360px/obs-en-45-13.jpg?direct&)

እቲ ኢትዮጵያዊ ንኢየሱስ ብምፍላጡ እናተሓጐሰ ናብ ዓዱ ተመልሰ።

*ታሪኽ መፅሓፍ ቅዱስ፡- ካብ ግብሪ ሃዋርያት 6፡8-8፡5፤ 8፡26-40።*

## 46. ጳውሎስ ክርስትያን ኰነ

https://openbiblestories.org/l/ti/story-46/

![](https://cdn.door43.org/obs/jpg/360px/obs-en-46-01.jpg?direct&)

ሳውል ማለት ንእስጢፋኖስ ብእምኒ ክቐትልዎ ከለዉ ናይቶም ሰባት ክዳን ዝሕሉ ዝነበረ መንእሰይ ነበረ። ብኢየሱስ ኸኣ ኣይኣምንን ነበረ። ስለዚ ነቶም ኣመንቲ የሳድዶም ነበረ። ኣብ ኢየሩሳሌም ኣወዳትን ኣጓላትን እናሓዘ፡ ናብ ቤት ማእሰርቲ ከእትዎም ገዛ ገዛ ይዘውር ነበረ። እቲ ሊቀ ኻህናት ነቶም ኣብኡ ዝነበሩ ክርስቲያናት ናብ ኢየሩሳሌም ከምጽኦም ንሳውል ናብ ደማስቆ ክኸይድ ፍቓድ ሃቦ።

![](https://cdn.door43.org/obs/jpg/360px/obs-en-46-02.jpg?direct&)

ሳውል ናብ ደማስቆ እናኸደ እንከሎ፡ ካብ ሰማይ ሓያል ብርሃን ኣብ ዙርይኡ ኵሉ በርሀ፡ ንሱ ድማ ናብ መሬት ወደቐ። “ሳውል! ሳውል! ስለምንታይ ኢኻ እተሳድደኒ” ዝብል ድምጺ ሰምዐ። ሳውል ድማ፡ “ዎ ጐይታ፡ ንስኻ መን ኢኻ”፧ ኢሉ ሓተቶ። ኢየሱስ ከኣ ከምዚ ኢሉ መለሰሉ፡ “ኣነ እቲ እተሳድደኒ ዘለኻ ኢየሱስ እየ” በሎ።

![](https://cdn.door43.org/obs/jpg/360px/obs-en-46-03.jpg?direct&)

ሳሳውል ምስ ተንስአ ምርኣይ ሰኣነ። ፈተውቱ ናብ ደማስቆ እናመርሑ ወሰድዎ። ሰለስተ መዓልቲ ድማ ኣይበልዐን፡ ኣይሰተየን’ውን።

![](https://cdn.door43.org/obs/jpg/360px/obs-en-46-04.jpg?direct&)

ኣብ ደማስቆ ሃናንያ ዝተባህለ ወደ መዝሙር ነበረ። እግዚኣብሄር ንሃናንያ፡ “ናብቲ ሳውል ዘለዎ ቤት ኪድ። መሊሱ ክርኢ ድማ ኢድካ ኣንብረሉ” በሎ። ሃናንያ ግና፡ “ጐይታ፡ እዚ ሰብ ንኣመንቲ ከመይ ከምዘሳደደ ሰሚዐ እየ” በለ። እግዚኣብሄር ድማ፡ “ኪድ! ንኣይሁድን ንኻልኦት ህዝብታትን ስመይ ከበስር መሪጸዮ ኣለኹ። ስለ ስመይ ከኣ ብዙሕ መከራ ክቕበል እዩ” በሎ።

![](https://cdn.door43.org/obs/jpg/360px/obs-en-46-05.jpg?direct&)

ስለዚ ሃናንያ ናብ ሳውል ከደ። ኣእዳዉ ኣብኡ ኣንበረ፡ ከምዚ ድማ በሎ፡ “ናብዚ ክትመጽእ ከለኻ ዝተራእየካ ኢየሱስ፡ መሊስካ ክትርእይን መንፈስ ቅዱስ ክመልአካን ናባኻ ለኣኸኒ”። ሳውል ድማ ሽዑ ረኣየ፡ ሃናንያ ድማ ኣጠመቖ። ብድሕሪኡ ሳውል ምግቢ በልዐ፡ በርትዐ ድማ።

![](https://cdn.door43.org/obs/jpg/360px/obs-en-46-06.jpg?direct&)

ሽዑ ሳውል፡ “ኢየሱስ ወዲ ኣምላኽ እዩ፡ እናበለ ኣብ ደማስቆ ንዝነበሩ ኣይሁድ ኩሎም ክሰብኽ ጀመረ። ኣይሁድ ድማ፡ እቲ ኣመንቲ ንምጥፋእ ይጽዕር ዝነበረ ሰብ ሕጂ ብኢየሱስ ብምእማኑ ተገረሙ። ሳውል፡ ኢየሱስ መሲሕ ከምዝዀነ ኣርጋጊጹ ንኣይሁድ ተዛረበ።

![](https://cdn.door43.org/obs/jpg/360px/obs-en-46-07.jpg?direct&)

ድሕሪ ሓያሎ መዓልትታት ኣይሁድ ንሳውል ክቐትልዎ ሓሰቡ። ክቐትልዎ ድማ ኣብ ናብታ ከተማ ኣፍደገታት ዝሕልዉ ሰባት ገበሩ። ነገር ግን ሳውል ብዛዕባ እቲ ሓሳቦም ወረ ሰምዐ፡ ፈተውቱ ከኣ ከምልጥ ሓገዝዎ። ሓደ ለይቲ ብከፈር ገይሮም፡ ብቀጽሪ’ታ ከተማ ኣውረድዎ። ሳውል ካብ ደማስቆ ምስ ኣምለጠ ብዛዕባ ኢየሱስ ምስባኹ ቀጸለ።

![](https://cdn.door43.org/obs/jpg/360px/obs-en-46-08.jpg?direct&)

ሳውል ምስቶም ደቀ መዛሙርቲ ክራኸብ ናብ ኢየሩሳሌም ከደ፡ ንሳቶም ግና ፈርሕዎ። ሽዑ በርናባስ ዝተባህለ ኣማኒ ንሳውል ናብቶም ሃዋርያት ወሰዶ’ሞ ኣብ ደማስቆ ብዛዕባ ኢየሱስ ከመይ ደፊሩ ከምዝሰበኸ ነገሮም። ብድሕሪኡ ደቀ መዛሙርቲ ንሳውል ተቐበልዎ።

