# unfoldingWord Open Bible Stories — Dauri Varli

- Language code: `vav-x-dauri`
- Canonical page: https://openbiblestories.org/l/vav-x-dauri/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Dauri Varli translation; it is not a translation of the whole Bible.

## 1. ઉપજ

https://openbiblestories.org/l/vav-x-dauri/story-1/

![](https://cdn.door43.org/obs/jpg/360px/obs-en-01-01.jpg)

યે રીતે આખાંચી શુરવાત હોની.દેવા ને છ દિસામાં જગ ને તામાંચાં આખાં ઉપજ કરી દેવાને જંય પૃથ્વી ઉપજ કરી તંય તી અંધકારશીં ભરની ને ખાલી આશી. અથય દુસરા કાંય નાહાં આસી પણ દેવોચો જીવ પાણીયાવર હીંડત આશી.

![](https://cdn.door43.org/obs/jpg/360px/obs-en-01-02.jpg)

તંય દેવાને આખી “ઉજેડ હોસ “ને ઉજેડ હોન.ને દેવાને તો ઉજેડ નાંગી તે બેસ આશી ને તાદય “દિસ” આખી તાણીં તાદય અંધકારશીં અલગ કરી ને તાદય “રાત” આખી દેવાને ઉપજચે પહલે દીસેં ઉજેડ બનાવી.

![](https://cdn.door43.org/obs/jpg/360px/obs-en-01-03.jpg)

ઉપજચે દુસરે દિસેંદેવ બોલીન ને જમીનવર ડાંબર બનાવી તેહેં ડાંબરાદય ઉપરચે પાણીશીં ને નીચેચે પાણીયાશીં અલગ કરી.

![](https://cdn.door43.org/obs/jpg/360px/obs-en-01-04.jpg)

તીસરે દિસેં દેવબોલીન નેપાણીયાદય કોરી જમીનશીં અલગ કરી. તેહેંતી કોરી જમીનદય “પૃથ્વી “ આખી ને પાણીયાદય “દરિયો” આખી,દેવા ને નાંગી કાય તેહેંજાં બનાવી આહાય તાં બેસ આહાય.

![](https://cdn.door43.org/obs/jpg/360px/obs-en-01-05.jpg)

તાચેમંગે દેવાને આખી “પૃથ્વી રાન, ભાજી ને ફળ ઉંગવય," ને તાસાંચ હોન.દેવાને નાંગી કાય તેહેં જાં બનાવી તાં બેસ આહાય.

![](https://cdn.door43.org/obs/jpg/360px/obs-en-01-06.jpg)

ને બનાવોંચે ચોથેં દિસેં દેવ બોલીન ને દિસ, ચાંદ ને ચાંદની બનાવી. કશા કાય તે જમીનવર ઉજેડ દેત ને રાત ને દિસ અલગ પાડી, દેવાને નાંગી કાય તાણીં જાં બનાવી તાં બેસ આહાય.

![](https://cdn.door43.org/obs/jpg/360px/obs-en-01-07.jpg)

પાંચમેં દિસે,દેવ બોલીન ને આખે પ્રાણી જે, પાણીમાં પોંવત આહાત તે બનાવી.દેવાને નાંગી કાય તેણે જાં બનાવી તાં બેસ આહાય ને દેવાને તાંહદય આશીર્વાદ ઓપી.

![](https://cdn.door43.org/obs/jpg/360px/obs-en-01-08.jpg)

બનાવોંચે છઠે દિસેં દેવાને આખી," જમીનવર અલગ અલગ જાતીયે પ્રાણી બનાવી,“ને દેવાને જસાં આખનાં આસી તસાંચ હોન.કલાખાંડ ગાંવઠી પ્રાણી, કલાખાંડ પોઠે ચાલનાર ને કલાખાંડ ડોંગરપ્રાણી આશી. ને દેવાને નાંગી કાય યાં બેસ આહાય.

![](https://cdn.door43.org/obs/jpg/360px/obs-en-01-09.jpg)

ને દેવા ને આખી “યીયા આપણી આપણાંચે રૂપ ને રંગ જશો માણુસ બનાવોંવ. તો જમીનવર ને આખે પ્રાણીયાવર હુકુમ કરય્દ.’’

![](https://cdn.door43.org/obs/jpg/360px/obs-en-01-10.jpg)

દેવા ને થોડીક માટી ઘીદ,ને તેહેંમાણુસચે રૂપમાં બનાવી, ને તામાં તેહેં જીવનચો શ્વાસ ફુંકી, યે માણસાચો નાંવ આદમ આશી. દેવાને એદન વાડી બનાવી, આદમદય રહોં સાઠીં,ને તાદય જાં પણ દેવાને બનાવનાં આશી તે આખાંચી સંભાળ રાખોં ઠોવી.

![](https://cdn.door43.org/obs/jpg/360px/obs-en-01-11.jpg)

વાડીચે વચ્ચે દેવાને દોન ખાસ ઝાડ લાવી – જીવનચો ઝાડ ને બેસભૂંડો જાણોચો ઝાડ, દેવાને આદમદય આખી કાય તે વાડીમાં આખે ઝાડચાં ફળ ખાહું શકીશ પણ બેસભૂંડો જાણોચે ઝાડાચો ફળ નાહાં ખાંવચો.જો તું યે ઝાડાચો, ફળ ખાહીશ તે તું મરીશ.

![](https://cdn.door43.org/obs/jpg/360px/obs-en-01-12.jpg)

તંય દેવા ને આખી “માણુસ એકલો રહય તે બેસ નાહા, “ પણ આખે પ્રાણીમાંચો કોણી પણ આદમચો સહાયકારી બનું શકીન નાહા.

![](https://cdn.door43.org/obs/jpg/360px/obs-en-01-13.jpg)

તાચેન દેવાને આદમદય જાડીનીંધેમાં પાડી. ને દેવાને તાચી હાડકીમાશીં એક ધીદ, ને તાચી એક બાઈલ બનાવી, ને તેદય આદમશીં આની.

![](https://cdn.door43.org/obs/jpg/360px/obs-en-01-14.jpg)

ને જંય આદમને તેદય નાંગી, તેહેં આખી,"છેલ્લે" યી એક માંઝે જસી આહાય,તેહેંતેદય નારી આખી, કસા કાય તી નરમાશીંઘેવામાં યીનીં આશી.યે સાંઠી માણુસ પોતાચે આય્સ–બાહાસદય છોઢું દેય્દને તાચે બાઈલેચે હારીં દોધે એક હોહીત.

![](https://cdn.door43.org/obs/jpg/360px/obs-en-01-15.jpg)

દેવાને માણુસ ને બાયલેદય પોતાચે રૂપ જશો બનાવી. તેહેં તાંહદય આશીર્વાદ ઓપી ને આખી, “તુમદય ઘણાં પોસાં,ને આજોળાંશ હોહીત ને આખી જમીન ભરું દિયા" ને દેવાને નાંગી કાય તાણી જાં કાંય બનાવનાં આશી તાં બો બેસ આશી ને તો ઘણો ખુશ હોન. યો આખો છ દિસામાં કરી.

![](https://cdn.door43.org/obs/jpg/360px/obs-en-01-16.jpg)

જંય સાતમો દિસ યાવ તંય દેવાને તાચો આખો કામ કરી. યે દીસેં દેવાને તાચે આખે કામામાશીં આરામ કરી. તેહેં સાતમે દિસાદય આશીર્વાદ ઓપી ને તાદય પવિત્ર ઠરાવી કસા કાય યે દિસેં તેહેં તાચે આખે કામમાશીં આરામ કરી. યે રીતે દેવાને જુગાચો ને તામાંચાં આખાં બનાવી.

*બાઈબલચી કાહની ઉત્પતિ:૧-૨*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_01_128kbps.m4a

## 2. જુગામાં પાપાચો પ્રવેશ

https://openbiblestories.org/l/vav-x-dauri/story-2/

![](https://cdn.door43.org/obs/jpg/360px/obs-en-02-01.jpg)

દેવાને તાંહચે સાઠીં બનાવની બેસ વાડીમાં આદમ ને તાચી બાઈલ ખુશીશીં રહત આશી.તાહેં કોનીં પણ કપડે ભરને નાહાં આશી ને તાંહશીં તાંહદય લાજ પણ નાંહા યેત આશી. કસા કાય જુગામાં પાપ નાહાં આશી.તે લોક કાયમ દેવાહારીં વાડીમાં ચાલત ને ગોઠ કરત આશી.

![](https://cdn.door43.org/obs/jpg/360px/obs-en-02-02.jpg)

પણ વાડીમાં એક ખરાબ સાપ આશી. તાહેં બાઈલેદય સુદકરી કાય દેવાને નક્કી તુમદય અસાં આખી આહાય, કાય વાડીચે આખે ઝાડાચે ફળ તુમદય નાહા ખાંવચો.

![](https://cdn.door43.org/obs/jpg/360px/obs-en-02-03.jpg)

બાઈલેં જવાબ ઓપી, "દેવાને હામદય આખી આહાય, કાય હામી આખે ઝાડાચે ફળ ખાહું શકોંવ પણ ખાલી બેસભૂંડો જાણોચે ઝાડાચો ફળ નાહાં ખાહું શકાય.’’ દેવાને હામદય આખી આહાય “જો તુમી યો ફળ ખાઇઝા અગર ટચ કરઝા તે તુમીં મરઝા.’’

![](https://cdn.door43.org/obs/jpg/360px/obs-en-02-04.jpg)

સાપને બાઈલેદય જવાબ ઓપી, “યો ખરો નાહા, તુમી મરઝા નાહા” દેવ જાણત આહાય કાય તુમી ખાયઝા તેજ ટાઇમ તુમીં દેવાચે જશે બેસભૂંડો જાણનારે હોહું જાયઝા.

![](https://cdn.door43.org/obs/jpg/360px/obs-en-02-05.jpg)

બાઈલેં નાંગીકાય ફળ ખાવચેસાઠી, બેસ ને નાંગવામાં બેસ આહાય. તી પણ બુધ્ધીવાળી બનોંમાગત આશી, તાંચેન તેહેં એક ફળ તોઢુંને ખાદ. તાચે મંગે તેહેં તેચો નોવરો જો તેચે હારીં આશી તાદય પણ ખાંવદય સાઠીં ઓપી ને તેહેં પણ તો ખાધ.

![](https://cdn.door43.org/obs/jpg/360px/obs-en-02-06.jpg)

લગેંચ તાંહચે ડોળે ઉઘડીન ને તાહે નાંગી કાય તે નાગે આહાત, તાહેં પાનાંદય એકદુસરા હારીં સીવુંને કપડે બનાવોંચો ને પોતાચો આંગ ઝાપોંચી કોશીશ કરી.

![](https://cdn.door43.org/obs/jpg/360px/obs-en-02-07.jpg)

તંય માણુસ ને તાચેબાઈલેં વાડીમાં ચાલત દેવાચો ગાજ આયકી. તે દોઘે દેવાશીં દપીન. ને દેવાને માણસાદય આખી, “તું કત આહાશ ?” આદમ ને આખી,“મંય વાડીમાં તુઝો ચાલોંચો અવાજ આયકી, ને તાંચેન મંય બીહીન, કસા કાય મંય નાગો આશી,” તાચેન મંય દપનો આહાંય.

![](https://cdn.door43.org/obs/jpg/360px/obs-en-02-08.jpg)

તંય દેવાને સુદકરી “તુદય કોણેં આખી કાય તું નાગો આહાશ? જે ઝાડાચો ફળ ખાંવદય મંય તુદય નાં પાડની આશી તો તુંહે ખાદ આહાશ કાય?” માણુસને આખી માંઝે હારીંરહોં જી બાઈલ તુહેં માંદય દીનીં તેહેં માંદય ફળ દીન, તંય દેવાને બાઈલેદય સુદકરી, યો તુંહે કાય કરી આહાશ? તંય બાઈલેને જવાબ ઓપી “સાપ ને માંદય ઠઘી.”

![](https://cdn.door43.org/obs/jpg/360px/obs-en-02-09.jpg)

દેવાને સાપાદય આખી, તું શાપિત આહાશ. તું પોટાખલ ચાલીશ ને ધૂળ ખાહીશ, તુઝે ને બાઈલેચે વચ્ચે ને તુઝે પોસાંચે ને તાચે પોસાંચે વચ્ચેમંય દુશ્મની કરવંય્દ. બાઈલેચો વંશજ તુઝો ટકલ ફોડય્દ ને તું તાચી એડી ફોડીશ.

![](https://cdn.door43.org/obs/jpg/360px/obs-en-02-10.jpg)

તાચેમંગે દેવાને બાઈલેદય આખી, કાય તું દુઃખાશીં પોસાદય જલમ ઓફીશ ને તું તુઝે ધણીચે પ્રમાણે રહીશ, ને તો તુઝવર ધણીપણું કરય્દ.

![](https://cdn.door43.org/obs/jpg/360px/obs-en-02-11.jpg)

દેવાને માણસાદય આખી તુંહે તુંઝે બાઈલેચી ગોઠ માંનુંને માંઝે આજ્ઞાચો નકાર કરી. આંતા જમીન શાપિત હોન આહાય ને તુદય અન્ન ઉપજ કરોં કડક મહેનત કરોં પડય્દ, તું મરીશ ને તુઝે આંગ આઝુન ધૂળમાં મીળું જાહીથ. તે માણસા ને પોતાચે બાઈલેચો નાંવ હવા એટલે “સજીવ” પાડી કશા કાય તિ આખે સજીવોંચીં આય્સ આસી, ને દેવાને આદમ ને હવાદય જનાવરાંચે કપડે ભરવી,

![](https://cdn.door43.org/obs/jpg/360px/obs-en-02-12.jpg)

તંય દેવા ને આખી, “ નાંગા માણુસ આપણામાંચો એક જસો બેસભૂંડો જાણનારો હોન આહાય, તાંહદય જીવનચે ઝાડચો ફળ ખાંવદય ઓપોંચો નાંહા. કદાચ તે કાયમ જીવતે રહત. ” તાંચેન દેવાને આદમ ને હવાદય બેસ વાડીમાંશીં બાહેર કાઢું ઠોવી ને દેવાને ઝાડાચી વાડ સાચવોંદય માજ જાવંચે દરવાજા વર પરાક્રમી દૂતાંદય ઠોવી કદાચ તે જીવનચે ઝાડમાશીં ફળ ખાહીત.

*બાઈબલચી કાહની : ઉત્પતિ :૩*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_02_128kbps.m4a

## 3. જગબુડ

https://openbiblestories.org/l/vav-x-dauri/story-3/

![](https://cdn.door43.org/obs/jpg/360px/obs-en-03-01.jpg)

ઘણો લાંબો ટાઈમ મંગે લોક જુગામાં જીવત આશી, તે આખે ઘણે ખરાબને લબાડ બનને આશી,તે અલે ખરાબ આશી કાય, દેવાને ફેસલો કરી કાય તો આખે જુગાચો જગબુડખલનાશ કરય્દ.

![](https://cdn.door43.org/obs/jpg/360px/obs-en-03-02.jpg)

પણ નૂહ દેવાચે નજરમાં કૃપા પામીન, તો ખરાબ લોકાંચે વચ્ચે જીવવાવાળો ન્યાયી માણુંસ આશી. દેવ જો જગબુડ કરોં માગત આશી તે ગોઠચે બારેમાં નૂહદય આખી, તેહેં નૂહદય એક મટો વહાણ બનાવોં આખી.

![](https://cdn.door43.org/obs/jpg/360px/obs-en-03-03.jpg)

દેવાને નુહદય ૧૪૦ મીટર લાંબો, ૨૩ મીટર પહોળો, ૧૩.૫ મીટર ઊંચો વહાણ બનાવોં આખી.નૂહદય લાકડામાંશી બનાવોં આખી ને તાદય તીન માળે, ઘણા રૂમ ધાબો ને બારીવાળો બનાવોં આખવામાં યાવ.વહાણ જગબુડ હોય્દ તંય નૂહ, તાચો પરિવાર ને આખે જનાવરાંદય બેસ રાખય્દ.

![](https://cdn.door43.org/obs/jpg/360px/obs-en-03-04.jpg)

નૂહને દેવચી આજ્ઞા માણુને તેહેં ને તીન પોસાંહે દેવા ને જે પ્રમાણે આખનો આશી તે જ પ્રમાણે વહાણ બનાવી. યો વહાણબનાવોંદય તાંહદય ઘણે વરીસ લાગીન કશા કાય તો ઘણો મટો આશી. નૂહ ને લોકાંદય યેંવચો જગબુડશીં ચેતવી, ને દેવા ચે વાઠીન ફિરોંદય આખી. પણ તે તાચો માણીન નાહા.

![](https://cdn.door43.org/obs/jpg/360px/obs-en-03-05.jpg)

દેવાને નૂહ, ને તાચે કુટંબદય પોતાચે સાઠીં તસોચ જનાંવરાંચે સાઠીં પુરય તલો ખાનો ભેગો કરોંચી આજ્ઞા ઓપી.જંય આખો તૈયાર હોહુંજાવ દેવાને નૂહદય આખી કાય ટાઈમ હોહું જાવ આહાય તું તુઝી બાઈલ, તુઝે તીન પોસે ને તાંહચે તીન બાઈલોં વહાણમાં માંજ યીહું જાયા. આખે મીળુંને આઠ લોક.

![](https://cdn.door43.org/obs/jpg/360px/obs-en-03-06.jpg)

દેવાને આખે જનાવરાંમાશી ને ચીડામાશીં નર ને નારીદય ને ચીડાંદય નૂહચે પાસ દવડી કાય તે વહાણમાં માજ જાત ને જગબુડ હોય તંય તે બેસ રહત. દેવા ને બલિદાન સાઠીં જાચો ઉપયોગ હોહું શક્ય અશે આખે જનાવરાંમાશીં સાત નર નેસાત માદાદય દવડી,જંય તે આખે વહાણમાં ચઢીનતંય દેવાને દરવાજો બંધ કરી.

![](https://cdn.door43.org/obs/jpg/360px/obs-en-03-07.jpg)

તાચેમંગે પાણી, પાણી ને બસ પાણી જ શરુ હોન. ચાળીસ દિસને ચાળીસ રાત ઉભો રહ્યા વગર પાણી વરસીન,જમીનમાશીં પાણી નીઘોંદય મંડીન. આખો જગ ને તામાંચા આખાં પાણીયાખલ ઝાંપાહું જાવ,તંય હુધી કાય મટે ડોગર પણ.

![](https://cdn.door43.org/obs/jpg/360px/obs-en-03-08.jpg)

જે લોક ને જનાવર વહાણમાં આશી તાંહચે સિવા જાં કાંઈ કોરી જમીનવર આશી તો આખો નાશ હોન. વહાણ પાણીયાવર તરોં મંડીન ને જાંકાંય તામાં આશી તાદય બુડતાં બચાવી.

![](https://cdn.door43.org/obs/jpg/360px/obs-en-03-09.jpg)

પાણી વરસોંચો બંધ પડીન મંગે, વહાણ પાંચ મહિના હુધી તરીન, ને યે ટાઈમમાં પાણીયાચે બુડા ઉતરોંચી શરવાત હોન. એક દીસે વહાણ ડોગરાવર ઉબો રહીન, પણ જગ આઝુન પણ પાણીયાખલ ભરનો આશી. તીન મહીને મંગેડોગર નાંગાવદય મંડીન.

![](https://cdn.door43.org/obs/jpg/360px/obs-en-03-10.jpg)

ચાલીસ દિસ મંગે, નૂહ ને કાગડા નાંવચે ચીડાદય બાહેર દવડી, જેથી તો જાણું શક્ય કાય પાણી સુખીન કાય નાંહાં કાગડો કોરી જમીન સાઠી આટેતાટે ઉડીન, પણ તાદય જાગા મીળીન નાહા,

![](https://cdn.door43.org/obs/jpg/360px/obs-en-03-11.jpg)

તાચેમંગે નૂહને કબુતર નાંવચે ચીડાદય દવડી, પણ તાદય પણ કોરી જમીન મીળીન નાહાં તાચેન તો નૂહચેપાસ આઝુન યાવ, એક અઠવાડિયા મંગે તેહેં કબુતરદય આઝુન દવડી, ને તો જૈતુનચો પાન ધીહુંને આઝુન યાવ, પાણી ઓછો હોવંદય મંડીન ને વનસ્પતિ આઝુન ઉન્ગો મંડીન.

![](https://cdn.door43.org/obs/jpg/360px/obs-en-03-12.jpg)

નૂહ ને દુસરો એક અઠવાડીયો વાટ નાંગી ને કબુતરદય ત્રીજી વાર દવડી, યે વખત, તાદય આરામ કરોંચી જગ્યા મીળીન ને તો આઝુન યાવ નાંહા. પાણી સુખો મંડીન.

![](https://cdn.door43.org/obs/jpg/360px/obs-en-03-13.jpg)

દોન મહીને મંગે દેવને નૂહદય આખી,“તું ને તુઝો કુટુંબ ને આખે જનાવર વહાણ છોઢુંને જાયા, તુદય ઘણે પોસે અને પોસાંચે પોસે હોહીથ ને જગતદય ભર,’’ તાચેન નૂહને તાયો કુટુંબ વહાણમાશીં બાહેર યાવ.

![](https://cdn.door43.org/obs/jpg/360px/obs-en-03-14.jpg)

વહાણમાંશીં બાહેર યાવ મંગે,નૂહ ને વેદી બનાવી ને આખે અલગ અલગ જનાવર જાંચો ઉપયોગ બલિદાન માટે કરું સકત આશી તાંહાચો બલિદાન કરી દેવ બલિદાનશીં ખૂશ હોન ને નૂહદયને તાચે કુટુંબદય આશીર્વાદ ઓપી.

![](https://cdn.door43.org/obs/jpg/360px/obs-en-03-15.jpg)

દેવા ને આખી “આતાંમંય કંયપણ લોક જે ખરાબ કરત આહાત તાંહચે લીધે જગતદય શ્રાપ નાહાંઓપંય્દ અગર જગબુડખલ જગતચો નાશ નાહાં કરંય્દ, કશા કાય લોક તાંહચે જલમશીંજ પાપી આહાત.’’

![](https://cdn.door43.org/obs/jpg/360px/obs-en-03-16.jpg)

તાચેન દેવાને વચનચે નિશાની રૂપમાં પહલો દેવધનુષ બનાવી . જંય દેવધનુષડાંબરામાં નાંગાય,તંય દેવ પોતેં દીન્હો વચનદય યાદ કરત આહાય, ને યેજ રીતે તાચે લોક,

*બાઈબલચી કાહની ઉત્પતિ ૬-૮*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_03_128kbps.m4a

## 4. ઈબ્રાહીમ હારીં  દેવાચો વાયદો

https://openbiblestories.org/l/vav-x-dauri/story-4/

![](https://cdn.door43.org/obs/jpg/360px/obs-en-04-01.jpg)

જગબુડચે ઘણે વરીસ મંગે, જુગામાં ઘણે લોક હોહું જાવ, ને તે એકુજ ભાષા બોલત આશી. દેવાને જમીનદય ભરપુર કરોંચી જી આજ્ઞા ઓપની આશી, તાચે બદલે તે ભેગે હોંન ને શહેર બાંધી,

![](https://cdn.door43.org/obs/jpg/360px/obs-en-04-02.jpg)

તે ઘમંડી બનીન, ને દેવાની જાં આંખના આશી તાચી તાંહી કાળજી ધીદ નાહા તાહેંડાંબરાહુધી પોહંચય અશો ઊંચો કિલ્લો બાંધોચી શરવાત કરી, દેવા ને નાંગી કાય તે ખરાબ કરોં સાંઠીં હારીં મીળૂને કામ કરત રહીત તે, તે વધારે પાપાચે કામ કરીત,

![](https://cdn.door43.org/obs/jpg/360px/obs-en-04-03.jpg)

તાચેન દેવાને તાંહચી ભાષા બદલું મેલી ને લોકાંદય જુગામાં છુટે કરું ઠોવી. જો શહેર તાંહે બાંધોચી શરવાત કરની આશી તાચો નાવ બાબિલ આશી, જાચો મતલબ ગુંચવણ હોત આહાય

![](https://cdn.door43.org/obs/jpg/360px/obs-en-04-04.jpg)

ઘણી સદી મંગે દેવાને ઈબ્રાહમ નાંવાંચે માંણસાહારીં ગોઠ કરી. દેવા ને તાદય આખી “તુઝો દેશ ને તુઝો કુટુંબ છોઢુંને જી જગ્યા મંય તુદય દાખવંય તથય તું જા.” મંય તુંદય આશીર્વાદ દેયં ને તુઝેશીં મટી જાતી પેદા કરંય્દ. મય તુઝો નાંવ મટો કરંય્દ, જે તુદય આશીર્વાદ દીહિત તાહંદય મંય આશીર્વાદ દેંય્દ ને જે તુદય શ્રાપ દીહિત તાંહદય મંય શ્રાપ દેંય્દ, તુઝે લીધે જુગાચે આખે કુટુંબ આશીર્વાદ મીળવિથ,”

![](https://cdn.door43.org/obs/jpg/360px/obs-en-04-05.jpg)

તાચેન ઈબ્રામ દેવાચી આજ્ઞા માનુંને તેહેં તાચી બાઈલ સારા તાચેઆખે (ચાકર) ને જાંકાંય તેહેં મેળોવનાં તાં આખાંઘીહુંને દેવાને જો કનાન દેશ દાખોવનો આશી તથય તો જાવ,

![](https://cdn.door43.org/obs/jpg/360px/obs-en-04-06.jpg)

જંય ઈબ્રામ કનાનમાં યાવ તંય દેવાને આખી, “તુઝે આજુબાજુમાં નાંગ” મંય તુંદય ને તુઝે વંશજદય યો દેશ જો તું નાંગત આહાશતો વારસામાં દેંય્દ . તંય ઈબ્રામ તે દેશમાં રહીન,

![](https://cdn.door43.org/obs/jpg/360px/obs-en-04-07.jpg)

એક દિસેં ઈબ્રામ, પરાક્રમી દેવાચે યાજક માલ્ખીસદેકદય મીળીન. માલ્ખીસદેકને ઇબ્રામદય આશીર્વાદ ઓપી ને આખી, “ ડાંબરાચે ને ભૂયંચે માલિક ધણી ઈબ્રામદય આશીર્વાદ ઓપ,” તંય ઇબ્રામદય માલ્ખીસદેક ને તાચે આખામાંશી દસમો ભાગ ઓપી,

![](https://cdn.door43.org/obs/jpg/360px/obs-en-04-08.jpg)

ઘણે વરીસ હોન, પણ ઇબ્રામ ને સારાદય આઝુન હુધી પોસો નાહાં આશી. દેવ ઇબ્રામ હારીં બોલીન ને આઝુન વાયદો ઓપી કાય તુદય પોસો હોયદ ને ડાંબરાચે ચાંદની જલાંતુઝાંવંશજ હોહીત. ઇબ્રામને દેવાચે વાયદાદય માની. દેવાને યો આખી કાય ઇબ્રામ ન્યાયી આશી કશા કાય તો દેવાચે વાયદાદય માનનો આશી.

![](https://cdn.door43.org/obs/jpg/360px/obs-en-04-09.jpg)

તંય દેવાને ઇબ્રામ હારીંવાયદો કરી વાયદો તે દોન પક્ષ વચ્ચેચી હાં આહાય દેવા નેઆખી,“ મંય તુદય તુઝે પોતાચે આંગાચોજ પોસો દેંય્દ, “ મય કનાન દેશ તુઝે વંશજોદય ઓપય્દ” પણ આઝુન હુધી ઇબ્રામદય પોસો નાંહાઆશી.

*બાઈબલચી કાહની  ઉત્પતિ ૧૧-૧૫ માશીં*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_04_128kbps.m4a

## 5. વાયદાચો પોસો

https://openbiblestories.org/l/vav-x-dauri/story-5/

![](https://cdn.door43.org/obs/jpg/360px/obs-en-05-01.jpg)

દશ વરીસ મંગે ઇબ્રામ ને સારા કનાન દેશમાં પોંહચીન, તાંહદય આઝુન પણ પોસો નાહાં આશી. તાચેન ઇબ્રામચી બાઈલ સારાને તાદય આખી. “ આઝૂન હુધી દેવા ને માંદય પોસો દિન નાહાંને આતાં મંય પોસાદય જલમ ઓપોંસાઠીં વધારે ડોશલી હોન આહાંય , અથય માઝી નોકરાની હાગાર આહાય, તું તાચે હારીં પણ વરાડ કર કાય તાચેશીં માંઝે સાઠીં પોસો હોય’’.

![](https://cdn.door43.org/obs/jpg/360px/obs-en-05-02.jpg)

તાચેન ઇબ્રામ હાગારદય પરણીન, હાગારદય પોસો હોન, ને ઇબ્રામને તાચો નાંવ ઈસ્માએલ પાડી, પણ સારા હાગારશીં ઈર્ષા કરોં મંડીન. જંય ઈસ્માએલ તેર વરસચો હોન,તંય દેવ આઝુન ઇબ્રામચે હારીં બોલીન.

![](https://cdn.door43.org/obs/jpg/360px/obs-en-05-03.jpg)

દેવા ને આખી, “મંય સર્વશક્તિમાન દેવ આહાંય,” મંય તુઝે હારીંકરાર કરયંદ.“તંય ઇબ્રામ ભુંય સુધી નમીન. દેવાને ઇબ્રામદય યો પણ આખી, “ તું ઘણે દેશ જાતીચો બાહાસ હોહીશ,” મંય તુંદય ને તુઝે વંજાેદય યો કનાન દેશ તાંહચે વારસા તરીકે ઓપંય્દ ને મંય કાયમ સાઠીંતાંહચો દેવ હોંય્દ.તુદય તુઝે કુટુંબચે આખે ગોહલાંચી સુન્નત કરોંચી.

![](https://cdn.door43.org/obs/jpg/360px/obs-en-05-04.jpg)

“તુઝી બાઈલ, સારાયદય પોસો હોય્દ તો વાયદાચો પોસો હોય્દ. તાચો નાંવ ઇસહાક રાખીશ. મંય માંઝો વાયદો તાચે હારી કરંય્દ, ને તો એક મહાન દેશજાતી બનય્દ, મંય ઈસ્માએલદય પણ મટી દેશજાતી બનાવંય્દ. પણ માંઝો વાયદો ઈસાહાકહારી રહય્દ,તાચે મંગે દેવાને ઇબ્રામચો નાંવ બદલુંને ઈબ્રાહીમ રાખી, જાચો મતલબ “ઘણાંચો બાહાસ” દેવા ને સારાયચો નાંવ બદલુંને સારા પાડી. જાચો મતલબ રાજકુમારી હોત આહાય.

![](https://cdn.door43.org/obs/jpg/360px/obs-en-05-05.jpg)

તે દીસેં ઈબ્રાહીમ ને પોતાચે ઘરાચે આખે ગોહલાંચી સુન્નત કરી, એક વરીસ મંગે જંય ઈબ્રાહીમ ૧૦૦ વરસચો ને સારા ૯૦ વરસચી હોન, સારાને ઈબ્રાહીમચે પોસાદય જલમ ઓપી, તાંહે તાચો નાંવ ઈસાહાક પાડી,જશો દેવાને આખનો આશી.

![](https://cdn.door43.org/obs/jpg/360px/obs-en-05-06.jpg)

જંય ઈસાહાક જુવાન હોન. તંય અશાં આખુને ઈબ્રાહીમચી પરીક્ષા કરી. “તુઝે એકચો એક પોસો ઈસાહાકદય ઘેને તાદય માંઝે સાંઠી બલિદાન કર,“આઝુન ઈબ્રાહીમને દેવાચી આજ્ઞા માની ને પોતાચે પોસાચે બલિદાન સાઠીં તૈયાર હોન.

![](https://cdn.door43.org/obs/jpg/360px/obs-en-05-07.jpg)

જંય ઈબ્રાહિમને ઈસાહાક બલીદાનચી જગ્યાવર જાત આશી, ઈસાહાકને સુદકરી , “બાપા આપણાંચે પાસ બલિદાન સાઠીં લાકુડ આહાત પણ ઘેંટો કત આહાય .’’ ઈબ્રાહીમ ને જવાબ ઓપી “માંઝે પોસા દેવ બલીદાન સાઠીં ઘેંટો પૂરો પાડય્દ.’’

![](https://cdn.door43.org/obs/jpg/360px/obs-en-05-08.jpg)

જંય તે બલિદાનચી જગ્યાવર પહોંચીન, ઈબ્રાહીમને તાચો પોસો ઈસાહાકદય બાંધી ને તાદય વેદિવર નિંદકરવી. જંય તો પોતાચે પોસાદય મારોં જાત આશી તયુંજ દેવાને આખી, “ઉભો રય, પોસાદય કાંય કરીશ નાંખે, આતાંમંય જાણત આહાંય કાય તું માંઝેશીં બીહત આહાસ ને તુંહે પોતાચો એકચો એક પોસાદય માંઝેશીં દુર રાખી નાંહા,

![](https://cdn.door43.org/obs/jpg/360px/obs-en-05-09.jpg)

તથયજ ઈબ્રાહીમને પાસચે ઝાડી માં ફસનો ઘેંટાદય નાંગી, દેવા ને ઈસાહાકચે જગ્યાવર ઘેંટાદય બલીદાન તરીકે પૂરો પાડી. ઈબ્રાહીમને ખુશીશીં ઘેંટાદય બલિદાન તરીકે અરપન કરી.

![](https://cdn.door43.org/obs/jpg/360px/obs-en-05-10.jpg)

તંય દેવાને ઈબ્રાહીમદય આખી. કારણકાય તું માંદય આખાં દેંવચી ઈચ્છા રાખત આહાશ તંય હુંધી કાય તુઝો એકચો એક પોસો તાચેન મંય તુદય આશીર્વાદ કરોંચો વાયદો દેત આંહાય,તુઝે વંસજો ડાંબરાચે ચાંદની કરતાં વધારે હોહિત કશા કાય તુહેં માઝી આજ્ઞા માની આહાય , જુગાચે આખે કુટુંબ તુઝે કુટુંબશીં આશીર્વાદિત હોહિત.

*બાઇબલચી કાહની ઉત્પતિ  ૧૬-૨૨*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_05_128kbps.m4a

## 6. દેવ ઇસહાકદય  પૂરો પાડત આહાય

https://openbiblestories.org/l/vav-x-dauri/story-6/

![](https://cdn.door43.org/obs/jpg/360px/obs-en-06-01.jpg)

જંય ઈબ્રાહીમ ઘણો ડવર હોન,ને તાચો પોસો ઇસહાક જુવાન માણુસ બનીન,તંય ઈબ્રાહીમ ને તાચે નોકર માંશી એકદય પોતાચે દેશમાં જથય તાચે સગે રહત આશી તથય તાચે પોસાચે સાઠીં નોવરી આનોંદય આઝુન દવડી.

![](https://cdn.door43.org/obs/jpg/360px/obs-en-06-02.jpg)

ઈબ્રાહીમચે સગે જથસ રહત આશી તે દેશમાં ઘણી ડીઘી મુસાફરી મંગે, દેવાને તે નોકરદય રીબકા સુધી ધીહું યાવ.તી ઈબ્રાહીમ ચે ભાવુસચી આજોળીશ આશી.

![](https://cdn.door43.org/obs/jpg/360px/obs-en-06-03.jpg)

રીબકાને તાચે કુટુંબદય છોડોંચો ને નોકર હારીં ઇસહાકચે ઘરા જાંવચો નક્કી કરી. જસી તી યાવ તસો લગેંચ ઇસહાકને તેચે હારીં વરાડ કરી.

![](https://cdn.door43.org/obs/jpg/360px/obs-en-06-04.jpg)

ઘણો ટાઈમ મંગે, ઈબ્રાહીમચો મરણ હોન, ને દેવાને આખે વાયદે જે તાંહે કરાર કરું ઓપને આશી તે ઇસહાકદય ઓપવામાં યાવ, દેવાને ઈબ્રાહીમદય વાયદો ઓપનો આશી કાય તાદય ગણાય નાહાં તલાં પોસાંહોહિત,પણ ઇસહાકચી બાઈલ રીબકાદય પોસે નાહાં આશી.

![](https://cdn.door43.org/obs/jpg/360px/obs-en-06-05.jpg)

ઈસહાકને રીબકા સાઠી પ્રાર્થના કરી ને દેવાને તાદય જંવળે પોસાં હારી મહને રહોંચી પરવાનગી ઓપી,દોનીં પોસે જંય રીબકાચે પોટામાં આશી તંય તે એક દુસરાચે હારીં લઢોમંડીન, તાચેન રીબકા ને દેવાદય આખી કાય યો કાય હોહું રહીન આહાય.

![](https://cdn.door43.org/obs/jpg/360px/obs-en-06-06.jpg)

દેવાને રીબકાદય આખી, “તુઝે પોટામાં દોન કુળ આહાત ને તામાંશીં દોન અલગ જાતી હોહિત, તે એક દૂસરાચે હારીં ઝગડો કરીથ ને મટો બારીકાચી સેવાકરય્દ.”

![](https://cdn.door43.org/obs/jpg/360px/obs-en-06-07.jpg)

જંય રીબકાદય પોસે જ્લ્મીન, મટો પોસો બાહેર યાવ ને તો લાલ ને બુર વાળો આશી ને તાંહે તાચો નાંવ એસાવ પાડી. તંય તાચો બારીક પોસો એસાવચે પાંહાદય ધરું બાહેર યાવ ને તાંહે તાચો નાવ યાકુબ પાડી .

*બાઈબલચી કાહની ઉત્પતિ  ૨૪-૧-૨૫-૨૬*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_06_128kbps.m4a

## 7. દેવાને યાકુબદય આશીર્વાદ ઓપી .

https://openbiblestories.org/l/vav-x-dauri/story-7/

![](https://cdn.door43.org/obs/jpg/360px/obs-en-07-01.jpg)

પોસે જસે જસે મટે હોન, યાકુબદય ઘરા રહોચો ગમત આશી, પણ એસાવદય શિકાર કરોંચો ગમત આશી. રિબકા યાકુબદય માયા કરત આશી પણ ઇસહાક એસાવદય માયા કરત આશી .

![](https://cdn.door43.org/obs/jpg/360px/obs-en-07-02.jpg)

એક દિસ, એસાવ શિકાર કરુંને ઘરા યાવ, તંય તો ઘણો ભૂખેજનો આશીં, એસાવ ને યાકુબદય આખી, “તુંહે ખાંવદય બનાવના તાંમાશીં થોડોક ખાંવદય દે.’’ યાકુબ ને જવાબ ઓપી, “પહેલો તું માંદય તુઝો જયેષ્ટપણો દે” તાચેન એસાવ ને યાકુબદય તાચો મટે પોસાચો હક ઓફું દીન, તંય યાકુબ ને તાદય થોડોક ખાંવચો ઓપી .

![](https://cdn.door43.org/obs/jpg/360px/obs-en-07-03.jpg)

ઇસહાક એસાવદય તાચો આશીર્વાદ ઓપોંદય હેરત આશી.પણ તો આસાં કરાય, તાચે પહેલાંજ રીબકાને યાકુબને તાદય યાકુબ પોતે એસાવ આહાય અસે રીતે ઠગી. ઇસહાક ડવર આશી ને નાંઘું સકત નાહા આશી. તાચેન યાકુબને એસાવચે કપડે ભરું ધીદ ને તાચે ગળાને હાથવર બોકડાચો ચામડો પહરી.

![](https://cdn.door43.org/obs/jpg/360px/obs-en-07-04.jpg)

યાકુબ ઇસહાકશીંયાવ ને આખી, “ મય એસાવ આહાંય “ મય તુઝે પાસ યાવ આહાંય કાય તું માંદય આશીર્વાદીત કરીશ, ’’ જંય ઇસહાકને બોકડાચે કેંસદય ધરીને તાચે કપડાંચી સુંગધ ઘીદ. ’’ તાંહે વિકારી કાય તો એસાવદય આશીર્વાદ ઓપત આહાય.

![](https://cdn.door43.org/obs/jpg/360px/obs-en-07-05.jpg)

એસાવ યાકુબદય નફરત કરોં મંડીન કશા કાય તાંહે તાચો મટો પોસોચો હક ને તાચો આશિર્વાદ ચોરું ઘીધનો આશી. તાચેન તેહે તાદય પોતાચો બાહાસ મરય્દ મંગે મારું મેલોંચો નક્કી કરી.

![](https://cdn.door43.org/obs/jpg/360px/obs-en-07-06.jpg)

પણ રીબકાદય એસાવચી યી ગોઠ ખબર પડીન. તાચેન તેંહે ને ઇસહાકને યાકુબદય પોતાચે સગાંચે પાસ દુર રહોંદય દવડી.

![](https://cdn.door43.org/obs/jpg/360px/obs-en-07-07.jpg)

યાકુબ રીબકાચે સગાંચે હારી ઘણે વરીસ હુધી રહીન. તે ટાઈમ માં તાચો વરાડ હોન ને બાર પોસા ને બાર પોસી હોન, દેવાને તાદય ઘણો ધનવાન બનાવી.

![](https://cdn.door43.org/obs/jpg/360px/obs-en-07-08.jpg)

તાચે દેશ કનાનમાંશી વીસ વરીસ દુર રહુને મંગે,યાકુબ તાચે કુટુંબ, તાચે નોકર ને જનાવરચોઝુંડ હારીં તથય આઝુન જાવ.

![](https://cdn.door43.org/obs/jpg/360px/obs-en-07-09.jpg)

યાકુબ હજડ બીહનો આશી કશા કાય તો વિચારત આશી કાય એસાવ આઝુન પણ તાદય મારું મેલોં માગત હોવો. તાચેન તેહેં એસાવચે ભાગ ભેટમાં જનાવરચો હજડ ઝુંડ દવડી. નોકર કાય જે યે જાનવર એસાવચે પાસ ધીહું યીને આશી. તાહે તાદય આખી કાય, “તુઝો નોકર યાકુબ તુંદય યે જનાવર દેત આહાય તો જલ્દી યેત આહાય”.

![](https://cdn.door43.org/obs/jpg/360px/obs-en-07-10.jpg)

પણ એસાવ ને તાદય માફ કરનો આશી,ને તે એક દુસરાંદય નાંધુને ખુશ હોંન તાચે મંગે યાકુબ કનાનમાં શાંતિશીં રહીન. તંય ઇસહાક મરીન ને યાકુબ ને એસાવને તાદય દાટી. જે સોગંદચે વાયદે દેવાને ઈબ્રાહીમદય ઓપને આશી તે આતા ઇસહાક મંગે યાકુબદય ઓપવામાં યાવ.

