# unfoldingWord Open Bible Stories — Munda

- Language code: `unx`
- Canonical page: https://openbiblestories.org/l/unx/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Munda translation; it is not a translation of the whole Bible.

## 1. ୦୧. ଶିର୍ଜାଅ

https://openbiblestories.org/l/unx/story-1/

![](https://cdn.door43.org/obs/jpg/360px/obs-en-01-01.jpg)

ସବେନ୍ ସିର୍ଜାଅ ନେଲେକା ହୋବାନା। ପାର୍ମେଶ୍ୱାର୍ ସିର୍ମାଦିଶୁମ୍ ହାର୍ ଅତେ ହାର୍ ଏନାରାଃ ସବେନ୍ ଜିନିଷ୍ କୋକେ ଛାଅ ଦିନ୍ ରେ ବାଇକେଦାଏ। ପାର୍ମେଶ୍ୱାର୍ ସିର୍ଜାଅ ରାଃ ତାୟୋମ୍ତେ ଅତେ ନୁବାଃ ହାର୍ ସୁନ୍‍ସାନ୍ ତାଇକେନା। ଜାହାନ୍ ଜିନିଷ୍ କାବାଇଲେନା। ମେନ୍ଦୋ ପାର୍ମେଶ୍ୱାର୍ ରାଃ ଆତ୍ମା ଦାଆ ଚେତାନ୍ ହୋନୋର୍ ବାଡ଼ା ତାଇକେନା।

![](https://cdn.door43.org/obs/jpg/360px/obs-en-01-02.jpg)

ଏନା ତାୟୋମ୍ତେ ପାର୍ମେଶ୍ୱାର୍ କାଜିକେଦାଏ, ‘’ମାସ୍କାଲ୍!’’ ହୋବାଅଃକା। ଏନାରେ ’ମାସ୍କାଲ୍ ହୋବାଜାନା। ପାର୍ମେଶ୍ୱାର୍ ’ମାସ୍କାଲ୍ କେ ବୁଗିନ୍ କାଜିକେଦାଏ, ହାର୍ ଏନାକେ ‘’ଶିଙ୍ଗୀ’’ କାଜିକେଦାଏ ହାର୍ ଇନିଃ ଏନାକେ ନୁବାଃ ତେ ଆଲାଗ୍ କେଦାଏ ଅକନାଃକେ ଇନିଃ ‘’ନିଦା’’ କାଜିକେଦାଏ। ପାର୍ମେଶ୍ଵାର ସିର୍ଜାଅ ରାଃ ପାହିଲା ହୁଲାଙ୍ଗ୍ ରେ ’ମାସ୍କାଲ୍ କେ ବାଇକେଦାଏ।।

![](https://cdn.door43.org/obs/jpg/360px/obs-en-01-03.jpg)

ଶିର୍ଜାଅ ରାଃ ଏଟାଆଃ ହୁଲାଙ୍ଗ୍ ପାର୍ମେଶ୍ଵାର କାଜିକେଦାଏ,’’ଦାଆ ଏତେ ଦାଆ ଆଲାଗ୍ ଅଃକା।‘’ ହାର୍ ଏନା ଆଲାଗ୍ ହୋବାଜାନା। ପାର୍ମେଶ୍ଵାର ଏନ୍ ଆଲାଗ୍ କାନ୍ ଚେତାନ୍ ଦାଆ କେ “ରିମିଲ୍‍ଦିଶୁମ୍” କାଜିକେଦାଏ।

![](https://cdn.door43.org/obs/jpg/360px/obs-en-01-04.jpg)

ତିସ୍ରା ହୁଲାଙ୍ଗ୍ ରେ ପାର୍ମେଶ୍ଵାର କାଜିକେଦାଏ,’’ଦାଆ ମିୟାଃ ଜାଗା ରେ ହୁଣ୍ଡି କେନୋଃକା ହାର୍ ରୋହୋଡ଼ ଅତେ ନେଲୋଃକା।‘’ ଇନିଃ ରୋହୋଡ଼ କାନ୍ତେୟାଃ ହାସା କେ ‘’ଅତେ’’ କାଜିକେଦାଏ ହାର୍ ଦାଆ କେ ‘’ସାମୁଦାର୍’’ କାଜିକେଦାଏ। ପାର୍ମେଶ୍ଵାର୍ ନେଲ୍ କେଦାଏ ଚି ଅକନାଃ ଇନିଃ ବାଇଲେଦାଏ ଏନା ବୁଗିନ୍ ତାଇକେନା।

![](https://cdn.door43.org/obs/jpg/360px/obs-en-01-05.jpg)

ଏନା ତାୟୋମ୍ତେ ପାର୍ମେଶ୍ଵାର୍ କାଜିକେଦାଏ,’’ ଅତେ ରେ ସୋବେନ୍ ଲେକାନାଃ ଦାରୁକୋ ହାର୍ ତାଶାଃକୋ ଅମୋନୋଃକା।‘’ ହାର୍ ଏନ୍ ଲେକାଗି ହୋବାଜାନା। ପାର୍ମେଶ୍ଵାର୍ ନେଲ୍ କେଦାଏ ଚି ଅକନାଃ ଇନିଃ ବାଇଲେଦାଏ ଏନା ବୁଗିନ୍ ତାଇକେନା।

![](https://cdn.door43.org/obs/jpg/360px/obs-en-01-06.jpg)

ଶିର୍ଜାଅ ରାଃ ଚାଉଥା ହୁଲାଙ୍ଗ୍ ରେ ପାର୍ମେଶ୍ଵାର୍ କାଜିକେଦାଏ, ’’ ରିମିଲ୍‍ଦିଶୁମ୍ ରେ ଅତେ କେ ମାର୍ସାଲେ ଲାଗିନ୍ତେ ମାସ୍କାଲ୍ ହୋବାଅଃକା। ହାର୍ ଶିଙ୍ଗୀ, ଚାଣ୍ଡୁ, ହାର୍ ଇପିଲ୍ କୋ ବାଇଜାନା। ପାର୍ମେଶ୍ଵାର୍ ଏନାକୋକେ ମାର୍ସାଲ୍ ଲାଗିନ୍ତେ ହାର୍ ଶିଙ୍ଗୀ ଆଡୋଃ ନିଦା, ସାମାୟ୍କୋ ହାର୍ ସିର୍ମା କୋକେ ସାରିଲାଗିନ୍ତେ ବାଇକେଦାଏ। ପାର୍ମେଶ୍ଵାର୍ ନେଲ୍ କେଦାଏ ଚି ଅକନାଃ ଇନିଃ ବାଇଲେଦାଏ ଏନା ବୁଗିନ୍ ତାଇକେନା।

![](https://cdn.door43.org/obs/jpg/360px/obs-en-01-07.jpg)

ପାଞ୍ଚୱା ହୁଲାଙ୍ଗ୍ ରେ ପାର୍ମେଶ୍ଵାର୍ କାଜିକେଦାଏ,’’ଦାଆ ଯାନ୍ତୁକୋ ଦାଆ ରେ ହୋବାଅଃ କାକୋ ହାର୍ ରିମିଲ୍‍ଦିଶୁମ୍ ରେ ଅଡ଼େକୋ ଆପୀର୍ କାକୋ।‘’ ନେଲାକାତେ ଦାଆ ରେ ପାହୁଁରାଓ ଜାନ୍ତୁକୋକେ ହାର୍ ଅଡ଼େକୋକେ ବାଇକେଃ କୋୱାଏ। ପାର୍ମେଶ୍ଵାର୍ ନେଲ୍ କେଦାଏ ଚି ଏନା ବୁଗିନ୍ ତାଇକେନା ହାର୍ ଇନ୍‍କୁ କେ ଆଶିଷ୍ ଏମ୍ କେଦାଏ।

![](https://cdn.door43.org/obs/jpg/360px/obs-en-01-08.jpg)

ଶିର୍ଜାଅ ରାଃ ଛାଟ୍‍ୱା ହୁଲାଙ୍ଗ୍ ରେ ପାର୍ମେଶ୍ଵାର୍ କାଜିକେଦାଏ,’’ଅତେ ରେ ତାଇନ୍ ତାନ୍ ସୋବେନ୍ ରାକାମ୍ ରେନ୍ ଯାନ୍ତୁକୋ ହୋବାଅଃକାକୋ।‘’ ହାର୍ ପାର୍ମେଶ୍ଵାର୍ ରାଃ କାଜି ଲେକାତେଗି ହୋବାଜାନା। ଚିମିନାଙ୍ଗ୍ ଯାନ୍ତୁ କୋ ଆସୁଲ୍ ଲାଗିନ୍ ତାଇକେନାକୋ। ଚିମିନାଙ୍ଗ୍ ଯାନ୍ତୁକୋ ଅତେ ରେ ରେଙ୍ଗାୱ ୱାଲା, ହାର୍ ଚିମିନାଙ୍ଗ୍ ଯାନ୍ତୁକୋ ଟନାଙ୍ଗ୍ ରେ ତାଇ ଲାଗିନ୍ତେ। ଏନ୍ତେ ପାର୍ମେଶ୍ଵାର୍ ନେଲ୍ କେଦାଏ ଚି ଏନା ବୁଗିନ୍ ତାଇକେନା।

![](https://cdn.door43.org/obs/jpg/360px/obs-en-01-09.jpg)

ଏନ୍ତେ ପାର୍ମେଶ୍ଵାର୍ କାଜିକେଦାଏ,’’ଦୋଲା ଆବୁ ହୋଡ଼ କେ ଆବୁ ନେଲୋଃ ଲେକା ହାର୍ ଆବୁଆଃ ଲେକା ବାଇୟାବୁ। ଇନିଃ ଅତେ‍ଦିଶୁମ୍ ରେ ହାର୍ ସୋବେନ୍ ଜାନ୍ତୁ କୋୱାଃ ରେ ଆଧିକାର୍ ମାଣ୍ଡାଅ ୟାଏ।‘’

![](https://cdn.door43.org/obs/jpg/360px/obs-en-01-10.jpg)

ଏନାମେନ୍ତେ ପାର୍ମେଶ୍ଵାର୍ ଅତେ ରାଃ ହାସା ତେ ହୋଡ଼ କେ ବାଇକିଜାଏ ହାର୍ ଇନିଃଜାଃରେ ଜୀଦାନ୍ ରାଃ ଶାହେଃ କେ ଅଙ୍ଗ୍ ତାଦାଏ। ନେ ହୋଡ଼ ରାଃ ନୁତୁମ୍ ଆଦାମ୍ ତାଇକେନା। ଆଦାମ୍ ତାଇନ୍ ଲାଗିନ୍ତେ ପାର୍ମେଶ୍ଵାର୍ ମିୟାଃ ମାରାଙ୍ଗ୍ ବାଗିଚା ବାଇକେଦାଏ ହାର୍ ଏନାରାଃ ଜାତାନ୍ ଲାଗିନ୍ ଆଦାମ୍ କେ ଏନ୍ତାଃରେ ମାଣ୍ଡାଅ କିଜାଏ।

![](https://cdn.door43.org/obs/jpg/360px/obs-en-01-11.jpg)

ଏନ୍ ବାଗିଚା ଥାଲା ରେ ପାର୍ମେଶ୍ଵାର୍ ବାରିୟା ଖାସ୍ ଦାରୁ ରୋଏ କେଦାଏ-ଜୀଦାନ୍ ଏହେମ୍ ଦାରୁ ହାର୍ ବୁଗିନ୍ ହାର୍ ଏତ୍କାନ୍ ସେଣାନ୍ ନାମେ ରାଃ ଦାରୁ। ପାର୍ମେଶ୍ଵାର୍ ଆଦାମ୍ କେ କାଜିକିଜାଏ,ଏନ୍ ବାଗିଚା ରାଃ ବୁଗିନ୍ ହାର୍ ଏତ୍କାନ୍ ସେଣାନ୍ ନାମେ ଦାରୁ ରାଃ ଯୋଅ କେ ବାଗିକେତେ ଏଟାଃ ଯାହାନ୍ ହ ଦାରୁ ରାଃ ଯୋଅ କେ ଜୋମ୍ ଧାଡ଼ିୟାଏ। ଆଗାର୍ ଇନିଃ ଏନ୍ ଦାରୁ ରାଃ ଜୋଅ କେ ଜୋମେୟାଏ ଏଣ୍ଡେ ଇନିଃ ଗୋଜୋଗାଏ।

![](https://cdn.door43.org/obs/jpg/360px/obs-en-01-12.jpg)

ଏନା ତାୟୋମ୍ତେ ପାର୍ମେଶ୍ଵାର୍ କାଜିକେଦାଏ,’’ହୋଡ଼ କେ ଏସ୍କାର୍ ତାଇନ୍ ତେୟା ବୁଗିନ୍ ନାହାଲା।‘’ ମେନ୍ଦୋ ଆଦାମ୍ କେ ଦେଙ୍ଗା ଲାଗିନ୍ତେ ଜେତାଏ ଜାନ୍ତୁ ହ କାକୋ ଯୋକାଜାନା।

![](https://cdn.door43.org/obs/jpg/360px/obs-en-01-13.jpg)

ଏନା ମେନ୍ତେ ପାର୍ମେଶ୍ଵାର୍ ଆଦାମ୍ କେ ଗୋଏଃ ଲେକା ଦୁଡ଼ୁମ୍ କିଜାଏ। ଏନ୍ତେ ପାର୍ମେଶ୍ଵାର୍ ଆଦାମ୍ ରାଃ ମିୟାଃ ପାଞ୍ଜରା ଜାଙ୍ଗ୍ ଆଡୋଙ୍ଗ୍ କେତେ ମିୟାଃ କୁଡ଼ି ବାଇକିଜାଏ ହାର୍ ଇନିଃ କେ ଆଦାମ୍ ରାଃ ନାଡ଼େଏ ଆଉକିଜାଏ।

![](https://cdn.door43.org/obs/jpg/360px/obs-en-01-14.jpg)

ଚିମ୍ତାଙ୍ଗ୍ ଆଦାମ୍ ଇନିଃକେ ନେଲ୍ କିଜାଏ ଇମ୍ତା କାଜିକେଦାଏ,’’ନାଆ ନିଃ ଇଙ୍ଗ୍ ଲୋଃ ଜୋକାଲେକା ମେନିଜା! ନିଇ ‘କୁଡ଼ି’ କାଜିୟୋଗାଏ, ଚିଆଃଚି ନିଇ କୋଡ଼ା ଏତେ ବାଇ ଅଡ଼ୋଙ୍ଗ୍ କାନାଏ।“ ନେୟା ଲାଗିନ୍ କୋଡ଼ା ଆଜାଃ ଏଙ୍ଗା-ଆପୁ କିନ୍ କେ ବାଗି ତାଆଏ ହାର୍ ଆଜାଃ କୁଡ଼ି ଲୋଃ ମିଃ ହୋବା କେନୋଃୱାଏ।

![](https://cdn.door43.org/obs/jpg/360px/obs-en-01-15.jpg)

ପାର୍ମେଶ୍ଵାର୍ କୋଡ଼ା ହାର୍ କୁଡ଼ି କେ ଆଏଃ ନେଲୋଃ ଲେକା ବାଇକେଃ କିନାଏ। ଇନିଃ ଇନ୍‍କିନ୍ କେ ଆଶିଷ୍ ଏମାଃ କିନାଏ ହାର୍ ଇନ୍‍କିନ୍ କେ କାଜି କେଃ କିନାଏ,’’ରାଶିଗି ହୋନ୍-ଗାଣା ହାର୍ ଯାଇ ହୋନ୍ ହୋପୋନ୍ କୋ ଯାନାମ୍ କୋପେ ହାର୍ ଅତେ ରେ ପୋଶାଅଃପେ!’’ ହାର୍ ପାର୍ମେଶ୍ଵାର୍ ନେଲ୍ କେଦାଏ ଚି ଅକନାଃ ଇନିଃ ବାଇଲେଦାଏ ଏନା ବୁଗିନ୍ ତାଇକେନା,ହାର୍ ଇନିଃ ଏନ୍ ସୋବେନାଃ ରେ ଥିମ୍ବାଗି ରାଶିକା ତାଇକେନାଏ। ନେୟା ସୋବେନାଃ ଶିର୍ଜାଅ ରାଃ ଛାଟୱା ହୁଲାଙ୍ଗ୍ ତାଇକେନା।

![](https://cdn.door43.org/obs/jpg/360px/obs-en-01-16.jpg)

ଚିମ୍ତାଙ୍ଗ୍ ସାତୱା ହୁଲାଙ୍ଗ୍ ହୋବାନା ପାର୍ମେଶ୍ଵାର୍ ଅକନାଃ କୋ ରିକା ତାଇକେନାଏ ଏନା ସୋବେନାଃ ବାଇ ଛାବା ଲେଦାଏ। ଇନିଃ ସାତୱା ହୁଲାଙ୍ଗ୍ କେ ଆଶିସ୍ ଏମ୍ କେଦାଏ ହାର୍ ଏନ୍ ହୁଲାଙ୍ଗ୍ କେ ପାବିତାର୍ ଦୋହୋ କେଦାଏ, ଚିୟାଃଚି ଏନ୍ ହୁଲାଙ୍ଗ୍ ଇନିଃ ସୋବେନାଃ କେ ବାଇ ଛାବାକେତେ ଆରାମ୍ କେଦାଏ। ନେ ଲେକାତେ ପାର୍ମେଶ୍ଵାର୍ ଅତେ‍ଦିଶୁମ୍ କେ ହାର୍ ଏନାରାଃ ସୋବେନାଃ କେ ବାଇ କେଦାଏ।

*ବାଇବେଲ୍ ରାଃ ମିୟାଃ କାହାନୀ: ଶିର୍ଜାଅ ପୁଥି ଆଧ୍ୟାୟ ୧-୨*

Audio: https://git.door43.org/OBS-TLF/unx_obs/releases/download/v1/unx_obs_v1_01_128kbps.m4a

## 2. ୦୨. ପାପ୍ ଅତେ ଦିଶୁମ୍ ରେ ବୋଲୋଜାନା

https://openbiblestories.org/l/unx/story-2/

![](https://cdn.door43.org/obs/jpg/360px/obs-en-02-01.jpg)

ପାର୍ମେଶ୍ଵାର୍ ଇନ୍‍କିନାଃ ଲାଗିନ୍ ମିୟାଃ ସୁନ୍ଦାର୍ ବାଗିଚା ବାଇଲେଦାଏ ଏଣ୍ଡେରେ ଆଦାମ୍ ହାର୍ ଆଜାଃ କୁଡ଼ି ବେଶେ ରାଶିକା ରେ ଜୀଦାନ୍ ବିତାଅ ତାଇ କେନାକିନ୍। ଇନ୍‍କିନ୍ ଲିଜାଃ କାକିନ୍ ତୂସୀଙ୍ଗ୍ ଏନ୍ ତାଇକେନାକିନ୍, ଏଣ୍ଡେ ହ ଇନ୍‍କିନ୍ ଗିୟୁଃ ଚିନାଃ ତାନାଃ କାକିନ୍ ସାରିତାଇନା। ଚିୟାଚି ଅତେ ଦିଶୁମ୍ ରେ ପାପ୍ କାତାଇକେନା। ଇନ୍‍କିନ୍ ବାଗିଚା ରେ ପ୍ରାୟ କିନ୍ ହୋନୋର୍ ବାଡ଼ା ତାଇକେନାକିନ୍ ହାର୍ ପାର୍ମେଶ୍ଵାର୍ ଲୋଃ ବାଖାଣ୍ ତାଇକେନାକିନ୍।

![](https://cdn.door43.org/obs/jpg/360px/obs-en-02-02.jpg)

ମେନ୍ଦୋ, ଏନ୍ ବାଗିଚା ରେ ମିୟାଃ ଚାତୁର୍ ବିଙ୍ଗ୍ ତାଇକେନାଏ। ଇନିଃ ଏନ୍ କୁଡ଼ି କେ କୁଲିକିଜାଏ, “ଚିନାଃ ପାର୍ମେଶ୍ଵାର୍ ଆବେନ୍ କେ ସାର୍ତିଗି ମାନାକାଃ ବେନାଏ ଚି ବାଗିଚା ରାଃ ଜେତାନ୍ ଦାରୁ ରାଃ ଜୋଅ କେ ଆଲବେନ୍ ଜୋମେୟା?”

![](https://cdn.door43.org/obs/jpg/360px/obs-en-02-03.jpg)

ଏନ୍ କୁଡ଼ି ଉତ୍ତାର୍ ଏମାଇଯାଏ,” ପାର୍ମେଶ୍ଵାର୍ ଆଲିଙ୍ଗ୍ କେ କାଜିକାଦାଏ ଚି ଆଲିଙ୍ଗ୍ ବୁଗିନ୍ ହାର୍ ଏତ୍କାନ୍ ରାଃ ସେଣା ଏହେମ୍ ଦାରୁ ରାଃ ଯୋଅ କେ ବାଗେ କେତେ ଯାହାନ୍ ଦାରୁ ରାଃ ଯୋଅ କେ ଜୋମ୍ ଧାଡ଼ିୟାଲିଙ୍ଗ୍। ପାର୍ମେଶ୍ଵାର୍ ଆଲିଙ୍ଗ୍ କେ କାଜିକାଃଲେୟାଏ, ଚି ଆଗାର୍ ଆବେନ୍ ଏନ୍ ଯୋଅ କେ ଜୋମେୟାବେନ୍ ୟାଦ ଜୁଟୀଃ ୟାବେନ୍, ଏଣ୍ଡେ ଇମ୍ତାଙ୍ଗ୍ ଗି ଆବେନ୍ ଗୋଜୋ ଗାବେନ୍।“

![](https://cdn.door43.org/obs/jpg/360px/obs-en-02-04.jpg)

ଏନ୍ ବିଙ୍ଗ୍ କୁଡ଼ିକେ କାଜିରୁଆଡ଼୍ କିଜାଏ, “ନେୟା ସାର୍ତି ନାହାଲା! ଆବେନ୍ କାବେନ୍ ଗୋଜୋଗା। ପାର୍ମେଶ୍ଵାର୍ ସାରିୟାଏ ଚି ଚିଲ୍‍କା ଆବେନ୍ ଏନ୍ ଯୋଅ କେ ଜୋମେ ୟାବେନ୍, ଆବେନ୍ ପାର୍ମେଶ୍ଵାର୍ ଲେକା ବାଇ କେନୋଗାବେନ୍ ହାର୍ ଇନିଃଜା ଲେକା ବୁଗିନ୍ ହାର୍ ଏତ୍କାନ୍ କେ ସାରିଧାଡ଼ିୟାବେନ୍।“

![](https://cdn.door43.org/obs/jpg/360px/obs-en-02-05.jpg)

କୁଡ଼ି ନେଲ୍ କେଦାଏ ଚି ଏନ୍ ଯୋଅ କେ ନେନେଲ୍ ରେ ସୁନ୍ଦାର୍ ତାଇକେନା ହାର୍ ଜୋମ୍ ଲେରେ ହେଡ଼େମ୍ ଆଦା ଲେକା ତାଇକେନା। ଇନିଜୋଗି ସେଣାନ୍ ବାଇଏନ୍ ସାନାଙ୍ଗ୍ ତାଇକେନାଏ, ଏନାଲାଗିନ୍ତେ ଇନିଃ ଯୋଅ କେ ଗୋଃ କେଦାଏ ହାର୍ ଜୋମ୍ କେଦାଏ। ଏନାତାୟୋମ୍ତେ ଇନିଃ ଆଜାଃ କୋଡ଼ା ତେକେ ଏମାଇଜାଏ ଅକଏଚି ଆଜାଃ ଲୋଃ ତାଇକେନାଏ ହାର୍ ଇନିଜୋଗୀ ଜୋମ୍ ତାଦାଏ।

![](https://cdn.door43.org/obs/jpg/360px/obs-en-02-06.jpg)

ଇମ୍ତାଗି, ଇନ୍‍କିନାଃ ମେଏଃ ଖୋଲାଅ ଜାନା, ହାର୍ ଇନ୍‍କିନ୍ ଆଟ୍‍କାର୍ କେଦାକିନ୍ ଚି ଆକିନ୍ ଯାହାନାଃ କାକିନ୍ ତୂସୀଙ୍ଗ୍ କାନା। ଇନ୍‍କିନ୍ ସାକାମ୍ କୋକେ ରୋଅ କେତେ ଆକିନାଃ ହୋଡ଼ମୋ କେ ହାରୁବ୍ ନାଙ୍ଗ୍ ସାନାଙ୍ଗ୍ ତାଇକେନାକିନ୍।

![](https://cdn.door43.org/obs/jpg/360px/obs-en-02-07.jpg)

ଏନା ତାୟୋମ୍ତେ ପାର୍ମେଶ୍ଵାର୍ ବାଗିଚା ଥାଲାତେ ହିଜୁଃ ରାଃ ଆୱାଜ୍ କେ କୋଡ଼ା ହାର୍ ଆଜାଃ କୁଡ଼ି ଆୟୁମ୍ କେଦାକିନ୍। ହାର୍ ବାରାନ୍‍କିନ୍ ପାର୍ମେଶ୍ଵାର୍ ତେ ଉକୁ ଜାନାକିନ୍। ଏନ୍ତେ ପାର୍ମେଶ୍ଵାର୍ କୋଡ଼ା କେ କେଡ଼ା କିଜାଏ, “ଆମ୍ ଅକତାଃ ରେ ମେନାମା?” ଆଦାମ୍ କାଜିକିଜାଏ, “ଇଙ୍ଗ୍ ଆମ୍‍ କେ ବାଗିଚା ରେ ହୋନୋର୍ ତାନ୍ ଆୟୁମ୍ କେଦାଇଙ୍ଗ୍, ହାର୍ ଇଙ୍ଗ୍ ବୋରୋ ଜାନିଙ୍ଗ୍, ଚିୟାଃଚି ଇଙ୍ଗ୍ ଯାହାନାଃ କାଇଙ୍ଗ୍ ତୂସୀଙ୍ଗ୍ ଲେନା। ଏନାଲାଗିନ୍ତେ ଇଙ୍ଗ୍ ଉକୁ ଜାନିଙ୍ଗ୍।“

![](https://cdn.door43.org/obs/jpg/360px/obs-en-02-08.jpg)

ଆଡୋଃଗି ପାର୍ମେଶ୍ଵାର୍ କୁଲିକିଜାଏ, “ଆମ୍ କେ ଅକଏ ଉଦୁବ୍ କେଃମେୟାଏ ଚି ଆମ୍ ଯାହାନାଃ କାମ୍ ତୂସୀଙ୍ଗ୍ କାନା? ଚିନାଃ ଆମ୍ ଏନ୍ ଯୋଅ କେ ଜୋମ୍ ତାଦାମ୍ ଅକନାଃ କେଚି ଇଙ୍ଗ୍ ଆମ୍ କେ ଜୋମ୍ ଲାଗିନ୍ ମାନା ଲେଦିଙ୍ଗ୍?” କୋଡ଼ା କାଜିରୁଆଡ଼ କିଜାଏ, “ଆମ୍ ଇଙ୍ଗ୍ କେ ଅକନ୍ କୁଡ଼ି କେ ଏମାକାଦିଙ୍ଗ୍ଆମ୍ ଇନିଃଗି ଇଙ୍ଗ୍ କେ ଯୋଅ ଏମାଦିଙ୍ଗ୍ଆଏ।’’ ଏନ୍ତେ ପାର୍ମେଶ୍ଵାର୍ କୁଡ଼ି କେ କୁଲିକିଜାଏ, “ଆମ୍ ନେୟା ଚିନାଃ ଚିକା କେଦାମ୍?” ଏନ୍ କୁଡ଼ି କାଜିକେଦାଏ, “ବିଙ୍ଗ୍ ଇଙ୍ଗ୍ କେ ଲୋଗୋ ତାଦିଙ୍ଗ୍ଆଏ।

![](https://cdn.door43.org/obs/jpg/360px/obs-en-02-09.jpg)

ପାର୍ମେଶ୍ଵାର୍ ବିଙ୍ଗ୍ କେ କାଜିକିଜାଏ, “ଆମ୍ ସାର୍ପାଅ ଜାନାମ୍! ଆମ୍ ଆମାଃ ଲାହେଃ ରାଃ ପେଡ଼େଏ ତେ ସେନେୟାମ୍ ହାର୍ ହାସା ଜାଲେୟାମ୍। ଆମ୍ ହାର୍ ନେ କୁଡ଼ି ଲୋଃ କାବେନ୍ ବାପାଇୟୋଃୱା, ହାର୍ ଆମାଃ ହୋନ୍‍ଗାଣାକୋ ହାର୍ ଆଜାଃ ହୋନ୍‍ଗାଣାକୋ ଥାଲା ରେ କାକୋ ବାପାଇୟୋଃୱା। ନେ କୁଡ଼ି ରାଃ କିଲିରେନ୍ କୋ ଆମାଃ ବୋଅ କେ ସେରେଦ୍ ୟାକୋ, ହାର୍ ଆମ୍ ଆଜାଃ କାଟା ରାଃ ଏଡ଼ି କେ ସୋଦାୟାମ୍।“

![](https://cdn.door43.org/obs/jpg/360px/obs-en-02-10.jpg)

ଏନାତାୟୋମ୍ତେ ପାର୍ମେଶ୍ଵାର୍ କୁଡ଼ି କେ କାଜିକିଜାଏ, “ଇଙ୍ଗ୍ ଆମାଃ ବୁଗିୟୋଃ ଦୁକୁ ଥିମ୍ବାଗି ହାସୁ ତେ ଫେରେଃ ତାଃଇଙ୍ଗ୍। ଆମ୍ ଆମାଃ କୋଡ଼ା ନାଙ୍ଗ୍ ହାୟାଅଃୱାମ୍, ହାର୍ ଇନିଃ ଆମାଃ ଚେତାନ୍ ରେ ଆଧିକାର୍ ମାଣ୍ଡାଅ ୟାଏ।“

![](https://cdn.door43.org/obs/jpg/360px/obs-en-02-11.jpg)

ପାର୍ମେଶ୍ଵାର୍ କଡ଼ା କେ କାଜିକିଜାଏ, “ଆମ୍ ଆମାଃ କୁଡ଼ି ରାଃ ବାକାଣ କେ ଆୟୁମ୍ କାଦାମ୍ ହାର୍ ଇଙ୍ଗ୍ଆଃ ଆନାଚୁ କେ କାମ୍ ମାନାତିଙ୍ଗ୍ ଜାନା। ଏନାମେନ୍ତେ ଅତେ ସାର୍ପାଅ ଜାନା, ହାର୍ ଆମ୍ କେ ଯୋଜୋମାଃ ଅମୋନ୍ ଲାଗିନ୍ତେ ଥିମ୍ବାଗି କେଟେଃ କାମି ରିକା ହୋବାଅଃୱା। ନାଆ ଆମ୍ ଗୋଜୋଗାମ୍, ହାର୍ ଆମାଃ ହୋଡ଼ମୋ ହାସା ରେ ମେଶା କେନୋଗା।‘’ ଏନ୍ କଡ଼ା ଆଜାଃ କୁଡ଼ି ରାଃ ନୁତୁମ୍ ହାୱା ମାଣ୍ଡାଅ କେଦାଏ, ଏନାରାଃ ମାନେ ତାନାଃ “ଜୀଦାନ୍ ଏହେମ୍ ନିଃ,” ଚିୟାଃଚି ଇନିଃ ସୋବେନ୍ ହୋଡ଼ୋକୋୱା ଏଙ୍ଗା ବାୟୋଗାଏ। ଏନ୍ତେ ପାର୍ମେଶ୍ଵାର୍ ଆଦାମ୍ ହାର୍ ହାୱା କିନକେ ପାଶୁ ରାଃ ଚାମ୍ଡ଼ା ତେ ତୂସୀଙ୍ଗ୍ କେଃକିନାଏ।

![](https://cdn.door43.org/obs/jpg/360px/obs-en-02-12.jpg)

ଏନ୍ତେ ପାର୍ମେଶ୍ଵାର୍ କାଜିକେଦାଏ, “ନାଆ ବୁଗିନ୍ ହାର୍ ଏତ୍କାନ୍ କେ ସାରିଜାନ୍ତେ ହୋଡ଼ ଆବୁୱାଃ ଲେକା ହୋବାଜାନାଏ, ଏନାମେନ୍ତେ ଇନ୍‍କିନ୍ କେ ଏନ୍ ଜୀଦାନ୍ ଦାରୁ ରାଃ ଯୋଅ କେ ଜୋମ୍ କାଏମେ ଚାହି ଚି ଇନ୍‍କିନ୍ ସାଦାଏ ହୁଲାଙ୍ଗ୍ ଲାଗିନ୍ ଜୀହିଦ୍ ତାଇନାକିନ୍।‘’ ଏନାଲାଗିନ୍ତେ ପାର୍ମେଶ୍ଵାର୍ ଆଦାମ୍ ହାର୍ ହାୱା କିନକେ ଏନ୍ ବାଗିଚା ତେ ଅଡୋଙ୍ଗ୍ ତାଃକିନାଏ। ଏନ୍ତେ ଜେତାଏ କେହଗି ଏନ୍ ଜୀଦାନ୍ ଏହେମ୍ ଦାରୁ ରାଃ ଯୋଅ କେ ଜୋମ୍ କାକୋ ଧାଡ଼ିକା ମେନ୍ତେ ପାର୍ମେଶ୍ଵାର୍ ପେଡ଼େଜାନ୍ ସିର୍ମାଦାସୀ କୋକେ ଏନ୍ ବାଗିଚା ରାଃ ବୋଲୋ ଦୁଆର୍ ତାଃ ହୋରୋ ଲାଗିନ୍ ମାଣ୍ଡାଅ ତାଃକୋୱାଏ।

*ବାଇବାଲ୍ ରାଃ ମିୟାଃ କାହାନୀ: ଶିର୍ଜାଅ ପୁଥି-୩*

Audio: https://git.door43.org/OBS-TLF/unx_obs/releases/download/v1/unx_obs_v1_02_128kbps.m4a

## 3. ୦୩. ଦାଆ-ବାଇଡ଼୍

https://openbiblestories.org/l/unx/story-3/

![](https://cdn.door43.org/obs/jpg/360px/obs-en-03-01.jpg)

ଥିମ୍ବାଗି ହୁଲାଙ୍ଗ୍ ରାଃ ତାୟୋମ୍ତେ, ଅତେଦିଶୁମ୍ ରେ ଥିମ୍ବାଗି ହୋଡ଼ୋକୋ ତାଇୟୋଃ ତାଇନାକୋ। ଇନ୍‍କୁ ଥିମ୍ବାଗି ଦୁଷ୍ଟ ହାର୍ ହୋଡ଼ ଗୋଗୋଏଃ କୋ ତାଇକେନାକୋ। ନେୟାକୋ ଇମିନ୍ ଖାରାପ୍ କାମିକୋ ତାଇକେନା ଚି ପାର୍ମେଶ୍ଵାର୍ ମିୟାଃ ମାରାଙ୍ଗ୍ ବାଇଡ଼୍ ତେ ନେ ସବେନ୍ ଅତେଦିଶୁମ୍ କେ ନାଷ୍ଟ ଲାଗିନ୍ ସାନାଙ୍ଗ୍ କେଦାଏ।

![](https://cdn.door43.org/obs/jpg/360px/obs-en-03-02.jpg)

ମେନ୍ଦୋ ପାର୍ମେଶ୍ଵାର୍ ନୂହ୍ କେ ସୁକୁଆଇ ତାଇନାଏ। ଇନିଃ ଦୁଷ୍ଟ ହୋଡ଼ୋକୋୱା ଥାଲାରେ ମିୟାଃ ଧାର୍ମୀ ହୋଡ଼ୋ ତାଇକେନାଏ। ପାର୍ମେଶ୍ଵାର୍ ନୂହ୍ କେ ଉଦୁବ୍ କିଜାଏ ଚି ଆଏଃ ମିୟାଃ ମାରାଙ୍ଗ୍ ବାଇଡ଼୍ କେ କୁଲେଆଏ। ଏନାମେନ୍ତେ ଇନିଃ ନୂହ୍ କେ ମିୟାଃ ମାରାଙ୍ଗ୍ ଡୋଙ୍ଗା ବାଇଲାଗିନ୍ କାଜିକିଜାଏ।

![](https://cdn.door43.org/obs/jpg/360px/obs-en-03-03.jpg)

ପାର୍ମେଶ୍ଵାର୍ ନୂହ୍ କେ ଲାଗ୍-ଭାଗ୍ ୧୪୦ ମିଟାର୍ ଜିଲିଙ୍ଗ୍, ୨୩ ମିଟାର୍ ଚାଉଡ଼ା ହାର୍ ୧୩.୫ ମିଟାର୍ ଉଞ୍ଚା ରାଃ ଡୋଙ୍ଗା ବାଇଲାଗିନ୍ କାଜିକିଜାଏ। ନୂହ୍ କେ ଏନା ସାହାନ୍ ତେ ବାଇ ରାଃ ତାଇକେନା ହାର୍ ଏଣ୍ଡେରେ ଆପୀ ମାହାଲା, ଥିମ୍ବାଗି କୋଠରୀ, ମିୟାଃ ଛାତ୍ ହାର୍ ମିୟାଃ ଖିଡ଼୍‍କି ବାଇଲାଗିନ୍ କାଜିକିଜାଏ। ଏନ୍ ଡୋଙ୍ଗା ନୂହ୍ କେ, ଆଜାଃ ଅଡ଼୍ଆଃ ରେନ୍ କୋକେ, ହାର୍ ଅତେ ରେନ୍ ସବେନ୍ ଲେକାନ୍ ଯାନ୍ତୁ କୋକେ ଏନ୍ ବାଇଡ଼୍ ତେ ବାଞ୍ଚାଅ ମାଣ୍ଡାଅୟାଏ।

![](https://cdn.door43.org/obs/jpg/360px/obs-en-03-04.jpg)

ନୂହ୍ ପାର୍ମେଶ୍ଵାର୍ ରାଃ କାଜିକେ ମାନାତିଙ୍ଗ୍ ଜାନାଏ। ଆଏଃ ହାର୍ ଇନିଜାଃ ତିନ୍ ଝାନ୍ ହୋନ୍ କୋଡ଼ା କୋ ଏନ୍ ଲେକାଗି ଡୋଙ୍ଗା ବାଇକେଦାକୋ ଜେଲେକା ପାର୍ମେଶ୍ଵାର୍ ଉଦୁବ୍ ଲେଦାଏ। ଚିୟାଃଚି ଏନ୍ ଡୋଙ୍ଗା ଥିମ୍ବାଗି ମାରାଙ୍ଗ୍ ତାଇକେନା ଏନାଲାଗିନ୍ ଏନାକେ ବାଇଲାଗିନ୍ ଥିମ୍ବାଗୀ ବାରାସ୍ ଲାଗାଅ ଜାନା। ନୂହ୍ ହୋଡ଼ୋକୋକେ ହିଜୁଃତେୟାଃ ବାଇଡ଼୍ ବିସାୟ ରେ ଚେତାଉନି ଏମ୍ କୋ ତାଇନାଏ ହାର୍ ଇନ୍‍କୁକେ ପାର୍ମେଶ୍ଵାର୍ ପାଡ଼୍ ରୁଆଡ଼୍ ହିଜୁଃ ଲାଗିନ୍ କାଜିକେଃକୋୱାଏ, ମେନ୍ଦୋ ଇନ୍‍କୁ ଇନିଜାଃ ଚେତାନ୍ ରେ କାକୋ ବିଶ୍ଵାସ୍ କେଦା।

![](https://cdn.door43.org/obs/jpg/360px/obs-en-03-05.jpg)

ପାର୍ମେଶ୍ଵାର୍ ନୂହ୍ ହାର୍ ଆଜାଃ ଅଡ଼୍ଆଃ ରେନ୍ କୋକେ ଆକୋୱାଃ ଲାଗିନ୍ ହାର୍ ପାଶୁକୋ ଲାଗିନ୍ତେ ଥିମ୍ବାଗି ଯୋଜୋମାଃ ହୁଣ୍ଡି ଲାଗିନ୍ତେ ଆନାଚୁ ଏମ୍ କେଦାଏ। ଚିମ୍ତାଙ୍ଗ୍ ସୋବେନାଃ ସେକାଡ଼ ଜାନା, ଏଣ୍ଡେ ପାର୍ମେଶ୍ଵାର୍ ନୂହ୍ କେ କାଜିକିଜାଏ ଚି ନାଆ ଆମ୍, ଆମାଃ କୁଡ଼ି, ଆମାଃ ହୋନ୍ କୋଡ଼ା କୋ ଏନ୍ତେ ଆକୋୱାଃ କୁଡ଼ିକୋ ସବେନ୍ ମେଶାକେତେ ଆଠ୍ ଝାନ୍ ଡୋଙ୍ଗା ଭିତାର୍ ରେ ବୋଲୋ ଲାଗିନ୍ ସାମାୟ୍ ହୋବାଜାନା।

![](https://cdn.door43.org/obs/jpg/360px/obs-en-03-06.jpg)

ପାର୍ମେଶ୍ଵାର୍ ସବେନ୍ ପାଶୁକୋୱାଃ ହାର୍ ଅଡ଼େକୋୱାଃ ନାର୍ ହାର୍ ମାଦା ଜୁଡ଼ିକୋକେ ନୂହ୍ ତାଃ କୁଲ୍ କେଃକୋୱାଏ ଏନାତେ ଇନ୍‍କୁ ଡୋଙ୍ଗା ଭିତାର୍ ରେ ବୋଲୋୱାକୋ ହାର୍ ବାଇଡ଼୍ ହିଜୁଃ ରେ ବାଚାଅଃ କାକୋ। ପାର୍ମେଶ୍ଵାର୍ ସବେନ୍ ରାକାମ୍ ରେନ୍ ସାତ୍ ଠୁର୍ ନାର୍ ହାର୍ ସାତ୍ ଠୁ ମାଦା କୋକେ ପାଶୁକୋକେ ହଁ କୁଲ୍ କେଃକୋୱାଏ ଅକନ୍ କୋକେ ଦାଣେ ଲାଗିନ୍ତେ କୋ ତାଇନା। ଚିମ୍ତାଙ୍ଗ୍ ଇନ୍‍କୁ ସବେନ୍ ଡୋଙ୍ଗା ଭିତାର୍ ରେ ବୋଲୋଜାନାକୋ ଏଣ୍ଡେ ପାର୍ମେଶ୍ଵାର୍ ଆଏଃଗି ଦୁଆର୍ କେ ବାନ୍ଦ୍ ତାଦାଏ।

![](https://cdn.door43.org/obs/jpg/360px/obs-en-03-07.jpg)

ଏନ୍ତେ ଦାଆ ଗାମା ଏଟେଃ ଜାନା, ହାର୍ ଗାମା କେଦାଏ, ଜେ ଗାମା କେଦାଏ। ଚାଲିଶ୍ ଶିଙ୍ଗୀ ହାର୍ ଚାଲିଶ୍ ନିଦା ସାନ୍ତେ ଦାଆ ଗାମା କାଏ ହାସୁଡ଼୍ କେଦା। ଗୋଟା ଅତେଦିଶୁମ୍ ରାଃ ସବେନ୍ ଜିନିସ୍ କୋ, ନେତାଃ ସାନ୍ତେ ଚି ମାପାରାଙ୍ଗ୍ ବୁରୁ କୋ ହଁ ଦାଆ ରେ ଡୁବିଃ ଜାନା।

![](https://cdn.door43.org/obs/jpg/360px/obs-en-03-08.jpg)

ଅତେ ରେ ତାଇନ୍ ତାନ୍ ସବେନ୍ କୋ ଗୋଏଃ ଜାନାକୋ, ଏନ୍ ହୋଡ଼ୋକୋକେ ହାର୍ ପାଶୁକୋକେ ବାଗେ କେତେ ଅକନ୍ କୋ ଡୋଙ୍ଗା ରେ ତାଇ କେନାକୋ। ଏନ୍ ଡୋଙ୍ଗା ଦାଆ ଚେତାନ୍ ଆତୁଅଃ ତାଇନା ହାର୍ ଡୋଙ୍ଗା ଭିତାର୍ ରେନ୍ ସବେନ୍ ଜିନିସ୍ କୋକେ ଡୁଭିଃଜୋଃ ତେ ବାଞ୍ଚାଅ କେଦାଏ।

![](https://cdn.door43.org/obs/jpg/360px/obs-en-03-09.jpg)

ଦାଆ ଗାମା ହାସୁଡ଼୍ ରାଃ ତାୟୋମ୍ତେ, ପାଞ୍ଚ୍ ମାହିନା ସାନ୍ତେ ଡୋଙ୍ଗା ଦାଆ ଚେତାନ୍ ଆତୁଅଃ ତାଇନା। ହାର୍ ଏନ୍ ସାମାୟ୍ କୋରେଗି ଦାଆ କାମ୍ତି ହୋବାଅଃ ଏଟେଃନା। ଏନା ତାୟୋମ୍ତେ ମୁଶିଙ୍ଗ୍ ହୁଲାଙ୍ଗ୍ ଏନ୍ ଡୋଙ୍ଗା ମିୟାଃ ବୁରୁ ରାଃ ଚେତାନ୍ ଚୁଟି ରେ ଆଟ୍‍କାଅ ଜାନା, ମେନ୍ଦୋ ନାଆ ସାନ୍ତେ ଅତେଦିଶୁମ୍ ଦାଆ ରେ ଫେରେଜାକାନ୍ ତାଇକେନା। ଆପି ମାହିନା ରାଃ ତାୟୋମ୍ତେ, ବୁରୁ କୋରାଃ ଚୁଟିକୋ ନେଲୋଃ ତାଇନା।

![](https://cdn.door43.org/obs/jpg/360px/obs-en-03-10.jpg)

ଆଡୋଃ ଚାଲିଶ୍ ଦିନ୍ ରାଃ ତାୟୋମ୍ତେ, ନୂହ୍ ମିୟାଃ କାଉୱା କେ ନେୟା ନେଲ୍ ଲାଗିନ୍ ବାହାରିତେ କୁଲ୍ କିଜାଏ ଚି ଚିନାଃ ଦାଆ ଆଞ୍ଜେଏ କାନା ଚି କାହା। ଏନ୍ କାଉୱା ରୋହୋଡ଼୍ ଅତେ କେ ଦାଣା ଲାଗିନ୍ ନେତେ-ହାନ୍ତେ ଆପୀର୍ ବାଡ଼ା କେଦାଏ, ମେନ୍ଦୋ କାଉୱା କେ ଜେତାନ୍ ଜାଗା କା ନାମ୍ ଜାନା।

![](https://cdn.door43.org/obs/jpg/360px/obs-en-03-11.jpg)

ଏନାତାୟୋମ୍ତେ ଆଡୋଃଗି ନୁହ୍ ମିୟାଃ ଦୁଦ୍-ମୂଲ୍ କେ ବାହାରିତେ ଆପୀର୍ କୁଲ୍ କିଜାଏ। ମେନ୍ଦୋ ଇନିଃକେ ହଁ ଜେତାନ୍ ରୋହୋଡ଼୍ ଜାଗା କା ନାମ୍ ଜାନା, ଏନାଲାଗିନ୍ ଇନିଃ ନୁହ୍ ତାଃରେ ଆଡୋଃଗି ରୁଆଡ଼୍ ହିଜୁଃ ଲେନାଏ। ମିୟାଃ ହାପ୍ତା ରାଃ ତାୟୋମ୍ତେ ଇନିଃ ଏନ୍ ଦୁଦ୍-ମୂଲ୍ କେ ଆଡୋଃଗି କୁଲ୍ କିଜାଏ, ହାର୍ ଇନିଃ ଆଜାଃ ଠର୍ ରେ ଜାଇତୁନ୍ ଦାରୁ ରାଃ କୋତୋ କେ ସାବ୍ ଆଉତାନ୍ ଲୋଃ ରୁଆଡ଼୍ ଜାନାଏ। ଦାଆ ଆଞ୍ଜେ ଇଦିଅଃ ତାଇନା, ହାର୍ ଦାରୁ କୋ ଆଡୋଃଗି ଅମୋନ୍ ଇଦିଜାନା।

![](https://cdn.door43.org/obs/jpg/360px/obs-en-03-12.jpg)

ନୁହ୍ ଆଡୋଃ ମିୟାଃ ହାପ୍ତା ତାଙ୍ଗି କେଦାଏ ହାର୍ ଆପିସା ହୋବାନା ଏନ୍ ଦୁଦ୍-ମୂଲ୍ କେ ବାହାରି ତେ ଆପୀର୍ କୁଲ୍ କିଜାଏ। ନିମ୍ତାଙ୍ଗ୍ ଇନିଃକେ ତାଇନ୍ ଲାଗିନ୍ ଜାଗା ନାମ୍ ଜାନା ହାର୍ ଇନିଃ କାଏ ରୁଆଡ଼୍ ଜାନା। ଦାଆ ଆଞ୍ଜେ ଦୋଃ ତାଇନା।

![](https://cdn.door43.org/obs/jpg/360px/obs-en-03-13.jpg)

ବାର୍ ମାହିନା ରାଃ ତାୟୋମ୍ତେ ପାର୍ମେଶ୍ଵାର୍ ନୁହ୍ କେ କାଜିକିଜାଏ, “ ନାଆ ଆମ୍ ହାର୍ ଆମାଃ ଅଡ଼୍ଆଃ ରେନ୍ କୋ ହାର୍ ସବେନ୍ ଜାନ୍ତୁକୋ ଡୋଙ୍ଗା ତେ ଅଡୋଙ୍ଗ୍ଅଃପେ। ଥିମ୍ବାଗି ହୋନ୍-ଗାଣା କୋ ହାର୍ ନାତି-ପୋତି କୋ ଜାନାମ୍ କୋପେ ହାର୍ ଅତେଦିଶୁମ୍ ରେ ଫେରେଃ କୋନୋଃପେ।“ ଏନ୍ତେ ନୁହ୍ ହାର୍ ଆଜାଃ ଅଡ଼୍ଆଃ ରେନ୍ କୋ ଡୋଙ୍ଗା ଏତେ ବାହାରି ଅଡୋଙ୍ଗ୍ ଜାନାକୋ।

![](https://cdn.door43.org/obs/jpg/360px/obs-en-03-14.jpg)

ନୁହ୍ ଡୋଙ୍ଗା ତେ ଅଡୋଙ୍ଗ୍ ରାଃ ତାୟୋମ୍ତେ, ଇନିଃ ମିୟାଃ ବେଦୀ ବାଇକେଦାଏ ହାର୍ ଅକନ୍ ଜାନ୍ତୁ କୋକେ ଦାଣେ ନାଙ୍ଗ୍ ଏମ୍ ରାଃ ତାଇକେନା ଇନ୍‍କୁ ଏତେ ଚିମିନାଙ୍ଗ୍ ଜାନ୍ତୁ କୋକେ ଇଦିକେତେ ଦାଣେ ରାକାବ୍ କେଦାଏ। ପାର୍ମେଶ୍ଵାର୍ ଦାଣେ ଏତେ ସୁକୁ ଜାନାଏ ହାର୍ ନୁହ୍ ହାର୍ ଆଜାଃ ଅଡ଼୍ଆଃ ରେନ୍ କୋକେ ଆଶିଷ୍ ଏମାଃକୋୱାଏ।

![](https://cdn.door43.org/obs/jpg/360px/obs-en-03-15.jpg)

ପାର୍ମେଶ୍ଵାର୍ କାଜିକେଦାଏ,” ଇଙ୍ଗ୍ କିରିଆ ଜୋମ୍ ତାନିଙ୍ଗ୍ ଚି ହୋଡ଼ୋକୋୱାଃ ଏତ୍କାନ୍ କାମି ରାଃ ହୋରାତେ ଇଙ୍ଗ୍ ଆଡୋଃ ଚିଉଲା ହଁ ଅତେ କେ କାଇଙ୍ଗ୍ ସାର୍ପାଅୟା ହାର୍ ହୋଡ଼ୋକୋ ଆକୋୱାଃ ହୋନ୍ ସାମାୟ୍ ଏତେଗି ପାପୀ ତାନ୍ କୋ, ଏଣ୍ଡେହ ଦାଆ-ବାଇଡ଼୍ ତେ ନେ ଅତେଦିଶୁମ୍ କେ କାଇଙ୍ଗ୍ ନାଷ୍ଟ ଏୟା।

![](https://cdn.door43.org/obs/jpg/360px/obs-en-03-16.jpg)

ଏନ୍ତେ ପାର୍ମେଶ୍ଵାର୍ ଆଜାଃ ନିୟାମ୍ ରାଃ ଚିହ୍ନା ଲେକାତେ ପାହିଲା (ଶାତ୍ ରାଙ୍ଗା) ରିମିଲ୍ ଧାନୁ କେ ବାଇକେଦାଏ। ଚିମ୍ତାଙ୍ଗ୍ ହଁ ରିମିଲ୍ ରେ (ଶାତ୍ ରାଙ୍ଗା) ରିମିଲ୍ ଧାନୁ ନେଲୋଃୱା, ଏଣ୍ଡେ ପାର୍ମେଶ୍ଵାର୍ ମୋନେ ୟାଏ ଚି ଆଏଃ ଚିନାଃ କିରିଆ ଜୋମ୍ କାଦାଏ ହାର୍ ଏନ୍ ଲେକାଗି ଆଜାଃ ହୋଡ଼ୋକୋ ହଁ ମୋନେ ମାଣ୍ଡାଅ ୟାକୋ।

*ବାଇବାଲ୍ ରାଃ ମିୟାଃ କାହାନୀ; ସିର୍ଜାଅ ପୁଥି ୬-୮*

Audio: https://git.door43.org/OBS-TLF/unx_obs/releases/download/v1/unx_obs_v1_03_128kbps.m4a

## 4. ୦୪. ଆବ୍ରାହାମ୍ ଲୋଃ ପାର୍ମେଶ୍ଵାର୍ ରାଃ ନିୟାମ୍‍ଥଲ୍

https://openbiblestories.org/l/unx/story-4/

![](https://cdn.door43.org/obs/jpg/360px/obs-en-04-01.jpg)

ବାଇଡ଼୍ ହିଜୁଃ ରାଃ ଚିମିନ୍ ବାରାସ୍ ରାଃ ତାୟୋମ୍ତେ, ଅତେଦିଶୁମ୍ ରେ ଥିମ୍ବାଗି ହୋଡ଼ୋକୋ ତାଇନ୍ ତାଇନାକୋ, ହାର୍ ଇନ୍‍କୁ ଆଡୋଃଗି ପାର୍ମେଶ୍ଵାର୍ ରାଃ ହାର୍ ମିହୋଡ଼୍ ଏଟାଃ ନିଜାଃ ରାଃ ବିରୁଦ୍ଦ୍ ରେ ପାପ୍ କେଦାକୋ। ଚିୟାଚି ଇନ୍‍କୁ ସବେନ୍ କୋ ମିୟାଃଗି ଭାଷାରେ ବାଖାଣ ତାଇନାକୋ, ଏନାମେନ୍ତେ ଇନ୍‍କୁ ମିଃତାଃ ହୁଣ୍ଡି ଜାନାକୋ ହାର୍ ପାର୍ମେଶ୍ଵାର୍ ରାଃ ଆନାଚୁ ଲେକାତେ ଅତେଦିଶୁମ୍ କେ ଫେରେଃ ବାଗିକେତେ ମିୟାଃ ସାହାର୍ ବାଇ କେଦାକୋ।

![](https://cdn.door43.org/obs/jpg/360px/obs-en-04-02.jpg)

ଇନ୍‍କୁ ଥିମ୍ବାଗି ଘାମାଣ୍ଡି ତାଇ କେନାକୋ, ହାର୍ ଇନ୍‍କୁ କେ ଚିଲ୍ଲକା ଜୀଦାନ୍ ଜିହିଃ ରାଃ ମେନାଃ ନେୟା ରାଃ ବିଷାୟ ରେ ଇନ୍‍କୁ ପାର୍ମେଶ୍ଵାର୍ ରାଃ ଆନାଚୁ କେ ମାନାତିଙ୍ଗ୍ କାକୋ ସାନାଙ୍ଗ୍ ତାଇନା। ନେତାଃ ସାନ୍ତେ ଚି ଇନ୍‍କୁ ମିୟାଃ ନେକା ମାରାଙ୍ଗ୍ ଗୂମାଟ୍ ବାଇସୁରୁ କେଦାକୋ ଚି ଏନା ସିର୍ମାଦିଶୁମ୍ ସାନ୍ତେ ସେଟେରା। ପାର୍ମେଶ୍ଵାର୍ ନେଲ୍ କେଦାଏ ଚି ଆଗାର୍ ଇନ୍‍କୁ ମିଃତେ ଏତ୍କାନ୍ କାମି କାତେୟାକୋ,ଏଣ୍ଡେ ଇନ୍‍କୁ ଥିମ୍ବାଗି ପାପ୍ କାମିକୋ କାମି ୟାକୋ।

![](https://cdn.door43.org/obs/jpg/360px/obs-en-04-03.jpg)

ଏନାମେନ୍ତେ ପାର୍ମେଶ୍ଵାର୍ ଇନ୍‍କୁୱାଃ ବାଖାଣ୍ କେ ଚିମିନ୍-ଚିମିନ୍ ଆଲାଗ୍-ଆଲାଗ୍ ଭାଷା ରେ ବାଦ୍ଲାଅ ତାଦାଏ ହାର୍ ଏନ୍ ହୋଡ଼ୋ କୋକେ ସବେନ୍ ଅତେଦିଶୁମ୍ ରେ ପାସ୍ରାଅ ତାଃକୋୱାଏ। ଅକନ୍ ସାହାର୍ କେ ଇନ୍‍କୁ ବାଇ ସୁରୁ ଲେଦାକୋ,ଏନାରାଃ ନୁତୁମ୍ ବାବେଲ୍ କାଜିୟାନା, ଏନାରାଃ ମାନେ “ଗାଡ଼ବାଡ଼ାଅ’’ ତାନାଃ।

![](https://cdn.door43.org/obs/jpg/360px/obs-en-04-04.jpg)

ଚିମିନ୍ ଶାଅ ବାରାଶ୍ ରାଃ ତାୟୋମ୍ତେ, ପାର୍ମେଶ୍ଵାର୍ ଆବ୍ରାମ୍ ନୁତୁମ୍ ମିୟାଃ ହୋଡ଼ୋ ଲୋଃ ବାଖାଣ୍ କେଦାଏ। ପାର୍ମେଶ୍ଵାର୍ ଇନିଃକେ କାଜିକିଜାଏ, “ଆମାଃ ଦିଶୁମ୍ ହାର୍ ଅଡ଼୍ଆଃ ରେନ୍ କୋକେ ବାଗେ କେତେ ଏନ୍ ଦିଶୁମ୍ ତେ ସେନୋଃ ମେ ଅକନାଃ କେ ଇଙ୍ଗ୍ ଆମ୍ କେ ଉଦୁବା ମେୟାଇଙ୍ଗ୍। ଇଙ୍ଗ୍ ଆମ୍ କେ ଆଶିଷ୍ ଏମା ମେୟାଇଙ୍ଗ୍ ହାର୍ ଆମାଃତେ ମିୟାଃ ମାରାଙ୍ଗ୍ ଜାତି ବାଇୟିଙ୍ଗ୍। ଇଙ୍ଗ୍ ଆମାଃ ନୁତୁମ୍ କେ ମାରାଙ୍ଗ୍ ବାଇୟିଙ୍ଗ୍। ଅକଏ ଆମ୍ କେ ଆଶିଷ୍ ଏମେୟାଏ ଇଙ୍ଗ୍ ଇନିଃକେ ଆଶିଷ୍ ଏମାଇୟିଙ୍ଗ୍, ହାର୍ ଅକଏ ଆମ୍ କେ ସାର୍ପାଅ ମେୟାଏ ଇନିଃକେ ସାର୍ପାଅ ୟାଇଙ୍ଗ୍। ଆମାଃ ଚାଲ୍ତେ ଅତେଦିଶୁମ୍ ରେୟାଃ ସବେନ୍ ଅଡ଼୍ଆଃ ରେନ୍ କୋ ଆଶିଷ୍ ନାମେୟାକୋ।“

![](https://cdn.door43.org/obs/jpg/360px/obs-en-04-05.jpg)

ଏନ୍ତେ: ଆବ୍ରାମ୍ ପାର୍ମେଶ୍ଵାର୍ ରାଃ କାଜିକେ ମାନାତିଙ୍ଗ୍ ଜାନାଏ। ଇନିଃ ଆଜାଃ ସବେନ୍ ଦାସୀକୋକେ ହାର୍ ଆଜାଃ ସବେନ୍ ସାମ୍ପାତି କୋଲୋଃ ଆଜାଃ କୁଡ଼ି ସାରା କେ ଇଦିକିଜାଏ ହାର୍ ଏନ୍ ଦିଶୁମ୍ ତେ ସେନ୍ଓ ଜାନାଏ ଅକନାଃ ଚି ପାର୍ମେଶ୍ଵାର୍ ଉଦୁବ୍ ଲିଜାଏ, କାନାନ୍ ହୋଡ଼ୋକୋୱାଃ ଦିଶୁମ୍।

![](https://cdn.door43.org/obs/jpg/360px/obs-en-04-06.jpg)

ଚିମ୍ତାଙ୍ଗ୍ ଆବ୍ରାମ୍ କାନାନ୍ ଦିଶୁମ୍ ସେଟେର୍ ଜାନାଏ ଦ ପାର୍ମେଶ୍ଵାର୍ ଇନିଃକେ କାଜିକିଜାଏ, “ଆମାଃ ସବେନ୍ ପାଡ଼୍ ନେଲେମ୍। ଇଙ୍ଗ୍ ଆମ୍ କେ ନେ ସବେନ୍ ଦିଶୁମ୍ ଏମାମେୟାଇଙ୍ଗ୍ ହାର୍ ଆମାଃ ବାଂଶ୍ ରେନ୍ କୋ ସବେନ୍ ହୁଲାଙ୍ଗ୍ ଲାଗିନ୍ ଆଧିକାର୍ ମାଣ୍ଡାଅୟାକୋ। ଏନ୍ତେ ଆବ୍ରାମ୍ ଏନ୍ ଦିଶୁମ୍ ରେ ତାଇନ୍ ଏଟେଃ କେଦାଏ।

![](https://cdn.door43.org/obs/jpg/360px/obs-en-04-07.jpg)

ମଲ୍କିସେଦାକ୍ ନୁତୁମ୍ ମିୟାଃ ହୋଡ଼ ତାଇକେନାଏ ଅକନିଃ ଚି ମାରାଙ୍ଗ୍-ଉତ୍ତାର୍ ପାର୍ମେଶ୍ଵାର୍ ରାଃ ୟାଜାକ୍ ତାଇକେନାଏ। ମୂଶିଙ୍ଗ୍ ହୁଲାଙ୍ଗ୍ ଚିମ୍ତାଙ୍ଗ୍ ଆବ୍ରାମ୍ ଆଜାଃ ଲାଡ଼ାଇ ରାଃ ତାୟୋମ୍ତେ ହିଜୁଃ ତାଇନାଏ ଦୋ ଇନିଃ ହାର୍ ଆବ୍ରାମ୍ ଭେଁଟ୍ ଜାନାକିନ୍। ମଲ୍କିସେଦାକ୍ ଆବ୍ରାମ୍ କେ ଆଶିଷ୍ ଏମ୍ କିଜାଏ ହାର୍ କାଜିକିଜାଏ “ମାରାଙ୍ଗ୍-ଉତ୍ତାର୍ ପାର୍ମେଶ୍ଵାର୍ ଅକଏ ସିର୍ମାଦିଶୁମ୍ ହାର୍ ଅତେଦିଶୁମ୍ ରେନ୍ ଗୋମ୍ କେ ତାନିଃ ଇନିଃ ଆମ୍ କେ ଆଶିଷ୍ ଏମେକାଏ।” ଏନ୍ତେ ଆବ୍ରାମ୍ ଲାଡ଼ାଇ ରେ ଜିତାଅକାନ୍ ସବେନ୍ ଜିନିଷ୍ କୋରାଃ ଦାଶ୍ ହାନାଟିଙ୍ଗ୍ ଏତେ ମିୟାଃ ହାନାଟିଙ୍ଗ୍(ଦାଶ୍ଵା ଭାଗ୍) ମଲ୍କିସେଦାକ୍ କେ ଏମ୍ କିଜାଏ।

![](https://cdn.door43.org/obs/jpg/360px/obs-en-04-08.jpg)

ଏନ୍ତେ ଚିମିନ୍ ବାରାସ୍ ବିତାଅ ଜାନା, ଏଣ୍ଡେ ହଁ ଗି ଆବ୍ରାମ୍ ହାର୍ ସାରା ରାଃ ମିୟାଦୋ ହୋନ୍ କାକୋ ତାଇକେନା। ପାର୍ମେଶ୍ଵାର୍ ଆବ୍ରାମ୍ ଲୋଃ ବାଖାଣ କେଦାଏ ହାର୍ ଆଡୋଃଗି କିରିୟା ଏମ୍ କିଜାଏ ଚି ଆଜାଃ ମିୟାଃ କୋଡ଼ାହୋନ୍ ହୋବାୱାଏ ହାର୍ ଜେଲେକା ରିମିଲ୍‍ଦିଶୁମ୍ ରେ ଇପିଲ୍ କୋ ମେନାକୋଆ ଏନ୍ ଲେକାଗି ଇନିଜାଃ ଥିମ୍ବାଗି ବାଂଶ୍ କୋ ହୋବାଅଃୱାକୋ। ଆବ୍ରାମ୍ ପାର୍ମେଶ୍ଵାର୍ ରାଃ କିରିୟା କାଜି ରେ ବିଶ୍ଵାସ୍ କେଦାଏ। ପାର୍ମେଶ୍ଵାର୍ କାଜିଉଦୁବ୍ କେଦାଏ ଚି ଆବ୍ରାମ୍ ମିୟାଃ ଧାର୍ମି ହୋଡ଼ ତାଇକେନାଏ ଚିୟାଃଚି ଇନିଃ ପାର୍ମେଶ୍ଵାର୍ ରାଃ କିରିୟା କାଜି ରେ ବିଶ୍ଵାସ୍ ଲେଦାଏ।

![](https://cdn.door43.org/obs/jpg/360px/obs-en-04-09.jpg)

ଏନ୍ତେ, ପାର୍ମେଶ୍ଵାର୍ ଆବ୍ରାମ୍ ଲୋଃ ମିୟାଃ ନିୟାମ୍‍ଥଲ୍ କେଦାଏ। ନିୟାମ୍‍ଥଲ୍ କେ ନେଲେ ରେ, ଏନା ବାରାନ୍ ଦାଲ୍ କୋୱାଃ ଭିତାର୍ ରେ ମିୟାଃ ଏଟାଃନିଜାଃ ନାଙ୍ଗ୍ କାମି କୋକେ ରିକାୟାଏ ମେନ୍ତେ ମିୟାଃ ରୋଜୋଟ୍ ହୋବାଅଃୱା। ପାର୍ମେଶ୍ଵାର୍ ଆବ୍ରାମ୍ କେ ଏନ୍ କିରିୟା କାଜି ଇମ୍ତାଙ୍ଗ୍ ଏମ୍ ଲେଦାଏ ଚିମ୍ତାଙ୍ଗ୍ ଆବ୍ରାମ୍ ଦୁଡ଼ୁମ୍ ତାଇକେନାଏ, ମେନ୍ଦୋ ଇନିଃ ଏଣ୍ଡେ ରେହଗି ପାର୍ମେଶ୍ଵାର୍ କେ ଆୟୁମ୍ ଧାଡ଼ି ତାଇନାଏ। ପାର୍ମେଶ୍ଵାର୍ କାଜିକିଜାଏ, “ଇଙ୍ଗ୍ ଆମାଃ ହୋଡ଼ମୋ ଏତେ ଆମାଃ ନାଙ୍ଗ୍ ମିୟାଃ ହୋନ୍ କଡ଼ା ଏମାମେୟାଇଙ୍ଗ୍। ଇଙ୍ଗ୍ ଆମାଃ ବାଂଶ୍ ରେନ୍ କୋକେ ନେ “କାନାନ୍” ଦିଶୁମ୍ ଏମାକୋତାନିଙ୍ଗ୍।” ମେନ୍ଦୋ ନାଆ ସାନ୍ତେ ଆବ୍ରାମ୍ ରାଃ ମିୟାଦୋ ହୋନ୍ କଡ଼ା କାକୋ ତାଇକେନା।

*ବାଇବାଲ୍ ମିୟାଃ କାହାନୀ: ଶିର୍ଜାଅ ପୁଥି ୧୧-୧୫*

Audio: https://git.door43.org/OBS-TLF/unx_obs/releases/download/v1/unx_obs_v1_04_128kbps.m4a

## 5. ୦୫. କିରିୟା ଏମାକାନାଃ ହୋନ୍‍କଡ଼ା

https://openbiblestories.org/l/unx/story-5/

![](https://cdn.door43.org/obs/jpg/360px/obs-en-05-01.jpg)

ଆବ୍ରାମ୍ ହାର୍ ସାରା କାନାନ୍ ଦିଶୁମ୍ ସେଟେର୍ ରାଃ ଦାସ୍ ବାରାସ୍ ତାୟୋମ୍ତେ ସାନ୍ତେ ହଁ ଇନ୍‍କିନାଃ ମିୟାଦୋ ହୋନ୍ କାକୋ ତାଇକେନା। ଏନାଲାଗିନ୍, ଆବ୍ରାମ୍ ରାଃ କୁଡ଼ି ସାରା ଆଏଃ କେ କାଜିକିଜାଏ, “ଚିୟାଃଚି ପାର୍ମେଶ୍ଵାର୍ ନାଆ ସାନ୍ତେ ଇଙ୍ଗ୍ କେ ହୋନ୍ ଜାନାମ୍ ଲାଗିନ୍ କାଏ ବାଇକାଦିଙ୍ଗ୍ଆଏ ହାର୍ ନାଆ ଇଙ୍ଗ୍ ହୋନ୍ ଜାନାମ୍ ଲାଗିନ୍ ବୁଡି ଜାନିଙ୍ଗ୍, ନେଲେମ୍, ଇଙ୍ଗ୍ଆଃ ଦାସୀ ହାଜିରା ନେତାଃ ରେ ମେନିଜା। ଇନିଃକେ ହଗି ଆଣାଦୀ କିମେ ଏନାତେ ଇନିଃ ଇଙ୍ଗ୍ଆଃ ଲାଗିନ୍ ମିୟାଃ ହୋନ୍ ଜାନାମ୍ ୟାଏ।”

![](https://cdn.door43.org/obs/jpg/360px/obs-en-05-02.jpg)

ଏନ୍ତେ: ଆବ୍ରାମ୍ ହାଜିରା ଲୋଃ ଆଣାଦୀ ଜାନାଏ। ହାଜିରା ରାଃ ମିୟାଃ କୋଡ଼ା ହୋନ୍ ଜାନାମ୍ ନାଏ, ହାର୍ ଆବ୍ରାମ୍ ଇନିଜାଃ ନୁତୁମ୍ ଇଶ୍ମାଏଲ୍ ମାଣ୍ଡାଅ କେଦାଏ। ମେନ୍ଦୋ ସାରା ହାଜିରା କେ ହିଶିଙ୍ଗା କିଜାଏ। ଚିମ୍ତାଙ୍ଗ୍ ଇଶ୍ମାଏଲ୍ କେ ତେରା ବାରାସ୍ ରେନ୍ ତାଇକେନାଏ, ଇମ୍ତା ପାର୍ମେଶ୍ଵାର୍ ଆଡୋଃଗି ଆବ୍ରାମ୍ ଲୋଃ ବାଖାଣ କେଦାଏ।

![](https://cdn.door43.org/obs/jpg/360px/obs-en-05-03.jpg)

ପାର୍ମେଶ୍ଵାର୍ କାଜିକେଦାଏ, “ ଇଙ୍ଗ୍ ମାରାଙ୍ଗ୍ଉତ୍ତାର୍ ପେଡ଼େଜାନ୍ ପାର୍ମେଶ୍ଵାର୍ ତାନିଙ୍ଗ୍।” ଏନ୍ତେ ଆବ୍ରାମ୍ ଇକ୍‍ଡ଼ୁମ୍ କେତେ ଜୋହାର୍ କିଜାଏ। ପାର୍ମେଶ୍ଵାର୍ ଆବ୍ରାମ୍ ନେୟା ହଗି କାଜିକିଜାଏ, “ଆମ୍ ଥିମ୍ବାଗି ଜାତି କୋଆଃ ଆପୁ ବାୟୋଗାମ୍। ଇଙ୍ଗ୍ ଆମ୍ କେ ହାର୍ ଆମାଃ ବାଂଶ୍ ରେନ୍ କୋକେ ଆକୋୱାଃ ନିଜ୍ ଅତେ ହୋବାଅଃ ଲାଗିନ୍ତେ କାନାନ୍ ଦିଶୁମ୍ ଏମାକୋୱାଇଙ୍ଗ୍। ହାର୍ ଇଙ୍ଗ୍ ସବେନ୍ ହୁଲାଙ୍ଗ୍ ଲାଗିନ୍ତେ ଇନ୍‍କୁୱାଃ ପାର୍ମେଶ୍ଵାର୍ ବାଇୟୋଗାଇଙ୍ଗ୍। ଆମ୍ କେ ଆମାଃ ଅଡ଼୍ଆଃ ରେନ୍ ସବେନ୍ କୋଡ଼ା କୋକେ ଖାତ୍ନା କୋୱାମ୍।”

![](https://cdn.door43.org/obs/jpg/360px/obs-en-05-04.jpg)

“ ଆମାଃ କୁଡ଼ି ସାରା ରାଃ ମିୟାଃ ହୋନ୍‍କଡ଼ା ଜାନାମ୍ ଅଗାଏ-ଇନିଃ କିରିୟା ଏମାକାନାଃ ହୋନ୍‍କଡ଼ା ହୋବାଅଃୱାଏ। ଇନିଃଜାଃ ନୁତୁମ୍ ଇସ୍‍ହାକ୍ ମାଣ୍ଡାଅୟାମ୍। ଇଙ୍ଗ୍ ଇନିଜାଃ ଲୋଃ ଇଙ୍ଗ୍ଆଃ ନିୟାମ୍‍ଥଲ୍ କେ ବାଇକେତେ ମାଣ୍ଡାଅୟାଇଙ୍ଗ୍ ହାର୍ ଇନିଃ ମିୟାଃ ମାରାଙ୍ଗ୍ ଜାତି ବାଇ କେନୋଗାଏ। ଇଙ୍ଗ୍ ଇଶ୍ମାଏଲ୍ କେ ହଁ ମିୟାଃ ମାରାଙ୍ଗ୍ ଜାତି ବାଇୟାଇଙ୍ଗ୍, ମେନ୍ଦୋ ଇଙ୍ଗ୍ଆଃ ନିୟାମ୍‍ଥଲ୍ ଇସ୍‍ହାକ୍ ଲୋଃ ତାଇନା।” ଏନ୍ତେ ପାର୍ମେଶ୍ଵାର୍ ଆବ୍ରାମ୍ ରାଃ ନୁତୁମ୍ କେ ବାଦ୍‍‍ଲାଅ କେତେ ଆବ୍ରାହାମ୍ ଦୋହୋ କେଦାଏ, ଏନାରାଃ ମାନେ ତାନାଃ “ଥିମ୍ବା କୋୱାଃ ଆପୁ”। ପାର୍ମେଶ୍ଵାର୍ ସାରେ ରାଃ ନୁତୁମ୍ ବାଦ୍‍‍ଲାଅ କେତେ ସାରା ଦୋହୋ କେଦାଏ, ଏନାରାଃ ମାନେ ତାନାଃ “ରାଜ୍ କୁମାରୀ”।

![](https://cdn.door43.org/obs/jpg/360px/obs-en-05-05.jpg)

ଏନ୍ ହୁଲାଙ୍ଗ୍ ଆବ୍ରାହାମ୍ ଆଜାଃ ଅଡ଼୍ଆଃ ରେନ୍ ସବେନ୍ କୋଡ଼ାକୋକେ ଖାତ୍ନା କେଃକୋୱାଏ। ଲାଗ୍‍ଭାଗ୍ ମିୟାଃ ବାରାସ୍ ରାଃ ତାୟୋମ୍ତେ, ଚିମ୍ତାଙ୍ଗ୍ ଆବ୍ରାହାମ୍ ଶାଅ(୧୦୦) ବାରାଶ୍ ରେନ୍ ତାଇକେନାଏ ହାର୍ ସାରା ନାବେ(୯୦) ବାରାଶ୍ ରେନ୍ ତାଇକେନାଏ, ଇମ୍ତାଙ୍ଗ୍ ସାରା ଆବ୍ରାହାମ୍ ରାଃ ହୋନ୍‍କଡ଼ା କେ ଜାନାମ୍ କିଜାଏ। ଜେଲେକା ପାର୍ମେଶ୍ଵାର୍ ଇନ୍‍କିନ୍ କେ କାଜିଲେଃକିନାଏ ଇନ୍‍କିନ୍ ଇନିଜାଃ ନୁତୁମ୍ ଇସ୍‍ହାକ୍ ମାଣ୍ଡାଅ କେଦାକିନ୍।

![](https://cdn.door43.org/obs/jpg/360px/obs-en-05-06.jpg)

ଚିମ୍ତାଙ୍ଗ୍ ଇସ୍‍ହାକ୍ ଜାୱାନ୍ ଜାନାଏ ଦୋ ପାର୍ମେଶ୍ଵାର୍ ନେୟା କାଜିକେତେ ଆବ୍ରାହାମ୍ କେ ବିଶ୍ଵାସ୍ ରାଃ ପାରିକ୍ଷା କିଜାଏ, “ଆମାଃ ମିୟାଃଗି ହୋନ୍‍କଡ଼ା କେ ଇଦିମ୍, ହାର୍ ଇନିଃକେ ଇଙ୍ଗ୍ଆଃ ଲାଗିନ୍ ଦାଣେ ଲାଗିନ୍ତେ ଗୋଜିମ୍।’’ ଆଡୋଃଗି ଆବ୍ରାହାମ୍ ପାର୍ମେଶ୍ଵାର୍ ରାଃ କାଜିକେ ମାନାତିଙ୍ଗ୍ ଜାନାଏ ହାର୍ ଆଜାଃ ହୋନ୍‍କଡ଼ା କେ ଦାଣେ ଏମ୍ ଲାଗିନ୍ ସେକାଡ଼୍ କିଜାଏ।

![](https://cdn.door43.org/obs/jpg/360px/obs-en-05-07.jpg)

ଚିମ୍ତାଙ୍ଗ୍ ଆବ୍ରାହାମ୍ ହାର୍ ଇସ୍‍ହାକ୍ ଦାଣେ ଏମ୍ ରାଃ ଜାଗା ପାଡ଼୍ ସେନ୍ ଏଟେଃ କେଦାକିନ୍ ଇମ୍ତାଙ୍ଗ୍ ଇସ୍‍ହାକ୍ କୁଲିକିଜାଏ, “ହେ ଆବା, ଆଲାଙ୍ଗ୍ ତାଃ ଦାଣେ ଲାଗିନ୍ ସାହାନ୍ ଦୋ ମେନାଃ, ମେନ୍ଦୋ ଦାଣେ ଏମ୍ ଲାଗିନ୍ ମିଣ୍ଡି ଅକତାଃ ରିୟା?” ଆବ୍ରାହାମ୍ କାଜିକିଜାଏ, “ହେ ଇଙ୍ଗ୍ଆଃ ହୋନ୍‍କଡ଼ା, ପାର୍ମେଶ୍ଵାର୍ ଦାଣେ ଏମ୍ ଲାଗିନ୍ ମିଣ୍ଡି ଯୋଗାଡ଼ିୟାଏ।”

![](https://cdn.door43.org/obs/jpg/360px/obs-en-05-08.jpg)

ଚିମ୍ତାଙ୍ଗ୍ ଇନ୍‍କିନ୍ ଦାଣେ ଏମ୍ ଜାଗା ତାଃ ସେଟେର୍ ଜାନାକିନ୍, ଦୋ ଆବ୍ରାହାମ୍ ଇସ୍‍ହାକ୍ କେ ଥଲ୍ କେତେ ଦାଣେ ଏମ୍ ବେଦୀ ରେ ଗିତିଃ ତାଜାଏ। ଇନିଃ ଆଜାଃ ହୋନ୍‍କଡ଼ା କେ ଗୋଜି ରାଃ ଚେତାନ୍ ରେ ତାଇକେନାଏ ଚି ପାର୍ମେଶ୍ଵାର୍ କାଜିକିଜାଏ, “ରାହା! କୋଡ଼ା କେ ଆଲୋମ୍ ମାଆ ଇୟା! ନାଆ ଇଙ୍ଗ୍ ସାରିତାଦିଙ୍ଗ୍ ଚି ଆମ୍ ଇଙ୍ଗ୍ କେ ବୋରୋୟାମ୍ ଚିୟାଃଚି ଆମ୍ ଆମାଃ ମିୟାଃଗି ହୋନ୍‍କଡ଼ା ହଁ ଇଙ୍ଗ୍ଆଃ ତେ ବାଚାଅ କେତେ କାମ୍ ମାଣ୍ଡାଅ କିଜା।”

![](https://cdn.door43.org/obs/jpg/360px/obs-en-05-09.jpg)

ନାଡ଼େଏ ରେଗି ଆବ୍ରାହାମ୍ ମିୟାଃ ମିଣ୍ଡି କେ ନେଲ୍ କିଜାଏ ଅକନିଃ ଚୁପାଃ ରେ ଫାଶେକାନ୍ ତାଇକେନାଏ। ଇସ୍‍ହାକ୍ ରାଃ ବାଦ୍ଲି ରେ ଦାଣେ ଲାଗିନ୍ ପାର୍ମେଶ୍ଵାର୍ ମିଣ୍ଡି କେ ଯୋଗାଡ଼ ଲିଜାଏ। ଆବ୍ରାହାମ୍ ରାଶିକାତେ ମିଣ୍ଡି ରାଃ ଦାଣେ ରାକାବ୍ କେଦାଏ।

![](https://cdn.door43.org/obs/jpg/360px/obs-en-05-10.jpg)

ଏନା ତାୟୋମ୍ତେ ପାର୍ମେଶ୍ଵାର୍ ଆବ୍ରାହାମ୍ କେ କାଜିକିଜାଏ, “ଚିୟାଃଚି ଆମ୍ ଇଙ୍ଗ୍ଆଃ ଲାଗିନ୍ ସୋବେନାଃ କେ ଏମ୍ ଲାଗିନ୍ ସାନାଙ୍ଗ୍ ଲାଆମ୍, ନେତାଃ ସାନ୍ତେ ଚି ଆମାଃ ମିୟାଃଗି ହୋନ୍‍କଡ଼ା କେ ହଁ, ଏନା ଲାଗିନ୍ ଇଙ୍ଗ୍ ଆମ୍ କେ ଆଶିଷ୍ ଏମ୍ ରାଃ କିରିଆ ଏମାମେ ତାନିଙ୍ଗ୍। ଆମାଃ ବାଂଶ୍ ରେନ୍ କୋ ରିମିଲ୍‍ଦିଶୁମ୍ ରେନ୍ ଇପିଲ୍ କୋତେ ହଁ ଥିମ୍ବା ହୋବାଅଃ ୱାକୋ। ଚିୟାଃଚି ଆମ୍ ଇଙ୍ଗ୍ଆଃ ଆନାଚୁ କେ ମାନାତିଙ୍ଗ୍ କାଦାମ୍ ଏନା ଲାଗିନ୍ ଇଙ୍ଗ୍ ଆମାଃ ଅଡ଼୍ଆଃ ରେନ୍ କୋୱାଃ ହୋରାତେ ଅତେଦିଶୁମ୍ ରେନ୍ ସବେନ୍ ଅଡ଼୍ଆଃ ରେନ୍ କୋକେ ଆଶିଷ୍ ଏମା କୋୱାଇଙ୍ଗ୍।”

*ବାଇବାଲ୍ ରାଃ ମିୟାଃ କାହାନୀ: ଶିର୍ଜାଅ ପୁଥି ୧୬-୨୨*

Audio: https://git.door43.org/OBS-TLF/unx_obs/releases/download/v1/unx_obs_v1_05_128kbps.m4a

## 6. ୦୬. ପାର୍ମେଶ୍ଵାର୍ ଇସ୍‍ହାକ୍ ଲାଗିନ୍ ଯୋଗାଡ଼୍ ତାନାଏ

https://openbiblestories.org/l/unx/story-6/

![](https://cdn.door43.org/obs/jpg/360px/obs-en-06-01.jpg)

ଚିମ୍ତାଙ୍ଗ୍ ଆବ୍ରାହାମ୍ ଥିମ୍ବାଗି ହାଡ଼ାମ୍ ହୋବା ଲେନ୍ତାଇକେନାଏ ଇମ୍ତା ଆଜାଃ ହୋନ୍‍କଡ଼ା, ଇସ୍‍ହାକ୍, ମିୟାଃ ଜାୱାନ୍ କଡ଼ା ହୋବାଲେନ୍ ତାଇକେନାଏ। ଏନାଲାଗିନ୍ ଆବ୍ରାହାମ୍ ଆଜାଃ ହୋନ୍‍କଡ଼ା ଇସ୍‍ହାକ୍ କେ ଆଣାଦୀ ନାଙ୍ଗ୍ ଏନ୍ ଦିଶୁମ୍ ତେ ମିୟାଃ କୁଡ଼ି ଆଉ ଲାଗିନ୍ତେ ଆଜାଃ ମିୟାଃ ଦାସୀ କେ କୁଲ୍ କିଜାଏ ଅକତାଃ ରେ ଇନିଃଜା ପେଡ଼ାକୋ ତାଇନ୍ ତାଇକେନାକୋ।

![](https://cdn.door43.org/obs/jpg/360px/obs-en-06-02.jpg)

ଅକତାଃ ରେ ଆବ୍ରାହାମ୍ ରାଃ ପେଡ଼ାକୋ ତାଇନ୍ କେନାକୋ ଏନ୍ ଦିଶୁମ୍ ତେ ସେସେନ୍ ନାଗିନ୍ତେ ମିୟାଃ ସାଙ୍ଗିନ୍ ହୋରା ସେସେନ୍ ରାଃ ତାୟୋମ୍ତେ ପାର୍ମେଶ୍ଵାର୍ ଏନ୍ ଦାସୀ କେ ରିବିକା ଲୋଃ ନାପାମ୍ କିଜାଏ। ଇନିଃ ଆବ୍ରାହାମ୍ ରାଃ ହାଗା ଗାଃ ଯାଇହୋନ୍ ତାଇକେନାଏ।

![](https://cdn.door43.org/obs/jpg/360px/obs-en-06-03.jpg)

ରିବିକା ଆଜାଃ ଅଡ଼୍ଆଃ ରେନ୍ କୋକେ ବାଗେ କେତେ ଏନ୍ ଦାସୀ ଲୋଃ ରୁଆଃଡ଼ ସେନ୍ ଲାଗିନ୍ ମାନାତିଙ୍ଗ୍ ଜାନାଏ। ଜେଲେକା ଇନ୍ କିନ୍ ସେଟେର୍ ଜାନାକିନ୍ ଇସ୍‍ହାକ୍ ଏନ୍ କୁଡ଼ି କେ ଆଣାଦି ଜାନାଏ।

![](https://cdn.door43.org/obs/jpg/360px/obs-en-06-04.jpg)

ଏନ୍ତେ ଥିମ୍ବାଗି ହୁଲାଙ୍ଗ୍ ରାଃ ତାୟୋମ୍ତେ, ଆବ୍ରାହାମ୍ ଗୋଏଃ ଜାନାଏ। ଏନ୍ତେ ପାର୍ମେଶ୍ଵାର୍ ଆବ୍ରାହାମ୍ ରାଃ ହୋନ୍‍କଡ଼ା ଇସ୍‍ହାକ୍ କେ, ଆବ୍ରାହାମ୍ ଲୋଃ ଥଲାକାନ୍ ନିୟାମ୍ ରାଃ ଚାଲ୍ତେ ଆଶିଷ୍ ଏମ୍ କିଜାଏ। ଏନ୍ ନିୟାମ୍‍ଥଲ୍ ରେ ପାର୍ମେଶ୍ଵାର୍ ରାଃ ମିୟାଃ କିରିୟା ତାଇଲେନା ଚି ଆବ୍ରାହାମ୍ ରାଃ କାଲେକାଧାଡ଼ିୟୋଃ ବାଂଶ୍ କୋ ହୋବାୱାକୋ। ମେନ୍ଦୋ ଇସ୍‍ହାକ୍ ରାଃ କୁଡ଼ି ରିବିକା ରାଃ ହୋନ୍ ଗାଣାକୋ କାକୋ ହୋବାଅଃ ତାଇନା।

![](https://cdn.door43.org/obs/jpg/360px/obs-en-06-05.jpg)

ଇସ୍‍ହାକ୍ ରିବିକା ଲାଗିନ୍ତେ ବିନ୍ତି କେଦାଏ, ହାର୍ ପାର୍ମେଶ୍ଵାର୍ ଇନିଃ କେ ଜାଁୱା ହୋନ୍ ହୋବାଅଃ ଲାଗିନ୍ତେ ହୋଡ଼ୋମୋ ରେ ତାଇନ୍ ରାଃ ପେଡ଼େଏ ଏମ୍ କେଦାଏ। ଏନ୍ ହୋନ୍ କିନ୍ ରିବିକା ରାଃ ଲାହେଃ ରେ ତାଇନ୍ ଇମ୍ତା ରେଗି ଇନ୍ କିନ୍ ଆକିନ୍ ରେ ଲାଡ଼ାଇ ଜାନାକିନ୍, ଏନାମେନ୍ତେ ଅକନାଃ ହୋବାଅଃ ତାଇକେନା ରିବିକା ଏନାକେ ପାର୍ମେଶ୍ଵାର୍ କେ ଉଦୁବ୍ କିଜାଏ।

![](https://cdn.door43.org/obs/jpg/360px/obs-en-06-06.jpg)

ପାର୍ମେଶ୍ଵାର୍ ରିବିକା କେ କାଜିକେଜାଏ, “ଆମ୍ ବାରିୟା ହୋନ୍‍କଡ଼ା କିନ୍ କେ ଯାନାମ୍ କିନାମ୍। ଇନ୍ କିନାଃ ବାରିୟା ବାଂଶ୍ ଏଟାଃ-ଏଟାଃ ଜାତି ବାଇ କେନୋଗାକିନ୍। ଇନ୍ କିନ୍ ମିହୁଡ଼ ଏଟାଃନିଃ ଲୋଃ ଲାପାଡ଼ାଇ ଆକିନ୍। ମେନ୍ଦୋ ମାରାଙ୍ଗ୍ କୋଡ଼ା ହୋନ୍ ତେ ହୋବାକାନ୍ ଜାତି କେ ହୁଡିଙ୍ଗ୍ କୋଡ଼ା ହୋନ୍ ତେ ହିଜୁଃକାନ୍ ଜାତି ରାଃ ଆନାଚୁ କେ ମାନାତିଙ୍ଗ୍ ହୋବାଅଃୱା।”

![](https://cdn.door43.org/obs/jpg/360px/obs-en-06-07.jpg)

ଚିମ୍ତାଙ୍ଗ୍ ରିବିକା ରାଃ ହୋନ୍ କିନ୍ ଯାନାମ୍ ନାକିନ୍, ଇମ୍ତା ମାରାଙ୍ଗ୍ ହୋନ୍ ଆରାଃ ହାର୍ ହୋଡ଼ମୋ ରେ ଉବ୍ କୋ ଅଡ଼ୋଙ୍ଗ୍ ଲେନା, ହାର୍ ଇନ୍‍କୁ ଆଜାଃ ନୁତୁମ୍ ଏଷାଓ ମାଣ୍ଡାଅ କେଦାକୋ। ଏନ୍ତେ ହୁଡିଙ୍ଗ୍ ହୋନ୍ ଏଷାଓ ରାଃ ଏଡ଼ିକେ ଶାବ୍ କେତେ ଯାନାମ୍ ନାଏ, ହାର୍ ଇନ୍‍କୁ ଆଜାଃ ନୁତୁମ୍ ୟାକୁବ୍ ମାଣ୍ଡାଅ କେଦାକୋ।

*ବାଇବାଲ୍ ରାଃ ମିୟାଃ କାନାନୀ:ଶିର୍ଜାଅ ପୁଥି ୨୪:୧ ୨୫:୨୬*

Audio: https://git.door43.org/OBS-TLF/unx_obs/releases/download/v1/unx_obs_v1_06_128kbps.m4a

## 7. ୦୭. ପାର୍ମେଶ୍ଵାର୍ ୟାକୁବ୍ କେ ଆଶିଷ୍ ଏମିତାନାଏ

https://openbiblestories.org/l/unx/story-7/

![](https://cdn.door43.org/obs/jpg/360px/obs-en-07-01.jpg)

ଚିମ୍ତାଙ୍ଗ୍ ଏନ୍ ହୋନ୍ କିନ୍ ମାରାଙ୍ଗ୍ ଯାନାକିନ୍ ଏଣ୍ଡେ ୟାକୁବ୍ କେ ଅଡ଼୍ଆଃ ରେ ତାଇନ୍ ବୁଗିନ୍ ଆଟ୍‍କାର୍ କିଜା, ମେନ୍ଦୋ ଏସାଓ କେ ପାଶୁ ଶିକାରୀ ବୁଗିନ୍ ଆଟ୍‍କାର୍ କିଜା। ରିବିକା ୟାକୁବ୍ କେ ଦୁଲାଡ଼ କିଜାଏ, ମେନ୍ଦୋ ଇସାହାକ୍ ଏସାଓ ଲୋଃ ଦୁଲାଡ଼୍ ମାଣ୍ଡାଅ କେଦାଏ।

![](https://cdn.door43.org/obs/jpg/360px/obs-en-07-02.jpg)

ମୁଷିଙ୍ଗ୍ ହୁଲାଙ୍ଗ୍, ଚିମ୍ତାଙ୍ଗ୍ ଏସାଓ ଶିକାର୍ କେତେ ରୁଆଡ଼୍ ହିଜୁଃନାଏ ଇମ୍ତା ଇନିଃ କେ ଥିମ୍ବାଗି ରେଙ୍ଗେଃ କିଜା। ଏନ୍ତେ ଏସାଓ ୟାକୁବ୍ କେ କାଜିକିଜାଏ, “ଅକନାଃ ଆମ୍ ଇଷିଙ୍ଗ୍ କାଦାମ୍ ଏଣ୍ଡେତେ ଇଙ୍ଗ୍ କେ କାଟିଃ ଯୋମ୍ ଲାଗିନ୍ ଏମାଇଙ୍ଗ୍ ମେ।” ୟାକୁବ୍ କାଜିକିଜାଏ, “ସିଦା ଇଙ୍ଗ୍ ତେ କିରିୟା ଜୋମେମ୍ ଚି ମାରାଙ୍ଗ୍ ହୋନ୍ କୋଡ଼ା ରାଃ ଆଧିକାର୍ ଚାଲ୍ତେ ଅକନାଃ ଆମ୍ କେ ନାମୋଗା,ଏନା ସୋବେନାଃ ଆମ୍ ଇଙ୍ଗ୍ କେ ଏମାଇଙ୍ଗ୍ ୟାମ୍।” ଏନ୍ତେ : ଏସାଓ ଏନା ସବେନ୍ ଜିନିଷ୍ କୋକେ ୟାକୁବ୍ କେ ଏମ୍ ଲାଗିନ୍ କିରିୟା ଜୋମ୍ ତାଦାଏ। ଏନ୍ତେ ୟାକୁବ୍ ଆଏଃକେ ହୁଡିଙ୍ଗ୍ ଲେକା ଯୋଜୋମାଃ ଏମ୍ କିଜାଏ।

![](https://cdn.door43.org/obs/jpg/360px/obs-en-07-03.jpg)

ଇସାହାକ୍ ଏସାଓ କେ ଆଶିଷ୍ ଏମ୍ ସାନାଙ୍ଗ୍ ତାଇନାଏ। ମେନ୍ଦୋ ନେୟାତେ ସିଦା ଚି ଇନିଃ ନେକା ରିକାୟାଏ, ରିବିକା ହାର୍ ୟାକୁବ୍ ବାରାନ୍ କିନ୍ ଇସାହାକ୍ କେ ହିଡ଼ କିଜାକିନ୍ ଚି ୟାକୁବ୍ ଗି ଏସାଓ ତାନିଃ। ଇସାହାକ୍ ହାଡ଼ାମ୍ ତାଇକେନାଏ ହାର୍ ନାଆ ନେଲ୍ କାଏ ଧାଡ଼ି ତାଇକେନାଏ। ଏନାମେନ୍ତେ ୟାକୁବ୍ ଏସାଓ ରାଃ ଲିଜାଃ ତୂସୀଙ୍ଗ୍ ଜାନାଏ ହାର୍ ମେରୋମ୍ ରାଃ ଉହୁର୍ କେ ଆଜାଃ ହୋଟୋଃ ରେ ହାର୍ ତିଇ ରେ ବିୟୁର୍ ତାଦାଏ।

![](https://cdn.door43.org/obs/jpg/360px/obs-en-07-04.jpg)

ୟାକୁବ୍ ଇସାହାକ୍ ରାଃ ନାଡ଼େଏ ହିଜୁଃ ଜାନାଏ ହାର୍ କାଜିକିଜାଏ, “ଇଙ୍ଗ୍ ଏସାଓ ତାନିଙ୍ଗ୍। ଇଙ୍ଗ୍ ନେୟା ଲାଗିନ୍ ହିଜୁଃ କାନିଙ୍ଗ୍ ଚି ଆମ୍ ଇଙ୍ଗ୍ କେ ଆଶିଷ୍ ଏମାଇଙ୍ଗ୍ ମେ।” ଚିମ୍ତା ଇସାହାକ୍ ମେରୋମ୍ ରାଃ ଉବ୍ କେ ଆଟ୍‍କାର୍ କେଦାଏ ହାର୍ ଲିଜାଃ କେ ସୋହାନ୍ କେଦାଏ ଦ ଇନିଃ ପାହାମ୍ କେଦାଏ ଚି ନିଇଃ ଏସାଓ ତାନିଃ ହାର୍ ଇନିଃ କେ ଆଶିଷ୍ ଏମ୍ କିଜାଏ।

![](https://cdn.door43.org/obs/jpg/360px/obs-en-07-05.jpg)

ଏସାଓ ୟାକୁବ୍ କେଃ କାଏ ସୁକୁ କିଜାଏ ଚିୟାଃଚି ୟାକୁବ୍ ଇନିଜାଃ ତେ ସୀଦା ମାରାଙ୍ଗ୍ ହୋନ୍ କୋଡ଼ା ରାଃ ଆଧିକାର୍ ହାର୍ ଆଶିଷ୍ କେ କୁମ୍ଡ଼ୁ କେଦାଏ। ଏନାତେ ଇନିଃ ଆଜାଃ ଆପୁ ରାଃ ଗୋଜୋଃ ତାୟୋମ୍ତେ ୟାକୁବ୍ କେ ଗୋଏଃ ଲାଗିନ୍ତେ ରୋଜୋଟ୍ କେଦାଏ।

![](https://cdn.door43.org/obs/jpg/360px/obs-en-07-06.jpg)

ମେନ୍ଦୋ ରିବିକା ଏସାଓ ଚିନାଃ ଚିକାୟାଏ ଏନାକେ ଆୟୁମ୍ କେଦାଏ। ଏନାଲାଗିନ୍ ଇନିଃ ହାର୍ ଇସାହାକ୍ ୟାକୁବ୍ କେ ଆଜାଃ ପେଡ଼ାକୋ କୋତାଃ ତାଇନ୍ ଲାଗିନ୍ ସାଙ୍ଗିନ୍ ତେ କୁଲ୍ ତିଜାକିନ୍।

![](https://cdn.door43.org/obs/jpg/360px/obs-en-07-07.jpg)

ୟାକୁବ୍ ଥିମ୍ବାଗି ସିର୍ମା ସାନ୍ତେ ରିବିକା ରାଃ ପେଡ଼ା କୋଲୋଃ ତାଇନ୍ ଜାନାଏ। ଏନ୍ ସାମାୟ୍ କୋରେଗି ଇନିଃ ଆଣାଦି ଜାନାଏ ହାର୍ ଆଜାଃ ବାରା ଝାନ୍ କୋଡ଼ା ହୋନ୍ ହାର୍ ମିୟାଃ କୁଡ଼ି ହୋନ୍ କୋ ହୋବାଜାନାକୋ। ପାର୍ମେଶ୍ଵାର୍ ଇନିଃ କେ ଥିମ୍ବାଗି କିଷାଣ ବାଇ କିଜାଏ।

![](https://cdn.door43.org/obs/jpg/360px/obs-en-07-08.jpg)

ବିସ୍ ସିର୍ମା ସାନ୍ତେ କାନାନ୍ ଦିଶୁମ୍ ରେ ଆଜାଃ ଅଡ଼୍ଆଃ ତେ ସାଙ୍ଗିନ୍ ରେ ତାଇନ୍ ଲେନ୍ ତାୟୋମ୍ତେ, ୟାକୁବ୍ ଆଜାଃ ଅଡ଼୍ଆଃ ରେନ୍ କୋଲୋଃ, ଆଜାଃ ଦାସୀକୋ ଲୋଃ ହାର୍ ଆଜାଃ ପାଶୁକୋୱାଃ ସୋବେନ୍ ଗୋଟ୍ କୋକେ ଆଉ କେତେ ଏନ୍ତାଃ ରୁଆଡ଼ ହିହୁଃ ନାଏ।

![](https://cdn.door43.org/obs/jpg/360px/obs-en-07-09.jpg)

