# unfoldingWord Open Bible Stories — Takestani

- Language code: `tks`
- Canonical page: https://openbiblestories.org/l/tks/
- Stories in this file: 50 of 50
- Published by: fa_gl
- Last release: 2023-11-08
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Takestani translation; it is not a translation of the whole Bible.

## 1. ۱-  به وجود بُوردَن

https://openbiblestories.org/l/tks/story-1/

![](https://cdn.door43.org/obs/jpg/360px/obs-en-01-01.jpg)

اَز جا اَوَل خُدا هَمِچیش بیَن ساش بِدا: جی دُنیاش وَ کُله جونِوَرون شُش رِو مونهِ خَلقِش یِه. بعد اَز جا زَمینِش سا بِدا، چون خدا هِچِش شِکلِش آنِدایشهِ هَمه لَکا زُلمات و خالی وِ. اما وین سَر خدا روحِ وِ.

![](https://cdn.door43.org/obs/jpg/360px/obs-en-01-02.jpg)

خُدا واچه که: «روشینا گَرده» وَ گَردِست. خدا وینچهِ روشینا خُوره و جاش نوم‌ِ آنا رِو. و خُدا زُلماته روشیناخو ساش بِدا جاش نوم دِ آنا شو. خدا رِو اوَّله روشیناش سا بِدا.

![](https://cdn.door43.org/obs/jpg/360px/obs-en-01-03.jpg)

رِو دومه سابدین، خدا واچهِ که: «فَلَکی ویهِ سَر گَرده» کهِ گَردَست جاش نومِ آنا آسِمون.

![](https://cdn.door43.org/obs/jpg/360px/obs-en-01-04.jpg)

رِو سِوُّمه خدا واچه که: «وُیِن که آسِمون بخهِ یِنده گردآویِنده ایِلکا تا خوشکی ٱوِردِنه خوشتِنَرِش.» آٓ خوشکیش نوم‌ِ آنا «زَمین» و ویاش وات «دَریا». خدا وینچه جاش که سال بِدا خُوره.

![](https://cdn.door43.org/obs/jpg/360px/obs-en-01-05.jpg)

بعدِ جینا خُدا واچه که: «زَمینه سرِ دِرَختیون وَ گیاهون برآنده» و باین گَردِست. خُدا ویندیش آ چی ک ساش بِدا خورآوی.

![](https://cdn.door43.org/obs/jpg/360px/obs-en-01-06.jpg)

چارُمین رِو افریتَن، خدا واچه که: «آسمونهِ نور بَرا. » بیَن گَردِست که خدا خورشی،د ماتابه و سِتارونِ ساش بِدا تا زمینهِ را نور آدینده. بیَن گَردِست که رِو، شو، فَصلون و سالون همدی یَره خو جوآوینده. خُدا وینچه جیناش که سال بِدا خورآوی.

![](https://cdn.door43.org/obs/jpg/360px/obs-en-01-07.jpg)

پَنجومین رِو مونه خُدا واچهِ که: «آبزیون، ویه پُره یَرنده و پَرَندونِ آسمون پَرواز یَرنده.» بیَن گَردِست که خُدا آبزیون وَ پَرَندونِ ساش بِدا. خُدا وینچه آچیش که ساش بِدا خورآوی و جاناش بَرکت آدا.

![](https://cdn.door43.org/obs/jpg/360px/obs-en-01-08.jpg)

شوشُمین رو آفرینش خدا واچه که: «زمینه سر، پورآوه هیوُنِ خو» و آچی که خدا واچه گَردِست. آ هیونون، وَحشیون، خَزَندون و حَشَرون وینده. خدا وینچه آچیش که خلقه یِردی نیکویِنده و خوشنِونده.

![](https://cdn.door43.org/obs/jpg/360px/obs-en-01-09.jpg)

بعدِ جینا خدا واچه که: «اِنسونِ خوشتَنَرِم شبیه سا بِدِم تا جینا شاه گَرده.»

![](https://cdn.door43.org/obs/jpg/360px/obs-en-01-10.jpg)

خدا قِقِنه خاکاش اوقو جاش اِنسون واریِن ساش بِدا و جا مونه حَیاتِش آدا جاش نومِ آنا آدم و ایدِنهِ پِلِّه رَزِش جارا ساش بِدا تا آقاده زِندی یِره وَ جا خو پاسِپونی یِره.

![](https://cdn.door43.org/obs/jpg/360px/obs-en-01-11.jpg)

خُدا دو دونه دِرَختِش جا رَزِ موناقادهِ آنایشه، ایدِنه دِرَختِ حَیات وَ اَلاده دِرَختِ نیک و بَده بِشناسِستَن. خُدا آدَمیش وات که موتونی همه‌ی جی دِرَختون میوه بوخاری بِجُز دِرَختِ بِشناسِستَن نیک و بَد. اگر آوِ جا دِرَختِ میوه خودِ موخارچه مُمَر.

![](https://cdn.door43.org/obs/jpg/360px/obs-en-01-12.jpg)

آ سان خدا واچه: «خور نیه که آدم تَنا بیمینه.» چونکه حیوونون مونوتونِستیندهِ آدمه را خورِهَمدَم گَردِنده.

![](https://cdn.door43.org/obs/jpg/360px/obs-en-01-13.jpg)

پَس جی واسِین آدَمِش عمیقِ خوابِ مونه آخوستِنَس. آسان ایدینه جا دَیّون خو بِگِرچه وَ جاوه خو زِینیاش دونیا بورچه وَ جاواش بِبَرچه آدَمه پَلِف.

![](https://cdn.door43.org/obs/jpg/360px/obs-en-01-14.jpg)

وقتی آدَم جاواش وین، واچه: «اِم موجودِ لاب چِمه موشو. جاوه زِینیه نومِ آنِمه، چون مَردَکه خو بِگِردیماش.» بیَن آوه که مَردَک پیَر مارِش خو جوآوه بَعدِجا آگِردَست بِشو زِنَرِش پَلِف وَ آسان، آ دونَفَر، ایتَن گَردِستینده.

![](https://cdn.door43.org/obs/jpg/360px/obs-en-01-15.jpg)

خُدا مَردَک و زِینیه اوشتِنَرِش وارین ساش بِدا. آ جانارا بَرکَتِش آدا وَ واچه: «اوستَن آویه‌یا، زارین و به جی دونیا بورا.» وَ خُدا وینچه هَر آنچه که بورچیه جی دونیا خوره و خوشحال آوه. همه‌ آما رِوجِ شُشُمه اِتِفاقِ کَت.

![](https://cdn.door43.org/obs/jpg/360px/obs-en-01-16.jpg)

آموقع که هَفتُمین رِو گَردِست، خُدا کارِش جانا وی تامون آوه، هَفتُمین رِو بَرکَتِش آدا و جا رِونون مُقدَس آنایش؛ چون آن رِو خدا بعد از اینکه کارِش تامون آوه، آروم آوِه. بیَن آوِه که خدا هرچی زمینه یهِ ساش بِدا.

*داستون بگِرستی از کتاب مقدس (کتاب پیدایش فصل ۱،۲)*

## 2. ۲-  گُنا بومیین به دنیا

https://openbiblestories.org/l/tks/story-2/

![](https://cdn.door43.org/obs/jpg/360px/obs-en-02-01.jpg)

آدِمیون وَ زِینیاش قَشَنگِ رَزِ مونه که خُدا جانا را ساش بِداوی، دِلخوشیِ بی زِندِگیشون میهِ. با اینکه لوت ویندِه، جاوِه خو شَرمِشون نِدِشت، چونکه هَنوز گُنا جانا زِندِگیمون نومهِ وی، آنا رَزِ مونه قَدَمِشون مِزَن وَ خُدا بی گَپِشون مِزَن.

![](https://cdn.door43.org/obs/jpg/360px/obs-en-02-02.jpg)

اما فَریب کارِ مار، جا رَزِ مونه وِه. آ مارِ جا زِینیِه خو آپُرسِچه: «حَقیقَت دِرِه کِه خُدا از میوِه بُخاردِنِ همه ی دِرَختونِ رَز مَنعاش یِردی؟»

![](https://cdn.door43.org/obs/jpg/360px/obs-en-02-03.jpg)

زِینیه جَواب‌ِش آدا: آما اِجازه دِروُم هَمه دِرَختُون، میوی خُو بِه غِیر اَز دِرَختِ خُور و قولی بُخاروم. خُدا چُوماش واتی: «اگه شُما جا دِرَختِ میوی خُو بوخارا یا حَتی جا دَست بِزِنا دِه مُومُورا.»

![](https://cdn.door43.org/obs/jpg/360px/obs-en-02-04.jpg)

مار، زِینیاش وات: «اِم دُرُست نِیه! شما مونومِورا. خدا موزُونه آ موقعی کِه شُما جا دِرَختِ میوی خُو بُخارا، خُدا بِرین خُور و قولی تَشخیص آنِدیا.»

![](https://cdn.door43.org/obs/jpg/360px/obs-en-02-05.jpg)

زِینیه وینچه کِه جا دِرَختِ میوه قَشَنگه و نَظَرشهِ خوشمزه مُومه. آوِه که مُوگوچهِ همه چی بُوزُونیه، جا دِرَختهِ خو میویش بیچینچِه وَ بُوخارچِه، بَعدِش جا میوی خُو شورِش را دِه آدایشهِ و آیدِه بوخارچهِ.

![](https://cdn.door43.org/obs/jpg/360px/obs-en-02-06.jpg)

‏ای بِده، جانا چُوشمون، اوشاریستیندهِ و حالی آویندهِ که لوتِنده. آدم و زِینیاش تِلاشِشون یهِ تا دِرَختِ عَلَفی بی خوشتَنَرِشون لوتی اوپیچدِنَنده.

![](https://cdn.door43.org/obs/jpg/360px/obs-en-02-07.jpg)

بَعدِش آدم و زِینیاش خُداشون صِدا بِشوِنَس که رَزِ مونه را موشو. آنا خوشتَنَرِشون خدا خو غایِماشون یهِ. خُدا واچهِ: «آدَم کا دِرِیشهِ؟» آدم جَوابِش آدا: «ایشتِیِم صِدا رَزِ مونه بِشوِنَس چون لوت ویمه بِتَرسِستیم و خُوشتَنَرِم غایِمام یهِ.»

![](https://cdn.door43.org/obs/jpg/360px/obs-en-02-08.jpg)

بَعدِش خُدا آپرسِچهِ: «کِه ایشتیَش واتی لوتیشِ؟ مَگه جا دِرَختِ میوی خو کِه مَنعام یِردهِ وی بوخاردی؟» آدَم جَوابِش آدا: «جی زِینیه کِه چِمه را آدای، جا میوه خو چِمه را آدایشه.» آ موقِع خُدا زِینیه خو آپُرسِچه: «اِم چه کاری وِه کهِ یِردی؟» زِینیه واچهِ: «مار چیمیش گول بِزَنچهِ.»

![](https://cdn.door43.org/obs/jpg/360px/obs-en-02-09.jpg)

خُدا مارِش وات: «تَه مَلعونیشه. اِشکَمی سَرهِ مِخَزی و خاکِ موخاری. تیون و زِینیه هَمدیَره خو نِفرَت آندارا و هَمچِنین بیَن اِشته نَسل و زِینی نَسل، دُشمنی آنِم. ای نَفَر زِینیه نَسلِ خو اِشته کَله دِه آنکونیه و تَه جاوِه پاشینیده مِزَنی.»

![](https://cdn.door43.org/obs/jpg/360px/obs-en-02-10.jpg)

بَعدِش خُدا زِینیه وات: «اِشتِه زایمانِ درد، لاب زیاده میَرِم. اِشتِه مِیل به شوری مِگَردِه وَ آ بَر اِشتِه تَسَلُط دِرِه.»

![](https://cdn.door43.org/obs/jpg/360px/obs-en-02-11.jpg)

خدا مَردَکِش وات: «چون زِنَری گَف گوشای یِردی وَ چِمه خو سَرپیچی یِردی . زِمین میشو نِفرینای بِخ و تَ زَحمتی بی غذا آندِاری و زِندگی مِچَرخِدِنی. خو اِشتِه جِسم به خاکه آنِگَرده.» آدَم خوشتَنَرِش زِنَر نومِ حوا آنایشِه کِه مَعنیش زندگی بخش عه. چون آوِه همه‌ی آدَمون مایِه مِگَردیه. خُدا جاناش حیونون لباسی بی اومِپیچدِنه.

![](https://cdn.door43.org/obs/jpg/360px/obs-en-02-12.jpg)

بَعدِش خدا واچِه: «اَنهِ کهِ اِنسون چُوما واری گَردِستی و خُوریون وَ قولیه تَشخیص آندیه. نباید بَرزی که درخت حَیات میوی خُو دِه بوخارِه وَ تا آخِر زنده بیمینه.» بَنابراین خُدا جاناش جا قَشنگِ رَزِ خو بَرِش یهِ بَر. رَزِ بَر وروودی پَلِفِه، قَویِه فِرِشتِگون آنایشهِ تا نَرزِنده دِرَختِ حَیات میوی خُو بوخارِندهِ.

*داستون بگِرستی از کتاب مقدس: (کتاب پیدایش فصل ۳)*

## 3. ۳- سیل

https://openbiblestories.org/l/tks/story-3/

![](https://cdn.door43.org/obs/jpg/360px/obs-en-03-01.jpg)

بعد چند سال تعداد آدَمونِ زمین سَره زیاد اوینِدِه. آنا بِقَد بَد تَب و قُولی ویندِه که خدا تصمیمش بِگه کل دُنیا اِینه سیل پِلی وی بِینه بِبره.

![](https://cdn.door43.org/obs/jpg/360px/obs-en-03-02.jpg)

آما خدا نوح خُو راضی وِه. آ عادله مردَک وِه که هَدره آدَمون مُونه زِندِگیش میِه. خدا نوحش هالیه یَردِنَس که تصمیمش بِگِردی راجب جا پِله سیل. خدا نوحش وات که اینه پِله کِشتی سابیدیه.

![](https://cdn.door43.org/obs/jpg/360px/obs-en-03-03.jpg)

خدا نوحِش وات که کِشتی به درازی صد و چِل متر، فِراییش دِ ویستُ و سو متر و بِلَندیش د صد سینزه مترِ نیم سابیدیه. نوح باید جی کِشتی سو طَبَقِش سَروِ درختِه چووِی سامِدا. کشتی باید سَقفیون فِراوونه، اُتاقونِیون و پَنجِریش مِدَشت. کشتیشون جِی واسین سامِدای که نوح، خوشتَنَرش خانِوادیَر و حیوونون خُشکی سیل خُو هادِربا.

![](https://cdn.door43.org/obs/jpg/360px/obs-en-03-04.jpg)

نوح خدا خو اِطاعَتِش بیه. آ سو فِرونِش وی کشتی هَمی باین که خدا دستورِش آدِه وی ساشون بِدا. چون کشتی خیلی پِله وِه، چندسال وَقتِش بِبِه تا سابیدِییِنده. نوح مَردِمون را هُشدارِش آدا که سیل ما و آنا باس خدا طرف بیشیندِه. آما آنا نوحِشون گَپ باوارِه نِیه.

![](https://cdn.door43.org/obs/jpg/360px/obs-en-03-05.jpg)

خدا دستورِش آدا نوحیون زِینِیه زارینِش بوخار آخار خوشتَنَرِشون اندازِه و حیوونون را گِرده گِرِندِه. وقتی همه چی حاضِراوِه، خدا نوحِش وات وقتِش برسِستی تا آ هَش نَفَر یِعنی آ، زَناش، سونِه فِرونِش و وِیونِش بیشیندِه کِشتی مون.

![](https://cdn.door43.org/obs/jpg/360px/obs-en-03-06.jpg)

خدا هر نوع حِیوُنِیون پَرَندی خو، ای جِفت نَرُ مایه بُروستایشِه نوحِ را تا بیشیندِه کشتی مون و موقِع سیل در اَمون گردِندِه. همچنین خدا، هَف جِف نَر و مایه همه ی حیوونونِی که قوربونی را خور ویندِه، بُرُوستایش. وقتی همه بیشیندِه کشتی مون، خدا کشتیش بَر بِبَست.

![](https://cdn.door43.org/obs/jpg/360px/obs-en-03-07.jpg)

بعدِ چِل رِو یه سَرِه وارون بومِه وییه زِمینِ خو بیَن موگولَس کِه هَمه چی، حتی بِلَندِه کویون جاوی اُپیچییستیندِه.

![](https://cdn.door43.org/obs/jpg/360px/obs-en-03-08.jpg)

همه موجوداتی که خُشکی سَرِه زِندگیشون میِه، به جُز آدَمون و حیوُنون کشتی مونِه، بِینِه بیشیندِه. کشتی وییه سَره بَشدا و همه چی جامونه غرقاوِیَنِ خو در اَمون بِمِندیندِه.

![](https://cdn.door43.org/obs/jpg/360px/obs-en-03-09.jpg)

بَدِ اینکه وارون تاموناوِه کشتی پنج ما ویه سَرِه شِناوَر وِه و جی مُدت مونه وِیه هی بیشیه جیر. تا اینکه ای رِو کشتی کو سَرِه بَشدای. آما دنیا هنوز ویه بِخه وِه. بعد سوماه کویون توک معلوماوِه.

![](https://cdn.door43.org/obs/jpg/360px/obs-en-03-10.jpg)

چِل رِو دیگه، نوح قالاچاش بُروستای اِینه خُشکه زِمین آندارِه. قالاچه بِپَرَسته آما خُشکیش آنِنداس.

![](https://cdn.door43.org/obs/jpg/360px/obs-en-03-11.jpg)

بعد جاوه نوح اِینه کوتَرِش بُرُوستای. آما کوتَر دِ نوتونَسچِه خُشکه زِمین آندارِه، پس آگَردَس نوحِ طَرَف. هفته بعد، کوتَرِش هاموندِه بُرُستا و کوتَر اِینه وَرگ از زیتون وی آگَردَس کشتی ویه! آکِشسته ویه و عَلَفون رُشدِشون بیردِوی.

![](https://cdn.door43.org/obs/jpg/360px/obs-en-03-12.jpg)

نوح ای هفته دِ مُنتظر بِمَند و کوتَرِش سومین بار بُروستا. جیش آنداستِه وی کوتَرِ بار آنِگَردَس. ویه آکِشستِه ویه و کوتَر ای یاقا خشکی سَره.

![](https://cdn.door43.org/obs/jpg/360px/obs-en-03-13.jpg)

بعد دو ماه دیگه خدا نوح را دستورِش آدا: «زینِیه زارینِه ری وی و حیوونون وی کشتی خو بِشیابَر. اُستَناوِیا، زارین بورا و زِمینِ پُرَرا.» نوحیون و زینیه زارینِش کشتی خو بومینده بَر.

![](https://cdn.door43.org/obs/jpg/360px/obs-en-03-14.jpg)

نوح بعد از اینکه کشتی خو بومه بَر، قوربونی یاقاش سابِدا و حیوونونی که جی واسین بورده، ویش قوربونیش یه. خدا نوحِ جی کارِخو خوشش بومه و نوح اِل طایفی را برکَتِش آد.

![](https://cdn.door43.org/obs/jpg/360px/obs-en-03-15.jpg)

بعدش خدا بیَن قولِش آدا: «دیه زِمین بخاطِر آدمِ بدی، سیلِ وی نیفینِه یا بِینِه مِنِبَرِم؛ اگر چه آدم دل زارینه موقِع دانِه گُناکاره. »

![](https://cdn.door43.org/obs/jpg/360px/obs-en-03-16.jpg)

بعد خدا به نِشونِه، خوشتَنَرِش واتِه اولین رنگین کمونِش آسمونِه سابِدا. هرموقع رنگین کمون آسِمونه آنداریَس، خدا و آدمونِش جاوه واتِه خیالشون مِکَت.

*داستون بگِرستی از کتاب مقدس: (کتاب پیدایش فصل ۶-۸)*

## 4. ۴- پِیمونِ خدا ابراهیمه وی

https://openbiblestories.org/l/tks/story-4/

![](https://cdn.door43.org/obs/jpg/360px/obs-en-04-01.jpg)

خیلی سالون پیش، بعدهِ اینکه نوحذ توفون رُخِش آدا، تعدادِ مَردُم هم زیاد آوهِ. آنادِهَم نسبت به خدا و همدیگه گوناشون میهِ و چون هَمَشون ایدینه زِبونی جی گَپِشون میزَند، بجای اینکه خدا خو اطاعت یَرِنده یا زمینِ مونِدِ پَخشاوِندهِ، هَمیشون ایدینه یاقادِ گرداویندهِ و شَهرِشون سابِدا.

![](https://cdn.door43.org/obs/jpg/360px/obs-en-04-02.jpg)

آنا خیلی مُتِکبِّر ویندی وَ مینوقو چون دستورِ خُدابی زندگی یَرِنده و وقتی آنا بُرجِ بُلندیشون هَم سابِدا که سَربهِ آسِمون مِکَشچه. خُدا دِ وینچه آنا به شِرارَتِشون اِدامه آندیندهِ، واچه که آنا به گُنایی مُرتَکب آوینده.

![](https://cdn.door43.org/obs/jpg/360px/obs-en-04-03.jpg)

جا خاطرِ خُدا دِ جاناش به زُبون مختَلِفی تَبدیلاش یهِ وَ جاناش دونیا مونِدهِ پَخشاش یهِ. جا شهرِمونی که مَردِمونِش آغاشون سابِداوهِ، جا شَهرِنوم دِ بابِلِشون آنا کهِ مَعنیش مِگَردِست آشُفته.

![](https://cdn.door43.org/obs/jpg/360px/obs-en-04-04.jpg)

خُدا دِ بعدِ صدسال با مَردَکی به نام اَبرام گَپِش بِزَند. خدا جاوِش وات: «شَهری وَ پیَری کیهِ تَرکهِ یهِ وَ اَز اِشتهِ هِدایَتهِ میَرِم اَلادِ شَهر. اَز اِشتهِ را بَرکَت آندِم وَ اِشته را پِلِّه قوم سامِدِم. اَز اِشته نومِ پِلِّهِ میَرِم و ای کَسایی را کهِ اِشتهِ را بَرکَت آندیندهِ، بَرکَت آندِم و آ کَسایی را که اِشته را لَعنَت مِرِستوندهِ مَلعون میَرِم. همه‌ی خانوادون را ایشته خاطِر بَرکَت آندمهِ.»

![](https://cdn.door43.org/obs/jpg/360px/obs-en-04-05.jpg)

اَبرام هَم خدا خو اِطاعَتِش میهِ. جاوهِ زِنَرهِ سارا، فِلونِش اوقُدچه و بِشِیهِ کَنعونهِ سَرزَمینه طَرَف.

![](https://cdn.door43.org/obs/jpg/360px/obs-en-04-06.jpg)

زَمونی که ابرام بِشو کَنعانهِ مون، خدا واچهِ: «اَطرافی بِشکَس. جی سَرزَمینه بِشکه هَمیش آندِمِ اِشته وَ زارونی.» آنام وقتی جیش بِشوِنَست آقادهِ بیمینِندهِ و زِندِگیشون بیهِ.

![](https://cdn.door43.org/obs/jpg/360px/obs-en-04-07.jpg)

آقادهِ ایدینهِ مَردَکه که نومِش مِلکصِدِیق وهِ کاهِنِ خداوند وهِ. ابرام جاش آخِرین جَنگِش مونِدهِ وینچه. مِلکصِدِیق ابرام جاش بَرکَت آدا وَ واچه: «خداوند که صاحب آسمون و زَمین وِ ابرامِش بَرکَت آدا.» جاموقِدهِ ابرام جَنگیش را بِسبُرد مِلکصِدِیقِ را.

![](https://cdn.door43.org/obs/jpg/360px/obs-en-04-08.jpg)

خِیلی سالون بِگذَرِستیندهِ و ابرام و زِینیاش هنوز زارینِشون نِدِشت. خدا دِ ابرامی بی گَپِش بِزَند و واچهِ که اِشته را ایدینه زاربن آندِم وَ نَسلیون بیَن ادامه آنداریه و سِتارِگون وارینا زیاد آویندهِ. خُدا دِ ابرامِش عادِل فَرضه‌یهِ، زیرا آ خُداوندِش وَعدون باوَر یَردهِ.

![](https://cdn.door43.org/obs/jpg/360px/obs-en-04-09.jpg)

تا کاری رو دیگَرون را بیَرِندهِ. اما جا موقع خدا ابرامو بی ایدینه پِیمونی بی وِبَّچهِ. که پِیمونی هم توافقی یه و دو طرف هم متعهد ویندهِ و ابرومه خاطِره واسین، خُدا جی پِیمونِش دِبَست، ابروم در بِشو عمیقی‌مونِ جی خاطرهِ واسین هم ابروم خُداش صِدا بِشوِنَس. خُدا دِ واچه: «اَز اِشته وجودِ خو زارینی اِشته را مِبَخشِمه و کَنعونهِ سَرزَمین را آندِمهِ اِشته را.» اَما ابروم هَنوز دِ کهِ هنوز یهِ زارینی نِدِرِنده.

*داستون بِگرِستی از کتاب مقدس: : (کتاب پیدایش فصل ۱۱-۱۵)*

## 5. ۵- وعده فِرَره

https://openbiblestories.org/l/tks/story-5/

![](https://cdn.door43.org/obs/jpg/360px/obs-en-05-01.jpg)

ده سال بعد از مهاجرت به سرزمین کَنعان، ابرام و سارای هنوز زارینِشون نِدِشت. سِپَس سارای، ابرامهِ زِینی جاوهِ واچه: «حالا که خُدا چِمه را زارینِش آنِدا و اِجازیش آنادا اَز زارینِم دِشتهِ وی و حالا که اَز اوستَن گَردِستَنِ را پیراوِیمهِ چِمه خِدمَتکارِ وی هاجَرِ ویِه بیهِ تا آوهِ اِشتهِ را زارین بوریهِ.»

![](https://cdn.door43.org/obs/jpg/360px/obs-en-05-02.jpg)

پَس ابرام هاجَرِ وی، ویِیِش بیهِ. هاجَر، فِره دونیا بورچه و ابرام جا نوم آنایچه اسماعیل. اما سارای هاجرِ خونِدِه حسودیش میِه. آ موقِع که اسماعیل سیزده ساله گَردِست، خُدا ابرامِ وی گَپِش بِزَند.

![](https://cdn.door43.org/obs/jpg/360px/obs-en-05-03.jpg)

خدا واچه: «اَز خُدایِ قادِریمه وَ اِشته وی عَهدی مِبَندِم.» آ وَقت ابرام خدارا تَعظیمِش بیهِ. خُدا هم ابرامهِ واچِه: «تَه پیهِ قوم های زیادی دیری تَه. وَ اَز کَنعونهِ اِشته را بَرای، میراث آندِم و خُدایِ همه ییمه وَ تَ باید همه‌ی فِرونی ختنه یَری.»

![](https://cdn.door43.org/obs/jpg/360px/obs-en-05-04.jpg)

«زِنای سارای فِرِه‌یی مورهِ که وعده‌ی زارینی یِه. جا نومی آنا اسحاق. اَز جاوی عَهد مِبَندِم وَ اَز جا خونِ دِ نَسلی پِلّهِ مِسازِم. اسماعیل دِ جا وارین اما چِمه عهد اسحاقِ ویهِ.» بَعد خدا اَبرامهِ نوم آنایشه ابراهیم، یعنی پِلِّه قومون پیهِ. وَ سارای نوم آنایشه سازه، یعنی «شاهزاده».

![](https://cdn.door43.org/obs/jpg/360px/obs-en-05-05.jpg)

آ رِو ابراهیم، تمومِ فِرونِش یهِ خَتنه یه. پَس از ایسال، ابراهیم صد سالِش دَشت و ساره نود سال، ساره ایدینه فِرِش بِزاست. آجور که خدا بوقوچّه جاشون نوم آنا اسحاق.

![](https://cdn.door43.org/obs/jpg/360px/obs-en-05-06.jpg)

وقتی که اسحاق مَردَکی جَوون گَردِست، خُدا اِبراهیمِش را امتِحونِش بیهِ و واچه: «فوری اسحاقِ چِمهِ را قُربونی بیه». ابراهیم ایرا دیهِ دِ آماده گَردَست که زارینَرِش خُدارا دِ قربونی یَره.

![](https://cdn.door43.org/obs/jpg/360px/obs-en-05-07.jpg)

وقتی ابراهیم و اسحاق مِشوندهِ قُربانگاهِ طَرَف، اسحاق آپُرسِست: «پیوم، هیزُم یهِ اما قُربونی کا دِرهِ؟!» ابراهیم واچهِ: «فِروم، خُدا قوربونی مورهِ وقتی بِرِسِستینده.»

![](https://cdn.door43.org/obs/jpg/360px/obs-en-05-08.jpg)

ابراهیم، اسحاق را طنابِ وی دِ بِبَست قربونگاه. ابراهیم موقوچِّه فِرَرِش قوربونی یَره، خدا واچهِ: «بَشتا دَست نیا دِ، فِرَری مَکوش. الان موزونومه تَ چِمهِ خونِ دِ دِلی مِتَرسی. چون تَک فِرَری چِمه خو هیچ موقع کَم نوزونِستی وَ چِمه خو هیچی کم نِشتی.»

![](https://cdn.door43.org/obs/jpg/360px/obs-en-05-09.jpg)

ابراهیم آقادهِ قوچی ویندِ ک بوتی مونهِ دِ گیرِش یِردهِ وی. خدا قوچِش عَوَضِ اِسحاق قوربونی را بوردهِ ویشوَ. ابراهیم با خوشحالی قوچِش خُدارا قربونیش بیهِ.

![](https://cdn.door43.org/obs/jpg/360px/obs-en-05-10.jpg)

خدا ابراهیمِش وات: «چونکه تَ حاظِر وِیشه تَک فِرَری، تَک زارینی،چِمه را فَدا یَری، اَز دِ قول آندِم اِشته را بَرکَت آندِم. اِشته نَسلِ سِتارِگونِ نَسل ویشتَر آمبه. چون چِمه خو اطاعتی یِه همه‌ی خونِوادونِ زمینهِ مونه دهِ، اِشته خانِوادی خو بَرکَت مِگِرِنده. »

*داستون بّگرِستی از کتاب مقدس: (کتاب پیدایش فصل ۱۶-۲۲)*

## 6. ۶- خدا اسحاق را سامِدیه

https://openbiblestories.org/l/tks/story-6/

![](https://cdn.door43.org/obs/jpg/360px/obs-en-06-01.jpg)

آ موقع که ابراهیم پیراوِه و فِرِش اسحاق بِرَسستِه جَوون گِردستِه وی، ابراهیم ابراهیم اِیدِنه از خوشتَنَرِش خونه خایون خو بُروستایشِه خوشتَنَرش وطن تا اُوقادِه اسحاق را زینیه بورِه.

![](https://cdn.door43.org/obs/jpg/360px/obs-en-06-02.jpg)

بعد ای سفر طولانی به سرزمینی که ابراهیم اِل طایفه جا مونه زِندِی شون میِه، خدا جا خونه خاش بُروستا رِبِکا طرف که ابراهیم بِرار رویازا ویِه. آوه ابراهیم برار رویازا ویِه.

![](https://cdn.door43.org/obs/jpg/360px/obs-en-06-03.jpg)

رِبِکا راضیاویه که پیَر مارِش خو جویاویه و جا خونه خاوی بیشیه اِسحاق کیِه. بی لَنگی بعد جانا بِرَسستَن، اسحاق جاوِه وی وییش یه.

![](https://cdn.door43.org/obs/jpg/360px/obs-en-06-04.jpg)

بعد از چند مدت ابراهیم بُمَرد و خدا جی عهد واسین که ابراهیم وی بِبسته ویشه اسحاق را برِکَتِش آدا. ایدِنه وعدون خو که خدا جا عهد مونه واته ویش ام وه که ابراهیم، فِراوونه اِل طایفیش دِشته وی، آما ربکا اسحاق زَنه مُونوتونَسچه زارین دارا ویِه. ‎

![](https://cdn.door43.org/obs/jpg/360px/obs-en-06-05.jpg)

خدا اِجازیش آدا اسحاق دُعاوی، ربکا دوقلو اُستناویه. آدونه زارین، قبل از دنیا بومین، ربکا رحم مونه باهم داواشون دَشت همی جی خاطِره، رِبِکا خدا خو جیش آپَرسَس.

![](https://cdn.door43.org/obs/jpg/360px/obs-en-06-06.jpg)

خدا رِبِکاش وات: «تَه دونه زارین مِزای. هَرکون خو ای اِل طایفه جویا به وجود ما. آنا همیشه هَمدیَروی داوا دِرِنده، آما پِله فِری اِل طایفه گوجیله فِیری اِل طایفی خو فرمونِشون مِبه.

![](https://cdn.door43.org/obs/jpg/360px/obs-en-06-07.jpg)

وقتی که ربکا زارو دُنیا بومینده، اولین فِره، سُرخه دیم وِه و یونِش دِ مِوِل وِه جاشون نوم، آنا عیسو. بعد دومین فِره عیسوش پاشنیه بِگِردوی دَسِش بومه دُنیا. جاشون نوم دِ آنا یعقوب.

*داستون بِگرِستی از کتاب مقدس: (کتاب پیدایش فصل ۲۴ آیات ۱-۲۵ و فصل ۲۶) ‎*

## 7. ۷- خدا یعقوبهِ را بَرِکَتِش آدا

https://openbiblestories.org/l/tks/story-7/

![](https://cdn.door43.org/obs/jpg/360px/obs-en-07-01.jpg)

آ دودونه زارین پِلّهِ آویندهِ. عیسوی دِلِش موقوچه بیشو شکار، وَلی یعقوب کیهِ دِ‌آنیشت. ربکا یعقوبِش موقوس ولی اسحاق، عیسوش موقوست.

![](https://cdn.door43.org/obs/jpg/360px/obs-en-07-02.jpg)

ای رِو که عیسو گُسنه وِ، شِکارِ خو آگَردَست. عیسو یَعقوبِش وات: «لطفاً قِقِنه جا غَذای خو چِمه را آدی.» یَعقوب جاش وات: «اول چِمه را قول آدی که هَرچه دیری اَز اولین زارینِ گَردِستَن خو، آدی چِمه.» عیسو واچِه کهِ: اِشته را قول آندِم که جی اِمتیازون آدِم اِشته. یَعقوب دِ عیسو را غَذاش آدا.

![](https://cdn.door43.org/obs/jpg/360px/obs-en-07-03.jpg)

آوَخ که اِسحاق موقوچّهِ خوشتِنَرِش بَرِکَت آدی عیسو، ربکا فریبی بی یَعقوبِش عیسو یاقا بوروستایشهِ اُتاقهِ مون. اِسحاق که پیر وِ، مونوتونِست خور وینه. یَعقوب، عیسوش لِباس تَن یهِ، گَردَن و دَستونِش، بِزِه پوستی وی اُپیشدِنَسچه.

![](https://cdn.door43.org/obs/jpg/360px/obs-en-07-04.jpg)

یَعقوب بوشو پیَرِش پَلِف، واچه که: «اَز عیسویمِه و بومِیمهِ چِمه را بَرِکَت آدِی.» وَقتی اسحاق بِزاش مِو لَمسِه یِه وَ لِباسِش بو یهِ، فِکرِش بیه که عیسو بومی وَ جاوه را بَرِکَتِش آدا.

![](https://cdn.door43.org/obs/jpg/360px/obs-en-07-05.jpg)

عیسو یَعقوبه خو نِفرَتِش دَشت، چون آ حق اولین زارین دارا ویَن و برکتِش جا خو بِبِردِه وی. پَس تَصیمِش بِگه، اِسحاق بُمَرد، یعقوبه دِ بوکوشه.

![](https://cdn.door43.org/obs/jpg/360px/obs-en-07-06.jpg)

اما رِبِکا حالی یاویه. آوه یون اسحاق، یعقوبشون بُروستای دِروِه لَکا ربکا فامیلون پَلِف.

![](https://cdn.door43.org/obs/jpg/360px/obs-en-07-07.jpg)

یعقوب چندسال ربکا فامیلون پَلِفه زِندِگیش یهِ. جا دورانِ مونِ زِینیاش اَگِر وَ دوازده دونه فِره و ایدینه تیتیاش دَشت. خدا یَعقوبه را خیلی فِلِش آدا.

![](https://cdn.door43.org/obs/jpg/360px/obs-en-07-08.jpg)

ویست سال بعد یعقوب کُلِّ خاندانِش بی وَ کُلِّ گَلّیش بی آگَردَست کَنعان.

![](https://cdn.door43.org/obs/jpg/360px/obs-en-07-09.jpg)

با جی حال یعقوب خیلی مِتَرسَس، چون فِکرِش میهِ عیسو موقوشه جاوِ بوکوشه. جی خاطره کلی از گلیش حیونون خو هدیه بُروستایشه عیسو را. نوکَری که جی گَلّیش آدا عیسو، واچه که: «اِم حِیوونون، یعقوبهِ طَرَفهِ که اِشته نوکَرِ برروستایشه. آ جی زِوی مِرَسه اِنگا».

![](https://cdn.door43.org/obs/jpg/360px/obs-en-07-10.jpg)

آما عیسو دیه قصدِش نِدَشت یعقوبِ ضرر بِرَسدِنِه و از جاوِ ویندَن خیلی خوشحالاوِه. یعقوب صلح و آرومی مونِه زندِیش میه. بعدِش اسحاق بُمَرد و یعقوبیون عیسو جاشون جیرِه یه. پِیمانی که خُدایون ابراهیم واچّون، به یَعقوب بِرَسَست.

*داستون بیگیرییِستی از از کتاب مقدس: (کتاب پیدایش فصل ۲۵ آیات ۲۷-۳۵ و فصل ۲۹)*

## 8. ۸- خدا یوسِفیون عیالَرِش نجات آندییِه

https://openbiblestories.org/l/tks/story-8/

![](https://cdn.door43.org/obs/jpg/360px/obs-en-08-01.jpg)

بعد اَز چَند سال، آ زَمون که یعقوب پیره مَردَک گِردستوی، خوشتَنَرِش بوقوستِنی فِرَر یوسفِش بروستای تا بِرایونِش خو که کارا چَرواشون مچَردِنَست خَبَر بوره.

![](https://cdn.door43.org/obs/jpg/360px/obs-en-08-02.jpg)

یوسِف بِرایون جاخو بَدشون مومه، هم اینکه پیاشون جاش جانا ویشتَر مُوقوس، هم یوسِف خوابِ دِه ویندویش که ای رِوی جانا حُکم رانی میَره. پس وَقتی که یوسِف بوشو برایونش پَلِف، آنا جاشون بودوز بِبَرچون بعد بیروچون تاجِرای نوکر.

![](https://cdn.door43.org/obs/jpg/360px/obs-en-08-03.jpg)

قَبل از اینکه یوسِف بِرایون برَسِنده کیه، جاوشون شی پاره یه و سَرِش بِزاشون خِمن آپات. بعد جاوشون پیَرشون را اُووَردنَست تا پیاشون خیال بیَره دِریده حیوون جاوِش بُکُشتی. یعقوب خیلی ناراحتاوِه.