![](https://cdn.door43.org/obs/jpg/360px/obs-en-46-09.jpg?direct&)

በቲ ኣብ ኢየሩሳሌም ዝነበረ ስደት ዝሃደሙ ገለ ኣመንቲ ክሳዕ ኣንጸኪያ ኣርሒቖም ከይዶም ብዛዕባ ኢየሱስ ሰበኹ። ኣብ ኣንጾኪያ ዝነበሩ መብዛሕትኦም ሰባት ኣይሁድ ኣይነበሩን፡ እንተኾነ ንመጀመርታ ግዜ ብዙሓት ኣመንቲ ኰኑ። በርናባስን ሳውልን ነዞም ሓደሽቲ ኣመንቲ ብተወሳኺ ብዛዕባ ኢየሱስ ክምህርዎምን ንቤተ ክርስቲያን ከጸናንዑን ናብኡ ከዱ። እቶም ብኢየሱስ ክርስቶስ ዝኣመኑ ንመጀመርታ ግዜ ኣብ ኣንጾኪያ “ክርስቲያን” ተባህሉ።

![](https://cdn.door43.org/obs/jpg/360px/obs-en-46-10.jpg?direct&)

ሓደ መዓልቲ እቶም ኣብ ኣንጾኪያ ዝነበሩ ክርስቲያናት ክጽሙን ክጽለዩን ከለዉ መንፈስ ቅዱስ፡ “ነቲ ዝሓረኹዎም ዕዮ በርናባስን ሳውልን ፍለዩለይ›” በሎም። ስለዚ ኣብ ኣንጾኪያ ቤተ ክርስቲያን ዝነበሩ ኣገልገልቲ ንበርናባስን ንሳውልን ጸለዩሎም፡ ኣእዳዎም’ውን ኣንበሩሎም። ብድሕሪኡ ኣብ ካልኦት ብዙሓት ቦታታት ብዛዕባ ኢየሱስ ብስራት ክሰብኩ ለኣኹዎም። በርናባስን ሳውልን ንዝተፈላለዩ ህዝብታት መሃሩ፡ ብዙሓት ሰባት’ውን ብኢየሱስ ኣመኑ።

*ታሪኽ መፅሓፍ ቅዱስ፡- ካብ ግብሪ ሃዋርያት 8፡3፤ 9፡1-31፤ 11፡19-26፤ 13፡1-3።*

## 47. ጳውሎስን ሲላስን ኣብ ፊልጵስዩስ

https://openbiblestories.org/l/ti/story-47/

![](https://cdn.door43.org/obs/jpg/360px/obs-en-47-01.jpg?direct&)

ሳውል ኣብ ኵሉ ግዝኣት ንጉሰ ነገስት ሮማ ክዘዋወር ከሎ፡ ነቲ “ጳውሎስ” ዝብል ሮማዊ ስሙ ምጥቃም ጀመረ። ሓደ መዓልቲ ጳውሎስ ምስ ብጻዩ ሲላስ ብዛዕባ ኢየሱስ ብስራት ክዛረቡ ናብ ከተማ ፊልጵስዩስ ከዱ። ሰባት ክጽልዩ ናብ ዝተኣከቡሉ ካብታ ከተማ ወጻኢ ኣብ ጥቓ ሩባ ናብ ዝርከብ ስፍራ ከዱ። ኣብኡ ነጋዲት ዝነበረት ልድያ ዝብልዋ ሰበይቲ ረኸቡ። ንሳ ድማ ንእግዚኣብሄር እትፈቱን እተምልኽን ነበረት።

![](https://cdn.door43.org/obs/jpg/360px/obs-en-47-02.jpg?direct&)

ብዛዕባ ኢየሱስ ዝተነገረ መልእኽቲ ክትኣምን እግዚኣብሄር ልባ ከፈተላ። ንሳን ስድርኣን ድማ ተጠመቑ፡ ኣብ ገዝኣ ክነብሩ ከኣ ንጳውሎስን ሲላስን ዓደመቶም፡ ንሳቶም ምስኣን ምስ ስድርኣን ጸንሑ።

![](https://cdn.door43.org/obs/jpg/360px/obs-en-47-03.jpg?direct&)

ጳውሎስን ሲላስን ብዙሕ ሳዕ ኣብቲ ጸሎት ዝግበረሉ ቦታ ምስ ሰባት ይራኸቡ ነበሩ። መዓልታዊ ናብኡ ክኸዱ እንተለዉ ሓንቲ ጋኔን ዝሓደራ ግዝእቲ ትስዕቦም ነበረት።

ንሳ ድማ በቲ ዝሓዛ ጋኔን እናተሓገዘት ብዛዕባ ዝመጽእ ኩነታት ንሰባት ትትንብየሎም ነበረት፡ ብጥንቁልናኣ ኸኣ ንጐይቶታ ብዙሕ ገንዘብ ተምጽአሎም ነበረት።

![](https://cdn.door43.org/obs/jpg/360px/obs-en-47-04.jpg?direct&)

እታ ግዝእቲ ንሳቶም ክዘዋወሩ ከለዉ እናሰዓበት ዓው ኢላ፡ “እዞም ሰባት መንገዲ ምድሓን ዝነግርኹም ኣገልገልቲ ልዑል ኣምላኽ እዮም”። እንበለት ምዝራብ ቀጸለት። ጳውሎስ ክሳዕ ዝቚጣዕ ደጋጊማ ከምዚ ገበረት።

![](https://cdn.door43.org/obs/jpg/360px/obs-en-47-05.jpg?direct&)

ኣብ መወዳእታ ሓደ መዓልቲ ግዝእቲ ዓው ኢላ ምዝራብ ምስ ጀመረት ጳውሎስ ናብኣ ቁሊሕ ኢሉ ነቲ ኣብኣ ዝሓደረ ጋኔን፡ “ብስም ኢየሱስ ካብኣ ውጻእ” በሎ። እቲ ጋኔን ድማ ሽዑ ወጸ።

![](https://cdn.door43.org/obs/jpg/360px/obs-en-47-06.jpg?direct&)

ጐይቶት እታ ግዝእቲ ዝነበሩ ሰባት ኣዝዮም ተቘጥዑ፡ ብዘይ እቲ ጋኔን እታ ግዝእቲ ክትጥንቊል ከምዘይትኽእል ከኣ ፈለጡ። እዚ ኸኣ ንሰባት ዝኾንዎ ነገር ምትንባይ ስለዘይትኽእል ድማ ንጐይቶታ ገንዘብ ክተምጽአሎም ኣይከኣለትን።