ଏନାମେନ୍ତେ ୟାକୁବ୍ ଥିମ୍ବାଗି ବୋରୋ ଲେନ୍ ତାଇନାଏ ଚିୟାଃଚି ଇନିଃ ପାହୋମ୍ ତାଇନାଏ ଯେ ଏସାଓ ନାଆଃ ସାନ୍ତେ ଆଏଃ କେ ଗୋଏଃ ସାନାଙ୍ଗ୍ ତାନାଏ। ଏନାମେନ୍ତେ ଆଏଃ କେ ଭେଟ୍ ଏମ୍ ଲେକା ପାଶୁକୋୱାଃ ଗୋଟ୍ କୋକେ ଏସାଓ ରାଃ ନାଡ଼େଏ ରେ କୁଲ୍ କେଦାଏ। ଅକନ୍ ଦାସୀକୋ ଗୋଟ୍ କୋକେ ଇଦି ଲେଃ ତାଇକେନାକୋ ଇନ୍‍କୁ କାଜିକେଦାକୋ, “ଆମାଃ ଦାସୀ ୟାକୁବ୍, ନେ ପାଶୁକେକେ ଆମ୍ କେ ଏମାମେ ତାନାଏ। ଇନିଃ ସେକାଡ଼୍ ଗି ହିଜୁଃ ତାନାଏ।”

![](https://cdn.door43.org/obs/jpg/360px/obs-en-07-10.jpg)

ମେନ୍ଦୋ ଏସାଓ ନାଆ ୟାକୁବ୍ କେ ଯେତେନାଃ ହାନି ନାଙ୍ଗ୍ କାଏ ସାନାଙ୍ଗି ତାଇନା। ମେନ୍ଦୋ ଏନା ବାଗି କେତେ, ଇନିଃ ଆଏଃକେ ଆଡୋଃ ମିଶା ନେଲ୍ କେତେ ଥିମ୍ବାଗି ସୁକୁ ଜାନାଏ। ଏନାରାଃ ତାୟୋମ୍ତେ ୟାକୁବ୍ କାନାନ୍ ରେ ସୁକୁରେ ତାଇନ୍ ଜାନାଏ। ଏନ୍ତେ ଇସାହାକ୍ ଗୋଏଃ ଜାନାଏ ହାର୍ ୟାକୁବ୍ ହାର୍ ଏସାଓ ଇନିଃକେ ତୋପାକିଜାକିନ୍। ନିୟାମ୍‍ଥଲ୍ ରାଃ କିରିୟା ଅକନାଃ ପାର୍ମେଶ୍ଵାର୍ ଆବ୍ରାହାମ୍ ଲୋଃ ରିକାଲେଃ ତାଇନାଏ ଏନା ନାଆ ଇସାହାକ୍ ଏତେ ୟାକୁବ୍ ଚେତାନ୍ ରେ ହିଜୁଃ ଲେନ୍ ତାଇନା।

*ବାଇବାଲ୍ ମିୟାଃ କାହାନୀ: ଶିର୍ଜାଅ ପୁଥି ୨୫:୨୭-୩୩:୨୦*

Audio: https://git.door43.org/OBS-TLF/unx_obs/releases/download/v1/unx_obs_v1_07_128kbps.m4a

## 8. ୦୮. ପାର୍ମେଶ୍ଵାର୍ ଯୋସେଫ୍ ହାର୍ ଆଜାଃ ପାରିବାର୍ କେ ବାଞ୍ଚାଅ ତାନାଏ

https://openbiblestories.org/l/unx/story-8/

![](https://cdn.door43.org/obs/jpg/360px/obs-en-08-01.jpg)

ଚିମିନ୍ ସିର୍ମା ରାଃ ତାୟୋମ୍ତେ, ଚିମ୍ତାଙ୍ଗ୍ ୟାକୁବ୍ ହାଡ଼ାମ୍ ଲେନ୍ ତାଇନାଏ, ଇମ୍ତା ଆଏଃ ଆଜାଃ ଦୁଲାଡ଼୍ ହୋନ୍‍କଡ଼ା ଯୋସେଫ୍ କେ ଆଜାଃ ହାଗାକୋକେ ନେଲ୍ ହିଜୁଃମେ ମେନ୍ତେ କୁଲ୍ କିଜାଏ ଅକନ୍ କୋ ଚି ପାଶୁ କୋୱାଃ ଗୋଟ୍ କୋକେ ଗୁପି ହୋରୋକୋ ତାଇନାକୋ।

![](https://cdn.door43.org/obs/jpg/360px/obs-en-08-02.jpg)

ଯୋସେଫ୍ ରାଃ ହାଗାକୋ ଆଏଃ କେ ହିଲାଙ୍ଗ୍ ତାଇନାକୋ ଚିୟାଃଚି ଇନିଜାଃ ଆପୁ ଆଏଃକେ ଥିମ୍ବା ଦୁଲାଡ଼୍ ତାଇନାଏ ହାର୍ ନେୟାମେନ୍ତେ ହଁ ଚି ଯୋସେଫ୍ କୁମୁ ରେ ନେଲ୍ ଲେଃତାଇନାଏ ଚି ଆଏଃ ଇନ୍‍କୁ ୱାଃ ଚେତାନ୍ ରାଇଜ୍ ତାନ୍ ନିଃ ବାଇୟୋଗାଏ। ଚିମ୍ତାଙ୍ଗ୍ ଯୋସେଫ୍ ଆଜାଃ ହାଗାକୋୱା ନାଡ଼େଏ ହିଜୁଃ ଜାନାଏ ଇମ୍ତା ଇନ୍‍କୁ ଆଏଃକେ ଥୋଲ୍ ମାଣ୍ଡାଅ କିଜାକୋ। ହାର୍ ଆଏଃକେ ଦାସୀକୋୱାଃ ବେପାରୀ କୋତାଃ ଆଖ୍ରିଙ୍ଗ୍ ତାଇଜାକୋ।

![](https://cdn.door43.org/obs/jpg/360px/obs-en-08-03.jpg)

ଅଡ଼୍ଆଃ ରୁଆଃଡ଼୍ ରାଃ ସିଦା ରେ ଯୋସେଫ୍ ରାଃ ହାଗାକୋ ଯୋସେଫ୍ ରାଃ ଲିଜାଃ କେ ଚେଚାଃ କେତେ ମେରୋମ୍ ମାୟୋମ୍ ରେ ଡୁବିଃ ଆଲି ତାଦାକୋ। ଆଡୋଃ ଇନ୍‍କୁ ଏନ୍ ଲିଜାଃ କେ ଆକୋୱାଃ ଆପୁ କେ ଦେଖାଅ କିଜାକୋ ଯେଚି ଇନିଃ ନେୟା ପାହୋମେୟାଏ ଚି ଜାହାଁନ୍ ଟୋନାଙ୍ଗ୍ ରେନ୍ ଜାନ୍ତୁ ଯୋସେଫ୍ କେ ଗୋଏଃ କିଜାଏ। ୟାକୁବ୍ ଥିମ୍ବାଗି ଦୁକୁ ଜାନାଏ।

![](https://cdn.door43.org/obs/jpg/360px/obs-en-08-04.jpg)

ଦାସୀକୋୱାଃ ବେପାରୀ କୋ ଯୋସେଫ୍ କେ ମିଶାର୍ ଦିଶୁମ୍ ତେ ଇଦିକିଜାକୋ। ନିଲ୍ ନାଇ ରାଃ ଗେନା ରାଃ ମିଶାର୍ ଦିଶୁମ୍ ମିୟାଃ ମାରାଙ୍ଗ୍ ହାର୍ ପେଡ଼େଜାନ୍ ଦିଶୁମ୍ ତାଇକେନା। ଏନ୍ ଦାସୀକୋୱାଃ ବେପାରୀ କୋ ଯୋସେଫ୍ କେ ମିୟାଃ କିଶାଣ୍ ସାର୍କାରୀ ଆଧିକାରୀ କେ ଦାସୀ ଲେକା ଆଖ୍ରିଙ୍ଗ୍ ତାଇଜାକୋ। ଯୋସେଫ୍ ଆଜାଃ ଗୋମ୍ କେ ରାଃ ବୁଗିନ୍ ଲେକାତେ ସେୱାଃ କେଦାଏ, ହାର୍ ପାର୍ମେଶ୍ଵାର୍ ଯୋସେଫ୍ କେ ଆଶିସ୍ ଏମ୍ କିଜାଏ।

![](https://cdn.door43.org/obs/jpg/360px/obs-en-08-05.jpg)

ଆଜାଃ ଗୋମ୍ କେ ରାଃ କୁଡ଼ି ଯୋସେଫ୍ ଲୋଃ ଗୀତିଃ ଲାଗିନ୍ ସାନାଙ୍ଗ୍ କେଦାକିନ୍, ମେନ୍ଦୋ ଯୋସେଫ୍ ନେ ଲେକାତେ ପାର୍ମେଶ୍ଵାର୍ ରାଃ ବିରୁଦ୍ଧ ରେଃ ପାପ୍ ରିକା ଲାଗିନ୍ ମାନା କେଦାଏ। ଇନିଃ ଖିସ୍ ଜାନାକିନ୍ ହାର୍ ଯୋସେଫ୍ ଚେତାନ୍ ରେ ସାମା ରେ ଦୋସ୍ ଲାଗାୱ କେଦାଏ, ଏନାଲାଗିନ୍ ଇନିଃକେ ଥଲ୍ କେତେ ଜେଲ୍ ଅଡ଼୍ଆଃ ରେ କୁଲ୍ ତାଇଜାଏ। ନେତାଃ ସାନ୍ତେ ଚି ଜେଲ୍ ଅଡ଼୍ଆଃ ରେହ, ଯୋସେଫ୍ ପାର୍ମେଶ୍ଵାର୍ ରାଃ ସାମାନାଙ୍ଗ୍ ରେ ବିଶ୍ଵାସେ ଲେକାନିଃ ତାଇ ଜାନାଏ, ହାର୍ ପାର୍ମେଶ୍ଵାର୍ ଇନିଃକେ ଆଷିସ୍ ଏମ୍ କିଜାଏ।

![](https://cdn.door43.org/obs/jpg/360px/obs-en-08-06.jpg)

ବାର୍ ସିର୍ମା ରାଃ ତାୟୋମ୍ତେ, ଯୋସେଫ୍ ନାଆ ସାନ୍ତେ ଜେଲ୍ ଅଡ଼୍ଆଃ ରେ ତାଇକେନାଏ, ଇନିଃ ନିର୍ଦୋସ୍ ତାଇକେନ୍ ରେହଗି, ମୂଷିଙ୍ଗ୍ ନିଦା, ଫିରୋନ୍, ଜେଲେକା ଚି ମିଶାର୍ ଦିଶୁମ୍ ରେନ୍ ହୋଡ଼ୋକୋ ଆକୋୱାଃ ରାଜା କୋକେ ନୁତୁମ୍ ତାଇକେନାକୋ, ଇନିଃ ବାରିୟା କୁମୁ ନେଲ୍ କେଦାଏ ଏନା ଆଏଃକେ ଥିମ୍ବାଗି ଆକ୍‍ବାକାଅ କିଜାଏ। ଇନିଜାଃ ବୁଗିନ୍ ହୋରା ଉଦୁବ୍ ତାନ୍ କୋଏତେ ଜେତାଏ ହଗି ଏନ୍ କୁମୁ ରାଃ ମାନେ କେ କାକୋ ଉଦୁବ୍ ଧାଡ଼ିଜାନା।

![](https://cdn.door43.org/obs/jpg/360px/obs-en-08-07.jpg)

ପାର୍ମେଶ୍ଵାର୍ ଯୋସେଫ୍ କେ କୁମୁ କୋରାଃ ମାନେ କେ ଉଦୁବ୍ ଲାଗିନ୍ତେ ସେଣା ଏମ୍ ଲିଜାଏ, ଏନାଲାଗିନ୍ତେ ଫିରୋନ୍ ଯୋସେଫ୍ କେ ଜେଲ୍ ଅଡ଼୍ଆଃ ଏତେ ଆଜାଃ ନାଡ଼େଏ କେଡ଼ା କିଜାଏ। ଯୋସେଫ୍ ଏନ୍ କୁମୁ କୋରାଃ ମାନେ କେ ଉଦୁବ୍ କେଦାଏ ହାର୍ କାଜିକେଦାଏ, “ପାର୍ମେଶ୍ଵାର୍ ଥିମ୍ବାଗି ଯଅ ହୋବାଅଃ ରାଃ ସାତ୍ ଶିର୍ମା ତାୟୋମ୍ତେ ଆକାଲ୍ ରାଃ ସାତ୍ ଶିର୍ମା କେ କୁଲେୟାଏ।”

![](https://cdn.door43.org/obs/jpg/360px/obs-en-08-08.jpg)

ଫିରୋନ୍ ରାଜା, ଯୋସେଫ୍ କେ ସୁକୁୟାନ୍ତେ ନିମିନ୍ ଥାଏଃ ଜାନାଏ ଚି ଇନିଃକେ ମିଶାର୍ ଦିଶୁମ୍ ରାଃ ଏଟାଃ ସୋବେନ୍ କୋୱାଃତେ ପେଡ଼େଜାନ୍ ହୋଡ଼ ବାଇତାଇଜାଏ।

![](https://cdn.door43.org/obs/jpg/360px/obs-en-08-09.jpg)

ଯୋସେଫ୍ ହୋଡ଼ୋକୋକେ ବୁଗିନ୍ ଯଅ କାନ୍ ସାତ୍ ଶିର୍ମା ରେ ଥିମ୍ବାଗି ଯୋଜୋମାଃ ହୁଣ୍ଡି ଲାଗିନ୍ତେ କାଜିକେଃକୋୱାଏ। ଚିମ୍ତାଙ୍ଗ୍ ସାତ୍ ଶିର୍ମା ରାଃ ଆକାଲ୍ ହିଜୁଃନା ଇମ୍ତା ଯୋସେଫ୍ ହୋଡ଼ୋକୋକେ ଏନ୍ ଯୋଜୋମାଃ କେ ଆଖ୍ରିଙ୍ଗ୍ କେଦାଏ ଏନାତେ ଇନ୍‍କୁ ତାଃ ଜୋମେ ଲାଗିନ୍ ଥିମ୍ବାଗି ତାଇୟୋଃୱା।

![](https://cdn.door43.org/obs/jpg/360px/obs-en-08-10.jpg)

ଏନ୍ ଆକାଲ୍ ମିଶାର୍ ଦିଶୁମ୍ ରେ ଭାଇର୍ କାହା, ମେନ୍ଦୋ କାନାନ୍ ଦିଶୁମ୍ ରେହ ଥିମ୍ବାତେ ତାଇକେନା ଅକତାଃ ରେ ୟାକୁବ୍ ହାର୍ ଇନିଜାଃ ଅଡ଼୍ଆଃ ରେନ୍ କୋ ତାଇନ୍ ତାଇନାକୋ।

![](https://cdn.door43.org/obs/jpg/360px/obs-en-08-11.jpg)

ଏନାମେନ୍ତେ ୟାକୁବ୍ ଆଜାଃ ମାରାଙ୍ଗ୍ ହୋନ୍‍କୋଡ଼ା କୋକେ ଯୋଜୋମାଃ କିରିଙ୍ଗ୍ ଲାଗିନ୍ତେ ମିଶାର୍ ଦିଶୁମ୍ କୁଲ୍ କେଃକୋୱାଏ। ଚିମ୍ତାଙ୍ଗ୍ ଇନ୍‍କୁ ଯୋଜୋମାଃ କିରିଙ୍ଗ୍ ଲାଗିନ୍ତେ ଯୋସେଫ୍ ରାଃ ନାଡ଼େଏ ତିଙ୍ଗୁ ଜାନାକୋ ଦୋ ଏନ୍ ହାଗାକୋ ଯୋସେଫ୍ କେ କାକୋ ନେଲ୍ ଉରୁମ୍ କିଜା। ମେନ୍ଦୋ ଯୋସେଫ୍ ଇନ୍‍କୁ କେ ନେଲ୍ ଉରୁମ୍ କେଃକୋୱାଏ।

![](https://cdn.door43.org/obs/jpg/360px/obs-en-08-12.jpg)

ନେୟା ସାରିନ୍ ଲାଗିନ୍ ଚି ଇଦୁ ଇନ୍‍କୁୱା ମୋନ୍ ବାଦ୍‍ଲାଅ ଜାନା ଇନ୍‍କୁକେ ଆଟକାର୍ ଉରୁମ୍ ରାଃ ତାୟୋମ୍ତେ, ଯୋସେଫ୍ ଇନ୍‍କୁକେ କାଜିକେଃକୋୱାଏ, “ଇଙ୍ଗ୍ ଆପେୟାଃ ହାଗା ଯୋସେଫ୍ ତାନିଙ୍ଗ୍! ଆଲୋପେ ବୋରୋୟା। ଚିମ୍ତାଙ୍ଗ୍ ଆପେ ଇଙ୍ଗ୍ କେ ଦାସି ଲେକାତେ ଆଖ୍ରିଙ୍ଗ୍ ଲେଃତାଇନାପେ ଇମ୍ତା ଦୋ ଆପେ ଏତ୍କାନ୍ ରିକା ସାନାଙ୍ଗ୍ ଲାଃପେ, ମେନ୍ଦୋ ପାର୍ମେଶ୍ଵାର୍ ଏନ୍ ଏତ୍କାନାଃ କେ ବୁଗିନାଃ ଲାଗିନ୍ ବାଇକେଦାଏ! ଦେଲା ହିଜୁଃପେ ହାର୍ ମିଶାର୍ ଦିଶୁମ୍ ରେ ତାଇନ୍ ପେ ଏନାତେ ଇଙ୍ଗ୍ ଆପେ ନାଙ୍ଗ୍ ହାର୍ ଆପେୟାଃ ଅଡ଼୍ଆଃ ରେନ୍ କୋ ଲାଗିନ୍ ଯୋଜୋମାଃ ଯୋଗାଓ ଧାଡ଼ିୟାଇଙ୍ଗ୍।”

![](https://cdn.door43.org/obs/jpg/360px/obs-en-08-13.jpg)

ଚିମ୍ତାଙ୍ଗ୍ ଯୋସେଫ୍ ରାଃ ହାଗାକୋ ଅଡ଼୍ଆଃ ରୁଆଡ଼୍ ଜାନାକୋ ହାର୍ ଆକୋୱାଃ ଆପୁ ୟାକୁବ୍ କେ ଉଦୁବ୍ କେଦାକୋ ଚି ଯୋସେଫ୍ ନାଆ ସାନ୍ ଜିହିଃଗିୟାଏ ଏଣ୍ଡେ ଇନିଃ ଥିମ୍ବାଗି ରାଶିକା ଜାନାଏ।

![](https://cdn.door43.org/obs/jpg/360px/obs-en-08-14.jpg)

ୟାକୁବ୍ ମିୟାଃ ହାଡ଼ାମ୍ ହୋଡ଼ ତାଇକେନାଏ ଏଣ୍ଡେଅଗି ଇନିଃ ଆଜାଃ ସୋବେନ୍ ଅଡ଼୍ଆଃ ରେନ୍ କୋଲୋଃ ମିଶାର୍ ଦିଶୁମ୍ ତେ ସେନୋଃ ଜାନାଏ, ହାର୍ ଇନ୍‍କୁ ଏନ୍ତାଃରେ ତାଇନ୍ ଜାନାକୋ। ୟାକୁବ୍ ଗୋଜୋଃ ରାଃ ସୀଦା, ଇନିଃ ଆଜାଃ ସୋବେନ୍ ହୋନ୍ କୋଡ଼ା କୋକେ ଆଶିଷ୍ ଏମ୍ କେଃକୋୱାଏ।

![](https://cdn.door43.org/obs/jpg/360px/obs-en-08-15.jpg)

ନିୟାମ୍‍ଥଲ୍ ରାଃ ଏନ୍ କିରିୟା ଅକନାଃ ପାର୍ମେଶ୍ଵାର୍ ଆବ୍ରାହାମ୍ ଲୋଃ ରିକାଲେଦାଏ, ଏନା ଇସାହାକ୍ ଚେତାନ୍ ରେ, ହାର୍ ଏନା ତାୟୋମ୍ତେ ୟାକୁବ୍ ଚେତାନ୍ ରେ, ହାର୍ ଏନା ତାୟୋମ୍ତେ ଆଜାଃ ବାରାଝାନ୍ ହୋନ୍ କୋଡ଼ା କୋୱା ରେ ହାର୍ ଆକୋୱାଃ ଅଡ଼୍ଆଃ ରେନ୍ କୋୱାଃ ରେ ହିଜୁଃ ଲେନା। ଏନ୍ ବାରା ହୋନ୍ କୋଡ଼ା କୋୱାଃ ବାଂଶ୍ କୋ ଇସ୍ରାଏଲ୍ ରାଃ ବାରା କିଲି ବାଇଜାନାକୋ।

*ବାଇବାଲ୍ ରାଃ ମିୟାଃ କାହାନୀ: ସିର୍ଜାଅ ପୁଥି ୩୭-୫୦*

Audio: https://git.door43.org/OBS-TLF/unx_obs/releases/download/v1/unx_obs_v1_08_128kbps.m4a

## 9. ୦୯. ପାର୍ମେଶ୍ଵାର୍ ମୁଶା କେ କେଡ଼ା କିଜାଏ

https://openbiblestories.org/l/unx/story-9/

![](https://cdn.door43.org/obs/jpg/360px/obs-en-09-01.jpg)

ଯୋସେଫ୍ ଗୋଏଃ ଜାନ୍ ତାୟୋମ୍ତେ, ଆଜାଃ ସୋବେନ୍ ଜାତି-କୁଟୁମ୍ କୋ ମିଶାର୍ ଦିଶୁମ୍ ରେ ତାଇନ୍ ଜାନାକୋ। ଇନ୍‍କୁ ହାର୍ ଇନ୍‍କୁୱାଃ ବାଂଶ୍ ରେନ୍ କୋ ହେନ୍ତାଃ ରେ ଥିମ୍ବାଗି ଶିର୍ମା ସାନ୍ତେ ତାଇଜାନାକୋ ହାର୍ ଇନ୍‍କୁୱାଃ ବେଶେଗି ହୋନ୍-ଗାଣାକୋ ଜାନାମ୍ ନାକୋ। ଇନ୍‍କୁ ଇସ୍ରାଏଲୀ ନୁତୁମ୍ ତେ କେଡ଼ା ଜାନାକୋ।

![](https://cdn.door43.org/obs/jpg/360px/obs-en-09-02.jpg)

ଶାଅ-ଶାଅ ଶିର୍ମା ତାୟୋମ୍ତେ, ଇସ୍ରାଏଲୀ ହୋଡ଼ୋକୋ ଗିନ୍ତିରେ ଥିମ୍ବାଗି ହାରା ଇଦିଜାନାକୋ। ମିଶାର୍ ଦିଶୁମ୍ ରେନ୍ କୋ ଯୋସେଫ୍ ଇନ୍‍କୁକେ ଚିମିନ୍ ଗି ଦେଙ୍ଗା ଲେଃକୋ ତାଇନାଏ ଏନାକେ ଇନ୍‍କୁ ରିଡ଼ିଙ୍ଗ୍ ଇଦିୟାନାକୋ। ଇନ୍‍କୁ ଇସ୍ରାଏଲୀ ହୋଡ଼ୋକୋକେ ବୋରୋ କେଦାକୋ ଚିୟାଃଚି ଇନ୍‍କୁ ଗିନ୍ତି ରେ ଥିମ୍ବାଗି ତାଇଲେନାକୋ। ଏନାମେନ୍ତେ ଏନ୍ ସାମାୟ୍ ରେନ୍ ରାଜା ଫିରୋନ୍ ଅକନିଃ ମିଶାର୍ ଦିଶୁମ୍ କେ ରାଇଜ୍ ତାଇକେନାଏ ଇସ୍ରାଏଲୀ କୋକେ ମିଶାର୍ ଦିଶୁମ୍ ରେନ୍ ହୋଡ଼ୋକୋୱାଃ ଦାସୀ ବାଇକେଃକୋୱାଏ।

![](https://cdn.door43.org/obs/jpg/360px/obs-en-09-03.jpg)

ମିଶାର୍ ଦିଶୁମ୍ ରେନ୍ ହୋଡ଼ୋକୋ ଇସ୍ରାଏଲୀ କୋକେ ଥିମ୍ବାଗି ଅଡ଼୍ଆଃକୋ ବାଇ ହାର୍ ନେତାଃ ସାନ୍ତେ ଚି ଖୋବ୍ ଗି ସାହାର୍ କୋକେ ବାବାଇ ଲାଗିନ୍ ଯାବ୍ରାଇ କେଃକୋୱାକୋ। ଏନ୍ କେଟେଃ କାମିକୋ ଇନ୍‍କୁୱାଃ ଜୀଦାନ୍ କେ ଦୁକୁ ତେ ଫେରେଃ ତାଃକୋୱାଏ, ମେନ୍ଦୋ ଇନ୍‍କୁକେ ପାର୍ମେଶ୍ଵାର୍ ଆଶିଷ୍ କେଃକୋୱାଃଏ, ହାର୍ ଇନ୍‍କୁୱାଃ ଆଡୋଃ ଥିମ୍ବାଗି ହୋନ୍-ଗାଣା କୋ ହୋବାଜାନାକୋ।

![](https://cdn.door43.org/obs/jpg/360px/obs-en-09-04.jpg)

ଫିରୋନ୍ ରାଜା ନେଲ୍ କେଦାଏ ଚି ଇସ୍ରାଏଲୀ ହୋଡ଼ୋ କୋୱାଃ ଥିମ୍ବାଗି ହୋନ୍-ଗାଣା କୋ ହୋବାଅଃ ତାନାକୋ, ଏନାମେନ୍ତେ ଇନିଃ ଆଜାଃ ହୋଡ଼ୋକୋକେ ଇସ୍ରାଏଲୀ କୋୱାଃ ସୋବେନ୍ କୋଡ଼ାହୋନ୍ କୋକେ ନିଲ୍ ନାଇ ରେ ଦୁଡ଼ିଙ୍ଗ୍ ଗୋଏଃ ଲାଗିନ୍ ଆଚୁ କେଃ କୋୱାଏ।

![](https://cdn.door43.org/obs/jpg/360px/obs-en-09-05.jpg)

ମିହୋଡ଼ ଖାସ୍ ଇସ୍ରାଏଲୀ କୁଡ଼ି ମିୟାଃ କୋଡ଼ାହୋନ୍ କେ ଜାନାମ୍ କିଜାଏ। ଇନିଃ ହାର୍ ଆଜାଃ କଡ଼ା ଆକିନାଃ ହୋନ୍‍କଡ଼ା କେ ଚିମିନ୍ ଧାଡ଼ି ଜାନାକିନ୍ ଇମିନ୍ ହୁଲାଙ୍ଗ୍ ସାନ୍ତେ ଉକୁ ମାଣ୍ଡାଅ କିଜାକିନ୍।

![](https://cdn.door43.org/obs/jpg/360px/obs-en-09-06.jpg)

ଚିମ୍ତାଙ୍ଗ୍ ଏନ୍ କୋଡ଼ାହୋନ୍ କେ ଏଙ୍ଗା-ଆପୁ କିନ୍ ଆଡୋଃ ଥିମ୍ବା ସାମାୟ୍ ସାନ୍ତେ ଉକୁ କାକିନ୍ ଧାଡ଼ିଜାନା, ଦୋ ଇନ୍‍କିନ୍ ଏନ୍ ହୋନ୍ କେ ଗୋଜୋଃ ତେ ବାଞ୍ଚାଅ ଲାଗିନ୍ତେ ମିୟାଃ କାଡୁବିଜୋଃ ତେୟାଃ ଟୁଙ୍କି ରେ ନିଲ୍ ନାଇ ରାଃ ଗେନା ରେ ନାଡ଼ା ତାସାଃ ଥାଲା ରେ ମାଣ୍ଡାଅ ତାଇଜାକିନ୍। ଆଜାଃ ମାରାଙ୍ଗ୍ ମିଶି ନେୟା ନେନେଲ୍ ଲାଗିନ୍ତେ ଲୋଡ଼ୋବାଡ଼ା କେଦାଏ ଚି ଏନ୍ ହୋନ୍ ଆଃ ଚିନାଃ ହୋବାଅଃୱା।

![](https://cdn.door43.org/obs/jpg/360px/obs-en-09-07.jpg)

ଫିରୋନ୍ ରାଜା ରାଃ ହୋନ୍ କୁଡ଼ି ଟୁଙ୍କି କେ ନେଲ୍ କେତେ ଏନାରାଃ ଭିତାର୍ ଆରିଃ ଲୋଡୋ କେଦାଏ। ଚିମ୍ତାଙ୍ଗ୍ ଇନିଃ ମିୟାଃ କୋଡ଼ାହୋନ୍ କେ ନେଲ୍ କିଜାଏ, ଇମ୍ତା ଇନିଃ ଏନ୍ ହୋନ୍ କେ ଆଜାଃ ହୋନ୍‍କଡ଼ା ବାଇ କେତେ ଇଦିକିଜାଏ। ଇନିଃ ମିହୋଡ଼ ଇସ୍ରାଏଲୀ କୁଡ଼ି କେ ହୋନ୍ କେ ତୋୱା ଆନୁଇୟାଏ ମେନ୍ତେ ମାଣ୍ଡାଅ କିଜାଏ, ନେୟା ହ କାଏ ସାରିଲେଦାଏ ଚି ଏନ୍ କୁଡ଼ି ଗି ଏନ୍ ହୋନ୍ ରାଃ ଏଙ୍ଗା ତାନିଜାଏ। ଚିମ୍ତାଙ୍ଗ୍ ହୋନ୍ ମାରାଙ୍ଗ୍ ଜାନାଏ ଦୋ ଇନିଃକେ ଏଙ୍ଗା ତୋୱା ରାଃ ଦାରକାର୍ କା ତାଇଜାନା, ଇମ୍ତା ଆଜାଃ ଏଙ୍ଗାକିନ୍ ଏନ୍ ହୋନ୍ କେ ଫିରୋନ୍ ରାଃ କୁଡ଼ିହୋନ୍ ତାଃ ରୁଆଡ଼ ତାଇଜାଏ, ଅକନିଃ ଇନିଜାଃ ନୁତୁମ୍ ମୁଶା ମାଣ୍ଡାଅ କେଦାଏ।

![](https://cdn.door43.org/obs/jpg/360px/obs-en-09-08.jpg)

ମୁସୀଙ୍ଗ୍, ଚିମ୍ତାଙ୍ଗ୍ ମୁଶା ମାରାଙ୍ଗ୍ ଜାନାଏ, ଇମ୍ତା ଇନିଃ ନେଲ୍ କେଦାଏ ଚି ମିହୋଡ଼୍ ମିଶାର୍ ରେନ୍ ହୋଡ଼ ଇସ୍ରାଏଲୀ ଦାସୀ କେ ବିଡ଼ାଇ ତାନାଏ। ମୁଶା ଇସ୍ରାଏଲୀ ହୋଡ଼ କେ ବାଞ୍ଚାଅ ଲାଗିନ୍ତେ ସାନାଙ୍ଗ୍ କେଦାଏ।

![](https://cdn.door43.org/obs/jpg/360px/obs-en-09-09.jpg)

ଚିମ୍ତାଙ୍ଗ୍ ମୁଶା ପାହୋମ୍ କେଦାଏ ଚି, ଇନିଃକେ ଜେତାଏ କାକୋ ନେଲ୍ ତାନା, ଇନିଃ ମିଶାର୍ ରେନ୍ ହୋଡ଼ କେ ଗୋଏଃ ତାଇଜାଏ ହାର୍ ଆଜାଃ ହୋଡ଼ମୋ କେ ତୋପା ତାଦାଏ। ମେନ୍ଦୋ ଜେତାଏ ମିହୋଡ଼ ମୁଶା କେ ଅକନାଃ ରିକା କେଦାଏ ଏନାକେ ନେଲ୍ ତାଦାଏ।

![](https://cdn.door43.org/obs/jpg/360px/obs-en-09-10.jpg)

ଚିମ୍ତାଙ୍ଗ୍ ମୁଶା ଅକନାଃ ରିକା କେଦାଏ ଏନାକେ ଫିରୋନ୍ ରାଜା ଆୟୁମ୍ କେଦାଏ, ଦୋ ରାଜା ଇନିଃକେ ଗୋଏଃ ସାନାଙ୍ଗ୍ କିଜାଏ। ମେନ୍ଦୋ ମୁଶା ମିଶାର୍ ଦିଶୁମ୍ ଏତେ ଟୋନାଙ୍ଗ୍ ପାଡ଼ ନିର୍ ଜାନାଏ। ଏନ୍ତେ ଫିରୋନ୍ ରାଜା ରାଃ ସିପାହୀ କୋ ଇନିଃକେ କାକୋ ନାମ୍ ଧାଡ଼ିକିଜା।

![](https://cdn.door43.org/obs/jpg/360px/obs-en-09-11.jpg)

ମିଶାର୍ ଦିଶୁମ୍ ଏତେ ଥିମ୍ବାଗି ସାଙ୍ଗିନ୍ ଗୀତିଲ୍ ଅତେ ରେ ମୁଶା ମିୟାଃ ମିଣ୍ଡି ଗୁପିନିଃ ବାଇଜାନାଏ। ହେନ୍ତାଃ ରେ ମିୟାଃ କୁଡ଼ି ଲୋଃ ଇନିଃ ଆଣାଦି ଜାନାଏ ହାର୍ ଆଜାଃ ବାରିୟା ହୋନ୍ ହୋବା ଜାନାକିନ୍।

![](https://cdn.door43.org/obs/jpg/360px/obs-en-09-12.jpg)

ମୁଶା ଆଜାଃ ହୋୟାଁର୍ ରାଃ ମିଣ୍ଡୀ କୋକେ ଗୁପୀକୋ ତାଇକେନାଏ। ମୁସୀଙ୍ଗ୍ ହୁଲାଙ୍ଗ୍ ଇନିଃ ମିୟାଃ ଚୁପାଃ କେ ସେଙ୍ଗେଲ୍ ରେ ଜୁଲୋଃତାନ୍ ନେଲ୍ କେଦାଏ। ମେନ୍ଦୋ ଏନ୍ ଚୁପାଃ କା ରୋଙ୍ଗୋଃୟୋଃ ତାଇନା। ମୁଶା ଚୁପାଃ ନାଡ଼େଏ ପାଡ଼୍ ବେସ୍ ତେ ନେଲ୍ ଲାଗିନ୍ ସେନ୍ ଜାନଏ। ଚିମ୍ତାଙ୍ଗ୍ ଇନିଃ ନାଡ଼େଏ ରେ ତାଇକେନାଏ, ଏଣ୍ଡେ ପାର୍ମେଶ୍ଵାର୍ ଇନିଃକେ କାଜିକିଜାଏ, “ହେ ମୁଶା, ଆମାଃ ଖାର୍ପା କେ ଖୋଲାଅତାମ୍। ଚିୟାଃଚି ଆମ୍ ପାବିତାର୍ ଜାଗାରେ ତିଙ୍ଗୁ କାନାମ୍।”

![](https://cdn.door43.org/obs/jpg/360px/obs-en-09-13.jpg)

ଏନ୍ତେ ପାର୍ମେଶ୍ଵାର୍ କାଜିକେଦାଏ, “ଇଙ୍ଗ୍ ଇଙ୍ଗ୍ଆଃ ହୋଡ଼ୋକୋୱାଃ ଦୁକୁକୋକେ ନେଲ୍ କେଦାଇଙ୍ଗ୍।” ଇଙ୍ଗ୍ ଆମ୍ କେ ଫିରୋନ୍ ରାଜା ତାଃ କୁଲ୍ ମେୟାଇଙ୍ଗ୍ ଏନାତେ ଆମ୍ ଇସ୍ରାଏଲୀ କୋକେ ମିଶାର୍ ଦିଶୁମ୍ ଏତେ ଇନ୍‍କୁୱାଃ ଦାସୀକାନ୍ ତେୟାଃତେ ଇନ୍‍କୁକେ ଅଡୋଙ୍ଗ୍ ଆଉକୋମ୍। ଇଙ୍ଗ୍ ଇନ୍‍କୁକେ କାନାନ୍ ଦିଶୁମ୍ ଏମାକୋୱାଇଙ୍ଗ୍, ଅକନାଃ ଇଙ୍ଗ୍ ଆବ୍ରାହାମ୍, ଇସାହାକ୍ ହାର୍ ୟାକୁବ୍ କେ କିରିୟା ଏମ୍ ଲେମ୍ ଲେଃକୋୱାଇଙ୍ଗ୍।

![](https://cdn.door43.org/obs/jpg/360px/obs-en-09-14.jpg)

ମୁଶା କୁଲିକେଦାଏ, “ଆଗାର୍ ହୋଡ଼ୋକୋ ସାରିନ୍ ସାନାଙ୍ଗ୍ ଏରେଦୋ ଇଙ୍ଗ୍ କେ ଅକୋଏ କୁଲ୍ କାଦିଙ୍ଗ୍ଆଏ, ଏଣ୍ଡେ ଇଙ୍ଗ୍ ଇନ୍‍କୁକେ ଚିନାଃ କାଜିକୋୱାଇଙ୍ଗ୍?” ପାର୍ମେଶ୍ଵାର୍ କାଜିକେଦାଏ, “ଇଙ୍ଗ୍ ଅକନିଃ ତାନିଙ୍ଗ୍ ଇନିଃ ତାନିଙ୍ଗ୍।” ଇନ୍‍କୁକେ କାଜିକୋମ୍, “ଅକେୟାଃ ନୁତୁମ୍ ଇଙ୍ଗ୍ ତାନିଙ୍ଗ୍ ତାନାଃ ଇନିଃ ଇଙ୍ଗ୍ କେ ଆପେତାଃ କୁଲ୍ କାଦିଙ୍ଗାଏ।” ଆଡୋଃଗି ଇନିଃ କେ କାଜିକୋମ୍, “ଇଙ୍ଗ୍ ୟାହୋୱା ତାନିଙ୍ଗ୍, ସୋବେନ୍ ହୁଲାଙ୍ଗ୍ ଲାଗିନ୍ ନେୟା ଗି ଇଙ୍ଗ୍ଆଃ ନୁତୁମ୍ ତାନାଃ। ଇଙ୍ଗ୍ ଆପେଆଃ ପୁର୍ଖା ହାଡ଼ାମ୍, ଆବ୍ରାହାମ୍, ଇସାହାକ୍, ହାର୍ ୟାକୁବ୍ କୋୱାଃ ପାର୍ମେଶ୍ୱାର୍ ତାନିଙ୍ଗ୍।”

![](https://cdn.door43.org/obs/jpg/360px/obs-en-09-15.jpg)

ମୁଶା ବୋରୋ ତାଇନାଏ ହାର୍ ଫିରୋନ୍ ରାଜା ନାଡ଼େଏ ତାଃ ସେନ୍ ଲାଗିନ୍ କାଏ ସାନାଙ୍ଗ୍ ତାଇନା, ଚିୟାଃଚି ଇନିଃ ପାହୋମ୍ ତାଇନାଏ ଚି ଇନିଃ ବୁଗିନ୍ତେ ବାଖାଣ କାଏ ଧାଡ଼ିଆଏ, ଏନାମେନ୍ତେ ପାର୍ମେଶ୍ୱାର୍ ମୁଶା ରାଃ ହାଗା, ହାରୁନ୍, କେ ଆଏଃକେ ଦେଙ୍ଗା ଲାଗିନ୍ତେ କୁଲ୍ କିଜାଏ।

*ବାଇବାଲ୍ ମିୟାଃ କାହାନୀ: ସେସେନ୍ ପୁଥି ରାଃ୧-୪*

Audio: https://git.door43.org/OBS-TLF/unx_obs/releases/download/v1/unx_obs_v1_09_128kbps.m4a

## 10. ୧୦. ଦାଶ୍ ଠୁ ମାହାମାରୀ

https://openbiblestories.org/l/unx/story-10/

![](https://cdn.door43.org/obs/jpg/360px/obs-en-10-01.jpg)

ପାର୍ମେଶ୍ଵାର୍ ମୁଶା ହାର୍ ହାରୁନ୍ କେ ଚେତାଓ କେଃକିନାଏ ଚି ଫିରୋନ୍ ରାଜା ରାଃ ଜିଦ୍ଧି ବାଇକେନୋଗାଏ। ଚିମ୍ତାଙ୍ଗ୍ ଇନ୍‍କିନ୍ ଫିରୋନ୍ ରାଜା ନଡ଼େଏ ହିଜୁଃ ଲେନାକିନ୍ ଦୋ କାଜିକେଦାକିନ୍, “ଇସ୍ରାଏଲ୍ ହୋଡ଼ୋକୋୱା ପାର୍ମେଶ୍ଵାର୍ ନେକା କାଜିତାନାଏ, “ଇଙ୍ଗ୍ଆଃ ହୋଡ଼ୋକୋକେ ସେନ୍ ରିକା କୋମ୍!” ମେନ୍ଦୋ ଫିରୋନ୍ ରାଜା ଇନ୍‍କିନାଃ କାଜି କାଏଆୟୁମ୍ କେଦାଏ ହାର୍ ଇସ୍ରାଏଲୀ ହୋଡ଼ୋକୋକେ ବାଗେକୋ ଚାହି ତାଇନା ମେନ୍ଦୋ ଇନିଃ ଇନ୍‍କୁକେ ଆଡୋଃଗି କେଟେଃ କାମି ଲାଗିନ୍ତେ ଜାବ୍ରାଇ କେଃକୋୱାଏ।

![](https://cdn.door43.org/obs/jpg/360px/obs-en-10-02.jpg)

ଫିରୋନ୍ ରାଜା ଏନ୍ ହୋଡ଼ୋକେକେ ବାଗେ ଲାଗିନ୍ ସୋବେନ୍ ଇମ୍ତାଙ୍ଗ୍ ମାନା କେଦାଏ, ଏନାଲାଗିନ୍ ପାର୍ମେଶ୍ଵାର୍ ମିଶାର୍ ଦିଶୁମ୍ ରେ ଦାଶ୍ ଠୁ ବୋରୋଆନ୍ ମାହାମାରୀ କୁଲ୍ କେଦାଏ। ନେ ମାହାମାରୀ ରାଃ ହୋରାତେ, ପାର୍ମେଶ୍ଵାର୍ ଫିରୋନ୍ ରାଜା କେ ଉଦୁବ୍ କିଜାଏ ଚି ଇନିଃ ଫିରୋନ୍ ରାଜା ହାର୍ ମିଶାର୍ ଦିଶୁମ୍ ରେନ୍ ଦେଓତା କୋଏତେ ଥିମ୍ବା ପେଡ଼େଜାନ୍ ତାନିଃ।

![](https://cdn.door43.org/obs/jpg/360px/obs-en-10-03.jpg)

ପାର୍ମେଶ୍ଵାର୍ ନୀଲ୍ ନାଈ ରାଃ ଦାଆକେ ମାୟୋମ୍ ରେ ବାଦ୍‍ଲାୱ ତାଦାଏ, ଏଣ୍ଡେ ହଁ ଫିରୋନ୍ ରାଜା ନାଆ ଓଗି ଇସ୍ରାଏଲୀ କୋକେ ସେନ୍ କାଏ ରିକା କେଦାଏ।

![](https://cdn.door43.org/obs/jpg/360px/obs-en-10-04.jpg)

ପାର୍ମେଶ୍ଵାର୍ ଗୋଟା ମିଶାର୍ ଦିଶୁମ୍ ରେ ଚୋକେ କୋକେ କୁଲ୍ କେଦାଏ। ଫିରୋନ୍ ରାଜା ଚୋକେ କୋକେ ହାର୍ ଲାଗିନ୍ତେ ମୁଶା କେ ଆର୍ଜି କିଜାଏ। ମେନ୍ଦୋ ସୋବେନ୍ ଚୋକେ କୋ ଗୋଏଃ ଜାନ୍ ରାଃ ତାୟୋମ୍ତେ, ଫିରୋନ୍ ଆଜାଃ ମୋନ୍ କେ କେଟେଃ ତାଦାଏ ହାର୍ ଇସ୍ରାଏଲୀ କୋକେ ମିଶାର୍ ଦିଶୁମ୍ ଏତେ ଅଡ଼ୋଙ୍ଗ୍ ଲାଗିନ୍ କାଏ ଏମାଃକୋୱାଏ।

![](https://cdn.door43.org/obs/jpg/360px/obs-en-10-05.jpg)

ଏନାମେନ୍ତେ ପାର୍ମେଶ୍ଵାର୍ ସିକିଣି(ଶିକୁ) ରାଃ ମାହାମାରୀ କୁଲ୍ କେଦାଏ। ଏନାରାଃ ତାୟୋମ୍ତେ ଇନିଃ ରୋକୋ ରାଃ ମାହାମାରୀ କୁଲ୍ କେଦାଏ। ଫିରୋନ୍ ରାଜା ମୁଶା ହାର୍ ହାରୁନ୍ କେ କେଡ଼ା କେଃକିନାଏ ହାର୍ ଇନ୍‍କିନ୍ କେ କାଜିକେଦାଏ ଚି ଆଗାର୍ ଇନ୍‍କିନ୍ ଏନ୍ ମାହାମାରୀ କେ ବାନ୍ଦ୍ ତାଃକିନ୍ ଏଣ୍ଡେ ଇସ୍ରାଏଲୀ ହୋଡ଼ୋକୋକେ ମିଶାର୍ ଦିଶୁମ୍ କେ ବାଗେକେତେ ସେନ୍ ଧାଡ଼ିୟାକୋ। ଚିମ୍ତାଙ୍ଗ୍ ମୁଶା ବିନ୍ତି କେଦାଏ ଦୋ ପାର୍ମେଶ୍ଵାର୍ ମିଶାର୍ ଦିଶୁମ୍ ଏତେ ରୋକୋ କୋକେ ଆତୋମ୍ ତାଦାଏ। ମେନ୍ଦୋ ଫିରୋନ୍ ରାଜା ଆଜାଃ ମୋନ୍ କେ କେଟେଃ ତାଦାଏ ହାର୍ ଏନ୍ ହୋଡ଼ୋକୋକେ କାଏ ବାଗେ ସାନାଙ୍ଗ୍ କେଦା।

![](https://cdn.door43.org/obs/jpg/360px/obs-en-10-06.jpg)

ନେୟାରାଃ ଆୟୁର୍ତେ, ପାର୍ମେଶ୍ଵାର୍ ମିଶାର୍ ଦିଶୁମ୍ ରେନ୍ ହୋଡ଼ୋକୋୱାଃ ଆସୁଲାକାନ୍ ପାଶୁ କୋକେ ବେମାର୍ ତେ ଗୋଏଃ ରିକା କେଦାଏ। ମେନ୍ଦୋ ଫିରୋନ୍ ରାଜା ରାଃ ମୋନ୍ କେଟେଃ ଜାନା ହାର୍ ଆଏଃ ଇସ୍ରାଏଲୀ ହୋଡ଼ୋକୋକେ ସେନ୍ କାଏ ରିକା କେଦା।

![](https://cdn.door43.org/obs/jpg/360px/obs-en-10-07.jpg)

ଏନ୍ତେ ପାର୍ମେଶ୍ଵାର୍ ମୁଶା ରାଃ ହୋରାତେ କେ ଫିରୋନ୍ ରାଜା ରାଃ ନଡ଼େଏ ହୟ ରେ ତୋରେଃ କେ ଦୁଡ଼ିଙ୍ଗ୍ ଲାଗିନ୍ କାଜିକେଦାଏ। ଚିମ୍ତାଙ୍ଗ୍ ଇନିଃ ଏନ୍ ଲେକା ରିକା କେଦାଏ ଦୋ ମିଶାର୍ ଦିଶୁମ୍ ରେନ୍ ହୋଡ଼ୋକୋୱାଃ ହୋଡ଼ମୋ ରେ କାସାହାତିଙ୍ଗ୍ ଲେକାନାଃ ଗୁଡ଼ା-ଘାଅ ଅଡ଼ୋଙ୍ଗ୍ ଜାନା, ମେନ୍ଦୋ ଇସ୍ରାଏଲୀ ହୋଡ଼ୋକୋକେ ଯେତେନାଃ କାହୋବାନା। ମେନ୍ଦୋ ପାର୍ମେଶ୍ଵାର୍ ଫିରୋନ୍ ରାଜା ରାଃ ମୋନ୍ କେ କେଟେଃ ତାଦାଏ, ହାର୍ ଫିରୋନ୍ ରାଜା ଇସ୍ରାଏଲୀ ହୋଡ଼ୋକୋକେ ସେନ୍ କାଏ ରିକା କେଃକୋୱାଏ।

![](https://cdn.door43.org/obs/jpg/360px/obs-en-10-08.jpg)

ଏନାରାଃ ତାୟୋମ୍ତେ, ପାର୍ମେଶ୍ଵାର୍ ଆରିଲ୍ ଗାମା କେଦାଏ, ହାର୍ ମିଶାର୍ ଦିଶୁମ୍ ରେୟାଃ ଥିମ୍ବାଗି ଚାଷ୍ କେ ନାଷ୍ଟ୍ ତାଦାଏ ହାର୍ ଅକଏହଗି ବାହ୍‍ରେ ଅଡ଼ୋଙ୍ଗ୍ ନାଏ ଇନିଃ କେ ଗୋଏଃ କିଜାଏ। ଫିରୋନ୍ ରାଜା ମୁଶା ହାର୍ ହାରୁନ୍ କେ କେଡ଼ା କେଃକିନାଏ ହାର୍ ଇନିଃ କାଜିକେଦାଏ, “ଇଙ୍ଗ୍ ପାପ୍ କେଦିଙ୍ଗ୍। ଆପେ ସେନ୍ ଧାଡ଼ିୟାପେ।” ଏନ୍ତେ ମୁଶା ବିନ୍ତି କେଦାଏ, ହାର୍ ରିମିଲ୍‍ଦିଶୁମ୍ ଏତେ ଆରିଲ୍ ଉୟୁଃ ବାନ୍ଦ୍ ଜାନା।

![](https://cdn.door43.org/obs/jpg/360px/obs-en-10-09.jpg)

ମେନ୍ଦୋ ଫିରୋନ୍ ଆଡୋଃଗି ପାପ୍ କେଦାଏ ହାର୍ ଆଜାଃ ମୋନ୍ କେ କେଟେଃ କେଦାଏ। ହାର୍ ଫିରୋନ୍ ରାଜା ଇସ୍ରାଏଲୀ ହୋଡ଼ୋକୋକେ ସେନ୍ କାଏ ରିକା କେଃକୋୱାଏ।

![](https://cdn.door43.org/obs/jpg/360px/obs-en-10-10.jpg)

ଏନ୍ତେ: ପାର୍ମେଶ୍ଵାର୍ ମିଶାର୍ ଦିଶୁମ୍ ରେ ସନ୍‍ସୋରୋଦ୍ ରାଃ ଦାଲ୍ କୋକେ କୁଲ୍ କେଦାଏ। ନେ ସନ୍‍ସୋରୋଦ୍ କୋ ଏନ୍ ସୋବେନ୍ ଯଅ-ସାକାମ୍ କାନ୍ ତେୟାଃକେ ଜୋମ୍ ତାଦାକୋ ଅକନାଃକେ ଆରିଲ୍ ଗାମା କାଏ ନାଷ୍ଟ ଲେଦାଏ।

![](https://cdn.door43.org/obs/jpg/360px/obs-en-10-11.jpg)

ଆଡୋଃଗି ପାର୍ମେଶ୍ଵାର୍ ଆପୀ ହୁଲାଙ୍ଗ୍ ସାନ୍ତେ ନୁବାଃ ତାଦାଏ। ନେୟା ଇମିନ୍ କୁଲ୍‍କୁଲ୍ ତାଇକେନା ଚି ମିଶାର୍ ଦିଶୁମ୍ ରେନ୍ ହୋଡ଼ୋକୋ ଆକୋୱାଃ ଅଡ଼୍ଆଃ ଏତେ ଅଡୋଙ୍ଗ୍ କାକୋ ଧାଡ଼ିଜାନା। ମେନ୍ଦୋ ଅକତାଃରେ ଇସ୍ରାଏଲୀ ହୋଡ଼ୋକୋ ତାଇନ୍ ତାଇନାକୋ ଏନ୍ତାଃରେ ମାର୍ଶାଲ୍ ତାଇକେନା।

![](https://cdn.door43.org/obs/jpg/360px/obs-en-10-12.jpg)

ନେ ନାଅ ମାହାମାରୀ ରାଃ ତାୟୋମ୍ତେ ହଁ, ଫିରୋନ୍ ରାଜା ଇସ୍ରାଏଲୀ ହୋଡ଼ୋକୋକେ ସେନ୍ ଲାଗିନ୍ ମାନା ତାଦାଏ। ଚିୟାଃଚି ଫିରୋନ୍ ରାଜା କାଏ ଆୟୁମ୍ କେଦା ଏନାଲାଗିନ୍ତେ ପାର୍ମେଶ୍ଵାର୍ ମିୟାଃ ଆଖ୍ରୀ ମାହାମାରୀ କେ କୁଲ୍ ଲାଗିନ୍ ମୋନ୍ ବାଇକେଦାଏ। ନେୟା ଫିରୋନ୍ ରାଜା ରାଃ ମୋନ୍ କେ ବାଦ୍‍ଲାଅ ତାଆଏ।

*ବାଇବାଲ୍ ମିୟାଃ କାହାନୀ: ସେସେନ୍ ପୁଥି ୫-୧୦*

Audio: https://git.door43.org/OBS-TLF/unx_obs/releases/download/v1/unx_obs_v1_10_128kbps.m4a

## 11. ୧୧. ଫାସାହା ପାରାବ୍

https://openbiblestories.org/l/unx/story-11/

![](https://cdn.door43.org/obs/jpg/360px/obs-en-11-01.jpg)

ପାର୍ମେଶ୍ଵାର୍ ମୁଶା ହାର୍ ହାରୁନ୍ କେ ଫିରୋନ୍ ରାଜା ତାଃ ନେୟା କାଜିଲାଗିନ୍ତେ କୁଲ୍ କେଃକିନାଏ ଚି ଇସ୍ରାଏଲୀ ହୋଡ଼ୋକୋକେ ସେନ୍ ରିକା କୋକାଏ। ଇନ୍‍କିନ୍ ଆଏଃକେ ଚେତାଉନି ଏମ୍ କିଜାକିନ୍ ଚି ଆଗାର୍ ଇନିଃ ଇନ୍‍କୁକେ ସେନ୍ କାଏ ରିକାଏ ରେଦୋ, ପାର୍ମେଶ୍ଵାର୍ ମିଶାର୍ ରେନ୍ ହୋଡ଼ୋକୋୱାଃ ହାର୍ ପାଶୁ କୋୱାଃ ସୋବେନ୍ ପାହିଲା ଜାନାମ୍ ହୋନ୍ କୋକେ ଗୋଏଃ କୋୱାଏ। ଫିରୋନ୍ ରାଜା ନେୟା ଆୟୁମ୍ କେତେ ହଗୀ ପାର୍ମେଶ୍ଵାର୍ ଚେତାନ୍ ରେ ବିଶ୍ଵାସ୍ ରିକା ହାର୍ ଇନିଜାଃ କାଜି କେ କାଏ ମାନାତିଙ୍ଗ୍ ଜାନା।

![](https://cdn.door43.org/obs/jpg/360px/obs-en-11-02.jpg)

ପାର୍ମେଶ୍ୱାର୍ ଆଏଃକେ ବିଶ୍ଵାସ୍ ତାନ୍ ଜାହାଁନ୍ ହୋଡ଼ୋକୋୱାଃ ହଗି ପାହିଲା ଜାନାମ୍ ହୋନ୍ କୋକେ ବାଞ୍ଚାଅ ଲାଗିନ୍ତେ ମିୟାଃ ଉପାଏ ବାଇକେଦାଏ। ସୋବେନ୍ ମିପୀୟାଃ ଅଡ଼୍ଆଃ ରେନ୍ କୋକେ ମିୟାଃ ବେଗାର୍ ଦୋଷ୍ କାନାଃ ମିଣ୍ଡି ଇଦିକେତେ ଗୋଏଃ ରିକା ତାଇକେନା।

![](https://cdn.door43.org/obs/jpg/360px/obs-en-11-03.jpg)

ପାର୍ମେଶ୍ଵାର୍ ଇସ୍ରାଏଲୀକୋକେ ଏନ୍ ମିଣ୍ଡି ରାଃ ମାୟୋମ୍ କେ ଇଦିକେତେ ଆକୋୱାଃ ଅଡ଼୍ଆଃ ରାଃ ଦୁଆର୍ ରେ ଗୋଶୋଃ ଲାଗିନ୍ କାଜିକେଦାଏ। ହାର୍ ଇନ୍‍କୁକେ ଏନାରାଃ ମାଂସ୍ କେ ରାପାଃକେତେ ହାର୍ ଏନାକେ କାମେଶାକାନ୍ ଖାମିର୍ ହୋଲୋଙ୍ଗ୍ ଲୋଃ ସେକାଡ଼୍ ଗି ଜୋମ୍ ରାଃ ତାଇକେନା। ଇନ୍‍କୁକେ ଏନ୍ ଯୋଜୋମାଃ କେଃ ଜୋମ୍ ରାଃ ତାୟୋମ୍ତେ ଇମ୍ତାଗି ମିଶାର୍ ଦିଶୁମ୍ କେ ବାଗେ ଲାଗିନ୍ ହ ସେକାଡ଼େନ୍ ପେ ମେନ୍ତେ କାଜିକେଦାଏ।

![](https://cdn.door43.org/obs/jpg/360px/obs-en-11-04.jpg)

ଜେଲେକା ରିକା ଲାଗିନ୍ ପାର୍ମେଶ୍ଵାର୍ ଇସ୍ରାଏଲୀ କୋକେ ଆନାଚୁ ଏମ୍ ଲେଃକୋତାଇନାଏ, ଇନ୍‍କୁ ଏନ୍ ଲେକାଗି ସୋବେନାଃ ରିକା କେଦାକୋ। ଥାଲା ନିଦା ରେ, ପାର୍ମେଶ୍ଵାର୍ ସୋବେନ୍ ପାହିଲା ଜାନାମ୍ କୋଡ଼ା ହୋନ୍ କୋକେ ଗୋଏଃ ତାନ୍ ଲୋଃ ମିଶାର୍ ଦିଶୁମ୍ ଥାଲାଏତେ ଫାରୋମ୍ ନାଏ।

![](https://cdn.door43.org/obs/jpg/360px/obs-en-11-05.jpg)

ଇସ୍ରାଏଲୀ କୋୱାଃ ସବେନ୍ ଅଡ଼୍ଆଃ ରାଃ ଦୁଆର୍ କୋରେ ମାୟୋମ୍ ଗୋଶୋଃ କାନ୍ ତାଇକେନା, ଏନାଲାଗିନ୍ ପାର୍ମେଶ୍ଵାର୍ ଏନ୍ ଅଡ଼୍ଆଃ କୋକେ ବାଗେ ତାଦାଏ। ଏନ୍‍ ଅଡ଼୍ଆଃ ଭିତାର୍ ରେ ତାଇନ୍ ତାନ୍ ସବେନ୍ ହୋଡ଼ୋକୋ ବାଞ୍ଚାଅ ଲେନାକୋ। ଇନ୍‍କୁ ମିଣ୍ଡି ରାଃ ମାୟୋମ୍ ହୋରାତେ ବାଞ୍ଚାଅ ଲେନାକୋ।

![](https://cdn.door43.org/obs/jpg/360px/obs-en-11-06.jpg)

ମେନ୍ଦୋ ମିଶାର୍ ଦିଶୁମ୍ ରେନ୍ କୋ ପାର୍ମେଶ୍ଵାର୍ କେ କାକୋ ବିଶ୍ଵାସ୍ ଲିଜା ହାର୍ ଇନିଜାଃ ଆନାଚୁ କୋକେ କାକୋ ମାନାତିଙ୍ଗ୍ ଲେଦା। ଏନାମେନ୍ତେ ପାର୍ମେଶ୍ଵାର୍ ଇନ୍‍କୁୱାଃ ଅଡ଼୍ଆଃ କୋକେ କାଏ ବାଗେ କେଦା। ପାର୍ମେଶ୍ଵାର୍ ମିଶାର୍ ଦିଶୁମ୍ ରେନ୍ ସୋବେନ୍ ମିପୀୟାଃ ପାହିଲା ହୋନ୍ କୋଡ଼ା କୋକେ ଗୋଏଃ ତାଦାଏ।

![](https://cdn.door43.org/obs/jpg/360px/obs-en-11-07.jpg)

ଜେଲ୍ ଅଡ଼୍ଆଃ ରେ ବାନ୍ଦିକାନ୍ କୋୱାଃ ପାହିଲା ହୋନ୍ କୋଡ଼ା ତେ ଇଦିକେତେ, ଫିରୋନ୍ ରାଜା ରାଃ ପହିଲା ହୋନ୍ କୋଡ଼ା ସାନ୍ତେ ସୋବେନ୍ ମିପୀୟାଃ କୋଡ଼ା ହୋନ୍ ଗୋଏଃ ଜାନାକୋ। ମିଶାର୍ ଦିଶୁମ୍ ରେନ୍ ଥିମ୍ବାଗି ହୋଡ଼ୋକୋ ଆକୋୱାଃ ଦୁକୁ ନାମେ ରାଃ ହୋରାତେ ରାଆ ତାଇନାକୋ ହାର୍ ଗେରାଙ୍ଗ୍ ତାନ୍ ଲୋଃ କୁଡ଼ାମ୍ ବିଡ଼ା ତାଇନାକୋ।

![](https://cdn.door43.org/obs/jpg/360px/obs-en-11-08.jpg)

ଏନ୍ ନିଦାଗି, ଫିରୋନ୍ ରାଜା ମୁଶା ହାର୍ ହାରୁନ୍ କିନ୍ କେ କେଡ଼ା କେଃକିନାଏ ହାର୍ କାଜିକେଃକିନାଏ, “ଇସ୍ରାଏଲୀ ହୋଡ଼ୋକୋକେ ଇଦିକେତେ ସେକାଡ଼୍ ଗି ମିଶାର୍ ଦିଶୁମ୍ ଏତେ ଅଡୋଙ୍ଗ୍ କେନୋଃପେ!” ମିଶାର୍ ଦିଶୁମ୍ ରେନ୍ ହୋଡ଼ୋକୋ ହଗି ଇସ୍ରାଏଲୀ ହୋଡ଼ୋକୋକେ ସେକାଡ଼୍ ଗି ଅଡୋଙ୍ଗ୍ କାକୋ ମେନ୍ତେ ଆର୍ଜି କେଦାକୋ।

*ବାଇବାଲ୍ ମିୟାଃ କାହାନୀ: ସେସେନ୍ ପୁଥି ୧୧: ୧-୧୨: ୩୨*

Audio: https://git.door43.org/OBS-TLF/unx_obs/releases/download/v1/unx_obs_v1_11_128kbps.m4a

## 12. ୧୨. ମାରାଙ୍ଗ୍ ସେସେନ୍

https://openbiblestories.org/l/unx/story-12/

![](https://cdn.door43.org/obs/jpg/360px/obs-en-12-01.jpg)

ଇସ୍ରାଏଲୀ ହୋଡ଼ୋକୋ ମିଶାର୍ ଦିଶୁମ୍ ତେ ଅଡୋଙ୍ଗ୍ କେତେ ଥିମ୍ବାଗି ସୁକୁ ରେ ତାଇକେନାକୋ। ଇନ୍‍କୁ ନାଆ ଦାସୀ କାକୋ ତାଇନ୍ କେନା, ହାର୍ ଇନ୍‍କୁ କିରିୟା ଏମାକାନ୍ ଦିଶୁମ୍ ତେ ସେନ୍ ତାଇକେନାକୋ! ଅକନାଃ ଅଗି ଇସ୍ରାଏଲୀ କୋ ଆସିକେଦାକୋ, ମିଶାର୍ ଦିଶୁମ୍ ରେନ୍ ହୋଡ଼ୋକୋ ଇନ୍‍କୁକେ ଏନା ସୋବେନାଃ ଏମ୍ କେଦାକୋ, ନେତାଃ ସାନ୍ତେ ଚି ସୋନା ହାର୍ ରୂପା ହାର୍ ଏଟାଃ ଗୋନୋଙ୍ଗ୍ଆନ୍ ଜିନିଷ୍ କୋ। ଏଟାଃ ଦିଶୁମ୍ ରେନ୍ ଚିମିନ୍ ହୋଡ଼ୋକୋ ପାର୍ମେଶ୍ଵାର୍ କେ ବିଶ୍ଵାସ୍ କେଦାକୋ ହାର୍ ଚିମ୍ତାଙ୍ଗ୍ ଇସ୍ରାଏଲୀ ହୋଡ଼ୋକୋ ମିଶାର୍ ଦିଶୁମ୍ ଏତେ ଅଡୋଙ୍ଗ୍ ଜାନାକୋ ଇମ୍ତା ଇନ୍‍କୁଅଗି ଆକୋଲୋଃ ସେନ୍ ଜାନାକୋ।

![](https://cdn.door43.org/obs/jpg/360px/obs-en-12-02.jpg)

ଶିଙ୍ଗୀ ଇମ୍ତା ରିମିଲ୍ ରାଃ ମିୟାଃ ମାରାଙ୍ଗ୍ ଖୁଣ୍ଟୁ ଇନ୍‍କୁୱାଃ ଆୟୁର୍-ଆୟୁର୍ ସେନ୍ ଜାନାଏ। ହାର୍ ନିଦା ଇମ୍ତା ଏନା ସେଙ୍ଗେଲ୍ ରାଃ ଖୁଣ୍ଟୁ ବାଇଜାନା। ପାର୍ମେଶ୍ଵାର୍ ଅକନିଃ ଏନ୍ ରିମିଲ୍ ରାଃ ଖୁଣ୍ଟୁ ରେ ହାର୍ ସେଙ୍ଗେଲ୍ ରାଃ ଖୁଣ୍ଟୁ ରେ ତାଇନ୍ ଲେନାଏ, ସୋବେନ୍ ଇମ୍ତାଙ୍ଗ୍ ଇନ୍‍କୁଲୋଃ ତାଇକେନାଏ, ହାର୍ ଇନିଃ ସେସେନ୍ ସାମାୟ୍ ରେ ଇନ୍‍କୁକେ ହୋରା ଉଦୁବ୍ କୋତାଇନାଏ। ଇନ୍‍କୁକେ ନିମିନ୍ ଭାଇର୍ ରିକାରାଃ ତାଇକେନା ଚି ଇନିଜାଃ ତାୟୋମ୍-ତାୟୋମ୍ ସେନେ ୟାକୋ।

![](https://cdn.door43.org/obs/jpg/360px/obs-en-12-03.jpg)

ହୁଡିଙ୍ଗ୍ ସାମାୟେ ରାଃ ତାୟୋମ୍ତେ, ଫିରୋନ୍ ରାଜା ହାର୍ ଇନିଜାଃ ହୋଡ଼ୋକୋ ଆପ୍ନାଃ ମୋନ୍ କୋକେ ବାଦ୍ଲାଅ ତାଦାକୋ। ଏନ୍ତେ ଇନ୍‍କୁ ଇସ୍ରାଏଲୀ ହୋଡ଼ୋକୋକେ ଆଡୋଃଗି ଆକୋୱାଃ ଦାସୀ ବାବାଇ ସାନାଙ୍ଗ୍ ତାଇକେନାକୋ। ଏନାମେନ୍ତେ ଇନ୍‍କୁ ଇସ୍ରାଏଲୀ ହୋଡ଼ୋକୋକେ ଅତୋଙ୍ଗ୍ କେଦାକୋ। ନିଈ ପାର୍ମେଶ୍ଵାର୍ ଗି ତାଇକେନାଏ ଅକନିଃ ଇନ୍‍କୁୱାଃ ମୋନ୍ କେ ବାଦ୍ଲାଅ ଲେଦାଏ। ଇନିଃ ନେଲେକା ନେୟାମେନ୍ତେ ରିକାଲାଆଏ ଚିୟାଃଚି ଇନିଃ ସାନାଙ୍ଗ୍ ତାଇନାଏ ଚି ସୋବେନ୍ ହୋଡ଼ୋକୋ ନେୟା ସାରିକାକୋ ଚି ଫିରୋନ୍ ରାଜା ଏତେ ହାର୍ ମିଶାର୍ ଦିଶୁମ୍ ରେନ୍ ଦେଓତା କୋଏତେ ଇନିଃ, ୟାହୋୱା, ପାର୍ମେଶ୍ଵାର୍ ସୋବେନ୍ ଏତେ ପେଡ଼େଜାନ୍ ତାନିଃ।

![](https://cdn.door43.org/obs/jpg/360px/obs-en-12-04.jpg)

ଚିମ୍ତାଙ୍ଗ୍ ଇସ୍ରାଏଲୀ ହୋଡ଼ୋକୋ ମିଶାର୍ ଦିଶୁମ୍ ରେନ୍ ସିପାହୀ କୋକେ ହିଜୁଃତାନ୍ ନେଲ୍ କେଦାକୋ ଏଣ୍ଡେ ଇନ୍‍କୁ ସାରିଜାନାକୋ ଚି ଇନ୍‍କୁ ଫିରୋନ୍ ରାଜା ରାଃ ସିପାହୀ କୋଏତେ ହାର୍ ଆରାଃ ସାମୁଦାର୍ ଗାଡ଼ା ଥାଲା ରେ ଫାସେ କାନାକୋ।ଇନ୍‍କୁ ଥିମ୍ବାଗି ବୋରୋ ଜାନାକୋ ହାର୍ ରାଆ ଏଟେଃକେଦାକୋ, “ଆଲେ ମିଶାର୍ ଦିଶୁମ୍ କେ ଚିନାଃ ମେନ୍ତେ ବାଗେ କେଦାଲେ? ଆବୁ ଗୋଏଃ କେନୋଗାବୁ!”

![](https://cdn.door43.org/obs/jpg/360px/obs-en-12-05.jpg)

ମୁଶା ଇସ୍ରାଏଲୀ ହୋଡ଼ୋକୋକେ କାଜିକେଦାଏ, “ଆଲୋପେ ବୋରୋୟା! ପାର୍ମେଶ୍ଵାର୍ ଇସିଙ୍ଗ୍ ଆପେୟାଃ ଲାଗିନ୍ ଲାଡ଼ାଇୟାଏ ହାର୍ ଆପେକେ ବାଚାଅ ପେୟାଏ।” ଏନ୍ତେ ପାର୍ମେଶ୍ଵାର୍ ମୁଶାକେ କାଜିକିଜାଏ, “ନେ ହୋଡ଼ୋକୋକେ ଆରାଃ ସାମୁଦାର୍ ପାଡ଼୍ ଆୟୁର୍ ସେନ୍ ଲାଗିନ୍ କାଜିକୋମ୍।”

![](https://cdn.door43.org/obs/jpg/360px/obs-en-12-06.jpg)

ଏନ୍ତେ ପାର୍ମେଶ୍ଵାର୍ ଏନ୍ ରିମିଲ୍ ରାଃ ଖୁଣ୍ଟୁ କେ ଇଦିକେତେ ଇସ୍ରାଏଲୀ ହୋଡ଼ୋକୋୱାଃ ହାର୍ ମିଶାର୍ ଦିଶୁମ୍ ରେନ୍ ହୋଡ଼ୋକୋୱାଃ ଥାଲା ରେ ମାଣ୍ଡାଅ ତାଦାଏ ଏନାତେ ମିଶାର୍ ଦିଶୁମ୍ ରେନ୍ ହୋଡ଼ୋକୋ ଇସ୍ରାଏଲୀ ହୋଡ଼ୋକୋକେ ନେଲ୍ କାକୋ ଧାଡ଼ିକା।

![](https://cdn.door43.org/obs/jpg/360px/obs-en-12-07.jpg)

ପାର୍ମେଶ୍ଵାର୍ ମୁଶାକେ ସାମୁଦାର୍ ପାଡ଼୍ ଆଜାଃ ତିଈ କେ ଜିଲିଙ୍ଗେମ୍ ମେନ୍ତେ କାଜିକିଜାଏ। ହାର୍ ପାର୍ମେଶ୍ଵାର୍ ହୋୟୋ ତେ ସାମୁଦାର୍ ରାଃ ଦାଆ କେ ଜୋମ୍ ପାଡ଼୍ ହାର୍ ଲେଙ୍ଗା ପାଡ଼୍ ବାର୍ ହାଟିଙ୍ଗ୍ ତାଦାଏ, ଅକନାଃଏତେ ସାମୁଦାର୍ ହୋବାକେତେ ମିୟାଃ ହୋରା ବାଇଜାନା।

![](https://cdn.door43.org/obs/jpg/360px/obs-en-12-08.jpg)

ଇସ୍ରାଏଲୀ ହୋଡ଼ୋକୋ ଆକୋୱାଃ ବାରାନ୍ ପାଡ଼୍ ଦାଆ ରାଃ ଭୀତ୍, ସାମୁଦାର୍ ଥାଲା ରେ ରୋହୋଡ଼୍ ଅତେ ହୋବାକେତେ ସେନ୍ ଇଦି ଜାନାକୋ।

![](https://cdn.door43.org/obs/jpg/360px/obs-en-12-09.jpg)

ଏନ୍ତେ ପାର୍ମେଶ୍ଵାର୍ ଏନ୍ ହୋରା ଏତେ ରିମିଲ୍ କେ ଚେତାନ୍ତେ ଉଠାଅ ଇଦିକେଦାଏ ଏନାତେ ମିଶାର୍ ଦିଶୁମ୍ ରେନ୍ ହୋଡ଼ୋକୋ ଇସ୍ରାଏଲୀ ହୋଡ଼ୋକୋକେ ବାଚାଅ କେତେ ସେସେନ୍ ତେୟାଃକେ ନେଲେକାକୋ। ମିଶାର୍ ଦିଶୁମ୍ ରେନ୍ ହୋଡ଼ୋକୋ ଇନ୍‍କୁକେ ସାବ୍ ଲାଗିନ୍ ଅତୋଙ୍ଗ୍ ନାଙ୍ଗ୍ ବିଚାର୍ କେଦାକୋ।

![](https://cdn.door43.org/obs/jpg/360px/obs-en-12-10.jpg)

ଏନାମେନ୍ତେ, ଇନ୍‍କୁ ସାମୁଦାର୍ ଥାଲା ହୋରା ଏତେ ଇସ୍ରାଏଲୀ ହୋଡ଼ୋକୋକେ ଅତୋଙ୍ଗ୍ କେଃକୋୱାକୋ, ମେନ୍ଦୋ ପାର୍ମେଶ୍ଵାର୍ ମିଶାର୍ ଦିଶୁମ୍ ରେନ୍ କୋକେ ବୋରୋ ତାଃକୋୱାଏ ହାର୍ ଇନ୍‍କୁ ୱାଃ ରାଥ୍ ଗାଡି କୋକେ ଆଟ୍କାଅ ତାଦାଏ। ଇନ୍‍କୁ କିର୍ଲାଅ ଏଟେଃ କେଦାକୋ, “ନେର୍ପେ! ଇସ୍ରାଏଲୀକୋ ପାଡ଼୍ ଏତେ ପାର୍ମେଶ୍ଵାର୍ ଲାଡ଼ାଇ ତାନାଏ!”

![](https://cdn.door43.org/obs/jpg/360px/obs-en-12-11.jpg)

ସୋବେନ୍ ଇସ୍ରାଏଲୀକୋ ସାମୁଦାର୍ ରାଃ ଏଟାଃ ଫାରୋମ୍ ପାଡ଼୍ ସେଟେର୍ ଜାନାକୋ। ଏନ୍ତେ ପାର୍ମେଶ୍ଵାର୍ ମୁଶାକେ କାଜିକିଜାଏ ଚି ଇନିଃ ଆଡୋଃଗି ଦାଆ ପାଡ଼୍ ତିଇ ଜିଲିଙ୍ଗ୍ ଏକାଏ। ଚିମ୍ତାଙ୍ଗ୍ ମୁଶା ଏନ୍‍କା ରିକା କେଦାଏ, ଦୋ ଦାଆ ମିଶାର୍ ରେନ୍ ହୋଡ଼ୋକୋ ଚେତାନ୍ ରେ ହିଜୁଃ ଲେନା ହାର୍ ସାମୁଦାର୍ ଆଜାଃ ସୀଦା ଲେକାଗି ମେଶାଜାନା। ସୋବେନ୍ ମିଶାର୍ ରେନ୍ ସିପାହୀ କୋ ସାମୁଦାର୍ ରେ ଦୁବିଃ ଜାନାକୋ।

![](https://cdn.door43.org/obs/jpg/360px/obs-en-12-12.jpg)

ଚିମ୍ତାଙ୍ଗ୍ ଇସ୍ରାଏଲୀକୋ ନେଲ୍ କେଦାକୋ ଚି ମିଶାର୍ ରେନ୍ ହୋଡ଼ୋକୋ ଗୋଏଃ ଜାନାକୋ, ଇମ୍ତା ଇନ୍‍କୁ ପାର୍ମେଶ୍ଵାର୍ ଚେତାନ୍ ରେ ବିଶ୍ଵାସ୍ କେଦାକୋ। ହାର୍ ଇନ୍‍କୁ ବିଶ୍ଵାସ୍ କେଦାକୋ ଚି ମୁଶା ପାର୍ମେଶ୍ଵାର୍ ପାଡ଼୍ ଏତେ ମିହୁ୍ଡ଼୍ ନାବୀ ତାନିଃ।

![](https://cdn.door43.org/obs/jpg/360px/obs-en-12-13.jpg)

ଇସ୍ରାଏଲୀ ହୋଡ଼ୋକୋ ନେୟା ଲାଗିନ୍ ହ ଥିମ୍ବା ରାଶିକାନ୍ ତାଇକେନାକୋ ଚିୟାଃଚି ପାର୍ମେଶ୍ଵାର୍ ଇନ୍‍କୁକେ ଗୋଜୋଃ ଏତେ ହାର୍ ଦାସୀ ବାଇନ୍ତେ ବାଚାଅ ଲେଃକୋୱାଏ। ନାଆ ଇନ୍‍କୁ ପାର୍ମେଶ୍ଵାର୍ କେ ଆରାଧାନା ରିକା ଲାଗିନ୍ତେ ହାର୍ ଇନିଜାଃ ଆନାଚୁ କୋକେ ମାନାତିଙ୍ଗ୍ ଲାଗିନ୍ତେ ରାଡ଼ା ଲେନ୍ ତାଇକେନାକୋ। ଇସ୍ରାଏଲୀ ହୋଡ଼ୋକୋ ଆକୋୱାଃ ରାଡ଼ାକାନ୍ ତେୟାଃ ରାଃ ପାରାବ୍ ମାନାତିଙ୍ଗ୍ ଲାଗିନ୍ ହାର୍ ପାର୍ମେଶ୍ଵାର୍ କେ ମାନାରାଙ୍ଗେ ଲାଗିନ୍ ଚିମିନ୍ ଗି ଦୁରାଙ୍ଗ୍ କୋ ଦୁରାଙ୍ଗ୍ କେଦା। ଚିୟାଃଚି ଇନିଃ ଇନ୍‍କୁକେ ମିଶାର୍ ଦିଶୁମ୍ ରେନ୍ ସିପାହୀ କୋଏତେ ବାଚାଅ ଲେଃକୋୱାଏ।

![](https://cdn.door43.org/obs/jpg/360px/obs-en-12-14.jpg)

ପାର୍ମେଶ୍ଵାର୍ ଇସ୍ରାଏଲୀ କୋକେ ସୋବେନ୍ ବାରାସ୍ ମିୟାଃ ପାରାବ୍ ମାନାତିଙ୍ଗ୍ ରାଃ ଆନାଚୁ ଏମ୍ କେଃକୋୱାଏ, ନେୟାକେ ପାହୋମ୍ ମାଣ୍ଡାଅ ଲାଗିନ୍ ଚି ଚିଲ୍‍କା ପାର୍ମେଶ୍ଵାର୍ ମିଶାର୍ ଦିଶୁମ୍ ରେନ୍ ହୋଡ଼ୋକୋକେ ହାରାଓ କେଃକୋୱାଏ ହାର୍ ଇନ୍‍କୁକେ ଦାସୀ ହୋବାଅଃତେ ରାଡ଼ା କେଃକୋୱାଏ। ନେୟା କେ ଫାସାହ୍ ପାରାବ୍ କାଜିଜାନା। ନେୟାରେ ଇନ୍‍କୁକେ ନେ ପାରାବ୍ ମାନାତିଙ୍ଗ୍ ଲାଗିନ୍ ମିୟାଃ ବୁଗିନ୍ ମିଣ୍ଡି କେ ଦାଣେ ଏମ୍ ରାଃ ତାଇକେନା, ଏନାକେ ରାପାଃ ରାଃ ତାଇକେନା, ହାର୍ ଏନାକେ କାମେଶାକାନ୍ ଖାମିର୍ ହୋଲୋଙ୍ଗ୍ ଲୋଃ ଜୋଜୋମ୍ ତାଇକେନା।

*ବାଇବାଲ୍ ରାଃ ମିୟାଃ କାହାନୀ: ସେସେନ୍ ପୁଥି ୧୨: ୩୩-୧୫:୨୧*

Audio: https://git.door43.org/OBS-TLF/unx_obs/releases/download/v1/unx_obs_v1_12_128kbps.m4a

## 13. ୧୩. ଇସ୍ରାଏଲ୍ କୋଲୋଃ ପାର୍ମେଶ୍ଵାର୍ ରାଃ ନିୟାମ୍ ଥଲ୍

https://openbiblestories.org/l/unx/story-13/

![](https://cdn.door43.org/obs/jpg/360px/obs-en-13-01.jpg)

ଇସ୍ରାଏଲୀ କୋକେ ଆର୍ଆ ସାମୁଦାର୍ ଏତେ ଫାରୋମ୍ ଇଦିରାଃ ତାୟୋମ୍ତେ, ପାର୍ମେଶ୍ଵାର୍ ଇନ୍‍କୁକେ ଟୋନାଙ୍ଗ୍ ହୋବାକେତେ ସିନାଇ କାଜିଆକୋ ଏନ୍ ବୁରୁ ପାଡ଼୍ ଇଦିକେଃକୋୱାଏ। ନେୟା ଏନ୍ ବୁରୁଗି ତାଇକେନା ଅକତାଃରେ ମୁଶା ଯୁଲୋଃତାନ୍ ଚୁପାଃକେ ନେଲ୍ ଲେଦାଏ। ଏନ୍ ହୋଡ଼ୋକୋ ଏନ୍ ବୁରୁ ରାଃ ଲାଥାର୍ ରେ ଆକୋୱାଃ ତାମ୍ବୂ କୋକେ ବାଇକେଦାକୋ।

![](https://cdn.door43.org/obs/jpg/360px/obs-en-13-02.jpg)

ପାର୍ମେଶ୍ଵାର୍ ମୁଶା କେ ହାର୍ ଇସ୍ରାଏଲୀ କୋୱାଃ ସୋବେନ୍ ହୋଡ଼ୋକୋକେ କାଜିକେଃକୋୱାଏ, “ଆପେକେ ସୋବେନ୍ ଇମ୍ତାଙ୍ଗ୍ ଇଙ୍ଗ୍ଆଃ ବାଖାଣ କେ ମାନାତିଙ୍ଗ୍ ମେନାଃ ହାର୍ ଅକନ୍ ନିୟାମ୍ ଥଲ୍ ଇଙ୍ଗ୍ ଆପେୟାଃ ଲୋଃ ଥଲ୍ ତାନିଙ୍ଗ୍ ଏନାରେ ବାଇକେତେ ତାଇନ୍ ପେ। ଆଗାର୍ ଆପେ ନେକା ତାନାପେ ଏଣ୍ଡେ ଇଙ୍ଗ୍ଆଃ ଆପେ ଗୋନୋଙ୍ଗାନ୍ ଯଅ, ୟାଜାକ୍ କୋୱାଃ ରାଇଜ୍, ହାର୍ ମିୟାଃ ପାବିତାର୍ ଜାତି ବାୟୋଗାପେ। ”

![](https://cdn.door43.org/obs/jpg/360px/obs-en-13-03.jpg)

ପାର୍ମେଶ୍ଵାର୍ ରାଃ ହୋରାତେ ଇନିଜାଃ ତାଃ ହିଜୁଃ ଲାଗିନ୍ ହୋଡ଼ୋକୋକେ ଆପି ହୁଲାଙ୍ଗ୍ ସାନ୍ ଆପାନ୍ କେ ଆତ୍ମୀକ୍ ଲେକାତେ ସେକାଡ଼ କେଦାକୋ, ଏନ୍ତେ ପାର୍ମେଶ୍ଵାର୍ ସିନାଇ ବୁରୁ ରାଃ ଚୁଟା ରେ ଆଡ଼ଗୁ ଜାନାଏ, ଚିମ୍ତାଙ୍ଗ୍ ଇନିଃ ହିଜୁଃ ଲେନାଏ ଦ ଅତେ ହିଲାଅ ହୋବାଜାନା, ବିଜ୍ଲି ଚାମ୍କାଅ ଜାନା, ସୁକୁଲ୍ ଅଟାଙ୍ଗ୍ଅଃ ତିନା, ହାର୍ ତୁର୍ହିକୋ ଥିମ୍ବାଗି ଷାଡ଼ିଅଃ ତାଇନା। ଏନ୍ତେ ମୁଶା ଆଏଃଗି ବୁରୁ ଚେତାନ୍ ତେ ରାକାବ୍ ଜାନାଏ।

![](https://cdn.door43.org/obs/jpg/360px/obs-en-13-04.jpg)

ଏନ୍ତେ ପାର୍ମେଶ୍ଵାର୍ ହୋଡ଼ୋକୋ ଲୋଃ ମିୟାଃ ନିୟାମ୍ ଥଲ୍ ଥୋଲ୍ କେଦାଏ। ହାର୍ ଇନିଃ ଇନ୍‍କୁକେ କାଜିକେଦାଏ, “ଇଙ୍ଗ୍ ଆପେୟାଃ ସାଦାଏ ହୁଲାଙ୍ଗ୍ ରେନ୍ ପାର୍ମେଶ୍ଵାର୍ ୟାହୋୱା ତାନିଙ୍ଗ୍, ଇଙ୍ଗ୍ ଗି ତାନିଙ୍ଗ୍ ଆପେକେ ମିଶାର୍ ଦିଶୁମ୍ ରାଃ ଦାସୀକାନ୍ତେ ଛଡ଼ାଅ ଆଉ କାଦିଙ୍ଗ୍। ଜେତାନ୍ ଏଟାଃ ଦେଓତା କୋକେ ଆଲୋପେ ସେୱାୟାଃ। ”

![](https://cdn.door43.org/obs/jpg/360px/obs-en-13-05.jpg)

“ମୂର୍ତି କୋକେ ଆଲୋପେ ବାଇୟା ହାର୍ ଇନିଜାଃ ଆଲୋପେ ସେୱାୟା, ଚିୟାଃଚି ଇଙ୍ଗ୍, ଆପେୟାଃ ମିୟାଃଗି ପାର୍ମେଶ୍ଵାର୍ ୟାହୋୱା ତାନିଙ୍ଗ୍। ସାମା କୋରେ କାଠାଉକା ଲେକାତେ ଇଙ୍ଗ୍ଆଃ ନୁତୁମ୍ ଆଲୋପେ ଇଦିଆ। ଆରାମେ ହୁଲାଙ୍ଗ୍ କେ ପାବିତାର୍ ମାନାତିଙ୍ଗ୍ ଲାଗିନ୍ ମୋନେ ମାଣ୍ଡାଅ କାପେ। ଏଟାଃ ଆର୍ଥ ଲେକାତେ କାଜିରେ, ଛାଅ ଦିନ୍ ଆପେ ଆପେୟାଃ ସୋବେନ୍ କାମୀକୋକେ ରିକାଏପେ। ଶାତୋୱାଃ ଦିନ୍ ଆପେୟାଃ ଆରାମେ ହୁଲାଙ୍ଗ୍ ହାର୍ ଇଙ୍ଗ୍ କେ ମୋନେ ମାଣ୍ଡାଅ ରାଃ ହୁଲାଙ୍ଗ୍ ତାନାଃ।”

![](https://cdn.door43.org/obs/jpg/360px/obs-en-13-06.jpg)

“ଆପେୟାଃ ଏଙ୍ଗା ହାର୍ ଆପୁ କିନ୍ କେ ମାଇନ୍ କୋପେ। ହୋଡ଼ ଆଲୋପେ ଗୋଏଃ କୋୱା। ବ୍ୟାଭିଚାର୍ ଆଲୋପେ ରିକାୟା। ଆଲୋପେ କୁମୁଡୁ ୟା। ଆପେୟାଃ ନାଡ଼େଏ-ଜାପାଃ ରେନ୍ କୋୱାଃ କୁଡ଼ି, ଇନ୍‍କୁୱାଃ ଅଡ଼୍ଆଃ, ୟାଦ ଇନ୍‍କୁୱାଃ ଜେତାନ୍ ସାମାନ୍ କୋକେ ଇଦି ଲାଗିନ୍ତେ ଆଲୋପେ ହାୟାଅଃୟା। ”

![](https://cdn.door43.org/obs/jpg/360px/obs-en-13-07.jpg)

ଏନ୍ତେ ପାର୍ମେଶ୍ଵାର୍ ଏନ୍ ଦାଶ୍ ଆନାଚୁ କୋକେ ଦିରି ରାଃ ବାରିୟା ସିଲାଟ୍ ରେ ଅଲ୍ କେତେ ମୁଶା କେ ଏମ୍ କିଯାଏ। ପାର୍ମେଶ୍ଵାର୍ ହୋଡ଼ୋକୋକେ ଆନାଚୁ ମାନାତିଙ୍ଗ୍ ଲାଗିନ୍ତେ ଆଡୋଃଗି ଏଟାଃ ଥିମ୍ବା ନିୟାମ୍ କୋ ଏମ୍ କେଃକୋୱାଏ। ଆଗାର୍ ଇନ୍‍କୁ ଏନ୍ ଆଇନ୍ କୋକେ ମାନାତିଙ୍ଗ୍ ୟାକୋ ଏଣ୍ଡେ ପାର୍ମେଶ୍ଵାର୍ ଏନ୍ ହୋଡ଼ୋକୋକେ ଆଶିଷ୍ ଏମ୍ ହାର୍ ଇନ୍‍କୁକେ ବାଞ୍ଚାଅ ରାଃ କିରିୟା ଏମ୍ କେଦାଏ। ମେନ୍ଦୋ ଇନିଃ କାଜିକେଦାଏ ଚି ଆଗାର୍ ଇନ୍‍କୁ ନେୟା କୋକେ କାକୋ ମାନାତିଙ୍ଗ୍ ୟାଃ, ଏଣ୍ଡେ ଇନିଃ ଇନ୍‍କୁକେ ଦାଣ୍ଡ୍ ଏମା କୋୱାଏ।

![](https://cdn.door43.org/obs/jpg/360px/obs-en-13-08.jpg)

ପାର୍ମେଶ୍ଵାର୍ ଇସ୍ରାଏଲୀ କୋକେ ମିୟାଃ ମାରାଙ୍ଗ୍ ତାମ୍ବୂ ବାଇଲାଗିନ୍ କାଜିକେଦାଏ – ମିଃତାଃ ହୁଣ୍ଡିନ୍ ରେୟାଃ ତାମ୍ବୂ, ଇନିଃ ଇନ୍‍କୁକେ ଠିକ୍-ଠିକ୍ ଉଦୁବ୍ କେଦାଏ ଚି ନେୟା ତାମ୍ବୂକେ ଚିଲ୍‍କା ବାବାଇ ରାଃ ମେନାଗା, ହାର୍ ଏନାରାଃ ବିତାର୍ ରେ ଚିକାନ୍ ଜିନିଷ୍ କୋକେ ମାଣ୍ଡାଅ ରାଃ ମେନାଃ। ଇନିଃ ଇନ୍‍କୁକେ ଏନ୍ ତାମ୍ବୂ କେ ବାରିଆ କୁଠିରି ରେ ହାଟିଙ୍ଗ୍ ରିକା ଲାଗିନ୍ ମିୟାଃ ମାରାଙ୍ଗ୍ ପାର୍ଦା ବାଇଲାଗିନ୍ତେ ହଁ କାଜିକେଦାଏ। ପାର୍ମେଶ୍ଵାର୍ ଏନ୍ ପାର୍ଦା ରାଃ ତାୟୋମ୍ କୁଠିରି ରେ ହିଜୁଗାଏ ହାର୍ ଏନ୍ତାଃରେ ତାଇନାଏ। ଏନ୍ କୁଠିରି ଭିତାର୍ ରେ ବୋଲୋ ଲାଗିନ୍ତେ ମାରାଙ୍ଗ୍ ୟାଜାକ୍ କୋକେ ଭାଇଜ୍ ଆନୁମାତି ତାଇକେନା।

![](https://cdn.door43.org/obs/jpg/360px/obs-en-13-09.jpg)

ଏନ୍ ହୋଡ଼ୋକୋ ଏନ୍ ମିଃତାଃ ହୁଣ୍ଡିନ୍ ରେୟାଃ ତାମ୍ବୂ ରାଃ ନାଡ଼େଏ ରେ ମିୟାଃ ବେଦୀ ବାଇକେଦାକୋ, ଜେତାଏଗି ଅକଏ ପାର୍ମେଶ୍ଵାର୍ ରାଃ ଆଇନ୍ କେ କାଏ ମାନାତିଙ୍ଗ୍ ଲେରେ ଇନିଃ ଏନ୍ ବେଦୀ ତାଃ ମିୟାଃ ପାଶୁ କେ ସାବ୍ ଆଉୱିକାଏ। ଏନ୍ତେ ୟାଜାକ୍ ଏନା କେ ଦାଣେ ୟାଏ ହାର୍ ବେଦୀ ରେ ପାର୍ମେଶ୍ଵାର୍ ଲାଗିନ୍ ଦାଣେ ଏମ୍ ଲେକାତେ ଅଣ୍ଡର୍ ୟାଏ। ପାର୍ମେଶ୍ଵାର୍ କାଜିକେଦାଏ ଚି ଏନ୍ ପାଶୁ ରାଃ ମାୟୋମ୍ କେ ଏନ୍ ହୋଡ଼ ରାଃ ପାପ୍ କୋକେ ହାରୁପ୍ ତାଆଏ। ନେଲେକାତେ, ନାଃ ପାର୍ମେଶ୍ଵାର୍ ଏନ୍ ପାପ୍ କୋକେ କାଏ ନେଲେଆଏ, ଏନ୍ ହୋଡ଼ ପାର୍ମେଶ୍ଵାର୍ ରାଃ ନେନେଲ୍ ରେ “ଫାର୍ଚି” ହୋବାଅଃ ୱାଏ। ପାର୍ମେଶ୍ଵାର୍ ମୁଶା ରାଃ ହାଗା ହାରୁନ୍ କେ ହାର୍ ହାରୁନ୍ ରାଃ କିଲିରେନ୍ କୋକେ ଆଜାଃ ୟାଜାକ୍ ହୋବା ଲାଗିନ୍ତେ ସାଲାକେଃକୋୱାଏ।

![](https://cdn.door43.org/obs/jpg/360px/obs-en-13-10.jpg)

ପାର୍ମେଶ୍ଵାର୍ ଏନ୍ ହୋଡ଼ୋକୋକେ ଅକନ୍ ନିୟାମ୍ ଏମ୍ ଲେଦାଏ ଇନ୍‍କୁ ଏନାକୋକେ ମାନାତିଙ୍ଗ୍ ଲାଗିନ୍ ମିଃ ମୋନ୍ ଜାନାକୋ। ଇନ୍‍କୁ ପାର୍ମେଶ୍ଵାର୍ ରାଃ ହୋଡ଼୍ ହୋବା ଲାଗିନ୍ତେ ଭାଇଜ୍ ହାର୍ ଇନିଃଜା ଆରାଧାନା ରିକା ଲାଗିନ୍ ଭାଇଜ୍ ମିଃ ମୋନ୍ ଜାନାକୋ।

![](https://cdn.door43.org/obs/jpg/360px/obs-en-13-11.jpg)

ଚିମିନ୍ ହୁଲାଙ୍ଗ୍ ରାଃ ତାୟୋମ୍ତେ, ମୁଶା ସିନାଇ ବୁରୁ ଚୁଟା ଚେତାନ୍ ଗି ତାଇଜାନାଏ, ଇନିଃ ଏନ୍ତାଃରେ ପାର୍ମେଶ୍ଵାର୍ ଲୋଃ ବାକାଣ ତାଇକେନାଏ। ମେନ୍ଦୋ ହୋଡ଼ୋକୋ ଇନିଜାଃ ରୁଆଡ଼୍ ହିଜୁଃ କେ ତାଙ୍ଗି-ତାଙ୍ଗି ଲାଗା ଜାନାକୋ। ଏନାଲାଗିନ୍ ଇନ୍‍କୁ ହାରୁନ୍ ତାଃ ସୋନା ଇଦି କେତେ ସେନ୍ ଜାନାକୋ ହାର୍ ଆଏଃ କେ ମିୟାଃ ମୂର୍ତି ବାଇଲାଗିନ୍ କାଜିକିଜାକୋ ଏନାତେ ଇନ୍‍କୁ ପାର୍ମେଶ୍ଵାର୍ କେ ବାଗେକେତେ ଇନିଜାଃ ପୂଜା ରିକାୟାକୋ। ଇନ୍‍କୁ ପାର୍ମେଶ୍ଵାର୍ ରାଃ ବିରୋଧ ରେ ବୋରୋୱାନ୍ ପାପ୍ କେଦାକୋ।

![](https://cdn.door43.org/obs/jpg/360px/obs-en-13-12.jpg)

ହାରୁନ୍ ବାଛୁରୁ ଲେକା ମିୟାଃ ସୋନା ରାଃ ମୂର୍ତି ବାଇକେଦାଏ। ଏନ୍ ହୋଡ଼ୋକୋ ଏନ୍ ମୂର୍ତି କେ ପୂଜା ଏଟେଃ କେଦାକୋ ହାର୍ ଇନିଜାଃ ଲାଗିନ୍ ଦାଣେ ଏମ୍ କେଦାକୋ! ଇନ୍‍କୁୱାଃ ପାପ୍ ରାଃ ଚାଲ୍ତେ ପାର୍ମେଶ୍ଵାର୍ ଇନ୍‍କୁକେ ଥିମ୍ବାଗି ଖିସ୍ ଲେନାଏ। ଇନିଃ ଇନ୍‍କୁକେ ଗୋଏଃ ଲାଗିନ୍ ସାନାଙ୍ଗ୍ ତାଇନାଏ। ମେନ୍ଦୋ ମୁଶା ଇନ୍‍କୁକେ ଆଲୋ ଗୋଏଃ କାଏ ମେନ୍ତେ ପାର୍ମେଶ୍ଵାର୍ କେ ଆର୍ଜି କିଜାଏ। ହାର୍ ପାର୍ମେଶ୍ଵାର୍ ଇନିଜାଃ ଆର୍ଜି କେ ଆୟୁମ୍ କେଦାଏ ହାର୍ ଇନ୍‍କୁକେ କାଏ ଗୋଏଃ କେଃକୋୱା।

![](https://cdn.door43.org/obs/jpg/360px/obs-en-13-13.jpg)

ଟୁଣ୍ଡୁ ରେ ମୁଶା ସିନାଇ ବୁରୁ ଚେତାନ୍ ଏତେ ଲାଥାର୍ ଆଡ଼ଗୁ ଜାନାଏ। ଇନିଃ ଏନ୍ ବାରିୟା ଦିରି ରାଃ ସିଲାଟ୍ କେ ସାବ୍ କାଃ ତାଇନାଏ, ଅକନାଃରେ ପାର୍ମେଶ୍ଵାର୍ ଦାଶ୍ ଆନାଚୁ କୋକେ ଅଲ୍ ଲେଃତାଇନାଏ। ଆଡୋଃ ଇନିଃ ଏନ୍ ମୂର୍ତିକେ ନେଲ୍ କେଦାଏ। ଏନ୍ତେ ଇନିଃ ଇମିନ୍ ଖିସ୍ ଜାନାଏ ଯେ ଇନିଃ ଏନ୍ ଦିରି ରାଃ ସିଲାଟ୍ କେ ଥାୱାଃ ଗୁଣ୍ଡା ତାଦାଏ।

![](https://cdn.door43.org/obs/jpg/360px/obs-en-13-14.jpg)

ଏନ୍ତେ ମୁଶା ଏନ୍ ମୂର୍ତିକେ ରାପୁଃ ଗୁଣ୍ଡା କେତେ ଧୂଡ଼ି ବାଇତାଦାଏ, ହାର୍ ଏନ୍ ଗୁଣ୍ଡା କୋକେ ଦାଆ ରେ ମେଶା କେତେ ଏନ୍ ହୋଡ଼ୋକୋକେ ଏନ୍ ଦାଆ କେ ଆନୁକେଃ କୋୱାଃଏ। ପାର୍ମେଶ୍ଵାର୍ ଏନ୍ ହୋଡ଼ୋକୋୱାଃ ଚେତାନ୍ ରେ ମିୟାଃ ମାହାମାରୀ କୁଲ୍ କେଦାଏ ହାର୍ ଏଣ୍ଡେଏତେ ଥିମ୍ବାଗି ହୋଡ଼ୋକୋ ଗୋଏଃ ଜାନାକୋ।

![](https://cdn.door43.org/obs/jpg/360px/obs-en-13-15.jpg)

ଅକନ୍ ଦିରି ରାଃ ସିଲାଟ୍ କୋକେ ମୁଶା ରାପୁଃ ଲେଃ ତାଇନାଏ ଏନାରାଃ ବାଦ୍ଲି ରେ ମୁଶା ଏନ୍ ଦାଶ୍ ଆନାଚୁ ରେୟାଃ ନାୱା ସିଲାଟ୍ ଦିରି ବାଇକେଦାଏ। ଏନ୍ତେ ଇନିଃ ଆଡୋଃଗି ବୁରୁ ଚେତାନ୍ ରେ ରାକାବ୍ ଜାନାଏ ହାର୍ ବିନ୍ତି କେଦାଏ ଚି ପାର୍ମେଶ୍ଵାର୍ ଏନ୍ ହୋଡ଼ୋକୋକେ ଛାମା ତାଃକୋକାଏ। ପାର୍ମେଶ୍ଵାର୍ ମୁଶା ରାଃ ବିନ୍ତି ଆୟୁମ୍ କେଦାଏ ହାର୍ ଇନ୍‍କୁକେ ଛାମା ତାଃକୋୱାଏ। ନାୱା ଦିରି ସିଲାଟ୍ ରେ ଦାଶ୍ ଆନାଚୁ କେ ଖୋଦାକାନ୍ ଆଉ କେତେ ମୁଶା ବୁରୁ ଏତେ ଲାଥାର୍ ଆଡ଼ଗୁ ଜାନାଏ। ଏନ୍ତେ ପାର୍ମେଶ୍ଵାର୍ ସିନାଇ ବୁରୁ ଏତେ ଇଦିକେତେ କିରିୟା ଜୋମ୍ କାନ୍ତେୟାଃ ଦିଶୁମ୍ ସାନ୍ତେ ଇସ୍ରାଏଲୀ ହୋଡ଼ୋକୋକେ ସୋତୋଃ ଇଦି କେଃ କୋୱାଏ।

*ବାଇବାଲ୍ ମିୟାଃ କାହାନୀ; ସେସେନ୍ ପୁଥି ୧୯-୩୪*

Audio: https://git.door43.org/OBS-TLF/unx_obs/releases/download/v1/unx_obs_v1_13_128kbps.m4a

## 14. ୧୪. ଟୋନାଙ୍ଗ୍ ରେ ଆଃ ଜାନାକୋ

https://openbiblestories.org/l/unx/story-14/

![](https://cdn.door43.org/obs/jpg/360px/obs-en-14-01.jpg)

ପାର୍ମେଶ୍ଵାର୍ ଇସ୍ରାଏଲୀ କୋକେ ଏନ୍ ନିୟାମ୍ କୋକେ କାଏ ଉଦୁବ୍ କେଦାଏ ଅକନାଃ ଇନ୍‍କୁୱାଃ ଲାଗିନ୍ ଥଲାକାନ୍ ଏନ୍ ନିୟାମ୍ ଲେକାତେ ମାନାତିଙ୍ଗ୍ ରାଃ ତାଇକେନା, ଆଡୋଃ ଇନିଃ ସିନାଇ ବୁରୁ ଏତେ ଆୟୁର୍ତେ ଆୟାର୍ ଇଦି କେଃକୋୱାଏ। ଇନିଃ ଇନ୍‍କୁକେ କିରିୟା ଦିଶୁମ୍ ତେ ଇଦି ସାନାଙ୍ଗ୍ ତାଇନାଏ। ନେ ଦିଶୁମ୍ କେ କାନାନ୍ ହଁ କାଜିୟୋଃ ତାଇନା। ପାର୍ମେଶ୍ଵାର୍ ରିମିଲ୍ ଖୁଣ୍ଟୁ ରେ ହୋବାକେତେ ଇନ୍‍କୁୱାଃ ଆୟୁର୍-ଆୟୁର୍ ସେନ୍ କେଦାଏ, ହାର୍ ଇନ୍‍କୁ ଇନିଜାଃ ତାୟୋମ୍-ତାୟୋମ୍ ସେନ୍ କେଦାକୋ।

![](https://cdn.door43.org/obs/jpg/360px/obs-en-14-02.jpg)

ପାର୍ମେଶ୍ଵାର୍ ଆବ୍ରାହାମ୍, ଇସାହାକ୍, ହାର୍ ୟାକୁବ୍ ଲୋଃ କିରିୟା ଲେଦାଏ ଚି ଇନିଃ କିରିୟା ରାଃ ଏନ୍ ଦିଶୁମ୍ ଇନ୍‍କୁୱାଃ ବାଂଶ୍ ରେନ୍ କୋକେ ଏମାକୋୱାଏ, ମେନ୍ଦୋ ନେ ସାମାୟ୍ ରେ ଏନ୍ତାଃରେ ଥିମ୍ବାଗି ଏଟାଃଜାତିରେନ୍ ହୋଡ଼ୋକୋ ତାଇନ୍ ତାଇନାକୋ। ଇନ୍‍କୁକେ କାନାନୀ କାଜିତାଇନାକୋ। ନେ କାନାନୀ ହୋଡ଼ୋକୋ ପାର୍ମେଶ୍ଵାର୍ କେ କାକୋ ଆରାଧାନା ତାଇନା ହାର୍ ଇନିଜାଃ ଆନାଚୁ କୋକେ କାକୋ ମାନାତିଙ୍ଗ୍ ତାଇନା। ଇନ୍‍କୁ କାସାର୍ତି ଦେଓତା କୋକେ ସେୱା ତାଇନାକୋ ହାର୍ ଥିମ୍ବାଗି ଏତ୍କାନ୍ କାମିକୋ ରିକା ତାଇନାକୋ।

![](https://cdn.door43.org/obs/jpg/360px/obs-en-14-03.jpg)

ପାର୍ମେଶ୍ଵାର୍ ଇସ୍ରାଏଲୀ କୋକେ କାଜିକେଦାଏ, “ଚିମ୍ତାଙ୍ଗ୍ ଆପେ ଏନ୍ କିରିୟାକାନ୍ ଦିଶୁମ୍ ରେ ସେଟେର୍ ଆପେ ଏଣ୍ଡେ ଏନ୍ତାଃରେନ୍ ସୋବେନ୍ କାନାନୀ କୋଏତେ ଗେନା ରେ ତାଇନ୍ ପେ। ଇନ୍‍କୁ ଲୋଃ ଆଲୋପେ ଗାତିନା, ହାର୍ ଇନ୍‍କୁ ଲୋଃ ଆଲୋପେ ଆଣାଦିନା। ଆପେକେ ଇନ୍‍କୁୱାଃ ସୋବେନ୍ ମୂର୍ତିକୋକେ ନାଷ୍ଟ ରିକାରାଃ ମେନାଃ। ଆଗାର୍ ଆପେ ଇଙ୍ଗ୍ଆଃ ଆନାଚୁ କୋକେ କାପେ ମାନାତିଙ୍ଗ୍ଏୟା, ଏଣ୍ଡେ ଆପେ ଇଙ୍ଗ୍ କେ ବାଗେକେତେ ଇନ୍‍କୁୱାଃ ମୂର୍ତିକୋକେ ଆରାଧାନା ରିକା ଏଟେଃ କେୟାପେ।”

![](https://cdn.door43.org/obs/jpg/360px/obs-en-14-04.jpg)

ଚିମ୍ତାଙ୍ଗ୍ ଇସ୍ରାଏଲୀ କୋ କାନାନ୍ ରାଃ ସିମାନ୍ ତାଃ ସେଟେର୍ ଜାନାକୋ, ଦୋ ମୁଶା ଇସ୍ରାଏଲୀ କୋୱାଃ ସବେନ୍ କିଲି କୋଏତେ ମିହୋଡ଼-ମିହୋଡ଼ ବାରା ଝାନ୍ ହୋଡ଼ୋକୋକେ ସାଲା କେଃକୋୱାଏ। ଇନ୍‍କୁକେ ଏନ୍ ଦିଶୁମ୍ ସେନ୍ କେତେ ଏନ୍ ଦିଶୁମ୍ କେ ସାରିଉରୁମ୍ ଲାଗିନ୍ ଆଚୁକେଃକୋୱାଏ ଚି ନେଲେକାକୋ ଚି ଏନ୍ ଦିଶୁମ୍ ଚିଲିକା ମେନାଃ। ଇନ୍‍କୁକେ ଏନ୍ କାନାନୀ ହୋଡ଼ୋକୋ କୋକେ ହ ସାରିଉରୁମ୍ ରାଃ ତାଇକେନା ଚି ଇନ୍‍କୁ ପେଡ଼େଜାନ୍ ତାଇକେନାକୋ ଚି ନାରାଦୁରା ତାଇକେନାକୋ।

![](https://cdn.door43.org/obs/jpg/360px/obs-en-14-05.jpg)

ଏନ୍ ବାରା ଝାନ୍ କୋଡ଼ାକୋ ଗୋଟା କାନାନ୍ ଦିଶୁମ୍ କେ ଚାଲିଶ୍ ଦିନ୍ ସାନ୍ତେ ହୋନୋର୍ କେଦାକୋ ଏନାତାୟୋମ୍ତେ ଇନ୍‍କୁ ରୁଆଡ଼ ହିଜୁଃନାକୋ। ଇନ୍‍କୁ ହୋଡ଼ୋକୋକେ ଉଦୁବ୍ କେଦାକୋ, “ଏନ୍ ଦିଶୁମ୍ ରେ ଥିମ୍ବାଗି ଯଅକୋ ହୁୟୋଗା ହାର୍ ଥିମ୍ବାଗି ଯଅକୋ ହୋବାକାନା!” ମେନ୍ଦୋ ଦାସ୍ ଝାନ୍ ସାରିଉରୁମ୍ ନାଙ୍ଗ୍ ସେନାକାନ୍ ହୋଡ଼ୋକୋ କାଜିକେଦା, “ଇନ୍‍କୁୱାଃ ସାହାର୍ କୋ ଥିମ୍ବାଗି କେଟେଃ ଗିୟା ହାର୍ ଏନ୍ ହୋଡ଼ୋକୋ ଜିଲିଙ୍ଗ୍-ଚାକାର୍ ମେନାକୋୱା! ଆଗାର୍ ଆବୁ ଇନ୍‍କୁଲୋଃ ଲାପାଡ଼ାଇ ୟାବୁ ଏଣ୍ଡେ ଜାଲେକାତେ ଇନ୍‍କୁ ଆବୁକେ ହାରାଅ ତାବୁୱାକୋ ହାର୍ ଆବୁକେ ଗୋଏଃ ତାବୁୱାକୋ!”