![](https://cdn.door43.org/obs/jpg/360px/obs-en-08-04.jpg)

تاجرای برده، یوسِفشون خوشدَنَرشون وی ببَرچون مصر. مصر ای یاقای پِله و قوی وه، که روخونه نیل پَلفه رَدا مِوه. برایونش جاوشون ای دِنه از فِلدارهای مَملکت مصر بیروچون. یوسف خوشدَنَرِش اَربابر را خیلی خور خدمتش میه و خدا ده جاوِرا بَرکَتِش آدا.

![](https://cdn.door43.org/obs/jpg/360px/obs-en-08-05.jpg)

جا مَردَک زَنه که موقوچه که یوسِف وی هَمخواب گِردیه، آما یوسِف نوقوچه که گناه خُدا اَنجوم بیدییِه. پس آ زینیه جاوخو عصبی یاویه و یوسِفش تُهمَت بزَن، بَعد جاش بوروستا زِندون. حتی زِندون مونه دع یوسِف به خُدا وفادار وه و خدا جاوِش برکت آدای.

![](https://cdn.door43.org/obs/jpg/360px/obs-en-08-06.jpg)

بعد از اینکه دو سال بگذَرَست، با اینکه یوسِف بی گُناه وِع وَلی زِندون مونه وِع. ای شو فرعون واچِه (مصریون پادشایونشون مِواچون فرعون)، دو دونه خوابِش وین، که خیلی جاوِش فِکر مَشغوله یِع. هیچکونی از فرعون مشاوِرون نوتونَچون جاوِ خواب تعبیره یَرندِه.

![](https://cdn.door43.org/obs/jpg/360px/obs-en-08-07.jpg)

چون خدا قدرت خواب تعبیره یَردنش یوسِف را آدِوی، پس فرعون جاوِش زِندونه گوریه زَن تا جاو خواب تعبیره یَره. یوسِف جاوِش وات: «هفت سال فِراوونی محصول یع، آما بعد جا هفت سال قحطی یع.»

![](https://cdn.door43.org/obs/jpg/360px/obs-en-08-08.jpg)

فرعون جوری یوسِف خو خوشِش بومه که جاوِش آنا دووُمین مقام قُدرتمند مصر.

![](https://cdn.door43.org/obs/jpg/360px/obs-en-08-09.jpg)

یوسِف مَردُمِش وات هفت سال که فِراوونی یع بوخاردِنی چیا اَنبار یَرِنده. پَس اَز جا که هفت سال قحطی شُروع آوه، یوسِف جا چیمَنونِش میروت مَردِمون تا مَردِم به اندازه کافی غَذاش دِشته وی.

![](https://cdn.door43.org/obs/jpg/360px/obs-en-08-10.jpg)

قَحطیون خُشکی نَ تنها مصر، که کنعان دِ بِرَسَست، یعنی جا لَکایی که یعقوبیون خانِوادیش زندِگیشون مِیه.

![](https://cdn.door43.org/obs/jpg/360px/obs-en-08-11.jpg)

بخاطر جی یعقوب پِله فرونِش بُروستایشه مصر تا بَلکَم بوخاردِنی آندارِنده. وقتی که آنا یوسِفشون وین تا جا خو غَذا اَگِرِنده، جاشون نِشناسَس. ولی آ جاناش بِشناسَس.

![](https://cdn.door43.org/obs/jpg/360px/obs-en-08-12.jpg)

پس اَز اِم کع جاناش اِمتحون یِع، یوسِف جاناش وات: «اَ شُما بِرایمه، وَلی مَتَرسا، شُما چِمه حَقه بَدیون بیه، آما خدا شُماش بَدی به خوره چی تَبدیلاش یِع. بایا مصره زندگی بِیَرا و اَز موتونِم شُمایون خانوادریون را اِنگاده هَمه چی جوره میَرِم.»

![](https://cdn.door43.org/obs/jpg/360px/obs-en-08-13.jpg)

وَقتی یوسِف بِرایون آگِردِستینده کِیه بَعد پیَرشون را واچون که یوسِف زِنده یع، آ خیلی خوشحالاوِع.

![](https://cdn.door43.org/obs/jpg/360px/obs-en-08-14.jpg)

هَر چند یعقوب خیلی پیراوه وی، ولی خانِوادیَرش وی بوشو مصر و آقاده همه باهَم پَلِفِندیَره زندِگیشون بیه. یعقوب قَبل اَز بومَردَنش همه فِرونِش بَرکَت آدا.

![](https://cdn.door43.org/obs/jpg/360px/obs-en-08-15.jpg)

عهدیون پیمونی کِع خُدا ابراهیم را آده ویش، بعد اَز اسحاق آدایشه یعقوبع بعد جا دِ دویازده دونه فِرونِش و خانِوادونِشون. دویازدَه دونه یعقوب فِرون خو، دویازدَه دونه وَلَد اولاد قوم اسراییل به عمَل بومه.

*داستون بیگیرییِستی از از کتاب مقدس: (کتاب پیدایش پیدایش: فصل ۳۷-۵۰)*

## 9. ۹- خدا موسی گوریه مِزَنه

https://openbiblestories.org/l/tks/story-9/

![](https://cdn.door43.org/obs/jpg/360px/obs-en-09-01.jpg)

بعد از اینکه یوسف بِمَرد، کُلّ فامیلونِش مِصرِمونه زِندِگیشون میهِ. سالیونِ زیادی آنا و اولادونِشون آقا دِ بِمِندیندِه وَ زارینِشون زیاد دَشت. مِصریون جاناشون اسرائیلی مِوات.

![](https://cdn.door43.org/obs/jpg/360px/obs-en-09-02.jpg)

بعد از صدهاسال، مِصریون تِعداد بسیار زیاد آوه. مِصریون دیهِ یوسف و کُمَکونِش خیالِشون مِنومه. آنا اسرائیلیون خو مِتِرسِستینده چون جانا تعداد خِیلی زیاد وِه. فِرعون جا زَمونهِ دِ مِصرِ دِ حکومَتِش میهِ وَ اِسرائیلیون بَرده‌ی مِصریون یَرچه.

![](https://cdn.door43.org/obs/jpg/360px/obs-en-09-03.jpg)

مِصریون اِسراییلیونِشون مجبورِه یه به سابیدییَنِ ساختمونون و حتی خیلی از شَهرون یَرچون. کارای سخت، زِندِگیشون به کامِ جانا تَلِه یِرده وی، ولی خدا جانارا بَرِکَتِش آدا و کُلی زارین داراویندِه.

![](https://cdn.door43.org/obs/jpg/360px/obs-en-09-04.jpg)

فرعون وینچهِ که اِسرائیلیون، اولاد زیادی کارا به دونیا مورِنده، خوشتَنَرِش اِل طایفه دستورِش آدا که همه جانا زارون که فِره گَردِندهِ و جانا بوکوشِندِه.

![](https://cdn.door43.org/obs/jpg/360px/obs-en-09-05.jpg)

ایدینه زِینیهِ که اِسرائیلی ویهِ، ایدینه فِرِش به دونیا بو. آوِه یون شِوِش تا موقعی که موتونَسچون، زارینِشون قایمهِ یه.

![](https://cdn.door43.org/obs/jpg/360px/obs-en-09-06.jpg)

وقتی که جا زارینهِ پیهِ مایهِ، دیه مونوتونَسچون زارین قایمه یَرِندِه، برای اینکه جا زارینهِ نوکوشِندهِ، زارینِشون اِینه شناوَرِه سَبَدِه مونه نیزارهای رود نیل مون آنایشون. وَلی پِلّهِ خاکاش جا زارینِش میوین که جاوِ را مِگِنه.

![](https://cdn.door43.org/obs/jpg/360px/obs-en-09-07.jpg)

فِرعونِ تِته، سَبَدِش ویند وَ جاوِش مون بِشکَسَست. وقتی زارینِش ویند، جاوِش به عُنوانِ فِرِش قَبولِش یهِ. آوِ ایدینه اِسرائیلی زِینیاش بِگِرد تا جا زارینِ را شیر آدیهِ. حالی نیویهِ که آ زِینیهِ جا زارینا مایا. وقتی مایاش زارینِش شیرِخو اَگِه، جا زارینهِ آدا فِرعونِ تِتَر دَست وَ جا زارینِش نوم موسی آنا.

![](https://cdn.door43.org/obs/jpg/360px/obs-en-09-08.jpg)

موقعی که موسی پِلِّه آو ه، اِینه مِصریش ویند که اسرائیلی بَردیش کُتَک مِزَن. موسی تلاشِش یه اسرائیلی بِرارِش نجات آدیه.

![](https://cdn.door43.org/obs/jpg/360px/obs-en-09-09.jpg)

موسی جی فِکرِش بیهِ که کَسی جاوِ مینیوینِه. جا مِصریش بوکوشت و جاوِ جِنازه دِ قایماش یِه. اما ای نَفَر جا موسی کار، وینچهِ.

![](https://cdn.door43.org/obs/jpg/360px/obs-en-09-10.jpg)

فِرعون جی موسی کار حالی آوه و و تَقَلاش بِزَن موسی بوکوشِه. اما موسی، مِصرِ خو فَرارِش بیهِ وَ بوشو بیابون و فِرعونِ سَربازون دِ نوتونسچون جاوِ آندارِندِه.

![](https://cdn.door43.org/obs/jpg/360px/obs-en-09-11.jpg)

موسی بیابون مونه دِرو از مصر چوپونیش میه. آ ایدینه زِینیهِ وی وِییش یِه آقا دِ و دو دونه فیریش بِزاست.

![](https://cdn.door43.org/obs/jpg/360px/obs-en-09-12.jpg)

ای رِو، وقتی که موسی پیَر زَنَرِش چَروایون مِپّاچه، اینِه بوتیش وین که مِوَشَس ولی مینیسوت. پَس بیشو نَزدیک تا حالی آوه که عِلَتِش چو با. وَ موسی بوته‌ی شُعله‌ِ وَرِ نَزدِکاوِه، خدا جا بوتی لابه لا دِ جارا نِداش آدا که: «چوستونی بَرو، چونکه آ مَکانی که جا سَرِ بَشتایشه، مُقدَسِه.»

![](https://cdn.door43.org/obs/jpg/360px/obs-en-09-13.jpg)

بَعدش خدا واچه: «اَز رَنج و مصیبَتِ قومِ خوشتَنَرِم، مِصرِمونِ ویندی. اَ اِشته فرعونِ پَلِف موروستِم تا چِمه قومِ اَز بَردِگی مصر نِجات آدِی. اَ سرزِمین کنعون آندِمه جانا، سَرزَمینی که وَعده‌ی جاوِ به ابراهیم، اسحاق و یعقوب آده ویمِه.»

![](https://cdn.door43.org/obs/jpg/360px/obs-en-09-14.jpg)

موسی واچه: اِگه قوم چِمِه خو آپَرسَچون که چه کَسی چیمیش بِروستا، چه واچِمه؟! خدا خدا واچه: «(یِیمِه آ که یِیمه). جانا واتَن یِیمِه، چیمیش شوما پَلِف بِروستا. همچِنین جانارا واتَن که اَ یَهُوَه خدای پِیه ریون ابراهیم، اسحاق و یعقوب یِیمه. چِمه نوم تا ابد هَمی اِمه.»

![](https://cdn.door43.org/obs/jpg/360px/obs-en-09-15.jpg)

موسی مِنوقوچّه فِرعونِ پَلِف بوشو، چون مِتَرسَست که نوتونه خور گَپ بِزَنه،. بنابراین خدا موسی بِرار هارونِش بُروستای تا جا کمک یَرِه

*داستون بیگیرییِستی از کتاب مقدس: (کتاب خروج فصل ۱-۴)*

## 10. ۱۰- دَه بَلا

https://openbiblestories.org/l/tks/story-10/

![](https://cdn.door43.org/obs/jpg/360px/obs-en-10-01.jpg)

خدا موسایون هارون را هُشدارِش آدا که فِرعون خیلی سَرسَخته. موسی و هارون بیشیندهِ فِرعونِ پَلِف، واچون: «اِم پَیامِ خدای اِسرائیله اِشتِه را: چِمه طایفه ولهِ یِه تا بیشونده.» فرعون جاناش گَپ گوشهِ نیهِ، عَوَضِ اینکه قومِ اسرائیله آزادِ یَره، بَتَر جاناخو ویشتَر کارِش بِکَشَست.

![](https://cdn.door43.org/obs/jpg/360px/obs-en-10-02.jpg)

فرعون هَمی بیَن سَرپیچیش میهِ از اینکه قومِ اسرائیله آزاد یَره. جی واسِین خدا دَه جور بَلاش، مِصرهِ سَر خالیهِ یه. خدا جی طِریقه دِ فرعونِش حالی یَردِنَست که خدا قدرَتِش از فرعون و هَمی خدایان خو ویشتَرهِ.

![](https://cdn.door43.org/obs/jpg/360px/obs-en-10-03.jpg)

خدا رودِ نیلِش تبدیل به خِم یهِ. آما همچنان فرعون، اسرائیلیونِش وِلهِ نیهِ.

![](https://cdn.door43.org/obs/jpg/360px/obs-en-10-04.jpg)

خدا کُلِّ سرزمین مِصرِش پَر از قورباغه یهِ. بعد فرعون، موسی خو دَرخواستِش یهِ، واچه که: ایکار یه جی قوباغون مِصرِ دِ بیشون بَر. بعد از اینکه قورباغون، بِینِ دِ بیشینده، تازه فرعون بیرحم تَر آوه وَ بَتَر اِجازه‌ی خروجِش مِصرِ دِ جانارا آنِدا.

![](https://cdn.door43.org/obs/jpg/360px/obs-en-10-05.jpg)

خدا دِ بَلای پَشه و بعداز پشه، بلای مَگَسونِش بُروستای مِصرِ را. فرعون دِ موسایون هارونِش وات: اگه جی بَلایون مِصرِ خو دِروَرِندِه، اجازه آندیهِ که آنا مِصرِ خو بیشونده بَر. بعد از دعای موسی خدا جی بلایونِش دِروِه یه، منتها هاموندِه فرعون دل سخت تَر آوه، دوبارِه جانارا اِجازیش آنِدا مصرِ ترکِه یَرِندِه.

![](https://cdn.door43.org/obs/jpg/360px/obs-en-10-06.jpg)

خدا دوباره ایکارِش بیهِ تمام حیوُنات که مِصریون وینده، همه مَریض آوینده، همه بینِ دِ بیشونده. اما فرعون دل سختاوِه وی و اِم سیری دِ جانارا اِجازِه بیشییَنِش آنِدا.

![](https://cdn.door43.org/obs/jpg/360px/obs-en-10-07.jpg)

خدا موساش وات مُشتونِش پُرِه یَره خاکِ وَ فرعونِ پَلِفِ دِ جانا آپاچه دیمه هاوا. وقتی موسی جی کارِش بیهِ، تمومِ مِصریون به غیر از اِسرائیلیون دچار مریضی سخت گَردِستینده. اما هامون دِ فرعونِ قلب خِیلی سخت تَر آوه و هامون دِ اِجازیش آنِدا که جانا مصرِ دِ خارِج آوینده.

![](https://cdn.door43.org/obs/jpg/360px/obs-en-10-08.jpg)

دوباره خدا تِرِزگاش بَلا بور جینا سَر وَ ویشتَرِ محصولاتِشون و هَر جانداری که فضای آزادِ وِ، بِینِ دِ بِبَرچه. بعد فرعون، موسی و هارونِش وات که: «از اِم سیری گونام بیِردی، شما آزادیون که بِشیا». بعد موسی دُعاش بیه و تِرِزگِه بَندومیه.

![](https://cdn.door43.org/obs/jpg/360px/obs-en-10-09.jpg)

آما هامون دِ فِرعون گوناش بیهِ وَ قَلبِش سَخت تَراش یه وَ اِجازیش آنِدا که اِسرائلیون آزاد آوینده و بیشونده.

![](https://cdn.door43.org/obs/jpg/360px/obs-en-10-10.jpg)

دوبارِه خدا مَلَخونِش بِروستا سَرزَمینِ مِصر. آ مَلَخون دِ هر چی محصولات که تِرِزگِ خو دَر امون وینده و بِمِنده وینده، آ مَلَخون جاناشون بوخا.

![](https://cdn.door43.org/obs/jpg/360px/obs-en-10-11.jpg)

آسان خدا ای بَلای تاِرکِش بِروستا که سو رِو طولِش بِکَشت. هَمه یاقا بیَن تارِک وِ که مِصریون اصلا مونوتونِستیندِه کیشونِ بَرآنده بَر. آما آقا دِ که اِسرائیلیون زندگیشون میه، روشیناوِه.

![](https://cdn.door43.org/obs/jpg/360px/obs-en-10-12.jpg)

هامون دِ جی ای بیَن بَلا وی، هامون دِ فرعون اجازیش آنِدا که اِسرائیلیون بیشونده. از آقایی که فرعون گوشِ شِنَواش نِدَشت، خدا تَصمیمِش بِگِر آخَرین بَلا دِ نازِله یَرِه. اِم آخَرین بَلا باعِث مِگَرده که فرعون نَظَرش عوض آوِه.

*داستون بیگیرییِستی از از کتاب مقدس: (کتاب پیدایش پیدایش: فصل ۵-۱۰)*

## 11. ۱۱ - عید پِسَخ

https://openbiblestories.org/l/tks/story-11/

![](https://cdn.door43.org/obs/jpg/360px/obs-en-11-01.jpg)

خدا موسایون هارونِش بُرُستای فرعونِ پَلِف که جا واجِنده اِسراییلیون آزادِه یَرِه. آنا فرعون را هُشدارشون آدا که اگه قوم اسرائیلِ وِلِه نیَرِه، خدا همه مصرِ اولین فِرِه زایون و حتی حیوونون بینِه مِبَرِه. وقتی فرعون جیش بَشونَس باواراش نیه و هامون خدا دَستورِ خو فرمونِش نِبِه.

![](https://cdn.door43.org/obs/jpg/360px/obs-en-11-02.jpg)

خدا برای آنایی که ایمونِشون دَشت راش اُوشا تا اولین فِرِه زایون جی بلا خو نجات آندارِندِه. هر خانواده باید اِینه وَرِه بی عیبِش انتخاب میه تا جاش قربونی میه.

![](https://cdn.door43.org/obs/jpg/360px/obs-en-11-03.jpg)

خدا اسرائیلش اِل طایفه وات تا وَری خِمن اوسینِندِه به دورِ وَرِ کیشون. آنا باید وَریشون گوشت کباب میه و نون اَوی خمیر مایه تند موخارچون. خدا همچینین جاناش وات تا آماداوینده که بعد از جاوه بوخاردن تُند مصرِ خو بیشینده بَر.

![](https://cdn.door43.org/obs/jpg/360px/obs-en-11-04.jpg)

اِسراییلیون خدا همه دَستورون به دقت اَنجومِشون آدا. نیمه شو خدا مصرِ خو رَداوِه و همه مصریون پِله فِرون بینه بِبَرچه.

![](https://cdn.door43.org/obs/jpg/360px/obs-en-11-05.jpg)

خدا همه اِسراییل اِل طایفی یَر خو که نِشون خِمنِشون بِزَندِوی بَرِشون سَر رَدا مِوِه. همه آنایی که کیشون مونه وینده به خاطِر وَری خِمن در اَمون وینده.

![](https://cdn.door43.org/obs/jpg/360px/obs-en-11-06.jpg)

آما خدا مصریون کی پَلِفه که ایمونشون نِدَشت خدا و جاوِه دستورون خو اِطاعَتِشون مینیه رَدا مِنِوِه و همه ی جاناش پله فرعون بُکُشت.

![](https://cdn.door43.org/obs/jpg/360px/obs-en-11-07.jpg)

اولین فِرِه زایون کل مصریون بُمِردینده. از فرعون پِله فِر بِگِردِه تا غلامی پِله فِر که زندونه وِه. خیلی از مردم مصر به خاطر غم و غُصه زیاد آه و زاریشون میه.

![](https://cdn.door43.org/obs/jpg/360px/obs-en-11-08.jpg)

فرعون هَمی آشو موسایون هارونِش گورِیه زن واچه: «اسرائیل اِل طایفه اُقورا و بدون لَنگی مصر خو بِشِیا بَر.» مصریون دِ جاناشون اصراریِه که هر چه زِوتر جا سرزمین خو بیشیندِه بَر.

*داستون بیگیرییِستی از کتاب مقدس: (کتاب خروج فصل ۱۱ تا فصل ۱۲ آیه ۳۲)*

## 12. ۱۲- بیشیَن بَر

https://openbiblestories.org/l/tks/story-12/

![](https://cdn.door43.org/obs/jpg/360px/obs-en-12-01.jpg)

اسرائیلیون خیلی خوشحال ویندهِ که مِصرِ تَرکِ میَرِنده. آنا دیهِ نوکَر نیویندِه و سرزمینِ موعودِ طَرَف میشینده. مِصریون، هَرچه که اِسرائیلیون موقوچون از جمله نقرِه یون طِلا و گُرونِه چیاشون مِبِخشِستیندِه جینا. بعضی از اَلادِه قومون خو که به خدا ایمونِشون بوردِوی جانا وی همِراه مصرشون تَرکِه یِه.

![](https://cdn.door43.org/obs/jpg/360px/obs-en-12-02.jpg)

سُتونی از اَبر رِوِ مونِه وَ ستونی از آتَش شو مونِه جانا روبِ رو دِه راموشو. خُدا ستونِ ابرو آتِشهِ جانا پَلِفِ دِ وِ، وَ هَمراهِ جانا، جاناش هِدایَت میه. تَنها کاری که بایَد میَرچه، بایَد جاناش هَمراهی میهِ.

![](https://cdn.door43.org/obs/jpg/360px/obs-en-12-03.jpg)

بَعدِ ای مُدَت کوتا، فرعونیون اِل طایفیش جاکارِ خو پِشیموناویندِه و جاناش تَعقیب یهِ تا ایرا دیهِ اِسرائیلیون، خوشتَنَرِش نوکَر یَرهِ. اِم خُدا وِ کهِ جاناش نَظَر عَوَضِ یهِ که فقط خدا حقیقی یهِ کهِ مَردِم حالی یاوِیندهِ که یَهوّه، قَوی تَراَز خُدایانِ مِصر وینده.

![](https://cdn.door43.org/obs/jpg/360px/obs-en-12-04.jpg)

وقتی اِسرائیلیون، سِپاهیانِ مِصرِ میوینِندِه، حالی یاویندهِ که بِین دَریایِ سُرخیون و سِپاه فِرعون، تَله مون کِتیندِه. آنا بِتِرسِستینده و دادِشون بِزَند: «چیرا مِصرِمون تَرکِ یهِ؟» «آما خِیلی زِو مومورِمون.»

![](https://cdn.door43.org/obs/jpg/360px/obs-en-12-05.jpg)

موسی اِسرائیلیونِش وات: «مَتَرسا، خُدا اَرو شما را مِجَنگه وَ شما نِجات آندیهِ. آ سان خدا موساش وات: «قومِ اِسرائیلیون را واتَن بیشوندهِ دَریایِ سورخِ طَرَف.»

![](https://cdn.door43.org/obs/jpg/360px/obs-en-12-06.jpg)

پَس خُدا سَتونِ اَبرِش تاکودا و جاش سِپاهِ فرعون و بنی اسرائیلِ موناقادِ آنایشهِ تا سِپاهِ مِصری دیهِ نوشوندهِ جانا وینِنده.

![](https://cdn.door43.org/obs/jpg/360px/obs-en-12-07.jpg)

خدا موساش دَستور آدا که خوشتَنَرِش دَست دَریا جور بِلَندِه یَرِه. آ سان خدا یاواش بِروستا کهِ دریا ویه به چپ و راست بُرُنِه، تا ایدینه راه جا موناقادِ بَرومه.

![](https://cdn.door43.org/obs/jpg/360px/obs-en-12-08.jpg)

بعد اسرائیلِ قوم در حالی که در دو طرف جانا ویه دیوار وِری وِه، دریا مونِه خوشتَنَرِشون راه اِدومیشون آدا.

![](https://cdn.door43.org/obs/jpg/360px/obs-en-12-09.jpg)

بَعدِ جا، خدا اَبرونِش کِنار بِزَند تا مِصریون وینِنده که اِسرائیلیون میرویجِندِه جینا دَسِه دِ. در نتیجه مِصریون تَصمیمِشون بِگِر که جانا تَعقیب یَرِنده.

![](https://cdn.door43.org/obs/jpg/360px/obs-en-12-10.jpg)

آسان آنا اِسرائیلیون پِیهِ دِ بیشوندهِ دَریا ویهِ مون. اما خدا، وَحشَتِش باشین مِصریون یون و ایکارِش بیه که جینا پاک اَرّابونِشون هَمه گیلِ مونه گیر بیَرِندهِ. آنا حَوار حَوارِشون بِزَند وَ واچون: «ویریجا، چون خدا اِسرائیلیون را مِجَنگه.»

![](https://cdn.door43.org/obs/jpg/360px/obs-en-12-11.jpg)

بعد از اِم که قومِ اِسرائیل به سلامَت آگَردَستینده دَریا طرف، خدا طرفِ دِ نِدا بومه که موساش وات: «ایرا دِ دِسی دریا طرفهِ دِرازِ یهِ.» زَمانی که موسی جی کارِش بیه، دَستِش دِرازاش یهِ دَریا طرف، وویهِ مِصریون سَر و اَرّابونِش سَر بیریجییَس وَ همیشون دریا مونهِ دِ غرق آوینده.

![](https://cdn.door43.org/obs/jpg/360px/obs-en-12-12.jpg)

وقتی اِسرائیلیون، وینچون که سپاه مِصر نابود آوینده، خداشون اعتماد یِه و به جی باور بِرِسستیندِه که پَس موسی خدا طرفهِ دِ پیامبرهِ.

![](https://cdn.door43.org/obs/jpg/360px/obs-en-12-13.jpg)

قوم اِسراییل خیلی خوشحال آوینده چون خدا جاناش نوکِریون، مَرگِ خو نِجات آدا. حالا آنا دیهِ آزاد وینده که که خدا پرستِش یَرِندِه و جا خو پیرِوی یَرِندِه. اِسرائیلیون خوشتَنوَرهِ دِ سرودِ آزادیشون بِخِند و خداشون سِتایِش یهِ که جیناش از دست مِصریون نجات آدا.

![](https://cdn.door43.org/obs/jpg/360px/obs-en-12-14.jpg)

پس خدا قومه را فَرمانِش آدا که هر سال، جی اتفاق جشن بِگِرِندِه و و خیالِشونِه گردِه که خدا چییَن مصریونِش شکست آدای و قوم اسراییلِش بردگی خو آزادِه یِه. جی جَشنِشون نوم آنا پَسَخ. آنا هرسال چَرواشون قربونی یهِ، آسان چَرواشون کَبابِ یهِ وَ فَطیهِ نونِ همراه، بیَن جَشنِشون بِگِرد.

*داستون بیگیرییِستی از کتاب مقدس: (کتاب خروج فصل ۱۲ آیه ۳۳ تا فصل ۱۵ آیه ۲۱)*

## 13. ۱۳- خدا عهدِ اسراییلیون بی

https://openbiblestories.org/l/tks/story-13/

![](https://cdn.door43.org/obs/jpg/360px/obs-en-13-01.jpg)

بعد از اینکه اسرائیل اِل طایفه دریای سرخِ خو بِگذِرِستیندِه خدا جاناش به طرف کوه سینا بُرُوستا. یعنی هَمه آ کوهی ک موسی بوتیش آتِشه کَده ویندِه وی جاوه سَره، اِل طایفه جا کوه دامِنه دِ چادِرِشون بِزَن .

![](https://cdn.door43.org/obs/jpg/360px/obs-en-13-02.jpg)

خدا موسی و اسرائیلِش قوم وات: «شما همیشه باید چِمه خو فرمون بِبَرا و عهدی که شما وی مِبَندِم وفادار بیمینا. اگه جی کارِ بیرا، چِمه را سرزمینی خاص، مملکتی از کاهِنون و مردمی مقدس مِگردا.»

![](https://cdn.door43.org/obs/jpg/360px/obs-en-13-03.jpg)

مردم به مدت سو رِو خوشتَنَرِشون آماده خدا ویندَن یَرچون. پس خدا رعدُ برقیون، دِویوون شیپورِ وحشتناکه صداوی قُله کوهِ سینا سَره بُومِه جیر. موسی تَکِ تَنا بوشو کو سَر.

![](https://cdn.door43.org/obs/jpg/360px/obs-en-13-04.jpg)

بعد خدا جاناوی عهدِش ببست و واچه: «ا َیَهُوَه اِشته خدایمه، که ایشتیش اسیری و بندِگی مصرِخو آزادِه یه. اَلادِه خدا غیر از چمه مَپَرَست.»

![](https://cdn.door43.org/obs/jpg/360px/obs-en-13-05.jpg)

«بُت سامِدِی و جاوِه پرَستِش مَیِه؛ چون اَ یَهوِه، باید خدای اَویتای اِشتِه گَردِم. چِمه نوم بی احترومه مَیه و روِ شَباتِ مقدس بُوزون. همه کارونی شُش رِوِ مونه اَنجوم آدی چون ته باید رِوِ هفتم آروم بِگِری و چمه به یاد بُوری.»

![](https://cdn.door43.org/obs/jpg/360px/obs-en-13-06.jpg)

پیَر ماری قَدِر بُوزون. آدم مَکُش، زِنا مَیه، دُزدی مَیه، دُرُو مَواتَن. هَمساری مالیوون و زَنَر چُشمِ طامای نِدِشتِه وی.

![](https://cdn.door43.org/obs/jpg/360px/obs-en-13-07.jpg)

طایفه قبولِش یِه جا قانونونی که خدا آدِه ویشه پیرَوی یَرِندِه. آنا قبولِشون یه که فقط خدا گردِندِه و فقط خدا پَرَستِش یَرِندِه.

![](https://cdn.door43.org/obs/jpg/360px/obs-en-13-08.jpg)

خدا اسرائیلِش مردِمون وات: که پِلِکی چادِر بِزَنِندِه. آ دستور چادِر بِزَندَنِ همه ریزِه کارونِش وی و هر چی که موقو جا مونِه گرده آدایش جانا. آ دستورِش آدای پِلِکی پردِه بِزَنندِه که چادر دو قِسمِه یَرِه. خدا دِ جا پَردی پُشتِه اتاق مونِه حاضر امبِه و آمنیشت. فقط کاهِن پِلِه اِجازیش دَشت که بیشو جا اُتاق مون خدا پَلِف.

![](https://cdn.door43.org/obs/jpg/360px/obs-en-13-09.jpg)

اِل طایفه باید قوربونی یاقاشون خیمه ِ ویندَنِ پَرونِه برپاشون میِه. هر کِه ک خدا قانونِ خو سَرپیچیش مِیه، باید اینه حیوونِش مِبه قربونی یاقا. اینه کاهِن باید جا حیوون بُکُشِه و جاوِه به عنوان قوربونی خدا را. قوربونی یاقادِه بیسوزدِنِه، خداوند واچه که جا حیوون خِمن که قوربونی گِردِستی، گُناه جا آدَمه اُمپیشدِنِه. بیَناوه که خدا جاش گُنا نَدید مِگِه و آدم خدا دیدِه پاک به حساب مومِه. خدا موسی بِرار، هارون و جاوِه نَسل انتخاباش یِه تا جاوِه کاهِنون گردِندِه.

![](https://cdn.door43.org/obs/jpg/360px/obs-en-13-10.jpg)

بعد خدا دَه دونِه فرمونِش لوحِ سنگی سَرِه بینیس و آدایشِه موسی. همچنین خدا قوم را اَلادِه قانونونِش دِ آدای تا جاخو پیرَوی یَرِندِه. خدا جانارا وعدیش آدا، اگه جا قانونون خو پیرَوی یَرِندِه جانا را برِکَت آندِییه و جانا هادِر ما ولی اِگِه سرپیچی یَرِندِه جانا مجازات میَرِه.

![](https://cdn.door43.org/obs/jpg/360px/obs-en-13-11.jpg)

موسی خیلی رِوُون کوهِ سینا سَرِه بِمَند و خدا وی گَپِش بزَند. مردُم خستاوینِدِه از بس چُشم به راه بِمِندیندِه موسی آگَردَستنِ را. پس طِلایونِشون بِبِه هارون پَلِف و جاخو بوقوچون که بُت سابیدییِه تا خدا عَوَض بپَرَستِندِه. پس بیَناوِه که ای گناه وحشتناکشون در حق خدا بِیه‌.

![](https://cdn.door43.org/obs/jpg/360px/obs-en-13-12.jpg)

هارون اینه بُتِ طِلایی به شکل چَروا سابِدا. مردم وحشیانه جا بُتِشون پرستِش میه و جاوِرا قوربونیشون مُکُشت! خدا بخاطر جی گناه جانا خیلی خشمگیناوِه و موساش وات که تصمیم دِره جانا نابودِه یَرِه. آما موسی خدا خو درخاستِش بیه که جی کارِ اَنجوم آنیدیه. خدا موساش دُویا بشونَس و جاناش بینِه نِبِه.

![](https://cdn.door43.org/obs/jpg/360px/obs-en-13-13.jpg)

هنگامی که موسی کوه سینا خو بومِه جیر دونِه لوح سنگی که خدا دَه دستورِش جاوه سَرِه بینیستِه وی دَسِشِه وِه. چون که بُتِش وین خیلی خشمگیناوِه ای جور که لوحِش آکون زِمین بیشکِیَس.

![](https://cdn.door43.org/obs/jpg/360px/obs-en-13-14.jpg)

بعدِش بُتِش بیسوزدِنَس و جاش خوردِه یِه، گَرداش یِه. گَرداش بیه ویه مون و مردُمِش مجبورِه یِه جا آخارِندِه. خدا بَلاش به مردُم بِرَسدِنَس و ویشتَر آنا بُمِردیندِه.

![](https://cdn.door43.org/obs/jpg/360px/obs-en-13-15.jpg)

موسی عوض جا لوح‌های سنگی که خوشتَنِش بشکِستِه ویش اَلادِه لوحونِش جا دَه دستورِرا بِتَراشَستچِه. بعدِش دوباره بوشو کوه سر و برای بخشش طایفیش گونایون دُعاش بیه. خدا موساش دوعایون بَشونَس و جاناش بِبَخشَس‌. موسی دَه دستوری وی که خدا تازه لوحون سَرِه بینیستِه ویش کوهِ خو بومِه جیر. بعدش خدا جاناش از کوه سینا به طرف سرزمین موعود بروستا و هدایتش یِه.

*داستون بِگرِستی از کتاب مقدس: (کتاب خروج فصل ۱۹ تا ۳۴)*

## 14. ۱۴- سَرگَردونی بیابونِ مونهِ دِ

https://openbiblestories.org/l/tks/story-14/

![](https://cdn.door43.org/obs/jpg/360px/obs-en-14-01.jpg)

بعدِ جا که خدا جی مَردُمونِش از قَوانینِ شَریعَت آگاه یهِ، جاناش کوهِ سینا طرف هدایت یهِ. آنا بِخاطر جا عَهدی که خدا بی بِبِسته ویشون، بایَد جا قَوانینهِ خو اِطاعَتِشون میه. خُدا موقوچه که آنا به سرزمین موعود (یَعنی کنعان) بِرَسِنده. خدا جانا بی سُتونِ ابرِ مونهِ دِ موشو و و مردم دِ جا پِیه بیشیندِه.

![](https://cdn.door43.org/obs/jpg/360px/obs-en-14-02.jpg)

خدا، ابراهیم، اسحاق و یعقوبه را قولِش آدِه وی، که سرزمین موعود آدیه جانا زارون. وَلی جا زَمانهِ دِ خیلی قبیلون آگا دِ زِندِگیشون میهِ که جانا نوم کَنعانیون وِ. کَنعانیون، پِیرُو خدا نیوینده وَ خُداشون پَرَستِش مینیهِ. آنا خُدایانِ دُروغینِشون پَرَستِش میهِ وَ کارهای زشت و ناپسندِشون انجومِش آندای.

![](https://cdn.door43.org/obs/jpg/360px/obs-en-14-03.jpg)

خدا قومِ اِسرائیله را دَستورِش آدا: «هَر لَحظه که بِرِسِستیندهِ به سرزمین موعود، باید خوشتَنَرِشون کَنعانیون شَرِّ دِ نِجات آدیِنده. واچه جانا بی صُلح و ازدواج مَیَرا. شما باید جانا بُتون، همه بینِه بِبَرا. نتیجه سرپیچی از جی دستورون پرستِشِ جانا بُتون چِمِه عوَض.»

![](https://cdn.door43.org/obs/jpg/360px/obs-en-14-04.jpg)

وَقتی اِسرائیلیون به سَرزَمین کَنعان بِرِسِستینده، موسی هَر قَبیله خو ای نَفَر، یعنی دوازده مَردَکِش انتخابهِ یهِ. موسی جانارا راهکارِش بَلَدا که جاسوسی یَرِنده سَرزَمینِ کَنعانِ دِ. همچنین جانا خو بوگوچه تا بَررِسی یَرِنده، ویندهِ آیا کَنعانیون نیرومند یِنده یا نه.

![](https://cdn.door43.org/obs/jpg/360px/obs-en-14-05.jpg)

آ دوازده مَردَک چِهِل رِو سَراسَرِ کَنعانهِ دِ سَفَرِشون یهِ و پس از این که آگَردِستینده. آنا قومهِ را واچون که: «زمین حاصلخیزهِ وَ محصول فراوون دِرِه.» آما دَه نفر از جاسوسان واچون که: «شَهرونِشون همه اُستُوارینده آما مَردُمونِشون همه غول پیکَرِندِه. اِگهِ جانا حَمله یَروم بی شَک شِکَست موخاروم وَ آنا چُما موکوشِندِه.»

![](https://cdn.door43.org/obs/jpg/360px/obs-en-14-06.jpg)

آ سانی آ دو جاسوس که نومونِشون کالیپ وَ یوشع وِ واچون: «درسته که مردُمونِ کنعان چُما خو بُلَند تر و قوی تَرِنده، وَلی بی شَک آما موتونوم جانا شِکَست آدام! چون خدا چُما را مِجَنگه.»

![](https://cdn.door43.org/obs/jpg/360px/obs-en-14-07.jpg)

آما قوم، یوشع و کالیپِشون گَپ‌گوشِ نیهِ. وَ خَشمِ وی موسایون هارونِشون وات: «چِرا چومایون بوردی جی وَحشَتناکه یاگا؟ آما باید سرزمینِ مِصرِ دِ مِمِندیمون. اگه بِشوم جا سرزمینِمون وارد آووم، جَنگِ مونهِ دِ مومِردیمون وَ زَنون وَ زارونِمون اسیرامیویندِه.» آنا موقوشون ایدینه اَلادهِ رهبر خوشتَنَرِشون انتخاب یَرِنده که باعث گَرده که جانا آگردِنندِه مصر.

