# unfoldingWord Open Bible Stories — Kisan

- Language code: `xis`
- Canonical page: https://openbiblestories.org/l/xis/
- Stories in this file: 50 of 50
- Published by: translationCore-Create-BCS, OBS-TLF
- Last release: 2026-07-28
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Kisan translation; it is not a translation of the whole Bible.

## 1. ସୃଷ୍ଟିନୁ

https://openbiblestories.org/l/xis/story-1/

![](https://cdn.door43.org/obs/jpg/360px/obs-en-01-01.jpg)

ଇ ଲେଖା ସୁରୁନୁ ପାରମେଶ୍ୱରସ୍ ସାଫା ଜିନିସ୍ ଘି ସୃଷ୍ଟି କାମ୍ଚାସ୍ । ହୁସ୍ ଛୋ ଦିନନୁ ସଂସାର ନୁଁ ଆରୁ ଏନ୍ଦ୍ରିନ୍ ଭି ରାଇଦ୍ ହୁ ଜାମା ବୋନ୍ ସୃଷ୍ଟି କାମଚାସ୍ । ପାରମେଶ୍ୱରସ୍ ଘି ତାର୍ ତିନ୍ ଧାର୍ତି ବୋନ୍ କାମ୍ଚାକା ଘି ପାଛ୍ଲି ହୁଦ୍ ଉହା ଆରୁ ଖାଲି ରାଚାଦ୍, ଏନ୍ଦେର୍ ଗେ କା ଆକ୍କୁନ୍ ତୋକ୍ ଭି ପାରମେଶ୍ୱରସ୍ ହୁନ୍ନୁନ୍ ଏନ୍ଦ୍ରିନ୍ ଭି ଚିଜ୍ ବୋନ୍ ମାଲ୍ଲା କାମ୍ ଚାକାରୁସ୍ । ଲେକିନ୍ ପାରମେଶ୍ୱରସ୍ ଘି ଆତ୍ମା ଆମ୍ମୁ ଘି ମିୟାଁ କୁଦ୍ଦାରାଲା ।

![](https://cdn.door43.org/obs/jpg/360px/obs-en-01-02.jpg)

ଆରୁ ପାରମେଶ୍ୱରସ୍ ତେଂଗିୟାସ୍,”ଉଲ୍ଲାମାନୁ କାଲ୍ !” ଆରୁ ଉଲ୍ଲାମାନଚା କେରା । ପାରମେଶ୍ୱରସ୍ ଏରିୟାସ୍ କା ଉଲ୍ଲା ବାନେ ରାଇଦ୍ ଆରୁ ହୁବୋନ୍ “ଉଲ୍ଲା” ବାଚାସ୍ । ଆରୁ ହୁସ୍ ହୁ ମାହାଁବୋନ୍ ତିନ୍ ଆଲଗା କାମ୍ଚାସ୍ ହୁବୋନ୍ ହୁସ୍ “ମାହାଁ ” ବାଚାସ୍ । ପାରମେଶ୍ୱରସ୍ ସୃଷ୍ଟି କାମନା ଘି ଆଘ୍ଲି ଉଲ୍ଲାନୁ ଉଲ୍ଲାବୋନ୍ କାମ୍ ଚାସ୍ ।

![](https://cdn.door43.org/obs/jpg/360px/obs-en-01-03.jpg)

ସୃଷ୍ଟି କାମ୍ନା ଘି ଦୁସରା ଉଲ୍ଲାନୁ ପାରମେଶ୍ୱରସ୍ ତେଂଗିୟାସ୍ ,”ଆମ୍ମୁ ଘି ମିୟାଁ ଅଣ୍ଟା ଆଲଗା ମାନୁକାଲ୍ ।“ ଅଣ୍ଟା ଆଲ୍ ଗା ମାନ୍ ଚା କେରା । ପାରମେଶ୍ୱରସ୍ ହୁ ଆଲ୍ ଗା ବୋନ୍ “ଆକାଶ୍ ( ବିଡ଼ି )ବାଚାସ୍ ।

![](https://cdn.door43.org/obs/jpg/360px/obs-en-01-04.jpg)

ତିନ୍ ଦିନ୍ ନୁ ପାରମେଶ୍ୱରସ୍ ତେଂଗିୟାସ୍,” ଆମ୍ମୁ ଅଣ୍ଠାନ୍ ସାନ୍ ମାନୁ କାଲ ଆରୁ ହାଇକା ଏହେଁଲା ଏଥ୍ରୁ କାଲ୍ ।“ ହୁସ୍ ହାଇକା ଏହେଁଲାବୋନ୍ “ ଧାରତି “ ବାଚାସ୍ ଆରୁ ଆମ୍ମୁବୋନ୍ “ସାମୁଦାର୍“ ବାଚାସ୍ । ପାରମେଶ୍ୱରସ୍ ଏରିୟାସ୍ କା ହୁ ବୋନ୍ ହୁସ୍ ନାଚ୍ କା ଚାସ୍ ହୁଦ୍ ବାନେ ରାଚାଦ୍ ।

![](https://cdn.door43.org/obs/jpg/360px/obs-en-01-05.jpg)

ଆରୁହି ପାରମେଶ୍ୱରସ୍ ତେଂଗିୟାସ୍,” ଧାରତି ନୁ ଜାମା ଜାତି ଘି ମାନ୍ନୁ ଆରୁ ହୋପ୍ପାଗୁଠି ମାନୁକାଲ୍ ।“ ଆରୁ ହନେନ୍ ହିଁ ମାନ୍ ଚା କେରା । ପାରମେଶ୍ୱରସ୍ ଏରିୟାସ୍ କା ଏନ୍ଦ୍ରିନ୍ ଭି ହୁସ୍ କାମ୍ ଚାସ୍ ହୁଦ୍ ବାନେ ରାଚା ।

![](https://cdn.door43.org/obs/jpg/360px/obs-en-01-06.jpg)

ସୃଷ୍ଟି କାମ୍ ଚକା ଘି ଚାର୍ ଦିନ୍ ଘି ପାଛ୍ ଲିନୁ ପାରମେଶ୍ୱରସ୍ ତେଂଗିୟାସ୍,” ଆକାଶ୍ ନୁ ଇଞ୍ଜତ୍ ମାନୁକାଲ ।“ ଆରୁ ବିଡ଼ି, ଚାନ୍ଦୋ ଆରୁ ବିନ୍ କୋ ଗୁଠି ଏଥିରିୟାଦ୍ । ପାରମେଶ୍ୱରସ୍ ହୁବୋନ୍ ଧାରତି ନୁ ଇଞ୍ଜତ୍ ଚିୟାଗେ ଲାଗାନ୍ ଆରୁ ଉଲ୍ଲା ଆରୁ ମାହାଁ, ମୌସାମ୍ ବୋନ୍ ଆରୁ ବରଷ ଗୁଠି ବୋନ୍ ଆଲ୍ ଗା କାମାଗେ ବାନାବାଚାସ୍ । ପାରମେଶ୍ୱରସ୍ ଏରିୟାସ୍ କା ଏନ୍ଦ୍ରିନ ଭି କାମ୍ ଚାକା ଚାସ୍ ହୁଦ୍ ବାନେ ରାଚାଦ୍ ।

![](https://cdn.door43.org/obs/jpg/360px/obs-en-01-07.jpg)

ପାଂଚ୍ ଦିନ୍ ଘି ବାଦ୍ ନୁ ପାରମେଶ୍ୱରସ୍ ତେଂଗିୟାସ୍ ,”ଜିୟା ରାନା ଜାନ୍ତୁ ଗୁଠି ଆମ୍ମୁନୁ ବାଢ୍ ରୁ କାଲ୍ ଆରୁ ଆକାଶ୍ ନୁ ଅଡ଼ା ଉଢ଼ିୟାରୁ ।“ ଇଦ୍ ଘି ଲେଖାନୁ ହୁବୋନ୍ ଆମ୍ମୁନୁ ପହଁରାନା ବାଲା ଜାମା ଜାନ୍ତୁ ଗୁଠି ବୋନ୍ ଆରୁ ଜାମା ଗୁଠି ବୋନ୍ ବାନା ବାଚାସ୍ । ପାରମେଶ୍ୱରସ୍ ଏରିୟାସ୍ କା ଇଦ୍ ବାନେ ଆତ୍ ଲିଦ୍ ଆରୁ ହୁବ୍ ଡ଼ାରିନ୍ ଆଶିଷ୍ ଚିଚ୍ ଚାସ୍ ।

![](https://cdn.door43.org/obs/jpg/360px/obs-en-01-08.jpg)

ସୃଷ୍ଟି ଘି ଛ ଦିନ୍ ନୁ ପାରମେଶ୍ୱରସ୍ ତେଂଗିୟାସ୍ ,” ଏହେଁଲାନୁ ରାନାବାଲା ଜାମା ଜାତି ଘି ଜାନ୍ତୁ ଗୁଠି ମାନୁକାଲ୍ ।“ ଆରୁ ପାରମେଶ୍ୱରସ୍ ଘି ତେଂଗ୍ ନା ଅନୁସାର୍ ନୁ ଏନ୍ନେ ମାନ୍ ଚା କେରାଦ୍ । ଆଧା ଜାନ୍ତୁ ପୋଷନା ବାଲା ରାଚାଦ୍ , ଆଧା ଏହେଁଲାନୁ ଚର୍ ଗାନା ବାଲା, ଆରୁ ଆଧା ଜଂଗଲ ତା ଜାନ୍ତୁ ରାଚାର୍ । ଆରୁ ପାରମେଶ୍ୱରସ୍ ଏରିୟାସ୍ କା ଇଦ୍ ବାନେ ରାଇଦ୍ ।

![](https://cdn.door43.org/obs/jpg/360px/obs-en-01-09.jpg)

ଆରୁ ହି ପାରମେଶ୍ୱରସ୍ ତେଂଗିୟାସ୍,”ବାରା ନାମ୍ ଆଲାସିନ୍ ନିଜର୍ ରୁପ୍ ନୁ ଆରୁ ନିଜର୍ ହି ଲେଖାନୁ ବାନାବୋତ୍ । ହୁସ୍ ଦୁନିଆଁ ନୁ ଆରୁ ଜାମା ଜିବ୍ ଜାନ୍ତୁ ଘି ମିଆଁ ଦାୟା କାମୋସ୍ ।

![](https://cdn.door43.org/obs/jpg/360px/obs-en-01-10.jpg)

ଆଗେଂନ ପାରମେଶ୍ୱରସ୍ ହାଜ୍ଜୁବୋନ୍ ହୋଇ କିରି ହୁବୋନ୍ ଆଲାସିନ ବାନାବାଚାସ୍ ଆରୁ ହୁନ୍ନୁ ଜୀୟା ଘି ଶାଁସ୍ ବୋନ୍ ଉଁରିୟାସ୍ ଚିଚାସ୍ । ଇ ଆଲାସ୍ ଘି ନାମେ ଆଦାମ୍ ରାଚାଦ୍ । ପାରମେଶ୍ୱରସ୍ ଆଦାମସ୍ ଗେ ରାଗେ ଅଣ୍ଟା ବାଡ଼୍ କା ବାଟକି ବୋନ୍ ବାନା ବାଚାସ୍ ଆରୁ ହୁଦାନ୍ ଏରା ହୋଜାଗେ ଆଦାମ୍ ସିନ୍ ହୁସାନ୍ ଉଇୟାସ୍ ।

![](https://cdn.door43.org/obs/jpg/360px/obs-en-01-11.jpg)

ହୁ ବାଟ୍ କି ଘି ମାଝାନୁ ପାରମେଶ୍ୱରସ୍ ଯୋଡ଼େ ଖାସ୍ ମାନନୁ ଇଦ୍ଦାସ୍ ଜିଆ ଘି ମାନନୁ ଆରୁ ବାନେ ଆରୁ ଖାରାପ୍ ଘି ବୁଦ୍ଧି ଘି ମାନ୍ନୁ । ପାରମେଶ୍ୱରସ୍ ଆଦାମ୍ ସିନ୍ ତେଂଗିୟାସ୍ କା ହୁସ୍ ହୁ ବାଟ୍ କି ଘି ଜିୟା ଘି ମାନ୍ନୁ ଆରୁ ବାନେ ଆରୁ ଖାରାପ୍ ଘି ବୁଦ୍ଧି ଘି ମାନ୍ନୁବୋନ୍ ଆମ୍ବିକିରି ଦୁସ୍ ରା ଏନ୍ଦ୍ରିନ୍ ଘି ମାନ୍ନୁନ୍ତା ଫାଡ଼ୁବୋନ୍ ମହା ଅଂଗ୍ ଦାର୍ । ଲେକିନ୍ ନିମ୍ ହୁ ମାନ୍ନୁ ଘି ଫାଡ଼ୁବୋନ୍ ମୋହର୍ ହାଲେ ହୁର୍ ଖିୟର୍ କୋର୍ ।

![](https://cdn.door43.org/obs/jpg/360px/obs-en-01-12.jpg)

ଆରୁ ପାରମେଶ୍ୱରସ୍ ତେଂଗିୟାସ୍ ,” ଆଲାସ୍ ଗେ ଅଥାସ୍ ରାଗେ ବାନେ ମାଲ୍ଲା ।“ ଲେକିନ୍ ଏନ୍ଦ୍ରିନ୍ ଭିଜାନ୍ତୁ ଆଦାମ୍ ସ୍ ଘି ସଂଗେ ମାନା ପୋଲ୍ ନାର୍ ।

![](https://cdn.door43.org/obs/jpg/360px/obs-en-01-13.jpg)

ହୁଦଘି ଲାଗାନ୍ ପାରମେଶ୍ୱରସ୍ ଆଦାମ୍ ସିନ୍ ଭାରଖାର୍ ହାନ୍ଦର୍ ନାନୁ ଉଇୟା ଚିଚ୍ ଚାସ୍ ।ଆରୁ ପାରମେଶ୍ୱର ସ୍ ଆଦାମ୍ ଘି ଅଣ୍ଟା ପାଞ୍ଜରା ଅଥରି କିରି ହୁସ୍ ସ୍ତିନ୍ ଅଣ୍ଟ। କୁକାଏ ବୋନ୍ ତେୟାର୍ କାମ୍ ଚାସ୍ ଆରୁ ହୁ ବୋନ୍ ଆଦାମ୍ ସ୍ ଘି ଚାହାଁନୁ ଅନ୍ଦରାସ୍ ।

![](https://cdn.door43.org/obs/jpg/360px/obs-en-01-14.jpg)

ବାକେନ୍ ଆଦାମସ୍ ହୁବୋନ୍ ଏରିୟାସ୍ ଆରୁ ହୁସ୍ ବାଚାସ୍ ,”କୋମ୍ ସେ କୋମ୍ ଇଦ୍ ତା ଏଘାଁ ଲେଖା ଅତ୍ ଲୀ । ଇ ବୋନ୍ କୁକାଏ ତେଙ୍ଗାପାଡ୍ରୋ , ଏନ୍ଦେର ଗେ କା ଇବୋଦ ଆଲସ୍ ଘିନ୍ତି କାମା କେର୍ କି ଚିଦ୍ ।“ ଇଦ୍ ଘି ଲେଖା ନୁ ଆଲାସ୍ ନିଜର ଆୟାଂଗ ବାଙ୍ଗରିନ୍ ଆମ୍ବାଦାସ୍ ଚିଦାସ୍ ଆରୁ ନିଜର ଆଲି ଗାନେ ଅନ୍ଟା ମାନ୍ ନାର୍ କାନାର୍ ।

![](https://cdn.door43.org/obs/jpg/360px/obs-en-01-15.jpg)

ପାରମେଶ୍ୱରସ୍ ଆଲାସିନ୍ ଆରୁ ଆଲି ବୋନ୍ ନିଜର ରୁପ୍ ନୁ ବାନା ବାଚାସ୍ । ହୁସ୍ ହୁବଡା ରିନ୍ ଆଶିଷ୍ ଚିଚ୍ ଚାସ୍ ଆରୁ ହୁବଡା ରିନ୍ ତେଗିଂୟାସ୍, “ଜୁକ୍ କୁ ହାଦ୍ ଦୁ ଗୁଠିରିନ୍ ଆରୁ ନାତି ପୁତିରିନ୍ ଜନମ୍ କାମା ଆରୁ ଧାରତିନୁ ନିନ୍ଦ୍ରା କାଲା” ଆରୁ ପାରମେଶ୍ୱରସ୍ ଏରିୟାସ୍ ତା ଏନ୍ଦିରି ଭି ନାଚ୍ କା ଚାସ୍ ହୁଦ ମୁରୁକ୍ ବାନେ ରାଚାଦ୍, ଆରୁ ହୁସ୍ ହୁବ୍ ଡ। ଘି ଲାଗାନ୍ ମୁରୁକ୍ ଖୁସି ମାନ୍ ଚାସ୍ । ଇବ୍ ଡା ଗୁଠି ଜାମା ସୃଷ୍ଟି କାମନା ଘି ଛୋ ଦିନ୍ ପୁର୍ କି ଚା ।

![](https://cdn.door43.org/obs/jpg/360px/obs-en-01-16.jpg)

ଯେତେବାକେନ୍ ସାତୁୱଁ। ଉଲ୍ଲ୍। ବାରଚା ବାକେନ୍ ଏନ୍ଦରିନ୍ ଭି ପାରମେଶ୍ୱରସ୍ କାମାଲାସ୍ ହୁସ୍ ହୁବଡ଼ା ଜାମା ନାଲଖୁ ବୋନ୍ ମୁନଜୀୟାସ୍ ଚିସ୍ ଚାସ୍ । ହୁସ୍ ସାତୱ। ଉଲ୍ଲା ବୋନ୍ ଆଶିଷ୍ ଚିଚ୍ ଚାସ୍ ଆରୁ ହୁବୋନ୍ ପାବିତ୍ର ଉଇୟାସ୍, , ଏନ୍ଦେର ଗେ କା ହୁ ଉଲ୍ଲା ବୋନ୍ ହୁସ୍ ଜାମା ଚିଜ୍ ଗୁଠି ସୃଷ୍ଟି କାମିକିରି ମୁନ୍ ଜାକା ଚାସ୍ । ଇଦ୍ ଘି ଲେଖାନୁ ପରମେଶ୍ୱରସ୍ ସାଂସାର ବୋନ୍ ଆରୁ ଏନ୍ଦରିନ୍ ଭି ହୁସାନ୍ ଆତଲି ହୁ ବ୍ ଡା ଗୁଠିନ୍ ସୃଷ୍ଟି କାମଚାସ୍ ।

*उत्पत्ति अध्याय 1-2 से बाइबल की एक कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_01_96kbps.mp3

## 2. ପାପ୍ ଦୁନିୟାଁନୁଁ କରାଲି

https://openbiblestories.org/l/xis/story-2/

![](https://cdn.door43.org/obs/jpg/360px/obs-en-02-01.jpg)

ଆଦାମ୍ ଆରୁ ହୁସ୍ ଘି ଆଲିବୋନ୍ ପାରମେଶ୍ୱରସ୍ ଘି ସ୍ତିନ୍ ହୁବଡାର୍ ଘିଲାଗାନ୍ କାମ୍ ଚାକା ରାଇଦ୍ ହୁ ବାନେ ବାଟ୍ କିନୁ ରାଇ କିରି ମୁରୁକ୍ ଖୁସିନୁ ରାଚାର୍ । ହୁନୁନ୍ ନ୍ତାର ନେର୍ ଭି ଚିଢ଼ା ମାଲ୍ଲା ଆତ୍କାରୁର୍, ହାଲେ ଭି ଇ କାଥ୍ଥାନୁ ହୁବ୍ ଡ଼ାର ଗେ ଲାଜ୍ଜେ ମା ରାଚା । ଏନ୍ଦେର୍ ଗେ କା ଦୁନିୟାଁ ନୁ ପାପ୍ ମାଁ ରାଚାଦ୍ । ହୁବ୍ ଡ଼ାର୍ ସବୁ ବାକେନ୍ ହୁ ବାଟ୍ କିନୁ କୁଦ୍ଦାରାଲା ଆରୁ ପାରମେଶ୍ୱରସ୍ ଗାନେ କାତଥା କାମଲାର୍ ।

![](https://cdn.door43.org/obs/jpg/360px/obs-en-02-02.jpg)

ଲେକିନ୍ ହୁବାଟ୍ କିନୁ ଅଣ୍ଟା ନେର୍ରୁ ରାଚାଦ୍ । ହୁଦ୍ ବାଗ୍ ଗେ ଚାଇଁଚର୍ ରାଚାଦ୍ । ହୁଦ୍ ହୁ ଆଳିବୋନ୍ ମେନ୍ ଚା ,” ଏନ୍ଦେର୍ ଗେକା ସଥେନ୍ ପାରମେଶ୍ୱରସ୍ ନିମାରିନ୍ ଇ ବାଟ୍ କିନ୍ ନ୍ତା ଏନ୍ଦେରିନ୍ ଭି ମାନ୍ନୁନ୍ତା ଫାଡ଼ୁବୋନ୍ ମୋହା ଗେ ମାନା କାମ୍ ଚାକା ଦାସ୍ ?”

![](https://cdn.door43.org/obs/jpg/360px/obs-en-02-03.jpg)

ହୁ ଆଲିଦ୍ ଉତର୍ ଚିଚ୍ ଚାଦ୍,”ପାରମେଶ୍ୱରସ୍ ଏମାରିନ୍ ତେଙ୍କାଦାସ୍ କା ଏମ୍ ହୁ ବାନେ ଆରୁ ଖାରାପ୍ ବୁଦ୍ଧି ଘି ମାନ୍ନୁବୋନ୍ ଆମ୍ବିକିରି ଏନ୍ଦ୍ରିନ୍ ଭି ମାନ୍ନୁ ଘି ଫାଡ଼ୁବୋନ୍ ମୋହା ଅଙ୍ଗତ୍ । ପାରମେଶ୍ୱରସ୍ ଏମାରିନ୍ ତେଂକାଦାସ୍ କା ହାଲେ ଭି ନିମ୍ ହୁ ଫାଡ଼ୁବୋନ୍ ମୋକକାର୍ ଆରୁ ହୁବୋନ୍ ଏଁସ୍ କାର୍ ହାଲେ, ତା ନିମ୍ ଖିୟର୍ କୋର୍ ।“

![](https://cdn.door43.org/obs/jpg/360px/obs-en-02-04.jpg)

ହୁ ନେର୍ରୁ ବୋଦ୍ କାଥ୍ ଥା ତେଂଗିୟାଦ୍ ,”ଇ ବୋଦ୍ ସଥେନ୍ ମାଲ୍ଲିଦ୍ ! ନିମ୍ ମା ଖିଦାର୍ । ପାରମେଶ୍ୱରସ୍ ଆହାଲ୍ ଦାଶ୍ କା ଏସ୍ କିନ୍ ଭି ନିମ୍ ହୁ ଫାଡ଼ୁବୋନ୍ ମୋହର୍ ହାଲେ, ନିମ୍ ପାରମେଶ୍ୱରସ୍ ଘି ଲେଖା ମାନର୍ କୋର୍ ଆରୁ ହୁସ୍ ଘି ଲେଖା ବାନେ ଆରୁ ଖାରାପ୍ ଘି ବୁଦ୍ଧି ବୁଝୁରା ଲାଗ୍ ଗୋର୍ ।“

![](https://cdn.door43.org/obs/jpg/360px/obs-en-02-05.jpg)

ହୁ ଆଲିବୋଦ୍ ଏରିୟାଦ୍ କା ହୁ ଫାଡ଼ୁବୋଦ୍ ଲୋଭ୍ ଲୋଭାନ୍ ଏଥ୍ରାଲା ଆରୁ ଏମ୍ବା ଆତ୍ଲି ଲେଖା ଏଥ୍ରାଲାଦ୍ । ହୁଦ୍ ସାମାଝଦାର୍ ମାନ୍ନା ଚାହାଲାବ୍, ହୁଦ୍ ଘି ଲାଗାନ୍ ହୁଦ୍ ଫାଡ଼ୁବୋନ୍ ଚୋହାକିରି ମାକ୍ ଖା ଚିଚାଦ୍ । ଆରୁ ହୁଦ୍ ନିଜର୍ ଆଲାସିନ୍ ଭି ହୁଦ୍ ଘି ଗାନେ ରାଚାସ୍ ହୁ ଫାଡ଼ୁବୋନ୍ ଚିଚ୍ ଚାଦ୍ ଆରୁ ହୁ ସିସ୍ ମୋକ୍ ଖେ ଚିଚ୍ ଚାସ୍ ।

![](https://cdn.door43.org/obs/jpg/360px/obs-en-02-06.jpg)

ହୁ ବାକେନ୍ ହି, ହୁବ୍ଡ଼ାର ଘି ହାନ୍ନୁଗୁଠି ଖୁଲ୍ ରା କେରାଦ୍, ଆରୁ ହୁବ୍ଡ଼ାର୍ ବୁଝୁରାର୍ କେରାର୍ କା ହୁବ୍ଡ଼ାର୍ ଚିଢ଼ା ମାଲ୍ଲା ଆତକା ରୁର୍ , ହୁବ୍ଡ଼ାର୍ ଆଥା ଗୁଠିବୋନ୍ ଅଣ୍ଟାନୁ ସାଟିକିରି ହୁବ୍ଡ଼ାର୍ ଚିଢ଼ା କାମିକିରି ହୁବ୍ଡ଼ାର୍ ନିଜର୍ ମେଦୁବୋନ୍ ଢାପାଗେ କୋଶିସ୍ କାମ୍ ଚାର୍ ।

![](https://cdn.door43.org/obs/jpg/360px/obs-en-02-07.jpg)

ବାକେନ୍ ଆଲାସ୍ ଆରୁ ହୁସ୍ ଘି ଆଲି ଗାନେ ହୁ ବାଟ୍ କିନୁ କୁଦ୍ ନା ବାକେନ୍ ପାରମେଶ୍ୱରସ୍ ଘି ଆୱାଜ୍ ବୋନ୍ ମେନ୍ ଚାର୍ । ହୁବ୍ଡ଼ାର୍ ଦୁଇଲୋର୍ ପାରମେଶ୍ୱରସ୍ ସ୍ତିନ୍ ନୁହୁଁରା ବେଦିୟାର୍ । ହୁ ବାକେନ୍ ପାରମେଶ୍ୱରସ୍ ଆଲାସିନ୍ ଚିର୍ ରା ରାଚାସ୍ ।“ ନିନ୍ ଏକାସାନ୍ ରାଦାଏଁ ?” ଆଦାମସ୍ କାତଥା ତେଂଗିୟାସ୍ ,” ଏନ୍ ନିନ୍ ବାଟ୍ କିନୁ କୁଦ୍ ନା ଲେଖା ମେନ୍ଦ୍ରିୟାଦ୍, ଆରୁ ଏନ୍ ଏଲଚକାନ୍ କେର୍ କାନ୍ , ଏନ୍ଦେର୍ ଗେ କା ଏନ୍ ବିନା ଚିଢ଼ାନୁ ରାଚ୍ କାନ୍ ଚାକାନ୍ । ବାକେନ୍ ଏନ୍ ନୁହୁଁରା କାନ୍ ଚିଚ୍ କାନ୍ ।“

![](https://cdn.door43.org/obs/jpg/360px/obs-en-02-08.jpg)

ଆରୁ ହି ପାରମେଶ୍ୱରସ୍ ମେନ୍ ଚାସ୍ , “ନିଂଗାନ୍ ନେର୍ ତେଂଗିୟାର୍ କା ନିନ୍ ବିନା ଚିଢ଼ାନୁଁ ଆତଲ୍ ଦାୟ ? ଏନ୍ଦେର୍ କା ନିନ୍ ହୁ ଫାଡ଼ୁବୋନ୍ ମୋକ୍ କା ଦାୟ, ଜେବୋନ୍ ମୋହାଗେ ଏନ୍ ନିଂଗାନ୍ ମାନା କାମ୍ ଚାକାନ୍ ?” ଆଲାସ୍ ଜବାବ୍ ଚିଚାସ୍ ,”ନିନ୍ ଏଂଗାନ୍ ଇ ଆଲିବୋନ୍ ଚିଚ୍ କାୟ ହୁଦ୍ ଏଂଗାନ୍ ଇ ଫାଡ଼ୁବୋନ୍ ଚିଚ୍ଚାଦ୍ ।“ ହୁ ବାକେନ୍ ପାରମେଶ୍ୱରସ୍ ଆଲିବୋନ୍ ମେନ୍ ଚାସ୍ ,”ନିନ୍ ଏନ୍ଦେର୍ କାମ୍କି ଚିଚ୍ କି ?” ହୁ ଆଲିବୋଦ୍ ତେଂଗିୟାଦ୍ ,”ନେର୍ରୁ ବୋଦ୍ ଏଂଗାନ୍ ଧୋଖା ଚିଚ୍ଚାଦ୍ ।“

![](https://cdn.door43.org/obs/jpg/360px/obs-en-02-09.jpg)

ପାରମେଶ୍ୱରସ୍ ନେର୍ରୁ ବୋନ୍ ତେଂଗିୟାସ୍ ,”ନିନ୍ ତା ଶ୍ରାପିତ୍ ଆତିଲ୍ ଦି ! ନିନ୍ ନିଜର୍ କୁଲୁ ଘି ବୋଲ୍ ନୁ ଏକୋଏ ଆରୁ ହାଜ୍ଜୁବୋନ୍ ଟାଟୋଏ । ନିନ୍ ଆରୁ ଇ ଆଲିଗାନେ ଏକ୍ ଦୁସ୍ରେ ଘି ଲାଗାନ୍ ବେଇରି କାମୋର୍ ଆରୁ ନିଂଘାୟ ହାଦ୍ଦୁ ଗୁଠିନ୍ ଆରୁ ହୁଦ୍ ଘି ହାଦ୍ଦୁର୍ ଗୁଠିର ଗାନେ ଏକ୍ ଦୁସ୍ ରେ ଘି ଲାଗାନ୍ ବେଇରି କାମୋର୍ । ଇ ଆଲିଘି ଜାତିର୍ ନିଂଘାଏ ବଂଶବୋନ୍ କୁଚୋର୍ , ଆରୁ ନିନ୍ ହୁଦ୍ ଘି ଗୁଢ଼ିବୋନ୍ ଠୋଠୋଏ ।“

![](https://cdn.door43.org/obs/jpg/360px/obs-en-02-10.jpg)

ବାକେନ୍ ପାରମେଶ୍ୱରସ୍ ଆଲିବୋନ୍ ତେଂଗିୟାସ୍,”ଏନ୍ ନିଘାଁଏ ହାଦ୍ଦୁ ଜନମ୍ କାମନା ବାକେନ୍ ମୁରୁକ ବାଥା ପିଢ଼ା ବାଢ଼ାବା ଚୋନ୍ ।ନିନ୍ ନିଜର ଆଲାସ୍ ଘି ଲାଗାନ୍ ଲାଲ୍ ରୋୟ କୋୟ, ଆରୁ ହୁସ୍ ନିଘାଁ ମିୟାଁ ଦାୟା କାମୋସ୍ ।“

![](https://cdn.door43.org/obs/jpg/360px/obs-en-02-11.jpg)

ପାରମେଶ୍ୱରସ୍ ଆଲାସିନ୍ ତେଂଗିୟାସ୍ ,”ନିନ୍ ନିଜର ଆଲି ଘି କାତ୍ ଥା ମେନ୍ ଚାକାଏ ଆରୁ ଏଂଘାଁଏ କାଥାବୋନ୍ ମା ମେନ୍ଚାକାଦାଏ । ହୁଦ୍ ଘି ଲାଗାନ୍ ଏଁହେଲାଦ୍ ଶ୍ରାପିତ୍ ମାନ୍ଚା କେର୍ କି ଚିଦ୍, ଆରୁ ନିଂଗାଗେ ମୋହାଗେ ଉବ୍ ଜାନା ବାକେନ୍ କଠିନ ପରିଶ୍ରମ କାମାଗେ ପାଡ଼୍ରଦ୍ । ଆକ୍ କୁନ୍ ନିନ୍ ଖିୟଏ କୋୟ , ଆରୁ ନିଂଘା ଶାରିର୍ ବୋଦ୍ ଧୂଲିନୁ ମିଶ୍ରକୋଦ୍ ।“ ହୁ ଆଲାସ୍ ନିଜର୍ ଅଲି ଘି ନାମେ ହାୱା ଉଇୟାସ୍ , ଇଦ୍ ଘି ମାନେ “ଜିୟା ଚିନା ବାଲା “ ,ଏନ୍ଦେର୍ ଗେ କା ହୁଦ୍ ଜାମା ଜାତି ଗୁଠିର୍ ଘି ଆୟାଂଗ୍ ମାନୋଦ୍ । ଆରୁ ପାରମେଶ୍ୱରସ୍ ଆଦାମ୍ ଆରୁ ହାୱା ବୋନ୍ ଜାନ୍ତୁ ଘି ଛାଲା ସ୍ତିନ୍ ଚିଢ଼ା କାମାକିରି ହୁବ୍ଡ଼ାରିନ୍ ଆତ୍ ତା ଚାସ୍ ।

![](https://cdn.door43.org/obs/jpg/360px/obs-en-02-12.jpg)

ଆରୁ ପାରମେଶ୍ୱରସ୍ ତେଂଗିୟାସ୍ ,” ଆରୁ ବାନେ ଖାରାପ୍ ବୋନ୍ ଆହାନ୍ନା ଗେ ମାନୁୱାର୍ ଏଘାଁ ଲେଖା ମାନ୍ ଚାର୍ କେରାର୍, ବାକେନ୍ ହୁବ୍ଡ଼ାରିନ୍ ହୁ ଜିୟା ଘି ମାନ୍ନୁ ଘି ଫାଡ଼ୁବୋନ୍ ମୋହାଗେ ମା ଚିନା କାତଥା କା ହୁବ୍ଡ଼ାର୍ ସବୁବାକେନ୍ ଉଜ୍କାକାରୋର୍ ।“ ବାକେନ୍ ପାରମେଶ୍ୱରସ୍ ଆଦାମ୍ ଆରୁ ହାୱାବୋନ୍ ବାଟ୍ କିନ୍ ନ୍ତିନ୍ ବାହାରି ଆଥ୍ରେଇ ଚିଚ୍ ଚାସ୍ । ଆରୁ ପାରମେଶ୍ୱରସ୍ ଏକ୍ ରିନ୍ ଭି ହୁ ଜିୟା ରାନା ମାନ୍ନୁ ଘି ଫାଡ଼ୁବୋନ୍ ମୋହାଗେ ରୋକାଗେ ଲାଗାନ୍ ହୁ ବାଟ୍ କି ଘି କୋର୍ନା ପାବୁବୋନ୍ ତାକତ୍ ବୋର୍ ସରଗ୍ ଦୁତ୍ ବୋନ୍ ଉଇୟା ଚିଚ୍ ଚାସ୍ ।

*उत्पत्ति अध्याय 3 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_02_96kbps.mp3

## 3. ବାଢ଼ି

https://openbiblestories.org/l/xis/story-3/

![](https://cdn.door43.org/obs/jpg/360px/obs-en-03-01.jpg)

ଢେର୍ ସମୟ ଘି ପାଛଲି, ଦୁନିଆଁ ନୁ ଜୁକକୁ ଆଲାର୍ ରାଲାର୍ । ହୁବ୍ଡ଼ାର ମୁର୍ ଖେନିନ୍ ବାଦ୍ ମାସ୍ ଆରୁ ଝାଗ୍ ଡ଼ିୟା ମାନ୍ ଚାର୍ କେର୍ କା ଚାର୍ । ଇବଦ୍ ଏତ୍ କ ଖାରାପ୍ ରାଚାଦ୍ କା ପାରମେଶ୍ୱରସ୍ ଅଣ୍ଟାବାଡ଼୍କା ବାଢି ତି ଇ ଜାମା ଦୁନିଆଁ ବୋନ୍ ଡୁଵା ବାଗେ ମୋନ୍ ନୁ ସୋଚ୍ଚାସ୍ ।

![](https://cdn.door43.org/obs/jpg/360px/obs-en-03-02.jpg)

ଲେକିନ୍ ପାରମେଶ୍ୱରସ୍ ନୁହୁସିନ୍ ବାନେ ହାକଖାଲାସ୍ । ହୁସ୍ ବାଦ୍ ମାସ୍ ଆଲାର୍ ଘି ମାଝାନୁ ରାନାବାଲା ଉର୍ତୁ ଧାର୍ମିକ ଆଲ୍ ରାଚାସ୍ । ପାରମେଶ୍ୱରସ୍ ନୁହୁସିନ୍ ତେଂଗିୟାସ୍ କା ହୁସ୍ ଅଣ୍ଟା ବାଡ଼େଟେ ବାଢ଼ି ବାର୍ ନା ବାଲା ରାଇଦ । ହୁଦ୍ ଘି ଲାଗାନ୍ , ହୁସ୍ ନୁହୁସିନ୍ ଅଣ୍ଟା ବାଡ଼େ ଟେ ଡଂଗା ବାନା ବାଗେ ତେଂଗିୟାସ୍ ।

![](https://cdn.door43.org/obs/jpg/360px/obs-en-03-03.jpg)

ପାରମେଶ୍ୱରସ୍ ନୁହୁସିନ୍ ଲାଗ୍ ଭାଗ ୧୪୦ମିଟର ଲାମ୍ବା , ୨୩ ମିଟର ଅସାର୍ ଆରୁ ୧୩.୫ ମିଟର ଉଚ୍ଚା ଡଂଗା ବାନାବାଗେ ତେଂଗିୟାସ୍ । ନୁହୁ ସିନ୍ କାଂକୁ ତି ବାନା ବାଗେ ରାଚା ଆରୁ ହୁନ୍ନୁନ୍ତି ନ୍ତି ମାହାଲା , ଜୁକକୁ ବାଖ୍ରା ଗୁଠି ଅଣ୍ଟା ଛାତ୍ ଅଣ୍ଟା ଖିଡ଼୍ କି ବାନା ବାଗେ ରାଚା । ହୁ ଡଂଗା ନୁ ନୁହୁସ୍ ହୁସ୍ କି ପରିବାର୍ , ଆରୁ ଏହେଁଲାନ୍ ନ୍ତା ଜାମା ଜାତି ଘି ଜାନ୍ତୁ ଗଠିନ୍ ବୋନ୍ ହୁ ବାଢ଼ି ନ୍ତି ହିପାଜିତ୍ ନୁ ଉଇୟସ୍ ।

![](https://cdn.door43.org/obs/jpg/360px/obs-en-03-04.jpg)

ନୁହୁସ୍ ପାରମେଶ୍ୱରସ୍ ଘି କାତଥା ମେଂଚାସ୍ । ହୁସ୍ ଆରୁ ହୁସ୍ କି ହାଦୁର୍ ଗାନେ ହନେ ନିନ୍ ହି ଡଂଗା ବାନା ବାଚାସ୍ ଏସ୍ କେ ପାରମେଶ୍ୱରସ୍ ତେଂକାଚାସ୍ ହନେନ୍ । ଏନ୍ଦେର୍ ଗେ କା ହୁ ଡଂଗା ମୁରୁଖ୍ ବାଡ଼େ ଟେ ରାଚା ଇଦ୍ ଘି ଲାଗାନ୍ ହୁବନ୍ କାମାଗେ କେତ୍ କ ବଛର ଲାଗିୟାଦ୍ । ନୁହୁସ୍ ଆଲାରିନ୍ ବାର୍ ନା ବାଲା ବାଢ଼ି ଘି ବିଷୟ ନୁ ଚେତାବାନି ଚିଚ୍ଚାସ୍ ଆରୁ ହୁବ୍ଡ଼ାରିନ୍ ପାରମେଶ୍ୱରସ୍ ଘି ତାରା ମନ୍ ବନ୍ ଫିର୍ତାଗେ ତେଂଗିୟାସ୍ , ଲେକିନ୍ ହୁବ୍ଡ଼ାର୍ ହୁସ୍ ଘି ମିୟାଁ ବିଶ୍ୱାସ୍ ମା କାମଚାର୍ ।

![](https://cdn.door43.org/obs/jpg/360px/obs-en-03-05.jpg)

ପାରମେଶ୍ୱରସ୍ ନୁହୁ ଆରୁ ହୁସ୍ ଘି ପରିବାର୍ ବୋନ୍ ନିଜର୍ ଲାଗାନ୍ ଆରୁ ଜାନ୍ତୁ ଗୁଠିରଗେ ଯେତ୍ କୋ ଦାର୍‍କାର୍ ହତ୍ କୋ ଅନାଗେ ଅଣ୍ଠାଣ୍ ସାନ୍ କାମାଗେ ହୁକୁମ୍ ଚିଚ୍‍ଚାସ୍ । ଯେତେ ବାକେନ୍ ଜାମା କିଛି ଜୁଗାଡ଼ ମାଂଚା କେରା, ତା ପାରମେଶ୍ୱରସ୍ ନୁହୁ ସିନ୍ ତେଂଗିୟାସ୍ କା ହୁ ସମୟ ହୁସ୍ କି , ହୁସ୍ କି ଆଲିଗାନେ, ହୁ ମୁନ୍ ଟା ହାଦୁର୍, ଆରୁ ହୁବ୍ଡ଼ାର୍ ଘି ଆଳି ଗୁଠିରିନ୍ – ଯେତେରିନ୍ ମେଶା କାମିକିରି ଆଠ୍ ଲୋକ୍ ରିନ୍ ଡଂଗାନୁ କାଲାଗେ ରାଚାଦ୍ ।

![](https://cdn.door43.org/obs/jpg/360px/obs-en-03-06.jpg)

ପାରମେଶ୍ୱରସ୍ ଜାମା ଜାତି ଘି ଜାନ୍ତୁ ଆରୁ ଆଣ୍ଡ୍ରିୟା ଅଡ଼ା ଆରୁ ମାଇଁ ବୋନ୍ ନୁହୁ ସାନ୍ ତାଇୟାସ୍ ଏନ୍ଦେର୍ ଗେ କା ହୁବ୍ଡ଼ାଦ୍ ଡଂଗାନୁ କାଲା ଅଂଗର୍ ଆରୁ ବାଢ଼ି ସମୟ ନୁ ହିପାଜିତ୍ ନୁ ରା ଅଂଗର୍ । ପାରମେଶ୍ୱରସ୍ ଏନ୍ନେ ଜାମା ଜାତି ଘି ଜାନ୍ତୁ ଗୁଠିନ୍ ସାତ୍ତେଟା ଆଣ୍ଡ୍ରିୟା ଆରୁ ଆଠେଟା ମାଇଁ ଗୁଠିବୋନ୍ ଏକାନ୍ ବୋନ୍ ବାଲି ଆର୍ତାଗେ ବ୍ୟବହାର୍ କାମାଗେ ଅଂଗର୍ । ଯେତେବାକେନ୍ ଜାମା ଡଂଗା ଗେ ଆଣସିଆର୍ ବାକେନ୍ ଖୁଦ୍ ପାରମେଶ୍ୱରସ୍ ଡଂଗା ଘି ପାବୁବୋନ୍ ଢ଼ାପ୍ ଚାସ୍ ଚିଚ୍ ଚାସ୍ ।

![](https://cdn.door43.org/obs/jpg/360px/obs-en-03-07.jpg)

ହୁବା କେନ୍ ଚେପୁ ବାର୍ ନା ସୁରୁ ମାଂଚା କେରା, ଆରୁ ଚେପୁ ବାର୍ତେ ରାଚା, ବାର୍ତେ ରାଚା । ମା ଆଟ୍ କ୍ରି କିରି ଚାଲିଶ୍ ଉଲ୍ଲା ଆରୁ ଚାଲିଶ୍ ମାହାଁ ତୋକ୍ ଚେପୁ ପୁଇତେ ବାର୍ତେ ରାଚା । ଜାମା ଦୁନିଆଁ ନ୍ତା ହାର୍ ଅଣ୍ଟା ଚିଜ୍ , ଏତ୍କ ତକ୍ କା ମିୟାଁ ନ୍ତିନ୍ ମିୟାଁ ପାର୍ତାଦ୍ ଭି ଆମ୍ମୁନୁ ଡୁବ୍ରା କେରା ।

![](https://cdn.door43.org/obs/jpg/360px/obs-en-03-08.jpg)

ହାଇକା ଏହେଁଲାନୁ ରାନାବାଲା ଯେତେ ଅଣ୍ଟା ଚିଜ୍ କେଚ୍ଚାକେରା , ହୁ ଆଲାର୍ ଆରୁ ଜିବ୍ ଜାନ୍ତୁ ବୋନ୍ ଆମ୍ବିକିରି ଯେତେନାର୍ ଡଂଗାନୁ ରାଚାର୍ । ହୁ ଡଂଗା ଆମ୍ମୁମିୟାଁ ତେହେର୍ତେ ରାଚା ଆରୁ ଡଂଗା ଘି ଉଲତା ଯେତେ ଚିଜ୍ ବୋନ୍ ମୁଲହାନ୍ତି ବାଚ୍ଛାରାର କେରାର୍ ।

![](https://cdn.door43.org/obs/jpg/360px/obs-en-03-09.jpg)

ଚେପୁ ବାର୍ନା ବନ୍ଦ୍ ମାନ୍‌ଚାକା ଘି ପାଚ୍ଛଲି, ପାଞ୍ଚ ମାହିନା ତକ୍ ହୁ ଡଂଗା ଆମ୍ମୁନୁ ତେହେର୍ତେ ରାଚା, ଆରୁ ହୁ ସମୟ ନୁ ଆମ୍ମୁ କମ୍ ମାନ୍ତେ କେରା । ଲେକିନ୍ ଉନ୍ଦୁଲ୍ ହୁ ଡଂଗା ଅଣ୍ଟା ପାର୍ତା ଘି ଚୁନ୍ଦିନୁ ଟିକ୍ରାଦ୍, ଲେକିନ୍ ଦୁନିଆଁ ଆକୁନ୍ ତକ୍ ଭି ଆମ୍ମୁନୁ ସ୍ତିନ୍ ଡୁବ୍ରା କେର୍‌କିଚା । ତିନ୍ ମାହିନା କି ବାଦ୍ ନୁ, ପାର୍ତା ଘି ଚୁନ୍ଦି ଗୁଠି ଏଥେରା ଗେ ଲାଗିୟା ।

![](https://cdn.door43.org/obs/jpg/360px/obs-en-03-10.jpg)

ଫିର୍ ଆରୁ ଚାଲିଶ୍ ଦିନ୍ ଘି ପାଛଲି, ନୁହୁସ୍ ଅଣ୍ଟା କାଉବୋନ୍ ଇବନ୍ ଏ ରାଗେ ବାହାରି ତାଇୟାସ୍ ଏନ୍ଦେର୍ ଆମ୍ମୁ ହାଇୟା କେର୍‌କିଚାଦ୍ । ହୁଁ କାଉ ହାଇକା ଏହେଁଲା ବୋନ୍ ବେଦାଗେ ଇସାନ୍ ହୁସାନ୍ ଉଢ଼ିୟାର୍ତେ କେରା, ଲେକିନ୍ ହୁଦ୍ ଗେ ଏନ୍ନେ ଏନ୍ଦେର୍ ହି ଜାଗା ମା ହାଖ୍ ରା ।

![](https://cdn.door43.org/obs/jpg/360px/obs-en-03-11.jpg)

ଆରୁ ପାଛଲି ନୁହୁସ୍ ଅଣ୍ଟା ପେରୁଆଁ ବୋନ୍ ବାହାରି ତାଇୟାସ୍ । ଲେକିନ୍ ହୁଦ୍ ଗେ ହି ଏକାସାନ୍ ଭି ଏହେଁଲା ମା ହାଖ୍ ରା, ଇଦ୍‌ଘି ବାଦ୍ ନୁ ହୁଦ୍ ନୁହୁସ୍ ଘି ଚାହାନୁ କିରିୟା ବାର୍ ଚା । ଅନ୍ ହାଟେ ଘି ବାଦ୍ ନୁ ହୁସ୍ ହୁ ପେରୁଆଁ ବୋନ୍ ଆରୁ ହି ତାଇୟାସ୍, ଆରୁ ହୁଦ୍ ନିଜର୍ ଥୁମଣା ନୁ ଜୈତୁନ୍ ଘି ଡାଡ଼ାବୋନ୍ ଧାର୍ଚା ବାର୍ଚା । ଆମ୍ମୁ ବାତ୍ତାଗେ ଲାଗାଲା, ଆରୁ ହୋପା ଗୁଠି କୁନ୍ଦାଗେ ଲାଗିୟା ।

![](https://cdn.door43.org/obs/jpg/360px/obs-en-03-12.jpg)

ନୁହୁସ୍ ଅନ୍ ହାଟେ ଆରୁ ହକ୍ ଚାସ୍ ଆରୁ ତିନ୍ ଦିନ୍ ଘି ବାଦ୍ ନୁ ପେରୁଆଁ ବୋନ୍ ବାହାରି ତାଇୟାସ୍ । ଇ ବାକେନ୍ ହୁଦ୍ ଗେ ରାଆଗେ ଜାଗା ହାଖ୍ ରା କେରା ଆରୁ ହୁଦ୍ ଆରୁ ମା କିରିୟାଦ୍ । ଆମ୍ମୁ ହାଇୟା ଗେ ଲାଗିୟାଦ୍ ।

![](https://cdn.door43.org/obs/jpg/360px/obs-en-03-13.jpg)

ଦୁଇ ମାହିନା ଘି ପାଛଲି ପାରମେଶ୍ୱରସ୍ ନୁହୁ ସିନ୍ ତେଂଗିୟାସ୍, ଆକ୍କୁନ୍ ନିନ୍ ଆରୁ ନିଘାଁ ପାରିବାର ଆରୁ ଜାମା ଜାନ୍ତୁ ବୋନ୍ ଡ଼ଂଗାନ୍‌ନ୍ତି ଉର୍ ଖା ବାରା । ଜୁକୁକ୍ ଗୁଡେ ହାଦ୍ଦୁ ଗୁଠିରିନ୍ ଆରୁ ନାତି ପୁତିରିନ୍ ଜନମ୍ ନାନ୍ନା ଆରୁ ଦୁନିଆନୁ ନିନ୍ଦିରା କାଲା । ଏନ୍ନେ ହି ନୁହୁ ଆରୁ ହୁସ୍ ଘି ପାରିବାର ଡ଼ଂଗାନ୍ ନ୍ତି ବାହାରି ଉରଖିୟାର୍ ।

![](https://cdn.door43.org/obs/jpg/360px/obs-en-03-14.jpg)

ନୁହୁସ୍ ଡ଼ଂଗାନ୍ ନ୍ତି ବାହାରି ଉରଖ୍ ନା ଘି ବାଦ୍ ନୁ , ହୁସ୍ ଅଣ୍ଟା ବେଦି ନାଚ୍ ଚାସ୍ ଆରୁ ବାଳି ଦାନ୍ ଚିଆଗେ ବ୍ୟାବହାର କାମ୍ ନା ବାଲା ଜାମା ଜାତି ଘି ଜାନ୍ତୁ ଗୁଠିନ୍ ନ୍ତି ଆଧା ହୁଆକିରି ବାଳି ଆର୍‌ତା ଚାସ୍ । ପାରମେଶ୍ୱରସ୍ ହୁ ବାଳି ଦାନ୍ ସ୍ତିନ୍ ଖୁସି ମାନ୍ ଚାସ୍ ଆରୁ ନୁହୁ ସିନ୍ ଆରୁ ହୁସ୍ ଘି ପାରିବାର୍ ବୋନ୍ ଆଶିଷ୍ ଚି ଚାସ୍ ।

![](https://cdn.door43.org/obs/jpg/360px/obs-en-03-15.jpg)

ପାରମେଶ୍ୱରସ୍ ତେଂଗିୟାସ୍,” ଏନ୍ ଶପଥ୍ କାମାଲ୍ ଦାନ୍ କା ମାନୁଆର୍ ଘି ଚାଲ୍ ତେ ଖାରାପ୍ ନାଲ୍ ଖୁ କାମ୍ ନା ଘି ଚାଲ୍ ତେ ଏନ୍ କାଭି ଭି ଏହେଁଲା ବୋନ୍ ସାରାପ୍ ମାଚି ଦାନ୍ ଆରୁ ବାଢ଼ି ନ୍ତିନ୍ ଦୁନିଆଁ ବୋନ୍ ନାସ୍ ମାଁ କାମ୍ ଦାନ୍ , ଲେକିନ୍ ଛୋଟେନ୍ତି ସାମାୟତି ହି ମାନୁଆଁର୍ ପାପୀ ହି ଆତାଲ୍ ନାର୍ ।

![](https://cdn.door43.org/obs/jpg/360px/obs-en-03-16.jpg)

ଆରୁ ପାରମେଶ୍ୱରସ୍ ନିଜର୍ ଘି ଚିନ୍‌ହା ଘି ରୁପ୍ ନୁ ପାହିଲାନୁ ଇନ୍ଦ୍ର ଧନୁ ବୋନ୍ ବାନା ବାଚାସ୍ । ଏକିନ୍ ବାକେନ୍ ହି ଆକାଶ୍ ନୁ ଇନ୍ଦ୍ର ଧନୁ ଏଥ୍ରା ହାଲେ, ପାରମେଶ୍ୱରସ୍ ସିନ୍ ୟାଦ୍ କାମୋସ୍ କା ହୁସ୍ ଏନ୍ଦେର୍ ଶପଥ୍ କାମ୍‌ଚକାଚାସ୍ ଆରୁ ହନେହି ହୁସ୍ କି ଆଲାର୍ ୟାଦ୍ କାମୋର୍ ।

*ଆଦିପୁସ୍ତକ ୬-୮ ସ୍ତିନ୍ ଅଣ୍ଟା ବାଇବଲ ଘି କାଥ୍ ନି*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_03_96kbps.mp3

## 4. ଆବ୍ରାହାମସ୍ ଘି ଗାନେ ପାରମେଶ୍ୱରସ୍ ଘି ଶପଥ୍

https://openbiblestories.org/l/xis/story-4/

![](https://cdn.door43.org/obs/jpg/360px/obs-en-04-01.jpg)

ବାଢ଼ି ଘି ଇୟଁ ବରଶ୍ ଘି ବାଦ୍ ନୁ , ଦୁନିଆନୁ ବାଗ୍ ଗେ ଆଲାର୍ ରାଚ୍ କାଚାର୍ , ଆରୁ ହୁବ୍ଡ଼ାର୍ ଆରୁହି ପାରମେଶ୍ୱରସ୍ ଗାନେ ଆରୁ ଏକ୍ ଦୁସ୍ ରେସ୍ ଘି ବିରୁଦ୍ଧ ନୁ ପାପ୍ କାମ୍ ଚାର୍ । ଏନ୍ଦେର୍ ଗେ କା ହୁବ୍ଡ଼ାର୍ ଯେତେର୍ ଅଣ୍ଟା ଭାଷା ନୁ କାଚ୍ ଲେଖ୍ ରାଲାର୍ , ବାକେନ୍ ହୁବ୍ଡ଼ାର୍ ଅଣ୍ଟା ନୁ ମିଲ୍ ରା କିରି ଆରୁ ଦୁନିଆନୁ ନିନ୍ଦାଗେ ଲାଗାନ୍ ପାରମେଶ୍ୱରସ୍ ଘି ହୁକୁମ୍ ଘି ଜାଗାନୁ ଅଣ୍ଟା ପାଡ଼ାବୋନ୍ ବାନା ବାଚାର୍ ।

![](https://cdn.door43.org/obs/jpg/360px/obs-en-04-02.jpg)

ହୁବ୍ଡ଼ାର୍ ମୁରୁଖ୍ ଘାମାଣ୍ଡିର୍ ରାଚାର୍, ଆରୁ ହୁବ୍ଡ଼ାର୍ ଏସ୍ କେ ଜୀବନ୍ ବିତା ବାନା ଚାହି ଇ ବାରେନୁ ହୁବ୍ଡ଼ାର୍ ପାରମେଶ୍ୱରସ୍ ଘି ଆଜ୍ଞା ବୋନ୍ ପାଲନ୍ କାମାଗେ ମା ଚାହାଲାର୍ । ଇ ତୋକ୍ କି ହୁବ୍ଡ଼ାର୍ ଅଣ୍ଟା ଏନ୍ନେ ମିନାର୍ ବୋନ୍ ବାନା ବାଗେ ସୁରୁ କାମ୍ ଚାର୍ କା ହୁଦ୍ ସରଗ୍ ତୋକ୍ ଆଣ୍ ସୋଦ୍ । ପାରମେଶ୍ୱରସ୍ ଏରିୟାସ୍ କା ଆଗାର୍ ଇବ୍ଡ଼ାର୍ ଅଣ୍ଟା ନୁ ମିଲ୍ ରା କିରି ବୁରାଇ କାମ୍ ତେ ରୋର୍ ହାଲେ ହୁବ୍ଡ଼ାର୍ ଜୁକ୍ କୁ ପାପ୍ ନାଲ୍‌ଖୁ ବୋନ୍ କାମା ଅଂଗୋର୍ ।

![](https://cdn.door43.org/obs/jpg/360px/obs-en-04-03.jpg)

ବାକେନ୍ ପାରମେଶ୍ୱରସ୍ ହୁବ୍ଡ଼ାର୍ ଘି ଭାଷା ବୋନ୍ ଜୁକ୍ କୁ ଲେଖା ଦୁସ୍ ରା ଦୁସ୍ ରା ଭାଷାନୁ ବାଦ୍ଲାବା ଚିଚ୍ ଚାସ୍ । ଆରୁ ହୁ ଆଲାରିନ୍ ଜାମା ସାଂସାର୍ ନୁ ଫେଇଲା ଚିଚ୍ ଚାସ୍ । ହୁ ପାଡ଼ା ବୋନ୍ ହୁର୍ କାମାଗେ ସୁରୁ କାମ୍ ଚାସ୍ ହୁ ବୋନ୍ ବାବେଲ୍ ତେଂଗିୟାର୍, ହୁଦ୍ ଘି ମାନେ” ଗାଡ଼ ବାଡ଼ି” ।

![](https://cdn.door43.org/obs/jpg/360px/obs-en-04-04.jpg)

ଶହେ ବରଶ୍ ଘି ବାଦ୍ ନୁ , ପାରମେଶ୍ୱରସ୍ ଆବ୍ରାମ୍ ନାମେ ଘି ଅଣ୍ଟା ଆଲାସ୍ ଗାନେ କାଚ୍ ଲେଖି ରିୟାସ୍ । ପାରମେଶ୍ୱରସ୍ ହୁସିନ୍ ତେଂଗିୟାସ୍ ,” ନିଜର୍ ରାଜିବୋନ୍ ଆରୁ ପରିବାର୍ ବୋନ୍ ଆମ୍ବିକିରି ହୁ ରାଜି ନୁ ବୁଂଗା କାଲା ଜେନ୍ ବୋନ୍ ଏନ୍ ଏ ଦୋନ୍ ଏନ୍ ନିଂଗାନ୍ ଆଶୀର୍ବାଦ୍ ଚୋନ୍ ଆରୁ ନିଘାସ୍ତିନ୍ ଅଣ୍ଟା ବାଡ଼୍ କା ଜାତି ବାନା ବୋନ୍ । ଏନ୍ ନିଘାଏ ନାମେଁ ବୋନ୍ ମାହାଁନ୍ କାମୋନ୍ । ନେର୍ଭି ନିଂଗାନ୍ ଆଶିଷ୍ ଚୋର ଏନ୍ ହୁସିନ୍ ଆଶୀର୍ବାଦ୍ ଚୋନ୍, ଆରୁ ନେର୍ ନିଂଗାନ୍ ଶାରାଫ ଚୋର୍ ଏନ୍ ହୁସିନ୍ ଶାରଫ୍ ଚୋନ୍ । ନିଘାୟ ଲାଗାନ୍ ସଂସାର୍ ଘି ଜାମା କୁଲ୍ ବୋଦ୍ ଆଶିଷ୍ ହାକ୍ ଖୋର୍ ।

![](https://cdn.door43.org/obs/jpg/360px/obs-en-04-05.jpg)

ବାକେନ୍ ଆବ୍ରାମସ୍ ପାରମେଶ୍ୱରସ୍ ଘି କାଥ୍ ଥା ବୋନ୍ ମେନ୍ ଚାସ୍ । ହୁସ୍ ନିଜର୍ ଜାମା ଚେଲା ଚୁଟିୟାରିନ୍ ଆରୁ ନିଜର୍ ଜାମା ଧାନୁ ଗୁଠିନ୍ ଆରୁ ସାଂଗେନୁ ନିଜର୍ ଆଲି ସାରେ ବୋନ୍ ଆଚାସ୍ ଆରୁ କାନାନ୍ ରାଜିନୁ ବୁଂଗେ ଚାସ୍ ଜେନ୍ ବୋନ୍ କା ପାରମେଶ୍ୱରସ୍ ହୁସିନ୍ ଏଦ୍କା ଚାସ୍ ।

![](https://cdn.door43.org/obs/jpg/360px/obs-en-04-06.jpg)

ଯେବା କେନ୍ ଆବ୍ରାମସ୍ କାନାନ୍ ରାଜିନୁ ଆଣ୍ ସିୟାସ୍ ବାକେନ୍ ପାରମେଶ୍ୱରସ୍ ହୁସିନ୍ ତେଂଗିୟାସ୍ ,”ନିଜର୍ ଚାରି ଖୁଟ୍ ତାରା ଏରା । ଏନ୍ ନିଂଗାନ୍ ଇ ଜାମା ରାଜିବୋନ୍ ଚୋନ୍ ଆରୁ ନିଁଘା ବାଉଁସାର୍ ସବୁଦିନ୍ ଲାଗାନ୍ ଇଦ୍ ଘି ମିୟାଁ ଅଧିକାର୍ ଉଇୟର୍ । ବାକେନ୍ ଆବ୍ରାମସ୍ ହୁ ରାଜିନୁ ବାସ୍ ରାସ୍ କେରାସ୍ ।“

![](https://cdn.door43.org/obs/jpg/360px/obs-en-04-07.jpg)

ମାଲିକିସିଦ୍ଦିକ୍ ନାମେ ଘି ଅଣ୍ଟା ଆଲାସ୍ ରାଚାସ୍ , ଯେକି ମାହାନ୍ ପାରମେଶ୍ୱରସ୍ ଘି ସେବକ୍ ରାଚାସ୍ । ଅଣ୍ଟା ଉଲ୍ଲାନୁ ଯେବାକେନ୍ ଆବ୍ରାମସ୍ ଲାଢ଼େଇ କାମ୍ନା ଘି ବାଦ୍ ନୁ କିର୍ ରାଲାସ୍ ବାକେନ୍ ହୁସ୍ ଆରୁ ଆବ୍ରାମସ୍ ଭେଟ୍ ମାନ୍ ଚାର୍ । ମାଲିକିସିଦ୍ଦିକିସ୍ ଆବ୍ରାମସ୍ ସିନ୍ ଆଶୀର୍ବାଦ୍ ଚିଚାସ୍ ଆରୁ ତେଂଗିୟାସ୍ ମାହାନ୍ ପାରମେଶ୍ୱରସ୍ ଯେ କି ସ୍ୱରଗ୍ ଆରୁ ଧାର୍ତି ଘି ମାଲିକ୍ ଆତଲ୍ ଦାସ୍ ହୁସ୍ ନିଂଗାନ୍ ଆଶୀର୍ବାଦ୍ ଚିୟସ୍ । ଆରୁ ଆବ୍ରାମସ୍ ଲାଢ଼େଇନୁ ଜିତାକିରି ଅନ୍ଦର୍‌କା ଜାମା ଜିନିଷ୍ ଘି ଦଶମାଂଶ୍ ମାଲିକିସିଦ୍ଦିକି ସିନ୍ ଚିଚାସ୍ ।

![](https://cdn.door43.org/obs/jpg/360px/obs-en-04-08.jpg)

ଇୟଁ ବରଷ୍ ବିତ୍ରା କେରା, ଲେକିନ୍ ଆକ୍ କୁନ୍ ତୋକ୍ ଭି ଆବ୍ରାମସ୍ ଆରୁ ସାରେ ଘି ଅଣ୍ଟା ହି ହାଦ୍ଦୁ ମାଲ୍ଲାରୁଦ୍ । ପାରମେଶ୍ୱରସ୍ ଆବ୍ରାମସ୍ ଗାନେ କାଚ୍ ଲେଖିରିୟାସ୍, ଆରୁ ଆରୁହି ବାଚାସ୍ କା ହୁସ୍ ଘି ଅଣ୍ଟା ହାଦ୍ଦୁ ଜନମ୍ ମାନର୍ । ଆରୁ ଯେ ଲେଖାନୁ ହୁସ୍ ଘି ଅନ୍ ଜୁକ୍ କୁ ବାଉଁଶାର୍ ମାନୋର୍ କୋର୍ ।ଆବ୍ରାମସ୍ ପାରମେଶ୍ୱରସ୍ ଘି ବାଚାନ୍ ଘି ମିୟାଁ ବିଶ୍ୱାସ୍ କାମାଲାସ୍ । ପାରମେଶ୍ୱରସ୍ ଡିବ୍ ଡିବି ଚିଚାସ୍ କା ଆବ୍ରାମସ୍ ଅଣ୍ଟା ଧାର୍ମିକ୍ ଆଲାସ୍ ରାଚାସ୍ । ଏନ୍ଦେର୍ ଗେ କା ହୁସ୍ ପାରମେଶ୍ୱରସ୍ ଘି ବାଚାନ୍ ଘି ମିୟାଁ ବିଶ୍ୱାସ୍ କାମ୍ ଚାସ୍ ।

