# unfoldingWord Open Bible Stories — Tukpa - Language code: `tpq` - Canonical page: https://openbiblestories.org/l/tpq/ - Stories in this file: 50 of 50 - Published by: OBS-TLF - Last release: 2026-06-26 - License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org - Illustrations: © Sweet Publishing, CC BY-SA 3.0 unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Tukpa translation; it is not a translation of the whole Bible. ## 1. संसार रौ रचना https://openbiblestories.org/l/tpq/story-1/ ![](https://cdn.door43.org/obs/jpg/360px/obs-en-01-01.jpg) तै हौयोए परमात्मा ऐ शुरु कै सैब चीजहौरी जुराई। छौ दयार कै धरती सी आई जी भी होच कै सा परमात्मा रै जुराई। परमात्मा ऐ होई धरती जुराई पिछु होतिज गाश आयांरो सी खाली थयौ, कयूं बोलता परमात्मा ऐ इमरी सेग धरती गाश केछै चीज नुजुराई थयो। कयूं बोलता परमात्मा रौ आत्मा पानी गाश मंडरायादौ थयो। ![](https://cdn.door43.org/obs/jpg/360px/obs-en-01-02.jpg) तै परमात्मा ऐ बौली, “प्यांशो फिर!” तै प्यांशो फिरी। परमात्मा ऐ शाव कि प्यांशो बडिया स तै परमात्मा ऐ होतिल्ला “दिन” बौली। तै परमात्मा ऐ प्यांशौ ला आयांरौ का खैची कौरी जिल्ला परमात्मा ऐ “राच” बौली। परमात्मा ऐ धरती जुरयानौ रौ पैहले दयार प्यांशौ रौ रचना कौरी। ![](https://cdn.door43.org/obs/jpg/360px/obs-en-01-03.jpg) संसार जुरयाई पिछु, दुई दयार तादु परमात्मा ऐ बोली कि, “पानी गाश एक अन्तर फिर।” आई एक अंतर फिरी। परमात्मा ऐ होसौ अंतर ला “आसमान” बौलुन्दौ। ![](https://cdn.door43.org/obs/jpg/360px/obs-en-01-04.jpg) त्रौन दयार तादु परमात्मा ऐ बौलुन्दौ, “पानी एक जागा गाश कौठा फिरनौ चान्दौ आई शुकौ जागा दैखनौ चान्दौ।” परमात्मा ऐ सुकौ जागा ला “पृथ्वी” आई पानी ला “समुदरांग” बौलुन्दौ। परमात्मा ऐ शाव जिबि आपुए जुराई होसौ वाल बडिया थैव। ![](https://cdn.door43.org/obs/jpg/360px/obs-en-01-05.jpg) तै परमात्मा ऐ बौलुन्दौ, “धरती सैब किस्म रौ पैड पौधा राझाओ।” तै होयोए फिरी। परमात्मा ऐ शाव कि जिबी जुराई हौसो सैब आपला बढिया लागी। ![](https://cdn.door43.org/obs/jpg/360px/obs-en-01-06.jpg) संसार जुरयाई पिछु चार दयार तादु परमात्मा ऐ बौलुन्दौ, “आसमान के जोतिहोरि फिर।” तै आई दयुस, जोत, तारौहोरी परगट फिरुंदे। परमात्मा ए दयुस, जोत, तारौहौरिला पृथ्वीगाश प्यांशो कौरमै आई राच सी दयुस, मौसमहौरी, बौरौशहौरी कै भेद कौरमै जुरयाई। परमात्माए शाव कि आपु ऐ जीबी जुरयाई स हौसौ बडिया थैव। ![](https://cdn.door43.org/obs/jpg/360px/obs-en-01-07.jpg) पांच दयार तादु, परमात्मा ए बौलुन्दौ “पानी ज्युन्दौ प्राणीहौरी का भौरीनौ चांदौ आई आसमान कै पक्षीहौरी उडयानौ चांदौ।” तै हौयौए परमात्मा ए पानी कै तैरयाईदै सैब जन्तुहौरी ला आई पक्षीहौरी ला जुरयाई। परमात्मा ऐ शाव कि हौई बौलौ थैव तै आई सेब ला आशीष दैउन्दौ। ![](https://cdn.door43.org/obs/jpg/360px/obs-en-01-08.jpg) संसार जुरयाई पिछु छौ दयार तादु परमात्मा ए बौलुन्दौ, “पृथवी गाश थाकदै सैब किस्मरौ जानवरहौरी फिरनौ चांदौ।” आई परमात्मा ए ज्यौ बौलुन्दौ हौत्यौए फिरुन्दौ। ऐक्या जानवरहौरी पालतु थै, ऐक्या माटीगाश हान्डदैहौरी, आई ऐक्या जांगलै थाक्दै जानवरहौरी थै। आई परमात्मा ला हौई सैब बौलौ लागी। ![](https://cdn.door43.org/obs/jpg/360px/obs-en-01-09.jpg) तै परमात्मा ए बौलुन्दौ, “मानुषा ला हांऊ आपरौ रुस्या आई आपसी बराबौर जुरयासु। मानुषा पृथवी गाश सैब जानवरहौर गाश मालिक फिरसा।” ![](https://cdn.door43.org/obs/jpg/360px/obs-en-01-10.jpg) तै परमात्मा ए माटीए मानुषला जुरयाई आई मानुष कै जीवन रौ सास भैजुन्दौ आई हौसौ जिऊन्दौ फिरुन्दौ। हौई मानुष रौ नाव आदम थयौ। परमात्मा ए आदम ला थाकमै ला ऐक बौडौ बागीचा जुरयाई आई बगीचा रौ देखभाल कौरमै ला आदम ला हौतिन्चै जागुन्दौ। ![](https://cdn.door43.org/obs/jpg/360px/obs-en-01-11.jpg) परमात्मा ए हौसौ बगीचा माशटाए दुई खास बोट भैजी-जिन्दगी रौ बोट आई बौलौ सी मारै रौ ज्ञान रौ बोट। परमात्मा ए आदम ला बौलुन्दौ कि हौसौ बगीचा कै तोमोरी जीवन रौ बोट आई बौलौ सी मारै रौ ज्ञान दैन्दौ स्या बोट रौ फौल ला शौठयाई बाकी सैब बोट रौ फौल खाई बौल्दै। अगर तोमोरी हौसौ बोट रौ फौल खाएता तोमोरी मौरसौ। ![](https://cdn.door43.org/obs/jpg/360px/obs-en-01-12.jpg) तै परमात्मा ए बौलुन्दौ, “पुंशा ला ऐखले थाकनौ बौलौ नुदौ।” पौर कुनै जानबौर आदम रौ कौनैस निफरुन्दै। ![](https://cdn.door43.org/obs/jpg/360px/obs-en-01-13.jpg) तै परमात्मा ए आदम ला गहरा नीज कै बैजुन्दौ। तै परमात्मा ए आदम रौ ऐक पसली गारी हौतिज्का ऐक देन जुरयाउन्दौ आई हौसौ देन ला आदम गाच्छै आनुन्दौ। ![](https://cdn.door43.org/obs/jpg/360px/obs-en-01-14.jpg) जैतरै आदम ए हौसौ देन ला शाउन्दौ आदम ए बौलुन्दौ, “हौई देन ता मैरौ जैव एस हौसौ देन ला ‘स्त्री’ बौलुन्दौ, क्यु बौलता हौसौ देन पुंशा काए जुरयाउन्दी स।” हौई कारण ए पुंशा आपरौ आंई-बा ला शौठयान्दौ आई आपरौ देन सी ऐक फिरदौ। ![](https://cdn.door43.org/obs/jpg/360px/obs-en-01-15.jpg) परमात्मा ए पुंशा सी देन ला आपरौ रुस्या जुरयाउन्दौ। परमात्मा ए हौतैन्दुई ला आशिरवाद दैउन्दौ आई बौलुन्दौ, “संसार ला ग्याक छौकुर पैरै सी कानालडु पैरै आई कौ कानालडु पैरै पैदा कौरी भौरयाव!” परमात्मा ए जिबी आपुए जुरयाउन्दौ हौसौ सैब आपला वाल बौलौ लागुन्दौ आई परमात्मा हौसौ सैब का वाल खुश थयौ। हौई सैब संसार जुरयाई पिछु छौ दयार तादु फिरुन्दौ। ![](https://cdn.door43.org/obs/jpg/360px/obs-en-01-16.jpg) परमात्मा जिबी खौटेन थयौ हौसौ सैब ला सात दयार तादु छैकुन्दौ। परमात्मा ए सातंवा दयार ला आशिरवाद दैउन्दौ आई हौतिल्ला पवित्र बौलुन्दौ, क्यु बौलता परमात्मा ए हौतादु सैब चीज जुरयाई छेकुन्दौ। तै हौतयौए परमात्मा ए संसार सी आई जिबी हौचकै सा सैब चीज जुरयाउन्दौ। *उत्पत्ति पाठ1-2बाईबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_01_128kbps.m4a ## 2. पाप संसार कै आच्छदौ। https://openbiblestories.org/l/tpq/story-2/ ![](https://cdn.door43.org/obs/jpg/360px/obs-en-02-01.jpg) आदम सी आपरौ देन परमात्मा ए हौतैन ला जुरयाउन्दौ हौसौ शारो बगीचा कै वाल खुश थै। हौतेन्दुई कुने गाच्छौ नालाईदै थै, तै भी हौई बातै ऐ हौतेन दुई ला लाजीनौ नैभैजुदौ, क्यु बौलता संसार गाश पाप नैथैव। हौतैन दुई सौदा हौसौ बगीचा कै हांडने थाक्दै थै आई परमात्मा सी बातै बाताएन थाक्दै थै। ![](https://cdn.door43.org/obs/jpg/360px/obs-en-02-02.jpg) पौर हौसौ बगीचा कै ऐक सांप थयौ। हौसौ वाल चलाक थयौ। हौसौ सांपे हौसौ देन ला पुछी, “कि दिमांगे परमात्मा ए तुम दुईला हौई बगीचारौ बोटा का फौल नाखाए बौलुन्दौवा?” ![](https://cdn.door43.org/obs/jpg/360px/obs-en-02-03.jpg) हौसौ देन ऐ बौलुन्दौ, “परमात्मा ए हामदुईला बौलुन्दौ कि हौसौ बौलौ सी मारे रौ ज्ञान रौ भोट ला शौठयाई बाकी सैब भौटा रौ फौल खाई बौलदे। परमात्मा ए हाम दुईला बौलुन्दौ कि “अगर हाम दुई हौसौ फौल ला खाएता या छुंगता, हाम दुई मौरदै।” ![](https://cdn.door43.org/obs/jpg/360px/obs-en-02-04.jpg) हौसौ सांप ए देन ला बौलुन्दौ, “हौई दिमांग बातै नुंदौ! तुम दुई नौमौरदै। परमात्मा जान्दौ कि जैव ए तुम दुई हौसौ फौल ला खासौ, तुम दुई परमात्मा जैव ए फिरसौ आई परमात्मा जैव ए भौलौ सी मारे ला सौमजिसौ,” ![](https://cdn.door43.org/obs/jpg/360px/obs-en-02-05.jpg) हौसौ देन ला हौई फौल बौलौ लागी आई वाल मीठौ जान्नौ आच्छी। हौसौ भी समझदार फिरनौ चाएन थी, तै हौतैसै फौल ला गारी खाउन्दौ, तै हौतैसै आपरौ पुंशा ला जुन हौतैस्सी साथ थयौ हौसौ फौल दैई आई हौतिनै भी खाई। ![](https://cdn.door43.org/obs/jpg/360px/obs-en-02-06.jpg) आचानक, तैन दुई रौ आंखी खुलुई, आई तैन दुई ला पौता लागी कि हाम दुई नागरे सी। तैन दुईए पाच हौरला कौटठा मिलायाई हौतिज रौ गाच्छौ जुरयाई हौतिजे आपरौ डे ला बुदनौ कोशिश कौरी। ![](https://cdn.door43.org/obs/jpg/360px/obs-en-02-07.jpg) तै पुंशा सी आपरौ देन ए बगीचा कै परमात्मा रौ हान्डनौ रौ काद शुनी। तैन दुई परमात्मा का चौरुई! तै परमात्मा ए पुंशा ला बेदी, “तु किंचै सै? आदम ए बौलुन्दौ, मैईए ताउंला बगीचा कै हान्डदी बैरै शुनौ, आई हाऊं डौरी थयौ, क्यु बौलता हाऊं नागरे थयौ। तै हाऊं चौरुई।” ![](https://cdn.door43.org/obs/jpg/360px/obs-en-02-08.jpg) तै परमात्मा ए पुछुंदौ,“ ताऊंला कुनै बौलौ कि तु नागरे सै? तैईए हौसौ फौल ता नाखावा जिल्ला मैईए नाखाईयो बौली थयौ?” पुंशाए बौलुन्दौ, तैईए माना जी हौई देन दैऊन्दौ हौसै ए माना हौई फौल दैनौ।” तै परमात्मा ए देन का पुच्छुंदौ, “तैईए हौई की खौटौ?” हौसौ देने बौलौ, सांपे माना ठकायाई।” ![](https://cdn.door43.org/obs/jpg/360px/obs-en-02-09.jpg) परमात्मा ए सांपला बौलुन्दौ, “ताऊंला शराप दिसु! तु आपरौ पेटे हांडसै आई माटी चाटसै। तु सी हौई देन आपुरी माज नाबाईसौ, आई तेरौ छौकुर पैरै सी हौसरौ छौकुर पैरै आपुरी माज नाबाईसा। हौई देन रौ वंशजहौरी तैरौ मुंडकांग ला दबायासा, आई तु हौतेन रौ खुंडीला खासै।” ![](https://cdn.door43.org/obs/jpg/360px/obs-en-02-10.jpg) तै परमात्मा ए देन ला बौली, “हांऊ तैरौ छैल्डुपैरै जौन्मदी बैरैला वाल काठौ जुरयासु। तु आपरौ पुंशा का लालसा कौरसै, आई तैरौ पुंशा ताऊंगा बौडौ फिरैस।” ![](https://cdn.door43.org/obs/jpg/360px/obs-en-02-11.jpg) परमात्मा ए आदम ला बौलुन्दौ, “तैईए आपरौ देन रौ बातै शुनी आई मैरौ हुकुम नौमौन्याई।” तै हौतिजै माटी ला शराप लागीस, आई तांऊला खाऊ राजामैला वाल काठौ काम खौटनौ फिरैस। ऐ तु मौरसै, आई तैरौ डे माटी कै मिलैनमाईएस। आदम ए आपरौ देन रौ नाव हव्वा जागी, जिररौ मौतलब, “जिन्दगी दैन्दीसै,” क्यु बौलता हौसौ सैब जाति हौररौ आमा हौएस। आई परमात्मा ए आदम सी हव्वा ला पौशुरौ खालचुए जुरयाऊन्दौ गाच्छौ लायाऊन्दौ। ![](https://cdn.door43.org/obs/jpg/360px/obs-en-02-12.jpg) तै परमात्मा ए बौलुन्दौ, “ऐ बौलौ सी मारै ला जानीदै मानुष मुक्सी बराबौर फिरीन्दैस, तै ए मानुषा ला जिन्दगी रौ बोट रौ फौल खामै नैबैन्नौस्या ना ता मानुषा आमौर फिरसा।” तै परमात्मा ए आदम सी हव्वा ला हौसौ बगीचा का बाए गारुन्दौ। आई परमात्मा ए हौसौ जिन्दगी रौ बौट रौ फौल खानौ का सैब ला रुक्यामै तैई हौसौ बगीचा रौ दवार गाच्छै शक्तिसया स्वर्ग रौ दुतहौरी बैशाऊन्दौ। *उत्पत्ति पाठ 3 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_02_128kbps.m4a ## 3. हौल्ड https://openbiblestories.org/l/tpq/story-3/ ![](https://cdn.door43.org/obs/jpg/360px/obs-en-03-01.jpg) बादौ बेला का पिछु, संसार गाश बादौ मानुषा थाक्दै थै। हौतैने वाल मारे आई रौल्टु फिरी थै। हौई हौतेग मारे थयौ कि परमात्मा ऐ एक बौडौ हौल्डे सैब संसार ला खौत्म कौरमै सुनचुई। ![](https://cdn.door43.org/obs/jpg/360px/obs-en-03-02.jpg) पौर परमात्मा नूह का खुश थयौ। हौसौ मार मानुषा माज थाक्दौ एक धर्मी मानुष थयौ। परमात्मा ऐ नूह ला बौलुन्दौ कि हांऊ ऐक वाल बौडौ हौल्ड आन्दौ स्यासु। हौई कारण ऐ, परमात्मा ऐ नूह ला ऐक बौडौ नाव जुरयामै ला बौलुन्दौ। ![](https://cdn.door43.org/obs/jpg/360px/obs-en-03-03.jpg) परमात्मा ऐ नूह ला लगभग रा यौ दुई बीशे मीटौर लामौ, बीशो त्रोन मीटौर ब्युलौ आई तेराह यौ आधौ मीटौर ऊशटौ नाव जुरयामै ला बौलुन्दौ। नूह ला हौसौ नाव दुरारौ जुरयानौ स्या थयौ आई हौतिज कै त्रोन तल, बादौ कौमरा हौरी, एक छापार आई एक खिडकी जुरायानौ स्या थयौ। हौसौ नाव नूह, हौतिन रौ पैरैहौरी, आई माटी गाश रै सैब किस्म रौ पशुहौर ला हौसौ बाढ का बौचाएस। ![](https://cdn.door43.org/obs/jpg/360px/obs-en-03-04.jpg) नूह ऐ परमात्मा रौ बातै ला मौन्याऊन्दौ। हौतिनै आई हौतिन रौ छैल्डुपैरै ऐ हौत्यौ ऐ नाव जुरयाऊन्दौ जैव परमात्मा ऐ बौलुन्दौ थयौ। क्यु बौलता हौसौ नाव बादौ बौडौ थयौ हौतिर रौ तैईऐ हौतिज ला जुरयामै ला बादौ बौरौष लागुन्दौ। नूह ऐ मानुषा ला आछदौस्या हौल्ड रौ बारै कै चेतायाऊंदौ आई हौतैन ला परमात्मा बिलै फिरमै ला बौलुन्दौ, पौर हौतैनोरिऐ हौतिन गाश विश्वास नौकौरुन्दौ। ![](https://cdn.door43.org/obs/jpg/360px/obs-en-03-05.jpg) परमात्मा ऐ नूह आई हौतिन रौ पैरै ला आपरौ तैईऐ आई पौशुहौर रौ तैईऐ क्यालाखो खाऊ कौठा कौरमै ला हुकूम बि दैऊन्दौ। जैतरै सेब त्यार थयौ, तै परमात्मा ऐ नूह ला बौलुन्दौ कि हौई बेला हौतिन रौ, हौतिन रौ देन रौ, हौतिन रौ त्रोन छैलडु पैरै रौ, आई हौतैन रौ देनीपैर रौ-पुरा मिलायाई आठ मानुषा रौ नाव कै नाशनौ स्या थयौ। ![](https://cdn.door43.org/obs/jpg/360px/obs-en-03-06.jpg) परमात्मा ऐ सैब पौशु सी पक्षी रौ बिज सी पौशौ ला नूह गाच्छै बैजुन्दौ ताकि हौतैने नाव कै नाशसा आई हौल्ड रो बेला कै बौचसा। परमात्मा ऐ हौयौ सैब किस्म रौ पौशु हौर रौ सात पौशौ सी सात बिज ला बैजुन्दौ जून बलि बैजमै काम आच्छेस। जैतरै हौतैनै सैब नाव कै बितै पोच्छै तै परमात्मा ऐ आपुए नाव रौ दवार ला बौन्द कौरून्दौ। ![](https://cdn.door43.org/obs/jpg/360px/obs-en-03-07.jpg) तै गौएन लागनौ शुरु फिरुन्दौ, आई गौएन लागैन थाकुन्दौ, लागैन थाकुन्दौ। दुई बिशौ दयार सी दुई बिशौ राच बिना रुकुई गौएन लागैन थाकुन्दौ। संसार गाश रौ सैब चीज, हौन्चै सेग कि ऊशटौ का ऊशटौ पर्वत बी पानी कै डुबुन्दौ। ![](https://cdn.door43.org/obs/jpg/360px/obs-en-03-08.jpg) जून मानुषा सी पौशु हौरी नाव कै थै हौतैन ला शौठयाई, शुकौ जागा गाश थाकदै सैब जीव मौरुन्दै। हौसौ नाव पानी गाश तैरयाइएन थाकी आई नाव बितैरौ सैब चीज ला डुबनौ का बौचाउन्दौ। ![](https://cdn.door43.org/obs/jpg/360px/obs-en-03-09.jpg) गौएन रुकुई पिछु, पांच मास सैक हौसौ नाव पानी गाश तैरयाइएन थाकी, आई हौतादु काल पानी काम फिरैन थयौ। तै ऐक दयार हौसौ नाव ऐक पर्वत रौ चोटी गाश नाशी टेकयाई, पौर संसार आई भी पानी कै डुबी थयौ। त्रोन मास पिछु, उतुरतुरी पर्वतहौर रौ चोटीहौरी देखनौ आच्छी। ![](https://cdn.door43.org/obs/jpg/360px/obs-en-03-10.jpg) तै आई दुई बिशौ दयार तादु, नूह ऐ ऐक काव ला पानी शुकिया कि नुशुकि शामैला बाए बैजुन्दौ। हौसौ काव शुकौ जागा लोरैन औरु-पौरु उडयान थाकुदौ, पौर काव ला शुकौ जागा किन्चे नौपौरुदौ। ![](https://cdn.door43.org/obs/jpg/360px/obs-en-03-11.jpg) तै पिछांए का नूह ऐ एक चाकुर ला बाए बैजुन्दौ। पौर चाकुर ला बी शुकौ जागा नौपौरुन्दौ, तै हौसौ नूह गाच्छै वापिस आच्छुन्दौ। एक साप्ता पिछु हौतिनै हौसौ चाकुर ला फिरी बैजुन्दौ, आई हौसौ चाकुर आपरौ खाक्कै एक जैतून रौ बारचौ गिनुई वापिस आच्छुंदी। पानी गौटैन थयौ, आई बोटा हौरी फिरी राजैन थयौ। ![](https://cdn.door43.org/obs/jpg/360px/obs-en-03-12.jpg) नूह ऐ एक सप्ता आई पौखुन्दौ आई त्रोन बैरै हौसौ चाकुर ला बाए बैजुन्दौ। ईमबरी, हौसौ चाकुर ला बैशमै जागा पौरुन्दौ आई हौसौ वापिस नाछुन्दी। पानी शुकैन थयौ! ![](https://cdn.door43.org/obs/jpg/360px/obs-en-03-13.jpg) परमात्मा ऐ दुई मास पिछु नूह ला बौलुन्दौ, “ऐ तु सी तैरौ पैरै आई सैब पौशु हौरी नाव का बाए निकलौ। ग्याक छैलडु पैरै, कानालडु पैरै–कौ कानालडु पैरै पैदा कौरौ आई संसार ला भौरयाव।” तै नूह सी आपरौ पैरै नाव का बाए आछुन्दै। ![](https://cdn.door43.org/obs/jpg/360px/obs-en-03-14.jpg) नूह नाव का बाए आच्छी पिछु, हौतिनै ऐक वेदी जुरयाई आई बलि रौ सैब किस्म रौ पौशु हौरका एक्या ला बलि चढायाई। परमात्मा हौसौ बलि का खुश फिरुन्दौ आई नूह सी आपरौ पैरै ला आशिरबाद दैऊन्दौ। ![](https://cdn.door43.org/obs/jpg/360px/obs-en-03-15.jpg) परमात्मा ऐ बौलुन्दौ, “हांऊ प्रतिज्ञा कौरसु कि मानुषा ऐ खौटुदौ मार कौरौम रौ तैईए हांऊ ऐ कादुई माटी ला शराप नैदैऊ आई हौल्ड ऐ संसार ला खौत्म नौकौरू, मानुष ता लौऊडी बैरै काए पापीस।” ![](https://cdn.door43.org/obs/jpg/360px/obs-en-03-16.jpg) तै परमात्मा ऐ आपरौ वचन रौ निशान रौ रुप कै पेहला तिरालमैच ला जुरयाऊन्दौ। जैतरै बी आसमान कै तिरालमैच दैखनौ आछैस, तै परमात्मा याद कौरैस कि आपुए की वायदा कौरिस आई हौतयौए आपरौ मानुषा बि याद कौरसा। *उत्पत्ति पाठ 6-8 का एक बाइबल रौ कहानी* Audio: https://git.door43.org/OBS-TLF/tpq_obs/releases/download/v1/tpq_obs_v1_03_128kbps.m4a ## 4. अब्राहम सी परमात्मा रौ वायदा https://openbiblestories.org/l/tpq/story-4/ ![](https://cdn.door43.org/obs/jpg/360px/obs-en-04-01.jpg) हौल्ड का बादौ बौरौश पिछु, संसार गाश बादौ मानुषा थाकदै थै, आई हौतैनोरिए फिरी परमात्मा रौ आई ऐक-आईक रौ खिलाप पाप खौटी। क्यु बौलता हौतैनोरी सैब ऐखै काद कै बाताईदै थै, तै हौतैनोरी साथ कौठा फिरुन्दै आई परमात्मा रौ संसार भौरयानौ हुकुम रौ बजाए ऐक नगर जुरयाऊन्दौ। ![](https://cdn.door43.org/obs/jpg/360px/obs-en-04-02.jpg) हौतैनौरी वाल शैखी स्या थै, आई हौतैनौरी ला क्यौ जिन्दगी ज्युनौ चान्दौ हौई पाठिए हौतैनोरी परमात्मा रौ हुकुम मौनयानौ नाचाएन थै। होतैनोरिए ऐक हौयौ बि मिनार जुरयानौ शुरु कौरी जून स्वर्ग सैग पोछैस। परमात्मा ऐ शाव कि आगर हौतैनोरी कौठा फिरी बुराई कौरैन थाकता, तै हौतैनोरी बादौ पापी काम खौटी बौलसा। ![](https://cdn.door43.org/obs/jpg/360px/obs-en-04-03.jpg) हौतिरौ तैईए परमात्मा ऐ हौतैन रौ काद ला बादौ आईक-आईक काद कै बौदल्याऊन्दौ आई हौतैनोरी ला सैब संसार गाश फैलायाऊन्दौ। जून नगर ला हौतैनौरीए जुरयानौ शुरु कौरी थयौ हौतिल्ला बाबेल बौलदै, जिर रौ मौतलब “वामंग-थामंग”। ![](https://cdn.door43.org/obs/jpg/360px/obs-en-04-04.jpg) बादौ रा बौरौष पिछु, परमात्मा ऐ ऐक अब्राम नाव रौ मानुष सी बातै बातावी। परमात्मा ऐ हौतिन ला बौली, “आपरौ देश सी खानदान ला शौठयाई हौसौ देश कै नाश जिनचै हांऊ तांऊला दैखासु। हांऊ तांऊला आशिरबाद दिसु आई तांऊका ऐक बौडौ जाति जुरयासु। हांऊ तैरौ नाव महान कौरसु। जून तांऊला आशिरबाद दैस हांऊ हौतिन ला आशिरबाद दिसु, आई जून तांऊला शराप दैस हांऊ हौतिन ला शराप दिसु। तैरौ तैईए संसार रौ सैब कुल आशिरबाद पाया सा।” ![](https://cdn.door43.org/obs/jpg/360px/obs-en-04-05.jpg) तै अब्राम ऐ परमात्मा रौ बातै मौन्याई। हौतिनै आपरौ सैब सेवक हौरी आई आपरौ सैब जैजाद हौरी, आपरौ देन सारै ला गिनुई हौसौ देश कै, कनान देश कै नाशुदौ जून परमात्मा ऐ हौतिन ला दैखाई थयौ। ![](https://cdn.door43.org/obs/jpg/360px/obs-en-04-06.jpg) जैतरै अब्राम कनान पौछौ तै परमात्मा ऐ हौतिन ला बौलुन्दौ, “आपरौ चारै बिलै शाव। हांऊ तांऊला हौई सैब देश दिसु आई तैरौ वंशज हौरी सौदा ला हौज गाश आकत्यार जाग सा।” तै अब्राम हौसौ देश कै बौसुन्दौ। ![](https://cdn.door43.org/obs/jpg/360px/obs-en-04-07.jpg) मलिकिसिदक नाव रौ ऐक मानुष थयौ जून सैबका बौडौ परमात्मा रौ यहुदी याजक थयौ। ऐक दयार जैतरै अब्राम लडाई कौरी आछैन थयौ तै हौसौ सी अब्राम बैठुई। मलिकिसिदिक ऐ अब्राम ला आशिरबाद दैऊन्दौ आई बौलुन्दौ “सैबका बौडौ परमात्मा जून स्वर्ग सी संसार रौ मालिकस हौसौ तांऊला आशिरबाद दैन्नौ चान्दौ।” तै अब्राम ऐ लडाई कै जितिउन्दौ सैब चीज रौ दसवां भाग मलिकिसिदक ला दैऊन्दौ। ![](https://cdn.door43.org/obs/jpg/360px/obs-en-04-08.jpg) बादौ बौरौष बिति, पौर आई बी अब्राम सी सारै रौ ऐक बी छैल्डु नाई थयौ। परमात्मा अब्राम सी बातै बातायुन्दौ आई दुबारा वायदा कौरुन्दौ कि अब्राम रौ ऐक छैल्डु फिरैस आई जैव आसमान कै तारौ हौरीस हौतयौए अब्राम रौ बादौ वंशज हुसा। अब्राम ऐ परमात्मा रौ वायदा गाश बिश्वास कौरुन्दौ। परमात्मा ऐ घोषणा कौरुन्दौ कि अब्राम ऐक धौरमी मानुष थयौ क्यु बौलता हौतिनै परमात्मा रौ वायदा गाश बिश्वास कौरुन्दौ। ![](https://cdn.door43.org/obs/jpg/360px/obs-en-04-09.jpg) तै परमात्मा अब्राम सी ऐक वायदा कौरुन्दौ। आम बोलचाल कै, वायदा रौ मतलब दुई पालटी माज ऐक आईक ला काम खौटमै ला ऐक फैसला थाकदौ। परमात्मा ऐ अब्राम सी वायदा हौतरै कौरी जैतरै अब्राम गैहरा नीज कै सुती थयौ, पौर तै बी अब्राम परमात्मा ला शुनी बौलदौ थयौ। परमात्मा ऐ बौलुन्दौ, “ हांऊ तैरौ देन सारा का पैदा कौरी तांऊना ऐक तैरौ आपरौ छैलडु दिसु। हांऊ तैरौ वंशज हौरला हौई कनान देश दैनसू।” पौर आई बी अब्राम रौ ऐक बी छैलडु नाई थयौ। *उत्पत्ति पाठ 11-15 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_04_128kbps.m4a ## 5. वायदा रौ छैलडु https://openbiblestories.org/l/tpq/story-5/ ![](https://cdn.door43.org/obs/jpg/360px/obs-en-05-01.jpg) अब्राम सी सारै कनान पोछी दौश बौरौश पिछु, आई बी हौतैन दुई रौ ऐक बी छेल्डु नाई थयौ। तै अब्राम रौ देन सारै ऐ अब्राम ला बौलुन्दौ, “ परमात्मा ऐ मा ला ईमबऱी सेग छेल्डु जागनौ लायक नुजुरयाईस आई ऐ हांऊ छैल्डु जागमै ला बादौ बुडी सु, शाव, मैरौ दासी हाजिरा ईनचैस। हौस सी बी शादी कौर ताकि हौई माना ऐक छैल्डु जागी बौलैस।” ![](https://cdn.door43.org/obs/jpg/360px/obs-en-05-02.jpg) तै अब्राम ऐ हाजिरा सी शादी कौरुन्दौ। हाजिरा रौ ऐक छैल्डु फिरुन्दौ, आई अब्राम ऐ हौतिन रौ नाव इश्माएल जागुन्दौ। पौर सारै हाजिरा का नौशौंगमाईएन थी। जैतरै इश्माएल तेरह बौरौश रौ थयौ, परमात्मा फिरी अब्राम सी बातायुन्दौ। ![](https://cdn.door43.org/obs/jpg/360px/obs-en-05-03.jpg) परमात्मा ऐ बौलुन्दौ, “हांऊ सैब शक्ति स्या परमात्मा सु। हांऊ तांऊसी ऐक वायदा कौरसु।” तै अब्राम ऐ माटी गाश जुकी दंडवत कौरुन्दौ। परमात्मा ऐ अब्राम ला हौई बी बौलुन्दौ, “ तु बादौ जाति हौररौ बा फिरसै। हांऊ तैरौ सी तैरौ वंशज ला हौतैन रौ आपरौ जागा रौ तैईए कनान देश दिसु आई हांऊ सौदा ला हौतैन रौ परमात्मा थाकसु। तांऊला आपरौ खानदान रौ सैब मानुषा रौ खतना कौरनौ स्या।” ![](https://cdn.door43.org/obs/jpg/360px/obs-en-05-04.jpg) “तैरौ देन सारै रौ ऐक छेल्डु फिरैस—हौसौ वायदा रौ छैल्डु हौएस। हौतिन रौ नाव इसहाक जागै। हांऊ हौतिन सी आपरौ समझौता ला कायम जागसु आई हौसौ ऐक बादौ बौडौ जाति फिरैस। हांऊ ईश्माएल ला बी ऐक बौडौ जाति जुरयासु, पौर मैरौ वायदास इसहाक सी थाकैस।” तै परमात्मा ऐ अब्राम रौ नाव बौदल्याई अब्राहम जागुन्दौ, जिररौ मौतलब “ बादौ मानुषा रौ बा।” परमात्मा ऐ सारै रौ नाव बी बौदल्याई सारा जागुन्दौ, जिररौ मौतलब “बादौ मानुषा रौ माँ या मूलमाता।” ![](https://cdn.door43.org/obs/jpg/360px/obs-en-05-05.jpg) हौतादु अब्राहम ऐ आपरौ खानदान रौ सैब पुंशा पैर रौ खतना कौरुन्दौ। लगबग ऐक बौरौष पिछु, जैतरै अब्राहम रा बौरौष रौ उमौर रौ थयौ आई सारा चार बिशौ दौश बौरौष रौ थी, तै सारा ऐ अब्राहम रौ छैल्डु ला जौनम दैऊन्दौ। जैव परमात्मा ऐ हौतैन ला बौली थयौ हौतैनोरीए हौतिन रौ नाव इसहाक जागी। ![](https://cdn.door43.org/obs/jpg/360px/obs-en-05-06.jpg) जैतरै इसहाक जवान फिरून्दौ तै परमात्मा ऐ हौई बौली अब्राहम रौ बिश्वास रौ परिक्षा मागुन्दौ कि ,“ आपरौ ऐकलौता छैल्डु ला मैरौ तैईए बलि दै।” तै फिरी अब्राहम ऐ परमात्मा रौ बातै मौन्याई आई आपरौ छैल्डु ला बलि चढायामै तैयार कौरी। ![](https://cdn.door43.org/obs/jpg/360px/obs-en-05-07.jpg) जैतरै अब्राहम सी इसहाक बलि चढायानौ जागा कै नाएन थै तै इसहाक ऐ पुछुन्दौ, “ हे बा, तामौर कै बलि ला दुरा हौरी ता हुन्दौ, पौर बलि ला गाबलु किनचैस?” अब्राहम ऐ बौलुन्दौ, हे मैरौ छैल्डु, परमात्मा बलि ला गाबलु रौ ईनजाम आपु कौरैस।” ![](https://cdn.door43.org/obs/jpg/360px/obs-en-05-08.jpg) जैतरै हौतैन दुई बलि चढायानौ जागा कै पोछै, तै अब्राहम ऐ इसहाक ला भानी वेदी गाश लेटायाऊन्दौ। हौसौ आपरौ छैल्डु ला मारदौ स्याए थयौ कि परमात्मा ऐ बौलुन्दौ ,“रुक्यु! छैल्डु ला नुकसान नौकौरै! ऐ हांऊ जानीसु कि तु मुका डौरदौ सै क्यु बौलता तैईए आपरौ एकलोता छैल्डु ला बी मुका बौचाई नाजागी।” ![](https://cdn.door43.org/obs/jpg/360px/obs-en-05-09.jpg) अब्राहम ऐ हौतिनचै नेरे ऐक गाबलु दैखी जून जाखार हौरकै फौसी थयौ। परमात्मा ऐ इसहाक रौ बौदला कै बलि ला गाबलु सरौ ईनजाम कौरी थयौ। अब्राहम ऐ खुसी-खुसी ऐ गाबलु रौ बलि चढायाऊन्दौ। ![](https://cdn.door43.org/obs/jpg/360px/obs-en-05-10.jpg) तै परमात्मा ऐ अब्राहम ला बौलुन्दौ, “ क्यु बोलता तु माना सैब दैमै ला तेयार थयौ, ईनचै सेग कि आपरौ ऐकलौता छैल्डु ला बी, तै हौई बातै गाश हांऊ तांऊला आशिरबाद दैमै ला वायदा कौरसु। तैरौ वंशज आसमान रौ तारौ का बी बौदी फिरसा। क्यु बौलता तैईए मैरौ आज्ञा ला मौन्याऊन्दौ तै हौई बातै गाश हांऊ तैरौ पैरै द्वारा संसार रौ सैब जाति ला आशिरबाद दिसु। *उत्पत्ति पाठ 16-22 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_05_128kbps.m4a ## 6. परमात्मा इसहाक ला इन्तजाम कौरदौ स https://openbiblestories.org/l/tpq/story-6/ ![](https://cdn.door43.org/obs/jpg/360px/obs-en-06-01.jpg) जैतरै अब्राहम बादौ बुडौ फिरी थयौ हौतरै हौतिन रौ छैल्डु, इसहाक, एक पुंशा रौ ऊमौर रौ फिरी थयौ। हौतिर रौ तेईए अब्राहम ऐ आपरौ ऐक नुकुर ला आपरौ छैल्डु इसहाक ला ऐक देन आनमै ला हौसौ देश कै भैजी जिन्चै हौतिन रौ पैरैजोरे थाकदै थै। ![](https://cdn.door43.org/obs/jpg/360px/obs-en-06-02.jpg) जिन्चै अब्राहम रौ पैरैजोरे थाकदै थै हौसौ देश कै नानौ रौ ऐक लामौ सफर पिछु परमात्मा ऐ हौसौ नुकुर ला रिबका सी मिलायाऊन्दौ। हौसौ अब्राहम रौ आते रौ कानाल्डी थी। ![](https://cdn.door43.org/obs/jpg/360px/obs-en-06-03.jpg) रिबका ऐ आपरौ पैरै ला शौठयाई हौसौ नुकुर सी वापिस नाशमैला मौन्याई। जैवे हौतैने पौछै इसहाक ऐ हौतैस सी शादी कौरुन्दौ। ![](https://cdn.door43.org/obs/jpg/360px/obs-en-06-04.jpg) बादौ बौरौश पिछु, अब्राहम मौरुन्दौ। तै परमात्मा ऐ आब्राहम रौ छैल्डु इसहाक ला, अब्राहम सी कौरुन्दौ वायदा रौ तैईए आशिरबाद दैऊन्दौ। हौसौ वायदा कै परमात्मा रौ ऐक प्रतिज्ञा थयौ कि अब्राहम रौ बादौ वंशज फिरसा। पौर इसहाक रौ देन रिबका रौ छैल्डु पैरै निफरुन्दै। ![](https://cdn.door43.org/obs/jpg/360px/obs-en-06-05.jpg) इसहाक ऐ रिबका रौ तैईए प्रार्थना कौरून्दौ, आई परमात्मा ऐ हौतेस ला जुडवा छौकुर पैरै रौ गर्भ धारण कौरनौ लायक जुरयाऊन्दौ। जैतरै हौसौ छौकुर पैरै रिबका रौ गर्भ कै हे थै हौतैन दुई आपुरी माज लौसेन थै, हौतिज रौ तैईए जिबी फिरैन थैव रिबका ऐ हौसौ परमात्मा ला बौलुन्दौ। ![](https://cdn.door43.org/obs/jpg/360px/obs-en-06-06.jpg) “परमात्मा ऐ रिबका ला बौलुन्दौ,” “तु दुई छैल्डु पैरै ला जौन्म दिसै। हौतैन रौ वंशज दुई खैची खैची जाति हौरी फिरसा। हौतैनौरी आपु माज लौसीसा। पौर बौडौ छैल्डु का जौनमुदै जाति ला लौऊडौ छैल्डु का जौनमुदै जाति रौ आज्ञा मौन्यानौ फिरैस।” ![](https://cdn.door43.org/obs/jpg/360px/obs-en-06-07.jpg) जैतरै रिबका रौ छैल्डु पैरै जौनमुदै, तै बौडौ छैल्डु रातौ आई रोएंदार थयौ, आई हौतैनौरिए हौतिन रौ नाव एसाव जागी। तै लौऊडौ छैल्डु एसाव रौ ऐडी पाई जौनमुदौ, आई हौतैनौरिए हौतिन रौ नाव याकूब जागी। *उत्पत्ति पाठ 24:1-25:26 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_06_128kbps.m4a ## 7. परमात्मा ऐ याकूब ला आशिरबाद दैऊन्दौ। https://openbiblestories.org/l/tpq/story-7/ ![](https://cdn.door43.org/obs/jpg/360px/obs-en-07-01.jpg) जैतरै हौसौ छौकुर पैरै बौडौ फिरै तै याकुब ला गौरै थाकनौ बौलौ लागी, पौर एसाव ला पौशु हौर रौ शिकार बौलौ लागी। रिबका ऐ याकुब ला बैदान कौरुन्दौ, पौर इसहाक ऐ एसाव ला बैधान कौरुन्दौ। ![](https://cdn.door43.org/obs/jpg/360px/obs-en-07-02.jpg) ऐक दयार ,जैतरै एसाव शिकार कौरी वापिस आव तै हौसौ वाल बौखुई थयौ। एसाव ऐ याकूब ला बौलौ, “जि तैईए जुरयाऊन्दौ हौतिज का उतुरी खाऊ माना दै”। याकुब ऐ बौलुन्दौ, “पहले मुका हौई वायदा कौर कि जैठौ हुनौ तैई जिबी चीज ताऊला पौरनौ चान्दौ, हौसौ सैब तु माना दिसै।” तै एसाव ऐ हौसौ सैब चीज हौरी ला याकुब ला दैन्नौ प्रतिज्ञा कौरी। तै याकुब ऐ हौतिन ला उतुरी खाऊ दैऊन्दौ। ![](https://cdn.door43.org/obs/jpg/360px/obs-en-07-03.jpg) इसहाक एसाव ला आशिरवाद दैन्नौ चाएन थयौ। पौर हौतिन रौ हौयौ कौरनौ का पहले, रिबका सी याकुब ऐ याकुब ला एसाव फिरनौ रौ ढोंग कौरी हौतिन सी धोखा कौरी। इसहाक बूढौ थयौ आई ए आखिए नैदैखैन थयौ। हौतिर रौ तैईए याकुब ऐ एसाव रौ गाच्छौ लावी आई बाकरी रौ खाल्चु ला आपरौ क्यारौ सी हात हौरकै बाटल्याउन्दौ। ![](https://cdn.door43.org/obs/jpg/360px/obs-en-07-04.jpg) याकुब इसहाक गाच्छै आछुन्दौ आई बौलुन्दौ, “हांऊ एसाव सु। हांऊ तैरौ आशिरवाद रौ तैईए आच्छी सु।” जैतरै इसहाक ऐ बाकरी रौ बाल हौरला छुंगौ आई गाच्छौ ला शिंग्यौ, तै हौतिनै जानौ कि हौई एसाव स आई हौतिन ला आशिरवाद दैऊन्दौ। ![](https://cdn.door43.org/obs/jpg/360px/obs-en-07-05.jpg) एसाव याकुब का रोश्युन्दौ क्यु बौलता याकुब ऐ हौतिन रौ जैठौ छैल्डु रौ आकत्यार आई साथे हौतिन रौ आशिरवाद ला बी चुरायाऊन्दौ। तै हौतिनै आपौर रौ बा मौरी पिछु याकुब ला मारनौ यौजना जुरयाई। ![](https://cdn.door43.org/obs/jpg/360px/obs-en-07-06.jpg) पौर रिबका ऐ एसाव रौ योजना ला शुनुन्दौ। तै हौतिर रौ तैईए रिबका सी इसहाक ऐ याकुब ला आपोर रौ पैरैजोरै सी साथ थाकमै ला दूर भैजुन्दौ। ![](https://cdn.door43.org/obs/jpg/360px/obs-en-07-07.jpg) याकुब बादौ बौरौश सेग रिबका रौ पैरैजोरै सी थाकुन्दौ। हौतादु काल हौतिनै शादी कौरुन्दौ आई बारा छैल्डु पैरै सी ऐक दिं ला पैदा कौरून्दौ। परमात्मा ऐ हौतिन ला वाल साहुकार जुरयाऊन्दौ। ![](https://cdn.door43.org/obs/jpg/360px/obs-en-07-08.jpg) बिश बौरौश सेग कनान आपरौ गौरै का दूर थाकी पिछु, याकुब आपरौ पैरै , आपरौ नुकुर हौरी, आई आपरौ पौशु हौररौ सैब झुंड सी वापिस आच्छुन्दौ। ![](https://cdn.door43.org/obs/jpg/360px/obs-en-07-09.jpg) एसाव आई बी माना मारी भैजैस हौई बातै गाश याकुब बादौ डौरी थयौ। हौतिर रौ तैईए हौतिनै पौशु हौररौ झुन्ड ला उपहार रौ रु कै एसाव गाच्छै भैजुन्दौ। जून नूकूर हौरी हौसौ झुन्ड ला गिनुई नाशी थै हौतैनौरिऐ बौलौ, “तैरौ दास याकुब, हौई पौशु हौर ला ताऊंला दैनस। हौसौ हासाल ऐ आछैनस।” ![](https://cdn.door43.org/obs/jpg/360px/obs-en-07-10.jpg) पौर एसाव ऐ याकुब ला मारनौ नाचाएन थयौ। हौररौ बजाए, हौसो हौतिन ला ऐक बैरै फिरी शाई बादौ खुश थयौ। हौतिज पिछु याकुब शान्ति ऐ कनान थाकुन्दौ। तै इसहाक मौरुन्दौ आई याकुब सी एसाव ऐ हौतिन ला दफनायाऊन्दौ। समझौता रौ वायदा हौरी जून परमात्मा ऐ अब्राहम सी कौरी थयौ हौसौ ऐ इसहाक का याकुब गाश आच्छी थयौ। *उत्पत्ति पाठ 25:27-35:29 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_07_128kbps.m4a ## 8. परमात्मा यूसुफ सी हौतिन रौ पैरै ला बौचान्दौ। https://openbiblestories.org/l/tpq/story-8/ ![](https://cdn.door43.org/obs/jpg/360px/obs-en-08-01.jpg) बादौ बौरौश पिछु, जैतरै याकुब बुडौ फिरी थयौ, तै हौतिनै आपरौ प्यारा छैल्डु यूसुफ ला आपरौ भाई हौर ला शामै भैजुन्दौ जून पौशु हौररौ झुंड रौ देखभाल कौरैन थै। ![](https://cdn.door43.org/obs/jpg/360px/obs-en-08-02.jpg) यूसुफ रौ भाई हौरी होतिन का