![](https://cdn.door43.org/obs/jpg/360px/obs-en-14-08.jpg)

خدا جی مَردُمون رفتارِ واسِین خیلی خَشمیگن و ناراحت آوهِ. بنابراین خیمه ملاقاتِ مون بومِه و جانا را واچه که: «شما نسبت به چِمه، همه سَرکِش آوِیون، بنابراین بیابونِ بی آب و علفِ مونهِ دِ سَرگَردون آمبه یا. واچه همه‌ی افراد ویست سال به بالا، به جزکالیپ و پوشع همه بیابونِ مونِ دِ بینِ میشونده و وارِد سرزمین موعود مِنِگَردِنده.»

![](https://cdn.door43.org/obs/jpg/360px/obs-en-14-09.jpg)

وقتی مردم خدا واتی خو خبرداراویندِه، خوشتَنَرِشون گُنایون خو پشموناویندِه و تصمیمِشون بگِر که به کَنعانیون حَمله یَرِنده. موسی جانا را واچه که: مَشایا، چون خداوند جانا بی نِوِوی. آما آنا موساشون گَپ گوشِ نیهِ.

![](https://cdn.door43.org/obs/jpg/360px/obs-en-14-10.jpg)

خدا جا جنگِ مونهِ دِ، جانا بی نِوِ. بنابراین آنا شِکَستِشون بوخا و خِیلی آدِمونِشون بِمِردینده. آسان قومِ اسرائیل، سرزمینِ کنعانهِ دِ آگِردِستینده و چهل سال بیابونهِ دِ سَرگَردون.

![](https://cdn.door43.org/obs/jpg/360px/obs-en-14-11.jpg)

جا چِهِل سالِمونهِ کهِ اسرائیلیون بیابونه مونِ سَردون وینده، خدا جاناش خواسته برآورده میهِ. خدا جینارا آسمونهِ دِ نونِش آدا، جا نونِ نوم مَنّاوِه. آ همچنین جانارا بلدرچینِش موروستا تا گوشتِشون دِشتِه وی بوخاردَنِ را. دَر تمامِ جا مُدَتِ مونهِ دِ، خدا نَچِه جانا چُستون و لِباسون کونا ویندِه.

![](https://cdn.door43.org/obs/jpg/360px/obs-en-14-12.jpg)

خدا به صورت معجزه آسایی، سختی لادِ جانارا وویاش بِروستا. آما خُب هامون دِ ای بیَن نِعمَتهِ بی آنا خدا خو راضی نیویندِه وَ همیشه غورِشون مِزَن. با هَمه‌ی جینا، هامونهِ خدا، بِخاطر عَهدی که اِبراهیمیون، اسحاقیون و یعقوبی، بِبِسته ویشه وفادار وِه.

![](https://cdn.door43.org/obs/jpg/360px/obs-en-14-13.jpg)

ایرا دِ که دوباره مَردم وویاشون نِدِشت آخارِنده، خدا، موسی را دَستورِش آدا که: «سَخری را واتَن که ووی آدیهِ.» آما موسی عوض اینکه صخری واجه که ویِه آدی، دورا عَصا بی سَخریش بِزَند وَ و جی کارِش بی خداش بی احترومی بیه و ویه به اندازه کافی همی را صخری دل مونِه بومه بَر، بعد خدا موسی خو خَشمگین آوهِ وَ موسی را واچه که: «تَ به سرزمین موعود وارِدا مِنِوِی.»

![](https://cdn.door43.org/obs/jpg/360px/obs-en-14-14.jpg)

پس از چهل سال که اسرائیل ال طایفه بیابونِه سرگردون وینِدِه، همه آنا که بر ضد خدا شورشِشون بیرده وی، همه بِمِردینده. بعدِ جا خدا دوباره ایرا جی قومِش به مرزِ سرزمین موعود، هدایَتِش بیه. چون موسی خیلی پیر آوهِ وی، خدا یوشَعِش انتخابه یه رهبری قومِ را. خدا، موسی را قولِش آداوی کهِ، ای رِوی ایدینه رَهبَر، خوشتَنَرِش بِری مَردُمون را بوروسته.

![](https://cdn.door43.org/obs/jpg/360px/obs-en-14-15.jpg)

خدا، موسی را دَستورِش آدا وَ واچه: بیشو ایدینه بلندِ کوه، سرَ، تا آگا دِ سرزمینِ موعودِ بوتونه وینِه. موسی سرزمین موعودِش ویند، آمّا خدا جاوِ را اجازه‌ی ورودِش آنِدا. بعدِ جا موسی بِمَرد و قوم بنی اسرائیل جاوِه را سی رِو عزاداریشون یهِ. بعد یوشع جانا رهبر گَردَست. آ خیلی درست کار وِ چون هم خداش قبول دَشت و هم خداش اطاعت میهِ.

*داستون بیگیرییِستی از کتاب مقدس: (کتاب خروج باب ۱۶ و ۱۷، کتاب اعداد باب۱۰ تا ۱۴ و کتاب تثنیه باب ۳۴)*

## 15. ۱۵ - سرزمین موعود

https://openbiblestories.org/l/tks/story-15/

![](https://cdn.door43.org/obs/jpg/360px/obs-en-15-01.jpg)

سر انجام موقیش گَردَست که قوم اسرائیل وارد سرزمین موعود یعنی کنعان گَردِنده. آگا دِ ایدینه شهر وِ به نام اریحا که گِردا گِردِش پِلّهِ که دیوار وِ. یوشع دو دونه جاسوسِش بِروستا جا شهر. آگا دِ ایدینه بدکارهِ زِینیه زِندِگیش میهِ به نوم راحاب. آوِ جا، جاسوسونِش خوشتَنَرِش وَرِ دِ نیاش مِدَشت وَ جاناش کمک میهِ که شَهرِ خو ویریجِنده. آوِ چون خداش ایمانِش دَشت، جی کارِش بیهِ. جاسوسون راحابهِ را قولِشون آدا وقتی اریحاشون نابودِیهِ، جاوِیون خونِوادیش خو محافظت یَرِنده.

![](https://cdn.door43.org/obs/jpg/360px/obs-en-15-02.jpg)

برای اینکه اِسرائیلیون بِتونونده بِرَسِنده به سرزمین موعود، باید رودِ اردنهِ خو عبورِشون میهِ. خداوند یوشع را دَستورِش آدا: «کاهنون پیشاپیش بِروست.» وقتی کاهِنون پا بوخارچه رودخونه وویهِ، وویهِ بَند بومیه و اسرائیلیون بوتونِستیندِه زمینِ خشکِ سَرِ دِ بیشیندِه رودخونه‌ی آوَرِ طرف.

![](https://cdn.door43.org/obs/jpg/360px/obs-en-15-03.jpg)

بعدِ جا که قوم، رودِ اردنِ خو رَد آوینده، خدا یوشع را واچه که: آماداوِه برای یورِش به شهرِ قدرتمند اریحا. خدا مردُمون را واچه کاهِنون وَ سربازون باید شیش رِو، ِرِوی ایرا شَهرِ دورِ دِ راهپِیمایی یَرِنده. پس کاهِنون و سَربازون جی کارِشون اَنجوم آدا.

![](https://cdn.door43.org/obs/jpg/360px/obs-en-15-04.jpg)

هَفتِمین رِوِ دِ باید اسرائیلیون هفت را، شَهرِ دور ِ، دورِشون مِزَند، آسان کاهنون شِیپور بِزَنِنده و اعلام یَرِنده و همه‌ی مردم فریاد بِزَنِنده وَ واجِنده که آنا جی کارِشون انجام آدا.

![](https://cdn.door43.org/obs/jpg/360px/obs-en-15-05.jpg)

آ سان دور تا دورِ دیوارِ اریحا همه بوخوریَس زِمین. اسرائیلیون هر چی شَهرِ مونِه دِ وِ هَمیشون نابودِ یهِ طِبق دَستور خداوند. تنها راحابیون وَ خانِوادیش که بِپِیوِستینده به اسرائیلیون، دَر امان بِمِندینده. وقتی دیگر اَقوامی که سرزمینِ کنعانهِ دِ ساکِن وینده، حالی آوینده که اسرائیلیون، اریحاشون ویرون یِردی، بِتِرسِستینده و واچون مبادا قوم اسرائیل به چوما دِ یورِش بورِه.

![](https://cdn.door43.org/obs/jpg/360px/obs-en-15-06.jpg)

خدا قومِ اسرائیله را دَستورِش آدا که کَنعانهِ دِ هیچ قومی، پیمان آشتی نبَندِندِه. ولی ایدینه قَبیله‌ی کنعانی به نوم جبعونیون، یوشعِ را دوروشون وات وَ اِدِعاشون یهِ کهِ خیلی دِروتر از کنعونِه بومیندِه. آنا یوشعِ خو بُوقوچون که جانابی پِیمان دوستی بِبَنده. یوشع و اَلادهِ رَهبَرونِ اِسرائیل، بدون اینکه خدابی مَشوِرَت یَرِنده، پِیمان صلح با جبعونیون بی بِبَچون.

![](https://cdn.door43.org/obs/jpg/360px/obs-en-15-07.jpg)

بعد از سو رِو اسرائیلیون حالی یاوینده که جَبعونیون در حقیقت همین اَهلِ کنعانینده. بعد از اینکه حالی یاوینده جیناشون فریب آدا، خیلی ناراحت آوینده. آما پِیمانِ صُلحِشون جانا بی نِشکِست، چون آ پِیمون در حظورِ خدا ببندِی یِستِه وی. ای مودَّت بعدِ جا، پادِشاهون اَلادِ قَبیلون، از کنعانِندِه به نام اموریون وقتی حالی یاونیده که جبعونیون بنی‌اسرائیله بی پِیمانِ صُلحِشون بِبِستی، هم دیَری بی هَم پِیمون آوینده که خوشتَنَرِشون سِپاه گِردِه گِرِندِه وَ به جبعونیون حمله یَرِنده. جبعونیون یوشعِ خو درخواستِ کومَکِشون یهِ.

![](https://cdn.door43.org/obs/jpg/360px/obs-en-15-08.jpg)

یوشع تمومِ سپاه اِسرائیلِش گردِه گه. آنا کولَّن شو رامونه وینده تا بهِ جبعون بِرِسِستینده. صُبحِ زِو آنا، اموریونِشون غافلگیرِ یه و جاناشون حَمله یِه.

![](https://cdn.door43.org/obs/jpg/360px/obs-en-15-09.jpg)

خدا آ رِو اِسرائیلیون را جَنگِش یه، خدا اموریونش سَردَرگَمهِ یه، پِلّهِ تِرِزگونِش بِروستا آسمونِ دِ وَ خیلی از آموریونونِش بِکوشت.

![](https://cdn.door43.org/obs/jpg/360px/obs-en-15-10.jpg)

همچنین خدا ایکارِش بیه که خورشید آسِمونه مونهِ دِ حَرِکَتِش نیه، تا سربازان اِسرائیلی زَمانِ ویشتَرِشون دَشته وی برای شکست کاملِ اموریون. خدا آ رِو پِلّهِ تَرین پیروزیش برای اسرائیلیون‌ فراهَمِ یه‌.

![](https://cdn.door43.org/obs/jpg/360px/obs-en-15-11.jpg)

بعدِ جا که خدا جا لَشکَریونِش شکست آدا، خیلی از قَبیله های کنعانی برای اینکه اسرائیلیونِ حمله یَرِنده، دوباره هم پیمان آوینده باهم. یوشع و اسرائیلیون تصمیمِشون بگهِ حمله بِبَرِنده جانا و جاناشون نابودِه یه.

![](https://cdn.door43.org/obs/jpg/360px/obs-en-15-12.jpg)

پس از جی جَنگون خدا همه‌ی اسرائیلیون سهم، سرزمینِ موعودِ خو آدایشِه. سپس خدا آرامِشِش در سرزمین مرزهای اسراییل برقرارِ یه.

![](https://cdn.door43.org/obs/jpg/360px/obs-en-15-13.jpg)

چون یوشع پیر آوه وی، همه‌ی قوم بنی‌اسرائیلِش گوریهِ زَند هَم دیَره پَلِف. بعد آ مردومونِش خیال شین که آنا قولِشون آدِه وی که آ عهدی که خدا کوهِ سینا سَرِه جاناوی بِبِستِه ویش اطاعت بیَرِندِه. مردم قولِشون آدا که نسبت به خدا وفادار بیمینِندِه و از شریعتِ خدا اطاعت یَرِنده.

*داستون بیگیرییِستی از کتاب مقدس: (کتاب یوشع باب ۱ تا ۲۴)*

## 16. ۱۶- نِجات آدیه کَسون

https://openbiblestories.org/l/tks/story-16/

![](https://cdn.door43.org/obs/jpg/360px/obs-en-16-01.jpg)

بعد از بُمرَدن یوشِع، اسرائیل اِل طایفه خدا دَستورون خو فَرمونِشون نِبه و همه کَنعونیونِشون جا سرزمین خو بَر یِه. آنا همچنین عَوَض یَهوِه خدای راستِکی، کَنعونیون بُتون بپَرِستیندِه. آ زَمون اسرائیل قوم پادِشاشون نِدَشت، پس هر کس هر چیش که فِک مِیه دُرُسته می یَرچه.

![](https://cdn.door43.org/obs/jpg/360px/obs-en-16-02.jpg)

اسرائیل اِل طایفی نافرمونی باعث گَردَس که ای سیری اِتِفاقون بگینِه که بارها قوم اسرائیل زندگی مونه تکراراوِه. اتفاقای که مِکَت بییَن وِه که: قوم اسرائیل چندین سال به نافرمونی خدا خو اِدومیشون آدا. بعدش خدا جانا مجازاتِ را جانا دُشمَنون را اِجازیش آندا تا جانا بچَروِنده. دُشمَنونِشون جاناشون مال چاپُول یِه و بینِه بِبَرچون و خیلی از جانایونِشون بوکوش. بعدجا بعد اینکه سالیون سال دشمنون جیناشون آزار مِدای، خدا پَلِفه توبِیشون میه و خداخو موقوچون تا خدا جانا دُشمَنون دَسه خلاصه یَرِه.

![](https://cdn.door43.org/obs/jpg/360px/obs-en-16-03.jpg)

هر سیری که آنا توبِیشون مییِه، خدا ای دِنه نجات آدِیه کَس موروستای تا جانا نجات آدیه. آ آدَم جانا دُشمَنون وی مِجَنگَس و جاناش شِکَست آندای. بیَناوِه که آرامش جانا سرزمینه دِ برقراراوِه و آ آدم نجاتگر به خوری برجانا حکومتِش میه. خدا رهانَندِگون زیادیش بُروستای که قوم اسرائیلِ نجات آندارِندِه. بعد از اینکه خدا اِجازیش آدا تا ای گروهی ازدُشمَنون به نومِ مدیان قوم اسرائیل شکست آدییِندِه، دوباره جانارا نجات آدیه کَسِش بروستای.

![](https://cdn.door43.org/obs/jpg/360px/obs-en-16-04.jpg)

مدیانیون به مدت هفت سال، اسرائیل اِل طایفی بارِ خو چپاولِشون بیه. اسرائیل اِل طایفه ترسِشونه چَپاوُلون مونه قایمامیویندِه تا مابادا که مدیونیون جانا آندارِندِه. تا اینکه آنا خدا خو التماسِشون بیه تا جانا نجات آدی یِه.

![](https://cdn.door43.org/obs/jpg/360px/obs-en-16-05.jpg)

ای رِو ای مَردَک که نومِش جدعون وِه، قایمه کِنا کارا گندُمِش آنکون تا مدیونیون نوتونِندِه جاوِه چپاوُل یَرِندِه. همی جا ساتِه فرشتِه یهوِه آنداریَستِه واچِه: «ای جَنگجوی دِلیر، خدا اِشته وی یه. بِشه و اسرائیل مدیونیون دَسه خلاصِه یِه.»

![](https://cdn.door43.org/obs/jpg/360px/obs-en-16-06.jpg)

جِدعون پیه قربونی یاقاش آدِه وی اینه بُتِ. اولین خواسته ی خدا جدعون خو خرابه یَردَن آ قُربونی یاقا وِه. آما چون جِدعون مردِمون خو مِتَرسَست تا نیمه ی شو منتَظِر بِمَند. بعد قربونی یاقاش بِهَم بِزَن و هَمیش خوردِیِه. جِدعون نزدیکی جا یاقا، تازه قوربونی یاقاش خدا را سابِدا و جاوِرا قوربونیش آنا.

![](https://cdn.door43.org/obs/jpg/360px/obs-en-16-07.jpg)

سابایِنه رِو مَردِم اَز ویندَن اِم که اِی نَفَر قُربونیش لَکا بشکستی و جاش ویرونِه یِردی خیلی خَشمگینامبیندِه. آنا بیشیندِه جِدعون کی طَرَف تا جا بُکُشِنده، آما جِدعون پِیه واچه: «چِرا مُوقویون خوشدَنِریون خُدایَر کُمَک یَرا؟ اَگه آ خُدای بَرزا خوشدَنَرِش خو دِفاع بِیَره.» آنا بِخاطِر جاوِ واتِیه، جا بُکُشدَن خو دَسشون بِکَشَست.

![](https://cdn.door43.org/obs/jpg/360px/obs-en-16-08.jpg)

پَسه جا مَدیانِیون هاموندِه بومیندِه تا اسرائیل قومَر چاپول یَرنده. جانا آدَمون اِنقَدر زیاد وِ که مِنِگَردَس جانا بِشماری. جِدعون کُل قومِش جَنگ با مدَیانِیون واسِین گورِیه زَن. جِدعون خُدا خودِه دو دونه نِشونیش بوقوس تا خاطِر جَمعاوه که خُدا جاخو واقِعا موقوش تا اسرائیل آقاده بَر یَره.

![](https://cdn.door43.org/obs/jpg/360px/obs-en-16-09.jpg)

اَوِلین نشونی را جِدعون اِی تیکه چَرواش پوست آنا زِمین و خُدا خو بوقوچه کِه فَقَط پوست سَر پِزقه آنیشینِیه، آما زِمین خُشک بیمینِه. خُدا جی کارِش اَنجوم بِدا. سابایِنه رِو آ خُدا خو بوقوچه که زِمین خِس گَرده، آما پوست خُشک بیمینِه، خُدا جی کارِش ده اَنجوم بِدا. اِم دو دونه نِشونه جِدعونِش حالِیَردِنَست که خُدا جاقو موقوشه که اسرائیل مدیانیون دَسته نِجات آدی.

![](https://cdn.door43.org/obs/jpg/360px/obs-en-16-10.jpg)

۳۲۰۰۰ دونه اسرائیلی سَرباز بومینده جِدعون پَلِف، آما خُدا جاش وات جانا تعداد خیلی زیادِ. جی خاطِره ده جِدعون ۲۲۰۰۰ دونه سَرباز که جَنگ خو ده مِتِرسِستینده بوروستایشه کِیه. هاموندِه خُدا جِدعونِش وات که اِیبیَن هاموندِه زیادِ. پَس جِدعون همه جاناش به جُزء ۳۰۰ نفر آگَردِنَچه کِیه.

![](https://cdn.door43.org/obs/jpg/360px/obs-en-16-11.jpg)

هَمی آ شو خُدا جَدعونِش وات: «یاواشه کِنا بِشه مَدیانیون پادِگون، اَگه جانا گَپون بَشونی دِیه اَز حَمله به جانا خوف نِدِری.» جِدعون بُشو جانا پادِگون وَبَشونَچه که اِی دِنه از مَدیونی سَربازون جا چیش که خوابه ویندِوی رَفِقَرِش را تَعریفِش مِیه. رَفِقِش جاش وات: «مَعنی جی خوابی که تَ ویندی اِمه کِه جَدعون لَشگر چوما مَدیونیون لَشگر شِکَست آندی.» وقتی جَدعون جیوِش بَشونَست خُداش شُکِر بِیه.

![](https://cdn.door43.org/obs/jpg/360px/obs-en-16-12.jpg)

جِدعون بُشو سَربازونِش پَلِف وَ هَرکُن از جاناخو را اِی دِنه زُرُنا و اِی دِنه سُفالی تیلیکاش آدا که جا مونه اِی دِنه چِراشون آنای. آنا وَقتی که مَدیونی سَربازون خاوه ویندِه پادِگونِشون بِگِه. جِدعون ۳۰۰ دونه سَرباز چِرایونِشون آنِویشون تیلیکه مُون تا مَدیونیون نوتونِنده چِرا روشینا وینِنده.

![](https://cdn.door43.org/obs/jpg/360px/obs-en-16-13.jpg)

بَعد جا جِدعون سَربازون هَمه تیلیکونِشون باهَم بِشکِست وَ چِرا روشینایی مَعلوماوه. وَ هَمزَمون با اینکه زُرُناشون مِزَن،دادِشون مِزَن: «شَمشیر یَهُوَه وَ جِدعون را.»

![](https://cdn.door43.org/obs/jpg/360px/obs-en-16-14.jpg)

خُدا بِیَن که مَدیونیونِش پَکَره یه که شُروعاشون یه هَندَره حَمله یَردَن و بُکُشتَن. جِدعون بِدون لَنگه یَردَن،بَقیه اسرائیلش طایفه گورِیه زَن، تا مَدیونین پِیه بیشیَن مونه جانا کُمَک یَرِنده. آنا تعدادِ زیادی از مدیونیونِشون بوکوشت و بَقییشون سرزمین اسرائیلِ خو بَر یِه. آ رِو ۱۲۰٫۰۰۰ نَفر از مِدیونیون کُشتاوینده. بییَناوِه که خدا اسرائیلِش قوم نجات آدای.

![](https://cdn.door43.org/obs/jpg/360px/obs-en-16-15.jpg)

مردم بوقوچون که جدعونِ خوشتَنَرِشون پادشاه یَرِندِه. آ اجازه جی کارِش جانارا آنِدا، اما جانا خو بوقوچه که ای مقدار از حلقه های طِلایی که مدیونیون خو به دستِشون بورده وی آدییِندِه جاوِه. مردِم خیلی طِلاش آدای جدعونِ.

![](https://cdn.door43.org/obs/jpg/360px/obs-en-16-16.jpg)

بعد جدعون جا طِلایون وی اِینه جِرقِه جا جرقون خو که رِئیس کاهِنون تن می یَرِه ساش بِدا. آما مردُم بُتِ وِری جا جِرقیشون که سابِداوی مِپَرَستَست. بنابراین، خدا دوباره اسرائیلِش قوم تَنبیهه یِه، چون که بُتونِشون مِپَرَستَست و دُشمَنونِ را اِجازیش آدا که جینا شکست آدیِندِه. بالاخره آنا دوباره خدا خو کُمَکّشون بوقوست و خدا جانارا اَلادِه نجات آدیه کَسِش بروستای.

![](https://cdn.door43.org/obs/jpg/360px/obs-en-16-17.jpg)

اِم چَرخِه خیلی تِکراراوِه: اسرائیل قوم گوناشون میِه، خدا جاناش تنبیهه میِه، آنا توبیشون میه و خدا نجات آدیه کَسِش جانارا موروستای. در مدت سالای طولانی، خدا آدمای زیادِش برای اینکه قوم اسرائیل دُشمَنونِشون خو رَهایاویندِه بروستایش.

![](https://cdn.door43.org/obs/jpg/360px/obs-en-16-18.jpg)

آخرِه اسرائیل مردِمون خداخو بوقوچون که اَلادِه ملَتون وِری اینه پادشاه جانارا آدیه. آنا ای پادشاه بِلَندِه قَد و پُر زورِشون موقوست که بوتونِه جنگون مونه جانا راه بِبَرِه. خدا جی خاستی خو راضی نِوِه، آما هَمی باین که پادشاهِشون بوقوست خدا جانا را پادشاش آدای.

*داستون بیگیرییِستی از کتاب مقدس: (کتاب داوران فصل ۱ آیه ۳ و ۶ تا ۸ و کتاب اول سموئیل فصل ۱ آیه ۱۰)*

## 17. ۱۷- پیمونِ خدا با داود

https://openbiblestories.org/l/tks/story-17/

![](https://cdn.door43.org/obs/jpg/360px/obs-en-17-01.jpg)

شائول اولین پادشاه اسرائیل وهِ. همی باین که مَردُم موقوچون، قدبلند و خوش سیما وِ. اولِ حکومَتِشه‌ دِ خیلی خورِ آدَم وِ، آما یاواش یاواش به مَردَکی شَرور تَبدیل آوه که خُداش پِیرُوی مینیهِ. بنابراین خدا ایدینه اَلادِ مَردَکِش جاوه یاگا به پادشاهی بِرَسدِنَس.

![](https://cdn.door43.org/obs/jpg/360px/obs-en-17-02.jpg)

خدا ایدینه جوون اسرائیلیش به نومِ داوود انتخابِ یهِ تا برای جایگزینی شائولِ پادِشاه آماده یَره. داوود چوپون وِ، چوپونی از اهالی بیت الحم. در حالی که مشغول نگهبانی پیَرِش چروایون وِه، دو را اَز حمله‌ی شیریون و خِرسِ خو جاناش نجات آدای و جاناش بِکوشتهِ وی. خیلی افتاده ‌ و عادله مردک وِه و خیلی خوداش قَبول دَشت وَ خدا خو اِطاعَتِش میهِ.

![](https://cdn.door43.org/obs/jpg/360px/obs-en-17-03.jpg)

زمونی که داوود خیلی جوون وِ، با جلیاتِ غول پِیکَری که سو مِتر قَدِش دَشت و خیلی زِبر و زِرنگ و قوی وِ، جاوی مبارِزیش یه. آما خدا داوودِش کمک یهِ تا جلیاتِ بوکوشه و اسرائیله نجات ادیه. بعدِ جا داوود بارها اسرائیلِش دوشمَنون شِکَست آدا. آ به سربازی زبرِ زِرَنگ معروف آوه و خیلی جَنگون مونِ دِ قومِ اسرائیلِش رهبری یهِ. هَمی مَردوم بِسیار جاشون تقدیر و تشکر و تحسین یه.

![](https://cdn.door43.org/obs/jpg/360px/obs-en-17-04.jpg)

مردمِ محبت نسبت به داوود باعث گَردَست شائول خَسِفتی یَره. سرانجام شائول تصمیمِش بِگِر که داوودِ بوکوشه، ولی آ ویریت بیابون و آقا دِ خوشتَنَرِش قایِماش یهِ. ای رِو که شائول و سَربازونِش داوودِ پِیِ دِ بومینده، شائول به صورت اتفاقی بوشو ایدینه غارِمون که داوود جاوِ مونِ دِره. شائول داوودِش نیوین غارِمونِ دِ. داوود خیلی نزدیک آوه به شائول وَ ایتیکه جاوِش لِباسِ خو پاره یه. وقتی شائول غارِش تَرکِ یهِ، واچه داوود! فَریادِش بِزَند وجاش تیکه‌ی لِباس شائول را آوِردِنَست. بعدِ جا چی طَریقی بی شائوله را ثابِتاش یهِ که داود موقوچه شائول را بوکوشا و به پادشاهی بِرَسه.

![](https://cdn.door43.org/obs/jpg/360px/obs-en-17-05.jpg)

بعدِ جا شائول ایدینه جنگِ مونهِ بِمَرد و داوود به پادشاهی بِرِسَست. آ خورِ پادشاه وِ، وَ مردم همی جاشون موقوست، خدا داوود را برِکَتِش آدا وَ جاوِش همه‌ کارون مونِ دِ‌ کامیابِ یه‌. داوود خیلی جَنگون مونِ شِرکَتِش یهِ و به کومَکِ خدا دوشمَنونِ اسرائیلِش شکست آدا. داوود اورشَلیمِش فَتحِ یه و آگاش خوشتَنَرِش پایتخت یهِ. داوود همی آگا دِ زِندِگیش یه وَ هم اگا دِ دفن آوه. آ چهل سال پادشاه اسرائیل وِ، وَ جی مُدَّتِ دِ اسرائیل هم قوی وِ هم ثروتمنداوِ.

![](https://cdn.door43.org/obs/jpg/360px/obs-en-17-06.jpg)

داوود موقوشه معبَدی سابِدیه که تمومِ مردم اسرائیل آگا دِ بوتونِندِه عبادت یَرِنده وَ قُربانی تقدیم یَرِنده. برای حدود چهارصد سال، مردم ای آگا دِ عبادَتِشون میه وَ قُربونیشون تقدیم میهِ به نام خِیمه‌ی ملاقات و آگاش، حضرت موسی سا بِداوی.

![](https://cdn.door43.org/obs/jpg/360px/obs-en-17-07.jpg)

آما خدا پیامبری به نوم ناتانِش بِروستا داوودِ پَلِف وَ جاش وات: «که چون تَ خیلی جَنگون مونهِ دِ وِیشه، مَعبِدی چِمه واسِین سا نِدا بلکه فِری جاوِ بنا میَره. جی بابَتِ دِ اَ اِشته را برِکت فراوون آندِمه. کسی ایشته نسلِ خو تا ابد باید چِمه قوم سلطنت یَره.» تنها کسی که از نسل داوود موتونِسچِه تا ابد سلطنت یَره مسیح یهِ. مسیح، خدا برگزیده وهِ کهِ جهونِش گنایون خو نجات آدای.»

![](https://cdn.door43.org/obs/jpg/360px/obs-en-17-08.jpg)

وقتی داود جی کَلومِش بشونَس، خداش شکر بیه، خدا دِ جاوِش سربلندِ یهِ و برِکَتِ فراوونِش جاوِ را آدا. البته داوود حالی نِوهِ کِی وعده های خداتحقق آندارِندِه. آما الان حالیمون که قوم اسرائیل باید از زمونِ داوود حدوداً هزار سال برای بومیَنِ مسیح انتظار بِکَشه.

![](https://cdn.door43.org/obs/jpg/360px/obs-en-17-09.jpg)

داوود سالهای زیادی حکومَتِش یه، آ مطیعِ خدا وِ، وَ خدا جاوِ را برکَتِش آندا. هامون دِ جی حالی وی آخِرای عُمرِشه دِ مرتکب ایدینه گوناهِ بزرگ در برابر خدا گَردَست.

![](https://cdn.door43.org/obs/jpg/360px/obs-en-17-10.jpg)

ای رِو که تمومِ سربازونِ داوود همه برای جنگ بومینده بَر، پُشت بومِ کاخِشه دِ ای بِشکَسَست پُشت، وینچه ایدینه زِینیهِ مشغول حمام یَردَنا. آ جا زِینیاش مِنِشناسَس ولی حالی آوه که نومِش بتشبع وِ.

![](https://cdn.door43.org/obs/jpg/360px/obs-en-17-11.jpg)

عوض اینکه جا وسوسی خو دوری بیَرِه، داوود اینَفَرِش بِروستا جا زِینیاشون بو جیوهِ پَلِف. آ جا زِینیه وی همبَستَر آوه وَبعد جاوِش بِروستا کیش، بَعدِ ای مدت خیلی کم، بتشبع پِیغومِش بِروستا داوودِ را که: از اُستناویمِه.

![](https://cdn.door43.org/obs/jpg/360px/obs-en-17-12.jpg)

بتشبعِ شِو که اوریا نومِش دَشت، اینه از بهترین سربازای داود وِه. اوریا آ موقِع کیه دِ نِوه و درحال جنگیدَن وِ. داوود جاش گوریهِ زَند وَ واچه که: بیشو کیشونهِ دِ زَنَرِش پَلِفِ دِ بَشتا. آما اوریا قَبولِش نیهِ درحالی که اَلادِ سربازون دَر مِیدون نَبَرد وینده. بنابراین داوود دوباره جاوِش بِروستا به میدون جنگ وَ و فَرموندون خو بوقوچِه تا جاوِه بِبَرِندِه خط مقدم جنگ تا بومورِه. بیَناوِه که اوریا جنگ مونِه بومَرد.

![](https://cdn.door43.org/obs/jpg/360px/obs-en-17-13.jpg)

بعد از جا که اوریا کُشتاوِه، داوود بتشبع وی وِییش بیه، بتشبع جاوهِ را ایدینه فِریش بو. خدا داوودِ کارِ خو خیلی ناراحت وِ و خَشمگیناوِه وی. بنابراین ناتانِ نَبیش بِروستا تا کثیفی گونای داود جاوِ را گوشزد یَرِه. داوود خوشتَنَرِش گونا اعترافِش یهِ و خدا دِ جاش بِبَخشَست. داوود دِ بقیه‌ رِوای عُمرِشِ دِ حتی لاب سَخت تِرین رِوای عمرِشِ دِ هامون دِ خداش پیروی یهِ.

![](https://cdn.door43.org/obs/jpg/360px/obs-en-17-14.jpg)

به عنوان مجازاتِ داوودِ گوناه، فِرِش بِمَرد. همچنین خیلی از جاوِ خاندانون خو، در برابر جا سرپیچیشون یهِ و جاشون قدرت، به اندازه‌ی چشمگیری کمِ یهِ (بورچون جیر). اما با وجود اینکه داوود نا اطاعتیش میه، هامون دِ خدا همچنان عهدی که جاوی بِبِستهِ ویشه وفادار وهِ و جاویش به انجام بِرَستِنَست. بعد ها، داوودیون بتشبعِ صاحبِ ایدینه فِره گَردِستینده که جاشون نوم آنا سُلِیمان.

*داستون بیگیرییِستی از کتاب‎مقدس: (کتاب اوّل سموئیل، فصل ۱۰؛ و فصل ۱۵ تا ۱۹و ۲۴ و ۳۱؛  کتاب دوم سموئیل فصل  ۵ و  ۷ و ۱۱ و۱۲)*

## 18. ۱۸- اسراییل پادشاهی قِسمه یَردَن

https://openbiblestories.org/l/tks/story-18/

![](https://cdn.door43.org/obs/jpg/360px/obs-en-18-01.jpg)

شاه داوود چِل سال سلطَنتِش بیه. بعدِ جاوِه بُمَردَن فِرِش سُلیمون قوم اسراییلِ پادشاه گَردَس. خدا سلیمونی وی گَپِش بِزَند و جاخو آپَرسَچِه: «چِمه خو چی موقو اِشتِه را آدِمه؟» سُلیمُون خدا خو بوقوچِه جا را حِکمت آدیه. سُلیمون خاسته خداش خوشحاله یِه و جاش دوناتِرین مَردَک زِمین سَرِه یِه. سُلیمون خیلی چیاش بَلَدِه گِه و شاه خیلی عاقِلی وِه. خدا همچنین سُلیمونِش خیلی دارا یِه.

![](https://cdn.door43.org/obs/jpg/360px/obs-en-18-02.jpg)

سلیمون اورشلیمِ شَهرِه اِینه مَعبدِش سابِدا که داوود جاش بَرنومه بی یِردِه وی و جاش مصالِح گِرده گرده وی. اَز جا زَمون مردُم موتونَسچون خیمه ی ملاقاتِ عَوَض اوقادِه خدا پرستِش یَرِندِه و قوربونی تقدیمه یَرِندِه. خدا معبدِ مونِه حاضر وِه و خوشتَنَرِش قومی وی زِندِیش میه.

![](https://cdn.door43.org/obs/jpg/360px/obs-en-18-03.jpg)

آما سلیمون اَلادِه قومِش زَنونِ دِلِش بِبَست و جاناش اَگِه. آ تقریبا هِزاردونِه زینیاش اَگِه و بیناوِه که خدا خو نافرمونیش بیه. خیلی از جا زَنون غریبه سرزمینه بومِه وینده و پرستشِ را خوشتَنَرِشون را بُتِشون دَشت. وقتی سلیمون به سنِ پیری بِرَسَس، آودِه زَنونِش بُتون مِپَرَستَس.

![](https://cdn.door43.org/obs/jpg/360px/obs-en-18-04.jpg)

به جی دِلیل خدا سلیمونِ خو خشمگیناوِه و جاش وات مجازات اِم نا فَرمونی ام که بعد از بُمَردَن پادشاهی اسرائیل دو قِسمِه می یَرِه.

![](https://cdn.door43.org/obs/jpg/360px/obs-en-18-05.jpg)

بَدِ بُمَردَن سُلیمون، فِرِش رحبعام جاوِ یاقا پادشا گَردَس. همه اسرائیل اِل طایفه گِرداویندِه تا جاوِه به پادشاهی خوشتَنَرِشون قبول یَرِندِه. آنا شکایتِشون بِبه رحبعام را که سلیمون جانا خو زیاد کارش مِکَشَست و مجبور ویندِه خیلی مالیات آدییِندِه. آنا رحبعام خو بوقوچون که پیَرِش وِری سَخت گیر نِگَردِه.

![](https://cdn.door43.org/obs/jpg/360px/obs-en-18-06.jpg)

آما رِحُبعام اَخمَقه جوابِش جانارا آدای و واچه: «شما فِکِر مییَرا که پیام سلیمون سخت گیریش میه، ولی اَز شما ویشتَر مجبورِه مییَرِم کار بییَرا و عذابیون آندِم.»

![](https://cdn.door43.org/obs/jpg/360px/obs-en-18-07.jpg)

بعد از بَشونَستَن جاوِه گَپون، خیلی از مردم بر علیه جاوِه شورِشِشون بیه. دَ قبیلِه اسرائیل قبیلیون خو جا خو جویایاویندِه. فقط دو قبیلِه به جا وفادار بِمِندیندِه و آنا خوشتَنَرِشون پادشاهی نوم آنایشون یهودا.

![](https://cdn.door43.org/obs/jpg/360px/obs-en-18-08.jpg)

دَ دونِه اَلادِه قبیله اینِه مردَک که نومِش یِرُبعام وِه خوشتنَرِشون پادشا یَرچون که منطقه شمالی آ سرزمینِه دِ آنیشتِه ویندِه و خوشتَنَرِشون پادشاه اسرائیل یَرچون.

![](https://cdn.door43.org/obs/jpg/360px/obs-en-18-09.jpg)

یربعام خدا مُطیع نِوِه و باعِثِش گَردَس مردم بیشیندِه گنا طرف. آ دونه بُتِش سابدا و مردمون خو بوقوچِه تا جانا پَرَستِش یَرِندِه. آنا دیه پَرَستِشِ را به اورشلیم که پادشاهی یهودا دِ وِه مینیشیندِه.

![](https://cdn.door43.org/obs/jpg/360px/obs-en-18-10.jpg)

یهودی یون اسرائیل پادشاهی هَمدیَیر وی دُشمن گِردِستیندِه و ویشتر موقه هَمدییر وی جنگِشون دَشت.

![](https://cdn.door43.org/obs/jpg/360px/obs-en-18-11.jpg)

اسرائیلِ جدیدِه پادشاهی مونِه همه پادشایون شَر ویندِه. خیلی از آنا از طِریقِ آنایی ک موقوچون پادشاهی صاحِباویندِه کُشتاویندِه.

![](https://cdn.door43.org/obs/jpg/360px/obs-en-18-12.jpg)

همه‌ آ شایون ویشتَرِ اسرائیل مردم بُتِشون پَرستِش یِه. همی جا زَمونه کِه بُتِشون پَرستِش مِیه هَدَرِه زَنون وی آنخُوتیندِه و حتی زارونِشون بُتُون را قوربونی میه.