![](https://cdn.door43.org/obs/jpg/360px/obs-en-14-06.jpg)

ଇମ୍ତାଗି କାଲେବ୍ ହାର୍ ୟାହୋଶୁ ହାର୍ ଏଟାଃ ସାରିଉରୁମ୍ ନାଙ୍ଗ୍ କୁଲାକାନ୍ ବାର୍ହୋଡ଼ କିନ୍ କାଜିକେଦାକିନ୍, “ନେୟା ସାର୍ତି ତାନାଃ ଚି କାନାନ୍ ଦିଶୁମ୍ ରେନ୍ ହୋଡ଼ୋକୋ ଜିଲିଙ୍ଗ୍ ହାର୍ ପେଡ଼େଜାନ୍ ମେନାକୋୱା, ମେନ୍ଦୋ ଜାଲେକାତେଗି ଆବୁ ଇନ୍‍କୁକେ ହାରାଅ କୋୱାବୁ! ପାର୍ମେଶ୍ଵାର୍ ଆବୁୱାଃ ପାଡ଼ ଏତେ ଲାଡ଼ାଇୟାଏ!”

![](https://cdn.door43.org/obs/jpg/360px/obs-en-14-07.jpg)

ମେନ୍ଦୋ ହୋଡ଼ୋକୋ କାଲେବ୍ ହାର୍ ୟାହୋଶୁ ରାଃ ବାଖାଣ କେ କାକୋ ଆୟୁମ୍ କେଦା। ଇନ୍‍କୁ ମୁଶା ହାର୍ ହାରୁନ୍ ଚେତାନ୍ ରେ ଖିସ୍ ଜାନାକୋ ହାର୍ କାଜିକେଦାକୋ, “ଆମ୍ ଆଲେକେ ନେ ବୋରୋଆନ୍ ଜାଗା ଚିନାଃ ଲାଗିନ୍ ଆଉକେଃ ଲେୟାମ୍ ? ଆଲେକେ ମିଶାର୍ ରେଗି ତାଇନ୍- ତାଇନ୍ କେନା। ଆଗାର୍ ଆଲେ ଏନ୍ ଦିଶୁମ୍ ସେନୋଗାଲେ ଦ ଲାଡ଼ାଇ ରେ ଗୋଏଃ କେନୋଗାଲେ, ହାର୍ କାନାନ୍ ଦିଶୁମ୍ ରେନ୍ ହୋଡ଼ୋକୋ ଆଲେୟାଃ କୁଡ଼ିକୋକେ ହାର୍ ହୋନ୍ କୋକେ ଦାସୀ ବାଇ କୋୱାକୋ।” ଏନ୍ ହୋଡ଼ୋକୋ ଆକୋୱାଃ ଲାଗିନ୍ତେ ଏଟାଃ ମିହୋଡ଼୍ କେ ଆଗୁଆ ବାଇସାନାଙ୍ଗ୍ କେଦାକୋ ଅକଏ ଚି ଇନ୍‍କୁକେ ଆଡୋଃମିଶା ମିଶାର୍ ଦିଶୁମ୍ ତେ ରୁଆଡ଼୍ ଇଦିକୋୱାଏ।

![](https://cdn.door43.org/obs/jpg/360px/obs-en-14-08.jpg)

ଚିମ୍ତାଙ୍ଗ୍ ଏନ୍ ହୋଡ଼ୋକୋ ନେକା କାଜିକେଦାକୋ ଦ ପାର୍ମେଶ୍ଵାର୍ ଥିମ୍ବାଗି ଖିସ୍ ଜାନାଏ। ଇନିଃ ମିଃତାଃ ହୁଣ୍ଡିଏନ୍ ତାମ୍ବୂ ରେ ହିଜୁଃ ଜାନାଏ ହାର୍ କାଜିକେଦାଏ, “ଆପେ ଇଙ୍ଗ୍ଆଃ ବିରୁଦ୍ଦ୍ ରେ ବିଦ୍ରୋହ୍ କେଦାପେ, ଏନାମେନ୍ତେ ଆପେ ସୋବେନ୍ କୋ ନେ ଟନାଙ୍ଗ୍ ରେ ଆଦୋ ଗାପେ। ହାର୍ ସବେନ୍ ମିପିହୋଡ଼ ଅକନିଃକେ ବିଶ୍ ବାରାଷ୍ ୟାଦ ଏନାଏତେ ଥିମ୍ବା ବାରାଷ୍ ହୋବାକାନା ଇନିଃ ଏନ୍ତାଃରେ ଗୋଏଃ କେନୋଗାଏ ହାର୍ ଚିଉଲା ହଁ ଏନ୍ ଦିଶୁମ୍ ରେ ବୋଲୋ କାଏ ଧାଡ଼ିୟା ଅକାନାଃ କେଚି ଇଙ୍ଗ୍ ଆପେକେ ଏମାପେତାନିଙ୍ଗ୍। ଖାଲି କାଲେବ୍ ହାର୍ ୟାହୋଶୁ ଏଣ୍ଡେରେ ବୋଲୋ ଆକିନ୍।”

![](https://cdn.door43.org/obs/jpg/360px/obs-en-14-09.jpg)

ଚିମ୍ତାଙ୍ଗ୍ ହୋଡ଼ୋକୋ ପାର୍ମେଶ୍ଵାର୍ କେ ନେକା କାଜିତାନ୍ ଆୟୁମ୍ କିଜାକୋ, ଦୋ ଇନ୍‍କୁ ଦୁକୁ ଜାନାକୋ ଚିୟାଃଚି ଇନ୍‍କୁ ପାପ୍ ଲେଦାକୋ। ଏନାମେନ୍ତେ ଇନ୍‍କୁ କାନାନ୍ ରେନ୍ ହୋଡ଼ୋକୋୱାଃ ଲୋଃ ଲାଡ଼ାଇ ରିକା ଲାଗିନ୍ ବିଚାର୍ କେଦାକୋ। ମୁଶା ଇନ୍‍କୁକେ ଆଲୋ ସେନ୍ କାକୋ ମେନ୍ତେ ଚେତାଅ କେଃକୋୱାଏ, ଚିୟାଃଚି ପାର୍ମେଶ୍ଵାର୍ ଇନ୍‍କୁ ଲୋଃ କାଏ ସେନା, ମେନ୍ଦୋ ଇନ୍‍କୁ ଆଜାଃ କାଜିକେ କାକୋ ଆୟୁମ୍ କେଦା।

![](https://cdn.door43.org/obs/jpg/360px/obs-en-14-10.jpg)

ପାର୍ମେଶ୍ଵାର୍ ନେ ଲାଡ଼ାଇ ରେ ଇନ୍‍କୁୱାଃ ଲୋଃ କାଏ ସେନ୍ କାନ୍ ତାଇନା, ଏନାମେନ୍ତେ କାନାନି ହୋଡ଼ୋକୋ ଇନ୍‍କୁକେ ହାରାଅ ତାଃକୋୱାକୋ ହାର୍ ଇନ୍‍କୁ ଏତେ ଥିମ୍ବା କୋକେ ଗୋଏଃ ତାଃକୋୱାକୋ। ଏନ୍ତେ ଇସ୍ରାଏଲୀ କୋ କାନାନ୍ ଏତେ ରୁଆଡ଼ ଜାନାକୋ। ହାର୍ ହିଜୁଃ ଚାଲିଶ୍ ବାରାଶ୍ ସାନ୍, ଇନ୍‍କୁ ଟନାଙ୍ଗ୍ ରେ ନେତେ-ହାନ୍ତେ ହୋନୋର୍ ବାଡ଼ା ୟାକୋ।

![](https://cdn.door43.org/obs/jpg/360px/obs-en-14-11.jpg)

ଇସ୍ରାଏଲୀ ହୋଡ଼ୋକୋ ଟନାଙ୍ଗ୍ ରେ ଆଦାକାନ୍ ଚାଲିଶ୍ ବାରାଶ୍ ସାନ୍ତେ, ପାର୍ମେଶ୍ଵାର୍ ଇନ୍‍କୁୱାଃ ସୋବେନ୍ ଦାର୍କାର୍ ଜିନିଷ୍ କୋକେ ଏମାଃକୋୱାଏ। ଇନିଃ ଇନ୍‍କୁକେ ସିର୍ମାଏତେ “ମାନ୍ନା” କାଜିଅଗା ଏନ୍ ହୋଲୋଙ୍ଗ୍ କେ ଏମାଃ କୋୱାଏ। ଇନିଃ ମିଃଥିମ୍ବା ଗୁଣ୍ଡ୍ରି ଅଡ଼େ କୋକେ ହ (ଅକନ୍ କୋ ଠିକ୍ ଭାଇର୍ ରେନ୍ ଅଡ଼େ ମାରାଙ୍ଗ୍ ହ କାହା, ହୁଡିଙ୍ଗ୍ ହ କାହା) ଇନ୍‍କୁୱାଃ ଡେରା ତାଃ ରେ କୁଲ୍ କେଦାଏ ଏନାତେ ଇନ୍‍କୁ ତାଃ ଜୋମେ ଲାଗିନ୍ ମାସ୍ ତାଇନୋଃକା। ଏନ୍ ହୁଲାଙ୍ଗ୍ କୋରେ, ପାର୍ମେଶ୍ଵାର୍ ଇନ୍‍କୁୱାଃ ଲିଜାଃ କୋକେ ହାର୍ ଖାର୍ପାକୋକେ ଚେଚ୍ଆଃ କାଏ ଏମ୍ କେଦା।

![](https://cdn.door43.org/obs/jpg/360px/obs-en-14-12.jpg)

ନେତାଃ ସାନ୍ତେ ଚି ପାର୍ମେଶ୍ଵାର୍ ଇନ୍‍କୁକେ ଦାଆ ନୁଏ ଲାଗିନ୍ ଆକ୍‍ଦାନ୍ଦାଅ ଲେକା ମାରାଙ୍ଗ୍ ସେରେଙ୍ଗ୍ ଏତେ ଦାଆ ଅଡୋଙ୍ଗ୍ କେଦାଏ। ମେନ୍ଦୋ ନେ ସୋବେନ୍ ରିକା କେତେ ଅଗି, ଇସ୍ରାଏଲୀ ହୋଡ଼ୋକୋ ପାର୍ମେଶ୍ଵାର୍ ରାଃ ବିରୁଦ୍ଧ୍ ରେ ହାର୍ ମୁଶା ରାଃ ବିରୁଦ୍ଧ୍ ରେ କାଜି ଏଟେଃକେଦାକୋ ହାର୍ ମୋନ୍ ରେ କୁର୍ବୁର୍ରାଅ ଜାନାକୋ। ଏଣ୍ଡେଅ ପାର୍ମେଶ୍ଵାର୍ ବିଶ୍ଵାସେନିଃ ତାଇକେନାଏ। ଇନିଃ ଅକନ୍ କିରିୟା ଜୋମ୍ ଲେଦାଏ ଚି ଇନିଃ ଆବ୍ରାହାମ୍, ଇସାହାକ୍, ହାର୍ ୟାକୁବ୍ ରାଃ କିଲିରେନ୍ କୋ ଲାଗିନ୍ ରିକାୟାଏ ଇନିଃ ଏନାକେ ରିକାକେଦାଏ।

![](https://cdn.door43.org/obs/jpg/360px/obs-en-14-13.jpg)

ଆଡୋଃ ଏଟାଃ ମିୟାଃ ସାମାୟ୍ ରେ ଚିମ୍ତାଙ୍ଗ୍ ଏନ୍ ହୋଡ଼ୋକୋ ତାଃ ଦାଆ କାତାଇକେନା, ପାର୍ମେଶ୍ଵାର୍ ମୁଶା କେ କାଜିକିଜାଏ, “ସେରେଙ୍ଗ୍ ଲୋଃ ବାଖାଣେମ୍, ହାର୍ ଏନାତେ ଦାଆ ଅଡୋଙ୍ଗ୍ଆ।” ମେନ୍ଦୋ ମୁଶା ସେରେଙ୍ଗ୍ ଲୋଃ କାଏ ବାଖାଣ କେଦାଏ। ମେନ୍ଦୋ ଏନା ବାଗି କେତେ, ଇନିଃ ଲାଠି ଏତେ ସେରେଙ୍ଗ୍ ରେ ବାର୍ସା ବିଡ଼ାକେଦାଏ। ନେଲେକାତେ ଇନିଃ ପାର୍ମେଶ୍ଵାର୍ କେ କାଏ ମାଇନ୍ କିଜା। ସୋବେନ୍ କୋୱାଃ ନୁଏ ଲାଗିନ୍ ଦାଆ ଦ ସେରେଙ୍ଗ୍ ଏତେ ଅଡୋଙ୍ଗ୍ ଜାନା, ମେନ୍ଦୋ ପାର୍ମେଶ୍ଵାର୍ ମୁଶା କେ ଖିସ୍ ଜାନାଏ। ଇନିଃ କାଜିକେଦାଏ, “ଚିୟାଃଚି ଆମ୍ ନେକା କେଦାମ୍, ଏନାମେନ୍ତେ ଆମ୍ କିରିୟା ଏମାକାନ୍ ରାଃ ଦିଶୁମ୍ ରେ ବୋଲୋ କାମ୍ ଧାଡ଼ିୟା।”

![](https://cdn.door43.org/obs/jpg/360px/obs-en-14-14.jpg)

ଚିମ୍ତାଙ୍ଗ୍ ଇସ୍ରାଏଲୀ କୋ ଚାଲିଶ୍ ବାରାଶ୍ ସାନ୍ ଟନାଙ୍ଗ୍ ରେ ଆଃ ଲେନାକୋ, ଇମ୍ତା ଅକନ୍ କୋ ପାର୍ମେଶ୍ଵାର୍ ରାଃ ବିରୁଦ୍ଧ୍ ରେ ବିରୋଧ୍ ଲେଦାକୋ, ଇନ୍‍କୁ ସୋବେନ୍ କୋ ଗୋଏଃ ଲେନ୍ ତାଇକେନାକୋ। ଏନ୍ତେ ପାର୍ମେଶ୍ଵାର୍ ଏନ୍ ହୋଡ଼ୋକୋକେ ଆଡୋଃମିଶା ଏନ୍ କିରିୟା ରାଃ ଦିଶୁମ୍ ରାଃ ସିମାନ୍ ସାନ୍ତେ ସୋତୋଃ ଆଉ କେଃକୋୱାଏ। ନାଆ ମୁଶା ଥିମ୍ବାଗି ହାଡ଼ାମ୍ ଲେନାଏ, ଏନାଲାଗିନ୍ ପାର୍ମେଶ୍ଵାର୍ ହୋଡ଼ୋକୋକେ ଆୟୁର୍ ସୋତୋଃ ଇଦିକୋ ଲାଗିନ୍ତେ ମୁଶା କେ ଦେଙ୍ଗା ଲାଗିନ୍ତେ ୟାହୋଶୁ କେ ସାଲାକିଜାଏ। ପାର୍ମେଶ୍ଵାର୍ ମୁଶା କେ ନେ ହ କିରିୟା ଜୋମ୍ ଲେଦାଏ ଚି, ମୁଷିଙ୍ଗ୍ ହୁଲାଙ୍ଗ୍ ଇନିଃ ଏନ୍ ହୋଡ଼ୋକୋ ଲାଗିନ୍ତେ ମୁଶା ଲେକା ମିୟାଃ ନାବୀ କେ କୁଲେୟାଏ।

![](https://cdn.door43.org/obs/jpg/360px/obs-en-14-15.jpg)

ଏନ୍ତେ ପାର୍ମେଶ୍ଵାର୍ ମୁଶା କେ ମିୟାଃ ବୁରୁ ରାଃ ଚୁଟା ତେ ରାକାବ୍ ଲାଗିନ୍ କାଜିକିଜାଏ ଏନାତେ ଇନିଃ କିରିୟା ଏମାକାନ୍ ରାଃ ଦିଶୁମ୍ କେ ନେଲ୍ ଧାଡ଼ିୟାଏ। ମୁଶା ଏନ୍ କିରିୟା ଏମାକାନ୍ ରାଃ ଦିଶୁମ୍ କେ ନେଲ୍ କେଦାଏ। ମେନ୍ଦୋ ପାର୍ମେଶ୍ଵାର୍ ଇନିଃକେ ଏନ୍ ଦିଶୁମ୍ ରେ ବୋଲୋଲାଗିନ୍ ଆଚୁ କାଏ ଏମ୍ କିଜା। ଏନ୍ତେ ମୁଶା ଗୋଏଃ ଜାନାଏ, ହାର୍ ଇସ୍ରାଏଲୀ କୋ ତିସ୍ ଦିନ୍ ସାନ୍ତେ ଦୁକୁ ମାନାତିଙ୍ଗ୍ କେଦାକୋ। ୟାହୋଶୁ ଇନ୍‍କୁୱାଃ ନାୱା ଆୟାର୍ ଇଦିନିଃ ବାଇଜାନାଏ। ୟାହୋଶୁ ମିହୋଡ଼ ବୁଗିନ୍ ଆଗୁୱା ତାଇକେନାଏ। ଚିୟାଃଚି ଇନିଃ ପାର୍ମେଶ୍ଵାର୍ ଚେତାନ୍ ରେ ଭାରୋଷା କେଦାଏ ହାର୍ ଆଜାଃ କାଜିକୋକେ ମାନାତିଙ୍ଗ୍ କେଦାଏ।

*ବାଇବାଲ୍ ମିୟାଃ କାହାନୀ: ସେସେନ୍ ପୁଥି- ୧୬-୧୭; ଲେକା ପୁଥି/ଗିନ୍ତି ପୁଥି-୧୦ - ୧୪; ୨୦; ୨୭; ନିୟାମ୍ ଆଇନ୍ ପୁଥି- ୩୪*

Audio: https://git.door43.org/OBS-TLF/unx_obs/releases/download/v1/unx_obs_v1_14_128kbps.m4a

## 15. ୧୫. କିରିୟା ଏମାକାନ୍ ଦିଶୁମ୍

https://openbiblestories.org/l/unx/story-15/

![](https://cdn.door43.org/obs/jpg/360px/obs-en-15-01.jpg)

ଆଖିର୍ ରେ, ନାଆ ଏନ୍ ସାମାୟ୍ ହିଜୁଃଲେନ୍ ତାଇନା ଚି ଇସ୍ରାଏଲୀ ହୋଡ଼ୋକୋ କିରିୟାଏମାକାନ୍ ଦିଶୁମ୍, କାନାନ୍ ରେ ବୋଲୋୱାକୋ। ଏନ୍ ଦିଶୁମ୍ ରେ ୟାରିହୋ ନୁତୁମ୍ ରେ ମିୟାଃ ସାହାର୍ ତାଇକେନା। ଏନ୍ ସାହାର୍ କେ ବାଚାଅ ଲାଗିନ୍ତେ ଏନାରାଃ ସୋବେନ୍ ପାଡ଼୍ କେଟେଃ ଭିତ୍ ଏମାକାନ୍ ତାଇନା। ୟାହୋଶୁ ଏନ୍ ସାହାର୍ କେ ସାରିନ୍ ଲାଗିନ୍ ବାର୍ହୋଡ଼୍ କେ ଉକୁ-ଉକୁ କୁଲ୍ କେଃକୋୱାଏ। ଏନ୍ ସାହାର୍ ରେ ରାହାବ୍ ନୁତୁମ୍ ମିୟାଃ ବେଶ୍ୟା ତାଇନ୍ ତାଇନାଏ। ଇନିଃ ଏନ୍ ଉକୁ-ଉକୁ କୁଲାକାନ୍ କିନ୍ କେ ଉକୁତାଃ କିନାଏ, ହାର୍ ତାୟୋମ୍ତେ ଇନିଃ ଇନ୍‍କିନ୍ କେ ଏନ୍ ସାହାର୍ ଏତେ ବାଚାଅ ଅଡୋଙ୍ଗ୍ ଲାଗିନ୍ ଦେଙ୍ଗାକେଃ କିନାଏ। ଇନିଃ ନେକା ଏନାଲାଗିନ୍ ରିକାକେଦାଏ ଚିୟାଃଚି ଇନିଃ ପାର୍ମେଶ୍ଵାର୍ କେ ବିଶ୍ଵାସ୍ ତାଇନାଏ। ଅକନ୍ ସାମାୟ୍ ଇସ୍ରାଏଲୀ କୋ ୟାରିହୋ ସାହାର୍ କେ ନାଶ୍ ୟାକୋ ଇମ୍ତା ଇନ୍‍କୁ ରାହାବ୍ ହାର୍ ଇନିଜାଃ ପାରିବାର୍ ରେନ୍ କୋକେ ବାଚାଅ କୋୱାକୋ ମେନ୍ତେ କିରିୟା ଏମ୍ କେଦାକିନ୍।

![](https://cdn.door43.org/obs/jpg/360px/obs-en-15-02.jpg)

ଇସ୍ରାଏଲୀ ହୋଡ଼ୋକୋକେ କିରିୟା ଏମାକାନ୍ ଦିଶୁମ୍ ରେ ବୋଲୋଲାଗିନ୍ ୟାର୍ଦାନ୍ ଗାଡ଼ା ଫାରୋମ୍ ରାଃ ତାଇକେନା। ପାର୍ମେଶ୍ଵାର୍ ୟାହୋଶୁ କେ କାଜିକିଜାଏ, “ୟାଜାକ୍ କୋକେ ସୀଦା ସେନ୍ ରିକା କୋମ୍।’’ ଚିମ୍ତାଙ୍ଗ୍ ୟାଜାକ୍ କୋ ୟାର୍ଦାନ୍ ଗାଡ଼ା ରେ ଆକୋୱାଃ କାଟାକେ ମାଣ୍ଡାଅ କେଦାକୋ ଦୋ ଦାଆ ଆତୁତିନା ଏନା ବାନ୍ଦ୍ ଜାନା, ଏନାମେନ୍ତେ ଚି ଇସ୍ରାଏଲୀ କୋ ନାଇ ରାଃ ଏଟାଃ ଫାରୋମ୍ ରୋହୋଡ଼୍ ଅତେରେ ସେନ୍-ସେନ୍ ଫାରୋମ୍ ଧାଡ଼ିୟାକୋ।

![](https://cdn.door43.org/obs/jpg/360px/obs-en-15-03.jpg)

ଏନ୍ ହୋଡ଼ୋକୋ ୟାର୍ଦାନ୍ ଗାଡ଼ା(ନାଇ) ଫାରୋମ୍ ଜାନାକୋ ଏଣ୍ଡେ ପାର୍ମେଶ୍ଵାର୍ ୟାହୋଶୁ କେ କାଜିକିଜାଏ ଚି ୟାରିହୋ ସାହାର୍ କେ ଲାଡ଼ାଇ ଲାଗିନ୍ତେ ସେକାଡ଼୍ କାନ୍ କାକୋ, ଏନ୍ ସାହାର୍ ଥିମ୍ବାଗୀ କେଟେଃ ତାଇକେନା ଏନାରେହ। ପାର୍ମେଶ୍ଵାର୍ ଏନ୍ ହୋଡ଼ୋକୋକେ କାଜିକେଦାଏ ଚି ଆକୋୱାଃ ୟାଜାକ୍ କୋ ହାର୍ ସିପାହୀ କୋ ମୁଷିଙ୍ଗ୍ ରେ ମିଶା ଛାଅ ଦିନ୍ ସାନ୍ତେ ଏନ୍ ସାହାର୍ କେ ବିୟୁର୍ ହିଜୁଃ ରାଃ ମେନାଃ। ଏନ୍ତେ ୟାଜାକ୍ କୋ ହାର୍ ସିପାହୀ କୋ ଏନ୍ ଲେକାଗି ରିକା କେଦାକୋ।

![](https://cdn.door43.org/obs/jpg/360px/obs-en-15-04.jpg)

ଏନ୍ତେ ସାତ୍ଵା ହୁଲାଙ୍ଗ୍ ରେ, ଇସ୍ରାଏଲୀ କୋ ଏନ୍ ସାହାର୍ ରାଃ ସୋବେନ୍ ପାଡ଼୍ ସାତ୍ ବେର୍ ହୋନୋର୍ କେଦାକୋ। ଇନ୍‍କୁୱାଃ ସାହାର୍ କେ ସୋବେନ୍ ପାଡ଼୍ ସାତ୍ଵା ବେର୍ ବିୟୁର୍ ହିଜୁଃ ରାଃ ତାୟୋମ୍ତେ, ୟାଜାକ୍ କୋ ଆକୋୱାଃ ତୁର୍ହି କୋକେ ଅଙ୍ଗ୍ କେଦାକୋ ହାର୍ ସିପାହୀ କୋ ଜୋର୍ତେ କାଉରି କେଦାକୋ।

![](https://cdn.door43.org/obs/jpg/360px/obs-en-15-05.jpg)

ଇମ୍ତା ୟାରିହୋ ସାହାର୍ ରାଃ ସୋବେନ୍ ପାଡ଼୍ ରାଃ ଘେରା ଭୀତ୍ ଉୟୁଃ ଜାନା! ଜେଲେକା ପାର୍ମେଶ୍ଵାର୍ ଆଚୁ ଲେଃକୋତାଇନାଏ ଏନ୍ ଲେକାଗୀ ଇସ୍ରାଏଲୀ କୋ ସାହାର୍ ରାଃ ସୋବେନ୍ ଜିନିଷ୍ କୋକେ ନାଷ୍ଟ ତାଦାକୋ। ଇନ୍‍କୁ ଖାଲି ରାହାବ୍ ହାର୍ ଆଜାଃ ପାରିବାର୍ କେ ବାଗେ ତାଦାକୋ, ଇନ୍‍କୁ ଇସ୍ରାଏଲୀ କୋୱାଃ ମିୟାଃ ହାନାଟିଙ୍ଗ୍ ବାଇଲେନାକୋ। ଚିମ୍ତାଙ୍ଗ୍ କାନାନ୍ ରେ ତାଇନ୍ ଏଟାଃ ହୋଡ଼ୋକୋ ଆୟୁମ୍ କେଦାକୋ ଚି ଇସ୍ରାଏଲୀ କୋ ୟାରିହୋ କେ ନାଷ୍ଟ ତାଦାକୋ, ଦୋ ଇନ୍‍କୁ ବୋରୋ ଜାନାକୋ ଚି ଇସ୍ରାଏଲୀ କୋ ଇନ୍‍କୁ ଲୋଃ ହଗି ଲାଡ଼ାଇ ୟାକୋ।

![](https://cdn.door43.org/obs/jpg/360px/obs-en-15-06.jpg)

ପାର୍ମେଶ୍ଵାର୍ ଇସ୍ରାଏଲୀ କୋକେ ଆନାଚୁ ଏମ୍ ଲେଃକୋତାଇନାଏ ଚି କାନାନ୍ ରେ ତାଇତାନ୍ ଯାହାନ୍ ଜାତି କୋଲୋଃ ଶାନ୍ତିକିରିୟା ଆଲୋପେ ରିକାୟା। ମେନ୍ଦୋ ଗିବୋନିୟୋ ନୁତୁମ୍ ମିୟାଃ କାନାନି ଜାତିରେନ୍ କୋ ୟାହୋଶୁ କେ ଲୋଗୋ କିଜାଏ ଚି ଇନ୍‍କୁ କାନାନ୍ ଦିଶୁମ୍ ତେ ସାଙ୍ଗିନ୍ ମିୟାଃ ଜାଗାରେନ୍ ତାନ୍‍ କୋ। ଇନ୍‍କୁ ୟାହୋଶୁ ଲୋଃ ଶାନ୍ତିକିରିୟା ଜୋମ୍ କେତେ ବାପାଇୟୋଗାବୁ ମେନ୍ତେ ଆର୍ଜି କେଦାକୋ। ୟାହୋଶୁ ହାର୍ ଏଟାଃ ଇସାଏଲୀ ଆଗୁୱାକୋ ପାର୍ମେଶ୍ଵାର୍ କେ କାକୋ କୁଲିକିଜା ଚି ଇନ୍‍କୁକେ ଚିନାଃ ରିକା ରାଃ ମେନାଃ। ଏନାକେ ବାଗି କେତେ ଇନ୍‍କୁ ଗିବୋନିୟୋ କୋଲୋଃ ଶାନ୍ତିକିରିୟା ଜୋମ୍ କେଦାକୋ।

![](https://cdn.door43.org/obs/jpg/360px/obs-en-15-07.jpg)

ଆପି ହୁଲାଙ୍ଗ୍ ରାଃ ତାୟୋମ୍ତେ, ଇସ୍ରାଏଲୀ କୋ ସାରିକେଦାକୋ ଚି ଗିବୋନୀ ହୋଡ଼ୋକୋ କାନାନ୍ ରେଗି ତାଇନ୍ ତିନାକୋ। ଇନ୍‍କୁ ଖିସ୍ ଜାନାକୋ ଚିୟାଃଚି ଗିବୋନୀ କୋ ଇନ୍‍କୁକେ ଧୋକା ଏମ୍ ଲେଦାକୋ। ମେନ୍ଦୋ ଇନ୍‍କୁ ଆକୋଲୋଃ ରିକାକାନ୍ ଶାନ୍ତିକିରିୟା କେ ବାଇମାଣ୍ଡାଅ କେଦାକୋ ଚିୟାଃଚି ଏନା ପାର୍ମେଶ୍ଵାର୍ ରାଃ ନାଡ଼େଏରେ ହୋବାଲେନା। ଏନ୍ତେ ହୁଡିଙ୍ଗ୍ ସାମାୟ୍ ରାଃ ତାୟୋମ୍ତେ, କାନାନ୍ ରେ ତାଇନ୍ ତାନ୍ ମିୟାଃ ଏଟାଃଜାତି, ଏମୋରିୟୋ ରେନ୍ ରାଜାକୋ ଆୟୁମ୍ କେଦାକୋ ଚି ଗିବୋନୀ କୋ ଇସ୍ରାଏଲୀ କୋଲୋଃ ଶାନ୍ତିକିରିୟା ଯୋମ୍ କାଦାକୋ, ଏନାଲାଗିନ୍ ଇନ୍‍କୁ ଆକୋୱାଃ-ଆକୋୱାଃ ସିପାହୀ କୋକେ ମିଃତାଃ କେତେ ମିୟାଃ ମାରାଙ୍ଗ୍ ସିପାହୀଦାଲ୍ ବାଇକେଦାକୋ ହାର୍ ଗିବୋନୀ କୋୱାଃ ଚେତାନ୍ ରେ ଲାଡ଼ାଇ କେଦାକୋ। ଗିବୋନୀ କୋ ଆକୋୱାଃ ସାହେତା ଲାଗିନ୍ ୟାହୋଶୁ ରାଃ ନାଡ଼େଏ ରେ ମିୟାଃ ସାନ୍ଦେସ୍ କୁଲ୍ କେଦାକୋ।

![](https://cdn.door43.org/obs/jpg/360px/obs-en-15-08.jpg)

ଏନ୍ତେ: ୟାହୋଶୁ ଇସ୍ରାଏଲୀ କୋୱାଃ ସିପାହୀ କୋକେ ମିଃତାଃ ହୁଣ୍ଡି କେଦାଏ ହାର୍ ଗିବୋନୀ ହୋଡ଼ୋ କୋତାଃ ନାଡ଼େଏ ସେଟେର୍ ଲାଗିନ୍ ଇନ୍‍କୁ ଗୋଟା ନିଦା ସେନ୍ କେଦାକୋ। ସେତାଃ ଇଦାନ୍ ଇମ୍ତାରେ ଇନ୍‍କୁ ଏମୋରିୟୋ କୋୱାଃ ସିପାହୀ କୋକେ ଆକ୍‍ଦାନ୍ଦା ଛାବା ତାଦାକୋ ହାର୍ ଇନ୍‍କୁ ଲୋଃ ଲାଡ଼ାଇ କେଦାକୋ।

![](https://cdn.door43.org/obs/jpg/360px/obs-en-15-09.jpg)

ଏନ୍ ହୁଲାଙ୍ଗ୍ ପାର୍ମେଶ୍ଵାର୍ ଇସ୍ରାଏଲୀ କୋ ଲାଗିନ୍ ଲାଡ଼ାଇ ଜାନାଏ। ଇନିଃ ଏମୋରିୟୋ କୋକେ ବୋରୋତାଃ କୋୱାଏ ହାର୍ ଇନିଃ ମାପ୍ରାଙ୍ଗ୍ ଆରିଲ୍ ଦିରି ଉୟୁକେତେ ଥିମ୍ବାଗି ଏମୋରିୟୋ କୋକେ ଗୋଏଃ ତାଃକୋୱାଏ।

![](https://cdn.door43.org/obs/jpg/360px/obs-en-15-10.jpg)

ପାର୍ମେଶ୍ଵାର୍ ଶିଙ୍ଗୀ କେ ହଁ ରିମିଲ୍‍ଦିଶୁମ୍ ରେ ମିୟାଃ ଜାଗାରେ ହୋକା ତାଜାଏ ଏନାତେ ଇସ୍ରାଏଲୀ କୋକେ ଥିମ୍ବା ସାମାୟ୍ ନାମୋଃକା ଚି ଏମୋରିୟୋ କୋକେ ପୁରା ହାରୁୱାଅ ତାକାକୋ। ଏନ୍ ହୁଲାଙ୍ଗ୍, ପାର୍ମେଶ୍ଵାର୍ ଇସ୍ରାଏଲୀ କୋ ଲାଗିନ୍ ମିୟାଃ ମାରାଙ୍ଗ୍ ଜିତାଅ ନାମ୍ କେଦାଏ।

![](https://cdn.door43.org/obs/jpg/360px/obs-en-15-11.jpg)

ଚିମ୍ତାଙ୍ଗ୍ ପାର୍ମେଶ୍ଵାର୍ ଏନ୍ ସିପାହୀ କୋକେ ହାରାଅ ରାଃ ତାୟୋମ୍ତେ, ଥିମ୍ବାଗି କାନାନୀ ଜାତି ରେନ୍ ହୋଡ଼ୋକୋ ଇସ୍ରାଏଲୀ କୋୱାଃ ଚେତାନ୍ ରେ ଲାଡ଼ାଇ ଲାଗିନ୍ ହୁଣ୍ଡି ଜାନାକୋ। ୟାହୋଶୁ ହାର୍ ଇସ୍ରାଏଲୀ କୋ ଇନ୍‍କୁଲୋଃ ଲାଡ଼ାଇ ଜାନାକୋ ହାର୍ ଇନ୍‍କୁକେ ଗୋଏଃ ତାଃକୋୱାକୋ।

![](https://cdn.door43.org/obs/jpg/360px/obs-en-15-12.jpg)

ନେ ଲାପାଡ଼ାଇ ରାଃ ତାୟୋମ୍ତେ, ପାର୍ମେଶ୍ଵାର୍ ଇସ୍ରାଏଲୀ କୋୱାଃ ସୋବେନ୍ କିଲିରେନ୍ କୋକେ ଏନ୍ ଦିଶୁମ୍ ରେ ଆକୋୱାଃ ହାନାଟିଙ୍ଗ୍ ଏମାଃକୋୱାଏ। ଏନ୍ତେ ପାର୍ମେଶ୍ଵାର୍ ଇସ୍ରାଏଲୀ କୋକେ ଆକୋୱାଃ ସୋବେନ୍ ଶିମାନ୍ ରେ ଶାନ୍ତି ଏମ୍ କେଦାଏ।

![](https://cdn.door43.org/obs/jpg/360px/obs-en-15-13.jpg)

ଚିମ୍ତାଙ୍ଗ୍ ୟାହୋଶୁ ହାଡ଼ାମ୍ ଜାନାଏ ଦ ଇନିଃ ସୋବେନ୍ ଇସ୍ରାଏଲୀ ହୋଡ଼ୋକୋକେ ମିଃତାଃ କେଡ଼ା କେଃକୋୱାଏ। ଏନ୍ତେ ୟାହୋଶୁ ଏନ୍ ହୋଡ଼ୋକୋକେ ମୋନେ ରିକାକେଃକୋୱାଏ ଚି ଇନ୍‍କୁ ଏନ୍ ନିୟାମ୍‍ ଥୋଲ୍ କେ ମାନାତିଙ୍ଗ୍ ଲାଗିନ୍ କିରିୟା ଜୋମ୍ ଲେଦାକୋ, ଅକନାଃ ପାର୍ମେଶ୍ଵାର୍ ଇନ୍‍କୁ ଲୋଃ ସିନାଇ ବୁରୁରେ ଥୋଲ୍ ଲେଦାଏ। ଏନ୍ ହୋଡ଼ୋକୋ ପାର୍ମେଶ୍ଵାର୍ ରେ ବିଶ୍ଵାସ୍ ରେ ତାଇନ୍ ହାର୍ ଇନିଜାଃ ଆଇନ୍ ନିୟାମ୍ କେ ମାନାତିଙ୍ଗ୍ ୟାକୋ ମେନ୍ତେ କିରିୟା ଜୋମ୍ କେଦାକୋ।

*ବାଇବାଲ୍ ମିୟାଃ କାହାନୀ: ୟାହୋଶୁ ଆଧ୍ୟାୟ ୧-୨୪*

Audio: https://git.door43.org/OBS-TLF/unx_obs/releases/download/v1/unx_obs_v1_15_128kbps.m4a

## 16. ୧୬. ବାଞ୍ଚାଅନିଃ

https://openbiblestories.org/l/unx/story-16/

![](https://cdn.door43.org/obs/jpg/360px/obs-en-16-01.jpg)

ୟାହୋଶୁ ରାଃ ଗୋନୋଏଃ ତାୟୋମ୍ତେ, ଇସ୍ରାଏଲୀ ହୋଡ଼ୋକୋ ପାର୍ମେଶ୍ୱାର୍ ରାଃ ଆନାଚୁ କୋକେ କାକୋ ମାନାତିଙ୍ଗ୍ କେଦା। ଇନ୍‍କୁ ପାର୍ମେଶ୍ୱାର୍ ରାଃ ଆଇନ୍ କୋକେ କାକୋ ମାନାତିଙ୍ଗ୍ କେଦା, ହାର୍ ସାରେଜାକାନ୍ କାନାନୀ କୋକେ କିରିୟା ଏମାକାନ୍ ଦିଶୁମ୍ ଏତେ କାକୋ ଅଡୋଙ୍ଗ୍ କେଃକୋୱା। ଇସ୍ରାଏଲୀ ହୋଡ଼ୋକୋ ସାର୍ତି ପାର୍ମେଶ୍ୱାର୍ କେ ସେୱା ରାଃ ଜାଗା ରେ କାନାନୀ ଦେଓତା କୋକେ ସେୱା ଏଟେଃ କେଦାକୋ। ଇସ୍ରାଏଲୀ କୋତାଃ ଜେତାଏ ରାଜା କାକୋ ତାଇକେନା, ଏନାମେନ୍ତେ ସୋବେନ୍ କୋ ଏନାଗି ରିକା କେଦାକୋ ଅକନାଃ ଆକୋକେ ଠାଉକା ଆଦାକେଃ କୋୱା।

![](https://cdn.door43.org/obs/jpg/360px/obs-en-16-02.jpg)

ପାର୍ମେଶ୍ୱାର୍ କେ କାକୋ ମାନାତିଙ୍ଗ୍ ରାଃ ହୋରାତେ, ଇସ୍ରାଏଲୀ ହୋଡ଼ୋକୋ ମିୟାଃ ନେକା ନାମୁନା ଏଟେଃ କେଦାକୋ ଅକନାଃ କେ ଘାରି-ଘାରି ଇନ୍‍କୁ ରିକା କେଦାକୋ। ଏନ୍ ନାମୁନା ନେଲେକା ତାଇକେନା: ଇସ୍ରାଏଲୀ ହୋଡ଼ୋକୋ ଚିମିନ୍ ଶିର୍ମା ସାନ୍ତେ କାକୋ ମାନାତିଙ୍ଗ୍ ଇୟା, ଏନ୍ତେ ଇନିଃ ଇନ୍‍କୁ ୱାଃ ବାଇରୀକୋକେ ଇନ୍‍କୁ କେ ହାରୁୱାଅ ଲାଗିନ୍ ଇନ୍‍କୁ କେ ଆଚୁ କେତେ ଇନ୍‍କୁ କେ ଦାଣ୍ଡ ଏମାକୋୱାଏ। ନେ ବାଇରୀ କୋ ଇସ୍ରାଏଲୀ କୋୱାଃ ଜିନିଷ୍ କୋକେ କୁମ୍ଡ଼ୁ କେ ତାଇକେନାକୋ, ଇନ୍‍କୁ ୱାଃ ସାମ୍ପାତି କୋକେ ନାଶ ତାଇକେନାକୋ, ହାର୍ ଇନ୍‍କୁ ଏତେ ଚିମିନାଙ୍ଗ୍ କୋକେ ଗୋଏଃକୋ ତାଇକେନାକୋ। ଏନ୍ତେ ଇସ୍ରାଏଲ୍ କୋୱାଃ ବାଇରୀ କୋୱାଃ ହୋରାତେ ଇନ୍‍କୁ ୱାଃ ଚେତାନ୍ ରେ ଚିମିନ୍ ଶିର୍ମା ସାନ୍ତେ ସାତାଅ ରିକା ରାଃ ତାୟୋମ୍ତେ, ଇସ୍ରାଏଲୀ ଆକୋ ଆକୋୱାଃ ପାପ୍ କୋକେ ପାସ୍ତାଅ ୟାକୋ ହାର୍ ପାର୍ମେଶ୍ୱାର୍ ଏତେ ଆକୋକେ ବାଞ୍ଚାଅ କୋକାଏ ମେନ୍ତେ ବିନ୍ତି ୟାକୋ।

![](https://cdn.door43.org/obs/jpg/360px/obs-en-16-03.jpg)

ସୋବେନ୍ ସାମାୟ୍ ଇସ୍ରାଏଲୀ କୋ ପାସ୍ତାଅ କେଦାକୋ, ପାର୍ମେଶ୍ୱାର୍ ଇନ୍‍କୁ କେ ଛୋଡ଼ାଅ କୋୱାଏ। ଇନିଃ ନେଲେକା ମିୟାଃ ବାଞ୍ଚାଅନିଃ ଏମ୍ ରାଃ ହୋରାତେ ରିକା କେଦାଏ। ମିହୋଡ଼ ନେଲେକାନ୍ ହୋଡ଼ ଅକନିଃ ଇନ୍‍କୁ ୱାଃ ବାଇରୀ କୋଲୋଃ ଲାଡ଼ାଇୟାଏ ହାର୍ ଇନ୍‍କୁ କେ ହାରୁୱାଅ କୋୱାଏ। ଏନ୍ତେ ଦିଶୁମ୍ ରେ ଶାନ୍ତି ହୋବାଅଃୱା, ହାର୍ ଛୋଡ଼ାଅନିଃ ଇନ୍‍କୁ ୱାଃ ରେ ବୁଗିନ୍ ଲେକାତେ ରାଇଜ୍ ୟାଏ। ପାର୍ମେଶ୍ୱାର୍ ହୋଡ଼ୋକୋକେ ବାଚାଅ ଲାଗିନ୍ତେ ବାଞ୍ଚାଅ ହୋଡ଼ ଥିମ୍ବାଗି କୁଲ୍ କେଃକୋୱାଏ। ପାର୍ମେଶ୍ୱାର୍ ନେଲେକା ଆଡୋଃଗି ଇମ୍ତା ରିକାକେଦାଏ ଚିମ୍ତାଙ୍ଗ୍ ଇନିଃ ମିଦ୍ୟାନୀ କୋକେ, ଅକନ୍ କୋ ନାଡ଼େଏ ରେନ୍ ବାଇରୀ ଝୁଣ୍ଡ୍ କୋ ତାଇକେନାକୋ, ଇସ୍ରାଏଲୀ କୋକେ ହୁରୁୱାଅ ଲାଗିନ୍ତେ ଆଚୁ କେଃକୋୱାଏ।

![](https://cdn.door43.org/obs/jpg/360px/obs-en-16-04.jpg)

ମିଦ୍ୟାନୀ କୋ ଇସ୍ରାଏଲୀ କୋୱାଃ ସୋବେନ୍ ଚାଶ୍ କାନ୍ ତେୟାଃ କୋକେ ସାତ୍ ଶିର୍ମା ସାନ୍ତେ ଇଦିକେଦାକୋ। ଇସ୍ରାଏଲୀ ହୋଡ଼ୋକୋ ନିମିନ୍ ବୋରୋ ଲେନ୍ ତାଇକେନାକୋ, ଚି ଇନ୍‍କୁ ଗୁଫା କୋରେ ଉକୁ ଜାନାକୋ, ଏନାତେ ମିଦ୍ୟାନୀ କୋକେ କାକୋ ନାମୋଗା। ଆଖିର୍ ରେ, ଇନ୍‍କୁ ଆକୋକେ ବାଞ୍ଚାଅ କାଏ ମେନ୍ତେ ପାର୍ମେଶ୍ୱାର୍ କେ କେଡ଼ା କିଜାକୋ।

![](https://cdn.door43.org/obs/jpg/360px/obs-en-16-05.jpg)

ଗିଦୋନ୍ ନୁତୁମ୍ ମିହୋଡ଼ ଇସ୍ରାଏଲୀ ହୋଡ଼ ତାଇକେନାଏ। ମୂଷିଙ୍ଗ୍, ଇନିଃ ଉକୁକାନ୍ ଜାଗା ରେ ଯାଙ୍ଗ୍ କୋଟା ତାଇନାଏ ଏନାମେନ୍ତେ ଚି ମିଦ୍ୟାନୀକୋ ଏନାକେ କାକୋ କୁମ୍ଡ଼ୁ ଧାଡ଼ିକା। ୟାହୋୱା ପାର୍ମେଶ୍ୱାର୍ ରାଃ ସିର୍ମାଦାସୀ ଗିଦୋନ୍ ନାଡ଼େଏ ରେ ହିଜୁଃନାଏ ହାର୍ କାଜିକିଜାଏ, “ହେ ସୁରବୀର୍ ପାର୍ମେଶ୍ୱାର୍ ଆମ୍ ଲୋଃ ମେନିଜା। ଜୁ ହାର୍ ଇସ୍ରାଏଲୀ ହୋଡ଼ୋକୋ କୋକେ ବାଞ୍ଚାଅକୋମ୍।”

![](https://cdn.door43.org/obs/jpg/360px/obs-en-16-06.jpg)

ଗିଦୋନ୍ ଆଃ ଆପୁ ତାଃ ମିୟାଃ ବେଦୀ ତାଇଲେନା ଅକନାଃ ଚି ମୂର୍ତି ଲାଗିନ୍ ଜିମାଲେନ୍ ତାଇକେନା। ପାର୍ମେଶ୍ୱାର୍ ଗିଦୋନ୍ କେ ସୋବେନ୍ ଏତେ ସୀଦା କାମି ନାଙ୍ଗ୍ କାଜିକିଜାଏ, ଏନା ଏନ୍ ବେଦୀ କେ ଧାଶୁଡ଼ ରାଃ ତାଇକେନା। ମେନ୍ଦୋ ଗିଦୋନ୍ ହୋଡ଼ୋକୋକେ ବୋରୋ କୋତାଇନାଏ, ଏନାମେନ୍ତେ ଇନିଃ ନିଦା ସାନ୍ତେ ହୋରୋ କେଦାଏ। ଏନ୍ତେ ଇନିଃ ବେଦୀ କେ ଧାଶୁଡ଼ ତାଦାଏ ହାର୍ ଏନାକେ ରାପୁଃ ଗୁଣ୍ଡା ତାଦାଏ। ଇନିଃ ନାଡ଼େଏ ରେଗି ପାର୍ମେଶ୍ୱାର୍ ନାଙ୍ଗ୍ ମିୟାଃ ବେଦୀ ବାଇକେଦାଏ ହାର୍ ଏନାରେ ପାର୍ମେଶ୍ୱାର୍ ନାଙ୍ଗ୍ ଦାଣେ ରାକାବ୍ କେଦାଏ।

![](https://cdn.door43.org/obs/jpg/360px/obs-en-16-07.jpg)

ଏଟାଃ ହୁଲାଙ୍ଗ୍ ସେତାଃ ପାଡ଼ ହୋଡ଼ୋକୋ ନେଲ୍ କେଦାକୋ ଚି ଜେତାଏ ମିହୋଡ଼ ବେଦୀ କେ ଧାଶୁଡ଼ ତାଦାଏ ହାର୍ ନାଶ୍ ତାଦାଏ, ହାର୍ ଇନ୍‍କୁ ଥିମ୍ବାଗି ଖିସ୍ ଜାନାକୋ। ଇନ୍‍କୁ ଗିଦୋନ୍ କେ ଗୋଏଃ ଲାଗିନ୍ତେ ଇନିଜାଃ ଅଡ଼୍ଆଃ ସେନ୍ ଜାନାକୋ, ମେନ୍ଦୋ ଗିଦୋନ୍ ରାଃ ଆପୁ ତେ କାଜି କେଃକୋୱାଏ, “ଆପେ ଆପେୟାଃ ପାର୍ମେଶ୍ୱାର୍ କେ ଚିନାଃ ମେନେଃ ଦେଙ୍ଗାଇ ତାନାପେ? ଆଗାର୍ ଇନିଃ ଦେଓତା ତାନିଃ, ଏଣ୍ଡେ ଇନିଃ ଆପାନ୍ କେ ବାଞ୍ଚାଅନ୍ କାଏ!” ଚିୟାଃଚି ଇନିଃ ନେୟା କାଜିକେଦାଏ, ହୋଡ଼ୋକୋ ଗିଦୋନ୍ କେ କାକୋ ଗୋଏଃ କିଜା।

![](https://cdn.door43.org/obs/jpg/360px/obs-en-16-08.jpg)

ଏନ୍ତେ ମିଦ୍ୟାନୀ କୋ ଇସ୍ରାଏଲୀ କୋୱାଃ ଏତେ ଆଡୋଃଗି କୁମ୍ଡ଼ୁ ଲାଗିନ୍ ହିଜୁଃ ନାକୋ। ଇନ୍‍କୁ ନିମିନ୍ ଥିମ୍ବା ହୋଡ଼ୋକୋ ତାଇଲେନାକୋ ଚି ଇନ୍‍କୁ କେ କାଗିନ୍ତିଅଃ ଧାଡ଼ିୟୋଃ ତାଇନା। ଗିଦୋନ୍ ଇସ୍ରାଏଲୀ ହୋଡ଼ୋକୋକେ ଇନ୍‍କୁ ଲୋଃ ଦୋଲା ଲାଡ଼ାଇୟାବୁ ମେନ୍ତେ କେଡ଼ା କେଃକୋୱାଏ। ଗିଦୋନ୍ ପାର୍ମେଶ୍ୱାର୍ ଏତେ ବାରିୟା ଚିହ୍ନା ଆସିକେଦାଏ ଏନାତେ ଇନିଃ ସାରିଧାଡ଼ିୟାଏ ଚି ପାର୍ମେଶ୍ୱାର୍ ସାର୍ତିଗି ଇସ୍ରାଏଲ୍ ହୋଡ଼ୋକୋକେ ବାଞ୍ଚାଅ ନାଙ୍ଗ୍ ଆଏଃକେ କାଜିତାନାଏ।

![](https://cdn.door43.org/obs/jpg/360px/obs-en-16-09.jpg)

ସୀଦା ଚିହ୍ନା ଲାଗିନ୍, ଗିଦୋନ୍ ମିଣ୍ଡୀ ରାଃ ଉହୁର କେ ଅତେ ରେ ମାଣ୍ଡାଅ କେଦାଏ ହାର୍ ପାର୍ମେଶ୍ୱାର୍ କେ ବିନ୍ତି କେଦାଏ ଚି ସେତାଃ ରାଃ ଶିଶିର୍ ଦାଆ ମିଣ୍ଡୀ ରାଃ ଉହୁର୍ ରେ ଭାଇର୍ ଉୟୁଗୋଃକା, ଅତେ ରେ କାହା। ପାର୍ମେଶ୍ୱାର୍ ଏନ୍ ଲେକାଗି ରିକା କେଦାଏ। ଏଟାଃ ନିଦା, ଇନିଃ କାଜିକେଦାଏ ଚି ଅତେ ଲୁମୋଃକା ମେନ୍ଦୋ ମିଣ୍ଡୀ ଉହୁର୍ କାଲୁମୋଃକା। ପାର୍ମେଶ୍ୱାର୍ ଏନାକେହ ଗି ରିକା କେଦାଏ। ନେ ବାରିୟା ଚିହ୍ନା ନାମେ ରାଃ ହୋରାତେ, ଗିଦୋନ୍ ବିଶ୍ଵାସ୍ କେଦାଏ ଚି ପାର୍ମେଶ୍ୱାର୍ ସାର୍ତିଗି ସାନାଙ୍ଗ୍ ତାଇକେନାଏ ଚି ଇସ୍ରାଏଲୀ କୋକେ ମିଦ୍ୟାନୀ କୋଏତେ ବାଚାଅ କୋୱାଏ।

![](https://cdn.door43.org/obs/jpg/360px/obs-en-16-10.jpg)

ଏନ୍ତେ ଗିଦୋନ୍ ସିପାହୀ କୋକେ ଆୟାଃ ନାଡ଼େଏ କେଡ଼ାକେଃ କୋୱାଏ, ହାର୍ ୩୨,୦୦୦ କୋଡ଼ାକୋ ହିଜୁଃ ଲେନାକୋ। ମେନ୍ଦୋ ପାର୍ମେଶ୍ୱାର୍ କାଜିକେଦାଏ ଚି ନିକୁ ମିଃଥିମ୍ବା ମେନାକୋୱା। ଏନ୍ତେ ଗିଦୋନ୍ ୨୨,୦୦୦ କୋଡ଼ାକୋକେ ଅଡ଼୍ଆଃ କୁଲ୍ ତାଃକୋୱାଏ, ଅକନ୍ କୋ ଲାପାଡ଼ାଇ ତେ ବୋରୋ ତାଇକେନାକୋ। ପାର୍ମେଶ୍ୱାର୍ ଗିଦୋନ୍ କେ କାଜିକିଜାଏ ଇନିଜାଃତାଃ ନାଆ ଅଗି ଥିମ୍ବା କୋଡ଼ାକୋ ମେନାକୋୱା। ଏନାମେନ୍ତେ ଗିଦୋନ୍ ୩୦୦ ସିପାହୀ କୋକେ ସାଲାକେତେ ବାକି ସୋବେନ୍ କୋକେ ଅଡ଼୍ଆଃ କୁଲ୍ ତାଃକୋୱାଏ।

![](https://cdn.door43.org/obs/jpg/360px/obs-en-16-11.jpg)

ଏନ୍ ନିଦା ପାର୍ମେଶ୍ୱାର୍ ଗିଦୋନ୍ କେ କାଜିକିଜାଏ, “ମିଦ୍ୟାନୀ କୋୱାଃ ଡେରା ତାଃ ସେନ୍ ପେ ହାର୍ ଇନ୍‍କୁ ୱାଃ ବାଖାଣ ଆୟୁମେପେ। ଚିମ୍ତାଙ୍ଗ୍ ଆପେ ଆୟୁମେୟାପେ ଚି ଇନ୍‍କୁ ଚିନାଃ କାଜି ତାନାକୋ, ଦୋ ଆପେ ଇନ୍‍କୁ ଲୋଃ ଲାଡ଼ାଇ ଲାଗିନ୍ତେ କାପେ ବୋରୋୟା।” ଏନାମେନ୍ତେ ଏନ୍ ନିଦା, ଗିଦୋନ୍ ଇନ୍‍କୁ ୱାଃ ଡେରା ତାଃ ସେନ୍ ଜାନାଏ ହାର୍ ଇନିଃ ମିୟାଃ ମିଦ୍ୟାନୀ ସିପାହୀ କେ ଆଜାଃ ଗାତି କେ ଆୟାଃ କୁମୁ ବାରେ ଉଦୁବ୍ ତାନ୍ ଆୟୁମ୍ କିଜାଏ। ଏନ୍ ହୋଡ଼ ରାଃ ଗାତି ତେ କାଇକିଜାଏ, ନେ କୁମୁ ରାଃ ମାନେ ନେୟା ତାନାଃ ଚି ଗିଦୋନ୍ ରାଃ ସିପାହୀ କୋ, ଆବୁ ମିଦ୍ୟାନୀ ସିପାହୀ କୋକେ ହାରାଅ ବୁୱାକୋ!” ନେୟା ଆୟୁମ୍ କେତେ ଗିଦୋନ୍ ପାର୍ମେଶ୍ୱାର୍ ରାଃ ଆରାଧାନା କେଦାଏ।

![](https://cdn.door43.org/obs/jpg/360px/obs-en-16-12.jpg)

ଏନ୍ତେ ଗିଦୋନ୍ ଆଜାଃ ସିପାହୀ କୋତାଃ ରୁଆଡ଼ ଜାନାଏ, ହାର୍ ଇନ୍‍କୁ ଏତେ ସୋବେନ୍ ମୀପିହୋଡ଼ କେ ମିୟାଃ ଦିରିଙ୍ଗ୍, ମିୟାଃ ହାସା ଚାଟୁ, ହାର୍ ମିୟାଃ ଜୁଲୋଃ ତାନ୍ ମାଶାଲ୍ ଏମ୍ କେଃକୋୱାଏ। ଇନ୍‍କୁ ଏନ୍ ଡେରା କୋଏ କେସେଃ କେଦାକୋ ଅକତାଃ ମିଦ୍ୟାନୀ ସିପାହୀ କୋ ଦୁଣୁମ୍ ଲେନାକୋ। ଗିଦୋନ୍ ରାଃ ୩୦୦ ସିପାହୀ କୋତାଃ ଚାଟୁ କୋରେ ମାଶାଲ୍ କୋ ତାଇକେନା, ଏନାମେନ୍ତେ ମିଦ୍ୟାନୀ କୋ ମାଶାଲ୍ କୋରାଃ ଜୁନୁଲ୍ ତେୟାଃ କେ କାକୋ ନେଲ୍ ଧାଡ଼ିତାଇନା।

![](https://cdn.door43.org/obs/jpg/360px/obs-en-16-13.jpg)

ଏନ୍ତେ ଗିଦୋନ୍ ଆଃ ସୋବେନ୍ ସିପାହୀକୋ ମିଶାତେ ଆକୋୱାଃ ଚାଟୁ କୋକେ ରାପୁଃ ତାଦାକୋ, ହାର୍ ଇମ୍ତାଗି ମାଶାଲ୍ କୋରାଃ ଯୁନୁଲ୍ କେ ଦେଖାଅ କେଦାକୋ। ଇନ୍‍କୁ ଆକୋୱାଃ ଦିରିଙ୍ଗ୍ କୋକେ ଅଙ୍ଗ୍ କେଦାକୋ ଆଡୋଃ କାଉରି ଏଟେଃ କେଦାକୋ, “ୟାହୋୱା ହାର୍ ଗିଦୋନ୍ ନାଗିନ୍ତେ ତାଲ୍‍ୱାର୍!”

![](https://cdn.door43.org/obs/jpg/360px/obs-en-16-14.jpg)

ପାର୍ମେଶ୍ୱାର୍ ମିଦ୍ୟାନୀ କୋୱାଃ ହୋଶ୍ କେ ଆଃ ତାଦାଏ ଏନାତେ ଇନ୍‍କୁ ଆକୋ-ଆକୋ ରେଗି ବିପିଡ଼ା ହାର୍ ଗୋଗୋଏଃ ଏଟେଃ କେଦାକୋ। ଗିଦୋନ୍ ସେକାଡ଼ ଗି ସାନ୍ଦେସ୍ ଏହେମ୍ କୋକେ କୁଲ୍ କେଃକୋୱାଏ ଚି ଇନ୍‍କୁ ଥିମ୍ବାଗି ଆଡୋଃ ଏଟାଃ ଇସ୍ରାଏଲୀ କୋକେ ଅଡ଼୍ଆଃ ଏତେ କେଡ଼ା ଆଉକୋୱାକୋ ହାର୍ ମିଦ୍ୟାନୀ କୋକେ ଦୋୟା ଦୋୟା ଅତୋଙ୍ଗ୍ ହାର୍-ଲାଗିନ୍ତେ ଦେଙ୍ଗା ଚାକୋ। ଇନ୍‍କୁ ହିନକୁଏତେ ଥିମ୍ବାଗି ହୋଡ଼ୋକୋକେ ଗୋଏଃ ତାଃକୋୱାକୋ, ହାର୍ ସାରେଜାକାନ୍ କୋକେ ଇସ୍ରାଏଲ୍ କୋୱାଃ ଦିଶୁମ୍ ଏତେ ହାର୍ ଅଡୋଙ୍ଗ୍ କେଃକୋୱାକୋ। ପାର୍ମେଶ୍ୱାର୍ ଇନ୍‍କୁ କେ ଏନ୍ ହୁଲାଙ୍ଗ୍ ୧,୨୦,୦୦୦ ମିଦ୍ୟାନୀ ହୋଡ଼ୋକୋକେ ଗୋଏଃ ଏମ୍ କୋୱାଏ। ନେଲେକାତେ ପାର୍ମେଶ୍ୱାର୍ ଇସ୍ରାଏଲୀ କୋକେ ବାଞ୍ଚାଅ କେଃକୋୱାଏ।

![](https://cdn.door43.org/obs/jpg/360px/obs-en-16-15.jpg)

ଏନ୍ତେ ହୋଡ଼ୋକୋ ଗିଦୋନ୍ କେ ଆକୋୱାଃ ରାଜା ବାଇନାଙ୍ଗ୍ ସାନାଙ୍ଗ କେଦାକୋ। ଗିଦୋନ୍ ଇନ୍‍କୁ କେ ନେଲେକା ରିକାକାକୋ ମେନ୍ତେ କାଏ ଆଚୁ କେଃକୋୱାଏ, ମେନ୍ଦୋ ଇନିଃ ଇନ୍‍କୁ ଏତେ ଚିମିନାଙ୍ଗ୍ ସୋନା ରାଃ ଚୂଡ଼ି କୋକେ ଆସିକେଃ କୋୱାଏ ଅକନାଃ ଇନ୍‍କୁ ସୋବେନ୍ କୋ ମିଦ୍ୟାନୀ କୋଏତେ ଇଦିଲେଃ ତାଇକେନାକୋ। ହୋଡ଼ୋକୋ ଗିଦୋନ୍ କେ ମିଃଥିମ୍ବା ସୋନା ଏମ୍ କିଜାକୋ।

![](https://cdn.door43.org/obs/jpg/360px/obs-en-16-16.jpg)

ଏନ୍ତେ ଗିଦୋନ୍ ସୋନା କେ ଇଦିକେତେ ମିୟାଃ ଖାସ୍ ଲିଜାଃ ବାଇକେଦାଏ, ଜେଲେକା ଚି ମାରାଙ୍ଗ୍ ୟାଜାକ୍ ତୂସୀଙ୍ଗେନ୍ ତାଇକେନାଏ। ମେନ୍ଦୋ ହୋଡ଼ୋକୋ ନେୟାକେ ମୂର୍ତି ଲେକା ପୂଜା ରିକା ଏଟେଃ କେଦାକୋ। ଏନାମେନ୍ତେ ପାର୍ମେଶ୍ୱାର୍ ଇସ୍ରାଏଲୀ ହୋଡ଼ୋକୋକେ ଆଡୋଃଗି ଦାଣ୍ଡ୍ ଏମାଃକୋୱାଏ, ଚିୟାଃଚି ଇନ୍‍କୁ ମୂର୍ତି କୋକେ ପୂଜା ତାଇକେନାକୋ। ପାର୍ମେଶ୍ୱାର୍ ଇନ୍‍କୁ ୱାଃ ବାଇରୀ କୋକେ ଇନ୍‍କୁ କେ ହାରୁୱାଅ କାକୋ ମେନ୍ତେ ଆଚୁକେଃ କୋୱାଏ। ଇନ୍‍କୁ ଆଖିର୍ ପାର୍ମେଶ୍ୱାର୍ ଏତେ ଆଡୋଃଗି ଦେଙ୍ଗା ଆସିକେଦାକୋ, ହାର୍ ପାର୍ମେଶ୍ୱାର୍ ଇନ୍‍କୁ କେ ଆଡୋଃ ମିହୋଡ଼ ବାଞ୍ଚାଅନିଃ କୁଲ୍ କେଦାଏ।

![](https://cdn.door43.org/obs/jpg/360px/obs-en-16-17.jpg)

ନେଲେକା ଚିମିନ୍ ବେର୍ ହୋବାଜାନା: ଇସ୍ରାଏଲ୍ ହୋଡ଼ୋକୋ ପାପ୍ ୟାକୋ, ପାର୍ମେଶ୍ୱାର୍ ଇନ୍‍କୁ କେ ଦାଣ୍ଡ୍ ଏମାକୋୱାଏ, ଇନ୍‍କୁ ପାସ୍ତାଅଗାକୋ, ହାର୍ ପାର୍ମେଶ୍ୱାର୍ ଇନ୍‍କୁ କେ ବାଞ୍ଚାଅ ଲାଗିନ୍ ଜେତାଏ ମିହୋଡ଼ କେ କୁଲିୟାଏ। ଚିମିନ୍ ଶିର୍ମା ସାନ୍ତେ, ପାର୍ମେଶ୍ୱାର୍ ଚିମିନ୍ ଗି ବାଞ୍ଚାଅ ହୋଡ଼ କୋକେ କୁଲ୍ କେଃକୋୱାଏ ଅକନ୍ କୋ ଇସ୍ରାଏଲୀ ହୋଡ଼ୋକୋକେ ଇନ୍‍କୁ ୱାଃ ବାଇରୀ କୋଏତେ ବାଚାଅ କେଃକୋୱାକୋ।

![](https://cdn.door43.org/obs/jpg/360px/obs-en-16-18.jpg)

ଆଖିର୍ ରେ, ହୋଡ଼ୋକୋ ପାର୍ମେଶ୍ୱାର୍ ଏତେ ଏଟାଃ ଦିଶୁମ୍ ଲେକା ମିୟାଃ ରାଜା ଆସିକିଜାକୋ। ଇନ୍‍କୁ ମିୟାଃ ନେକାନ୍ ରାଜା ସାନାଙ୍ଗ ତାଇକେନାକୋ ଅକନିଃ ଜିଲିଙ୍ଗ୍ ହାର୍ ପେଡ଼େଜାନ୍ ତାଇନାଏ, ହାର୍ ଅକନିଃ ଇନ୍‍କୁ କେ ଲାପାଡ଼ାଇ ରେ ଇଦି ଧାଡ଼ିକୋୱାଏ। ପାର୍ମେଶ୍ୱାର୍ ନେ ଆର୍ଜି ତେ କାଏ ସୁକୁ ଜାନାଏ, ମେନ୍ଦୋ ଜେଲେକା ଇନ୍‍କୁ ଆସି ଲେଦାକୋ, ଇନିଃ ଇନ୍‍କୁ ମିହୋଡ଼ ରାଜା ଏମାଃକୋୱାଏ।

*ମିୟାଃ ବାଇବେଲ୍ କାହାନୀ: ହାକିମ୍ କୋୱାଃ କିତାବ୍(ନ୍ୟାୟିୟୋ) ୧-୩; ୬-୮; ୧ ଶାମୁଏଲ୍ ୧-୧୦*

Audio: https://git.door43.org/OBS-TLF/unx_obs/releases/download/v1/unx_obs_v1_16_128kbps.m4a

## 17. ୧୭. ପାର୍ମେଶ୍ଵାର୍ ରାଃ ନିୟାମ୍ ଥୋଲ୍ ରାଜା ଦାଉଦ୍ ଲୋଃ

https://openbiblestories.org/l/unx/story-17/

![](https://cdn.door43.org/obs/jpg/360px/obs-en-17-01.jpg)

ଶାଉଲ୍ ଇସ୍ରାଏଲୀ କୋୱାଃ ପାହିଲା ରାଜା ତାଇକେନାଏ। ଇନିଃ ଶାଲାଙ୍ଗି ହାର୍ ସୁନ୍ଦାର୍ ତାଇକେନାଏ, ଜେଲେକା ଇନ୍‍କୁ ସାନାଙ୍ଗ୍ ତିନାକୋ ଏନ୍ ଲେକାଗୀ। ଇସ୍ରାଏଲୀ ଚେତାନ୍ ରେ ରାଇଜ୍ ରାଃ ସିଦାରେୟାଃ ଚିମିନ୍ ବାରାଶ୍ ରେ ଶାଉଲ୍ ମିୟାଃ ବୁଗିନ୍ ରାଜା ତାଇକେନାଏ। ମେନ୍ଦୋ ତାୟୋମ୍ତେ ଇନିଃ ମିୟାଃ ଦୁଷ୍ଟ ହୋଡ଼୍ ବାଇଜାନାଏ ଅକନିଃ ଚି ପାର୍ମେଶ୍ଵାର୍ ରାଃ କାଜିକେ କାଏ ମାନାତିଙ୍ଗ୍ ଜାନା, ଏନାଲାଗିନ୍ ପାର୍ମେଶ୍ଵାର୍ ଏଟାଃ ମିହୋଡ଼୍ ହୋଡ଼୍ କେ ସାଲାକିଜାଏ ଅକନିଃ ଚି ମୂଷିଙ୍ଗ୍ ହୁଲାଙ୍ଗ୍ ଆଜାଃ ଜାଗାରେ ରାଜା ବାଇୟୋଗାଏ।

![](https://cdn.door43.org/obs/jpg/360px/obs-en-17-02.jpg)

ପାର୍ମେଶ୍ଵାର୍ ଦାଉଦ୍ ନୁତୁମ୍ ମିୟାଃ ଜାୱାନ୍ ଇସ୍ରାଏଲୀ ହୋଡ଼ କେ ସାଲାକେତେ ମୂଷିଙ୍ଗ୍ ହୁଲାଙ୍ଗ୍ ଶାଉଲ୍ ରାଜା ରାଃ ଜାଗାରେ ରାଜା ବାଇ ଲାଗିନ୍ ସେକାଡ଼୍ ଏଟେଃ କିଜାଏ। ଦାଉଦ୍ ବାଇତୁଲାମ୍ ସାହାର୍ ରେନ୍ ମିୟାଃ ମିଣ୍ଡି ଗୁପିନିଃ ତାଇକେନାଏ। ଏଟାଃ ଏଟାଃ ସାମାୟ୍ ରେ, ଦାଉଦ୍ କୁଲାଃ ହାର୍ ଭାଲୁ ବାରାନ୍ ଜାନ୍ତୁ କୀନ୍ କେ ଗୋଏଃ ଲେଃ କିନାଏ ଚିୟାଃଚି ଦାଉଦ୍ ମିଣ୍ଡି ଗୁପି ସାମାୟ୍ ରେ ଆଜାଃ ଆପୁଗାଃ ମିଣ୍ଡିକୋକେ ଇନ୍‍କୁ ଗୋଏଃ ସାନାଙ୍ଗ୍ ଲେଦାକୋ। ଦାଉଦ୍ ମିୟାଃ ନାରାମ୍ ହୋଡ଼୍ ହାର୍ ଧାର୍ମି ହୋଡ଼୍ ତାଇକେନାଏ। ଇନିଃ ପାର୍ମେଶ୍ଵାର୍ ରେ ଭାରୋସା ତାଇନାଏ ହାର୍ ଆଜାଃ କାଜିକୋକେ ଆୟୁମ୍ କେଦାଏ।

![](https://cdn.door43.org/obs/jpg/360px/obs-en-17-03.jpg)

ଚିମ୍ତାଙ୍ଗ୍ ଦାଉଦ୍ ନାଆ ଜାୱାନ୍ ଗି ତାଇକେନାଏ, ଇନିଃ ଜିଲିଙ୍ଗ୍-ମୋଟା ଗୋଲିଆତ୍ ଲୋଃ ଲାଡ଼ାଇ ଜାନାଏ। ଗୋଲିଆତ୍ ମିୟାଃ ବୁଗିନ୍ ଲାପାଡ଼ାଇ ସାରିକାଃ ମିୟାଃ ସିପାହୀ ତାଇକେନାଏ। ଇନିଃ ଥିମ୍ବାଗି ପେଡ଼େଜାନ୍ ହାର୍ ଲାଗ୍-ଭାଗ୍ ଆପି ମିଟାର୍ ସାଲାଙ୍ଗୀ ତାଇକେନାଏ! ମେନ୍ଦୋ ଏଣ୍ଡେ ଅଗି ପାର୍ମେଶ୍ଵାର୍ ଗୋଲିଆତ୍ କେ ଗୋଏଃ ହାର୍ ଇସ୍ରାଏଲୀ କୋକେ ବାଚାଅ ଲାଗିନ୍ ଦାଉଦ୍ ରାଃ ସାହେତା କିଜାଏ। ଏନାରାଃ ତାୟୋମ୍ତେ, ଦାଉଦ୍ ଇସ୍ରାଏଲୀ କୋୱାଃ ବାଇରୀ କୋକେ ହାରୁୱାଅ କେତେ ଚିମିନ୍-ଚିମିନ୍ ଧର୍ ଜିତାଅ ଜାନାଏ। ଦାଉଦ୍ ମିୟାଃ ମାରାଙ୍ଗ୍ ସିପାହୀ ବାଇଜାନାଏ, ହାର୍ ଇନିଃ ଥିମ୍ବାଗି ଲାଡ଼ାଇ କୋରେ ଇସ୍ରାଏଲୀ ସିପାହୀ କୋକେ ଆୟାର୍ ଇଦି କେଃକୋୱାଏ। ଏନାଲାଗିନ୍ ହୋଡ଼ୋକୋ ଇନିଜାଃ ଥିମ୍ବାଗି ସାହାରାଅ କେଦାକୋ।

![](https://cdn.door43.org/obs/jpg/360px/obs-en-17-04.jpg)

ହୋଡ଼ୋକୋ ଦାଉଦ୍ କେ ଇମିନ୍ ଦୁଲାଡ଼୍ ମାଣ୍ଡାଅ କେଦାକୋ ଚି ଶାଉଲ୍ ଇନିଃ କେ ହିଶିଙ୍ଗା କିଜାଏ। ଆଖିର୍ ରେ, ଶାଉଲ୍ ଇନିଃ କେ ଗୋଜି ଲାଗିନ୍ ସାନାଙ୍ଗ୍ ତାଇନାଏ, ଏନାଲାଗିନ୍ ଦାଉଦ୍ ଇନିଃତେ ହାର୍ ଆଜାଃ ଶିପାହୀ କୋଏତେ ଉକୁ ଲାଗିନ୍ ଟୋନାଙ୍ଗ୍ ତେ ସେନୋଃ ଜାନାଏ। ମୁଷିଙ୍ଗ୍ ହୁଲାଙ୍ଗ୍, ଚିମ୍ତାଙ୍ଗ୍ ଶାଉଲ୍ ହାର୍ ଆଜାଃ ଶିପାହୀ କୋ ଦାଉଦ୍ ରାଃ ଦାଣାରେ ତାଇକେନାକୋ ଦ ଶାଉଲ୍ ମିୟାଃ ଗୁଫାରେ ବୋଲୋ ଜାନାଏ। ନେୟା ଏନ୍ ଗୁଫା ତାଇକେନା ଅକନାଃରେ ଦାଉଦ୍ ଉକୁ କାନ୍ ତାଇକେନାଏ, ମେନ୍ଦୋ ଶାଉଲ୍ ଇନିଃ କେ ନେଲ୍ କାଏ ଧାଡ଼ିକିଜାଏ। ଦାଉଦ୍ ଶାଉଲ୍ ରାଃ ତାୟୋମ୍ ପାଡ଼୍ ଏତେ ଆଜାଃ ନାଡ଼େଏ ସେନ୍ ଜାନାଏ ହାର୍ ଆଜାଃ ଲିଜାଃ ରାଃ ମିୟାଃ ଖାଣ୍ଡା ହାଃ କେଦାଏ। ତାୟୋମ୍ତେ, ଚିମ୍ତାଙ୍ଗ୍ ଶାଉଲ୍ ଏନ୍ ଗୁଫାଏତେ ଅଡୋଙ୍ଗ୍ ଜାନାଏ ଦ ଦାଉଦ୍ ଇନିଃକେ ହାକାଅ କେତେ ଏନ୍ ସାବାକାନ୍ ଲିଜାଃ ଖାଣ୍ଡାକେ ଦେଖାଅ କିଜାଏ। ନେଲେକାତେ, ଶାଉଲ୍ ସାରିକେଦାଏ ଚି ଦାଉଦ୍ ରାଜା ବାୟେନ୍ ଲାଗିନ୍ ଇନିଃକେ ଗୋଏଃ ଲାଗିନ୍ ମାନା କେଦାଏ।

![](https://cdn.door43.org/obs/jpg/360px/obs-en-17-05.jpg)

ଚିମିନ୍ ସାମାୟ୍ ରାଃ ତାୟୋମ୍ତେ, ଶାଉଲ୍ ଲାଡ଼ାଇ ରେ ଗୋଏଃ ଜାନାଏ, ହାର୍ ଦାଉଦ୍ ଇସ୍ରାଏଲ୍ ରାଃ ରାଜା ବାଇଜାନାଏ। ଇନିଃ ମିୟାଃ ବୁଗିନ୍ ରାଜା ତାଇକେନାଏ, ହାର୍ ହୋଡ଼ୋକୋ ଇନିଃକେ ଦୁଲାଡ଼୍ଇ ତାଇକେନାକୋ।ପାର୍ମେଶ୍ଵାର୍ ଦାଉଦ୍ କେ ଆଶିଷ୍ କିଜାଏ ହାର୍ ଇନିଃକେ ସୋବେନାଃତେ ଫେରେଃ ବାଇକିଜାଏ। ଦାଉଦ୍ ଥିମ୍ବାଗି ଲାପ୍‍ଡ଼ାଇ କୋ ଲାଡ଼ାଇନାଏ, ହାର୍ ପାର୍ମେଶ୍ଵାର୍ ଇସ୍ରାଏଲୀ କୋୱାଃ ବାଇରୀ କୋକେ ହାରୁୱାଅ ରେ ଇନିଜାଃ ଦେଙ୍ଗା କେଦାଏ। ଦାଉଦ୍ ୟୀରୁଶାଲେମ୍ ସାହାର୍ କେ ଜିତାଅ କେତେ ଏନାକେ ଆଜାଃ ରାଜଧାନୀ ବାଇକେଦାଏ, ଆକ୍ତାରେ ଇନିଃ ତାଇଜାନାଏ ରାଇଜ୍ କେଦାଏ। ଦାଉଦ୍ ଚାଲିଶ୍ ବାରାଷ୍ ସାନ୍ ରାଜା ତାଇକେନାଏ। ନେସାମାୟ୍ ଭିତାର୍ ରେ, ଇସ୍ରାଏଲ୍ ପେଡ଼େଜାନ୍ ହାର୍ କିଶାଣ୍ ବାଇଜାନା।

![](https://cdn.door43.org/obs/jpg/360px/obs-en-17-06.jpg)

ଦାଉଦ୍ ମିୟାଃ ମାନ୍ଦିର୍ ବାଇ ସାନାଙ୍ଗ୍ ତାଇନାଏ। ଅକତାଃ ରେ ସୋବେନ୍ ଇସ୍ରାଏଲୀ କୋ ପାର୍ମେଶ୍ଵାର୍ କେ ଆରାଧାନା ରିକା ଧାଡ଼ିୟାକୋ ହାର୍ ଇନିଜାଃ ଲାଗିନ୍ ଦାଣେ ରାକାବ୍ ଧାଡ଼ିୟାକୋ। ଲାଗ୍ ଭାଗ୍ ୪୦୦ ବାରାଶ୍ ସାନ୍ତେ, ଏନ୍ ହୋଡ଼ୋକୋ ମୁଶା ତେ ବାଇକାନ୍ ମିଃତାଃ ହୁଣ୍ଡୀନ୍ ତାମ୍ବୂ ରେ ପାର୍ମେଶ୍ଵାର୍ ରାଃ ଆରାଧାନା ରିକା ତିନାକୋ ହାର୍ ଇନିଜାଃ ଲାଗିନ୍ ଦାଣେ ରାକାବ୍ ତାଇନାକୋ।

![](https://cdn.door43.org/obs/jpg/360px/obs-en-17-07.jpg)

ମେନ୍ଦୋ ଏନ୍ତାଃରେ ନାଥାନ୍ ନୁତୁମ୍ ମିୟାଃ ନାବୀ ତାଇକେନାଏ। ପାର୍ମେଶ୍ଵାର୍ ଇନିଃକେ ଦାଉଦ୍ ତାଃ ନେୟା କାଜିଲାଗିନ୍ କୁଲ୍ କିଜାଏ: “ଆମ୍ ଥିମ୍ବାଗି ଲାପାଡ଼ାଇ ଲାଡ଼ାଇ କାନାମ୍, ଏନାଲାଗିନ୍ ଆମ୍ ଇଙ୍ଗ୍ଆଃ ଲାଗିନ୍ ନେ ମାନ୍ଦିର୍ କେ କାମ୍ ବାଇୟା। ଆମାଃ ହୋନ୍ କୋଡ଼ା ନେୟାକେ ବାଇୟାଏ। ଏଣ୍ଡେ ରେହ ଇଙ୍ଗ୍ ଆମ୍ କେ ଥିମ୍ବାଗି ଆଶିଷ୍ ମେୟାଇଙ୍ଗ୍। ଆମାଃ ମିୟାଃ କିଲିରେନ୍ ଏତେ ସାଦାଏ ଲାଗିନ୍ ଇଙ୍ଗ୍ଆଃ ହୋଡ଼ୋକୋୱାଃ ଚେତାନ୍ ରେ ରାଜା ଲେକା ରାଇଜ୍ ଏୟାଏ।” ସୋବେନ୍ ହୁଲାଙ୍ଗ୍ ଲାଗିନ୍ତେ ରାଇଜ୍ ନିଃ ଇନିଃ ଦାଉଦ୍ ରାଃ ମିୟାଃଗି କିଲିରେନ୍ ମାସୀହ୍ ତାଇକେନାଏ। ମାସୀହ୍ ପାର୍ମେଶ୍ଵାର୍ ରାଃ ସାଲାକାନ୍ ହୋଡ଼୍ ତାଇକେନାଏ ଅକନିଃ ଅତେଦିଶୁମ୍ ରେନ୍ ହୋଡ଼ୋକୋକେ ଆକୋୱାଃ ପାପ୍ ତେ ବାଞ୍ଚାଅ କୋୱାଏ।

![](https://cdn.door43.org/obs/jpg/360px/obs-en-17-08.jpg)

ଚିମ୍ତାଙ୍ଗ୍ ଦାଉଦ୍ ନାଥାନ୍ ଗାଃ ସାନ୍ଦେଶ୍ କେ ଆୟୁମ୍ କେଦାଏ ଦୋ ଇନିଃ ପାର୍ମେଶ୍ଵାର୍ କେ ଧାନ୍ୟାବାଦ୍ କିଜାଏ ହାର୍ ଇନିଜାଃ ମାନାରାଙ୍ଗ୍ କେଦାଏ। ପାର୍ମେଶ୍ଵାର୍ ଆଜାଃ ନୁତୁମ୍ କେ ମାରାଙ୍ଗ୍ ତାଇନାଏ ହାର୍ ଆଏଃକେ ଥିମ୍ବାଗି ଆଶିଷ୍ ଏମ୍ ତାଇନାଏ। ସାର୍ତିଗି, ଦାଉଦ୍ ନେୟା କାଏ ସାରିତାଇନା ଚି ପାର୍ମେଶ୍ଵାର୍ ନେ କାଜିକୋକେ ଚିଉଲା ରିକାୟାଏ। ନାଆ ଆଲେ ସାରିତାନାଲେ ଚି ଇସ୍ରାଏଲୀ କୋକେ ମିୟାଃ ହିଜୁଃ ସାମାୟ୍ ଶାନ୍, ଲାଗ୍ ଭାଗ୍ ୧,୦୦୦ ବାରାଶ୍ ସାନ୍ତେ ମାସୀହ୍ ରାଃ ହିଜୁଃ ରାଃ ତାଙ୍ଗି ପାଡ଼ାଅଃୱା।

![](https://cdn.door43.org/obs/jpg/360px/obs-en-17-09.jpg)

ଦାଉଦ୍ ଥିମ୍ବାଗି ବାରାଶ୍ ସାନ୍ତେ ଠିକ୍ ଲେକାତେ ହାର୍ ଆଜାଃ ହୋଡ଼ୋକୋୱାଃ ଚେତାନ୍ ରେ ରାଇଜ୍ କେଦାଏ। ଇନିଃ ଥିମ୍ବାଗି ସୁକୁତେ ପାର୍ମେଶ୍ଵାର୍ ରାଃ କାଜିକୋକେ ମାନାତିଙ୍ଗ୍ ତାଇନାଏ ହାର୍ ପାର୍ମେଶ୍ଵାର୍ ଇନିଃ କେ ଆଶିଷ୍ କିଜାଏ। ଏଣ୍ଡେଅଗି, ଆଏଃ ଆୟାଃ ଜୀଦାନ୍ ରାଃ ଟୁଣ୍ଡୁ ସାମାୟ୍ ରେ ଇନିଃ ପାର୍ମେଶ୍ଵାର୍ ରାଃ ବିରୁଧ୍ ରେ ଥିମ୍ବାଗି ମାରାଙ୍ଗ୍ ପାପ୍ ଲେଦାଏ।

![](https://cdn.door43.org/obs/jpg/360px/obs-en-17-10.jpg)

ମୁଶିଙ୍ଗ୍ ହୁଲାଙ୍ଗ୍ ଦାଉଦ୍ ଆଜାଃ ମାହାଲ୍ ତେ ବାହାରି ଲୋଡୋକେଦାଏ ହାର୍ ମିୟାଃ ସୁନ୍ଦାର୍ କୁଡ଼ି କେ ଗାଦିନ୍ ତାନ୍ ସାମାୟ୍ ରେ ନେଲ୍ କିଜାଏ। ଇନିଃ ଏନ୍ କୁଡ଼ିକେ କାଏ ସାରିତାଇନା, ମେନ୍ଦୋ ଇନିଃ କୁଲି କେତେ ସାରିକିଜାଏ ଚି ଇନିଜାଃ ନୁତୁମ୍ ବେତ୍ସେବା ତାଇକେନା।

![](https://cdn.door43.org/obs/jpg/360px/obs-en-17-11.jpg)

ଆଜାଃ ମେଏଃକେ ଏଟାଃ ପାଡ଼୍ ନେଲ୍ ଚାହି, ମେନ୍ଦୋ ଦାଉଦ୍ ଇନିଃକେ ଆଜାଃ ନାଡ଼େଏତେ ଆଉଲାଗିନ୍ ମିହୋଡ଼୍ କେ କୁଲ୍ କିଜାଏ। ଇନିଃ ଆଜାଃ ଲୋଃ ଗିତିଃ ଜାନାଏ ହାର୍ ଇନିଃକେ ଅଡ଼୍ଆଃ କୁଲ୍ ତିଜାଏ। କାଟୀଃ ସାମାୟ୍ ରାଃ ତାୟୋମ୍ତେ ବେତ୍ସେବା ନେୟା କାଜିକେତେ ଦାଉଦ୍ ଆଃ ନାଡ଼େଏରେ କାଜି କୁଲ୍ କେଦାଏ ଚି ଇନିଃ ହୋଡ଼ମୋ ରେ ମେନିଜା।

![](https://cdn.door43.org/obs/jpg/360px/obs-en-17-12.jpg)

ବେତ୍ସେବା ରାଃ କୋଡ଼ା ଉରିୟାହା ନୁତୁମ୍ ମିହୋଡ଼୍ ହୋଡ଼୍ ତାଇକେନାଏ। ଇନିଃ ଦାଉଦ୍ ରାଃ ବୁଗିନ୍ ସିପାହୀ କୋଏତେ ମିହୋଡ଼୍ ତାଇକେନାଏ। ନେ ସାମାୟ୍ ରେ ଇନିଃ ଲାଡ଼ାଇ ଲାଗିନ୍ ବାହାରେ ସେନ୍ କାନ୍ ତାଇକେନାଏ। ଦାଉଦ୍ ଉରିୟାହା କେ ଲାଡ଼ାଇ ଏତେ କେଡ଼ାକିଜାଏ ହାର୍ ଇନିଃ ଆଜାଃ ନିଜ୍ କୁଡ଼ି ଲୋଃ ତାଇନ୍ ଲାଗିନ୍ କାଜିକିଜାଏ। ମେନ୍ଦୋ ଏଟାଃ ସିପାହୀକୋ ଲାଡ଼ାଇ ରେ ତାଇକେନାକୋ ଏନାଲାଗିନ୍ ଉରିୟାହା କେ ଅଡ଼୍ଆଃ ତେ ରୁଆଡ଼୍ ସେନ୍ ଲାଇ ମାନାକିଜାଏ। ଏନ୍ତେ ଦାଉଦ୍ ଉରିୟାହା କେ ଆଡୋଃମିଶା ଲାଡ଼ାଇ ରେ କୁଲ୍ ତିଜାଏ ହାର୍ ସିପାହୀ କୋୱାଃ ଗୋମ୍କେ କେ କାଜିକିଜାଏ ଯେ ଇନିଃକେ ନେକାନ୍ ଜାଗାରେ ମାଣ୍ଡାଅଃ କାଏ ଅକ୍ତାରେ ବାଇରୀକୋ ଥିମ୍ବାଗି ପେଡ଼େଜାନ୍ ତାଇନାକୋ ଏନାତେ ଇନିଃ ଗୋଜୋଃ କାଏ। ଦୋ ନେକା ହୋବାଜାନା ଚି ଉରିୟାହା ଲାଡ଼ାଇ ରେ ଗୋଏଃ ଜାନାଏ।

![](https://cdn.door43.org/obs/jpg/360px/obs-en-17-13.jpg)

ଉରିୟାହା ଲାଡ଼ାଇ ରେ ଗୋଏଃଜାନ୍ ରାଃ ତାୟୋମ୍ତେ ଦାଉଦ୍ ବେତ୍ସେବା ଲୋଃ ଆଣାଦି ଜାନାଏ। ତାୟୋମ୍ତେ, ଇନିଃ ଦାଉଦ୍ ରାଃ ହୋନ୍ କେ ଯାନାମ୍ କିଜାଏ। ଦାଉଦ୍ ଅକନାଃ ରିକାଲାଆଏ ଏନାତେ ପାର୍ମେଶ୍ଵାର୍ ଥିମ୍ବାଗି ଖିସ୍କାନ୍ ତାଇକେନାଏ, ଏନାଲାଇ ଇନିଃ ନାଥାନ୍ ନାବୀ କେ ଦାଉଦ୍ ତାଃ ନେୟା କାଜିଲାଗିନ୍ କୁଲ୍ କିଜାଏ ଚି ଇନିଜାଃ ପାପ୍ ଚିମିନ୍ ସିତୃ ତାଇକେନା। ଦାଉଦ୍ ଆଜାଃ ପାପ୍ କେ ପାସ୍ତାଅ କେଦାଏ ହାର୍ ପାର୍ମେଶ୍ଵାର୍ ଇନିଃକେ ଛାମା ତିଜାଏ। ଦାଉଦ୍ ଆପାନାଃ ଜୀଦାନ୍ ରେୟାଃ ସାରେଜାକାନ୍ ସାମାୟ୍ ରେ, ଆପାନାଃ କେଟେଃ ସାମାୟ୍ କୋରେହ ପାର୍ମେଶ୍ଵାର୍ ରାଃ ତାୟୋମ୍-ତାୟୋମ୍ ସେସେନ୍ କେଦାଏ ହାର୍ ଇନିଜାଃ କାଜିକୋକେ ମାନାତିଙ୍ଗ୍ କେଦାଏ।

![](https://cdn.door43.org/obs/jpg/360px/obs-en-17-14.jpg)

ମେନ୍ଦୋ ଦାଉଦ୍ ରାଃ ହୋନ୍ ଗୋଏଃ ଜାନାଏ। ନେଲେକାତେ ପାର୍ମେଶ୍ଵାର୍ ଦାଉଦ୍ କେ ଦାଣ୍ଡ ଏମ୍ କିଜାଏ। ନେୟା ବାଗିକେତେ, ଦାଉଦ୍ ରାଃ ଗୋଜୋଃ ସାନ୍ତେ, ଆଏଃ ଆଜାଃ ପାରିବାର୍ ରେନ୍ ଚିମିନ୍ ହୋଡ଼ୋକୋ ଆଜାଃ ବିରୁଧ୍ ରେ ଲାଡ଼ାଇ କେଦାକୋ, ହାର୍ ଦାଉଦ୍ ରାଃ ପେଡ଼େଏ ଘାଟାଅ ଛାବାଲେନା। ମେନ୍ଦୋ ପାର୍ମେଶ୍ଵାର୍ ବିଶ୍ଵାସ୍ ଲେକାନିଃ ଗି ତାଇକେନାଏ ହାର୍ ନାଆ ଅଗି ଇନିଃ ଏନା ରିକା କେଦାଏ ଅକନାଃ ଇନିଃ ଦାଉଦ୍ କେ କାଜିଲିଯାଏ ଚି ଏନା ରିକାୟାଏ, ଦାଉଦ୍ ଇନିଜାଃ କାଏ ମାନାତିଙ୍ଗ୍ ଜାନା ଏଣ୍ଡେ ରେହ, ତାୟୋମ୍ତେ, ଦାଉଦ୍ ହାର୍ ବେତ୍ସେବା ଗାଃ ଏଟାଃ ହୋନ୍ କୋଡ଼ା ଯାନାମ୍ ହୋବାଜାନାଏ, ହାର୍ ଇନ୍ କିନ୍ ଇନିଜାଃ ନୁତୁମ୍ ସୁଲେମାନ୍ ମାଣ୍ଡାଅ କେଦାକିନ୍।

*ବାଇବାଲ୍ ମିୟାଃ କାହାନୀ ୧ ଶାମୁଏଲ୍ ୧୦; ୧୫-୧୯;୨୪;୩୧; ୨ ଶାମୁଏଲ୍ ୫;୭;୧୧-୧୨ ତେ ମିୟାଃ କାହାନୀ*

Audio: https://git.door43.org/OBS-TLF/unx_obs/releases/download/v1/unx_obs_v1_17_128kbps.m4a

## 18. ୧୮. ହାନାଟିଙ୍ଗ୍ କାନ୍ ରାଇଜ୍

https://openbiblestories.org/l/unx/story-18/

![](https://cdn.door43.org/obs/jpg/360px/obs-en-18-01.jpg)

ଦାଉଦ୍ ରାଜା ଚାଲିଶ୍ ବାରାଶ୍ ଶାନ୍ ରାଇଜ୍ କେଦାଏ। ଏନ୍ତେ ଇନିଃ ଗୋଏଃ ଜାନାଏ, ହାର୍ ଇନିଜାଃ ହୋନ୍ କୋଡ଼ା ଇସ୍ରାଏଲ୍ ଚେତାନ୍ ରେ ରାଇଜ୍ ସୁରୁ କେଦାଏ। ପାର୍ମେଶ୍ଵାର୍ ସୁଲେମାନ୍ ଲୋଃ ବାଖାଣ କେଦାଏ ହାର୍ ଇନିଃକେ କୁଲିକିଜାଏ ଚି ଇନିଃ ସୋବେନ୍ ଏତେ ଥିମ୍ବା ଚିନାଃ ସାନାଙ୍ଗ୍ ତାନାଏ ଚି ପାର୍ମେଶ୍ଵାର୍ ଆଜାଃ ଲାଇ ରିକାୟାଏ। ସୁଲେମାନ୍ ପାର୍ମେଶ୍ଵାର୍ କେ ଆସିକିଜାଏ ଚି ଇନିଃ ଆଏଃକେ ଥିମ୍ବାଗି ସେଣାନ୍ ବାଇକାଏ। ନେ ବାକାଣ ପାର୍ମେଶ୍ଵାର୍ କେ ସୁକୁକିଜା, ଏନାଲାଗିନ୍ ପାର୍ମେଶ୍ଵାର୍ ସୁଲେମାନ୍ କେ ଅତେଦିଶୁମ୍ ରେନ୍ ହୋଡ଼ୋକୋୱାଃ ରେ ସୋବେନ୍ ଏତେ ସେଣାନ୍ ହୋଡ଼୍ ବାଇକିଜାଏ। ସୁଲେମାନ୍ ଥିମ୍ବାଗି ବାଖାଣ୍ କୋ ଶିଖାଅ ଜାନାଏ ହାର୍ ଇନିଃ ମିୟାଃ ସେଣାନ୍ ହାକିମ୍ ତାଇକେନାଏ। ପାର୍ମେଶ୍ଵାର୍ ଇନିଃ କେ ଥିମ୍ବାଗି କିଶାଣ୍ ହ ବାଇତିଜାଏ.