नौशौंगमाईन्दै थै क्यु बौलता हौतैन रौ बा हौतिन का बौदी प्यार कौरदौ थयौ आई हौतिज रौ तैईए बी कि यूसुफ ऐ सिवनै दैखुन्दौ थयौ कि हौसौ हौतैन गाश राज कौरैस। जैतरै यूसुफ आपरौ भाई हौर गाच्छै आच्छुन्दौ तै हौतैनौरिए होतिन ला बंधक टयाऊन्दौ आई हौतिन ला दास हौररौ व्यापारी ला बिकनुन्दौ। ![](https://cdn.door43.org/obs/jpg/360px/obs-en-08-03.jpg) गौरै वापिस आछनौ का पहले यूसुफ रौ भाईहौरिए यूसुफ रौ गाच्छौ ला चिरी बाकरी रौ खून कै रूजाऊन्दौ। तै हौतैनौरिए हौसौ गाच्छौ आपरौ बा ला दैखाऊन्दौ ताकि हौसौ हौई सुनचैस कि कुन जांगली पौशु हौरिए यूसुफ ला मारुन्दौ। याकुब बादौ दुखै थयौ। ![](https://cdn.door43.org/obs/jpg/360px/obs-en-08-04.jpg) दास हौररौ व्यापार कौरदै हौसौ मानुषा ऐ यूसुफ ला मिस्र निऊन्दौ। नील नदी रौ कनारै बौसुन्दौ मिस्र ऐक बौडौ सी शक्तिस्या देश थयौ। हौसौ दास हौररौ व्यापार कौरदै मानुषा ऐ यूसुफ ला ऐक साहुकार सरकारी आपसौर ला दास रौ रु कै बिकनुन्दौ । यूसुफ ऐ आपरौ मालिक रौ बढिया सेवा कौरुन्दौ, आई परमात्मा ऐ यूसुफ ला आशिरवाद दैऊन्दौ। ![](https://cdn.door43.org/obs/jpg/360px/obs-en-08-05.jpg) हौतिन रौ मालिक रौ देन ऐ यूसुफ सी सुतनौ कोशिश कौरुन्दौ, पौर यूसुफ ऐ हौई रीति ऐ परमात्मा रौ विरुध्द पाप कौरनौ का मना कौरुन्दौ। हौतैसै रोष दैखुन्दौ आई यूसुफ गाश जाली आरोप ल्याऊन्दौ, हौतिज रौ तैईए हौतिन ला गिरफ्तार कौरी जेल कै भैजुन्दौ। हौनचै सेग कि जेल कै बी, यूसुफ परमात्मा रौ प्रति सोच्चौ थयौ, आई परमात्मा ऐ हौतिन ला आशिरवाद दैऊन्दौ। ![](https://cdn.door43.org/obs/jpg/360px/obs-en-08-06.jpg) दुई बौरौश पिछु, यूसुफ आई बी जेल कै थयौ, बेशक हौसौ बेकसूर थयौ। ऐक राच, फिरौन, जैव कि मिस्री मानुषा आपरौ राजा हौरला पुकारयान्दै थै, ऐ दुई सिवनै दैखी जिजै हौतिन ला बादौ डौराऊन्दौ। हौतिन रौ कुने सलाहदैन्दौस्या हौतिन ला हौसौ सिवनै हौररौ मौतलब बौली नौबलुन्दौ। ![](https://cdn.door43.org/obs/jpg/360px/obs-en-08-07.jpg) परमात्मा ऐ यूसुफ ला सिवनै ऱौ मौतलब बौलनौ रौ सामर्थ दैई थयौ, हौतिरौ तैईए फिरौन ऐ यूसुफ ला जेलखाना का आपु गाच्छै आराऊन्दौ। यूसुफ ऐ हौतिन ला हौसौ सिवनै रौ मौतलब बौलुन्दौ आई बौलुन्दौ, “परमात्मा भरपुर फसल स्या सात बौरौश पिछु सात बौरौश अकाल रौ भैजदौ स्यास।” ![](https://cdn.door43.org/obs/jpg/360px/obs-en-08-08.jpg) फिरौन यूसुफ का हौतेग प्रभावित फिरुन्दौ कि हौतिनै होतिन ला मिस्र रौ दुसरा सैबका शक्तिस्या मानुष चुनायाऊन्दौ! ![](https://cdn.door43.org/obs/jpg/360px/obs-en-08-09.jpg) यूसुफ ऐ मानुषा ला बौलौ फसलस्या सात बौरौश काल बादौ नाज कौठा कौरमै ला बौलुन्दौ। जैतरै सात बौरौश रौ अकाल आव तै यूसुफ ऐ मानुषा ला हौसौ नाज बिकनुदौ ताकि हौतैन कै खामै ला छांमाएस। ![](https://cdn.door43.org/obs/jpg/360px/obs-en-08-10.jpg) हौसौ अकाल ऐखो मिस्र ए नुवा, पौर कनान बी वाल कौचरौ थयौ जिनचै याकुब सी आपरौ पैरै थाकदै थै। ![](https://cdn.door43.org/obs/jpg/360px/obs-en-08-11.jpg) हौतिर रौ तैईए याकुब ऐ आपरौ सैबका बौडौ छैल्डुहौर ला नाज लौईमै ला मिस्र भैजुन्दौ। जैतरै हौतैनै नाज लौईमै ला यूसुफ रौ मुखुंमाए उजौ फिरै तै हौसौ भाई हौरिए यूसुफ ला नौरौयुन्दौ। पौर यूसुफ ऐ हौतैन ला रौयुन्दौ। ![](https://cdn.door43.org/obs/jpg/360px/obs-en-08-12.jpg) हौई पौता कौरमै कि हौतैनै बौदलुई साया हौतैन ला शाई पिछु, यूसुफ ऐ हौतैन ला बौलुन्दौ, “हांऊ तोमोर रौ आते सु! नौडौरयौ। जैतरै तोमोरिए माना दास रौ रु कै बिकनी थयौ तै तोमोरिए मारे खौटमै ठानयाई थयौ, पोर परमात्मा ऐ हौसौ मारे ला बौलौ कौरमै ला उपयोग कौरी! आछौ आई मिस्र थाकौ ताकि हांऊ तोमोर रौ सी तोमोर पैरै ला खाऊ रौ इनजाम कौरी बौलसु।” ![](https://cdn.door43.org/obs/jpg/360px/obs-en-08-13.jpg) जैतरै यूसुफ रौ भाई हौरी गौरै वापिस पौछै आई आपरौ बा याकुब ला बौलुन्‍दौ कि यूसुफ आई बी जिऊन्दौस तै हौसौ वाल खुश फिरुन्दौ। ![](https://cdn.door43.org/obs/jpg/360px/obs-en-08-14.jpg) बेशक याकुब ऐक बुडौ मानुष थयौ तै बी हौसौ आपरौ सैब पैरै सी मिस्र नाशुन्दौ, आई हौतैनौरी हौतिनचै बौसुन्दै। याकुब मौरनौ का पहले, हौतिनै आपरौ सैब छैल्डु पैरै ला आशिरवाद दैऊन्दौ। ![](https://cdn.door43.org/obs/jpg/360px/obs-en-08-15.jpg) समझौता रौ हौसौ वायदा हौरी जून परमात्मा ऐ अब्राहम सी कौरी थयौ हौसौ इसहाक गाश आई हौतिज का पिछु याकुब , आई हौतिज का पिछु हौतिन रौ बारा छैल्डु पैरै आई हौतैन रौ पैरै हौर गाश आछुन्दौ। हौसौ बारा छैल्डु पैरै हौररौ वंशज इस्राएल रौ बारा गोत्र फिरुन्दै। *उत्पत्ति पाठ 37-50 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_08_128kbps.m4a ## 9. परमात्मा मूसा ला बेददौ। https://openbiblestories.org/l/tpq/story-9/ ![](https://cdn.door43.org/obs/jpg/360px/obs-en-09-01.jpg) यूसफ मौरी पिछु हौतिन रौ सैब पैरैजोरै मिस्र बौसुन्दै। हौतैनौरी आई हौतैन रौ वंशज बादौ बौरौश सेग मिस्र ए थाकुन्दै आई हौतैनोरिए बादौ छैल्डु पैरै जागुन्दौ। हौतेन ला इस्राएली बौलदै। ![](https://cdn.door43.org/obs/jpg/360px/obs-en-09-02.jpg) बादौ रा बोरौश पिछु, इस्राएली हौररौ आबादी बादौ बौढुई थयौ। आई मिस्र रौ मानुषा ऐ हौई बातै रौ तैई शुक्रगुजार नै थै कि हौतैन रौ मौदौद कौरमै ला यूसुफ ऐ बादौ काम कौरी थयौ। हौतैनोरी इस्राएली हौर का डौरी क्यु बौलता हौतैनौरी आबादी कै हौतैन का बादौ बौदी थै। हौतिर रौ तैईए हौतादु काल मिस्र गाश राज कौरदौ स्या फिरौन ऐ इस्राएली हौर ला मिस्री हौररौ गुलाम जुरयाऊन्दौ। ![](https://cdn.door43.org/obs/jpg/360px/obs-en-09-03.jpg) मिस्री हौरीए इस्राएली हौर ला बादौ बौडौ-बौडौ गौर हौरी आई हौनचै सैग कि बादौ नगरहौर ला जुरयामै ला मजबूर कौरुन्दौ। हौसौ काठौ काम ऐ हौतैन रौ जिन्दगी हौर ला बादौ दु:खदैन्दौ स्या जुरयाऊन्दौ, पौर परमात्मा ऐ हौतैन ला आशिरवाद दैऊन्दौ आई हौतैन रौ आई बौदी छैल्डु पैरै फिरुन्दै। ![](https://cdn.door43.org/obs/jpg/360px/obs-en-09-04.jpg) फिरौन ऐ शाव कि इस्राएली हौररौ बादौ छैल्डु पैरै फिरैन थै, हौतिर रौ तैईए हौतिनै आपरौ सैनाहौर ला इस्राएली हौररौ सैब पुंशा छैल्डु पैरै ला नील गारै फिकाई मारी भैजनौ रौ हूकुम दैऊन्दौ। ![](https://cdn.door43.org/obs/jpg/360px/obs-en-09-05.jpg) एक खास इस्राएल री देनए एक पुंशा छैल्डु ला जौन्म दैऊन्दौ। हौतैस सी हौतैस रौ पंशाए जैत्तैग हौतैन का फिरौ हौसौ छैल्डु ला चोरी जागुन्दौ। ![](https://cdn.door43.org/obs/jpg/360px/obs-en-09-06.jpg) जैतरै हौसौ छैल्डु रौ आंई-बा हौतिन ला आई बौदी चोरी नौबौलुन्दै, तै हौतैनोरिए हौतिन ला मारनौ का बौचानौ तैईए ऐक तैरयाईन्दौ छाटो कै नील गार रौ कनारै झाखार माज जागुन्दौ। हौसौ छैलडु रौ बौडी दाए ऐ हौई शामै ला हौतिन गाश आंखी जागुन्दौ कि हौतिन सी की फिरैस। ![](https://cdn.door43.org/obs/jpg/360px/obs-en-09-07.jpg) फिरौन रौ दीं ऐ हौसौ छाटो ला दैखी हौतिज कै बितै शाई। जैतरै हौतैसै ऐक छैल्डु ला दैखौ तै हौतैसै हौतिन ला आपरौ छैल्डु रौ गान जानी। हौतैसै ऐक इस्राएल री देन ला हौतिन ला खीर जुटामै ला काम गाश जागुन्दौ, बिना हौई जानी कि हौसौ दैन हौसौ छैल्डु रौ औसली आंई थी। जैतरै हौसौ छैल्डु हौतेग बौडौ फिरौ कि ऐ हौतिन ला आपरौ आंई रौ खीर रौ जुरौत नाई थयौ, तै हौतैसै हौतिन ला फिरौन रौ दीं गाच्छै वापिस दैऊन्दौ, हौतिन रौ नाव मूसा थयौ। ![](https://cdn.door43.org/obs/jpg/360px/obs-en-09-08.jpg) एक दयार, जैतरै मूसा बौडौ फिरी थयौ, तै हौतिनै दैखौ कि एक मिस्र रौ मानुष इस्राएल रौ मानुष ला लौसैनस। मूसा ऐ आपरौ कौनेस इस्राएल रौ मानुष ला बौचानौ कोशिश कौरुन्दौ। ![](https://cdn.door43.org/obs/jpg/360px/obs-en-09-09.jpg) तै मूसा ऐ सुनच्यौ कि हौतिन ला कुने नैदैखा तै हौतिनै हौसौ मिस्र रौ मानुष ला मारी बैजुन्दौ आई हौतिन रौ लाश ला दबायाऊन्दौ। पौर मूसा ऐ जी खौटी थयौ हौतिन ला कुनैता दैखुन्दौ थयौ। ![](https://cdn.door43.org/obs/jpg/360px/obs-en-09-10.jpg) फिरौन ला पौता लागुन्दौ कि मूसा ऐ की खौटीस। हौतिनै होतिन ला मारी बैजनौ कोशिश कौरुन्दौ, पौर मूसा मिस्र का जांगल कै ठुरुन्दौ। फिरौन रौ सैना हौरी हौतिन ला हौतिनचै लोरी नौबौलुन्दै। ![](https://cdn.door43.org/obs/jpg/360px/obs-en-09-11.jpg) मिस्र का दूर जांगलै मूसा एक मिधान दैश कै बैरै चारदौ स्या फिरी थयौ। हौतिनै हौतिनचै ऐक देन सी शादी कौरुन्दौ आई दुई छैल्डु पैरै पैदा कौरुन्दौ। ![](https://cdn.door43.org/obs/jpg/360px/obs-en-09-12.jpg) मूसा आपरौ शयौरौ ऱौ बैरै हौररौ टौलांग ला चारदौ थयौ। एक दयार, हौतिनै ऐक झाखार जौलैन दैखी जून छार निफिरी जौलैन थयौ। हौतिल्ला शामै तैईए मूसा हौसौ झाखार गाच्छै नाशी। जैतरै हौसौ झाखार गाच्छै बादौ नेर थयौ तै परमात्मा ऐ हौतिन सी बातावी। परमात्मा ऐ बौली, “हे मूसा, आपरौ चिन्दरी ला गार। तु एक चौखौ जागा गाश ऊजौ सै।” ![](https://cdn.door43.org/obs/jpg/360px/obs-en-09-13.jpg) परमात्मा ऐ बौलुन्दौ, “मैईए आपरौ मानुषा रौ दु:ख हौर ला दैखुन्दौ। हांऊ तांऊला फिरौन गाच्छै बैजसु ताकि तू इस्राएल रौ मानुषा ला मिस्र रौ गुलामी का गारी आनसै। हांऊ हौतैन ला कनान देश दिसु, हौसौ देश जिर ऱौ मैईए अब्राहम, इसहाक आई याकुब सी वायदा कौरिस।” ![](https://cdn.door43.org/obs/jpg/360px/obs-en-09-14.jpg) मूसा ऐ पुछुन्दौ, “ ऐकुम बैरै मानुषा ऐ पुछता कि माना कुनै भैजुन्दौ तै हांऊ की बौलु? ” परमात्मा ऐ बौलुन्दौ, “ जून हांऊ सु हौसौ हांऊ सु। हौतैन ला बौलै, ‘हांऊ सु ऐ माना तोमोर गाच्छै भैजिस।’ हौतैन ला हौई बी बौलै, “ हांऊ तोमोर रौ बुजुर्ग हौरी अब्राहम, इसहाक आई याकुब रौ परमात्मा यहोवा सु।” मैरौ हौई नाव सौदा ऱौ स।” ![](https://cdn.door43.org/obs/jpg/360px/obs-en-09-15.jpg) मूसा डौरदौ थयौ आई फिरौन गाच्छै नाशनौ नाचाएन थयौ क्यु बौलता हौतिनै सुनचुई कि हौसौ बौलौ बाताई नौबौला, हौतिर रौ तैईए परमात्मा ऐ मूसा रौ बाई, हारुन, ला हौतिन रौ मौदद कौरमै ला भैजुन्दौ। *निर्गमन पाठ 1-4 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_09_128kbps.m4a ## 10. दौश आफौत हौरी। https://openbiblestories.org/l/tpq/story-10/ ![](https://cdn.door43.org/obs/jpg/360px/obs-en-10-01.jpg) परमात्मा ए मूसा सी हारुन ला चेतायाऊन्दौ कि फिरौन हूसु फिरैस। जैतरै हौतैनै फिरौन गाछै नाठै तै हौतैनोरिए बौलौ, “इस्राएल रौ परमात्मा हौयौ बौलैनस, ‘मैरौ मानुषा ला नाशनौ बैज!’” पौर फिरौन ऐ हौतैन रौ नुशुनी आई इस्राएल रौ मानुषा ला नाशमै ला आजाद कौरनौ रौ बजाए हौतिनै हौतेन ला आई काठौ काम खौटमै ला मजबूर कौरुन्दौ। ![](https://cdn.door43.org/obs/jpg/360px/obs-en-10-02.jpg) फिरौन हौसौ मानुषा ला छारानौ का सौदा मौना कौरैन थाकुन्दौ, हौतिर रौ तैईए परमात्मा ऐ मिस्र गाश दौश कौचरौ आफौत हौरी भैजुन्दौ। हौई आफौत हौरी रौ जरिया ऐ, परमात्मा ऐ फिरौन ला दैखाऊन्दौ कि हौसौ फिरौन सी मिस्र रौ देव हौर का बौदी सोतस्या स । ![](https://cdn.door43.org/obs/jpg/360px/obs-en-10-03.jpg) परमात्मा ऐ नील गार ला खून कै बौदल्याई बैजुन्दौ, पौर फिरौन ऐ ईम्बरी बी इस्राएल रौ मानुषा ला नाछाराऊन्दौ। ![](https://cdn.door43.org/obs/jpg/360px/obs-en-10-04.jpg) परमात्मा ऐ पूरा मिस्र कै मिडकु भैजुन्दौ। फिरौन ऐ मिडकु हौरला दूर कौरनौ तैईए मूसा का अर्जी कौरुन्दौ। पौर सैब मिडकु हौरी मोऱी पिछु, फिरौन ऐ आपरौ जीवा ला काठौ जुरयाऊन्दौ आई इस्राएल रौ मानुषा ला मिस्र का नाशमै नैदैऊन्दौ। ![](https://cdn.door43.org/obs/jpg/360px/obs-en-10-05.jpg) हौतिर रौ तैईए परमात्मा ऐ खानदौ स्या माखी हौररौ आफौत भैजुन्दौ। हौतिज पिछु परमात्मा ऐ खून चुसदौ स्या माखी हौरऱौ आफौत भैजुन्दौ। फिरौन ऐ मूसा सी हारुन ला बेदुन्दौ आई हौतैन ला बौलुन्दौ कि आगर हौतैने हौई आफौत ला रौक्याता तै इस्राएल रौ मानुषा मिस्र ला शौठयाई नाशी बौल्सा। जैतरै मूसा ऐ प्रार्थना कौरौ तै परमात्मा ऐ मिस्र गाश का खून चुसदौ स्या माखी हौरला हटायाऊन्दौ। पौर फिरौन ऐ आपरौ जीवा ला काठौ जुरयाऊन्दौ आई हौसौ मानुषा ला आजाद फिरी नाशमै नैदैऊन्दौ। ![](https://cdn.door43.org/obs/jpg/360px/obs-en-10-06.jpg) हौजका पिछु, परमात्माए मिस्र रौ मानुषा रौ सैब पाल्याऊन्दौ पौशु हौरला ब्याज लागी मौरनौ बैजुन्दौ। पौर फिरौन रौ जीवा काठौ फिरुन्दौ थयौ आई हौतिनै इस्राएल रौ मानुषा ला नाशमै नैदैऊन्दौ। ![](https://cdn.door43.org/obs/jpg/360px/obs-en-10-07.jpg) तै परमात्मा ऐ मूसा ला फिरौन रौ मुखुंमाए बागुर कै छार फिकाए बौली। जैतरै हौतिनै हौयौ कौरौ तै मिस्र रौ मानुषा रौ डे कै दुखदौस्या दुखनौ निकलुन्दौ, पौर इस्राएल रौ मानुषा ला केछे निफरुन्दौ। परमात्मा ऐ फिरौन रौ जीवा ला काठौ जुरयाऊन्दौ, आई फिरौन ऐ इस्राएल रौ मानुषा ला नाशमै नैदैऊन्दौ। ![](https://cdn.door43.org/obs/jpg/360px/obs-en-10-08.jpg) हौजका पिछु, परमात्मा ऐ शौरू लागाऊन्दौ आई मिस्र रौ बौदीभाग नाज हौरला खौत्म कौरून्दौ आई जून बी बाए निकलौ हौतिन ला मारी बैजुन्दौ। फिरौन ऐ मूसा सी हारून ला बेदुन्दौ आई हौतैन ला बौलुन्दौ, “मैईए पाप खौटुन्दौस। तोमोरी नाशौ।” तै मूसा ऐ प्रार्थना कौरुन्दौ, आई आसमान का शौरू लागनौ रूक्युन्दौ। ![](https://cdn.door43.org/obs/jpg/360px/obs-en-10-09.jpg) पौर फिरौनए फिरी पाप खौटुन्दौ आई आपरौ जीवा ला काठौ जुरयाऊन्दौ। हौतिनै इस्राएल रौ मानुषा ला आजाद फिरी नाशमै नैदैऊन्दौ। ![](https://cdn.door43.org/obs/jpg/360px/obs-en-10-10.jpg) तै परमात्माए मिस्र गाश टिडडी हौररौ टौलांग ला आछनौ बैजुन्दौ। हौई टिडडी हौरीए हौसौ सैब नाज हौरला खाऊन्दौ जिल्ला शौरू हौरिए खौत्म नौकौरी थयौ। ![](https://cdn.door43.org/obs/jpg/360px/obs-en-10-11.jpg) तै परमात्माए मिस्त्र दैश कै आंयारौ जुरयाऊन्दौ जून त्रौन दयार सेग हौयौए थयौ। हौई हौतैग आयांरौ थयौ कि मिस्र रौ मानुषा आपरौ गौरै हौरका निकली नौबौलुन्दै। पौर जिन्चै इस्राएल रौ मानुषा थाकदै थै हौतिनचै प्यांशौ थयौ। ![](https://cdn.door43.org/obs/jpg/360px/obs-en-10-12.jpg) हौई नौऊ आफौत हौरिरौ पिछु बी, फिरौन ऐ इस्राएल रौ मानुषा ला आजाद फिरी नाशनौ बैजनौ का मौना कौरुन्दौ। क्यु बौलता फिरौन ऐ नुशुनी थयौ हौतिर रौ तैईए परमात्मा ऐ ऐक पिछांएरौ आफौत ला भैजनौ सुनचुई। हौई फिरौन रौ जीवा ला बौदल्याई बैजैस। *निर्गमन पाठ 5-10 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_10_128kbps.m4a ## 11. फसह रौ तिवार https://openbiblestories.org/l/tpq/story-11/ ![](https://cdn.door43.org/obs/jpg/360px/obs-en-11-01.jpg) परमात्माए मूसा सी हारुन ला फिरौन गाच्छै हौई बौलमै ला बैजी कि इस्राएल रौ मानुषा ला नाशनौ भैज। हौतैनोरिए हौतिन ला चेतायाई कि आगर हौसौ हौतेन ला नाशमै नैदैता, तै परमात्मा मिस्र रौ मानुषा रौ आई पौशु हौर रौ सैब जैठौ हौरला मारी बैजैस। फिरौन ऐ हौई शुनी बी परमात्मा गाश विश्वास कौरनौ का आई हौतिन रौ बातै मौन्यानौ का मौना कौरून्दौ। ![](https://cdn.door43.org/obs/jpg/360px/obs-en-11-02.jpg) परमात्मा ए बौलुन्दौ कि जुन भी मुगाश विशवास कौरेस हाऊँ हौतिन रौ जैठौ छैल्डु ला बचायासु पौर सैब पैरै ला ऐक बेदाग गाबलु ला आनी हौतिन ला मारनौ स्या थयौ। ![](https://cdn.door43.org/obs/jpg/360px/obs-en-11-03.jpg) परमात्मा ए इस्राएल रौ मानुषा ला हौसौ गाबलु रौ खून ला आपरौ गौर हौऱरौ दवार गाश बैजमै ला बौलुन्दौ। हौतैन ला हौतिर रौ मांसाऊ ला पौनौ स्या थयौ आई फिरी हौतेन ला अखमीरी रौटी सी हौतिज ला हासाल-हासाल खानौ स्या थयौ। हौतिनै होसौ खाऊ ला खाई पिछु हौतैन ला हौतरै मिस्र ला शौठयामै ला बी त्यार थाकमै ला बौलुन्दौ। ![](https://cdn.door43.org/obs/jpg/360px/obs-en-11-04.jpg) परमात्मा ऐ इस्राएल रौ मानुषा ला जैव खौटमै ला हूकुम दैई थयौ हौतैनोरिए हौतयौए सैब खौटुन्दौ। आदौ राच कै, परमात्मा सैब जैठौ छैल्डु ला मारैन मिस्र रौ माशटांए बाती नाशुन्दौ। ![](https://cdn.door43.org/obs/jpg/360px/obs-en-11-05.jpg) इस्राएल रौ मानुषा रौ सैब गौर रौ दवार हौर गाश खून लागुन्दौ थयौ, हौतिर रौ तैईए परमात्मा ऐ हौसौ गौर हौर ला शौठयाऊन्दौ। हौतिज रौ भीतै रौ सैब मानुषा ऐसा थै। हौतैनै गाबलु रौ खून रौ तैईए बौची थै। ![](https://cdn.door43.org/obs/jpg/360px/obs-en-11-06.jpg) पौर मिस्र रौ मानुषा ऐ परमात्मा गाश विश्वास नौकौरी थयौ आई हौतिन रौ हूकुम हौर ला नौमौन्याई थयौ। हौतिज रौ तैईए परमात्मा ऐ हौतैन रौ गौर हौर ला नबक्शयाऊन्दौ। परमात्मा ऐ मिस्र रौ मानुषा रौ सैब जैठौ छैल्डु पैरै ला मारून्दौ। ![](https://cdn.door43.org/obs/jpg/360px/obs-en-11-07.jpg) जेलखाना रौ कैदी हौर रौ जैठौ छैल्डु हौर का, फिरौन रौ जैठौ छैल्डु सेग , सैब जैठौ छैल्डु पैरै मौरुन्दै। आपौर रौ बारी दु:ख रौ तैईए मिस्र रौ बादौ मानुषा रौएन थै आई जिंगाएन थै। ![](https://cdn.door43.org/obs/jpg/360px/obs-en-11-08.jpg) हौसौए राच, फिरौन ऐ मूसा सी हारुन ला बेदी आई बौली, “इस्राएल रौ मानुषा ला गिनुई हासाल ए मिस्र का ठुरायौ!” मिस्र रौ मानुषा ऐ बी इस्राएल रौ मानुषा का हासाल ठुराईमै ला अर्जी कौरुन्दौ। *निर्गमन पाठ 11:1-12:32 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_11_128kbps.m4a ## 12. इज्राइली मानुषा रौ मिस्र देश का निकिलनौ https://openbiblestories.org/l/tpq/story-12/ ![](https://cdn.door43.org/obs/jpg/360px/obs-en-12-01.jpg) इस्राएल रौ मानुषा मिस्र का निकली वाल खुसिए थै। हौतैनै ऐ गुलाम नैथै, आई हौतैनै प्रतिज्ञा रौ देश कै नाएन थै! इस्राएल रौ मानुषा ऐ जिबी मांगौ, मिस्र रौ मानुषा ऐ हौतैन ला हौसौ सैब दैऊन्दौ, हौन्चै सेग कि सुनौ सी चांदी आई आईक किमौती चीज हौरी । आईक देश हौररौ ऐक्या मानुषा ऐ परमात्मा गाश विश्वास कौरी आई जैतरै इस्राएल रौ मानुषा नाठै तै हौतैनै बी हौतैन सी नाशुन्दै। ![](https://cdn.door43.org/obs/jpg/360px/obs-en-12-02.jpg) दियुस री बैरै झुं रौ ऐक बौडौ खम्बा हौतैन रौ आंगमाए-आंगमाए हांडी। आई राच री बैरै हौई आग रौ खम्बा फिरी। परमात्मा जून हौसौ झं रौ खम्बा कै आई आग रौ खम्बा कै थयौ, सौदा हौतैन सी साथ थयौ आई बातकै हान्डदी बैरै हौसौ हौतैन का आंगमाए-आंगमाए थयौ। हौतैन ला ऐखो हौतिन रौ पिछांए हान्डनौ स्या थयौ। ![](https://cdn.door43.org/obs/jpg/360px/obs-en-12-03.jpg) एकछिब्या पिछु, फिरौन सी हौतिन रौ मानुषा ऐ आपरौ जीवा ला बौदल्याऊन्दौ। हौतैनै इस्राएल रौ मानुषा ला फिऱी आपरौ गुलाम जुरयानौ चाएन थै। हौतिज रौ तैईए हौतैनोरिए इस्राएल रौ मानुषा रौ पिछा कौरुन्दौ। हौई परमात्मा ऐ थयौ जुनै हौतैन रौ जिवा हौर ला बौदल्याई थयौ। हौतिनै हौयौ हौतिज रौ तैईए कौरुन्दौ क्यु बौलता हौसौ चाएन थयौ कि सैब मानुषा हौई जान्सा कि फिरौन का आई मिस्र रौ मानुषा रौ सैब देव हौर का हौसौ, यहोवा बौदी शक्तिस्या स। ![](https://cdn.door43.org/obs/jpg/360px/obs-en-12-04.jpg) जैतरै इस्राएल रौ मानुषा ऐ मिस्र रौ सेना ला आछनौ दैखी तै हौतैन ला पौता लागी कि हौतैनै फिरौन रौ सेना आई रातौ समुद्रांग रौ माशटांए फौसुन्दै। हौतैनै वाल डौरुन्दै आई रौएन थै, “ तामौरिए मिस्र ला क्यु शौठयाव? तामौरी मौरदै स्या!” ![](https://cdn.door43.org/obs/jpg/360px/obs-en-12-05.jpg) मूसा ऐ इस्राएल रौ मानुषा ला बौलुन्दौ, “डौरनौ बौन्द कौरौ! परमात्मा आज तोमोरौ तैईए लौसेस आई तोमोर ला बौचाएस।” तै परमात्मा ऐ मूसा ला बौलुन्दौ, “हौनैला रातौ समुद्रांग बिलै आंगमाए हान्डमै ला बौल।” ![](https://cdn.door43.org/obs/jpg/360px/obs-en-12-06.jpg) तै परमात्मा ऐ हौसौ झुं रौ खम्बा ला आनी इस्राएल रौ मानुषा सी मिस्र रौ मानुषा माशटांए जागी जीजै मिस्र रौ मानुषा इस्राएल रौ मानुषा ला शाई नौबौला। ![](https://cdn.door43.org/obs/jpg/360px/obs-en-12-07.jpg) परमात्मा ऐ मूसा ला समुद्रांग गाश आपरौ हात बौडामै ला बौलुन्दौ। तै परमात्मा ऐ बागुर ला समुद्रांग रौ पानी ला खोजांग सी जाखनौ बिलै कौरनौ बैजुन्दौ, जिज्का कि समुद्रांग माशटांए री ऐक बात फिरुन्दौ। ![](https://cdn.door43.org/obs/jpg/360px/obs-en-12-08.jpg) इस्राएल रौ मानुषा आपरौ दुईए बिलै पानी रौ बीत हौर सी शुकौ माटी गाश समुद्रांग बाती आंगमाए निकलुन्दै। ![](https://cdn.door43.org/obs/jpg/360px/obs-en-12-09.jpg) तै परमात्मा ऐ हौसौ बात का झुं ला आगाश बैजुन्दौ जिज्का मिस्र रौ मानुषा इस्राएल रौ मानुषा ला बौचिन्दै नाएन दैखसा। मिस्र रौ मानुषा ऐ हौतैन ला पामै तैईए हौतैन रौ पिछा कौरनौ फैसला कौरी। ![](https://cdn.door43.org/obs/jpg/360px/obs-en-12-10.jpg) तै मिस्र रौ मानुषा ऐ समुद्रांग रौ जरिया ऐ हौसौ बात गाश इस्राएल रौ मानुषा रौ पिछा कौरी, पौर परमात्मा ऐ मिस्र रौ मानुषा ला डौराई आई हौतैन रौ रथ हौर ला औटक्याई। हौतैनोरी जिंगाएन थै,” ठुरौ! इस्राएल रौ मानुषा बिलै का परमात्मा लौसैनस!” ![](https://cdn.door43.org/obs/jpg/360px/obs-en-12-11.jpg) सैब इस्राएल रौ मानुषा समुद्रांग रौ आईक बिलै पौछुन्दै। तै परमात्मा ऐ मूसा ला बौलुन्दौ कि तु फिरी पानी गाश हात बढायाव। जैतरै मूसा ऐ हौयौ कौरौ, तै पानी मिस्र रौ सैना गाश आछुन्दौ आई आपरौ पैहलै रौ काथाए फिरुन्दौ। सैब मिस्र रौ सैना डुबुन्दै। ![](https://cdn.door43.org/obs/jpg/360px/obs-en-12-12.jpg) जैतरै इस्राएल रौ मानुषा ऐ दैखौ कि मिस्र रौ मानुषा मौरी थै तै हौतैनोरिए परमात्मा गाश विश्वास कौरुन्दौ। हौतैनोरिए विश्वास कौरौ कि मूसा परमात्मा बिलै का भविष्य जान्दौ स्या थयौ। ![](https://cdn.door43.org/obs/jpg/360px/obs-en-12-13.jpg) इस्राएल रौ मानुषा हौतिर रौ तैईए बी वाल खुश थै क्यु बौलता परमात्मा ऐ हौतैन ला मौरनौ का आई गुलाम फिरनौ का बौचाई थयौ। ऐ हौतैनोरी परमात्मा रौ अराधना कौरमै आई हौतिन रौ हूकुम मौन्यामै ला आजाद थै। इस्राएल रौ मानुषा ऐ आपरौ आजादी रौ तिवार मौनायामै ला आई परमात्मा रौ गुनगान कौरमै ला बादौ भजन हौरी ल्याऊन्दौ क्यु बौलता हौतिनै हौतैन ला मिस्र रौ सैना होरका बौचाऊन्दौ थयौ। ![](https://cdn.door43.org/obs/jpg/360px/obs-en-12-14.jpg) परमात्मा ऐ इस्राएल रौ मानुषा ला सौदा बौरौश ऐक तिवार मौनायानौ हूकुम दैऊन्दौ हौई याद कौरमै ला कि क्यौ परमात्मा ऐ मिस्र रौ मानुषा ला हरायाऊन्दौ आई हौतैन ला गुलाम फिरनौ का आजाद कौरून्दौ। हौई फसह रौ तिवार कहलायाऊन्दौ थयौ। हौजकै हौतैन ला हौजरौ तिवार मौनायामै ला ऐक बढिया गाबलु रौ बलि दैन्नौस्या थयौ, हौतिज ला पौनौ स्या थयौ, आई हौतिज ला खमीरनुदौ रौटी सी खानौस्या थयौ। *निर्गमन पाठ 12:33-15:21 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_12_128kbps.m4a ## 13. इस्राएल सी परमात्मा रौ वायदा! https://openbiblestories.org/l/tpq/story-13/ ![](https://cdn.door43.org/obs/jpg/360px/obs-en-13-01.jpg) इस्राएल रौ मानुषा ला रातौ समुद्रांग का पार गारी पिछु, परमात्मा हौतैन ला जांगाल बाती सीनै बौलनौ पौर्बत बिलै गिनुई नाशुन्दौ। हौई हौसौए पौर्बत थयौ जिन्चै मूसा ऐ झाखार ला जौलैन दैखी थयौ। हौतैनोरिए हौसौ पौर्बत पार आपरौ डेरा बैजुन्दौ। ![](https://cdn.door43.org/obs/jpg/360px/obs-en-13-02.jpg) परमात्मा ऐ मूसा ला आई इस्राएल रौ सैब मानुषा ला बौलुन्दौ, “तोमोर ला सौदा मैरौ बातै हौर ला मौन्यानौ स्या आई जि वायदा हांऊ तोमोर सी कौरसु हौतिज ला कायम जागनौ स्या। आगर तोमोरी हौयौ कौरसौ, तै तोमोरी मैरौ बौक्शिश बैशकिमौती दौलत, याजक हौररौ देश, आई ऐक चौखौ जात फिरसौ।” ![](https://cdn.door43.org/obs/jpg/360px/obs-en-13-03.jpg) परमात्मा रौ हौतैन गाछै आछमै तैईए मानुषा ऐ त्रौन दयार सैग आपला त्यार कौरुन्दौ। तै परमात्मा सीनै पौर्बत रौ चोटी गाश तोल आछुन्दौ। जैतरै हौसौ आव तै बुन्चुलींग आछुन्दौ, बिजुल लागुन्दौ, धूँ निकलुन्दौ, आई तुहरी हौररौ जौरै काद आछुन्दौ। तै मूसा आपु आगाश पौर्बत गाश नाशुन्दौ। ![](https://cdn.door43.org/obs/jpg/360px/obs-en-13-04.jpg) तै परमात्मा ऐ मानुषा सी ऐक समझोता कौरुन्दौ। हौतिनै बौलुन्दौ, “हांऊ तोमोर रौ परमात्मा, यहोवा सु। हांऊ ऐ सु जुनै तोमोर ला मिस्र रौ गुलामी का छुडायाव। कुने आईक देव रौ पुजापाट नौकौरयौ।” ![](https://cdn.door43.org/obs/jpg/360px/obs-en-13-05.jpg) “मुर्ति हौरी नुजुरयाईयौ आई हौतैन रौ पुजा पाट नौकौरयौ, क्यु बौलता हांऊ, यहोवा, तोमोर रौ ऐखे परमात्मा सु। गौल्त तरिकाए मैरौ नाव ला नौ बौरत्याईयो। सब्त रौ दयार ला चौखौ मौन्यामै ला याद जाग्यो। आईक लब्ज हौर कै, छौ दयारौ कै आपरौ सैब काम खौटयौ, सातवाँ दयार तोमोर ला नाशाईमै आई माना याद कौरनौ दयारौ स।” ![](https://cdn.door43.org/obs/jpg/360px/obs-en-13-06.jpg) “आपरौ आमा सी बा रौ आदर कौरयौ, हत्या नौकौरयौ, व्यभिचार नौकौरयौ, चोर नौकौरयौ, आपरौ पडोसी रौ देन, हौतैन रौ गौर, या हौतेन रौ जीबी चीज ला मांगनौ ईछा नौकौरयौ।” ![](https://cdn.door43.org/obs/jpg/360px/obs-en-13-07.jpg) परमात्मा ऐ हौसौ मानुषा ला जि नियम दैई थयौ हौतैनोरी हौतिज ला मौन्यामै ला त्यार फिरुन्दै। हौतैनोरी ऐखो परमात्मा रौ मानुषा फिरमै ला आई ऐखो हौतिन रौ पुजा पाठ कौरमै ला त्यार फिरुन्दै। ![](https://cdn.door43.org/obs/jpg/360px/obs-en-13-08.jpg) परमात्मा ऐ इस्राएल रौ मानुषा ला ऐक बादौ बौडौ डेरा जुरयामै ला बी बौलुन्दौ-मैठिनौ स्या डेरा। हौतिनै हौतेन ला टौब टौब बौलुन्दौ कि हौई डेरा ला क्यौ जुरयानौ स्या स, आई हौतिज बितै की चिज हौर ला जागनौ स्या स। हौतिनै हौतेन ला हौसौ डेरा ला दुई कौमरा कै बान्टमै ला ऐक बादौ बौडौ पौरदा जुरयामै ला बी बौलुन्दौ। परमात्मा हौसौ पौरदा रौ पिछांए स्या कौमरा कै आछैस आई हौतिनचै थाकैस। जिन्चै परमात्मा थयौ हौसौ कौमरा कै नाशनौ हूकुम ऐखो यहुदी हौर रौ महायाजक ला थयौ। ![](https://cdn.door43.org/obs/jpg/360px/obs-en-13-09.jpg) हौसौ मानुषा ला हौसौ मैठिनौ डेरा रौ मुखुंमाए ऐक वेदी ला जुरयानौ स्या। कुन बी जुन परमात्मा ऱौ इनजाम ला नौमौन्यास हौसौ मानुष हौसौ वेदी गाश ऐक पौशु ला गिनुई आछैस। तै याजक हौतिज ला बलि बैजैस आई वैदी गाश परमात्मा ला बलि रौ रु कै चढायाएस। परमात्मा ऐ बौलुन्दौ कि हौसौ पौशु रौ खून हौसौ मानुष रौ पाप हौरला बुदैस। हौई रीति ऐ , ऐ परमात्मा हौसौ पाप ला नाशा। हौसौ मानुष परमात्मा रौ नजर कै चौखौ मानैस। परमात्मा ऐ मूसा रौ बाई हारुन ला आइ हारुन रौ वंशज हौर ला आपरौ याजक फिरमै ला चुनुन्दौ। ![](https://cdn.door43.org/obs/jpg/360px/obs-en-13-10.jpg) तै परमात्मा ऐ हौई दौश हूकुम हौर ला जान्टी रौ दुई पाटी हौर गाश चेमाई मूसा ला दैऊन्दौ। परमात्मा ऐ हूकुम मौन्यामै ला मानुषा ला आईक बादौ इनजाम दैऊन्दौ। आगार हौतैनोरिए हौई इनजाम हौर ला मौन्याता तै परमात्मा ऐ हौसौ मानुषा ला आशिरवाद दैमै आई हौतैन रौ रक्षा कौरनौ प्रतिज्ञा कौरून्दौ। पौर हौतिनै बौलुन्दौ कि आगार हौतैनोरिए हौजला नौमौन्याव तै हौसौ हौतेन ला डांड दैस। ![](https://cdn.door43.org/obs/jpg/360px/obs-en-13-11.jpg) बादौ दयारौ सेग, मूसा सीनै पौर्बत रौ चोटी गाश ऐ थाकुन्दौ। हौसौ परमात्मा सी बातै बाताएन थयौ। पौर मानुषा हौतैन गाछै वापिस नाशमै ला पौखी-पोखी शान्दयुन्दै। हौतिज रौ तैईए हौतैनोरी हारुन गाछै सूनौ गिनुई आछुन्दै आई हौतिज रौ ऐक मुर्ति जुरयामै ला बौलुन्दौ जिजै हौतैनोरी परमात्मा रौ बजाए हौतिज रौ पुजा पाठ कौरी बौल्सा। हौई रीति ऐ, हौतैनोरिए परमात्मा रौ खिलाफ वाल कौचरौ पाप खौटौ। ![](https://cdn.door43.org/obs/jpg/360px/obs-en-13-12.jpg) हारुन ऐ बाछरू ला रुंमाऊन्दौ सूनौ रौ ऐक मूर्ति जुरयाई। हौसौ मानुषा ऐ हौसौ मुर्ति रौ पुजापाट कौरनौ शुरू कौरी आई हौतिन ला बलि चढायाऊन्दौ! हौतेन रौ पाप रौ तैईए परमात्मा हौतेन का वाल रोशै थयौ। हौसौ हौतेन ला नाश कौरनौ चाएन थयौ। पौर मूसा ऐ परमात्मा का हौतैन ला नामारमै ला प्रार्थना कौरी। परमात्मा ऐ हौतिन रौ प्रार्थना ला शुनी आई हौतैन ला नाश नौकौरुन्दौ । ![](https://cdn.door43.org/obs/jpg/360px/obs-en-13-13.jpg) तै पिछांए का मूसा सीनै पौर्बत का तोल उतरुन्दौ। मूसा हौसौ दुई जान्टी रौ पटिया हौर सी थयौ जिज गाश परमात्मा ऐ दौश हूकुम हौर ला लिखी थयौ। तै हौतिनै हौसौ मुर्ति ला दैखी। हौतिन ला हौतैग रोश आव कि हौतिनै हौसौ पटिया हौर ला भानी बैजुन्दौ। ![](https://cdn.door43.org/obs/jpg/360px/obs-en-13-14.jpg) तै मूसा ऐ हौसौ मूर्ति ला पिशी हौतिज रौ बूर जुरयाऊन्दौ, आई हौसौ बूर ला पानी कै मिलायाई हौसौ मानुषा ला हौसौ पानी जुटाऊन्दौ। परमात्मा ऐ हौसौ मानुषा गाश ऐक आफौत बैजुन्दौ आई हौतैनै माझ का बादौ मानुष मौरुन्दै। ![](https://cdn.door43.org/obs/jpg/360px/obs-en-13-15.jpg) जुन पटिया हौर ला मूसा ऐ बानी थयौ हौतिज रौ जागा कै मूसा ऐ हौसौ दौश हूकुम हौर ऱौ जान्टी रौ नौऊवौ पटिया हौर ला जुरयाई। तै हौसौ फिरी पौर्बत गाश नाशुन्दौ आई प्रार्थना कौरुन्दौ कि परमात्मा हौसौ मानुषा ला माफ कौरनौ चान्दौ। परमात्मा ऐ मूसा रौ शुनी आई हौतैन ला माफ कौरुन्दौ। नौऊवौ पटिया हौर गाश दौश हूकुम हौर ला गिनुई मूसा पौर्बत का तोल आछुन्दौ। तै परमात्मा सीनै पौर्बत का वायदा रौ देश सेग इस्राएल रौ मानुषा का आंमाए आंमाए हान्डुदौ। *निर्गमन पाठ19-34 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_13_128kbps.m4a ## 14. इस्त्राइली मानुष हौर रौ दुई बिशौ बौरौश सेग जांगाल कै भाटकानौ। https://openbiblestories.org/l/tpq/story-14/ ![](https://cdn.door43.org/obs/jpg/360px/obs-en-14-01.jpg) परमात्मा ऐ इस्राएल रौ मानुषा ला हौसौ नियम हौरला बौलनौ बौन्द कौरी जिररौ हौतिनै सी कौरुन्दौ समझौता रौ कारण ऐ पालन कौरनौ स्या थयौ । तै हौतिनै सीनै पौर्बत का आंमाए हौतैन का आंगमाए-आंगमाए हान्डुन्दौ। हौसौ हौतैन ला प्रतिज्ञा रौ देश कै निनौ चाएन थयौ। हौई देश ला कनान बी बौलदै थै। परमात्मा झुं रौ खम्बा कै हौतैन का आंमाए -आंमाए हान्डुदौ, आई हौतैनै हौतिन रौ पिछांए- पिछांऐ हान्डुदै। ![](https://cdn.door43.org/obs/jpg/360px/obs-en-14-02.jpg) परमात्मा ऐ अब्राहम, इसहाक आई याकुब सी वायदा कौरी थयौ कि हौसौ वायदा रौ हौसौ देश हौतैन रौ वंशज हौर ला देस, पौर ईम्बरी हौतिन्चै बादौ जाति थाकैन थै। हौतैन ला कनानी बौलदै थै। हौई कनानी मानुषा परमात्मा रौ अराधना नौकौरदै थै आई हौतिन ऱौ हूकुम ला नौमौन्यादै थै। हौतैनै जाली देव हौर रौ अराधना कौरदै थै आई बादौ मारे काम खौटदै थै। ![](https://cdn.door43.org/obs/jpg/360px/obs-en-14-03.jpg) परमात्मा ऐ इस्राएल रौ मानुषा ला बौलुन्दौ, “जैतरै तोमोरी हौसौ समझौता रौ देश कै नाशसौ तै हौतिनचै रै सैब कनानी हौर का छुट्यो।” हौतैन सी समझौता नौकौरयो आई हौतैन सी शादी नौकोरयो। तोमोर ला हौतैन रौ सैब मुर्ति हौर ला बानि बैजनौ स्यास। आगार तोमोरी मैरौ हूकुम नौमौन्यासौ, तै तोमोरी मैरौ बजाए हौतैन रौ देव हौररौ अराधना कौरसौ।” ![](https://cdn.door43.org/obs/jpg/360px/obs-en-14-04.jpg) जैतरै इस्राएल रौ मानुषा कनान रौ सीमांग गाश पोछै, मूसा ऐ इस्राएल रौ सैब खानदान का ऐक -ऐक कौरी बारा मानुषा ला चुन्याई। हौतिनै हौतैन ला नाशिन्दै हौसौ देश रौ बातै जान्नौ हूकुम दैऊन्दौ कि हौसौ देश कैनौस। हौतैन ला हौसौ कनानी हौररौ बारे ए बी जान्नौ थयौ कि हौतैनै ताकतस्या या कामजोर सा। ![](https://cdn.door43.org/obs/jpg/360px/obs-en-14-05.jpg) हौसौ बारा मानुषा ऐ पुरा कनान बाति दुईबिशौ दयार हान्डुदै आई फिरी हौतैनै वापिस आछुन्दै। हौतैनोरिए मानुषा ला बौलुन्दौ, “हौसौ देश वाल उपजाऊस आई बादौ नाज हौरिस!” पौर दौश जासूस हौरिए बौलुन्दौ। “हौतैन रौ इलाका बादौ पाकास आई हौसौ मानुषा हाट्टा-गाट्टा सा! आगार तामोरी हौतैन गाश हमला कौरता, तै पाका हौतैनै तामोर ला हरायासा आई तामोर ला मारी बैजसा।” ![](https://cdn.door43.org/obs/jpg/360px/obs-en-14-06.jpg) हौतरै कालेब आई यहौशू आई दूई आईक मानुषा ऐ बौलुन्दौ, “हौई दिमांग बातैस कि कनान रौ मानुषा उशटै सी ताकतस्या सा, पौर तामोरी पाका हौतैन ला हरायाई बौल्दै! परमात्मा तामोर रौ तैईए लौसैस!” ![](https://cdn.door43.org/obs/jpg/360px/obs-en-14-07.jpg) पौर मानुषा ऐ कालेब सी यहोशू रौ नुशूनी। हौतैनोरिए मूसा सी हारुन गाश रोश गारी आई बौली, “तुमबी ऐ हामोर ला हौई कौचरौ जागा गाश क्यु आनौ? तामोरी मिस्र ऐ थाकत़ा ठीक थयौ। आगार तामोरी हौई देश कै नाशता तै तामोरी लडाई कै मौरदे, आई कनान रौ मानुषा तामोर रौ देन हौर ला आई छौकुर पैरै ला गुलाम जुरयान्दै।” हौसौ मानुषा आपोर ला वापिस मिस्र निमै तैईए ऐक आईक आंमाए हांडदौ ला चुननौ चाएन थै। ![](https://cdn.door43.org/obs/jpg/360px/obs-en-14-08.jpg) जैतरै हौसौ मानुषा ऐ हौयौ बौलौ तै परमात्मा वाल रोशे थयौ। हौसौ मैठिनौ डेरा कै आछुन्दौ आई बौलुन्दौ,“तोमोरिए मैरो खिलाप बगावत कौरुन्दौस, हौतिर रौ तैईए तोमोरी सैब ला हौई जांगाल कै भाटकानौ फिरैस। सैबे जून बीश बौरौश या हौतिज का बौदी ऊमौर रौस हौतिनचै मौरैस आई कैतरै हौसौ देश कै नाशी नौबौला जि हांऊ तोमोर ला दिसु। ऐखो कालेब सी यहोशू हौतिन्चै नाशसा।” ![](https://cdn.door43.org/obs/jpg/360px/obs-en-14-09.jpg) जैतरै मानुषा ऐ परमात्मा ला हौयौ बौलनौ शुनौ, तै हौतैनै दुखी फिरुन्दै क्यु बौलता हौतैनोरिए पाप खौटी थयौ। हौतिर रौ तैईए हौतैनोरिए कनान रौ मानुषा गाश हमला कौरनौ सुनचुई। मूसा ऐ हौतेन ला नौन्छमै ला चेतावनी दैऊन्दौ क्यु बौलता परमात्मा हौतैन सी नौन्छदौ स्या, पौर हौतैनोरिए हौतिन रौ नुशूनी। ![](https://cdn.door43.org/obs/jpg/360px/obs-en-14-10.jpg) परमात्मा हौई लडाई कै हौतैन सी नौनछी थयौ, हौतिर रौ तेईए कनान रौ मानुषा ऐ हौतैन ला हरायाई आई हौतैन माज बादौ ला मारी बैजुन्दौ। तै इस्राएल रौ मानुषा कनान का वापिस फिरून्दै। आगे रौ दूई बिश बौरौश सैग , हौतैनै जांगाल कै औरू -पौरू भाटकाएसा। ![](https://cdn.door43.org/obs/jpg/360px/obs-en-14-11.jpg) एस्राएल रौ मानुषा रौ जांगाल कै भाटकानो रौ दूई बिश बौरौश काल, परमात्मा ऐ हौतैन रौ जरुरत हौर ला पुरा कौरी। हौतिनै हौतेन ला स्वर्ग का “मन्ना” बौलनौ रौटी दैऊन्दौ। हौतिनै बटेरो रौ टौलांग बी “जून कि डामचांग चौरखी थाकद” हौतैन रौ जागा कै भैजी ताकि हौतैन कै खामै ला मासांऊ हौएस। हौतादु काल,परमात्मा ऐ हौतैन रौ गाच्छौ सी चिन्दरी हौर ला फुटनौ का बौचाई जागुन्दौ। ![](https://cdn.door43.org/obs/jpg/360px/obs-en-14-12.jpg) हौनचै सेग कि परमात्मा ऐ हौतैन ला पिमै ला चमत्कार कौरी डौंक का पानी गारुन्दौ। पौर हौई सैब पिछु, इस्राएल रौ मानुषा ऐ परमात्मा रौ खिलाफ आई मूसा रौ खिलाफ शकेत कौरुन्दौ आई चौपरीऊन्दै। तै बी परमात्मा विश्वास रौ लायक थयौ। हौतिनै जि वायदा कौरी थयौ कि हौसौ अब्राहम, इसहाक, आई याकुब रौ वंशज हौर ला कौरैस हौतिनै हौसौ कौरी। ![](https://cdn.door43.org/obs/jpg/360px/obs-en-14-13.jpg) आई ऐक बैरै जैतरै हौतैन कै पानी नैथैव , परमात्मा ऐ मूसा ला बौली, “डौंक सी बातायु, आई हौतिज का पानी निकलैस।”