![](https://cdn.door43.org/obs/jpg/360px/obs-en-47-07.jpg?direct&)

ስለዚ እቶም ጐይቶታ ንጳውሎስን ሲላስን ናብ መኳንንቲ ሮማ ወሰድዎም፡ ንሳቶም ድማ ቅጥቅጥ ኣቢሎም ናብ ቤት ማእሰርቲ ደርበይዎም።

![](https://cdn.door43.org/obs/jpg/360px/obs-en-47-08.jpg?direct&)

ንጳውሎስን ሲላስን ኣብቲ ውሽጣዊ ክፍሊ እቲ ቤት ማእሰርቲ ኣእተዉዎም፡ ኣእጋሮም ድማ ምስ ጕንዲ ኣሰርዎም። ይዅን እምበር ኣብ ፍርቂ ለይቲ ንእግዚኣብሄር መዝሙር ምስጋና ይዝምሩ ነበሩ።

![](https://cdn.door43.org/obs/jpg/360px/obs-en-47-09.jpg?direct&)

ብሃንደበት ከቢድ ራዕዲ ምድሪ ኰነ፡ ኩሎም መዓጹ እቲ ቤት ማእሰርቲ ድማ ተኸፍቱ፡ ናይ ኩሎም እሱራት መቓውሕ ከኣ ተፈትሐ።

![](https://cdn.door43.org/obs/jpg/360px/obs-en-47-10.jpg?direct&)

እቲ ሓላዊ ቤት ማእሰርቲ ካብ ድቃሱ ምስ ነቕሐ፡ ኵሎም መዓጹ ከምእተኸፍቱ ምስ ረኣየ ፈርሐ፡ ኵሎም እሱራት ዘምለጡ መሲልዎ ነፍሱ ከጥፍእ ሓሰበ።

(እሱራት እንተምሊጦም መኳንንቲ ሮማ ከምዝቐትልዎ ፈለጠ።) ነገር ግን ጳውሎስ ረኣዮ’ሞ ዓው ኢሉ፡ “ግደፍ ነፍስኻ ከይተጥፍእ። ኩልና ኣብዚ ኢና ዘለና” በሎ።

![](https://cdn.door43.org/obs/jpg/360px/obs-en-47-11.jpg?direct&)

እቲ ሓላዊ ቤት ማእሰርቲ ናብ ጳውሎስን ሲላስን እናተንቀጥቀጠ መጺኡ፡ “ክድሕን እንታይ ክገብር” ኢሉ ሓተቶም። ጳውሎስ ድማ፡ “ብጐይታ ኢየሱስ እመን፡ ንስኻን ስድራኻን ክትድሕኑ ኢኹም” ኢሉ መለሰሉ። ብድሕሪኡ እቲ ሓላዊ ቤት ማእሰርቲ ንጳውሎስን ሲላስን ናብ ገዝኡ ወሲዱ ቊስሎም ሓጸበሎም። ጳውሎስ ድማ ነቶም ኣብቲ ገዝኡ ዝነበሩ ኵሎም ብዛዕባ ኢየሱስ ብስራት ሰበኸሎም።

![](https://cdn.door43.org/obs/jpg/360px/obs-en-47-12.jpg?direct&)

ሓላዊ ቤት ማእሰርትን ቤተሰቡን ብኢየሱስ ኣሚኖም ተጠመቑ። ብድሕሪኡ እቲ ሓላዊ ቤት ማእሰርቲ ንጳውሎስን ሲላስን ምግቢ ቀረበሎም’ሞ ብሓደ ተሓጐሱ።

![](https://cdn.door43.org/obs/jpg/360px/obs-en-47-13.jpg?direct&)

ንጽባሒቱ ኣመሓደርቲ ከተማ ፊልጵስዩስ ንጳውሎስን ሲላስን ካብ ቤት ማእሰርቲ ኣውጺኦም ካብ ፊልጵስዩስ ክኸዱ ሓተትዎም። ጳውሎስን ሲላስን ንልድያን ካልኦት ፈተውቶምን ተፋኒዮም፡ ነታ ከተማ ለቒቖም ከዱ። ብዛዕባ ኢየሱስ ዝንገር ብስራት ድማ ምስፍሕፍሑ ቀጸለ፡ ቤተ ክርስቲያን’ውን ምዕባያ ቀጸለት።

![](https://cdn.door43.org/obs/jpg/360px/obs-en-47-14.jpg?direct&)

ጳውሎስን ካልኦት ክርስቲያን መራሕትን ነቲ ብስራት ኢየሱስ እናሰበኹን እናመሃሩን ናብ ብዙሓት ከተማታት ከዱ። ከምኡ’ውን ኣብ ኣብያተ ክርስቲያናት ንዘለዉ ኣመንቲ ከበረታትዕዎምን ክምህርዎምን ብዙሓት መልእኽቲታት ጸሓፉሎም። እዞም መልእኽትታት ድማ ሓድሓዲኦም ናይ መጻሓፍ ቅዱስ መጻሕፍቲ ኰኑ።

*ታሪኽ መፅሓፍ ቅዱስ፡- ካብ ግብሪ ሃዋርያት 16፡11- 40።*

## 48. ኢየሱስ፡ እቲ ተስፋ ዝተገብረሉ መሲሕ እዩ

https://openbiblestories.org/l/ti/story-48/

![](https://cdn.door43.org/obs/jpg/360px/obs-en-48-01.jpg?direct&)

እግዚኣብሄር ንዓለም ምስ ፈጠረ ኩሉ ነገር ፍጹም ነበረ። ሓጥኣት ኣይነበረን። ኣዳምን ሄዋንን ንሕድሕዶም ይፋተዉ ነበሩ። ንእግዚኣብሄር’ውን ይፈትውዎ ነበሩ። ሕማም ኰነ ሞት ዝበሃል ነገር ኣይነበረን። እግዚኣብሄር ኸኣ ንዓለም ክትከውን ዝደለያ ከምዚ ነበረ።

![](https://cdn.door43.org/obs/jpg/360px/obs-en-48-02.jpg?direct&)

ሰይጣን ኣብ ገነት ንሄዋን ከስሕታ ብተመን ኣቢሉ ተዛረባ። ብድሕሪኡ ንሳን ኣዳምን ሓጥኣት ገበሩ። ንሳቶም ሓጥኣት ስለዝሰርሑ ድማ ኣብ ምድሪ ዘሎ ሰብ ኩሉ ይሓምምን ይመውትን።

![](https://cdn.door43.org/obs/jpg/360px/obs-en-48-03.jpg?direct&)