![](https://cdn.door43.org/obs/jpg/360px/obs-en-04-09.jpg)

ବାକେନ୍ ପାରମେଶ୍ୱରସ୍ ଆବ୍ରାମ୍ ସ୍ ଗାନେ ଅଣ୍ଟା ଶପଥ୍ ହିଚାସ୍ । ସାମାନ୍ ରୁପ୍ ନୁ ଅଣ୍ଟା ବାଚାନ୍ ବୋଦ ଯୋଡେ ଦୋଲ୍ ଗୁଠି ଘି ମାଝାନୁ ଏକ୍ ଦୁସ୍ ରେନୁ ନାଲ ଖୁ କାମାଗେ ଲାଗାନ୍ ଅଣ୍ଟା ସାମଝୋତା ମାନିଦ୍ । ପାରମେଶ୍ୱରସ୍ ଆବ୍ରମ୍ ସିନ୍ ହୁ ବାଚାନ୍ ହୁ ବାକେନ୍ କାମଚାକାଚାସ୍ ଯେ ବାକେନ୍ ଆବ୍ରାମ୍ ହାନ୍ଦ୍ରାଲାସ୍ , ଲେକିନ୍ ହୁସ୍ ପାରମେଶ୍ୱରସ୍ ଘି କାତ୍‌ଥାନ୍ ମେନା ଅଂଗାଲାସ୍ । ପାରମେଶ୍ୱରସ୍ ତେଂଗିୟାସ୍,”ଏନ୍ ନିଘାଏଁ ଶାରିର୍ ସ୍ତିନ୍ ସୃଷ୍ଟି କାମିକିରି ନିଂଗାଗେ ନିଘାଁ ଲାଗାନ୍ ଅ ଣ୍ଟା ନିଜର ହାଦଦୁ ଚୋନ୍ । ଏନ୍ ନିଘାଁ ଏ ବାଉଁସାରିନ୍ ଇ କାନାନ୍ ରାଜୀ ବୋନ୍ ଚିୟାଲ୍ ଦାନ୍।“ ଲେକିନ୍ ଭି ଆକକୁନ୍ ତୋକ୍ ଆବ୍ରାମସ୍ ଘି ଅଣ୍ଟା ହି ହାଦଦୁ ମାଲ୍ଲା ରୁଦ୍ ।

*उत्पत्ति अध्याय 11-15 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_04_96kbps.mp3

## 5. ଶପଥ୍ ଘି ହାଦ୍ଦୁ

https://openbiblestories.org/l/xis/story-5/

![](https://cdn.door43.org/obs/jpg/360px/obs-en-05-01.jpg)

ଆବ୍ରାମସ୍ ଆରୁ ସାରେ କାନାନ୍ ଆଣ୍ ସାନା ଘି ଦଶ ବରଶ୍ ଘି ବାଦ୍ ନୁ, ଆକ୍ କୁନ୍ ତୋକ୍ ଭି ହୁବ୍ଡ଼ାର୍ ଘି ଅଣ୍ଟା ହି ହାଦ୍ଦୁ ମା ରାଚାର୍ । ଆବ୍ରାମସ୍ ଘି ଆଳି ସାରେଦ୍ ହୁସିନ୍ ତେଂଗିୟାଦ୍, “ ଏନ୍ଦେର୍ ଗେ କା ପାରମେଶ୍ୱରସ୍ ଆକ୍ କୁନ୍ ତୋକ୍ ଏଂଗାନ୍ ହାଦ୍ଦୁ ଜନମ୍ କାମାଗେ ଯୋଗ୍ୟତା ମା କାମ୍ ଚାକା ଦାସ୍ ଆରୁ ଆକ୍ କୁନ୍ ହାଦ୍ଦୁ ଜନମ୍ କାମ୍ ନା ଘି ଲାଗାନ୍ ମୁରୁକ୍ ପାଚ୍ଚୋ ରାଏନ୍, ଏରା, ଏଁଘାଏ ଦାସୀ ହାଜିରା ଇସାନ୍ ଆତ୍ ଲିଦ୍ । ହୁବୋନ୍ ବେଞ୍ଜେରା କାଲା କି ହୁଦ୍ ଏଁଘାଏ ଲାଗାନ୍ ଅଣ୍ଟା ହାଦ୍ଦୁ ଜନମ୍ କାମା ଅଂଗୋଦ୍ ।“

![](https://cdn.door43.org/obs/jpg/360px/obs-en-05-02.jpg)

ବାକେନ୍: ଲେଖା ଆବ୍ରାମସ୍ ହାଜିରା ଗାନେ ବେଞ୍ଜେରିୟାସ୍ କେରାସ୍ । ହାଜିରା ଘି ଅଣ୍ଟା ହାଦ୍ଦୁ ଜନ୍ମାରା , ଆରୁ ଆବ୍ରାମସ୍ ହୁସ୍ ଘି ନାମେ ଇସମାଏଲ୍ ଉଇୟାସ୍ । ଲେକିନ୍ ସାରେ ହାଜିରା ବୋନ୍ ଜାଲ୍ରା ଲାଗିୟାଦ୍ । ଯେ ବାକେନ୍ ଇସମାଏଲ୍ ତେର ବରଶ୍ ଘି ରାଚାସ୍, ପାରମେଶ୍ୱରସ୍ ଆରୁ ହି ଆବ୍ରାହାମସ୍ ସିନ୍ କାତ୍‌ଥା କାମ୍‌ଚାସ୍ ।

![](https://cdn.door43.org/obs/jpg/360px/obs-en-05-03.jpg)

ପାରମେଶ୍ୱରସ୍ ତେଂଗିୟାସ୍, ”ଏନ୍ ସର୍ବ-ଶକ୍ତିମାନ୍ ପାରମେଶ୍ୱରସ୍ ରାଦାନ୍ । ଏନ୍ ନିଘାଁ ଗାନେ ଅଣ୍ଟା କାଥ୍ ଥା ଗାନେ ହିୟଁନ୍ ।“ ବାକେନ୍ ଆବ୍ରାମସ୍ ଏଁହେଲାନୁ ଖାତ୍ ରି କିରି ଯୋହାର୍ କାମ୍ ଚାସ୍ । ପାରମେଶ୍ୱରସ୍ ଆବ୍ରାମ ସିନ୍ ଇ ଭି ତେଂଗିୟାସ୍ ,”ନିଂ ଜୁକ୍ କୁ ଜାତିର୍ ଗୁଠିର୍ ଘି ବାଂଗ୍ ମାନୋଏ । ଏନ୍ ନିଂଗାନ୍ ଆରୁ ନିଁଘା ବାଉଁଶାର୍ ଗୁଠିର୍ ଘି ହୁବ୍ଡ଼ାର୍ ଘି ନିଜର୍ ଏଁହେଲା ମାନାଗେ ଲାଗାନ୍ କାନାନ୍ ରାଜିବୋନ୍ ଚିୟଁନ୍ ଆରୁ ଏନ୍ ଜାମା ବାକେନ୍ ହୁବ୍ଡ଼ାର୍ ଘି ପାରମେଶ୍ୱରସ୍ ମନୋନ୍ । ନିନ୍ ନିଜର୍ ଏଡ଼୍ ପାନ୍ ନ୍ତାର୍ ଘି ଜାମା ଆଲାର୍ ଘି ହୁବ୍ଡ଼ାର୍ ଘି ଆଗ୍ ଗି ବୋନ୍ ଖାତ୍ନା କାମ୍ ନା ରାଇ ।

![](https://cdn.door43.org/obs/jpg/360px/obs-en-05-04.jpg)

“ନିଁଘା ଆଲି ସାରେ ଅଣ୍ଟା କୁକ୍କୋ ହାଦ୍ଦୁ ସିନ୍ ଜନମ୍ କାମୋଦ୍ – ହୁଦ୍ ପ୍ରତିଜ୍ଞା ଘି କୁକ୍କୋ ହାଦ୍ଦୁ ମାନୋସ୍ । ହୁସ୍ ଘି ନାମେ ଇସାହାକ୍ ଉଇକେ । ଏନ୍ ହୁସ୍ ଭି ଗାନେ ନିଜର୍ କାଥ୍ ଥା ବୋନ୍ ଉଇୟୋନ୍ ଆରୁ ହୁବୋଦ୍ ଅଣ୍ଟା ବାଡ଼୍କା ଜାତି ମାନକୋଦ୍ । ଏନ୍ ଇସମାଏଲ୍ ସିନ୍ ଭି ଅଣ୍ଟା ବାଡ଼୍କା ଜାତି ବାନାବୋନ୍, ଲେକିନ୍ ଏଁଘା କାତ୍‌ଥା ଇସାହାକ୍ ଗାନେ ରୋଦ୍ ।“ ବାକେନ୍ ପାରମେଶ୍ୱରସ୍ ଆବ୍ରାମସ୍ ଘି ନାମେ ବୋନ୍ ବାଦଲିକିରି ଆବ୍ରାହାମ କାମ୍କେ ଚିଚାସ୍, ଇଦ୍ ଘି ମାନେ “ଜୁକ୍‌କୁର୍ ଘି ବୁଆସ୍ “। ପାରମେଶ୍ୱରସ୍ ସାରେ ଘି ନାମେ ବୋନ୍ ଭି ବାଦଲିକିରି ସାରା କାମ୍ ଚେଚାସ୍, ଇଦ୍ ଘି ମାନେ “ମୁଲି ଆୟାଂଗ୍” ।

![](https://cdn.door43.org/obs/jpg/360px/obs-en-05-05.jpg)

ହୁ ଉଲ୍ଲାଘି ବାଦ୍ ନୁ ଆବ୍ରାହାମସ୍ ନିଜର୍ ଏଡ୍ ପାନ୍ତାର୍ ଘି ଜାମା ଆଲାର୍ ଘି ହୁବ୍ଡ଼ାର୍ ଘି ଖାତ୍ନା କାମ୍ ଚାସ୍ । ଲାଗ୍ ଭାଗ ଅଣ୍ଟା ବରଶ୍ ଘି ବାଦ୍ ନୁ , ଯେ ବାକେନ୍ ଆବ୍ରାହାମସ୍ ଘି ୧୦୦ ବରଶ୍ ରାଚାଦ୍ ଆରୁ ସାରା ଘି ୯୦ ବରଶ୍ ଘି ରାଚାଦ୍ , ବାକେନ୍ ସାରା ଆବ୍ରାହାମସ୍ ଘି କୁକ୍କୋ ହାଦ୍ଦୁ ବୋନ୍ ଜନମ୍ ଚିଚ୍ ଚାଦ୍ । ଇ ଲେଖା ପାରମେଶ୍ୱରସ୍ ହୁସିନ୍ ତେଂକା ଚାସ୍ ହୋନ୍ନେହି ହୁସ୍ ଘି ନାମେ ଇସାହାକ୍ ଉଇୟାସ୍ ।

![](https://cdn.door43.org/obs/jpg/360px/obs-en-05-06.jpg)

ଯେ ବାକେନ୍ ଇସାହାକ୍ ଯୋହଁ ମାନଚାସ୍ ବାକେନ୍ ପାରମେଶ୍ୱରସ୍ ଇ ତେଂଗିକିରି ଆବ୍ରାହାମସ୍ ସିନ୍ ବିଶ୍ୱାସ୍ ଘି ପରିକ୍ଷା କାମ୍ ଚାସ୍ ,”ନିଜର୍ ଅଣ୍ଟା ଟୁଖା କୁକ୍କୋ ହାଦ୍ଦୁବୋନ୍ ହୁଆଁ ,ଆରୁ ହୁସିନ୍ ଏଁଘା ଲାଗାନ୍ ବାଲିଦାନ୍ ଘି ଲାଗାନ୍ ପିଟାଚା ।“ ଆରୁ ହି ଆବ୍ରାହାମସ୍ ପାରମେଶ୍ୱରସ୍ ଘି କାଥ୍ ଥା ବୋନ୍ ମେନ୍ ଚାସ୍ ଆରୁ ନିଜର୍ କୁକ୍କୋ ହାଦ୍ଦୁବୋନ୍ ବାଲିଦାନ୍ କାମାଗେ ଲାଗାନ୍ ତେୟାର୍ କାମ୍ ଚାସ୍ ।

![](https://cdn.door43.org/obs/jpg/360px/obs-en-05-07.jpg)

ଯେ ବାକେନ୍ ଆବ୍ରାହାମସ୍ ଆରୁ ଇସାହାକ୍ ବାଲି ଚାଢ଼ାବାନା ଜାଗା ଗେ କାଲାଗେ ଲାଗିୟାର୍ , ବାକେନ୍ ଇସାହାକ୍ ମେନ୍ ଚାସ୍ ,”ହେ ବୁଆ, ନାମ୍ ହାଁ ସାନ୍ ବାଲିଦାନ୍ କାମାଗେ ଲାଗାନ୍ କାଂକୁ ଗୁଠି ତା ଆତ୍ଲି, ଲେକିନ୍ ବାଲିଦାନ୍ କାମାଗେ ଲାଗାନ୍ ଭେଡ଼ି ଏକାସାନ୍ ଆତ୍ଲି ?” ଆବ୍ରାହାମସ୍ ଜାବାବ୍ ଚିଚ୍ ଚାସ୍, “ହେ ଏଁଘା ହାଦ୍‌ଦୁ, ପାରମେଶ୍ୱରସ୍ ବାଲିଦାନ୍ କାମାଗେ ଲାଗାନ୍ ଭେଡ଼ିଗି ଯୋଗାଡ଼ କାମୋସ୍ ।“

![](https://cdn.door43.org/obs/jpg/360px/obs-en-05-08.jpg)

ଯେ ବାକେନ୍ ବାଲିଦାନ୍ କାମ୍ନା ଜାଗାନୁ ଆଣସିଆର୍ କେରାର୍, ବାକେନ୍ ଆବ୍ରାହାମସ୍ ଇସାହାକ୍ ସିନ୍ ହିୟାଁ କିରି ବେଦି ଘି ମିୟାଁ ଲାଦ୍ ଦେ ଚିଚ୍ ଚାସ୍ । ହୁସ୍ ନିଜର୍ କୁକ୍କୋ ସିନ୍ ପିଟ୍ନା ବାଲା ରାଚାସ୍ କା ମାଲ୍ଲା ପାରମେଶ୍ୱରସ୍ ତେଂଗିୟାସ୍ ,”ଠାହାରାର୍ କାଲା! କୁକ୍କୋ ସିନ୍ ନୁକ୍ସାନ୍ ଆମ୍ କେ କାମା ! ଆକ କୁନ୍ ଏନ୍ ଆହା କେର୍ କାନ୍ କା ନିନ୍ ଏଂଗାନ୍ ଏଲ୍ଚାଦାୟ ଏନ୍ଦେର୍ ଗେ କା ନିନ୍ ନିଜର୍ ଅଣ୍ଟା ଟୁଖା ହାଦ୍ଦୁ ସିନ୍ ଭି ଏଂଗାସ୍ତିନ୍ ବାଚାବାକିରି ମା ଉଇକା ।“

![](https://cdn.door43.org/obs/jpg/360px/obs-en-05-09.jpg)

ଚାହାଁନୁଁ ହି ଆବ୍ରାହାମସ୍ ଅଣ୍ଟା ଭେଡ଼ି ବୋନ୍ ଏରିୟାସ୍ କା ଝୁଣିନୁଁ ଫାଁସ୍ରା କେର୍କିଚି । ଇସାହାକସ୍ ଘି ବାଦଲେ ନୁଁ ବାଲିଦାନ୍ କାମାକେ ଲାଗାନ୍ ପାରମେଶ୍ୱରସ୍ ଭେଡ଼ିବୋନ୍ ଜୁଗାଡ଼ କାମ୍ କାଚାସ୍ । ଆବ୍ରାହାମସ୍ ଖୁସି – ଖୁସିନୁ ଭେଡ଼ିବୋନ୍ ବାଲିଦାନ୍ ଚାଢ଼ା ବାଚାସ୍ ।

![](https://cdn.door43.org/obs/jpg/360px/obs-en-05-10.jpg)

ବାକେନ୍ ପାରମେଶ୍ୱରସ୍ ଆବ୍ରାହାମ୍ ସିନ୍ ତେଂଗିୟାସ୍ ,” ଏନ୍ଦେର୍ ଗେ କା ନିନ୍ ଏଂଗା କେ ଲାଗାନ୍ ଜାମା କିଛି ବୋନ୍ ଚିଆଗେ ଇଚ୍ଛା ରାଇଦ୍ , ଇୟଁ ତୋକ୍ ତା ନିଜର୍ ଅଣ୍ଟା ଟୁଖା ହଦ୍ଦୁ ସିନ୍ ଭି , ବାକେନ୍ ଏନ୍ ନିଂଗାନ୍ ଆଶିଷ୍ ଚିଆଗେ ଲାଗାନ୍ ଶପଥ୍ କାମାଲ୍ ଦାନ୍ । ନିଁଘା ବଂଶ୍ ବୋନ୍ ଆକାଶ୍ ଘି ବିନ୍ କୋ ଗୁଠିସ୍ତିନ୍ ଭି ଜୁକ୍କୁ ମାନୋର୍ । ଏନ୍ଦେର୍ ଗେ କା ନିନ୍ ଏଁଘା କାଥ୍ ଥା ବୋନ୍ ମେନ୍ ଚାକା ଦାଏ ବାକେନ୍ ଏନ୍ ନିଁଘା ପାରିବାର୍ ଘି ଚାଲତେ ସାଂସାର୍ ଘି ଜାମା କୁଲ୍ ବୋନ୍ ଆଶିଷ୍ ଚୋନ୍ ।“

*ଆଦିପୁସ୍ତକ ୧୬-୨୨ ସ୍ତିନ୍ ଅଣ୍ଟା ବାଇବଲ ଘି କାଥ୍ ନି*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_05_96kbps.mp3

## 6. ପାରମେଶ୍ୱରସ୍ ଇସାହାକସ୍ ଘି ଲାଗାନ୍ ଜୁଗାଡ଼ କାମ୍ ଦାସ୍

https://openbiblestories.org/l/xis/story-6/

![](https://cdn.door43.org/obs/jpg/360px/obs-en-06-01.jpg)

ଯେତେ ବାକେନ୍ ଆବ୍ରାହାମସ୍ ମୁରୁଖ୍ ପାଚ୍କି ମାଂଚାସ୍ କେର୍କା ଚାସ୍ ହୁବାକେନ୍ ତାଂଘାଏ ହାଦୁ , ଇସାହାକ୍, ଅଣ୍ଟା ଆଲାସ୍ ଘି ବୟସ୍ ଘି ମାଂଚାସ୍ କେର୍ କା ଚାସ୍ । ହୁଦ୍ ଘି ଲାଗାନ୍ ଆବ୍ରାହାମସ୍ ତାଂଘାଏ ଅଣ୍ଟା ସେବକ୍ ସିଂ ତାଂଘାଏ ହାଦୁ ଇସାହାକ୍ ଘି ଲାଗାନ୍ ହୁ ରାଜି ସ୍ତିନ୍ ଅଣ୍ଟା ଆଲିବୋନ୍ ଅନ୍ଦ୍ରାଗେ ତାଇୟାସ୍ ଏକାସାନ୍ ତାଂଘାଏ ପାହିୟାର୍ ରାଲ୍ ଗାର୍ ।

![](https://cdn.door43.org/obs/jpg/360px/obs-en-06-02.jpg)

ଏକା ସାନ୍ ଆବ୍ରାହାମସ୍ ଘି ପାହିୟାର୍ ରାଲ୍ ଗାର୍ ହୁ ରାଜି ଗେ କଲା ଲାଗେ ଅଣ୍ଟା ବାଡ଼େ ଲାମ୍ବା ପାବୁ ଘି ପାଛ୍ଲି ପାରମେଶ୍ୱରସ୍ ହୁ ସେବକ୍ ସିନ୍ ରେବିକା ଘି ଚାହାଁ ଗେ ଅନ୍ଦ୍ରା ଚିଚାର୍ । ହୁଦ୍ ଆବ୍ରାହାମସ୍ ଘି ଭାଇସ୍ ଘି ନାତି ରାଚାଦ୍ ।

![](https://cdn.door43.org/obs/jpg/360px/obs-en-06-03.jpg)

ରେବିକା ନିଜର୍ ପାରିବାର୍ ବୋନ୍ ଆମ୍ବି କିରି ହୁ ସେବକସ୍ ଘି ସାଙ୍ଗେନୁ କାଲାଗେ ରାଜି ମାଂଚାସ୍ । ଏସ୍ କେ ହୁଦ୍ ଆଣ୍ ସିୟାଦ୍ ଇସାହାକସ୍ ହୁଦିନ୍ ବେଂଚ୍ ରିୟାସ୍ ।

![](https://cdn.door43.org/obs/jpg/360px/obs-en-06-04.jpg)

ଅଣ୍ଟା ଲାମ୍ବା ସମୟ ଘି ପାଛ୍‌ଲି ଆବ୍ରାହାମସ୍ କେଚାସ୍ କେରାସ୍ । ବାକେନ୍ ପାରମେଶ୍ୱରସ୍ ଆବ୍ରାହାମସ୍ ଘି ହାଦୁ ଇସାହାକ୍ ସିନ୍, ଆବ୍ରାହାମସ୍ ଗାନେ ହିଂଚ୍ କା ରାଚା କାଥା ଘି ଲାଗାନ୍ ଆଶିଷ୍ ଚିଚାସ୍ । ହୁ ୱାଦାନୁ ପାରମେଶ୍ୱରସ୍ ଘି ଆଣ୍ଟା ୱାଦା ରାଚାକା ଆବ୍ରାହାମସ୍ ଘି ଅନ୍ ଜୁକ୍‌କୁ ବାଉଁସାର୍ ଗୁଠି ମାନର୍ । ଲେକିନ୍ ଇସାହାକସ୍ ଘି ଆଲି ରେବିକା ଘି ହାଦ୍‌ଦୁ ଜନମ୍ ମାଁ ମାଂଚାର୍ ।

![](https://cdn.door43.org/obs/jpg/360px/obs-en-06-05.jpg)

ଇସାହାକସ୍ ରେବିକା ଘି ଲାଗାନ୍ ବିନ୍‌ତି ନାଂଚାସ୍ ଆରୁ ପାରମେଶ୍ୱରସ୍ ହୁଦ୍ ଗେ ଜାଉଁଣା ହାଦୁ ଘି ଗର୍ଭବତୀ ମାନାଗେ ସଫଳ ମାଂଚା । ଜେନ୍ ସମୟନୁ ହୁ ହାଦୁ ରେବିକା ଘି କୁଲୁ ନୁ ହିଁ ରାଚା ହୁବ୍ଡ଼ାର୍ ନିଜର୍ ନିଜର୍ ନୁ ଲାଡ଼ା ଗେ ଲାଗିୟାର୍ । ଇଦ୍ ଘି ଲାଗାନ୍ ଏନ୍ଦ୍ରିନ୍ ଭି ମାନାଲ୍ ଗାର୍ ରେବିକାଦ୍ ହୁବ୍ଡ଼ାନ୍ ପାରମେଶ୍ୱରସ୍ ସିନ୍ ତେଂଗିୟାଦ୍ ।

![](https://cdn.door43.org/obs/jpg/360px/obs-en-06-06.jpg)

ପାରମେଶ୍ୱରସ୍ ରେବିକା ବୋନ୍ ତେଂଗିୟାସ୍, ”ନିନ୍ ଯୋଡ଼େ କୁକ୍କ ହାଦ୍ଦୁବୋନ୍ ଜନମ୍ ଚୋଏ । ହୁବ୍ଡ଼ାର୍ ଘି ବାଉଁଶାର୍ ଘି ଜଡ଼େ ଆଲ୍ ଗା ଆଲ୍ ଗା ଜାତି ଗୁଠି ମାନର୍ । ହୁବ୍ଡ଼ାର୍ ଦୁଇ ଲୋର୍ ଝାଗ୍ ଡ଼ା ମାନର୍ । ଲେକିନ୍ ବାଡ଼୍ କା କୁକ୍ କସ୍ ହାଦ୍ଦୁ ସ୍ତିନ୍ ସିର୍ଜ୍ ନା ବାଲା ଜାତିର୍ ଘି ଛୋଟେ କୁକ୍କସ୍ ସ୍ତିନ୍ ବାର୍ନା ବାଲା ଜାତିର୍ ଘି ହୁକୁମ୍ ମାନାଗେ ପାଡ୍ରଦ୍।“

![](https://cdn.door43.org/obs/jpg/360px/obs-en-06-07.jpg)

ଯେତେ ବାକେଂ ରେବିକା ଘି ହାଦ୍ଦୁର୍ ଜନମ୍ ମାଂଚାର୍ ବାକେନ୍ ବାଡ଼୍ କା ହାଦ୍ଦୁସ୍ ଲାଲ୍ ଆରୁ ମେଦୁ ଗୋଟାନୁ ଚୁଟ୍ଟି ରାଚାଦ୍, ଆରୁ ହୁବ୍ଡ଼ାର୍ ହୁସ୍ ଘି ନାମେ ଏସାବ୍ ଉଇୟାର୍ । ବାକେଂ ଛୋଟେ କୁକ୍କୋ ହାଦ୍ଦୁସ୍ ଏସାବସ୍ ଘି ଗୁଢିବୋନ୍ ଧାରିକିରି ଜନମ୍ ମାଂଚାସ୍, ଆରୁ ହୁବ୍ଡ଼ାର୍ ହୁସ୍ ଘି ନାମେ ୟାକୁବ୍ ଉଇୟାର୍ ।

*उत्पत्ति अध्याय 24:1-25:26 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_06_96kbps.mp3

## 7. ପାରମେଶ୍ୱର୍ ୟାକୁବ୍ ସିନ୍ ଆଶିଷ୍ ଚିଦାସ୍

https://openbiblestories.org/l/xis/story-7/

![](https://cdn.door43.org/obs/jpg/360px/obs-en-07-01.jpg)

ଜେବାକେନ୍ ହୁ ହାଦ୍ଦୁର୍ ପାର୍ଦିଆର୍ ବାକେନ୍ ୟାକୁବ୍ସ୍ ଏଡ଼ପା ନୁ ରାଗେ ବାନେ ଲାଗ୍ଗିୟା, ଲେକିନ୍ ଏସାବ୍ସ୍ ଜାନ୍ତୁ ଗୁଠିରିନ୍ ଧାରାଗେ ବାନେ ଲାଗ୍ଗିଦ୍। ରେବିକାଦ୍ ୟାକୁବ୍ ସିନ୍ ଦୁଲାର୍ କାମିଦ୍, ଲେକିନ୍ ଇସାହାକସ୍ ଏସାବ ସିନ୍ ବାନେ ହାକ୍‌ଦାସ୍।

![](https://cdn.door43.org/obs/jpg/360px/obs-en-07-02.jpg)

ଅଣ୍ଟା ଉଲ୍ଲା, ଜେବାକେନ୍ ଏସାବସ୍ ଜାନ୍ତୁଗୁଠିନ୍ ପିଟ୍‌ଦାସ୍ ଆରୁ କିର୍‌ଦାସ୍ ବାକେନ୍ ହୁସ୍ ଘେ କିଡ଼ା ଲାଗ୍‌ୟାଦ୍ । ଏସାବ୍ ୟାକୁବ୍ ସିନ୍ ତେଙ୍ଗିୟାସ୍ , ଯେବୋନ୍ ନିନ୍ ଲାଚ୍କାଏ ଦାୟ ହୁନୁସ୍ଥିନ୍ କାଟେ ଅନାଗେ ଏଙ୍ଗାଗେ ଚୋଏ ।” ୟାକୁବସ୍ କାଥ୍ ଥା ତେଙ୍ଗିୟାସ୍, “ଆଘ୍‌ଲି ଏଙ୍ଗାନ୍ ଇ ଶପଥ କାମା କା ପାହିଲା ହାଦ୍ଦୁ ମାନ୍ନା ଘି ହିଁ କାରଣନୁ ହାର୍ ଅଣ୍ଟା ଜନିଷ୍ ଗୁଠି ନିଙ୍ଗାଗେ ହାକ୍ରନା କାଥ୍ ଥା, ହୁ ଜାମା ବୋନ୍ ନିନ୍ ଏଙ୍ଗାଗେ ଚେଏ। ହୁବାକେ ଏସାବସ୍ ହୁ ଜାମା ଜିନିଷ୍ ଗୁଠି ବୋନ୍ ୟାକୁବ୍ ସିନ୍ ଚିୟା ଗେ ଶପଥ୍ କାମ୍ଦା ଚିଦାସ୍। ବାକେନ୍ ୟାକୁବ୍ ହୁସିନ୍ କାଟେ ଅନାଗେ ଚିଦାସ୍ ଲାଗ୍ଦାସ୍।

![](https://cdn.door43.org/obs/jpg/360px/obs-en-07-03.jpg)

ଇସାହାକ୍ ଏସାବ୍ ସିନ୍ ଆଶିର୍ବାଦ୍ ଚିୟାଗେ ବେଦ୍ଦାଲାସ୍। ଲେକିନ୍ ଇଦ୍ ଘି ପାହିଲେ ହି ହୁସ୍ ଏନ୍ନେ କାମ୍ ଚାସ୍କା , ରେବିକା ଆରୁ ୟାକୁବସ୍ ଏସାବ୍ ମାନାଗେ ଠାକାକିରି ହୁସ୍ ଘି ଗାନେ ଧୋଖା କାମ୍ କାଚାସ୍। ଇସାହାକ୍ ପାଚ୍କି ରାଚାସ୍ ଆରୁ ଏରାଗେ ପଲ୍ଲାସ୍ ବାକେନ୍ ୟାକୁବସ୍ ଏସାବସ୍ ଘି ଚିଢ଼ାବୋନ୍ ଆତ୍ତିକିରି ଆରୁ ଭେଢ଼ି ଘି ଚାମ୍ଡ଼ା ବୋନ୍ ନିଜର୍ ଗାଲ୍ଲେନୁ ଆରୁ ହେକ୍‌ଖାନ ଚିଚ୍‌ଚାସ୍।

![](https://cdn.door43.org/obs/jpg/360px/obs-en-07-04.jpg)

ୟାକୁବସ୍ ଇସ୍ହାକସ୍ ଘି ଚିହାଁନୁ ବାରଚାସ୍ ଆରୁ ତେଙ୍ଗିୟାସ୍, “ଏନ୍ ଏସାବ୍ ।” ଏନ୍ ଇକାରଣ୍ନୁ ବାର୍ ଚ୍କାଦାନ୍କା ନିନ୍ ଏଙ୍ଗାନ୍ ଆଶିଷ୍ ଚୋଏ ।” ଯେବାକେନ୍ ଇସାହାକସ୍ ଏଡ଼ା ଘି ଚୁଟ୍ଟି ବୋନ୍ ମେହେଶୁସ୍ କାମ୍ ଚାସ୍ ଆରୁ ଚିଢ଼ାବୋନ୍ ନୁସ୍ କିୟାସ୍ , ତା ହୁସ୍ ସଚ୍ ଚାସ୍ କା ଇସ୍ ଏସାବସ୍ ଆରୁ ହୁସିନ୍ ଆଶିଷ୍ ଚିଚ୍ ଚାସ୍ ।

![](https://cdn.door43.org/obs/jpg/360px/obs-en-07-05.jpg)

ଏସାବସ୍ ୟାକୁବ୍ ସିନ୍ ଖୀଁସାରାଚାସ୍ ଏନ୍ଦେର୍ ଗେ କା ୟାକୁବସ୍ ହୁସ୍ ଘି ପାହିଲା ହାଦ୍ଦୁ ଘି ଅଧିକାର୍ ବୋନ୍ ଆରୁ ସାଙ୍ଗେ ହି ହୁସ୍ ଘି ଆଶିଷ୍ ବୋନ୍ ହାଡ଼୍ ଚାସ୍। ଇ ଲେଖାନୁ ହୁସ୍ ଘି ତାମ୍ବାସ୍ ଖିନା ଘି ବାଦ୍‌ନୁ ୟାକୁବସ୍ ସିନ୍ ପିଟାଗେ ଲାଗାନ୍ ଯୋଜନା ବାନା ବାଚାସ୍।

![](https://cdn.door43.org/obs/jpg/360px/obs-en-07-06.jpg)

ଲେକିନ୍ ରେବିକାଦ୍ ଏସାବସ୍ ଘି ଯୋଜନା ବୋନ୍ ମେନ୍ ଚେଚାଦ୍ । ବାକେନ୍ ହୁ ଆରୁ ଇସାହାକସ୍ ୟାକୁବ୍ ସିନ୍ ହୁବ୍ଡ଼ାର୍ ଘି କୁଟୁମ୍ବ ଘିର୍ ଏଡ଼ ପାତାରା ରାଗେ ଢ଼େର୍ ଗେଚ୍ଛାତାରା ତାଇଏ ଚିଚାଦ୍ ।

![](https://cdn.door43.org/obs/jpg/360px/obs-en-07-07.jpg)

ୟାକୁବସ୍ କିଛି ବଛର୍ ତୋକ୍ ରେବିକା ଘି କୁଟୁମ୍ବ ଗାନେ ସାଙ୍ଗେନ୍ ରାଚାସ୍। ହୁ ସମୟ ବାକେନ୍ ହୁସ୍ ବେଞ୍ଜେରିୟାସ୍ ଆରୁ ହୁସ୍ ଘି ବାରଟା କୁକ୍କୋ ହାଦ୍ଦୁ ଆରୁ ଅଣ୍ଟା କୁକାୟ୍ ହାଦ୍ଦୁ ଜନମ୍ ମାଂଚାର୍ । ପାରମେଶ୍ଭରସ୍ ହୁ ସିନ୍ ଜୁକ୍କୁ ଧନୀ କାମ୍ଚେ ଚାସ୍ ।

![](https://cdn.door43.org/obs/jpg/360px/obs-en-07-08.jpg)

ବିସ୍ ବଛର୍ ତୋକ୍ କାନାନ୍ ନୁ ନିଜର୍ ଏଡ଼୍ ପାନ୍ତି ଗେଛାନୁ ରାନା ଘି ବାଦ୍ ନୁ, ୟାକୁବ୍ ନିଜର୍ ପରିବାର୍, ନିଜର୍ ସେବକ୍ ଗୁଠିରିନ୍ ଆରୁ ନିଜର୍ ଜାନ୍ତୁ ଗୁଠିନ୍ ଜାମାରିନ୍ ଧାରିକିରି ହୁସାନ୍ ଗେ କିରିୟାସ୍ ।

![](https://cdn.door43.org/obs/jpg/360px/obs-en-07-09.jpg)

ୟାକୁବସ୍ ଇ ଲେଖାନୁ ମୁରୁକ୍ ଏଲ୍ଚାଲାସ୍ ଏନ୍ଦେର୍ ଗେ କା ହୁସ୍ ସୋଚ୍ଚାସ୍ କା ଏସାବ୍ ଆକ୍କୁନ୍ ଘି ହୁ ସିନ୍ ପିଟାଗେ ଚାହାଲ୍ ଦାସ୍। ବାକେନ୍ ହୁସ୍ ଭେଁଟ୍ ଘି ରୂପ୍ ନୁ ଜାନ୍ତୁଗୁଠି ଘି ଝୁଣୀବୋନ୍ ଏସାବସ୍ ଘି ଚାହାନୁ ତାଇୟେ ଚାସ୍। ଯେବୋସ୍ ହୁ ଝୂଣୀ ବୋନ୍ ହୁଆଁ କିରି ବାରାଚ୍ କା ଚାସ୍ ହୁସ୍ ତେଙ୍ଗିୟାସ୍,”ନିଁଘା ଦାସ୍ ୟାକୁବସ୍, ହୁ ଜାନ୍ତୁଗୁଠିବୋନ୍ ନିଙ୍ଗାନ୍ ଚିୟାଲ୍ ଦାସ୍। ହୁସ୍ ଜାଲ୍ଦି ହି ବାରାଲ୍ ଦାସ୍।”

![](https://cdn.door43.org/obs/jpg/360px/obs-en-07-10.jpg)

ଲେକିନ୍ ଏସାବସ୍ ଆକ୍କୁନ୍ ୟାକୁବ୍ ସିନ୍ ନୁକ୍ ସାନ୍ ଆଣ୍ ସ୍ତା ଗେ ମା’ ଚାହାଲାସ୍ । ହୁଦ୍ ଘି ଲାଗାନ୍, ହୁସ୍ ହୁ ସିନ୍ ଏଥର୍ ଫିର୍ ସେ ଏରା କିରି ବାଗ୍ଗେ ଖୂସିନୁ ରାଚାସ୍ । ଇଦ୍ ଘି ବାଦ୍ ନୁ ୟାକୁବ୍ କାନାନ୍ ରାଜିନୁ ଶାନ୍ତିନୁ ରାଚାସ୍। ଆରୁ ଇସାହାକ୍ କେଚ୍ ଚାସ୍ କେରାସ୍ ଆରୁ ୟାକୁବ ଆରୁ ଏସାବସ୍ ହୁ ସିନ୍ ମାଡ଼ିୟାର୍। ଶପଥ୍ ଘି ପ୍ରତିଜ୍ଞା ବୋଦ୍ ଜେନ୍ ବୋନ୍ ପାରମେଶ୍ୱରସ୍ ଆବ୍ରାହାମ୍ ସିନ୍ କାମ୍ ଚାକା ଚାସ୍ ହୁଦ୍ ଆକ୍ କୁନ୍ ଇସାହାକ୍ ସ୍ତିନ୍ ୟାକୁବ୍ ଘି ମିୟାଁ ବାଚାଚା କେରାଦ୍।

*उत्पत्ति अध्याय 25:27-35:29 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_07_96kbps.mp3

## 8. ପାରମେଶ୍ୱରସ୍ ୟୁସୁଫ୍ ଆରୁ ହୁସ୍ ଘି ପରିବାର୍ ବୋନ୍ ବାଚା ବାଦାସ୍

https://openbiblestories.org/l/xis/story-8/

![](https://cdn.door43.org/obs/jpg/360px/obs-en-08-01.jpg)

ଇୟଁ ବଛର୍ ଘି ବାଦ୍‌ନୁ, ଯେବାକେନ୍ ୟକୁବସ୍ ପାଚ୍ କି ମାନ୍ ଚାସ୍ କେର୍ କା ଚାସ୍, ତା ହୁସ୍ ନିଜର୍ ପିୟାର୍ କୁକ୍କସ୍ ୟୂସୁଫ୍ ହୁସ୍ ଘି ଭାଇ ଗୁଠିର୍ ଘି ଯାଞ୍ଚ୍ ପାର୍ତାଲ୍ କାମାଗେ ତାଇୟାସ୍ ଯେ ଗୁଠି ଘି ଝୁଁଡି଼ ବୋନ୍ ଦେଖ୍ ଭାଲ୍ କାମାଲାର୍।

![](https://cdn.door43.org/obs/jpg/360px/obs-en-08-02.jpg)

ୟୁସୁଫ୍ ଘି ଭାଇ ଗୁଠିର୍ ହୁ ସିନ୍ ହିସିଂଗା କାମାଲାର୍ ଏନ୍ଦେର୍ ଗେ କା ହୁବଡ଼ାର୍ ଘି ତାମ୍ବାସ୍ ହୁ ସିନ୍ ବାଗ୍ ଗେ ପିୟାର୍ କାମାଲାସ୍ ଆରୁ ଏନ୍ଦେର୍ ଗେ କା ୟୁସୁଫ୍ ସାପ୍ନା ଏରାଲାସ୍ ହୁସ୍ ହୁବଡ଼ାର୍ ଘି ଶାସକ୍ ମାନୋ କୋସ୍। ଯେ ବାକେନ୍ ୟୁସୁଫ୍ ନିଜର୍ ଭାଇ ଗୁଠିର୍ ଘି ଚାହାଁନୁ କେରାସ୍ ବାକେନ୍ ତା ହୁବଡ଼ାର୍ ହୁ ସିନ୍ ହିଁ କିରି ଆରୁ ହୁ ସିନ୍ ଦାସ୍ ଗୁଠିର୍ ଘି ବେପାର୍ କାମୁ ଆଲାର୍‌ଗେ ବିସେଚାର୍।

![](https://cdn.door43.org/obs/jpg/360px/obs-en-08-03.jpg)

ଏଡ଼ପା କିର୍ନା ଘି ଆଗ୍ଲି ୟୁସୁଫ୍ ଘି ଭାଇ ଗୁଠିର୍ ୟୁସୁଫ୍ ଘି ଚିଢ଼ା ବୋନ୍ ଚାରି କିରି ଏଡ଼ା ଘି ହେଁସୁ ନୁ ଚେଦିୟାର୍ ଚିଚ୍‌ଚାର୍। ଆରୁ ହୁବଡ଼ାର୍ ଚିଢ଼ା ବୋନ୍ ନିଜର୍ ତାମ୍ବାସିନ୍ ଏଦିଆର୍ କା ହୁବଡ଼ାର୍ ଇ ସୋଚାର୍କା ଏକା ଜଙ୍ଗଲ୍ ତା ଜାନ୍ତୁଦ୍ ୟୁସୁଫସ୍ ସିନ୍ ପିଟ୍‌ଟାଚିଦାସ । ୟାକୁବ୍ ମୁରୁକ୍ ଦୁଖୁନୁ ରାଚାସ୍।

![](https://cdn.door43.org/obs/jpg/360px/obs-en-08-04.jpg)

ଚେଲା ଚୁଟିଆରିନ୍ ବିସ୍ନା ବାଲାର୍ ହୁ ଆଲାର୍ ୟୁସୁଫ୍ ସିନ୍ ମିଶ୍ର ରାଜି ଅଚ୍ଚାର୍ କେରାର୍। ନିଲ୍ ଜୋଡ଼ୁ ଘି ଖାଣିନୁ ବାଶ୍ରା କେର୍ କା ଚାଦ୍ ମିଶ୍ର ରାଜି ଅଣ୍ଟା ବାଡ଼୍‌କା ଆରୁ ତାକତ୍ ବର୍ ରାଜି ରାଚାଦ୍ ହୁ ଦାସ୍‌ସିନ୍ ବିସ୍ନା ବାଲାର୍ ୟୁସୁଫ୍ ସିନ୍ ଅଣ୍ଟା ଧନୀ ସାର୍କାରି ନାଲ୍ଖୁ କାମ୍ନାବାଲାର୍ ନକର୍ ଘି ରୂପ୍ ନୁ ବିସ୍‌ୟାର୍ ଚିଚାର୍ । ୟୁସୁଫ୍ ନିଜର୍ ମାଲିକସ୍ ଘି ବାନେ ଲେଖାନୁ ସେବା ଗୁଠି କାମ୍ଚାସ୍, ଆରୁ ପାରମେଶ୍ୱର୍ ୟୁସୁଫ୍ ସିନ୍ ଆଶିଷ୍ ଚିଚାସ୍ ।

![](https://cdn.door43.org/obs/jpg/360px/obs-en-08-05.jpg)

ହୁସ୍ ଘି ମାଲିକ୍ସ୍ ଘି ଆଲି ବୋନ୍ ୟୁସୁଫ୍ସ୍ ଗାନେ ଚୁତା ଗେ କୋଶିସ୍ କାମାଲାଦ୍, ଲେକିନ୍ ୟୁସୁଫ୍ସ୍ ଇ ଗୁଠିନ୍ ପାରମେଶ୍ୱରସ୍ ଘି ବିରୁଦ୍ଧ୍ ନୁ ପାପ୍ କାମା ଗେ ଇନ୍କାର୍ କାମ୍ ଚେଇ ଚାସ୍ । ହୁଦ୍ ଖିସାରା କେରାଦ୍ ଆରୁ ୟୁସୁଫସ୍ ମିୟାଁ ଝୁଠା ଆରୋପ୍ ଲାଗା ବାଚାଦ୍, ବାକେନ୍ ହୁସ୍ ସିନ୍ ଗିରପ୍ ତାର୍ କାମିକିରି ଥାନାନୁ ତାୟାର୍ ଚିଚାର୍। ଇ ତୋକ୍ କା ଥାନାନୁ ଭି, ୟୁସୁଫ୍ ପାରମେସଶ୍ୱର୍ସ୍ ଘି ସାଙ୍ଗେ ସାଚ୍ଚା ରାଚାସ୍ ଆରୁ ପାରମେଶ୍ୱର୍ସ୍ ହୁ ସିନ୍ ଆଶିଷ୍ ଚିଚ୍ ଚାସ୍।

![](https://cdn.door43.org/obs/jpg/360px/obs-en-08-06.jpg)

ଦୁଇ ବଛର୍ ଘି ବାଦ୍ନୁ, ୟୂସୁଫ୍ ଆକ୍କୁନ୍ ତୋକ୍ ଭି ଥାନାନୁ ରାଚାସ୍ ଭାଲେ ହି ହୁସ୍ ନିର୍ଦ୍ଦୋଷ୍ ରାଚାସ୍। ଅଣ୍ଟା ମାହାଁନୁ, ଫିରୋନ୍, ଯେସ୍କେ କା ମିଶ୍ର ଆଲାର୍ ନିଜର୍ ରାଜା ସିନ୍ ଚିର୍ ରା ରାଲାର୍ ହୁସ୍ ଜୋଡ଼େ ସାପ୍ନା ଏରିୟାସ୍ ଜେ ବୋଦ୍ ହୁ ବୋନ୍ ହୁସ୍ ବାଗ୍ଗେ ଛାଟ୍ ପାଟ୍ ରାସ୍ କେରାସ୍ । ହୁଦ୍ ଘି ନେର୍ ଭି ସାମ୍‌ଝାକିରି କିରି ହୁ ସିନ୍ ହୁ ସାପ୍ନା ଘି ଅରଥ୍ ବୋନ୍ ବାତା ବାଗେ ପଲ୍ଲିଆର୍।

![](https://cdn.door43.org/obs/jpg/360px/obs-en-08-07.jpg)

ପାରମେଶ୍ୱର୍ସ୍ ୟୁସୁଫ୍ ସାପ୍ନା ଘି ଅରଥ୍ ବୋନ୍ ତେଙ୍ଗନା ଘି ଲାଏକ୍ ବାନା ବାଚ୍କା ଚାସ୍ । ଇ ବାକେନ୍ ଫିରୋନସ୍ ୟୁସୁଫ୍ ସିନ୍ ଥାନା ସ୍ତିନ୍ ନିଜର୍ ଚାହାନୁଁ ମହିୟାସ୍। ୟୁସୁଫସ୍ ହୁ ସିନ୍ ହୁ ସାପ୍ନା ଘି ଅରଥ୍ ତେଙ୍ଗିୟାସ୍ ଆରୁ ତେଙ୍ଗିୟାସ୍ ,”ପାରମେଶ୍ୱର୍ସ୍ ଭାର୍ ପୁରିନୁ ଚାଷ୍ ଗୁଠି ସାତ୍ ବରଷ୍ ତକ୍ ମାନୋଦ୍ ବାଦ୍ନୁ ଆକାଲ୍ ସାତ୍ ବରଷ୍ ତକ୍ ତାଇନା ବାଲା ଆତଲ୍ ଦାସ୍ ।”

![](https://cdn.door43.org/obs/jpg/360px/obs-en-08-08.jpg)

ଫିରନ୍ ୟୁସୁଫ୍ ସିନ୍ ବାଗ୍ଗେ ପସନ୍ କାମାଗେ ଲାଗିୟାସ୍ କା ହୁସ୍ ହୁସିନ୍ ମିସ୍ରି ଘି ଦୁସରା ଜାମା ସ୍ତିନ୍ ଶକ୍ତିସାଲି ଆଲାସ୍ ବୋଲି କିରୀ ସେବାନୁ ଉଇୟାସ୍ ।

![](https://cdn.door43.org/obs/jpg/360px/obs-en-08-09.jpg)

ୟୁସୁଫ୍ସ୍ ଆଲାରିନ୍ ବାନେ ଚାସ୍ କାମାଗେ ଲାଗାନ୍ ସାତ୍ ବରସ୍ ଘି ଭିତରେ ନୁ ଜୁକକୁ ଲେଖା ଅନାଗେ ଜାମା କାମାଗେ ତେଂଗିୟାସ୍ । ଯେ ବାକେନ୍ ସାତ୍ ବରସ୍ ଘି ମରୁଡି଼ ବାରଚାଦ୍ ବାକେନ୍ ୟୁସୁଫ୍ ଆଲାରିନ୍ ହୁଅନ୍ନା ବୋନ୍ ବିସିୟାସ୍ ତାକି ହୁବଡାର୍ ଘି ଚାହାନୁ ଅନାଗେ ଲାଗାନ୍ ଜାରୁରତ୍ ପୁରା ମାନୋଦ୍ ।

![](https://cdn.door43.org/obs/jpg/360px/obs-en-08-10.jpg)

ଇ ଆକାଲ୍ ବୋଦ୍ ମିସ୍ରି ରାଜିନୁ ଖାଲି ମା ରାଚା,ଲେକିନ୍ କାନାନ୍ ରାଜିନୁ ଭି ଭାୟାନାକ୍ ରାଚାଦ୍ ଏକାସାନ୍ ୟାକୁବ୍ ଆରୁ ହୁସ୍ ଘି ପାରିବାର୍ ଗୁଠି ରାଲାର୍ ।

![](https://cdn.door43.org/obs/jpg/360px/obs-en-08-11.jpg)

ଇ ଲେଖାନୁ ୟାକୁବସ୍ ନିଜର୍ ସାବସେ ବାଡକା ହାଦୁସିନ୍ ଅନ୍ନାଗେ ହେନ୍ଦାଗେ ଲାଗାନ୍ ମିସ୍ରି ରାଜି ଗେ ତାଇୟାସ୍ । ଯେ ବାକେନ୍ ହୁବଡାର୍ ଅନ୍ନା ହେନ୍ଦ୍ ନା ବାକେନ୍ ୟୁସୁଫ୍ ଘି ଚାହାଁନୁ ଇଲଚାର୍ ବାକେନ୍ ହୁ ଭାଇ ଗୁଠିର୍ ୟୁସୁଫ୍ ସିନ୍ ଚିହ୍ନାଗେ ପଲ୍ଲିୟାର୍ । ଲେକିନ୍ ୟୁସୁଫ୍ ହୁବଡାରିନ୍ ଚିହ୍ନଚାସ୍ ।

![](https://cdn.door43.org/obs/jpg/360px/obs-en-08-12.jpg)

ଇ ଗୁଠିନ୍ ମାଲୁମ୍ କାମାଗେ ଲାଗାନ୍ କା ହୁବଡାର୍ ବାଦଲାରର୍ କା ମାଲ୍ଲା ହୁବଡାରିନ୍ ଯାଚ୍ ପାରତାଲ୍ କାମନା ଘି ବାଦନୁ, ୟୁସୁଫ୍ ହୁବଡାରିନ୍ ତେଂଗିୟସ୍,” ଏନ୍ ନିମହା ଭାଇ ୟୁସୁଫ୍ । ଆମ୍ଵା ଏଲଚା । ଯେ ବାକେନ୍ ନିମ୍ ଏଂଗାନ୍ ଦାସ୍ ଘି ରୁପ୍ ନୁଏନ୍ ବିସ୍ରା ଚାକାନ୍ ତା ନିମ୍ ବୁରା କାମାଗେ ଠାନ୍ ଚାକାର୍ଁ, ଲେକିନ୍ ପାରମେଶ୍ୱ ର୍ହୁ ବୁରାଇ ସେ ଭାଲାଇ କାମାଗେ ଲାଗାନ୍ ସହୋୟଗ କାମଚାସ୍ । ବାରା ଆରୁ ମିସ୍ରି ରାକାଲା ତାକି ଏନ୍ ନିମାଗେ ଆରୁ ନିମହା ପାରିବାର୍ ଗେ ଲାଗାନ୍ ଅନାଗେ ଜୁଗାଡ଼ କାମାଗେ ଅଗଂନ୍ ।

![](https://cdn.door43.org/obs/jpg/360px/obs-en-08-13.jpg)

ଯେବାକେନ୍ ୟୁସୁଫସ୍ ଘି ଭାଇର୍ ଏଡପା କିରିୟାର୍ ଆରୁ ନିଜର୍ ବାଂଗ୍ ସିନ୍ ବାତାବାଚାର୍ କା ୟୁସୁଫ୍ ଆକକୁନ୍ ତୋକ୍ ଭି ଜିନ୍ଦା ଆତଲଦାସ୍ ବାଚାର୍,ହୁସ୍ ଜୁକକୁ ଖୁସି ମାନଚାସ୍ଁ ।

![](https://cdn.door43.org/obs/jpg/360px/obs-en-08-14.jpg)

ହାଲେ ହି ୟାକୁବ୍ ଅଣ୍ଟା ପାଚକୀ ବେସକେ ଆଲାସ୍ ରାଚାସ୍ ଫିର୍ ଭି ହୁସ୍ ନିଜର୍ ପୁରା ପାରିବାର୍ ଗାନେ ମିସ୍ରି ରାଜିଗେ ବୁଂଗା ବାରଚାର୍ , ଆରୁ ହୁବଡାର୍ ହୁସାନ୍ ବାସରାର୍ କେରାର୍ । ୟାକୁବସ୍ ଖିନା ଘି ପାହିଲେ , ହୁସ୍ ନିଜର୍ ଜାମା ହାଦୁରିନ୍ ଆଶିଷ ଚିଚ୍ ଚାସ୍ ।

![](https://cdn.door43.org/obs/jpg/360px/obs-en-08-15.jpg)

ୱାଦା ଘି ହୁ ପ୍ରତିଜ୍ଞା ଗୁଠିଦ୍ ଯେ କି ପରମେଶ୍ବରସ୍ ଆବ୍ରାହାମସ୍ ଗାନେ କାମଚାକାଚାସ୍ ଇସାହାକ୍ସ୍ ଘି ମିୟାଁ ଆରୁ ହୁଦ୍ ଘି ବାଦନୁ ୟାକୁବ୍ ,ଆରୁ ହୁଦଘି ବାଦନୁ ହୁସ୍ ଘି ବାର ହାଦରୁଗାନେ ଆରୁ ହୁବଡାର୍ ଘି ପରିବାର୍ ଘି ମିୟାଁ ବର୍ଚାକେରାଦ୍ । ହୁ ବାର ହାଦ୍ଦୁର୍ ଗୁଠିର୍ ଘି ବୋନସର୍ ଇସ୍ରାଏଲ୍ ଘି ବାର ଗୋତର୍ ମାନଚା କେରଦ୍ ।

*उत्पत्ति अध्याय 37-50 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_08_96kbps.mp3

## 9. ପାରମେଶ୍ୱରସ୍ ମୁସାସିନ୍ ମେହାଲଦାସ୍

https://openbiblestories.org/l/xis/story-9/

![](https://cdn.door43.org/obs/jpg/360px/obs-en-09-01.jpg)

ୟୁସୁଫସ୍ ଖିନା ଘି ବାଦନୁ ହୁସ୍ ଘି ଜାମା ରିସ୍ତାଦାର୍ ଗୁଠିର୍ ମିସ୍ରି ରାଜିନୁ ବାସ୍ରାର୍ କେରାର୍ । ହୁବଡାର୍ ଆରୁ ହୁସ୍ ଘି ବଂଶର୍ ଗୁଠିର୍ ବାଗଗେ ବଛର୍ ତୋକ୍ ମିସ୍ରି ରାଜିନୁ ରାଚାର୍ ଆରୁ ହୁବଡାର୍ ଘି ଯୁକ୍‌କୁ ହାଦ୍‌ଦୁର୍ ବୋଚ୍ଚ ଜନମ୍ ମାନ୍‌ଚାର୍ । ହୁବଡ଼ାରିନ୍ ଇସ୍ରାଏଲି ତେଂଗା କେରାଦ୍ ।

![](https://cdn.door43.org/obs/jpg/360px/obs-en-09-02.jpg)

ଇୟଁ ଶହେ ବଛର୍ ଘି ବାଦନୁ ,ଇସ୍ରାଏଲ୍ର୍ ଗୁଠିର୍ ଘି ସଂଖ୍ୟା ଜୁକକୁ ଗୁଡେ ବାଢ଼ରା କେରକିଚା । ଆରୁ ମିସ୍ରି ରାଜି ଘି ଆଲର୍ ଆକକୁନ୍ ତୋକ୍ କାଥ୍ ଥା ଘି ଲାଗାନ୍ ଏହେସାନ୍ ମାଲ୍ଲା ରୁର୍ କା ହୁବଡାର୍ ଘି ସାହାୟତା କାମାଗେ ୟୁସୁଫସ୍ ବହୁତ୍ କିଛି କାମକାଚାସ୍ । ହୁବଡା ର୍ଇସ୍ରାଏଲ୍ ଗୁଠିରିନ୍ ସ୍ତିନ୍ ଏଲଚିୟାର୍ କେରକାଚାର୍ ଏନ୍ଦେର୍ ଗେ କା ହୁବଡାର୍ ଘି ସଂଖ୍ୟା ବୋଦ୍ ହୁବଡାର୍ ସ୍ତିନ୍ ଜୁକକୁ ରାଚାଦ୍ । ହୁବାକେନ୍ ହୁ ସାମୟଁ ନୁ ମିସ୍ରି ଘି ମିୟାଁ ଶାସନ୍ କାମନା ବାଲା ଫିରୋନ୍ସ୍ ଇସ୍ରାଏଲ୍ ଜାମାରିନ୍ ମିସ୍ରିଆର୍ ଘି ଦାସ୍ କାମଚେଚାସ୍ ।

![](https://cdn.door43.org/obs/jpg/360px/obs-en-09-03.jpg)

ମିସ୍ରି ର୍ ଇ ର୍ସ୍ରାଏଲ୍ ଗୁଠିରିନ୍ ଜୁକକୁ ଗୁଡେ ବାଡେ଼-ବାଡ଼େ ଏଡ଼ପା ଗୁଠିନ୍ ଆରୁ ୟଁ ତୋକ୍ କା ଜୁକକୁ ଗୁଡ଼େ ସହର୍ ଗୁଠି ବାନାବାଗେ ମାଜବୁର୍ କାମକାଚାର୍ । ହୁ କଠିନ୍ ପରିଶ୍ରମ ନୁ ହୁବଡାର୍ ଘି ଜିୟା ଗୁଠି ବଡ଼କା ଦୁଃଖି କାମଚେଚାର୍ ,ଲେକିନ୍ ପାରମେଶ୍ୱରସ୍ ହୁବଡାରିନ୍ ଆଶିଷ୍ ଚିଚାସ୍ ଆରୁ ହୁବଡାର୍ ଘି ଆରୁ ଜୁକକୁ ହାଦ୍‌ଦୁର୍ ବଚ୍ ଚୋର୍ ଜନମ୍ ମାନଚାର୍ ।

![](https://cdn.door43.org/obs/jpg/360px/obs-en-09-04.jpg)

ଫିରୋନ୍ ଏରିୟାସ୍ କା ଇସ୍ରାଏଲ୍ ଗୁଠିର୍ ଯୁକ୍କୁ ଗୁଡ଼େ ହାଦ୍ଦୁ ବୋଚ୍ର୍ ଜନମ୍ ମାନାଲାର୍ ,ବାକେନ୍ ହୁସ୍ ନିଜର୍ ଆଲାରିନ୍ ଇସ୍ରାଏଲ୍ ଗୁଠିର୍ ଘି ଜାମା କୁକକୋ ହାଦ୍ଦୁ ଗୁଠିରିନ୍ ନୀଲ୍ ଜୋଡୁ ନୁ ପିଟାକିରୀ ଖେବଡାଗେ ଲାଗାନ୍ ହୁକୁମ୍ ଚିଚକାଚାସ୍ ।

![](https://cdn.door43.org/obs/jpg/360px/obs-en-09-05.jpg)

ଅଣ୍ଟା ଇସ୍ରାଏଲ୍ ମୁକ୍କା ଅଣ୍ଟା ହାଦ୍ଦୁନ୍ ଜନମ ଚିଚ୍ କିଚାଦ୍ । ହୁଦ୍ ଆରୁ ହୁସ୍ ଘି ଆଲାସ୍ ଗାନେ ଯେତକୋ ମାନା ଅଂଗୀୟାର୍ ହୁ ହାଦ୍ଦୁ ବୋନ୍ ଛୁପାଵା କିରୀ ଉଇକାଚାର୍ ।

![](https://cdn.door43.org/obs/jpg/360px/obs-en-09-06.jpg)

ଯେ ବାକେନ୍ ହୁ କୁକକୋ ଘି ଆୟଂଗ୍-ବାଂଗ୍ର୍ ବାଗଗେ ଉଲ୍ଲ ତୋକ୍ ନୁଣା ଗେ ପଲ୍ଲିୟାର୍ ,ତା ହୁବଡାର୍ ହୁସିନ୍ ପିଟନା ନ୍ତି ବାଛାବାଗେ ଅଣ୍ଟା ପହଁରନା ବାଲା ଝୁଡି ନୁ ନୀଲ୍ ଯୋଡୁ ଖାଣି ନୁ ସାର୍‌କାଣ୍ଡେ ଘି ମାଝାନୁ ଉଇଏ ଚିଚଚାର୍ ।ହୁଦଘି ବାଡକା ବୁହୁଣୀ ବୋଦ୍ ଇ ବୋନ୍ ଏରାଗେ ଲାଗାନ୍ ନଜର୍ ନୁ ଉଇକି ଚାଦ୍ କା ହୁଦଘି ଗାନେ ଏନ୍ଦେର୍ ମନୋଦ୍ ।

![](https://cdn.door43.org/obs/jpg/360px/obs-en-09-07.jpg)

ଫିରୋନ୍ସ୍ ଘି କୁକାଏଦ୍ ହୁ ଝୁଡି ବୋନ୍ ଏରାଗେ ଲାଗାନ୍ ହୁ ଉଲାନୁ ଡୋଂଗ୍‌ଚେଚେ ଏରିୟାଦ୍ ବାକେନ୍ ହୁଦ୍ ଅଣ୍ଟା ହାଦୁବୋନ୍ ଏରିୟାଦ୍ ବାକେନ୍ ହୁସିନ୍ ନିଜର୍ ହାଦ୍‌ଦୁ ଘି ରୁପ ନୁ ଅଚ୍ଚା କେରାଦ୍ । ହୁଦ୍ ଅଣ୍ଟା ଇସ୍ରାଏଲ୍ ଆଲିବୋନ୍ ହୁସିନ୍ ଗୁରସ୍ ହାପ୍‌ତାଗେ ଲାଗାନ୍ ନାଲଖୁନୁ ଉଇୟାଦ । ମା’ ଆହିକିରୀ ହୁଦ୍ ହୁ ହାଦ୍ଦୁଘି ଆସଲୀ ଆୟାଂଗ ରାଚାଦ୍ । ଯେ ବାକେନ୍ ହୁ ହାଦ୍ଦୁ ବାଡକା ମାନଚାସ୍ କେରାସ୍ । ଆକକୁନ୍ ହୁସିନ୍ ନିଜର୍ ଆୟଂଗ୍ ଘି ଗୁରୁସ୍ ଘି ଦାରକାର୍ ମା ରାଚାଦ୍ । ତା ଫିରୋନ୍ ସ୍ ଘି କୁକାଏ ଘି ଚାହାଁନୁ କିର୍‌ତେ ଚିଚଚାଦ୍,ହୁ ହାଦ୍ଦୁ ଘି ନାମେ ମୁସା ରାଚାଦ୍ ।

![](https://cdn.door43.org/obs/jpg/360px/obs-en-09-08.jpg)

ଅ ଣ୍ଟା ଉଲ୍ଲାନୁ,ଯେ ବାକେନ୍ ମୁସାସ୍ ବଡକା ମାନଚାସ୍ କେରକାଚାସ୍ ,ତା ହୁସ୍ ଏରିୟାସ୍ କା ଅଣ୍ଟା ମିସ୍ରି ସ୍ ଅଣ୍ଟା ଇସ୍ରାଏଲ୍ ସିନ ଡେମାଲାର୍ ।ମୁସାସ୍ ନିଜର୍ ସାଂଗେ ଇସ୍ରାଏଲ୍ ସିନ ବାଚାବାଗେ କୋସିସ୍ କାମଚାସ୍ ।

![](https://cdn.door43.org/obs/jpg/360px/obs-en-09-09.jpg)

ଯେ ବାକେନ୍ ମୁସାସ୍ ସୋଚାସ୍ କା ହୁ ସିନ ନେର୍ ଭି ମାଲ୍ଲା ଏରୁର୍ ବୁଲିକିରୀ ହୁସ୍ ହୁ ମିସ୍ରି ସିନ ପିଟ୍ ଟେ ଚାସ୍ ଆରୁ ମାଣା ବୋନ୍ ମାଡ଼ିଏ ଚିଚ୍ ଚାସ୍ । ଲେକିନ୍ ମୁସାସ୍ ଏନ୍ଦେର୍ କାମଚାସ୍ ହୁ ବୋନ୍ ନେର୍ ଏର୍‌କାଚାର୍ ।

![](https://cdn.door43.org/obs/jpg/360px/obs-en-09-10.jpg)