पौर मूसा ऐ डौंक सी नाबातावी। बजाए हौर रौ, हौतिनै दूई बैरै बैरगा ऐ डौंक गाश ल्याई। हौई तरिका ऐ हौतिनै परमात्मा रौ बैजती कौरी। सैब ला पिमै तैईए डौंक का पानी ता निकलुन्दौ, पौर परमात्मा ला मूसा गाश रोश आच्छी। हौतिनै बौलुन्दौ,“ क्यु बौलता तैईए हौयौ खौटिस, हौतिज रौ तैईए तु प्रतिज्ञा रौ देश कै नाशी नौबौलै।” ![](https://cdn.door43.org/obs/jpg/360px/obs-en-14-14.jpg) जैतरै इस्राएल रौ मानुषा दूई बिशौ बौरौश सेग जांगलै भाटकाई थै, तै जुनै बी परमात्मा रौ खिलाफ पाप खौटी थयौ हौतैनै सैब मौरुन्दै थै। तै परमात्मा ऐ हौतैन ल फिरी हौसौ प्रतिज्ञा रौ देश रौ सिमांग सेग निऊन्दौ। ऐ मूसा बादौ बुडौ फिरी थयौ, हौतिज रौ तैईए परमात्मा ऐ मानुषा रौ अगुवाई कौरनौ कै हौतिन रौ सायता कौरमै ला यहोशू ला चुन्याऊन्दौ। परमात्मा ऐ मूसा सि हौई प्रतिज्ञा बी कौरी थयौ कि हौसौ ऐक दयार हौसौ मानुषा गाच्छै मुसा ज्यौवे ऐक भविष्य जानदौ भैजैस। ![](https://cdn.door43.org/obs/jpg/360px/obs-en-14-15.jpg) तै परमात्मा ऐ मूसा ला ऐक पौर्बत रौ चोटी गाश नाशमै ला बौलुन्दौ जिजै हौसौ वायदा रौ देश ला शाई बौलैस। मूसा ऐ हौसौ वायदा रौ देश ला शाई पौर परमात्मा ऐ हौतिन ला हौतिज कै नाशनौ हूकुम नैदैऊन्दौ। तै मूसा मौरुन्दौ, आई इस्राएल रौ मानुषा ऐ बिशौ दौश दयार सेग शोप जागुन्दौ। यहोशू हौतैन रौ नौऊवो अगुवा फिरुन्दौ। यहोशू ऐक बढिया अगुवा थयौ क्यु बौलता हौतिनै परमात्मा गाश बिश्वास जागी आई हौतिन रौ हूकुम ला मौन्याई। *निर्गमन पाठ 16-17;गिनती 10-14;20;27 व्यवस्थाविवरण 34 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_14_128kbps.m4a ## 15. प्रतिज्ञा रौ देश। https://openbiblestories.org/l/tpq/story-15/ ![](https://cdn.door43.org/obs/jpg/360px/obs-en-15-01.jpg) आखिर कै, ऐ हौसौ बेला आच्छी थयौ कि इस्राएल रौ मानुषा वायदा रौ देश, कनान के बितै फिरसा। हौसौ देश कै यरीहो नाव रौ ऐक नगर थयौ। हौतिर रौ रक्षा ला हौतिर रौ चारे बिलै वाल पाका बित हौरी थयौ। यहोशू ऐ हौसौ नगर कै दूई कूफिया हौर ला भैजुन्दौ। हौसौ नगर कै राहाब नाव री ऐक वेश्या थाकदी थी। हौतैसै हौई कूफिया हौर ला चोरुन्दौ, आई फिरी पिछांए का हौतैसै हौतैन ला नगर का बौची निकिलमै ला मौदत कौरुन्दौ। हौतैसै हौयौ हौतिर रौ तैईए कौरुन्दौ क्यु बौलता हौसौ परमात्मा कै विश्वास कौरदी थी। जैतरै इस्राएल रौ मानुषा यरीहो ला नष्ट कौरसा तै हौतैनोरिए राहाब सी हौतैस रौ पैरै रौ रक्षा कौरनौ वायदा कौरी थयौ। ![](https://cdn.door43.org/obs/jpg/360px/obs-en-15-02.jpg) इस्राएल रौ मानुषा ला वायदा रौ देश कै बितै फिरमै ला यरदन गार लांगनौ स्या थयौ। परमात्मा ऐ यहोशू ला बौलुन्दौ ,”याजक हौर ला आंगमाए नाशनौ भैज।” जैतरै याजक हौरिए यरदन गार कै आपरौ खुन्डी हौर ला जागौ तै पानी रौ धारा चौल्नौ बौन्द फिरुन्दौ, जिजै कि इस्राएल रौ मानुषा गार रौ आईक बिलै शुकौ जागा गाश पार नाशी बौल्सा। ![](https://cdn.door43.org/obs/jpg/360px/obs-en-15-03.jpg) हौसौ मानुषा ऐ यरदन गार पार कौरी तै परमात्मा ऐ यहोशू ला बौलुन्दौ कि यरीहो गाश हमला कौरमै त्यार थाकौ, बेशक हौसौ बादौ पाका नगर थयौ। परमात्मा ऐ हौसौ मानुषा ला बौलुन्दौ कि हौतैन रौ याजक हौरला आई सैना हौरला छौ दयारौ सेग हौसौ नगर रौ चारे बिलै हान्डनौ स्यास। हौतिर रौ तैईए याजक हौरीए आई सैना हौरिए हौयौए कौरुन्दौ। ![](https://cdn.door43.org/obs/jpg/360px/obs-en-15-04.jpg) तै सात दयार तादु, इस्राएल रौ मानुषा ऐ हौसौ नगर रौ चारे बिलै सात बैरै आई हान्डुदै। हौतैन नगर रौ चारै बिलै सात बैरै हान्डी पिछु, याजक हौरिए आपरौ तुहरी हौरला बाजाऊन्दौ आई सैना हौरिए वालजोरे काद गारुन्दौ। ![](https://cdn.door43.org/obs/jpg/360px/obs-en-15-05.jpg) तै यरीहो रौ चारे बिलै रौ बित डौलुन्दौ! ज्यौ परमात्मा ऐ हूकुम दैई थयौ इस्राएल रौ मानुषा ऐ नगर रौ सैब चिज ला नष्ट कौरुन्दौ। हौतैनोरिए ऐखो राहाब सी हौतिन रौ पैरै ला शौठयाऊन्दौ, जुन इस्राएल रौ मानुषा रौ भाग फिरी थै। जैतरै कनान थाकदै आईक मानुषा ऐ शुनौ कि इस्राएल रौ मनुषा ऐ यरीहो ला नष्ट कौरुन्दौस, तै हौतैनोरी डौरुन्दै कि इस्राएल रौ मानुषा हौतैनै गाश बी हमला कौरसा। ![](https://cdn.door43.org/obs/jpg/360px/obs-en-15-06.jpg) परमात्मा ऐ इस्राएल रौ मानुषा ला हूकुम दैई थयौ कि कनान कै थाकदै सया कुने बी जाति सी शान्ति समझौता नौकौरनौ सया। पौर गिबोनियो नाव रौ ऐक कनानी जाति ऐ यहोशू ला ठकायाऊन्दौ कि हौतैनै कनान का दूर ऐक जागा कै थाकदै सया सी। हौतैनोरिए यहोशू ला हौतैन सी शान्ति समझौता कौरनौ अर्जी कौरी। यहोशू सी आईक इस्राएल रौ अगुवा हौरिए परमात्मा ला नूपुछी कि हौतैन ला कि कौरनौ चान्दौ। हौररौ बजाए, हौतैनोरिए गिबोनिया हौरि सी शान्ति समझौता कौरुन्दौ। ![](https://cdn.door43.org/obs/jpg/360px/obs-en-15-07.jpg) त्रौन दयार पिछु, इस्राएल रौ मानुषा ला पौता लागुन्दौ कि गिबोनी मानुषा कनान ऐ थाकदै थै। हौतैन ला वाल रोश आछुन्दौ क्यु बौलता गिबोनिया हौरीए हौतेन ला धोखा दैई थयौ। पौर हौतैनोरिए हौतैन सी कौरुन्दौ हौसौ शान्ति समझौता ला कायम जागुन्दौ क्यु बौलता हौसौ परमात्मा रौ मुखुंमाए कौरून्दौ थयौ। तै ऐकछिब्या पिछु, कनान कै थाकदै ऐक आईक जाति, एमोरियो रौ राजा हौरिए शुनुन्दौ कि गिबोनी हौरिए इस्राएल रौ मानुषा सी शान्ति समझौता कौरुन्दौस, हौतिर रौ तैईए हौतैनोरिए आपरौ-आपरौ सैना हौर ला ऐक जुरयाई ऐक बौडौ सैना जुरयाऊन्दौ आई गिबोनी हौर गाश हमला कौरुन्दौ। गिबोनी हौरिए आपोर रौ मौदद कौरमै ला यहोशू गाच्छै ऐक काचा बैजुन्दौ। ![](https://cdn.door43.org/obs/jpg/360px/obs-en-15-08.jpg) हौई संदेश शुनी यहोशू ऐ इस्राएल रौ सैना ला कौठा कौरुन्दौ आई गिबोनी हौर गाछै पोछमै ला हौतैनै सारा राचा हान्डुदै। दौथी ब्याई पिछु हौतैनोरिए एमोरी हौररौ सैना ला हैरान कौरुन्दौ आई हौतैन गाश हमला कौरुन्दौ। ![](https://cdn.door43.org/obs/jpg/360px/obs-en-15-09.jpg) हौतादु परमात्मा इस्राएल रौ मानुषा रौ तैईए लौस्युन्दौ। हौतिनै एमोरी हौर ला डौराऊन्दौ आई हौतिनै बौडौ-बौडौ शौरु लागाई बादौ एमोरी सेना हौर ला मारी बैजुन्दौ। ![](https://cdn.door43.org/obs/jpg/360px/obs-en-15-10.jpg) परमात्मा ऐ दयुस ला बी आसमान कै ऐक जागा गाश रुक्याऊन्दौ जिजै इस्राएल रौ मानुषा ला बतेरा बेला पौरैस कि एमोरी सेना हौर ला कताई हरायाई बैजसा। हौतादु, परमात्मा ऐ इस्राएल रौ मानुषा ला ऐक बौडौ जीत पायाउन्दौ। ![](https://cdn.door43.org/obs/jpg/360px/obs-en-15-11.jpg) जैतरै परमात्मा ऐ हौसौ सैना हौर ला हरायाई पिछु, बादौ कनानी जाति रौ मानुषा इस्राएल गाश हमला कौरमै तैईए कौठा फिरुन्दै। यहोशू सी इस्राएल रौ मानुषा ऐ हमला कौरी हौतैन रौ सर्वनाश कौरुन्दौ। ![](https://cdn.door43.org/obs/jpg/360px/obs-en-15-12.jpg) हौई लडाई हौरी पिछु, परमात्मा ऐ इस्राएल रौ सैब खानदान ला वायदा रौ हौसौ देश कै हौतैन रौ हिसा दैऊन्दौ। तै परमात्मा ऐ इस्राएल ला हौतिज रौ सैब सिमांग गाश शान्ति दैऊन्दौ। ![](https://cdn.door43.org/obs/jpg/360px/obs-en-15-13.jpg) जैतरै यहोशू बुडौ फिरौ तै हौतिनै इस्राएल रौ सैब मानुषा ला कौठा बैदुन्दौ। तै यहोशू ऐ हौसौ मानुषा ला याद दिलायाई कि हौतैनोरिए हौसौ समझौता ला मौन्यामै वायदा कौरी थयौ जून परमात्मा ऐ हौतैन सी सीनै पोर्बत गाश कौरी थयौ। हौसौ मानुषा ऐ परमात्मा रौ प्रति विश्वास जागमै आई हौतिन रौ व्यवस्था हौर ला मौन्यामै ला वायदा कौरी। *यहोशू पाठ 1-24 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_15_128kbps.m4a ## 16. छुडायान्दै स्या। https://openbiblestories.org/l/tpq/story-16/ ![](https://cdn.door43.org/obs/jpg/360px/obs-en-16-01.jpg) यहोशू मौरी पिछु इस्राएल रौ मानुषा ऐ परमात्मा रौ हूकुम नौमौन्याई। हौतैनोरिए परमात्मा रौ नियम हौररौ पालन नौकौरी,आई हौतैनोरिए हौसौ समझौता रौ देश का बौचुन्दै कनानी हौरला बाए नागारुन्दौ। इस्राएल रौ मानुषा ऐ आपरौ सौचौ परमात्मा, यहोवा ला शौठयाई कनानी हौररौ देव हौररौ पुजापाट कौरनौ शुरु कौरुन्दौ। इस्राएल रौ मानुषा कै कुने राजा नाई थै, हौतिर रौ तैईए सेबे आपरौ मौन मौरजी रौ काम खौटैन थै। ![](https://cdn.door43.org/obs/jpg/360px/obs-en-16-02.jpg) परमात्मा रौ हूकुम ला नौमौन्याई इस्राएल रौ मानुषा ऐ ऐक रिवाज ला शुरु कौरुन्दौ जिल्ला बादौ बैरै दौरायाऊन्दौ थयौ। हौई रिवाज हौयौ चौली: बादौ बौरौश सेग इस्राएल रौ मानुषा परमात्मा रौ हूकुम नौमौन्यांदै थै, तै परमात्मा हौतैन ला हौतैन रौ दुश्मौन हौर का हरायाई सजा दैंदौ थयौ। हौई दुश्मौन इस्राएल रौ मानुषा का हौतैन रौ चीज हौरला लूटयान्दै थै, हौतैन रौ जायदाद ला नष्ट कौरदै थै, आई हौतैन माज बादौ ला मारी बैजुन्दौ । फिरी जैतरै इस्राएल रौ मानुषा रौ दुश्मौन हौतैन गाश बादौ बौरौश सेग अत्याचार कौरैन थै, हौतिज पिछु इस्राएल रौ मानुषा आपरौ पाप हौररौ पश्चाताप कौरदै थै आई परमात्मा का आपोर ला बौचामै ला प्रार्थना कौरदै थै। ![](https://cdn.door43.org/obs/jpg/360px/obs-en-16-03.jpg) सौदा जैतरै इस्राएल रौ मानुषा पश्चाताप कौरदै थै तै परमात्मा हौतैन ला बौचान्दौ थयौ। हौसौ ऐक छुडायान्दै स्या रौ जरिया ऐ हौयौ कौरदौ थयौ – ऐक हौयौ मानुष जुन हौतैन रौ दुश्मौन हौररौ खिलाफ लौसिन्दौ थयौ आई हौतैन ला हरायान्दौ थयौ। तै देश कै शान्ति फिरदौ थयौ आई हौसौ छुडायान्दौ स्या हौतैन गाश बढिया राज कौरैस। परमात्मा ऐ हौसौ मानुषा ला बौचामै ला बादौ छुडायान्दै स्या ला बैजुन्दौ। परमात्मा ऐ नेर रौ ऐ ऐक दुश्मौन जाति, मिघानी हौररौ जरिया ऐ इस्राएल रौ मानुषा ला हरायाई फिरी हौयौ कौरुन्दौ। ![](https://cdn.door43.org/obs/jpg/360px/obs-en-16-04.jpg) मिघानी हौरिए सात बौरौश सेग इस्राएल रौ मानुषा रौ नाज हौरला लुटयाऊन्दौ। इस्राएल रौ मानुषा वाल डौरी थै, आई हौतैनोरी गुफा हौरकै चोरिऊन्दै ताकि मिघानी हौरी हौतैन ला नैदैखा। आखिरकार, हौतैनोरिए आपोर ला बौचामै ला परमात्मा का प्रार्थना कौरुन्दौ। ![](https://cdn.door43.org/obs/jpg/360px/obs-en-16-05.jpg) गिदोन नाव रौ ऐक इस्राएल रौ मानुष थयौ। ऐक दयार, हौसौ ऐक गुप्त जागा कै गेहूँ फानैन थयौ ताकि मिघानी हौरी हौतिज ला चोरि नौबौला। यहोवा रौ स्वर्गदूत ऐ गिदोन गाछै आछी हौतिन ला बौलुन्दौ, “हे शूरवीर सूरमा, परमात्मा तांऊसी स। नाश आई इस्राएल रौ मानुषा ला मिघानी हौरका बौचाव।” ![](https://cdn.door43.org/obs/jpg/360px/obs-en-16-06.jpg) गिदोन रौ बा गाछै मूर्ति ला समर्पित ऐक वेदी थयौ। सेबका पहला बातै जुन परमात्मा ऐ गिदोन ला कौरमै ला बौली हौई हौसौ वेदी ला बान्नौ स्या थयौ। पौर गिदोन मानुषा का डौरदौ थयौ, हौतिर रौ तैईए हौतिनै राच फिरनौ पौखुन्दौ। तै हौतिनै हौसौ वेदी ला बानि टुकडा-टुकडा कौरुन्दौ। हौतिनै परमात्मा ला ऐक नौऊवो वेदी जुरयाऊन्दौ आई हौतिज गाश परमात्मा ला बलि चढायाऊन्दौ। ![](https://cdn.door43.org/obs/jpg/360px/obs-en-16-07.jpg) आईक दौथी मानुषा ऐ शाव कि कुनै ता वेदी ला बानि टुकडा-टुकडा कौरुन्दौस, हौतिर रौ तैईए हौतैनै वाल रोशै थै। हौतैनै गिदोन ला मारी बैजमै ला हौतिन रौ घौरै नाशी, पौर गिदोन रौ बा ऐ बौली, “तोमोरी क्यु आपरौ देव रौ मौदद कौरनौ कोशिश कौरैन सौ? आगर हौसौ देव स तै हौतिन ला आपरौ रक्षा आपु कौरनौ बैज!” क्यु बौलता हौतिनै हौयौ बौलौ हौतिर रौ तैईए मानुषा ऐ गिदोन ला नामारुन्दौ। ![](https://cdn.door43.org/obs/jpg/360px/obs-en-16-08.jpg) तै इस्राएल रौ मानुषा ला लूटयामै ला मिघानी हौरी फिरी आछुन्दै। हौतैनै हौतेग थै कि हौतैन ला गौनी बि नौबौल्नौ स्या थयौ। गिदोन ऐ हौतैन रौ खिलाफ लौसिमै ला इस्राएल रौ मानुषा ला कौठा बेदुन्दौ। गिदोन ऐ परमात्मा का दुई निशानी हौररौ मांग कौरुन्दौ ताकि हौतिन ला विश्वास फिरैस कि परमात्मा दिमांग ऐ हौतिन ला इस्राएल ला बौचामै ला बौलैन स। ![](https://cdn.door43.org/obs/jpg/360px/obs-en-16-09.jpg) पहला निशानी रौ तैईए, गिदोन ऐ बैरै रौ ऊन ला माटी गाश जागी परमात्मा ला बौलुन्दौ कि दौथी रौ ओस ऐखो बैरै रौ हौसौ ऊन गाश आछनौ चान्दौ आई माटी गाश नाछनौ चान्दौ। परमात्मा ऐ हौयौ ऐ कौरुन्दौ। आईक राच, हौतिनै परमात्मा ला बौलुन्दौ कि माटी सिनौ फिरनौ चान्दौ पौर बैरै रौ ऊन शुकौ थाकनौ चान्दौ। परमात्मा ऐ हौयौ ऐ कौरुन्दौ। हौई दुई निशानी रौ कारण ऐ, गिदोन ऐ विश्वास कौरुन्दौ कि परमात्मा दिमांग ऐ चाएन स कि हौसौ इस्राएल रौ मानुषा ला मिघानी हौरका बौचाए। ![](https://cdn.door43.org/obs/jpg/360px/obs-en-16-10.jpg) तै गिदोन ऐ सैना हौरला आप गाछै बेदुन्दौ आई 32,000 मानुष आछुन्दै। पौर परमात्मा ऐ हौतिन ला बौलुन्दौ कि हौई बादौ सा। हौतिर रौ तैईए गिदोन ऐ हौतैनै सेब 22,000 ला घौरै वापिस बैजुन्दौ जून लौसिनौ का डौरदै थै। परमात्मा ऐ गिदोन ला बौलुन्दौ कि हौई मानुषा ईम्बरी बी बादौ थै। हौतिर रौ तैईए गिदोन ऐ 300 सैना हौरला शौठयाई हौतैन सेब ला घौरै बैजुन्दौ। ![](https://cdn.door43.org/obs/jpg/360px/obs-en-16-11.jpg) हौतादु राच परमात्मा ऐ गिदोन ला बौलुन्दौ, “मिघानी हौररौ छावनी कै नाश आई हौतैन ला बातै बाताईनौ शुन। जैतरै तु शुनसै कि हौतैनै की बातै बाताएन सा तै तु हौतैन गाश हमला कौरनौ का नौडौरदौ।” हौतिर रौ तैईए हौतादु राच, गिदोन तोल हौतैन रौ छावनी कै नाशुन्दौ आई हौतिनै एक मिघानी सैना ला आपरौ कौनैस ला हौसौ बातै बौलनौ शुनी जुन हौतिनै सिऊनै कै दैखी थयौ। हौसौ मानुष रौ कौनैस ऐ बौलुन्दौ, “हौई सिऊनै रौ मौतलबस कि गिदोन रौ सैना तामोरी मिघानी सैना ला हरायाई बैजसा!” जैतरै गिदोन ऐ हौई शुनौ तै हौतिनै परमात्मा रौ स्तुति कौरून्दौ। ![](https://cdn.door43.org/obs/jpg/360px/obs-en-16-12.jpg) तै गिदोन आपरौ सैना हौर गाछै वापिस आछुन्दौ आई हौतैनै सेब ला एक-एक नरसिंगा,एक माटी रौ बान्दरू, आई एक मशाल दैऊन्दौ। हौतैनोरिए हौसौ छावनी ला घेरयाऊन्दौ जिन्चै मिघानी सैना सुती थै। गिदोन रौ 300 सैना हौरिए आपरौ मशाल हौरला बान्दरू हौरिए बुदी थयौ हौतिर रौ तैईए मिघानी हौरिए मशाल हौर रौ प्याशौ ला नैदैखी थयौ। ![](https://cdn.door43.org/obs/jpg/360px/obs-en-16-13.jpg) तै गिदोन रौ सेब सैना हौरिए आपरौ बान्दरु हौरला एक बैरै ए बानि अचानक ए मशाल हौररौ आग ला प्रकट कौरुन्दौ। हौतैनोरिए आपरौ नरसिंग हौरला बाजाऊन्दौ आई जिंगायुन्दै,“यहोवा रौ आई गिदोन रौ डांगरौ!” ![](https://cdn.door43.org/obs/jpg/360px/obs-en-16-14.jpg) परमात्मा ऐ मिघानी हौरला डौराऊन्दौ, हौतिर रौ तैईए हौतैनै आपु माज मारैन-काटैन थै। हौतरे, गिदोन ऐ काचा हान्डादै स्या ला बादौ आईक इस्राएल रौ मानुषा ला मिघानी हौररौ पीछा कौरमै ला हौतैन रौ मौदद कौरमै ला बेदमै ला बैजुन्दौ। हौतैनोरिए हौतैन माज का बादौ ला मारी बैजुन्दौ आई बाकी ला पीछा कौरी हौतैन ला इस्राएल देश का बाए गारी बैजुन्दौ। हौतादु 1,20,000 मिघानी मौरुन्दै। हौयौए परमात्मा ऐ इस्राएल ला बौचाऊन्दौ। ![](https://cdn.door43.org/obs/jpg/360px/obs-en-16-15.jpg) हौतैनै गिदोन ला आपरौ राजा जुरयानौ चाएन थै, पौर गिदोन ऐ हौतैन ला हौयौ कौरमै नैदैऊन्दौ, पौर हौतिनै हौतैन का हौसौ सुनौ रौ जेवर मांगुन्दौ जून हौतैनै सेब ऐ मिघानी हौरका लुटयाई थयौ। हौतैनोरिए गिदोन ला ग्याक सुनौ दैऊन्दौ। ![](https://cdn.door43.org/obs/jpg/360px/obs-en-16-16.jpg) तै गिदोन ऐ हौसौ सुनौ रौ एक खास गाछौ जुरयाऊन्दौ जैव कि महायाजक बिदिन्दै थै। पौर मानुषा ऐ हौतिन रौ उपासना कौरनौ शुरु कौरुन्दौ जैव कि हौसौ एक मूर्ति स। तै परमात्मा ऐ फिरी इस्राएल रौ मानुषास ला सजा दैऊन्दौ क्यु बौलता हौतैनोरिए मुर्ति रौ उपासना कौरी थयौ। परमात्मा ऐ हौतैन रौ दुशमौन हौरला हौतैन ला हरायामै ला सक्षम कौरुन्दौ। आखिरकार हौतैनोरिए फिरी परमात्मा का मौदद कौरमै ला प्रार्थना कौरुन्दौ, आई परमात्मा ऐ हौतैन गाछै हौतैन ला बौचामै ला एक आईक छुडायान्दौ स्या ला बैजुन्दौ। ![](https://cdn.door43.org/obs/jpg/360px/obs-en-16-17.jpg) हौईए बातै बादौ बैरै बितुन्दौ: इस्राएल रौ मानुषा पाप कौरसा, परमात्मा हौतैन ला सजा दैस, हौतैनै पश्चाताप कौरसा, आई परमात्मा हौतैन ला छुडायामै ला कास-कास ला भैजैस। बादौ बौरौश सेग, परमात्मा ऐ बादौ छुडायान्दै स्या ला भैजुन्दौ जुनै इस्राएल रौ मानुषा ला हौतैन रौ दुशमौन हौरका बौचाऊन्दौ। ![](https://cdn.door43.org/obs/jpg/360px/obs-en-16-18.jpg) आखिरकार, हौतैनोरिए आईक्या देश हौररौ काथा परमात्मा का आपोर ला एक राजा रौ मांग कौरुन्दौ। हौतैनै एक हौयौ राजा चाएन थै जुन ऊशटौ आई शक्ति स्या हौएस, आई जुन लडाई कै हौतैन रौ अगुवाई कौरी बौलैस। परमात्मा ला हौई निवेदन पसंद नाछी, पौर हौतिनै हौतैन ला हौत्यौ राजा दैऊन्दौ जैव हौतैनोरिए मांग कौरी थयौ। *न्यायियो पाठ 1-3; 6-8;1 शमूएल 1-10 का एक बाइबल रौ कोथा* Audio: https://git.door43.org/OBS-TLF/tpq_obs/releases/download/v1/tpq_obs_v1_16_128kbps.m4a ## 17. दाऊद सी परमात्मा रौ वायदा। https://openbiblestories.org/l/tpq/story-17/ ![](https://cdn.door43.org/obs/jpg/360px/obs-en-17-01.jpg) शाऊल इस्राएल रौ पहला राजा थयौ। हौसौ ऊशटो आई शारो थयौ, जयौ हौसौ मानुषा चाएन थै बिलकुल हौत्यौ। इस्राएल गाश आपरौ राज रौ पहले-पहले बौरौश कै शाऊल ऐक बडिया राजा थयौ। पौर पिछांए का हौसौ ऐक दुष्ट मानुष फिरुन्दौ जुनै परमात्मा रौ बातै हौरला नौमौन्याऊन्दौ, हौतिर रौ तैईए परमात्मा ऐ ऐक आईक मानुष ला चुनयाऊन्दौ जून ऐक दयार हौतिन रौ जागा कै राजा फिरैस। ![](https://cdn.door43.org/obs/jpg/360px/obs-en-17-02.jpg) परमात्मा ऐ दाऊद नाव रौ ऐक जवान एस्राएली मानुष ला चुनायाई ऐक दयार शाऊल रौ जागा कै राजा फिरमै ला त्यार कौरनौ शुरु कौरुन्दौ। दाऊद बैतलहम नगर रौ ऐक पालैस थयौ। बादौ बैरै, दाऊद ऐ शैर सी रीक दुईए ला मारी बैजुन्दौ थयौ क्यु बौलता दाऊद ऐ रखवाली कौरदी बैरै हौतिन रौ बा रौ बैरै हौर गाश हौतैनोरिए हमला कौरी थयौ। दाऊद ऐक बौलौ आई धर्मी मानुष थयौ। हौतिनै परमात्मा गाश विश्वास कौरुन्दौ आई हौतिन रौ बातै हौरला मौन्याऊन्दौ। ![](https://cdn.door43.org/obs/jpg/360px/obs-en-17-03.jpg) जैतरै दाऊद ईमबरी जवान मानुष ऐ थयौ, हौतिनै ऊशटौ-बिंऊलौ गोलियत रौ खिलाफ लडाई कौरुन्दौ। गोलियत ऐक बादौ बडिया सैना थयौ। होसौ बादौ पाका आई लगभग त्रौन मिटौर ऊशटौ थयौ! पौर परमात्मा ऐ गोलियत ला मारमै आई इस्राएल ला बौचानौ कै दाऊद रौ मौदद कौरुन्दौ। हौतिज पिछु , दाऊद ऐ इस्राएल रौ दुशमौन हौर गाश बादौ बैरै विजय पायाऊन्दौ। दाऊद ऐक बौडौ सैना फिरुन्दौ, आई हौतिनै बादौ लडाई हौरकै इस्राएली सैना रौ अगुवाई कौरुन्दौ। मानुषा ऐ हौतिन रौ बादौ तारिफ कौरुन्दौ। ![](https://cdn.door43.org/obs/jpg/360px/obs-en-17-04.jpg) मानुषा ऐ दाऊद सी हौतेग प्यार कौरुन्दौ कि शाऊल हौतिन का ईर्श्या कौरैन थयौ। आखिरकार शाऊल हौतिन ला मारी बैजनौ चाएन थयौ, हौतिज रौ तैईए दाऊद हौतिन का आई हौतिन रौ सैना हौरका चौरिमै ला जांगलै ठुरुन्दौ। ऐक दयार, जैतरै शाऊल आई हौतिन रौ सैना दाऊद ला लोरेन थै तै शाऊल ऐक गुफा कै नाशुन्दौ। हौई हौसौए गुफा थयौ जिजकै दाऊद चोरुई थयौ, पौर शाऊल ऐ हौतिन ला नैदैखुन्दौ। दाऊद शाऊल पिंछाए हौतिन रौ बादौ नेर नाशुन्दौ आई हौतिन रौ गाच्छौ का ऐक टुकरा काटुन्दौ। पिछांए का, जैतरै शाऊल हौसौ गुफा का निकलौ तै दाऊद ऐ हौतिन ला बेदी हौसौ काटुन्दौ गाच्छौ रौ टुकरा ला दैखाऊन्दौ। हौई तरीका ऐ, शाऊल ऐ जानौ कि दाऊद ऐ राजा फिरमै ला हौतिन ला मारी बैजनौ का मना कौरुन्दौस। ![](https://cdn.door43.org/obs/jpg/360px/obs-en-17-05.jpg) ऐक छिब्या पिछु, शाऊल लडाई कै मौरुन्दौ, आई दाऊद इस्राएल रौ राजा फिरुन्दौ। हौसौ ऐक बडिया राजा थयौ, आई मानुषा ऐ हौतिन सी प्रेम जागुन्दौ। परमात्मा ऐ दाऊद ला आशिरवाद दैऊन्दौ आई हौतिन ला सफल जुरयाऊन्दौ। दाऊद ऐ बादौ लडाई कौरुन्दौ, आई परमात्मा ऐ इस्राएल रौ दुश्मन हौरला हरायामै हौतिन रौ मौदद कौरुन्दौ। दाऊद ऐ यरुशलेम नगर ला जितवी हौतिज ला आपरौ राजधानी जुरयाऊन्दौ, जिन्चै हौसौ थाकुन्दौ आई राज कौरुन्दौ। दाऊद दुई बिशौ बौरौश सेग राजा थाकुन्दौ। हौतादु काल, इस्राएल सामर्थवान सी धनवान फिरुन्दो। ![](https://cdn.door43.org/obs/jpg/360px/obs-en-17-06.jpg) दाऊद ऐक मंदिर जुरयानौ चाएन थयौ जिनचै सैब इस्राएली परमात्मा रौ अराधना कौरी बौल्सा आई हौतिन ला बलिदान दैई बौल्सा। लगभग चार रा बौरौश सेग, हौसौ मानुषा मूसा रौ जुरयाऊन्दौ मैठिनौ डेरा कै परमात्मा रौ अराधना कौरैन थै आई हौतिन ला बलिदान दैन थै। ![](https://cdn.door43.org/obs/jpg/360px/obs-en-17-07.jpg) पोऱ हौतिनचै नातान नाव रौ ऐक भविष्य जान्दौ थयौ। परमात्मा ऐ हौतिन ला दाऊद ला हौई बौल्मै भैजी:“ तैईए बादौ लडाई खौटुंदौस, हौतिर रौ तैईए तू मैरौ तैईए हौई मन्दिर नूजुरयाए। हौई तैरौ छैल्डू जुरयाएस। तैबी, हांउ तांऊला बादौ आशिरवाद दिसु। तैरौ ऐक वंशज सौदा ला मैरौ मानुषा गाश राजा रौ रु कै राज कौरेस।” सौदा ला राज कौरदौ स्या हौसौ दाऊद रौ ऐकलौता वंशज मसीहस। मसीह परमात्मा रौ चुनुदौ मानुष थयौ जून संसार रौ मानुषा ला हौतैन रौ पाप हौरका बौचाएस। ![](https://cdn.door43.org/obs/jpg/360px/obs-en-17-08.jpg) जैतरै दाऊद ऐ नातान रौ संदेश ला शुनौ तै हौतिनै परमात्मा रौ धन्यवाद कौरुन्दौ आई हौतिन रौ पुजापाट कौरुन्दौ। परमात्मा हौतिन रौ प्रतिष्ठा ला बौडायाएन थयौ आई होतिन ला बादौ आशिरवाद दैन थयौ। बेशक, दाऊद नाजान्दौ थयौ कि परमात्मा हौई बाते हौरला कैतरै कौरैस। ईमबरी तामौरी जान्दै कि इस्राएल रौ मानुषा ला बादौ बौरौश सेग लगभग हजार बौरौश सेग मसीह आछनौ पौखनौ स्या। ![](https://cdn.door43.org/obs/jpg/360px/obs-en-17-09.jpg) दाऊद ऐ बादौ बौरौश सेग न्याय सी आपरौ मानुषा गाश राज कौरुन्दौ। हौतिनै बादौ निछौल ऐ परमात्मा रौ बातै हौरला मौन्याऊन्दौ आई परमात्मा ऐ हौतिन ला आशिरवाद दैऊन्दौ। बल्कि, हौतिनै आपरौ जिन्दगी रौ अन्त कै परमात्मा रौ खिलाफ वाल कौचरौ पाप खौटुन्दौ थयौ। ![](https://cdn.door43.org/obs/jpg/360px/obs-en-17-10.jpg) ऐक दयार दाऊद ऐ आपरौ महल का बाय शाऊन्दौ आई ऐक शारे देन ला दौईनौ दैखुन्दौ। हौसौ हौतैस ला नौरौईन्दौ थयौ, पौर हौतिनै पौता कौरुन्दौ कि हौतैस रौ नाव बतशेबा थयौ। ![](https://cdn.door43.org/obs/jpg/360px/obs-en-17-11.jpg) आपरौ नजर ला हटायानौ रौ बजाए, दाऊद ऐ हौतैस ला आप गाछै आन्मै तैईए मानुष भैजुन्दौ। हौसौ हौतैस सी सुतुन्दौ आई हौतैस ला वापिस घौरे भैजुन्दौ। ऐक छिब्या पिछु बतशेबा ऐ हौई बौली दाऊद गाछै संदेश भैजुन्दौ कि हौसौ दुई डेसीस। ![](https://cdn.door43.org/obs/jpg/360px/obs-en-17-12.jpg) बतशेबा रौ पुंशा ऊरिय्याह नाव रौ ऐक मानुष थयौ। हौसौ दाऊद रौ बडिया सैना हौरमाज का ऐक थयौ। ईमबरी हौसौ लडाई कौरमै ला बाय नाशी थयौ। दाऊद ऐ ऊरिय्याह ला लडाई का वापिस बेदी हौतिन ला आपरौ देन सी थाकमै ला बौली। पौर आईक्या सैना लडाई कै थै हौतिर रौ तैईए ऊरिय्याह ऐ घौरै नाशनौ का मना कौरुन्दौ। तै दाऊद ऐ ऊरिय्याह ला वापिस लडाई कै भैजुन्दौ आई सेनापति ला हौतिन ला लडाई कै हौयौ जागा कै जागमै ला बौलुन्दौ जिन्चै दुश्मौन सैबका शक्तिशाली हौयस ताकि हौसौ मौरैस। तै हौयौ फिरुन्दौ कि ऊरिय्याह लडाई कै मौरुन्दौ। ![](https://cdn.door43.org/obs/jpg/360px/obs-en-17-13.jpg) ऊरिय्याह लडाई कै मौरी पिछु दाऊद ऐ बतशेबा सी शादी कौरुन्दौ। पिछांए का, हौतैसै दाऊद रौ छैलडु ला जौन्म दैऊन्दौ। दाऊद ऐ जि खौटौ हौतिज का परमात्मा वाल रोशै थयौ, हौतिर रौ तैईए हौतिनै नातान भविष्य जान्दौ ला दाऊद ला हौई बौलमै ला भैजुन्दौ कि हौतिन रौ पाप केत्तेग कौचरौ थयौ। दाऊद ऐ आपरौ पाप रौ पश्चाताप कौरुन्दौ आई परमात्मा ऐ हौतिन ला माफ कौरुन्दौ। आपरौ बाकि जिन्दगी कै , आपरौ काठौ दयारौ कै बी दाऊद परमात्मा रौ पिछांए-पिछांए हान्डुन्दौ आई हौतिन रौ बातै हौरला मौन्याऊन्दौ। ![](https://cdn.door43.org/obs/jpg/360px/obs-en-17-14.jpg) पौर दाऊद रौ छैल्डू मौरुन्दौ। हौई तरिका ऐ परमात्मा ऐ दाऊद ला सजा दैऊन्दौ। हौजरौ अलावा, दाऊद मौरैन सेग, हौतिन रौ आपरौ पैरै रौ ऐक्या मानुषा ऐ हौतिन रौ खिलाफ लडाई कौरुन्दौ, आई दाऊद रौ आपरौ शक्ति काम फिरी थयौ। पौर परमात्मा विश्वासयोग्य थयौ आई ईमबरी बी हौतिनै हौसौ कौरी जि हौतिनै दाऊद सि कौरनौ वादा कौरी थयौ कि हौसौ कौरैस , बेशक दाऊद ऐ हौतिन रौ आज्ञा नौमौन्याई थयौ। पिछांए का ,दाऊद सि बतशेबा रौ आईक छैल्डु फिरुन्दौ, आई हौतैनोरिए हौतिन रौ नाव सुलैमान जागी। *1 शमूएल पाठ 10; 15-19; 24; 31; 2 शमूएल 5; 7; 11-12 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_17_128kbps.m4a ## 18. बान्टुन्दौ इलाका। https://openbiblestories.org/l/tpq/story-18/ ![](https://cdn.door43.org/obs/jpg/360px/obs-en-18-01.jpg) दाऊद राजा ऐ दुई बिशौ बौरौश सेग राज कौरुन्दौ। तै हौसौ मौरुन्दौ,आई हौतिन रौ छैल्डु सुलैमान ऐ इस्राएल गाश राज कौरनौ शुरु कौरुन्दौ। परमात्मा ऐ सुलैमान सि बातै बातायुन्दौ आई हौतिन का पुछी कि हौसौ सेबका बौदी कि चान्दौस कि परमात्मा हौतिन ला कौरैस। सुलैमान ऐ परमात्मा का मांगुन्दौ कि हौसौ हौतिन ला बादौ बुध्दिमान जुरयाए। हौई बातै ऐ परमात्मा ला खुश कौरुन्दौ,हौतिर रौ तैईए परमात्मा ऐ सुलैमान ला संसार रौ सेबका बुध्दिमान मानुष जुरयाऊन्दौ। सुलैमान ऐ बादौ बातै हौरला शिखयुन्दौ आई हौसौ ऐक बुध्दिमान राजा थयौ। परमात्मा ऐ हौतिन ला बादौ धनवान बि जुरयाऊन्दौ थयौ। ![](https://cdn.door43.org/obs/jpg/360px/obs-en-18-02.jpg) यरुशलेम सुलैमान ऐ हौसौ मन्दिर ला जुरयाऊन्दौ जिररौ तैईए हौतिन रौ बा ऐ योजना जुरयाई थयौ आई सामान ला कौठा कौरी थयौ। ऐ मानुषा मैठिनौ डैरा रौ बजाए मन्दिर कै परमात्मा रौ अराधना कौरैन थै आई हौतिन ला बलि चढायांदै थै। परमात्मा आछिन्दै मन्दिर कै हाजिर थाकदौ थयौ,आई हौतिनचै हौसौ आपरौ मानुषा सि थाकदौ थयौ। ![](https://cdn.door43.org/obs/jpg/360px/obs-en-18-03.jpg) पौर सुलैमान ऐ आईक देश हौररौ देनीपैर सी प्यार कौरुन्दौ। हौतिनै बादौ लगभग ऐक हजार देनीपैर सी शादी कौरीन्दै परमात्मा रौ अवज्ञा कौरुन्दौ! हौतैन माज बादौ देनीपैरै आईक देश हौरका आछुन्दी आई आपसी आपरौ देव हौरला आनुन्दौ आई हौतेन रौ अराधना कौरनौ जारी जागुन्दौ। जैतरै सुलैमान बूढौ फिरौ तै हौतिनै बी हौतैन रौ देव हौररौ अराधना कौरुन्दौ। ![](https://cdn.door43.org/obs/jpg/360px/obs-en-18-04.jpg) हौररौ तैईए परमात्मा सुलैमान सी रोशे थयौ। हौतिनै बौलुन्दौ कि हौसौ इस्राएल देश ला दूई इलाका हौरकै बान्टी हौतिन ला डान्ड दैस। हौई सुलैमान मौरी पिछु हौयौ खौटैस। ![](https://cdn.door43.org/obs/jpg/360px/obs-en-18-05.jpg) सुलैमान मौरी पिछु,रहबाम राजा फिरुन्दौ। इस्राएल देश रौ सेब मानुषा हौतिन ला आपरौ राजा रौ रुप कै स्वीकार कौरमै ला ऐक सात कौठा फिरुन्दै। हौतैनोरिए रहबाम ला शिकायत कौरिन्दौ कि सुलैमान ऐ हौतैन का बादौ काठौ मैहनत कौरनौ भैजुन्दौ थयौ आई बादौ माम्ला मांगुन्दौ थयौ। हौतैनोरिए रहबाम ला अर्जी कौरुन्दौ कि हौतैन का कम काम खौटाए। ![](https://cdn.door43.org/obs/jpg/360px/obs-en-18-06.jpg) पौर रहबाम ऐ हौतैन ला बौडौ ऐ मूर्खता ऐ जवाब दैऊन्दौ, “तोमोरी बौलैन कि मैरो बा सुलैमान ऐ तोमोर का काठौ काम खौटाई। पौर हांऊ तोमोर का हौतिज का बी बौदी काठौ काम खौटासु, आई हांऊ तोमोर ला हौतिज का बी बौदी आसे कौरसु।” ![](https://cdn.door43.org/obs/jpg/360px/obs-en-18-07.jpg) जैतरै मानुषा ऐ हौतिन ला हौयौ बौलनौ शुनौ तै हौतैन माज का बादौ ऐ हौतिन रौ खिलाफ बलवा कौरुन्दौ। दौश खानदान हौरिए हौतिन ला शौठयाऊन्दौ; हौतिन सी ऐ ऐखौ दुई खानदान ऐ थाकुन्दै। हौई दुई खानदान हौरिए आपला यहूदा रौ इलाका बौलुन्दौ। ![](https://cdn.door43.org/obs/jpg/360px/obs-en-18-08.jpg) बाकी दौश खानदान हौरिए यारोबाम नाव रौ ऐक मानुष ला आपरौ राजा जुरयाऊन्दौ। हौई खानदान देश रौ उत्तर-पूर्वी भाग कै थै। हौतैनोरिए आपला इस्राएल रौ इलाका बौलुन्दौ। ![](https://cdn.door43.org/obs/jpg/360px/obs-en-18-09.jpg) पौर यारोबाम ऐ परमात्मा रौ खिलाफ बलवा कौरुन्दौ आई मानुषा का पाप खौटाऊन्दौ। हौतिनै आपरौ मानुषा का अराधना कौरमै ला दुई मुर्ति हौरी जुरयाऊन्दौ। हौतैनै ऐ यहूदा रौ इलाका कै यरुशलेम कै परमात्मा रौ मन्दिर कै हौतिन रौ अराधना कौरमै ला नौन्छुन्दै। ![](https://cdn.door43.org/obs/jpg/360px/obs-en-18-10.jpg) यहूदा सी इस्राएल रौ इलाका दुश्मौन फिरुन्दै आई सौदा आपुरी माज लौसैन थै। ![](https://cdn.door43.org/obs/jpg/360px/obs-en-18-11.jpg) इस्राएल रौ नौऊवो इलाका कै, सेबे राजा मारे थै। हौतैन माज का बादौ राजा हौतेन रौ जागा गाश राजा फिरनौ इच्छा जागदै स्या आईक इस्राएल रौ मानुषा रौ हात का मौरुन्दै थै। ![](https://cdn.door43.org/obs/jpg/360px/obs-en-18-12.jpg) इस्राएल इलाका रै सेबे राजा हौरिए आई बौदीभाग मानुषा ऐ मुर्ति हौररौ अराधना कौरुन्दौ। जैतरै हौतैनोरिए हौयौ खौटुन्दौ, तै हौतैनोरी सौदा वैश्या हौरसी सुतुन्दै आई हौन्चै सेग कि बादौ बैरै मुर्ति हौररौ मुखुंमाये छौकुर पैरैला बलि बि दैऊन्दौ। ![](https://cdn.door43.org/obs/jpg/360px/obs-en-18-13.jpg) यहूदा इलाका रै राजा,दाऊद ऱौ वंशज थै। हौई राजा हौर माज एक्या बौलै मानुष थै जुनै न्याय सी राज कौरुन्दौ आई परमात्मा रौ अराधना कौरुन्दौ। पौर यहूदा रै बौदीभाग राजा मारे थै। हौतैनोरीए मारे फिरी राज कौरुन्दौ,आई मुर्ति हौररौ पुजापाट कौरुन्दौ। हौन्चै सेग कि हौतैन माज एक्या राजा हौरिए नौकली देव हौर गाछै आपौर रौ छैल्डु पैरै ला बी बलि दैऊन्दौ। यहूदा रै बौदीभाग मानुषा ऐ बी परमात्मा रौ खिलाफ बलवा कौरुन्दौ आई आईक्या देव हौररौ पुजापाट कौरुन्दौ। *1 राजा पाठ 1-6; 11-12 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_18_128kbps.m4a ## 19. परमात्मा रौ भविष्यवक्ता https://openbiblestories.org/l/tpq/story-19/ ![](https://cdn.door43.org/obs/jpg/360px/obs-en-19-01.jpg) परमात्मा सौदा इस्राएल रौ मानुषा गाछै भविष्य जान्दै हौरला बैजैन थाक्दौ थैव। भविष्य जान्दै हौरी परमात्मा का काचा हौरला शुन्दै थै आई फिरी हौतिज ला मानुषा ला बौल्दै थै। ![](https://cdn.door43.org/obs/jpg/360px/obs-en-19-02.jpg) जैतरै अहाब इस्राएल इलाका रौ राजा थयौ तै हौतादु काल एलिय्याह भविष्य जान्दौ थयौ। अहाब ऐक मारै मानुष थयौ। हौतिनै नौकली देव बाल रौ पुजापाट खौटामैला मानुषा ला मजबूर कौरी थयौ। हौतिर रौ तैईए एलिय्याह ऐ अहाब ला बौलुन्दौ कि परमात्मा तामोर ला सजा दैन थयौ। हौतिनै माना बौली, “जैतरै सेग हांऊ दुबारा गौएन लागमै ला नौबौलु हौतरै सेग इस्राएल रौ इलाका कै ना गौएन लागैस आई ना ऐ ओस आछैस।” हौई बातै गाश अहाब ला हौतेग रोश आछी कि हौतिनै एलिय्याह ला मारी बैजनौ सुनचुई। ![](https://cdn.door43.org/obs/jpg/360px/obs-en-19-03.jpg) हौतिर रौ तैईए परमात्मा ऐ एलिय्याह ला बौलुन्दौ कि तु जांगलै नाशी अहाब का चोरिऊ। एलिय्याह जांगलै हौसौ सोते गाछै नाशुन्दौ जिन्चै नाशमैला परमात्मा ऐ हौतिन ला बौली थयौ। रोज दौथी सी ब्याल,चौरखी एलिय्याह ला रौटी सी मांसाऊ गिनुई आच्छदै थै। हौतादु काल, अहाब सी हौतिन रौ सैना एलिय्याह ला लोरेन थाकुन्दै, पौर हौतेनोरी हौतिन ला लोरुई नौबौलुन्दै। ![](https://cdn.door43.org/obs/jpg/360px/obs-en-19-04.jpg) गौएन नालागनौ हौजै ऐक छिब्या पिछु हौसौ सौता शुकुन्दौ। हौतिज रौ तैईए एलिय्याह नेरे ऐक देश कै नाशुन्दौ।