ኣዳምን ሄዋንን ሓጥኣት ብምስርሖም ካብኡ ዝገደደ ነገር ኰነ። ንሳቶም ጸላእቲ እግዚኣብሄር ኰኑ። ካብቲ እዋን ኣትሒዙ፡ ኵሉ ሰብ ብናይ ሓጥኣት ባህሪ ተወልደ፡ ጸላኢ እግዚኣብሄር ድማ ኰነ። ኣብ መንጎ እግዚኣብሄርን ሰባትን ዝነበረ ርክብ ድማ ብሓጥኣት ምኽንያት ተቛረጸ። እግዚኣብሄር ግና ነቲ ርክብ ናይ ምምላስ መደብ ገበረ።

![](https://cdn.door43.org/obs/jpg/360px/obs-en-48-04.jpg?direct&)

ካብ ዘርኢ ሄዋን፡ ሓደ ርእሲ ሰይጣን ከምዝጭፍልቕ ሰይጣን’ውን ሸዀንኡ ከምዝነክስ እግዚኣብሄር ተስፋ ሃበ። እዚ ድማ ሰይጣን ነቲ መሲሕ ይቐትሎ፡ እግዚኣብሄር ግና መሊሱ የተንስኦ እዩ ማለት እዩ፡ ድሕሪ’ዚ እቲ መሲሕ ድማ ንሓይሊ ሰይጣን ንዘለኣለም ይቕጥቅጦ። ድሕሪ ብዙሕ ዓመታት እግዚኣብሄር፡ መሲሕ “ኢየሱስ” ከምዝዀነ ገለጸ።

![](https://cdn.door43.org/obs/jpg/360px/obs-en-48-05.jpg?direct&)

እግዚኣብሄር ንኹላ ምድሪ ብማይ ኣይሂ ከጥፍእ ከሎ፡ ነቶም ብእኡ ዝኣመኑ ሰባት ከድሕን መርከብ ኣዳለወሎም። ብተመሳሳሊ መንገዲ ሰብ ኵሉ ብምኽንያት ሓጥኣቱ ክጠፍእ ይግብኦ ነበረ፡ እግዚኣብሄር ግና ነቶም ብእኡ ዝኣምኑ ኵሎም ንምድሓን ንኢየሱስ ሃበ።

![](https://cdn.door43.org/obs/jpg/360px/obs-en-48-06.jpg?direct&)

ንብዙሕ ኣማኢት ዓመታት ካህናት ስለ ሓጥኣቶም ዝግብኦም መቕጻዕቲ ከርኢ፡ ስለ እቶም ህዝቢ ብዘይምቊራጽ ንእግዚኣብሄር መስዋእቲ ኣቕረቡ። መስዋእቲታት ግና ሓጥኣቶም ከርሕቑሎም ኣይከኣሉን። ኢየሱስ እቲ ዓብዪ ሊቀ ኻህናት እዩ። ካብቶም ካልኦት ካህናት ብዝተፈልየ ኵነታት፡ ኢየሱስ ኣብዛ ዓለም ናይ ዘለዉ ሰባት ኵሎም ሓጥኣት ከርሕቕ ዝኽእል፡ ፍሉይ መስዋእቲ ገይሩ ርእሱ ኣቕረበ። ኢየሱስ ናይ ነፍሲ ወከፍ ሰብ መቕጻዕቲ ሓጥኣት ስለዝወሰደ ፍጹም ዝዀነ ሊቀ ካህናት እዩ።

![](https://cdn.door43.org/obs/jpg/360px/obs-en-48-07.jpg?direct&)

እግዚኣብሄር ንኣብርሃም፡ “ህዝብታት ኵላ ምድሪ ብኣኻ ክባረኹ እዮም” ኢሉ ነገሮ። ኢየሱስ ካብ ወለዶ ኣብርሃም እዩ። ብእኡ ኣቢሎም ድማ ህዝብታት ኵላ ምድሪ ተባሪኾም እዮም። ምኽንያቱ ድማ፡ ብኢየሱስ ዝኣምን ዘበለ ኵሉ ሰብ ካብ ሓጥያት ድሒኑ እዩ። ከምኡ’ውን ብእምነት ወሉድ ኣብርሃም ይኸውን።ን።

![](https://cdn.door43.org/obs/jpg/360px/obs-en-48-08.jpg?direct&)

እግዚኣብሄር ንኣብርሃም ንይስሃቕ ወዱ መስዋእቲ ገይሩ ከቕርበሉ ምስ ነገሮ፡ እግዚኣብሄር ኣብ ክንዲ ይስሃቕ ወዱ ዝስዋእ በጊዕ ኣዳለወ። ኵላትና ብሓጥያትና ክንመውት ይግብአና እዩ፡፡ እግዚኣብሄር፡ ግና መስዋእቲ ኰይኑ ኣብ ክንዳና ክመውት ነቲ ገንሸል ኣምላኽ ዝዀነ ኢየሱስ ሃበ።

![](https://cdn.door43.org/obs/jpg/360px/obs-en-48-09.jpg?direct&)

እግዚኣብሄር ኣብ ግብጺ ነቲ ናይ መወዳእታ መዓት ከውርድ ከሎ፡ ኣበር ዘይብሉ ገንሸል ሓሪዶም፡ ነቲ ደሙ ኣብ ልዳቶም ክነጽግዎ ንቤት እስራኤላውያን ነገሮም። እግዚኣብሄር ነቲ ደም ምስ ረኣየ ንገዛውቶም ሓሊፉ ከደ፡ በዅሪ ደቆም ድማ ኣይቀተለን። እዚ ታሪኻዊ ፍጻመ ፋሲጋ ይበሃል።

![](https://cdn.door43.org/obs/jpg/360px/obs-en-48-10.jpg?direct&)

ኢየሱስ ገንሸል ፋሲጋና እዩ። ንሱ ፍጹምን ብዘይ ሓጥያትን ኰይኑ፡ ኣብ እዋን በዓል ፋሲጋ ተቐትለ። ዝዀነ ሰብ ብኢየሱስ ክኣምን ከሎ፡ ደም ኢየሱስ ንዕኡ ተኸፊሊሉ እዩ፡ ስለዚ መቕጻዕቲ ኣምላኽ ኣብቲ ሰብ ኣይከውንን ማለት እዩ።

![](https://cdn.door43.org/obs/jpg/360px/obs-en-48-11.jpg?direct&)