![](https://cdn.door43.org/obs/jpg/360px/obs-en-18-02.jpg)

ୟୀରୁଶାଲେମ୍ ରେ ସୁଲେମାନ୍ ଏନ୍ ମାନ୍ଦିର୍ କେ ବାଇକେଦାଏ। ଅକନାଃ ଲାଇ ଇନିଜାଃ ଆପୁ ସାନାଙ୍ଗ୍ ଲେଦାଏ ହାର୍ ଜିନିଷ୍ କୋ ହୁଣ୍ଡି ଲେଦାଏ। ନାଆ ହୋଡ଼ୋକୋ ମିଃତାଃ ହୁଣ୍ଡୀନ୍ ତାମ୍ବୂ କେ ବାଗେକେତେ ମାନ୍ଦିର୍ ରେ ପାର୍ମେଶ୍ଵାର୍ ରାଃ ଆରାଧାନା ରିକା ତିନାକୋ ହାର୍ ଆଜାଃ ଲାଗିନ୍ ଦାଣେ ରାକାବ୍ ତିନାକୋ। ପାର୍ମେଶ୍ଵାର୍ ହିଜୁଃ କେତେ ମାନ୍ଦିର୍ ରେ ତାଇୟୋ ତାଇନାଏ, ହାର୍ ଆଏଃ ଆଜାଃ ହୋଡ଼ୋକୋ ଲୋଃ ତାଇନ୍ ତାଇନାଏ।

![](https://cdn.door43.org/obs/jpg/360px/obs-en-18-03.jpg)

ମେନ୍ଦୋ ସୁଲେମାନ୍ ଏଟାଃ ଦିଶୁମ୍ କୋରେନ୍ କୁଡ଼ିକୋକେ ଦୁଲାଡ଼୍ କେଦାଏ। ଇନିଃ ଥିମ୍ବାଗି, ଲାଗ୍ ଭାଗ୍ ୧୦୦୦ କୁଡ଼ିକୋକେ ଆଣାଦୀ କେତେ ପାର୍ମେଶ୍ଵାର୍ କେ କାଏମାନାତିଙ୍ଗ୍ କିଜାଏ! ନେଣ୍ଡେକୋଏତେ ଥିମ୍ବାଗୀ କୁଡ଼ିକୋ ଏଟାଃ ଦିଶୁମ୍ ତେ ହିଜୁଃ ଲେନାକୋ ହାର୍ ଆକୋୱାଃ ଲୋଃ ଆକୋୱାଃ ଦେବ୍ତା କୋକେ ଆଉକେଦାକୋ ହାର୍ ଇନ୍‍କୁକେ ପୂଜା କେଦାକୋ। ଚିମ୍ତାଙ୍ଗ୍ ସୁଲେମାନ୍ ହାଡ଼ାମ୍ ଜାନାଏ ଦୋ ଆଜୋଗି ଆକୋୱାଃ ଦେବ୍ତା କୋକେ ପୂଜା କେଦାଏ।

![](https://cdn.door43.org/obs/jpg/360px/obs-en-18-04.jpg)

ଏନାଲାଗିନ୍ ପାର୍ମେଶ୍ଵାର୍ ସୁଲେମାନ୍ ତେ ଖିସ୍ କାନ୍ ତାଇକେନାଏ। ଆଏଃକେ କାଜିକିଜାଏ ଚି ଇନିଃ ଇସ୍ରାଏଲ୍ ଦିଶୁମ୍ କେ ବାରିୟା ରାଇଜ୍ ରେ ହାନାଟିଙ୍ଗ୍ ରାଃ ହୋରାତେ ଇନିଃକେ ଦାଣ୍ଡ ଏମେଆଏ। ଇନିଃ ସୁଲେମାନ୍ ରାଃ ଗୋଜୋଃ ରାଃ ତାୟୋମ୍ତେ ଏନ୍ କା ରିକାୟାଏ।

![](https://cdn.door43.org/obs/jpg/360px/obs-en-18-05.jpg)

ସୁଲେମାନ୍ ଗୋଜୋଃ ରାଃ ତାୟୋମ୍ତେ, ରାହାବିଆମ୍ ରାଜା ବାଇଜାନାଏ। ଇସ୍ରାଏଲ୍ ଦିଶୁମ୍ ରେନ୍ ହୋଡ଼ୋକୋ ଇନିଃ କେ ଆକୋୱାଃ ରାଜା ବାଇଲାଗିନ୍ ମିଃତାଃ ହୁଣ୍ଡି ଜାନାକୋ। ଇନ୍‍କୁ ରାହାବିଆମ୍ କେ କାଜିକିଜାକୋ ଚି ସୁଲେମାନ୍ ଆକୋକେ ଥିମ୍ବା କାଠିନ୍ କାମି ରିକାକୋ ତାଇନାଏ ହାର୍ ଥିମ୍ବାଗି ମାଲ୍ ଗୁଜାରି ଇଦିତାଇନାଏ। ଇନ୍‍କୁ ରାହାବିଆମ୍ କେ ଆର୍ଜି କିଜାକୋ ଚି ଇନ୍‍କୁତେ କାଟୀଃ କାମି ରିକାକାଏ।

![](https://cdn.door43.org/obs/jpg/360px/obs-en-18-06.jpg)

ମେନ୍ଦୋ ରାହାବିଆମ୍ ଇନ୍‍କୁକେ ମାରାଙ୍ଗ୍ ଡ଼ୋଣ୍ଡୋ ଲେକା ବାଖାଣ କେଦାଏ, “ଆପେ କାଜିଆପେ ଚି ଇଙ୍ଗ୍ଆଃ ଆପୁ ସୁଲେମାନ୍ ଆପେକେ କାଠିନ୍ କାମୀ ଆଚୁକେଃପେୟାଏ। ମେନ୍ଦୋ ଇଙ୍ଗ୍ ଆପେକେ ଆଜାଃତେ ହଁଗି ଥିମ୍ବା କାଠିନ୍ କାମୀ ରିକାପେଇଙ୍ଗ୍, ହାର୍ ଇଙ୍ଗ୍ ଆଜାଃତେ ହଁଗି ଥିମ୍ବା ହାସୁ ଏମାପେଇଙ୍ଗ୍।”

![](https://cdn.door43.org/obs/jpg/360px/obs-en-18-07.jpg)

ଚିମ୍ତାଙ୍ଗ୍ ହୋଡ଼ୋକୋ ଆଏଃକେ ଏନ୍ କା କାଜିକେ ଆୟୁମ୍ କେଦାକୋ ଦୋ ଇନ୍କୁ ଆଜାଃ ବିରୁଧ୍ ରେ କାଜି ଜାନାକୋ। ହାର୍ ଦାଶ୍ କିଲି କୋ ଆଏଃକେ ବାଗେ ତିଜାକୋ: ଆଜାଃ ଲୋଃ ଭାଇର୍ ବାରିୟା କିଲିଗି ବାଚାଅନା। ନେ ବାରିୟା କିଲିଗି ଆକୋଗୀ ୟାହୁଦା ରାଇଜ୍ କାଜିଜାନା।

![](https://cdn.door43.org/obs/jpg/360px/obs-en-18-08.jpg)

ବାଚାଅକାନ୍ ଦାଶ୍ କିଲିରେନ୍ କୋ ୟାରୋବାମ୍ ନୁତୁମ୍ ରେନ୍ ମିୟାଃ ହୋଡ଼୍ କେ ଆକୋୱାଃ ରାଜା ବାଇକିଜକୋ। ନେ କିଲିରେନ୍ କୋ ଉତାର୍-ପୂର୍ବ୍ ରେ ତାଇନ୍ ତିନାକୋ। ଇନ୍‍କୁଗୀଗି ଇସ୍ରାଏଲ୍ ରାଇଜ୍ କାଜିଜାନାକୋ।

![](https://cdn.door43.org/obs/jpg/360px/obs-en-18-09.jpg)

ମେନ୍ଦୋ ୟାରୋବାମ୍ ପାର୍ମେଶ୍ଵାର୍ ରାଃ ବିରୁଦ୍ଦ ରେ କାଜି କେଦାଏ ହାର୍ ହୋଡ଼ୋକୋକେ ପାପ୍ ରିକାକେଃକୋୱାଏ। ଆଏଃ ଆଜାଃ ହୋଡ଼ୋକୋୱାଃତେ ଆରାଧାନା ଲାଗିନ୍ ବାରିୟା ମୂର୍ତି ବାଇକେଦାଏ। ଇନ୍‍କୁ ନାଆ ୟାହୁଦା ରାଇଜ୍ ରେ ୟିରୁସାଲେମ୍ ରେ ପାର୍ମେଶ୍ଵାର୍ ରାଃ ମାନ୍ଦିର୍ ରେ ଆଜାଃ ଆରାଧାନା ଲାଇତେ କାକୋ ସେନ୍ ଜାନା।

![](https://cdn.door43.org/obs/jpg/360px/obs-en-18-10.jpg)

ୟାହୁଦା ରାଇଜ୍ ହାର୍ ଇସ୍ରାଏଲ୍ ରାଇଜ୍ ବାଇରୀ ବାଇଯାନାକିନ୍ ହାର୍ ଚିମିନ୍ ଧାଅ ମିୟାଃ ଏଟାଃ ନିଜାଃ ବିରୁଦ୍ଦ ରେ ଲାପାଡ଼ାଇ ଏଟେଃ ଜାନାକିନ୍।

![](https://cdn.door43.org/obs/jpg/360px/obs-en-18-11.jpg)

ଇସ୍ରାଏଲ୍ ରାଃ ନାୱା ରାଇଜ୍ ରେ ସୋବେନ୍ ରାଜାକୋ ଦୁଷ୍ଟ ତାଇକେନାକୋ। ନେଣ୍ଡେତେ ଚିମିନ୍ ରାଜାକୋ ଆଜାଃ ଜାଗାରେ ରାଜା ବାଇଏନ୍ ସାନାଙ୍ଗ୍ କୋ ଏଟାଃ ଇସ୍ରାଏଲୀ କୋୱାଃତେ ଗୋଏଃ ଯାନାକୋ।

![](https://cdn.door43.org/obs/jpg/360px/obs-en-18-12.jpg)

ଇସ୍ରାଏଲ୍ ରାଇଜ୍ ରେନ୍ ରାଜକୋ ହାର୍ ଥିମ୍ବାତେ ଦୋ ହୋଡ଼ୋକୋ ମୂର୍ତି କୋୱାଃ ପୂଜା କେଦାକୋ, ଚିମ୍ତାଙ୍ଗ୍ ଇନ୍‍କୁ ନେକା କେଦାକୋ, ଆଡୋଃ ଇନ୍‍କୁ ପ୍ରାୟ ସାମାୟ୍ ରେ ବେଶ୍ୟାକୋଲୋଃ ଗିତିଇ ଜାନାକୋ ହାର୍ ନେତାଃ ସାନ୍ତେଚି ଚିମିନ୍ ଧାଅ ମୂର୍ତି କୋୱାଃ ଆୟୁର୍ ରେ ହୋନ୍ କୋକେ ଦାଣେ ରାକାବ୍ ତାଇନାକୋ।

![](https://cdn.door43.org/obs/jpg/360px/obs-en-18-13.jpg)

ୟାହୁଦା ରାଇଜ୍ ରେନ୍ ରାଜାକୋ, ଦାଉଦ୍ ରାଃ କିଲିରେନ୍ ତାଇକେନାକୋ। ନେ ରାଜା ଭିତାର୍ ରେ ଚିମିନ୍ କୋ ବୁଗିନ୍ ରାଜା ତାଇକେନାକୋ ଅକନ୍ କୋଚି ନିୟାମ୍ ଲେକାତେ ରାଇଜ୍ କେଦାକୋ ହାର୍ ପାର୍ମେଶ୍ଵାର୍ ରାଃ ଆରାଧାନା କେଦାକୋ। ମେନ୍ଦୋ ୟାହୁଦା ରେନ୍ ଥିମ୍ବା ରାଜାକୋ ଦୁଷ୍ଟ ତାଇକେନାକୋ। ଇନ୍‍କୁ ବୁରାଇତେ ରାଇଜ୍ କେଦାକୋ ହାର୍ ମୂର୍ତି କୋକେ ପୂଜା କେଦାକୋ। ନେତାଃ ସାନ୍ତେ ଚି ଚିମିନ୍ ରାଜାକୋ ଲୋଗୋ ଦେବବ୍ତା କୋୱାଃ ଆୟୁର୍ ରେ ଆକୋୱାଃ ହୋନ୍ କୋକେ ଅଗି ଦାଣେ ରାକାବ୍ କେଦାକୋ। ୟାହୁଦା ରାଇଜ୍ ରେନ୍ ଥିମ୍ବା ହୋଡ଼ୋକୋ ଅଗି ପାର୍ମେଶ୍ଵାର୍ ରାଃ ବିରୁଦ୍ଦରେ କାଜି କେଦାକୋ ହାର୍ ଏଟାଃ ଦେବ୍ତା କୋୱାଃ ପୂଜା କେଦାକୋ।

*ବାଇବାଲ୍ ମିୟାଃ କାହାନୀ:୧ ରାଜା ୧-୬; ୧୧-୧୨*

Audio: https://git.door43.org/OBS-TLF/unx_obs/releases/download/v1/unx_obs_v1_18_128kbps.m4a

## 19. ୧୯. ଆୟାର୍ କାଜି କାଜିକୋ(ନାବୀ କୋ)

https://openbiblestories.org/l/unx/story-19/

![](https://cdn.door43.org/obs/jpg/360px/obs-en-19-01.jpg)

ପାର୍ମେଶ୍ଵାର୍ ସୋବେନ୍ ଇମ୍ତାଙ୍ଗ୍ ଇସ୍ରାଏଲୀ କୋତାଃ ଆୟାର୍ କାଜି କାଜିତାନ୍ କୋକେ କୁଲ୍ କୋ ତାଇନାଏ। ଆୟାର୍ କାଜି କାଜିତାନ୍ କୋ ପାର୍ମେଶ୍ଵାର୍ ଏତେ କାଜିକେ ଆୟୁମ୍ ତିନାକୋ ହାର୍ ଏନାକେ ହୋଡ଼ୋକୋକେ ଉଦୁବ୍ ତିନାକୋ।

![](https://cdn.door43.org/obs/jpg/360px/obs-en-19-02.jpg)

ଚିମ୍ତାଙ୍ଗ୍ ଆହାବ୍ ଇସ୍ରାଏଲ୍ ରାଇଜ୍ ରେ ରାଜା ତାଇକେନାଏ ଦୋ ଏନ୍ ସାମାୟ୍ ଏଲିୟା ଆୟାର୍ କାଜି କାଜିନିଃ ତାଇକେନାଏ। ଆହାବ୍ ମିୟାଃ ଖାରାପ୍ ହୋଡ଼୍ ତାଇକେନାଏ। ଇନିଃ ଲୋଗୋ ବାଲ୍ ଦେବ୍ତା କୋକେ ପୂଜା ଲାଗିନ୍ତେ ହୋଡ଼ୋକୋକେ ଜାବ୍ରାଇ ଲେଃ କେଃ କୋଆଃଏ। ଏନାଲାଗିନ୍ ଏଲିୟା ଆହାବ୍ କେ କାଜିକିଜାଏ ଚି ପାର୍ମେଶ୍ଵାର୍ ଏନ୍ ହୋଡ଼ୋକୋକେ ଦାଣ୍ଡ ଏମ୍ ଲାଗିନ୍ ସାନାଙ୍ଗ୍ ତାନାଏ। ଏଲିୟା ଆହାବ୍ କେ କାଜିକିଜାଏ, “ଚିମ୍ତାଙ୍ଗ୍ ସାନ୍ ଇଙ୍ଗ୍ ଆଡୋଃଗି ଦାଆ ଗାମା ଲାଗିନ୍ କାଇଙ୍ଗ୍ କାଜିୟା ଏନ୍ ସାନ୍ ଇସ୍ରାଏଲ୍ ଦିଶୁମ୍ ରେ ଦାଆ କାଏ ଗାମାୟା ହାର୍ ଓସ୍ ହଁ କା ଉୟୁଗୋଗା।” ନେ ବାଖାଣ ରେ ଆହାବ୍ ଇମିନ୍ ଖିସ୍ ଜାନାଏ ଯେ ଇନିଃ ଏଲିୟା କେ ଗୋଏଃ ଲାଗିନ୍ ସାନାଙ୍ଗ୍ କେଦାଏ।

![](https://cdn.door43.org/obs/jpg/360px/obs-en-19-03.jpg)

ଏନାଲାଗିନ୍ ପାର୍ମେଶ୍ଵାର୍ ଏଲିୟା କେ କାଜିକିଜାଏ ଚି ଇନିଃ ଟନାଙ୍ଗ୍ ରେ ସେନ୍ କେତେ ଆହାବ୍ ଏତେ ଉକୁ କେନୋଃ କାଏ। ଏଲିୟା ଟନାଙ୍ଗ୍ ରେ ଏନ୍ ଝାରେନ୍ ତାଃ ସେନ୍ ଯାନାଏ ଅକତାଃ ରେ ପାର୍ମେଶ୍ଵାର୍ ଇନିଃ କେ ଉଦୁବ୍ ଲିଯାଏ। ସୋବେନ୍ ସେତାଆଃ ହାର୍ ସୋବେନ୍ ଶିଙ୍ଗୀ ଡୁବିଃ, ଅଡ଼େକୋ ଏଲିୟା ଲାଗିନ୍ ହୋଲୋଙ୍ଗ୍ ହାର୍ ମାସ୍ ଆଉକେତେ ହୁଜୁଃ ତିନାକୋ। ନେକାନ୍ ଖାସ୍ ସାମାୟ୍ ରେ, ଆହାବ୍ ରାଜା ହାର୍ ଆୟାଃ ସିପାହୀକୋ ଏଲିୟା କେ ଦାଣାରେ ତାଇନ୍ ତିନାକୋ, ମେନ୍ଦୋ ଇନିଃକେ ଦାଣା କାକୋ ଧାଡ଼ିଜାନା।

![](https://cdn.door43.org/obs/jpg/360px/obs-en-19-04.jpg)

ଦାଆ କା ଗାମା ରାଃ ତାୟୋମ୍ତେ ଏନ୍ ଝାର୍ନା ରୋହୋଡ଼୍ ଜାନା। ଏନାଲାଗିନ୍ ଏଲିୟା ମିୟାଃ ନାଡ଼େଏ ଦିଶୁମ୍ ରେ ସେନ୍ ଜାନାଏ। ଏନ୍ ଦିଶୁମ୍ ରେ ମିୟାଃ ଗାରିବ୍ ରାଣୀଆହି ତାଇକେନାଏ ଅକନିଜାଃ ମିୟାଃଗି ହୋନ୍ କୋଡ଼ା ତାଇକେନାଏ। ଇନ୍ କିନ୍ ତାଃ ଯୋଜୋମାଃ ଲାଗ୍ ଭାଗ୍ ଛାବା କାନ୍ ତାଇକେନା ଚିୟାଃଚି ଏନ୍ତାଃରେ ଜେତାନ୍ ଚାଷ୍ କା ହୋବାକାନ୍ ତାଇନା। ମେନ୍ଦୋ ଏନ୍ ରାଣୀଆହି ଏଲିୟାକେ ଜାତାନ୍ କିଜାଏ,ଏନାଲାଗିନ୍ ପାର୍ମେଶ୍ଵାର୍ ଏନ୍ ହୋନୋନ୍ ପେଜାଃ କିନ୍ଆଃ ଦାର୍କାର୍ ତେୟାଃ ପୁରା କେଦାଏ, ନେ ଲେକାତେ ହୋନୋନ୍ ପେଜାଃ କିନ୍ଆଃ ଆଟା ହାର୍ ଜାରକିନ୍ ରେ ଶୁନୁମ୍ ଚିଉଲା ଅଗି କା ଛାବା ଜାନା। ଏନ୍ ପୁରାଃଆ ଆକାଲ୍ ସାମାୟ୍ ରେୟଗି ଇନ୍ କିନ୍ ତାଃ ଯୋଜୋମାଃ ତାଇକେନା। ଏଲିୟା ଚିମିନ୍ ବାରାଶ୍ ସାନ୍ତେ ଏନ୍ତାଃ ରେ ତାଇଜାନାଏ।

![](https://cdn.door43.org/obs/jpg/360px/obs-en-19-05.jpg)

ଆପି ବାରାଶ୍ ଛାଅ ମାହିନା ସାମାୟ୍ ରାଃ ତାୟୋମ୍ତେ, ପାର୍ମେଶ୍ଵାର୍ ଏଲିୟା କେ କାଜିକିଜାଏ ଚି ଇନିଃ ଆଡୋଃ ମିଶା ଦାଆ ଗାମା ରିକାୟାଏ। ଇନିଃ ଏଲିୟା କେ ଇସ୍ରାଏଲ୍ ଦିଶୁମ୍ ରୁଆଡ଼୍ କେତେ ଆହାବ୍ ଲୋଃ ବାଖାଣ ଲାଗିନ୍ କାଜିକିଜାଏ। ଏନାଲାଗିନ୍ ଏଲିୟା ଆହାବ୍ ତାଃ ସେନ୍ ଜାନାଏ। ଚିମ୍ତାଙ୍ଗ୍ ଆହାବ୍ ଏଲିୟା କେ ନେଲ୍ କିଜାଏ ଦୋ ଇନିଃ କାଜିକେଦାଏ, ଆଛା ଆମ୍ ଗିଚି ସାମାସ୍ୟା ଯାନାମ୍ ନିଃ!” ଏଲିୟା କାଜିକିଜାଏ, “ସାମାସ୍ୟା କେ ଯାନାମ୍ ନିଃଦୋ ଆମ୍ ତାନ୍ ମେ!” ଆମ୍ ସାର୍ତି ଇଶ୍ଵାର୍ କେ ବାଗେ ତିଜାମ୍। ଇନିଃ ସାର୍ତି ପାର୍ମେଶ୍ଵାର୍ ତାନିଃ, ମେନ୍ଦୋ ଆମ୍ ବାଲ୍ ଦେବ୍ତା କୋକେ ପୂଜା ତାନାମ୍। ନାଆ ଆମ୍ ଇସ୍ରାଏଲ୍ ଦିଶୁମ୍ ରେନ୍ ସୋବେନ୍ ହୋଡ଼ୋକୋକେ କାର୍ମିଲ୍ ବୁରୁତେ ଆଉକୋମେ।”

![](https://cdn.door43.org/obs/jpg/360px/obs-en-19-06.jpg)

ଏନ୍ତେ: ସୋବେନ୍ କୋ କାର୍ମିଲ୍ ବୁରୁତେକୋ ସେନ୍ ଜାନା। ଏନ୍ ହୋଡ଼ୋକୋ କୋଗି ହିଜୁଃ ଲେନାକୋ ଅକନ୍ କୋ ବାଲ୍ ଦେବ୍ତା ରାଃ ସାନ୍ଦେଶ୍ ଉଦୁବ୍ ତିନାକୋ। ନେକୁ ସୋବେନ୍ ବାଲ୍ ଦେବ୍ତା ରେନ୍ ନାବୀକୋ ତାଇନ୍ କିନାକୋ। ଇନ୍‍କୁ ସୋବେନ୍ ୪୫୦ଝାନ୍ ତାଇକେନାକୋ। ଏଲିୟା ହୋଡ଼ୋକୋକେ କାଜିକେଦାଏ,”ଆପେମାନ୍ ଚିମିନ୍ ଦିନ୍ ସାନ୍ ଆପାଃନାଃ ମୋନ୍ ରୁଆଡ଼୍ କାତେୟାପେ? ଆଗାର୍ ୟାହୋବା ପାର୍ମେଶ୍ଵାର୍ ମେନିଯା ଦୋ ଆଜାଃ ଆରାଧାନା ଏପେ! ଆଗାର୍ ବାଲ୍ ଦେବ୍ତା ମେନିଃରେଦୋ ଆଜାଃ ଆରାଧାନା ଏପେ!”

![](https://cdn.door43.org/obs/jpg/360px/obs-en-19-07.jpg)

ଏନ୍ତେ ଏଲିୟା ବାଲ୍ ଦେବ୍ତା ରାଃ ନାବୀ କୋକେ କାଜିକେଦାଏ,”ମିୟାଃ ଉର୍ଇ ଦାଣେ କେତେ ଆଜାଃ ମାସ୍ କେ ଦାଣେ ଏମ୍ ଲାଗିନ୍ ମିୟାଃ ବେଦିରେ ମାଣ୍ଡାୟିପେ, ମେଣ୍ଡୋ ସେଙ୍ଗେଲ୍ ଆଲୋପେ ଯୁଲେୟା। ଏନାରାଃ ତାୟୋମ୍ତେ ଇଙ୍ଗ୍ଗୋଗି ଏନ୍ ଲେକା ରିକାୟାଇଙ୍ଗ୍, ହାର୍ ମିୟାଃ ଏଟାଃ ବେଦିଚେତାନ୍ ରେ ଇଙ୍ଗ୍ ଏନ୍ ମାସ୍ କେ ମାଣ୍ଡାଅ ଇଙ୍ଗ୍। ଆଗାର୍ ପର୍ମେଶ୍ଵାର୍ ବେଦି ଚେତାନ୍ ରେ ସେଙ୍ଗେଲ୍ ଉୟୁଃରେଦୋ ସାରିକେପେ ଚି ଇନିଃଗି ସାର୍ତି ପାର୍ମେଶ୍ଵାର୍ ତାନିଃ।” ଏନ୍ତେ ବାଲ୍ ଦେବ୍ତା ଗାଃ ଆୟାର୍ କାଜି କାଜିତାନ୍ କୋ ମିୟାଃ ଦାଣେ ଲାଗିନ୍ ବାଇକେଦାକୋ ମେନ୍ଦୋ ସେଙ୍ଗେଲ୍ କାକୋ ଯୁଲ୍ କେଦା।

![](https://cdn.door43.org/obs/jpg/360px/obs-en-19-08.jpg)

ଏନା ତାୟୋମ୍ତେ ବାଲ୍ ଦେବ୍ତା ରାଃ ଆୟାର୍ କାଜି କାଜିତାନ୍ କୋ ବାଲ୍ ଦେବ୍ତା ତାଃ ବିନ୍ତି କେଦାକୋ, “ହେ ବାଲ୍ ଦେବ୍ତା, ଆଲେୟାଃ ଆୟୁମ୍ ମେମ୍!” ସୋବେନ୍ ଶିଙ୍ଗୀ ସାଟୁବ୍ ଇନ୍‍କୁ ବିନ୍ତି କେଦାକୋ ହାର୍ କିର୍ଲାଅ କେଦାକୋ ହାର୍ ନେତାଃ ସାନ୍ତେ ଚି ଆକୋଗି କାତୁତେ ହାଃଆ ଜାନାକୋ, ମେନ୍ଦୋ ବାଲ୍ ଦେବ୍ତା କାଏ ଆୟୁମ୍ କେଦା, ହାର୍ ଇନିଃ ଜେତାନ୍ ସେଙ୍ଗେଲ୍ କାଏ ଉୟୁ କେଦା।

![](https://cdn.door43.org/obs/jpg/360px/obs-en-19-09.jpg)

ବାଲ୍ ଦେବ୍ତା ରାଃ ଆୟାର୍ କାଜି କାଜିତାନ୍ କୋ ବାଲ୍ ଦେବ୍ତା କେ ବିନ୍ତିତେ ମୂଷିଙ୍ଗ୍ ଶିଙ୍ଗୀ ସାଟୁବ୍ ହୋବାଜାନା। ଏନ୍ତେ:ଇନ୍‍କୁ ବିନ୍ତି ଲାଗିନ୍ ହକା ତାଦାକୋ। ଏନ୍ତେ ଏଲିୟା ଏଟାଃ ହୁଲାଙ୍ଗ୍ ମିଣ୍ଡି ରାଃ ମାସ୍ କେ ପାର୍ମେଶ୍ଵାର୍ ରାଃ ବେଦିରେ ମାଣ୍ଡାଅ ତାଦାଏ। ଏନାତାୟୋମ୍ତେ, ଇନିଃ ହୋଡ଼ୋକୋକେ ଦାଆ ଆଉଲାଗିନ୍ ମାପାରାଙ୍ଗ୍ ବାଲ୍ଟି କୋରେ ଘାଡା କୋରେ ଏନ୍ ମାରାଙ୍ଗ୍ ଦାଣେ ଏମ୍ ଚେତାନ୍ ରେ ଦୁଲ୍ ଲାଗିନ୍ କାଜିକେଦାଏ ଚି ଚିମିନ୍ ସାନ୍ ଚି ମାସ୍, ସାହାନ୍ ହାର୍ ନେତାଃ ସାନ୍ତେଚି ବେଦି ରାଃ ଆମ୍ନା-ସାମ୍ନା ରାଃ ସୋବେନ୍ ଅତେକୋ କା ଗିଲାଅ ସାନ୍ତେ।

![](https://cdn.door43.org/obs/jpg/360px/obs-en-19-10.jpg)

ଏନ୍ତେ ଏଲିୟା ବିନ୍ତି ଏଟେଃ କେଦାଏ,“ହେ ୟାହୋବା, ଆବ୍ରାହାମ୍, ଇଶାକ୍ ହାର୍ ୟାକୁବ୍ ରାଃ ପାର୍ମେଶ୍ଵାର୍ ଆଲେକେ ଦେଖାଅ ଲେମ୍ ଚି ଆମ୍ ଇସ୍ରାଏଲ୍ ରେନ୍ ପାର୍ମେଶ୍ଵାର୍ ତାନ୍ ମେ ହାର୍ ନେୟା ଚି ଇଙ୍ଗ୍ ଆମାଃ ଦାସୀ ତାନ୍ ନିଙ୍ଗ୍। ଇଙ୍ଗ୍ କେ ଉଦୁବେଇଙ୍ଗ୍ ମେ ଜେଚି ନେ ହୋଡ଼ୋକୋ ସାରିକାକୋ ଚି ଆମ୍ ସାର୍ତି ପାର୍ମେଶ୍ଵାର୍ ତାନ୍ ମେ।”

![](https://cdn.door43.org/obs/jpg/360px/obs-en-19-11.jpg)

ଇମ୍ତାଗି, ସିର୍ମାଏତେ ସେଙ୍ଗେଲ୍ ଉୟୁଃ ଜାନା ହାର୍ ଏନା ମାସ୍ କେ, ସାହାନ୍ କେ, ଦିରି, ହାସା ହାର୍ ନେତାଃ ସାନ୍ତେ ଚି ବେଦି ଏମ୍ ଆମ୍ନା-ସାମ୍ମଆ ରାଃ ଦାଆ କେଅଗି ଯୁଲ୍ ତାଦାଏ। ଚିମ୍ତାଙ୍ଗ୍ ହୋଡ଼ୋକୋ ନେୟା କେ ନେଲ୍ କେଦାକୋ, ଇନ୍‍କୁ ଅତେରେ ଉୟୁ ଜାନାକୋ ହାର୍ କାଜିକେଦାକୋ,” ୟାହୋବା ଗି ପାର୍ମେଶ୍ଵାର୍ ତାନିଃ! ୟାହୋବା ଗି ପାର୍ମେଶ୍ଵାର୍ ତାନିଃ!”

![](https://cdn.door43.org/obs/jpg/360px/obs-en-19-12.jpg)

ଏନ୍ତାଃଏତେ ଏଲିୟା କାଜିକେଦାଏ, “ବାଲ୍ ଦେବ୍ତା ଗାଃ ଆୟାର୍ କାଜି କାଜିତାନ୍ କୋ ଆଲୋକାକୋ ବାଚାଅଃକା!” ଏନାଲାଗିନ୍ ବାଲ୍ ଦେବ୍ତା ରାଃ ଆୟାର୍ କାଜି କାଜିତାନ୍ କୋକେ ସାବ୍ କେଦାକୋ ହାର୍ ଇନ୍‍କୁକେ ଏନ୍ତାଆଃ ଏତେ ଏଟାଃପାଡ଼୍ ଇଦିକେଦାକୋ ହାର୍ ଇନ୍‍କୁକେ ଗୋଏଃ ତାଦାକୋ।

![](https://cdn.door43.org/obs/jpg/360px/obs-en-19-13.jpg)

ଏନ୍ତେ ଏଲିୟା ଆହାବ୍ ରାଜାକେ କାଜିକେଦାଏ,”ଜାଲ୍ ଦିଗି ଆମାଃ ଅଡ଼୍ଆଃ ପାଡ଼୍ ତେ ନିର୍ ମେ, ଚିୟାଃଚି ଦାଆ ହିଜୁଃ ଲାଇମେନ୍ଆଃ।” ଇମ୍ତାଗି ରିମିଲ୍ ହେନ୍ଦେ ଜାନା, ହାର୍ ଥିମ୍ବାଗି ଦାଆ ସୁରୁଜାନା। ୟାହୋବା ଏନ୍ ମାରୁଡ଼ିକେ ଛାବା ତାଇନାଏ। ନେୟା ତେ ସାରିଜାନା ଚି ୟାହୋବା ଗି ସାର୍ତି ପାର୍ମେଶ୍ଵାର୍ ତାନିଃ।

![](https://cdn.door43.org/obs/jpg/360px/obs-en-19-14.jpg)

ଚିମ୍ତାଙ୍ଗ୍ ଏଲିୟା ଆଜାଃ କାମିଛାବା କେଦାଏ, ଏଣ୍ଡେ ପାର୍ମେଶ୍ଵାର୍ ଏଲିଶା ନୁତୁମ୍ ମିୟାଃ କଡ଼ାକେ ଆଜାଃ ଆୟାର୍ କାଜି କାଜି ଲାଗିନ୍ ଶାଲା କିଜାଏ। ପାର୍ମେଶ୍ଵାର୍ ଏଲିଶା ଏତେ ମାପାରାଙ୍ଗ୍ ଥିମ୍ବାଗୀ ଆକ୍ ଦାନ୍ଦା କାମି କେଦାଏ। ଏନାରେ ମିୟାଃ ଆକ୍ ଦାନ୍ଦା କାମି ନାମାନ୍ ରେ ହୋବାଜାନା। ଇନିଃ ମିୟାଃ ବାଇରୀ ରାଃ ସିପାହୀ କୋୱାଃ ମୁଖିଆ ତାଇକେନାଏ, ମେନ୍ଦୋ ଆଏଃକେ ହୋଡ଼୍ ମୋ ରାଃ ଚାମ୍‍ଡ଼ା ରେ ମିୟାଃ ରୋଗ୍ ହୋବାଲେନା। ନାମାନ୍ ଏଲିଶା ରାଃ ବାରେରେ ଆୟୁମ୍ ଲାଆଏ, ଏନାଲାଗିନ୍ ଇନିଃ ଏଲିଶା ରାଃ ନାଡ଼େଏ ସେନ୍ ଜାନାଏ ହାର୍ ଇନିଃ ଆଏଃକେ ବେସ୍ ରିକାଲାଗିନ୍ ଆର୍ଜି କିଜାଏ। ଏଲିଶା ନାମାନ୍ କେ କାଜିକିଜାଏ ଚି ସେନ୍ କେତେ ୟାର୍ଦାନ୍ ଗାଡ଼ା ରେ ସାତ୍ ବେର୍ ଦାଆରେ ଡ଼ୁବ୍ କିନ୍ ମେ।

![](https://cdn.door43.org/obs/jpg/360px/obs-en-19-15.jpg)

ନାମାନ୍ ଖିସ୍ ଜାନାଏ। ଇନିଃ ଏନ୍ କା ରିକାଲାଗିନ୍ ମାନା ତାଦାଏ, ଚିୟାଃଚି ଏନା ଆଏଃକେ ମୁରୁଖ କାମିଲେକା ଆଟ୍ କାରୀ ତିନା। ମେନ୍ଦୋ ତାୟୋମ୍ତେ ଆଜାଃ ମୋନ୍ କେ ରୁଆଡ଼୍ କେଦାଏ ହାର୍ ସେନ୍ କେତେ ୟାର୍ଦାନ୍ ଗାଡା ରାଃ ଦାଆରେ ସାତ୍ ବେର୍ ଡ଼ୁବ୍ କି ଜାନାଏ। ଚିମ୍ତାଙ୍ଗ୍ ଇନିଃ ଆଖ୍ରିରେ ଦାଆତେ ଅଡୋଙ୍ଗ୍ ଜାନାଏ ଦୋ ପାର୍ମେଶ୍ଵାର୍ ଇନିଃକେ ବୁଗିନ୍ ତିଜାଏ।

![](https://cdn.door43.org/obs/jpg/360px/obs-en-19-16.jpg)

ପାର୍ମେଶ୍ଵାର୍ ଇସ୍ରାଏଲ୍ ହୋଡ଼ୋକୋୱାଃ ନାଡ଼େଏରେ ଏଟାଃ ଥିମ୍ବାଗି ଆୟାର୍ କାଜି କାଜିତାନ୍ କୋକେ କୁଲ୍ କେଃକୋଏ। ଏନ୍ ସୋବେନ୍ ହୋଡ଼ୋକୋକେ ମୂର୍ତି ପୂଜାଲାଗିନ୍ ବାନ୍ଦ୍ ରିକା କାଜିକେଦାଏ। ଏନାଆଃ ତାୟୋମ୍ତେ, ଇନ୍‍କୁ ମିୟାଃ ଏଟାଃ ଲୋଃ ନେୟାଏ ଲେକାତେ ସେସେନ୍ ଚାହି ହାର୍ ମିହୋଡ଼୍ ଏଟାଃ ନିଜାଃ ଲୋଃ ଦାୟା ରିକାଏପେ। ଏନ୍ ଆୟାର୍ କାଜି କାଜିତାନ୍ କୋ ହୋଡ଼ୋକୋକେ ଚେତାଉନି ଏମ୍ କେଦାକୋ ଚି ଇନ୍‍କୁୱାଃ ଏତ୍କାନ୍ କାମୀକୋ ବାଗେ ତାକୋ ହାର୍ ପାର୍ମେଶ୍ଵାର୍ ରାଃ କାଜିକୋକେ ମାନାତିଙ୍ଗ୍ କାକୋ। ଆଗାର୍ ନେକା କାକୋ ରିକାଏ ରେଦୋ ପାର୍ମେଶ୍ଵାର୍ ଇନ୍‍କୁକେ ଦୋଷୀ ବାଇକେତେ ଇନ୍‍କୁୱାଃ ବିଚାର୍ ରିକାୟାଏ, ହାର୍ ଇନ୍‍କୁକେ ଦାଣ୍ଡ୍ ଏମାକୋୱାଏ।

![](https://cdn.door43.org/obs/jpg/360px/obs-en-19-17.jpg)

ଥିମ୍ବା ସମାୟ କୋରେ, ଏନ୍ ହୋଡ଼ୋକୋ ପାର୍ମେଶ୍ଵାର୍ ରାଃ ଆନାଚୁ କେ କାକୋ ମାନାତିଙ୍ଗ୍ ଜାନା। ମିଶା-ମିଶା ଇନ୍‍କୁ ଆୟାର୍ କାଜି କାଜିତାନ୍ କୋକେ ଖାରାପ୍ ବେବ୍ ହାର୍ କେଦାକୋ ହାର୍ ନେତାଃ ସାନ୍ତେଚି ମିଶା-ମିଶା ଇନ୍‍କୁକେ ଗୋଏଃ କେଦାକୋ। ମିଶା, ଇନ୍‍କୁ ଜିରିମିୟା ଆୟାର୍ କାଜି କାଜିନିଃ କେ ରୋହୋଡ଼୍ କୁଆଁ ରେ ଉୟୁ ତାଦାକୋ ହାର୍ ଇନିଃକେ ଏନ୍ତାଃରେ ଗୋଏଃ ଲାଗିନ୍ତେ ବାଗେ ତିଜାକୋ। ଇନିଃ କୁଆଁ ଭିତାର୍ ଲୋଷୋଅ ରେ ଫାଶେ ଲେନାଏ। ମେନ୍ଦୋ ଏନ୍ ସାମାୟ୍ ରେ ରାଜା ଇନିଜାଃରେ ଦାୟା ହିଜୁଃ ଲେନା ହାର୍ ରାଜା ଆଜାଃ ସିପାହୀ କୋକେ ଆଚୁ କେଦାଏ ଚି ଜିରିମିୟା କେ ଗୋଜୋଃ ରାଃ ସିଦା କୁଆଁତେ ବାହାରି ଥାଏଃ କିକାକୋ।

![](https://cdn.door43.org/obs/jpg/360px/obs-en-19-18.jpg)

ଆୟାର୍ କାଜି କାଜିତାନ୍ କୋ ହୋଡ଼ୋକୋ କାକୋ ମାନାତିଙ୍ଗ୍ ରେଅଗି ପାର୍ମେଶ୍ଵାର୍ ରାଃ ହୋରାତେ କାଜି ତିନାକୋ। ଇନ୍‍କୁ ହୋଡ଼ୋକୋକେ ଚେତାଅନି ଏମ୍ କେଦାକୋ ଚି ଆଗାର୍ ଇନ୍‍କୁ ମୋନ୍ କେ କାକୋ ରୁଆଡ଼୍ ଏରେ ପାର୍ମେଶ୍ଵାର୍ ଇନ୍‍କୁକେ ନାସ୍ ତାଆଏ। ଆୟାର୍ କାଜି କାଜିତାନ୍ କୋ ହୋଡ଼ୋକୋକେ ନେୟାଅଗି ପାହୋମ୍ ରିକା କେଦାଏ ଚି ପାର୍ମେଶ୍ଵାର୍ ଇନ୍‍କୁୱାଃ ନାଡ଼େଏରେ ମାସୀହ୍ କେ କୁଲ୍ ଲାଗିନ୍ କିରିୟା କାଦାଏ।

*ବାଇବାଲ୍ ମିୟାଃ କାହାନୀଅ; ୧ ରାଜା ୧୬-୧୮,୨ ରାଜା ୫: ଜିରିମିୟା ୩୮*

Audio: https://git.door43.org/OBS-TLF/unx_obs/releases/download/v1/unx_obs_v1_19_128kbps.m4a

## 20. ୨୦. ଥୋଲ୍ ଜାନାକୋ ହାର୍ ରୁଆଡ଼୍ ଜାନାକୋ

https://openbiblestories.org/l/unx/story-20/

![](https://cdn.door43.org/obs/jpg/360px/obs-en-20-01.jpg)

ଇସ୍ରାଏଲ୍ ରାଇଜ୍ ରେନ୍ କୋ ହାର୍ ୟହୁଦା ରାଇଜ୍ ରେନ୍ କୋ ମାନେ ବାରାନ୍ ରାଇଜ୍ ପାର୍ମେଶ୍ଵାର୍ ବିରୁଦ୍ଦ ରେ ପାପ୍ କେଦାକୋ। ଇନ୍‍କୁ ଏନ୍ କିରିୟାକେ ଠୋଏଃ ତାଦାକୋ ଅକନାଃ ଚି ପାର୍ମେଶ୍ଵାର୍ ଇନ୍‍କୁୱା ଲୋଃ ସିନାଏ ବୁରୁରେ ଥଲ୍ ଲେଦାଏ। ପାର୍ମେଶ୍ଵାର୍ ଇନ୍‍କୁୱା ମୋନ୍ କେ ରୁଆଡ଼୍ ଲାଗିନ୍ ହାର୍ ଆଡୋଃଗି ଆଜାଃ ଆରାଧାନା ଲାଇ ଚେତାଅ ଲାଗିନ୍ ଆଜାଃ ଆୟାର୍ କାଜି କାଜିତାନ୍ କୋକେ କୁଲ୍ କେଦାଏ, ମେନ୍ଦୋ ଇନ୍‍କୁ ଆଜାଃ କାଜିକେ କାକୋ ମାନାତିଙ୍ଗ୍ କେଦା।

![](https://cdn.door43.org/obs/jpg/360px/obs-en-20-02.jpg)

ଏନ୍ତେ ପାର୍ମେଶ୍ଵାର୍ ଇନ୍‍କୁୱାଃ ବାଇରୀକୋ ଇନ୍‍କୁକେ ନାଷ୍ଟ କାକୋ ମେନ୍ତେ ପେଡ଼େଏ ଏମ୍ କେତେ ବାରିୟା ରାଇଜ୍ କେ ଦାଣ୍ଡିତ୍ କେଦାଏ। ଆସୁର୍ ମିୟାଃ ଏଟାଃ ରାଇଜ୍ ତାଇକେନା ଏନା ପେଡ଼େଜାନ୍ ହୋବାକାନ୍ ନ୍ତାଇନାଏ। ଇନିଃ ଏଟାଃ ଦିଶୁମ୍ କୋକେ କାୟ ଦାୟା ତିନା। ଇନ୍‍କୁ ସେନ୍ କେତେ ଇସ୍ରାଏଲ୍ ଦିଶୁମ୍ କେ ନାଷ୍ଟ ତାଦାକୋ। ଆସୁରିୟୋକୋ ହିଜୁଃ କେତେ ଇସ୍ରାଏଲ୍ ରେନ୍ ହୋଡ଼ୋକୋକେ ଗୋଏଃ ତାଦାକୋ, ଅକନାଃ କେ ସାନାଙ୍ଗ୍ କେଦାକୋ ଏନାକେ ଇଦିକେଦାକୋ, ହାର୍ ଦିଶୁମ୍ ରାଃ ଚିମିନ୍ ଜାଗା କୋକେ ଯୁଲ୍ ତାଦାକୋ।

![](https://cdn.door43.org/obs/jpg/360px/obs-en-20-03.jpg)

ଆସୁରିୟୋ ରେନ୍ କୋ ସୋବେନ୍ ଆଗୁଆ, କିଶାଣ୍ କୋ, ହାର୍ ନେକାନ୍ ହୋଡ଼ୋକୋକେ ଅକନ୍ କୋଚି ଗୋନୋଙ୍ଗାନ୍ ଜିନିଷ୍ କୋକେ ବାଇ ଧାଡ଼ିତିନାକୋ ମିଃତାଃ ହୁଣ୍ଡି କେଃକୋୱାକୋ ହାର୍ ଇନ୍‍କୁ ଆକୋକେ ଆସୁର୍ ଦିଶୁମ୍ ଇଦିକେଦାକୋ। ଇସ୍ରାଏଲ୍ ରେ କାଟିଇଃ ଗି ଗାରିବ୍ ଇସ୍ରାଏଲୀ କୋ ବାଚାଅ ଯାନାକୋ।

![](https://cdn.door43.org/obs/jpg/360px/obs-en-20-04.jpg)

ଏନ୍ତେ ଆସୋରିୟୋ ରେନ୍ ହୋଡ଼ୋକୋ ଏନ୍ ଶିଦୁମ୍ ରେ ତାଇନ୍ ଲାଗିନ୍ ଏଟାଃ ଦିଶୁମ୍ ରେନ୍ ହୋଡ଼ୋକୋକେ ଆଉ କେଦାକୋ। ଏନ୍ ଏଟାଃ ଦିଶୁମ୍ ରେନ୍ ହୋଡ଼ୋକୋ ଏନ୍ ସାହାର୍ କୋକେ ଆଡୋଃମିଶା ବାଇରୁଆଡ଼୍ କେଦାକୋ। ଅକନ୍ ଇସ୍ରାଏଲୀ କୋ ଏନ୍ତାଃ ବାଚାଅ ଲେନାକୋ ଇନ୍‍କୁ ଲୋଃ ଇନ୍‍କୁ ଆଣାଦି ଜାନାକୋ। ନେ ହୋଡ଼ୋକୋୱାଃ ବାଂଶ୍ କୋକେ ସାମାରୀ କାଜିଜାନାକୋ।

![](https://cdn.door43.org/obs/jpg/360px/obs-en-20-05.jpg)

ୟାହୁଦା ରାଇଜ୍ ରେନ୍ ହୋଡ଼ୋକୋ ନେଲ୍ କେଦାକୋ ଚି ପାର୍ମେଶ୍ଵାର୍ ଚିଲ୍‍କା ଇନିଜାଃ ରେ କାକୋ ବିଶ୍ଵାସ୍ କେଦା ହାର୍ ଇନିଜାଃ କାଜିକେ କାକୋ ମାନାତିଙ୍ଗ୍ ରାଃ ଚାଲ୍ତେ ଇସ୍ରାଏଲ୍ ରାଇଜ୍ ରେନ୍ ହୋଡ଼ୋକୋକେ ଦାଣ୍ଡିତ୍ ଲେଃକୋୱାଏ। ମେନ୍ଦୋ ଏଣ୍ଡେଅଗି ଇନ୍‍କୁ କାନାନି କୋୱାଃ ବେଦ୍ତା ଗାଃ ମୂର୍ତିକୋକେ ପୂଜା କେଦାକୋ। ପାର୍ମେଶ୍ଵାର୍ ଇନ୍‍କୁକେ ଚେତାଅ ଲାଗିନ୍ ଆୟାର୍ କାଜି କାଜିତାନ୍ କୋକେ କୁଲ୍ କେଦାଏ, ମେନ୍ଦୋ ଇନ୍‍କୁ ଆୟୁମ୍ କାକୋ ସାନାଙ୍ଗ୍ କେଦା।

![](https://cdn.door43.org/obs/jpg/360px/obs-en-20-06.jpg)

ଲାଗ୍-ଭାଗ୍ ୧୦୦ ବାରାଶ୍ ରାଃ ତାୟୋମ୍ତେ ଆସୋରିୟୋ ରେନ୍ କୋ ଇସ୍ରାଏଲ୍ ରାଇଜ୍ କେ ନାଶ୍ ତାଦାକୋ। ପାର୍ମେଶ୍ଵାର୍ ବାବିଲୋନ୍ ରେନ୍ ରାଜା, ନାବୁକାଦନେସ୍ସାର୍ କେ ୟାହୁଦା ରାଃ ରାଇଜ୍ ଚେତାନ୍ ରେ ଲାଡ଼ାଇ ଲାଗିନ୍ କୁଲ୍ କିଜାଏ। ବାବିଲୋନ୍ ମିୟାଃ ପେଡ଼େଜାନ୍ ଦିଶୁମ୍ ତାଇକେନା। ୟାହୁଦା ରେନ୍ ରାଜା ନାବୁକାଦନେସ୍ସାର୍ ଗାଃ ଦାସୀ ବାଇଜାନାଏ ହାର୍ ସୋବେନ୍ ସିର୍ମା ଆଏଃକେ ଥିମ୍ବାଗି ଧାନ୍ ଏମ୍ ଲାଗିନ୍ ରାଜି ଜାନାଏ।

![](https://cdn.door43.org/obs/jpg/360px/obs-en-20-07.jpg)

ମେନ୍ଦୋ ହୁଡିଙ୍ଗ୍ ଶିର୍ମା ରାଃ ତାୟୋମ୍ତେ, ୟାହୁଦା ରେନ୍ ରାଜା ବାବିଲୋନ୍ ଚେତାନ୍ ରେ ବିଦ୍ରୋହ କେଦାଏ। ଏନ୍ତେ; ବାବିଲିୟୋନ୍ କୋ ହିଜୁଃ ରୁଆଡ଼୍ କେତେ ୟାହୁଦା ରାଇଜ୍ ଚେତାନ୍ ଲାଡ଼ାଇ କେଦାକୋ। ଇନ୍‍କୁ ୟୀରୁଶାଲେମ୍ ସାହାର୍ କେ ଜିତାଅ କେଦାକୋ, ମାନ୍ଦିର୍ କୋକେ ଧାଶୂଡ୍ ତାଦାକୋ, ହାର୍ ସାହାର୍ ହାର୍ ମାନ୍ଦିର୍ ରାଃ ସୋବେନ୍ ଧାନ୍ କୋକେ ରେଏଃ କେଦାକୋ।

![](https://cdn.door43.org/obs/jpg/360px/obs-en-20-08.jpg)

ବିଦ୍ରୋହ ଚାଲ୍ତେ ୟାହୁଦା ରେନ୍ ରାଜା କେ ଶାଜାଇ ଏମ୍ ଲାଗିନ୍, ନାବୁକାଦନେସ୍ସାର୍ ରାଃ ସିପାହୀ କୋ ରାଜା ଗାଃ ହୋନ୍ କୋଡ଼ା କୋକେ ଇନିଜାଃ ନାଡ଼େଏରେ ଗୋଏଃ କେଃକୋୱାକୋ ହାର୍ ଇନିଃ କେ ଆନ୍ଦା ତିଜାକୋ। ଏନାରାଃ ତାୟୋମ୍ତେ, ଇନ୍‍କୁ ରାଜାକେ ଇଦି କିଜାକୋ ଏନାତେ ବାବିଲୋନ୍ ରାଃ ଜେଲ୍ ଅଡ଼୍ଆଃ ରେ ଗୋଏଃ କେନୋଃ କାଏ।

![](https://cdn.door43.org/obs/jpg/360px/obs-en-20-09.jpg)

ନାବୁକାଦନେସ୍ସାର୍ ହାର୍ ଆଜାଃ ସିପାହୀ କୋ ୟାହୁଦା ରାଇଜ୍ ରେନ୍ ଲାଗ୍-ଭାଗ୍ ସୋବେନ୍ ହୋଡ଼ୋକୋକେ ବାବିଲୋନ୍ ତେ ଇଦି କେଃକୋୱାକୋ, ଖାଲି ଗାରିବ୍ ହୋଡ଼ୋକୋକେ ବାଗେ ତାଦାକୋ ତାକି ଇନ୍‍କୁ ଲୟୋଙ୍ଗ୍ ରେ ଚାଷ୍ କାମିକାକୋ। ନେ ସମାୟ ରାଃ କାଜି କେ ଥୋଲ୍ ଜାନାକୋ କାଜିକାନା, ଅକନାଃ ଏତେ ପାର୍ମେଶ୍ଵାର୍ ରାଃ ହୋଡ଼ୋକୋକେ କିରିୟା କାନ୍ ଦିଶୁମ୍ତେ ଅଡୋଙ୍ଗ୍ ଲାଗିନ୍ ଜାବ୍ରାଇ ରିକାଲେନା।

![](https://cdn.door43.org/obs/jpg/360px/obs-en-20-10.jpg)

ପାର୍ମେଶ୍ଵାର୍ ଆଜାଃ ହୋଡ଼ୋକୋକେ ଆକୋୱାଃ ପାପ୍ ଲାଗିନ୍ ଥଲ୍ କେତେ ଇଦିଜାନ୍ ରାଃ ହୋରାତେ ଦାଣ୍ଡିତ୍ ଲେଃକୋୱାଏ, ଏଣ୍ଡେଅଗି ଇନିଃ ଆକୋକେ ଆଜାଃ କିରିୟା କାନ୍ କେ କାଏ ରିଡ଼ିଙ୍ଗ୍ ଲେଦାଏ। ପାର୍ମେଶ୍ଵାର୍ ଆଜାଃ ହୋଡ଼ୋକୋକେ ମେଏଃ ତେ ନେଲ୍ ହୋରୋ ମାଣ୍ଡାଅ କେଃକୋୱାଏ ହାର୍ ଆଜାଃ ଆୟାର୍ କାଜି କାଜିତାନ୍ କୋୱାଃ ହୋରାତେ ଇନ୍‍କୁଲୋଃ ବାଖାଣ ତାଇକେନାଏ। ଇନିଃ କିରିୟା କେଦାଏ ଚି ୭୦ ବାରାଷ୍ ରାଃ ତାୟୋମ୍ତେ, ଇନ୍‍କୁ ଆଡୋଃମିଶା କିରିୟାକାନ୍ ଦିଶୁମ୍ତେ ରୁଆଡ଼୍ ହିଜୁଃୱାକୋ।

![](https://cdn.door43.org/obs/jpg/360px/obs-en-20-11.jpg)

ଲାଗ୍-ଭାଗ୍ ୭୦ ବାରାଷ୍ ରାଃ ତାୟୋମ୍ତେ, ଫାରାସ୍ ରେନ୍ ରାଜା କୁସୃ ବାବିଲୋନ୍ କେ ହାରାଅ କେଦାଏ, ଏନାଲାଗିନ୍ ବାବିଲୋନ୍ ରାଃ ରାଇଜ୍ ହୋବାଅଃ ଜାଗାରେ ଫାରାସ୍ ରାଃ ରାଇଜ୍ ଚିମିନ୍ ଦିଶୁମ୍ କୋରେ ରାଇଜ୍ କେଦାଏ। ଇସ୍ରାଏଲୀ କୋ ନାଆ ୟାହୁଦୀ କାଜିଅଃ ତାଇନାକୋ। ଇନ୍‍କୁଏତେ ଥିମ୍ବାଗି ହୋଡ଼ୋକୋ ଆପାନାଃ ପୁରା ଜୀଦାନ୍ କେ ବାବିଲୋନ୍ ରେ ବିତାଅ ଲେଦାକୋ। ହୁଡିଙ୍ଗ୍ କାନ୍ ଚିମିନ୍ ହାଡ଼ାମ୍ ୟାହୁଦୀ କୋକେ ଭାଇର୍ ୟାହୁଦା ରାଃ ଦିଶୁମ୍ କେ ମୋନେ ତାଇକେନା।

![](https://cdn.door43.org/obs/jpg/360px/obs-en-20-12.jpg)

ଫାରାସୀକୋ ଥିମ୍ବାଗି ପେଡ଼େଜାନ୍ ତାଇକେନାକୋ, ମେନ୍ଦୋ ଇନ୍‍କୁ ଆକୋ ଜିତାଅ କାନ୍ ହୋଡ଼ୋକୋ ଚେତାନ୍ ରେ ଦାୟା କେଦାକୋ। ଫାରାସୀ କୋୱାଃ ରାଜା ବାଈଏନ୍ ରାଃ କାଟୀଃ ସାମାୟ୍ ରାଃ ତାୟୋମ୍ତେ, କୁସୃ ରାଜା ଆନାଚୁ ଏମ୍ କେଦାଏ ଚି ଜେତାଏଗି ୟାହୁଦୀ କୋ ୟାହୁଦା ଦିଶୁମ୍ ରୁଆଡ଼୍ ସାନାଙ୍ଗ୍ ରେଦୋ, ଇନିଃ ଫାରାସୀତେ ଅଡୋଙ୍ଗ୍ କେତେ ୟାହୁଦା ଦିଶୁମ୍ ରୁଆଡ଼୍ କାଏ। ନେତାଃ ସାନ୍ତେଚି ଇନିଃ ଇନ୍‍କୁକେ ମାନ୍ଦିର୍ ବାଇଲାଗିନ୍ ଧାନ୍ ହଗି ଏମ୍ କେଦାଏ। ଏନ୍ତେ: ଥଲାକାନ୍ ରାଃ ସାତାର୍ ବାରାଷ୍ ତାୟୋମ୍ତେ, ୟାହୁଦୀ କୋୱାଃ ମିୟାଃ ହୁଡିଙ୍ଗ୍ ଝୁଣ୍ଡ୍ ୟାହୁଦା ଦିଶୁମ୍ ରେ ୟୀରୁଶାଲେମ୍ ସାହାର୍ ତେ ରୁଆଡ଼୍ ଜାନାକୋ।

![](https://cdn.door43.org/obs/jpg/360px/obs-en-20-13.jpg)

ଚିମ୍ତାଙ୍ଗ୍ ଏନ୍ ହୋଡ଼ୋକୋ ୟୀରୁଶାଲେମ୍ ସେଟେର୍ ଜାନାକୋ ଦୋ ଇନ୍‍କୁ ମାନ୍ଦିର୍ କେ ହାର୍ ସାହାର୍ ରାଃ ସୋବେନ୍ ପାଡ଼୍ ରାଃ ଘେରା-ଭୀତ୍ କେ ବାଇରୁଆଡ଼୍ କେଦାକୋ। ଫାରାସୀ ହୋଡ଼ୋକୋ ନାଆ ଅଗି ଇନ୍‍କୁୱାଃ ଚେତାନ୍ ରେ ରାଇଜ୍ ତିନାକୋ ମେନ୍ଦୋ ଆଡୋଃମିଶା ଇନ୍‍କୁ କିରିୟା କାନ୍ ଦିଶୁମ୍ ରେ ତାଇୟୋତାଇନାକୋ ହାର୍ ମାନ୍ଦିର୍ ରେ ଆରାଧାନା ତାଇନାକୋ।

*ବାଇବାଲ୍ ମିୟାଃ କାହାନୀ; ୨ ରାଜା ୧୭;୨୪-୨୫; ୨ କିଲି [ବାଂଶ] ୩୬; ଏଜ୍ରା ୧-୧୦ ନେହେମିୟା ୧-୧୩*

Audio: https://git.door43.org/OBS-TLF/unx_obs/releases/download/v1/unx_obs_v1_20_128kbps.m4a

## 21. ୨୧. ପାର୍ମେଶ୍ଵାର୍ ମାସୀହ୍ ରାଃ କିରିୟା ଏମ୍ ତାନାଏ

https://openbiblestories.org/l/unx/story-21/

![](https://cdn.door43.org/obs/jpg/360px/obs-en-21-01.jpg)

ଚିମ୍ତାଙ୍ଗ୍ ପାର୍ମେଶ୍ଵାର୍ ନେ ଅତେଦିଶୁମ୍ କେ ବାଇଲାଆଏ, ଇନିଃ ସାରିତାଇନାଏ ଚି ଇନିଃକେ ତାୟୋମ୍ତେ ଜାହୁଲାଙ୍ଗ୍ ମାସୀହ୍ କୁଲ୍ ହୋବାଅଃୱା। ଇନିଃ ଆଦାମ୍ ହାର୍ ହାୱା କିନ୍ତେ କିରିୟା କେଦାଏ ଚି ଇନିଃ ନେକା ରିକାୟାଏ। ଇନିଃ କାଜିକେଦାଏ ଚି ହାୱାତେ ମିୟାଃ ବାଂଶ୍ ଯାନାମ୍ ଇଦିୟାଏ ଅକଏ ବିଙ୍ଗ୍ ରାଃ ଭୋଅକେ ତିକା ସେରେଦେୟାଏ। ଅକନ୍ ବିଙ୍ଗ୍ ହାୱା କେ ଲୋଗୋ କିଜାଏ ଇନିଃଗି ଶାଏତାନ୍ ତାଇକେନାଏ। ପାର୍ମେଶ୍ଵାର୍ ରାଃ କାଜି ରାଃ ମାନେ ତାଇକେନା ମାସୀହ୍ ଯାଲେକାତେ ଶାଏତାନ୍ କେ ହାରାୟିଆଏ।

![](https://cdn.door43.org/obs/jpg/360px/obs-en-21-02.jpg)

ପାର୍ମେଶ୍ଵାର୍ ଆବ୍ରାହାମ୍ କେ କିରିୟା ଲାଆଏ ଚି ଆଜାଃ ହୋରାତେ ଅତେଦିଶୁମ୍ ରେନ୍ ସୋବେନ୍ କିଲିରେନ୍ କୋ ଆଶିଷ୍ ନାକେୟାକୋ। ପାର୍ମେଶ୍ଵାର୍ ତାୟୋମ୍ତେ ଯାହାନ୍ ସାମାୟ୍ ରେଅଗି ମାସୀହ୍ କେ କୁଲ୍ ରାଃ ହୋରାତେ ନେ କିରିୟା କାନ୍ ତେୟାଃ କେ ପୁରାଆଏ। ଏନ୍ ମାସୀହ୍ ଅତେଦିଶୁମ୍ ରେନ୍ ସୋବେନ୍ ଜାତି କୋଏତେ ହୋଡ଼ୋକୋକେ ଆକୋୱାଃ ପାପ୍ ଏତେ ଛଡ଼ାଅ କୋୱାଏ।

![](https://cdn.door43.org/obs/jpg/360px/obs-en-21-03.jpg)

ପାର୍ମେଶ୍ଵାର୍ ମୁଶାକେ କିରିୟା କେତେ କାଜିଲିଯାଏ ଯେ ହିଜୁଃ ସାମାୟ୍ ରେ ଇନିଃ ମୁଶା ନାବୀ ଲେକା ମିୟାଃ ଏଟାଃ ଆୟାର୍ କାଜି କାଜିନିଃ(ନାବୀ) କେ କୁଲେଆଏ। ନେ ଆୟାର୍ କାଜି କାଜିନିଃ ମାସୀହ୍ ହୋବାଅଗାଏ। ନେଲେକାତେ, ପାର୍ମେଶ୍ଵାର୍ ଆଡୋଃ ମିଶା କିରିୟା କେଦାଏ ଚି ଇନିଃ ମାସୀହ୍ କେ କୁଲେଆଏ।

![](https://cdn.door43.org/obs/jpg/360px/obs-en-21-04.jpg)

ପାର୍ମେଶ୍ଵାର୍ ଦାଉଦ୍ ରାଜାକେ କିରିୟା ଏମ୍ ଲିଜାଏ ଚି ଇନିଜାଃ ମିୟାଃ ବାଂଶ୍ ଏତେ ମାସୀହ୍ ହୋବାଅଗାଏ। ଇନିଃ ରାଜା ହୁୟୋଗାଏ ହାର୍ ପାର୍ମେଶ୍ଵାର୍ ରାଃ ହୋଡ଼ୋକୋୱାଃ ଚେତାନ୍ ସୋବେନ୍ ହୁଲାଙ୍ଗ୍ ଲାଗିନ୍ତେ ରାଇଜ୍ ଏୟାଏ।

![](https://cdn.door43.org/obs/jpg/360px/obs-en-21-05.jpg)

ପାର୍ମେଶ୍ଵାର୍ ୟେରିମିୟା ନାବୀ ଲୋଃ ବାଖାଣ୍ କେଦାଏ ହାର୍ କାଜିକେଦାଏ ଚି ମୂଷିଙ୍ଗ୍ ହୁଲାଙ୍ଗ୍ ଇନିଃ ମିୟାଃ ନାୱାଃ ନିୟାମ୍ ଥୋଲେଆଏ। ଏନ୍ ନାୱାଃ ନିୟାମ୍ ଇସ୍ରାଏଲୀ କୋଲୋଃ ସିନାଇ ବୁରୁରେ ଥଲାକାନ୍ ମାରି ନିୟାମ୍ ଲେକା କାହୋବାୱା। ଚିମ୍ତାଙ୍ଗ୍ ହୋଡ଼ୋକୋଲୋଃ ଇନିଃ ଆଜାଃ ନାୱାଃ ନିୟାମ୍ କେ ଥଲେଆଏ, ଦୋ ଇନିଃ ଇନ୍‍କୁୱାଃରେ ଆପାନ୍ କେ ହୋଡ଼ୋ ରାଃ ଲେକା ଉଦୁବୋଗାଏ। ସୋବେନ୍ ମିପୀୟାଃ ହୋଡ଼କୋ ଆଏଃକେ ଦୁଲାଡ଼୍ ମାଣ୍ଡାଅୟାକୋ ହାର୍ ଆଜାଃ ଆଇନ୍ କେ ମାନାତିଙ୍ଗ୍ ଲାଗିନ୍ ସାନାଙ୍ଗ୍ ଏୟାଏ। ପାର୍ମେଶ୍ଵାର୍ କାଜିକେଦାଏ ଚି ନେୟା ଆଜାଃ ଆଇନ୍ କେ ଇନ୍‍କୁୱାଃ ହିରିଦାୟ ରେ ଅଲ୍ କେଃ ଲେକା ହୋବାୱାଃ। ଇନ୍‍କୁ ଆଜାଃ ହୋଡ଼ୋ ହୋୟୋଗାକୋ, ହାର୍ ପାର୍ମେଶ୍ଵାର୍ ଇନ୍‍କୁୱାଃ ପାପ୍ କୋକେ ଛାମା ୟାଏ। ଇନିଃ ମାସୀହ୍ ହୁୟୋଗାଏ ଇନ୍‍କୁୱାଃଲୋଃ ଏନ୍ ନାୱାଃ ନିୟାମ୍ କେ ଥୋଲେୟାଏ।

![](https://cdn.door43.org/obs/jpg/360px/obs-en-21-06.jpg)

ପାର୍ମେଶ୍ଵାର୍ ରାଃ ନାବୀ କୋ ନେୟା ଅଗି କାଜିକେଦାକୋ ଚି ମାସୀହ୍ ମିୟାଃ ନାବୀ ହୋବାୱାଃଏ। ମିୟାଃ ନାବୀ ଏନ୍ ହୋଡ଼୍ ତାନିଃ ତାନିଃ ଅକଏ ପାର୍ମେଶ୍ଵାର୍ ରାଃ ବାଚାନ୍ କେ ଆୟୁମ୍ ଏୟାଏ ଏନ୍ତେ ହୋଡ଼ୋକୋକେ ପାର୍ମେଶ୍ଵାର୍ ରାଃ ବାଚାନ୍ କେ ଉଦୁବେୟାଏ। ଅକନିଃ କେ କୁଲେଲାଗିନ୍ ପାର୍ମେଶ୍ଵାର୍ କିରିୟା ଲେଦାଏ ଇନିଃ ମାସୀହ୍ ପୁରା ନାବୀ କାଜିଅଗାଏ। ମାନେ ଏନ୍ ମାସୀହ୍ ପାର୍ମେଶ୍ଵାର୍ ରାଃ ବାଚାନ୍ କେ ବୁଗିନ୍ ଲେକାତେ ଆୟୁମେୟାଏ, ହାର୍ ଇନିଃ ହୋଡ଼ୋକୋକେ ଏନ୍ ବାଚାନ୍ କେ ବୁଗିନ୍ ଲେକାତେ ଶିଖାଅ ୟାଏ।

![](https://cdn.door43.org/obs/jpg/360px/obs-en-21-07.jpg)

ଇସ୍ରାଏଲୀ ୟାଜାକ୍ କୋ ହୋଡ଼ୋକୋ ଲାଗିନ୍ ପାର୍ମେଶ୍ଵାର୍ ରାଃ ଆୟୁର୍ ରେ ଦାଣେ ରାକାବ୍ କାକୋ ବାଗେ କେଦା। ନେ ଦାଣେ ହୋଡ଼ୋକୋୱାଃ ପାପ୍ ଲାଗିନ୍ତେ ଇନ୍‍କୁକେ ପାର୍ମେଶ୍ଵାର୍ ରାଃ ହୋରାତେ ଦାଣ୍ଡ ଏମୋଃତେ ଏନ୍ ଜାଗାରେ ଦାଣେ ଏମ୍ ତିନାକୋ। ୟାଜାକ୍ କୋ ହୋଡ଼ୋକୋ ଲାଗିନ୍ ହଗି ବିନ୍ତି ତିନାକୋ। ମେନ୍ଦୋ, ଏନ୍ ମାସୀହ୍ ପୁରା ତାଇୟାର୍ କାନ୍ ମାରାଙ୍ଗ୍ ୟାଜାକ୍ ହୁୟୋଗାଏ। ଅକନିଃ ପାର୍ମେଶ୍ଵାର୍ କେ ଏମ୍ ଲାଗିନ୍ ମିୟାଃ ତାଇୟାର୍ କାନ୍ ଦାଣେ ରାଃ ଲେକାତେ ଆପାନ୍ କେ ରାକାବ୍ ତାଆଏ। ମାନେ, ଇନିଃ ଚିଉଲା କାଏ ପାପ୍ ଏୟା, ଚିମ୍ତାଙ୍ଗ୍ ଇନିଃ ଆପାନ୍ କେ ଦାଣେ ଲାଗିନ୍ ଏମେଆଏ, ଦୋ ଅତେଦିଶୁମ୍ ରାଃ ଜେତାନ୍ ଦାଣେ ଏମ୍ କା ପାଡ଼ାଅଗା।

![](https://cdn.door43.org/obs/jpg/360px/obs-en-21-08.jpg)

ହୋଡ଼ୋକୋୱାଃ ଚେତାନ୍ ରେ ରାଜା ହାର୍ ମାପାରାଙ୍ଗ୍ କୋ ରାଇଜ୍ ଏଆକୋ, ହାର୍ ଇନ୍‍କୁ ସାମାୟ୍-ସାମାୟ୍ ରେ ଗାଲ୍ତି ୟାକୋ। ଦାଉଦ୍ ରାଜା ଇସ୍ରାଏଲୀ କୋକେ ଭାଇର୍ ରାଇଜ୍ କେଦାଏ, ମେନ୍ଦୋ ରାଜା ଦାଉଦ୍ ରାଃ କିଲି ଏତେ ମାସୀହ୍ ସୋବେନ୍ ଅତେଦିଶୁମ୍ ରେ ରାଇଜ୍ ଏୟାଏ, ହାର୍ ସୋବେନ୍ ହୁଲାଙ୍ଗ୍ ଲାଗିନ୍ ରାଇଜ୍ ଏୟାଏ। ନେୟା ବାଗିକେତେ, ଇନିଃ ସୋବେନ୍ ହୁଲାଙ୍ଗ୍ ସାନ୍ ବୁଗିନ୍ ଲେକାତେ ରାଇଜ୍ ଏୟାଏ, ହାର୍ ଠିକ୍ ଲେକାତେ ବିଚାର୍ ଏୟାଏ।

![](https://cdn.door43.org/obs/jpg/360px/obs-en-21-09.jpg)

ପାର୍ମେଶ୍ଵାର୍ ରାଃ ନାବୀ କୋ ମାସୀହ୍ ରାଃ ବିଶାୟ ରେ ଥିମ୍ବାଗି କାଜିକୋ କାଜିଲାଆକୋ। ଉଦାହାରାନ୍ ଲାଗିନ୍, ମାଲାଖି କାଜିକେଦାଏ ଚି ମାସୀହ୍ ରାଃ ହିଜୁଃ ରାଃ ସୀଦାରେ ମିୟାଃ ଏଟାଃ ନାବୀ ହିଜୁଃଗାଏ। ଏନ୍ ନାବୀ ଥିମ୍ବାଗି ଖାସ୍ ହୋବାଅଗାଏ। ନେୟା ବାଗି କେତେ, ୟାଶାୟାହ୍ ନାବୀ ଅଲ୍ କେଦାଏ ଚି ମାସୀହ୍ ମିୟାଃ କୁଆଁରି ଡ଼ିଣ୍ଡା କୁଡ଼ି ତେ ଯାନାମ୍ ଇଦିଆଏ। ହାର୍ ମିକା ନାବୀ କାଜିକେଦାଏ ଚି ମାସୀହ୍ ବାଇଥେଲେମ୍ ହାତୁରେ ଯାନାମ୍ ଇଦିଆଏ।

![](https://cdn.door43.org/obs/jpg/360px/obs-en-21-10.jpg)

ୟାଶାୟାହ୍ ନାବୀ କାଜିକେଦାଏ ଚି ମାସୀହ୍ ଗାଲିଲ୍ ଜାଗା ରେ ତାଇନୋଗାଏ। ଅକନ୍ ହୋଡ଼ୋକୋ ଥିମ୍ବା ଦୁକୁରେ ମେନାକୋଆ ମାସୀହ୍ ଇନ୍‍କୁକେ ଶାନ୍ତି ଏମାକୋୱାଏ। ଇନିଃ ଥଲାକାନ୍ କୋକେ ଅଗି ରାଡ଼ା କୋୱାଏ। ମାସୀହ୍ ବିମାର୍ ହୋବାକାନ୍ କୋକେ ହାର୍ ଅକୋଏକୋ କାକୋ ଆୟୁମ୍ ଏଆ, ନେଲ୍ କାକୋ ଧାଡ଼ିୟା, କାଜି କାକୋ ଧାଡ଼ିୟା, ୟାଦ ସେସେନ୍ କାକୋ ଧାଡ଼ିୟା ଇନ୍‍କୁକେ ୟଗି ଚାଙ୍ଗାଇ କୋୱାଏ।

![](https://cdn.door43.org/obs/jpg/360px/obs-en-21-11.jpg)

ୟାଶାୟାହ୍ ନାବୀ ନେୟାଅଗି କାଜିକେଦାଏ ଚି ହୋଡ଼ୋକୋ ମାସୀହ୍ କେ କାକୋ ଦୁଲାଡ଼ ଈୟା ହାର୍ ଇନିଃକେ ଗ୍ରାହାନ୍ ଲାଗିନ୍ କାକୋ ସାନାଙ୍ଗିୟା। ଏଟାଃ ନାବୀ କୋ କାଜିକେଦାକୋ ଚି ମାସୀହ୍ ରାଃ ମିୟାଃ ଗାତି ଆଜାଃ ବିରୁଦ୍ଦରେ ବିରିଦାଏ। ଯିଖାରିୟା ନାବୀ କାଜିକେଦାଏ ଚି ଆଜାଃ ନେ ଗାତି ନେକା ରିକାଏ ଲାଗିନ୍ ଏଟାଃ ହୋଡ଼ୋକୋଏତେ ରୂପା ରାଃ ତିରିସ୍ ଶିକ୍କା ଇଦିୟାଏ। ନେୟା ବାଗି କେତେ, ଚିମିନ୍ ନାବୀକୋ କାଜିକେଦାକୋ ଚି ହୋଡ଼ୋକୋ ମାସୀହ୍ କେ ଗୋଜିୟାକୋ, ହାର୍ ଇନ୍‍କୁ ଆଜାଃ ଲିଜାଃ କେ ଇଦି ଲାଗିନ୍ ଖୁଡ଼ଖୁଡ଼ି ଏନେଜାକୋ।

![](https://cdn.door43.org/obs/jpg/360px/obs-en-21-12.jpg)

ନାବୀ କୋ ନେୟା ଅଗି କାଜିକେଦାକୋ ଚି ମାସୀହ୍ ଚିଲ୍ଲକା ଗୋଯୋଗାଏ। ୟାଶାୟାହ୍ ନାବୀ ଆୟାର୍ କାଜି-କାଜିକେଦାଏ ଚି ମାସୀହ୍ କେ ବେଜି ୟାକୋ, ଆଏଃକେ ମାଜାଃକ୍ ୟୀଆକୋ, ହାର୍ ଆଏଃକେ ବିଡ଼ାଇୟାକୋ। ଇନ୍‍କୁ ଆଏଃକେ ହୋଟୋର୍ ୟିଆକୋ ହାର୍ ଆଏଃ ମାରାଙ୍ଗ୍ ଦୁକୁ ହାର୍ ହାସୁରେ ଗୋଏଃ କେନୋଗାଏ, ଯାବ୍ ଚି ଆଏଃ ଜେତାନ୍ ଗାଲ୍ତି ଅଗି କାୟ ରିକାକାଆଏ।

![](https://cdn.door43.org/obs/jpg/360px/obs-en-21-13.jpg)

ନାବୀ କୋ ନେୟା ୟଗି ଉଦୁବ୍ କେଦାକୋ ଚି ମାସୀହ୍ କାଏ ପାପ୍ ଏୟା। ଇନିଃ ସିଦ୍ଧ ତାଇନାଏ। ମେନ୍ଦୋ ଇନିଃ ନେୟାଲାଗିନ୍ ଗୋଯୋଗାଏ ଚି ପାର୍ମେଶ୍ଵାର୍ ଇନିଃ କେ ଏଟାଃ ହୋଡ଼ୋକୋୱାଃ ପାପ୍ ରାଃ ଚାଲ୍ତେ ଦାଣ୍ଡ୍ ଇୟାଏ। ଇନିଃ ଗୋଜୋଃ ରାଃ ଚାଲ୍ତେ ହୋଡ଼ୋକୋ ପାର୍ମେଶ୍ଵାର୍ ଲୋଃ ମେଶାନ୍ ଧାଡ଼ିୟୋଗାକୋ। ନେୟା ଲାଗିନ୍ ପାର୍ମେଶ୍ଵାର୍ ସାନାଙ୍ଗ୍ ତାଇନାଏ ଚି ମାସୀହ୍ ଗୋଜୋଃ କାଏ।

![](https://cdn.door43.org/obs/jpg/360px/obs-en-21-14.jpg)

ନାବୀକୋ ନେୟା ୟଗି ଉଦୁବ୍ କେଦାକୋ ଚି ପାର୍ମେଶ୍ଵାର୍ ମାସୀହ୍ କେ ଗୋଜୋଃ କାନ୍ କୋଏତେ ଜୀବିରିଦ୍ ଇଆଏ। ନେୟା ଉଦୁବେୟାଏ ଚି ନେୟା ସୋବେନ୍ ନାୱାଃ ନିୟାମ୍ କେ ଥୋଲେ ଲାଗିନ୍ ପାର୍ମେଶ୍ଵାର୍ ରାଃ ସାନାଙ୍ଗ୍ ତାଇକେନା, ଏନାତେ ଇନିଃ ଏନ୍ ହୋଡ଼ୋକୋକେ ବାଞ୍ଚାଅ ଧାଡ଼ିକୋୱାଏ ଅକନ୍ କୋ ଇନିଜାଃ ବିରୁଦ୍ଦ ରେ ପାପ୍ କାଦାକୋ।

![](https://cdn.door43.org/obs/jpg/360px/obs-en-21-15.jpg)

ପାର୍ମେଶ୍ଵାର୍ ନାବୀକୋକେ ମାସୀହ୍ ରାଃ ବିଶାୟରେ ଥିମ୍ବାଗି କାଜିକୋ ଉଦୁବ୍ କେଦାଏ, ମେନ୍ଦୋ ମାସୀହ୍ ଏନ୍ ନାବୀ କୋ ଜିହିଃ କାନ୍ ସାମାୟ୍ ରେ କାଏ ହିଜୁଃ କାନ୍ ଲେନା। ନେ ଆୟାର୍ କାଜି କାଜିତାନ୍ ରାଃ ୪୦୦ ଏତେ ଥିମ୍ବା ବାରାସ୍ ରାଃ ତାୟୋମ୍ତେ, ଠିକ୍ ସାମାୟ୍ ରେ, ପାର୍ମେଶ୍ଵାର୍ ମାସୀହ୍ କେ ନେ ଅତେଦିଶୁମ୍ ରେ କୁଲ୍ କେଦାଏ।

*ବାଇବାଲ୍ ମିୟାଃ କାହାନୀ; ଶିର୍ଜା; ୩; ୧୫;୧୨;୧-୩ ଦ୍ୱିତୀୟ ବିବରଣ ୧୮:୧୫; ୨ଶାମୁୟେଲ ୭; ଯିରିମିୟା ୩୧; ୟାଶାୟାହ୍ ୫୯:୧୬; ଦାନିୟେଲ ୭; ମଲାଖି ୪:୫ ୟାଶାୟାହ୍ ୭:୧୪; ମୀଖା ୫:୨; ୟାଶାୟାହ୍ ୯:୧-୭; ୩୫:୩-୫; ୬୧; ୫୩; ଦୁରାଙ୍ଗ୍ ପୁଥି୨୨:୧୮; ୩୫:୧୮; ୬୯:୪; ଯିଖରିୟ ୧୧:୧୨-୧୩; ୟାଶାୟାହ୍ ୫୦:୬; ଦୁରାଙ୍ଗ୍ ପୁଥି ୧୬:୧୦-୧୧*

Audio: https://git.door43.org/OBS-TLF/unx_obs/releases/download/v1/unx_obs_v1_21_128kbps.m4a

## 22. ୨୨. ଯୋହାନ୍ ରାଃ ଜାନାମ୍

https://openbiblestories.org/l/unx/story-22/

![](https://cdn.door43.org/obs/jpg/360px/obs-en-22-01.jpg)

ସୀଦା ସାମାୟ୍ ରେ, ପାର୍ମେଶ୍ଵାର୍ ଆଜାଃ ନାବୀକୋଲୋଃ ବାଖାଣ୍ ଲେଦାଏ ଏନାଲାଗିନ୍ ଇନ୍‍କୁ ହୋଡ଼ୋକୋଲୋଃ ବାଖାଣ୍ ତାଇକେନାକୋ। ମେନ୍ଦୋ ଏନ୍ ସାମାୟ୍ ଏତେ ଇଦିକେତେ ୪୦୦ ବାରାଶ୍ ଫାରୋମ୍ ଶାନ୍ ଇନିଃ ଇନ୍‍କୁଲୋଃ କାଏ ବାଖାଣ୍ ଲେଦାଏ। ଏନ୍ତେ ପାର୍ମେଶ୍ଵାର୍ ଜିଖାରିୟା ନୁତୁମ୍ ମିୟାଃ ନାବୀ ରାଃ ନାଡ଼େଏ ମିୟାଃ ସିର୍ମାଦାସୀ କେ କୁଲ୍ କିଜାଏ। ଜିଖାରିୟା ହାର୍ ଆଜାଃ କୁଡ଼ି ପାର୍ମେଶ୍ଵାର୍ କେ ମାଇନ୍ ଇତିନାକିନ୍। ଇନ୍ କିନ୍ ଥିମ୍ବାଗି ହାଡ଼ାମ୍ ବୁଡି ନେନାକିନ୍, ହାର୍ ଇନ୍ କିନ୍ ଆଃ ଜେତାନ୍ ହୋନ୍ ଗାଣା କାକୋତାଇନ୍ କେନା।

![](https://cdn.door43.org/obs/jpg/360px/obs-en-22-02.jpg)

ଏନ୍ ସିର୍ମାଦାସୀ ଜିଖାରିୟା କେ କାଜିକିଜାଏ, “ଆମାଃ କୁଡ଼ି ଗାଃତେ ମିୟାଃ କୋଡ଼ାହୋନ୍ ଯାନାମ୍ ଅଗାଏ। ଆମ୍ ଇନିଜାଃ ନୁତୁମ୍ ଯୋହାନ୍ ମାଣ୍ଡାଅ ଏମେ। ପାର୍ମେଶ୍ଵାର୍ ଇନିଃ କେ ପାବିତାର୍ ଆତ୍ମା ତେ ଫେରେଜ୍ ଇୟାଏ, ହାର୍ ଯୋହାନ୍ ହୋଡ଼ୋକୋକେ ମାସୀହ୍ କେ ଗ୍ରାହାନ୍ ଲାଗିନ୍ତେ ବାଇ କୋୱାଏ।” ଜିଖାରିୟା କାଜି କେଦାଏ, “ଇଙ୍ଗ୍ ହାର୍ ଇଙ୍ଗ୍ଆଃ କୁଡ଼ି ହୋନ୍ ଯାନାମେ ଲାଗିନ୍ ଥିମ୍ବାଗି ହାଡ଼ାମ୍ ବୁଡି କାନାଲିଙ୍ଗ୍! ଇଙ୍ଗ୍ ଚିଲିକା ସାରିଇଙ୍ଗ୍ ଯେ ଆମ୍ ଇଙ୍ଗ୍ କେ ସାର୍ତି କାଜିତାନାମ୍?”

![](https://cdn.door43.org/obs/jpg/360px/obs-en-22-03.jpg)

ଏନ୍ ସିର୍ମାଦାସୀ ଜିଖାରିୟା କେ କାଜି କେଦାଏ, “ଆମାଃ ନାଡ଼େଏ ନେ ବୁଗିନ୍ ସାନ୍ଦେଶ୍ କେ ଆଉୱେ ଲାଗିନ୍ ଇଙ୍ଗ୍ ପାର୍ମେଶ୍ଵାର୍ ପାଡ଼୍ ଏତେ କୁଲାକାନିଙ୍ଗ୍। ଚିୟାଃଚି ଆମ୍ ଇଙ୍ଗ୍ଆଃରେ କାମ୍ ବିଶ୍ଵାସ୍ କେଦା, ଏନାଲାଗିନ୍ ହୋନ୍ ଆଉରି ଯାନାମ୍ ସାନ୍ତେ ଆମ୍ କାଜି କାମ୍ ଧାଡ଼ିୟାମ୍।” ଇମ୍ତାଙ୍ଗ୍ ଗି, ଯିଖାରିୟା କାଜି କାଏ ଧାଡ଼ିଜାନା। ଏନ୍ତେ ଏନ୍ ସିର୍ମାଦାସୀ ଯିଖାରିୟା ରାଃ ନାଡ଼େଏ ସେନୋଃ ଜାନାଏ। ଏନାରାଃ ତାୟୋମ୍ତେ, ଯିଖାରିୟା ଅଡ଼୍ଆଃ ତେ ରୁଆଡ଼୍ ଜାନାଏ ହାର୍ ଇନିଜାଃ କୁଡ଼ି ହୋଡ଼ମୋ ରେ ତାଇନ୍ ଜାନାଏ।

![](https://cdn.door43.org/obs/jpg/360px/obs-en-22-04.jpg)

ଚିମ୍ତାଙ୍ଗ୍ ଏଲିଶିବା ଛାଅ ମାହିନା ରାଃ ହୋଡ଼ମୋ ରେ ତାଇଲେନାଏ, ଦୋ ଏନ୍ ସିର୍ମାଦାସୀ ଇମ୍ତାଗି ଏଲିଶିବା ରାଃ ପେଡ଼ାକୋତାଃ ନେଲ୍ ଜାନାଏ, ଅକନିଜାଃ ନୁତୁମ୍ ମାରିୟାମ୍ ତାଇକେନା। ମାରିୟାମ୍ ଡିଣ୍ଡା କୁଡ଼ି ତାଇକେନାଏ ହାର୍ ଆଣାଦି ଲାଗିନ୍ ଜୋସେଫ୍ ନୁତୁମ୍ ମିୟାଃ କୋଡ଼ା ଲୋଃ ଇନ୍ କିନ୍ଆଃ ଲୋଟାଦାଆ ହୋବାଲେନା। ସିର୍ମାଦାସୀ କାଜିକେଦାଏ,”ଆମ୍ ହୋଡ଼ମୋ ରେ ତାଇନାମ୍ ହାର୍ ମିୟାଃ କୋଡ଼ାହୋନ୍ ଜାନାମିୟାମ୍। ଆମ୍ କେ ଇନିଜାଃ ନୁତୁମ୍ ଯୀଶୁ ମାଣ୍ଡାଅ ମେନାଃ। ଇନିଃ ମାଗାଙ୍ଗ୍-ପେଡ଼େଜାନ୍ ପାର୍ମେଶ୍ଵାର୍ ଗାଃ କୋଡ଼ାହୋନ୍ ହୋବାଅଗାଏ ହାର୍ ସୋବେନ୍ ହୁଲାଙ୍ଗ୍ ସାନ୍ତେ ରାଇଜ୍ ଏୟାଏ।”

![](https://cdn.door43.org/obs/jpg/360px/obs-en-22-05.jpg)

ମାରିୟାମ୍ କାଜିକେଦାଏ,”ନେୟା ଚିଲିକା ହୋବାଅଗା, ଚିୟାଃଚି ଇଙ୍ଗ୍ ଡିଣ୍ଡା ଗିୟାଇଙ୍ଗ୍?” ଏନ୍ ସିର୍ମାଦାସୀ ବିଝାଅ କିଜାଏ, “ପାବିତାର୍ ଆତ୍ମା ଆମାଃରେ ହିହୁଗା, ହାର୍ ପାର୍ମେଶ୍ଵାର୍ ରାଃ ପେଡ଼େଏ ଆମ୍ କେ ଉମ୍ବୁଲ୍ ମେୟାଏ। ଏନାମେନ୍ତେ ଏନ୍ ବାଲେଃ ହୋନ୍ ପାବିତାର୍ ହୋବାଃଅ ଆଏ, ହାର୍ ଇନିଃ ପାର୍ମେଶ୍ଵାର୍ ରାଃ ହୋନ୍ କୋଡ଼ା ହୋବାଃଅ ଆଏ।” ସିର୍ମାଦାସୀ ଅକନାଃ ଆଏଃକେ କାଜିଲାଆଏ ଏନାକେ ମାରିୟାମ୍ ବିଶ୍ଵାସ୍ କେଦାଏ।

![](https://cdn.door43.org/obs/jpg/360px/obs-en-22-06.jpg)

ନେୟା ହୋବାଃଅ ତାୟୋମ୍ତେ ସେକାଡ଼୍ ଗି, ମାରିୟାମ୍ ସେନ୍ କେତେ ଏଲିଶିବା ଲୋଃ ଭେଟ୍ ଜାନାଏ। ଚିଲ୍ କା ମାରିୟାମ୍ ଇନିଃକେ ଜୋହାର୍ କିଜାଏ, ଏଲିଶିବା ଗାଃ ହୋନ୍ ଆଜାଃ ଲାହେଃ ଭିତାର୍ ରେ ଏନେଃ ଜାନାଏ। ଇନ୍ କିନାଃ ଲାଗିନ୍ତେ ପାର୍ମେଶ୍ଵାର୍ ଅକନାଃ ରିକା ଲାଆଏ ଏନାରେ ଏନ୍‍ ବାରାନ୍ କୁଡ଼ି କିନ୍ ମିଶାତେ ରାଶିକା ଜାନାକିନ୍। ଏଲିଶିବା ଲୋଃ ଆପୀ ମାହିନା ତାଇଯାନ୍ ରାଃ ତାୟୋମ୍ତେ, ମାରିୟାମ୍ ଅଡ଼୍ଆଃତେ ରୁଆଡ଼୍ ଜାନାଏ।

![](https://cdn.door43.org/obs/jpg/360px/obs-en-22-07.jpg)

ଏନାରାଃ ତାୟୋମ୍ତେ, ଏଲିଶିବା ଆଜାଃ ହୋନ୍ କେ ଯାନାମ୍ କିଜାଏ। ଜିଖାରିୟା ହାର୍ ଏଲିଶିବା ଏନ୍ ହୋନ୍ ରାଃ ନୁତୁମ୍ ଯୋହାନ୍ ମାଣ୍ଡାଅ କେଦାକିନ୍, ଜେଲେକା ଚି ଏନ୍ ସିର୍ମାଦାସୀ ଆଚୁ ଲେଃକିନାଏ। ଏନ୍ତେ ପାର୍ମେଶ୍ଵାର୍ ଜିଖାରିୟା କେ ବାଖାଣ୍ ଲାଗିନ୍ ପେଡ଼େଏ ଏମ୍ କିଜାଏ। ଇମ୍ତା ଜିଖାରିୟା କାଜିକେଦାଏ, “ପାର୍ମେଶ୍ଵାର୍ ରାଃ ମାନାରାଙ୍ଗ୍ ହୋବାଅଃକା, ଚିୟାଃଚି ଇନିଃ ଆଜାଃ ହୋଡ଼ୋକୋକେ ଦେଙ୍ଗା ଲାଗିନ୍ ମୋନେ ମାଣ୍ଡାଅ କାଦାଏ! ହେ ଇଙ୍ଗ୍ଆଃ ହୋନ୍, ଆମ୍ ସୋବେନ୍ତେ-ପେଡ଼େଜାନ୍ ପାର୍ମେଶ୍ଵାର୍ ରାଃ ନାବୀ ବାୟୋଗାମ୍। ଆମ୍ ହୋଡ଼ୋକୋକେ ଉଦୁବେ ୟାମ୍ ଚି ଇନ୍‍କୁ ଚିଲିକା ଆକୋୱାଃ ପାପ୍ କୋଲାଗିନ୍ ଛାମା ନାମେୟାକୋ!”