ଫିରୋନସ୍ ଆହା ଅଂଗିୟାସ୍ କା ମୁସାସ୍ ଏନ୍ଦେର୍ କାମ୍‌ଚାସ୍ । ହୁସ୍ ହୁସିନ୍ ପିଟାଗେ ଲାଗାନ୍ କୋସିସ୍ କାମ୍ ଚାସ୍ ,ଲେକିନ୍ ମୁସାସ୍ ମିସ୍ରି ଘି ଜଂଗଲ ଗେ ବୁଂଗେ ଚିଚାସ୍ । ଫିରୋନସ୍ ଘି ସେନା ଜାମାର୍ ହୁ ସିନ୍ ହୁସାନ୍ ବେଦ୍ ଦା ଗେ ପଲ୍ଲି ୟାର୍ ।

![](https://cdn.door43.org/obs/jpg/360px/obs-en-09-11.jpg)

ମିସ୍ରି ସ୍ତିନ୍ ଗେଛ୍ଛା ଜଂଗଲନୁ ମୁସାସ୍ ଅଣ୍ଟା ଚାର୍ ୱାହା ମାନ୍‌ଚା କେର୍‌କା ଚାସ୍ । ହୁସ୍ ଅଣ୍ଟା ଆଲିବୋନ୍ ବେନ୍ଞେ ରିୟାସ୍ ଆରୁ ଯୋଡେ଼ ହାଦ୍‌ଦୁ ଜନମ୍ ମାନ୍‌ଚା ।

![](https://cdn.door43.org/obs/jpg/360px/obs-en-09-12.jpg)

ମୁସାସ୍ ନିଜର୍ ଶଶୁ ର୍ ଘି ଭେଡି଼ ଗୁଠିନ୍ ଏର ହୋ ଜ୍ଜା ଲାସ୍ । ଅଣ୍ଟା ଉଲ୍ଲାନୁ, “ହୁସ୍ ଅଣ୍ଟା ଜାଲର୍ ନା ବାଲା ହୋପ୍ପା ବୋନ୍ ଏରିୟାସ୍ କା ହୁଦ୍ ଭସମ୍ ମା ମାନାଲାଦ୍ ଆରୁ ଜାଲ ରା ଲାଦ । ହୁବୋନ୍ ଏରାଗେ ଲାଗାନ୍ ହୁସ୍ ହୁ ହୋପ୍ପା ଘି ଚାହାନୁ କେରାସ୍ । ବାକେନ୍ ପାରମେଶ୍ୱ ରସ୍ ହୁସ୍ ଘି ଗାନେ କାଥ୍ ଥା କାମଚାସ୍ । ହୁସ୍ ତେଂଗି ୟା ସ୍ ,”ହେ ମୁସା ,ନିଜର୍ ଜୁତା ବୋନ୍ ଖୋଲା । ନିନ୍ ଅଣ୍ଟା ପବିତ୍ର୍ ଆଡ୍‌ଡା ନୁ ଇଜ୍‌କାୟ ଦାଏ ।’’

![](https://cdn.door43.org/obs/jpg/360px/obs-en-09-13.jpg)

ପାରମେଶ୍ୱରସ୍ ତେଂଗିୟସ୍, ”ଏନ୍ ନିଜର୍ ଆଲାର୍ ଘି ଦୁଃଖ ବୋନ୍ ଏରକାଦାନ୍। ଏନ୍ ନିଂଗା ନ୍ ଫିରୋନସ୍ ଘି ଚାହାଁନୁ ତାୟନ୍ ତାକି ନିନ୍ ଇସ୍ରାଏଲିରିନ୍ ମିସ୍ରି ସ୍ତିନ୍ ଧାଂଗର୍ ସ୍ତିନ୍ ଅଥ୍ ରୋଏ ବାରୋଏ । ଏନ୍ ହୁବ୍‌ଡ଼ାରିନ୍ କାନାନ୍ ରାଜି ବୋନ୍ ଚୋନ୍,ହୁ ରାଜି ବୋନ୍ ଏନ୍ ଆବ୍ରାହାମ୍ ,ଇସାହାକ୍ ଆରୁ ୟାକୁବ୍ ସିନ ଶପଥ୍ କାମ୍‌କାଚାକାନ୍ ।“

![](https://cdn.door43.org/obs/jpg/360px/obs-en-09-14.jpg)

ମୁସାସ୍ ମେଂଚାସ୍ ,”ଆଗାର୍ ଆଲାର୍ ଗୁଠିର୍ ଆହାଗେ ଚାହର ଏଙ୍ଗାନ୍ ନେର୍ ତାଇକା ନାର୍ ବୋର୍ ହାଲେ ଏନ୍ ଏନ୍ଦେର୍ ତେଂଗନ୍ ?” ପାରମେଶ୍ୱରସ୍ ତେଙ୍ଗିୟାସ୍, ଯେ ବାକେନ୍ ଏନ୍ ଆତଲ୍ ଦାନ୍ ତା ଏନ୍ ଆତଲ ଦାନ୍ । ହୁବଡାରିନ୍ ତେଙ୍ଗୟ ଏ,” ଏନ୍ ହୁସ୍ ଏଂଗାନ୍ ନିମ୍‌ହାଁ ଚାହାଁନୁ ତାଇକାଦାସ୍ ।” ହୁବଡାରିନ୍ ଇ ବୋନ୍ ଭି ତେଂକେ ,”ଏନ୍ ନିମ୍‌ହାଁ ପୁରଖାନ୍ତା ଆବ୍ରାହାମ୍, ଇସାହାକ୍ ଆରୁ ୟାକୁବ୍ ଘି ପାରମେଶ୍ୱରସ୍ ୟୋହୋବାନ୍ । ଏଘାଁ ନାମେ ସବୁବାକେନ୍ ଆତ୍‌ଲି ।

![](https://cdn.door43.org/obs/jpg/360px/obs-en-09-15.jpg)

ମୁସା ଏଲ୍‌ଚାଲାସ୍ ଆରୁ ଫିରୋନସ୍ ଘି ଚାହାଁ ନୁ କାଲାଗେ ମା ଚାହାଲାସ୍ ଏନ୍ଦେର୍ ଗେ କା ହୁସ୍ ସୋଚାସ୍ ବାନେ କିରୀ ତେଂଗାଗେ ପଲ୍ଲଦାସ୍, ଇ ବାକେନ୍ ପରମେଶ୍ୱରସ୍ ମୁସାସ୍ ଘି ଭାଇସ୍ ହାରୁନ୍ ସିନ୍ ମୋଦେତ୍ କାମାଗେ ତାଇୟାସ୍ ।

*ଯାତ୍ରାପୁସ୍ତକ ୧-୪ ସ୍ତିନ୍ ଅଣ୍ଟା ବାଇବେଲ୍ ଘି କାଥନି*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_09_96kbps.mp3

## 10. ଦସ୍ ସେଟା ବିପଦ୍ ଗୁଠିଦ୍

https://openbiblestories.org/l/xis/story-10/

![](https://cdn.door43.org/obs/jpg/360px/obs-en-10-01.jpg)

ପାରମେଶ୍ୱରସ୍ ମୁସା ଆରୁ ହାରୁନ୍ ସିନ୍ ଚେତାବାନି ଚିଚ୍ ଚାସ୍ କା ଫିରୋନ୍ କୋଠୋର୍ ମାନୋସ୍‌କୋସ୍ । ଯେ ବାକେନ୍ ହୁବଡାର୍ ଫିରୋନସ୍ ଘି ଚାହାଗେ କେରାର୍ ବାକେନ୍ ହୁବଡାର୍ ତେଂଗିୟାର୍ ,”ଇସ୍ରାଏଲ୍ ଘି ପାରମେଶ୍ୱ ରସ୍ ଇ ତେଂଗାଲଦାସ୍ କା ,”ଏଘାଁ ଆଲାରିନ୍ କାଲାଗେ ଚିୟା । ’’ଲେକିନ୍ ଫିରୋନସ୍ ହୁବଡାର୍ ଘି କାଥାବୋନ୍ ମା ମେଚାସ୍ ଆରୁ ଇସ୍ରାଏଲ୍ ରିନ୍ ତାଇୟା ଗେ ଲାଗାନ୍ ବନ୍ଦବୋସ୍ କାମନା ଘି ବାଦଲିନୁ ହୁସ୍ ହୁବଡାରିନ୍ ଆରୁ କଠିନ ପାରିସ୍ରମ୍ କାମାଗେ ଲାଗାନ୍ ମାଜବୁର୍ କାମଚାସ୍ ।

![](https://cdn.door43.org/obs/jpg/360px/obs-en-10-02.jpg)

ଫିରୋନ୍ ହୁ ଆଲାର୍ ଗୁଠିରିନ୍ ତାଇୟା ଗେ ଲାଗାନ୍ ସବୁ ବାକେନ୍ ଇନକାର୍ କାମତେ ରାଚାସ୍ । ଇ ବାକେନ୍ ପାରମେଶ୍ୱ ରସ୍ ମିସ୍ରି ରାଜି ଘି ମିୟାଁ ଦସେ ଟା ଏଲଚନାବାଲା ବିପତ୍ତି ତା ଇୟାସ୍ । ଇ ଏଲଚକା ଘି ଚାଲତେ,ପାରମେଶ୍ୱ ରସ୍ ଫିରୋନ୍ ସିନ ଏଦିୟାସ୍ କା ହୁ ଫିରୋନ୍ ଆରୁ ମିସ୍ରି ଘି ଦେବତା ଗୁଠିନ୍ ସ୍ତି ନ୍ ଜୁକ୍କୁ ତାକତବୋର୍ ରାଇ ଦ୍ ।

![](https://cdn.door43.org/obs/jpg/360px/obs-en-10-03.jpg)

ପାରମେଶ୍ୱରସ୍ ନୀଲ୍ ଯୋଡ଼ୁ ବୋନ୍ ହେଁସୁନୁ ବାଦଲାଵା ଚିଚାସ୍, ଲେକିନ୍ ଫିରୋନସ୍ ଆକକୁ ନ୍ ତୋକ୍ ଭି ଇସ୍ରାଏଲ୍ ରିନ୍ କାଲାଗେ ମା ଚିଚଚାସ୍ ।

![](https://cdn.door43.org/obs/jpg/360px/obs-en-10-04.jpg)

ପାରମେଶ୍ୱରସ୍ ଜାମା ମିସ୍ରି ରାଜିନୁ ବେଂଗା ବୋନ୍ ତା ଇୟାସ୍ । ଫିରୋନ୍ ସ୍ ବେଂଗାଗୁଠିନ୍ ଖେଦାଗେ ଲାଗାନ୍ ମୁସାସିନ ହେକ୍ ଖା ଯୋଡି଼ ୟାସ୍ । ଲେକିନ୍ ଜାମା ବେଂଗାଗୁଠିଦ ଖିନା କାନା ଘି ବାଦ୍ନୁ, ଫିରୋନ୍ ନିଜର୍ ମୋନ୍ ବୋନ୍ କୋଠୋର୍ କାମଚେ ଚିଚାସ୍ ଆରୁ ଇସ୍ରାଏଲ୍ ରିନ୍ ମିସ୍ରି ସ୍ତି ନ୍ କାଲାଗେ ମା ଚିଚ୍ଚାସ୍ ।

![](https://cdn.door43.org/obs/jpg/360px/obs-en-10-05.jpg)

ଇବାକେନ୍ ପାରମେଶ୍ୱ ରସ୍ କୁଟୁକିୟୋଁ ଘି ବିପତି ବୋନ୍ ତାଇୟା ସ୍ । ହୁଦଘି ବାଦେନୁ ହୁସ୍ ଡାସୋଁ ଘି ବିପତି ବୋନ୍ ତାଇୟା ସ୍ । ଫିରୋନ୍ ସ୍ ମୁସା ଆରୁ ହାରୁନ୍ ସିନ ମେହିୟାସ୍ ଆରୁ ତେଂଗିୟା ସ୍ କା ଯୋଦି ଭି ହୁ ବିପତି ବୋନ୍ ରୋକର୍ ହାଲେ ଇସ୍ରାଏଲ୍ ରିନ୍ ମିସ୍ରି ନ୍ ଆମ୍ବିକିରିକାଲା ଅଂଗର୍ । ବାକେନ୍ ମୁସାସ୍ ବିନ୍ତି କାମଚାସ୍ ତା ପାରମେଶ୍ୱ ରସ୍ ମିସ୍ରି ଘି ମିୟା ନ୍ତି ନ୍ ଡାସୋଁ ଗୁଠିଦ ହାଟ୍ ରା କେରାଦ୍ । ଲେକିନ୍ ଫିରୋନ୍ ସ୍ ନିଜର୍ ମୋନ୍ ବୋନ୍ କୋଠୋର୍ କାମଚା ଚିଚାସ୍ ଆରୁ ହୁ ଆଲାରିନ୍ ସୁରକ୍ଷିତ ନୁ କାଲାଗେ ମା ଚିଚ୍‌ଚାସ୍ ।

![](https://cdn.door43.org/obs/jpg/360px/obs-en-10-06.jpg)

ଇଦ୍ ଘି ଆଘ ଲି, ପାରମେଶ୍ୱରସ୍ ମିସ୍ରିର୍ ଘି ଜାମା ପୋସ୍ କାର୍ଜାନ୍ତୁ ଗୁଠିବୋନ୍ ବେମାର୍ ମାନିକିରୀ ଖିୟା ଲାଗଗିୟା । ଲେକିନ୍ ଫିରୋନ୍ ସ୍ ଘି ମୋନ୍ ବୋଦ୍ କୋଠୋର୍ ମାନଚା କେରକିଚାଦ୍ ଆରୁ ହୁସ୍ ଇସ୍ରାଏଲ୍ ରିନ୍ କାଲାଗେ ମା ଚିଚଚାସ୍ ।

![](https://cdn.door43.org/obs/jpg/360px/obs-en-10-07.jpg)

ବାକେନ୍ ପାରମେଶ୍ୱ ରସ୍ ମୁସା ସିନ୍ ଫିରୋନସ୍ ଘି ସାମନେନୁ ହାୱା ନୁ ଚିନ୍ଦୁବୋନ୍ ଖେବ୍‌ଡା ଗେ ତେଂଗିୟାସ୍ । ଯେ ବାକେନ୍ ଏନ୍ନେ କାମଚାସ୍ ବାକେନ୍ ମିସ୍ରି ନ୍ତାଆଲାର୍ ଘି ଚାମଡ଼ା ନୁ ନୁଜୁନା ବାଲା ଫୋଟକା ଗୁଠିଦ ଉର୍‌ଖା କେରା, ଲେକିନ୍ ଇସ୍ରାଏଲ୍ ଗୁଠିରିନ୍ ଏନ୍ଦେର୍ ହି ମା ମାନ୍‌ଚା । ପାରମେଶ୍ୱରସ୍ ଫିରୋନସ୍ ଘି ମୋନ୍ ବୋନ୍ କୋଠୋର୍ କାମଚେ ଚାସ୍, ଆରୁ ଫିରୋନସ୍ ଇସ୍ରାଏଲ୍ ରିନ୍ ସୁରଖିତ୍ ନୁ କାଲା ଗେ ମା ଚିଚ୍‌ଚାସ୍ ।

![](https://cdn.door43.org/obs/jpg/360px/obs-en-10-08.jpg)

ଇଦ୍ ଘି ବାଦେନୁ ,ପାରମେଶ୍ୱ ରସ୍ ଚିଚ୍ ଚୁ ଘି ଚିନକାରିନ୍ ବୋନ୍ ଟିଡ଼ ଡ଼ାସ୍ ଆରୁ ମିସ୍ରି ଘି ଆଧା ଜାଗା ଘି ଚାସ୍ କାମଚାକା ନଷ୍ଟ କାମଚେ ଚିଚାସ୍ ଆରୁ ନେର୍ ଭି ବାହାରି ଉରଖିୟାର୍ ହୁବଡାରିନ୍ ପିଟ୍ ଟେଚାସ୍ । ଫିରୋନ୍ ମୁସା ଆରୁ ହାରୁନ୍ ସିନ୍ ମେହିୟାସ୍ ଆରୁ ହୁବ୍ଡ଼ାରି ତେଂଗିୟାସ୍, “ଏନ୍ ପାପ୍ କାମଚ୍ କାଦାନ୍ । ନିମ୍ ଗୁଠିର୍ କାଲା ଅଂଗଦାର୍ ।“ ବାକେନ୍ ମୁସାସ୍ ବିନ୍ତି କାମଚାସ୍ ,ଆରୁ ଆକାଶ ସ୍ତି ନ୍ ଚିଚ୍ ଚୁ ଘି ଚିନକାରିଦ୍ ଖାତରନା ବନ୍ଦ ମାନଚା କେରାଦ୍ ।

![](https://cdn.door43.org/obs/jpg/360px/obs-en-10-09.jpg)

ଲେକିନ୍ ଫିରୋନସ୍ ଆରୁ ହି ପାପ୍ କାମଚାସ୍ ଆରୁ ନିଜର୍ ମୋନ୍ ବୋନ୍ କୋଠୋର୍ କାମଚେ ଚାସ୍ । ହୁସ୍ ଇସ୍ରାଏଲିଗୁଠିରିନ୍ ସୁରଷିତ୍‌ନୁ କଲା ଗେ ମା ଚିଚାସ୍ ।

![](https://cdn.door43.org/obs/jpg/360px/obs-en-10-10.jpg)

ବାକେନ୍: ପାରମେଶ୍ୱରସ୍ ମିସ୍ରି ଘି ମିୟାଁ ବୋକ୍ ଖୋ ଗୁଠିବୋନ୍ ତାଇଏ ଚିଚ୍ ଚାସ୍ ଇ ବୋକ୍ ଖୋ ଗୁଠିଦ୍ ଜାମା ଚାଚ୍ କାମ୍‌ଚକା ଗୁଠିନ୍ ମୋଖା ଚିଚାଦ୍ ଯେ ବୋନ୍ ଚିଚ୍‌ଚୁ ଘି ଚିନ୍‌କାରିନ୍ତି ନଷ୍ଟ ମା’ ମାନ୍‌ଚାଦ୍ ।

![](https://cdn.door43.org/obs/jpg/360px/obs-en-10-11.jpg)

ଫିର୍ ଆରୁ ପାରମେଶ୍ୱ ରସ୍ ମାହାଁ କାମ୍‌ଚେ ଚାସ୍ ଯେନ୍ ଟା ତିନ୍ ଦିନ୍ ତୋକ୍ ରା ଚାଦ୍ । ଇଦ୍ ଏତ୍ କୋ ଜୋର୍‌ସେ ମାହା ରାଚା କା ମିସ୍ରି ଆଲାର୍ ନିଜର୍ ଏଡ଼୍‌ପାନ୍ତି ଉର୍‌ଖା ଗେ ହି ପଲ୍ଲିୟାର୍ । ଲେକିନ୍ ଏକାସାନ୍ ଇସ୍ରାଏଲ୍ ଆଲାର୍ ରାଚାର୍ ହୁସାନ୍ ଉଲ୍ଲା ରାଚାଦ୍ ।

![](https://cdn.door43.org/obs/jpg/360px/obs-en-10-12.jpg)

ଇ ନୋ ବିପତ୍ତି ଘି ବାଦନୁ ଭି ଫିରୋନସ୍ ଇସ୍ରାଏଲ୍ ରିନ୍ ସୁରଖିତ୍ ନୁ କାଲାଗେ ଇନକାର୍ କାମଚେ ଚାସ୍ । ଏନ୍ଦେର୍ ଗେ କା ଫିରୋନ୍ ସ୍ ମାଲ୍ଲା ମେନୁସ୍ ବାକେନ୍ ପାରମେଶ୍ୱରସ୍ ଅଣ୍ଟା ଆନ୍ତିମ୍ ବିପଦ୍ ବୋନ୍ ତାଇୟା ଗେ ଯୋଜୋନା କାମକା ଦାସ୍ । ଇ ବୋଦ୍ ଫିରୋନସ୍ ଘି ମୋନ୍ ବୋଦ୍ ବାଦ୍‌ଲତ୍ ଚୋଦ୍ ।

*ଯାତ୍ରା ପୁସ୍ତକ ୫ -୧୦ ସ୍ତିନ୍ ବାଇବେଲ୍ ଘି କାଥ୍‌ନି*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_10_96kbps.mp3

## 11. ଫାସାହା (ପାସ୍‌କା)

https://openbiblestories.org/l/xis/story-11/

![](https://cdn.door43.org/obs/jpg/360px/obs-en-11-01.jpg)

ପାରମେଶ୍ୱରସ୍ ମୁସା ଆରୁ ହାରୁନ୍ ସିନ୍ ଫିରୋନ୍ ଘି ଚାହାଁ ନୁ ଇ ତେଂଗାଗେ ତାଇୟା ସ୍ କା ଇସ୍ରାଏଲ୍ ରିନ୍ କାଲାଗେ ଚିୟା । ହୁବଡାର୍ ହୁସିନ ଚେତାବାନି ଚିଚ୍ ଚାର୍ କା ଆଗାର୍ ହୁସ୍ ହୁବଡାରି ମା’ କାଲାଗେ ଚିଚାର, ହାଲେ ପାରମେଶ୍ୱରସ୍ ମିସ୍ରି ନ୍ତା ଆଲାର୍ ଘି ଆରୁ ଜାନ୍ତୁ ଗୁଠି ଘି ଜାମା ପାହିଲା ହାଦ୍‌ଦୁ ବୋନ ପିଟର୍ ଚୋର । ଫିରୋନସ୍ ଇବୋନ୍ ମେନିକିରି ଭି ପାରମେଶ୍ୱରସ୍ ଘି ମିୟାଁ ବିଶ୍ୱାସ୍ କାମାଗେ ଆରୁ ହୁସ୍ ଘି କାତ୍ ଥା ବୋନ୍ ମାନାଗେ ଇନ୍ କାର୍ କାମ୍‌ଚେଚାସ୍ ।

![](https://cdn.door43.org/obs/jpg/360px/obs-en-11-02.jpg)

ପାରମେଶ୍ୱରସ୍ ଘି ମିୟାଁ ବିଶ୍ୱାସ କାମାଗେ ଲାଗାନ୍ ଏନ୍ଦେରି ନ୍ ଭି ପାହିଲା ହାଦ୍‌ଦୁ ବୋନ୍ ବାଚାବାଗେ ଅଣ୍ଟା ଉପାୟ ବୋନ୍ ଜୁଗାଡ଼ କାମଚାର୍ । ଜାମା ପାରିବାର୍ ଘି ଅଣ୍ଟା କଳଂକ ମା ରାନାବାଲା ଭେଡ଼ି ହାଦ୍‌ଦୁ ବୋନ୍ ହୁଆଁ କିରୀ ହୁବୋନ୍ ପୁଜ୍‌ନା ରାଚାଦ୍ ।

![](https://cdn.door43.org/obs/jpg/360px/obs-en-11-03.jpg)

ପାରମେଶ୍ୱରସ୍ ଇସ୍ରାଏଲ୍ ରିନ୍ ହୁ ଭେଡ଼ି ହାଦ୍‌ଦୁ ଘି ହେସୁଁ ବୋନ୍ ହୁଆଁ କିରୀ ନିଜର୍ ଏଡ଼ପା ଗୁଠି ଘି ଘୁମାନୁ ଲାଗାବାଗେ ତେଂଗିୟାସ୍ । ହୁବଡାର୍ ହୁଦଘି ଆହାଡ଼ା ବୋନ୍ ଭାଜିୟାନା ରା ଚାଦ୍ ଆରୁ ଫିର୍ ସେ ହୁଦାନ୍ ଆଖମାରି ଆସମା ଗାନେ ହୁବୋନ୍ ଫୁର୍ତୀ ନୁ ମୋହୋନା ରାଚାଦ୍ । ହୁବଡାର୍ ହୁ ଭୋଜନ୍ ବୋନ୍ ଅନ୍ନା ଘି ବାଦନୁ ଜାଲଦିହି ମିସ୍ରି ରାଜି ବୋନ୍ ଆମ୍ବା ଗେ ଲାଗାନ୍ ରେଡି ମାନାଗେ ତେଂଗିୟା ସ୍ ।

![](https://cdn.door43.org/obs/jpg/360px/obs-en-11-04.jpg)

ଏସ୍କେ କାମାଗେ ପାରମେଶ୍ୱରସ୍ ଇସ୍ରାଏଲ୍ ରିନ୍ ଆଦେସ୍ ଚିଚ୍ କାଚାସ୍ ହୁବଡାର୍ ହୁଦଘି ଲେଖାନୁ ଜାମା କିଛି ନ୍ କାମ୍‌ଚାର୍ । ଭାର୍ ଖାର୍ ମାହାଁ ବାକେନ୍ ,ପାରମେଶ୍ୱରସ୍ ହାର୍ ଅଣ୍ଟା ପାହିଲା କୁକ୍‌କୋରିନ୍ ପିଟନା ନ୍ତି ମିସ୍ରି ର୍ ଘି ମାଝା ନ୍ତି ମାନିକିରୀ ଗୁଜ୍‌ରାରା ର୍ ।

![](https://cdn.door43.org/obs/jpg/360px/obs-en-11-05.jpg)

ଇସ୍ରାଏଲର୍ ଘି ହାର ଅଣ୍ଟା ଏଡ଼ପା ଘି ଘୁମା ଗୁଠିନୁ ହେସୁଁ ଲାଗାବାଚ୍ କା ରାଚାଦ୍, ଇଦ୍ ଘି ଲାଗାନ୍ ହୁ ଏଡ଼ପା ଗୁଠି ବୋନ୍ ଆମ୍ବେ ଚିଚାସ୍ । ହୁବ୍‌ଡ଼ାର୍ ଉଲା ନୁ ରାଚାର୍ ଜାମା ଆଲାର୍ ସୁରଖିତ୍ ନୁ ରାଚାର୍ । ହୁବଡାର୍ ଭେଡି଼ ହାଦ୍‌ଦୁ ଘି ହେସୁଁ ଘି ଚାଲତେ ବଛାର୍ କେରାର୍ ।

![](https://cdn.door43.org/obs/jpg/360px/obs-en-11-06.jpg)

ହାଲେ ଭି ମିସ୍ରିର୍ ଗୁଠିର୍ ପାରମେଶ୍ୱ ରସ୍ ସିନ୍ ବିଶ୍ୱାସ୍ ମାଲ୍ଲା କାମଚ୍ କାରୁର୍ ଆରୁ ହୁସ୍ ଘି ହୁକୁମ୍ ବୋନ୍ ମା ମାନଚାର୍ । ଇଦ୍ ଘି ଲାଗାନ୍ ପାରମେଶ୍ୱରସ୍ ହୁବଡା଼ ର୍ ଘି ଏଡ଼ ପା ଗୁଠିନ୍ ମା ଆମ୍ବିୟାସ୍ । ପାରମେଶ୍ୱର୍ ସ୍ ମିସ୍ରି ଜାମାରଘି ହାର ଅଣ୍ଟା ପାହିଲା କୁକ୍‌କୋ ଗୁଠିରିନ୍ ପିଟ୍ ଟେ ଚାସ୍ ।

![](https://cdn.door43.org/obs/jpg/360px/obs-en-11-07.jpg)

ଜେହେଲ୍ ତା କେଇଦିର୍ ଗୁଠିର୍ ସ୍ତି ନ୍ ହୁଆଁ କିରୀ ,ଫିରୋନସ୍ ଘି ପାହିଲା ନ୍ତା, ହାର ଅଣ୍ଟା ପାହିଲା ଆଲାର୍ କେଚ୍ ର୍ କେରାର୍ । ନିଜର୍ ଗାହେରାଇ ପିଡା଼ ଘି କାରନ୍ ନୁ ମିସ୍ରି ର୍ ଘି ଯୁକୁକ୍ ଆଲର୍ ଅଲହା ଲାର୍ ଆରୁ ଚିର୍ ରା ରାଲାର୍ ।

![](https://cdn.door43.org/obs/jpg/360px/obs-en-11-08.jpg)

ହୁ ମାହାନୁ,ଫିରୋନସ୍ ମୁସା ଆରୁ ହାରୁନ୍ ସିନ୍ ମେହିୟାସ୍ ଆରୁ ତେଂଗିୟାସ୍, ”ଇସ୍ରାଏଲ୍ ରିନ୍ ହୁଆଁ କିରୀ ଜାଲଦୀ ସ୍ତିନ୍ ଉର୍‌ଖା କାଲ !’’ ମିସର୍ ଘି ଆଲାର୍ ଭି ଇସ୍ରାଏଲିର୍ ଗାନେ ଜାଲ୍‌ଦୀ କାଲାଗେ ଇଚ୍ଛା କାମ୍‌ଚାର୍ ।

*ଯାତ୍ରା  ପୁସ୍ତକ୍ ୧୧:୧-୧୨:୩୨ ସ୍ତିନ୍ ଅଣ୍ଟା ବାଇବେଲ୍ ଘି କାଥନି*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_11_96kbps.mp3

## 12. କାନାର୍

https://openbiblestories.org/l/xis/story-12/

![](https://cdn.door43.org/obs/jpg/360px/obs-en-12-01.jpg)

ଇସ୍ରାଏଲ ଆଲାର୍ ମିସ୍ରି ନ୍ତି ଉର୍‌ଖୀ କିରୀ ମୁରୁକ୍ ଖୁସି ନୁ ରଚାର୍ । ହୁବ୍‌ଡ଼ାର୍ ଆରୁ ଦାସ୍ ମାଲ୍ଲାରୁର୍ ,ଆରୁ ହୁବ୍‌ଡ଼ାର୍ ଶ ପଥ୍ ଘି ରାଜି ଗେ କାଲ ଗାର୍ ! ଏନ୍ଦେରିନ୍ ଭି ଇସ୍ରାଏଲ୍ ଗୁଠିର୍ ନିଚାର୍, ମିସ୍ରିର୍ ହୁବ୍‌ଡ଼ାରିନ୍ ହୁ ଜାମା କିଛି ବୋନ୍ ଚିଚ୍ ଚାର୍ , ଇ ତୋକ୍ କା ସୋନା, ଚାନ୍ଦି ଆରୁ ଦୁସରା କିମ୍ ତି ଚିଜ୍ ଗୁଠି ବୋନ୍ । ଦୁସରା ରାଜିନ୍ତା କିଛି ଆଲାର୍ ପାରମେଶ୍ୱ ରସ୍ ଘି ମିୟାଁ ବିଶ୍ୱା ସ୍ କାମ୍‌ଚାର୍ ଆରୁ ଯେତେବାକେନ୍ ଇସ୍ରାଏଲ୍ ଆଲାର୍ ମିସ୍ରି ନ୍ତି ଉରଖିୟାର୍ ବାକେନ୍ ହୁବ୍‌ଡ଼ାର୍ ହି ଇବଦାର୍ ଗାନେ ସାଂଗେ ମାନଚାର୍ ।

![](https://cdn.door43.org/obs/jpg/360px/obs-en-12-02.jpg)

ଉଲ୍ଲା ବାକେନ୍ ବାଦଲୀ ଘି ଅଣ୍ଟା ବାଡକା ଖୁଟା ବୋଦ୍ ହୁବ୍‌ଡ଼ାର୍ ଘି ଆଘଲି -ଆଘଲି କାଲଗାଦ୍ । ଆରୁ ମାହାଁ ଘି ସମୟନୁ ଇଦ୍ ଚିଚ୍ ଚୁ ଘି ଖୁଟା ମାନଚାଦ୍ କେରାଦ୍ । ପାରମେଶ୍ୱରସ୍ ଜେନ୍‌ଟା କା ବାଦ୍‌ଲୀ ଘି ଖାମ୍ଵା ନୁ ଆରୁ ଚିଚ୍ ଚୁ ଘି ଖୁଟା ନୁ ରଚାଦ୍, ଜାମା ବାକେନ୍ ହୁବ୍‌ଡ଼ାର୍ ଘି ସାଂଗେନୁ ରାଚା ଆରୁ ହୁଦ୍ କାନା ସାମାୟ ନୁ ହୁବ୍‌ଡ଼ାର୍ ଘି ଆଗ୍ ଗୁଆ କାମ୍‌ଚା । ହୁବ୍‌ଡ଼ାର୍ ଖାଲି ଏତ୍ କୋ କାମ୍‌ନା ରାଚାଦ୍ କା ହୁଦ୍‌ଘି ପାଛ୍‌ଲି ଏକୋର୍ ।

![](https://cdn.door43.org/obs/jpg/360px/obs-en-12-03.jpg)

ଥୋଡ଼େ ସାମାୟ ଘି ବାଦ୍‌ନୁ, ଫିରୋନସ୍ ଆରୁ ହୁସ୍ ଘି ଆଲାର୍ ଗୁଠିର୍ ନିଜର୍ ମୋନ୍ ବାଦଲ୍ ଲିୟାର୍ । ହୁବ୍‌ଡ଼ାର୍ ଇସ୍ରାଏଲ୍ ଗୁଠିରିନ୍ ଆରୁ ହି ନିଜର୍ ଦାସ୍ କାମାଗେ ଚାହାଲାର୍ । ଇଦ୍ ଘି ଲାଗାନ୍ ହୁବଡାର୍ ଇସ୍ରାଏଲ୍ ଗୁଠିରିନ୍ ପିଛା କାମଚାର୍ । ଇଦ୍ ପାରମେଶ୍ୱ ରସ୍ ହି ରାଚାସ୍ ଜେନ ବୋନ୍ ହୁବ୍‌ଡ଼ାର୍ ଘି ମୋନ୍ ଗୁଠିବୋନ୍ ବାଦ୍ ଲା ଚିଚ୍ କା ଚାସ୍ । ହୁସ୍ ଏନ୍ଦେର୍ ଗେ ଏନ୍ନେ କମଚା ସ୍ କା ହୁସ୍ ଚାହା ଲାସ୍ କା ହାର ଜାମାର୍ ଇବୋନ୍ ଆହା ଅଂଗନାର୍ କା ଫିରୋନ୍ ଘି ଆରୁ ମିସ୍ରି ଗୁଠିର୍ ଘି ଜାମା ଦେବତା ଗୁଠି ନ୍ତି ହୁସ୍, ୟୋହୋବାସ୍, ବାଗ୍ ଗେ ଶକ୍ତିଶାଲି ଆତ୍‌ଲା ଦାସ୍‌ ।

![](https://cdn.door43.org/obs/jpg/360px/obs-en-12-04.jpg)

ଯେତେବାକେନ୍ ଇସ୍ରାଏଲ୍ ଗୁଠିର୍ ମିସ୍ରି ଘି ସେନାରିନ୍ ଏରିୟାର୍ ବାକେନ୍ ହୁବଡା଼ର୍ ଆହା ଅଙ୍ଗିର୍ କା ହୁବଡ଼ାର୍ ଫିରୋନସ୍ ଘି ସେନାର୍ ଆରୁ ଲାଲ୍ ସାମୁଦାର୍ ଘି ମାଝାନୁ ଫାସରାର୍ କେରାର୍ । ହୁବ୍‌ଡ଼ାର୍ ମୁରୁକ୍ ଏଲଚିୟାର୍ କେରାର୍ ଆରୁ ଅଲ୍ଲା ହାଗେ ଲାଗିୟାର୍,”ଏମ୍ ମିସ୍ରି ବୋନ୍ ଏନ୍ଦେର୍ ଗେ ଆମ୍ବ୍ କାମ୍ ?ଏମ୍ ଖିନା ବାଲା ରାଦାମ୍ !”

![](https://cdn.door43.org/obs/jpg/360px/obs-en-12-05.jpg)

ମୁସସ୍ ଇସ୍ରାଏଲ୍ ରିନ୍ ତେଂଗି ୟାସ୍ ,”ଏଲଚା ଗେ ବନ୍ଦ କାମା ! ପାରମେଶ୍ୱରସ୍ ଇନ୍ନା ନିମ୍ ହାଁ ଲାଗାନ୍ ଲାଢ଼ୋସ୍ ଆରୁ ନିମାରିନ୍ ବାଚାବୋସ୍ । ”ବାକେନ୍ ପାରମେଶ୍ୱରସ୍ ମୁସା ସିନ ତେଂଗୀୟାସ୍,” ଇବ୍‌ଡ଼ା ଆଲାରିନ୍ ଲାଲ୍ ସାମୁଦାର୍ ଘି ତାରା ଆଘଲି ବାଢ଼ରା ଗେ ତେଂଗା ।”

![](https://cdn.door43.org/obs/jpg/360px/obs-en-12-06.jpg)

ବାକେନ୍ ପାରମେଶ୍ୱରସ୍ ହୁ ବାଦଲୀ ଘି ଖୁଟା ବୋନ୍ ହୁଇକିରୀ ଇସ୍ରାଏଲ୍ ଲିର୍ ଆରୁ ମିସ୍ରି ଘି ମାଝାନୁ ଉୟା ଚିଚାସ୍ ତାକି ମିସ୍ରି ଆଲାର୍ ଇସ୍ରାଏଲ୍ ରିନ୍ ଏରା ପଲ୍‌ନାର୍ ।

![](https://cdn.door43.org/obs/jpg/360px/obs-en-12-07.jpg)

ପାରମେଶ୍ୱରସ୍ ମୁସା ସିନ୍ ସାମୁଦାର୍ ଘି ମିୟାଁ ନିଜର୍ ହେକ୍ ଖାନ୍ ବାଢ଼ା ବାଗେ ତେଂଗିୟାସ୍ । ଆରୁ ପାରମେଶ୍ୱରସ୍ ଧୁକା ସ୍ତିନ୍ ସାମୁଦାର୍ ଘି ଆମ୍ମୁ ବୋନ୍ ତିନ୍ନା ଆରୁ ଡ଼େବ୍ ବା ତାରା କାମ୍ ଚେ ଚାସ୍ ,ଜେନଟା କା ସାମୁଦାର୍ ନ୍ତି ମାନିକିରୀ ଅଣ୍ଟା ପାବୁ ମାନଚା କେରାଦ୍ ।

![](https://cdn.door43.org/obs/jpg/360px/obs-en-12-08.jpg)

ଇସ୍ରାଏଲ୍ ଆଲାର୍ ନିଜର୍ ଦୁହୀ ତାରା ଆମମୁ ଘି ଦେୱାଲ ଗାନେ ଏହେଁଲା ନୁ ସମୁଦାର୍ ସ୍ତି ନ୍ ମାନିକିରୀ ଆଘ୍‌ଲୀ ବାଢ଼ ର୍ ତେ କେରାର୍ ।

![](https://cdn.door43.org/obs/jpg/360px/obs-en-12-09.jpg)

ବାକେନ୍ ପାରମେଶ୍ୱ ରସ୍ ହୁ ପାବୁ ନ୍ତି ବାଦ୍‌ଲୀ ଗେ ଉଠା ବାଚାସ୍ ତାକି ମିସ୍ରି ଆଲାର୍ ଇସ୍ରାଏଲ୍ ନ୍ତି ବାଛାରା କିରୀ କାଲତେ ଏରିୟାର୍ । ମିସ୍ରିର୍ ହୁବ୍‌ଡ଼ାର୍ ରିନ୍ ଧାରଗେ ଲାଗାନ ହୁବ୍‌ଡ଼ାର୍ ପିଛା କାମାଗେ ସୋଚ୍ ଚାର୍ ।

![](https://cdn.door43.org/obs/jpg/360px/obs-en-12-10.jpg)

ଆଖିର୍ ନୁ ହୁବ୍‌ଡ଼ାର୍ ସାମୁଦାର୍ ଘି ମାଝା ହୁ ପାବୁନ୍ତି ଇସ୍ରାଏଲ୍ ରିନ୍ ପିଛା କାମ୍‌ଚାର୍, ଲେକିନ୍ ପାରମେଶ୍ୱରସ୍ ମିସ୍ରି ରିନ୍ ଘାବରା ବା ଚିଚାସ୍ ଆରୁ ହୁବ୍‌ଡ଼ାର୍ ଘି ରାଥୁ ବୋନ୍ ଆଟକେ ଚିଚାସ୍ । ହୁବ୍‌ଡ଼ାର୍ ଚିରରା ଲାଗଗିୟାର୍ ,”ବୁଂଗା ! ଇସ୍ରାଏଲ୍ ଲିର୍ ତାରନ୍ତି ପାରମେଶ୍ୱରସ୍ ଲାଡ଼ାଲ ଦାସ୍ !”

![](https://cdn.door43.org/obs/jpg/360px/obs-en-12-11.jpg)

ଜାମା ଇସ୍ରାଏଲ୍ ଲିର୍ ସମୁଦାର୍ ଘି ଦୁସରା ପାଖା ତାରା ଆଣସିୟାର୍ କେରାର୍ । ବାକେନ୍ ପାରମେଶ୍ୱରସ୍ ମୁସା ସିନ ତେଂଗୀୟାସ୍ କା ନିନ୍ ଫିର୍ ସେ ଆମମୁ ଘି ମିୟାଁ ହେକ୍‌ଖା ବା ଢ଼ାବା । ଯେବାକେନ୍ ଏନ୍ନେ କାମଚାସ୍, ତା ଆମମୁ ମିସ୍ରି ସେନା ଘି ମିୟାଁ ବାରଚା କେରାଦ୍ ଆରୁ ନିଜର୍ ଏସ୍କେ ରଚାଦ୍ ହୋନ୍ନେ ମାନ୍‌ଚା କେରଦ୍ । ଜାମା ମିସ୍ରି ସେନାର୍ ଡୁବରା ର୍ କେରାର୍ ।

![](https://cdn.door43.org/obs/jpg/360px/obs-en-12-12.jpg)

ଯେତେ ବାକେନ୍ ଇସ୍ରାଏଲ୍ ଲିର୍ ଏରିୟର୍ କା ମିସ୍ରିର୍ କେଚଚାର୍ କେରାର୍ ବାକେନ୍ ହୁବ୍‌ଡ଼ାର୍ ପାରମେଶ୍ୱ ରସ୍ ଘି ମିୟାଁ ବିଶ୍ୱାସ୍ କାମଚାର୍ । ହୁବ୍‌ଡ଼ାର୍ ବିଶ୍ୱା ସ୍ କାମଚାର୍ କା ମୁସାସ୍ ପାରମେଶ୍ୱରସ୍ ଘି ତାର୍ତୀ ଭବିଷ୍ଯବକ୍ତାସ୍ ।

![](https://cdn.door43.org/obs/jpg/360px/obs-en-12-13.jpg)

ଇସ୍ରାଏଲ୍ ଲିର୍ ଇଦଘି ଲାଗାନ୍ ମୁରୁଖ୍ ଖୁସିନୁ ରାଚାର୍ ଏନ୍ଦେର୍ ଗେ କା ପାରମେଶ୍ୱରସ୍ ହୁବଡ଼ାରୀନ୍ ଖିନାନ୍ତି ଆରୁ ଦାସ୍ ମାନ୍ ନାନ୍ତି ବାଛା ବାଚ୍ କା ଦାସ୍ । ଆକକୁନ୍ ହୁବଡା଼ର୍ ପାରମେଶ୍ୱରସ୍ ଘି ଆରାଧାନା କାମାଗେ ଆରୁ ହୁସ୍ ଘି ଆଜ୍ଞା ବୋନ୍ ମାନା ଗେ ଲାଗାନ୍ ଆଜାଦି ରାଚାର୍ । ଇସ୍ରାଏଲ୍ ଗୁଠିର୍ ନିଜର୍ ଆଜାଦି ଘି ପରବ୍ ମାନା ବାଗେ ଲାଗାନ୍ ଆରୁ ପାରମେଶ୍ୱରସ୍ ସିନ ଖୁସି କାମାଗେ ଲାଗାନ୍ ଇୟଁ ଗିତୁ ଗୁଠିନ୍ ପଡି଼ୟାର୍ ଏନ୍ଦେର୍ ଗେ କା ହୁସ୍ ହୁବଡ଼ାରୀ ନ୍ ମିସ୍ରି ସେନାନ୍ତି ବାଚା ବାଚ୍ କା ଚାସ୍ ।

![](https://cdn.door43.org/obs/jpg/360px/obs-en-12-14.jpg)

ପାରମେଶ୍ୱରସ୍ ଇସ୍ରାଏଲ୍ ରିନ୍ ସବୁ ବଛର୍ ଅଣ୍ଟା ପରବ୍ ମାନାଗେ ଅନୁମତି ଚିଚ୍ ଚାସ୍ ଇବୋନ୍ ୟାଦ୍ କାମାଗେ ଲାଗାନ୍ ଏସ୍କେ ପରମେଶ୍ୱରସ୍ ମିସ୍ରି ରିନ୍ ହାର୍‌ଢ଼ା ଚିଚାସ୍ ଆରୁ ହୁବଡା଼ ଦାସ୍ ମାନ୍ନାନ୍ତି ଆଜାଦି କାମଚାସ୍ । ଇବୋଦ୍ ଫାସାହା ପରବ୍ ତେଂଗାକୋତ୍ । ଇସାନ୍ ହୁବ୍‌ଡ଼ାର୍ ଇଦଘି ଖୁସି ମାନାବାଗେ ଲାଗାନ୍ ଅଣ୍ଟା ବାନେ ଭେଡି଼ ଘି ହାଦ୍ଦୁ ବୋନ୍ ବାଳି କାମନା ରଚାଦ୍ ,ହୁବୋନ୍ ଭାଜିୟା ନା ରାଚାଦ୍,ଆରୁ ହୁବୋନ୍ ବିନା ଖାମିର୍ ବାଲା ଆସମା ଗାନେ ମୋହୋନା ରାଚାଦ୍ ।

*निर्गमन अध्याय 12:33-15:21 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_12_96kbps.mp3

## 13. ଇସ୍ରାଏଲ୍ ଲିର୍ ଗାନେ ପରମେଶ୍ୱରସ୍ ଘି ଶପଥ୍

https://openbiblestories.org/l/xis/story-13/

![](https://cdn.door43.org/obs/jpg/360px/obs-en-13-01.jpg)

ଇସ୍ରାଏଲ୍ ରିନ୍ ଲାଲ୍ ସାମୁଦାର୍ ସ୍ତିନ୍ ପାର୍ ମାନିକିରୀ କାନ ଘି ବାଦ୍ନୁ, ପାରମେଶ୍ୱ ରସ୍ ହୁବଡାରିନ୍ ଜଂଗଲସ୍ତିନ୍ ମାନିକିରୀ ସିନେ ତେଂଗାନ୍ ବାଲା ପାର୍ତା ତାରା କେରାର୍ । ଇବୋଦ୍ ହୁ ପାର୍ତା ରାଚାଦ୍ ହୁସାନ୍ ମୁସାସ୍ ଲାଘ୍ ରନା ବାଲା ଝୁଣି ବୋଦ୍ ଏର୍‌କାଚାସ୍ । ହୁ ଆଲାର୍ ଗୁଠିର୍ ହୁ ପାର୍ତା ଘି କିୟାଁ ନିଜର୍ ତାମ୍ବୁ ଗୁଠିନ୍ ଖୁଟ୍ ଚାର୍ ।

![](https://cdn.door43.org/obs/jpg/360px/obs-en-13-02.jpg)

ପାରମେଶ୍ୱ ରସ୍ ମୁସାସିନ୍ ଆରୁ ଇସ୍ରାଏଲ୍ ଘି ଜାମା ଆଲାରିନ୍ ତେଂଗିୟାସ୍ ,”ନିମ୍ ଜାମା ବାକେ ନ୍ ଏଘାଁ କାତଥା ଗୁଠିବୋନ୍ ମାନକେ ଆରୁ ଏନ୍ଦେରି ନ୍ ଭି ଶପଥ୍ ଏନ୍ ନିମହାଁ ଗାନେ ହିଚକା ଦାନ୍ ହୁ ବୋନ୍ ବାନେକିରୀ ଉଇକେ । ଆଗାର୍ ନିମ୍ ଏନ୍ନେ କାମୋର୍ ହାଲେ ,ତା ନିମ୍ ଏଘାଁ ପୁରସ୍କାର୍ ଆରୁ କିମତି ଧାନ୍ ନୁ ,ୟାଜାକ୍ ଜାମାର୍ ଘି ରାଜି ନ୍ ,ଆରୁ ଅଣ୍ଟା ପବିତ୍ର୍ ଜାତିର୍ ଠାହାରୋର୍ । ”

![](https://cdn.door43.org/obs/jpg/360px/obs-en-13-03.jpg)

ପାରମେଶ୍ୱରସ୍ ଘି ଚାଲ୍‌ତେ ହୁସଘି ଚାହାନୁ ବାରାଗେ ଲାଗାନ୍ ଆଲାର୍ ଗୁଠିର୍ ମୁନ୍‌ଟା ଉଲ୍ଲା ତୋକ୍ ନିଜର୍ ବୋନ୍ ତେୟାର୍ କାମ୍‌ଚାର୍ । ବାକେନ୍ ପାରମେଶ୍ୱର୍ ସ୍ ସିନେ ପାର୍ତା ଘି ମିତିସ୍ ସ୍ତିନ୍ କିୟାଁ ଏତ୍ ତିୟସ୍ । ଯେ ବାକେନ୍ ହୁସ୍ ବାରଚା ସ୍ ବାକେନ୍ ଭୁମି କମ୍ପ୍ ମାନଚା ,ବିଜ୍‌ଲିଗୁଠି ଚାମ୍ କାରା, କୁହୁଡା଼ ଉଠ୍ ରଦ୍, ଆରୁ ତୋହୋଣେ ଗୁଠି ଘି ଜୋର୍ ସେ ଆୱାଜ୍ ମାନଚାଦ୍ । ବାକେନ୍ ମୁସାସ୍ ଖୁଦ୍‌ସ୍ ପାର୍ତା ମିୟାଁ ଆର୍‌ଗିୟାସ୍ କେରାସ୍ ।

![](https://cdn.door43.org/obs/jpg/360px/obs-en-13-04.jpg)

ବାକେନ୍ ପାରମେଶ୍ୱରସ୍ ଆଲାର୍ ଗୁଠିର୍ ଘି ସାଂଗେ ଅଣ୍ଟା ଶପଥ୍ ହିଚାସ୍ । ହୁସ୍ ତେଂଗିୟାସ୍ .”ଏନ୍ ନିମ୍‌ହାଏଁ ଘି ପାରମେଶ୍ୱର୍ ,ୟୋହୋବା ନ୍ । ଏନ୍ ହି ଆତ୍‌ଲଦାନ୍ ନେର୍ ନିମାରିନ୍ ମିସ୍ରି ର୍ ଘି ଦାସ୍ ସ୍ତିନ୍ ଆମ୍ବତା ଚାସ୍ । ଏକ୍‌ରିନ୍ ଭି ଦେବତା ଘି ପୁଜା ପାଠ ଆମ୍‌କେ କାମା ।

![](https://cdn.door43.org/obs/jpg/360px/obs-en-13-05.jpg)

“ମୁର୍ତି ଗୁଠିନ୍ ଆମ୍‌କେ ବାନାବାଗେ ଆରୁ ହୁଦଘି ପୁଜାପାଠ୍ ଆମ୍‌କେ କାମ ,ଏନ୍ଦେର୍ ଗେ କା ଏନ୍ ,ୟୋହୋବା ,ନିମ୍ ହାଏ ଘି ଅଣ୍ଟା ପାରମେଶ୍ୱର୍ ଆତ୍ଲ୍ ଦାନ୍ । ମେଲାଂଗ୍ ଗେ ଏଘାଁ ନାମେ ବୋନ୍ ଆମ୍‌କେ ହୁଆଁ ଗେ । ସାତ୍ ଉଲାବୋନ୍ ପବିତ୍ର୍ ମାନାଗେ ଲାଗାନ୍ ୟାଦ୍ କମ୍‌କେ । ଦୁସ୍‌ରା ଶବ୍ଦ ନୁ ଛ :ଉଲ୍ଲା ଗୁଠିନୁ ନିଜର୍ ଜାମା ନାଲଖୁ ଗୁଠିନ୍ କାମ୍‌କେ ,ସାତ୍ ଉଲ୍ଲାନୁ ନିମ୍‌ହାଁ ଲାଗାନ୍ ଆରମ୍ କାମକେ ଆରୁ ଏଂଗାନ୍ ୟା ଦ୍ କାମ୍‌ନା ଘି ଉଲ୍ଲାଦ୍ ।”

![](https://cdn.door43.org/obs/jpg/360px/obs-en-13-06.jpg)

ନିଜର୍ ଆୟାଂଗ୍ ଆରୁ ବାଂଗ୍ ରିନ୍ ଆଦାର୍ କାମକେ । ଆମ୍ କେ ପିଟାଗେ । ବ୍ୟାବିଚାର ଆମ୍‌କେ କାମା । ଆମ୍‌କେ ହାଡା଼ ଗେ । ନିଜର୍ ପାଡା଼ନ୍ତା ର୍ ଘି ଆଲିନ୍,ହୁବଡାର୍ ଘି ଏଡ଼ପାନ୍,ଆରୁ ହୁବଡା଼ର୍ ଘି ଏନ୍ଦ୍ରି ନ୍ ଭି ସାମାନ୍ ଗୁଠିନ ହୁଆଁ ଗେ ଲାଗାନ୍ ଆମ୍‌କେ ଚାହା ।”

![](https://cdn.door43.org/obs/jpg/360px/obs-en-13-07.jpg)

ବାକେନ୍ ପାରମେଶ୍ୱରସ୍ ଇ ଦୋସ୍ ସେ ଟା ନିୟୋମ୍ ଗୁଠିବୋନ୍ ଚାଚାନୁ ଲିଖା କିରୀ ମୁସା ସକେଚିଚ୍ କା ଚାସ୍ । ପାରମେଶ୍ୱରସ୍ ପାଲନ୍ କାମାଗେ ଲାଗାନ୍ ଆଲାରିନ୍ ଦୁସ୍‌ରା ଯୁକୁକ୍ ଲେଖା ନିୟୋମ୍ ଗୁଠିନ୍ ଚିଚାସ୍ । ଆଗର୍ ଏବ୍‌ଡ଼ାର୍ ଇ ନିୟୋମ୍ ଗୁଠିନ୍ ମାନୋର୍ ହାଲେ ପାରମେଶ୍ୱରସ୍ ହୁ ଆଲା ଗୁଠିରିନ୍ ଆସିସ୍ ଚୋସ୍ ଆରୁ ହୁବୋନ୍ ଯାତ୍‌ନା ଗେ ଶପଥ୍ କାମ୍‌ଚାସ୍ । ଲେକିନ୍ ହୁସ୍ ତେଂଗିୟାସ୍ କା ଆଗାର୍ ହୁବ୍ ଡାର୍ ଇବୋନ୍ ପାଲୋନ୍ ମା କାମୋର୍ ହାଲେ ହୁସ୍ ହୁବଡା଼ ରିନ୍ ଦଣ୍ଡ୍ ଚିୟୋସ୍ ।

![](https://cdn.door43.org/obs/jpg/360px/obs-en-13-08.jpg)

ପାରମେଶ୍ୱରସ୍ ଇସ୍ରାଏଲ୍ ରିନ୍ ଅଣ୍ଟା ବାଡ଼କା ତାମ୍ବୁ କାମାଗେ ତେଂଗିୟାସ୍ -ମିଲ୍‌ମିଲାପ୍ ବାଲା ତାମ୍ବୁ । ହୁସ୍ ହୁବଡା଼ରିନ୍ ଠିକ୍ ଠିକ୍ ତେଂଗିୟାସ୍ କା ଇ ତାମ୍ବୁ ବୋନ୍ ଏସ୍କେ କାମନା ଆତ୍‌ଲି ,ଆରୁ ହୁଦ୍ ଘି ଉଲାନୁ ଏକା ଜିନିସ୍ ଗୁଠିନ୍ ଉଇନା ଆତଲି । ହୁସ୍ ହୁସିନ୍ ହୁ ତାମ୍ବୁ ବୋନ୍ ଯୋଡେ଼ ବାଖ୍‌ରାନୁ ଭାଗ୍ କାମାଗେ ଲାଗାନ୍ ଅଣ୍ଟା ବାଡ଼କା ପାରଦା ବୋନ୍ କାମାଗେ ତେଂଗିୟାସ୍ । ପାରମେଶ୍ୱରସ୍ ହୁ ପାରଦା ଘି ପାଛିଲି ତାରା ବାଖ୍‌ରାନୁ ବାରୋସ୍ ଆରୁ ହୁସାନ୍ ରୋସ୍ । ଏକାସାନ୍ ପାରମେଶ୍ୱରସ୍ ରାଚାସ୍ ହୁ ବାଖରା ଗେ କାଲା ଗେ ଲାଗାନ୍ ଖାଲି ମହାୟାଜକ୍ ରିନ୍ ଅନୁମୋତି ରାଚାଦ୍ ।

![](https://cdn.door43.org/obs/jpg/360px/obs-en-13-09.jpg)

ହୁ ଆଲାର୍ ଗୁଠିର୍ ହୁ ମିଲ୍ ମିଲାପ୍ ତାମ୍ବୁ ଘି ସାମ୍‌ନେ ନୁ ଅଣ୍ଟା ବେଦି କାମାଗେ ପାଡରୋଦ୍ । ନେର୍ ଭି ପାରମେଶ୍ୱରସ୍ ଘି ନିୟୋମ୍ ବୋନ୍ ଅନାଦାର୍ କମୋର୍ ହାଲେ ହୁସ୍ ହୁ ବେଦିନୁ ଅଣ୍ଟା ଜାନ୍ତୁ ବୋନ୍ ଅନ୍ଦ୍ରା କିରୀ ବାରୋର୍ । ବାକେନ୍ ୟାଜୋକ୍ସ୍ ବାଲୀ ଚିୟୋସ୍ ଆରୁ ବେଦିନୁ ପାରମେଶ୍ୱ ରସ୍ ଘି ଲାଗାନ୍ ବାଳି ଘି ରୁପ ନୁ ଜାଲାବୋର୍ । ପାରମେଶ୍ୱ ରସ୍ ତେଂଗିୟାସ୍ କା ହୁ ଜାନ୍ତୁ ଘି ହେସୁଁଦ୍ ହୁ ଆଲାସ୍ ଘି ପାପ୍ ଗୁଠିବୋନ୍ ଢ଼ାପୋ ଚୋଦ୍ । ଇ ରିତିନୁ ପାରମେଶ୍ୱରସ୍ ହୁ ପାପ୍ ବୋନ୍ ମା ଏରଦାସ୍ । ହୁ ଆଲାସ୍ ପାରମେଶ୍ୱରସ୍ ଘି ନଜର୍ ନୁ “ଶୁଦ୍ଧ “ଠାହାରାରୋର୍ ପାରମେଶ୍ୱରସ୍ ମୁସାସ୍ ଘି ଭାଇସ୍ ହାରୁନ୍ ଘି ବୋଂସୋର୍ ନିଜର୍ ୟଯୋକ୍ ମାନାଗେ ଚୁନ୍ ଚାସ୍ ।

![](https://cdn.door43.org/obs/jpg/360px/obs-en-13-10.jpg)

ପାରମେଶ୍ୱରସ୍ ହୁ ଆଲାରିନ୍ ଜେନ୍ ନିୟୋମ୍ ଗୁଠିନ୍ ଚିଚ୍ କାନାର୍ ହୁବଡାର୍ ହୁବୋନ୍ ପାଲନ୍ କାମାଗେ ଲାଗାନ୍ ଶହୋମତ ମାନଚାର୍ । ହୁବଡାର୍ ଖାଲି ପାରମେଶ୍ୱରସ୍ ଘି ଆଲ୍‌ ମାନିକିରୀ ଖାଲି ହୁସଘି ଆରାଧାନାକାମାଗେ ଲାଗାନ୍ ସହୋମତ ମାନଚାର୍ ।

![](https://cdn.door43.org/obs/jpg/360px/obs-en-13-11.jpg)

ଇୟୋଁ ଉଲ୍ଲା ତୋକ୍ ,ମୁସାସ୍ ସିନେ ପାର୍ତା ଘି ଆଗ୍ ଗୀ ମିୟାଁ ନୁଁ ରାଚାସ୍ । ହୁ ପାରମେଶ୍ୱରସ୍ ଗାନେ କାତ୍ ଥା କାମାଲାସ୍ । ଲେକିନ୍ ଆଲାର୍ ମୁସାସ୍ ଘି କିରନା ନ୍ତି ବୋନ୍ ହକ୍‌ତେ ହକ୍‌ତେ ଥାକ୍ ରାର୍ କେରାର୍ । ଇ ବାକେନ୍ ହୁବଡାର୍ ହାରୁନସ୍ ଘି ଚାହାନୁ ସୋନା ଅନ୍ଦ୍‌ରିୟାର୍ ଆରୁ ହୁସ୍ତି ନ୍ ଅଣ୍ଟା ମୁର୍ତି ବାନାବାଗେ ତେଂଗିୟାର୍ ତା ହୁବଡାର୍ ପାରମେଶ୍ୱରସ୍ ସିନ୍ ଆମ୍ବି କିରୀ ହୁଦଘି ପୁଜା ପାଠ୍ କାମ ଅଂଗୋର୍ । ଇ ଲେଖା ନୁଁ ହୁବଡାର୍ ଘି ଭାୟାନାକ୍ ରୁପ ନୁ ପାରମେଶ୍ୱରସ୍ ଘି ବିରୋଧ ନୁ ପାପ୍ କାମ୍‌ଚାର୍ ।

![](https://cdn.door43.org/obs/jpg/360px/obs-en-13-12.jpg)

ହାରୁନସ୍ ଭେଡି଼ ନ୍ ଅନ୍ଦ୍ରିରୀକିରୀ ସୋନା ଘି ଅଣ୍ଟା ମୁର୍ତି ବାନାବାଚାସ୍ । ହୁ ଆଲାର୍ ଗୁଠିର୍ ମୁର୍ତି ଘି ପୁଜା ପାଠ୍ କାମାଗେ ସୁରୁ କାମ୍‌ଚାର୍ ଆରୁ ହୁବୋନ୍ ବାଲିଦାନ୍ ଚାଢ଼ା ବାଚାର୍ ! ହୁବଡାର୍ ଘି ପାପ୍ ଘି ଚାଲତେ ପାରମେଶ୍ୱ ରସ୍ ହୁବଡାରିନ୍ ମୁରୁକ୍ ଖିସାରାଚାସ୍ । ହୁସ୍ ହୁବଡାରୀନ୍ ନଷ୍ଟ କାମାଗେ ଚାହାଲାସ୍ । ଲେକିନ୍ ମୁସାସ୍ ହୁବଡାରିନ୍ ମା ପିଟାଗେ ପାରମେଶ୍ୱରସ୍ ସିନ୍ ବିନ୍ତି କାମଚାସ୍ । ପାରମେଶ୍ୱରସ୍ ହୁସ୍‌ଘି ବିନ୍ତି ବୋନ୍ ମେନ୍‌ଚାସ୍ ଆରୁ ହୁବଡାର୍ ରିନ୍ ନଷ୍ଟ ମା କାମ୍‌କଚାସ୍ ।

![](https://cdn.door43.org/obs/jpg/360px/obs-en-13-13.jpg)

ଆଖିର୍ ନୁ ମୁସାସ୍ ସିନେ ପାର୍ତା ସ୍ତି ନ୍ କିୟାଁ ଏତ୍ ତିୟାସ୍ । ହୁସ୍ ହୁ ଜୋଡ଼େ ଚାଚା ଘି ପାଟ୍ଟା ନ୍ ଅଚକାଚାସ୍ ହୁଁ ନନୁ ପାରମେଶ୍ୱରସ୍ ଦସ୍ ସେଟା ନିୟୋମ୍ ଗୁଠିନ୍ ଲିଖ୍ କାଚାସ୍ । ଆରୁ ହୁ ଫିର୍ ଆରୁ ହୁ ମୁର୍ତି ବୋନ୍ ଏରିୟାସ୍ । ହୁସ୍ ଏତକୋ ଖିସାରାଚାସ୍ କା ହୁସ୍ ଚାଚା ଘି ପାଟ୍ଟାନ୍ ଗୁଣ୍ଡା କାମଚେ ଚାସ୍ ।

![](https://cdn.door43.org/obs/jpg/360px/obs-en-13-14.jpg)

ଆରୁ ମୁସାସ୍ ମୁର୍ତି ବୋନ୍ ପିସିକିରୀ ହୁଦଘି ଗୁଣ୍ଡା କାମଚେଚାସ୍ ,ଆରୁ ଗୁଣ୍ଡା ବୋନ୍ ଆମ୍ମୁନୁ ମିଲାଵ କିରୀ ଆଲାରିନ୍ ଅମ୍ମୁବୋନ୍ ହାପତା ଚାସ୍ । ପାରମେଶ୍ୱରସ୍ ହୁ ଆଲାର୍ ଘି ମିୟାଁ ଅଣ୍ଟା ବିପଦ୍ ତାଇୟାସ୍ ଆରୁ ହୁସ୍ ସ୍ତି ନ୍ ଜୁକକୁ ଆଲାର୍ କେଚରାର୍ କେରାର୍ ।

![](https://cdn.door43.org/obs/jpg/360px/obs-en-13-15.jpg)

