# unfoldingWord Open Bible Stories — Munda (Devnagri)

- Language code: `unx-deva`
- Canonical page: https://openbiblestories.org/l/unx-deva/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Munda (Devnagri) translation; it is not a translation of the whole Bible.

## 1. सिरजाव

https://openbiblestories.org/l/unx-deva/story-1/

![](https://cdn.door43.org/obs/jpg/360px/obs-en-01-01.jpg)

एनेटेज ते परमेश्वर सोबन जिनिस कोके सिरजाव केदा। इनि: छाव दिन रे गोटा दिसुम ओड़ो: एनारे जेनअ: को मेनअ: सोबनअ: सिरजाव केदा। जे इमतंग परमेश्वर ओते दिसुम के बाइ केदा इमतंग गोटा दिसुम कुलकुल नुबा ओड़ो: खाली गी ताइकेना, चियाची नअ: जकेद परमेश्वर एनारे जेतन जिनिस को काए बाइ लअ:। मेनदो परमेश्वरअ: आत्मा दाअ:रअ: चेतन रे अपीर बड़ा तन ताइकेना।

![](https://cdn.door43.org/obs/jpg/360px/obs-en-01-02.jpg)

एनेद परमेश्वर कजि केदा, “मरसलोअ: का।”ओड़ो: मरसल जना। परमेश्वर नेल केदा ची मरसल बेस मेनअ:। ओड़ो: एना के “सिंगी” कजि केदा। इनि: सिंगी के नुबा:ते जुदा केदा, नुबा के इनि: “अयुब” कजि केदा। परमेश्वर सिरजाव केद सिदा हुलङ रे मरसल के बाइ केदा।

![](https://cdn.door43.org/obs/jpg/360px/obs-en-01-03.jpg)

सिरजाव रअ: तयोम हुलङ परमेश्वर कजि केदा, “दाअ: रअ: चेतन रे मियद अंतर होबाव कअ।”ओड़ो: मियद अंतर होबा जना। परमेश्वर ने अंतर के “सिरमा” कजि केदा।

![](https://cdn.door43.org/obs/jpg/360px/obs-en-01-04.jpg)

तीसरा दिन परमेश्वर परमेश्वर कजि केदा, “दाअ: मियद तअ: रे जमाव कअ: ओड़ो: रोहोड़ ठयाद नेलोओ कअ:।”इनि: रोहोड़ ठायद के ओते दिसुम कजि केदा ओड़ो दाअ: के “समुदर” कजि केदा, परमेश्वर नेल केदा ची अए: बाइ कद तेअ: सोबेना बेस गिआ:।

![](https://cdn.door43.org/obs/jpg/360px/obs-en-01-05.jpg)

एनेद परमेश्वर कजि केदा, “ओते दिसुम रे सोबन रकम रअ: हुडिङ मपरङ दारू को ओमोनो कअ:।”ओड़ो: नेका गी होबा जना। परमेश्वर नेल केदा ची अए: बाइ कद तेअ: बेस गिआ:।

![](https://cdn.door43.org/obs/jpg/360px/obs-en-01-06.jpg)

सिरजाव रअ: चौथा दिन रे परमेश्वर कजि केदा, “सिरमा रे मरसल होबाव कअ:।”ओड़ो: सिंगी, चांडु आद इपिल को नेल जना। परमेश्वर निकु के ओते दिसुम रे मरसल एमे काको मेनते सिंगी ओड़ो: अयूब मौसम को ओड़ो: बरस कोरे चिन्हाव कअ: मेनते बाइ केदा। परमेश्वर नेल केदा ची जे इनि: बाइ लअ: एना बुगिन ताइकेना।

![](https://cdn.door43.org/obs/jpg/360px/obs-en-01-07.jpg)

पाँचवा दिन रे परमेश्वर कजि केदा, “दाअ: रे जीद जीउ को पेरे केनो: कको ओड़ो: सिरमा रे ओड़े चेड़े को अपिरेका को।”ने लेका ते इनि: दाअ: रे पंगुराव वाला जीउ जंतु को ओड़ो: ओड़े चेड़े को बाइ केद कोअ:।परमेश्वर नेल केदा ची एना बेस मेनअ:। ओड़ो: इनकु के आशीष ओमाद कोअ:।

![](https://cdn.door43.org/obs/jpg/360px/obs-en-01-08.jpg)

सिरजाव रअ: छटवाँ दिन रे परमेश्वर कजि केदा, “ओते रे ताइयो लेकन सोबन रकम रेन जीउ जन्तु को होबव कको।”ओड़ो: परमेश्वर कजि लेका गी होबा जना। हुड़िङ लेका असुल जानवर को ताइन केना, हुड़िङ लेका ओते रे रेंगान वाला को ओड़ो: हुड़िङ लेका बिर रेन जीउ जन्तु को ताइन केना। ओड़ो परमेश्वर नेल केदा ची एना को बेस मेनअ:।

![](https://cdn.door43.org/obs/jpg/360px/obs-en-01-09.jpg)

एनेद परमेश्वर कजि केदा ची नअ: दो अञङ होड़ो के अञङ मेनाञङ लेका ओड़ो: अञङगा बराबरी रे बाइया। इनकु ने ओते दिसुम रे ओड़ो: सोनेब जानवर कोअ: चेतन रे राइज को चलाव कअ:।

![](https://cdn.door43.org/obs/jpg/360px/obs-en-01-10.jpg)

ओड़ो: परमेश्वर हसा के इदि केद मियद होड़ो बाइ किजअ: ओड़ो: इनि के जिनिद रअ: संएद ते ओङ तजाए। ने होड़ोअ: नुतुम आदम ताइन केना परमेश्वर आदम ताइ मेनते मियद मरङ बगाइचा बाइ केदा ओड़ो: एना के नेनेल मेनते आदम के एनत: रे दोहो किजअ:।

![](https://cdn.door43.org/obs/jpg/360px/obs-en-01-11.jpg)

एन बगाइचा रअ: थला रे बरिया खास दारू रोए लअ: - जिनिद रअ: दारू ओड़ो: बुगिन आद् का बुगिन तेअ: इतुन रअ: दारू। परमेश्वर आदम के हुकुमाय ओमा जअ चि अम एन बगाइचा रअ: बुगिन आद् का बुगिन तेअ: इतुन रअ: दारू के बगि केअते एटा जान दारू रअ: जो को जोम दड़िया। अगर अम एन दारू रअ: जो केम जोमे रेदो गोए केनोगम।

![](https://cdn.door43.org/obs/jpg/360px/obs-en-01-12.jpg)

एनेद परमेश्वर कजि केदा, “कोड़ा लाइ एकला गी ताइन बुगिन का अदावगा।”मेनदो जाए जेताय जानवर आदम गअ: देंगा ओम लाइ गति कको बाइ दड़ि जना।

![](https://cdn.door43.org/obs/jpg/360px/obs-en-01-13.jpg)

एना मेनते परमेश्वर आदम के इसु पुरअ: दुड़ुम रे गीति तजाए। एनेद परमेश्वर आदम गअ: मियद साड़े जाङ(पंजरा) ओड़ोङ किजअ: ओड़ो: एनाएते मियद कुड़ी बाइ किजअ: ओड़ो: इनि: के आदम तअ: आउ किजअ:।

![](https://cdn.door43.org/obs/jpg/360px/obs-en-01-14.jpg)

जे इमतंग आदम इनि: के नेल किजअ: दो इनि: कजि केदा, “वाह! नी दो अञङ लेका मेनाइअ:।”नी “कुड़ी”कजियोअ:, चियाची नी कोड़ाएते बाइ कना। नेअ रअ: चलते कोड़ा अयअ: एंगा-आपु कोके बगि केते अयअ: घरनी लोओ: मियद केनोवय।

![](https://cdn.door43.org/obs/jpg/360px/obs-en-01-15.jpg)

परमेश्वर कोड़ा ओड़ो कुड़ी किन के अयअ: लेका गी बाइ कद किना। इनि: इनकिन के आशीष ओमाद किना ओड़ो: कजि केद किना चि मिद थिम्बा गंड़ा को ओड़ो: जाइको पोसा कोबेन ओड़ो ओते दिसुम रे पेरे केनो पे। ओड़ो परमेश्वर नेल केदा चि जे तेअ:को इनि: बाइ लअ: एना इसु बुगिन मेनअ: ओड़ो इनि: एना कोयते इसु रासिका ताइन केना। नेअ: सोबेनअ: सिरजाव रअ: छटवाँ दिन ताइ केना।

![](https://cdn.door43.org/obs/jpg/360px/obs-en-01-16.jpg)

सातवाँ दिन परमेश्वर एन सोबन कमि कोके छबा केदा, जे इनि:रिका ताइनाय। इनि: सातवाँ दिन के आशीष ओम केदाय। ओड़ो: पवितर दोहो केदाय। चियाची एन हुलङ इनि: सोबन जिनिस कोए सिरजाव छबा केदा। ने लेका परमेश्वर ने ओते दिसुम ओड़ो जे तेअ: को एना रे मेनअ: सोबेना सिरजाव केदा।

*उत्त्पति अध्याय 1-2 ते इदियकन बाइबल रअ: मियद कहनी*

## 2. पाप दिसुम रे बोलोवय

https://openbiblestories.org/l/unx-deva/story-2/

![](https://cdn.door43.org/obs/jpg/360px/obs-en-02-01.jpg)

आदम ओड़ो: अयअ: घरनी इसु सुगड़ बगाइचा रे इसु पुरअ: रसिका किन ताइन केना। इनकिन लिजअ: सिनिद ककिन तुसिएन ताइकेना, एन रेओ इनकिन के एन बकड़ रअ: गियु कअ ताइकेना, चियाची ने दिसुम रे पाप कअ ताइ केना। इनकिन एन बगाइचा रे जनाव गी होनोर बड़ा तन ताइकेना किन। ओड़ो: परमेश्वर लोओ: जगर ताइ केनाकिन।

![](https://cdn.door43.org/obs/jpg/360px/obs-en-02-02.jpg)

मेनदो एन बगाइचा रे मियद बिङ ताइकेना। इनि: पुरअ: चतुर ताइकेना। इनि: एन कुड़ी के कुली किजा, “चिनअ: सरती गी परमेश्वर अबेन के कजि कद बेना चि ने बगाइचा रअ: जेतन दारू रअ: जो अलोबेन जोमेय:?”

![](https://cdn.door43.org/obs/jpg/360px/obs-en-02-03.jpg)

एन कुड़ी कजियजअ:, “परमेश्वर अलिङ के कजि कद लिङगा चि अलिङ एन बुगिन ओड़ो: कअ: बुगिन तेअ: इतुन रअ: दारू के बगि केयायते जान दारू रअ: जो गीलिङ जोम दड़िया। परमेश्वर अलिङ के कजि कद लिङगा चि अबेन एन जो के जोम आद् जुटीद रेदो बेन अबेन गोए केनोअ: बेन।

![](https://cdn.door43.org/obs/jpg/360px/obs-en-02-04.jpg)

एन बिङ कुड़ी के जबाब ओमा जअ, “नेअ: सरती नअ: लअ:। अम कम गोजोगा। परमेश्वर खुद सरियाए चि चिलका अम एन जो केम जोमेया, अम परमेश्वर लेका बाइ केनोगम ओड़ो: इनि: लेका गी बुगिन ओड़ो: कअ: बुगिन तेअ: कोम सरियोगम।”

![](https://cdn.door43.org/obs/jpg/360px/obs-en-02-05.jpg)

एन कुड़ी नेल केदा चि एन दारू रअ: जो लाइ बेस ओड़ो: लोभावन गी नेलो: तना। इनियो गी सेड़ान बाइ सनङ तन ताइ केनाय। एनामेनते इनि: एन जो के गोद केद जोम केदाय। एनेद इनि: अयअ: गोमके के एन जो ओमा जाए जे इनि: लोओ: ताइकेनाय ओड़ो: इनियो जोम केदाय।

![](https://cdn.door43.org/obs/jpg/360px/obs-en-02-06.jpg)

इमतंग गी इनकिना सेंड़ा खोलाव जना ओड़ो: इनकिन सारी जना किन चि इनकिना होड़ोमो समा गिआ:। इनकिन सकम कोके रोओ: केद लिजअ: किन बाइ केदा ओड़ो: एना ते अकिनअ: होड़मो के दलोब रअ: कोशिश केदाकिन।

![](https://cdn.door43.org/obs/jpg/360px/obs-en-02-07.jpg)

एनेद कोड़ा ओड़ो: अयअ: घरनी एन बगाइचा रे होनोर तन परमेश्वरअ: आवाज किन अयुम केदा। इनकिन परमेश्वर तेकिन दनङ जना। एनेद परमेश्वर कोड़ा के हकाव किजअ: चि अम कोता रेमा? आदम जबाब ओमाजाए, “अञङ अमके बगाइचा रे होनोर तन अयुम केद मञङ ओड़ो एनामेनते अञङ बोरो जनाञङ, चियाची अञङ समा होड़मो गी मेनाञङगा: एनामेनते अञङ उकु जनाञङ।”

![](https://cdn.door43.org/obs/jpg/360px/obs-en-02-08.jpg)

एनेद हडो परमेश्वर कुली किजअ:, “अम के ओकोय उदुबद मेयअ: चि अम समा होड़मो गी मेना मेयअ:? चिनअ: अम एन जो के जोम केदा, जे जो के जोम मेनते अञङ मना लेद मेञङ? कोड़ा जबाब ओमाजाए, “अम अञङ के जे ने कुड़ी ओमा कदिजञम, नी गी अञङ के एन जो ओमादिङअ:। एनेद परमेश्वर कुड़ी के कुली किजअ:, “अम नेअ: चिनअ: चिका केदम?” इनि: जबाब ओमाजाए, “बिङ अञङ के बहकाव केदीङञजा।”

![](https://cdn.door43.org/obs/jpg/360px/obs-en-02-09.jpg)

परमेश्वर बिङ के कजियजअ: चि अम सरपव जनम, अम अमअ: लाएअ: तेम सेसेना ओड़ो: हसा जोमेयम। अम ओड़ो: ने कुड़ी अबेन-अबेन रे खिंपिसाबेन ओड़ो: अमअ: होनको ओड़ो: इनकुअ: होनकोयो अको-अको रेको खिपिसअ:। ने कुड़ी गअ: वंश को अमअ: बो: को रिमेयाको ओड़ो: अम इनकुअ: इडी रे हाब कोअम।

![](https://cdn.door43.org/obs/jpg/360px/obs-en-02-10.jpg)

एनेद परमेश्वर एन कुड़ी के कजियजअ:, “अञङ अमके होन कोम जनम को इमतङ पुरअ: हासु दुकु इकामञङ। अम अमअ: गोमके गअ: आसरायम ओड़ो: इनि: अमअ: रे हुकुममय चलावया।”

![](https://cdn.door43.org/obs/jpg/360px/obs-en-02-11.jpg)

परमेश्वर कोड़ा के कजियजअ:, “अम अमअ: घरनी गअ: अयुम केदम ओड़ो: अञङगा कजि कम अयुम केदा। एनामेनते ओते सरपव जना ओड़ो: अमके जोमेयअ: को उगाव लगिन इसु पुरअ: मेहनाइत होबागअ:। नअ: दो अम गोजो:वाम ओड़ो: अमअ: होड़मो हसा रे मिलाव केनोअ:।” एन कोड़ा अयअ: घरनी गअ: नुतुम हव्वा दोहो केदाय नेयअ: रअ: अर्थ तना: “जिनिद एमो नी” चियाची इनि: सोबन जाइत कोअ: मुनु रेन एंगा बाइयोगअ:। ओड़ो: परमेश्वर आदम ओड़ो: हव्वा के जानवर कोअ: उहुर रअ: लिजअ: बाइ केद तुसिङ तद किनाए।

![](https://cdn.door43.org/obs/jpg/360px/obs-en-02-12.jpg)

एनेद परमेश्वर कजि केदा, “न दो बुगिन ओड़ो: का बुगिन तेअ: सारी जानते होड़ो: अञङ लेका बाइ जना, एनामेनते इनकिन के एन जिनिद रअ: दारू रअ: जो का जोम इकाकिन चाही चि इनकिन जनाव जीद किन ताइनो गअ:।” एना मेनते परमेश्वर आदम ओड़ो: हव्वा के एन बगाइचा ते ओड़ोङ तद किना। ओड़ो: परमेश्वर जाए जेताय केओ एन जिनिद रअ: दारू रअ: जो कअ: जोम इका मेनते एन बगाइचा रअ: दुवार रे इसु पेड़ेज स्वर्ग दूत कोके दुब केद कोअ:।

*उत्त्पति अध्याय 3 ते इदियाकन बाइबल रअ: मियद कहनी*

## 3. बाढ़

https://openbiblestories.org/l/unx-deva/story-3/

![](https://cdn.door43.org/obs/jpg/360px/obs-en-03-01.jpg)

इसु दिन रअ: तयोमते ने ओते दिसुम रे इसु होड़ो: को तयु: तन ताइकेना। इनकु इसु पापी ओड़ो: रूपु बिपड़ा तन ताइ केना को। सोबेना इमिन सितरु ताइकेना चि आखिर रे परमेश्वर फैसला केदाय चि मियद मरङ बाढ़ ते ने दिसुम के छबा तअ:।

![](https://cdn.door43.org/obs/jpg/360px/obs-en-03-02.jpg)

मेनदो परमेश्वर नूह ते खुश ताइन केना। इनि: मियद धर्मी होड़ो ताइन केना, जे पापी होड़ो कोअ: थला रे ताइनो ताइना। परमेश्वर नूह के उदुबजा चि इनि: मियद मरङ बाढ़ के आउ रअ: मेनइया। एनामेनते परमेश्वर नूह के मियद मरङ डोंगा बबाइ लाइ कजियजअ:।

![](https://cdn.door43.org/obs/jpg/360px/obs-en-03-03.jpg)

जे लभगग 140 मीटर जिलिङ, 23 मीटर चाकर 13.5 मीटर सलंगी ताइना। नूह के डोंगा गोपेर रअ: काठ ते बबाइ ताइकेना। ओड़ो: एना रे तीन तल्ला, मिद थिम्बा कोठरी आद् मियद छत ओड़ो: मियद खिड़की बबाइ ताइकेना। एन मरङ डोंगा नूह आद् अयअ: परिवार ओड़ो: ओते रेन सोबेन रकम रेन जीउ जन्तु कोके एन बाढ़ ते बुगिन लेका दोहो कोअ:।

![](https://cdn.door43.org/obs/jpg/360px/obs-en-03-04.jpg)

नूह परमेश्वरअ: हुकुम के अयुम केदा। इनि: ओड़ो: इनिअ: तीनो होन कोड़ा को एनका गी डोंगा को बाइ केदा। चिलका परमेश्वर इनि: के उदुब लिजअ:। चियाची एन डोंगा इसु मरङ ताइकेना। एना मेनते डोंगा के बबाइ रे ढेइर साल लगाव जना। नूह होड़ो कोके हिजु वाला बाढ़ रअ: बारे उदुबद कोअ: ओड़ो: इनकु के परमेश्वर पअ: रुवाड़ लाइ कजियाद कोअ:, मगर इनकु इनिअ: कजि रे कको बिसवास केदा।

![](https://cdn.door43.org/obs/jpg/360px/obs-en-03-05.jpg)

परमेश्वर नूह ओड़ो: अयअ: परिवार कोके अको लाइ ओड़ो: जीउ जन्तु को लाइ जोमेया को होबाव लेका हुंडी रअ: हुकुममाय ओमद कोअ:। सोबेना तेयार जन चि परमेश्वर नूह के कजियजअ: चि नअ: दो अम, अमअ: घरनी ओड़ो: अमअ: तीनो होन कोड़ा कोअ: आद् इनकुअ: घरनी कोअ: सोबेन मिलाव केद आठ झन कोअ: डोंगा बितर रे सेनो: रअ: बेरा तना।

![](https://cdn.door43.org/obs/jpg/360px/obs-en-03-06.jpg)

परमेश्वर सोबेन जानवर ओड़ो: ओड़े चेड़े को एंगा जाति आद् संडी जाति कोके नूह तअ: कुल केद कोअ: चि इनकु डोंगा रे को सेनो दड़ी कअ: ओड़ो: बाढ़ इमतङ इनकु बुगिन लेका को मंडाव दड़ियो कअ:। परमेश्वर सोबेन रकम रेन जानवर कोअ: सात संडी जाति आद् सात एंगा जाति कोए कुल केद कोअ: चि इनकु दाड़े रकब लाइ कामी रेको हिजु कअ:। सोबेन को हिजु जन ची परमेश्वर आए गी डोंगा रअ: दुवार के हंडेद केदा।

![](https://cdn.door43.org/obs/jpg/360px/obs-en-03-07.jpg)

एनेद दाअ: गामा एटेज जना, दाअ: गामा तन गामा तन बेगर रुकाव केते चालीस सिंगी ओड़ो: चालीस अयुब जकेद दाअ: गामा केदा। ओते बितारे तेयो दाअ: ओड़ोङ गों ताइना। गोटा दिसुम रअ: सोबन जिनिस को दाअ: रे दुबुज जना नेतअ: जकेद चि सलंगी ते सलंगी बुरु दीरी कोयो।

![](https://cdn.door43.org/obs/jpg/360px/obs-en-03-08.jpg)

रोहोड़ ओते रे ताइन केन सोबन जिनिस को गोए जना, सिरिफ एन होड़ो: को ओड़ो: जानवर को जे डोंगा रेको ताइन केना, बचाव जनाको। एन डोंगा दाअ: रे पंगुराव तन ताइकेना ओड़ो: डोंगा बितर रअ: सोबेन जिनिस कोके डुबुजो बचाव केदा।

![](https://cdn.door43.org/obs/jpg/360px/obs-en-03-09.jpg)

दाअ: गामा होका जन रअ: तयोमते पाँच महिना जकेद एन डोंगा दाअ: रिगी पंगुराव तन ताइकेना ओड़ो: एन बेरा रे दाअ: यो हुडिंग इदियो तन ताइ केना। एनेद मुसिङ हुलङ एन डोंगा मियद बुरु चोटी रे तिगु जना मगर ओते दिसुम नअ: जकेद दाअ: ते पेरे कन ताइकेना। तीन महिना रअ: तयोमते बुरु कोरा चोटी को नेलो: एटेज जना।

![](https://cdn.door43.org/obs/jpg/360px/obs-en-03-10.jpg)

एनेद हडो चालीस दिन रअ: तयोमते नूह मियद कौआ: के नेयअ: नेल मेनते बाहर कुल किजअ: चि दाअ: रोहोड़ जना चि कहा। एन कौआ: रोहोड़ ओते संगर मेनते नेते एनते अपीर बड़ा केना, मगर इनि: के नेलकन जेतन ठयाद का नम जना।

![](https://cdn.door43.org/obs/jpg/360px/obs-en-03-11.jpg)

एनेद हडो तयोमते नूह मियद दुदुमुल (कबूतरी) के बाहर कुल किजअ:। मगर इनि: केयो जेता तअ: रे नेलकन ओते का नम जना। एना मेनते इनि: नूह तअ: हिजु रुवड़ा जना। एक हप्ताह रअ: तयोमते इनि: एन दुदुमुल ओड़े के हडो गी कुल किजअ: ओड़ो: इनि: अयअ: टोर ते जैतून दारू रअ: मियद नावा सकम के आउ केते रुवाड़ जना। दाअ: हुडिङ इदियो ताइना ओड़ो: हुपड़ीङ-हुपड़ीङ दारू को हडो ओमोनो ताइना।

![](https://cdn.door43.org/obs/jpg/360px/obs-en-03-12.jpg)

नूह एक हप्ताह हडो तंगी केदा ओड़ो: तीसरा बेर हडो एन दुदुमुल ओड़े के बाहर ते कुल किजअ:। ने बेर इनि: के तिगुन रअ: ठयाद नम जना ओड़ो: इनि: काए रुवाड़ जना। दाअ: अंजेद इदियो ताइना।

![](https://cdn.door43.org/obs/jpg/360px/obs-en-03-13.jpg)

दुई महिना रअ: तयोमते परमेश्वर नूह के कजियजअ:, “नअ: दो अम ओड़ो: अमअ: परिवार आद् सोबेन जीउ जन्तु को डोंगा ते ओड़ोङ पे। मिद थिम्बा होनको ओड़ो: जाइ होनको पोसा कोपे ओड़ो: ओते दिसुम रे पेरे केनोपे।” नूह ओड़ो: अयअ: परिवार डोंगा ते बाहर को ओड़ोङ जना।

![](https://cdn.door43.org/obs/jpg/360px/obs-en-03-14.jpg)

नूह डोंगा ते ओड़ोङ जन रअ: तयोमते, इनि: मियद बेदी बाइ केदा। ओड़ो: दाड़े ओम रे कमी हिजु लाइ सोबेन रकम रेन जीउ जन्तु कोएते हुडिंङ लेका इदि केते दाड़े रकब केदा। परमेश्वर एन दाड़े ते इसु रासिका जना ओड़ो: नूह आद् इनिअ: परिवार के आशीष ओमाद कोअ:।

![](https://cdn.door43.org/obs/jpg/360px/obs-en-03-15.jpg)

परमेश्वर कजि केदा, “अञङ वायदा तनाइङ चि होड़ो कोएते होबाव तेयअ: बुरा(एटकन) कमी कोरअ: चलते रेयो अञङ चिवलव गी हडो ने ओते के कञङ सरपवया। अञङ बाढ़ तेओ ने दिसुम के कञङ छबाया। मेनदो होड़ो अयअ: होन समय तेगी पापी मेनाइया।

![](https://cdn.door43.org/obs/jpg/360px/obs-en-03-16.jpg)

एनेद परमेश्वर अयअ: करार रअ: चिन्हा रअ: रूप रे मियद इंद्रधनुष बाइ केदा। जे इमतंग गी सिरमा रे इंद्रधनुष नेलोगा, दो परमेश्वर पहामेयाए चि इनि: चिनअ: रअ: करार कदा। ओड़ो: एनका गी इनिअ: होड़ो कोयो को पहामेया।

*उत्पत्ति अध्याय 6-8 ते इदियकन बाइबल रअ: मियद कहनी*

## 4. अब्राहम लोओ: ते परमेश्वरअ: करार

https://openbiblestories.org/l/unx-deva/story-4/

![](https://cdn.door43.org/obs/jpg/360px/obs-en-04-01.jpg)

बाढ़ रअ: इसु दिन तयोमते दुनिया रे ढेइर होड़ो को तयु: तन ताइ केना ओड़ो: इनकु हडो गी परमेश्वरअ: आद् नि: इनिया बिरोध रेको पाप केदा। इनकु सोबेन मियद गी भाषा को जगर तन ताइकेना, ऐना मेनते इनकु मिसाते मिद तअ: रेको जमा जना ओड़ो: मियद नगर बबाइ को एटेज केदा।चिलका परमेश्वर इनकु के हुकुम ओम लेद कोअ: एना रअ: मोताबिक गोटा दुनिया रे कको पेरे जना।

![](https://cdn.door43.org/obs/jpg/360px/obs-en-04-02.jpg)

इनकु इसु पुरअ: पेटेद को ताइकेना ओड़ो: इनकु के चिलका जीवन जिदेन चाही, नेयअ: रअ: बारे रे इनकु परमेश्वरअ: हुकुम मनातिङ कको सनङ ताइना। नेतअ: जकेद चि मियद नेलकन मीनार के बबाइ को एटेज केदा जे स्वर्ग तअ: जकेद सेटेरा। परमेश्वर नेल केद कोअ: चि अगर निकु मिसाते बुरा कामी कोके को रिका कते रेदो इनकु इसु पाप कामी को रिका दड़िअ:।

![](https://cdn.door43.org/obs/jpg/360px/obs-en-04-03.jpg)

ऐना मेनते परमेश्वर इनकुअ: भाषा के ढेइर एटअ:-एटअ: भाषा कोरे बदली केदा ओड़ो: इनकु के गोटा दिसुम रे पसराव तद कोअ:। जे नगर के इनकु बबाइ को एटेज लअ: ऐना बाबेल कजि जना, नेयअ: रअ: अर्थ तनअ: “गड़बड़ी”।

![](https://cdn.door43.org/obs/jpg/360px/obs-en-04-04.jpg)

ढेइर साल रअ: तयोमते परमेश्वर अब्राम नुतुम मियद होड़ो लोओ: जगर केदा। परमेश्वर इनि: के कजियजा, “अमअ: देश ओड़ो: परिवार के बगी केते एन देश ते सेनोमे, जे अञङ अमके देखावमा। अञङ अमके आशीष ओमामइङ ओड़ो: अमे ते मियद मरंग जाति बाइयाइङ। अञङ अम: नुतुम के मरंग गेंया। जे होड़ोको अमके आशीष को ओमामा, अञङ इनकु के आशीष ओमा कोअञङ। ओड़ो: जे अमके सरपाव मेयाको इनकु के अञङ सरपाव कोअञङ। दिसुम रेन सोबेन जाति रेन होड़ो को अमअ:ते आशीष को नमेअ:।”

![](https://cdn.door43.org/obs/jpg/360px/obs-en-04-05.jpg)

ने लेका अब्राम परमेश्वरअ: हुकुम अयुम केदा। इनि: अयअ: घरनी सारै के इदि किजअ:, अयअ: सोबेन दासी कोके ओड़ो: अयअ: सोबेन सम्पति केयो इदि केदा ओड़ो: एन देश ते मतलब कनान देश ते सेनो जना। जे परमेश्वर इनि: के देखाव लिजअ:।

![](https://cdn.door43.org/obs/jpg/360px/obs-en-04-06.jpg)

जब अब्राम कनान देश सेटेर जनाय दो परमेश्वर इनि: के कजियजा:, “अम अमअ: चाइरो पअ: नेलेमे। अञङ अमके ने सोबेन देश ओमामञङ। ओड़ो: अमअ: वंशज को सोबेन इमतंग लाइन नेयअ: रे अधिकार को दोहोया।” एनेद अब्राम एन देश रे बसाव जना।

![](https://cdn.door43.org/obs/jpg/360px/obs-en-04-07.jpg)

मलिकिसिदक नुतुम रेन मियद कोड़ा होड़ो ताइन केना, जे सोबेन कोअते ऊँचा परमेश्वरअ: पुरोहित ताइ केना। मुसिङ हुलङ अब्राम लड़ाई केते हिजु ताइना दो इनि: ओड़ो: अब्राम किन नपम जना, मलिकिसिदक अब्राम के आशीष ओमाजाए आद् कजियजाए, “सोबेन कोअते ऊँचा परमेश्वर जे स्वर्ग आद् ओते दिसुम रेन मालिक तनी, इनि: अमके आशीष ओमामकाए।” एनेद अब्रामो लड़ाई रे जीतावकन सोबेन जिनिस रअ: दसवाँ भाग मलिकिसिदक के ओमा जाए।

![](https://cdn.door43.org/obs/jpg/360px/obs-en-04-08.jpg)

ढेइर साल बिताब जना, मेनदो नअ: जकेद अब्राम आद् सारै यअ: होन कको होबा लेना। परमेश्वर अब्राम लोओ: जगर केदा ओड़ो: हडो करार केदा चि इनिअ: मियद होन कोड़ा होबावगअ:। ओड़ो: चिलका सिरमा रे इपिल को मेना कोअ: एनका गी अमअ: ढेइर वंशज को ताइना। अब्राम परमेश्वरअ: करार रे बिश्वास केदा। परमेश्वर घोषणा केदा चि अब्राम मियद धर्मी होड़ो ताइन केना। चियाची इनि: परमेश्वरअ: करार रे बिश्वास लअ:।

![](https://cdn.door43.org/obs/jpg/360px/obs-en-04-09.jpg)

एनेद परमेश्वर अब्राम लोओ: मियद करार थोल केदा। साधारण रूप ते मियद करार बरिया दल रअ: थला रे नि: इनि: लाइन कामी कोके रिका रअ: मियद समझौता तना। मगर ने मामला रे परमेश्वर अब्राम लोओ: ते ने करार के इमतंग थोल लअ: जे इमतंग अब्राम दुड़ुम कन ताइनय। मेनदो इनि: इमतंगओं परमेश्वर के अयुम दड़ि ताइकेनाए। परमेश्वर कजि केदा, “अञङ अमअ: होड़मोय ते जनम केअते अमके खुद अमअ: होन कोड़ा ओमामञङ। अञङ अमअ: वंशज कोके ने कनान देश ओमा कोअञङ।” मेनदो नअ:व अब्रामअ: जेतय होन कको ताइ केना।

*उत्पत्ति अध्याय 11-15 ते इदियकन बाइबल रअ: मियद कहनी*

## 5. करार रेन होन कोड़ा

https://openbiblestories.org/l/unx-deva/story-5/

![](https://cdn.door43.org/obs/jpg/360px/obs-en-05-01.jpg)

अब्राम ओड़ो: सारैयअ: कनान देश सेटेर जन रअ: दस साल तयोमते नअ: जकेद इनकिना जेतन होन कको ताइन केना। एनामेनते अब्रामअ: घरनी सारै इनि: के कजियजा, “नेलेम, परमेश्वर नअ: जकेद अञङ के होन काए ओमा कदिंजा। ओड़ो: नअ: दो अञङ होन जनम नङ इसु पुरअ: बुढ़िया जनञङ। नेलेम अञङअ: कमिड़ि कुड़ी हाजिरा नेतअ: रिजअ:। इनि: लोओ: तेओ बाला केनो:मे चि इनि: अञङ लाइ मियद होन के जनम ओम दड़िकाए।”

![](https://cdn.door43.org/obs/jpg/360px/obs-en-05-02.jpg)

ने लेका ते अब्राम हाजिरा लोओ: बाला जनाए। हाजिरा मियद कोड़ा होन के जनम किजअ: ओड़ो: अब्राम इनिअ: नुतुम इश्माएल दोहो केदाए। मेनदो सारै हाजिरा ते हिसिंगाओ: ताइनाए, इश्माएल इमतंग तेरह साल रेन ताइ केनाए, परमेश्वर हडो गी अब्राम लोओ: जगर केदाए।

![](https://cdn.door43.org/obs/jpg/360px/obs-en-05-03.jpg)

परमेश्वर कजि केदा, “अञङ सोबेन पेड़ेअन परमेश्वर तनिङ, अञङ अम लोओ: मियद करारइङ थोलेया।” एनेद अब्राम ओते रे मुकड़ी टेकाव केद जोहार किजाए। परमेश्वर अब्राम के नेयाओ कजियजाए, “अम ढेइर जाति रेन होड़ो कोअ: आबा बाइयोगम। अञङ अमके ओड़ो: अमअ: वंशज कोके इनकुअ: अकोअ: ओते होबाव लाइ कनान देश केञङ ओमा कोअ:। ओड़ो: अञङ जनाव नङ इनकुअ: परमेश्वर ताइनाञङ। अमके अमअ: घराना रेन सोबन कोड़ा कोअ: खतना होबावगअ।”

![](https://cdn.door43.org/obs/jpg/360px/obs-en-05-04.jpg)

“अमअ: घरनी सारै मियद होन कोड़ा के जनामियाए- इनि: करार रेन होन कोड़ा होबावगा। इनिअ: नुतुम इसहाक दोहोए मे। अञङ इनि: लोओ:ते मियद करार बाइया कअङ ओड़ो: इनि: मियद मरंग जाति बाइ केनोगअ। अञङ इश्माएल केओ मियद मरंग जाति बइयञङ, मेनदो अञङअ: करार इसहाक लोओ: ताइना।” एनेद परमेश्वर अब्रामअ: नुतुम बदली केते अब्राहम दोहो केदा, नेयअ: रअ: मतलब तनअ: “ढेइर होड़ो कोअ: आबा”। परमेश्वर सारैयअ: नुतुम केओ बदली केते सारा दोहो केदाए। नेयअ: रअ: मतलब “मुनू रेन आयो” तना।

![](https://cdn.door43.org/obs/jpg/360px/obs-en-05-05.jpg)

एन हुलङ अब्राहम अयअ: घराना रेन सोबन कोड़ा कोअ: खतना केदा। लगभग एक साल रअ: तयोमते अब्राहम 100 साल रेनी ओड़ो: सारा 90 साल रेनी ताइकेना, इमतंग सारा अब्राहमअ: कोड़ा होन के जनम किजअ:। चिलका परमेश्वर इनि: के कजि लिजअ: एनका गी इनकिन इनिअ: नुतुम इसहाक किन दोहो केदा।

![](https://cdn.door43.org/obs/jpg/360px/obs-en-05-06.jpg)

जब इसहाक जवान जनाए, दो परमेश्वर अब्राहमअ: बिसवास के परीक्षा केदा। इनि: कजि केदा, “अमअ: एकला होन कोड़ा के इदिम ओड़ो: इनि: के अञङ लाइ दाड़े का रूप रे रकाबी मे।” ओड़ो:अब्राहम हडो गी परमेश्वरअ: हुकुम के मनातिङ केदा आद् अयअ: होन कोड़ा के दाड़े ओम लाइ तेयार किजअ:।

![](https://cdn.door43.org/obs/jpg/360px/obs-en-05-07.jpg)

जब अब्राहम ओड़ो: इसहाक दाड़े ओम ठयाद तेकिन सेनोओ एटेज जना दो इसहाक कुली किजअ:, “हे आबा, अलङ तअ: रे दाड़े लाइ सहन दो मेनअ:, मेनदो दाड़े ओम लाइ मिण्डी होन कोतअ:रिजअ:?” अब्राहम कजि रुवड़ा जाए, “हे अञङअ: होन कोड़ा, परमेश्वर दाड़े लाइ मिण्डी होन कोए जोगाड़ कोअ:।”

![](https://cdn.door43.org/obs/jpg/360px/obs-en-05-08.jpg)

जब इनकिन दाड़े रकब रअ: ठयाद किन सेटेर जना दो अब्राहम इसहाक के थोल केते बेदी रे गिति: ताइजा। इनि: अयअ: होन कोड़ा के गोगोए रअ: गी ताइकेना चि परमेश्वर कजि केदा, “रुकन मे! कोड़ा के आलोम नोकसानिअ:। नअ: दो अञङ सरी जनञङ चि अम अञङअ: बोरो दोहोयम। चियाची अम अमअ: एकला गी होन कोड़ा केओ अञङते बचाव केते कम दोहो किजअ:।

![](https://cdn.door43.org/obs/jpg/360px/obs-en-05-09.jpg)

नड़े रिगी अब्राहम मियद मिण्डी के नेल किजअ:, इनि: झुण्ड रे पसेयाकन ताइकेनाए। इसहाक गअ: बदली रे दाड़े ओम लाइ परमेश्वर मिण्डी के जोगाड़ लिजाए। अब्राहम रसिका-रसिका मिण्डी के दाड़े ओम किजअ:।

![](https://cdn.door43.org/obs/jpg/360px/obs-en-05-10.jpg)

एनेद परमेश्वर अब्राहम के कजियजअ:,“अम अञङ लाइ सोबनअ: ओम सनङ केनाम, नेयअ: जकेद चि अमअ: एकला होन कोड़ा केओ, एनामेनते अञङ अमके आशीष ओम मेनते वायदा तनञङ। अमअ: वंश सिरमा रेन इपिल कोए तेओ थिम्बा को होबावगअ। चियाची अम अञङअ: हुकुम के अयुम केदाम, एनामेनते अञङ अमअ: परिवारअ: पअ ते सोबेन जाति कोके आशीष ओमाकोञङ।

*उत्पत्ति अध्याय 16-22 ते इदियाकन बाइबल रअ: मियद कहनी*

## 6. परमेश्वर इसहाक लाइ जोगाड़एअ:

https://openbiblestories.org/l/unx-deva/story-6/

![](https://cdn.door43.org/obs/jpg/360px/obs-en-06-01.jpg)

जब अब्राहम इसु पुरअ: हड़ाम जना इमतंग इनिअ: होन कोड़ा इसहाक मियद दंगड़ा रेन उ¬¬मर रेनी होबा जना। एना मेनते अब्राहम अयअ: मियद दासी कोड़ा के एन देश ते कुल किजअ: जे तअ: रे अयअ: रिश्तेदार को तयु: तन ताइना, नेयअ: लाइ चि इनि: अयअ: होन कोड़ा इसहाक लाइ मियद कुड़ी के आउ दड़ी कअ।

![](https://cdn.door43.org/obs/jpg/360px/obs-en-06-02.jpg)

मियद जिलिङ होरा सेन केद रअ: तयोमते अब्राहमअ: दासी कोड़ा एन देश सेटेर जना, जे तअ: रे अब्राहमअ: रिश्तेदार को तयु ताइना। परमेश्वर इनिअ: अगुवाई केदा चि इनि: रिबका लोओ: नपम कअ। इनि: अब्राहमअ: हगा गअ: जाइ कुड़ी ताइन केना।

![](https://cdn.door43.org/obs/jpg/360px/obs-en-06-03.jpg)

रिबका अयअ: परिवार के बगी केअते एन दासी लोओ: इसहाक गअ: ओड़ा रुवाड़ लाइ राजी जना। चिलका गी रिबिका सेटेर जना, इसहाक इनि: लोओ: बाला जना।

![](https://cdn.door43.org/obs/jpg/360px/obs-en-06-04.jpg)

ढेइर समय रअ: तयोमते अब्राहम गोए जना। एनेद परमेश्वर अब्राहमअ: होन कोड़ा इसहाक के आशीष ओमा जाए, चियाची परमेश्वर अब्राहम लोओ: करार थोल लअ:। एन करार रे परमेश्वरअ: मियद वायदा नेयअ: ताइकेना चि अब्राहमअ: बेहिसाब वंशज को होबाव गअ। मेनदो इसहाक गअ: घरनी रिबका गअ: होन कको होबा जना।

![](https://cdn.door43.org/obs/jpg/360px/obs-en-06-05.jpg)

इसहाक रिबका लाइ बिनती केदा, ओड़ो: परमेश्वर इनि: के जुड़वा होन जनम लाएक बाइ किजअ:। जे इमतंग एन होन किन रिबका गअ: लाए रिकिन ताइन केना इनकिन अकिन-अकिन रेकिन लड़ाई तन ताइना, एनामेनते रिबका परमेश्वर के कुली किजअ: चि नेयअ: चिना होबाव तना।

![](https://cdn.door43.org/obs/jpg/360px/obs-en-06-06.jpg)

परमेश्वर रिबका के कजियजा, “अम बरिया होन कोड़ाकिन केम जनम किना। इनकिना वंशज बरिया एटा-एटा जाति बाइयो गअ:। इनकु अको-अको रेको लड़ाईया। मेनदो मरंग होन कोड़ाएते जनमकन जाति कोके हुडिङ होन कोड़ाएते जनमकन जाति कोअ: हुकुम मनातिङ होबाव गअ।”

![](https://cdn.door43.org/obs/jpg/360px/obs-en-06-07.jpg)

जब रिबका गअ: होन कोड़ा किना जनम होबा जना दो मरंग होन कोड़ा अराअ: आद् रुवादार ताइ केनाए ओड़ो: इनकिन इनिअ: नुतुम एसाव किन दोहो केदा। एनेद हुडिङ होन कोड़ा एसावअ: एडी के सबाकद गी जनम जनाए ओड़ो: इनकिन इनिअ: नुतुम याकूब किन दोहो केदा।

*उत्पत्ति अध्याय 24:1-25:26 ते इदियाकन बाइबल रअ: मियद कहनी*

## 7. परमेश्वर याकूब के आशीष ओमायाए

https://openbiblestories.org/l/unx-deva/story-7/

![](https://cdn.door43.org/obs/jpg/360px/obs-en-07-01.jpg)

जब एन होन किन मरंग जना दो याकूब के ओड़ा रे ताइनो बुगिन अदा किजअ:, मगर एसाव के जानवर कोअ: शिकार बेस अदा किजअ:। रिबका याकूब के दुलाड़ी ताइना मगर इसहाक एसाव लोओ:ते दुलाड़ दोहो केदा।

![](https://cdn.door43.org/obs/jpg/360px/obs-en-07-02.jpg)

मुसिङ हुलङ जब एसाव शिकार केते रुवाड़ जनाए दो इनि: के इसु रेंगेज किजअ:। एसाव याकूब के कजियजअ:, “जे नअ: अम इसीन कदम एनाएते कटी जोमेयअ: अञङ के ओमाञङ मे।” याकूब जबाब ओमा जाए, “सिदा अञङ लोओ:ते नेयअ: वायदा मे चि मरंग होन कोड़ा रअ: चलते सोबेन जिनिस को जे अमके नमो: चाही एना सोबेना अम अञङ के ओमाञङ जअ:।” एना मेनते एसाव सोबेन जिनिस को याकूब के ओम रअ: वायदा केदा। एनेद याकूब इनि: के हुडिङ लेका जोम ओमाजाए।

![](https://cdn.door43.org/obs/jpg/360px/obs-en-07-03.jpg)

इसहाक एसाव के आशीष ओम सनङ ताइनाए। मगर नेयअ: ते सिदा चि इनि: नेकायाए, रिबका ओड़ो: याकूब, इसहाक के धोखा किन ओमाजअ:। इनकिन याकूब के एसाव तनि: मेनते देखावा केदाकिन। इसहाक हड़ामय ताइकेना ओड़ो: नअ: दो इनि: नेनेल काए दड़ि ताइना। एनामेनते याकूब एसावअ: लिजअ: तुसिङ जना आद् मेरोमअ: उहुर के अयअ: होटो: ओड़ो: ती रे लिपटाव केदा।

![](https://cdn.door43.org/obs/jpg/360px/obs-en-07-04.jpg)

याकूब इसहाक तअ: हिजु लेना ओड़ो:कजि केदाए, “अञङ एसाव तनिङ। अञङ नेयअ: मेनते हिजुअकना चि अम अञङ के आशीष ओमाञङ मे।” जब इसहाक मेरोमअ: ऊब कोके अंदाज केदा ओड़ो: लिजअ: कोके सुँघाव केदा दो इनि: सोचाव केदा चि नी: एसाव गी तनि: ओड़ो: इनि: के आशीष ओमाजाए।

![](https://cdn.door43.org/obs/jpg/360px/obs-en-07-05.jpg)

एसाव याकूब ते हिसिंगा जना चियाची याकूब इनिअ: मरंग होन रअ: अधिकार के ओड़ो: एना लोओ इनिअ: आशीष कोके यो इदि केदा। एनामेनते इनि: अकिनअ: अपु तेअ: गोनोज रअ: तयोमते याकूब के गोगोज रअ: योजना बाइ केदाय।

![](https://cdn.door43.org/obs/jpg/360px/obs-en-07-06.jpg)

मेनदो रिबका एसाव गअ: योजना के अयुम केदा। एनामेनते इनि: ओड़ो: इसहाक याकूब के अकिनअ: पेड़ा कोलोओ ताइनो लगीन ढेइर संगीन किन कुल तइजा।

![](https://cdn.door43.org/obs/jpg/360px/obs-en-07-07.jpg)

याकूब ढेइर साल जकेद रिबका गअ: पेड़ा कोलोओ ताइ जनाए। एन समय रिगी इनि: बाला जनाए। एनेद इनिअ: बारह झन होन कोड़ा ओड़ो: मियद होन कुड़ी जनम जनाए। परमेश्वर इनि: के इसु पुरअ: किसाड़ बाइ किजअ:।

![](https://cdn.door43.org/obs/jpg/360px/obs-en-07-08.jpg)

बीस साल जकेद अयअ: ओड़ा ते संगीन ताइन केन रअ: तयोमते याकूब अयअ: परिवार, दासिको ओड़ो: अयअ: जानवर कोअ: सोबेन झुण्ड लोओ: कनान देश रे हिजु रुवाड़ जनाए।

![](https://cdn.door43.org/obs/jpg/360px/obs-en-07-09.jpg)

याकूब नेयअ: मेनते इसु बोरोअकन ताइ केनाए। चियाची इनि: नेयअ: सोचाव ताइकेनाए ची एसाव नअ:वगी इनि: के गोगोज सनङ ताइनाए। एनामेनते इनि: भेंट रअ: रूप रे जानवर कोअ: झुण्ड कोके एसाव तअ: कुल केद कोअ:। जे दासी को एन झुण्ड कोके इदि लेद कोअ: को इनकु कजि केदाको, “अमअ: दासी याकूब ने जानवर कोके अम के ओमाम तना। इनि: सेकड़ा गी हिजु तना।”

![](https://cdn.door43.org/obs/jpg/360px/obs-en-07-10.jpg)