*બાઈબલચી કહાની ઉત્પતિ ૨૫:૨૭-૩૩:૨૦*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_07_128kbps.m4a

## 8. દેવ યુસુફ ને તાચે કુટુંબદય બચાવત આહાય

https://openbiblestories.org/l/vav-x-dauri/story-8/

![](https://cdn.door43.org/obs/jpg/360px/obs-en-08-01.jpg)

ઘણેં વરીસ મંગે, જંય યાકુબ ડવર હોન, તેહેં પોતાચો ગમતો પોસો યુસુફદય તાચે ભાવુસ કાય જે ઘેટાંદય ચારત આશી તાહંચી ખબર ઘેંવદય દવડી.

![](https://cdn.door43.org/obs/jpg/360px/obs-en-08-02.jpg)

યુસુફચે ભાવુસ તાચો વિરોધ કરત આશી કશા કાય, તાંહચો બાહસતાવર ઘણી માયા કરત આશી ને યુસુફદય સ્વપ્ન યીનો આશી કાય તો તાંહવર અધિકાર રાખય્દ,જંય યુસુફ તાચે ભાવુંસાંશીંયાવ,તાંહે તાદય ધરુંને તાદય થોડેક ગુલામોચે વ્યાપારીદય વીકી.

![](https://cdn.door43.org/obs/jpg/360px/obs-en-08-03.jpg)

યુસુફચે ભાવુસ ઘરા આઝુન યેત તાચે પહેલાંતાંહે યુસુફચો ડગ્લો ફાડું મેલીં ને તાદય બોકડાચે રગતામાં બોળી. તાચે મંગે તાંહે તો ડગ્લો પોતાચે બાહાસદય દાખવી કાય તો અશો વિચારય્દ કાય જંગલી જનાવરાંહે યુસુફદય મારું મેલી આહાય. યાકુબ ઘણો દુખી હોન.

![](https://cdn.door43.org/obs/jpg/360px/obs-en-08-04.jpg)

ગુલામોચે વ્યાપારી યુસુફદય મિસરમાં ધીહું જાવ. મિસર મટોને મજબુત દેશ આશી ને તો નાઈલખાડીચે કાંઠાવર યીનોં આશી. ગુલામોચે વ્યાપારીયાંહે યુસુફદય ધનવાન સરકારી સાહેબચે તથય વિખુ દિન.યુસુફને તાચે માલિકચી સેવા ઘણી બેસ રીતે કરી ને દેવા ને યુસુફદય આશીર્વાદ ઓપી.

![](https://cdn.door43.org/obs/jpg/360px/obs-en-08-05.jpg)

તાચે માલિકચે બાઈલેં યુસુફ હારી નીંદકરો હેરી,પણ યુસુફને યે રીતે દેવા સામે પાપ કરોંચોં ના પાડી, તી ઘણી ખીજવાન ને તેંહે યુસુફવર ખોટો આરોપ ઠોવી કાય તાદય ધરુંને જેલમાં પુરવામાં યેય. જેલમાં પણ યુસુફ દેવાચે હારીં વિશ્વાસુ રહીન ને દેવાને તાદય આશિર્વાદકરી .

![](https://cdn.door43.org/obs/jpg/360px/obs-en-08-06.jpg)

યુસુફ નિર્દોષ આશી તરી તો દોન વરીસ જેલમાં આશી, એક રાતચે ફારુન કાય જાદય મીસરી લોક તાંહચો રાજા માનત આશી, તાદય દોન સપને યાવ, તાચેન તો ઘણો વિચારમાં પઢું જાવ, તાચે સલાહકારમાંશી કોની તાદય તે સપનાચો મતલબ આખું શકીન નાંહાં.

![](https://cdn.door43.org/obs/jpg/360px/obs-en-08-07.jpg)

દેવાને યુસુફદય સપનાચો મતલબ પારખોંચી તાકાત ઓપની આશી.તાચેન ફારુનને યુસુફદય જેલમાંશી બાહેર આણી, યુસુફને સપનાચો મતલબ આખતાં તાદય આખી કાય “દેવ ફસલચે ભરપુર સાત વરસ દેંવંચો આહાય ને તાચેમંગે દુકાળચે સાત વરીસ.’’

![](https://cdn.door43.org/obs/jpg/360px/obs-en-08-08.jpg)

ફારુન યુસુફશીં ઘણો ખુશ હોન ને તેહેં આખે મિસર માં તાદય દુસરે અધિકારચો મેન માણુંસ નક્કી કરી !.

![](https://cdn.door43.org/obs/jpg/360px/obs-en-08-09.jpg)

યુસુફ ને લોકાંદય કાપણીચે સાત વરીસમાં ખાંવચે ભાગ અન્ન ભેગો કરોંદય આખી. તાચેમંગે યુસુફ ને લોકાંદય તો દુકાળચે ટાઈમમાં વીકી જેથી તાંહાચે પાસ તાહંદય પુરય તલોક ખાંવચો રહય.

![](https://cdn.door43.org/obs/jpg/360px/obs-en-08-10.jpg)

યો દુકાળ ખાલી મિસરમાં જ ભયંકર નાહાં આશી, પણ કનાન કાય જ્થય યાકુબને તાચો કુટુંબ રહત આશી તથય પણ તો તલોજ ભયંકર આશી.

![](https://cdn.door43.org/obs/jpg/360px/obs-en-08-11.jpg)

તાચેન યાકુબને તાચે મટે પોસાદય ખાંવચો વિકત ઘેવંદય સાઠીં મિસર દવડી. તાચે ભાવુસ જંય ખાંવચો વિક્ત ઘેંવદય સાંઠી યુસુફચે પુઢેં ઊભે રહને આશી તંય તે યુસુફદય વળખું શકીન નાહાં પણ યુસફ ને તાંહદય વળખુ કાઢી .

![](https://cdn.door43.org/obs/jpg/360px/obs-en-08-12.jpg)

તાંહ્ચે ભાવુંસાચી પરીક્ષા કરી યો જાણો સાઠીં કાય તે બદલાને આહત કાય નાંહા યુસુફ ને તાંહદય આખી, “મય તુમચો ભાવુસ યુસફ આહાંય! બીહા નાંખે. તુમીં જંય માંદય ગુલામ જસો વિખું દીન તંય તુમીં ભૂંડો કરોંચો વિચારી, પણ દેવાને તે ભૂંડાઈદય બેસ સાંઠી ઉપયોગમાંઘીદ ! આહાય તુંમી યીયા ને મિસરમાં રહા કાય મંય તુમદય ને તુમચે કુટુંબચે ભાગ જરૂરી આખો પૂરો પાંડંય.’’

![](https://cdn.door43.org/obs/jpg/360px/obs-en-08-13.jpg)

જંય યુસુફચે ભાવુસ ઘરા જાવ ને તાંહ્ચે બાહસ યાકુબદય આખી કાય, “યુસુફ જીવતો આહાય “ તંય તો ઘણો ખુશ હોન.

![](https://cdn.door43.org/obs/jpg/360px/obs-en-08-14.jpg)

યાકુબ ઘણો ડવર આશી. તરી તો પોતાચે કુટુંબહારી મિસરમાં જાવ ને તથયમાં રહીન યાકુબ મરીન તાચે પહેલાં તેહેં તાચે આખે પોસાંદય આશિર્વાદ ઓપી.

![](https://cdn.door43.org/obs/jpg/360px/obs-en-08-15.jpg)

સોગંદચેં વાયદે કાય જે દેવાને ઈબ્રાહીમદય ઓપને આશી તે ઇસહાકચે પાસ યાવ ને તાચેમંગે યાકૂબચે પાસ ને યાકુબ મંગે તાચે બાર પોસે ને તાંહ્ચે કુટુંબચે પાસ યાવ, બાર પોસાચે વંશજો બાર કુળ બનીન.

*બાઈબલચી કાહની ઉત્પતિ  ૩૭-૫૦*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_08_128kbps.m4a

## 9. દેવાને મુસાદય સાદી

https://openbiblestories.org/l/vav-x-dauri/story-9/

![](https://cdn.door43.org/obs/jpg/360px/obs-en-09-01.jpg)

યુસુફચે મરણ મંગે તાચે આખે સગાવાળે મિસરમાં રહીન. તે ને તાંહચે વંશજો ઘણે વરીસ હુધી તથય રહીન ને તાંહદય ઘણાં પોસાં હોન તે ઇઝરાએલી લોક આખાન.

![](https://cdn.door43.org/obs/jpg/360px/obs-en-09-02.jpg)

ઘણે વરીસ મંગે, ઇઝરાયલીચી સંખ્યા ઘણી વધીન, મીસરીદય આતાં યુસુફ અગર તેહેં તાંહદય કશેક રીતે મદદ કરની આશી તો તાંહદય યાદ રહનો નાહાં આશી, તે ઇઝરાએલીશીં બિહો મંડીન કશા કાય તે સંખ્યામાં ઘણે આશી, તાચેન મિસરમાં તે વખતે જો ફારુન રાજ કરત આશી, તેહેં ઇઝરાએલીદય મીસરીહાંચો ગુલામ બનાવી.

![](https://cdn.door43.org/obs/jpg/360px/obs-en-09-03.jpg)

મીસરીઆંહે ઇઝરાએલીવર મટે બંગલે અને આખે કોટ બાંધોદય દબાવ કરી,કડક મહેનતચે લીધે તાંહ્ચી જિંદગી ખરાબ બનુંજાયની આશી. પણ દેવાને તાંહદયઆશીર્વાદ ઓપનો ને તાંહદય ઘણે પોસે હોન.

![](https://cdn.door43.org/obs/jpg/360px/obs-en-09-04.jpg)

ફારુનને નાંગી કાય ઇઝરાયલીદય ઘણેં પોસે આહાત, તાચેન તેહેં તાચે માણસાદય હુકમ ઓપી કાય તે ઇઝરાયલીચે આખે પોસાંદય નાઈલખાડીમાં મેલુંને મારત.

![](https://cdn.door43.org/obs/jpg/360px/obs-en-09-05.jpg)

એક ઈઝરાયલી બાઈલેને પોસાદય જલમ ઓપી. તેહેં ને તાચે નોવરાને તે પોસાદય બનું શક્ય તલો ટાઈમ દપવું રાખી.

![](https://cdn.door43.org/obs/jpg/360px/obs-en-09-06.jpg)

જંય પોસાચે આઈસ–બાહાસ તાદય ઘણોવાર દપવું સકીન નાંહાતંય તાંહે તાદય એક ટોપલામાં ઠોવી ને બરુચેવચ્ચેનાઈલ ખાડીમાં કાંઠાવર તરતાં ઠોવી. જેથી તેતાદય મરણશીં બચાવું સકત, તાચી મટી બહનીશ તાવર નજર રાખત આશી કાય, તાચો કાય હોય્દ?

![](https://cdn.door43.org/obs/jpg/360px/obs-en-09-07.jpg)

ફારુનચી પોસી ટોપલાદય નાંધુને તાચેમાજ નાંગી, જંય તેહેં પોસાદય નાંગી કાય લગેજ તેહેં તાદય પોતાચો પોસો તરીકે ધીહું ધીદ. તેહેં ઇઝરાએલી બાઈલેદય ભાડે રાખી કાય તીપોસાચી કાળજી રાખય. તીયી જાણત નાહા આશી કાય તી પોસાચી જ આઈસ આશી, જંય પોસો મટો હોન કાય તાદય આંતા આય્સચે દુધાચી જરૂર નાહાં આશી, તેહેં તાદય ફારુનચે પોયરયેદય આઝુન ઓપી, જેહેં તાચો નાંવ મુસા પાડી.

![](https://cdn.door43.org/obs/jpg/360px/obs-en-09-08.jpg)

એક દિસ જંય મુસા મટો હોન તંય તેહેં નાંગી કાય એક મીસરી એક ઇઝરાયલીદય કૂટત આશી, મુસા ને તાચે જોડીદાર ઇઝરાયેલીદય બચાવોંચી કોશીશ કરી.

![](https://cdn.door43.org/obs/jpg/360px/obs-en-09-09.jpg)

જંય મુસાને વિચારી કાય કોની તાદય નાંગત નાંહાં આહાય, તંય તેહેં તે મીસરીદય મારું મેલી ને તાચો આંગ દાઠું દીન. પણ મુસા ને જાં કરના આશી તાં એખાદ ને નાંગના આશી.

![](https://cdn.door43.org/obs/jpg/360px/obs-en-09-10.jpg)

મુસા ને જાં કરનાં આશી તાચી ખબર ફારુનદય હોન તંય તેહેં મુસાદય મારું મેલોંચી કોશીશ કરી.મુસા મિસરમાશીં રનમાં પળુંજાવ કાય જથય તો ફારુનચે સૈનિકોશીં બેસ રહું શકય.

![](https://cdn.door43.org/obs/jpg/360px/obs-en-09-11.jpg)

મુસા મિસરશીં ઘણો દુર અશો રન માં ભરવાડ બનુંને રહીન તો તે જગ્યાચે એક બાઈલચે હારીં પરણીન,ને તાદય દોન પોસે હોન.

![](https://cdn.door43.org/obs/jpg/360px/obs-en-09-12.jpg)

એક દિસ જંય મુસા ઘેટાંદય ચારત આશી, તંય તેહેં નાંગી કાય એક ઝાડ પેટત આશી. પણ ઝાડાચી લાખાડી નાહા હોત આશી. મુસા બેસ રીતે તાદય નાંઘુ શકાય તે સાઠીં તાચે પાસ જાવ. જશો તો પેટત ઝાડચે પાસ જાવ, દેવાચે જાબાને આખી, “મુસા, તુઝે વાંધાય ઉતાર, જે જગ્યાવર તું ઉભો આહાસ તી પવિત્ર આહાય.”

![](https://cdn.door43.org/obs/jpg/360px/obs-en-09-13.jpg)

દેવા ને આખી, “મહેં માંઝે લોકાંચી દુઃખના નાંગી. મંય તુદય ફારુનશીં દવડંય, જેથી તું ઇઝરાયલીદય મિસરચે ગુલામીમાંશીં બાહેર આણું શકીશ. મંય તાંહદય કનાન દેશ ઓપંય્દ, યે વિષે મંય ઈબ્રાહીમદય, ઇસહાકદય અને યાકુબદય વાયદો ઓપનો આશી’’.

![](https://cdn.door43.org/obs/jpg/360px/obs-en-09-14.jpg)

મુસા ને સુદકરી, “ જો લોક જાણો માઘીતકાય માંદય કોણેં દવડનો તે મંય કાય આખયં ? દેવા ને આખી, “મંય જો આહાંય,તો આહાંય તાંહદય આખ કાય “મંય આહાંય તેહેં માંદય દવડી આહાય” તાંહદય યો પણ આખીશ કાય, “મંય યહોવા આહાંય. તુમચે પૂર્વજ ઈબ્રાહીમ,ઇસહાક,ને યાકુબચો દેવ યો માઝો કાયમચો નાંવ આહાય.

![](https://cdn.door43.org/obs/jpg/360px/obs-en-09-15.jpg)

મુસા ફારુનશીંજાંવદય બીહત આશી, કશા કાય તો માનત આશી કાય તો બેસ રીતે બોલું સકત નાંહા આશી, તાચેન દેવાને મુસાચે ભાવુસ હારુનદય તાચી મદદ કરોંદય દવડી, દેવાને મુસા ને હારુનદય ચેતવને આશી કાયફારૂનમાનય્દ નાહા .

*બાઇબલચી  કાહની  નિર્ગમન  ૧-૪*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_09_128kbps.m4a

## 10. દસ રોગ

https://openbiblestories.org/l/vav-x-dauri/story-10/

![](https://cdn.door43.org/obs/jpg/360px/obs-en-10-01.jpg)

મુસા ને હારુન ફારુનશીં પહોંચીન તાહેં આખી, “ઇઝરાયલચો દેવ આખત આહાય કાય. માંઝે લોકાંદય જાંવ દે !” ફારુનને તાંહચો આયકી નાહાં.ઇઝરાયલીદય છોડોંચે બદલેતેહેં તાંહવરશીં વધારે મજુરી કરવી.

![](https://cdn.door43.org/obs/jpg/360px/obs-en-10-02.jpg)

ફારુન લોંકાદય જાંવદય દેવંચો નકાર કરત રહીન તાચેન દેવાને મિસરવર દસ ભયંકર રોગ દવડી, યે રોગખલ દેવાને ફારુનદય દાખવી કાય તો ફારુન કરતાં ને મિસરચે આખે દેવાં કરતાં વધારે શક્તિવાળો આહાય.

![](https://cdn.door43.org/obs/jpg/360px/obs-en-10-03.jpg)

દેવાને નાઈલ ખાડીયેદય રગતમાં બદલું મેલી, પણ ફારુનકને આઝુન પણ ઇઝરાયેલીદય દવડી નાહા,

![](https://cdn.door43.org/obs/jpg/360px/obs-en-10-04.jpg)

દેવાને મિસરવર દેડકે દવડી. ફારુન ને મુસાદય દેડકાંદય દુર કરોંચી વિનંતી કરી. આખે દેડકે મરુ જાવ મંગે પણ ફારુન ને પોતાચો હ્રદય કઠણ કરુંને ઇઝરાયેલીદય મિસરમાંશી જાવંદીન નાહાં.

![](https://cdn.door43.org/obs/jpg/360px/obs-en-10-05.jpg)

તાચેન દેવાને જુચી બીમારી દવડી. તાચે મંગે તેહેં માંખીચી બીમારી દવડી ફારુનને મુસા ને હારુનદય સાધુને આખી જો તે યી બીમારી રોખીત તે તો ઇઝરાયેલીદય મિસરમાશીં જાંવદેદ, જંય મુસાને પ્રાર્થના કરી તંય દેવાને મિસરમાંશી માખી દુર કરી, પણ ફારુન પોતાચો હ્રદય કડક કરુંને લોકાંદય જાંવદીન નાહા.

![](https://cdn.door43.org/obs/jpg/360px/obs-en-10-06.jpg)

તાચે મંગે, દેવાને મીસરીચે આખે ડોબાં બોકડાંદય બીમાર પાઢુંને, તે મરો મંડીન, પણ ફારુનચો હ્રદય પીગળીન નાંહાં, ને તેંહેંઇઝરાયેલીદય જાંવદીન નાંહા.

![](https://cdn.door43.org/obs/jpg/360px/obs-en-10-07.jpg)

તાચે મંગે દેવાને મુસાદય ફારુન સામે હવામાં લાખાડી ઉડવોંદય આખી, જંય તેહેં તશો કરી તંય મીસરીવર હજડ દુખત તશે ગુંબ નીઘીન પણ ઇઝરાયેલીદય કાંઈ પણ હોન નાહાં, દેવાને ફારુનચો હ્રદય કડક કરી ને ફારુનને ઇઝરાયેલીદય જાવંદીન નાહા.

![](https://cdn.door43.org/obs/jpg/360px/obs-en-10-08.jpg)

તાચે મંગે, દેવા ને બરફ દવડી,જેથી મિસરચો આખો ખોરાક ને જો કોની બાહેર નીઘીન તાંહચો નાશ કરી. ફારુનને મુસાને હારુનદય સાધુંને આખી કાય, “ મહેં પાપ કરી આહાય તુમીં જાહું શકા. “ તાચેન મુસા ને પ્રાર્થના કરીને ડાંબરામાશીં બરફ પડોંચો બંધ હોન.

![](https://cdn.door43.org/obs/jpg/360px/obs-en-10-09.jpg)

પણ ફારુનને આઝુન પાપ કરુંને પોતાચો હ્રદય કઠણ કરી. તેહેં ઇઝરાયેલીદય જાંવદીન નાહાં,

![](https://cdn.door43.org/obs/jpg/360px/obs-en-10-10.jpg)

તાચેન દેવા ને મિસરવર તોડે દવડી, બરફશીંજો ખોરાક બચનો આશી તો યે તોડે ખાહું જાવ.

![](https://cdn.door43.org/obs/jpg/360px/obs-en-10-11.jpg)

તાચે મંગે દેવાને અંધકાર દવડી જો તીન દિસ હુધી રહીન, તો અલો ઘણો અંધકાર આશી કાય મીસરી પોતાચે ઘરામાશીં બાહેર નીઘું શકીન નાહા. પણ ઈઝરાયેલી જથય રહત આશીતથય ઉજેડ આશી.

![](https://cdn.door43.org/obs/jpg/360px/obs-en-10-12.jpg)

યે નવ બીમારી મંગે પણ, ફારુન આઝુન પણ ઇસરાયલીદય છોડોંદય ના પાડત રહીન, આઝુન ફારુન આયકત નાહાં આશી, તંય દેવા ને એક છેલ્લી બીમારી દવડોંચી નક્કી કરી . તી ફારુનચો મન બદલુ મેલય્દ.

*બાઈબલચી  કાહની  નિર્ગમન ૫ – ૧૦*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_10_128kbps.m4a

## 11. પાસ્ખો

https://openbiblestories.org/l/vav-x-dauri/story-11/

![](https://cdn.door43.org/obs/jpg/360px/obs-en-11-01.jpg)

દેવાને ફારુનદય ચેતવી કાય જો તું ઇઝરાયલીદય નાહાં જાંવદેશ તે તો લોક ને જાનવરમાશીં આખે જે પહલે જલમને તાંહદય મારું મેલય્દ. જંય ફારુનને તો આયકી તંય તેહેં તો માનોચો ને દેવાચે આજ્ઞા પ્રમાણે રહોંચો નકાર કરી.

![](https://cdn.door43.org/obs/jpg/360px/obs-en-11-02.jpg)

દેવાવર જો કોની વિશ્વાસ કરય તાચે સાઠીં એક વાટ ઓપી કાય તે પ્રમાણે તાંહચે પહેલો જલમનો તાદય બચાવું સકાય. આખે કુટુંબને એક આખો બલિદાન [ઘેંટો ] ઘેવંચો ને તાચો અર્પણ કરોંચો.

![](https://cdn.door43.org/obs/jpg/360px/obs-en-11-03.jpg)

દેવાને ઇઝરાયલીદય આખી કાય ઘેટાંચે રગતમાંશીં થોડોક તાંહચે ઘરાચે બારસઠવર લગાવોંચો ને શેકનો માંસ ખમીર વગરચી ભાકર હારીં વેગ વેગ ખાંવચી, તે જંય ખાત આશી તંય તાદય તેહેં મિસર છોડોંદય તૈયાર રહોં આખી.

![](https://cdn.door43.org/obs/jpg/360px/obs-en-11-04.jpg)

દેવાને ઇઝરાયેલીદય જશો કરોંદય આખનો આશી તસોચ તાહેં કરી.ભર રાતચે દેવ મિસરયે પહેલે જલમને તાંહદય મારોંદય નિધિન.

![](https://cdn.door43.org/obs/jpg/360px/obs-en-11-05.jpg)

આખેજ ઇઝરાયલીહેં દારાવર રગત લગાવનો આશી, કશા કાય દેવ તાંહદય આખાંદય છોઢું ઠોવય તાંહ્ચેમાચે આખેજણ બેસ આશી, ઘેટાંચે રગતચે કારણે તાંહદય છોઢું દેવામાં યાવ.

![](https://cdn.door43.org/obs/jpg/360px/obs-en-11-06.jpg)

પણ મીસરીઆહેં દેવચો માની નાહા ને તાચી આજ્ઞા માની નાહાં. તાચેન ઘર છોડી નાહાં. દેવાને મિસરચે આખે પહલે જલમને તાંહદય મારું મેલી.

![](https://cdn.door43.org/obs/jpg/360px/obs-en-11-07.jpg)

મિસરચો એકુન એક પોસો જેલમાં બંધ હોવો તથયશીં તે ફારુનચે પહેલો જલમનો સુધી આખાંચો મરણ હોન, મિસરમાં લોક પોતાચે ઓંઢેં દુઃખચે લીધે રડા રડ કરોં મંડીનને આરડોં મંડીન.

![](https://cdn.door43.org/obs/jpg/360px/obs-en-11-08.jpg)

તેજ રાતચે, ફારુનને, મુસા ને હારુનદય સાધુંને આખી “ઇઝરાયલીદય ઘીહુંને આતાંચ મિસર છોઢું દે !´´ મિસરીઆહેં લોકાંદય લગેંજ જાંવદય અરજ કરી.

*બાઈબલચી કાહની નિર્ગમન ૧૧:-૧-૧૨:૩૨*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_11_128kbps.m4a

## 12. નિર્ગમન

https://openbiblestories.org/l/vav-x-dauri/story-12/

![](https://cdn.door43.org/obs/jpg/360px/obs-en-12-01.jpg)

ઇઝરાયલીહેં મિસર છોડી તાચેન ઘણે ખુશ આશી, આતાં તે ગુલામ નાહાં આશી, ને તે વાયદાચેદેશમાં જાત આશી. ઇઝરાયલીઆહેં મિસર વરસીં જાં કાંય માગી તાં આખાંજ એટલે હુધી કાય સોના,ચાંદી ને દૂસરા કીમતી વસ્તુ પણ ઓપી.કલાખાંડ દુસરે દેશચે લોક કાય જે દેવામાં વિશ્વાસ નાહાં કરત આશી તાંહે પણ ઇઝરાયલી લોકાંચે હારી મિસર છોઢુંને જાવ.

![](https://cdn.door43.org/obs/jpg/360px/obs-en-12-02.jpg)

દેવાને તાંહદય દિશાચે ઊંચો મેઘસ્તંભખલ આગેવાની ઓપી ને રાતચે તો અગ્નિસ્તંભ બનું જાત આશી. તાંહચી મુસાફરી વખતે દેવ કાયીમ તાંહચે હારી આશી ને તાંહદય દોરવણી ઓપત આશી. તાંહ્દય જો કરોંચો આશી તો તે ખાલી તો જશાં આખય તશાં કરોચાં.

![](https://cdn.door43.org/obs/jpg/360px/obs-en-12-03.jpg)

થોડોક ટાઈમ મંગે, ફારુનને તાચે લોકાંચો મન બદલાન ને તાંહે આઝુન ઇઝરાયલીહાંદય તાંહચે ગુલામ બનાવો માંગત આશી, દેવાને ફારુનદય કડક કરી કાય લોક નાંઘુ સકત કાય તો જ એકલો ખરો દેવ આહાય ને સમઝું સકત, તો યહોવા, ફારુન ને તાચે દેવાં કરતા ઘનો શક્તિવાળો આહાય.

![](https://cdn.door43.org/obs/jpg/360px/obs-en-12-04.jpg)

તાચેન ફારુન ને તાચે સૈનિક ઇઝરાયલી લોકાંદય આઝુન પોતાચે ગુલામ બનાવોંદય મગલાઠીન પડીન. જંય ઇઝરાયલી લોકાંહે નાંગી કાય મીસરચે સૈનિક યેત આહાત, તંય તે સમઝીન કાય તે ફારુનચે સૈનિક ને લાલ દરીયાચે વચમાં ફસું જાયને આહત. તે ઘણેં બીહું જાવ ને આખોં મંડીન. “કશા આપણી મિસર છોડી ? આપણી આતાંમરોંચે આહાવ!"

![](https://cdn.door43.org/obs/jpg/360px/obs-en-12-05.jpg)

મુસાને ઇઝરાયલીહાંદય આખી, “બીહા નાંખે !” દેવ આજ તુમચે ભાગ લઢાઈ કરયદ ને તુંમદય બચાવય્દતંય, દેવાને મુસાદય આખી, “લોકાંદય આખકાય તે લાલ દરિયાચે વાઠીન આગળ વધત.”

![](https://cdn.door43.org/obs/jpg/360px/obs-en-12-06.jpg)

તાંચે મંગે દેવાને મેઘસ્તંભદય કાઢુંને ઇઝરાયલી ને મીસરીચે વચમાં ઠોવી કાય મીસરી ઇઝરાયલીહાંદય નાંધુ નાહાં સકત.

![](https://cdn.door43.org/obs/jpg/360px/obs-en-12-07.jpg)

દેવાને મુસાદય આખી કાય તુઝો હાથ દરિયાવર ડીધો કરુંને પાણીયાચે દોન ભાગ કર. તંય દેવાને હવા દવડી ને દરિયાચો પાણી દાવાઢીયે ને જેવણેં વાઠીન જાંવદય મંડીન ને દરિયામાં વાટ બનીન.

![](https://cdn.door43.org/obs/jpg/360px/obs-en-12-08.jpg)

ઇઝરાયલી દોનેં વાઠીન પાણીયાચી દિવાલ ને સુખે જમીનવર ચાલીન .

![](https://cdn.door43.org/obs/jpg/360px/obs-en-12-09.jpg)

તાંચે મંગે દેવાને મેઘસ્તંભ કાઢું ધીદ કાય મીસરી ઇઝરાયલીંહાંદય જાત નાંઘુ સકત. મીસરીહેં તાંહચે મગલાઠીન જાંવંચો વિચાર કરી.

![](https://cdn.door43.org/obs/jpg/360px/obs-en-12-10.jpg)

તાચેન તાંહેં દરિયાચેવાટે ઇઝરાયલી હાંચો પીછો કરી, પણ દેવાને મીસરીહાંદય બીહવું મેલી ને તાંહચે રથ ફસું જાવ, તે આરડોં મંડીન “અથય શી પળા !” દેવ ઇઝરાયલીહાંચે સાઠીં લડાઈ કરત આશી.

![](https://cdn.door43.org/obs/jpg/360px/obs-en-12-11.jpg)

ઇઝરાયલીઆખે બેસ રીતે દરિયાચે તાઠીન પહોંચું જાવ મંગે દેવા ને મુસાદય આઝુન પોતાચો હાથ ડિઘો કરોંદય આખી. જંય તેહેંતશો કરી કાય લગેંચ પાણી મીસરીહાંવર ફીરું વળીન ને પહેલન જશો હોન, આખે મિસરચે સૈનિક બુઢું જાવ.

![](https://cdn.door43.org/obs/jpg/360px/obs-en-12-12.jpg)

જંય ઇઝરાયલી લોંહાહે નાંગી કાય મીસરી મરીન આહાત, તાંહે દેવાવર ભરોસો કરી ને વિશ્વાસ કરી કાય મુસા દેવાચો પ્રબોધક આહાય.

![](https://cdn.door43.org/obs/jpg/360px/obs-en-12-13.jpg)

ઇઝરાયલી યે સાંઠીં પણ ખુશ હોન કાય, દેવાને તાંહદય મરણ ને ગુલામીમાંશી બચાવી! આતાં તે દેવાચી સેવા કરોંદય સાઠીં છૂટે આશી. ઇઝરાયલી લોકાંહેં તાંહચી નવી આઝાદીચી ઉજવણી કરી, ઘણે ગીત આખુને મીસરીચે સૈનિકશીં તાંહદય બચાવી તાચેન દેવાચી સ્તુતિ કરી.

![](https://cdn.door43.org/obs/jpg/360px/obs-en-12-14.jpg)

દેવાને ઇઝરાયલીહાંદય દર વરીસ પાસ્ખો ઉજવોંદય આજ્ઞા કરી કાય તે તો યાદ રાખું સકત કાય કસેક રીતે દેવાને તાંહદય મીસરીવર જીત ઓપી ને તાંહચી ગુલામીમાંશી છોડવી. તે તાદય આખો ઘેટોં કાફુંને તાદય બેખમીર ભાકર હારીં ખાહુંને ઉજવત આશી.

*બાઈબલચી કાહનીનિગૅમન ૧૨:૩૩- ૧૫: ૨૧*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_12_128kbps.m4a

## 13. ઇઝરાયલહારીં  દેવાચો વાયદો

https://openbiblestories.org/l/vav-x-dauri/story-13/

![](https://cdn.door43.org/obs/jpg/360px/obs-en-13-01.jpg)

દેવાને ઇઝરાયલીહાંદય લાલ દરિયામાંશીં બાહેર કાઢી મંગે તાંહદય રાનમાં સીનાઈ ડોગરાચે વાટે ધીહું જાવ. યો તોજ ડોગર આશી જથય મુસાને પેટતો ઝાડ નાંગનો આશી. લોકાંહે ડોગરાચે નીચે પોતાચે તંબુ ખેચુંને બાંધી.

![](https://cdn.door43.org/obs/jpg/360px/obs-en-13-02.jpg)

દેવાને મુસા ને ઇઝરાયલચે લોકાંદય આખી, “તુમીં માંઝી આજ્ઞા પાળઝા ને માઝે સૌંગદ પાળઝા તે તુમીં માંઝે ખાસ ધન, યાજકોંચો રાજ્ય ને પવિત્ર દેશ હોઈઝા .”

![](https://cdn.door43.org/obs/jpg/360px/obs-en-13-03.jpg)

તીન દિસ મંગે, જંય લોકાંહેં પોતાદય આત્મિક રીતે તૈયાર કરી, દેવ ગર્જના, વીજળી, ધુમાડાને રણસિંગડાચે ઊંચે અવાજ હારી સિનાઈ ડોગાવર ઉતરીન. ખાલી મુસાદય ડોગાવર જાંવચી પરવાનગી આશી.

![](https://cdn.door43.org/obs/jpg/360px/obs-en-13-04.jpg)

તંય દેવાને તાંહદય સોગંદ ઓપી ને આખી, “મંય યહોવા તુમચો દેવ આહાંય, જો તુમદય મિસરચી ગુલામીમાંશી છોઢવુંને આણી,” દુસરે દેવાદય નાખે માનઝા.

![](https://cdn.door43.org/obs/jpg/360px/obs-en-13-05.jpg)

તુમીં મૂર્તિ બનાવઝા નાખે.ને તાંહચી ઉપવાસ કરઝા નાંખે, કશા કાય મંય યહોવા વિશ્વાસવાળો દેવ આહાંય, માંઝો નાંવ અમથો ઘીઝા નાંખે , સાબ્બાથ દિસ પવિત્ર પાળોં ભુલઝા નાંખે, તુમી છ દિસ તુમચે આખે જ કામ કરા, સાતમો દિસ તુમચે સાંઠી આરામચો ને માંદય આઠોવ કરોંચો દિસ આહાય.

![](https://cdn.door43.org/obs/jpg/360px/obs-en-13-06.jpg)

તુમચે આઈસ બાહાસદય માંન ઓપા, ખૂન કરઝા નાખે. વ્યભિચાર કરઝા નાખે. ચોરી કરઝા નાંખે. ઠગઝા નાખે,તુમચે પડોશીચી બાઈલ, તાચો ઘર ને તાચો જો કાંય હોવો તાચી ઈચ્છા રાખઝા નાંખે.

![](https://cdn.door43.org/obs/jpg/360px/obs-en-13-07.jpg)

તાચેમંગે દેવાને યે દસ આજ્ઞા દગડાચે પાટીયાવર લખી ને તાંહદય મુસાદય ઓપી. દેવાને દુસરે ઘણે નિયમ ને વિધિ પાળોંદય સાંઠીં ઓપી, જે લોક યે નિયમચે આધીન રહીત,તે દેવાને વચન દીનો આશી તશો તો તાંહદય આશીર્વાદિત કરય્દને તાંહ્ચો રક્ષણ કરય્દ.જો તે તાચી અવજ્ઞા કરીત, તે દેવ તાંહદય શીક્ષા કરય્દ.

![](https://cdn.door43.org/obs/jpg/360px/obs-en-13-08.jpg)

દેવાને ઇઝરાયલી જો માંડવો બનાવોં માંગત આશી. તાચી આખી માહિતી ઓપી, તાદય મુલાકાત માંડવો આખવામાં યાવ, તાદય દોન ખોલી આશી, તાદય એક મટે પડદાખલ અલગ કરત આશી. પડદાચે મગલાઠીનચે રૂમમાં જાંવચી પરવાંગી ખાલી મેન યાજકદય આશી,કશા કાય તથય દેવ રહત આશી.

![](https://cdn.door43.org/obs/jpg/360px/obs-en-13-09.jpg)

જો કોનીં દેવાચે નિયમ તોડ્ય તો મુલાકાત માંડવાશીં એક જાનવર આનય ને તાચો દેવાદય બલિદાન કરત આશી, યાજક તે જાનવરદય મારત આશી ને તાદય વેદીવર પેટવત આશી, જે જાનવરચો બલિદાન ઓપવામાં યેય તાચો રગત માણસાચે પાપદય દપવતઆશી ને તે માણસાદય દેવાચે નજરમાં શુદ્ધ બનાવત આશી, દેવાને મુસાચે ભાવુસ હારુન ને હારુનચે વંશજોદય તેહેં યાજક બનાવો સાંઠીં પસંદ કરી,

![](https://cdn.door43.org/obs/jpg/360px/obs-en-13-10.jpg)

આખે લોકાંહેં દેવા ને જે નિયમ ઓપને આશી,તાચી એકલાચીજ ભક્તિ કરોંચી ને તાચે ખાસ લોક બનોંચે તે સાઠીં તે માનીન. પણ તાંહે દેવાચે આધીન રહોચોં જો વચન ઓપનો આશી તાચે થોડોક સમય મંગે તાંહેં મટો પાપ કરી.

![](https://cdn.door43.org/obs/jpg/360px/obs-en-13-11.jpg)

મુસા ઘણે દિસ હુધી દેવાચે હારીં ગોઠ કરત સીનાઈ ડોગરાવર રહીન. લોક તાચે આઝુન યેવચીં વાઠ નાંઘુને કંટાળૂ જાવ. તાચેન તે હારુનસીં સોનું ઘીહુંને યાવ. ને તાદય તાંહ્ચે સાઠીં મૂર્તિ બનાવોંદય આખી.

![](https://cdn.door43.org/obs/jpg/360px/obs-en-13-12.jpg)

હારુનને તાંહચે ભાગ સોનાચી મૂર્તિ બનાવી ને તાચો આકાર વાછરડા જશો આશી. લોક જંગલી જશે મૂર્તિચી પૂજા કરોં મંડીન ને તાદય બલિદાન ચઢાવોં મંડીન, દેવ તાહચેશીં ઘણો ખંતવાન ને તાંહચો નાશ કરોંચો વીચાર કરી.

![](https://cdn.door43.org/obs/jpg/360px/obs-en-13-13.jpg)

પણ મુસાને તાંહચે સાઠીં પ્રાર્થના કરી ને દેવાને તાચી પ્રાર્થના આયકી ને તાંહ્ચો નાશ નાહાં કરી. જંય મુસા ડોગરાવરશીં બુડા યાવ ને તેહેં મૂર્તિ નાંગી તંય તો અલો ખંતવાન કાય તેહેં તે દગડ જાવર દેવાયે દસ આજ્ઞા લખને આશી તાંહદય આફળૂને તોઢું મેલી.

![](https://cdn.door43.org/obs/jpg/360px/obs-en-13-14.jpg)

તંય મુસાને તે મૂર્તિદય ખાઢુંને તાચો ભુક્કો બનાવું દીન ને તે ભુક્કાદય તેહેં પાણીમાં મેળવું લોકાંદય પાજી. દેવાને લોકાંવર બીમારી દવડી ને તાહચેમાંચે ઘણાંચો મરણ હોન.

![](https://cdn.door43.org/obs/jpg/360px/obs-en-13-15.jpg)

મુસા દુસરીવાર ડોગરાવર ચઢીન ને દેવાદય લોકાંદય માફ કરોં પ્રાર્થના કરી. દેવાને મુસાચો આયકી ને તાંહદય માફ કરી મુસા ને જે દગડ તોડને આશી તાચે જગ્યાવાર તેહેં દુસરે દગડાવર દસ આજ્ઞા લખી, તાચેમંગે દેવ ઇઝરાયલીહાંદય સીનાઈ ડોગરાપાશીં વાયદાચે દેશ વાટે પુઢે ઘીંહું જાવ.

*બાઈબલચી કાહની નિર્ગમન ૧૯-૩૪*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_13_128kbps.m4a

## 14. રાનમાં આટે તાટે

https://openbiblestories.org/l/vav-x-dauri/story-14/

![](https://cdn.door43.org/obs/jpg/360px/obs-en-14-01.jpg)

દેવ તાચે વાયદાચે ભાગ જે નિયમ તાંહચે પાસશીં પાળવોં વીચારત આશી તે આખી મંગે તાંહે સિનાઈ ડોગર છોડી.દેવાને તાંહદય વાયદાચો દેશ જો કનાન આખાત આશી તાચે વાટે તાંહદય ધીહું જાંવચી શરવાત કરી, ગમેઘસ્તંભ કનાન વાઠીન પુઢે જાય ને તે તાચે મગલાટીન જાવ.

![](https://cdn.door43.org/obs/jpg/360px/obs-en-14-02.jpg)

દેવાને ઈબ્રાહીમ, ઈશહાક અને યાકુબદય વાયદો ઓપનો આશી કાય તો તાંહચે વંશજોદય તો વાયદાચો દેશ ઓપય્દ,પણ આતાં તથય ઘણે દેશજાતી રહત આશી, તાંહદય કનાની આખવામાં યેત આશી. કનાની લોક દેવચી ભક્તિ નાંહા કરત આશી. કાય તાચે આજ્ઞા પણ માનત નાહાં આશી. તે ઠગ દેવચી ઉપાસના ને ખરાબ કામ કરત આશી.

![](https://cdn.door43.org/obs/jpg/360px/obs-en-14-03.jpg)

દેવાને ઇઝરાયલીહાંદય આખી, “તુમદય વાયદાચે દેશમાં આખે કનાની હાંશી છુટો હોવચોં, તાંહ્ચે હારી ભાગીદારી નાહાં કરોંચી ને તાંહાચે હારીં વરાડ પણ નાહા કરોચોં.તુમદય તાંહ્ચી મૂર્તિચો નાશ કરોંચોં.જો તુમી માઝે આજ્ઞા પ્રમાણે નાહા રહા તે તુમીં માંઝે જગ્યાવર તાંહચે મૂર્તિચો ભજન કરઝા."

![](https://cdn.door43.org/obs/jpg/360px/obs-en-14-04.jpg)

જંય ઇઝરાયલી લોક કનાનચે સિંવાડાવર આવ, મુસાને બાર માણસાંદય પસંદ કરી. ઇઝરાયલચે આખે કુળમાંશી એક તેંહેં તે માણસાંદય તે દેશચી ગોઠ ઘેમદય દવડી કાય તો દેશ કોનાંચે જશો આહાય તો નાંગા. તાંહદય કનાનીહાંચી પણ ગોઠ ઘેંવદય આખી કાય તેતાકાતવાળે આહત કાય કમજોર.