हौसौ देश कै ऐक गरीब विधवा थी जाररौ ऐक छैल्डु थयौ। हौतेस गाछै खाऊ लगभग छेकुई थयौ क्यु बौलता हौतिनचै केछे नाज निफिरी थयौ। पौर तै बी, हौसौ देन ए एलिय्याह ला शाऊन्दौ, हौतिज रौ तैईए परमात्मा ऐ हौतैस सी आई हौतैस रौ छैल्डु रौ जरुरौत ला पुरा कौरुन्दौ, हौतिज रो तैईए हौतैस रौ चिगास रौ बान्दरू आई हौतैस रौ तेल रौ बान्दरु कादुई खाली निफरुन्दौ। हौसौ पुरा अकाल काल हौतैस कै खाऊ थयौ। एलिय्याह कुछ बौरौश सेग हौतिनचै थयौ। ![](https://cdn.door43.org/obs/jpg/360px/obs-en-19-05.jpg) त्रौनौ आदौ बौरौश पिछु,परमात्मा ऐ एलिय्याह ला बौलुन्दौ कि हांऊ ऐ गौएन लागासु। हौतिनै एलिय्याह ला वापिस इस्राएल रौ इलाका कै नाशी अहाब सी बातै बाताईमै ला बौलुन्दौ।हौतिज रौ तैईए एलिय्याह अहाब गाछै नाशुन्दौ। जैतरै अहाब ऐ हौतिन ला दैखौ तै हौतिनै बौलौ, “अच्छा तू सै, आफत जुरयान्दौ स्या!” एलिय्याह ऐ जवाब दैऊन्दौ, “आफत जुरयान्दौ स्या ता तू सै! तैईए यहोवा ला शौठयाऊन्दौस। हौसौए सौचौ परमात्मा स, पौर तू बाल रौ पुजापाट कौरैन सै। ऐ तांऊला इस्राएल इलाका रै सैब मानुषा ला गिनुई कर्लेम पोर्बत गाश आछनौ स्यास।” ![](https://cdn.door43.org/obs/jpg/360px/obs-en-19-06.jpg) तै सैब मानुषा कर्मेल पोर्बत बिलै नाशुन्दै। हौसौ मानुषा बि आछुन्दै जून बौल्दै थै कि हामोरी बाल रौ काचा हौरला बौल्दै सि। हौतैनै बाल रौ भविष्य जान्दै स्या थै। हौतैनोरी चार रा यौ दूई बिशौ दौश थै। एलिय्याह ऐ मानुषा ला बौलुन्दौ,“कैतरै सैग तोमोरी आपरौ जिवा हौरला शुराई जागसौ? अगर यहोवा परमात्मा स तै हौतिन रौ पुजापाट कौरौ! अगर बाल परमात्मा स तै हौतिन रौ पुजापाट कौरौ!” ![](https://cdn.door43.org/obs/jpg/360px/obs-en-19-07.jpg) तै एलिय्याह ऐ बाल रौ भविष्य जान्दै स्या ला बौलुन्दौ, “ऐक दामौ रौ बलि दैई हौतिन रौ मांसाऊ ला बलिदान फिरमै ला ऐक वेदी गाश जागौ, पौर आग नाल्याईयो। हौतिज पिछु हांऊ बि हौतयौए कौरसु, आई ऐक खैचि वेदी गाश हांऊ हौसौ मांसाऊ ला जागसु। तै अगर परमात्मा वेदी गाश आग शौरायस तै तोमोरी जान्सौ कि हौसौ सौचौ परमात्मा स।”तै बाल रौ भविष्य जान्दै स्या ऐ ऐक बलि ला त्यार कौरुन्दौ पौर आग नाल्याऊन्दौ। ![](https://cdn.door43.org/obs/jpg/360px/obs-en-19-08.jpg) तै बाल रौ भविष्य जान्दै स्या ऐ बाल का प्रार्थना कौरुन्दौ, “हे बाल हामोर रौ शुन!” सारा दयार हौतैनोरिए प्रार्थना कौरुन्दौ आई जिंगाऊन्दै आई हौन्चै सेग कि आपला चाकुए काटून्दौ, पौर बाल ऐ जवाब नैदैऊन्दौ आई हौतिनै केछे आग नौशौराऊन्दौ। ![](https://cdn.door43.org/obs/jpg/360px/obs-en-19-09.jpg) बाल रौ भविष्य जान्दै स्या ऐ बाल का प्रार्थना कौरमै लगभग सारा दयार ल्याऊन्दौ। पिंछाए का हौतैनोरिए प्रार्थना कौरनौ बौन्द कौरुन्दौ। तै एलिय्याह ऐ आईक दामौ रौ मांसाऊ ला परमात्मा रौ वेदी गाश जागुन्दौ। हौतिज पिछु, हौतिनै मानुषा ला पानी रौ बारा बोडौ बान्दरु हौरला होसौ बलिदान गाश हौतरै सेग ऊटयामैला बौली जैतरै सेग कि मांसाऊ, दुरा हौरी , आई हौन्चै सेग कि वेदी रौ औरु-पौरु रौ जागा पुरा का पुरा सिनौ निफिरैस। ![](https://cdn.door43.org/obs/jpg/360px/obs-en-19-10.jpg) तै एलिय्याह ऐ प्रार्थना कौरुन्दौ, “हे यहोवा, अब्राहम, इसहाक, आई याकूब रौ परमात्मा, हामोर ला दैखाव कि तु इस्राएल रौ परमात्मा सै आई हौई कि हांऊ तैरौ दास सु। माना जवाब दै जिजका कि हौई मानुषा जानसा कि तु ऐ सौचौ परमात्मा सै।” ![](https://cdn.door43.org/obs/jpg/360px/obs-en-19-11.jpg) हौतरे, आसमान का आग आछुन्दौ आई हौतिजै मांसाऊ,दुरा हौरी,जान्टी हौरी, माटी,आई हौन्चै सेग कि वेदी रौ औरु-पौरु रौ पानी ला बी जाली बैजुन्दौ। जैतरै मानुषा ऐ हौई दैखौ, हौतैनै माटी गाश लौटुन्दै आई बौलै, “यहोवा हे परमात्मा स! यहोवा हे परमात्मा स!” ![](https://cdn.door43.org/obs/jpg/360px/obs-en-19-12.jpg) तै एलिय्याह ऐ बौलुन्दौ, “बाल रौ ऐक बी भविष्य जान्दौ स्या बौचिन्दै नाशनौ नाचान्दौ! हौतिज रौ तैईए मानुषा ऐ बाल रौ भविष्य जान्दौ स्या ला पाऊन्दौ आई हौतेन ला हौतिनचै का खैची निऊन्दौ आई हौतैन ला मारी बैजुन्दौ। ![](https://cdn.door43.org/obs/jpg/360px/obs-en-19-13.jpg) तै एलिय्याह ऐ अहाब राजा ला बौलुन्दौ, “हासाले आपरौ घौरै ठूर, क्यु बौलता गौएन लागदौ स्यास। ”हासाले झुं घौनौ फिरौ, आई वाल गौएन शुरु फिरौ। यहोवा हौसौ बिजौ ला खौत्म कौरैन थयौ। हौजै पौता लागौ कि यहोवा हे सौचौ परमात्मा स। ![](https://cdn.door43.org/obs/jpg/360px/obs-en-19-14.jpg) जैतरै एलिय्याह ऐ आपरौ काम ला खौत्म कौरौ, तै परमात्मा ऐ एलीशा नाव रौ ऐक मानुष ला आपरौ भविष्य जान्दौ स्या फिरमै ला चुनायाऊन्दौ। परमात्मा ऐ एलीशा रौ जरिया ऐ बादौ चमत्कार कौरुन्दौ। ऐक चमत्कार नामान सी फिरुन्दौ। हौसौ ऐक दुश्मौन रौ सैना रौ सरदार थयौ, पौर हौतिन ला बू लागी थयौ। नामान ऐ एलीशा रौ बारे कै शुनी थयौ, हौतिज रौ तैईए हौसौ एलीशा गाछै आछुन्दौ आई हौतिनै आपला चांगा कौरमै ला अर्जी कौरुन्दौ। एलीशा ऐ नामान ला बौलुन्दौ कि नाशिन्दै यरदन गार रौ पानी कै सात बैरै डुबकी बैज। ![](https://cdn.door43.org/obs/jpg/360px/obs-en-19-15.jpg) नामान ला रोश आछी। हौतिनै हौयौ कौरनौ का मना कौरुन्दौ, क्यु बौलता हौई हौतिन ला मुर्खता रौ काम जानैन थयौ। पौर पिछांए का हौतिनै आपरौ मौन बौदल्याऊन्दौ आई नाशिन्दै यरदन गार रौ पानी कै सात बैरै डुबकी बैजुन्दौ। जैतरै आखिर बैरै हौसौ पानी का बाए निकलौ तै परमात्मा ऐ हौतिन ला चांगा कौरुन्दौ। ![](https://cdn.door43.org/obs/jpg/360px/obs-en-19-16.jpg) परमात्मा ऐ इस्राएल रौ मानुषा गाछै आईक्या बादौ भविष्य जान्दै स्या हौर ला बैजुन्दौ। हौतैनै सेबे ऐ मानुषा ला मुर्ति हौर रौ पुजापाट बौन्द कौरमै ला बौलुन्दौ। हौजरौ बजाए, हौतेन ला आपु माज न्याय सी बौरतिनौ चान्दौ आई आपु माज दया कौरनौ चान्दौ। हौसौ भविष्य जान्दै स्या हौरिए मानुषा ला चेतावनी दैऊन्दौ कि हौतैन ला मारे काम हौर ला बौन्द कौरनौ स्या आई हौजरौ बजाए परमात्मा रौ बातै हौर ला मौन्यानौ स्या। आगर हौतैनोरिए हौयौ नौकरौ तै परमात्मा हौतैन ला दोषी जानी हौतैन रौ न्याय कौरैस, आई हौतैन ला सजा दैस। ![](https://cdn.door43.org/obs/jpg/360px/obs-en-19-17.jpg) बौदी बैरै, हौसौ मानुषा ऐ परमात्मा रौ हुकूम ला नौमौन्याऊन्दौ। सौदा हौतैनोरिए भविष्य जान्दै स्या हौर सी मारै बर्ताव कौरुन्दौ आई हौन्चै सेग कि ऐकुमबैरै एक्याला मारी बैजुन्दौ। ऐक बैरै, हौतैनौरिए यिर्मयाह भविष्य जान्दौ स्या ला शुकून्दौ कुआं कै बैजुन्दौ आई हौतिन ला हौतिनचै मौरमै ला शोठयाऊन्दौ। हौसौ कुआं रौ तल कै चैराव माज डुबुन्दौ। पौर हौतरै बिन्यामिन राजा ला हौतिन गाश दया आछुन्दौ आई हौतिनै आपरौ सैना हौर ला हुकूम दैऊन्दौ कि यिर्मयाह मौरनौ का पैहलै हौतिन ला कुआं का बाए गिशौ। ![](https://cdn.door43.org/obs/jpg/360px/obs-en-19-18.jpg) भविष्य जान्दै स्या हौरिए परमात्मा बिलै का बौलनौ जारी जागुन्दौ बेशक मानुषा ऐ हौतैन का नफरत कौरुन्दौ । हौतैनोरिए मानुषा ला चेतावनी दैऊन्दौ कि आगर हौतैनोरीस नौपौछतायाईता तै परमात्मा हौतैन ला नाश कौरैस। हौतैनोरिए मानुषा ला हौई बी याद दिलायाऊन्दौ कि परमात्मा ऐ हौतैन गाछै मसीह ला बैजनौ वायदा कौरिस। *1 राजा पाठ 16-18;2 राजा 5; यिर्मयाह 38 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_19_128kbps.m4a ## 20. गुलामी आई वायदा रौ देश कै वापिस आछनौ। https://openbiblestories.org/l/tpq/story-20/ ![](https://cdn.door43.org/obs/jpg/360px/obs-en-20-01.jpg) इस्राएल रौ इलाका आई यहूदा रौ इलाका दुईए ऐ परमात्मा रौ खिलाफ पाप खौटुन्दौ। हौतैनोरिए हौसौ समझौता ला बानुदौ जून परमात्मा ऐ हौतैन सी सीनै पौर्वत गाश कौरी थयौ। परमात्मा ऐ हौतैन ला पश्चाताप कौरमै आई दुबारा हौतिन रौ अराधना कौरमै ला चेतावनी दैमै ला आपरौ भविष्य जान्दै स्या ला भैजुन्दौ, पौर हौतैनोरिए हौतैन रौ बातै हौरला मौन्यानौ का मना कौरुन्दौ। ![](https://cdn.door43.org/obs/jpg/360px/obs-en-20-02.jpg) हौतिर रौ तैईए परमात्मा ऐ हौतैन रौ दुश्मौन हौरला हौतैन ला नाश कौरमै समर्थ जुरयाई दूईए इलाका हौरला सजा दैऊन्दौ। अश्शूर ऐक आईक देश थयौ जून बादौ शक्ति स्या फिरी थयौ। हौतैनै आईक देश हौरला बादौ मारै बी थै। हौतैनोरिए आछिन्दै इस्राएल रौ इलाका ला नाश कौरुन्दौ। अश्शूरी हौरिए आछिन्दै इस्राएल रौ इलाका कै बादौ मानुषा ला मारी बैजुन्दौ, जि चाऊन्दौ हौसौ लुटयाऊन्दौ, आई देश रौ बादौ जागा ला जालुन्दौ। ![](https://cdn.door43.org/obs/jpg/360px/obs-en-20-03.jpg) अश्‍शूरी हौरिए सैब अगुवा हौरला, साऊकार मानुषा ला, आई हौयौ मानुषा ला जुन किमौती सामान जुरयाई बौल्दै थै ऐक साथ कौठा कौरुन्दौ आई हौतैनोरिए हौतैन ला अश्शूर देश निऊन्दौ। इस्राएल कै ऐखो ऊतुरी गरीब इस्राएली ऐ थाकुन्दै। ![](https://cdn.door43.org/obs/jpg/360px/obs-en-20-04.jpg) तै अश्शूरी मानुषा हौसौ देश कै थाक्मै ला आईक देश रै मानुषा ला गिनुई आछुन्दै। हौसौ आईक देश रै मानुषा ऐ हौसौ नगर हौरला दुबारा जुरयाऊन्दौ। जून इस्राएली हौतिनचै बौची थै हौतैन सी हौतैनोरिए शादी कौरुन्दौ। हौतैनोरी रौ वंशज ला सामरी बौल्दै। ![](https://cdn.door43.org/obs/jpg/360px/obs-en-20-05.jpg) यहूदा रै इलाका रै मानुषा ऐ दैखौ कि कैव परमात्मा ऐ हौतिन गाश विश्वास नौकौरमै आई हौतिन रौ बातै हौरला नौमौन्यानौ कारण ऐ इस्राएल रौ इलाका रै मानुषा ला सजा दैई थयौ। पौर तै बी हौतैनोरिए कनानी हौररौ देव हौररौ मुर्ति हौररौ पुजापाट कौरुन्दौ। परमात्मा ऐ हौतैन ला चेतावनी दैमैला भविष्य जान्दै स्या ला बैजुन्दौ, पौर हौतैनोरिए शुन्नौ का मना कौरुन्दौ। ![](https://cdn.door43.org/obs/jpg/360px/obs-en-20-06.jpg) लगभग रा बौरौश पिछु अश्‍शूरी हौरिए इस्राएल रौ इलाका ला नाश कौरुन्दौ। परमात्मा ऐ बेबीलोन रौ राजा, नबूकदनेस्सर ला यहूदा रौ इलाका गाश हमला कौरमै ला बैजुन्दौ। बेबीलोन ऐक शक्ति स्या देश थयौ। यहूदा रौ राजा नबूकदनेस्सर रौ गुलाम फिरमै आई सौदा बौरौश हौतिन ला बादौ रुपया दैमै ला सहमत फिरुन्दौ। ![](https://cdn.door43.org/obs/jpg/360px/obs-en-20-07.jpg) पौर ऊतुरी बौरौश पिछु, यहूदा रौ राजा ऐ बेबीलोन रौ खिलाफ बलवा कौरुन्दौ। हौतिर रौ तैईए बेबीलोन रौ मानुषा ऐ वापिस आछी यहूदा रौ इलाका गाश हमला कौरुन्दौ। हौतैनोरिए यरुशलेम नगर गाश कब्जा कौरुन्दौ, आई नगर सी मन्दिर रौ खजाना ला लुटयाई निऊन्दौ। ![](https://cdn.door43.org/obs/jpg/360px/obs-en-20-08.jpg) बलवा कौरनौ कारण ऐ यहूदा रौ राजा ला सजा दैमैला, नबूकदनेस्सर रौ सैना हौरिए राजा रौ छैल्डु ला हौतिन रौ मुखुंगमाए मारी बैजुन्दौ आई फिरी हौतिन ला आन्धा कौरुन्दौ। हौतिज पिछु, हौतैनौरिए राजा ला नीऊन्दौ ताकि हौसौ बेबीलोन रौ जेलखाना कै मौरैस। ![](https://cdn.door43.org/obs/jpg/360px/obs-en-20-09.jpg) नबूकदनेस्सर सि हौतिन रौ सैना ऐ यहूदा रौ इलाका रै लगभग सैबे मानुषा ला बेबीलोन निऊन्दौ, ऐखो सैबका गरीब मानुषा ला पिछांऐ शौठयाई ताकि हौतैनै डौखरै नाज राजासा। हौई बेला ला बंधुआई बौलुन्दौ जिजकै परमात्मा रौ मानुषा ला प्रतिज्ञा रौ देश का निकिलमै ला बैबस कौरुन्दौ थयौ। ![](https://cdn.door43.org/obs/jpg/360px/obs-en-20-10.jpg) बेशक परमात्मा ऐ आपरौ मानुषा ला हौतैन रौ पाप रौ तैईए बंधुआई का निनौ जरिया ऐ सजा दैई थयौ, तैबी हौसौ हौतेन ला या आपरौ वायदा हौरला निबिसरुई थयौ। परमात्मा ऐ आपरौ मानुषा गाश नजर जागनौ जारी जागुन्दौ आई आपरौ भविष्य जान्दै स्या रौ जरिया ऐ हौतैन सि बातै बाताएन थाकुन्दौ। हौतिनै वायदा कौरुन्दौ कि त्रौन बिशौ दौश बौरौश पिछु, हौतेनै फिरी वायदा रौ देश कै वापिस आछसा। ![](https://cdn.door43.org/obs/jpg/360px/obs-en-20-11.jpg) लगभग त्रौन बिशौ दौश बौरौश पिछु, फारस रौ राजा कुस्त्रू ऐ बेबीलोन ला हरायाऊन्दौ, हौतिर रौ तैईए बेबीलोन रौ साम्राज्य रौ बजाए फारस रौ साम्राज्य ऐ बादौ देश हौर गाश राज कौरुन्दौ। इस्राएली मानुषा ला ऐ यहूदी बौल्दै थै। हौतैन माज का बादौ ऐ आपरौ पुरा जिन्दगी बेबीलोन बितायाऊन्दौ थयौ। ऐखो गाटो बूढे यहूदी हौरला ऐ यहूदा रौ देश याद थयौ। ![](https://cdn.door43.org/obs/jpg/360px/obs-en-20-12.jpg) फारस रौ मानुषा बादौ सामर्थ स्या थै, पौर हौतैनोरिए आपरौ जितिऊन्दै मानुषा गाश दया कौरुन्दौ। फारसी मानुषा रौ राजा फिरी ऐक छिब्या पिछु, कुस्त्रू ऐ ऐक हुकूम दैऊन्दौ कि जून बी यहूदी जून यहूदा वापिस नाशनौ चाएन थयौ, हौसौ फारस का निकली वापिस यहूदा नाशी बौल्दौ स्या। हौन्चै सेग कि हौतिनै हौतैन ला मन्दिर ला दुबारा जुरयामै ला रुपया बि दैऊन्दौ। तै बंधुआई रौ त्रौन बिशौ दौश बौरौश पिछु, यहूदी हौररौ ऐक लौऊडौ समूह यहूदा राज्य रौ यरुशलेम नगर कै वापिस आछुन्दै। ![](https://cdn.door43.org/obs/jpg/360px/obs-en-20-13.jpg) जैतरै हौसौ मानुषा यरुशलेम पौछुन्दै तै हौतैनोरिए मन्दिर ला आई नगर रौ चारे बिलै रौ दिवाल ला दुबारा जुरयाऊन्दौ। फारसी मानुषा ईम्बरी बि हौतैन गाश राज कौरदै थै पौर ऐक बैरै फिरी हौतैनै प्रतिज्ञा रौ देश कै थाकैन थै आई मन्दिर कै पुजापाट कौरैन थै। *2 राजा पाठ 17; 24-25; 2 इतिहास 36; एज्रा 1-10; नहेम्याह 1-13 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_20_128kbps.m4a ## 21. परमात्मा मसीह ला बैजनौ रौ वायदा कौरदौस। https://openbiblestories.org/l/tpq/story-21/ ![](https://cdn.door43.org/obs/jpg/360px/obs-en-21-01.jpg) जैतरै परमात्मा ऐ संसार रौ रचना कौरी थयौ, हौसौ जान्दौ थयौ कि हौतिन ला पिछांए का कादु दयार मसीह ला भैजनौ फिरैस। हौतिनै आदम सी हव्वा का वायदा कौरी कि हौसौ हौयौ कौरैस। हौतिनै बौली कि हव्वा का एक वंशज जौरमैस जुन साँप रौ मुटकांग ला दबायाएस। जुन साँप ऐ हव्वा ला धोखा दैऊन्दौ हौसौ बेशक शैतान थयौ। परमात्मा रौ मौतलब थयौ कि मसीह शैतान ला पुरा हरायाएस। ![](https://cdn.door43.org/obs/jpg/360px/obs-en-21-02.jpg) परमात्मा ऐ अब्राहम का वायदा कौरी थयौ कि हौतिन रौ जरिया ऐ संसार रौ सेबे जाति हौरी आशिरवाद पायाएस। परमात्मा पिछांए का कादु मसीह ला भैजनौ जरिया ऐ हौई वायदा ला पुरा कौरैस। हौसौ मसीह संसार रौ सेब जाति रौ मानुषा ला हौतैन रौ पाप का छुडायाएस। ![](https://cdn.door43.org/obs/jpg/360px/obs-en-21-03.jpg) परमात्मा ऐ मूसा का वायदा कौरी थयौ कि भविष्य कै हौसौ मूसा सि बराबौर एक आईक भविष्य जान्दौ स्या ला भैजैस। हौसौ भविष्य जान्दौ स्या मसीह हौएस। हौई तरीका ऐ, परमात्मा ऐ फिरी वायदा कौरी कि हौसौ मसीह ला भैजैस। ![](https://cdn.door43.org/obs/jpg/360px/obs-en-21-04.jpg) परमात्मा ऐ राजा दाऊद का वायदा कौरी थयौ कि हौतिन रौ एक वंशज मसीह हौएस। हौसौ राजा हौएस आई परमात्मा रौ मानुषा गाश सौदा ला राज कौरैस। ![](https://cdn.door43.org/obs/jpg/360px/obs-en-21-05.jpg) परमात्मा ऐ यिर्मयाह भविष्य जान्दौ स्या सि बातै बातावी आई बौली कि एक दयार हौसौ एक नौऊवौ समझौता कौरैस। हौसौ नौऊवौ समझौता इस्राएल सि सीनै गाश कौरुन्दौ पुरानौ समझौता जैव नौहौएस। जैतरै मानुषा सि हौसौ आपरौ नौऊवौ समझौता कौरैस , तै हौसौ हौतैन गाछै आपला मानुष रौ रू कै प्रकट कौरैस। सेब मानुषा हौतिन सि प्रेम जागसा आई हौतिन रौ व्यवस्था रौ पालन कौरनौ इच्छा जागसा। परमात्मा ऐ बौलौ कि हौई हौतिन रौ व्यवस्था ला हौतैन रौ जिवा हौर गाश लिखनौ जैव हौएस। हौतैनै हौतिन रौ मानुषा हुसा, आई परमात्मा हौतैन रौ पाप हौरला माफ कौरैस। हौसौ मसीह हौएस जुन हौतैन सि हौसौ नौऊवौ समझौता कौरैस। ![](https://cdn.door43.org/obs/jpg/360px/obs-en-21-06.jpg) परमात्मा रौ भविष्य जान्दै स्या ऐ हौई बि बौली कि मसीह एक भविष्यवक्ता हुएस, याजक एक भविष्य जान्दौ स्या हौसौ मानुष स जुन परमात्मा रौ वचन हौरला शुनदौस आई फिरी मानुषा ला परमात्मा रौ संदेश हौरला शुनायान्दौस। जासला भैजनौ रौ परमात्मा ऐ वायदा कौरी थयौ हौसौ मसीह एक सिध्द भविष्य जान्दौ स्या हौएस। मौतलब हौसौ मसीह परमात्मा रौ संदेश हौरला ऐस्सा शुनैस, आई हौसौ मानुषा ला हौसौ संदेश हौरला ऐस्सा शिखाएस। ![](https://cdn.door43.org/obs/jpg/360px/obs-en-21-07.jpg) इस्राएली याजकहौरी ऐ मानुषा रौ तैईए परमात्मा गाछै बलि बैजनौ जारी जागुन्दौ। हौई बलिदान मानुषा रौ पाप हौररौ तैईए हौतैन ला परमात्मा ऐ सजा दैन्नौ रौ बौदला कै चढायाई थयौ। याजक हौरिए मानुषा रौ तैईए प्रार्थना बि कौरी। पौर, हौसौ मसीह सिध्द महायाजक हौएस जुन परमात्मा ला दैमै ला एक सिध्द बलि रौ रु कै आपला चढायाएस। मौतलब, हौसौ कादुई पाप नौखौटा, आई जैतरै हौसौ आपला बलि फिरमै ला दैस, तै संसार रौ कुने बि आईक बलि जुरुरी नौहौएस। ![](https://cdn.door43.org/obs/jpg/360px/obs-en-21-08.jpg) मानुषा रौ समूह हौर गाश राजा सि प्रधान राज कौरदै सा, आई कादु-कादु हौतैनै गौलती होऱी कौरदै सा। राजा दाऊद ऐ ऐखो इस्राएल रौ मानुषा गाश राज कौरुन्दौ, पौर राजा दाऊद रौ वंशज मसीह पूरा संसार गाश राज कौरैस। हौजरौ अलावा, हौसौ सौदा न्यायपूर्ण रीति ऐ राज कौरैस, आई ठीक निर्णय हौरी कौरैस। ![](https://cdn.door43.org/obs/jpg/360px/obs-en-21-09.jpg) परमात्मा रौ भविष्य जान्दै स्या हौरी ऐ मसीह रौ बारे कै बादौ बातै हौरी बौलुन्दौ। उदाहरण रौ तैईए, मलाकी भविष्य जानदौ स्या ऐ बौलुन्दौ कि मसीह रौ आछनौ का पैहलै एक आईक भविष्य जान्दौ स्या आछैस। हौसौ भविष्य जान्दौ स्या बादौ महत्वपूर्ण हौएस। हौजरौ अलावा, यशायाह भविष्य जान्दौ स्या ऐ लिखुन्दौ कि मसीह एक कुँवारी का जौन्म पायाएस। आई मीका भविष्य जान्दौ स्या ऐ बौलुन्दौ कि मसीह बैतलहम नगर कै जौन्म पायाएस। ![](https://cdn.door43.org/obs/jpg/360px/obs-en-21-10.jpg) यशायाह भविष्य जान्दौ स्या ऐ बौलुन्दौ कि मसीह गलील रौ जागा कै थाकैस। जुन मानुषा बादौ दु:खी सा मसीह हौतैन ला शान्ति दैस। हौसौ कैदी हौरला बि आजाद कौरैस। मसीह मरीज हौरला आई जुन शुनी नौबौलदै, शाई नौबौलदै, बाताई नौबौलदै, या हान्डी नौबौलदै हौतैन ला बि चांगा कौरैस। ![](https://cdn.door43.org/obs/jpg/360px/obs-en-21-11.jpg) यशायाह भविष्य जान्दौ स्या ऐ हौई बि बौलुन्दौ कि मानुषा मसीह का नफरत कौरसा आई हौतिन ला मौन्यानौ का मना कौरसा। आईक भविष्य जान्दै स्या हौरीऐ बौलुन्दौ कि मसीह रौ एक कौनैस हौतिन रौ खिलाफ उजैस। जकर्याह भविष्य जान्दौ स्या ऐ बौलुन्दौ कि हौतिन रौ हौई कौनैस हौयौ कौरमै ला आईक्या मानुषा का चाँदी रौ बिशौ दौश सिक्का मांगैस। हौजरौ अलावा, ऐक्या भविष्य जान्दै स्या हौरीए बौलुन्दौ कि मानुषा मसीह ला मारी बैजसा, आई हौई कि हौतैनै हौतिन रौ गाछौ हौररौ तैईए जुआ खैलसा। ![](https://cdn.door43.org/obs/jpg/360px/obs-en-21-12.jpg) भविष्य जान्दै स्या हौऱिए हौई बि बौलुन्दौ कि मसीह क्यौ मौरैस। यशायाह ऐ भविष्यवाणी कौरुन्दौ कि मानुषा मसीह गाश थुकसा, हौतिन रौ मजाक उडायासा, आई हौतिन ला लौससा। हौतैनै हौतिन ला फुटासा आई हौसौ बादौ दु:ख आई कौष्ट ऐ मौरैस, बल्कि हौतिनै केछै गलत नौखौटी हौएस। ![](https://cdn.door43.org/obs/jpg/360px/obs-en-21-13.jpg) भविष्य जान्दै स्या ऐ हौई बि बौलुन्दौ कि मसीह पाप नौखौटैस। हौसौ सिध्द हौएस। पौर हौसौ हौतिर रौ तैईए मौरैस परमात्मा हौतिन ला आईक्या मानुषा रौ पाप हौररौ तैईए सजा दैस। हौतिन रौ मौरनौ का मानुषा परमात्मा सि बैठिमै ला सक्षम फिरसा। हौतिर रौ ऐ तैईए परमात्मा मसीह ला मौरनौ चाएन। ![](https://cdn.door43.org/obs/jpg/360px/obs-en-21-14.jpg) भविष्य बौलदै स्या ऐ हौई बि बौली कि परमात्मा मसीह ला मौरुन्दै हौरी माज का जिऊन्दौ कौरैस। हौई दैखान्दौस कि हौई सेब नौऊवौ समझौता कौरमै ला परमात्मा रौ योजना थयौ, ताकि हौसौ हौतैनै ला बौचाई बौलैस जुनै हौतिन रौ खिलाफ पाप खौटी स। ![](https://cdn.door43.org/obs/jpg/360px/obs-en-21-15.jpg) परमात्मा ऐ भविष्य बौलदैस्या हौरी गाछै मसीह रौ बारे कै बादौ बातै हौरी प्रकट कौरुन्दौ, पौर मसीह हौसौ भविष्य बौलदैस्या हौर माज कासरौऐ जीवन काल कै ना आछी थयौ। हौई भविष्य वाणी हौरी बौलनौ का चार रा बौरौश पिछु, ठीक बेला गाश, परमात्मा मसीह ला हौई संसार कै भैजैस। *उत्पत्ति 3:15; 12:1-3; व्यवस्थाविवरण 18:15;2 शमूएल 7;यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61;53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 का एक बाइबल रौ कोथा* Audio: https://git.door43.org/OBS-TLF/tpq_obs/releases/download/v1/tpq_obs_v1_21_128kbps.m4a ## 22. यूहन्ना रौ जौन्म। https://openbiblestories.org/l/tpq/story-22/ ![](https://cdn.door43.org/obs/jpg/360px/obs-en-22-01.jpg) अतीत कै, परमात्मा ऐ आपरौ भविष्य जान्दै स्या हौर सि बातै बातावी थयौ हौतिर रौ तैईए हौतैनै मानुषा सि बातै बातावी थै। पौर हौतरै का पिछु चार रा बौरौश बितैन सैग हौतिनै हौतैन सि बातै ना बातावी । तै परमात्मा ऐ जकर्याह नाव रौ भविष्य जान्दौ स्या गाछै एक स्वर्गदूत ला भैजुन्दौ। जकर्याह सि आपरौ देन एलिशिबा परमात्मा रौ आदर कौरदै थै। हौतैनै बादौ बूडै फिरी थै, आई हौतैन रौ एक बि छैल्डु निफिरी थयौ। ![](https://cdn.door43.org/obs/jpg/360px/obs-en-22-02.jpg) हौसौ स्वर्गदूत ऐ जकर्याह ला बौलुन्दौ, “तैरौ देन एलिशिबा रौ एक छैल्डु जौन्मैस। तु हौतिन रौ नाव यूहन्ना जागै। परमात्मा हौतिन ला पवित्र आत्मा ऐ परिपूर्ण कौरैस, आई यूहन्ना मानुषा ला मसीह ला अपनायामै ला त्यार कौरैस।” जकर्याह ऐ जवाब दैऊन्दौ, “हाऊ सि मैरौ देन छैल्डु पैदा कौरमै ला बादौ बुडै सि! हाऊ कैव जानु कि तु माना दिमांग बौलैन सै?” ![](https://cdn.door43.org/obs/jpg/360px/obs-en-22-03.jpg) हौसौ स्वर्गदूत ऐ जकर्याह ला जवाब दैऊन्दौ, “ताऊ गाछै हौई बौलौ काचा ला आनमै तैईए माना परमात्मा ऐ भैजुन्दौ स। क्यु बौलता तैईए मुगाश विश्वास नौकौरी, हौतिर रौ तैईए छैल्डु जौरमैन सेग तू बाताई नौबौलै।” हौतरै, जकर्याह बाताई नौबौलैन थयौ। तै हौसौ स्वर्गदूत जकर्याह गाछै का ठुरुन्दौ। हौजका पिछु, जकर्याह घौरै वापिस आछुन्दौ आई हौतिन रौ देन दुई डे सि फिरुन्दी। ![](https://cdn.door43.org/obs/jpg/360px/obs-en-22-04.jpg) जैतरै एलिशिबा छौ मास रि दुई डे सि थी, तै हौसौए स्वर्गदूत अचानक ऐ एलिशिबा रौ पैरैजोरै गाछै प्रकट फिरुन्दौ, जासरौ नाव मरियम थयौ। मरियम कुँवारी थी आई शादी फिरमै ला यूसुफ नाव रौ मानुष सि हौतैस रौ मंगनी फिरी थयौ। स्वर्गदूत ऐ बौलुन्दौ, “तु दुई डे से फिरसै आई एक छैल्डु ला जौन्म दिसै। ताऊना हौतिन रौ नाव यीशु जागनौ स्या। हौसौ सेब-शक्ति स्या परमात्मा रौ छैल्डु हौएस आई सौदा ला राज कौरैस।” ![](https://cdn.door43.org/obs/jpg/360px/obs-en-22-05.jpg) मरियम ऐ जवाब दैऊन्दौ, “हौई क्यौ फिरैस, क्यु बौलता हांऊ ता कुँवारी सु?” हौसौ स्वर्गदूत ऐ समझायाऊन्दौ, पवित्र आत्मा तांऊ गाश आछैस, आई परमात्मा रौ सामर्थ तांऊ गाश छाया कौरैस। हौतिर रौ तैईए हौसौ छैल्डु पवित्र हौएस, आई हौसौ परमात्मा रौ छैल्डु हौएस। जि हौसौ स्वर्गदूत ऐ बौलुन्दौ हौतिज गाश मरियम ऐ विश्वास कौरुन्दौ। ![](https://cdn.door43.org/obs/jpg/360px/obs-en-22-06.jpg) हौई फिरी पिछु हौतरे, मरियम ऐ नाशिन्दै एलिशिबा सि बैठयुन्दी। जैव ऐ मरियम ऐ हौतैस ला नमस्कार कौरुन्दौ, एलिशिबा रौ छैल्डु हौतैस रौ पेट कै ऊछलुन्दौ। हौतैन रौ तैईए परमात्मा ऐ जि कौरी थयौ हौतिर रौ बारे कै हौसौ देनीपैरै एक साथ खुश फिरुन्दी। एलिशिबा सि त्रौन मास थाकी पिछु, मरियम घौरै वापिस आछुन्दी। ![](https://cdn.door43.org/obs/jpg/360px/obs-en-22-07.jpg) हौज का पिछु, एलिशिबा ऐ आपरौ छैल्डु ला जौन्म दैऊन्दौ। जकर्याह सि एलिशिबा ऐ हौसौ छैल्डु रौ नाव यूहन्ना जागुन्दौ, जैव कि हौसौ स्वर्गदूत ऐ हूकुम दैई थयौ। तै परमात्मा ऐ जकर्याह ला बातामै ला सक्षम कौरुन्दौ। जकर्याह ऐ बौलुन्दौ, “परमात्मा रौ स्तुति हो, क्यु बौलता हौतिनै आपरौ मानुषा रौ मौदद कौरमै ला याद जागुन्दौस! हे मैरौ छैल्डु, तू सेब-शक्तिस्या परमात्मा रौ भविष्य बौलदौस्या हुसै। तु मानुषा ला बौलसै कि हौतैनै क्यौ आपरौ पाप हौररौ तैईए माफी पायाई बौलसा!” *लूका अध्याय1 का एक बाइबल रौ कोथा* Audio: https://git.door43.org/OBS-TLF/tpq_obs/releases/download/v1/tpq_obs_v1_22_128kbps.m4a ## 23. यीशु रौ जौन्म https://openbiblestories.org/l/tpq/story-23/ ![](https://cdn.door43.org/obs/jpg/360px/obs-en-23-01.jpg) यूसुफ नाव रौ एक धर्मी मानुष सि मरियम रौ मंगनी फिरी थयौ। जैतरै हौतिनै शुनौ कि मरियम दुई डे सि स तै हौसौ जान्दौ थयौ कि हौसौ हौतिन रौ छैल्डु नुवा। पौर, हौसौ मरियम ला बदनाम नौकौरनौ चाएन थयौ, हौतिर रौ तैईए हौतिनै हौतैस गाश किरपा कौरमै आई हौतैस ला चुटचुटांग तलाक दैमै ला सुनचुई। पौर हौतिन रौ हौयौ कौरनौ का पहले, एक स्वर्गदूत ऐ हौतिन रौ सिऊनै कै आछी हौतिन सि बातै बातावी। ![](https://cdn.door43.org/obs/jpg/360px/obs-en-23-02.jpg) हौसौ स्वर्गदूत ऐ बौलुन्दौ, “हे यूसुफ, मरियम ला आपरौ देन रौ रु कै आपरौ घौरे गिनुई आछनौ का नौडौरै। यीशु जौरमैन सेग युसुफ ऐ मरियम सि शारिरिक रिश्ता नाजागी थयौ। हौतैस रौ पेट कै जुन छैल्डु स हौसौ पवित्र आत्मा रौ तौरफ का स। हौसौ एक छैल्डु ला जौन्म दैस। हौतिन रौ नाव यीशु जागै (जिररौ मौतलब स,‘यहोवा बौचान्दौस’),क्यु बौलता हौसौ मानुषा ला हौतैन रौ पाप हौर का बौचाएस।” ![](https://cdn.door43.org/obs/jpg/360px/obs-en-23-03.jpg) तै यूसुफ ऐ मरियम का शादी कौरुन्दौ आई हौतैस ला आपरौ देन रौ रु कै घौरै गिनुई आछुन्दौ, पौर हौतैस रौ छैल्डु जौरमैन सेग हौसौ हौतैस सि नूसुतुन्दौ। ![](https://cdn.door43.org/obs/jpg/360px/obs-en-23-04.jpg) जैतरै मरियम रौ जौन्म दैन्नौ बेला नेर थयौ, तै हौतैसै आई यूसुफ ऐ बैतलहम नाशनौ रौ एक बौडौ सफर कौरुन्दौ। हौतैन ला हौतिनचै नाशनौए स्या थयौ क्यु बौलता रोमी आफ्सौर एस्राएल थाक्दै स्या सेबे मानुषा ला गौन्नौ चाएन थै। हौतैनै सेबे मानुषा ला हौतिनचै भैजनौ चाएन थै जिन्चै हौतैन रौ पूर्वज थाक्दै थै। राजा दाऊद रौ जौन्म बैतलहम कै फिरुन्दौ थयौ, आई हौसौ मरियम सि यूसुफ दुईए रौ पूर्वज थयौ। ![](https://cdn.door43.org/obs/jpg/360px/obs-en-23-05.jpg) मरियम सि यूसुफ बैतलहम नाशुन्दै, पौर हौतिनचै पौशु हौरला जागनौ स्या जागा रौ अलावा हौतैन ला थाक्मै ला केछे जागा नैथैव। हौसौए जागा थयौ जिन्चै मरियम ऐ आपरौ छैल्डु ला जौन्म दैऊन्दौ। हौतैसै हौतिन ला खौर गाश लेटायाऊन्दौ क्यु बौलता हौतिनचै हौतिन ला केछे ऊछान्न नैथैव। हौतैनोरिए हौसौ छैल्डु रौ नाव यीशु जागुन्दौ। ![](https://cdn.door43.org/obs/jpg/360px/obs-en-23-06.jpg) हौतादु राच, हौतिनचै नेरे डौखरै ऐक्या फौवाल हौरी आपरौ बैरै हौर रौ टौलांग रौ रखवाली कौरैन थै। अचानक ऐ, एक चमकदार स्वर्गदूत हौतैन गाछै प्रकट फिरुन्दौ, आई हौतैनै डौरुन्दै। हौसौ स्वर्गदूत ऐ बौलुन्दौ, “नौडौरयो, क्यु बौलता मुकै तोमोर ला बौलौ काचा स। आज राजा दाऊद रौ नगर बैतलहम कै मसीह एक मुक्ति दैन्दौ स्या रौ जौन्म फिरुन्दौस आई हौसौए प्रभुस!” ![](https://cdn.door43.org/obs/jpg/360px/obs-en-23-07.jpg) “नाशींदै हौसौ छौकुर ला लोरयौ, आई हौसौ तौमोर ला गाछौ कै बाटलायुन्दौ आई खौर गाश लेटायुन्दौ पौरैस।” अचानक ऐ, आसमान स्वर्गदूत हौर का भौरयुन्दौ। हौतैनै परमात्मा रौ स्तुति कौरैन थै। हौतैनौरी हौयौ गेत ल्यान थै, “सेब महिमा स्वर्ग कै