मेनदो एसाव याकूब के नोकसान सेटेर काए सनङ ताइना। नेयअ: रअ: जगह रे इनि: आए के हडो मिसा नेल केते इसु रासिका ताइ केनाए। एना मेनते बरन हगिया किन कनान देश रे सुकून ते ताइ जनाकिन। एनेद इसहाक गोए जना ओड़ो: याकूब आद् इसाव इनि: के तोपा तइजाकिन। जे बचन रअ: करार परमेश्वर अब्राहम लोओ: थोल लअ: एना नअ: दो याकूब तअ: हिजु लेना।

*उत्पत्ति अध्याय 25:27- 35:29 ते इदियाकन बाइबल रअ: मियद कहनी*

## 8. परमेश्वर यूसुफ ओड़ो: इनिअ: परिवार कोके बचाव कोअ:

https://openbiblestories.org/l/unx-deva/story-8/

![](https://cdn.door43.org/obs/jpg/360px/obs-en-08-01.jpg)

याकूबअ: कनान देश रे ताइनो तन ढेइर साल बिताव जना दो इनि: अयअ: दुलाड़ होन कोड़ा यूसुफ के अयअ: हगा कोअ: हाल-चाल सारीन लाइ कुल किजअ:। इनिअ: हगा को जानवर कोअ: झुण्ड कोके नेल बाड़ा तन ताइकेना को।

![](https://cdn.door43.org/obs/jpg/360px/obs-en-08-02.jpg)

यूसुफअ: हगा को इनि जेते हिसिंगाव तन ताइकेना को चियाची इनकुअ: आबा इनि: के थिम्बा दुलाड़ी ताइकेनाए ओड़ो: नेयअ: मेनतेओ चि यूसुफ कुमु रे नेल लअ: चि इनि: इनकुअ: चेतन रे राइजयाए। जब यूसुफ अयअ: हगा कोतअ: हिजु लेना दो इनकु इनि: के बंदी को बाइ किजअ: ओड़ो: इनि: के दासी कोअ: बेपारी कोतअ: रेको अखरीङ ताइजा।

![](https://cdn.door43.org/obs/jpg/360px/obs-en-08-03.jpg)

ओड़ा रुवाड़ा रअ: सिदा रे यूसुफ गअ: हगा को यूसुफ गअ: लिजअ: केको चगाड़ केदा ओड़ो: मेरोमअ: मायोम रेको लुम केदा। एनेद इनकु एन लिजअ: के अकोअ: आबा केको देखावजा चि इनि: नेयअ: सोचाए चाए चि बिर रेन जन जिउ जन्तु को यूसुफ केको गोए किजअ:। याकूब इसु पुरअ: दुकु जना।

![](https://cdn.door43.org/obs/jpg/360px/obs-en-08-04.jpg)

दासी कोअ: बेपारी को यूसुफ के मिस्र देश को इदि किजअ:। नील नाई रअ: गेना रे बसाव कन मिस्र देश मियद इसु पुरअ: मरंग ओड़ो: इसु पेड़ेजन देश ताइकेना। दासी कोअ: बेपार तन एन होड़ो को यूसुफ के मियद किसाड़ सरकारी अधिकारी तअ: रे दासी रअ: नुतुम ते अखरीङ ताइजा को। यूसुफ अयअ: मालिक गअ: बुगिन लेका ते सेवा केदा ओड़ो: परमेश्वर यूसुफ के आशीष ओमाजाए।

![](https://cdn.door43.org/obs/jpg/360px/obs-en-08-05.jpg)

यूसुफ गअ: मालिक गअ: घरनी किन यूसुफ लोओ: गिति रअ: किन कोशिश केदा, मेनदो यूसुफ परमेश्वरअ: बिरोध रे ने लेका पाप कामी रिका लाइ मना तद किनाए। इनकिन खीस जना किन ओड़ो: यूसुफ गअ: चेतन रे झूठा आरोप किन लगाव केदा, एना मेनते इनि: के बंदी बाइ केअते जेल ओड़ा रेको साजू ताइजा। नेतअ: जकेद चि यूसुफ जेल ओड़ा रेओ परमेश्वरअ: परती बिसवास लायक ताइ केनाए ओड़ो: परमेश्वर इनि: के आशीष ओमाजाए।

![](https://cdn.door43.org/obs/jpg/360px/obs-en-08-06.jpg)

दुई साल रअ: तयोमते, यूसुफ बेगर दोष रेओ नअ: जकेद जेल ओड़ा रिगी ताइन केना। मिद निदा फिरौन, चिलका चि मिस्र देश रेन होड़ो को अकोअ: राजा कोके फिरौन को मेताकोअ:, इनि: बरिया कुमु केदा। एन बरिया कुमु इनि: के इसु पुरअ: परेशान ताइजा। इनिअ: जेतायो सलहाकार को एन बरन कुमु रअ: मतलब कको उदुब दड़ि जना।

![](https://cdn.door43.org/obs/jpg/360px/obs-en-08-07.jpg)

परमेश्वर यूसुफ के कुमु कोरअ: मतलब उदुब रअ: गुन ओम लिजाए, एनामेनते फिरौन यूसुफ के जेल ओड़ाए ते अयअ: तअ: केड़ा किजअ:। यूसुफ इनि: के एन बरन कुमु रअ: मतलब उदुबजाए ओड़ो कजि केदा, “परमेश्वर सात साल जकेद भरपूर अन्न ओमेयाए एना रअ: तयोमते हडो सात साल अकाल के कुले रअ: मेनाइया।”

![](https://cdn.door43.org/obs/jpg/360px/obs-en-08-08.jpg)

यूसुफ गअ: बकड़ ते फिरौन इमनङ ठोओ जना चि इनि: के पूरा मिस्र देश रेन दूसरा पेड़ेजन होड़ो ठहराव किजाए।

![](https://cdn.door43.org/obs/jpg/360px/obs-en-08-09.jpg)

यूसुफ होड़ो कोके बुगिन उपज रअ: सात साल इमतंग इसु थिम्बा अन्न को जमा लाइ कजियद् कोअ:। जब सात साल रअ: अकाल हिजु लेना इमतंग यूसुफ होड़ो को तअ: रे एन अन्न कोके अखरीङ केदा चि इनकु तअ: रे जोजोम नङ भरपूर होबावकअ:।

![](https://cdn.door43.org/obs/jpg/360px/obs-en-08-10.jpg)

एन भयानक अकाल मिस्र देश रे भइर का ताइकेना, मगर कनान देश रेओ ताइकेना, जे तअ: रे याकूब ओड़ो: इनिअ: परिवार को तयु: तन ताइकेना।

![](https://cdn.door43.org/obs/jpg/360px/obs-en-08-11.jpg)

एनामेनते याकूब अयअ: मरंग होन कोड़ा कोके अन्न किरिङ लाइ मिस्र देश ते कुल केद कोअ:। जब इनकु अन्न किरिङ लाइ यूसुफ गअ: आयुर रेको तिंगु जना दो इन हगा को यूसुफ के कको उरुम किजअ:। मगर यूसुफ इनकु के उरुम केद कोअ:।

![](https://cdn.door43.org/obs/jpg/360px/obs-en-08-12.jpg)

नेयअ: सारीन लाइ चि इनकु बदली जनाको चि कहा, इनकुअ: जाँच केद रअ: तयोमते, यूसुफ इनकु के कजियद कोअ:, “अञङ अपेया हगा यूसुफ तनिङ! अलपे बोरोया। चिमतंग अपे अञङ के दासी रअ: नुतुम तेपे अखरीङ लेदिजाँ इमतंग अपे बुराई लाइ पे रिका लअ: मेनदो परमेश्वर एन बुराई के भलाई लाइ एस्तेमाल केदा। हिजु पे आद् मिस्र देश रे ताइनो पे ची अञङ अपे लाइ ओड़ो: अपेया परिवार को लाइ जोमेया को जोगाड़ दड़ि कअ:।”

![](https://cdn.door43.org/obs/jpg/360px/obs-en-08-13.jpg)

जब यूसुफ गअ: हगा को ओड़ा को रुवाड़ जना दो इनकु अकोअ: आबा याकूब केको उदुबजा चि यूसुफ नअव जीद गिया। इनि: इसु रासिका जना।

![](https://cdn.door43.org/obs/jpg/360px/obs-en-08-14.jpg)

याकूब हड़ाम गी ताइन केना एन रेओ इनि: अयअ: पूरा परिवार लोओ: मिस्र देश ते सेनो: जना ओड़ो: इनकु एनता रेको बसाव जना। याकूब गोजो: सिदा अयअ: सोबेन होन कोड़ा कोके आशिर्बाद ओमाद कोअ:।

![](https://cdn.door43.org/obs/jpg/360px/obs-en-08-15.jpg)

करार रअ: एन वायदा के जे परमेश्वर अब्राहम लोओ रिका लअ:, एना इसहाक रे ओड़ो: एना रअ: तयोमते याकूब ओड़ो: एना रअ: तयोमते इनिअ: बारह झन होन कोड़ा कोतअ: ओड़ो: इनकुअ: परिवार रेन होड़ो कोतअ: हिजु लेना। एन बारह होन कोड़ा कोअ: वंशज इस्राएल रेन बारह किली को बाइ जना।

*उत्पत्ति अध्याय 37-50 ते इदियाकन बाइबल रअ: मियद कहनी*

## 9. परमेश्वर मूसा के केड़ायाए

https://openbiblestories.org/l/unx-deva/story-9/

![](https://cdn.door43.org/obs/jpg/360px/obs-en-09-01.jpg)

यूसुफ गोए जन रअ: तयोमते इनकुअ: सोबेन पेड़ा को मिस्र देश रेगी को ताइ एटेज जना, इनकु ओड़ो: इनकुअ: वंशज को ढेइर साल जकेद मिस्र देश रिगी को ताइ जना ओड़ो: इनकु ढेइर होन को पोसा केद कोअ:। इनकु इस्राएली कजियो ताइनको।

![](https://cdn.door43.org/obs/jpg/360px/obs-en-09-02.jpg)

ढेइर साल रअ: तयोमते इस्राएली होड़ो कोअ: लेनेका(संख्या) ढेइर बढ़ावकन ताइ केना ओड़ो: मिस्र देश रेन होड़ो को नअ: ने कजि लाइन एहसान कको ताइन केना चि इनकुअ: देंगा मेनते यूसुफ इसु थिम्बा रिका लअ:। इनकु इस्राएली होड़ो कोएते बोरो जना को चियाची इनकु लेनेका रे इनकुएते इसु थिम्बा को ताइकेना। एनामेनते मिस्र देश रे राइज तन फिरौन इस्राएली होड़ो कोके मिस्री होड़ो कोअ: दासी बाइ केद कोअ:।

![](https://cdn.door43.org/obs/jpg/360px/obs-en-09-03.jpg)

मिस्री होड़ो को इस्राएली होड़ो कोके इसु पुरअ: ओड़ा को ओड़ो: नेतअ: जकेद चि इनकु के चिमनङ गी नगर को बबाइ लाइ को मजबूर केद कोअ:। एन कठिन मेहनाइत इनकुअ: जिनगी रे मियद मरंग दुकु बाइ जना, मगर परमेश्वर इनकु के आशीष ओमद कोअ: ओड़ो: इनकुअ: हडो गी इसु थिम्बा होन को होबा जना।

![](https://cdn.door43.org/obs/jpg/360px/obs-en-09-04.jpg)

फिरौन नेल केदा चि इस्राएली होड़ो कोअ: इसु थिम्बा होन को होबाव तना, नेयअ: मेनते इनि: अयअ: होड़ो कोके इस्राएली कोअ: सोबेन कोड़ा होन कोके नील नाई रे हुरङ गिड़ी केअते गोए रअ: हुकुम ओमाद कोअ:।

![](https://cdn.door43.org/obs/jpg/360px/obs-en-09-05.jpg)

मियद खास इस्राएली एरा मियद खास कोड़ा होन के जनम किजअ:। आए ओड़ो: अयअ: गोमके एन होन के चिमनङ किन उकु दड़ि जना इमनङ किन उकु केअते दोहो किजअ:।

![](https://cdn.door43.org/obs/jpg/360px/obs-en-09-06.jpg)

जब एन होन गअ: एंगा-अपु किन इनि: के हडो: थिम्बा ककिन उकु दड़ि जना, दो इनि: के गोजो: ते बचाव मेनते मियद उपलाओ: वाला ढौड़ा(टोकरी) रे साजू केअते नील नाई रअ: गेना रे सरकंडा झुण्ड थला रेकिन दोहो तजा। इनिअ: मरंग दइ (दीदी) ते नेयअ: नेल नङ इनिअ: पहरा केदा चि इनिअ: लोओ: ते चिनअ: होबागअ:।

![](https://cdn.door43.org/obs/jpg/360px/obs-en-09-07.jpg)

फिरौन गअ: होन कुड़ी एन ढौड़ा के नेल केअते एना रअ: बितर लोडो केदा। जब इनि: मियद होन के नेल किजअ: दो इनि: के अयअ: होन कोड़ा मनातिङ केअते इदि किजअ:। इनि: मियद इस्राएली एरा के तोअ: पियाव रअ: कमि रे दोहो किजअ:। बेगर सारी केअते गी चि इनि: अयअ: सरती एंगा तनी। जब एन होन मरंग जना दो इनि: के एंगा तोअ: गअ: जरूरत का होबा जना दो इनि: फिरौन गअ: होन कुड़ी तअ: रे इनि: के जिम्मा तजाए। इनिअ: नुतुम मूसा ताइकेना।

![](https://cdn.door43.org/obs/jpg/360px/obs-en-09-08.jpg)

जब मूसा दंगड़ा जनाए दो मुसिङ हुलङ इनि: नेल केदा चि मियद मिस्री होड़ो इस्राएली दासी होड़ो के बिड़ाइ तना। मूसा अयअ: गति इस्राएली होड़ो के बचाव रअ: कोशिश केदा।

![](https://cdn.door43.org/obs/jpg/360px/obs-en-09-09.jpg)

जब इनि: सोचाव केदाए चि इनि: के जेतय कको नेलिअ:। दो इनि: एन मिस्री होड़ो के गोए केअते इनिअ: लाश के तोपा तदा। मगर मूसा जे रिका लअ: एना के जाए होड़ो नेल लिजअ:।

![](https://cdn.door43.org/obs/jpg/360px/obs-en-09-10.jpg)

फिरौन सारी जना चि मूसा चिनअ: रिका कदा। एना मेनते इनि: मूसा के गोगोज रअ: कोशिश केदा, मगर मूसा मिस्र देश ते सुनसान ठयाद रे निर जना। फिरौन गअ: सेना को इनि: के एनता रे कको संगर दड़ि जना।

![](https://cdn.door43.org/obs/jpg/360px/obs-en-09-11.jpg)

मिस्र देश ते संगीन सुनसान ठयाद रे मूसा मियद चरवाहा बाइ जना। इनि: एनता रे मियद कुड़ी लोओ: बाला जना ओड़ो: इनिअ: बरिया होन कोड़ा किन होबा जना।

![](https://cdn.door43.org/obs/jpg/360px/obs-en-09-12.jpg)

मूसा अयअ: होंजार गअ: मिण्डी कोअ: झुण्ड कोए नेल बाड़ा ताइ केनाए। मुसिङ हुलङ इनि: मियद जुलो: तन झुण्ड के नेल केदा, एना ओंडोरो ताइना मगर का तोरेजो ताइना एनका गी जुलो तन ताइना। एना के नेनेल मेनते इनि: एन झुण्ड तअ: नड़े जना। जब इनि: एना रअ: थिम्बा नड़े ताइकेना दो परमेश्वर इनि: लोओ: जगर केदा। इनि: कजि केदा, “हे मूसा अमअ: जूता के खोलाव तम अम पवित्र ठयाद रे तिंगु कनाम।”

![](https://cdn.door43.org/obs/jpg/360px/obs-en-09-13.jpg)

परमेश्वर कजि केदा, “अञङ अञङअ: होड़ो कोअ: दुकु कोञङ नेला कदा। अञङ अमके फिरौन तअ: कुल मेअ: चि अम इस्राएली होड़ो कोके मिस्र देश रअ: बंधुवाई ते ओडोङ आउ कोम। अञङ इनकु के कनान देश ओमा कोअञङ, एन देश रअ: जे अञङ अब्राहम, इसहाक ओड़ो: याकूब लोओ: करार लअञङ।”

![](https://cdn.door43.org/obs/jpg/360px/obs-en-09-14.jpg)

मूसा कुली किजअ:, “अगर होड़ो को सरीन को सनङ रेदो ची अञङ के ओकोय कुला कदिजाँ दो अञङ चिनअ: मेनेया?” परमेश्वर कजि केदा, “जे अञङ तनिङ इनि: अञङ गी तनिङ। इनकु के कजियकोमे, ‘अञङ तनिङ इनि: अञङ के अपेतअ: कुला कदिजाँ।’ इनकु के नेयाओ कजियकोमे, ‘अञङ अपेया पुरखा अब्राहम, इसहाक ओड़ो: याकूब गअ: परमेश्वर यहोवा तनिङ।’ अञङअ: नेयअ: नुतुम नङ रअ: तनाइङ।”

![](https://cdn.door43.org/obs/jpg/360px/obs-en-09-15.jpg)

मूसा बोरो ताइनाए आद् फिरौन तअ: सेन काए सनङ ताइना चियाची इनि: सोचव केदा चि इनि: बेस ते कजि काए दड़िया। एनामेनते परमेश्वर मूसा गअ: हगा हारून के इनिअ: देंगा लाइ कुल किजअ:।

*निर्गमन अध्याय 1-4 ते इदियाकन बाइबल रअ: मियद कहनी*

## 10. दस बिपत्ति को

https://openbiblestories.org/l/unx-deva/story-10/

![](https://cdn.door43.org/obs/jpg/360px/obs-en-10-01.jpg)

परमेश्वर मूसा ओड़ो: हारून के चेतावनी ओमाद किना चि फिरौन गअ: मोन गेटेज केनोगा। जब इनकिन फिरौन तअ: किन सेन जना दो इनकिन कजिकेदा, “इस्राएल गअ: परमेश्वर नेकाए कजिया, ‘अञङअ: होड़ो कोके सेनो: इका कोमे!’” मगर फिरौन इनकिना कजि काए अयुम केदा ओड़ो: इस्राएली होड़ो कोके सेनो: इका लाइ आजाद तको रअ: बजाए इनि: इनकु के कठिन मेहनाइत इका लाइ मजबूर केद कोअ:।

![](https://cdn.door43.org/obs/jpg/360px/obs-en-10-02.jpg)

फिरौन एन होड़ो कोके सेनो: इका लाइ लगातार मना कते को ताइनाए, एनामेनते परमेश्वर मिस्र देश रे दस भयानक बिपत्ति कोके कुल केदा। ने बिपत्ति कोएते परमेश्वर फिरौन के देखावजा चि इनि: फिरौन ओड़ो: मिस्र देश रेन देवता कोएते इसु पुरअ: पेड़ेजनाए।

![](https://cdn.door43.org/obs/jpg/360px/obs-en-10-03.jpg)

परमेश्वर नील नाई के मयोम रे बदली केदा, मगर फिरौन नअव गी इस्राएल होड़ो कोके काए सेनो: इका केद कोअ:।

![](https://cdn.door43.org/obs/jpg/360px/obs-en-10-04.jpg)

परमेश्वर गोटा मिस्र देश रे चोके कोए कुल केद कोअ:। फिरौन चोके कोके छबा इका लाइ मूसा के आरजी किजअ:। मगर सोबेन चोके को कोए जन रअ: तयोमते, फिरौन अयअ: मोन के केटेज केदा ओड़ो:इस्राएली होड़ो कोके मिस्र देश बगी केअते काए ओडोङ इका केद कोअ:।

![](https://cdn.door43.org/obs/jpg/360px/obs-en-10-05.jpg)

एनेद परमेश्वर रोको कोअ: बिपत्ति के कुल केदा। एना रअ: तयोमते लेले कोअ: बिपत्ति कुल केदा। फिरौन मूसा ओड़ो: हारून के केड़ा केद किना ओड़ो: इनकिन के कजियद किना चि अगर इनकिन एन दुकु के रोकाव केरे दो इस्राएली होड़ो को मिस्र देश के बगी केते सेन दड़ियको। जब मूसा बिनती केदाए दो परमेश्वर मिस्र देश ते लेले कोके हटाव केद कोअ:। मगर फिरौन अयअ: मोन के केटेज केदा ओड़ो: इनकु के काए आजाद केद कोअ: आद् काए सेन इका केद कोअ:।

![](https://cdn.door43.org/obs/jpg/360px/obs-en-10-06.jpg)

नेयअ: रअ: तयोमते मिस्र देश रेन सोबेन असुल जानवर कोके उरयु केअते गोए इका केद कोअ:। एन रेओ फिरौन गअ: मोन केटेज गी ताइ जना ओड़ो: इनि: इस्राएली होड़ो कोके काए सेनो: इका केद कोअ:।

![](https://cdn.door43.org/obs/jpg/360px/obs-en-10-07.jpg)

एनेद परमेश्वर मूसा के फिरौन गअ: अयार रे होयो रे तोरेअ हुरङ कजियजअ:। जब इनि: नेका केदाए दो मिस्र देश रेन होड़ो कोअ: उहुर रे इसु हसु तेअ: मपरंग फुंसी ओडोङ जना, मगर इस्राएली होड़ो को जेताव कको जेता जना। परमेश्वर हडो गी फिरौन गअ: मोन के केटेज केदा ओड़ो:इस्राएली होड़ो कोके आजाद केअते काए सेनो: इका केद कोअ:।

![](https://cdn.door43.org/obs/jpg/360px/obs-en-10-08.jpg)

नेयअ: रअ: तयोमते परमेश्वर आरील उयु केदा ओड़ो: मिस्र देश रअ: फसल के थिम्बाते बरबाद केदा। ओड़ो: जाए जेताय होड़ो को जे बहार को ओडोङ जना इनकु के गोए केद कोअ:।फिरौन मूसा ओड़ो: हारून के केड़ा केद किना ओड़ो: इनि: कजियद किना, “अञङ पाप कदाञङ। अपे सेनो: दड़िया पे।” एनेद मूसा बिनती केदा ओड़ो: सिरमा ते आरील उयु होका जना।

![](https://cdn.door43.org/obs/jpg/360px/obs-en-10-09.jpg)

मेनदो फिरौन हडो पाप केदा आद् अयअ: मोन के केटेज केदा। इनि: इस्राएली होड़ो कोके आजाद केअते काए सेनो: इका केद कोअ:।

![](https://cdn.door43.org/obs/jpg/360px/obs-en-10-10.jpg)

एनाते परमेश्वर मिस्र देश रे फेनगा कोअ: झुण्ड कोए हिजु इका केद कोअ: एन फेनगा को सोबेन अन्न केको जोम केदा, जे आरीलेते बचाव लेना।

![](https://cdn.door43.org/obs/jpg/360px/obs-en-10-11.jpg)

एनेद हडो परमेश्वर नुबा: तदाए, जे तीन दिन जकेद ताइकेना। नेयअ: निमिन नुबा: ताइकेना चि मिस्र देश रेन होड़ो को अकोअ: ओड़ाए ते कको ओडोङ दड़ि जना। मगर जे तअ: रे इस्राएली होड़ो को ताइकेना एनता मरसल गी ताइकेना।

![](https://cdn.door43.org/obs/jpg/360px/obs-en-10-12.jpg)

ने नौ बिपत्ति को रअ: तयोमतेओ, फिरौन इस्राएली होड़ो कोके काए आजाद केद कोअ: आद् सेनो: इका लाइ मना तद कोअ:। चियाची फिरौन काए अयुम केदा। एनामेनते परमेश्वर मियद अखरी बिपत्ति के कुल रअ: योजना बाइ केदा। ने योजना ते फिरौन गअ: मोन बदलियोअ रअ: ताइकेना।

*निर्गमन अध्याय 5-10 ते इदियाकन बाइ बल रअ: मियद कहनी*

## 11. फसह

https://openbiblestories.org/l/unx-deva/story-11/

![](https://cdn.door43.org/obs/jpg/360px/obs-en-11-01.jpg)

परमेश्वर मूसा ओड़ो: हारून के नेयअ: कजि लाइ फिरौन तअ: कुल केद किनअ: चि इस्राएली होड़ो कोके सेनो: इका कोचाए। इनकिन इनि: के चेतावनी किन ओमा जा चि इनकु के काए सेनो: इका कोरे दो परमेश्वर मिस्र देश रेन होड़ो कोअ: ओड़ो: जानवर कोअ: जेठा होन कोके गोए कोअ:। फिरौन नेयअ: अयुम केद रेओ परमेश्वरअ: रे काए बिसवास केदा ओड़ो: इनिअ: कजि के काए मनातिङ जना।

![](https://cdn.door43.org/obs/jpg/360px/obs-en-11-02.jpg)

परमेश्वर अयअ: चेतन रे चिमनङ गी बिसवास दोहोय वाला कोअ: जेठा होन कोके बचाव लाइ ते मियद उपाय उपाय ओमद कोअ:। सोबेन परिवार कोके मियद निष्कलंक मिण्डी होन के इदि केअते गोगोए ताइकेना।

![](https://cdn.door43.org/obs/jpg/360px/obs-en-11-03.jpg)

परमेश्वर इस्राएली होड़ो कोके एन मेरोम होन गअ: मयोम इदि केते अकोअ: ओड़ा रअ: दुवार रे लगाव लाइ कजियद कोअ:। इनकु के एन मास के अंगोरा रे इसीन ताइकेना ओड़ो: एना के बेगर खमीर वाला होलोङ लोओ: सेकड़ा गी जोजोम ताइकेना। एना के जोम रअ: तयोमते इनि: इनकु के रोका गी मिस्र देश के बगी लाइ तेयार केनोपे मेताद कोअ:।

![](https://cdn.door43.org/obs/jpg/360px/obs-en-11-04.jpg)

चिलका रिका लाइ परमेश्वर इस्राएली होड़ो कोके हुकुमाए ओम लेद कोअ:। इनकु एनका गी सोबेना को रिका केदा। थला निदा रे परमेश्वर हर मियद मरंग होन कोड़ा के गोए इदि केद कोअ: ओड़ो ने बेरा रे इनि: मिस्र देश रअ: थला ते गुजराव जना।

![](https://cdn.door43.org/obs/jpg/360px/obs-en-11-05.jpg)

इस्राएली होड़ो कोअ: सोबेन ओड़ा रअ: दुवार रे मयोम लगाव कन ताइकेना, एनामेनते परमेश्वर इनकुअ: ओड़ा के बागे तदा। एन ओड़ा रेन सोबेन होड़ो को बचाव जना। इनकु मिण्डी होन गअ: मयोम रअ: चलते को बचाव जना।

![](https://cdn.door43.org/obs/jpg/360px/obs-en-11-06.jpg)

मेनदो मिस्र देश रेन होड़ो को परमेश्वरअ: चेतन रे कको बिसवास लअ: ओड़ो: इनिअ: हुकुम के कको मनातिङ लअ:। एनामेनते परमेश्वर इनकुअ: ओड़ा कोके काए बगी केदा। परमेश्वर मिस्री होड़ो कोअ: सोबेन मरंग होन कोड़ा कोके गोए तद कोअ:।

![](https://cdn.door43.org/obs/jpg/360px/obs-en-11-07.jpg)

जेल ओड़ा रेन बंदीकन कोअ: मरंग होन कोड़ाए ते इदि केअते फिरौन गअ: मरंग होन कोड़ा जकेद सोबेन मरंग होन कोड़ा को गोए जना। अकोअ: गहरा दुकु रअ: चलते मिस्र देश रेन ढेइर होड़ो को रआ: गेरंग ताइनको।

![](https://cdn.door43.org/obs/jpg/360px/obs-en-11-08.jpg)

एन अयुब गी फिरौन मूसा ओड़ो: हारून के केड़ा केद किना ओड़ो: कजियद किना, “इस्राएली होड़ो कोके इदि केअते सेकड़ा गी मिस्र देश ते ओडोङ केनो बेन।” मिस्र देश रेन होड़ो कोयो इस्राएली होड़ो कोके सेकड़ा गी ओडोङ लाइ को अरजी केद कोअ:।

*निर्गमन अध्याय-11:1-12:32 ते इदियाकन बाइबल रअ: मियद कहनी*

## 12. निर्गमन

https://openbiblestories.org/l/unx-deva/story-12/

![](https://cdn.door43.org/obs/jpg/360px/obs-en-12-01.jpg)

इस्राएली होड़ो को मिस्र देश ते ओडोङ जन ची इसु पुरअ: रासिका को ताइकेना। इनकु नअ: दो दासी कको ताइकेना, ओड़ो: इनकु करार रअ: देश को सेनो: ताइना। जे कुछ गी इस्राएली होड़ो को असी केदा, मिस्री होड़ो को इनकु के सोबेना को ओमाद कोअ:। नेयअ: जकेद चि सोना, चाँदी ओड़ो: हडो गी इसु गोनोङ जिनिस कोके को ओमाद कोअ:। एटा: देश रेन हुडिङ लेका होड़ो कोयो परमेश्वरअ: चेतन रेको बिसवास केदा। जब इस्राएली होड़ो को मिस्र देश ते ओडोंङ जना को दो इनकुओ इनकु लोओ मेसा जना को।

![](https://cdn.door43.org/obs/jpg/360px/obs-en-12-02.jpg)

सिंगी इमतंग रिमिल रअ: मियद मरंग खम्भा इनकुअ: अयार-अयार ते सेसेन जना। ओड़ो: नुबा: इमतंग नेयअ: सेंगेल रअ: खम्भा बाइ जना। परमेश्वर जे कि एन रिमिल रअ: खम्भा रे ओड़ो: सेंगेल रअ: खम्भा रे ताइकेना, सोबेन इमतंग इनकु लोओ ताइकेना, ओड़ो: सेसेन इमतंगओ इनकुअ: अगुवाई केदा। इनकु के नेयअ: भइर रिका ताइकेना चि इनकु अयअ: दोया-दोया को सेनेका।

![](https://cdn.door43.org/obs/jpg/360px/obs-en-12-03.jpg)

हुडिङ दिन रअ: तयोमते, फिरौन ओड़ो: इनिअ: होड़ो को अकोअ: मोन को बदली केदा। इनकु इस्राएली होड़ो कोके हडो गी अकोअ: दासी बबाइ को सनङ ताइना। एनामेनते इनकु इस्राएली होड़ो कोअ: पीछा केदा को। इनकुअ: मोन बदली नी परमेश्वर गी ताइकेना, इनि: नेका नेयअ: लाइ रिका केदा, चियाची इनि: सनङ ताइना चि सोबेन होड़ो को नेयअ: को सारी का चि फिरौन ओड़ो: मिस्री होड़ो कोअ: सोबेन देवता कोएते इनि:, यहोवा थिम्बा पेड़ेजन मेनाइया।

![](https://cdn.door43.org/obs/jpg/360px/obs-en-12-04.jpg)

जब इस्राएली होड़ो को मिस्र देश रेन सेना कोके हिजु तन को नेल केद कोअ: दो इनकु सारी जना को चि इनकु फिरौनअ: सेना ओड़ो: लाल समुदर रअ: थला रेको पसे जना। इनकु इसु बोरो जना को ओड़ो: ररआ: को एटेज केदा, “अबु मिस्र देश के चिना लाइबु बगी केदा? अबु गोजो वाला मेनाबुअ:!”

![](https://cdn.door43.org/obs/jpg/360px/obs-en-12-05.jpg)

मूसा इस्राएली होड़ो कोके कजियद कोअ:, “बोरो को होकाए पे! परमेश्वर इसिङ अपे लाइ लड़ाईयाए ओड़ो: अपे के बचाव पेअ:।” एनेद परमेश्वर मूसा के कजियजा:, “ने होड़ो कोके लाल समुदर पअ अयार ते बढ़ान लाइ कजियकोम।”

![](https://cdn.door43.org/obs/jpg/360px/obs-en-12-06.jpg)

एनेद रिमिल रअ: खम्भा इस्राएली होड़ो कोअ: ओड़ो: मिस्री होड़ो कोअ: थला रे हिजु जना। नेयअ: मेनते चि मिस्र देश रेन होड़ो को पूरा निदा इस्राएली होड़ो तअ: कको हिजु दड़ि जना।

![](https://cdn.door43.org/obs/jpg/360px/obs-en-12-07.jpg)

परमेश्वर मूसा के समुदर पअ: ती जिलिङ लाइ कजियजअ:। एनेद परमेश्वर होयो ते समुदर रअ: दाअ: के लेंगा पअ: ओड़ो: जोम पअ: गेना केदाए, एनेद समुदर रअ: थला रे मियद होरा बाइ जना।

![](https://cdn.door43.org/obs/jpg/360px/obs-en-12-08.jpg)

इस्राएली होड़ो को अकोअ: बरन पअ: दाअ: रअ: भीत लोओ: रोहोड़ ओते रे समुदर रे अयार तेको सेनो: जना।

![](https://cdn.door43.org/obs/jpg/360px/obs-en-12-09.jpg)

एनेद परमेश्वर एन होराएते रिमिल ओड़ो: सेंगेल रअ: खम्भा के उठाव केदा। एनेद मिस्री होड़ो को इस्राएली होड़ो कोके बचाव केअते सेनो: तन को नेल केद कोअ:। मिस्री होड़ो को इनकु के ससाब लाइ हडो गी इनकुअ: पीछा को एटेज केदा।

![](https://cdn.door43.org/obs/jpg/360px/obs-en-12-10.jpg)

इनकु समुदर रअ: होरा रे इस्राएली कोअ: को पीछा केदा, मेनदो परमेश्वर मिस्री होड़ो कोके घबराव तद कोअ: ओड़ो: इनकुअ: रथ कोके अटकाव तदा। इनकु जोर तेको गुल केदा, “नीर पे!” इस्राएली होड़ो कोअ: पअ: ते परमेश्वर लड़ाई तना।”

![](https://cdn.door43.org/obs/jpg/360px/obs-en-12-11.jpg)

सोबेन इस्राएली होड़ो को समुदर रअ: गेना पअ: को तेबअ: जना, एनेद परमेश्वर मूसा के कजियजअ: चि हडो मिसा दाअ: पअ: ती के जिलिएम। जब मूसा नेका केदा दो दाअ: मिस्री देश रेन सेना कोअ: रे हिजु लेना ओड़ो: सिदा चिलका ताइकेना एनका गी बाइ जना। सोबेन मिस्री सेना सेना को डुबुज गोए जना को।

![](https://cdn.door43.org/obs/jpg/360px/obs-en-12-12.jpg)

जब इस्राएली होड़ो को नेल केदा को चि मिस्री होड़ो को गोए जना दो इनकु परमेश्वरअ: रेको बिसवास केदा। ओड़ो: इनकु बिसवास केदा को चि मूसा परमेश्वर पअ: ते भविष्यवक्ता ताइकेना।

![](https://cdn.door43.org/obs/jpg/360px/obs-en-12-13.jpg)

इस्राएली होड़ो को नेयअ: मेनतेओ रासिका को ताइकेना ची परमेश्वर इनकु के गोजोएते ओड़ो: दासी बाइएते बचाव लेद कोअ। नअ: दो इनकु परमेश्वरअ: आराधना ओड़ो: इनिअ: हुकुम मनातिङ लाइ आजाद को ताइकेना। इस्राएली होड़ो को अकोअ: आजादी रअ: रासिका मनाव लाइ ओड़ो: परमेश्वरअ: महिमा लाइ चिमिन गी दुरङ कोको दुरङ केदा चियाची परमेश्वर इनकु के मिस्र देश रेन सेना कोएते बचाव लेद कोअ:।

![](https://cdn.door43.org/obs/jpg/360px/obs-en-12-14.jpg)

परमेश्वर इस्राएली होड़ो कोके हर साल मियद परब मनाव लाइ हुकुम ओमाद कोअ:। नेयअ: याद दिलाव लाइ चि चिलका परमेश्वर मिस्री होड़ो कोके हराव लेद कोअ: ओड़ो इनकु के दासी बाइयो: ते आजाद लेद कोअ:। नेयअ: फसह परब कजि जना। नेयअ: रे इनकु के ने परब रअ: रासिका मनाव लाइ मियद बुगिन मिण्डी के दड़े ओम ताइकेना, इनि के इसीन ताइकेना, ओड़ो: एना के बेगर खमीर वाला होलोङ लोओ: जोजोम ताइकेना।

*निर्गमन अध्याय 12:33-15:21 ते इदियाकन बाइबल रअ: मियद कहनी*

## 13. इस्राएल लोओ: परमेश्वरअ: करार

https://openbiblestories.org/l/unx-deva/story-13/

![](https://cdn.door43.org/obs/jpg/360px/obs-en-13-01.jpg)

इस्राएली होड़ो कोके लाल समुदर ते परोम इदि केद रअ: तयोमते परमेश्वर इनकु के सुनसान ठयाद ते होई केते सीनै कजियो तन पर्वत पअ: इदि केद कोअ। नेयअ: एन पर्वत गी ताइ केना जे तअ: रे मूसा जुलो ताइन मियद झुण्ड के नेल लअ:। एन होड़ो को एन पर्वत रअ: लतार रे तंबु कोको बाइ केदा।

![](https://cdn.door43.org/obs/jpg/360px/obs-en-13-02.jpg)

परमेश्वर मूसा के ओड़ो: इस्राएल देश रेन सोबेन होड़ो कोके कजियद कोअ:, “अगर अपे पक्का अञङअ: हुकुम कोके पे मानातिङगा ओड़ो: अञङअ: करार रअ: मोताबिक पे सेसेना दो सोबेन होड़ो कोएते अपे गी अञङअ: निज धन पे ठहरावगअ: ओड़ो: अपे अञङअ: नजइर रे पुरोहित कोअ: राइज ओड़ो: मियद पवित्र जाति पे ठहरावगअ:।”

![](https://cdn.door43.org/obs/jpg/360px/obs-en-13-03.jpg)

तीन दिन जकेद होड़ो को खुद रेको तेयार जना चि परमेश्वर इनकु तअ: हिजु कअ:। एनेद परमेश्वर सीनै पर्वत रअ: चुन्दलु रे लतार अड़गु जनाए। जब इनि: हिजु लेना दो ओते हिलाव जना, बिजली को चमकाव जना, सुकुल ओडोङ जना ओड़ो: तुरही को रअ: जोर ते आवाज अयुम जना।एनेद मूसा आए गी चेतन पर्वत रे रकब जना।

![](https://cdn.door43.org/obs/jpg/360px/obs-en-13-04.jpg)

एनेद परमेश्वर होड़ो कोलोओ मियद करार थोल केदा। इनि:कजि केदा, “अञङ अपेया परमेश्वर यहोवा तनिङ। अञङ गी तनिङ जे अपे के मिस्र देश रअ: बंधुवाई ते छोड़ाव केद पेअ:। जाए एटअ: देवता कोअ: अलपे आराधना यअ:।”

![](https://cdn.door43.org/obs/jpg/360px/obs-en-13-05.jpg)

मूर्ति को अलपे बाइया ओड़ो: इनकुअ: अलपे आराधना यअ: चियाची अञङ यहोवा अपेया मियद हेरेङ परमेश्वर तनिङ। गलत तरीका ते अञङअ: नुतुम के उपयोग रे अलपे इदिया। आराम रअ: दिन के पवित्र दोहो लाइ पहाम मेपे। एटअ: शब्द रे, छाव दिन रे अपेअ: सोबेना कामी को कमि पे, सातवाँ दिन अपेअ: लाइ आराम ओड़ो: अञङ के पहाम रअ: दिन तनअ:।

![](https://cdn.door43.org/obs/jpg/360px/obs-en-13-06.jpg)

“अपेअ: एंगा ओड़ो: अपु कोके माइन कोपे। अलपे गोगोजा। अलपे ब्यभिचारेया। अलपे चोरावयअ, अपेअ: अगल-बगल रेनीअ: घरनी, इनिअ: ओड़ा ओड़ो: इनिअ: जान जिनिस केओ इदि लाइ अलपे सनाङअ:।”

![](https://cdn.door43.org/obs/jpg/360px/obs-en-13-07.jpg)

सोबेन होड़ो को एन नियम कोके मानातिङ लाइ को राजी जना, जे परमेश्वर इनकु के ओम लेद कोअ:। इनकु सिरिफ परमेशवर गअ: होड़ो होबाव लाइ ओड़ो इनिअ: भइर आराधना लाइ को राजी जना दो।

![](https://cdn.door43.org/obs/jpg/360px/obs-en-13-08.jpg)

परमेश्वर इस्राएली होड़ो कोके मियद इसु मरंग तंबू-मिलाप वाला तंबू बबाइ लाइ कजियद कोअ:। इनि: इनकु मिलाप के बेस-बेस उदुबद कोअ: चि ने तम्बू के चिलका बबाइ मेनअ: ओड़ो: एना रअ: बितर रे चिलकन-चिलकन जिनिस को दोहो मेनअ:। इनि: इनकु के एन तम्बू के बरिया कोठरी रे हटिङ लाइ मियद इसु मरंग परदा के बबाइ लाइयो कजियद कोअ:। परमेश्वर एन परदा रअ: दोया पअ: रअ: कोठरी रे हिजुगए ओड़ो: एनता रे ताइयोगअ। जे तअ: रे परमेश्वर ताइकेना। एन कोठरी रे सेन लाइ मरंग पुरोहित के भइर इजाजत ताइकेना।

![](https://cdn.door43.org/obs/jpg/360px/obs-en-13-09.jpg)

एन होड़ो कोके एन मिलाप वाला तंबू रअ: अयार रे मियद बेदी बाइ होबावगअ:। जाए जेताय जे परमेश्वरअ: व्यवस्था के काए मनातिङअ: इनि: एन बेदी रे मियद जानवर के आउ केते हिजु काए। एनेद पुरोहित इनि: के दाड़े रकाबिअ: ओड़ो: बेदी रे परमेश्वर लाइ दाड़े रअ: नुतुम ते ओंडोरिअ:। परमेश्वर कजि केदा चि एन जानवर गअ: मयोम एन होड़ोअ: पाप कोके दलोब केअ:। ने लेका ते, परमेश्वर नअ: दो एन पाप के काए नेलेअ:। एन होड़ो परमेश्वरअ: नजइर रे शुद्ध ठहराव केनोगए। परमेश्वर मूसा गअ: हगा हारून के ओड़ो: हारून गअ: वंश कोके अयअ: पुरोहित बाइयो लाइ चुनाव केद कोअ:।

![](https://cdn.door43.org/obs/jpg/360px/obs-en-13-10.jpg)

एनेद परमेश्वर ने दस हुकुम कोके दीरी रअ: बरिया पट्टी रे ओल केअते मूसा के ओमा जाए। परमेश्वर मनातिङ लाइ होड़ो कोके हडो एटअ: तेअ: ढेइर गी व्यवस्था(नियम) कोए ओमाद कोअ:। परमेश्वर वायदा केदा चि अगर इनकु ने नियम कोके को मनातिङ रेदो परमेश्वर इनकु के आशीष ओमा कोअ:ए ओड़ो: इनकु के सुरक्षा ओमा कोअ:ए। मगर इनि: कजि केदा चि अगर हुकुम कोके काको मनातिङ रेदो इनि: इनकु के सजा ओमा कोअ:।

![](https://cdn.door43.org/obs/jpg/360px/obs-en-13-11.jpg)

ढेइर दिन जकेद मूसा सीनै पर्वत रअ: चुंदलू रिगी ताइ जना। इनि: परमेश्वर लोओ: जगर तन ताइ केना। मगर होड़ो को इनिअ: हिजु रुवाड़ रअ: आसरा नेला-नेला को लगा जना। एनामेनते इनकु हारून तअ: सोना आउ केअते को हिजु लेना ओड़ो: एनाए ते मियद मूर्ति बाइ लाइ को कजियजअ: चि इनकु परमेश्वरअ: बदली रे एन मूर्ति गअ: को आराधना दड़ि का। ने लेका ते इनकु भयंकर रीति ते परमेश्वरअ: बिरोध रेको पाप केदा।

![](https://cdn.door43.org/obs/jpg/360px/obs-en-13-12.jpg)

हारून बछड़ा रअ: रूप रे सोना रअ: मियद मूर्ति बाइ केदा। एन होड़ो को एन मूर्तियअ: आराधना को एटेज केदा ओड़ो: इनि: लाइ दाड़े को रकब केदा। इनकुअ: पाप रअ: चलते परमेश्वर इसु खींस जना। इनि: इनकु के नाश रअ: सनङ जना। मगर मूसा इनकु के का गोगोज रअ: परमेश्वर ते अरजी केदा। परमेश्वर इनिअ: अरजी के अयुम केदा ओड़ो: इनकु के काए नाश केद कोअ:।

![](https://cdn.door43.org/obs/jpg/360px/obs-en-13-13.jpg)

अखीर रे मूसा सीनै पर्वत ते लतार अड़गु जनाए। इनि: एन बरिया दिरी रअ: पट्टी के सब कद ताइनअ:, जे तेअ: रे परमेश्वर दस हुकुम को ओला कद ताइनअ:। जब इनि: एन मूर्ति के नेल केदा दो इनि: इमिन खींस जना चि एन बरन पट्टी के चकनाचूर तदाए।

![](https://cdn.door43.org/obs/jpg/360px/obs-en-13-14.jpg)

एनेद मूसा एन मूर्ति के ओंडोर तदा ओड़ो: एना के रीद केअते एना रअ: बुकनी बाइ केदा, ओड़ो: एन बुकनी के दाअ: रे मिलाव केअते एन दाअ: के होड़ो कोके आ:नु केद कोअ:। परमेश्वर एन होड़ो कोअ: रे मियद बिपइत के कुल केदा ओड़ो: इनकु मे से ढेइर होड़ो को गोए जना।

![](https://cdn.door43.org/obs/jpg/360px/obs-en-13-15.jpg)

जे बरिया पट्टी के मूसा रपुद लअ: एना रअ: जगह इदि लाइ मूसा एन दस हुकुम कोके दीरि रअ: नावा पट्टी रे बाइ केदा। एनेद हडो गी पर्वत रे रकब जना ओड़ो: बिनती केदा चि परमेश्वर एन होड़ो कोके क्षेमा तको काए। परमेश्वर मूसा गअ: बिनती के अयुम केदा ओड़ो: इनकु के क्षेमा तद कोअ:। नावा पट्टी रे दस हुकुम कोके इदि केद मूसा पर्वत ते लतार अड़गु जनाए। एनेद परमेश्वर सीनै पर्वत ते इदि केद करार रअ: देश जकेद इस्राएली होड़ो कोअ: अगुवाई केदा।

*निर्गमन अध्याय 19-34 ते इदियकन बाइबल रअ: मियद कहनी*

## 14. सुनसान ठयाद रे अदेन

https://openbiblestories.org/l/unx-deva/story-14/

![](https://cdn.door43.org/obs/jpg/360px/obs-en-14-01.jpg)

परमेश्वर इस्राएली होड़ो कोके एन नियम को उदुब छबा गद कोअ:ए जे नअ: कोके इनकु के थोला कद करार रअ: चलते मानातिङ मेनअ:। एनेद इनि: सीनै पर्वत रअ: अयार ते इनकुअ: अगुवाई केदा। इनि: इनकु के वायदा रअ: देश इदि सनङ ताइ केनाए। ने देश कनान नो कजियो तन ताइकेना। परमेश्वर रिमिल रअ: खम्भा रे इनकुअ: अयार-अयार ते सेनो: ताइनाए ओड़ो: इनकु अयअ: दोया-दोया को सेन ताइना।

![](https://cdn.door43.org/obs/jpg/360px/obs-en-14-02.jpg)

परमेश्वर अब्राहम, इसहाक ओड़ो: याकूब लोओ:ते करार लअ:ए चि इनि: वायदा रअ: देश इनिअ: वंश कोके ओमा कोअ:, मगर ने समय एनता रे ढेइर जाति को तयु तन ताइना। इनकु कनानी को कजियो ताइना। ने कनानी होड़ो को परमेश्वरअ: कको आराधना ताइना ओड़ो: इनिअ: हुकुम के कको मानातिङ ताइना।इनकु झूठा देवता कोअ: को आराधना ताइना ओड़ो: इसु एटकन कमि को कामी तन ताइना।

![](https://cdn.door43.org/obs/jpg/360px/obs-en-14-03.jpg)

परमेश्वर इस्राएली होड़ो कोके कजियद कोअ:, “जब अपे एन वायदा कद रअ: देश पे सेना दो एनता रेन सोबेन कनानी होड़ो कोएते छुटकारा नमेपे। इनकु लोओ: अलपे दोस्तीयअ: ओड़ो: इनकु लोओ: अलपे बालाना। अपेके इनकुअ: सोबेन मूर्ति कोके पूरा रीति ते नाश मेनअ:। अगर अपे अञङअ: हुकुम कापे मानातिङ रेदो अपे अञङअ: आराधना रअ: बदला रे इनकुअ: देवता कोअ: आराधना रेपे लगाव केनोगअ:।”

![](https://cdn.door43.org/obs/jpg/360px/obs-en-14-04.jpg)

जब इस्राएली होड़ो को कनान देश रअ: सीमान रेको सेटेर जना, दो मूसा इस्राएल कोअ: सोबेन किली ते मियद-मियद बारह झन कोड़ा कोके साला केद कोअ। इनि: इनकु के एन देश सेन केअते नेयअ: भेद इदि लाइ कजियद कोअ: चि एना चिलकन देश तनअ:। इनकु के एन कनानी होड़ो कोअ: बारे रेओ सरीन ताइकेना चि इनकु इसु पेड़ेजन मेना कोअ: चि कमजोर मेनअ: कोअ:।

![](https://cdn.door43.org/obs/jpg/360px/obs-en-14-05.jpg)

एन बारह झन कोड़ा को गोटा कनान देश रअ: चालीस दिन जकेद को होनोर केदा। ओड़ो: हडो इनकु को हिजु रुवाड़ जना। इनकु होड़ो कोके को उदु बद कोअ, “एन देश रअ: ओते इसु थिम्बा उपजाऊ मेनअ: ओड़ो: अन्न को इसु पुरअ: मेनअ:।” मगर दस झन भेद इदि वाला होड़ो को कजि केदा, “इनकुअ: नगर इसु केटेज मेनअ: ओड़ो: एनता रेन होड़ो को जिलिङ चकार मेनअ: कोअ:! अगर अबु इनकुअ: रिबु हमलाए रेदो जरूर इनकु अबु के हराव तबुवअ:को ओड़ो: अबु के गोए तबुवअ:को।

![](https://cdn.door43.org/obs/jpg/360px/obs-en-14-06.jpg)

इमतंग गी कालेब ओड़ो: यहोशू ओड़ो: एटअ: बरिया भेद इदि वाला किन कजि केदा, “नेयअ: सरती गी तनअ: चि कनान देश रेन होड़ो को जिलिङ चकार ओड़ो: इसु पेड़ेजन मेनअ: कोअ: मगर जरूर अबु इनकु के हराव दड़ियकोवाबु! परमेश्वर अबु लाइ लड़ाईयाए!”