![](https://cdn.door43.org/obs/jpg/360px/obs-en-14-05.jpg)

બાર માણુંસ ચાલીશ દિસ હુધી કનાનમાં હીંડીનને તાચે મંગે તે આઝુન યાવ, તાહેં લોકાંદય આખી, “દેશચી જાગા ફળ દેય તશી આહાય ને તામાં ઘણો પીક હોત આહાય," પણ તામાંચે દસ જાસુસ આહેં આખી“, શહેર ઘણો મજબુત આહાય ને લોક મજબુત આહાત! જો આપણી તાંહવર હમલો કરોંવ તે, તે નક્કી આપણાંદય હારવું ને મારું મેલીત!’’

![](https://cdn.door43.org/obs/jpg/360px/obs-en-14-06.jpg)

લગેંચ કાલેબ ને યહોશુઆ, દુસરે દોન જાસુસહાં આખી, “યો ખરો આહાય કાય કનાનચે લોક ઉંચે ને મજબુત આહાત,પણ નક્કી આપણી તાંહદય હારવું શકોંવ ! દેવ આપણાં સાઠી લડાઈ કરય્દ !”

![](https://cdn.door43.org/obs/jpg/360px/obs-en-14-07.jpg)

પણ લોકાંહેં કાલેબ ને યહોશુઆચો આયકી નાંહા, તે મુસા ને હારુન વર ખીજવાન ને આખી, “કાય સાઠીં તું હામદય યે ખતરનાક જગ્યામાં ધીહું યાવહામી અથય લઢાયમાં મરોંવ તાચે કરતાં ને હામચે બાઇલોં ને પોસે ગુલામ બનત તાચે કરતાં હામદય મિસરમાં રહવોં પડત આશી.લોક મિસરમાં આઝુન જાંવદય સાઠીં દુસરે આગેવાન નક્કી કરોં હેરત આશી.

![](https://cdn.door43.org/obs/jpg/360px/obs-en-14-08.jpg)

દેવ તાંહ્ચેશી ઘણો ખીજવાન ને તો મુલાકાત માંડવામાં યાવ, દેવાને તાંહદય આખી. કશા કાય તુમી માંઝે સામે ગુનો કરી આહાય, તાચેન તુમીં આખે લોક રાનમાં અથય તથય હિડંઝા. કાલેબ ને યહોશુઆદય છોઢુંને, આખે જણ જે વીસ વરસ અગર તાચેશીં મટેહોવે તે મરીથને કંયપણ વાયદાચે દેશ માં જાવાય્દનાહાં.

![](https://cdn.door43.org/obs/jpg/360px/obs-en-14-09.jpg)

જંય લોકાંહે તો આયકી તંય લોક પોતાહેં કરને પાપ સાઠીંદુખી હોન. તાહેં પોતાચે હથિયાર ધીદ ને કનાન દેશચે લોંકાવર હમલો કરી. મુસાને તાંહદય જાંવદય ના પાડી, કશા કાય દેવ તાંહચે હારીં નાંહાં આશી, પણ તાંહે તાચો આયકી નાહા.

![](https://cdn.door43.org/obs/jpg/360px/obs-en-14-10.jpg)

દેવ તાંહ્ચે હારી યે લડાઈ માં જાવ નાહાં ને તાંહચી હાર હોન ને તાંહચેમાચે ઘણે લોકાંચો મરણ હોન. તંય ઇઝરાયલી કનાનશીં આઝુન યાવ ને ચાલીસ વરીસ તે રાનમાં ભટકત હીડીંન.

![](https://cdn.door43.org/obs/jpg/360px/obs-en-14-11.jpg)

યે ચાલીસ વરીસમાં ઇઝરાયલી લોક રાનમાં ભટકત હીડીંન તે વખતે દેવાને તાંહચો પોષણ કરી. તેહેં તાંહદય ડાંબરાચી ભાકર જી માન્ના આખાય તી ઓપી, તેહેં ઘણેલાવરી દવડી [ જો વધારે મટો હું નાહા ને બારીક હું નાહા અશો આહાય ]ને તાંહ્ચે તંબુમાં વચ્ચેતાંહદય આણી કાય તે માંસ ખાહું શકત. યે ટાઈમમાં દેવાને તાંહચે કપડે ને તાંહચે ચંપલ ફાટોં દિન નાંહા.

![](https://cdn.door43.org/obs/jpg/360px/obs-en-14-12.jpg)

દેવાને તાંહદય ચમત્કારમાં ખડકમાશીં પાણી ઓપી. પણ યો આખો તરી, ઇઝરાયલચે લોકાહેં દેવ ને મુસા વિરૂદ્ધ કચકચ કરી, તરી પણ ઈબ્રાહીમ,ઇસહાક. ને યાકુબ સાઠીંચે પોતાચે વાયદા સાઠીં વિશ્વાસુ રહીન.

![](https://cdn.door43.org/obs/jpg/360px/obs-en-14-13.jpg)

દુસરીવાર જંય લોકાંવર પાણી નાહા આશી. દેવાને મુસાદય આખી,"ડોગરાદય આખ ને પાણી બાહેર યેદ “પણ મુસાને આખે લોકાશીં દેવાચી આજ્ઞા પાળી નાહા ને ડોગરાદય આખોચેં બદલે તેહેં દોન વાર ડોગરાદય લાકડી આલોટી, આખે લોકા સાઠીં ખડકમાશીં પાણી નીઘું યાવ, પણ દેવ મુસાવર ખીજવાન ને આખી, “તું વાયદાચે દેશમાં જાહિશ નાહા.”

![](https://cdn.door43.org/obs/jpg/360px/obs-en-14-14.jpg)

ચાલીસ વરસ હુધી ઇઝરાયલી લોક રાનમાં ભટકત હિડીંન તાચે મંગે તે આખે જાહેં દેવાચે વિરુદ્ધ ગુસ્સો કરનો આશી તે આખે મરીન. તાચે મંગે દેવ લોંકાદય વાયદાચે દેશચે સિવાંડાવર ધીહું જાવ. મુસા આતાં ઘણો ડવર હોનો આશી. તાચેન દેવાને યહોસુઆદય લોકાંદય દોરવણી ને તાંહચી મદદ કરોંદય સાઠીં પસંદ કરી. દેવાને મુસાદય વચન ઓપનો કાય એક દિસ તો મુસા જશો પ્રબોધક દવડય્દ.

![](https://cdn.door43.org/obs/jpg/360px/obs-en-14-15.jpg)

તંય દેવા ને મુસાદય આખી કાય તું ડોગરાવર એકદમ ઉપર ચઢ કાય તું વાયદાચો દેશ નાંઘું સકસમુસા ને વાયદાચો દેશ નાંગી પણ તેહેં તામાં જાંવચી છુટ ઓપી નાહાં, તંય મુસાચો મરણ હોન ને ઇઝરાએલને તીસ દિસ લગન દુઃખ માં રહીન, યહોસુંઆ તાંહ્ચો નવો આગેવાન બનીન. યહોસુઆ બેસ આગેવાન આશી કશા કાય તો દેવાચે આજ્ઞા માનત આશી.

*બાઈબલચી  કાહની  નિર્ગમન ૧૬-૧૭,  ગણના ૧૦-૧૪,  ૨૦:૨૭,  પુનૅનિૅયમ ૩૪*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_14_128kbps.m4a

## 15. વાયદાચો દેશ

https://openbiblestories.org/l/vav-x-dauri/story-15/

![](https://cdn.door43.org/obs/jpg/360px/obs-en-15-01.jpg)

છેલ્લે, ટાઈમ યીહું જાવ કાય ઈઝરાયેલી લોક વાયદાચે દેશ કનાનમાં સીરાહું શકત, યહોશુઆને યરીખો શહેર કાય જો મજબુત દિવાલખલ ઉભો આશી તામાં દોન જાસુસ દવડી, શાહારામાં એક રાહાબ નાંવચી એક વેશ્યા રહત આશી તેહેં જાસુસાંદય દવડી ને તાચે મંગે તાંહદય પળોંદય મદદ કરી. તેહેં અશો કરી કશા કાય તી દેવાવર વિશ્વાસ કરત આશી. તાંહેં રાહાબ ને તાચે કુટુંબદય જંય તે યરીખોચો નાશ કરીત તંય બચાવોંચો વાયદો ઓપી.

![](https://cdn.door43.org/obs/jpg/360px/obs-en-15-02.jpg)

ઇઝરાયલી લોકાંદય વાયદાચે દેશ માં સીરામદય સાઠી યર્દન ખાડી પાર કરોંચી આશી, દેવા ને યહોશુઆદય આખી, “યાજકોદય પહલો જામ દે, "જંય યાજકાંહે પોતાચે પાંય યર્દન ખાડી માં ઠોવી ને દક્ષીણ વાઠીનચો પાણી વહોંચો બંધ હોન ને તાચેન ઇઝરાયલી ખાડીયેચે દુસરે વાઠીન સુકી જાગા વર પહોચીન.

![](https://cdn.door43.org/obs/jpg/360px/obs-en-15-03.jpg)

યર્દન ખાડી પાર કરી મંગે, દેવા ને યહોશુઆદય આખી કશોક કરું શક્તિ વાળે યરીખો શાહરાવર હમલો કરોંચો. લોકાંહે દેવાચી આજ્ઞા માની. જશાં દેવાને તાંહદય કરોં સાઠીં આખનો આશી,સૈનિકાંદય ને યાજકદય યરીખો શાહરાચે ફિરઠીન છ એક દિસામાં એક વાર અશાં છદિસ ફીરીન.

![](https://cdn.door43.org/obs/jpg/360px/obs-en-15-04.jpg)

તંય સાતમે દિસે ઇઝરાયલીઆહે શાહરામાં ફીરઠીન સાતવાર ચક્કર મારી, જંય. તે શાહરાચો છેલ્લો ચક્કર મારત આશી તંય જંય યાજકાંહે રણશીંગડો વાજવી ને સૈનીકાંહે મટે અવાજખલ આરડી.

![](https://cdn.door43.org/obs/jpg/360px/obs-en-15-05.jpg)

તંય યરીખોચી દિવાલ પઢુ જાવ! ઇઝરાયલી લોકાંદય દેવાને જશાં આજ્ઞા કરના આશી તશાં શાહરામાંચે આખાંચો નાશ કરોંચો. તાહેં રાહાબ ને તાંંચે કુટુંબદય બાકી રાખી. જો ઇઝરાયલચો ભાગ બનીન.જંય દુસરે લોક કાય જે કનાનમાં રહત આશી. તાહેં જંય આયકી કાય ઇઝરાયલી લોકાંહે યરીખોચો નાશ કરી આહાય તંય તે બીહીન કાય ઇઝરાયલીહા તાંહાવર પણ હુમલો કરીત.

![](https://cdn.door43.org/obs/jpg/360px/obs-en-15-06.jpg)

દેવા ને ઇઝરાયલી હાંદય આજ્ઞા ઓપની આશી કાય તાંહે કનાનમાંચી કચીપણ દેશજાતી હારી ગોઠ કરોંચી નાહાં, પણ કનાનીઆંહચી એક દેશ જાતી, જે ગીબયોની, આખાત, આશી, તાંહે યહોશુઆદય ઠગી કાય તે કનાનશી. હજડ દુર રહત આહત, તાહેં યહોશુઆદય દોસ્તી કરોંદય આખી.

![](https://cdn.door43.org/obs/jpg/360px/obs-en-15-07.jpg)

યહોશુઆ અગર ઇઝરાએલી લોકાંહે દેવાદય સુદકરી નાહા કાય ગીબયોની કતચે આહાત. તાચેન યહોશુઆને તાંહચે હારી શાંતિ સોગંધ કરી, ઇઝરાયલીહા જંય જાનીન કાય ગીબયોની લોકાહેં તાંહદય ઠગી આહાય તંય તે ઘણે ખીજવાન, પણ તાહેં તાંહ્ચે હારી શાંતિચે સોગંદ રાખી, કશા કાય તો દેવાચે પુઢેંચો વાયદોઆશી.થોડોક ટાઈમ મંગે. કનાન દેશચી દુસરી જાતી અમોરીઆહેં આયકી કાય ગીબયોનીઆહે.ઇઝરાયલ હારી સલાહ કરી આહાય, તાચેન તાહેં પોતાચો સૈનિક ભેગો કરી ને તાચો એક સૈના બનાવુંને ગીબયોનવર હમલો કરી. ગીબયોનીઆંહે યહોશુઆવર મદદ સાઠીં સંદેશો દવડી.

![](https://cdn.door43.org/obs/jpg/360px/obs-en-15-08.jpg)

તંય યહોશુઆને ઇઝરાયલીચી સૈના ભેગી કરીને તાંહે ગીબયોન પહોંચોં સાઠીં આખી રાત ચાલીન. સકળાચે જલ્દી તાંહે અમોરી સૈનાવર હમલો કરી.

![](https://cdn.door43.org/obs/jpg/360px/obs-en-15-09.jpg)

તે દિસેં દેવ ઇઝરાયલ સાઠીં લડીન. તેહેં અમોરીહાંદય અચંબિત કરું મેલી ને તેહેં મટે કરે દવડી તાચેખલ ઘણે અમોરી મરીન.

![](https://cdn.door43.org/obs/jpg/360px/obs-en-15-10.jpg)

દેવાને દિશાદય પણ ડાંબરામાં એક જગ્યાવર ઊભો રાખી, કાય ઇઝરાયલીહાંવર અમોરીહાંદય પૂરે રીતે હારવોંચો પૂરો ટાઈમ રહય. તે દીસેંદેવાને ઇઝરાયલ સાઠીં મટી જીત મેળવી.

![](https://cdn.door43.org/obs/jpg/360px/obs-en-15-11.jpg)

દેવાને તે સૈન્યદય હારવી મંગે, કનાનચી દુસરી જાતી,પણ ભેગી હોંહુને ઇઝરાયલવર હમલો કરોં મંડીન, યહોશુઆ ને ઇઝરાયલીઆહે તાંહવર હમલો કરુંને તાહંચો નાશ કરી.

![](https://cdn.door43.org/obs/jpg/360px/obs-en-15-12.jpg)

યે લડાઇ મંગે દેવાને ઇઝરાયલચે આખે કુળદય વચનચે દેશમાં પોતાચો ભાગ ઓપી. તાચે મંગે દેવાને ઇઝરાયલચે શીવાડામાં શાંતિ કરી.

![](https://cdn.door43.org/obs/jpg/360px/obs-en-15-13.jpg)

જંય યહોશુઆ ડવર હોન તંય તેહેં ઇઝરાયલચે આખે લોકાંદય ભેગે કરી. તંય યહોશુઆને દેવાચે સિનાઇમાં તાચે સોગંધદય માનોંચી જી શરત આશી તી તાંહદય યાદ કરવી. લોકાંહેં દેવાદય વિશ્વાસુ રહોંચો ને તાચે નિયમદય પાળોંચો વાયદો ઓપી.

*બાઈબલચી કાહની યહોશુઆ ૧-૨૪*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_15_128kbps.m4a

## 16. છોડોવનાર

https://openbiblestories.org/l/vav-x-dauri/story-16/

![](https://cdn.door43.org/obs/jpg/360px/obs-en-16-01.jpg)

યહોશુઆચે મરણ મંગે ઇઝરાયલી ઈશ્વરચી આજ્ઞા માનત નાહાં આશી, ને તાહેં બાકી રહને કનાનીહાંદય ધાઢવું કાઢી નાહાં અગર દેવાચે નિયમચો પાલન કરી નાહાં. ઈઝરાયેલીઆંહે ખરે દેવાચો ભજન કરોંચે બદલે કનાનચે દેવાચી ઉપાસના કરી. ઈઝરાયેલીમાં રાજા નાહાં આશી, તાચેન આખે જણ તાંહદય જાં બેસ લાગય તશો કરત આશી.

![](https://cdn.door43.org/obs/jpg/360px/obs-en-16-02.jpg)

ઇઝરાયલી લોકાંહેં દેવાચી આજ્ઞા પાળી નાહાં તાચેન તેહેં તાંહચે દુશ્મનાંદય તાંહવાર જીત ઓપી ને તાંહદય શિક્ષા કરી. યે દુશ્મન ઈઝરાયેલીહાંચી વસ્તુ ચોરી કરત ને તાંહચી મિલકત ચો નાશ કરત ને ઘણાંદય મારું મેલત. ઘણે વરીસ હુધી દેવાદય નાહાં માનીન મંગે ને તાંહચે દુશ્મનાખલ દબાહું રહીંન મંગે ઇઝરાયલી લોકાંહે પસ્તાવો કરી તાંહચે છુટકારા સાઠીં દેવાદય પ્રાર્થના કરી.

![](https://cdn.door43.org/obs/jpg/360px/obs-en-16-03.jpg)

તંય દેવાને તાહંચે દુશમનચે હાથમાશીં બચાવોં સાઠીં છોડોવનાર દવડી ને તાંહચે દેશમાં શાંતિ આણી. પણ તાચેમંગે લોક દેવાદય આઝૂનભૂલુંજાવ ને આઝુન મૂર્તિ પૂજા કરોં મંડીંન. તાચેન દેવ મીધ્યાનીહાંદય તાંહવર ધીહુંયાવ કાય તે તાંહદય હારવત.

![](https://cdn.door43.org/obs/jpg/360px/obs-en-16-04.jpg)

મિધ્યાની ઇઝરાયલીચો આખો પીક સાત વરીસ લગન ધીહું જાવ.ઇઝરાયલી હજડ બીહને આશી તે ગુફામાં દફું રહત આશી કાય મિધ્યાની તાંહદય ગોવસું નાહાં શકત. આખરે તાંહચે છુટકારા સાઠીં દેવાદય આરડી.

![](https://cdn.door43.org/obs/jpg/360px/obs-en-16-05.jpg)

એક દીસ ગીદયોન નામચો એક ઇઝરાયલી માણુંસ દફું ને ઘઉં મળતઆશી. કાય મિધ્યાની તાંહદય ધીહું નાહાં પળત. તંય દેવાચે દૂતેં યીંહુને ગીદીયોનદય આખી, “હે પરાક્રમી શુરવીર, દેવ તુઝે હારીં આહાય. જા ને ઇઝરાયલીહાંદય મીધ્યાનીચે હાથામાશીં છોડોવ.”

![](https://cdn.door43.org/obs/jpg/360px/obs-en-16-06.jpg)

ગીદયોનચે બાહાસપાંએક વેદી આશી જી મૂર્તિખલ ભરની આશી. દેવાને ગીદીયોનદય આખી કાય તે વેદીદય તોઢું મેલ. પણ ગીદયોન લોકાંદય બીહીન ને તેહેં રાત હોંન તાન વાટ હેરી. તાચેમંગે તેહેં તે વેદીદય તોઢું મેલી ને તાચે ટુકડે કરું મેલી. તેહેં તે જગ્યાચે બાજુમાં જથય મૂર્તિ સાઠીં અર્પણ ચઢાવજત આશી તથય તેહેં નવી વેદી બાંધી.

![](https://cdn.door43.org/obs/jpg/360px/obs-en-16-07.jpg)

દુસરે દીસેં લોકાંહેં નાંગી કાય કોની તી વેદી તોઢું મેલી આહાય. ને તાચો નાશ કરી આહાય તંય લોક ખીજાવાન. તે ગીદીયોનચે ઘરા તાદય મારું મેલોંદય સાઠીં જાવ, પણ ગીદીયોનચે બાહાસને તાંહદય આખી, "કશા સાઠીં તુમીં તુમચે દેવાદય બચાવોંદય કોશિશ કરત અહાયઝા? જો તો દેવ હોવો તે તાદય પોતાદય પોતાચોરક્ષણ કરોં દિયા.“તેહેં અશો આખી તાંચેન લોકાહેં ગીદીયોનદયમારું મેલી નાંહા.

![](https://cdn.door43.org/obs/jpg/360px/obs-en-16-08.jpg)

તાચે મંગે આઝુન મિધ્યાની ઈઝરાયેલીહાંદય લૂટોંદય યાવ તે અલાં ઘણાં આશી કાય તાહંચી ગણતી હોહું શકય નાહાં. ગીદીયોનને ઇઝરાયલીહાંદય તાંહચે હારીં લઢોં સાઠીં ભેગે કરી. ગીદીયોનને દેવાદય દોન નિશાની દેવંદય આખી કાય તાદય ખાતરી હોય કાય દેવ તાદય ઈઝરાયેલી હાંદય બચાવોં સાઠીં વાપર કરય્દ.

![](https://cdn.door43.org/obs/jpg/360px/obs-en-16-09.jpg)

પહલી નીશાની, ગીદીયોનને કપડો ધીદને તાદય બાહેર જમીનવર ઠોવી ને દેવાદય આખી કાય સકાળચે યે કપડાવર જ થાર પડય્દ ને જમીન વર નાહાં. દેવાને તશાં કરી. દુસરે રાતચે, તેહેં દેવાદય આખી કાય જમીન ભિજવાં પડ્ય પણ કપડો નાહાં. ને દેવાને તો પણ કરી. યે દોન નિશાનીને ગીદીયોનદય ખાતરી ઓપી કાય દેવ ઇઝરાયલીહાંદય મિધ્યાનીહાંચે હાથમાંશીં બચાવોં માગત આહાય.

![](https://cdn.door43.org/obs/jpg/360px/obs-en-16-10.jpg)

૩૨,૦૦૦ ઈઝરાયેલી સૈનિક ગીદીયોનસીં યાવ, પણ દેવાને તાદય આખી કાય તે હજડ ઘણે આહાત. તાચેન ગીદીયોનને ૨૨,૦૦૦ લોક જે લડાઈશીં બીહત આશી તાંહદય આઝુન ઘરા દવડી. દેવાને ગીદીયોનદય આખી કાય આઝુન પણ માણુસ ઘણે આહાત, તાચેન ગીદીયોનને ૩૦૦ સૈનિક સિવાય આખાંદય આઝુન ઘરા દવઢું દીન.

![](https://cdn.door43.org/obs/jpg/360px/obs-en-16-11.jpg)

તે રાતચે દેવાને ગીદીયોનદય આખી, “બુડા મિધ્યાની રહત તથયજા ને જંય તું તે જાં આખત તાં આયખીશ તંય તું ઘણો બિહશ નાખે."તાચેન તે રાતચે ગીદીયોન તથય જાવ ને એક મિધ્યાની સૈનિકને તાચે દોસ્તારદય તેહેં જો સપનામાં નાંગંનો આશી. તે બારામાં આખતાં આયકી તે માણસાચે દોસ્તારને આખી, “યે સપનામો મતલબ આહાય કાય ગીદીયોનચી સૈના મિધ્યાનીહાંચીસૈનાદય હારવય્દ!” જંય ગીદીયોનને યો આયકી તંય તેંહેં દેવાચી સ્તુતિ કરી.

![](https://cdn.door43.org/obs/jpg/360px/obs-en-16-12.jpg)

તાચેમંગે તે પોતાચે સૈનિકાંસીં આઝુન જાવ ને તાંહદય તેહેંરણશિગડું, માટીચે વેડંલે ને દીવે ઓપી. તાહેં મિધ્યાનીસૈનિક જથય નિદકરત આશી તે જ્ગ્યાદય ઘેરું ધીદ. ગીદીયોનચે ૩૦૦ સેનિક વર વેડંલામાં દીવે આશી તાચેન મિધ્યાની તાંહચે દીવાચે ઉજેડદય નાઘું શકીન નાહા.

![](https://cdn.door43.org/obs/jpg/360px/obs-en-16-13.jpg)

તંય ગીદીયોનચે સૈનીકાંહેં એક હારીં વેંડલે ફોડું મેલી ને અચનાક દીવાચોઉજેડ હોંવંદય મંડીંન. તાહેં પોતાંચો રણશીંગડો વાજવી, ને મટો અવાજ કરી “યહોવાચીને ગીદીયોનચી તલવાર!”

![](https://cdn.door43.org/obs/jpg/360px/obs-en-16-14.jpg)

દેવાને મિધ્યાનીહાંદય ગુંચવણમાં પાડી, તાચેન તાહેં એકદુસરાદય મારું મેલ્હો ને હમલો કરોં સાઠીંશુરવાત કરું દીન. લગેંજ બાકીચે ઈઝરાયેલીહાંદય તાંહચે ઘરામાશીં સાદવામાં યાવ કાય તે મિધ્યાનીહાંચે મગલાઠીન પડત. તાહેં તાંહચેમાચે ઘણાંદય મારું મેલ્હી ને બાકીચેઆંહે ઈઝરાયેલીહાંચી જગામાંશી ધાઢવું ઠોવી ને તાંહચે માગલાઠીન પડીન. ૧,૨૦,૦૦૦ મિધ્યાની તે દિસેં મરીન. દેવાને ઇઝરાયલદય બચાવી.

![](https://cdn.door43.org/obs/jpg/360px/obs-en-16-15.jpg)

લોક ગીદીયોનદય તાંહચો રાજો બનાવોં હેરત આશી.ગીદીયોનને તાંહદય તશો કરોં દિન નાહાં, પણ તેહેં તાંહદય સોનાચે જે કુંડળ તાંહેં મિધ્યાનીપાશીં ધીદને આશી તે આણો આખી. લોકાંહે ગીદીયોનદય ઘણો સોનો ઓપી.

![](https://cdn.door43.org/obs/jpg/360px/obs-en-16-16.jpg)

તંય ગીદીયોનને તે સોનાચો ઉપયોગ ખાસ ડગલે કાય જે મુખ્ય યાજક ભરત આહાત તે બનાવોં કરી. પણ લોકાંહેં તાંહદય મૂર્તિચે જશો ભજોંદય શુરવાત કરી. તાચેન દેવાને આઝુન ઈઝરાયલીહાંદય શિક્ષા કરી કશા કાય તે મૂર્તિચી ઉપાસના કરત આશી. દેવાને તાંહચે દુશમનદય તાંહદય હારવોંચી છૂટ ઓપી.ને છેલ્લે તાંહેં આઝુન દેવાચી મદદ માગીને દેવાને તાંહદય છોડવોંદય દુસરો કોનાંદય દવડી.

![](https://cdn.door43.org/obs/jpg/360px/obs-en-16-17.jpg)

યી બાબત કાયમ હોત રહીન, ઇઝરાયલીહાં પાપ કરત, દેવ તાંહદય શિક્ષા કરય, તે પસ્તાવો કરત ને દેવતાંહદય છોડવોં સાઠીં છોડોવનાર દવડ્ય.ઘણે વરીસ હુધી, દેવાને ઇઝરાયલી હાંદય તાંહચે દુશ્મનચે હાથામાંશીં છોડવોં સાઠીં છોડોવનાર દવડી.

![](https://cdn.door43.org/obs/jpg/360px/obs-en-16-18.jpg)

છેલ્લે, લોકાંહે દેવાપાં રાજા માગી જશો દુસરે દેશપાં આશી તશો. તે ઊંચો ને મજબુત રાજો માગત આશી જો તાંહદય લડાઈમાં આગેવાની ઓપય.દેવાદય તાંહચી યી પ્રાર્થના ગમીન નાહાં, પણ તાંહે જશે રાજાચી માંગણી કરની આશી તશાં તેહેં તાંહદય રાજો ઓપી .

*બાઈબલચી કાહની  ન્યાયધીશો ૧-૩, ૬-૮*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_16_128kbps.m4a

## 17. દેવાચો દાઉદ હારીંચો વાયદો

https://openbiblestories.org/l/vav-x-dauri/story-17/

![](https://cdn.door43.org/obs/jpg/360px/obs-en-17-01.jpg)

શાઉલ ઇઝરાયલચો પહલો રાજા આશી. લોકાંચી ઈચ્છા આશી તશોજ તો ઊંચો ને દેખાવડો આશી. શાઉલને જંય શુરવાતચે વરીસમાં ઇઝરાયલવર રાજ કરી તંય તો બેસ રાજા આશી. પણ તાંચે મંગે તો ખરાબ માણુસ બનું જાવ. તેહેં દેવાચી આજ્ઞા માની નાહાં. તાચેન દેવાને અલગ માણસાદય પસંદ કરી. જો એક દિસ તાચે જગ્યાવર રાજ કરય.

![](https://cdn.door43.org/obs/jpg/360px/obs-en-17-02.jpg)

દેવાને જુવાન ઇઝરાયલી જાચો નાંવ દાઉદ આશી તાદય શાઉલ મંગે રાજા તરીકે પસંદ કરી. દાઉદ બેથલેહેમ ગાંવાંમાં ભરવાડો આશી. એકવાર જંય દાઉદ તાચે બાહાસચે ઘેંટાંદય ચારત આશી, તંય તે દાઉદને ઘેટાંવર હમલો કરનાર ખડયાદય ને ભાલુદય દોનાંદય મારું મેલને આશી. દાઉદ નમ્ર ને ન્યાયી માણુસ આશી જો દેવાવર વિશ્વાસ કરત આશી ને તાચી આજ્ઞા પાળત આશી.

![](https://cdn.door43.org/obs/jpg/360px/obs-en-17-03.jpg)

દાઉદ મહાન સૈનિક ને આગેવાન બનીન. જંય દાઉદ આઝુન તે જુવાન આશી. તો ગોલ્યાથ નાંવચે મટે યોદ્ધા હારીં લઢીન. ગોલ્યાથ તાલીમ ધીદનો સૈનિક આશી. ઘણો બળવાન ને તીન મીટર ઊંચો આશી. પણ દેવાને દાઉદદય ગોલ્યાથદય મારોંદય ને ઇઝરાયલદય બચાવોં મદદ કરી. તાચેમંગે દાઉદને ઇઝરાયલચે દુશ્મનાંવર ઘણે જીત મેળવી તાચે લીધે લોકાંહેં તાચી પ્રશંસા કરી.

![](https://cdn.door43.org/obs/jpg/360px/obs-en-17-04.jpg)

દાઉદ સાઠીં લોકાંચો પ્રેમ નાધુંને શાઉલદય જલન હોન. શાઉલ ને તાદય મારું મેલોં સાઠીં ઘણેવાર કોશીશ કરી. તાચેન દાઉદ શાઉલશીં દપીન. એક દિસ શાઉલ દાઉદદય મારું મેલોં સાઠીં ગોવશત આશી. શાઉલ તેજ ગુફામાં જાવ જથય દાઉદ શાઉલશીં દફું રહત આશી, પણ શાઉલને તાદય નાંગી નાહાં.દાઉદ શાઉલચે એકદમ પાસ આશી ને તાદય મારું મેલતો પણ તેહેં તશો કરી નાહાં તાચે બદલે દાઉદને શાઉલચે કપડાંચી કોર કાફું ધીદ યો સાબિત કરોં સાઠીં કાય રાજા બનો સાઠીં તો કદાચ તાદય મારું શકત આશી.

![](https://cdn.door43.org/obs/jpg/360px/obs-en-17-05.jpg)

છેલ્લે, શાઉલ લઢાઈમાં મરું જાવને દાઉદ ઇઝરાયલચો રાજા બનીન. તો બેસ રાજા આશી ને લોક તાદય બેસ કરત આશી દેવાને દાઉદદય આશીર્વાદ કરી ને તાદય સફળ બનાવી દાઉદ ઘણે લઢાઈ લઢીન ને દેવાને ઇઝરાયલચે દુશ્મનાંદય હારવોંદય દાઉદચી મદદ કરી. દાઉદ ને યરૂશાલેમ જીતું ધીદ ને તાદય રાજધાની બનાવી. દાઉદચે શાસનચે ટાઈમ ઇઝરાયલ શક્તિવાળો ને સમૃદ્ધ બનીન.

![](https://cdn.door43.org/obs/jpg/360px/obs-en-17-06.jpg)

દાઉદએક ભક્તિસ્થાન બાંધો માગત આશી જથય આખે ઇઝરાયલી લોક દેવાચી આરાધના કરું શકત ને તાદય અર્પણ ચઢાવું શકત, ૪૦૦ વરીસ હુધી લોક મુસાને બાંધને મુલાકાત માંડવામાં દેવાચી આરાધના કરત આશી ને તાદય અર્પણ ચઢાવત આશી.

![](https://cdn.door43.org/obs/jpg/360px/obs-en-17-07.jpg)

પણ દેવાને નાથાન પ્રબોધકદય યો સંદેશો હારીં તાદય દાઉદશીં દવડી, તું યુદ્ધ કરનારો ગોહલો આહાશ, તાચેન તું માંઝે ભાગ ભક્તિસ્થાન બાંધીસ નાહા.તુઝો પોસો તો બાંધય્દ, પણ મંય તુદય ઘણો આશીર્વાદિત કરંય્દ. તુઝે વંશજોમાંશીં એક કાયમ માઝે લોકાંવર રાજ કરય્દ!દાઉદચો એકુજ વંશજ કાય જો કાયમ રાજ કરય્દ તો તે ખ્રિસ્ત આહાય, “ખ્રિસ્ત તો દેવાચો પસંદ કરનો અશો એક આહાય, જો જગતચે લોકાંદય તાંહચે પાપશીં તારણ ઓપય્દ.

![](https://cdn.door43.org/obs/jpg/360px/obs-en-17-08.jpg)

જંય દાઉદને યે શબ્દ આયકી, તેહેં લગેંજ દેવાચી આભારસ્તુતિ કરી. કશા કાય તેહેં દાઉદદય ઘણો માન ઓપી ને ઘણે આશીર્વાદ ઓપી. દાઉદને જાનનો નાહાં આશી કાય દેવ કંય યી બાબત કરય્દ. પણ યો હોય તે સાઠીં ખ્રિસ્તચે યેવાં વિષે ઇઝરાયલીહાંદય ઘણો લાંબો સમય વાટ નાંગવાં પડય્દ, ૧૦૦૦ વરસ હુધી.

![](https://cdn.door43.org/obs/jpg/360px/obs-en-17-09.jpg)

દાઉદને ન્યાયી ને વિશ્વાસુ રહુંને ઘણે વરસ હુધી રાજ કરી ને દેવાને તાદય આશીર્વાદ ઓપી. જો કાય, તાચે જીવનચે અંતમાં તેહેં દેવાચે વિરુદ્ધ મટામાં મટો પાપ કરી.

![](https://cdn.door43.org/obs/jpg/360px/obs-en-17-10.jpg)

એક દિસ, જંય દાઉદચે સૈનિક યુદ્ધ કરોં સાઠીં બાહેર જાયને આશીં, તંય તેહેં પોતાચે મહેલ વરસીં એક બેસ બાઈલેદય આંઘળત નાંગી. તેચો નાંવ બેથશેબા આશી.

![](https://cdn.door43.org/obs/jpg/360px/obs-en-17-11.jpg)

નજર ફીરવું ધેવંચે બદલે દાઉદને કોનાંદય તે બાઈલેદય સાધું આનોંદય દવડી. તો તેચે હારીં નીંદકરીન ને મંગે તેદય તાચે ઘરા આઝુંન દવડી થોડોક ટાઈમ મંગે બેથશેબા દાઉદદય સંદેશો દવડય કાય તી મહિનાવાળી આહાય.

![](https://cdn.door43.org/obs/jpg/360px/obs-en-17-12.jpg)

બેથશેબાચો નોવરો, જાચો નાંવ ઉરીયા આશી, તો દાઉદચો બેસ સૈનિક આશી. દાઉદને ઉરીયાદય લઢાઈમાશીં સાદીને તાદય આખી કાય તો પોતાચે બાઈલેસીં જાય. પણ દુસરે સૈનિક લઢાઈમાં રહત ને મંય ઘરા જાંય, તી ગોઠ ઉરીયાને માની નાહાં. તાચેન દાઉદને ઉરીયાદય લઢાઈમાં આઝુન દવડી ને સેનાપતિદય અસાં આખી કાય તાદયજ્થય દુશ્મનાચે ઘણે પ્રહાર હોય તથય તાદય આગળ ઠોવઝા, કાય તાદય મારું મેલવામાં યેય.

![](https://cdn.door43.org/obs/jpg/360px/obs-en-17-13.jpg)

ઉરીયાચે મરણ મંગે, દાઉદ બેથશેબાચે હારીં વરાડાન. તાચેમંગે, તેહેં દાઉદચે પોસાદય જલમ ઓપી. દાઉદને જાં કરી આશી તે બારામાં દેવ ઘણો ખંતવાન, તાચેન તેહેં નાથાન પ્રબોધકદય દાઉદપાં દવડી યો દાખવોં કાય તેહેં કલોક મટો પાપ કરનો આશી. દાઉદને તાચે પાપચો પસ્તાવો કરી ને દેવાને તાદય માફ કરી. બાકીચે જીવનમાં, દાઉદ દેવાચે મગલાઠીન ચાલીન ને આજ્ઞા પાળી, તાચે મુશ્કેલીચે ટાઈમમાં પણ.

![](https://cdn.door43.org/obs/jpg/360px/obs-en-17-14.jpg)

દાઉદચે પાપચે શિક્ષામાં તાચો પોસો મરું જાવ. દાઉદચે જીવન પર્યંત તાચે કુટુંબમાં લઢાઈ ચાલીન ને દાઉદચો સામર્થ્ય નબળો હોન. જો કાંય, દાઉદ દેવાચે હારીં અવિશ્વાસુ રહીન, પણ દેવ તાહંચે વાયદાહારીં વિશ્વાસુ આશી. તાચેમંગે, દાઉદને બેથશેબાદય દુસરો એક પોસો હોન ને તાહેં તાચો નાંવ સુલેમાન પાડી.

*બાઈબલચી કાહની : ૧શમુએલ :૧૦ -૧૫ ; ૧૯,૨૪,૩૧,  ૨ શમુએલ :૫, ૭, ૧૧-૧૨*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_17_128kbps.m4a

## 18. છુટે પાડને રાજ્ય

https://openbiblestories.org/l/vav-x-dauri/story-18/

![](https://cdn.door43.org/obs/jpg/360px/obs-en-18-01.jpg)

ઘણે વરીસ મંગે, દાઉદ મરીન ને તાચો પોસો સુલેમાન ઇઝરાયલ વર રાજ કરોં મંડીન. દેવાને સુલેમાનદય આખી તુદય જો માગોંચો હોવો તો માગ. જંય સુલેમાનને જ્ઞાન માગી તંય દેવ તાચેશીં હજડ ખુશ હોન ને તાદય દુનિયામાં આખાંચે કરતાં વધારે જ્ઞાની માણુસ બનાવી.સુલેમાન ઘણી ગોઠ શીખીન ને ઘણો ન્યાયી ન્યાયાધીશ બનીન. દેવાને તાદય વધારે માલ-મિલકતવાળો બનાવી.

![](https://cdn.door43.org/obs/jpg/360px/obs-en-18-02.jpg)

યરુશાલેમમાં સુલેમાનને ભક્તિસ્થાન બાંધી જાચે સાઠીં તાચે બાહાસ દાઉદને યોજના બનાવની આશી ને સામાન ભેગો કરનો આશી. લોક આતાં મુલાકાત માંડવાચે જગ્યાવર ભક્તિસ્થાનમાં બલિદાન ચઢાવોં મંડીન ને દેવાદય ભજન કરોં મંડીન, દેવ ભક્તિસ્થાનમાં હાજર આશી ને તો તથય તાચે લોકાંહારીં રહત આશી.

![](https://cdn.door43.org/obs/jpg/360px/obs-en-18-03.jpg)

પણ સુલેમાનદય દુસરે દેશચી બાઈલ હારીં પ્રેમ હોન, તેહેં તામાંચે ૧૦૦૦ બાઈલાંહારીંવરાડ કરી ને તેહેં ઘણે બાઇલોંં કરી ને દેવાચી આજ્ઞા પાલન નાહાં કરી, તામાંચે ઘણે બાઈલોં કાય જે દુસરે દેશચે આશી તે તાંહચે દેવાદય ધીહું યાવ ને તાંહચી ઉપાસના કરોંચો તાહેં ચાલુ રાખી. જંય સુલેમાન ડવર હોન તંય તેહેં પણ મૂર્તિહાંચી ઉપાસના કરી.

![](https://cdn.door43.org/obs/jpg/360px/obs-en-18-04.jpg)

દેવ સુલેમાનશીં ખંતવાન ને તો અવિશ્વાસી જશો રહીન તાચી શિક્ષા તેહેં ઇઝરાયલ દેશદય સુલેમાનચે મરણ મંગે દોન રાજ્યમાં વાંટોચો વાયદો ઓપી.

![](https://cdn.door43.org/obs/jpg/360px/obs-en-18-05.jpg)

સુલેમાનચે મરણ મંગે તાચો પોસો રહાબઆમ રાજા બનીન. રહાબઆમ મુર્ખ માણુસ આશી.ઇઝરાયલચો આખો રાજ્ય તાદય રાજા બનાવોં સાઠીં ભેગો હોન. તાહેં રહાબઆમદય ફરીયાદ કરી કાય સુલેમાનને હામદય હજડ મજુરી કરવી આહાય ને વધારે કર ઠોવી આહાય.

![](https://cdn.door43.org/obs/jpg/360px/obs-en-18-06.jpg)

રહાબઆમને મૂર્ખતાશીં તાંહદય જવાબ ઓપી. “તુમીં અશો વીચારત આહાયઝા કાય માંઝે બાહસને તુમપાં વધારે મજુરી કરવી આહાય. પણ મંય તાચે કરતાં પણ વધારે મજુરી તુમવર મેલંય્દ.ને તાચે કરતાં પણ વધારે શિક્ષા કરંય્દ.’’

![](https://cdn.door43.org/obs/jpg/360px/obs-en-18-07.jpg)

ઇઝરાયલચે દસ કુળને રહાબઆમ વિરુદ્ધ લઢાઈ કરી. ખાલી દોન કુળુજ તાદય વિશ્વાસુ રહીન, યે દોન કુળ યહુદાચો રાજ્ય બનીન.

![](https://cdn.door43.org/obs/jpg/360px/obs-en-18-08.jpg)

ઇઝરાયલચે બાકીચે દસ કુળ કાય જાહેં રહાબઆમચો વિરુદ્ધ કરનો આશી તાંહે યરોબઆમ નાંવચે એક માણસાદય તાંહચો રાજા તરીકે નીમી. તાહેં પોતાચો રાજ્ય દેશચે ઉતર ભાગમાં સ્થાપના કરી ને તાહેં ઇઝરાયલચો રાજ્ય આખી.