ଏକା ଚାଚା ଘି ପାଟ୍ଟା ବୋନ୍ ମୁସାସ୍ ହୋଟ୍ଟେ ଚିଚ୍ କା ଚାସ୍ ହିଦ୍‌ଘୀ ଆଡ଼ାବୋନ୍ ହୁଆଁ ଗେ ମୁସାସ୍ ହୁ ଦୋଶ୍ ନିୟୋମ୍ ଗୁଠିନ୍ ଚାଚାଘି ପୁନ୍ନା ପାଟ୍ଟା ନୁ ବାନାବାଚାସ୍ । ଆରୁ ହୁସ୍ ପାର୍ତା ମିୟାଁ ଆରଗିୟାସ୍ ଆରୁ ବିନ୍ତି କାମଚାସ୍ କା ପାରମେଶ୍ୱରସ୍ ହୁ ଆଲାରିନ୍ ଛେମା କାମୋସ୍ । ପାରମେଶ୍ୱରସ୍ ମୁସାସ୍ ଘି ବିନ୍ତି ମେନଚାସ୍ ଆରୁ ହୁବଡା଼ରିନ୍ ଛେମା କାମଚାସ୍ । ପୁନା ଚାଚା ପାଟ୍ଟା ଦୋସେ ଟାନିୟୋମ୍ ବୋନ୍ ଧାରା କିରୀ ମୁସାସ୍ ପାର୍ତା ସ୍ତି ନ୍ କିୟାଁ ଏତ୍ ତିୟାସ୍ । ବାକେନ୍ ପାରମେଶ୍ୱରସ୍ ସିନେ ପାର୍ତା ସ୍ତି ନ୍ ଅନ୍ଦ୍‌ରା କିରୀ ଶପଥ୍ ଘି ରାଜି ତୋକ୍ ଇସ୍ରାଏଲ୍ ରିନ୍ ଆଗୁଆଇ କାମଚାସ୍ ।

*निर्गमन अध्याय 19-34 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_13_96kbps.mp3

## 14. ୧୪ .ଜଂଗଲ୍ ନୁ ଭାଟ୍‌କାରନା

https://openbiblestories.org/l/xis/story-14/

![](https://cdn.door43.org/obs/jpg/360px/obs-en-14-01.jpg)

ପାରମେଶ୍ୱରସ୍ ଇସ୍ରାଏଲ୍ ରିନ୍ ହୁ ନିଯୋମ୍ ବୋନ୍ ତେଂଗାଗେ ମୁଜ୍‌ୟିୟାସ୍ ନେଖାଏ ହୁବଡାରିନ୍ ହିଁଚ୍‌କରାଇ ହୁସ୍ ଘି ଶପଥ୍ ବୋନ୍ ପାଲନ୍ କାମନା ରାଇଦ । ଆରୁ ହୁସ୍ ସିନେ ପାର୍ତା ସ୍ତିନ୍ ଆଗଲୀ ଆଗୁୱାଇ କାମ୍‌ଚାସ୍ । ହୁସ୍ ହୁବଡାରିନ୍ ଶପଥ୍ ଘି ରାଜି ଗେ ହୁଆଁ ବେଦ୍‌ଦାଲାସ୍ । ହୁ ରାଜି ବୋନ୍ କାନାନ୍ ରାଜି ତେଂଗା ଲାର୍ । ପାରମେଶ୍ୱରସ୍ ବାଦଲୀ ଘି ଖୁଟା ନୁ ହୁବଡାର୍ ଘି ଆଘ୍‌ଲି ଆଘ୍‌ଲି କେରାଦ୍ ,ଆରୁ ହୁବଡାର୍ ହୁଦ୍ ଘି ପାଛିଲି ପାଛିଲି କେରାର୍ ।

![](https://cdn.door43.org/obs/jpg/360px/obs-en-14-02.jpg)

ପାରମେଶ୍ୱରସ୍ ଆବ୍ରାହାମ୍, ଇସାହାକ୍ ଆରୁ ୟାକୁବ୍ ରିନ୍ ଶପଥ୍ କାମ୍‌ଚା କାଚାସ୍ କା ହୁ ପ୍ରତିଜ୍ଞା ଘି ରାଜିନ୍ ହୁବଡାର୍ ଘି ବାଉଁଶା ଗେ ଚୋସ୍, ଲେକିନ୍ ହୁ ସାମୀଏଁ ନୁ ହୁସାନ୍ ଜୁକକୁ ଗୁଡେ ଜାତିୟାର୍ ରାଲାର୍ । ହୁବଡାରିନ୍ କାନାନୀ ତେଂଗାକାଲାଦ୍ । ହୁ କାନାନୀ ଆଲାର୍ ପାରମେଶ୍ୱଁର୍ ସିନ ଆରାଧାନା ମା କାମାଲାର୍ ଆରୁ ହୁସ୍ ଘି ଆଦେସ୍ ବୋନ୍ ମା ମାନାଲାର୍ । ହୁବଡାର୍ ଝୁଠା ଦେବତା ଗୁଠିନ୍ ପୁଜାପାଠ୍ କାମାଲାର୍ ଆରୁ ମୁରୁକ୍ ଲେଖା ନୁ ଖାରାପ୍ ନାଲଖୁ କାମାଲାର୍ ।

![](https://cdn.door43.org/obs/jpg/360px/obs-en-14-03.jpg)

ପାରମେଶ୍ୱରସ୍ ଇସ୍ରାଏଲ୍ ଲିରିନ୍ ତେଂଗୀୟାସ୍,” ଯେ ବାକେନ୍ ନିମ୍ ହୁ ଶପଥ୍ ଘି ରାଜି ନୁ କୋର୍ ହାଲେ ହୁସ୍‌ତାର ଜାମା କାନାନିୟାର୍ ସ୍ତିନ୍ ଛୁଟ୍ କାରା ମନୋର୍ । ହୁବଡାର୍ ଗାନେ ମିତ୍ରତା ଆମ୍‌କେ କାମା ଆରୁ ହୁବଡାରିନ୍ ଆମକେ ବେ ଞ୍ଜେରା । ନିମ୍ ହୁବଡାର୍ ଘି ଜାମା ମୁର୍ତି ଗୁଠିନ୍ ପୁରା ଖତମ୍ କାମ୍‌କେ ଚିଚ୍ କେ । ଆଗାର୍ ନିମ୍ ଏଘାଁ କାଥ୍‌ଥା ବୋନ୍ ମା ମେନୋର୍ ହାଲେ ,ତା ନିମ୍ ଏଘାଁ ଚାଲତେ ହୁବଡା ରଘି ଦେବତା ଗୁଠିନ୍ ପୁଜାପାଠ୍ କାମାଲାଗୋର୍ ।

![](https://cdn.door43.org/obs/jpg/360px/obs-en-14-04.jpg)

ଯେ ବାକେନ୍ ଇସ୍ରାଏଲ୍ ଲିର୍ କାନାନ୍ ଘି ସୀମା ନୁ ଆଣସିୟା ର୍ ,ମୁସାସ୍ ଇସ୍ରାଏଲ୍ ଘି ଜାମା ଗୋତର୍ ସ୍ତିନ୍ ଅଣ୍ଟା ଅଣ୍ଟା କାମିକିରୀ ବାରୋଟା ଆଲାରିନ୍ ଚୁନ୍‌ଚାସ୍ । ହୁସ୍ ହୁବଡାରିନ୍ ତାଇୟାସ୍ କା ହୁ ରାଜିଦ୍ ଏସ୍କେ ଆତ୍‌ଲି ବୁଲି କିରୀ ଏରାଗେ ତାଇୟାସ୍ । ହୁବଡାର୍ ହୁ କାନାନିୟାର୍ଘି ଭେଦ୍ ବୋନ୍ ଅନ୍ଦ୍ ରାନା ରାଚାଦ୍ ଆରୁ ଏର୍‌କେ କା ହୁବଡାର୍ ଶକ୍ତି ଶାଳି ଆତ୍ଲ୍ ନାର୍ କା ଦୁର୍ବଳ ଆତ୍ଲ୍ ନାର୍ ।

![](https://cdn.door43.org/obs/jpg/360px/obs-en-14-05.jpg)

ହୁ ବାରୋ ଆଲାର୍ କାନାନ୍ ରାଜିନ୍ ନ୍ତି ମାନିକିରୀ ଚାଲିସ୍ ଉଲ୍ଲା ତୋକ୍ କେରାର୍ ଆରୁ ହୁବଡାର୍ କିରିୟାର୍ ବାରଚାର୍ । ହୁବଡାର୍ ଆଲାରିନ୍ ତେଂଗିୟାସ୍ ,”ହୁ ରାଜି ନୁ ମୁରୁକ୍ ଉବଜାନାର୍ ବାଲା ଜାଗାହ ଆତଲି ଆରୁ ଚାଷ୍ ବାସ୍ ମୁରୁକମାନି ଦ୍ । ଲେକିନ୍ ଦସ୍ ଲୋକ୍ ଯାଁଚପାରତାଲ୍ କାମୁର୍ ତେଂଗିୟାର୍ ,”ହୁବଡାର୍ ଘି ପାଡା ଶକ୍ତିଶାଳି ଆତଲି ,ଆରୁ ହୁବ୍‌ଡ଼ା ଆଲାର୍ ଲାମ୍ବା ଚଉଡା଼ ଆତ୍‌ଲା ନାର୍ ! ଲେକିନ୍ ନାମ୍ ହୁବଡାରିନ୍ ହାମ୍‌ଲା କାମୋତ୍ ହାଲେ, ତା ସଥେନ୍ ହି ହୁବଡାର୍ ନାମାରିନ୍ ହାରାବୋଚର୍ ଆରୁ ନାମାରିନ୍ ପିଟୋର୍ ଚର୍ । ”

![](https://cdn.door43.org/obs/jpg/360px/obs-en-14-06.jpg)

ହୁବାକେନ୍ ନୁ କାଲେବସ୍ ଆରୁ ୟହୋସୁ ସ୍ ଆରୁ ଦୁସ୍‌ରା ଜୋଡ଼େ ଯାଚପାରତାଲ୍ କାମୁର୍ ତେଂଗିୟାର୍ ,”ସୋଥେନ୍ କା କାନାନ୍ ନ୍ତା ଆଲାର୍ ଲାମ୍ବା ଆରୁ ଶକ୍ତି ଶାଳିର୍, ଲେକିନ୍ ସୋଥେନ୍ ହି ନାମ୍ ହୁବଡାରିନ୍ ହାରାବା ଅଂଗତ୍!ପାରମେଶ୍ୱ ରସ୍ ନାମାଗେ ଲାଗାନ୍ ଲାଢ଼ୋସ୍ !”

![](https://cdn.door43.org/obs/jpg/360px/obs-en-14-07.jpg)

ଲେକିନ୍ ଆଲାର୍ କାଲେବ୍ ଆରୁ ୟହୋସୁ ର୍ ଘି କାତ୍‌ଥା ମା ମେନଚାର୍ । ହୁବଡାର୍ ମୁସା ଆରୁ ହାରୁନ୍ ସିନ୍ ଖିସାରାର୍ ଆରୁ ତେଂଗି ୟାର୍ ,”ନିମ୍ ଏମାରିନ୍ ଇ ଖାତ୍‌ରା ଜାଗାନୁ ଏନ୍ଦେର୍ ଗେ ଅନ୍ଦର୍ କାର୍ ? ଏମାରିନ୍ ମିସ୍ର୍ ରାଜିନୁ ରାନା ରାଚାଦ୍ । ଲେକିନ୍ ଏମ୍ ହୁ ରାଜିନୁ କୋମ୍ ହାଲେ ଏମ୍ ଲାଢ଼େ ଇ ନୁ ଖିୟାମ୍ କୋମ୍ , ଆରୁ କାନାନ୍ ନ୍ତା ର୍ ଆଲାର୍ ଏମ୍‌ହାଁଏ ମୁକ୍ କା ଆରୁ ହଦ୍ଦୁ ରିନ୍ ଦାସ୍ ବାନାବୋର୍ । ”ହୁବଡାର୍ ଆଲାର୍ ମିସ୍ରି ରାଜି କିରରାଗେ ଲାଗାନ୍ ଅଣ୍ଟା ଦୁସ୍‌ରା ଆଗୁଆ ସିନ୍‌ ଚାଜା ଚାହାଲାର୍ ।

![](https://cdn.door43.org/obs/jpg/360px/obs-en-14-08.jpg)

ବାକେନ୍ ହୁ ଆଲାର୍ ଏନ୍ନେ ତେଂଗିୟାର୍ ବାକେନ୍ ପାରମେଶ୍ୱରସ୍ ମୁରୁଖ୍ ଖିସାରାସ୍ । ହୁସ୍ ମିଲ୍‌ମିଲାପ୍ ତାମ୍ବୁନୁ ବାରଚାସ୍ ଆରୁ ତେଂଗିୟାସ୍,”ନିମ୍ ଏଘାଁ ବିରୁଦ୍ଧନୁ ଛାଲ୍ କାମଚ୍ କାଦାର୍ ,ଇଦ୍ ଘି ଲଗାନ୍ ନିମ୍ ଜାମାର ଇ ଜଂଗଲ୍ ନୁ ଭାଟ୍କାର୍ ନା ପାଡରୋଦ୍ । ହାର୍ ଅଣ୍ଟା ଆଲାର୍ ବିସ୍ ବଛର୍ ନ୍ତା ଆରୁ ହୁସ୍‌ତି ବାଗ୍‌ଗେ ବଛର୍ ନ୍ତା ହୁସାନ୍ ଖିଆର୍ କୋର୍ ଆରୁ ଏକା ବାକେନ୍ ଭି ହୁ ରାଜିନୁ କୋରାଗେ ପଲଦାର୍ ଯେ ବୋନ୍ ଏନ୍ ନିମାଗେ ଚିଆଲ୍ ଦାନ୍ । ଖାଲି କାଲେବ୍ ଆରୁ ୟହୋସୁ ସ୍ କୋରା ଅଂଗର୍ ।”

![](https://cdn.door43.org/obs/jpg/360px/obs-en-14-09.jpg)

ଯେ ବାକେନ୍ ଆଲାର୍ ପାରମେଶ୍ୱରସ୍ ଘି ଏନ୍ନେ ତେଂଗତେ ମେନଚାର୍ ,ବାକେନ୍ ହୁର୍ ଦୁଃଖୀ ମାନ୍‌ଚାର୍ ଏନ୍ଦେର୍ ଗେ କା ହୁବଡାର୍ ପାପ୍ କାମ୍‌ଚକାରଚାର୍ । ଇଲେଖାନୁ ହୁବଡାର୍ କାନାନ୍ ନ୍ତାର୍ ଆଲାର୍ ଘି ମିୟାଁ ହାମଲା କାମାଗେ ତେୟାରୀ କାମଚାର୍ । ମୁସାସ୍ ହୁବଡାରିନ୍ ମା’ କାଲାଗେ ଚେତାବାନି ଚିଚାସ୍ ଏନ୍ଦେର୍ ଗେ କା ପାରମେଶ୍ୱରସ୍ ହୁବଡାର୍ ଘି ସାଂଗେନୁ ମାକାଦାସ୍, ଲେକିନ୍ ହୁବଡାର୍ ହୁସଘି କାଥ୍ ଥା ବୋନ୍ ମା ମେନ୍‌ଚାର୍ ।

![](https://cdn.door43.org/obs/jpg/360px/obs-en-14-10.jpg)

ପାରମେଶ୍ୱରସ୍ ଇ ଲାଢ଼େଇ ନୁ ହୁବଡାର୍ ଘି ସାଂଗେନୁ ମା କେରାସ୍ ,ଇଦଘି ଲାଗାନ୍ କାନାନିଆର୍ ହୁବଡାରିନ୍ ହାରାବା ଚିଚଚାର୍ ଆରୁ ହୁବଡାର୍ ସ୍ତି ନ୍ ଜୁକକୁରିନ୍ ପିଟେଚାର୍ । ବାକେନ୍ ଇସ୍ରାଏଲ୍ ଲିର୍ କାନାନ୍ ସ୍ତି ନ୍ କିରୟାର୍ । ଆଘଲି ଚାଲିସ୍ ବଛର୍ ତୋକ୍ ,ହୁବଡାର୍ ଜଂଗଲ ନୁ ଇୟା-ହୁୟା ଭାଟ୍ କାରାଚାର୍ ।

![](https://cdn.door43.org/obs/jpg/360px/obs-en-14-11.jpg)

ଇସ୍ରାଏଲିର୍ ଆଲାର୍ ସ୍ତିନ୍ ଜଂଗଲ୍ନୁ ଭାଟ୍କାର୍ନା ଘି ଚାଲିଶ୍ ବଛର୍ ଘି ବାଦ୍ ନୁ ପାରମେଶ୍ୱରସ୍ ହୁବ୍ଡ଼ାର୍ ଘି ଦାର୍କାରି ଗୁଠିନ୍ ପୁରା କାମ୍ ଚାସ୍ । ହୁସ୍ ହୁବ୍ଡ଼ାରିନ୍ ସରଗ୍ ସ୍ତିନ୍ “ମାନ୍ନା“ ତେଂଗ୍ନାବାଲା ଆସ୍ମା ଚିଚ୍ ଚାସ୍। ହୁବ୍ଡ଼ାର୍ ଅଡ଼ା ଘି ଝୁଣି ସ୍ତିନ୍ (ଜେ କି ଆଧା ମିଆ ବାରିକିରି ଅଡ଼ାମାନିଦ୍) ହୁଦ୍ ଘି ଛାଇଁନୁ ତାଇୟାଗେ ହୁଦ୍ ଘି ଚାହାନୁ ଅନାଗେ ଲାଗାନ୍ ଆହାଡ଼ା ରୋଦ୍। ହୁ ପୁରା ସମୟନୁ, ପାରମେଶ୍ୱରସ୍ ହୁବ୍ଡ଼ାର୍ ଘି ଚିଢ଼ା ଗୁଠି ଆରୁ ଜୁତା ଗୁଠି ଘି ଏଟ୍ରେନାସ୍ତିନ୍ ବାଚାବା ଉଇୟାସ୍।

![](https://cdn.door43.org/obs/jpg/360px/obs-en-14-12.jpg)

ଏତକ ତକ୍ କା ପାରମେଶ୍ୱରସ୍ ହୁବ୍ଡ଼ାର୍ ଗେ ଆମ୍ମୁ ହାପ୍ପାଗେ ଚମତ୍କାର୍ ରୂପ୍ ସ୍ତିନ୍ ଚାଟ୍ ଣିନ୍ ସ୍ତିନ୍ ଆମ୍ମୁ ଅଥ୍ରାସ୍ ଲେକିନ୍ ଇ ଜାମା ମାନ୍ତେ ହୋଇ, ଇସ୍ରାଏଲିର୍ ଆଲାର ଗୁଠିର୍ ପାରମେଶ୍ୱରସ୍ ଘି ବିରୁଦ୍ଦନୁ ଆରୁ ମୁଶାସ୍ ଘି ବିରୁଦ୍ଦନୁ ନିନ୍ଦା କାମ୍ ଚାର୍ ଆରୁ କୁଡ଼ କୁଡ଼ରାର୍। ହାଲେ ହି, ପାରମେଶ୍ୱରସ୍ ବିଶ୍ୱାସ୍ ୟୋଗ୍ଯ ରାଚାସ୍। ହୁସ୍ ଜେନ୍ ଶପଥ୍ କାମ୍ ଚାକା ଚାସ୍ କାହୁସ୍ ଆବ୍ରାହାମ୍, ଇସାହାକ୍ ଆରୁ ୟାକୁବ୍ ଘିର୍ ବଂଶ୍ ଗୁଠିର୍ ଘି ଲାଗାନ୍ ହୁସ୍ କାମ୍ ଚାକା ଚାସ୍।

![](https://cdn.door43.org/obs/jpg/360px/obs-en-14-13.jpg)

ଅଣ୍ଟା ଆରୁ ସମୟ ବାକେନ୍ ହୁବ୍ଡ଼ା ଆଲାର୍ ଘି ଚାହାନୁ ଆମ୍ମୁ ମାଲ୍ଲାରୁଦ୍, ପାରମେଶ୍ୱରସ୍ ମୋଶାସିନ୍ ତେଂଗିୟାସ୍, “ଚାଟ୍ ଣିନ୍ତି କାଥ୍ଥା କାମା ହୁସ୍ ତିନ୍ ଆମ୍ମୁ ଉର୍ଖ ।”ଲେକିନ୍ ମୁଶାସ୍ ଚାଟ୍ ଣି ଗାନେ କାଥ୍ଥା ମା କାମ୍ଚାସ୍। ଲେକିନ୍ ଉବୋନ୍, ହୁସ୍ ଲାଠିସ୍ତିନ୍ ଚାଟ୍‌ଣୀ ମିୟାଁ ଦୁଇଥର୍ ଡେମ୍ଚାସ୍ । ଇ ଲେଖାନୁ ହୁସ୍ ପାରମେଶ୍ୱରସ୍ ସିନ୍ ନିରାଦାର୍ କାମ୍‌ଚାସ୍। ଜାମାର୍ ଗେ ହାପ୍ପା ଗେ ଲାଗାନ୍ ଚାଟ୍ ଣିନ୍ତି ଆମ୍ମୁ ଉର୍ଖା ବାର୍ଚ, ଲେକିନ୍ ପାରମେଶ୍ୱରସ୍ ମୁଶାସିନ୍ ଖିସା ରାଚାସ୍ । ହୁସ୍ ତେଂଗିୟାସ୍,”ଏନ୍ଦେର୍ ଗେନିନ୍ ଏନ୍ନେ କାମଚ୍କାଏ , ଏଦ୍ ଘି ଲାଗାନ୍ ନିନ୍ ଶପଥ୍ ଘି ରାଜିନୁ କରାଗେ ପଲ୍ ଦାଏ ।”

![](https://cdn.door43.org/obs/jpg/360px/obs-en-14-14.jpg)

ବାକେନ୍ ଇସ୍ରାଏଲ୍ ଲିର୍ ଆଲାର୍ ଚାଲିଶ୍ ବଛର୍ ତକ୍ ଜଂଗଲ୍ନୁ ଭାଟ୍କା ରାଚ୍କା ଚାର୍ । ହୁବାକେନ୍ ପାରମେଶ୍ୱରସ୍ ବିରୁଦ୍ଧ୍ ଲାଡ଼େଇ କାମ୍ ଚାକା ଚାର୍ ହୁବ୍ଡ଼ାର୍ ଜାମାର୍ କେଚ୍ଚାର୍ କେର୍କା ଚାର୍ । ହୁବାକେନ୍ ପାରମେଶ୍ୱରସ୍ ହୁ ଆଲାରିନ୍ ଆରୁ ହି ଶପଥ୍ ଘି ରାଜି ଘି ଶିବାନେ ତକ୍ ଅଚାସ୍ କେରାସ୍ । ଆକ୍କୁନ୍ ମୁଶାସ୍ ମୁରୁକ୍ ପାଚ୍କି ମାନ୍ଚାସ୍ କେର୍କାଚାସ୍, ହୁଦ୍ ଘି ଲାଗାନ୍ ପାରମେଶ୍ୱରସ୍ ଆଲାର୍ ଘି ଆଗ୍ ୱାଇ କାମାଗେ ଲାଗାନ୍ ହୁବ୍ଡ଼ାର୍ ଘି ମାଦେତ୍ ଲାଗାନ୍ ୟହୋଶୁସ୍ ସିନ୍ ଚାଜିୟାର୍ । ପାରମେଶ୍ୱରସ୍ ମୁଶାସ୍ ସିନ୍ ଇ ଶପଥ୍ କାମ ଚାସ୍ କା ଅଣ୍ଟା ଉଲ୍ଲାନୁ ହୁସ୍ ହୁ ଆଲାର୍ ଘି‍ଚାହାନ୍ ମୁଶାସ୍ ଲେଖା ଅଣ୍ଟା ଭବିଷ୍ଯବକ୍ତାସିନ୍ ତାଇୟସ୍।

![](https://cdn.door43.org/obs/jpg/360px/obs-en-14-15.jpg)

ହୁ ବାକେନ୍ ପାରମେଶ୍ୱରସ୍ ମୁଶାସିନ୍ ଅଣ୍ଟା ପାର୍ତା ମିୟାଁକାଲାଗେ ତେଂଗିୟାସ୍ ତାକି ହୁ ଶପଥ ଘି ରାଜି ବୋନ୍ ଏରା ଅଂଗସ୍ । ମୁଶାସ୍ ହୁ ଶପଥ୍ ଘି ରାଜିବୋନ୍ ଏରିୟାସ୍ ଲେକିନ୍ ପାରମେଶ୍ୱରସ୍ ହୁ ସିନ୍ ହୁ ସାନ୍ କାଲାଗେ ଅନୁମତିମା ଚିଚ୍ ଚାସ୍ । ତା ମୁଶାସ୍ କେର୍ଚାସ୍ କେରାସ୍, ଆରୁ ଇସ୍ରାଏଲିର୍ ତିରିଶ୍ ଉଲ୍ଲା ତକ୍ ଦୁଃଖି ମାନ୍ଚାର୍ । ୟହଶୁସ୍‍ ହୁବ୍ଡ଼ାର୍ ଘି ପୁନା ଆଗୁଆ ମାନ୍ଚାସ୍ । ଯହଶୁସ୍ ଅଣ୍ଟା ବାନେ ଆଗୁଆ ରାଚାସ୍ ଏନ୍ଦେର୍ ଗେ କା ହୁସ୍ ପାରମେଶ୍ୱରସ୍ ଘି ମିୟାଁ ଭାରସା କାମଚ୍ କା ଚାସ୍ ଆରୁ ହୁସ ଘି କାଥ୍ଥା ଗୁଠି ବୋନ୍ ମାନ୍ ଚାକା ଚାସ୍ ।

*निर्गमन अध्याय 16-17; गिनती 10-14; 20; 27; व्यवस्थाविवरण 34 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_14_96kbps.mp3

## 15. ଶପଥ୍ ଘି ରାଜି

https://openbiblestories.org/l/xis/story-15/

![](https://cdn.door43.org/obs/jpg/360px/obs-en-15-01.jpg)

ଆଖିର୍ନୁ, ଆକ୍କୁନ୍ ହୁ ସମୟ ବାର୍ଚା କା ଇସ୍ରାଏଲି ଆଲାର୍ ଶପଥ୍ ଘି ରାଜି, ଘି କାନାନ୍ ନୁ ପ୍ରବେଶ୍ କାମର୍ । ହୁ ରାଜିନୁ ଏରିହୋ ନାମେ ଘି ଅଂଟା ପାଡ଼ା ରାଚାଦ୍ । ହୁଦ୍ ଘି ହିପାଜିତ୍ ଘି ଲଗାନ୍ ହୁଦ୍ ଘି ଚାରି ପାକ୍ ଖିନୁ ମଜ୍ବୁତ୍ କାଥ୍ଥି ରାଚାଦ୍ । ୟହୋଶୁସ୍ ହୁ ପାଡ଼ାଗେ ଗୁପ୍ତଚୋର୍ ଆଲାରିନ୍ ତାଇୟାସ୍ । ହୁ ପାଡ଼ାନୁ ରାହାଦ୍ ନାମେ ଘି ଅଂଟା ବେସିୟାଦ୍ ରାଲାଦ୍ ହୁଦ୍ ଇବ୍ ଡ଼ା ଯାଂଚ୍ ପାର୍ତାଲ୍ କାମୁରିନ୍ ଛିପା ବାଚାଦ୍, ଆରୁ ବାଦ୍ ନୁ ହୁଦ୍ ହୁବ୍ଡ଼ାରିନ୍ ପାଡ଼ାନ୍ତି ବାଚାବା କିରି ଉର୍ଖା ଗେ ମାଦେତ୍ କାମ୍‌ଚାଦ୍ । ହୁଦ୍ ଏନ୍ନେ କାମ୍‌ଚାଦ୍ ଏନ୍ଦେର୍ ଗେକା ହୁଦ୍ ପାରମେଶ୍ୱରସ୍ ଘି ମିୟାଁ ବିଶ୍ୱାସ୍ କାମାଲାଦ୍ । ଯେ ସମୟନୁ ଇସ୍ରାଏଲ ରିନ୍ ଏରି ହବୋନ୍ ଖତମ୍ କାମର୍ ବକେନ୍ ହୁବ୍ଡ଼ାର୍ ରାହାବ୍ ଆରୁ ହୁବ୍ଡ଼ାର୍ ପରିବାର୍ ରିନ୍ ବାଛା ବାନା ଘି ଲାଗାନ୍ ଶପଥ୍ କାମ୍ ଚିକିଚାଦ୍ ।

![](https://cdn.door43.org/obs/jpg/360px/obs-en-15-02.jpg)

ଇସ୍ରାଏଲିର୍ ଆଲାର୍ ଘି ଶପଥ୍ ଘି ରାଜି ନୁ କର୍ନା ଘି ଲାଗାନ୍ ଜାର୍‌ଦାନ୍ ଯୋଢ଼ୁ ପାର୍ ମାନ୍ନା ରାଚାଦ୍ । ପାରମେଶ୍ୱରସ୍ ୟହୋଶୁସ୍ ସିଂନ୍‌ତେଂଗିୟାସ୍, ମୁଖୀଆରିନ୍ ଆଘ୍ଲି କାଲା ଚିୟା ।“ ହୁଦ୍ ଘି ବାଦ୍ ମୁଖୀଆ ସିଂନ୍‌ଜର୍ଦାନ୍ ଜୋଢ଼ୁନୁ ନିଜର୍ ହେଡୁ ଉଇୟାସ୍ ବାକେନି ଆମ୍ମୁ ଘି ଧାରା ଘି ବାହା ନା ଥମରା କେରା, ଯେଏସ୍ କେ କା ଇସ୍ରାଏଲି ଆଲାର୍ ଯୋଢ଼ୁ ଘି ଦୁସ୍‌ରା ପାଖା ତାର ଆରୁ ହାଇ କା ଏହେଁଲା ନ୍ତିନ୍ ପାର୍ ମାନା ଅଂଗର୍ ।

![](https://cdn.door43.org/obs/jpg/360px/obs-en-15-03.jpg)

ହୁବ୍ଡ଼ାର୍ ଆଲାର୍ ଗେ ଜରଦାନ୍ ଯୋଡୁ ପାର୍ ମାଂଚାର୍ ବାକେନ୍ ପାରମେଶ୍ୱରସ୍ ୟହୁଶ୍ ସିନ୍ ତେଂଗିୟାସ୍ କା ଏରିହୋ ଘି ମିଆଁ ହାମଲା କାମାଗେ ତିଆର୍ ରରୋ । ହାଲେଭି ହୁଦ୍ କୁକ୍‌କୁ ତାକତ୍‌ବର୍ ପାଡ଼ା ରାଚା । ପାରମେଶ୍ୱରସ୍ ହୁବ୍ଡା ଅଲାରିନ୍ ତେଂଗିୟାସ୍ ହୁବ୍ଡ଼ା ମୁଖିଆ ରିନ୍ ଆରୁ ସେନାରିନ୍ ଛ ଦିନ୍ ତକ୍ ହୁ ପାଡ଼ା ଘି ଚାରି ପାଖୀ ଆରୁ ଚକ୍କର ମାରନା ରାଇ । ଲେକିନ୍ ମୁଖିୟାର୍ ଆରୁ ସେନାର୍ ଗୁଠିର୍ ହନ୍ନେ ନିନ୍ କାମ୍ ଚାର୍ ।

![](https://cdn.door43.org/obs/jpg/360px/obs-en-15-04.jpg)

ବାକେଂ ସାତ୍ ଦିନ୍, ଇସ୍ରାଏଲ୍ ଗୁଠିର୍ ହୁ ପାଡା ଘି ଚାରି ପାଖି ଆରୁ ସାତ୍ ଥର୍ ଆରୁ ଚକ୍କର୍ ମାର୍ଚାର୍ । ହୁବ୍‌ଡ଼ା ଘି ପାଡ଼ା ଘି ଚାରି ପାଖି ଆରୁ ସାତ୍ ଥର୍ ଚକ୍କର ମାର୍‌ନା ଘିବାଦ ନୁ, ମୁଖୀଆସ୍ ନିଜର୍ ତୁହୁଣ ଉରିଆସ୍ ଆରୁ ସେନାର୍ ଗୁଠିର୍ ଯୋର୍ ସେ ଚିଇରା ରାଚାର୍ ।

![](https://cdn.door43.org/obs/jpg/360px/obs-en-15-05.jpg)

ବାକେନ୍ ଏରିହୋ ଘୀ ଚାରି ପାଖୀ ଆରୁ ନାଚ୍କା କାଥୀ ଖାତ୍ରିଚିଦ୍ ! ଜେସ୍କେ ପାରମେଶ୍ୱରସ୍ ଆଦେଶ୍ ଚିଚ୍କାଚାସ୍ ଇସ୍ରାଏଲର୍ ପାଡା ଘି ଯେତେ ଅଂଟା ଜିନିଶ୍ ବୋନ୍ ନଷ୍ଟ କାମ୍ଚାର୍ । ହୁବ୍ଡ଼ାର୍ ଖାଲି ରାହାବ୍ ଆରୁ ହୁବ୍ଡ଼ା ପରିବାର୍ ବୋନ୍ ଆମ୍ବେୟାର୍ ଚଚାର୍, ଏକାଦ୍ ଇସ୍ରାଏଲିର୍ ଘି ଭାଗ୍ ମାଂଚା କେର୍ କିଚା । ଯେ ବାକେନ୍ କାନାନ୍ ନୁରାନା ବାଲାର୍ ଦୁସ୍‌ରା ଆଲାର୍ ଗୁଠି ମେଂଚାର୍ ଯେ ଇସ୍ରାଏଲିର ଏରିହି ବୋନ୍ ଖତମ୍ କାମ୍ ଚାର୍ ଚିଚଚାର୍, ତା ହୁବ୍ଡ଼ାର୍ ଏଲ୍ ଚିୟାର୍ କେରାର୍ ଇସ୍ରାଏଲ୍ ଆଲାର୍ ହୁଦ୍ ଘି ମିଆଁ ଭି ହାସ୍‌ଲା କାମୋର୍ ।

![](https://cdn.door43.org/obs/jpg/360px/obs-en-15-06.jpg)

ପାରମେଶ୍ୱରସ୍ ଇସ୍ରାଏଲ୍ ରିନ୍ ଆଦେଶ ଚିଚ୍କା ଚାସ୍ କା କାନାନ୍ ନୁ ରୁ ବାଲାର୍ ଏନ୍ଦି୍ରିନ୍ ଭି ଜାତିର୍ ଘି ସାଂଗେ ଶାନ୍ତି ଶୃଙ୍ଖଳା କାମ୍‍ନା ମାଲ୍ଲାଦିନ୍ I ଲେକିନ୍ ଗିବୋନିଆଁ ନାମେ ଅଣ୍ଟା କାନାନ୍ ଜାତି ଘି ୟହୋଶୁ ସିନ୍ ଠାକ୍‍ଚାସ୍ କା ହୁବ୍‍ଡ଼ାର୍ କନାନ୍‍ସ୍ତିନ୍ ଗେଚ୍ଛା ଅଣ୍ଟା ଅଢ଼ାସାନ୍ ଘି ରାନାବାଲାର୍ I ହୁବ୍‍ଡ଼ାର୍ ୟହୋଶୁ ସିନ୍ ହୁବ୍‍ଡ଼ାର୍ ଶାନ୍ତି ଶୃଙ୍ଖଳା କାମାଗେ ହେକ୍‌ଖା ଚୋଡ଼ଚାସ I ୟହୋଶୁ ଆରୁ ଅଲ୍‍ଗା ଇସ୍ରାଏଲିର୍ ଘି ଆଗୁଆର୍ ପାରମେଶ୍ଵର ସିନ୍ ମା’ ମେଞ୍ଚାର କା ହୁବ୍‍ଡାର୍ ଗେ ଏନ୍ଦେର୍ କାମନା ରାଇଦ୍ I ହୁଦ୍‍ଘି ଲାଗାନ୍, ହୁବ୍‍ଡାର୍ ଗିବୋନିଆଁ ଘି ସାଂଗେନୁ ଶାନ୍ତି ଶୃଙ୍ଖଳା କାମ୍‍ଚାର୍ I

![](https://cdn.door43.org/obs/jpg/360px/obs-en-15-07.jpg)

ତିନ୍ ଦିନ୍ ପାଛ୍‍ଲି, ଇସ୍ରାଏଲିର୍ ଆହାଗେ ଅଙ୍ଗିୟାର କା ଗିବୋନ୍ ଆଲାର୍ କାନାନ୍ ନୁ ହି ରାଲ୍‌ନାର୍ I ହୁବ୍‍ଡାର୍ ଖିସାର୍‍ରାର୍ କେରାର୍ ଏନ୍ଦେର୍ ଗେକା ଗିବୋନିୟର୍ ହୁବ୍‍ଡାରିନ୍ ଧୋଖା ଚିଚ୍‍କାଚାର୍ I ଲେକିନ୍ ହୁବ୍‍ଡାର୍ ଘି ସାଂଗେନୁ କାମ୍‍କାଚାଦ୍ ହୁ ଶାନ୍ତି ଶୃଙ୍ଖଳା ବୋନ୍ କାମ୍‍ଚାର୍ ଉୟାର୍ ଏନ୍ଦେର୍ ଗେ କା ହୁବ୍‍ଡାର୍ ପାରମେଶ୍ଵର ଘି ଆଘ୍‍ଲି କାମ୍‍ଚକାଚାର୍ I ବାକେନ୍ କିଛି ସମୟ ଘି ପାଛ୍‍ଲି, କାନାନ୍ ନୁ ରାନାବାଲାର୍ ଅଣ୍ଟା ଦୁସ୍‍ରା ଜାତି, ଏମୋରିଆଁ ସ୍ତା ରାଜାସ୍ ମେଞ୍ଚାସ୍ କା ଗିବୋନ୍‍ନିୟର୍ ଗୁଠି ଇସ୍ରାଏଲିର୍ ଘି ସାଂଗେ ଶାନ୍ତି ଶୃଙ୍ଖଳା କାମ୍‍ଚାର୍, ଉଦ୍‍ଘି ଲାଗାନ୍ ହୁବ୍‍ଡାର୍ ନିଜର୍ ନିଜର୍ ସେନାରିନ୍ ଅଣ୍ଠାଣସାନ୍ କାମିକିରି ଅଣ୍ଟା ବାଡ଼୍‍କା ସେନା ନାନ୍‍ଚାର୍ ଆରୁ ଗିବୋନ୍ ରାଜି ଘି ମିଆଁ ହାମ୍‌ଲା କାମ୍‍ଚାର୍ ଚିଚାର୍ I ଗିବୋନ୍ ନିୟର୍ ହୁବ୍‍ଡ଼ାରିନ୍ ଘି ମଦେତ୍ କାମାଗେ ୟହୋଶୁସ୍ ଘି ଚାହାଁଗେ ଅଣ୍ଟା ସାନ୍ଦେଶ ତାଇୟାସ୍ I

![](https://cdn.door43.org/obs/jpg/360px/obs-en-15-08.jpg)

ଆଖ୍ ରିନୁ ୟହୋଶୁସ୍ ଇସ୍ରାଏଲିର୍ ଘି ସେନାବୋନ୍ ଅନଠାଣ୍ ସାନ୍ କାମ୍ ଚାର୍ ଆରୁ ଗିବୋନୟସ୍ ଘି ଚାହାଁନୁ ଆଣ୍ ସାଗେ ହୁବ୍ ଡ଼ାର୍ ପୁରା ମାହାଁ ତାକ୍ ଏକିୟାର୍ । ଭୋର୍ ପାଇଁ ରିନୁ ହୁବ୍ଡ଼ାର୍ ଏମୋରିୟା ଘି ସେନାରିନ୍ ଚକିତ୍ କାମ୍ ଚାର୍ ଆରୁ ହୁଦ୍ ଘି ମିଆଁ ଲାଢ଼େଇ କାମ୍ ଚାର୍ ଚିଚାର୍ ।

![](https://cdn.door43.org/obs/jpg/360px/obs-en-15-09.jpg)

ହୁ ଉଲ୍ଲା ପାରମେଶ୍ୱରସ୍ ଇସ୍ରାଏଲିର୍ ଘି ଲଗାନ୍ ଲାଢ଼ ଚାସ୍ । ହୁବ୍ ଡ଼ାର୍ ଏମୋରିୟା ବୋନ୍ ଘାବ୍ ରା ଚାର୍ ଆରୁ ହୁବ୍ ଡ଼ାର୍ ବାଡ଼କା ବାଡ଼କା ଚିଚଚୁ ଟିଢ଼ା କିରି ଜୁକକୁ ନ୍ତି ଏମୋରିୟା ଗୁଠିରିନ୍ ପିଟେର୍ ଚାର୍ ।

![](https://cdn.door43.org/obs/jpg/360px/obs-en-15-10.jpg)

ପାରମେଶ୍ୱରସ୍ ବିଡ଼ି ବୋନ୍ ଆକାଶନୁ ଅଣ୍ଟା ଜାଗାସାନ୍ ଉଏଚାସ୍ ବାକେନ୍ ଇସ୍ରାଏଲିର୍ ଗେ ବାନେ ସମୟ ହାକଖୋର୍ କା ଏମୋରିୟା ବୋନ୍ ପୁରାପୁରି ସ୍ତିନ୍ ହାର୍ ବାଚାର୍ ହୁ ଉଲ୍ଲା, ପାରମେଶ୍ୱରସ୍ ଇସ୍ରାଏଲର୍ ଘି ଲାଗାନ୍ ଅଣ୍ଟା ବାଡ଼୍ କା ଜିତ୍ ମାଂଚାଦ୍ ।

![](https://cdn.door43.org/obs/jpg/360px/obs-en-15-11.jpg)

ଯେତେବାକେନ୍ ପାରମେଶ୍ୱରସ୍ ହୁବ୍ଡ଼ା ସେନାରିନ୍ ହାରା ବାଚ୍କା ଘି ପାଛ୍ଲି, ଜୁକ୍କୁ କେନ୍ କାନାନି ଜାତି ଘି ଆଲାର୍ ଇସ୍ରାଏଲ୍ ମିଆଁ ହାମଲା କାମାଗେ ଅଣ୍ଠାଣ୍ ସାନ୍ ମାଂଚ୍ କାଚାର୍ । ୟହୋଶୁସ୍ ଆରୁ ଇସ୍ରାଏଲିର୍ ହାମଲା କାମି କିରି ହୁବ୍ଡ଼ାରିନ୍ ସର୍ବନାସ୍ କାମ୍ଚେ ଚାସ୍ ।

![](https://cdn.door43.org/obs/jpg/360px/obs-en-15-12.jpg)

ଇ ଲାଢ଼େଇ ଘି ପାଛ୍ଲି, ପାରମେଶ୍ୱରସ୍ ଇସ୍ରାଏଲ୍ ଘି ଜାମା ଗୋତର୍ ରିନ୍ ଶପଥ୍ ଘି ହୁ ରାଜିନୁ ହୁସ୍ ଗେ ଭାଗ୍ ଚିଚାର୍ । ବାକେନ୍ ପାରମେଶ୍ୱରସ୍ ଇସ୍ରାଏଲିର୍ ବୋନ୍ ହୁଦ୍ ଘି ଜାମା ସୀମା ମିଆଁ ଶାନ୍ତି ପ୍ରଦାନ୍ କାମ୍ ଚାରା ।

![](https://cdn.door43.org/obs/jpg/360px/obs-en-15-13.jpg)

ଯେତେବାକେନ୍ ୟହୋଶୁସ୍ ପାଚ୍କି ମାଂଚାସ୍ କେରାସ୍ ତା ହୁସ୍ ଇସ୍ରାଏଲ୍ ଘି ଜାମା ଆଲାରିନ୍ ଅଣ୍ଟା ସାଂଗେନୁ ମେହିୟାସ୍ ହୁବାକେନ୍ ୟହୋଶୁସ୍ ହୁବ୍ଡ଼ା ଆଲାରିନ୍ ୟାଦ୍ ଦିଲାବା ଚାସ୍ କା ହୁବ୍ଡ଼ାର୍ ହୁ କାତଥାବୋନ୍ ପାଳନ କାମାଗେ ଶପଥ୍ କାମ୍ କାଚାର୍, ଲେକିନ୍ ପାରମେଶ୍ୱରସ୍ ହୁବ୍ଡ଼ାର୍ ଘି ସାଂଗେ ସିନେ ପାର୍ତାନୁ ହିଚ୍ କା ଚାର୍ । ହୁବ୍ଡ଼ାର୍ ଆଲାରିନ୍ ପାରମେଶ୍ୱରସ୍ ଘି ମିଆଁ ବିଶ୍ୱାସନୁ ରାଗେ ଆରୁ ହୁଦ୍ ଘି ନିୟମ ଘି ଆନୁସାର୍ ପାଲାନ୍ ନାନାଗେ ଶପଥ୍ ଚିଚ୍ ଚାସ୍ ।

*यहोशू अध्याय 1-24 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_15_96kbps.mp3

## 16. ଛୋଡ଼ାବାନା ବାଲା

https://openbiblestories.org/l/xis/story-16/

![](https://cdn.door43.org/obs/jpg/360px/obs-en-16-01.jpg)

ୟହୋସୁସ୍ ଘି ଖୁନା ଘି ବାଦେ ଇସ୍ରାଏଲିର୍ ଜାମାର୍ ପରମେଶ୍ୱରସ୍ ଘି ଆଜ୍ଞାବୋନ୍ ମା’ ମାନ୍‌ଚାର୍ । ହୁବ୍‌ଡ଼ାର୍ ପାରମେଶ୍ୱରସ୍ ଘି ନିୟମ୍ ଗୁଠିବୋନ୍ ମା’ ମାନ୍‌ଚାର୍ । ଆରୁ ହୁ ଶପଥ୍ ଘି ରାଜିନୁ ବାଛ୍‌ରକା ଚାରୁ କାନାନିଆଁ ରିନ୍ ବାହାରି ମା ଅଥୋରିୟାର୍ । ଇସ୍ରାଏଲି ଗୁଠିର୍ ନିଜର୍ ସାଚ୍ଚା ପାରମେଶ୍ୱରସ୍, ୟହୋବା ସିନ୍ ଆମ୍ବି କିରି କାନାନିର୍ ଘି ଦେବତ ଗୁଠିର୍ ଘି ପୂଜା କାମାଗେ ସୁରୁ କାମ୍‌ଚେଚାର୍ । ଇସ୍ରାଏଲି ର୍ ଘି ଚାହାଁନୁ ନେର୍ ଭି ରାଜା ମା’ ରାଚାର୍ । ଇଦ୍ ଘି ଲାଗାନ୍ ନେର୍ ଏସ୍କେ ସାହି ଲାଗ୍‌ଗିୟାଦ୍ ହୁବ୍ଡ଼ାର୍ ହୁ ବୋନ୍ କାମ୍‌ଚାର୍ ।

![](https://cdn.door43.org/obs/jpg/360px/obs-en-16-02.jpg)

ପାରମେଶ୍ୱରସ୍ ଘି ଆଜ୍ଞାବୋନ୍ ମା ମାନ୍ନା ଘି ଲାଗାନ୍ ଇସ୍ରାଏଲ୍ ଗୁଠିର୍ ଅଣ୍ଟା ନିୟମ୍ ବୋନ୍ ସୁରୁ କାମ୍‌ଚେର୍‌ଚିଚ୍‌ଚାର୍ କା ହୁବୋନ୍ କେତ୍‌କୋ ଥର୍ ଦୋହୋରା କେର୍‌କି ଚା । ଇ ନିୟମ ଇ ଲେଖାନୁ ଚାଲରାଦ୍ କିଛି ବଛର୍ ତୋକ୍ ଇସ୍ରାଏଲିର୍ ପାରମେଶ୍ୱରସ୍ ଘି ଆଜ୍ଞା ବୋନ୍ ମା ମାନ୍‌ଚାର୍, ବାକେନ୍ ହୁସ୍ ହୁବ୍‌ଡ଼ାର୍ ଘି ଦୁଶ୍‌ମାନିର୍ ଗୁଠିର୍ ନ୍ତିନ୍ ହାରାବାନାଗେ ଲାଗାନ୍ ଦଣ୍ଡିତ୍ କାମଚାର୍ । ଇ ଶତ୍ରୁର୍ ଇସ୍ରାଏଲିର୍ ଘି ସ୍ତିନ୍ ହୁବ୍‌ଡ଼ାର୍ ଘି ଜିନିଷ ଗୁଠିନ୍ ଲୁଟାର୍ ହୋର୍, ହୁବ୍ଡ଼ାର୍ ଘି ଧାନ୍ନୁ ଗୁଠିବୋନ୍ ନାସ୍ କାମୋର୍ ଚୋର୍, ଆରୁ ହୁବ୍ଡ଼ର୍ ସ୍ତିନ୍ ସେ ଜୁକ୍‌କୁ ରିନ୍ ପିଟୋ ଚୋର୍ । ଫିର୍ ଆରୁ ଇସ୍ରାଏଲ୍ ଗୁଠିର୍ ଘି ଶତ୍ରୁ ଜାମାର୍ ହୁବ୍ଡ଼ାର୍ ଘି ମିୟାଁ ଇୟୋଁ ବରଷ୍ ତୋକ୍ ତଡ଼୍‌ପା ବୋର୍ , ହୁଦ୍‌ଘି ବାଦେ ନୁଁ ଇସ୍ରାଏଲର୍ ନିଜର୍ ପାପ୍ ଗୁଠି ବୋନ୍ ପାଛ୍‌ତାରୋର୍ ଆରୁ ପାରମେଶ୍ୱର ସ୍ତିନ୍ ହୁବ୍ଡ଼ାରିନ୍ ବାଛାବା ଗେ ଲାଗାନ୍ ପ୍ରାର୍ଥନା (ବିନ୍ତି ) କାମୋର୍ ।

![](https://cdn.door43.org/obs/jpg/360px/obs-en-16-03.jpg)

ସବୁ ବାକେନ୍ ଇସ୍ରାଏଲିର୍ ପାଛ୍‌ତାରୋର୍ ହାଲେ ପାରମେଶ୍ୱରସ୍ ହୁବ୍ଡ଼ାରିନ୍ ବାଚାବୋସ୍ । ହୁସ୍ ଅଣ୍ଟା ଛୁଡ଼ାବାନା ବାଲାସ୍ ଘି ଚାଲ୍‌ତେ ଏନ୍ନେ କାମୋସ୍ ଅଣ୍ଟା ଏନ୍ନେ ଆଲାସ୍ ଯେବୋନ୍ ହୁବ୍ଡ଼ର୍ ଘି ଶତ୍ରୁ ଗୁଠିର୍ ଘି ବିରଧ୍ ନୁ ଲାଡ଼ୋସ୍ ଆରୁ ହୁବ୍ଡ଼ାରିନ୍ ହାରାବୋସ୍ ବାକେନ୍ ରାଜିଦ୍ ଶାନ୍ତି ମାନୋଦ୍ ଆରୁ ହୁ ଛାଡ଼ାବାନା ବାଲାସ୍ ହୁବ୍ଡ଼ାର୍ ଘି ମିୟାଁ ବାନେ ଲେଖାନୁ ଶାସନ୍ କାମୋସ୍ ।ପାରମେଶ୍ୱରସ୍ ହୁ ଆଲାରିନ୍ ବାଚାବାଗେ ଲାଗାନ୍ ଜୁକ୍‌କୁ ଲେଖା ଛୁଡ଼ାବାନାରିନ୍ ତାଇୟାସ୍ । ପାରମେଶ୍ୱରସ୍ ଘି ଚାହାଁନ୍ତି ଅଣ୍ଟା ଶତ୍ରୁ ଜାତିର୍ , ମିଦିୟାନିୟାଁ ଗୁଠିର୍ ଘି ଚାଲାତେ ଇସ୍ରାଏଲ୍‌ରିନ୍ ହାରାବାଗେ କାମ୍‌ନା ଘି ଲାଗାନ୍ ଆରୁ ଫିର୍ ଏନ୍ନେ କାମ୍‌ଚାସ୍ ।

![](https://cdn.door43.org/obs/jpg/360px/obs-en-16-04.jpg)

ମିଦିୟାନିୟାର୍ ଗୁଠିର୍ ସାତ୍ ବରଷ୍ ତୋକ୍ ଇସ୍ରାଏଲିର୍ ଘି ଧାନ୍‌ନୁବୋନ୍ ଲୁଟ୍‌ଟାର୍ । ଇସ୍ରାଏଲିର୍ ଆଲାର୍ ମୁରୁକ୍ ଏଲ୍‌ଚିୟାର୍ କେର୍‌କାଚାର୍, ଆରୁ ହୁବ୍‌ଡ଼ାର୍ ଗୁମ୍ଫା ଗୁଠିନୁ ନୁହୁଁରା କେରାର୍ ଏନ୍ଦେର୍ ଗେ କା ମିଦ୍ୟାନି ଆଲାର୍ ହୁବ୍ଡ଼ାରିନ୍ ବେଦ୍‌ଦା ଗେ ପୋଲ୍‌ଲୋର୍, ଆଖିର୍ , ହୁବ୍ଡ଼ାରିନ୍ ବାଛାବାନାଗେ ଲାଗାନ୍ ହୁବ୍‌ଡ଼ାର୍ ପାରମେଶ୍ୱରସିନ୍ ୟାଦ୍ କାମ୍‌ଚାର୍ ।

![](https://cdn.door43.org/obs/jpg/360px/obs-en-16-05.jpg)

ଗିଦୋମ୍ ନାମେ ଅଣ୍ଟା ଇସ୍ରାଏଲି ଆଲାସ୍ ରାଚାସ୍ । ଅଣ୍ଟା ଉଲ୍ଲାନୁ ହୁସ୍ ଅଣ୍ଟା ଶୁନ୍‌ଶାନ୍ ଜାଗାନୁଁ ଗହମ୍ ବୋନ୍ ହେତ୍‌ତାଲାସ୍ ଏନ୍ଦେର୍‌ଗେ କା ମିଦ୍ୟାନି ଆଲାର୍ ହୁବୋନ୍ ହାଡ଼ାଗେ ପଲ୍‌ନାର୍ । ୟହୋବାସ୍ ଘି ସରଗ୍‌ଦୂତ୍ ଗିଦନ୍‌ସ୍ ଘି ଚାହାଁନୁ ବାର୍‌ଚାସ୍ ଆରୁ ହୁସିନ୍ ତେଂଗିୟାସ୍ ହେ ସାହସ୍ କାମନା ବାଲା ୟଧ୍ୟାୟୋ, ପାରମେଶ୍ୱରସ୍ ନିଘାଁ ସାଙ୍ଗେନୁ ଆତ୍‌ଲ୍ ଦାସ୍ । କାଲା ଆରୁ ଇସ୍ରାଏଲ୍ ଗୁଠିରିନ୍ ମିଦ୍ୟାନିୟୋଁ ସ୍ତିନ୍ ବାଚାବା ।

![](https://cdn.door43.org/obs/jpg/360px/obs-en-16-06.jpg)

ଗିଦୋନ୍‌ସ୍ ଘି ତାମ୍ବାସ୍ ଘି ଚାହାଁନୁ ମୁର୍ତ୍ତି ସ୍ଥାପନ୍ କାମାଗେ ଅଣ୍ଟା ବେଦି ରାଚାଦ୍ ।ସାବସେ ପାହିଲା କତ୍‌ଥାନୁ ଯେ ବୋନ୍ ପାରମେଶ୍ୱରସ୍ ଗିଦୋନ୍ ସିନ୍ କାମ୍‌ନା ଘି ଲାଗାନ୍ ତେଙ୍ଗିୟାସ୍ ହୁସ୍ ହୁ ବେଦିବୋନ୍ ହୋଟ୍ଟନା ରାଚାଦ୍ । ଲେକିନ୍ ଗିଦୋନସ୍ ଆଲାରିନ୍ ଏଲ୍‌ଚାଲାସ୍, ଇ ବାକେନ୍ ହୁସ୍ ମାହାଁ ମାନ୍ନା ଘି ତାକ୍‌ତୋକ୍ ନୁଁ ରାଚାସ୍ । ଇ ବାକେନ୍ ହୁ ବେଦି ବୋନ୍ ହୋଟ୍ଟା କିରି ଟୁକୁଡ଼ା ଟୁକୁଡ଼ା କାମ୍‌ଚେଚାସ୍ । ହୁସ୍ ପାରମେଶ୍ୱରସ୍ ଲାଗାନ୍ ଅଣ୍ଟା ପୁନ୍ନା ବେଦି ବୋନ୍ ବାନାବାଚାସ୍ ଆରୁ ହୁଦ୍‌ଘି ମିୟାଁ ପାରମେଶଚୱରସ୍ ଘି ଲାଗାନ୍ ବାଳି ଚାଢ଼ାବାଚାସ୍ ।

![](https://cdn.door43.org/obs/jpg/360px/obs-en-16-07.jpg)

ଆଘ୍‌ଲି ପାଇରି ବାକେନ୍ ଆଲାର୍ ଏରିୟାର୍ କା ନେର୍ ବେଦି ବୋନ୍ ହୋଟ୍ଟୀ କିରି ଖଣ୍-ଖଣ୍ କାମ୍‌କେଚିଚ୍‌କାନାର୍, ଇ ବାକେନ୍ ହୁବ୍ଡ଼ାର୍ ମୁରୁଖ୍ ଖିସରାର୍ କେରାର୍ । ହୁବ୍‌ଡାର ଗିଦୋନ୍ ସିନ୍ ପିଟାଗେ ଲାଗାନ୍ ହୁସ୍ ଘି ଏଡ଼୍‌ପା ଗେ କେରାର୍, ଲେକିନ୍ ଗିଦୋନସ୍ ଘି ତାମ୍ବାସ୍ ତେଙ୍ଗିୟାସ୍,“ ନିମ୍ ଏନ୍ଦେର୍ ଗେ ନିଜର୍ ଦେବତା ଘି ସାହାୟାତା କାମାଗେ ଲାଗାନ୍ କୋଶିସ୍ କାମ୍‌ଲଦାର୍ ? ଆଗର ହୁଦ୍ ଦେବତାଦ୍ ହାଲେ ହୁଦ୍ ନିଜର୍ ସହାୟତା ଖୁଦ୍ ବୋନ୍ କାମାଗେ ଚିୟା !” ଏନ୍ଦେର୍ ଗେ ହୁସ୍ ଏନ୍ନେ ତେଂଗିୟାସ୍ ବାକେନ୍ ଆଲାର୍ ଗୁଠିର୍ ଗିଦୋସିନ୍ ମା ଡେମଚାର୍ ।

![](https://cdn.door43.org/obs/jpg/360px/obs-en-16-08.jpg)

ବାକେନ୍ ଇସ୍ରାଏଲି ଗୁଠିରିନ୍ ଲୁଟାଗେ ମିଦ୍ୟାନି ଆଲାର୍ ଫିର୍ ସେ ବାର୍‌ଚାର୍ । ହୁବ୍‌ଡ଼ାର୍ ଏତ୍‌କୋ ଜୁକ୍‌କୁ ରାଚାରକା ହୁବ୍‌ଡ଼ାର୍ ଘି ଗିନା ଗେ ଭି ପଲ୍‌ନାର୍ । ଗିଦୋନ୍‌ସ୍ ହୁବ୍‌ଡ଼ାର୍ ଘି ବିରୋଧ ନୁଁ ଲାଡ଼ାଗେ ଲାଗାନ୍ ଇସ୍ରାଏଲ୍‌ରିନ୍ ଅନଠାଣ୍ ସାନ୍ ମେହିୟାସ୍ । ଗିଦୋନ୍‌ସ୍ ପାରମେଶ୍ୱରସ୍ ସ୍ତିନ୍ ଜୋଡ଼େ ଚିହ୍ନା ନିଚାସ୍ ଏନ୍ଦେର୍ ଗେ କା ହୁସ୍ ଗେ ବିଶ୍ୱାସ୍ ମାନୋକଦ୍ କା ପାରମେଶ୍ୱରସ୍ ସଥେନ୍ ହିଁ ହୁ ଇସ୍ରାଏଲ୍‌ରିନ୍ ବାଛାବାଗେ ତେଙ୍ଗାଲାସ୍ ।

![](https://cdn.door43.org/obs/jpg/360px/obs-en-16-09.jpg)

ପାହିଲା ଚିହ୍ନା ଘି ଲାଗାନ୍, ଗିଦୋନ୍‌ସ୍ ଭେଡ଼ି ଘି ଚୁଟ୍ଟି ବୋନ୍ ଏହେଁଲାନୁ ଉଇୟା କିରି ପାରମେଶ୍ୱରସ୍ ସିନ୍ ତେଙ୍ଗିୟାସ୍ କା ପାଇରିନ୍ ନ୍ତା ଅସ୍ ଭେଡ଼ି ଘି ଚୁଟ୍ଟି ନୁ ଖାଲି ଖାତ୍‌ରୋଦ୍ ଆରୁ ଏହେଁଲାନୁଁ ମା’ ଖାତ୍‌ରୋଦ୍ । ପାରମେଶ୍ୱରସ୍ ଏନ୍ନେ ହି କାମ୍‌ଚାସ୍, ଆଘ୍‌ଲି ମାହାଁନୁ ହୁସ୍ ପାରମେଶ୍ୱରସ୍ ସିନ୍ ତେଙ୍ଗିୟାସ୍ କା ଏହେଁଲାଦ୍ ହେନା ମାନୋକୋଦ୍ ଲେକିନ୍ ଭେଡ଼ି ଘି ଚୁଟ୍ଟି ହାଇକା ରୋଦ୍ । ପାରମେଶ୍ୱରସ୍ ଏନ୍ନେହି କାମ୍‌ଚାସ୍ । ଇ ଜୋଡ଼େ ଚିହ୍ନା ଘି କାରଣ ନୁ, ଗିଦୋନ୍‌ସ୍ ବିଶ୍ୱାସ୍ କାମ୍‌ଚାସ୍ କା ପାରମେଶ୍ୱରସ୍ ସଥେନ୍‌ନୁ ଚାହାଲ୍ ଦାସ୍ କା ହୁସ୍ ଇସ୍ରାଏଲରିନ୍ ମିଦ୍ୟାନିୟାଁ ସ୍ତିନ୍ ବାଛାବାଦାସ୍ ।

![](https://cdn.door43.org/obs/jpg/360px/obs-en-16-10.jpg)

ବାକେନ୍ ଗିଦୋନ୍ ସେନା ଜାମାରିନ୍ ନିଜର୍ ଚାହାଁନୁ ମେହିୟାସ୍ ଆରୁ ୩୨,୦୦୦ ଆଲାର୍ ବାର୍‌ଚାର୍ । ଲେକିନ୍ ପାରମେଶ୍ୱରସ୍ ହୁସିନ୍ ତେଙ୍ଗିୟାସ୍ କା ଇବ୍‌ଡ଼ାର୍ ଜୁକ୍‌କୁ ମାନ୍‌ଚାର୍ । ଗିଦୋନ୍‌ସ୍ ହୁ ଜାମା ୨୨,୦୦୦ ରିନ୍ ଏଡ଼ାପାଗେ କିରତେ ଚାସ୍ ନେର୍ ଲାଢ଼ା ଗେ ଏଲ୍‌ଚାଲାର୍ । ପାରମେଶ୍ୱରସ୍ ଗିଦୋନ୍ ସିନ୍ ତେଙ୍ଗିୟାସ୍ କା ଇବଡାର୍ ଆଲାର୍ ଆଙ୍କୁନ୍ ତୋକ୍ ଭି ଜୁକ୍‌କୁ ଆତ୍‌ଲନାର । ଇ ବାକେନ୍ ଗିଦୋନ୍‌ସ୍ ୩୦୦ ସେନାରିନ୍ ଆମ୍ବିକିରି ଜାମାରିନ୍ ଏଡ଼ପା ତାଇୟେଚାସ୍ ।

![](https://cdn.door43.org/obs/jpg/360px/obs-en-16-11.jpg)

ହୁ ମାହାଁନୁଁ ପାରମେଶ୍ୱରସ୍ ଗିଦୋନ୍ ସିନ୍ ତେଙ୍ଗିୟାସ୍,“ ମିଦ୍ୟାନିୟୋର୍ ଘି ଡେରା ଗେ କାଲା ଆରୁ ହୁବ୍ଡ଼ାର୍ ଘି କାତଥା କାମ୍‌ନା ବୋନ୍ ମେନା । ଯେ ବାକେନ୍ ନିନ୍ ମେନ୍‌କେ ଏନ୍ଦେର୍ କାତ୍‌ଥା କାମାଲାର୍ ତା ନିନ୍ ହୁବ୍ଡ଼ାର୍ ଘି ମିୟାଁ ହାମ୍‌ଲା କାମାଗେ ମା ଏଲ୍‌ଚୋଏ । “ ବାକେନ୍ ହୁ ମାହାଁ ନୁଁ, ଗିଦୋନ୍ କିୟାଁ ହୁବ୍ଡ଼ାର୍ ଘି ଡେରା ଗେ କେରାସ୍ ଆରୁ ହୁବ୍ଡ଼ାର୍ ଘି ଅଣ୍ଟା ମିଦ୍ୟାନି ସେନାସ୍ ନିଜର୍ ସାଙ୍ଗେ ସିନ୍ ଇ କାତ୍‌ଥା ବୋନ୍ ତେଙ୍ଗନା ବାକେନ୍ ମେନ୍‌ଚାସ୍ କା ହୁସ୍ ସପନ୍ ନୁଁ ଏର୍‌କାଚାସ୍ । ହୁ ଆଲାସ୍ ଘି ସାଙ୍ଗେସ୍ ତେଙ୍ଗିୟାସ୍, ଇ ସପନ୍ ଘି ମାନେ ଗିଦୋନ୍‌ସ୍ ଘି ସେନା ଏମ୍‌ହାଁ ମିଦ୍ୟାନି ସେନା ବୋନ୍ ହାରାବୋର୍ ଚୋର୍ ।” ହୁ ବାକେନ୍ ଗିଦୋନ୍‌ସ୍ ଇ ବୋନ୍ ମେନ୍‌ଚାସ୍ ତା ହୁସ୍ ପାରମେଶ୍ୱରସ୍ ଘି ଆରାଧାନା କାମ୍‌ଚାସ୍ ।