![](https://cdn.door43.org/obs/jpg/360px/obs-en-14-07.jpg)

मेनदो होड़ो: को कालेब ओड़ो: यहोशू गअ: कजि कको अयुम केदा। इनकु मूसा ओड़ो: हारून केको खींस जना ओड़ो: को कजियद किनअ:, “अबेन अले के नीमिन खतरनाक ठयाद रे चिनअ: लाइ बेन आउ केद लेअ:? अबु के मिस्र देश रिगी तयु ताइ केना। अगर अबु एन देश बु सेन रेदो अबु लड़ाई रेबु गोए केनोगअ: ओड़ो: कनान देश रेन होड़ो को अबुअ: घरनी कोके आद् होन गंड़ा कोके दासी को बाइ केकोअ:।” इनकु मिस्र देश ते इदि रुवाड़ लाइ मियद एटअ: अगुवा के साला को सनङ ताइना।

![](https://cdn.door43.org/obs/jpg/360px/obs-en-14-08.jpg)

जब एन होड़ो को नेका को कजि केदा दो परमेश्वर इसु पुरअ: खींस जना। इनि: मिलाप वाला तंबू रे हिजु लेना ओड़ो: कजि केदा, “अपे अञङअ: बिरोध रेपे बलवा केदा एना मेनते अपे सोबेन कोके, ने सुनसान ठयाद रे आदेन होबाव गअ:। हर मियद होड़ो जे बीस साल या एनाएते थिम्बा उमर वाला मेनाइया एनता रे गोए केनोगअ: ओड़ो: चिउलाव गी एन देश रे काए बोलो दड़ियअ:, जे अञङ अपे के ओमा पेअञङ। एना रे कालेब ओड़ो: यहोशू भइर किन बोलो दड़ियअ।”

![](https://cdn.door43.org/obs/jpg/360px/obs-en-14-09.jpg)

जब होड़ो को परमेश्वर के नेका कजि तन को अयुम किजअ:, दो इनकु नाराज जना को चियाची इनकु पाप लअ: को। एनामेनते इनकु कनान देश रेन होड़ो कोलोओ लड़ाई रअ: को फैसला केदा। मूसा इनकु के का सेन लाइ चेतावनी ओमाद कोअ: चियाची परमेश्वर इनकु लोओ: काए सेना:, मेनदो इनकु इनिअ: कजि कको अयुम जना।

![](https://cdn.door43.org/obs/jpg/360px/obs-en-14-10.jpg)

परमेश्वर ने लड़ाई रे इनकु लोओ: काए सेन केना, एनामेनते कनानी होड़ो को इनकु के हराव केद कोअ: को ओड़ो: इनकु मे से ढेइर होड़ो कोके को गोए केद कोअ:। एनेद इस्राएली होड़ो को कनान देशेते रुवाड़ जना को। अयार ते चालीस साल जकेद इनकु सुनसान ठयाद रे नेते एनते आद बड़ा जनाको।

![](https://cdn.door43.org/obs/jpg/360px/obs-en-14-11.jpg)

इस्राएली होड़ो को चालीस साल जकेद सुनसान ठयाद रे आद जन इमतंग, परमेश्वर इनकुअ: जरुराइत तेअ: को पूरा केदा। इनि: इनकु के स्वर्ग ते “मन्ना” कजियोअ: वाला होलोङ ओमाद कोअ:। परमेश्वर गुंडरी(बटेर) कोअ: झुण्ड कोके इनकुअ: छावनी रे कुल केद कोअ:। नेयअ: मेनते चि इनकु इनकुअ: माँस को जोम दड़ि कअ:। एन पूरा चालीस साल रे परमेश्वर इनकुअ: लिजअ: सिनिद ओड़ो: जूता कोके चेचागोए ते बचाव केदा।

![](https://cdn.door43.org/obs/jpg/360px/obs-en-14-12.jpg)

नेतअ: जकेद चि परमेश्वर इनकुअ: दाअ: नूह लाइ चमत्कारी रूप ते सेरेंग गेंते दाअ: ओडोङ केदा। मेनदो नेयअ: को होबा जन रअ: तयोमतेओ, इस्राएली होड़ो को परमेश्वरअ: बिरोध रे ओड़ो: मूसा गअ: बिरोध रे शिकायद केदाको आद् कुड़कुड़ाव जनाको। इन रेओ परमेश्वर बिसवास लाएक ताइकेना।इनि: जे करार लअ: एना अब्राहम, इसहाक ओड़ो: याकूब गअ: वंशज को लाइ रिकायाए। इनि: एना रिका केदा।

![](https://cdn.door43.org/obs/jpg/360px/obs-en-14-13.jpg)

हडो मियद समय रे जब इनकु तअ: रे नूई लाइ दाअ: का ताइकेना, परमेश्वर मूसा के कजियजअ:, “सेरेंग लोओ: बकाड़ेम, ओड़ो: एनाएते दाअ: ओडोङअ:।” मेनदो मूसा दाअ: लोओ: काए बकड़ केदा।एना रअ: बदला रे इनि: सेरेंग के सोटा ते बरसा बीड़ा केदा। ने लेका ते इनि: परमेश्वर के काए माइन किजअ:। सोबेन को लाइ सेरेंग गेंते नूई लाइ दाअ: दो ओडोङ जना, मगर परमेश्वर मूसा लोओ: ते खींस जना।इनि: कजि केदा, “ चियाची अम नेका केदम, एना रअ: चलते अम वायदा कद देश कम बोलो दड़िअ:।”

![](https://cdn.door43.org/obs/jpg/360px/obs-en-14-14.jpg)

जब इस्राएली होड़ो को चालीस साल जकेद सुनसान ठयाद रे अद बड़ा जनाको, इमतंग जे गी होड़ो को परमेश्वरअ: बिरोध रेको पाप लअ:, इनकु सोबेन गोए छबा जना को। एनेते परमेश्वर एन होड़ो कोके हडो वायदा कद देश रअ: सीमान तअ: इदि केद कोअ:। नअ: दो मूसा इसु हड़ामकन ताइनाए, एना मेनते परमेश्वर होड़ो कोअ: अगुवाई लाइ ओड़ो: इनिअ: देंगा लाइ यहोशू के सला किजअ:। परमेश्वर मूसा लोओ: नेयाओ वायदा लअ: चि मुसिङअ: दिन इनि: एन होड़ो को तअ: मूसा लेका गी मियद भविष्यवक्ता के कुलीअ:।

![](https://cdn.door43.org/obs/jpg/360px/obs-en-14-15.jpg)

एनेते परमेश्वर मूसा के मियद पर्वत रअ: चुद्लू रे सेन लाइ कजियजअ: चि इनि: एनताए ते वायदा कद देश के नेल दड़िका। मूसा एन वायदा कद देश के नेल केदा, मगर परमेश्वर इनि: के एन देश रे बोलो लाइ हुकुम काए ओमाजाए। एनेद मूसा गोए जना ओड़ो इस्राएली होड़ो को तीस दिन जकेद शोक को मनाव केदा। यहोशू इनकुअ: नावा अगुवा बाइ जना। यहोशू मियद बुगिन अगुवा ताइकेना चियाची इनि: परमेश्वरअ: रे भरोसा लअ: ओड़ो इनिअ: कजि को मानातिङ जना।

*निर्गमन अध्याय 16-17, गिनती 10-14, 20-27, व्यवस्थाविवरण 34 ते इदियाकन बाइबल रअ: मियद कहनी*

## 15. वायदा कद देश

https://openbiblestories.org/l/unx-deva/story-15/

![](https://cdn.door43.org/obs/jpg/360px/obs-en-15-01.jpg)

अखरी रे, नअ: दो एन समय हिजु लेना चि इस्राएली होड़ो को वायदा कद देश कनान रेको बोलो का।एन देश रे यरीहो नुतुम मियद नगर ताइकेना। एना रअ: सुरक्षा लाइ ते चाइरो पअ रे मजबूत भीत ताइकेना।यहोशू एन नगर रअ: भेद सरीन लाइ बरिया भेद इदि वाला होड़ो किन के कुल केद किना। एन नगर रे राहाब नुतुम मियद वेश्या तयु ताइकेना।इनि: भेद इदि वाला किन के उकु केद किना ओड़ो: तयोमते इनकिन के एन नगारे ते बचाव केअते ओडोङ लाइ देंगा गद किना। इनि: नेका नेयअ: लाइ रिका केदा चियाची इनि: परमेश्वरअ: रे विश्वास ताइकेनाए। जे इमतंग इस्राएली होड़ो को यरीहो नगर के नाश यको इमतंग इनकु राहाब ओड़ो: इनिअ: परिवार के रक्षा लाइ को वायदा केदा।

![](https://cdn.door43.org/obs/jpg/360px/obs-en-15-02.jpg)

इस्राएली होड़ो कोके वायदा कद देश बोलो लाइ यरदन नाई के पारोम ताइकेना।परमेश्वर यहोशू के कजियजअ:, “पुरोहित कोके सिदा सेनो: इका कोमे।” जब पुरोहित को यरदन नाई रे अकोअ: काटा को दोहो केदा दो दाअ: रअ: बहाव रोकाव जना, नेयअ: लाइ चि इस्राएली होड़ो को रोहोड़ ओते सेन केअते नाई रअ: हन पारोम को सेन दड़ि का।

![](https://cdn.door43.org/obs/jpg/360px/obs-en-15-03.jpg)

एन होड़ो को यरदन नाई को पारोम केदा, दो परमेश्वर यहोशू के कजियजअ: चि यरीहो नगर रे हमला लाइ तेयार ताइनोपे।मेनदो एन नगर इसु केटेजन ताइकेना।परमेश्वर एन होड़ो कोके कजियद कोअ: चि इनकुअ: पुरोहित ओड़ो: पलटन कोके छव दिन जकेद एन नगर रअ: चाइरो पअ मिसा बियुरेन मेनअ:। पुरोहित ओड़ो: पलटन को नेका गी को रिका केदा।

![](https://cdn.door43.org/obs/jpg/360px/obs-en-15-04.jpg)

एनेद सातवाँ दिन इस्राएली होड़ो कोके एन नगर रअ: चाइरो पअ: सात बार बियुरेन मेनअ:।एनेद पुरोहित को अकोअ: तुरही को ओमेका ओड़ो सोबेन होड़ो को जोर तेको जयजयकारे कको।

![](https://cdn.door43.org/obs/jpg/360px/obs-en-15-05.jpg)

एनेद यरीहो नगर रअ: चाइरो पअ रअ: भीत उयु: जना।चिलका परमेश्वर हुकुम ओम लेद कोअ: एनका गी इस्राएली होड़ो को नगर रअ: सोबेन जिनिस कोके को नाश केदा।इनकु राहाब ओड़ो: इनिअ: परिवार के भइर को बागे केदा, जे इस्राएली होड़ो को बाइ लेना। जब कनान देश रे तयु तन एटअ: होड़ो को अयुम केदा को चि इस्राएली होड़ो को यरीहो नगर केको नाश केदाको, दो इनकु बोरो जना को चि इस्राएली होड़ो को इनकुअ: चेतन रेओ को हमला या।

![](https://cdn.door43.org/obs/jpg/360px/obs-en-15-06.jpg)

परमेश्वर इस्राएली होड़ो कोके हुकुम ओम लेद कोअ: चि कनान देश रे तयु तन जन जाति कोलो शांति रअ: करार अलपे दोहोया।मगर गिबोनी नुतुम मियद कनानी जाति यहोशू के झूठ कजियजअ: चि इनकु कनान देश ते संगीन मियद ठयाद रे तयु होड़ो को तनको। इनकु यहोशू के इनकु लोओ: ते शांति रअ: करार लाइ को अरजी किजअ:। यहोशू ओड़ो: हडो एटा इस्राएली अगुवा को परमेश्वर के कको कुली किजअ: चि इनकु के चिनअ: रिका चाही। नेयअ: रअ: बदली इनकु गिबोनी होड़ो कोलो को शांति रअ: करार केदा को।

![](https://cdn.door43.org/obs/jpg/360px/obs-en-15-07.jpg)

तीन दिन रअ: तयोमते इस्राएली होड़ो को सरी जना चि गिबोनी होड़ो को कनान देश रेगी को तयु ताइना। इनकु खींस जना को चियाची गिबोनी होड़ो को इनकु के धोखा को ओम लेद कोअ:। मगर इस्राएली होड़ो को, इनकु लोओ: ते थोलाकन शांति रअ: करार के बइयाकन को दोहो केदा।चियाची एना परमेश्वरअ: अयार रे होबा लेना।एनेद कटी समय रअ: तयोमते कनान देश रे तयु वाला एटअ: जाति, एमोरिया कोअ: राजाको अयुम केदा चि गिबोनी होड़ो को इस्राएली होड़ो कोलोओ शांति रअ: करार केदा को, एनामेनते इनकु अकोअ:-अकोअ: पलटन कोके को मियद रेको जमा केद कोअ: ओड़ो: मियद मरंग फौज को बाइ केदा ओड़ो: गिबोन कोलोओ: कोअ: रेको हमला केदा। गिबोनी होड़ो को इनकुअ: देंगा लाइ यहोशू तअ: मियद संदेश को कुल केदा।

![](https://cdn.door43.org/obs/jpg/360px/obs-en-15-08.jpg)

नेयअ: लाइ यहोशू इस्राएली होड़ो कोअ: फौज कोके जमा केद कोअ: ओड़ो: गिबोनी होड़ो कोतअ: सेटेर लाइ इनकु पूरा निदा को सेन केदा।सेतअ: नुबअ: इनकु एमोरी होड़ो कोअ: फौज कोके भकुवाव तद कोअ: को ओड़ो: इनकुअ: चेतन रेको हमला केदा।

![](https://cdn.door43.org/obs/jpg/360px/obs-en-15-09.jpg)

एन हुलङ परमेश्वर इस्राएली होड़ो को लाइ लड़ाई जना।इनि: एमोरी होड़ो कोके घबराव तद कोअ: ओड़ो: परमेश्वर मरंग-मरंग अरिल उयु केअते इसु एमोरी होड़ो कोके गोए तद कोअ:।

![](https://cdn.door43.org/obs/jpg/360px/obs-en-15-10.jpg)

परमेश्वर सिंगी केओ रिमिल जेतन रे मियद ठयाद रे रोकाव ताइजा चि इस्राएली होड़ो कोके भरभूर समय नमो:का ओड़ो: एमोरी होड़ो कोके पूरा रीति तेको हराव तकोकअ। एन हुलङ, परमेश्वर इस्राएली होड़ो लाइ मियद मरंग जीत नम केदा।

![](https://cdn.door43.org/obs/jpg/360px/obs-en-15-11.jpg)

परमेश्वर पअ: ते एन फौज कोके हराव केद रअ: तयोमते, इसु कनानी जाति रेन होड़ो को इस्राएली कोलो लड़ाई लाइ को जमा जना। यहोशू ओड़ो: इस्राएली होड़ो कोअ: चेतन री हमला लाइ को जमा जना। मेनदो यहोशू ओड़ो: इस्राएली होड़ो को लड़ाई केअते इनकु केको गोए छबा तद कोअ:।

![](https://cdn.door43.org/obs/jpg/360px/obs-en-15-12.jpg)

ने लड़ाई रअ: तयोमते परमेश्वर इस्राएल रेन सोबेन किली कोके वायदा कद देश रे इनकुअ: भाग ओमाद कोअ:। एनेद परमेश्वर इस्राएल होड़ो कोके इनकुअ: सोबेन सीमान रे सुख शांति ओमाद कोअ:।

![](https://cdn.door43.org/obs/jpg/360px/obs-en-15-13.jpg)

जब यहोशू हड़ाम जना दो इनि: इस्राएली रेन सोबेन होड़ो कोके मिसा ते केड़ा केद कोअ:। एनेद यहोशू एन होड़ो कोके याद इका केद कोअ: चि इनकु एन करार के मानातिङ लाइ को वायदा लअ: जे परमेश्वर इनकु लोओ: सीनै पर्वत रे थोल लअ:। एन होड़ो को परमेश्वरअ: परती विश्वास लायक तयु ओड़ो: इनिअ: नियम कोके मानातिङ लाइ को वायदा केदा।

*यहोशू अध्याय 1-24 ते इदियकन बाइबल रअ: मियद कहनी*

## 16. छोड़ाव नी:

https://openbiblestories.org/l/unx-deva/story-16/

![](https://cdn.door43.org/obs/jpg/360px/obs-en-16-01.jpg)

यहोशू गोए जन रअ: तयोमते इस्राएली होड़ो को परमेश्वरअ: हुकुम कको मनातिङ जना। इनकु परमेश्वरअ: नियम को कको मनातिङ केदा ओड़ो: इनकु एन वायदा कद देशेते बचाव लेन कनानी होड़ो कोके बाहर कको ओडोङ केद कोअ:। इस्राएली होड़ो को अकोअ: सच्चा परमेश्वर यहोवा के बागे केअते कनानी होड़ो कोअ: देवता कोअ: आराधना को एटेज केदा। इस्राएली होड़ो कोअ: जेताय राजा काए ताइकेना, एनामेनते ओकोए के जे ठीक अदा किजअ:, इनि: एना गी रिका ताइना।

![](https://cdn.door43.org/obs/jpg/360px/obs-en-16-02.jpg)

परमेश्वरअ: हुकुम कको मानातिङ जन रअ: ते इस्राएली होड़ो को मियद होरा को एटेज केदा, एना ढेइर बेर दोहराव लेना।ने होरा ने लेकाते सेसेन जना: कटीइ साल जकेद इस्राएली होड़ो को परमेश्वरअ: हुकुम कको मनातिङ ताइना, एमतंग परमेश्वर इनकु के अकोअ: दुश्मन कोए ते हराव इका केअते सजा ओमा को ताइना। ने दुश्मन को इस्राएली होड़ो कोएते इनकुअ: सोबेन जिनिस को रेए केद ताइना। इनकुअ: सम्पति कोके नाश ताइनको ओड़ो: इनकु मे से ढेइर होड़ो कोके गोए को ताइनको। एनेद जब इस्राएली होड़ो कोअ: दुश्मन को इनकुअ: चेतन रे ढेइर साल जकेद को अत्याचार ताइना, एना रअ: तयोमते इस्राएली होड़ो को अकोअ: पाप कोके को मानातिङ ताइना ओड़ो: परमेश्वर ते इनकुअ: बचाव लाइ को अरजी ताइना।

![](https://cdn.door43.org/obs/jpg/360px/obs-en-16-03.jpg)

हर बार जब इस्राएली होड़ो को अकोअ: पाप कोके को मनातिङ ताइना दो परमेश्वर इनकु के बचाव को ताइना। इनि: मियद छोड़ाव वाला नीजे ते नेकाए ताइना – मियद नेलकन होड़ो जे इनकुअ: दुश्मन कोअ: बिरोध रे लड़ाई ताइना ओड़ो: इनकु के हराव को ताइना। एने नङ एन देश रे शांति होबाव ताइना ओड़ो: एन छोड़ाव नी इनकुअ: रे बेस लेका ते राइज चलाव ताइना।परमेश्वर एन होड़ो कोके बचाव लाइ ते ढेइर छोड़ाव वाला कोए कुल केद कोअ:। परमेश्वर नड़े रेन गी मियद दुश्मन जाति मिद्यानी होड़ो कोएते इस्राएली होड़ो कोके हराव लाइ हडो मिसा नेका केदा।

![](https://cdn.door43.org/obs/jpg/360px/obs-en-16-04.jpg)

मिद्यानी होड़ो को सात साल जकेद इस्राएली होड़ो कोअ: अन्न को रेए केद कोअ:। इस्राएली होड़ो को इसु को बोरो लेना ओड़ो: इनकु लतरा कोरे को उकु जना चि मिद्यानी होड़ो को अलोको नम दड़ि का। अखीर रे इनकु अकोअ: बचाव लाइ परमेश्वर केको हकाव किजअ:।

![](https://cdn.door43.org/obs/jpg/360px/obs-en-16-05.jpg)

गिदोन नुतुम नी मियद इस्राएली कोड़ा ताइकेना। मुसिङ हुलङ इनि: मिद्यानी होड़ो को अलोको चोराव दड़ि का मेनते दनङ ठयाद रे गोहोमए झड़ाव ताइना, यहोवा गअ: स्वर्गदूत गिदोन तअ: हिजु केअते इनि:के कजियजअ:, “हे बहादूर होड़ो, परमेश्वर अमअ: लोओ: मेनाइअ:। जु इस्राएली होड़ो कोके मिद्यानी होड़ो कोएते बचाव कोम।”

![](https://cdn.door43.org/obs/jpg/360px/obs-en-16-06.jpg)

गिदोनअ: अपुते तअ: रे मूर्ति गअ: मियद बेदी ताइ केना। सोबेनअ: ते सिदा जे परमेश्वर गिदोन के कजि लिजअ: एना एन बेदी के तोड़ाव ताइकेना।मगर गिदोन होड़ोकोए ते बोरो ताइना, एनामेनते इनि: अयुबो रअ: आसरा केदा।एनेद इनि: एन बेदी के तोड़ाव केअते खंड-खंड तदा।इनि: परमेश्वर लाइ मियद नवा बेदी बाइ केदा ओड़ो: एना रे परमेश्वर लाइ दाड़े रकब केदा।

![](https://cdn.door43.org/obs/jpg/360px/obs-en-16-07.jpg)

तयोम हुलङ सेतअ: होड़ो को नेल केदा को चि जाय जेताय बेदी के तोड़ाव केअते खंड-खंड कदा, एनामेनते इनकु इसु पुरअ: को खीस जना।इनकु गिदोन के गोगोए लाइ इनिअ: ओड़ा को सेन जना, मगर गिदोनअ: अपुते कजि केदा, “अपे चिनअ: लाइ अपेअ: देवता गअ: देंगा लाइ पे कोशिश तना? अगर इनि: देवता तनि रेदो अएअ गी बचावेन का।चियाची इनि: नेका कजि केदा एनामेनते होड़ो को गिदोन के कको गोगोज केनअ:।

![](https://cdn.door43.org/obs/jpg/360px/obs-en-16-08.jpg)

एनेद मिद्यानी होड़ो को इस्राएली होड़ो कोके रेए लाइ हडो को हिजु लेना।इनकु नीमिन थिम्बा को ताइकेना चि इनकुअ: हिसाबो का दड़िओ ताइना।गिदोन इनकुअ: बिरोध रे लड़ाई लाइ इस्राएली होड़ो कोके मिसाते केड़ा केद कोअ:। गिदोन परमेश्वर के बरिया चिन्हा असी किजअ: चि इनि: बिसवास दड़ि काए चि परमेश्वर सरती गी इनि: के इस्राएली होड़ो कोके बचाव लाइ कजि तनाए।

![](https://cdn.door43.org/obs/jpg/360px/obs-en-16-09.jpg)

सिदा रअ: चिन्हा लाइ, गिदोन मिण्डी गअ: उब के ओते रे मंडाव केअते परमेश्वर के कजियजअ: चि सेतअ: रअ: सिसिर दाअ: मिण्डी गअ: उब रे भइर उयुगो चअ: ओड़ो: ओते रे कअ टोगो कअ। परमेश्वर नेका गी रिका केदा। तयोम अयूब गिदोन परमेश्वर के कजियजअ: चि ओते लूमोओ कअ: मगर मिण्डी उब रोहोड़ गी ताइनो कअ:। परमेश्वर नेकावो रिका केदा।ने बरिया चिन्हा रअ: चलते गिदोन बिसवास केदाए चि परमेश्वर सरती गी सनङ तनाए चि इनि: इस्राएली होड़ो कोके मिद्यानी होड़ो कोएते बचाव कोकअ:।

![](https://cdn.door43.org/obs/jpg/360px/obs-en-16-10.jpg)

एनेद गिदोन फौज कोके केड़ा केद कोअ: ओड़ो: 32,000 कोड़ा को हिजु लेना।मेनदो परमेश्वर कजि केदा चि निकु इसु थिम्बा मेना कोअ:। एनाते गिदोन 22,000 कोके ओड़ा ते कुल रुवाड़ केद कोअ: जे लड़ाई तेको बोरो ताइना। परमेश्वर गिदोन के कजियजअ: चि ने कोड़ा को नअव गी इसु थिम्बा मेना कोअ:। एना मेनते गिदोन 300 सेना कोके बगी केअते सोबेन कोके ओड़ाते कुल रुवाड़ केद कोअ:।

![](https://cdn.door43.org/obs/jpg/360px/obs-en-16-11.jpg)

एन अयूब परमेश्वर गिदोन के कजियजअ:,“मिद्यान होड़ो कोअ: छावनी रे सेनोमे ओड़ो: इनकुअ: बकड़ को अयुमेम।जब अम अयुमेयम चि इनकु चिनअ: कोको बकाड़ेया दो अम इनकु लोओ: लड़ाई रे कम बोरोया।” एनामेनते एन अयूब गिदोन लतार ते इनकुअ: छावनी रे सेनो: जना ओड़ो: इनि: मियद मिद्यानी फौजी के अयअ: गति तेके एन बकड़ उदुबाई तन अयुम किजअ: जे इनि: कुमु रे नेल लअ:। इनिअ: गति ते इनि: के कजियजअ:, “ने कुमु रअ: अर्थ तना चि गिदोन गअ: फौज को अबु मिद्यानी फौज कोके को हराव तबुअ:।” जब गिदोन ने बकड़ अयुम केदा दो इनि: परमेश्वरअ: बड़ाई केदा।

![](https://cdn.door43.org/obs/jpg/360px/obs-en-16-12.jpg)

एनेद गिदोन अयअ: फौजी कोतअ: रुवाड़ जना ओड़ो: इनि: सोबेन कोके मियद-मियद नरसिंग, मियद हसा रअ: बर्तन ओड़ो: मियद मशाल ओमाद कोअ:।इनकु एन छावनी केको घेराव केदा जे तअ: रे मिद्यानी को गिति ताइनको।गिदोनअ: 300 फौजी को अकोअ: मशाल के बर्तन तेको दलोब कद ताइना एनामेनते मिद्यानी होड़ो को एन मशाल रअ: मरसल को कको नेल दड़ि जना।

![](https://cdn.door43.org/obs/jpg/360px/obs-en-16-13.jpg)

एनेद गिदोनअ: सोबेन फौजी को अकोअ: बर्तन कोके मिसा तेको रपुद केअते अचका तेगी मशाल रअ: सेंगेल कोके को देखाव तदा।इनकु अकोअ: नरसिंग कोके को ओम तदा ओड़ो: को गुल केदा, “यहोवा गअ: ओड़ो: गिदोन गअ: तलवार।”

![](https://cdn.door43.org/obs/jpg/360px/obs-en-16-14.jpg)

परमेश्वर, मिद्यानी कोके घबराव तद कोअ:,एनामेनते इनकु अको-अको रेको मापअ: गोपोए जना।जल्दी गी गिदोन एन संदेश सेटेर वाला कोके इसु हडो इस्राएली होड़ो कोके मिद्यानी कोअ: पीछा लाइ देंगा मेनते केड़ा कुल केद कोअ:। इनकु एन में से रे इसु होड़ो कोके को गोए तद कोअ: ओड़ो: बचाव लेन कोअ: पीछा केद इनकु के इस्राएली देश ते बाहर को ओडोङ तद कोअ:। एन हुलङ 1,20,000 मिद्यानी होड़ो को गोए जना।ने लेका परमेश्वर इस्राएली होड़ो कोके बचाव केद कोअ:।

![](https://cdn.door43.org/obs/jpg/360px/obs-en-16-15.jpg)

इनकु गिदोन के अकोअ: राजा को बबाइ को सनङ ताइना, मगर गिदोन इनकु के नेका काए रिका इका केद कोअ:, मेनदो इनि: इनकु के एन सोना रअ: जेवर को असी केद कोअ: जे इनकु मिद्यानी होड़ो कोके को रेए लेद कोअ:। इनकु इसु थिम्बा सोना गिदोन केको ओमाजअ:।

![](https://cdn.door43.org/obs/jpg/360px/obs-en-16-16.jpg)

एनेद गिदोन एन सोना ते मियद लिजअ: बाइ केदा जे लेका चि महापुरोहित को तुसिङ येन ताइना। मेनदो होड़ो को एना रअ: आराधना को एटेज केदा, चिलका चि इनि: मियद मूर्ति तनी। एनेद परमेश्वर हडो इस्राएली होड़ो कोके सजा ओमाद कोअ: चियाची इनकु मूर्ति गअ: को उपासना लअ:। परमेश्वर इनकुअ: दुश्मन कोके इनकु के हराव लाइ पेड़ेज ओमाद कोअ:। आखिर रे इनकु हडो परमेश्वरअ: ते देंगा लाइ को अरजी केदा ओड़ो: परमेश्वर इनकु तअ: इनकु के बचाव लाइ मियद एटअ: छोड़ाव नी के कुल किजअ:।

![](https://cdn.door43.org/obs/jpg/360px/obs-en-16-17.jpg)

ने कजि गी ढेइर बेर होबा लेना : इस्राएली होड़ो को पापयको, परमेश्वर इनकु के सजा ओमा कोअ:, इनकु अकोअ: पाप केको मनातिङगेंया, ओड़ो: परमेश्वर इनकु के छोड़ाव लाइ जाए के कुलिअ:। ढेइर साल जकेद परमेश्वर इसु छोड़ाव वाला कोए कुल केद कोअ:, इनकु इस्राएली होड़ो कोके इनकुअ: दुश्मन कोएते को बचाव केद कोअ:।

![](https://cdn.door43.org/obs/jpg/360px/obs-en-16-18.jpg)

आखिर रे एन होड़ो को एटा देश को लेका गी परमेश्वर ते अको लाइ मियद राजा को असी किजअ:। इनकु मियद नेलकन राजा को सनङ ताइना जे सलंगी ओड़ो: इसु पेड़ेजन ताइनाए ओड़ो लड़ाई रे इनकुअ: अगुवाई दड़िकाए। परमेश्वर के ने अरजी का सुकु किजअ:, मगर इनि: इनकु के एनकन राजा गी ओमाद कोअ: चिलका इनकु असी ताइना।

*न्यायियों अध्याय 1-3, 6-8, 1 शमुएल 1-10 ते इदियकन बाइबल रअ: मियद कहनी*

## 17. दाऊद लोओते परमेश्वरअ: करार

https://openbiblestories.org/l/unx-deva/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएल रेन सिदा राजा ताइ केना। इनि: सलंगी ओड़ो: सुंदर ताइन केनाए, चिलका इनकु को सनङ ताइन केना एकदम एनका गी। इस्राएल कोअ: चेतन रे राइज तन इमतंग कटी साल भइर शाऊल मियद बुगिन राजा ताइ केना। मेनदो इनि: तयोमते एटकन राजा बाइ जना, इनि: परमेश्वरअ: कजि को काए मानातिङ जना। एनामेनते परमेश्वर मियद एटअ: होड़ो: के सला किजअ:। नी मुसिङअ: हुलङ इनिअ: जगह रे राजा बाइयोगअ:।

![](https://cdn.door43.org/obs/jpg/360px/obs-en-17-02.jpg)

परमेश्वर दाऊद नुतुम मियद इस्राएली दंगड़ा कोड़ा के सला केते मुसिङअ: हुलङ शाऊलअ: जगह रे राजा बाइयी लाइ इनि: के तेयार एटेज किजअ:। दाऊद बैतुलहम नगर रेनी मियद चरवाहा ताइन केना। सिदा समय रे दाऊद कुला ओड़ो: भालू बरन किन के गोए लेद किना, चियाची दाऊद अयअ: अपु तेअ: मिण्डी कोए गुपी को ताइ इमतंङ एन मिण्डी कोअ: रे इनकिन हमला लअ: किन। दाऊद मियद नरम ओड़ो: धर्मी होड़ो: ताइ केना।इनि: परमेश्वरअ: चेतन रे भरोसा केदा आद् परमेश्वरअ: कजि को मनातिङ केदा।

![](https://cdn.door43.org/obs/jpg/360px/obs-en-17-03.jpg)

दाऊद नअ: दंगड़ा गी ताइ केनाए, इनि: सलंगी ओड़ो: चकर गोलियतअ: बिरोध रेओ लड़ाई जना। गोलियत मियद इसु बुगिन फौजी ताइन केना। गोलियत इसु केटेज ओड़ो: लगभग तीन मीटर सलंगी ताइन केना। मेनदो परमेश्वर गोलियत के गोगोज ओड़ो: इस्राएल रेन होड़ो कोके बचाव रे दाऊद के देंगा किजअ:। नेयअ: रअ: तयोमते दाऊद इस्राएल कोअ: दुश्मन कोलो: लड़ाई रे ढेइर बेर जिताव जना। दाऊद मियद मरंग फौजी बाइ जना ओड़ो:इनि: इसु लड़ाई कोरे इस्राएली सेना कोअ: अगुवाई केदा। होड़ो को इनिअ: इसु को तारीफ केदा।

![](https://cdn.door43.org/obs/jpg/360px/obs-en-17-04.jpg)

होड़ो को दाऊद के इमिन को दुलाड़ किजअ: चि शाऊल इनियअ: ते हिसिंगा जना। आखिर रे शाऊल इनि: के गोगोज सनङ ताइनाए, एनामेनते दाऊद इनिए ते ओड़ो: इनिअ: फौजी कोएते उकुन लाइ बुरु ते नीर जना। मुसिङ हुलङ जब शाऊल ओड़ो: इनिअ: फौजी को दाऊद केको संगारी ताइना दो इनि: मियद लतरा रे बोलो जना। नेयअ: एन लतरा गी ताइकेना जे तेयअ: रे दाऊद उकु कन ताइनाए। मेनदो शाऊल इनि: के काए नेल किजअ:। दाऊद शाऊलअ: दोया इनिअ: ढेइर नड़े रे हिजु लेना ओड़ो: इनिअ: लिजअ: के मियद खंड हद केदाए। तयोमते शाऊल जब एन लतरा ते ओड़ोङ जना दो दाऊद इनि: के हकाव केते एन सबा कद लिजअ: रअ: खंड के देखावजाए। ने लेका ते शाऊल सरी जनाए चि दाऊद राजा बाइयो लाइ इनि: के काए गोज किजअ:।

![](https://cdn.door43.org/obs/jpg/360px/obs-en-17-05.jpg)

कटी समय रअ: तयोमते शाऊल लड़ाई रे गोज जना ओड़ो: दाऊद इस्राएल रेन राजा बाइ जना। इनि: मियद बुगिन राजा ताइन केना ओड़ो: होड़ो को इनि: के इसु को दुलाड़ किजअ:। परमेश्वर दाऊद के आशीष ओमाजाए ओड़ो: इनि: के बुगिन बाइ किजअ:। दाऊद ढेइर लड़ाई को लड़ाई जनाए ओड़ो: परमेश्वर इस्राएल रेन दुश्मन कोके हराव मेनते इनि: के देंगा किजअ:। दाऊद यरूशलेम नगर के जिताव केते एना के अकोअ: राजधानी बाइ केदा, एनता रे इनि: ताइन जना ओड़ो: राइज केदा। दाऊद चालीस साल जकेद राजा ताइ केनाए। इनिअ: राइज इमतङ इस्राएल होड़ो को पेड़ेजन ओड़ो: किसाड़ को बाइ जना।

![](https://cdn.door43.org/obs/jpg/360px/obs-en-17-06.jpg)

दाऊद मियद मन्दिर बबाइ सनङ ताइनाए, एनता रे सोबेन इस्राएली होड़ो को परमेश्वरअ: आराधना दड़ि कको मेनते ओड़ो: इनि: लाइ दाड़े को रकब दड़ि का मेनते। लगभग चार सौ साल ते इनकु मूसा बाइ लेद मिलाप वाला तम्बू रे परमेश्वरअ: आराधना ताइ केना को ओड़ो: इनि: लाइ दाड़े को रकब ताइना।

![](https://cdn.door43.org/obs/jpg/360px/obs-en-17-07.jpg)

मेनदो एनता रे नातान नुतुम नी मियद भविष्यवक्ता ताइ केना। परमेश्वर इनि: के दाऊद तअ: नेयअ: कजि मेनते कुल किजअ:, “अम इसु लड़ाई कोम लड़ाई जना एनामेनते अम अञङअ: लाइ ने मन्दिर के अलोम बाइया, अमअ: होन कोड़ा नेयअ: के बाइया। एन रेओ अञङ अम के ढेइर आशीष ओमा मेञङ। अमअ: मियद वंश जनाव लाइ मियद अञङअ: होड़ो कोअ: रे राजा रअ: रूप रे राइज याए।” जनाव लाइ राइज नी इनि: दाऊदअ: मियद मात्र वंश मसीह ताइकेनाए। मसीह परमेश्वरअ: सला कद होड़ो ताइन केना, जे दिसुम रेन होड़ो कोके अकोअ: पाप ते बचाव कोवाए।

![](https://cdn.door43.org/obs/jpg/360px/obs-en-17-08.jpg)

जब दाऊद नातानअ: संदेश अयुम केदा दो इनि: परमेश्वर के धन्यवाद ओमाजाए ओड़ो: इनिअ: बड़ाई केदाए। परमेश्वर इनिअ: प्रतिष्ठा के बढ़ाव ताइनाए ओड़ो: इनि: के इसु आशीष कोए ओमाइ ताइनाए। दाऊद काए सरी ताइनए चि परमेश्वर ने बकड़ कोके चिमतङ रिकायाए। नअ: अबु सरियअ: चि इस्राएली होड़ो कोके मियद जिलिंङ समय जकेद, लगभग एक हजार साल जकेद मसीह हिजु रअ: तंगी होबाव गअ:।

![](https://cdn.door43.org/obs/jpg/360px/obs-en-17-09.jpg)

दाऊद ढेइर साल जकेद न्याय पूर्वक अयअ: होड़ो कोअ: चेतन रे राइज केदा। इनि: ईमानदार ते परमेश्वरअ: कजि कोए मनातिङ केदा ओड़ो: परमेश्वर इनि: के आशीष कोए ओमाजाए। मेनदो अयअ: जिनिद रअ: आखरी रे इनि: परमेश्वरअ: बिरोध रे भयानक पाप केदाए।

![](https://cdn.door43.org/obs/jpg/360px/obs-en-17-10.jpg)

मुसिङ हुलङ दाऊद अयअ: महलेते बाहर लोडो केदाए आद मियद सुंदर कुड़ी के उमेन तन नेल किजअ:। दाऊद इनि: के काए सरी ताइना, एन रेओ इनि: पता लगाव केदाए चि इनिअ: नुतुम बतशेबा तना।

![](https://cdn.door43.org/obs/jpg/360px/obs-en-17-11.jpg)

अयअ: नजर के एटा पअ: अरीद रअ: बदला रे, दाऊद इनि: के अयअ: तअ: आउ लाइ कुल केद कोअ:। दाऊद इनि: लोओ गीति जना आद् इनि: के ओड़ा ते कुल किजअ:। कटी दिन रअ: तयोमते बतशेबा नेयअ: कजि केते दाऊद तअ: संदेश कुल केदा चि इनि: गर्भवती मेनाइअ:।

![](https://cdn.door43.org/obs/jpg/360px/obs-en-17-12.jpg)

बतशेबा गअ: गोमके ऊरिय्याह नुतुम मियद होड़ो ताइन केना। इनि: दाऊदअ: पेड़ेजन फौजी कोएते मियद ताइन केना। ने इमतङ इनि: लड़ाई लाइ बाहर सेनो कन ताइकेनाए। दाऊद ऊरिय्याह के लड़ाई ते रुवाड़ केते इनि: के अयअ: घरनी लोओ मिसा ते ताइ लाइ कजियजअ:। मेनदो एटअ: फौजी को लड़ाई रेको ताइन केना, एनामेनते उरिय्याह ओड़ा सेन लाइ मना केदा। एनामेनते दाऊद ऊरिय्याह के लड़ाई रे कुल रुवाड़ किजअ: ओड़ो: सेनापति के इनि: के लड़ाई रे नेलकन ठयाद रे दोहो लाइ कजियजअ:, जे तअ: रे दुश्मन को इसु पेड़ेजन मेना कोअ:। एनडे इनि: गोए केनोगाए। नेका गी होबा जना आद् ऊरिय्याह लड़ाई रे गोए जना।

![](https://cdn.door43.org/obs/jpg/360px/obs-en-17-13.jpg)

ऊरिय्याह लड़ाई रे गोए जन रअ: तयोमते दाऊद बतशेबा लोओ: बला जना। तयोमते बतशेबा दाऊदअ: होन के जनम किजअ:। दाऊद जे रिका लअ: एनाएते परमेश्वर इसु खीस जना, एनामेनते परमेश्वर नातान भविष्यवक्ता के दाऊद तअ: नेयअ: उदुब लाइ कुल किजअ: चि इनिअ: पाप चिमिन सितरु मेना। दाऊद अयअ: पाप को रअ: पश्चाताप केदा आद् परमेश्वर इनि: के क्षेमा किजअ:। अयअ: बचाव कन जिनिद रे, अयअ: कठिन समय रेओ दाऊद परमेश्वरअ: दोया-दोया सेनो जनाए आद् इनिअ: कजि को मनातिङ केदा।

![](https://cdn.door43.org/obs/jpg/360px/obs-en-17-14.jpg)

मेनदो दाऊदअ: होन गोए जनाए। ने लेकाते परमेश्वर दाऊद के सजा ओमाजाए। नेयअ: सोबेनअ: होबा जने तेओ, दाऊद अउरी गोजोओ जकेद, अयअ: परिवार रेन हुडिङ होड़ो को इनिअ: बिरोध रे को लड़ाई जना, ओड़ो: दाऊदअ: पेड़े हुडिङ जना। मगर परमेश्वर विश्वास लायक ताइन केना नअ:व इनि: एना रिका केदाए, जे परमेश्वर दाऊद लोओ: रिका लाइ वादा लअ: चि इनि: रिकायाए। भले गी दाऊद इनिअ: हुकुम काए मनातिङ लअ:। तयोमते दाऊद ओड़ो: बतशेबाअ: तयोम होन जनम जना ओड़ो: इनकिन इनिअ: नुतुम सुलेमान किन दोहो केदा।

*1 शमुएल अध्याय 10, 15-19, 24, 31, 2 शमुएल 5, 7,11-12 ते इदियकन बाइबल रअ: मियद कहनी*

## 18. हटिङ कन राज्य

https://openbiblestories.org/l/unx-deva/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजा चालीस साल जकेद इस्राइल रे राइज केदाए। एनेद इनि: गोए जना, ओड़ो: इनिअ: होन सुलेमान इस्राएल रे राइज एटे केदा। परमेश्वर सुलेमान लोओ: बकड़ केदा ओड़ो: इनि: के कुली किजअ: चि अम सोबेनअ: ते थिम्बा चिनअ: सनङ तनाम चि परमेश्वर एना लाइ रिकायाए। सुलेमान परमेश्वर के अस्सी किजअ: चि परमेश्वर अञङ के इसु बुद्धिमान बाइ ताइङ कअ:। ने बकड़ ते परमेश्वर रसिका जना, एनामेनते परमेश्वर सुलेमान के दिसुम रेन सोबेन कोएते बुद्धिमान कोड़ा बाइ किजाए। सुलेमान इसु बकड़ को सिखाव जना ओड़ो: इनि: मियद बुद्धिमान राजा ताइ केना। परमेश्वर इनि: के इसु किसाड़ो बाइ लिजाए।

![](https://cdn.door43.org/obs/jpg/360px/obs-en-18-02.jpg)

यरूशलेम रे सुलेमान एन मन्दिर के बाइ केदा, जे अयअ: अपु ते बबाइ लाइ योजना बाइ लअ:। नअ: दो होड़ो को मिलाप वाला तंबू रअ: बदला मन्दिर रे परमेश्वरअ: आराधना ताइनको ओड़ो: इनि: लाइ दाड़े को रकब ताइना। परमेश्वर हिजु केते मंदिर रे ताइयो तन ताइनाए, ओड़ो: एनता रे इनि: अयअ: होड़ो कोलोओ ताइयो तन ताइनाए।

![](https://cdn.door43.org/obs/jpg/360px/obs-en-18-03.jpg)

मेनदो सुलेमान एटा देश रेन कुड़ी कोके मजूर केद कोअ:। इनि: इसु थिम्बा, लगभग 1,000 कुड़ी कोलो बाला केते परमेश्वरअ: हुकुम काए मनातिङ जना। निकु में से ढेइर कुड़ी को एटा देशेते को हिजु लेना ओड़ो: अकोअ: लोओ: अकोअ: देवता कोकेयो को आउ केद कोअ: ओड़ो: इनकुअ: आराधना ताइनको। जब सुलेमान हड़ाम जनाए दो इनियो इनकुअ: देवता कोअ: आराधना ताइनाए।

![](https://cdn.door43.org/obs/jpg/360px/obs-en-18-04.jpg)

नेयअ: रअ: चलते परमेश्वर सुलेमान लोओते खीस जना। परमेश्वर कजि केदा चि इस्राएल देश के बरिया राइज रे हटिङ गेंया एना गी इनि: के सजा ओमायाए। इनि: सुलेमान गोए केनो ते नेका रिकायाए।

![](https://cdn.door43.org/obs/jpg/360px/obs-en-18-05.jpg)

सुलेमान गोए जन रअ: तयोमते रहबाम राजा बाइ जना। इस्राएल देश रेन सोबेन होड़ो को इनि: के राजा रअ: रूप रे मनातिङ लाइ मिद तअ: रेको हुंडी जना। इनकु रहबाम तअ: रे शिकाएत केदा को चि सुलेमान इनकुए ते इसु कठिन कामी इका लेद कोअ: ओड़ो: इसु माल गुजारी को अस्सी लेद कोअ:। इनकु रहबाम केको अरजी किजअ: चि इनकुए ते हुडिङ गी कामी रिका को काए।

![](https://cdn.door43.org/obs/jpg/360px/obs-en-18-06.jpg)

मेनदो रहबाम इनकु के बुद्धू लेका कजि रुवाड़ केद कोअ:, “अपे कजि तना पे चि अञङअ: आबा सुलेमान अपेके कठिन कामी इका केद पेअ:। मेनदो अञङ एनाए तेओ कठिन कामी इका पेअञ, ओड़ो: अञङ एनाए तेओ थिम्बा दुकु सहतिङ इका पेञङ।”