እግዚኣብሄር ምስቶም ሕሩያት ህዝቡ ምስ እስራኤላውያን ቃል ኪዳን ገበረ። ሕጂ ግና እግዚኣብሄር ንኹሉ ሰብ ዝኸውን ሓድሽ ቃል ኪዳን ገበረ። በዚ ሓድሽ ቃል ኪዳን ኣቢሉ ካብ ኵሉ ዓሌት ዝዀነ ሰብ ብኢየሱስ ብምእማን ስድራ ኣምላኽ ክኸውን ይኽእል እዩ።

![](https://cdn.door43.org/obs/jpg/360px/obs-en-48-12.jpg?direct&)

ሙሴ፡ ቃል እግዚኣብሄር ዝኣወጀ ዓብዪ ነብዪ ነበረ። ኢየሱስ ግና ካብ ኵሉ ዝለዓለ ነብዪ እዩ። ንሱ ኣምላኽ እዩ፡ ስለዚ እቲ ንሱ ዝገበሮን ዝተዛረቦን ኵሉ ስራሕ ኣምላኽን ቃል ኣምላኽን እዩ። ኢየሱስ ድማ ቃል እግዚኣብሄር ተባሂሉ ዝጽዋዕ።

![](https://cdn.door43.org/obs/jpg/360px/obs-en-48-13.jpg?direct&)

እግዚኣብሄር ንንጉስ ዳዊት ካብ ዘርኡ እቲ ሓደ ንጉስ ኰይኑ ኣብ ህዝቢ እግዚኣብሄር ንዘለኣለም ከም ዝገዝእ ተስፋ ሃቦ። ኢየሱስ ወዲ ኣምላኽን መሲሕን ስለዝዀነ፡ እቲ ንዘለኣለም ዝገዝእ ፍሉይ ዘርኢ ዳዊት ንሱ እዩ።

![](https://cdn.door43.org/obs/jpg/360px/obs-en-48-14.jpg?direct&)

ዳዊት ንጉስ እስራኤል ነበረ፡፡ ኢየሱስ ግና ናይ ኵሉ ፍጥረት ዓለም ንጉስ እዩ፡፡ ተመሊሱ ምስ መጸ ድማ ብፍትሕን ብሰላምን ንመንግስቱ ንዘለኣለም ክገዝእ እዩ።

*ታሪኽ መፅሓፍ ቅዱስ፡- ካብ ዘፍጥረት 1-3፤ 6፤ 14፤ 22፤ ዘፀኣት 12፣ 20፤ 2ይ ሳሙኤል 7፤ እብራውያን 3፡1-6፤ 4፡14-5፡10፤ 7፡1-8፡13፤ 9፡11-10፡18፤ ራእይ 21።*

## 49. ሓዱሽ ቃል ኪዳን ኣምላኽ

https://openbiblestories.org/l/ti/story-49/

![](https://cdn.door43.org/obs/jpg/360px/obs-en-49-01.jpg?direct&)

ሓደ መልኣኽ ማርያም ንዝተባህለት ድንግል፡ ወዲ ኣምላኽ ከምእትወልድ ነገራ። ንሳ ገና ድንግል ከላ ተባዕታይ ወዲ ወለደት፡፡ ኢየሱስ ኢላ ድማ ስም ኣውጽአትሉ። ስለዚ ኢየሱስ ኣምላኽን ሰብን እዩ።

![](https://cdn.door43.org/obs/jpg/360px/obs-en-49-02.jpg?direct&)

ኢየሱስ ኣምላኽ ከምዝዀነ ዘረጋግጹ ብዙሓት ተኣምራት ገበረ። ብማየ ማይ ከደ፡ ንማዕበል ኣህድአ፡ ብዙሓት ሕሙማት ፈወሰ፡ ኣጋንንቲ ኣውጽአ፡ ምዉታት ኣተንስአ፡ ከምኡ’ውን ብሓሙሽተ እንጀራን ክልተ ዓሳን ካብ 5,000 ንዝበዝሑ ሰባት በሊዖም ከም ዘትርፉ ገበረ።

![](https://cdn.door43.org/obs/jpg/360px/obs-en-49-03.jpg?direct&)

ኢየሱስ ዓብዪ መምህር እዩ፡ ወዲ ኣምላኽ ስለዝዀነ ድማ ብስልጣን ተዛረበ። ንርእስኹም ከምእትፈቅሩ ከምኡ’ውን ንብጻይኩም ኣፍቅሩ ኢሉ መሃረ።

![](https://cdn.door43.org/obs/jpg/360px/obs-en-49-04.jpg?direct&)

ንእግዚኣብሄር ካብ ኵሉ ዝኾነ ነገር ኣብልጽኩም ኣፍቅርዎ፡፡ ከምኡ’ውን ካብ ሃብትኹምን ካብ ኩሉ ነገርን ንላዕሊ ኢሉ መሃረ።

![](https://cdn.door43.org/obs/jpg/360px/obs-en-49-05.jpg?direct&)

ኢየሱስ፡ መንግስቲ ኣምላኸ ኣብ ዓለም ካብ ዘሎ ኵሉ፡ ዝኸበረት እያ በለ። ንዝዀነ ይዅን ሰብ ልዕሊ ዝኾነ ነገር ንመንግስቲ ኣምላኸ ምብቃዕ እዩ። ናብ መንግስቲ ኣምላኽ ንምእታው ካብ ሕድገት ሓጥኣት ክትረኽቡ ኣለኩም።

![](https://cdn.door43.org/obs/jpg/360px/obs-en-49-06.jpg?direct&)

ኢየሱስ ገሊኦም ተቐቢሎምዎ ከምዝድሕኑን ገሊኦም ድማ ከምዘይቕበልዎን መሃረ። ገለ ሰባት ከም ልሙዕ መሬት እዮም። ነቲ ብስራት ኢየሱስ ተቐቢሎም ይድሕኑ። ገለ ሰባት ድማ ንቓል ኣምላኽ ከምቲ ገለ ዘርኢ ተዘሪእዎ ዘየፍሪ ኣብ ወሰን መንገዲ ዘሎ ጭንጫ መሬት እዮም ዝቕበልዎ።

![](https://cdn.door43.org/obs/jpg/360px/obs-en-49-07.jpg?direct&)

ኢየሱስ፡ እግዚኣብሄር ንሓጥኣተኛታት ኣዚዩ ከምዝፍቅሮምን፡ ይቕረ ክብሎም፡ ደቁ ክገብሮም ከም ዝደሊ ድማ መሃረ።

![](https://cdn.door43.org/obs/jpg/360px/obs-en-49-08.jpg?direct&)