विराजमान परमात्मा रौ फिरनौ चान्दौ। पृथ्वी गाश हौसौ मानुषा माज शान्ति चानौ जासरौ हौसौ फिकर कौरदौ स!” ![](https://cdn.door43.org/obs/jpg/360px/obs-en-23-08.jpg) तै स्वर्गदूत नाशुन्दै। हौसौ फौवाल हौरी बि आपरौ बैरै हौरला शौठयाई छौकुर ला शामै नाशुन्दै। हासाल ऐ हौतैनै हौसौ जागा गाश पोछुन्दै जिन्चै यीशु थयौ आई हौतैनोरिए हौतिन ला खौर गाश लेटायुन्दौ दैखी, जैव कि हौसौ स्वर्गदूत ऐ बौलुन्दौ थयौ। हौतैनै बादौ खुसी ऐ थै। तै हौसौ फौवाल हौरी वापिस हौतिनचै नाशुन्दै जिन्चै हौतैन रौ बैरै हौरी थै। हौतैनोरिए जि बि शुनौ आई दैखौ हौसौ सेब रौ तैईए हौतैनै परमात्मा रौ स्तुति कौरैन थै। ![](https://cdn.door43.org/obs/jpg/360px/obs-en-23-09.jpg) पूर्व कै दूर एक देश कै एक्या पुंशा मानुषा थै। हौतैनोरिए तारौ हौररौ अध्ययन कौरुन्दौ थयौ आई हौतैनै बादौ औकौल स्या थै। हौतैनोरिए एक नाबौ तारौ ला आसमान कै दैखुन्दौ। हौतैनोरिए बौलुन्दौ कि हौररौ मौतलब स कि यहूदी हौर रौ एक नौऊवौ राजा रौ जौन्म फिरुन्दौ स। हौतिर रौ तैईए हौतैनोरिए हौसौ छोकुर ला शामै तैईए आपरौ देश का यात्रा कौरनौ सुन्चूई। एक बौडौ यात्रा कौरी पिछु, हौतैनै बैतलहम आछुन्दै आई हौसौ घौरै पोछुन्दै जिन्चै यीशु सि हौतिन रौ आंई-बा थाकैन थै। ![](https://cdn.door43.org/obs/jpg/360px/obs-en-23-10.jpg) जैतरै हौई पुंशा मानुषा ऐ यीशु ला आपरौ आंई सि दैखी तै हौतैनोरिए जानौ टेक्याई हौतिन रौ आराधना कौरुन्दौ। हौतैनोरिए यीशु ला कीमती तौहफा दैऊन्दौ। तै हौतैनै घौरै वापिस आछुन्दै। *मत्ती अध्याय 1; लूका 2 का एक बाइबल रौ कोथा* Audio: https://git.door43.org/OBS-TLF/tpq_obs/releases/download/v1/tpq_obs_v1_23_128kbps.m4a ## 24. यूहन्ना यीशु ला बपतिस्मा दैन्दौ स https://openbiblestories.org/l/tpq/story-24/ ![](https://cdn.door43.org/obs/jpg/360px/obs-en-24-01.jpg) एलीशिबा सि जकर्याह रौ छैल्डु यूहन्ना, बौडौ फिरी एक भविष्य जान्दौ स्या फिरुन्दौ। हौसौ जांगलै थाक्दौ थयौ, आई जंगली मौ सि टिडडी हौरी खान्दौ थयो, आई ऊँट रौ बाल ऐ जुरयाऊन्दौ गाछौ लाईन्दौ थयौ। ![](https://cdn.door43.org/obs/jpg/360px/obs-en-24-02.jpg) बादौ मानुषा यूहन्ना रौ बातै शुन्मै तैईए जांगलै नाशी आछुन्दै। हौतिनै हौई बौली हौतैन ला प्रचार कौरुन्दौ, “पश्चाताप कौरौ, क्यु बौलता स्वर्ग रौ राज्य नेर स!” ![](https://cdn.door43.org/obs/jpg/360px/obs-en-24-03.jpg) जैतरै मानुषा ऐ यूहन्ना रौ काचा ला शुनौ, तै हौतैन माज का बादौ ऐ आपरौ पाप हौर का पश्चाताप कौरुन्दौ, आई यूहन्ना ऐ हौतैन ला बपतिस्मा दैऊन्दौ। यूहन्ना ला शामै तैईए बादौ धार्मिक प्रधान हौरी बि आछुन्दै, पौर हौतैनोरिए आपरौ पाप हौर रौ पश्चाताप या अंगीकार नौ कौरुन्दौ। ![](https://cdn.door43.org/obs/jpg/360px/obs-en-24-04.jpg) यूहन्ना ऐ धार्मिक प्रधान हौर ला बौलुन्दौ, “हे साँप रौ काथा जहरिला मानुषा! पश्तावा कौरौ आई आपरौ व्यवहार ला बौदल्याव। परमात्मा हर हौसौ बोट ला काटी बैजैस जुन बौलौ फौल ना राजान्दौ, आई हौसौ हौतैन ला आग कै झौंकयाई बैजैस।” जि भविष्य जान्दै स्या हौरी ऐ बौलुन्दौ थयौ यूहन्ना ऐ हौतिज ला पूरा कौरुन्दौ, “शाव, हासाल ऐ हांऊ तांऊ गाछै आपरौ काचा आन्दौ स्या ला भैजसु जुन तांऊला बात जुरयाएस।” ![](https://cdn.door43.org/obs/jpg/360px/obs-en-24-05.jpg) एक्या धार्मिक नेता हौरी ऐ यूहन्ना ला पूछून्दौ कि की तु मसीह सै हा, “यूहन्ना ऐ जवाब दैऊन्दौ, हांऊ मसीह नुंवा, पौर हौसौ मुका पिछु आछैनस। हौसौ हौतेग महान स कि हांऊ हौतिन रौ चिन्दरी रौ फीता खुल्यानौ लायक बि नूसु।” ![](https://cdn.door43.org/obs/jpg/360px/obs-en-24-06.jpg) आईक दयार, यीशु बपतिस्मा मांगमै तैईए यूहन्ना गाछै आछुन्दौ। जैतरै यूहन्ना ऐ हौतिन ला दैखौ, तै हौतिनै बौलुन्दौ, “शाव! परमात्मा रौ गाबलु जुन संसार रौ पाप हौर ला आपगाश चुंगैस।” ![](https://cdn.door43.org/obs/jpg/360px/obs-en-24-07.jpg) यूहन्ना ऐ यीशु ला बौलुन्दौ, “हांऊ तांऊला बपतिस्मा दैन्नौ लायक नुसु। हौजरौ बजाए जरुरी स कि तू माना बपतिस्मा दै।” पौर यीशु ऐ बौलुन्दौ, “तांऊला माना बपतिस्मा दैन्नौ चान्दौ, क्यु बौलता हौयौ कौरी हाऊ परमात्मा रौ इछा पूरा कौरसु।” तै यूहन्ना ऐ हौतिन ला बपतिस्मा दैऊन्दौ, बल्कि यीशु ऐ कादुई पाप नौ कौरुन्दौ थयौ। ![](https://cdn.door43.org/obs/jpg/360px/obs-en-24-08.jpg) बपतिस्मा दैई पिछु जैतरै यीशु पानी का निकली बाए आछुन्दौ, तै परमात्मा रौ आत्मा कबूतर रौ रु कै प्रकट फिरुन्दौ आई तोल आछी हौतिन गाश बैशुन्दौ। हौतरै, परमात्मा ऐ स्वर्ग का बाताऊन्दौ। हौतिनै बौलुन्दौ, “तु मैरौ छैल्डु सै। हांऊ तांऊका प्रेम कौरदौ सु, आई हांऊ तांऊका वाल खुश सु।” ![](https://cdn.door43.org/obs/jpg/360px/obs-en-24-09.jpg) परमात्मा ऐ यूहन्ना ला बौलुन्दौ थयौ, “पवित्र आत्मा तोल आछी कास एक गाश बैशैस जासला तु बपतिस्मा दिसै।” हौसौए परमात्मा रौ छैल्डु स परमात्मा एखेस। पौर जैतरै यूहन्ना ऐ यीशु ला बपतिस्मा दैऊन्दौ, तै हौतिनै परमात्मा ला छैल्डु सी बातै बाताईनौ शुनी, हौतिनै छैल्डु सी परमात्मा ला दैखुन्दौ, जुन कि यीशु स, आई हौतिनै पवित्र आत्मा ला यीशु गाश उतरैन दैखुन्दौ। *मत्ती पाठ 3; मरकुस 1:9-11; लूका 3:1 का एक बाइबल रौ कहानी* Audio: https://git.door43.org/OBS-TLF/tpq_obs/releases/download/v1/tpq_obs_v1_24_128kbps.m4a ## 25. शैतान यीशु रौ परख कौरदौ स https://openbiblestories.org/l/tpq/story-25/ ![](https://cdn.door43.org/obs/jpg/360px/obs-en-25-01.jpg) यीशु रौ बपतिस्मा फिरी पिछु हौतरै ऐ, पवित्र आत्मा हौतिन ला सुनसान जागा कै निऊन्दौ। यीशु हौतिनचै दुई बिशौ दयार आई दुई बिशौ राच थयौ। हौतादु काल हौतिनै ब्रौत जागुन्दौ, आई शैतान ऐ यीशु गाछै आछी पाप खौटामै तैईए हौतिन रौ परख कौरुन्दौ। ![](https://cdn.door43.org/obs/jpg/360px/obs-en-25-02.jpg) पहले, शैतान ऐ यीशु ला बौलुन्दौ, “आगर तु परमात्मा रौ छैल्डु सै तै हौई जान्टी हौर ला रौटी जुरयाव ताकि तु खाई बौल्सै!” ![](https://cdn.door43.org/obs/jpg/360px/obs-en-25-03.jpg) पौर यीशु ऐ शैतान ला बौलुन्दौ, “परमात्मा रौ वचन कै हौई लिखी स, ‘जिऊन्दौ थाकमै तैईए मानुष ला ऐखो खाऊ रौ जरुरत नुंदौ, पौर हौतैन ला हर हौसौ बातै रौ जरुरत स जि परमात्मा हौतैन ला बौल्दौ स!’” ![](https://cdn.door43.org/obs/jpg/360px/obs-en-25-04.jpg) तै शैतान ऐ यीशु ला मन्दिर रौ सेबका ऊशटौ सिरा गाश निऊन्दौ। हौतिनै यीशु ला बौलुन्दौ, “आगर तु परमात्मा रौ छैल्डु सै तै ईनचै का तोल लांग छाराव, क्यु बौलता लिखी स, ‘परमात्मा तांऊला चुंगमै तैईए आपरौ स्वर्गदूत हौर ला हुकूम दैस कि तैरौ खुन्डी हौर कै जान्टी रौ चोट नालागनौ चान्दौ।” ![](https://cdn.door43.org/obs/jpg/360px/obs-en-25-05.jpg) पौर यीशु ऐ हौसौ नौकौरुन्दौ जि शैतान ऐ हौतिन ला कौरमै ला बौली थयौ। हौजरौ बजाए, हौतिनै बौलुन्दौ, “परमात्मा सेब ला बौलदौ स, ‘तु प्रभु आपरौ परमात्मा रौ परख नौकौरै।’” ![](https://cdn.door43.org/obs/jpg/360px/obs-en-25-06.jpg) फिरी शैतान ऐ यीशु ला संसार रौ सेब इलाका दैखाऊन्दौ। हौतिनै यीशु ला दैखाऊन्दौ कि हौतैनै केत्तेग शक्ति स्या थै, आई हौतैनै केत्तेग साहुकार थै। हौतिनै यीशु ला बौलुन्दौ, “हांऊ तांऊला हौई सेब दिसु आगर तु घुटना टेक्याई मैरौ आराधना कौरसै।” ![](https://cdn.door43.org/obs/jpg/360px/obs-en-25-07.jpg) यीशु ऐ जवाब दैऊन्दौ, “हे शैतान, मुगाछै का ठुर! क्युं बौलता पवित्रशास्त्र कै लिखिस कि तु ऐखो आपरौ परमात्मा ला प्रणाम कौर आई हौतिन रौए आराधना कौर।’” ![](https://cdn.door43.org/obs/jpg/360px/obs-en-25-08.jpg) यीशु ऐ शैतान रौ परख का हार नौ मौन्याऊन्दौ, हौतिर रौ तैईए शैतान हौतिन गाछै का ठुरुन्दौ। तै स्वर्गदूत आछी यीशु रौ सेवापानी कौरैन थै। *मत्ती अध्याय 4:1-11; मरकुस 1:12-13; लूका 4:1-13 का एक बाइबल रौ कहानी* Audio: https://git.door43.org/OBS-TLF/tpq_obs/releases/download/v1/tpq_obs_v1_25_128kbps.m4a ## 26. यीशु आपरौ सेवा शुरु कौरदौ स https://openbiblestories.org/l/tpq/story-26/ ![](https://cdn.door43.org/obs/jpg/360px/obs-en-26-01.jpg) शैतान रौ इम्तेहान हौर का मुकरिनौ का पिछु, यीशु वापस गलील रौ जागा कै आछुन्दौ। हौईए हौसौ जागा जिनचै यीशु थाकदौ थयौ। पवित्र आत्मा यीशु ला भारी ताकत दियैन थयौ, तै ![](https://cdn.door43.org/obs/jpg/360px/obs-en-26-02.jpg) यीशु नासरत नगर कै नाशुन्दौ। हौई हौसौ ऐ देश स जिन्चै यीशु आपरौ बचपन कै थाकदौ थयौ। सब्त रौ दयार तादु, हौसौ पूजा पाठ कौरनौ रौ जागा कै नशुनदौ। आंगमै हान्डदै स्या ऐ हौतिनला यशायाह भविष्य बौल्दौ स्या रौ सन्देश हौर रौ एक किताब दैऊन्दौ। हौतैनै चाईन थै कि हौसौ हौतिज ला शिखैस। तै यीशु ऐ हौसौ किताब ला खुलाई हौतिजरौ एक भाग ला मानुषा रौ तैईए शिखयुन्दौ। ![](https://cdn.door43.org/obs/jpg/360px/obs-en-26-03.jpg) यीशु ए शिखयुन्दौ, “परमात्मा ऐ माना आपरौ आत्मा देऊन्दौ स ताकि हाऊ कंगाल हौर ला सुसमाचार रौ प्रचार कौरी बौलसु। परमात्मा ऐ माना हौतिर रौ तैईए बैजिस कि हाऊ कैदी हौई ला आजाद कौरी बौलसु, अन्धा हौर ला फिरी दृष्टि दैई बौलसु, आई हौतैन ला छुटकारा दैमै जाल्ला आईक्या मानुषा दबाएन सा। हौई हौसौ बैलास जैतरै परमात्मा तामौर गास आपरौ दया कौरेस आई तामोर रौ मदद कौरैस।” ![](https://cdn.door43.org/obs/jpg/360px/obs-en-26-04.jpg) तै यीशु बैशुन्दौ। सेब मानुषा यीशु ला बौडौ ध्यान ऐ शाएन थै। हौतैनै जानदै थै कि पवित्र शास्त्र रौ जि सा भाग यीशु ऐ ईमरी शिखयु थयौ हौसौ मसीह रौ बारै कै थैव। यीशु ए बौलुन्दौ, “जुन बातै ईमरी मैईए तौमौर रौ तैईए शिखुइस ,हौसौ ईम्बरी बीतेन स।” सेब मानुषा हैरान थै। हौतैनोरिए बौलुन्दौ, “कि हौई युसुफ रौ छैलडु नुआया?” ![](https://cdn.door43.org/obs/jpg/360px/obs-en-26-05.jpg) तै यीशु ऐ बौलुन्दौ, “हौई दिमांग स कि मानुषा हौयौ कुन भी भविष्य बौलदौ स्या ला सविकार नौ कौरदै जुन हौतेन रौ ए देँश कै पौली बौडौ फिरुन्दौ। एलिय्याह भविष्य बौल्दौ स्या रौ बेला कै, इस्राइल के बादौ विधवा हौरी थै। पौर जैतरै त्रौन नौ आधौ बौरौश सैग ग्वैन नालागुन्दौ तै भी परमात्मा ऐ एल्लियाह ला कुनै विधवा रौ मदद कौरमै तैईए नेबैजुन्दौ। हौजरौ बजाय, परमात्मा ऐ एल्लियाह ला आईक दैश रौ विधवा गाछै बैजुन्दौ। ![](https://cdn.door43.org/obs/jpg/360px/obs-en-26-06.jpg) यीशु ऐ बौलनौ जारी जागुन्दौ, ‘आई एलीशा भविष्य बौल्दौ स्या रौ बेला कै, इस्राएल कै बादौ मानुषा बू का दुखी थै। पौर एलीशा ऐ हौतेन माज कासलाए चांगा नौकौरुन्दौ। हौतिनै ऐखो इस्राएल रौ दुशमन हौर रौ सेनापति नामान ला चांगा कौरुन्दौ।” पौर जुन मानुषा यीशु रौ बातै शुनेन थै हौतैने यहुदी थै। हौतिर रौ तैईए जैतरै हौतैनोरी ऐ यीशु ला हौई बौलदी बैरै शुनौ तै हौतैनोरिए यीशु गास रौश गारुन्दौ। ![](https://cdn.door43.org/obs/jpg/360px/obs-en-26-07.jpg) नासरत रौ मानुषा ऐ यीशु ला पाउन्दौ आई हौतिन ला आराधना रौ जागा का गिशी बाए निउन्दौ। हौतैनै यीशु ला मारी बैजमै तैईए तोल फिक्यमै ला एक ढौक रौ मुटकांग गास निउन्दौ। पौर यीशु भीड माज का निकलुन्दौ आई नासरत नगर ला शौठाई नाशुनदौ। ![](https://cdn.door43.org/obs/jpg/360px/obs-en-26-08.jpg) तै यीशु सेब गलील रौ जागा कै नाशुन्दौ। आई हौतिन गाछै बादौ भीड आछुन्दै। हौतैनै हौयौ बादौ मानुषा ला गिनुई आछुन्दै जुन बेजुई आइ अपंग थै। हौतैन माज ऐक्या शाई, हान्डी, शुनी आई बौली नौबौल्दै थै,आई यीशु ए हौतेन ला चांगा कौरुन्दौ। ![](https://cdn.door43.org/obs/jpg/360px/obs-en-26-09.jpg) हौजरौ अलावा, बादौ हौयौ मानुषा यीशु गाछै आछुन्दै जाल्ला भूत हौरी लागी थयौ। यीशु ए भूत हौर ला हौतैन का निकलमै ला हूकूम दैऊन्दौ। हौसौ भुत हौरी जिंगाएन थाकुन्दै, “ तू परमात्मा रौ छैलडु सै! भीड रौ मानुषा हैरान थै, आई हौतैनोरिए ऐ परमात्मा रौ स्तुती कौरुन्दौ।“ ![](https://cdn.door43.org/obs/jpg/360px/obs-en-26-10.jpg) तै यीशु ए बारा पुशां पैरै ला चुनायाऊन्दौ जाल्ला यीसु ए आपरौ “प्रेरित” बौलुन्दौ। हौसौ प्रेरितहौरिए यीशु सी यात्राहौरी कौरुन्दौ आई यीशु का ज्ञान परापौत कौरून्दौ। *मत्ती पाठ 4:12-25; मरकुस 1:14-15, 35-39; 3:13-21; लूका 4:14-30, 38-44 का बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_26_128kbps.m4a ## 27. दयालु सामरी रौ कौथा https://openbiblestories.org/l/tpq/story-27/ ![](https://cdn.door43.org/obs/jpg/360px/obs-en-27-01.jpg) एक दयार, यहूदी व्यवस्था जान्दौ स्या एक ज्ञानी मानुष यीशु गाछै आछुन्दौ। हौसौ सेब ला हौई दैखामै चाएन थैव कि यीशु गलत तरीकाए ज्ञान दैन थैव। तै हौतिनै बौलुन्दौ, “हे गुरु, मोक्ष पामै ला हाऊँ की कौरु?” यीशु ए जवाब दैऊन्दौ, “परमात्मा रौ व्यवस्था कै की लिखुन्दौस?” ![](https://cdn.door43.org/obs/jpg/360px/obs-en-27-02.jpg) हौसौ मानुष ऐ बौलुन्दौ, “हौतिच कै लिखिस कि आपरौ परमात्मा का तु आपरौ सेब मौन, प्राण, शक्ति, आई बुद्धि ए प्यार कौर। आई आपरौ पडोसी का आपरौ गान ए प्रेम जाग।” यीशु ऐ जवाब देऊन्दौ, “तु एकदम दिमान्ग बौलैन सै। यदि तु हौयौ कौरसै, तै ताऊला मौक्ष परापत फिरैस।” ![](https://cdn.door43.org/obs/jpg/360px/obs-en-27-03.jpg) पौर हौसौ व्यवस्था रौ ज्ञानी मानुषा ला दैखानौ चान्दौ थैव कि हौतिन रौ जीवन जीऊनौ रौ तरीका बौलौ थैव। हौतिज रौ तैईए होतिनै यीशु का पुछुन्दौ, “अच्छा तैस ठीक स, तै मेरौ पडोसी कुनस?” ![](https://cdn.door43.org/obs/jpg/360px/obs-en-27-04.jpg) यीशु ए हौसौ व्यवस्था जान्दौ स्या ला एक कौथा रौ जरिया ऐ जवाब दैऊन्दौ। “एक यहूदी मानुष थैव जुन एक सौलौक कै हान्डैन यरूशलेम का यरीहो रौ यात्रा कौरैन थैव।” ![](https://cdn.door43.org/obs/jpg/360px/obs-en-27-05.jpg) “पौर एक्या गुन्डाहौरी ऐ हौतिन ला देखी आई हौतिन गाश हमला कौरुन्दौ। हौतैनोरिए हौतिन का सेब लुटयाई आई हौतिन ला आजैकलौ फिरैन सैक लौसुन्दौ।” ![](https://cdn.door43.org/obs/jpg/360px/obs-en-27-06.jpg) “हौतिज का हौतरै पिछु, एक यहूदी याजक हौसौ ए सौलौक बाति नाशुन्दौ। हौसौ याजक ऐ हौसौ मानुष ला सौलौक गाश तिच्छौ दैखुन्दौ। हौतिनै हौसौ मानुष ला बैहोश देखुन्दौ तै हौसौ आईक बिलै का सौलौक ऐ बारैन आंगमै नाशुन्दौ। हौसौ मानुष ऐ हौतिन ला कताई अनदेखा कौरुन्दौ।” ![](https://cdn.door43.org/obs/jpg/360px/obs-en-27-07.jpg) “हौतज का पीछु इक्छैब्या बिति पिछु, एक लेवी हौसौ सौलोक कै आछुन्दौ।( लेवी यहूदी हौर रौ एक खानदान थैव जुनै मन्दिर कै याजक हौर रौ मदद कौरुन्दौ थैव)। ![](https://cdn.door43.org/obs/jpg/360px/obs-en-27-08.jpg) “आईक मानुष जुन हौसौ सौलौके आछुन्दौ हौसौ सामरिया रौ एक पुशां मानुष थैव। सामरी सी यहूदी एक आईक का नफरत कौरदै थै। हौसौ सामरी ए सौलौके हौसौ मानुष ला देखुन्दौ। हौसौ मानुष ऐ दैखुन्दौ कि हौई ता यहूदी स, पौर तै हौतिनै हौतिन गाश बारी तरस खाऊन्दौ। तै हौसौ हौतिन गाछै नाशुन्दौ आई हौतिन रौ जख्म गाश पाटीहौरी कौरुन्दौ।” ![](https://cdn.door43.org/obs/jpg/360px/obs-en-27-09.jpg) “तै हौसौ सामरी ऐ हौसौ मानुष ला तौलाई आपरौ फौच गाश बैशाऊन्दौ आई हौसौ सौलौके एक सराय कै निऊन्दौ। जिन्चै हौतिनै हौतिन रौ लगातार देखभाल कौरनौ जारी जागुन्दौ। ![](https://cdn.door43.org/obs/jpg/360px/obs-en-27-10.jpg) आईक दयार, हौसौ सामरी ला आपरौ यात्रा ला जारी जागनौ जरुरी थैव। हौतिनै हौसौ सराय रौ जिम्मेवार मानुष ला ऊतुरी रुपया दैऊन्दौ। हौतिनै हौतिन ला बौलुन्दौ, “हौई मानुष रौ देखभाल कौरे। आई हौई रुपया का बौदी तैरौ रुपया लागता हाऊ वापस आछी चुकायासु।” ![](https://cdn.door43.org/obs/jpg/360px/obs-en-27-11.jpg) तै यीशु ए हौसौ व्यवस्था रौ ज्ञानी ला पुछुन्दौ, “ताऊला कि लागैनस? हौई त्रौन मानुषा माज का कुन स्या मानुष हौसौ मानुष रौ पडोसी स जाल्ला लुटाई आई मारनौ गाश आनी थैव?” हौतिनै जवाब दैऊन्दौ, “ हौसौ मानुष जुनै हौतिन गाश दया कौरी थैव।” यीशु ऐ हौतिन ला बौलुन्दौ, “तु नाश आई हौयौए कौर।” *लूका पाठ10:25-37 का बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_27_128kbps.m4a ## 28. जवान साऊकार राजा https://openbiblestories.org/l/tpq/story-28/ ![](https://cdn.door43.org/obs/jpg/360px/obs-en-28-01.jpg) एक दयार, एक साऊकार जवान राजा ऐ यीशु गाछै आछी यीशु का पुछुन्दौ, “हे बौलौ गुरु, मोक्ष पामै ला हाऊ कि कौरु?” यीशु ए हौतिन ला बौलुन्दौ, “तू माना बौलौ क्यु बौलेन सै? ऐखौ एखै बौलौस आई हौसौ परमात्मा स। पौर आगर तू मोक्ष पामै चाएता तै परमात्मा रौ हुकुम रौ पालन कौर।” ![](https://cdn.door43.org/obs/jpg/360px/obs-en-28-02.jpg) “माना कुन स्या हुकुम रौ पालन कौरनौ रौ जरुरत स?” हौतिनै पुछुन्दौ। यीशु ए जवाब देऊन्दौ, “हत्या नौकौरै, व्यविचार नौकौरै, चौरी नौकौरै, जाली नाबाताये, आपरौ आमा बा रौ आदर कौरै, आई आपरौ पडोसी ला आपरौ गानै प्रेम कौरै।” ![](https://cdn.door43.org/obs/jpg/360px/obs-en-28-03.jpg) पौर हौसौ जवान मानुष ए बौलुन्दौ, “हाऊँ आपरौ बचपन का ऐ हौई सेब हुकुम हौर रौ पालन कौरेन सु। माना सौदा ए जीऊन्दौ थाकमै ला आई कि कौरनौ रौ जरुरत स?” यीशु ए हौतिन गाश दया कौरुन्दौ आई हौतिन सी प्रेम कौरुन्दौ। ![](https://cdn.door43.org/obs/jpg/360px/obs-en-28-04.jpg) यीशु ए जवाब दैऊन्दौ, “अगर तु सिध्द फिरमै चाएंता तै नाशी आपरौ सेब कुछ बिकिन आई हौसौ रुपया ला गरीब हौर कै बान्ट, आई ताऊला स्वर्ग कै धन पौरैस। तै आछिन्दै मुकपिछांए हान्ड।” ![](https://cdn.door43.org/obs/jpg/360px/obs-en-28-05.jpg) जि यिशु ए बौलुन्दौ आई जैतरै हौसौ जवान मानुष ए शुनुन्दौ होसौ वाल उदास फिरुन्दौ, क्यु बौलता हौसौ मानुष वाल साऊकार थैव आई हौसौ आपरौ सेब सम्पति दैमै ना चान्दौ थैव। हौसौ शुरुई यीशु गाछै का नाशुन्दौ। ![](https://cdn.door43.org/obs/jpg/360px/obs-en-28-06.jpg) तै यीशु ए आपरौ चेलाहौर ला बौलुन्दौ, “परमात्मा रौ राज्य कै साऊकार मानुषा रौ नशनौ वाल मुश्किल स! आं, एक साऊकार मानुष रौ परमात्मा रौ राज्य कै नाशनौ रौ तुलना कै ऊँट रौ स्यौन रौ आखी बाती निकली नाशनौ आसान स। ![](https://cdn.door43.org/obs/jpg/360px/obs-en-28-07.jpg) जि यीशु ऐ बौलुन्दौ चेलाहौर हौसौ सुनी वाले हैरान फिरुन्दै। हौतैनोरिए बौलुन्दौ, “आगर हौई हौयौ हुन्ता परमात्मा कासला बौचायैस?” ![](https://cdn.door43.org/obs/jpg/360px/obs-en-28-08.jpg) यीशु ऐ चेलाहौर गाश दृष्टि बैजी आई बौलुन्दौ, ‘मानुषा रौ आपरौ ऐ उदार कौरनौ असम्भव स। पौर परमात्मा ला असम्भव केछै नुन्दौ।“ ![](https://cdn.door43.org/obs/jpg/360px/obs-en-28-09.jpg) पतरस ऐ यीशु ला बौलुन्दौ, “हामौरी 12 चेलाहौरी आपरौ सेब कुछ शौठाई ताऊ पीछांए आछी सी। तै हामौर रौ ईनाम की हौए स?” ![](https://cdn.door43.org/obs/jpg/360px/obs-en-28-10.jpg) यीशु ऐ जवाब दैऊन्दौ, “सेब मानुषा जुनै मैरौ बजाय आपरौ गौर, भाई, बहन, आंई-बा, छैल्डुपैरै आई आपरौ सम्पति ला शौठाइ स, हौतैन ला हौतिज का 100 गुना बौदी पौरैस आई अनन्त जीवन ला भी परापत कौरैसा। पौर बादै जुन पैलेका ऐ सा हौतैनै पिछांय फिरसा, आई बादै जुन पिछांए सा हौतैनै आंगमाए फिरसा।” *मत्ति पाठ 19:16-30; मरकुस 10:17-31;लूका18:18-30का बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_28_128kbps.m4a ## 29. निर्दयी गुलाम रौ कौथा https://openbiblestories.org/l/tpq/story-29/ ![](https://cdn.door43.org/obs/jpg/360px/obs-en-29-01.jpg) एक दयार, पतरस ऐ यीशु का पुछुन्दौ, “हे स्वामी, माना मैरौ भाई ला कैतेग बैरै माफ कौरनौ चान्दौ जैतरै हौसौ मैरौ खिलाफ पाप कौरैस? कि सात बैरै सैग आ?” यीशु ऐ बौलुन्दौ, “सात बैरै नुआ, पौर सात रौ सत्तर बैरै सैग!” हौतिज रौ जरिया ऐ, यीशु रौ मतलब स कि तामोर ला सौदा क्षमा कौरनौ चान्दौ। तै यीशु ऐ हौई कौथा सुनायाऊन्दौ। ![](https://cdn.door43.org/obs/jpg/360px/obs-en-29-02.jpg) यीशु ऐ बौलुन्दौ, “परमात्मा रौ राज्य एक राजा रौ समान स जुन आपरौ गुलाम का हिसाब मांगनौ चान्दौ थैव।” हौतिन रौ एक गुलाम बादौ कर्जदार थैव।” ![](https://cdn.door43.org/obs/jpg/360px/obs-en-29-03.jpg) पौर हौसौ गुलाम आपरौ कौर्ज चुकायाई नौबौलुन्दौ, हौतिज रौ तैईए राजा ए बौलुन्दौ, “हौनरौ कौर्ज चुकायामै तैईए हौई मानुष ला आई हौनरौ पैरै ला गुलाम रौ रू कै बिकनौ।” ![](https://cdn.door43.org/obs/jpg/360px/obs-en-29-04.jpg) “हौसौ गुलाम ऐ राजा रौ मुंखुंमाए आपरौ जानौ गाश बैशी बौलुन्दौ, “औरछै माना आई ऊतुरी वक्त दै, आई हाऊ कौर्ज रौ सेब रुपया चुकायासु।” राजा ऐ हौतिन गाश रेहम खाऊन्दौ, आई हौतिज रौ तैईए राजा ऐ हौतिन रौ सेब कौर्ज माफ कौरुन्दौ आई नाशनौ बेजुन्दौ। ![](https://cdn.door43.org/obs/jpg/360px/obs-en-29-05.jpg) “पौर जैतरै हौसौ गुलाम राजा गाछै का बाए नाशी, तै हौतिन ला हौतिन रौ एक साथी गुलाम बैठयुन्दौ जुन हौतिन रौ चार मसारौ रौ मुजुरी रौ कर्जदार थैव। हौसौ गुलाम ऐ आपरौ साथी गुलाम ला पाऊन्दौ आई बौलुन्दौ, “ताऊगाश मैरौ जि बि कौर्ज स माना हौसौ चुकायाव। ![](https://cdn.door43.org/obs/jpg/360px/obs-en-29-06.jpg) “होसौ साथी गुलाम ऐ जानौ गाश बैशी बौलुन्दौ, “औरछै आई एकछिब्या पौख, आई हाऊ मैरौ सेब कौर्ज रौ रौकम चुकायासु” पौर हौररौ बजाए, हौसौ गुलाम ऐ आपरौ साथी गुलाम ला जेल कै बैजैन्दौ जैतरै सैग हौसौ हौतिन रौ कौर्ज नुचुकायाए स।” ![](https://cdn.door43.org/obs/jpg/360px/obs-en-29-07.jpg) “जि बि फिरी थैव हौतिज ला आईक्या गुलाम हौरी ऐ देखी आई हौतैनै बादौ परेशान फिरुन्दै। हौतैनै राजा गाछै नाशुन्दै आई हौतिन ला सेब कुछ बौलुन्दौ। ![](https://cdn.door43.org/obs/jpg/360px/obs-en-29-08.jpg) “राजा ऐ हौसौ गुलाम ला बैदी बौलुन्दौ, ‘हे दुष्ट गुलाम! मैईए तैरौ कर्ज ला हौतिज रौ तैईए माफ कौरी थैव क्यु बौलता तैइयें माना औरछै बौली थैव। ताऊंला भी हौयौए कौरनौ चान्दौ थयौ।’ राजा हौतैग रौशै थयौ कि हौतिनै हौतिन ला जेलखाना कै बैजुन्दौ जैतैरै सैग कि हौसौ आपरौ सेब कौर्ज चुकदा नौकौरै स।” ![](https://cdn.door43.org/obs/jpg/360px/obs-en-29-09.jpg) तै यीशु ए बौलुन्दौ, “मैरौ स्वर्ग कै विराजमान बा तोमौर माज का हर एक सी भी हौयौए कौरैस आगर तोमौरी आपरौ भाई ला आपरौ मौन ए क्षमा नौकरता।” *मत्ती पाठ 18:21-35 का बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_29_128kbps.m4a ## 30. यीशु पाँच हजार मानुषा ला खाऊ खिलायान्दौ स https://openbiblestories.org/l/tpq/story-30/ ![](https://cdn.door43.org/obs/jpg/360px/obs-en-30-01.jpg) यीशु ए आपरौ खास चेलाहौर ला प्रचार कौरमै आई मानुषा ला ज्ञान देमै तैईए बादौ आईक-आईक देश कै बैजुन्दौ। जैतरै हौतैनै हौतिनचै का आछुन्दै जिनचै यीशु थैव तै हौतैनोरिए यीशु ला बौलुन्दौ कि हौतेनोरिए की कौरी थैव। तै यीशु हौतेन सी झील रौ आईक बिलै एक शान्त जागा कै नाशी एकसान आराम कौरमै ला बौलुन्दौ। तै हौतेनोरी एक किस्ती गाश बैशुन्दै आई झील रौ आईक बिलै नाशुन्दै। ![](https://cdn.door43.org/obs/jpg/360px/obs-en-30-02.jpg) पौर हौतिनचै बादौ हौयौ मानुषा थै जुनै यीशु आई चेलाहौरी ला कस्ती कै नाशनौ दैखी थैव। हौई मानुषा हौतैन का आंगमै झील रौ आईक बिलै नाशमै तैईए झील रौ कनारे-कनारे ठुरायुन्दै। तै जैतैरै यीशु सी आपरौ चेलाहौरी पौछुन्दै तै बादौ मानुषा रौ एक बौडौ समुह हौतैन ला पौखी हौतिनचै पैले का ऐ थै। ![](https://cdn.door43.org/obs/jpg/360px/obs-en-30-03.jpg) हौसौ भीड कै दैनी पैरै सी छैलडुपैरै रौ गिनती रौ बिना 5000 का बौदी पुषां पैरै थै। यीशु ऐ हौसौ मानुषा गाश बौडौ तरस खाऊन्दौ। यीशु रौ तैईए हौसौ मानुषा बिन पालैस रौ बैरैहौर रौ गान थै। हौतिज रौ तैईए यीशु ऐ हौतेन ला ज्ञान दैऊन्दौ आई हौतैन माज का जुन मानुषा बैजुई थै हौतैन ला चांगा कौरुन्दौ। ![](https://cdn.door43.org/obs/jpg/360px/obs-en-30-04.jpg) बयाल रि बैरै, चेलाहौरी ऐ यीशु ला बौलुन्दौ, “ऐ सानैन स आई औरू-पौरू कुनै नगर भी नाई। हौई मानुषा ला नाशनौ बैज ताकि हौनै नाशी दै की-की खासा।” ![](https://cdn.door43.org/obs/jpg/360px/obs-en-30-05.jpg) पौर यीशु ए चेलाहौर ला बौलुन्दौ, “तौमौरी हौनैला खामै ला की-की दयौ!” हौतैनोरिए जवाब दैऊन्दौ, “हामौरी हौयौ क्यौ कौरी बौलसी? हामौर कै ऐखौ पांच रौटी आई दुई लौऊडौ माछीहौरी स।” ![](https://cdn.door43.org/obs/jpg/360px/obs-en-30-06.jpg) यीशु ए आपरौ चेला हौर ला बौलुन्दौ कि हौसौ भीड रौ मानुषा ला खौर गास पचास-पचास रौ समूह कै बैशमै ला बौलौ। ![](https://cdn.door43.org/obs/jpg/360px/obs-en-30-07.jpg) तै यीशु ऐ पांच रौटी आई दुई माछी ला मांगी स्वर्ग बिलै शाऊन्दौ, आई हौसौ खाऊ रौ तैईए परमात्मा रौ धन्यवाद दैऊन्दौ। ![](https://cdn.door43.org/obs/jpg/360px/obs-en-30-08.jpg) तै यीशु ऐ रौटी सी माछीहौर रौ टुकडा हौर कै खान्याऊन्दौ। हौतिनै मानुषा ला दैमै ला आपरौ चेलाहौर ला हौसौ टुकडा हौरी दैऊन्दौ। चेलाहौर हौसो खाऊ ला बांटैन बांटैन, तै भी हौसौ नेछेक्युन्‍दौ। ![](https://cdn.door43.org/obs/jpg/360px/obs-en-30-09.jpg) हौचका पिछु, चेलाहौरी ए हौसौ खाऊ ला कौटठा कौरुन्दौ जुन नाखाईयुन्दौ थैव आई हौसौ 12 छाटो भौरी थैव! हौसौ सेब खाऊ हौसौ पांच रौटी सी दुई माछी का आछुन्दौ थैव। *मत्ती पाठ 14:13-21; मरकुस 6:31-44; लूका 9:10-17; यूहन्ना 6:5-15 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_30_128kbps.m4a ## 31. यीशु रौ पानी गाश हांडनौ https://openbiblestories.org/l/tpq/story-31/ ![](https://cdn.door43.org/obs/jpg/360px/obs-en-31-01.jpg) पाँच हजार मानुषा ला खाऊ खिलायाई पिछु , यीशु ए आपरौ चेलाहौर ला किस्ती कै नाशमै ला बौलुन्दौ। हौतिनै हौतैन ला झील रौ आईक किनारा बिले नाशमै ला बौलुन्दौ पौर आई आपु ऊतूरी वक्त ला हौसौ हौतिनचै थाकुन्दौ। पौर चेलाहौरी नाशुन्दै आई यीशु ऐ भीड ला भी विदा कौरुन्दौ ताकि हौतैनै आपरौ घौरे नाशसा। हौतिज का पिछु, यीशु प्रार्थना कौरमै ला एक पर्वत गाश नाशुन्दौ। हौतिन्चे हौसौ एखैले थैव, आई हौतिनै बादौ राच सैग प्रार्थना कौरुन्दौ। ![](https://cdn.door43.org/obs/jpg/360px/obs-en-31-02.jpg) हौतरै, चेलाहौरी आपरौ किस्ती ए नाशेन थै, पौर बागुर हौतेन रौ बिलै बादौ जौरी ए आछेन थैव। बादौ राच फिरिन्दौ तै भी हौतैनै झील रौ बीच कै ए पौछी थै। ![](https://cdn.door43.org/obs/jpg/360px/obs-en-31-03.jpg) हौतरै यीशु ए प्रार्थना कौरनौ छैकुन्दौ आई आपरौ चेलाहौर गाछै वापस नाशनौ शुरू कौरुन्दौ। हौसौ किस्ती बिलै नाशमै ला पानी गाश हान्डैन थैव। ![](https://cdn.door43.org/obs/jpg/360px/obs-en-31-04.jpg) तै चेलाहौरिए हौतिन ला दैखुन्दौ आई हौतैनै बादौ डौरुन्दै कयु बौलता हौतैनोरिए सुनचुई थैव कि हौई ता कुन ता भुत स। यीशु जानदौ थयौ कि हौतैनै डौरी सा, हौतिज रौ तैइए हौतैनै हौतेन ला बैदीस बौलुन्दौ, “नौ डौरयौ, हौई हाऊ सु।” ![](https://cdn.door43.org/obs/jpg/360px/obs-en-31-05.jpg) तै पतरस ए यीशु ला बौलुन्दौ, “हे प्रभु, आगर हौई तु सै ता माना पानी गाश हान्डी ताऊगाछै आछनौ रौ आदेश दै।” यीशु ए पतरस ला बौलुन्दौ, “आ!” ![](https://cdn.door43.org/obs/jpg/360px/obs-en-31-06.jpg) पौर पतरस किस्ती का ऊतुरुन्दौ आई यीशु गाछै नाशमै ला पानी रौ सतह गाश हान्डनौ शुरु कौरुन्दौ। पौर ऊतुरी दूर नाशी हौतिनै आपरौ नजर यीशु गास का हटायाउन्दौ आई लेहर हौर ला शानौ आई तेज बागुर ला महसुस कौरनौ शुरू कौरुन्दौ। ![](https://cdn.door43.org/obs/jpg/360px/obs-en-31-07.jpg) तै पतरस डौरी आई डूबैन थयै। हौसौ जिंगयाई, “हे प्रभु, माना बौचाव!” यीशु ए हौतरै हाथ बढायाई हौतिन ला पाई। तै हौतिनै पतरस ला बौलुन्दौ, “तैरौ विश्वास वाल कामस! आपला सुरक्षित जागमै तैईए मुगाश विशवास क्यु नौकौरी? ![](https://cdn.door43.org/obs/jpg/360px/obs-en-31-08.jpg) तै यीशु सी पतरस किस्ती गाश नाशुन्दै, आई हौतरै बागुर बन्ध फिरुन्दौ। पानी शान्त फिरी। चेला हौर ए हैरान फिरी आपरौ जानौ गाश बैशी। हौतैनोरिए हौतिन रौ आरधना कौरी आई हौतिन ला बौलुन्दौ, “ दीमांग ऐ तु परमात्मा रौ छैल्डु सैस।” *मत्ती पाठ 14:22-33; मरकुस 6:45-52; यूहन्ना 6:16-21 का बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_31_128kbps.m4a ## 32. यीशु दुष्टात्मा का ग्रस्त मानुष ला आई एक बीमार देन ला चांगा कौरदौस https://openbiblestories.org/l/tpq/story-32/ ![](https://cdn.door43.org/obs/jpg/360px/obs-en-32-01.jpg) एक दयार यीशु सी हौतिन रौ चेलाहौरी आपरौ किस्ती कै हौसौ जागा कै नाशुन्दै जिन्चै गिरासेनी रौ मानुषा थाकदै थै। हौतैनै हौसौ जागा कै पौछी किस्ती का ऊतुरुन्दै। ![](https://cdn.door43.org/obs/jpg/360px/obs-en-32-02.jpg) हौतिनचै एक मानुष थयौ जुन भूत आत्मा का ग्रस्त थयौ। ![](https://cdn.door43.org/obs/jpg/360px/obs-en-32-03.jpg) हौई मानुष हौतैग ताकत स्या थैव कि कुन भी हौतिन ला बौश कै कौरी नौबौलदै थै। एकुम्बैरै मानुषा ए हौतिन रौ हाथ सी खुंडी ला शांगलीहौरी ऐ बानुधौ, पौर हौसौ हौतिज ला चुटान्दौ थैव। ![](https://cdn.door43.org/obs/jpg/360px/obs-en-32-04.jpg) हौसौ मानुष हौसौ जागा कै कब्रिस्तान कै थकदौ थैव। हौई मानुष सारा राचा जिंगयाएन थाकदौ थैव। हौसौ गाछौ निबिदीन्दौ थैव आई सौदा ऐ आपला जान्टीहौरी ऐ बेहौश कौरदौ थैव। ![](https://cdn.door43.org/obs/jpg/360px/obs-en-32-05.jpg) हौसौ मानुष ठूरी यीशु गाछै आछुन्दौ आई हौतिन रौ सौमने जान्नु गास बैशुन्दौ। तै यीशु ए हौसौ मानुष रौ भीते रौ दुष्टात्मा ला बौलुन्दौ, “हौई मानुष का बाए निकिल आ!” ![](https://cdn.door43.org/obs/jpg/360px/obs-en-32-06.jpg) हौसौ दुष्टात्मा जौरै जिंगयाऊन्दी, “हे यीशु,परम प्रधान परमात्मा रौ पुत्र, तैरौ मुका की काम? औरछे माना नाचापराए!” तै यीशु ए हौसौ दुष्टात्मा ला पुछुन्दौ, “तैरौ नाव किस?” हौतिनै जवाब दैऊन्दौ, “मैरौ नाव सैना, क्यु बौलता हामौरी बादौ सी।” (रोमी सेना कै कई हजार सैना हौर रौ एक टोली एक “सेना” थाकदौ थयौ।) ![](https://cdn.door43.org/obs/jpg/360px/obs-en-32-07.jpg) हौसौ दुष्टात्माहौरिए यीशु का विनती कौरुन्दौ, “औरछै हामोर ला हौई जागा का बाए नैबजै!” हौतिनचै नैरै ए ढौंक गाश सुंगारहौर रौ एक टौलांग चारिएन थै। हौतिज रौ ताईंए हौसौ दुष्टात्मा हौरी ए यीशु का विनती कौरुन्दौ, “औरछै हामोर ला हौई सुंगारहौर कै भेज पौर सजा निदिए!” यीशु ए बौलुन्दौ, “ठीक स, हौतैन कै नाशौ!” ![](https://cdn.door43.org/obs/jpg/360px/obs-en-32-08.jpg) तै हौसौ दुष्टात्माहौरी ए हौसौ मानुषा का निकली हौसौ संगार हौर कै प्रवेश करुन्दौ। हौसौ सुंगारहौरी ठुरावी एक ऊजौ चोटि गाश का झील कै नाशुन्दै आई डूबी मौरुन्दै। हौसौ टौलांग कै लगभग 2000 सुंगार थै। ![](https://cdn.door43.org/obs/jpg/360px/obs-en-32-09.jpg) हौतिन्चै हौसौ सुंगारहौर रौ देखरेख कौरदै मानुषा थै। जिबि भी फिरी थयौ जैतरै हौतैनोरी ऐ दैखौ तै हौतैनै हौसौ नगर का नाशुन्दै। यीशु ऐ जिबि भी कौरी थयौ हौतिनचै हौतैनोरी ऐ सैब ला बौलुन्दौ। हौसौ नगर रौ मानुषा निकली आई हौसौ मानुष ला शाई जासकै दुष्टातमा हौर थैव। हौसौ शान्तिए, गाछौ लाऊई, आई एक सामान्य मानुष रौ गान बरताव कौरैन बैशी थैव। ![](https://cdn.door43.org/obs/jpg/360px/obs-en-32-10.jpg) हौसौ मानुषा बादौ डौरी थै आई हौतैनोरी ऐ यीशु ला नाशमै ला बौलुन्दौ। तै यीशु किस्ती गाश नाशुन्दौ। हौसौ मानुष जासकै दुष्टात्माहौरी थैव हौतिनै यीशु सी नाशमै ला विनती कौरुन्दौ। ![](https://cdn.door43.org/obs/jpg/360px/obs-en-32-11.jpg) पौर यीशु ए बोलुन्दौ, “ ना। हाँऊ चाएन सु कि तु गौरे नाशी सेब ला बौल कि परमात्माए तैरौ तैईए कि कौरी स। हौतैन ला बौल कि क्यौ परमात्मा ऐ ताऊंगाश दया कौरी थैव।