![](https://cdn.door43.org/obs/jpg/360px/obs-en-18-07.jpg)

जब होड़ो को इनि: के नेका कजि तन को अयुम किजअ: दो ढेइर को इनिअ: बिरोध रेको सेनो जना। दस किली को इनि: केको बागी तजाअ:, इनि: लोओ नअ: बरिया किली भइर किन बचाव जना। ने बरिया किली किन अकिन के यहूदाअ: राज्य किन कजि केदा।

![](https://cdn.door43.org/obs/jpg/360px/obs-en-18-08.jpg)

एटा दस किली को यारोबाम नुतुम मियद कोड़ा के अकोअ: राजा को बाइ किजअ:। ने किली को देश रे उत्तर-पूरब हिस्सा रेको ताइन केना। इनकु अकोय तेगी खुद के इस्राएलअ: राज्य को कजि केदा।

![](https://cdn.door43.org/obs/jpg/360px/obs-en-18-09.jpg)

मेनदो यारोबाम परमेश्वरअ: बिरोध रे सेन लेनाए ओड़ो: होड़ो कोकेयो पाप इका केद कोअ:। इनि: अयअ: होड़ो को लाइ आराधना मेनते बरिया मूर्ति किनाए बाइ केद किना। इनकु नअ: दो यहूदा राज्य रे यरूशलेम नगर परमेश्वरअ: मंदिर रे परमेश्वरअ: आराधना लाइ कको सेन जना।

![](https://cdn.door43.org/obs/jpg/360px/obs-en-18-10.jpg)

यहूदा ओड़ो: इस्राएल राज्य रेन होड़ो को नी इनिया दुश्मन को बाइजना ओड़ो: घरी-घरी अको-अको रेको लड़ाई ताइना।

![](https://cdn.door43.org/obs/jpg/360px/obs-en-18-11.jpg)

इस्राएल रअ: नवा राज्य रे सोबेन राजा को एटकन को ताइन केना। एन में से ढेइर राजा को इनकुअ: ठयाद रे राजा बाइयेन को सनङ ताइन रअ: चलते एटअ: इस्राएली होड़ो को इनकु के गोए लेद कोअ:को।

![](https://cdn.door43.org/obs/jpg/360px/obs-en-18-12.jpg)

इस्राएल राज्य रेन सोबेन राजा को ओड़ो: ढेइर होड़ो को मूर्ति कोअ: आराधना ताइनको। जब इनकु नेका केदा को दो, इनकु घरी-घरी वेश्या कोलो को गिति जना ओड़ो: एनता जकेद चि ढेइर बेर मूर्ति कोअ: अयार रे होन कोके को दाड़े रकब केद कोअ:।

![](https://cdn.door43.org/obs/jpg/360px/obs-en-18-13.jpg)

यहूदा राज्य रेन राजा दाऊदअ: वंशज ताइकेना को। ने राजा को में से रे ढेइर को बेस को ताइकेना, इनकु न्यायपूर्वक को राइज केदा ओड़ो: परमेश्वरअ: को उपासना केदा। मगर यहूदा रेन थिम्बा राजा को एटकन को ताइन केना। इनकु एटकन रीति ते को शासन केदा ओड़ो: मूर्ति कोअ: को आराधना केदा। एनता जकेद चि इनकु में से हुडिङ राजा को झूठा देवता कोअ: अयार रे अकोअ: होन कोके दाड़े को रकब केद कोअ:। यहूदा रेन ढेइर होड़ो कोयो परमेश्वरअ: बिरोध रेको सेनो जना ओड़ो: एटा देवता कोअ: को आराधना केदा।

*1 राजा अध्याय 1-6, 11-12 ते इदियकन बाइबल रअ: मियद कहनी*

## 19. भविष्यवक्ता

https://openbiblestories.org/l/unx-deva/story-19/

![](https://cdn.door43.org/obs/jpg/360px/obs-en-19-01.jpg)

परमेश्वर जनाव गी इस्राएली होड़ो को तअ: भविष्यवक्ता कोके कुल को ताइना। भविष्यवक्ता को परमेश्वरअ: संदेश को अयुम ताइना ओड़ो: एन संदेश के होड़ो कोके को उदुबको ताइना।

![](https://cdn.door43.org/obs/jpg/360px/obs-en-19-02.jpg)

जब अहाब इस्राएल राज्य रेन राजा ताइकेना दो इमतङ एलिय्याह भविष्यवक्ता ताइकेना। अहाब बुगिन होड़ो काए ताइकेना। इनि: झूठा देवता कोअ: आराधना लाइ होड़ो कोके मजबूर को ताइना। एनामेनते एलिय्याह अहाब के कजियजा चि परमेश्वर एन होड़ो कोके सजा ओम नङ मेनाइया। एलिय्याह अहाब के कजियजा, “जब तक अञङ हडो दाअ: गामा लाइ कञङ कजियजअ इमतंङ जकेद इस्राएल राज्य रे दाअ: काए गामाया ओड़ो: शिशिर दाअ:यो का उयुगोगअ:।” ने कजि ते अहाब इमीन खींस जना चि इनि: एलिय्याह के गोगोज लाइ बिचार केदा।

![](https://cdn.door43.org/obs/jpg/360px/obs-en-19-03.jpg)

एनामेनते परमेश्वर एलिय्याह के कजियजअ चि बुरु रे सेन केअते अहाबेते उकु केनोम। एलिय्याह बुरु रे एन पझरा तअ: सेनो: जना जे तअ: परमेश्वर इनि: के उदुब लिजअ:। रोज दिन सेतअ: ओड़ो: अयूब ओड़े एलिय्याह लाइ होलोङ ओड़ो: मांस अवाई ताइनाए, ने पूरा समय अहाब ओड़ो: इनिअ: पलटन को एलिय्याह के संगारी ताइनको। मगर इनकु एलिय्याह के कको संगर दड़ि किजअ:।

![](https://cdn.door43.org/obs/jpg/360px/obs-en-19-04.jpg)

दाअ: कअ गामा रअ: चलते एन पझरा रोहोड़ जना। एनामेनते एलिय्याह नड़े रअ: मियद देश ते सेनो: जना। एन देश रे मियद गरीब रंडी( विधवा) किन ताइकेना, इनकिनअ: मियद कोड़ा होन ताइकेना। इनकिन तअ: रे जोम को छबा कन ताइकेना चियाची एन तअ: रे अन्न को कअ होबा लेना। मगर एन रेओ एन विधवा किन एलिय्याह केकिन सेवा किजअ:, एनामेनते परमेश्वर एलिय्याह ओड़ो: इनकिनअ: जरूरत तेअ: को पूरा केदा, नेयअ: रअ: चलते आटा रअ: बर्तन ओड़ो: सुनुम रअ: कुप्पी का खाली जना। एन पूरा अकाल रअ: समय रे इनकु तअ: रे जोमेअ: को ताइकेना। एलिय्याह कटी साल जकेद एनता रेगी ताइ जना।

![](https://cdn.door43.org/obs/jpg/360px/obs-en-19-05.jpg)

साढ़े तीन साल रअ: तयोमते परमेश्वर एलिय्याह के कजियजअ चि इनि: हडो दाअ: गामाया। परमेश्वर एलिय्याह के इस्राएल राज्य रे सेन रुवाड़ केअते अहाब लोओ: बकड़ लाइ कजियजअ। एनामेनते एलिय्याह अहाब तअ; सेनो: जना। जब अहाब इनि: के नेल किजअ: दो इनि: कजि केदा, “अच्छा अम तनमें, मुसीबत पोसा नी।” एलिय्याह कजि रुवाड़ केदा, “मुसीबत पोसा नी दो अम तनमे, अम यहोवा के बगि तजाम। इनि: गी सच्चा परमेश्वर तनी, मगर अम बाल देवता गअ: आराधना तनाम। नअ: दो अमके इस्राएल राज्य रेन सोबेन होड़ो कोके कर्मेल पर्वत रे आउ केअते हिजु होबावअ।”

![](https://cdn.door43.org/obs/jpg/360px/obs-en-19-06.jpg)

एनेद सोबेन होड़ो को कर्मेल पर्वत को सेनो: जना। एन कोड़ा कोयो को हिजु लेना जे को कजि ताइना चि इनकु बाल देवता गअ: संदेश कोके को कजियअ:। निकु बाल देवता गअ: भविष्यवक्ता को ताइकेना। निकु सोबेन 450 झन को ताइकेना। एलिय्याह होड़ो कोके कजियद कोअ:, “चिमतङ जकेद अपे अपेअ: मोन पे बदली यअ:? अगर यहोवा परमेश्वर तनी रेदो इनिअ: आराधनाए पे ओड़ो: अगर बाल देवता परमेश्वर तनी रेदो इनिअ: उपासनाए पे!”

![](https://cdn.door43.org/obs/jpg/360px/obs-en-19-07.jpg)

एनेद एलिय्याह बाल देवता गअ: भविष्यवक्ता कोके कजियद कोअ:, “मियद उरि के गोजिपे ओड़ो: इनिअ: खंडव माँस कोके दाड़े रकाबो का मेनते मियद बेदी रे दोहोए पे, मगर सेंगेल अलपे जुलेया। एना रअ: तयोमते अञङ ओ एनका गी रिका यञङ, ओड़ो: मियद एटा बेदी रे अञङ एन मांस के दोहोयञङ। अगर परमेश्वर बेदी रे सेंगेल उयुगे रेदो अपे सरी केनोवापे चि इनि: सच्चा परमेश्वर तनी।” एनेद बाल देवता के भविष्यवक्ता कोयो मियद बलि को तेयार केदा मगर सेंगेल कको जुल केदा।

![](https://cdn.door43.org/obs/jpg/360px/obs-en-19-08.jpg)

एनेद बाल देवता गअ: भविष्यवक्ता को इनिजे तेको बिनती केदा, “हे बाल देवता अलेया अयुमेम!”गोटा सिंगी इनकु बिनती केदा को ओड़ो: गुल केदा को ओड़ो: नेतअ: जकेद चि इनकु अकोए तेगी कातू कोते को हादेन जना, मगर बाल देवता जेतन जबाब काए ओमाद कोअ: ओड़ो: इनि: जेतन सेंगेंलो काए उयु केदा।

![](https://cdn.door43.org/obs/jpg/360px/obs-en-19-09.jpg)

बाल देवता गअ: भविष्यवक्ता को बाल देवता ते बिनती रे गोटा सिंगी को बिताव केदा। आखरी रे इनकु बिनती को होका केदा। एनेद एलिय्याह एटअ: उरी यअ: मांस के परमेश्वरअ: बेदी रे दोहो तदा। एना रअ: तयोमते इनि: होड़ो कोके दाअ: ते पेरे जकन बारह ठु मपरंग बर्तन कोके एन दाड़े चेतन रे इमतंग जकेद दुदुल कजियाद कोअ: चिमतंग जकेद चि मांस, सहान को ओड़ो: बेदी तअ: रअ: ओते को बेस लेका ते का लूम जना।

![](https://cdn.door43.org/obs/jpg/360px/obs-en-19-10.jpg)

एनेद एलिय्याह बिनती केदा, “हे यहोवा, अब्राहम, इसहाक ओड़ो: याकूब गअ: परमेश्वर, अले के देखावलेम चि अम इस्राएल होड़ो कोअ: परमेश्वर तनमे ओड़ो: नेआव चि अञङ अमअ: दासी तनिङ। अञङ के जबाब ओमाइङ में चि निकु को सरी केनो: का चि अम गी सच्चा परमेश्वर तनमे।”

![](https://cdn.door43.org/obs/jpg/360px/obs-en-19-11.jpg)

इमतंग गी सिरमाए ते सेंगेल उयु जना ओड़ो: इनि: मांस, सहान सेरेंग हसा ओड़ो: नेतअ: जकेद चि बेदी गेना तअ: रअ: दाअ: कोयो ओंडोर केदा। जब होड़ो को नेयअ: को नेल केदा दो इनकु ओते रेको उयु जना ओड़ो: को कजि केदा, “यहोवा गी परमेश्वर तनी! यहोवा गी परमेश्वर तनी!”

![](https://cdn.door43.org/obs/jpg/360px/obs-en-19-12.jpg)

एनेद एलिय्याह कजि केदा, “बाल देवता गअ: मियदो भविष्यवक्ता को बचाव केअते अलो को सेन दड़िका!”एना मेनते होड़ो को बाल देवता गअ: भविष्यवक्ता कोके सब केद कोअ: को ओड़ो: इनकु के एनता ते एटअ: पअ को इदि केद कोअ: ओड़ो: इनकु केको गोए तद कोअ:।

![](https://cdn.door43.org/obs/jpg/360px/obs-en-19-13.jpg)

एनेद एलिय्याह अहाब राजा के कजियजअ:, “सेकड़ गी अम अमअ: ओड़ा ते नीर केनोम, चियाची दाअ: गामा हिजु रअ: मेनअ:।”सेकड़ा गी रिमिल इबिल दब जना ओड़ो: इसु दाअ: गामा एटेज जना। यहोवा एन रोहोड़ के छबा ताइनाए। नेयअ: ते सरी जना चि यहोवा गी सच्चा परमेश्वर तनी।

![](https://cdn.door43.org/obs/jpg/360px/obs-en-19-14.jpg)

जब एलिय्याह अयअ: कामी के छबा केदा, दो परमेश्वर एलिशा नुतुम मियद कोड़ा के अयअ: भविष्यवक्ता होबाव लाइ सला किजअ:। परमेश्वर एलिशाए ते इसु चमत्कार कामी को रिका केदा। मियद चमत्कार नामान लोओ: ते होबा जना। इनि: मियद दुश्मनअ: सेना गअ: सरदार ताइकेना, मगर इनि: के उहुर रअ: मियद सितरु रोग ताइकेना। नामान एलिशा गअ: बारे रे अयुम लअ:, एनामेनते इनि: एलिशा तअ: हिजु लेना ओड़ो: एलिशाए ते आएके ठीक इका लाइ अरजी किजअ:।एलिशा नामन के कजियजअ: चि सेन केत यरदन नाई रअ: दाअ: रे सात बेर चाडु ओडोङ केनोम।

![](https://cdn.door43.org/obs/jpg/360px/obs-en-19-15.jpg)

नामान खीस जना। इनि: नेका रिका लाइ मना केदा, चियाची नेयअ: इनि: के मूर्ख रअ: कामी अदा किजअ: मेन दो तयोमते इनि: अयअ: मोन के बदली केदा ओड़ो: सेन केअते यरदन नाई रअ: दाअ: रे सात बेर डुबुई ओडोङ जना। जब इनि: आखरी बेर दाअ: ते डुबुइ ओडोङ जना दो परमेश्वर इनि: के ठीक तजा।

![](https://cdn.door43.org/obs/jpg/360px/obs-en-19-16.jpg)

परमेश्वर इस्राएल रेन होड़ो को तअ: एटअ: ढेइर भविष्यवक्ता कोके कुल केद कोअ:। इनकु सोबेन होड़ो कोके मूर्ति कोअ: आराधना बंद इका लाइ को कजियाद कोअ:। नेयअ रअ: बदला रे इनकु के अको-अको रे न्याय पूर्वक व्यवहारे चाही ओड़ो: अको-अको रे माया-दया को होबाव चाही, मेनतेको कजियाद कोअ:। एन भविष्यवक्ता को होड़ो कोके चेतावनी को ओमाद कोअ: चि इनकु एटकन कामी कोके रिका को बांदे कअ ओड़ो: नेयअ रअ: बदला रे परमेश्वरअ: कजि कोके को मानातिङ मेनअ:। अगर इनकु नेका कको रिकाए रेदो परमेश्वर इनकु के दोषी मानातिङ केअते इनकुअ: फैसला याए ओड़ो: इनकु के सजा ओमा कोअ:।

![](https://cdn.door43.org/obs/jpg/360px/obs-en-19-17.jpg)

थिम्बा समय एन होड़ो को परमेश्वरअ: हुकुम कको मानातिङ जना। हर बेर इनकु भविष्यवक्ता कोलो: बुगिन लेकाते कको व्यवहार केदा ओड़ो: नेतअ: जकेद चि कभी कभार दो इनकु के बीड़ा गोए केद कोअ: को। मीसा दो इनकु यिर्मयाह भविष्यवक्ता के रोहोड़ कुआँ रे को सजू तजा ओड़ो: इनि: के एनता रे गोजेन लाइ को बगी तजा। इनि: कुआँ ओते रअ: लोसोद रे धंसाव जना। मेनदो इमतंग राजा के इनिअ: जेतन रे दया हिजु लेना ओड़ो: इनि: अयअ: सेना कोके हुकुम ओमाद कोअ: चि यिर्मयाह के गोजो:ते सिदा कुआँ ते बाहर ओडोङगिंपे।

![](https://cdn.door43.org/obs/jpg/360px/obs-en-19-18.jpg)

भविष्यवक्ता को परमेश्वरअ: पअ ते कजि को एटेज केदा, भले गी होड़ो को इनकुए तेको नफरत केदा। इनकु होड़ो कोके चेतावनी को ओमाद कोअ: चि अगर इनकु अकोअ: पाप के काको मानतिङगें रेदो परमेश्वर इनकु के गोए तकोवाए। इनकु होड़ो कोके नेआव को पहाम इका केद कोअ: चि परमेश्वर इनकु तअ: मसीह के कुल लाइ करार कदा।

*1 राजा अध्याय 16-18, 2 राजा 5, यिर्मयाह 38 ते इदियकन बाइबल रअ; मियद कहनी*

## 20. बंधुवाई ओड़ो: रूवाड़

https://openbiblestories.org/l/unx-deva/story-20/

![](https://cdn.door43.org/obs/jpg/360px/obs-en-20-01.jpg)

इस्राएल राज्य ओड़ो: यहूदा राज्य रेन होड़ो को परमेश्वरअ: बिरोध रेको पाप केदा। इनकु करार केको तोड़ाव केदा, परमेश्वर जे इनकु लोओ: सीनै पर्वत रे तोल लअ:। परमेश्वर एन बरन राज्य रेन होड़ो कोके अकोअ: पाप के मानतिङ लाइ ओड़ो: हडो आराधना लाइ चेतावनी ओम लाइ अयअ: भविष्यवक्ता कोके कुल केद कोअ:, मगर इनकु इनकुअ: कजि कोके मानातिङ लाइ को मना केदा।

![](https://cdn.door43.org/obs/jpg/360px/obs-en-20-02.jpg)

एनेद परमेश्वर एन बरन राज्य रेन होड़ो कोके नाश लाइ ते इनकुअ: दुश्मन कोके पेड़ेज ओमा कोअ:। ने लेकाते बरन राज्य रेन होड़ो कोके सजा ओमाद कोअ:। अश्शूर मियद एटा देश ताइकेना, जे इसु पेड़ेजन बाइ लेना। एन देश रेन होड़ो कोअ: रे एटा देश रेन होड़ो कोअ: परती जेतन दया-माया का ताइकेना। इनकु हिजु केअते इस्राएल राज्य के नाश केदा को ओड़ो: इस्राएल राज्य रेन ढेइर होड़ो कोके गोए तद कोअ: को। जे को सनङ जना, एना कोके को रेए केद कोअ: ओड़ो: देश रअ: ढेइर हिसा केको ओंडोर तदा।

![](https://cdn.door43.org/obs/jpg/360px/obs-en-20-03.jpg)

अश्शूरी होड़ो: को सोबेन अगुवा कोके, किसाड़ होड़ो कोके ओड़ो: नेलकन होड़ो कोके जे इसु गोनोङ जिनिस कोके को बाइ दड़ि ताइना, मिसा तेको जमा केद कोअ: ओड़ो: इनकु के अश्शूर देश को इदि केद कोअ:। इस्राएल देश रे सिरिफ हुडिङ लेका रेंगेज होड़ो को भइर को बचाव जना।

![](https://cdn.door43.org/obs/jpg/360px/obs-en-20-04.jpg)

एनेद अश्शूरी होड़ो को एन देश रे तयु लाइ विदेशी होड़ो कोके को आउ केद कोअ:। एन विदेशी होड़ो को एन नगर कोके हडो को बाइ केदा। जे इस्राएली होड़ो को एनता रेको बचाव लेना, इनकु लोओ: विदेशी होड़ो को बाला जना को। ने होड़ो कोअ: वंशज को सामरी को कजि जना।

![](https://cdn.door43.org/obs/jpg/360px/obs-en-20-05.jpg)

यहूदा गअ: राज्य रेन होड़ो को नेल केदा को चि चिलका परमेश्वर इनिअ: रे का विश्वास ओड़ो: इनिअ: कजि को का मानातिङ रअ: चलते इस्राएल गअ: राज्य रेन होड़ो कोके सजा ओम लेद कोअ:। मेनदो एन रेओ इनकु कनानी होड़ो कोअ: देवता कोअ: मूर्ति कोअ: आराधना केदा को। परमेश्वर इनकु के चेतावनी ओमाको लाइ भविष्यवक्ता कोके कुल केद कोअ:, मेनदो इनकु कको अयुम केदा।

![](https://cdn.door43.org/obs/jpg/360px/obs-en-20-06.jpg)

अश्शूरी होड़ो को इस्राएल गअ: राज्य नाश केद रअ: लगभग सौ साल रअ: तयोमते, परमेश्वर बेबीलोन देश रेन राजा, नबूकदनेस्सार के यहूदा गअ: राज्य रे हमला लाइ कुल किजअ:। बेबीलोन मियद पेड़ेजन देश ताइकेना। यहूदा देश रेन राजा नबूकदनेस्सार गअ: दासी बाइयेन लाइ ओड़ो: हर साल इनि: के इसु थिम्बा पैसा को चुकाव लाइ राजी जनाए।

![](https://cdn.door43.org/obs/jpg/360px/obs-en-20-07.jpg)

मेनदो कटी साल रअ: तयोमते यहूदा रेन राजा बेबीलोन देश रअ: बिरोध रे विद्रोह केदा। एना मेनते बेबीलोन रेन होड़ो को रुवाड़ केअते यहूदा राज्य रेको हमला तदा। इनकु यरूशलेम नगर रेको कब्जा केदा, मन्दिर केको नाश तदा, ओड़ो: नगर ओड़ो: मन्दिर रअ: खजाना कोके रेए केद कोअ: को।

![](https://cdn.door43.org/obs/jpg/360px/obs-en-20-08.jpg)

विद्रोह केद रअ: चलते यहूदा रेन राजा के सजा ओम लाइ नबूकदनेस्सर गअ: पलटन को राजा गअ: होन कोड़ा के अयअ: अयार रेको गोए तजा ओड़ो: राजा के अंधा तजा को। एना रअ: तयोमते इनकु राजा केको इदि किजअ: नेयअ: मेनते चि इनि: बेबीलोन रअ: जेल ओड़ा रे गोए केनो: काए।

![](https://cdn.door43.org/obs/jpg/360px/obs-en-20-09.jpg)

नबूकदनेस्सार ओड़ो: इनिअ: पलटन को यहूदा गअ: राज्य रेन लगभग सोबेन होड़ो कोके बेबीलोन देश को इदि केद कोअ:, सिरिफ इसु रेंगेज होड़ो कोके ओते रे अन्न को खेती कअ मेनते बगी तद कोअ: को। ने समय के बंधुवाई को कजि केदा। ने समय रे परमेश्वर गअ: होड़ो कोके करार रअ: देशेते ओडोङ लाइ मजबूर लेद कोअ: को।

![](https://cdn.door43.org/obs/jpg/360px/obs-en-20-10.jpg)

भले गी परमेश्वर अयअ: होड़ो कोके अकोअ: पाप लाइ बंधुवाई ते इदि केअते सजा ओमाद कोअ:, एन रेओ इनि अयअ: वायदा के काए रीड़िङ लअ:। परमेश्वर अयअ: होड़ो कोके लगातार नेल को ताइनाए ओड़ो: अयअ: भविष्यवक्ता कोअ: जरिया ते बकड़ ताइनाए। इनि: करार केदा चि 70 साल रअ: तयोमते, इनकु हडो करार रअ: देश को रुवाड़ा।

![](https://cdn.door43.org/obs/jpg/360px/obs-en-20-11.jpg)

लगभग 70 साल रअ: तयोमते, फारस देश रेन राजा कुस्रू बेबीलोन देश के हराव किजअ:, एनामेनते बेबीलोन रेन राजा गअ: बदला रे फारस देश रेन राजा चिमनङ गी देश कोरे राइज केदा। इस्राएली होड़ो को नअ: दो यहूदी को कजियो ताइना। इनकु में से ढेइर को अकोअ: पूरा जिनगी बेबीलोन देश रेगी को बिताव तदा। सिरिफ हुड़िङ लेका हड़ाम यहूदी होड़ो कोके भइर यहूदा गअ: देश पहाम ताइकेना।

![](https://cdn.door43.org/obs/jpg/360px/obs-en-20-12.jpg)

फारसी होड़ो को पेड़ेजन को ताइकेना, मगर इनकु अको जिताव कन होड़ो कोअ: चेतन रे दया लअ: को। फारसी होड़ो कोअ: राजा बाइयेन रअ: कटी समय रअ: तयोमते, कुस्रू मियद हुकुम ओम केदा चि जे गी यहूदी होड़ो को यहूदा देश को रुवाड़ सनङ तन रेदो, इनकु फारस ते ओड़ोङ केअते हडो यहूदा देश को रुवाड़ दड़िया। नेतअ: जकेद चि इनि: इनकु के अकोअ: मन्दिर के हडो बाइ लाइ पैसा कोयो को ओमाद कोअ:। ने लेका बंधुवाई रअ: 70 साल रअ: तयोमते यहूदी कोअ: मियद हुडिङ झुण्ड यहूदा रे यरूशलेम नगर को रुवाड़ जना।

![](https://cdn.door43.org/obs/jpg/360px/obs-en-20-13.jpg)

जब एन होड़ो को यरूशलेम नगर को सेटेर जना दो इनकु मन्दिर के ओड़ो: नगर रअ: चइरो पअ रअ: भीत के हडो को बाइ केदा। फारसी होड़ो को नअव गी इनकुअ: चेतन रेको राइज ताइना। मगर एन रेओ इनकु हडो मिसा करार रअ: देश रेको ताइनो ताइना ओड़ो: मन्दिर रेको आराधना ताइना।

*राजा अध्याय 17, 24-25, 2 इतिहास 36, एज्रा 1-10, नहेम्याह 1-13 ते इदियकन बाइबल रअ: मियद कहनी*

## 21. परमेश्वर मसीह गअ: करारेअ:

https://openbiblestories.org/l/unx-deva/story-21/

![](https://cdn.door43.org/obs/jpg/360px/obs-en-21-01.jpg)

जे इमतंग परमेश्वर दिसुम के बाइ लअ:, इनि: सरी ताइनाए चि इनि: के तयोमते जा मुसिङअ: हुलङ मसीह के कुल होबाइअ:। परमेश्वर आदम ओड़ो: हव्वा लोओ वायदा लअ: चि इनि: नेकायाए। परमेश्वर कजि लअ: चि हव्वाए ते मियद वंशज जनामोगा, इनि: बिङअ: बोओ के रिमेअ:। इनि: बेशक शैतान गी ताइकेना जे बिङ गअ: रूप रे हव्वा के बेदा लिजअ:। परमेश्वरअ: अर्थ ताइकेना चि मसीह पूरा लेका ते शैतान के हराव ताइअ:।

![](https://cdn.door43.org/obs/jpg/360px/obs-en-21-02.jpg)

परमेश्वर अब्राहम लोओ: वायदा लअ: चि इनिअ: चलते दिसुम रेन सोबेन जाति को आशीष को नमेअ:। परमेश्वर तयोमते जअ इमतंग मसीह के कुल केअते ने वायदा के पूरायअ:। एन मसीह दिसुम रेन सोबेन जाति कोयते होड़ो कोके अकोअ: पापे ते छोड़ाव कोअ:।

![](https://cdn.door43.org/obs/jpg/360px/obs-en-21-03.jpg)

परमेश्वर मूसा लोओ करार लअ: चि भविष्य रे इनि: मूसा लेका गी मियद एटअ: भविष्यवक्ता के कुलीअ:। ने भविष्यवक्ता मसीह ताइनअ:। ने लेका ते परमेश्वर हडो गी वायदा केदा चि इनि: मसीह के कुलीअ:।

![](https://cdn.door43.org/obs/jpg/360px/obs-en-21-04.jpg)

परमेश्वर राजा दाऊद लोओते वायदा लअ: चि इनिअ: मियद वंशज मसीह ताइयोगअ:। इनि: राजा बाइयोगअ: ओड़ो: परमेश्वरअ: होड़ो कोअ: चेतन रे जनाव लाइ राइज चलावयअ:।

![](https://cdn.door43.org/obs/jpg/360px/obs-en-21-05.jpg)

परमेश्वर यिर्मयाह भविष्यवक्ता लोओ बकड़ केदा ओड़ो: कजि केदा चि मुसिङअ: दिन रे इनि: मियद नावा करार थोलेअ:। एन नावा करार इस्राएल होड़ो कोलोओ सीनै तोल लेन जना मरी करार लेका कअ: ताइनअ:। जब इनि: होड़ो कोलोओ अयअ: नवा करार के तोलेअ:, दो इनि: आएगी होड़ो रूप ते हिजुगअ:। सोबेन होड़ो को इनि: लोओते दुलाड़ को दोहोयअ: ओड़ो: इनिअ: नियम कोके मानातिङ को सनङअ। परमेश्वर कजि केदा चि इनिअ: नियम को इनकुअ: हृदय रे ओल केद लेका ताइनअ:। इनकु इनिअ: होड़ो को होबाव गअ: ओड़ो: परमेश्वर इनकुअ: पाप कोके क्षेमायअ:। इनि: मसीह ताइनअ:, परमेश्वर इनि: लोओते एन नवा करार के तोलेअ:।

![](https://cdn.door43.org/obs/jpg/360px/obs-en-21-06.jpg)

परमेश्वरअ: भविष्यवक्ता को नेआव को कजि केदा चि मसीह मियद भविष्यवक्ता, मियद पुरोहित ओड़ो: मियद राजा ताइनअ:। मियद भविष्यवक्ता एन होड़ो तनी, जे परमेश्वरअ: बचन कोके अयुमेअ: ओड़ो: हडो: होड़ो कोअ: चेतन रे परमेश्वरअ: संदेश कोरअ: घोषणा यअ:। इनि: के कुल लाइ परमेश्वर करार लअअ:। जे नी के कुल लाइ परमेश्वर वायदा लअ: एन मसीह मियद सिद्ध भविष्यवक्ता ताइनअ:। मतलब एन मसीह परमेश्वरअ: संदेश कोके बुगिन लेकाते अयुमेअ: ओड़ो: इनि: होड़ो कोके एन संदेश कोके बुगिन लेकाते सिखाव कोअ:।

![](https://cdn.door43.org/obs/jpg/360px/obs-en-21-07.jpg)

इस्राएली पुरोहित को होड़ो को लाइ परमेश्वरअ: अयार रे दाड़े रकब कको बगी केदा। ने दाड़े होड़ो कोअ: पाप को लाइ इनकु के परमेश्वरअ: पअ ते सजा ओमो: रअ: ठयाद रे रकब लअ: को। पुरोहित को होड़ो को लाइयो को बिनती ताइना। मेनदो एन मसीह सिद्ध महापुरोहित होबाव गअ:, जे परमेश्वर के ओमाइ लाइ मियद सिद्ध दाड़े रअ: रूप रे आएगी खुदके ओम केनोगाए। ओड़ो: इनि: चिउलाव काए पापेअ:। जब इनि: आएगी दाड़े लाइ ओमकेनोगाए दो दिसुम रअ: ज एटअ: दाड़े को रअ: जरूरत कअ: होबाव गअ:।

![](https://cdn.door43.org/obs/jpg/360px/obs-en-21-08.jpg)

होड़ो कोअ: झुण्ड रे राजा ओड़ो: मुद होड़ो को राइज तनाको ओड़ो: मिसा-मिसा दो इनकु गलतीयो कोयो रिकाया। राजा दाऊद इस्राएली होड़ो कोअ; चेतन रे भइर राइज लअ:, मगर राजा दाऊद गअ: वंशज मसीह गोटा दिसुम रे राइजयअ: ओड़ो: जनाव लाइ राइजयअ:। नेयअ: रअ: अलावा इनि: जनाव लाइ बेगर भेद-भाव केअते राइज चलावयाए ओड़ो: बुगिन फैसला को इदियअ:।

![](https://cdn.door43.org/obs/jpg/360px/obs-en-21-09.jpg)

परमेश्वर गअ: भविष्यवक्ता को मसीह गअ: बारे रे ढेइर कजि कोको कजि केदा। उदाहरन लाइ मलाकी भविष्यवक्ता कजि केदा चि मसीह हिजु सिदा रे मियद एटअ: भविष्यवक्ता हिजुगअ। एन भविष्यवक्ता इसु खास ताइनाए। नेयअ: रअ: अलावा यशायाह भविष्यवक्ता यो ओल केदा चि मसीह मियद डिंडा कुड़ी ते जनम इदियाए। ओड़ो: मीका भविष्यवक्ता कजि केदा चि मसीह बैतुलहम नगर रे जनम इदियाए।

![](https://cdn.door43.org/obs/jpg/360px/obs-en-21-10.jpg)

यशायाह भविष्यवक्ता कजि केदा चि मसीह गलील परदेस रे ताइनोगअ:। जे होड़ो को इसु दुखी मेनअ: कोअ:, मसीह इनकु के शांति ओमा कोअ: इनि: कैदी कोके यो आजाद कोअ:। मसीह उरयु तन होड़ो कोके यो ओड़ो: जे कको अयुम दड़िअ:, कको नेल दड़िअ:, कको बकड़ दड़िअ: ओड़ो: सेन कको दड़िअ: इनकु केओ ठीक तकोअ:।

![](https://cdn.door43.org/obs/jpg/360px/obs-en-21-11.jpg)

यशायाह भविष्यवक्ता नेआव कजि केदा चि होड़ो को मसीह लोओते नफरत यको ओड़ो: इनि: के कको अपनाव यअ:। एटअ: भविष्यवक्ता को कजि केदा को चि मसीह यअ; मियद गति इनिअ: बिरोध रे तिंगुनअ:। जकर्याह भविष्यवक्ता कजि केदा चि इनिअ: एन गति नेका रिका लाइ एटअ: होड़ो कोएते चाँदी रअ: तीस सिक्का इदिअ:। नेयअ: रअ: अलावा हडो हुडिङ भविष्यवक्ता को कजि केदा को चि होड़ो को मसीह केको गोए यअ: ओड़ो: इनिअ: लिजअ: लाइ जुआ को इनुङअ:।

![](https://cdn.door43.org/obs/jpg/360px/obs-en-21-12.jpg)

भविष्यवक्ता को नेआव को उदुब केदा चि मसीह चिलका ते गोजो गाए। यशायाह भविष्यवाणी केदा चि होड़ो को मसीह केको बेजेइअ, इनिअ: मजाक को उड़ावयअ: ओड़ो: इनि: के बीड़ा यको, इनि: केको उन्डुयअ: ओड़ो: इनि: इसु दुकु ओड़ो: सताव केअते गोजोगाए। जब चि इनि: जेतनाव गी काए गलती कअ:।

![](https://cdn.door43.org/obs/jpg/360px/obs-en-21-13.jpg)

भविष्यवक्ता को नेआव को उदुब केदा चि मसीह काए पापेअ:। इनि: सिद्ध ताइनोगाए। मगर इनि: नेयअ: मेनते गोजोगाए, परमेश्वर इनि: के एटअ: कोअ: पाप रअ: चलते सजा ओमाइअ:। इनि: गोजो रे होड़ो को परमेश्वर लोओते मिलान को दड़िअ:। एना मेनते परमेश्वर योजना रे मसीह के गोजो: गी होबावगअ:।

![](https://cdn.door43.org/obs/jpg/360px/obs-en-21-14.jpg)

भविष्यवक्ता को नेआव को उदुब केदा चि परमेश्वर मसीह के गोजाकन होड़ो कोएते जीद रुवाड़िअ:। नेयअ: देखावेयाए चि नेयअ: सोबेनअ: यीशु गअ: गोनोज ओड़ो: हडो जीद रुवाड़ नावा करार के तोल रअ: परमेश्वरअ: योजना ताइकेना, नेयअ: मेनते चि इनि: एन होड़ो कोके बचाव दड़ि काए, जे होड़ो को इनिअ: बिरोध रेको पाप कदा।

![](https://cdn.door43.org/obs/jpg/360px/obs-en-21-15.jpg)

परमेश्वर भविष्यवक्ता कोअ: चेतन रे मसीह गअ: बारे रे ढेइर कजि कोए उदुब केदा, मगर मसीह एन भविष्यवक्ता कोअ: जेताया जिनिद रेओ काए हिजु लेनअ:। ने भविष्यवाणी ओम केद रअ: 400 तेओ थिम्बा साल रअ: तयोमते ठीक समय रे परमेश्वर मसीह के ने दिसुम रे कुल किजअ:।

*उत्पत्ति 3:15, 12:1-3,व्यवस्थाविवरण 18:15, 2शमूएल 7, यिर्मयाह 31, यशायाह 59:16, दानिय्येल 7, मलाकी 4:5, यशायाह 7:14, मीका 5:2, यशायाह 9:1-7, 35:3-5, 61, 53, भजन संहिता 22:18, 35:19, 69:4, 41:9, जकर्याह 11:12-13, यशायाह 50:6, भजन संहिता 16:10-11 ते इदियकन बाइबल रअ: मियद कहनी*

## 22. यूहन्ना गअ: जनम

https://openbiblestories.org/l/unx-deva/story-22/

![](https://cdn.door43.org/obs/jpg/360px/obs-en-22-01.jpg)

सिदा समय रे परमेश्वर अयअ: भविष्यवक्ता कोलोओ बकड़ लअ:। नेयअ: मेनते चि इनकु होड़ो कोलोओ को बकड़ दड़ि कअ:। एनेद 400 साल जकेद मौन रअ: समय हिजु लेना, ने समय रे परमेश्वर होड़ो कोलोओ काए बकड़ केदा। एनेद परमेश्वर जकर्याह नुतुम मियद पुरोहित तअ: मियद स्वर्गदूत के कुल किजअ:। जकर्याह ओड़ो: इनिअ: घरनी एलिशिबा परमेश्वर के किन माइनी ताइना। इनकिन इसु किन हड़ाम बुढ़िया कन ताइकेना ओड़ो: इनकिना जेतन होन गड़ा को कको होबा लेना।

![](https://cdn.door43.org/obs/jpg/360px/obs-en-22-02.jpg)

एन स्वर्गदूत जकर्याह भविष्यवक्ता के कजियजअ:, “अमअ:घरनी गअ: मियद कोड़ाहोन होबाव गाए। अम इनिअ: नुतुम यूहन्ना दोहोएम। परमेश्वर इनि: के पवित्र आत्मा ते पेरे ताइअ: ओड़ो: यूहन्ना होड़ो कोके मसीह के अपनाव लाइ तेयार कोअ।” जकर्याह कजि रुवाड़ाजअ:, “अञङ ओड़ो: अञङअ: घरनी होन गड़ा होबा को लाइ इसु लिङ हड़ाम जना। अञङ चिलका सरीयअ: चि अम अञङ के सरती कजिञङ तनम?”

![](https://cdn.door43.org/obs/jpg/360px/obs-en-22-03.jpg)

एन स्वर्गदूत जकर्याह के जबाब ओमा जाए, “अमअ: तअ: ने बुगिन संदेश के आउ लाइ अञङ के परमेश्वर कुल कदिञङअ:। चियाची अम अञङअ: रे विश्वास कम दोहो केदा, एनामेनते अम होन आवरी जनामोअ जकेद बकड़ कम दड़िअ:। इमतंग गी जकर्याह बकड़ काए दड़ि जना। एनेद एन स्वर्गदूत जकर्याह तअ: ते सेनो: जना। एना रअ: तयोमते जकर्याह ओड़ा रुवाड़ जना ओड़ो: इनिअ: घरनी होड़मो रे ताइ जना।

![](https://cdn.door43.org/obs/jpg/360px/obs-en-22-04.jpg)

जब एलीशिबा छाव महिना रअ: होड़मोय ते ताइकेना, दो एन स्वर्गदूत गी अचका एलीशिबा गअ: पेड़ा तअ: हिजु लेना, इनिअ: नुतुम मरियम ताइकेना। मरियम डिंडा गी ताइ केना ओड़ो: बलान लाइ युसुफ नुतुम कोड़ा लोओ: इनिअ: मंगनी होबा लेना। स्वर्गदूत मरियम के कजियजअ:, “अम होड़मोय ते ताइनम ओड़ो: मियद कोड़ा होन के जनामिया। अम इनिअ: नुतुम यीशु दोहोएम। इनि: सोबेन कोअ: ते पेड़ेजन परमेश्वरअ: कोड़ा होन ताइनाए ओड़ो: जनाव लाइ राइजयाए।”

![](https://cdn.door43.org/obs/jpg/360px/obs-en-22-05.jpg)

मरियम जबाब ओमाजाए, “नेयअ: चिलका होबावगअ: चियाची अञङ दो डिंडा गिञङ?”एन स्वर्गदूत समझाव किजाए, “पवित्र आत्मा अमअ: रे अड़गुना ओड़ो: परमेश्वरअ: पेड़े अम के उम्बुल मेया। एनामेनते एन होन पवित्र ताइयोवाए ओड़ो: इनि: परमेश्वरअ: होन होबावाए।” जे एन स्वर्गदूत कजि केदाए एना रे मरियम विश्वास केदाए।

![](https://cdn.door43.org/obs/jpg/360px/obs-en-22-06.jpg)

नेयअ: होबाव रअ: तयोमते जल्दी गी मरियम सेन केअते एलीशिबा लोओ: नपम जना। चिलका गी मरियम इनि: के जोहार किजअ:, एलीशिबा गअ: होन अयअ: लाए: बितर रे उछ्लाव जना। इनकिन लाइ परमेश्वर जे रिका लअ: एनाकोएते एन कुड़ी किन मिसा तेकिन रासिका जना। एलीशिबा लोओ: तीन महिना ताइन जन रअ: तयोमते मरियम ओड़ा रुवाड़ जना।

![](https://cdn.door43.org/obs/jpg/360px/obs-en-22-07.jpg)

नेयअ: रअ: तयोमते एलीशिबा अयअ: होन के जनम किजअ:। जकर्याह ओड़ो: एलीशिबा एन होन गअ: नुतुम यूहन्ना किन दोहो केदा, चिलका एन स्वर्गदूत इनकिन के हुकुम ओम लेद किनअ:। एनेद परमेश्वर जकर्याह के बकड़ दड़ि इका किजअ:। जकर्याह कजि केदा, “परमेश्वरअ: मनारंग होबाव कअ:, चियाची इनि: अयअ: होड़ो कोअ: देंगा मेनते पहाम केदा। हे अञङअ: होन कोड़ा अम सोबेन कोएते पेड़ेजन परमेश्वरअ: भविष्यवक्ता बाइयोगम। अम होड़ो कोके उदुबकोवम चि इनकु चिलका अकोअ: पाप को लाइ क्षेमा को नमेंअ:।”

*लुका अध्याय 1 ते इदियकन बाइबल रअ: मियद कहनी*

## 23. यीशु गअ: जनम

https://openbiblestories.org/l/unx-deva/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नुतुम मियद धर्मी होड़ो लोओ मरियमअ: मंगनी होबा चुकाव लेना। जब इनि: अयुम केदा चि मरियम होड़मो ते मेनाइअ: दो इनि: सरी ताइनाए चि इनि: इनिअ: होन कअ: तनी। मगर इनि: मरियम के बदनाम काए सनङ ताइना। एनामेनते यूसुफ इनिअ: रे किरपा लाइ ओड़ो: इनि: के हपा-हपाते तलाक ओम रअ: सोचाव केदा। मगर एना रिकाय रअ: सिदा मियद स्वर्गदूत इनिअ: कुमु रे हिजु केअते इनि: लोओ बकड़ केदा।

![](https://cdn.door43.org/obs/jpg/360px/obs-en-23-02.jpg)

एन स्वर्गदूत कजि केदा, “हे यूसुफ मरियम के अमअ: घरनी बाइ केअते आउ लाइ अलोम बोरोया। इनिअ: होड़मो रे जे होन मेनाइअ: इनि: पवित्र आत्मा पअ: ते मेनाइअ:, इनि: मियद कोड़ा होन के जनामिया। इनिअ: नुतुम यूसुफ दोहोए में (एना रअ: अर्थ तना – यहोवा बचाव नी) चियाची इनि: होड़ो कोके इनकुअ: पाप कोएते बचाव कोअ:।

![](https://cdn.door43.org/obs/jpg/360px/obs-en-23-03.jpg)

एनामेनते यूसुफ मरियम लोओ बला जनाए ओड़ो: इनि: के अयअ: घरनी बाइ केअते ओड़ा आउ लिजाए, मगर इनिअ: होन अउरी जनामो भइर इनि: लोओ: काए गीति जना।

![](https://cdn.door43.org/obs/jpg/360px/obs-en-23-04.jpg)

जब मरियम गअ: होन जनम रअ: समय नड़े गी ताइकेना, दो इनि: ओड़ो: यूसुफ बैतुलहम नगर सेनो: रअ: मियद जिलिंग होरा किन सब केदा। इनकिन के एनता सेनो: गी ताइकेना चियाची रोमी अधिकारी इस्राएल देश रेन सोबेन होड़ो कोके लेका सनङ ताइनाए। इनि: सनङ ताइनाए चि सोबेन होड़ो को एनता को सेनो: कअ:, जे तअ: रे इनकुअ: पुरखा को तयु ताइना। राजा दाऊद गअ: जनम बैतुलहम रे होबा लेना ओड़ो: दाऊद मरियम ओड़ो: यूसुफ बरन किनअ: पुरखा ताइकेना।

![](https://cdn.door43.org/obs/jpg/360px/obs-en-23-05.jpg)

मरियम ओड़ो: यूसुफ बैतुलहम नगर किन सेनो: जना, मगर एनता रे जानवर कोके दोहो को ठयाद रअ: अलावा इनकिन तयु लाइ जेतअ: तअ: रे ठयाद का ताइकेना। एन ठयाद गी ताइकेना जे तअ: रे मरियम अयअ: होन के जनम किजअ:। इनकिन इनि: के चरनी रेकिन गीति तजा चियाची एनता रे इनिअ: लाइ जेतन बिस्तर का ताइकेना। इनकिन इनिअ: नुतुम यीशु किन दोहो केदा।

![](https://cdn.door43.org/obs/jpg/360px/obs-en-23-06.jpg)

एन अयूब, एनता नड़े रअ: पीड़ी रेगी हुडिङ लेका चरवाहा को अकोअ: मिण्डी कोअ: झुण्ड कोको नेल बड़ा ताइना। अचका गी मियद चमकदार स्वर्गदूत एनता रे नेल इका जना, ओड़ो: इनकु बोरो जना को। एन स्वर्गदूत कजि केदा, “अलपे बोरोया, चियाची अञङ तअ: रे अपे लाइ बुगिन संदेश मेनअ:। बैतुलहम नगर रे मसीह मालिक गअ: जनम होबा कना।”

![](https://cdn.door43.org/obs/jpg/360px/obs-en-23-07.jpg)

सेन केअते एन होन के संगारी पे, ओड़ो: अपे इनि: के लिजअ: ते लिपटाव कन ओड़ो: चरनी रे गीतिजअ: कन पे नमिया।”अचका तेगी सिरमा रे स्वर्गदूत को पेरे जना। इनकु परमेश्वरअ: मनारंग ताइनको। इनकु कजि केदा को, “सोबेर मनारंग स्वर्ग रे मेनाइनी परमेश्वर के नमो: का। ओते दिसुम रेन होड़ो: कोरे शांति होबाव का, जे कोअ: इनि: फिकिरेया।”

![](https://cdn.door43.org/obs/jpg/360px/obs-en-23-08.jpg)

एनेद स्वर्गदूत को सेनो: जना को। एन चरवाहा कोयो अकोअ: मिण्डी कोके बगि केअते एन होन के नेनेल को सेनो: जना। जल्दी गी इनकु एनता को सेटेर जना जेतअ: रे यीशु ताइकेना ओड़ो: इनकु इनि: के चरनी रे गीतिजकन को नम किजअ:, चिलका एन स्वर्गदूत कजि लअ:। इनकु इसु रासिका को ताइकेना। एनेद एन चरवाहा को हडो को रुवाड़ जना, जेतअ: रे इनकुअ: मिण्डी को ताइकेना। इनकु जेनअ: को अयुम ओड़ो: नेल लअ: को एना सोबेनअ: को लाइ परमेश्वरअ: मनारंग ताइनको।