![](https://cdn.door43.org/obs/jpg/360px/obs-en-18-09.jpg)

યરોબઆમને દેવાચો વિરોધ કરી ને લોકાંદય પાપ કરોં શીખવી.તેહેં દેવાચી આરાધના કરોંચેં બદલે તાચે લોકાંસાટીં યહુદાચે રાજ્યચે ભક્તિસ્થાનમાં દોન મૂર્તિચી સ્થાપના કરી.

![](https://cdn.door43.org/obs/jpg/360px/obs-en-18-10.jpg)

યહુદાચો રાજ્ય ને ઇઝરાયલચો રાજ્ય દુશ્મન બનું જાવ ને એક દુસરાંચે હારી કાયમ લઢોં મંડીન.

![](https://cdn.door43.org/obs/jpg/360px/obs-en-18-11.jpg)

ઇઝરાયલચે નવે રાજ્યમાં આખે રાજા ખરાબ આશી. ઘણે રાજાદય દુસરે ઇઝરાયલી કાય જે તાંહચે જગ્યાવર રાજા બનો માગત આશી તાંહચેખલ મારું મેલવામાં યાવ.

![](https://cdn.door43.org/obs/jpg/360px/obs-en-18-12.jpg)

ઇઝરાયલ રાજ્યચે આખે રાજા ને લોક મૂર્તિચી પૂજા કરત આશી. તાંહચી મૂર્તિપૂજામાં ઘણેવખત જાતિય અનૈતિકતા ને પોસાંચે બલીદાનચો કામ પણ કરત આશી.

![](https://cdn.door43.org/obs/jpg/360px/obs-en-18-13.jpg)

યહુદાચે રાજે દાઉદચે વંશજો આશી. તાંહચે ઘણે રાજે બેસ આશી જાહેં ન્યાયશીં રાજ કરી ને દેવચી આરાધના કરી. પણ યહુદાચે ઘણે રાજે ખરાબ, ભ્રષ્ટ ને મૂર્તિપૂજક આશી. કલેખાંડ રાજાહેં તે તાંહચે પોસાંચો પણ ખોટે દેવા આગળ બલીદાન કરનો આશી. યહુદાચે મટેભાગચે લોક દેવ વિરુદ્ધ જાવ ને દુસરે દેવાંચી ઉપાસના કરી.

*બાઈબલચી કાહની : ૧રાજા :૧ -૬ ; ૧૧-૧૨*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_18_128kbps.m4a

## 19. પ્રબોધક

https://openbiblestories.org/l/vav-x-dauri/story-19/

![](https://cdn.door43.org/obs/jpg/360px/obs-en-19-01.jpg)

ઇઝરાયલચે આખે ઈતિહાસમાં દેવાને પ્રબોધકાંદય દવડી, પ્રબોધક દેવાપાસીં સંદેશો આયકત ને તાચે મંગે લોકાંદય તો સંદેશો આખત.

![](https://cdn.door43.org/obs/jpg/360px/obs-en-19-02.jpg)

આહાબ જંય ઇઝરાયલચો રાજા આશી તંય એલિયા પ્રબોધક આશી. આહાબ ખરાબ માણુસ આશી જેહેં લોકાંદય ઠગ દેવ જાચો નાંવ બઆલ આશી તાચી ઉપાસના કરોં આખી. એલીયા ને આહાબદય આખી “મંય જંય હુધી નાહાં આખંય તંય હુધી ઇઝરાયલમાં પાણી કાય થાર પણપડય્દ નાહા” તાચે લીધે આહાબ ઘણો ખંતવાન.

![](https://cdn.door43.org/obs/jpg/360px/obs-en-19-03.jpg)

દેવાને એલિયાદય રનમાં યીનેં નાળામાં દફું રહોં આખી કશા કાય આહાબ તાદય મારું મેલ્હોં હેરત આશી. આખે સકાળચે ને વેહાંચે ચીડે તાચે ભાગ માંસ ને ભાખર આણત આશી. આહાબ ને તાચી સૈના એલિયાદય ગોંવસત આશી પણ તે તાદય ગોંવસુ શકિન નાહા. દુકાળ અલો કડક આશી કાય છેલ્લે નાળો પણ સુખું જાવ.

![](https://cdn.door43.org/obs/jpg/360px/obs-en-19-04.jpg)

તાચેન એલિયા પાસચે દેશમાં જાવ. તે દેશમાં એક રાંડકી ને તાચો પોસો દુકાળચે કારણે ખાનાચી ખૂટમાં આશી. પણ તાંહેં એલીયાચી કાળજી ધીદ ને તાચેન દેવાને તાંહદય પૂરો પાડી કાય તાંહચે કુપ્પીમાચો તેલ ને બરણીમાચો પીટ ખાલી હોન નાહાં આખે દુકાળમાં તાંહપા પુરતો ખાનો આશી. એલિયા કલેખાંડ વરીસ હુધી તથય રહીન.

![](https://cdn.door43.org/obs/jpg/360px/obs-en-19-05.jpg)

સાડે તીન વરીસ મંગે, દેવાને એલિયાદય ઇઝરાયલ રાજ્યમાં આઝુન ફીંરો આખી, ને આહાબદય મીળોં આખી, કશા કાય તો આઝુન પાણી દવડોંચો આશી. જંય આહાબને એલિયાદય નાંગી, તંય તેહેં તાદય આખી, “તું દુઃખ દેનાર આહાસ!’’ એલિયાને તાદય જવાબ ઓપી, ,"તું દુઃખ દેનાર આહાસ! તુમી યહોવાચે આજ્ઞાદય છોડી આહાય ને બઆલચી સેવા કરી આહાય.તું ઇઝરાયલચે આખે લોકાંદય કાર્મેલ ડોગરાવર ધીહું યે.’’

![](https://cdn.door43.org/obs/jpg/360px/obs-en-19-06.jpg)

ઇઝરાયલચે આખે જ લોકાંચે ને બઆલચે ૪૫૦ પ્રબોધકાંચે હારીં કાર્મેલ ડોગરાવર યે. એલિયાને લોકાંદય આખી, “કંય હુધી તુમીં દોન મનવાળે રહઝા? જો યહોવા દેવ આહાય તે તાદય ભજા! ને જો બઆલ દેવ આહાય તે તાચી ઉપાસના કરા!’’

![](https://cdn.door43.org/obs/jpg/360px/obs-en-19-07.jpg)

તંય એલિયાને બઆલચે પ્રબોધકાંદય આખી, “એક ગોધાદય મારુંને તાચે ભાગ વેદી તૈયાર કરા, પણ તાવર આગ પેટવોંચો નાહા. મંય પણ તશોજ કરય્દં જો અગ્નિખલ જવાબ દેય્દ તો જ ખરો દેવ આહાય. તાચેન બહાલચે યાજકાંહે વેદી તૈયાર કરી પણ આગ પેટવી નાહા.

![](https://cdn.door43.org/obs/jpg/360px/obs-en-19-08.jpg)

તાચેમંગે બઆલચે પ્રબોધકાંહે બઆલદય પ્રાર્થના કરી કાય, “બઆલ હામચો આયક.” આખો દિસ તાંહે પ્રાર્થના કરી ને પોકાર કરી ને પોતાદય ચાકુખલ ઘા કરી, પણ કાંય જવાબ મીળીન નાહાં.

![](https://cdn.door43.org/obs/jpg/360px/obs-en-19-09.jpg)

ને વેળાંચે એલિયાને દેવાચી વેદી તૈયાર કરી. તાચેમંગે તેહેં લોકાંદય વેદીવરચો માંસ, લાકુડ ને વેદીચે પાસચી જમીન ભીજય તાન હુધી બાર વેંડલે પાણી રેવથોં આખી.

![](https://cdn.door43.org/obs/jpg/360px/obs-en-19-10.jpg)

તંય એલિયાને પ્રાર્થના કરી, “હે યહોવા, ઈબ્રાહિમ, ઇસાહાક ને યાકુબચે દેવ, હામદય દાખવ કાય તું ઇઝરાયલચો દેવ આહાશ ને મંય તુઝો સેવક આહાંય.માંદંય જવાબ દે કાય યે લોક જાણું શકત કાય તું ખરો દેવ આહાસ.’’

![](https://cdn.door43.org/obs/jpg/360px/obs-en-19-11.jpg)

લગેંજ, ડાંબરામાંશી આગ ઉતરીન ને માંસ, લાકુડ, દગડ, ધૂળ ને પાણી કાય જી વેદીચે પાસ આશી તો આખો પેટવું મેલી. જંય લોકાંહે યો નાંગી, તે ભૂંયવર પડીન ને આખી, “યહોવા જ દેવ આહાય! યહોવા જ દેવ આહાય!”

![](https://cdn.door43.org/obs/jpg/360px/obs-en-19-12.jpg)

તંય એલિયાને આખી, “બઆલચે એકપણ પ્રબોધકદય પળું જામદિયા નાંખે!” તાચેન લોકાંહે બઆલચે પ્રબોધકાંદય ધરીને તાંહદય તથયસીં તે દૂર ધીહું જાવ ને મારું મેલી.

![](https://cdn.door43.org/obs/jpg/360px/obs-en-19-13.jpg)

તંય એલિયાને આહાબ રાજાદય આખી, “તું લગેંજ શાહરાચે વાટે જા કશા કાય પાણી યેત આહાય.” “લગેંજ કાળે ડાંબર યાવ ને હજડ પાણી વરસીન.યહોવાને દુકાળચો અંત આણી ને સાબિત કરી કાય તો જ ખરો દેવ આહાય.

![](https://cdn.door43.org/obs/jpg/360px/obs-en-19-14.jpg)

એલિયાચે ટાઈમ મંગે, દેવા ને એલીશા નાવંચે માણસાદય પોતાચો પ્રબોધક અશો પસંદ કરી. દેવા ને એલીશાખલ ઘણે ચમત્કાર કરી. એક ચમત્કાર નામાન હારી હોન, જો દુશ્મન સેનાચો સેનાપતિ આશી, જાદય ચામડીચો ભયંકર રોગ આશી. તેહેં એલીશા વિશે આયકનો આશી ને તો એલીશાપાં જાહુંને તાદય બેસ કરોં વિષે આખત આહાય, એલીશા ને નામાનદય યર્દન ખાડીમાં સાતવાર ડૂબકી મારોં આખી.

![](https://cdn.door43.org/obs/jpg/360px/obs-en-19-15.jpg)

શુરવાતમાં નામાન ખીજવાન ને તાહેં તશો કરી નાહા કશા કાય તાદય તો મુર્ખ જશો લાગીન. પણ છેલ્લે તેહેં પોતાચો મન બદલી ને તેહેં સાતવાર યર્દનમાં પોતાદય બુડવી. છેલ્લે વાર જંય તો બાહેર યાવ, તાચી ચામડી આખી બેસ હોની આશી. દેવાને તાદય બેસ કરનો આશી.

![](https://cdn.door43.org/obs/jpg/360px/obs-en-19-16.jpg)

દેવાને દુસરે ઘણે પ્રબોધકાંદય દવડી. તાહેં લોકાંદય મૂર્તિપૂજા નાહાં કરોંચી ને ન્યાયશીં રહોંદય ને દુસંરાવર દયા રાખોંદય આખી, પ્રબોધકાંહે લોકાંદય ચેતવી કાય જો તુમી ખરાબ કરોંચો છોડઝા નાહા ને દેવાચે આજ્ઞા પ્રમાણે રહોંચો શરુ નાહા કરા તે દેવ તુમદય દોષી માનુંને ન્યાય કરય્દ ને તો તુમદય શિક્ષા કરય્દ.

![](https://cdn.door43.org/obs/jpg/360px/obs-en-19-17.jpg)

ઘણેવાર લોક દેવાદય આધીન રહીન નાહાં. તે પ્રબોધકાંચે હારીં અયોગ્ય રીતે રહીન ને ઘણીવાર તાંહદય મારું મેલી. એકવાર, યર્મિયા પ્રબોધકદય સુખે કૂવામાં મેલવામાં યીનો ને તાદય મરોં સાઠીં છોડનો આશી. તો કૂવામાં રહનો ચીખલામાં દાટાનો આશી. પણ રાજાદય તાવર દયા યાવ ને તેહેં પોતાચે સૈનીકાંદય આજ્ઞા ઓપી કાય યર્મિયા મરય તે પહલાં તાદય બાહેર કાઢા.

![](https://cdn.door43.org/obs/jpg/360px/obs-en-19-18.jpg)

કશા કાય લોક તાંહદય નફરત કરત આશી. તરી પણ પ્રબોધક દેવ સાઠીં બોલત રહીન, તાહેં લોકાંદય ચેતવી કાય જો તે પસ્તાવો નાહાં કરત તે દેવ તાંહચો નાશ કરય્દ. તાહેં લોકાંદય દેવાચો તો વચન પણ યાદ કરવી કાય ખ્રિસ્ત (મસિહ ) યેય્દ.

*બાઈબલચી કાહની : ૧ રાજા :૧૬-૧૮, ૨ રાજા : ૫, યર્મિયા:૩૮*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_19_128kbps.m4a

## 20. ઝેલ ને આઝુન ફીરોંચો

https://openbiblestories.org/l/vav-x-dauri/story-20/

![](https://cdn.door43.org/obs/jpg/360px/obs-en-20-01.jpg)

ઇઝરાયલચો રાજ્યને યહુદાચો રાજ્યદોઘાંહેં દેવાચે વિરુદ્ધ પાપ કરી. તાંહદય દેવાને જે સોગંદ સિનાઈ વર ઓપને આશી તે તોઢું મેલીં, લોક પસ્તાવો કરત ને આઝુન, તાચી ભક્તિ કરત યે વિષે ચેતવણી ઓપોંદય દેવાને તાચે પ્રબોધકાંદય દવડી પણ તાહેં માનીન નાહા.

![](https://cdn.door43.org/obs/jpg/360px/obs-en-20-02.jpg)

તાચેન દેવાને દોનીં રાજ્યદય તાંહચે દુશ્મનખલ તાંહચો નાશ કરોંદય છૂટ ઓપી.આશ્શુરચો સામ્રાજ્ય, જો શક્તિવાળો આશી અને ઘાતકી દેશ આશી, તેહેં ઇઝરાયલચે રાજ્યચો નાશ કરી. આશ્શુરચે સૈનાને ઇઝરાયલ રાજ્યચે ઘણે લોકાંદય મારું મેલી. આખી માલ મિલકત તે ધીહું જાવ ને દેશદય પેટવું મેલી.

![](https://cdn.door43.org/obs/jpg/360px/obs-en-20-03.jpg)

આશુરચે લોક આખે જ આગેવાન, ધનવાન લોક ને જે કુશળ કારીગર આશી તે આખાંદય ગોળે કરુંને તાહેં આશુર ધીહું જાવ, ખાલી ગરીબ ઇઝરાયલી જાંહદય મારને નાહા આશી તેજ ઇઝરાયલચે રાજ્યમાં રહીન.

![](https://cdn.door43.org/obs/jpg/360px/obs-en-20-04.jpg)

તાચેમંગે આશૂરીઆહેં વિદેશીહાંદય ઇઝરાયલચો રાજ્ય જથય આશી તથય રહોંદય ધીહું યાવ. વિદેશી આહેં નાશ કરને શાહરાદય આઝુન બાંધી ને ઇઝરાયલીહારીં પરણીન કાય જે તથય રહને આશી. ઇઝરાયલચે જે વંશજો વિદેશીહાંદય પરણને આશી તે સમરૂની આખાન.

![](https://cdn.door43.org/obs/jpg/360px/obs-en-20-05.jpg)

યહુદા રાજ્યચે લોકાંહેં નાંગી કાય દેવાચી આરાધના ને આજ્ઞા પાલન નાહા કરત અશે ઇઝરાયલ રાજ્યચે લોકાંદય કશીક શિક્ષા હોન. તરી પણ તાહેં મૂર્તિપૂજા કરોંચો ને કનાનીહાંચે દેવાચી ઉપાસના કરોંચી ચાલુ રાખી. દેવાને તાંહદય ચેતવોં સાઠીં પ્રબોધક દવડી પણ તાહેં તાંહચોઆયકી નાહાં.

![](https://cdn.door43.org/obs/jpg/360px/obs-en-20-06.jpg)

આશ્શુરને ઇઝરાયલચે રાજ્યચો નાશ કરી તાચે ૧૦૦ વરીસ મંગે, દેવા ને નબૂખાદનેસ્સાર જો બાબીલચો રાજા આશી, તાદય યહુદાચે રાજ્યવર લઢાઈ કરોં દવડી.બાબીલ શક્તિવાળો સામ્રાજ્ય આશી. યહુદાચે રાજાને નબૂખાદનેસ્સાર રાજાચો ગુલામ બનોંચો કબુલીન ને તેહેં દર વરીસ ઘણે પૈસે ઓપોંચો નક્કી કરી.

![](https://cdn.door43.org/obs/jpg/360px/obs-en-20-07.jpg)

પણ કલેખાંડ વરીસ મંગે, યહુદાચે રાજાને નબૂખાદનેસ્સાર વિરુદ્ધ લઢાઈ કરી, તાચેન બાબીલ ને આઝુન યીહુંને યહુદીયાચે રાજ્યવર હમલો કરી. તાહેં યરુશાલેમચો શાહાર કબજે કરું ધીદ, ભક્તિસ્થાનચો નાશ કરીને શહેર ને ભક્તિસ્થાનચો આખો ખજાનો લુટું ધીદ.

![](https://cdn.door43.org/obs/jpg/360px/obs-en-20-08.jpg)

યહુદીયાચે રાજાદય તાચે લડાઈચી શિક્ષા ઓપોં સાઠીં નબૂખાદનેસ્સાર રાજાચે સૈનીકાંહે રાજાચે પોસાદય તાચે સામે મારું મેલીં ને તાચેમંગે તાદય આંધળો કરું દીન, તાંચે મંગે તે રાજાને બાબીલચે જેલમાં મરોં સાઠીં ધીહું જાવ.

![](https://cdn.door43.org/obs/jpg/360px/obs-en-20-09.jpg)

નબૂખાદનેસ્સાર ને તાચી સૈના યહુદીયાંચે આખે લોકાંદય બાબીલ ધીહું જાવ, જે આખાં કરતાં ગરીબ આશી તાંહદય જ વાડીમાં ખેતી કરોં સાટીં રહોં દીન. યો તો સમય આશી કાય જામાં દેવાચે લોકાંદય વાયદાચો દેશ છોઢુંને ઝેલમાં જાવંદય સાઠીં દબાણ કરી.’’

![](https://cdn.door43.org/obs/jpg/360px/obs-en-20-10.jpg)

જો કાંય દેવ તાચે લોકાંદય તાંહચે પાપાચે લીધે શિક્ષા કરી કાય તાંહદય ઝેલખાનામાં દવડવામાં યાવ, પણ તો તાંહદય અગર પોતાચે વાયદાદય ભૂલીન નાહા. દેવા ને તાંહચી દેખરેખ રાખોંચી ને પોતાચે પ્રબોધકાંખલ તાંહચે હારીં બોલોંચો ચાલુ રાખી. તેહેં વાયદો ઓપી કાય સીતેર વરીસ મંગે, તે વાયદાચે દેશમાં આઝૂન યીહીત.

![](https://cdn.door43.org/obs/jpg/360px/obs-en-20-11.jpg)

સીતેર વરીસ મંગે, કોરેશ, જો પર્શિયાચો રાજા આશી, તેહેં બાબીલદય હારવીને પર્શિયાચે સામ્રાજ્ય ને બાબીલચે સામ્રાજ્યચી જગ્યા ધીદ. ઇઝરાયલી આતાં યહુદી આખાત આશી ને તામાંચે ઘણે લોકાંહે પોતાચો આખો જીવન બાબીલમાં પસાર કરી તામાંચે ઘણે થોડે અશે ડવરાંદય યહુદીયા દેશ યાદ આશી.

![](https://cdn.door43.org/obs/jpg/360px/obs-en-20-12.jpg)

પર્શિયન સામ્રાજ્ય શક્તિવાળો રાજ્ય આશી. પણ તાહેં જીતની પ્રજાવર તે દયાળુ આશી. કોરેશ પર્શિયાચો રાજા બનીન તાચે લગેંજ મંગે તેહેં હુકુમ કરી કાય જે યહૂદી યહુદીયા આઝુન જાંવદય માગત હોવે તે પર્શિયા છોઢુંને યહુદીયા જાહું શકત. તેહેં ભક્તિસ્થાનચો આઝુન બાંધકામ કરોં સાઠીં પૈસે પણ ઓપી! તાંચેન,ઝેલખાનામાં સીતેર વરીસ મંગે, યહૂદીહાંચો એક બારીક ગ્રુપ યહુદીયાચે યરુશાલેમ શહેરમાં આઝુન યાવ.

![](https://cdn.door43.org/obs/jpg/360px/obs-en-20-13.jpg)

જંય લોક યરુશાલેમમાં આઝુન ફીરીન, તાહેં ભક્તિસ્થાન ને શાહરાચે ફીરઠીન કોટ બાંધી. જો કાંય આઝુન પણ દુસરે લોકાંખલ તાંહવર હુકમ હોત આશી, આઝુન તે વાયદાચે દેશમાં રહોં મંડીન તે ભક્તિસ્થાનમાં આરાધના કરોં મંડીન.

*બાઈબલચી કાહની : ૨ રાજાઓ :૧૭ :૨૪-૨૫ ; ૨ કાળવૃતાંત :૩૬ ; એઝરા :૧ :૧૦ ; નહેમ્યાહ :૧-૧૩*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_20_128kbps.m4a

## 21. દેવાને મસિહાચો વાયદો ઓપી

https://openbiblestories.org/l/vav-x-dauri/story-21/

![](https://cdn.door43.org/obs/jpg/360px/obs-en-21-01.jpg)

શરૂઆતશીં, દેવાને મસિહાદય દવડોંચો વિચાર કરી. મસિહાચો પહલો વાયદો, આદમ ને હવાશીં યીનો આશી. દેવા ને વાયદો ઓપનો કાય હવાશીં એક વંશ પૈદા હોય્દ.ને તો સાપાચો ઠકલ ફોડયદ. જે સાપાને હવાદય ઠગનો આશી. વાયદાચો મતલબ યો આશી કાય મસીહા આખે રીતેં ભુતાદય હારવય્દ.

![](https://cdn.door43.org/obs/jpg/360px/obs-en-21-02.jpg)

દેવાને ઈબ્રાહીમદય વાયદો ઓપનો કાય તાચેખલ પૃથ્વીચે આખે જાતીચે લોકાંદય આશીર્વાદ મીળય્દ ભવિષ્યમાં જંય મસીહા યેય્દ તંય યો વાયદો પૂરો હોય્દ. તાચેખલ આખે માણુસ જાતીચો ઉદ્ધાર હોહું સકત આહાય.

![](https://cdn.door43.org/obs/jpg/360px/obs-en-21-03.jpg)

દેવાને મુસાદય વાયદો ઓપી કાય ભવિષ્યમાં તો મુસાચે જશે દુસરે પ્રબોધકાંદય ઊભો કરય્દ.મસીહા થોડોક ટાઈમ મંગે યેવંચો આશી, તાચે બારમાં યો દુસરો વાયદો આશી.

![](https://cdn.door43.org/obs/jpg/360px/obs-en-21-04.jpg)

દેવાને દાઉદદય વાયદો ઓપી કાય તાચે પોતાચો જ એક વંશ દેવાચે લોકાંવર કાઈમચો રાજ કરય્દ. તાચો મતલબ યો આહાય કાય મસીહા દાઉદચે પોતાચે વંશમાશીં રહય્દ.

![](https://cdn.door43.org/obs/jpg/360px/obs-en-21-05.jpg)

પ્રબોધક યાર્મિયાખલ દેવાને વાયદો ઓપનો આશી કાય સીનાઈ ડોગરાવર ઇઝરાયલ હારી કરાર કરી તસો નાહાં, પણ, એક નવો કરાર કરય્દ. નવા કરારમાં, દેવ લોકાંચે હ્રદયવર તાચે નિયમ લખય્દ લોક દેવાદય બેસ રીતે જાણીંથ, તે તાંહચે લોક હોહિથ, ને દેવ તાંહચે પાપ માફ કરય્દ મસીહા નવા કરારચી શુરવાત કરય્દ.

![](https://cdn.door43.org/obs/jpg/360px/obs-en-21-06.jpg)

દેવાચે પ્રબોધકાંહે આખનો આશી કાય તો મસીહા એક પ્રોબોધક,એક યાજક, ને એક રાજા રહય્દ. પ્રબોધક યો માણુસ આહાય જો દેવાચે શબ્દ આયકત આહાય ને મંગે લોકાંદય આખત આહાય. જે મસીહાદય દેવાને દવડોંચો વાયદો ઓપનો આશી તો એક પૂરો પ્રબોધક રહય્દ.

![](https://cdn.door43.org/obs/jpg/360px/obs-en-21-07.jpg)

ઇઝરાયલી યાજક લોકાં સાઠીં તાંહચે પાપાચી સજાચે બદલે દેવાદય બલિદાન ચઢાવત આશી. યાજકાહેં પણ લોકાં સાઠીં દેવાદય પ્રાર્થના કરી.મસીહા એક પૂરો પ્રમુખ યાજક હોય્દ જો એક પૂરો બલિદાન તરીકે પોતાદય અર્પણ કરય્દ.

![](https://cdn.door43.org/obs/jpg/360px/obs-en-21-08.jpg)

રાજો યો માંણુસ આહાય જો એક રાજ્યવર રાજ કરત આહાય ને લોકાંચો ન્યાય કરત આહાય.મસીહ એક પૂરો રાજા હોય્દ. જો તાચે પૂર્વજ દાઉદચે ખુરશીવર બસય્દ તો આખી પૃથ્વીવર રાજ કરય્દ, ને કાયમ પ્રમાણિકતા હારીં ન્યાય કરય્દ ને બેસ ફેસલે દેય્દ.

![](https://cdn.door43.org/obs/jpg/360px/obs-en-21-09.jpg)

દેવાચે પ્રોબોધકાંહે મસીહાચે બારામાં ઘણી દુસરી ગોઠચી ભવિષ્ય કરની આશી. માલાખી પ્રોબોધકને ભવિષ્ય કરનો આશી કાય મસીહાચે પહલો એક મહાન પ્રબોધક યેય્દ.યશાયા પ્રબોધકને ભવિષ્ય કરનો આશી કાય મસિહાચો જલમ કુંવારીશીં હોય્દ. મીખાહ પ્રોબોધકને આખનો આશી કાય તાચો જલમ બેથલેહેમ નગરમાં હોય્દ.

![](https://cdn.door43.org/obs/jpg/360px/obs-en-21-10.jpg)

યશાય પ્રોબોધક ને આખનો આશી કાય મસિહા ગાલીલ માં રહય્દ, તુટને હ્રદયચે લોકાંદય દિલાસો ઓપય્દ, જેલમાં બંધ આહાત તાંહદય આઝાદ કરય્દ ને કેદીહાંદય છુટકારો ઓપય્દ. તાહેં યે ગોઠચી પણ ભવિષ્ય કરની આશી કાય મસીહ બીમાર લોકાંદય બેસ કરય્દ ને તાંહદય પણ જે આયકોં, નાંગો,બોલોં, અગર ચાલોં અશક્તિ આહાય.

![](https://cdn.door43.org/obs/jpg/360px/obs-en-21-11.jpg)

પ્રબોધક યશાયા ને પણ ભવિષ્ય કરનો આશી કાય મસીહાદય કારણ વગર નફરત કરોં ને ધિકારવાંમા યેય્દ.દુસરે પ્રબોધકાંહેં ભવિષ્ય કરી કાય જે લોક મસીહચી હત્યા કરય્દ તે તાંહચે સાઠીં પાને રોવિત ને એક દોસ્તાર તાદય પરાધીન કરય્દ. ઝખાર્યા પ્રબોધક ને ભવિષ્ય કરી કાય જો દોસ્તાર મસીહદય ધરવું ઓપય્દ તાદય ચુકવણી તરીકે ત્રીસ ચાંદિચે સિક્કે ઓપવામાં યેય્દ.

![](https://cdn.door43.org/obs/jpg/360px/obs-en-21-12.jpg)

પ્રોબોધકાંહેં યો પણ આખી મસીહાચો મરણ કચે રીતે હોય્દ. યશાયા ને ભવિષ્ય કરીં કાય લોક મસીહાચે મુહાવર થુંકલીત, મજાક ઉડાવિત, ને તાદય મારીથ. તે તાદય વિંધુ મેલિત ને તાંહેં કાંય ખોટાં નાહાં કરી. તરી ભારીં દુઃખ ને પીડા હારીં મરણ હોય્દ.

![](https://cdn.door43.org/obs/jpg/360px/obs-en-21-13.jpg)

પ્રોબોધકાંહે તો પણ આખી કાય મસીહા આખો પાપ વગર રહય્દ તો દુસરે લોકાંચે પાપચી સજા ઘેવંદય સાઠીં મરય્દ. તાચી શિક્ષા દેવને લોકાંચે વચ્ચે શાંતિ આણય્દ. યે કારણે દેવચી ઈચ્છાઆશી કાય તો મસીહાદય ચિંહખું મેલય્દ.

![](https://cdn.door43.org/obs/jpg/360px/obs-en-21-14.jpg)

પ્રોબોધકાંહે ભવિષ્ય કરી કાય મસીહા મરય્દ ને દેવ તાદય મરણમાશીં જીવતો કરય્દ. મસીહાચે મરણ ને પુનરુત્થાનખલ દેવ પાપીયાંદય બચાવોંચી યોજના પૂરી કરય્દ, ને નવો કરાર શરુ કરય્દ.

![](https://cdn.door43.org/obs/jpg/360px/obs-en-21-15.jpg)

દેવાને મસીહા વિશે પ્રોબોધકાંદય હજડ ગોઠ દાખવી, પણ મસીહ કચે પણ પ્રોબોધકાંચે ટાઈમમાં યાવ નાહા. યી છેલ્લી ભવિષ્યવાણી ઓપવામાં યાવ તાચે ૪૦૦થી વધારે વરીસ મંગે જંયબેસ ટાઈમમાં દેવ જુગામાં મસીહાદય દવડય્દ.

*બાઈબલમાશીં એક કાહની : ઉત્પતિ ૩:૧૫ ] ૧૨ :૧:૩,  પુનર્નીયમ૧૮:૧૫,  ૨શમુએલ: ૭,  યર્મિયા:૩૧, યશાયા:૫૯:૧૬,દાનીયેલ:૭,માલાખી:૪:૫,યશાયા:૭:૧૪,મિખાહ:૫:૨,યશાયા:૯:૧-૭;૩૫:૩૫,૬૧:૫૩,ગી.શા:૨૨:૧૮, ૩૫:૧૯,૬૯:૪,૪૧:૯, ઝખાર્યા:૧૧:૧૨,૧૩,યશાયા:૫૦:૬, ગી.શા:૧૬:૧૦:૧૧.*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_21_128kbps.m4a

## 22. યોહનચો જલમ

https://openbiblestories.org/l/vav-x-dauri/story-22/

![](https://cdn.door43.org/obs/jpg/360px/obs-en-22-01.jpg)

ભૂતકાળમાં દેવાને દેવદૂત ને પ્રોબોધકાંખલ તાંહ્ચે હારીં ગોઠ કરની આશી પણ તાચે મંગે ૪૦૦ વરીસ હોઠું જાવ તામાં તાંહેં તાંહ્ચે હારીં કાય ગોઠ નાહા કરી .અચાનક એક દેવદૂતને ઝખાર્યા નાંવચે ડવર યાજકશીં દેવાચો એક સંદેશ આણી. ઝખાર્યા ને તાચી બાઈલ એલીઝાબેથ દેવાચે ભક્ત લોક આશી , પણ તાંહદય પોસે હોત તશો નાહાં આશી .

![](https://cdn.door43.org/obs/jpg/360px/obs-en-22-02.jpg)

દૂતને ઝખાર્યાદય આખી, “તુજે બાઈલેદય પોસો હોય્દ .તાચો નાંવ યોહાન રાખીશ.તો પવિત્ર આત્માશીં ભરપુર હોય્દ, ને મસીહ સાઠીં લોકાંદય તૈયાર કરય્દ!” ઝખાર્યાને આખી “માંઝી બાઈલ ને મંય પોસે હોવંદય સાઠીં ઘણે ડવર આહાંવ .યો હોય્દ યો માંદય કશોક કરું ખબર પડય્દ ?”

![](https://cdn.door43.org/obs/jpg/360px/obs-en-22-03.jpg)

દૂતને ઝખાર્યાદય આખી, “તુમદય યો બેસ સમાચાર દાખવોં સાઠીં દેવા ને માંદય દવડી આહાય પોસચો જલમ જંય હુધી નાંહા હોહું જાય તંય હુધી તું બોલું શકીશ નાહાં. કશા કાય તુહેં માઝવર વિશ્વાસ નાહાં કરી” લગેંજ ઝખાર્યા બોલોં સાઠીં અસમર્થ હોહું જાવ મંગે દેવદૂત ઝખાર્યાશીંશીં જાહું રહીન, યો મંગે ઝખાર્યા ઘરા આઝુન યાવ ને તાચી બાઈલ મહિનાવાળી હોન.

![](https://cdn.door43.org/obs/jpg/360px/obs-en-22-04.jpg)

જંય એલીઝાબેથ છ મહિનાશીં મહિનાવાળી આશી, તંય અચાનક તો દેવદૂત એલીઝાબેથચે સગાશીં નાંગાન જેચો નાંવ મરિયમ આશી.તી એક કુંવારી આશી ને તેચી સગાઇ યુસુફ નાંવચે એક માંણુંસ હારીં હોનીં આશી. દૂત ને આખી, તું મહિનાવાળી હોહીશ ને એક પોસાદય જલમ ઓફીશ તું તાચો નાંવ ઈશુ પાઢીશ . તો મટે દેવાચો પોસો હોય્દ ને કાયમ રાજ કરય્દ .

![](https://cdn.door43.org/obs/jpg/360px/obs-en-22-05.jpg)

મરિયમ ને જવાબ ઓપી “યો કશોક કરું હોહું શકય જય મંય એક કુંવારી આહાંય દેવદૂત ને સમજાવી, “પવિત્રઆત્મા તુઝવર યેદ, ને દેવાચી સામર્થ્ય શક્તિ તુજવરે પડય્દ .તાચેન પોસો પવિત્ર હોય્દ જો દેવાચો પોસો આહાય, “ મરિયમે દેવદૂતચી ગોઠવર વિશ્વાસ કરુંને સ્વીકાર કરી.

![](https://cdn.door43.org/obs/jpg/360px/obs-en-22-06.jpg)

દેવદૂતચી ગોઠ મંગે લગેંજ મરિયમને એલીઝાબેથચી મુલાકાત ધીદ .જંય એલીઝાબેથ ને મરિયમચી ખુશ ખબર આયકી લગેંજ,એલીઝાબેથચે પોટામાં પોસો કુદીન તે બાઈલોં દેવાને તાંહ્ચે સાઠીં જા કરી તાચે બારામાં ઘણે ખુશ આશી .તીન મહીને મંગે મરિયમ સાઠીં એલીઝાબેથચી મુલાકાત ધીદ મંગે ધરા આઝુન યાવ .

![](https://cdn.door43.org/obs/jpg/360px/obs-en-22-07.jpg)

એલીઝાબેથને પોસાદય જલમ ઓપી ,મંગે દેવદૂતચે હુકમ પ્રમાણે ઝખાર્યા ને એલીઝાબેથને પોસચો નાંવ યોહાન રાખી.દેવાને આઝુન ઝખાર્યાદય બોલતો કરી. ઝખાર્યાને આખી, “દેવાચી વાહ વાહ હોય, કશા કાય તેહે તાચે લોકાદય યાદ રાખી આહાય !માઝે પોસા તું , મટે દેવાચો પ્રોબોધક આખાહીશ ,જો લોકાંદય તાંહચે પાપાચી માફી કશેક રીતે મેળવોંચી તો દાખવય્દ !

*બાઈબલ માંચી  એક કાહની  લુક :૧*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_22_128kbps.m4a

## 23. ઈશુચો જલમ

https://openbiblestories.org/l/vav-x-dauri/story-23/

![](https://cdn.door43.org/obs/jpg/360px/obs-en-23-01.jpg)

મરિયમચી સગાઇ યુસુફ નાંવચે એક બેસ માણસાહારીં હોનીં આશી. જંય તેહેં આયકીકાય મરિયમ મહિનાવાળી આહાય તંય, તો જાણત આશી કાય તો પોસો તાચો નાહાં. તો મરિયમદય બદનામ કરોં માગત નાહાં આશી, તાંચેન તેહેં શાંતિશીં તેદય છુટોછેડો ઓપોંદય નક્કી કરી તો કાંય કરય તાચે પહલો, એક દેવદૂતને સપનામાં યીહુંને તાચે હારીં ગોઠ કરી.

![](https://cdn.door43.org/obs/jpg/360px/obs-en-23-02.jpg)

દૂતેં આખી, “યુસુફ મરિયમદય તુઝી બાઈલ તરીકે ધીહું યેવંદય સાઠીં બીહસ નાખે.તાદય જો પોસો આહાય તો પવિત્ર આત્માશીં આહાય. તી એક પોસાદય જલમ ઓપય્દ.તાચો નાંવ ઈશુ રાખીશ [જાચો મતલબ, દેવ બચાવત આહાય ] કશા કાય તો લોકાંદય તાંહચે પાપાશીં બચાવય્દ.

![](https://cdn.door43.org/obs/jpg/360px/obs-en-23-03.jpg)

તાચેન યુસુફને મરિયમ હારીં વરાડ કરું તેદય ઘરામાં આણી, પોસાચો જલમ નાહાં હોય તંય હુધી તેહેં તેચે હારીં શારીરિક સબંધ નાહા કરી.

![](https://cdn.door43.org/obs/jpg/360px/obs-en-23-04.jpg)

જંય મરિયમચો જલમ ઓપોંસાઠીંચો ટાઈમ પાસ આશી તંય, રોમન સરકાર ને આખાંદય તાંહચે પૂર્વજ રહત આશી તે નગરમાં જાહુંને વસ્તી ગણતરીમાં નાંવ નોંધવોંદય આખી.યુસુફ ને મરિયમદય નાઝરેથશીં બેથલેહેમ જાંવદય સાઠીં ડીઘો પ્રવાસ કરવોં પડીન કશા કાય તાંહચો પૂર્વજ દાઉદ આશી જાચો વતન બેથલેહેમ આશી.

![](https://cdn.door43.org/obs/jpg/360px/obs-en-23-05.jpg)

જંય તે બેથલેહેમ પોહંચીન, તંય રહોંદય સાઠીં કથુપણ જગ્યા નાહાં આશી તે ખાલી એક જગ્યા ગોવસું શકીન જામાં ડોબે રહત આશી. પોસાચો તથય જલમ હોન ને તાચે આય્સને તાદય ગોઠામાં નીંદકરવી કશા કાય તાંહશીં ખાટલો નાહાં આશી. તાહેં તાચો નાંવ ઈશુ રાખી.

![](https://cdn.door43.org/obs/jpg/360px/obs-en-23-06.jpg)

તે રાતચે,થોડેક ભરવાડે જાગેચેજ મેદાનમાં તાંહચે ઘેટાંચી રાખવાળી કરત આશી. અચાનક, એક ઉજેડ દૂત તાંહચે સામે પ્રગટ હોન, ને તે બીહું જાવ. દૂત ને આખી, “બીહા નાખે,કશા કાય તુમચે સાઠીં માંઝપાંકલેખાંડ બેસ સમાચાર આહાત. મસીહ માલિક બેથલેહેમમાં જલમીન આહાય!”

![](https://cdn.door43.org/obs/jpg/360px/obs-en-23-07.jpg)

“જાયા ને પોસાચી ગોંવસ કરા,ને તો તુમદય કપડામાં ગૂંડનો ગોઠામાં નીંદકરનો મીળય્દ.” અચાનક, ડાંબર સ્તુતિ કરત દૂતાંખલ ભરાહું જાવ,આખી કાય, “ડાંબરામાં દેવાચો મહિમા હોય ને તાદય પસંદ કરનારે લોકાંદય પૃથ્વી વર શાંતિ મીળય.

![](https://cdn.door43.org/obs/jpg/360px/obs-en-23-08.jpg)

ટુકે ટાઈમમાં ભરવાડે ઈશુ જથય આશી તે જગ્યાવર પહોંચીન ને દૂતેં તાંહદય આખનો આશી તશાં, એક ગોઠામાં નીદકરનો નાંગોં સાંપડીન. તે ઘણે ખુશ આશી મરિયમ પણ ઘણી ખુશ આંશી. ભરવાડાહેંજાં આયકી ને નાંગી તાચે સાઠીં, દેવચી વાહ વાહ કરત જથય તાંહચે ઘેંટે આશી સેતામાં આઝુન ફીરીન.

![](https://cdn.door43.org/obs/jpg/360px/obs-en-23-09.jpg)

થોડોક ટાઈમ મંગે, પૂર્વમાં દુર દેશશીં બુદ્ધિવાન ગોહલાહેં ડાંબરામાં એક અલગ ચાંદની નાંગી. તાંહદય મતલબ સમજાન કાય. યહૂદીચો એક નવો રાજો જલમીન આહાય,તાચેન, તાંહેં યે રાજાદય નાંગોં સાઠીં એક ડીઘે અંતરચો પ્રવાસ કરી. તે બેથલેહેમમાં યાવ ને ઈશુ ને તાચે આઈસ બાહાસ જથય રહત આશી તે ઘરાદય ગોવંશી.

![](https://cdn.door43.org/obs/jpg/360px/obs-en-23-10.jpg)

જંય જ્ઞાની ગોહલાહેં ઈશુદય તાચે આય્સ હારીં નાંગી તંય તાંહેં નમુંને તાચો ભજન કરી. તાંહેં ઈશુદય મોંહગી ભેટ ઓપી. મંગે તે ઘરા આઝુન ફિરીન.

*બાઈબલમાંશી એક કાહની  માથ્થી ૧, લુક ૨*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_23_128kbps.m4a

## 24. યોહાન ઈશુદય બાપ્તિસમાં ઓપત આહાય

https://openbiblestories.org/l/vav-x-dauri/story-24/

![](https://cdn.door43.org/obs/jpg/360px/obs-en-24-01.jpg)

ઝખાર્યા ને એલીઝાબેથચો પોસો યોહાન મટો હોન ને પ્રબોધક બનીન. તો જંગલામાં રહત આશી. જંગલી મધ ને તોડે ખાત આશી, ને ઊંટચે કેંશશીં બનાવને કપડે ભરત આશી.