“ ![](https://cdn.door43.org/obs/jpg/360px/obs-en-32-12.jpg) तै हौसौ मानुष नाशुन्दौ आई सेब ला हौजरौ बारै कै बौलुन्दौ जि यीशु ए हौतैन रौ तैईंए कौरी थैव। ![](https://cdn.door43.org/obs/jpg/360px/obs-en-32-13.jpg) यीशु झील रौ आईक बिलै आछुन्दौ। हौतिन रौ हौतिनचै पौछी पिछु, एक भारी भीड हौतिन रौ आसपास कौटठा फिरून्दै आई हौतिन ला दबायाएन थै। हौसौ भीड कै एक देन मानुष थी जासला 12 बौरौश का खून निकिलनौ रौ बयाज थैव। हौतैसै आपरौ सेब दौलत डाक्टरहौर ला दैऊन्दौ ताकि हौतैनै हौतैस ला चांगा जुरयाई बौलेसा,पौर हौतैस रौ बयाज आई भी बौडवी थैव। ![](https://cdn.door43.org/obs/jpg/360px/obs-en-32-14.jpg) हौतैसै शुनी थैव कि यीशु ऐ बादौ बैज्युन्दै मानुषाहौर ला चांगा कौरुन्दौ थैव आई हौतैसै सुनचुई, “माना हौई विशवास स कि अगर हाऊं ऐखौ यीशु रौ गाछौ ला छुंगता, तैभी हाऊं बौली फिरसु!” हौतिज रौ तैईंए हौसौ यीशु पिछांए आछुन्दी आई हौतेसै यीशु रौ गाछौ ला छुंगुन्दौ। ज्यौ ऐ हौतैसै यीशु ला छुंगुन्दौ, खून बौयानौ बयाज बौन्ध फिरुन्दौ। ![](https://cdn.door43.org/obs/jpg/360px/obs-en-32-15.jpg) हौतरै, यीशु ए जानी कि मुका शक्ति निकलिस। हौतिज रौ तैईंए हौतिनै पिछांए शुरुई पुछुन्दौ, “माना कुनै छुंगौ?” चेलाहौरी ए जवाब देऊन्दौ, “इनचै हौतैग सैब मानुषा ए तैरौ खुंडी बीलै भीड बैजिस,आई ताऊला टैमाएनस। तै तैईयैं कयु पुछौ कि माना कुनिए छुंगीस। ![](https://cdn.door43.org/obs/jpg/360px/obs-en-32-16.jpg) तै हौसौ दैन मानुष यीशु रौ सौमने थौरथौराएन पौ आई बादौ डौरेन पौ आपरौ जानो गाश बैशुन्दी। तै हौतैसै हौतिन ला बौलुन्दौ की हौतैसै कि कौरुन्दौस, आई हौई भी कि हौसौ ठीक फिरी। यीशु ए हौतैस ला बौलुन्दौ , “तैरौ विश्वास ए ताऊला चंगा कौरिस। शान्ति ऐ नाश।” *मत्ती पाठ 8:28-34; 9:20-21; मरकुस 5:1-20; 5:24-34; लुका 8:26-39; 8:42-48 का बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_32_128kbps.m4a ## 33. एक किसान रौ कौथा https://openbiblestories.org/l/tpq/story-33/ ![](https://cdn.door43.org/obs/jpg/360px/obs-en-33-01.jpg) एक दयार, यीशु झील रौ कनारे थयौ। हौसौ मानुषहौर रौ एक बादौ बौडौ भीड ला ज्ञान दैन थयौ। हौतिन ला शुनमै ला हौतैग बादौ मानुषा आछी कि यीशु कै हौतैन सी बाताईमै तैईंए जागा ए नौबौचुन्दौ। हौतिज रौ तैईंए हौसौ पानी कै खड़ा किस्ती गास नाशुन्दौ। हौतिनचै हौसौ बैशुन्दौ आई मानुषा ला ज्ञान दैऊन्दौ। ![](https://cdn.door43.org/obs/jpg/360px/obs-en-33-02.jpg) यीशु ऐ हौतैन ला हौई कौथा शुनायाऊन्दौ, “एक किसान बिऊ बौमै तैईंए बाए निकलुन्दौ। जैतरै हौसौ हाथै बिऊ हौर ला बैजैन थै तै एक्या बिऊ बातकै शौरून्दौ। पौर पंछीहौरी ऐ आछी हौसौ सेब बिऊ हौर ला खाई बैजुन्दौ।” ![](https://cdn.door43.org/obs/jpg/360px/obs-en-33-03.jpg) “आईक्या बिऊ शाकरै स्या माटी गाश शौरुन्दौ जिन्चै माटी कताई गाटो थैव। शाकरै स्या माटी गाश शौरुन्दौ बिऊ वाल हासाल ए राजुन्दौ, पौर हौतैन रौ जीलहौरी माटी रौ गैराई कै नाशमै सक्षम नैथै। ज्यौ दीयुस निकलौ आई झाव फिरौ तै हौसौ पौधाहौरी शुकी मौरुन्दै।” ![](https://cdn.door43.org/obs/jpg/360px/obs-en-33-04.jpg) “आई आईक्या बिऊ जाखरा माज शौरुन्दै। हौसौ बिऊहौरी ऐ बौरजनौ शुरु कौरुन्दौ, पौर काँड़ौहौरी ऐ हौतिज ला टैमाऊन्दौ। तै हौतिज रौ तैईंए जाखरा कै शौरुन्दौ बीऊ का निकलुन्दौ पौधा माज का एक कै भी फौसौल नालागुन्दौ। ![](https://cdn.door43.org/obs/jpg/360px/obs-en-33-05.jpg) “आईक्या बिऊ बौलौ माटी गाश शौरुन्दौ। हौसौ बिऊ बौरजुन्दौ आई जैतैग बिऊ बौई थैव हौतिज माज का एक्या ए 30, 60 आई हौनचे सैग कि एक्या ए 100 गुणा फौसल पैदा कौरुन्दौ। जुन भी परमात्मा रौ पिछांए हांडनौ चाएनस, हौसौ हौई बातै गाश ध्यान दैईयौ जि हाऊँ बौलेन सु!” ![](https://cdn.door43.org/obs/jpg/360px/obs-en-33-06.jpg) हौई कौथा ऐ चेलाहौर ला उलझन कै बैजुन्दौ। तै हौतिज रौ तैईए यीशु ए बौलुन्दौ, “हौसौ बिऊ परमात्मा रौ वचन स। हौसौ बात एक हौयौ मानुष स जुन परमात्मा रौ वचन ता शुनदौस, पौर हौतिज ला नौसौमजिन्दौ स। तै शैतान हौतिन गाछै का वचन चोरी निदौस। मतलब शैतान हौतिन ला वचन सौमझिनौ का दूर जागदौस। ![](https://cdn.door43.org/obs/jpg/360px/obs-en-33-07.jpg) हौसौ शाकरै स्या माटी हौयौ मानुष स जुन परमात्मा रौ वचन ला शुनदौस आई खुशीए हौतिज ला स्वीकार कौरदौ स। पौर कठिन वक्त आछदौ स, या जैतरै औरिक्या मानुषा हौतिन ला सतायान्दै स, तै हौसौ परमात्मा का दूर नाशदौ स। मतलब हौसौ परमात्मा गाश विश्वास कौरनौ शौठयान्दौ स।” ![](https://cdn.door43.org/obs/jpg/360px/obs-en-33-08.jpg) “हौसौ काँडौ स्या माटी हौयौ मानुष स जुन परमात्मा रौ वचन ला शुनदौस। पौर हौसौ बादौ बातै हौर रौ बारै कै फिकर कौरनौ शुरू कौरदौ स, आई हौसौ बादौ धन कमायानौ रौ कोशिश कौरदौ स, आई हौसौ बादौ चीज हौर ला पायानौ रौ कोशिश कौरदौ स। एक्छिब्या पिछु, ऐ हौसौ परमात्मा ला प्रेम कौरमै ला सक्षम नाईं। तै हौतिज रौ तैईंए जि हौतिनै परमात्मा रौ वचन का शिखुई थैव हौसौ हौतिन ला परमात्मा ला खुश कौरमै सक्षम नौकौरदौ स। हौसौ गेऊँ रौ डालहौर रौ समान स जुन कैछै फसल पैदा नौकौरदौ स।” ![](https://cdn.door43.org/obs/jpg/360px/obs-en-33-09.jpg) “पौर बौलौ माटी हौसौ मानुष स जुन परमात्मा रौ वचन ला शुनदौस, हौतिज गाश विश्वास कौरदौस, आई फौसल पैदा कौरदौस।” *मत्ती पाठ 13:1-8, 18-23; मरकुस 4:1-8, 13-20; लूका 8:4-15 का बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_33_128kbps.m4a ## 34. यीशु आईक्या कौथा हौररौ ज्ञान दैंदौ स https://openbiblestories.org/l/tpq/story-34/ ![](https://cdn.door43.org/obs/jpg/360px/obs-en-34-01.jpg) यीशु ए परमात्मा रौ राज्य रौ बारे कै आईक्या बादौ कौथाहौरी सुनायाऊन्दौ। जैव कि, हौतिनै बौलुन्दौ “ परमात्मा रौ राज्य एक राई रौ बीऊ रौ समान स जिल्ला कुनै ता आपरौ डौखरै कै बौऊन्दौ। तोमौरी जानदै सौ कि राई रौ बीऊ सैब बिऊ हौर का लौऊडौ थाकदौ स।” ![](https://cdn.door43.org/obs/jpg/360px/obs-en-34-02.jpg) “पौर जैतरै राई रौ बिऊ बौरजदौ स तै हौसौ बगीचा रौ सेब शाग पाच हौर का सेब का बौडौ फिरदौ स, हौतेग बौडौ कि पांछी आछी हौतिज रौ बारचौ हौर गाश आराम कौरदै सा।” ![](https://cdn.door43.org/obs/jpg/360px/obs-en-34-03.jpg) यीशु ऐ एक आईक कौथा बौलुन्दौ, “परमात्मा रौ राज्य खमीर रौ समान स जिल्ला एक देन मानुष मुछुन्दौ चिगास कै मिलायांदि स तै हौतिज का सेब चिकास सुरमाईदौ स।” ![](https://cdn.door43.org/obs/jpg/360px/obs-en-34-04.jpg) “परमात्मा रौ राज्य हौसौ खजाना रौ समान स जिल्ला कुनै ता आपरौ डौखौरै चोरुन्दौ स। आईक मानुष ला हौसौ खजाना पौरी आई हौतिनै हौतिज ला पायामै ला बादौ इच्छा कौरुन्दौ। हौतिज रौ तैईंए हौतिनै हौतिज ला फिरी गाड़ायाऊन्दौ। हौसौ हौतैग खुशी ऐ थैव कि हौतिनै नाशी आपरौ सेब चीज बिकिनुन्दौ ताकि हौसौ डौखौरौ ला लौवी बौलैस जिन्चै हौसौ खजाना थैव।” ![](https://cdn.door43.org/obs/jpg/360px/obs-en-34-05.jpg) “परमात्मा रौ राज्य एक बैश कीमती प्यौर मोती रौ समान भी स। जैतरै कुन मोती हौर रौ व्यापारी ला पौरदौ स तै हौसौ हौतिज ला लौईमै तैईंए आपरौ सेब चीज बिकनी बैजदौ स।” ![](https://cdn.door43.org/obs/jpg/360px/obs-en-34-06.jpg) हौतिनचै एक्या मानुषा थै जुन हौई सुनचिन्दै थै कि परमात्मा हौतैन ला हौतिज रौ तैईंए स्वीकार कौरेस क्यु बौलता हौतैनै बौलौ काम खौटैन सा। हौई मानुषा हौयौ मानुषा ला तुच्छ जान्दै थै जुन हौसौ बौलौ कामहौरी नौकौरदै थै। हौतिज रौ तैईंए यीशु ए हौतेन ला हौई ए कौथा बौलुन्दौ। “दुई पुशां पैरै थै आई दुईए प्रार्थना कौरमै मंदिर कै नाशुन्दै। हौतैन माज का एक मांमला मांगदौ स्या थैव, आई आईक स्या धार्मिक अगुवा थैव।” ![](https://cdn.door43.org/obs/jpg/360px/obs-en-34-07.jpg) “हौसौ धार्मिक अगुवा ऐ हौयौ प्रार्थना कौरुन्दौ, ‘हे परमात्मा, तैरौ धन्यावाद कि हाँऊ आईक्या मानुषा रौ गान- जयौ कि डाकू, अन्यायी मानुष, व्यभिवारी, या हौन्चै बैशुन्दौ हौई मांमला मांगदौ स्या रौ गान एक पापी भी नुसु।” ![](https://cdn.door43.org/obs/jpg/360px/obs-en-34-08.jpg) “जैव कि, हाँऊ हर हपता दुई बैरै ब्रौत भी जागदौ सु, आई माना पौरदौ सा धन आई समान रौ दसवा हिसा ताऊंला दैनदौ सु।” ![](https://cdn.door43.org/obs/jpg/360px/obs-en-34-09.jpg) “पौर हौसौ मांमला मांगदौ स्या हौसौ धर्मी अगुवा का बादौ दूर ऊजौ फिरून्दौ। हौतिनै आगाश स्वर्ग बिले भी नाशाऊन्दौ। हौतिज रौ बजाय, हौतिनै आपरौ मुठीए टुकचौ कुटैन पौ प्रार्थना कौरुन्दौ, ‘हे परमात्मा, औरछै मुगाश दया कौर क्यु बौलता हाँऊ एक पापी सु। ![](https://cdn.door43.org/obs/jpg/360px/obs-en-34-10.jpg) तै यीशु ए बौउन्दौ, “ हाँऊ तौमोर ला दीमांग बौलैन सु, परमात्मा ए हौसौ मांमला मांगदौ स्या मानुष रौ प्रार्थना शुनुदौ आई हौतिन ला धर्मी घोषित कौरुन्दौ। पौर हौतिनै हौसौ धर्मी अगुवा रौ प्रार्थना पसंद नौकौरुन्दौ। परमात्मा हर एक घमंड़ी रौ मुटकांग ला नीचा कौरेस, पौर हौसौ हर हौसौ मानुष ला आदर दैस जुन आपला न्रम कौरैस।” *मत्ती पाठ 13:31-33, 44-46; मरकुस 4:30-32; लूका 13:18-21;18:9-14 का बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_34_128kbps.m4a ## 35. एक दयालु बा रौ कौथा https://openbiblestories.org/l/tpq/story-35/ ![](https://cdn.door43.org/obs/jpg/360px/obs-en-35-01.jpg) एक दयार, यीशु हौसौ बादौ मानुषा ला ज्ञान दैन थै जुन हौतिन रौ वचन शुनमै ला कौठा फिरी थै। हौई मानुषा मांमला मांगदै स्या आई साथ ए आईक मानुषा भी थै जुनै मूसा रौ कानून रौ पालन कौरनौ रौ कौशिश नौकौरदै थै। ![](https://cdn.door43.org/obs/jpg/360px/obs-en-35-02.jpg) एक्या धार्मिक अगुवाहौरिए शाव कि यीशु हौई मानुषा सी एक कौनैस रौ गान बातै बाताइएन थैव। तै हौतिर रौ तैईंए हौतेनौरिए आपस कै हौई बौलनौ शुरु कौरुन्दौ कि होसौ गौलत कौरैन थैव। यीशु ऐ हौतैन ला बातै बाताइनौ शुनुदौ, हौतिर रौ तैईंए हौतिनै हौतैन ला हौई कौथा बौलुन्दौ। ![](https://cdn.door43.org/obs/jpg/360px/obs-en-35-03.jpg) “एक मानुष थैव जासरौ दुई छैल्डुपैरै थै। लौऊडौ स्या छैल्डु ए आपरौ बा ला बौलुन्दौ, ‘हे बा,ऐ हाऊँ आपरौ हिस्सा चामै सु!’ तै बा ए आपरौ दुईए छैल्डुपैर माज आपरौ सम्पति ला बान्टी दैऊन्दौ।” ![](https://cdn.door43.org/obs/jpg/360px/obs-en-35-04.jpg) “हासालै लौऊडौ स्या छैल्डु आपरौ सेब चीज कौठा कौरी दूर देश कै नाशुन्दौ आई गौलत काम कै आपरौ सेब धन बरबाद कौरुन्दौ।” ![](https://cdn.door43.org/obs/jpg/360px/obs-en-35-05.jpg) “हौजका पिछु, जिनचै लौऊडौ छैल्डु थैव हौसौ दैश कै एक भयंकर अकाल लागुन्दौ, आई हौतिन कै राशन लौईमै रौ तैईंए रुपया नैथैव। हौतिज रौ तैईंए हौतिन ला जि काम पौरौ हौसौ सुंगार हौर ला चारनौ स्या थयौ। हौसौ हौतैग दुखी आई भौखै थैव कि हौसौ सुंगार हौर रौ खाऊ खामै चाएन थैव। ![](https://cdn.door43.org/obs/jpg/360px/obs-en-35-06.jpg) “आखिर कै, हौसौ लौऊडौ छैल्डु ऐ आपला ए बौलुन्दौ, ‘हाँऊ कि कौरेन सु? मैरौ बा ऱौ सेब नुकुर हौर कै भी खामै ला बादौ स, तै भी हाँऊ इनचै भौखै मौरैन सु। हाँऊ बा गाछै वापस नाशशु आई आपरौ बा रौ नुकुर फिरमै रौ तैईंए हौतिन का विनती कौरसु।” ![](https://cdn.door43.org/obs/jpg/360px/obs-en-35-07.jpg) “तै हौसौ लौऊडौ छैल्डु ऐ वापस आपरौ बा रौ घौर बिलै नाशनौ शुरु कौरुन्दौ। जबकि हौसौ ईम्बरी आई दूर ए थैव, हौतिन रौ बा ए हौतिन ला दैखी आई हौतिन गाश तरस खाऊन्दौ। हौसौ ठुरी आपरौ छैल्डु गाछै नाशुन्दौ आई हौतिन रौ कयारौ कै साचुन्दौ।” ![](https://cdn.door43.org/obs/jpg/360px/obs-en-35-08.jpg) “हौसौ छैल्डु ए बौलुन्दौ, ‘या बा, मैईंए परमात्मा आई तैरौ खिलाफ पाप कौरुन्दौ स। हाँऊ तैरौ छेल्डु बौलनौ लायक भी नुसु।” " पौर बा ऐ आपरौ एक नुकुर ला बौलुन्दौ, ‘हासाल नाशी सेब का बौलौ गाछौ गिनुई आ आई मैरौ छैल्डु ला लायाव! हौतिन रौ आंऊठी कै मुन्दी आई खुंडी हौर कै चिनदरी लायाव। तै सेबका बौलौ एक मौटौ तगडा बैरै ला मारौ ताकि तामौरी खाऊँगै आई खुशी मौनायाऊन्गे, क्यु बौलता मैरौ छैल्डु मौरी थैव, पौर हौसौ ए जिऊन्दौ स! हौसौ शो नाशी थैव, पौर ए हौसौ तामोर ला पौरुन्दौ स।” " ![](https://cdn.door43.org/obs/jpg/360px/obs-en-35-09.jpg) “तै हौतिज रौ तैईए मानुषा ऐ खुशी मौन्यानौ शुरु कौरुन्दौ। एक सान पिछु, बौडौ सा छैल्डु डौखरै काम कौरी घौरै आछुन्दौ। हौतिनै नाच गाना रौ काद शुनुदौ आई हैरान फिरुनदौ कि हौई कि फिरैन स।” ![](https://cdn.door43.org/obs/jpg/360px/obs-en-35-10.jpg) “जैतरै बौडौ सा छैल्डु ला पता लागुन्दौ कि हौतेनोरी हौतिज रौ तैईए खुशी मानाएन थै क्यु बौलता हौतिन रौ भाई घौरै वापस आछी थैव, तै हौतिन ला वाल रोश आछुन्दौ आई घौरै बितै नाशुन्दौ। हौतिन रौ बा बाए आछुन्दौ आई बौलुन्दौ बितै आछी हौतैन सी खुशी मनायाव, पौर हौतिनै मना कौरुन्दौ।” " हौसौ बौडौ छैल्डु ऐ आपरौ बा ला बौलुन्दौ, ‘हौतेग बौरौश मैईंए तैरौ काम ईमानदारी ए कौरी! कादु भी तैरौ बातै ला टालाऊन नाई, पौर तैईए कादु भी मैरौ कौनेस हौर सी पालटी कौरमै ला एक बैरै भी दैऊन्दौ नाई। पौर तैरौ हौई छैल्डु ऐ तैरौ सेब रुपया ला मार काम कै बरबाद कौरी स आई ए जैतरै हौई आछी तै हौतिन रौ तैईए खुशी मनायामै तैइए सेब का बौडौ बैरै ला मारी बैजी स!’“ " " बा ए जवाब दैऊन्दौ, ‘या मैरौ छैल्डु, तु ता हमेशा मुकसी ऐ सै, आई जी भी मैरौस हौसौ सेब तैरौए स। पौर तामरौ खुशी मनायानौ ठीकस क्यु बौलता तैरौ भाई मौरौ थैव, पौर ऐ हौसौ जिऊन्दौ स। हौसौ शौ नाशी थैव, पौर ए हौसौ तामोर ला पौरुन्दौ स।” " *लूका पाठ 15:11-32 का बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_35_128kbps.m4a ## 36. यीशु रौ रु बौदल्यानौ https://openbiblestories.org/l/tpq/story-36/ ![](https://cdn.door43.org/obs/jpg/360px/obs-en-36-01.jpg) एक दयार, यीशु ऐ आपरौ त्रौन चेला हौरी, पतरस, याकूब आई यूहन्ना ला आपसी साथ निऊन्दौ। (हौई यूहन्ना नाव रौ चेला हौसौए मानुष नुवां जुनै यीशु ला बपतिस्मा दैई थयौ।) हौतैनै प्रार्थना कौरमै ला एक ऊशटौ पौर्बत गाश नाशुन्दै। ![](https://cdn.door43.org/obs/jpg/360px/obs-en-36-02.jpg) जैतरै यीशु प्रार्थना कौरैन थयौ तै हौतिन रौ मुह दयुस सि बराबौर प्यांशौ फिरुन्दौ। हौतिन रौ गाछौ प्यांशौ सि बराबौर शुकलौ फिरुन्दौ, जैव पृथ्वी गाश कुन कौरी बौलैस हौतिज का बि बौदी शुकलौ। ![](https://cdn.door43.org/obs/jpg/360px/obs-en-36-03.jpg) तै मूसा सि एलिय्याह भविष्य जान्दै स्या प्रकट फिरुन्दै। हौई मानुषा हौई धरती गाश इमबरी का बादौ रा बौरौश पहलै थाकदै थै। हौतैनोरिए यीशु सि हौतिन रौ मौत रौ बारे कै बातै बातावी, क्यु बौलता हौसौ हासाल ऐ यरुशलेम कै मौरैस। ![](https://cdn.door43.org/obs/jpg/360px/obs-en-36-04.jpg) जैतरै मूसा सि एलिय्याह यीशु सि बातै बाताएन थै तै पतरस ऐ यीशु ला बौलुन्दौ, “तामोर ला इन्चै हुनौ बौलौस। तामोरी त्रौन मंडप हौरी ला जुरयाऊगै, एक तांऊला, एक मूसा ला, आई एक एलिय्याह ला।” पौर पतरस नाजान्दौ थयौ कि हौसौ की खौटैन स। ![](https://cdn.door43.org/obs/jpg/360px/obs-en-36-05.jpg) जैतरै पतरस बातै बाताएन थयौ, तै एक चमकदार झुं तोल आछी हौतैन गाश छायायुन्दौ। फिरी हौतैनोरिए झुं का एक काद आछनौ शुनुन्दौ। हौतिनै बौलुन्दौ, “हौई मैरौ छैल्डु स जासका हांऊ बैधान कौरदौ सु। हांऊ हौतिन का खुश सु। हौतिन रौ शुनौ।” हौसौ त्रौने चेला हौरी डौरुन्दै आई धरती गाश लेटायुन्दै। ![](https://cdn.door43.org/obs/jpg/360px/obs-en-36-06.jpg) तै यीशु ऐ हौतैन ला छुंगुन्दौ आई बौलुन्दौ, “नौडौरयौ। ऊज्यौ।” जैतरै हौतैनोरिए चारे बिलै शाव, तै जुन बि हौतिनचै थयौ हौसौ ऐखो यीशु थयौ। ![](https://cdn.door43.org/obs/jpg/360px/obs-en-36-07.jpg) यीशु सि हौसौ त्रौने चेला हौरी हौसौ पहाड का वापिस तोल आछुन्दै। तै यीशु ऐ हौतैन ला बौलुन्दौ। “ईमबरी जि इन्चै फिरुन्दौ हौतिज रौ बातै कास ला ऐ नौबौल्यौ। हांऊ हासाल ऐ मौरसु आई फिरी जिऊन्दौ फिरसु। हौतिज पिछु, तोमोरी मानुषा ला बौली बौलसौ।” *मत्ती अध्याय 17:1-9; मरकुस 9:2-8; लूका 9:28-36 का एक बाइबल रौ कोथा* Audio: https://git.door43.org/OBS-TLF/tpq_obs/releases/download/v1/tpq_obs_v1_36_128kbps.m4a ## 37. यीशु लाजर ला मौरुन्दै हौर माज का जिऊन्दौ कौरदौस। https://openbiblestories.org/l/tpq/story-37/ ![](https://cdn.door43.org/obs/jpg/360px/obs-en-37-01.jpg) लाजर नाव रौ एक मानुष थयौ। हौतिन रौ दुई बौएना थै हौतैन रौ नाव मरियम सि मार्था थयौ। हौतैनै सेब यीशु रै निछौल कौन्या थै। एक दयार, कुनै ता यीशु ला बौलुन्दौ कि लाजर बादौ दुखी थयौ। जैतरै यीशु ऐ हौई शुनौ तै हौतिनै बौलुन्दौ, “हौई ब्याज लाजर रौ मौत सि खत्म निफीरा। हौजरौ बजाए, हौई मानुषा ला परमात्मा रौ आदर कौरमै तैईए प्रेरित कौरैस।” ![](https://cdn.door43.org/obs/jpg/360px/obs-en-37-02.jpg) यीशु आपरौ कौन्या सि प्रेम कौरदौ थयौ, पौर जिन्चै होसौ थयौ हौतिनचै हौतिनै दुई दयार सेग पौखुन्दौ। हौसौ दुई दयार पिछु, हौतिनै आपरौ चेला हौर ला बौलुन्दौ, “आच्छौ, वापिस यहूदिया प्रदेश नाशुंगै।” चेला हौरिए जवाब दैऊन्दौ, “पौर हे गुरु, ईम्बरी एकछिब्या पहलै हौतिनचै रै मानुषा तांऊला मारी बैजनौ चाएन थै!” यीशु ऐ बौलुन्दौ, “तामोर रौ कौनैस लाजर सुतीन्दै स, आई हांऊ हौतिन ला ऊज्यामै सु।” ![](https://cdn.door43.org/obs/jpg/360px/obs-en-37-03.jpg) यीशु रौ चेला हौरीए जवाब दैऊन्दौ, “हे प्रभु, आगर लाजर सुतैन स, तै हौसौ ठीक फिरैस।” तै यीशु ऐ हौतैन ला साफ बौलुन्दौ, “लाजर मौरुन्दौ स। हांऊ खुसी ऐ सु कि हांऊ हौतिनचै नैथैव, ताकि तोमोरी मु गाश विश्वास कौरी बौलसौ।” ![](https://cdn.door43.org/obs/jpg/360px/obs-en-37-04.jpg) जैतरै यीशु लाजर रौ दैशी कै पोछौ तै लाजर ला मौरी पहले का ऐ चार दयार फिरी थयौ। मार्था यीशु ला बैठिमै ला बाए आछुन्दी आई बौलुन्दौ, “हे प्रभु, आगर तू ईन्चै हुन्दौ ता मैरौ बाई नौमौरदौ थयौ। पौर हांऊ विश्वास कौरदी सु कि जि बि तू परमात्मा का मांगसै हौसौ तांऊला दैस।” ![](https://cdn.door43.org/obs/jpg/360px/obs-en-37-05.jpg) यीशु ऐ जवाब दैऊन्दौ, “पुनरुत्थान सि जिन्दगी हांऊ सु। जुन बि मु गाश विश्वास कौरदौस आगर हौसौ मौरता बि तै बि ज्युवैस। जुन बि मु गाश विश्वास कौरदौस हौसौ कादुई नौमौरदौ। कि तू हौज गाश विश्वास कौरदी सैहा?” मार्था ऐ जवाब दैऊन्दौ, “हे प्रभु, आं हांऊ तांऊगाश विश्वास कौरदी सु कि तू परमात्मा रौ छैल्डु मसीह सै।” ![](https://cdn.door43.org/obs/jpg/360px/obs-en-37-06.jpg) तै मरियम आछुन्दी। हौतैसै यीशु रौ चरण कै नाशी बौलुन्दौ, “हे प्रभु, आगर तू ईन्चै हुन्दौ ता मैरौ बाई नौमौरदौ थयौ।” यीशु ऐ हौतैस ला पुछून्दौ, “तोमोरिए लाजर ला किन्चै जागुन्दौ स?” हौतैनोरिए हौतिन ला बौलुन्दौ, “कब्र कै। आ आई शाव।” तै यीशु रौएन थयौ। ![](https://cdn.door43.org/obs/jpg/360px/obs-en-37-07.jpg) हौसौ कब्र थयौ जिल्ला जान्टी ला कोति एक गुफा जुरयाई थयौ जिजरौ दवार गाश एक जान्टी ला जागुन्दौ थयौ। जैतरै यीशु कब्र गाछै पोछौ तै हौतिनै हौतैन ला बौलुन्दौ, “जान्टी ला हटायाव।” पौर मार्था ऐ बौलुन्दौ, “हौनला मौरिन्दै चार दयार फिरिन्दैस। हौजका मारे गान्द आछैस।” ![](https://cdn.door43.org/obs/jpg/360px/obs-en-37-08.jpg) यीशु ऐ मार्था ला जवाब दैऊन्दौ, “कि मैईऐ तोमोर ला नौबौली थयौवा कि आगर तोमोरी मु गाश विश्वास कौरसौ तै परमात्मा रौ शक्ति ला दैखसौ?” हौतिर रौ तैईए हौतैनोरिए जान्टी ला हटायाऊन्दौ। ![](https://cdn.door43.org/obs/jpg/360px/obs-en-37-09.jpg) तै यीशु ऐ आगाश स्वर्ग बिलै शाई बौलुन्दौ, “हे पिता, मैरौ शुनमै तैईए हांऊ तैरौ धन्यवाद कौरसु। हांऊ जान्दौ सु कि तू सौदा मैरौ शुन्दौ सै, पौर मैईऐ हौई ईन्चै ऊजौ हौई सेब मानुषा रौ मौदद कौरमै तैईऐ बौलुन्दौ ताकि हौनोरी विश्वास कौरसा कि तैईऐ माना बैजुन्दौ स।” तै यीशु ऐ बेदुन्दौ, “हे लाजर, बाए निकिल!” ![](https://cdn.door43.org/obs/jpg/360px/obs-en-37-10.jpg) तै लाजर बाए आछुन्दौ! हौसौ ईम्बरी बि कफन कै बाटल्यावी थयौ। यीशु ऐ हौतैन ला बौलुन्दौ, “हौई कफन ला गारमै ला हौतिन रौ मौदद कौरौ आई हौतिन ला आजाद कौरौ।” हौई चमत्कार रौ कारण ऐ बादौ यहूदी हौरिऐ यीशु गाश विश्वास कौरुन्दौ। ![](https://cdn.door43.org/obs/jpg/360px/obs-en-37-11.jpg) पौर यहूदी हौर रौ धार्मिक अगुवा हौरी यीशु का ईर्ष्या कौरैन थै, हौतिर रौ तैईए हौतैनै योजना जुरयामै तैईए एक सात कौठा फिरुन्दै कि कैव यीशु सि लाजर ला मारी बैजुगै। *यूहन्ना 11:1-46 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_37_128kbps.m4a ## 38. यीशु ला पानौ बैजदै। https://openbiblestories.org/l/tpq/story-38/ ![](https://cdn.door43.org/obs/jpg/360px/obs-en-38-01.jpg) सौदा बौरौश, यहूदी हौरी फसह रौ तिवार मौन्यान्दै थै। हौई हौजरौ बारे कै एक तिवार थयौ कि बादौ रा बौरौश पहलै परमात्मा ऐ हौतैन रौ पूर्वज हौर ला मिस्र रौ गुलामी का छुडायाऊन्दौ थयौ। लगभग त्रौन बौरौश पिछु यीशु ऐ सेबे मानुषा ला प्रचार कौरनौ आई शिक्षा दैन्नौ शुरु कौरुन्दौ। यीशु ऐ आपरौ चेला हौर ला बौलुन्दौ कि हौसौ हौतैन सि यरुशलेम फसह रौ तिवार ला मौन्यानौ चाएन स, आई हौई बि कि हौतिन ला हौतिनचै मारी बैजसा। ![](https://cdn.door43.org/obs/jpg/360px/obs-en-38-02.jpg) यीशु रौ चेला हौर माज एक यहूदा नाव रौ मानुष थयौ। यहूदा प्रेरित हौर रौ रुपया रौ थैली जागदौ स्या प्रभारी थयौ, पौर सौदा यहूदा हौसौ थैली का रुपया गारदौ थयौ। यीशु सि चेला हौरी यरुशलेम पोछी पिछु यहूदा यहूदी नेता हौर गाछै नाशुन्दौ। हौतिनै रुपया रौ बौदला कै हौतैनै ला यीशु ला पामै ला प्रस्ताव जागुन्दौ। हौसौ जान्दौ थयौ कि यहूदी नेता हौरी नौमौन्यान्दै थै कि यीशु ऐ मसीह थयौ। हौसौ जान्दौ थयौ कि हौतैनै यीशु ला मारी बैजनौ चाएन थै। ![](https://cdn.door43.org/obs/jpg/360px/obs-en-38-03.jpg) महायाजक रौ बौलनौ गाश यहूदी नेता हौरिए यीशु ला हौतैन रौ जरिया ऐ पामै तैईए यहूदा ला बिशौ दौश चाँदी रौ सिक्का दैऊन्दौ। हौई हौत्यौए फिरुन्दौ जैव कि भविष्य जान्दौ स्या ऐ बौली थयौ कि फिरैस। यहुदा मौन्याऊन्दौ आई रुपया गिनुई नाशुन्दौ। हौसौ यीशु ला पानौ कै हौतैन रौ मौदद कौरमै तैईए मोका रौ तलाश कौरैन थयौ। ![](https://cdn.door43.org/obs/jpg/360px/obs-en-38-04.jpg) यरुशलेम कै, यीशु ऐ आपरौ चेला हौर सि फसह रौ तिवार मौन्याऊन्दौ। फसह रौ भोज रि बैरै, यीशु ऐ रौटी ला हाथ कै चुन्गी आई आशीष मागी खानयाऊन्दौ। हौतिनै बौलुन्दौ, “हौई पाव आई खाव। हौई मैरौ डे स जि हांऊ तोमोर ला दैन सु। हौजला मैरौ याद कै कौरयो।” तै हौयौए, यीशु ऐ बौलुन्दौ कि हौसौ हौतैन रौ तैईए मौरैस, मौतलब हौतैन रौ तैईए हौसौ आपरौ डे ला बलि चढायाएस। ![](https://cdn.door43.org/obs/jpg/360px/obs-en-38-05.jpg) तै यीशु ऐ एक दाखरस रौ गलास मांगुन्दौ आई बौलुन्दौ, “हौजला जुटौ। हौई नौऊवो समझौता रौ मैरौ खून स जि कि हांऊ ऊटयासु ताकि परमात्मा तोमोर रौ पाप हौर ला माफ कौरैस। हर बैरै हौजला जुटदी बैरै मैरौ याद कै हौजला कौरौ जि हांऊ ईम्बरी कौरैन सु।” ![](https://cdn.door43.org/obs/jpg/360px/obs-en-38-06.jpg) तै यीशु ऐ आपरौ चेला हौर ला बौलुन्दौ, “तोमोरी माज का एक मानुष माना पानौ भैजैस।” चेला हौरी हैरान फिरुन्दै, आई पुछैन थै कि कुन हौयौ काम खौटैस। यीशु ऐ बौलुन्दौ, “माना पानौ भैजदौ स्या मानुष हौसौ स जासला हांऊ हौई रौटी रौ टुकडा दिसु।” तै हौतिनै हौसौ रौटी यहूदा इस्करियोती ला दैऊन्दौ। ![](https://cdn.door43.org/obs/jpg/360px/obs-en-38-07.jpg) हौसौ रौटी ला पाई पिछु, यहूदा कै शैतान बौसुन्दौ। यहूदा निकलीन्दै यीशु ला पामै तैईए यहूदी नेता हौर रौ मौदद कौरमै ला नाशुन्दौ। हौई राच रौ बेला थयौ। ![](https://cdn.door43.org/obs/jpg/360px/obs-en-38-08.jpg) खाऊ खाई पिछु, यीशु सि हौतिन रौ चेला हौरी जैतून पौर्बत बिलै नाशुन्दै। यीशु ऐ बौलुन्दौ, “तोमोरी सेबे आज राच माना शौठयासौ। कयु बौलता हौई प्रवित्रशास्त्र कै लिखुन्दौस, “हांऊ पालैस ला लौससु आई सेब बैरै हौरी ठुराईसा।” ![](https://cdn.door43.org/obs/jpg/360px/obs-en-38-09.jpg) पतरस ऐ जवाब दैऊन्दौ, “बेशक बाकी सेब तांऊला शौठयासा, हांऊ नौशौठयांऊ!” तै यीशु ऐ पतरस ला बौलुन्दौ, “शैतान तोमोरी सेब ला निनौ चाएन स, पौर हे पतरस, मैईए तैरौ तैईए प्रार्थना कौरुन्दौ स कि तैरौ विश्वास खत्म निफिरनौ चान्दौ। तै बि, आज रौ राच, कुखरी बाशनौ का पहलै तू त्रौन बैरै इंकार कौरसै कि तू माना जान्मै नाजान्दौ सै।” ![](https://cdn.door43.org/obs/jpg/360px/obs-en-38-10.jpg) पतरस ऐ तै यीशु ला बौलुन्दौ, “बेशक हांऊ मौरसु, हांऊ कादुई तांऊना इंकार नौकौरुं!” बाकी सेब चेला हौरिऐ बि हौईऐ बौलुन्दौ। ![](https://cdn.door43.org/obs/jpg/360px/obs-en-38-11.jpg) तै यीशु आपरौ चेला हौरी सि गतसमनी नाव रौ जागा कै नाशुन्दौ। यीशु ऐ आपरौ चेला हौर ला प्रार्थना कौरमै ला बौलुन्दौ ताकि शैतान हौतैन रौ परिक्षा नौ कौरा। तै यीशु आपु प्रार्थना कौरमै ला नाशुन्दौ। ![](https://cdn.door43.org/obs/jpg/360px/obs-en-38-12.jpg) यीशु ऐ त्रौन बैरै प्रार्थना कौरुन्दौ, “हे मैरौ बा, आगर जुरैता मेहर कौरी हौई दुख रौ प्याला पीमैला निदिए। पौर आगर मानुषा रौ पाप माफ कौरमै तैईए कुन आईक बात नाई, तै तैरौ ऐ इच्छा पुरा फिरनौ चान्दौ।” यीशु बादौ परेशान थयौ आई हौतिन रौ दुसती खून रौ बूँद रौ बराबर धरती गास चुरैन थयौ। हौतिन ला सामर्थ दैमै तैईए परमात्मा ऐ एक स्वर्गदूत ला बैजुन्दौ। ![](https://cdn.door43.org/obs/jpg/360px/obs-en-38-13.jpg) हर बैरै प्रार्थना कौरी पिछु, यीशु आपरौ चेला हौर गाछै वापिस आछुन्दौ, पौर हौतैनै सुतिन्दै थै। जैतरै यीशु त्रौन बैरै वापिस आछुन्दौ तै यीशु ऐ बौलुन्दौ, “ऊज्यौ! माना पान्दै स्या इन्चै आछीसा।” ![](https://cdn.door43.org/obs/jpg/360px/obs-en-38-14.jpg) यहूदी अगुवाहौरी, सैनाहौरी, आई एक भारी भीड सी यहुदा आछुन्दौ। हौतैनोरी डांगरौ हौरी आई बैरगा हौर सि थै। यहूदा ऐ यीशु गाछै आच्छी हौतिन ला बौलुन्दौ, “हे गुरु, नमस्कार,” आई हौतिन ला फापु दैऊन्दौ। हौतिनै पाकरयानौ मानुष ला यहूदी अगुवा हौर ला दैखामै तैईऐ हौयौ कौरी थयौ। तै यीशु ऐ बौलुन्दौ, “हे यहूदा, कि तू कयारौ पाई माना पाकरयान सैहा?” ![](https://cdn.door43.org/obs/jpg/360px/obs-en-38-15.jpg) जैतरै हौसौ सैना हौरी यीशु ला पाएन थै, तै पतरस ऐ आपरौ डांगरौ गारुन्दौ आई महायाजक रौ एक सेवक रौ कान काटुन्दौ। यीशु ऐ बौलुन्दौ, “डांगरौ ला दूर कौर! हांऊ आपरौ बा का माना बौचामै तैईऐ स्वर्गदूत हौर रौ एक सैना रौ तैईऐ प्रार्थना कौरी बौलदौ। पौर हांऊ आपरौ बा रौ बातै मौन्यामै सु।” तै यीशु ऐ हौसौ मानुष रौ कान ला ठीक कौरुन्दौ। तै सेब चेला हौरी ठुरुन्दै। *मत्ती 26:14-56; मरकुस 14:10-50; लुका 22:1-53; यूहन्ना 12:6;18:1-11 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_38_128kbps.m4a ## 39. यीशु गाश बौडौ सभा कै मुकदमा चौलदौ स। https://openbiblestories.org/l/tpq/story-39/ ![](https://cdn.door43.org/obs/jpg/360px/obs-en-39-01.jpg) ऐ हौई आदौ राच रौ बेला थयौ। हौसौ सैना हौरिऐ यीशु ला महायाजक रौ घौरै आनुदौ, क्यु बौलता हौसौ यीशु का सवाल कौरनौ चाएन थयौ। पतरस दूर का हौतैन रौ पिच्छा कौरैन थयौ। जैतरै सैना हौरिऐ यीशु ला घौरै आनुदौ, तै पतरस बाए रुकुई आपु आग ताईएन थयौ। ![](https://cdn.door43.org/obs/jpg/360px/obs-en-39-02.jpg) घौर बितै, यहूदी नेता हौरिऐ यीशु गाश पेशी चालाऊन्दौ। हौतैनै यीशु रौ खिलाफ जाली बातै हौर ला बौलमै तैईऐ बादौ जाली गवाह हौरी ला गिनुई आछुन्दै। बल्कि, हौतैन रौ बातै एक आईक का सहमत नाई थै, हौतिर रौ तैईऐ यहूदी नेता हौरी हौई साबित कौरी नौबौलुन्दै कि हौसौ कुने बातै रौ दोषी थयौ। यीशु ऐ केछे नौबौलुन्दौ। ![](https://cdn.door43.org/obs/jpg/360px/obs-en-39-03.jpg) पिछांए का, महायाजक ऐ सीधा यीशु बिलै शाई बौलुन्दौ, “हामोर ला बौल कि की तू ऐ जिऊन्दौ परमात्मा रौ छैल्डु मसीह सै?” ![](https://cdn.door43.org/obs/jpg/360px/obs-en-39-04.jpg) यीशु ऐ बौलुन्दौ, “आं हांऊ सु, आई तोमोरी माना परमात्मा सि बैशी आई स्वर्ग का आछैन बि दैखसौ।” महायाजक ऐ आपरौ गाच्छौ चिरुन्दौ क्यु बौलता जि यीशु ऐ बौलुन्दौ महायाजक हौसौ बातै गाश वाल रोशै थयौ। हौसो आईक अगुवा हौर गाश टोखाऊन्दौ, “हामोर ला हौई बौलमै तैईऐ कुन आईक गवाह रौ जरुरत नाई कि हौई मानुष ऐ की खौटी स! तोमोरिए आपुए हौतिन ला हौई बौलनौ शुनी स कि हौसौ परमात्मा रौ छैल्डु स। हौतिन रौ बारै कै तोमोर रौ कि फैसला स?” ![](https://cdn.door43.org/obs/jpg/360px/obs-en-39-05.jpg) सेब यहूदी अगुवा हौरीऐ महायाजक ला जवाब दैऊन्दौ, “हौसौ मौरनौ रौ लायक स!” तै हौतैनोरिऐ यीशु रौ आँखी हौर गाश पाटी बानुन्दौ, हौतिन गाश थूकून्दौ, हौतिन ला लौसुन्दौ, आई हौतिन रौ मजाक ऊडायाऊन्दौ। ![](https://cdn.door43.org/obs/jpg/360px/obs-en-39-06.jpg) आई पतरस, जैतरै हौसौ घौरै का बाए पौखी थयौ। तै एक दासी देन ऐ हौतिन ला दैखी। हौतैसै हौतिन ला बौलुन्दौ, “तू बि यीशु सि थयौवा!” पतरस ऐ मना कौरुन्दौ। पिछांए का, एक आईक देन ऐ हौईऐ बातै ला बौलुन्दौ, आई पतरस ऐ फिरी मना कौरुन्दौ। आखिर कै , एक्या मानुषा ऐ बौलुन्दौ, “हामोरी जान्दै सि कि तू यीशु सि थयौ क्यु बौलता तुमदुई गलील रै सौ।” ![](https://cdn.door43.org/obs/jpg/360px/obs-en-39-07.jpg) तै पतरस ऐ बौलुन्दौ, “आगर हांऊ हौई मानुष ला जान्दौ सु तै परमात्मा माना श्राप दैन्नौ चान्दौ!” हौतरे पतरस रौ हौयौ शपथ खाई पिछु, हौतरै पोशौ कुखरी बाशुन्दौ। यीशु ऐ पिछांए शुरुई परतस ला शाऊन्दौ। ![](https://cdn.door43.org/obs/jpg/360px/obs-en-39-08.jpg) पतरस हौतिनचै का ठुरुन्दौ आई वाल रुनुन्दौ। हौतरै, यीशु ला पानौ बैजदौ स्या यहूदा ऐ शाव कि यहूदी नेता हौरी ऐ यीशु ला मृत्युदंड दैऊन्दौ स। यहूदा बादौ दु:खी फिरुन्दौ आई नाशीन्दै आप ला मारी बैजुन्दौ। ![](https://cdn.door43.org/obs/jpg/360px/obs-en-39-09.jpg) ऐ हौसौ देश रौ राज्यपाल पिलातुस थयौ। हौसौ रोम रौ तैईए काम खौटदौ थयौ। यहूदी अगुवा हौरी यीशु ला हौतिन गाछै गिनुई आछुन्दै। हौतैनै पिलातुस यीशु ला मृत्युदंड दैई हौतिन ला मारी बैजता चाएन थै। तै पिलातुस ऐ यीशु ला पूछून्दौ, “कि तू यहूदी हौर रौ राजा सैहा?” ![](https://cdn.door43.org/obs/jpg/360px/obs-en-39-10.jpg) यीशु