![](https://cdn.door43.org/obs/jpg/360px/obs-en-23-09.jpg)

पूरब रे संगीन मियद देश रे हुडिङ लेका कोड़ा को ताइकेना। इनकु इपिल कोअ: बारे रेको पढ़ाववेन ताइकेना ओड़ो: इनकु इसु पुरअ: गी बुद्धिमान को ताइकेना। इनकु मियद एटा गी इपिल के सिरमा रेको नेल किजअ:। इनकु कजि केदा को चि नेयअ: रअ: अर्थ तना चि यहूदी कोअ: मियद नावा राजा गअ: जनम होबा कना। एनामेनते इनकु एन होन के नेनेल लाइ अकोअ: देशअते सेन होरा रअ: को सलाह केदा। मियद जिलिंग सेन होरा रअ: तयोमते इनकु बैतुलम को हिजु लेना ओड़ो: एन ओड़ा केको नम केदा, जेतअ: रे यीशु ओड़ो: अयअ: एंगा- अपु किन ताइकेना।

![](https://cdn.door43.org/obs/jpg/360px/obs-en-23-10.jpg)

जब एन कोड़ा को यीशु के अयअ: एंगा लोओ: को नेल किजअ: दो इनकु मुकड़ी टेकाव केअते इनिअ: आराधना केदा को। इनकु यीशु के इसु गोंनोवन उपहार को ओमाजअ:। एनेद इनकु अकोअ: ओड़ा ते हडो को रुवाड़ जना।

*मत्ती अध्याय 1, लुका 2 ते इदियाकन बाइबल रअ: मियद कहनी*

## 24. यूहन्ना यीशु के बपतिस्मा ओमायाए

https://openbiblestories.org/l/unx-deva/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा ओड़ो: जकर्याह गअ: होन कोड़ा मरंग जनेते मियद भविष्यवक्ता बाइ जना। इनि:सुनसान ठयाद रे तयु ताइना ओड़ो: बुरू रेन हुरुम सुकू रसी ओड़ो: मरंग फेनगा कोए जोम को ताइना ओड़ो: ऊँट गअ: रूई ते बाइया कन लिजअ: तुसिङएन ताइकेना।

![](https://cdn.door43.org/obs/jpg/360px/obs-en-24-02.jpg)

इसु होड़ो को यीशु गअ: कजि को अयुम लाइ सुनसान ठयाद तेको ओडोङ जना। इनि: नेयअ: कजि केद परचार केदा,“पाप कमि को बगि पे चियाची स्वर्ग राइज नड़े रेगीअ:।”

![](https://cdn.door43.org/obs/jpg/360px/obs-en-24-03.jpg)

जब होड़ो को यूहन्ना गअ: संदेश को अयुम केदा, दो एन मेसे ढेइर होड़ो को अकोअ: पाप कोको मानातिङ केदा, ओड़ो: यूहन्ना इनकु के बपतिस्मा ओमाद कोअ:। यूहन्ना के नेनेल लाइ इसु धार्मिक अगुवा कोयो को हिजु लेना, मगर इनकु अकोअ: पाप कोके काको मानातिङ केदा।

![](https://cdn.door43.org/obs/jpg/360px/obs-en-24-04.jpg)

यूहन्ना धार्मिक अगुवा कोके कजियद कोअ, “हे जहरीला बिङ लेकन होड़ो को, अपे अपेअ: पाप के मानातिङ पे ओड़ो: अपेअ: ब्यवहार के बदली पे। परमेश्वर सोबेन एन दारु कोके हदेया जे बेस लेका का जोवअ:, ओड़ो: इनि एना के सेंगेल रे हड़ोबेअ:।” जे भविष्यवक्ता को कजि लअ: यूहन्ना एना के पूरा केदा, “नेलेमे, जल्दी गी अञङ अमअ: सिदा अञङअ: संदेश उदुब नी के कुलीञङ, जे इनि: अमअ: रे विश्वास लाइ होड़ो कोके तेयार कोअ:।”

![](https://cdn.door43.org/obs/jpg/360px/obs-en-24-05.jpg)

हुडिङ लेका धार्मिक अगुवा को यूहन्ना केको कुली किजअ: चि इनि: मसीह तनी। यूहन्ना जबाब ओमाद कोअ:,“अञङ मसीह न लाइ, मगर इनि: अञङअ: तयोमते हिजु तना। इनि: इमीन महान मेनाया चि अञङ इनिअ: जूता रअ: फीता खोलाव लाएक को बंगुइया।”

![](https://cdn.door43.org/obs/jpg/360px/obs-en-24-06.jpg)

तयोम हुलंग यीशु बपतिस्मा इदि लाइ यूहन्ना तअ: हिजु लेना। जब यूहन्ना इनि: के नेल किजअ:, दो इनि: कजि केदा,“निलिपे! परमेश्वरअ: मेमना, जे दिसुम रअ: पाप कोए उठाव इदि केयाए।”

![](https://cdn.door43.org/obs/jpg/360px/obs-en-24-07.jpg)

यूहन्ना यीशु के कजियजअ:,“अञङ अम के बपतिस्मा ओमाम लाएक बंगुइया।”बदला रे जरूरत मेनअ: चि अम अञङ के बपतिस्मा ओमाञङ में। मगर यीशु कजि केदा, “अम के अञङ के बपतिस्मा ओम चाही चियाची रिका लाइ बुगिन कमि नेयअ: गी तना। आद् यूहन्ना यीशु के बपतिस्मा ओमाजाए, जबकि यीशु चिउलाव काए पाप लअ:।

![](https://cdn.door43.org/obs/jpg/360px/obs-en-24-08.jpg)

बपतिस्मा ओम किज रअ: तयोमते जब यीशु दाअ: ते ओडोङ जना, दो परमेश्वरअ: आत्मा दुदुमुल ओड़े गअ: रूप रे नेल इका जना ओड़ो; लतार हिजु केअते इनिअ: रे रुकाव जना। इमतंग गी परमेश्वर स्वर्ग गेते कजि केदा। इनि: कजि केदा, “अम अञङअ: होन कोड़ा तनमे। अञङ अम लोओते दुलाड़ दोहो यञङ ओड़ो: अञङ अमेते इसु रासिका मेनाङगा।”

![](https://cdn.door43.org/obs/jpg/360px/obs-en-24-09.jpg)

परमेश्वर यूहन्ना के कजि लिजअ:,“पवित्र आत्मा लतार अड़गु केअते जाएअ: रे रुकाव केनोगअ:, जे नी के अम बपतिस्मा ओमायाम।” इनि: गी परमेश्वरअ: होन कोड़ा तनी।” परमेश्वर मियद गी मेनाइया। मेनदो जब यूहन्ना यीशु के बपतिस्मा ओमाजाए दो इनि: परमेश्वर आबा के बकड़ तन अयुम किजअ:, होन कोड़ा परमेश्वर के नेल किजअ:, जेकी यीशु तनी ओड़ो: इनि: पवित्र आत्मा के नेल केदा।

*मत्ती अध्याय 3, मरकुस 1:9-11, लुका 3:1 ते इदियकन बाइबल रअ: मियद कहनी*

## 25. शैतान यीशुअ: परीक्षायअ:

https://openbiblestories.org/l/unx-deva/story-25/

![](https://cdn.door43.org/obs/jpg/360px/obs-en-25-01.jpg)

यीशुअ: बपतिस्मा होबाव रअ: तयोमते जल्दी गी पविता आत्मा इनि: के सुनसान ठयाद ते इदि किजअ:। यीशु एनता रे चालीस दिन ओड़ो: चालीस अयुब ताइकेना। इमतंग इनि: उपास केदा ओड़ो: शैतान यीशु तअ: हिजु केअते पाप इका लाइ इनिअ: परीक्षा केदा।

![](https://cdn.door43.org/obs/jpg/360px/obs-en-25-02.jpg)

सिदा शैतान यीशु के कजियजअ:, “अगर अम परमेश्वरअ: होन कोड़ा तन में रेदो ने दीरी कोके होलोंग बाइ तम चि अम जोम दड़िकम!”

![](https://cdn.door43.org/obs/jpg/360px/obs-en-25-03.jpg)

मगर यीशु शैतान के कजियजअ, “परमेश्वरअ: बचन रे नेयअ: ओला कना, “जीद ताइन लाइन होड़ो के सिरिफ होलोंग रअ: जरूरत बनो गअ: मगर इनकु के सोबेन एन बकड़ कोरअ: जरुरत मेनअ: जे परमेश्वर इनकु के कजिया कोअ:!”

![](https://cdn.door43.org/obs/jpg/360px/obs-en-25-04.jpg)

एनेद शैतान यीशु के मन्दिर रअ: सोबेनेते चेतन चुद्लू रे इदि किजअ: ओड़ो: इनि: के कजियजअ:, “अगर अम परमेश्वरअ: होन कोड़ा तनमें रेदो नेतअ: ते लतार डेगाव तम, चियाची ओला कना परमेश्वर अम के उठाव लाइ अयअ: स्वर्गदूत कोके हुकुम ओमा कोअ: चि अमअ: काटा दीरी कोएते कअ ठोगोका।”

![](https://cdn.door43.org/obs/jpg/360px/obs-en-25-05.jpg)

मगर यीशु एनका काए रिका केदा जे शैतान इनि: के रिका लाइ कजि लिजअ:। एना रअ: बदली रे यीशु शैतान के कजियजअ:, “परमेश्वर हर मियद होड़ो के कजियअ:, अम प्रभु अमअ: परमेश्वरअ: अलोम परीक्षा यअ:।”

![](https://cdn.door43.org/obs/jpg/360px/obs-en-25-06.jpg)

एनेद शैतान इनि: के दिसुम रअ: सोबेन राज्य कोए देखावजअ: चि एना चिमिन पेड़ेजन मेनअ: ओड़ो: एना चिमिन किसाड़ मेनाअ:। इनि: यीशु के कजियजअ:,“अञङ अम के नेयअ: सोबेनअ: ओमा मेयाइङ अगर अम मुकड़ी टेकाव केअते अञङअ: आराधनाए रेदोम।”

![](https://cdn.door43.org/obs/jpg/360px/obs-en-25-07.jpg)

यीशु जबाब ओमा जाए, “हे शैतान अञङ तअ: ते संगीन केनोम! परमेश्वरअ: बचन रे इनि: होड़ो कोके हुकुम ओमा कोअ:, ‘सिरिफ अपेअ: प्रभु परमेश्वरअ: भइर आराधनाए पे। परमेश्वर रअ: रूप रे इनि: के भइर माइनी पे।’”

![](https://cdn.door43.org/obs/jpg/360px/obs-en-25-08.jpg)

यीशु शैतान गअ: परीक्षा ते हराव काए मानातिङ जना, एनामेनते शैतान इनि: तअ: ते सेनो: जना। एनेद स्वर्गदूत को हिजु केअते यीशु केको सेवा किजअ:।

*मत्ती अध्याय4:1-11, मरकुस1:12-13, लुका4:1-13 ते इदियकन बाइबल रअ: मियद कहनी*

## 26. यीशु अयअ: सेवा शुरुयाए

https://openbiblestories.org/l/unx-deva/story-26/

![](https://cdn.door43.org/obs/jpg/360px/obs-en-26-01.jpg)

शैतान गअ: परीक्षा कोए ते मना केद रअ: तयोमते, यीशु गलील परदेश रे हिजु लेना। नेयअ: गी एन ठयाद ताइकेना, जे तअ: रे इनि: ताइन ताइना। पवित्र आत्मा इनि: के इसु पेड़े ओमाइ ताइनअ: ओड़ो: यीशु मियद ठयाद देते एटअ: ठयाद सन सेन केअते होड़ो कोके शिक्षा ओमाद कोअ:। सोबेन को इनिअ: बारे रे बुगीन कजि को कजि ताइना।

![](https://cdn.door43.org/obs/jpg/360px/obs-en-26-02.jpg)

हडो यीशु नासरत नगर सेनो: जना। जब इनि: हुडिङ गी ताइकेना दो इनि: ने हातु रेगी तयु ताइना। आराम रअ: दिन रे इनि: आराधना यको एन ठयाद रे सेनो: जना। अगुवा को इनि: के यशायाह भविष्यवक्ता गअ: संदेश कोरअ: मियाद किताब को ओमाजअ:। इनकु सनङ ताइनको चि इनि: एनाए ते पढ़ावेकअ:। आद् यीशु एन किताब के खोलाव केअते एना रअ: मियद भाग के होड़ो को लाइ पढ़ाव केदा।

![](https://cdn.door43.org/obs/jpg/360px/obs-en-26-03.jpg)

यीशु ने लेका पढ़ाव केदा, “परमेश्वर अञङ के अयअ: आत्मा ओमा कदीञङअ: चि अञङ कंगाल कोके सुसमाचार हटिङ दड़ि कञङ। इनि: अञङ के नेयअ: मेनते कुल कदीञङअ: चि जेल ओड़ा रे मेना कोअ: इनकु के आजाद कोकञङ, अंधा कोके हडो मेद ओमा कोकञङ ओड़ो: जे कोके होड़ो को रिम को तनाको इनकु के छोड़ाव कोकञङ। नेयअ:गी एन समय तना जब परमेश्वर अबुअ: रे दया याए ओड़ो: अबुअ: देंगायाए।

![](https://cdn.door43.org/obs/jpg/360px/obs-en-26-04.jpg)

एनेद यीशु दुब जना। सोबेन होड़ो को इनि: के ध्यान तेको नेली ताइना। इनकु सरी ताइनको चि पवित्र किताब रअ: जे भाग के इनि: नअ: पढ़ाव लअ: एना मसीह गअ: बारे रे ताइकेना। यीशु कजि केदा, “जे कजि को अञङ नअ: अपे लाइ पढ़ाव लअ:, एनाको सचमुच नअ: गी होबाव तना।” सोबेन को ताजुब केदा को। इनकु कजि केदा, “चिनअ: नी यूसुफ गअ: होन कोड़ा नअ: लाए?”

![](https://cdn.door43.org/obs/jpg/360px/obs-en-26-05.jpg)

एनेद यीशु कजि केदा, “नेयअ: सरती गी तनअ: चि होड़ो को जाए एनकन भविष्यवक्ता के चिउलाव कको अपनावीयअ, जे इनकुअ: नगर रे हारा दड़ि कना। एलिय्याह भविष्यवक्ता गअ: समय रे, जब साढ़े तीन साल जकेद दाअ: काए गामा लअ: इमतंग इस्राएल देश रे इसु विधवा को ताइकेना। मगर परमेश्वर एलिय्याह के इस्राएल देश रे जेताय विधवा गअ: देंगा लाइ काए कुल किजअ:। नेयअ: रअ: बदला रे इनि: एलिय्याह के मियद एटअ: देश रेन विधवा तअ: कुल किजअ:।”

![](https://cdn.door43.org/obs/jpg/360px/obs-en-26-06.jpg)

यीशु लगातार कजि केदा, “ओड़ो: एलीशा भविष्यवक्ता गअ: समय रे, इस्राएल देश रे इसु होड़ो को उहुर रअ: रोग ते दुकु रेको ताइकेना। मगर एलीशा एन में से जेतय केओ काए ठीक केद कोअ:। इनि: सिरिफ इस्राएल रेन दुश्मन कोअ: सेनापति नामान के भइर ठीक लिजाए।” मगर जे होड़ो को यीशु गअ: कजि को अयुम ताइना इनकु यहूदी को ताइकेना। एनामेनते जब इनकु नेयअ: कजि को अयुम केदा दो इनकु इनिअ: चेतन रेको खींस जना को।

![](https://cdn.door43.org/obs/jpg/360px/obs-en-26-07.jpg)

नासरत नगर रेन होड़ो को यीशु केको सब किजअ: ओड़ो: इनि: के आराधना ठयाद तअ: ते ओर केअते बाहर तेको इदि किजअ:। ओड़ो: इनकु इनि: के मियद सेरेंग रअ: चुन्द्लू रेको इदि किजअ: चि इनि: के एनता ते हुरंग केअते गोए ताइका। मगर यीशु भीड़ते ओडोङ जना ओड़ो: नासरत नगर के बगि केअते सेनो: जना।

![](https://cdn.door43.org/obs/jpg/360px/obs-en-26-08.jpg)

एनेद यीशु गलील परदेश रअ: सोबेन ठयाद रे सेनो: जना ओड़ो: मरंग भीड़ इनि: तअ: हिजु लेना। इनकु नेलकन इसु होड़ो कोके को आउ लेद कोअ:, जे उरयु तन ओड़ो:विकलांग को ताइकेना। इनकु में से हुडिङ लेका अंधा, ओड़ो: हुडिङ लेका एटा लंगड़ा, बहिरा या कोका को ताइकेना। यीशु इनकु के ठीक केद कोअ:।

![](https://cdn.door43.org/obs/jpg/360px/obs-en-26-09.jpg)

नेयअ: रअ: अलावा इसु नेलकन होड़ो कोके यीशु तअ: को आउ लेद कोअ:, जे कोअ: रे दुष्टात्मा को ताइकेना। यीशु एन दुष्टात्मा कोके इनकुएते ओडोङ लाइ हुकुम ओमाद कोअ:। एन दुष्टात्मा को गुल केदा, “अम परमेश्वरअ: होन कोड़ा तनमे!” भीड़ रेन होड़ो को ताजुब ताइनको ओड़ो: इनकु परमेश्वरअ: को मनारंग ताइनको।

![](https://cdn.door43.org/obs/jpg/360px/obs-en-26-10.jpg)

एनेद यीशु अयअ: चेला को में से बारह झन कोड़ा कोके सला केद कोअ: चि इनकु इनिअ: खास होड़ो को बाइयो कअ:। इनि: इनकु के अयअ: खास चेला कजि केद कोअ:। ने खास चेला को इनि: लोओते सेन होरा केदा को। ओड़ो: इनि: जेते शिक्षा को नम केदा।

*मत्ती अध्याय 4:12-25, मरकुस 1:14-15, 35-39, 3:13-21, लुका 4:14-30, 38-44 ते इदियकन बाइबल रअ: मियद कहनी*

## 27. दयालु सामरी गअ: कहनी

https://openbiblestories.org/l/unx-deva/story-27/

![](https://cdn.door43.org/obs/jpg/360px/obs-en-27-01.jpg)

मुसिङ हुलङ, मूसा का नियम को सिखाव वाला यीशु तअ: हिजु लेना। इनि: सोबेन कोके नेयअ: देखाव सनङ ताइना चि यीशु गलत तरीका ते शिक्षा ओमा को तना। एनामेनते इनि: कजि केदा, “हे गुरु, जुग-जुग रअ: जीवन नम लाइ अञङ चिनअ: चिकायञङ?” यीशु जबाब ओमाजाए, “मूसा गअ: नियम जे परमेश्वरअ: ओमा कदाए एना रे चिनअ: ओला कना?”

![](https://cdn.door43.org/obs/jpg/360px/obs-en-27-02.jpg)

एन होड़ो कजि केदा, “एना रे नेका कजि कना चि अमअ: परमेश्वर लोओते अमअ: सोबेन मोन, जीउ, पेड़े ओड़ो: बुद्धि लोओते दुलाड़ दोहोए में। ओड़ो: अमअ: पड़ोसी लोओ: अमअ: लेका गी दुलाड़ दोहोंय में।” यीशु जबाब ओमा जाए, “अम एकदम सही कजि केदम! अगर अम नेकाय रेदोम, अम के जुग-जुग रअ: जीवन नमोगअ:।”

![](https://cdn.door43.org/obs/jpg/360px/obs-en-27-03.jpg)

मगर मूसा गअ: नियम के सिखाव वाला नी होड़ो कोके देखाव सनङ ताइना चि इनिअ: जीवन जीदेन रअ: तरीका सही ताइकेना। एनामेनते इनि: यीशु के कुली किजअ:, “ठीक गीअ: दो अञङअ: पड़ोसी ओकोय तनी?”

![](https://cdn.door43.org/obs/jpg/360px/obs-en-27-04.jpg)

यीशु एन मूसा गअ: नियम के सिखाव वाला नी के मियद कहनी उदुब लोओते जबाब ओमा जाए, “मियद यहूदी होड़ो ताइ केना, जे मियद संडक होरा ते यरूशलेम शहरेते यरीहो शहर सेनो: ताइना।”

![](https://cdn.door43.org/obs/jpg/360px/obs-en-27-05.jpg)

“मगर हुडिंङ लेका डाकु को इनि: केको नेल किजअ: ओड़ो: इनिअ: चेतन रेको हमला तदा। इनकु इनिअ: सोबेन जिनिस कोके को इदि केदा ओड़ो: इनि: के रू-बीड़ा किजअ: को ओड़ो: गोजाकन लेका बगि केअते सेनो: जना को।

![](https://cdn.door43.org/obs/jpg/360px/obs-en-27-06.jpg)

“एना रअ: तयोम तेगी, मियद यहूदी पुरोहित एन संडक रेगी सेनो: ताइना। एन पुरोहित एन होड़ो के संडक रेगी पड़वकन नेल किजअ:। जब इनि: नेल किजअ: दो इनि: संडक रअ: एटअ: पअ: सेन केअते अयार ते सेनो: जना। इनि: एन होड़ो के का गी नेलाकइअ: लेका बाइ जना।”

![](https://cdn.door43.org/obs/jpg/360px/obs-en-27-07.jpg)

नेयअ: रअ: कटी समय बिताव जन रअ: तयोम तेगी, मियद लेवी एन संडक रे हिजु लेना। ( लेवी यहूदी कोअ: मियद किली ताइकेना, जे मन्दिर रे पुरोहित कोअ: देंगा ताइनको।) एन लेवी यो एन अधमरा पड़ावकन होड़ो के नेल किजअ: ओड़ो: नेल केअते संडक रअ: एटा पअएते सेनो: जना। इनिओ एन होड़ो के का नेलाकइअ: लेका बाइ जना।”

![](https://cdn.door43.org/obs/jpg/360px/obs-en-27-08.jpg)

एनेद अयार ते मियद होड़ो जे एन संडक रे हिजु लेना। इनि: सामरिया देस रेन मियद कोड़ा ताइकेना। (सामरी होड़ो को ओड़ो: यहूदी होड़ो को अको-अको रे खींस को दोहो ताइना।) एन रेओ एन सामरी होड़ो जब संडक रे पड़ावकन एन यहूदी होड़ो के नेल किजअ:। दो इनिअ: दिल दया ते पेरे जना, ओड़ो इनि: तअ: सेनो: जना ओड़ो: इनिअ: घाव कोरे पट्टी तोल किजअ:।”

![](https://cdn.door43.org/obs/jpg/360px/obs-en-27-09.jpg)

“एनेद एन सामरी होड़ो एन यहूदी होड़ो के अयअ: गधा गअ: रे दुब किजअ: ओड़ो: एनताए ते मियद सराय ओड़ा रे इदि किजअ:। एनता रे इनि: एन होड़ो गअ: लगातार देखभाल केदा।”

![](https://cdn.door43.org/obs/jpg/360px/obs-en-27-10.jpg)

तयोम हुलङ एन सामरी के अयअ: सेन होरा रे सेनो: जरुरी ताइकेना। इनि: एन सराय रेन मालिक के हुडिङ लेका टका ओमा जाए। ओड़ो: सामरी होड़ो इनि: के कजियजअ:, “ने होड़ो के नेल बड़ाइ में। अगर ने टका रअ: अलावा अमअ: टका को खरचाओ रेदो अञङ रुवाड़ केअते एन खरचा कन टका को पेरे तअ:।”

![](https://cdn.door43.org/obs/jpg/360px/obs-en-27-11.jpg)

एनेद यीशु मूसा गअ: नियम के सिखाव वाला एन होड़ो के कुली किजअ:, “अम चिनअ: सोचाव तनाम? ने तीन झन होड़ो कोरे ओकोय इनिअ: पड़ोसी तनी, जे नी रेए लेनाए ओड़ो: रू बीड़ा लेनाए?” इनि: जबाब ओमाजाए, “इनि: गी जे इनिअ: चेतन रे दया देखाव लअ:।” एनेद यीशु इनि: के कजियजअ:, “अम सेनो: में ओड़ो: नेका गी रिकाए में।”

*लुका अध्याय 10:25-37 ते इदियकन बाइबल रअ: मियद कहनी*

## 28. किसाड़ जवान शासक

https://openbiblestories.org/l/unx-deva/story-28/

![](https://cdn.door43.org/obs/jpg/360px/obs-en-28-01.jpg)

मुसिङ हुलङ मियद किसाड़ यहूदी अगुवा यीशु तअ: हिजु केअते इनि: के कुली किजअ:, “हे सोबेन कोएते बेस गुरु, जुग-जुग रअ: जीवन नाम लाइ अञङ के चिनअ: रिका चाही?” यीशु इनि: के कजियजअ:, “अम अञङ के सोबेन कोएते बेस चिनअ: लाइ कजियाइन तनम? मियुड़ गी सोबेन कोएते बेस मेनाइया, इनि: परमेश्वर तनी। अगर अम जुग-जुग रअ: जीवन नाम सनङ तन रेदोम परमेश्वरअ: नियम के मानातिङ में।”

![](https://cdn.door43.org/obs/jpg/360px/obs-en-28-02.jpg)

अञङ के ओकोन हुकुम को मानातिङ जरुरी मेनअ:? इनि: कुली किजअ:। यीशु जबाब ओमा जाए, “होड़ो कोके अलोम गोगोजा। अलोम ब्याभिचारेया। अलोम चोरावया। झूठ अलोम कजियअ:। अमअ: एंगा अपु कोके माइन कोम, ओड़ो: अमअ: पड़ोसी कोलो अमअ: लेका गी दुलाड़ दोहोए में।”

![](https://cdn.door43.org/obs/jpg/360px/obs-en-28-03.jpg)

मगर एन किसाड़ यहूदी अगुवा कजि केदा, “अञङ सीटियाए तेगी ने हुकूम कोए मानातिङ आउ तना। अञङ के जनाव जीदेन लाइ नआव गी चिनअ: रिका जरुरी मेनअ:?” यीशु इनि: क पूरा नेल किजअ: ओड़ो: इनि: के दुलाड़ किजअ:।

![](https://cdn.door43.org/obs/jpg/360px/obs-en-28-04.jpg)

एनेद यीशु जबाब ओमाजअ:, “अगर अम सिद्ध बाइयेन सनङ तन रेदोम सेन केअते अमअ: सोबेनअ: के अखरीङ तम ओड़ो: एन नमो टका के रेंगेज रबंग होड़ो कोके हटीङ तकोम ओड़ो: अम के स्वर्ग रे टका नमोअ:। एनेद अम हिजु केअते अञङ दोया-दोया सेने में।”

![](https://cdn.door43.org/obs/jpg/360px/obs-en-28-05.jpg)

जब एन किसाड़ होड़ो यीशु गअ: कजि को अयुम केदा दो इनि: इसु उदास जना, चियाची इनि: इसु किसाड़ ताइकेना ओड़ो: अयअ: सोबेन सम्पत्ति को काए ओम सनङ ताइना। इनि: एटअ: पअ: मुवाड़ केअते यीशु तअ: ते सेनो: जना।

![](https://cdn.door43.org/obs/jpg/360px/obs-en-28-06.jpg)

एनेद यीशु अयअ: चेला कोके कजियद कोअ:, “किसाड़ होड़ो कोके परमेश्वर गअ: राइज रे बोलो इसु कठिन मेनअ:! हाँ, मियद किसाड़ कोड़ा गअ: परमेश्वरअ: राइज रे बोलो रअ: तुलना रे ऊँट गअ: सूई रअ: टोंकाए ते ओडोङ सहाजअ:।”

![](https://cdn.door43.org/obs/jpg/360px/obs-en-28-07.jpg)

जब चेला को यीशु गअ: कजि को अयुम केदा दो इनकु ताजुब जना को। इनकु कजि केदा, “अगर नेयअ: नेकअ: मेना रेदो परमेश्वर ओकोय के बचावीयअ:?”

![](https://cdn.door43.org/obs/jpg/360px/obs-en-28-08.jpg)

यीशु चेला कोके नेल केद कोअ: ओड़ो: कजि केदा, “होड़ो को अको खुद के कको बचाव दड़िया। नेका रिका सम्भव बनोअ:। मगर परमेश्वर लाइ जे नअ: गी रिका सम्भव मेनअ:।”

![](https://cdn.door43.org/obs/jpg/360px/obs-en-28-09.jpg)

पतरस यीशु के कजियजअ:, “अले जे अमअ: चेला तानले सोबेनअ: बगि केअते अमअ: दोया-दोया ले सेसेन तना दो अलेअ: इनाम चिनअ: होबावअ:?”

![](https://cdn.door43.org/obs/jpg/360px/obs-en-28-10.jpg)

यीशु जबाब ओमाद कोअ:, “हरेक झन जे अञङअ: चलते ओड़ा, हगा, मिसी, अपु, एंगा, होन ओड़ो: सम्पत्ति को बगि कदाए, इनि: एनाए तेओ 100 गुणा थिम्बा नमेअ: ओड़ो: जुग-जुग रअ: जीवनो नमेअ:। मगर ने समय दुनिया रे ढेइर होड़ो को खुद के मरंग को समझावना, इनकु परमेश्वरअ: नजइर रे हुडिङ केनोगको। ओड़ो जे ने समय दुनिया रे हुडिङ को समझावअ: एन होड़ो को परमेश्वर गअ: नजइर रे मरंग केनोगको।”

*मत्ती अध्याय 19:16-30, मरकुस 10:17-31, लुका 18:18-30 ते इदियकन बाइबल रअ: मियद कहनी*

## 29. निर्दयी दासी गअ: कहनी

https://openbiblestories.org/l/unx-deva/story-29/

![](https://cdn.door43.org/obs/jpg/360px/obs-en-29-01.jpg)

मुसिङ हुलङ पतरस यीशु के कुली किजअ:, “हे गोमके, जब अञङअ: हगा अञङअ: बिरोध रे पापेअ: दो अञङ के अञङअ: हगा के चिमिन बेर क्षेमा ओमाइ चाही?” चिनअ: सात बेर जकेद?” यीशु कजि केदा, “सात बेर कहा, मगर सात रअ: सत्तर बेर!” नेयअ: रअ: चलते यीशु गअ: मतलब नेयअ: तना चि जनाव गी क्षेमा ओम चाही। एनेद यीशु ने कहनी उदुब केदा।

![](https://cdn.door43.org/obs/jpg/360px/obs-en-29-02.jpg)

यीशु कजि केदा, “परमेश्वर गअ: राइज ने लेका मेनअ:। मियद राजा अयअ: दासी गअ: हिसाब इदि सनङ ताइना। इनिअ: मियद दासी मियद इसु मरंग कर्जा रअ: कर्जदार ताइकेना।”

![](https://cdn.door43.org/obs/jpg/360px/obs-en-29-03.jpg)

मगर एन दासी अयअ: कर्जा के काए चुकाव दड़ि जना, एनामेनते राजा कजि केदा, “नीजअ: कर्जा चुकाव लाइ ने कोड़ा के ओड़ो: इनिअ: परिवार कोके गुलाम रअ: रूप रे अखरीङ तकोम।”

![](https://cdn.door43.org/obs/jpg/360px/obs-en-29-04.jpg)

“एन दासी राजा गअ: अयार रे अयअ: मुकड़ी टिकुब केअते कजियजअ:, “दया केअते अञङ लोओते धीरज दोहोएम ओड़ो: अञङ अञङअ: कर्जा रअ: पूरा टका को पेरे तअ:। राजा दासी गअ: चेतन रे दया केदा, एनामेनते इनि: इनिअ: सोबेन कर्जा कोके क्षेमा तदा ओड़ो: इनि: के सेनो: इका किजअ:।”

![](https://cdn.door43.org/obs/jpg/360px/obs-en-29-05.jpg)

“मगर एन दासी जब राजा तआएते बाहर ओडोङ जना दो इनि: के मियद गति दासी नम जना, जे इनिअ: हुडिङ लेका पैसा रअ: कर्जा ताइकेना। एन दासी अयअ: गति दासी के सब किजअ: ओड़ो: कजियजअ:, जे अमअ: चेतन रे अञङअ: कर्जा मेनअ: एना को पेरे जेमें!”

![](https://cdn.door43.org/obs/jpg/360px/obs-en-29-06.jpg)

“एन गति दासी मुकड़ी टिकुब केअते कजि केदा, “दया केअते अञङ लोओते धीरज दोहोएम ओड़ो: अञङ अञङअ: कर्जा रअ: पूरा टका को पेरे तअ:। मगर एना रअ: बदला रे एन दासी अयअ: गति दासी के जेल ओड़ा रे घुसाव तजा, इमतंग जकेद नंग जब तक चि इनि: एन कर्जा के काए पेरेजेअ:।”

![](https://cdn.door43.org/obs/jpg/360px/obs-en-29-07.jpg)

हुडिङ लेका हडो एटअ: दासी को जे नअ: को होबा लेना, एना को नेल केअते इसु को परेशान जना। इनकु राजा तअ: को सेनो: जना ओड़ो: सोबेनअ: को उदुबजअ।”

![](https://cdn.door43.org/obs/jpg/360px/obs-en-29-08.jpg)

“राजा एन दासी के केड़ा केअते कजियजअ:, “हे दुष्ट दासी! अञङ अमअ: कर्जा के एनामेनते क्षेमा लअ: चियाची अम अञङ ते अरजी लअम। अम केओ एनका गी रिकाए चाही ताइकेना। एनेद राजा निमिन खींस जनाए चि एन दुष्ट दासी के जेल ओड़ा रे घुसाव तजा। जब तक चि इनि: अयअ: सोबेन कर्जा के काए पेरेजेअ:।”

![](https://cdn.door43.org/obs/jpg/360px/obs-en-29-09.jpg)

एनेद यीशु कजि केदा, “स्वर्गीय रे मेनाइ नी अञङअ: आबा जाए लोओ नेका गी रिकायअ:। अगर अपे अपेअ: हगा के अपेअ: दिल ते कपे क्षेमाइ रेदो।”

*मत्ती अध्याय 18:21-35 ते इदियकन बाइबल रअ: मियद कहनी*

## 30. यीशु पाँच हजार होड़ो कोके जोम ओमा कोअ:

https://openbiblestories.org/l/unx-deva/story-30/

![](https://cdn.door43.org/obs/jpg/360px/obs-en-30-01.jpg)

यीशु अयअ: सला कद चेला कोके परचार लाइ ओड़ो: होड़ो कोके शिक्षा ओमा को लाइ ढेइर एटअ:-एटअ: हतु कोए कुल केद कोअ:। जब इनकु एनता को रुवाड़ जना, जे तअ: रे यीशु ताइकेना दो इनकु इनि: के उदुबजअ: को चि इनकु चिनअ: कोको रिका लअ:। एनेद यीशु इनकु के झीलेते एटअ: पअ: अयअ: लोओ मियद शांत ठयाद रे सेन केअते हुडिङ देरी आराम लाइ केड़ा केद कोअ:। एना नंग इनकु मियद डोंगा रेको रकब जना ओड़ो: झीलेते एटअ: पअ: को सेनो: जना।

![](https://cdn.door43.org/obs/jpg/360px/obs-en-30-02.jpg)

मगर एनता रे इसु होड़ो को ताइकेना, जे यीशु ओड़ो: इनिअ: चेला कोके डोंगा रे सेनो: तन को नेल लेद कोअ:। नेयअ:सरी जनेते होड़ो कोयो झील रअ: हन पारोम सेन लाइ झील रअ: गेना-गेना पैदल गी नीर केदा को ओड़ो: इनकु ते सिदा को सेटेर जना। जब यीशु ओड़ो: चेला को सेटेर जना को, दो ने होड़ो कोअ: गी मियद मरंग झुण्ड इनकुअ: इन्तजार लोओते सिदा रेगी एनता रेको ताइकेना।

![](https://cdn.door43.org/obs/jpg/360px/obs-en-30-03.jpg)

एन झुण्ड रे एरा ओड़ो: होन कोके बगि केअते 5,000 तेओ थिम्बा कोड़ा होड़ को ताइकेना। एन होड़ो कोअ: परती यीशु गअ: दिल दया ते पेरे जना। चियाचि यीशु लाइ एन होड़ो को एन मिण्डी को लेका को ताइकेना जे कोअ: चेताय चरवाहा बंकुआ। एनामेनते इनि: इनकु के शिक्षा ओमाद कोअ: ओड़ो: इनकुअ: तला रे जे को उरयु ताइना इनकु के ठीक केद कोअ:।

![](https://cdn.door43.org/obs/jpg/360px/obs-en-30-04.jpg)

आखरी हुलङ चेला को यीशु केको कजियजअ:, “नअ: दो देरी जना ओड़ो: नड़े तअ: कोरे जेतन नगर बनोगअ:। ने होड़ो कोके बिदा तकोम चि निकु सेन केअते जोजोम लाइ जानअ: कोको कीरिंग दड़ि कअ:।

![](https://cdn.door43.org/obs/jpg/360px/obs-en-30-05.jpg)

मगर यीशु चेला कोके कजियाद कोअ:, “अपे इनकु के जोजोम लाइ जानअ: को ओमा कोपे!”इनकु जबाब को ओमा जअ:, “अले नेयअ: काले रिका दड़िअ:? अले तअ: रे सिरिफ पाँच टोअ: होलोङ ओड़ो: बरिया हुडिंग-हुडिंग हाकु मेना किनअ:।”

![](https://cdn.door43.org/obs/jpg/360px/obs-en-30-06.jpg)

यीशु अयअ: चेला कोके कजियाद कोअ: चि एन भीड़ रेन होड़ो कोके तसाद रे पचास-पचास झुण्ड रे दुदुब लाइ कजियकोपे।

![](https://cdn.door43.org/obs/jpg/360px/obs-en-30-07.jpg)

एनेद यीशु एन पाँच टोअ: होलोङ ओड़ो: बरिया हाकु किन के इदि केद स्वर्ग पअ: अरीद केदा, ओड़ो: एन जोजोमअ: लाइ परमेश्वर के धन्यबाद ओमा जाए।

![](https://cdn.door43.org/obs/jpg/360px/obs-en-30-08.jpg)

एनेद यीशु होलोङ खंडव-खंडव केअते चेला कोके ओम इदियद कोअ: चि इनकु होड़ो कोके को हटिङ इदियको कअ। ओड़ो: इनि: एन बरिया हाकु केयो इनकु सोबेन कोके हटिङ यद कोअ:। चेला को एन जोजोमअ: कोके हटिङ इदि केदा को, ओड़ो: एना एकदम कअ छबा जना! इनकु सोबेन जोम केअते बी जनाको।

![](https://cdn.door43.org/obs/jpg/360px/obs-en-30-09.jpg)

एना रअ: तयोमते चेला को बचाव लेन खंडव कद जोजोमअ: कोके जमा केदाको जे कअ जोम लेना ओड़ो: इनकु एन खंडव कन बचाव जोजोमअ: ते पेरे कन बारह डाली को उठाव केदा। एन सोबेन जोजोमअ: पाँच टोअ: होलोङ ओड़ो: बरिया हाकु कोएते हिजु लेना।

*मत्ती अध्याय 14:13-21, मरकुस 6:31-44, लुका 9:10-17, यूहन्ना 6:5-15 ते इदियकन बाइबल रअ: मियद कहनी*

## 31. यीशु दाअ: रे सेसेना

https://openbiblestories.org/l/unx-deva/story-31/

![](https://cdn.door43.org/obs/jpg/360px/obs-en-31-01.jpg)

पाँच हजार होड़ो कोके जोमेअ: ओम केद रअ: तयोमते, यीशु अयअ: चेला कोके डोंगा रे रकब लाइ कजियाद कोअ:। इनि: इनकु के झीलेते हन पखा सेन लाइ कजियद कोअ:, मगर इनि: हुडिङ देरी लाइ एनता रेगी रुकाव जना। चेला को सेनो: जनाको ओड़ो: यीशु भीड़ के बिदा केदा चि इनकु अकोअ: ओड़ा को सेनो: कअ। एना रअ: तयोमते यीशु बिनती लाइ मियद पर्वत रे रकब जना। एनता रे इनि: एसकर गी ताइकेना ओड़ो: इनि: ढेइर नुबा: जकेद बिनती केदा।

![](https://cdn.door43.org/obs/jpg/360px/obs-en-31-02.jpg)

इमतंग चेला को अकोअ: डोंगा के चलाव केअते सेनो: तन ताइनको, मगर होयो इनकुअ: सनमंग पअ: ते इसु जोर ते हिजु ताइना। इसु नुबा: जन रेओ इनकु झील रअ: थला रेगी को ताइकेना।

![](https://cdn.door43.org/obs/jpg/360px/obs-en-31-03.jpg)

इमतंग यीशु बिनती छबा लअ: ओड़ो: अयअ: चेला कोतअ: रुवाड़ ताइना। इनि: डोंगा पअ: सेन लाइ दाअ: चेतन रे सेसेन ताइना।

![](https://cdn.door43.org/obs/jpg/360px/obs-en-31-04.jpg)

एनेद चेला को इनि: केको नेल किजअ:। इनकु इसु को बोरो जना चियाची इनकु सोचाव ताइकेना को चि इनि: जन बोंगा तनी। यीशु सरी ताइनाए चि इनकु बोरो कनाको, एनामेनते इनि: इनकु के हकाव केअते कजियाद कोअ:, “अलपे बोरोया, अञङ गी तनीङ!”

![](https://cdn.door43.org/obs/jpg/360px/obs-en-31-05.jpg)

एनेद पतरस यीशु के कजियजअ:, “हे प्रभु अगर नी अमगी तानमे रेदो अञङ के दाअ: रे सेन केअते अमअ: तअ: हिजु लाइ हुकुम ओमाञङ में।”यीशु पतरस के कजियजअ:, “हिजुम!”

![](https://cdn.door43.org/obs/jpg/360px/obs-en-31-06.jpg)

एनाते पतरस डोंगा ते अड़गु जना ओड़ो: यीशु तअ: सेन लाइ दाअ: चेतन रे सेसेन एटेज केदा। मगर हुडिङ संगीन सेन केअते इनि: अयअ: मेद के यीशु तअ: ते हटाव केदा ओड़ो: लहरा कोके नेनेलय लगाव जना ओड़ो: तेज होयो कोके महसूस एटेज केदा।

![](https://cdn.door43.org/obs/jpg/360px/obs-en-31-07.jpg)

एनेद पतरस बोरो जना ओड़ो: दाअ: रे डुबुजो ताइना। इनि: गुल केदा, “हे प्रभु अञङ के बचावीङ में।”यीशु इमतंग गी ती: जिलिङ केअते इनि: के बचाव किजअ:। एनेद यीशु पतरस के कजियजअ, “अमअ: बिश्वास हुडिङ गीअ:! अमके सुरक्षा दोहो लाइ अम अञङअ: चेतन रे चिनअ: लाइ कम भरोसा केदा?”

![](https://cdn.door43.org/obs/jpg/360px/obs-en-31-08.jpg)

एनेद यीशु ओड़ो: पतरस डोंगा रेकिन रकब जना, ओड़ो: इमतंग गी तेज होयो रोकव जना। दाअ: शांत जना। चेला को ताजुब जना को ओड़ो: यीशु गअ: अयार रे मुकड़ी को टेकाव तदा। इनकु इनिअ: आराधना केदा को ओड़ो: इनि: केको कजियजअ:, “सरती गी अम परमेश्वर गअ: होन कोड़ा तानमें।”

*मत्ती अध्याय 14:22-33, मरकुस 6:45-52, यूहन्ना 6:16-21 ते इदियकन बाइबल रअ:मियद कहनी*

## 32. यीशु दुष्टात्मा ते पेरे कन होड़ो के ओड़ो: मियद बेमार महिला के ठीक किआ:

https://openbiblestories.org/l/unx-deva/story-32/

![](https://cdn.door43.org/obs/jpg/360px/obs-en-32-01.jpg)

यीशु ओड़ो: इनिअ: चेला को अकोअ: डोंगा रे रकब केअते हन पअ: को सेनो: जना जेतअ: रे गिरासेनी होड़ो को तयु ताइना। इनकु एन ठयाद सेटेर केअते डोंगा ते अड़गु जनाको।

![](https://cdn.door43.org/obs/jpg/360px/obs-en-32-02.jpg)

एनता रे मियद होड़ो ताइकेना जे निजअ: रे दुष्टात्मा ताइकेना।

![](https://cdn.door43.org/obs/jpg/360px/obs-en-32-03.jpg)

एन होड़ो इमीन पेड़ेजन ताइकेना चि जेताएओ इनि: के सम्बड़ाव कको दड़ियाइ ताइना। ढेइर बेर होड़ो को इनिअ: ती: ओड़ो: काटा कोके सिकड़ी तेओ को थोल लअ: मगर इनि: एना केओ टोटअ: ताइनाए।

![](https://cdn.door43.org/obs/jpg/360px/obs-en-32-04.jpg)

एन होड़ो मसड़ा चेतन कोरे तयु ताइना। ने होड़ो गोटा सिंगी ओड़ो: गोटा अयुब गूल ताइनाए। इनि: लिजअ: कोयो काए तुसिङयेन ताइना ओड़ो: अजे तेगी खुद दीरी कोएते चोटेन ताइना।

![](https://cdn.door43.org/obs/jpg/360px/obs-en-32-05.jpg)

चिलका गी ने होड़ो यीशु के नेल किजअ: दो इनि: नीर केअते यीशु तअ: हिजु लेना ओड़ो: इनिअ: अयार रे मुकड़ी टेकाव केदा। एनेद यीशु एन होड़ोवअ: बितर रेन जे दुष्टात्मा ताइकेना, इनि: के कजियजअ:, “ने होड़ोए ते बाहर ओडोङ केनोम।”

![](https://cdn.door43.org/obs/jpg/360px/obs-en-32-06.jpg)

एन दुष्टात्मा जोर ते गुल केदा, “हे यीशु परम प्रधान परमेश्वरअ: होन कोड़ा, अमके अञङअ: लोओते चिकन कमि मेनअ:? दया केअते अञङ के अलोम सताविञअ:!” एनेद यीशु एन दुष्टात्मा के कुली किजअ:, “अमअ: चिनअ: नुतुम?” इनि कजि केदा, “अञङअ: नुतुम सेना तना, चियाची अले इसु थिम्बा मेना लेअ:।”( रोमी सेना रे ढेइर हजार सैनिक कोअ: मियद झुण्ड मियद “सेना” तयु ताइना।)

![](https://cdn.door43.org/obs/jpg/360px/obs-en-32-07.jpg)

एन दुष्टात्मा को यीशु केको अरची किजअ:, “दया केअते अले के ने ठयादेते एटअ: तअ: अलोम कुल लेअ:!” एनता नड़े रेगी मियद बुरु रे सुकरी कोअ: मियद झुण्ड को अतिङ ताइना। एनामेनते एन दुष्टात्मा को यीशु केको अरची किजअ:, “दया केअते अले के एन सुकरी कोअ: रे कुल तलेम!” यीशु कजि केदा, “ठीक गीअ:, इनकुअ: रे सेनो: केनोपे!”