![](https://cdn.door43.org/obs/jpg/360px/obs-en-24-02.jpg)

ઘણેં લોક યોહાનદય આયકોં સાઠીં રાનમાં યેત આશી. તેહેં તાંહદય સંદેશ ઓપતાં આખી કાય, પસ્તાવો કરા,કશા કાય દેવાચો રાજય પાસ આહાય!”

![](https://cdn.door43.org/obs/jpg/360px/obs-en-24-03.jpg)

લોકાંહેં જંય યોહનચો સંદેશ આયકી તંય, તામાંચે ઘણાંહેં પોતાચે પાપાચો પસ્તાવો કરી,ને યોહાનને તાંહદય બાપ્તિસમાં ઓપી.ઘણે ધર્મગુરુ પણ યોહાનશીં બાપ્તિસમાં ધેંવદય યેત આશી, પણ તાંહે પસ્તાવો નાહાં કરી ને માફી માંગી નાહા.

![](https://cdn.door43.org/obs/jpg/360px/obs-en-24-04.jpg)

યોહાનને ધર્મગુરુહાંદય આખી, “તુમી ઝેરી સાપ આહાયઝા! પસ્તાવો કરા ને તુમચી ચાલચલણ બદલા. આખે ઝાડ જે બેસ ફળ નાહાં દેત તાદય કાફૂંને તાદય આગીમાં મેલવામાં યેદ.’’ યોહાનને પ્રોબોધકાંહે જો આખનો આશી તો પૂરો કરી.”નાંગા મંય તુમચે પુઢેં માંઝે સંદેશ વાહકદય દવડંય્દ, જો તુમચે સાઠીં વાટ તૈયાર કરય્દ.

![](https://cdn.door43.org/obs/jpg/360px/obs-en-24-05.jpg)

કલાખાંડ યહૂદીઆંહેં યોહાનદય સુદકરી કાય તું મસીહ આહાસ. યોહાનને જવાબ ઓપી “મંય મસીહ નાંહા પણ જો માંઝે મગલાઠીન યેત આહાય તો આહાય. તો ઘણો મહાન આહાય કાય મંય તાચે વાંધાયડે કાઢોં લાયક નાહાં.

![](https://cdn.door43.org/obs/jpg/360px/obs-en-24-06.jpg)

દુસરે દીસેં ઈશુ યોહાનપાસીંબાપ્તિસમાં ધેંવવદય યાવ, જંય યોહનને તાદય નાંગી, તેહેં આખી, “નાંગા! યો દેવાચો હલવાન [ઘેટું ] આહાય જો જુગાચે પાપદય દુર કરય્દ.”

![](https://cdn.door43.org/obs/jpg/360px/obs-en-24-07.jpg)

યોહાન ને ઇસુદય આખી, મંય તુદય બપ્તિસમાં દેવંદયસાઠીં લાયક નાહા. તુદય માંદય બાપ્તિસમાં દેવોં પડ્ય.’”ઇસુ ને આખી, “તું માંદય બાપ્તિસમાં દે, કશા કાય અશો કરોંવ તો બેસ આહાય, તાચેન ઇસુને પાપ નાહાં કરનો આશી તરી યોહાનને તાદય બાપ્તિસમાં ઓપી.

![](https://cdn.door43.org/obs/jpg/360px/obs-en-24-08.jpg)

ઇસુ બાપ્તિસમાં ધીહું મંગે પાણીયામાશીં બાહેર યાવ, તંય દેવાચો આત્મા કબુતરચે રૂપમાં જશો પ્રગટ હોન ને તાવર રહીન,તેજ ટાઈમેં, દેવાચો અવાજ ડાંબરામાશીં યાવ “યો માઝો મયાળો પોસો આહાય,ને મંય તાચેશીં ઘણો ખુશ આહાંય.’’

![](https://cdn.door43.org/obs/jpg/360px/obs-en-24-09.jpg)

દેવાને યોહાનદય આખી, “પવિત્ર આત્મા બુડા યેદ ને કોની માણુસ જાદય તુમી બપ્તિસમાં દીઝા તાવર ઉતરય્દ. તો માણુસ દેવાચો પોસો આહાય. “ખાલી એકુ જ દેવ આહાય. યોહાનને ઇસુદય બાપ્તિસમાં ઓપી તંય, તેંહેં બાહાસદય બોલત આયકી, દેવાચો પોસો ઈસુદય નાંગી, ને પવિત્ર આત્માદય નાંગી.

*બાઈબલમાશીં કાહની માથ્થી ૩, માર્ક ૧:૯-૧૧, લુક ૩:૧-૨૩*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_24_128kbps.m4a

## 25. ભુતાખલ ઇસુચો પરીક્ષણ

https://openbiblestories.org/l/vav-x-dauri/story-25/

![](https://cdn.door43.org/obs/jpg/360px/obs-en-25-01.jpg)

બાપ્તીસમા ધીદ મંગે પવિત્ર આત્મા ઈસુદય રાનમાં ધીહું જાવ જથય તેંહેં ચાળીસ દિસ ને ચાળીસ રાત ઉપવાસ કરી. ભૂત ઈસુચે પાસ યાવ ને તો પાપ કરય તાચેન તાચો પરીક્ષણ કરી.

![](https://cdn.door43.org/obs/jpg/360px/obs-en-25-02.jpg)

ભુતાને ઈસુચો પરીક્ષણ કરતાં આખી, જો તું દેવાચો પોસો હોવો,તે યે દગડાદય આખ કાય તો ભાકર બનય જેથી તું ખાહું શકીશ!"

![](https://cdn.door43.org/obs/jpg/360px/obs-en-25-03.jpg)

ઈસુને જવાબ ઓપી, દેવાચે વચનમાં લખનો આહાય કાય માણુસ ખાલી ભાકરખલ નાહાં પણ દેવાચે મુહામાંશીં નીઘત આખે વચનખલ જીવત આહાય.

![](https://cdn.door43.org/obs/jpg/360px/obs-en-25-04.jpg)

મંગે ભૂત ઈસુદય મંદિરચે એકદમ ઊંચે જગ્યાવર ધીહું જાવ, ને આખી, જો તું દેવાચો પોસો હોવો તે, બુડા કુધૂં પડ, કશા કાય લખનો આહાય કાય, દેવ પોતાચે દૂતાંદય આજ્ઞા ઓપય્દ તાંહચે હાથામાં હુંકલું ધેંવદય સાઠીં જેથી તુઝે પાંય દગડાવર પડત નાહાં.

![](https://cdn.door43.org/obs/jpg/360px/obs-en-25-05.jpg)

પણ ઈસુને ભૂતાદય પવિત્રશાસ્ત્રમાંશી જવાબ ઓપતાં આખી.તેંહેં આખી, દેવા ને વચનમાં આજ્ઞા દિની આહાય કાય, તુમચે દેવાચી પરીક્ષણ નાહા કરોંચી.

![](https://cdn.door43.org/obs/jpg/360px/obs-en-25-06.jpg)

મંગે શેતાનને ઈસુદય જુગાચે આખે રાજ્ય ને તાચી મિલકત દાખવી ને આખી, તું પાંયે પઢુંને માંઝો ભજન કરીશ તે યી આખી વસ્તુ મંય તુદય દેંય્દ.

![](https://cdn.door43.org/obs/jpg/360px/obs-en-25-07.jpg)

ઈસુને જવાબ ઓપી ભૂતા માઝેશીં દુર જા! દેવાચે વચનમાં તેહેં તાંહચે લોકાંદય આજ્ઞા ઓપની કાય, પ્રભુ તુઝે દેવાચો ભજન કર ને તાચીજ સેવા કર.

![](https://cdn.door43.org/obs/jpg/360px/obs-en-25-08.jpg)

ભૂત તાદય છોઢુંને ચાલું જાવ કશા કાય ઈસુ તાચે પરીક્ષણશીં બદલાન નાહાં દૂતાંહેં ઈસુશીં યીહું ને તાચી કાળજી ધીદ.

*બાઈબલમાશીં એક કાહની : માથ્થી :૪ :૧ -૧૧, માર્ક ૧:૧૨ -૧૩, લુક :૪ :૧-૧૩*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_25_128kbps.m4a

## 26. ઈસુને પોતાચે સેવાકાર્યચી શરવાત કરી

https://openbiblestories.org/l/vav-x-dauri/story-26/

![](https://cdn.door43.org/obs/jpg/360px/obs-en-26-01.jpg)

શેતાનચે પરીક્ષણ પૂરે હોન મંગે, ઈસુજથય રહત આશી તે ગાલીલચે પ્રદેશમાં પવિત્ર આત્માચે શક્તિ હારીં આઝુન ફીરીન.ઈસુ શીખવોં સાઠીં એક જગ્યાશીં દુસરી જગ્યાવર જાવ.આખે લોકાંહેં તાચે બારેમાં બેસ ગોઠ કરી.

![](https://cdn.door43.org/obs/jpg/360px/obs-en-26-02.jpg)

ઈસુ જથય મટોહોનો આશી, તથય નાઝરેથ નગરમાં જાવ. વિશ્રામવારચે દિસેં, તો પ્રાર્થનાચે જગ્યાવર જાવ. તાહેં તાદય યશાયા પ્રોબોધકચી ચોપડી વાંચો સાઠીં ઓપી. ઈસુને ચોપડી ખોલી ને એક ભાગ લોકાંદય વાચું આયકવી.

![](https://cdn.door43.org/obs/jpg/360px/obs-en-26-03.jpg)

ઈસુને વાંચી, “ગરીબદય સુવાર્તા ઓપોં, કેદીહાંદય છોડવોં, આંધળાદય નજર ઓપોં ને પીડિતાંદય આઝાદ કરોં સાઠીં દેવેં માંદય તાચો આત્મા દિનો આહાય.” યો વરીસ દેવાચી કૃપાચો આહાય.

![](https://cdn.door43.org/obs/jpg/360px/obs-en-26-04.jpg)

મંગે ઈસુ બુડા બસુ જાવ. આખે લોકાંહેં તાદય ધ્યાનશીં નાંગી.તેહેં ચોપડીમાશીં મસીહાચે બારેમાં જો ભાગ વાચીં, તો લોક જાણત આશી. ઈસુને આખી, “જે શબ્દ મંય વાંચી આહાત તે આતાં હોહું રહીન આહાત.” આખાં લોક વિચારમાં પડીન. "કાય યો યુસુફચો પોસો નાહાં? તાહેં આખી.

![](https://cdn.door43.org/obs/jpg/360px/obs-en-26-05.jpg)

મંગે ઈસુને “આખી, યો ખરો આહાય કાય કચેપણ પ્રબોધકચો પોતાચેજ શહેરમાં સ્વીકાર હોય નાહાં. એલિયા પ્રોબોધકચે ટાઈમ વખતે ઇઝરાયલમાં ઘણે વિધવા આશી. પણ જંય સાડે તીન વરીસ હુધી પાણી નાહાં વરસીન તંય દેવાને એલિયાદય ઇઝરાયલી વિધવાદય મદદ કરોં નાહાં, પણ તાચે બદલે દુસરે દેશચી વિધવાશીં દવડનો આશી.”

![](https://cdn.door43.org/obs/jpg/360px/obs-en-26-06.jpg)

મંગે ઈસુને આખી, “એલીસા પ્રોબોધકચે ટાઈમમાં ચામડીચે રોગશીં પીડાત અશે ઘણે લોક આશી. પણ એલીસા ને તામાંચે કોનાંદય પણ બેસ કરને નાહાં આશી. તાંહેં ખાલી નામાનચો કોઢ બેસ કરનો, જો ઇઝરાયલી દુશ્મનચો સેનાપતિ આશી. જે લોક ઈસુદય આયકત આશી તે યહૂદી આશી. તાદય અશાં આખતાં આયખુંને તે ખંતવાહું જાવ.

![](https://cdn.door43.org/obs/jpg/360px/obs-en-26-07.jpg)

નાઝરેથચે લોકાંહેં તાદય આરધના કરોંચી જગ્યાવરશીં બાહેર ધાઢવું કાઢી ને તાદય મારું મેલોં સાઠીં એક ડોગરાચે છેડાશીં ધીહું જાવ.પણ ઈસુ તે લોકાંચે વચ્ચેશીં નીઘું જાવ ને નાઝરેથચો નગર છોઢૂં દીન.

![](https://cdn.door43.org/obs/jpg/360px/obs-en-26-08.jpg)

મંગે ઈસુ ગાલીલચે પ્રદેશમાં જાવ ને મટી સંખ્યામાં લોક તાચે પાસ યાવ. તે બીમાર, ચાલોં, નાંગોં, આયકોં ને બોલોંદય તકલીફ અશે અપંગ લોકાંદય ઘીહું યાવ, ને ઈસુને તાંહદય બેસ કરી.

![](https://cdn.door43.org/obs/jpg/360px/obs-en-26-09.jpg)

ઘણે લોક જામાં ભુંડો આત્મા આશી તાંહદય ઈસુશીં આણનો આશી ઈસુચે આજ્ઞાશીં, ભૂંડે આત્મા લોકાંમાશીં બાહેર જાવ, ને ઘણેવાર આરડતાં, “તું દેવાચો પોસો આહાસ! લોક વિચારમાં પડીન ને દેવાચી આરાધના કરી.

![](https://cdn.door43.org/obs/jpg/360px/obs-en-26-10.jpg)

મંગે ઇસુને બાર ગોહલાંદય પસંદ કરી જે પ્રેરિત આખાંન.પ્રેરીતાંહેં ઈસુ હારીં મુસાફરી કરી ને તાપાસીં શીખીન.

*બાઈબલમાંશી એક કાહની :માથ્થી ૪:૧૨-૨૫,  માર્ક ૧:૧૪-૧૫, ૩૫ -૩૯, ૩ :૧૩-૨૧, લુક:૪:૧૪ -૩૦,૩૮ -૪૪*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_26_128kbps.m4a

## 27. ભલો સમરૂનીચી કાહની

https://openbiblestories.org/l/vav-x-dauri/story-27/

![](https://cdn.door43.org/obs/jpg/360px/obs-en-27-01.jpg)

એક દિસ, એક યહૂદી નિયમચો જાણકાર ઈસુદય તપાસોં તાચે પાસ યાવ ને આખી, અનંત જીવન મેળવોં સાઠીં માંદય કાય કરવોં પડય?”ઈસુને જવાબ ઓપી, દેવચે નિયમમાં કાય લખનો આહાય?”

![](https://cdn.door43.org/obs/jpg/360px/obs-en-27-02.jpg)

નિયમચે જાણનારાને જવાબ ઓપી દેવાચો નિયમ આખત આહાય કાય, તુંમચે દેવાદય પૂરો હ્રદય, પૂરો આત્મા, પૂરી સામર્થ્ય ને પૂરી બુદ્ધિશીં માયા કરા. ને જશાં તુમીં પોતાવર માયા કરત આહાયઝા તશાં તુમીં તુમચે પડોશીવર માયા કરા. “ઈસુ ને જવાબ ઓપી,તું ખરો આહાસ, અશાં કર ને તું જીવતો રહીશ.”

![](https://cdn.door43.org/obs/jpg/360px/obs-en-27-03.jpg)

પણ નિયમચે જાણનાર ઈસુદય સાબિત કરોં માગત આશી કાય તો સાચો આહાય, તાચેન સુદકરી, “માંઝો પડોશી કોણ આહાય?”

![](https://cdn.door43.org/obs/jpg/360px/obs-en-27-04.jpg)

ઈસુને નિયમચે જાણકારદય જવાબ ઓપતાં એક કાહની આખી. “એક યહૂદી માણુસ યરુશાલેમશીં યરીખો ગાંવ વાઠીન મુસાફરી કરત આશી.’’

![](https://cdn.door43.org/obs/jpg/360px/obs-en-27-05.jpg)

મુસાફરીચે ટાઈમ વાટેમાં લુટારાંચી એક ટોળકીને તાવર હમલો કરી.તાહેં તાચો આખો લૂટું ધીદ ને મરોં જલો કુટી. મંગે તે તથયશીં જાહું રહીન.”

![](https://cdn.door43.org/obs/jpg/360px/obs-en-27-06.jpg)

“ટુકે ટાઈમ મંગે, એક યહૂદી યાજક યે વાટવરશીં જાવ.જાદય લૂટું ને ફૂટનો આશી તાદય જંય યે ધાર્મિક આગેવાનને નાંગી,તેહેં તંય તાદય નાંગી નાહાં અશો કરુંને વાટેચે દુસરે વાઠીનશીં જાહું રહીન.

![](https://cdn.door43.org/obs/jpg/360px/obs-en-27-07.jpg)

“થોડોક ટાઈમ મંગે એક લેવી યે વાટેવર યાવ.[લેવીહાં યહૂદીહાંચી એક જાતિઆહાય જે ભક્તિ સ્થાનમાં યાજકોંદય મદદ કરત આહાત ] લેવીને પણ તે માર લાગને માણસાદય નાંગી ને વાટ વળાંઢૂને દુસરે વાઠીન ચાલું જાવ.

![](https://cdn.door43.org/obs/jpg/360px/obs-en-27-08.jpg)

વાટેવરશીં યેતો દુસરો માણુસ એક સમરૂની આશી.[સમરૂનીહાં યહૂદીહાંચે વંશજ આશી જાંહે દુસરે દેશચે લોકાંહારીંવરાડ કરનાં આશી.[સમરૂનીહા એક દુસરાદય વીઢત આશીં.] જંય સમરૂનીને યહૂદી માંણુસદય નાંગી,તાદય તાચેવર હજળ દયા યાવ. તાચેન તેહેં તાચી કાળજી ધીદ ને તાદય જથય લાગનો તથય પાટો બાંધી.”

![](https://cdn.door43.org/obs/jpg/360px/obs-en-27-09.jpg)

સમરૂની મંગે પોતાચે ગધેડાવર તે માણસાદય બસવુંને વાટેવર યીને એક આશ્રમમાં ઘીહું જાવ ને તાચી સારવાર કરી.

![](https://cdn.door43.org/obs/jpg/360px/obs-en-27-10.jpg)

“દુસરે દિસેં, સમરૂનીદય મુસાફરી કરોંચી જરૂરી આશી. તેહેં આશ્રમમાં કામ કરય તે માણુસદય થોડેક પૈસે ઓપી ને આખી, ‘તાચી સારવાર કરીશ, ને જો આચે કરતાં જે કાંય ઘણે પૈસે ખર્ચ હોય્દ તે, તો મંય આઝુન યેતાં યીહુને દેંય્દ.”

![](https://cdn.door43.org/obs/jpg/360px/obs-en-27-11.jpg)

મંગે ઈસુને નિયમચે જાણનારદય સુદકરી તું કાય વિચારત આહાશ? તીન ગોહલામાંશીં માર લાંગને માણસાચો ખરો પડોશી કોણ આશી? “તેહેં જવાબ ઓપી” જો માણુસ દયાળુ આશી તો. ઈસુ ને આખી, “તું જા ને તશે જ રીતે કર.

*બાઈબલમાંશી  એક કાહની  લુક :૧૦ :૨૫-૩૭*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_27_128kbps.m4a

## 28. જુવાન પૈસાવાળો સાહેબ

https://openbiblestories.org/l/vav-x-dauri/story-28/

![](https://cdn.door43.org/obs/jpg/360px/obs-en-28-01.jpg)

એક દિસ. એક પૈસાવાળો જુવાન સાહેબને ઈસુશીં યીહુંને સુદકરી, “ઉતમ ઉપદેશક,” અનંત જીવન મેળવોં સાઠીંમાંદય કાય કરવોં પડય્દ? ઈસુને તાદય આખી, તું કાય સાઠીં માદંય ‘ઉતમ’ આખત આહાશ? ખાલી એકુજ આહાય જો ઉતમ આહાય. ને તો દેવ આહાય, પણ જો તું અનંત જીવન મેળવોં માગત હોવો તે દેવાચે નિયમોંદય પાળ.

![](https://cdn.door43.org/obs/jpg/360px/obs-en-28-02.jpg)

કચે નિયમ માંદય પાળો પાયજત? “તેહેં સુદકરી, ઈસુને જવાબ ઓપી, “ખૂન કરોંચો નાહાં, વ્યભિચાર નાહાં કરોંચો,ચોરી નાહાં કરોંચી, ઠઘોંચો નાંહાં. તુઝે બાહાસ ને આય્સચો સન્માન કરોંચો, ને તુઝે પડોશીવર પોતાચે જશી માયા કરોચી.’’

![](https://cdn.door43.org/obs/jpg/360px/obs-en-28-03.jpg)

પણ જુવાનને આખી કાય,મંય બારીક આશી તંયશીં યે આખે નિયમ પાળત આહાંય. મંય આઝુન પણ કાય કરંય? જાખલ માંદય અનંત જીવન મીળય્દ, “ઈસુ ને તાદય નાંગી ને તાદય માયા કરી.

![](https://cdn.door43.org/obs/jpg/360px/obs-en-28-04.jpg)

ઈસુને જવાબ ઓપી, જો તું સંપૂર્ણ હોવંદય માગત હોવો તે, મંગે જા ને જાંકાય તુઝવર આહાય તાં આખાં વિખુને, તે પૈસે ગરીબાંદય ઓફુંદે ને સ્વર્ગમાં ખજાનો સાંપડય્દ. મંગે યેને માંઝે મગલાઠીન ચાલ.’’

![](https://cdn.door43.org/obs/jpg/360px/obs-en-28-05.jpg)

જુવાન માણુસ જંય ઈસુને જાં આખી તાં આયકી, તંય તો ઘણો દુઃખી હોન, કશા કાય તો હજડ પૈસાવાળો આશી ને આખી વસ્તુ છોઢું ઠોવોં માગત નાહાં આશી,તો આઝુન ફીરુંને ઈસુશીંશીં જાહું રહીન.

![](https://cdn.door43.org/obs/jpg/360px/obs-en-28-06.jpg)

મંગે ઈસુને તાચે ચેલાંદય આખી, પૈસા વાળે લોકાંદય દેવાચે રાજ્યમાં જાંવદય હજડ મુશ્કિલ આહાય! હં, એક પૈસાવાળે માણસાદય દેવાચે રાજ્યમાં શીરાવોં કરતાં એક ઊંટદય સુઈચે નાકામાંશીં જાંવદય સોંહપો આહાય.’’

![](https://cdn.door43.org/obs/jpg/360px/obs-en-28-07.jpg)

જંય ચેલાંહે ઈસુને જાં આખી તાં આયકી, તંય તાંહદય ઝટકો લાગીન ને આખી, “તે મંગે કોણ તારણ મેળવું શક્ય્દ.?”

![](https://cdn.door43.org/obs/jpg/360px/obs-en-28-08.jpg)

ઈસુને ચેલાંચે વાઠીન નાંગીને આખી, લોકાંસાઠી મુશ્કેલ આહાય, પણ દેવ સાઠીં આખી વસ્તુ સોંહપી આહાય.’’

![](https://cdn.door43.org/obs/jpg/360px/obs-en-28-09.jpg)

પિતરને ઈસુદય આખી, હામીં આખાં છોઢુંને તુઝે મગલાઠીંન યાવ આહાંવ. હામદય કાય ઇનામ મીળય્દ?’’

![](https://cdn.door43.org/obs/jpg/360px/obs-en-28-10.jpg)

ઈસુ ને જવાબ ઓપી એકુ ને એક માણુસ જો માંઝે સાઠીં પોતાચે ઘર,ભાવુસ,બહનીસ,બાહાસ,આય્સ, પોસે, અગર મિલકત છોડું દેય્દ, તો સૌઘણોં વધારે મેળવય્દ ને તાદય અનંતજીવન પણ મીળય્દ” પણ ઘણે લોક જે પહલે આહાત તે છેલ્લે હોહિત,ને ઘણે જે છેલ્લે આહાત તે પહલે હોહિત.”

*બાઈબલમાંચી એક કાહની :માથ્થી ૧૯:૧૬-૩૦, માર્ક ૧૦:૧૭-૩૧, લુક:૧૮:૧૮-૩૦*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_28_128kbps.m4a

## 29. એક દયા વગરચે નોકરચી કાહની

https://openbiblestories.org/l/vav-x-dauri/story-29/

![](https://cdn.door43.org/obs/jpg/360px/obs-en-29-01.jpg)

એક દિસ, પિતરને ઈસુદય સુદકરી, “માલિક, માંદય માંઝે ભાવુસદય કલેક વાર માફ કરવોં પડય,જંય તો માંઝે વિરુદ્ધ પાપ કરય્દ? કાય સાત વાર હુધી? “ઈસુ ને આખી “સાત વાર નાહાં, પણ સીતેરગણો સાત વાર” યે રીતે ઈસુ ને યો મતલબ દાખવી કાય આપણાંદય કાયમ માફ કરવોં પડય, મંગે ઈસુને યી કાહની આખી.

![](https://cdn.door43.org/obs/jpg/360px/obs-en-29-02.jpg)

ઈસુને આખી, “દેવાચો રાજ્ય એક રાજા જશો આહાય જો પોતાચે નોકરાંહારીં હિસાબ કરોં માંગત આહાય. તાચે એક નોકરને હજડ બાકી ઘીદની જાચી કિંમત ૨,૦૦,૦૦૦ વરીસચે પગાર જલો આશી.”

![](https://cdn.door43.org/obs/jpg/360px/obs-en-29-03.jpg)

“નોકર તી બાકી ચુખવું નાહાં શકીન, તાચેન રાજા ને આખી, “બાકી ચુકવોં” સાઠીં યો માણુંસ ને તાચે કુટુંબદય ગુલામ જશો વિખુ દીન.”

![](https://cdn.door43.org/obs/jpg/360px/obs-en-29-04.jpg)

“નોકર ને રાજાચે પાસ તાચે માંડીયે પઢુંને આખી કાય, “માંઝે હારીં ધીરજ ઠોવ,ને મંય તુદય બાકીચી આખી રકમ ચુકવું દેંય્દ. રાજાને નોકરવર દયા કરી, તાચેન તેહેં તાચી આખી બાકી માફ કરું દીન ને તાદય જાંવદય દીન.’’

![](https://cdn.door43.org/obs/jpg/360px/obs-en-29-05.jpg)

પણ જંય તો નોકર રાજાશીંશીં નીઘીન, તંય તો તાચે જોડીવાળે નોકરદય મીળીન જાચેવર ચાર મહિનાચે પગાર જલી બાકી આશી. નોકર ને તાચે સાથી નોકરચો ગળો ધરુંને આખી, “માંઝે પાસશીંઘીદને પૈસે માંદય ચુખવું દે.’’

![](https://cdn.door43.org/obs/jpg/360px/obs-en-29-06.jpg)

“જોડીવાળા નોકરને તાચે માંડયાંવર પઢુંને આખી કાય, “માંઝેશીં ધીરજ રાખ, મંય તુદય બાકીચી આખી રકમ દેંય્દ,”પણ તાચે બદલે તે, નોકરને તાચે જોડીવાળે નોકરદય જંય હુધી તી બાકી ચુકવય નાહાં તંય હુધી જેલમાં પૂરી.”

![](https://cdn.door43.org/obs/jpg/360px/obs-en-29-07.jpg)

કલાખાંડ દુસરાં નોકરાંહે યો હોત નાંગી ને દુઃખી હોહું જાવ તે રાજાશીં, જાવ ને તાદય આખાં આખું દાખવી.’’

![](https://cdn.door43.org/obs/jpg/360px/obs-en-29-08.jpg)

રાજાને નોકરદય સાદીને આખી, હે ખરાબ નોકર! મંય તુઝી બાકી માફ કરી કશા કાય તુહેં વીનંતી કરી. તુદય પણ તશોજ કરવોં પડત આશી. “રાજા ઘણો ખંતવાન ને જંય હુધી આખી બાકી ચુકવય નાહાં તંય હુધી તે નોકરદય જેલમાં પૂરું દીન.’’

![](https://cdn.door43.org/obs/jpg/360px/obs-en-29-09.jpg)

મંગે ઈસુંને આખી, “તુમી તુમચે ભાવુસદય તુમચે હ્રદયશીં માફ નાહાં કરા તે માંઝો બાહાસ પણ તુમચે આખાં હારીં યે રીતે કરય્દ.”

*બાઈબલમાંશી એક કાહની ૧૮:૨૧-૩૫*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_29_128kbps.m4a

## 30. ઈસુ પાંચ હજાર લોકાંદય જેંવાડત આહાય

https://openbiblestories.org/l/vav-x-dauri/story-30/

![](https://cdn.door43.org/obs/jpg/360px/obs-en-30-01.jpg)

ઈસુને તાચે ચેલાંદય બોધ ઓપી ને શિક્ષણ ઓપી, ઘણેં અલગ અલગ ગાવાંમાં દવડી. તે ઈસુ જથય આશી તથય આઝુન યાવ તંય, તાંહે જાં કરના આશી તાં તાદય આખી. મંગે ઈસુને તાંહદય ઘડયેક આરામ કરોં સાઠીં તળાવચે દુસરે વાઠીન એક શાંત જગ્યાવર તાચેહારીં જાંવદય સાઠીં આમંત્રણ ઓપી. તાચેન, તે હોડીમાં બસીનને તળાવચે દુસરે વાઠીંન જાવ.

![](https://cdn.door43.org/obs/jpg/360px/obs-en-30-02.jpg)

પણ ઘણે લોકાંહે ઈસુને તાચે ચેલાંદય હોડીમાં જાતાં નાંગી. યે લોક તાંહદય મીળોંદય ધાવુંને તાંહચે પહલે પહોંચુ જાવ. જંય ઈસુને ચેલે પહોંચીન તંય, ઘણે લોક તાંહચે સાઠીં પહેલેશીં જ વાટ નાંગત રહને આશીં.

![](https://cdn.door43.org/obs/jpg/360px/obs-en-30-03.jpg)

ભીડમાં ૫૦૦૦ માણુંસ આશી, જામાં બાઈલોં ને પોસાંચી ગણતરી નાંહા. ઈસુદય લોકાંવર હજડ દયા યાવ.ઈસુ સાઠીં, યે લોક પાળક વગરચે ઘેટાંચે જશે આશી. તાચેન તાંહે તાંહદય શીખવી ને તાંહચે વચ્ચે જે બીમાર આશી તે લોકાંદય બેસ કરી.

![](https://cdn.door43.org/obs/jpg/360px/obs-en-30-04.jpg)

વેળાંચે, ચેલાંહે ઈસુદય આખી, “હજડ મોડો હોહું જાવ આહાય ને પાસમાં એક પણ ગાંવ નાહા. લોકાંદય દવઢું દે કાય તે ખાંવદય સાઠીં કાંય ધીહું શકત.”

![](https://cdn.door43.org/obs/jpg/360px/obs-en-30-05.jpg)

ઈસુને તાચે ચેલાંદય આખી, “તુમી તાંહદય કાંય ખાંવચો ઓપાં!” તાહેં આખી, હામી તે કશેક રીતે કરું શકોંવ? હામચે પાસ ખાલી પાંચ ભાકર ને દોન માછલી આહાય.’’

![](https://cdn.door43.org/obs/jpg/360px/obs-en-30-06.jpg)

ઈસુને તાચે ચેલાંદય આખીકાય લોકાંદય રાનાવર પચાસચે જૂથમાં બસું જાંવદય આખા.

![](https://cdn.door43.org/obs/jpg/360px/obs-en-30-07.jpg)

મંગે ઈસુને પાંચ ભાકર ને દોન માછલે ધીદ, ઊંચે ડાંબરામાં નાંગીને ખોરાક સાઠીં દેવાચો આભાર માંણીન.

![](https://cdn.door43.org/obs/jpg/360px/obs-en-30-08.jpg)

મંગે ઈસુને ભાકર ને માછલીચે ટુકડે કરી. તે ટુકડે લોકાંદય ઓપોં સાઠીં ચેલાંદય ઓપી. ચેલે તો ખોરાક દુસરે લોકાંદય ઓપત જાવ ને તો ખૂઠીન નાંહા! આખે લોકાંહે ખાદ ને ભરાહું જાવ.

![](https://cdn.door43.org/obs/jpg/360px/obs-en-30-09.jpg)

તાચે મંગે, ચેલે બચનો ખાંવચો ભેગો કરોં મંડીન ને તાંહખલ બાર ટોપલી ભરાંન. આખો ખોરાક પાંચ રોટલી ને દોન માછલીમાંશીં આશી.

*બાઈબલચી એક કાહની ૧૪:૧૩ -૨૧,  માર્ક:૬:૩૧-૪૪, લુક:૯:૧૦-૧૭, યોહન:૬:૫-૧૫*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_30_128kbps.m4a

## 31. ઈસુ પાણીયાવર ચાલત આહાય

https://openbiblestories.org/l/vav-x-dauri/story-31/

![](https://cdn.door43.org/obs/jpg/360px/obs-en-31-01.jpg)

જંય ઈસુ લોકાંદય વિદાય ઓપત આશીં તંય તેહેં ચેલાંદય હોડીમાં બસુને ખાડીચે તાઠીન જાંવદય આખી. લોકાંદય વિદાય કરુને મંગે ઈસુ પરાથના કરોં ડોગરાવર એકાંતમાં જાવ. તથય ઈસુ પોતે એકલો આશી ને મટી રાત હુધી તાંહેં પરાથના કરી.

![](https://cdn.door43.org/obs/jpg/360px/obs-en-31-02.jpg)

તે વખતે, ચેલે પોતાચી હોડીદય વાયલત આશી, પણ મટી રાત હોન તંય હુધી તે આઝુન દરિયાચે વચ્ચે જ પહોંચને આશી. તે ઘણે મુશ્કીલશીં હોડીદય વાયલત આશી, કશા કાય વારો સામેશીં યેત આશી.

![](https://cdn.door43.org/obs/jpg/360px/obs-en-31-03.jpg)

તંય ઈસુ પોતેચી પરાથના પૂરી કરુંને ચેલાંચે પાસ જાવ. તો પાણીયાવર ચાલુંને દુસરે વાઠીન તાંહચે હોડીચે વાઠીન જાવ.

![](https://cdn.door43.org/obs/jpg/360px/obs-en-31-04.jpg)

ચેલાંહે જંય ઈસુદય નાંગી તંય તે ઘણે બીહું જાવ, કશા કાય તાંહે વિચારી કાય તે એકાદ ભુતાદય નાંગત આહાત. ઈસુ જાણું જાવ કાય તે બીહીન આહાત, તાચેન ઈસુને ચેલાંદય આરઢુંને આખી કાય બીહા નાંખે.. યો મંય આહાય!

![](https://cdn.door43.org/obs/jpg/360px/obs-en-31-05.jpg)

તંય પિતરને ઈસુદય આખી “ઓ પ્રભુ, જો યો તું હોવોશ, તે માંદય આજ્ઞા દે કાય મંય પાણીયાવર ચાલુંને તુઝે પાસ યેંય.” ઈસુને પિતરદય આખી, “યે!”

![](https://cdn.door43.org/obs/jpg/360px/obs-en-31-06.jpg)

તાચેન, પિતર હોડીવરશીં ઉતરુંને ઈસુશીં જાંવદય પાણીયાવર ચાલોં મંડીન. પણ લગારવાર ચાલુંને મંગે, તેહેં પોતાચી નજર ઈસુચે વાઠીનશીં ફીરવું ધીદ ને હલફાચે વાઠીન નાંઘુને વારાદય નાંગો મંડીન.

![](https://cdn.door43.org/obs/jpg/360px/obs-en-31-07.jpg)

તંય પિતર બીહીન ને પાણીયામાં બુડોં મંડીન. તેહેં આરડી કાય, “હે માલિક, માંદય બચાવ!” ઈસુને લંગેચ ડિઘો હાથ કરુંને તાદય ધરી. તંય તેહેં પિતરદય આખી, “ઓય અરધે વિશ્વાસી, તુહેં શંકા કશા કરી?”

![](https://cdn.door43.org/obs/jpg/360px/obs-en-31-08.jpg)

જંય પિતર ને ઈસુ હોડીમાં યાવ, લંગેજ વારો બંધ હોન ને પાણી ધીરેં પડીન. ચેલે વિચારમાં આશી. તાહેં ઈસુચી આરધના કરીને તાહેં આખી, “નક્કી, તું દેવાચો પોસો આહાશ.”

*બાઈબલચી કાહની : માથ્થી :૧૪ :૨૨-૩૩; માર્ક:૬:૪૫-૫૨; યોહાન: ૬:૧૬-૨૧*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_31_128kbps.m4a

## 32. ઈસુ એક ભૂત લીપટને ને એક બીમાર બાઈલેદય બેસ કરય.

https://openbiblestories.org/l/vav-x-dauri/story-32/

![](https://cdn.door43.org/obs/jpg/360px/obs-en-32-01.jpg)

એક દિસ, ઈસુ ને તાચે ચેલે એક હોડીમાં બસુંને દરિયાચે દુસરે વાઠીંન એક દેશમાં જાવ જથય ગદરાનીચે લોક રહત આશી.

![](https://cdn.door43.org/obs/jpg/360px/obs-en-32-02.jpg)

જંય તે દરિયાચે તાઠીન પહોંચીન, તંય એક ભૂત લીપટનો માણુસ ધાંવત તાંહચે પાસ યાવ.

![](https://cdn.door43.org/obs/jpg/360px/obs-en-32-03.jpg)

યો માણુસ અલો તાકતવાળો આશી કાય કોની પણ તાદય કાબુમાં કરું શકત નાહાં આશી. તંય હુધી કાય લોક તાચે હાથને પાંહાંદય સાંકળી પણ બાંધત, પણ તો તાદય પણ તોઢું મેલત આશી.

![](https://cdn.door43.org/obs/jpg/360px/obs-en-32-04.jpg)

યો માણુસ તે જગ્યાચે કબરોમાં રહત આશી. તો માણુસ રાત, દિસ આરડત આશી. તો કપડે ભરત નાહાં આશી ને દગડાખલ પોતાદય ઘાયલ કરત આશી.

![](https://cdn.door43.org/obs/jpg/360px/obs-en-32-05.jpg)

જંય તો માણુસ ઈસુચે પાસ યાવ,તંય તો તાચે સામે પોતાચે માંડીયેવર પડીન. ઈસુને તે ભૂતાદય આખી, “યે માણસામાંશી નીઘુ જા!”

![](https://cdn.door43.org/obs/jpg/360px/obs-en-32-06.jpg)

ભૂત લિપટનો માણુસ મટે અવાજખલ બોલીન, આખાંશીં મટે દેવાચે પોસા, ઈસુ, તું માઝપાંશીં કાય માગશ? કૃપા કરુંને માંદય દુઃખ નાખે દેશ!” તંય ઈસુને ભૂતાદય સુદકરી, “તુઝો નાંવ કાય આહાય?” તેહેં જવાબ ઓપી, “ માંઝો નાંવ સેના આહાય. કશા કાય હામીં ઘણે આહાંવ. (સેના “રોમન લશ્કરોમાં કલાખાંડ હજારોસૈનિકોંચી ટુકડી )

![](https://cdn.door43.org/obs/jpg/360px/obs-en-32-07.jpg)

ભૂતાંહે ઈસુદય વિનંતી કરી કાય “કૃપા કરુંને હામદય યે જગ્યામાંશી બાહેર કાઢશ નાખે!” તથય નજીકુજ ડોગરાવર ડુકરાંચો ટોળો ચરત આશી, યે સાઠીંભુતાંહેં ઈસુદય આખી કાય “યે સાઠીં કૃપા કરુંને હામદય ડુકરાંચે ટોળામાં દવડ. ઈસુને આખી, “જાયા!”

![](https://cdn.door43.org/obs/jpg/360px/obs-en-32-08.jpg)

ભૂત તે માણસામાંશીં નીઘુંને ડુકરામાં શીરાન. ડુકર ડોગરાચે હેલખંડી વરશીં બુડા ધાંવીન ને દરિયામાં બુડીન. યે કળપામાં લગભગ ૨૦૦૦ ડુકર આશી.

![](https://cdn.door43.org/obs/jpg/360px/obs-en-32-09.jpg)

જે ડુકરાંચી દેખરેખ કરત આશી તથય તાંહેં જા હોન તાં આખાં નાંગી, તે ગાવાંમાં જાવ ને કોનીં તાંહદય મિળીન તે આખાંદય જાં કાંય ઈસુને કરનો આશી તો આખો આખી. ગાવાંમાશીં લોક યીહુંને તે માણસાદય નાંગીજામાં ભૂત રહત આશી. તો કપડે ભરુંને, આરામશીં બસનો આશી ને એક સાધારણ માણુસ જશો વ્યવહાર કરતઆશી.

![](https://cdn.door43.org/obs/jpg/360px/obs-en-32-10.jpg)

લોક હજડ બીહું જાવ ને ઈસુદય તથયશીંજાંવદય આખી. તાચેન ઈસુ હોડીમાં બસીન ને જાંવચી તૈયારી કરી. જે માણસામાં પહલો ભૂત રહત આશી, તેહેં ઈસુહારીં જાંવચી વિનંતી કરી.

![](https://cdn.door43.org/obs/jpg/360px/obs-en-32-11.jpg)

પણ ઈસુને તાદય આખી, “નાહાં, માઝી ઈચ્છા આહાય કાય તું ઘરા જા ને દેવાને જો તુઝે સાઠીં કરી આહાય, તાચે વિશે પોતાચે દોસ્તાર ને કુટુંબદય આખ, કાય કશેક રીતે તેહેં તુઝવર દયા કરી આહાય.

![](https://cdn.door43.org/obs/jpg/360px/obs-en-32-12.jpg)

તાચેન તો માણુસ તથયશીં જાવ ને આખાંદય ઈસુને તાચે સાઠીં જાં કામ કરના આશી તાં આખું દાખવી. જો કોનીં તાચી કાહની આયકી તાંહદય નવાઈ લાગીન.

![](https://cdn.door43.org/obs/jpg/360px/obs-en-32-13.jpg)

ઈસુ દરિયાચે દુસરે વાઠીન આઝુન જાવ. જંય તે તથય પહોંચીન, તે એક મટો કળપ તાચે આસપાસ ભેગો હોન ને તાવર ચઢાપડી કરત આશી. કળપામાં એક બાઈલ આશી જી બાર વરીસશીં એક લોહીવાચી બીમારીશીં પીડાત આશી. તેહેં પોતાચો આખો પૈસો દવાવર ખર્ચો કરનો આશી, કાય જાશીં તી તેદય બેસ કરું શકય, પણ તેચી હાલત વધારે ભૂંડી હોન.