![](https://cdn.door43.org/obs/jpg/360px/obs-en-18-13.jpg)

شاهای یهودی داوود نسلِ خو وینده. بعضی از اِم شایون خوره آدم ویندِه، عدالتی وی حکومَتِشون میه و خداشون مِپَرَستَس. اَما ویشتر پادشاهای یَهودا شَر ویندِه. بعضی جانا خو حتی خوشتَنَرِشون زارون بُتُون را قوربونی میه. یهودا مردُم ویشتِری ضِد خدا پاویندِه و اَلادِه خداشون پَرَستِش یِه.

*داستون بیگیرییَستی کتاب مقدس خو: (اولین کتاب پادشایون فصل یِک تا شیش و یازدِیون دوازدِه)*

## 19. ۱۹- پیامبرون

https://openbiblestories.org/l/tks/story-19/

![](https://cdn.door43.org/obs/jpg/360px/obs-en-19-01.jpg)

در طول تاریخِ اسرائیل، خدا ای سیری پَیامبَرونِش جانا را بِروستا. پَیامبَرون خدا خو ای سیری پَیامونِشون اَنگه وَ جاناشون مَردُمون را اِنتِقال آندا.

![](https://cdn.door43.org/obs/jpg/360px/obs-en-19-02.jpg)

ایلیا پیامبَری وِ که در زمونِ اخاب زِندِگیش میهِ. اخاب ای شَربِری مَردَک وِ که مَردُمونِش تَشویق میهِ به بُت پَرَستی. ایلیا، اخابهِ را واچه که خدا اِشته مُجازات میَره. آ همچنین اخابه را واچه که دَر قلمرو اسرائیل، بدونِ فَرمونِ چِمه هیچ وارون یا شَبنَمی به زمین آنینیشینِه. اخاب، ایلیا گَپون خو خیلی ناراحت آوه وَ تَصمیمِش بِگِر که جاوهِ بوکوشه.

![](https://cdn.door43.org/obs/jpg/360px/obs-en-19-03.jpg)

خدا ایلیا را دَستورِش آدا که بیشو بیابون وَ خوشتَنَرِش قایمه یَرِه. ایلیا بِشو بیابون وَ ایدینه رودخونی پَلِفِ که خدا جاوهِ را نِشونِش آدا وی، آگا دِ ساکِن آوه. هَر رِو صبح و آفته شین، قالاچون جاوهِ را نونیون گوشتِشون مو. جی مودَّتِ مونِ دِ، اخابیون سِپاهیونِش ایلیا پِیِ گوردوبومیندِه، آما مونوتونَسچون جاوِ آندارِنده.

![](https://cdn.door43.org/obs/jpg/360px/obs-en-19-04.jpg)

چون هِچ وارون مِنِواریَست، بعدِ ای مودَّتی آ رودخونه خوشک آوه. جی واسِین ایلیا بیشو ایدینه اَلادهِ سرزمین که جا نَزدیکیونهِ دِ وِ. آگا دِ ایدینه پیره زِینیهِ فِرَرِش بی زِندِگیش میهِ که جانا آذوقه بِخاطر خُشکسالی همه تاموناوِه وی. هامون دِ جی حالی وی آ پیرِ زِینیه ایلیا خو مواظِبَتِش بیه وَ خدا جیوهِ مواظِبَطه واسِین جاوِش نیازون بَرطرفِ میهِ. جاوِ کوزه، آرد، رویَن هیچوقت تامونانِوِه وَ تَمامِ مودَّتی که ایلیا خو نِگَهداریش میهِ، جاوه آذوقه همیشه فراهم وِ. ایلیا سو سال آگا دِ بِمَند.

![](https://cdn.door43.org/obs/jpg/360px/obs-en-19-05.jpg)

بعد از سوسالو نیم خدا ایلیا را واچه که دوباره موقو وارون با. خدا ایلیا خو موقوچه که به قلمرو اسرائیلیون آگَردهِ وَ جا اخابی وی گَپ بِزَنه. وقتی اخاب ایلیاش وین، جاوِ را واچه که: «تَ یِیشه که ای بیَن مُشکلاتی بِ وجود بوردی!» ایلیا جاوِ جَوابِ دِ واچه: «همه‌ مشکلات اِشته واسِینه! تَ یهوه که خدای واقعی وِ تَرکا یِردی وَ بُت بَعَل پرستِش مییِری. همه‌ قوم اسرائیل به کوهِ گَرمِل بو.»

![](https://cdn.door43.org/obs/jpg/360px/obs-en-19-06.jpg)

تمومِ اسرائیل از جمله انبیاء که تعدادِشون به چهارصدو پنجاه نفر مِرَسَست، به کوه گرمل بومینده. ایلیا واچه: «تا کِی موقوی دودِل بیمینا؟ اگر یهوه خدایهِ جاوِ پَرَستِش یَرا وَ اگه بعل خدایهِ جاوهِ پیروی یَرا.»

![](https://cdn.door43.org/obs/jpg/360px/obs-en-19-07.jpg)

آ سان ایلیا به انبیا بُت بَعَل واچه: «ایدینه نرّهِ گاو قُربونی یَرا، جاوهِ گوشت، تیکه تیکه یَرا، قُربانگاه سَرِ آنِیا آما جاوِ آتَشِ مَزَنا. اَز دِ اَلادهِ قُربانگاه سَرِ دِ همین بیَنه کار میَرِمه. خدایی که قُربانگاه را آتَش بِروسته حَقیقی خُدایهِ.» بنابراین انبیا بُت بَعَل قُوربونیشون جورهِ یه، آما آتَشِشون روشینِ نیهِ.

![](https://cdn.door43.org/obs/jpg/360px/obs-en-19-08.jpg)

آ سانی انا بت بعل را دعاشون یهِ: «ای بعل چُما صدا بَشون!» آنا کُلِّ رِو مشغولِ دعا وینده وَ داد و فَریادِشون مِزَند وَ خوشتِنَرِشون زَخمیشون میهِ. آما بعلِ طَرَفهِ دِ هیچ صِدایی نومه وَ هیچ آتِشی روشینا نِوِه.

![](https://cdn.door43.org/obs/jpg/360px/obs-en-19-09.jpg)

انبیا بعل آ سان که تمومِ رِو دعاشون بیهِ، خَستاونیده وَ دیهِ دُعاشون نیهِ. آ سانی ایلیا ایدینه نَرّهِ گاوِش قُربانگاه سَرِ آنا وَ مَردُمهِ را واچه که دوازده خُمره وویهِ قُربانگاه سَر بیَرِنده، ایجور که گوشتِ گاو وَ زَمینیون هیزُم اَنه هَمه خِستاویندِه.

![](https://cdn.door43.org/obs/jpg/360px/obs-en-19-10.jpg)

آ سانی ایلیا بیَن دُعاش بیهِ: «ای یهوه، ای خدای ابراهیم، اسحاقیون یعقوب، اَرو چُمارا اُوَردِن که تَ خُدای اسرائیلیشه وَ اِشتِه خِدمَتگُذاریمه. چمه دعا برآوردِه یه تا ام قوم بوزونِندِه که تَ خدای حقیقی وَ واقِعیشه.»

![](https://cdn.door43.org/obs/jpg/360px/obs-en-19-11.jpg)

بلافاصله آسمونِه دِ آتِش نازِلاوِه وَ گوشتیون، هیزِمیون، سَنگیون خاکه وَ حتی قربانگاه اطرافِ وویا پاک بیسوزدِنسچِه. وقتی مردم جیناشون ویند، بلافاصله بِکه تیندِه زمین وَ واچون: «یهوه خدایهِ! یهوه خدایهِ!»

![](https://cdn.door43.org/obs/jpg/360px/obs-en-19-12.jpg)

آ سانی ایلیا واچه: «مَرزا حتی ای نَفَر از انبیا بت بعل ویریجِنده!» پس مردم همه‌ انبیای بَعَلِشون دَستگیره یهِ وَ هَمیشون آقادِه بِبه و بوکوچون.

![](https://cdn.door43.org/obs/jpg/360px/obs-en-19-13.jpg)

آ سان ایلیا اخابِ پادِشاش وات: «بلافاصله آگَرد کیهِ چونکه جی زِویهِ زِوِ بی وارون ما.» آ سانی جا موقع دِ سیاه اَبرون، آسِمونِشون پُرِ یهِ وَ شَدیدِ وارون بومه. یهوه خُشکسالیش پایان آدا وَ جی کارِ بی، همچنین ثابِتاش یهِ که فقط آ خدای واقعی یهِ.

![](https://cdn.door43.org/obs/jpg/360px/obs-en-19-14.jpg)

بعدِ جا که ایلیا ماموریَتِش تاموناوِه، خدا ایدینه مَردَکِش به نومِ اِلیشَعِش به پیامبری انتخابهِ یهِ. خدا به وسیله‌ی الیشع خیلی مُعجِزونِش انجام آدا. ایدینه از ای معجِزون خو نَعمانهِ را اتفاق بِکَت که ارتِشِ دُشمَنهِ فَرماندِهان خو وهِ. اِم به نوعی بیماری پوستی وحشتناکی مُبتَلا وهِ. آ درمورد الیشع بشونِسته ویشه وَ جا پلف بوشو وَ جا خو تَقاضایِ شَفاش بیهِ. الیشع نَعمانِش وات که هفت را اُردن ویه مون بیشو.

![](https://cdn.door43.org/obs/jpg/360px/obs-en-19-15.jpg)

اول، نعمان جی کارهِ خو خیلی ناراحت آوه وَ فکرش میه احمقانیهِ اِم کار، مِنوقوچه جا کار انجام آدیه. آما تصمیمِش عوضاش یهِ وَ هفت را خوشتَنَرِش رودِ اردنِ مونِه دِ باقاچّه وویهِ مون، بَرورچه. جا لحظه ای که هفتمین بار وویهِ مونهِ بومه بَر، کاملاً شَفاش آنداستِه وی، خدا جاوهِ را شَفاش آدا.

![](https://cdn.door43.org/obs/jpg/360px/obs-en-19-16.jpg)

خدا قومهِ اسرائیله را خیلی اَلادهِ پَیامبَرونِش دِ بِروستا. همه‌ آنا مَردُمون را هُشدارِشون آندا وَ واچون که بُت پرستی خو دَست بِکَشا، اَلادِه کَسون بی عادِلانه بَرخورد یَرِنده وَ نسبت به اَلادهِ کَسون رَحم، مُرُوَتِشون دَشته وی، شِرارَت خو دِو گَردِنده وَ دَرعَوَض خدا خو اِطاعَت یَرِنده. اگه بیَن رَفتار نیَرِنده، خُدا نَظَره دِ گوناهکار حسابامبیندِه وَ باید موجازات گَردِنده.

![](https://cdn.door43.org/obs/jpg/360px/obs-en-19-17.jpg)

خیلی موقونهِ دِ مردم خُدا خو اِطاعَتِشون مینیهِ. آنا خیلی موقِع پیامبرون بی قولیهِ رَفتارِشون دَشت وَ جاناشون موکوشت! ای را، ارمیای نبیشون چامون باشین وَ جاشون آگا دِ وِلهِ یهِ. ارمیا چامونهِ دِ گیلِ شِلِ مونِه دِ غرقاوِه. آما بعدِ جا پادِشاه خوشتَنَرِش نوکَرون را دَستورِش آدا قبل از اینکه بوموره جاوِ چاه مونهِ دِ بَرورِنده.

![](https://cdn.door43.org/obs/jpg/360px/obs-en-19-18.jpg)

با وجودیکه مردم پیامبَرون خو بدشون مومِه، هامونه خدا راجِبه گَپِشون بِزَند. اِم نا مَردُمون را هُشدارِشون آندا که اگه توبه نیَرا، بینِه مِشه یا. آنا همچنین وعده‌ خداشون مَردُمون را یادآوری میهِ که همانا مسیحِ بُروستَن وهِ.

*داستون بیگیرییِستی از کتاب مقدس: (کتاب اول پادشاهان فصل ۱۶ تا ۱۸؛ کتاب دوم پادشاهان فصل ۵؛ کتاب ارمیا فصل ۳۸)*

## 20. ۲۰- تبعید و آگَردَستَن

https://openbiblestories.org/l/tks/story-20/

![](https://cdn.door43.org/obs/jpg/360px/obs-en-20-01.jpg)

پادشاهی اسرائیل و پادشاهی یهودا، هَردو دِ بَر ضِد خدا گوناشون بیهِ. آنا جا قَسَمِشون که کوهِ سینا دِ بوخاردِویشون، بِشکِچّون. خدا پیامبَرون طِریقه جاناش هشدار آدای که توبه یَرا و دوباره جاوِ بِپَرَستا آما آنا خدا خو فرمونِشون نِبِه.

![](https://cdn.door43.org/obs/jpg/360px/obs-en-20-02.jpg)

خدا جاناش تَنبیهِ یه وَ اِجازیش آدا که جانا دُشمَنون جانا نابود یَرِنده. جا زَمونهِ دِ ایدینه الادِه قوم ویندِه، ای اَلاده قومِ قدرتمند به نوم آشور. آشوریون اَلادهِ قومون وَرِ دِ خیلی بی‌رحم ویندِه. پادشاهی اسرائیل آشوریون دَسِه بینِه بوشو. آشوریون خیلی از مردم پادشاهی اسرائیلون خو، بوکوچّون. هرچیشون موقوس، غارَتِشون یِه وَ بسیاری از سرزمینونِشون دِ عِیساشون زَند.

![](https://cdn.door43.org/obs/jpg/360px/obs-en-20-03.jpg)

آشوریون خیلی جا رَهبَرون خو، خیلی جا ثِروَتمَندون خو و آدمایی که مهارت خاصِشون دَشت، جاناشون بِبه آشور. فقط ای سری فَقیره آدَمون، بِمِندینده اِسرائیله دِ.

![](https://cdn.door43.org/obs/jpg/360px/obs-en-20-04.jpg)

آ سانی آشوریون، ای سیری بیگانِگونشون بو سرزمینِ اسرائیلهِ دِ زِندگی بیَرِنده. بیگانِگون جا شَهرون که ویروناویندِه، جاناشون بازسازی یهِ. دوباره ساشون بِدا وَ جا اسرائیلیون دِ که آگا دِ بِمِندِوینده وِیِشون بیهِ. نسل حاصل جی ازدواجون سامری گِردِستیندِه.

![](https://cdn.door43.org/obs/jpg/360px/obs-en-20-05.jpg)

مردمِ پادشاهِ یَهودا وینچون کهِ خدا به دلیل نافرمانی و اطاعت نیَردَنِ اسرائیلیون، جاناش مجازات یهِ، هامون دِ بُتون و خدایون کَنعونِشون پَرَستِش میهِ. خدا ای سِری پَیامبَرونِش بِروستا که جینا را هُشدار آدینده، آما هامون دِ آنا خوشتَنَرِشون کار، اِدومیشون آدا.

![](https://cdn.door43.org/obs/jpg/360px/obs-en-20-06.jpg)

حدود صَد سال پَس از نابودی سپاه اسرائیلیون به دست آشوریون، خدا، نَبوگَدنِصَّر پادشاه بابِلِش بِروستا تا به پادِشاه یَهودا حَمله یَره. بابِلیون قوم با قدرتی ویندِه. پادشاه یهودا قَبولِش یهِ که خدمتگزارِ نَبوگَدنِصَّر گَرده وَ هرسال جاوِ را خیلی زیاد فِل آدیه.

![](https://cdn.door43.org/obs/jpg/360px/obs-en-20-07.jpg)

آما چند سال بعد پادشاه یَهودا عَلَیهِ بابِل شورِشِش یهِ. جی واسِین دوباره بابِلیون آگِردِستیندهِ وَ پادشاه یهوداشون حمله یهِ. بابلیون، شَهرِ اورشَلیمِشون تَصَرُف یهِ‌، معبَدِشون نابودِ یهِ وَ هر چی ثروت معبد مونِه دِ وِه، هَمیشون به غارت بِبِه.

![](https://cdn.door43.org/obs/jpg/360px/obs-en-20-08.jpg)

برای اینکه پادشاه یهودا تنبیه یَرِنده، سربازان نَبوگَدنِصَّر، جاشون فِرون بِکُشت وَ جاشون چِشمون بَرور. بعدِ جا، جاپادِشاهِشون خوشتَنَرِشون وی بِبِه که بابِلِ زِندونِ مونِ دِ بِمِرِ.

![](https://cdn.door43.org/obs/jpg/360px/obs-en-20-09.jpg)

نَبوگَدنِصَّر وَ هَمِی سَربازونِش، تقریبا تمامی اهالی پادشاهِ یَهوداشون، خوشتَنَرِشون بِبِر وَ فقط چند نفر خیلی فقیر شون بَشد بِمِندیندِه تا کشاورزی یَرِندِه. جی دوران که خدا قوم مجبوراویندِه سرزمین موعود بیشیندِه بَر تبعید ماجِنده.

![](https://cdn.door43.org/obs/jpg/360px/obs-en-20-10.jpg)

هرچند خدا تبعیدِ بی خوشتَنَرِش قوم مجازاتِش یهِ، آما وعده وَ قولونِش که جانا را آدا وی، هیچوقت فراموشاش نیه. خدا خوشتنرش قوم هادِر مومِه وَ به وِسیله‌ پیامبَرون و اَنبیاء جانابی گَپِش مِزَن. خداوند وَعدیش آدا که بعداز هفتاد سال، دوباره قومِ اسرائیل به سرزمین موعود آنگَردِنه.

![](https://cdn.door43.org/obs/jpg/360px/obs-en-20-11.jpg)

بعد از هفتاد سال، کوروش پادشاه پارسیان، بابِلیونِش شِکَست آدا و آ سان اِمپِراطوریِ پارسیان، امپراطوری بابلی عَوَض خیلی قومونِشون تسلط آنداست. آ سان جی زَمونهِ دِ مردُمِ اِسرائیلِشون، یهودی گوریهِ مِزَند وَ آنا ویشتر عمرشون بابُله دِ زِندِگیشون میهِ. فقط آنا که خیلی پیر وینده، موتونِستیندِه سرزَمینِ یَهودا خیالِشون بورِندِه.

![](https://cdn.door43.org/obs/jpg/360px/obs-en-20-12.jpg)

پارسیان با اینکه خیلی قدرتمند وینده آما جا قوم هایی که تحت تَسلط جینا وینده، خیلی مهربانی وَ ملایِمتِ بی جاناوی برخوردِشون میهِ. پس از ای مدتِ کوتاه که کوروش به پادشاهی پارسیان بِرَسَست، دَستورِش آدا که هر یَهودی که موقو آگَرده سرزَمینِش، موتونه آگَرده. آ حتی جانارا فِلِش آدای که اورشلیمِ معبد سابیدییِندِه. بعد هفتاد سال بعد تبعید دسته گوجیلی یهودیون خو به اورشلیم سرزمین یهودا دِ آگردِستیندِه.

![](https://cdn.door43.org/obs/jpg/360px/obs-en-20-13.jpg)

وقتی قوم به اورشلیم بِرِسستیندِه معبد و دیوارِ شهرِ دورِه ساشون بِدا پارسیون هنوز دِ جاناشون تسلط دَشت اما آنا دوباره سرزمین موعود سَراشون میه و موتونِستیندِه خدا معبد مونه پرستِش یَرِندِه.

*داستون بیگیرییِستی از کتاب مقدس: (کتاب دوم پادشاهان فصل ۱۷ و ۲۴ و ۲۵؛ کتاب دوم تواریخ فصل ۳۶؛ کتاب عزرا فصل ۱ تا ۱۰؛ کتاب نحمیا فصل ۱ تا ۱۳)*

## 21. ۲۱- خداوند مسیح بومِیَین وعدِه آندِیِه

https://openbiblestories.org/l/tks/story-21/

![](https://cdn.door43.org/obs/jpg/360px/obs-en-21-01.jpg)

از هَمی جا اول آفِرینِش خدا خور موزونَسچِه که بعدِ ای مدت طولانی مسیح موعودِش موروستِه. آ به آدَمیون و هوا وَعدیش آدِه وی که جی کارِ بی شک اَنجوم آندییِه. خدا وعدیش آدِه وی که هوا نسلِ خو ای نفر ما که مارِ سَر آنکونه. ماری که هواش وازُو بِزَن همی آ شیطون وِه. وعدِه اِم وِه که مسیح شیطونِ کاملا شکست آندییِه.

![](https://cdn.door43.org/obs/jpg/360px/obs-en-21-02.jpg)

خدا ابراهیم را وعدیش آده وی که به واسطه جا همه جَهونِ مِلَتون برکت آندارِندِه. آ به خوشتَنَرِش وعده بعدِ ای مدت مسیح بوروستییَن عَمَلِش میه. مسیح باید مَردومونِش از هر قومی دُنیادِه گُنایون خو نجاتِش آندا.

![](https://cdn.door43.org/obs/jpg/360px/obs-en-21-03.jpg)

خدا موسی را وعدیش آدا که آیندِه دِ اینه نجات دَهندِه جا وِری پامبِه. اِم نجات دَهَندِه مسیحای موعود وِری وِه. بیَناوِه که خدا هامونه وعدِه مسیحِ بومییَن آدایشِه.

![](https://cdn.door43.org/obs/jpg/360px/obs-en-21-04.jpg)

خدا داوود پادشاش وعده آدا که ای نفر جاوِه نسل خو به پادشاهی مِرَسِه و تا اَبد خدا قوم سلطنت مییَرِه. اِم جی معنی دِ وِه که مسیح داوودِ نسلِ خو ما.

![](https://cdn.door43.org/obs/jpg/360px/obs-en-21-05.jpg)

از طِریقِ ارمیای نبی خدا وعدیش آدای که پیمونِ جدید جورِه مییَرِه، آما نه جا عهدِ وِری که خدا اسراییلی وی کوهِ سینا دِ بِبِستِه ویشِه. جدیدِه پیمونِ مونِه خدا خوشتَنَرِش قانونون مردُمون قلبِ دِه مینیسِه، مردن دِ شخصا جا مشناسِندِه و جاوِه محبت مییَرِندِه جاوِ احکام خو اطاعت مییَرِندِه. مسیح کسی وِه که جی پیمونِ جدیدِش جاناوی مِبَست. آنا جاوِه قوم و اِل طایفه مِگَردِندِه و خدا جانا گونایون مِبَخشِه.

![](https://cdn.door43.org/obs/jpg/360px/obs-en-21-06.jpg)

خدا پیامبَرون همچنین واچون که مسیح موعود نبی، کاهن و پادشاه مِگَردِه. نبی کسی یِه که خدا گَپون مَشونِه و جاوِه مردمون را ماجِه. مسیح موعود خدا، نبی کاملی مِگَردِه چون آ خدا پیامون کاملا حالیامبِه و جاوِه کامل مردِمون را ماجِه.

![](https://cdn.door43.org/obs/jpg/360px/obs-en-21-07.jpg)

کاهنون یهودی از طرف مردُم خدا را قوربونیشون میه که عَوَض جی وِه که گُنایونِشون مجازات گَردِه. همچنین کاهنون مردُمِ را خدا درگادِه دُویاشون مییِه. با جی حال قرار وِه مسیح موعود کاهن اعظمی گردِه که خوشتَنَرِش به عنوان اِینِه قوربونی کامل تقدیم خدا یَرِه. یعنی آ هیچ وقت گُنا مینییَرِه و وقتی آ خوشتَنَرِش به عنوان قوربونی تقدیمِه یَرِه، هیچ نیازی به قوربونی دییِه برای گناه نییِه.

![](https://cdn.door43.org/obs/jpg/360px/obs-en-21-08.jpg)

پادشایون و رئیسون مردُمِ حُکمرونی مییَرِندِه بعضی موقِع دِ اشتبایونی دِرِندِه. داوود پادشا فقط اسراییلیونش حکومت یِه. آما مسیح موعود که داوود نسلِ خو ما به همه دنیا تا ابد حکومت مییَرِه. آ عادلونه حکومَتِش مییِه و دُرُستِه تصمیمونِش مِگِه.

![](https://cdn.door43.org/obs/jpg/360px/obs-en-21-09.jpg)

پیومبَرونی که خدا طرفه بومِه ویندِه خیلی نبوتِشون دربارِه مسیح بیردِه وی نبی ملاکی نبوتِش یردِه وی که قبل از مسیح بومییَن اِینِه پیامبَرِ پِلِه ی دیِه ما. نبی اشعیای نبوتِش یردِه وی که مسیح موعود اینِه باکرییه خو دُنیا ما نبی میکاه دِ واتِه ویش که آ شهرِ بیت لحمِه دنیا ما.

![](https://cdn.door43.org/obs/jpg/360px/obs-en-21-10.jpg)

نبی اشعیای واچه که مسیح جلیلِه دِ زندگی مییَرِه. آ بیشکییَستِه قلبون تسلا آندییِه و اسیرون آزادِه مییَرِه. آ همچنین نبوتِش یه که مسیح موعود مریضون یِعنی کورون، لَنگون، کَرون و گُنگون شفا آندییِه.

![](https://cdn.door43.org/obs/jpg/360px/obs-en-21-11.jpg)

نبی اشعیای همچنین نبوتِش یردِه وی که مردم مسیح موعودِ خو بَدِشون ما و جاوِه قبول مینییَرِندِه. بقیه انبیا دِ نبوتِشون یردِه وی که ایدِنِه از مسیح رفقون جاوِه پُشت مییَرِه. ز کریا نبوتِش یِه که اِم رَفِق سی دونه سکه ی نُقری واسین جاوِ خیانت مییَرِه. اَلادِه انبیا دِ نبوتِشون یردِه وی که مسیح موکوشِندِه و جا اَرمازون سَرِه قرعه مِکَشِندِه .

![](https://cdn.door43.org/obs/jpg/360px/obs-en-21-12.jpg)

همچنین انبیا درباره چییَن بومردَنِ جاوِه نبوتِشون یردِه وی. اشعیای نبی واتِه ویش که مردم جاوِه سر تُف ماشینِندِه و جا کُتک مِزَنندِه و مسخره مییَرِندِه. بعد جاوه یون لوکِه مییَرِندِه تا رنج و سختی وی بُمُرِه، با جی وجود که هیچ گُناش نییِردِوی.

![](https://cdn.door43.org/obs/jpg/360px/obs-en-21-13.jpg)

اَلادِه انبیا دِ نبوتِشون یردِه وی که مسیح موعود باید اِنسون کامل و بدون هیچ گُنایی گردِه. آ باید بُمُرِه چون خدا جاوِش عوض گُنای همه مردم دنیا مجازات مییَرِه. جاوِه مجازات باعث مِگَردَس که بین آدَمیون خدا آرامِشیون صلح برقَراراوِه. به جی دلیل خدا اراده اِم وِه که مسیح ضربه وینِه و کُشتاوِه.

![](https://cdn.door43.org/obs/jpg/360px/obs-en-21-14.jpg)

اَلادِه انبیا دِه جیشون نبوت یه که خدا مسیح بعد از بُمَردَنِش پایَردِنِه. پس بُمَردَن و پاوییَن مسیح مرگِ خو خدا موقوچه که نقشه ی گناکارون نجات کامِلِه یَرِه و آدمی وی تازِه پیمون بِبَندِه .

![](https://cdn.door43.org/obs/jpg/360px/obs-en-21-15.jpg)

خدا خیلی چییاش درباره ی مسیحِ بومییَن انبیا را آشکاراش یِه. اما مسیح هیچگونی از جی انبیا زمونِه نومِه وی .۴۰۰سال ویشتَر بعد از آخرین نبوت، موقعی که زَمون به کمال بِرَسس، خدا مسیحِش به دنیا بُرُستای.

*داستون بیگیرییِستی از کتاب مقدس: (کتاب پیدایش  فصل ۳ آیه ۱۵، فصل ۱۲ آیه ۱ تا ۳، کتاب تثنیهفصل ۱۸ آیه ۱۵، کتاب دوم سموئیل فصل ۷، کتاب ارمیا فصل ۳۱، کتاب اشعیا فصل ۵۹ آیه ۱۶، کتاب دانیال فصل ۷، کتاب ملاکی فصل ۴ آیه ۵،  کتاب اشعیا فصل ۷ آیه ۱۴، کتاب میکا فصل ۵ آیه ۲، کتاب اشعیا فصل ۹ آیه ۱ تا ۷ و فصل ۳۵ آیه ۳ تا ۵ و فصل ۵۳،کتاب مزامیر فصل ۲۲ آیه ۱۸ و فصل ۳۵ آیه ۱۹ و فصل ۶۹ آیه ۴ و فصل ۴۱ آیه ۹، کتاب زکریا فصل ۱۱ آیه ۱۲ و ۱۳،  کتاب اشعیا فصل۵۰ آیه ۶، کتاب مزامیر فصل ۱۶ آیه ۱۰ و ۱۱)*

## 22. ۲۲- یوحنای تعمید دهندی تولد

https://openbiblestories.org/l/tks/story-22/

![](https://cdn.door43.org/obs/jpg/360px/obs-en-22-01.jpg)

خیلی وقت پیشون، خدا به وسیله‌ی پَیامبَرون و اَنبیایونِش مَردُمونِش بی گَپِش مِزَند. آما بعداز چهارصد سال که خدا خوشتِنَرِش مَردُمون بی گَپِش نِزِنده وی، ایبَدِه خدا فرشته بر اِینه پیرِه مَردَک که کاهن وِه نومِش دِ زکریا وِه ظاهِراوِه. آویون زَناش الیزابتهِ، خدا ترس ویندِه. آنا پیراوِه وینده و الیزابته زارین دارا مینیوییِه.

![](https://cdn.door43.org/obs/jpg/360px/obs-en-22-02.jpg)

خدا فرشته زکریاش وات: «اِشته زَنهِ ایدینه فِرهِ موگو بزایهِ. تَ جاوهِ نوم موگوی یوحنا آنِی. خدا جاوِ روحِش خو پُرهِ میَره وَ یوحنا مَردُمون برای بومیَنِ مسیحِ موعود آماده میَره.» زکریا جاوِ گَپ جوابِ دِ واچه: «اَزِمون‌ زَنام زارین دارا وییَن را خیلی پیریمون! کادِ بوزونومه که راستِش ماجِی چوما را؟»

![](https://cdn.door43.org/obs/jpg/360px/obs-en-22-03.jpg)

فرشته خدا زکریا را واچه: «اَز خدا طرفهِ بومِیمه تا جی خوشِ خبر، اِشته را بِرَستِنِم. الان که تَ چِمه گَپون باوارِ مینی‌یِری، دیهِ قدرتِ گَپ بِزَندِنی دَستِ دِ آندِی تا اینکه آ زارین به دنیا با.» بعدِ جا، دیهِ زکریا نوتونَچّهِ گَپ بِزَنه. آ سانی خدا فرشته، زکریا پَلِفه دِ پاوِ بوشو. زکریا آگَردَست کیهِ و ای باین نِگذَرَست که زَناش اوستَن آویه.

![](https://cdn.door43.org/obs/jpg/360px/obs-en-22-04.jpg)

موقعی که الیزابت در ماه شوشومِ اوستَن آویهِ، هَمی آ فرشته ایبِده ایدینه الیزابِته فامیلون خو که نومِش مریم وهِ، ظاهراویه. آوه باکره ویه و اینه مردک که نومِش یوسف وه جا نومازِه وییِه. فرشته جاوه را واچه: «تَ اوستَنامبی و ایدینه فِره مِزای وَ جاوهِ نوم آنِی عیسی. آ خدا فِرهِ وَ سَلطَنَتِش دِ اَبَدی مِگَرده.»

![](https://cdn.door43.org/obs/jpg/360px/obs-en-22-05.jpg)

مریمه واچه: «چیَن بِینه چی اِمکون دِره درحالی که اَ تیتیایمه وَ اَز باکِرِیمه‌؟» فرشته واچه: «روح‌القدس اِشته سَر ما وَ قوَت خدا اِشته سَر سِینَکه ماشینه. آ سانی آ فِره، قُدّوس وَ خدا فِر مِگَرده.» مَریَمهِ هرچی که آ فِرشته واتِویشه،ایمونِش بو وَ جاوِش گَپون پاک قبول یه.

![](https://cdn.door43.org/obs/jpg/360px/obs-en-22-06.jpg)

زَمونهِ کَمی پَس از جی رویداد، مَریَمه، اِلیزابِتهِ کیهِ بیشیه. همین که اِلیزابِتِ مَریَماش صدا بَشونَس، زارین جاوهِ رَحِمهِ مونهِ دِ تَکوش بوخا. آنا خدا کارِ واسِین که جانا را اَنجومِش آدا وی، خیلی خوشحالیشون میهِ. مریَمِه سوماه الیزابتهِ پَلِفهِ بَشتایِه وَ بعدِ جا آگَردَسته کیشون‌.

![](https://cdn.door43.org/obs/jpg/360px/obs-en-22-07.jpg)

پس از جی اتفاق، الیزابتهِ ایدینه فِریش دونیا بو. آوِیون زَکَریا، همین باین که فرشته واتِویشه، جاشون نوم آنا یوحنا‌. آ سانی خدا دوباره زَکَریاش دون آیهِ وَ زکریا واچه: «خدارا شکر چون آ به یاریِ قومیون مَردُمونِش، بِرِسِستی‌! وَ تَ اِی فِرِم، خدای متعالِ پیومبَر مِخِنِندِه اِشتِه وَ مَردُمون را ماجِی که چیَن موتونِنده آمرزِشه گوناهونِشون آندارِنده‌!»

*داستون بیگیرییِستی از کتاب مقدس: (کتاب پیدایش فصل ۳ آیه ۱۵ و فصل ۱۲ آیه ۱ تا ۳، کتاب تثنیه فصل ۱۸ آیه ۱۵، کتاب دوم سموئیل  فصل ۷، کتاب ارمیا فصل ۳۱، کتاب اشعیا فصل ۵۹ آیه ۱۶، کتاب دانیال فصل ۷، کتاب ملاکی فصل ۴ آیه ۵، کتاب اشعیا فصل ۷ آیه ۱۴، کتاب میکا فصل ۵ آیه ۲، کتاب اشعیا فصل۹ آیه ۱ تا ۷ و فصل ۳۵ آیه ۳ تا ۵ و فصل ۶۱ و فصل ۵۳، کتاب مزامیر فصل ۲۲ آیه ۱۸ و فصل ۳۵ آیه ۱۹ و فصل ۶۹ آیه ۴ و فصل ۴۱ آیه ۹، کتاب زکریا فصل ۱۱ آیه ۱۲ و ۱۳، کتاب اشعیا فصل ۵۰ آیه ۶، کتاب مزامیر فصل ۱۶ آیه ۱۰ و ۱۱)*

## 23. ۲۳- عیسی تولدِ

https://openbiblestories.org/l/tks/story-23/

![](https://cdn.door43.org/obs/jpg/360px/obs-en-23-01.jpg)

مریمه اینه مردَکی وی که عادل و خور وِه به نوم یوسف نومازِه گردِسته ویندِه. وقتی یوسف هالیاوِه که مریمه اُوستَنا آ حالی وِ که زارین جا خو نییِه .یوسف منوقوچه که مریمه رسوایون بی آبرو یَره. پس تصمیمش بِگه که بی سر صدا جاوِه خو جویاوِه .اما قبل جی که جا کارِه بیَره اینِه فرشته رویا مونِه ظاهراوِه جاوِ را.

![](https://cdn.door43.org/obs/jpg/360px/obs-en-23-02.jpg)

فرشته یوسفِش وات: «مترس از اینکه مریمه اَگِری. زارینی که جاوِه رحِمِ مونِه یه روح القدس خو یِه. مریمه اینِه فِر مِزایه و جا نوم عیسی (یهود نجات آندییِه) آنی، چون آ مَردومِه گونایون خو خلاصه میَرِه.»

![](https://cdn.door43.org/obs/jpg/360px/obs-en-23-03.jpg)

پس یوسف مریمه وی وِییشون بیه و جاواش بو خوشتَنَرِش کیه. آما تا موقعی که زارین دُنیا نومِه جاوِه وی همبستر نِگَردَس.

![](https://cdn.door43.org/obs/jpg/360px/obs-en-23-04.jpg)

آخرین رِوای مریمه بارداری، روم امپراطور دستورِش آدا که سرشماری را هر کس باید خوشتَنَرِش شهر اجدادی آگَردِه. یوسفیون مریمه خیلی راشون ناصِره دِ به بیت الحم باید میشیندِه، چرا که جینا جد داود پادشاه و شهرشون دِ بیت الحم وِه.

![](https://cdn.door43.org/obs/jpg/360px/obs-en-23-05.jpg)

وقتی مریمه یون یوسف بِرِسستیندِه بیت الحم یاقاشون بِمَندَنِ را آنِنداست. تنها یاقایی که مردم موتونَسچون بیمینِندِه اینه یاقا حیوونون نیادَشتَنِ را وِه. آقادِه مریمه زارینِش دُنیا بو و جاش آخور مونِه آخوستِنَس چون که جاوِ را خاب یاقاشون نِدَشت آنا جاشون نوم آنا عیسی.

![](https://cdn.door43.org/obs/jpg/360px/obs-en-23-06.jpg)

آ شو چوپونونی بیابونِ مونِه دِ خوشتَنَرِشون گَلّون نگهبونی میه. ایبَدِه اینه فرشته نورانی جانا پَرونِه ظاهِراوِه و ترسیون وحشت جاناش بِگِه. فرشته جاناش وات: «مَتَرسا چون اَز ای خبر خوش شمارا دِرِم‌ .مسیح موعود که خدا یه بیت الحم دُنیا بومِه!»

![](https://cdn.door43.org/obs/jpg/360px/obs-en-23-07.jpg)

«بِشِه یا و جا زارین پِیِه بِگَردا و زارین قُنداقه مونِ اُوپیچا و آخور مونِه آخوتِه آندارا.» ایبَدِه خیلی از فرشتگون آسِمونی مُلحَقاویندِه جا فرشته. آنا در ستایش خدا مِخِنچون و مِواچون، «خدا را آسمون مونِه جلال و بزرگی گردِه و زمین سَرِه صُلحیون آرامش مردمی را که خدا به جانا لطف دِرِه!»

![](https://cdn.door43.org/obs/jpg/360px/obs-en-23-08.jpg)

پس فرشتون جانا شون وِلِه یِه و چوپونون دِ خوشتَنَرِشون گلّون، به یاقایی که عیسی اُقادِه وِه بِرِسِستیندِه و اِینِه لَتّیشون ویند که آخورِ مونِه آخوته وی همی باین که آ فرشتِه واتِه ویشِه. آنا خیلی هَیَجون زَدا ویندِه. چوپونون بیشیندِه خوشتَنَرِشون گلّون پَلِف و خداشون برای آ چی که ویندِه ویشون و بَشونِستِه ویشون شُکرِشون میه و ستایِشِشون میه.