![](https://cdn.door43.org/obs/jpg/360px/obs-en-32-08.jpg)

एनाते एन दुष्टात्मा को एन होड़ोए ते ओडोङ केअते एन सुकरी कोअ: रेको बोलो जना। एन सुकरी को नीर केअते मियद तिंगु कन सेरेंग जेंते नीर अड़गु केद झील रेको बोलो डुबुज गोज जना। एन झुण्ड रे लगभग 2000 सुकरी को ताइकेना।

![](https://cdn.door43.org/obs/jpg/360px/obs-en-32-09.jpg)

एनता रे एन सुकरी कोके गुपी ताइकेन होड़ो को ताइकेना। जे नअ: को होबा लेना एना को नेल केद चि इनकु नगर ते नीर केदा को। यीशु जे रिका लअ: एना सोबनअ: होड़ो कोके उदुबद कोअ: को। एन नगर रेन होड़ो को ओडोङ जना को ओड़ो: एन होड़ो केको नेल किजअ:, जे निजअ: रे दुष्टात्मा ताइकेना। इनि: शान्ति ते, लिजअ: तुसिङ कन ओड़ो: मियद साधारण होड़ो लेका दुबा कन व्यवहार ताइना।

![](https://cdn.door43.org/obs/jpg/360px/obs-en-32-10.jpg)

एन होड़ो को इसु बोरोकन को ताइकेना ओड़ो: यीशु के सेनो: लाइ को कजियजअ:। एनामेनते यीशु डोंगा रे रकब जना। एन होड़ो जे निजअ: रे दुष्टात्मा ताइकेना। इनि: यीशु लोओते सेनो: लाइ अरची किजअ:।

![](https://cdn.door43.org/obs/jpg/360px/obs-en-32-11.jpg)

मगर यीशु इनि: के कजियजअ:,“कहा गी। अञङ सनङ तनञङ चि अम ओड़ा सेन केअते सोबेर कोके उदुबकोम चि परमेश्वर अमअ: लाइ चिनअ:चिका कदा। इनकु के उदुबकोम चि चिलका परमेश्वर अमअ: रे दया लअ:।”

![](https://cdn.door43.org/obs/jpg/360px/obs-en-32-12.jpg)

एनामेनते एन होड़ो सेनो: जना ओड़ो: सोबेन कोके ने बारे रे उदुबद कोअ: जे यीशु इनि: लाइ रिका लअ:। इनिअ: कहनी के अयुम वाला सोबेन होड़ो को ताजुब जनाको।

![](https://cdn.door43.org/obs/jpg/360px/obs-en-32-13.jpg)

यीशु झीलेते ने पअ: रुवाड़ जना। इनिअ: एनता सेटेर जन रअ: तयोमते, मियद मरंग भीड़ इनि: तअ: रे जमा जना ओड़ो: होड़ो को इनि: के धकाई ताइकेना को। एन भीड़ रे मियद कुड़ी ताइकेना, इनि: बारह सालेते परदल रअ: बेमार ते दुकु ताइकेना। इनि: अयअ: सोबेन टका को बैध कोअ: रे लगाव छबा लअ: चि इनकु इनि: केको ठीक ताइकअ, मगर इनिअ: बेमार हडो गी बढ़ाव जना।

![](https://cdn.door43.org/obs/jpg/360px/obs-en-32-14.jpg)

इनि: अयुम लअ: चि यीशु ढेइर बेमार तन होड़ो कोके ठीक लेद कोअ: ओड़ो: इनि: सोचाव केदा, “अञङ पक्का गी, अगर यीशु गअ: लिजअ: के भइर रइङ जुटिद तारे दो, अञङ ठीक केनो गञङ!” एनामेनते इनि: यीशु गअ: दोया पअ: ते हिजु लेना, ओड़ो: इनिअ: लिजअ: के जुटिद तदा। चिलका इनि: लिजअ: के जुटिद केदा, एनका गी परदल बेमार ठीक जना।

![](https://cdn.door43.org/obs/jpg/360px/obs-en-32-15.jpg)

इमतंग गी यीशु सरी जना चि इनि: जेते पेड़ेज ओडोङ कना एनामेनते इनि: दोया पअ: मुआड़ केअते कुली केद कोअ:,“अञङ के ओकोय जुटिद केदिङअ:?”चेला को जबाब को ओमा जअ:, “नेतअ: रे इमिन थिम्बा होड़ो को अमअ: चाइरो पअ: रे भीड़ लगाव कनाको ओड़ो: अमके धकाम तनाको। दो अम चिनअ: कुली तनम चि अञङ के ओकोय जुटिद केदिङअ:?”

![](https://cdn.door43.org/obs/jpg/360px/obs-en-32-16.jpg)

एन कुड़ी यीशु गअ: अयार रे थरथराव तन ओड़ो: इसु बोरोकन अयअ: मुकड़ी के टेकाव केअते दुब जना। एनेद इनि: उदुब किजअ: चि इनि: चिनअ: रिका कदा ओड़ो: नेआव गी चि ठीक जना। यीशु इनि: के कजियजअ:, “अमअ: बिश्वास अमके ठीक केद मअ:। शान्ति ते सेनो: केनोम।”

*मत्ती अध्याय 8:28-34, 9:20-22, मरकुस 5:1-20, 5:24b-34, लुका 8:26-39, 8:42b-48 ते इदियकन बाइबल रअ: मियद कहनी*

## 33. मियद किसान गअ: कहनी

https://openbiblestories.org/l/unx-deva/story-33/

![](https://cdn.door43.org/obs/jpg/360px/obs-en-33-01.jpg)

मुसिङ हुलङ यीशु झील रअ: गेना रे ताइकेना। इनि: होड़ो कोअ: मियद इसु मरंग भीड़ कोके शिक्षा ओमा को ताइना। इनि: के अयुम लाइ इमिन होड़ो को हिजु लेना को चि यीशु तअ: रे इनकु लोओ ते बकड़ लाइ एनता रे ठयादो का होबाव ताइकेना। एनामेनते इनि: दाअ: रे तिंगु कन डोंगा रे रकब जना। एना रे इनि: दुब जना, ओड़ो: होड़ो कोके शिक्षा ओमाद कोअ:।

![](https://cdn.door43.org/obs/jpg/360px/obs-en-33-02.jpg)

यीशु इनकु के ने कहनी उदुबद कोअ:, “मियद किसान जंग हेहेर लाइ बाहर ओडोङ जना। जब इनि: ती: ते जंग कोके हेर ताइना दो हुडिङ लेका जंग होरा रे उयु जना। मगर ओड़े को हिजु केअते एन सोबेन जंग कोके को जोम केदा।

![](https://cdn.door43.org/obs/jpg/360px/obs-en-33-03.jpg)

हडो हुडिङ लेका जंग रुगड़ी ओते रे उयु जना, एनता रे हुडिङ गी हसा ताइकेना। रुगड़ी ओते रे उयु कन जंग इसु जल्दी ओमोन जना, मगर एना रअ: रेद को ओते भीतर जकेद का सेन दड़ि जना। जब सिंगी तुर जना ओड़ो: सितुङ जना दो एन दरू को गोसो जना ओड़ो: गोए जना।

![](https://cdn.door43.org/obs/jpg/360px/obs-en-33-04.jpg)

ओड़ो: हडो हुडिङ लेका जंग झुण्ड रअ: थला रे उयु जना। एन जंग को ओमोन जना, मगर जनुम एना कोके थेन केदा। एनामेनते जनुम ओते रे उयु कन जंग कोएते जे दारू ओमोन लेना एन दारु मियदो अन्न काए ओम दड़ि जना।

![](https://cdn.door43.org/obs/jpg/360px/obs-en-33-05.jpg)

ओड़ो: हडो एटअ: जंग को बुगिन ओते रे उयु जना। एन जंग को ओमोन जना ओड़ो: हारा जना ओड़ो: जिमिन जंग हेर लेना एनाएते 30, 60 ओड़ो: नेतअ: जकेद चि 100 गुणा अन्न को होबा जना। जे होड़ो को परमेश्वरअ: दोया-दोया सेसेन को सनङ तना, इनकु एना रेको धेयाने कअ:, जे अञङ कजि तनञङ।”

![](https://cdn.door43.org/obs/jpg/360px/obs-en-33-06.jpg)

ने कहनी चेला कोके उलझन रे दोहो केद कोअ:। एनामेनते यीशु बुझाव केद कोअ:, “एन जंग परमेश्वर गअ: बचन तना। एन होरा मियद नेलकन होड़ो तनी जे परमेश्वर गअ: बचन के अयुमेअ, मगर एना के काए बुझावा। एनेद शैतान इनि: तअ: ते बचन के चोराव केअते इदि केअ:। मतलब शैतान इनि: के बचन के बुझावेन ते संगीन रे दोहो यअ:।”

![](https://cdn.door43.org/obs/jpg/360px/obs-en-33-07.jpg)

एन रुगड़ी ओते मियद नेलकन होड़ो तनी, जे परमेश्वर गअ: बचन के अयुमेअ: ओड़ो: रासिका ते एना के अपनाव यअ:। मगर जब कठिन समय हिजुगअ: चाहे एटअ: होड़ो को इनि: के सताव की रेदो को इनि: परमेश्वर ते संगीन सेनो: केनो गाए। मतलब इनि: परमेश्वर गअ: चेतन रे भरोसा इदि बंद तअ:।”

![](https://cdn.door43.org/obs/jpg/360px/obs-en-33-08.jpg)

“एन जनुम ओते नेलकन होड़ो तनी, जे परमेश्वर गअ: बचन के अयुमेअ:। मगर इनि: ढेइर थिम्बा कजि कोरअ: बारे रे पहुमाए एटेज केअ: ओड़ो: ढेइर थिम्बा टका को कमि रअ: कोशिश यअ:, ओड़ो: इनि: इसु थिम्बा जिनिस को ननाम रअ: कोशिश यअ:। हुडिङ समय रअ: तयोमते, इनि: परमेश्वर के दुलाड़ काए ओम दड़िया। एनामेनते जे इनि: परमेश्वर गअ: बचन ते सिखाव लेना, एनाए ते इनि: परमेश्वर के काए खुश इका दड़िया:। इनि: गोहोम रअ: डंठाल लेका मेनाइया, जे जेतनाव अन्न काए ओम दड़िया।”

![](https://cdn.door43.org/obs/jpg/360px/obs-en-33-09.jpg)

“मगर बुगिन ओते रे उयु कन जंग एन होड़ो तनी, जे परमेश्वर गअ: बचन के अयुमेअ:, एना रे बिश्वास याए ओड़ो: जो कोए ओमेया।”

*मत्ती अध्याय 13:1-8,18-23, मरकुस 4:1-8,13-20, लुका 8:4-15 ते इदियकन बाइबल रअ: मियद कहनी*

## 34. यीशु एटअ: कहनी कोएते शिक्षा ओमा कोअ:

https://openbiblestories.org/l/unx-deva/story-34/

![](https://cdn.door43.org/obs/jpg/360px/obs-en-34-01.jpg)

यीशु परमेश्वर गअ: राइज रअ: बारे रे ढेइर एटअ: कहनी को उदुबद कोअ:। उदाहरन लाइ इनि: कजि केदा, “परमेश्वर गअ: राइज मियद राई रअ: जंग लेका मेनअ:, जअ: होड़ो एना के अयअ: ओते रे हेर केया। अपे सरीयअ: पे चि राई रअ: जंग सोबेन जंग कोएते हुडिङ मेनअ:।”

![](https://cdn.door43.org/obs/jpg/360px/obs-en-34-02.jpg)

“मगर जब राई रअ: जंग हारा केनो गअ:, दो एना बगाइचा रअ: सोबेन दारु कोएतेओ मरंग केनोगअ:, एना इमिन मरंग केनोगअ: चि ओड़े को हिजु केअते एना रअ: कोतो कोरे को आरामेअ:।”

![](https://cdn.door43.org/obs/jpg/360px/obs-en-34-03.jpg)

“यीशु हडो मियद एटअ: कहनी उदुब केदा, “परमेश्वर गअ: राइज खमीर लेका मेनअ:, मियद एरा एन खमीर के इदि केअते आटा रअ: लोंदा रे मिलाव तअ:, एनेद एना गोटा लोंदा रे पसराव केनोगअ:।”

![](https://cdn.door43.org/obs/jpg/360px/obs-en-34-04.jpg)

“स्वर्ग रअ: राइज एन खजाना लेका मेनअ: एना के जाए जेताए ओते रे उकु तदा। जाए एटअ: होड़ो के एन खजाना नम जना ओड़ो: इनि: एना के ननाम लाइ इसु सनङ ताइनाए। एना मेनते इनि: एन खजाना के हडो तोप तदा। इनि: इमिन रासिका ते पेरेयकन ताइ केना चि इनि: सेन केअते अयअ: सोबेन जिनिस कोके अखरीङ तदा, नेयामेनते चि इनि: एन ओते के कीरिंग दड़ि कअ:, जे ओते रे खजाना ताइकेना।”

![](https://cdn.door43.org/obs/jpg/360px/obs-en-34-05.jpg)

“स्वर्ग रअ: राइज मियद इसु गोनोङ शुद्ध मोती लेकाओ मेनअ:। जब मियद मोती कोरअ: बेपारी के एना नम जना, दो इनि: एना के कीरिंग लाइ अयअ: सोबेन जिनिस कोके अखरीङ तअ:।”

![](https://cdn.door43.org/obs/jpg/360px/obs-en-34-06.jpg)

एनता रे हुडिङ लेका होड़ो को ताइकेना जे को सोचाव ताइकेना चि परमेश्वर इनकु के नेयामेनते अपनाव कोअ:, चियाची इनकु बुगिन कामी को कमि ताइना। ने होड़ो को नेलकन होड़ो कोके तुच्छ को मानातिङ ताइना, जे एन बुगिन कामी को कको कमि ताइना। एनामेनते यीशु ने कहनी के उदुबद कोअ:, “बरिया कोड़ा किन ताइकेना, ओड़ो: बरन किन गी बिनती लाइ मन्दिर किन सेन केना। एन मेसे मियुड़ मालगुजारी इदि वाला ताइकेना ओड़ो: एटअ: नी मियद धरम रअ: अगुवा ताइकेना।”

![](https://cdn.door43.org/obs/jpg/360px/obs-en-34-07.jpg)

“एन धरम अगुवा ने लेका ते बिनती केदा, ‘हे परमेश्वर अमअ: धन्यबाद होबाव कअ: चि अञङ एटअ: होड़ो को लेका पापी बंगुजाँ–चिलका चि डाकू, अन्यायी होड़ो, व्यभिचारी, चाहे नेतअ: जकेद चि नेतअ: रे मेनाइ एन मालगुजारी इदि वाला लेका मियद पापी नअ: लञङ।’”

![](https://cdn.door43.org/obs/jpg/360px/obs-en-34-08.jpg)

“उदाहरन लाइ, अञङ हर हप्ताह रे बरसा उपासेयञङ ओड़ो: अञङ के नमो: तेअ: टका ओड़ो: जिनिस को रअ: दसवाँ भाग अम के ओमाम तना।”

![](https://cdn.door43.org/obs/jpg/360px/obs-en-34-09.jpg)

“मगर एन मालगुजारी इदि वाला होड़ो एन धरम अगुवाए ते इसु संगीन रे तिंगु जना, इनि: चेतन स्वर्ग पअ: अयअ: मेद तेओ काए अरीद केदा। नेयअ: रअ: बदला रे, इनि: अयअ: ती: के चिपुद केअते अयअ: कुड़ाम के बीड़ा केदा ओड़ो: बिनती केदा, ‘हे परमेश्वर दया केअते अञङ के क्षेमा तञङ मे, चियाची अञङ मियद पापी होड़ो तनिङ।’”

![](https://cdn.door43.org/obs/jpg/360px/obs-en-34-10.jpg)

हडो यीशु कजि केदा, “अञङ अपे के सरती कजियपे तनञङ, परमेश्वर एन मालगुजारी इदि वाला होड़ो गअ: बिनती के अयुम केदा ओड़ो: इनि: के धर्मी कजि किजअ:। मगर एन धरम अगुवा गअ: बिनती के काए सुकु जना। एनामेनते परमेश्वर सोबेन कोके जे घमंडी मेना कोअ: बेमइन कोअ:, मगर इनि: एन सोबेन होड़ो कोके माइन कोअ: जे अको रे नरम को ताइना।”

*मत्ती अध्याय 13:31-33, 44-46, मरकुस 4:30-32, लुका 13:18-21, 18:9-14 ते इदियकन बाइबल रअ: मियद कहनी*

## 35. दयालु आबा गअ: कहनी

https://openbiblestories.org/l/unx-deva/story-35/

![](https://cdn.door43.org/obs/jpg/360px/obs-en-35-01.jpg)

मुसिङ हुलङ यीशु ढेइर होड़ो कोके शिक्षा ओमा को ताइना। जे इनिअ: अयुम लाइ को जमा लेना। ने होड़ो को मालगुजारी इदि वाला को ओड़ो हडो एटअ: होड़ो कोयो को ताइकेना, जे मूसा का नियम के मानातिङ लाइ कको कोशिश लअ:।

![](https://cdn.door43.org/obs/jpg/360px/obs-en-35-02.jpg)

हुडिङ लेका धरम अगुवा को नेल किजअ: को चि यीशु एन होड़ो को लोओ: गति लेका बकड़ तना। एनामेनते इनकु अको-अको रे नेयअ: कजि को एटेज केदा चि इनि: गलत तनाए। यीशु इनकु के बकड़ तनाए अयुम केद कोअ:, एनामेनते इनि: इनकु के ने कहनी उदुबद कोअ:।

![](https://cdn.door43.org/obs/jpg/360px/obs-en-35-03.jpg)

“मियद होड़ो ताइकेना, इनिअ: बरिया होन कोड़ा किन ताइकेना। हुडिङ होन कोड़ा अयअ: अपु तेके कजियजअ:,‘हे आबा अञङ के नअ: गी अञङअ: सम्पति रअ: हिसा चाही!’ एनामेनते अपु ते अयअ: बरन होन कोड़ा किन के अयअ: सम्पति के हटिङ तद किना।”

![](https://cdn.door43.org/obs/jpg/360px/obs-en-35-04.jpg)

“सेकड़ा गी अयअ: हुडिङ होन कोड़ा सोबेना के जमा केअते संगीन देश ते सेनो: जना ओड़ो: पापी जिनगी जीदेन रे अयअ: सोबेन सम्पति के बर्बाद केदा।”

![](https://cdn.door43.org/obs/jpg/360px/obs-en-35-05.jpg)

“एना रअ: तयोमते जेतअ: रे हुडिङ होन कोड़ा ताइकेना, एन देश रे मियद भयंकर अकाल होबा जना ओड़ो: इनि: तअ: रे जोम को कीरिङ लाइ टकाओ कअ: ताइकेना। एनामेनते इनि: के जे कामी नम जना, एना सुकरी कोके गुपी ताइकेना। इनि: इमिन दुकु ओड़ो: रेगेंज ताइकेना चि इनि: सुकरी कोअ: चारा जोम सनङ ताइना।

![](https://cdn.door43.org/obs/jpg/360px/obs-en-35-06.jpg)

आखिर रे, एन हुडिङ होन कोड़ा खुद रे कजि केदा, ‘अञङ नेतअ: रे चिनअ: चिका तनञङ? अञङअ: आबा तअ: रेन सोबेन दासी कोतअ: रे जोजोम लाइ इसु मेनअ:, मगर अञङ नेतअ: रे रेगेज ते गोजो तना। अञङ अञङअ: आबा तअ: रुवाड़ केनोगञङ ओड़ो: अञङअ: आबाए ते अरजी यञङ चि अयअ: मियद दासी लेका अञङ के दोहो किङ कअ।”

![](https://cdn.door43.org/obs/jpg/360px/obs-en-35-07.jpg)

“एनामेनते एन हुडिङ होन कोड़ा अयअ: अपु तेतअ: ओड़ा रुवाड़ लाइ सेन एटेज केदा। जब इनि: संगीन रेगी ताइकेना, इनिअ: अपुते इनि: के नेल किजअ: ओड़ो: इनिअ: दिल दया ते पेरे जना। इनि: नीर केअते अयअ: होन कोड़ा तअ: हिजु लेना ओड़ो: इनि: के हम्बुद केअते चूमा किजअ:।”

![](https://cdn.door43.org/obs/jpg/360px/obs-en-35-08.jpg)

“एन होन कोड़ा कजि केदा, ‘हे आबा, अञङ परमेश्वर ओड़ो: अमअ: बिरोध रेञङ पाप कदा। अञङ अमअ: होन कोड़ा कजियो लायको बंगुजाँ।”

![](https://cdn.door43.org/obs/jpg/360px/obs-en-35-09.jpg)

“मगर अपुते मियद दासी के कजियजअ:, ‘सेकड़ा गी सेन केअते मियद सोबेने ते बेस लिजअ: अउवेम ओड़ो: अञङअ: होन कोड़ा के तुसिङइमे। इनिअ: ती: रे मुदाम ओड़ो: काटा रे जूता तुसिङइमे। ओड़ो: सोबेन कोएते बेस बछरू के गोजिम चि इनि: के जोमियाबू ओड़ो: परब बु मनावयअ, चियाची अञङअ: होन कोड़ा गोए लेना मगर नअ: दो इनि: जीद मेनाइया। इनि: आद लेनाए मगर नअ: दो अबु इनि: केबु नम किजअ:।’”

![](https://cdn.door43.org/obs/jpg/360px/obs-en-35-10.jpg)

“एनामेनते होड़ो को परब को मनाव को एटेज। हुडिङ देरी बिताव जन चि मरंग होन कोड़ा ओते पीड़ी कामी ते हिजु लेना। इनि: दुरंग ओड़ो: सुसुन को अयुम केदा ओड़ो: ताजुब जना चि नेयअ:चिनअ: होबाव तना।”

![](https://cdn.door43.org/obs/jpg/360px/obs-en-35-11.jpg)

“जब मरंग होन कोड़ा सरी जना चि इनकु नेयामेनते परब को मनाव तना चियाची इनिअ: हगा ओड़ा हिजु कना, दो इनि: इसु खींस जना ओड़ो: ओड़ा काए बोलो जना। इनिअ: अपुते बाहर ओडोङ केअते इनि: के इनकु लोओ: परब मनाव लाइ अरजी किजअ, मगर इनि: मना तजाए।

![](https://cdn.door43.org/obs/jpg/360px/obs-en-35-12.jpg)

“एन मरंग होन कोड़ा अयअ: अपुतेके कजियजअ:, ‘ने सोबेन साल रे अञङ अमअ: लाइ मेहनइत ते कामी केदा। चिउलव अमअ: कजि कञङ मना कदा, मगर अम चिउलव अञङ के मियद हुडिङ मेरोमो कम ओमा दिङअ: चि अञङ अञङअ: गति कोलो जोम नु दड़ि कञङ। मगर अमअ: ने होन कोड़ा अमअ: टका कोके पाप कामी रे बर्बाद कदा। ओड़ो: जब नी हिजु लेना दो इनि: लाइ ते परब मनाव लाइ अम सोबेन कोएते बेस बछरू केम गोए किजअ:।’”

![](https://cdn.door43.org/obs/jpg/360px/obs-en-35-13.jpg)

“अपुते जबाब ओमा जअ, ‘हे अञङअ: होन कोड़ा अम जनाव अञङअ: लोओ: मेनामअ ओड़ो: जे नअ: को अञङअ तना, एना सोबेनअ: अमअ: तना। मगर नअ: अबु लाइ परब मनातिङ ठीक मेनअ:, चियाची अमअ: हगा गोए लेना, मगर नअ: इनि: जीद मेनाइअ:। इनि: आद लेना, मगर नअ: दो अबु इनि: केबु नम लिजअ:।”

*लुका अध्याय 15:11-32 ते इदियकन बाइबल रअ: मियद कहनी*

## 36. रूप बदलीयोओ:

https://openbiblestories.org/l/unx-deva/story-36/

![](https://cdn.door43.org/obs/jpg/360px/obs-en-36-01.jpg)

मुसिङ हुलङ यीशु अयअ: तीन चेला कोके पतरस, याकूब ओड़ो: यूहन्ना के अयअ: लोओ: इदि केद कोअ:। (ने यूहन्ना नुतुम चेला एन होड़ो काए ताइकेना ओकोनी यीशु के बपतिस्मा ओम लिजअ:।) इनकु बिनती लाइ मियद सलंगी बुरु रेको रकब जना।

![](https://cdn.door43.org/obs/jpg/360px/obs-en-36-02.jpg)

जब यीशु बिनती ताइनाए दो इनिअ: चेहरा सिंगी लेका पुण्डी जना। इनिअ: लिजअ: मारसल लेका पुण्डी जना, चिलका ओते दिसुम रे जाए जेताय को पुण्डी दड़िअ: एनाए तेओ थिम्बा पुण्डी।

![](https://cdn.door43.org/obs/jpg/360px/obs-en-36-03.jpg)

एनेद मूसा ओड़ो: एलिय्याह भविष्यवक्ता किन नेल जना। ने होड़ो किन ने ओते दिसुम रे ने समयए ते चिमिन साल सिदा रेकिन तयु ताइना। इनकिन यीशु लोओ: इनिअ: गोजो रअ: बारे रेकिन बकड़ ताइना, चियाची इनि: सेकड़ा गी यरूशलेम शहर रे गोए केनोगाए।

![](https://cdn.door43.org/obs/jpg/360px/obs-en-36-04.jpg)

जब मूसा ओड़ो: एलिय्याह यीशु लोओ: किन बकड़ ताइना, इमतंग पतरस यीशु के कजियजअ:, “अबु लाइ नेतअ: रे तयु बुगिन मेनअ:। अबु तीन ठु मंडप बु बाइअ:, मियद अम लाइ, मियद मूसा लाइ ओड़ो: मियद एलिय्याह लाइ।” मगर पतरस काए सरी ताइना चि इनि: चिनअ: कजि तनाए।

![](https://cdn.door43.org/obs/jpg/360px/obs-en-36-05.jpg)

जब पतरस बकड़ ताइनाए दो मियद चमकाव रिमिल लतार हिजु केअते इनकु के दलोब तद कोअ:। एनेद इनकु एन रिमिलेते मियद आवाज के हिजु तन को अयुम केदा। इनि: कजि केदा, “नी अञङअ: होन कोड़ा तनी, नी के अञङ दुलाड़ेञङ। अञङ नीजेते रासिका मेनाञङअ:। इनिअ: अयुमेपे।” एन तीनो झन चेला को बोरो जना को ओड़ो: ओते रेको बुरुम जना।

![](https://cdn.door43.org/obs/jpg/360px/obs-en-36-06.jpg)

एनेद यीशु इनकु के जुटिद केद कोअ: ओड़ो: कजि केदा, “अलपे बोरोयअ: बिरिद केनोपे।” जब इनकु चाइरो पअ: को नेल केदा, दो यीशु के बगि केअते अको लोओ हडो जेताय केओ कको नेल केद कोअ:।

![](https://cdn.door43.org/obs/jpg/360px/obs-en-36-07.jpg)

यीशु ओड़ो: एन तीनो चेला को एन बुरुएते लतार को अड़गु जना। एनेद यीशु इनकु के कजियद कोअ:, “नअ: नेतअ: रे जे नअ: को होबा लेना, एना रअ: बारे रे जेताय केओ अलपे उदुबकोअ:। अञङ सेकड़ा गी गोजोगञङ ओड़ो: हडो जीद केनोगञङ। एना रअ: तयोमते अपे होड़ो कोके उदुब दड़िअ: कोअ:पे।”

*मत्ती अध्याय 17:1-9, मरकुस 9:2-8, लुका 9:28-36 ते इदियकन बाइबल रअ: मियद कहनी*

## 37. यीशु लाजर के गोजाकनेते जीदिअ:

https://openbiblestories.org/l/unx-deva/story-37/

![](https://cdn.door43.org/obs/jpg/360px/obs-en-37-01.jpg)

लाजर नुतुम मियद होड़ो ताइकेना। इनिअ: बरिया मिसी किन ताइकेना, इनकिना नुतुम मरियम ओड़ो: मार्था ताइकेना। इनकु सोबेन यीशु गअ: खास गति को ताइकेना। मुसिङ हुलङ जाए जेताय यीशु केको उदुबजअ: चि लाजर इसु थिम्बा उरयु तना। जब यीशु नेयअ: अयुम केदा दो इनि: कजि केदा, “ने उरयु लाजारअ: गोनोए लाइ ना लअ: मगर परमेश्वरअ: मनारंग लाइ तना, नेयअ: लाइ चि होड़ो को परमेश्वर केको माइनिअ:।”

![](https://cdn.door43.org/obs/jpg/360px/obs-en-37-02.jpg)

यीशु अयअ: गति कोके दुलाड़ को ताइना, मगर जेतअ: रे इनि: ताइकेना एनता रे इनि: बारसिङ (दुई दिन) जकेद तंगी केदा। एन बारसिङ रअ: तयोमते इनि: अयअ: चेला कोके कजियद कोअ:, “दोलाबु यहूदिया परदेस बु रुवाड़ा।” चेला को जबाब को ओमा जअ:, “मगर हे गुरु, नअ: हुडिङ देरी सिदा गी एनता रेन होड़ो को अम के गोगोज को सनङ ताइना!” यीशु कजि केदा, “अबुअ: गति लाजर दुड़ुम कनाए ओड़ो: अञङ के इनि: के बिरिद मेनअ:।”

![](https://cdn.door43.org/obs/jpg/360px/obs-en-37-03.jpg)

यीशु गअ: चेला को जबाब को ओमा जअ:, “हे प्रभु अगर लाजर दुड़ुम तन रेदो इनि: इनि: ठीक केनोगाए।”एनेद यीशु बेस लेका ते कजि केदा, “लाजर गोए कनाए। अञङ रासिका मेनाञङअ: चि एनता रे अञङ कञङ ताइकेना, नेयअ: लाइ चि अपे अञङअ: रिपे बिश्वास दड़ि कअ:।”

![](https://cdn.door43.org/obs/jpg/360px/obs-en-37-04.jpg)

जब यीशु लाजर गअ: हातू सेटेर जना, दो लाजर रअ: गोजाकन, सिदाए तेगी चाइर दिन होबा लेना। मार्था यीश लोओ: नपामेन लाइ बाहर ओडोङ जना ओड़ो: कजि केदा, “हे प्रभु, अगर अम नेतअ: रे ताइ जन रेदो अञङअ: हगा काए गोए जन ते। मगर अञङ बिश्वास तनाञङ चि जेनअ: गी अम परमेश्वर के असीयअ: एना अमके ओमा मेअ:।”

![](https://cdn.door43.org/obs/jpg/360px/obs-en-37-05.jpg)

यीशु जबाब ओमा जाए, “जी बिरिद ओड़ो: जीदन अञङ गी तनीङ। जाए जेताय अञङअ: रे बिश्वास यअ:, अगर इनि: गोए केनो: रेओ जीदोगअ:। जाए जेताय अञङअ: रे बिश्वास यअ:, इनि: चिउलाव काए गोजोगअ:। चिनअ: अम नेयअ: रे बिश्वास यअ:?” मार्था जबाब ओमा जाए, “हे प्रभु अञङ बिश्वास यञङ चि अम परमेश्वर गअ: होन कोड़ा मसीह तनमे।”

![](https://cdn.door43.org/obs/jpg/360px/obs-en-37-06.jpg)

एनेद मरियम हिजु लेना। इनि: यीशु गअ: काटा सूबा रे उयु केअते कजि केदा, “हे प्रभु अगर अम नेतअ: रेम ताइ जन रेदो अञङअ: हगा काए गोए जना होनङ।” यीशु इनि: के कुली किजअ:, “अपे लाजर के कोतअ: रेपे दोहो कजअ:?” इनकु इनि: केको उदुबजअ, “कब्र रे। देला हिजु केअते नेल ली मे।” एनेद यीशु रराअ: लगाव जना।

![](https://cdn.door43.org/obs/jpg/360px/obs-en-37-07.jpg)

एन कब्र मियद लतरा ताइकेना, एना रअ: दुवार के दीरी तेको ढपाव लअ:। जब यीशु कब्र तअ: सेटेर जना दो इनि: इनकु के कजियाद कोअ:, “दीरी के केना तपे।” मगर मार्था कजि केदा, “इनि: गोजा कन चाइर दिन होबा जना, एनाएते सितरु सोवन हिजु तना होइ।”

![](https://cdn.door43.org/obs/jpg/360px/obs-en-37-08.jpg)

यीशु जबाब ओमा जाए, “चिनअ: अञङ कञङ कजि लेद मअ चि अगर अम अञङअ: रेम बिश्वासेयअ: दो परमेश्वर गअ: पेड़े के नेलेयम।” एनामेनते इनकु दीरी केको केना तदा।

![](https://cdn.door43.org/obs/jpg/360px/obs-en-37-09.jpg)

एनेद यीशु चेतन स्वर्ग पअ: अरीद केअते कजि केदा, “हे आबा अञङअ: अयुम लाइ अम के धन्यबाद ओमाम तनाञङ। अञङ सरीयञङ चि अम सोबेन इमतंग अञङअ: अयुमेअम, मगर अञङ नेयअ: नेतअ: रे तिंगु कन सोबेन होड़ो कोअ: देंगा लाइ कजियम तनाञङ, चि निकु बिश्वास दड़ि कको चि अम अञङ के कुला कदिञङअम।” एनेद यीशु कजि केदा, “हे लाजर ओडोङ मे!”

![](https://cdn.door43.org/obs/jpg/360px/obs-en-37-10.jpg)

एनेद लाजर बाहर ओडोङ जनाए। इनि: नआव गी मरखी लिजअ: रे लिपटाव ताइकेना। यीशु इनकु के कजियद कोअ:, “ने मरखी लिजअ: के ओडोङ लाइ नी के देंगाई पे ओड़ो: इनि: के आजाद ताइपे। ने चमत्कार रअ: चलते ढेइर यहूदी को यीशु गअ: रे बिश्वास केदा को।

![](https://cdn.door43.org/obs/jpg/360px/obs-en-37-11.jpg)

मगर यहूदी कोअ: धरम अगुवा को यीशु तेको हिसिंगा जना, एनामेनते इनकु योजना बबाइ लाइ मिद तअ: रेको जमा जना चि चिलका यीशु ओड़ो: लाजर केबु गोए किना।

*यूहन्ना 11:1-46 ते इदियकन बाइबल रअ: मियद कहनी*

## 38. यीशु केको सब इका ताइया

https://openbiblestories.org/l/unx-deva/story-38/

![](https://cdn.door43.org/obs/jpg/360px/obs-en-38-01.jpg)

हर साल यहूदी होड़ो को फसह परब को मानातिङ ताइना। नेयअ: रअ: बारे मियद रासिका ताइकेना चि चिमिन सौ साल सिदा परमेश्वर इनकुअ: पुरखा कोके मिस्र देश रअ: गुलामी ते छोड़ाव लेद कोअ:। यीशु पहली बेर होड़ो कोअ: थला रे परचार ओड़ो: शिक्षा ओम एटेज केद रअ: लगभग तीन साल तयोमते यीशु अयअ: चेला कोके कजियद कोअ: चि इनि: ने फसह परब के इनकु लोओ: यरूशलेम शहर रे मानवय सनङ तना ओड़ो: नेआव गी चि इनिके यरूशलेम शहर रेगी को गोजीअ:।

![](https://cdn.door43.org/obs/jpg/360px/obs-en-38-02.jpg)

यीशुअ: चेला को मेसे रे यहूदा नुतुम मियद होड़ो ताइकेना। यहूदा के यीशुअ: खास चेला कोअ: टका को थैला दोहो रअ: जिमेदारी ताइकेना, इनि: जनाव गी एन थैला ते टका को चोराव ताइना। यीशु ओड़ो: इनिअ: चेला को यरूशलेम शहर सेटेर जन रअ: तयोमते यहूदा यहूदी अगुवा को तअ: सेटेर जना। इनि: पैसा रअ: बदला रे अधिकारी कोके यीशुअ: चिन्हा उदुब केअते इनि: के इनकुअ: ती रे ससाब रअ: प्रस्ताव मंडाव केदा। इनि: सरी ताइनाए चि यहूदी अगुवा को कको मानातिङ ताइना चि यीशु गी मसीह तनी। इनि: सरी ताइनाए चि इनकु इनि: के गोगोज को सनङ तना।

![](https://cdn.door43.org/obs/jpg/360px/obs-en-38-03.jpg)

मरंग पुरोहित गअ: कजि रे यहूदी अगुवा को यीशु के इनकुअ: ती रे ससाब लाइ यहूदा के तीस ठू चाँदी रअ: सिक्का को ओमा जअ:। नेयअ: एन लेका गी होबा जना, चिलका भविष्यवक्ता कजि लअ: चि होबाव गअ। यहूदा पती जना ओड़ो: पैसा इदि केअते सेनो: जना। इनि: यीशु के साब इका मेनते इनकुअ: देंगा लाइ मोका कोए संगार ताइना।

![](https://cdn.door43.org/obs/jpg/360px/obs-en-38-04.jpg)

यरूशलेम शहर रे यीशु अयअ: चेला कोलोओ: फसह परब मनाव केदा। फसह परब रअ: भोज इमतंग यीशु होलोङ इदि केअते खंडुज केदा ओड़ो: कजि केदा, “नेयअ: के इदि पे ओड़ो: जोमे पे। नेयअ: अञङअ: होड़मो तना, जे अञङ अपे लाइ ओमापे तनञङ। नेयअ: के अञङअ: याइद रे रिकाय पे।” ने लेका ते यीशु कजि केदा चि इनि: इनकु लाइ गोए केनोगाए ओड़ो: इनकु लाइ इनि: अयअ: होड़मो के दाड़े रकाबेअ:।

![](https://cdn.door43.org/obs/jpg/360px/obs-en-38-05.jpg)

एनेद यीशु मियद दाखरस रअ: डुभा इदि केदा ओड़ो: कजि केदा, “नेयअ: के नू केपे। नेयअ: नावा करार रअ: अञङअ: मयोम तना, नेयअ: के अञङ दुलेञङ, नेयअ: मेनते चि परमेश्वर अपेअ: पाप कोके क्षेमाकाए। अपेयो एना गी रिकाए पे, जे नअ: अञङ नअ: रिका तनाइङ नेयअ: मेनते चि हर बार जब अपे नेयअ: पे नूयअ अञङ के पहामीञङ पे।”

![](https://cdn.door43.org/obs/jpg/360px/obs-en-38-06.jpg)

एनेद यीशु अयअ: चेला कोके कजियद कोअ:, “अपे में से मियुड़ अञङ के सब इकाञङअ।”चेला को ताजुब जना को ओड़ो: कुपली जना को चि ओकोय नेकाय कामी यअ:। यीशु कजि केदा, “अञङ के सब इकाञङ होड़ो इनि: तनी जे नी: के अञङ ने खंडुइअ: कअ: होलोङ ओमायञङ।” एनेद इनि: एन होलोंङ के यहूदा के ओमाजाए।

![](https://cdn.door43.org/obs/jpg/360px/obs-en-38-07.jpg)

एन होलोङ के इदि केद रअ: तयोमते यहूदा गअ: रे शैतान बोलो जना। यहूदा ओडोङ केअते यीशु के साब इका लाइ यहूदी अगुवा कोअ: देंगा मेनते सेनो: जना। नेयअ: अयुब रअ: समय ताइकेना।

![](https://cdn.door43.org/obs/jpg/360px/obs-en-38-08.jpg)

जोम केद रअ: तयोमते यीशु ओड़ो: अयअ: चेला को जैतून पर्वत को सेनो: जना। यीशु कजि केदा, “अपे सोबेन इसीङ अयुब अञङ के बगि ताञङअ: पे। नेयअ: ओला कना, अञङ चरवाहा के गोजिञङ ओड़ो: सोबेन मिण्डी को छितीर-बितीर केनोगअ: को।”

![](https://cdn.door43.org/obs/jpg/360px/obs-en-38-09.jpg)

पतरस जबाब ओमा जअ, “भले गी बचाव कन सोबेन होड़ो: को अम के बगि तमाको, अञङ कञङ बगिमअ:।”एनेद यीशु पतरस के कजियजअ:, “शैतान अपे सोबेन कोके इदि सनङ तना, मगर हे पतरस, अञङ अम लाइ बिनती कदाञङ चि अम बिश्वसेते अलोम बगियोकअ। एनरेओ इसीङ अयुब सिमअ: रअ: सिदा रे अम तीन बार मनायम चि अम अञङ के कअ गी सरीयम।”

![](https://cdn.door43.org/obs/jpg/360px/obs-en-38-10.jpg)

पतरस एनेद यीशु के कजियजअ:, “भले गी अञङ गोए केनो गञङ, मगर अञङ अमअ: कञङ मनायअ:।”सोबेन चेला कोयो नेका गी को कजि केदा।

![](https://cdn.door43.org/obs/jpg/360px/obs-en-38-11.jpg)

एनेद यीशु अयअ: चेला कोलो: गतसमनी नुतुम रअ: मियद बगाइचा रे सेनो: जना। यीशु अयअ: चेला कोके बिनती लाइ कजियद कोअ: नेया मेनते चि शैतान इनकुअ: परीक्षा अलोए इदि कअ:। एनेद यीशु आए बिनती लाइ सेनो: जना।

![](https://cdn.door43.org/obs/jpg/360px/obs-en-38-12.jpg)

यीशु तीन बार बिनती केदा, “हे अञङअ: आबा अगर होबा दड़िओ रेदो दया केअते ने दुकु रअ: प्याला के नू लाइ अलोम कजिञङअ:। अगर होड़ो कोअ: पाप क्षेमा लाइ ओडो: जेतन होरा बनोओ रेदो अमअ: सनङ गी पुराव कअ:।” यीशु इसु बेचाइन ताइकेना ओड़ो: इनिअ: बलबल दाअ: मयोम टीपा लेका ताइकेना। इनि: के पेड़े ओम लाइ परमेश्वर मियद स्वर्गदूत के कुल किजअ:।

![](https://cdn.door43.org/obs/jpg/360px/obs-en-38-13.jpg)

हर बेर बिनती केद रअ: तयोमते यीशु अयअ: चेला कोतअ: रुवाड़ जना, मगर इनकु दुड़ुम लेना को। जब यीशु तीसरा बेर रुवाड़ जना दो इनि: कजि केदा, “एहेन केनो:पे! अञङ के साब इका नी नेतअ: रीअ:।”

![](https://cdn.door43.org/obs/jpg/360px/obs-en-38-14.jpg)

इमतंग गी यहूदी अगुवा को, पलटन को ओड़ो: मियद मरंग भीड़ लोओ ते यहूदा हिजु लेना। इनकु तलवार को ओड़ो: लाठी कोको सबा कद ताइना। यहूदा यीशु तअ: हिजु केअते कजियजअ:, “हे गुरु जोहार,” ओड़ो: इनि: के चूमा किजअ:। इनि: साब इकाए वाला होड़ो के यहूदी अगुवा को सरी कको मेनते नेका रिका लअ:। एनेद यीशु कजि केदा, “हे यहूदा, चिनअ: अम मियद चूमा ते अञङ के सब इकाञङ तनम?”

![](https://cdn.door43.org/obs/jpg/360px/obs-en-38-15.jpg)

जब एन पलटन को यीशु केको सबी ताइना इमतंग पतरस अयअ: तलवार ओडोङ केअते महापुरोहित गअ: मियद दासी गअ: लुतुर के खंडुइअ तदा। यीशु कजि केदा, “तलवार के संगीनेम! अञङ अञङअ: आबाए ते अञङ के बचाव लाइ स्वर्गदूत कोअ: मियद सेना लाइ अरजी दड़िञङ। मगर अञङ के अञङअ: आबा गअ: कजि मानातिङ मेनअ:। एनेद यीशु एन होड़ो गअ: लुतुर के ठीक तदा। एनेद सोबेन चेला को नीर जना को।

*मत्ती 26:14-56, मरकुस 14:10-50, लूका 22:1-53, यूहन्ना 12:6, 18:1-11 ते इदियकन बाइबल रअ: मियद कहनी*

## 39. यीशु गअ: मुकदमा सेसेना

https://openbiblestories.org/l/unx-deva/story-39/

![](https://cdn.door43.org/obs/jpg/360px/obs-en-39-01.jpg)

नअ: थला निदाकन ताइकेना। एन पलटन को यीशु के महापुरोहित गअ: ओड़ा को आउ लिजअ:, चियाची इनि: यीशु के सवाल कुली सनङ ताइना। पतरस संगीने तेगी इनकुअ: पीछा ताइना। जब पलटन को यीशु के ओड़ा को आउ लिजअ: दो पतरस बाहर रे तिंगु केअते सेंगेल तअ: रे जुरुबेन ताइना।

![](https://cdn.door43.org/obs/jpg/360px/obs-en-39-02.jpg)

ओड़ा भीतर रे यहूदी अगुवा को यीशुअ: चेतन रे मुकदमा को चलाव केदा। इनकु इनिअ: बिरोध रे झूठा कजि को कजि लाइ इसु थिम्बा झूठा गवाह कोके को आउ केद कोअ:, मगर इनकुअ: कजि को अको-अको रेओ मिद लेका कअ: ताइकेना, एनामेनते यहूदी अगुवा को नेयअ: साबित कको दड़ि जना चि इनि: जन कजि कोरअ: दोषी मेनाइअ:। यीशु चिनाव काए कजि केदा।

![](https://cdn.door43.org/obs/jpg/360px/obs-en-39-03.jpg)

आखरी रे महापुरोहित सीधे यीशु के नेल केअते कजि केदा, “अले के उदुबलेम चि चिनअ: अम जीद परमेश्वर गअ: होन कोड़ा मसीह तनमे?”

![](https://cdn.door43.org/obs/jpg/360px/obs-en-39-04.jpg)

यीशु कजि केदा, “हाँ अञङ तनीङ, ओड़ो: अम अञङ के परमेश्वर लोओ: दुबा कन ओड़ो: स्वर्ग ते हिजु तनो नेलिञङअ:।”महापुरोहित अयअ: लिजअ: के चगाड़ केदा, चियाची जे यीशु कजि लअ: इनि: एन कजि ते इसु खींस जना। इनि: एटअ: अगुवा कोअ: रे गुल केदा, “अञङ के नेयअ: उदुब लाइ जाए एटअ: गवाह रअ: जरूरत बनोगअ: चि ने होड़ो चिनअ: चिका कदा। अपे खुद गी इनि: के नेयअ: कजि तन पे अयुम किजअ: चि इनि: परमेश्वर गअ: होन कोड़ा तनी। इनिअ: बारे रे अपेअ: चिनअ: बिचार मेनअ:।

![](https://cdn.door43.org/obs/jpg/360px/obs-en-39-05.jpg)

सोबेन यहूदी अगुवा को महापुरोहित के जबाब को ओमा जअ:, “इनि: गोजो लाएक मेनाइअ:।”एनेद इनकु यीशु गअ: मेद रे पट्टी को तोल केदा, इनिअ: रेको बेए केदा, इनि: के बीड़ा किजअ: को ओड़ो: इनिअ: मजाक को उड़ाव केदा।

![](https://cdn.door43.org/obs/jpg/360px/obs-en-39-06.jpg)

ओड़ो: पतरस, जब इनि: ओड़ाए ते बाहर रे तंगी ताइना, इमतंग मियद दासी कुड़ी इनि: के नेल किजअ:। इनि: पतरस के कजियजअ:, “अमो यीशु लोओ: ताइकेनम!” पतरस मना केदाए। तयोमते एटअ: कुड़ीओ ने कजि केगी कजि केदा, ओड़ो: पतरस एन रेओ मना केदाए। आखरी रे होड़ो को कजि केदा, “अले सरीयले चि अम यीशु लोओ: ताइकेनाम। चियाची अबेन बरनकिन गलील परदेस रेन तनबेन।”

![](https://cdn.door43.org/obs/jpg/360px/obs-en-39-07.jpg)

एनेद पतरस कजि केदा, “अगर अञङ ने होड़ो के सरी रेदो परमेश्वर अञङ के श्राप ओमाञङ कअ:!”सेकड़ा गी पतरस गअ: ने लेका किरिया जोम केद रअ: तयोमते मियद संडी सिम रअ: केदा। यीशु दोयाते हेता रुवाड़ केअते पतरस के नेल किजअ:।

![](https://cdn.door43.org/obs/jpg/360px/obs-en-39-08.jpg)

पतरस एनताए ते सेनो: जना ओड़ो: जोर-जोर ते केदा। इमतंग गी यीशु के सब इका वाला यहूदा नेल किजअ: चि यहूदी अगुवा को यीशु के गोजो रअ: सजा को ओमा जअ:। यहूदा इसु दुकु जना ओड़ो: सेनो केअते अजे तेगी गोए जना।

![](https://cdn.door43.org/obs/jpg/360px/obs-en-39-09.jpg)

नअ: दो एन देस रेन राज्यपाल पिलातुस ताइकेना। इनि: रोम देस लाइ कामी ताइनाए। यहूदी अगुवा को यीशु के इनि: तअ: को आउ लिजअ:। इनकु सनङ ताइनको चि पिलातुस इनि: के गोजो रअ: सजा ओमाइ कअ: ओड़ो: इनि: के गोजी कअ:। एनेद पिलातुस यीशु के कुली किजअ:, “चिनअ: अम यहूदी कोअ: राजा तनमे?”

![](https://cdn.door43.org/obs/jpg/360px/obs-en-39-10.jpg)

यीशु जबाब ओमा जअ:, “अम सरती गी कजि केदाम। मगर अञङअ: राइज नेतअ: ओते दिसुम रअ: नअ: लअ:। अगर तना रेदो अञङअ: दासी को अञङअ: लाइ को लड़ाई ते। अञङ ने ओते दिसुम रे परमेश्वरअ: बारे रे सच्चाई के उदुब लाइ हिजु कनञङ। सोबेन मियद होड़ो जे सच्चाई ते दुलाड़ेअ: इनि: अञङअ: अयुमेअ:।” पिलातुस कजि केदा, दो सच्चाई चिनअ: तना?”