*ବାଇବାଲ୍ ମିୟାଃ କାହାନୀ; ଲୁକା୧*

Audio: https://git.door43.org/OBS-TLF/unx_obs/releases/download/v1/unx_obs_v1_22_128kbps.m4a

## 23. ୨୩. ୟୀଶୁ ରାଃ ଯାନାମ୍

https://openbiblestories.org/l/unx/story-23/

![](https://cdn.door43.org/obs/jpg/360px/obs-en-23-01.jpg)

ଯୋଶେଫ୍ ନୁତୁମ୍ ମିୟାଃ ଧାର୍ମି ହୋଡ଼୍ ଲୋଃ ମାରିୟାମ୍ ଗାଃ ଲୋଟାଦାଆ ହୋବାଛାବାଲେନା। ଚିମ୍ତାଙ୍ଗ୍ ଇନିଃ ଆୟୁମ୍ କେଦାଏ ଚି ମାରିୟାମ୍ ହୋଡ଼ମୋ ରେ ମେନିଯା ଦୋ ଇନିଃ ସାରିତାଇନାଏ ଚି ଇନିଃ ଆଜାଃ ହୋନ୍ ନାହାଲାଏ। ମେନ୍ଦୋ, ଇନିଃ ମାରିୟାମ୍ କେ ବାଦ୍ନାମ୍ କାଏ ସାନାଙ୍ଗ୍ ତିନା, ଏନାଲାଗିନ୍ ଇନିଃ ଇନିଃଜାଃ ଚେତାନ୍ ରେ ଦାୟା ଲାଗିନ୍ ହାର୍ ଇନିଃ କେ ହାପା-ହାପା ବାଗେ ଲାଗିନ୍ ପାହୋମ୍ କେଦାଏ। ମେନ୍ଦୋ ନେୟାରାଃ ସୀଦା ଚି ଇନିଃ ନେକା ରିକାଏତେୟାଏ, ମିୟାଃ ସିର୍ମାଦାସୀ ଇନିଜାଃ କୁମୁରେ ହିଜୁଃକେତେ ଇନିଃଲୋଃ ବାଖାଣ କେଦାଏ।

![](https://cdn.door43.org/obs/jpg/360px/obs-en-23-02.jpg)

ସିର୍ମାଦାସୀ କାଜିକେଦାଏ, “ହେ ଯୋଶେଫ୍, ମାରିୟାମ୍ କେ ଅମାଃ କୁଡ଼ି ବାଇ ଲାଗିନ୍ ଆଲୋମ୍ ବୋରୋୟା। ଇନିଜାଃ ଲାହେଃରେ ଅକନ୍ ହୋନ୍ ମେନିଯା ଇନିଃ ପାବିତାର୍ ଆତ୍ମା ପାଡ଼୍ ଏତେ ତାନିଃ। ଇନିଃ ମିୟାଃ ହୋନ୍ କୋଡ଼ା କେ ଯାନାମ୍ ଇୟାଏ। ଇନିଜାଃ ନୁତୁମ୍ ୟୀଶୁ ମାଣ୍ଡାଅ ଏମେ {ନେୟାରାଃ ଆର୍ତ ତାନାଃ, ‘ପାର୍ମେଶ୍ଵାର୍ ବାଞ୍ଚାଅ ଆଏ’}, ଚିୟାଃଚି ଇନିଃ ହୋଡ଼ୋକୋକେ ଆକୋୱାଃ ପାପ୍ ଏତେ ବାଞ୍ଚାଅ କୋୱାଏ।”

![](https://cdn.door43.org/obs/jpg/360px/obs-en-23-03.jpg)

ଏନ୍ତେ, ଯୋଶେଫ୍ ମାରିୟାମ୍ କେ ଆଣାଦି ଜାନାଏ ହାର୍ ଇନିଃକେ ଆଜାଃ କୁଡ଼ି ବାଇକେତେ ଅଡ଼୍ଆଃ ଆଉଲିଯାଏ, ମେନ୍ଦୋ ଇନିଜାଃ ହୋନ୍ ଯାନାମ୍ ସାନ୍ତେ ଯୋଶେଫ୍ ମାରିୟାମ୍ ଲୋଃ କାଏ ଗିତିଃ ଜାନା।

![](https://cdn.door43.org/obs/jpg/360px/obs-en-23-04.jpg)

ଚିମ୍ତାଙ୍ଗ୍ ମାରିୟାମ୍ କେ ବୁଗିୟୋଃ ରାଃ ସାମାୟ୍ ନାଡ଼େଏ ହିଜୁଃ ଲେନା, ଦୋ ଇନିଃ ହାର୍ ଯୋଶେଫ୍ ବାଇତୁଲାମ୍ ସାହାର୍ ତେ ସେନ୍ ଲାଗିନ୍ ମିୟାଃ ସାଙ୍ଗିନ୍ ହୋରା ସେନ୍ ଏଟେଃ କେଦାକିନ୍। ଇନ୍ କିନ୍ କେ ଏନ୍ତାଃ ସେନ୍ ଗି ତାଇକେନା ଚିୟାଃଚି ରୋମ୍ ସାର୍କାର୍ ଇସ୍ରାଏଲ୍ ଦିଶୁମ୍ ରେନ୍ ସୋବେନ୍ ହୋଡ଼ୋକୋକେ ଲେକାଲାଗିନ୍ ସାନାଙ୍ଗ୍ ତାଇନାଏ। ଇନ୍‍କୁ ସାନାଙ୍ଗ୍ ତିନାକୋ ଚି ସୋବେନ୍ ହୋଡ଼ୋକୋ ଏନ୍ତାଃ ସେନ୍ କାକୋ ଅକତାଃରେ ଇନ୍‍କୁୱାଃ ପୁର୍ଖାକୋ ତାଇନ୍ ତିନାକୋ। ଦାଉଦ୍ ରାଜା ଗାଃ ଯାନାମ୍ ବାଇତୁଲାମ୍ ସାହାର୍ ରେ ହୋବାଲେନା। ହାର୍ ଇନିଃ ମାରିୟାମ୍ ହାର୍ ଯୋଶେଫ୍ ବାରାନ୍ କିନାଃ ପୁର୍ଖା ହାଡ଼ାମ୍ ତାଇକେନାଏ।

![](https://cdn.door43.org/obs/jpg/360px/obs-en-23-05.jpg)

ମାରିୟାମ୍ ହାର୍ ଯୋଶେଫ୍ ବାଇତୁଲାମ୍ ସାହାର୍ ସେଟେର୍ ଯାନାକିନ୍, ମେନ୍ଦୋ ଇନ୍ କିନାଃ ତାଇନ୍ ଲାଗିନ୍ ଜାଗା କା ତାଇକେନା। ପାଶୁକୋ ତାଇନ୍ ଗୋଣାରେ ଇନ୍ କିନ୍ ଜାଗା ନାମ୍ କେଦାକିନ୍। ମାରିୟାମ୍ ଆଜାଃ ହୋନ୍ କେ ଏନ୍ ଜାଗା ରେଗି ଯାନାମ୍ କିଜାଏ। ଇନ୍ କିନ୍ ଏନ୍ ହୋନ୍ କେ ଉରିଃକୋୱାଃ ଡାଡ୍‍କା ରେ ଗିତିଃ ତିଜାକିନ୍ ଚିୟାଃଚି ଏନ୍ତାଃରେ ଇନିଜାଃ ଲାଗିନ୍ ଜେତାନ୍ ଗିଇଃଜାଟି କା ତାଇକେନା। ଇନ୍ କିନ୍ ଇନିଜାଃ ନୁତୁମ୍ ୟୀଶୁ ମାଣ୍ଡାଅ କେଦାକିନ୍।

![](https://cdn.door43.org/obs/jpg/360px/obs-en-23-06.jpg)

ଏନ୍ ନୁବାଃ, ଏନ୍ତାଃ ନାଡ଼େଏ ରାଃ ପୀଡ଼ିରେ ଚିମିନ୍ ଗୁପିକୋ ଆକୋୱାଃ ମିଣ୍ଡିକୋକେ ହୋରୋ ତିନାକୋ। ଇମ୍ତାଗି, ମିୟାଃ ସିର୍ମାଦାସୀ ମାସ୍କାଲ୍ ଲୋଃ ଏନ୍ତାଃରେ ନେଲ୍ ଜାନାଏ, ହାର୍ ଇନ୍‍କୁ ବୋରୋଜାନାକୋ। ଏନ୍ ସିର୍ମାଦାସୀ କାଜିକେଦାଏ, “ଆଲୋପେ ବୋରୋୟା, ଚିୟାଃଚି ଇଙ୍ଗ୍ଆଃ ତାଃ ଆପେୟାଃ ଲାଗିନ୍ ବୁଗିନ୍ କାଜି ମେନାଗା। ବାଇତୁଲାମ୍ ସାହାର୍ ରେ ମାସୀହ୍, ଯାନାମ୍ କାନାଏ!”

![](https://cdn.door43.org/obs/jpg/360px/obs-en-23-07.jpg)

“ସେନ୍ କେତେ ଏନ୍ ବାଲେଃ ହୋନ୍ କେ ଦାଣାଇପେ, ହାର୍ ଆପେ ଇନିଃ କେ ଲିଜାଃରେ ଉୟୁକାନ୍ ଲୋଃ ହାର୍ ଡାଡ୍‍କା ରେ ଗିତିଃ କାନ୍ ନାମିୟାପେ।” ଇମ୍ତାଗି, ରିମିଲ୍ ଦିଶୁମ୍ ସିର୍ମାଦାସୀକୋତେ ଫେରେଃ ଜାନାକୋ। ଇନ୍‍କୁ ପାର୍ମେଶ୍ଵାର୍ ମାନାରାଙ୍ଗ୍ ତିନାକୋ। ଇନ୍‍କୁ କାଜିତିନାକୋ, “ସୋବେନ୍ ମାନାରାଙ୍ଗ୍ ସିର୍ମାଦିଶୁମ୍ ରେ ତାଇନ୍ ପାର୍ମେଶ୍ଵାର୍ କେ ନାମୋଃକା। ଅତେଦିଶୁମ୍ ରେ ଏନ୍ ହୋଡ଼ୋକୋ ଲାଗିନ୍ ଶାନ୍ତି ହୋବାଅଃକା ଅକୋନ୍ କୋ ନାଙ୍ଗ୍ ଇନିଃ ପାହୋମ୍ କାତେୟାଏ।”

![](https://cdn.door43.org/obs/jpg/360px/obs-en-23-08.jpg)

ଏନ୍ତେ ସିର୍ମାଦାସୀକୋ ସେନୋଃ ଜାନାକୋ। ଏନ୍ ମିଣ୍ଡୀଗୁପି କୋ ଆକୋୱାଃ ମିଣ୍ଡିକୋକେ ବାଗେ କେତେ ବାଲେଃ ହୋନ୍ କେ ନେଲ୍ ଲାଗିନ୍ ସେନ୍ ଜାନାକୋ। ସେକାଡ଼୍ ଗି ଇନ୍‍କୁଏନ୍ ଜାଗାରେ ସେଟେର୍ ଯାନାକୋ ହାର୍ ଇନ୍‍କୁ ଇନିଃକେ ଗୋଣା ରାଃ ଡାଡ୍‍କାରେ ଗିତିଃକାନ୍ ନେଲ୍ କିଜାକୋ, ଜେଲେକା ଚି ଏନ୍ ସିର୍ମାଦାସୀ କାଜିଲେଦାଏ। ଇନ୍‍କୁ ଥିମ୍ବାଗି ରାଶିକାନ୍ ତାଇକେନାକୋ। ଏନ୍ତେ ଏନ୍ ମିଣ୍ଡୀ ଗୁପିତାନ୍ କୋ ଏନ୍ତା ରୁଆଡ଼୍ ଜାନାକୋ ଅକୋତାଃ ଇନ୍‍କୁୱାଃ ମିଣ୍ଡୀକୋ ତାଇକେନାକୋ। ଇନ୍‍କୁ ଅକନାଃକୋ ଆୟୁମ୍ ଲାଆକୋ ହାର୍ ନେଲ୍ ଲେଦାକୋ ଏନ୍ ସୋବେନ୍ ଲାଗିନ୍ ଇନ୍‍କୁ ପାର୍ମେଶ୍ଵାର୍ ରାଃ ମାନାରାଙ୍ଗ୍ ତିନାକୋ।

![](https://cdn.door43.org/obs/jpg/360px/obs-en-23-09.jpg)

ପୁର୍ବ୍ ପାଡ଼୍ ସାଗିନ୍ ମିୟାଃ ଦିଶୁମ୍ ରେନ୍ ଚିମିନ୍ ପାଣ୍ଡିତ୍ କୋ ତାଇକେନାକୋ। ଇନ୍‍କୁ ଇପିଲ୍ କୋକେ ପାଢ଼ାଅ ସାରିଲେନାକୋ ହାର୍ ଇନ୍‍କୁ ଥିମ୍ବାଗି ସେଣାନ୍ ତାଇକେନାକୋ। ଇନ୍‍କୁ ମିୟାଃ ଆସାଧାରାନ୍ ଇପିଲ୍ କେ ରିମିଲ୍ ଦିଶୁମ୍ ରେ ନେଲ୍ କିଜାକୋ। ଇନ୍‍କୁ କାଜିକେଦାକୋ ଚି ନେୟାରାଃ ଆର୍ଥ ତାନାଃ ଯେ ୟାହୁଦୀ କୋୱାଃ ମିୟାଃ ନାୱା ରାଜା ରାଃ ଯାନାମ୍ ହୋବାକାନା। ଏନାଲାଗିନ୍ ଇନ୍‍କୁ ଏନ୍ ବାଲେଃ ହୋନ୍ କେ ନେନେଲ୍ ଲାଗିନ୍ ଆକୋୱାଃ ଦିଶୁମ୍ ଏତେ ସେସେନ୍ ଏଟେଃ ଲାଗିନ୍ ସାନାଙ୍ଗ୍ କେଦାକୋ। ମିୟାଃ ଜିଲିଙ୍ଗ୍ ହୋରା ସେନ୍ ତାୟୋମ୍ତେ, ଇନ୍‍କୁ ବାଇତୁଲାମ୍ ହିଜୁଃ ନାନାକୋ ହାର୍ ଏନ୍ ଅଡ଼୍ଆଃକେ ନାମ୍ କେଦାକୋ ଅକତାଃରେ ୟୀଶୁ ହାର୍ ଇନିଜାଃ ଏଙ୍ଗା-ଆପୂକିନ୍ ତାଇନ୍ କେନାକିନ୍।

![](https://cdn.door43.org/obs/jpg/360px/obs-en-23-10.jpg)

ଚିମ୍ତାଙ୍ଗ୍ ଏନ୍ ପାଣ୍ଡିତ୍ କୋ ୟୀଶୁ କେ ଆଜାଃ ଏଙ୍ଗା ଲୋଃ ନେଲ୍ କିଜାକୋ ଦୋ ଇନ୍‍କୁ ଇକ୍‍ଡ଼ୁମ୍ କେତେ ଇନିଜାଃ ଆରାଧାନା କେଦାକୋ। ଇନ୍‍କୁ ୟୀଶୁ କେ ଗୋନୋଙ୍ଗାନ୍ ଜିନିଷ୍ କୋ ଭେଟ୍ କିଜାକୋ। ଆଡୋଃ ଇନ୍‍କୁ ଆକୋୱାଃ ଅଡ଼୍ଆଃତେ ରୁଆଡ଼୍ ଜାନାକୋ।

*ବାଇବାଲ୍ ମିୟାଃ କାହାନୀ; ମାତ୍ତି ୧; ଲୁକା ୨*

Audio: https://git.door43.org/OBS-TLF/unx_obs/releases/download/v1/unx_obs_v1_23_128kbps.m4a

## 24. ୨୪. ଯୋହାନ୍ ୟୀଶୁ କେ ବାପ୍ତିସ୍ମା ଏମିୟାଏ

https://openbiblestories.org/l/unx/story-24/

![](https://cdn.door43.org/obs/jpg/360px/obs-en-24-01.jpg)

ଏଲିଶିବା ହାର୍ ଜିଖାରିୟା ରାଃ ହୋନ୍ ଯୋହାନ୍, ମାରାଙ୍ଗ୍ କେତେ ମିୟାଃ ନାବୀ ବାଇଜାନାଏ। ଇନିଃ ଟୋନାଙ୍ଗ୍ ରେ ତାଇନ୍ ତାଇନାଏ, ହାର୍ ଟୋନାଙ୍ଗ୍ ରେନ୍ ମାଧୁ ହାର୍ ସୋନ୍ ସୋରେଦ୍ ଯୋମ୍ ତାଇକେନାଏ, ହାର୍ ଉଟ୍ ରାଃ ଚାମ୍ଡ଼ା ତେ ବାଇକାନ୍ ଲିଜାଃ ତୂସୀଙ୍ଗ୍ ଏନ୍ ତାଇନାଏ।

![](https://cdn.door43.org/obs/jpg/360px/obs-en-24-02.jpg)

ଥିମ୍ବାତେ ହୋଡ଼ୋକୋ ଯୋହାନ୍ ରାଃ କାଜି ଆୟୁମ୍ ଲାଗିନ୍ ଟୋନାଙ୍ଗ୍ ତେ ହିଜୁଃଲେନାକୋ, ଇନିଃ ନେୟା କାଜିକେତେ ଇନ୍‍କୁକେ ପାର୍ଚାର୍ କେଦାଏ “ପାପ୍ କାମି ବାଗି ତାପେ, ଚିୟାଃଚି ସିର୍ମାଦିଶୁମ୍ ନାଡ଼େଏ ମେନ୍ଆଃ!”

![](https://cdn.door43.org/obs/jpg/360px/obs-en-24-03.jpg)

ଚିମ୍ତାଙ୍ଗ୍ ହୋଡ଼ୋକୋ ଯୋହାନ୍ ରାଃ ସାନ୍ଦେସ୍ କେ ଆୟୁମ୍ କେଦାକୋ, ଦୋ ଇନ୍‍କୁଏତେ ଥିମ୍ବାକୋ ଆକୋୱାଃ ମୋନ୍ କେ ରୁଆଡ଼୍ କେତେ ପାପ୍ କାମୀ ବାଗେ ତାଦାକୋ, ହାର୍ ଯୋହାନ୍ ଇନ୍‍କୁକେ ବାପ୍ତିସ୍ମା ଏମ୍ କେଃକୋୱାଏ। ଯୋହାନ୍ କେ ନେଲ୍ ଲାଗିନ୍ ଥିମ୍ବାଗି ଧାର୍ମିକ୍ କୋଅଗି ହିଜୁଃ ଲେନାକୋ, ମେନ୍ଦୋ ଇନ୍‍କୁ ଆକୋୱାଃ ମୋନ୍ କାକୋ ରୁଆଡ଼୍ କେତେ ପାପ୍ କାମୀ କାକୋ ବାଗେ ସାନାଙ୍ଗ୍ କେଦା।

![](https://cdn.door43.org/obs/jpg/360px/obs-en-24-04.jpg)

ଯୋହାନ୍ ଧାର୍ମିକ୍ ଆଗୁୱା କୋକେ କାଜିକେଦାଏ, “ହେ ବିଶ୍ ତାଇନ୍ ବିଙ୍ଗ୍ କୋ! ମୋନ୍ କେ ରୁଆଡ଼୍ ଏପେ ହାର୍ ଆପେୟାଃ ଚାଲ୍ ଚାଲାନ୍ କେ ବାଦ୍ଲାଏପେ। ପାର୍ମେଶ୍ଵାର୍ ସୋବେନ୍ ଏନ୍ ଦାରୁକୋକେ ମାଃଆ ତାଆଏ ଅକନାଃ ବୁଗିନ୍ ଯୋଅ କାଏ ଆୟୁଆଏ, ହାର୍ ଇନିଃ ଏନାକୋକେ ସେଙ୍ଗେଲ୍ ରେ ଯୁଲ୍ ତାଆଏ।” ଅକନାଃ ନାବୀ କୋ କାଜିଲାଆକୋ ଏନା ଯୋହାନ୍ ପୁରାକେଦାଏ, “ନେଲେମ୍, ସେକାଡ଼୍ ଗି ଇଙ୍ଗ୍ ଆମାଃ ଆୟୁର୍ ସାନ୍ଦେସ୍ ଏହେମ୍ ନିଃକେ କୁଲ୍ ତାନିଙ୍ଗ୍ ଅକନିଃ ଆମାଃ ହୋରା କେ ବାଇଇଦିୟାଏ।”

![](https://cdn.door43.org/obs/jpg/360px/obs-en-24-05.jpg)

ଚିମିନ୍ ଧାର୍ମିକ୍ ଆଗୁଆ କୋ ଯୋହାନ୍ କୁଲିକିଜାକୋ ଚି ଚିନ୍ଆଃ ଆମ୍ ମାସୀହ୍ ତାନ୍ ମେ। ଯୋହାନ୍ କାଜି କେଦାଏ, “ଇଙ୍ଗ୍ ମାସୀହ୍ ନାହାଲିଙ୍ଗ୍, ମେନ୍ଦୋ ଇନିଃ ଇଙ୍ଗ୍ଆଃ ତାୟୋମ୍ତେ ହିଜୁଃ ତାନାଏ। ଇନିଃ ଇମିନ୍ ମାରାଙ୍ଗ୍ ତାନିଃ ଚି ଇଙ୍ଗ୍ ଆଜାଃ ଖାର୍ପା ରାଃ ଥୋନୋଲ୍ କେ ଖୋଲାଅ ଲେକାନିଃ ହଁଗି ନାହାଲିଙ୍ଗ୍।”

![](https://cdn.door43.org/obs/jpg/360px/obs-en-24-06.jpg)

ଏଟାଃ ହୁଲାଙ୍ଗ୍, ୟୀଶୁ ବାପ୍ତିସ୍ମା ଇଦିଲାଗିନ୍ ଯୋହାନ୍ ରାଃ ନାଡ଼େଏ ହିଜୁଃ ଲେନାଏ। ଏନ୍ତେ ଚିମ୍ତାଙ୍ଗ୍ ଯୋହାନ୍ ଇନିଃକେ ନେଲ୍ କିଜାଏ, ଦୋ ଇନିଃ କାଜିକିଜାଏ, “ନେଲେପେ! ପାର୍ମେଶ୍ଵାର୍ ରାଃ ମିଣ୍ଡୀ ଅକନିଃ ଅତେଦିଶୁମ୍ ରାଃ ପାପ୍ କୋକେ ଦୁପିଲ୍ କେତେ ଇଦିକେୟାଏ।”

![](https://cdn.door43.org/obs/jpg/360px/obs-en-24-07.jpg)

ଯୋହାନ୍ ୟୀଶୁ କେ କାଜିକିଜାଏ, “ଇଙ୍ଗ୍ ଆମ୍ କେ ବାପ୍ତିସ୍ମା ଏମ୍ ଲେକାନିଃ ନାହାଲିଙ୍ଗ୍। ମେନ୍ଦୋ ଆମ୍ ଇଙ୍ଗ୍ କେ ବାପ୍ତିସ୍ମା ଏମାଇଙ୍ଗ୍ ମେ।” ମେନ୍ଦୋ ୟୀଶୁ ଇନିଃ କେ କାଜିକିଜାଏ, ଆମ୍ ଇଙ୍ଗ୍ କେ ବାପ୍ତିସ୍ମା ଏମେ ଚାହି, ଚିୟାଃଚି ବୁଗିନ୍ କାମୀ ନେୟାଗି ତାନାଃ।” ଏନ୍ତେ ଯୋହାନ୍ ଇନିଃକେ ବାପ୍ତିସ୍ମା ଏମ୍ କିଜାଏ, ଜାବ୍ ଚି ୟୀଶୁ ଜେତାନାଃ ପାପ୍ କାଏ ରିକାଲେଦା।

![](https://cdn.door43.org/obs/jpg/360px/obs-en-24-08.jpg)

ବାପ୍ତିସ୍ମା ଇଦି ରାଃ ତାୟୋମ୍ତେ ଚିମ୍ତା ୟୀଶୁ ଦାଆଏତେ ବାହାରି ଅଡ଼ୋଙ୍ଗ୍ ଜାନାଏ, ଦୋ ପାର୍ମେଶ୍ଵାର୍ ରାଃ ଆତ୍ମା ଦୁଦ୍-ମୁଲ୍ ରାଃ ରୁପ୍ ରେ ନେଲ୍ ଜାନାଏ ହାର୍ ଲାଥାର୍ ହିଜୁଃ କେତେ ଇନିଜାଃ ଚେତାନ୍ ରେ ତିଙ୍ଗୁ ଜାନାଏ। ଏନ୍ ସାମାୟ୍ ରେଗି, ପାର୍ମେଶ୍ଵାର୍ ସିର୍ମାଦିଶୁମ୍ ଏତେ ବାଖାଣ କେଦାଏ। ଇନିଃ କାଜିକେଦାଏ, “ଆମ୍ ଇଙ୍ଗ୍ଆଃ ଦୁଲାଡ଼୍ ହୋନ୍ ତାନ୍ ମେ। ଇଙ୍ଗ୍ ଆମ୍ କେ ଦୁଲାଡ଼୍ ମେ ତାନିଙ୍ଗ୍, ହାର୍ ଇଙ୍ଗ୍ ଆମ୍ତେ ଥିମ୍ବାଗି ରାଶିକା ମେନାଇଙ୍ଗ୍ଆଃ।”

![](https://cdn.door43.org/obs/jpg/360px/obs-en-24-09.jpg)

ପାର୍ମେଶ୍ଵାର୍ ଯୋହାନ୍ କେ କାଜିଲିଜାଏ, “ଆମ୍ ଅକଏ କେ ବାପ୍ତିସ୍ମା ଏମେୟାମ୍ ଇମ୍ତା ପାବିରାର୍ ଆତ୍ମା ଇନିଜାଃ ରେ ଆଡ଼ଗୁନ୍ ନା ହାର୍ ତାଇନା।” ଇନିଃଗି ପାର୍ମେଶ୍ଵାର୍ ରାଃ ହୋନ୍ କୋଡ଼ା ତାନିଃ ପାର୍ମେଶ୍ଵାର୍ ମିୟାଃଗି ମେନିଯା। ମେନ୍ଦୋ ଚିମ୍ତା ଯୋହାନ୍ ୟୀଶୁ କେ ବାପ୍ତିସ୍ମା ଏମ୍ କିଜାଏ, ଦୋ ଇନିଃ ପାର୍ମେଶ୍ଵାର୍ ଆପୁ କେ ବାଖାଣ ତାନ୍ ଆୟୁମ୍ କିଜାଏ, ହୋନ୍ ପାର୍ମେଶ୍ଵାର୍ କେ ନେଲ୍ କିଜାଏ, ଅକନିଃ ଚି ୟୀଶୁ ତାନିଃ, ହାର୍ ଇନିଃ ପାବିତାର୍ ଆତ୍ମା କେ ନେଲ୍ କିଜାଏ।

*ବାଇବାଲ୍ ମିୟାଃ କାହାନୀ; ମାଥୀଉ ୩; ମାର୍କୁ ୧;୯-୧୧; ଲୁକା ୩;୧-୨୩*

Audio: https://git.door43.org/OBS-TLF/unx_obs/releases/download/v1/unx_obs_v1_24_128kbps.m4a

## 25. ୨୫. ଶାଏତାନ୍ ୟୀଶୁକେ ପାରିକ୍ଷା

https://openbiblestories.org/l/unx/story-25/

![](https://cdn.door43.org/obs/jpg/360px/obs-en-25-01.jpg)

ୟୀଶୁ ବାପ୍ତିସ୍ମା ଇଦି ରାଃ ତାୟୋମ୍ତେ ସେକାଡ଼୍ ଗି, ପାବିତାର୍ ଆତ୍ମା ଇନିଃକେ ଟୋନାଙ୍ଗ୍ ରେ ଇଦିକିଜାଏ। ୟୀଶୁ ଏନ୍ତାଃରେ ଚାଲିସ୍ ଦିନ୍ ହାର୍ ଚାଲିସ୍ ନିଦା ତାଇକେନାଏ। ଏନ୍ ସାମାୟ୍ ଇନିଃ ଉପାସ୍ କେଦାଏ, ହାର୍ ଶାଇତାନ୍ ୟୀଶୁ ରାଃ ନାଡ଼େଏ ହିଜୁଃକେତେ ପାପ୍ ରିକାଲାଗିନ୍ ଇନିଃକେ ପାରିକ୍ଷା କେଦାଏ।

![](https://cdn.door43.org/obs/jpg/360px/obs-en-25-02.jpg)

ସୀଦା, ଶାଏତାନ୍ ୟୀଶୁକେ କାଜିକିଜାଏ, “ଆଗାର୍ ଆମ୍ ପାର୍ମେଶ୍ଵାର୍ ରାଃ ହୋନ୍ କୋଡ଼ା ତାନ୍ ମେ ରେଦୋ ନେ ଦିରି କେ ହୋଲୋଙ୍ଗ୍ ବାଇତାମେ ଏନାତେ ଆମ୍ ଜୋମ୍ ଦାଡ଼ିୟାମ୍!”

![](https://cdn.door43.org/obs/jpg/360px/obs-en-25-03.jpg)

ମେନ୍ଦୋ ୟୀଶୁ ଶାଏତାନ୍ କେ କାଜିକିଜାଏ, “ପାର୍ମେଶ୍ଵାର୍ ରାଃ ବାଚାନ୍ ରେ ନେୟା ଅଲାକାନା, ‘ଜିହିଃ ତାଇଲାଗିନ୍ ହୋଡ଼ୋକୋକେ ହୋଲୋଙ୍ଗ୍ ରାଃ ଭାଇର୍ ଦାର୍କାର୍ ବାନୋଃ, ମେନ୍ଦୋ ଇନ୍‍କୁକେ ସୋବେନ୍ ଏନ୍ କାଜି ରାଃ ଦାର୍କାର୍ ମେନାଃ ଅକନାଃ ପାର୍ମେଶ୍ଵାର୍ ଇନ୍କୁ କେ କାଜିକୋୱାଏ!”

![](https://cdn.door43.org/obs/jpg/360px/obs-en-25-04.jpg)

ଏନ୍ତେ ଶାଏତାନ୍ ୟୀଶୁ କେ ମାନ୍ଦିର୍ ରାଃ ଚୁଟାତେ ଇଦିକିଜାଏ। ଇନିଃ ୟୀଶୁ କେ କାଜିକିଜାଏ, “ଆଗାର୍ ଆମ୍ ପାର୍ମେଶ୍ଵାର୍ ରାଃ ହୋନ୍ କୋଡ଼ା ତାନ୍ ମେ ଏଣ୍ଡେ ନେତାଃଏତେ ଲାଥାର୍ ଦନ୍ ତାମେ, ଚିୟାଃଚି ଅଲାକାନା, ’ପାର୍ମେଶ୍ଵାର୍ ଆମ୍ କେ ତେଲାଲାଗିନ୍ ଆଜାଃ ସିର୍ମାଦାସୀ କୋକେ ଆଚୁକୋୱାଏ ଚି ଆମାଃ କାଟାରେ ଦିରି କା ଠୋଗୋଗା।”

![](https://cdn.door43.org/obs/jpg/360px/obs-en-25-05.jpg)

ମେନ୍ଦୋ ୟୀଶୁ ଏନାକେ କାଏ ରିକାକେଦାଏ ଅକନାଃ ଶାଏତାନ୍ ଇନିଃକେ ରିକାଲାଗିନ୍ କାଜିଲିଯାଏ। ଏନାକେ ବାଗିକେତେ ଇନିଃ କାଜିକେଦାଏ, “ପାର୍ମେଶ୍ଵାର୍ ସୋବେନ୍ କୋକେ କାଜିତାନାଏ, ’ଆମ୍ ପ୍ରାଭୂ ଆମାଃ ପାର୍ମେଶ୍ଵାର୍ କେ ଆଲୋମେ ପାରିକ୍ଷା ୟା।’’

![](https://cdn.door43.org/obs/jpg/360px/obs-en-25-06.jpg)

ଏନ୍ତେ ଶାଏତାନ୍ ଇନିଃକେ ଅତେଦିଶୁମ୍ ରାଃ ସୋବେନ୍ ରାଇଜ୍ ଦେଖାଅ କିଜାଏ। ଇନିଃ ଆଏଃକେ ଦେଖାଅ କିଜାଏ ଯେ ଏନାକୋ ଚିମିନ୍ ପେଡ଼େଜାନ୍ ମେନାଃ, ହାର୍ ଏନାକୋ ଚିମିନ୍ ଧାନ୍ ସାମ୍ପାତି ତେ ଫେରେଃ ମେନାଃ। ଇନିଃ ୟୀଶୁକେ କାଜିକିଜାଏ, “ଇଙ୍ଗ୍ ଆମ୍ କେ ନେୟା ସୋବେନାଃ ଏମାମିଙ୍ଗ୍ ଆଗାର୍ ଆମ୍ ଇଙ୍ଗ୍ କେ ଇକ୍ ଡ଼ୁମ୍ କେତେ ଇଙ୍ଗ୍ଆଃ ଆରାଧାନ୍ ୟାମ୍।”

![](https://cdn.door43.org/obs/jpg/360px/obs-en-25-07.jpg)

ୟୀଶୁ କାଜିକିଜାଏ, “ହେ ଶାଏତାନ୍, ଇଙ୍ଗ୍ଆଃ ନାଡ଼େଏ ତେ ସେନୋଃମେ! ପାର୍ମେଶ୍ଵାର୍ ରାଃ ବାଚାନ୍ ରେ ଇନିଃ ହୋଡ଼ୋକୋକେ ଆଚୁ କୋତାନାଏ,’ସାଦାଏ ଆମାଃ ପ୍ରାଭୂ ପାର୍ମେଶ୍ଵାର୍ କେ ଭାଇର୍ ଆରାଧାନା ଇମେ। ପାର୍ମେଶ୍ଵାର୍ ରାଃ ରୁପ୍ ରେ ସାଦାଏ ଇନିଃକେଗି ମାଇନ୍ ଇମେ।‘ ”

![](https://cdn.door43.org/obs/jpg/360px/obs-en-25-08.jpg)

ୟୀଶୁ ଶାଏତାନ୍ ରାଃ ପାରିକ୍ଷା ତେ କାଏ ହାରାଅ ଜାନା, ଏନାଲାଗିନ୍ ଶାଏତାନ୍ ୟୀଶୁ ରାଃ ନାଡ଼େଏ ତେ ନିର୍ ଜାନାଏ। ଏନ୍ତେ ସିର୍ମାଦାସୀକୋ ହିଜୁଃକେତେ ୟୀଶୁ ରାଃ ସେୱାଃ କେଦାକୋ।

*ବାଇବାଲ୍ ମିୟାଃ କାହାନୀ; ୪; ୧-୧୧; ମାର୍କୁସ୍ ୧; ୧୨-୧୩ ଲୁକା ୪; ୧-୧୩*

Audio: https://git.door43.org/OBS-TLF/unx_obs/releases/download/v1/unx_obs_v1_25_128kbps.m4a

## 26. ୨୬. ୟୀଶୁ ଆଜାଃ ସେୱାଃକାମୀ ଏଟେଃ ତାନାଏ

https://openbiblestories.org/l/unx/story-26/

![](https://cdn.door43.org/obs/jpg/360px/obs-en-26-01.jpg)

ଶାଏତାନ୍ ରାଃ ପାରିକ୍ଷାକୋକେ ଜିତାଅ ରାଃ ତାୟୋମ୍ତେ, ୟୀଶୁ ଗାଲିଲ୍ ଦିଶୁମ୍ ରେ ରୁଆଡ଼୍ ଜାନାଏ। ନେୟା ଏନ୍ ଜାଗାଗି ତାନାଃ ଅକତାଃରେ ଇନିଃ ତାଇନ୍ ତାଇନାଏ। ପାବିତାର୍ ଆତ୍ମା ଇନିଃକେ ଥିମ୍ବାଗି ପେଡ଼େଏ ଏମିତିନାଏ, ହାର୍ ୟୀଶୁ ମିୟାଃ ଜାଗା ତେ ଏଟାଃ ଜାଗା ସେନ୍ ଜାନାଏ ହାର୍ ହୋଡ଼ୋକୋକେ ଶିଖାଅକୋ ତାଇନାଏ। ସୋବେନ୍ କୋ ଇନିଜାଃ ବିଶାୟ୍ ରେ ବୁଗିନ୍ କାଜି କେଦାକୋ।

![](https://cdn.door43.org/obs/jpg/360px/obs-en-26-02.jpg)

ୟୀଶୁ ନାଶ୍ରାତ୍ ସାହାର୍ ତେ ସେନ୍ ଜାନାଏ। ନେୟା ଏନ୍ ହାତୁ ତାନାଃ ଅକତାଃ ରେ ଇନିଃ ହୁଡିଙ୍ଗ୍ ସାମାୟ୍ ରେ ତାଇନ୍ ତାଇନାଏ। ଆରାମେ ହୁଲାଙ୍ଗ୍, ଇନିଃ ଆରାଧାନା ଜାଗାତେ ସେନ୍ ଜାନାଏ। ଆଗୁୱା କୋ ଇନିଃକେ ୟଶାୟାହ୍ ନାବୀ ରାଃ ମିୟାଃ କିତାବ୍ ଏମ୍ କିଜାକୋ। ଇନ୍‍କୁ ସାନାଙ୍ଗ୍ ତିନାକୋ ଚି ଇନିଃ ଏନାତେ ପାଢ଼ାଅ କାଏ। ଏନ୍ତେ; ୟୀଶୁ ଏନ୍ କିତାବ୍ କେ ଖୋଲାଅ କେତେ ଇନ୍‍କୁୱାଃ ଲାଗିନ୍ ମିୟାଃ ଭାଗ୍ କେ ହୋଡ଼ୋକୋ ଲାଗିନ୍ ପାଢ଼ାଅ କେଦାଏ।

![](https://cdn.door43.org/obs/jpg/360px/obs-en-26-03.jpg)

ୟୀଶୁ ପାଢ଼ାଅ ଜାନାଏ, “ପାର୍ମେଶ୍ଵାର୍ ଇଙ୍ଗ୍ କେ ଆଜାଃ ଆତ୍ମା ଏମ୍ କେଦିଙ୍ଗ୍ଆଏ ଏନାତେ ଇଙ୍ଗ୍ ରେଙ୍ଗେଏଃତାନ୍ କୋକେ ସୁସାମାଚାର୍ ପାର୍ଚାର୍ କୋୱାଃଇଙ୍ଗ୍। ଇନିଃ ଇଙ୍ଗ୍ କେ ନେୟାଲାଗିନ୍ କୁଲ୍ କାଦିଙ୍ଗ୍ଆଏ ଚି ଥୋଲାକାନ୍ କୋକେ ରାଡ଼ା କୁଇଙ୍ଗ୍, ଆନ୍ଧା କୋ ଆଡୋଃ ମିଶା ନେଲ୍ ଧାଡ଼ିକାକୋ, ହାର୍ ଇନ୍‍କୁକେ ରାଡ଼ା କୁଇଙ୍ଗ୍ ଅକନ୍ କୋକେ ଏଟାଃ ହୋଡ଼ୋକୋ ସାତାଅ କୋ ତାନାକୋ। ନେୟା ଏନ୍ ସାମାୟ୍ ତାନାଃ ଚିମ୍ତାଙ୍ଗ୍ ପାର୍ମେଶ୍ଵାର୍ ଆବୁଆଃ ଚେତାନ୍ ରେ ଦାୟା ବୁଆଏ ହାର୍ ଆବୁଆଃ ସାହେତା ୟାଏ।”

![](https://cdn.door43.org/obs/jpg/360px/obs-en-26-04.jpg)

ଏନା ତାୟୋମ୍ତେ ୟୀଶୁ ଦୁବ୍ ଜାନାଏ। ଇମ୍ତା ସୋବେନ୍ ହୋଡ଼ୋକୋ ଇନିଃ କେ ଧେୟାନ୍ ତେ ନେଲିତିନାକୋ। ଆକୋ ସାରିତିନାକୋ ଚି ପାବିତାର୍ ପୁଥିରାଃ ଅକନ୍ ଭାଗ୍ ଇନିଃ ପାଢ଼ାଅନ୍ ତାଇନାଏ ଏନା ମାସୀହ୍ ରାଃ ବିଷାୟ ରେ ତାଇନ୍ କେନା। ୟୀଶୁ କାଜିକେଦାଏ, “ଅକନ୍ କାଜି ଇଙ୍ଗ୍ ନାଆ ଆପେୟାଃ ଲାଗିନ୍ ପାଢ଼ାଅ ଜାନିଙ୍ଗ୍, ଏନା ନେ ସାମାୟ୍ ହୋବାଅଃ ତାନାଃ।” ସୋବେନ୍ କୋ ଆକ୍ ଦାନ୍ଦାଅ ତିନାକୋ। ଇନ୍‍କୁ କାଜିକେଦାକୋ,” ଚିନାଃ ନିଇ ଯୋଶେଫ୍ ରାଃ ହୋନ୍ କୋଡ଼ା ନାହାଲୀ?”

![](https://cdn.door43.org/obs/jpg/360px/obs-en-26-05.jpg)

ଏନ୍ତେ ୟୀଶୁ କାଜିକେଦାଏ, “ନେୟା ସାର୍ତି ତାନାଃ ଚି ହୋଡ଼ୋକୋ ଜେତାଏ ନେକାନ୍ ନାବୀକୋକେ ଚିଉଲା କାକୋ ମାନାତିଙ୍ଗ୍ କୋୱାଃ ଅକନ୍ କୋ ଆପାନାଃ ସାହାର୍ ରେ ଆସୁଲ୍-ହାରା କାନୋଗାକୋ। ଏଲିୟା ନାବୀ ରାଃ ସାମାୟ୍ ରେ, ଇସ୍ରାଏଲ୍ ଦିଶୁମ୍ ରେ ଥିମ୍ବାଗି ବିଧବାକୋ ତାଇକେନାକୋ। ମେନ୍ଦୋ ଚିମ୍ତାଙ୍ଗ୍ ସାଡ଼େ ତିନ୍ ବାରାଷ୍ ସାନ୍ତେ ଦାଆ କାଗାମା ଜାନା ଦୋ ପାର୍ମେଶ୍ଵାର୍ ଏଲିୟା କେ ଇସ୍ରାଏଲ୍ ରେନ୍ ଜେତାନ୍ ବିଧବା କେ ସାହେତା ଲାଗିନ୍ କାଏ କୁଲ୍ କିଜା। ନେୟା ବାଗିକେତେ, ଇନିଃ ଏଲିୟା କେ ମିୟାଃ ଏଟାଃ ଦିଶୁମ୍ ରେନ୍ ବିଧବା ନାଡ଼େଏ କୁଲ୍ କିଜାଏ।”

![](https://cdn.door43.org/obs/jpg/360px/obs-en-26-06.jpg)

ଯୀଶୁ କାଜି କାଏ ହୋକାକେଦା, “ହାର୍ ଏଲିସା ନାବୀ ରାଃ ସାମାୟ୍ ରେ, ଇସ୍ରାଏଲ୍ ଦିଶୁମ୍ ରେ ଥିମ୍ବାଗି ହୋଡ଼ୋକୋୱାଃ ଚାମ୍‍ଡ଼ା ରୋଗ୍ ତାଇକେନା। ମେନ୍ଦୋ ଏଲିସା ଇନ୍‍କୁଏତେ ଅକଏ କୋକେ ୟଗି କାଏ ଚାଙ୍ଗାଇ କେଦାଏ। ଇନିଃ ଇସ୍ରାଏଲ୍ ରାଃ ବାଇରୀ କୋୱାଃ ସିପାହୀ କୋୱାଃ ଗୋମ୍ କେ ‘ନାମାନ୍’ କେ ଚାଙ୍ଗାଇ କିଜାଏ।” ମେନ୍ଦୋ ଅକନ୍ ହୋଡ଼ୋକୋ ଯୀଶୁ ରାଃ କାଜିକେ ଆୟୁମ୍ ତିନାକୋ ଇନ୍‍କୁ ୟାହୁଦୀ ତାଇକେନାକୋ। ଏନାଲାଗିନ୍ ଚିମ୍ତାଙ୍ଗ୍ ଇନ୍‍କୁ ଇନିଃକେ ନେୟା କାଜିତାନ୍ ଆୟୁମ୍ କିଜାକୋ ଦୋ ଇନ୍‍କୁ ଇନିଃକେ ଖିସ୍ ଯାନାକୋ।

![](https://cdn.door43.org/obs/jpg/360px/obs-en-26-07.jpg)

ନାଶ୍ରାତ୍ ରେନ୍ ହୋଡ଼ୋକୋ ୟୀଶୁ କେ ସାବ୍ କିଜାକୋ ହାର୍ ଇନିଃକେ ଆରାଧାନା ରାଃ ଜାଗାତେ ଗେସ୍ରାଅ କେତେ ବାହାରିତେ ଅଡ଼ୋଙ୍ଗ୍ କିଜାକୋ। ଇନିଃକେ ଗୋଏଃ ଲାଗିନ୍ତେ ମିୟାଃ ମାରାଙ୍ଗ୍ ସେରେଙ୍ଗ୍ ଚେତାନ୍ ତେ ଇଦିକିଜାକୋ। ମେନ୍ଦୋ ୟୀଶୁ ଭିଡ଼୍ ତେ ଅଡ଼ୋଙ୍ଗ୍ ଜାନାଏ ହାର୍ ନାସ୍ରାତ୍ ସାହାର୍ ବାଗେକେତେ ନିର୍ ଜାନାଏ।

![](https://cdn.door43.org/obs/jpg/360px/obs-en-26-08.jpg)

ଆଡୋଃ ୟୀଶୁ ସୋବେନ୍ ଗାଲିଲ୍ ଜାଗା କୋରେ ସେନ୍ ଜାନାଏ, ହାର୍ ମାରାଙ୍ଗ୍ ଭିଡ଼୍ ହୋଡ଼ୋକୋ ଆଜାଃ ନାଡ଼େଏତେ ହିଜୁଃ ଜାନାକୋ। ଇନ୍‍କୁ ହାସୁତାନ୍ କୋକେ ହାର୍ ସେସେନ୍ କାକୋ ଧାଡ଼ିତାନ୍ କୋକେ ଥିମ୍ବାଗି ଆଉଲାଆକୋ। ଇନ୍‍କୁୱାଃତେ ଚିମିନ୍ କୋ ନେନେଲ୍, ଆୟୁମ୍ ୟାଦ କାଜି କାକୋ ଧାଡ଼ିତିନାକୋ, ଆଡୋଃ ୟୀଶୁ ଇନ୍‍କୁକେ ବେଶ୍ କେଃକୋୱାଏ।

![](https://cdn.door43.org/obs/jpg/360px/obs-en-26-09.jpg)

ଏନାକେ ବାଗିକେତେ, ଥିମ୍ବାଗି ନେକାନ୍ ହୋଡ଼ୋକୋ ୟୀଶୁ ରାଃ ନାଡ଼େଏ ଆଉକେଦାକୋ ଅକନ୍ କୋ ବୋଙ୍ଗା ଆତ୍ମାତେ ଏସେର୍ କାନ୍ ତାଇକେନାକୋ। ୟୀଶୁ ବୋଙ୍ଗାଆତ୍ମା କୋକେ ଇନ୍‍କୁଏତେ ଅଡୋଙ୍ଗ୍ ଲାଗିନ୍ ଆଚୁ କେଃକୋୱାଏ। ଏନ୍ ବୋଙ୍ଗା ଆତ୍ମାକୋ କିର୍ଲାଅ କେଦାକୋ, “ଆମ୍ ପାର୍ମେଶ୍ଵାର୍ ରାଃ ହୋନ୍ କୋଡ଼ା ତାନ୍ ମେ!” ଭିଡ଼୍ ରେନ୍ ହୋଡ଼ୋକୋ ଆକ୍ ଦାନ୍ଦାଅ ତିନାକୋ, ହାର୍ ଇନ୍‍କୁ ପାର୍ମେଶ୍ଵାର୍ ରାଃ ମାନାରାଙ୍ଗ୍ କେଦାକୋ।

![](https://cdn.door43.org/obs/jpg/360px/obs-en-26-10.jpg)

ଏନ୍ତେ ୟୀଶୁ ବାରାଝାନ୍ କୋଡ଼ାକୋକେ ସାଲାକେଦାଏ ଇନ୍‍କୁକେ କୁଲାକାନ୍ ଚେଲା(ପ୍ରେରିତ୍) କାଜିକେଃକୋୱାଏ। ଏନ୍ କୁଲାକାନ୍ ଚେଲାକୋ ୟୀଶୁ ଲୋଃ ସେନ୍ ଯାନାକୋ ହାର୍ ଇନିଜାଃତେ ସିଖାଅନ୍ ତିନାକୋ।

*ବାଇବାଲ୍ ମିୟାଃ କାହାନୀ; ମାତ୍ତି ୪: ୧୨-୨୫; ମାର୍କୁ ୧: ୧୪-୧୫,୩୫-୩୯; ୩: ୧୩-୨୧; ଲୁକା ୪: ୧୪-୩୦, ୩୮-୪୪*

Audio: https://git.door43.org/OBS-TLF/unx_obs/releases/download/v1/unx_obs_v1_26_128kbps.m4a

## 27. ୨୭. ଦାୟାଲୁ ସାମାରୀ ରାଃ କାହାନୀ

https://openbiblestories.org/l/unx/story-27/

![](https://cdn.door43.org/obs/jpg/360px/obs-en-27-01.jpg)

ମୁଷିଙ୍ଗ୍ ହୁଲାଙ୍ଗ୍, ୟାହୁଦୀ ଆଇନ୍ ନିୟାମ୍ ସାରିକାନ୍ ମିୟାଃ ୟୀଶୁ ନାଡ଼େଏ ହିଜୁଃ ଲେନାଏ। ଇନିଃ ସୋବେନ୍ କୋକେ ନେୟା ଉଦୁବ୍ ସାନାଙ୍ଗ୍ ତାଇନାଏ ଚି ୟୀଶୁ ଗାଲାତ୍ ସିଖାଅ କୋ ତାନାଏ। ଏନାଲାଗିନ୍ ଇନିଃ କାଜିକେଦାଏ,”ହେ ଗୁରୁ, ଜାନାଓ ଜୀଦାନ୍ ନାମେ ଲାଗିନ୍ ଇଙ୍ଗ୍ ଚିନାଃ ରିକାଇଙ୍ଗ୍?” ୟୀଶୁ କାଜିକେଦାଏ,”ପାର୍ମେଶ୍ଵାର୍ ରାଃ ନିୟାମ୍ ପୁଥି ରେ ଚିନାଃ ଅଲାକାନା?”

![](https://cdn.door43.org/obs/jpg/360px/obs-en-27-02.jpg)

ଏନ୍ ହୋଡ଼ କାଜିକେଦାଏ, “ଇନିଃ କାଜିୟାଏ ଚି ଆମ୍ ଆମାଃ ପାର୍ମେଶ୍ଵାର୍ କେ ଆମାଃ ସୋବେନ୍ ମୋନ୍, ଜିଉ, ପେଡ଼େଏ ହାର୍ ସେଣା ଲୋଃ ଦୁଲାଡ଼୍ ଇମ୍। ହାର୍ ଆମାଃ ନାଡ଼େଏ-ଜାପାଃ ରେନ୍ କୋଲୋଃ ଆମାଃ ଲେକା ଦୁଲାଡ଼୍ ମାଣ୍ଡାଅ ଏମେ।” ୟୀଶୁ କାଜିକେଦାଏ, “ଆମ୍ ବୁଗି କାଜିତାନାମ୍! ଆଗାର୍ ଆମ୍ ନେକା ୟାମ୍, ଏଣ୍ଡେ ଦୋ ଆମ୍ କେ ଜାନାଓ ଜୀଦାନ୍ ନାମୋଗା।”

![](https://cdn.door43.org/obs/jpg/360px/obs-en-27-03.jpg)

ମେନ୍ଦୋ ଏନ୍ ଆଇନ୍ ନିୟାମ୍ ସାରିକାନ୍ ହୋଡ଼୍ ହୋଡ଼ୋକୋକେ ନେୟା ଉଦୁବ୍ ସାନାଙ୍ଗ୍ ତାଇନାଏ ଚି ଆଜାଃ ଜିହିଦୋଃ ହୋରା ବୁଗିନ୍ ତାନାଃ। ଏନାଲାଗିନ୍ ଇନିଃ ୟୀଶୁକେ କୁଲିକିଜାଏ, “ବୁଗିନ୍ ତାନାଃ, ଦୋ ଇଙ୍ଗ୍ଆଃ ନାଡ଼େଏ ଜାପାଃକୋ ଅକଏକୋ ତାନ୍ କୋ?”

![](https://cdn.door43.org/obs/jpg/360px/obs-en-27-04.jpg)

ୟୀଶୁ ଏନ୍ ଆଇନ୍ ନିୟାମ୍ ସାରିକାନ୍ ହୋଡ଼୍ କେ ମିୟାଃ କାହାନୀ ଉଦୁବ୍ କେତେ କାଜିରୁଆଡ଼ କିଜାଏ। ମିୟାଃ ୟାହୁଦୀ ହୋଡ଼ ତାଇକେନାଏ ଇନିଃ ମିୟାଃ ହୋରାରେ ୟୀରୁଶାଲେମ୍ ତେ ୟେରିହୋ ସାହାର୍ ତେ ସେସେନ୍ ତାଇନାଏ।”

![](https://cdn.door43.org/obs/jpg/360px/obs-en-27-05.jpg)

“ମେନ୍ଦୋ ଚିମିନ୍ ଡାକୁକୋ ଇନିଃ କେ ନେଲ୍ କିଜାକୋ ହାର୍ ଇନିଃକେ ଗୋଜୋଃ ସାନ୍ତେ ବିଡାକିଜାକୋ। ଇନିଜାଃ ସୋବେନ୍ ଜିନିଷ୍ କୋ ରେଏଃ ଇଦିକେଦାକୋ ହାର୍ ନିର୍ ଜାନାକୋ। ”

![](https://cdn.door43.org/obs/jpg/360px/obs-en-27-06.jpg)

“ଏନ୍ ସାମାୟ୍ ରେ ଗି, ମିୟାଃ ୟାହୁଦୀ ୟାଜାକ୍ ଏନ୍ ସାଣ୍ଡାକ୍ ହୋରା ତେଗି ସେନ୍ ତାଇନାଏ। ଏନ୍ ୟାଜାକ୍ ଏନ୍ ହୋଡ଼୍ କେ ସାଣ୍ଡାକ୍ ରେ ଦାର୍ମାରା ଉୟୁକାନ୍ ନେଲ୍ କିଜାଏ। ଚିମ୍ତାଙ୍ଗ୍ ଇନିଃ ଇନିଃକେ କେ ନେଲ୍ କିଜାଏ ଦୋ ଇନିଃ ସାଣ୍ଡାକ୍ ରାଃ ଗେନା ହୋରାତେ ଆୟୁର୍ ସେନ୍ ଜାନାଏ। ଇନିଃ ଏନ୍ ହୋଡ଼୍ କେ କାଏ ନେଲ୍ ଲେକା ସେନୋଃ ଜାନାଏ।”

![](https://cdn.door43.org/obs/jpg/360px/obs-en-27-07.jpg)

“ନେୟା ରାଃ ହୁଡିଙ୍ଗ୍ ସାମାୟ୍ ରାଃ ତାୟୋମ୍ତେ, ମିୟାଃ ଲେବୀ ଏନ୍ ସାଣ୍ଡାକ୍ ହୋରା ତେଗି ହିଜୁଃ ତାଇନାଏ [ଲେବୀ ୟାହୁଦୀ କୋୱାଃ ମିୟାଃ କିଲିରେନ୍ ତାଇକେନାଏ ଅକନ୍ କୋ ମାନ୍ଦିର୍ ରେ ୟାଜାକ୍ କୋକେ ସାହାଏତା ତିନାକୋ] ଏନ୍ ଲେବୀ ୟଗି ସାଣ୍ଡାକ୍ ଗେନା ହୋରାତେ ଏଟାଃ ପାର୍ତେ ଆୟୁର୍ ସେନୋଃ ଜାନାଏ। ଇନିଃ ୟଗି ଏନ୍ ହୋଡ଼୍ କେ କାଏ ନେଲ୍ ଲେକା ହୋବାଜାନାଏ।”

![](https://cdn.door43.org/obs/jpg/360px/obs-en-27-08.jpg)

“ଏଟାଃ ହୋଡ଼୍ ଅକନିଃ ଏନ୍ ସାଣ୍ଡାକ୍ ହୋରା ତେଗି ହିଜୁଃ ତାଇନାଏ ଇନିଃ ସାମାରୀୟା ଦିଶୁମ୍ ରେନ୍ ମିୟାଃ ହୋଡ଼୍ ତାଇକେନାଏ। [ସାମାରୀୟାରେନ୍ କୋ ହାର୍ ୟାହୁଦୀକୋ ମିହୋଡ଼୍ ଏଟାଃ ନିଃଇ ଲୋଃ କାକୋ ବାପାଇଅଃ ତିନାକୋ] ଏନ୍ ସାମାରୀୟାନ୍ ହୋଡ଼୍ ସାଣ୍ଡାକ୍ ରେ ଉୟୁକାନ୍ ଏନ୍ ହୋଡ଼୍ କେ ନେଲ୍ କିଜାଏ। ଇନିଃ ନେଲ୍ କିଜାଏ ଚି ଇନିଃ ୟାହୁଦୀ ତାନିଃ, ଏଣ୍ଡେୟଗି ଇନିଃ ଇନିଜାଃ ଚେତାନ୍ ମାରାଙ୍ଗ୍ ଦାୟା କେଦାଏ। ଏନ୍ତେ: ଇନିଃ ଇନିଜାଃ ନାଡ଼େଏ ସେନ୍ ଜାନାଏ ହାର୍ ଇନିଜାଃ ଘାଅ କୋକେ ସାଫା କେଦାଏ ହାର୍ ପାଟି ଥଲ୍ କେଦାଏ।”

![](https://cdn.door43.org/obs/jpg/360px/obs-en-27-09.jpg)

“ଆଡୋଃ ଏନ୍ ସାମାରୀୟାନ୍ ଏନ୍ ହୋଡ଼୍ କେ ଆଜାଃ ଗାଧା ଚେତାନ୍ ଲାଦିକିଜାଏ ହାର୍ ଇନିଃ ଏନ୍ ହୋରାରେ ମିୟାଃ ଧାରାମ୍ ଶାଲା ଅଡ଼୍ଆଃରେ ଇଦିକିଜାଏ। ଅକତାଃରେ ଇନିଃ ଇନିଜାଃ ସେୱା ଜାତାନ୍ ଲାଗିନ୍ କାଏ ବାଗି।”

![](https://cdn.door43.org/obs/jpg/360px/obs-en-27-10.jpg)

ଏଟାଃ ହୁଲାଙ୍ଗ୍, ଏନ୍ ସାମାରୀୟାନ୍ କେ ଆୟୁର୍ତେ ସେସେନ୍ ରାଃ ତାଇକେନା। ଇନିଃ ଏନ୍ ଧାରାମ୍ ଶାଲା ରେନ୍ ଗୋମ୍ କେ ଚିମିନ୍ ଟାକାକୋ ଏମିଯାଏ। ଇନିଃ ଇନିଃକେ କାଜିକିଜାଏ, “ନେ ହୋଡ଼୍ କେ ସେୱା ଜାତାନ୍ ଇମେ। ଆଗାର୍ ନେ ଟାକା କେ ବାଗେକେତେ ଆମାଃ ଚିମିନ୍ ଟାକା ଖାର୍ଚାଅୱାଃ ଏଣ୍ଡେ ଦୋ ରୁଆଡ଼୍ ହିଜୁଃ ଇମ୍ତା ଇଙ୍ଗ୍ ଆମାଃ ଏନ୍ ଖାର୍ଚାକାନ୍ ଟାକାକେ ରୁଆଡ଼୍ ଏମ୍ ତାମିଙ୍ଗ୍।”

![](https://cdn.door43.org/obs/jpg/360px/obs-en-27-11.jpg)

ଆଡୋଃଗି ୟୀଶୁ ଏନ୍ ନିୟାମ୍ ଆଇନ୍ ସାରିକାନ୍ ଗୁରୁକେ କୁଲିକିଜାଏ, “ଆମ୍ ଚିନାଃ ପାହାମ୍ ତାନାମ୍? ଏନ୍ ଆପିହୋଡ଼୍ ତେ ଅକଏ ଏନ୍ ହୋଡ଼୍ ଗାଃ ନାଡ଼େଏ-ଜାପାରେନ୍ ତାନିଃ ଅକନିଃକେ ଚି ରେଏଃ କିଜାକୋ ହାର୍ ବିଡା କିଜାକୋ?” ଇନିଃ କାଜିକିଜାଏ, “ଅକଏ ଇନିଃଜାରେ ଦାୟା କେଦାଏ।” ୟୀଶୁ କାଜିରୁଆଡ଼୍ କିଜାଏ, “ଆମ୍ ଜୁ ହାର୍ ଏନ୍ କାଗି ରିକାଏମ୍।”

*ବାଇବାଲ୍ ମିୟାଃ କାହାନୀ: ଲୁକା ୧୦: ୨୫-୩୭*

Audio: https://git.door43.org/OBS-TLF/unx_obs/releases/download/v1/unx_obs_v1_27_128kbps.m4a

## 28. ୨୮. କିଶାଣ୍ ଜାୱାନ୍ ରାଇଜ୍ ନିଃ(ହାକିମ୍)

https://openbiblestories.org/l/unx/story-28/

![](https://cdn.door43.org/obs/jpg/360px/obs-en-28-01.jpg)

ମୂଷିଙ୍ଗ୍, ମିହୋଡ଼୍ କିଶାଣ୍ ଜାୱାନ୍ ରାଇଜ୍ ତାନ୍ ନିଃ ୟୀଶୁ ରାଃ ନାଡ଼େଏ ହିଜୁଃକେତେ ଇନିଃକେ କୁଲିକିଜାଏ, “ହେ ବୁଗିନ୍ ଗୁରୁ, ଜାନାଓ ଜୀଦାନ୍ ନାମେ ଲାଗିନ୍ ଇଙ୍ଗ୍ କେ ଚିନାଃ ରିକା ପାଡ଼ାଅଃୱା?” ୟୀଶୁ ଇନିଃ କେ କୁଲିକିଜାଏ, ଆମ୍ ଇଙ୍ଗ୍ କେ ‘ବୁଗିନ୍’ ଚିନ୍ଆଃ ମେନ୍ତେ କାଜିଙ୍ଗ୍ ତାନାମ୍? ମେନ୍ଦୋ ମିହୋଡ଼୍ ଗି ବୁଗିନ୍ ମେନିଯା ହାର୍ ଇନିଃ ପାର୍ମେଶ୍ଵାର୍ ତାନିଃ। ମେନ୍ଦୋ ଆଗାର୍ ଆମ୍ ଜାନାଓ ଜୀଦାନ୍ ନାମ୍ ସାନାଙ୍ଗ୍ ରେଦୋ ପାର୍ମେଶ୍ଵାର୍ ରାଃ ନିୟାମ୍ କୋ ମାନାତିଙ୍ଗ୍ ଏମେ।”

![](https://cdn.door43.org/obs/jpg/360px/obs-en-28-02.jpg)

ଇନିଃ କୁଲିରୁଆଡ଼୍ କିଜାଏ, “ଇଙ୍ଗ୍ କେ ଅକନାଃ-ଅକନାଃ ଆନାଚୁ କୋକେ ମାନାତିଙ୍ଗ୍ ରାଃ ମେନାଃ?” ୟୀଶୁ କାଜିକିଜାଏ, “ହୋଡ଼୍ ଆଲୋମ୍ ଗୋଗୋଏଃଜା। ଆଲୋମ୍ ଚର୍ହାୟା। ଆଲୋମ୍ ବ୍ୟବିଚାର୍ ଏ। ଆଲୋମ୍ ଲୋଗୋଆ। ଆମାଃ ଏଙ୍ଗା-ଆପୁ କିନାଃ ଜାତାନ୍ ଦୁଲାଡ଼୍ କିନ୍ ମେ, ହାର୍ ଆମାଃ ନାଡ଼େଏ-ଜାପାଃ କୋକେ ଆପାନାଃ ଲେକା ଦୁଲାଡ଼୍ କୋମେ।”

![](https://cdn.door43.org/obs/jpg/360px/obs-en-28-03.jpg)

ମେନ୍ଦୋ ଏନ୍ ଜାୱାନ୍ କୋଡ଼ା କାଜିକେଦାଏ, “ଇଙ୍ଗ୍ ଦୋ ହୋନ୍ ସାମାୟ୍ ଏତେ ଗି ନେ ସୋବେନ୍ ଆନାଚୁ କୋକେ ମାନାତିଙ୍ଗ୍ ହିଜୁଃ ତାନିଙ୍ଗ୍। ଇଙ୍ଗେ ସୋବେନ୍ ହୁଲାଙ୍ଗ୍ ଜିହିଃ ତାଇନ୍ ଲାଗିନ୍ ନାଆଅଗି ଚିନାଃ ରିକାଇଙ୍ଗ୍?” ୟୀଶୁ ଇନିଃକେ ନେଲ୍ କିଜାଏ ହାର୍ ଆଏଃକେ ଦୁଲାଡ଼୍ କିଜାଏ।

![](https://cdn.door43.org/obs/jpg/360px/obs-en-28-04.jpg)

ୟୀଶୁ କାଜିରୁଆଡ଼ କିଜାଏ, “ଆଗାର୍ ଆମ୍ ସିଦ୍ଧ ହୋବାଅଃ ସାନାଙ୍ଗ୍ ତାନାମ୍ ରେଦୋ ସେନ୍ କେତେ ଆମାଃ ସୋବେନ୍ ତେୟାଃକେ ଆଖ୍ରିଙ୍ଗ୍ ତାମ୍ ହାର୍ ଏନ୍ ଧାନ୍ କୋକେ ଗାରିବ୍ ହୋଡ଼ୋ କୋକେ ହାଟିଙ୍ଗ୍ ତାକୋମ୍, ହାର୍ ଆମ୍ କେ ସିର୍ମା ରେ ଧାନ୍ ନାମୋଗା। ଏନ୍ତେ ଜିଜୁଃ କେତେ ଇଙ୍ଗ୍ କେ ଅତୋଙ୍ଗ୍ ଙ୍ଗିଙ୍ଗ୍ ମେ।”

![](https://cdn.door43.org/obs/jpg/360px/obs-en-28-05.jpg)

ଅକନାଃ ୟୀଶୁ କାଜିଲାଆଏ ଏନାକେ ଏନ୍ ଜାୱାନ୍ ହୋଡ଼୍ ଆୟୁମ୍ କେଦାଏ ଦୋ ଇନିଃ ଥିମ୍ବାଗି ଉଦାଷ୍ ଜାନାଏ, ଚିୟାଃଚି ଇନିଃ ଥିମ୍ବାଗି ଧାନୀ ତାଇକେନାଏ ହାର୍ ଇନିଃ ଆଜାଃ ସୋବେନ୍ ସାମ୍ପାତି କୋକେ ଏମ୍ କାଏ ସାନାଙ୍ଗ୍ ତିନା। ଇନିଃ ମେଃଏ ମୁହାଡ୍ କେ ତିରୁପ୍ କେତେ ୟୀଶୁ ରାଃ ନାଡ଼େଏ ତେ ସେନୋଃ ଜାନାଏ।

![](https://cdn.door43.org/obs/jpg/360px/obs-en-28-06.jpg)

ଏନ୍ତେ ୟୀଶୁ ଆୟାଃ ଚେଲା କୋକେ କାଜିକେଦାଏ, “ପାର୍ମେଶ୍ଵାର୍ ରାଃ ରାଇଜ୍ ରେ ଧାନୀ ହୋଡ଼୍ କୋକେ ବୋଲୋଲାଗିନ୍ତେ ଥିମ୍ବାଗି କାଠିନ୍ ମେନାଃ! ହାଁ, ମିୟାଃ ଧାନୀ ହୋଡ଼ ପାର୍ମେଶ୍ଵାର୍ ରାଃ ରାଇଜ୍ ରେ ବୋଲୋତେୟାଃ କେ ଜୋକା ଲେରେ ଯାହାନ୍ ଉଟ୍ କେ ସୁଇ ରାଃ ଉଣ୍ଡୁଃ ରେ ବୋଲୋ କେତେ ଅଡୋଙ୍ଗ୍ ତେୟାଃ ସାହାଜ୍ ତାନାଃ।”

![](https://cdn.door43.org/obs/jpg/360px/obs-en-28-07.jpg)

ଅକନାଃ ୟୀଶୁ କାଜିକେଦାଏ ଏନାକେ ଚେଲାକୋ ଚିମ୍ତାଙ୍ଗ୍ ଆୟୁମ୍ କେଦାକୋ ଦୋ ଇନ୍‍କୁ ଆକ୍ ଦାନ୍ଦା ଜାନାକୋ। ଇନ୍‍କୁ କାଜିକେଦାକୋ, ଆଗାର୍ ନେୟା ନେକା ମେନାଃ ରେଦୋ ପାର୍ମେଶ୍ଵାର୍ ଅକଏ କେ ବାଚାଇୟାଏ?”

![](https://cdn.door43.org/obs/jpg/360px/obs-en-28-08.jpg)

ୟୀଶୁ ଚେଲାକୋୱା ପାଡ଼୍ ନେଲ୍ କେଦାଏ ହାର୍ କାଜିକେଦାଏ, “ହୋଡ଼ୋକୋ ଆକୋ ଆପାନ୍ କେଗି ବାଞ୍ଚାଅ ଲାଗିନ୍ ମୁସ୍କିଲ୍ ଗିଆ। ମେନ୍ଦୋ ପାର୍ମେଶ୍ଵାର୍ ଲାଗିନ୍ ଜେତାନ୍ ତେୟାଃ ମୁସ୍କିଲ୍ ବାନୋଗା।”

![](https://cdn.door43.org/obs/jpg/360px/obs-en-28-09.jpg)

ପାତ୍ରାସ୍ ୟୀଶୁ କେ କାଜି କିଜାଏ, “ଆଲେ ସୋବେନ୍ ଚେଲା ଆଲେୟାଃ ସୋବେନାଃ କେ ବାଗିକେତେ ଆମାଃ ତାୟୋମ୍ ଅତୋଙ୍ଗ୍ କାଃମେୟାଲେ। ଦୋ ଆଲେୟାଃ ନାଲା ଚିନାଃ ହୋବାଅଃୱା?”

![](https://cdn.door43.org/obs/jpg/360px/obs-en-28-10.jpg)

ୟୀଶୁ କାଜିରୁଆଡ଼ କେଦାଏ, “ଜାହାଁଏ ଗି ଇଙ୍ଗ୍ ଆଃ ଲାଗିନ୍ ଅଡ଼୍ଆଃ, ହାଗା, ମିଶି, ଏଙ୍ଗା, ଆପୁ, ହୋନ୍ କୋ ୟାଦୋ ସାମ୍ପାତି କୋକେ ବାଗେ କାଦାଏ, ଇନିଃ ଏନାଏତେ ୧୦୦ ଗୁନା ଥିମ୍ବା ନାମେୟାଏ ହାର୍ ଜାନାଓ ଜୀଦାନ୍ ଅଗି ନାମେୟାଏ। ମେନ୍ଦୋ ଥିମ୍ବାଗି ଅକନ୍ କୋ ଆୟୁର୍ ମେନାକୋୱା ଇନ୍‍କୁ ତାୟୋମ୍ କେନୋଗାକୋ, ହାର୍ ଥିମ୍ବାଗି ଅକନ୍ କୋ ତାୟୋମ୍ ରେ ମେନାକୋୱା ଇନ୍‍କୁ ଆୟୁର୍ ହୋବାଅୱାକୋ।

*ବାଇବାଲ୍ ମିୟାଃ କାହାନୀ : ମାତ୍ତି ୧୯: ୧୬-୩୦ ମାର୍କୁ ୧୦:୧୭-୩୧ ଲୁକା ୧୮: ୧୮-୩୦*

Audio: https://git.door43.org/OBS-TLF/unx_obs/releases/download/v1/unx_obs_v1_28_128kbps.m4a

## 29. ୨୯. କାଦାୟାତାନ୍ ଦାସୀ ରାଃ କାହାନୀ

https://openbiblestories.org/l/unx/story-29/

![](https://cdn.door43.org/obs/jpg/360px/obs-en-29-01.jpg)

ମୁଷିଙ୍ଗ୍, ପାତ୍ରାସ୍ ଯୀଶୁକେ କୁଲିକିଜାଏ, “ହେ ଗୋମ୍ କେ, ଇଙ୍ଗ୍ କେ ଆପାନ୍ ହାଗାକେ ଚିମିନ୍ ବେର୍ ଛାମା ଏମୋଃ ଦାର୍କାର୍ ଚିମ୍ତାଙ୍ଗ୍ ଇନିଃ ଇଙ୍ଗ୍ଆଃ ବିରୁଧ୍ ରେ ପାପ୍ ତାନାଏ? ଚିନାଃ ସାତ୍ ବେର୍ ସାନ୍?” ୟୀଶୁ କାଜିକେଦାଏ, “ସାତ୍ ବେର୍ କାହା, ମେନ୍ଦୋ ସାତ୍ ରାଃ ସାତାର୍ ବେର୍!” ନେୟାରାଃ ହୋରାତେ, ୟୀଶୁ ଗାଃ କାଜିରାଃ ମାନେ ତାନାଃ ଚି ଆବୁକେ ସୋବେନ୍ ଇମ୍ତା ଛାମା ରିକା ମେନାଃ। ଏନ୍ତେ ୟୀଶୁ ନେ କାହାନୀ ଉଦୁବ୍ କେଦାଏ।

![](https://cdn.door43.org/obs/jpg/360px/obs-en-29-02.jpg)

ୟୀଶୁ କାଜିକେଦାଏ, “ପାର୍ମେଶ୍ଵାର୍ ରାଃ ରାଇଜ୍ ମିୟାଃ ରାଜା ଲେକା ତାନାଃ, ଅକନିଃ ଆଜାଃ ଦାସୀ କୋଏତେ ହିସାବ୍ ଇଦି ସାନାଙ୍ଗ୍ ତାଇନାଏ। ଇନିଜାଃ ମିୟାଃ ଦାସୀ ୨,୦୦,୦୦୦ ବାରାସ୍ ରାଃ ମାଜାଉରି ରାଃ ମିୟାଃ ମାରାଙ୍ଗ୍ ଋଣୀରେ ଋଣୀ ଲେନାଏ।”

![](https://cdn.door43.org/obs/jpg/360px/obs-en-29-03.jpg)

ମେନ୍ଦୋ ଏନ୍ ଦାସୀ ଆଜାଃ ଋଣୀକେ ଏମ୍ କାଏ ହାଲ୍ ଧାଡ଼ିଜାନା, ଏନା ଲାଗିନ୍ ରାଜା କାଜିକେଦାଏ, “ନିଜାଃ ଋଣୀ ହାଲ୍ ଲାଗିନ୍ ନେ ହୋଡ଼୍ କେ ହାର୍ ନିଜାଃ ପାରିବାର୍ କେ ଦାସୀ ଲେକାତେ ଆଖ୍ରିଙ୍ଗ୍ ତାକୋମ୍।”

![](https://cdn.door43.org/obs/jpg/360px/obs-en-29-04.jpg)

“ଏନ୍ ଦାସୀ ରାଜା ରାଃ କାଟା ସୁବାରେ ଇକ୍ ଡୂମ୍ କେତେ କାଜିକେଦାଏ, ‘ଇଙ୍ଗ୍ କେ ଦାୟା ତିଙ୍ଗ୍ ମେ, ହାର୍ ଇଙ୍ଗ୍ ଆମାଃ ସୋବେନ୍ ଋଣୀ ତାଇନ୍ ତେୟାଃକେ ହାଲ୍ ତାଇଙ୍ଗ୍।’ ରାଜା ଏନ୍ ଦାସୀ ଗାଃ ରେ ଦାୟା କେଦାଏ, ଏନାଲାଗିନ୍ ଇନିଃ ଆଜାଃ ସୋବେନ୍ ଋଣୀକୋକେ ଛାଡ୍ ତାଦାଏ ହାର୍ ଇନିଃକେ ସେନୋଃ ରିକାକେଜାଏ।”

![](https://cdn.door43.org/obs/jpg/360px/obs-en-29-05.jpg)

ମେନ୍ଦୋ ଏନ୍ ଦାସୀ ରାଜା ରାଃ ନାଡ଼େଏ ତେ ସେନୋଃ ଜାନାଏ, ଦୋ ଇନିଃକେ ଆଜାଃ ମିୟାଃ ଗାତି ଦାସୀ ନାମ୍ ଜାନାଏ ଅକଏ ଚି ଆଜାଃ ତାଏତେ ଚାଇର୍ ମାହିନା ରାଃ ମାଜାଉରୀ ଟାକା ରାଃ ଋଣୀ ଇଦି ଲେଦାଏ। ଏନ୍ ଦାସୀ ଆଜାଃ ଗାତି ଦାସୀ କେ ସାବ୍ କିଜାଏ ହାର୍ କାଜିକିଜାଏ, ‘ଇଙ୍ଗ୍ଆଃ ଋଣୀ ଇଦିକାଦାମ୍ ଏନାକେ ଇଙ୍ଗ୍ କେ ହାଲ୍ ତାମ୍!”

![](https://cdn.door43.org/obs/jpg/360px/obs-en-29-06.jpg)

“ଏନ୍ ଗାତି ଦାସୀ ଇନିଜାଃ କାଟାସୁବାରେ ଊୟୁକେତେ କାଜିକିଜାଏ, ‘ଇଙ୍ଗ୍ଆଃ ଚେତାନ୍ ଦାୟା ତାମେ, ହାର୍ ଇଙ୍ଗ୍ ଆମାଃ ତାଆଏତେ ଇଦିକାଃ ସୋବେନ୍ ଋଣୀକେ ହାଲ୍ ତାଃଇଙ୍ଗ୍।’ ମେନ୍ଦୋ ଏନ୍ ଦାସୀ ଆଜାଃ ଗାତିଦାସୀ କେ ଜେଲ୍ ଅଡ଼୍ଆଃରେ ଆଦେର୍ ତିଜାଏ ଚିମ୍ତାଙ୍ଗ୍ ଶାନ୍ ଚି ଇନିଃ ଏନ୍ ଋଣୀକେ କାଏ ହାଲେୟା।”

![](https://cdn.door43.org/obs/jpg/360px/obs-en-29-07.jpg)

“ଅକନାଃ କୋ ହୋବାଲେନା ଏନାକୋକେ ଏଟାଃ ଦାସୀକୋ ନେଲ୍ କେଦାକୋ ହାର୍ ଥିମ୍ବାଗି ଦୁକୁକାନ୍ ତିନାକୋ। ଇନ୍‍କୁ ରାଜା ରାଃ ନାଡ଼େଏ ସେନ୍ ଜାନାକୋ ହାର୍ ଇନିଃକେ ସୋବେନ୍ ବାଖାଣ୍ କେ ଉଦୁବ୍ ତାଦାକୋ।”

![](https://cdn.door43.org/obs/jpg/360px/obs-en-29-08.jpg)

“ରାଜା ଏନ୍ ଦାସୀକେ କେଡ଼ାକେତେ କାଜିକିଜାଏ, ‘ହେ ଦୁଷ୍ଟ୍ ଦାସୀ! ଇଙ୍ଗ୍ ଆମାଃ ଋଣୀକେ ନେୟାଲାଗିନ୍ ଛାମା ଲିଇଙ୍ଗ୍ ଚିୟାଃଚି ଆମ୍ ଇଙ୍କେ ବିନ୍ତିଲାଆମ୍। ଆମ୍ କେ ଏୟଗି ଏନ୍ କା ରିକାରାଃ ତାଇକେନା।’ ରାଜା ଇମିନ୍ ଖିସ୍ ଜାନାଏ ଚି ଇନିଃ ଏନ୍ ଦୁଷ୍ଟ୍ ଦାସୀକେ ଜେଲ୍ ଅଡ଼୍ଆଃ ରେ ଆଦେର୍ ତିଜାଏ। ଚିମିନ୍ ସାନ୍ତେଚି ଇନିଃ ଆଜାଃ ସୋବେନ୍ ଇଦିକାଃ ଋଣୀ କାଏ ରୁଆଡ଼୍ ଏମ୍ ଧାଡ଼ିୟାଏ।”

![](https://cdn.door43.org/obs/jpg/360px/obs-en-29-09.jpg)

ଏନ୍ତେ ୟୀଶୁ କାଜିକେଦାଏ, “ଇଙ୍ଗ୍ଆଃ ସିର୍ମାରେ ଦୁବାକାନ୍ ଆପୁ ଆପେୟାଃ ସୋବେନ୍ ମିହୋଡ଼୍ କୋୱାଃ ଚେତାନ୍ ରେ ନେକାଗି ରିକାୟାଏ। ଆଗାର୍ ଆପେ ଆପେୟାଃ ହାଗାକୋକେ କାପେ ଛାମାୟା ଏଣ୍ଡେ।”

*ବାଇବାଲ୍ ମିୟାଃ କାହାନୀ: ମାତ୍ତି ୧୮: ୨୧-୩୫*

Audio: https://git.door43.org/OBS-TLF/unx_obs/releases/download/v1/unx_obs_v1_29_128kbps.m4a

## 30. ୩୦. ୟୀଶୁ ପାଞ୍ଚ୍ ହାଜାର୍ ହୋଡ଼ୋକୋକେ ଖିୟାଅ କୋତାନାଏ

https://openbiblestories.org/l/unx/story-30/

![](https://cdn.door43.org/obs/jpg/360px/obs-en-30-01.jpg)

ୟୀଶୁ ଆଜାଃ କୁଲାକାନ୍ ଚେଲାକୋକେ ପାର୍ଚାର୍ ଲାଗିନ୍ତେ ହାର୍ ହୋଡ଼ୋକୋକେ ସିଖାଅ ଏମ୍ ଲାଗିନ୍ ଏଟାଃ-ଏଟାଃ ଥିମ୍ବା ହାତୁକୋରେ କୁଲ୍ କେଃକୋୱାଏ। ଅକତାଃ ୟୀଶୁ ତାଇକେନାଏ ଏନ୍ତାଃ ଇନ୍‍କୁ ରୁଆଡ଼୍ ଜାନାକୋ ଦୋ ଇନ୍‍କୁ ଇନିଃକେ ଉଦୁବ୍ କିଜାକୋ ଚି ଇନ୍‍କୁ ଚିନାଃ-ଚିନାଃ ରିକା ଲେଦାକୋ। ଏନ୍ତେ ୟୀଶୁ ଇନ୍‍କୁକେ ସାମୁଦାର୍ ରାଃ ଏଟାଃ ଫାରୋମ୍ ପାଡ଼୍ ଇନ୍‍କୁୱାଃ ଲୋଃ ମିୟାଃ ସୁନ୍ ଶାନ୍ ଜାଗାରେ ସେନ୍ କେତେ କାଟୀଃ ସାମାୟ୍ ସାଥାଅନ୍ ଲାଗିନ୍ କେଡ଼ା କେଃକୋୱାଏ। ଏନ୍ତେ: ଇନ୍‍କୁ ମିୟାଃ ଡୋଙ୍ଗାରେ ଚେତାନ୍ ଦୁବ୍ ଜାନାକୋ ହାର୍ ସାମୁଦାର୍ ରାଃ ଏଟାଃ ଫାରୋମ୍ ସେନ୍ ଜାନାକୋ।

![](https://cdn.door43.org/obs/jpg/360px/obs-en-30-02.jpg)

ମେନ୍ଦୋ ଏନ୍ତାଃରେ ନେକାନ୍ ହୋଡ଼ୋକୋ ତାଇକେନାକୋ ଅକନ୍ କୋ ୟୀଶୁ ହାର୍ ଚେଲାକୋକେ ଡୋଙ୍ଗାରେ ସେନ୍ ତାନ୍ ନେଲ୍ ଲାଆକୋ। ନେ ହୋଡ଼ୋକୋ ଇନିଜାଃ ଆୟୁର୍ ସେନ୍ ଫାରୋମ୍ ଲାଗିନ୍ ସାମୁଦାର୍ ରାଃ ଗେନା-ଗେନାତେ ନିର୍ କେଦାକୋ। ଏନ୍ତେ: ଚିମ୍ତାଙ୍ଗ୍ ୟୀଶୁ ହାର୍ ଆଜାଃ ଚେଲାକୋ ସେଟେର୍ ଜାନାକୋ ଦୋ ମିଃଥିମ୍ବା ହୋଡ଼ୋକୋୱାଃ ଭିଡ଼୍ ଇନିଃକେ ତାଙ୍ଗୀତାନ୍ ଏନ୍ତାଃରେ ଶୀଦାରେ ତାଇକେନାକୋ।

![](https://cdn.door43.org/obs/jpg/360px/obs-en-30-03.jpg)

ଏନ୍ ଭିଡ଼୍ ରେ କୁଡ଼ିକୋ ହାର୍ ହୋନ୍ କୋକେ କାଲେକାକେତେ ୫,୦୦୦ ତେ ଥିମ୍ବାଗି କୋଡ଼ାକୋ ତାଇକେନାକୋ। ୟୀଶୁ ଏନ୍ ହୋଡ଼ୋକୋୱାଃ ରେ ମାରାଙ୍ଗ୍ ଦାୟା ହିଜୁଃଲେନା। ୟୀଶୁ ଲାଗିନ୍ ଇନ୍‍କୁ କାଗୁପିତାନ୍ ମିଣ୍ଡିକୋ ଲେକା ତାଇକେନାକୋ। ଏନାଲାଗିନ୍ ଇନ୍‍କୁକେ ସିଖାଅ କେଃକୋୱାଏ ହାର୍ ଇନ୍‍କୁୱାଃ ଭିତାର୍ ଅକନ୍ କୋ ବିମାର୍ ରେ ତାଇକେନାକୋ ଇନ୍‍କୁକେ ଚାଙ୍ଗାଇ କେଃକୋୱାଏ।

![](https://cdn.door43.org/obs/jpg/360px/obs-en-30-04.jpg)

ଶିଙ୍ଗୀ ଡୁବିଜୋଃ ସାମାୟ୍ ରେ, ଚେଲାକୋ ୟୀଶୁକେ କାଜିକିଜାକୋ, “ନାଆ ଦେରି ଜାନା ହାର୍ ନାଡ଼େଏ-ଜାପାଃରେ ଜେତାନ୍ ଟୋଲା ହ ବାନୋଗା। ନେ ହୋଡ଼ୋକୋକେ ବିଦାତାକୋମ୍ ଚି ଇନ୍‍କୁ ସେନ୍ କେତେ ଯୋଜୋମାଃ ନାମ୍ ଧାଡ଼ିୟାକୋ।”

![](https://cdn.door43.org/obs/jpg/360px/obs-en-30-05.jpg)

ମେନ୍ଦୋ ୟୀଶୁ ଚେଲାକୋକେ କାଜିକେଦାଏ, “ଆପେ ଇନ୍‍କୁକେ ଯୋମ୍ ଲାଗିନ୍ ଯାହାନାଃ ଏମାକୋପେ!” ଇନ୍‍କୁ କାଜିକେଦାକୋ, “ଆଲ ନେକା ଚିଲ୍‍କା ରିକାଧାଡ଼ିୟାଲେ? ଆଲେୟାଃ ତାଃ ପାଞ୍ଚ୍ ଠୁର୍ ହୋଲୋଙ୍ଗ୍ ହାର୍ ବାରିୟା ହୁଡିଙ୍ଗ୍ ହାକୁ ଭାଇର୍ ମେନାଃ।”

![](https://cdn.door43.org/obs/jpg/360px/obs-en-30-06.jpg)

ୟୀଶୁ ଆଜାଃ ଚେଲାକୋକେ କାଜିକେଦାଏ ଚି ଏନ୍ ଭିଡ଼ ରେନ୍ ହୋଡ଼ୋକୋକେ ତାସାଃରେ ପାଚାଶ୍-ପାଚାଶ୍ ପାନ୍ତି-ପାନ୍ତିରେ ଦୁବ୍ କୋପେ ମେନ୍ତେ କାଜିକେଦାଏ।

![](https://cdn.door43.org/obs/jpg/360px/obs-en-30-07.jpg)

ଏନ୍ତେ ୟୀଶୁ ପାଞ୍ଚଠୁର୍ ହୋଲୋଙ୍ଗ୍ ହାର୍ ବାରିୟା ହାକୁକେ ଇଦିକେତେ ସିର୍ମାପାଡ଼୍ ନେଲ୍ କେଦାଏ, ହାର୍ ଏନ୍ ଯୋଜୋମାଃ ଲାଗିନ୍ ପାର୍ମେଶ୍ଵାର୍ କେ ଧନ୍ୟାବାଦ୍ ଏମ୍ କେଦାଏ।

![](https://cdn.door43.org/obs/jpg/360px/obs-en-30-08.jpg)

ଆଡୋଃ ୟୀଶୁ ହୋଲୋଙ୍ଗ୍ ହାର୍ ହାକୁକୋକେ ଖାଣ୍ଡାଅ କେଦାଏ। ଇନିଃ ହୋଡ଼ୋକୋକେ ଏମ୍ ଲାଗିନ୍ ଆଜାଃ ଚେଲାକୋକେ ଖାଣ୍ଡାକାନ୍ ତେଆଃ କେ ଇନିଃ ଏମ୍ କେଦାଏ। ଚେଲାକୋ ଏନ୍ ଯୋଜୋମାଃ ତେୟାଃକୋକେ ହାଟିଙ୍ଗ୍ ଲାଗାଅ ଜାନାକୋ, ହାର୍ ଏନା କାଛାବାଜାନା! ସୋବେନ୍ ହୋଡ଼ୋକୋ ଯୋମ୍ କେତେ ବି ଜାନାକୋ।

![](https://cdn.door43.org/obs/jpg/360px/obs-en-30-09.jpg)

ଏନା ତାୟୋମ୍ତେ, ଚେଲାକୋ ଏନ୍ ଯୋଜୋମାଃ ତେୟାଃକୋ ହୁଣ୍ଡିକେଦାକୋ ଅକନାଃକେ କାକୋ ଯୋମ୍ ଲାଆ ହାର୍ ଇନ୍‍କୁ ବାରା ଡାଲିରେ ଫେରେଃ କେଦାକୋ! ଏନା ସୋବେନାଃ ଯୋଜୋମାଃ ଏନ୍ ପାଞ୍ଚ୍ ଠୁର୍ ହୋଲୋଙ୍ଗ୍ ହାର୍ ବାରିୟା ହାକୁ ତେ ହିଜୁଃ ଲେନା।

*ବାଇବାଲ୍ ମିୟାଃ କାହାନୀ: ମାତ୍ତି ୧୪: ୧୩-୨୧; ମାର୍କୁ ୬: ୩୧-୪୪ ଲୁକା ୯: ୧୦-୧୭ ଯୋହାନ୍ ୬: ୫-୧୫*

Audio: https://git.door43.org/OBS-TLF/unx_obs/releases/download/v1/unx_obs_v1_30_128kbps.m4a

## 31. ୩୧. ୟୀଶୁ ଦାଆ ଚେତାନ୍ ରେ ସେନେୟାଏ

https://openbiblestories.org/l/unx/story-31/

![](https://cdn.door43.org/obs/jpg/360px/obs-en-31-01.jpg)

ପାଞ୍ଚ୍ ହାଜାର୍ ହୋଡ଼ୋକୋକେ ଯୋଜୋମାଃ ଖିଆଅ ରାଃ ତାୟୋମ୍ତେ, ୟୀଶୁ ଆଜାଃ ଚେଲାକୋକେ ଡୋଙ୍ଗାରେ ସେନ୍ ଲାଗିନ୍ କାଜିକେଦାଏ। ଇନିଃ ଇନ୍‍କୁକେ ଏଟାଃ ଫାରୋମ୍ ସେନ୍ ଲାଗିନ୍ କାଜିକେଦାଏ ହାର୍ ଇନିଃ କାଟୀଃ ସାମାୟ୍ ଏନ୍ତାଃରେ ତାଇନ୍ ଜାନାଏ। ଏନ୍ତେ ଚେଲାକୋ ସେନୋଃ ଜାନାକୋ ହାର୍ ୟୀଶୁ ଭିଡ଼ ହୋଡ଼ୋକୋକେ ବିଦା ଏମ୍ କେଃକୋୱାଏ ଚି ଇନ୍‍କୁ ଆକୋୱାଃ ଅଡ଼୍ଆଃତେ ସେନ୍ କାକୋ। ନେୟାରାଃ ତାୟୋମ୍ତେ, ୟୀଶୁ ବିନ୍ତି ଲାଗିନ୍ ମିୟାଃ ବୁରୁରେ ସେନୋଃ ଜାନାଏ। ଏନ୍ତାଃରେ ଇନିଃ ଏସ୍କାର୍ ଗି ତାଇକେନାଏ, ହାର୍ ଇନିଃ ନିଦା ସାନ୍ତେ ବିନ୍ତିକେଦାଏ।

![](https://cdn.door43.org/obs/jpg/360px/obs-en-31-02.jpg)

ଏନ୍ ସାମାୟ୍, ଚେଲାକୋ ଆକୋୱାଃ ଡୋଙ୍ଗାକେ ଚାଲାଅ ତର୍ସା ସେନ୍ ତିନାକୋ, ମେନ୍ଦୋ ହୟ ଆକୋୱାଃ ପାଡ଼୍ ଥିମ୍ବା ଯୋର୍ତେ ହିଜୁଃ ତାଇକେନା। ଥିମ୍ବାଗି କୁଲ୍-କୁଲ୍ ନିଦାଜାନ୍ ରେଅଗି ଇନ୍‍କୁ ସାମୁଦାର୍ ଥାଲାରେ ସେଟେର୍ କାନ୍ ତିନାକୋ।

![](https://cdn.door43.org/obs/jpg/360px/obs-en-31-03.jpg)

ଏନ୍ ସାମାୟ୍ ୟୀଶୁ ବିନ୍ତି ଲାଗିନ୍ ହକା କେଦାଏ ହାର୍ ଆଜାଃ ଚେଲାକୋତାଃ ରୁଆଡ଼ ସେନୋଃ ଜାନାଏ। ଇନିଃ ଡୋଙ୍ଗାପାଡ଼୍ ହିଜୁଃ ଲାଗିନ୍ ଦାଆ ଚେତାନ୍ ରେ ସେନ୍ ଏଟେଃ କେଦାଏ।

![](https://cdn.door43.org/obs/jpg/360px/obs-en-31-04.jpg)

ଏନ୍ତେ ଚେଲାକୋ ଇନିଃକେ ନେଲ୍ କିଜାକୋ। ଇନ୍‍କୁ ବେଶେ ବୋରୋ ଜାନାକୋ ଚିୟାଃଚି ଇନ୍‍କୁ ପାହୋମ୍ ତିନାକୋ ଚି ଇନିଃ ବୋଙ୍ଗା ତାନିଃ ହୁଇ। ୟୀଶୁ ସାରିତାଇନାଏ ଚି ଇନ୍‍କୁ ବୋରୋ କାନାକୋ, ଏନାଲାଗିନ୍ ଇନିଃ ଇନ୍‍କୁକେ ହାକାଅ କେତେ କାଜିକେଦାଏ, “ଆଲୋପେ ବୋରୋୟାଃ, ଇଙ୍ଗ୍ ତାନିଙ୍ଗ୍!”

![](https://cdn.door43.org/obs/jpg/360px/obs-en-31-05.jpg)

ଏନ୍ତେ ପାତ୍ରାସ୍ ୟୀଶୁକେ କାଜିକିଜାଏ, “ହେ ପ୍ରାଭୂ, ଆଗାର୍ ଆମ୍ ତାନ୍ ମେ ରେଦୋ ଇଙ୍ଗ୍ କେ ଦାଆ ଚେତାନ୍ ସେନ୍ କେତେ ଆମାଃ ଜାପାଃ ହିଜୁଃ ଲାଗିନ୍ କାଜିଙ୍ଗ୍ ମେ। ୟୀଶୁ ପାତ୍ରାସ୍ କେ କାଜିକେଜାଏ, “ହିଜୁଃମେ!”

![](https://cdn.door43.org/obs/jpg/360px/obs-en-31-06.jpg)

ଏନ୍ତେ: ପାତ୍ରାସ୍ ଡୋଙ୍ଗାତେ ଆଡ଼୍ ଗୁ ଜାନାଏ ହାର୍ ୟୀଶୁ ରାଃ ନାଡ଼େଏ ହିଜୁଃ ଲାଗିନ୍ ଦାଆ ଚେତାନ୍ ରେ ସେସେନ୍ ଏଟେଃ କେଦାଏ! ମେନ୍ଦୋ କାଟୀଃ ସାଙ୍ଗିନ୍ ସେନ୍ କେତେ, ଇନିଃ ଆଜାଃ ମେଏଃ ୟୀଶୁ ପାଡ଼୍ ତେ ଏଟାଃ ପାଡ଼୍ ନେଲ୍ କେଦାଏ ହାର୍ ଲାହାଡ଼ି କୋକେ ନେଲ୍ କେଦାଏ ହାର୍ ଥିମ୍ବାଗି ହୟ ତାନ୍ କେ ଆଟ୍ କାର୍ ଏଟେଃ କେଦାଏ।

![](https://cdn.door43.org/obs/jpg/360px/obs-en-31-07.jpg)

ଏନ୍ତେ ପାତ୍ରାସ୍ ବୋରୋଜାନାଏ ହାର୍ ଦାଆରେ ଡୁବିଜୋ ତାଇନାଏ। ଇନିଃ କିର୍ଲାଅ କେଦାଏ, “ହେ ପ୍ରାଭୂ, ଇଙ୍ଗ୍ କେ ବାଚାଅଇଙ୍ଗ୍ ମେ!” ୟୀଶୁ ଏନ୍ ସାମାୟ୍ ଗି ତିଇ ଆୟୁର୍ କେତେ ଇନିଃକେ ସାବ୍ କିଜାଏ। ଏନ୍ତେ ଇନିଃ ପାତ୍ରାସ୍ କେ କାଜିକିଜାଏ, “ଆମାଃ ବିଶ୍ଵାସ୍ ଢେର୍ କାଟୀଃ ମେନାଗା! ଆମ୍ ବାଞ୍ଚାଅ ଲାଗିନ୍ ଆମ୍ ଇଙ୍ଗ୍ଆଃ ଚେତାନ୍ ଭାରୋଷା ଚିକାଲି କାମ୍ ମାଣ୍ଡାଅ କେଦା?”

![](https://cdn.door43.org/obs/jpg/360px/obs-en-31-08.jpg)

ଏନ୍ତେ ୟୀଶୁ ହାର୍ ପାତ୍ରାସ୍ ଡୋଙ୍ଗା ଚେତାନ୍ ରେ ରାକାବ୍ ଯାନାକିନ୍, ହାର୍ ସେକାଡ଼୍ ଗି ହୟ-ହୟତେୟାଃ ବାନ୍ଦ୍ ଜାନା। ଦାଆ ହିଲାଅ ହୋକା ଜାନା। ଚେଲାକୋ ଆକ୍ ଦାନ୍ଦା କେତେ ୟୀଶୁ ରାଃ ଆୟୁର୍ ଇକ୍ ଡ଼ୁମ୍ କେଦାକୋ। ଇନ୍‍କୁ ଆଜାଃ ଆରାଧାନା କେଦାକୋ ହାର୍ ଇନ୍‍କୁ କାଜିକେଦାକୋ, “ସାର୍ତେଗୀ ଆମ୍ ପାର୍ମେଶ୍ଵାର୍ ରାଃ ହୋନ୍ ତାନ୍ ମେ।”

*ବାଇବାଲ୍ ମିୟାଃ କାହାନୀ: ମାତ୍ତି ୧୪: ୨୨-୩୩; ମାର୍କୁ ୬: ୪୫-୫୨; ଯୋହାନ୍ ୬: ୧୬-୨୧*

Audio: https://git.door43.org/OBS-TLF/unx_obs/releases/download/v1/unx_obs_v1_31_128kbps.m4a

## 32. ୩୨. ୟୀଶୁ ମିୟାଃ ବୋଙ୍ଗାଆତ୍ମାରେ ଏସେର୍ କାନ୍ ହୋଡ଼୍ ହାର୍ ମିୟାଃ ବିମାର୍ କୁଡ଼ିକେ ବେଶ୍ କିଜାଏ

https://openbiblestories.org/l/unx/story-32/

![](https://cdn.door43.org/obs/jpg/360px/obs-en-32-01.jpg)

ୟୀଶୁ ହାର୍ ଆଜାଃଚେଲାକୋ ଆକୋୱାଃ ଡୋଙ୍ଗାରେ ଏନ୍ ଜାଗାରେ ସେନ୍ ଜାନାକୋ ଅକତାଃରେ ଗିରାସିନି ହୋଡ଼ୋକୋ ତାଇନ୍ ତିନାକୋ। ଇନ୍‍କୁ ଏନ୍ ଜାଗାରେ ସେଟେର୍ କେତେ ଡୋଙ୍ଗାତେ ଆଡଗୁ ଜାନାକୋ।

![](https://cdn.door43.org/obs/jpg/360px/obs-en-32-02.jpg)

ଏନ୍ତାଃରେ ମିୟାଃ ହୋଡ଼୍ ତାଇକେନାଏ ଅକନ୍ନିଜାଃରେ ବୋଙ୍ଗାଆତ୍ମା ଆସେର୍ କାନ୍ ହୋଡ଼୍ ତାଇକେନାଏ।

![](https://cdn.door43.org/obs/jpg/360px/obs-en-32-03.jpg)

ଏନ୍ ହୋଡ଼୍ ଇମିନ୍ ପେଡ଼େଜାନ୍ ତାଇକେନାଏ ଚି ଜେତାଏ ୟଗି ଆଏଃକେ ସାମ୍ ଳାଅ କାକୋ ଧାଡ଼ି ତାଇନା। ଚିମିନ୍ ବେର୍ ହୋଡ଼ୋକୋ ଇନିଜାଃ ତିଇକେ ହାର୍ କାଟାକେ ସିକ୍ରିରେ ୟଗି ଥଲ୍ ଲିଜାକୋ, ମେନ୍ଦୋ ଇନିଃ ଏନାକୋକେ ଟୋଟାଃ କେ ତାଇନାଏ।

![](https://cdn.door43.org/obs/jpg/360px/obs-en-32-04.jpg)

ଏନ୍ ହୋଡ଼୍ ଏନ୍ ଜାଗାକୋରାଃ କାବାର୍ କୋରେ ତାଇନ୍ ତାଇନାଏ। ନେନ୍ ହୋଡ଼୍ ସୋବେନ୍ ଶିଙ୍ଗୀ-ସାଟୁବ୍ ହାର୍ ସୋବେନ୍ ନିଦାରେ କିର୍ଲାଅ ତାଇନାଏ। ଇନିଃ ଲିଜାଃକାଏ ତୁସିଙ୍ଗେନ୍ ତିନା ହାର୍ ଘାରି-ଘାରି ଆପାନ୍ କେ ଦିରିକୋରେ ଘାଅନ୍ ତାଇନାଏ।

![](https://cdn.door43.org/obs/jpg/360px/obs-en-32-05.jpg)

ଏନ୍ ହୋଡ଼୍ ନେର୍ କେତେ ୟୀଶୁ ରାଃ ନାଡ଼େଏ ହିଜୁଃ ଲେନାଏ ହାର୍ ଇନିଜାଃ ସାମ୍ନାଙ୍ଗ୍ ରେ ଇକ୍ ଡୁମ୍ କେଦାଏ। ଏନ୍ତେ ୟୀଶୁ ଏନ୍ ହୋଡ଼୍ ରାଃ ଭିତାର୍ ରେନ୍ ବୋଙ୍ଗାଆତ୍ମ ଲୋଃ ବାଖାଣ୍ କେଦାଏ ହାର୍ କାଜିକେଦାଏ, “ ନେନ୍ ହୋଡ଼୍ ତେ ବାହାରି ଅଡୋଙ୍ଗ୍ କେନୋଃ ମେ!”