![](https://cdn.door43.org/obs/jpg/360px/obs-en-23-09.jpg)

بعد از جاوِه مردَکونی از مشرق زِمین که آستِرییِه شناس و خیلی دونا ویندِه، اِینه آستِریه شون که خیلی شگفت انگیز وِه آسِمونِه وین.آنا هالیاویندِه که پادشاه جدید یهود دُنیا بومِه. پس خیلی راهِ طولانی خوشتَنَرِشون سرزمینِ خو جی زارین ویندَنِ را بومیندِه. آنا بومیندِه بیت الحم و آ کییِه که عیسی پییَر مارِش وی جا مونِه زِندِگیش میه آنداچون.

![](https://cdn.door43.org/obs/jpg/360px/obs-en-23-10.jpg)

وقتی آ مردَکونِ دانشمند عیساشون مایَرِش وی وینچون زانوشون بِزَن و جاشون پَرَستِش یِه. آنا عیسی گُرونِه پیشکِشونشون آدای و بعدِش آگردِستیندِه خوشتَنَرِشون کیه.

*داستون بِگرِستی از کتاب مقدس: (انجیل متی فصل ۱ و انجیل لوقا فصل ۲)*

## 24. ۲۴- یوحنا عیسی تعمید آندی یِه

https://openbiblestories.org/l/tks/story-24/

![](https://cdn.door43.org/obs/jpg/360px/obs-en-24-01.jpg)

یوحنا، زکریایون الیزابِته فِر، پِلّاوهِ وَ به پیامبَری انتِخاباوِه. آ ایدینه بیابونه زِندِگیش میهِ، عَسَله صَحراییون مَلَخِش موخا، لِباسِش دِ اُشتُرهِ پَشمهِ خو وهِ.

![](https://cdn.door43.org/obs/jpg/360px/obs-en-24-02.jpg)

خیلی از مردم میشیندهِ بیابون، یوحنا پَلِف وَ جاوهِ گَپون گوشاشون میه. آ جانارا روضیش میهِ وَ مردِمونِش مِوات: «توبه یَرا چونکه پادِشاهیه خدا نَزدیکه.»

![](https://cdn.door43.org/obs/jpg/360px/obs-en-24-03.jpg)

چون مردم، یوحناشون گَپون گوشهِ میهِ خِیلیون گوناهانِشون خو توبیشون یهِ وَ یوحنا جاناش ویه وی غسل آندای. خیلی از رَهبَرای مذهبی مومیندهِ یوحنا پَلِف، آما به خوشتَنَرِشون گونایون اعترافِشون نیه و جانا خو توبیشون مینیِه.

![](https://cdn.door43.org/obs/jpg/360px/obs-en-24-04.jpg)

یوحنای غسل آدیه، رَهبَرون مَذهَبی را مِواچّه: «اِی سَمّی مارون، توبه یَرا وَ رَفتاریون عَوَضَرا. خدا هر درخت که خورهِ میوهِ نوره، جاوهِ میربینه وَ آتِش مون ماشینِه.» یوحنا پَیامبَرونِش پیشگویی به پایان بِرَسدِنَس که واته ویشون: «بِشگِه از خوشتَنَرِم پیامبَرَر اِشتهِ پَرون تَره مِروستومه تا راه اِشته را هموارِه یَرِه.»

![](https://cdn.door43.org/obs/jpg/360px/obs-en-24-05.jpg)

خیلی از مَذهَبی رَهبَرون، یوحنا خو آپَرسَچّون: «آیا تَ مَسیحیشه؟» یوحنا واچه: «از مسیح نیمِه، آما بعد از چِمه اینَفَر ما که مَقامِش خیلی چِمه ویشتَره. اِنقَدر مَقامِش چِمه ویشتَره که اَز شایِسته نِیمه جاوه حتی چُستون بَندِ اُوشارِمِه.»

![](https://cdn.door43.org/obs/jpg/360px/obs-en-24-06.jpg)

سابایناش عیسی برای غسل ویه، یوحنای غسل آدیه پَلِف بوشو. آ سان چون یوحنا جاش ویند، واچه: «اِم هَمی خدا بَرّییه که تَموم جهون گوناه اُونگورِه.»

![](https://cdn.door43.org/obs/jpg/360px/obs-en-24-07.jpg)

یوحنای تعمید دهنده، عیسی را واچه: «اَ لیاقت نِدِرِم که اَشته غسل تعمید آدِمه. اِم اَزیمه‌که باید اِشته خو غسل تعمید اَگِرِمه.» آما عیسی واچه که: «چمه غسل تعمید آدی چون درسته‌کار هَمی اِمه.» آ سانی یوحنا، عیساش غسل تعمید آدا، هرچند که عیسی گوناش نییِرده وی.

![](https://cdn.door43.org/obs/jpg/360px/obs-en-24-08.jpg)

موقعی که عیسی بعداز غسل تعمید ویه خو بومه بَر، خدا روح ایدینه کوتَرِ بِری گَردَست وَ بومه جیر وَ پَدیدار آوه جاوه را. آسان هَمی آ موقِع خدا نِدا آسِمونِه بِرَسَس که واچه: «اِمه چِمه فِر، که اَ جا خو، ای بیَن راضیمه وَ جا خو خُشنودیمه.»

![](https://cdn.door43.org/obs/jpg/360px/obs-en-24-09.jpg)

خدا یوحنا را واتِه ویشِه: «روح‌القُدوس بَر آدَمی که تَ جاوه غسل تعمید آندی فرود ما، آ اینَفَر، خدا فِره.» خُدا یِگانیهِ وَ هِنگامیکه یوحنا عیساش غسل تعمید میه، صدای خدای پِدَرِش بَشونَست. خدای جا فِرِه یعنی عیساش ویند وَ روح‌القُدوسِش بصورت ایدینه کوتَر ویند.

*داستون بیگیرییِستی از از کتاب مقدس: (کتاب انجیل متی باب ۳، کتاب انجیل مرقس باب ۱ آیه ۹ تا ۱۱، کتاب انجیل لوقا باب ۳ آیه ۱ تا ۲۳)*

## 25. ۲۵- شیطون عیسی وسوسه می یَرِه

https://openbiblestories.org/l/tks/story-25/

![](https://cdn.door43.org/obs/jpg/360px/obs-en-25-01.jpg)

بعد عیسی غسل تعمید، خدا روح بی لَنگی جاش بِبِه بیابون. یاقایی که به مدت چِل شونارِو رِوجیش بِگِه. آ موقع شیطون بومِه عیسی پَلِف جاش وسوسه یِه تا گُناه بی یَرِه.

![](https://cdn.door43.org/obs/jpg/360px/obs-en-25-02.jpg)

شیطون عیساش وسوسه یِه و واچِه: « اگه تَه خدا فِریش، جی سَنگون واتَن که نون گردِندِه تا بوتونی بوخاری!»

![](https://cdn.door43.org/obs/jpg/360px/obs-en-25-03.jpg)

عیسی جوابِش آدای: خدا کَلومِ مونِه بینیسییَستی «آدم زندِه بِمَندَنِ را فقط نونِش مِنوقو، بلکه به هر کلمه ای که خدا دونِه با بَر!»

![](https://cdn.door43.org/obs/jpg/360px/obs-en-25-04.jpg)

پس شیطون جاش به بِلَندتِرین یاقای معبَد بِبِه و واچه: «اِگه تَه خدا فِریش خوشتِنِری انگادِه باشین زِمین؛ چون کتاب مقدس ماجِه: «خدا خوشتَنَرِش فِرِشتون ماجِه تا اِشتِه اُوقورِندِه، مبادا که پای بِزِنی سَنگِه.»

![](https://cdn.door43.org/obs/jpg/360px/obs-en-25-05.jpg)

آما عیسی آ چیش که شیطون واتِه وی عَمَلِش نیه و جوابِش آدای: خدا کَلومِش مونِه خوشتَنِرِش قوم دَستورِش آدا که: «خدای خوشتِنِری خدا اِمتِحون مَیِه.»

![](https://cdn.door43.org/obs/jpg/360px/obs-en-25-06.jpg)

بعدِش شیطون جاش بِبه بِلَندِه کو توک و همه ی کِشوَرای دُنیاش قدرت و ثروت جارا اُوَردِنَس و واچِه: «اِگه زُنِم بِزِنی و چِمه پَرَستِش یِری، همی جینا مِبَخشم اِشتِه.»

![](https://cdn.door43.org/obs/jpg/360px/obs-en-25-07.jpg)

عیسی جوابِش آدای: چِمِه خو دِرواوا ای شیطون! خدا کَلوم مونِه آ خوشتَنَرِش قوم دستورِش آدای کِه: «فقط خداوند خدای خوشتنری پَرَستِش یِه و فقط جا خدمت یِه.»

![](https://cdn.door43.org/obs/jpg/360px/obs-en-25-08.jpg)

عیسی شیطونِ وسوسون گرفتارانِوِه . پس شیطون جاش وِلِه یِه و فرشتون بومیندِه عیساشون خدمت بیه.

*داستون بِگرِستی از کتاب مقدس: (کتاب انجیل متی باب ۴ آیه ۱ تا ۱۱، کتاب انجیل مرقس باب ۱ آیه ۱۲ و ۱۳، کتاب انجیل لوقا باب ۴ آیه ۱ تا ۱۳)*

## 26. ۲۶- شروع عیسی خدمت

https://openbiblestories.org/l/tks/story-26/

![](https://cdn.door43.org/obs/jpg/360px/obs-en-26-01.jpg)

بعد اینکه شیطون وسوسون چیراوِه، عیسی به آنیشتِه لَکاش جلیل آگَردَست. روح القدس، عیسی را قوتِش آدای، آ تعلیم را از ای یاقا به اَلادِه یاقا موشو وَ همه جاخو به خوری تَعریفِشون میِه.

![](https://cdn.door43.org/obs/jpg/360px/obs-en-26-02.jpg)

عیسی ب ناصره، دِهاتی که زارینِه موقیش اُوقادِه وِوی بوشو. رِو شبات آ بوشو پرَستِشگاه. رهبَرون مذهبی ای نسخه کتاب اشعیای نَبیشون آدای جاوِ تا بِخِنِه و عیسی جا کتابِش اوشا وَ جاوِش مَردُمون را بِخِن.

![](https://cdn.door43.org/obs/jpg/360px/obs-en-26-03.jpg)

عیسی بیَن بِخِنچه: « خدا خوشتَنَرِش روحِ خو چِمِه را آدایشِه تا خبر خوشِ بیناوا بیچاری را اِعلومه یَرِمه. آ چیمیش بِروستا تا اَسیرون آزاد یَرِمه، کورون بینا یَرِمه وَ زِندونیون آزاده یَرِمه، چون موقِع رحمت خداوند بِرِسِستی.»

![](https://cdn.door43.org/obs/jpg/360px/obs-en-26-04.jpg)

بعد عیسی آنیش وَ همه دقتی وی چُشمِشون بیدوتِه وی جاوِه چُشم. و مردم هالیوِنده ک آ کتاب دِره به مسیح اشاره میَره. عیسی واچه: «جی گَپه که شمارا بِخِندیمه اَنه دِره اَنجومامبهِ.» همه مردم ذوقِشون یِه وَ آپِرسِستیندِه که: «اِم مَگه یوسفِ فِر نیِه؟»

![](https://cdn.door43.org/obs/jpg/360px/obs-en-26-05.jpg)

بَعد عیسی واچه: «درسته که پیامبر شَهرِش مونه پَذیرُفته نیِه. موقعی که ایلیای پیامبر زَمونه دِ سوسالِ نیم وارون نومِه، با اینکه کلی بیوه زِینیهِ اسرائیل زیادِ و خدا ایلیاش بوروستایشه بیوه زَنون کمک یَره که بیشینده ای شهرِ دیه مونِه زندگی یَرِنده.»

![](https://cdn.door43.org/obs/jpg/360px/obs-en-26-06.jpg)

وَ بیَن واچه ک: «زَمون الشیعِ پیامبر، آدَمونِ زیادی بیماری پوستیشون دَشت. اما الشیع هیچکسِش شفا آنِدا. آ فقط نعمان سوری اسرائیل دشمَنون فرمونده مریضی خو شَفاش آدا.» شِنَوَندِگونی که یهودی وینده با بَشونَستَن جی گَبون بر جاوه خَشمِشون بِگه.

![](https://cdn.door43.org/obs/jpg/360px/obs-en-26-07.jpg)

مردم ناصره، عیساشون مسجِدِ خو بو بَر، بِبَرشون اینه کوهِ سَر تا جا کوخو باشینِندهِ زمین وَ بوکوشِنده. آما عیسی جینا خو بگذَرَس و ناصِرِه د بوشو.

![](https://cdn.door43.org/obs/jpg/360px/obs-en-26-08.jpg)

بعدش عیسی به کل جلیل بوشو. خیلی از مردم مومیندِه جا پَلِف خیلی دِ مریضِشون خوشتَنَرِشون وی مورچون. جانا مونِه دِ چند نفری لَس، کور، کَر ویندِه بعضیشون دِ مونوتونَسچون را بیشیندِه و گَپ بِزَنِنده. عیسی جاناش شفا آدای.

![](https://cdn.door43.org/obs/jpg/360px/obs-en-26-09.jpg)

همچنین خیلیون دِ گرفتار بد ذاتی ویندِه عیسی پَلِف مورچون. به دستور عیسی روح‌های بد ذات مردِمون خو میشیندِه بَر. جا مَردُمونِ خو بَعضیش دادِش مِزَن: « ته خودا فِریشه!» وَ مَردم همی ذوق زَده خوداشون مِپَرَسدَس.

![](https://cdn.door43.org/obs/jpg/360px/obs-en-26-10.jpg)

وَ عیسی شاگِردونِش مونه دِ ۱۲ نِفرّش اِنتخابِش یه و جاناش نوم آنا رَسولان. وَ آنا عیسی وی مسافرت میشینده وَ جاخو درسِشون بلده مِگه .

*داستون بیگیرییِستی از کتاب مقدس: (کتاب انجیل متی باب ۴ آیه‌های ۱۲ تا ۲۵، کتاب انجیل مرقس باب‌های ۱ تا ۳، کتاب انجیل لوقا باب ۴)*

## 27. ۲۷- خورِه سامری داستون

https://openbiblestories.org/l/tks/story-27/

![](https://cdn.door43.org/obs/jpg/360px/obs-en-27-01.jpg)

ای رِو ایدینه مَذهَبی اُستادون که یَهودی وِ عیسی پَلِف بومه. آ موقوستی ثابِتَره که عیسی تَعلیمون هَمه اِشتبایِه. آ، آپَرسَست: «اُستاد، اِنسان بایَد چیَره تا خوره زِندِگیش به دست بوره؟» عیسی واچه: «کِتابِ توراتِ مونهِ دِ جی بارِه دِ چیش بینیستی؟»

![](https://cdn.door43.org/obs/jpg/360px/obs-en-27-02.jpg)

آ مَردَک واچه: «خداوند، خوشتِنِری خدا همه ی دلی وی، با همه ی یونی وی، با تَمومهِ قُوَّت و با تمومه فکر، بوقو. هَمسونی دِ اوشتِنِری بِری بوقو.» آ سان عیسی واچهِ که: «راس ماجی! تیدِه بیَن یِه تا زندگی مانای دِشتِه وی.»

![](https://cdn.door43.org/obs/jpg/360px/obs-en-27-03.jpg)

آما آ عالِمِ مَذهَبی چون موگوچّه که خوشتِنَرِش دانا و پارسا جِلوه آدیهِ، هامونهِ آپَرسَچّه: «چِمه هَمسا که با؟»

![](https://cdn.door43.org/obs/jpg/360px/obs-en-27-04.jpg)

عیسی دِ ایدِنه داستون وی جا رَهبَرِ مَذهَبیش جَواب آدا: «ایدینه یَهودی مَردَک، اورشَلیمهِ دِ به سَمتِ اریحا سَفَرِه دِ وِ.

![](https://cdn.door43.org/obs/jpg/360px/obs-en-27-05.jpg)

راه دِ راهزَنون حَملیشون یِه جا و همه ی داراییش جا خو اَگِرچون. جاشون کُتَک بزَن وَ جاشون نیمه یون جادی کِنارِه وِلاشون یِه.

![](https://cdn.door43.org/obs/jpg/360px/obs-en-27-06.jpg)

بعد از جی قضیه، کاهن یهودی اُقادِه مگذرس. وَقتی جا مَردَکِش، جادی مونِه دِ وین که بِکِتی زِمین، اَلادهِ طَرَفِ جاده دِ خوشتِنَرِش را دِ بوشو وَ جاش کلا ندید بِگِه.»

![](https://cdn.door43.org/obs/jpg/360px/obs-en-27-07.jpg)

چند دقیقه بعد اِینِه لاوی راهِ دِ بِرَسَست. ( لاویان، قَبیله های اسرائیلی وینده که کاهنون مَعبَدِشون کومَک میهِ). آی دِ جادی آوَرهِ طَرَف بوشو وَ جا مردَکِش نِرَسَس.

![](https://cdn.door43.org/obs/jpg/360px/obs-en-27-08.jpg)

آ سانی ایدینه اَلادهِ مَردَک بومه که سامِری وهِ. (سامِریون وَ یَهودیون، هَمدیَره خو نِفرَتِشون دَشت.) با اینکه وینچه آ مَردَک که زَخمی آوی، یَهودی وِ، وَلی دِلِش جاوهِ را بیسوت وَ جاش زَخمون بیشو وَ مَرحَمِشون آنا وَ بِبَچّهِ.»

![](https://cdn.door43.org/obs/jpg/360px/obs-en-27-09.jpg)

آ سانی آ سامِری مَردَک جاوِش، خوشتِنَرِش خَرِ سَر آنیشدِنَسچِه وَ بِبَرچه مِهمونخونه دِ جا خو پَرَستاریش یه.»

![](https://cdn.door43.org/obs/jpg/360px/obs-en-27-10.jpg)

«سابایینه رِو آ سامِری مَردَک باید خوشتِنَرِش سفر اِدامیش آندا. آ ای مِقدار فِلِش آدا جی مِهمونخونه صابَر را، وَ واچّه: «جی مَردَکی خو مُراقِبَت یه وَ اگه هَزینیش ویشتَر از جی گَردَست، موقِعی که آگِردِستیمه، هَزینیش آندِمه.»

![](https://cdn.door43.org/obs/jpg/360px/obs-en-27-11.jpg)

آ سانی عیسی جا عالِمِ مَذهَبی خو آپَرسَچّه: «اَلان فِکِر می یِری جی سونَفَره مونهِ دِ کونِکِن جا مَردَکه هَمسا وینده که مورد دزدیون داوا قَرارِش بِگرده وی؟» عالم مذهبی واچه: «آ که جاوِ را دِلِش بِسوزدِنَست.» عیسی جاش وات: «تِی دِ بِشه پَس بیَن یه.»

*داستون بیگیرییِستی از کتاب مقدس: (کتاب انجیل لوقا باب ۱۰ آیه‌های ۲۵ تا ۳۷)*

## 28. ۲۸- مالدارِه جَوون

https://openbiblestories.org/l/tks/story-28/

![](https://cdn.door43.org/obs/jpg/360px/obs-en-28-01.jpg)

ای رِو اِینِه پِلِه فِلدارون خو بومِه عیسی پَلِف جا خو آپَرسَس: «ای خورِه معلِم، چییَرِم که ای زندگی مانام دِشتِه وی؟» عیسی جاش وات: «چرا چمه ماجی خورِه معلم؟ در صورتی که بغیر از خدا هیشکِه خور نیِه. اگه موقوی اینه زندگی مانای دِشتِه وی، هر چیش که خدا واتیش اَنجوم آدی.»

![](https://cdn.door43.org/obs/jpg/360px/obs-en-28-02.jpg)

آ آپَرسَس: «کونِه کین گَپونِش باید اَنجوم آدِم؟» عیسی جوابِش آدا: «قتل مَیه، زِنا مَیه، دُزدی مَیه، دورو مَواتَن، پییَر ماری اِحتِروم آنی و همساری دِ خوشتِنِری وِری بوقو.»

![](https://cdn.door43.org/obs/jpg/360px/obs-en-28-03.jpg)

آما جَوونه مردک واچه: «اَ زارینِه موقه دانِه جینام اَنجوم آدا. اَلون باید چییَرم تا ای زندگی مانام دِشتِه وی؟» عیسی محبتی وی جاش بشگَسَست.

![](https://cdn.door43.org/obs/jpg/360px/obs-en-28-04.jpg)

و جوابِش آدا: «اِگِه موقوی خورتِرین کار اَنجوم آدی بِشِه هر چی دیری بیروش و فِلِش آدی فقیرون تا اِشتِه گَنج آسِمونِه دِ گَردِه نه زِمینِه! آسان بیرو چِمِه خو پیرَوی بیِه!»

![](https://cdn.door43.org/obs/jpg/360px/obs-en-28-05.jpg)

وقتی آ جَوونِه مردک عیساش گَپون بَشونَست، خیلی ناراحتاوِه چون که خیلی فِل دار وِ و مُنوتونَچِه فِل و داراییش دَسِشه آدیِه. آ دیمِش آگَردِنَس و عیسی خو دِرواوِه .

![](https://cdn.door43.org/obs/jpg/360px/obs-en-28-06.jpg)

بعد عیسی شاگِردونِش وات: «جی بوزونا که اِینِه فِلدارِه آدم بومییَنِ خدا طَرَف خیلی سخته. هامونه ماجِم، اُشتُرِ رَداوییَن دَرزِنِه لوکِه خو راحت تَرِه تا اِینِه فِلدار آدم بوری خدا طَرف!»

![](https://cdn.door43.org/obs/jpg/360px/obs-en-28-07.jpg)

شاگردون جی عیساشون گپ کِه بَشونَست خیلی تعجبِشون بیه و آپِرسِستیندِه، «پس که موتونِه نجات آندارِه؟»

![](https://cdn.door43.org/obs/jpg/360px/obs-en-28-08.jpg)

عیسی شاگردونِش بشگَسَست واچِه، «آدم مونوتونِه خوشتَنَرِش نجات آدیِه، اما خدا پَلِفِه همه چی اِمکون دِرِه.»

![](https://cdn.door43.org/obs/jpg/360px/obs-en-28-09.jpg)

پترس عیساش وات: «آما خوشتَنَرِمون همه چی وِلِه دا تا اِشتِه طرف گَردوم، اَنه چوما پاداش چِبا؟»

![](https://cdn.door43.org/obs/jpg/360px/obs-en-28-10.jpg)

عیسی جوابِش آدا: «هر که چِمه خاطِره بِرا، خاکه خو، پییِه، مایه خو، زارینِه خو، کیه زمینِ خو بگذرِه صد برابر ویشتَر آندارِه و ای زندگی مانا آندارِه. ولی خیلیون که اَوَلِندِه آخِرامبیندِه و خیلیوندِه که آخرندِه اَولامبیندِه.»

*داستون بِگرِستی از کتاب مقدس: انجیل متی فصل ۱۹ آیه های ۱۶ تا ۳۰، انجیل مرقس فصل ۱۰ آیه های ۱۷ تا ۳۱، انجیل لوقا فصل ۱۸ آیه های ۱۸ تا ۳۰*

## 29. ۲۹- نوکرِ سنگدل داستون

https://openbiblestories.org/l/tks/story-29/

![](https://cdn.door43.org/obs/jpg/360px/obs-en-29-01.jpg)

ای رِو پترس عیسی خو آپَرسَچِه: «اُوستا برایی که چِمِه بدی مییَرِه چند را باید بِبَخشِم؟ آیا هَف را؟» عیسی واچِه: «نَه هَف را بَلکَم هفتاد را هَف را!» عیسی موقوچِه چِوما هالییَردِنه که همیشه باید بِبَخشوم. بعدش عیسی جی داستونِش وات.

![](https://cdn.door43.org/obs/jpg/360px/obs-en-29-02.jpg)

آ واچِه: «پادشاهی خداوند عین پادشاهی وِ که موقوچِه حسابونِش نوکَرَرِش وی تسویه یَرِه. اینِه نوکرون بدهی برابِریش میِه با دَستمزدِه دویست هزار سال کار بیَردَن.»

![](https://cdn.door43.org/obs/jpg/360px/obs-en-29-03.jpg)

از آقایی که نوکَر مونوتونَسچه اِیبییَن بدهی آدییِه، پادشاه دستورِش آدا جا بِدِهی عَوض خوشتَنَرِش و زینییِه زارینِش و هر چی که دِرِه بیروشِه.

![](https://cdn.door43.org/obs/jpg/360px/obs-en-29-04.jpg)

ولی آ مردَک خوشتَنَرِش باشیش پادشاه دستِ پا و التماسِش میه و مِواچه: «ای پادشاه، خواهش مییَرم چِمه را وقت آدی تا بِدِهیم تا آخر آدِم.» پادشاه دِلِش جارا بیسوت، جاوِش آزادِه یِه و همه بِدِهیش دِ بِبَخشَس.

![](https://cdn.door43.org/obs/jpg/360px/obs-en-29-05.jpg)

آما همی که آ نوکر پادشاه قصرِ خو بومِه بَر، ایدِنِه همکارَرِش وینچِه که اندازه فِل چار ماه کار بیَردَن جیوِه بِدِهکاروِه. بعد جاش قِلِفتِه بِشقالد و واچِه: «چِمه طلب آدی‌.»

![](https://cdn.door43.org/obs/jpg/360px/obs-en-29-06.jpg)

بِدهکارِه رَفِقِش بِکَت جا دستِ پا واچه: «خواهش مییَرم چمه را فِرصت آدی تا همه ی بدهیم که اَگِردیمه پس آدِم.» آما طلبکار راضیا نِوِه و همکارَرِش تا همه ی بدهیش آدییِه باشیش زِندون.

![](https://cdn.door43.org/obs/jpg/360px/obs-en-29-07.jpg)

وقتی جا آدَمِ رَفِقون جیشون بَشونَس، خیلی ناراحَتاویندِه و بیشیندِه پادشاهِ پَلِف، جا را تَریفِشون یِه چِه گِردِستی .

![](https://cdn.door43.org/obs/jpg/360px/obs-en-29-08.jpg)

پادشاه بدون لَنگاوییَن جا مردَکِش بوقوس و واچِه: «ای شَرّه نوکَر! از اِشته خواهش واسین اِشتِه پِلِه بِدهی خو بِگذِرِستیم، تیدِه باید همی جی کاری همکارِری وی مییَردی.» پادشاه خیلی حرصِش بَرومِه و دَستورِش آدا که جا باشینِندِه زِندون و تا پاک بِدهیش آنِدایش جاوِه آزادِه نییَرِندِه.

![](https://cdn.door43.org/obs/jpg/360px/obs-en-29-09.jpg)

بعد عیسی واچه: «اِگه شما بِراریون از ته دِل نِبَخشا، چِمه آسِمونی پیه دِ شما وی هَمی بیَن رفتار مییَرِه.»

*داستون بِگرِستی از کتاب مقدس: انجیل متی فصل ۱۸ آیه های ۲۱ تا ۳۵*

## 30. ۳۰- عیسی مسیح پنج هزار نَفَره را غذا آندیهِ

https://openbiblestories.org/l/tks/story-30/

![](https://cdn.door43.org/obs/jpg/360px/obs-en-30-01.jpg)

عیسی برگُزیدونِش مژدِیون و آموزِشِ را به خیلی از دِهاتون بروستایش. بعد اَز آگَردَستَن، آنا عیسی شون از کارایی ک بییَردِویشون هالیاشون یَردِنَس. آسان عیسی جاناش به ای یاقایِ خَلوَت و نزدِکه دَریاچه بِبَرچه تا قِقِنه اِستراحت بیَرِنده. بنابراین همه بیشینده ای قایِقه مون و به طرفِ عَلاده روخونه بیشینده.

![](https://cdn.door43.org/obs/jpg/360px/obs-en-30-02.jpg)

چون مَردوم وینچون که عیسی یون شاگِردونِش قایقِ آنیشتینده وَ کارا میشینده، دریا کِناره شُروریاشون یِه ویریتِن تا قبل از جانا به آوَرِ دریا برَسِنده. پس وقتی ک عیسی یون شاگِردونِش بِرِسِستینده آگا، ای عالَم مردم جینا چوشمِه را وینده وَ جانا خو استِقبالِشون یِه.

![](https://cdn.door43.org/obs/jpg/360px/obs-en-30-03.jpg)

تعدادِ جانا به جُز زَنونیون زارون نَزدِکه پنج هِزار مَردَک وهِ. عیسی مسیح دل ای عالم جینا حاله را بیسوت، چون چَروا بِری اَوی صاب وینده. پَس شورِیاش یهِ جانا آموزش آدیَن و آنایی که مریض ویندِه شفاش آدا.

![](https://cdn.door43.org/obs/jpg/360px/obs-en-30-04.jpg)

نیمه ی شو، شاگِردون بومینده عیسی پَلِف وَ واچون: «ای اُستاد، مَردومه بوروست تا خوشتِنَرِشون را غَذا بورِنده چون اِنگاده هیچی بُخواردَنه را آنِندارِنده.»

![](https://cdn.door43.org/obs/jpg/360px/obs-en-30-05.jpg)

آما عیسی شاگِردونِش واچه: «شما خوشتِنیون جینا را غَذا آدِیا.» آنا جَوابشون آدا: «چیَن موتونوم جی تِعدادِ زیاده سیره یَروم؟! آما فقط پنج دونهِ نون وَ دو دونه گوجیلِ ماهی دِروم.»

![](https://cdn.door43.org/obs/jpg/360px/obs-en-30-06.jpg)

عیسی خوشتِنَرِش شاگِردون واچه ک مَردومه واجِنده گروه های پنجاه نَفَری گَردِندِه وَ سوزَلا سَرهِ آنیشینِنده.

![](https://cdn.door43.org/obs/jpg/360px/obs-en-30-07.jpg)

آسان عیسی پنج دونه نون و دو دونه ماهیش بِگه دَسِش وَ آسِمونِش بِشگَسس وَ خدا خو به خاطر جی بُخواردِنی یون شُکرِش یهِ وَ جاش برکت آدا.

![](https://cdn.door43.org/obs/jpg/360px/obs-en-30-08.jpg)

بعد از جانا عیسی نونون وَ ماهیونِش تیکه تیکه یهِ وَ به شاگِردونِش آدایش تا مَردومهِ مونهِ پَخشه یَرِنده. شاگِردون مَردومه را غَذاشون آدا، همه بوخارچون و سیرآوینده، آما هیچی جا غَذایون خو کَما مِنِوه.

![](https://cdn.door43.org/obs/jpg/360px/obs-en-30-09.jpg)

آسان شاگِردون غَذایون بِمَندِه گِرداشون گهِ و دوازده سَبَده از بقیه‌ی جا پنج دونه نون و دو دونه ماهی، پورا وهِ.

*داستانون بیگیرییِستی از کتاب مقدس: انجیل متی فصل ۱۴ آیه های ۱۳ تا ۲۱ ، انجیل مرقس فصل ۶ آیه های ۳۱ تا ۴۴، انجیل لوقا فصل ۹ آیه های ۱۰ تا ۱۷، انجیل یوحنا فصل ۶ آیه های ۵ تا ۱۵*

## 31. ۳۱- عیسی وییِه سَرِه را میشو

https://openbiblestories.org/l/tks/story-31/

![](https://cdn.door43.org/obs/jpg/360px/obs-en-31-01.jpg)

بَعد از اینکه عیسی جمعیتِ را غَذاش آدا؛ شاگردونِش واچه که آنیشینا قایِقِه و بِشِیا دریاچی آوَر، آما خوشتَنِش ای مدت کوتایی آگاده بِمِند. شاگردونِش بیشینیده وَ عیسی بعد از اینکه مَردُمِش بِروستایشه، بوشو کوهِ سَر تا دُعا یَره، وَ آگادِه تَناوِه وَ تا نیمه شو دُعاش میِه.

![](https://cdn.door43.org/obs/jpg/360px/obs-en-31-02.jpg)

شاگردونِش قایقهِ مونهِ مَشغولِ پارو بِزَندَن وینده آما ایبِدهِ سَمتِ مخالفِدِه یاوا بَرومه. آنا تا نیمهِ شو فقط ای گوجیلهِ قِسمَت از دَریاچی بِشه ویندِه.

![](https://cdn.door43.org/obs/jpg/360px/obs-en-31-03.jpg)

آسانی عیسی دویاش تامونِیه وَ بِشو شاگِردونِش طرف. آ ویه سَرِه قدَمِش بِزَن به طرفِ جانا قایِق.

![](https://cdn.door43.org/obs/jpg/360px/obs-en-31-04.jpg)

موقعی که شاگردون عیساشون ویند خیلی بِتِرسِستیندِه، چون فکرشون میه روحِه. عیسی وقتی حالیاوِه آنا بِتَرسِستینده جانارا واچِه: «مَتَرسا اَ ییمه!»

![](https://cdn.door43.org/obs/jpg/360px/obs-en-31-05.jpg)

پترس عیسی را واچه: «سَروَرَم اگه تَه ییشه واتَن تا وویِه سَره بومه اِشته پَلِف.» عیسی پترس را واچه : «بیرو!»

![](https://cdn.door43.org/obs/jpg/360px/obs-en-31-06.jpg)

پس پترس قایقِ مونِه بومه بَر وَ وویهِ سَره بوشو عیسی پَلِف. آما بعد از اینکه ای مسافتِ کمی بوشو، دیمش عیسی خو آگَردِنَچه وَ بِشگَسَست موجون وَ قدرت بادِش اِحساس یِه.

![](https://cdn.door43.org/obs/jpg/360px/obs-en-31-07.jpg)

پترس بِتَرسَست وَ بوشو وویِه مونِ وَ دادِش بِزَند: «چِمه نِجات آدی!» عیسی تُندِنا دَستِش دِرازه یِه و جاش بو بَر. سپس عیسی پترسه را واچه: «ای کم اِیمون! چِرا به چِمه اعتماد نیِردی تا امنیتِ مونهِ گَردی؟»

![](https://cdn.door43.org/obs/jpg/360px/obs-en-31-08.jpg)

وقتی پِترُسیون عیسی آنیشتینده قایِقِه مون، یاوا ای بَدِه آکَت و وییِه آروماوییِه. شاگِردون خیلی تَعَجُبِشون یِردِه وی عیسی شون پَرَستِش یه وَ عیساشون وات: «واقعا که تَه خدا فِرِیشه.»

*داستون بیگیرییِستی از کتاب مقدس: (کتاب انجیل متی باب ۱۴ آیه‌های ۲۲ تا ۳۳؛ کتاب انجیل مرقس باب ۶ آیه‌های ۴۵ تا ۵۲؛ کتاب انجیل یوحنا باب ۶ آیه‌های ۱۶ تا ۲۱)*

## 32. ۳۲- عیسی اِینِه دیو بِزَندِه مردَکیون مریضه زینیه شفا آندیه

https://openbiblestories.org/l/tks/story-32/

![](https://cdn.door43.org/obs/jpg/360px/obs-en-32-01.jpg)

ای رِو عیسی و شاگِردونِش قایِقی وی بیشیندِه آوَرِ دریاچه سرزِمینِ جَدَریون. موقعی که به خشکی بِرِسِستیندِه قایِقِشون خو بومیندِه بَر.

![](https://cdn.door43.org/obs/jpg/360px/obs-en-32-02.jpg)

اِینِه مردَک اُقادِه وِه که گرفتارِ ارواحِ پلید وِه.

![](https://cdn.door43.org/obs/jpg/360px/obs-en-32-03.jpg)

آ مردک بِقَد قوی وِ که هیچ کَس مونوتونَسچه جاوِه رومِه یَرِه. خیلی جاشون بِکِشستِه وی زینجیرِه آما آ زینجیرونِش پاره مییِه.

![](https://cdn.door43.org/obs/jpg/360px/obs-en-32-04.jpg)

آ مردک قَربَستونه موناقادِه جا منطقه دِ زندِگیش مییِه. آ شونارِو داد و هَوارِش مییِه. لِباسِش تَنِشِه نِدَشت و خوشتَنَرِش تیجِه سَنگون وی زَخمیش مییِه.

![](https://cdn.door43.org/obs/jpg/360px/obs-en-32-05.jpg)

وقتی آ بِرَسَس عیسی پَلِف ،جا پَرونِه زانوش بِزَن. عیسی جا دیوِ را دَستورِش آدا: «جی مردَکِ خو بی بَر!»

![](https://cdn.door43.org/obs/jpg/360px/obs-en-32-06.jpg)

دیو اینِه بِلَندِه دادِش بِزَن و واچِه: «ای عیسی، خدای متعال فِر، چِمِه خو چی موقو؟ خواهش می یَرِم چِمه عذاب مِدی!» آسان عیسی جا دیوِ خو آپَرسَچه: «اِشتِه نوم چِبا؟» آ جوابِش آدا: «چِمِه نوم لِژیونِ، چون اما زیادیمون.» ( لژیون شاملِ چند هزار سربازِ ارتش رومِ مونِه وِه.)

![](https://cdn.door43.org/obs/jpg/360px/obs-en-32-07.jpg)

دیوُن عیسی خو خواهِشِشون یِه: «چوما جی سرزِمینِ خو بَر مَیِه» اُقادِه ای گَله خوکون خو اینِه تَپّی سَرِه در حال بِچَرَستَن ویندِه. ناپاکِه روحون عیساشون التماس یِه و واچون: «چوما بُروست خوکون اَندَرِم» عیسی اِجازیش آدا و واچِه: «بِشه یا»

![](https://cdn.door43.org/obs/jpg/360px/obs-en-32-08.jpg)

دیوُن جا مردَکِ خو بومیندِه بَر بیشیندِه خوکون اَندَرِم. همه ی آ خوکون کِه نزدِکه دوهِزار ویندِه تپّی بِلِندیدِه بِکِتیندِه دریاچی مون و غرقاویندِه.

![](https://cdn.door43.org/obs/jpg/360px/obs-en-32-09.jpg)

خوکبونونی که جا گَلّیشون نییامِدَشت جی اتفاق ویندَنی وی ویریتیندِه شهر طَرَف و مردم از آچی که عیسی بییِردِویشِه خَبَرِشون آدا. شهرِ مردُم بومیندِه و جا دیو زدِه مردَکِشون ویند که آروماوی، لِباسِش تَن یِردی و عاقل آنیشتِه وی.

![](https://cdn.door43.org/obs/jpg/360px/obs-en-32-10.jpg)

مردم که خیلی بتِرسِستِه ویندِه، عیسی خو بوقوچون که اُقادِه بیشو. پس عیسی آنیشت قایقِ. ولی آ مردک که قبلِش اسیر دیو وِه عیسی خو خواهِشِش بیِه تا جاوی همِرا بیشو.

![](https://cdn.door43.org/obs/jpg/360px/obs-en-32-11.jpg)

آما عیسی جاش وات: «آگَرد کی(خونت) و هَمی واتَن که خدا اِشتِه را چیش یِردی و چییَن خدا رحمت شاملِ اِشتِه حال گِردِستی.»