![](https://cdn.door43.org/obs/jpg/360px/obs-en-16-12.jpg)

ଇ ବାକେନ୍ ଗିଦୋନ୍ ନିଜର୍ ସେନାର୍ ଘି ଚାହାଁନୁ କିରିୟାସ୍ ଆରୁ ହୁବ୍ଡ଼ାରିନ୍ ଅଣ୍ଟା –ଅଣ୍ଟା ଉର୍‌ନା ବାଲା ତୋହଣେ ଅଣ୍ଟା ହାଜ୍‌ଜୁନ୍ତା ଗିନା, ଆରୁ ଅଣ୍ଟା ଚିଚ୍‌ଚୁ ଧାର୍‌ନା ମିଶାଲ୍ ଚିଚ୍‌ଚାସ୍ । ହୁବ୍ଡ଼ାର୍ ହୁ ଡ଼େରା ବୋନ୍ ଘେର୍‌ଚାର୍ ଏକାସାନ୍ ହୁବଡା ମିଦ୍ୟାନ୍ ସେନାର୍ ହାନ୍ଦ୍‌ରଲାର୍ । ଗିଦୋନ୍‌ସ୍ ଘି ୩୦୦ ସେନାର୍ ନିଜର୍ ଚିଚ୍‌ଚୁ ଧାର୍‌ନା ମିଶାଲ୍ ଗୁଠିଦ୍ ଗିନା ସ୍ତିନ୍ ଢାପ୍‌ରକା ରାଚାଦ୍ ବାକେନ୍ ମିଦ୍ୟାନି ଆଲାର୍ ହୁ ମିଶାଲ୍ ଘି ବିଲ୍ଲିବୋନ୍ ଏରାଗେ ପଲ୍‌ଲ୍ଲାର୍ ।

![](https://cdn.door43.org/obs/jpg/360px/obs-en-16-13.jpg)

ବାକେନ୍ ଗିଦୋନ୍‌ସ୍ ଘି ଜାମା ସେନା ଗୁଠିର୍ ନିଜର୍ ଗିନା ଗୁଠିନ୍ ଅଣ୍ଟା ସମୟ ନୁ ହୋଟ୍ଟା କିରି ଆଚାନାକ୍ ନୁ ମିଶାଲ୍ ଘି ଚିଚ୍‌ଚୁ ବୋନ୍ ଜାଲାବା ଚିଚ୍‌ଚାର୍ । ହୁବ୍‌ଡ଼ାର୍ ନିଜର୍ ତୁହୁଣେ ବୋନ୍ ଉରାର୍ ଆରୁ ଚିର୍‌ରାରାଚାର୍,“ ୟହୋବାସ୍ ଘି ଆରୁ ଗିଦୋନ୍‌ସ୍ ଘି ତାଲ୍‌ୱାର୍ ।”

![](https://cdn.door43.org/obs/jpg/360px/obs-en-16-14.jpg)

ପାରମେଶ୍ୱରସ୍ ମିଦୟାନିର୍‌ରିନ୍ ଘାବରାବାଚିଚ୍‌ଚାର୍, ଇ ବାକେନ୍ ହୁବ୍ଡ଼ାର୍ ଏକ୍ ଦୁସ୍‌ରେ ନୁଁ ହାଣା – ହାଣି ମାନ୍‌ଚାର୍ । ହୁ ବାକେନ୍ ହି , ଗିଦୋନ୍ ହୁବ୍‌ଡ଼ାର୍ ସନ୍ଦେଶ୍ ଚିନାରିନ୍ ଜୁକ୍‌କୁ ଦୁସ୍‌ରା ଇସ୍ରାଏଲରିନ୍ ମିଦ୍ୟାନିରିନ୍ ଘି ପିଛା କାମାଗେ ଲାଗାନ୍ ହୁବ୍ଡ଼ାର୍ ଘି ସାହାୟତା କାମଗେ ଲାଗାନ୍ ,ମେହାଁ ତାଇୟାସ୍ ।ହୁସ୍ ହୁନ୍ନୁ ସ୍ତିନ୍ ଜୁକ୍‌କୁରିନ୍ ପିଟ୍‌ଟେଚାସ୍ ଆରୁ ବାକିରିନ୍ ପିଛା କାମିକିରି ହୁବ୍‌ଡ଼ାରିନ୍ ଇସ୍ରାଏଲ ରାଜିସ୍ତିନ୍ ବାହାରି ଅଥ୍‌ରେଇ ଚିଚ୍‌ଚାର୍ । ହୁ ଉଲ୍ଲା ନୁ ୧,୨୦,୦୦୦ ମିଦ୍ୟାନି କେଚ୍‌ରାର୍ କେରାର୍ । ଇ ଲେଖାନୁ ପାରମେଶ୍ୱରସ୍ ଇସ୍ରାଏଲରିନ୍ ବାଛା ବାଚାସ୍ ।

![](https://cdn.door43.org/obs/jpg/360px/obs-en-16-15.jpg)

ଇ ଆଲାର୍ ଗିଦୋନ୍ ସିନ୍ ନିଜର୍ ରାଜା (ମୁଖିଆ) ବାନାବାଗେ ଚାହାଲାର୍, ଲେକିନ୍ ଗିଦୋନ୍‌ସ୍ ହୁବ୍ଡ଼ାରିନ୍ ଏନ୍ନେ କାମାଗେ ମା ଚିଚ୍‌ଚାସ୍, ଲେକିନ୍ ହୁସ୍ ହୁବ୍ଡ଼ାରିନ୍ ହୁ ସୋନା ଘି ଆତନା ଗୁଠିନ୍ ବୋନ୍ ନିଚାସ୍ ହୁ ସ୍ତିନ୍ ସେ ଜାମା ମିଦ୍ୟାନିର୍ ସ୍ତିନ୍ ଲୁଟ୍‌କାଚାର୍ । ହୁବ୍‌ଡ଼ାର୍ ଆଲାର୍ ଜୁକ୍‌କୁ ଲେଖାନୁ ଗିଦୋନ୍ ଗେ ସୋନା ଚିଚ୍‌ଚାର୍ ।

![](https://cdn.door43.org/obs/jpg/360px/obs-en-16-16.jpg)

ଇ ବାକେନ୍ ଗିଦୋନ୍ ହୁ ସୋନାସ୍ତିନ୍ ଅଣ୍ଟା ବାନେ ଚିଢ଼ା ବାନା ବାଚାସ୍ ଜେ କା ମୁଖିଆ ଜାମାର୍ ଆତ୍‌ତାଲାର୍ । ଲେକିନ୍ ଆଲାର୍ ଗୁଠିର୍ ହୁଦ୍‌ଘି ପୂଜା କାମାଗେ ଲାଗାନ୍ ଶୁରୁ କାମ୍ଚେଚ୍ଚାର୍ କା ହୁଦ୍ ଅଣ୍ଟା ମୂର୍ତ୍ତିଦ୍ । ବାକେନ୍ ପାରମେଶ୍ୱରସ୍ ଆରୁ ହି ଇସ୍ରାଏଲରିନ୍ ଦଣ୍ଡ ଚିଚ୍‌ଚାସ୍ ଏନ୍ଦେର ଗେ କା ହୁବ୍ଡ଼ାର୍ ମୂର୍ତ୍ତି ଘି ପୂଜା କାମ୍‌ଚାର୍ । ପାରମେଶ୍ୱରସ୍ ହୁବ୍ଡ଼ାର୍ ଘି ଶତ୍ରୁ ଗୁଠିର୍ ଘି ହୁବ୍ଡ଼ାରିନ୍ ହାରାବାଗେ ଲାଗାନ୍ କାବିଲ୍ ବାନାବାଚାସ୍ ଆଖିର୍‌ନୁ ହୁବ୍ଡ଼ାର୍ ଆରୁ ହି ପାରମେଶ୍ୱରସିନ୍ ମଦେତ୍ କାମାଗେ ଲାଗାନ୍ ବିନ୍ତି କାମ୍‌ଚାର୍ । ଆରୁ ପାରମେଶ୍ୱରସ୍ ହୁବ୍ଡ଼ାର୍ ଘି ଚାହାଁନୁ ହୁବ୍ଡ଼ାରିନ୍ ବାଛା ବାଗେ ଲାଗାନ୍ ଅଣ୍ଟା ଦୁସ୍‌ରା ଛୁଡ଼ାବାନା ବାଲା ସିନ୍ ତାଇୟାସ୍ ।

![](https://cdn.door43.org/obs/jpg/360px/obs-en-16-17.jpg)

ଇ କାତ୍‌ଥା ବୋଦ୍ କେତ୍‌କୋ ଥର୍ ଘଟରାଦ୍, ଇସ୍ରାଏଲି ଆଲାର୍ ପାପ୍ କାମୋର୍, ପାରମେଶ୍ୱରସ୍ ହୁବ୍ଡ଼ାରିନ୍ ଦଣ୍ଡ୍ ଚୋସ୍, ହୁବ୍ଡ଼ାର୍ ପାଛତାରୋର୍, ଆରୁ ପାରମେଶ୍ୱରସ୍ ହୁବ୍ଡ଼ାରିନ୍ ଛୁଡ଼ାବାଗେ ଲାଗାନ୍ ନେଖିରିନ୍ ଭି ତାଇୟାସ୍ । କେତ୍‌କୋ ବରଷ୍ ତୋକ୍, ପାରମେଶ୍ୱରସ୍ ଜୁକ୍‌କୁ ଗୁଠିରିନ୍ ଛୁଡ଼ାବାନା ବାଲାରିନ୍ ତାଇୟାସ୍ ଯେ କା ଇସ୍ରାଏଲି ଗୁଠିରିନ୍ ହୁବ୍ଡ଼ାର୍ ଘି ଶତ୍ରୁ ଗୁଠିର୍ ସ୍ତିନ୍ ବାଚାବାଚାସ୍ ।

![](https://cdn.door43.org/obs/jpg/360px/obs-en-16-18.jpg)

ଆଖିର୍‌ନୁ, ହୁ ଆଲାର୍ ଗୁଠିର୍ ଦୁସ୍‌ରା ରାଜି ଘି ଲେଖାନୁ ପାରମେଶ୍ୱରସ୍ ସ୍ତିନ୍ ନିଜର୍ ଲାଗାନ୍ ଅଣ୍ଟା ମୁଖିଆ ନିଚାର୍ । ହୁବ୍ଡ଼ାର୍ ଅଣ୍ଟା ଏନ୍ନେ ମୁଖିଆ ସିନ୍ ଚାହାଲାର୍ ଯେ ହୁସ୍ ଲାମ୍ବା ଆରୁ ତାଗ୍‌ଡ଼ା ରୋସ୍, ଆରୁ ହୁସ୍ ଲାଢ଼େଇ ନୁ ହୁବ୍ଡ଼ାର୍ ଘି ଆଗୁଆ ମାନସ୍ ଅଙ୍ଗୋସ୍ । ପାରମେଶ୍ୱରସ୍ ଇ ଅନୁରୋଧ ବୋନ୍ ପସନ୍ଦ୍ ମା ନାଚାସ୍, ଲେକିନ୍ ହୁସ୍ ହୁବ୍ଡ଼ାରିନ୍ ହୋନ୍ନେ ଲେଖା ମୁଖିଆ ବୋନ୍ ଚିଚ୍‌ଚାସ୍ ଯେ ଲେଖାନୁଁ ହୁବ୍ଡ଼ାର୍ ଗୁଠିର୍ ନିଚ୍‌କାଚାର୍ ।

*न्यायियों अध्याय 1-3; 6-8; 1 शमूएल 1-10 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_16_96kbps.mp3

## 17. ଦାଉଦ୍‌ସ୍ ଘି ଗାନେ ପାରମେଶ୍ୱରସ୍ ଘି ଶପଥ୍  ।

https://openbiblestories.org/l/xis/story-17/

![](https://cdn.door43.org/obs/jpg/360px/obs-en-17-01.jpg)

ଶାଉଲ୍‌ସ୍ ଇସ୍ରାଏଲର୍ ଘି ପାହିଲା ରାଜା ରାଚାସ୍ । ହୁସ୍ ଲାମ୍ବା ଆରୁ ବାନେ ଟିକେ ରାଚାସ୍ । ଯେ ଲେଖାନୁ ହୁ ଆଲର୍ ଚାହାଲାର୍ ଏକଦମ୍ ହୋନ୍ନେହି । ଇସ୍ରାଏଲ ଘି ମିଆଁ ନିଜର୍ ଶାସନ୍ ଘି ପାହିଲେ କେତ୍‌କୋ ବରଷ୍ ତୋକ୍ ଶାଉଲ୍‌ସ୍ ଅଣ୍ଟା ବାନେ ମୁଖିଆ ରାଚାସ୍ । ଲେକିନ୍ ବାଦ୍‌ନୁଁ ହୁସ୍ ଅଣ୍ଟା ଖାରାପ୍ ଆଲାସ୍ ମାନ୍‌ଚାର୍ କେରାସ୍ ଯେବୋନ୍ କା ପାରମେଶ୍ୱରସ୍ ଘି କତ୍‌ଥା ଗୁଠିନ୍ ବୋନ୍ ମା ମାନ୍‌ଚାସ୍, ଇ ବାକେନ୍ ପାରମେଶ୍ୱରସ୍ ଅଣ୍ଟା ଦୁସ୍‌ରା ଆଲାସିନ୍ ଚୁନ୍‌ଚାସ୍ କା ଆଣ୍ଟା ଉଲ୍ଲା ନୁ ହୁସ୍ ଘି ଜାଗାନୁ ମୁଖିଆ ମାନୋସ୍ ।

![](https://cdn.door43.org/obs/jpg/360px/obs-en-17-02.jpg)

ପାରମେଶ୍ୱରସ୍ ଦାଉଦ୍ ନାମେ ଘି ଅଣ୍ଟା ଜାୱାନ୍ ଇସ୍ରାଏଲ ଆଲାସ୍ ସିନ୍ ଚୁନା କିରି ଅଣ୍ଟା ଉଲ୍ଲାନୁ ଶାଉଲ୍‌ସ୍ ଘୀ ଜାଗାନୁଁ ମୁଖିଆ କମାଗେ ଲାଗାନ୍ ତିଆର୍ କାମ୍‌ନା ଶୁରୁ କାମ୍‌ଚାଚାସ୍ । ଦାଉଦ୍ ବେତେଲ୍‌ହେମ୍ ଘି ପାଡ଼ାନ୍ତା ଅଣ୍ଟା ଚାରୁୱାହାସ୍ ରାଚାସ୍ । ଜୁକ୍‌କୁ ସମୟ ଘି ବାଦେନୁ , ଦାଉଦ୍‌ସ୍ ସିଂହିଁ ଆରୁ ଭାଲୁ ଜୋଡ଼େ ବୋନ୍ ପିଟ୍‌ଟା ଚିଚ୍‌କାଚାସ୍ ଏନ୍ଦେର୍ ଗେକା ଦାଉଦ୍ ଦେଖ୍‌ଭାଲ୍ କାମ୍‌ନା ବାକେନ୍ ହୁସ୍ କି ତାମ୍ବାସ୍ ଗି ଭେଢ଼ି ଗୁଠି ମିୟାଁ ହାମ୍‌ଲା କାମ୍‌ଚିକି ଚାଦ୍ । ଦାଉଦ୍ ଅଣ୍ଟାସ୍ ଦାୟାଲୁସ୍ ଆରୁ ଧାରମିସ୍ ଆଲାସ୍ ରାଚାସ୍ । ହୁସ୍ ପାରମେଶ୍ୱରସ୍ ଘି ମିୟାଁ ଭାରୋସା କାମ୍‌କାଚାସ୍ ଆରୁ ହୁସ୍ ଘି କାତଥା ଗୁଠିନ୍ ମାନ୍‌କାଚାସ୍ ।

![](https://cdn.door43.org/obs/jpg/360px/obs-en-17-03.jpg)

ଯେବାକେନ୍ ଦାଉଦ୍‌ସ୍ ଆକ୍‌କୁନ୍ ଜାୱାନ୍ ଆଲାସ୍ ରାଚାସ୍, ହୁସ୍ ଲାମ୍ବା – ଚୁଉଡ଼ା ଗୋଲିୟତସ୍ ଘି ବିରୋଧ୍ ନୁ ଲାଢ଼େଇ କାମ୍‌କାଚାସ୍ । ଗୋଲିୟାତ୍ ଅଣ୍ଟା ବାନେ ସେନାସ୍ ରାଚାସ୍ । ହୁସ୍ ମୁରୁକ୍ ତାକତ୍‌ବର୍ ଆରୁ ଲୋଗ୍‌ଭୋଗ୍ ତିନ୍ ମିଟର ଲାମ୍ବା ରାଚାସ୍ ! ଲେକିନ୍ ପାରମେଶ୍ୱରସ୍ ଗୋଲିୟତ୍‌ସିନ୍ ପିଟାଗେ ଆରୁ ଇସ୍ରାଏଲ୍ ରାଜିବୋନ୍ ବାଚାବାଗେ ଲାଗାନ୍ ଦାଉଦ୍ ସିନ୍ ସାହାୟାତା କାମ୍‌କାଚାସ୍ । ଇଦ୍‌ଘି ବାଦେନୁ, ଦାଉଦ୍‌ସ୍ ଇସ୍ରାଏଲ ଘି ଶତ୍ରୁ ଘି ମିୟାଁ କେତ୍‌କୋ ଥର୍ ସଫଲ୍ ମାନ୍‌ଚାସ୍ । ଦାଉଦ୍ ଅଣ୍ଟା ବାଡ଼୍‌କା ସେନା ମାନ୍‌ଚାସ୍ କେରାସ୍ । ଆରୁ ହୁସ୍ ଜୁକ୍‌କୁ ଲାଢ଼େଇ ଗୁଠିନୁ ଇସ୍ରାଏଲିର୍ ଘି ସେନାରିନ୍ ଆଗୁଆ କାମ୍‌କାଚସ୍ । ଆଲାଲ୍ ଗୁଠିର୍ ହୁସିନ୍ ମୁରୁକ୍ ପସନ୍ଦ୍ କାମଚାର୍ ।

![](https://cdn.door43.org/obs/jpg/360px/obs-en-17-04.jpg)

ଆଲାର୍ ଗୁଠିର୍ ଦାଉଦ୍‌ସିନ୍ ଏତ୍‌କୋ ଆଦାର୍ କାମ୍‌ଚରକା ଶାଉଲସ୍ ହୁସିନ୍ ଜଲନ୍ ମାନ୍‌ଚାସ୍ । ଆଖିରିକାର୍ ନୁ ଶାଉଲସ୍ ହୁସିନ୍ ପିଟାଗେ ଚାହାଲାସ୍, ଇବାକେନ୍ ଦାଉଦସ୍ ଆରୁ ହୁସ୍ ଘି ସେନା ଗୁଠିର୍ ନୁହରାଗେ ଜଙ୍ଗଲ ତାରା ବୁଙ୍ଗେ ଚିଚ୍‌ଚାର୍ । ଅଣ୍ଟା ଉଲ୍ଲାନୁ ଯେ ବାକେନ୍ ଶାଉଲସ୍ ଆରୁ ହୁସ୍‌ପି ସେନାର୍ ଦାଉଦ୍ ସିନ୍ ବେଦ୍‌ଦାଲାର୍ ବାକେନ ଶାଉଲସ୍ ଅଣ୍ଟା ଗୁଫାନୁ କେରାସ୍ ।ହୁଦ୍ ହୁ ଗୁଫା ରାଚାଦ ହୁନ୍ନୁ ଦାଉଦ୍ ନୁହୁର୍କା ଚାସ୍, ଲେକିନ୍ ଶାଉଲ୍‌ସ୍ ହୁସିନ୍ ଏରାଗେ ପଲ୍‌କା ଚାସ୍ । ଦାଉଦ୍ ଶାଉଲ୍‌ସ୍ ଘି ପିଛ୍‌ଲି ତାରତ ହୁସ୍ ଘି ଚାହାଁନ୍ତି ପାର୍ ମାନ୍‌ଚାସ୍ ଆରୁ ହୁସ୍ ଘି ଚିଢ଼ା ସ୍ତିନ୍ ଅଣ୍ଟା ଖାଣେ ମୁର୍‌କେ ଚିଚ୍‌ଚାସ୍ । ବାଦେନୁଁ ଯେବାକେନ୍ ଶାଉଲସ୍ ହୁ ଗୁମ୍ଫାନ୍ତିନ୍ ସେ ଉର୍‌ଖିଆସ୍ ବାକେନ୍ ଦାଉଦ୍‌ସ୍ ହୁସିନ୍ ଚିର୍‌ରାରାକିରି ହୁ ଧାରଚ୍ କା ଅଚ୍‌କା ଚିଢ଼ା ଘି ଟୁକ୍‌ଡ଼ା ବୋନ୍ ଏଦିୟାସ୍ । ଇ ରିତିନୁ ଶାଉଲସ୍ ଆଖିଆସ୍‌କା ଦାଉଦ୍‌ସ୍ ରାଜା ମାନାଗେ ଲାଗାନ୍ ହୁସିନ୍ ପିଟାଗେ ଇନ୍‌କାର୍ କାମ୍‌ଚେଚାସ୍ ।

![](https://cdn.door43.org/obs/jpg/360px/obs-en-17-05.jpg)

କିଛି ସମୟ ଘି ବାଦ୍‌ନୁ, ଶାଉଲସ୍ ଲାଢ଼େଇ ନୁ କେଚାସ୍ କେରାସ୍, ଆରୁ ଦାଉଦ୍‌ସ୍ ଇସ୍ରାଏଲଘି ରାଜା ମାନ୍‌ଚାସ୍ କେରାସ୍ । ହୁସ୍ ଅଣ୍ଟା ବାନେ ମୁଖିଆ ରାଚାସ୍, ଆରୁ ଆଲାର୍ ଗୁଠିର୍ ହୁସିନ୍ ବାନେ ହାକ୍‌ଖୀଆର୍। ପାରମେଶ୍ୱରସ୍ ଦାଉଦ୍‌ସିନ୍ ଆଶିଷ୍ ଚିଚ୍‌ଚାସ୍ ଆରୁ ହୁସିନ୍ ସଫଳ ବାନାବାଚାସ୍ । ଦାଉଦ୍‌ସ୍ କେତ୍‌କେ ଲାଡ଼େ ଲାଢ଼ିୟାସ୍, ଆରୁ ପାରମେଶ୍ୱରସ୍, ଇସ୍ରାଏଲି ରାଜି ଘି ଶତ୍ରୁ ଗୁଠିର୍‌ସ୍ତିନ୍ ହାରାବାକେ ହୁସ୍ ଘି ମାଦେତ୍ କାମ୍‌ଚାସ୍ । ଦାଉଦ୍‌ସ୍ ଯେରୁଶାଲେମ୍ ପାଡ଼ାବୋନ୍ ଜିତିକିରି ହୁବୋନ୍ ନିଜର୍ ରାଜଧାନି କାମ୍‌ଚାସ୍, ହୁସାନ୍ ହୁସ୍‌ରାଚାସ୍ ଆରୁ ଶାସନ୍ କାମ୍‌ଚାସ୍ । ଦାଉଦ୍‌ସ୍ ୪୦ ବଛର୍ ତୋକ୍ ରାଜା(ମୁଖିଆ) ରାଚାସ୍ । ଇ ସମୟ ଘି ଅନୁସାର୍ ନୁ ଇସ୍ରାଏଲ ତାକତ୍‌ବର୍ ଆରୁ ଧନି ମାନ୍‌ଚାର୍ କେରାର୍ ।

![](https://cdn.door43.org/obs/jpg/360px/obs-en-17-06.jpg)

ଦାଉଦ୍ ଅଣ୍ଟା ମନ୍ଦିର୍ ବାନାବାଗେ ଚାହାଲାସ୍ ହୁସାନ୍ ଜାମା ଇସ୍ରାଏଲରିନ୍ ପାରମେଶ୍ୱରସ୍ ଘି ବିନ୍ତି କାମା ଅଙ୍ଗୋର୍ ଆରୁ ହୁସ୍ ଘି ଲାଗାନ୍ ବାଲିଦାନ୍ ଚାଢ଼ାବା ଅଙ୍ଗୋର୍ । ଲାଗ୍‌ଭାଗ୍ ୪୦୦ ବରଷ୍ ତୋକ୍, ହୁବଡ଼ାର୍ ଆଲାର୍ ମୁଶାସ୍ ଘି ବାନାବାଚ୍‌କା ମିଲମିଲାପ୍ , ବାଲା ତାମ୍ବୁନୁ ପାରମେଶ୍ୱରସ୍ ଘି ବିନ୍ତି କାମ୍‌ଲାର୍ ଆରୁ ହୁସ୍‌କେ ବାଲିଦାନ୍ ଚାଢ଼ା ବାଲାର୍ ।

![](https://cdn.door43.org/obs/jpg/360px/obs-en-17-07.jpg)

ଲେକିନ୍ ହୁସାନ୍ ନାତାନ୍ ନାମେ ଘି ଅଣ୍ଟା ଭବିଷ୍ୟତବକ୍ତା ରାଚସ୍ । ପାରମଶ୍ୱରସ୍ ହୁସିନ୍ ଦାଉଦ୍ ସିନ୍ ଇ ବୋନ୍ ତେଙ୍ଗାଗେ ତାଇୟାସ୍ କା,“ନିନ୍ ବାଗଗେ ଲାଢ଼େଇ ଲାଢ଼୍‌କାଦାୟ, ଇଦ୍ ଘି ନିନ୍ ଏଘାଁ ଲାଗାନ୍ ଇ ମନ୍ଦିର୍ ବୋନ୍ ଆମ୍‌କେ ବାନାବାଗେ । ନିଘାଁ କୁକ୍‌ସ୍ ଇ ବୋନ୍ ବାନା ବୋସ୍ । ଫିର୍ ଭି, ଏନ୍ ନିଙ୍ଗାନ୍ ଜୁକୁକୁ ନ୍ତି ଆଶିଷ୍ କାମୋନ୍ । ନିଘାଁଏ ଅଣ୍ଟା ବଂଶର ଜାମା ବାକେନ୍ ଲାଗାନ୍ ଏଘାଁ ଆଲାର୍ ଘି ମିୟାଁ ରାଜା ଘି ରୂପନୁ ଶାସନ୍ କାମୋର୍ ।” ଜାମା ବାକେନ୍ ଘି ଲାଗାନ୍ ଶାସନ୍ କାମ୍‌ନା ବାଲା ହୁ ଦାଉଦସ୍ ଘି ଅଣ୍ଟା ବଂଶର ମାସିହି ରାଚାସ୍ । ମାସିହି ପାରମେଶ୍ୱରସ୍ ଘି ଚୁନୁଚ୍‌କା ବାଲା ଆଲାସ୍ ରାଚାସ୍ । ଯେ କା ଦୁନିଆଁ ନ୍ତା ଆଲାର୍ ଗୁଠିର୍ ଘୀ ହୁବ୍ଡ଼ାର୍ ଘୀ ପାପ୍ ଗୁଠୀନ୍ ସ୍ତିନ୍ ବାଚାବୋସ୍ ।

![](https://cdn.door43.org/obs/jpg/360px/obs-en-17-08.jpg)

ଯେ ବାକେନ୍ ଦାଉଦ୍‌ସ୍ ନାତାନ୍‌ସ୍ ଘି ସନ୍ଦେଶ୍ ବୋନ୍ ମେନ୍‌ଚାସ୍ ଆରୁ ହୁସ୍ ଘି ମାହିମା କାମ୍‌ଚାସ୍ ବାକେନ୍ ହୁସ୍ ପାରମେଶ୍ୱରସ୍ ସିନ୍ ଧନ୍ୟବାଦ୍ ଚିଚ୍‌ଚାସ୍ ଆରୁ ହୁସ୍ ଘି ମାହିମା କାମ୍‌ଚାସ୍ । ପାରମେଶ୍ୱରସ୍ ହୁସ୍ ଘି ଇଜ୍ଜତ୍ ( ମନ୍ ସମ୍ମନ୍ ) ବୋନ୍ ବାଢ଼ା ବାଲାସ୍ ଆରୁ ହୁସିନ୍ ଜୁକ୍‌କୁ ଲେଖା ଆଶିଷ୍ ଗୁଠି ଚିୟାଲାସ୍ । ଜରୁର୍, ଦାଉଦ୍‌ସ୍ ବାଲ୍‌ଲା ଲାସ୍ କା ପାରମେଶ୍ୱରସ୍ ଇ କାତ୍‌ଥା ଗୁଠିବୋନ୍ ଏକଲା କାମୋସ୍ । ଇ ସମୟନୁ ଏମ୍ ଆହାଲ୍ ଦାମ୍ କା ଇସ୍ରାଏଲରିନ୍ ଅଣଟା ଲାମ୍ବା ସାମାୟ ତୋକ୍, ଲୋଗ୍‌ଭୋଗ୍ ୧,୦୦୦ ବରଷ୍ ତୋକ୍ ମାସିହିସ୍ ଘି ବାରନା ଘି ଇନ୍ତିଜାର କାମାଗେ ପାଡ଼୍‌ରୋଦ୍ ।

![](https://cdn.door43.org/obs/jpg/360px/obs-en-17-09.jpg)

ଦାଉଦସ୍ କିଛି ବଛର୍ ତୋକ୍ ନ୍ୟାୟ ଲେଖାନୁ ନିଜର୍ ଆଲାଘି ମିୟାଁ ସେବା କାମ୍‌ଚାସ୍ । ହୁସ୍ ବାଡ଼େ ଭକ୍ତି ଘି ଲେଖା ପାରମେଶ୍ୱରସ୍ ଘି କାତ୍‌ଥା ଗୁଠିନ୍ ମାନ୍‌ଚାସ୍ ଆରୁ ପାରମେଶ୍ୱରସ୍ ହୁସିନ୍ ଆଶିର୍ବାଦ୍ କାମ୍‌ଚାସ୍ । ଲେକିନ୍, ନିଜର୍ ଜିବନ୍ ଘି ଅନ୍ତ ବାକେନ୍ ହୁସ୍ ପାରମେଶ୍ୱରସ୍ ଘି ବିରୁଦ୍ଧନୁ ପାପ୍ କାମ୍‌ଚ୍‌କା ଚାସ୍ ।

![](https://cdn.door43.org/obs/jpg/360px/obs-en-17-10.jpg)

ଅନ୍ଦୁଲ୍ ଦାଉଦସ୍ ନିଜର୍ ମୋହଲ୍ ସ୍ତିନ୍ ବାହାରି ଡୋଙ୍ଗଚାରାସ୍ ଆରୁ ଅଣ୍ଟା ସୁନ୍ଦିର୍ ଆଲିବୋନ୍ ଏମ୍‌ନା ବାକେନ୍ ଏରିୟାସ୍ । ହୁସ୍ ହୁବୋନ୍ ବାଲ୍‌ଲା ଲାସ୍ ଲେକିନ୍ ହୁସ୍ ପାତା ଲାଗାବାସାସ୍ କା ହୁଦ୍ ଘି ନାମେ ବତ୍‌ସେବା ରାଚାଦ୍ ।

![](https://cdn.door43.org/obs/jpg/360px/obs-en-17-11.jpg)

ନିଜର୍ ନଜର୍ ବୋନ୍ ମା କିରତା କିରି, ଦାଉଦସ୍ ହୁବୋନ୍ ନିଜର୍ ଚାହାଁନୁ ଅନ୍ଦରା ଗେ ଲାଗାନ୍ ଅଣ୍ଟା ସିନ୍ ମେଁହାଗେ ତାଇୟାସ୍ । ହୁସ୍ ହୁଦ୍ ଘି ଗାନେ ଚୁତିୟାସ୍ ଆରୁ ହୁବୋନ୍ ଏଡ଼୍‌ପା ତାଇୟେ ଚିଚ୍‌ଚାସ୍ । ଥଡ଼େ ସମୟ ଘି ବାଦେନୁ ବତ୍‌ଶେବାଦ୍ ଇ ତଙ୍ଗି କିରି ଦାଉଦସ୍ ଘି ଚଁହାନୁ ଖବର ତାଇୟା କା ହୁଦ୍ ଗର୍ଭବତି ଆତ୍‌ଲି ।

![](https://cdn.door43.org/obs/jpg/360px/obs-en-17-12.jpg)

ବତ୍‌ଶେବାଦ୍ ଘି ଆଲାସ୍ ଉରିୟାନ୍ ନାମେ ଘି ଅଣ୍ଟା ଆଲାସ୍ ରାଚାସ୍ । ହୁସ୍ ଦାଉଦସ୍ ଘି ସାଚ୍ଚା ବାନେ ସେନାସ୍ ସ୍ତିନ୍ ଅଣ୍ଟା ରାଚାସ୍ । ଇ ସମୟ ନୁ ହୁସ୍ ଲାଢ଼େଇ କାମାଗେ ଲାଗନ୍ ବାହାରି କେର୍‌କାଚାସ୍ । ଦାଉଦସ୍ ଉରିୟାହ୍ ସିନ୍ ଲାଢ଼େଇ ସ୍ତିନ୍ କିର୍‌ତି କିରି ହୁସ୍ ନିଜର୍ ଆଲି ଗାନେ ରାଗେ ତେଙ୍ଗିୟାସ୍ । ଲେକିନ୍ ଦୁସ୍‌ରା ସେନାର୍ ଲାଢ଼େଇ ନୁ ରାଚାର୍ ବାକେନ୍ ଉରିୟାହାସ୍ ଏଡ଼୍‌ପା କାଲାଗେ ମାନା କାମ୍‌କେ ଚିଚ୍‌ଚାସ୍ । ଆଖିର୍ ନୁଁ ଦାଉଦସ୍ ଉରିୟାହାସିନ୍ ଆରୁ ଲଢ଼େଇ ନୁ ତାଇୟେ ଚିଚ୍‌ଚାସ୍ ଆରୁ ସେନାର ଘି ମୁଖିଆସିନ୍ ହୁସିନ୍ ଲାଢ଼େଇ ଘି ଶତ୍ରୁ ଜାମାର୍ ସ୍ତିନ୍ ତାକୋତ୍ ବୋର୍ ରୋର୍ ଏନ୍ଦେର୍ ଗେ କା ହୁସ୍ ଖୁଅସ୍ କୋସ୍ । ତା ଏନ୍ନେ ମାନ୍‌ଚା କା ଉରିୟାସ୍ ଲାଢ଼େଇନୁଁ କେଚ୍‌ଚାସ୍ କେରାସ୍ ।

![](https://cdn.door43.org/obs/jpg/360px/obs-en-17-13.jpg)

ଉରିୟାସ୍ ଘି ଲାଢ଼େଇ ନୁ ଖିନା ଘି ପାଛ୍‌ଲି ଦାଉଦସ୍ ବତ୍‌ଶେବା ବୋନ୍ ବେଞ୍ଜେରିୟାସ୍ । ବାଦେନୁ, ହୁଦ୍ ଦାଉଦସ୍ ଘି କୁକ୍‌ସିନ୍ ଜନମ୍ ଚିଚ୍‌ଚାଦ୍ । ଦାଉଦସ୍ ଏନ୍ଦ୍‌ରିନ୍ ଭି କାମ୍‌ଚାସ୍ ହୁଦ୍‌ଘୀ ଲାଗାନ୍ ହୁସିନ୍ ପାରମେଶ୍ୱରସ୍ ମୁରୁକ୍ ଖିସାରାଚାସ୍ । ଇ ଲେଖା ହୁସିନ୍ ଲାଗାନ୍ ହୁସିନ୍ ନାତାନ୍ ଭବିଷ୍ୟତବକ୍ତାସିନ୍ ଦଉଦସ୍ ତେଙ୍ଗାଗେ ତାଇୟାସ୍ କା ହୁସ୍ ଘି ପାପ୍ ବୋଦ୍ କେତ୍‌କୋ ଖରାପ୍ ରାଚାସ୍ । ଦାଉଦସ୍ ନିଜର୍ ପାପ୍ ବୋନ୍ ପାଛ୍‌ଚାରାଚାସ୍ ଆରୁ ପାରମେଶ୍ୱରସ୍ ହୁସିନ୍ ମାଫ୍ କାମ୍‌ଚ୍‌ଚେଚାସ୍ । ନିଜର୍ ଆଖ୍‌ରି ଜିବନ ନୁଁ, ନିଜର୍ କଠିନ୍ ସମୟ ବାକେନ୍ ନୁଁ ଦଉଦ୍ ପାରମେଶ୍ୱରସ୍ ଘି ପାଛ୍‌ଲି – ପାଛ୍‌ଲି ଏକିୟାସ୍ ଆରୁ ହୁସ୍ ଘି କାତଥା ଗୁଠିନ୍ ବୋନ୍ ମାନ୍‌ଚାସ୍ ।

![](https://cdn.door43.org/obs/jpg/360px/obs-en-17-14.jpg)

ଲେକିନ୍ ଦାଉଦସ୍‌କି ହାଦ୍‌ଦୁସ୍ କେଚ୍‌ଚା କେରାସ୍, ଇ ଲେଖାନୁଁ ପାରମେଶ୍ୱରସ୍ ଦାଉଦ୍‌ସିନ୍ ଦଣ୍ଡ ଚିଚ୍‌ଚାସ୍ । ଇବୋନ୍ ଆମ୍ବିକିରି, ଦାଉଦ୍‌ସ୍ ଘି ଖିନା ତୋକ୍, ହୁସ୍ ଘି ନିଜର୍ ପରିବାର୍ ଘି କିଛି ଆଲାର୍ ଗୁଠିର୍ ହୁସ୍ ଘି ବିରଦ୍ଧ୍ ନୁ ଲାଢ଼େଇ କାମ୍‌ଚାସ୍, ଆରୁ ଦାଉଦ୍‌ସ୍ ଘୀ ନିଜର୍ ଶକ୍ତି / ( ତାକତ୍ ) ବୋଦ୍ କମ୍ ମାନ୍‌ଚା କେରକିଚାଦ୍ । ଲେକିନ୍ ପାରମେଶ୍ୱରସ୍ ବିଶ୍ୱାସ୍ କାମ୍‌ନା ବାଲାସ୍ ରାଚାସ୍ ଆରୁ ଆକ୍‌କୁନ ଭି ହୁସ୍ ହୁବୋନ୍ କାମ୍‌ଚାସ୍ ଯେ କି ହୁସ୍ ଦାଉଦ୍‌ସିନ୍ କାମାଗେ ଶପଥ୍ କାମ୍‌କାଚାସ୍ କି ହୁବୋନ୍ କମୋସ୍ । ଭାଲେ ହି ଦାଉଦ୍ ହୁସ୍ ଘି ଆଜ୍ଞା ବୋନ୍ ମା’ ମାନ୍‌ଚାକାଚାସ୍ ପାଛ୍‌ଲି , ଦାଊଦ୍ ଆରୁ ବତ୍‌ଶେବା ଘି ଦୁସ୍‌ରା ସାନ୍ତାନ୍ ଜନମ୍ ମାନ୍‌ଚାର୍, ଆରୁ ହୁବ୍‌ଡ଼ାର୍ ହୁସ୍ ଘି ନାମେ ସୁଲେମାନ୍ ଉଇୟାସ୍ ।

*୧ଶାମୁୟେଲ ୧୦;୧୫-୧୯;୨୪;୩୧; ୨ଶାମୁୟେଲ ୫;୭;୧୧-୧୨ ସ୍ତିନ୍ ଅଣ୍ଟା ବାଇବେଲ୍ ଘି କାଥ୍ ନୀ*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_17_96kbps.mp3

## 18. ହାଟ୍‌କା ରାଜି

https://openbiblestories.org/l/xis/story-18/

![](https://cdn.door43.org/obs/jpg/360px/obs-en-18-01.jpg)

ଦାଉଦ୍ ରାଜାସ୍ ଚାଳିଷ ବରଷ ତୋକ୍ ଶାସନ୍ କାମ୍‌ଚାସ୍ । ହୁଦ୍ ଘି ବାଦେନୁ ହୁସ୍ କେଚାସ୍ କେରାସ୍, ଆରୁ ହୁସ୍‌କି କୁକ୍‌କସ୍ ସୁଲେମାନ୍‌ସ୍ ଇସ୍ରାଏଲ ମିଆଁ ଶାସନ କାମ୍‌ନା ସୁରୁ କାମ୍‌ଚେଚାସ୍ । ପାରମେଶ୍ୱରସ୍ ସୁଲେମାନ୍ ସିନ୍ କାତ୍‌ଥା କାମ୍‌ଚାସ୍ ଆରୁ ହୁସିନ୍ ମେଞ୍ଚାସ୍ କା ହୁସ୍ ଜାମାସ୍ତିନ୍ ବାଗଗେ ଏନ୍ଦେର୍ ଚାହାଲ୍‌ଏସ୍ କ ପାରମେଶ୍ୱରସ୍ ହୁସ୍ ଘି ଲାଗାନ୍ କାମସ୍ । ସୁଲେମାନ୍‌ସ୍ ପାରମେଶ୍ୱରସିନ୍ ନିଚାସ୍ କା ହୁସ୍ ହୁସ୍ ସିନ୍‌ବାଗଗେ ବୁଦ୍ଧିୟର୍ କାମାଚା । ଇ କାତ୍‌ଥା ବୋଦ୍ ପାରମେଶ୍ୱର ସିନ୍ ଖୁସ୍ ନାଚ୍‌ଚାସ୍, ହୁଦ୍ ଘି ଲାଗାନ୍ ପାରମେଶ୍ୱରସ୍ ସୁଲେମାନ୍ ସିନ୍ ଦୁନିଆଁ ଜାମାରସ୍ତିନ୍ ବୁଦ୍ଧିୟାର୍ ଆଲ କାମ୍‌ଚେ ଚାସ୍ । ସୁଲେମାନସ୍ ବହୁତ୍ କିଛି କାତ୍‌ଥା ବୋନ୍ ଶିଖ୍‌ରାସ୍ ଆଉ ହୁସ୍ ଅଣ୍ଟା ବୁଦ୍ଧିୟାର୍ ଶସକ ରାଚାସ୍ । ପାରମେଶ୍ୱରସ୍ ହୁସିନ୍ ବାଗ୍‌ଗେ ଧାନ୍ନୁ ବାଲା କାମ୍‌ଚେଚାସ୍ ।

![](https://cdn.door43.org/obs/jpg/360px/obs-en-18-02.jpg)

ୟେରୁ ସାଲେମ୍ ନୁ ସୁଲେମାନ୍‌ସ୍ ହୁ ମନ୍ଦିର ବୋନ୍ କାମ୍‌ଚାସ୍ ନେକାଗେ ଲାଗାନ୍ ହୁସ୍ ଘି ବୁଆସ୍ ଯୋଜନା କାମ୍‌ଚ୍‌କାଚାସ୍ ଆରୁ ଜିନିଷବୋନ୍ ଅନ୍‌ଠାଣ୍‌ସାନ୍ କାମ୍‌ଚ୍‌କାଚାସ୍ । ଆକୁନ୍ ଆଲାର୍ ମିଲାପ୍‌ବାଲା ତାମ୍ବୁ ନୁମା କାମି କିରି ମନ୍ଦିର୍‌ନୁ ପାରମେଶ୍ୱରସ୍ ଘି ଆରାଧନା କାମାଲ୍‌ଗାର୍ ଆରୁ ହୁଦ୍ ଘି ଲାଗାନ୍ ବାଲି ଆରର୍ତା ଲାରା । ପାରମେଶ୍ୱରସ୍ ବାରିକିରି ମନ୍ଦିର ନୁଁ ହାଜିର ମାନାଲାସ୍, ଆରୁଁ ହୁସାନ୍ ହୁସ୍ ନିଜର୍ ଆଲାରିନ୍ ଗୁଠି ସାଙ୍ଗେନ୍ ରାଲାସ୍ ।

![](https://cdn.door43.org/obs/jpg/360px/obs-en-18-03.jpg)

ଲେକିନ୍ ସୁଲେମାନ୍‌ସ୍ ଦୁସ୍‌ରା ରାଜି ଘି କୁକାଇରିନ୍ ପସନ୍ଦ କାମ୍‌ଚାସ୍ । ହୁସ୍ ଜୁକ୍‌କୁ ଲେଖା ଲାଗ୍‌ଭାଗ ୧,୦୦୦ କୁକାଇରିନ୍ ବେଞ୍ଚେରି କିରି ପାରମେଶ୍ୱରସ୍ ଘି ଆଜ୍ଞା ବୋନ୍ ଅବହେଲା କାମ୍‌ଚାସ୍ ଇସ୍‌ସ୍ତିନ୍ତି ଜୁକୁ କୁକାଏର୍ ଦୁସ୍‌ରା ରାଜି ତିନ୍ ବାର୍‌ଚାର୍ ଆରୁ ନିଜର ସାଙ୍ଗେନୁ ନିଜର୍ ଦେବ୍‌ତା ଗୁଠିନ୍ ଅନ୍ଧରାର୍ । ବାକେନ୍ ସୁଲେମାନ ପାଚ୍‌କିମାନ୍‌ଚାସ୍ କେରାସ୍ ତା ହୁସ୍ ହୁବ୍ଡ଼ାର୍ ଘି ଦେବ୍‌ତା ଗୁଠିନ୍ ଉପାସନା କାମ୍‌ଚାସ୍ ।

![](https://cdn.door43.org/obs/jpg/360px/obs-en-18-04.jpg)

ଇଦ୍‌ଘି ଲାଗାନ୍ ପାରମେଶ୍ୱର ସୁଲେମାନ୍‌ସିନ୍ ଖିସାରାସ୍ । ହୁସ୍ ତେଙ୍ଗିୟାସ୍ କା ହୁ ଇସ୍ରାଏଲ ରାଜି ବୋନ୍ ଜୋଡ଼େ ରାଜିନୁ ଭାଗ କମ୍‌ନାଘୀ ତାର୍‌ତିନ୍ ହୁସିନ୍ ଦଣ୍ଡ ଚିୟସ୍ । ହୁସ୍ ସୁଲେମାନ୍ ଘି କେଚ୍‌କା ଘି ପାଛ୍‌ଲି ଏନ୍ ମୋସ୍ ।

![](https://cdn.door43.org/obs/jpg/360px/obs-en-18-05.jpg)

ସୁଲେମାନ୍‌ସ୍ ଘିଓ କେଚ୍‌କା ଘି ପାଛ୍‌ଲି, ରହବାମ୍ ରାଜା ମଚାସ୍ । ଇସ୍ରାଏଲ ରାଜି ଘି ଆଲାର୍ ହୁସିନ୍ ନିଜର୍ ରାଜା ଘି ରୂପ୍ ନୁ ଗ୍ରହନ୍ କାମାଗେ ଅନ୍‌ଠାଣ୍‌ସାନ୍ ମାନ୍‌ଚାର୍ । ହୁବ୍ଡ଼ାର୍ ରହବାମ୍‌ସିନ୍ ଜୁଗୁଲି କାମ୍‌ଚାର୍ କା ସୁଲେମାନ୍‌ସ୍ ହୁବ୍‌ଡ଼ାରିନ୍ ମରୁକ୍ କଠିନ୍ ପରିଶ୍ରମ୍ କାମ୍‌ତାଲାସ୍ ଆରୁ ଜୁକ୍‌କୁ ଲେଖା ମାଲ୍‌ଗୁଜାରି ନିଆଁଲସ୍ । ହୁବ୍ଡ଼ାର୍ ରହବାମ୍‌ସିନ୍ ହେକ୍‌ଖା ଯୋଡ଼୍‌ଚାର୍ କା ହୁସ୍ କମ୍‌ତି ନାଲ୍‌ଖୁ କାମ୍‌ତୋସ୍ ।

![](https://cdn.door43.org/obs/jpg/360px/obs-en-18-06.jpg)

ଲେକିନ୍ ରହବାମ୍‌ସ୍ ହୁବ୍ଡ଼ାରିନ୍ ବାଡ଼୍‌କା ମୁରୁଖ୍ ଲେଖା ଜାବାବ୍ ଚିଚ୍‌ଚାସ୍,“ ନିମ୍ ତେଙ୍ଗାଲ୍‌ଦାର୍ କା ଏଙ୍ଘାଁ ବୁଆସ୍ ସୁଲେମାନ୍‌ସ୍ ନିମାରିନ୍ କଠିନ୍ ପରିଶ୍ରମ କାମ୍‌ଚା ଚାସ୍ । ଲେକିନ୍ ଏନ୍ ନିମାରିନ୍ ହୁସ୍‌ସ୍ତିନ୍‌ନ୍ତି ବାଗ୍‌ଗେ କଠିନ୍ ପରିଶ୍ରମ କାମ୍‌ତୋନ୍, ଆରୁ ଏନ୍ ନିମାରିନ୍, କଷ୍ଟ ହୁସ୍ ସ୍ତିନ୍ ନ୍ତି ବାଗ୍‌ଗେ ସତାବୋନ୍

![](https://cdn.door43.org/obs/jpg/360px/obs-en-18-07.jpg)

ଯେ ବାକେନ୍ ଆଲାର୍ ଗୁଠି ହୁସ୍ ଏନ୍ନେ ତେଙ୍ଗେତେ ମେଞ୍ଚାର୍ ତା ହୁନ୍ନୁନ୍ତିର୍ କେତ୍‌କୋର୍ ହୁସ୍ ଘି ମିଆଁ ଲାଡ଼ାଇ କାମ୍‌ଚାର୍ । ଦଶ୍ ଗୋତାର୍ ହୁସିନ୍ ଆମ୍ବିୟାର୍ ଚିଚ୍‌ଚାର୍ । ଇବ୍‌ଡ଼ା ଜୋଡ଼ ଗୋତାରିନ୍ ନିଜର ବୋନ୍ ୟିହୂଦା ରାଜି ତେଙ୍ଗିୟାର୍ ।

![](https://cdn.door43.org/obs/jpg/360px/obs-en-18-08.jpg)

ବାକି ଦଶ୍ ଗୋତାର୍ ୟାରୋବାମ୍ ନାମେ ଘି ଅଣ୍ଟା ଆଲାସିନ୍ ନିଜର୍ ରାଜା କାମ୍‌ଚାର୍ । ଇ ଗୋତାର୍ ରାଜି ଘି ଉତ୍ତର – ପୁରୁବ୍ ଭାଗ ନୁ ରାଚା । ହୁବ୍‌ଡ଼ାର୍, ନିଜର୍ ଘି ରିନ୍ ଇସ୍ରାଏଲ ଘି ରାଜି ତେଙ୍ଗିୟାର୍ ।

![](https://cdn.door43.org/obs/jpg/360px/obs-en-18-09.jpg)

ଲେକିନ୍ ୟାରବାମ୍‌ସ୍ ପାରମେଶ୍ୱର ଘି ବିରଦ୍ଧନୁ ଲାଡ଼ାଇ କାମ୍‌ଚାସ୍ ଆରୁ ଆଲାର୍ ସ୍ତିନ୍ ପପ୍ କାମ୍‌ତା ଚାସ୍ । ହୁସ୍ ନିଜର୍ ଆଲାର୍ ଘି ଚାଲ୍‌ତେ ଉପାସନା କାମାଗେ ଜୋଡ଼ା ମୁର୍ତ୍ତୀବୋନ୍ କାମ୍‌ଚାସୀ ହୁବ୍‌ଡ଼ାର୍ ଆକୁନ୍ ଯହୂଦା ଘି ରାଜିନୁ ୟେରୁସାଲେମ୍ ନୁଁ ପାରମେଶ୍ୱରସ୍ ଘି ମନ୍ଦିର୍ ନୁଁ ହୁସ୍ ଘି ଆରାଧନା କାମାଗେ ମା’ କେରାର୍ ।

![](https://cdn.door43.org/obs/jpg/360px/obs-en-18-10.jpg)

ୟହୁଦା ଆରୁ ଇସ୍ରାଏଲିର ରାଜିର୍ ଶତ୍ରୁ ମାଞ୍ଚାର୍ କେରାର ଆରୁଁ ସବୁବାକେନ୍ ଏକ୍ ଦୁସ୍‌ରେନୁ ଲାଢ଼ଆଇ କାମାଗେ ଲାଗିଚାର ।

![](https://cdn.door43.org/obs/jpg/360px/obs-en-18-11.jpg)

ଇସ୍ରାଏଲ ଘି ପୁନା ରାଜିନୁ । ଜାମାର ରାଜାର୍ ଖାରାପ୍ ରଚାର୍ । ଇନ୍ନୁ ନ୍ତିନ୍ ଏକିନ୍ ରାଜା ହୁସ୍ ଘି ଜାଗା ମିଆଁ ରାଜା ମାନାଗେ ଇଛା ଉଇକାବାଲା ଦୁସ୍‌ରା ଇସ୍ରଏଲିର ଘି ଚାଲ୍‌ତେ କେଚାର୍ କେର୍‌କାଚାର୍ ।

![](https://cdn.door43.org/obs/jpg/360px/obs-en-18-12.jpg)

ଇସ୍ରାଏଲ୍ ରାଜି ଘି ଜାମାର ରାଜା ଗୁଠିର ଆରୁଁ ଜୁକ୍‌କୁ ଲେଖା ଆଲର୍ ଗୁଠି ମୁର୍‌ତି ଘି ଉପାସନା କାମ୍‌ଚାର୍ । ଯେ ବାକେନ୍ ହୁବ୍‌ଡ଼ାର୍ ହନ୍ନେ କାମ୍‌ଚାର, ତା ହୁବ୍‌ଡ଼ାର୍ ସବୁବାକେନ୍ ରାଣ୍ଡିର୍ ଘି ସାଙ୍ଗେ ଜୁତିୟାର୍ ଆରୁଁ ଇୟୋଁ ତୋକ୍‌କା କେତ୍‌କୋଥର୍ ମୁର୍‌ତି ଘି ଆଘ୍‌ଲି ହାଦ୍ଦୁର୍ ଘି ବାଲି କାମ୍‌ଚାର୍ ।

![](https://cdn.door43.org/obs/jpg/360px/obs-en-18-13.jpg)

ୟହୁଦା ରାଜି ଘି ରାଜା, ଦାଉଦ୍ ଘି ବାଉଁଶାର୍ ରାଚାର୍ । ଇ ରାଜା ଗୁଠିର୍ ସ୍ତିନ୍ ନେର୍ ବାନେ ଆଲ୍ ରାଚାର ହୁବ୍ଡ଼ାର୍ ଗୁଠି ପୂର୍ବକ ଶାସନ କାମ୍‌ଚାର୍ ଆରୁ ପାରମେଶ୍ୱରସ୍ ଘି ଉପାସନା କାମ୍‌ଚାର । ଲେକିନ୍ ୟହୁଦା ଘି ବାଗଗେ ରାଜାର୍ ଖାରାପ୍ ରଚାର୍ । ହୁବ୍‌ଡ଼ାର୍ ଖାରାପ୍ ସ୍ତିନ୍ ଶାସନ୍ କାମ୍‌ଚାର୍, ଆରୁଁ ମୂରତି ଗୁଠି ଘି ଉପାସନା କାମ୍‌ଚାର୍ । ଇତ୍‌କ ତକ୍ କା ଇବ୍ଡ଼ାରନ୍ ସ୍ତିନ୍ କିଛି ରାଜା ଗୁଠିର୍ ଝୁଠା ଦେବି ଗୁଠିର୍ ଘି ଆଘ୍‌ଲି ନିଜର ହଦ୍‌ଦୁରିନ୍ ହିଁ ବାଲି କାମ୍‌ଚାର୍ । ୟହୁଦା ଘି ଜୁକ୍‌କୁ ଆଲାର ଗୁଠି ପାରମେଶ୍ୱର ଘି ବିରୁଦ୍ଧନୁ ଲାଢ଼ାଇ କାମ୍‌ଚାର୍ ଆରୁ ଦୁସ୍‌ରା ଦେବତା ଗୁଠିନ୍ ଉପାସନ୍ କାମ୍‌ଚାର୍ ।

*1 राजा अध्याय 1-6; 11-12 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_18_96kbps.mp3

## 19. ଭବିଷ୍ୟତବକ୍ତା

https://openbiblestories.org/l/xis/story-19/

![](https://cdn.door43.org/obs/jpg/360px/obs-en-19-01.jpg)

ପାରମେଶ୍ୱରସ୍ ଜାମା ବାକେନ୍ ଇସ୍ରାଏଲର ଘି ଚାହାନୁ ଭବିଷ୍ୟ ବକ୍ତା ଗୁଠିରିନ୍ ରାଚାସ୍ । ଭବିଷ୍ୟବକ୍ତା ପାରମେଶ୍ୱରସ୍ ସ୍ତିନ୍ ସାନ୍ଦେସ୍ ବୋନ୍ ବୋନ୍ ମେନାଲାର୍ ଆରୁ ଫିର୍ ହୁବୋନ୍ ଆଲାରିନ୍ ଆଲାର୍ ।

![](https://cdn.door43.org/obs/jpg/360px/obs-en-19-02.jpg)

ଯେବାକେନ୍ ଆହାବ୍ ଇସ୍ରାଏଲ ରାଜି ମିଆଁ ରାଜା ରାଚାସ୍ ହୁ ସମୟନୁ ଏଲିହା ଭବିଷ୍ୟବକ୍ତା ରାଚାସ୍ । ଅହାବ୍ ଅଣ୍ଟା ଖାରାପ୍ ଆଲ୍ ରାଚାସ୍ । ହୁସ୍ ଝୁଠା ବାକ୍ ଦେବତା ଘି ଉପାସନା କାମ୍‌ତାଗେ ଆଲାରିନ୍ ମାଜ୍‌ବୁର କାମ୍‌ଚ୍‌କାଚାସ୍ । ଇଦ୍‌ଘି ଲାଗାନ୍ ଏଲିହା ଆଅହାବ୍‌ସିନ୍ ତେଙ୍ଗିୟାସ୍ କା ପାରମେଶ୍ୱର ହୁ ଆଲାରିନ୍ ଗୁଠି ଦଣ୍ଡ ଚିୟାଗେ କାଲ ଦାସ ।ହୁସ୍ ହୁସିନ୍ ତେଙ୍ଗିୟାସ୍,“ ଯେତ୍‌କୋ ତୋକ୍ ଏନ୍ ଫିର୍ ଆରୁ ଚେପୁ ମାନାଗେ ମା’ ତେଙ୍ଗାନ୍ ହତ୍‌କୋ ତୋକ୍ ଇସ୍ରାଏଲ ଘି ରାଜିନୁ ଚେପୁ ମା’ ମାନୀ ଆରୁ ମା’ ହିଁ ଓସ୍ ଖାତ୍‌ରି । “ ଇ କାତ୍‌ଥାଦ୍ ଆହାବ୍‌ସ୍ ଗେ ଏତ୍‌କ୍ ଖୀସା ରାସ୍ ହୁସ୍ ଏଲିହା ସିନ୍ ପିଟାଗେ ତିଆରି କାମ୍‌ଚାସ୍ ।

![](https://cdn.door43.org/obs/jpg/360px/obs-en-19-03.jpg)

ଇଦ୍ ଘି ଲାଗାନ୍ ପାରମେଶ୍ୱରସ୍ ଏଲିହାସିନ୍ ତେଙ୍ଗିୟାସ୍ କା ହୁସ୍ ଜଙ୍ଗଲ ନୁ କାଇକିରି ଆହାବ୍ ସ୍ତିନ୍ ନୁହୁରା କାଲା । ଏଲିହା ଜଙ୍ଗଲ ଘି ହୁ ଝାରନା ଘି ଚାହାଁ କେରାସ୍ ଏକାସାନ୍ କାଲାଗେ ପାରମେଶ୍ୱରସ୍ ହୁସିନ୍ ତେଙ୍କାଚାସ୍ । ରୋଜ ପାଇରି ଆରୁ ଆଡ଼ତି ବିଡ଼ି ଅଡ଼ାଦ୍ ଏଲିହାସ୍ ଗେ ଆସ୍‌ମା ଆରୁଁ ଆହାଷା ଅନ୍ଦରି କିରି ବାରାଲାଦ୍ । ଇ ପୁରା ସମୟ, ଆହାବ ଆରୁଁ ହୁସ୍ ଘି ସେନାସ୍ ଏଲିହା ସିନ୍ ବେଦ୍ ତେ ରାଚାର୍ , ଲେକିନ୍ ହୁବ୍ଡ଼ାର୍ ହୁସିନ୍ । ହାକ୍‌ଖିୟାର୍ ।

![](https://cdn.door43.org/obs/jpg/360px/obs-en-19-04.jpg)

ଚେପୁ ମା’ବାର୍‌ନା ଘି କିଛି ସମୟ ଘି ବାନ୍ଦେନୁ ହୁ ଝାରନା ହାଇୟା କେରା । ଇଦ୍ ଘି ଲାଗାନ୍ ଏଲିହାସ୍ ଘି ଚାହାଁନ୍ତା ଅଣ୍ଟା ରାଜି ଗେ ବୁଙ୍ଗାସ୍ ଚିଚାସ୍ । ହୁ ରାଜିନୁ ଅଣ୍ଟା ଗରିବ ବିଧୁ ଆଦ୍ ରାଚାଦ୍ ହୁଦ୍‌ଘି ଅଣ୍ଟା କୁକ୍‌କୋ ହାଦ୍ଦୁ ରାଆଚାସ୍ । ହୁଦ୍ ଘି ଚାହାଁନୁ ଅନ୍ନାଗେ ଲାଗାଭାଗ୍ ମୁଞ୍ଚରା କେର୍‌କିଚା ଏନ୍ଦେର୍ ଗେକା ହୁସାନ୍ ଏନ୍ଦେର ହି ଚାଷ୍ ମ’ ମାନ୍‌କିଚା । ଲେକିନ୍ ଫିର୍ ଭି ହୁ ଆଲିଦ୍ ଏଲିହାସ୍ ଘି ଦେଖ୍ଭାଲ୍ କାମ୍‌ଚା, ଇଦ୍ ଘି ଲାଗାନ୍ ପାରମେଶ୍ୱରସ୍ ହୁଦ୍ ଘି ଆରୁଁ ହୁଦ୍ ଘି ଜରୁରି ଗେନ୍ ପୁରା କାମ୍‌ଚାସ୍, ଇ କାରଣସ୍ତିନ୍ ହୁଦ୍ ଘି ଆଟା ଘି ଥାଡ଼ି ଆରୁଁ ହୁଦ୍ ଘି ଇସୁନ ଘି ଡବାନ୍ ତା ଏକା ବାକେନ୍ ହି ଖାଲି ମାନ୍‌ଚାଦ୍ । ହୁ ପୁରା ଆକାଳ ତହିଁ ହୁଦ୍ ଘି ଚାହାଁନୁ ଆନ୍ନା ରାଚାଦ୍ । ଏଲିହା କିXଇ ବରଷ୍ ତୋକ୍ ହୁସାନ୍ ରାଚାସ୍ ।

![](https://cdn.door43.org/obs/jpg/360px/obs-en-19-05.jpg)

ସାଢ଼େ ତିନ୍ ବରଷ ଘି ବାଦେନୁ ପାରମେଶ୍ୱରସ୍ ଏଲିହାସିନ୍ ତେଙ୍ଗିୟାସ୍ ହୁସ୍ ଫିର୍ ଚେପୁ ବାରୋଦ୍ । ହୁସ୍ ଏଲିହାସିନ୍ କର୍‌ରା କିରି ଇସ୍ରାଏଲ୍ ଘି ରାଜିନୁ କାଇକିରି ଆଭାବ୍ ସଘି ଚାହାଁ କେରାସ୍ । ଯେ ବାକେନ୍ ଆଭାବ୍‌ସ୍ ହୁସିନ୍ ଏରିୟାସ୍ ତା ହୁସିନ୍ , ତେଙ୍ଗିୟାସ୍, “ ଅହୋ ନିନ୍, ମୁସିବାଦ୍ ପଇଦା କାମ୍‌ନା ବାଲା ଏଲିହାସ୍ ଜବାବ୍ ଚିଚ୍‌ଚସ୍, “ ମୁସିବାଦ୍ ପାଇଦା କାମ୍‌ନା ବାଲାତା ନିନ୍ ! ଯହୋୱା ସିନ୍ ଆମ୍ବାକା ଚିଚ୍‌କା ଦାଏ । ହୁସ୍ ହି ସାଚ୍ଚା ପାରମେଶ୍ୱରସ୍, ଲେକିନ୍ ନିନ୍ ବାଲ୍ ଘି ଉପାସନା କାମ୍‌ଦାୟ । ଆକ୍‌କୁନ ନିଙ୍ଘା ଇସ୍ରାଏଲ ରାଜିସ୍ତା ଜାମା ଆଲାରିନ୍ ଗୁଠି କର୍ମେଳ ପାର୍ତ୍ତା ଚାହାନୁ ଅନ୍ଦ୍ରୋଏ ବାରୋଏ ।”