![](https://cdn.door43.org/obs/jpg/360px/obs-en-32-14.jpg)

તેહેં આયકનો કાય ઈસુને ઘણે બીમાર લોકાંદય બેસ કરનો આહાય ને તેહેં વિચારી, “માંદય પાકો વિશ્વાસ આહાય કાય જો મંય ખાલી તાચે કપડાદય ધરંય્દ, તંય મંય પણ બેસ હોય્દ!’’ યે સાઠીંતી ઈસુચે મગલાઠીન યાવ ને તાચે કપડાદય ધરી. જશો તી તાચે કપડાદય ધરી કાય તેચો ચાલુ માસિક બંધ હોહું જાવ!

![](https://cdn.door43.org/obs/jpg/360px/obs-en-32-15.jpg)

ઈસુને લગેંજ જાનુંઘીદ કાય તાચેમાંશી સામર્થ્ય નીઘીન આહાય. યે સાઠીં તેહેં મગલાઠીન નાઘુંને સુદકરી, “માંદય કોણેં ધરી?”

![](https://cdn.door43.org/obs/jpg/360px/obs-en-32-16.jpg)

ચેલાંહેં જવાબ ઓપી, “તુઝે ચારી વાઠીન કળપામાં ઘણાં લોક આહાત. ને તે તુઝવર ચઢાપડી કરત આહાત.. તુહેં કશા સુદકરી, માંદય કોને ધરી?’’ તી બાઈલ બિહત ને કાંપત ઈસુચે સામે માંડીયે પઢું જાવ. તાચે મંગે તેહેં તાદય દાખવી કાય તેહેં કાય કરનો આશી ને તી બેસ હોની આશી. ઈસુ ને તેદય આખી, “તુઝે વિશ્વાસ ને તુદય બેસ કરી આહાય. આરામશીં જા.”

*બાઈબલચી એક કાહની . માથ્થી : ૮:૨૮-૩૪; ૯:૨૦-૨૨, માર્ક : ૫ : ૧-૨૦; ૫:૨૪ -૩૪; લુક :૮ : ૨૬-૩૯, ૮ :૪૨-૪૮.*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_32_128kbps.m4a

## 33. ખેડૂતચી કાહની

https://openbiblestories.org/l/vav-x-dauri/story-33/

![](https://cdn.door43.org/obs/jpg/360px/obs-en-33-01.jpg)

એક દિસેં, ઈસુ દરિયાચે કાંઠાવર ઘણે માણસાંદય શિક્ષણ ઓપત આશી. તાદય આયકોંદય સાઠીં અલા ઘણાં લોક યીનાં આશી કાય ઈસુદય પાણીયાચે કાંઠાવર એક હોડીવર ચઢોં પડીન, યે સાઠીં કાય તાદય ગોઠ કરોં સાઠીં તથય પૂરી જગ્યા મીળું શકય. તો હોડીમાં બસુ જાવ ને લોકાંદય શિક્ષણ ઓપોં મંડીન.

![](https://cdn.door43.org/obs/jpg/360px/obs-en-33-02.jpg)

ઈસુને યી કાહની આખી, “એક ખેડૂત બીં લાવોંદય જાવ. તો પોતાચે હાથાખલ બીં પયરત આશી, તંય કલેખાંડ બીં વાટેમાં પડીન ને ચીડે યાવને તે બીં ખાહું જાવ.

![](https://cdn.door43.org/obs/jpg/360px/obs-en-33-03.jpg)

“દુસરે બીં ખડક વાળી જમીન વર પડીન, જથય થોડીકુજ માટી આશી. દગડવાળી માટીમાં બીં લગેંજ ઊંઘું નીઘીન, પણ તાંહચે મૂળ માટીમાં માંજ હુધી જાહું શકીન નાહાં. જંયદિસ નીઘીન ને ગરમી વધીન, તે રોંપ સુકું જાવ ને મરું જાવ."

![](https://cdn.door43.org/obs/jpg/360px/obs-en-33-04.jpg)

“ને કલેખાંડ બીં કાંટાવાળે ઝાંખરામાં પડીન. તે બીં મટે હોંવદય મંડીન, પણ કાંટા-ઝાંખરાને દબાવું મેલી. છેલ્લે જે રોંપ કાંટાળે ઝાંખરામાં ઊંગને આશી તામાં કાંઈ પણ અન્ન ઉપજ હોન નાહા."

![](https://cdn.door43.org/obs/jpg/360px/obs-en-33-05.jpg)

“દુસરે બીં બેસ જમીનવર પડીન. તે બીં વધીન ને તાંહખલ ૩૦,૬૦ ને ૧૦૦ ઘણો અન્ન ઉપજ હોન." “જાચે કાન આહાત તે આયકત!”

![](https://cdn.door43.org/obs/jpg/360px/obs-en-33-06.jpg)

યે કાહનીને ચેલાંદય ગુંચવણમાં પાડી. તે સાઠીં ઈસુને સમઝાવી, ”બીં દેવાચો વચન આહાય. વાટ યો અસો માણુંસ આહાય જો દેવાચે વચનદય આયકત આહાય, પણ સમઝય નાહાં, ને ભૂત તે વચનદય તાચેશીં દુર કરત આહાય.

![](https://cdn.door43.org/obs/jpg/360px/obs-en-33-07.jpg)

દગડવાળી જાગા અસે માણુંસ આહાત જે દેવાચે વચનદય આયકત આહાત, ને ખુશીશીં માનત આહાત. પણ જંય તે દુઃખ ને સતાવણી યેયતંય તે આઝુન પઢું જાત આહાત.

![](https://cdn.door43.org/obs/jpg/360px/obs-en-33-08.jpg)

“કાંટાળી જાગા એક અસો માણુસ આહાય જો દેવાચે વચન આયકત આહાય, પણ જસો ટાઇમ હોત જાય, તશો ચિંતા, પૈસો ને જીવનચી ખુશી, દેવાચે સાઠીંચી તાચી માયાદય નાશ કરું દેત આહાય. જાચે કારણે, જો શિક્ષણ તેહેં આયકનો આશી તાદય ફળ યેય નાહા.”

![](https://cdn.door43.org/obs/jpg/360px/obs-en-33-09.jpg)

“પણ બેસ, જાગા તો માણુસ આહાય જો દેવાચે વચનદય આયકત આહાય, તાવર વિશ્વાસ કરત આહાય, ને તો ફળ ઉપજ કરત આહાય.”

*બાઈબલચી એક કાહની : માથ્થી ૧૩: ૧-૮, ૧૮-૨૩; માર્ક : ૧-૮, ૧૩-૨૦;  લૂક : ૮: ૪-૧૫.*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_33_128kbps.m4a

## 34. ઈસુ દુસરી કાહની શીખવત આહાય

https://openbiblestories.org/l/vav-x-dauri/story-34/

![](https://cdn.door43.org/obs/jpg/360px/obs-en-34-01.jpg)

તેહેં તાંહદય સ્વર્ગચે રાજ્યચે બારેમાં કલીખાંડ કાહની, આયકવી. દાખલા તરીકે, “સ્વર્ગચો રાજ્ય રાયચે એક દાણા જશો આહાય, જાદય કોનીં માણસાને ઘીંહુને પોતાચે સેતામાં લાવી. તુમીં જાણત આહાયઝા કાય રાયચો દાણો દુસરે આખે દાણા કરતાં બારીક રહત આહાય.

![](https://cdn.door43.org/obs/jpg/360px/obs-en-34-02.jpg)

"પણ જંય રાયચો દાણો વધત આહાય, તે તો ગાર્ડનચે રોંપામાં આખાં કરતાં મટો રોંપ હોહું જાત આહાય. અલો મટો કાય ચીડે યીહુંને તાચે ખાંદીયાંવર બસત આહાત.’’

![](https://cdn.door43.org/obs/jpg/360px/obs-en-34-03.jpg)

ઈસુને એક દુસરી કાહની આયકવી, “સ્વર્ગચો રાજ્ય એક અસે ખમીર જશો આહાય જાદય કોનીં એક બાયલેં ભાખરચે થોડેક પીઠામાં તંય હુધી મિક્ષ કરી કાય તો આખે પીઠામાં પસરું જાવ.

![](https://cdn.door43.org/obs/jpg/360px/obs-en-34-04.jpg)

સ્વર્ગચો રાજ્ય એક અસે ખજાના જસો આહાય જાદય કોનીં એક માણસાને સાંપડવી ને સેતામાં દપવું ઠોવી. દુસરે માણસાદય યો ખજાનો મીળીન ને તેહેં તો આઝુન દાઠું દીન. તો ખુશીખલ અલો ભરાહું જાવ કાય તેહેં જાહુંને જાં કાંય તાંચે પાસ આશી તાં વિખુ મેલી ને તે પૈસાખલ તેહેં સેતાદય વિકત ધીદ.”

![](https://cdn.door43.org/obs/jpg/360px/obs-en-34-05.jpg)

“દેવાચો રાજ્ય ઘણો કિમતી બેસ મોતીચે જસો આહાય. જંય વેપારીદય તો મોતી સાંપડીન તંય તો વિકત ઘેવંદય સાઠીં જાહુંને પોતાચો આખો વિખું મેલી.”

![](https://cdn.door43.org/obs/jpg/360px/obs-en-34-06.jpg)

મંગે ઈસુને જે પોસાચે બેસ કામાવર ભરોસો રાખત આશી ને દુસરે લોકાંદય મામૂલી માનત આશી તસે કલેખાંડ લોકાંદય કાહની આયકવી તેહેં આખી,"દોન માણુસ મંદિરમાં પરાથના કરોં જાવ તામાંશી એક કર ઉઘરાવવાળો, ને દુસરો એક ધાર્મિક યાજક આશી.”

![](https://cdn.door43.org/obs/jpg/360px/obs-en-34-07.jpg)

“ધાર્મિક યાજકને યે પ્રમાણે પરાથના કરી કાય,'દેવા તુઝો આભાર, કાય મંય દુસરે લોકાંચે જસો તસોજ યે કર ઉઘરાવનાર જસો પાપી નાહાં - લુંટારો, પાપી, વ્યભિચારી.

![](https://cdn.door43.org/obs/jpg/360px/obs-en-34-08.jpg)

દાખલા તરીકે, મંય અઠવાડિયામાં દોન વાર ઉપવાસ કરત આહાંય ને માંઝે આખે પૈસે ને માલચે દસ ટકા દેત આહાય.

![](https://cdn.door43.org/obs/jpg/360px/obs-en-34-09.jpg)

તો ઉધરાવવાળો માણુસ યાજકશીં દુર ઉભો રહીન, ને ઉપર ડોળે કરુંને પણ નાહાં નાંગી, પણ તેહેં પોતાચી મુઠ્ઠીખલ પોતાચો ધુગાડો કુઠુંને પરાથના કરી, દેવા કૃપા કરું માંઝવર દયા કર કશા કાય મંય એક પાપી આહાંય.”

![](https://cdn.door43.org/obs/jpg/360px/obs-en-34-10.jpg)

મંગે ઈસુને આખી “મંય તુદય આખત આહાંય કાય, દેવાને તે કર ઉઘરાવવાળાચીપરાથના આયકી ને તાદય ન્યાયી ઠરાવી. પણ તાદય ધાર્મિક યાજકચી પરાથના બેસ નાહાં લાગીન. જો ઘમંડવાળો આહાય તસે આખાંદય દેવ નમ્ર કરદય, ને જો કોનીં પોતાદય નમ્ર કરત આહાય તાદય તો ઊંચો કરત આહાય.”

*બાઈબલચી એક કાહની માથ્થી : ૧૩: ૩૧-૩૩,૪૪-૪૬. માર્ક : ૪: ૩૦-૩૨, લૂક : ૧૩: ૧૮-૨૧; ૧૮: ૯-૧૪.*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_34_128kbps.m4a

## 35. દયાળુ બાહાસચી કાહની

https://openbiblestories.org/l/vav-x-dauri/story-35/

![](https://cdn.door43.org/obs/jpg/360px/obs-en-35-01.jpg)

એક દિસ ઈસુ ઘણે કર ઉઘરાવવાળાંદય ને પાપીલોકાંદય શીખવત આશી, જે તાદય આયકોંદય સાઠીં ભેગે હોને આશી.

![](https://cdn.door43.org/obs/jpg/360px/obs-en-35-02.jpg)

તથય કલેખાંડ ધાર્મિક યાજક આશી. તાંહે નાંગી કાય ઈસુ પાપીયાંચે હારીં દોસ્તાર જસો ચાલચલન કરત આશી તંય તે માજમાજ ટીકા કરોં મંડીન. તાચેન ઈસુને તાંદય એક કાહની આયકવી.

![](https://cdn.door43.org/obs/jpg/360px/obs-en-35-03.jpg)

એક માણસાદય દોન પોસે આશી. બારીક પોસાને પોતાચે બાહાસદય આખી, 'બાપા, માલ-મિલકતચો માંઝો ભાગ માંદય આંતાજ દે! તંય બાહાસને પોતાચી મિલકત પોતાચે દોનીં પોસાંદય વાંઠૂંને ઓપી.

![](https://cdn.door43.org/obs/jpg/360px/obs-en-35-04.jpg)

બારીક પોસાને વેગ-વેગ તાપાં જાં કાંય આશી તાં આંખા ભેગાં કરી ને દૂર દેશમાં જાવ ને પાપવાળે જીવનમાં પોતાચી મિલકત બગાઢું મેલી.

![](https://cdn.door43.org/obs/jpg/360px/obs-en-35-05.jpg)

મંગે, જે દેશમાં બારીક પોસો રહત આશી તથય ભારીં દુકાળ પડીન, ને તાચે પાસ ખાંવચો ઘેવંદય સાઠીં પૈસે નાહાં આશી. તાદય ખાલી ડુકર ચારોંચો કામ સાંપડીન. તો અલો દુઃખી ને ભુખેજનો આશી કાય ડુકરાંચે ખાનાખલ પોટ ભરોંચો વિચારત આશી.

![](https://cdn.door43.org/obs/jpg/360px/obs-en-35-06.jpg)

“છેલ્લે, બારીક પોસાને પોતેદય જ આખી કાય, 'મંય અથય કાય કરત આહાંય? માંઝે બાહાસચે આખેજ નોકરાંપાં ખાંવદય સાઠીં હજડ ખાનો આહાય. ને મંય તે અથય ભૂખે મરત આહાંય. મંય માંઝે બાહાસશીં આઝુન જાંય્દ ને તાચો એક નોકર બનંય્દ.

![](https://cdn.door43.org/obs/jpg/360px/obs-en-35-07.jpg)

છેલ્લેબારીક પોસો આઝુન પોતાચે બાહાસચે ઘરા જાંવદય તૈયાર હોહું જાવ. જંય તો આઝુન થોડેક દુર આશી તલામાં તાચે બાહાસને તાદય નાંગી ને તાવરદયા યાવ. તો પોતાચે પોસાચે વાઠીન ધાંવીન ને તાદય ગળે લાગીન ને ચુમીન.

![](https://cdn.door43.org/obs/jpg/360px/obs-en-35-08.jpg)

પોસાને આખી, બાપા, મંય દેવાચે ને તુઝે આગળ પાપ કરનો આહાય મંય તુઝો પોસો આખાંવદય લાયક નાહાં.

![](https://cdn.door43.org/obs/jpg/360px/obs-en-35-09.jpg)

પણ તાચે બાહાસને પોતેચે નોકરાંદય આખી, 'વેગ જાયાને બેસ કપડે આના ને માંઝે પોસાદય ભરવા.' આચે આંગઠીમાં વીંટી ભરવા ને પાંહામાં બુટ ભરવા. ને બેસ વાંછરડાદય આણુંને કાપા કાય આપણી ખાહુંને ખુશ હોંવ. કશા કાય યો માઝો પોસો મરણો આશી પણ આતાં તો જીવતો આહાય! તો ભૂલનો આશી, પણ આતાં તો સાંપડીન આહાય.

![](https://cdn.door43.org/obs/jpg/360px/obs-en-35-10.jpg)

ને તે લોક ખુશી મનાવોં મંડીન થોડોક ટાઇમ મંગે, મટો પોસો સેતામાશીં કામ કરુંને ઘરા આઝુન યાવ. તેહેં ગીત ને નાચોંચો ગાજ આયકી ને વિચારમાં પડીન કાય, કાય હોહું રહીન આહાય.

![](https://cdn.door43.org/obs/jpg/360px/obs-en-35-11.jpg)

જંય મટે પોસાદય ખબર પડીન કાય બારીક પોસો ઘરા આઝુન યાવ તાચે કારણે તે ખુશી મનાવત આહાત, તંય તો હજડ ખંતવાનને ઘરામાં માજ જાંવદય તૈયાર નાહાં આશી. તાચે બાહાસને બાહેર યીહુંને વિનંતી કરી કાય તું હામચે હારીં ખુશી મનાવ. પણ તેહેં ના પાઢું દીન.

![](https://cdn.door43.org/obs/jpg/360px/obs-en-35-12.jpg)

મટે પોસાને પોતાચે બાહાસદય આખી, અલે વરીસમાં મંય તુઝે સાઠીં બેસ રીતે કામ કરી. મહેંકંય પણ તુઝી આશા તોડી નાહાં. તરી પણ માઝે દોસ્તારહારીં ખુશી મનાવોં તુહેં માંદય બોકડાચો એક બારીક લવેરો પણ નાહાં દીન. પણ યો તુઝો પોસો તુઝી મિલકત પાપવાળે કામમાં બગાઢુંને ઘરા આઝુન યાવ, તે તુંહે તાચે ભાગ બેસ વાંછરડો કાપવી.”

![](https://cdn.door43.org/obs/jpg/360px/obs-en-35-13.jpg)

બાહાસને જવાબ ઓપી, ‘માઝે પોસા, તું આખેવાર માંઝે હારીં આહાસ. ને જાં કાંય માંઝા તાં આખાં તુઝાં જ આહાય.’ પણ આતાં આપણાચે સાઠીં ખુશ હોંવચો તો બેસ આહાય, કશા કાય યો તુઝો ભાવુસ મરનો આશી, ને આંતા જીવતો હોન આહાય. તો ભૂલનો આશી, પણ આતાં સાંપડીન આહાય!”

*બાઈબલચી એક કાહની  લૂક: ૧૫: ૧૧-૩૨.*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_35_128kbps.m4a

## 36. બદલાન

https://openbiblestories.org/l/vav-x-dauri/story-36/

![](https://cdn.door43.org/obs/jpg/360px/obs-en-36-01.jpg)

એક દિસ, ઈસુ ને પોતેચે તિન ચેલે પિતર, યાકુબ ને યોહનદય પોતેચે હારીં ઘીદ.(જે ચેલાચો નાંવ યોહન આહાય તો તે તો નાહાં આશી જેહેં ઈસુદય બપ્તિસમાં ઓપનો આશી.) એકાંતમાં પરાથના કરોં સાઠીંતે ઊંચે ડોગરાવર ઉપર જાવ.

![](https://cdn.door43.org/obs/jpg/360px/obs-en-36-02.jpg)

જંય ઈસુ પરાથના કરત આશી, તંય તાચો મું દિસાચે જસો ચમકતો હોહું જાવ ને તાચે કપડે ઉજેડ જશે ઉજળે હોહું જાવ અશે કાય જુગાવર અલે ઉજળે કોની કરું શકય નાહાં.

![](https://cdn.door43.org/obs/jpg/360px/obs-en-36-03.jpg)

તંય મૂસા ને એલિયા નાંગાન. યે બનાવોંચે ઘણે વરીસ પહલે યે માણુસ જુગવાર જીવું જાયને. તાંહેં યરુશાલેમમાં ઇસુચો જો મરણ હોંવચો આશી તે બારામાં ગોઠ કરી.

![](https://cdn.door43.org/obs/jpg/360px/obs-en-36-04.jpg)

મૂસા ને એલિયા ઇસુચે હારીં ગોઠ કરત આશી. તંય પિતરને ઈસુદય આખી, “આપણાચે સાઠીં અથય રહોંચો બેસ આહાય.” ચલા આપણી તીન માંડવે બનાવોંવ. એક તુઝે સાઠીં, એક મુસાચે સાઠીં ને એક એલિયાચે સાઠીં.” પણ પોતે કાય બોલત આહાય તો પિતર જાણત નાહાં આશી.

![](https://cdn.door43.org/obs/jpg/360px/obs-en-36-05.jpg)

પિતર બોલત આશી અલામાં એક ચમકતે ડાંબરાને તાંહવર સાહી કરી. ને ડાંબરામાંથી એક બોલીને આખી, “યો માંઝો પોસો આહાય, જાંદય મંય પ્રેમ કરત આહાંય મંય તાવર ખુશ આહાંય તાચો આયકા.” તીની ચેલે હજડ બીહું જાવ ને જમીન વર પડું જાવ.

![](https://cdn.door43.org/obs/jpg/360px/obs-en-36-06.jpg)

તંય ઈસુને તાંહદય ધરુંને આખી, “બીહા નાંખે ઉભે હોયા.” જંય તાંહે આઠીન-તાઠીન નાંગી, તે તથય ખાલી ઈસુ જ આશી.

![](https://cdn.door43.org/obs/jpg/360px/obs-en-36-07.jpg)

ઈસુ ને તીન ચેલે આઝુન ડોગરાચે બુડા ઉતરીન. તંય ઈસુને તાંહદય આખી, “જાં કાંય અથય હોન આહાય તાં કોનાંદય આખોંચો નાહા. મંય થોડે ટાઇમમાં મરંય્દ ને આઝુન જીવતો હોય્દ. તાંચે મંગે તુમી લોકાંદય યી ગોઠ આખું શકા.

*બાઈબલચી એક કાહની માથ્થી: ૧૭: ૧-૯;માર્ક: ૯: ૨-૮; લૂક: ૯: ૨૮-૨૬.*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_36_128kbps.m4a

## 37. ઈસુ લાજરસદય મરણામાંશીં જીવતો કરય

https://openbiblestories.org/l/vav-x-dauri/story-37/

![](https://cdn.door43.org/obs/jpg/360px/obs-en-37-01.jpg)

એક દિસ, ઈસુદય સંદેશો સાંપડીન કાય લાજરસ હજડ બિમાર આહાય. લાજરસ ને તાચે દોન બહનીસ, મરિયમ ને માર્થા, ઇસુચે પાસચે દોસ્તાર આશી. જંય ઈસુને સમાચાર આયકી, તેહેં આખી, “યે બીમારીચો અંત મરણ નાહાં પણ તો દેવચે-મહિમાચે સાઠીં આહાય. ઈસુ પોતાચે દોસ્તારાંદય પ્રેમ કરત આશી, પણ જથય તો આશી તથય જ તો દોન દિસ હુધી રહીન.

![](https://cdn.door43.org/obs/jpg/360px/obs-en-37-02.jpg)

જંય દોન દિસ પૂરે હોહું જાવ, ઈસુને પોતેચે ચેલાંદય આખી, “ચલા આપણી આઝુન યહુદિયા જાંવ.” ચેલાંહેં જવાબ ઓપી, “પણ ગુરુજી થોડોક ટાઇમ પહલો તથયચે લોક તુદય મારું મેલોં વિચારત આશી. ઈસુને આખી. “આપણાચો દોસ્તાર લાજરસ નિદકરનો આહાય, ને મંય તાદય ઉઠવોંદય જાંવંચો આહાંય.”

![](https://cdn.door43.org/obs/jpg/360px/obs-en-37-03.jpg)

ચેલાંહેં ઈસુદય આખી, “માલિક જો, લાજરસ નિદકરનો હોવો તરી પણ આઝુન ઉઠય્દ.” તંય ઈસુને તાંહદય ખુલો આખી કાય, “લાજરસ મરણો આહાય. મંય ખુશ આહાંય કાય મંય તથય નાહાં આશી, જેથી તુમીં માંઝવર વિશ્વાસ કરું શકા.”

![](https://cdn.door43.org/obs/jpg/360px/obs-en-37-04.jpg)

જંય ઈસુ લાજરસચે ગાવાંમાં પહોંચીન તંય લાજરસ મરું જાયનોને ચાર દિસ હોને આશી. માર્થા ઈસુદય મીળોંદય બાહેર જાવ. તેહેં ઈસુદય આખી, “જો તું અથય રહતો તે માઝો ભાવુસ મરતો નાહાં. પણ મંય વિશ્વાસ કરત આહાંય કાય તું દેવાપાં જાં કાંય માગીશ, તાં દેવ તુદય દેય્દ.

![](https://cdn.door43.org/obs/jpg/360px/obs-en-37-05.jpg)

ઈસુને જવાબ ઓપી, “પુનરુથાન ને જીવન મંય આહાય. જો કોનીં માંઝવર વિશ્વાસ કરત આહાય તો જો કાંય મરું જાય તરી પણ તો જીવતો રહય્દ. જો કોની માંઝવર વિશ્વાસ કરય્દ તો કંયપણ મરય્દ નાહાં. કાય તું યે ગોઠવરવિશ્વાસ કરત આહાશ.” માર્થાને જવાબ ઓપી, હા, પ્રભુ મંય વિશ્વાસ કરત આહાંય કાય તું દેવાચો પોસો આહાસ.”

![](https://cdn.door43.org/obs/jpg/360px/obs-en-37-06.jpg)

મંગે મરિયમ તથય યાવ થી ઇસુચે પાંહેં પઢુંને બોલીન, “જો તું અથય રહતો તે માંઝો ભાવુસ મરતો નાહાં.” ઈસુને તાંહદય સુદકરી, “તુમી લાજરસદય કત ઠોવનો આહાય? તાહેં તાદય આખી, “કબરમાંયીહુંને નાંઘું ઘે.” તંય ઈસુ રડીન.

![](https://cdn.door43.org/obs/jpg/360px/obs-en-37-07.jpg)

કબર એક ગુફામાં બનની આશી. તાવર એક દગડ ઠોવનો આશી. જંય ઈસુ દગડાશીં જાવ, તેહેં તાંહદય આખી, “ દગડાદય સરકવા.” પણ માર્થાને આખી નાંખે, “તો મરીનને ચાર દિસ હોન આહાત. તામાંશીં વાસ યેત હોવી.”

![](https://cdn.door43.org/obs/jpg/360px/obs-en-37-08.jpg)

ઈસુને જવાબ ઓપી, “કાય મંય તુદય નાહાં આખી કાય જો તું વિશ્વાસ કરીશ તે તું દેવાચો મહિમા નાંગીશ?” તંય તાંહે તે દગડાદય સરકવું દીન.

![](https://cdn.door43.org/obs/jpg/360px/obs-en-37-09.jpg)

તંય ઈસુને ડોળે ઉપર હુખલુંને આખી, “હે બાપા, તુહેં માઝો આયકી તાચેન તુઝો આભાર. મંય જાણત આશી કાય તું કાયમ માંઝો આયકત આહાશ, પણ જે લોક આજુબાજુ ઉભે આહાત, તે વિશ્વાસ કરત કાય તુંહે માંદય દવડનો આહાય, તાચેન તાંહચે લીધે મંય આખંય કાય.” તંય ઈસુને ઝંટેઅવાજેં આરડી કાય “લાજરસ બાહેર યે!”

![](https://cdn.door43.org/obs/jpg/360px/obs-en-37-10.jpg)

તાચેન લાજરસ બાહેર યાવ! તો આંતા પણ મરણચે કપડાંખલ બાંધાનો આશી.ઈસુને તાંહદય આખી, “તાચે કબરચે કપડે કાઢોંદય તાચી મદદ કરા. ને તાદય છૂટો કરા! યે ચમત્કારચે કારણે ઘણે યહૂદીઆંહે ઈસુવર વિશ્વાસ કરી.

![](https://cdn.door43.org/obs/jpg/360px/obs-en-37-11.jpg)

પણ યહૂદીયાંચે ધાર્મિક આગેવાન વિરુધ્ધ કરત આશી, યે સાઠીં તે એક-દુસરા હારીં ગોઠવણ કરોં ભેગે હોન કાય કચે રીતે ઈસુ ને લાજરસદય મારું મેલોવ.

*બાઈબલચી એક કાહની : યોહન ૧૧: ૧-૪૬.*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_37_128kbps.m4a

## 38. ઈસુચો વિશ્વાસ તોડી

https://openbiblestories.org/l/vav-x-dauri/story-38/

![](https://cdn.door43.org/obs/jpg/360px/obs-en-38-01.jpg)

આખે વરીસ યહૂદી પાસ્ખાપર્વ ઉજવત આશી. દેવાને કચે રીતે ઘણે વરીસ પહલો તાંહચે પૂર્વજોંદય મિસરચી ગુલામીમાશીં છોડોવનો તે બારામાં યો તહેવાર આશી. ઈસુને સાર્વજનિક રૂપેં જંય પોતાચો પહલો પ્રચારને શિક્ષણ શરૂકરી તાચે લગભગ તીન વરીસમંગે, ઈસુને પોતાચે ચેલાંદય આખી કાય તો યરુશાલેમમાં તાંહચે હારીં યો તહેવાર ઉજવોં માગત આશી. અથય તાદય મારું મેલવામાં યેય્દ.

![](https://cdn.door43.org/obs/jpg/360px/obs-en-38-02.jpg)

ઈસુચે એક ચેલાચો નાંવ યહુદા આશી. ચેલાંચે પૈસાચી થેલીચી જવાબદારી યહુદાચી આશી. પણ તાદય પૈસાશીં માયા આશી. તો કાયમ થેલી માશીં પૈસાંચી ચોરી કરત આશી. ઈસુને તાચે ચેલે યરુસાલેમમાં પહોંચીન મંગે યહુદા યહુદીયાંચે યાજકશીં જાવ ને પૈસાંચે બદલે ઈસુદય તાંહચે હાથેં ઘરવોંચો વિચાર આખી. તો જાણત આશી કાય યહૂદી યાજક ઈસુદય મસીહ જસો માનત નાહાં ને તે તાદય મારોંચી યોજના કરત આશી.

![](https://cdn.door43.org/obs/jpg/360px/obs-en-38-03.jpg)

યહૂદી યાજક જે મહાયાજક ખલ પ્રેરાયેલ આશી, તાંહેં ઈસુદય ધરોંદય સાઠીં યહુદાદય ત્રીસ ચાંદીચે સિક્કે ઓપી. પ્રબોધકાંહેં જે પ્રમાણે પ્રબોધ કરી તે જ પ્રમાણે બનીન. યહુદા રાજીહોન, પૈસે ઘીદ ને તથયશીં ચાલું જાવ. ઈસુદય ધરવોં સાઠીં તોટાઇમ ગોવંસોં મંડીન.

![](https://cdn.door43.org/obs/jpg/360px/obs-en-38-04.jpg)

યરુસાલેમમાં ઈસુને પોતાચે ચેલાંહારીં પાસ્ખાચો સન ઉજવી. ભાકર ઘીદ ને તાદય તોડી. તેહેં આખી, “આમાંશીં ખાયા. યો માંઝો આંગ આહાય, જો તુમચે સાઠીં દેવામાં યેત આહાય. માંઝે આઠવમાંયો કરયાં કરા. યે રીતે, ઈસુને આખી કાય તાચો આંગ તાંહચે સાઠીં બલિદાન કરોંદય યેય્દ.

![](https://cdn.door43.org/obs/jpg/360px/obs-en-38-05.jpg)

મંગે ઈસુને ગ્લાસ ઘીદને આખી, “આમાંશીં પીયા. યો નવા કરારચો માંઝો રગત આહાય, જો પાપાંચી માફી સાઠીં રેવથવામાં યાવ આહાય. યો માંઝે આઠવમાં કરયાં કરા.

![](https://cdn.door43.org/obs/jpg/360px/obs-en-38-06.jpg)

તંય ઈસુને પોતાચે ચેલાંદય આખી, “તુમચેમાંચો કોનીમાંદય ધરવય્દ.” ચેલે નવાયમાં પડીન, ને સુદકરોં મંડીન કાય તો કોણ આહાય, જો અશો કરય્દ. ઈસુને આખી, “મંય જે માણસાદય યે ભાકરચોકુટકો ઓપત આહાંય તો માઝો વિશ્વાસતોડય્દ.” મંગે તેહેં ભાકરીચો તુકડો યહુદાદય ઓપી.

![](https://cdn.door43.org/obs/jpg/360px/obs-en-38-07.jpg)

ભાકર ધીદ મંગે, ભૂત યહુદામાં શીરાન. યહુદા તથયશીં જાહું રહીન. કશા કાય તો ઈસુદય ધરોંદય યહૂદી યાજકશીં મદદ કરું શકય. યો રાતચો ટાઇમ આશી.

![](https://cdn.door43.org/obs/jpg/360px/obs-en-38-08.jpg)

ખાનાં ખાદ મંગે, ઈસુને તાચે ચેલે જૈતુન ડોગરવર જાવ. ઈસુને આખી,“આજ રાતચે તુમી આખે માંદય છોઢુંટોવઝા, અશો લખનો આહાય કાય. ‘મંય પાળકદય મારંય્દ ને ધેંટે છુટે પઢું જાહીત.’

![](https://cdn.door43.org/obs/jpg/360px/obs-en-38-09.jpg)

પિતરને જવાબ ઓપી, “તુદય આખે છોઢું દિહીત પણ મંય તુદય કંયપણછોડંય્દ નાહાં.” તંય ઈસુને પિતરદય આખી, “ભૂત તુદય તાબામાં ધેંવદય વિચારત આહાય, પણ પિતર મંય તુઝે સાઠીંપરાથના કરી આહાય કાય તુઝો વિશ્વાસ ખૂટય નાહાં. તરી પણ આજ કૂકડો બોલય તાચે પહલો તું માદય વળખશ નાહાં અશો તીન વાર તું માઝો નકાર કરીશ."

![](https://cdn.door43.org/obs/jpg/360px/obs-en-38-10.jpg)

પિતરને ઈસુદય આખી, જો માંદય મરવોં પણ પડય તંય પણ મંય તુઝો નકાર નાહાં કરંય્દ.” આખે ચેલાહેં યીજ ગોઠ કરી.

![](https://cdn.door43.org/obs/jpg/360px/obs-en-38-11.jpg)

મંગે ઈસુ પોતાચે ચેલાંહારીં ગેથસેમાં નાવંચી એક જાગાવર જાવ. ઈસુને પોતાચે ચેલાંદય આખી, “પરાથના કરા કાય તુમી પરીક્ષણમાં નાહાં પડા.” મંગે ઈસુ પરાથના કરોંદય જાવ.

![](https://cdn.door43.org/obs/jpg/360px/obs-en-38-12.jpg)

ઈસુને તીન વાર પરાથના કરી, “માંઝે બાપા, જો બનું શકય તે, યો દુ:ખાચો ગ્લાસ પાજશ નાંખે. પણ લોકાંચે પાપાચી માફીચો દુસરો કાંય રસ્તો નાહાં હોવો, તે મંગે તુઝી ઈચ્છા પ્રમાણે હોવંદે.” ઈસુ હજડ દુઃખમાં આશી ને તાચો ઘામ રગતચે ટીપેં જશો પડત આશી. દેવાને તાદય હિંમતઓપોં સાઠીં એક દૂતદય દવડી.

![](https://cdn.door43.org/obs/jpg/360px/obs-en-38-13.jpg)

હરવખત પરાથના કરુંને ઉઠું મંગે તો પોતાચે ચેલાશીંયાવ તંય તે નિદકરત આશી. જંય તો ત્રીજી વખત યાવ, તંય તેહેં આખી, "ઉઠા! માંદય ધરોંદય યીહું પહોંચીન આહાત."

![](https://cdn.door43.org/obs/jpg/360px/obs-en-38-14.jpg)

યહુદા પોતાચે હારીં યહૂદી યાજકાંદય, સૈનિકાંદય ને ઘણે લોકાંદય ધીહુંને યીહું પહોંચીન. તાંહપાં તલવાર ને સોટે આશી. યહુદા ઇસુચે પાસ યાવને આખી, “સલામ, ગુરુજી.” ને તેહેં ચુંબન કરી. યહૂદી યાજક સાઠીં યી નિશાની આશી કાય તે કોનાંદય ધરત. તંય ઈસુને આખી, “કાય તું માંદય ચુંબન કરુંને ધરવોં માગત આહાશ?

![](https://cdn.door43.org/obs/jpg/360px/obs-en-38-15.jpg)

જશો સૈનિકાંહે ઈસુદય ધરી, પિતરને પોતાચી તલવાર કાઢી ને મહાયાજકચે એક નોકરચો કાન કાપું મેલી. ઈસુને આખી, “પોતાચી તલવાર દુર કર મંય માંઝી રક્ષા સાઠીં માંઝે બાહાસદય આખુંનેદુતાંચી સૈના સાધું શકંય. પણ માંદય માંઝે બાહાશચી આજ્ઞા માનો પાયજય.” મંગે ઈસુને તે માણસાચો કાન બેસ કરી. જંય ઈસુદય ધરી તંય આખે ચેલે તાદય છોઢું પળીન.

*બાઈબલચી એક કાહની : માથ્થી ૨૬: ૧૪-૫૬, માર્ક ૧૪: ૧૦-૫૦,  લૂક ૨૨: ૧-૫૩, યોહન ૧૨: ૬, ૧૮:૧-૧૧.*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_38_128kbps.m4a

## 39. ઈસુવર કેસ ચાલવત આહાત

https://openbiblestories.org/l/vav-x-dauri/story-39/

![](https://cdn.door43.org/obs/jpg/360px/obs-en-39-01.jpg)

આતાં અડધી રાત હોયની આશી. સૈનિક ઈસુદય યાજકચે ઘરા ઘીહું જાવ કશા કાય તે તાદય સવાલ સુદકરું શકત. પિતર દુરશીં તાંહચો પીછો કરત આશી. જંય ઈસુદય ઘરામાં માંજ ઘીહું જાવામાં યાવ, પિતર બાહેર બસુને આગખલ તાપત આશી.

![](https://cdn.door43.org/obs/jpg/360px/obs-en-39-02.jpg)

ઘરામાં માંજ યહૂદી યાજક ઈસુવર કેશ ચાલવત આશી. તે ઘણે ઠગ સાક્ષીહાંદય ઘીહુંને યાવ જાંહેં ઈસુ વિરુઘ્ધ ઠગ સાક્ષી ઓપી. તાંહચી સાક્ષી એક દુસરાશીં મિળત નાહાં આશી, તાચેન યહૂદી યાજક ઈસુદય ગુનેગાર સાબિત કરું શકીન નાહાં. ઈસુને કાંય આખી નાહાં.

![](https://cdn.door43.org/obs/jpg/360px/obs-en-39-03.jpg)

છેલ્લે પ્રમુખ યાજકને ઇસુચે વાઠીન નાઘુંને આખી, “કાય તું દેવાચો પોસો, ખ્રિસ્ત આહાસ?

![](https://cdn.door43.org/obs/jpg/360px/obs-en-39-04.jpg)

ઈસુને આખી, “મંય આહાંય. તુમી માંદય દેવાચે જેવણે વાઠીન ને સ્વર્ગશીં યેત નાંગઝા.” મુખ્ય યાજકને ગુસ્સામાં કપડે ફાઢું મેલી ને આરઢુંને ધાર્મિક આગેવાનાંદય આખી, “આંતા આપણાંદય દુસરે સાક્ષીચી જરૂર નાહાં! તુમી તાદય આખતાં આયકી આહાય કાય મંય દેવાચો પોસો આહાંય.તુમચો ફેસલો કાયઆહાય?”

![](https://cdn.door43.org/obs/jpg/360px/obs-en-39-05.jpg)

આખે યહૂદી આગેવાનાહેં મુખ્ય યાજકદય જવાબ ઓપી, “તો મારોં જશો આહાય.” તંય તાહેંઇસુચે ડોળાવર પટ્ટી બાંધી, તાવર થૂકલીન, તાદય કુટી ને તાચી મજાક કરી.

![](https://cdn.door43.org/obs/jpg/360px/obs-en-39-06.jpg)

જંય પિતર ઘરાચે બાહેર બસનો આશી, તંય એક નોકરાનીને આખી, “તું પણ ઇસુચે હારીં આશી!” પિતરને તેદય ના પાડી. તંય મંગે, દુસરી નોકારાનીને પણ યીજ ગોઠ કરી, ને પિતરને આઝુન નાહાં પાડી. છેલ્લે લોકાંહે આખી, “હામી જાણત આહાંવ કાય તું ઇસુચે હારીં આશી કશા કાય તુમીં દોઘે ગાલીલશીં આહાયઝા.”

![](https://cdn.door43.org/obs/jpg/360px/obs-en-39-07.jpg)

તંય પિતર શ્રાપ ઓપોં ને કસમ ખાંવદય મંડીન કાય, “મંય તે માણસાદય વળખત પણ નાહા.” લગેંજ કૂકડો બોલીન ને ઈસુને ફીરુંને પિતરચે સામે નાંગી.

![](https://cdn.door43.org/obs/jpg/360px/obs-en-39-08.jpg)

પિતર તથયશીં દુર જાવ ને હજડ રડીન. તે ટાઇમે ઈસુદય મરણદંડ સાઠીં નક્કી કરી, તો તાદય ધરોવનાર યહુદાને નાંગી. તો હજડ દુઃખી હોન ને તેહેં જાહુને આત્માહત્યા કરી.

![](https://cdn.door43.org/obs/jpg/360px/obs-en-39-09.jpg)

દુસરે દિસેં સકાળચે, યહૂદી યાજક ઈસુદય રોમન રાજ્યપાલ પિલાતશીં ઘીહું જાવ. તાહેં આશા રાખની આશી કાય પિલાત પણ ઈસુદય ગુનેગાર નક્કી કરદય ને મરણ દંડચી સજા ઓપય્દ. પીલાતને ઈસુદય સુદકરી, “કાય તું યહૂદીયાંચો રાજો આહાસ?"

![](https://cdn.door43.org/obs/jpg/360px/obs-en-39-10.jpg)

ઈસુને જવાબ ઓપી,"અશો તુમીં આખત આહાયઝા. માંઝો રાજ્ય યે જગતચો નાહાં. જો અશો હોતો તે માંઝે સેવક માંઝે સાઠીં લડાઈ કરતે. મંય દેવાચે બારેમાં ખરો આખોંદય યીનો આહાંય. જો સાચાચો આહાય તે આખે માંઝી ગોઠ આયકત આહાત."પિલાતને આખી, “સત્ય કાય આહાય?”