![](https://cdn.door43.org/obs/jpg/360px/obs-en-32-06.jpg)

ଏନ୍ ବୋଙ୍ଗାଆତ୍ମା ଯୋର୍ତେ କିର୍ଲାଅ କେଦାଏ, “ହେ ୟୀଶୁ,ମାରାଙ୍ଗ୍ ଉଥାର୍ ପାର୍ମେଶ୍ଵାର୍ ରାଃ ହୋନ୍,ଆମ୍ କେ ଇଙ୍ଗ୍ଆଃ ଲୋଃ ଚିକାନ୍ କାମି?ଦାୟାତେ ଇଙ୍ଗ୍ କେ ଆଲୋମ୍ ହାସୁ ଏମିଙ୍ଗ୍ୟାଃ!”ଏନ୍ତେ ୟୀଶୁ ଏନ୍ ବୋଙ୍ଗାଆତ୍ମା କେ କୁଲିକିଜାଏ, “ଆମାଃ ନୁତୁମ୍ ଚିନାଃ ତାନାଃ?” ଇନିଃ କାଜିକେଦାଏ, “ଇଙ୍ଗ୍ଆଃ ନୁତୁମ୍ ଶିଫାଇକୋ ତାନାଃ, ଚିୟାଃଚି ଆଲେ ଥିମ୍ବା ଗିୟାଲେ।” (ରୋମ୍ ରାଇଜ୍ ରେନ୍ ଶିଫାଇକୋୱାଃ ମିୟାଃ ଭିଡ଼୍ କେ “ସେନା” କାଜିୟାକୋ)

![](https://cdn.door43.org/obs/jpg/360px/obs-en-32-07.jpg)

ଏନ୍ ବୋଙ୍ଗାଆତ୍ମାକୋ ୟୀଶୁ କେ ଆର୍ଜିକେଦାକୋ, “ ଦାୟାତେ ଆଲେକେ ନେ ଜାଗାତେ ବାହାରି ଆଲୋମ୍ କୁଲ୍ ଲେୟା!”ଏନ୍ ନାଡ଼େଏ ବୁରୁରେ ସୁକୁରୀ କୋଆଃ ମିୟାଃ ଭିଡ଼୍ ଆତିଙ୍ଗ୍ ତିନାକୋ। ଏନାଲାଗିନ୍ ଏନ୍ ବୋଙ୍ଗାଆତ୍ମାକୋ ୟୀଶୁକେ ବିନ୍ତି କିଜାକୋ, “ଦାୟା ରିକାକେତେ ଆଲେକେ ଏନ୍ ସୁକ୍ରି କୋଆଃରେ କୁଲ୍ ତାଲେମେ!” ୟୀଶୁ କାଜିକେଦାଏ, “ଠିକ୍ ମେନାଃ, ଇନ୍‍କୁୱାଃରେ ସେନୋଃପେ!”

![](https://cdn.door43.org/obs/jpg/360px/obs-en-32-08.jpg)

ଏନ୍ତେ ଏନ୍ ବୋଙ୍ଗାଆତ୍ମାକୋ ଏନ୍ ହୋଡ଼୍ ରାଃ ତେ ଅଡୋଙ୍ଗ୍ କେତେ ଏନ୍ ସୁକ୍ରିକୋୱାଃ ରେ ସୋବେନ୍ ବୋଲୋଜାନାକୋ। ଏନ୍ ସୁକ୍ରିକୋ ନିର୍ କେତେ ମିୟାଃ ଉଚ୍ଚା ଜାଗାତେ ଦୋନ୍ କେଦାକୋ ହାର୍ ଗୋଏଃ ଜାନାକୋ। ଏନ୍ ଭିଡ୍ରେ ରେ ଲାଗ୍ ଭାଗ୍ ୨୦୦୦ ସୁକ୍ରିକୋ ତାଇକେନାକୋ।

![](https://cdn.door43.org/obs/jpg/360px/obs-en-32-09.jpg)

ଏନ୍ତାଃରେ ଏନ୍ ସୁକ୍ରିକୋକେ ଜାତାନ୍ ଇଦି ହୋଡ଼ୋକୋ ତାଇକେନାକୋ। ଅକନାଃ ସୋବେନ୍ ହୋବାଲେନା ଏନାକୋକେ ନେଲ୍ କେଦାକୋ ଦୋ ଇନ୍‍କୁ ସାହାର୍ ତେକୋ ସେନୋଃ ଜାନାକୋ। ୟୀଶୁ ଅକନାଃ ରିକାଲାଆଏ ଏନ୍ତାଃରେ ଇନ୍‍କୁ ସୋବେନ୍ କୋକେ ଉଦୁବ୍ କେଦାକୋ। ଏନ୍ ସାହାର୍ ତେ ଅଡୋଙ୍ଗ୍ ଜାନାକୋ ହାର୍ ଏନ୍ ହୋଡ଼୍ କେ ନେଲ୍ କିଜାକୋ ଅକନିଃଜାଃ ରେ ବୋଙ୍ଗାଆତ୍ମାକୋ ତାଇକେନାକୋ। ଇନିଃ ଶାନ୍ତିରେ, ଲିଜାଃତୁସିଙ୍ଗ୍ କାନ୍, ହାର୍ ମିୟାଃ ସାଧାରାନ୍ ହୋଡ଼୍ ଲେକା ଦୁବାକାନ୍ ନେଲ୍ କିଜାକୋ।

![](https://cdn.door43.org/obs/jpg/360px/obs-en-32-10.jpg)

ଏନ୍ ହୋଡ଼ୋକୋ ଥିମ୍ବାଗି ବୋରୋଆ କାନ୍ ତାଇକେନାକୋ ହାର୍ ଇନ୍ ୟୀଶୁକେ ସେନୋଃ ଲାଗିନ୍ କାଜିକିଜାକୋ। ଏନ୍ତେ ୟୀଶୁ ଡ଼ୋଙ୍ଗାରେ ରାକାବ୍ ଜାନାଏ। ଏନ୍ ହୋଡ଼୍ ଅକନିଃଜାଃ ରେ ବୋଙ୍ଗାଆତ୍ମା ତାଇକେନା ଇନିଃ ୟୀଶୁଲୋଃ ସେନ୍ ଲାଗିନ୍ ବିନ୍ତିକିଜାଏ।

![](https://cdn.door43.org/obs/jpg/360px/obs-en-32-11.jpg)

ମେନ୍ଦୋ ୟୀଶୁ ଇନିଃକେ କାଜିକିଜାଏ, “କାହା। ଇଙ୍ଗ୍ ସାନାଙ୍ଗ୍ ଚି ଆମ୍ ଅଡ଼୍ଆଃ ସେନ୍ କେତେ ସୋବେନ୍ କୋକେ ଉଦୁବ୍ବେମ୍ ଚି ପାର୍ମେଶ୍ଵାର୍ ଆମାଃ ଲାଗିନ୍ ଚିନାଃ ରିକା କାଦାଏ। ଇନ୍‍କୁକେ ଉଦୁବ୍ କୋମ୍ ଚି ଚିଲ୍‍କା ପାର୍ମେଶ୍ଵାର୍ ଆମାଃରେ ଦାୟା କାଦାଏ।”

![](https://cdn.door43.org/obs/jpg/360px/obs-en-32-12.jpg)

ଏନ୍ତେ ଏନ୍ ହୋଡ଼ୋ ସେନୋଃ ଜାନାଏ ହାର୍ ସୋବେନ୍ କୋକେ ଏନ୍ ବିଷାୟରେ ଉଦୁବ୍ କେଦାଏ ଅକନାଃ ୟୀଶୁ ଆଜାଃ ଲାଗିନ୍ ରିକା ଲାଆଏ। ଆଜାଃ କାହାନୀକେ ଆୟୁମ୍ ସୋବେନ୍ ମିୟାଃ ହୋଡ଼୍ ଆକ୍ ଦାନ୍ଦା ଜାନାକୋ।

![](https://cdn.door43.org/obs/jpg/360px/obs-en-32-13.jpg)

ୟୀଶୁ ସାମୁଦାର୍ ରାଃ ଏଟାଃ ଫାରୋମ୍ ରୁଆଡ଼୍ ଜାନାଏ। ଇନିଜାଃ ଏନ୍ତାଃରେ ସେଟେର୍ ତାୟୋମ୍ତେ, ମିୟାଃ ମାରାଙ୍ଗ୍ ଭିଡ଼୍ ଇନିଜାଃ ନାଡ଼େଏ-ଜାପାଃରେ ହୁଣ୍ଡି ଜାନାକୋ ହାର୍ ଇନିଃକେ ଠେଲାଅ ବାଡା ତିନାକୋ। ଏନ୍ ଭିଡ଼୍ ରେ ମିୟାଃ କୁଡ଼ି ତାଇକେନାଏ ଅକନିଃଜାଃରେ ବାରା ବାରାସ୍ ତେ ମାୟୋମ୍ ଲିଙ୍ଗୀ ବିମାର୍ ତାଇକେନା। ଇନିଃ ଆଜାଃ ସୋବେନ୍ ଧାନ୍ ଟାକା-ପାଏସା ବାଇଦ୍ କୋକେ ଏମ୍ ଖାର୍ଚା ଛାବା କେଦାଏ ଚିୟାଃଚି ଇନ୍‍କୁ ଆଏଃକେ ବୁଗିନ୍ କାକୋ, ମେନ୍ଦୋ ଇନିଜାଃ ବେମାର୍ ଆଡୋଃଗି ବାଗାଡାଅ ଜାନା।

![](https://cdn.door43.org/obs/jpg/360px/obs-en-32-14.jpg)

ଇନିଃ ଆୟୁମ୍ ଲାଆଏ ଚି ୟୀଶୁ ଚିମିନ୍ ବେମାର୍ ତାନ୍ ହୋଡ଼ୋକୋକେ ବୁଗିନ୍ ଲେଃକୋୱାଏ ହାର୍ ଇନିଃ ପାହୋମ୍ କେଦାଏ, “ଇଙ୍ଗ୍ ବେଫିକିର୍ ମେନିଙ୍ଗ୍ୟାଃ ଆଗାର୍ ଇଙ୍ଗ୍ ଖାଲି ୟୀଶୁରାଃ ଲିଜାଃକେ ଜୁଟିଇଃ ତାରେ,ଦୋ ଇଙ୍ଗ୍ ବୁଗିନ୍ କେନୋଗିଙ୍ଗ୍!” ଏନାଲାଗିନ୍ ଇନିଃ ୟୀଶୁରାଃ ତାୟୋମ୍ ପାଡ଼୍ ହିଜୁଃ ଲେନାଏ ହାର୍ ଇନିଜାଃ ଲିଜାଃକେ ଜୁଟିଇଃ ତାଦାଏ। ଜାଲେକା ଇନିଃ ଇନିଃକେ ଜୁଟିଇଃ ତିଜାଏ,ଇମ୍ତାଗି ମାୟୋମ୍ ଲିଙ୍ଗୀ ବାନ୍ଦ୍ ଜାନା।

![](https://cdn.door43.org/obs/jpg/360px/obs-en-32-15.jpg)

ଇମ୍ତାଗି, ୟୀଶୁ ସାରିକେଦାଏ ଚି ଆଜାଃତେ ପେଡ଼େଏ ଅଡ଼ୋଙ୍ଗ୍ ଜାନା। ଏନାଲାଗିନ୍ ତାୟୋମ୍ ପାଡ଼୍ ନେଲ୍ କେତେ କୁଲିକେଦାଏ, “ଇଙ୍ଗ୍ କେ ଅକଏ ଜୁଟିଇଃ କେଦାଏ?” ଚେଲାକୋ କାଜିକେଦାକୋ, “ନେତାଃରେ ଇମିନ୍ ଥିମ୍ବାଭିଡ଼୍ କୋ ଆମାଃ ସୋବେନ୍ ପାଡ଼୍ ମେନାକୋୱାଃ, ହାର୍ ଆମ୍ କେ ଠେଲାଅ ମେ ତାନାକୋ। ଦୋ ଆମ୍ ଚିକାଲି କୁଲିକେଦାମ୍ ଚି ଇଙ୍ଗ୍ କେ ଅକଏ ଜୁଟିଇଃ କେଦିଙ୍ଗ୍ ୟାଃଏ?”

![](https://cdn.door43.org/obs/jpg/360px/obs-en-32-16.jpg)

ଏନ୍ କୁଡ଼ି ୟୀଶୁରାଃ ନାଡ଼େଏ ରେ ଥାର୍-ଥାର୍ ଅଃ ତାନ୍ ଲୋଃ ଥିମ୍ବାଗି ବୋରୋତାନ୍ ଲୋଃଗି ଆଏଃ ଇକ୍ ଡୁମ୍ କେତେ ଦୁବ୍ ଜାନାଏ। ଏନ୍ତେ ଇନିଃ ଉଦୁବ୍ କେଦାଏ ଚି ଇନିଃ ଚିନ୍ଆଃ ଚିକା ଲାଆଏ, ହାର୍ ନେୟା ଅଗି ଚି ଇନିଃ ବେଶ୍ ଜାନାଏ। ୟୀଶୁ ଇନିଃକେ କାଜିକିଜାଏ, “ଆମାଃ ବିଶ୍ଵାସ୍ ଆମ୍ କେ ଚାଙ୍ଗାଇ କାଦାଏ। ଶାନ୍ତିରେ ସେନୋଃ ମେ।”

*ବାଇବାଲ୍ ମିୟାଃ କାହାନୀଅ; ମାତ୍ତି: ୮:୨୮-୩୪; ମାର୍କୁ: ୫:୧-୨୦; ୫:୨୪b-୩୪ ଲୁକା: ୮:୨୬-୩୯; ୮: ୪୨b-୪୮*

Audio: https://git.door43.org/OBS-TLF/unx_obs/releases/download/v1/unx_obs_v1_32_128kbps.m4a

## 33. ୩୩. ମିୟାଃ ଚାଷ୍ କାମିନିଜାଃ କାହାନୀ

https://openbiblestories.org/l/unx/story-33/

![](https://cdn.door43.org/obs/jpg/360px/obs-en-33-01.jpg)

ମୂଷିଙ୍ଗ୍ ହୁଲାଙ୍ଗ୍,ୟୀଶୁ ମାରାଙ୍ଗ୍ ଗାଡା ରାଃ ଗେନା ନାଡ଼େଏ ରେ ତାଇକେନାଏ। ଇନିଃ ହୋଡ଼ୋକୋୱାଃ ମାରାଙ୍ଗ୍ ମିୟାଃ ହୋଡ଼ୋ କୋକେ ସିଖାଅକୋ ତାଇନାଏ। ଇନିଃ ଜାଃଆ ତେ ଆୟୁମ୍ ଲାଗିନ୍ ସୋବେନ୍ ହୋଡ଼ୋକୋ ୟୀଶୁ ରାଃ ନାଡ଼େଏରେ ହାର୍ ଏନ୍ ସୋବେନ୍ କୋଏତେ ବାଖାଣ ଲାଗିନ୍ ଜାଗା କା ତାଇକେନା। ଏନାଲାଗିନ୍ ଇନିଃ ଦାଆରେ ତିଙ୍ଗୁକାନ୍ ଡୋଙ୍ଗାରେ ରାକାବ୍ ଜାନାଏ। ଏଣ୍ଡେରେ ଇନିଃ ଦୁବ୍ ଜାନାଏ ହାର୍ ହୋଡ଼ୋକୋକେ ସିଖାଅ କେଦାଏ।

![](https://cdn.door43.org/obs/jpg/360px/obs-en-33-02.jpg)

ୟୀଶୁ ଇନ୍‍କୁକେ ନେ କାହାନୀ ଉଦୁବ୍ କେଦାଏ, “ମିୟାଃ ଚାଷି ହିତାହେର୍ ଲାଗିନ୍ ଅଡୋଙ୍ଗ୍ ଜାନାଏ। ଚିମ୍ତାଙ୍ଗ୍ ଇନିଃ ତିଇତେ ହିତାକୋକେ ହେର୍ ତାଇନାଏ ଦୋ ଚିମିନ୍ ହିତା ହୋରାରେ ଉୟୁ ଜାନା। ମେନ୍ଦୋ ଅଡ଼େକୋ ହିଜୁଃକେତେ ଏନ୍ ସୋବେନ୍ ହିତାକୋକେ ଯୋମ୍ ତାଦାକୋ।”

![](https://cdn.door43.org/obs/jpg/360px/obs-en-33-03.jpg)

“ଏଟାଃ ହିତାକୋ ଦିରି ଅତେରେ ଉୟୁଃ ଜାନା ଅକତାଃରେ ଥିମ୍ବାଗି ହାସା କାମ୍ତି ତାଇକେନା। ଦିରିଅତେରେ ଉୟୁଃ କାନ୍ ହିତା ସେକାଡ଼୍ ଗି ଅମୋନ୍ ଜାନା, ମେନ୍ଦୋ ଏନାରାଃ ରେହେଃ ଅତେରାଃ ହାସା ଭିତାର୍ ରେ କାଏ ସେନ୍ ଧାଡ଼ିଜାନା। ଚିମ୍ତାଙ୍ଗ୍ ଶିଙ୍ଗୀ ଅଡୋଙ୍ଗ୍ ଜାନା ହାର୍ ଶିତୁମ୍ କେଦାଏ ଦୋ ଏନ୍ ଦାରୁ ଗୋଶୋଜାନା ହାର୍ ଗୋଏଃ ଜାନା।”

![](https://cdn.door43.org/obs/jpg/360px/obs-en-33-04.jpg)

“ଏଣ୍ଡେଅ ଏଟାଃ ହିତାକୋ ଜାନୁମ୍ ବୁଟା ଥାଲାକୋରେ ଉୟୁଃ ଜାନା। ଏନ୍ ହିତାକୋ ଅମୋନ୍ ଏଟେଃ ଜାନା, ମେନ୍ଦୋ ଜାନୁମ୍ କୋ ଏନାକୋକେ ଅତା କେଦାଏ। ଏନାଲାଗିନ୍ ଜାନୁମ୍ ଅତେ ରେ ଉୟୁଃକାନ୍ ହିତାତେ ଅଡୋଙ୍ଗ୍ କାନ୍ ଦାରୁତେ ଜେତାନାଃ ଯୋ କା ଯୋ ଧାଡ଼ିଜାନା।”

![](https://cdn.door43.org/obs/jpg/360px/obs-en-33-05.jpg)

“ଏଟାଃ ହିତା ବେସ୍ ଅତେ ରେ ଉୟୁଃ ଜାନା। ଏନ୍ ହିତାକୋ ଅମୋନ୍ ଜାନା ହାର୍ ଯାମିନ୍ ହିତା ହେର୍ ଲେନା ଏନାତେ ୩୦,୬୦, ହାର୍ ନେତାଃସାନ୍ ଚି ୧୦୦ ଗୁନା ଯୋ ଯୋ ଜାନା। ଜେତାଏ ୟଗି ପାର୍ମେଶ୍ଵାର୍ ରାଃ ତାୟୋମ୍-ତାୟୋମ୍ ସେନ୍ ସାନାଙ୍ଗ୍ ତାନାଏ, ଇନିଃ ଏନ୍ କାଜିକୋକେ ଧେୟାନ୍ ଏମେକାଏ ଅକନାଃ ଇଙ୍ଗ୍ କାଜିତାନିଙ୍ଗ୍!”

![](https://cdn.door43.org/obs/jpg/360px/obs-en-33-06.jpg)

ନେ କାହାନୀ ଚେଲାକୋକେ ଫାସେ ତାଃ କୋୱାଏ। ଏନା ଲାଗିନ୍ ୟୀଶୁ ବୁଝାଅ କେଦାଏ, “ଏନ୍ ହିତା ପାର୍ମେଶ୍ଵାର୍ ରାଃ ବାଚାନ୍ ତାନ୍ଆ। ଏନ୍ ହରା ମିୟାଃ ନେକା ହୋଡ଼୍ ତାନାଃ ଅକଏ ପାର୍ମେଶ୍ଵାର୍ ରାଃ ବାଚାନ୍ ଆୟୁମ୍ ୟାଏ, ମେନ୍ଦୋ ଏନାକେ କାଏ ବୁଝାଅ ଧାଡ଼ିୟା। ଏନ୍ତେ ଶାଏତାନ୍ ଇନିଜାଃ ନାଡ଼େଏତେ ବାଚାନ୍ କେ କୁମ୍ଡୁ ଇଦିକେଆଏ। ମାନେ ଶାଏତାନ୍ ଇନିଃକେ ବୁଝାଅ କାଏ ଏମିୟାଃଏ।”

![](https://cdn.door43.org/obs/jpg/360px/obs-en-33-07.jpg)

“ଏନ୍ ଦିରିଅତେ ନେକାନ୍ ହୋଡ଼୍ ତାନିଃ ଅକଏ ପାର୍ମେଶ୍ଵାର୍ ରାଃ ବାଚାନ୍ କେ ଆୟୁମ୍ ୟାଃଏ ହାର୍ ରାଶିକାନ୍ ତାନ୍ ଲୋଃ ଏନାକୋକେ ମାନାତିଙ୍ଗ୍ କେୟାଏ। ମେନ୍ଦୋ ଚିମ୍ତାଙ୍ଗ୍ କେଟେଃ ସାମାୟ୍ ହିଯୁଗା, ୟାଦ ଚିମ୍ତାଙ୍ଗ୍ ଏଟାଃ ହୋଡ଼ୋକୋ ଇନିଃକେ ସାତାଅ ୟାକ, ଦ ଇନିଃ ପାର୍ମେଶ୍ଵାର୍ ତେ ସାଙ୍ଗିନ୍ କେନୋଗାଏ। ମାନେ ଇନିଃ ପାର୍ମେଶ୍ଵାର୍ ଚେତାନ୍ ରେ ଭାରୋଷା ତେଆଃ ବାନ୍ଦ୍ ତାଆଏ।”

![](https://cdn.door43.org/obs/jpg/360px/obs-en-33-08.jpg)

“ଏନ୍ ଜାନୁମ୍ ବୁଟା ନେକାନ୍ ହୋଡ଼୍ ତାନିଃ ଅକଏ ପାର୍ମେଶ୍ଵାର୍ ରାଃ ବାଚାନ୍ କେ ଆୟୁମ୍ କେଆଏ। ମେନ୍ଦୋ ଇନିଃ ସୋବେନ୍ କାଜିକୋରାଃ ପାହୋମ୍ ଏଟେଃ କେଆଏ, ହାର୍ ଇନିଃ ଥିମ୍ବାଗି ଟାକା-ପାଇସା କାମିଲାଗିନ୍ ପାହୋମ୍ ୟାଏ, ହାର୍ ଇନିଃ ଥିମ୍ବାଗି ଜିନିସ୍ କୋକେ ନାମେ ଲାଗିନ୍ ପାହୋମ୍ ୟାଏ। ନାଆ ଇନିଃ ପାର୍ମେଶ୍ଵାର୍ କେ ଦୁଲାଡ଼୍ କାଏ ଧାଡ଼ିୟାଃଏ। ଏନାଲାଗିନ୍ ଅକନାଃ ଇନିଃ ପାର୍ମେଶ୍ଵାର୍ ରାଃ ବାଚାନ୍ କେ ସିଖାଅକାନ୍ ଲେନାଏ ଇନିଃ ଏନାକୋକେ ପାର୍ମେଶ୍ଵାର୍ କେ ସାମାୟ୍ ଏମ୍ କାଏ ଧାଡ଼ିଜାନା। ଇନିଃ ଗହମ୍ ଖେଡ୍ ଲେକା ତାନିଃ ଅକନାଃରେ ଯେତାନ୍ ଯୋ ଯୋକାଏ ଧାଡ଼ିୟାଏ।”

![](https://cdn.door43.org/obs/jpg/360px/obs-en-33-09.jpg)

“ମେନ୍ଦୋ ବୁଗିନ୍ ଅତେ ଇନିଃ ଏନ୍ ହୋଡ଼୍ ଲେକା ତାନିଃ ଅକଏ ପାର୍ମେଶ୍ଵାର୍ ରାଃ ବାଚାନ୍ କେ ଆୟୁମ୍ କେୟାଏ, ଇନିଜାଃ ଚେତାନ୍ ରେ ବିଶ୍ଵାସ୍ ୟାଏ, ହାର୍ ଯୋକୋ ଯୋ ଧାଡ଼ିୟାଃଏ।”

*ବାଇବାଲ୍ ମିୟାଃ କାହାନୀ: ମାତ୍ତି ୧୩: ୧-୮,୧୮-୨୩ ମାର୍କୁ: ୪:୧-୮,୧୩-୨୦; ଲୁକା: ୮: ୪-୧୫*

Audio: https://git.door43.org/OBS-TLF/unx_obs/releases/download/v1/unx_obs_v1_33_128kbps.m4a

## 34. ୩୪. ୟୀଶୁ ଏଟାଃ କାହାନୀକୋତେ ୟଗି ସିଖାଅ କେଦାଏ

https://openbiblestories.org/l/unx/story-34/

![](https://cdn.door43.org/obs/jpg/360px/obs-en-34-01.jpg)

ୟୀଶୁ ପାର୍ମେଶ୍ଵାର୍ ରାଃ ରାଇଜ୍ ବିଶାୟରେ ଏଟାଃ କାହାନୀକୋକେ ୟଗି ଉଦୁବ୍ କେଦାଏ। ଉଦାହାରାନ୍ ଲେକାତେ, ଇନିଃ କାଜିକେଦାଏ, ପାର୍ମେଶ୍ଵାର୍ ରାଃ ରାଇଜ୍ ମିୟାଃ ମାନିଜାଙ୍ଗ୍ ଲେକା ତାନାଃ ଜେତାଏ ମିହୋଡ଼୍ ଆଜାଃ ଲୋୟୋଙ୍ଗ୍ ରେ ହେର୍ ତାଦାଏ। ଆପେ ସାରିତାନାପେ ଯେ ଚି ମାନିଜାଙ୍ଗ୍ ସୋବେନ୍ ଜାଙ୍ଗ୍ କୋତେ ସୋବେନ୍ କୋୱାଃତେ ହୁଡିଙ୍ଗ୍ ତାନାଃ।”

![](https://cdn.door43.org/obs/jpg/360px/obs-en-34-02.jpg)

“ମେନ୍ଦୋ ଚିମ୍ତାଙ୍ଗ୍ ମାନିଜାଙ୍ଗ୍ ତେ ଦାରୁ ହାରାୱାଃ ଦ ଏନା ବାଗିଚା ରାଃ ସୋବେନ୍ ଦାରୁତେ ମାରାଙ୍ଗ୍ ହୋବାୱାଃ, ଇମିନ୍ ମାରାଙ୍ଗ୍ ଚି ଅଡ଼େକୋ ହିଜୁଃକେତେ ଏନ୍ କୋତୋକୋରେ ଆରାମ୍ ଇଦିୟାକୋ।”

![](https://cdn.door43.org/obs/jpg/360px/obs-en-34-03.jpg)

ୟୀଶୁ ଆଡୋଃ ମିୟାଃ କାହାନୀ ଉଦୁବ୍ କେଦାଏ,”ପାର୍ମେଶ୍ଵାର୍ ରାଃ ରାଇଜ୍ ମିୟାଃ ଖାମିର୍ ଲେକା ତାନାଃ ଏନାକେ ଇଦିକେତେ ମିୟାଃ କୁଡ଼ି ଆଟା ଶିପୁଃକାନ୍ ରେ ମେଷାକେଆଏ ଯାମିନ୍ ସାନ୍ ଚି ଏନା ସିପୁଃକାନ୍ ତେୟାଃରେ ମେସା କେନୋଗା।”

![](https://cdn.door43.org/obs/jpg/360px/obs-en-34-04.jpg)

“ସିର୍ମା ଦିଶୁମ୍ ଏନ୍ ତୋପାକାନ୍ ଧାନ୍ ଲେକା ତାନାଃ ଜେତାଏ ମିହୋଡ଼୍ ଲୋୟୋଙ୍ଗ୍ ରେ ତୋପା ମାଣ୍ଡାଅ ତାଆଏ। ଏଟାଃ ମିହୋଡ଼୍ ଏନ୍ ତୋପା ଧାନ୍ କେ ନାମ୍ କେୟାଏ ହାର୍ ଇନି ଏନାତେ ନାମ୍ ଲାଗିନ୍ ଥିମ୍ବାଗି ସାନାଙ୍ଗ୍ କେଦାଏ। ଏନାଲାଗିନ୍ ଇନିଃ ଏନାକେ ଆଡୋଃ ମିଶା ତୋପା କେଦାଏ। ଇନିଃ ରାଶିକାତେ ଇମିନ୍ ଫେରେଃକାନ୍ ତାଇନାଏ ଚି ଇନିଃ ସେନ୍ କେତେ ଆପାନାଃ ତେୟାଃ ସୋବେନ୍ ଆଖିରିଙ୍ଗ୍ ତାଦାଏ ଚି ଇନିଃ ଏନ୍ ଲୋୟୋଙ୍ଗ୍ କେ ଖିରିଙ୍ଗ୍ ଧାଡ଼ିଆଏ ଅକତାଃରେ ଏନ୍ ଧାନ୍ ତାଇକେନା।”

![](https://cdn.door43.org/obs/jpg/360px/obs-en-34-05.jpg)

“ସିର୍ମା ଦିଶୁମ୍ ମିୟାଃ ଥିମ୍ବା ଗୋନୋଙ୍ଗାନ୍ ମୋତି ଲେକା ତାନାଃ। ଚିମ୍ତାଙ୍ଗ୍ ଜେତାଏ ମିହୋଡ଼୍ ମୋତି ଆଖ୍ରିଙ୍ଗ୍ ବେପାରୀ ଏନାକେ ନାମ୍ ନେଲ୍ କେଆଏ ଦ ଇନିଃ ଏନାକେ ଖିରିଙ୍ଗ୍ ଲାଗିନ୍ ଆପାନାଃ ସୋବେନ୍ ତେୟାଃକେ ଆକ୍ରିଙ୍ଗ୍ ତାଆଏ।”

![](https://cdn.door43.org/obs/jpg/360px/obs-en-34-06.jpg)

ଏନ୍ତାଃରେ ଚିମିନ୍ ହୋଡ଼୍ କୋ ତାଇକେନାକୋ ଇନ୍‍କୁ ପାହୋମ୍ ତିନାକୋ ଚି ପାର୍ମେଶ୍ଵାର୍ ଇନ୍‍କୁକେ ନେୟାଲାଗିନ୍ ମାନାତିଙ୍ଗ୍ ଏୟାଏ। ଚିୟାଃଚି ଇନ୍‍କୁ ବୁଗିନ୍ କାମି ତାନାକୋ। ନେ ହୋଡ଼୍ କୋ ନେକାନ୍ ହୋଡ଼ୋକୋକେ ହିଲାଙ୍ଗ୍ ତିନାକୋ ଅକନ୍ କୋ ଏନ୍ ବୁଗିନ୍ କାମିକୋକେ କାକୋ ମାନାତିଙ୍ଗ୍ ତିନାକୋ। ଏନାଲାଗିନ୍ ୟୀଶୁ ଇନ୍‍କୁକେ ନେ କାହାନୀ ଉଦୁବ୍ କେଦାଏ: “ବାରିୟା ହୋଡ଼୍ ତାଇକେନାକିନ୍ ହାର୍ ବାରାନ୍ କିନ୍ ଗି ବିନ୍ତିଲାଗିନ୍ ମାନ୍ଦିର୍ ତେ ସେନ୍ ଜାନାକିନ୍। ଇନ୍ କିନ୍ ତେ ମିହୋଡ଼୍ ମାଲ୍-ଟାକା ହାରୋମ୍ ନିଃ ତାଇକେନାଏ ହାର୍ ଏଟାଃ ମିହୋଡ଼୍ ଧାର୍ମିକ୍ ଆଗୁଆ ତାଇକେନାଏ।”

![](https://cdn.door43.org/obs/jpg/360px/obs-en-34-07.jpg)

“ଏନ୍ ଧାର୍ମିକ୍ ଗୁରୁ ନେକା ବିନ୍ତି କେଦାଏ, “ହେ ପାର୍ମେଶ୍ଵାର୍, ଆମାଃ ଧାନ୍ୟାବାଦ୍ ହୋବାଃଅକା ଚି ଇଙ୍ଗ୍ ଏଟାଃ ହୋଡ଼ୋକୋ ଲେକା-ଜେଲେକା ଚି ଡାକୁ, ଆଧାର୍ମିକ୍ ହୋଡ୍, ବ୍ୟାଭିଚାରି, ନେତାଃ ସାନ୍ତେ ଚି ନେ ଜାଗାରେ ତାଇନ୍ ଏନ୍ ମାଲ୍ ହାରୋମ୍ ଲେକା ମିୟାଃ ପାପି ହୋଡ଼୍ ନାହାଲିଙ୍ଗ୍।”

![](https://cdn.door43.org/obs/jpg/360px/obs-en-34-08.jpg)

“ଉଦାହାରାନ୍ ଲାଗିନ୍, ଇଙ୍ଗ୍ ହାପ୍ତାରେ ବାର୍ସା ଉପାସ୍ ମାଣ୍ଡାଅ ୟାଇଙ୍ଗ୍, ଇଙ୍ଗ୍ କେ ନାମୋଃ ତେୟାଃରାଃ ଧାନ୍ ହାର୍ ଜିନିଷ୍ କୋରାଃ ଦାସ୍ୱାଃ ଭାଗ୍ (ଦାସ୍ ଭାଗ୍ ଏତେ ମିଃ ଭାଗ୍) ଆମ୍ କେ ଏମାମେ ତାନିଙ୍ଗ୍।”

![](https://cdn.door43.org/obs/jpg/360px/obs-en-34-09.jpg)

“ମେନ୍ଦୋ ଏନ୍ ମାଲ୍ ହାରୋମ୍ ହୋଡ଼୍ ଏନ୍ ଧାର୍ମିକ୍ ଗୁରୁ ତେ ସାଙ୍ଗିନ୍ ରେ ତିଙ୍ଗୁ ଜାନାଏ। ଇନିଃ ସିର୍ମାଦିଶୁମ୍ ପାଡ଼୍ ମେଏଃୟଗି କାୟ ସାହାସ୍ କେଦା, ମେନ୍ଦୋ ଆଏଃ ଆଜାଃ ତିଇତେ ଆପାନାଃ କୁଡାମ୍ କେ ବିଳାକେଦାଏ ହାର୍ ବିନ୍ତି କେଦାଏ, ‘ହେ ପାର୍ମେଶ୍ଵାର୍, ଦାୟା ରିକା କେତେ ଇଙ୍ଗ୍ଆଃରେ ଦାୟା ତାମେ ଚିୟାଃଚି ଇଙ୍ଗ୍ ମିୟାଃ ପାପି ତାନିଙ୍ଗ୍।’”

![](https://cdn.door43.org/obs/jpg/360px/obs-en-34-10.jpg)

ଆଡୋଃଗି ୟୀଶୁ କାଜିକେଦାଏ, “ଇଙ୍ଗ୍ ଆମ୍ କେ ସାର୍ତି କାଜିତାନିଙ୍ଗ୍,ପାର୍ମେଶ୍ଵାର୍ ଏନ୍ ମାଲ୍ ହାରୋମ୍ ନିଜାଃ ବିନ୍ତିକେ ଆୟୁମ୍ ଲାଆଏ ହାର୍ ଇନିଃକେ ଧାର୍ମିକ୍ ଲେକା କିଜାଏ। ମେନ୍ଦୋ ଇନିଃ ଏନ୍ ଧାର୍ମିକ୍ ଗୁରୁରାଃ ବିନ୍ତିକେ କେ କାଏ ସୁକୁ ଜାନା। ପାର୍ମେଶ୍ଵାର୍ ସୋବେନ୍ ମିୟାଃ ହୋଡ଼୍ ରାଃ ମାରାଗେନ୍ ତେଆଃ କେକେ ବୋଅ ତିରୁବ୍ ରିକା କୋୱାଏ,ମେନ୍ଦୋ ଏନ୍ ସୋବେନ୍ ମିୟାଃ ହୋଡ଼୍ କୋକେ ମାଇନ୍ କୋୱାଏ ଅକଏ ଆପାନ୍ କେ ନାମ୍ର ରିକାୟାଏ।”

*ବାଇବାଲ୍ ମିୟାଃ କାହାନୀ: ମାତ୍ତି: ୧୩:୩୧-୩୩,୪୪-୪୬; ମାର୍କୁ: ୪: ୩୦-୩୨ ଲୁକା: ୧୩: ୧୮-୨୧; ୧୮: ୯-୧୪*

Audio: https://git.door43.org/OBS-TLF/unx_obs/releases/download/v1/unx_obs_v1_34_128kbps.m4a

## 35. ୩୫. ଦାୟାତାନ୍ ଆପୁନିଜାଃ କାହାନୀ

https://openbiblestories.org/l/unx/story-35/

![](https://cdn.door43.org/obs/jpg/360px/obs-en-35-01.jpg)

ମୂଶିଙ୍ଗ୍, ୟୀଶୁ ଏନ୍ ଥିମ୍ବା ହୋଡ଼ୋକୋକେ ସିଖାଅ କୋ ତାଇନାଏ ଅକନ୍ ଇନିଜାଃ ଆୟୁମ୍ ଲାଗିନ୍ ହୁଣ୍ଡିନ୍ ତିନାକୋ। ନେ ହୋଡ଼୍ କୋ ମାଲ୍ ଟାକା ହାରୋମ୍ କୋ ହାର୍ ଗାତିରେ ଏଟାଃ ହୋଡ଼୍ କୋଗି ତାଇକେନାକୋ ଅକନ୍ କୋ ମୂଶାନାବୀ ରାଃ ନିୟାମ୍ କୋକେ କାକୋ ମାନାତିଙ୍ଗ୍ ତିନା।

![](https://cdn.door43.org/obs/jpg/360px/obs-en-35-02.jpg)

ଚିମିନ୍ ଧାରାମ୍ ଗୁରୁକୋ (ଆଗୁଆ) ନେଲ୍ କେଦାକୋ ଚି ୟୀଶୁ ଏନ୍ ହୋଡ଼ୋକୋଲୋଃ ମିହୋଡ଼୍ ଗାତିକୋ ଲେକା ବାକାଣ ତାନାଏ। ଏନାଲାଗିନ୍ ମିହୋଡ଼୍ ଏଟାଃ ନିଜାଃଲୋଃ ନେୟାକାଜି କାଜି ଏଟେଃ କେଦାକୋ ଚି ଇନିଃ ଗାଲ୍ତି ତାନାଏ। ୟୀଶୁ ଇନ୍‍କୁୱାଃ କାଜିକୋକେ ଆୟୁମ୍ କେଦାଏ,ଏନାଲାଗିନ୍ ଇନିଃ ଇନ୍‍କୁକେ ନେ କାହାନୀ ଉଦୁବ୍ କେଦାଏ।

![](https://cdn.door43.org/obs/jpg/360px/obs-en-35-03.jpg)

“ମିୟାଃ ହୋଡ଼୍ ତାଇକେନାଏ ଅକନିଜାଃ ବାରୋଡ୍ କୋଡ଼ାହୋନ୍ ତାଇକେନାକିନ୍। ହୁଡିଙ୍ଗ୍ କୋଡ଼ାହୋନ୍ ଆଜାଃ ଆପୁତେକେ କାଜିକିଜାଏ, ‘ହେ ଆପୁ, ଇଙ୍ଗ୍ କେ ନାଆ ଇଙ୍ଗ୍ଆଃ ହିସ୍ସା(ଭାଗ୍) ଏମିଙ୍ଗ୍ ମେ!’ଏନ୍ତେ: ଆପୁ ଆଜାଃ ବାରାନ୍ କୋଡ଼ାହୋନ୍ କିନ୍ ନାଃ ଥାଲାରେ ଆଜାଃ ଧାନ୍ ସାମ୍ପାତି କୋକେ ହାଟିଂଙ୍ଗ୍ ତାଃକିନାଏ। ”

![](https://cdn.door43.org/obs/jpg/360px/obs-en-35-04.jpg)

“ସେକାଡ଼୍ ଗି ହୁଡିଙ୍ଗ୍ କୋଡ଼ାହୋନ୍ ଆଜାଃ ସୋବେନ୍ ତେୟାଃ ହୁଣ୍ଡିକେତେ ସାଙ୍ଗିନ୍ ଦିଶୁମ୍ତେ ସେନୋଃ ଜାନାଏ ହାର୍ ପାପି ଜୀଦାନ୍ ରେ ଜିହୀଦ୍ ଦୋଃ ଲାଗିନ୍ ଆଜାଃ ସୋବେନ୍ ଧାନ୍ କେ ବାର୍ବାଦ୍ ଛାବା ତାଦାଏ।”

![](https://cdn.door43.org/obs/jpg/360px/obs-en-35-05.jpg)

“ଏନା ତାୟୋମ୍ତେ, ଅକତାଃରେ ହୁଡିଙ୍ଗ୍ ହାଗା ତାଇକେନାଏ ଏନ୍ ଦିଶୁମ୍ ରେ ମିୟାଃ ମାରାଙ୍ଗ୍ ଆକାଲ୍ ହୋବାଜାନା, ହାର୍ ଇନିଜାଃ ତାଃ ଯୋଯୋମାଃ ଖିରିଙ୍ଗ୍ ଲାଗିନ୍ ଟାକା କା ତାଇକେନା। ଏନାଲାଗିନ୍ ଇନିଃ ଅକନ୍ କାମି ନାମ୍ ଜାନା ଏନା ସୁକ୍ରିକୋକେ ଗୁପି ତାଇକେନା। ଇନିଃ ଦୁଖୀ ହାର୍ ରେଙ୍ଗ୍ଏଃ ଲେନାଏ ଚି ଇନିଃ ସୁକ୍ରିକୋୱାଃ ଯୋଜୋମାଃ ତେୟାଃକେ ଯୋମ୍ ସାନାଙ୍ଗ୍ ତାଇନାଏ। ”

![](https://cdn.door43.org/obs/jpg/360px/obs-en-35-06.jpg)

“ଆଖ୍ରୀ ସାମାୟ୍ ରେ, ଏନ୍ ହୁଡିଙ୍ଗ୍ ହାଗା ଆପାନ୍ କେ କାଜିଜାନାଏ, ଇଙ୍ଗ୍ ଚିନାଃ ରିକାତାନିଙ୍ଗ୍? ଇଙ୍ଗ୍ଆଃ ଆପୁ ରାଃ ସୋବେନ୍ ମାଜ୍ରିକାମି ତାନ୍ କୋତାଃ ଜୋମେଲାଗିନ୍ ଥିମ୍ବା ମେନାଃ, ହାର୍ ଇଙ୍ଗ୍ ନେତାଃ ରେଙ୍ଗେଃତେ ଗୋଜୋଃ ତାନିଙ୍ଗ୍। ଇଙ୍ଗ୍ ଇଙ୍ଗ୍ଆଃ ଆପୁରାଃ ନାଡ଼େଏ ରୁଆଡ଼୍ ଇଙ୍ଗ୍ ହାର୍ ଇଙ୍ଗ୍ଆଃ ଆପୁରାଃ ମିୟାଃ ମାଜ୍ରିକାମି ହୋଡ଼୍ ଲେକା ଇନିଃକେ ଆର୍ଜି ଇଙ୍ଗ୍।‘”

![](https://cdn.door43.org/obs/jpg/360px/obs-en-35-07.jpg)

“ଏନ୍ତେ ହୁଡିଙ୍ଗ୍ ହାଗା ଆଜାଃ ଆପୁ ଅଡ଼୍ଆଃ ରୁଆଡ଼୍ ଲାଗିନ୍ ଏଟେଃ କେଦାଏ। ଜାବ୍ ଚି ଇନିଃ ସାଙ୍ଗିନ୍ ରେ ତାଇକେନାଏ, ଇନିଜାଃ ଆପୁ ଇନିଃକେ ନେଲ୍ କିଜାଏ ହାର୍ ଇନିଃକେ ଦାୟାରେ ଫେରେଃ ଜାନାଏ। ଇନିଃ ନିର୍କେତେ ଆଜାଃ ହୋନ୍ କୋଡ଼ାରାଃ ନାଡ଼େଏ ହିଜୁଃ ଲେନାଏ ହାର୍ ଇନିଃକେ ଭେଟ୍ କିଜାଏ ହାର୍ ଚୁମାକିଜାଏ।”

![](https://cdn.door43.org/obs/jpg/360px/obs-en-35-08.jpg)

“ଏନ୍ କୋଡ଼ାହୋନ୍ କାଜିକେଦାଏ, ହେ ଆପୁ, ଇଙ୍ଗ୍ ପାର୍ମେଶ୍ଵାର୍ ରାଃ ହାର୍ ଆମାଃ ବିରୁଦ୍ଧ୍ ପାପ୍ କାଦିଙ୍ଗ୍। ଇଙ୍ଗ୍ ଆମାଃ ହୋନ୍ କାଜିନ୍ ରାଃ ଲାଏକ୍ ୟଗି ନାହାଲିଙ୍ଗ୍।’”

![](https://cdn.door43.org/obs/jpg/360px/obs-en-35-09.jpg)

“ମେନ୍ଦୋ ଆପୁ ଆଜାଃ ମିୟାଃ ମାଜ୍ରିକାମି ତାନ୍ ହୋଡ଼୍ କେ (ଦାସୀ) କେ କାଜିକିଜାଏ, ‘ସେକାଡ଼୍ ଗି ସେନୋଃମେ ଲିଜାଃ ଆଉୟେମେ ହାର୍ ଇଙ୍ଗ୍ଆଃ ହୋନ୍ କୋଡ଼ାକେ ତୁସିଙ୍ଗ୍ ଇମେ! ଇନିଜାଃ ଆଙ୍ଗ୍ ଠିରେ ମୁଦି ହାର୍ ଇନିଜାଃ କାଟାରେ ଯୁତା ତୁସିଙ୍ଗୀମେ। ଆଡୋଃ ସୋବେନ୍ତେ ବୁଗିନ୍ ମିଣ୍ଡୀ ଗୋଜିମେ ତାଚି ଆବୁ ଭୋଜି ଜୋମେୟାବୁ ହାର୍ ରାଶିକାନ୍ ୟାବୁ, ଚିୟାଃଚି ଇଙ୍ଗ୍ଆଃ ହୋନ୍ ଗୋଏଃ କାନ୍ ତାଇନାଏ, ମେନ୍ଦୋ ନାଆ ଇନିଃ ଜିହିଃ ମେନିଯା! ଇନିଃ ଆଆଃ କାନ୍ତିନାଏ, ମେନ୍ଦୋ ନାଆ ଆଲେ ନାମ୍ କିଜାଲେ!”

![](https://cdn.door43.org/obs/jpg/360px/obs-en-35-10.jpg)

“ଏନା ଲାଗିନ୍ ହୋଡ଼ୋକୋ ରାଶିକାନ୍ ଏଟେଃ କେଦାକୋ। ଚିମିନ୍ ସାମାୟ୍ ସେନୋଃ ଜାନ୍ ରେ, ମାରାଙ୍ଗ୍ ହାଗା ଲୋୟୋଙ୍ଗ୍ କାମିକେତେ ଅଡ଼୍ଆଃ ହିଜୁଃ ଲେନାଏ। ଇନିଃ ଦୁରାଙ୍ଗ୍ ହାର୍ ଶୁଶୁନ୍ ରାଃ ଷାଡ଼ିକୋ ଆୟୁମ୍ କେଦାଏ ହାର୍ ଆକ୍ ଦାନ୍ଦା ଜାନାଏ ଚି ନେୟାଃ ଚିନ୍ଆଃ ହୋବାଅଃ ତାନା।”

![](https://cdn.door43.org/obs/jpg/360px/obs-en-35-11.jpg)

“ଚିମ୍ତାଙ୍ଗ୍ ମାରାଙ୍ଗ୍ ହାଗାକେ ସାରିଜାନାଏ ଚି ଇନ୍‍କୁ ଏନାଲାଗିନ୍ ରାଶିକାନ୍ ତିନାକୋ ଚି ଚିୟାଃଚି ଆଜାଃ ହାଗା ଅଡ଼୍ଆଃ ହିଜୁଃ ଲେନାଏ, ଦ ଇନିଃ ଥିମ୍ବାଗି ଖିସ୍ ଜାନାଏ ହାର୍ ଅଡ଼୍ଆଃରେ କାଏ ବୋଲୋଜାନାଏ। ଆଜାଃ ଆପୁ ବାହାରି ହିଜୁଃକେତେ ଆଏଃକେ ଇନ୍‍କୁୱାଃ ଲୋଃ ରାସୀକାନ୍ ଲାଗିନ୍ ଆର୍ଜି କିଜାଏ, ମେନ୍ଦୋ ଇନିଃ ମାନା ତାଦାଏ।”

![](https://cdn.door43.org/obs/jpg/360px/obs-en-35-12.jpg)

“ମାରାଙ୍ଗ୍ ହୋନ୍ କୋଡ଼ା ଆଜାଃ ଆପୁକେ କାଜିକିଜାଏ, ‘ନେ ସୋବେନ୍ ବାରାଶ୍ କୋରେ ଇଙ୍ଗ୍ ଆମାଃ ଲାଗିନ୍ ବିଶ୍ଵାସ୍ ତାନ୍ ଲୋଃ କାମିକେଦିଙ୍ଗ୍! ଚିଉଲା ୟଗି ଆମାଃ କାଜିକେ କାଇଙ୍ଗ୍ ମାନାକାଦା,ମେନ୍ଦୋ ଆମ୍ ଚିଉଲା ୟଗି ଇଙ୍ଗ୍ କେ ମିୟାଃ ହୁଡିଙ୍ଗ୍ ମେରୋମ୍ ୟଗି କାମ୍ ଏମ୍ କାଦା ଚି ଇଙ୍ଗ୍ ଇଙ୍ଗ୍ଆଃ ଗାତିକୋ ଲୋଃ ରାସୀକାନ୍ ଅଗିଙ୍ଗ୍। ମେନ୍ଦୋ ଆମାଃ ନେ ହୋନ୍ କୋଡ଼ା ଆମାଃ ଧାନ୍ ସାମ୍ପାତିକୋକେ ପାପି କାମିରେ ଖାର୍ଚା ତାଦାଏ। ହାର୍ ଚିମ୍ତାଙ୍ଗ୍ ନାଆ ଇନିଃ ହିଜୁଃ ଜାନ୍ ରେ ଦୋ ଇନିଃଜାଃ ଲାଗିନ୍ ରାଶିକାନ୍ ଲାଗିନ୍ ଆମ୍ ସୋବେନ୍ ଏତେ ବୁଗିନ୍ ମିଣ୍ଡୀକେ ଗୋଏଃ କିଜାମ୍!’”

![](https://cdn.door43.org/obs/jpg/360px/obs-en-35-13.jpg)

“ଆପୁ କାଜିକିଜାଏ, ‘ହେ ଇଙ୍ଗ୍ଆଃ ହୋନ୍ କୋଡ଼ା, ଆମ୍ ସୋବେନ୍ ଇମ୍ତାଙ୍ଗ୍ ଇଙ୍ଗ୍ଆଃ ଲୋଃ ମେନାମା, ହାର୍ ଅକନାଃ ଇଙ୍ଗ୍ଆଃ ତାନାଃ ଏନା ସୋବେନ୍ ଆମାଃ ତାନାଃ। ମେନ୍ଦୋ ଆବୁକେ ରାଶିକାନ୍ ଲାଗିନ୍ ବୁଗିନ୍ ତାନାଃ ଚିୟାଃଚି ଆମାଃ ହାଗା ଗୋଏଃ ଲେନାଏ, ମେନ୍ଦୋ ନାଆ ଜିହୀଦ୍ ମେନିଜାଃ। ଇନିଃ ଆଆଃ କାନ୍ତିନାଏ, ମେନ୍ଦୋ ନାଆ ଆବୁ ଇନିଃ କେ ନାମ୍ ଲିଜାବୁ!”

*ବାଇବାଲ୍ ମିୟାଃ କାହାନୀ: ଲୁକା ୧୫: ୧୧-୩୨*

Audio: https://git.door43.org/OBS-TLF/unx_obs/releases/download/v1/unx_obs_v1_35_128kbps.m4a

## 36. ୩୬. ରୂପ୍ ବାଦ୍‍ଲାଓ ଜାନା

https://openbiblestories.org/l/unx/story-36/

![](https://cdn.door43.org/obs/jpg/360px/obs-en-36-01.jpg)

ମୁସିଙ୍ଗ୍,ୟୀଶୁ ଆଜାଃ ତିନ୍ ଝାନ୍ ଚେଲା,ପାତ୍ରାସ୍,ୟାକୁବ୍, ହାର୍ ଯୋହାନ୍ କେ ଆଜାଃ ଗାତିରେ ଇଦିକିଜାଏ। (ନେ ଯୋହାନ୍ ନୁତୁମ୍ ଚେଲା ଏନ୍ ହୋଡ଼୍ ନାହାଲାଏ ଅକନିଃ ୟୀଶୁକେ ବାପ୍ତିମା ଏମ୍ ଲିଯାଏ)ଇନିଃ ବିନ୍ତି ଲାଗିନ୍ ମିୟାଃ ସାଲାଙ୍ଗି ବୁରୁ ଚେତାନ୍ ରେ ସେନୋଃ ଜାନାଏ।

![](https://cdn.door43.org/obs/jpg/360px/obs-en-36-02.jpg)

ଚିମ୍ତା ୟୀଶୁ ବିନ୍ତି ତାଇନାଏ ଦୋ ଇନିଜାଃ ମେଃମୁହାଡ୍ ଶିଙ୍ଗୀ ଲେକା ମାସ୍କାଲ୍ ଜାନା। ଇନିଜାଃ ଲିଜାଃ ମାର୍ସାଲ୍ ଲେକା ମାସ୍କାଲ୍ ଲେକା ପୁଣ୍ଡୀ ଜାନା, ଅକନାଃ ଅତେଦିଶୁମ୍ ରେ ଜେତାଏ ହୋଡ଼୍ ରିକା କାଏ ଧାଡ଼ିୟାଃ।

![](https://cdn.door43.org/obs/jpg/360px/obs-en-36-03.jpg)

ଏନ୍ତେ ମୁଶା ନାବୀ ହାର୍ ଏଲିୟା ନାବୀ ନେଲ୍ ଯାନାକିନ୍। ନେ ହୋଡ଼ୋକିନ୍ ନେନ୍ ଅତେଦିଶୁମ୍ ରେ ନେନ୍ ସାମାୟେ ତେ ସାଓ-ସାଓ ବାରାସ୍ ତେ ସିଦା ତାୟୋଃ ତିନାକିନ୍। ଇନ୍ କିନ୍ ୟୀଶୁଲୋଃ ଆଜାଃ ଗୋନୋଏଃ ବିସାଏରେ ବାଖାଣ୍ ତିନାକିନ୍, ଚିୟାଃଚି ଇନିଃ ସେକାଡ଼୍ ଗି ୟୀରୁଶାଲେମ୍ ସାହାର୍ ରେ ଗୋଜୋଗାଏ।

![](https://cdn.door43.org/obs/jpg/360px/obs-en-36-04.jpg)

ଚିମ୍ତା ମୁଶା ନାବୀ ହାର୍ ଏଲିୟା ନାବୀ ୟୀଶୁଲୋଃ ବାଖାଣ୍ ତିନାକିନ୍ ଏନ୍ତେ ପାତ୍ରାସ୍ ୟୀଶୁକେ କାଜିକିଜାଏ, “ଆଲେୟାଃ ଲାଗିନ୍ ନେତାଃ ତାଇନ୍ ବୁଗିନ୍ ତାନାଃ। ଆଲେ ଆପି ମାଣ୍ଡାପ୍ ବାଇୟାଲେ, ମିୟାଃ ଆମାଃ ଲାଇ, ମିୟାଃ ମୁଶା ନାବୀ ଲାଇ, ହାର୍ ମିୟାଃ ଏଲିୟା ନାବୀ ଲାଇ।”ମେନ୍ଦୋ ପାତ୍ରାସ୍ କାଏ ସାରିତିନା ଚି ଇନିଃ ଚିନ୍ଆଃ କାଜିତାନାଏ।

![](https://cdn.door43.org/obs/jpg/360px/obs-en-36-05.jpg)

ଚିମ୍ତା ପାତ୍ରାସ୍ ବାଖାଣ୍ ତାଇନାଏ, ଦୋ ମିୟାଃ ମାସ୍କାଲ୍ ରିମିଲ୍ ଲେକା ହିଜୁଃକେତେ ଇନ୍‍କୁୱାଃରେ ହାରୁପ୍ କେଦାଏ। ଆଡୋଃ ରିମିର୍ ତେ ମିୟାଃ କାଜି ହିଜୁଃତାନ୍ ଆୟୁମ୍ କେଦାକୋ। ଇନିଃ କାଜିକେଦାଏ, “ନିଇ ଇଙ୍ଗ୍ଆଃ ହୋନ୍ ତାନିଃ ଅକନିଃକେ ଇଙ୍ଗ୍ ଦୁଲାଡ଼୍ ତାନିଙ୍ଗ୍। ଇନିଜାଃ ଆୟୁମ୍ ଏପେ।”ଏନ୍ ଆପି ଚେଲାକୋ ବୋରୋଜାନାକୋ ହାର୍ ଅତେ ଚେତାନ୍ ରେ ଉୟୁଃ ଜାନାକୋ।

![](https://cdn.door43.org/obs/jpg/360px/obs-en-36-06.jpg)

ଏନ୍ତେ ୟୀଶୁ ଇନ୍‍କୁକେ ଜୁଟିଇ କେଦାଏ ହାର୍ କାଜିକେଦାଏ, “ଆରୋପେ ବୋରୋୟା। ବିରିଃ କେନୋଃପେ।” ଚିମ୍ତା ଇନ୍‍କୁ ସୋବେନ୍ ପାଡ଼୍ ନେଲ୍ କେଦାକୋ, ଦୋ ଇନ୍‍କୁ ମିହୋଡ଼୍ ଗି ୟୀଶୁକେ ନେଲ୍ କିଜାକୋ।

![](https://cdn.door43.org/obs/jpg/360px/obs-en-36-07.jpg)

ୟୀଶୁ ହାର୍ ଆପିଚେଲା କୋଲୋଃ ଏନ୍ ବୁରୁତେ ରୁଆଡ଼୍ ଲାଥାର୍ ଆଡ୍ ଗୁ ଜାନାକୋ। ଏନ୍ତେ ୟୀଶୁ ଇନ୍‍କୁକେ କାଜିକେଦାଏ, “ନାଆଃ ଅକନାଃ ନେତାଃରେ ହୋବାଜାନା ଇନ୍‍କୁୱା କାଜି ବାଖାଣ୍ ଅକଏ ୟଗି ଆଲୋପେ କାଜିୟାଃ। ଇଙ୍ଗ୍ ସେକାଡ଼୍ ଗି ଗୋଏଃ କେନୋଗିଙ୍ଗ୍ ହାର୍ ଆଡୋଃଗି ଜିବିରିଦିଙ୍ଗ୍। ଏନା ତାୟୋମ୍ତେ,ଆପେ ହୋଡ଼ୋକୋକେ ଉଦୁବ୍ କୋପେ।”

*ବାଇବାଲ୍ ରାଃ ମିୟାଃ କାହାନୀ: ମାତ୍ତି ୧୭: ୧-୨; ମାର୍କୁ ୯: ୨-୮; ଲୁକା ୯:୨୮*

Audio: https://git.door43.org/OBS-TLF/unx_obs/releases/download/v1/unx_obs_v1_36_128kbps.m4a

## 37. ୩୭. ୟୀଶୁ ଲାଝାର୍ କେ ଗୋଜାକାନ୍ ଏତେ ବିରିଃ କିଜାଏ

https://openbiblestories.org/l/unx/story-37/

![](https://cdn.door43.org/obs/jpg/360px/obs-en-37-01.jpg)

ଲାଝାର୍ ମୁତୁମ୍ ମିୟାଃ ହୋଡ଼୍ ତାଇକେନାଏ। ଇନିଜାଃ ବାରିୟା ମିଶିକିନ୍ ତାଇକେନାକିନ୍ ଅକନ୍ କିନ୍ଆ ନୁତୁମ୍ ମାରିୟାମ୍ ହାର୍ ମାର୍ଥା ତାଇକେନା। ଇନ୍‍କୁ ସୋବେନ୍ କୋ ୟୀଶୁ ରାଃ ନାଡ଼େଜାନ୍ ଗାତି ତାଇକେନାକୋ। ମୁସିଙ୍ଗ୍ ହୁଲାଙ୍ଗ୍, ଅକଏ ଉଦୁବ୍ କେଦାଏ ଚି ଲାଝାର୍ ଥିମ୍ବାଗି ବିମାର୍ ରେ ତାଇକେନାଏ। ଚିମ୍ତା ୟୀଶୁ ନେୟା ଆୟୁମ୍ କେଦାଏ ଦୋ ଇନିଃ କାଜିକେଦାଏ, “ନେୟା ବେମାର୍ ଲାଝାର୍ କେ ଗୋଏଃ କାଏ ଧାଡ଼ିଆ। ନେୟାଃଲାଗିନ୍, ନେ ହୋଡ଼୍ କୋ ପାର୍ମେଶ୍ଵାର୍ ରାଃ ମାନାରାଙ୍ଗ୍ ଲାଗିନ୍ତେ ହୋବା ଅଗାଏ।”

![](https://cdn.door43.org/obs/jpg/360px/obs-en-37-02.jpg)

ୟୀଶୁ ଆଜାଃ ଗାତିକୋକେ ଦୁଲାଡ଼୍ କୋ ତାଇନାଏ,ମେନ୍ଦୋ ଅକତାଃରେ ଆଏଃ ତାଇକେନାଏ ଏନ୍ତାଃରେ ବାର୍ସିଙ୍ଗ୍ ଶାନ୍ ତାଙ୍ଗୀ କେଦାଏ। ଏନ୍ ବାର୍ଶିଙ୍ଗୀ ତାୟୋମ୍ତେ, ଇନିଃ ଆଜାଃ ଚେଲା କୋକେ କାଜିକେଦାଏ, “ହିଜୁଃପେ, ୟାହୁଦାତେ ରୁଆଡ଼୍ ସେନାବୁ।”ଚେଲାକୋ କାଜିକେଦାକୋ, “ମେନ୍ଦୋ ହେ ଗୁରୁ,ନାଆ କାଟୀଃ ସାମାୟ୍ ସିଦାରେ ଏନ୍ତାଃରେନ୍ ହୋଡ଼ୋକୋ ଇଙ୍ଗ୍ କେ ଗୋଏଃ ସାନାଙ୍ଗ୍ ତିନାକୋ!”ୟୀଶୁ କାଜିକେଦାଏ, “ଆବୁଆଃ ଗାତି ଲାଝାର୍ ଗିତିଃ କାନାଏ, ହାର୍ ଇଙ୍ଗ୍ କେ ଇନିଃକେ ବିରିଃ ମେନାଗା।”

![](https://cdn.door43.org/obs/jpg/360px/obs-en-37-03.jpg)

ୟୀଶୁ ରାଃ ଚେଲାକୋ କାଜିକେଡ଼ାକୋ, “ହେ ପ୍ରାଭୂ, ଆଗାର୍ ଲାଝାର୍ ଗିତିଃ କାନ୍ ରେ, ଦୋ ଇନିଃ ବୁଗିନ୍ କେନୋଗାଏ।” ଏନ୍ତେ ୟୀଶୁ ଇନ୍‍କୁକେ ସାଫା-ସାଫା କାଜିକେଃ କୋୱାଏ, “ଲାଝାର୍ ଗୋଏଃ କାନାଏ। ଇଙ୍ଗ୍ ରାଶିକାନ୍ ତାନିଙ୍ଗ୍ ଚି ଇଙ୍ଗ୍ ଏନ୍ତାଃରେ କାଇଙ୍ଗ୍ ତାଇକେନା, ତାଚି ଆପେ ଇଙ୍ଗ୍ ଆଃରେ ବିଶ୍ଵାସ୍ ୟାପେ।”

![](https://cdn.door43.org/obs/jpg/360px/obs-en-37-04.jpg)

ଚିମ୍ତାଙ୍ଗ୍ ୟୀଶୁ ଲାଝାର୍ ରାଃ ହାତୁ ସେଟେର୍ ଜାନାଏ ଦୋ ଲାଝାର୍ କେ ଗୋଜାକାନ୍ କାବାର୍ ନାମ୍ ଚାଇର୍ ଦିନ୍ ହୋବାତାଇକେନା। ମାର୍ଥା ୟୀଶୁକେ ନାପାମ୍ ଲାଗିନ୍ ବାହାର୍ ହିଝୁଃନାଏ ହାର୍ କାଜିକେଦାଏ, “ହେ ପ୍ରାଭୂ, ଆଗାର୍ ଆମ୍ ନେତାଃ ତାଇନ୍ ଜାନ୍ ରେ ଦୋ ଇଙ୍ଗ୍ଆଃ ହାଗା କାଏ ଗୋଜୋଃ ତେୟାଃ। ମେନ୍ଦୋ ଇଙ୍ଗ୍ ବିଶ୍ଵାସ୍ ତାନିଙ୍ଗ୍ ଚି ଜେତାନାଃ ସୋବେନ୍ ତେୟାଃ ଆମ୍ ପାର୍ମେଶ୍ଵାର୍ କେ ଆଶିରେମ୍ ଏନା ଆମ୍ କେ ଏମାମେୟାଏ।”

![](https://cdn.door43.org/obs/jpg/360px/obs-en-37-05.jpg)

ୟୀଶୁ କାଜିକେଦାଏ, “ଜୀବିରିନିଦ୍ ହାର୍ ଜୀଦାନ୍ ଇଙ୍ଗ୍ ତାନିଙ୍ଗ୍। ଅକଏ ଜେତାଏ ଇଙ୍ଗ୍ଆଃ ଚେତାନ୍ ରେ ବିଶ୍ଵାସ୍ ମାଣ୍ଡାଅ ୟାଃଏ ଆଗାର୍ ଇନିଃ ଗୋଏଃ କେନୋଃ ରେଅଗି ଜିହିଦୋଗାଏ। ଚିନ୍ଆଃ ନେୟାରେ ଆମ୍ ବିଶ୍ଵାସ୍ ତାନାମ୍?” ମାର୍ଥା କାଜିକେଦାଏ, “ହେ ପ୍ରାଭୂ,ଇଙ୍ଗ୍ ବିଶ୍ଵାସ୍ ତାନିଙ୍ଗ୍ ଚି ଆମ୍ ପାର୍ମେଶ୍ଵାର୍ ରାଃ ହୋନ୍ ମାସିହ ତାନ୍ ମେ।”

![](https://cdn.door43.org/obs/jpg/360px/obs-en-37-06.jpg)

ଏନ୍ ତାଆଏତେ ମାରିୟାମ୍ ସେଟେର୍ ଜାନାଏ। ଇନିଃ ୟୀଶୁରାଃ କାଟା ସୁବାରେ ଉୟୁଃକେତେ କାଜିକେଦାଏ, “ହେ ପ୍ରାଭୂ, ଆଗାର୍ ଆମ୍ ନେତାଃରେ ତାଇନ୍ ଜାନ୍ ରେମ୍ ଦୋ ଇଙ୍ଗ୍ଆଃ ହାଗା କାଏ ଗୋଜୋଃ ତେୟାଃ।”ୟୀଶୁ ଇନିଃକେ କୁଲିକିଜାଏ, “ଆପେ ଲାଝାର୍ କେ କୋତାଃରେ ମାଣ୍ଡାଅ କିଜାପେ?”ଇନ୍‍କୁ ଇନିଃକେ ଉଦୁବ୍ କିଜାକୋ, “କାବାର୍ ରେ। ହିଝୁଃ ମେ ହାର୍ ନେଲିମେ।”ଏନ୍ତେ ୟୀଶୁ ରାଆ କେଦାଏ।

![](https://cdn.door43.org/obs/jpg/360px/obs-en-37-07.jpg)

ଏନ୍ କାବାର୍ ମିୟାଃ ଗୁଫା ତାଇକେନା ଏନାରାଃ ଦ୍ଵାର୍ରେ ମିୟାଃ ଦିରିରେ ହାହୁବ୍ବା କାନ୍ ତାଇକେନା। ଚିମ୍ତାଙ୍ଗ୍ ୟୀଶୁ କାବାର୍ ତାଃ ସେଟେର୍ ଜାନାଏ ଦୋ ଇନିଃ ଇନ୍‍କୁକେ କାଜିକେଦାଏ, “ଦିରି କେ ଗେନା ତାପେ।” ମେନ୍ଦୋ ମାର୍ଥା କାଜିକେଦାଏ, “ଇନିଃ କେ ଗୋଜାକାନ୍ ଚାଇର୍ ଦିନ୍ ହୋବାକାନା। ଏନାତେ ଦୋ ଶିତୃ ସୋୱାନ୍ ଅଡୋଙ୍ଗ୍ ତାନା।”

![](https://cdn.door43.org/obs/jpg/360px/obs-en-37-08.jpg)

ୟୀଶୁ କାଜି କିଜିକିଜାଏ, “ଚିନାଃ ଇଙ୍ଗ୍ କାଇଙ୍ଗ୍ କାଜିଲାଆ ଚି ଆଗାର୍ ଆମ୍ ଇଙ୍ଗ୍ଆଃ ଚେତାନ୍ ରେ ବିଶ୍ଵାସ୍ ଏରେମ୍ ଦୋ ପାର୍ମେଶ୍ଵାର୍ ରାଃ ପେଡ଼େଏ କେ ନେଲେୟାମ୍?”ଏନାଲାଗିନ୍ ଇନ୍‍କୁ ଦିରିକେ ଆତୋମ୍ ଗେନା ତାଦାକୋ।

![](https://cdn.door43.org/obs/jpg/360px/obs-en-37-09.jpg)

ଏନ୍ତେ ୟୀଶୁ ଚେତାନ୍ ସିର୍ମାତେ ନେଲ୍ କେତେ କାଜିକେଦାଏ, “ହେ ଆପୁ, ଇଙ୍ଗ୍ଆଃ ଆୟୁମ୍ ଲାଗିଙ୍ଗ୍ ଧାନ୍ୟାବାଦ୍ ତାନିଙ୍ଗ୍। ଇଙ୍ଗ୍ ସାରିତାନିଙ୍ଗ୍ ଚି ଆମ୍ ସୋବେନ୍ ଇମ୍ତାଙ୍ଗ୍ ଆୟୁମ୍ ୟାମ୍, ମେନ୍ଦୋ ଇଙ୍ଗ୍ ନେୟା ନେତାଃରେ ତିଙ୍ଗୁକାନ୍ ସୋବେନ୍ ହୋଡ଼ୋକୋୱାଃ ସାହାଏତା ଲାଗିନ୍ କାଜିତାନିଙ୍ଗ୍ ତାଚି ନିକୁ ବିଶ୍ଵାସ୍ ୟାକୋ ଚି ଆମ୍ ଇଙ୍ଗ୍ କେ କୁଲ୍ କାଦିଙ୍ଗ୍ୟାମ୍।” ଏନ୍ତେ ୟୀଶୁ ଜୋର୍ତେ ହାକାଅ କେଦାଏ, “ହେ ଲାଝାର୍, ବାହିର୍ ଅଡୋଙ୍ଗ୍ ହିଜୁଃମେ!”

![](https://cdn.door43.org/obs/jpg/360px/obs-en-37-10.jpg)

ଏନ୍ତେ: ଲାଝାର୍ ବାହାରି ଅଡୋଙ୍ଗ୍ ଜିହୁଃ ଲେନାଏ!ଇନିଃ ନାଆ ଅଗି ମାଣା ଲିଜାଃରେ ଲାଟୁମ୍ କାନ୍ ତାଇନାଏ। ୟୀଶୁ ଇନ୍‍କୁକେ କାଜିକେଃ କୋୱାଏ, “ନେ ମାଣାଲିଜାଃ କେ ରାଡ଼ା ଲାଗିନ୍ ଇନିଜାଃ ସାହାଏତା ଇପେ ହାର୍ ଇନିଃକେ ରାଡ଼ାଇପେ।” ନେ ଆକ୍ ଦାନ୍ଦାଅ କାମିରାଃ ଚାଲ୍ତେ ଥିମ୍ବାଗି ୟାହୁଦୀକୋ ୟୀଶୁ ରାଃ ଚେତାନ୍ ବିଶ୍ଵାସ୍ କେଦାକୋ।

![](https://cdn.door43.org/obs/jpg/360px/obs-en-37-11.jpg)

ମେନ୍ଦୋ ୟାହୁଦୀକୋୱାଃ ଧାର୍ମିକ୍ ଆଗୁୱା କୋ ୟୀଶୁକେ ହିଶିଙ୍ଗାତେ ଜୁଲ୍ ଜାନାକୋ, ନେୟା ଲାଗିନ୍ ଇନ୍‍କୁ ମିଃତା ହୁଣ୍ଡି ରୋଜୋଟ୍ ବାଇ ସେକାଡ଼୍ କେଦାକୋ ଚି ଚିଲ୍କା ୟୀଶୁ ହାର୍ ଲାଝାର୍ କେ ଗୋଏଃ କିନାବୁ।

*ବାଇବାଲ୍ ମିୟାଃ କାହାନୀ: ଯୋହାନ୍ ୧୧: ୧-୪୬*

Audio: https://git.door43.org/OBS-TLF/unx_obs/releases/download/v1/unx_obs_v1_37_128kbps.m4a

## 38. ୩୮. ୟୀଶୁ ସାବୋଗାଏ

https://openbiblestories.org/l/unx/story-38/

![](https://cdn.door43.org/obs/jpg/360px/obs-en-38-01.jpg)

ସୋବେନ୍ ବାରାଶ୍, ୟାହୁଦୀ କୋୱାଃ ଫାସାହା ପାରାବ୍ ମାନାତିଙ୍ଗ୍ ତିନାକୋ। ନେୟା ଏନ୍ ବିସାୟରେ ମିୟାଃ ପାରାବ୍ ତାଇକେନା ଚି ଚିମିନ୍ ଶାଅ-ଶାଅ ବାରାଶ୍ ସିଦା ପାର୍ମେଶ୍ଵାର୍ ଆକୋୱାଃ ସିଦାରେନ୍ ହାଡ଼ାମ୍ କୋକେ ମିଶାର୍ ରେ ଦାସୀକାନ୍ କୋତେ ଛୋଡାଅ ଲେଃ କୋୱାଏ। ଲାଗ୍-ଭାଗ୍ ଆପି ବାରାସ୍ ରାଃ ତାୟୋମ୍ତେ ୟୀଶୁ ସୋବେନ୍ କୋୱାଃ ଥାଲାରେ ପାର୍ଚାର୍ ହାର୍ ଶିଖାଅ ଏଟେଃ କେଦାଏ। ୟୀଶୁ ଆଜାଃ ଚେଲାକୋକେ ଉଦୁବ୍ କେଦାଏ ଚି ଇନିଃ ଇନ୍‍କୁୱାଃ ଲୋଃ ଫାସାହ୍ ପାରାବ୍ ମାନାତିଙ୍ଗ୍ ସାନାଙ୍ଗ୍ ତାନାଏ, ହାର୍ ନେୟାଅଗି ତାନାଃ ଚି ଇନିଃ ଏନ୍ତାଃରେ ବିଡ଼ା ଗୋଜୋଗାଏ।

![](https://cdn.door43.org/obs/jpg/360px/obs-en-38-02.jpg)

ୟୀଶୁ ରାଃ ଚେଲା କୋଏତେ ମିୟାଃ ୟାହୁଦା ନୁତୁମ୍ ମିୟାଃ ହୋଡ଼୍ ତାଇକେନାଏ। ୟାହୁଦା ସାଲାକାନ୍ ଚେଲାକୋଆଃ ଟାକା ଥାଇଲା ରେନ୍ ଖାଜାନ୍ଚି ତାଇକେନାଏ,ମେନ୍ଦୋ ମିଶା-ମିଶା ଏନ୍ ଥାଇଲା ରାଃ ଟାକାକୋକେ ଅଡୋଙ୍ଗ୍ ତାଇକେନାଏ। ୟୀଶୁ ହାର୍ ଚେଲାକୋ ୟୀରୁଶାଲେମ୍ ସେଟେର୍ ତାୟୋମ୍ତେ ୟାହୁଦା ୟାହୁଦୀ କୋୱାଃ ଆଗୁଆ କୋତାଃ ସେନ୍ ଜାନାଏ। ଇନ୍‍କୁୱାଃ ଟାକା ରାଃ ବାଦ୍ଲାରେ ୟୀଶୁକେ ଇନ୍‍କୁୱାଃ ତିଇରେ ଶାବାଇ ରାଃ କାଜି ମାଣ୍ଡାଅ କେଦାଏ। ଇନିଃ ସାରିତାଇନାଏ ଚି ୟାହୁଦୀ ଆଗୁୱାକୋ କାକୋ ମାନାତିଙ୍ଗ୍ ତିନାକୋ ଚି ୟୀଶୁ ମାସୀହ୍ ତାନ୍ନିଃ ଇନିଃ ସାରିତାଇନାଏ ଚି ଇନ୍‍କୁ ଇନିଃକେ ଗୋଏଃ ସାନାଙ୍ଗ୍ ତାନାକୋ।

![](https://cdn.door43.org/obs/jpg/360px/obs-en-38-03.jpg)

ମାରାଙ୍ଗ୍ ୟାଜାକ୍ କୋୱାଃ କାଜିରେ ୟାହୁଦୀ ଆଗୁୱା କୋ ୟୀଶୁକେ ଇନ୍‍କୁୱାଃ ତିଇରେ ସାବାଇ ଲାଗିନ୍ ୟାହୁଦା କେ ତିଶ୍ ରୂପା ରେନ୍ ଶିକ୍କା ଏନ୍ କିଜାକୋ। ନେୟା ଏନ୍ ଲେକା ହୋବାଜାନା ଜେଲେକା ଚି ନାବୀକୋ କାଜିଲାଆକୋ ଚି ହୋବାୱାଃ। ୟାହୁଦା ମାନାତିଙ୍ଗ୍ ଜାନାଏ ହାର୍ ଟାକା ଇଦି କେଃ ସେନୋଃ ଜାନାଏ। ଇନିଃ ୟୀଶୁକେ ବାଇରୀକୋଆଃ ତିଇରେ ସାବାଇ ଲାଗିନ୍ ଇନ୍କୁୱାଃ ସାହେତା ଲାଗିନ୍ ସାମାୟ୍ ଦାଣାବାଡ଼ା ତାଇନାଏ।

![](https://cdn.door43.org/obs/jpg/360px/obs-en-38-04.jpg)

ଯିରୁସାଲେମ୍ ସାହାର୍ ରେ ୟୀଶୁ ଆଜାଃ ଚେଲାକୋଲୋଃ ଫାସାହ୍ ପାରାବ୍ ମାନାତିଙ୍ଗ୍ କେଦାଏ। ଫାସାହ୍ ପାରାବ୍ ଜୋମ୍ ସାମାୟ୍ ରେ, ୟୀଶୁ ହୋଲୋଙ୍ଗ୍ ଇଦିକେଃ କେଚାଃ କେଦାଏ। ଇନିଃ କାଜିକେଦାଏ, “ନେୟା ଇଦି ପେ ହାର୍ ଜୋମେପେ। ନେୟା ଇଙ୍ଗ୍ଆଃ ହୋଡ୍ମୋ ତାନାଃ ଅକନାଃ ଇଙ୍ଗ୍ ଆପେୟାଃ ଲାଗିନ୍ ଏମ୍ ତାନିଙ୍ଗ୍। ନେୟାତେ ଇଙ୍ଗ୍ କେ ପାହୋମିଙ୍ଗ୍ ପେ।” ନେ ଲେକାତେ, ୟୀଶୁ କାଜିକେଦାଏ ଚି ଇନିଃ ଇନ୍‍କୁୱାଃ ଲାଗିନ୍ ଗୋଯୋଗାଏ, ମାନେ ଇନ୍‍କୁୱାଃ ଲାଗିନ୍ ଇନିଃ ଆପାନାଃ ହୋଡ଼ମୋ କେ ଦାଣେ ରାକାବ୍ ତାଆଏ।

![](https://cdn.door43.org/obs/jpg/360px/obs-en-38-05.jpg)

ଏନ୍ ତାଆଏତେ ୟୀଶୁ ମିୟାଃ ଆଙ୍ଗୁର୍ ରାଶି ଗ୍ଲାସ୍ ଇଦିକେଦାଏ ହାର୍ କାଜିକେଦାଏ, “ନେୟାଃ କେ ନୁଏପେ। ନେୟା ନାୱାଃ ନିୟାମ୍ ରାଃ ଇଙ୍ଗ୍ଆଃ ମାୟୋମ୍ ତାନାଃ ଅକନାଃ ଚି ଇଙ୍ଗ୍ ଦୁଲ୍ ତାନିଙ୍ଗ୍। ତାଚି ପାର୍ମେଶ୍ଵାର୍ ଆପେୟାଃ ପାପ୍ କୋକେ ଛାମାୟାଏ। ଆପେ ସୋବେନ୍ ନୁୟେ ସାମାୟ୍ ରେ ଇଙ୍ଗ୍ କେ ମୋନେ ଲାଗିନ୍ ରିକାଏପେ ଅକନାଃ ଇଙ୍ଗ୍ ନାଆ ରିକାତାନିଙ୍ଗ୍।”

![](https://cdn.door43.org/obs/jpg/360px/obs-en-38-06.jpg)

ଏନ୍ତେ ୟୀଶୁ ଆଜାଃ ଚେଲାକୋକେ କାଜିକେଦାଏ, “ଆପେ କୋଏତେ ମିୟାଃ ହୋଡ଼୍ ଇଙ୍ଗ୍ କେ ସାବ୍ ଜିମା ତାଆଏ।” ଚେଲାକୋ ଆକ୍- ଦାନ୍ଦା ଜାନାକୋ, ହାର୍ କୁଲିକେଦାକୋ ଚି ଅକଏ ନେକା କାମିୟାଃଏ। ୟୀଶୁ କାଜିକେଦାଏ, ଇଙ୍ଗ୍ କେ ସାବ୍ ଜିମା ହୋଡ଼୍ ଇନିଃ ତାନିଃ ଅକନିଃକେ ଇଙ୍ଗ୍ ହୋଲୋଙ୍ଗ୍ ରାଃ କେଚାଃ କେ ଏମ୍ ତାନିଙ୍ଗ୍।” ଏନ୍ତେ ଇନିଃ ଏନ୍ ହୋଲୋଙ୍ଗ୍ କେ ୟାହୁଦା କେ ଏମିଃଯାଏ।

![](https://cdn.door43.org/obs/jpg/360px/obs-en-38-07.jpg)

ୟାହୁଦା ଏନ୍ ହୋଲୋଙ୍ଗ ଇଦି ତାୟୋମ୍ତେ, ୟାହୁଦା ରେ ସାଏତାନ୍ ବୋଲୋ ଜାନାଏ। ୟାହୁଦା କେ ସାବ୍ ଥୋଲି ଲାଗିନ୍ ୟାହୁଦୀ ଆଗୁଆ କୋୱାଃ ସାହାଏତା ଲାଗିନ୍ ସେନୋଃ ଜାନାଏ। ନେୟାଃ ନିଦାରାଃ ସାମାୟ୍ ତାଇକେନା।

![](https://cdn.door43.org/obs/jpg/360px/obs-en-38-08.jpg)

ଜୋମେ ରାଃ ତାୟୋମ୍ତେ, ୟୀଶୁ ହାର୍ ଆଜାଃ ଚେଲାକୋ ଜାଇତୁନ୍ ବୁରୁତେ ସେନୋଃ ଜାନାକୋ, “ଆପେ ସୋବେନ୍ କୋ ଇସିଙ୍ଗ୍ ନିଦା ବାଗେ ତିଙ୍ଗ୍ୟାଃପେ। ନେୟା ଅଲାକାନା, ‘ଇଙ୍ଗ୍ ଗୁପିଃ ନିଃ କେ ଗୋଜିଇଙ୍ଗ୍ ହାର୍ ସୋବେନ୍ ମିଣ୍ଡୀକୋ ଛିତିବିତି କେନୋଗାକୋ।‘”

![](https://cdn.door43.org/obs/jpg/360px/obs-en-38-09.jpg)

ପାତ୍ରାସ୍ କାଜିରୁଆଡ଼୍ କେଦାଏ, “ଆଗାର୍ ଆମ୍ କେ ସୋବେନ୍ କୋ ବାଗେ ତାଃକୋ, ଇଙ୍ଗ୍ କାଇଙ୍ଗ୍ ବାଗେୟା” ଏନ୍ତେ ୟୀଶୁ ପାତ୍ରାସ୍ କେ କାଜିକେଦାଏ, “ସାଏତାନ୍ ଆପେ ସୋବେନ୍ କୋକେ ଇଦି ସାନାଙ୍ଗ୍ ତାନାଏ, ମେନ୍ଦୋ ହେ ପାତ୍ରାସ୍ ଇଙ୍ଗ୍ ଆମାଃ ଲାଗିନ୍ ବିନ୍ତି କାଦିଙ୍ଗ୍ ଚି ଆମ୍ ବିଶ୍ଵାସ୍ କେ ଆଲୋମ୍ ଦୁର୍ବାଲ୍ ଏନା। ଏଣ୍ଡେ ଅଗି, ଇସିଙ୍ଗ୍ ନିଦା,ଶିମ୍ କୋ ରାଆ ସିଦାରେ ଆମ୍ ଆପିସା ମାନାୟାମ୍ ଚି ଆମ୍ ଇଙ୍ଗ୍ କେ କାମ୍ ସାରିୟାମ୍।”

![](https://cdn.door43.org/obs/jpg/360px/obs-en-38-10.jpg)

ଏନ୍ତାଏତେ ପାତ୍ରାସ୍ ୟୀଶୁକେ କାଜିକିଜାଏ, “ଆଗାର୍ ଇଙ୍ଗ୍ ଗୋଏଃ କେନୋଃ ରେଅଗି, ଇଙ୍ଗ୍ ଚିଉଲା ୟଗି ଆମ୍ କେ କାଇଙ୍ଗ୍ ସାରିଆ ମେନ୍ତେ କାଇଙ୍ଗ୍ କାଜିୟା!” ଏଟାଃ ଚେଲାକୋ ୟଗି ଏନ୍ ଲେକାଗି କାଜିକେଦାକୋ।

![](https://cdn.door43.org/obs/jpg/360px/obs-en-38-11.jpg)

ଏନ୍ତେ ୟୀଶୁ ଆଜାଃ ଚେଲାକୋଲୋଃ ଗେଶିମୋନି ନୁତୁମ୍ ଜାଗାରେ ସେନ୍ ଜାନାକୋ। ୟୀଶୁ ଆଜାଃ ଚେଲାକୋକେ ବିନ୍ତି ଲାଗିନ୍ କାଜିକେଦାଏ ଚିକାଲାଇ ଚି ସାଏତାନ୍ ଇନ୍‍କୁୱାଃ କାଏ ପାରିକ୍ଷା କାଏ। ଏନ୍ତେ ୟୀଶୁ ଆୟେଃଗି ବିନ୍ତି ଲାଗିନ୍ ସେନୋଃ ଜାନାଏ।

![](https://cdn.door43.org/obs/jpg/360px/obs-en-38-12.jpg)

ୟୀଶୁ ଆପିସା ବିନ୍ତି କେଦାଏ, “ହେ ଇଙ୍ଗ୍ ଆ ଆପୁ, ଆଗାର୍ ହୋବାଅରେ ଦୋ ଦାୟା ତେ ନେ ଦୁକୁରାଃ ନୁଏଃଗ୍ଲାସ୍ କେ ନୁୟେ ଲାଗିନ୍ ଇଙ୍ଗ୍ କେ ଆଲୋମ୍ ଏମିଙ୍ଗ୍ ୟାଃ। ମେନ୍ଦୋ ଆଗାର୍ ହୋଡ଼ୋକୋୱାଃ ପାପ୍ ଛାମା ଲାଗିନ୍ ଜେତାନ୍ ହୋରା ବାନୋଃ ରେ ଦୋ, ଆମାଃ ଗି ସାନାଙ୍ଗ୍ ପୁରାଅଃ କା।”ୟୀଶୁ ଥିମ୍ବାଗି ଦୁକୁରେ ତାଇକେନାଏ ହାର୍ ଇନିଜାଃ ବାଲ୍-ବାଲ୍ ଦାଆ ମାୟୋମ୍ ରାଃ ଟିପାଃଲେକା ତାଇକେନା। ଇନିଃକେ ପେଡ଼େଏ ଏମ୍ ଲାଗିନ୍ ପାର୍ମେଶ୍ଵାର୍ ମିୟାଃ ସିର୍ମାଦାସୀ କେ କୁଲ୍ କିଜାଏ।

![](https://cdn.door43.org/obs/jpg/360px/obs-en-38-13.jpg)

ସୋବେନ୍ ଇମ୍ତାଙ୍ଗ୍ ବିନ୍ତି ତାୟୋମ୍ତେ, ୟୀଶୁ ଆଜାଃ ଚେଲାକୋତାଃ ରୁଆଡ଼୍ ହିଜୁଃ ଲେନାଏ, ମେନ୍ଦୋ ଇନ୍‍କୁ ଉଡୁମ୍ ତିନାକୋ। ଚିମ୍ତାଙ୍ଗ୍ ୟୀଶୁ ଆପିସା ହିଜୁଃ ରୁଆଡ଼୍ ଜାନ୍ ରେ ଦୋ ୟୀଶୁ କାଜିକେଦାଏ, “ବିରିଃପେ ଏନ୍ ପେ! ଇଙ୍ଗ୍ କେ ସାବ୍ ଜିମା ନିଃଇ ନେତାଃ ମେନିଯା।”

![](https://cdn.door43.org/obs/jpg/360px/obs-en-38-14.jpg)

ୟାହୁଦୀ ଆଗୁୱା, ସିପାହୀକୋ,ହାର୍ ମିୟାଃ ମାରାଙ୍ଗ୍ ଭିଡ଼୍ ଲୋଃ ୟାହୁଦା ହିଜୁଃ ଲେନାଏ। ଇନ୍‍କୁ ତାଲ୍ୱାଃରକୋ ହାର୍ ଲାଠିକୋ ହାର୍ ହୁଲ୍ଲାକୋ ସାବ୍ ଲାଆକୋ। ୟାହୁଦା ୟୀଶୁରାଃ ନାଡ଼େଏ ହିଜୁଃକେତେ କାଜିକେଦାଏ, “ହେ ଗୁରୁ,ଜୋହାର୍, “ହାର୍ ଆଏଃକେ ଚୁମା କିଜାଏ। ୟାହୁଦୀ ଆଗୁୱା କୋ ଅକଏକେ ସାବିୟାକୋ ନେୟାଃ ଏନାରାଃ ଚିନ୍ ହା ତାଇକେନା। ଏନ୍ତେ ୟୀଶୁ କାଜିକେଦାଏ, “ହେ ୟାହୁଦା, ଚିନ୍ଆଃ ଆମ୍ ମିୟାଃ ଚୁମାତେ ଇଙ୍ଗ୍ କେ ବାଇରୀ କୋୱାଃ ତିଇ ରେ ଜିମାଇଙ୍ଗ୍ ତାନାମ୍?”

![](https://cdn.door43.org/obs/jpg/360px/obs-en-38-15.jpg)

ଚିମ୍ତାଙ୍ଗ୍ ଏନ୍ ସିପାହୀକୋ ୟୀଶୁକେ ସାବିତାଇନାକୋ, ଦୋ ପାତ୍ରାସ୍ ଆଜାଃ ତାଲ୍ୱାଃର୍ ଅଡୋଙ୍ଗ୍ କେଦାଏ ହାର୍ ମାରାଙ୍ଗ୍ ୟାଜାକ୍ ରାଃ ମିୟାଃ ଦାସୀ ଗାଃ ଲୁତୁର୍ କେ ଖାଣ୍ଡାଅ ତାଦାଏ। ୟୀଶୁ କାଜିକେଦାଏ, “ତାଲ୍ୱାଃର୍ କେ ସାଙ୍ଗିନ୍ ଏମ୍! ଇଙ୍ଗ୍ ଇଙ୍ଗ୍ଆଃ ଆପୁକେ ଆପାନ୍ କେ ବାଚାଅନ୍ ଲାଗିନ୍ ସିର୍ମାଦାସୀ କୋଆଃ ଝୁଣ୍ଡ୍ ଲାଇ ଆର୍ଜି ରିକା ତେଇଙ୍ଗ୍। ମେନ୍ଦୋ ଇଙ୍ଗ୍କେ ଇଙ୍ଗ୍ଆଃ ଆପୁ ଗାଃ ମାନାତିଙ୍ଗ୍ ମେନାଃ।”ଏନ୍ତେ ୟୀଶୁ ଏନ୍ ହୋଡ଼୍ ରାଃ ଲୁତୁର୍ କେ ଠିକ୍ ତାଦାଏ। ଏନ୍ତେ ସୋବେନ୍ ଚେଲାକୋ ନିର୍ ଜାନାକୋ।

*ବାଇବାଲ୍ ମିୟାଃ କାହାନୀ: ମାତ୍ତି ୨୬:୧୪-୫୬; ମାର୍କୁ ୧୪:୧୦-୫୦; ଲୁକା ୨୨:୧-୫୩; ଯୋହାନ୍୧୨:୬; ୧୮:୧-୧୧*

Audio: https://git.door43.org/OBS-TLF/unx_obs/releases/download/v1/unx_obs_v1_38_128kbps.m4a

## 39. ୩୯. ୟୀଶୁ କେ ବିଚାର୍ ୟାକୋ

https://openbiblestories.org/l/unx/story-39/

![](https://cdn.door43.org/obs/jpg/360px/obs-en-39-01.jpg)

ନାଆ ନେୟା ଆଧାନିଦା ରାଃ ସାମାଏ ତାଇକେନା। ଏନ୍ ସିପାହୀକୋ ୟୀଶୁକେ ମାରାଙ୍ଗ୍ ୟାଜାକ୍ ରାଃ ଅଡାଃତେ ଆଉଲିଜାକୋ, ଚିୟାଃଚି ଇନିଃ ୟୀଶୁକେ କୁଲିସାନାଙ୍ଗ୍ ତିନାଏ। ପାତ୍ରାସ୍ ସାଙ୍ଗିନ୍ତେ ଇନ୍ କୁୱାଃ ତାୟୋମ୍-ତାୟୋମ୍ ଅତୋଙ୍ଗ୍ କୋ ତାଇନାଏ। ଚିମ୍ତାଙ୍ଗ୍ ୟୀଶୁକେ ଏନ୍ ଅଡାଃରେ ଇଦିକିଜାକୋ, ଦୋ ପାତ୍ରାସ୍ ବାହାରେ ତିଙ୍ଗୁକେତେ ସେଙ୍ଗେଲ୍ ଜୁରୁବ୍ ତିନାଏ।

![](https://cdn.door43.org/obs/jpg/360px/obs-en-39-02.jpg)

ଅଡାଃ ରାଃ ଭିତାର୍, ୟାହୁଦି ଆଗୁଆକୋ ୟୀଶୁକେ ବିଚାର୍ ତାଇନାକୋ। ଇନ୍ କୁ ଇନିଜାଃ ବିରୁଦ୍ଦରେ ଲୋଗୋ କାଜିକୋ ଲାଗିନ୍ ଥିମ୍ବାଗି ବେଦାଗୋୱାଃ କୋ ଆଉକେଦାକୋ। ଏଣ୍ଡେଅଗି, ଇନ୍ କୁୱାଃ କାଜିକୋ ମିହୋଡ୍ ଏଟାଃନିଜାଃ ଲୋଃ କା ଯୋକା ଜାନା, ଏନାଲାଗିନ୍ ୟାହୁଦି ଆଗୁୱାକୋ ନେୟା କାକୋ ଉଦୁବ୍ ଧାଡ଼ିଜାନା ଚି ଇନିଃ ଜେତାନ୍ କାଜିରେ ଦୋଷୀ ତାନିଃ। ୟୀଶୁ ଜେତାନାଃ କାଏ କାଜିକେଦାଏ।

![](https://cdn.door43.org/obs/jpg/360px/obs-en-39-03.jpg)

ଆଖ୍ରୀରେ, ମାରାଙ୍ଗ୍ ୟାଜାକ୍ ୟୀଶୁପାର୍ ନେଲ୍ କେତେ କାଜିକେଦାଏ, “ଆଲେକେ ଉଦୁବ୍ ଲେମ୍ ଚି ଆମ୍ ଜିହିଃ ପାର୍ମେଶ୍ଵାର୍ ରାଃ କୋଡାହୋନ୍ ମାସିହ୍ ତାନ୍ ମେ?”

![](https://cdn.door43.org/obs/jpg/360px/obs-en-39-04.jpg)

ୟୀଶୁ କାଜିକେଦାଏ, “ଇଙ୍ଗ୍ ତାନିଙ୍ଗ୍, ହାର୍ ଆପେ ଇଙ୍ଗ୍ କେ ପାର୍ମେଶ୍ଵାର୍ ଲୋଃ ଦୁବାକାନ୍ ହାର୍ ସିର୍ମାତେ ହିଜୁଃତେୟାଃ ଅଗି ନେଲେୟାପେ।”ମାରାଙ୍ଗ୍ ୟାଜାକ୍ ଆଜାଃ ଲିଜାଃକେ ଚେଚାଃ କେଦାଏ ଚିୟାଃଚି ଅକନାଃ ୟୀଶୁ କାଜିଲାଆଏ ଇନିଃ ଏନ୍ ବାଖାଣ୍ ତେ ଖିସ୍ ଲେନାଏ। ଇନିଃ ଏଟାଃ ଆଗୁଆ କୋକେ କିର୍ଲାଅ କେଦାଏ, “ଆବୁକେ ନେୟା ଉଦୁବ୍ ଲାଗିନ୍ ଜେତାନ୍ ନିଜାଃ ଗୋୱାଃ ଦାର୍କାର୍ ବାନ୍ଅ ଚି ନେ ହୋଡ୍ ଚିନାଃ ରିକା କାଦାଏ! ଆପେ ଆପେଗି ଇନିଃକେ ନେୟା କାଜିତେ ଆୟୁମ୍ ଲିଜାପେ ଚି ଇନିଃ ପାର୍ମେଶ୍ଵାର୍ ରାଃ ହୋନ୍ ତାନିଃ। ଇନିଃଜାଆ ବିଷାୟରେ ଆପେୟାଃ ଚିନାଃ ବିଚାର୍ ମେନାଃ?”

![](https://cdn.door43.org/obs/jpg/360px/obs-en-39-05.jpg)

ସୋବେନ୍ ୟାହୁଦି ଆଗୁୱାକୋ ମାରାଙ୍ଗ୍ ୟାଜାକ୍ କୋକେ କାଜିକେଦାକୋ, “ ଇନିଃ ଗୋଜୋଃ ଦାନ୍ନଡ୍ ନାମେନିଃ ତାନିଃ!” ଏନ୍ତେ ଇନ୍ କୁ ୟୀଶୁରାଃ ମେଏଃରେ ସେରେଃ ଲିଜାଃତେ ଥଲ୍ କିଜାକୋ, ଇନିଃଜାଆରେ ବେଏଃ କେଡାକୋ, ଇନିଃକେ ବିଡାକିଜାକୋ,ହାର୍ ଲାନ୍ଦା କିଜାକୋ।

![](https://cdn.door43.org/obs/jpg/360px/obs-en-39-06.jpg)

ହାର୍ ପାତ୍ରାସ୍, ଚିମ୍ତାଙ୍ଗ୍ ଇନିଃ ଅଡାଃ ବାହାରେ ହର ତାଇକେନାଏ। ଏନ୍ତେ ମିଆଃ ଦାସୀକୁଡ଼ି ଇନିଃକେ ନେଲ୍ କିଜାଏ। ଇନିଃ ଇନିଃକେ କାଜିକିଜାଏ, “ଆମୋଗି ୟୀଶୁରାଃ ଗାତିରେ ତାଇକେନାମ୍!” ପାତ୍ରାସ୍ ମାନା ତାଦାଏ। ତାୟୋମ୍ତେ, ଜେତାଏ ଏଟାଃ କୁଡ଼ି ଏନ୍ କାଜିକେଗି କାଜିକେଦାଏ,ହାର୍ ପାତ୍ରାସ୍ ଆଡୋଃମିସା ମାନା କେଦାଏ। ଆଖିରୀରେ, ଚିମିନ୍ ହୋଡ଼ୋକୋ କାଜିକେଦାକୋ, “ଆଲେ ସାରିତାନାଲେ ଚି ଆମ୍ ୟୀଶୁଲୋଃ ତାଇକେନାମ୍ ଚିୟାଃଚି ଆବେନ୍ ବାରାକିନ୍ ଗାଳିଲ୍ ସାହାର୍ ରେନ୍ ତାନ୍ ବେନ୍।”

![](https://cdn.door43.org/obs/jpg/360px/obs-en-39-07.jpg)

ଏନ୍ତେ ପାତ୍ରାସ୍ କାଜିକେଦାଏ, “ଆଗାର୍ ନେ ହୋଡ୍ କେ ସାରିରେଦୋ ପାର୍ମେଶ୍ଵାର୍ ଇଙ୍ଗ୍ କେ ଆଭିସାପ୍ ଏମେକାଏ!”ସେକାଡ୍ ଗି ପାତ୍ରାସ୍ ନେ ଲେକା କିରିୟାଃ ଜୋମ୍ ରାଃ ତାୟୋମ୍ତେ, ମିଆଃ ସିମ୍ ରାଆ କେଦାଏ। ୟୀଶୁ ଦୟାପାର୍ ବିୟୁର୍ କେତେ ପାତ୍ରାସ୍ ନେଲ୍ କିଜାଏ।

![](https://cdn.door43.org/obs/jpg/360px/obs-en-39-08.jpg)

ପାତ୍ରାସ୍ ଏନ୍ତାଏତେ ସେନୋଃ ଯାନାଏ ହାର୍ ଶିସ୍କାଆ-ଶିସ୍କାଆ ରାଆ କେଦାଏ। ଏନ୍ ସାମାଏରେଗି, ୟୀଶୁ କେ ସାବାଇନିଃ ୟାହୁଦା ନେଲ୍ କିଜାଏ ଚି ୟାହୁଦି ଆଗୁୱା କୋ ଗୋଏଃରାଃ ଦାଣ୍ଡ ଏମ୍ କିଜାକୋ। ୟାହୁଦା ଥିମ୍ବାଗି ଦୁକୁ ଯାନାଏ ହାର୍ ସେନ୍ କେତେ ଆପାନ୍ ଗି ଗୋଏଃ ଜାନାଏ।

![](https://cdn.door43.org/obs/jpg/360px/obs-en-39-09.jpg)

ଏନ୍ତେ ଏନ୍ ଦିଶୁମ୍ ରେ ରାଇଜ୍ କେ ରାଜ୍ପାଲ୍ ହାକିମ୍ ପିଲାତୁସ୍ ତାଇକେନାଏ। ଇନିଃ ରୋମ୍ ସାର୍କାର୍ ଲାଗିନ୍ କାମୀ ତିନାଏ। ୟାହୁଦି ଆଗୁୱା କୋ ୟୀଶୁକେ ଇନିଃଜାଆ ନାଡେଃ ଇଦିକିଜାକୋ। ଇନ୍ କୁ ସାନାଙ୍ଗ୍ ତିନାକୋ ଚି ପିଲାତୁସ୍ ଇନିଃକେ ଗୋଜୋଃ ଦାଣ୍ଡ ଏମେକାଏ ହାର୍ ଗୋଜିକାଏ। ଏନ୍ତେ ପିଲାତୁସ୍ ୟୀଶୁକେ କୁଲିକିଜାଏ, “ଚିନାଃ ଆମ୍ ୟାହୁଦି କୋୱାଃ ରାଜା ତାନ୍ମେ?”