![](https://cdn.door43.org/obs/jpg/360px/obs-en-19-06.jpg)

ଜାମା ଆଲାର୍ କର୍ମେଲ ପାର୍ତ୍ତା ଗେ କେରାର୍ । ହୁ ଆଲାସ୍ ବାର୍‌ଚାସ୍ ଆରୁ ତେଙ୍ଗାଲାର୍ କା ହୁବ୍‌ଡ଼ା ବାଲ ଘି ବାଚାନ୍ ବୋନ୍ ତେଙ୍ଗାନାର୍ । ଇବ୍‌ଡ଼ାର୍ ଘି ଭବିଷ୍ୟବକ୍ତା ରଚାସ୍ । ହୁବ୍‌ଡ଼ାର୍ ଜାମାର ୪୫୦ ରାଚାସ୍ । ଏଲିହାସ୍ ଆଲାରିନ୍ ତେଙ୍ଗିୟାସ୍ , “ କେତ୍‌କୋ ତୋକ୍ ନିମ୍ ନିଜର ମେନ୍‌ବୋନ୍ କିର୍‌ତର୍ ଉଇୟାର୍ ? ଲେକିନ୍ ଯହୋବା ପାରମେଶ୍ୱରସ୍ ରାଦାସ୍ ତା ହୁସ୍ କି ଆରାଧନା କାମା ଆଗାର ବାଳ ପାରମେଶ୍ୱରସ୍ ରାଦାସ୍ ତା ହୁସ୍ ଘି ଉପାସନା କାମା ।”

![](https://cdn.door43.org/obs/jpg/360px/obs-en-19-07.jpg)

ବାକେନ୍ ଏଲିହାସ୍ ବାଲ ଘି ଭବିଷ୍ୟବକ୍ତା ଗୁଠିରିନ୍ ତେଙ୍ଗିୟାସ୍ ,“ ଅଣ୍ଟା ଅୟୁ ଘି କାମିକିରି ହୁଦ୍ ଘି ଆହାଡ଼ା ବୋନ୍ ବାଲିଦାନ୍ କମାଗେ ଅଣ୍ଟା ବେଦୀନୁ ଉଇୟା, ଲେକିନ୍ ଚିଚଦୁ ଆମ୍‌କେ ଲାଗବା । ହୁଦ୍‌ଘି ବାଦେନୁ ନ୍ ହୋନ୍ନେ କାମୋନ୍, ଆରୁ ଅଣ୍ଟା ଅଲ୍‌ଗା ବେଦୀନୁ ହୁ ଆହାଡ଼ା ବୋନ୍ ଉଇୟନ୍ । ଆଗାର ପାରମେଶ୍ୱରସ୍ ଘି ବେଦୀନୁ ଚିଚୁ ଖାତ୍‌ରାଲି ତା ନିମ୍ ଆଲାଗେ ଅଙ୍ଗର କା ହୁ ସଥେନ୍ ପାରମେଶ୍ୱରସ୍ ରାଦାସ୍ ।“ ବାକେନ୍ ବାଳ ଘି ଭବିଷ୍ୟବକ୍ତାର ଅଣ୍ଟା ବାଳିବୋନ୍ ତିଆରି କାମ୍‌ଚସ୍‌ର ଲେକିନ୍ ଚିଚ୍‌ଚୁମା’ ଲାଗାବାଚାର୍ ।

![](https://cdn.door43.org/obs/jpg/360px/obs-en-19-08.jpg)

ବାକେନ୍ ଦେବତା ଘି ଭବିଷ୍ଯାବକ୍ତାର ଗୁଠିର ବାଳସିନ୍ ପ୍ରାର୍ଥନା କାମ୍‌ଚାର୍,“ ହେ ବାଲ୍, ଏମାହାଁ କାତ୍‌ଥା ମେନା ।” ପୁରା ଉଲ୍ଲା ହୁବ୍‌ଡ଼ାର୍ ପ୍ରାର୍ଥନା କାମ୍‌ଚର୍ ଆରୁ ଚିର୍‌ରାର୍ ଆରୁ ଏତ୍‌କୋ ତୋକ୍‌କା ଖୁଦ୍‌ରିନ୍ ଛୁରିସ୍ତିନ୍ ମୁର୍‌କାର ଚିଚ୍‌ଚାର୍, ଲେକିନ୍ ବାଳସ୍ ଜାବାବ୍ ମା’ ଚିଇଚାସ୍, ଆରୁଁ ହୁଳୁ ଏନ୍ଦେରି ଚିଚ୍‌ଚୁମା’ ଖାତ୍‌ରାଦ୍ ।

![](https://cdn.door43.org/obs/jpg/360px/obs-en-19-09.jpg)

ବାଳ୍ ଭବିଷ୍ୟବକ୍ତାର୍ ବାଳସିନ୍ ପ୍ରାର୍ଥନା କାମାଗେ ଲଗ୍ଭାଗ୍ ପୁରା ଉଲ୍ଲା ବିତରା କେରାଦ୍ । ଆଖ୍‌ରିନୁ ହୁବ୍‌ଡ଼ାର୍ ପ୍ରାର୍ଥନା କାମ୍‌ନା ବନ୍ଧ କାମ୍‌ଚେଚାର୍ । ବାକେନ୍ ଏଲିହାସ୍, ଦୁସ୍‌ରା ଅୟୁ ଘି ଆହାଡ଼ାବୋନ୍ ପାରମେଶ୍ୱରସ୍ ଘି ବେଦୀ ମିଆଁ ଉଇୟାସ୍ । ହୁଦ୍ ଘି ବାଦେନୁ ହୁସ୍ ଆଲାରିନ୍ ଆମ୍ମୁ ଘି ବାଡ୍‌କା ଥାଡ଼ିନୁ ହୁ ବାଲିଦାନ୍ ମିଆଁ ଏତ୍‌କୋ ତୋକ୍‌କା ତୁନ୍ଦା ଗେ ତେଙ୍ଗିୟାସ୍ ଯେତେ କୋ ତୋକ୍‌କା ଆହାଡ଼ା, କାଙ୍କୁ ଗୁଠି, ଆରୁଁ ଏତ୍‌କୋ ତୋକ୍ କା ବେଦୀ ଘି ଆସ୍‌ପାସ୍ ଘି ଏହେଁଲା ପୁରାପୁରୀ ସ୍ତିନ୍ । ଗିଲ ମାନ୍ନା ତୋକ୍ ।

![](https://cdn.door43.org/obs/jpg/360px/obs-en-19-10.jpg)

ବାକେନ୍ ଏଲିହାସ୍ ପ୍ରାର୍ଥନା କାମ୍‌ଚାସ୍,“ ହେ ୟେହୋୱା, ଆବ୍ରାହାମ୍, ଇସାହାକ୍, ଆରୁ ୟାକୁବସ୍ ଘି ପାରମେଶ୍ୱରସ୍ ଆରୁ ଏନ୍ ନିଙ୍ଘା ଦାସ୍ । ଏଙ୍ଗାନ୍ ଜାବାବ୍ ଇଦ୍ ଘି ଲାଗାନ୍ ଇବ୍‌ଡ଼ା ଆଲାର୍ ଆହାଗେ ଅଙ୍ଗର୍ କା ନିନ୍ ସାଚ୍ଚା ପାରମେଶ୍ୱରସ୍ ବୋଲି ।”

![](https://cdn.door43.org/obs/jpg/360px/obs-en-19-11.jpg)

ଜାଲ୍‌ଦି ହିଁ, ଆକାଶ ସ୍ତିନ୍ ଖାତ୍‌ରା ଆରୁ ହୁସିନ୍ ଆହାଡ଼, କାଙ୍କୁ ଗୁଠି, ଚାଚା, ହାଜୁ ଆରୁ ଏତ୍‌କୋ ତୋକ୍ କା ବେଦୀ ଘି ଆସ୍ ପାସ୍ନ୍ତା ଆସୁ, ବୋନ୍ ଭି ଜାଲାରା କେରା . ଯେବାକେନ୍ ଆଲାର୍ ଇବ୍‌ନ୍ ଏରିୟାର୍, ହୁବ୍‌ଡ଼ାରଏ ହେଁଲାନୁ ଖାତ୍‌ରା ଆରୁ ତେଙ୍ଗିୟାର୍,“ ୟୋହୋବାହି ପାରମେଶ୍ୱରସ୍ ! ଯହୋୱାହିସ୍ ପାରମେଶ୍ୱରସ୍ ।”

![](https://cdn.door43.org/obs/jpg/360px/obs-en-19-12.jpg)

ବାକେନ୍ ଏଲିହାସ୍ ତେଙ୍ଗିୟାସ୍,“ ବାଳ ଘି ଅଣ୍ଟା ହିଁ ଭବିଷ୍ୟବକ୍ତାର ବାଛ୍‌କିରି କାଲା ପଲ୍‌ନାର ଇଦ୍‌ଘି ଲାଗାନ୍ ଆଲର୍ ଗୁଠି ବାଳ ଘି ଭବିଷ୍ୟବକ୍ତା ଗୁଠିରିନ୍ ଧାରଚାର ଆରୁଁ ହୁବ୍ଡ଼ାରିନ୍ ପିଟାର ଚିଚାର୍ ।

![](https://cdn.door43.org/obs/jpg/360px/obs-en-19-13.jpg)

ବାକେନ୍ ଏଲିହାସ୍ ଆହାବ୍ ରାଜାସିନ୍ ତେଙ୍ଗିୟାସ୍,“ ଜାଲ୍‌ଦି ନିଜର ଏଡ଼୍‌ପା ଗେ ବୁଙ୍ଗା କାଲା, ଏନ୍ଦେର ଗେକା ଚେପୁ ବାର୍‌ନା ରାଇଦ୍ ।” ହଲଦୀ ହି ବାଦ୍‌ଲ ଘାନା ମାନୋବୋଦ୍ ଆରୁଁ ମୁର୍‌ଖ ଚେପୁ ସୁରୁ ମାଞ୍ଚାକେରା । ୟହୋୱା ହୁ ହାଇକାବୋନ୍ ଖତମ୍ କାମାଲାସ୍ । ଇନ୍ନୁ ଜାହିର୍ ମାଞ୍ଚା କା ୟହୋୱାସିନ୍ ସାଚ୍ଚା ପାରମେଶ୍ୱରସ୍ ।

![](https://cdn.door43.org/obs/jpg/360px/obs-en-19-14.jpg)

ଯେ ବାକେନ୍ ଏଲିହାସ୍ ନିଜର ନାଲକୁ ମୁଜିୟାସ୍ । ପାରମେଶ୍ୱରସ୍ ଏଲିସା ନାଆପେ ଘି ଅଣ୍ଟା ଆଲାସିନ୍ ନିଜର ଭବିଷ୍ୟବକ୍ତା ମାନାଗେ ଚାଦିୟାର୍ । ପାରମେଶ୍ୱରସ୍ ଏଲିସାସ୍ ଉପାୟନୁ ମୁରୁଖ ଚମତ୍‌କାର କାମ୍‌ଚସ୍ । ଅଣ୍ଟା ଚମତ୍‌କାର ନାମାନ୍‌ସି ସାଙ୍ଗେ ମାଞ୍ଚା । ହୁସ୍ ଅଣ୍ଟା ଶତ୍ରୁର୍ ଘି ସେନା ଘି ସରଦାର୍ ରାଚାସ୍, ଲେକିନ୍ ହୁସ୍ ଘି ଚାମଡ଼ା ଘି ଅଣ୍ଟା ଖରାପ୍ ବେମାର ମାଞ୍ଚା କେର୍‌କିଚା । ନାମାନ୍‌ସ୍ ଏଲିସାସ୍ ଘି ବାରେ ନୁ ମେଞ୍ଚଏକାଚାସ୍, ଇଦ୍ ଘି ଲାଗାନ୍ ହୁସ୍ ଏଲିସାନ୍ ଘି ଚାହାଁଗେ ବାର୍‌ଚାର୍ ଆରୁ ହୁସ୍ ହୁସିବାନେ କମାଗେ ହେକ୍‌ଖା ଯୋଡ଼୍‌ଚାସ୍ ଏଲିସାସ୍ ନାମାନ୍‌ସିନ୍ ତେଙ୍ଗିୟାସ୍ କାଲ । ୟରବୋନ୍ ଜୋଡ଼ୁ ଘି ଅମ୍ମୁନୁ ସାତ୍‌ଥର ଡୁବ୍‌କି ଲାଗାବା ।

![](https://cdn.door43.org/obs/jpg/360px/obs-en-19-15.jpg)

ନାମାକସ୍ ଖିସାରାସ୍ କେରାସ୍ । ହୁସ୍ ଏନ୍ନେ କାମାଗେ ଇନ୍‌କାର କାମ୍‌ଚିଚାସ୍, ଏନ୍ଦେର ଗେ କା ହୁସିନ୍ ବୁଦ୍ଧିମାଲ୍‌କା ନାଲଖୁ ଲେଖା ଲାଗ୍‌ରିୟାଦ୍ ଲେକିନ୍ ପାଛ୍‌ଲି ହୁସି ନିଜର୍ ମୋନ୍ ବୋନ୍ ବଦ୍‌ଲାଚାସ୍ ଆରୁ କାଇକିରି ୟରଦନ ଜୋଡ଼ୁ ଘି ଆମ୍ମୁନୁ ସାତ୍ ଥର୍ ଡୁବ୍‌କୀ ଲାଗା ବାଚାସ୍ । ଯେବାକେ ଆଖ୍‌ରିନୁ ଆମୁନକ୍ତି ବାହାରି ଉର୍‌ଖିୟାସ୍‌ତା ପାରମେଶ୍ୱରସ୍ ହୁସିନ୍ ବାନେ କାମ୍‌ଚାକା ଚିଚ୍‌ଚାସ୍ ।

![](https://cdn.door43.org/obs/jpg/360px/obs-en-19-16.jpg)

ପାରମେଶ୍ୱରସ୍ ଇସ୍ରାଏଲର ଆଲାର୍ ଘି ଚାହାଁନଦୁସ୍‌ରା ଜୁକୁନ୍‌ନ୍ତିନ୍ ଭବିଷ୍ୟବକ୍ତାରିନ୍ ତାଇୟାସ୍ । ହୁବ୍‌ଡ଼ା ଜାମାର୍ ଆଲାରିନ୍ ସ୍ତିନ୍ ମୁର୍‌ତି ଗୁଠି ଘି ଉପାସନା କାମାଗେ ବନ୍ଧ କାମାଗେ ତେଙ୍ଗିୟାର୍ । ଇଦ୍‌ଘି ମାନେ, ହୁବ୍‌ଡ଼ାର୍ ଏକ୍ ଦୁସ୍‌ରେ ସାଙ୍ଗେ ଶାନ୍ତି ପୂର୍ବକ ବ୍ୟବହାର କାମ୍‌ନା ରାଇଦ୍ ଆରୁ ଏକ୍ ଦୁସାରିନ୍ ଦୟା କାମ୍‌ନା ପାଡ୍ରୋ । ହୁ ଭବିଷ୍ୟବକ୍ତାସ୍‌ର୍ ଆଲାରିନ୍ ଚେତାବାନି ଚିଚ୍‌ଚାରକା ହୁବ୍‌ଡ଼ାର୍ ଖରାପ୍ ନାଲ୍‌ଖୁ କମାଗେ ବନ୍ଦ କାମ୍‌ନା ରାଇଦ୍ ଆରୁ ଇଦ୍ ଘି ଲାଗାନ୍ ପାରମେଶ୍ୱରସ୍ ଘି କାତ୍‌ଥା ପାଳନ୍ କାମ୍‌ନା ରାଇଦ୍ ଲେକିନ୍ ହୁବ୍‌ଡ଼ାର୍ ଆଲାର୍ ଏନ୍ନେ ମା’ କାମ୍‌ଚାର୍ ହାଲେ ପାରମେଶ୍ୱରସ୍ ହୁବ୍ଡ଼ାରିନ୍ ଦୋଷୀ ସାମ୍‌ଝିରାକିରି ହୁବ୍‌ଡ଼ାର୍ ଘି ବିଚାର୍ କାମସ୍, ଆରୁ ହୁବ୍‌ଡ଼ାରିନ୍ ଦଣ୍ଡ ସି ଚିୟାସ୍ ।

![](https://cdn.door43.org/obs/jpg/360px/obs-en-19-17.jpg)

ବାଗେ ହି ସାମାୟନୁ, ହୁବ୍ଡ଼ାର୍ ଆଲାର୍ ପାରମେଶ୍ୱରସ୍ ଘି ହୁକୁମ୍ ପାଳନ ମା’ କାମ୍‌ଚାର୍ । ଲେକିନ୍ ହୁବ୍ଡ଼ାର୍ ସବୁବାକେନ୍ ଭବିଷ୍ୟବକ୍ତାର ଘି ସାଙ୍ଗେନୁ ଖରାପ ବ୍ୟବହାର କାମ୍‌ଚାର୍ ଆରୁଁ ଏତ୍‌କୋତୋକ୍ କା ଏକା ଏକା ବାକେନ୍ ହୁସିନ୍ ପିଟ୍‌ଟେ ଚାର୍ । ଆରୁ ଅହୋନ୍, ହୁବ୍‌ଡ଼ାର୍ ଇର୍‌ମିଆ ଭବିଷ୍ୟବକ୍ତାସିନ୍ ହାଇ କାତୁସାନୁ ଟଡ଼ାର୍ ଚିଚୋର୍ ଆରୁଁ ହୁସିନ୍ ହୁସାନ୍ ଖିୟାଗେ ଅମ୍ବିୟାର୍ ଚିଚାର୍ । ହୁ ତୁସା ଘି କିୟା କାଚ୍‌ଡ଼ାନୁ ଧାସ୍‌କରା କେରା । ବାକେନ୍ ରାଜାସ୍ କେ ହୁସ୍ କି ମିଆଁ ଦାୟା ବାର୍‌ଚା ଆରୁ ହୁସିନ୍ ନିଜର ସୈନିକିରି୍ ହୁକୁମ୍ ଚିଚ୍‌ଚାସ୍ କା ଇର୍‌ମିଆଁସ୍ ଘି ଖିନାଘି ଆଘ୍‌ଲି ହୁସିନ୍ ତୁସାନ୍‌ନ୍ତି ବାହାରି ଟାମା ଅନ୍ଦୋରା ।

![](https://cdn.door43.org/obs/jpg/360px/obs-en-19-18.jpg)

ଭବିଷ୍ୟବକ୍ତାର୍ ପାରମେଶ୍ୱର ଘି ତାରତିନ୍ ତେଙ୍ଗାଗେ ଜାରି ଉଇୟାର୍ ଭାଲେ ହି ଆଲାର୍ ହୁସିନ୍ ନଫ୍‌ରାତ୍ କାମ୍‌ନାର । ହୁବ୍‌ଡ଼ାର୍ ଆଲାରିନ୍ ଚେତାବାନୀ ଚିଚ୍‌ଚାର୍ ଲେକିନ୍ ହୁବ୍‌ଡ଼ାର୍ ମା’ ପାଛ୍‌ତାରୋରର୍‌ହାଲେ ପାରମେଶ୍ୱରସ୍ ହୁବ୍ଡ଼ାରିନ୍ ନଷ୍ଟ କାମ୍‌ ଚିଇଚାସ୍ । ହୁବ୍‌ଡ଼ାର୍ ଆଲାରିନ୍ ଏନ୍ନେ ଭି ୟାଦ୍ ଜିଲାବାଚାର୍ କା ପାରମେଶ୍ୱରସ୍ ହୁସ୍ କି ଚାହାଁ ମାସିହ ସିନ୍ ତାଇୟାଗେ ସଚ୍‌କା ଦାସ୍ ।

*୧ ରାଜା ଭାଗ ୧୬ – ୧୮, ୨ ରାଜା ; ଇରମିଆ ୩୮ ତି ଣ୍ଟା ବାଇବଲ ଘି କାଥ୍‌ନୀ*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_19_96kbps.mp3

## 20. ବାନ୍ଧ୍‌ୱାଇ ଆରୁ କିର୍‌ନାର

https://openbiblestories.org/l/xis/story-20/

![](https://cdn.door43.org/obs/jpg/360px/obs-en-20-01.jpg)

ଇସ୍ରାଏଲ ରାଜି ଆରୁ ଇହୁଦା ରାଜି ଜୋଡ଼େର୍ ପାରମେଶ୍ୱରସ୍ ଘି ବିରୁଦ୍ଧନୁ ପାପ କାମଚାର୍ । ହୁବ୍‌ଡ଼ାର୍ ହୁ ଶପଥ ବୋନ୍ ତୋଡ଼େଚିଚାର୍ ଜେନ୍ ପାରମେଶ୍ୱରସ୍ ହୁବ୍‌ଡ଼ାର୍ ଗାନେ ସିନେ ନୁ ହିଚ୍‌କାଚାସ୍ । ପାରମେଶ୍ୱରସ୍ ହୁବଡାରିନ୍ ପାଛ୍‌ତାପ୍ କାମାଗେ ଆରୁ ଉସ୍‌ଘି ଆରାଧାନା କାମାଗେ ଚେତାବାନି ଚିୟାଗେ ନିଜର ଭବିଷ୍ୟବକ୍ତା ଗୁଠିରିନ୍ ତାଇୟାସ୍, ଲେକିନ୍ ହୁବ୍‌ଡ଼ାର୍ ହୁସ୍‌ଘି କାତ୍‌ଥା ବୋନ୍ ମେନାଗେ ଇନ୍‌କାର କାମ୍‌ଚାର ।

![](https://cdn.door43.org/obs/jpg/360px/obs-en-20-02.jpg)

ଲେକିନ୍ ପାରମେଶ୍ୱରସ୍ ହୁବ୍‌ଡ଼ାର୍ ଘି ଦୁସ୍‌ମାନ୍ ଗୁଠିରିନ୍ ହୁବ୍‌ଡ଼ାର୍ ନାସ୍ କାମାଗେ ଲାଗାନ୍ କୋଶିଷ କାମ୍‌ଚକା ଘି ଚାଲ୍‌ତେ ଜୋଡ଼େ ରାଜିବୋନ୍ ଦଣ୍ଡିଦ୍ କାମ୍‌ଚାସ୍ । ଆଶୁର ଅନ୍‌ଟା ଦୁସରା ରାଜିନୁ ରାଚାର୍ ଜେନ୍ ବୋଦ୍ ମୁରୁକ୍ ଶକ୍ତିଶାଳୀ ମାନଚାର୍ କେର୍‌କାଚାର୍ । ହୁବ୍ଡ଼ାର୍ ଦୁସରା ରାଜି ଘି ପ୍ରତି ମୁରୁକ ନିର୍ଦ୍ଦେୟିର୍ ଭି ରାଚାର୍ । ହୁବ୍ଡ଼ାର୍ ବାରିକଗିରି ଇସ୍ରାଏଲ ରାଜିବୋନ୍ ନାଶ କାମଚେଚିଚାର୍ ଆଶୁର୍ ଗୁଠିର ବାରିକିରି ଇସ୍ରାଏଲ ରାଜିନୁ ଜୁକ୍‌କୁରିନ୍ ପିଟେଚାର୍ ଜେନଟା ସୋଚଚାର୍ ହୁବୋନ ଲୁଟ୍‌ଟାର୍ ଆରୁ ରାଜି ଘି କିଛି କିଛି ଭାଗ ବୋନ୍ ଜାଲାବାଚେଚାର୍ ।

![](https://cdn.door43.org/obs/jpg/360px/obs-en-20-03.jpg)

ଆଶୁର ଗୁଠିର ଜାମା ଆଗୁଆର୍, ଧନୀ ଆଲାରିନ୍, ଆରୁ ଏନ୍ନେ ଆଲାରିନ୍ ନେର ମୂଲ୍ୟବାନ ଜିନିଷଗୁଠି କାମା ଅଙ୍ଗାଲ୍‌ଗାର ଅନ୍‌ଠାଣ୍ ସାନ ଜାମା କାମଚାର ଆରୁ ହୁସ୍ ହୁବ୍‌ଡ଼ାରିନ୍ ଆଶୁର ରାଜି ଗେ ଅଚାର କେରାର । ଇସ୍ରାଏଲ ନୁ ଖାଲି ଗରିବ ଇସ୍ରାଏଲିର୍ ହି ବାଛରାର୍ ।

![](https://cdn.door43.org/obs/jpg/360px/obs-en-20-04.jpg)

ଆରୁ ଆଶୁରି ଆଲାର ହୁ ରାଜିନୁ ରାଗେ ଲାଗାନ୍ ପାର୍‌ଦେଶୀରିନ୍ ହୁଇ କିରି ବାରଚାର୍ । ହୁବ୍ଡ଼ା ପାରଦେଶୀର୍ ହୁ ପାଡ଼ା ବୋନ୍ ଆରୁ କାମ୍‌ଚାର୍ । ଇସ୍ରାଏଲୀର୍ ହୁସାନ ବାଛ୍‌ରକାଚାର୍ ହୁବ୍ଡ଼ାରିନ୍ ହୁବ୍ଡ଼ାର୍ ବେନ୍‌ଜରାର୍ । ଇବ୍‌ଡ଼ା ଆଲାର୍ ଘି ବାଉଁସାର ସାମରୀ ତେଙ୍ଗା କେରାଦ୍ ।

![](https://cdn.door43.org/obs/jpg/360px/obs-en-20-05.jpg)

ୟୁହୁଦା ଘି ରାଜିନ୍ତା ଆଲ୍ଲାର୍ ଏରିଆର୍‌କା ପାରମେଶ୍ୱରସ୍ ହୁନ୍‌ନୁ ବିଶ୍ୱାସ ମା’ କାମନା ଆରୁ ହୁସ୍‌ଘି କାତ୍‌ଥା ବୋନ୍ ମା’ ମେନ୍ନା ଘି ଲାଗାନ୍ ଇସ୍ରାଏଲିର ଘି ରାଜିନ୍ତା ଆଲ୍‌ଗୁଠିରିନ୍ ଦଣ୍ଡିତ୍ କାମ୍‌ଚାସ୍ । ହାଲେ ହି ହୁବ୍ଡ଼ାର୍ କାନାନିୟାର୍ ଦେବତାଗୁଠିର ଘି ମୂର୍ତ୍ତିବୋନ୍ ଉପାସନା କାମ୍‌ଚାର୍ । ପାରମେଶ୍ୱରସ୍ ହୁବ୍ଡ଼ାରିନ୍ ଚେତାବନୀ ଚିୟାଗେ ଭବିଷ୍ୟବକ୍ତା ଗୁଠିରିନ୍ ତାୟାସ୍ । ଲେକିନ୍ ହୁବ୍ଡ଼ାର ମେନାଗେ ମାନା କାମ୍‌ଚେର୍‌ଚିଚାର୍ ।

![](https://cdn.door43.org/obs/jpg/360px/obs-en-20-06.jpg)

ଲାଗଭାଗ୍ ୧୦୦ ବରଷ ଘି ବାଦ୍ ନୁ ଆଶୁରିୟୋରଗୁଠିର୍ ଇସ୍ରାଏଲ୍ ଘି ରାଜି ବୋନ୍ ନାଶ୍ କାମଚେରଚିଚାର୍, ପାରମେଶ୍ୱରସ୍ ବେବିଲୋନ୍ ଘି ରାଜା, ନବୁକଦନେତ୍ସର ଘି ଇହୁଦାନ୍ତା ରାଜିନୁ ହାମଲା କାମାଗେ ତାୟାସ୍ । ବେବିଲୋନ୍ ଅଣ୍ଟା ଶାକ୍ତିଶାଳୀ ରାଜି ରାଚ । ଇହୁଦାନ୍ତା ରାଜା ନବୁକଦନେତ୍ସର ଘି ଦାସ୍ ମାନ୍‌ନା ଆରୁ ସବୁ ବରଷ ହୁବୋନ୍ ଅନଜୁକ୍‌କୁ ଧାନ୍‌ନୁ ଭାରାଗେ ରାଜି ମାନ୍‌ଚାସ୍‌କେରାସ୍ ।

![](https://cdn.door43.org/obs/jpg/360px/obs-en-20-07.jpg)

ଲେକିନ୍ କିଛି ବରଷ ଘି ପାଛ୍‌ଲି, ଇହୁଦାନ୍ତା ରାଜାସ୍ ବେବିଲୋନ୍ ଘି ବିରୁଦ୍ଧ ଲାଢ଼େଇ କାମଚାର୍ । ଲେକିନ୍ ବେବିଲୋନୀୟ ଗୁଠିର କିର୍‌ରିକିରି ଇହୁଦା ଘି ରାଜିବୋନ୍ ହାମ୍‌ଲା କାମ୍‌ଚାର୍ । ହୁବ୍ଡ଼ାର୍ ୟେରୁଶାଲେମ୍ ରାଜିବୋନ୍ କାବ୍‌ଜା କାମ୍‌ଚାର୍, ମନ୍ଦିରବୋନ୍ ନଷ୍ଟ କାମଚାର୍, ଆରୁ ପାଡ଼ା ଆରୁ ମନ୍ଦରି ତା ଖାଜାନା ଗୁଠିନ୍ ଲୁଟ୍‌ଟାର୍ ଅଚ୍‌ଚାର୍ କେରାର୍ ।

![](https://cdn.door43.org/obs/jpg/360px/obs-en-20-08.jpg)

ଲାଢ଼େଇ କାମ୍‌ନା ଘି କାରଣ ଇହୁଦାନ୍ତା ରାଜାସିନ୍ ଦଣ୍ଡିତ କାମାଗେ, ନବୁକଦନେତ୍ସରନ୍ତା ସେନାର୍ ରାଜାସ୍ ଘି ହାଦ୍ଦୁ ସିନ୍ ହୁସଘି ଚାହାଁନୁ ପିଟ୍‌ଟାର୍ ଆରୁ ହୁସିନ୍ କାଣା କାମ୍‌ଚେର୍ ଚାର୍ ଇଦ୍‌ଘି ପାଛ୍‌ଲି, ହୁବ୍ଡ଼ାର୍ ରାଜାସିନ୍ ଅଚ୍‌ଚାର୍ ତାକି ହୁ ସିନ୍ ବେବିଲୋନ୍‌ନ୍ତା ଜେଲ୍‌ଖାନାନୁ ଖିୟସ କୋସ୍ ।

![](https://cdn.door43.org/obs/jpg/360px/obs-en-20-09.jpg)

ନବୁକଦନେତ୍ସର ଆରୁ ହୁସ୍‌ଘି ସେନା ଇହୁଦା ଘି ରାଜିନ୍ତା ଲଗ୍‌ଭଗ୍ ଜାମା ଆଲାରିନ୍ ବେବିଲୋନ୍ ଅଚ୍‌ଚାର କେରାର୍, ଖାଲି ଜାମାରସ୍ତି ଗରିବ ଆଲାରିନ୍ ପାଛ୍‌ଲି ଆମ୍ୱିକିରି ହୁବ୍‌ଡ଼ାରିନ୍ ହାଲ୍ଲୁନୁ ଚାଷ୍ କାମ୍‌ରୋ । ସାମୟ ଘି ଇ କାଳ ବୋନ୍ ବନ୍ଧୁଆଇ ତେଙ୍ଗାଲାର୍ , ଏକାନୁ ପାରମେଶ୍ୱରସ୍ ଘି ଆଲାରିନ୍ ଶପଥ ଘି ରାଜିନ୍ତି ଉରଖାଗେ ମାଜ୍‌ବୁର୍ କାମ୍‌ଚାର୍ ଚିଚ୍‌ଚାର୍ ।

![](https://cdn.door43.org/obs/jpg/360px/obs-en-20-10.jpg)

ଭାଲେ ହି ପାରମେଶ୍ୱରସ୍ ନିଜର ଆଲାରିନ୍ ହୁବଡ଼ାର ପାପ ଘି ଲାଗାନ୍ ବାନ୍ଧୁଏନୁ ହୁଆଁଗେ ଲାଗାନ୍ ଦଣ୍ଡିତ୍ କାମ୍‌ଚାସ୍, ହାଲେ ହି ହୁସ୍ ହୁବ୍ଡ଼ାରିନ୍ ନିଜର ଶପଥ ବୋନ୍ ମାଲ୍ଲା ମଦ୍ରାକାରୁସ୍ । ପାରମେଶ୍ୱରସ୍ ନିଜର ଆଲାରିନ୍ ନିଜର ନିଜରନୁ ଉଇକା ଚାସ୍ ଆରୁ ନିଜର ଭବିଷ୍ୟବକ୍‌ତାର୍ ଘି ଚାଲ୍‌ତେ ହୁବ୍ଡ଼ାର୍‌ଗାନେ କାଥା କାମାଲ୍‌ଗାସ୍ । ହୁସ୍ ଶପଥ କାମ୍‌ଚାସ୍ କା ସତୁର୍ ବଛର୍ ଘିବାଦେ, ହୁ ଆରୁ ଶପଥ ରାଜିନୁ କିର୍‌ରୋର୍ ।

![](https://cdn.door43.org/obs/jpg/360px/obs-en-20-11.jpg)

ଲଗ୍‌ଭଗ୍ ସାତୁର୍ ବଛର୍ ଘି ପାଛ୍‌ଲି, ଫାରସ୍ ନ୍ତା ରାଜା କୁସ୍ରୁସ୍ ବେବିଲୋନ୍ ବୋନ୍ ହାରାବାଚାସ୍ ଇଦ୍‌ଘିଲାଗାନ୍‌ନ୍ତା ବେବିଲୋନ୍ ସାମ୍ରାଜ୍ୟ ଚାଲତେ ଫାରସ୍ ଘି ସାମ୍ରାଜ୍ୟ କିଛି ରାଜି ଗୁଠିନୁ ଶାସନ କାମଚାସ୍ । ଇସ୍ରାଏଲ୍ ଆଲାର୍ ଆକ୍କୁନ୍ ଇହୁଦି ତେଂଗାଲାର୍ । ହୁନ୍ନୁ ନ୍ତି ଜୁକ୍କୁର୍ ନିଜର୍ ପୁରା ଜିଉ ବେବିଲୋନ୍ ନୁ ବିତା ବାଚକା ଚାସ୍ । ବାକେନ୍ ବହୁତ୍ କୋମ୍ ପାଚକିର୍ ଇହୁଦାର୍ ନୁ ହି ଇହୁଦା ରାଜି ମୋନେ ରାଚାଦ୍ ।

![](https://cdn.door43.org/obs/jpg/360px/obs-en-20-12.jpg)

ଫାର୍‌ସି ଆଲାର୍ ମୁରୁକ୍ ତାକତ୍‌ବୋର୍ ରାଚାର, ଲେକିନ୍ ହୁବ୍ଡ଼ାର୍ ନିଜର ଉଜ୍‌ତେ ହୁଏ ଆଲାରିନ୍ ଦୟା କାମ୍‌ଚାକାଚାର୍ । ଫାର୍‌ସୀ ଆଲାର୍ ଘି ରାଜା ମାନାଗେ କାଟେ ସାମୟ ପାଛ୍‌ଲି, କୁଶ୍ରୁସ୍ ଅଣ୍ଟା ହୁକୁମ୍ ଚିଚାସ୍‌ କା ନେର୍‌ଭି ଇହୁଦିର୍ ନେର୍ ଇହୁଦି ଗେ କାଲା ବେଦାଲ୍‌ଦାର୍, ହୁବ୍ଡ଼ାର୍ ଫାର୍‌ସିର୍ ଉର୍‌ଖାକିରି ୟହୁଦାଗେ କାଲା ଅଙ୍ଗଦାର୍ । କେତ୍‌କ ତକ୍ କା ହୁସ୍ ହୁବ୍ଡ଼ାର୍ ଘି ମନ୍ଦରିବୋନ୍ ଆରୁ ଅହନ୍ କାମାଗେ ଧାନୁ ଭି ଚିଚାସ୍ । ବାକେନ୍ ବାନ୍ଧୱାଇର ଘି ସତୁର୍ ବଛର୍ ବାଦେନୁ, ଇହୁଦିୟାର୍ ଘି ଛୋଟେ ଦଲ୍‌ନୁ ୟରୁଶାଲେମ୍ ରାଜିଗେ କିର୍‌ୟାର୍ ।

![](https://cdn.door43.org/obs/jpg/360px/obs-en-20-13.jpg)

ଯେତେବାକେନ୍ ହୁବ୍ଡ଼ାର୍ ଆଲାର୍ ୟରୁଶାଲେମ୍ ଆଣ୍‌ସିୟାର୍ ବାକେନ୍ ହୁବ୍ଡ଼ାର୍ ମନ୍ଦିର୍ ବୋନ୍ ଆରୁ ଅହୋନ୍ ପାଡ଼ା ଘି ଚାରିପାଖା କାଥିବୋନ୍ ଆରୁ କାମ୍‌ଚାର୍ । ଫାରଶି ଆଲାର୍ ଆକୁନ୍‌ତକ୍ ହୁବ୍ଡ଼ାରିନ୍ ଶାସନ କାମାଲ୍‌ଗାର୍ ଲେକିନ୍ ଆରୁ ଅହୋନ୍ ଫିର୍ ସେ ସପଥ ରାଜିନୁ ରାଲ୍‌ଗାର୍ ଆରୁ ମନ୍ଦିର୍‌ନୁ ଆରାଧାନା କାମାଲ୍‌ଗାର୍ ।

*୨ ରାଜା ୧୭; ୨୪-୨୫; ୨ ବଂଶାବଳୀ ୩୬; ଏଜ୍ରା ୧-୧୦; ନିହିମୀୟା ୧-୧୩ ସ୍ତିନ୍ ଅଣ୍ଟା ବାଇବେଲ୍ ଘି କାଥ୍‌ନୀ*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_20_96kbps.mp3

## 21. ପାରମେଶ୍ୱରସ୍ ମାସିହିସ୍ ଘି ଶପଥ୍ କାମ୍‌ଦାସ୍

https://openbiblestories.org/l/xis/story-21/

![](https://cdn.door43.org/obs/jpg/360px/obs-en-21-01.jpg)

ଯେତେବାକେନ୍ ପାରମେଶ୍ୱରସ୍ ଦୁନିଆଁ ବୋନ୍ ସୃଷ୍ଟି କାମ୍‌ଚକାଚାସ୍, ହୁସ ଆହାଲାସ୍ କା ପାଛ୍‌ଲି ଏକିନ୍ ଉଲ୍ଲା ମାସିହିସିନ୍ ତାଇୟା ପାଡ୍‌ର । ହୁସ୍ ଆଦାମ୍ ଆରୁ ହାବାସ୍ତିନ୍ ଶପଥ୍ କାମ୍‌ଚାସ୍ କା ହୁସ୍ ଏନ୍ନେ କାମୋସ୍ । ହୁସ୍ ତେଙ୍ଗିୟାସ୍ କା ହାବାତିନ୍ ଅଣ୍ଟା ବାଉଁଶାର୍ ଜନମ୍ ମାନର୍ ନେର୍ ନେର୍ରୁଘି କୁକ୍‌କୁବୋନ୍ କୁଚର୍ । ଯେନ୍ ନେର୍ରୁ ବୋଦ୍ ହାବାବୋନ୍ ଧୋଖା ଚିଚ୍‌କିଚାଦ୍ ହୁଦ୍ ପୁରାପୁରି ସୈତାନ୍ ରାଚାଦ୍ । ପାରମେଶ୍ୱରସ୍ ଘି ମାନେ ମାସିହି ପୁରାପୁରି ସ୍ତିନ୍ ସୈତାନ୍‌ବୋନ୍ ହାରାବୋଚସ୍ ।

![](https://cdn.door43.org/obs/jpg/360px/obs-en-21-02.jpg)

ପାରମେଶ୍ୱରସ୍ ଆବ୍ରାହାମ୍‌ସିନ୍ ଶଫଥ୍ କାମ୍‌କାଚାସ୍ କା ହୁସ୍ ଘି ଚାଲ୍‌ତେ ପୁରା ଦୁନିଆଁ ଘି ଜାମା ଜାତିୟାର୍ ଆସିସ୍ ହାକ୍‌ଖୋର୍ । ପାରମେଶ୍ୱର କିଛି ସମୟ ଘି ବାଦେନୁ ମାସିହି ସିନ୍ ତାଇନାଘି ଚାଲ୍‌ତେ ଇ ଶପଥ୍ ବୋଦ୍ ପୁରା ମାନଦ୍ । ହୁବୋନ୍ ମାସିହି ଦୁନିଆଁ ଜାମା ଜାତିନ୍ତା ଆଲାରିନ୍ ହୁବ୍ଡ଼ାର୍ ଘି ପାପ୍‌ନ୍ତି ଛୁଡ଼ାବୋସ୍ ।

![](https://cdn.door43.org/obs/jpg/360px/obs-en-21-03.jpg)

ପାରମେଶ୍ୱରସ୍ ମୁଶାସିନ୍ ଶଫଥ୍ କାମ୍‌କାଚାସ୍ କା ଭବିଷ୍ୟନୁ ହୁ ମୁଶାସ୍ ଘିଲେଖା ଅଣ୍ଟା ଦୁସ୍‌ରା ଭବିଷ୍ୟବକ୍ତାସିନ୍ ତାଇୟସ୍ । ଇ ଭବିଷ୍ୟବକ୍ତାସ୍ ମାସିହିସ୍ ମାନସ୍ । ଇ ଲେଖାନୁ, ପାରମେଶ୍ୱରସ୍ ଆରୁହି ଶପଥ୍ ଘି ହୁ ମାସିହି ସିନ୍‌ତାୟସ୍ ।

![](https://cdn.door43.org/obs/jpg/360px/obs-en-21-04.jpg)

ପାରମେଶ୍ୱରସ୍ ରାଜା ଦାଉଦ୍‌ସିନ୍ ଶପଥ୍ କାମ୍‌କାଚାସ୍‌କା ହୁସ୍ ଘି ଅଣ୍ଟା ବାଉଁଶାର୍ ମାସିହି ମାନସ୍ । ହୁସ୍ ରାଜା ମାନସ୍ ଆରୁ ପାରମେଶ୍ୱରସ୍ ଘି ଆଲାର୍‌ଘି ମିୟାଁ ସବୁବାକେନ୍ ଶାସନ୍ କାମୋସ୍ ।

![](https://cdn.door43.org/obs/jpg/360px/obs-en-21-05.jpg)

ପାରମେଶ୍ୱରସ୍ ଯିର୍‌ମିୟା ଭବିଷ୍ୟବକ୍ତାସ୍ ଗାନେ କାଥା କାମ୍‌ଚା ଆରୁ ତେଙ୍ଗିୟାସ୍ କା ଉନ୍ଦୁଲ୍ ଅଣ୍ଟା ପୁନା ଶପଥ୍ ହିୟୋଁସ୍ । ହୁ ପୁନା ଶଫଥ୍ ଇସ୍ରାଏଲ୍ ଗାନେ ସିନେନୁ ହିଚ୍‌କାଚାସ୍ ପାଚ୍‌ଚା ଶଫଥ୍ ଲେଖା ମା ମାନଦ୍ । ଯେତେବାକେନ୍ ଆଲାର୍‌ଗାନେ ହୁ ନିଜର୍ ପୁନା ଶଫଥ୍‌ବୋନ୍ ହିୟୋଁସ୍, ତା ହୁସ୍ ହୁବ୍ଡ଼ାର୍ ଘି ମିୟାଁର୍ ନିଜର୍ ରୁପ୍‌ବୋନ୍ ପ୍ରଗଟ୍ କାମୋସ୍ । ହାର୍ ଅଣ୍ଟା ଆଲାର୍ ହୁସିନ୍ ବାନେ ହାକ୍‌ଖୋର୍ ଆରୁ ହୁସ୍ ଘି ନିୟମ୍‌ଗୁଠିବୋନ୍ ପାଲନ୍ କାମାଗେ ଇଚ୍ଛା ଉଇୟୋର୍ । ପାରମେଶ୍ୱରସ୍ ତେଙ୍ଗିୟାସ୍ ଇ ବୋଦ୍ ହୁସ୍ ଘି ନିୟମ୍‌ଗୁଠିବୋନ୍ ହୁବଡାର୍ ଘି ମୋନ୍‌ନୁ ଲିଖ୍‌ନା ଚିନା ଘି ଲେଖା ମାନୋଦ୍ । ହୁବ୍ଡ଼ାର୍ ହୁସ୍‌ଘି ଆଲ୍‌ମାନର୍, ଆରୁ ପାରମେଶ୍ୱରସ୍ ହୁବ୍ଡ଼ାର ଘି ପାପ୍‌ବୋନ୍ ମାଫ୍ କାମୋସ୍ । ହୁସ୍ ମାସିହି ମାନସ୍ ଯେକା ହୁବ୍ଡ଼ାର୍ ଘି ସାଙ୍ଗେନୁ ହୁ ପୁନା ଶପଥ୍‌ବୋନ୍ ହିୟୋଁସ୍ ।

![](https://cdn.door43.org/obs/jpg/360px/obs-en-21-06.jpg)

ପାରମେଶ୍ୱରସ୍ ଘି ଭବିଷ୍ୟବକ୍ତାର୍‌ଗୁଠି ଏନ୍ନେ ଭି ତେଙ୍ଗିୟାର୍ କା ମାସିହିସ୍ ଅଣ୍ଟା ଭବିଷ୍ୟବକ୍ତା ମାନସ୍ । ଅଣ୍ଟା ଭବିଷ୍ୟବକ୍ତାସ୍ ହୁ ଆଲାସ୍ ନେର୍ ପାରମେଶ୍ୱରସ୍ ଘି ବାଚନ୍‌ଗୁଠିନ୍ ମେନ୍‌ଦାସ୍ ଆରୁ ଆଲାରିନ୍ ପାରମେଶ୍ୱରସ୍ ଘି ବିଷୟନୁ ଡ଼ିବ୍ଡ଼ିବିଚିଦାସ୍ । ଲେକିନ୍ ତାଇୟାଗେ ପାରମେଶ୍ୱରସ୍ ଶପଥ୍ କାମ୍‌କାଚାସ୍ କା ହୁସ୍ ମାସିହି ଅଣ୍ଟା ବାନେ ଭବିଷ୍ୟବକ୍ତାସ୍ ମାନସ୍ । ହୁସ୍ ମାସିହି ପାରମେଶ୍ୱରସ୍ ଘି ବିଷୟଗୁଠିବୋନ୍ ବାନେକିରି ମେନସ୍, ଆରୁ ହୁସ୍ ଆଲାରିନ୍ ହୁ ବିଷୟବୋନ୍ ବାନେ ଲେଖାନୁ ଶିଖାବୋସ୍ ।

![](https://cdn.door43.org/obs/jpg/360px/obs-en-21-07.jpg)

ଇସ୍ରାଏଲ୍ ଯାଜକ୍‌ଗୁଠିର୍ ଆଲାର୍ ଘି ଲାଗାନ୍ ପାରମେଶ୍ୱରସ୍ ଘି ଆଘ୍‌ଲି ବାଲିଦାନ୍ ଚାଢ଼ାବାଗେ ଉଇୟାର୍ । ଇ ବାଲିଦାନ୍ ଆଲାର୍ ଘି ପାପ୍ ଘି ଲାଗାନ୍ ହୁବ୍ଡ଼ାରିନ୍ ପାରମେଶ୍ୱରସ୍ ସ୍ତିନ୍ ଦଣ୍ଡ କାମ୍‌ନା ଜାଗାନୁ ଚାଢ଼ା ବାଚାର୍ । ଯାଜକସ୍ ଜାମାର୍ ଆଲାର୍ ଘି ଲାଗାନ୍ ବିନ୍‌ତି କାମ୍‌ଚାର୍ । ଲେକିନ୍, ହୁସ୍ ମାସିହି ବାନେ ବାଡ଼୍‌କା ଯାଜକ୍ ମାନସ୍ ଯେନ ଟା କା ପାରମେଶ୍ୱରସ୍ ଗେ ଚିୟାଗେ ଅଣ୍ଟା ବାନେ ବାଲିଘି ରୁପ୍‌ନୁ ଖୁଦ୍‌ବୋନ୍ ଚାଢ଼ାବୋସ୍ । ଲେକିନ୍ ହୁସ୍ ଏକ୍‌ଲା ହି ପାପ୍ ମା କାମୋସ୍, ଆରୁ ଯେତେବାକେନ୍ ଖୁଦ୍‌ବୋନ୍ ବାଲି କାମ୍‌ନା ଘି ଲାଗାନ୍ ଚିୟସ୍ ,ତା ଦୁନିଆଁ ଘି ଏନ୍ଦ୍ରି ଭି ତା ଏନ୍ଦ୍ରିନ୍ ଘି ଦୁସ୍‌ରା ବାଲି ଘି ଦାର୍‌କାର୍ ମା ଲାଗୋଦ୍ ।

![](https://cdn.door43.org/obs/jpg/360px/obs-en-21-08.jpg)

ଆଲାର୍‌ଘି ମାଝାନୁ ରାଜାସ୍ ଆରୁ ମୁଖିଆର୍ ଶାସନ୍ କାମ୍‌ନାର୍, ଆରୁ ଏକା ଏକା ଗାଲ୍‌ତିଗୁଠି କାମ୍‌ନାର୍ । ରାଜା ଦାଉଦସ୍ ଖାଲି ଇସ୍ରାଏଲିର୍ ଘି ମିୟାଁ ଶାସନ୍ କାମଚାସ୍ , ଲେକିନ୍ ରାଜା ଦାଉଦସ୍ ଘି ବାଉଁଶାର୍ ମାସିହି ପୁରା ଦୁନିଆଁ ଶାସନ୍ କାମୋର୍, ଆରୁ ହୁବ୍ଡ଼ାର୍ ସବୁଦିନ୍ ଘି ଲାଗାନ୍ ଶାସନ୍ କାମୋର୍ । ଇଦ୍‌ଘି ଦୁସ୍‌ରା, ହୁବ୍ଡ଼ାର୍ ସବୁଦିନ୍ ଲାଗାନ୍ ନ୍ୟାୟ ଲେଖାନୁ ଶାସନ୍ କାମୋର୍, ଆରୁ ବାନେକିରି ନିର୍‌ନଇ ଗୁଠିନ୍ ହୋର୍ ।

![](https://cdn.door43.org/obs/jpg/360px/obs-en-21-09.jpg)

ପାରମେଶ୍ୱରସ୍ ଘି ଭବିଷ୍ୟବକ୍ତାର୍ ଗୁଠିର ମାସିହିସ୍ ଘି ବାରେ ନୁ ଜୁକ୍‌କୁଗୁଡ଼େ କାତଥା ଗୁଠିବୋନ ତେଂଗୀୟାସ୍ । ଉଦାହରଣ୍ ଘି ଲାଗାନ୍, ମାଲାକି ସ୍ ତେଂଗୀୟାସ୍ ମାସିହିସ୍ ଘି ବାର୍‌ନା ସ୍ତିନ୍ ଆଘଲି ଅଣ୍ଟା ଦୁସ୍‌ରା ଭବିଷ୍ୟବକ୍ତା ବାରସ୍ । ହୁସ୍ ଭବିଷ୍ୟବକ୍ତାସ୍ ଜୁକ୍‌କୁ ମହତ୍‌ପୂର୍ଣ୍ଣ ମାନସ୍ । ଇଦ୍‌ଘି ଦୁସ୍‌ରା, ଯିଶାଇୟ ଭବିଷ୍ୟବକ୍ତାସ୍ ଲେଖା ଦାସ୍‌କା ମାସିହି ଅଣ୍ଟା କୁଆଁରୀନ୍‌ତି ଜନମ୍ ମାନସ୍ । ଆରୁ ମିକା ଭବିଷ୍ୟବକ୍ତାସ୍ ତେଙ୍କାଦାସ୍ କା ମାସିହି ବେଥେଲ୍‌ହେମ୍ ପାଡ଼ାନୁ ଜନମ୍ ମାନସ୍ ।

![](https://cdn.door43.org/obs/jpg/360px/obs-en-21-10.jpg)

ଯିଶାଇୟ ଭବିଷ୍ୟବକ୍ତାସ୍ ତେଙ୍କାଦାସ୍ କା ମାସିହିସ୍ ଗାଲୀଲ୍ ଆଡ଼ଡ଼ା ନୁ ରୋସ୍ । ଯେନ୍ ଆଲାର୍ ମୁରୁଖ୍ ଦୁଃଖିନୁ ଆତାଲ୍‌ନାର୍ ଆରୁ ମାସିହିସ୍ ହୁବ୍ଡ଼ାରିନ୍ ଶାନ୍ତିଚୋସ୍ । ହୁସ୍ ଜେଲ୍‌ନୁ ରାନାବାଲାରିନ୍ ଆଜାଦି କାମୋସ୍ । ମାସିହିସ୍ ବେମ୍‌ରିୟାରିନ୍ ଆରୁ ନେର୍ ମା ମେନାର୍, ଏରାଗେ ପଲ୍‌ନାର୍, ତେଙ୍ଗାଗେ ପଲ୍‌ନାର୍ ଆରୁ, ଏକାଗେ ପଲ୍‌ନାର୍ ହୁବ୍ଡ଼ାରିନ୍ ହୁସ୍ ଚାଙ୍ଗା କାମୋସ୍ ।

![](https://cdn.door43.org/obs/jpg/360px/obs-en-21-11.jpg)

ଯିଶାଇୟ ଭବିଷ୍ୟବକ୍ତାସ୍ ଇ ଭି ତେଙ୍ଗୟାସ୍ ଆଲାର୍ ମାସିହିସିନ୍ ଇନ୍‌କାର୍ କାମୋର୍ ଆରୁ ହୁସିନ୍ ଆପ୍‌ନା ନାଗେ ଇନ୍‌କାର୍ କାମୋର୍‌ଚୋର୍ । ଦୁସ୍‌ରା ଭବିଷ୍ୟବକ୍ତାର୍ ତେଙ୍ଗ୍‌ୟାର୍ କା ମାସିହିସ୍ ଘି ଅଣ୍ଟା ସାଙ୍ଗେସ୍ ହୁସ୍ ଘି ବିରୁଦ୍ଧ୍‌ନୁ ଚୁଅସ୍ । ଯିଖରୀୟ ଭବିଷ୍ୟବକ୍ତାସ୍ ତେଙ୍ଗିୟାସ୍ କା ହୁସ୍ ସାଙ୍ଗେସ୍ ଏନ୍ନେ କାମାଗେ ଲାଗାନ୍ ଦୁସ୍‌ରା ଆଲାର୍‌ସ୍ତିନ୍ ଚାନ୍ଦି ଘି ତିରିଶ୍ ସିକା ହୋସ୍ । ଇଦ୍‌ଘି ଦୁସ୍‌ରା, କେତ୍‌କୋ ଲୋର୍ ଭବିଷ୍ୟବକ୍ତାର୍ ତେଙ୍ଗିୟାର୍ କା ଆଲାର୍ ଗୁଠିର୍ ମାସିହି ସିନ୍ ପିଟର୍‌ଚୋର୍, ଆରୁ ହୁବ୍ଡ଼ାର ହୁସ୍‌ଘି ଚିଢ଼ାବୋନ୍ ହୁଆଁଗେ ଲାଗାନ୍ ଚିଠା ଟିଡ୍‌ଡାର୍ ।

![](https://cdn.door43.org/obs/jpg/360px/obs-en-21-12.jpg)

ଭବିଷ୍ୟବକ୍ତାର୍ ଇ ଭି ତେଙ୍ଗ୍‌ୟାର୍ କା ମାସିହିସ୍ ଏସ୍‌କେ ଖିୟୋସ୍ । ଯିଶାଇୟ ଭବିଷ୍ୟବାଣୀ କାମ୍‌କାଚାସ୍‌କା ମାସିହିସ୍ ଘି ମିୟାଁ ଥୁଫର୍, ହୁସ୍ ଘି ମାଜାକ୍ ଉଡ଼ାବର୍, ଆରୁ ହୁସିନ୍ ଡେମୋର୍ । ହୁବ୍ଡ଼ାର୍ ହୁସିନ୍ ଛେଦର୍ ଚୋର୍ ଆରୁ ହୁସ୍ ବାଡ଼୍‌କା ବାଥା ପିଡ଼ାନୁ ଆରୁ ସାତାବାନାନୁ ଖିୟସ୍‌ କୋସ୍, ଯେତେବାକେନ୍ କା ହୁସ୍ ଏନ୍ଦେର୍ ହି ଗାଲ୍‌ତି ମାଲ୍ଲା କାମ୍‌ଚାକାରୁସ୍ ।

![](https://cdn.door43.org/obs/jpg/360px/obs-en-21-13.jpg)

ଭବିଷ୍ୟବକ୍ତାର୍ ଇ ଭି ତେଙ୍ଗ୍‌ୟାର୍ କା ମାସିହିସ୍ ପାପ୍ ମା କାମ୍‌ଦାସ୍ । ହୁସ୍ ପବିତ୍ର ରସ୍ । ଲେକିନ୍ ହୁସ୍ ଇଦ୍‌ଘି ଲାଗାନ୍ ଖିୟୋସ୍ ପାରମେଶ୍ୱରସ୍ ହୁସିନ୍ ଦୁସ୍‌ରା ଆଲ୍‌ରା ଘି ପାପ୍ ଘି ଚାଲ୍‌ତେ ଦଣ୍ଡ ହାଖୋସ୍ । ହୁସ୍ ଘି ଖିନା ଘି ବାଦ୍‌ନୁ ଆଲାର୍ ପାରମେଶ୍ୱରସ୍ ଗାନେ ମିଲ୍‌ରାଗେ ସଫଲ୍ ମାନର୍ । ଇଦ୍‌ଘି ଲାଗାନ୍ ପାରମେଶ୍ୱରସ୍ ଚାହାଲାସ୍ କା ମାସିହିସ୍ ଖିୟୋସ୍ ।

![](https://cdn.door43.org/obs/jpg/360px/obs-en-21-14.jpg)

ଭବିଷ୍ୟବକ୍ତାର୍ ଇ ଭି ତେଙ୍ଗିୟାର୍ କା ପାରମେଶ୍ୱରସ୍ ମାସିହି ତିନ୍ ଖିୟାକିରି ହୁନୁନ୍‌ତି ଆରୁ ଉଜ୍‌ଜସ୍ । ଇ ବୋତ୍ ତେଙ୍ଗିତ୍ କା ଇବ୍‌ଡ଼ା ପୁନା ଶଫଥ୍‌ବୋନ୍ ହିୟାଁଗେ ପାରମେଶ୍ୱରସ୍ ଘି ଯୋଜ୍‌ନା ରାଚାଦ୍, ତାକି ହୁବ୍‌ଡ଼ା ଆଲାରିନ୍ ବାଚାବାଗେ ଅଙ୍ଗୋସ୍ ନେର୍‌କା ହୁସ୍ ଘି ବିରୁଦ୍ଧ୍‌ନୁ ପାପ୍ କାମ୍‌ଚାକାର୍‌ନାର୍ ।

![](https://cdn.door43.org/obs/jpg/360px/obs-en-21-15.jpg)

ପାରମେଶ୍ୱରସ୍ ଭବିଷ୍ୟବକ୍ତାର୍ ଘି ମିଆଁ ମାସିହିସ୍ ଘି ବାରେନୁ ଜୁକୁଗୁଡ଼େ କାଥାଗୁଠି ଏଥ୍‌ରିଆଦ୍, ଲେକିନ୍ ମାସିହି ହୁ ଭବିଷ୍ୟବକ୍ତାର୍ ରିନ୍ ନେକିର୍ ଘି ଜୀବନ୍ କାଲ୍‌ନୁ ମା ବାର୍‌ଚିକିଚାଦ୍ । ଇ ଭବିଷ୍ୟବକ୍ତାର୍ ଚିନାଘି ୪୦୦ ସ୍ତିନ୍ ଜୁକ୍‌କୁ ବଛର୍ ଘି ବାଦେନୁ, ସାହି ସାମୟ ନୁ, ପାରମେଶ୍ୱରସ୍ ମାସିହିସ୍ ସିନ୍ ଇ ଦୁନିଆଁନୁ ତାୟସ୍ ।

*ଆଦି ୩:୧୫; ୧୨:୧-୩; ଦ୍ୱିତୀୟ  ବିବରଣ ୧୮:୧୫; ୨ଶାମୁୟେଲ ୭; ଯିରିମିୟ ୩୧; ଯିଶାଇୟ ୫୯:୧୬; ଦାନିୟେଲ ୭; ମଲାଖି ୪:୫ ଯିଶାଇୟ  ୭:୧୪; ମୀଖା ୫:୨; ଯିଶାଇୟ ୯:୧-୭; ୩୫:୩-୫; ୬୧; ୫୩; ଗୀତସଂହିତା ୨୨:୧୮; ୩୫:୧୮; ୬୯:୪; ଯିଖରିୟ ୧୧:୧୨-୧୩; ଯିଶାଇୟ ୫୦:୬; ଗୀତସଂହିତା ୧୬:୧୦-୧୧ସ୍ତିନ୍ ଅଣ୍ଟା ବାଇବେଲ୍ ଘି କାଥ୍‌ନୀ*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_21_96kbps.mp3

## 22. ୟୁହନ୍ନାସ୍ ଘି ଜନମ୍

https://openbiblestories.org/l/xis/story-22/

![](https://cdn.door43.org/obs/jpg/360px/obs-en-22-01.jpg)

ବିତ୍‌ରିକା ନୁ, ପାରମେଶ୍ୱରସ୍ ନିଜର୍ ଭବିଷ୍ୟତବକ୍ତାର୍ ଗାନେ କାତଥା କାମ୍‌ଚ୍‌କାଚାସ୍ ଇଦ୍ ଘି ଲାଗାନ୍ ହୁବ୍ଡ଼ାର୍ ଆଲାର୍ ଗାନେ କାତଥା କାମା ଅଙ୍ଗୋର । ଲେକିନ୍ ହୁ ସମୟ ସ୍ତିନ୍ ହୋଇ କିରି ଆରୁ ୪୦୦ ବରଷ ଘି ବିତର୍‌କା ତୋକ୍ ହୁସ୍ ହୁସିନ୍ କାତଥା ମା’ନାଞ୍ଚାସ୍ । ବାକେନ୍ ପାରମେଶ୍ୱରସ୍ ଯାକାର୍ୟାହ ନାମେ ଘି ୟାଜକସ୍ ଘି ଚାହାଁ ଅଣ୍ଟା ସ୍ୱର୍ଗ ଦୂତ୍ ବୋନ୍ ତାଇୟାସ୍ । ଯାକାୟା ଆରୁ ହୁସ୍‌କି ମୁକା ଏଲିଶିବା ପାରମେଶ୍ୱରସ୍ କୀ ଇଜତ୍ କାମାଲାର୍ । ହୁବଡାର୍ ମୁରୁଖ୍ ପାଚ୍‌କୀ ମାଞ୍ଚାର୍ କେର୍‌କାଚାର୍,ଆରୁ ହୁସ୍‌କି ଆଣ୍ଟା ହିଁ ହାଦ୍ଦୁ ମାଲ୍ଲା ମାନଚକାରୁର୍ ।

![](https://cdn.door43.org/obs/jpg/360px/obs-en-22-02.jpg)

ହୁ ସ୍ୱର୍ଗ ଦୂତ୍‌ଦ ଯାକାର୍ୟାହ ସିନ୍ ତେଙ୍ଗିୟାସ୍,“ ନିଘାଁଏ ଆଘଲି ଅଣ୍ଟା କୁକ୍‌କ ଜନମ ମାନସ୍ । ନିନ୍ ହୁସ୍‌କୀ ନାମେ ୟହନ୍ନା ଉଇକେ । ପାରମେଶ୍ୱର ହୁସିନ୍ ପବିତ୍ର ଆତ୍ମା ସ୍ତିନ୍ ପରିପୁର୍ଣ କାମୋସ୍ , ଆରୁ ୟୁହନ୍ନା ଆଲାରିନ୍ ମାସିହସିନ୍ ନିଜର୍ କାମାଗେ ଲାଗାନ୍ ତିଆର୍ କାମୋସ୍ ।” ଯାକାର୍ୟାସ୍ କାତଥା ଚିଇଚାସ୍ ,“ଏନ୍ ଆରୁଁ ଏଘାଁଏ ମୁକା ହାଦ୍ଦୁ ଜନମ ନାନା ଗେ ମୁରୁଖ୍ ପାଚ୍‌କି ରାଦାମ୍ ! ଏନ୍ ଏସ୍‌କେ ଆହନ୍ କା ନିନ୍ ଏଙ୍ଗାନ୍ ସଥେନ୍ ତେଙ୍ଗାଲ୍ ଦାଏ ?”