![](https://cdn.door43.org/obs/jpg/360px/obs-en-39-11.jpg)

ઇસુચે હારીં ગોઠ કરું મંગે પિલાત લોકાંશીં જાવ ને આખી, “માંદય યે માણસામાં કાંય પણ ગુનો ખબર પડય નાહા.”પણ યહૂદી યાજકાંહેં ને લોકાંહે આરઢુંને આખી, “તાદય કુરુખ ખાંબાવર ઠોંકા!” પિલાતને જવાબ ઓપી. “તાચેમાં કાંય ગુનો નાંગાય નાહા.” પણ તે આઝુન જોરથી આરડોં મંડીન. તંય પિલાતને ત્રીજી વાર આખી, “તાચેમાં કાંય ગુનો નાંગાય નાહાં.”

![](https://cdn.door43.org/obs/jpg/360px/obs-en-39-12.jpg)

પિલાત બીહું જાવ કાય લોક દંગો કરીત તાચેન તો પોતાચે સૈનિકખલ ઈસુદય કુરુખ ખાંબાવર ઠોંકોંદય તૈયાર હોહું જાવ. રોમન સૈનિકાંહે ઈસુદય કોડે મારી. ને શાહી ઝભ્ભો ને કાંટાચો મુગટ ભરવી. તંય તાંહે તાચી મશકરી કરી કાય, નાંગા, યહુદિયાચો રાજો!”

*બાઈબલચી કાહની  માથ્થી ૧૬: ૫૭, ૨૭: ૨૬, માર્ક ૧૪ : ૫૩, ૧૫: ૧૫; લૂક ૨૨: ૫૪, ૨૩:૨૫,યોહન:૧૮:૧૨, ૧૯:૧૭.*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_39_128kbps.m4a

## 40. ઈસુદય કુરુસખાંબાવર ચઢાવી

https://openbiblestories.org/l/vav-x-dauri/story-40/

![](https://cdn.door43.org/obs/jpg/360px/obs-en-40-01.jpg)

ઇસુચી મજાક કરી મંગે, સૈનિક તાદય કુરુસખાંબાવર ચઢાવોં દુર ઘીહું જાવ.તાંહે ઈસુવર તો મરોંચો આશી તો કુરુસ હુકલવી.

![](https://cdn.door43.org/obs/jpg/360px/obs-en-40-02.jpg)

સૈનિક ઈસુદય “ખોપરી” નાવંચે જગ્યાવર ઘીહું યાવ ને તાચે હાથને પાંય કુરુસવર ખીલાખલ ઠોખું દીન. પણ ઈસુને આખી, “હે બાપા, તાંહદય માફ કર, કશા કાય તે જાં કરત આહાત તાં તે જાણત નાહા. પિલાતને આજ્ઞા ઓપી કાય તાચે ટકલાવર “યહૂદીયાચો રાજો” લખનો બોર્ડ લગાવોંમા યેય.

![](https://cdn.door43.org/obs/jpg/360px/obs-en-40-03.jpg)

સૈનિકાંહે ઇસુચે કપડાં સાઠીં ચિઠ્ઠી મેલી. જંય તાંહે અશો કરી તંય યી ભવિષ્યવાણી પૂરી હોન; “તાંહે અંદર-અંદર માંઝે કપડે વાઠું ઘીદ, ને માંઝે ઝબ્બાચે સાઠીં તાંહેં ચિઠ્ઠી મેલી.”

![](https://cdn.door43.org/obs/jpg/360px/obs-en-40-04.jpg)

ઈસુદય દોન ચોરાંચે વચ્ચમાં કુરુસવર ઠોકવામાં યાવ. તામાંચો એક જન ઇસુચી નિંદા કરત આશી, પણ દુસરાને આખી, “કાય તું દેવાશીં પણ બીહાસ નાહા? આપણી તે ગુનેગાર આહાંવ, પણ યો માણુસ વાંકવગરચો આહાય. મંગે તેહેં ઈસુદય આખી,"દયા કરું, તું તુઝે રાજ્યમાં યીહીશ તંય માદંય આઠવ કરીશ.” ઈસુને તાદય જવાબ ઓપી, “આજ તું માઝે હારીં પારાદેશમાં રહીશ.”

![](https://cdn.door43.org/obs/jpg/360px/obs-en-40-05.jpg)

યહૂદી યાજક ને દુસરે લોક જે ઘણે આશી તે ઇસુચી મઝાક કરત આશી. તાંહે ઈસુદય આખી, “જો તું દેવાચો પોસો હોવો તે કુરુસખાંબાવરશીં ઉતરું યે ને પોતેદય બચાવ. મંગે હામીં તુઝવર વિશ્વાસ કરોંવ.”

![](https://cdn.door43.org/obs/jpg/360px/obs-en-40-06.jpg)

તંય દુફારચે ટાઇમે આખે જગ્યામાં અંધકાર હોહું જાવ. દુફારશીં૩:૦૦ વાગે હુધી અંધકાર હોહું રહીન.

![](https://cdn.door43.org/obs/jpg/360px/obs-en-40-07.jpg)

ઈસુને મટે જાબાખલ આરડી, “આખો પૂરો હોન.” બાપા મંય માઝો આત્મા તુઝે હાથમાં સોંપત આહાંય. તંય તેહેં ટકલ નમવુંને પોતાચો જીવ છોડું દીન. જંય તાચો મરણ હોન, તંય એક ધરતી કંપ યાવ, ને મંદિરચો મટો પડદો જો લોકાંદય દેવાચી હજુરીશીં અલગ કરત આશી તો ઉપરશીં બુડા દોન ભાગમાં ફાઠું જાવ.

![](https://cdn.door43.org/obs/jpg/360px/obs-en-40-08.jpg)

પોતાચે મરણખલ ઈસુને લોકાંદય દેવાચે પાસ યેંવંચે સાઠીં વાટ ખોલું દીન. જો સૈનિક ઇસુચી રખેવાળી કરત આશી તેહેં આખાં નાંગી ને આખી “નક્કી, તો વાંક વગરચો આશી. તો દેવાચો પોસો આશી.”

![](https://cdn.door43.org/obs/jpg/360px/obs-en-40-09.jpg)

તંય યુસુફ ને નીકોદેમસ નાંવચે દોન યહૂદી કાય જે વિશ્વાસ કરત આશી કાય ઈસુ તો જ ખ્રિસ્ત આહાય, તાહેં પિલાતપાં ઇસુચી લાશ માંગી. તાંહે તાચો આંગ કપડાખલ ગુંડીને ડોગરામાં કાફુને બનાવની કબરમાં ઠોવી. મંગે તાંહે કબર બંધ કરોં એક મટો દગડ ગબડવું દીન.

*બાઈબલચી એક કાહની માથ્થી ૨૭: ૨૭-૬૧; માર્ક ૧૫: ૧૬-૪૭;લૂક ૨૩:૨૬-૫૬; યોહન: ૧૯:૧૭-૪૨.*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_40_128kbps.m4a

## 41. દેવ ઇસુદય મરણામાંશી  જીવતો કરત આહાય

https://openbiblestories.org/l/vav-x-dauri/story-41/

![](https://cdn.door43.org/obs/jpg/360px/obs-en-41-01.jpg)

જંય સૈનીકાંહે ઇસુદય કુરુસવર ઠોંકી, તંય અવિસ્વાસી યહૂદી યાજકાંહે પિલાતદય આખી, “યે ઠગ ઇસુને આખનો આશી કાય તો તીન દિસ મંગે મરણામાંશી ઉઠય્દ. કોનીંતરી તાચે કબરશીં જાહું ને ચૌકી કરોં પાયજય તાચેન નક્કી હોહું શકય કાય તાચે ચેલે તાચે લાશદય ચોરી કરું નાહાં નેત ને આખત કાય તો મરણમાશીં ઉઠીન આહાય.”

![](https://cdn.door43.org/obs/jpg/360px/obs-en-41-02.jpg)

પિલાત ને આખી, “કબરચી રખેવાળી કરોં સાઠીં કલેકખાંડ સૈનીકાંદય ધીહું જાયા.” છેલ્લે તાંહે કબરચે દરવાજાવર ઠોવને દગડાવર સીક્કો મારી ને તથય સૈનિક બસવું ઠોવી કાય કોની પણ તાચે લાશદય ચોરું નાહાં ધીહું જાત.

![](https://cdn.door43.org/obs/jpg/360px/obs-en-41-03.jpg)

ઇસુદય દાટીમંગેચો દિસ વિશ્રામવાર આશી ને સાબ્બાથ દિસેં યહૂદીયાંદય કબરશીં જાંવચી મનાય આશી. સાબ્બાથ મંગેચે દિસેં એકદમ સકાળચે ટાઈમેં કલેક બાઈલોં તાચે કબરશીં તાચે લાશવર ઘણો મસાલો લગાવોં જાવ.

![](https://cdn.door43.org/obs/jpg/360px/obs-en-41-04.jpg)

અચાનક, તથય એક મટો ધરતીકંપ હોન.એક ઉજેડવાળો દૂત પ્રગટ હોન. તેહેં કબરચે દારાવર ઠોવનો દગડ સરકવી ને તાવર બસુ જાવ. જે સૈનિક કબરચી રખેવાળી કરત આશી તે બીહીન ને જમીનવર પડીન.

![](https://cdn.door43.org/obs/jpg/360px/obs-en-41-05.jpg)

જંય બાઈલોં કબરશીં પહોચીન, સ્વર્ગદૂત ને તાંહદય આખી, “બીહા નાંખે. ઇસુ અથય નાહાં. જશો તાંહે આખનો આશી તશો તો મરણમાંશી ઉઠીન આહાય. યીયાને કબરમાં નાંગા.” બાઈલાંહે કબરમાં જથય ઇસુચો આંગ ઠોવનો આશી તથય નાંગી. તથય તાચો આંગ નાહાં આશી!

![](https://cdn.door43.org/obs/jpg/360px/obs-en-41-06.jpg)

સ્વર્ગદૂત ને બાઈલાંદય આખી, “જાયા ને ચેલાંદય આખા, ઇસુદય મરણમાંશીં જીવતો હોન આહાય ને તો તાંહચે પહલો ગાલીલમાં જાય્દ.’’

![](https://cdn.door43.org/obs/jpg/360px/obs-en-41-07.jpg)

બાઈલોં બીહુંને મટે ખુશીશીં ભરાહું જાવ. તે ચેલાંદય બેસ સમાચાર ઓપો ધાહું જાવ.

![](https://cdn.door43.org/obs/jpg/360px/obs-en-41-08.jpg)

જંય બાઈલોં બેસ સમાચાર ઓપોંવાટેમાં જાત આશી, તંય ઇસુ પ્રગટ હોન ને તાંહે તાચી આરાધના કરી. ઇસુને આખી, “બીહા નાંખે. માંઝે ચેલાંદય આખા કાય તે ગાલીલમાં જાત. તે માંદય તથય નાંઘીત.’’

*બાઈબલચી એક કાહની : માથ્થી:૨૭ :૬૨, ૨૮:૧૫, માર્ક :૧૬ :૧-૧૧, લુક :૨૪: ૧-૧૨, યોહાન:૨૦ :૧-૧૮*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_41_128kbps.m4a

## 42. ઇસુ સ્વર્ગમાં જાત આહાય

https://openbiblestories.org/l/vav-x-dauri/story-42/

![](https://cdn.door43.org/obs/jpg/360px/obs-en-42-01.jpg)

જે દિસેં ઈસુ મરણમાંશી ઉઠનો આશી, તાચે દોન ચેલે, પાસચે એક નગરમાં જાત આશી. જો કાંય ઇસુ હારીંહોનો આશી તે બારામાં તે ગોઠ કરત આશી. તાંહદય આશા આશી કાય તો મસીહ આશી, પણ તાદય મારું મેલવામાં યીનો આશી. બાઈલાંહે આખનો કાય તો આઝુન જીંવતો હોન આહાય. તાંહંદય સમજ પડતનાંહાં આશી કાય ઊંચી ગોઠવર વિશ્વાસ કરોંવ.

![](https://cdn.door43.org/obs/jpg/360px/obs-en-42-02.jpg)

ઇસુ તાંહશી પહોંચીન ને તાંહચે હારીં ચાલોં મંડીન, પણ તાંહેં તાદય વળખી નાહાં. તેહેં તાંહદય સુદકરી કાય તે કાય ગોઠ કરત આહાત.તંય તાંહેં તાદય પહલેનચે દિશામાં હોની ઈસુચી આખી ગોઠ આખી. તાંહદય નવાઈ લાગીન કાય આદય ખબર નાહાં કાય યરુશલેમમાં કાય કાય હોહું રહીન આહાય.

![](https://cdn.door43.org/obs/jpg/360px/obs-en-42-03.jpg)

દેવાચે વચનમાં મસીહચે બારામાં કાય લખનો આહાય તો ઇસુને તાંહદય સમજાવી. તેહેં તાંહદય આઠોવ ઓપવી કાય પ્રબોધકાંહે આખનો આશી કાય મસીહ દુઃખ ઉઠાવ્યદ, તાદય મારું મેલવામાં યેદ પણ તો આઝુન ત્રીજે દિસેં જીવતો હોય્દ. તંય તે તે નગરમાં પહોંચીન જથય તે દોન માણુસ રહોં વિચારત આશી. તંય હુધી લગભગ વેહાં પડની આશી.

![](https://cdn.door43.org/obs/jpg/360px/obs-en-42-04.jpg)

તે દોન માણસાંહે ઇસુદય તાંહચે હારીં રહોંદય સાઠીં આખી.તંય તો રહું જાવ. જંય તે વેહાંચો ખાના ખાંવદય સાઠીં તૈયાર હોન, તંય ઇસુને ભાકરચો એક કુટકો ઘીદ, તાચે સાઠીં દેવાચો આભાર માનીને મંગે તાદય તોડી. અચાનક તાંહે તાદય વળખી કાય તો ઇસુ આહાય. પણ તે જ ટાઇમે તો તાંહચે નજરેશીં અલોપ હોન.

![](https://cdn.door43.org/obs/jpg/360px/obs-en-42-05.jpg)

તે દોન માણસાંહે એક દુસરા દય આખી, “તો ઇસુ આશી!’’ જંય તાંહે દેવાચે વચનમાંશીં સમજાવીતંય આપણાચે હ્રદયમાં ઉતેજના ઉપજ હોત આશી. લગેંજ, તે આઝુન યરુશાલેમ જાવ. તે પહોંચીન તંય તાંહેં ચેલાંદય આખી કાય, “ઇસુ જીવતો આહાય. હામી તાદય નાંગી.’’

![](https://cdn.door43.org/obs/jpg/360px/obs-en-42-06.jpg)

જંય ચેલે એક દુસરાંચે હારીં ગોઠ કરત આશી અચાનક ઇસુ તાંહચે વચમાં પ્રગટ હોન. ચેલાંહે વિચારી કાય કોની ભૂત આહાય. પણ ઇસુને આખી કાય, “તુમી કશા બીહત આહાયઝા ને શંકા કરત આહાયઝા. માંઝે હાથ ને પાંહાદય નાંગા. કશા કાય આત્માદય આંગ નાહાં રહય. જશો માંદય આહાય.’’ તો કોની ભૂત નાહાં યે ગોઠદય સાબિત કરોં સાઠીં તેહેં કાંય ખાંવદય સાઠીં માગી. તાંહે તાદય શેકની માછલીચો કુટકો ઓપી.ને તેહેં તો ખાદ.

![](https://cdn.door43.org/obs/jpg/360px/obs-en-42-07.jpg)

ઇસુ ને આખી, “મંય તુમદય આખનો આશી કાય યે બારેમાં દેવાચે વચનમાં લખનો આહાય. જંય તેહેં તાંહચે મન ખોલી તંય તે દેવાચે વચનદય સમઝૂ શકીન. “હજડ પહેલાશીં લખનો આશી કાય મસીહ દુઃખ ઉઠાવ્યદ, મરું જાય્દ ને ત્રીજે દિસેં મરણમાશીં જીવતો ઉઠય્દ.

![](https://cdn.door43.org/obs/jpg/360px/obs-en-42-08.jpg)

“પવિત્ર શાસ્ત્રમાં યો પણ લખનો આહાય કાય માંઝે ચેલે પ્રચાર કરીથ કાય આખે લોકાંદય પસ્તાવો ને પાપીચી માફી મેળવોં જરૂરી આહાય. તાચી શરવાત યરુશાલેમશીં કરીથ, ને મંગે આખે દેશજાતિશીં, આખે જગ્યાવર જાહિત. તુમી યે આખી ગોઠચે સાક્ષી આહાયઝા.’’

![](https://cdn.door43.org/obs/jpg/360px/obs-en-42-09.jpg)

મંગે ચાલીસ દિસ હુધી, ઇસુ પોતાચે ચેલાશીં પ્રગટ હોન. એક દિસ એકુજ ટાઈમે તો ૫૦૦ કરતાં ઘણે લોકાશીં તો પ્રગટ હોન તેહેં કલેકખાંડ રીતે પોતાચે ચેલાંદય સાબિત કરી કાય તો જીવતો આહાય ને તેહેં તાંહદય દેવાચે રાજ્યચો શિક્ષણ ઓપી.

![](https://cdn.door43.org/obs/jpg/360px/obs-en-42-10.jpg)

ઇસુને પોતાચે ચેલાંદય આખી, “સ્વર્ગ ને જુગાવર આખો હક માંદય દીનો આંહાય. તે સાઠીં તુમી જાયા, આખે જાતિચે લોકાંદય ચેલે બનાવા ને તાંહદય બાહાસ, પોસા ને પવિત્રઆત્માચે નાંવશીં બાપ્તિસમાં ઓપા. ને મંય તુમદય જી આજ્ઞા દિની આહાય તી આખી ગોઠ તાંહદય શીખવા. આઠોવ રાખા, મંય કાયમ તુમચે હારીંરહંય્દ."

![](https://cdn.door43.org/obs/jpg/360px/obs-en-42-11.jpg)

ઇસુચે પુનરુત્થાનચે ચાલીસ દિસ મંગે તેહેં પોતાચે ચેલાંદય આખી, “જંય હુધી માઝો બાહાસ તુમદય પવિત્રઆત્માખલ શક્તિ નાહાં દેય તંય હુધી યરુશાલેમમાં જ રહઝા મંગે ઇસુદય સ્વર્ગમાં ધેવામાં યાવ ને ડાંબરાંહે તાદય ઝાંપુ દીન. ઇસુ દેવાચે જેવણે હાથાખલ બસીન કાય આખી વસ્તુવર રાજ કરય.

*બાઈબલચી એક કાહની : માથ્થી :૨૮:૧૬-૨૦; માર્ક :૧૬:૧૨-૨૦; લુક :૨૪:૧૩-૪૩; યોહાન : ૨૦:૧૯-૨૩; પ્રે.કૃત્યો:૧:૧-૧૧*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_42_128kbps.m4a

## 43. મંડળીચી શુરવાત

https://openbiblestories.org/l/vav-x-dauri/story-43/

![](https://cdn.door43.org/obs/jpg/360px/obs-en-43-01.jpg)

જંય ઇસુ સ્વર્ગમાં આઝુન જાવ તંય ચેલે ઇસુચી આજ્ઞાદય માનુંને યરુશાલેમમાં રહીન.વિશ્વાસીહાં તથય કાયમ પરાથના કરોંદય સાઠીં ભેગે હોત આશી.

![](https://cdn.door43.org/obs/jpg/360px/obs-en-43-02.jpg)

આખે વરીસ, કાપણીચે ૫૦દિસ મંગે, યહૂદી લોક એક ખાસ દિસ માનત આશી તાદય પચાસમાંચો દિસ આખવામાં યેત આશી. પચાસમાં યો દિસ તો ટાઈમ આશી જંય યહૂદી લોક કાપણીચો સન જશો ઉજવત આશી. દુનિયાચે આખે યહૂદી લોક યરુશાલેમમાં યીહુંને પચાસમાંચો દિસ ઉજવત આશી.યે વરસેં પચાસમાંચો દિસ ઇસુ સ્વર્ગ આઝુન જાવ તાચે એક અઠવાડિયા મંગે યીનો આશી.

![](https://cdn.door43.org/obs/jpg/360px/obs-en-43-03.jpg)

જંય આખે વિશ્વાસીહાં એક જગ્યાવર ભેગે હોને આશી. અચાનક જે ઘરામાં તે ભેગે હોને આશી તો એક તૂફાની હવાચે જશો અવાજશીં ભરાહું જાવ. ને મંગે આગચે જશે જીભ આખે વિશ્વાસીહાંચે ટકલાવર યાવ. તે આખે પવિત્રઆત્માશીં ભરપુર હોન ને તે આખે અલગ અલગ ભાષા બોલોં મંડીન.

![](https://cdn.door43.org/obs/jpg/360px/obs-en-43-04.jpg)

જંય યરુશાલેમચે લોકાંહે યો અવાજ આયકી તંય કાય હોહું રહીન આહાય, તો જાણો સાઠીં એક કળપ ભેગો હોન જંય લોકાંહેં વિશ્વાસીહાંદય દેવાચે અદભૂત કામ આખતાં આયકી તંય તાંહદય નવાઈ લાગીન કાય તે યી ગોઠ તાંહચે ભાષામાં આયકત આશી.

![](https://cdn.door43.org/obs/jpg/360px/obs-en-43-05.jpg)

કલેખાંડ લોકાંહે ચેલાંવર દારૂચે નશામાં આહાત અશો ગુનો લગાવી. પણ પિતરને ઉભો હોહુંને તાંહદય આખી, “માંઝી ગોઠ આયકા! યે લોક નશામાં નાહાં! યી તે ભવિષ્યવાણી પૂરી હોત આહાય જી યોએલ પ્રબોધકખલ દેવાને આખની આશી કાય, છેલ્લે દિસામાં, મંય માંઝો જીવ રેવથું દેય્દ.’’

![](https://cdn.door43.org/obs/jpg/360px/obs-en-43-06.jpg)

ઇઝરાયેલચે લોક, ઇસુ એક માણુસ આશી જાંહે દેવાચી શક્તિશીં ઘણે નિશાની ને ચમત્કાર કરને આશી, જે તુમી નાંગને આશી ને જાણત આહાયઝા. પણ તુમીં તાદય કુરુસવર ઠોકું દીન!’’

![](https://cdn.door43.org/obs/jpg/360px/obs-en-43-07.jpg)

“ને ઈસુ મરીન, પણ દેવાને તાદય મરણમાંશી જીવતો કરું દીન. યીતે ભવિષ્યવાણી પૂરી હોંવચી ગોઠ આહાય જો આખત આહાય કાય, ‘તું તુઝે પવિત્રદય કબરમાં સડોં દિહિશ નાહા.’ હામી યે ગોઠચે સાક્ષી આહાંવ કાય દેવાને ઇસુદય આઝુન જીવતો કરનો આહાય.’’

![](https://cdn.door43.org/obs/jpg/360px/obs-en-43-08.jpg)

"આંતા ઇસુ દેવાચે જેવણે વાઠીન બસનો આહાય. ને જશો તેહેં વચન દીનો આશી તશો તેહેં પવિત્રઆત્માદય દવડનો આહાય જી વસ્તુ આતા તુમી નાધુંને આયખું રહને આહાયઝાં, તી પવિત્રઆત્માચે કારણે આહાય.’’

![](https://cdn.door43.org/obs/jpg/360px/obs-en-43-09.jpg)

“તુમી આજ ઇસુદય કુરુસ ખાબાંવર ઠોખું દીન.“પણ યી ગોઠ નક્કી આહાય કાય દેવાને જ ઇસુદય ભગવાન ને મસીહા બનાવનો આહાય.’’

![](https://cdn.door43.org/obs/jpg/360px/obs-en-43-10.jpg)

જી ગોઠ પિતરને આખી તી આયખૂંને આખે વિચારમાં પડીન. તાચે સાઠીં તાંહે પિતર ને દુસરે પ્રેરિતાંદય સુદકરી, “ભાવુસાંહું, હામદય કાય કરવોં પાયજય?

![](https://cdn.door43.org/obs/jpg/360px/obs-en-43-11.jpg)

પિતર ને તાંહદય જવાબ ઓપી, “આખાંહેં પોતાચો મન બદલવોં પાયજય ને ઇસુખ્રિસ્તચે નાંવખલ બાપ્તિસમાં ઘેવોં પાયજય કાય તુમચે પાપ માફ હોહું શકત. તો તુમદય પવિત્રઆત્માચો દાન પણ દેય્દ.’’

![](https://cdn.door43.org/obs/jpg/360px/obs-en-43-12.jpg)

પિતર ને જાં આખી તાવર ૩૦૦૦ લોકાંહે વિશ્વાસ કરી ને તે ઇસુચે ચેલે બનું જાવ. તાંહે બાપ્તિસમાં ધીદ ને યરુશાલેમચી મંડળીચે સભ્ય બનું જાવ.

![](https://cdn.door43.org/obs/jpg/360px/obs-en-43-13.jpg)

ચેલે કાયમ પ્રેરીતોચે શિક્ષણદય આયકત, એક હારીં ટાઈમ કાઢત, એક હારીં ખાના ખાત ને એક હારીં પરાથના કરત આશી. તે એક હારી મંડળીમાં દેવાચી સ્તુતિ કરત આશી ને જાં કાંય તાંહપાં આશી તે એક દુસરા હારીં વાંટત. તે આખે એક દુસરાચો સંભાળ રાખત. દીનાયદિસ ઘણે લોક વિશ્વાસી બનત આશી.

*બાઈબલચી  એક કાહની: પ્રેરિતોનાં કૃત્યો:૨*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_43_128kbps.m4a

## 44. પિતર ને યોહાન એક ભિખારીદય બેસ કરત

https://openbiblestories.org/l/vav-x-dauri/story-44/

![](https://cdn.door43.org/obs/jpg/360px/obs-en-44-01.jpg)

એક દિસ પિતર ને યોહાન મંદિરમાં જાત આશી. જંય તે મંદિરચે દારાંશીં પહોંચીન તંય તાંહેં એક લંગડે માણુસદય પૈસે માગત નાંગી.

![](https://cdn.door43.org/obs/jpg/360px/obs-en-44-02.jpg)

પિતરને લંગડે માણસાચે વાઠીન નાઘુંને આખી, “માંઝે પાસ તુદય દેંવદય સાઠીં પૈસે નાહા. પણ જાં માંઝપાં આહાય તાં મંય તુંદય દેંય. ઇસુ નાવમાં ઊઠ ને ચાલતો હોશ!’’

![](https://cdn.door43.org/obs/jpg/360px/obs-en-44-03.jpg)

લગેંજ દેવાને તે લંગડે માણસાદય બેસ કરી, ને તો ચાલોં ને ચારીં વાઠીન કૂદોં, ને દેવાચી સ્તુતિ કરોં મંડીન. મંદિરચે આંગણામાં જે લોક આશી તે આખાંદય નવાઈ લાગીન.

![](https://cdn.door43.org/obs/jpg/360px/obs-en-44-04.jpg)

જો માણુસ બેસ હોનો આશી તાદય નાંગોં સાઠીં લંગેજ લોકાંચો કળપ ભેગો હોન. પિતરને તાંહદય આખી, “તુમદય યી ગોઠ કશા નવાઈ લાગીન કાય યો માણુસ બેસ હોન આહાય? હામચે શક્તિખલ યો માણુસ બેસ નાહાં હોન. પણ ઇસુચે શક્તિખલ યો માણુસ બેસ હોન આહાય.”

![](https://cdn.door43.org/obs/jpg/360px/obs-en-44-05.jpg)

“તુમીંજ રોમન રાજાદય આખનો આશી કાય ઇસુદય મારું મેલા. તુમી જીવન દેનારદય મારું મેલી.પણ દેવાને તાદય મરણામાશીં જીવતો કરું દિન. તુમી જાણત નાહાં આશી કાય તુમી કાય કરું રહને આશી, પણ દેવા ને તુમચે કામદય ભવિષ્યવાણી પૂરી કરોં સાઠીં વાપર કરી. તે સાઠીં આંતા તુમી મન બદલા ને દેવાચે વાઠીન ફિરા કાય તુમચે પાપ માફ કરું દેવામાં યેત.”

![](https://cdn.door43.org/obs/jpg/360px/obs-en-44-06.jpg)

પિતર ને યોહાન જાં કાંય આખત આશીં તાખલ મંદિરચે સરદાર હજડ હેરાન હોન. તાચેન તાંહેં તાંહદય ધરું ઠોવી ને ઝેલમાં મેલું દિન. પણ ઘણે લોકાંહેં પિતરચે સંદેશવર વિશ્વાસ કરી ને ઇસુવર વિશ્વાસ કરી ને ઇસુવર વિશ્વાસ કરનારાંચી સંખ્યા વધુને ૫૦૦૦ હોહું જાવ.

![](https://cdn.door43.org/obs/jpg/360px/obs-en-44-07.jpg)

દુસરે દિસેં, યહૂદી સરદાર પિતર ને યોહાનદય પ્રમુખ યાજક ને દુસરે ધાર્મિક યાજકાંશીં ધીહું યાવ. તાંહેં પિતર ને યોહાનદય સુદકરી, “તુમી યે લંગડે માણસાદય કોનાચી શક્તિખલ બેસ કરી?’’

![](https://cdn.door43.org/obs/jpg/360px/obs-en-44-08.jpg)

પિતરને તાંહદય જવાબ ઓપી, “યો માણુસ ઇસુ મસીહાચે શક્તિખલ બેસ હોહું તુમચે પુઢેં ઊભો આહાય. તુમી ઇસુદય ખાંબાવર ઠોકું દિન, પણ દેવાને તાદય મરણામાંશીં આઝુન જીવતો કરું દિન. તુમી તાચો નકાર કરી, પણ તારણ મેળવોં સાઠીં ઇસુચે શક્તિ સિવાય દુસરી કચી પણ વાટ નાહાં.

![](https://cdn.door43.org/obs/jpg/360px/obs-en-44-09.jpg)

આગેવાનાંદય નવાઈ લાગીન કાય પિતર ને યોહાન અલે હિમંતશીં ગોઠ કરત આહાત કશા કાય તે જાણત આશી કાય યે લોક સાધારણ ભણને વગરચે માણુસ આહાત. પણ મંગે તાંહદય આઠોવ યાવ કાય એ લોક ઇસુચે હારીં રહત આશી.તંય તાંહેં પિતર ને યોહાનદય બિહવીને મંગે જાંવદય દીન.

*બાઈબલચી એક કાહની :પ્રેરિતો નાં કૃત્યો :૩:૧-૪ -૨૨*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_44_128kbps.m4a

## 45. ફિલિપ ને કુશ દેશચો અધીકારી

https://openbiblestories.org/l/vav-x-dauri/story-45/

![](https://cdn.door43.org/obs/jpg/360px/obs-en-45-01.jpg)

પહલેનચે ખ્રિસ્તી લોકાંમાં એક માણુસ આશી જાચો નાંવ સ્તેફન આશી. તો એકબેસ ને જ્ઞાનખલ ને પવિત્રઆત્માખલ ભરનો આશી. સ્તેફનને ઘણે અશે નવાય લાગત અસે કામ કરને આશી. ને લોકાંદય તો માનશીં સમઝાવત આશી.

![](https://cdn.door43.org/obs/jpg/360px/obs-en-45-02.jpg)

એક દિસ જંય સ્તેફન ઇસુચે બારામાં શીખવત આશી, તે કલેકખાંડ યહૂદી જે ઇસુવર વિશ્વાસ નાહાં કરત આશી, તાચે હારીં બોલાચાલી કરોં મંડીન.તે હજડ ખંતવાન ને સ્તેફનચે બારામાં ધાર્મિક આગેવાનાંદય ઠગી. તાહેં આખી, "હામીં તાદય મુસા ને દેવાચે વિરુઘ્ધ નિંદા કરતાં આયકી આહાર!“ધાર્મિક આગેવાનાહેં સ્તેફનદય ધરી ને મુખ્ય યાજક ને દુસરે યહૂદી આગેવાનાશીં ધીહું જાવ, જથય ઠગ સાક્ષી સ્તેફનચે બારામાં ખોટો બોલીન.

![](https://cdn.door43.org/obs/jpg/360px/obs-en-45-03.jpg)

મુખ્ય યાજકને સ્તેફનદય સુદકરી, “કાય યી આખી ગોઠ ખરી આહાય?” સ્તેફનને તાંહદય ઈબ્રાહીમચે ટાઇમશીં તે ઇસુચે ટાઈમ હુધી દેવાખલ હોની મટી ગોઠ આઠોવ કરોવતાં જવાબ ઓપી કાય, કચે રીતે દેવાચે લોકાંહેં તાંચી આજ્ઞાચો માનનાહાં કરી તંય તેહેં આખી, “તુમી કડક મનચે ને લઢાઈ કરનારે લોક આહાયઝા, તુમી કાયમ પવિત્ર આત્માચો વિરોધ્ધ કરત રહત આહાયઝા જે રીતેં તુમચે પૂર્વજાંહેં પ્રબોધકાંદય મારું મેલુંને દેવાચો વિરોધ કરી. પણ તુમી તાંહચેશીં પણ ભૂંડો કામ કરી! તુમી ખ્રિસ્તદય મારું મેલી!’’

![](https://cdn.door43.org/obs/jpg/360px/obs-en-45-04.jpg)

જંય યી ગોઠ ધાર્મિક આગેવાનાહેં આયકી તંય તે ખંતવાન ને તાંહેં પોતાચો કાન બંધ કરું ઘીદ ને ઝંટે આરડી. તે તાદય શાહરાચે બાહેર ધીહું જાવ ને તાદય મારું મેલોં સાઠીં તાવર દગડઆલોંટોંચો શરુ કરી.

![](https://cdn.door43.org/obs/jpg/360px/obs-en-45-05.jpg)

જંય સ્તેફન મરત આશી,તંય તેહેં મટે જાબેં આખી, "ઈસુ માંઝે આત્માચો સ્વીકાર કર.” મંગે તેંહેં માંડીયે પઢુંને મટે જાબેં આખી કાય, “પ્રભુ યો ગુનો તાંહચે ટકલાવર નાખે ઠોવસ.’’ મંગે તો મરીન.

![](https://cdn.door43.org/obs/jpg/360px/obs-en-45-06.jpg)

શાઉલ નાંવચો એક જુવાન સ્તેફનદય ઘાત કરોંદય રાજી આશી ને તો લોકાંચે કપડાચી રક્ષા કરત આશી જો તાદય દગડ આલોટત આશી તેજ દિસેં, યરુશાલેમમાં ઘણે લોક ઇસુચે મગલાઠીન ચાલનારાંદય હેરાન કરોં મંડીન, જાચે કારણે વિશ્વાસી લોક દુસરે જગ્યાવર પળું જાવ. તરી, તે જથય પણ જાવ તથય તાંહે ઇસુચી સુવાર્તાચો પ્રચાર કરી.

![](https://cdn.door43.org/obs/jpg/360px/obs-en-45-07.jpg)

ઇસુચો એક ચેલો જાચો નાંવ ફિલિપ આશી તો વિશ્વાસીમાંચો એક આશી જો સતાવણીચે કારણે યરુશાલેમ છોઢુંને પળુંજાયનો આશી. તો શમરૂન શહેરામાં જાવ જથય તેહેં ઇસુચી સુવાર્તાચો પ્રચાર કરીને ઘણે લોકાંહેં તારણ મેળવી. એક દિસેં, દેવાચે એક દૂતાને ફિલિપદય અરણ્યચે વાટેવર જાવંચી આજ્ઞા ઓપી.જંય તો વાટેવર જાત આશી તંય ફિલિપ ને કુશચે એક મટે અમલદારદય પોતાચે રથવર જાતાં નાંગી. પવિત્રઆત્માને ફિલિપદય આખી કાય, “જા ને યે માણસાચે હારીં ગોઠ કર.’’

![](https://cdn.door43.org/obs/jpg/360px/obs-en-45-08.jpg)

જંય ફિલિપ રથશીં પાસ જાવ તંય તેહેં ખોજાદય યશાયા પ્રબોધકચી ચોપડી વાંચતાં આયકી. તો વાંચત આશી, “તે તાદય ઘેંટાંચે જસે મારોં સાઠીં ધીહું જાવ ને તો ઘેંટાંચે જશો શાંત આશી, તેંહેં એકપણ શબ્દ નાહાં આખી. તાંહેં તાચે હારીં ખોટાં કામ કરી ને તાચો માન નાહાં રાખી. તાંહેં તાચો જીવ ઘીદ.’’

![](https://cdn.door43.org/obs/jpg/360px/obs-en-45-09.jpg)

ફિલિપને ખોજાદય સુદકરી, “તું જો વાંચત આહાસ કાય તો તું સમજાત આહાસ?’’ ખોજાને જવાબ ઓપી “નાહાં.જંય હુધી માંદય કોનીં નાહાં સમઝાવય તંય હુધી મંય કચે રીતે સમઝું શકંય. દયા કરુંને માંઝે હારીંયીહુંને બસ. કાય યશાયા પોતાચે બારામાં લખત આહાય કાય કોની દુસરાચે બારામાં લખત આહાય?

![](https://cdn.door43.org/obs/jpg/360px/obs-en-45-10.jpg)

ફિલિપને ઇથોપિયાચે તે માણસાદય સમઝાવી કાય યશાયા ઇસુચે બારામાં લખત આહાય ફિલિપ ને પવિત્રશાસ્ત્રચે દુસરે ભાગચો વાપર કરુંને ઇસુચી સુવાર્તા આયકવી.

![](https://cdn.door43.org/obs/jpg/360px/obs-en-45-11.jpg)

વાટેમાં જાતાં ફિલિપને ઇથોપિયાચો રહવાવાળો થોડોક પાણી આશી તથય યાવ. ઇથોપિયાચે રહવાવાળાને આખી, નાંગ! અથય થોડોક પાણી આહાય! કાય માંદય બાપ્તિસમાં મીળું શકય?’’ ને તેહેં રથ ઊભો રાખોંદય આખી.

![](https://cdn.door43.org/obs/jpg/360px/obs-en-45-12.jpg)

મંગે તે દોઘે પાણીમાં ઉતરીન, ને ફિલિપને ખોજાદય બાપ્તિસમાં ઓપી. જંયતે પાણીમાંશીં બાહેર નીઘીન તંય પવિત્ર આત્મા અચાનક ફિલિપદય ધીહું જાવ ને તથય તેહેં લોકાંદય ઇસુચે બારામાં આખોંચો ચાલુ રાખી.

![](https://cdn.door43.org/obs/jpg/360px/obs-en-45-13.jpg)

ખોજો ઇસુદય જાણુંને ખુશ હોન ને પોતાચે ઘરાચે વાઠીનચો પ્રવાસ ચાલુ રાખી.

*બાઈબલચી એક કાહની : પ્રેરિતો નાં કૃત્યો :૬:૮, ૮ :૫; ૮ : ૨૬-૪૦*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_45_128kbps.m4a

## 46. પાઉલ ખ્રિસ્તી બનત આહાય

https://openbiblestories.org/l/vav-x-dauri/story-46/

![](https://cdn.door43.org/obs/jpg/360px/obs-en-46-01.jpg)

શાઉલ એક જુવાન માણુસ આશી જો લોકાંચે કપડાંચી રક્ષા કરત આશી જાંહે સ્તેફનદય મારનો આશી. તો ઇસુખ્રિસ્તવર વિશ્વાસ કરત નાહાં આશી તે સાઠીં તો વિશ્વાસીહાંદય હેરાન કરત આશી. તો યરુશાલેમમાં ઘરા ઘરામાં જાહું ને બાઈલ, ગોહલો આખાંદય બંદી બનાવત આશી કાય તાદય ઝેલમાં પૂરું શકય પ્રમુખ યાજકને શાઉલદય પરવાનગી ઓપી કાય તો ખ્રિસ્તી લોકાંદય બંદી બનાવોં સાઠીં દમસ્કમાં જાય ને તાંદય આઝુન યરુશાલેમમાં ધીહું યેય.

![](https://cdn.door43.org/obs/jpg/360px/obs-en-46-02.jpg)

જંય શાઉલ દમસ્કસચે વાટેવર આશી તંય ડાંબરામાંશી હજદ ઉજેડ તાચે ચારી વાઠીન ચમકીન ને તો બુડા પડીન. શાઉલ ને કોનાંદય આખતાં આયકી, “શાઉલ!શાઉલ! તું માંદય કશા હેરાન કરત આહાસ?’’ શાઉલને સુદકરી, “પ્રભુ તું કોણ આહાશ?’’ ઇસુ ને જવાબ ઓપી, “મંય ઇસુ આહાંય.તું માંદય હેરાન કરત આહાશ!”

![](https://cdn.door43.org/obs/jpg/360px/obs-en-46-03.jpg)

જંય શાઉલ ઉઠીન, તંય તો નાઘું શકત નાહાં આશી તાચે દોસ્તારાંદય તાદય દમસ્કચે વાટે હાથ ધરું ધીહું જાવાં પડીન. શાઉલને તીન દિસ હુધી કાંય ખાધ કાય પીધ નાહાં.

![](https://cdn.door43.org/obs/jpg/360px/obs-en-46-04.jpg)

દમસ્કમાં અનાન્યા નાંવચો એક ચેલો આશી. દેવાને તાદય આખી, “જે ઘરમાં શાઉલ રહનો આશી તથય જા. તાવર તુઝો હાથ ઠોવ કાય તો આઝુન નાંગતો હોહું શકય." પણ અનાન્યા ને આખી, “પ્રભુ યે માણસાને વિશ્વાસીહાંદય કશોક હેરાન કરનો આહાય મંય તાચે બારામાં આયકનો આહાય. દેવાને તાદય જવાબ ઓપી, “જા! મંય તાદય પસંદ કરનો આહાય કાય તો યહૂદી ને દુસરે જાતિહાંદય માંઝો નાંવ આખય.તો માંઝે નાંવચે કારણે હજળ દુઃખ હુંકલય્દ.’’

![](https://cdn.door43.org/obs/jpg/360px/obs-en-46-05.jpg)

તે સાઠીં અનાન્યા શાઉલશીં જાવ, તાવર પોતાચો હાથ ઠોવી, ને આખી, “યેતાં ટાઈમેં ઇસુ જો તુઝે વાટેમાં તુદય પ્રગટ હોન, તેહેં માંદય તુઝશી દવડી આહાય. કાય તું પોતાચી નજર આઝુન મીળવું શકશ ને પવિત્રઆત્માખલ ભરાહું શકશ. શાઉલ લંગેજ આઝુન નાંગતો હોહું જાવ, ને અનાન્યાને તાદય બપ્તિસમાં ઓપી. મંગે તેહેં ખાના ખાદ ને તાચી શક્તિ આઝુન યીહું જાવ.