![](https://cdn.door43.org/obs/jpg/360px/obs-en-32-12.jpg)

پس آ مردک بوشو و هرکَسِ وی رودررویاموِه مِواچه که عیسی جاوِ را چیش یِردی. هر کَس که جاش داستون مَشونَس، تَعَجُبِش مییِه.

![](https://cdn.door43.org/obs/jpg/360px/obs-en-32-13.jpg)

عیسی آگَردَس آوَرِ دریاچِه. بعد از بِرَسَستَن به اُوقا خیلیون جا دورِه گِرداویندِه. موناقادِه ایباین مردم مونِه، اینِه زینییِه ویه که دوازدِه سال خونریزی خو عذابِش مِکَشَس. آوه همه‌ی داراییش خوشتَنَرِش دَرمون را خَرجاش یِردِه وی و آدِه ویش دُکتُرون آما حالِش بدتَراوه وی.

![](https://cdn.door43.org/obs/jpg/360px/obs-en-32-14.jpg)

آوه بَشونِسته ویشه که عیسی خیلی از مریضونِش شفا آدای پس خوشتَنَرِش وی واچِه: «جی باوارِه مییَرم که اگِه فقط عیسی لباس دست بِزَنِم ازده شفا آندارِم.» آ زینیه خوشتَنَرِش مردِمون موناقادِه بِرَسدِنَسچه عیسی پشت سَر و جاش لباس لَمسه یِه. همین که عیساش لباس دَس بِزَن جاوِه خونریزی قَطاوِه.

![](https://cdn.door43.org/obs/jpg/360px/obs-en-32-15.jpg)

همی آ لحظه عیسی هالیاوِه که ای نیرو جاخو بیشی بَر. پس آگردَس و آپَرسَچه: «که چیمیش لباس لَمسه یردی؟» شاگردونِش جوابشون آدا: «خیلی از مردم هر طرفه اِشتِه فشار مورِندِه، چرا آمپِرسی «که چیمیش دست بیزی»؟

![](https://cdn.door43.org/obs/jpg/360px/obs-en-32-16.jpg)

آ زینیه جی حاله دِ که ترسه خو مِلَرزَستِه عیسی پایون پَرونِه زانوش بِزَن. بعد جاش وات که چیش یِردی و چییَن شفاش آنداستی. عیسی جاواش وات: « اِیمونی ایشتیش شفا آدا! بِشه به سلومت.»

*داستون بیگیرییِستی از کتاب مقدس: انجیل متی فصل ۸ آیه های ۲۸ تا ۳۴؛ فصل ۹: آیه های ۲۰ تا ۲۲؛ انجیل مرقس فصل ۵؛ انجیل لوقا فصل ۸ آیه های ۲۶ تا ۴۸*

## 33. ۳۳- کِشاورزِ داستون

https://openbiblestories.org/l/tks/story-33/

![](https://cdn.door43.org/obs/jpg/360px/obs-en-33-01.jpg)

ای رِو عیسی دریاچی کِنارِه کارا پِلّکی گروهِ مردمون را درسِش آندای. آنا بِقَد زیاد ویندِه که عیسی ای یاقای کافیش برای گَب بِزَندَنِ جانا نِدَچِه. پس آنیشت قایقِ که وییِه کنارِه وِ و اوقادِه مردمون را درسِش آندای.

![](https://cdn.door43.org/obs/jpg/360px/obs-en-33-02.jpg)

عیسی جی داستونِش مردُمِ را واچه که: «اینِه کشاورز موقوچه بَذر بِکِره بوشو بَر. همین که بذرِش هر طرف آمپات بعضیونِش رادِه مِکَت و پَرَندون مومیندِه و همه ی جاناشون موخا.»

![](https://cdn.door43.org/obs/jpg/360px/obs-en-33-03.jpg)

«ای مقدار دِ سنگلاخِ سَر مِکِه تیندِه. که جانا سَر خاکه اوپیتِه ویشه. بذر همی جا کَمه خاکه سَرِه، خیلی تند جیکِش بِزَن اما ریشیش مونوتونسچِه بیشو خاکه مون. پس موقعی که آفتاب تُند بیزیش جانا سَر همه بیسوتیندِه و بینه بیشیندِه.»

![](https://cdn.door43.org/obs/jpg/360px/obs-en-33-04.jpg)

«بعضی از بذرون دِ بِکَت خارون مون. خاریون و بذر باهم رُشدِشون بیه و تازِه ساقون جا گیاهِ خارون فشارِ بِخه بینِه بیشیندِه و هیچ محصولِشون به بار نو.»

![](https://cdn.door43.org/obs/jpg/360px/obs-en-33-05.jpg)

«ای مقدار دِ بذرون خو خورِه خاکه سَر بِکِتیندِه و هر بذر خو سی، شصت و حتی صد برابر بارِش بو. هر کس موقوشه خدا خو فرمون بِبَرِه چِمه گَپون گوشِه یَرِه.»

![](https://cdn.door43.org/obs/jpg/360px/obs-en-33-06.jpg)

شاگردون جی داستونِشون بَشونَست گیجاویندِه. پس عیسی جانارا بییَن توضیحِش آدای: «بذر، خدا کَلومِ. گذرگاه، آدمِ که خدا کَلوم مَشونِه ولی جا دَرکِه مینییَرِه و شیطون کلومه جاخو مودوزدِه. در اصل شیطون مِنَرزِه که خدا کَلوم درکِه یِری.»

![](https://cdn.door43.org/obs/jpg/360px/obs-en-33-07.jpg)

«سنگلاخِه زِمین، آدمی یه که تا خدا پیغوم مَشونِه، جاوِ خوشحالی وی قبول مییَرِه، ولی سختی موقِه دِ یا وقتی که مردم جاوِه اذیت مییَرِندِه، خدا خو رو مِچَرخدِنِه. اَلادِه جور واجِم آ خدا اعتماد خو دَس اُونقورِه.»

![](https://cdn.door43.org/obs/jpg/360px/obs-en-33-08.jpg)

«زِمینی که خارون خو اوپیچییَستی، آدمی یه که پیغومِ مَشونه ولی زندِگیش نِگَرونی و دِل بستِگیش به فِلیون خیلی چییون اَگِردَن، بعد ای مدت کم جاوِه عشق بِوَرزَستَن خدا خو یاقا مَرزِه. دیه توان خدا راضی یَردَن بر طبق آ چی که خدا کَلوم خو بَلَداش گِردی نِدِرِه. آ عین گندُمِ خوشون یه که هیچ میوه ای بار مِنورِه.»

![](https://cdn.door43.org/obs/jpg/360px/obs-en-33-09.jpg)

«اما خورِه زمین، آدمی یه که خدا پیغوم مَشونِه، جاوه باوارِه مییَرِه و ثمر آندیه.»

*داستون بیگیرییِستی از کتاب مقدس: انجیل متی فصل ۱۳ آیه های ۱ تا ۸؛ فصل ۱۳ آیه های ۱۸ تا ۲۳؛ انجیل مرقس فصل ۴ آیه های ۱ تا ۸؛ فصل ۴: آیه های ۱۳ تا ۲۰؛ انجیل لوقا فصل ۸ آیه های ۴ تا ۱۵*

## 34. ۳۴- عیسی اَلادِه مَثَلون بَلَدِه میدییِه

https://openbiblestories.org/l/tks/story-34/

![](https://cdn.door43.org/obs/jpg/360px/obs-en-34-01.jpg)

عیسی اَلاده داستونِش دِ درباره ی پادشاهی خدا واچِه. نِمونی را بییَن واچِه: «خدا پادشاهی لاب خردَلِ دونی وارینایه که ای نَفَر رَزِش بِکِرچیه. شما هالیون که خردلِ دونه گوجیلتِرین دونییِه.»

![](https://cdn.door43.org/obs/jpg/360px/obs-en-34-02.jpg)

«با جی وجود که خردِل دونه رُشد مییَرِه، پاک جا رَزِ گیاهون پِلِه تَرامبِه بِقَدَر پِلامبِه که پَرَندون جا شاخون سَرِ استراحت مییَرِنده.»

![](https://cdn.door43.org/obs/jpg/360px/obs-en-34-03.jpg)

عیسی اَلاده داستونِش تعریف یِه و واچه: «خدا پادشاهی لاب خمیر مایی وارینایِ که اینِه زینییِه جاوِ آردی وی قاطیه مییِریه تا پَخشِه یِریه کل خمیر سَر.»

![](https://cdn.door43.org/obs/jpg/360px/obs-en-34-04.jpg)

«خدا پادشاهی، لاب اِینِه گَنجِه که ای نَفَر رَزِش مونِه قایماش یِردیشِه. اَلادِه کَس جاش آنداس هامونده جاش خاکِه بِخِه قایماش یِه و جا ذوقه دِ بوشو هر چیش دَشت بیروچِه تا جا اندازِه فِل گِردِه گِرِه تا جا رَز که مونِشه گَنج وِ اَگِرِه.»

![](https://cdn.door43.org/obs/jpg/360px/obs-en-34-05.jpg)

«خدا پادشاهی، لاب اینِه قشنگه، گُرونِه مروارید که اینِه تاجِر آندارِه و هر چی دِرِه میروشِه تا بُتونِه فِلِش بی جا اَگِرِه.»

![](https://cdn.door43.org/obs/jpg/360px/obs-en-34-06.jpg)

آقادِه ای آدَمونی ویندِه که فِکرِشون مییِه خورِه کارونِشون واسین خدا جانا قبول مییَرِه. آنا بقیه ی که خوره کارونِشون مینییِه هَدَر موزونَچون. بعد عیسی جانارا جی داستونِش تعریف یه: «دو نفر بیشیندِه مسجد که دوعا بییَرِندِه. ای نفر جانا خو شِخ وِه و آوِه کین دِ باجگیر وِ.»

![](https://cdn.door43.org/obs/jpg/360px/obs-en-34-07.jpg)

شِخ بَشدا بییَن دویاش بییِه: «ای خدا اِشتِه شُکر مییَرِم که اَلادِه مردُمون وارینا، گُناکار، دُزد، ظالم، زِناکار و حتی جی وارین باجگیر نیمِه.»

![](https://cdn.door43.org/obs/jpg/360px/obs-en-34-08.jpg)

هفتی مونِه دو رِو رِوجِه مِگِرِمه و همه فِلِون و درآمِدی که بَرمورِم ای دَهِمِش آندِم اِشته.

![](https://cdn.door43.org/obs/jpg/360px/obs-en-34-09.jpg)

«آما آ باجگیر دِروتَر از جا شِخ بَشتاوی و موقعی که دویاش مییِه، حتی سَرِش دِ جور نِگِرچه آسِمونِه طَرَف بَلکِه مُشتی وی بیزیش سینیشه. واچه: « خدایا چمه رَحم بییِه، چون گوناکاریمه!»

![](https://cdn.door43.org/obs/jpg/360px/obs-en-34-10.jpg)

بعدِش عیسی شوریاش یِه: «راستِش شما را ماجِم؛ خدا جا باجگیرِش دوعا بَشونَس واچه اِم خورِه آدَمه. خدا هر کَس که خوشتَنَرِش خو تعریف بییَرِه خوشِش مِنا و هر کَس دِ خوشتَنَرِش کَم بُوزونِه سربِلَندِه مییَرِه.»

*داستون بیگیرییِستی برگرفته از کتاب مقدس: انجیل متی فصل ۱۳ آیه‌های ۳۱ تا ۴۶؛ انجیل مرقس فصل ۴ آیه‌های ۲۶ تا ۳۴؛ انجیل لوقا فصل ۱۳ آیه‌های ۱۸ تا ۲۱؛ فصل ۱۸ آیه‌های ۹ تا ۱۴*

## 35. ۳۵- دِلسوزِه پیه داستون

https://openbiblestories.org/l/tks/story-35/

![](https://cdn.door43.org/obs/jpg/360px/obs-en-35-01.jpg)

ای رِو عیسی ای عالَمِه مردم که جا دورِه گِرداوِویندِه تا جا خو بَشونِندِه، بَلَداش مِدا . ویشتَرِشون باجگیرون و اَلاده مردُمی ویندِه که مِنوقوچون موسی گَپون گوشه یَرِندِه .

![](https://cdn.door43.org/obs/jpg/360px/obs-en-35-02.jpg)

آما شِخون سر دَستون که اوقادِه ویندِه، میوینچون که عیسی چییَن گونا کارون بی خوشتَنَرِش رَفِقون بِری رفتار مییَرِه. بعد همدییَرِشون مِوات که عیسی اشتباه کار مییَره. وقتی عیسی جاش گَپون بَشونَست، جی داستونِش جانارا وات.

![](https://cdn.door43.org/obs/jpg/360px/obs-en-35-03.jpg)

«اینِه مردَک دونِه فِرِش دَشت. ای رِو گوجیلِه فِرِه پییَرِش واچه: «پیوم، از اِرثِ میراثم همی اَلون موقوم!» پس پیه خوشتَنَرِش مال خو جاش سَم آدا.»

![](https://cdn.door43.org/obs/jpg/360px/obs-en-35-04.jpg)

چیزی نِگذَرَس که گوجیلِه فِرِه هر چیش دَشت گِرداش گِه بوشو اینِه دِروِه شَر (شهر) و آقادِه هر چیش دَشت زندگی پر از گوناهی وی دَسه آدایش.

![](https://cdn.door43.org/obs/jpg/360px/obs-en-35-05.jpg)

چیزی نِگذَرَست که قحطی بومه آقادِه که فِرِه وِ و آ هیچ فِلی دِ غذا را نِدَچِه. بعد مجبوراوِه که تَنا کاری که بَلَد وِ خوکِه بِچَردِنَستَن مشغولاوِه که اِنقَد خسته و گوسنِه وِ که خوکون غذاوی خوشتَنَرِش اَشکَم سیراش مییِه.

![](https://cdn.door43.org/obs/jpg/360px/obs-en-35-06.jpg)

آخِرِه ای رِو گوجیلِه فِرِه خوشتَنَرِش وی واچه: «اَز اِنگادِه چی مییَرم؟ پییَرِم نوکَرون همه فِراوُنه غذا بوخاردَنِ را دِرِندِه آما از اِنگادِه گوسنِگیدِه مومورِم، پس آنگَردِم پییَرِم پَلِف جا خو موقوم که اَزدِه جاوِ اینِه نوکَرون خو گَردِم.»

![](https://cdn.door43.org/obs/jpg/360px/obs-en-35-07.jpg)

پَس راکَت بوشو پییَرش کی طَرَف. حالا کی خو دِرو وِه که پییاش جاش وین و دِلِش جاوِرا بیسوت و تُند ویریت جا طَرَف جاش بِگِه باقالِش جاش ماچِه یِه.

![](https://cdn.door43.org/obs/jpg/360px/obs-en-35-08.jpg)

فِرِه پییَرِش واچه: «پیوم، از هم اِشتِه هم خدا حقه گُنام بییِردی دیه لایِق جی نیمِه که اِشته فِر گَردِم.»

![](https://cdn.door43.org/obs/jpg/360px/obs-en-35-09.jpg)

اما پیاش اینِه جا نوکَرون خو واچه: « تُند بایا بِهتِرین لِباس کیه دِ بورا باقانا چِمِه فِرَر تَن. آنگوشتَرَکِه باشینا دَسِش و چُست باقانا پاش و اِینِه چاقِه گویَر بورا سَرِش آربینوم و جَشن بِگِروم شادگَردوم. چون اِم فِرم بُمِرده وی اَلون زِنداوی. دیارِه شِوی اَلون آنداستیم.»

![](https://cdn.door43.org/obs/jpg/360px/obs-en-35-10.jpg)

بعد، همه اِینِه پِلِه جَشنِشون بِگِه. چی نِگذِرِسته وی که پِلِه فِر که رَزِه کارِش مییِه بومِه کییِه. بِخِندَنیون اُوَزَستَنِش صِدا که بَشونَچه کونجکاواوِ که چه خبر گِردِستی .

![](https://cdn.door43.org/obs/jpg/360px/obs-en-35-11.jpg)

وقتی پِلِه فِر هالیاوِه که اِم جَشن گوجیلِه بِرارِش واسینِه که آگِردِستی کیه حِرصِش بَرومِه و نوقوچه که بیشو کی مون پیاش بومِه بَر و جاخو خواهِشش بیِه که با کی مون و مَمونی مونِه دِه گَردِه آما آ پییَرِش گَپ باشیش زِمین.

![](https://cdn.door43.org/obs/jpg/360px/obs-en-35-12.jpg)

پِلِه فِرِه پییَرِش واچه: «همه ی جی سالون وفاداری وی ایشتیم خدمت بییِردی. هیچ موقع ایشتیم‌گَپ زِمین ناشیندی و همه‌ی جی مُدّت اینِه بِزقالی دِ آنِدای تا بُتونِم رَفِقونِم بی جَشن بِگِرم. آما اِم فِری، اِیشتیش مال گُنامونِه حیفِاش یِردی اَنِه دِ که آگِردِستی کیه بِهترین چاقه گویِری جاوِرا سَرِش آربیندی که جَشن بِگِری.»

![](https://cdn.door43.org/obs/jpg/360px/obs-en-35-13.jpg)

پییاش جوابِش آدا: «فِرِم، ته همیشه چِمِه پَلِفه دِریشِه هر چی دِ دِرِمه اِشتِه یِه. آما بهترین کار اِمه که اَلون جشن بِگِروم و شاد گَردوم چون که بِرای بُمِردِه وی اَلون زِنداوی، دیارِه شِه وی آندارییِستی.»

*داستون بیگیرییِستی از کتاب مقدس: انجیل لوقا فصل ۱۵ آیه های ۱۱ تا ۳۲*

## 36. ۳۶- مسیحِ دیم دِگَرگوناوی

https://openbiblestories.org/l/tks/story-36/

![](https://cdn.door43.org/obs/jpg/360px/obs-en-36-01.jpg)

ای رِو عیسی سودونه شاگِردونِش خو یِنی پترس، یعقوب و یوحناش اوقورچه بوشو کوهِ جُور باهم دویا یَرِندِه. (یوحنایی که عیساش تعمید آدای، ای آدم دیه وِه.)

![](https://cdn.door43.org/obs/jpg/360px/obs-en-36-02.jpg)

دوعا موقودِه عیسی دِیم خورشید وارینا مِدِرَخشَست وَ لِباسِش دِ ایسبیِه نور گَردَست. بیَن ایسبی آوه کِه زَمینِدِه باینِه چی نِوِه اصلا.

![](https://cdn.door43.org/obs/jpg/360px/obs-en-36-03.jpg)

آ موقع موسی وَ ایلیایِ نَبی آنداریستینده. آنا صدسالِ پیش زِندِی میرچون زِمینه دِ. آنا عیساوی درباره ی جاوِه مرگ که خیلی زِو موقوستی اورشلیمه اتفاق بیگینِه گَبِشون بِزَن.

![](https://cdn.door43.org/obs/jpg/360px/obs-en-36-04.jpg)

آموقِع کِه موسی وَ ایلیا عیساوی گَپِه وینده، پترس عیساش واچِه: «چهِ خُوره کِه آما اِنگا دِرِیمون. بَرز سو دونِه سینَکا سابِدوم ایدِنه اِشته را ایدِنه موسی را ایدِنه دِ ایلیارا.» پترس حالی نِوِه چِه ماجِه.

![](https://cdn.door43.org/obs/jpg/360px/obs-en-36-05.jpg)

هَنوز پترس گَپ تامونا نِوِه‌وی کهِ ایدِنه روشینه اَبر بومِه جیر، جاناش بِگِرچه وَ نِدا بومه: «اِم چِمه فِره کِه جاخو راضیمه جاوِه گَپ گوشِرا.» سودونه شاگِرد بِتَرسِستینده بِکتینده زَمین.

![](https://cdn.door43.org/obs/jpg/360px/obs-en-36-06.jpg)

عیسی دَسِش آنا جانا سَر و واچه: « پاوِیا مترسا». آموقِع کِه آنا دورِه وَره بِشکِسِستینده، بِجُز عیسی هیچ کَسِشون اُوقادِه نیوین.

![](https://cdn.door43.org/obs/jpg/360px/obs-en-36-07.jpg)

عیسا سو شاگِردِوی بومینده کوده جیر. آ موقع عیسی جاناش وات: «اَنه جا چیایون که ویندی هیچ کَسِ را هیچی مَواجِه یا. از خیلی زِو مومورِم هامون دوبارِه زِندامبِمه بعد از جا موتونا بَقیی را واجه یا که چییون ویندی.»

*داستون بیگیرییِستی از کتاب مقدس: انجیل  متی فصل ۱۷ آیه‌های ۱ تا ۹، انجیل مرقس فصل ۹ آیه‌های ۲ تا ۸، انجیل لوقا فصل ۹ آیه‌های ۲۸ تا ۳۶*

## 37. ۳۷- عیسی ایلعازرِش زنده یِه

https://openbiblestories.org/l/tks/story-37/

![](https://cdn.door43.org/obs/jpg/360px/obs-en-37-01.jpg)

ای نفر وِ که نومِش ایلعازَر وِه، آویون دو خاکونِش مریَمه و مِرتا، عیسی نزدِکه رَفِقون خو ویندِه. ای رِو عیسی بَشونَچه که ایلعازَر حسابی مریضاوی. وقتی عیسی جی خبرِش بَشونَس واچه: «اِم مَریضی جاوِه مونوکوشِه بَلکَم پِلِّگی و جلال خدا همی را جا مونِه معلومامبِه.»

![](https://cdn.door43.org/obs/jpg/360px/obs-en-37-02.jpg)

عیسی با وجود اینکه جاناش موقوس، دو رِو دِ آقادِ که وِه بِمَند. بعد اینکه آ دو رِو تاموناوِه عیسی شاگِردونِش واچه: «بایا آگَردوم یَهودیه.» آما شاگردونِش واچون: «ای استاد، همین چند رِو پیش وِه یهودیی مردُم موقوچون اِشتِه بوکوشِندِه!» عیسی جاناش جواب آدا: «چوما رَفِق ایلعازر آخوتی از باید جا پایَرِم.»

![](https://cdn.door43.org/obs/jpg/360px/obs-en-37-03.jpg)

عیسی شاگِردون جوابِشون آدا: «خداوندا، اِگه آ آخوتی، خوارامبِه.» بعد عیسی واضِح واچِه: «ایلعازَر بُمِردی. خوشحالیم که آقادِه نِویم تا شما بوتونا چِمه اِیمون بُرا.»

![](https://cdn.door43.org/obs/jpg/360px/obs-en-37-04.jpg)

وقتی عیسی به جا شهری که ایلعازَر زِندگیش میه بِرَسَس .چهار رِو وِه که ایلعازَر بُمردَنِ خو رَدّاوِه وی . مرتا بیشیهِ عیسی پَلِف واچه: «سرورم، اِگه ته اِنگادِه ویشه، بِرام مُنُمَرد .آما از ایمون دِرِم که هر چی که ته خدا خو بوقوی، اِشته را آندییِه.»

![](https://cdn.door43.org/obs/jpg/360px/obs-en-37-05.jpg)

عیسی جوابِش آدا: «اَز قیومَتیون زندگیمِه. هر کَس چِمِه ایمون بورِه، حتی اِگه بُمُرِه، زندامبِه .هر کس چِمه ایمون بورِه دیه مُنُمُرِه. آیا چِمه جی گَپ ایمون دِیری؟» مرتا جوابِش آدای: «بله استاد از ایمون دِرِم که ته مسیح خدا فِریش.»

![](https://cdn.door43.org/obs/jpg/360px/obs-en-37-06.jpg)

بعد مریَمه بیشیه عیسی پَلِف و بِکَته جاوِ پا و واچِه: «سرورم، اگه انگادِه ویشه بِرام مُنُمَرد.» عیسی جانا خو آپَرسَست: «کاده جایون جیرِه یِردی؟» آنا جوابِشون آدای: «اینِه قَبرِ مونِه. بیرو بِشگِه.» بعد عیسی بِربَنَس.

![](https://cdn.door43.org/obs/jpg/360px/obs-en-37-07.jpg)

ایلعازَرِ قبر اِینِه غار وِه که پَرونِشه اِینِه پِلّه سنگِشون آنه وی. وقتی عیسی بِرَسَس قبر سَر جاناش وات: «سنگِ بِکَشا کِنار! اما مرتا واچه: «چهار رِوِ که آ بُمِردی. اَلون دیه جاوِه جنازِه بوش بِگِردی»

![](https://cdn.door43.org/obs/jpg/360px/obs-en-37-08.jpg)

عیسی جوابِش آدا: « مِگِه نِواتیم اِگه همه ایمون بُورا پِلِّگی خدا میوینا؟» بعدِ جا سَنگِشون بِکَشَست کِنار.

![](https://cdn.door43.org/obs/jpg/360px/obs-en-37-09.jpg)

بعد عیسی بِشگَسست آسِمونِه واچه : «پیوم، اِشته شُکر میَرِم که چِمه مَشونی. موزونِمه که همیشه چِمه گوشِه مییِری، ولی جیم جی مردِمون واسین که اِنگادِه یِندِه واتیم، تا اِیمون بورِنده که ته چیمی بُروستای.» بعد بِلَندِه صدا وی واچِه: «ایلعازَر، بی بَر!»

![](https://cdn.door43.org/obs/jpg/360px/obs-en-37-10.jpg)

ایلعازَر، همی که یونِش کَفِنِ مونه وِه قبرمونه بَرومه. عیسی جاناش وات: «جاوه اُوشارا تا بوتونه را بیشو.» خیلی از جا یهودیون که جی معجِزیشون، وین عیساشون ایمون بو.

![](https://cdn.door43.org/obs/jpg/360px/obs-en-37-11.jpg)

آما یهود پِلِّه شِخون خسِفتیشون بُوخا، بعد گِرداویندِه همدییَر دور تا عیسایون ایلعازَر را نقشه بِکَشِنده که جانا بُوکُوشِندِه.

*داستون بیگیرییِستی از کتاب مقدس:  انجیل یوحنا فصل ۱۱ آیه های ۱ تا ۴۶*

## 38. ۳۸- خیانت به عیسی

https://openbiblestories.org/l/tks/story-38/

![](https://cdn.door43.org/obs/jpg/360px/obs-en-38-01.jpg)

یهودیون هر سال، عید پِسَخِ شون جشن مِگِه. اِم جَشن، جاناش خیال ماشین که چییَن خدا صدها سال قبل، جاناش پییون از نوکِری مصر خو نِجات آداوی. نزدِکِ سو سال بعد از جاوِ که عیسی شوریاش یِردِه وی هَمی را نصیحتِش میه، شاگِردونِش واچه که موقوش عیدِ پِسَخِ جاناوی اورشلیمه دِ جشن بِگِرِم. آ جیشته واچه که آقادِه جاوِه موکوشِندِه.

![](https://cdn.door43.org/obs/jpg/360px/obs-en-38-02.jpg)

یهودا اینه عیسی شاگردون خو وِه و خزانه دار گروهِ شاگردون وِه. ویشتَرِ وَقتون دِ جا خو فِلِش مودوزچِه. بعد جا که عیسی و شاگردونِش به اورشلیم بِرِسِستیندِه، یهودا بوشو یهود کاهن اعظمِ پَلِف و جانا را پیشنِهادِش آدا که عیسی لو آدِمه یاقاش چِمِه را فِل آدِه یا. آ هالی وِه که یهود پِلّون عیسی مسیحی وییَن قبول نِدِرِندِه و موقوشون جا بُکُشِندِه.

![](https://cdn.door43.org/obs/jpg/360px/obs-en-38-03.jpg)

یهود پِلّه شِخون به رهبری کاهن اعظم، خیانت یهودا واسین و تحویل آدییَن عیسی به، سی دونه سکه نقریشون جاوِ را آدای. درست همی باین که پِلّون پیشگوییشون یِرده وی. یَهودا قبولِش یه و فِلِش اگِه و راکَت. از آقا به بَعد آ فِرصَتِ پِه یِه وِه که عیسی تسلیم جانا یَرِه.

![](https://cdn.door43.org/obs/jpg/360px/obs-en-38-04.jpg)

عیسی اورشلیمِ دِ، عید پِسَخِش شاگِردونِش بی جَشنِش بِگِه. موقع شوم بوخاردَن پِسَخ، عیسی نونِش بِگِه پارِه یِه و واچه: «بِگِرا بوخارا، اِم چِمِه یونه که شما را آندم. جیوِه چِمِه خیالِه بوخارا.» بییَناوِه که عیسی واچه جانا خاطِرِه یون آندِم و یونِم جانارا قوربونی مییَرِم.

![](https://cdn.door43.org/obs/jpg/360px/obs-en-38-05.jpg)

بعد عیسی پیلییِه شرابِش بِگِه و جاناش وات: «اِم چِمِه خِمنِه پیمونِ جدیدِ مونِه که شما گونا بِبَخشَستَنِ واسین میریجییِه. جی کارِه بعداً چِمِه واسین اَنجوم بِدِیا.»

![](https://cdn.door43.org/obs/jpg/360px/obs-en-38-06.jpg)

بعد عیسی شاگِردونِش وات: «اینِه شمایون خو چِمِه خیانت مییَرا.» شاگِردون تعجبِشون یِه و واچون که بینِه کار مَییَرِه؟ عیسی واچِه: «آ کَس کِه جی دُرُمبِه چِمِه خو اَنگِرِه، خیانَت کارِه.» بعد نونِش آدا یهودا.

![](https://cdn.door43.org/obs/jpg/360px/obs-en-38-07.jpg)

بعدِ جا یهودا نونِش اوقو، شیطون بوشو جا مون. آ بوشو یهود پَلِف تا جانا کُمک یَرِه عیسی بِگِرِندِه. اِما همه شو گَردَس .

![](https://cdn.door43.org/obs/jpg/360px/obs-en-38-08.jpg)

بعد از غذا بوخاردَن، عیسی شاگِردونِش بی بوشو کوهِ زیتون طَرَف. عیسی واچِه: «اَشو همه چِمِه تَنا مَرزا. چون که بینیسییِستی: «چوپونِ مِزَنِمه و همه چَروایون وِلالامبیندِه.»

![](https://cdn.door43.org/obs/jpg/360px/obs-en-38-09.jpg)

پترس واچِه: «حتی اِگِه همه اِشتِه وِلِه یَرِندِه، از جی کارِه مینییَرِم. » عیسی جاش وات: «شیطون موتونِه شما همی خوشتَنَرِش یَرِه، اما از اِشتِه را دویام بییِردی که ایمونی بینِه نیشو. باهَمه ی جیوا، اَشو، قبل اینکه خورِس بِخِنِه، ته سو را اِنکار مییِری که چمه مِشناسی.»

![](https://cdn.door43.org/obs/jpg/360px/obs-en-38-10.jpg)

پترس عیساش وات: «حتی اِگه بُمُرِم، اِشته انکار مینییَرم.» آوِه کین شاگِردون دِ بییَن واچون.

![](https://cdn.door43.org/obs/jpg/360px/obs-en-38-11.jpg)

بعد عیسی و شاگردونِش بیشیندِه جتسیمانی رَز. عیسی جاناش وات دویا یَرا که شیطون نوتونِه جاوِه وسوسه یَرِه. بعد جاش وِلِه یِه و بوشو خوشتَنَرِش خلوت مون تا دویا یَرِه.

![](https://cdn.door43.org/obs/jpg/360px/obs-en-38-12.jpg)

عیسی سو را بییَن دویاش یِه: «ای پییوم، اِگه امکون دِرِه، اِجازِه آدی جی پیلییِه رَنجِ خو آنِخارِم. اما اگه الادِه راه برای بِبَخشَستَنِ گونای بَشَر نییِه، پس اِشتِه کار انجوم موخارِه.» عیسی بییَن هولاوِه وی که عَرَقِش قطره ی خِمنِ موشو. خدا اینِه فِرِشتیش بُروستای تا جا تقویت یَرِندِه.

![](https://cdn.door43.org/obs/jpg/360px/obs-en-38-13.jpg)

بعد هر سیری دویا یَردَن، عیسی آنگَردَس شاگِردونِش پَلِف، آما جاناش خاوِه دِ میوین. سومین بار که آگَردَس واچِه: «پاوه یا، آ خیانتکارِه شاگِرد اِنگادِرِه.»

![](https://cdn.door43.org/obs/jpg/360px/obs-en-38-14.jpg)

یهودا، یهود پِلّون بی، سربازون و پِلّه جمعییَتی وی بومه. آنا خوشتَنَرِشون بی شمشیریون چوشون دَشت. یهودا بومه عیسی طرف و واچه: «سلام ای استاد» و جاش ماچه یه. اِم ای نِشون وِه که عیساش اُوَردِنَچِه یهودیون که دستگیرِه یَرِندِه. عیسی جاش وات: «یهودا، آیا چِمِه ماچِه یَردَنی وی چِمِه خیانَت مییِری؟»

![](https://cdn.door43.org/obs/jpg/360px/obs-en-38-15.jpg)

آموقع که سربازون، عیساشون بِگِه، پترس خوشتَنَرِش شمشیر بَرو و کاهن اعظم خدمتکارَر گوش بیربینچِه. عیسی جاش وات: «شمشیری غلاف یِه. از موتونِم پییَرِم خو بوقوم که اینِه لشگر فِرِشتون خو بُروستِه چمه کمک. امّا باید پییَرم خو اطاعت یَرِم.» بعد عیسی جا مردکِش گوش شفا آدا و همه شاگردون ویریتیندِه.

*داستون بیگیرییِستی از کتاب مقدس:  انجیل متی فصل ۲۶ آیه های ۱۴ تا ۵۶، انجیل لوقا فصل ۲۲ آیه های ۱ تا ۵۳، انجیل یوحنا فصل ۱۸ آیه های ۱ تا ۱۱*

## 39. ۳۹- محاکمه عیسی

https://openbiblestories.org/l/tks/story-39/

![](https://cdn.door43.org/obs/jpg/360px/obs-en-39-01.jpg)

نیمه ی شو، سَربازون بومینده عیساشون بِبِه کاهِنِ اعظمه کیهِ تا جاوهِ خو بازجویی یَرِنده. پترس دِ جاوهِ پِیهِ دِ مومِه. وقتی که عیساشون بِبه کی مون، پترس کی بَرِه دِ آتِشِ کِنارِه بَشدای تا خوشتَنَرِش گَرمِه یَرِه.

![](https://cdn.door43.org/obs/jpg/360px/obs-en-39-02.jpg)

یَهودِ رِئیسون، کیمونهِ دِ عیسی خو بازجوییشون میهِ. آنا تعداد زیادی شاهِدِشون بور تا عیسی تَهمَت زَنِنده. آما، وقتی جانا گَپون هَمدیَر بی ای نِوه، بنابراین رَهبَرونِ یَهود، نوتونَچون جاوِه گونا ثابِتِ یَرِنده. عیسی دِ هِچ گَپی نیزیشه.

![](https://cdn.door43.org/obs/jpg/360px/obs-en-39-03.jpg)

سرانجام کاهِن اعظم بِشگَسَست عیسی و واچه: «چوما واتن آیا تَ مسیح خدای زِندِی فِریشِه؟»

![](https://cdn.door43.org/obs/jpg/360px/obs-en-39-04.jpg)

عیسی واچه: «بله اَزیمه، ای رِو چِمِه میوینا که خدا راسته دَسه آنیشتیمِه و آسِمونه آنگَردِم زِمین.» کاهِن اعظم که جی گَپونِش خو عصبانی آوهِ وی، لِباسونِش پاریش یِه و دادی وی اَلادِه شِخونِش وات: «آما اَلادِه شاهِدُنِمون منوقو همه بَشونَچون که آ واچه خدا فِریمِه چه رای آندِیا؟»

![](https://cdn.door43.org/obs/jpg/360px/obs-en-39-05.jpg)

یهود رهبرون همه در جواب کاهن اعظم واچون: «آ سِزاوارِ مَرگه» عیسی چِشمون بِبَچّون وَ جاوِ دیم توفِشون باشین وَ جاشون بِزَن و مَسخِریشون یِه.

![](https://cdn.door43.org/obs/jpg/360px/obs-en-39-06.jpg)

پترس که کی بَرِ دِ بَشتاوی. اینِه کنیزِه جاش وین و جاش وات: «تیدِه عیساوی ویشه.» پترس مُنکِراوِه قِقِنِه وَرا اَلادِه کِنیزِه دِ همی جی گَپِش جاوی بِزَن و پترس هاموندِه اِنکارِش یِه. آخِرِه آنایی که اوقادِه بَشتاویندِه جاشون وات: «هالیمون که ته اِیدینِه از عیسی شاگِردونیشِه چون تیدِه جلیلی یِیشِه.»

![](https://cdn.door43.org/obs/jpg/360px/obs-en-39-07.jpg)

پترس جا لَحظه دِ قَسَمِش بوخا وَ واچه: «خدا چِمه لَعنَت یَره اِگه اَز جی مَردَکه بِشناسِمه» جا لَحظه دِ خورِس مِخِنچِه وَ عیسی آگَردَست وَ پِتروسِش مشگَسَس.

![](https://cdn.door43.org/obs/jpg/360px/obs-en-39-08.jpg)

پترس بوشو وَ زار زار مِربَنَس وَ همی آ لحظه یهودای خیانتکار وینچه که یهود رهبرون عیساشون به مرگ محکومه یِردی. غم و غصه جاش بِگِه، بوشو و خودکُشیش یِه.

![](https://cdn.door43.org/obs/jpg/360px/obs-en-39-09.jpg)

جی رِوون مونهِ دِ پیلاتُس که رومِ فَرمانده وِ. یَهودیون را حُکمرانیش میهِ. یهود پِلِّون عیساشون بِبِه جا پَلِف. حانا دَرخواست اِم وِ که پیلاتُس، عیسی به مرگ مَحکوم یَره. پیلاتُس عیسی خو آپَرسَچّهِ تَ یَهودیون پادِشاهیشه؟

![](https://cdn.door43.org/obs/jpg/360px/obs-en-39-10.jpg)

عیسی واچه: «درست ماجِی. آما چِمه پادِشاهی زَمینی نیِه. اَگه بیَن مِوه، چِمه پِیرُوون چِمه را مِجِنگِستیندِه. ولی اَ بومِیم جی دونیا مون، که حقیقت خدا باره دِ هَمی را واجِم. هرکس که حَقیقَتِش بوقو، چِمه گَپون گوش آندیه. » پیلاتُس آپَرسَست: « که حقیقت چه با؟»

![](https://cdn.door43.org/obs/jpg/360px/obs-en-39-11.jpg)

پیتالس پس از گَپ بِزَندَن عیسی بی، بیشینده جَمعیَته وَر و پیلاتُس واچه: «اَ گوناهی جی آدَمِه مونِه نیویندیمِه که مُستَحَقه مَرگ گَرده.» ولی سَران یَهود وَ جمعیت دادِشون بِزَن. واچون: «جیوهِ صَلیب بِکَشا.» پیلاتس جَوابِش آدا: «آ گوناهکار نیهِ.» وَلی آنا اومَکتو صِدای بُلَند تَری وی عَربَدیشون بِکِشَست. بعداز جا پیتالس برای سِوُمین بار واچه: «آ گوناهکار نیهِ.»