![](https://cdn.door43.org/obs/jpg/360px/obs-en-22-03.jpg)

ହୁ ସ୍ଵର୍ଗ ଦୁତ୍ ଜକର୍ୟାହ ସିନ୍ କାତଥା ଚିଚାସ୍,“ ନିଂଘାଏ ଚାହାଁନୁ ଇ ଖୁସି ଖବର୍ ବୋନ୍ ଅନ୍ଦ୍ରା ଗେ ଲାଗାନ୍ ପାରମେଶ୍ୱରସ୍ ଘି ତାର୍‌ତି ତାଇକାସ୍ତିନ୍ ବାର୍‌ଚ୍‌କା ଦାନ୍ । ଏନ୍ଦେର୍ ଗେକା ନିନ୍ ଏଂଘାଏ ମିଆଁ ବିଶ୍ୱାସ୍ ମା’ ନାଜକାଏ , ଇଦ୍ ଘି ଲାଗାନ୍ ହାଦୁ ଘି ଜନମ ହୋନାତକ୍ ନିନ୍ ତେଂଗାଗେ ସଫଳ ମା’ ରାଦାଏ । ବାକେନ୍ ହୁସ୍ ସ୍ୱର୍ଗଦୂତ୍ ଯାକର୍ୟାସ୍ କି ଚାହଁସ୍ତିନ୍ ବୁଂଗା ଚିଚାସ୍ ଇଦ୍ ଘି ପାଛ୍‌ଲି, ଯାକାୟାସ୍ ଏଡ଼୍‌ପା ବୁଂଗାସ୍ ଆରୁ ହୁସ୍‌କୀ ମୁକା ମେଦେନୁ ରାଚାଦ୍ ।

![](https://cdn.door43.org/obs/jpg/360px/obs-en-22-04.jpg)

ଯେତେ ବାକେନ୍ ଏଲିସିବା ଛ ମାହିନା ଘି ମେଦେନୁ ରାଚାଦ୍, ହୁ ସ୍ୱର୍ଗଦୂତଦ୍ ଜାଲ୍‌ଦିସ୍ତିନ୍ ଏଲିଶିବା ଘି ପାହିୟାର୍ ମିଆଁ ପ୍ରଗଟ୍ ମାନଚାଦ୍ ନେଖା ନାମେ ମାରିୟାମ୍ ରାଚାଦ୍ । ମରିୟାମ୍ ଡିଣ୍ଡା ରାଚାଦ୍ ଆରୁ ବେଞ୍ଜ୍ ରାଗେ ଲାଗାନ୍ ଯଶେଫ୍ ନମେ ଘି ଆଲାସ୍ ସାଂଗେନୁ ହୁଦ୍‌ଘି ମାଂଗାବାରା ମାଞ୍ଚା କେର୍‌କିଚା । ସ୍ୱର୍ଗଦୂତଦ୍ ତେଂଗିୟାଦ “ନିନ୍ ମେଦୁନୁ ରୋୟ ଆରୁ ଅଣ୍ଟା ହାଦ୍ଦୁବୋନ୍ ଜନମ ଚୋଏ । ନିନ୍ ହୁସ୍ ଘି ନାମେ ଯୀଶୁ ଉଇକେ । ହୁସ୍ ସର୍ବ ଶକ୍ତିଶାଳୀ ପାରମେଶ୍ୱରସ୍ ଘି କୁକୋକସ୍ ମାନସ୍ ଆରୁ ସବୁ ବାକେନ୍ ଶାସନ୍ କାମ୍‌ସ୍ ।”

![](https://cdn.door43.org/obs/jpg/360px/obs-en-22-05.jpg)

ମାରିୟମ୍‌ କାତଥା ଚିଚାଚାଦ୍ ,“ ଇଦ୍ ଏସ୍‌କେ ମାନୋ, ଏନ୍ଦେର୍ ଗେ କା ଏନ୍‌ତା ଡିଣ୍ଡା ରାଏନ୍ ?” ହୁ ସ୍ୱର୍ଗଦୂତ୍ ବୁଝାବାଚାସ୍,“ ପବିତ୍ର ଆତ୍ମା ନିଂଘାଏ ମିଆଁ ବାରୋଦ୍ ଆରୁ ପାରମେଶ୍ୱରସ୍ ଘି ତାକତ୍ ନିଂଘାଏ ନିଆଁ ଅଠୁଁ କାମାଦ୍ ।” ଇଦ୍‌ଘି ଲାଗାନ୍ ହୁ ହାଦ୍ଦୁ ପବିତ୍ର ମାନୋଦ । ଆରୁ ହୁ ପାରମେଶ୍ୱରସ୍ ଘି କୁକ୍‌କ ମାନସ୍ । “ ହୁ ସ୍ୱର୍ଗଦୂତଦ୍ ତେଂଗିୟାସ୍ ହୁଦ୍ ଘି ମିଆଁ ମାରିୟାମ ବିଶ୍ୱାସ୍ କାମ୍‌ଚାଦ୍ ।

![](https://cdn.door43.org/obs/jpg/360px/obs-en-22-06.jpg)

ଇଦ୍ ମାନ୍ନା ଘି ଜାଲଦି ନୁ , ମାରିୟାମ୍‌ କାଇକିରି ଏଲିଶିବାବୋନ୍ ମିଲରାଗେ କେରାଦ୍ । ଏସ୍ କେ ମାରିୟାମ୍‌ ହୁବୋନ୍ ଜୋହାର୍ ନାଞ୍ଚାଦ୍, ଏଲିଶିବା ଘି ହାଦ୍ଦୁ ହୁଦ୍‌ଘି କୁଲୁ ଉଲ୍ଲା ଉଛ୍‌ଲାରା । ହୁବଡାର୍ ଗେ ଲାଗାନ୍ ପାରମେଶ୍ୱରସ୍ ନାଞ୍ଚ୍‌କାଚାସ୍ ହୁଦ୍‌ଘି ବାରେନୁ ହୁ ଆଲିର୍ ଅନଠାଣ୍‌ସାନ୍ ଖୁସି ମାଞ୍ଚାର୍ । ଏଲିଶିବା ସାଂଗେନୁ ତିନ୍ ମାହିନା ଘି ପାଛ୍‌ଲି, ମାରିୟାମ୍ ଏଡ଼୍‌ପା କିରିୟା ବାର୍‌ଚା ।

![](https://cdn.door43.org/obs/jpg/360px/obs-en-22-07.jpg)

ଇଦ୍‌ଘି ପାଛ୍‌ଲି, ଏଲିଶାବାଦ୍ ନିଜର୍ ହାଦ୍ଦୁ ବୋନ୍ ଜନମ୍ ଚିଚାଦ୍ । ଯାକାର୍ୟାହ ଆରୁ ଏଲିଶାବାଦ୍ ହୁ ହାଦୁ ଘି ନାମେ ଯହନ୍ନା ଉଇୟାର୍, ଏସ୍‌କେ କା ହୁ ସ୍ୱର୍ଗଦୂତ୍ ହୁକୁମ୍ ଚିଚକିଚାଦ । ବାକେନ୍ ପାରମେଶ୍ୱରସ୍ ଯାକାୟାସିନ୍ ତେଂଗାଗେ ସଫଳ୍ ମାଞ୍ଚାସ୍ । ଯାକାୟାସ୍ ତେଂଗିୟାସ୍,“ ପାରମେଶ୍ୱରସ୍ କି ସ୍ତୁତି ମାନୁ ! ଏନ୍ଦେର୍ ଗେ କା ହୁସ୍ ନିଜର୍ ଆଲାର୍ ଘି ମଦେତ୍ କାମାଗେ ୟାଦ୍ ଉଇକା ଦାସ୍! ହେ ଏଘାଁ କୁକ୍‌କ, ନିନ୍ ଜାମାର୍‌ସ୍ତିନ୍ ସର୍ବ ଶକ୍ତିମାନ ପାରମେଶ୍ୱରସ୍ ଘି ଭବିଷ୍ୟତବକ୍ତା ମାନୋଏ । ନିନ୍ ଆଲାରିନ୍ ତେଂଗୟ କା ହୁର ଏସ୍‌କେ ନିଜର୍ ପାପ୍ ଘି ଲାଗାନ୍ ମାନ୍ ଫିରାୱା କାମାଗେ ଅଂଗର୍ !”

*लूका अध्याय 1 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_22_96kbps.mp3

## 23. ଯୀଶୁସ୍ କି ଜନମ୍

https://openbiblestories.org/l/xis/story-23/

![](https://cdn.door43.org/obs/jpg/360px/obs-en-23-01.jpg)

ଯଶେଫ୍ ନାମେ ଘି ଅଣ୍ଟା ଧର୍‌ମି ଆଲାସ୍ ଘି ସାଂଗେ ମାରିୟାମ୍ ଘି ମାଂଗା ବାରା ମାଞ୍ଚା କେର୍‌କିଚା । ଯେତେ ବାକେନ୍ ହୁସ୍ ମେଞ୍ଚାସ୍ କା ମାରିୟାମ୍‌ଦ୍ ମେଦୁନ ରାଇ ତା ହୁସ୍ ଆକ୍‌କା ଚାସ୍ କ ହୁଦ୍ ହୁସ୍‌କି ହାଦ୍‌ଦୁ ମାଲ୍ଲିଦା । ଲେକିନ୍ ହୁସ୍ ମାରିୟାମ୍ ବୋନ୍ ବଦ୍‌ନାମ୍ ନାନଗେ ମା’ ଚାହାଲାସ୍, ଇଦ୍‌ଘି ଲାଗାନ୍ ହୁସ୍ ହୁଦ୍‌ଘି ମିଆଁ ଦାୟା କାମାଗେ ଆରୁ ହୁବୋନ୍ କାଡ଼େ କାଡ଼େ ଛାଡ଼ିରି ନାନାଗେ ସୋଚାସ୍ । ଲେକିନ୍ ଇଦ୍‌ଘି ଆଘ୍‌ଲି ହୁସ୍ ଏନ୍ନେ କାମସ୍, ଅଣ୍ଟା ସ୍ୱର୍ଗଦୂତଦ୍ ହୁସ୍ କେ ସପନ୍‌ନୁ ବାରିକିରି ହୁସ୍‌ଗାନେ କାତ୍‌ଥା କାମ୍‌ଚାଦ୍ ।

![](https://cdn.door43.org/obs/jpg/360px/obs-en-23-02.jpg)

ହୁ ସ୍ୱର୍ଗଦୂତଦ୍ ତେଂଗିୟାଦ୍, “ହେ ଯଶେଫ୍, ମାରିୟାମ୍‌ବୋନ୍ ନିଜର୍ ମୁକ୍‌କା ଘି ରୂପନୁ ଅନ୍ଦ୍‌ରା ନେଇକିରି ବାରାଗେ ଆମ୍ବା ଏଲ୍‌ଚା । ହୁଦ୍‌ଘି କୁଲ୍ଲୁନୁ ଜେନ୍ ହାଦ୍‌ଦୁ ରାଇ ହୁଦ୍ ପବିତ୍ର ଆତ୍ମା ଘି ନ୍ତି ସ୍ତିନ୍ ରାଇଦ୍ । ହୁଦ୍ ଅଣ୍ଟା କୁକ୍‌କ ସିନ୍ ଜନମ୍ ଚୋଦ୍ । ହୁସ୍‌ଘିନାମେ ଯୀଶୁ ଉଇକେ (ହୁଦ୍ ଘି ଅର୍ଥଦ୍‌ରାଇ, ୟହୋୱା ବାଚାବାଦାସ୍), ଏନ୍ଦେର୍ ଗେ କା ହୁସ୍ ଆଲାରିନ୍, ହୁବ୍ଡ଼ାର୍ ଘି ପାପ୍‌ବୋନ୍ ସ୍ତିନ୍ ବାଚାବସ୍ ।”

![](https://cdn.door43.org/obs/jpg/360px/obs-en-23-03.jpg)

ବାକେନ୍: ଯଶେଫ୍‌ସ୍ ମାରିୟାମ୍ ଗାନେ ବେଞ୍ଚ୍‌ରାସ୍ ଆରୁ ହୁବୋନ୍ ନିଜର୍ ମୁକ୍‌କା ଘି ରୂପନୁ ଏଡ଼୍‌ପା ଗେ ଅନ୍ଦ୍‌ରାସ୍, ଲେକିନ୍ ହୁଦ୍ ଘି ହାଦୁବୋନ୍ ଜନମ୍ ଚିନାତକ୍ ହୁଦ୍ ହୁଦ୍‌ଗି ସାଂଗେନୁ ମା’ ଚୁତିୟାଦ୍ ।

![](https://cdn.door43.org/obs/jpg/360px/obs-en-23-04.jpg)

ଯେବାକେନ୍ ମାରିୟାମ୍ ଘି ଜନମ୍ ଚିନା ଘି ସମୟ ଚାହାଁନୁ ରାଚା, ତା ହୁଦ୍ ଆରୁ ଯଶେଫ୍‌ସ୍ ବେତ୍‌ହେଲେମ୍ କାଲାଗେ ଅଣ୍ଟା ଲମ୍ବା ବାପୁରାଚାଦ୍ ଏକ୍‌ନା ପାଡ୍‌ରାଦ୍ ହୁବ୍ଡ଼ାର୍ ହୁସାନ୍ କାଲା ଗେ ହିଁ ରାଚାଦ୍ ଏନଦେର୍ ଗେ କା ରୋମୀ ଅଧୀକାରୀର୍ ଇସ୍ରାଏଲନୁ ରୁ ଆଲାର୍ ଯେତେର୍ ଘି ଗଣଗେ ଚାହାଲାର୍ । ହୁବ୍‌ଡ଼ାର୍ ଚାହାଲାର୍ କା ଜାମା ଆଲାର୍ ହୁସାନ୍ ଗେ କର୍ ଏକାସାନ୍ ହୁବ୍‌ଡ଼ାର୍ ଆଘ୍‌ଲିନ୍ତି ପୁର୍‌ଖାର୍ ରାଲାର୍ । ରାଜା ଦାଉଦସ୍‌କି ଜନମ୍ ବେଥ୍‌ଲେହେମ୍‌ନୁ ମାଞ୍ଚ୍ କିଚା, ଆରୁ ହୁ ମାରିୟାମ୍ ଆରୁ ଯଶେଫ୍ ଦୁଇଲୋର୍ ଘି ଆଘ୍‌ଲିନ୍ତା ପୁର୍‌ଖାର୍ ରାଚାର୍ ।

![](https://cdn.door43.org/obs/jpg/360px/obs-en-23-05.jpg)

ମାରିୟାମ୍ ଆରୁ ଯଶେଫସ୍ ବେତ୍‌ହେଲେମ୍ କେରାର୍ , ଲେକିନ୍ ହୁସାନ୍ ଜିବ୍‌ଜାନ୍ତୁ ବୋନ୍ ଉଇନା ଜାଗା ଘି ଦୁସ୍‌ରା ହୁବ୍‌ଡ଼ାର୍ ଗେ ରାଆଗେ ଏକାସାନ୍ ହିଁ ଜାଗା ମାଲ୍ଲା ରୁଦ୍ । ହୁ ଜାଗା ରାଚାଦ୍ ଏକାସାନ୍ ମାରିୟାମ୍ ନିଜର୍ ହାଦ୍‌ଦୁ ସିନ୍ ଜନମ୍ ଚିଚ୍‌ଚାଦ୍ । ହୁଦ୍ ହୁସିନ୍ ଡଂଗାନୁ କିଦିୟା ଚିଚ୍‌ଚାଦ୍ ଏନ୍‌ଦେର୍ ଗେକା ହୁସାନ୍ ହୁସ୍ ଘି ଲାଗାନ୍ ଏନ୍ଦେର୍ ହିଁ ଡ଼ିସ୍‌ନା ମାଲ୍ଲା ରୁଦ୍ । ହୁବ୍ଡ଼ାର୍ ହୁସ୍ ଘି ନାମେ ଯୀଶୁ ଉଇୟାର୍ ।

![](https://cdn.door43.org/obs/jpg/360px/obs-en-23-06.jpg)

ହୁ ମାହାଁ, ହୁସାନ୍ ଚାହାଁନୁ ହାଲ୍ଲୁନୁ କିଛି ଚାର୍‌ୱାହାର୍ ନିଜର୍ ଭେଢ଼ି ଘି ଝୁଣି ଘି ବୋନ୍ ଏରା ହଜ୍ଜାଲାର । ଅହନାସାରେନ୍‌ସ୍ତିନ୍, ଅଣ୍ଟା ବିଲ୍‌ଚ୍‌ନା ସ୍ୱର୍ଗଦୂତ୍ ହୁବ୍ଡ଼ାର୍ ଘି ମିଆଁ ବାର୍‌ଚାଦ୍, ଆରୁ ହୁବ୍ଡ଼ାର୍ ଏଲ୍ ଚିୟାର୍ କେରାର୍ । ହୁ ସ୍ୱର୍ଗଦୂତ୍ ତେଙ୍ଗଗିୟାଦ୍ ,“ଆମ୍ବା ଏଲ୍‌ଚା, ଏନ୍ଦେର୍ ଗେକା ଏଂଘାଁ ଚାହାଁନୁ ନିମା ଲାଗାନ୍ ଖୁସି ଖବର୍ ରାଇଦ୍ । ବେତ୍‌ହେଲେମ୍‌ନୁ ମାସିହ, ପ୍ରଭୁସ୍‌କି ଜନମ୍ ମାଞ୍ଚି ଚିକିଚି ।”

![](https://cdn.door43.org/obs/jpg/360px/obs-en-23-07.jpg)

କାଇକିରି ହୁ ହାଦୁସିନ୍ ବେଦ୍‌ଦା, ଆରୁ ନିମ୍ ହୁସିନ୍ ଚିଡ଼ାତି ମୁତ୍‌କା ବାଚ୍‌କା ଆରୁ ଚାର୍‌ନି ନୁ ଚୁତ୍‌କା ହାଖିର୍ ।” ଅହନା ସାରେନ୍‌ସ୍ତିନ୍ ଆକାଶନୁ ସରଗ ଦୂତ ନିନନ୍ଦାର୍ କେରାର୍ । ହୁବ୍‌ଡ଼ାର୍ ପାରମେଶ୍ୱରସ୍ କି ସ୍ତୁତି କାମାଲାର୍ । ହୁବ୍ଡ଼ାର୍ ତେଂଗିୟାର୍,“ ଜାମା ମହିମା ସ୍ୱର୍ଗନୁ ବିରାଜମାନ୍ ପାରମେଶ୍ୱରସ୍ ସି ମିଲ୍‌ରା । ଦୁନିଆନୁ ହୁବ୍‌ଡ଼ା ଆଲାର୍ ଗେ ଶାନ୍ତି ମାନୁ ନେଖାଏ ହୁବ୍ଡ଼ାରିନ୍ ହୁସ୍ ଚିନ୍ତା କାମ୍‌ଦାସ୍ ।”

![](https://cdn.door43.org/obs/jpg/360px/obs-en-23-08.jpg)

ବାକେନ୍ ସ୍ୱର୍ଗଦୂତ ବୁଂଗାର୍ ଚିଚାର୍ । ହୁବ୍‌ଡ଼ା ଚାର୍‌ୱାହାର୍‌ ନିଜର୍ ଭେଡ଼ିବୋନ୍ ଆମ୍ବିକିରି ହାଦୁସିନ୍ ଏରାଗେ କେରାର୍ । ଜାଲ୍‌ଦିହି ହୁବ୍‌ଡ଼ାର୍ ହୁ ଆଡ଼ାଗେ ଆଣ୍‌ସିୟାର୍ ଏକାସାନ୍ ଯୀଶୁସ୍ ରାଚାସ ଆରୁ ହୁବ୍ଡ଼ାର୍ ହୁସିନ୍ ଚାରନୀନୁ ଚୁତ୍‌କା ହାକ୍‌ଖିୟାର୍, ଯେସ୍‌କେ କା ସ୍ୱର୍ଗଦୂତ ତେଂକି ଚା । ହୁବ୍ଡ଼ାର୍ ମୁରୁଖ୍ ରିଝୁନୁ ରାଚାର୍ । ବକେନ୍ ହୁବ୍ଡ଼ାର୍ ଚାର୍‌ୱାହାର୍ ଆରୁ ହୁସ୍‌ତିନ୍ତି କିରିୟାର୍ ବାର୍‌ଚାର୍ ଏକାସାନ୍ ହୁବ୍ଡ଼ାର୍ ଘି ଭେଡ଼ି ଚାରଦ୍ । ହୁବ୍‌ଡ଼ାର୍ ଏନ୍ଦ୍ରିନ୍ ଭି ମେଞ୍ଚାର୍ ଆରୁ ଏରିୟାର୍ ହୁଦ୍ ଜାମାର୍ ଘି ଲାଗାନ୍ ହୁବ୍‌ଡ଼ର୍ ପାରମେଶ୍ୱରସିନ୍ ସ୍ତୁତି କାମ୍‌ଚାର୍ ।

![](https://cdn.door43.org/obs/jpg/360px/obs-en-23-09.jpg)

ପୂରୁବନୁ ଗେଚ୍ଛା ଅଣ୍ଟା ରାଜିନୁ କିଛି ଆଲାର୍ ରାଚାର୍ । ହୁବ୍‌ଡ଼ାର୍ ବିନ୍‌କୋ ଘୀ ଆନୁମାନ୍ କାମ୍‌ଚ୍‌କାଚାର୍ ଆରୁ ହୁବ୍‌ଡ଼ାର୍ ମୁରୁଖ୍ ବୁଦ୍ଧିୟାର୍ ରାଚାର୍ । ହୁବ୍‌ଡ଼ାର୍ ଅଣ୍ଟା ଆଲ୍‌ଗା ଏଥର୍‌ନା ବାଲା ବିନ୍‌କୋ ବୋନ୍ ବାଦ୍‌ଲି ନୁ ଏରିୟାର୍ । ହୁବ୍‌ଡ଼ାର୍ ତେଂଗିୟାର୍ କା ଇଦ୍ ଘି ମାନେ କା ୟହୂଦୀର୍ ଘି ଅଣ୍ଟା ପୁନା ରାଜାସ୍ ଜନମ୍ ମାଞ୍ଚ୍ କା ଦାସ୍ । ଇଦ୍ ଘି ଲାଗାନ୍ ହୁବ୍ଡ଼ାର୍ ହୁ ହାଦ୍‌ଦୁସିନ୍ ଏରାଗେ ନିଜର୍ ରାଜିସ୍ତିନ୍ ଉର୍‌ଖା ଗେ ସୋଚାର୍ । ଅଣ୍ଟା ଲାମ୍ବା ପାବୁ ଏକ୍‌ନା ଘି ବାଦେନୁ, ହୁବ୍ଡ଼ାର୍ ବେତ୍‌ଲହାମ୍ ବାର୍‌ଚାର୍ ଆରୁ ହୁ ଏଡ଼ପାବୋନ୍ ହାକ୍‌ଖିୟାର୍ ଏକାସାନ୍ କା ଯୀଶୁସ୍ ଆରୁ ହୁସି ଘି ଆୟାଂଗ୍ ବୁଆସ୍ ରାଚାର୍ ।

![](https://cdn.door43.org/obs/jpg/360px/obs-en-23-10.jpg)

ବାକେନ୍ ଏବ୍‌ଡ଼ା ଆଲାର୍‌ଗୁଠି ଯୀଶୁସିନ୍ ନିଜର୍ ଆୟାଂଗ୍ ଘି ସାଙ୍ଗେନୁ ଏରିୟାର୍ ତା ହୁବ୍‌ଡ଼ାର୍ ହାଠୁୱାରାକିରି ହୁସ୍ କି ବିନ୍ତି କାମ୍‌ଚାର୍ । ହୁବ୍ଡ଼ାର୍ ଯୀଶୁସ୍‌ଗେ କିମ୍‌ତୀ ଚିଜ୍ ଚିଚାର୍ । ଫିର୍ ହୁବ୍ଡ଼ାର୍ ଏଡ଼ପା କିରିୟାର୍‌ବାର୍‌ଚାର୍ ।

*मत्ती अध्याय 1; लूका 2 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_23_96kbps.mp3

## 24. ୟହୁନ୍ନାସ୍ ଯୀଶୁସିନ୍ ବାତିସ୍ମା ଚିଦାସ୍

https://openbiblestories.org/l/xis/story-24/

![](https://cdn.door43.org/obs/jpg/360px/obs-en-24-01.jpg)

ଏଲିଶିବା ଆର ଜକୟାହ ଘି କୁକ୍‌କ ୟହନ୍ନା, ବାଡ଼୍‌କା ମାନିକିରି ଅନ୍‌ଟା ଭବିଷ୍ୟବକ୍ତା ମାନ୍‌ଚାସ୍ କେରାସ୍ । ହୁସ୍ ଜଙ୍ଗଲ ନୁ ରାଲ୍‌ଗାସ୍ ଆରୁ ଜଙ୍ଗଲି ମାଧୁରସ୍ ଆରୁ ବଖ୍‌ବୋନ୍ ମହାଲଗାସ୍ , ଆରୁ ଉଁଟ ଘି ଚୁଟିସ୍ତିନ୍ ମାନଚ୍‌କା ଚିଢ଼ା ଆତ୍‌ତାଲ ଗାସ୍ ।

![](https://cdn.door43.org/obs/jpg/360px/obs-en-24-02.jpg)

ଅନ ଜୁକ୍‌କୁ ଆଲାର ୟୁହନ୍ନାସ୍ ଘି କାତ୍‌ଥା ମେନାଗେ ଜଙ୍ଗଲ ଗେ ଉରଖିୟାର୍ । ହୁସ୍ ଇ ତେଙ୍ଗିକିରି ହୁବ୍‌ଡ଼ା ଗେ ପ୍ରାଚାର୍ କାମ୍‌ଚାସ୍ “ ପାଛ୍‌ତାରା ”, ଏନ୍ଦେର୍ ଗେକା ସ୍ୱାର୍ଗ ଘି ରାଜି ଚାହାଁ ଆତ୍‌ଲି !”

![](https://cdn.door43.org/obs/jpg/360px/obs-en-24-03.jpg)

ଯେତେବାକେନ୍ ଆଲାର୍ ୟୁହନ୍ନାସ୍ ଘି ପ୍ରାଚାର ବୋନ୍ ମେନ୍‌ଚାର୍, ବାକେନ୍ ହୁନ୍‌ନୁନ୍‌ନ୍ତା ଅନ୍‌ଜୁକ୍‌କୁର୍ ନିଜର୍ ପାପତିନ୍ ପାଛାତାର ରାଚାର୍, ଆରୁ ୟୁହନ୍ନାସ୍ ହୁବ୍ଡ଼ାର୍‌ଗେ ବାତିସ୍ମା ଚିଚ୍‌ଚାସ୍ । ୟୁହନ୍ନା ସିନ୍ ଏରାଗେ ଆନଜୁକ୍ ଧର୍ମିକ ଆଗୁୱାର୍ ଭି ବାର୍‌ଚାର୍ , ଲେକିନ୍ ହୁବ୍ଡ଼ାର୍ ନିଜର୍ ପାପ୍‌ବୋନ୍ ପାସ୍‌ତାରାଚାର୍ ଆରୁ ଗ୍ରହନ୍ ଭି ମା’ ନାଞ୍ଚାର୍ ।

![](https://cdn.door43.org/obs/jpg/360px/obs-en-24-04.jpg)

ୟୁହନ୍ନାସ୍ ଧାର୍ମି ଆଗୁୱାରିନ୍ ତେଙ୍ଗିୟାସ୍, ହୁ ଜେହେରିଲା ନେରୁରୁ ଗୁଠି ପାସ୍‌ତାରା ଆରୁ ନିଜର୍ ବ୍ୟବହାର୍ ବୋନ୍ ବାଦ୍‌ଲା । ପାରମେଶ୍ୱରସ୍ ହୁ ଜାମା ହୁ ମାନ୍‌ନୁବୋନ୍ ମୂର୍‌କୋସ୍ ଜେନ୍‌ଟା ବୋଦ୍ କା ବାନେ ଫାଡ଼ୁ ମା’ ଆନ୍ଦ୍ରି, ଆରୁ ହୁସ୍ ହୁବ୍‌ଡ଼ା ବୋନ୍ ଚିଚ୍‌ଜୁନୁ କିଟଚୋସ୍ ।“ ଜେନ୍ ଭବିଷ୍ୟବକ୍ତାର ତେଙ୍କାଚାର୍ ୟୁହନ୍ନା ହୁବୋନ୍ ପୁରା କାମ୍‌ଚାସ୍,“ ଏରା, ଜାଲ୍‌ଦିନ୍ ଏନ୍ ନିଙ୍ଘା ଆଘ୍‌ଲି ନିଜର ପ୍ରାଚାର୍‌ରୋକ ସିନ୍ ତାୟୟନ୍ ଜେନ୍ ନିଙ୍ଘା ଲାଗିନ୍ ପାବୁବୋନ୍ ତିୟାର୍ କାମସ୍ ।

![](https://cdn.door43.org/obs/jpg/360px/obs-en-24-05.jpg)

କିଛି ଧାର୍ମିକ୍ ଆଗୁୱାର୍ ୟୁହନ୍ନା ସିନ୍ ମେନ୍‌ଚାର୍ କା ଏନ୍ଦେର୍ ହୁସ୍ ମାସିହିସ୍ କା । ୟୁହନ୍ନା ତେଙ୍ଗିୟାସ୍,“ ଏନ୍ ମାସିହ ମାଲ୍‌ଦାନ, ଲେକିନ୍ ହୁସ୍ ଏଙ୍ଘାୟ ପାଛ୍‌ଲି ବାରାଲ୍‌ଦାସ୍ । ହୁସ୍ ଏତ୍‌କୋ ମାହାନ୍ ଆତ୍‌ଲଦାସ୍ କା ଏନ୍ ହୁସ୍ ଘି ଜୁତା ଘି ଫିତା ବୋନ୍ ଭି ଖୋଲାଗେ ଭି ଯୋଗ୍ୟ ମାଲ୍‌ଦାନ୍ ।”

![](https://cdn.door43.org/obs/jpg/360px/obs-en-24-06.jpg)

ଦୁସ୍‌ରା ଉଲ୍ଲା, ଯୀଶୁସ୍ ବାତିସ୍ମା ହୁୱାଗେ ୟୁହନ୍ନା ଘି ଚାହାଁ ବାର୍‌ଚାସ୍ । ଯେତେବାକେନ୍ ୟୁହନ୍ନାସ୍ ହୁସିନ୍ ଏରିୟାସ୍, ବକେନ୍ ହୁସିନ୍ ତେଙ୍ଗିୟାସ୍,“ ଏର୍‌ରା ! ପାରମେଶ୍ୱରସ୍ ଘି ଭେଡ଼ି ଜେନ୍ ଦୁନିୟା ପାପ ବୋନ୍ ଟେକସ୍ ହୋସ୍‌କୋସ୍ ।

![](https://cdn.door43.org/obs/jpg/360px/obs-en-24-07.jpg)

ୟୁହନ୍ନାସ୍ ଯୀଶୁସିନ୍ ତେଙ୍ଗିୟାସ୍,“ ଏନ୍ ନିଙ୍ଗାନ୍ ବାତିସ୍ମା ଚିନା ଘି ଯୋଗ୍ୟ ମାଲଦାନ୍ । ଇଦ୍ ଘି ଦର୍‌କାର ଆତ୍‌ଲି କା ନିନ୍ ଏଙ୍ଗାନ୍ ବାତିସ୍ମା ଚିୟୟ । ଲେକିନ୍ ଯୀଶୁସ୍ ତେଙ୍ଗିୟାସ୍, “ନିଙ୍ଗାଗେ ଏଙ୍ଗାନ୍ ବାପ୍ତସ୍ମା ଚିନା ଦର୍‌କାର, ଏନ୍ଦେର ଗେ କା କାମାଗେ ଇ ଦିନ୍ ବାନେ ନାଲ୍‌ଖୁ ।” ବାକେନ୍ ୟୁହନ୍ନାସ୍ ହୁସିନ୍ ବାତିସ୍ମା ଚିଚ୍‌ଚାସ୍, ଯେନ୍‌ଟାକା ଯୀଶୁସ୍ ଏକ୍‌ଲା ଭି ପାପ୍ ମାଲ୍ଲା କାମୁସ୍ ।

![](https://cdn.door43.org/obs/jpg/360px/obs-en-24-08.jpg)

ବାତିସ୍ମା ଚିନା ଘି ପାଛ୍‌ଲି ଯେତେବାକେନ୍ ଯୀଶୁସ୍ ଆମ୍‌ମୁନ୍‌ତି ବାହାରି ଉଖିରିୟାସ୍, ବାକେନ୍ ପାରମେଶ୍ୱରସ୍ ଘି ଆତ୍ମା ପେରୁୱା ଘି ରୂପନୁ ଏତିଦ୍ ଆରୁ କିୟାଁ ବାରିକିରି ହୁସ୍‌କି ମିଆଁ ଆଟ୍‌କାରାଦ୍ । ହୁ ସାମାୟ, ପାରମେଶ୍ୱରସ୍ ସରଗ୍‌ତି କାତ୍‌ଥା କାମ୍‌ଚାସ୍ । ହୁସ୍ ତେଙ୍ଗିୟାସ୍,“ ନିନ୍ ଏଙ୍ଗାୟ କୁକ୍‌କା । ଏନ୍ ନିଙ୍ଗାନ୍ ପ୍ୟାର୍ କାମ୍‌ଦାନ୍, ଆରୁ ଏନ୍ ନିଙ୍ଗାଗେ ମୁରୁକ୍ ଖୁସି ଆତଲ୍‌ଦାନ୍ ।

![](https://cdn.door43.org/obs/jpg/360px/obs-en-24-09.jpg)

ପାରମେଶ୍ୱରସ୍ ୟୁହନ୍ନା ସିନ୍ ତେଙ୍ଗାଚାସ୍,“ ପାବିତ୍ର ଆତ୍ମା କିୟାଁ ବାରିକିରି ନେକ୍‌ରିନ୍ ନୁ ଆଟ୍‌କର୍ କୋଦ୍ ନିନ୍ ବାତିସ୍ମ ଚୋୟା ।” ହୁସିନ୍ ପାରମେଶ୍ୱରସ୍ ଘି କୁକ୍‌କୋସ୍ । ପାରମେଶ୍ୱରସ୍ ଅଣ୍ଟା ହି ରାଦାସ୍ । ଲେକିନ୍ ଯେତେବାକେ ୟୁହନ୍ନାସ୍ ୟେଶୁସିନ୍ ବାତିସ୍ମା ଚିଚାସ୍, ବାକେନ୍ ହୁସ୍ ପାରମେଶ୍ୱର ବୁଆସ୍ କି କାତ୍‌ଥା କାମ୍‌ତେ ମେନ୍‌ଚାସ୍, କୁକ୍‌କୋସ୍ ପାରମେଶ୍ୱରସିନ୍ ଏରିୟାସ୍, ଯେନ୍‌ଟା କା ଯୀଶୁସ୍ ଆରୁ ହୁସ୍ ପାବିତ୍ର ଆତ୍ମା ବୋନ୍ ଏରିୟାସ୍ ।

*ମାଥିଉ ୩; ମାର୍କ ୧:୯ -୧୧; ଲୁକ ୩:୧-୨୩ ସ୍ତିନ୍ ଅଣ୍ଟା ବାଇବାଲ୍ ଘି କାଥ୍‌ନୀ*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_24_96kbps.mp3

## 25. ସୈତାନ୍ ଯୀଶୁସିନ୍ ପରିକ୍ଷା କାମିଦ୍ ।

https://openbiblestories.org/l/xis/story-25/

![](https://cdn.door43.org/obs/jpg/360px/obs-en-25-01.jpg)

ଯୀଶୁସ୍ ଘି ବାପ୍ତିସ୍ମା ମାନ୍ନା ଘି ଜାଲ୍‌ଦିନ୍‌ସ୍ତିନ୍, ପବିତ୍ର ଆତ୍ମା ହୁସିନ୍ ଜଙ୍ଗଲନୁ ଅଚା କେରା । ଯୀଶୁସ୍ ହୁସାନ୍ ଚାଳିଶଟା ଉଲ୍ଲା ଆରୁ ଚାଳିଶଟା ମାହାଁ ରାଚା । ହୁ ସମୟନୁ ହୁସ୍ ଉପାସ୍ କମ୍‌ଚାସ, ଆରୁ ସୈତାନ୍ ଯୀଶୁସ୍ ଘି ଚାହାଁ ବାରି କିରି ପାପ କାମାଗେ ହୁସ୍‌ଘୀ ପରିକ୍ଷା କାମ୍‌ଚା ।

![](https://cdn.door43.org/obs/jpg/360px/obs-en-25-02.jpg)

ଆଘ୍‌ଲି, ସୈତାନଦ୍ ଯୀଶୁସିନ୍ ତେଙ୍ଗିୟାଦ୍, “ଯଦି ନିନ୍ ପାରମେଶ୍ୱରସ୍ ଘି ହାଦୁଇ ତା ଇ ଚାଚାବୋନ୍ ଆସ୍‌ମା କାମାଚା ହାଲେ ନିନ୍ ମୋହାଁ ଅଙ୍ଗୟ !“

![](https://cdn.door43.org/obs/jpg/360px/obs-en-25-03.jpg)

ଲେକିନ୍ ଯୀଶୁସ୍ ସୈତାନ୍‌ ବୋନ୍ ତେଙ୍ଗିୟାସ୍, “ପାରମେଶ୍ୱରସ୍ ଘି ବାଚନ ଇ ଲେଖାରାଇ, ଉଜ୍‌ନା ଘି ଲାଗାନ୍ ଆଲାର୍‌ଗେ ଆସ୍‌ମା ଘି ଦାର୍‌କାର୍ ମାଲା, ଲେକିନ୍ ହୁବ୍ଡ଼ାର୍ ଗେ ଜାମା ହୁ କାତ୍‌ଥା କାମ୍‌ନା ଦାର୍‌କାର୍ ରାଇଦ୍ ଜେନ୍‌ଟ ପରମେଶ୍ୱରସ୍ ହୁବ୍ଡ଼ାରିନ୍ ତେଙ୍ଗ୍‌ଦାସ୍ !”

![](https://cdn.door43.org/obs/jpg/360px/obs-en-25-04.jpg)

ବାକେନ୍ ସୈତାନ୍‌ ଯୀଶୁସିନ୍ ମନ୍ଦିର୍ ଘି ଜାମାସ୍ତିନ୍ ଆଗିଇ ଗେ ଅଚାକେରା । ହୁଦ୍ ହୁସିନ୍ ତେଙ୍ଗିୟାଦ୍, “ଯଦି ନିନ୍ ପାରମେଶ୍ୱରସ୍ ଘି ହାଦୁଇତା ଇସ୍‌ତିନ୍ତି କିୟାଁ ଡେଗ୍‌ଚା, ଏନ୍ଦେର୍ ଗେ କା ଲେଖା ଆତ୍‌ଲିଦ୍,“ ପାରମେଶ୍ୱରସ୍ ନିଙ୍ଗାନ୍ ଟେଗାଗେ ନିଜର୍ ସ୍ୱର୍ଗଦୂତ୍ ଗୁଠିରିନ୍ ଅନୁମତି ଚସ୍ କା ନିଙ୍ଘାଏ ହେଡ଼ୁନୁ ଚାଚାନ୍ତି ଠେସ୍ ମା’ ଲାଗିଦ୍ ।“

![](https://cdn.door43.org/obs/jpg/360px/obs-en-25-05.jpg)

ଲେକିନ୍ ଯୀଶୁସ୍ ହୁବୋନ୍ ମା କାମ୍‌ଚାସ୍ ଯେନ୍‌ଟା ବୋନ୍ ସୈତାନ୍‌ କାମାଗେ ତେଙ୍କିଚା । ଇଦ୍‌ଘି ଲାଗାନ୍, “ହୁସ୍ ତେଙ୍ଗିୟାସ୍,“ ପାରମେଶ୍ୱରସ୍ ଜାମାରିନ୍ ତେଙ୍ଗ୍‌ଦାସ୍, “ନିନ ପ୍ରଭୁ ନିଜର୍ ପାରମେଶ୍ୱରସ୍ ଘି ପରିକ୍ଷା ଆମା କାମା ।”

![](https://cdn.door43.org/obs/jpg/360px/obs-en-25-06.jpg)

ଆରୁ ସୈତାନ୍‌ ବୋଦ୍ ହୁସ୍ ସିନ୍ ଦୁନିଆଁନ୍ତା ଜାମା ରାଜି ବୋନ୍ ଏଦିୟାଦ୍ । ହୁଦ୍ ହୁ ସିନ୍ ଏଦିୟାଦ୍ କା ହୁଦ୍ କେତ୍‌କୋ ଶାକ୍ତିଶାଳୀ ରାଇଦ୍, ଆରୁ ହୁଦ୍ କେତ୍‌କୋ ସମ୍‌ପନ୍ନ ରାଇଦ୍ । ହୁଦ୍ ଯୀଶୁ ସିନ୍ ତେଙ୍ଗିୟାଦ୍,“ଏନ୍ ନିଘାଁଗେ ଇବ୍ଡ଼ା ଜାମାନ୍ ଚିୟନ୍ ଯଦି ନିନ୍ ଆଣ୍ଠୁ ଟେକଏ ଆରୁ ଏଙ୍ଘାଏ ଉପାସନା କାମ୍ଏଁ ।”

![](https://cdn.door43.org/obs/jpg/360px/obs-en-25-07.jpg)

ଯୀଶୁସ୍ ତେଙ୍ଗିୟାସ୍, “ହେ ସୈତାନ୍, ଏଙ୍ଘାଏ ସ୍ତିନ୍ ବୁଙ୍ଗୁକାଲ୍ । ପାରମେଶ୍ୱରସ୍ ଘି ବଚନନୁ ହୁଦ୍ ଆଲ୍ଲାରିନ୍ ଆଦେଶ୍ ଚି,“ ଖାଲି ନିଜର୍ ପ୍ରଭୁ ପାରମେଶ୍ୱରସ୍ ସିନ୍ ଆରାଧାନା କାମା । ପାରମେଶ୍ୱରସ୍ ଘି ରୂପ୍‌ନୁ ଖାଲି ହୁସ୍ କି ଆଦର୍ କାମା ।“

![](https://cdn.door43.org/obs/jpg/360px/obs-en-25-08.jpg)

ଯୀଶୁସ୍ ସୈତାନ୍ ଘି ପରିକ୍ଷାନ୍ତି ହାର ମା ମାନ୍‌ଚାସ୍, ଇଦ୍ ଘି ଲାଗାନ୍ ସୈତାନ୍‌ ହୁସ୍ ସ୍ତିନ୍ ବୁଙ୍ଗା ଚିଚ୍‌ଚାଦ୍ । ବାକେନ୍ ସ୍ୱର୍ଗଦୂତ୍ ବାରିକିରି ଯୀଶୁସ୍ ଘି ସେବା କାମା ଲାଗ୍‌ନାର୍ ।

*ମାଥିଉ ୪:୧-୧୧;ମାର୍କ ୧:୧୨-୧୩;ଲୁକ ୪:୧-୧୩ ସ୍ତିନ୍ ଅଣ୍ଟା ବାଇବେଲ ଘି କାଥ୍ ନୀ*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_25_96kbps.mp3

## 26. ଯୀଶୁସ୍ ନିଜର୍ ସେବା ସୁରୁ କାମାଦାସ୍

https://openbiblestories.org/l/xis/story-26/

![](https://cdn.door43.org/obs/jpg/360px/obs-en-26-01.jpg)

ସାଇତାନ୍ ଘି ବିଡ଼ନାନ୍ ଇନ୍‌କାର୍ କାମ୍‌ନା ବାଦେନୁ, ଯୀଶୁସ୍ କିରି କିରି ଗାଲିଲ୍ ଗେ ବାରଚାସ୍ । ଇଦ୍ ହୁ ଆଡ଼ାଦ୍ ଏକାସାନ୍ ହୁସ୍ ରାଆଲାସ୍ । ପବିତ୍ର ଆତ୍ମାଦ୍ ହୁସିନ୍ ମୁରୁଖ୍ ଶକ୍ତି ଚିୟାଲାଦ୍, ଆରୁ ଯୀଶୁସ୍ ଅଣ୍ଟା ଆଡ଼ାସ୍ତିନ୍ ଦୁସ୍‌ରା ଆଡ଼ାଗେ କେରାସ୍ ଆରୁ ଆଲାରିନ୍ ବୁଦ୍ଧି ଚିତ୍‌ଚାସ୍ । ଜାମାର୍ ହୁସ୍‌କୀ ବାରେନୁ ବାନେ କାତ୍‌ଥା ତେଙ୍ଗିୟାର୍ ।

![](https://cdn.door43.org/obs/jpg/360px/obs-en-26-02.jpg)

ଯୀଶୁସ୍ ନାସ୍‌ରାତ୍ ପାଡ଼ାଗେ କେରାସ୍ । ଇଦ୍ ହୁ ପାଡାଦ୍ ଏକସାନ୍ ହୁସ୍ ନିଜର୍ ଛୋଟେ ବାକେନ୍ ରାଆଲାସ୍ । ସାତ୍ ଦିନ୍ ଘି ଉଲ୍ଲା, ହୁସ୍ ପ୍ରାର୍ଥନା କାମ୍‌ନା ଘି ଆଡ଼ାଗେ କେରାସ୍ ।ଆଗୁଆର୍ ହୁସିନ୍ ଯିଶାଇୟସ୍ ଭବିଷ୍ୟତବକ୍ତାସ୍ କି ଖବର୍ ଘି ଅଣ୍ଟା ବହି ଚିଚ୍‌ଚାର୍ । ହୁବ୍ଡ଼ାର୍ ସୋଚାଲାର୍ କା ହୁସ୍ ହୁସ୍‌ତିନ୍ତି ପାଡ଼ସ୍ । ଆଖ୍‌ରିନୁ, ଯୀଶୁସ୍ ହୁ ବହିବୋନ୍ ଖୋଳିକିରି ହୁଦ୍ ଘି ଅଣ୍ଟା ଭାଗ୍‌ବୋନ୍ ଆଲାର୍ ଘି ଲଗାନ୍ ପାଢ଼୍‌ଚାସ୍ ।

![](https://cdn.door43.org/obs/jpg/360px/obs-en-26-03.jpg)

ଯୀଶୁସ୍ ପାଢ଼୍‌ଚାସ୍,“ପାରମେଶ୍ୱରସ୍ ଏଂଗାନ୍ ନିଜର୍ ଆତ୍ମାବୋନ୍ ଚିଚ୍‌କା ଦାସ୍, ହୁଦ୍ ଘି ଲାଗାନ୍ ଭୁଖାର୍‌ଗେ ସୁସମାଚାର୍ ପ୍ରଚାର୍ କାମାଗେ ଅଂଗନ୍ । ହୁସ୍ ଏଂଗାନ୍ ଇଦ୍ ଘି ଲାଗାନ୍ ତାଇୟାସ୍ କା ଜେଲ୍‌ନୁ ରାନାରିନ୍ ଅଥରନ୍, ଅନ୍ଧାରିନ୍ ଏରାଗେ ହାନ୍ନୁ ଚିୟା ଅଂଗନ୍, ଆରୁ ହୁବ୍ଡ଼ାରିନ୍ ଛୁଟ୍‌କାରା ଚୋନ୍ ହୁବ୍ଡ଼ାରିନ୍ ଦୁସ୍‌ରା ଆଲାର୍ କୁଚାଲ୍‌ନାର୍ । ଇଦ୍ ହୁ ସମୟଦ୍ ଯେ ବାକେନ୍ ପାରମେଶ୍ୱରସ୍ ନାମା ମିଆଁ ଦାୟା କାମୋସ୍ ଆରୁ ଜାମାରିନ୍ ସାହାୟାତା କାମସ୍ ।”

![](https://cdn.door43.org/obs/jpg/360px/obs-en-26-04.jpg)

ଫିର୍ ଯୀଶୁସ୍ ଆକିୟାସ୍ । ଜାମା ଆଲାର୍ ହୁସିନ୍ ବାଡ଼େ ମନ୍ ଧ୍ୟାନ୍ ସ୍ତିନ୍ ଏରାଗେ ଲାଗିୟାର୍ ।ହୁବ୍ଡ଼ାର୍ ଆକ୍‌ଖିୟାର୍ କା ପବିତ୍ର ଶାସ୍ତ୍ର ଘି ଯେନ୍‌ଭାଗ୍ ହୁସ୍ ଆକ୍‌କୁନ୍ ପାଢ଼୍‌ଚାସ୍ ହୁଦ୍ ମାସିହସ୍ ଘି ବାରେ ନୁ ରାଚାଦ୍ । ଯୀଶୁସ୍ ତେଂଗିୟାସ୍, “ଜେନ୍ କାତ୍‌ଥା ଏନ୍ ଆକ୍‌କୁନ୍ ନିମାଗେ ପାଢ଼ଚ୍‌କାଦାନ୍ ହୁଦ୍ ଇ ସମୟ ଘାଟ୍‌ରାଲି ।” ଜାମା ଆଲାର୍ ଚକିତ୍ ମାଞ୍ଚାର୍ କେରାର୍ । ହୁବ୍ଡ଼ାର୍ ତେଂଗିୟାର୍, ଏନ୍ଦେର୍ ଇସ୍ ୟୁସୁଫ୍‌ସି ଘି ହାଦ୍‌ଦୁ ମାଲ୍‌ଦାସ୍ ?”

![](https://cdn.door43.org/obs/jpg/360px/obs-en-26-05.jpg)

ବାକେନ୍ ଯୀଶୁସ୍ ତେଂଗିୟାସ୍,“ଇଦ୍ ସଥେନ୍ କା ଆଲାର୍ ଏନ୍‌ନେ ଭବିଷୟତବକ୍ତାସିନ୍ ଏକ୍‌ଲା ହିଁ ଗ୍ରହଣ୍ ମା କାମ୍‌ନାର୍ ଯେନ୍ କା ହୁବ୍ଡ଼ାରି ଘି ପାଁଡ଼ାନୁ ପାର୍‌ଦାରୋସ୍ । ଏଲିହା ଭବିଷ୍ୟତବକ୍ତାସ୍ କି ସମୟନୁ, ଇସ୍ରାଏଲନୁ ଜୁକୁକେନ୍ ରାଣ୍ଡି ଆଲାର୍ ରାଚାର୍ । ଲେକିନ୍ ଯେତେ ବକେନ୍ ସାଢ଼େ ତିନି ବଛର୍‌ତୋକ୍ ଚେପୁ ମାଲ୍ଲା ମାନୁଦ୍ ପାରମେଶ୍ୱରସ୍ ଏଲିହାବୋନ୍ ଇସ୍ରାଏଲନୁ ଏକା ରାଣ୍ଡି ଘି ସାହାର୍ଯ୍ୟ କାମାଗେ ତାଇୟାସ୍ । ଇଦ୍ ଘି କାରଣ, ହୁସିନ୍ ଏଲିହାସିନ୍ ଆରୁ ଏକାଦୁସ୍‌ରା ରାଜିନ୍‌ନ୍ତା ରାଣ୍ଡି ଘି ଚାହାଁ ଗେ ତାଇୟାସ୍ ।”

![](https://cdn.door43.org/obs/jpg/360px/obs-en-26-06.jpg)

ଯୀଶୁସ୍ ତେଂଗ୍‌ତେ କେରାସ୍,“ ଆରୁ ଏଲିସା ଭବିଶ୍ୟତବକ୍ତାସ୍ ଘି ସମୟନୁ, ଇସ୍ରାଏଲନୁ ଜୁକୁକେନ୍ ଆଲାର୍ ଚାମ୍‌ଡ଼ା ଘି ବେମାରତି ଖାତ୍‌ରକାଚାର୍ । ଲେକିନ୍ ଏଲିସାସ୍ ହୁନୁନ୍‌ତି ନେକିନିନ୍ ଭି ବାନେ ମାଲ୍ଲା କାମୁସ୍ । ହୁସ୍ ଖାଲି ଇସ୍ରାଏଲ ଘି ଶତ୍ରୁ ଗଠିର୍ ଘି ସେନାପତି ନାମାନ୍ ସିନ୍ ବାନେ “ନାନ୍‌ଚାସା” ଲେକିନ୍ ଯେନ୍ ଆଲାର୍ ଯୀଶୁସ୍ ଘି ମେନାଲାର୍ ହୁର୍‌ୟୁହୁଦୀ ରାଚାର୍ । ଇଦ୍ ଘି ଲାଗାନ୍ ଯେନ୍ ହୁବ୍ଡ଼ାର୍ ହୁସ୍ ଏନ୍‌ନେ ତେଂଗ୍‌ନା ମେନ୍‌ଚାର୍ ହୁସ୍ ଘି ମିଆଁ ଖିସାରାଚାର୍ ।

![](https://cdn.door43.org/obs/jpg/360px/obs-en-26-07.jpg)

ନାସ୍‌ରାନ୍‌ନ୍ତ ଆଲାର୍ ଯୀଶୁସିନ୍ ଧାର୍‌ଚାର୍ ଆରୁ ପ୍ରାର୍ଥନା ଘି ଆଡ଼ାସ୍ତିନ୍ ଘେସ୍‌ରାରାକିରି ବାହାରି ଅଥ ରେଇଚାର୍ । ହୁବ୍ଡ଼ାର୍ ହୁସିନ୍ ପିଟା ବେଦାଗେ ଲାଗାନ୍ କିୟାଁ ଖେବ୍ଡ଼ା ଗେ ଆଣ୍ଟା ଚାଟ୍‌ଣି ଘି ମିଆଁ ଆଚାର କେରାର୍ । ଲେକିନ୍ ଯୀଶୁସ୍ ଭିଢ଼୍ ସ୍ତିନ୍ ଉର୍‌ଖାସ୍ କେରାସ୍ ଆରୁ ନାସ୍‌ରାଦ୍ ପାଡ଼ାବନ ଆମ୍ବିକିରି ବୁଂଗିୟା ଚିଚାସ୍ ।

![](https://cdn.door43.org/obs/jpg/360px/obs-en-26-08.jpg)

ଫିର୍ ଯୀଶୁସ୍ ଜାମା ଗାଲିଲ୍ ଘି ଆଡ଼ାଗେ କେରାସ୍, ଆରୁ ବାଡ଼୍‌କା ଭିଡ଼୍ ହୁସିକି ଚାହାଁଗେ ବାର୍‌ଚାର୍ । ହୁବ୍ଡ଼ାର୍ ଏନ୍ନେ ଜୁକ୍‌କୁ ଆଲାରିନ୍ ହୁଆଁକିରି ବାର୍‌ଚାର୍ ଯେ କା ବେମ୍‌ରିହାର୍ ଆରୁ ଲେଙ୍ଗଡ଼ା ରାଚାର୍ । ହୁନୁସ୍‌ସ୍ତିନ୍ କିଛିର୍ ଏରାଗେ, ଏକାଗେ, ମେନାଗେ ଆରୁ କାଚ୍‌ଲେଖରା ପଲ୍‌ନାର୍, ଆରୁ ଯୀଶୁସ୍ ହୁବ୍ଡ଼ାରିନ୍ ବାନେ ନାଚାସ୍ ।

![](https://cdn.door43.org/obs/jpg/360px/obs-en-26-09.jpg)

ଇଦ୍ ଘି ବାଦ୍‌ଲେନୁ ଜୁକ୍‌କୁନ୍‌ସ୍ତିନ୍ ଏନ୍ନେ ଆଲାର୍ ଯୀଶୁସ୍ ଘି ଚାହାଁଗେ ଅନ୍ଦ୍‌ରାର୍ ନେର୍‌ସାନ୍ ଖରାପ୍ ଆତ୍ମା ରାଚାଦ୍ । ଯୀଶୁସ୍ ଖରପ୍ ଆତ୍ମା ବୋନ୍ ହୁସ୍‌ସ୍ତିନ୍ ଉର୍‌ଖାଗେ ଅନୁମୋତୀ ଚିଚାସ୍ । ହୁ ଖରାପ୍ ଆତ୍ମା ଗୁଠିଦ୍ ଜାମାବାକେନ୍ ଚିରର୍‌ରାଦ୍, ନିନ୍ ପାରମେଶ୍ୱରସ୍ ଘି ହାଦୁ !“ ଭିଡ଼ନ୍ତା ଆଲାର୍ ଚାକ୍‌ରାର୍ କେର୍‌ରାର୍, ଆରୁ ହୁବ୍‌ଡ଼ାର୍ ପାରମେଶ୍ୱରସ୍ ଘି ସ୍ତୁତି ନାନ୍ ଚାର୍ ।

![](https://cdn.door43.org/obs/jpg/360px/obs-en-26-10.jpg)

ଫିର୍ ଯୀଶୁସ୍ ବାରଟା ଆଲାରିନ୍, ଚାଜିୟାସ୍ ହୁବ୍ଡ଼ାରିନ୍ ହୁସିନ୍ ନିଜର୍ ପ୍ରେରିତ୍ ତେଂଗିୟାସ୍ ହୁ ପ୍ରେରିତ୍ ଜାମାର୍ ହୁସ୍ ଘି ସାଂଗେନୁ କେରାର୍ ଆରୁ ହୁସ୍‌ସ୍ତିନ୍ ବୁଦ୍ଧି ଗ୍ରହଣକାମ୍‌ଚାର୍ ।

*मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_26_96kbps.mp3

## 27. ଦାୟାଲୁ ସାମରୀ ଘି କାଥନୀ

https://openbiblestories.org/l/xis/story-27/

![](https://cdn.door43.org/obs/jpg/360px/obs-en-27-01.jpg)

ଉନ୍ଦୁଲ, ୟୁହଦୀ କାନୁନ୍ ଘି ଅଣ୍ଟା ବିଶେଷ୍ ଆଲାସ୍ ଯୀଶୁସ୍ ଘି ଚାହାଁ ବାର୍‌ଚାସ୍ । ହୁସ୍ ଜାମାରିନ୍ ଇଦାନ୍ ଏଦାଗେ ଚାହାଁ ଲାସ୍ କା ଯୀଶୁସ୍ ଭୂଲ୍ ରିତୀନୁ ବୁଦ୍ଧି ଚିୟାଲାସ୍ । ଇଦ୍ ଘି ଲାଗାନ୍ ହୁସ୍ ତେଂଗିୟାସ୍, “ହେ ଗୁରୁ, ଅନନ୍ତ ଜୀବନ୍ ହାଖାଗେ ଏନ୍ ଏନ୍ଦେର୍ କାମାନ୍ ?”ଯୀଶୁସ୍ ଜାବାବ୍‌ଚିଚାସ୍,“ପାରମେଶ୍ୱରସ୍ ଘି କାନୁନ୍‌ନୁ ଏନ୍ଦେର୍ ଲିଖା ଆତ୍‌ଲି?”

![](https://cdn.door43.org/obs/jpg/360px/obs-en-27-02.jpg)

ହୁ ଆଲାସ୍ ତେଂଗିୟାସ୍ ,“ହୁ ତେଂଗିଦ୍ କା ନିଜର୍ ପାରମେଶ୍ୱରସ୍ ସିନ୍ ନିଜର୍ ଜାମା ମୋନ୍,ଜିଆ, ଆରୁ ବୁଦ୍ଧିସ୍ତିନ୍ ପ୍ରେମ୍ ଉଇୟା । ଆରୁ ନିଜର୍ ପାଡ଼ାନ୍‌ନ୍ତାରିନ୍ ନିଜର୍ ଲେଖାନୁ ପ୍ରେମ୍ ଉଇୟା ।”ଯୀଶୁସ୍ ଯୀଶୁସ୍ ଜବାବ୍ ଚିଇଚାସ୍,“ନିନ୍ ସଥେନ୍ ହିଁ ସତ୍‌ତୁନ୍ ରାଦାଏ ! ଲେକିନ୍ ନିନ୍ ଏନ୍ନେ କାମୟଏ, ତା ନିଂଗାନ୍ ଅନନ୍ତ ଜୀବନ୍ ହାକ୍‌ଖା ଆଂଗଏ ।”

![](https://cdn.door43.org/obs/jpg/360px/obs-en-27-03.jpg)

ଲେକିନ୍ ହୁ କାନୁନ୍ ଘି ବିଶେଷ୍ ଆଲାସ୍ ଆଲାରିନ୍ ଏଦାଗେ ଚାହାଲାସ୍ କା ହୁସ୍ ଘି ଜୀବନ୍‌ନୁ ଉଜ୍‌ଜାଗେ ଲାଗାନ୍ ସାହି ରାଚାଦ୍ । ଇଦ୍ ଘି ଲାଗାନ୍ ହୁସ୍ ଯୀଶୁସିନ୍ ମେନ୍‌ଚାଦ୍ “ବାନେ ରାଇ” ତା ଏଂଘାଁ ପାଡ଼ିୟାର୍ ନେଦ୍ ?”