ከምኡ’ውን ኢየሱስ፡ እግዚኣብሄር ሓጥኣት ከምዝጸልእ ሚህሩና እዩ። ኣዳምን ሄዋንን ሓጥኣት ምስ ሰርሑ፡ እቲ ሓጥኣት ንኵሉ ዘርኦም ጐድኦ። ካብዚ ዝተላዕለ ድማ ኣብ ዓለም ዘሎ ኵሉ ሰብ ሓጥኣት ይገብር፡ ካብ እግዚኣብሄር ኸኣ ይፍለ። ስለዚ ኵሉ ሰብ ጸላኢ ኣምላኽ ኰነ።

![](https://cdn.door43.org/obs/jpg/360px/obs-en-49-09.jpg?direct&)

ብእኡ ዝኣምን ኵሉ ናይ ዘለኣለም ህይወት ክህልዎ እምበር ምእንቲ ከይጠፍእ’ሲ ኣምላኽ ነቲ ሓደን በይኑን ዝዀነ ወዱ ክሳዕ ዝህብ ንዓለም ኣፍቀራ።

![](https://cdn.door43.org/obs/jpg/360px/obs-en-49-10.jpg?direct&)

ብምኽንያት ሓጥኣትኩም ኣበሰኛታት ስለዝዀንኩም ክትሞቱ ይግብአኩም።

እግዚኣብሄር ብኣኻትኩም ክቚጣዕ ይግብኦ ነበረ፡ ነገር ግን ነቲ ቊጥዕኡ ኣብ ክንዲ ኣባኻትኩም ኣብ ኢየሱስ ገበሮ። ኢየሱስ ኣብ መስቀል ምስ ሞተ፡ ኣብ ልዕሌኹም ዝነበረ ቊጥዓ እግዚኣብሄር ንሱ ተቐበለልኩም።

![](https://cdn.door43.org/obs/jpg/360px/obs-en-49-11.jpg?direct&)

ኢየሱስ ፈጺሙ ሓጥኣት ኣይገበረን፡ ሓጥኣትኩምን ሓጥኣት ኵሉ ዓለም ንምርሓቕ፡ ክቕጻዕን ፍጹም መስዋእቲ ኰይኑ ክመውት መረጸ። ኢየሱስ ባዕሉ ርእሱ ስለ ዝሃበ፡ እግዚኣብሄር ዝዀነ ይዅን ሓጥያት፡ እቲ ዝገደደ ዝበሃል ሓጥያት’ኳ ከይተረፈ ይቕረ ክብል ይኽእል እዩ።

![](https://cdn.door43.org/obs/jpg/360px/obs-en-49-12.jpg?direct&)

ሰናይ ግብርኹም ከድሕነኩም ኣይኽእልን። ምስ እግዚኣብሄር ርክብ ክትገብሩ እትኽእሉሉ ምንም ካልእ መንገዲ የለን። ሓጥኣትኩም ከንጽህ ዝኽእል ኢየሱስ ጥራይ እዩ። ኢየሱስ ወዲ ኣምላኽ ከምዝዀነ፡ ስሌኹም ኣብ መስቀል ከምዝሞተን፡ እግዚኣብሄር ካብ ምዉታት ከምዘተስኦን ክትኣምኑ ጥራይ እዩ ዘድልየኩም።

![](https://cdn.door43.org/obs/jpg/360px/obs-en-49-13.jpg?direct&)

እግዚኣብሄር ብኢየሱስ ንዝኣምንን ከም ጐይትኡ ገይሩ ንዝቕበሎን ዝዀነ ሰብ የድሕኖ እዩ። ሃብታም ኰኑ ወይ ድኻ፡ ተባዓታይ ይኹን ኣንስታይ፡ ሽማግለ ኰነ መንእሰይ፡ ኣብ ዝዀነ ይዅን ቦታ እንተሃለኹም፡ እግዚኣብሄር ምሳኻትኩም ናይ ቀረባ ርክብ ምእንቲ ክህልዎ የፍቅረኩም እዩ፡፡ ክትኣምንዎ ኸኣ ይደሊ እዩ።

![](https://cdn.door43.org/obs/jpg/360px/obs-en-49-14.jpg?direct&)

ኢየሱስ ኣሚንኩም ክትጥመቑ ይዕደመኩም ኣሎ። ኢየሱስ መሲሕ፡ ንሱ በይኑ ወዲ ኣምላኽ ምዃኑ’ዶ ትኣምኑ፧ ሓጥኣተኛታት ምዃንኩምን እግዚኣብሄር እንተቐጽዓኩም ግቡእ ከምዝዀነን፡ ሓጥኣትኩም ከርሕቕ ኢየሱስ ኣብ መስቀል ከምዝሞተ ትኣምኑዶ፧

![](https://cdn.door43.org/obs/jpg/360px/obs-en-49-15.jpg?direct&)

ብኢየሱስን በቲ ንሱ ንዓኻትኩም ኢሉ ዝሰርሖ ስራሕ እንተኣሚንኩም፡ ንስኻትኩም ክርስቲያን ኢኹም፡፡ ኣምላኽ ካብ መንግስቲ ሰይጣንን ካብ ጸልማትን ኣውጺኡ ኣብ ውሽጢ ብርሃን መንግስቲ ኣምላኸ ኣእተወኩም። እግዚኣብሄር ነቲ ቀደም ትኸዱሉ ዝነበርኩም ሓጥኣተኛን ኣረጊትን መንገድኹም ኣወጊዱ፡ ሓዱሽን ጽድቂ ዝመልኦን መንገዲ ሃበኩም።

![](https://cdn.door43.org/obs/jpg/360px/obs-en-49-16.jpg?direct&)

ንስኻትኩም ክርስቲያን ኢኹም፡ በቲ ኢየሱስ ዝሰርሖ ስራሕ፡ እግዚኣብሄር ሓጥኣትኩም ይቕረ በለልኩም። ሕጂ ኣብ ክንዲ ጸላእቲ ኣምላኽ፡ ቀረባ ፈተውቱ ገይሩ ይቘጽረኩም።

![](https://cdn.door43.org/obs/jpg/360px/obs-en-49-17.jpg?direct&)

ንኣምላኽ ዘፍቅሩን ኣገልገልቲ ጐይታ ኢየሱስ እንተዄንኩም፡ ነቲ ኢየሱስ ዝምህረኩም ክትእዘዙ ይግባእ። ዋላ’ኳ ክርስቲያን እንተኾንኩም ኣይፍተኑን ማለት ኣይኮነን፡፡ ሓጥኣት እንተገበርኩም፡ እግዚኣብሄር እሙን ስለዝዀነ፡ ሓጥኣትኩም እንተተናዘዝኩም ይቕረ ይብለልኩም እዩ። ንሓጥኣት እትቓወሙሉ ሓይሊ ኸኣ ይህበኩም እዩ።