![](https://cdn.door43.org/obs/jpg/360px/obs-en-39-11.jpg)

यीशु लोओ: बकड़ केद रअ: तयोमते पिलातुस बाहर भीड़ रे सेन केअते कजि केदा, “अञङ जेतन कारण काइन नम केदा चि ने होड़ो गोजी लाएक मेनाइया।” मगर यहूदी अगुवा को ओड़ो: भीड़ रेन होड़ो को जोर तेको कजि केदा, “इनि: के क्रूस रे रकाबी पे!” पिलातुस जबाब ओम केदा, “इनि: जेतनाव गी गलत कामी रअ: दोषी बंगुजअ:। मगर एन रेओ इनकु ओडो: गी जोर ते गुल केअते को कजि केदा। एनेद पिलातुस तीसरा बेर कजि केदा, “इनि: दोषी नअ: लाए!”

![](https://cdn.door43.org/obs/jpg/360px/obs-en-39-12.jpg)

पिलातुस बोरो जनाए चि एन भीड़ रेन होड़ो को दंगा को एटेज तअ:, एनामेनते इनि: अयअ: पलटन को यीशु के क्रूस रेको रकाबी कअ मेनते हे केदा। रोमी पलटन को यीशु के कोरड़ा तेको बीड़ा किजअ:, इनि: के राजसी लिजअ: को तुसिङ किजअ:, ओड़ो: इनि के बो रे जनुम रअ: बाइया कन मुकुट को तुसिङ ताइजा। एनेद इनकु नेयअ: कजि केअते इनिअ: मजाक को उड़ाव केदा, “नेलिपे यहूदी कोअ: राजा!”

*मत्ती 26:57-27:26, मरकुस 14:53-15:15, लूका 22:54-23:25, यूहन्ना 18:12-19:16 ते इदियकन बाइबल रअ: मियद कहनी*

## 40. यीशु के क्रूस रेको रकाबीअ:

https://openbiblestories.org/l/unx-deva/story-40/

![](https://cdn.door43.org/obs/jpg/360px/obs-en-40-01.jpg)

यीशु गअ: मजाक उड़ाव केद रअ: तयोमते, पलटन को इनि: के क्रूस रे रकाबी लाइ को इदि किजअ:। इनकु एन क्रूस के इनि: केगी को उठाव इका किजअ:, जे तेअ: रे इनि: के गोजो ताइकेना।

![](https://cdn.door43.org/obs/jpg/360px/obs-en-40-02.jpg)

एन पलटन को इनि: के एन ठयाद रेको आउ किजअ:, जे “खोपड़ी” कजियो ताइना। ओड़ो: इनिअ: ती ओड़ो: काटा के क्रूस रेको ठोकव केदा। मगर यीशु कजि केदा, “हे आबा, निकु के क्षेमा तकोम, चियाची निकु कको सरीया चि निकु चिनअ: को चिका तना।” इनकु इनिअ: बो चेतन रे क्रूस रे मियद तख्ता केओ को डुंगा तदा। एना रे ओला कन ताइकेना, “यहूदी कोअ: राजा।” पिलातुस इनकु के नेयअ: गी ओल लाइ कजि लेद कोअ:।

![](https://cdn.door43.org/obs/jpg/360px/obs-en-40-03.jpg)

एनेद पलटन को यीशु गअ: लिजअ: को लाइ चिट्ठी को सजू केदा। जब इनकु नेका केदा को दो इनकु एन भविष्यवाणी केको पूरा केदा, जे नअ:रे कजि लेना, “इनकु अञङअ: लिजअ: कोके अको-अको रेको हटिङ केदा, ओड़ो: अञङअ: लिजअ: को लाइ चिट्ठी कोको सजू केदा।”

![](https://cdn.door43.org/obs/jpg/360px/obs-en-40-04.jpg)

एनता रे बरिया डाकू कीनो किन ताइकेना, पलटन को इनकिन के इमतंग गी क्रूस रेको रकब लेद किनअ:। इनकु इनकिन के यीशु गअ: बरन पअ: रेको दोहो लेद किना। एन मे से मियद डाकू यीशु गअ: मजाक उड़ाव केदा, मगर एटअ: नी कजि केदा, “चिनअ: अम कम बोरोया चि परमेश्वर अम के सजा ओमामअ:? अलङ दो ढेइर एटकन कामी कोके कमि कद रअ: दोषी लंग ठहराव कना, मगर ने होड़ो निर्दोष मेनाइअ:।” एनेद इनि: यीशु के कजियजअ:, “जब अम अमअ: राइज हिजु रेदो दया केअते अञङ के पहामिङ मे।” यीशु जबाब ओमा जअ:, “इसिङ गी अम अञङ लोओ: स्वर्ग राइज रेम ताइना।”

![](https://cdn.door43.org/obs/jpg/360px/obs-en-40-05.jpg)

एनेद यहूदी अगुवा को ओड़ो: भीड़ रेन एटअ: होड़ो को यीशु गअ: मजाक को उड़ाव केदा। इनकु इनि: केको कजियजअ:, “अगर अम परमेश्वर गअ: होन कोड़ा तनमे रेदो क्रूसेते लतार अड़गुन मे ओड़ो: खुद के बचावेन मे। एनेद अले अमअ: चेतन रेले बिश्वसेअ:।”

![](https://cdn.door43.org/obs/jpg/360px/obs-en-40-06.jpg)

एनेद गोटा देश रे रिमिल कुलकुल हेंदे जना, भले गी एन हुलङ थला सिंगी रअ: समय ताइकेना। नेयअ: थला तिकिन रअ: समय रे हेंदे लेना ओड़ो: तीन घंटा जकेद नेका गी ताइकेना।

![](https://cdn.door43.org/obs/jpg/360px/obs-en-40-07.jpg)

एनेद यीशु हकाव केअते कजि केदा, “पूरा जना! हे आबा अञङ अञङअ: आत्मा अमअ; ती रेङ जिमा तना।”एनेद इनि: अयअ: बो के लतार केदा ओड़ो: अयअ: जीउ के अड़अ: तदा। जब इनि: गोए जना दो मियद भूकम्प हिजु लेना। एन मियद पर्दा जे परमेश्वर गअ: हाजरी ते होड़ो कोके जुदा को ताइना, चेताने ते लतार चेचअ: केअते बरिया भाग बाइ जना।

![](https://cdn.door43.org/obs/jpg/360px/obs-en-40-08.jpg)

अयअ: गोनोज ते यीशु होड़ो को लाइ परमेश्वर तअ: हिजु रअ: होरा खोलाव केदा। जब यीशु गअ: पहरादार ताइन केन मियद पलटन जे नअ: को होबा लेना नेयअ: सोबेनअ: नेल केद चि कजि केदा, “पक्का गी ने होड़ो निर्दोष ताइकेना। नी परमेश्वर गअ: होन कोड़ा ताइकेना।”

![](https://cdn.door43.org/obs/jpg/360px/obs-en-40-09.jpg)

एनेद युसुफ ओड़ो: निकुदेमुस नुतुम बरिया यहूदी अगुवा किन हिजु लेना। इनकिन बिश्वास ताइकेना किन चि यीशु गी मसीह ताइकेना। इनकिन पिलातुस के यीशु गअ: होड़मो किन असी किजअ:। इनकिन इनिअ: होड़मो के लिजअ: तेकिन लिपटव केदा। एनेद इनकिन एना के मियद सेरेंग के हद केअते बाइया कन कब्र रेकिन इदि केदा: ओड़ो: एना रअ: भीतर रेकिन दोहो केदा। एनेद इनकिन एन कब्र रअ: दुवार के तेपेद लाइ मियद मरंग चेपटा दीरी केकिन गुली तदा।

*मत्ती 27:27-61, मरकुस 15:16-47, लूका 23:26-56, यूहन्ना 19:17-42 ते इदियकन बाइबल रअ: मियद कहनी*

## 41. परमेश्वर यीशु के गोजाकन कोएते जीद बिरिदीयअ:

https://openbiblestories.org/l/unx-deva/story-41/

![](https://cdn.door43.org/obs/jpg/360px/obs-en-41-01.jpg)

पलटन कोअ: यीशु के क्रूस रे रकब किज रअ: तयोमते, यहूदी अगुवा को पिलातुस केको कजियजअ:, “एन झूठा, यीशु कजि लअ: चि इनि: तीन दिन रअ: तयोमते गोजाकने ते जीद रुवाड़ोगअ:। जाए के नेयअ: सरीन लाइ कब्र के नेल होबाव गअ: चि इनिअ: चेला को इनिअ: लाश के चोराव केते दो कको इदि केअ:। अगर इनकु नेकाय रेदो को इनकु कजियको चि इनि: गोजाकनेते बिरीद रुवाड़ कना।

![](https://cdn.door43.org/obs/jpg/360px/obs-en-41-02.jpg)

पिलातुस कजि केदा, “हुडिङ लेका पलटन कोके इदि केकोम ओड़ो: चिलका अपे रिका दड़िअ: एनका गी एन कब्र रअ: पहरेदारी पे।”एनामेनते इनकु एन कब्र रअ: बोलो दुवार रअ: दीरी रे मियद मोहर लगाव केदा को। इनकु नेयअ: सरीन लाइ एनता रे पलटन कोके को दुब केद कोअ: चि जाए जेताय इनिअ: लाश के अलो को चोराव दड़िकअ:।

![](https://cdn.door43.org/obs/jpg/360px/obs-en-41-03.jpg)

यीशु गोए जन रअ: तयोम हुलङ आराम रअ: दिन ताइकेना। जेतायो आराम रअ: दिन रे कको कामी दड़ि ताइना। एनामेनते यीशु गअ: जेताय गति को कब्र तअ: कको हिजु लेना। मगर आराम दिन रअ: तयोम हुलङ सेतअ: नुबअ: रे हुडिङ लेका महिला को कब्र तअ: सेन लाइ को सेकड़ जना। इनकु इनिअ: लाश के सेंट लगाव को सनङ ताइना।

![](https://cdn.door43.org/obs/jpg/360px/obs-en-41-04.jpg)

एन महिला को सेटेर जन रअ: सिदा रे कब्र रे मियद मरंग भूकम्प हिजु लेना। स्वर्ग ते मियद स्वर्गदूत हिजु केते एन दीरी के गुलू तदा, जे कब्र रअ: बोलो दुवार के देपेद कद ताइकेना। ओड़ो: एना रे दुब जना। एन स्वर्गदूत मारसल लेका चमकाव ताइना। कब्र तअ: रे जे पलटन को ताइन केना, इनकु इनि: केको नेल किजअ:। इनकु इमीन को बोरो लेना चि गोजाकन होड़ो को लेका ओते रेको उयु जना।

![](https://cdn.door43.org/obs/jpg/360px/obs-en-41-05.jpg)

जब एन महिला को कब्र तअ: को सेटेर जना दो स्वर्गदूत इनकु के कजियद कोअ:, “अलपे बोरोया। नेतअ: रे यीशु बंगुजअ:। इनि: गोजाकन गोएते जीद रुवाड़ कना, चिलका चि इनि: कजि लअ: चि इनि: जीद बिरिदाए। कब्र रे दड़ाइ पे ओड़ो: नेलिपे।” एन महिला को कब्र रअ: भीतर ओड़ो: जे तअ: रे यीशु गअ: लाश दोहो लेना एनता को दड़ा केदा ओड़ो: को नेल केदा चि इनिअ: लाश एनता रे बनोगअ:।

![](https://cdn.door43.org/obs/jpg/360px/obs-en-41-06.jpg)

एनेद एन स्वर्गदूत एन महिला कोके कजियद कोअ:, “सेन केते इनिअ: चेला कोके उदुबको पे, ‘यीशु गोजाकन गोएते जीद रुवाड़ कना ओड़ो: इनि: अपेअ: अयार-अयार गलील परदेस सेनेअ:।’”

![](https://cdn.door43.org/obs/jpg/360px/obs-en-41-07.jpg)

एन महिला को भकुवाव जना को ओड़ो: इसु रासिका जना को। इनकु चेला कोके ने बुगिन संदेश उदुब लाइ को नीर केदा।

![](https://cdn.door43.org/obs/jpg/360px/obs-en-41-08.jpg)

जब एन महिला को चेला कोके ने बुगिन संदेश उदुब लाइ अकोअ: सेन होरा रेगी को ताइकेना इमतंग यीशु इनकु तअ: रे देखाव जना, इनकु इनिअ: काटा सूबा रेको उयु जना। एनेद यीशु कजि केदा, “अलपे बोरोया। सेन केते अञङअ: चेला कोके गलील परदेस सेन लाइ कजियको पे। इनकु एनता रे अञङ केको नलिञङअ:।”

*मत्ती 27:62-28:15, मरकुस 16:1-11, लूका 24:1-12, यूहन्ना 20:1-18 ते इदियकन बाइबल रअ: मियद कहनी*

## 42. यीशु स्वर्ग ते रुवाड़ केनोगअ:

https://openbiblestories.org/l/unx-deva/story-42/

![](https://cdn.door43.org/obs/jpg/360px/obs-en-42-01.jpg)

जे हुलङ परमेश्वर यीशु के गोजाकन कोए ते जीद लिजाए, एन हुलङ इनिअ: बरिया चेला किन नड़े रअ: हातू रेकिन सेनो: ताइना। सेन होरा तन इमतंग इनकिन यीशु गअ: चेतन रे जे नअ: को होबा लेना, एना रअ: बारे रेकिन बकड़ ताइना। इनकिन के बिश्वास ताइकेना चि इनि: मसीह ताइकेना। मगर एन रेओ इनि: के गोज लिजअ: को। नअ: दो एन एरा को कजि यको चि इनि: हडो जीद रुवाड़ कना, इनकु कको सरी ताइनको चि ओकोन बकड़ कोरे बिश्वसे चाही।

![](https://cdn.door43.org/obs/jpg/360px/obs-en-42-02.jpg)

यीशु इनकिन तअ: हिजु केअते इनकिन लोओ: मिसाते सेन एटेज केदा, मगर इनकिन इनि: के ककिन उरुम किजअ:। इनि: कुली केद किना चि चिकिनअ: रअ: बारे रेकिन बकड़ तना। इनकिन इनि: के सेनो:जन दिन रे यीशु लोओ: होबा लेन सोबेन घटना कोरअ: बारे रेकिन उदुबइजअ:। इनकिन सोचाव ताइकेना किन चि जाए परदेसी होड़ो लोओ: किन बकड़ तना, जे इनि: काए सरी ताइना चि यरूशलेम शहर रे चिनअ: होबा लेना।

![](https://cdn.door43.org/obs/jpg/360px/obs-en-42-03.jpg)

एनेद यीशु इनकिन के समझाव केद किना चि परमेश्वरअ: वचन मसीह गअ: बारे रे चिनअ: कजियअ। ढेइर सिदा, भविष्यद्वक्ता को कजि लअ: चि एटकन होड़ो: को मसीह केको सतावीयअ: ओड़ो: गोजियको। मेनदो भविष्यद्वक्ता को नेआव को कजि लअ: चि इनि: तीसरा दिन रे जीद रुवाड़ोगअ:।

![](https://cdn.door43.org/obs/jpg/360px/obs-en-42-04.jpg)

जब एनकिन एन नगर रेकिन सेटेर जना जे तअ:रे इनकिन ताइन किन सनङ ताइना, इमतङ लगभग नुबा लेना। इनकिन यीशु के अकिन लोओ: ताइनो लाइ किन कजियजअ:, एना मेनते इनि: इनकिन लोओ: मियद ओड़ा: रे सेनो: जना। इनकु अयुब रअ: जोम जोजोम लाइ को दूब जना। यीशु मियद होलोङ के इदि केअते एन होलोङ लाइ परमेश्वर के धन्यवाद ओमा जाए, ओड़ो: एना के तरा केदा। अचका गी इनकिन सरी जना किन चि इनि: यीशु तनी। मेनदो इमतङ गी, इनि इनकिना नजइर ते उकु जना।

![](https://cdn.door43.org/obs/jpg/360px/obs-en-42-05.jpg)

एनकिन अकिन-अकिन रेकिन कजि केदा, “इनि: यीशु ताइकेना! एना लाइ तेगी जब इनि: अलङ के परमेश्वरअ: वचन के समझाव केद लङअ: इमतङ अलङ इसु रसिका लङ ताइकेना।” इमतङ गी, ओड़ोङ केअते यरुशलेम किन रुवाड़ जना। इनकिन सेटेर जन चि चेला कोके किन उदुबद कोअ:। “यीशु जीद गीअ: अलीङ इनि: केलिङ नेला कजअ:।

![](https://cdn.door43.org/obs/jpg/360px/obs-en-42-06.jpg)

जब चेला को बकड़ ताइनको यीशु अचका तेगी एन कोठरी रे इनकुअ: अयार रे देखाव जना। इनि: कजि केदा, “अपे के शन्ति नमोकअ:” चेला को सोचव केदा को चि इनि: जन बोंगा ताइकेना, मगर यीशु कजि केदा, “अपे चिनअ: लाइ पे बोरो तना? अपे चिनअ: लाइ नेयअ: कपे सोचावयअ: चि सरती गी अञङ यीशु तनिङ? अञङअ: ती ओड़ो: काटा कोके नेलेपे। बोंगा कोअ: नेका होड़मो का ताइना चिलका अञङअ: मेनअ:।” नेयअ: देखाव लाइ चि इनि: जेतन बोंगा काए ताइकेना इनि: जोजोम लाइ ज नअ: कोए असी केद कोअ:। इनकु इनि: के हकुवअ: मियद खांड को ओमाजअ:, ओड़ो: इनि: एना के जोम केदा।

![](https://cdn.door43.org/obs/jpg/360px/obs-en-42-07.jpg)

यीशु कजि केदा, “अञङअ: बारे रे परमेश्वरअ: वचन जे तेअ: कजियअ: एना होबवगअ:। अञङ अपे के उदुब लेद पेञङ चि नेया होबाव जरूरी गिया।” एनेद यीशु इनकु के परमेश्वरअ: बचन बेस लेकाते समझाव केद कोअ:, इनि: कजि केदा, “ढेइर सिदा भविष्यवक्ता ओल लअ: चि अञङ, मसीह के दुकु को उठाव होबव गअ: गोजेन होबव गअ: आद एनेद तीसरा दिन रे गोजाकनेते जीद रुवाड़ेन होबव गअ:।

![](https://cdn.door43.org/obs/jpg/360px/obs-en-42-08.jpg)

एन भविष्यवक्ता को नेआव को ओल लअ: चि अञङअ: चेला को परमेश्वर गअ: बचन रअ: को घोषणायअ:। इनकु सोबेन मियद होड़ो कोके अकोवअ: पाप के मानतिङ लाइ को उदुबकोअ:। अगर इनकु नेकाय रेदो को परमेश्वर इनकुअ: पाप कोके क्षेमायअ:। अञङअ: चेला को ने संदेश के परचार यरुशलेम शहर तेको एटे जेअ:। एनेद इनकु सोबेन ठाँव: रे सोबेन जाति को तअ: को सेना। अपे अञङअ: सोबेन मियद कजि ओड़ो: कमि कोरअ: गवाह तनपे, जे अञङ कजि कदा ओड़ो: रिका कदाइङ, ओड़ो: एना कोरअ:व जे अञङअ: लोओ: होबा लेना।”

![](https://cdn.door43.org/obs/jpg/360px/obs-en-42-09.jpg)

अयार ते चालीस दिन जकेद यीशु अयअ: चेला को तअ: रे ढेइर बेर देखाव जना। मिसा दो इनि: मिसा तेगी 500 तेयो थिम्बा होड़ो: को तअ: रे देखवा जना। इनि: अयअ: चेला कोअ: रे ढेइर तरीका ते सबित केदा चि इनि: जीद गी मेनाइअ:, ओड़ो इनि: इनकु के परमेश्वरअ: राइज रअ: बारे रे सेड़ा ओमाद कोअ:।

![](https://cdn.door43.org/obs/jpg/360px/obs-en-42-10.jpg)

यीशु अयअ: चेला कोके कजियद कोअ:, “परमेश्वर अञङ के स्वर्ग ओड़ो: ने ओते दिसुम रेन सोबेन मियद होड़ो: कोअ: रे शासन लाइ हुकुम ओमा: कदीञङअ:। एनामेनते अञङ अपे के कजियपे तनाइङ सेन केअते सोबेन जाति रेन होड़ो: कोके चेला बाइ कोपे। नेका रिका लाइ अपेके इनकु के अपु, होन ओड़ो: पवित्र आत्मा रअ: नुतुम ते बपतिस्मा ओम मेनअ:। जे नअ: को अञङ अपे के हुकुम ओमा कद पेञङ एन सोबेन कजि कोकेयो अपे के इनकु के सिखाव होबाव गअ:। पहामे पे, अञङ जनाव गी अपे लोओ: ताइनञङ।”

![](https://cdn.door43.org/obs/jpg/360px/obs-en-42-11.jpg)

यीशु गोजाकन कोएते जीद बिरिद जन रअ: चालीस दिन रअ: तयोमते, इनि: अयअ: चेला कोके कजियद कोअ:, “जब तक अञङअ: आबा अपे के पेड़ेज काए ओमा पेअ: इमतङ जकेद यरूशलेम शहर रेगी तयु पे। इनि: अपेअ: रे पवित्र आत्मा कुल केअते नेका रिकायाए।” एनेद यीशु स्वर्ग ते सेनो: जना, ओड़ो: मियद रिमिल इनि: के इनकुवअ: नजइर ते दनङ किजअ:। स्वर्ग रे यीशु सोबेन जिनिस कोरअ: शासन लाइ परमेश्वरअ: जोम पअ रे दूबा जना।

*मत्ती 28:16-20, मरकुस 16:12-20 लूका 24:13-53, यूहन्ना 20:19-23, प्रेरित 1:1-11 ते इदियकन बाइबल रअ: मियद कहनी*

## 43. कलीसिया रअ: एनेटेज होबावगअ:

https://openbiblestories.org/l/unx-deva/story-43/

![](https://cdn.door43.org/obs/jpg/360px/obs-en-43-01.jpg)

यीशु गअ: स्वर्ग रुवाड़ जन रअ: तयोमते, चेला को यरूशलेम शहर रेगी को ताइन जना चिलका यीशु इनकु के रिका लाइ हुकुम ओम लेद कोअ:। एनता रेन विश्वासी होड़ो: को रोज दिन मिसा ते विनती लाइ जमान ताइनको।

![](https://cdn.door43.org/obs/jpg/360px/obs-en-43-02.jpg)

हर साल, फसह परब रअ: 50 दिन तयोमते, यहूदी होड़ो: को पिन्तेकुस्त परब नुतुम मियद खास दिन के मानातिङ ताइनको। पिन्तेकुस्त एन समय ताइकेना जब यहूदी होड़ो को गोहोम इरो केको मानातिङ ताइनअ:। सोबेन दिसुम रेन यहूदी होड़ो: को पिन्तेकुस्त परब रअ: दिन के मिसा ते मनव लाइ यरूशलेम शहर को हिजु लेना। ने साल पिन्तेकुस्त परब मनव रअ: समय यीशु स्वर्ग सेनो: जन रअ: लगभग एक सप्ताह रअ: तयोमते हिजु लेना।

![](https://cdn.door43.org/obs/jpg/360px/obs-en-43-03.jpg)

जे इमतङ विश्वासी होड़ो को मिद तअ: रेको जमा लेना दो इनकु ओकोन ओड़ा रेको ताइन केना एन ओड़ा: अचका तेगी तेज होयो रअ: आवाज ते पेरे जना। एनेद सेंगेल जुलो तन लेका नेलो: वाला जानअ: सोबेन विश्वासी होड़ो कोअ: बो: रे देखवा जना। इनकु सोबेन पवित्र आत्मा तेको पेरे जना ओड़ो: इनकु एटअ:-एटअ: भाषा रे परमेश्वर गअ: स्तुति को एटेज केदा। इनकु ने भाषा कोके कको सरी ताइना। नेयाको एन भाषा ताइकेना जे नअ: कोके बकड़ लाइ पवित्र आत्मा पेड़े ओम लेद कोअ:।

![](https://cdn.door43.org/obs/jpg/360px/obs-en-43-04.jpg)

जब यरूशलेम शहर रे तयु वाला होड़ो: को एन गुल केको अयुम केदा दो इनकु भीड़ बाइ केअते नेयअ: नेनेल लाइ मिसा तेको हिजु लेना चि चिनअ: होबव ताइना। इनकु विश्वासी होड़ो कोके परमेश्वर रिका लेद मरङ-मरङ कामी कोरअ: घोषणा तन को अयुम केद कोअ:। इनकु भकुवाव जना को चियाची भले गी इनकु एटअ:-एटअ: देश रेन को ताइकेना ओड़ो: एटअ:-एटअ: भाषा को बकड़ ताइना, मगर होड़ो को अकोअ:-अकोअ: भाषा रेको अयुम ताइना चि परमेश्वर चिना:-चिनअ: रिका कदा।

![](https://cdn.door43.org/obs/jpg/360px/obs-en-43-05.jpg)

इनकु मेसे ढेइर होड़ो: को कजि केदा को चि एन चेला को नशा रे मेनअ: कोअ:। मगर पतरस तिंगु जना ओड़ो: इनकु के कजियद कोअ:, “अञङअ: बकड़ अयुमेपे। ने होड़ो: को नशा रे बङकुअ:। नेयअ: रअ: बदला रे जे अपे नेल तनापे एना, एना गी तना जे योएल भविष्यद्वक्ता कजि लअ: चि होबव गअ: परमेश्वर कजि केदा, ‘अखरी दिन कोरे, अञङ अञङअ: आत्मा केञङ दुलेया।’”

![](https://cdn.door43.org/obs/jpg/360px/obs-en-43-06.jpg)

“हे इस्राएली कोड़ा को, यीशु मियद नेलकन होड़ो: ताइकेना, जे नेयअ: देखवा लाइ चि इनि: ओकोय ताइकेना, इसु चमत्कार कामी को कमि लअ:। इनि: परमेश्वरअ: पेड़ेज ते इसु चमत्कार कामी कोए कमि लअ:। अपे नेयअ: कोपे सरीयअ: चियाची अपे ने कामी कोके पे नेला कदा। मगर अपे इनि: के क्रूस रेपे रकब तजअ:।”

![](https://cdn.door43.org/obs/jpg/360px/obs-en-43-07.jpg)

“यीशु गोए जना मगर परमेश्वर इनि: के गोजाकन कोएते जीद बिरिद किजअ:। नी: एन कजि के पूरा केदा, जे तेअ: के मियद भविष्यद्वक्ता ओल लअ: ‘अम अमअ: पवित्र होड़ो: के कब्र रे कम सोया इकायअ:।’ अञङ गवाह तनिंग चि परमेश्वर यीशु के हडो जीद रुवाड़ किजअ:।”

![](https://cdn.door43.org/obs/jpg/360px/obs-en-43-08.jpg)

“परमेश्वर आबा नअ: दो यीशु के अयअ: जोम पअ: रे दूब केअते इनि: के माइन ओमा कजअ:। ओड़ो: यीशु अले लाइ पवित्र आत्मा कुला कदा चिलका चि इनि: वायदा लअ: चि इनि: कुलेयअ:। पवित्र आत्मा गी एन कामी कोके होबा इका तना, जे नअ: को अपे नेल तनापे ओड़ो: अयुम तना पे।”

![](https://cdn.door43.org/obs/jpg/360px/obs-en-43-09.jpg)

“अपे एन होड़ो: यीशु के क्रूस रेपे रकब तजा। मगर पक्का सरी केनोपे चि परमेश्वर यीशु के सोबेन जिनिस को रे प्रभु ओड़ो: मसीह बरनअ: ठहराव कजअ:।”

![](https://cdn.door43.org/obs/jpg/360px/obs-en-43-10.jpg)

पतरस गअ: कजि अयुम वाला होड़ो को इनिअ: बकड़ कोते भीतर सन को हिलाव जना। एनामेनते इनकु पतरस ओड़ो: चेला कोके कुली केद कोअ: को, “हे हगा को, अले के चिनअ: रिकाए चाही?”

![](https://cdn.door43.org/obs/jpg/360px/obs-en-43-11.jpg)

पतरस इनकु के जबाब ओमाद कोअ:, “सोबेन होड़ो: को अपेअ: पाप कोके मानातिङ जेंपे चि परमेश्वर अपेअ: पाप कोके क्षेमाकअ:, ओड़ो: यीशु मसीह यअ: नुतुम ते बपतिस्मा इदि पे। एनडे नङ इनि: अपे के वरदान गअ: रूप रे पवित्र आत्मा ओ ओमा पेयअ:।

![](https://cdn.door43.org/obs/jpg/360px/obs-en-43-12.jpg)

पतरस जे कजि लअ: एना रे लगभग 3,000 होड़ो: को विश्वास केदा: ओड़ो: यीशु गअ: चेला को बाइ जना। इनकु बपतिस्मा को इदि केदा आद यरूशलेम शहर रेन कलीसिया गअ: हिसा को बाइ जना।

![](https://cdn.door43.org/obs/jpg/360px/obs-en-43-13.jpg)

जब यीशु गअ: खास चेला को इनकु के शिक्षा कोको ओमाद कोअ: दो विश्वासी होड़ो को एना कोके लगातार को अयुम केदा। इनकु जनाव को नपम कते ताइना आद मिसा तेको जोम नू ताइना, ओड़ो: इनकु जनाव नी: इनिअ: लाइ अको गीको बिनती ताइनअ:। इनकु मिसा ते परमेश्वर गअ: को मनारंग ताइना ओड़ो: जे नअ: कोगी इनकु तअ: रे ताइकेना एना को इनकु अको-अको रेको साझा ताइना। नगर रेन सोबेन मियद होड़ो इनकु लाइ बेस बिचार को दोहो ताइना। रोज दिन इसु थिम्बा होड़ो: को विश्वासी को बाइ इदि जना।

*प्रेरित कोअ: कामी अध्याय- 2 ते इदियकन बाइबल रअ: मियद कहनी*

## 44. पतरस ओड़ो: यूहन्ना मियद भिखारी के ठीक ताइया किन

https://openbiblestories.org/l/unx-deva/story-44/

![](https://cdn.door43.org/obs/jpg/360px/obs-en-44-01.jpg)

मुसीङ हुलङ, पतरस ओड़ो: यूहन्ना मंदिर किन सेनो: जना। मियद लंगड़ा होड़ो भीख असी लाइ मरंग दुवार रे दूब कन ताइकेना।

![](https://cdn.door43.org/obs/jpg/360px/obs-en-44-02.jpg)

पतरस एन लंगड़ा होड़ो पअ: अरिद केदा ओड़ो: कजि केदा, “अञङअ: तअ: अम के ओम लाइ पैसा दो बनोगअ:। मगर जे अञङ तअ: रे मेनअ: एना अम के ओमाम तना। यीशुअ: नुतुम ते बिरिद मे ओड़ो: सेन बड़ाएम मे!”

![](https://cdn.door43.org/obs/jpg/360px/obs-en-44-03.jpg)

इमतंग गी परमेश्वर एन होड़ो के ठीक तजाए। इनि: नेते हेनते सेन बड़ा आद निर बड़ा ओड़ो: परमेश्वर गअ: मानारंग एटे केदा। मंदिर रअ: रचा रेन होड़ो: भकुवाव जना को।

![](https://cdn.door43.org/obs/jpg/360px/obs-en-44-04.jpg)

सेकड़ा गी होड़ो: कोअ: मियद मरंग भीड़ एन होड़ो के जे ठीक लेना, नेनेल लाइ को हिजु लेना, पतरस इनकु के कजियद कोअ:, “ने होड़ो ठीक जना, मगर ने कजि ते अलपे ताजुबोगअ:। अञङ नी के अञअ: पेड़े ते कञङ ठीक कजअ:, चाहे एना लगिनो कहा चि अञङ परमेश्वर के माइनीया। मेनदो, इनि: यीशु तनी जे ने होड़ो के अयअ: पेड़े ते ठीक कजअ:, चियाची अञङ यीशु गअ: चेतन रे भरोसा यञङ।”

![](https://cdn.door43.org/obs/jpg/360px/obs-en-44-05.jpg)

“इनकु अपे गी तनपे जे एन रोमी राज्यपाल के यीशु के गोगोज लाइ पे कजि लिजअ:। अपे इनि: केपे गोए किजअ: जे सोबेन कोके जिनीद ओमा कोअ:। मगर परमेश्वर इनि: के गोजाकन कोएते जीद रुवाड़ किजाए। अपे कपे बुझाव जना चि चिनअ: कोपे रिका ताइना, मगर जब अपे एन कामी कोपे कमि ताइना, दो जे भविष्यद्वक्ता कोको कजि लअ: एना पूरा जना। इनकु कजि लअ: को चि मसीह दुःख उठवयअ: ओड़ो: गोए केनोगअ:। परमेश्वर नेयअ: के ने लेका ते रिका इका केदा। एनामेनते नअ: दो अपे अपेअ: पाप कोके मानातिङ जेंपे ओड़ो: परमेश्वर पअ: रुवाड़ पे, चि इनि: अपेअ: पाप कोके चापी केअते सफा तजा।”

![](https://cdn.door43.org/obs/jpg/360px/obs-en-44-06.jpg)

जब मंदिर रेन अगुवा को पतरस ओड़ो: यूहन्ना केको अयुम केद किना, दो इनकु इसु घबराव जना को। एनामेनते इनकु इनकिन के सब केअते जेल ओड़ा रेको साजू तद किना। मगर पतरस जे कजि लअ: एना रे ढेइर होड़ो: को विश्वास केदा को। यीशु गअ: चेतन रे विश्वासे वाला होड़ो कोअ: लेनेका बड़ाव केअते 5,000 होबा जना।

![](https://cdn.door43.org/obs/jpg/360px/obs-en-44-07.jpg)

तयोम हुलङ यहूदी अगुवा को पतरस ओड़ो: यूहन्ना के महापुरोहित आद एटअ: धर्मिक अगुवा कोतअ: को आउ लेद किना। इनकु एन होड़ो: केओ को आउ लिजअ: जे लंगड़ा ताइकेनाए। इनकु पतरस ओड़ो: यूहन्ना केको कुली केद किना, “ओकोन हक ते अबेन एन लंगड़ा होड़ो केबेन ठीक किजअ:?”

![](https://cdn.door43.org/obs/jpg/360px/obs-en-44-08.jpg)

पतरस जबाब ओमाद कोअ:, “ने होड़ो जे अपेअ: अयार रे तिंगु कना, इनि: के यीशु मसीह गअ: पेड़ेज तेलिंग ठीक किजअ:। अपे यीशु के क्रूस रेपे रकब तजा मगर परमेश्वर इनि: के हडो जीद रुवाड़ किजअ:! अपे इनि: के कपे अपनाव किजअ:, मगर यीशु गअ: पेड़ेज रअ: जरिया के बगि केअते हडो एटअ: होरा छुटकारा नम लाइ बनोवा!”

![](https://cdn.door43.org/obs/jpg/360px/obs-en-44-09.jpg)

एन अगुवा को भकुवाव जना को चि पतरस ओड़ो: यूहन्ना इसु साहस केअते किन कजि लअ:। इनकु नेल केदा को चि निकिन सधारण होड़ो किन ताइकेना जे अनपढ़ किन ताइकेना। मगर हडो इनकु को पहम केदा चि निकिन यीशु लोओ: किन ताइकेना। एनामेनते इनकु इनकिन केको कजियद किना, “अले अबेन के इसु थिम्बा सजा ले ओमा बेना अगर अबेन ने यीशु गअ: बारे रे होड़ो कोके हडो संदेस बेन ओमा कोरे दो।” नेलकन ढेइर कजि को कजि केद रअ: तयोमते, इनकु पतरस ओड़ो: यूहन्ना केको सेनो: इका केद किना।

*प्रेरित कोअ: कामी अध्याय 3:1-4:22 ते इदियकन बाइबल रअ: मियद कहनी*

## 45. स्तिफनुस ओड़ो: फिलिप्पुस

https://openbiblestories.org/l/unx-deva/story-45/

![](https://cdn.door43.org/obs/jpg/360px/obs-en-45-01.jpg)

सिदा मसीही अगुवा कोअ: थला रे स्तिफनुस नुतुम मियद होड़ो: ताइकेना। सोबेन होड़ो को इनि: के मइनी ताइनको। पवित्र आत्मा इनि: के इसु पेड़ेज ओड़ो: बुद्धि ओम लिजअ:। स्तिफनुस इसु चमत्कार कामी को रिका लअ:। जब इनि: यीशु गअ: चेतन रे भरोसा दोहो रअ: बारे रे शिक्षा ओमाद कोअ: दो ढेइर होड़ो: को इनियअ: रेको विश्वास केदा।

![](https://cdn.door43.org/obs/jpg/360px/obs-en-45-02.jpg)

मुसिङ हुलङ स्तिफनुस यीशु गअ: बारे रे शिक्षा ओमा को ताइना:, ओड़ो: हुड़ीङ लेका नेलकन यहूदी कोको हिजु लेना जे यीशु गअ: चेतन रे कको विश्वास लअ: ओड़ो: इनि: लोओ: वाद-विवाद को एटेज केदा। इनकु इसु को खीस जना, एनामेनते इनकु धर्मिक अगुवा कोतअ: को सेनो: जना ओड़ो: इनिअ: बारे रे झूठ को कजि केदा। इनकु कजि केदा, “अले स्तिफनुस के मूसा ओड़ो: परमेश्वर गअ: बारे रे एटकन कजि को कजि तन ले अयुम कजअ:। एनामेनते धर्मिक अगुवा को स्तिफनुस केको सब किजअ: ओड़ो: इनि: के महापुरोहित ओड़ो: यहूदी कोअ: हडो एटअ: अगुवा कोअ: अयार रेको आउ लिजअ:। हडो गी झूठा गवाह कोको हिजु लेना ओड़ो: इनकुओ स्तिफनुस गअ: बारे रे झूठ को कजि केदा।

![](https://cdn.door43.org/obs/jpg/360px/obs-en-45-03.jpg)

महापुरोहित स्तिफनुस के कुली किजअ:, “चिनअ: ने होड़ो: को अमअ: बारे रे सरती को कजि तना?”स्तिफनुस महापुरोहित के जबाब ओम लाइ इसु थिम्बा कजि को कजि एटेज केदा। इनि: कजि केदा चि अब्राहम गअ: समय ते यीशु गअ: समय जकेद परमेश्वर इस्राएल रेन होड़ो: को लाइ इसु थिम्बा चमत्कार कामी कोए कमि लअ:। मगर होड़ो को जनाव गी परमेश्वर गअ: हुकुम के कको मनातिङ ताइना। स्तिफनुस कजि केदा, “अपे परमेश्वर गअ: बिरोध रे ढीठ ओड़ो: विद्रोह वाला होड़ो तनपे। अपे जनाव गी पवित्र आत्मा के कपे स्वीकार केदा:, चिलका चि अबुवा पुरखा को जनाव गी पवित्र आत्मा के कको स्वीकार लअ:को ओड़ो: जनाव गी इनिअ: भविष्यद्वक्ता कोके गोए लेद कोअ: को। मगर जे इनकु को रिका लअ: एनएतेओ: अपे हडो गी एटकन कामी पे रिका केदा! अपे मसीह केपे गोए तजा!”

![](https://cdn.door43.org/obs/jpg/360px/obs-en-45-04.jpg)

जब एन धर्मिक अगुवा को नेयअ: को अयुम केदा दो इनकु नीमिन को खिंस जना चि इनकु अकोअ: लुतुर केको तेपेद केदा ओड़ो: जोर तेको गुल केदा। इनकु स्तिफनुस के ओर केअते नगर रेते बाहर को इदि किजअ: ओड़ो: इनि: के गोए लाइ दिरी तेको हुदमा किजअ:।

![](https://cdn.door43.org/obs/jpg/360px/obs-en-45-05.jpg)

जब स्तिफनुस गोजो ताइनाए इमतंग इनि: जोर ते हकाव केदा,“हे यीशु, अञङअ: आत्मा के स्वीकार केमे!”एनेद इनि: अयअ: मुकड़ी टेकाव केदा, ओड़ो: हडो जोर ते हकाव केदा, “हे प्रभु, ने पाप इनकुअ: रे अलोम लगाव यअ:।” एनेद इनि गोए जना।

![](https://cdn.door43.org/obs/jpg/360px/obs-en-45-06.jpg)

एन हुलङ, यरूशलेम शहर रे तयु वाला इसु थिम्बा होड़ो को यीशु गअ: चेला कोके सताव को एटेज केदा, एनामेनते विश्वासी होड़ो: को एटअ: ठयाद कोते को नीर जना। मगर एन रेओ इनकु जे तअ: को सेनो: जना एनता रेओ यीशु गअ: बारे रेको परचार केदा।

![](https://cdn.door43.org/obs/jpg/360px/obs-en-45-07.jpg)

फिलिप्पुस नुतुम यीशु गअ: मियद विश्वासी होड़ो ताइकेना। चिलका चि एटअ: ढेइर विश्वासी होड़ो को रिका लअ:, इनिओ एनका गी यरूशलेम शहरेते नीर जना। इनि: सामरिया ठयाद रे सेनो: जना, एनता रे इनि: होड़ो को तअ: रे यीशु गअ: बारे रे परचार केदा। ढेइर होड़ो: को इनिअ: रेको विश्वास केदा ओड़ो: छुटकारा को नम केदा। मुसिङ हुलङ फिलिप्पुस तअ: परमेश्वर पअ: ते मियद स्वर्गदूत हिजु लेनाए ओड़ो: इनि: के बुरु रे सेन लाइ ओड़ो: मियद संडक रे सेसेन लाइ कजियजअ:। फिलिप्पुस एनता सेनो: जना। जब इनि: एन संडक रे सेसेन ताइना इमतङ इनि: मियद होड़ो: के अयअ: रथ रे सेनो: तन नेल किजअ:। ने होड़ो: कुश देश रेन मियद खास अधिकारी ताइकेना। पवित्र आत्मा फिलिप्पुस के कजियजअ: चि एन होड़ो तअ: सेन केअते इनि: लोओ: बकाड़ेमे।

![](https://cdn.door43.org/obs/jpg/360px/obs-en-45-08.jpg)

एनामेनते फिलिप्पुस रथ तअ: सेनो: जना। इनि: अयुम केदा चि एन कूशी होड़ो परमेश्वर गअ: बचन के पढ़ाव ताइना। जे यशायाह भविष्यद्वक्ता ओल लअ:, इनि: एना के पढ़ाव ताइना। इनि पढ़ाव ताइना, “इनकु इनि:के गोगोए इदि तन मिण्डी लेका को इदि किजअ:, ओड़ो: चिलका मियद मेरोम होन शान्त ताइनाए, इनिओ मियद मोचा काए कजि केदा। इनकु इनि: लोओ: बेस लेका कको व्यवहर केदा ओड़ो: इनि: के कको माइन किजअ:। इनकु इनिअ: जीउ केको इदि केदा।”

![](https://cdn.door43.org/obs/jpg/360px/obs-en-45-09.jpg)

फिलिप्पुस एन कुशी होड़ो के कुली किजअ:, “जे अम पढाव तनम चिनअ: अम एना के समझाओ: तनम?”एन कुशी होड़ो जबाब ओमा जअ:, “कहा। जाए जेतय नेयअ: के अञङ के कको समझावएञ:,एन जकदे अञङ काञ सामझावअ:। लिबुय केअते अञङ तअ: रे हिजु केअते दुब मे। चिनअ: यशायाह नेयअ: अयअ: बारे रे ओल ताइना चि जाए एटअ: निजअ: बारे रे?”

![](https://cdn.door43.org/obs/jpg/360px/obs-en-45-10.jpg)

फिलिप्पुस रथ रे रकब केअते दूब जना। एनेद एन कुशी होड़ो: के एना के उदुबजअ: जे यशायाह यीशु गअ: बारे रे ओल लअ:। फिलिप्पुस परमेश्वर गअ: बचन रअ: इसु एटअ: भाग कोरअ: ओ चर्चा केदा। ने लेका ते, इनि: एन होड़ो: के यीशु गअ: बारे रे बुगिन संदेश सुनावजअ:।

![](https://cdn.door43.org/obs/jpg/360px/obs-en-45-11.jpg)

फिलिप्पुस ओड़ो: एन कुशी होड़ो सेनो तन दाअ: तअ: किन सेटेर जना। एन कुशी होड़ो कजि केदा, “नेलेम नेतअ: रे दाअ: मेनअ:! चिनअ: अञङ बपतिस्मा इदि दड़िञङ?” ओड़ो: इनि: सारथी (रथ चलाव नी) के रथ तिंगु लाइ कजियजअ:।

![](https://cdn.door43.org/obs/jpg/360px/obs-en-45-12.jpg)

एनाते इनकिन दाअ: रेकीन सेनो: जना, ओड़ो: फिलिप्पुस एन कुशी होड़ो के बपतिस्मा ओमा जअ:। जे इमतंग इनकिन दाअ: ते बाहर किन ओडोङ जना दो पवित्र आत्मा अचका गी फिलिप्पुस के उठाव केअते एटअ: ठयाद ते इदि किजअ:। एनता रे फिलिप्पुस होड़ो: कोके यीशु गअ: बारे रे लगातार गी उदुब इदि केदा।

![](https://cdn.door43.org/obs/jpg/360px/obs-en-45-13.jpg)

एन कुशी होड़ो अयअ: ओड़ा: पअ: अयार ते सेनो: जना। इनि: रसिका ताइकेना चि नअ: दो इनि: यीशु के सरी जना।

*प्रेरित कोअ: कामी अध्याय 6:8-8:5, 8:26-40 ते इदियकन बाइबल रअ: मियद कहनी*

## 46. पौलुस मसीही विश्वासी बाइ केनोगअ:

https://openbiblestories.org/l/unx-deva/story-46/

![](https://cdn.door43.org/obs/jpg/360px/obs-en-46-01.jpg)

शाऊल नुतुम मियद होड़ो ताइकेना इनि: यीशु गअ: रे काए विश्वास लअ:। जब इनि: जवान ताइकेना इमतङ, इनि: स्तिफनुस के गोगोए होड़ो कोअ: लिजअ: कोरअ: पहरा लअ:। तयोमते इनि:विश्वासी होड़ो कोके सताव लेद कोअ:। इनि: यरूशलेम शहर रे ओड़ा-ओड़ा सेन केअते कोड़ा ओड़ो: कुड़ी सोबेन होड़ो कोके सब केअते जेल ओड़ा रे साजू लेद कोअ:। एनेद महापुरोहित शाऊल के दमिश्क नगर सेन लाइ हुकुम ओमा जाए। इनि: एनता रेन मसीही होड़ो कोके ससाब लाइ ओड़ो: इनकु के यरूशलेम शहर ते आउ रुवाड़ लाइ शाऊल के कजियजअ:।

![](https://cdn.door43.org/obs/jpg/360px/obs-en-46-02.jpg)

एनाते शाऊल दमिश्क नगर ते सेनो: एटेज केदा। एन नगर सेटेर रअ: कटिज देरी सिदा, इनिअ: चाइरो पअ: सिरमा रे मियद पुण्डी मरसल चमकाव जना, ओड़ो: इनि: ओते रे उयु जना। शाऊल जाए के कजि तन अयुम किजअ:, “हे शाऊल! हे शाऊल! अम अञङ के चिनअ: लाइ सतावीङ तनम?” शाऊल कुली किजअ:, “हे प्रभु अम ओकोय तनमे?” यीशु इनि: के जबाब ओमा जाए, “अञङ यीशु तनिङ! अम अञङ के सतावीङ तनम!”