ऐ जवाब दैऊन्दौ, “तैईऐ सौचौए बौलुन्दौ स। पौर मैरौ राज्य ईन्चै पृथ्वी रौ नाही। आगर हुन्दौ ता मैरौ दास हौरी मैरौ तैईए युध्द कौरदै थै। हांऊ पृथ्वी गाश परमात्मा रौ बारे कै हकीकत बौलमै तैईऐ आछी सु। हर एक मानुष जुन हकीकत का बैदान कौरदौ स हौसौ मैरौ शुनदौ स।” पिलातुस ऐ बौलुन्दौ, “तै हकीकत कि स?” ![](https://cdn.door43.org/obs/jpg/360px/obs-en-39-11.jpg) यीशु सि बातावी पिछु, पिलातुस ऐ बाए भीड गाछै नाशी बौलुन्दौ, “हांऊ हौयौ केछे कारण नापायान्दौ कि हौई मानुष मारी बैजनौ लायक हौएस।” पौर यहूदी नेता हौरीऐ आई भीड ऐ जिंगाई बौलुन्दौ, “हौनला क्रूस गाश चढायाव!” पिलातुस ऐ जवाब दैऊन्दौ, “हौई केछे गलत कौरनौ रौ दोषी नाही।” पौर हौतैनै आई बि जोरै जिंगाएन थै। तै पिलातुस ऐ त्रौन बैरै बौलुन्दौ, “हौई दोषी नाही!” ![](https://cdn.door43.org/obs/jpg/360px/obs-en-39-12.jpg) पिलातुस डौरुन्दौ कि हौसौ भीड दंगा शुरु कौरैस, हौतिर रौ तैईऐ हौसौ आपरौ सैना हौर रौ जरिया ऐ यीशु ला क्रूस गाश चढायामै तैईऐ मौन्याऊन्दौ। रोमी सैना हौरिऐ यीशु ला कोडे ल्याऊन्दौ, आई हौतिन ला राजसी गाछौ लायाऊन्दौ, आई हौतिन रौ मुटकांग गाश काँडौ ऐ जुरयाऊन्दौ मुकुट जागुन्दौ। तै हौतैनै हौई बौलीन्दै हौतिन रौ मजाक उडायाएन थै, “शाव, यहूदी हौर रौ राजा!” *मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_39_128kbps.m4a ## 40. यीशु ला क्रूस गाश चढायान्दै https://openbiblestories.org/l/tpq/story-40/ ![](https://cdn.door43.org/obs/jpg/360px/obs-en-40-01.jpg) यीशु रौ ठाटे कौरी पिछु, सैना हौरी ऐ हौतिन ला क्रूस गाश चढायामै तैईऐ निऊन्दौ। हौतैनोरिऐ हौसौ क्रूस ला हौतिन का ऐ उज्यानौ बैजुन्दौ जिज गाश हौसौ मौरैस। ![](https://cdn.door43.org/obs/jpg/360px/obs-en-40-02.jpg) हौसौ सैना हौरी यीशु ला हौसौ जागा गाश गिनुई आछुन्दै जिल्ला “खोपडी” बौल्दै थै आई हौतिन रौ हाथ सि खुन्डी हौर ला कील हौरिए क्रूस गाश टाख्याऊन्दौ। पौर यीशु ऐ बौलुन्दौ, “हे बा, हौनोर ला माफ कौर, क्यु बौलता हौनै नाजान्दै कि हौनै की कौरैन सा।” हौतैनोरिऐ एक तख्ती ला बि हौतिन रौ मुटकांग का आगाश टाख्याऊन्दौ। हौतिज गाश लिखी थयौ, “यहूदी हौर रौ राजा।” पिलातुस ऐ हौतैन का हौईऐ लिखमै तैईऐ बौलुन्दौ थयौ। ![](https://cdn.door43.org/obs/jpg/360px/obs-en-40-03.jpg) तै सैनाहौरी ऐ यीशु रौ गाछौ रौ तैईऐ फौगौल हौरी बैजुन्दौ। जैतरै हौतैनोरिऐ हौयौ कौरुन्दौ तै हौतैनोरिऐ हौसौ भविष्यवानी ला पूरा कौरुन्दौ जुन बौल्दौ थयौ, “हौतैनोरिऐ मैरौ गाछौ ला आपस कै बानठयुन्दै, आई मैरौ गाछौ रौ तैईऐ फौगौलहौरी बैजुन्दौ।” ![](https://cdn.door43.org/obs/jpg/360px/obs-en-40-04.jpg) हौतिनचै दुई डाकू बि थै, जासला सैनाहौरी ऐ हौसौऐ बेला कै क्रूस गाश चढायाऊन्दौ थयौ। हौतैनोरिऐ हौतैन ला यीशु रौ दुईऐ बिलै जागी थयौ। हौतैन माज का एक डाकू ऐ यीशु रौ मजाक उडायाऊन्दौ, पौर आईक ऐ बौलुन्दौ, “की तू नौ डौरदौवा कि परमात्मा तांऊला सजा दैस? तामबी बादौ मारै कामहौरी खौटनौ रौ दोषी सि, पौर हौई मानुष निर्दोष स।” फिरी हौतिनै यीशु ला बौलुन्दौ, “जैतरै तू आपरौ राज्य कै आछसै तै कृपया माना याद जागै।” यीशु ऐ जवाब दैऊन्दौ, “आज ऐ तू मुगसी स्वर्गलोक कै हुसै।” ![](https://cdn.door43.org/obs/jpg/360px/obs-en-40-05.jpg) यहूदी अगुवा हौरी आई भीड रै आईक्या मानुषा ऐ यीशु रौ मजाक उडायाऊन्दौ। हौतैनोरिऐ हौतिन ला बौलुन्दौ, “आगर तू परमात्मा रौ छैल्डु सै, तै क्रूस का तोल निकिल आई आप ला बौचाव! तै हामोरी तांऊ गाश विश्वास कौरसी।” ![](https://cdn.door43.org/obs/jpg/360px/obs-en-40-06.jpg) तै दयुसै रौ 12 बाजै का 3 बाजै सेग पुरा देश कै आयांरौ फिरुन्दौ। बेशक हौई दयुसै रौ बेला थयौ। आई त्रौन घंटा सेग हौत्यौऐ थाकी थयौ। ![](https://cdn.door43.org/obs/jpg/360px/obs-en-40-07.jpg) तै यीशु ऐ बेदीन्दै बौलुन्दौ, “पूरा फिरुन्दौ! हे बा, हांऊ आपरौ आत्मा तैरौ हात कै सौंपयान सु।” तै हौतिनै आपरौ मुडकांग ला झुकायाऊन्दौ आई आपरौ प्राण ला त्यागाऊन्दौ। जैतरै हौसौ मौरुन्दौ तै एक भुन्चुलिंग आछुन्दौ। हौसौ बौडौ पौर्दा जुन परमात्मा रौ हाजिरी का मानुषा ला आलाग कौरदौ थयौ आगाश का तोल बिलै चिरुई दुई भाग कै खानायुन्दौ। ![](https://cdn.door43.org/obs/jpg/360px/obs-en-40-08.jpg) आपरौ मौत रौ जरिया ऐ, यीशु ऐ मानुषा रौ तैईऐ परमात्मा गाछै आछनौ रौ बात खुल्याऊन्दौ। जैतरै यीशु रौ निगरानी कौरदौ स्या एक सेना ऐ जि बि फिरुन्दौ थयौ हौई सेब देखौ तै हौतिनै बौलुन्दौ, “वाक्काई, हौई मानुष निर्दोष थयौ। हौई परमात्मा रौ छैल्डु स।” ![](https://cdn.door43.org/obs/jpg/360px/obs-en-40-09.jpg) तै यूसुफ सि नीकुदेमुस नाव रै दुई यहूदी अगुवाहौरी आछुन्दै। हौतैनै विश्वास कौरदै थै कि यीशु ऐ मसीह थयौ। हौतैनोरिऐ पिलातुस का यीशु रौ लाश ला मांगुन्दौ। हौतैनोरिऐ हौतिन रौ लाश ला गाछौ कै बाटल्याऊन्दौ। तै हौतैनै हौतिन ला एक बौडौ जान्टी का काटी दै जुरयाऊन्दौ कब्र कै निऊन्दौ आई हौतिज कै बितै जागुन्दौ। तै हौतैनोरिऐ हौसौ कब्र रौ द्वार ला बौन्द कौरमै तैईऐ एक बौडौ जान्टी ला पौल्टी बैजुन्दौ। *मत्ती 27:27-61; मरकुस 15:16-47; लूका 23:26-56; युहन्ना 19:17-42 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_40_128kbps.m4a ## 41. परमात्मा यीशु ला मौरुन्दै हौर माज का जिऊन्दौ कौरदौ स। https://openbiblestories.org/l/tpq/story-41/ ![](https://cdn.door43.org/obs/jpg/360px/obs-en-41-01.jpg) सैनाहौरी ऐ यीशु ला क्रूस गाश चढायाई पिछु, यहूदी अगुवाहौरी ऐ पिलातुस ला बौलुन्दौ, “हौसौ जाली, यीशु ऐ बौलुन्दौ थयौ कि हौसौ त्रौन दयार का पिछु मौरुन्दै हौर माज का जिऊन्दौ फिरैस। एक्या ला हौई पाका कौरमै तैईऐ कब्र रौ निगरानी कौरनौ फिरैस कि हौतिन रौ चेलाहौरी हौतिन रौ डे ला चौरीन्दै निसा हौरी। आगर हौतैनै हौयौ कौरसा तै हौतैनै बौलसा कि हौसौ मौरुन्दै हौर माज का जिऊन्दौ फिरुन्दौ स।” ![](https://cdn.door43.org/obs/jpg/360px/obs-en-41-02.jpg) पिलातुस ऐ बौलुन्दौ, “एक्या सैनाहौर ला गिनुई नाश, आई जैव तोमोरी कौरी बौलसौ हौत्यौ कब्र रौ निगरानी कौरयो।” हौतिर रौ तैईऐ हौतैनोरिऐ हौसौ कब्र रौ प्रवेशद्वार रौ जान्टी गाश एक मोहर बैजुन्दौ। हौतैनोरिऐ हौई पाका कौरमै तैईऐ हौतिनचै सैनाहौर ला बि बैशाऊन्दौ कि कुने हौतिन रौ लाश ला चोरी नौबौला। ![](https://cdn.door43.org/obs/jpg/360px/obs-en-41-03.jpg) यीशु मौरी पिछु रौ दयार सब्त रौ दयार थयौ। कुने बि सब्त रौ दयार काम खौटी नौबौलदौ थयौ, हौतिर रौ तैईऐ यीशु रौ कुने बि कौनैस कब्र गाश नाछी थयौ। पौर सब्त का पिछु रौ दयार, दौथी ब्यान्दी बैरै, एक्या देनीपैरै यीशु रौ कब्र गाश नाशमै तैईऐ त्यार फिरुन्दी। हौतैनै यीशु रौ लाश गाश आई मसालाहौरी ला बैजनौ चाएन थै। ![](https://cdn.door43.org/obs/jpg/360px/obs-en-41-04.jpg) हौसौ देनीपैरै रौ पोछनौ का पहलै, कब्र गाश एक बौडौ भुन्चुलिंग आछुन्दौ। स्वर्ग का एक स्वर्गदूत ऐ आछीन्दै हौसौ जान्टी ला पौलटुन्दौ जुन ऐ कब्र रौ प्रवेशद्वार ला बुदीन्दै थयौ आई हौतिज गाश बैशुन्दौ। हौई स्वर्गदूत प्यांशौ सि बराबर चौमकैन थयौ। कब्र गाश जुन सैनाहौरी थै हौतैनोरिऐ हौतिन ला दैखुन्दौ। हौतैनोरी हौतैग डौरीन्दै थै कि मौरुन्दै मानुषा सि बराबर माटी गाश लौटुन्दै। ![](https://cdn.door43.org/obs/jpg/360px/obs-en-41-05.jpg) जैतरै हौसौ देनीपैरै कब्र गाश पोछुन्दै तै हौसौ स्वर्गदूत ऐ हौतैन ला बौलुन्दौ, “नौ डौरयो। यीशु ईन्चै नाई। हौसौ मौरुन्दै हौर माज का जिऊन्दौ फिरुन्दौ स, जैव कि हौतिनै बौलुन्दौ थयौ कि हौसौ जिऊन्दौ फिरैस! कब्र कै लोरयौ आई शाव।” हौसौ देनीपैरै ऐ कब्र कै बितै आई जिन्चै यीशु रौ लाश जागी थयौ हौतिनचै लोरुई आई शाव की हौतिन रौ लाश हौतिनचै नैथैव! ![](https://cdn.door43.org/obs/jpg/360px/obs-en-41-06.jpg) तै हौसौ स्वर्गदूत ऐ हौसौ देनीपैर ला बौलुन्दौ, “नाशीन्दै हौतिन रौ चेलाहौर ला बौलौ, ‘यीशु मौरुन्दै हौर माज का जिऊन्दौ फिरुन्दौ स आई हौसौ तोमोर का आंगमाए-आंगमाए गलील बिलै नाशैस।’” ![](https://cdn.door43.org/obs/jpg/360px/obs-en-41-07.jpg) हौसो देनीपैरै हैरान फिरुन्दी आई वाल खुश फिरुन्दी। हौतैनै चेलाहौर ला हौई बौलौ काचा शुनामै तैईऐ ठुरायुन्दै। ![](https://cdn.door43.org/obs/jpg/360px/obs-en-41-08.jpg) जैतरै हौसौ देनीपैरै चेलाहौर ला हौई बौलौ काचा बौलमै तैईऐ आपरौ बात कै थै, तै यीशु हौतैन गाछै प्रकट फिरुन्दौ। हौतैनै यीशु रौ खुन्डी गाश लौटुन्दै। तै यीशु ऐ बौलुन्दौ, “नौ डौरयौ। नाशिन्दै मैरौ चेलाहौर ला गलील नाशमै ला बौलौ। हौतैनै हौतिनचै माना दैखसा।” *मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_41_128kbps.m4a ## 42. यीशु रौ स्वर्ग बिलै वापिस नाशनौ ! https://openbiblestories.org/l/tpq/story-42/ ![](https://cdn.door43.org/obs/jpg/360px/obs-en-42-01.jpg) जादु परमात्मा ऐ यीशु ला मौरुन्दै हौर माज का जिऊन्दौ कौरी थयौ, हौतिन रौ दुई चेलाहौरी नेरे दैशी कै नाशैन थै। हांडदी बैरै हौतैनै यीशु सि जि फिरी थयौ हौतिर रौ बारे कै बातै बाताएन थै, हौतैन ला आशा थयौ कि हौसौ मसीह थयौ, पौर तै बि हौतिन ला मारी बैजुन्दौ थयौ। ऐ हौसौ देनीपैरै बौलैन स कि हौसौ फिरी जिऊन्दौ फिरुन्दौ स। हौतैनै नाजान्दै थै कि कुनस्या बातै गाश विश्वास कौरनौ स्या। ![](https://cdn.door43.org/obs/jpg/360px/obs-en-42-02.jpg) यीशु ऐ हौतैन गाछै आछी हौतैन सि हांडनौ शुरु कौरुन्दौ, पौर हौतैनै हौतिन ला रौवी नौबौलुन्दै। यीशु ऐ पुछुन्दौ कि हौतैनै किजरौ बारै कै बातै बाताएन थै। हौतैनोरिऐ हौतिन ला अतीत कै यीशु सि फिरुन्दौ सेब घटना रौ बारै कै बौलुन्दौ। हौतैनोरिऐ सुन्चीऊन्दौ कि हौतैनै कुन परदेशी सि बातै बाताएन थै जुन ना जान्दौ थयौ कि यरुशलेम कै कि फिरुन्दौ थयौ। ![](https://cdn.door43.org/obs/jpg/360px/obs-en-42-03.jpg) तै यीशु ऐ हौतैन ला समझायाऊन्दौ कि परमात्मा रौ वचन मसीह रौ बारे कै की बौल्दौ स। बादौ पैहले, भविष्य जान्दै स्या ऐ बौलुन्दौ थयौ कि मार मानुषा मसीह ला तांग कौरसा आई मारी बैजसा। पौर भविष्य जान्दै स्या ऐ हौई बि बौलुन्दौ थयौ कि हौसौ त्रौन दयार तादु जिऊन्दौ फिरैस। ![](https://cdn.door43.org/obs/jpg/360px/obs-en-42-04.jpg) जैतरै हौतैनै हौसौ नगर कै पोछै जिन्चै हौतैन दुई थाकनौ चाएन थै, हौतरै सेग लगभग ब्याल फिरी थयौ। हौतेनोरिऐ यीशु ला हौतैन सि थाकमै तैईऐ आमंत्रित कौरुन्दौ, हौतिर रौ तैईए हौसौ हौतेन सि एक घौरै नाशुन्दौ। आपरौ ब्याल रौ खाऊ ला खामै तैईऐ हौतैनै बैशुन्दै। यीशु ऐ एक रौटी ला मागी हौतिर रौ तैईऐ परमात्मा ला धन्यवाद कौरुन्दौ, आई फिरी हौतिज ला बानुन्दौ। हौतरै, हौतैनोरिऐ जानुदौ कि हौसौ यीशु थयौ। पौर हौतरे, हौसौ हौतैन रौ सामने का गायब फिरुन्दौ। ![](https://cdn.door43.org/obs/jpg/360px/obs-en-42-05.jpg) हौतैन दुई ऐ आपु माज बौलुन्दौ, “हौसौ यीशु थयौ! हौतिर रौ ऐ तैईऐ जैतरै हौतिनै तामोर ला परमात्मा रौ वचन ला सोमझाई थयौ तै तामोरी बादौ खुसी ऐ थै!” हौतरे, हौतैनै निकली वापिस यरुशलेम बिलै नाशुन्दै। जैतरै हौतैनै पोछै तै हौतैनोरिऐ चेलाहौर ला बौलुन्दौ, “यीशु जिऊन्दौ स! हामोरी ऐ हौतिन ला दैखी स!” ![](https://cdn.door43.org/obs/jpg/360px/obs-en-42-06.jpg) जैतरै चेलाहौरी बातै बाताएन थै, यीशु अचानक ऐ हौसौ कौमरा कै हौतैन सि प्रकट फिरुन्दौ। हौतिनै बौलुन्दौ, “तोमोर ला शान्ति पौरनौ चान्दौ!” चेलाहौरी ऐ सुन्चुई कि हौसौ कुन भूत थयौ, पौर यीशु ऐ बौलुन्दौ, “तोमोरी क्यु डौरैन सौ? तोमोरी हौई क्यु नुसुन्चैन सौ कि हौई दिमांग ऐ हांऊ, यीशु सु? मेरौ हातहौर सि खुन्डीहौर ला शाव। भूतहौर गाछै हौयौ डे नाथाकदौ जैव मुगाछै स।” हौई दैखामै तैईऐ कि हौसौ कुने भूत नैथैव, हौतिनै खामै तैईऐ की मागुन्दौ। हौतैनोरिऐ हौतिन ला माछी रौ एक टुकडा दैऊन्दौ, आई हौतिनै हौतिज ला खाऊन्दौ। ![](https://cdn.door43.org/obs/jpg/360px/obs-en-42-07.jpg) यीशु ऐ बौलुन्दौ, “मेरौ बारे कै परमात्मा रौ वचन जि बि बौलदौ स हौसौ बितैस। मैईऐ तोमोर ला बौलुन्दौ थयौ कि हौजरौ फिरनौ जरुरी स।” तै यीशु ऐ हौतैन ला परमात्मा रौ वचन एसा समझायाऊन्दौ। हौतिनै बौलुन्दौ, “बादौ पैहले भविष्य जान्दे स्या हौरी ऐ लिखी थयौ कि माना,मसीह ला दु:ख काटयानौ फिरैस, मौरनौ फिरैस आई फिरी त्रौन दयार तादु मौरुन्दै हौर माज का जिऊन्दौ फिरनौ फिरैस।” ![](https://cdn.door43.org/obs/jpg/360px/obs-en-42-08.jpg) “हौसौ भविष्य जान्दै स्या हौरी ऐ हौई बि लिखी थयौ कि मैरौ चेलाहौरी परमात्मा रौ वचन रौ घोषणा कौरसा। हौतैनै सेब ला पश्चाताप कौरमै तैईए बौलसा। आगर हौतैनै हौयौ कौरसा तै परमात्मा हौतैन रौ पापहौर ला माफ कौरैस। मैरौ चेलाहौरी हौई सन्देश रौ प्रचार कौरनौ यरुशलेम का शुरु कौरसा। तै हौतैनै सेब ठांऐ सेब जातिहौर माज नाशसा, तोमोरी जीबि मैईए बौलिस आई खौटिस आई जीबि मुकसी फिऱिस तोमौरी हौतिज रौ गवाह सौ।” ![](https://cdn.door43.org/obs/jpg/360px/obs-en-42-09.jpg) आंगमाए रौ दुई बिशौ दयारौ सेग, यीशु आपरौ चेलाहौर गाछै बादौ बैरै प्रकट फिरुन्दौ। एक बैरै ता हौसौ एक ऐ बेला गाश पांच रा का बौदी मानुषा गाछै प्रकट फिरुन्दौ! हौतिनै आपरौ चेलाहौर गाछै बादौ तरीकाहौरी ऐ साबित कौरुन्दौ कि हौसौ जिऊन्दौ थयौ, आई हौतिनै हौतैन ला परमात्मा रौ राज्य रौ बारे कै शिक्षा दैऊन्दौ। ![](https://cdn.door43.org/obs/jpg/360px/obs-en-42-10.jpg) यीशु ऐ आपरौ चेलाहौर ला बौलुन्दौ, “परमात्मा ऐ माना स्वर्ग सि पृथ्वी गाश रै सेब मानुषा गाश शासन कौरनौ रौ आकत्यार दैऊन्दौ स। हौतिर रौ तैईऐ ऐ हांऊ तोमोर ला बौलैन सु: नाशिन्दै सेब जातिहौर रौ मानुषा ला चेला जुरयाव। हौयौ कौरमै तैईऐ, तोमोर ला हौतैन ला बा, छैल्डु, आई पवित्र आत्मा रौ नाव ऐ बपतिस्मा दैन्नौ स्या। जि बि मैईऐ तोमोर ला हुकुम दैऊन्दौ स हौसौ सेब बातैहौर ला मौन्यानौ बि तोमोर ला हौतैन ला शिखानौ स्या। याद जाग्यौ, हांऊ सौदा तोमोर सि थाकसु।” ![](https://cdn.door43.org/obs/jpg/360px/obs-en-42-11.jpg) यीशु रौ मौरुन्दै हौर माज का जिऊन्दौ फिरनौ रौ दुई बिशौ दयारौ पिछु, हौतिनै आपरौ चेलाहौर ला बौलुन्दौ, “जैतरै सेग कि मैरौ बा तोमोर ला सामरौत नैदैस हौतरै सेग यरुशलेम ऐ रुकुई थाकौ। हौसौ तोमोर गाछै चौखौ आत्मा भैजनौ रौ जरिया ऐ हौयौ कौरैस।” तै यीशु स्वर्ग कै नाशुन्दौ, आई एक झुं ऐ हौतिन ला हौतैन रौ नजर का चोरुन्दौ। स्वर्ग कै यीशु सेब चीजहौर गाश शासन कौरमै परमात्मा रौ जाखनौ बिलै बैशुन्दौ। *मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 का एक बाइबल रौ कहानी* Audio: https://git.door43.org/OBS-TLF/tpq_obs/releases/download/v1/tpq_obs_v1_42_128kbps.m4a ## 43. कलीसिया रौ शुरुआत फिरदौ स! https://openbiblestories.org/l/tpq/story-43/ ![](https://cdn.door43.org/obs/jpg/360px/obs-en-43-01.jpg) यीशु रौ स्वर्ग वापिस नाशी पिछु, चेलाहौरी यरुशलेम कै ऐ रुक्युन्दै जैव कि यीशु ऐ हौतैन ला कौरमै ला हुकुम दैऊन्दौ थयौ। हौतिनचै रै विश्वासी मानुषा लगातार कौठा प्रार्थना कौरमै तैईऐ कौठा फिरैन थाकदै थै। ![](https://cdn.door43.org/obs/jpg/360px/obs-en-43-02.jpg) हर बौरौश, फसह रौ तिवार का 50 दयारौ पिछु, यहूदी मानुषा पिन्तेकुस्त नाव रौ एक महत्वपूर्ण दयारौ ला मौनायान्दै थै। पिन्तेकुस्त हौसौ बेला थयौ जैतरै यहूदी मानुषा गेहूँ रौ कटाई ला मौन्यान्दै थै। पुरा संसार का यहूदी मानुषा पिन्तेकुस्त रौ दयारौ ला कौठा मौनायामै तैईऐ यरुशलेम कै आछी थै। हौतादु बौरौश, पिन्तेकुस्त मौन्यानौ रौ बेला यीशु रौ स्वर्ग कै नाशनौ का लगभग एक सप्ताह का पिछु आछी थयौ। ![](https://cdn.door43.org/obs/jpg/360px/obs-en-43-03.jpg) जैतरै सेब विश्वासी मानुषा एक साथ कौठा थै, तै जुन घौरै हौतैनै थै अचानक ऐ हौसौ तेज बागुर रौ काद ऐ भौरयुन्दौ। तै आग रौ लपटहौर रौ जैव दैखनौ स्या किता सेब विश्वासी हौर रौ मुटकांग हौर गाश प्रकट फिरुन्दौ। हौतैनै सेब गाश पवित्र आत्मा आछुन्दौ आई हौतैनोरिऐ आईक भाषाहौर कै परमात्मा रौ स्तुति कौरुन्दौ। हौई हौसौ भाषाहौरी थयौ जिल्ला बौलमै तैईऐ हौतैनोरी ला पवित्र आत्मा ऐ सक्षम कौरुन्दौ थयौ। ![](https://cdn.door43.org/obs/jpg/360px/obs-en-43-04.jpg) जैतरै यरुशलेम कै थाकदै स्या मानुषा ऐ हौसौ काद ला शुनुन्दौ, तै हौतैनै भीड रौ रु कै हौई शामै तैईऐ कौठा आछुन्दै कि की फिरैन थयौ। हौतैनोरिऐ विश्वासीहौर ला परमात्मा ऐ कौरुन्दौ बौडौ-बौडौ कामहौर रौ घोषणा कौरनौ शुनुन्दौ। हौतैनै हैरान थै क्यु बौलता हौतैनै हौसौ कामहौर ला आपरौ ऐ भाषाहौर कै शुनैन थै। ![](https://cdn.door43.org/obs/jpg/360px/obs-en-43-05.jpg) हौतैन माज का एक्या मानषा ऐ बौलुन्दौ कि हौसौ चेलाहौरी नशा कै थै। पौर पतरस ऊजौ फिरुन्दौ आई हौतैन ला बौलुन्दौ, “मैरौ बातै शुनौ! हौई मानुषा नशा कै नुंवा! हौजरौ बजाए, जि तोमोरी शाएन सौ हौसौ हौसौए स जुन योएल भविष्यजान्दौ स्या ऐ बौलुन्दौ थयौ कि फिरैस: परमात्मा ऐ बौलुन्दौ, ‘आखिर रौ दयारौ कै, हांऊ आपरौ आत्मा तौमौर गाश बैजसु।’” ![](https://cdn.door43.org/obs/jpg/360px/obs-en-43-06.jpg) “हे इस्राएली मानुषा, यीशु एक हौयौ मानुष थयौ जुनै हौई दैखामै तैईऐ कि हौसौ कुन थयौ बादौ अनोखा काम कौरी थयौ। हौतिनै परमात्मा रौ सामर्थ ऐ बादौ अदभुत कामहौरी ला कौरी थयौ। तोमोरी हौई जान्दै सौ, क्यु बौलता तोमोरी ऐ हौई कामहौर ला दैखी स। पौर तोमोरी ऐ हौतिन ला क्रूस गाश चढायाऊन्दौ!” ![](https://cdn.door43.org/obs/jpg/360px/obs-en-43-07.jpg) “यीशु मौरुन्दौ पौर परमात्मा ऐ हौतिन ला मौरुन्दै हौर माज का जिऊन्दौ कौरुन्दौ। हौजै हौसौ बातै ला पुरा कौरुन्दौ जिल्ला एक भविष्यजान्दौ स्या ऐ लिखुन्दौ थयौ: ‘तू आपरौ पवित्र मानुष ला कब्र कै किजमै नैदैन्दौ।’ तामोरी गवाही सि कि परमात्मा ऐ यीशु ला फिरी जिऊन्दौ कौरुन्दौ।” ![](https://cdn.door43.org/obs/jpg/360px/obs-en-43-08.jpg) “परमात्मा बा ऐ ऐ यीशु ला आपरौ जाखनौ बिलै बैशाई हौतिन ला आदर दैऊन्दौ स। आई यीशु ऐ तामोर रौ तैईऐ पवित्र आत्मा भैजुन्दौ स जैव कि हौतिनै वायदा कौरुन्दौ थयौ कि हौसौ भैजैस। पवित्र आत्मा ऐ हौसौ कामहौर ला फिरमै दैनस जिल्ला तोमोरी शाएन आई शुनैन सौ।” ![](https://cdn.door43.org/obs/jpg/360px/obs-en-43-09.jpg) “तोमोरी ऐ हौसौ मानुष, यीशु ला क्रूस गाश चढायाई मारुन्दौ। पौर पाका ऐ जानौ कि परमात्मा ऐ यीशु ला सेब चीजहौर गाश प्रभु सि मसीह दुईऐ मान्याऊन्दौ स!” ![](https://cdn.door43.org/obs/jpg/360px/obs-en-43-10.jpg) पतरस रौ शुनदै स्या मानुषा हौतिनै बौलुन्दौ बातैहौर का बितै सेग हिलुन्दै थै। हौतिर रौ तैईऐ हौतैनोरिऐ पतरस सि चेलाहौर का पुछुन्दौ, “हे भाईहौरी, हामोर ला कि कौरनौ चान्दौ?” ![](https://cdn.door43.org/obs/jpg/360px/obs-en-43-11.jpg) पतरस ऐ हौतैन ला जवाब दैऊन्दौ, “तोमोर माज का सेबे आपरौ पापहौर रौ तैईऐ पश्चाताप कौरौ ताकि परमात्मा तोमोर रौ पापहौर ला माफ कौरैस, आई यीशु मसीह रौ नाव का बपतिस्मा मांगौ। तै हौसौ तोमोर ला वरदान रौ रु कै पवित्र आत्मा बि दैस।” ![](https://cdn.door43.org/obs/jpg/360px/obs-en-43-12.jpg) पतरस ऐ जि बौलुन्दौ हौतिज गाश लगभग 3,000 मानुषा ऐ विश्वास कौरुन्दौ आई यीशु रौ चेलाहौरी फिरुन्दै। हौतैनोरिऐ बपतिस्मा मांगुन्दौ आई यरुशलेम रौ कलिसिया रौ हिस्सा फिरुन्दै। ![](https://cdn.door43.org/obs/jpg/360px/obs-en-43-13.jpg) जैतरै प्रेरितहौरी ऐ हौतैन ला शिक्षाहौरी दैऊन्दौ तै विश्वासीहौरी ऐ लगातार शुनुन्दौ। हौतैनै अक्सर बैठिन्दै थै आई कौठा खाऊ खान्दै थै, आई हौतैनोरिऐ अक्सर एक आईक रौ तैईऐ प्रार्थना कौरुन्दौ। हौतैनोरिऐ कौठा फिरी परमात्मा रौ आराधना कौरुन्दौ आई जि बि हौतैन गाछै थयौ हौतैनोरिऐ आपु माज बान्ठयुन्दै। नगर रौ हर एक मानुष हौतैन रौ तैईऐ बौलौ सोच जागदौ थयौ। हर दयार, बादौ का बादौ मानुषा विश्वासी फिरैन थाकुन्दै। *प्रेरितहौर रौ काम 2 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_43_128kbps.m4a ## 44. पतरस सि यूहन्ना एक खौरया भिखारी ला चांगा कौरदै सा। https://openbiblestories.org/l/tpq/story-44/ ![](https://cdn.door43.org/obs/jpg/360px/obs-en-44-01.jpg) एक दयार, पतरस सि यूहन्ना मन्दिर कै नाशुन्दै। एक अपंग मानुष भीख मांगमै तैईऐ फाटक गाश बैशुन्दौ थयौ। ![](https://cdn.door43.org/obs/jpg/360px/obs-en-44-02.jpg) पतरस ऐ हौसौ खोरया मानुष बिलै शाऊन्दौ आई बौलुन्दौ, “मुकै तांऊला दैमै तैईऐ रुपया ता नाई। पौर जि मुकैस हौसौ हांऊ तांऊला दिसु। यीशु रौ नाव ऐ, ऊज्यु आई औरु-पौरु हांड!” ![](https://cdn.door43.org/obs/jpg/360px/obs-en-44-03.jpg) हौतरे, परमात्मा ऐ हौसौ खोरया मानुष ला चांगा कौरुन्दौ। हौतिनै औरु-पौरु हांडनौ आई लांगीछारानौ, आई परमात्मा रौ स्तुति कौरनौ शुरु कौरुन्दौ। मन्दिर रौ खात कै मौजुद मानुषा हैरान थै। ![](https://cdn.door43.org/obs/jpg/360px/obs-en-44-04.jpg) हासाल ऐ मानुषा रौ एक भीड हौसौ मानुष ला शामै तैईऐ आछुन्दौ जुन चांगा फिरुन्दौ थयौ। पतरस ऐ हौतैन ला बौलुन्दौ, “हौई मानुष ठीकस, पौर हौई बातै गाश हैरान निफिरयो। हामोरी ऐ हौनला आपरौ सौत ऐ चांगा नौकौरुन्दौ स, या हौतिर रौ तैईऐ नुंवा कि हामोरी परमात्मा रौ आदर कौरदै सि। बल्कि, हौसौ यीशु स जुनै हौई मानुष ला आपरौ सौत ऐ चांगा कौरुन्दौ स, क्यु बौलता हामोरी यीशु गाश विश्वास कौरदै सि।” ![](https://cdn.door43.org/obs/jpg/360px/obs-en-44-05.jpg) “हौसौ तोमोरी ऐ सौ जुनै हौसौ रोमी राज्यपाल ला यीशु ला मारी बैजमै तैईऐ बौलुन्दौ थयौ। तोमोरी ऐ हौतिन ला मारी बैजुन्दौ जुन सेब ला जिन्दगी दैन्दौस। पौर परमात्मा ऐ हौतिन ला मौरुन्दैहौर माज का जिऊन्दौ कौरुन्दौ। तोमोरी ऐ नौसौमझुई कि तोमोरी की कौरैन थै, पौर जैतरै तोमोरी हौसौ कामहौर ला कौरैन थै, तै जि भविष्य जान्दैस्या हौरी ऐ बौलुन्दौ थयौ हौसौ पूरा फिरुन्दौ। हौतैनोरिऐ बौलुन्दौ थयौ कि मसीह गाश दु:ख आछैस आई मौरी नाशैस। परमात्मा ऐ हौजला हौई तरीका ऐ फिरनौ बैजुन्दौ। हौतिर रौ तैईऐ ऐ, पश्चाताप कौरौ आई परमात्मा बिलै फिरौ, ताकि हौसौ तोमोर रौ पापहौर ला धौईन्दै साफ कौरी भैजैस।” ![](https://cdn.door43.org/obs/jpg/360px/obs-en-44-06.jpg) जैतरै मंदिर रौ अगुवाहौरी ऐ पतरस सि युहन्ना ला शुनौ, तै हौतैनै बादौ डौरुन्दै। हौतिर रौ तैईऐ हौतैनोरिऐ हौतैन ला गिरफ्तार कौरी जेलखाना कै भैजुन्दौ। पौर जि पतरस ऐ बौलुन्दौ थयौ हौतिज गाश बादौ मानुषा ऐ विश्वास कौरुन्दौ। यीशु गाश विश्वास कौरदै स्या रौ संख्या बौढुईन्दै लगभग 5,000 फिरुन्दौ। ![](https://cdn.door43.org/obs/jpg/360px/obs-en-44-07.jpg) आईक दयार, हौसौ यहूदी अगुवाहौरी पतरस सि यूहन्ना ला महायाजक आई आईक्या धार्मिक नेताहौर रौ सामने गिनुई आछुन्दै। हौतैनै हौसौ मानुष ला बि गिनुई आछुन्दै जुन खौरया थयौ। हौतैनोरिऐ पतरस सि यूहन्ना ला पुछुन्दौ, “की आक्त्यार ऐ तोमोरी ऐ हौसौ खौरया मानुष ला चांगा कौरुन्दौ?” ![](https://cdn.door43.org/obs/jpg/360px/obs-en-44-08.jpg) पतरस ऐ जवाब दैऊन्दौ, “हौई मानुष जुन तोमोर रौ सामने ऊजौस हौनला यीशु मसीह रौ सामर्थ रौ जरिया ऐ चांगा कौरुन्दौ स। तोमोरी ऐ यीशु ला क्रूस गाश चढायाऊन्दौ, पौर परमात्मा ऐ हौतिन ला फिरी जिऊन्दौ कौरुन्दौ! तोमोरी ऐ हौतिन ला अस्वीकार कौरुन्दौ, पौर यीशु रौ सामर्थ रौ माध्यम रौ अलावा उध्दार पायानौ रौ कुने आईक बात नाई!” ![](https://cdn.door43.org/obs/jpg/360px/obs-en-44-09.jpg) हौसौ अगुवाहौरी हैरान थै कि पतरस सि यूहन्ना ऐ बादौ साहसी रौ काथा बातै बौली थयौ। हौतैनोरिऐ शाव कि हौतैनै साधारण मानुष थै जुन कि अनपढ थै। पौर फिरी हौतैन ला याद आछुन्दौ कि हौई मानुषा यीशु सि थाकुन्दै थै। हौतिर रौ तैईऐ हौतैनोरिऐ हौतैन ला बौलुन्दौ, “हामोरी तोमोर ला बादौ डांड दिसी आगर तोमोरी हौई मानुष यीशु रौ बारे कै मानुषा ला कुने आई काचा दिसौ।” हौयौ बादौ बातैहोरी बौली पिछु, हौतैनोरिऐ पतरस सि युहन्ना ला नाशनौ भैजुन्दौ। *प्रेरितहौर रौ काम 3:1-4:22 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_44_128kbps.m4a ## 45. सितफनुस सि फिलिप्पुस https://openbiblestories.org/l/tpq/story-45/ ![](https://cdn.door43.org/obs/jpg/360px/obs-en-45-01.jpg) पहला मसीही अगुवाहौर माज सितफनुस नाव रौ एक मानुष थयौ। सेब मानुषा हौतिन रौ आदर कौरदै थै। पवित्र आत्मा ऐ हौतिन ला बादौ सामर्थ आई बुध्दि दैऊन्दौ थयौ। सितफनुस ऐ बादौ चमत्कार कौरुन्दौ थयौ। जैतरै हौतिनै यीशु गाश विश्वास कौरनौ रौ बारे कै हौतैन ला शिक्षा दैऊन्दौ तै बादौ मानुषा ऐ हौतिन गाश विश्वास कौरुन्दौ। ![](https://cdn.door43.org/obs/jpg/360px/obs-en-45-02.jpg) एक दयार, सितफनुस यीशु रौ बारे कै शिक्षा दैन थयौ, आई एक्या हौयौ यहूदी आछुन्दै जुनै यीशु गाश विश्वास नौकौरुन्दौ थयौ आई हौतिन सि वाद-विवाद कौरनौ शुरु कौरुन्दौ। हौतैनै वाल रोशै थै, हौतिर रौ तैईऐ हौतैनै धार्मिक अगुवाहौर गाछै नाशुन्दै आई हौतिन रौ बारे कै जाली बौलुन्दौ। हौतैनोरिऐ बौलुन्दौ, “हामोरी ऐ सितफनुस ला मूसा सि परमात्मा रौ बारै कै मारै बातै बौलनौ शुनुन्दौस!” हौतिर रौ तैईऐ धार्मिक अगुवाहौरी ऐ सितफनुस ला गिरफ्तार कौरुन्दौ आई हौतिन ला महायाजक आई यहूदीहौर रौ आईक्या अगुवाहौर रौ सामने गिनुई आछुन्दै। आईक्या जाली गवाह बि आछुन्दै आई हौतैनोरिऐ सितफनुस रौ बारै कै जाली बौलुन्दौ। ![](https://cdn.door43.org/obs/jpg/360px/obs-en-45-03.jpg) महायाजक ऐ सितफनुस ला पुछुन्दौ, “कि हौई मानुषा तैरौ बारे कै दिमांग बौलैन साया?” सितफनुस ऐ महायाजक ला जवाब दैमै तैईऐ बादौ बातैहौर ला बौलनौ शुरु कौरुन्दौ। हौतिनै बौलुन्दौ कि अब्राहम रौ बेला का यीशु रौ बेला सेग परमात्मा ऐ इस्राएल रौ मानुषा रौ तैईऐ बादौ अनोखा काम कौरुन्दौस। पौर मानुषा ऐ सौदा परमात्मा रौ हुकुम नौमौन्याई थयौ। सितफनुस ऐ बौलुन्दौ, “तोमोरी परमात्मा रौ खिलाफ हठीलाहौरी आई बलवा कौरदै स्या सौ। तोमोरी ऐ सौदा पवित्र आत्मा ला अस्वीकार कौरुन्दौ, जैव कि तामोर रौ पूर्वजहौरी ऐ सौदा पवित्र आत्मा ला अस्वीकार कौरुन्दौ थयौ आई सौदा हौतिन रौ भविष्यजान्दै स्या हौर ला मारी बैजुन्दौ थयौ। पौर जि हौतैनोरिऐ कौरुन्दौ थयौ हौतिज रौ तुलना कै तोमोरी ऐ आई बि मारे कौरुन्दौस! तोमोरी ऐ मसीह ला मारी बैजुन्दौ!” ![](https://cdn.door43.org/obs/jpg/360px/obs-en-45-04.jpg) जैतरै हौसौ धार्मिक अगुवाहौरी ऐ हौई शुनौ, तै हौतैनोरी हौतेग रोशै थै कि हौतैनोरिऐ आपरौ कानहौर ला बौन्द कौरुन्दौ आई जोरै काद ऐ झिंगाऊन्दै। हौतैनोरिऐ सितफनुस ला गिशिन्दै नगर का बाए निऊन्दौ आई हौतिन ला मारी बैजमै तैईऐ हौतिन ला जान्टी ऐ ल्याऊन्दौ। ![](https://cdn.door43.org/obs/jpg/360px/obs-en-45-05.jpg) जैतरै सितफनुस मौरैन थयौ, हौतिनै पुकारयाऊन्दौ, “हे यीशु, मैरौ आत्मा ला ग्रहण कौर!” तै हौसौ आपरौ जानोहौर गाश लौटुन्दौ आई फिरी पुकारयाऊन्दौ, “हे प्रभु, हौई पाप हौतैन गाश नैभैजै।” तै हौसौ मौरुन्दौ। ![](https://cdn.door43.org/obs/jpg/360px/obs-en-45-06.jpg) हौतादु, यरुशलेम थाक्दै स्या बादौ मानुषा ऐ यीशु रौ चेलाहौर ला तांग कौरनौ शुरु कौरुन्दौ, हौतिर रौ तैईऐ विश्वासी मानुषा आईक जागाहौर कै ठुरुन्दै। पौर हौजरौ बावजूद बि, जिन्चै बि हौतैनै नाशुन्दै हौतैनोरिऐ यीशु रौ बारै कै प्रचार कौरुन्दौ। ![](https://cdn.door43.org/obs/jpg/360px/obs-en-45-07.jpg) फिलिप्पुस नाव रौ यीशु रौ एक विश्वासी थयौ। जैव कि आईक्या बादौ विश्वासीहौरी ऐ कौरुन्दौ थयौ हौसौ बि यरुशलेम का ठुरुन्दौ। हौसौ सामरिया रौ इलाका कै नाशुन्दौ। हौतिनचै हौतिनै मानुषा माज यीशु रौ बारै कै प्रचार कौरुन्दौ। बादौ मानुषा ऐ हौतिन गाश विश्वास कौरुन्दौ आई उध्दार पायाऊन्दौ। एक दयार, फिलिप्पुस गाछै परमात्मा बिलै का एक स्वर्गदूत आछुन्दौ आई हौतिन ला जांगलै नाशमै तैईऐ, आई एक सौलौक गाश हान्डमै ला बौलुन्दौ। फिलिप्पुस हौतिनचै नाशुन्दौ। जैतरै फिलिप्पुस हौसौ सौलौक गाश हान्डैन थयौ, तै हौतिनै एक मानुष ला आपरौ रथ कै नाशनौ दैखुन्दौ। हौई मानुष कूश देश रौ एक खास आफसौर थयौ। पवित्र आत्मा ऐ फिलिप्पुस ला बौलुन्दौ कि नाशिन्दै हौसौ मानुष सि साथ-साथ हान्डै। ![](https://cdn.door43.org/obs/jpg/360px/obs-en-45-08.jpg) हौतिर रौ तैईऐ फिलिप्पुस रथ गाछै नाशुन्दौ। हौतिनै शुनौ कि हौसौ कूशी परमात्मा रौ वचन ला शिखैन थयौ। जुन यशायाह भविष्यजान्दौ स्या ऐ लिखुन्दौ थयौ हौसौ हौतिज ला शिखैन थयौ। हौसौ शिखैन थयौ, “हौतैनै हौतिन ला मारनौ बैरै रौ काथा नैन थै, आई जैव एक गाबलु शान्त थाक्दौस, हौतिनै बि एक लब्ज नौबौलुन्दौ। हौतैनोरिऐ हौतिन सि मारै बर्ताव कौरुन्दौ आई हौतिन रौ आदर नौकौरुन्दौ। हौतैनोरिऐ हौतिन ला मारी बैजुन्दौ।” ![](https://cdn.door43.org/obs/jpg/360px/obs-en-45-09.jpg) फिलिप्पुस ऐ हौसौ कूशी आफ्सौर ला पुछुन्दौ, “जि तु शिखैन सै कि तु हौतिज ला सौमजीन्दौ बि सैहा?” हौसौ कूशी ऐ जवाब दैऊन्दौ, “ना। जैतरै सेग कुन हौजला माना नसमझायाएस, हौतरै सेग हांऊ हौजला सौमझुई नौबौलदौ। मैहरबानी कौरी मुगाछै आछी बैश आई माना सौमजाय। यशायाह हौई आपरौ बारै कै लिखैन थयौ या कुन आईक रौ?” ![](https://cdn.door43.org/obs/jpg/360px/obs-en-45-10.jpg) फिलिप्पुस रथ गाश नाशी बैशुन्दौ। तै हौतिनै हौसौ कूशी आफ्सौर ला हौसौ बौलुन्दौ जि यशायाह ऐ यीशु रौ बारै कै लिखुन्दौ थयौ। फिलिप्पुस ऐ परमात्मा रौ वचन रौ बादौ आईक्या भागहौर रौ बि चर्चा कौरुन्दौ। हौई तरीका ऐ, हौतिनै हौसौ मानुष ला यीशु रौ बारै कै बौलौ काचा सुनायाऊन्दौ। ![](https://cdn.door43.org/obs/jpg/360px/obs-en-45-11.jpg) फिलिप्पुस सि हौसौ कूशी हान्डेन पानी गाछै आछुन्दै। हौसौ कूशी ऐ बौलुन्दौ, “शाव! ईन्चै पानी स! कि हांऊ बपतिस्मा मागी बौलसुवा?” आई हौतिनै सारथी ला रथ रुक्यामै ला बौलुन्दौ। ![](https://cdn.door43.org/obs/jpg/360px/obs-en-45-12.jpg) हौतिर रौ तैईऐ हौतैनै पानी कै नाशुन्दै, आई फिलिप्पुस ऐ हौसौ कूशी ला बपतिस्मा दैऊन्दौ। जैतरै हौतैनै पानी का बाए आछुन्दै, तै पवित्र आत्मा अचानक ऐ फिलिप्पुस ला चुंगीन्दै कुन आईक जागा कै निऊन्दौ। हौतिन्चै फिलिप्पुस ऐ मानुषा ला यीशु रौ बारै कै बौलनौ जारी जागुन्दौ। ![](https://cdn.door43.org/obs/jpg/360px/obs-en-45-13.jpg) हौसौ कूशी आफ्सौर आपरौ घौरै रौ यात्रा गाश आंगमाऐ बौढयुन्दौ। हौसौ खुश थयौ कि हौसौ ऐ यीशु ला जान्दौ थयौ। *प्रेरितहौर रौ काम 6:8-8:5; 8:26-40 का एक बाइबल रौ कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_45_128kbps.m4a ## 46. पौलुस मसीही विश्वासी फिरदौ स https://openbiblestories.org/l/tpq/story-46/ ![](https://cdn.door43.org/obs/jpg/360px/obs-en-46-01.jpg) शाऊल नाव सा एक मानुष थयौ जुनै यीशु गाश विश्वास नौकौरदौ थयौ। जैतरै हौसौ जवान थयौ, हौतरै हौतिनै स्तिफनुस ला मारदैसा मानुष हौर रौ गाछौ रौ निगरानी कौरउन्दौ थयौ। पिछांए का, हौतिनै विश्वासी हौर ला सतायाऊन्दौ थयौ। हौतिनै यरुशलैम कै घौरे घौरै नाशी दैन सी पुशां दुईए ला गिरफ्तार कौरी जैलखाना कै बेजुन्दौ थयौ। तै महायाजक ऐ शाऊल ला दमिश्क नगर कै नाशमै ला इजाजत दैई। हौतिनै हौतिनचै रौ मसीही हौर ला गिरफ्तार कौरमै आई हौतेन ला वापस यरुशलेम गिनुईं आनमै ला शाऊल ला बौलुन्दौ। ![](https://cdn.door43.org/obs/jpg/360px/obs-en-46-02.jpg) तै शाऊल ए दमिश्क नाशमै रौ यात्रा शुरु कौरुन्दौ। हौसौ नगर कै पौछनौ का ऊतुरी आंगमाए, हौतिन रौ चारौ बिलै आसमान का एक जिलमिल प्यांशौ चौमकुन्दौ, आई हौसौ माटी गास लौटुन्दौ। शाऊल ए कासलाता हौई बौलेन शुनुदौ, “या शाऊल! या शाऊल! तू माना क्यु सतायाएन सै?” शाऊल ए पुछुन्दौ, “हे प्रभु, तू कुन सै?” यीशु ए हौतिनला जवाब दैऊन्दौ, “हाँऊ यीशु सु! तू माना सतायाएन सै!” ![](https://cdn.door43.org/obs/jpg/360px/obs-en-46-03.jpg) जैतरै शाऊल ऊजिऔ तै हौसौ शाई नौबौलदौ थयौ। हौतिन रौ कौन्या हौतिनला दमिश्क हौतिन ला दश्मिक गिनुई नाशी थै। शाऊल ए त्रौन दयार सैग कैछै भी खाऊन्दौ पिऊन्दौ नाई थयौ। ![](https://cdn.door43.org/obs/jpg/360px/obs-en-46-04.jpg) दमिश्क नगर कै यीशु रौ हनन्याह नाव सा एक चेला थयौ। परमात्मा ए हौतिन ला बौलुन्दौ, “हौसौ घौरे नाश जिनचै शाऊल थाकिन्दैस। आपरौ हाथ ला हौतिन गाश जाग ताकि हौसौ फिरी शाई बौलैस।” पौर हनन्याह ए बौलुन्दौ, हे प्रभु, मैईए शुनुदौस कि हौई मानुष ए विश्वासी हौर ला क्यौ सतायाऊन्दौस।” परमात्मा ऐ हौतिन ला जवाब दैऊन्दौ, “नाश! मैईंए हौतिन ला यहुदी हौर ला आई आईक्या जाति हौर रौ मानुषा हौर ला मैरै नाव रौ घोषणा कौरमै तैईए चुनायाईस। हौसौ मैरै नाव रौ तैईए बादौ कौष्ट सैन कौरेस। ![](https://cdn.door43.org/obs/jpg/360px/obs-en-46-05.jpg) तै हनन्याह शाऊल गाछै नाशुन्दौ, आपरौ हाथ हौर ला हौतिन गाश जागुन्दौ, आई बौलुन्दौ, “यीशु ऐ जुन इन्चै आछदी बैरै बात कै ताऊँगाश प्रकट फिरी थयौ, माना ताऊँगाछै बैजुन्दौस ताकि तु फिरी शाई बौलसै, आई ताऊं गाश पवित्र आत्मा आछैस।” हौतरे शाऊल फिरी शामै सक्षम फिरुन्दौ, आई हनन्‍याह ए हौतिन ला बपतिस्मा दैऊन्दौ। तै शाऊल ए खाऊ खाई आई फिरी तरौताजा फिरुन्दौ। ![](https://cdn.door43.org/obs/jpg/360px/obs-en-46-06.jpg) हौतरै का, शाऊल ऐ दमिश्क कै थाकदै स्या यहूदीहौर ला प्रचार कौरनौ शुरु कौरुन्दौ। हौतिनै बौलुन्दौ, “यीशु ए परमात्मा रौ छेलडुस!” यहूदी रौ मानुषा हैरान थयै, क्यु बौलता शाऊल ए ता विश्वासी हौर ला मारी बैजनौ रौ कौशिश कौरुन्दौ थयौ, पौर ऐ हौतिनै यीशु गाश विश्वास कौरुन्दौ थयौ। शाऊल ऐ यहूदी हौर सी वाद-विवाद कौरुन्दौ। हौतिनै दैखाई कि यीशु ए मसीह स। ![](https://cdn.door43.org/obs/jpg/360px/obs-en-46-07.jpg) बादौ दयार पिछु, यहूदी हौरिए शाऊल ला मारी बैजनौ सुन्चुई। हौतैनोरिए हौतिन ला मारी बैजमै ला नगर रौ फाटक गाश मानुषा बैजुन्दौ। ताकि हौतिन रौ निगरानी कौरेस पौर शाऊल ए हौतेन रौ सोच रौ बारे ऐ शुनी आई हौतिन रौ कौनेस हौरिए हौतिन ला बौची निकिलमै ला मदद कौरुन्दौ। एक राच हौतेनोरिए हौतिन ला छाटो कै बैशाई नगर रौ दवाल ऐ तोल गारुन्दौ। दमिश्क का बौची निकलौनौ का पिछु शाऊल ऐ यीशु रौ बारै कै प्रचार कौरनौ जारी जागुन्दौ। ![](https://cdn.door43.org/obs/jpg/360px/obs-en-46-08.jpg) शाऊल प्रेरित हौर ला बैठिमै तैईए यरुशलेम नाशुन्दौ,पौर हौतैनोरी हौतिनका डौरदै थै।