![](https://cdn.door43.org/obs/jpg/360px/obs-en-49-18.jpg?direct&)

እግዚኣብሄር ክትጽልዩ፡ ቃሉ ክተጽንዑን፡ ምስ ካልኦት ክርስቲያናት ክተምልኽዎን፡ ነቲ ዝገበረልኩም’ውን ንኻልኦት ክትነግሩሉ ይሓተኩም። እዞም ነገራት ኩሎም ምስኡ ጽኑዕ ርክብ ክህልወኩም ሓገዝቲ እዮም።

*ታሪኽ መፅሓፍ ቅዱስ፡- ካብ ሮሜ 3፡21-26፤ 5፡1-11፤ ዮሐንስ 3፡16፤ ማርቆስ 16፡16፤ ቈላስይስ 1፡13-14፤ 2ይ ቆሮንቶስ 5፡17-21፤ 1ኛ ዮሐንስ 1፡5-10።*

## 50. ኢየሱስ ክምለስ እዩ

https://openbiblestories.org/l/ti/story-50/

![](https://cdn.door43.org/obs/jpg/360px/obs-en-50-01.jpg)

ን2,000 ዓመታት ዝኸውን ኣብ ኩላ ዓለም ዘለዉ ሰባት ስለ እቲ መሲሕ ኢየሱስ ዝንገር ብስራት እናሰምዑ ፀኒሖም እዮም። ቤተኽርስቲያን እናዓበየት ነይራ እያ። ኢየሱስ ኣብ መወዳእታ ዓለም ከምዝምለስ ተስፋ ሂቡ እዩ። ንሱ ገና እንተዘይተመልሰ እኳ፣ ነቲ ተስፍኡ ይሕልዎ እዩ።

![](https://cdn.door43.org/obs/jpg/360px/obs-en-50-02.jpg)

ምምላስ ኢየሱስ እናተፀበና እንተለና፣ እግዚኣብሄር፣ ቅዱስ ብዝዀነን ንዕኡ ብዘኽብር መንገድን ክንነብር እዩ ዝደሊ። ከምኡ’ውን ብዛዕባ መንግስቱ ንኻልኦት ክንነግሮም ይደሊ እዩ። ኢየሱስ ኣብቲ ኣብ ምድሪ ይነብረሉ ዝነበረ ግዜ፣ ‹‹ደቀመዛሙርተይ ነቲ ብዛዕባ መንግስቲ እግዚኣብሄር ዝገልፅ ብስራት ኣብ ዓለም ኣብ ኩሉ ቦታ ንዘለዉ ኩሎም ሰባት ይሰብኩ፣ ሽዑ መወዳእታ ዓለም ይኸውን›› በለ።

![](https://cdn.door43.org/obs/jpg/360px/obs-en-50-03.jpg)

ሕዝ’ውን ብዙሓት ዓሌታት ህዝብታት ብዛዕባ ኢየሱስ ኣይሰምዑን። ኢየሱስ ናብ ሰማይ ቅድሚ ምዕራጉ፣ ነቲ ብስራት ንዘይሰምዑ ኩሎም ክእውጁ ነቶም ክርስቲያናት ነጊርዎም እዩ። ‹‹ኪዱ’ሞ ንዓሌታት ህዝብታት ኩሎም ደቀመዛሙርቲ ግበርዎም!›› ‹‹ቀውዒ በፂሑ እዩ!›› ድማ በለ።

![](https://cdn.door43.org/obs/jpg/360px/obs-en-50-04.jpg)

ከምኡ’ውን ኢየሱስ ከምዚ በለ፤ ‹‹ኣገልጋሊ ካብ ጎይትኡ ኣይበልፅን። ከምቲ ናይዛ ዓለም ሰበስልጣን ንዓይ ዝፀልኡኒ፣ ብሰንከይ ከሳቕዩኹምን ክቐትሉኹምን እዮም። ኣብዛ ዓለም መከራ እንተተቐበልኩም’ኳ፣ ኣይዞኹም፤ ምኽንያቱ፣ ኣነ ነዛ ዓለም ዝገዝኣ ንሰይጣን ስዒረዮ እዮ። ንስኻትኩም ብኣይ ኣሚንኩም ክሳዕ መወዳእታ እንተፀናዕኹም፣ ሽዑ እግዚኣብሄር ከድሕነኩም እዩ!››

![](https://cdn.door43.org/obs/jpg/360px/obs-en-50-05.jpg)

ኢየሱስ መወዳእታ ዓለም ክኸውን እንተሎ፣ ስለ እቲ ኣብ ሰባት ዝበፅሕ ነገር እንትዛረብ ንደቀመዛሙርቱ ሓደ ታሪኽ ነገሮም። ሓደ ሰብኣይ ኣብ ግራቱ ፅቡቕ ዘርኢ ዘርአ። ደቂሱ እንከሎ ድማ ፀላኢኡ መፂኡ ኣብቲ ስርናይ ዝተዘርኦ ፃህያይ ዘሪኡ ከደ።

![](https://cdn.door43.org/obs/jpg/360px/obs-en-50-06.jpg)

‹‹እቲ ዝተዘርአ ስርናይ ምስ በቘለ፣ ኣገልገልቱ፣ ‹ጎይታ፣ ኣብዚ ግራት ፅቡቕ ዘርኢ ዘሪእኻ ነበርካ። ንምንታይ ደኣ እዩ ፃህያይ ኣብቍሉ ዝኒሄ?› ኢሎም ጠየቕዎ።እቲ ጎይትኦም ድማ፣ ‹ነዚ ዝዘርአ ፀላኢ እዩ ዝኸውን››› ኢሉ መለሰሎም።

![](https://cdn.door43.org/obs/jpg/360px/obs-en-50-07.jpg)

‹‹እቶም ኣገልገልቱ ድማ ንጎይትኦም፣ ‹እሞ ነቲ ፃህያይ ክንነቕሎዶ?› በልዎ። ጎይትኦም ድማ ከምዚ በሎም፤‹ኣይፋሉን። ነዚ ክትነቕሉ ነቲ ስርናይ’ውን ክትነቕልዎ ኢኹም። ክሳዕ ቀውዒ ይፅንሑ’ሞ ሽዑ ነቲ ፃህያይ ኣኪብኩም ኣቃፅልዎ፤ ነቲ ስርናይ ግና ናብ ማዕኸነይ ኣእትዉዎ።›››