![](https://cdn.door43.org/obs/jpg/360px/obs-en-46-06.jpg)

તે ટાઈમે, શાઉલ દમસ્કમાં રહત યહૂદીહાંદય પ્રચાર કરોં મંડીન, “ઇસુ દેવાચો પોસો આહાય!’’ યહૂદી લોક ચકીત હોન કાય જો માણુસ વિશ્વાસીહાંચો નાશ કરોંચી કોશીશ કરત આશી તેહેં પણ આતાં ઇસુવર વિશ્વાસ કરું ધીદ આહાય. શાઉલ યહૂદીશીં યો સાબિત કરત આશી કાય ઈસુ તોજ ખ્રિસ્ત આહાય.

![](https://cdn.door43.org/obs/jpg/360px/obs-en-46-07.jpg)

ઘણે દિસ મંગે, યહૂદીયાંહે શાઉલદય મારું મેલોંચો નક્કી કરી. તાહેં શહેરાચે દારાશીં લોકાંદય નજર રાખોં સાઠીં દવડી કાય તાદય મારું મેલવામાં યેય. પણ શાઉલને તે વિચારચે બારામાં આયકી. ને તાચે દોસ્તારાંહે તાદય બચોંદય સાઠીં મદદ કરી. એક રાતચે તાહેં તાદય ટોપલામાં બસવુંને કોટા વરશી ઉતારું ઠોવી દમસ્કશીં નીઘુંને લંગેજ તેહેં ઇસુચો પ્રચાર કરોંચો ચાલુ રાખી.

![](https://cdn.door43.org/obs/jpg/360px/obs-en-46-08.jpg)

શાઉલ ચેલાંદય મીળો સાઠીં યરુશાલેમમાં જાવ પણ તે તાચેશીં બિહને આશી. મંગે બાર્નાબાસ નાંવચો એક વિશ્વાસી શાઉલદય પ્રેરિતાંશીં ધીહું જાવ ને તેહેં આખી કાય શાઉલને દમસ્કમાં કશેક રીતે હિંમતશીં પ્રચાર કરનો આશી. ને તાચે મંગે, ચેલાંહે શાઉલચો સ્વીકાર કરું ઘીદ.

![](https://cdn.door43.org/obs/jpg/360px/obs-en-46-09.jpg)

કલેખાંડ વિશ્વાસીહાં જે યરુશાલેમચી સતાવાણીશીં દુર જાયને આશી તે દુર અંત્યોખ સાહરામાં જાવ ને તથય ઇસુચી સુવાર્તાચો પ્રચાર કરી. અંત્યોખમાં વધારે લોક યહુદી નાહાં આશી, પણ પહલે વાર તાંહચેમાશીં ઘણે લોક વિશ્વાસી બનું જાવ. બાર્નાબાસ ને શાઉલ યે નવે વિશ્વાસીહાંશીં પાસ જાવ કાય તે ઇસુચે બારામાં વધારે આઝુન શીખવું શકત ને ખ્રિસ્તી લોકાંદય મજબૂત કરું શકત. અંત્યોખમાં પહલે વિશ્વાસી લોક “ખ્રિસ્તી ” આખાને આશી.

![](https://cdn.door43.org/obs/jpg/360px/obs-en-46-10.jpg)

એક દિસ, જંય અંત્યોખચે આખે ખ્રિસ્તી લોક ઉપવાસ ને પરાથના કરત આશી, તંય પવિત્રઆત્માને તાંહદય આખી, “બાર્નાબાસને શાઉલદય માંઝો કામ કરોં સાઠીં અલગ કરા જાચે સાઠીંમંય તાંહદય સાદનો આહાય.તંય અંત્યોખચી મંડળી બાર્નાબાસ ને શાઉલ સાઠીં પરાથનાં કરું તાંહાવર પોતાચે હાથ ઠોવી.તંય તાંહે તાંહદય દુસરી જગ્યાવર ઇસુચી સુવાર્તા પ્રચાર કરોં સાઠીં દવડી.બાર્નાબાસ ને શાઉલને ઘણી હજડ જાતિચે લોકાંદય ઇસુચી સુવાર્તા આયકવી ને ઘણાં હજડ લોકાંહે ઇસુવર વિશ્વાસ કરી.

*બાઈબલચી એક કાહની : પ્રેરિતોનાં કૃત્યો : ૮: ૩; ૯:૧-૩૧; ૧૧ :૧૯-૨૬; ૧૩:૧-૩*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_46_128kbps.m4a

## 47. ફિલીપી શાહરામાં  પાઉલ ને સિલાસ

https://openbiblestories.org/l/vav-x-dauri/story-47/

![](https://cdn.door43.org/obs/jpg/360px/obs-en-47-01.jpg)

જંય શાઉલ આખે રોમન રાજ્યમાં પરવાસ કરોં મંડીન તંય તો પોતાચે રોમન નાંવ “પાઉલ”ચો વાપર કરોં મંડીન. એક દિસે, પાઉલ ને તાચો દોસ્તાર સિલાસ ઇસુચી સુવાર્તા પ્રચાર કરોં સાઠીં ફિલીપી નગરમાં જાવ. તે શહરાચે બાહેર એક ખાડીશીં એક જગ્યાવર પહોંચીન. જ્થય લોક પરથનાં કરોં સાઠીં ભેગે હોને આશી. તથય તાંહે લુદિયા નાંવચી એક બાય્લ મીળીન જી એક વેપારી આશી. તી દેવાદય પ્રેમ કરય ને તાચી આરાધના કરત આશી.

![](https://cdn.door43.org/obs/jpg/360px/obs-en-47-02.jpg)

દેવાને લુદિયાચો મન ખોલું દિન કશા કાય તી ઇસુચે સુવાર્તાવર વિશ્વાસ કરત આશી ને તેહેં ને તાચે કુટુંબને બાપ્તિસમાં ધીદ. તેહેં પાઉલ ને સિલાસદય પોતાચે ઘરા રહોંચો આમંત્રણ ઓપી. તાંચેન તી ને તાચો કુટુંબ હારીં રહીન.

![](https://cdn.door43.org/obs/jpg/360px/obs-en-47-03.jpg)

પાઉલ ને સિલાસ મટે ભાગેં લોકાંદય પરાથનાચે જગ્યાવર મીળયાં કરત આશી. દિનાય જંય તે તથય જાત આશી, ભુતાશીં દુઃખી એક પોયરી તાંહચે મગલાઠીન ફિરત આશી. ભુતાખલ તી લોકાદય તાંહચો ભવિષ્ય દાખવત આશી. તાચેન તી એક ભવિષ્યવેતાચે રૂપમાં પોતાચે માલિક સાઠીં હજડ પૈસે કમાવત આશી.

![](https://cdn.door43.org/obs/jpg/360px/obs-en-47-04.jpg)

જંય તે જાત આશી તંય નોકરાની આરડત આશી, યે માણુસ ઉંચે દેવાચે સેવક આહાત. તે તુમદય તારણ મેળવોચી વાઠ દાખવત આશી.’’ યે પ્રમાણે તી કરત આશી તાચેન પાઉલ નારાજ હોહું જાવ.

![](https://cdn.door43.org/obs/jpg/360px/obs-en-47-05.jpg)

છેલ્લે એક દિસ નોકરાનીને આરડોંચો શરુ કરી,તે પાઉલ ને તાચેમાજ રહને ભુતાદય આખી, “ઇસુચે નાવમાં તાચેમાંશી બાહેર નીઘુ યે.’’ તેજ ટાઈમે ભુતાંહે તેદય છોઢું દીન.

![](https://cdn.door43.org/obs/jpg/360px/obs-en-47-06.jpg)

તે પોયરીચે માલિક હજડ ખિજવાન તે સમજું જાવ કાંય ભુતા વગર પોયરી લોકાંચો ભવિષ્ય દાખવું સકીથ નાંહાં તાચો મતલબ યો કાય તી લોકાંચો ભવિષ્ય દાખવય્દ નાહાં ને તાચેન લોક તાંહચે માલિકાદય પૈસે દેય્દ નાહાં.

![](https://cdn.door43.org/obs/jpg/360px/obs-en-47-07.jpg)

તાચેન નોકરાનીચે માલિક પાઉલ ને સિલાસદય રોમન અધિકારીહાંશીં ઘીહું જાવ, તાંહેં તાંહદય કુટીને જેલમાં પુરું દિન.

![](https://cdn.door43.org/obs/jpg/360px/obs-en-47-08.jpg)

તાંહે પાઉલ ને સિલાસદય જેલમાં હજડ ગુપ્ત સ્થાનમાં મેલી, તથય હુધી કાય તાંહચે પાંય સાંકળમાં ભરું દિન. તરી પણ અડધી રાતચે તે દેવાચી સ્તુતિચે ભજન ગાત આશી.

![](https://cdn.door43.org/obs/jpg/360px/obs-en-47-09.jpg)

અચાનક તથય એક જોરદાર ધરતીકંપ યાવ.જેલચે આખે દાર ખુલીન ને આખે બંદીવાનચી સાંકળ ટુકીન.

![](https://cdn.door43.org/obs/jpg/360px/obs-en-47-10.jpg)

જમાદાર જાગું જાવ. ને જંય તેહેં નાગી કાય જેલચે દાર ખુલે આહાત તંય તો હજડ બીહીન. તેહેં વિચારી કાય આખે કેદી બચુને પળું જાવ આહત.તાચેન તેહેં પોતાદય મારું મેલોંચો વિચાર કરી. (તો જાણત આશી કાય કેદિ પળુ જાહીથ તે રોમન અધિકારીહાં તાદય મારું મેલીત.) પણ પાઉલ ને તાદય નાગી ને આરડી, “ઊભો રય! પોતેદય કાય કરશ નાખે! હામી આખે અથય આહાવ.’’

![](https://cdn.door43.org/obs/jpg/360px/obs-en-47-11.jpg)

જમાદાર કાંપત પાઉલ ને સિલાસશીં યાવ, ને સુદકરી “તારણ મેળવોં સાઠીંમંય કાય કરય?’’ પાઉલને જવાબ ઓપી, “જો તું પ્રભુઇસુ ખ્રિસ્તવર વિશ્વાસ કરીશ તંય તું ને તુઝે ઘરાચે તારણ મેળવિથ.’’ તંય જમાદાર પાઉલ ને સિલાસદય પોતાચે ઘરા ધીહું જાવ ને તાહચે પાંય ધોવી. પાઉલને જમાદારચે ઘરાચે આખે લોકાંદય ઇસુચી સુવાર્તા આયકવી.

![](https://cdn.door43.org/obs/jpg/360px/obs-en-47-12.jpg)

જમાદાર ને તાચે આખે કુટુંબને ઈસુવર વિશ્વાસ કરી ને બાપ્તિસમાં ધીદ . તંય જમાદારે પાઉલ ને સિલાસદય ખાંવચો દિન ને હારીં મીળુંને આનંદ કરી.

![](https://cdn.door43.org/obs/jpg/360px/obs-en-47-13.jpg)

દુસરે દીસેં શાહરાચે અધિકારીયાંહેં પાઉલ ને સિલાસદય છોઢું દિન ને તાંહદય આજ્ઞા ઓપી કાય તુમી ફિલિપદય છોઢું દીયા. પાઉલ ને સિલાસ લુદિયા ને કલેખાંડ દુસરે દોસ્તારચી ખબર ઘીદ મંગે તાંહેં શહેર છોઢું દીન. ઈસુચી સુવાર્તા ફેલાત જાવ ને ખ્રિસ્તી લોક વધત જાવ.

![](https://cdn.door43.org/obs/jpg/360px/obs-en-47-14.jpg)

પાઉલ ને દુસરે ખ્રિસ્તી આગેવાનાહેં ઈસુચે બારામાં સુવાર્તા કરોં ને શિક્ષણ ઓપોં ઘણે શહેરોંચી યાત્રા કરી. તાહેં મંડળીચે વિશ્વાસીહાંદય ઉતેજન ઓપોં ને સુવાર્તા પ્રચાર કરોં સાઠીં ઘણે પત્ર લખી. તામાંશીં કલેખાંડ પત્રબાઈબલચે ચોપડે બનું જાવ.

*બાઈબલચી એક કાહની : પ્રેરીતોનાં કૃત્યો :૧૬: ૧૧-૪૦*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_47_128kbps.m4a

## 48. ઈસુ તોજ યેનાર  મસિહા

https://openbiblestories.org/l/vav-x-dauri/story-48/

![](https://cdn.door43.org/obs/jpg/360px/obs-en-48-01.jpg)

જંય દેવાને જુગાચી ઉપજ કરી, તંય આખાં પુરાં આશી. કાંય પાપ નાહા આશી. આદમ ને હવા એક દુસરાદય પ્રેમ કરત આશી, ને તે દેવાદય પ્રેમ કરત આશી. કાંય બીમારી કાય મરણ નાહા આશીઅં જશાં દેવાદય પાયજત આશી તશો જ જુગ આશી.

![](https://cdn.door43.org/obs/jpg/360px/obs-en-48-02.jpg)

હવાદય ઠઘોંદય સાઠીં ભુતાને સાપખલ વાડીમાં તાચે હારીં ગોઠ કરી. મંગે આદમ ને હવાને દેવાચે વિરુદ્ધ પાપ કરી. તાંહેં પાપ કરીતાચેન, જુગાવર આખે માણુસ બિમાર પડત આહાત ને મરત આહાત.

![](https://cdn.door43.org/obs/jpg/360px/obs-en-48-03.jpg)

આદમ ને હવાને પાપ કરી તાચેન એક હજડ ખતરનાક ગોઠ બનીન. તે દેવાચે દુશ્મન બનું જાવ. તાચે લીધે તંય મંગે આખે માણુસ પાપી જીવન હારીં જનમત આહાત ને તે પણ દેવાચે દુશ્મન આહાત. દેવને માણસાચે વચ્ચેચો સબંધ પાપચ લીધે તૂટું જાવ. પણ દેવાપાં તે સબંધદય આઝુન બનાવોંચી આવડ આશી.

![](https://cdn.door43.org/obs/jpg/360px/obs-en-48-04.jpg)

દેવાને વચન દિનો કાય હવાચે વંશમાશીં એક ભૂતાચે ટકલાદય ચીહખુ મેલય્દ, ને ભૂત તાચે પાંહાદય દુઃખના કરય્દ. તાચો મતલબ યો હોન કાય ભૂત મસીહાદય મારું મેલય્દ, પણ દેવ તાદય આઝુન જીવતો કરય્દ ને મંગે મસિહ ભૂતાચે શક્તિદય કાયમ સાઠીં ચીહખુ મેલય્દ. કલેખાંડ વરીસ મંગે દેવને પ્રગટ કરી કાય ઈસુ જ ખ્રિસ્ત આહાય.

![](https://cdn.door43.org/obs/jpg/360px/obs-en-48-05.jpg)

જંય દેવાને જગબુડખલ જુગાચો નાશ કરી, તેહેં હોડી બનાવોંદય આખી કાય દેવવર વિશ્વાસ કરનારે આખે લોકાંદય બચવું શકાય. અશે રીતે આખે પોતાચે પાપાચે સાઠીં મરો લાયક આહાત, પણ દેવાને ઈસુદય દિન કાય જો કોનીં તાંચેવર વિશ્વાસ કરય તાદય બચાવું શકાય.

![](https://cdn.door43.org/obs/jpg/360px/obs-en-48-06.jpg)

ઘણે વરસશીં યાજકાંહેં લોકાંસાઠીં દેવાદય બલિ ચઢાવી કાય તાંહદય ખબર પડય કાય તાંહચે પાપચે લીધે દંડ નક્કી આહાય. પણ તે બલિ તાંહચે પાપાદય દુર કરું શકીન નાહાં. ઈસુ મહાન પ્રમુખ યાજક આહાય. દુસરે યાજકાંચે જશો નાહા, તેહેં ખાલી એકુજ બલિદાન જશો પોતાચો અર્પણ કરી કાય જો જગતચે લોકાંદય પાપશીં દુર કરય. ઈસુ પૂરો પ્રમુખ યાજક આશી કશા કાય તેહેં આખાંચે પાપાચો દંડ પોતાવર હુકલું ધીદ .

![](https://cdn.door43.org/obs/jpg/360px/obs-en-48-07.jpg)

દેવાને ઈબ્રાહીમદય આખી, “ જુગાચી આખે જાતિ તુઝખલ આશીર્વાદ મીળવીથ.” ઈસુ ઈબ્રાહીમચે વંશોચો આશી.

![](https://cdn.door43.org/obs/jpg/360px/obs-en-48-08.jpg)

આખે જાતી તાચેખલ આશીર્વાદવાળી હોની આહાય, કશા કાય આખે જે ઈસુવર વિશ્વાસ કરત આહાત તાંહદય પાપમાંશી તારણ મીળત આહાય, ને ઈબ્રાહીમચો આત્મિક પોસો બનું જાત આહાય.જંયદેવાને ઈબ્રાહીમદય પોતાચો પોસો, ઈસાહાકદય બલિદાન કરોં સાઠીં આખી તે દેવાને ઈસાહાકચે બદલે બલિદાન હોંવદય સાઠીં એક ઘેટાંદય પૂરો પાડી. આપણી આખે આપણાચે પાપચે સાઠીં મરો લાયક આહાવ. પણ દેવાને તાચો ઘેટોં, ઇસુદય આપણાચે બદલે મરોં સાઠીં દવડી.

![](https://cdn.door43.org/obs/jpg/360px/obs-en-48-09.jpg)

જંય દેવા ને મિસર દેશમાં છેલ્લી બીમારી દવડી, તંય તેહેં ઇઝરાયલ કુટુંબદય આખી કાય તુમીં એક આખે ઘેટાંચો બલિદાન ઓપા ને તાચો રગત પોતાચે ઘરાચે બારસટવર ચારીં વાઠીન લગાવા. જંય દેવાને રગત નાંગી તંય તે તો ઘર છોઢુંને આગળ જાવ ને તામાંચે પહલો જનમનો પોસાચો નાશ નાહાં કરી. યે બનાવદય પાસ્ખાસન આખાત આહાય.

![](https://cdn.door43.org/obs/jpg/360px/obs-en-48-10.jpg)

ઈસુ આપણાચે પાસ્ખાચો ઘેટોં આહાય.તો પૂરો ને પાપ વગરચો આશી ને તાદય પાસ્ખાચે સનચે ટાઈમમાં મારનો આશી.જંય કોની માણુસ ઈસુમાં વિશ્વાસ કરત આહાય,તંય ઈસુ તાચે પાપાચી કિમત ચુકવત આહાય ને દેવાચી શિક્ષા તાવરશીં દુર જાત આહાય.

![](https://cdn.door43.org/obs/jpg/360px/obs-en-48-11.jpg)

દેવાને ઇસ્રાએલદય વાયદો ઓપનો આશી કાય તે તાચે ગમોવને લોક આહાત. પણ આતાં દેવાને એક નવો સોગંદ કરી આહાય જો આખે લોકાં સાઠીં આહાય. યે નવે સોગંદખલ કચે પણ જાતીચો કોની પણ માણુસ ઈસુમાં વિશ્વાસખલ દેવાચે લોકાંચો ભાગીદાર બનું શકત આહાય.

![](https://cdn.door43.org/obs/jpg/360px/obs-en-48-12.jpg)

મુસા એક મહાન પ્રબોધક આશી, જેહેં દેવાચે વચનદય પ્રગટ કરી. પણ ઈસુ આખે પ્રબોધકામાં મહાન પ્રબોધક આશી. તો દેવ આહાય, જાં કાય પણ તેહેં આખી ને કરી, તાં દેવાચાં કામ ને બોલ આશી. તે સાઠીં ઈસુદય દેવાચો શબ્દ આખનો આહાય.

![](https://cdn.door43.org/obs/jpg/360px/obs-en-48-13.jpg)

દેવાને દાઉદ રાજાદય વચન ઓપનો આશી કાય તાચે વંશમાંશીં એક દેવાચે લોકાંવર કાયમ રાજ કરય્દ. કશા કાય ઈસુ દેવાચો પોસો મસિહ આહાય. તો ખ્રિસ્ત આહાય.તો દાઉદચો વંશજ આહાય, જો કાયમ રાજ કરું શકત આહાય.

![](https://cdn.door43.org/obs/jpg/360px/obs-en-48-14.jpg)

દાઉદ ઇસ્રાએલચો રાજા આશી, પણ ઈસુ આખે બ્રહ્માંડચો રાજા આહાય. તો આઝુન યેદ, ને પોતાચે રાજ્યવર ન્યાય ને શાંતિ હારી કાયમ રાજ કરય્દ.

*બાઈબલચી એક કાહની : ઉત્પતિ :૧-૩,૬,૧૪,૨૨, નિર્ગમન :૧૨:૨૦, ૨શમુએલ :૭, હિબ્રૂ :૩:૧-૬,૪,૧૪  ૫-૧૦, ૭ :૧-૮, ૧૩,૯:૧૧-૧૦ :૧૮  પ્રકટીકરણ:૨*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_48_128kbps.m4a

## 49. દેવાચો નવો કરાર

https://openbiblestories.org/l/vav-x-dauri/story-49/

![](https://cdn.door43.org/obs/jpg/360px/obs-en-49-01.jpg)

એક દૂતને મરિયમ નાંવચી કુવારીંદય આખી કાય તું દેવાચે પોસાદય જલમ ઓફિસ. તાચેન તી આઝુન કુંવારી આશી, તેહેં એક પોસાદય જલમ ઓપી ને તેહેં તાચો નાવ ઈસુ ઠોવી. યે સાઠીં, ઈસુ માણુસ ને દેવ દોની આહાય.

![](https://cdn.door43.org/obs/jpg/360px/obs-en-49-02.jpg)

ઈસુને હજડ ઘણાં ચમત્કાર કરી. તે સાબિત આહાત કાય તો દેવ આહાય. તો પાણીયાવર ચાલીન, તોફાનદય શાંત કરી, ઘણે બીમારાંદય બેસ કરી, ભુતાદય કાઢી,મરણાંદય જીવતો કરી ને પાંચ ભાકર ને દોન બારિક માંસલાંદય ૫૦૦૦ લોકા સાઠીં પૂરો પડય તશે ખાનામાં બદલું મેલી.

![](https://cdn.door43.org/obs/jpg/360px/obs-en-49-03.jpg)

ઈસુ એક મહાન માસ્તર પણ આશી. ને તો અધિકાર હારીં બોલત આશી, કશા કાય તો દેવાચો પોસો આશી. તેહેં શીખવી કાય તુમી દુસરે લોકાંદય અશે રીતે પ્રેમ કરા જશો તુમી પોતાવર પ્રેમ કરત આહાયઝા.

![](https://cdn.door43.org/obs/jpg/360px/obs-en-49-04.jpg)

તેહેં આપણાંદય શીખવી કાય તુમદય આખી વસ્તુ ને સંપતી કરતાં ઘણો પ્રેમ દેવાવર રાખવો પડય.

![](https://cdn.door43.org/obs/jpg/360px/obs-en-49-05.jpg)

ઈસુને આખી કાય દેવાચો રાજ્ય યે જુગાચે આખે વસ્તુહાંશી પણ હજડ કીમતી આહાય. દેવાચે રાજ્યમાં રહોંચો તો કોની પણ માણસા સાઠીં આખાં કરતાં મહત્વચી ગોઠ આહાય. દેવાચે રાજ્યમાં સિરામદય સાઠીં, તુમદય તુમચે પાપાશીંતારણ મેળવોચો જરૂરી આહાય.

![](https://cdn.door43.org/obs/jpg/360px/obs-en-49-06.jpg)

ઈસુને આખી કાય કલેખાંડ લોક તાદય સ્વીકારીથ ને તારણ મેળવિથ, પણ કલેખાંડ લોક અશો કરીથ નાહાં. તાંહેં આખી કાય કલેખાંડ લોક બેસ માટી જશે રહત આહાત. તાહેં ઈસુચી સુવાર્તા ધીહુંને તારણ મીળવી ને દુસરે લોક વાટેચી કઠણ માટી જશે આહાત,જથય દેવાચે વચનચે બીં સિરાત નાહાં ને કાંય ફળ ઉપજ કરું શકત નાહા. અશે લોક ઈસુચે સંદેશાચો નકાર કરત આહાત ને દેવાચે રાજ્યમાં સિરાત નાહાં

![](https://cdn.door43.org/obs/jpg/360px/obs-en-49-07.jpg)

ઈસુને શીખવી કાય દેવ પાપીયાંદય હજડ પ્રેમ કરત આહાય તો તાંદય માફ કરોં માગત આહાય ને પોતાચે પોસે બનાવોં માગત આહાય.

![](https://cdn.door43.org/obs/jpg/360px/obs-en-49-08.jpg)

ઈસુને હામદય યો પણ આખી કાય દેવ પાપદય નકારત આહાય. જંય આદમ ને હવાને પાપ કરી તંય તાચી અસર તાંહચે આખે પોસાંદય હોન. તાંચો રીઝલ્ટ યો આશી કાય, જુગાચે આખે માણુસ પાપ કરત આહાત ને દેવાશીં દુર આહાત. તે સાઠીં, આખે માણુસ દેવાચે દુશ્મન બનીન.

![](https://cdn.door43.org/obs/jpg/360px/obs-en-49-09.jpg)

પણ દેવાને જુગામાં આખે માણસાંવર અલો પ્રેમ કરી કાય તેહેં પોતાચો એકચો એક પોસાદય દીન, કાય જો કોની તાવર વિશ્વાસ કરત આહાય તાંદય પાપાચો દંડ નાહાં મીળય, પણ તો દેવાચે હારીં કાયમ રહય્દ.

![](https://cdn.door43.org/obs/jpg/360px/obs-en-49-10.jpg)

પોતાચે પાપચે કારણે, તુમીં ગુનામાં આહાયઝા ને મરણચે લાયક આહાયઝા. દેવ તુમવર ખંતવાવા પડય પણ તેહેં પોતાચો ગુસ્સો તુમચે બદલે ઈસુ વર કાઢી. જંય ઈસુ કુરુસ ખાંબાવર મરીન, તંય તેહેં આપણાચી સજા ભોગવી.

![](https://cdn.door43.org/obs/jpg/360px/obs-en-49-11.jpg)

ઈસુ ને કંયપણ કાંય પાપ કરી નાહાં, પણ તેહેં સજા ભોગવી ને મરણ પસંદ કરી, તેહેં બલિદાનચે રૂપમાં આપણાચે ને જગતચે આખાં સાઠીં પોતાચી જાતદય અર્પણ કરી. કશા કાય ઈસુને પોતાચો બલિદાન ઓપી તાચેન દેવ કચે પણ પાપ માફ કરું શકત આહાય. અલો હુધી કાય ભયંકર પાપાદય પણ.

![](https://cdn.door43.org/obs/jpg/360px/obs-en-49-12.jpg)

બેસ કામ તુમદય બચાવું નાહાં શકત. કચો અશો કામ નાહાં જો તુમી દેવાહારીં સંબંધ રાખો સાઠીં કરું શકા. ખાલી ઈસુ જ તુમચે પાપાદય માફ કરું શકય. તુમદય વિશ્વાસ કરવોં પડય કાય ઈસુ દેવાચો પોસો આહાય, જો તુમચે જગ્યાવર કુરુસવર બલિદાન હોન ને તે મંગે દેવાને તાદય આઝુન મરણામાંશી જીવતો કરી.

![](https://cdn.door43.org/obs/jpg/360px/obs-en-49-13.jpg)

જો કોની ઈસુવર વિશ્વાસ કરય્દ ને ભગવાન તરીકે તાદય સ્વીકારય્દ તંય દેવ તાદય તારણ દેય્દ. પણ જો કોની વિશ્વાસ નાહાં કરય અશે કોનીં માણસાદય તો બચાવય્દ નાહાં. યી ગોઠ મહત્વચી નાહાં કાય તુમી અમીર કાય ગરીબ, ગોહલો કાય બાઈલ, ડવર કાય જુવાન, કાય મંગે કતચે રહેવાવાળે આહાયઝા. દેવ તુમદય પ્રેમ કરત આહાય, ને વીચારત આહાય કાય તુમી ઈસુવર વિશ્વાસ કરા કાય તો તુમચે હારીં એક પાસચો સંબંધ રાખું શકય.

![](https://cdn.door43.org/obs/jpg/360px/obs-en-49-14.jpg)

ઈસુ તુમદય તાવર વિશ્વાસ કરોં ને બાપ્તિસમાં દેંવદય સાઠીં સાંદત આહાય. કાય તુમી યો વિશ્વાસ કરત આહાયઝા કાય ઈસુ જ મસિહ આહાય ને દેવાચો એક પોસો આહાય. કાય તુમી વિશ્વાસ કરત આહાયઝા કાંય તુમીં પાપી આહાયઝા ને દેવાચે સજાચે લાયક આહાયઝા. કાય તુમી વિશ્વાસ કરત આહાયઝા કાય ઈસુ તુમચે પાપ ધેંવદય સાઠી કુરુસખાંબાવર મરીન?

![](https://cdn.door43.org/obs/jpg/360px/obs-en-49-15.jpg)

અલેન તુમી ઈસુવર ને તેહેં જાં કાંય આપણા સાઠીં કરી તાવર વિશ્વાસ કરત હોવે તંય તુમી એક ખ્રિસ્તી આહાયઝા! દેવાને તુમદય ભૂતાચે રાજ્યચે અધિકારીશીં બાહેર કાઢી ને તુમદય દેવાને ઉજેડચે રાજ્યમાં રાખનો આહાય. દેવાને તુમચે જુને કામ કરોંચી પાપાચી રીતદયધીહુંને તુમદય કામ કરોં નવે ન્યાયી વાટ ઓપી આહાત.

![](https://cdn.door43.org/obs/jpg/360px/obs-en-49-16.jpg)

જો તુમી એક ખ્રિસ્તી હોવે તે જાં કાંય ઈસુને કરી તાચે સાઠીં દેવાને તુમચે પાપ માફ કરું દીન આહાય. આતાં દેવ તુમદય દુશ્મન નાહાં પણ પાકે દોસ્તાર માનત આહાય.

![](https://cdn.door43.org/obs/jpg/360px/obs-en-49-17.jpg)

જો તુમી દેવચે દોસ્તાર હોવે ને પ્રભુ ઈસુચે સેવક હોવે તે ઈસુ જો શીખવય્દ તુમદય તાચો પાલન કરવોં પડય્દ. જો તુમી ખ્રિસ્ત હોવે, તરી પણ પાપાચે પરીક્ષણમાં યીઝા. પણ દેવ વિશ્વાસ યોગ્ય આહાય ને તો આખત આહાય કાય જો તુમી તુમચે પાપદય માનું દીયા ને તો તુમદય માફ કરય્દ. તો પાપાચે વિરુદ્ધ લડાઈ કરોં સાઠીં તુમદય શક્તિ ઓપય્દ.

![](https://cdn.door43.org/obs/jpg/360px/obs-en-49-18.jpg)

દેવ આખત આહાય કાય તુમીં દુસરે ખ્રિસ્તીહાંશીં મીળુંને પરાથના કરા, તાચો વચન વાંચા, ને તાચી આરાધના કરા ને જો આપણાં સાઠીં તેહેં કરનો આહાય તો દુસરાંદય સાક્ષી ઓપા. યી આખી ગોઠ દેવાચે હારીં એક પાક્કો સંબંધ રાખોં તુમચી મદદ કરત આહાય.

*બાઈબલચી એક કાહની : રોમીયો:૩:૨૧-૨૬,૫:૧-૧૧, યોહાન:૩:૧૬, માર્ક :૧૬-૧૬ ,કલોસ્સીઓ : ૧: ૧૩-૧૪, ૨ કરંથીઓ :૫: ૧૭ -૨૧, ૧ યોહાન: ૧:૫ -૧*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_49_128kbps.m4a

## 50. ઈસુ આઝુન યેત આહાય

https://openbiblestories.org/l/vav-x-dauri/story-50/

![](https://cdn.door43.org/obs/jpg/360px/obs-en-50-01.jpg)

લગભગ ૨,૦૦૦ વરસાશીં, જગત હજડ ને હજડ લોક ઈસુખ્રિસ્તચી સુવાર્તા આયકત આહાત. ખ્રિસ્તી લોક વાઢત આહાત, ઈસુ ને વચન (વાયદો ) ઓપી કાય તો જગતચે અંત માં આઝુન યેદ. ભલે તો આજ હુધી આઝુન યાવ નાહા પણ તો પોતાચો વચન પૂરો કરય્દ.

![](https://cdn.door43.org/obs/jpg/360px/obs-en-50-02.jpg)

જંય આપણી ઈસુચી આઝુન યેવંચી વાટ નાંગત આહાંવ, તંય દેવ વિચારત આહાય કાય આપણાંદય અશો જીવન જીવોચો જો પવિત્ર હોવો ને તાદય માન ઓપત હોવો. તો આપણા વરશીં ઈચ્છા રાખત આહાય કાય આપણી દુસરાંદય પણ તાચે રાજ્ય વિષે આખોંવ. જંય ઈસુ પૃથ્વીવર રહત આશી તંય તેહેં આખી કાય, “માંઝે ચેલે દુનિયાચે આખે જગ્યાવર જાહુંને લોકાંદય દેવચે રાજય સાઠીં સુવાર્તાચો પ્રચાર કરિથ ને મંગે જુગાચો અંત હોય્દ.

![](https://cdn.door43.org/obs/jpg/360px/obs-en-50-03.jpg)

ઘણે જાતીયાંહે આઝુન હુધી ઈસુચે બારામાં આયકનો નાહાં. સ્વર્ગમાં જાતાં પહલો ઈસુખ્રિસ્તને આખી કાય જાંહેંકંયપણ આયકનો નાહાં તશે લોકાંદય સુવાર્તા પ્રગટ કરા. તેહેં આખી, “જાયા ને આખે જાતિચે લોકાંદય ચેલે બનાવા! સેત પાકચે કાપણી સાઠીં તૈયાર આહાત.

![](https://cdn.door43.org/obs/jpg/360px/obs-en-50-04.jpg)

ઈસુને યો પણ આખી, “એક નોકર પોતાચે માલિકશીં મટો નાહાં રહય.’’ જશો યે જગતચે લોકાંહેં માઝો નકાર કરી અશેજ રીતે માઝે સાઠીં તુમદય લોક હેરાન ને મારું મેલીત. યે જુગા માં તુમદય દુઃખ ભોગવંવો પડય્દ પણ હિમંત રાખા મંય ભૂતાદય જો એ જગતવર રાજ કરત આહાય તાદય હારવી આહાય. જો તુમી છેલ્લે હુધી માઝે વાઠીન વિશ્વાસુ રહઝા, તે દેવ તુમદય બચાવય્દ!

![](https://cdn.door43.org/obs/jpg/360px/obs-en-50-05.jpg)

જંય જુગાચો અંત યેદ તંય લોકાંચે હારીં કાય હોય્દ તાચે બારેમાં ઈસુને પોતાચે ચેલાંદય એક કાહની આયકવી. તેહેં આખી, “એક માણસાને પોતાચે સેતામાં બેસ બીં લાવી. જંય તો નિંદકરનો આશી તંય તાચે દુશ્મન યાવ ને જંગલી બીં ઘઉંચે હારીં લાવુંને જાવ.

![](https://cdn.door43.org/obs/jpg/360px/obs-en-50-06.jpg)

જંયઅંકુર ફૂટીન, તે તે માણસાચે નોકર ને આખી, માલિક તુંહેંતે સેતામાં બેસ બીં લાવને આશી. તે મંગે યે જંગલી દાણે કથશીં યાવ? માલિકને આખી, કોનીં દુશ્મનને તે બીં લાવને હોવે.”

![](https://cdn.door43.org/obs/jpg/360px/obs-en-50-07.jpg)

નોકરાંહેં માલિકદય જવાબ ઓપી, ‘કાય હામીં જાહું ને જંગલી ઝાડ ઉપઢું મેલોંવ.' માલિકને આખી, 'નાંખે જો તુમીં અશો કરઝા, તે તુમીં કલેખાંડ ઘહું પણ ઉપઢું મેલઝા. કાપણીચે ટાઈમ હુધી વાટ હેરા ને જંગલી ઝાડાદય ભેગે કરું પેટવોં સાઠીં એક ઢીગલો કરું દિઝા. પણ ઘઉંદય માંઝે કોઠારમાં ધીહું યીઝા.”

![](https://cdn.door43.org/obs/jpg/360px/obs-en-50-08.jpg)

ચેલે કાહનીચો મતલબ સમઝું શકિન નાહાં, તે સાઠીં તાહેં ઈસુદય તો સમઝાવોં વિનંતી કરી. ને ઈસુને આખી, “જે માંણસને બેસ બીં લાવને, તો મસિહદય ગણત આહાય. સેત જુગાદય ગણત આહાય. બેસ બીં દેવાચે રાજ્યચે લોકાંદય ગણત આહાય.

![](https://cdn.door43.org/obs/jpg/360px/obs-en-50-09.jpg)

જંગલી દાણાંદય તો ભૂંડે માણસાંદય ગણત આહાય. જે દુશ્મનને જંગલી બીં લાવને આશી તો ભૂતાદય ગણત આહાય. કાપણી જગતચે અંતદય ગણત આહાય ને પાક કાપવાવાળે દેવાચે દૂતાંદય ગણત આહાય.

![](https://cdn.door43.org/obs/jpg/360px/obs-en-50-10.jpg)

જંય જગતચો અંત હોય્દ તે જે લોક ભૂતાચે આહાત તે આખે લોકાંદય સ્વર્ગદૂત એક હારીં ભેગે કરીથ ને તાંહદય ધગધગતી આગીમાં મેલું દીહીથ જથય હજડ દુઃખ આહાય, દાંત મરઢીત ને રડત રહિથ. તંય ન્યાયી લોક પોતાચે બાહાસ દેવાચે રાજ્યમાં દિસાચે જશે ચમકિથ."

![](https://cdn.door43.org/obs/jpg/360px/obs-en-50-11.jpg)

ઈસુને યો પણ આખી કાય જગતચે અંત પહલો તો જુગાવર આઝુનયેદ. જે રીતે તો જાયનો આશી તેજ રીતે તો આઝુન યેદ. તો માણસાચે રૂપમાં રહય્દ ને ડાંબરામાં ઉપર ચઢુને યેદ. જંય ઈસુ આઝુન યેદ તંય જે ખ્રિસ્તી મરણે આહાત તે મરણાંમાંશી ઉઠીથ ને તાદય ડાંબરામાં મીળીથ.

![](https://cdn.door43.org/obs/jpg/360px/obs-en-50-12.jpg)

તંય તે ખ્રિસ્તી જે તે ટાઈમે જીવતે હોવે તે ડાંબરામાં ઉપર જાહિત ને જે મરણમાંશી જીવુંને ઉઠને તે ખ્રિસ્તી લોકાંચે હારીં તે પણ મીળું જાઈથ. તે આખે તથય ઈસુચે હારીં રહીત. તંય મંગે ઈસુ પૂરી શાંતિ ને એકતામાં પોતાચે લોકાંચે હારીં કાયમ રહય્દ.

![](https://cdn.door43.org/obs/jpg/360px/obs-en-50-13.jpg)

ઈસુને વચન દિનો આહાય કાય જલે લોક તાવર વિશ્વાસ કરત આહાત, તામાંશી આખાંદય તો મુકુટ ઓપય્દ તો કાયમ પૂરી શાંતિમાં દેવાચે હારીં રહય્દ ને રાજ કરય્દ.

![](https://cdn.door43.org/obs/jpg/360px/obs-en-50-14.jpg)

પણ જો ઈસુવર વિશ્વાસ નાહાં કરય તાંહચો દેવ ન્યાય કરય્દ. તો તાંહદય નરકમાં મેલું દેય્દ , જથય તે દુઃખમાં કાયમ સાઠીં રહીત ને દાંત મરડીત. એક નાહાં ઓલવાય તશી આગ કાયમ તાંહદય પેટવત રહય્દ ને કીડે તાંહદય ખાંવચો બંધ કરીથ નાહાં.

![](https://cdn.door43.org/obs/jpg/360px/obs-en-50-15.jpg)

જંય ઈસુઆઝુન યેય્દ , તંય તો ભૂત ને તાચે રાજ્યદય પૂરી રીતે નાશ કરય્દ. તો ભૂતાદય નરક માં મેલું દેય્દ જથય તો ને જાંહેં દેવાદય સ્વીકારોંચે બદલી ભુતાદયસ્વીકારોંચો પસંદ કરી તાચે હારીં કાયમ પેટત રહય્દ.

![](https://cdn.door43.org/obs/jpg/360px/obs-en-50-16.jpg)

કશા કાય આદમ ને હવાને દેવાચી આજ્ઞાચો નકાર કરી ને દુનિયામાં પાપ યાવ, તે સાઠીં દેવા ને તાદય શ્રાપ ઓપીને તાચો નાંશ કરોંચો નક્કી કરી. પણ એક દિસ દેવ એક નવો ડાંબર ને નવે જુગાચી ઉપજ કરય્દ ને તો પૂરો રહય્દ.

![](https://cdn.door43.org/obs/jpg/360px/obs-en-50-17.jpg)

ઈસુને તાચે લોક નવે જુગાવર રહીત. ને અથય જાં કાંયપણ આહાય તાચેવર ઈસુ કાયમ રાજ કરય્દ.તો આખે આંસુ પુસું મેલય્દ, ને તથય કાંઈ દુઃખ, ટેનશન, રડોંચો, ભૂંડો, દુખય કાય મરણ નાહાં રહય્દ. ઈસુ પોતાચે રાજ્યમાં શાંતિ ને ન્યાયચે હારીં રાજ કરય્દ, ને તો કાયમ પોતાચે લોકાંચે હારીં રહય્દ.

*બાઈબલચી એક કાહની : માથ્થી :૨૪:૧૪, ૨૮:૧૮, યોહાન :૧૫:૨૦, ૧૬:૩૩, પ્રકટીકરણ :૨:૧૦, માથ્થી :૧૩: ૨૪:૩૦, ૩૬:૪૨, ૧થેસ્સાલોનિકિયા : ૪:૧૩, ૫:૧૧, યાકૂબ:૧:૧૨, માથ્થી :૨૨:૧૩, પ્રકટીકરણ: ૨૦:૧૦, ૨૧:૧, ૨૨:૨૧*

Audio: https://git.door43.org/OBS-TLF/vav-x-dauri_obs/releases/download/v1/vav-x-dauri_obs_v1_50_128kbps.m4a