तै बरनबास नाव स्या एक विश्वासी शाऊल ला प्रेरितहौर गाछै गिनुई आछुन्दौ। हौतिनै हौतिनला बौलुन्दौ कि शाऊल ऐ क्यौ हिमौत ऐ दमिश्क कै प्रचार कौरुन्दौ थयौ। हौतिजका पिछु, प्रेरित हौरी ऐ शाऊल ला स्वीकार कौरुन्दौ। ![](https://cdn.door43.org/obs/jpg/360px/obs-en-46-09.jpg) एक्या विश्वासी जुन यरुशलेम रौ कौष्ट ऐ ठुरावी थै हौतैनै दूर अंताकिया नगर कै नाशी थै आई यीशु रौ बारै कै प्रचार कौरदै थै। अंताकिया कै थाकदै मानुषा बौदी बाग यहूदी नाईथै, पौर पैली बार हौतेन माज का बादौ मानुषा विश्वासी फिरुन्दै। बरनबास सी शाऊल हौसौ नौऊवौ विश्वासी ला यीशु रौ बारै कै आई बौदी सिखयामै रौ तैईंए हौतिनचै नाशुन्दै आई कलिसिया हौरी ला मजबूत कौरुन्दौ। यीशु गाश विश्वास कौरदै स्या पैली बैरै अंताकिया कै ए “मसीही” कहलायाऊन्दै। ![](https://cdn.door43.org/obs/jpg/360px/obs-en-46-10.jpg) एक दयार, अंताकिया रौ मसीही मानुषा उपवास सी प्रार्थना कौरेन थै। पवित्र आत्माए हौतैन ला बौलुन्दौ, “ मैरौ तैईए बरनबास सी शाऊल ला हौसौ काम कौरमै ला आलग कौरौ जि काम कौरमै ला मैईए हौतेन ला बैदिस।” तै हौतिज रौ तैईंए अंताकिया रौ कलिसिया ऐ बरनबास सी शाऊल रौ तैईए प्रार्थना कौरी आई हौतेन गाश आपरौ हाथ ला जागुन्दौ। तै हौतनौरिए हौतैन ला आईक्या बादौ जागा हौर गाश यीशु रौ बारे कै शुभ संदेश रौ प्रचार कौरमै रौ तैईंए बैजुन्दौ। बरनबास सी शाऊल ए आलाग आलाग जातिहौर रौ मानुषा ला ज्ञान दैऊन्दौ आई बादौ मानुषाहौरिए यीशु गाश विश्वास कौरुन्दौ। *प्रेरितो के काम 8:3; 9:1-31; 11:19-26; 13:1-3 का बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_46_128kbps.m4a ## 47. फिलिप्पी नगर कै पौलुस सि सीलास https://openbiblestories.org/l/tpq/story-47/ ![](https://cdn.door43.org/obs/jpg/360px/obs-en-47-01.jpg) जैतरै शाऊल ए पूरा रोमी साम्राज्य रौ यात्राहौरी कौरुन्दौ तै हौतिनै आपरौ रोमी नाव “पौलुस” रौ ईस्तेमाल कौरनौ शुरु कौरुन्दौ। एक दयार, पौलुस सी हौतिन रौ कौनेस सीलास फिलिप्पी नगर कै यीशु रौ बारै ऐ शुभ संदेश सुनायामै नाशुन्दौ। हौतेनोरिए नगर का बाए गार रौ कनारे एक जागा गास नाशुन्दै जिनचै मानुषा प्रार्थना कौरमै रौ तैईए कौठा थै। हौतिनचै हौतैनोरी लुदिया नाव से एक दैन मानुष सी बैठयुन्दै जुन एक व्यापारी थी। हौसौ परमात्मा का प्रेम कौरदी थी आई हौतिन रौ आराधना कौरदी थी। ![](https://cdn.door43.org/obs/jpg/360px/obs-en-47-02.jpg) परमात्मा ए लुदिया ला यीशु रौ बारै कै संदेश गाश विश्वास कौरमै रौ तैईए सक्षम कौरुन्दौ। पौलुस सी सीलास ए हौतिन सी हौतिन रौ पैरै ला बपतिस्मा दैऊन्दौ। हौतिनै पौलुस सी सीलास ला आपरौ घौरै थाकमै रौ तैईए बेदुन्दौ, तै हौतिज रौ तैईए हौतेनौरी हौतिनचै थाकुन्दै। ![](https://cdn.door43.org/obs/jpg/360px/obs-en-47-03.jpg) पौलुस सी सीलास मानुषा ला सौदाए हौसौ जागा कै बैठिन्दै थै जिन्चै यहूदी मानुषा प्रार्थना कौरदै थै। सौदा जैतरै हौतैनौरी हौतिनचै नाशदै थै तै एक देन मानुष जुन दुष्टात्मा रौ बौश कै थी हौतैन रौ पिछा कौरदी थी। हौई दुष्टात्मा रौ जरियाए हौसौ मानुषा रौ भविष्य बौलदी से थी, हौतिज रौ तैईए हौसौ भविष्य बौलदी सै रौ रु कै आपरौ मालिक हौर ला बादौ धन कमायादी थी। ![](https://cdn.door43.org/obs/jpg/360px/obs-en-47-04.jpg) हौतैनै नाशदी बैरै हौई गुलाम लडकी जिंग्याई बौलदी थी, “हौई मानुषा परम प्रधान परमात्मा रौ सेवक स। हौनै तोमौर रौ उधार पायानौ रौ मार्ग बौलेन सा!” हौसौ सौदा हौयौ कौरदी थी जिजका पौलुस रौशयुन्दौ। ![](https://cdn.door43.org/obs/jpg/360px/obs-en-47-05.jpg) पिछाएं का, एक दयार जैतरै हौसौ गुलाम लडकी ए जिंगयानौ शुरु कौरौ, तै पौलुस ए हौतैस बिले पौलठुई हौतेस रौ बितै रौ दुष्टात्मा ला बौलुन्दौ, “यीशु रौ नाव ए हौसरौ बितै का निकिल।” हौतरै ए हौसौ दुष्टात्मा हौतेस का निकुलुन्दौ। ![](https://cdn.door43.org/obs/jpg/360px/obs-en-47-06.jpg) हौसौ गुलाम लडकी रौ मालिक बादौ रोश्युन्दौ। हौतैन ला पौता फिरी थयौ कि बिना दुष्टात्मा रौ हौसौ गुलाम लडकी मानुषा रौ भविष्य बौली नौबौलदी थै। हौजरौ मतलब थयौ कि मानुषा ऐ हौतैस रौ मालिक हौर ला रुपया नैदैन्दै कि हौसौ हौतेन ला भविष्य बौलेस कि हौतेन सी कि फिरैस। ![](https://cdn.door43.org/obs/jpg/360px/obs-en-47-07.jpg) हौतिर रौ तैईए हौसौ गुलाम लडकी रौ मालिक ऐ पौलुस सी सिलास ला रोमी आफ्सर हौर गाछै निऊन्दौ। हौतैनोरिए पौलुस सी सिलास ला लौसुन्दौ, आई तै हौतैन ला जेलखाना कै बैजुन्दौ। ![](https://cdn.door43.org/obs/jpg/360px/obs-en-47-08.jpg) हौतैनोरिए पौलुस सी सिलास ला जेलखाना कै हौयौ जागा कै जागुन्दौ जिनचै सैबका बौदी सिपाई थै। हौनचै सैग कि हौतैनोरिए हौतैन रौ खुन्डी हौर ला दुराह रौ बौडौ टुकडाहौर कै जोडयाऊन्दौ। पौर पौलुस सी सीलास आधौ राच रि बैरै, परमात्मा रौ स्तुती रौ गैत ल्यान थै। ![](https://cdn.door43.org/obs/jpg/360px/obs-en-47-09.jpg) अचानक ऐ, एक भयानक भुनचुलिंग आछुन्दौ! जेलखाना रौ सेब दवार खुल्युन्दौ, आई सैबै कैदीहौर रौ शांगलीहौरी खुलुई शौरुन्दौ। ![](https://cdn.door43.org/obs/jpg/360px/obs-en-47-10.jpg) तै दरोगा चिताऊन्दौ। हौतिनै देखुन्दौ कि जेलखाना रौ दवार खुलुईस। हौसौ डौरुन्दौ हौतैनै ठुराईता रोमी आफ्सौर हौतिन ला मारी बैजसा, हौतिर रौ तैईऐ हौसौ आपला मारी बैजमै ला तैयार फिरुन्दौ! पौर पौलुस हौतिन ला देखी जिगांऊन्दौ, “पौख! अपनै आप ला नुकसान नौपौछाय। हामौरी सैब इनचैई सी।” ![](https://cdn.door43.org/obs/jpg/360px/obs-en-47-11.jpg) हौसौ दरबारीए कामैनपौ पौलुस सी सिलास गाछै आछी पुछुन्दौ, “मोक्ष पामै ला हाऊँ कि कौरु?” पौलुस ए जवाब दैऊन्दौ, “प्रभु यीशु गाश विशवास कौर, तै तु सी तैरौ गराना मोक्ष पाएस।” तै हौसौ दरबारी ए पौलुस सी सिलास ला आपरौ घौरै निऊन्दौ आई हौतैन रौ जख्म हौर ला धौऊन्दौ या साफ कौरुन्दौ। पौलुस ए हौतिन रौ गौर रौ सैब मानुष हौर ला यीशु रौ बारै कै शुभ संदेश सुनायाऊन्दौ। ![](https://cdn.door43.org/obs/jpg/360px/obs-en-47-12.jpg) दरबारी सी हौतिन रौ सैब पैरै ए यीशु गाश विश्वास कौरुन्दौ, तै पौलुस सी सीलास ए हौतेन ला बपतिस्मा दैऊन्दौ। तै दरबारीए पौलुस सी सीलास ला भोजन करायाऊन्दौ, आई हौतनै एक साथ आनन्दित फिरुन्दै। ![](https://cdn.door43.org/obs/jpg/360px/obs-en-47-13.jpg) आईक दयार तादु नगर रौ आंगमै हांडदै साए पौलुस सी सीलास ला जेलखाना का आजाद कौरुन्दौ आई फिलिप्पी का नाशमै ला बौलुन्दौ। यीशु रौ बारै कै शुभ संदेश फैलेनमाईएन नाशुदौ आई कलिसिया बौडिऐन नाशुदौ। ![](https://cdn.door43.org/obs/jpg/360px/obs-en-47-14.jpg) पौलुस आई आईक्या मसीह रौ आंगमै हांडदै सा बादौ नगर रौ यात्रा कौरुन्दौ। हौतैन हौर ए मानुष हौर ला शुभ संदेश सुनायाउन्दौ। हौतैन हौर ए कलिसिया हौर कै विश्वासी हौर ला उत्साहित कौरमै आई ज्ञान दैनौ रौ तैइए चिठि हौर भि लिखुन्दौ। हौनमाज का कुछ चिठि बाइबल रौ किताब हौर फिरुन्दौ। *प्रेरितो के काम 16:11-40 का बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_47_128kbps.m4a ## 48. यीशु ए वायदा कौरुन्दौ मसीह स https://openbiblestories.org/l/tpq/story-48/ ![](https://cdn.door43.org/obs/jpg/360px/obs-en-48-01.jpg) जादु परमात्माए संसार ला जुराऔ सैब कुछ बढिया थयौ। कैछै पाप निथिऔ। आदम सी हव्वा एक आईक का प्रेम कौरदै थयै, आई हौतनै परमात्मा का प्रेम कौरदे थयै। कीछ बयाज या मौरनौ नितयौ। परमात्मा हौयौए संसार ला चांदौ थयौ। ![](https://cdn.door43.org/obs/jpg/360px/obs-en-48-02.jpg) शैतान ए साप रौ दवारा बगीचा कै हव्वा सी बातायुन्दौ, क्यु बौलता हौसौ हौतेस ला धोखा देनौ चांदौ थयौ। तै हव्वा सी आदम ए परमात्मा रौ विरौध कै पाप कौरी। क्यु बौलता हौतैन हौर ए पाप कौरी थयौ हौतिजरौ तैईए धरती गाश थाकदै सा सैब जन मौरदेस। ![](https://cdn.door43.org/obs/jpg/360px/obs-en-48-03.jpg) क्यु बौलता आदम सी हव्वाए पाप कौरी थयौ, हौतिजरौ तैईए कि आई भी मारै फिरुन्दौ। हौतनै परमात्मा रौ दुशमन फिरुन्दै। जिजरौ कारण ए, हौतरै का सैबै ए पाप कौरुन्दौस। हर एक जन ए परमात्मा रौ विरुध पाप कोरुन्दौस। परमात्मा सी मानुष हौररौ बीच कै शान्ति निथयौ। पौ परमात्मा शान्ति स्थापित कौरनौ चान्दौ थयौ। ![](https://cdn.door43.org/obs/jpg/360px/obs-en-48-04.jpg) परमात्माए वायदा कौरुन्दौ कि हव्वा रौ एक वंश शैतान रौ मुटकांग ला कुचलाएस। हौतिए हौई भी बौली कि शैतान हौतिन रौ एड़ी ला खाएस। आईक बातैकै, शैतान मसीह ला मारी बैजैस, पौर परमात्मा हौतिनला फिरी जिऊन्दौ जुराएस। हौतिज का पिछु, मसीह शैतान रौ शक्ति ला हमेशा रौ तैईए खत्म कौरैस। बादौ बौरौश का पिछु, परमात्माए प्रकट कौरी कि हौसौ मसीहस। ![](https://cdn.door43.org/obs/jpg/360px/obs-en-48-05.jpg) परमात्मा ए हौसौ बाढ़ का आपरौ पैरै ला बचायाऊन्दौ जिरला हौसौ आनदौ सा थयौ। नूह ला एक किस्ती जुरामै ला बौलुन्दौ कि हौसौ हौयौ ए परमात्माए हौसौ मानुषा हौर ला बचायाऊन्दौ जुन हौतिन गाश विश्वास कौरदै थयै। हौयौए, हौतनै सैब परमात्मा रौ दवारा मारी बैजनौ रौ लैक थयै क्यु बौलता हौतैन हौर ए पाप कौरुन्दौ थयौ। पौर परमात्माए हौतैनै सैब ला बचायानौ रौ तैईए यीशु ला बैजून्दौ जुन हौतिन गाश विश्वास कौरेस। ![](https://cdn.door43.org/obs/jpg/360px/obs-en-48-06.jpg) रा बौरौश का बादौ सैग, याजक परमात्मा रौ तैईए बलिदान चढ़ाएन थाकुन्दै। हौई दर्शायान्दौस कि मानुष हौर ए पाप कौरी, आई हौई कि हौतैनै परमात्मा रौ दवारा सजा दैनौ रौ लैक थयै। पौर हौसौ बलिदान पाप हौर रौ क्षमा कौरी नौबौलदौ थयौ। यीशु सैबका बौडौ महायजकस। हौतिनिए हौसौ सैब कौरी जिलला कौनै याजक कौरी नौबौलदै थयै। हौतिनिए हौसौ एकमात्र बलिदान कौरमै रौ तैईए अपनै आप ला दैऊन्दौ जुन हर किसी रौ पाप हौर ला मिटायाई बौलैस। हौतिनिए सविकार कौरुन्दौ कि परमात्मा हौतैनै सैब रौ पाप हौर रौ तैईए हौतिन ला सजा दैस। हौररौ कारण ए, यीशु सिद्ध महायाजक थयौ। ![](https://cdn.door43.org/obs/jpg/360px/obs-en-48-07.jpg) परमात्माए अब्राहम ला बौलुन्दौ, “हाऊँ तैरौ तैईए संसार रौ सैब जाति हौर ला आशीष दीसु।” यीशु हौईए अब्राहम रौ वंश थयौ। परमात्मा अब्राहम रौ मादयम का सैब जाति हौर ला आशीष दैदौस, क्यु बौलता जुन यीशु गाश विश्वास कौरेस परमात्मा हौतैनै सैब ला पाप का बचायैस। जैतरै हौई मानुषा यीशु गास विश्वास कौरदैस, तै परमात्मा हौतैन ला अब्राहम रौ वंश सौमझिदौस। ![](https://cdn.door43.org/obs/jpg/360px/obs-en-48-08.jpg) परमात्माए अब्राहम ला बौलुन्दौ कि आपरौए छैलडु ला हौतिन रौ तैईए बलिदान कौर। पौर तै परमात्माए इसहाक रौ बदला कै बलि कौरमै रौ तैईए एक चेलटु दैऊन्दौ। तामै सैबै आपरौ पाप हौर रौ तैईए मारी बैजनौ रौ लैक थयै! पौर परमात्माए तामरौ रौ जागा गाश मौरमै ला यीशु ला बलिदान रौ रुह कै दैऊन्दौ। हौतिज रौ कारण ए तामै यीशु ला परमात्मा रौ चेलटु बौलदै सि। ![](https://cdn.door43.org/obs/jpg/360px/obs-en-48-09.jpg) जादु परमात्मा ए मिस्त्र गाश अंतिम विपती बैजी तै हौतिनिए हर एक इस्त्राएली पैरै ला बौलुन्दौ कि तुमै एक चैलटु ला बलिदान कौरौ। हौसौ चैलटु कै कैछै खामी नुनौ चान्दौ। तै आपरौ दवार गाश आई औरु पौरु हौतैन ला हौतिज रौ पलाच ठौशयानौ थयौ।जैतरै परमात्माए हौसौ पलाच ला शाऔ तै हौसौ हौतैन रौ गौर हौर का आंगमै बढैनमाऊई आई हौतैन रौ पेहला छैलडु पैरै ला नामारुन्दौ। जैतरै हौई फिरौ तै परमात्माए हौतिजला फसह रौ पर्व बौलुन्दौ। ![](https://cdn.door43.org/obs/jpg/360px/obs-en-48-10.jpg) यीशु फसह रौ पर्व रौ एक मेमना रौ गानस। हौतिनिए कादुए पाप नौकौरी, हौतिजरौ तैईए हौतिनकै कैछै गलत नुदौ। हौसौ फसह रौ पर्व तादु मौरुन्दौ। जुन कुन यीशु गाश विश्वास कौरदौस, तै यीशु रौ लहू हौसौ मानुष रौ पाप हौर रौ किमत चुकायादौस। हौई हौयौस जयौ कि परमात्मा हौसौ मानुष गाछै का आंगमै बौडुई, क्यु बौलता हौसौ हौतिनला सजा नैददौ। ![](https://cdn.door43.org/obs/jpg/360px/obs-en-48-11.jpg) परमात्मा ए इस्त्राएली मानुष हौर सी एक वचन बानी, क्यु बौलता ![](https://cdn.door43.org/obs/jpg/360px/obs-en-48-12.jpg) मूसा एक हौयौ भविष्य जानदौ थयौ जुनिए परमात्मा रौ वचन ला बौडौ शक्ति सी प्रचार कौरी थयौ। पौर यीशु सैब भविष्य हौर जानदै सा का बौडौस। हौसौ परमात्मास, हौतिज रौ तैईए जि भी हौतिनिए कौरुन्दौ आई बौलुन्दौ हौसौ परमात्मा रौ काम सी वचन थयै। हौतिजरौ तैईए पवित्र शास्त्र यीशु ला परमात्मा रौ वचन बौलदौस। ![](https://cdn.door43.org/obs/jpg/360px/obs-en-48-13.jpg) परमात्माए राजा दाऊद का वायदा कौरुन्दौ थयौ कि राजा रौ रु कै हौतिन रौ एक वंश परमात्मा रौ मानुष हौर गाश सौदा रौ तैईए शासन कौरेस। यीशु परमात्मा रौ छैलडु आई मसीहस, हौतिजरौ तैईए हौसौ राजा दाऊद रौ वंशस जुन सौदा रौ तैईए राज कौरी बौलेस ![](https://cdn.door43.org/obs/jpg/360px/obs-en-48-14.jpg) दाऊद ता इस्त्राएल रौ राजा थयौ, पौर यीशु सारौ जगत रौ राजास! हौसौ फीरी आछैस आई सौदा रौ तैईए न्याय सी राज्य का राज कौरैस। *उत्पत्ति 1-3,6,14,22; निर्गमन 12,20;2 शमूएल 7; इब्रानियो 3:1-6, 4:14-5:10, 7:1-8:13, 9:11-10:18; प्रकाशितवाक्य 21 का बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_48_128kbps.m4a ## 49. परमात्मा रौ नौऊवौ वायदा https://openbiblestories.org/l/tpq/story-49/ ![](https://cdn.door43.org/obs/jpg/360px/obs-en-49-01.jpg) एक स्वर्गदूत ए एक जवान देन मरियम ला बौलुन्दौ कि हौसौ परमात्मा रौ छैलडु ला जौरमैस। हौसौ आई कुँआरी थी, पौर पवित्रात्मा हौतैस गाछै आछुन्दौ आई हौसौ गर्भवती फिरुन्दी। हौतैसै एक छैलडु जौरमी जासरौ नाव हौतैसै यीशु जागुन्दौ। हौतिजरौ तैईए, यीशु परमात्मा सी मानुष दुईएस। ![](https://cdn.door43.org/obs/jpg/360px/obs-en-49-02.jpg) यीशुए बादौ चमत्कार कौरुन्दौ जि हौई दैख्यादौस कि हौसौ परमात्मास। हौसौ पानी गाश हाँडुन्दौ आई तूफान ला शान्त कौरुन्दौ। हौतिनिए बादौ ब्याजुन मानुष हौर ला चान्गा कौरुन्दौ आई बादौ मानुषाहौर का दुष्टात्मा हौरला गारुन्दौ।हौतिनिए मौरुन मानुषाला जिऊन्दौ कौरुन्दौ, आई हौतिनिए पाँच रौटी दुई माछली हौर का 5,000 मानुष हौररौ तैईए क्यालाखो खाऊँ खिलायाउन्दो। ![](https://cdn.door43.org/obs/jpg/360px/obs-en-49-03.jpg) यीशु एक महान गुरुजी भी थयौ। जि बि हौतिनै शिख्याउन्दौ, हौसौ हौतिनिए सिदता रौ साथ शिख्याऊन्दौ। जि हौसौ मानुष हौर ला कौरमै ला बौलदौस हौसौ हौतैनला कौरनौ चान्दौ क्यु बौलता हौसौ परमात्मा रौ छैल्डुस। उदाहरण रौ तौर कै हौतिनिए शिख्याऔ कि तौमोर ला आईक मानुष हौर ला हौसौए रीतिए प्रेम कौरनौ रौ जरुरत स जयो तुमै आपनै आप का प्रेम कौरदै सौ। ![](https://cdn.door43.org/obs/jpg/360px/obs-en-49-04.jpg) हौतिनै हौई भी शिख्याऊन्दौ कि तौमोर ला सेब चीजा का बौदी आई आपरौ सम्पति का बौदी परमात्मा का प्रेम कौरनौ चान्दौ। ![](https://cdn.door43.org/obs/jpg/360px/obs-en-49-05.jpg) यीशु ए बौलुन्दौ कि संसार कै सेब चीजहौर का बौदी जरुरी परमात्मा सी प्रेम कौरनौ स। हौतिन रौ राज्य कै प्रवेश कौरमै ला हौई जरुरी स कि परमात्मा तौमोर ला तौमोर रौ पाप हौर का बचाए स। ![](https://cdn.door43.org/obs/jpg/360px/obs-en-49-06.jpg) यीशुए बौलुन्दौ कि कुछ मानुष हौतिनला स्विकार कौरैसा। परमात्मा हौसौ मानुष हौर ला बौचाएस। पौर आईक्या मानुष हौतिन ला स्वीकार नौकौरसा। हौतिनिए हौई भी बौलुन्दौ एक्या मानुष बौलौ डौखरौ रौ समानस, क्यु बौलता हौतनै यीशु रौ बारे कै शुभ संदेश ला स्वीकार कौरदै सा, आई परमात्मा हौतैनला बौचायान्दौस। पौर एक्या मानुष बात रौ काठौ माटी रौ समानस। परमात्मा रौ वचन बिऊ रौ समान बातकै शौरदौस, पौर हौतिनचै किछ भी नाराजदौस। हौई मानुष यीशु रौ बारे संदेश ला स्वीकार कौरदैसा। हौतनै हौतिन रौ राज्य कै प्रवेश कौरमै ला इंकार कौरदैस। ![](https://cdn.door43.org/obs/jpg/360px/obs-en-49-07.jpg) यीशुए शिख्याऊन्दौ कि परमात्मा पापी हौर का बादौ प्रेम कौरदौस। हौसौ हौतनै ला माफ कौरमै चानदौस आई हौतैनला आपरौ संतान फिरयानौ चान्दौस। ![](https://cdn.door43.org/obs/jpg/360px/obs-en-49-08.jpg) यीशुए हौई भी बौलुन्दौ कि परमात्मा पाप का नफरत कौरदौस। क्यु बौलता आदम सी हव्वाए पाप कौरुन्दौ, हौतिज रौ तैईए हौतेनरौ सैब वंश हौर ए भी पाप कौरुन्दौस। हौई संसार कै थाकदै स्या हर एक जौन ए पाप कौरदौस आई परमात्मा का दूरस। हरेक जौन परमात्मा रौ दुशमनस। ![](https://cdn.door43.org/obs/jpg/360px/obs-en-49-09.jpg) पौर परमात्माए हौई संसार कै थाकदै सा हरेक जौन सी हौई रीतिए प्रेम कौरिस: जुन भी हौतिन गाश विश्वास कौरैस हौतैनै नाश निफिरसा पौर अनंत जीवन ला प्रापौत कौरेस। ![](https://cdn.door43.org/obs/jpg/360px/obs-en-49-10.jpg) तुमै मौरनौ रौ लैक सौ, क्यु बौलता तुमै पाप कौरिस। तुमका परमात्मा रौ रौशिनौ उचितस। हौजरौ तुलना, हौसौ यीशु गास रौशुई। हौतिनिए यीशु ला क्रूस गास लटकायाई मौत रौ सजा दैऊन्दौ। ![](https://cdn.door43.org/obs/jpg/360px/obs-en-49-11.jpg) यीशुए कादुए पाप नौकरून्दौ, पौर हौतिनिए परमात्मा ला दंड दैनौ बैजुन्दौ। हौतिनिए मौरी नाशनौ स्वीकार कौरुन्दौ। हौई रीतिए, तुमहौर रौ पाप हौर ला आई संसार कै थाकदै सा हरेक जौन रौ पाप हौर ला तौलाई नीमै रौ तैइए एक सिध बलिदान थयौ। यीशुए अपने आप ला परमात्मा रौ तैईए बलिदान दैऊन्दौ, हौतिजरौ तैईए परमात्मा कि भी पाप ला, हौनचै सैग कि कौचरौ पाप हौर ला भी क्षमा कौरदौस। ![](https://cdn.door43.org/obs/jpg/360px/obs-en-49-12.jpg) चाहे तुमै कैतैग भी बौलौ काम हौर कौरदै सौ, तै भी हौतिजरौ दवाराए परमात्मा तुमला नौबौचाएस। हौतिन रौ कौनेस फिरमै रौ तैईए हौई किछ भी नाई जि तुमै कौरी बौलसौ। हौतिजरौ इलावा, तुमला विश्वास कौरनौसा कि यीशु परमात्मा रौ छैलडुस, आई हौसौ तुमरौ तैईए क्रूस गाश मौरुन्दौ, आई हौई भी कि परमात्माए हौतिनला फिरी जीवित कौरुन्दौ। यदि तुमै हौतिन गाश विश्वास कौरता, तै परमात्मा तुमरौ पाप हौर ला क्षमा कौरेस। ![](https://cdn.door43.org/obs/jpg/360px/obs-en-49-13.jpg) परमात्मा हौसौ हरेक जौन ला बौचाएस जुन यीशु गाश विश्वास कौरदैस आई आपरौ प्रभु स्वीकार कौरदैसा। पौर हौसौ हौतैनला भी नौबौचाएस जुन हौतिनगाश विश्वास नौकौरदैसा। हौई कैछै मायना नाजागदौ कि तुमै अमीर या गरीब सौ, पुंशा या देनस, बूढौस या जवानस, या तुमै किनचै थाकदै सौ। परमात्मा तुमका प्रेम कौरदौस आई चान्दौस कि तुमै यीशु का विश्वास कौरौ कि हौसौ तुमरौ कौनैस फिरी बौलेस। ![](https://cdn.door43.org/obs/jpg/360px/obs-en-49-14.jpg) यीशु तुमला बुलाएनस कि हौतिनगाश विश्वास कौरौ आई बपतिस्मा मांगौ। कि तुमै विश्वास कौरदैसौआ कि परमात्मा रौ एकलौता छैलडु, यीशुए मसीहस? कि तुमै विश्वास कौरदैसौआ कि तुमै एक पापी सौ आई हौई कि तुमै परमात्मा दवारा तुमला सजा दैनौ रौ योग्य सौ? कि तुमै विश्वास कौरदैसौआ कि तुमौरौ पाप हौर ला मिटायामै तैईए यीशु क्रूस गाश मौरुन्दौ? ![](https://cdn.door43.org/obs/jpg/360px/obs-en-49-15.jpg) यदि तुमै यीशु गास आई जि हौतिनिए तुमरौ तैईए कौरिस हौतिन गाश विश्वास कौरदैसौ, तै तुमै एक मसीह सौ! शैतान आपरौ अंधकार रौ राज्य कै ऐ तुमगाश राज नौकौरदौस। ऐ परमात्मा आपरौ प्रकाश रौ राज्य कै तुमगाश राज कौरदौस। हौतिनिए तुमला पाप कौरनौ का रौकाईस, जिलला तुमै कौरदै थयै। हौतिनिए तुमला एक नौ, उचित जीवन दैईस। ![](https://cdn.door43.org/obs/jpg/360px/obs-en-49-16.jpg) यदि तुमै एक मसीहि सौ ता जि यीशुए कौरुन्दौस हौतिजरौ कारण परमात्माए तुमरौ पाप हौर ला माफ कौरुनदौस। ऐ, परमात्मा एक दुशमन रौ अपेक्षा तुमला एक खास कौनैस जानदौस। ![](https://cdn.door43.org/obs/jpg/360px/obs-en-49-17.jpg) यदि तुमै परमात्मा रौ कौनैस हूता आई प्रभु यीशु रौ सेवक हूता तै तुमै हौतिनरौ बातै हौर रौ पालन कौरनौ रौ इच्छा कौरसौ जि यीशु तुमला सिखायैस। चाहै तुमै एक मसीही सौ, शैतान तैभी पाप कौरमै रौ तैईए तुमरौ इमतैआन कौरैस। पौर परमात्मा हमेशा हौसौ कौरदौस जि हौसौ बौलदौस कि हौसौ कौरैस। हौसौ बौलदौस कि यदि तुमै आपरौ पाप हौर ला मानायाता, तै हौसौ तुमला माफ कौरेस। हौसौ तुमला पाप रौ विरुध लौसिमै ला शक्ति दैस। ![](https://cdn.door43.org/obs/jpg/360px/obs-en-49-18.jpg) परमात्मा तुमला प्रार्थना कौरमै आई हौतिनरौ वचन ला शिखिमै रौ तैईए बौलदौस। हौसौ तुमला आईक विश्वासी हौर सी मिलेनमाऊई हौतिनरौ अराधना कौरमै ला भी बौलदौस। तुमला आईक्या मानुष हौर ला भी बौलनौसास कि हौतिनिए तुमरौ तैईए कि कौरुन्दौस। यदि तुमै हौई सैब काम हौर ला कौरसौ, तै तुमै हौतिनरौ एक पाका कौनैश फिरसौ। *रोमियो 3:21-26, 5:1-11;यूहन्ना 3:16, मरकुस 16:16, कुलुस्सियो1:13-14,2कुरिन्थियो 5:17-21,1यूहन्ना 1:5-10 बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_49_128kbps.m4a ## 50. यीशु वापिस आच्छदौ स https://openbiblestories.org/l/tpq/story-50/ ![](https://cdn.door43.org/obs/jpg/360px/obs-en-50-01.jpg) लगभग 2000 बौराश का, ससार कै सैब जागा हौर गाश बादौ का बादौ मानुष हौर मसीह यीशु रौ बारै कै सुभ सन्देश सुनेनसा। कलिसिया उन्नति कौरेन सा। यीशुए वादा कौरुन्दौस कि हौसौ सन्सार रौ अन्त कै वापस आछैस। पौर हौरौ ईमरी आई वापस नाछिस, तैभी हौसौ वादा हौर ला पूरा कौरेस। ![](https://cdn.door43.org/obs/jpg/360px/obs-en-50-02.jpg) ज्यौ तामै यीशु रौ वापस आछनौ रौ इनतैजार कौरदै सी, परमात्मा तामका हौईए रीतिए जीवन जीनौ रौ ईछा कौरदौस, जि पवित्रस आई जि हौतिजरौ आदर कौरदौस। जादु यीशु धरती गाश थाकने थयौ हौतरै हौतिनिए बौलुन्दौ, “मैरौ चेला हौर पूरा सन्सार कै सैब जागा हौर कै मानुष हौर ला परमात्मा रौ राज्य रौ बारै कै सुभ सन्देश प्रचार कौरसा, आई हौतरै सैग अन्त आछेस।” ![](https://cdn.door43.org/obs/jpg/360px/obs-en-50-03.jpg) बादौ जाति हौर ए ईमरी सैग यीशु रौ बारै कै नुशुनुदौस। स्वर्ग नाशनौ का पैले, यीशुए मसीह हौर ला हौसौ मानुष हौर ला सुभ सन्देश सुनायामै ला बौलुन्दौ जुन हौर ए हौई कादुए नुशुनुदौस। हौतिनिए बौलुन्दौ, “नाशौ आई सैब जाति रौ मानुष हौर ला चेला जुराऔ!” आई “लौमै रौ तैईए डौखरै नाज पाचुन्दौस!” ![](https://cdn.door43.org/obs/jpg/360px/obs-en-50-04.jpg) यीशुए हौई भी बौलुनदौ, “कुन मानुष रौ नुकुर आपरौ मालिक का बौडौ नाथाकदौ। हौई सन्सार रौ खास मानुष हौर ए मुका नफरत कौरुन्दौ, आई मैरौ कारण ए हौतनै तुमला भी सताएस आई मारी बेजसा। हौई सन्सार कै तुमै जख्मी फिरसौ, पौर पाका फिरौ, क्यु बौलता मैईए शैतान ला हरायाईस जुन हौई सन्सार गास हुकुम चलायादौस। अगर तुमै अन्त सैग मैरौ विश्वास योग्य फिरी थाकदौस, ता तै परमात्मा तुमला बौचाएस!” ![](https://cdn.door43.org/obs/jpg/360px/obs-en-50-05.jpg) यीशुए आपरौ चेला हौर ला सौमजायानौ रौ तैईए एक कौथा सुनायाऊन्दौ कि जैतरै सन्सार रौ अन्त फिरैस तै मानुष हौर सी कि फिरैस, “कुन मानुष ए आपरौ डौखरै बौलौ बीऊ बौई। जैतरै हौसौ सुतैन थयौ तै हौतिन रौ दुशमन आछुन्दौ आई गैऊ रौ बीऊ हौर माज खौररौ बीऊ हौर बौऊन्दौ, आई हौसौ हौतिनचै का नाशुन्दौ।” ![](https://cdn.door43.org/obs/jpg/360px/obs-en-50-06.jpg) “जादु पौदा हौर फाटौ तै नुकुर ए हौसौ मानुष ला बौलुनदौ, ‘हे मालिक, तैईए ता डौखरै बौलौ बीऊ बौउन्दौ थयौ। तै फिरी हौचकै जान्गली पौधा हौर क्युस?” हौसौ मानुष ए जवाब दैऊन्दौ, “केवल मैरौ दुश्मन ए हौतिज हौर ला बौनौ चाएस। हौई मैरौ कुन ता दुश्मनस जुनिए हौयौ कौरुन्दौस। ![](https://cdn.door43.org/obs/jpg/360px/obs-en-50-07.jpg) “हौतिन रौ सेवक हौर ए आपरौ मालिक ला जवाब देउन्दौ, “कि तामला जान्गली पौधा हौर ला पौटाई बैजनौ चान्दौआ?’ हौतिन रौ मालिक ए बौलुनदौ, ‘ना। अगर तु हौयौ कौरता तै ताऊका कुछ गैऊ भी पौटाईएस। लौनौ फिरैन सैग पौखै। तै जान्गली पौधा हौर ला मौथी कौठा कौर ताकि तू हौतिजला जाली बौलसौ। पौर गेऊला मैरौ ऊर्च कै आनौ।” ![](https://cdn.door43.org/obs/jpg/360px/obs-en-50-08.jpg) चेला हौर कौथा रौ मतलब नौसौमजिउन्दै, हौतिजरौ तैईए हौतैनहौर ऐ यीशु का हौतिनला सौमझायामै ला निवेदन कौरुन्दौ, “बौलौ बिऊ बौन्दौ स्या मानुष मसीह ला दर्शायान्दौस। डौखौरौ सन्सार ला दर्शायान्दौस। बौलौ बिऊ परमात्मा रौ राज्य रौ मानुषहौर दर्शायान्दौ स।” ![](https://cdn.door43.org/obs/jpg/360px/obs-en-50-09.jpg) “जान्गली पौधा हौसौ मार मानुष, शैतान रौ मानुषा ला दर्शायान्दौस कौरदै सास। हौसौ मानुष रौ दुशमन शैतान रौ प्रतिनिधित्व कौरदौस, आई लौदैसा परमात्मा रौ स्वर्गदुत हौर रौ सम्बन्ध कौरदैस।” ![](https://cdn.door43.org/obs/jpg/360px/obs-en-50-10.jpg) “ जादु ससार रौ अन्त फिरेस हौतरै स्वर्गदूत हौसौ सैब मानुष हौर ला कौठा कौरसा जुन शैतानरैस। हौसौ स्वर्गदूत हौतैन हौर ला एक वाल तातौ आगकै फिक्याई बैजसा। हौतिनचै रौ मानुष कौचरौ सताव ए रुआईसा आई अपरौ दाँद चाबसा। पौर जुन मानुष धर्मीस, जुन हौर ए यीशु रौ अनुसरन कौरिस, हौतैनै हौतेन हौर रौ परमात्मा पिता रौ राज्य कै दिऊस रौ गान चौमौकसा।” ![](https://cdn.door43.org/obs/jpg/360px/obs-en-50-11.jpg) यीशुए हौई भी बौलुन्दौ कि हौसौ ससार रौ अन्त फिरनौ का पैलै पृथ्वी गास वापस आछैस। हौसौ हौसौए रितिए वापस आछैस जयौ हौसौ नाशी थयौ। अर्थात, हौतिन रौ दिमाड ए डै हुएस, आई हौसौ आसमान कै दुआन्स गास सवार फिरी आछैस। जादु यीशु आछैस, हरैक मसीह गा विशवास कौरदै सा जुन मौरुन्दैस मौरुन्दै का जीऊनदौ फिरसा आई हौतिन ला असमान कै बैठिसा। ![](https://cdn.door43.org/obs/jpg/360px/obs-en-50-12.jpg) तै जुन मसीही आईभी जिऊन्दैस हौतैन हौर असमान कै तौलाई नाशशा आई आईक्या मसीह हौर सी साथ शामिल फिरसा जुन मोरुन्दै का जी ऊजीसा। हौतैन हौर सैब हौतिनचै यीशु सी साथ हुसा। हौतिज का पिछु, यीशु आपरौ मानुष हौर सी थाकैस। जैतरै हौतनै एकठै थाकसा तै हौतेन गाछै सौदाए रौ तैइए पूरा शान्ति हुएस। ![](https://cdn.door43.org/obs/jpg/360px/obs-en-50-13.jpg) यीशु ऐ हौतिन गाश विश्वास कौरदै स्या सेब मानुषा ला एक मुकुट दैन्नौ रौ वायदा कौरून्दौ। हौतैनै सौदा ला परमात्मा सि सेब चीज का शासन कौरसा। हौतैन कै पूरा शान्ति हौएस। ![](https://cdn.door43.org/obs/jpg/360px/obs-en-50-14.jpg) पौर परमात्मा हौसौ सैब रौ न्याय कौरेस जुन यीशु गाश विश्वास नौकौरदैसा। हौतिनचै हौतैन हौर रूसा आई आपरौ दान्त चाबसा, आई हौतेनै हमेशा बेजिएन थाकसा। कादुए निहिस्तौसा आग हौतेनला लगातार हौतेनला डौएन थाकेस,आई कीरै हौर हौतैन ला खामैला कादुए नुरुकसा। ![](https://cdn.door43.org/obs/jpg/360px/obs-en-50-15.jpg) जादु यीशु आछैस,तै हौसौ पुरा रीतिए शैतानला आई हौतिन रौ राज्य खत्म कौरी बैजैस। हौसौ शैतान ला नौरौक कै बैजैस। हौतिनचै शैतान सौदाला जौलेन थाकेस, हौतेन सैब सी जुन हौर ए परमात्मा रौ बातै मानानौ रौ बजाय शैतान रौ पिछाय हाँडनौ बौलौ जानी। ![](https://cdn.door43.org/obs/jpg/360px/obs-en-50-16.jpg) क्यु बौलता आदम सी हव्वाए परमात्मा रौ आज्ञा रौ उलन्गन कौरुन्दौ थयौ आई पाप ला हौई सन्सार कै आनी थयौ, परमात्माए हौतिनला श्राप दैउन्दौ आई हौतिन ला नष्ट कौरनौ रौ फैसला कौरुन्दौ। पौर कादु परमात्मा एक नौ स्वर्ग आई एक नऔ परिथवि रौ रचना कौरेस जि पूरा फिरेस। ![](https://cdn.door43.org/obs/jpg/360px/obs-en-50-17.jpg) यीशु सी हौतिन रौ मानुष हौसौ नऔ पिथवी गाश थाकसा, आई हौसौ सौदा ला सैब चीज हौर गास शासन कौरेस। हौसौ मानुष हौर रौ आँखी का सैब मिस्ती गुशेस। ऐ कौनै पीडित या दुखी नाथकसा। हौतेनै नुरुआईसा। हौतैनै नैबजिसा आई नौमौरसा। आई हौतिनचै कैछै बुराई नाथाकैस। यीशु आपरौ राज्य गास न्यायपुरवक, आई शान्ति ए शासन कौरेस। हौसौ हमेशा रौ तैइए आपरौ मानुष हौर सी थाकैस। *मत्ती 24:14;28:18; यूहन्ना 15:20, 16:33;‍प्ररकाशितवाक्य 2:10; मत्ती 13: 24-30, 36-42;1 थिस्सलुनीकियो 4:13-5:11; याकूब 1:12; मत्ती 22:13;‍प्रकाशितवाक्य 20:10, 21:1-22:21 का बाइबल रौ एक कौथा* Audio: https://git.door43.org/OBS-TLF/tpq_obs/releases/download/v1/tpq_obs_v1_50_128kbps.m4a