![](https://cdn.door43.org/obs/jpg/360px/obs-en-39-12.jpg)

پیتلاتس برای اینکه مِتَرسَست شورِش گَردِه، قَبولِش یهِ وَ عیساش آدایش سَربازونِش دَست تا جا صَلیب بِکَشِنده. سَربازانِ رومی عیساشون شَلّاق بِزَند وَ لباس سلطنتیشون تَن یَردِنَست جاوِ وَ تاجی اَز جِنس خار آنایشون جا سَر. بعد از جا خَنده‌بی واچون: «زنده باد پادِشاهِ یَهود.»

*داستون بیگیرییِستی از کتاب مقدس: انجیل متی فصل ۲۶ آیه ۵۷ و فصل ۲۷ آیه ۲۶، انجیل مرقس فصل ۱۴ آیه ۵۳ و فصل ۱۵، انجیل لوقا فصل ۲۲ آیه ۵۴ و فصل ۲۳ آیه ۲۵، انجیل یوحنا فصل ۱۸ آیه ۱۲ و فصل ۱۹ آیه ۱۶*

## 40. عیسی به صلیب بِکَشَستَن

https://openbiblestories.org/l/tks/story-40/

![](https://cdn.door43.org/obs/jpg/360px/obs-en-40-01.jpg)

بعد جا که سَربازون عیساشون مسخره یِه، جاشون بِبِه بَر تا به صِلیب بِکَشِندِه.آنا جاشون مجبورِه یِه که خوشتَنَرِش صِلیب بِکَشِه.

![](https://cdn.door43.org/obs/jpg/360px/obs-en-40-02.jpg)

سربازون عیساشون ای یاقا بِبِه که جلجتا (یِعنی کَلّی اُسقونج) مِواچون و دست ِ پاش مِخِبی بیزیشون صِلیب سَر. آما عیسی واچه: «ای پیوم! جی مَردِمِ بِبَخش، چون ک حالی نییِندِه چی مییَرِنده.» به دستور پیتلاتس جاوِ جور سَرِه اِینِه سَنگ نِوِشتیشون آنا که جاوِه سَرِه بینیسییِستِه وی: اِم یَهودِ پادشاهِ.

![](https://cdn.door43.org/obs/jpg/360px/obs-en-40-03.jpg)

بَعدِ جا، سَربازون عیسی اَرمازون سَرِه پوشکاشون باشین. جی کاری بی کتاب مقدسِ از قبل واتِه اَنجومِش بُخا که مِواچِه: «اَرمازونِم خوشتَن مونِه قِسماشون یِه و چِمِه سَرین اَرماز سَرِه پوشکاشون باشین.»

![](https://cdn.door43.org/obs/jpg/360px/obs-en-40-04.jpg)

سَربازون همزَمون دونِه دُزدِشون دِ به صِلیب بِکَشدِنَس و عیساشون صِلیبِ سَرِه دِ آنایشون جانا موناقا. ا ینِه جانایون خو عیساش مسخَرِه مییِه، آما آوِکین جاش وات: «آیا تَه خدا خو مِنِتِرسی؟ آما گُنا کاریمون آما اِم مَردَک بی گُنایِ.» بعد عیساش وات: «ای عیسی! چِمِه خوشتِنِری پادشاهی مونِه خیالی بور.» عیسی جاش جواب آدا: «تَ هَمی اَرو چِمِبی بِهِشتِه دِرِیشِ.»

![](https://cdn.door43.org/obs/jpg/360px/obs-en-40-05.jpg)

یَهودِ پِلّه شِخون و مردمی که آقادِه ویندِه عیساشون مسخَرِه یِه و واچون: «اِگه تَ خدا فِریشِه صِلیبِ خو بی جیر و خوشتِنِری نِجات آدی! بعد آما اِشتِه اِیمون موروم.»

![](https://cdn.door43.org/obs/jpg/360px/obs-en-40-06.jpg)

اگر چه نُمَرِج وِ، اما پاک جا هولکی آسمون تارِکاوِه. اِم تارِکا تا سو ساعت اِدومیش دَشت.

![](https://cdn.door43.org/obs/jpg/360px/obs-en-40-07.jpg)

بعد عیسی دادِش بِزَن: «تاموناوِه. ای پیوم، خوشتَنَرِم روح واگُذارِه مییَرِم اِشتِه دَسون.» بعد سَرِش خولِه یِه و خوشتَنَرِش روح تَسلیماش یِه. وقتی که یونِش آدا زِمین بِلَرزَس و معبد پِلّه پرده، که مَردُمِش خدا حُضورِ خو جویاش یِردِه وی جور تا جیر دوپاراوِه.

![](https://cdn.door43.org/obs/jpg/360px/obs-en-40-08.jpg)

عیسی خوشتَنَرِش بُمَردَنی وی ای راش اُوشا تا مردُم بوتونِندِه باندِه خدا پَلِف. وقتی نِگَهبون رومی جیواش وین، واچه: «راستی که مردک بی گنا وِ . آ خدا فِر وِه.»

![](https://cdn.door43.org/obs/jpg/360px/obs-en-40-09.jpg)

بعد دو نفر از یهود پِلّون، نیفودیموسیون یوسف که اِیمونِشون دَشت که عیسی هَمی آ مسیح موعودِ، پیتلاتس پَلِف بیشیندِه و بوقوچون که عیسی جِنازِه تحویل اَگِرِندِه. آنا جِنازیشون اُوپیشدِنَست کَتونی پارچی مون و آنایشون سَنگِ قَبرِ مون و اِینِه پِلّه سَنگِشون دِ قِلاشون دا قَبرِ پَرون تا بِبِندییِه.

*داستون بیگیرییِستی از کتاب مقدس: (کتاب انجیل متی باب ۲۷ آیه‌های ۲۷ تا ۶۱، کتاب انجیل مرقس باب ۱۵ آیه‌های ۱۶ تا ۴۷، کتاب انجیل لوقا باب ۲۳ آیه‌های ۲۶ تا ۵۶، کتاب انجیل یوحنا باب ۱۹ آیه‌های ۱۷ تا ۴۲)*

## 41. ۴۱- خدا عیسی مُردون مونِه پامییَرِه

https://openbiblestories.org/l/tks/story-41/

![](https://cdn.door43.org/obs/jpg/360px/obs-en-41-01.jpg)

بعدِ جا که سَربازون عیساشون به صِلیب بِکَشَست، قوم یهود پِلّون پیتلاتسِ پَلِف بیشیندِه و واچون: «عیسی دوروش وات که بعد سو رِو موردون مونِه پامبِمِ. جا خاطِرِه که شاگِردونِش نوتونِنده جاوِ جِنازِه بُدوزدِندِه باید ای نَفَر مامور یَروم تا سو رِو قَبرِ هادربا. اِگه بوتونِندِه جِنازی بُدوزدِنده، آ موقه آنا اِدعا مییَرندِه که موردون مونِه پاوی.»

![](https://cdn.door43.org/obs/jpg/360px/obs-en-41-02.jpg)

پیتلاتس واچه: «سربازون خوشتِنِری بی بِبه تا آقایی که موتونی قبرِ خو حواسیه گَردِه.» بعد جا آنا سنگی که قبرِ پَرونِه وِ سِفتاشون یِه و سَربازونِشون آنا آقادِه نِگَهبونی آدییِندِه، تا هیشکِه نوتونِه جِنازی بُدُزدِه.

![](https://cdn.door43.org/obs/jpg/360px/obs-en-41-03.jpg)

چون رِوِ بعدِ جیرَردن عیسی، یعنی رِوِ شبات کار بیَردَن ممنوع وِ، هیشکون از عیسی رَفِقون خو نوتونَچون بیشیندِه قبرِ سَر. آما رِوِ بعد صُبِکی زِونا، چَنه جا زَنون خو حاضِراویندِه بیشیندِه عیسی قبرِ سَر تا جا جِنازِه خوشبو یَرِندِه.

![](https://cdn.door43.org/obs/jpg/360px/obs-en-41-04.jpg)

قبل اینکه زَنون آقا بِرَسِندِه، قبر پَلِفه اینِه پِلّه زِلزِله گَردَس. اینِه فرِشته آسِمونِه نازِلاوِه، قَبرِ پَرونِه سَنگِش غِلّاش دا کِنار و جاوِ سَر آنیشیت. آ فرشتیه لاب آسِمونِ برق بِری مِوَشَستِه. نِگَهبونون که جاوِشون وین بیَن بِتِرسِستیندِه که مُردی وِری بِکِتیندِه زِمین.

![](https://cdn.door43.org/obs/jpg/360px/obs-en-41-05.jpg)

آ موقه که زَنون قَبرِ سَر بِرِسِستینده، فِرِشتیه جاناش وات: «مَتَرسا! عیسی اِنگادِه نییِه. آ هَمی باین کِه وَعدیش آداوی مُردُون مونِه پاوی. قبرمون بِشگَسا و وینا.» زَنون قَبرِ مون بِشگِسِستیندِه و آقادِه که عیساشون آنِه وی وینچون ولی جِنازیشون آنِنداست.

![](https://cdn.door43.org/obs/jpg/360px/obs-en-41-06.jpg)

بعد جا فِرِشتیه زَنونِش وات: «بِشِیا شاگِردون واجِیا که عیسی مُردون مونِه پاوی و قبل شُما بِه جِلیل میشو.»

![](https://cdn.door43.org/obs/jpg/360px/obs-en-41-07.jpg)

زَنون همی که تعجبِشون یِرده وی و خوشحال ویندِه بیشیندِه شاگِردون طَرَف تا خوشِه خَبَر بِرَستِنِندِه جانا.

![](https://cdn.door43.org/obs/jpg/360px/obs-en-41-08.jpg)

همی که زَنون میرویتیندِه که جی خوشِه خَبَرِ شاگِردون را آدییِندِه، ایبَدِه عیسی جانا پَرونِه ظاهِراوِه. آنا جا پَرونِه سِجدیشون یِه . عیسی جاناش وات: « مَتَرسا! بِشِیا چِمِه شاگِردون واجِیا که بیشیندِه به جِلیل چِمِه آقادِه میوینِندِه.»

*داستون بیگیرییِستی از کتاب مقدس: (کتاب انجیل متی باب ۲۷ آیه ۶۲ تا باب ۲۸ آیه ۱۵؛ کتاب انجیل مرقس باب ۱۶ آیه‌های ۱ تا ۱۱؛ کتاب انجیل لوقا باب ۲۴ آیه‌های ۱ تا ۱۲؛ کتاب انجیل یوحنا باب ۲۰ آیه‌های ۱ تا ۱۸)*

## 42. ۴۲- عیسی آگَردَستَن به آسِمون

https://openbiblestories.org/l/tks/story-42/

![](https://cdn.door43.org/obs/jpg/360px/obs-en-42-01.jpg)

آ رِوی که خدا عیساش مُردون مونِه پایِه، دو نَفَر جا شاگِردون خو موقِع بیشیَن به اِینِه جا نزدِکِ شَهرون، هر چی که عیسی را اِتِفاق بِکِته وی گَپِشون مِزَن. آنا اُمیدِشون دَشت که عیسی هَمی آ مسیح موعود گَردِه، آمّا جاشون بُکُشته وی. حالا زَنون ماجِندِه که دویَنبَرا آ زِنداوی، آمّا شاگِردون حالی نِیویندِه چی باوَرِه یَرِندِه.

![](https://cdn.door43.org/obs/jpg/360px/obs-en-42-02.jpg)

عیسی شاگِردونِش نَزدِکاوِه و جانا بی گَپِش بِزَن اما آنا جاشون نِشناسَست. عیسی جانا خو آپَرسَست که چی بارِه دِ گَپ مِزَنِندِه. عیساشون وات گَپِشون جی اِتِفاق بارِه دِرِه که چند رِوِ پیش عیسی را بِکِته وی. آنا فِکرِشون میِه عیسی اِینِه غریبییِه که اورشِلیمِ اِتفاقون خو بی خَبَرِه.

![](https://cdn.door43.org/obs/jpg/360px/obs-en-42-03.jpg)

بعد عیسی جانارا توضیحِش آدا، که خدا گَپ مسیحِ دربارِه دِ چیش واتِه وی. خیلی وقت پیش پیامبَرون واتِه ویشون که شَریرون مسیحِ شون شکنجه آدا و جا موکوشِندِه ولی آ سوِمین رِوِه دِ زِندامبِه.

![](https://cdn.door43.org/obs/jpg/360px/obs-en-42-04.jpg)

وقتی آ دونِه مردک بِرِسِستیندِه، تقریبا شو گِردِستِه وی. آنا عیسی خو دَعوَتِشون یِردِه وی که شو جانا پَلِفه بیمینِه، آیدِه جاناوی بوشو اینِه کی مون. وقتی آنیشتیندِه شوم سِفری سَر، عیسی نونِش اوقو شُکرِش یِه و پاریش یِه. اِیبَدِه چوشمونِشون اُوشارییَست بی لَنگی جاشون بِشناسَست. ولی عیسی همی جا لَحظه جانا چُشم پَرونِه غیباوِه.

![](https://cdn.door43.org/obs/jpg/360px/obs-en-42-05.jpg)

آ دونفر هَندییَرِشون وات: «آ عیسی وِ، جی واسینِ که آ کتاب مقدس بینیستون چوما را مِواچِه دِلِمون تُن تُن می‌زیش‌.» بعد جا بدون لَنگاوییَن آگِردِستینده اُورشِلیم و موقعی که بِرِسِستیندِه، شاگردونِشون وات: «عیسی زِندییِه! آما جامون ویندی.»

![](https://cdn.door43.org/obs/jpg/360px/obs-en-42-06.jpg)

هَمی جا حالِه دِ که مشغول گَپ بِزَندَن ویندِه، ایبَدِه عیسی جانا مونِاقادِه ظاهِراوِه و واچِه: «یونیون سَلومَت گَردِه!» شاگِردون فِکرِشون یِه که روح میوینِندِه، آمّا عیسی واچه: «چرا بِتِرسِستیون! شک دِرا که از عیسی گَردِم؟ چِمِه دستِ پا بِشگَسا، ارواح چِمِه وارین جسم نِدِرِنده.» و جی واسین که جانا حالییِه یَردِنِه که روح نییِه، جاناش وات ایچی آدِه یا از بوخارِم. آنا ای تیکه ماهیشون آدا جاوِه و عیسی جاش بوخا.

![](https://cdn.door43.org/obs/jpg/360px/obs-en-42-07.jpg)

عیسی واچه: «از شمام وات که هر چی کلوم خدا مونه دِ چِمِه بارِه دِ واتِه ویشون، باید اَنجوماوِه.» بعد جا عیسی جاناش کمک یِه تا خدا گَپون بهتر بَلَدِه گِرِندِه. آ واچه: «جا قدیمون، پیامبَرون کِتابون مونِه دِ بینیستِه ویشون که مسیح موعود باید سختیون زحمت بِکَشِه، بُمُرِه و سوِمین رِو موردون مونِه پاوِه.»

![](https://cdn.door43.org/obs/jpg/360px/obs-en-42-08.jpg)

«پیامبَرون همچنین بینیسچییون که چِمِه شاگِردون خدا گَپون اِعلومِه مییَرِندِه و همی را ماجِندِه که باید توبه یَرِندِه. هر کَس کِه توبِه یَرِه، خدا جا گونایون مِبَخشِه. چِمِه شاگِردون اُورشلیمِه دِ شُرویاشون یِردی جی پیامِ واتییَن را، بعد همه ملت و قوم مون میشیندِه. شما همه شاهد چِمِه گَپون و تَموم اِتِفاقون یِیون که چِمِه را بِکِتی.»

![](https://cdn.door43.org/obs/jpg/360px/obs-en-42-09.jpg)

عیسی جا چِهِل رِو بعد اینکه موردون مونِه دِ زِنداوِه وی، چَندین را خوشتَنَرِش شاگِردونِش اُوَردِنَچِه. آ حتی ای بار خوشتَنَرِش هم زَمون پونصد نَفَر دِ ویشتَر اُوَردِنَچِه. آ چَن رَوِشی وی خوشتَنَرِش ثابِتاش یِه به شاگِردونِش که زِندییِه و به جانا دربارِه ی پادِشاهیِ خدا بَلَداش مِدا.

![](https://cdn.door43.org/obs/jpg/360px/obs-en-42-10.jpg)

عیسی شاگِردونِش وات : «خدا پاک زِمینیون آسِمون اِختیارات آدایشِه چِمِه. پس بِشِیا همه ی قومون چِمِه شاگِرد یَرا و جیوِه به نوم پییِه، فِر و روح‌القدس غسل تعمید یَرا و جیوِه بَلَدِه دِیا که چییَن پاک جا دَستورونِم که شما را آدا اِطاعت یَرِندِه. خیالییونِه گَردِه که از همیشه شماوی یِیمِه.»

![](https://cdn.door43.org/obs/jpg/360px/obs-en-42-11.jpg)

چِهِل رِو بعد جا که عیسی موردون مونِه پاوِه شاگِردونِش بییَن وات: «اورشلیمه دِ بَشدایا تا چِمِه پییِه روح القدس بوروستِه، شما را قدرت آدییِه.» بعد جا عیسی جانا چُشمون پَرونِه آسِمونه طَرَف بوشو جور و اَبرِ مونِه دُیاراوِه. عیسی خدا راستِه دَس سَر آنیشت تا همه چی حکومت یَرِه.

*داستون بیگیرییِستی از کتاب مقدس: (کتاب متی باب ۲۸ آیه‌های ۱۶ تا ۲۰؛ کتاب مرقس باب ۱۶ آیه‌های ۱۲ تا ۲۰؛ کتاب لوقا باب ۲۴ آیه‌های ۱۳ تا ۵۳؛ کتاب یوحنا باب ۲۰ آیه‌های ۱۹ تا ۲۳؛ کتاب اعمال باب ۱ آیه‌های ۱ تا ۱۱)*

## 43. ۴۳- شروع کلیسا

https://openbiblestories.org/l/tks/story-43/

![](https://cdn.door43.org/obs/jpg/360px/obs-en-43-01.jpg)

بعد از اِم که عیسی به آسمون آگَردَس، شاگِردون باین که عیسی دَستورِش آدِه وی، اورشَلیمه دِ بِمِندینده. ایموُن داروُن مُورَتَب باهَم گِردامیوینده تا دوعا یَرِنده.

![](https://cdn.door43.org/obs/jpg/360px/obs-en-43-02.jpg)

یَهودیون هَرسال رِوه مُهِمی به نوُمه پنتیکاسته جَشنِشون مِگه که مُصادِف با پنجاهِمین رِوِه بعد از عید پَسِخ وِه. پنتیکاست یَهودیون جشنِ برای برداشت محصول گندم وِه. آنا از سَرتاسَرِ دونیا به اورشَلیم مومینده تا جی جَشنه باهم برگزار یَرِنده. جا سال، جشن پنتیکاست، حدود ای هفته بعد از بیشییَنه عیسی به آسمون اتفاق بِکَت.

![](https://cdn.door43.org/obs/jpg/360px/obs-en-43-03.jpg)

موقِعی که با اِیموندارون همدییَر دورِه گِرداوِه ویندِه، ایبَدِه ای صِدا عینِ شِدیدِه یاوا صِدا بَشونَچون. بَدِ جا ای چی آتِش وِری بومِه همه ی جانا سَر آتِشاش گِه. آ موقِع همه روح القدس خو پُراویندِه و خداشون به زُبونایی که مونوزونَچون پَرَستِشِشون یِه. روح القدس قدرت گَب بِزَندَن به زُبونونِش بِبِخشِستِه وی جانا.

![](https://cdn.door43.org/obs/jpg/360px/obs-en-43-04.jpg)

وقتی مردومی که به اورشلیم بومه وینده، جی صِداشون بَشونَس، دور هم گردآوینده تا وینِنده چه اتفاقی بِکَتی. آنا بَشونَچون که ایموندارون کارای پله ی خدا اِعلومه مییَرِندِه. آنا اَز جی موضو شِگِفت زَداوینده، چون موتونَجچون جانا گَپوُن حالیاوینده. جانا کِشوَره، مردم اَلادِه زُبونِشون دَشت. شاگِردون اِسرائیله خو وینده وَ فقط موتونَچّون به زُبونای آرامی، عبرانی و یونانی گَپ بِزَنِنده. آما آنا بِشِنَچون که شاگِردون به جانا زُبون مادَری خدا کارون اِعلومه مییَرِنده.

![](https://cdn.door43.org/obs/jpg/360px/obs-en-43-05.jpg)

بعضی دِه واچون شاگِردون مَستاوینده. آما پترس بَشتا وَ جاناش وات: «گوش یَرا! اِم مردم مَست نیینده! بلکه اِم هَمی آ یوئیل نبی پیشگویی یهِ کِه خدا واته ویشه: «رِوای آخر، از خوشنَرِم روح به همه بَشَریوُن مییَرِم.»

![](https://cdn.door43.org/obs/jpg/360px/obs-en-43-06.jpg)

«ای قومِ اسرائیل، عیسی ای نَفَر وِ که عَجیب غَریبِ کارونِش انجام آدایشه تا خوشتَنَرِش چُما بِشناس دِنه. آ بوتونَس با قدرتِ خدا عَجیب غَریبه کارون بیَره وَ شما جیون موزونَس و شاهِدِ جی کارونِش وِیون اما هامون دِ جاویون به صِلیب بِکَشَست.»

![](https://cdn.door43.org/obs/jpg/360px/obs-en-43-07.jpg)

«عیسی بِمَرد، وَلی خدا جاوِش دوباره مُردون مونِه پاش یِه وَ اِم گَپ پیشگوییهِ جا پَیامبَریه که واچه: تَه مِنِرزی که عزیزِه زارینِه ری یون قَبرِ مونِه فاسِداوِه. آما شاهِدیمون خدا عیساش مُردون مونِه پایِردی.»

![](https://cdn.door43.org/obs/jpg/360px/obs-en-43-08.jpg)

خدایی که پییا، اَنه عیساش آسمونِ دِ در بالاترین جایگاه که آسمونهِ مونهِ دِ یهِ، خوشتَنَرِش راسته دَسه آنیشدِنِستی همی باین که عیسی وَعدیش آداوی، روح‌القدوسِش چُمارا بِروستا وَ اِم کارونی که اَنه میوینا و مَشونا همیش روح القدس مییَرِه.

![](https://cdn.door43.org/obs/jpg/360px/obs-en-43-09.jpg)

«شُما عیسایون به صلیب بِکَشَست، آمّا هالی گَردا که خدا جاوِش، خدا و مسیح مَعلوماش یِردی.»

![](https://cdn.door43.org/obs/jpg/360px/obs-en-43-10.jpg)

مَردُم شِدیدا تحت تاثیر پترسِ گَپون قَرارِشون بِگِر وَ بخاطِر جی هَم جاخو وَ هم اَلاده شاگِردون خو آپَرسَچون: «که اَنه باید چیَرُم؟»

![](https://cdn.door43.org/obs/jpg/360px/obs-en-43-11.jpg)

پترس واچه: «همه‌ی شما باید گونایونیون بَخشیدا وِ. پَس توبه یَرا وَ در نومِ عیسی غُسل بِگِرا. آ موقعی که خدا روح القدس هِدیه دِ مِبَخشِه شما.»

![](https://cdn.door43.org/obs/jpg/360px/obs-en-43-12.jpg)

تقریبا سوهزار نفر گَپونی که پترس بِزَنچه به جاوِشون ایمون بو وَ شاگِردِ عیسی گَردِستینده. آنا غسل تعمیدِشون بِگِه به جمعِ ایمون‌دارون اورشِلیمِ کلیسا دِ بِپِیوِستینده.

![](https://cdn.door43.org/obs/jpg/360px/obs-en-43-13.jpg)

آنایی که ایمانِشون بورده‌وی، یِکسَره آچیایی که پِیامبَرون جانا را درسِشون آندای گوشاشون مییِه وَ همدییَر وی گِردامیویندِه، غَذاشون موخا، دُعاشون میهِ وَ آنا جمع مونِه خداشون مِپَرَستَس وَ هَرچی که دَچّون، باهَمدیه شِریکامیویندِه وَ مردم جانا دَرباره دِ خیلی خور گَپِشون مِزَند وَ هَر رِو، تعدادِ زیادی جاناش اِیمون مو.

*داستون بیگیرییِستی از کتاب مقدس: کتاب اعمال رسولان فصل ۱ آیه ۱۲
 تا ۱۴ و فصل ۲*

## 44. ۴۴- گَدا مَردَکه شفا پِترسیون یوحَنا طِریقه

https://openbiblestories.org/l/tks/story-44/

![](https://cdn.door43.org/obs/jpg/360px/obs-en-44-01.jpg)

ای رِو پِتروسیون یوحنا به طَرَف پَرَستِشه یاقا میشیندِه. دَروازی کِنارِه اینِه فَلَجِه مَردَکِشون وین که گَداییش مییِه.

![](https://cdn.door43.org/obs/jpg/360px/obs-en-44-02.jpg)

پترس بِشگَسَس جا فَلَجه مردَکه و واچه: «اَ هیچ فِلی نِدِرِم که آدِم اِشتِه. آمّا آ چی که دِرِم آندِم اِشتِه. عیسی نومِه دِ پاوا و رابِشه!»

![](https://cdn.door43.org/obs/jpg/360px/obs-en-44-03.jpg)

خدا هَمی آ لَحظه جا مردَکِش شفا آدا و آ شُرویاش یِه را بوشو و جانا طَرَفه خوشحالیش مییِه و خداش مِپَرَستَس. آدَمونی که پَرَستِشگاه حیاطِ مونِه ویندِه تَعَجُبِشون یِه.

![](https://cdn.door43.org/obs/jpg/360px/obs-en-44-04.jpg)

تُندِنا خیلی جِمیعَت گِرداویندِه تا جا مَردِکی کِه شَفاش آنداستِه وی وینِندِه. پترس جا جَماعَتِش وات: «جی مَردک شفا خو تَعَجُب مَیَرا. آما جی مَردَکه قدرتِ واسین یا به دِلیل خوشتَنَرِمون دینداری شفامون آنِدا. بلکه اِم عیسی قدرتِه که جاش شفا آدا، چون آما به جاوِ ایمون دِروم.»

![](https://cdn.door43.org/obs/jpg/360px/obs-en-44-05.jpg)

«شما آنایی یِیون که فَرموندارِ رومِ خو بوقوستیون که عیسی بوکوشِه. شما آ کَس که هَمی را یون آندییِه بوکوشتیون، آمّا خدا جاش موردون خو زِنده یِه. هر چند شما حالی نِوِه یون چی کارا مییَرا، آمّا انبیا از قبل واتِه عَمَلیاشون یِه که واته ویشون مسیح باید عذاب بِکَشِه و بُمُرِه. خدا بوقوچه که بییَناوِه. پس توبِه یَرا و به طرف خدا آگَردا تا آ شما گُنایون پاکِه یَرِه.»

![](https://cdn.door43.org/obs/jpg/360px/obs-en-44-06.jpg)

موقعی که پَرَستِش گاه شِخون پترسیون یوحناشون گَپون بَشونَس خیلی عَصَبونیاویندِه. پس جاناشون بِگِه و باشیشون زِندون. آمّا خیلی از جانا که پتروسِشون پیغوم بَشونَس، ایمونِشون بو و تعداد ایماندارون به پنج هزار نفر بِرَسَس.

![](https://cdn.door43.org/obs/jpg/360px/obs-en-44-07.jpg)

صاباینِه رِو، یهود پِلّون، پترسیون یوحناشون جا فَلَجِه مردکی وی هَمِرا بِبَرچون کاهِن اعظمیون شِخای مذهبی پَلِف. آنا پترسیون یوحنا خو آپَرسَچون: «چه قدرتی وی جی فَلَجه مَردَکیون شفا آدا؟»

![](https://cdn.door43.org/obs/jpg/360px/obs-en-44-08.jpg)

پترس جوابِش آدا: «اِم مردَک که شما روبه رودِه بَشدای عیسی مسیحِ قدرتی وی شفاش آنداستی، شما عیسایون به صِلیب بِکَشَس، آمّا خدا جاش دوبارِه زِندِه یِه! شما جایون رَدِه یِه، آمّا اَلادِه راه نجاتی وجود نِدِرِه، جزعیسی قدرتی وی!»

![](https://cdn.door43.org/obs/jpg/360px/obs-en-44-09.jpg)

شِخای مذهبی پِترسیون یوحنا شجاعت خو تعجُبِشون یِه، چرا که آنا بی سوادیون معمولی ویندِه. آسان خیالشون کَت که اِم مردَکون عیسی وی ویندِه. پس جاناشون وات: «اِگه هاموندِه عیسی بارِه دِ مردمی وی گَب بِزَنا شما به شدت تنبیه مییَروم.» آنا بعد از جی که پترسیون یوحناشون تهدیدِه یه جاناشون آزادِه یِه.

*داستون بیگیرییِستی از کتاب مقدس: کتاب اعمال رسولان فصل ۳ و فصل ۴ آیه ۲۲*

## 45. اِستیفانیون فیلیپس

https://openbiblestories.org/l/tks/story-45/

![](https://cdn.door43.org/obs/jpg/360px/obs-en-45-01.jpg)

ایدِنه از رهبرای کلیسای اول، ای آدم به نومِ استیفان وِ که همه جا را اِحتِروم قائل ویندِه. روح القدس جاوِ را قدرتیون و حکمتِش آدِه وی. اِستیفان خیلی معجزیش اَنجوم آدا و خیلیون جاوِه گَپون وی عیساشون ایمون بو.

![](https://cdn.door43.org/obs/jpg/360px/obs-en-45-02.jpg)

رِوی که استیفان مشغول وِ عیسی دربارِه دِ آموزِش آدییِه، بعضی یَهودیون خو که عیساشون ایمون نِدَشت شُرویاشون یِه جَرِّ بَث استیفانی وی. آنا خیلی عَصَبونیاویندِه و به رهبرای مذهبی استیفان بارِه دِ به دورو واچون: «آما بَشونِستیمون که آ موسایون خدا بارِه دِ هَدَرِه گَپونِش مِزَن.» پس رَهبرای دینی اِستیفانِشون بِگِه و جاشون بِبِه کاهِن اعظَمیون بقیه رهبرای مذهبی پَلِف. بعدش دورو واجینه شاهِدونِ ویشتِری بومینده و جا بارِه دِ دوروشون وات.

![](https://cdn.door43.org/obs/jpg/360px/obs-en-45-03.jpg)

کاهن اعظم استیفانِ خو آپَرسَچه: «آیا آ چی که اِم آدَمون اِشتِه بارِه دِ ماجِندِه راسته؟» اِستیفان جی سوال جواب خیلی گَبونِش کاهن اعظم را وات. آ واچِه که خدا ابراهیم زَمونِه تا عیسی دورِه خیلی پِلّه کارونِش یَهودیون را اَنجومِش آدا، آمّا اِم اِل طایفه خیلی موقون جا خو نافَرمونیشون یِردی. استیفان جاناش وات: «شما ای اِل طایفه ی سر سَختیون و خدا برابَره نافَرمونیون. شما همیشه روح القدسیون رَدِّ یِردی، هَمی باین که چوما پیون همیشه خداشون رَدِّه یِردی و جاشون اَنبیا بوکوشتی. آمّا شما ای کاری بدتر از جانا بییِردیون، شما مسیحیون بوکوشتی!»

![](https://cdn.door43.org/obs/jpg/360px/obs-en-45-04.jpg)

موقعی که رهبرای مذهبی جی گَبونِشون بَشونَست خیلی عَصَبانیاویندِه، گوشونِشون بِگِرچون و دادِشون بِزَن. آنا اِستیفانِشون بِکَشَس شهر بَر و جاشون سنگسارِه یِه تا بُمُرِه.

![](https://cdn.door43.org/obs/jpg/360px/obs-en-45-05.jpg)

استیفان جا حالی که یونِش آدا دادِش بِزَن: «ای عیسی! چِمِه روح قبول یِه.» آ موقع زانوش بِزَن و دوباره دادِش بِزَن: «خدایا! جی گونا جینا خو مَزون » و بعدش یونِش آدای.

![](https://cdn.door43.org/obs/jpg/360px/obs-en-45-06.jpg)

آ رِو خیلی از اورشلیم آدَمون شُرویاشون یِه به اذیت و آزار عیسی طَرَفدارون و با ایمونون ویریتیندِه اَلاده یاقا. آمّا با وجود اِم اِتِفاقون، آنا هر یاقا که میشینده عیسی بارِه دِ گَبِشون مِزَن.

![](https://cdn.door43.org/obs/jpg/360px/obs-en-45-07.jpg)

اینِه شاگِردون خو که نومِش فیلیپس وِ خیلی از با ایمونِه آدَمون بی هَمِرا، موقع ظلم دِ اورشلیمه ویریته وی. آ بِشه وی سامِره، اُوقادِه عیسی بارِه دِ گَبِش مِزَن و خیلی از اُوقا مردُم نِجاتِشون آنداس. بعدش ای رِو اینِه فرشته خدا طَرَفه فیلیپس را دَستورِش آدا بیشو اینِه جاده بیابون مونه. موقعی که آ جا جادی مونِه وِ اینِه از حبشی مُهمِه آدَمون خو وینچِه که خوشتَنَرِش اَرابی وی سَفَرِش میه. روح القدس فیلیپسِش وات تا بیشو جا مردک پَلِف و جاوی گَب بِزَنه.

![](https://cdn.door43.org/obs/jpg/360px/obs-en-45-08.jpg)

موقعی که فیلیپس نَزدِکاوِه اَرابی بَشونَچه که آ آدم حبشی ای قسمت از کتاب اشعیای نبی کارا مِخِنه. اُوقایی که ماجِه: «عین جا چَروایی که قوربونی را مِبَرِندِه و وَرِه ای که خوشتَنَرِش پَشم چینون پَلِفه ساکته، هیچ ای کَلِمیش دِ نِوات. جاوی ناعادِلونه بَرخوردِشون بیه و اِحترومِشون نییِه. آنا جاشون یون اَگِه.»

![](https://cdn.door43.org/obs/jpg/360px/obs-en-45-09.jpg)

فیلیپس جا حبشی آدمِ خو آپَرسَچه: «آیا جا چی که مِخِنی حالیامبی؟» حَبَشی آدم جوابِش آدای: «نه. اَز مونوتونِم جاوِه حالیاوِم مگر اینکه ای نفر چمه را توضیح آدیه. خواهش مییَرِم بیرو و چِمِه پَلِفه آنیشین. آیا اشعیا جی خوشتَنَرِش بارِه دِ یا اَلادِه کَس ماجه؟»

![](https://cdn.door43.org/obs/jpg/360px/obs-en-45-10.jpg)

فیلیپس بوشو اَرابی مون و جاوِه پَلِفه آنیش، بعدش حبشی را توضیحِش آدا که اشعیا جا قسمَتِشون عیسی بارِه دِ بینیستی. فیلیپس خیلی از قِسمَتون از خدا کَلوم جاوِه را توضیحِش آدا و اِنجیل عیساش پیغوم جاوِه را بِرَسدِنَس.

![](https://cdn.door43.org/obs/jpg/360px/obs-en-45-11.jpg)

جی حاله دِ که فیلیپسیون حبشی مردَک میشیندِه، بِرِسِستیندِه اینِه هویه ویه. حبشی مردَک واچه: « بِشگِه اِنگادِه وییه یا! آیا مِگَردِه غُسل بییَرِم؟» و خوشتَنَرِش نوکَرَر دَستورِش آدای که اَرابی نیادِرِه.

![](https://cdn.door43.org/obs/jpg/360px/obs-en-45-12.jpg)

پس آنا بیشیندِه ویه مون و فیلیپس حبشی مَردَکِش غسل آدای وقتی که ویه خو بومیندِه بَر، ایبَدِه روح القدس فیلیپسِش بِبه اَلادِه یاقا. فیلیپس اوقاده دِ عیسی بارِه دِ موعظیش یِه.

![](https://cdn.door43.org/obs/jpg/360px/obs-en-45-13.jpg)

حبشی مردَک سَفَرِش به طرف خوشتَنَرِش کیه اِدومیش آدا. آ از جیوه که عیساش بِشناسِستی خوشحال وِ.

*داستون بیگیرییِستی از کتاب مقدس: کتاب اعمال رسولان باب ۶ تا ۸*

## 46. ۴۶- پولس مسیحی مِگَردِه

https://openbiblestories.org/l/tks/story-46/

![](https://cdn.door43.org/obs/jpg/360px/obs-en-46-01.jpg)

اینِه مردَک وِ به نوم سولس که جَوُنیشه اِستیفانِ بوکوشتَن موقه دِ، یَهودیون اَرمازون هادرمومه عیساش اِیمون نِدَشت. آ مسیحیونِش اذیت میه و اورشِلیمه دِ جی کیه جا کیه مُشو تا مَردَکون و زَنون بِگِره باشینِه زِندون.کاهن اعظم جاش وات که به شهر دمشق بیشو تا مسیحیون ک آقاده دِرِندِه دستگیره یَرِه و آگَردِنه اورشلیم.

![](https://cdn.door43.org/obs/jpg/360px/obs-en-46-02.jpg)

بَعد جا سولس راکت بوشو دمشق، قبل اینکه اُوقا بِرَسه، نورِ دِرَخشونِی آسمونه طَرَفه جاش دورِوَر بِگِرچه و بِکَت زمین. سولس اینه صداش بَشونَچه که جاش وات: «شائول، شائول، چرا چِمِه اذیت مییِری؟» سولس آپَرسَچه: «سروَرَم ته کِبایشِه؟» عیسی جاش جواب آدا: «عیسایمه. هَمی آ که جا اذیت مییِری!»

![](https://cdn.door43.org/obs/jpg/360px/obs-en-46-03.jpg)

آ موقه که سولس یاقاشه پاوِ، چُشمونِش مینیوینچه. رَفِقونِش جاشون دَمِشق طَرَف بُروستا. سولس سو رِو ، هیچیش نوخا و آنِخا.

![](https://cdn.door43.org/obs/jpg/360px/obs-en-46-04.jpg)

شهر دَمِشق مونِه، شاگِردی به نوم حنانیا زِندِگیش میه. خدا جاش وات: «بشه جا کیه ای که سولس جا مونِه آنیشتی خوشتِنِری دَسون آنی جا سَر تا دوباره بوتونِه وینِه.» آمّا حنانیا واچه: «خداوندم! از بشونِستیمه که اِم‌ مَردک چییَن به جانایی که ایمون دِرِندِه آزار مِرَستِنِه.» خدا در جواب واچه: «بِشه! از جام اِنتخابه یِردی تا چِمه نوم یَهودیون و اَلاده قَبیلون اِعلوم یَرِه. آ چِمه نومِ خاطره، سختی و بلای زیادی میوینِه.»