![](https://cdn.door43.org/obs/jpg/360px/obs-en-39-10.jpg)

ୟୀଶୁ କାଜିକେଦାଏ, ଆମ୍ ସାର୍ତିଗି କାଜିତାନାମ୍। ମେନ୍ଦୋ ଇଙ୍ଗ୍ଆଃ ରାଇଜ୍ ନେତାଃରାଃ ଅତେଦିଶୁମ୍ ଲେକା ନାହାଲା। ଆଗାର୍ ହୋବାଅଃ ତେୟାଃ ଏଣ୍ଡେଦୋ ଇଙ୍ଗ୍ଆଃ ଦାସୀକୋ ଇଙ୍ଗ୍ଆଃ ଲାଗିନ୍ ଲାଡ଼ାଇ ତେୟାଃକୋ। ଇଙ୍ଗ୍ ଅତେଦିଶୁମ୍ ରେ ପାର୍ମେଶ୍ଵାର୍ ରା ବିଶାଏରେ ସାର୍ତିକେ ଉଦୁବ୍ ଲାଗିନ୍ ହିଜୁଃ କାନିଙ୍ଗ୍। ଜେତାଏ ମିହୋଡ୍ ହୋଡ୍ ଅକଏ ସାର୍ତିକେ ଦୁଲାଡ୍ ମାଣ୍ଡାଅ ୟାଏ ଇନିଃଗି ଇଙ୍ଗ୍ଆଃ ଆୟୁମ୍ ୟାଏ।”ପିଲାତୁସ୍ କାଜିକେଦାଏ, ଦୋ ସାର୍ତି ଚିନାଃ ତାନ୍ଆ?”

![](https://cdn.door43.org/obs/jpg/360px/obs-en-39-11.jpg)

ୟୀଶୁ ଲୋଃ ଜାଗାର୍ ତାୟୋମ୍, ପିଲାତୁସ୍ ବାହାରେ ଅଡ଼ୋଙ୍ଗ୍ କେତେ ଭିଡ୍ କୋକେ କାଜିକେଃ କୋୱାଏ, “ଇଙ୍ଗ୍ ନେକା ଜେତାନ୍ କାରାନ୍ କାଇଙ୍ଗ୍ ନାମ୍ ତାନା ଚି ନେ ହୋଡ୍ ଗୋଜୋଃ ଲେକା ନେଲୋଃ ତାନାଏ।” ମେନ୍ଦୋ ୟାହୁଦୀ ଆଗୁୱା କୋ ହାର୍ ଭିଡ୍ ରେନ୍ କୋ କିର୍ଲାଅ କେତେ କାଜିକେଦାକୋ, “ଇନିଃକେ କ୍ରୁଶ୍ ରେ ରାକାବ୍ ବିପେ!”ପିଲାତୁସ୍ କାଜିରୁଆଡ୍ କେଦାଏ, “ଇନିଃଜାଆରେ ଜେତାନାଃ ଗାଲ୍ତିକାମୀ ଲେକା ଦୋଷ୍ ବାନୋଗା।” ମେନ୍ଦୋ ଇନ୍ କୁ ଆଡୋଃଗି ଜୋର୍ତେ କିର୍ଲାଅ କେଦାକୋ। ଏନ୍ତେ ପିଲାତୁସ୍ ତିସ୍ରା ବେର୍ କାଜିକେଦାଏ, “ଇନିଃ ଦୋଷୀ ନାହାଲାଏ!”

![](https://cdn.door43.org/obs/jpg/360px/obs-en-39-12.jpg)

ପିଲାତୁସ୍ ବୋରୋଯାନାଏ ଚି ଏନ୍ ଭିଡ୍ ଲାପାଡାଇ ଏଟେଃ ତାଆକୋ, ଏନାଲାଗିନ୍ ଇନିଃ ଆଜାଃ ସିପାହୀ ହୋରାତେ ୟୀଶୁକେ କ୍ରୁଶ୍ ଚେତାନ୍ ରେ ରାକାବ୍ ଲାଗିନ୍ ମାନାତିଙ୍ଗ୍ ଯାନାଏ। ରୋମୀ ସିପାହୀକୋ ୟୀଶୁକେ କୋର୍ଡାରେ ବିଡ଼ାକିଜାକୋ, ହାର୍ ଇନିଃକେ ରାଜାରାଃ ଲିଜାଃ ତୁସିଙ୍ଗ୍ କିଜାକୋ, ହାର୍ ଇନିଃ ଜାଃ ଭୋଅ ରେ ଜାନୁମ୍ ରାଃ ବାଇକାନ୍ ମୁକୁଟ୍ ତୁସିଙ୍ଗ୍ କିଜାକୋ। ଏନ୍ତେ ନେଆ କାଜିକେତେ ମାଯାକ୍ କିଜାକୋ, “ନେଲିପେ, ୟାହୁଦି କୋୱାଃ ରାଜା!”

*ବାଇବାଲ୍ ମିଆଃ କାହାନୀ:ମାତ୍ତି ୨୬:୫୭-୨୭; ମାର୍କୁ ୧୪:୫୩-୧୫:୧୫; ଲୁକା ୨୨:୫୪-୨୩:୨୫; ଯୋହାନ୍୧୮:୧୨-୧୯:୧୬*

Audio: https://git.door43.org/OBS-TLF/unx_obs/releases/download/v1/unx_obs_v1_39_128kbps.m4a

## 40. ୪୦. ୟୀଶୁ କେ କ୍ରୁଶ୍ ଚେତାନ୍ ରେ ରାକାବ୍ କିଜାକୋ

https://openbiblestories.org/l/unx/story-40/

![](https://cdn.door43.org/obs/jpg/360px/obs-en-40-01.jpg)

ୟୀଶୁକେ ଲାନ୍ଦାଇରାଃ ତାୟୋମ୍ତେ, ସିପାହୀକୋ ଇନିଃକେ କ୍ରୁଶ୍ ରେ ରାକାବ୍ ଲାଗିନ୍ ଇଦିକିଜାକୋ। ଇନ୍‍କୁ ଏନ୍ କ୍ରୁଶ୍ କେ ଇନିଃକେଗି ଗଅ କାଜିକେଦାକୋ ଅକନାଃରେ ଇନିଃ ଗୋଜୋଗାଏ।

![](https://cdn.door43.org/obs/jpg/360px/obs-en-40-02.jpg)

ଏନ୍ ସିପାହୀକୋ ୟୀଶୁକେ ଏନ୍ ଜାଗାରେ ଆଉକିଜାକୋ ଅକନାଃ ଚି “ଖୋପ୍ଡ଼ି”କାଜିଅଃ ତିନା ହାର୍ ଇନିଜାଃ ତିଇରେ ହାର୍ କାଟାକେ କ୍ରୁଶ୍ ରେ କାଣ୍ଟିତେ ଠୋକାଅ ତାଜାକୋ। ମେନ୍ଦୋ ୟୀଶୁ କାଜିକେଦାଏ, “ହେ ଆପୁ, ଇନ୍ କେ ଛାମା ତାକୋମ୍, ଚିୟାଃଚି ନିକୁ କାକୋ ସାରିତାନା ଚି ନିକୁ ଚିନାଃ ରିକାତାନାକୋ।” ଇନ୍‍କୁ ମିୟାଃ ଅଲାକାନ୍ ପାଟା କେଅଗି ଇନିଜାଃ ଭଅ ଚେତାନ୍ ରେ ହାକା ତାଦାକୋ। ଏନାରେ ଅଲାକାନ୍ ତିନା, “ୟାହୁଦୀ କୋୱାଃ ରାଜା।” ପିଲାତୁସ୍ ଇନିଃକେ ନେୟା ଅଲ୍ ଲାଗିନ୍ କାଜିଲାଆଏ।

![](https://cdn.door43.org/obs/jpg/360px/obs-en-40-03.jpg)

ଏନ୍ତେ ସିପାହୀକୋ ୟୀଶୁ ରାଃ ଲିଜାଃଲାଗିନ୍ ଖୁଡ୍-ଖୁଡୀ କେଦାକୋ। ଚିମ୍ତାଙ୍ଗ୍ ଇନ୍‍କୁ ନେକାକେଦାକୋ ଦୋ ଇନ୍‍କୁ ଏନ୍ ଆୟାର୍ କାଜିକେଃ ତେୟାଃ ପୁରାଜାନା ଅକନାଃ କାଜିୟାଏ, ଇନ୍‍କୁ ଇଙ୍ଗ୍ଆଃ ଲିଜାଃକେ ଆକୋୱାଃରେ ହାଟିଙ୍ଗ୍ ଜାନାକୋ, ହାର୍ ଇଙ୍ଗ୍ଆଃ ଲିଜାଃ ଲାଗିନ୍ ଖୁଡ୍-ଖୁଡୀ ଏନେଃ ଜାନାକୋ। ”

![](https://cdn.door43.org/obs/jpg/360px/obs-en-40-04.jpg)

ଏନ୍ତାଃରେ ବାରିୟା ଚୋର୍ହାକିନ୍ ହଁ ତାଇକେନାକିନ୍, ଅକନ୍ କିନ୍ କେ ସିପାହୀକୋ ଏନ୍ ସାମାୟ୍ ରେ ଗି କୁରୁଶ୍ ଚେତାନ୍ ରେ ରାକାବ୍ ଲାଆକୋ। ଇନ୍‍କୁ ଇନ୍ କିନ୍ କେ ୟୀଶୁରାଃ ବାରାନ୍ ପାଡ଼୍ ମାଣ୍ଡାଅ ଲାଆକୋ। ଇନ୍ କିନ୍ ତେ ମିୟାଃ ଡାକୁ ୟୀଶୁକେ ଲାନ୍ଦା କିଜାଏ, ମେନ୍ଦୋ ଏଟାଃ ନିଃ କାଜିକେଦାଏ, “ଚିନାଃ ଆମ୍ କାମ୍ ବୋରୋତାନା ଚି ପାର୍ମେଶ୍ଵାର୍ ଆମ୍ କେ ଦାଣ୍ଡ ଏମାମେୟାଃଏ? ଆଲାଙ୍ଗ୍ ଦୋ ଥିମ୍ବାଗି ଏତ୍କାନ୍ କାମୀକେତେ ଦୋଷୀ ବାଇକାନାଲାଙ୍ଗ୍, ମେନ୍ଦୋ ନେ ହୋଡ଼୍ ନିର୍ଦୋଶ୍ ତାନିଃ।” ଆଡୋଃ ଇନିଃ କାଜିକେଦାଏ, “ଚିମ୍ତାଙ୍ଗ୍ ଆମ୍ ଆମାଃ ସିର୍ମାଦିଶୁମ୍ ରେ ହିଜୁଃରେମ୍ ଦୋ ଦାୟାରିକା କେତେ ଇଙ୍ଗ୍ କେ ମୋନେ ଇଙ୍ଗ୍ ମେ।” ୟୀଶୁ କାଜିକେଦାଏ, “ଇସିଙ୍ଗ୍ ଗି ଆମ୍ ଇଙ୍ଗ୍ଆଃ ଲୋଃ ପାରାଦୀଶ୍ ରେ ତାଇନାମ୍।”

![](https://cdn.door43.org/obs/jpg/360px/obs-en-40-05.jpg)

ୟାହୁଡି ଆଗୁଆକେ ହାର୍ ଭିଡ଼୍ ରେନ୍ ଏଟାଃହୋଡ଼୍ କୋଗି ଯୀଶୁକେ ଲାନ୍ଦା କିଜାକୋ, “ଇନ୍‍କୁ ଇନିଃକେ କାଜିକେଦାକୋ, “ଆଗାର୍ ଆମ୍ ପାର୍ମେଶ୍ଵାର୍ ରା ହୋନ୍ ତାନ୍ମେ ରେଦୋମ୍ କ୍ରୁଶ୍ ତେ ଲାଥାର୍ ତେ ଆଡ୍ଗୁ ହିଜୁଃମେ ହାର୍ ଆପାନ୍ କେ ବାଚାନ୍ ମେ! ଏନ୍ତେ ଆଲେ ଆମାଃ ଚେତାନ୍ ରେ ବିଶ୍ଵାସ୍ ୟାଃଲେ।”

![](https://cdn.door43.org/obs/jpg/360px/obs-en-40-06.jpg)

ଏନ୍ତେ ସୋବେନ୍ ଦିଶୁମ୍ ରେ ରିମିଲ୍ ଦିଶୁମ୍ ସୋବେନାଃ ନୁବାଃ ଜାନା, ଏନା ତିକିନ୍ ସାମାୟ୍ ତାଇକେନା ଗି ରିମିଲ୍ ଦିଶୁମ୍ ନୁବାଃ ଜାନା ହାର୍ ଆପୀ ଘଣ୍ଟା ସାନ୍ ଏନ୍ କାଗି ତାଇକେନା।

![](https://cdn.door43.org/obs/jpg/360px/obs-en-40-07.jpg)

ଏନ୍ତେ ୟୀଶୁ ଜୋର୍ତେ ହାକାଅ କେତେ କାଜିକେଦାଏ, “ପୁରାଜାନା! ହେ ଆପୁ, ଇଙ୍ଗ୍ ଇଙ୍ଗ୍ଆଃ ଆତ୍ମା ଆମାଃ ତିଇରେ ଜିମାତାନିଙ୍ଗ୍।” ଏନ୍ତେ ଇନିଃ ଆଜାଃ ଭୋଅକେ ତିରୁବ୍ କେଦାଏ ହାର୍ ଆଜାଃ ଜିଉକେ ବାଗେ ତାଦାଏ। ଚିମ୍ତାଙ୍ଗ୍ ଇନିଃ ଗୋଏଃ ଜାନାଏ ଦୋ ମିୟାଃ ଭୁଇଁଡୋଲ୍ ହିଜୁଃଲେନା। ଏନ୍ ମାରାଙ୍ଗ୍ ପାର୍ଦା ଅକନାଃ ପାର୍ମେଶ୍ଵାର୍ ରାଃ ଉପାସ୍ତିତ୍ ତେ ହୋଡ଼ୋକୋକେ ଆଲାଗ୍ ମାଣ୍ଡାଅ ତାଇନାଏ ଚେତାନ୍ ତେ ଲାଥାର୍ ପାଡ଼୍ ଚେଚାଃକେତେ ବାର୍ ହାଟିଂଙ୍ଗ୍ ଖାଣ୍ଡାଅ ଜାନା।

![](https://cdn.door43.org/obs/jpg/360px/obs-en-40-08.jpg)

ଆଜାଃ ଗୋଜୋଃ ରାଃ ଚାଲ୍ତେ, ୟୀଶୁ ହୋଡ଼ୋକୋୱାଃ ଲାଗିନ୍ ପାର୍ମେଶ୍ଵାର୍ ରାଃ ନାଡ଼େଏ ହିଜୁଃ ଲାଗିନ୍ ହୋରା ଖୋଲାଅ ତାଦାଏ। ଚିମ୍ତାଙ୍ଗ୍ ୟୀଶୁକେ ହୋରୋନିଃ ମିୟାଃ ସିପାହୀ ଅକନାଃ ହୋବାଲେନା ନେୟା ନେଲ୍ କେଦାଏ ଦୋ ଇନିଃ କାଜିକେଦାଏ, “ନିଶ୍ଚିନ୍ତେ, ନେ ହୋଡ଼୍ ନିର୍ଦୋଷ୍ ତାଇକେନାଏ। ନିଇ ପାର୍ମେଶ୍ଵାର୍ ରାଃ ହୋନ୍ ତାଇକେନାଏ।”

![](https://cdn.door43.org/obs/jpg/360px/obs-en-40-09.jpg)

ଏନ୍ତେ ଯୋଷେଫ୍ ହାର୍ ନିକୁଦିମୁସ୍ ନୁତୁମ୍ ରେନ୍ ବାର୍ହୋଡ୍ ୟାହୁଦୀ ଆଗୁୱା କିନ୍ ଜିଜୁଃ ଲେନାକିନ୍। ଆକିନ୍ ବିଶ୍ଵାସ୍ ତିନାକିନ୍ ଚି ୟୀଶୁ ଗି ମାହିହା ତାନିଃ। ଇନ୍ କିନ୍ ପିଲାତୁସ୍ କେ ୟୀଶୁରାଃ ମାଣାକେ ଆସୀ କେଦାକିନ୍। ଆକିନ୍ ଇନିଜାଃ ମାଣାକେ ଲିଜାଃରେ ଲାଟୁମ୍ କିଜାକିନ୍। ଏନ୍ତେ ଇନିଃକେ ମିୟାଃ ସେରେଙ୍ଗ୍ କେ ହାଃ କେତେ ବାଇକାନ୍ କାବାର୍ ତାଃ ଆଉକିଜାକିନ୍ ହାର୍ ଏନାରାଃ ଭିତାର୍ ରେ ମାଣ୍ଡାଅ କିଜାକିନ୍। ଏନ୍ତେ ଇନ୍ କିନ୍ ଏନ୍ କାବାର୍ ରାଃ ଦୁହାର୍ କେ ହାରୁବ୍ ଲାଗିନ୍ ମିୟାଃ ମାରାଙ୍ଗ୍ ଦିରିକେ ଗୁଡୁକାଅ କେତେ ହାରୁବ୍ ତାଦାକିନ୍।

*ବାଇବାଲ୍ ମିୟାଃ କାହାନୀ:ମାତ୍ତି ୨୨:୨୭-୬୧; ମାର୍କୁ ୧୫:୧୬-୪୭; ଲୁକା୨୩:୨୬-୫୬; ଯୋହାନ୍ ୧୯:୧୭-୪୨*

Audio: https://git.door43.org/OBS-TLF/unx_obs/releases/download/v1/unx_obs_v1_40_128kbps.m4a

## 41. ୪୧. ପାର୍ମେଶ୍ଵାର୍ ୟୀଶୁକେ ଗୋଜାକାନ୍ ଏତେ ଜିହିଃବିରିଦିଆଏ

https://openbiblestories.org/l/unx/story-41/

![](https://cdn.door43.org/obs/jpg/360px/obs-en-41-01.jpg)

ସିପାହୀ କୋଆଃ ହୋରାତେ ୟୀଶୁକେ କୁରୁସ୍ ରେ ରାକାବ୍ ରାଃ ତାୟୋମ୍ତେ, ୟାହୁଦୀ ଆଗୁୱାକୋ ପିଲାତୁସ୍ କେ କାଜିକିଜାକୋ, “ଏନ୍ ବେଦାନିଃ ୟୀଶୁ କାଜିଲେଦାଏ ଚି ଇନିଃ ଆପୀ ହୁଲାଙ୍ଗ୍ ରାଃ ତାୟୋମ୍ତେ ଗୋଜାକାନ୍ କୋଏତେ ଜିହିଃବିରିଦଗାଏ। ଜେତାଏ ମିହୋଡ଼୍ ନେୟା କେ ସାରି ଲାଗିନ୍ କାବାର୍ କେ ହୋରୋ ପାଡ଼ାୱା ଚି ଇନିଜାଃ ଚେଲାକୋ ଇନିଜାଃ ହୋଡ୍ମୋକେ କାକୋ ଚର୍ହା ଇଦିକାଦା। ଆଗାର୍ ଇନ୍‍କୁ ନେକା ରିକାଏ ରେଦୋ ଇନ୍‍କୁ କାଜିୟାକୋ ଚି ଇନିଃ ଗୋଜାକାନ୍ ଏତେ ଜିହିଃବିରିଃ କାନାଏ।”

![](https://cdn.door43.org/obs/jpg/360px/obs-en-41-02.jpg)

ପିଲାତୁସ୍ କାଜିକିଜାଏ, “ଚିମିନ୍ ସିପାହୀକୋକେ ଇଦି କେକୋମ୍,ହାର୍ ଜେଲେକା ଆପେ ରିକାଧାଡ଼ି ୟାପେ ଏନ୍ ଲେକା କାବାର୍ କେ ହରୟାପେ।” ଏନାଲାଗିନ୍ ଇନ୍‍କୁ ଏନ୍ କାବାର୍ ରାଃ ବୋଲୋଦ୍ଵାର୍ ରାଃ ଦିରିରେ ମିୟାଃ ମୋହର୍ ଲାଗାଆ ତାଦାକୋ। ଇନ୍‍କୁ ନେୟାସାରିନ୍ ଲାଗିନ୍ ଏନ୍ତାଃରେ ସିପାହୀକୋକେ ହୋରୋ ରିକାକେଦାଏ ଚି ଜେତାଏ ୟଗି ଇନିଜାଃ ହୋଡ୍ମୋକେ ଆଲୋକାକୋ ଚର୍ହାଏକା।

![](https://cdn.door43.org/obs/jpg/360px/obs-en-41-03.jpg)

ୟୀଶୁ କେ କାବାର୍ ଏମ୍ ରାଃ ମେୟାଙ୍ଗ୍ ସାଥାଅନ୍ ହୁଲାଙ୍ଗ୍ ତାଇକେନା। ଜେତାଏ ୟଗି ସାଥାଅନ୍ ହୁଲାଙ୍ଗ୍ ରେ କାକୋ କାମୀ ତିନା, ଏନାଲାଗିନ୍ ୟୀଶୁ ରାଃ ଜେତାୟଗି ଗାତିକୋ କାବାର୍ ତାଃ କାକୋ ହିଜୁଃ କାନ୍ ତାଇନା। ମେନ୍ଦୋ ସାଥାଅନ୍ ହୁଲାଙ୍ଗ୍ ରାଃ ଏଟାଃ ହୁଲାଙ୍ଗ୍, ଭୋର୍ ସେତାଃ ରେ, ଚିମିନ୍ କୁଡ଼ିକୋ ୟୀଶୁରାଃ କାବାର୍ ତାଃ ସେନ୍ ଲାଗିନ୍ ସେକାଡ଼୍ ଜାନାକୋ। ଇନ୍‍କୁ ଇନିଜାଃ ହୋଡ୍ମୋରେ ଆଡୋଃଗି ଶୋଆନ୍ ସୁନୁମ୍ ଗୋସୋଃ ସାନାଙ୍ଗ୍ ତିନାକୋ।

![](https://cdn.door43.org/obs/jpg/360px/obs-en-41-04.jpg)

ଏନ୍ କୁଡ଼ିକୋ ସେଟେର୍ ରାଃ ସିଦା, କାବାର୍ ରେ ମିୟାଃ ଭୁଇଁଡ଼ୋଲ୍ ହୋବାଜାନା। ସିର୍ମାତେ ମିୟାଃ ସିର୍ମାଦାସୀ ହିଜୁଃକେତେ ଏନ୍ ଦିରିକେ ଉଦୁର୍ ତାଦାଏ ଅକନାଃ କାବାର୍ ରାଃ ବୋଲୋ ଦ୍ଵାର୍ ରେ ହାରୁବ୍ କାନ୍ ତାଇନା ହାର୍ ଏନାରେ ଦୁବ୍ ଜାନାଏ। ଏନ୍ ସିର୍ମାଦାସୀ ମାସ୍କାଲ୍ ଲେକା ଚାମ୍ କାଃଅ ତାଇନାଏ। କାବାର୍ ରେ ଅକନ୍ ସିପାହୀକୋ ତାଇକେନାକୋ ଇନିଃକେ ନେଲ୍ କିଜାକୋ। ଇନ୍‍କୁ ଇମିନ୍ ବୋରୋକାନ୍ ତାଇକେନାକୋ ଚି ଗୋଜୋଃକାନ୍ ଲେକା ଅତେରେ ଉୟୁଃ ଜାନାକୋ।

![](https://cdn.door43.org/obs/jpg/360px/obs-en-41-05.jpg)

ଚିମ୍ତାଙ୍ଗ୍ କୁଡ଼ିକୋ କାବାର୍ ତାଃ ସେଟେର୍ ଜାନ୍ ରେ ଏନ୍ ସିର୍ମାଦାସୀ ଇନ୍‍କୁ କାଜିକେଦାଏ, “ଆଲୋପେ ବୋରୋୟା। ୟୀଶୁ ନେତ୍ଆଃରେ ବାଙ୍ଗୁଇଜା। ଇନିଃ ଗୋଜାକାନ୍ କୋଏତେ ଜିହିଃବିରିଦ୍ କାନାଏ, ଜେଲେକା ଚି ଇନିଃ କାଜିଲାଆଏ ଚି ଇନିଃ ଜିହିଃବିରିଦୋଗାଏ! କାବାର୍ ରେ ଦାଣାଇପେ ହାର୍ ନେଳିପେ।”ଏନ୍ କୁଡ଼ିକୋ କାବାର୍ ରାଃ ଭିତାର୍ ହାର୍ ଅକତାଃରେ ୟୀଶୁରାଃ ହୋଡ୍ମୋକେ ମାନ୍ ଡାଅ ଲାଆକୋ ଏନ୍ତାଃରେ ଦାଣାକିଜାକୋ ହାର୍ ନେଲ୍ କିଜାକୋ ଚି ଇନିଜାଃ ହୋଡ୍ମୋ କା ତାଇକେନା!

![](https://cdn.door43.org/obs/jpg/360px/obs-en-41-06.jpg)

ଏନ୍ତେ ଏନ୍ ସିର୍ମାଦାସୀ ଏନ୍ କୁଡ଼ିକୋକେ କାଜିକେଦାଏ, “ସେନ୍ କେତେ ଆଜାଃ ଚେଲାକୋକେ ଉଦୁବାକୋପେ, ‘ୟୀଶୁ ଗୋଜାକାନ୍ କୋଏତେ ଜିହିଃବିରିଦା କାନାଏ ହାର୍ ଇନିଃ ଆପେୟାଃ ଆୟୁର୍-ଆୟୁର୍ ଗାଲିଲ୍ ସାହାର୍ ତେ ସେନୋଗାଏ।’”

![](https://cdn.door43.org/obs/jpg/360px/obs-en-41-07.jpg)

ଏନ୍ କୁଡ଼ିକୋ ଆକ୍ ଦାନ୍ଦା ଜାନାକୋ ହାର୍ ଥିମ୍ବାଗି ରାଶିକା ଜାନାକୋ। ଇନ୍‍କୁ ନେ ଶୁକୁକାଜି ଉଦୁବ୍ ଲାଗିନ୍ ନିର୍ କେଦାକୋ।

![](https://cdn.door43.org/obs/jpg/360px/obs-en-41-08.jpg)

ଚିମ୍ତାଙ୍ଗ୍ ଏନ୍କୁଡ଼ିକୋ ଚେଲାକୋକେ ନେ ଶୁକୁକାଜି ଉଦୁବ୍ ଲାଗିନ୍ ଆକୋୱାଃ ସାଣ୍ଡାକ୍ ରେ ତାଇକେନାକୋ, ଦ ୟୀଶୁ ଇନ୍‍କୁ ତାଃ ନେଲ୍ ଜାନାଏ। ଇନିଜାଃ କାଟାସୁବାରେ ଇନ୍‍କୁ ଇକ୍ଡ଼ୁମ୍ ଜୋହାର୍ କିଜାକୋ। ଏନ୍ତେ ୟୀଶୁ କାଜିକେଃକୋୱାଏ, “ଆଲୋପେ ବୋରୋୟାଃ। ସେନ୍ କେତେ ଇଙ୍ଗ୍ଆଃ ଚେଲାକୋକେ ଗାଲିଲ୍ ସାହାର୍ ତେ ସେନୋଃ ଲାଗିନ୍ କାଜିକୋପେ ଇନ୍‍କୁ ଏନ୍ତାଃରେ ଇଙ୍ଗ୍ କେ ନେଲିଙ୍ଗ୍ ୟାଃକୋ।”

*ବାଇବାଲ୍ ମିୟାଃ କାହାନୀ:ମାତ୍ତି ୨୭:୬୨-୨୮:୧୫; ମାର୍କୁ ୧୬:୧-୧୧; ଲୂକା ୨୪:୧-୧୨; ଯୋହାନ୍ ୨୦:୧-୧୮*

Audio: https://git.door43.org/OBS-TLF/unx_obs/releases/download/v1/unx_obs_v1_41_128kbps.m4a

## 42. ୪୨. ୟୀଶୁ ସିର୍ମାଦିଶୁମ୍ ତେ ରୁଆଡ଼୍ ଜାନାଏ

https://openbiblestories.org/l/unx/story-42/

![](https://cdn.door43.org/obs/jpg/360px/obs-en-42-01.jpg)

ଅକନ୍ ହୁଲାଙ୍ଗ୍ ପାର୍ମେଶ୍ଵାର୍ ୟୀଶୁକେ ଗୋଜାକାନ୍ କୋଏତେ ଜିହିଃବିରିଃ କିଜାଏ,ଇନିଜାଃ ବାରିଆ ଚେଲା ନାଡ଼େଏ ଜାପାଃ ରାଃ ଟଲାରେ ସେନ୍ ତିନାକିନ୍। ସେନ୍ତାନ୍ ଲୋଃ ଇନ୍ କିନ୍ ୟୀଶୁଲୋଃ ଅକନାଃ ହୋବାଲେନା। ଏନାରାଃ ବିଷାୟରେ ବାଖାଣ୍ ତିନାକିନ୍, ଇନ୍ କିନାଃ ଆଶ୍ରା ତାଇକେନା ଚି ଇନିଃ ମାସିହା ତାଇକେନା, ମେନ୍ଦୋ ଏଣ୍ଡେ ଅଗି ଇନିଃ ଗୋଜାକାନ୍ ତାଇନାଏ। ନାଆ ଏନ୍ କୁଡ଼ିକୋ କାଜିତାନାକୋ ଚି ଇନିଃ ଆଡୋଃଗି ଜିହିଦାକାନାଏ। ଇନ୍ କିନ୍ କାକିନ୍ ସାରିକେଦା ଚି ଅକନ୍ କାଜିରେ ବିଶ୍ଵାସ୍ ୟାକିନ୍।

![](https://cdn.door43.org/obs/jpg/360px/obs-en-42-02.jpg)

ୟୀଶୁ ଇନ୍ କିନାଃ ନାଡ଼େଏ ହିଜୁଃକେତେ ଇନ୍ କିନାଃ ଗାତିରେ ସେନ୍ କେଦାଏ, ମେନ୍ଦୋ ଇନ୍ କିନ୍ କାକିନ୍ ସାରିଉରୁମ୍ କିଜା। ଇନିଃ କୁଲିକେଦାଏ ଚି ଇନ୍ କିନ୍ ଅକୟାଃ ବିସାୟରେ ବାଖାଣ୍ ତିନାକିନ୍। ଇନ୍ କିନ୍ ଇନିଃକେ ସେନୋଃକାନ୍ ହୁଲାଙ୍ଗ୍ ରେ ୟୀଶୁ ଗାଃରେ ହୋବାକାନ୍ ସୋବେନ୍ ଘାଟ୍ନା କୋକେ ଉଦୁବ୍ କିଜାକିନ୍। ଇନ୍ କିନ୍ ପାହୋମ୍ ତିନାକିନ୍ ଚି ଇନିଃ ଅକନ୍ ମିହୋଡ଼୍ ହୋନୋର୍ ତାନ୍ ହୋଡ଼୍ ଲୋଃ ବାଖାଣ୍ ତିନାକିନ୍ ଇନ୍ କିନ୍ କାକିନ୍ ସାରିତାଇନା ଚି ଯିରୁସାଲେମ୍ ସାହାର୍ ରେ ଚିନାଃ ହୋବାଲେନା।

![](https://cdn.door43.org/obs/jpg/360px/obs-en-42-03.jpg)

ଏନ୍ତେ ୟୀଶୁ ଇନ୍ନ କିନ୍ କେ ବୁଝାଅକେଃ କିନାଏ ଚି ପାର୍ମେଶ୍ଵାର୍ ମାସିହା ରାଃ ବିଷାୟରେ ଚିନାଃ କାଜିୟାଃଏ। ସିଦା ସାମାୟ୍ ରେ, ନାବୀକୋ କାଜିଲାଆକୋ ଚି ଖାରାବ୍ ହୋଡ଼ୋକୋ ମାସୀହ୍ କେ ବିଡାୟାକୋ ହାର୍ ଗୋଜିୟାଃକୋ। ମେନ୍ଦୋ ନାବୀକୋ ନେୟାୟଗି କାଜିଲାଆକୋ ଚି ଇନିଃ ଆପି ହୁଲାଙ୍ଗ୍ ରେ ଜିବିରିଦ୍ଅଗାଏ।

![](https://cdn.door43.org/obs/jpg/360px/obs-en-42-04.jpg)

ଚିମ୍ତାଙ୍ଗ୍ ଇନ୍ କିନ୍ ଏନ୍ ସାହାର୍ ରେ ସେଟେର୍ ଯାନାକିନ୍ ଅକତାଃରେ ଏନ୍ ବାରହୋଡ଼୍ ତାଇନ୍ ସାନାଙ୍ଗ୍ ଟିନାକିନ୍, ଇମ୍ତାଙ୍ଗ୍ ଲାଗ୍-ଭାଗ୍ ଶିଙ୍ଗୀଦୁବ୍ଇଯୋଃ ଲେନା। ଇନ୍ କିନ୍ ୟୀଶୁକେ ଆକୋୱାଃ ଲୋଃ ଗାତିରେ ତାଇନ୍ ଲାଗିନ୍ କେଡା କିଜାକିନ୍, ଏନ୍ତେ ଇନ୍‍କୁ ମିୟାଃ ଅଡ଼୍ଆଃରେ ତାଇନ୍ ଲାଗିନ୍ ସେନ୍ ଜାନାକୋ। ଆକୋ ନିଦାରାଃ ଯୋମ୍ ଲାଗିନ୍ ଦୁବ୍ ଜାନାକୋ। ୟୀଶୁ ମିୟାଃ ହୋଲୋଙ୍ଗ୍ ସାବ୍ କେତେ ଆଜାଃଲାଗିନ୍ ପାର୍ମେଶ୍ଵାର୍ କେ ଧାନ୍ୟାବାଦ୍ କେଦାଏ, ହାର୍ କେଚାଃ କେଦାଏ। ସେକାଡ଼୍ ଗି, ଇନ୍ ସାରିକେଦାକୋ ଚି ଇନିଃ ୟୀଶୁ ତାଇକେନାଏ। ମେନ୍ଦୋ ଏନ୍ ସାମାୟ୍ ଗି, ଇନିଃ ଆକୋୱାଃ ମେଏଃତେ ଛାଏମାନ୍ ଜାନାଏ।

![](https://cdn.door43.org/obs/jpg/360px/obs-en-42-05.jpg)

ଏନ୍ ବାରାକିନ୍ ବାଖାଣ୍ ଯାନାକିନ୍, “ଇନିଃ ୟୀଶୁ ତାଇକେନାଏ! ଏନାଲାଗିନ୍ ଚିମ୍ତାଙ୍ଗ୍ ଇନିଃ ଆଲାଙ୍ଗ୍ ପାର୍ମେଶ୍ଵାର୍ ରାଃ ବାଚାନ୍ କେ ବୁଝାଅ ତାଇନାଏ ଦୋ ଆଲାଙ୍ଗ୍ ଥିମ୍ବା ଉସ୍ସାହୀତ୍ ତାଇନ୍ କେନାଲାଙ୍ଗ୍!” ସେକାଡ଼୍ ଗି,ଇନ୍‍କୁ ଅଡୋଙ୍ଗ୍ କେତେ ୟୀରୁଶାଲେମ୍ ରୁଆଡ଼୍ ଯାନାକିନ୍। ଚିମ୍ତାଙ୍ଗ୍ ଇନ୍ କିନ୍ ସେଟେର୍ ଜାନାକିନ୍ ଦୋ ଚେଲାକୋକେ ଉଦୁବ୍ କେଦାକିନ୍, “ୟୀଶୁ ଜିହିଃ ମେନିଯା!ଆଲିଙ୍ଗ୍ ଆଏଃକେ ନେଲ୍ କିଜାଲିଙ୍ଗ୍!”

![](https://cdn.door43.org/obs/jpg/360px/obs-en-42-06.jpg)

ଚିମ୍ତାଙ୍ଗ୍ ଚେଲାକୋ ବାଖାଣ୍ ତିନାକୋ, ୟୀଶୁ ଇମ୍ତାଗି ଏନ୍ କୁଠିରୀରେ ଇନ୍‍କୁୱାଃ ନାଡ଼େଏରେ ନେଲ୍ ଜାନାଏ। ଇନିଃ କାଜିକେଦାଏ, “ଆପେକେ ଶାନ୍ତି ନାମୋଃକା!”ଚେଲାକୋ ପାହାମ୍ ତିନାକୋ ଚି ଇନିଃ ଯାହାନ୍ ବୋଙ୍ଗା ତାନିଃ, ମେନ୍ଦୋ ୟୀଶୁ କାଜିକେଦାଏ, “ଆପେ ଚିକାଲାଗିନ୍ ବୋରୋ ତାନାପେ?ଆପେ ଚିକାଲାଇ କାପେ ପାହୋମ୍ ତାନା ଚି ଇଙ୍ଗ୍ଗି ସର୍ତି ତାନିଙ୍ଗ୍, ୟୀଶୁ? ଇଙ୍ଗ୍ଆଃ ତିଇ କେ ହାର୍ କାଟାକେ ନେଲେପେ। ବୋଙ୍ଗାକୋତାଃ ନେକା ହୋଡ୍ମୋ କା ତାଇନା ଜେଲେକା ଇଙ୍ଗ୍ଆଃ ତାଆଃ ମେନାଃ।” ନେୟାଃ ଉଦୁବ୍ ଲାଗିନ୍ଚି ଇନିଃଜେତାଏ ବୋଙ୍ଗା କାଏ ତାଇକେନା, ଇନିଃ ଯୋମ୍ ଲାଗିନ୍ କାଟୀଃ ଆସିକେଦାଏ। ଇନ୍‍କୁ ଇନିଃକେ ମିୟାଃ ହାକୁରାଃ ଆନ୍ଦାକାନ୍ କାଣ୍ଡାକେ ଏମିଃଜାକୋ, ହାର୍ ଏନାକେ ଇନିଃ ଯୋମ୍ କେଦାଏ।

![](https://cdn.door43.org/obs/jpg/360px/obs-en-42-07.jpg)

ୟୀଶୁ କାଜିକେଦାଏ, “ ଇଙ୍ଗ୍ଆଃ ବିସାଏରେ ପାର୍ମେଶ୍ଵାର୍ ରାଃ ବାଚାନ୍ ଯାହାନା କାଜିତାନାଏ ଏନା ହୋବାୱାଃ।ଇଙ୍ଗ୍ ଆପେକେ କାଜିଲେଦିଙ୍ଗ୍ ଚି ନେୟାରାଃ ହୋବାଅ ଜାଲେକାତେ ଗି ମେନାଃ।”ଏନ୍ତେ ୟୀଶୁ ଇନ୍‍କୁକେ ପାର୍ମେଶ୍ଵାର୍ ରାଃ ବାଚାନ୍ ବୁଗିନ୍ ଲେକାତେ ବୁଝାଅ କେଦାଏ। ଇନିଃ କାଜିକେଦାଏ, “ସୀଦାତେ ନାବୀକୋ ଅଲ୍ ଲାଆକୋ ଚି ଇଙ୍ଗ୍ ମାସୀହ୍ କେ ଦୁକୁ ସାହାତିନ୍ ହୋବାୱାଃ, ଗୋଜୋଃ ହୋବାୱାଃ ହାର୍ ଆଡୋଃ ଆପି ହୁଲାଙ୍ଗ୍ ରେ ଗୋଏଃକେତେ ଜିବିରିଃ ହୋବାୱାଃ।”

![](https://cdn.door43.org/obs/jpg/360px/obs-en-42-08.jpg)

“ ଏନ୍ କୋୱାଃ ପୁଥିରେ ନେୟାଃ ଅଗି ଅଲାକାନ୍ ତାଇକେନା ଚି ଇଙ୍ଗ୍ଆଃ ଚେଲାକୋ ପାର୍ମେଶ୍ଵାର୍ ରାଃ ବାଚାନ୍ କେ ଉଦୁବ୍ ୟାକୋ। ଇନ୍ ସୋବେନ୍ କୋକେ ପାପ୍ ତେ ମୋନ୍ ରୁଆଡ଼୍ ଲାଗିନ୍ ଉଦୁବେୟାକୋ। ଆଗାର୍ ଇନ୍‍କୁ ନେକା ରିକାଏ ରେ ଦୋ ପାର୍ମେଶ୍ଵାର୍ ଇନ୍‍କୁୱାଃ ପାପ୍ କୋକେ ଛାମା ତାଆଏ। ଇଙ୍ଗ୍ଆଃ ଚେଲାକୋ ନେ ସାନ୍ଦେସ୍ କେ ଉଦୁବ୍ ଲାଗିନ୍ ୟୀରୁଶାଲେମ୍ ସାହାର୍ ତେ ସୁରୁ ୟାକୋ। ଏନ୍ତେ ଇନ୍‍କୁ ସୋବେନ୍ ଜାଗା ସୋବେନ୍ କିଲିକୋତାଃ ସେନାକୋ। ଆପେମାନ୍ କୋ ଇଙ୍ଗ୍ଆଃ ସୋବେନ୍ ମିୟାଃ କାଜି ହାର୍ କାମୀରାଃ ଗୋୱାଃ କୋକେ ଅକନାଃ ଇଙ୍ଗ୍ କାଜିଲେଦିଙ୍ଗ୍ ହାର୍ ରିକା ଲେଦିଙ୍ଗ୍ ହାର୍ ଏନ୍ ସୋବେନ୍ ଅଗି ଅକନାଃ ଇଙ୍ଗ୍ଆଃ ଲୋଃ ହୋବାଲେନା।”

![](https://cdn.door43.org/obs/jpg/360px/obs-en-42-09.jpg)

ହିଜୁଃ ଚାଲିସ୍ ହୁଲାଙ୍ଗ୍ ସାନ୍ତେ, ୟୀଶୁ ଆଜାଃ ଚେଲାକୋକେ ଚିମିନ୍ ବେର୍ ନେଲ ଜାନାଏ। ମୁସୀଙ୍ଗ୍ ଦୋ ମିୟାଃ ସାମାୟ୍ ରେ ଗି ୫୦୦ ସାଅତେ ଥିମ୍ବା ହୋଡ଼ୋକୋକେ ନେଲ୍ ଜାନାଏ ! ଇନିଃ ଆଜାଃ ଚେଲାକୋକେ ଚିମିନ୍ ଲେକାତେ ଉଦୁବ୍ ସାନାଙ୍ଗ୍ ତାଇନାଏ ଚି ଇନିଃ ଜିହିଃ ମେନିଯା, ଇନିଃ ଇନ୍‍କୁକେ ପାର୍ମେଶ୍ଵାର୍ ରାଃ ରାଇଜ୍ ରାଃ ବିଷାଏରେ ସିଖାଅ କେଦାଏ।

![](https://cdn.door43.org/obs/jpg/360px/obs-en-42-10.jpg)

ୟୀଶୁ ଆଜାଃ ଚେଲାକୋକେ କାଜିକେଦାଏ, “ପାର୍ମେଶ୍ଵାର୍ ଇଙ୍ଗ୍ କେ ସିର୍ମାଦିଶୁମ୍ ହାର୍ ଅତେଦିଶୁମ୍ ରେନ୍ ସୋବେନ୍ ଚେତାନ୍ ରେ ରାଇଜ୍ ଲାଗିନ୍ ଆଧିକାର୍ ଏମ୍ କାଦାଏ। ଏନାଲାଗିନ୍ ନାଆ ଇଙ୍ଗ୍ ଆପେକେ କାଜିତାନିଙ୍ଗ୍: ସେନ୍ କେତେ ସୋବେନ୍ ଜାତିରେନ୍ କୋକେ ଚେଲା ବାଇକୋପେ। ନେକାରିକାଏରେ ଦୋ, ଆପେ ଇନ୍‍କୁକେ ଆପୁ, ହୋନ୍,ହାର୍ ପାବିତାର୍ ଆତ୍ମାରାଃ ନୁତୁମ୍ ରେ ଆପେକେ ବାପ୍ତିସ୍ମା ଏମ୍ ମେନାଗା। ଅକନାଃ ସୋବେନ୍ ଇଙ୍ଗ୍ ଆପେକେ ଆଚୁ କାଃ ପେଇଙ୍ଗ୍ ଏନ୍ ସୋବେନ୍ କାଜିକୋକେ ଶିଖାଅ ମାନାତିଙ୍ଗ୍ ହଁ ଆପେ ଇନ୍‍କୁକେ ଉଦୁବ୍ କୋପେ। ମୋନେ ମାଣ୍ଡାଅ ଏପେ,ଇଙ୍ଗ୍ ସୋବେନ୍ ହୁଲାଙ୍ଗ୍ ଆପେୟାଃ ଲୋଃ ମେନିଙ୍ଗ୍ ୟାଃ।”

![](https://cdn.door43.org/obs/jpg/360px/obs-en-42-11.jpg)

ୟୀଶୁକେ ଗୋଜୋଃ କୋଏତେ ଜିବିରିଃ ରାଃ ଚାଲିସ୍ ହୁଲାଙ୍ଗ୍ ରାଃ ତାୟୋମ୍ତେ, ଇନିଃ ଆଜାଃ ଚେଲା କୋକେ କାଜିକେଦାଏ, “ଚିମ୍ତା ସାନ୍ତେ ଚି ଇଙ୍ଗ୍ଆଃ ଆପୁ ଆପେକେ ପେଡ଼େଏ କାଏ ଏମ୍ ତାନା ଏନ୍ ସାନ୍ତେ ୟୀରୁଶାଲେମ୍ ରେ ତାଇନ୍ କାନୋଃପେ। ଇନିଃ ଆପେକେ ପାବିତାର୍ ଆତ୍ମା କେଲେରାଃ ହୋରାତେ ନେକା ରିକାୟାଏ। “ଏନ୍ତେ ୟୀଶୁ ସିର୍ମାରେ ତେ ସେନ୍ଅ ଜାନାଏ, ହାର୍ ମିୟାଃ ରିମିଲ୍ ଇନିଃକେ ଆକୋୱାଃ ମେଏଃତେ ଉକୁ ତାଜାଏ। ସିର୍ମାରେ ୟୀଶୁ ସୋବେନ୍ ତେୟାଃକୋରେ ରାଇଜ୍ ଲାଗିନ୍ ପାର୍ମେଶ୍ଵାର୍ ରାଃ ଯୋମ୍ ପାଡ଼୍ ଦୁବ୍ କାନାଏ।

*ବାଇବାଲ୍ ମିୟାଃ କାହାନୀ:ମାତ୍ତି ୨୮:୧୬-୨୦; ମାର୍କୁ୧୬:୧୨-୨୦; ଲୁକା ୨୪:୧୩-୫୩; ଯୋହାନ୍ ୨୦:୧୯-୨୩;ପ୍ରେରିତ୍ ୧:୧-୧୧*

Audio: https://git.door43.org/OBS-TLF/unx_obs/releases/download/v1/unx_obs_v1_42_128kbps.m4a

## 43. ୪୩. କାଲିସିୟା ସୁରୁନା

https://openbiblestories.org/l/unx/story-43/

![](https://cdn.door43.org/obs/jpg/360px/obs-en-43-01.jpg)

ୟୀଶୁ ସିର୍ମାଦିଶୁମ୍ ତେ ରୁଆଡ଼୍ ଜାନ୍ ରାଃ ତୟୋମ୍ତେ, ଚେଲାକୋ ୟୀରୁଶାଲେମ୍ ରେଗି ତାଇକେନାକୋ ଜେଲେକା ଚି ୟୀଶୁ ଆଜାଃ ଚେଲାକୋକେ ଆନାଚୁ ଲେଃକୋୱାଏ। ଏନ୍ତାଃ ରେନ୍ ବିଶ୍ଵାସୀ ହୋଡ଼ୋକୋ ସୋବେନ୍ ଇମ୍ତାଙ୍ଗ୍ ମିଶାତେ ବିନ୍ତି ଲାଗିନ୍ ମିଃତାଃ ହୁଣ୍ଡିନ୍ ତାଇକେନାକୋ।

![](https://cdn.door43.org/obs/jpg/360px/obs-en-43-02.jpg)

ସୋବେନ୍ ବାରାସ୍, ଫାସାହ୍ ପାରାବ୍ ରାଃ ୫୦ ହୁଲାଙ୍ଗ୍ ରାଃ ତାୟୋମ୍ତେ, ୟାହୁଦୀ ହୋଡ଼ୋକୋ ପେଣ୍ଟିକୋଷ୍ତ୍ ନୁତୁମାନ୍ ମିୟାଃ ସାଲାକାନ୍ ହୁଲାଙ୍ଗ୍ କେ ମାନାତିଙ୍ଗ୍ ତିନାକୋ। ପେଣ୍ଟିକୋଷ୍ତ୍ ଏନ୍ ସାମାୟ୍ ତାଇକେନା ଚିମ୍ତାଙ୍ଗ୍ ୟାହୁଦୀକୋ ଗହମ୍ ରାଃ ଇର୍ର ତେୟାଃକେ ମାନାତିଙ୍ଗ୍ ତିନାକୋ। ସୋବେନ୍ ଅତେଦିଶୁମ୍ ରେନ୍ ୟାହୁଦୀକୋ ପେଣ୍ଟିକୋଷ୍ତ୍ ହୁଲାଙ୍ଗ୍ କେ ମିଶାତେ ମାନାତିଙ୍ଗ୍ ଲାଗିନ୍ ହିଜୁଃକାନ୍ ତାଇନାକୋ। ଏନ୍ ବାରାସ୍, ପେଣ୍ଟିକୋଷ୍ତ୍ ମାନାତିଙ୍ଗ୍ ରାଃ ସାମାୟ୍ ୟୀଶୁକେ ସିର୍ମାତେ ସେନୋଃ ଜାନ୍ ରାଃ ଲାଗ୍ ଭାଗ୍ ମିୟାଃ ହାପ୍ତା ରାଃ ତାୟୋମ୍ତେ ହିଜୁଃ ଲେନା।

![](https://cdn.door43.org/obs/jpg/360px/obs-en-43-03.jpg)

ଅକନ୍ ସାମାୟ୍ ସୋବେନ୍ ପାଡ଼୍ ରେନ୍ ବିଶ୍ଵାସୀକୋ ମିଃତାଃ ହୁଣ୍ଡିକାନ୍ ତାଇନାକୋ, ଦୋ ଅକନ୍ ଅଡ଼୍ଆଃ ରେ ଇନ୍‍କୁ ତାଇକେନାକୋ, ଏନା ଇମ୍ତାଙ୍ଗ୍ ଗି ଥିମ୍ବାଗି ହୋୟୋ ରାଃ ଷାଡି ତେ ଫେରେଃ ଜାନା। ଏନ୍ତେ ସେଙ୍ଗେଲ୍ ରାଃ ଆଞ୍ଚ୍ ଜୁଲୋଃତାନ୍ ଲେକା ନେଲୋଃତାନ୍ ସୋବେନ୍ ବିଶ୍ଵାସୀ କୋୱାଃ ବୋହୋଃ ଚେତାନ୍ ରେ ନେଲ୍ ଜାନା। ଇନ୍‍କୁ ସୋବେନ୍ କୋ ପାବିତାର୍ ଆତ୍ମା ତେ ଫେରେଃ ଜାନାକୋ ହାର୍ ଇନ୍‍କୁ ଏଟାଃ-ଏଟାଃ ଭାଷା କୋରେ ପାର୍ମେଶ୍ଵାର୍ ରାଃ ମାନାରାଙ୍ଗ୍ କେଦାକୋ। ନେୟା ଏନ୍ ଭାଷା ତାଇକେନା ଅକନ୍ କୋକେ କାଜି କାଜିଲାଗିନ୍ ଇନ୍‍କୁକେ ପାବିତାର୍ ଆତ୍ମା ପେଡ଼େଏ ଏମ୍ ଲେଦାଏ।

![](https://cdn.door43.org/obs/jpg/360px/obs-en-43-04.jpg)

ଚିମ୍ତାଙ୍ଗ୍ ୟୀଶୁସାଲେମ୍ ରେ ତାଇନ୍ ତାନ୍ ହୋଡ଼ୋକୋ ଏନ୍ ଇନକୁୱାଃ କାଉରି କେ ଆୟୁମ୍ କେଦାକୋ, ଦୋ ଇନ୍‍କୁ ମିଃଥିମ୍ବା ହୋଡ଼ୋ ହୋବାକେତେ ହିଜୁଃଜାନାକୋ ଚି ନେତାଃରେ ଚିନାଃ ହୋବାଅଃ ତାନାଃ ଏନା ନେଲେୟାକୋ। ଇନ୍‍କୁ ବିଶ୍ଵାସୀକୋକେ ପାର୍ମେଶ୍ଵାର୍ ରାଃ ହୋରାତେ ହୋବାକାନ୍ ମାରାଙ୍ଗ୍-ମାରାଙ୍ଗ୍ କାମୀକୋୱାଃ ବିଶାୟ୍ କେ ଉଦୁବ୍ ତାନ୍ ଆୟୁମ୍ କେଦାକୋ। ଇନ୍‍କୁ ଆକ୍ ଦାନ୍ଦାଅ ତିନାକୋ ଚିୟାଃଚି ଇନ୍‍କୁ ଏନ୍ କାମୀକୋକେ ଆକୋୱାଃ ଗି ଭାଷାରେ ଆୟୁମ୍ ତିନାକୋ।

![](https://cdn.door43.org/obs/jpg/360px/obs-en-43-05.jpg)

ଇନକୁଏତେ ଚିମିନାଙ୍ଗ୍ ହୋଡ଼ୋକୋ କାଜିକେଦାକୋ ଚି ଇନ୍‍କୁ ବୁଲା କାନାକୋ। ମେନ୍ଦୋ ପାତ୍ରାସ୍ ତିଙ୍ଗୁ ଜାନାଏ ହାର୍ ଇନିଃ କାଜି ଏଟେଃ କେଦାଏ, “ଇଙ୍ଗ୍ଆଃ କାଜି ଆୟୁମ୍ ଏପେ! ନେ ହୋଡ଼ୋକୋ କାକୋ ବୁଲା କାନା! ମେନ୍ଦୋ, ଅକନାଃ ଆପେ ନେଲ୍ ତାନାପେ ଏନା ହେନା ତାନାଃ ଅକନାଃ ୟୋଏଲ୍ ନାବୀ କାଜି ଲେଦାଏ ଚି ହୋବାଅଃୱା: ପାର୍ମେଶ୍ଵାର୍ କାଜିକାଦାଏ, ‘ଟୁଣ୍ଡୁ ହୁଲାଙ୍ଗ୍ କୋରେ, ଇଙ୍ଗ୍ ଇଙ୍ଗ୍ଆଃ ଆତ୍ମା ଦୁଲେୟାଇଙ୍ଗ୍।’”

![](https://cdn.door43.org/obs/jpg/360px/obs-en-43-06.jpg)

“ହେ ଇସ୍ରାଏଲୀକୋ ହୋଡ଼ୋକୋ, ୟୀଶୁ ମିୟାଃ ନେକାନ୍ ହୋଡ଼୍ ତାଇକେନାଏ ଅକନିଃ ନେୟାଃ ଦେଖାଅ ଲାଗିନ୍ ଚି ଇନିଃ ଅକଏ ତାଇକେନାଏ ଥିମ୍ବାଗି ଆକ୍ ଦାନ୍ଦାଅ କାମୀକୋ କାମୀ କେଦାଏ। ଇନିଃ ପାର୍ମେଶ୍ଵାର୍ ରାଃ ପେଡ଼େଏ ତେ ଥିମ୍ବାଗି ଆକ୍ ଦାନ୍ଦାଅ କାମୀକୋ କାମୀ କେଦାଏ। ଆପେ ନେୟା ସାରିୟାପେ, ଚିୟାଃଚି ଆପେମାନ୍ ନେ କାମୀକୋକେ ନେଲ୍ କାଦାପେ। ମେନ୍ଦୋ ଆପେ ଇନିଃକେ କ୍ରୁଶ୍ ରେ ରାକାବ୍ କିଜାପେ!”

![](https://cdn.door43.org/obs/jpg/360px/obs-en-43-07.jpg)

“ୟୀଶୁ ଗୋଏଃଜାନ୍ ରେଅଗି ପାର୍ମେଶ୍ଵାର୍ ଇନିଃ କେ ଗୋଏଃ କାନ୍ କୋଏତେ ଜିଃବିରିଃ କିଜାଏ। ନିଇ ଏନ୍ କାଜିକେ ପୁରାକେଦାଏ ଅକନାଃ କେ ମିୟାଃ ନାବୀ ଅଲ୍ ଲେଦାଏ: ‘ଆମ୍ ଆମାଃ ପାବିତାର୍ ହୋଡ଼୍ କେ କାବାର୍ ରେ କାମ୍ ସୋୟାଃ ରିକାୟାମ୍।’ ଆଲେ ଗୋଆ ତାନ୍ ଲେ ଚି ପାର୍ମେଶ୍ଵାର୍ ୟୀଶୁକେ ଆଡୋଃ ମିଶା ଜିହିଃ ତିଜାଏ।”

![](https://cdn.door43.org/obs/jpg/360px/obs-en-43-08.jpg)

“ପାର୍ମେଶ୍ଵାର୍ ଆପୁ ନାଆଃ ୟୀଶୁକେ ଆଜାଃ ଜୋମ୍ ତିଇପାଡ଼୍ ଦୁବ୍ କେତେ ଇନିଃକେ ମାଇନ୍ କିଜାଏ। ହାର୍ ୟୀଶୁ ଆବୁଆଃ ଲାଗିନ୍ ପାବିତାର୍ ଆତ୍ମା କୁଲ୍ କାଦାଏ ଜେଲେକା ଚି ଇନିଃ କିରିୟାଃ ଜୋମ୍ ଲାଆଏ ଚି ଇନିଃ କୁଲେୟାଃଏ। ପାବିତାର୍ ଆତ୍ମାଗି ଏନ୍ କାମୀକୋକେ ରିକାତାନାଏ ଅକନାଃକେ ଆପେ ନେଲ୍ ତାନାପେ ହାର୍ ଆୟୁମ୍ ତାନାପେ।”

![](https://cdn.door43.org/obs/jpg/360px/obs-en-43-09.jpg)

“ଆପେ ଏନ୍ ହୋଡ୍, ୟୀଶୁକେ କୁରୁଶ୍ ଚେତାନ୍ ରେ ରାକାବ୍ କିଜାପେ। ମେନ୍ଦୋ ନେୟାଃ ସାରିଉରୁମ୍ ଏପେ ଚି ପାର୍ମେଶ୍ଵାର୍ ୟୀଶୁକେ ସୋବେନ୍ ତେୟାଃରେ ପ୍ରାଭୂ ହାର୍ ମାସୀହ୍ ବାରାନାଃ ମାଣ୍ଡାଅ କାଦାଏ!”

![](https://cdn.door43.org/obs/jpg/360px/obs-en-43-10.jpg)

ପାତ୍ରାସ୍ ରାଃ ଆୟୁମ୍ ହୋଡ଼ୋକୋ ଇନିଜାଃ ହୋରାତେ କାଜିକାନ୍ ବାଖାଣ୍ ଭିତାର୍ ସାନ୍ ବେଦ୍ଧାଅ ତାଦାଏ। ଏନାଲାଗିନ୍ ଇନ୍‍କୁ ପାତ୍ରାସ୍ କେ ହାର୍ ଚେଲାକୋକେ କୁଲିକେଡାକୋ, “ହେ ହାଗାକୋ,ଆଲେ ଚିନାଃ ରିକାୟାଲେ?”

![](https://cdn.door43.org/obs/jpg/360px/obs-en-43-11.jpg)

ପାତ୍ରାସ ଇନ୍‍କୁକେ କାଜିକେଃ କୋୱାଏ, “ଆପେ ମାନ୍ତେ ସୋବେନ୍ ମିପୀୟାଃ ଆପ୍ନାଆଃ ପାପ୍ କାମୀ ବାଗେ ତାପେ ଚିୟାଃଚି ପାର୍ମେଶ୍ଵାର୍ ଆପେୟାଃ ପାପ୍ କୋକେ ଛାମା ତାଆଏ, ହାର୍ ୟୀଶୁ ମାସୀହ୍ ରାଃ ନୁତୁମ୍ ରେ ବାପ୍ତିମା ଇଦିପେ। ଏନ୍ତେ ଇନିଃ ଆପେକେ ବାର୍ଦାନ୍ ଲେକା ପାବିତାର୍ ଆତ୍ମା ଏମାପେୟାଏ।”

![](https://cdn.door43.org/obs/jpg/360px/obs-en-43-12.jpg)

ପାତ୍ରାସ୍ ଅକନାଃ କାଜିକେଦାଏ ଏନାରେ ଲାଗ୍-ଭାଗ୍ ୩୦୦୦ ହୋଡ଼ୋକୋ ବିଶ୍ଵାସ୍ କେଦାକୋ ହାର୍ ୟୀଶୁ ରାଃ ଚେଲା ବାଇଜାନାକୋ। ଇନ୍‍କୁ ବାପ୍ତିସ୍ମା ଇଦିକେଦାକୋ ହାର୍ ୟୀରୁଶାଲେମ୍ କାଲିସିୟା ରାଃ ଭାଗ୍ ବାଇଜାନାକୋ।

![](https://cdn.door43.org/obs/jpg/360px/obs-en-43-13.jpg)

ଚିମ୍ତାଙ୍ଗ୍ ଚେଲାକୋ ଇନ୍‍କୁକେ ସିଖାଅ କେଦାକୋ ଦୋ ବିଶ୍ଵାସିକୋ ସୋବେନ୍ ସାମାୟ୍ ଆୟୁମ୍ କେଦାକୋ। ଇନ୍‍କୁ ସୋବେନ୍ ଇମ୍ତାଙ୍ଗ୍ ମେଶାଅଃ ତିନାକୋ ହାର୍ ମିଶାତୋରା ଯୋମ୍ ତାଇକେନାକୋ, ହାର୍ ଇନ୍‍କୁ ସୋବେନ୍ ଇମ୍ତାଙ୍ଗ୍ ମିହୋଡ଼୍ ଏଟାଃ ନିଜାଃ ଲାଗିନ୍ ବିନ୍ତି ତିନାକୋ। ଇନ୍‍କୁ ମେଶାକେତେ ପାର୍ମେଶ୍ଵାର୍ ରାଃ ମାନାରାଙ୍ଗ୍ କେଦାକୋ ହାର୍ ଜେତାନାଃଆଃ ଇନ୍‍କୁୱାଃ ତାଃ ତାଇକେନା ଇନ୍‍କୁ ମିହୋଡ଼୍ ଏଟାଃ ନିଜାଃଲୋଃ ହାଟିଙ୍ଗ୍ଅ ତିନାକୋ। ସାହାର୍ ରେନ୍ କୋ ମିୟାଃ ଏଟାଃ ନିଜାଃ ଲୋଃ ବୁଗିନ୍ ବିଚାର୍ ମାଣ୍ଡାଅ ତିନାକୋ। ସୋବେନ୍ ହୁଲାଙ୍ଗ୍ ଥିମ୍ବାତେ-ଥିମ୍ବା ହୋଡ଼ୋକୋ ବାଇ ଇଦିଅଃ ତିନାକୋ।

*ବାଇବାଲ୍ ମିୟାଃ କାହାନୀ:ପ୍ରେରିତ୍୨*

Audio: https://git.door43.org/OBS-TLF/unx_obs/releases/download/v1/unx_obs_v1_43_128kbps.m4a

## 44. ୪୪. ପାତ୍ରାସ୍ ହାର୍ ଯୋହାନ୍ ମିୟାଃ ଆସିଜୋମ୍ ନିଃକେ ବେଶ୍ ତିୟାଃକିନ୍

https://openbiblestories.org/l/unx/story-44/

![](https://cdn.door43.org/obs/jpg/360px/obs-en-44-01.jpg)

ମୁସୀଙ୍ଗ୍ ହୁଲାଙ୍ଗ୍, ପାତ୍ରସ୍ ହାର୍ ଯୋହାନ୍ ମାନ୍ଦିର୍ ରେ ସେନ୍ ଯାନାକିନ୍। ମିୟାଃ ଲାଙ୍ଗ୍ଡ଼ା ହୋଡ଼୍ ଆସିଜୋମ୍ ଲାଗିନ୍ ମାନ୍ଦିର୍ ହୋରା ତାଃ ଦୁବାକାନ୍ ତାଇକେନାଏ।

![](https://cdn.door43.org/obs/jpg/360px/obs-en-44-02.jpg)

ପାତ୍ରାସ୍ ଏନ୍ ଲାଙ୍ଗ୍ଡ଼ା ହୋଡ଼୍ ପାଡ଼୍ ନେଲ୍ କେତେ କାଜିକେଦାଏ, “ଇଙ୍ଗ୍ଆଃ ତାଃ ଆମ୍ କେ ଏମ୍ ଲାଗିନ୍ ପାଇସା ଦୋ ବାନୋଗା। ମେନ୍ଦୋ ଅକନାଃ ଇଙ୍ଗ୍ଆଃ ତାଃ ମେନାଃ ଏନା ଇଙ୍ଗ୍ ଆମ୍ କେ ଏମାମେ ତାନିଙ୍ଗ୍। ୟୀଶୁ ରାଃ ନୁତୁମ୍ ରେ, ବିରିଃମେ ହାର୍ ସେନ୍-ବାଡ଼ାଏମ୍!”

![](https://cdn.door43.org/obs/jpg/360px/obs-en-44-03.jpg)

ଇମ୍ତାଙ୍ଗ୍ ଗି, ପାର୍ମେଶ୍ଵାର୍ ଏନ୍ ଲାଙ୍ଗ୍ଡ଼ା ହୋଡ଼୍ କେ ବେସ୍ ତିଜାଏ। ଇନିଃ ନେତ୍ତେ-ହାନ୍ତେ ସେସେନ୍ ହାର୍ ନିର୍କେତେ ପାର୍ମେଶ୍ଵାର୍ ରାଃ ମାନାରାଙ୍ଗ୍ ଏଟେଃ କେଦାଏ। ମାନ୍ଦିର୍ ବାରାଣ୍ଡା ରେନ୍ ହିଜୁଃ କାନ୍ ହୋଡ଼ୋକୋ ଆକ୍ ଦାନ୍ଦା ଲେନାକୋ।

![](https://cdn.door43.org/obs/jpg/360px/obs-en-44-04.jpg)

ସେକାଡ଼୍ ଗି ହୋଡ଼ୋକୋୱାଃ ମିୟାଃ ଭିଡ଼୍ ଏନ୍ ହୋଡ଼୍ କେ ନେଲ୍ ଲାଗିନ୍ ଜିହୁଃ ଲେନାକୋ ଅକନିଃ ଚି ବେସ୍ ଲେନାଏ। ପାତ୍ରାସ୍ ଇନ୍‍କୁକେ କାଜିକେଦାଏ, “ନେ ହୋଡ଼୍ ବେସ୍ ମେନିଯା,ମେନ୍ଦୋ ନେ କାଜିରେ ଆଲୋପେ ଆକ୍-ଦାନ୍ଦାଅଃୱାଃ। ଇଙ୍ଗ୍ ଦୋ ନିଇକେ ଇଙ୍ଗ୍ଆଃ ପେଡ଼େଏରେ କାଇଙ୍ଗ୍ ବେସ୍ କିଜା, ନେୟାଃ ନେୟାଃଲାଗିନ୍ ନାହାଲା ଚି ଆବୁ ପାର୍ମେଶ୍ଵାର୍ ରାଃ ମାନାରାଙ୍ଗ୍ ୟାଃବୁ। ମେନ୍ଦୋ, ଇନିଃ ୟୀଶୁ ତାନିଃ ଅକନିଃ ନେ ହୋଡ଼୍ କେ ଆପାନାଃ ପେଡ଼େଏତେ ବେସ୍ କିଜାଏ, ଚିୟାଃଚି ଆଲେ ୟୀଶୁରେ ଭାରୋଷା ମାଣ୍ଡାଅ ୟାଲେ।”

![](https://cdn.door43.org/obs/jpg/360px/obs-en-44-05.jpg)

“ଆପେଗି ତାନ୍ପେ ଅକନ୍ କୋ ଏନ୍ ରୋମାନ୍ ସାରକାର୍ କେ ୟୀଶୁକେ ଗୋଏଃ ଲାଗିନ୍ କାଜିଲିଜାପେ। ଆପେ ଇନିଃକେ ଗୋଏଃ ଲିଜାପେ ଅକନିଃ ସୋବେନ୍ କୋକେ ଜୀଦାନ୍ ଏମେ ୟାଃଏ। ମେନ୍ଦୋ ପାର୍ମେଶ୍ଵାର୍ ଇନିଃକେ ଗୋଏଃକାନ୍ କୋଏତେ ଜିହିଃବିରିଃ କିଜାଏ। ଆପେ କାପେ ସାରିତିନା ଚି ଆପେ ଚିନାଃ ରିକାତିନାପେ। ମେନ୍ଦୋ ଚିମ୍ତାଙ୍ଗ୍ ଆପେ ଏନ୍ କାମୀକେ ରିକାତିନାପେ, ଦୋ ଏନ୍ ନାବୀ କୋଆଃ କାଜିପୁରା ଜାନା। ଇନ୍‍କୁ କାଜିଲାଆକୋ ଚି ମାସୀହ୍ ଦୁକୁ ଦୂପିଲ୍ ଏୟାଏ ହାର୍ ଗୋଜୋଃ ଗାଏ। ପାର୍ମେଶ୍ଵାର୍ ନେ ଲେକାତେ ହୋବାଅଃ ଏମ୍ କେଦାଏ। ଏନାଲାଗିନ୍ ନାଆ, ପାପ୍ କାମୀ ବାଗେ ତାପେ ହାର୍ ପାର୍ମେଶ୍ଵାର୍ ପାଡ଼୍ ରୁଆଡ଼୍ ପେ, ଚିୟାଃଚି ଇନିଃ ଆପେୟାଃ ପାପ୍ କୋକେ ଚାପିକେତେ ସାଫା କେୟାଃଏ।”

![](https://cdn.door43.org/obs/jpg/360px/obs-en-44-06.jpg)

ଚିମ୍ତାଙ୍ଗ୍ ମାନ୍ଦିର୍ ରେନ୍ ଆଗୁୱାକୋ ପାତ୍ରାସ୍ ହାର୍ ଯୋହାନ୍ ରାଃ ଆୟୁମ୍ କେଦାକୋ, ଦୋ ଇନ୍‍କୁ ଥିମ୍ବାଗି ହାଡ୍ ବାଡାଅ ଜାନାକୋ। ଏନାଲାଗିନ୍ ଇନ୍‍କୁ ଇନ୍ କିନ୍ କେ ଶାବ୍ କେତେ ଜେଲ୍ ଅଡ଼୍ଆଃରେ ଆଦେର୍ ତାଦାକୋ। ମେନ୍ଦୋ ଅକନାଃ ପତ୍ରାସ୍ କାଜିଲାଆଏ ଏନାରେ ଥିମ୍ବାଗି ହୋଡ଼ୋକୋ ବିଶ୍ଵାସ୍ କେଦାକୋ। ୟୀଶୁଆଃ ଚେତାନ୍ ରେ ବିଶ୍ଵାସ୍ ତାନ୍ ହୋଡ଼ୋକୋକେ ଲେକାକୋରେ ୫୦୦୦ରେ ସେଟେର୍ ଜାନା।

![](https://cdn.door43.org/obs/jpg/360px/obs-en-44-07.jpg)

ଏଟାଃ ହୁଲାଙ୍ଗ୍, ଏନ୍ ୟାହୁଦୀ ଆଗୁୱାକୋ ପାତ୍ରାସ୍ ହାର୍ ଯୋହାନ୍ କିନ୍ କେ ମାରାଙ୍ଗ୍ ୟାଜାକ୍ ହାର୍ ଏଟାଃ ଧାର୍ମିକ୍ ଆଗୁୱା କୋତାଃ ଆଉକେଦାକୋ। ଇନ୍‍କୁ ଏନ୍ ହୋଡ଼୍ କେ ୟଗି ଆଉଲିଜାକୋ ଅକନିଃ ଚି ଲେଙ୍ଗ୍ଡା ଆସିଜୋମ୍ ତାଇନାଏ। ଇନ୍‍କୁ ପାତ୍ରାସ୍ ହାର୍ ଯୋହାନ୍ କୁଲିକେଦାକୋ, “ଅକନ୍ ଆଧିକାର୍ ତେ ଆବେନ୍ ଏନ୍ ଲେଙ୍ଗ୍ଡ଼ା ହୋଡ଼୍ କେ ଚାଙ୍ଗାଇ କିଜାବେନ୍?”

![](https://cdn.door43.org/obs/jpg/360px/obs-en-44-08.jpg)

ପାତ୍ରାସ୍ କାଜିକେଦାଏ, “ନେ ହୋଡ଼୍ ଅକଏ ଆପେୟାଃ ନାଡ଼େଏରେ ତିଙ୍ଗୁ କାନାଏ ଇନିଃକେ ୟୀଶୁ ମାସୀହ୍ ରାଃ ପେଡ଼େଏତେ ଚାଙ୍ଗାଇ ହୋବାକାନାଏ। ଆପେ ୟୀଶୁକେ କ୍ରୁଶ୍ ଚେତାନ୍ ରେ ରାକାବ୍ କିଜାପେ, ମେନ୍ଦୋ ପାର୍ମେଶ୍ଵାର୍ ଇନିଃକେ ଜିହିଃ ବିରିଦ୍ କିଜାଏ! ଆପେ ଇନିଃକେ କାପେମାନାତିଙ୍ଗ୍ କିଜା, ମେନ୍ଦୋ ଉଦ୍ଧାର୍ ନାମେ ଲାଗିନ୍ ୟୀଶୁରାଃ ପେଡ଼େଏ ବାଗେକେତେ ଆଡୋଃ ଜେତାନାଃ ଉପାୟ ବାନୋଗା!”

![](https://cdn.door43.org/obs/jpg/360px/obs-en-44-09.jpg)

ଏନ୍ ଆଗୁୱା କୋ ହାଏରାନ୍ ଜାନାକୋ ଚି ପାତ୍ରାସ୍ ହାର୍ ଯୋହାନ୍ ଥିମ୍ବା ସାହାସ୍ ତେ ବାଖାଣ୍ ତାଇନାକିନ୍ଅ। ଇନ୍‍କୁ ନେଲ୍ ତିନାକୋ ଚି ନିକୁ ସାଧାରାନ୍ ହୋଡ଼୍ ତାଇକେନାକୋ ଅକନ୍ କୋ ଚି କାକୋ ପାଡାଃଅ କାନ୍ତିନା। ମେନ୍ଦୋ ଆଡୋଃ ଇନ୍‍କୁକେ ମୋନେ ହିଜୁଃଲେନା ଚି ନେ ହୋଡ଼୍ କିନ୍ ୟୀଶୁରାଃ ଗାତିରେ ତାଇକେନାକିନ୍। ଏନାଲାଗିନ୍ ଇନ୍‍କୁ ଇନ୍କିନ୍ କେ କାଜିକେଦାକୋ, “ଆପେ ଆବେନ୍ କେ ଥିମ୍ବାଦାଣ୍ଡ ଏମାପେୟାଲେ ଆଗାର୍ ଆମ୍ ନେ ହୋଡ଼୍ କେ ୟୀଶୁରାଃ ବିଶାୟରେ ହୋଡ଼ୋକୋକେ ଉଦୁବ୍ ବେରେ।” ନେକାଗି ଥିମ୍ବାଗି କାଜିରାଃ ତାୟୋମ୍ତେ, ଇନ୍‍କୁ ପାତ୍ରାସ୍ ହାର୍ ଯୋହାନ୍ କିନ୍ କେ ସେନ୍ ରିକାକେଦା କୋ।

*ବାଇବାଲ୍ ମିୟାଃ କାହାନୀ କୁଲାକାନ୍ କୋୱାଃ କାମି (ପ୍ରେରିତ୍) ୩:୧-୪:୨୨*

Audio: https://git.door43.org/OBS-TLF/unx_obs/releases/download/v1/unx_obs_v1_44_128kbps.m4a

## 45. ୪୫. ସ୍ଥିଫାନୁସ୍ ହାର୍ ଫିଲିପ୍

https://openbiblestories.org/l/unx/story-45/

![](https://cdn.door43.org/obs/jpg/360px/obs-en-45-01.jpg)

ପାହିଲା ମାଶିହି ଆଗୁୱା କୋୱାଃ ଥାଲାରେ ସ୍ଥିଫାନୁସ୍ ନୁତୁମ୍ ମିୟାଃ ହୋଡ଼୍ ତାଇକେନାଏ। ସୋବେନ୍ ହୋଡ଼ୋକୋ ଆଜାଃ ମାଇନ୍ ତିନାକୋ। ପାବିତାର୍ ଆତ୍ମା ଆଏଃକେ ଥିମ୍ବାଗି ପେଡ଼େଏ ହାର୍ ବୁଦ୍ଧି ଏମ୍ ଲାଆଏ। ସ୍ଥିଫାନୁସ୍ ଥିମ୍ବା ଆକ୍ ଦାନ୍ଦାଅ କାମିକୋ ଲାଆଏ। ଚିମ୍ତାଙ୍ଗ୍ ଇନିଃ ୟୀଶୁରାଃ ଚେତାନ୍ ବିଶ୍ଵାସ୍ ଲାଗିନ୍ ଇନ୍‍କୁକେ ସିଖାଅ ଏମ୍ କେଦାଏ ଦୋ ଥିମ୍ବାଗି ହୋଡ଼ୋକୋ ଇନିଃ ଜାଃରେ ବିଶ୍ଵାସ୍ କେଦାକୋ।

![](https://cdn.door43.org/obs/jpg/360px/obs-en-45-02.jpg)

ମୂଷିଙ୍ଗ୍ ହୁଲାଙ୍ଗ୍, ସ୍ଥିଫାନୁସ୍ ୟୀଶୁରାଃ ବିଶାୟରେ ସିଖାଅ କୋ ତାଇନାୟ, ହାର୍ ଚିମିନ୍ ନେକା ୟାହୁଦୀକୋ ହିଜୁଃ ଲେନାକୋ ଅକନ୍ ୟୀଶୁରାଃ ଚେତାନ୍ କାକୋ ବିଶ୍ଵାସ୍ କାଃତିନା ହାର୍ ଇନ୍‍କୁୱାଃ ଲୋଃ କାଜି-ବାଖାଣ୍ ଏଟେଃ ତାଦାଏ, ଇନ୍‍କୁ ଥିମ୍ବାଗି ଖିସ୍ ଜାନାକୋ, ଏନାଲାଗିନ୍ ଇନ୍‍କୁ ଧାର୍ମିକ୍ ଆଗୁୱା କୋତାଃ ସେନ୍ ଜାନାକୋ ହାର୍ ଇନିଃ ଜାଆଃ ବିଶାୟରେ ବେଦା କାଜି କେଦାକୋ। ଇନ୍‍କୁ କାଜିକେଦାକୋ, ଆଲେ ସ୍ଥିଫାନୁସ୍ କେ ମୁଶା ନାବୀ ହାର୍ ପାର୍ମେଶ୍ଵାର୍ ରାଃ ବିଶାୟରେ ଏତକାନ୍ କାଜି କାଜିତାନ୍ ଆୟୁମ୍ ଲାଆଲେ!”ଏନାଲାଗିନ୍ ଧାର୍ମିକ୍ ଆଗୁୱାକୋ ସ୍ଥିଫାନୁସ୍ କେ ଶାବ୍ ଥଲ୍ କିଜାକୋ ହାର୍ ମାରାଙ୍ଗ୍ ୟାଜାକ୍ କୋ ହାର୍ ୟାହୁଦୀକୋ ଏଟାଃ ଆଗୁୱାକୋ ନାଡ଼େଏ ଇଦିକିଜାକୋ। ଆଡୋଃଗି ବେଦା ଗୋଆଃ କୋ ହିଜୁଃ ଲେନାକୋ ହାର୍ ଇନ୍‍କୁ ସ୍ଥିଫାନୁସ୍ ରାଃ ବିଶାୟରେ ବେଦାକାଜିକୋ କାଜିକେଦା।

![](https://cdn.door43.org/obs/jpg/360px/obs-en-45-03.jpg)

ମାରାଙ୍ଗ୍ ୟାଜାକ୍ ସ୍ଥିଫାନୁସ୍ କେ କୁଲିକିଜାଏ, “ଚିନାଃନିକୁ ଆମାଃ ବିସାୟରେ ସାର୍ତେ କାଜିତାନାକୋ?” ସ୍ଥିଫାନୁସ୍ ମାରାଙ୍ଗ୍ ୟାଜାକ୍ କେ କାଜିଉଦୁଃବ୍ ଲାଗିନ୍ ଥିମ୍ବାଗି କାଜିକୋ କାଜି ଏଟେଃ କେଦାଏ। ଇନିଃ କାଜିକେଦାଏ ଚି ଆବ୍ରାହାମ୍ ଆଃ ସାମାୟ୍ତେ ୟୀଶୁରାଃ ସାମାୟ୍ ସାନ୍ତେ ପାର୍ମେଶ୍ଵାର୍ ଇସ୍ରାଏଲୀ କୋ ଲାଗିନ୍ ଥିମ୍ବାଗି ଆକ୍ ଦାନ୍ଦା କାମିକୋ କାମି ଲାଆଏ। ମେନ୍ଦୋ ହୋଡ଼ୋକୋ ସୋବେନ୍ ଇମ୍ତାଙ୍ଗ୍ ପାର୍ମେଶ୍ଵାର୍ କେ କାକୋ ମାନାତିଙ୍ଗ୍ କିଜା। ସ୍ଥିଫାନୁସ୍ କାଜିକେଦାଏ, “ଆପେ ପାର୍ମେଶ୍ଵାର୍ ରାଃ ବିରୁଦ୍ରେ କେଟେଃ ମୋନ୍ ହାର୍ ବେଦା ହୋଡ଼ୋକୋ ତାନ୍ ପେ। ଆପେ ସୋବେନ୍ ଇମ୍ତା ପାବିତାର୍ ଆତ୍ମାକେ କାପେ ମାନାତିଙ୍ଗ୍ କିଜା, ଜେଲେକା ଚି ଆବୁଆଃ ପୁର୍ଖାକୋ ସୋବେନ୍ ଇମ୍ତାଙ୍ଗ୍ ପାବିତାର୍ ଆତ୍ମାକେ କାକୋ ମାନାତିଙ୍ଗ୍ ଲିଜା ହାର୍ ସୋବେନ୍ ଇମ୍ତା ଆଜାଃ ନାବୀକୋକେ ଗୋଏଃ କେଦାକୋ। ମେନ୍ଦୋ ଅକନାଃ ଇନ୍‍କୁ ରିକାଲାଆକୋ ଇନ୍‍କୁୱାଃ ଯୋକାତେ ଆପେ ଆଡୋଃଗି ବୁରାଇ କାଦାପେ! ଆପେ ମାସିହିଃ କେ ଗୋଏଃ କିଜାପେ!”

![](https://cdn.door43.org/obs/jpg/360px/obs-en-45-04.jpg)

ଚିମ୍ତାଙ୍ଗ୍ ଏନ୍ ଧାର୍ମିକ୍ ଆଗୁୱାକୋ ନେୟା ଆୟୁମ୍ କେଦାକୋ, ଦୋ ଇମିନ୍ ଖିସ୍ ଜାନାକୋ ଚି ଇନ୍‍କୁ ଆପ୍ନାଃ ଲୁତୁର୍ କୋକେ ମୁନ୍ଦିଇ କେଦାକୋ ହାର୍ ଯୋର୍ତେ କିର୍ଲାଅ କେଦାକୋ। ଇନ୍‍କୁ ସ୍ଥିଫାନୁସ୍ କେ ଘେସ୍ରାଅ କେତେ ହାତୁତେ ବାହାରି ଅଡୋଙ୍ଗ୍ ଇଦି କିଜାକୋ ହାର୍ ଇନିଃକେ ଗୋଜିଲାଗିନ୍ ଇନିଃକେ ଦିରିତେ ଥେର୍ କିଜାକୋ।

![](https://cdn.door43.org/obs/jpg/360px/obs-en-45-05.jpg)

ଚିମ୍ତା ସ୍ଥିଫାନୁସ୍ ଗୋଜୋଃ ତାଇକେନାଏ, ଇନିଃ ଯୋର୍ତେ ହାକାଅ କେଦାଏ, “ହେ ୟୀଶୁ, ଇଙ୍ଗ୍ଆଃ ଆତ୍ମାକେ ଗ୍ରାହାନ୍ କେମେ!”ଏନ୍ତେ ଇନିଃ ଇକ୍ଡୁମ୍ କେତେ ଉୟୁଃ ଜାନାଏ ହାର୍ ଆଡୋଃ ମିଶା ହାକାଅ କେଦାଏ, “ହେ ପ୍ରାଭୂ, ନେ ପାପ୍ ଇନ୍‍କୁୱାଃରେ ଆଲୋମ୍ ଏମେୟାଃ। ଏନ୍ତେ ଇନିଃ ଗୋଏଃ ଜାନାଏ।

![](https://cdn.door43.org/obs/jpg/360px/obs-en-45-06.jpg)

ଏନ୍ ହୁଲାଙ୍ଗ୍, ଯିରୁସାଲେମ୍ ସାହାର୍ ରେ ତାଇନ୍ ଥିମ୍ବା ହୋଡ଼ୋକୋ ୟୀଶୁକେ ଅତୋଙ୍ଗ୍ ହୋଡ଼ୋକୋକେ ସାତାଅ ଏଟେଃ ଜାନା, ଏନାଲାଗିନ୍ ବିଶ୍ଵାସୀକୋ ଏଟାଃ ଜାଗାରେ କୋ ଶେନ୍ଅ ଜାନାକୋ। ମେନ୍ଦୋ ନେୟାଃତେ ୟଗି, ଅକତାଃରେ ଇନ୍‍କୁ ସେନ୍ ଜାନାକୋ ଇନ୍‍କୁ ୟୀଶୁରାଃ ବିସାଏରେ ପ୍ରାଚାର୍ କେଦାକୋ।

![](https://cdn.door43.org/obs/jpg/360px/obs-en-45-07.jpg)

ଫିଲିପ୍ ନୁତୁମ୍ ରେନ୍ ୟୀଶୁରାଃ ମିୟାଃ ବିଶ୍ଵାସୀ ତାଇକେନାଏ। ଜେଲେକା ଚି ଏଟାଃ ଥିମ୍ବାଗି ବିଶ୍ଵାସୀକୋ ଲାଆକୋ ଇନିଃୟଗି ୟୀରୁଶାଲେମ୍ ସାହାର୍ ନିର୍ କାନ୍ ତାଇନାଏ। ଇନିଃ ସାମାରିୟା ହାତୁତେ ସେନୋଃ କାନ୍ ତାଇନାଏ। ଏନ୍ତାଆଃ ରେ ହୋଡ଼ୋକୋକେ ୟୀଶୁରାଃ ବିଷାଏରେ ପାର୍ଚାର୍ କେଦାଏ। ଥିମ୍ବା ହୋଡ଼ୋକୋ ଇନିଃଜାଃରେ ବିଶ୍ଵାସ୍ କେଦାକୋ ହାର୍ ଉଦ୍ଧାର୍ ନାମ୍ କେଦାକୋ। ମୂଷିଙ୍ଗ୍ ହୁଲାଙ୍ଗ୍, ଫିଲିପ୍ ରାଃ ନାଡ଼େଏ ପାର୍ମେଶ୍ଵାର୍ ପାଡ଼୍ ଏତେ ମିୟାଃ ସିର୍ମାଦାସୀ ହିଜୁଃଲେନାଏ ହାର୍ ଇନିଃକେ ଟନାଙ୍ଗ୍ ରେ ସେନ୍ଅଃ ଲାଗିନ୍, ହାର୍ ମିୟାଃ ସାଣ୍ଡାକ୍ ରେ ସେନ୍ ଲାଗିନ୍ କାଜିକେଦାଏ। ଫିଲିପ୍ ଏନ୍ତାଃରେ ସେନ୍ଅଃ ଜାନାଏ। ଚିମ୍ତାଙ୍ଗ୍ ଇନିଃ ଏନ୍ ସାନ୍ ଡାକ୍ ରେ ସେନ୍ ତାଇନାଏ, ଦୋ ଇନିଃ ମିୟାଃ ହୋଡ଼୍ କେ ଆଜାଃ ରାହାତ୍ ଗାଡିରେ ସେନ୍ ତାନ୍ ନେଲ୍ କିଜାଏ। ନେ ହୋଡ଼୍ କୁସ୍ ଦିଶୁମ୍ ରେନ୍ ମିୟାଃ ନୁତୁମାନ୍ ମାରାଙ୍ଗ୍ ପାଡ଼୍ ଦାରି ତାଇକେନାଏ। ପାବିତାର୍ ଆତ୍ମା ଫିଲିପ୍ କାଜିକିଜାଏ ଚି ସେନ୍ ମେ ଏନ୍ ହୋଡ଼୍ ରାଃ ଗାତିରେ ସେନେମେ।

![](https://cdn.door43.org/obs/jpg/360px/obs-en-45-08.jpg)

ଏନାଲାଗିନ୍ ଫିଲିପ୍ ରାହାତ୍ ରାଃ ନାଡ଼େଏ ସେନ୍ ଜାନାଏ। ଇନିଃ ଆୟୁମ୍ କେଦାଏ ଚି ଏନ୍ କୁସି ହୋଡ଼୍ ପାର୍ମେଶ୍ଵାର୍ ରାଃ ବାଚାନ୍ ପାଢ଼ାଅନ୍ ତାଇକେନାଏ। ଅକନାଃ ଜିଶାଇୟାଃ ନାବୀ ଅଲ୍ ଲେଦାଏ ଇନିଃ ଏନାକେ ପାଢ଼ାଅ ତାଇକେନାଏ। ଇନିଃ ପାଢ଼ାଅନ୍ ତାଇକେନାଏ, “ଇନ୍‍କୁ ଇନିଃକେ ଗୋଜି ଲାଗିନ୍ ମିଣ୍ଡୀ ଲେକା ଇଦିକିଜାକୋ, ହାର୍ ଜେଲେକା ମିୟାଃ ମିଣ୍ଡୀ ହୋନ୍ ଲେକା ହାପା ତାଇନାଏ, ଇନିଃ ମିୟାଃ କାଜି ୟଗି କାଏ କାଜି ଲାଆଏ। ଇନ୍‍କୁ ଇନିଃ ଜାଆ ଲୋଃ ଖରାବ୍ ବେବାର୍ କେଦାକୋ ହାର୍ ଇନିଜାଃ କାକୋ ଆଦାର୍ କିଜା। ଇନ୍‍କୁ ଇନିଜାଃ ଜୀଉ ଇଦିକେଦାକୋ।”

![](https://cdn.door43.org/obs/jpg/360px/obs-en-45-09.jpg)

ଫିଲିପ୍ ଏନ୍ କୁସିକେ କୁଲିକିଜାଏ, “ଅକନାଃ ଆମ୍ ପାଢ଼ାଅନ୍ ତାନାମ୍ ଚିନାଃ ଆମ୍ ଏନାକେ ବୁଝାଅଃ ତାନାମ୍?” ଏନ୍ କୁସି କାଜିକେଦାଏ, “କାହା। ଚିମ୍ତାଙ୍ଗ୍ ସାନ୍ ଜେତାଏ ଏନାକେ ଇଙ୍ଗ୍ କେ କାଏ ଉଦୁବ୍ ସାନ୍ ଇଙ୍ଗ୍ ଏନାକେ କାଇଙ୍ଗ୍ ବୁଝାଅ ଧାଡ଼ିୟାଃ। ଆର୍ଜି ମେତାନିଙ୍ଗ୍ ଇଙ୍ଗ୍ଆଃ ନାଡ଼େଏରେ ଦୁବ୍ ମେ। ଯିଶାୟହ ନେୟାଃ ଆଜାଃ ବିସାଏରେ ଅଲ୍ ତାନାଏ ଚି ଜେତାଏ ଆଡୋଃରାଃ?”

![](https://cdn.door43.org/obs/jpg/360px/obs-en-45-10.jpg)

ଫିଲିପ୍ ରାହାତ୍ ରେ ରାକାବ୍ କେତେ ଦୁବ୍ ଜାନାଏ। ଏନ୍ତେ ଇନିଃ ଏନ୍ କୁସି ହୋଡ଼୍ କେ ଉଦୁବ୍ କିଜାଏ ଛି ୟଶାୟାହ ନାବୀ ୟୀଶୁରାଃ ବିଷାଏରେ ଅଲାକାଦାଏ। ଫିଲିପ୍ ପାର୍ମେଶ୍ଵାର୍ ରାଃ ବାଚାନ୍ କେ ଥିମ୍ବାତେ ଏଟାଃ ଭାଗ୍ ଏତେ ୟଗି କାଜିକିଜାଏ। ନେ ଲେକାତେ, ଇନିଃ ଏନ୍ ହୋଡ଼୍ କେ ୟୀଶୁ ରାଃ ବିଷାଏରେ ସୁସାମାଚାର୍ ଉଦୁବ୍ କିଜାଏ।

![](https://cdn.door43.org/obs/jpg/360px/obs-en-45-11.jpg)

ଫିଲିପ୍ ହାର୍ ଏନ୍ କୁସିରେନ୍ ହୋଡ଼୍ ସେନ୍ ଲୋଃ ଦାଆ ରାଃ ନାଡ଼େଏ ହିଜୁଃ ଯାନାକିନ୍। କୁସି କାଜିକିଜାଏ, “ନେଲେମ୍! ନେତାଃରେ ଦାଆ ମେନାଗା! ଚିନାଃ ଇଙ୍ଗ୍ ବାପ୍ତିସ୍ମା ଇଦି ଧାଡ଼ିୟାଇଙ୍ଗ୍!” ହାର୍ ଇନିଃ ରାହାତ୍ ଚାଲାଅନିଃକେ ରାହାତ୍ ତିଙ୍ଗୁଲାଗିନ୍ କାଜିକିଜାଏ।

![](https://cdn.door43.org/obs/jpg/360px/obs-en-45-12.jpg)

ଏନ୍ତେ; ଇନ୍ କିନ୍ ଦାଆ ଭିତାର୍ ତେ ବୋଲୋଯାନାକିନ୍, ହାର୍ ଫିଲିପ୍ କୁସିହୋଡ଼୍ କେ ବାପ୍ତିସ୍ମା ଏମ୍ କିଜାଏ। ଚିମ୍ତାଙ୍ଗ୍ ଇନିଃ ଦାଆତେ ବାହାରେ ଅଡୋଙ୍ଗ୍ ଜାନାଏ ଦୋ ପାବିତାର୍ ଆତ୍ମା ସେକାଡ଼୍ ଗି ଫିଲିପ୍ କେ ଅଟାଙ୍ଗ୍ କେତେ ଏଟାଃ ଜାଗାରେ ଇଦିକିଜାଏ। ଏନ୍ତାଃରେ ଫିଲିପ୍ ହୋଡ଼ୋକୋକେ ୟୀଶୁରାଃ ବିଷାଏରେ ଲାଗାତାର୍ ଉଦୁବ୍ କେଏଃ କୋୱାଏ।

![](https://cdn.door43.org/obs/jpg/360px/obs-en-45-13.jpg)

ଏନ୍ କୁସିହୋଡ଼୍ ଆଜାଃ ଅଡ଼୍ଆଃତେ ସେନୋଃ ଜାନାଏ। ଇନିଃ ସୁକୁରେ ତାଇକେନାଏ ଚି ଇନିଃ ୟୀଶୁକେ ସାରିତାଇନାଏ।

*ବାଇବାଲ୍ ମିୟାଃ କାହାନୀ; କୁଲାକାନ୍ କୋଆଃ କିତାବ୍(ପ୍ରେରିତ) ୬:୮-୮:୫; ୮:୨୬-୪୦୪୬.*

Audio: https://git.door43.org/OBS-TLF/unx_obs/releases/download/v1/unx_obs_v1_45_128kbps.m4a

## 46. ୪୬. ପାଉଲୁସ୍ ମାସୀହ୍ ବିଶ୍ଵାସୀ ବାଇୟୋଃତାନାଏ

https://openbiblestories.org/l/unx/story-46/

![](https://cdn.door43.org/obs/jpg/360px/obs-en-46-01.jpg)

ଶାଉଲ୍ ନୁତୁମ୍ ରେନ୍ ମିୟାଃ ହୋଡ଼୍ ତାଇକେନାଏ ଅକନିଃ ୟୀଶୁ ଚେତାନ୍ ରେ କାଏ ବିଶ୍ଵାସ୍ ଲାଆ। ଚିମ୍ତାଙ୍ଗ୍ ଇନିଃ ଜାୱାନ୍ ତାଇକେନାଏ, ଏନ୍ତେ ଇନିଃ ସ୍ତିଫାନୁସ୍ କେ ଗୋଏଃ ତାନ୍ ହୋଡ଼ୋକୋଆଃ ଲିଜାଃକୋକେ ହୋର ତାଇନାଏ। ତାୟୋମ୍ତେ, ଇନିଃ ବିଶ୍ଵାସୀ କୋକେ ସାତାଅ କେଦାଏ। ଇନିଃ ୟୀରୁଶାଲେମ୍ ସାହାର୍ ରେ ଅଡ଼୍ଆଃ-ଅଡ଼୍ଆଃରେ ସେନ୍ କେତେ କୋଡ଼ାକୋକେ କୁଡ଼ିକୋକେ ବାରାନ୍ କୋକେ ଥୋଲ୍ କେତେ ଜେଲ୍ ଅଡ଼୍ଆଃରେ ଆଦେର୍ ଲେଦାଏ। ଏନ୍ତେ ମାରାଙ୍ଗ୍ ୟାଜାକ୍ ଶାଉଲ୍ କେ ଦାମିଶକ୍ ସାହାର୍ ସେନ୍ ଲାଗିନ୍ ଆନାଚୁ କିଜାଏ। ଇନିଃ ଏନ୍ତାଃରେନ୍ ମାସିହି ହୋଡ଼ୋକୋକେ ଥୋଲ୍ କେତେ ହାର୍ ଇନ୍‍କୁକେ ଯିରୁସାଲେମ୍ ସାହାର୍ ତେ ଆଉଲାଗିନ୍ ଶାଉଲ୍ କେ କାଜିକିଜାଏ।

![](https://cdn.door43.org/obs/jpg/360px/obs-en-46-02.jpg)

ଏନ୍ତେ,ଶାଉଲ୍ ଦାମିଶାକ୍ ସାହାର୍ ସେନ୍ ଏଟେଃ କେଦାଏ। ଏନ୍ ସାହାର୍ ସେଟେର୍ ରାଃ ସିଦାରେ, ଇନିଃଜାଃ ସୋବେନ୍ ପାଡ଼୍ ହାର୍ ଚେତାନ୍ ଏତେ ମାର୍ଶାଲ୍ ଜାନା, ହାର୍ ଇନିଃ ଅତେରେ ଉୟୁଃ ଜାନାଏ। ଶାଉଲ୍ କେ ଅକଏ କାଜିତାନ୍ ଲେକା ଆୟୁମ୍ କେଦାଏ, “ହେ ଶାଉଲ୍!ହେ ଶାଉଲ୍! ଆମ୍ ଇଙ୍ଗ୍ କେ ଚିକାଲି ଦୁକୁ ଏମିଙ୍ଗ୍ ତାନାମ୍?” ଶାଉଲ୍ କୁଲିକିଜାଏ, “ହେ ପ୍ରାଭୂ ଆମ୍ ଅକଏ ତାନ୍ମେ?” ୟୀଶୁ ଇନିଃ କେ କାଜି ରୁଆଡ଼୍ କିଜାଏ, “ଇଙ୍ଗ୍ ୟୀଶୁ ତାନିଙ୍ଗ୍। ଆମ୍ ଇଙ୍ଗ୍ କେ ଦୁକୁ ଏମିଙ୍ଗ୍ ତାନାମ୍!”