![](https://cdn.door43.org/obs/jpg/360px/obs-en-50-08.jpg)

ደቀመዛሙርቱ ናይቲ ታሪኽ ትርጉም ስለዘይተረድኦም ከረድኦም ንኢየሱስ ጠየቕዎ። ኢየሱስ ድማ ከምዚ በሎም፤ ‹‹እቲ ፅቡቕ ዘርኢ ዝዘርአ እቲ መሲሕ እዩ። እቲ ግራት፣ ዓለም እያ። እቲ ፅቡቕ ዘርኢ ድማ እቶም ኣብ መንግስቲ እግዚኣብሄር ዘለዉ ሰባት እዮም።

![](https://cdn.door43.org/obs/jpg/360px/obs-en-50-09.jpg)

‹‹እቲ ፃህያይ፣ እቶም ካብ ወገን እቲ ክፉእ ዝዀኑ ሰባት እዮም። ነቲ ፃህያይ ዝዘርኦ ዲያብሎስ እዩ። እቲ ቀውዒ፣ ናይ ዓለም መወዳእታ እዩ፤ እቶም ዓፀድቲ ድማ፣ መላእኽቲ እግዚኣብሄር እዮም።

![](https://cdn.door43.org/obs/jpg/360px/obs-en-50-10.jpg)

‹‹ኣብ መወዳእታ ዓለም፣ መላእኽቲ ነቶም ወገናት ዲያብሎስ ዝዀኑ ሰባት ኣኪቦም ሃልሃል ናብዝብል ሓዊ ይድርብይዎም። ኣብኡ ድማ ዋጭ ዋጭ ይብሉን ኣስናኖም ይሕርቅሙን። ሽዑ ፃድቃን ኣብ መንግስቲ ኣቡኦም ከም ፀሓይ ይበርሁ።››

![](https://cdn.door43.org/obs/jpg/360px/obs-en-50-11.jpg)

ከምኡ’ውን ኢየሱስ፣ ቅድሚ መወዳእታ ዓለም ናብ ምድሪ ከምዝምለስ ተዛረበ። ከምቲ ዝኸዶ ከኣ ይምለስ፤ እዚ ድማ፣ ብኣካል ክመፅእ እዩ ማለት እዩ። ብደበና ሰማይ ከኣ ይመፅእ። ኢየሱስ ክምለስ እንከሎ፣ ሕድሕድ ዝሞተ ክርስቲያን ካብ ምዉታት ተሲኡ ኣብ ሰማይ ይራኸቦ።

![](https://cdn.door43.org/obs/jpg/360px/obs-en-50-12.jpg)

ሽዑ እቶም ገና ብህይወት ይነብሩ ዘለዉ ክርስቲያናት ናብ ሰማይ ተላዒም ምስቶም ካብ ምዉታት ዝተስኡ ካልኦት ክርስቲያናት ይሕወሱ። ኣብኡ ድማ ኩሎም ምስ ኢየሱስ ይዀኑ። ብድሕሪኡ ኢየሱስ ምስ ህዝቡ ፍፁም ብዝዀነ ሰላምን ሓድነትን ብሓባር ይነብር።

![](https://cdn.door43.org/obs/jpg/360px/obs-en-50-13.jpg)

ኢየሱስ ነቶም ብእኡ ዝኣምኑ ኩሎም ዘውዲ ከምዝደፍአሎም ተስፋ ሂቡ እዩ። ንሳቶም ድማ ፍፁም ብዝዀነ ሰላም ምስ እግዚኣብሄር ንዘለኣለም ይነብሩን ይነግሱን።

![](https://cdn.door43.org/obs/jpg/360px/obs-en-50-14.jpg)

ነገር ግን እግዚኣብሄር ኣብቶም ብኢየሱስ ዘይኣመኑ ዘበሉ ይፈርድ። ንዘለኣለም ናብዝበኽዩሉን ብስቓይ ኣስናኖም ናብ ዝሕርቅሙሉን ናብ ሲኦል ይድርብዮም። ፈፂሙ ዘይቕህም ሓዊ ድማ ይልብልቦም፤ ሓሳኹ’ውን ንዓኣቶም ካብ ምብላዕ ኣየቋርፁን።

![](https://cdn.door43.org/obs/jpg/360px/obs-en-50-15.jpg)

ኢየሱስ ክምለስ እንተሎ፣ ንሰይጣንን ንመንግስቱን ፈፂሙ የጥፍኦም። ንሰይጣንን ነቶም ንእግዚኣብሄር ምእዛዝ ገዲፎም ንዕኡ ምኽታል ዝመረፁ ኩሎምን ንዘለኣለም ናብዝቃፀሉሉ ናብ ሲኦል ይድርብዮም።

![](https://cdn.door43.org/obs/jpg/360px/obs-en-50-16.jpg)

ኣዳምን ሄዋንን ንእግዚኣብሄር ስለዘይተኣዘዙን ሓጥያት ናብዛ ዓለም ክኣቱ ስለዝገበሩን፣ እግዚኣብሄር ንዓለም ረገማ፤ ከጥፍኣ’ውን ወሰነ። ነገር ግን ሓደ መዓልቲ እግዚኣብሄር ፍፁም ዝዀነ ሰማይን ምድርን ክፈጥር እዩ።

![](https://cdn.door43.org/obs/jpg/360px/obs-en-50-17.jpg)

ኢየሱስን ህዝቡን ኣብታ ሓዳስ ምድሪ ይነብሩ፤ ኣብ ብዘሎ ነገር ኩሉ ድማ ንዘለኣለም ይነግሱ። ንሱ ንንብዓት ኩሉ ይሕብሶ፤ በዝሕዚ ስቓይ፣ ሓዘን፣ ብኽያት፣ ሕማም ወይ ሞት ኣይክህሉን። ኢየሱስ ንመንግስቱ ብሰላምን ብፍትሕን ይገዝእ፤ ንዘለኣለም ድማ ምስ ህዝቡ ይነብር።

*ታሪኽ መፅሓፍ ቅዱስ፡- ካብ ማቴዎስ 24፡14፤ 28፡18፤ ዮሃንስ 15፡20፤ 16፡33፤ ራእይ 2፡10፤ ማቴዎስ 13፡24-30፤ 36-42፤ 1ኛ ተሰሎንቄ 4፡13-5፡11፤ ያእቆብ 1፡12፤ ማቴዎስ 22፡13፤ ራእይ 20፡10፤ 21፡1-22፡21።*