![](https://cdn.door43.org/obs/jpg/360px/obs-en-46-05.jpg)

بعد حنانیا بوشو سولسِ پَلِف و خوشتَنَرِش دَسون آنایش جاوِ سَر و واچه: «همی آ عیسی که رادِه اِشتِه پَرونه ظاهِراوِ، چیمیش بُروستا تا تَ خوشتِنِری چوشمون سو به دَست بُری و از روح القدس پُراوی.» سولُس بی لَنگی بوتونَچه دوباره وینِه و حنانیا جاش غسل آدا. بعد سولس غَذاش بوخا و زورِش آگَردَس.

![](https://cdn.door43.org/obs/jpg/360px/obs-en-46-06.jpg)

سولس بی لَنگی موعِظیش دمشق یهودیون را شُرویاش یِه و واچه: «عیسی خدا فِرِ!» یَهودیون خیلی تَعَجُبِشون یِه، چون که آدمی که تَقَلّاش مِزَن آنایی که اِیمونِشون دَشت بینِه بِبَرِه، اَلون خوشتَنِش به عیسی اِیمونِش بوردِه وی. سولس یهودیون بی جَرّ بَثِش بیه. آ ثابِتاش یِه ک عیسی هَمی آ مَسیحِ.

![](https://cdn.door43.org/obs/jpg/360px/obs-en-46-07.jpg)

بعد چند رِو، یَهودیون موقوچون سولس بوکوشِندِه. آنا نَفَرونِشون بُروستایشون تا جاوِ شَهر دَروازِه دِ آندارِندِه و بوکوشِندِه. آمّا سولس جانا نیّت حالیاوِ رَفِقونِش جاشون کمک یه تا آ ویریجِه. ای شو جاشون آنا سَبَدِه مون و شهر دیوارون خو بُروستا جیر. بعد جا که سولس دمشق دِ ویریت، به موعظه یَردن عیسی بارِه دِ اِدومیش آدا.

![](https://cdn.door43.org/obs/jpg/360px/obs-en-46-08.jpg)

سولس بوشو اورشلیم تا رسولون وینِه، آمّا آنا جا خو بِتِرسِستینده. بعد ای نَفَر که ایمونِش دَشت به نوم بِرنابا، سولسِش بِبه رِسولون پَلِف. آ جاناش وات که چییَن سولس، دَمِشقه دِ با شجاعت عیسی خو تَعریفِش میه. بعد جا وِ که رسولون سولسِشون قبول یِه.

![](https://cdn.door43.org/obs/jpg/360px/obs-en-46-09.jpg)

بعضی از اِیموندارون که سِتَمه سَرِ اورشلیمه دِ ویریته ویندِه، اینِه دِروه شَهر به نوم انطاکیه بیشیندِه و عیسی بارِه دِ تعریفِشون میه. ویشتِرین مردم اِنطاکیه یَهودی نیویندِه، آمّا برای اولین بار ایمونِشون بو. برنابا و سولس بیشینده آقا به آنایی که تازه ایمونِشون بوردی درباره عیسی ویشتر آموزش آدییِنده و کلیسا تقویت یَرِنده. انطاکیه دِ و که آنایی که ایمونِشون دَشت به مَسیح، برای اولین بار «مسیحی» مِواچون جانا.

![](https://cdn.door43.org/obs/jpg/360px/obs-en-46-10.jpg)

ای رِو اِنطاکیه مسیحیون مشغول ِرِوجِه و دویا ویندِه که روح القدس جاش وات: «برنابا و سولس ای کاری واسین که جینام جاوِ اَنجومِ را واتیمه، جویا یَرا.» بعد کلیسای انطاکیه خوشتَنَرِشون دَسون آنییِندِه برنابا و سولس سَر و جانارا دویا یَرِندِه. بعد جاناشون راشین تا عیسی خوشه خبر اَلادِه یاقایونه واجِندِه. برنابا و سولس به خیلی از مردم قبیله های جورباجور آموزِشِشون آدا و خیلیون اِیمونِشون بو به عیسی.

*داستون بیگیرییِستی از کتاب مقدس: (کتاب اعمال رسولان باب ۸ آیه ۳؛ باب ۹ آیه ۱ تا ۱۳؛ باب ۱۱ آیه‌های ۱۹ تا ۲۶؛ باب ۱۳ آیه‌های ۱ تا ۳)*

## 47. ۴۷- پولسیون سیلاس فیلیپی دِ

https://openbiblestories.org/l/tks/story-47/

![](https://cdn.door43.org/obs/jpg/360px/obs-en-47-01.jpg)

سولس آ موقه که سراسر رومه دِ مسافِرَتِش میه، تصمیمِش بِگه که خوشتَنَرِش رومی نوم که پولس وِ، استفادِه یَرِه. ای رِو، پولس رَفِقَرِش سیلاسی وی بیشیندِه شهر فیلیپس تا عیسی خوشه خَبَر اِعلومه یَرِندِه. آنا روخونی پَلِف که شهرِ بَرِه دِ وِ بیشیندِه. مردم آقادِه گِردامیویندِه هَندیر دُور تا دوعا بییَرِندِه. آقادِه آنا اِینِه زینیاشون وین که نومِش لیدیه وِ که تاجر ویه. آوِه خداش موقوس و جاش عبادت میه.

![](https://cdn.door43.org/obs/jpg/360px/obs-en-47-02.jpg)

خدا لیدیاش تَوانمَنداش یِه به عیسی اِیمون بوریه. پولسیون سیلاس جاواشون خانوادییَرِش بی غسل آدا. بعد آوِه، پولسیون سیلاسِش دعوت یِه که جاوِه کییِه دِ بَشتِندِه و آنا دِ جاوِه پَلِفه دِ بَشتایندِه.

![](https://cdn.door43.org/obs/jpg/360px/obs-en-47-03.jpg)

پولُسیون سیلاس معمولا یاقایونی که یَهودیون دوعاشون میه، میشیندِه مردِمون ویندَن. آقادِه اینِه کِنیزِه ویه ناپاکه روحِش دَشت و هر رِو مومیه جانا پی. آوِه به کمک جی هَدَرِه روح، آیِندیش مَردِمون را پیشگوییش میه هَمی جی رادِه که غیب گویی وِ سود زیادی اَربابونِش مِرَسَس.

![](https://cdn.door43.org/obs/jpg/360px/obs-en-47-04.jpg)

آ کِنیزِه آ موقه که آنا را میشیندِه، دادِش مِزَن مِواچه: «اِم مَردَکون خدای متعال خِدمتگُزارِندِه آنا راه نِجات شما را اُنوَردِنِندِه!» آوِه چندین رِو بینِه کارِش بیه تا آخِرِه پولس صَبر سَر اُومه.

![](https://cdn.door43.org/obs/jpg/360px/obs-en-47-05.jpg)

آخِرِه ای رِو موقعی که کِنیزِه دادِش مِزَن، پولس بِشگَسَس جاوِه دیم و به جا ناپاکه روحی که جاوِه مونه دِ وِه واچه: «به نوم عیسی جی تیتییه مونه دِ بی بَر.» ناپاکه روح فوری جاواش وِلیه.

![](https://cdn.door43.org/obs/jpg/360px/obs-en-47-06.jpg)

بعد کِنیزِه اَربابون وینچون که چه اِتِفاقی بِکِتی، خیلی حرصِشون بَرومه. اِم به جی معنی وِه که دیه مردم به جا تیتییِه اَربابون فِل آنیدییِندِه، چون که هالیاویندِه بدون جا هَدَرِه روح، کِنیزِه دیه مونوتونَچه غیب واجیه.

![](https://cdn.door43.org/obs/jpg/360px/obs-en-47-07.jpg)

بعدِ جا، جا کِنیزه اَربابون، پولسیون سیلاسِشون بِبه مقامات رومی پَلِف. آنا پولسیون سیلاسِشون کتک بِزَن و باشیشون زِندون.

![](https://cdn.door43.org/obs/jpg/360px/obs-en-47-08.jpg)

آنا پولسیون سیلاسِشون بِبِه ای یاقایی از زِندون که ویشتِرین نِگَهبونونِش دَشت. باشیشون، آنا هَمی بییَن جاناشون پایون دِ چو پِلّه تیکون بی بِبَچون. با هَمی جی وا آنا نیمه ی شو، شعری دربارِه ستایش و پرستِش خدا مِخیشون.

![](https://cdn.door43.org/obs/jpg/360px/obs-en-47-09.jpg)

ای بَدِه، شدیدِه زِلزِله گَردَست! زِندون پاک بَرون اُوشارییَست و همه ی زِندونیون زینجیرِه دِ بیریجییَست.

![](https://cdn.door43.org/obs/jpg/360px/obs-en-47-10.jpg)

بعد زِندون بون پاوِه و وینچه که زِندون بَرون وازِندِه. آ فِکرِش بیه که پاک زِندونیون ویریتیندِه و از ترس جی که مقامات رومی جاوِ مجازات یَرِندِه، تَصمیمِش بِگِه که خوشتَنَرِش بوکوشِه. آمّا پولس جاش وین و دادِش بِزَن: «خوشتِنِری صدمه مَزَن! آما همه اِنگادِریمون.»

![](https://cdn.door43.org/obs/jpg/360px/obs-en-47-11.jpg)

زِندون بون تَرسون لَرزون بوشو پولسیون سیلاس پَلِف و آپَرسَست: «چی یَرِم تا نجات آندارِم؟» پولس جوابِش آدا: «جا خداوند عیسی ایمون بو. بعد تَ و خانوادی نجات آندارا.» بعد زِندون بون، پولسیون سیلاسِش بِبه خوشتَنَرِش کیه و جاناش زَخمون بیشو. پولس عیسی خوشه خبر همه‌ی جانایی که کییه دِ ویندِه واچه.

![](https://cdn.door43.org/obs/jpg/360px/obs-en-47-12.jpg)

آ زِندونیون و پاک خانِوایشون ایمونِشون بو به عیسی و پولسیون سیلاس جاناشون غسل آدا. بعد زِندون بون پولسیون سیلاس را غذاشون آدا و هندییَر بی شادیشون بیه.

![](https://cdn.door43.org/obs/jpg/360px/obs-en-47-13.jpg)

رِوِ بعد، شهر پِلّون پولسیون سیلاسِشون زِندونه دِ آزاده یه و جانا خو بوقوچون که فیلیپی دِ بیشیندِه بَر. پولسیون سیلاس بیشیندِه لیدیه و چندونه رَفِقونِشون ویندَن و بعد شهرِ دِ بیشیندِه بَر. خوشه خبر عیسی بارِه دِ هی زیادامِوِه و کلیسا پِلامِوِه.

![](https://cdn.door43.org/obs/jpg/360px/obs-en-47-14.jpg)

پولس و اَلادِه مسیحیون پِلّون خیلی شهرون سَفَرِشون میه. آنا به بَلَدِه دییَن و گَپ بِزَندَنِ عیسی خوش خَبَرِ بارِه دِ مشغول ویندِه همی بییَن آنا زیاد نامیشون بینیست که آنایی که اِیمونِشون دَشت کلیسا مونه دِ بَلَدِه دییِندِه و تشویقه یَرِندِه. بعضی جی نامون خو کتابونی از کتاب مقدس گِردِستی.

*داستون بیگیرییِستی از کتاب مقدس: (کتاب اعمال رسولان فصل ۱۶ آیه های ۱۱ تا ۴۰)*

## 48. ۴۸- عیسی مسیح وعده آدییِستی

https://openbiblestories.org/l/tks/story-48/

![](https://cdn.door43.org/obs/jpg/360px/obs-en-48-01.jpg)

آ موقه خدا دنیاش سابِدا، همه چی تکمیل وِ و گونا نِوِ. آدِمیون حوا همدییَرِشون موقوست و خداشون دِ علاقه دَشت. هیچ مریضی یا بُمَردَن نِوِ. اِم هَمی آ دنیایی وِ که خدا موقوچه.

![](https://cdn.door43.org/obs/jpg/360px/obs-en-48-02.jpg)

شیطون به وسیله ی ماری که رَزِ مونه وِ ، حوّابی گَبِش بِزَن. چون موقوچه جاوِه سَر وازو بِزَنه. بعد آوه یون آدم گوناشون بیه. به دلیل گَپ گوشه نییَردَن جانا، همه ی آدَمون محکوم به بُمَردَنِندِه.

![](https://cdn.door43.org/obs/jpg/360px/obs-en-48-03.jpg)

حتی بخاطر گونا بییَردَن آدَم و حوا اتفاق وحشتناکتِری دِ بِکَت، آنا خدا دُشمَنون گِردِستیندِه. در نتیجه از جا زَمون تا اَلون، همه گوناشون بییِردی، هر کِه که جا موقع به دنیا ما خدا دُشمَنه. خدایون آدَمِ مونه دِ رابطه ی خوری نِوِه، آمّا خدا موقوچه صلح برقرار گَردِه .

![](https://cdn.door43.org/obs/jpg/360px/obs-en-48-04.jpg)

خدا وَعدیش آدا که ای نَفَر حوّآ نسل خو شیطون سَر آنکونِه و شیطون جاوِه پاشینییِه مِگَزِه. به جی معنی که شیطون مَسیحِ موکوشه، آمّا خدا جاوِه دویَنبَرا زِنده مییَرِه. آ موقه مسیحِ وعده آدییِسته شیطون زور برای همیشه بینِه مِبَرِه. بَعد چند سال، خدا روشیناش یِه ک عیسی، هَمی آ مسیحه که وَعده آدییِستی.

![](https://cdn.door43.org/obs/jpg/360px/obs-en-48-05.jpg)

خدا نوحِش وات تا اینِه کِشتی سابیدییِه که خانوادییَرِش جا طوفونی که موقو بُروسته خَلاصه یَرِه. بعد جا خدا جانایی که جاشون اِیمون دَشت نِجات آدا. به جی رَوش همه ی آدَمون گونایونِشون خاطِرِه حَقِشونه که از طرف خدا بُمُرِندِه. آمّا خدا عیساش بُروستا که هر که جاش ایمون بورچه نجات آدییِه.

![](https://cdn.door43.org/obs/jpg/360px/obs-en-48-06.jpg)

صدها سال خاطِرِه، کاهِنون آدَمون واسین خدا پَلِفه قوربونی مییَرِندِه. اِم کار مردِمونِش اُنوَردِنَست که گوناشون بییِردِوی و حَقِشونه که خدا طَرَفه مُجازاتِشون دِشته بی. آمّا آ قوربونیون مونوتونَچون باعث بخشش جا آدَمون گونایون گَردِه. عیسی پِلّه پیرِه. آ ای کارِش بیه که پِلّون نوتونَسچون جا کارِه بییَرِندِه. آ خوشتَنَرِش فدا یه تا اِینه قوربونی آدمی زاده گونایون را آماده گَردِه. آ قبولِش یِه تا عَوَض همه ی آدمون گونایون، مجازات گَردِه. همی جی خاطِرِه عیسی پِلّه پیر گَردَس.

![](https://cdn.door43.org/obs/jpg/360px/obs-en-48-07.jpg)

خدا ابراهیمِش واته وی: « اِشته طَرَفه همه ی دنیا اِلِ طایفی یَر برِکَت آندِم.» عیسی ابراهیم نَسلِ خو وِ. خدا ابراهیمِ طَرَفه همه ی مردم جهانه برکت آندییِه، چون که هر که عیسی ایمون بورِه گونا خو نجات آندارِه‌. وقتی اِم مردم به عیسی اِیمون مورِندِه، خدا جانا ابراهیمِ نسلِ خو موزونه.

![](https://cdn.door43.org/obs/jpg/360px/obs-en-48-08.jpg)

خدا ابراهیمِش وات که فِرَرِش اسحاقِ جا را قوربونی یَرِه. آمّا خدا اِینه وَریش اسحاق یاقا جورِه یِه تا قوربونی گَردِه. آما همه ی گونایونِمون خاطِرِه سِزاوارِه مَرگیمون! آمّا خدا عیساش بِبَخشَچه به دنیا تا چوما یاقا قوربونی گَردِه و بومورِه. همی جی خاطِرِه دِ عیسی خدا وَرِه ماجوم.

![](https://cdn.door43.org/obs/jpg/360px/obs-en-48-09.jpg)

وقتی خدا آخرین بَلاش مصرِ را بُروستای، هر خانواده ی. اسرائیلِش وات تا اینِه وَرِه بوکوشِندِه. اِم وَره باید عیبِش مِنِدَش. بعد آنا باید جاشون خِمن کیشون بَرِ چارچوب پَلِفیون سَر آمپاچون. وقتی که خدا جا خِمنِش میوین جانا کییون خو رَدامِوِه و جا خانِوادیش اولین فِرَر مونوکوشت. وقتی اِم اتفاق بِکَت .خدا جاش نوم آنا پِسَخ.

![](https://cdn.door43.org/obs/jpg/360px/obs-en-48-10.jpg)

عیسی لاب عید پِسَخ وِریه. آ هیچ اشتباهی نییِردِه ویش و هیچ موقه گوناش نیه. آ هَمی جا عیدِ پِسَخ رِوُنِه دِه بُمَرد. وقتی ای نَفَر عیساش ایمون مو، عیسی خِمن، جا طرفه گونا جریمه آندا، مِندِری خدا، با مجازات نییَردَن جا، جا خو رَدامبه.

![](https://cdn.door43.org/obs/jpg/360px/obs-en-48-11.jpg)

خدا بنی اسرائیلی وی پیمونِش بِبَست، چون آنا ای قوم ویندِه که انتخاباش یِرده وی تا جاوِ گَردِندِه. آمّا خدا اَلون اینِه تازه پیمونِش راشیندِه وی که هَمی دَم دَسه یِه. هر کَس هر قوم و قبیلی خو، اِگه جی پیمون قبول یَرِه، به خدا آدَمون اضافامبِه. آ به خاطر ایمون دَشتَن به عیسی به خدا آدَمون اِضافامبِه.

![](https://cdn.door43.org/obs/jpg/360px/obs-en-48-12.jpg)

موسی پیامبری وِ که خدا گَبون بِلَنده صِدابی اِعلومِش یِه، ولی عیسی پلّه ترین پیامبرِه. آ خدایِ، پس هر چیش که آ اَنجوم آدا و واچه، خدا کارون و گَبون ویندِه. به جی دلیل که کتاب مقدس عیسی کلمه ی خدا مِخِنِندِه.

![](https://cdn.door43.org/obs/jpg/360px/obs-en-48-13.jpg)

خدا پادشاه داودِش وات که ای نفر جا نسلِه خو تا آخر بر خدا آدَمون حکومت مییَره. عیسی خدا فِر و مسیح انتخاب شُدیه و آ جا داودِ نسلِ خو دِرِه که موتونه تا آخر پادشاهی بییَرِه.

![](https://cdn.door43.org/obs/jpg/360px/obs-en-48-14.jpg)

داود قوم اسرائیل پادشاه وِ. آمّا عیسی همه ی جهان پادشاه. آ دوباره ما و عدالتیون صلحِ وی تا آخر پادشاهی مییَرِه.

*داستون بیگرییستی از کتاب مقدس: (کتاب پیدایش فصل ۱؛ فصل ۳؛ فصل ۶؛ فصل ۱۴؛ فصل ۲۲؛ کتاب خروج فصل ۱۲؛ فصل ۲۰؛ کتاب دوم سموئیل فصل ۷؛ کتاب عبرانیان فصل ۳ آیه های ۱ تا ۱۶؛ فصل ۴ آیه ۱۴؛ فصل ۵ آیه ۱۰؛ فصل ۷ آیه ۱؛ فصل ۸ آیه ۱۳؛ فصل ۹ آیه ۱۱؛ فصل؛ کتاب مکاشفه فصل ۲۱)*

## 49. ۴۹- خدا تازِه پیمون

https://openbiblestories.org/l/tks/story-49/

![](https://cdn.door43.org/obs/jpg/360px/obs-en-49-01.jpg)

اینِه فِرِشتیه جَوونه تیتیه که نومِش مریم وِ واچه که تَه خدا فِرَر دُنیا موری. آ موقه که حالا مریمه تیتیه ویه، روح القدس پُفاش یِه جاوِ طَرَف و اُستناویه. آوِه اینِه فِرِش دنیا بو و نومِش آنایش عیسی. جی دیمِدِه عیسی هم خدا و هم آدمِ.

![](https://cdn.door43.org/obs/jpg/360px/obs-en-49-02.jpg)

عیسی خیلی معجِزیش یِه که ثابتاش میه آ خدایه. آ وییِه سَرِه را موشو، طوفونِش آرومِه یِه، خیلی مریضونِش شفا ادا، خیلی آدَمون خو هَدَرِه روحِش بَر یِه. مُردونِش زِندِه یِه و پَینِه نونِیون دونِه گوجیلِه ماهیش برکت آدا و جاش تبدیلِه یِه به غذای کافی که ۵۰۰۰ نَفر دِ ویشتَر سیرِه یَرِه.

![](https://cdn.door43.org/obs/jpg/360px/obs-en-49-03.jpg)

عیسی پِلِّه معلم دِ وِ. هر چیش که بَلَدِه مِدا راست وِ. مردم دِ هر چیش که آ جانا را مِواچه باید اَنجومِشون مِدا، چون آ خدا فِر وِ نِمونی را آ بَلَداش مِدا که اَلادییَرِش دِ باید خوشتِنِری وارین محبت یِری.

![](https://cdn.door43.org/obs/jpg/360px/obs-en-49-04.jpg)

آ هَمی بییَن جاناش بَلَدِه دا که باید خداوند هَمی ویشتر حتی مال و اموالِشون ویشتَر بوقوشون.

![](https://cdn.door43.org/obs/jpg/360px/obs-en-49-05.jpg)

عیسی واچه که خدا پادشاهی، دِ وییَن با ارزِش تر از هر چی یه که جی دنیا دِ یِه. موقوی بِشی خدا پادشاهی مون، باید آ اِشته گونایونی خو خلاصه یَرِه.

![](https://cdn.door43.org/obs/jpg/360px/obs-en-49-06.jpg)

عیسی واچه بعضی جی آدَمون خو جاوِ قبول مییَرِندِه، بعد خدا جانا نِجات آندییِه؛ امّا همه جاوِ قبول مینییَرِندِه. آ جیشتِه وات که بعضی از آدَمون دِ خاکِ وِرین خورِندِه، چون که عیسی خوشِه خبر قبول مییَرِندِه و خدا جانا نجات آندییِه. بعضیون دِ جادی کِنارِه سِفته خاکه وِرینِندِه. خدا گَپ اینِه دونی وارینِه که جا زِمین مون مِگِنِه، آمّا هیچ محصولی مِنورِه. اِنا مردمی یِندِه که عیسی گَپون قبول مینییَرِندِه و مِنوقوشون بیشیندِه خدا پادشاهی مون.

![](https://cdn.door43.org/obs/jpg/360px/obs-en-49-07.jpg)

عیسی جاناش بَلَدِه دا که خدا گونا کارونِش خیلی موقو‌. آ موقوشِه که جانا بِبَخشِه و خوشتَنَرِش زارین یَرِه.

![](https://cdn.door43.org/obs/jpg/360px/obs-en-49-08.jpg)

عیسی هَمی بییَن جاناش وات که خدا گونا خو بَدِش ما. آدِمیون حوا گونا خاطِرِه، پاک جانا نَسلون گُونا مییَرِندِه. آخِرِه دِ هر که دنیا دِ گونا مییَرِه و خدا خو جویامبِه. پاک خدا دُشمَنِندِه.

![](https://cdn.door43.org/obs/jpg/360px/obs-en-49-09.jpg)

ولی خدا همه ی مردمی که دنیا دِ یِندِه. بییَن محبتِش بیه که خوشتَنَرِش تَکّه فِر عیساش آدا، تا هر کس جاوِه ایمون بورِه گونایونِش واسین مجازاتا نِوِ و تا آخر خداوی زندگی بییَرِه.

![](https://cdn.door43.org/obs/jpg/360px/obs-en-49-10.jpg)

شما گونا بییَردن خاطِره، حَقِشه که بومورا . خدا حق دِرِه که شما دَسه حرصِش بَرا. اما عیسی بیشییَن به صلیب سَر و بومَردَنِش، چوما گنایون عذاب خوشتَنِش بِگِرچه.

![](https://cdn.door43.org/obs/jpg/360px/obs-en-49-11.jpg)

عیسی هیش موقه گوناش نییِه، ولی قبولِش یِه که آدَمون گونایون واسین مجازاتاوِه. آ حتی سنگین تِرین مجازات که بومردن وِه، قبولِش یِه. هَمی جی واسین آ کامِلِه قوربونی وِ تا شما گونایون و هرکَس دیه دِ جی دنیا دِ یِه پاکه یَرِه. چون که عیسی خوشتَنَرِش به عنوان قوربونی تَقدیماش یِه خدا، بعد خدا پاک گونایون، حتی آنایی دِ که خیلی هَدَرِه گوناشون دَشت به جا ایمونِشون بوردِه وی مِبَخشَچه.

![](https://cdn.door43.org/obs/jpg/360px/obs-en-49-12.jpg)

حتی شما خورِه کارون دِ مونوتونه باعث شما نجات گردِه.کاری نییِه که بوتونا با اَنجوم آدییَنِش جاوی رَفِقاوِه یا. جا یاقا باید ایمون بورا که عیسی خدا فِرِ و شما یاقا صلیب سَرِه دِ بومَرد. و خدا دوبارِه جاش زِندِه یِه. اِگه جی حقیقت ایمون بورا خدا دِ شما پاک گونایون مِبَخشِه.

![](https://cdn.door43.org/obs/jpg/360px/obs-en-49-13.jpg)

خدا هر کَس که به عیسی ایمون بورِه و جاوِ به عنوان خوشتَنَرِش خدا قبول یَره، نجات آندییِه. امّا خدا آنایی که جاوِه ایمون نورِندِه، نجات آنی دییه. مهم نییِه فقیر گَردِه یا دارا، مردَک گَردِه یا زینییِه، پیر گَردِه یا جَوون و یا اینکه کا آدَم گَردِه. خدا شماش موقو و موقوش که به عیسی ایمون بورا تا آ بوتونه شما بی رابطه خورِش دِشتِه بی.

![](https://cdn.door43.org/obs/jpg/360px/obs-en-49-14.jpg)

عیسی شما دعوت مییَرِه که جاوِه ایمون بورا و غسل بییَرا. آیا ایمون دِرا که عیسی هَمی آ مسیحِ که وعده آدییِستی و خدا تَنا فِرِ؟ آیا ایمون دِرا که گونا کاریون و حقّییونِه که خدا شما مجازات یَرِه؟ آیا ایمون دِرا که عیسی صِلیبِ سَرِه بومَرد تا شما گونایون پاکاوِه؟

![](https://cdn.door43.org/obs/jpg/360px/obs-en-49-15.jpg)

اِگه به عیسی و هر چیش که شما را اَنجوم آدا ایمون دِرا، پس شما مسیحییون! بعدِ جی شیطون خوشتَنَرِش تارِکه پادشاهی مونه دِ شما حکومت مینییَرِه. اَلون خدا خوشتَنَرِش روشینِه پادشاهی مونِه شما حکومت مییَرِه. خدا شماش قَویه یِه که قبل وارین گونا نییَرا و شما را خورِه زندگی بییَردَنِش بلدِه دا.

![](https://cdn.door43.org/obs/jpg/360px/obs-en-49-16.jpg)

اِگه مسیحییون، خدا شما گونایون عیسی کارِ خاطِرِه مِبَخشه. اَلون خدا شما خوشتَنَرِش نَزدِکه رَفِق موزونِه نه دشمن.

![](https://cdn.door43.org/obs/jpg/360px/obs-en-49-17.jpg)

اِگه خدا رَفِق و عیسای خدا نوکِریون، مشتاق جی یِیون که عیسی دَرسون خو پیرِوی یَرا. با جی وجود که مسیحی یِیشه، شیطون هاموندِه شما وسوسه مییَرِه تا گونا بییَرا، آمّا خدا همیشه خوشتَنَرِش وعدون عمل مییَرِه. آ ماجِه اِگه خوشتِنِریون گونایون واجیا شما مِبَخشِه و شما را قدرت آندییِه تا گونایونیون وی بِجَنگا.

![](https://cdn.door43.org/obs/jpg/360px/obs-en-49-18.jpg)

خدا شما ماجِه که دویا یَرا و جاوِ گَپون بِخِنا. آ هَمی بییَن شما ماجِه که اَلادِه مسیحییون بی جاو عبادت یَرا و بقیه دِ واجیا که شما را چیش یِردی. اِگه پاک جیوا اَنجوم آدِیا، شمایون خدا مونه دِ رفاقت خیلی خوری به وجود ما.

*داستون بیگیرییِستی از کتاب مقدس: (رساله پولس به رومیان باب ۳ آیه ۲۱ تا ۲۶؛ باب ۵ آیه ۱ تا ۱۱؛ کتاب انجیل یوحنا باب ۳ آیه ۱۶؛ کتاب انجیل متی باب ۱۶ آیه ۱۶؛ رساله پولس به کولسیان باب ۱ آیه ۱۳ تا ۱۴؛ رساله دوم پولس به تسالونیکیان باب ۵ آیه ۱۷ تا ۲۱؛ رساله اول یوحنا باب ۱ آیه ۵ تا ۱۰)*

## 50. ۵۰- عیسی آنگَردِه

https://openbiblestories.org/l/tks/story-50/

![](https://cdn.door43.org/obs/jpg/360px/obs-en-50-01.jpg)

نزدِکه به ۲۰۰۰سالِه که آدَمای زیادی دُنیادِ، عیسی مسیح اِنجیلِ خو خوشه خبَر مَشونِندِه. کلیسایون کارا زیادامِویندِه. عیسی وعدیش آدا که آخِرِ دنیا دِ آنگَردِه اگَر چه عیسی حالا نومی، ولی به خوشتَنَرِش وعده وفادارِه.

![](https://cdn.door43.org/obs/jpg/360px/obs-en-50-02.jpg)

خدا چوما خو موقوش هَمی بییَن که منتظر مسیحِ آگَردَستَن یِیمون، ای جور زِندگی بییَروم که مقدس گَردوم و جاوِه عزیز بوزونوم. آ هَمی بییَن چوما خو موقوشه که جا پادشاهی بارِه دِ بَقیی وی گَب بِزَنوم. آ موقه که حالا مسیح زِمین سَرِه زِندگیش مییه، بیین واچه: «چِمه شاگردون خوشه خبر خدا پادشاهی پاکِ دنیا دِ موعظه مییَرِنده، بعد جا آخرت مِرَسه.»

![](https://cdn.door43.org/obs/jpg/360px/obs-en-50-03.jpg)

اَلادِه طایفونی دِ یِندِه که حالا عیسی بارِه دِ هیچیشون نَشونِستی. قبل اینکه مسیح آگَردِه آسِمون، آ مسیحیونِش وات که جی خوشه خبرِ به همه جانایی که هیچوقت نَشونِستیشون اِعلوم یَرِندِه. عیسی واچه: «بِشِیا و پاک مِلّتون چِمِه شاگِردون یَرا، چون که قَلبون رَزِ وِرین بیچیندَنِ را آمادیه.»

![](https://cdn.door43.org/obs/jpg/360px/obs-en-50-04.jpg)

عیسی جیشته وات که: «نوکر خوشتَنَرِش اَربابَر جور تَر نیه. هَمی بییَن که جی دنیا اَربابون چِمه خو بَدِشون مومه، شماشون دِ چِمِه خاطِره شِکَنجه مییَرِنده و موکوشِندِه. جی دنیا دِ اَذیَتامبِه یا ولی دِلیون قویه یَرا چون که اَ، شیطون که جی دنیا حاکِمه شِکَستِم آدا. اِگه تا آخر چِمه وفادار گَردا، آ موقه خدا شما نجات آندییِه!»

![](https://cdn.door43.org/obs/jpg/360px/obs-en-50-05.jpg)

عیسی خوشتَنَرِش شاگِردون را اینِه داستونِش تَریف یِه، تا جانا را توضیح آدییِه که جی دنیا آخَره دِ چه بلا جی آدَمون سَر ما. آ واچه: «اِینه مَردک خوشتَنَرِش رَزِ مونه خورِه دونیش بِکِّر. وقتی حالا خوابه وِ، جاوِه دشمن بومه و گندم دونی لادِه، هَرزِه عَلَفِش توم بِکِّر و خوشتَنَرِش را بوشو.»

![](https://cdn.door43.org/obs/jpg/360px/obs-en-50-06.jpg)

وقتی گندم دونون جیکِشون بِزَن، جا مردک کارگَرون واچون: «آقا، تَه خورِه دونی جی زِمین مونه بِکِّردی! چرا جینا لادِه هَرزِه عَلَف سوزاوی؟» آ مردَک جوابِش آدا: «اِم فقط موتونه چِمِه دُشمَنون کار گَردِه که جانا بِکِّرِندِه. اینِه چِمِه دشمَنون خو جی کارِش بییِردی.»

![](https://cdn.door43.org/obs/jpg/360px/obs-en-50-07.jpg)

کارگَرون در جواب خوشتَنَرِشون اَربابون واچون: «آیا باید عَلَفون بِکَشوم بَر؟» اَرباب جوابِش آدا: «نه اِگه جی کارِ اَنجوم آدِیا، بعضی جی گَندومون دِ جانا بی مِکَشا بَر. تا وقت بیچیندَن صَبِر یَرا بعد عَلَفون گِردِه گِرا بیسوزدِنا، آمّا گَندومون بورا چِمِه آنبار.»

![](https://cdn.door43.org/obs/jpg/360px/obs-en-50-08.jpg)

شاگِردون جی داستون معنی هالیانیویندِه و مسیحِ خو بوقوچون که جی داستون جانا را توضیح آدییِه. عیسی واچه : «مردِکی که خورِه دونیش بِکِّر اُونوَردِنه که مسیحِ. رَز دِ یِعنی اِم دنیایِ و خورِه دونه دِ یِعنی مردمی که خدا پادشاهی مونه دِرِندِه.»

![](https://cdn.door43.org/obs/jpg/360px/obs-en-50-09.jpg)

هَرزِه عَلَفون دِ آدِمونی یِندِه که شیطونِ یِندِه، یعنی شَرِّندِه. جا مردَک دُشمن یعنی آ کَس که هَرزِه عَلَفونِش بِکِّر هَمی آ شیطونه. فصل بیچیندَن، دنیا آخِرِه و آنایی که میچینِندِه فِرِشتونِندِه.

![](https://cdn.door43.org/obs/jpg/360px/obs-en-50-10.jpg)

آ موقعی که دنیا به آخِر بِرَسه، فِرِشتون هَمه جا مردمی که شیطونِندِه، پاک دنیا خو گِردِه مِگِرِندِه و ماشینِندِه آتِش مون. یاقایی که آنا سختیون مصیبت وحشتناکی وی مِربَنِندِه و خوشتَنَرِشون دَندون مِزَنِندِه سِرِندییَر.آمّا عادِلونی که عیساشون پی‌بِگِرده وی خورشید وارینا خوشتَنَرِشون پییَر پادشاهی دِ، خدا، مِوَشِندِه.

![](https://cdn.door43.org/obs/jpg/360px/obs-en-50-11.jpg)

عیسی هَمی بییَن واچه قبل اینکه دنیا تاموناوِ آنگَردِم زِمین. آ هَمی باین که زِمین خو بیشی بَر هامون آنگَردِه، یِعنی اینِه یون که قابل لَمسِ دِرِ و آسِمونِ اَبرون سَرِه ما. آ موقه که عیسی آگَردِه، هر مسیحی که بُومِردی، هاموندِه زِندامبِه و جاوی آسِمونه ملاقات مییَرِه.

![](https://cdn.door43.org/obs/jpg/360px/obs-en-50-12.jpg)

بعد جا آ مَسیحییونی که حالا زِندییِنده میشیندِه آسِمونه طَرَف و جاوِکین مَسیحییون پَلِف که زِنداویندِه. هَمه ی آنا عیسی وی آقادِه دِرِندِه و عیسی خوشتَنَرِش قومی وی زِندگی مییَرِه .آنا صلح همیشگی وی هَندییَر بی زندگی مییَرِندِه.

![](https://cdn.door43.org/obs/jpg/360px/obs-en-50-13.jpg)

عیسی وعدیش آدا هر که جاوِ ایمون دِرِه، اِینه تاج مِبَخشِه جاوِ. آنا خدابی هَمِرا تا آخِر همه چی حکومت مییَرِندِه و آرامش کامل مونِه دِرِندِه.

![](https://cdn.door43.org/obs/jpg/360px/obs-en-50-14.jpg)

آمّا خدا جانایی که عیساشون ایمون نوردیشون، داوِری مییَرِه. آ جانا ماشینِه جَهَنم مون. آقا یاقایی که آنا تا آخِر مِربَنِندِه و خوشتَنَرِشون دَندونون مِشقالِندِه سَرِندییَر و عذاب مِکَشِندِه. آتِشی که هیچ موقه خاموشا مِنِوِه جانا میسوزدِنِه و کِرمون جانا بوخاردَنِ خو دَس مِنِکَشِندِه.

![](https://cdn.door43.org/obs/jpg/360px/obs-en-50-15.jpg)

آ موقه که عیسی آگَردِه، شیطون و جاوِ حکومت بینِه مِبَرِه. شیطون تا آخِر با جا آدَمونی که عوَض اِم که خدا خو اطاعت یَرِندِه، جاخو پیرَویشون یِردی آقادِه میسوجییِندِه .

![](https://cdn.door43.org/obs/jpg/360px/obs-en-50-16.jpg)

آدَم و هوا گَب گوشه نییَردَن واسین و بومییَن گونا به جی دُنیا، خدا دُنیاش لَعنت یِه و تَصمیمِش بِگِه که جا بینِه بِبَرِه. ولی ای رِو خدا جِدیدِه آسِمونیون زِمین سامِدییه که کامِله.

![](https://cdn.door43.org/obs/jpg/360px/obs-en-50-17.jpg)

عیسی قومِش وی جدیدِه زِمین مونه زِندگی مییَرِندِه، و آ تا آخِر بَر هر چی که یِه حکومت مییَرِه. آ هر اَرسِه مردِمون چوشمِه پاکه مییَره. دیه هیچ غَمی نییه و هیشکِه سختی مِنِکَشه. آنا هیچ موقه مِنِربَنِندِه، دیه هیشکَس مریضامِنِوِه و مِنومورِه. و هیچ هَدَرِه چی آقادِه نییِه و عیسی صلحیون عدالَتی وی خوشتَنَرِش پادشاهی مونه دِ حکومت مییَرِه. بعد جاوِ آ خوشتَنَرِش قومی وی تا آخِر یِه

*داستون بیگیرییِستی از کتاب مقدس: (کتاب انجیل متی باب ۲۴ آیه ۱۴؛ باب ۲۸ آیه ۱۸؛ کتاب انجیل یوحنا باب ۱۵ آیه ۲۰؛ باب ۱۶ آیه ۳۳؛ کتاب مکاشفه باب ۲ آیه ۱۰؛ کتاب انجیل متی باب ۱۳ آیه ۲۴ تا ۳۰؛ باب ۱۳ آیه ۳۶ تا ۴۲؛ رساله اول پولس به تسالونیکیان باب ۴ آیه ۱۳ و باب ۵)*