![](https://cdn.door43.org/obs/jpg/360px/obs-en-46-03.jpg)

ଚିମ୍ତାଙ୍ଗ୍ ଶାଉଲ୍ ବିରିଃ ଜାନାଏ ଦୋ ଇନିଃ କାଏ ନେଲ୍ ଉରୁମ୍ ତିନା। ଇନିଜାଃ ଗାତିକୋ ଦାମିଶାକ୍ ସାହାର୍ ତେ ଇଦି କିଜାକୋ। ଶାଉଲ୍ ଆପି ଶିଙ୍ଗି ସାନ୍ତେ କାଏ ଯୋମ୍ ହାର୍ କାଏ ନୁ ଲାଆଏ।

![](https://cdn.door43.org/obs/jpg/360px/obs-en-46-04.jpg)

ଦାମିଶାକ୍ ସାହାର୍ ରେ ହାନାନେୟା ନୁତୁମ୍ ରେନ୍ ମିୟାଃ ଚେଲା ତାଇକେନାଏ। ପାର୍ମେଶ୍ଵାର୍ ଇନିଃକେ କାଜିକିଜାଏ, “ଏନ୍ ଅଡ଼୍ଆଃରେ ସେନ୍ ମେ ଅକତାଃରେ ଶାଉଲ୍ ତାଇୟୋ ତାନାଏ। ଆମାଃ ତିଇକେ ଇନିଜାଃ ଚେତାନ୍ ରେ ମାନ୍ ଡାଅ ଏମେ ଏନାତେ ଇନିଃ ଆଡୋଃ ମିଶା ନେଲେକାଏ। “ମେନ୍ଦୋ ହାନାନେୟା କାଜିକେଦାଏ, “ହେ ପ୍ରାଭୂ, ଇଙ୍ଗ୍ ଆୟୁମ୍ କାଦିଙ୍ଗ୍ ଚି ନେ ହୋଡ଼୍ ବିଶ୍ଵାସୀ କୋକେ ଚିଲିକା ତେ ଦୁକୁ ଏମାକୋ ତାନାଏ।” ପାର୍ମେଶ୍ଵାର୍ ଇନିଃକେ କାଜିରୁଆଡ଼୍ କିଜାଏ, “ସେନ୍ ମେ! ଇଙ୍ଗ୍ ଆଏଃକେ ୟାହୁଦୀଆ ଦିଶୁମ୍ ରେ ହାର୍ ଏଟାଃ ଜାତିକୋକେ ଇଙ୍ଗ୍ଆଃ ନୁତୁମ୍ କେ ପାର୍ଚାର୍ ଲାଗିନ୍ ଶାଲାକିଜିଙ୍ଗ୍। ଇନିଃ ଇଙ୍ଗ୍ଆଃ ନୁତୁମ୍ ଲାଗିନ୍ ଥିମ୍ବାଗି ଦୁକୁ ସାହାତିଙ୍ଗ୍ ଏୟାଏ।”

![](https://cdn.door43.org/obs/jpg/360px/obs-en-46-05.jpg)

ଏନ୍ତେ ହାନାନିୟା ଶାଉଲ୍ ରାଃ ନାଡ଼େଏ ସେନୋଃ ଜାନାଏ, ଆଜାଃ ତିଇକେ ଇନିଜାଃରେ ମାନ୍ ଡାଅ କେଦାଏ, ହାର୍ କାଜିକେଦାଏ, “ୟୀଶୁ, ଅକନିଃ ନେତାଃ ହିଜୁଃ ସାମାୟ୍ ରେ ସାଣ୍ଡାକ୍ ରେ ନେଲ୍ କାନ୍ତିନାଏ, ଇଙ୍ଗ୍ କେ ଆମାଃ ନାଡ଼େଏରେ କୁଲାକାଦିଙ୍ଗ୍ଆଏ,ଏନାତେ ଆମ୍ ଆଡୋଃ ମିଶା ନେଲ୍ ଧାଡ଼ିୟାଃମ୍, ହାର୍ ପାବିତାର୍ ଆତ୍ମା ଆମ୍ କେ ଫେରେଃ କେମାଏ।”ସେକାଡ଼୍ ଗି ଶାଉଲ୍ ଆଡୋଃମିଶା ନେଲ୍ ଧାଡ଼ିକେଦାଏ, ହାର୍ ହାନାନିୟା ଇନିଃକେ ବାପ୍ତିସ୍ମା ଏମ୍ କିଜାଏ। ଏନ୍ତେ ଶାଉଲ୍ ଯୋମ୍ କେଦାଏ ହାର୍ ଆଡୋଃମିଶା ପେଡ଼େଏ ନାମ୍ କେଦାଏ।

![](https://cdn.door43.org/obs/jpg/360px/obs-en-46-06.jpg)

ଏନ୍ତେ, ଶାଉଲ୍ ଦାମିଶାକ୍ ସାହାର୍ ରେନ୍ ତାଇନ୍ ତାନ୍ ୟାହୁଦୀକୋକେ ପାର୍ଚାର୍ ଲାଗିନ୍ ଏଟେଃ ତାଦାଏ। ଇନିଃ କାଜିକେଦାଏ, ୟୀଶୁଗି ପାର୍ମେଶ୍ଵାର୍ ରାଃ କୋଡ଼ା ହୋନ୍ ତାନିଃ!” ୟାହୁଦୀକୋ ଆକ୍ ଦାନ୍ଦାଅ ତିନାକୋ, ଚିୟାଃଚି ଶାଉଲ୍ ଦୋ ବିଶ୍ଵାସୀକୋକେ ଗୋଏଃ ଲାଗିନ୍ ସାନାଙ୍ଗ୍ ତାଇନାଏ, ମେନ୍ଦୋ ନାଆ ଇନିଃ ୟୀଶୁରେ ବିଶ୍ଵାସ୍ ଲାଆଏ। ଶାଉଲ୍ ୟାହୁଦୀ କୋଲୋଃ କାଜି-କାପାଜି ଜାନାଏ। ଇନିଃ ଉଦୁବ୍ କେଦାଏ ଚି ୟୀଶୁଗି ମାସିହା ତାନିଃ।

![](https://cdn.door43.org/obs/jpg/360px/obs-en-46-07.jpg)

ଥିମ୍ବାଗି ସାମାୟ୍ରାଃ ତାୟୋମ୍ତେ,ୟାହୁଦୀକୋ ଶାଉଲ୍ କେ ଗୋଏଃ ଲାଗିନ୍ ସାନାଙ୍ଗ୍ କେଦାକୋ। ଇନ୍‍କୁ ଇନିଃକେ ଗୋଜି ଲାଗିନ୍ ହାତୁରାଃ ଛକ୍ କୋରେ ହୋଡ଼ୋକୋକେ କୁଲ୍ କେଦାକୋ। ଚି ଇନ୍‍କୁ ହୋରୋଇକାକୋ ମେନ୍ଦୋ ଶାଉଲ୍ ଏନ୍ କାଜିକୋକେ ଆୟୁମ୍ କେଦାଏ, ହାର୍ ଇନିଜାଃ ଗାତିକୋ ବଚାଅ କେତେ ଅଡୋଙ୍ଗ୍ ଲାଗିନ୍ ଇନିଜାଃ ଦେଙ୍ଗା କେଦାକୋ। ମୂଷିଙ୍ଗ୍ ନିଦାରେ ଇନ୍‍କୁ ଇନିଃକେ ଗେଣ୍ଡୁଆରେ ଦୁବ୍ କେତେ ହାତୁରାଃ ଭୀତ୍ତେ ଲାଥାର୍ ଆଡ୍ଗୁ ତିଜାକୋ। ଦାମିଶାକ୍ ସାହାର୍ ତେ ବାଚାଅ ଅଡୋଙ୍ଗ୍ ରାଃ ତାୟୋମ୍ତେ ଶାଉଲ୍ ୟୀଶୁରାଃ ବିସାଏରେ ପାର୍ଚାର୍ କେଦାଏ।

![](https://cdn.door43.org/obs/jpg/360px/obs-en-46-08.jpg)

ଏନ୍ତେ ଶାଉଲ୍ କୁଲାକାନ୍ ଚେଲା କୋଲୋଃ ଭେଟ୍ ଲାଗିନ୍ ଯିରୁସାଲେମ୍ ସାହାର୍ ତେ ସେନୋଃ ଜାନାଏ, ମେନ୍ଦୋ ଇନ୍‍କୁ ଇନିଃକେ ବୋରୋଗାଇ ତିନାକୋ। ଏନାତେ ବର୍ନବାସ୍ ନୁତୁମ୍ ମିୟାଃ ବିଶ୍ଵାସି ଶାଉଲ୍ କେ କୁଲାକାନ୍ ଚେଲାକୋ ନାଡ଼େଏରେ ଇଦିକିଜାଏ। ଇନିଃ ଇନ୍‍କୁକେ ଉଦୁବ୍ କେଦାଏ ଚି ଶାଉଲ୍ ଚିଲ୍‍କା ସାହାସ୍ ତେ ଦାମିଶାକ୍ ସାହାର୍ ରେ ପାର୍ଚାର୍ ଲାଆଏ। ଏନା ତାୟୋମ୍ତେ, କୁଲାକାନ୍ କୋ ଶାଉଲ୍ କେ ମାନାତିଙ୍ଗ୍ କିଜାକୋ।

![](https://cdn.door43.org/obs/jpg/360px/obs-en-46-09.jpg)

ଚିମିନ୍ ନାଙ୍ଗ୍ ବିଶ୍ଵାସୀକୋକେ ଯିରୁସାଲେମ୍ ରାଃ ଦୁକୁରାଃ ଚାଲ୍ତେ ନିର୍କାନ୍ ତିନାକୋ ଇନ୍‍କୁ ସାଙ୍ଗିନ୍ ଆନ୍ତାକିଆ ସାହାର୍ ରେ ସେନୋଃ କାନ୍ ତିନାକୋ ହାର୍ ୟୀଶୁରାଃ ବିସାଏରେ ପାର୍ଚାର୍ ତିନାକୋ। ଆନ୍ତାକିଆ ରେ ତାଇନ୍ତାନ୍ କୋ ହୋଡ଼ୋକୋ ଥିମ୍ବାତେଦୋ ୟାହୁଦୀ କାକୋ ତାଇନ୍, ମେନ୍ଦୋ ନେୟା ସିଦା ହବାଅଗା, ଇନ୍‍କୁଏତେ ଥିମ୍ବାଗି ହୋଡ଼ୋକୋ ବିଶ୍ଵାସୀ ବାଇଜାନାକୋ। ବାର୍ନାବାସ୍ ହାର୍ ଶାଉଲ୍ ନେ ନାୱାଃ ବିଶ୍ଵାସିକୋକେ ୟୀଶୁରାଃ ବିସାଏରେ ହାର୍ ଥିମ୍ବାଗି ସିଖାଅ ଲାଗିନ୍ ଏନ୍ତାଃରେ ସେନୋଃ ଯାନାକିନ୍ ହାର୍ କାଲିସିୟାକୋକେ କେଟେଃ କେଦାକୋ। ୟୀଶୁ ଚେତାନ୍ ରେ ବିଶ୍ଵାସ୍ ତାନ୍ କୋ ପାହିଲା ବେର୍ ଆନ୍ତାକିଆ ରେଗି “ମାସିହି(ଖ୍ରୀଷ୍ଟିୟାନ୍)” କାଜିଜାନାକୋ।

![](https://cdn.door43.org/obs/jpg/360px/obs-en-46-10.jpg)

ମୂଷିଙ୍ଗ୍ ହୁଲାଙ୍ଗ୍, ଆନ୍ତାକିଆ ରେନ୍ ମାସିହିକୋ ଉପାସ୍ ଲୋଃ ବିନ୍ତି ତାଇନାକୋ। ପାବିତାର୍ ଆତ୍ମା ଇନ୍‍କୁକେ କାଜିକେଦାଏ, “ଇଙ୍ଗ୍ଆଃ ଲାଗିନ୍ ବାର୍ନାବାସ୍ ହାର୍ ଶାଉଲ୍ କେ ଏନ୍ କାମିରିକା ଲାଗିନ୍ ଆଲାଗ୍ କିନ୍ ପେ ଅକନାଃ ଲାଗିନ୍ ଇଙ୍ଗ୍ ଇନ୍ କିନ୍ କେ କେଡ଼ା କାଦିଙ୍ଗ୍।” ଏନାଲାଗିନ୍ ଆନ୍ତାକିଆ ରେନ୍ କାଲିସିୟା(ମାଣ୍ଡିଲି) ବାର୍ନାବାସ୍ ହାର୍ ଶାଉଲ୍ ଲାଗିନ୍ ବିନ୍ତି କେଦାକୋ ହାର୍ ଇନ୍ କିନାଃ ଚେତାନ୍ ରେ ଆକୋୱାଃ ତିଇ ମାଣ୍ଡାଅ କେଦାକୋ। ଏନ୍ତେ ଇନ୍‍କୁ ଇନ୍ କିନ୍ କେ ଏଟାଃ ଥିମ୍ବା ଜାଗାକୋରେ ୟୀଶୁରାଃ ବିସାଏରେ ସୁସାମାଚାର୍ ରାଃ ପାର୍ଚାର୍ ଲାଗିନ୍ କୁଲ୍ କେଦାକୋ। ବାର୍ନାବାସ୍ ହାର୍ ଶାଉଲ୍ ଏଟାଃ-ଏଟାଃ ଜାତିରେନ୍ କୋକେ ସିଖାଅ କେଦାକିନ୍, ହାର୍ ଥିମ୍ବାଗି ହୋଡ଼ୋକୋ ୟୀଶୁକେ ବିଶ୍ଵାସ୍ କେଦାକୋ।

*ବାଇବାଲ୍ ମିୟାଃ କାହାନୀ: କୁଲାକାନ୍ କିତାବ୍(ପ୍ରେରିତ) ୮:୩; ୯:୧-୩୧; ୧୧:୧୯-୨୬; ୧୩:୧-୩.*

Audio: https://git.door43.org/OBS-TLF/unx_obs/releases/download/v1/unx_obs_v1_46_128kbps.m4a

## 47. ୪୭. ଫିଲିପି ସାହାର୍ ରେ ପାଉଲୁସ୍ ହାର୍ ସିଲାସ୍

https://openbiblestories.org/l/unx/story-47/

![](https://cdn.door43.org/obs/jpg/360px/obs-en-47-01.jpg)

ଚିମ୍ତାଙ୍ଗ୍ ଶାଉଲ୍ ସୋବେନ୍ ରୋମି ରାଇଜ୍ ହୋନୋର୍ କେଦାଏ ଦୋ ଇନିଃ ଆଜାଃ ରୋମି ନୁତୁମ୍ “ପାଉଲୁସ୍” ମାଣ୍ଡାଅ ଏଟେଃ କେଦାଏ। ମୂଷିଙ୍ଗ୍ ହୁଲାଙ୍ଗ୍, ପାଉଲୁସ୍ ହାର୍ ଆଜାଃ ଗାତି ସିଲାଶ୍ ଫିଲିପ୍ ସାହାର୍ ରେ ୟୀଶୁ ରାଃ ବିଷାଏ ରେ ସୁକୁ କାଜି ଉଦୁବ୍ ଲାଗିନ୍ ସେନ୍ ଯାନାକିନ୍। ଇନ୍ କିନ୍ ହାତୁ ବାହାରେ ମିୟାଃ ଜାଗାରେ ସେନୋଃ ଯାନାକିନ୍ ଅକତାଃ ରେ ହୋଡ଼ୋକୋ ବିନ୍ତି ଲାଗିନ୍ ହୁଣ୍ଡି କାନ୍ତିନାକୋ।ଏନ୍ତାଃ ଇନ୍ କିନ୍ ଲୁଦିଆ ନୁତୁମ୍ ମିଆ କୁଡ଼ିଲୋଃ ଭେଟ୍ ଯାନାକିନ୍ ଅକନିଃ ଚି ମିୟାଃ ବେପାରୀ ତାଇକେନାଏ। ଇନିଃ ପାର୍ମେଶ୍ଵାର୍ କେ ଦୁଲାଡ଼୍ ଇ ତାଇନାଏ ହାର୍ ଇନିଜାଃ ଆରାଧାନା ତାଇନାଏ।

![](https://cdn.door43.org/obs/jpg/360px/obs-en-47-02.jpg)

ପାର୍ମେଶ୍ଵାର୍ ଲୁଦିୟାକେ ୟୀଶୁ ରାଃ ସାନ୍ଦେସ୍ କେ ବିଶ୍ଵାସ୍ ନାଗିନ୍ତେ ପେଡ଼େଏ ଏମ୍ କିଜାଏ। ପାଉଲୁସ୍ ହାର୍ ସିଲାସ୍ ଇନିଃକେ ହାର୍ ଇନିଜାଃ ପାରିବାର୍ କେ ବାପ୍ତିସ୍ମ ଏମ୍ କେଦାକିନ୍। ଇନ୍‍କୁ ପାଉଲୁସ୍ ହାର୍ ସିଲାସ୍ କେ ଆକୋୱାଃ ଅଡ଼୍ଆଃରେ ତାଇନ୍ ଲାଗିନ୍ କେଡ଼ାକେଦାକୋ, ଏନା ଲାଗିନ୍ ଇନ୍ କିନ୍ ଏନ୍ତାଃ ରେ ତାଇନ୍ ଯାନାକିନ୍।

![](https://cdn.door43.org/obs/jpg/360px/obs-en-47-03.jpg)

ପାଉଲୁସ୍ ହାର୍ ସିଲାସ୍ ହୋଡ଼ୋକୋଲୋଃ ସୋବେନ୍ ଇମ୍ତାଙ୍ଗ୍ ଏନ୍ ଜାଗାରେ ଭେଟ୍ଅ ତିନାକୋ ଅକନ୍ ଜାଗାରେ ୟାହୁଦୀ ହୋଡ଼୍ କୋ ବିନ୍ତି ତିନାକୋ। ସୋବେନ୍ ହୁଲାଙ୍ଗ୍ ଚିମ୍ତାଙ୍ଗ୍ ଇନ୍ କିନ୍ ଏନ୍ତାଃ ରେ ସେନ୍ତିନା କିନ୍ ଦୋ ମିୟାଃ ଦାସୀ କୁଡ଼ି ଅକନିଃ ବୋଙ୍ଗାଆତ୍ମା ହୋରାତେ ତାଇକେନାଏ ଇନ୍ କିନ୍ କେ ଅତୋଙ୍ଗ୍ କିନ୍ ତାଇନାଏ। ଏନ୍ ବୋଙ୍ଗାଆତ୍ମା ହୋରାତେ ଇନିଃ ହୋଡ଼ୋକୋଆଃ ଆୟାର୍ କାଜି ତେୟାଃକେ ଉଦୁବ୍ ତାଇନାଏ, ଏନାଲାଗିନ୍ ଇନିଃ ଆୟାର୍ କାଜି ଉଦୁବ୍ ଲେକାତେ ଆଜାଃ ଗୋମ୍ କେ କୋ ଲାଗିନ୍ ଥିମ୍ବାଗି ଟାକା କାମି ତାଇନାଏ।

![](https://cdn.door43.org/obs/jpg/360px/obs-en-47-04.jpg)

ଇନ୍ କିନ୍ ସେନ୍ତାନ୍ ସାମାୟ୍ ରେ ନେ ଦାସୀକୁଡ଼ି କିର୍ଲାଅ ତାଇନାଏ, “ନେ କୋଡ଼ାକିନ୍ ମାରାଙ୍ଗ୍ ଉଥାର୍ ପାର୍ମେଶ୍ଵାର୍ ରାଃ ସେବାକ୍ କିନ୍ ତାନ୍ କିନ୍। ଇନ୍ କିନ୍ ଆପେକେ ବାଞ୍ଚାଅ ନାମେ ରାଃ ହୋରା ଉଦୁବ୍ ତାନାକିନ୍!”ଇନିଃ ସୋବେନ୍ ହୁଲାଙ୍ଗ୍ ନେଗାଗି ରିକାତାଇନାଏ ଅକନାଃରେ ଚି ପାଉଲୁସ୍ ଖିସ୍ ଜାନାଏ।

![](https://cdn.door43.org/obs/jpg/360px/obs-en-47-05.jpg)

ମୂଷିଙ୍ଗ୍ ହୁଲାଙ୍ଗ୍ ଚିମ୍ତାଙ୍ଗ୍ ଏନ୍ ଦାସୀ କୁଡ଼ି କିର୍ଲାଅ ଏଟେଃ କେଦାଏ, ଦୋ ପାଉଲୁସ୍ ଆଜାଃ ପାଡ଼୍ ବିୟୁର୍ କେତେ ଆଜାଃ ଭିତାର୍ ରେନ୍ ବୋଙ୍ଗାଆତ୍ମାକେ କାଜିକିଜାଏ, “ୟୀଶୁ ରାଃ ନୁତୁମ୍ ରେ ନିଇଗାଃତେ ଅଡୋଙ୍ଗ୍ ମେ।”ଏନ୍ ସମାଏରେଗି ଏନ୍ ବୋଙ୍ଗାଆତ୍ମା ଇନିଃକେ ବାଗେ ତାଦାଏ।

![](https://cdn.door43.org/obs/jpg/360px/obs-en-47-06.jpg)

ଏନ୍ ଦାସୀକୁଡ଼ି ରାଃ ଗୋମ୍ କେ ଥିମ୍ବାଗି ଖିସ୍ ଜାନାଏ। ଇନିଃ ସାରିଉରୁମ୍ ଜାନାଏ ଚି ଏନ୍ ବୋଙ୍ଗାଆତ୍ମା ବିନା ଏନ୍ ଦାସୀ କୁଡ଼ି ହୋଡ଼ୋକୋ ଲାଗିନ୍ ଆୟାର୍ କାଜି କାଏ ଉଦୁବ୍ ଧାଡ଼ିତିନା। ନେୟାରାଃ ଆର୍ଥ ତାନାଃ ଚି ହୋଡ଼ୋକୋ ନାଆଃ ଟାକା କାକୋ ଏମିୟା ଚି ଇନିଃ ଇନ୍‍କୁକେ ଉଦୁବାକୋୱାଏ ଚି ଇନ୍‍କୁୱାଃଲୋଃ ଚିନାଃ ହୋବାୱାଃ।

![](https://cdn.door43.org/obs/jpg/360px/obs-en-47-07.jpg)

ଏନାଲାଗିନ୍ ଏନ୍ ଦାସୀକୁଡ଼ି ରାଃ ଗୋମକେ ପାଉଲୁସ୍ ହାର୍ ସିଲାସ୍ କେ ରୋମାନ୍ ଆଧିକାରୀ କୋତାଃ ଇଦିକେଃ କିନାୟ। ଇନ୍‍କୁ ପାଉଲୁସ୍ ହାର୍ ସିଲାସ୍ କେ ବିଡ଼ାକେଃ କିନାକୋ,ଆଡୋଃ ଇନ୍ କିନ୍ କେ ଜେଲ୍ଅଡ଼୍ଆଃରେ ଆଦେର୍ ତାଃ କିନାକୋ।

![](https://cdn.door43.org/obs/jpg/360px/obs-en-47-08.jpg)

ଇନ୍‍କୁ ପାଉଲୁସ୍ ହାର୍ ସିଲାସ୍ କିନ୍ କେ ଜେଲ୍ଅଡ଼୍ଆଃରେ ନେକାଜାଗାରେ ମାଣ୍ଡାଅ କେଦାକୋ ଅକତାଃରେ ସୋବେନ୍ କୋଏତେ ଥିମ୍ବା ସିପାହିକୋ ତାଇକେନାକୋ। ନେତାଃ ସାନ୍ ଚି ଇନ୍‍କୁ ଇନ୍ କିନ୍ ଆଃ କାଟାକେ ସାହାନ୍ ରାଃ ମାରାଙ୍ଗ୍ ଖାଣ୍ଡାରେ ଜୋଡାଇ ଆଦେର୍ ତାଦାକୋ। ମେନ୍ଦୋ ପାଉଲୁସ୍ ହାର୍ ସିଲାସ୍ ଆଧା ନିଦା ସାମାୟ୍ ରେ,ପାର୍ମେଶ୍ଵାର୍ ରାଃ ସ୍ତୁତି ଦୁରାଙ୍ଗ୍ ତିନାକିନ୍।

![](https://cdn.door43.org/obs/jpg/360px/obs-en-47-09.jpg)

ଆକ୍ ଚାକାତେ,ମିୟାଃ ବୋରୋଆନ୍ ଭୁଇଁଡ଼ୋଲ୍ ହୋବାଜାନା! ଜେଲ୍ ଅଡ଼୍ଆଃରେନ୍ ସୋବେନ୍ ଦ୍ଵାର୍ ଖୋଲାଅ ଜାନା,ହାର୍ ସୋବେନ୍ ଥଲାକାନ୍ ସିକ୍ରିକୋ ଖୋଲାଅ କେତେ ଉୟୁଃଜାନା।

![](https://cdn.door43.org/obs/jpg/360px/obs-en-47-10.jpg)

ଏନ୍ତେ ଦାରୋୱାଃନ୍ ବିରିଃଜାନାଏ। ଇନିଃ ନେଲ୍ କେଦାଏ ଚି ଜେଲ୍ ଅଡ଼୍ଆଃରାଃ ଦ୍ଵାର୍ କୋ ଖୋଲାଅ କାନ୍ ତିନା। ଇନିଃ ପାହୋମ୍ ତାଇନାଏ ଚି ସୋବେନ୍ କାଇଦିକୋ ବାଚାଅ କେତେ ନିର୍ କାନାକୋ। ଇନିଃ ବୋରୋ ଜାନାଏ ଚି ଇନ୍‍କୁୱାଃ ନିର୍ ଜାନ୍ ରାଃ କାରାନ୍ ରେ ରୋମାନ୍ ଆଧିକାରୀକୋ ଇନିଃ କେ ଗୋଜିୟାକ, ଏନାଲାଗିନ୍ ଇନିଃ ଆପାନ୍ କେ ଗୋଏଃଲାଗିନ୍ ସେକାଡ଼୍ ଜାନାଏ! ମେନ୍ଦୋ ପାଉଲୁସ୍ ଇନିଃକେ ନେଲ୍ କେତେ କିର୍ଲାଅ କିଜାଏ, “ରାହା! ଆପାନ୍ କେ ଆଲୋମ୍ ନକ୍ ସାନ୍ ଏୟା। ଆଲେ ସୋବେନ୍ କୋ ନେତାଃରେ ମେନାଲେୟା।”

![](https://cdn.door43.org/obs/jpg/360px/obs-en-47-11.jpg)

ଏନ୍ ଦାର୍ ୱାଃନ୍ ବୋରୋତାନ୍ ଲୋଃ ପାଉଲୁସ୍ ହାର୍ ସିଲାସ୍ ନାଡ଼େଏ ହିଜୁଃକେତେ କୁଲିକେଦାଏ, “ବାଞ୍ଚାଅ ନାମେ ଲାଗିନ୍ ଇଙ୍ଗ୍ ଚିନାଃ ରିକାଇଙ୍ଗ୍?” ପାଉଲୁସ୍ କାଜି ରୁଆଡ଼୍ କିଜାଏ, “ପ୍ରାଭୂ ୟୀଶୁ ଚେତାନ୍ ରେ ବିଶ୍ଵାସ୍ ଏମ୍, ଦୋ ଆମ୍ ହାର୍ ଆମାଃ ଅଡ଼୍ଆଃରେନ୍ କୋ ବାଞ୍ଚାଅ ନାମେୟାକୋ।” ଏନ୍ତେ ଏନ୍ ଦାର୍ ୱାଃନ୍ ପାଉଲୁସ୍ ହାର୍ ସିଲାସ୍ କେ ଆକୋୱାଃ ଅଡ଼୍ଆଃ ଇଦି କେଃ କିନାଏ ହାର୍ ଇନ୍ କିନାଃ ଘାଅକୋକେ ଚାପି କେଦାଏ। ପାଉଲୁସ୍ ଇନ୍‍କୁୱାଃ ଅଡ଼୍ଆଃରେନ୍ ସୋବେନ୍ କୋକେ ୟୀଶୁରାଃ ବିଷାଏ ରେ ଉଦୁବ୍ ସୁସାମାଚାର୍ କେଦାଏ।

![](https://cdn.door43.org/obs/jpg/360px/obs-en-47-12.jpg)

ଦାର୍ ୱାଃନ୍ ହାର୍ ଇନିଜାଃ ସୋବେନ୍ ପାରିବାର୍ ରେନ୍ କୋ ୟୀଶୁରେ ବିଶ୍ଵାସ୍ କେଦାକୋ, ଏନାଲାଗିନ୍ ପାଉଲୁସ୍ ହାର୍ ସିଲାସ୍ ଇନ୍‍କୁକେ ବାପ୍ତିସ୍ମା ଏମ୍ କେଦାକିନ୍। ଏନ୍ତେ ଦାର୍ ୱାଃନ୍ ପାଉଲୁସ୍ ହାର୍ ସିଲାସ୍ କିନ୍ କେ ଯୋଜୋମାଃ ଏମ୍ କେଦାକୋ, ହାର୍ ଇନ୍‍କୁ ମିଃତେ ରାଶିକା ଜାନାକୋ।

![](https://cdn.door43.org/obs/jpg/360px/obs-en-47-13.jpg)

ଏଟାଃ ହୁଲାଙ୍ଗ୍, ସାହାର୍ ରେନ୍ ଆଗୁୱାକୋ ପାଉଲୁସ୍ କେ ହାର୍ ଶିଳାସ୍ କେ ଜେଲ୍ ଅଡ଼୍ଆଃତେ ବାଗେ ତାଦାକୋ ହାର୍ ଫିଲିପ୍ ସାହାର୍ ତେ ସେନୋଃ ଲାଗିନ୍ କାଜିକେଦାକୋ। ପାଉଲୁସ୍ ହାର୍ ସିଲାସ୍ କିନ୍ ଲୁଦିଆ ହାର୍ ଚିମିନାଙ୍ଗ୍ ଗାତିକୋଲୋଃ ନାପାମ୍ ଜାନାକୋ ହାର୍ ଏନା ତାୟୋମ୍ତେ ଇନ୍ କିନ୍ ସାହାର୍ ତେ ଅଡୋଙ୍ଗ୍ ଯାନାକିନ୍। ୟୀଶୁ ରାଃ ବିଷାଏରେ ସୁସାମାଚାର୍ କେ ପାସ୍ରାଅ ଇଦିକେଦାକୋ, ହାର୍ କାଲିସିୟା ହାରା ଇଦିଜାନା।

![](https://cdn.door43.org/obs/jpg/360px/obs-en-47-14.jpg)

ପାଉଲୁସ୍ ହାର୍ ଏଟାଃ ମାସିହି ଆଗୁୱା କୋ ଥିମ୍ବାଗି ସାହାର୍ କୋରେ ସେନୋଃ ଜାନାକୋ। ଇନ୍‍କୁ ୟୀଶୁରାଃ ବିଷାଏ ରେ ସୁସାମାଚାର୍ ଉଦୁବ୍ କେଦାକୋ। ଇନ୍‍କୁ କାଲିସିୟା କୋରେନ୍ ବିଶ୍ଵାସୀ କୋକେ ହାରାଇଦି ଲାଇ ହାର୍ ଶିଖାଅ ଏମ୍ ଲାଗିନ୍ ଚିମିନ୍ ଚିଠି ସାକାମ୍ ଅଗି ଅଲ୍ କେଦାକୋ। ନେଣ୍ଡେରାଃ ଚିମିନ୍ ଚିଠି ସାକାମ୍ ବାଇବାଲ୍ ରାଃ କିତାବ୍ ବାଇଜାନା। ବାଇବାଲ୍ ମିୟାଃ କାହାନୀ:

*(ପ୍ରେରିତ)କୂଲାକାନ୍ କୋଆଃ କାମି ୧୬:୧୧-୪୦.*

Audio: https://git.door43.org/OBS-TLF/unx_obs/releases/download/v1/unx_obs_v1_47_128kbps.m4a

## 48. ୪୮. ୟୀଶୁ ଗି କିରିୟା କାନ୍ତେୟା ମାସୀହ୍ ତାନିଃ

https://openbiblestories.org/l/unx/story-48/

![](https://cdn.door43.org/obs/jpg/360px/obs-en-48-01.jpg)

ଚିମ୍ତାଙ୍ଗ୍ ପାର୍ମେଶ୍ଵାର୍ ନେ ଦିଶୁମ୍ କେ ବାଇକେଦାଏ ଦୋ ସବେନ୍ ତେଆଃ ବୁଗିନ୍ ତାଇକେନା। ଆଦାମ୍ ହାର୍ ହାୱା ମିହୋଡ଼୍ ଏଟାଃ ନିଃଲୋଃ ଦୁଲାଡ଼୍ ତିନାକିନ୍, ହାର୍ ଇନ୍ କିନ୍ ପାର୍ମେଶ୍ଵାର୍ କେ ଦୁଲାଡ଼୍ ତିନାକିନ୍। ଯେତେନାଃ ବେମାର୍ ୟାଦ ଗୋନୋଏଃ କା ତାଇକେନା। ପାର୍ମେଶ୍ଵାର୍ ନେକାଗି ଦିଶୁମ୍ ସାନାଙ୍ଗ୍ ତାଇନାଏ।

![](https://cdn.door43.org/obs/jpg/360px/obs-en-48-02.jpg)

ଶାଏତାନ୍ ବିଙ୍ଗ୍ ରାଃ ହୋରାତେ ବାଗିଚାରେ ହାୱାଲୋଃ ବାଖାଣ୍ କେଦାଏ, ଚିୟାଃଚି ଇନିଃ ଆଏଃକେ ଧୋକା ଏମ୍ ସାନାଙ୍ଗ୍ ତାଇନାଏ। ଏନାତେ ହାୱା ହାର୍ ଆଦାମ୍ ପାର୍ମେଶ୍ଵାର୍ ରାଃ ବିରୁଦ୍ଦ୍ ପାପ୍ କେଦାକିନ୍। ଚିୟାଃଚି ଇନ୍ କିନ୍ ପାପ୍ ଲାଆକିନ୍ ଏନାଲାଗିନ୍ ଦିଶୁମ୍ ରେ ତାଇନ୍ ସୋବେନ୍ କୋ ଗୋଜୋଃ ତିନାକୋ।

![](https://cdn.door43.org/obs/jpg/360px/obs-en-48-03.jpg)

ଚିୟାଃଚି ଆଦାମ୍ ହାର୍ ହାୱା ପାପ୍ ଲାଆକିନ୍, ଏନାଲାଗିନ୍ ଆଡୋଃଗି ଖାରାପ୍ ଜାନା। ଇନ୍ କିନ୍ ପାର୍ମେଶ୍ଵାର୍ ରାଃ ସାର୍ରୁ ବାଇଜାନାକିନ୍। ଏନାରାଃ ପାରିନାମ୍ ତାନାଃ ଏନ୍ତାଏତେ ସୋବେନ୍ କୋ ପାପ୍ କେଦାକୋ। ସୋବେନ୍ ମିହୋଡ଼୍ ଯାନାମ୍ ତେଗି ପାର୍ମେଶ୍ଵାର୍ ରାଃ ବାଇରି ବାଇଜାନାଏ। ପାର୍ମେଶ୍ଵାର୍ ହାର୍ ହୋଡ଼ୋକୋୱାଃ ଥାଲାରେ ଶାନ୍ତି କା ତାଇକେନା। ମେନ୍ଦୋ ପାର୍ମେଶ୍ଵାର୍ ଶାନ୍ତି ବାଇ ସାନାଙ୍ଗ୍ ତାଇନାଏ।

![](https://cdn.door43.org/obs/jpg/360px/obs-en-48-04.jpg)

ପାର୍ମେଶ୍ଵାର୍ କିରିୟାଃ କେଦାଏ ଚି ହାୱା ରାଃ ମିୟାଃ ବାଂଶ୍ ସାଏତାନ୍ ରାଃ ଭଅକେ ସେରେଦେୟାଏ। ଇନିଃ ନେୟାଃଅଗି କାଜିକେଦାଏ ଚି ସାଏତାନ୍ ଆଜାଃ ଏଡ଼ିକେ ସଦାୟାଏ। ସାଏତାନ୍ ମାସୀହ୍ କେ ଗୋଜିଆଏ, ମେନ୍ଦୋ ପାର୍ମେଶ୍ଵାର୍ ଇନିଃକେ ଆଡୋଃଗି ଜିହିଦ୍ ଇଆଏ। ନେୟାଃ ତାୟୋମ୍ତେ, ମାସୀହ୍ ସାଏତାନ୍ ରାଃ ପେଡ଼େଏ କେ ସୋବେନ୍ ହୁଲାଙ୍ଗ୍ ସାନ୍ତେ ଛାବା ତାଆଏ। ଚିମିନ୍ ବାରାଶ୍ ରାଃ ତାୟୋମ୍ତେ, ପାର୍ମେଶ୍ଵାର୍ ଉଦୁବ୍ କେଦାଏ ଚି ଇନିଃ ମାସୀହ୍ ୟୀଶୁ ତାନିଃ।

![](https://cdn.door43.org/obs/jpg/360px/obs-en-48-05.jpg)

ପାର୍ମେଶ୍ଵାର୍ ଏନ୍ ବାଇଡ୍ ତେ ଆଜାଃ ପାରିବାର୍ କେ ବାଚାଅ କେଦାଏ ଅକନାଃ ରେ ଇନିଃ ହିଜୁଃନିଃ ତାଇକେନାଏ। ନୁହ୍ କେ ମିୟାଃ ମାରାଙ୍ଗ୍ ଦାଆ ଯାହାଜ୍ ବାଇଲାଗିନ୍ କାଜିକେଦାଏ ଚି ଇନିଃ ନେ ଲେକାତେ ଏନ୍ ହୋଡ଼ୋକୋକେ ବାଞ୍ଚାକେଦାଏ ଅକନ୍ କୋ ଇନିଃଜାଃରେ ବିଶ୍ଵାସ୍ ତିନାକୋ। ନେ ଲେକାତେ,ଇନ୍‍କୁ ସୋବେନ୍ କୋକେ ପାର୍ମେଶ୍ଵାର୍ ରାଃ ହରାତେ ଗୋଜୋଃ ଲାଗିନ୍ ତାଇକେନାକୋ ଚିୟାଃଚି ଇନ୍‍କୁ ପାପ୍ ଲାଆକୋ। ମେନ୍ଦୋ ପାର୍ମେଶ୍ଵାର୍ ଏନ୍ ସୋବେନ୍ କୋକେ ବାଞ୍ଚାଅ ଲାଗିନ୍ ୟୀଶୁକେ କୁଲ୍ କିଜାଏ ଅକନ୍ କୋ ଇନିଃ ଜାଃରେ ଚେତାନ୍ ରେ ବିଶ୍ଵାସ୍ ତିନାକୋ।

![](https://cdn.door43.org/obs/jpg/360px/obs-en-48-06.jpg)

ଶାଅ-ଶାଅ ବାରାଶ୍ ସାନ୍ତେ, ୟାଜାକ୍ ପାର୍ମେଶ୍ଵାର୍ ଲାଗିନ୍ ଦାଣେ ରାକାବ୍ ତିନାକୋ। ନେୟାଃ ଉଦୁବ୍ ତାଇନାଏ ଚି ହୋଡ଼ୋକୋ ପାପ୍ ଲାଆକୋ, ହାର୍ ନେୟାଃ ତାନାଃ ଚି ଇନ୍‍କୁ ପାର୍ମେଶ୍ଵାର୍ ରାଃ ପାଡ଼୍ ଏତେ ଇନ୍‍କୁକେ ଶାଜାଇ ନାମେ ଲେକା ତାଇକେନାକୋ। ମେନ୍ଦୋ ଏନ୍ ଦାଣେ ଇନ୍‍କୁୱାଃ ପାପ୍ କୋକେ ଛାମା କାଏ ଧାଡ଼ି ତାଇନା। ୟୀଶୁ ସୋବେନ୍ କୋଏତେ ମାରାଙ୍ଗ୍ ୟାଜାକ୍ ତାନିଃ। ଇନିଃ ଏନା ରିକାକେଦାଏ ଅକନାଃ ଜେତାଏ ୟାଜାକ୍ କାଏ ରିକା ଧାଡ଼ିତେୟାଃ। ଇନିଃ ଏନ୍ ମିୟାଃଗି ଦାଣେ ହୋବା ଲାଗିନ୍ ଆପାନ୍ କେ ଏମ୍ ତାଦାଏ ଅକନାଃ ସୋବେନ୍ କୋୱାଃ ପାପ୍ କୋକେ ମେଟାଅ କେୟାଏ। ଇନିଃ ମାନାତିଙ୍ଗ୍ କେଦାଏ ଚି ପାର୍ମେଶ୍ଵାର୍ ଏନ୍ ସୋବେନ୍ କୋୱାଃ ପାପ୍ ଲାଗିନ୍ ଇନିଃକେ ଦାଣ୍ଡିତ୍ ଇଆଏ। ନେ କାରାନ୍, ୟୀଶୁ ଶିଦ୍ଧ୍ ମାରାଙ୍ଗ୍ ୟାଜାକ୍ ତାନିଃ।

![](https://cdn.door43.org/obs/jpg/360px/obs-en-48-07.jpg)

ପାର୍ମେଶ୍ଵାର୍ ଆବ୍ରାହାମ୍ କେ କାଜିକିଯାଏ, “ଇଙ୍ଗ୍ ଆମାଃ ହୋରାତେ ସୋବେନ୍ କିଲିଲେନ୍ କୋକେ ଆଶିଷ୍ ଏମାକୁଇଙ୍ଗ୍।” ୟୀଶୁ ନେ ଆବ୍ରାହାମ୍ କିଲି ରେନ୍ ତାଇକେନାଏ। ପାର୍ମେଶ୍ଵାର୍ ଆବ୍ରାହାମ୍ ରାଃ ହୋରାତେ ସୋବେନ୍ କିଲିରେନ୍ କୋକେ ଆଶିଷ୍ ଏମାକୋ ତାନାଏ, ଚିୟାଃଚି ଅକଏ ୟୀଶୁ ଚେତାନ୍ ରେ ବିଶ୍ଵାସ୍ ୟାଃକ ପାର୍ମେଶ୍ଵାର୍ ଏନ୍ ସୋବେନ୍ ପାପ୍ କୋତେ ବାଞ୍ଚାଅ କୋୱାଏ। ଚିମ୍ତାଙ୍ଗ୍ ନେ ହୋଡ଼ୋକୋ ୟୀଶୁ ଚେତାନ୍ ରେ ବିଶ୍ଵାସ୍ ୟାଃକୋ,ଦୋ ପାର୍ମେଶ୍ଵାର୍ ଇନ୍‍କୁକେ ଆବ୍ରାହାମ୍ ରାଃ କିଲି ମାନାତିଙ୍ଗ୍ ଏୟାଏ।

![](https://cdn.door43.org/obs/jpg/360px/obs-en-48-08.jpg)

ପାର୍ମେଶ୍ଵାର୍ ଆବ୍ରାହାମ୍ କେ କାଜିକିଯାଏ ଚି ଇନିଃ ଆପାନ୍ ନିଜ୍ କୋଡ଼ାହୋନ୍ କେ ଇନିଜାଃ ଲାଗିନ୍ ଦାଣେ ରାକାବିକାଏ। ମେନ୍ଦୋ ପାର୍ମେଶ୍ଵାର୍ ଇସହାକ୍ ରାଃ ବାଦ୍ଲା ଦାଣେ ଲାଗିନ୍ ମିୟାଃ ମିଣ୍ଡି ଏମ୍ କିଜାଏ। ଆବୁ ସୋବେନ୍ କୋ ଆପାନାଃ ପାପ୍ ଲାଗିନ୍ ଗୋଜୋଃ ଲେକା ତାଇକେନାବୁ! ମେନ୍ଦୋ ପାର୍ମେଶ୍ଵାର୍ ଆବୁଆଃ ଜାଗାରେ ଗୋଜୋଃ ଲାଗିନ୍ ୟୀଶୁକେ ଦାଣେରାଃ ରୁପ୍ ରେ ଏମ୍ ତିଜାଏ। ନେ ଲେକାତେ ଆବୁ ୟୀଶୁକେ ପାର୍ମେଶ୍ଵାର୍ ରାଃ ମିଣ୍ଡି କାଜିୟାଃବୁ।

![](https://cdn.door43.org/obs/jpg/360px/obs-en-48-09.jpg)

ଚିମ୍ତାଙ୍ଗ୍ ପାର୍ମେଶ୍ଵାର୍ ମିଶାର୍ ରେ ଆଖ୍ରୀ ମାହାମାରି କୁଲ୍ କେଦାଏ ଦୋ ଇନିଃ ସୋବେନ୍ ମିୟାଃ ପାରିବାର୍ କେ କାଜିକେଦାଏ ଚି ଇନ୍‍କୁ ମିୟାଃ ମିଣ୍ଡି ରାଃ ଦାଣେ ଏନେକାକୋ। ଏନ୍ ମିଣ୍ଡିରାଃ ଜେତାଏ ଦୋସ୍ କା ତାୟୋଃ ଚାହି। ଏନ୍ତେ ଆକୋୱାଃ ଦୁହାର୍ ରାଃ ଚାଉଖାଟ୍ ରାଃ ଚେତାନ୍ ରେ ହାର୍ ବାଂଲାରେ ଇନ୍‍କୁ ଇନିଜାଃ ମାୟୋମ୍ ତେ ଯୋଲୋମ୍ ତାଦାକୋ। ଚିମ୍ତାଙ୍ଗ୍ ପାର୍ମେଶ୍ଵାର୍ ଏନ୍ ମାୟୋମ୍ କେ ନେଲ୍ କେଦାଏ ଦୋ ଇନିଃ ଇନ୍‍କୁୱାଃ ଅଡ଼୍ଆଃତେ ଆୟୁର୍ ସେନୋଃ ଜାନାଏ ହାର୍ ଇନ୍‍କୁୱାଃ ପାହିଲା ହୋନ୍ କୋକେ କାଏ ଗୋଏଃ କେଦା। ଚିମ୍ତାଙ୍ଗ୍ ନେୟାଃ ହୋବାନା ଦୋ ପାର୍ମେଶ୍ଵାର୍ ନେୟାଃକେ ଫାସାହା ରାଃ ପାରାବ୍ କାଜିକେଦାଏ।

![](https://cdn.door43.org/obs/jpg/360px/obs-en-48-10.jpg)

ୟୀଶୁ ଫାସାହ୍ ରାଃ ପାରାବ୍ ରେନ୍ ମିୟାଃ ମିଣ୍ଡି ଲେକା ତାନିଃ। ଇନିଃ ଚିଉଲା କାଏ ପାପ୍ ଲାଆ ଏନାଲାଗିନ୍ ଇନିଃଜାଃରେ ଯେତେନାଃ ଅଗୀ ଗାଲ୍ତି କା ତାଇକେନା। ଇନିଃ ଫାସାହ୍ ରାଃ ପାରାବ୍ ସାମାୟ୍ ରେ ଗୋଏଃ କାନ୍ତିନାଏ ଚିମ୍ତାଙ୍ଗ୍ ଜେତାଏ ୟୀଶୁଗାଃରେ ବିଶ୍ଵାସ୍ ତାନାଏ,ଏନ୍ତେ ୟୀଶୁ ରାଃ ମାୟୋମ୍ ଏନ୍ ହୋଡ଼୍ କେ ପାପ୍ ରାଃ ହାଲ୍ ଫେରେଃ ତାଇନାଏ। ନେୟାଃ ନେଲେକା ତାନାଃ ଜେଲେକା ଚି ପାର୍ମେଶ୍ଵାର୍ ଏନ୍ ହୋଡୋଃ ରାଃ ନାଡ଼େଏତେ ଆୟୁର୍ ସେନୋଃ ଜାନାଏ, ଚିୟାଃଚି ଇନିଃ ଆଏଃକେ ଦାଣ୍ଡ କାଏ ଏମିୟାଃଏ।

![](https://cdn.door43.org/obs/jpg/360px/obs-en-48-11.jpg)

ପାର୍ମେଶ୍ଵାର୍ ଇସ୍ରାଏଲୀ ହୋଡ଼ୋକୋଲୋଃ ମିୟାଃ ନିୟାମ୍ ଥଲ୍ କେଦାଏ, ଚିୟାଃଚି ଇନ୍‍କୁ ଏନ୍ କା ହୋଡ଼୍ କୋ ତାଇକେନାକୋ ଅକନ୍ କୋକେ ପାର୍ମେଶ୍ଵାର୍ ଆପାନାଃ ହୋବା ଲାଗିନ୍ ସାଲାଲେଃ କୋୱାଏ। ମେନ୍ଦୋ ନାଆ ପାର୍ମେଶ୍ଵାର୍ ମିୟାଃ ନେକା ନିୟାମ୍ ଥଲ୍ କାଦାଏ ଅକନାଃ ଚି ସୋବେନ୍ କୋଆଃ ଲାଗିନ୍ ତାନାଃ। ଆଗାର୍ ଜେତାନ୍ ଜାତି ରେନ୍ ଜେତାନ୍ ହୋଡ଼୍ ନେ ନାୱାଃ ନିୟାମ୍ କେ ମାନାତିଙ୍ଗ୍ ତାନାଏ, ଦୋ ଏନ୍ ପାର୍ମେଶ୍ଵାର୍ ରାଃ ହୋଡ଼ୋରେ ମେଶା କେନୋଗାକୋ। ଇନିଃ ନେକା ନେୟାଲାଗିନ୍ ରିକାୟାଏ ଚିୟାଃଚି ଇନିଃ ୟୀଶୁକେ ବିଶ୍ଵାସ୍ ତାନାଏ।

![](https://cdn.door43.org/obs/jpg/360px/obs-en-48-12.jpg)

ମୁଶା ନାବୀ ମିୟାଃ ନେକା ଆୟାର୍ କାଜି ନିଃ ତାଇକେନାଏ ଅକନିଃ ପାର୍ମେଶ୍ଵାର୍ ରାଃ ବାଚାନ୍ କେ ମାରାଙ୍ଗ୍ ପେଡ଼େଏତେ ଲୋଃ ପାର୍ଚାର୍ ଲାଆଏ। ମେନ୍ଦୋ ୟୀଶୁ ସୋବେନ୍ ଆୟାର୍ କାଜି କୋୱାଃତେ ମାରାଙ୍ଗ୍ ତାନିଃ। ଇନିଃ ପାର୍ମେଶ୍ଵାର୍ ତାନିଃ,ଏନାଲାଗିନ୍ ଯାହାନାଃଅଗି ଇନିଃ ରିକାକାଦାଏ ହାର୍ କାଜିକାଦାଏ ଇନିଃ ପାର୍ମେଶ୍ଵାର୍ ରାଃ କାମି ହାର୍ ବାଚାନ୍ ତାଇକେନା। ଏନା ଲାଗିନ୍ ପାବିତାର୍-ପୁଥି ୟୀଶୁକେ ପାର୍ମେଶ୍ଵାର୍ ରାଃ ବାଚାନ୍ କାଜିଅଗା।

![](https://cdn.door43.org/obs/jpg/360px/obs-en-48-13.jpg)

ପାର୍ମେଶ୍ଵାର୍ ଦାଉଦ୍ ରାଜାଲୋଃ କିରିୟା ଲାଆଏ ଚି ରାଜା ରାଃ ଲେକା ଇନିଜାଃ ମିୟାଃ କିଲିରେନ୍ ପାର୍ମେଶ୍ଵାର୍ ରାଃ ହୋଡ଼ୋ କୋକେ ସୋବେନ୍ ହୁଲାଙ୍ଗ୍ ଲାଗିନ୍ ରାଇଜ୍ ଏୟାଏ। ୟୀଶୁ ପାର୍ମେଶ୍ଵାର୍ ରାଃ ହୋନ୍ ହାର୍ ମାସୀହ୍ ତାନିଃ, ଏନା ଲାଗିନ୍ ଇନିଃ ରାଜା ଦାଉଦ୍ କିଲିରେନ୍ ତାନିଃ ଅକନିଃ ସୋବେନ୍ ହୁଲାଙ୍ଗ୍ ଲାଗିନ୍ ରାଇଜ୍ ଧାଡ଼ିୟାଏ।

![](https://cdn.door43.org/obs/jpg/360px/obs-en-48-14.jpg)

ଦାଉଦ୍ ଦୋ ଇସ୍ରାଏଲୀ କୋଆଃ ରାଜା ତାଇକେନାଏ,ମେନ୍ଦୋ ୟୀଶୁ ସୋବେନ୍ ଦିଶୁମ୍ ରେନ୍ ରାଜା ତାନିଃ!ଇନିଃ ଆଡୋଃ ମିଶା ହିଜୁଃଗାଏ ହାର୍ ସୋବେନ୍ ହୁଲାଙ୍ଗ୍ ଲାଗିନ୍ ବିଚାର୍ ହାର୍ ଶାନ୍ତି ଲୋଃ ଆଜାଃ ରାଇଜ୍ ରେ ରାଇଜ୍ ଏୟାଏ। ବାଇବାଲ୍ ମିୟାଃ କାହାନୀ:

*ଶିର୍ଜାଅ୧-୩, ୬, ୧୪, ୨୨;ସେସେନ୍ ୧୨, ୨୦; ୨ଶାମୁୟେଲ ୭; ଏବ୍ରୀ ୩:୧-୬, ୪:୧୪-୫:୧୦; ୭:୧-୮:୧୩; ୯:୧୧-୧୦:୧୮; ପ୍ରକାଶିତ ୨୧୪୯.*

Audio: https://git.door43.org/OBS-TLF/unx_obs/releases/download/v1/unx_obs_v1_48_128kbps.m4a

## 49. ୪୯. ପାର୍ମେଶ୍ଵାର୍ ରାଃ ନାୱାନିୟାମ୍

https://openbiblestories.org/l/unx/story-49/

![](https://cdn.door43.org/obs/jpg/360px/obs-en-49-01.jpg)

ମିୟାଃ ସିର୍ମାଦାସୀ ମିୟାଃ ଦିଣ୍ଡାକୁଡ଼ି କୁଡ଼ି ମାରିୟାମ୍ କେ କାଜିକିଜାଏ ଚି ଇନିଃ ରାଃ କୋଡ଼ାହୋନ୍ କେ ଜାନାମିୟାଏ। ଇନିଃ ନାଆ ଦିଣ୍ଡା ତାଇକେନାଏ,ମେନ୍ଦୋ ପାବିତାର୍ ଆତ୍ମା ଇନିଜାଃ ନାଡ଼େଏ ହିଜୁଃ ଲେନାଏ ହାର୍ ଇନିଃ ହୋଡ୍ମୋ ଜାନାଏ। ଇନିଃ ମିୟାଃ କୋଡ଼ାହୋନ୍ କେ ଜାନାମ୍ କିଜାଏ ଅକନିଃଜାଃ ନୁତୁମ୍ ୟୀଶୁ ମାଣ୍ଡାଅ କେଦାଏ। ଏନାଲାଗିନ୍, ୟୀଶୁ ପାର୍ମେଶ୍ଵାର୍ ହାର୍ ହୋଡ଼୍ ବାରାକିନ୍ ତାନ୍ କିନ୍।

![](https://cdn.door43.org/obs/jpg/360px/obs-en-49-02.jpg)

ୟୀଶୁ ଥିମ୍ବାଗି ଆକ୍ ଦାନ୍ଦାଅ କାମିକୋ କେଦାଏ ଅକନାଃ ନେଲ୍ ତାନାଲେ ଚି ଇନିଃ ପାର୍ମେଶ୍ଵାର୍ ତାନିଃ। ଇନିଃ ଦାଆ ଚେତାନ୍ ରେ ସେନ୍ କେଦାଏ ହାର୍ ମାରାଙ୍ଗ୍ ହୟକୋକେ ହାପା ତାଦାଏ। ଇନିଃ ଥିମ୍ବା ବିମାର୍ ହୋଡ଼ୋକୋକେ ଚାଙ୍ଗାଇ କେଦାଏ ହାର୍ ଥିମ୍ବାଗି ହୋଡ଼ୋକୋତେ ବୋଙ୍ଗାଆତ୍ମା କୋକେ ଅଡୋଙ୍ଗ୍ କେଦାଏ। ଇନିଃ ଗୋଜାକାନ୍ କୋକେ ଜିହିଃ ତାଦାଏ, ହାର୍ଡ଼ ଇନିଃ ପାଞ୍ଚ୍ ହୋଲୋଙ୍ଗ୍ ହାର୍ ବାରିୟାଃ ହାକୁ କେ ୫୦୦୦ ହୋଡ଼ୋକୋକେ ଖିୟାଅ ଲାଗିନ୍ ଯୋଜୋମାଃ ଏମ୍ କେଦାଏ।

![](https://cdn.door43.org/obs/jpg/360px/obs-en-49-03.jpg)

ୟୀଶୁ ମିୟାଃ ମାହାନ୍ ସିଖାଅ ନିଃ ତାଇକେନାଏ। ଅକନାଃ ଇନିଃ ସିଖାଅ କେଦାଏ, ଇନିଃ ସାଫାମୋନ୍ ତେ ସିଖାଅ କେଦାଏ। ଅକନାଃ ଇନିଃ ହୋଡ଼ୋକୋକେ ରିକା ଲାଗିନ୍ କାଜିୟାଏ ଏନା ଇନ୍‍କୁକେ ରିକା ମେନାଃ ଚିୟାଃଚି ଇନିଃ ପାର୍ମେଶ୍ଵାର୍ ରାଃ ହୋନ୍ ତାନିଃ। ଉଦାହାରାନ୍ ଲାଗିନ୍, ଇନିଃ ସିଖାଅ କେଦାଏ ଚି ଆପେକେ ଏଟାଃ ହୋଡ଼ୋକୋକେ ଏନ୍ ଲେକାଗି ଦୁଲାଡ଼୍ ମାଣ୍ଡାଅ ମେନାଃ ଜେଲେକା ଆମ୍ ଆପାନ୍ କେ ଦୁଲାଡ଼୍ ୟାମ୍।

![](https://cdn.door43.org/obs/jpg/360px/obs-en-49-04.jpg)

ଇନିଃ ନେୟାଅଗି ସିଖାଅ କେଦାଏ ଚି ଆପେକେ ସୋବେନ୍ ଜିନିଷ୍ କୋଏତେ ହାର୍ ଆପେୟା ଟାକାସମ୍ପାତି କୋଏତେ ଥିମ୍ବା ପାର୍ମେଶ୍ଵାର୍ କେ ଦୁଲାଡ଼୍ ରିକାଏପେ।

![](https://cdn.door43.org/obs/jpg/360px/obs-en-49-05.jpg)

ୟୀଶୁ କାଜିକେଦାଏ ଚି ଅତେଦିଶୁମ୍ ରେ ଯେତେନାଃ ଅଗି ନାମେ ଲାଗିନ୍ ଥିମ୍ବା ବୁଗିନ୍ ତାନାଃ ପାର୍ମେଶ୍ଵାର୍ ରାଃ ରାଇଜ୍ ରେ ହୋବାଃଅ ତେୟାଃ। ଇନିଜାଃ ରାଇଜ୍ ରେ ଆପେୟାଃ ବୋଲୋଲାଗିନ୍ ଜାଲେକାତେ ମେନାଃ ଚି ପାର୍ମେଶ୍ଵାର୍ ଆପେକେ ଆପେୟାଃ ପାପ୍ କୋତେ ବାଞ୍ଚାଅ ଏୟାଏ।

![](https://cdn.door43.org/obs/jpg/360px/obs-en-49-06.jpg)

ୟୀଶୁ କାଜିକେଦାଏ ଚି ଚିମିନ୍ ହୋଡ଼୍ କୋ ଇନିଃକେ ଗ୍ରାହାନ୍ ଇୟାକୋ। ପାର୍ମେଶ୍ଵାର୍ ଏନ୍ ହୋଡ଼୍ କୋକେ ବାଞ୍ଚାଅ କୋଆଃଏ। ମେନ୍ଦୋ ଏଟାଃ ହୋଡ଼ୋକୋ ଇନିଃକେ କାକୋ ଗ୍ରାହାନ୍ ଇୟା। ଇନିଃ ନେୟାଅଗି କାଜିକେଦାଏ ଚି ଚିମିନ୍ ହୋଡ଼ୋକୋ ବୁଗିନ୍ ଅତେରାଃ ଲେକା ମେନାକୋଆ, ଚିୟାଃଚି ଇନ୍‍କୁ ୟୀଶୁରାଃ ବିଷାଏରେ ସୁସାମାଚାର୍ କୋ ମାନାତିଙ୍ଗ୍ କେୟାକୋ। ହାର୍ ପାର୍ମେଶ୍ଵାର୍ ଇନ୍ କେ ବାଞ୍ଚାଅ କୋୱାଏ। ମେନ୍ଦୋ ଚିମିନ୍ ହୋଡ଼ୋକୋ ହୋରାଗେନା ରାଃ କେଟେଃ ଦିରିଲେକା ତାନ୍ କୋ। ପାର୍ମେଶ୍ଵାର୍ ରାଃ ବାଚାନ୍ ଜାଙ୍ଗ୍ ଲେକା ହୋରାଗେନାରେ ଉୟୁଗଗା, ମେନ୍ଦୋ ଏନ୍ତାଃରେ ଯେତେନାଃ ଅଗି କା ହାରାୱାଃ। ନିକୁ ୟୀଶୁ ବିଷାଏରେ ଦୋ ବାଚାନ୍ କେ କାକୋ ମାନାତିଙ୍ଗ୍ ଏୟା। ଇନ୍‍କୁ ଆଜାଃ ରାଇଜ୍ ରେ ବୋଲୋ କାକୋ ଧାଡ଼ିୟା।

![](https://cdn.door43.org/obs/jpg/360px/obs-en-49-07.jpg)

ୟୀଶୁ ଶିଖାଅୟାଏ ଚି ପାର୍ମେଶ୍ଵାର୍ ପାପିକୋକେ ଥିମ୍ବାଗି ଦୁଲାଡ଼୍ ଏୟାଏ, ଇନିଃ ଇନ୍‍କୁକେ ଛାମା ସାନାଙ୍ଗ୍ ତାନାଏ ହାର୍ ଇନ୍‍କୁକେ ଆଜାଃ ସାନ୍ତାନ୍ ବାଇ ସାନାଙ୍ଗ୍ ତାନାଏ।

![](https://cdn.door43.org/obs/jpg/360px/obs-en-49-08.jpg)

ୟୀଶୁ ନେୟାଅଗି ଉଦୁବ୍ କେଦାଏ ଚି ପାର୍ମେଶ୍ଵାର୍ ପାପ୍ କେ ହିଲାଙ୍ଗ୍ ଏୟାଏ। ଚିୟାଃଚି ଆଦାମ୍ ହାର୍ ହାୱା ପାପ୍ ଲାଆକିନ୍, ଏନାଲାଗିନ୍ ଇନିଜାଃ ସୋବେନ୍ କିଲିରେନ୍ କୋ ପାପ୍ କାଦାକୋ। ନେ ଦିଶୁମ୍ ରେ ତାଇନ୍ ତାନ୍ କୋ ପାପ୍ ତାନାକୋ ହାର୍ ପାର୍ମେଶ୍ଵାର୍ ତେ ସାଙ୍ଗିନ୍ ରେ ମେନାକୋଆ। ସୋବେନ୍ କୋ ପାର୍ମେଶ୍ଵାର୍ ରାଃ ବାଇରୀ ବାଇ କାନାକୋ।

![](https://cdn.door43.org/obs/jpg/360px/obs-en-49-09.jpg)

ମେନ୍ଦୋ ପାର୍ମେଶ୍ଵାର୍ ନେ ଅତେଦିଶୁମ୍ ରେ ତାଇନ୍ତାନ୍ ସୋବେନ୍ କୋକେ ନେ ଲେକାତେ ଦୁଲାଡ଼୍ ମାଣ୍ଡାଅ କେଦାଏ ଚି ଇନିଃ ଆଜାଃ ମିୟାଃଗି ହୋନ୍ କେ ଏମ୍ ତାଦାଏ ଏନାତେ ପାର୍ମେଶ୍ଵାର୍ ଇନ୍‍କୁକେ ଦାଣ୍ଡ୍ କାଏ ଏମେୟା ଅକନ୍ କୋ ଆଜାଃରେ ବିଶ୍ଵାସ୍ ତାନାକୋ। ନେୟାରାଃ ବାଦ୍ଲାରେ, ଇନ୍‍କୁ ଆଜାଃଲୋଃ ସୋବେନ୍ ହୁଲାଙ୍ଗ୍ ସାନ୍ତେ ତାଇନାକୋ।

![](https://cdn.door43.org/obs/jpg/360px/obs-en-49-10.jpg)

ଆମ୍ ଗୋଜୋଃ ଲେକା ତାଇକେନାମ୍, ଚିୟାଃଚି ଆମ୍ ପାପ୍ ଲାଆମ୍। ଆମାଃ ଚେତାନ୍ ରେ ପାର୍ମେଶ୍ଵାର୍ ରାଃ ଖିସ୍ ତେୟାଃ ବୁଗିନ୍ ଗି ତାଇକେନା, ନେୟାରାଃ ବାଦ୍ଲିରେ, ୟୀଶୁ ଚେତାନ୍ ରେ ଖିସ୍ ଜାନାଏ। ଇନିଃ ୟୀଶୁକେ କ୍ରୁଶ୍ ଚେତାନ୍ ରେ ଗୋଏଃକେତେ ଦାଣ୍ଡ୍ ଏମ୍ କିଜାଏ।

![](https://cdn.door43.org/obs/jpg/360px/obs-en-49-11.jpg)

ୟୀଶୁ ଚିଉଲା ହଁଗି କାଏ ପାପ୍ ଲାଆ, ମେନ୍ଦୋ ଇନିଃ ପାର୍ମେଶ୍ଵାର୍ କେ ଇନିଃକେ ଦାଣ୍ଡ୍ ଏମ୍ କିଜାଏ। ଇନିଃ ଗୋଜୋଃତେୟାଃ କେ ସାନାଙ୍ଗ୍ କେଦାଏ। ନେ ଲେକାତେ, ଆପେୟା ପାପ୍ କୋକେ ହାର୍ ନେ ଦିଶୁମ୍ ରେ ତାଇନ୍ ତାନ୍ ସୋବେନ୍ କୋୱାଃ ପାପ୍ କୋକେ ଦୁପିଲ୍ ଇଦିଲାଗିନ୍ ଇନିଃ ମିୟାଃ ତାଇୟାର୍ କାନ୍ ଦାଣେ ତାଇକେନାଏ। ୟୀଶୁ ଆପାନ୍ କେ ପାର୍ମେଶ୍ଵାର୍ ଲାଗିନ୍ ଦାଣେ ତାଦାଏ,ଏନା ଲାଗିନ୍ ପାର୍ମେଶ୍ଵାର୍ ଚିମିନ୍ ପାପ୍ କୋକେ ୟଗି,ନେତାଃ ସାନ୍ତେ ଚି ମାପାରାଙ୍ଗ୍ ପାପ୍ କୋକେୟଗି ଛାମା ତାଆଏ।

![](https://cdn.door43.org/obs/jpg/360px/obs-en-49-12.jpg)

ବୁଗିନ୍ ଗି ତାନାଃ ଆଗାର୍ ଆମ୍ ଥିମ୍ବାଗି ବୁଗିନ୍ କାମିକୋ-କାମି ତାନାମ୍,ଦୋ ନେୟା ଲାଗିନ୍ ପାର୍ମେଶ୍ଵାର୍ ଆମ୍ କେ କାଏ ବାଚାଅମା। ଇନିଜାଃ ଗାତି ବାଇଏନ୍ ଲାଗିନ୍ ନେକା ଯେତେନାଃ ଅଗି ବାନୋଗା ଅକନାଃ ଆମ୍ ରିକାଧାଡ଼ି ୟାମ୍। ନେୟାରା ବାଦ୍ଲିରେ, ଆପେକେ ବିଶ୍ଵାସ୍ ରିକାରେନ୍ ମେନାଃ ଚି ୟୀଶୁ ପାର୍ମେଶ୍ଵାର୍ ହୋନ୍ ତାନିଃ, ହାର୍ ଇନିଃ ଆପେୟାଃ ବାଦ୍ଲାରେ କ୍ରୁଶ୍ ରେ ଗୋଏଃ ଜାନାଏ, ହାର୍ ନେୟାଃ ଅଗି ଚି ପାର୍ମେଶ୍ଵାର୍ ଇନିଃକେ ଆଡୋଃମିସା ଜିବିରିଃ କିଜାଏ। ଆଗାର୍ ଆମ୍ ନିଇ ଗାଃରେ ବିଶ୍ଵାସ୍ ୟାପେ, ଦୋ ପାର୍ମେଶ୍ଵାର୍ ଆପେୟା ପାପ୍ କୋକେ ଛାମା ତାଆଏ

![](https://cdn.door43.org/obs/jpg/360px/obs-en-49-13.jpg)

ପାର୍ମେଶ୍ଵାର୍ ଏନ୍ ସୋବେନ୍ ମିୟାଃହୋଡ଼୍ କେ ବାଞ୍ଚାଅ ୟାଏ ଅକନିଃଇ ୟୀଶୁରେ ବିଶ୍ଵାସ୍ ତାନାଏ ହାର୍ ଇନିଃକେ ଆପାନାଃ ପ୍ରାଭୂମେନ୍ତେ ମାନାତିଙ୍ଗ୍ ତାନାଏ। ମେନ୍ଦୋ ଇନିଃ ଇନ୍‍କୁକେ କାଏ ବାଞ୍ଚାଅ ୟାଏ ଅକନ୍ କୋ ଇନିଜାଃରେ କାକୋ ବିଶ୍ଵାସ୍ ତାନା। ନେୟାରେ ଯେତେନାଃ ବାନୋଗା ଚି ଆମ୍ ଧାନୀ ୟାଦ ଗାରିବ୍ ତାନମେ, କୋଡ଼ା ୟାଦ କୁଡ଼ି, ହାଡ଼ାମ୍ ୟାଦ ଜାୱାନ୍ ୟାଦ ଆମ୍ ଅକତାଃରେ ତାୟୋତାନାମ୍। ପାର୍ମେଶ୍ଵାର୍ ଆମ୍ କେ ଦୁଲାଡ଼୍ ମେତାନାଏ ହାର୍ ସାନାଙ୍ଗ୍ ମେତାନାଏ ଚି ଆମ୍ ୟୀଶୁରେ ବିଶ୍ଵାସ୍ ଏମ୍ ଚି ଇନିଃ ଆମାଃ ଗାତି ବାଇକେନୋଗାଏ।

![](https://cdn.door43.org/obs/jpg/360px/obs-en-49-14.jpg)

ୟୀଶୁ ଆପେକେ ଆକାଅ ତାନାଏ ଚି ଇନିଜାଃରେ ବିଶ୍ଵାସ୍ ଏପେ ହାର୍ ବାପ୍ତିସ୍ମା ଇଦିକେପେ। ଚିନାଃ ଆପେ ବିଶ୍ଵାସ୍ ତାନାପେ ଚି ପାର୍ମେଶ୍ଵାର୍ ମିୟାଃଗି ହୋନ୍, ୟୀଶୁ ମାସୀହ୍ ତାନିଃ? ଚିନାଃ ଆପେ ବିଶ୍ଵାସ୍ ତାନାପେ ଚି ଆପେ ପାପି ତାନ୍ ପେ ହାର୍ ନେୟା ତାନାଃ ଚି ଆପେ ପାର୍ମେଶ୍ଵାର୍ ରାଃ ହୋରାତେ ଆପେକେ ଦାଣ୍ଡ୍ ନାମେଲେକା ତାଇକେନାପେ? ଚିନିଃ ଆପେ ବିଶ୍ଵାସ୍ ତାନାପେ ଚି ଆପେୟାଃ ପାପ୍ କୋକେ ମେଟାଅ ଲାଗିନ୍ ୟୀଶୁ କ୍ରୁଶ୍ ଚେତାନ୍ ରେ ଗୋଏଃ ଜାନାଏ ?

![](https://cdn.door43.org/obs/jpg/360px/obs-en-49-15.jpg)

ଆଗାର୍ ଆମ୍ ୟୀଶୁରେ ହାର୍ ଅକନାଃ ଆମାଃ ଲାଗିନ୍ ରିକାକାଦାଏ ଇନିଃଜାରେ ଆମ୍ ବିଶ୍ଵାସ୍ ତାନାମ୍ ଦୋ ଆମ୍ ମିୟାଃ ମାସୀହ୍ ତାନ୍ ମେ। ସାଏତାନ୍ ଆଜାଃ ନୁବାଃରାଃ ରାଇଜ୍ ରେ ନାଆ ଆମାଃରେ ରାଇଜ୍ କାଏ ଧାଡ଼ିୟା। ନାଆ ପାର୍ମେଶ୍ଵାର୍ ଆଜାଃ ମାସ୍କାଲ୍ ରାଃ ରାଇଜ୍ ରେ ଆମାଃରେ ରାଇଜ୍ ତାନାଏ। ଇନିଃ ଆମ୍ କେ ପାପ୍ ରିକାଲାଗିନ୍ ହୋକା ତାଦାଏ,ଅକନାଃ ଆମ୍ ରିକାତିନାମ୍। ଇନିଃ ଆମ୍ କେ ମିୟାଃ ନାୱାଃ ବୁଗିନ୍ ଜୀଦାନ୍ ଏମ୍ କାଦାଏ।

![](https://cdn.door43.org/obs/jpg/360px/obs-en-49-16.jpg)

ଆଗାର୍ ଆମ୍ ମିୟାଃ ମାସୀହ୍ ତାନ୍ ମେ ଦୋ ଅକନାଃ ୟୀଶୁ ରିକାକାଦାଏ ଇନିଜାଃ କାରାନ୍ ପାର୍ମେଶ୍ଵାର୍ ଆମାଃ ପାପ୍ କୋକେ ଛାମା କାଦାଏ। ନାଆ,ପାର୍ମେଶ୍ଵାର୍ ବାଇରୀ କାଏ ବାଇକେତେ ଆମ୍ କେ ମିୟାଃ ନାଡ଼େଏଗାତି ମାନାତିଙ୍ଗ୍ ତାନାଏ।

![](https://cdn.door43.org/obs/jpg/360px/obs-en-49-17.jpg)

ଆଗାର୍ ଆମ୍ ପାର୍ମେଶ୍ଵାର୍ ରାଃ ଗାତି ତାନ୍ମେ ହାର୍ ପ୍ରାଭୂ ୟୀଶୁ ରାଃ ଚେଲା ତାନ୍ମେ ଦୋ ଆମ୍ ଏନ୍ କାଜିକୋକେ ମାନାତିଙ୍ଗ୍ ଲାଗିନ୍ ସାନାଙ୍ଗ୍ ୟାମ୍ ଅକନାଃ ୟୀଶୁ ଆମ୍ କେ ସିଖାଅ ୟାଏ। ବୁଗିନ୍ ଚି ଆମ୍ ମାସୀହ୍ ତାନ୍ ମେ, ସାଏତାନ୍ ନାଆଅଗି ପାପ୍ ରିକାଲାଗିନ୍ ଆମାଃ ପାରିକ୍ସା ରିକାୟାଏ। ମେନ୍ଦୋ ପାର୍ମେଶ୍ଵାର୍ ସୋବେନ୍ ଇମ୍ତା ଏନା ରିକାୟାଏ ଅକନାଃ ଇନିଃ କାଜିୟାଏ ଏନା ରିକାୟାଏ। ଇନିଃ କାଜିୟାଏ ଆଗାର୍ ଆମ୍ ଆମାଃ ପାପ୍ କୋକେ ମାନାତିଙ୍ଗ୍ ୟାଃମ୍,ଦୋ ଇନିଃ ଆମ୍ କେ ଛାମା ତାଆଏ। ଇନିଃ ଆମ୍ କେ ପାପ୍ ଲୋଃ ଲାଡ଼ାଇ ଲାଗିନ୍ ପେଡ଼େଏ ଏମାମେୟାଏ।

![](https://cdn.door43.org/obs/jpg/360px/obs-en-49-18.jpg)

ପାର୍ମେଶ୍ଵାର୍ ଆମ୍ କେ ବିନ୍ତି ଲାଗିନ୍ ହାର୍ ଇନିଜାଃ ବାଚାନ୍ କେ ପାଢ଼ାଅନ୍ ଲାଗିନ୍ କାଜିଆଏ। ଇନିଃ ଆମ୍ କେ ଏଟାଃ ବିଶ୍ଵାସୀ କୋଲୋଃ ମେଶାକେତେ ଇନିଜାଃ ଆରାଧାନା ଲାଗିନ୍ ୟଗି କାଜିୟାଏ। ଆମ୍ କେ ଏଟାଃ ହୋଡ଼ୋକୋକେ ୟଗି ଉଦୁବ୍ ମେନାଗା ଚି ଇନିଃ ଆପେୟାଃ ଲାଗିନ୍ ଚିନାଃ ରିକାଲେଦାଏ। ଆଗାର୍ ଆମ୍ ନେ ସୋବେନ୍ କାମିକୋ- କାମିୟାପେ,ଦୋ ଆମ୍ ଇନିଜାଃ ମିୟାଃ ପୋକ୍ତାଗାତି ବାଇକେନୋଗାପେ।

*ବାଇବାଲ୍ ମିୟାଃ କାହାନୀ:ରୋମୀ ୩:୨୧-୨୬; ୫:୧-୧୧; ଯୋହାନ୍ ୩:୧୬; ମାର୍କୁ ୧୬:୧୬; କଲସୀୟ ୧:୧୩-୧୪; ୨ କରିନ୍ଥୀୟ ୫:୧୭-୨୧; ୧ ଯୋହାନ୍୧:୫-୧୦*

Audio: https://git.door43.org/OBS-TLF/unx_obs/releases/download/v1/unx_obs_v1_49_128kbps.m4a

## 50. ୫୦. ୟୀଶୁ ରୁଆଡ଼୍ ହିଜୁଃଗାଏ

https://openbiblestories.org/l/unx/story-50/

![](https://cdn.door43.org/obs/jpg/360px/obs-en-50-01.jpg)

ଲାଗ୍-ଭାଗ୍ ୨୦୦୦ବାରାଷ୍ ତେ, ଦିଶୁମ୍ ରେନ୍ ସୋବେନ୍ ଜାଗାକୋରେ ଥିମ୍ବାତେ-ଥିମ୍ବା ହୋଡ଼ୋକୋକେ ୟୀଶୁମାସୀହ୍ ରାଃ ବିଷାଏରେ ସୁସାମାଚାର୍ ଆୟୁମ୍ ତାନାକୋ। କାଲିସିୟା ହାରା ଇଦିୟଅ ତାନାଃ। ୟୀଶୁ କିରିୟା କାଦାଏ ଚି ଇନିଃ ଅତେଦିଶୁମ୍ ରେ ରୁଆଡ଼୍ ହିଜୁଃଗାଏ। ଇନିଃ ନାଆ ରୁଆଡ଼୍ କାଏ ହିଜୁଃ କାନା, ଏଣ୍ଡେଅଗି ଇନିଃ ଆଜାଃ କାଜିକାନ୍ ତେୟାଃକେ ପୁରାୟାଏ।

![](https://cdn.door43.org/obs/jpg/360px/obs-en-50-02.jpg)

ଚିମ୍ତାଙ୍ଗ୍ ଚି ଆବୁ ୟୀଶୁକେ ରୁଆଡ଼୍ ଜିହୁଃ ରାଃ ତାଙ୍ଗି ତାନାବୁ,ପାର୍ମେଶ୍ଵାର୍ ଆବୁକେ ନେ ଲେକାତେ ଜୀଦାନ୍ ଜିହିଃ ଲାଗିନ୍ କାଜିୟାଏ ଅକଏ ପାବିତାର୍ ହାର୍ ଅକଏ ଇନିଜାଃ ମାନାରାଙ୍ଗ୍ ତାନାଏ। ଚିମ୍ତାଙ୍ଗ୍ ୟୀଶୁ ନେ ଏତେରେ ତାଇକେନାଏ ଏଣ୍ଟେ ଇନିଃ କାଜିକେଦାଏ, “ଇଙ୍ଗ୍ଆଃ ଚେଲାକୋ ଅତେଦିଶୁମ୍ ରେନ୍ ସୋବେନ୍ ଜାଗାକୋରେ ହୋଡ଼ୋକୋକେ ପାର୍ମେଶ୍ଵାର୍ ରାଃ ରାଇଜ୍ ବିଷାଏରେ ସୁସାମାଚାର୍ କେ ପାର୍ଚାର୍ ରିକାୟାକ,ହାର୍ ଏନ୍ତେ ଆନ୍ତ୍ ହୋବା କେନୋଗା।”

![](https://cdn.door43.org/obs/jpg/360px/obs-en-50-03.jpg)

ଥିମ୍ବାଗି କିଲିରେନ୍ କୋ ନାଆ ସାନ୍ତେ ୟୀଶୁରାଃ ବିଷାଏରେ କାକୋ ଆୟୁମ୍ କାଦା। ସିର୍ମାତେ ରୁଆଡ଼୍ ସିଦାରେ,ୟୀଶୁ ମାସୀହ୍ କୋକେ ଏନ୍ ହୋଡ଼ୋକୋକେ ସୁସାମାଚାର୍ କାଜିଲାଗିନ୍ କାଜିକାଦାଏ ଅକନ୍ କୋ ଚିଉଲା କାକୋ ଆୟୁମ୍ କାଦା। ଇନିଃ କାଜିକେଦାଏ, “ସେନୋଃପେ ହାର୍ ସୋବେନ୍ କିଲିରେନ୍ ହୋଡ଼ୋକୋକେ ଚେଲା ବାଇକୋପେ!” ହାର୍ ଇର୍ଅ ଲାଗିନ୍ ଲୋୟୋଙ୍ଗ୍ ରେ ମାତା ଛାବା କାନା!”

![](https://cdn.door43.org/obs/jpg/360px/obs-en-50-04.jpg)

ୟୀଶୁ ନେୟାଅଗି କାଜିକେଦାଏ, “ଯାହାନ୍ ହୋଡ଼୍ ରାଃ ଦାସୀ ଆଜାଃ ଗୋମ୍ କେ ତେ ମାରାଙ୍ଗ୍ କାଏ ହୋବାୱାଃ। ନେ ଦିଶୁମ୍ ରେନ୍ ମାପାରାଙ୍ଗ୍ ହୋଡ଼ୋକୋ ଇଙ୍ଗ୍ କେ ହିଲାଙ୍ଗ୍ କେଦାକୋ, ହାର୍ ଇଙ୍ଗ୍ଆଃ ଲାଗିନ୍ ଇନ୍‍କୁ ଆପେକେ ହିଲାଙ୍ଗ୍ ୟାକୋ ହାର୍ ଗୋଏଃ ପେୟାକୋ। ନେ ଦିଶୁମ୍ ରେ ଆପେକେ ଦୁକୁ ହୋବାୱାଃ, ମେନ୍ଦୋ ପେଡ଼େଜାନ୍ ବାୟୋପେ,ଚିୟାଃଚି ଇଙ୍ଗ୍ ସାଏତାନ୍ କେ ହାରାଅ କିଜିଙ୍ଗ୍ ଅକନିଃ ନେ ଅତେଦିଶୁମ୍ ରେ ରାଇଜ୍ ତାନାଏ। ଆଗାର୍ ଆମ୍ ଟୁଣ୍ଡୁ ସାନ୍ତେ ଇଙ୍ଗ୍ଆଃ ବିଶ୍ଵାସୀଲେକାନିଃ ବାଇ ତାଇନୋଃ ୱାଃପେ,ଦୋ ପାର୍ମେଶ୍ଵାର୍ ଆପେକେ ବାଞ୍ଚାଅ ପେୟାଏ!”

![](https://cdn.door43.org/obs/jpg/360px/obs-en-50-05.jpg)

ୟୀଶୁ ଆଜାଃ ଚେଲାକୋକେ ନେୟା ବୁଝାଅ ଲାଗିନ୍ ମିୟାଃ କାହାନୀ ଉଦୁବ୍ କେଦାଏ ଚି ଚିମ୍ତାଙ୍ଗ୍ ଅତେଦିଶୁମ୍ ଟୁଣ୍ଡୁ ଅଗା ଦୋ ହୋଡ଼ୋକୋ ଲାଗିନ୍ ଚିନାଃ ହୋବାୱାଃ। ଇନିଃ କାଜିକେଦାଏ, “ଅକନ୍ ହୋଡ଼୍ ଆଜାଃ ଲୋୟୋଙ୍ଗ୍ ରେ ବୁଗିନ୍ ଜାଙ୍ଗ୍ ହେର୍ କେଦାଏ। ଚିମ୍ତାଙ୍ଗ୍ ଇନିଃ ଗିତିଃ ଜାନାଏ ଦୋ ଇନିଜାଃ ବାଇରି ହିଜୁଃ ଲେନାଏ ହାର୍ ଗୋହୋମ୍ ଜାଙ୍ଗ୍ ରାଃ ଥାଲାରେ ତାସାଃ ଜାଙ୍ଗ୍ ହେର୍ ତାଦାଏ, ହାର୍ ଇନିଃ ସେନୋଃ ଜାନାଏ।

![](https://cdn.door43.org/obs/jpg/360px/obs-en-50-06.jpg)

“ଚିମ୍ତାଙ୍ଗ୍ ଜାଙ୍ଗ୍ ଗାଜାଜାନା ଦୋ ଦାସୀ ଏନ୍ ହୋଡ଼୍ କେ କାଜିକେଦାଏ, ‘ହେ ଗୁରୁ, ଆମ୍ ଦୋ ଅମାଃ ଲୋୟୋଙ୍ଗ୍ ରେ ବୁଗିନ୍ ଜାଙ୍ଗ୍ ହେର୍ ଲାଆମ୍। ଦୋ ଆଡୋଃ ନେଣ୍ଡେରେ ତାସାଃ ଚିକାଲି ଅମୋନ୍ କାନା?’ଏନ୍ ହୋଡ଼୍ କାଜିକେଦାଏ, ‘ଖାଲି ଇଙ୍ଗ୍ଆଃ ବାଇରିଗି ଏନାକୋକେ ହେର୍ ଧାଡ଼ିୟାଏ। ନେୟାରେ ଇଙ୍ଗ୍ଆଃ ଚିମିନ୍ ବଇରୀକୋ ମେନାକୋୱାଃ ଅକନିଃ ନେକା କାଦାଏ।’”

![](https://cdn.door43.org/obs/jpg/360px/obs-en-50-07.jpg)

“ଏନ୍ ଦାସୀକୋ ଆଜାଃ ଗୋମ୍ କେ କୋକେ କାଜିକେଦାକୋ, ‘ଚିନାଃ ଆଲେକେ ଟୋନାଙ୍ଗ୍ ତାସାଃକୋକେ ଥାଏଃ କେୟାଲେ?’ଏନ୍ ଗୋମ୍ କେ କାଜିକେଦାଏ, ‘କାହା। ଆଗାର୍ ଆମ୍ ନେକାୟାମ୍ ଦୋ ଆମ୍ ଚିମିନ୍ ଗୋହୋମ୍ କୋକେ ୟଗି ଥାଏଃ ତାଃମ୍। ଇର୍ ସାମାୟ୍ ସାନ୍ତେ ତାଙ୍ଗି ଏପେ। ଏନ୍ତେ ଟୋନାଙ୍ଗ୍ ରେନ୍ ତାସାଃକୋକେ ମିଃତାଃ ତାପେ ଏନାତେ ଆପେ ଏନାକୋକେ ଜୁଲ୍ ତାପେ। ମେନ୍ଦୋ ଗୋହୋମ୍ କୋକେ ଇଙ୍ଗ୍ଆଃ କୋଲୋମ୍ ରେ ଆଉୱେପେ।’”

![](https://cdn.door43.org/obs/jpg/360px/obs-en-50-08.jpg)

ଚେଲାକୋ ନେ କାହାନୀରାଃ ଆର୍ଥକେ କାକୋ ବୁଝାଅ ଧାଡ଼ିଜାନା, ଏନାଲାଗିନ୍ ଇନ୍‍କୁ ୟୀଶୁକେ ବୁଝାଅଲାଗିନ୍ ଆର୍ଜି କେଦାକୋ, “ବୁଗିନ୍ ଜାଙ୍ଗ୍ ହେରୋଃ ନିଃ ହୋଡ଼୍ ମାସୀହ୍ କେ ବୁଝାୱାଃ। ଲୋୟୋଙ୍ଗ୍ ଅତେଦିଶୁମ୍ କେ ବୁଝାୱାଃ। ବୁଗିନ୍ ଜାଙ୍ଗ୍ ପାର୍ମେଶ୍ଵାର୍ ରାଃ ରାଇଜ୍ ରେନ୍ ହୋଡ଼ୋକୋକେ ବୁଝାଅତାନାଃ।”

![](https://cdn.door43.org/obs/jpg/360px/obs-en-50-09.jpg)

“ଟୋନାଙ୍ଗ୍ ତାସାଃ ଏନ୍ ବାଇରି ହୋଡ୍, ସାଏତାନ୍ ରାଃ ହୋଡ଼ୋକୋକେ ବୁଝାୱ ତାନାଃ। ଏନ୍ ହୋଡ଼ୋ ବଇରୀ ସାଏତାନ୍ କେ ବୁଝାୱାଃ, ଅକନିଃ ଟୋନାଙ୍ଗ୍ ତାସାଃକୋକେ ହେର୍ ତାଦାଏ। ଇର୍ ନେ ଅତେଦିଶୁମ୍ ରାଃ ଆନ୍ତ୍ କେ ବୁଝାଅ ତାନାଃ, ହାର୍ ଇର୍ଅ ନିଃ ପାର୍ମେଶ୍ଵାର୍ ରାଃ ସିର୍ମାଦାସୀ କୋକେ ବୁଝାଅ ତାନାଃ।”

![](https://cdn.door43.org/obs/jpg/360px/obs-en-50-10.jpg)

ଚିମ୍ତାଙ୍ଗ୍ ଅତେଦିଶୁମ୍ ରାଃ ଆନ୍ତ୍ ହୋବାୱାଃ ଏନ୍ତେ ସିର୍ମାଦାସୀକୋ ଏନ୍ ସୋବେନ୍ ହୋଡ଼ୋକୋକେ ମିଶାତେ ହୁଣ୍ଡି କୋୱାଏ ଅକନ୍ କୋ ସାଏତାନ୍ ଆଃ ତାଇକେନାକୋ। ଏନ୍ ସିର୍ମାଦାସୀକୋ ଇନ୍‍କୁକେ ଥିମ୍ବାଗି ଯୁଲ୍ ଲୋଃ ତାନ୍ ସେଙ୍ଗେଲ୍ ରେ ଦୂଡିଙ୍ଗ୍ ତାଃକୋ। ଏନ୍ତାଃରେ ଏନ୍ ହୋଡ଼ୋକୋ ମାରାଙ୍ଗ୍ ସାତାଅରେ ରାଆୟାଃକୋ ହାର୍ ଆକୋୱାଃ ଡାଟା ହାବେୟାକୋ। ମେନ୍ଦୋ ଅକନ୍ କୋ ଧାର୍ମି ତାନ୍ କୋ, ଅକନ୍ କୋ ୟୀଶୁକେ ଅତୋଙ୍ଗ୍ କିଜାକୋ,ଇନିଃ ଇନ୍‍କୁକେ ପାର୍ମେଶ୍ଵାର୍ ଆପୂ ରାଃ ରାଇଜ୍ ରେ ଶିଙ୍ଗିଲେକା ଚାମ୍ କାଅ ୱାଃକ।”

![](https://cdn.door43.org/obs/jpg/360px/obs-en-50-11.jpg)

ୟୀଶୁ ନେୟାଅଗି କାଜିକେଦାଏ ଚି ଇନିଃ ଅତେଦିଶୁମ୍ ରାଃ ଛାବାଅଃ ସିଦାରେ ରୁଆଡ଼୍ ହିଜୁଃଗାଏ। ଇନିଃ ଏନ୍ ଲେକାତେ ରୁଆଡ଼୍ ହିଜୁଃଗାଏ ଜେଲେକା ଇନିଃ ସେନୋଃ କାନ୍ତିନାଏ। ଆର୍ଥାତ୍, ଇନିଜାଃ ତାଃ ହୋଡ଼୍ ମୋ ତାଇନା, ହାର୍ ଇନିଃ ଚେତାନ୍ ରାଃ ରିମିଲ୍ ରେ ଦୁବ୍ କେତେ ହିଜୁଃଗାଏ। ଚିମ୍ତାଙ୍ଗ୍ ୟୀଶୁ ରୁଆଡ଼୍ ହିଜୁଗାଏ ଦୋ ସୋବେନ୍ ମିୟାଃ ମାସୀହ୍ ଅକନ୍ କୋ ଗୋଏଃ କାନାକୋ ଗୋଏଃକାନ୍ କୋଏତେ ଜିବିରିଦାକୋ ହାର୍ ଇନିଜାଃ ଲୋଃ ରିମିଲ୍ ଦିଶୁମ୍ ରେ ଭେଟ୍ ଅଗାବୁ।

![](https://cdn.door43.org/obs/jpg/360px/obs-en-50-12.jpg)

ଏନ୍ତାଏତେ ଅକନ୍ କୋ ମାସୀହ୍ ରେ ନାଆ ଜିହିଃ ମେନାକୋଆ ଇନ୍‍କୁ ରିମିଲ୍ ଦିଶୁମ୍ ରେ ଉଠାଅ କେନୋଗାକୋ ହାର୍ ଏନ୍ ଏଟାଃ ମାସୀହ୍ କୋଲୋଃ ମେଶା କେନୋଗାକୋ ଅକନ୍ କୋ ଗୋଜାକାନ୍ କୋଏତେ ଜିବିରିଃ କାନାକୋ।ଇନ୍‍କୁ ସୋବେନ୍ କୋ ୟୀଶୁଲୋଃ ତାଇୟୋଗାକୋ। ୟୀଶୁ ଆଜାଃ ହୋଡ଼ୋକୋଲୋଃ ତାଇନାଏ। ଚିମ୍ତାଙ୍ଗ୍ ଇନ୍‍କୁ ମିଶାତେ ତାଇନ୍ ରେ ଦୋ ଇନ୍‍କୁୱାଃତାଃ ସୋବେନ୍ ହୁଲାଙ୍ଗ୍ ସାନ୍ ଲାଗିନ୍ ଶାନ୍ତି ତାହିନା।

![](https://cdn.door43.org/obs/jpg/360px/obs-en-50-13.jpg)

ୟୀଶୁ କେ ବିଶ୍ଵାସ୍ ତାନ୍ ସୋବେନ୍ ମିପିହୋଡ଼୍ କୋକେ ମିପିଆଃ ମୁକୁଟ୍ ଏମ୍ ଲାଗିନ୍ କିରିୟା କାଦାଏ। ଇନ୍‍କୁ ସୋବେନ୍ ହୁଲାଙ୍ଗ୍ ଲାଗିନ୍ ପାର୍ମେଶ୍ଵାର୍ ଲୋଃ ମେଶାତେ ରାଇଜ୍ ୟାକ। ଇନ୍‍କୁୱାଃତାଃ ଶାନ୍ତି ତାହିନୋଗା।

![](https://cdn.door43.org/obs/jpg/360px/obs-en-50-14.jpg)

ମେନ୍ଦୋ ପାର୍ମେଶ୍ଵାର୍ ଏନ୍ ସୋବେନ୍ କୋଆଃ ବିଚାର୍ ଏୟାଏ ଅକନ୍ କୋ ୟୀଶୁ ଚେତାନ୍ ରେ କାକୋ ବିଶ୍ଵାସ୍ ତାନା। ଇନିଃ ଇନ୍‍କୁକେ ନାରାକ୍ ଡୋଡାରେ ଉୟୁଃ ତାଆଏ। ଏନ୍ତାଃରେ ଇନ୍‍କୁ ରାଆୟାକୋ ହାର୍ ଆକୋୱାଃ ଡାଟାକୋକେ ହାବେୟାକୋ, ହାର୍ ଇନ୍‍କୁ ସୋବେନ୍ ହୁଲାଙ୍ଗ୍ ହାସୁରେ ତାଇନାକୋ। ଚିଉଲା କା ଇଣିଜୋଃ ସେଙ୍ଗେଲ୍ ରେ ଇନ୍‍କୁ ଲାଗାତାର୍ ଯୁଲ୍ କାତେୟଗାକୋ,ହାର୍ ତିଜୁ ଇନ୍‍କୁକେ ଯୋମ୍ ଲାଗିନ୍ ଚିଉଲାଅଗି କାକୋ ବାନ୍ଦ୍ ଏୟା।

![](https://cdn.door43.org/obs/jpg/360px/obs-en-50-15.jpg)

ଚିମ୍ତା ୟୀଶୁ ହିଜୁଃଗାଏ,ଦୋ ଇନିଃ ସୋବେନ୍ ଲେକାତେ ସାଏତାନ୍ କେ ହାର୍ ଇନିଜାଃ ରାଇଜ୍ କେ ନାଷ୍ଟ ତାଆଏ।ଇନିଃ ସାଏତାନ୍ କେ ନାରାକ୍ ଡୋଡାରେ ଉୟୁଃ ତାଆଏ। ଏନ୍ତାଃରେ ସୋବେନ୍ ହୁଲାଙ୍ଗ୍ ଲାଗିନ୍ତେ ଯୁଲ୍ କାତେଅଗାଏ, ଏନ୍ ସୋବେନ୍ କୋଲୋଃ ଅକନ୍ କୋ ପାର୍ମେଶ୍ଵାର୍ ରାଃ କାଜିକୋକେ ମାନାତିଙ୍ଗ୍ ୟାକ ମେନ୍ଦୋ ସାଏତାନ୍ ରାଃ ତାୟୋମ୍-ତାୟୋମ୍ ସେସେନ୍ ଲାଗିନ୍ ଶାଲା କେୟାକୋ।

![](https://cdn.door43.org/obs/jpg/360px/obs-en-50-16.jpg)

ଚିୟାଃଚି ଆଦାମ୍ ହାର୍ ହାୱା ପାର୍ମେଶ୍ଵାର୍ ରାଃ ଆନାଚୁକେ କାକିନ୍ ମାନାତିଙ୍ଗ୍ ଜାନା ହାର୍ ପାପ୍ କେ ନେ ଅତେଦିଶୁମ୍ ରେ ଆଉ ଲେଦାକିନ୍ ପାର୍ମେଶ୍ଵାର୍ ଇନ୍ କିନ୍ କେ ଆଭିସାପ୍ ଏମ୍ ତାଦାଏ ହାର୍ ଇନ୍ କିନ୍ କେ ନାଷ୍ଟ ଲାଗିନ୍ ପାହୋମ୍ କେଦାଏ। ମେନ୍ଦୋ ଚିଉଲା ଅଗି ପାର୍ମେଶ୍ଵାର୍ ମିୟାଃ ନାୱାଃ ସିର୍ମାଦିଶୁମ୍ ହାର୍ ମିୟାଃ ଅତେଦିଶୁମ୍ ବାଇୟାଃଏ ଅକନାଃ ପୁରାଃ ସିଧ୍ ହୋବାୱାଃ।

![](https://cdn.door43.org/obs/jpg/360px/obs-en-50-17.jpg)

ୟୀଶୁ ହାର୍ ଆଜାଃ ହୋଡ଼ୋକୋ ଏନ୍ ନାୱାଃ ଦିଶୁମ୍ ରେ ତାଇନାକୋ, ହାର୍ ଇନ୍‍କୁ ସୋବେନ୍ ହୁଲାଙ୍ଗ୍ ଲାଗିନ୍ ସୋବେନ୍ ତେୟାଃରେ ରାଇଜ୍ ୟାକ। ଏନ୍ ହୋଡ଼ୋକୋୱାଃ ମେଃଏ ଦାଆକୋକେ ଜୋଃଅ ତାଆଏ। ନାଆ ଜେତାଏ ୟଗି ହାସୁ ୟାଦ ଦୁକୁ କା ହୋବାଃଅୱାଃ। ଇନ୍‍କୁ କାକୋ ରାଆୟାଃ। ଇନ୍‍କୁକେ ବେମାର୍ କା ହୋବାଃଅୱାଃ ହାର୍ କାକୋ ଗୋଯୋଗା। ଏନ୍ତାଃରେ ଯେତେନାଃ ଏତକାନ୍ କାମି କା ହୋବାଃଅୱାଃ। ୟୀଶୁ ଆଜାଃ ରାଇଜ୍ ରେ ବିଚାର୍ ଲେକାନିଃ, ହାର୍ ଶାନ୍ତିଲୋଃ ରାଇଜ୍ ଏୟାଏ। ଇନିଃ ସୋବେନ୍ ହୁଲାଙ୍ଗ୍ ସାନ୍ ଆଜାଃ ହୋଡ଼ୋକୋଲୋଃ ଗାତିରେ ତାଇନାଏ।

*ବାଇବାଲ୍ ମିୟାଃ କାହାନୀ:ମାତ୍ତି ୨୪:୨୪; ୨୮:୧୮; ଯୋହାନ୍ ୧୫:୨୦, ୧୬:୩୩;ଉଦୁବ୍ କାଜି ୨:୧୦; ମାତ୍ତି ୧୩:୨୪-୩୦, ୩୬-୪୨; ୧ଥେସଲନିକୀୟ ୪:୧୩-୫:୧୧; ଯାକୁବ ୧:୧୨; ମାତ୍ତି ୨୨:୧୩; ଉଦୁବ୍ କାଜି ୨୦:୧୦ ;୨୧:୧-୨୨:୨୧*

Audio: https://git.door43.org/OBS-TLF/unx_obs/releases/download/v1/unx_obs_v1_50_128kbps.m4a