![](https://cdn.door43.org/obs/jpg/360px/obs-en-46-03.jpg)

जब शाऊल बिरिद जना दो इनि: नेल काए दड़ी जना। इनिअ: गति को इनि: के दमिश्क नगर को इदि किजअ:। शाऊल तीन दिन जकेद चिनाअव काए जोम नू लअ:।

![](https://cdn.door43.org/obs/jpg/360px/obs-en-46-04.jpg)

दमिश्क नगर रे हनन्याह नुतुम मियद चेला ताइकेना। परमेश्वर इनि: के कजियजअ:, “एन ओड़ा सेनो: मे जे ओड़ा रे शाऊल मेनाइया। अमअ: ती: के इनिअ: रे दोहोएमे चि इनि: हडो नेल दड़िकाए।” मगर हनन्याह कजि केदा, “हे प्रभु, अञङ अयुम कदञङ चि ने होड़ो विश्वासी कोके चिलकाए सताव कद कोअ:।” परमेश्वर इनि: के जबाब ओमा जाए, “जू! अञङ इनि: के यहूदी होड़ो को ओड़ो: एटअ: जाति रेन होड़ो: कोअ: रे अञङअ: नुतुम घोषणा लाइ सला कजञङ। इनि: अञङअ: नुतुम लाइ इसु दुकु कोए सहतिङ याए।”

![](https://cdn.door43.org/obs/jpg/360px/obs-en-46-05.jpg)

एनाते हनन्याह शाऊल तअ: सेनो: जना, अयअ: बरन ती के इनिअ: रे दोहो केदा ओड़ो: कजि केदा, “यीशु, जे अम नेतअ: हिजु ताइनाम इमतंग अमअ: होरा रे अमअ: तअ:रे देखाव इका लेना, इनि: अञङ के अमअ: तअ: कुला कदिञङअ: चि अम हडो नेल दड़िकम, ओड़ो: पवित्र आत्मा अम के पेरे तम कअ:।” इमतङ गी शाऊल हडो नेनेलए दड़ि जना, हनन्याह इनि: के बपतिस्मा ओमा जाए। एनेद शाऊल जोम नू केदाए ओड़ो: हडो केटेए रुवाड़ जनाए।

![](https://cdn.door43.org/obs/jpg/360px/obs-en-46-06.jpg)

इमतंगे तेगी शाऊल दमिश्क नगर रे ताइनो वाला यहूदी कोतअ: रे परचार एटेज केदाए। इनि: कजि केदा, “यीशु गी परमेश्वर गअ: होन कोड़ा तनि:!”यहूदी होड़ो को भकुवाव जना को। चियाची शाऊल दो विश्वासी होड़ो कोके गोगोजए सनङ ताइना, मगर नअ: दो इनि: यीशु गअ: रे विश्वास केदा। शाऊल यहूदी कोलोओ वाद-विवाद केदा। इनि: देखावद कोअ: चि यीशु गी मसीह तनी।

![](https://cdn.door43.org/obs/jpg/360px/obs-en-46-07.jpg)

ढेइर दिन रअ:तयोमते, यहूदी होड़ो को शाऊल के गोगोए रअ: योजना को बाइकेदा। इनकु इनि: के गोगोए लाइ होड़ो: कोके नगर रअ: मरङ दुवार तअ: को कुल केद कोअ:। चि इनिअ: को पहरेदारी कअ:, मगर शाऊल एन योजना रअ: बारे रे अयुम केदा, ओड़ो: इनिअ: गति को इनि: के बचाव केअते ओडोङ रे इनिअ: को देंगा जा। मुसिङ अयुब इनकु इनि: के डाली रे दुब केअते नगर रअ: भीते ते लतर को अड़गु तजा। दमिश्क नगर रेते बचाव केअते ओडोङ जन रअ: तयोमते शाऊल यीशु गअ: बारे रे लगातार गी परचार इदि केदा।

![](https://cdn.door43.org/obs/jpg/360px/obs-en-46-08.jpg)

शाऊल खास चेला कोलो नपम लाइ यरूशलेम शहर सेनो: जना, मगर इनकु इनिजेते बोरो ताइनको। एनेद बरनाबस नुतुम मियद विश्वासी होड़ो शाऊल के खास चेला को तअ: आउ लिजअ:। इनि: इनकु के उदुबद कोअ: चि शाऊल चिलका साहस केअते दमिश्क नगर रे परचार लअ:। एना रअ: तयोमते, खास चेला को शाऊल केको अपनाव किजअ:।

![](https://cdn.door43.org/obs/jpg/360px/obs-en-46-09.jpg)

हुडिंग लेका विश्वासी होड़ो को जे यरूशलेम शहर रअ: सताव तेको नीर लेना, इनकु संगीन अंताकिया नगर रेको सेनो: लेना ओड़ो: यीशु गअ: बारे रेको परचार ताइना। अंताकिया रे ताइनो वाला थिम्बा होड़ो: को यहूदी कको ताइकेना, मगर पहली बार एन मेसे ढेइर होड़ो को जे यहूदी कको ताइकेना विश्वासी को बाइ जना। बरनाबस ओड़ो: शाऊल ने नावा विश्वासी कोके यीशु गअ: बारे रे हडो थिम्बा सिखाव लाइ एनता किन सेनो: जना ओड़ो: कलीसिया केकिन मजबूत केदा। यीशु गअ: रे विश्वासे वाला होड़ो को सिदा अंताकिया रेगी “ मसीही” को कजि जना।

![](https://cdn.door43.org/obs/jpg/360px/obs-en-46-10.jpg)

मुसिंङ हुलंग, अंताकिया रेन मसीही होड़ो: को उपास केअते विनती ताइनको। पवित्र आत्मा इनकु के कजियद कोअ:, “अञङअ: लाइ बरनाबस ओड़ो: शाऊल के एन कामी के कमि लाइ जुदा तकिन पे जे कामी के कमि लाइ अञङ इनकिन के केड़ा कद किनअ:।” एनामेनते अंताकिया रअ: कलीसिया रेन होड़ो को बरनाबस ओड़ो: शाऊल लाइ को विनती केदा ओड़ो इनकिना रे अकोअ: ती कोको दोहो केदा। एनेद इनकु इनकिन के एटअ: इसु थिम्बा ठयाद कोरे यीशु गअ: बुगिन सन्देश को परचार लाइ को कुल केद किना। बरनाबस ओड़ो: शाऊल एटअ:- एटअ: जाति रेन होड़ो कोके शिक्षा किन ओमाद कोअ:, ओड़ो: इसु थिम्बा होड़ो: को यीशु गअ: रेको विश्वास केदा।

*प्रेरित कोअ: कामी अध्याय 8:3, 9:1-31,11:19-26,13:1-3 ते इदियकन बाइबल रअ: मियद कहनी*

## 47. फिलिप्पी नगर रे पौलुस ओड़ो:सिलास

https://openbiblestories.org/l/unx-deva/story-47/

![](https://cdn.door43.org/obs/jpg/360px/obs-en-47-01.jpg)

जब शाऊल गोटा रोम साम्राज्य रे सेन होरा छबा केदा दो इनि: अयअ: रोमी नुतुम “पौलुस” के ब्यवहार रे आउ एटेज केदा। मुसिंङ हुलंङ, पौलुस ओड़ो: इनिअ: गति सिलास फिलिप्पी नगर रे यीशु गअ: बारे रे बुगिन सन्देश सुनाव लाइ किन सेनो: जना। इनकिन नगर रअ: बाहर नाइ गेना रअ: मियद ठयाद रेकिन सेनो: जना, जे तअ: रे होड़ो: को विनती लाइ को जमा लेना। एनता रे इनकिन लुदिया नुतुम मियद कुड़ी लोओ: किन नपम जना जे मियद बेपारी ताइकेना। इनि: परमेश्वर के दुलाड़ी ताइना ओड़ो:इनिअ: मानारंग ताइना।

![](https://cdn.door43.org/obs/jpg/360px/obs-en-47-02.jpg)

परमेश्वर लुदिया के यीशु गअ: बारे रअ: संदेश रे विश्वास लाइ बाइ किजअ:। पौलुस ओड़ो: सिलास इनि: के ओड़ो: इनिअ: परिवार कोके बपतिस्मा किन ओमाद कोअ:। इनि: पौलुस ओड़ो: सिलास के अयअ: ओड़ा रे रोकन लाइ केड़ा केद किनाए, एनामेनते इनकिन एनता रे रुकाव जना।

![](https://cdn.door43.org/obs/jpg/360px/obs-en-47-03.jpg)

पौलुस ओड़ो: सिलास होड़ो कोलोओ जनाव एन ठयाद रेकिन नपम ताइना जे तअ: रे यहूदी होड़ो को विनती ताइनको। रोज दिन जब इनकिन एनता किन सेन ताइना दो मियद दासी कुड़ी जे निजअ: रे दुष्टआत्मा ताइकेना इनकिना पीछा ताइ केनाए। ने दुष्टआत्मा गअ: चलते इनि: होड़ो कोअ: भविष्य रअ: बारे रे उदुबको ताइना। एनामेनते इनि: भविष्य रअ: बारे रे उदुब रअ: चलते अयअ: मालिक को लाइ इसु टकाए कमि ताइना।

![](https://cdn.door43.org/obs/jpg/360px/obs-en-47-04.jpg)

इनकिन सेनो: ताइन इमतंग एन दासी कुड़ी गुल ताइनाए, “ने कोड़ा किन परमप्रधान परमेश्वर गअ: सेवक तानकिन। निकिन आमके छुटकारा ननम लाइ होरा किन उदुबम तना!” इनि:रोज दिन नेका गी रिका ताइना एनाते पौलुस परेशान जना।

![](https://cdn.door43.org/obs/jpg/360px/obs-en-47-05.jpg)

आखरी रे मुसिङ हुलङ जब एन दासी कुड़ी गुलए एटे केदा, दो पौलुस हेता रुवाड़ केअते इनिअ: भीतर रेन दुष्टआत्मा के कजियजअ:, “यीशु गअ: नुतुम ते नीजे ते ओडोङ केनोम।” इमतंग गी एन दुष्टआत्मा इनि: के बगि तजा।

![](https://cdn.door43.org/obs/jpg/360px/obs-en-47-06.jpg)

एन दासी कुड़ी गअ: मालिक को इसु खिस जनाको। इनकु सरी जना चि बेगर दुष्टआत्मा ते एन कुड़ी होड़ो: कोके भविष्य रअ: बारे रे काय उदुब दड़िया। नेयअ: रअ: अर्थ तना चि होड़ो को नअ: दो इनिअ: मालिक कोके पैसा कको ओमा कोअ: चि इनि: इनकुअ: भविष्य के उदुबकोअ: चि इनकुअ: लोओ: चिनअ: होबाव गअ:।

![](https://cdn.door43.org/obs/jpg/360px/obs-en-47-07.jpg)

एनामेनते एन दासी कुड़ी गअ: मालिक को पौलुस ओड़ो: सिलास के रोमी अधिकारी को तअ: को इदि केद किना। इनकु पौलुस ओड़ो: सिलास केको बीड़ा केद किना, ओड़ो: हडो इनकिन के जेल ओड़ा: रेको साजू तद किना।

![](https://cdn.door43.org/obs/jpg/360px/obs-en-47-08.jpg)

इनकु पौलुस ओड़ो: सिलास के जेल ओड़ा रे नेलकन तअ: रेको दोहो केद किना जेतअ: रे इसु थिम्बा सिपाही को ताइकेना। नेतअ: जकेद चि इनकु इनकिना कटा कोके साहन रअ: मरङ लट्ठा कोरे को जोड़ाव तद किना। मगर पौलुस ओड़ो: सिलास थला निदा इमतंग परमेश्वर गअ: मानारंग दुरंग किन दुरङ ताइना।

![](https://cdn.door43.org/obs/jpg/360px/obs-en-47-09.jpg)

अचका तेगी मियद भयानक भूकंप हिजु लेना! जेल ओड़ा रेन सोबेन दुवार निज जना, ओड़ो सोबेन कैदी कोअ: सिकड़ी को खोलव केअते उयु जना।

![](https://cdn.door43.org/obs/jpg/360px/obs-en-47-10.jpg)

एनेद दरोगा एहेन जना। इनि: नेल केदा चि जेल ओड़ा: रअ: दुवार को निजा कना। इनि: सोचाव केदा चि सोबेन कैदी को बचाव केअते निर जना को। इनि: बोरो जनाए चि इनकु नीर जन रअ: चलते रोमी अधिकारी को इनि: केको गोए ताइया, एनामेनते इनि: आएगी गोजेन लाइ सेकड़ जनाए, मगर पौलुस इनि: के नेल केअते जोर ते गुल केदाए, “आउरी! खुद आलोम नोकसानेना। अले सोबन नेतअ: रेगी मेना लेया।”

![](https://cdn.door43.org/obs/jpg/360px/obs-en-47-11.jpg)

एन दरोगा थरथराव केअते पौलुस ओड़ो: सिलास तअ:हिजु केअते कुली केदकिना, “छुटकारा नम लाइ अञङ चिनअ: चिका यञङ?” पौलुस जबाब ओमा जाए, “प्रभु यीशु गअ: रे विश्वासे रेदो अम ओड़ो: अमअ: घराना को छुटकारा को नमेया।” एनेद एन दरोगा पौलुस ओड़ो: सिलास के अयअ: ओड़ा: इदि केद किना ओड़ो: इनकिना घाव कोए चपी केदा। पौलुस इनिअ: ओड़ा: रेन सोबेन होड़ो: कोके यीशु गअ: बारे रे बुगिन सन्देश उदुबद कोअ:।

![](https://cdn.door43.org/obs/jpg/360px/obs-en-47-12.jpg)

दरोगा ओड़ो: इनिअ: पूरा परिवार यीशु गअ: रेको विश्वास केदा, एनामेनते पौलुस ओड़ो: सिलास इनकु के बपतिस्मा किन ओमाद कोअ:। एनेद दरोगा पौलुस ओड़ो: सिलास के जोमाए ओमाद किना ओड़ो: इनकु मिसा तेको रसिका जना।

![](https://cdn.door43.org/obs/jpg/360px/obs-en-47-13.jpg)

तयोम हुलङ नगर रेन अगुवा को पौलुस ओड़ो: सिलास के जेल ओड़ाए तेको आजाद तद किना ओड़ो: फिलिप्पी नगर रेते सेनो: लाइ को कजियद किना। पौलुस ओड़ो: सिलास, लुदिया ओड़ो: हुड़ीङ लेका एटअ: हडो गति कोलोओ किन मिलाव जना ओड़ो: एना रअ: तयोमते नगर रे तेकिन ओडोङ जना। यीशु गअ: बारे रे बुगिन संदेश को पसराव इदि जना, ओड़ो: कलिसिया बढ़ाव इदि जना।

![](https://cdn.door43.org/obs/jpg/360px/obs-en-47-14.jpg)

पौलुस ओड़ो: एटअ: हडो मसीही अगुवा को इसु थिम्बा नगर कोको सेन होरा केदा। इनकु होड़ो: कोके यीशु गअ: बारे रे बुगिन संदेश को उदुबद कोअ:। इनकु कलीसिया रेन विश्वासी होड़ो कोके रसिका लाइ ओड़ो: शिक्षा ओम लाइ चिमिन गी चिठ्ठी कोको ओल केदा। ने मेसे हुडीङ लेका चिठ्ठी को बाइबल रअ: किताब को बाइ जना।

*प्रेरित कोअ: कामी अध्याय 16: 11-40 ते इदियकन बाइबल रअ: मियद कहनी*

## 48. यीशु गी वायदा कन मसीह तनी

https://openbiblestories.org/l/unx-deva/story-48/

![](https://cdn.door43.org/obs/jpg/360px/obs-en-48-01.jpg)

जे इमतंग परमेश्वर दिसुम के बाइ केदा इमतंग सोबेना बुगिन ताइकेना। जेतन पाप का ताइकेना। आदम ओड़ो: हवा अकिन-अकिन रे दुलाड़ किन दोहो ताइना ओड़ो: इनकिन परमेश्वर के दुलाड़ी ताइकेना किन। जेतन उरयु रबङ ओड़ो: गोनोए कअ: ताइ केना। परमेश्वर नेलका गी दिसुम के सनङ ताइना।

![](https://cdn.door43.org/obs/jpg/360px/obs-en-48-02.jpg)

शैतान बिङअ: रूप ते बगाइचा रे हवा लोओ: बकड़ केदा, चियाची एन बिङ हवा के धोखा ओम सनङ ताइना। एनेद हवा ओड़ो: आदम परमेश्वर गअ: बिरोध रेकिन पाप केदा। चियाची इनकिन पाप लअ: किन, एनामेनते दिसुम रे तयु वाला सोबेन होड़ो: को गोजोगा।

![](https://cdn.door43.org/obs/jpg/360px/obs-en-48-03.jpg)

चियाची आदम ओड़ो: हवा पाप लअ: किन, एनामेनते हुडिङ हडो गी एटकन होबा जना। इनकिन परमेश्वर गअ: दुश्मन किन बाइ जना। एना रअ: चलते इमतंगे ते सोबेन मियद होड़ो को पाप कदा। सोबेन होड़ो को जनमे तेगी परमेश्वर गअ: दुश्मन तनको। परमेश्वर ओड़ो: होड़ो: कोअ: थला रे शांति का ताइकेना। मगर परमेश्वर शांति दोहो सनङ ताइना।

![](https://cdn.door43.org/obs/jpg/360px/obs-en-48-04.jpg)

परमेश्वर वायदा केदा चि हवा गअ: मियद वंश शैतान गअ: बो: के रिमेया। इनि: नेआव कजि केदा चि शैतान इनिअ: एडी के हबेया। एटअ: शब्द कोरे, शैतान मसीह के गोजिया मगर परमेश्वर इनि: के हडो जीद रुवाड़ीअ:। एना रअ: तयोमते मसीह शैतान गअ: पेड़ेज के जनाव लाइ छबा तअ:। ढेइर साल रअ: तयोमते, परमेश्वर देखाव केदा चि इनि: मसीह यीशु तनी।

![](https://cdn.door43.org/obs/jpg/360px/obs-en-48-05.jpg)

परमेश्वर नूह के मियद डोंगा बबाइ लाइ कजियजअ:चि इनि:एन बाढ़ ते अयअ: परिवार रेन होड़ो कोके बचाव दड़ि कअ: जे तेअ: के परमेश्वर कुल रअ: ताइकेना। ने लेका ते परमेश्वर एन होड़ो: कोके बचाव केद कोअ: जे इनिअ: रेको विश्वास ताइना। ने लेका गी सोबेन को, परमेश्वर रेते गोजेन लाएक को ताइकेना चियाची सोबेन को पाप लअ: को। मगर परमेश्वर एन सोबेन होड़ो कोके बचाव लाइ यीशु के कुल किजअ: जे इनिअ: रेको विश्वासेअ:।

![](https://cdn.door43.org/obs/jpg/360px/obs-en-48-06.jpg)

चिमिन सौ साल जकेद, पुरोहित परमेश्वर लाइ दाड़े को रकब आउ ताइना। नेयाते सरीयो तना चि होड़ो: को पाप केदा को, ओड़ो: नेआव चि परमेश्वर रेते इनकु के सजा ओमा को लाएक को ताइकेना। मगर एन दाड़े को इनकुअ: पाप कोके कको क्षेमा दड़ि ताइना। यीशु सोबेन कोएते मरङ महापुरोहित तनी। इनि: एना रिका केदा जे ओकोन पुरोहितो काए रिका दड़ीअ:। इनि: एन मियद एकला गी दाड़े ओम लाइ आए गी ओम जना, जे सोबेन कोअ: पाप के मिटाव दड़ि ताइना। इनि: स्वीकार केदा चि परमेश्वर एन सोबेन कोअ: पाप को लाइ इनि: के सजा ओमाइ कअ:। नेयअ: रअ: चलते, यीशु सिद्ध महापुरोहित ताइकेना।

![](https://cdn.door43.org/obs/jpg/360px/obs-en-48-07.jpg)

परमेश्वर अब्राहम के कजियजअ:, “अञङ अमाएते ने दिसुम रेन सोबेन किली कोके आशीष ओमा कोञअङ।”यीशु ने अब्राहम गअ: वंशज गी ताइकेना। परमेश्वर अब्राहम गअ: जरिया ते सोबेन किली कोके आशीष ओमा को तनाए, चियाची जे यीशु गअ: रेको विश्वासेअ: परमेश्वर इनकु सोबेन कोके पापे ते बचाव कोअ:। जब निकु यीशु गअ: रेको विश्वासे यअ: दो परमेश्वर इनकु के अब्राहम गअ: वंशज मानातिङ कोअ:।

![](https://cdn.door43.org/obs/jpg/360px/obs-en-48-08.jpg)

परमेश्वर अब्राहम के कजियजअ: चि इनि: अयअ: निज होन के इनिअ: लाइ दाड़े रकब ताइ कअ:। मगर हडो परमेश्वर इसहाक गअ: बदला रे मियद मिण्डी होन के दाड़े लाइ ओम किजअ:। अबु सोबेन अबुअ: पाप को लाइ ते गोए बु लाएक बु ताइकेना! मगर परमेश्वर अबुअ: जगा रे गोजेन लाइ यीशु के दाड़े रअ: नुतुम ते ओम किजअ:। नेयअ: रअ: चलते गी अबु यीशु के परमेश्वर गअ: मिण्डी होन बु कजियइअ:।

![](https://cdn.door43.org/obs/jpg/360px/obs-en-48-09.jpg)

जब परमेश्वर मिस्र देश रे आखरी बिपइत कुल लअ: दो इनि: सोबेन मियद इस्राइली परिवार कोके कजियद कोअ: चि इनकु मियद मिण्डी होन के दाड़े रकाबी कको। एन मिण्डी होनअ: रे जेतन दोष का ताइनो चाही। एनेद अपनअ: दुवार रअ: चौखट चेतन रे ओड़ो: गेना रे इनिअ: मयोम के लगाव ताइकेना। जब परमेश्वर एन मयोम के नेल केदा दो इनि: इनकुअ: ओड़ाएते अयार पअ: सेनो: जना ओड़ो: इनकुअ: मरङ होन कोड़ा कोके काए गोए केद कोअ:। जब नेयअ: होबा जना दो परमेश्वर नेयअ: के फसह परब कजि केदा।

![](https://cdn.door43.org/obs/jpg/360px/obs-en-48-10.jpg)

यीशु फसह परब रेन मियद मिण्डी होन लेका मेनाइअ:। इनि: चिउलाव काए पाप केदा, एनामेनते इनिअ: रे चिनाव गलत का ताइकेना। इनि: फसह परब रअ:समय रे गोए जना। जब जाए होड़ो यीशु गअ: रे विश्वासेअ:, दो यीशु गअ: मयोम एन होड़ो गअ: पाप रअ: गोनोङ के चुकावया। नेयअ: नेलका मेनअ: चिलका चि परमेश्वर एन होड़ो तअ: ते अयार ते सेनो: जना, चियाची परमेश्वर इनि: के सजा काए ओमाइया।

![](https://cdn.door43.org/obs/jpg/360px/obs-en-48-11.jpg)

परमेश्वर इस्राइली होड़ो को लोओ: मियद करार तोल केदा, चियाची इनकु नेलकन होड़ो को ताइकेना जे कोके परमेश्वर अयअ: होड़ो होबव लाइ सला लेद कोअ:। मगर नअ: दो परमेश्वर मियद नेलकन करार तोला कदा जे सोबेन को लाइ तना। अगर जन जाति रेन जाएगी होड़ो ने नावा करार के स्वीकारेअ: दो इनि: परमेश्वर गअ: होड़ो: कोअ: रे मेसा केनोगा। इनि: नेका एना लाइ रिकाया चियाची इनि यीशुअ: रे विश्वासेअ:।

![](https://cdn.door43.org/obs/jpg/360px/obs-en-48-12.jpg)

मूसा मियद नेलकन भविष्यद्वक्ता ताइकेना, जे परमेश्वर गअ: वचन के इसु पेड़े लोओ: ते परचार लअ:। मगर यीशु सोबेन भविष्यद्वक्ता कोएते मरङ तनी। इनि: परमेश्वर तनी, एनामेनते जे तेअ: को इनि: रिका लअ: ओड़ो: कजि लअ: एना परमेश्वर गअ: कामी ओड़ो: बचन ताइकेना। एनामेनते पवित्रशास्र यीशु के परमेश्वर गअ: बचन कजियअ:।

![](https://cdn.door43.org/obs/jpg/360px/obs-en-48-13.jpg)

परमेश्वर राजा दाऊद लोओ: वायदा लअ: चि राजा गअ: रूप रे इनिअ: मियद वंश परमेश्वर गअ: होड़ो: कोअ: रे जनाव लाइ राइज चलावयाए। यीशु परमेश्वर गअ: होन कोड़ा ओड़ो: मसीह तनी, एनामेनते इनि: राजा दाऊद गअ: एन वंशज तनी जे जनाव लाइ राइज दड़ियाए।

![](https://cdn.door43.org/obs/jpg/360px/obs-en-48-14.jpg)

दाऊद दो इस्राइल रेन राजा ताइकेना, मगर यीशु गोटा दिसुम रेन राजा तनी! इनि: हडो हिजुगा ओड़ो: जनाव लाइ न्यायेअ: ओड़ो: शन्ति ते अयअ: राज्य रे राइजेयाए।

*उत्त्पति 1-3, 6, 14, 22, निर्गमन 12, 20, 2 शमुएल 7, इब्रानी 3:1-6, 4:14-5:10,7:1-8:13, 9:11-10:18, प्रकाशितवाक्य 21 ते इदियकन बाइबल रअ: मियद कहनी*

## 49. परमश्वर गअ: नवा करार

https://openbiblestories.org/l/unx-deva/story-49/

![](https://cdn.door43.org/obs/jpg/360px/obs-en-49-01.jpg)

मियद स्वर्गदूत डिंडा कुड़ी मरियम के कजियजअ: चि इनि:परमेश्वर गअ: होन कोड़ा के जनामियअ:। इनि: नअ: डिंडा गी ताइकेना, मगर पवित्र आत्मा इनिअ: रे हिजु लेना ओड़ो: इनिअ: होड़मो पेरे जना। इनि: मियद कोड़ा होन के जनम किजअ:, जे निजअ: नुतुम इनि: यीशु दोहो केदा। एनामेनते यीशु परमेश्वर ओड़ो: होड़ो बरानी तनी।

![](https://cdn.door43.org/obs/jpg/360px/obs-en-49-02.jpg)

यीशु ढेइर चमत्कार केदाए जे देखाव यअ चि इनि: परमेश्वर तनी। इनि: दाअ: रे सेन केदा ओड़ो: आंधी के शान्त केदा। इनि: ढेइर बेमार होड़ो कोके ठीक केद कोअ: ओड़ो ढेइर होड़ो कोएते दुष्टआत्मा कोए ओडोङ केद कोअ:। इनि: गोजा कन होड़ो: कोके जीद केद कोअ: ओड़ो इनि: पांच ठो होलोङ ओड़ो बरिया हकु ते 5,000 होड़ो: कोके खियाव लाइ ढेइर थिम्बा हकु ओड़ो होलोङ रे बदली केदा।

![](https://cdn.door43.org/obs/jpg/360px/obs-en-49-03.jpg)

यीशु मियद महान गुरुओ ताइकेना, जे तेअ: को इनि: सिखाव केदा सिध्द्ता ते सिखाव केदा। जे इनि: होड़ो: कोके रिका लाइ कजियाए एना के इनकु के रिका चाही चियाची इनि: परमेश्वर गअ: होन कोड़ा तनी। उदाहरण लाइ, इनि सिखाव कद कोअ: चि अमके एटअ: होड़ो: कोके एन लेका गी दुलाड़ रअ: जरूरइत मेनअ: चिलका अम खुद रेम दुलाड़े नम।

![](https://cdn.door43.org/obs/jpg/360px/obs-en-49-04.jpg)

इनि: नेआव सिखाव केदा चि अमके सोबेन जिनिस कोएते थिम्बा ओड़ो: अमअ: सम्पति कोएतेओ थिम्बा परमेश्वर के दुलाड़ी चाही।

![](https://cdn.door43.org/obs/jpg/360px/obs-en-49-05.jpg)

यीशु कजि केदा चि दिसुम रे जन जिनिस के नामे तेओ थिम्बा बुगिन मेनअ: परमेश्वर गअ: राइज रे ताइनो। इनिअ: राइज रे अमअ: बोलो लाइ जरूरी मेनअ: चि परमेश्वर अमके अमअ: पापे ते बचाव मेका।

![](https://cdn.door43.org/obs/jpg/360px/obs-en-49-06.jpg)

यीशु कजि केदा चि हुडीङ लेका होड़ो: को इनि: केको अपनावया। परमेश्वर एन होड़ो: कोके बचाव कोअ:। मगर एटअ: होड़ो: को इनि: के कको अपनावया। इनि: नेआव कजि केदा चि हुडीङ लेका होड़ो को बुगिन ओते लेका मेनअ: कोअ: चियाची इनकु यीशु गअ: बारे रे बुगिन संदेश को स्वीकारेअ:, ओड़ो: परमेश्वर इनकु के बचाव कोअ:। मगर हुडीङ लेका होड़ो: को होरा रअ: केटेए ओते लेका मेनअ: कोअ:, परमेश्वर गअ: बचन जंग लेका होरा रे उयु गोगा, मगर एनता रे चिनाव गी कअ: ओमोनोगा। नेलकन होड़ो को यीशु गअ: बारे रे बुगिन संदेश के कको स्वीकारेअ:। इनकु इनिअ: राइज रे बोलो नङ मना तअ: को।

![](https://cdn.door43.org/obs/jpg/360px/obs-en-49-07.jpg)

यीशु सिखाव केदा चि परमेश्वर पापी होड़ो: कोके इसु दुलाड़ कोअ:। इनि: इनकु के छेमा ओम सनङ तना ओड़ो: इनकु के अयअ: होन बाबइ सनङ तना।

![](https://cdn.door43.org/obs/jpg/360px/obs-en-49-08.jpg)

यीशु नेआव ओ उदुब केदा चि परमेश्वर पाप ते हिलंग गाँए। चियाची आदम ओड़ो हवा पाप केदाकिन, एनामेनते इनकिना सोबेन वंशज कोयो को पाप केदा। ने दिसुम रे तयु वाला सोबेन मिपियुड़ होड़ो को पाप तना को: ओड़ो: परमेश्वर ते संगीन मेना कोअ:। हर मियद होड़ो परमेश्वर गअ: दुश्मन तनी।

![](https://cdn.door43.org/obs/jpg/360px/obs-en-49-09.jpg)

मगर परमेश्वर ने दिसुम रे तयु वाला सोबेन मियुड़ होड़ो के ने लेका दुलाड़ किजअ: चि इनि: अयअ: एकला होन कोड़ा के ओम किजअ: चि परमेश्वर इनकु के सजा अलोए ओमा कोकअ: जे यीशु गअ: रेको विश्वासेअ:। नेयअ: रअ: बदला रे, इनकु इनि: लोओ: जनाव लाइ को ताइनोगअ:।

![](https://cdn.door43.org/obs/jpg/360px/obs-en-49-10.jpg)

अम गोजो: लायक मेना मअ: चियाची अम पाप कदम। परमेश्वर लाइ नेयअ: उचित होबाव गअ: चि इनि: अम के सजा ओमाम कअ:, मगर यीशु अबुअ: जगह रे पाप रअ: सजा इदि केदा। परमेश्वर यीशु के क्रूस रअ: गोनोए ओम केअते सजा ओमा जअ:।

![](https://cdn.door43.org/obs/jpg/360px/obs-en-49-11.jpg)

यीशु चिउलाव काए पाप लअ:, मगर इनि: पाप रअ: सजा के स्वीकार केदा, नेतअ: जकेद चि सोबेनअ: ते भयानक गोनोए रअ: सजा केओ स्वीकार केदा। ने लेका ते, अमअ: पाप कोके ओड़ो: ने दिसुम रे तयु वाला सोबेन मियद होड़ो: कोअ: पाप कोके उठाव इदि लाइ इनि: मियद सिद्ध दाड़े ताइकेना। यीशु खुद के परमेश्वर लाइ दाड़े ओम जना, एनामेनते परमेश्वर एन होड़ो: कोअ: ज नअ: गी पाप, नेतअ: जकेद चि भयानक पाप कोकेयो: छेमा यअ:, जे यीशु गअ: रेको बिश्वसेअ:।

![](https://cdn.door43.org/obs/jpg/360px/obs-en-49-12.jpg)

भले गी अम इसु बुगिन कामी कोम रिकाया, नेयअ: तेओ: परमेश्वर अमके काय बचाव मेयअ:। इनिअ: गति बाइयेन लाइ नेकअ: जेतनाव बनोगअ: जे अम रिका दड़िअ:। नेयअ: रअ: बदला रे अमके विश्वास होबव गअ: चि यीशु परमेश्वर गअ: होन कोड़ा तनी, ओड़ो: इनि: अमअ: बदला रे क्रूस रे गोए जना, ओड़ो: नेआव गी चि परमेश्वर इनि: के हडो जीद रुवाड़ किजअ:। अगर अम नेयअ: रे विश्वासेअ:, दो परमेश्वर अमअ: पाप कोके छेमा यअ:।

![](https://cdn.door43.org/obs/jpg/360px/obs-en-49-13.jpg)

परमेश्वर एन सोबेन मियुड़ होड़ो: के बचावीयअ: जे यीशु गअ: रे विश्वासेअ: ओड़ो: इनि: के अयअ: प्रभु स्वीकारीयअ:। मगर इनि: इनकु के काए बचाव कोअ: जे इनीअ: रे कको विश्वासेअ:। नेयअ: जेतन मायने काए दोहो या चि अम किसाड़ मेनामअ: चि रेंगेज, कोड़ा तनमे चि कुड़ी, हड़ाम तनमे चि दंगड़ा चाहे अम जातअ: रेयोम ताइनो। परमेश्वर अमके दुलाड़ मेअ: ओड़ो: इनि: सनङ तना चि अम यीशु गअ: रे विश्वासेम चि इनि: अमअ: गति बाइ दड़िओ कअ:।

![](https://cdn.door43.org/obs/jpg/360px/obs-en-49-14.jpg)

यीशु अमके हकाव मे तना चि इनिअ: रे विश्वसेम ओड़ो: बपतिस्मा इदिम। चिनअ: अम विश्वास तनम चि परमेश्वर गअ: मियद गी एकला होन कोड़ा यीशु गी मसीह तनी? चिनअ: अम विश्वसेयम चि अम मियद पापी होड़ो तनमे ओड़ो: नेआव चि परमेश्वर ते अम सजा ओमम लायक मेनामअ:? चिनअ: अम विश्वासेअम चि अमअ: पाप कोके मेटाव लाइ यीशु क्रूस रे गोए जना?

![](https://cdn.door43.org/obs/jpg/360px/obs-en-49-15.jpg)

अगर अम यीशु गअ: रेम बिश्वसेअ: ओड़ो इनि: जे अमअ: लाइ रिका कदा, एना केम अंगिकारेअ: दो अम यीशु गअ: चेला तानमे! शैतान अयअ: नुबा: राज्य रे नअ: दो अमअ: रे राइज काए चलाव तना:। नअ: दो परमेश्वर अयअ: मरसल राज्य रे अमअ: रे राइज तना। इनि: अमके आलोम पापे कअ: मेनते सक्षम बाइ कद मअ:, जे अम सिदा कामी ताइनम। इनि: अमके मियद नावा, सही जिनीद ओमा कद मअ:।

![](https://cdn.door43.org/obs/jpg/360px/obs-en-49-16.jpg)

अगर अम मियद चेला तनमे रेदो जे यीशु रिका कदा एना रअ: चलते परमेश्वर अमअ: पाप कोके छेमा कदा। नअ: दो परमेश्वर मियद दुश्मन रअ: बदला रे अमके मियद इसु नड़ेज गति मानातिंङ मे तना।

![](https://cdn.door43.org/obs/jpg/360px/obs-en-49-17.jpg)

अगर अम परमेश्वर गअ: गति तानमे ओड़ो: प्रभु यीशु गअ: सेवक तनमे रेदो अम एन कजि कोके मानातिङ सनङमअ: जे यीशु अमके सिखावमे तना। भले गी अम यीशु गअ: चेला तानमे, शैतान नअव गी पाप रिका लाइ अमअ: परीक्षयअ:। मगर परमेश्वर सोबेन इमतंग एना गी रिकायअ: जे इनि: कजियअ: चि इनि: रिका यअ:। इनि: कजियाए चि अगर अम अमअ: पाप कोके मानातिङ रेदो, इनि: अमके छेमा तमअ:। इनि: अमके पाप रअ: बिरोध लड़ाई लाइ पेड़ेज ओमामअ:।

![](https://cdn.door43.org/obs/jpg/360px/obs-en-49-18.jpg)

परमेश्वर अमके बिनती लाइ ओड़ो: इनिअ: बचन को पढाव लाइ कजियाए। इनि: अमके हडो एटअ: बिश्वासी होड़ो कोलोओ: मिसा ते मिलाव केअते इनिअ: आराधना लाइ कजियाए। अमके एटअ: होड़ो: कोकेओ: उदुब होबावअ: चि इनि: अमअ: लाइ चिनाए चिका कदा। अगर अम ने सोबेन कामी कोम रिकाए रेदो, अम इनिअ: मियद पक्का गति बाइ केनोगअ:।

*रोमी 3:21-26, 5:1-11, यूहन्ना 3:16, मरकुस16:16, कुलुस्सियों 1:13-14, 2कुरिन्थियों, 5:17-21, 1यूहन्ना 1:5-10 ते इदियकन बाइबल रअ: मियद कहनी*

## 50. यीशु हिजु रुवाड़ाए

https://openbiblestories.org/l/unx-deva/story-50/

![](https://cdn.door43.org/obs/jpg/360px/obs-en-50-01.jpg)

लगभग 2,000 साल ते ने दिसुम रे सोबेन ठयाद कोरे इसु थिम्बा होड़ो को मसीह यीशु गअ: बारे रे बुगिन सन्देश को अयुम तना। कलिसिया बढ़ाओ: तना। यीशु वायदा लअ: चि इनि: ने दिसुम रअ: आखरी रे हिजु रुवाड़ए। मगर इनि: नअ: काए हिजु रुवाड़ कना, एन रेओ इनि: अयअ: वायदा के पुरायअ:।

![](https://cdn.door43.org/obs/jpg/360px/obs-en-50-02.jpg)

मेनदो अबु यीशु गअ: हिजु रुवाड़ रअ: आसरा तनाबु, परमेश्वर अबुए ते ने लेका जीवन जिदेन रअ: सनङ तना जे पवित्र मेनअ: ओड़ो: जे इनिअ: माइनेया। इनि: नेयाओ सनङ तना चि अबु एटअ: कोकेओ इनिअ: राज्य रअ: बारे रिबू उदुबकोकअ:। जब यीशु ने दिसुम रे ताइनो ताइकेना इमतंग इनि: कजि लअ:, “अञङअ: चेला को दिसुम रअ: सोबेन ठयाद रेन होड़ो कोके परमेश्वर गअ: राइज रअ: बुगिन सन्देश को उदुबकोवा ओड़ो: एनेद आखरी दिन हिजु केनोगा।”

![](https://cdn.door43.org/obs/jpg/360px/obs-en-50-03.jpg)

ढेइर जाति को नअ: जकेद यीशुअ: बारे रे कको अयुम कदा। स्वर्ग रुवाड़ सिदा, यीशु मसीही अयअ: चेला कोके, एन होड़ो: कोके बुगिन सन्देश उदुब लाइ कजियद कोअ: जे को चिवलाव ने संदेश के कको अयुम कदा:। इनि: कजि केदा, “जू सेनो: पे ओड़ो: सोबेन जाति रेन होड़ो: कोके चेला बाइ कोपे!” ओड़ो: “इहिर लाइ लोयोङ को सेकड़ कना!”

![](https://cdn.door43.org/obs/jpg/360px/obs-en-50-04.jpg)

यीशु नेआव कजि केदा, “जाए होड़ो दासी अयअ: मालिकेते मरङ काए ताइना। ने दिसुम रेन खास होड़ो: को अञङ लोओ नफरत केदा को, ओड़ो: अञङअ: चलते इनकु अपे केओ को सताव पेअ: ओड़ो: गोए पेअ: को। ने दिसुम रे अपे दुकुवपे मगर केटेए बाइयेन पे, चियाची अञङ शैतान केञङ हराव कजा, जे ने दिसुम रे राइज तना। अगर अपे आखरी जकेद अञङअ: विश्वास लायक पे ताइन रेदो, परमेश्वर अपे के बचाव पेअ:!”

![](https://cdn.door43.org/obs/jpg/360px/obs-en-50-05.jpg)

यीशु अयअ: चेला कोके नेयअ: समझाव लाइ मियद कहनी उदुबद कोअ: चि जब दिसुम आखरी योगअ: दो होड़ो कोलोओ चिनअ: होबाव गअ:। इनि: कजि केदा, “जाए होड़ो अयअ: ओते रे बुगिन जंग हेर केदा। जब इनि: दुड़ुम ताइना इमतंङ इनिअ: दुश्मन हिजु लेना ओड़ो: गोहोम जंग रअ: थला रे दुम्बू कोरअ: जंग कोए हेर तदा, ओड़ो: इनि: हडो सेनो: जना।”

![](https://cdn.door43.org/obs/jpg/360px/obs-en-50-06.jpg)

“जब दुम्बू को ओमोन जना दो दासी को एन होड़ो केको कजियजअ:, ‘हे मालिक, अम दो अमअ: ओते रे बुगिन जंग हेर लअम। दो नेयअ: रे बुरु दुम्बू को चिना नङ मेनअ:?’ एन होड़ो जबाब ओम केदा, “अञङअ: दुश्मन को भइर एना कोके हेहेर को सनङअ:। नी: अञङअ: जाए दुश्मन तनी जे नेका रिका कदा।”

![](https://cdn.door43.org/obs/jpg/360px/obs-en-50-07.jpg)

“एन दासी को अयअ: मालिक के जबाब को ओमा जअ:, ‘चिनअ: अले एन बुरु दुम्बू कोके तुद तअ:?’एन मालिक कजि केदा, ‘कहा। अगर अपे नेकाए रेदो पे हुडिङ लेका गोहोम केओ पे तुद तअ:। इहिर इमतङ जकेद तंगिपे। एनेद बुरु रेन दुम्बू कोके गठरी बाइ केअते जमा केपे चि अपे एना के ओंडोर दड़ि पे। मेनदो गोहोम के अञङअ: भंडार रे आउपे।’”

![](https://cdn.door43.org/obs/jpg/360px/obs-en-50-08.jpg)

चेला को ने कहनी रअ: मतलब कको बुझाव जना, एनामेनते इनकु यीशु के अको के समझाव लाइ को अरजी किजअ:। यीशु कजि केदा, “बुगिन जंग हेर वाला होड़ो मसीह गअ: अगुवाइयअ:। लोयोंग, दिसुम रअ: अगुवाइयअ:। बुगिन जंग परमेश्वर गअ: राइज रेन होड़ो कोअ: अगुवाइयअ:।”

![](https://cdn.door43.org/obs/jpg/360px/obs-en-50-09.jpg)

“बुरु दुम्बू को एन दुष्ट शैतान गअ: होड़ो कोअ: को अगुवाइयअ:। एन होड़ो गअ: दुश्मन शैतान गअ: अगुवाइयअ:, जे बुरु दुम्बू कोरअ: जंग कोए हेर लअ:। इहिर ने दिसुमअ: आखरी रअ: अगुवाइयअ: ओड़ो: इहिर वाला को परमेश्वरअ: स्वर्गदूत कोअ: को अगुवाइयअ:।”

![](https://cdn.door43.org/obs/jpg/360px/obs-en-50-10.jpg)

जब दिसुमअ: आखरी होबव गअ: इमतङ स्वर्गदूत को एन सोबेन होड़ो: कोके मिसा तेको जमा कोअ: जे शैतान गअ: तानको। एन स्वर्गदूत को इनकु के इसु लोलो सेंगेल रेको हुरंग तकोअ:। एनता रे इनकु भयंकर सताव रेको रअ: गेरंगयअ: ओड़ो: इनकु अकोअ: डाटा को हबेया। मगर जे होड़ो को धर्मी मेनाकोअ:, जे यीशु गअ: दोया-दोया को सेन कदा, इनकु अकोअ: परमेश्वर आबा गअ: राइज रे सिंगी लेका को चमकावअ:।”

![](https://cdn.door43.org/obs/jpg/360px/obs-en-50-11.jpg)

यीशु नेआव कजि केदा चि इनि: दिसुम अखरीओ: ते सिदा, ने ओते दिसुम रे रुवाड़ा। इनि: एन लेका गी हिजु रुवाड़ा चिलका इनि: सेनो: लेना। मतलब इनि: तअ: रे सरती होड़मो ताइना, ओड़ो: इनि: सिरमा रे रिमिल कोरे दुब केअते हिजुगा। जब यीशु रुवाड़ा दो यीशु गअ: सोबेन चेला को जे गोए कना को, इनकु गोजा कन कोएते तेको जीद रुवाड़ा ओड़ो: इनि: लोओ: सिरमा रेको नपामा।

![](https://cdn.door43.org/obs/jpg/360px/obs-en-50-12.jpg)

एनेद जे चेला को नअ: जीद मेना कोअ:, इनकु सिरमा ते उठाव इदि केनोगको: ओड़ो: एन एटअ: चेला कोलोओ को मेसा केनोगअ: जे गोजाकन कोए तेको जीद रुवाड़ोगअ:। इनकु सोबेन एनता रे यीशु लोओ को ताइना। एना रअ: तयोमते, यीशु अयअ: होड़ो: को लोओ: ताइना। जब इनकु मिसा तेको ताइना दो इनकु तअ: रे जनाव लाइ पूरा शांति ताइना।

![](https://cdn.door43.org/obs/jpg/360px/obs-en-50-13.jpg)

यीशु, अयअ: रे विश्वासे वाला सोबेन होड़ो: कोके मियद मुकुट ओम रअ: वायदा कदा। इनकु जनाव लाइ परमेश्वर लोओ: सोबेन जिनिस कोरे को राइजयअ:। इनकु तअ: रे सिद्ध शांति तयुगा।

![](https://cdn.door43.org/obs/jpg/360px/obs-en-50-14.jpg)

मगर परमेश्वर एन सोबेन कोअ: फैसला यअ: जे यीशु गअ: रे कको विश्वासेअ:। इनि: इनकु के नरक रे साजू तकोअ:। एनता रे इनकु रअ: गेरंग यको ओड़ो: डाटा को हबेया, ओड़ो: इनकु जनाव लाइ दुकुवको। चिउलाव का इड़ीजो वाला सेंगेल इनकु के ओंडोर कते कोअ:, ओड़ो: तीजू को इनकु के जोजोम लाइ कको होकाया।

![](https://cdn.door43.org/obs/jpg/360px/obs-en-50-15.jpg)

जब यीशु रुवाड़ाए, दो इनि: पुरअ: रीति ते शैतान के ओड़ो: इनिअ: राइज के नाश छबा तअ:। इनि: शैतान के नरक रे साजू ताइया। एन शैतान जनाव लाइ ओंडोरोगए, एन सोबेन होड़ो कोलो: जे परमेश्वर गअ: कजि को कको मनातिङ केदा ओड़ो: एना रअ: बदला रे इनकु शैतान गअ: दोया ते सेन रअ: को सला केदा।

![](https://cdn.door43.org/obs/jpg/360px/obs-en-50-16.jpg)

चियाची आदम ओड़ो: हवा परमेश्वर गअ: हुकुम ककिन मानातिङ लअ: ओड़ो: पाप के ने दिसुम रेकिन आउ लअ:, परमेश्वर दिसुम के श्राप ओमा जअ: ओड़ो: एना के नाश रअ: फैसला केदा। मेनदो जा हुलङ परमेश्वर मियद नावा स्वर्ग ओड़ो: नावा ओते दिसुम के बाइया जे सिद्ध ताइना।

![](https://cdn.door43.org/obs/jpg/360px/obs-en-50-17.jpg)

यीशु ओड़ो: इनिअ: होड़ो: को एन नावा ओते दिसुम रेको ताइना, ओड़ो: जनाव लाइ सोबेन जिनिस कोरे को राइज यअ:। इनि: होड़ो: कोअ: मेदे ते सोबेन मेद दाअ: कोए जोद केयअ:। नअ: दो जेतय कको दुकु-हसु वअ: चाहे को दुखी योगअ:। इनकु कको रअ: यअ:। इनकु कको बेमारो गअ: ओड़ो: कको गोजोगा। ओड़ो: एनता रे चिनाव एटकन तेअ: को कअ: होबव गअ:। यीशु अयअ: राइज रे सही फैसला याए, ओड़ो: शन्ति ते राइज याए। इनि: जनाव लाइ अयअ: होड़ो कोलोओ: ताइना।

*मत्ती अध्याय 24:14, 28:18, यूहन्ना 15:20, 16:33, प्रकाशितवाक्य 2:10, मत्ती 13:24-30, 36:42, 1थिस्सलुनीकियों 4:13-5:11, याकूब 1:12, मत्ती 22:13, प्रकाशितवाक्य 20:10, 21:1-22:21ते इदियकन बाइबल रअ: मियद कहनी*