![](https://cdn.door43.org/obs/jpg/360px/obs-en-27-04.jpg)

ଯୀଶୁସ୍ ହୁ କାନୁନ୍ ଘି ବିଶେଷ୍ ଆଲାରିନ୍ ଆଣ୍ଟା କାଥନି ତେଂଗନା ଘି ଚାଲ୍‌ତେ ଜାବାବ୍ ଚିଚ୍‌ଚାସ୍ ।“ଅଣ୍ଟା ୟହୁଦୀ ଆଲସ୍ ଅଣ୍ଟା ପାବୁନ୍‌ନ୍ତି ମାନିକିରି ଯେରୁଶାଲେମ୍ ସ୍ତିନ୍ ଯିରିହ ଗେ କାଲାସ୍ ।”

![](https://cdn.door43.org/obs/jpg/360px/obs-en-27-05.jpg)

“ଲେକିନ୍ କିଛି ଡାକୁର୍ ହୁସିନ୍ ଏରିୟାର୍ ଆରୁ ହୁସ୍ କି ମିଆଁ ହାମ୍‌ଲା କାମ୍‌ଚେ ଚାର୍ । ହୁବ୍ଡ଼ାର୍ ହୁସ୍ ସ୍ତିନ୍ ଜାମା ଅଚାର୍ କେରାର୍ ଆରୁ ହୁସିନ୍ ଖିନାତକ୍ ଡେମ୍‌ଚାର୍ ଆରୁ ହୁବ୍ଡ଼ାର୍ ବୁଙ୍ଗେଚାର୍ ।”

![](https://cdn.door43.org/obs/jpg/360px/obs-en-27-06.jpg)

“ହୁଦ୍ ଘି ପାଛ୍‌ଲି, ଅଣ୍ଟା ୟହୁଦି ମୁଖିଆ ହୁ ପାବୁନ୍‌ନ୍ତି ମାନାକିରି କେରାସ୍ । ହୁ ମୁଖିଆସ୍ ହୁ ଆଲାସିନ୍ ପାବୁନୁ ଖାତ୍‌ରକା ଏରିୟାସ୍ । ଯେବାକେନ୍ ହୁସ୍ ଏରିୟାସ୍ ତା ହୁସ୍ ପାବୁ ଘି ଦୁସ୍‌ରା ତାରା ମାନାକିରି ଆଘ୍‌ଲି ବାଡ୍ ରାସ୍ । ହୁସ୍ ହୁ ଆଲାସିନ୍ ପୁରାପୁରି ଆନ୍ ଦେଖା କାମ୍‌ଚାସ୍ ।”

![](https://cdn.door43.org/obs/jpg/360px/obs-en-27-07.jpg)

ଇଦ୍ ଘି ପାଛ୍‌ଲି, କିଛି ସମୟ ବିତର୍ କାଘି ବାଦେ ଅଣ୍ଟା ଲେବି ହୁ ପାବୁନୁ ବାର୍‌ଚା ।(ଲେବୀ ୟହୁଦୀର୍ ଘି ଅଣ୍ଟା ଗୋପର୍ ରାଚାଦ୍ ଯେକି ମନ୍ଦିର୍‌ନୁ ମୁଖିୟାର୍ ଘି ମାଦେତ୍ କାମା ଲାଦ୍ ।) ହୁସିସ୍ ହୁ ଆଲାସିନ୍ ଆନ୍‌ଦେଖା କାମ୍‌ଚେଚାସ୍ ।”

![](https://cdn.door43.org/obs/jpg/360px/obs-en-27-08.jpg)

“ଦୁସ୍‌ରା ଆଲାସ୍ ଯେ କାହୁ ପାବୁନୁ ବାର୍‌ଚାସ୍ ହୁ ସାମରିୟା ଅଣ୍ଟା ଆଲାସ୍ ରାଚାସ୍ ।( ସାମରୀର୍ ଆରୁ ୟହୁଦୀର୍ ଏକ୍ ଦୁସ୍‌ରେ ରିନ୍ ନଫ୍‌ରାତ୍ କାପାଲାର୍ ।) ହୁ ସାମରୀସ୍ ପାବୁନୁ ହୁ ଆଲାସିନ୍ ଏରିୟାସା ହୁସ୍ ଏରିୟାସ୍‌କା ହୁସ୍ ୟହୁଦୀ ରାଚାସ୍, ଲେକିନ୍ ଫିର୍ ହୁସ୍ ହୁସିନ୍ ମିଆଁ ଦୁଃଖୁ ଲାଗୁୟାଦ୍ । ଯେତେ ବାକେନ୍ ହୁସ୍ ହୁସ୍ ଚାହାଁଗେ କେରାସ୍ ଆରୁ ହୁସ୍ ଘି ଖାଦିବୋନ୍ ପାଟ୍‌ଟି ହିଁଚାସ୍ ।”

![](https://cdn.door43.org/obs/jpg/360px/obs-en-27-09.jpg)

“ଆରୁ ହୁ ସାମରୀସ୍ ହୁ ଆଲାସିନ୍ ନିଜର୍ ଗାଧାମିଆଁ ତେଂଗେଡ଼ିୟାସ୍ ଆରୁ ହୁସିନ୍ ହୁ ପାବୁନସ୍ତିନ୍ ଅଣ୍ଟା ଡେରାଗେ ଆଚାସ୍ କେରାସ୍ । ଏକାସାନ୍ ହୁସ୍ ହୁସ୍ ଘି ଦେଖ୍ ଭାଲ୍ କାମାନା ତେୟାରି ଉଇୟାସ୍ ”

![](https://cdn.door43.org/obs/jpg/360px/obs-en-27-10.jpg)

ଆଘ୍‌ଲି ଉଲ୍ଲାନୁ, ହୁ ସାମରୀ ନିଜର୍ କାନା ଘି ତେୟାରି ଜରୁରୀ ରାଚାଦ୍ । ହୁସ୍ ହୁ ଜିମାବାରି ଉଠାବାନା ଆଲାସ କେ କିଛି ଧାନ୍ନୁ ଚିଚାସ୍ । ହୁସ୍ ହୁସିନ୍ ତେଂଗିୟାସ୍, ଇ ଆଲାସ୍ ଘି ଦେଖ୍‌ଭାଲ୍ କାମକେ ।ଲେକିନ୍ ଇ ଧାନ୍ନୁ ବୋନ୍ ଆମ୍ବିକିରି ନିଂଘାଏ ଆରୁ ଧାନୁ ଖାର୍‌ଚା ମାନୋଦ୍ ହାଲେ ତା ଏନ୍ କିର୍‌ରୋନ୍ ହାଲେ ଏନ୍‌ ହୁ ବୋନ୍ ଖାର୍ଚା କିର୍‌ତୋ ଚୋନ୍ ।

![](https://cdn.door43.org/obs/jpg/360px/obs-en-27-11.jpg)

ଫିର୍ ଯୀଶୁସ୍ ହୁ କାନୁନ୍ ଘି ବିଶେଷଜ୍ଞ ସିନ୍ ମେଞ୍ଚାସ୍,“ନିନ୍ ଏନ୍ଦେର୍ ସୋଚାଲ୍‌ଦାର୍ ? ଇ ତିନ୍ ଲୋକ୍ ଆଲାର୍ ସ୍ତିନ୍ ନେର୍ ହୁ ଆଲାସ୍ ଘି ପଡ଼ିୟାର୍‌ ରାଚାର୍ ଜେର୍ ଲୁଟାର୍ ଆରୁ ଡ଼େମ୍‌ଚ୍‌କାଚାର୍ ?”ହୁବ୍ଡ଼ାର୍ ଜବାବ୍ ଚିଚ୍‌ଚାସ୍,“ହୁସ୍ ଜେକା ହୁସ୍ ଘି ମିଆଁ ଦାୟା ରାଚାସ୍ ।” ଯୀଶୁସ୍ ହୁସିନ୍ ତେଂଗିୟାସ୍,“ ନିନ୍ କାଲା ଆରୁ ଏନ୍ନେ ହି କାମ୍‌ଚକେ ।”

*लूका अध्याय 10:25-37 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_27_96kbps.mp3

## 28. ଧାନୀ ଜୁୱାନ ଶାସକ

https://openbiblestories.org/l/xis/story-28/

![](https://cdn.door43.org/obs/jpg/360px/obs-en-28-01.jpg)

ଉଦୁଲ୍, ଅଣ୍ଟା ଧନୀ ଜୁୱାନ୍ ଶାସକସ୍ ଯୀଶୁସ୍ ଘି ଚାହାଁ ବାର୍ ଚାସ ହୁସିନ୍ ମେନ୍ଚାସ୍, “ହେ ବାନେ ଗୁରୁ, ଆନନ୍ଦ୍ ଜୀଉ ହାକ୍ ଖାଗେ ଏଂଗାନ୍ ଏନ୍ଦେର୍ କାମ୍ନା ପାଡ଼ରୋ ?“ ଯୀଶୁସ୍ ହୁସିନ୍ ଟେଂଗିୟାସ୍, “ନିନ୍ ଏଂଗାନ୍ ବାନେ ଏନ୍ଦେର୍ ଗେ ତେଙ୍ଗଦାସ୍ ? ଖାଲି ଅଣ୍ଟା ସିନ୍ ବାନେସ୍ ଆରୁ ହୁବୋନ୍ ପାରମେଶ୍ୱରସ୍ । ଲେକିନ୍ ନିନ୍ ଆନାନ୍ଦ ଜୀଉ ହାକ୍ ଖା ବେଦ୍ଦାୟ ହାଲେ ପାରମେଶ୍ୱରସ୍ ଘି ନିୟମ୍ ବୋନ୍ ମାନ୍ନା ।“

![](https://cdn.door43.org/obs/jpg/360px/obs-en-28-02.jpg)

ଏଂଗାଗେ ଏନ୍ଦେର୍ ଏନ୍ଦେର୍ ଆଜ୍ଞାଗୁଠି ମାନାଗେ ପାଡ୍ରୋ?“ ହୁସ୍ ମେଂଚାସ୍ । ଯୀଶୁସ୍ ଜବାବ୍ ଚିଚ୍ ଚାସ୍, ହତ୍ୟା ଆମ୍‌କେ ପିଟା । ବ୍ୟବିଚାର୍ ଆମ୍‌କେ କାମା । ଆମ୍‌କେ ହାଡ଼ା । ଆମ୍‌କେ ଠାକା । ନିଜର୍ ଆୟାଂଗ୍ ଆରୁ ବୁଆସ୍ ଘି ଆଦର୍ କାମୋର୍, ଆରୁ ନିଜର୍ ପଡ଼ୋଶୀ ସିନ୍ ନିଜର୍ ସାମାନ୍ ପ୍ରେମ୍ କାମୋର ।“

![](https://cdn.door43.org/obs/jpg/360px/obs-en-28-03.jpg)

ଲେକିନ୍ ହୁ ଜୁୱାନ୍ ଆଲାସ୍ ତେଙ୍ଗିୟାସ୍, “ଏନ୍ ନିଜର୍ ବାଳକ୍ ପନ୍ ସ୍ତିନ୍ ନିନ୍ ଇବ୍ଡ଼ା ଜାମା ଆଜ୍ଞା ପାଳନ୍ କାମ୍‌ତେ ବାରାଲ୍ ଦାନ୍ । ଏଂଗାନ୍ ସବୁଦିନ୍ ଲାଗାନ୍ ଉଜ୍ଜାଗେ ଆକ୍ କୁନ୍ ଭି ଏନ୍ଦେର୍ କମାଗେ ଦାର୍ କାର?“ ଯୀଶୁସ୍ ହୁସିନ୍ ଏରିୟାସ୍ ଆରୁ ହୁସିନ୍ ପ୍ରେମ୍ କାମ୍‌ଚାସ୍ ।

![](https://cdn.door43.org/obs/jpg/360px/obs-en-28-04.jpg)

ଯୀଶୁସ୍ ଜାବାବ୍ ଚିଚାସ୍, “ଯଦି ନିନ୍ ଶୁଦ୍ଧ୍ ମାନା ବେଦ୍ ଦାୟ ହାଲେ କାଇକିରି ନିଜର୍ ସାଫାବୋନ୍ ବିଶାଁଚା ଆରୁ ହୁବ୍ଡ଼ା ଧାନ୍ ନୁନ୍ ଗରିବ୍ ରଗେ ହାଟ୍ଟାଚା, ଆରୁ ନିଂଗାଗେ ସରଗ୍‌ନୁ ଧାନ୍ନୁ ହାଖ୍ରୋ । ବାକେନ୍ ବାରିକିରି ଏଂଘାୟ୍ ପାଛ୍‌ଲି ମାନ୍ନା ।“

![](https://cdn.door43.org/obs/jpg/360px/obs-en-28-05.jpg)

ଯେନ୍‌ଟା ବୋନ୍ ଯୀଶୁସ୍ ତେଂଗିୟାସ୍ ଯେତେ ବାକେନ୍ ହୁ ଜୁୱାନ୍ ଆଲାସ୍ ମେନ୍‌ଚାସ୍ ତା ହୁସ୍ ମୁରୁଖ୍ ଉଦାସ୍ ମାନ୍‌ଚାସ୍‌ କେରାସ୍, ଏନ୍ଦେର୍ ଗେ କା ହୁସ୍ ମୁରୁକ୍ ଧାନୀ ରାଚାସ୍ ଆରୁ ହୁସ୍ ନିଜର୍ ସାଫ ଧାନୁନ୍ ବୋନ୍ ଚିୟା ମା’ ବେଦ୍‌ଦାଲାଗାସ୍ । ହୁସ୍ କିରିକିରି ଯୀଶୁସ୍ ଘି ଚାହାନ୍ତି ବୁଂଗେ ଚିଚ୍ ଚାସ୍ ।

![](https://cdn.door43.org/obs/jpg/360px/obs-en-28-06.jpg)

ବାକେନ୍ ଯୀଶୁସ୍ ଚେଲାରିନ୍ ତେଂଗିୟାସ୍, “ପାରମେଶ୍ୱରସ୍ ଘି ରାଜିନୁ ଧାନି ଆଲାର୍ ଘି କର୍‌ନା ମୁରୁଖ୍ କଠିନ୍ ରାଇତ୍ ! ହଁ ଅଣ୍ଟା ଧାନୀ ଆଲାସ୍ ପାରମେଶ୍ୱରସ୍ ଘି ରାଜିନୁ କରାଗେ ତୁଲନାନୁ ଅଣ୍ଟା ଉଟ୍ ଘି ସୁଇନ୍ ନ୍ତା ମୁହିଁନ୍ତି ମାନିକିରି ଉର୍ଖନା ସହୋଜ୍ ଆତ୍ଲି ।“

![](https://cdn.door43.org/obs/jpg/360px/obs-en-28-07.jpg)

ୟେନ୍ଟାବୋନ୍ ଯୀଶୁସ୍ ତେଂଗିୟାସ୍ ବାକେନ୍ ଚେଲାର୍ ମେନ୍‌ଚାର୍‌ ବାକେନ୍ ହୁବ୍ଡ଼ା ଚାକ୍‌ରାରା କେର୍‌କାଚାର । ହୁବ୍ଡ଼ା ତେଂଗିୟାର୍, “ଯଦି ଇବ୍‌ଡ଼ାଦ୍ ଏନ୍ନେଦ୍ ହାଲେତା ପାରମେଶ୍ୱରସ୍ ନେକାନ୍ ବାଚାବସ୍ ?“

![](https://cdn.door43.org/obs/jpg/360px/obs-en-28-08.jpg)

ଯୀଶୁସ୍ ଚେଲାରିନ୍ ଏରିୟାସ୍ ଆରୁ ତେଂଗିୟାସ୍,“ ଆଲାର୍‌ଗେ ନିଜର୍ ଉଦ୍ଧାର୍ କାମ୍ନା ଅସମ୍ଭବ ରାଇଦ୍ । ଲେକିନ୍ ପାରମେଶ୍ୱରସ୍ ଘି ଲାଗାନ୍ ଏନ୍ଦେର୍ ଭି ଅସମ୍ଭବ ମାଲ୍ଲିଦ୍ ।“

![](https://cdn.door43.org/obs/jpg/360px/obs-en-28-09.jpg)

ପାତ୍ରାସ୍ ଯୀଶୁସ୍ ସିନ୍ ତେଂଗେୟାସ୍ ,“ ଏମ୍ ଚେଲା ନିଜର୍ ଜାମାବୋନ୍ ଆମ୍ବିକିରି ନିଂଘାୟ୍ ପାଛ୍‌ଲି ମାନ୍‌ଚାକା ଦାମ୍ । ତା ଏମାଁୟ ପ୍ରତିଫଲ୍ ଏନ୍ଦେର୍ ମାନୋଦ୍ ?“

![](https://cdn.door43.org/obs/jpg/360px/obs-en-28-10.jpg)

ଯୀଶୁସ୍ ଜବାବ୍ ଚିଚ୍ ଚାସ୍ ,“ଜାମା ଅଣ୍ଟା ଆଲ୍ ନେର୍ ଏଂଘାୟ ଲାଗାନ୍ ଏଡ଼୍‌ପା ଭାଇ, ବୁହୁଣୀ, ଆୟାଙ୍ଗ୍, ବୁଆଁ, ହାଦ୍‌ଦୁ, ୟା ଧାନ୍ନୁ ବୋନ୍ ଆମ୍ବକାନାର୍, ହୁସ୍ ହୁବ୍ଡ଼ାନ୍ ଶହେ ଗୁଣ୍ ବାଗ୍‌ଗେ ହାଖ୍ ଖୋସ୍ ଆରୁ ଆନାନ୍ତ ଜୀଉ ବୋନ୍ ହାକ୍‌ଖୋସ୍ । ଲେକିନ୍ ଅନ୍ ଜୁକର୍ ଆଘଲି ରାନାର୍ ହୁବ୍ଡ଼ାର୍ ପାଛ୍‌ଲି ମାନୋର୍, ଆରୁ ଆନ୍ ଜୁକ୍ କୁର୍ ପାଛ୍‌ଲି ରାନାର୍ ହୁବ୍ଡ଼ା ଆଘ୍‌ଲି ମାନୋର୍ ।“

*मत्ती अध्याय 19:16-30; मरकुस 10:17-31; लूका 18:18-30 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_28_96kbps.mp3

## 29. ଦାୟାମାଲ୍‌କା ଧାଙ୍ଗ୍‌ରସ୍ ଘି କାଥ୍‌ନି

https://openbiblestories.org/l/xis/story-29/

![](https://cdn.door43.org/obs/jpg/360px/obs-en-29-01.jpg)

ଉନ୍ଦୁଲ୍, ପାତ୍‌ରସ୍ ଯୀଶୁ ସିନ୍ ମେନ୍‌ଚାସ୍‌, “ହେ ଗୁରୁ, ଏଂଘାନ୍ ନିଜର୍ ଭାଇ ସିନ୍ କେତ୍‌କ ଥର୍ ମାଫ୍ କାମ୍‌ନା ପାଡ଼ରୋ, ଯେତେ ବାକେନ୍ ହୁସ୍ ଏଂଘାଏ ବିରୁଦ୍ଧ ପାପ୍ କାମ୍ କା ଦାସ୍ ?ଏନ୍ଦେର୍ ସାତ୍ ଥର୍ ? ଯୀଶୁସ୍ ତେଂଗେୟାସ୍,“ ସାତ୍ ଥର୍ ମାଲା, ଲେକିନ୍ ସାତ୍ ଘି ସତୁର୍ ଥର୍ ! “ଇଦ୍ ଘି ଚାଲତେ, ଯୀଶୁସ୍ ଘି ମତ୍‌ଲବ୍ ରାଇଦ୍ କା ନାମ୍ ସବୁ ବାକେନ୍ ମାଫ୍ କାମ୍ ନା ରାଇଦ୍ । ବାକେନ୍ ଯୀଶୁସ୍ ଇ କାହାନୀ ତେଂଗିୟାସ୍ ।

![](https://cdn.door43.org/obs/jpg/360px/obs-en-29-02.jpg)

ଯୀଶୁସ୍ ତେଂଗିୟାସ୍,“ ପାରମେଶ୍ୱରସ୍ ଘି ରାଜି ଅଣ୍ଟା ରାଜାସ୍ ଘି ସାମାନ୍ ରାଇଦ୍ ଜେନ୍ଟା ନିଜର୍ ଦାସ୍ ସିକି ହିସାବ୍ ହୁୱାଗେ ଚାହାଲାସ୍ । ହୁସ୍ କୀ ଉରୁତୁ ଧଂଗର୍ ୨,୦୦,୦୦୦ ବଛ୍‌ର ଘି ମଜ୍ ରୀଘି ଅଣ୍ଟା ବାଡ଼୍ କା ଉଧ୍ରା ଘି ଉଧ୍ରାସ୍ ରାଚାସ୍ ।“

![](https://cdn.door43.org/obs/jpg/360px/obs-en-29-03.jpg)

ଲେକିନ୍ ହୁଦ୍ ଧାଙ୍ଗରସ୍ ନିଜର୍ ଉଧ୍ରା ଚିୟାଗେ ପଲାସିନ୍ ଇଦ୍ ଘି ଲାଗାନ୍ ରାଜସ୍ ତେଙ୍ଗିୟାସ୍, “ଇଦ୍ ଘି ଉଧ୍ରା ଚିୟାଗେ ଇ ଆଲାସ୍ କି ଆରୁ ଇସ୍‌କି ପାରିବାର୍ ବୋନ୍ ଧାଙ୍ଗରସ୍ ଘି ରୂପ୍ ନୁ ବିଶା ଚ ।“

![](https://cdn.door43.org/obs/jpg/360px/obs-en-29-04.jpg)

ହୁ ଧାଂଗରସ୍ ରାଜାସ୍ ଘି ଚାହାଁନୁ ନିଜେ ହାଠୁ ୱାରାସ୍ ଆରୁ ତେଂଗିୟାସ୍,“ ଦାୟା କାମିକିରି ଏଂଘାଁଏ ଗାନେଧିରାଜ୍ ଉଇୟା, ଆରୁ ଏନ୍ ନିଜର୍ ଉଧାର୍ ଘି ଜାମା ପଇସା ଭାରନ୍ ଚୋନ୍ । ରାଜାସ୍ ଧାଙ୍ଗର୍ ସିନ୍ ଦାୟା କାମ୍ ଚାସ୍, ଇଦ୍ ଘି ଲାଗାନ୍ ହୁସ୍ ହୁସ୍ କି ଜାମା ଉଧାର୍ ବୋନ୍ ମାଫ୍ ନାଞ୍ଚାସ୍ ଆରୁ ହୁସିନ୍ କାଲାଗେ ଚିଚ୍ଚାସ୍ ।“

![](https://cdn.door43.org/obs/jpg/360px/obs-en-29-05.jpg)

ଲେକିନ୍ ଯେତେ ବାକେନ୍ ହୁ ଧାଂଗର୍ ରାଜାସ୍ ଘି ଚାହାଁନ୍ତି ବାହାରି କେରାସ୍, ତା ହୁସ୍ ହୁସ୍କି ଆଣ୍ଟା ସାଂଗେ ଧାଂଗର୍ ହାଖ୍ ରାସ୍ ଜେନ୍ଟା ହୁସ୍ ଘି ଚାର୍ ମାହିନା ମଜ୍‌ରୀ ଘି ଉଧାର୍ ରାଆ ଚାଦ୍ । ହୁ ଧାଂଗରସ୍ ନିଜର୍ ସାଂଗେ ଧାଂଗର୍ ସିନ୍ ଧାର୍ ଚାସ୍ ଚିଇଚାସ୍ ଆରୁ ତେଂଗିୟାସ୍, ଜେନ୍ଟା ନିଘାଂଏ ମିଆଁ ଏଘାଂଏ ଉଧାର୍ ରାଇଦ୍ ଏଂଗାଗେ ହୁସ୍ ଘି ପାଇସା ଭାରା !“

![](https://cdn.door43.org/obs/jpg/360px/obs-en-29-06.jpg)

“ହୁ ସାଂଗେସ୍ ଧାଂଗରସ୍ ହାଠୁୱାରାସ୍ ଆରୁ ତେଂଗିୟାସ୍, ‘ଦାୟା ଏଂଘାଁଏ ସାଂଗେନୁ ଧିରଜ ଉଇୟା, ଆରୁ ଏନ୍ ନିଜର୍ ଉଧାର୍ ଘି ପୁରା ପାଇସା ଭାରନ୍ ଚୋନ୍ । ଲେକିନ୍ ଇଦ୍ ଘି ଚାଲ୍‌ତେ, ହୁ ଧାଂଗରସ୍ ନିଜର୍ ସାଂଗେ ଧାଂଗରସ୍ ଘି ଜେହେଲ୍ ନୁ ଉଇଁୟାର୍ ଚିଚ୍ ଚାର୍ ଜେତ୍‌କ ଅ ତକ୍ କା ହୁସ୍ ହୁସ୍‌କି ଉଧାର୍ ଘି ଭାର୍ ପାଇ ମା’ କାମ୍‌ଚାସ୍ ।”

![](https://cdn.door43.org/obs/jpg/360px/obs-en-29-07.jpg)

“ ଜେନ୍‌ଟା ଭି ମାଞ୍ଚାଦ୍ ହୁବୋନ୍ କିଛି ଦୁସ୍‌ରା ଧାଂଗରସ୍ ଏରିୟାସ୍ ଆରୁ ହୁସ୍ ମୁରୁଖ୍ ହାଇରାନ୍ ମାଞ୍ଚାସ୍ । ହୁ ରାଜାସ୍ ଘି ଚାହାଁଗେ କେରାର୍ ଆରୁ ହୁସିନ୍ ଜାମା କିଛି ତେଂଗିୟାସ୍ ।”

![](https://cdn.door43.org/obs/jpg/360px/obs-en-29-08.jpg)

“ରାଜାସ୍ ହୁ ଧାଂଗରସିନ୍ ମେହିକିରି ତେଂଗିୟାସ୍, ‘ ହେ ଖରପ୍ ଧାଂଗର୍ ! ଏନ୍ ନିଂଘାଏ ଉଧାର୍ ବୋନ୍ ଇଦ୍‌ଘି ଲାଗାନ୍ ମାଫ୍ କାମ୍‌ଚକାନ୍, ଏନ୍ଦେର୍ ଗେକା ନିନ୍ ଏଂଘାନ୍ ବିନ୍ତି କାମ୍‌ଚ୍‌କାଏ । ନିଙ୍ଗାନ୍ ଭି ହନେନ୍ ହିଁ କାମ୍‌ନା ପାଡ୍‌ରି କିରଦ୍ ନେ ।ରାଜାସ୍ ଇଦ୍‌କୋ ଖିସାରା କେର୍‌କାଚାସ୍ କା ହୁସ୍ ହୁ ଖରାପ୍ ଧାଂଗର୍‌ସିନ୍ ଜେଲ୍‌ନୁ ଉଇୟାର୍ ଚିଈଚାର୍ ଜେତ୍ କତକ୍ କା ହୁସ୍ ନିଜର୍ ଜାମା ଉଧାର୍ ବୋନ୍ ମା’ କିର୍‌ତସ ।”

![](https://cdn.door43.org/obs/jpg/360px/obs-en-29-09.jpg)

ବାକେନ୍ ଯୀଶୁସ୍ ତେଂଗିୟାସ୍, “ଏଂଘାଏ ସ୍ୱରଗ୍‌ନୁ ବିରାଜ୍‌ମାନ୍ ବୁଆସ୍ ନିମାନ୍ତି ହାର୍ ଆଣ୍ଟା ଏନେ ହି କାମୋସ୍ ଆଗାର୍ ନିମ୍ ନିଜର୍ ଭାଇ ରିନ୍ ନିଜର୍ ମୋନ୍‌ନୁ ମାଫ୍ କାମା ପଲ୍‌ନାର୍‌ ।”

*मत्ती अध्याय 18:21-35 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_29_96kbps.mp3

## 30. ଯୀଶୁସ୍ ପାଞ୍ଚ ହାଜାର୍ ଆଲାର୍ ଗେ ମାଣ୍ଡି ଅନ୍ତାଦାସ୍

https://openbiblestories.org/l/xis/story-30/

![](https://cdn.door43.org/obs/jpg/360px/obs-en-30-01.jpg)

ଯିଶୁସ୍ ନିଜର୍ ପ୍ରେରିତ୍‌ରିନ୍ ପ୍ରଚାର୍ କାମାଗେ ଆରୁ ଆଲ୍ଲାରିନ୍ ଶିକ୍ଷା ଚିୟାଗେ ଜୁକକୁ ଦୁସ୍‌ରା ଦୁସ୍‌ରା ପାଡାଗେ ତାଇୟାସ୍ । ବାକେନ୍ ହୁବ୍‌ଡ଼ାର୍ ହୁସାନ୍ କିର୍‌ୟାର୍ ଏକାସାନ୍ ଯିଶୁସ୍ ରାଚାସ୍ ତା ବାକେନ୍ ହୁବ୍ଡ଼ାର୍ ହୁସିନ୍ ତେଙ୍ଗିୟାର୍ କା ହୁବ୍ଡ଼ାର୍ ଏନ୍ଦେର୍ କାମ୍‌ଚ୍‌କାଚାର୍ । ବାକେନ୍ ଯିଶୁସ୍ ହୁବ୍‌ଡ଼ାରିନ୍ ଜଡ଼ୁ ଘି ଦୁସ୍‌ରା ତାରା ହୁବ୍ଡ଼ାର୍ ଗାନେ ଅଣ୍ଟା ଶାନ୍ତି ଆଡାନୁ କାଇକିରି କିଛି ସମୟ ଆରାମ୍ କାମାଗେ ନିମନ୍ତ୍ରଣ କାମ୍‌ଚାସ୍ ।ଲେକିନ୍ ହୁବ୍ଡ଼ାର୍ ଅଣ୍ଟା ଡଙ୍ଗାନୁ ଆର୍‌ଗିୟାର୍ କେରାର୍ ଆରୁ ଜୋଡ଼ୁ ଘି ଦୁସ୍‌ରା ତାରା ବୁଙ୍ଗେ ଚିଚ୍‌ଚାର୍ ।

![](https://cdn.door43.org/obs/jpg/360px/obs-en-30-02.jpg)

ଲେକିନ୍ ହୁସାନ୍ ମୁରୁକ୍ ସ୍ତିନ୍ ଏନ୍ନେ ଭି ଆଲ୍ ରାଚାର୍ ନେର୍ ଯିଶୁସ୍ ଆରୁ ଚେଲାରିନ୍ ଡଙ୍ଗାନୁ କାତେ ଏର୍‌କାଚାର୍ । ଇବ୍ଡ଼ା ଆଲାର୍ ହୁବ୍ଡ଼ାର୍ ସ୍ତିନ୍ ଆଘ୍‌ଲି ଜୋଡ଼ୁ ଘି ଦୁସ୍‌ରା ତାରା କାଲା ଗେ ଜୋଡ଼ୁଘି ପାଖି ପାଖି ବୁଙ୍ଗୁୟାର୍ ଲେକିନ୍ ଯତେତବାକେନ୍ ଯିଶୁସ୍ ଆରୁ ଚେଲାର୍ ଆଣ୍‌ସିଆର୍ ବାକେନ୍ ଆଲ୍ଲାର୍ ଗୁଠି ଅନ୍‌ଟା ବାଡ଼୍‌କା ଭୀଡ଼୍ ଘି ହୁବ୍ଡ଼ାରିନ୍ ହୋଁଖି କିରି ହୁସାନ୍ ଆଘ୍‌ଲିନ୍ତି ରାଚାର୍ ।

![](https://cdn.door43.org/obs/jpg/360px/obs-en-30-03.jpg)

ହୁ ଭିଡ଼୍ ନୁ ମୁକାର୍ ଗୁଠି ହାଦୁରିନ୍ ମା ଗୋନିକିରି ୫୦୦୦ସ୍ତିନ୍ ବାଗେ ମାର୍ଦନାର୍ ରାଚାର୍ । ଯିଶୁସ୍ ହୁବ୍ଡ଼ା ଆଲ୍ଲାରିନ୍ ମୁରୁକ୍ ତରସ ମୋକଖିୟାସ୍ । ଯିଶୁସ୍ ଘି ଲାଗାନ୍ ହୁବ୍ଡ଼ାର୍ ଆଲାର୍ ବିନା ଚର୍‌ୱାହା ଘି ଭେଡ଼ି ଲେଖା ରାଚାର୍ । ଇଦ୍‌ଘି ଲାଗାନ୍ ହୁସ୍ ହିବ୍ଡ଼ାରିନ୍ ଶିକ୍ଷା ଚିଚ୍‌ଚାସ୍ ଆରୁ ହୁବ୍‌ଡ଼ାର୍ ଘି ମାଝାନୁ ଏକା ଆଲାର୍ ବେମାର୍ ରାଚାର୍ ହୁବ୍ଡ଼ାରିନ୍ ଚାଙ୍ଗା କାମ୍‌ଚାସ୍ ।

![](https://cdn.door43.org/obs/jpg/360px/obs-en-30-04.jpg)

ଉଲ୍ଲା ଘି ଆଖିର୍‌ନୁ, ଚେଲାର୍ ଯିଶୁସିନ୍ ତେଙ୍ଗିୟାସ୍,“ ଆକ୍‌କୁନ୍ ଡେରି ମାଞ୍ଚା କେର୍‌କିଚି ଆରୁ ଆସେ ପାସେ ଏନ୍ଦେର୍ ଘି ରାଜି ମାଲ୍ଲା ଦିନ୍ ଇବ୍‌ଡ଼ା ଆଲ୍ଲାରିନ୍ ବିଦା କାମା କା ହୁବ୍ଡ଼ାର୍ କାଇକିରି ଅନାଗେ ଏନ୍ଦ୍ରିନ୍ ଭି ଅନ୍ଦ୍ରୋର୍ ବାରର୍ ।

![](https://cdn.door43.org/obs/jpg/360px/obs-en-30-05.jpg)

ଲେକିନ୍ ଯିଶୁସ୍ ଚେଲା ଗୁଠିରିନ୍ ତେଙ୍ଗିୟାସ୍,” ନିମ୍ ହୁବ୍ଡ଼ାର୍ ଗେ ଅନାଗେ ଏନ୍ଦ୍ରିନ୍ ଭି ଚିୟା !” ହୁବ୍ଡ଼ାର୍ ଜବାବ୍ ଚିଚ୍‌ଚାର୍ ,“ ଏମ୍ ଏନ୍ନେ ଏସ୍‌କେ କାମା ଅଙ୍ଗ୍‌ଦାମ୍ ? ଏମ୍‌ହାଁ ସାନ୍ ଖାଲି ପାଞ୍ଚେଟା ଆସ୍‌ମା ଆରୁ ଜୋଡ଼େ ଇଞ୍ଜ ଆତ୍‌ଲି ।”

![](https://cdn.door43.org/obs/jpg/360px/obs-en-30-06.jpg)

ଯିଶୁସ୍ ନିଜର୍ ଚେଲାସିନ୍ ତେଙ୍ଗିୟାସ୍ କା ହୁ ଭିଡ଼ ତା ଆଲାରିନ୍ ପଚାଶ ପଚାଶ କାମି କିରି ଅକ୍କାଗେ ତେଙ୍ଗା ।

![](https://cdn.door43.org/obs/jpg/360px/obs-en-30-07.jpg)

ବାକେନ୍ ଯିଶୁସ୍ ପାଞ୍ଚେଟା ଆସ୍‌ମା ଆରୁ ଜୋଡ଼େ ଇଞ୍ଜବୋନ୍ ହୁଇ କିରି ସରଗ ତାରା ଏରିୟାସ୍ , ଆରୁ ହୁ ମାଣ୍ଡି ଘି ଲାଗାନ୍ ପାରମେଶ୍ୱର ସିନ୍ ଧନ୍ୟବାଦ୍ ଚିଚ୍‌ଚାସ୍ ।

![](https://cdn.door43.org/obs/jpg/360px/obs-en-30-08.jpg)

ଆରୁ ଯିଶୁସ୍ ଆସ୍‌ମା ଆରୁ ଇଞ୍ଜବୋନ୍ ଖିନ୍‌ଡିୟାସ୍ । ହୁସ୍ ଆଲାର୍ ଗୁଠିର୍ ଗେ ଚିୟାଗେ ନିଜର୍ ଚେଲାର୍ ଗେ ହୁ ଖାଣ୍ଡେ ବୋନ୍ ଚିଚ୍‌ଚାସ୍ ଲାଗିୟାସ୍ । ଚେଲାର୍ ହୁ ମାଣ୍ଡିବୋନ୍ ହାଟ୍‌ଟା ଲାଗିୟାର୍, ଆରୁ ହୁଦ୍ ଏକା ବାକେନ୍ ଘି ମା ମୁଞ୍ଜୁରା । ହୁବ୍‌ଡ଼ାର୍ ଜାମା ଆଲାର୍ ଅନିକିରି ଉଛିୟାର୍ କେରାର୍ ।

![](https://cdn.door43.org/obs/jpg/360px/obs-en-30-09.jpg)

ହୁଦ୍ ଘି ପାଛ୍‌ଲି, ଚେଲାର୍ ହୁ ମାଣ୍ଡିବୋନ୍ ଅନ୍ ଠାଣ୍‌ସାନ୍ କାମ୍‌ଚାର୍ ଏକାବୋନ୍ ଅଣ୍ଡୋକା ମାଲାରୁଦ୍ ଆରୁ ହୁଦ୍ ବାର ଝୁଡ଼ି ନିନ୍ଦାଗେ ରାଚା ! ହୁବ୍ଡ଼ା ଜାମା ମାଣ୍ଡି ହୁବ୍ଡ଼ା ପାଞ୍ଚେଟା ଆସ୍‌ମା ଆରୁ ଜୋଡ଼େ ଇଞ୍ଜନ୍ତି ବାଛ୍‌ରିକିଚା ।

*ମାଥିଉ ୧୪:୧୩-୨୧; ମାର୍କ ୬:୩୧-୪୪; ଲୂକ ୯:୧୦-୧୭; ଯୋହନ ୬:୫-୧୫ ସ୍ତିନ୍ ଅଣ୍ଟା ବାଇବେଲ୍ ଘି କାଥ୍ ନୀ*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_30_96kbps.mp3

## 31. ଯିଶୁସ୍ ଆମ୍ମୁ ମିଆଁ ଏକ୍‌ଦାସ୍

https://openbiblestories.org/l/xis/story-31/

![](https://cdn.door43.org/obs/jpg/360px/obs-en-31-01.jpg)

ପାଞ୍ଚ୍ ହାଜାର ଆଲାରିନ୍ ମାଣ଼୍ଡି ଅନ୍ତାନା ଘି ପାଛ୍‌ଲି, ଯିଶୁସ୍ ନିଜର୍ ଚେଲାରିନ୍ ଡଙ୍ଗାନୁ କାଲାଗେ ତେଙ୍ଗିୟାସ୍ । ହୁସ୍ ହୁବ୍ଡ଼ାରିନ୍ ଜଡ଼ୁ ଘି ଦୁସ୍‌ରା ତାରା କାଲାଗେ ତେଙ୍ଗିୟାସ୍ ଯେବାକେନ୍ ହୁ କାଟେ ସମୟ ଘି ଲାଗାନ୍ ହୁସାନିନ୍ ରାଚାର୍ । ଲେକିନ୍ ଚେଲର୍ ବୁଙ୍ଗିୟାର୍ ଆରୁ ଯିଶୁସ୍ ଭିଡ଼ ବୋନ୍ ବିଦା କାମ୍‌ଚାସ୍ କା ହୁବ୍ଡ଼ାର୍ ନିଜର୍ ଏଡ଼୍‌ପା କର୍ । ଇଦ୍ ଘି ପାଛ୍‌ଲି, ଯିଶୁସ୍ ବିନ୍ତି କାମାଗେ ଅଣ୍ଟା ପାର୍ତାଗେ କେରାସ୍ । ହୁସାନ୍ ହୁସ୍ ଅଥାସ୍ ରାଚାସ୍, ଆରୁ ହୁସ୍ ଢେର୍ ମାହାଁ ତୋକ୍ ବିନ୍ତି କାମ୍‌ଚାସ୍ ।

![](https://cdn.door43.org/obs/jpg/360px/obs-en-31-02.jpg)

ହୁ ସମୟ ନୁ, ଚେଲାର୍ ନିଜର୍ ଡଙ୍ଗାବୋନ୍ ବାହୁଡ଼ା ମାର୍‌ତେ କାଲ୍‌ଗାର, ଲେକିନ୍ ଧୁକା ହୁବ୍ଡ଼ାର୍ ଘି ବିରୁଦ୍ଧନୁ ମୁରୁକ୍ ଜୋର୍‌ସେ ବାହାଲ୍‌ଗା ଢେର୍ ମାହାଁ ମାନ୍ନା ଘି ପାଛ୍‌ଲି ଘି ହୁବ୍ଡ଼ାର୍ ଜଡ଼ୁ ଘି ମାଝାନୁ ଆଣ୍‌ସ୍‌କାଚାର୍ ।

![](https://cdn.door43.org/obs/jpg/360px/obs-en-31-03.jpg)

ହୁ ସମୟ ନୁ ଯିଶୁସ୍ ବିନ୍ତି କାମାଗେ ମୁଞ୍ଜକାଚାସ୍ ଆରୁ ନିଜର୍ ଚେଲାର୍ ଘି ଚାହାଁ କାଲାଗେ ସୁରୁ କାମ୍‌ଚାସ୍ । ହୁସ୍ ଡଙ୍ଗା ଘି ତାରା କାଲାଗେ ଆମୁ ଘି ମିୟାଁ ଏକାଗେ ଲାଗିୟାସ୍ ।

![](https://cdn.door43.org/obs/jpg/360px/obs-en-31-04.jpg)

ବାକେନ୍ ଚେଲା ଗୁଠିର୍ ହୁସିନ୍ ଏରିୟାର୍ । ହୁବ୍ଡ଼ାର୍ ଏଲ୍‌ଚିୟାର୍ କେରାର୍ ଏନ୍ଦେର୍ ଗେ କା ହୁବ୍‌ଡ଼ାର୍ ସଚ୍ଚାର୍‌କା ହୁଦ୍ ଏନ୍ଦେର୍ ଭୂତୁଦ୍ । ଯୀଶୁ ଆକାଚାସ୍ ହୁବ୍ଡ଼ାର୍ ଏଲ୍‌ଚିୟାର୍ କେର୍‌କାଚାର୍, ଇଦ୍ ଘି ଲାଗାନ୍ ହୁସ୍ ହୁବ୍‌ଡ଼ାରିନ୍ ଚିର୍‌ରାରାଚାସ୍ ଆରୁ ତେଙ୍ଗିୟାସ୍, “ଆମ୍ବ ଏଲ୍‌ଚା, ଇବୋନ୍ ଏନ୍ ।”

![](https://cdn.door43.org/obs/jpg/360px/obs-en-31-05.jpg)

ବାକେନ୍ ପାତ୍‌ରାସ୍ ଯୀଶୁ ସିନ୍ ତେଙ୍ଗିୟାସ୍, “ହେ ପ୍ରଭୁ, , ଯଦି ଇ ବୋନ୍ ନିନ୍ ହାଲେ ଏଙ୍ଗାନ୍ ଆମ୍ମୁନୁ ଏକି କିରି ନିଙ୍ଘା ଚାହାଁ ବାରଗେ ଅନୁମତି ଚିୟା ।“ ଯୀଶୁସ୍ ପାତ୍‌ରାସ୍ ସିନ୍ ତେଙ୍ଗିୟାସ୍ “ ବାରା ” ।

![](https://cdn.door43.org/obs/jpg/360px/obs-en-31-06.jpg)

ଲେକିନ୍ ପାତ୍‌ରାସ୍ ଡଙ୍ଗାନ୍ତିନ୍ ଏତ୍‌ତିୟାସ୍ ଆରୁ ଯୀଶୁସ୍ ଘି ଚାହାଁ କଲାଗେ ଆମ୍ମୁ ଘି ମିୟାଁ ଏକାଗେ ସୁରୁ କାମ୍‌ଚାସ୍ । ଲେକିନ୍ କାଟେ ଗେଛା କାଇ କିରି, ହୁସ୍ ନିଜର୍ ହାନ୍ନୁ ବୋନ୍ ଯୀଶୁସ୍ ସ୍ତିନ୍ ନଜର ହାଟା ବାଚୈଚାସ୍ ଆରୁ ଲହଡ଼ିବୋନ୍ ଏର୍‌ନା ଆରୁ ତେଜ୍ ଧୁକାବୋନ୍ ମେସୁସ୍ କାମାଗେ ସୁରୁ କାମ୍‌ଚେଇ ଚାସ୍ ।

![](https://cdn.door43.org/obs/jpg/360px/obs-en-31-07.jpg)

ବାକେନ୍ ପାତ୍‌ରାସ୍ ଏଲ୍‌ଚିୟାସ୍ କେରାସ୍ ଆରୁ ଆମ୍ମୁନୁ ମୁଲ୍ଲା ଲାଗିୟାସ୍ । ହୁସ୍ ଚିର୍‌ରା ରାଚାସ୍, “ହେ ପ୍ରଭୁ, ଏଙ୍ଗାନ୍ ବାଚାବା !” ଯୀଶୁସ୍ ହୁବାକେନ୍ ହେଖା ଲମ୍ୱା ବାଚାସ୍ ଆରୁ ହୁ ସିନ୍ ଧାର୍‌ଚାସ୍ । ବାକେନ୍ ହୁସ୍ ପାତ୍‌ରାସ୍ ସ୍ତିନ୍ ତେଙ୍ଗିୟାସ୍,“ନିଙ୍ଘାଏ ବିଶ୍ୱାସ୍ ମୁରୁକ୍ କମ୍ ଆତ୍‌ଲି ! ନିଙ୍ଗାନ୍ ସୁରକ୍ଷା ଉଇୟାଗେ ନିନ୍ ଏଙ୍ଗାନ୍ ଭାରୋସା ଏନ୍ଦେର ଗେ ମା କାମ୍‌ଚ୍‌କାଏ ।

![](https://cdn.door43.org/obs/jpg/360px/obs-en-31-08.jpg)

ବାକେନ୍ ଯୀଶୁସ୍ ଆରୁ ପାତ୍‌ରାସ୍ ଡଙ୍ଗାନୁ ଆର୍‌ଗିୟାର୍, ଆରୁ ଜାଲ୍‌ଦି ସ୍ତିନ୍ ଧୁକାବୋନ୍ ବାହାନା ବନ୍ଧ ମାଞ୍ଚା କେରା । ଆମ୍ମୁ ଶାନ୍ତି ମାଞ୍ଚା କେରାଦ୍ । ଚେଲାର୍ ଚକିତ୍ ମାଞ୍ଚାର୍ କେରାର୍ ଯୀଶୁସ୍ ଘି ଆଘ୍‌ଲି ହାଠୁୱା ରାଚାସ୍ । ହୁବ୍ଡ଼ାର୍ ହୁସ୍ ଘି ଆରାଧାନା କାମ୍‌ଚାର୍ ଆରୁ ହସିନ୍ ତେଙ୍ଗିୟାସ୍, ସଥେନ୍ ସ୍ତିନ୍ ନିନ୍ ପାରମେଶ୍ୱରସ୍ ଘି କୁକ୍‌କଏ ।”

*मत्ती अध्याय 14:22-33; मरकुस 6:45-52; यूहन्ना 6:16-21 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_31_96kbps.mp3

## 32. ଯୀଶୁସ୍‌ ଖରାପ୍ ଆତ୍ମାନ୍ତି, ପିଡିତ୍ ଆଲାସିନ୍ ଆରୁ ଅଣ୍ଟା ବେମାର୍ ଆଲ୍ଲିବନ୍ ଚାଙ୍ଗା କାମ୍‌ଦାସ୍ ।

https://openbiblestories.org/l/xis/story-32/

![](https://cdn.door43.org/obs/jpg/360px/obs-en-32-01.jpg)

ଯୀଶୁ ଆରୁ ଦୁସ୍‌ଘି ଚେଲାର୍ ନିଜର୍ ଡଙ୍ଗାନୁ ହୁ ଆଡ୍‌ଡ଼ା କେରାର୍ ଏକାସନ୍ ଗିରାସେନି ଆଲ୍ଲାର୍ ରାଲ୍‌ଗାର୍ । ହୁବ୍‌ଡାର୍ ହୁ ଆଡ୍‌ଡ଼ା ଆଣ୍‌ସିକିରି ଡଙ୍ଗାନ୍ତି ଏତୟାର୍ କେରାର୍ ।

![](https://cdn.door43.org/obs/jpg/360px/obs-en-32-02.jpg)

ହୁସାନ୍ ଅର୍‌ତୁ ଆଲ୍ ରାଚାସ୍ ନେର୍ ଦୁଷ୍ଟାତ୍ମାନ୍ତି ପିଡ଼ିତ୍ ରାଚାସ୍ ।

![](https://cdn.door43.org/obs/jpg/360px/obs-en-32-03.jpg)

ଇ ଆଲ୍ଲାସ୍ ଏତ୍‌କୋ ତାକୋତ୍ ରାଚାକା ନେର୍ ଭି ହୁସିନ୍ କାବୁନ୍ କାମ୍ ପଲ୍ଲାର୍‌ଗାର୍ । ଇୟଁଥର୍ ଆଲ୍ଲାର୍ ହୁସ୍‌ଘି ହେକ୍‌ଖା ଆରୁ ହେଡ଼ୁବୋନ୍ ସିକ୍‌ଡିନ୍ତି ହିଜ୍‌କାଚାର୍, ଲେକିନ୍‌ହୁସ୍ ହୁବନ୍ ଖିଣ୍ତା ଚାଲ୍‌ଗାସ୍ ।

![](https://cdn.door43.org/obs/jpg/360px/obs-en-32-04.jpg)

ହୁ ଆଲ୍ଲାସ୍ ହୁ ଆଡ୍‌ଡ଼ାନ୍ତା ମାସ୍‌ଣାନୁ ରାଲ୍‌ଗାସ୍ ଇ ଆଲ୍ଲାସ୍ ପୁରା ଉଲ୍ଲା ଆରୁ ପୁରା ମାହାଁ ଚିର୍‌ରା ରାଲ୍‌ଗାସ୍ । ହୁସ୍ ଚିଢ଼ା ମା ଆଢ୍‌ତାଲ୍‌ଗାସ୍ ଆରୁ ଏକାଏକା ବାକେନ୍ ନିଜର୍‌ବନ୍ ଚାଚାନ୍ତି ଖାଦି କାମାଲ୍‌ଗାସ୍ ।

![](https://cdn.door43.org/obs/jpg/360px/obs-en-32-05.jpg)

ହୁ ଆଲ୍ଲାସ୍ କୁଦିୟାରିକିରି ଯୀଶୁସ୍ ଘି ଚାହାଁ ବାର୍‌ଚାସ୍ ଆରୁ ହୁସ୍‌ଘି ଆଘ୍‌ଲି ଆଣ୍ଠୁ ଆରାସ୍ । ବାକେନ୍ ଯୀଶୁସ୍ ହୁ ଆଲ୍ଲାସ୍ ଘି ଉଲ୍‌ତା ଦୁଷ୍ଟାତ୍ମା ଗାନେ କାତ୍‌ଥା କାମଚାସ୍ ଆରୁ ତେଙ୍ଗିୟାସ୍,“ ଇ ଆଲ୍ଲାସ୍ଥି ବାହାରି ଉର୍‌ଖୁବାର୍ ।”

![](https://cdn.door43.org/obs/jpg/360px/obs-en-32-06.jpg)

ହୁ ଦୁଷ୍ଟାତ୍ମା ଯୋର୍‌ସେ ଚିର୍‌ରାରାଚାଦ୍,“ ହେ ଯୀଶୁ,ପରମ ପ୍ରଧାନ୍ ପର୍‌ମେଶ୍ୱରସ୍ ଘି ହାଦ୍ଦୁ, ନିଙ୍ଗାଏ ଏଙ୍ଗାସ୍ଥି ଏନ୍ଦେର୍ ନାଲ୍‌ଖୁ ? ଦୟାକାମିକିରି ଏଙ୍ଗାନ୍ ଆମା ସାତାବା !” ବାକେନ୍ ଯୀଶୁସ୍ ହୁ ଦୁଷ୍ଟାତ୍ମା ବୋନ୍ ମେନ୍‌ଚାସ୍,” ନିଙ୍ଗାଏ ନାମେ ଏନ୍ଦେର୍ ?” ହୁଦ୍ ତେଙ୍ଗିଆଦ୍ “ଏଙ୍ଗାଏ ନାମେ ସେନା, ଇନ୍ଦେର୍ ଗେକା ଏମ୍ ଅନ୍‌ଜୁକୁ ଆତ୍‌ଲ୍‌ଦାମ୍ ।” ( ରୋମ୍ ସେନାନୁ ଇୟୋଁ ହଜାର୍ ସେନାର୍ ଘି ଅନ୍‌ଟା ଗୁଠି ଅନ୍‌ଟା “ସେନା“ ରାଲ୍‌ଗା ।)

![](https://cdn.door43.org/obs/jpg/360px/obs-en-32-07.jpg)

ଡୁବ୍‌ଡ଼ା ଖରାପ୍ ଆତ୍ମାଗୁଠି ଯୀଶୁ ସିନ୍ ବିନ୍‌ତି କାମ୍‌ଚାଦ୍, “ଦାୟା କାମିକିରି ଏମାରିନ୍ ଇ ଆଡ୍‌ଡ଼ାନ୍‌ନ୍ତି ବାହାରି ଆମା ତାଇୟା !“ ହୁ ଚାହାନ୍ତା ପାର୍ତ୍ତାନୁ କୀସ୍‌ସୁ ଘି ଗୁଠି ମେନ୍‌ନାଲ୍ ଗା । ଇଦ୍ ଘି ଲାଗାନ୍ ହୁ ଖରାପ୍ ଆତ୍ମା ଗୁଠିଦ୍ ଯୀଶୁସିନ୍ ବିନ୍‌ତି କାମ୍‌ଚାଦ୍ କା, “ଦାୟାକାମିକିରି ଏମାରିନ୍ ହୁ କିସ୍‌ସୁନୁ ତାଇୟା ଚା !”ଯୀଶୁସ୍ ତେଙ୍ଗିୟାସ୍, “ଠିକ୍ ରାଇଦ୍, ହୁବ୍‌ଡାନୁନ୍ ବୁଙ୍ଗା କାଲା !“

![](https://cdn.door43.org/obs/jpg/360px/obs-en-32-08.jpg)

ବାକେନ୍: ହୁବ୍‌ଡା ଖରାପ୍ ଆତ୍ମାଦ୍ ହୁ ଆଲ୍ଲାସ୍ ସ୍ତିନ୍ ଉର୍‌ଖି କିରି ହୁ କିସ୍‌ସୁନୁ କର୍‌ଚାକେରା । ହୁବ୍‌ଡ଼ା କିସ୍‌ସୁ କୁଦିୟାରା କିରି ଅନ୍‌ଟା ଇଜ୍‌କା ପାର୍ତ୍ତାନ୍‌ନ୍ତି ଜଡୁନୁ କୁଦ୍‌ୟାରାଚାଦ୍ ଆରୁ ମୁଲ୍ଲିଁହା କେଚାଦ୍ । ହୁ ଗୁଠି ଲଗ୍‌ଭଗ୍ ୨,୦୦୦ କିସ୍‌ସୁ ରାଚାର୍ ।

![](https://cdn.door43.org/obs/jpg/360px/obs-en-32-09.jpg)

ହୁସାନ୍ ହୁ କିସ୍‌ସୁ ଘି ଏରା ହୋଜ୍ଜଗେ ଆଲ୍ ରାଚାର୍ । ବାକେନ୍ ଏନ୍ଦ୍ରିନ୍‌ଭି ମାନ୍‌ଚ୍‌କିଚା ହୁବ୍‌ଡାର୍ ଏରିୟାର୍ ବାକେନ୍ ହୁବ୍‌ଡାର୍ ପାଡ଼ାନୁ ବୁଙ୍ଗାର୍‌ଚିଚାର୍ । ଯୀଶୁସ୍ ଯାହା କାମ୍‌ଚ୍‌କାଚାସ୍ ହୁସାନ୍ ହୁବ୍‌ଡାର୍ ଜାମା ବୋନ୍ ତେଙ୍ଗିୟାର୍ । ହୁ ପାଡ଼ାନ୍ତା ଆଲାର୍ ଉର୍ଖିୟାର୍ ବାର୍‌ଚାର୍ ଆରୁ ହୁ ଆଲାସିନ୍ ଏରିୟାର୍ ନେଖାନୁ ଖରାପ୍ ଆତ୍ମା ରାଚା । ହୁସ୍ ଶାନ୍ତିନୁ, ଚିଢା ଆତିକିରି, ଆରୁ ଅନ୍‌ଟା ସାଧାରଣ ଆଲ୍‌ଘି ଲେଖା ବ୍ୟବହାର୍ କାମିକିରି ଅକାଚାସ୍ ।

![](https://cdn.door43.org/obs/jpg/360px/obs-en-32-10.jpg)

ହୁବ୍‌ଢା ଆଲାର୍ ମୁରୁକ୍ ଏଲ୍‌ଚିୟାର୍ କେର୍‌କାର୍‌ଚାର୍ ଆରୁ ହୁବ୍‌ଡା ଯୀଶୁସିନ୍ କାଲାଗେ ତେଙ୍ଗିୟାର୍ । ଲେକିନ୍ ଯୀଶୁସ୍ ଡଙ୍ଗାନୁ ଆର୍‌ଗିୟାସ୍ । ହୁ ଆଲାସ୍ ଘିନୁ ଯେନ୍ ଖରାପ୍ ଆତ୍ମା ରାଚା ହୁଦ୍ ଯୀଶୁସ୍ ଗାନେ କଲାଗେ ବିନ୍‌ତି କାମ୍‌ଚାଦ୍ ।

![](https://cdn.door43.org/obs/jpg/360px/obs-en-32-11.jpg)

ଲେକିନ୍ ଯୀଶୁସ୍ ହୁ ସିନ୍ ତେଙ୍ଗିୟାସ୍ ,“ମାଲ୍ଲା । ଏନ୍ ଚାହାଲ୍‌ଦାନ୍ କା ନିନ୍ ଏଡ୍‌ପା କାଇକିରି ଜାମାରିନ୍ ତେଙ୍ଗା କା ପାର୍‌ମେଶ୍ୱରସ୍ ନିଘା ଲାଗାନ୍ ଏନ୍ଦେର୍ କାମ୍‌ଚକାଦାସ୍ । ହୁବ୍‌ରିନ୍ ତେଙ୍ଗା କା ଏସ୍‌କେ ପାର୍‌ମେଶ୍ୱରସ୍ ନିଙ୍ଗାନ୍ ଦାୟା କାମ୍‌ଚକାଚାସ୍ ।”

![](https://cdn.door43.org/obs/jpg/360px/obs-en-32-12.jpg)

ଇଦ୍‌ଘି ଲାଗାନ୍ ହୁ ଆଲାସ୍ ବୁଙ୍ଗାସ୍ ଆରୁ ଜାମାରିନ୍ ଇବାରେନୁ ବାତାବାଚାସ୍ ଜେନ୍‌ଟା ଯୀଶୁସ୍ ହୁସ୍ ଘି ଲାଗାନ୍ ଏନ୍ଦେର୍ କାମ୍‌ଚାକାଚାସ୍ । ହୁସ୍ ଘି କାଥ୍‌ନି ବନ୍ ମେନ୍‌ନାବାଲାର୍ ଜାମା ଅନ୍‌ଟା ଆଲାର୍ ଚାକ୍‌ରାରାର୍‌କେରାର୍ ।

![](https://cdn.door43.org/obs/jpg/360px/obs-en-32-13.jpg)

ଯୀଶୁସ୍ ଜଡୁଘି ଦୁସରା ତାରା କିର୍‌ୟାସ୍ ବାର୍‌ଚାସ୍ । ହୁସ୍ ଘି ହୁସାନ୍ ଆଣସ୍‌ନାଘିପାଛଲି, ଅନ୍‌ଟା ବାଡ଼କା ଗୁଠି ହୁସ୍‌ଘି ଆଖେ ପାଖେ ଜାମା ମାନ୍‌ଚାର୍ ଆରୁ ହୁସିନ୍ ଆର୍‌ବା ଲାଗିୟାଦ୍ । ହୁ ଗୁଠି ନୁ ଅନ୍‌ଟାମୁକ୍କା ରାଚାଦ୍ ଯେନ୍‌ଟା ବୋଦ୍ ବାର ବଛର୍‌ସ୍ତିନ୍ ହେସୁଁ ବାହାନାଘି ସମସ୍ୟାନ୍ତି ତାକ୍‌ଲିପ୍ ରାଚାଦ୍ । ହୁଦ୍ ନିଜର୍ ଜାମା ଧାନ୍‌ନୁନ୍ ଗୁଠିନ୍ ଗୁନିୟାର୍‌ଗେ ଚିଚା ଲାକ୍‌କିଚା ହୁଦ୍‌ଘି ଲାଗାନ୍ ହୁବ୍‌ଡାର୍ ହୁବନ୍ ଠିକ୍ କାମାଗେ ଅଙ୍ଗର୍, ଲେକିନ୍ ହୁଦ୍‌ଘି ବେମାର୍ ଆରୁ ଭି ବାଢର୍‌ତେ କେରାଦ୍ ।

![](https://cdn.door43.org/obs/jpg/360px/obs-en-32-14.jpg)

ହୁଦ୍ ମେନ୍‌ଚିକିଚା କା ଯୀଶୁସ୍ ହାର୍ ପ୍ରାକାର୍ ବେମାର୍ ଆଲାରିନ୍ ବାନେ କାମଚ୍‌କାଚାସ୍ ଆରୁ ହୁଦ୍ ସୋଚାଦ୍, “ଏନ୍ ସଥେସ୍ତିନ୍ ହିଁ ଯୀଶୁସ୍ ଘି ଚିଢବୋନ୍‌ଏସ୍‌ରନ୍ ତା ଏନ୍ ଭି ବାନେ ମାନନ୍‌କୋନ୍ !” ଇଦ୍‌ଘି ଲାଗାନ୍ ହୁଦ୍ ଯୀଶୁସ୍ ଘି ପାଛ୍‌ଲତିନ୍ ବାର୍‌ଚାଦ୍ ଆରୁ ହୁସ୍‌ଘି ଚିଢାବୋନ୍ ଏସରିୟାଦ୍ । ଏସ୍‌କେ ହୁଦ୍ ହୁସିନ୍ ଏସ୍‌ରିୟାଦ୍ ,ହେସୁଁ ବାହାନା ବନ୍ଦ୍ ମାନ୍‌ଚାକେରା ।

![](https://cdn.door43.org/obs/jpg/360px/obs-en-32-15.jpg)

ଜାଳ୍‌ଦି ହି , ଯୀଶୁସ୍ ଆଖାସ୍‌ଚିଚାସ୍ କା ହୁସ୍‌ତିନ୍ ଶାକ୍ତି ଉର୍‌ଖିୟା । ଉଦ୍‌ଗି ଲାଗାନ୍ ହୁସ୍ ପାଛ୍‌ଲି କିରିକିରି ମେନ୍‌ଚାସ୍ , “ଏଙ୍ଗାନ୍ ନେର୍ ଏସ୍‌ରାର୍ ?” ଚେଲାର୍ ତେଙ୍ଗୟାର୍,“ ଇସାନ୍ ଏତ୍‌କୋ ଅନ୍ ଜୁକ୍‌କୁ ଆଲ୍ଲାର୍ ନିଙ୍ଘାଏ ଚାର୍‌ହି ତାରାନ୍ ଗୁଠି ଲାକ୍‌କିଚି ,ଆରୁ ନିଙ୍ଘାନ୍‌ତୁକାଲ୍‌ନାର୍ । ତା ନିନ୍ ଏନ୍ଦେର୍ ଗେ ମେନ୍‌ଚକାୟକା ଏଙ୍ଘାନ୍ ନେର୍ ଏସ୍‌ରାର୍ ?”

![](https://cdn.door43.org/obs/jpg/360px/obs-en-32-16.jpg)

ହୁ ଆଲିଦ୍ ଯୀଶୁସ୍ ଘି ଚାହାଁ ଥାର୍‌ଥାର୍‌ତେ ଆରୁ ମୁରୁକ୍ ଏଲ୍‌ଚ୍‌ତେ ନିଜର୍ ହାଠୁଆରାଦ୍ ଅକ୍‌ୟାଦ୍ କେରାଦ୍ ବାକେନ୍ ହୁଦ୍ ହୁସିନ୍ ତେଙ୍ଗିୟାଦ୍ କା ହୁଦ୍ ଏନ୍ଦେର୍ କାମ୍‌ଚିକିଚି, ଆରୁ ଇବୋନ୍ ଭି କା ହୁଦ୍ ବାନେ ମାନ୍‌ଚାଦ୍ କେର୍‌କିଚି , ଯୀଶୁସ୍ ହୁଦିନ୍ ତେଙ୍ଗିୟାସ୍, “ନିଙ୍ଘାୟ୍ ବିଶ୍ୱାସ୍ ନିଙ୍ଘାନ୍ ଚାଙ୍ଗା କାମ୍‌ଚାଦ୍ ! ଶାନ୍ତି ସେ କାଲ୍ ।”

*मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_32_96kbps.mp3

## 33. ଅଣ୍ଟା କିଷାନ୍‌ସ୍ ଘି କାଥ୍‌ନୀ

https://openbiblestories.org/l/xis/story-33/

![](https://cdn.door43.org/obs/jpg/360px/obs-en-33-01.jpg)

ଉନ୍ଦୁଲ୍, ଯୀଶୁସ୍ ଜୋଡ଼ୁ ଘି ଖାଶିନୁ ରାଚାସ୍ । ହୁସ୍ ଆଲାର୍ ଘି ଅଣ୍ଟା ବଡ଼୍‌କା ଭିଡ଼ ବୋନ୍ ଶିକ୍ଷା ଚିୟାଲାସ୍ । ହୁବୋନ୍ ମେନାଗେ ଲାଗାନ୍ ଇତ୍‌କୋ ଜାମା ଆଲାର୍‌ବାର୍ ଚାର୍ କା ଯୀଶୁସ୍ ଘି ଚାହାଁନୁ ହୁ ଜାମାରନ୍ତିନ୍ କାଥାକାମ୍‌ନା ଘି ଲାଗାନ୍ ଆଡ଼୍‌ଡା ମା ବାଛ୍‌ରା । ଇଦ୍ ଘି ଲାଗାନ୍ ହୁସ୍ ଆମ୍ମୁନୁ ଇଜ୍‌କା ଡଙ୍ଗା ମିଆଁ ଆର୍ ଗିୟାସ୍ । ହୁସାନ୍ ହୁସ୍ ଆକ୍‌କିୟାସ୍ ଆରୁ ଆଲାରିନ୍ ଶିକ୍ଷା ଚିଚ୍‌ଚାସ୍ ।

![](https://cdn.door43.org/obs/jpg/360px/obs-en-33-02.jpg)

ଯୀଶୁସ୍ ହୁବ୍ଡ଼ାରିନ୍ କାଥ୍‌ନୀ ମେନ୍ତା ଚାସ୍, “ଅଣ୍ଟା କିଷାନ୍‌ସ୍ ମାଞ୍ଜି ଚାହାଁଗେ ଲାଗାନ୍ ବାହାରି ଉର୍‌ଖିୟାସ୍,ଯେ ବାକେନ୍ ହୁସ୍ ହେକ୍‌ଖାନ୍‌ନ୍ତି ମାଞ୍ଜି ଗୁଠିନ୍ ବୋନ୍ ଚାହାଁଲାସ୍‌ତା କିଛି ମାଞ୍ଜି ପାବୁନୁ ଖାତ୍‌ରା । ଲେକିନ୍ ଅଡ଼ାଗୁଠିଦ୍ କାଇକିରି ହୁ ଜାମା ମାଞ୍ଜିବୋନ୍ ମକ୍‌ଖା ଚିଚ୍‌ଚାଦ୍ ।”

![](https://cdn.door43.org/obs/jpg/360px/obs-en-33-03.jpg)

“ଦୁସ୍‌ରା ମାଞ୍ଜି ଚାଚା ଏହେଁ ଲାନୁ ଖାତ୍‌ରାଦ୍ ଏକାସନ୍ ମୁରୁଖ୍ କମ୍‌ତି ହାଜୁ ରାଚାଦ୍ । ଚାଚା ହାଜ୍ଜୁନୁ ଖାତ୍‌ରକା ମାଞ୍ଜି ମୁରୁଖ୍ ଜାଲ୍‌ଦି କୁନ୍ଦୟାଦ୍, ଲେକିନ୍ ହୁଦ୍ ଘି ଚେରୁଦ୍ ଏହେଁଲାଘି ଗାହେରାନୁ କାଲେଗ କାବିଲ୍ ମାରାଚାଦ୍ । ଆରୁ ବାକେନ୍ ବିତି ଉର୍‌ଖି ଆରୁ ଗରମ ମାନିଦ୍ ତା ହୁବ୍ଡ଼ା ହପ୍ପାଗୁଠିଦ୍ ମୁର୍‌ଝାରାଚାଦ୍ ଆରୁ କେଚ୍‌ଚା କେରାଦ୍ ।”

![](https://cdn.door43.org/obs/jpg/360px/obs-en-33-04.jpg)

“ହାଲେ ହିଁ ଦୁସ୍‌ରା ମାଞ୍ଜି ଝୁଣୀ ଘି ମାଝାଣୁ ଖାତ୍‌ରା । ହୁ ମାଞ୍ଜିଦ୍ ବଡ଼୍‌କା ମାନାସୁରୁ କାମ୍‌ଚା, ଲେକିନ୍ ଆଚ୍‌ଚୁ ଗୁଠିନୁ ଦାବରା କେରାଦ୍ । ଇଦ୍ ଘି ଲାଗାନ୍ ଆଚ୍‌ଚୁ ଏହେଁଲାନୁ ଖତ୍‌ରା ମାଞ୍ଜିସ୍ତିନ୍ ଉରକା ହପ୍‌ପାନ୍ତି ଅଣ୍ଟା ହି ଆନାଜ୍ ମା’ ମାଞ୍ଚାଚାଦ୍ ।“

![](https://cdn.door43.org/obs/jpg/360px/obs-en-33-05.jpg)

“ଦୁସ୍‌ରା ମାଞ୍ଜି ବାନେ ଏହେଁଲାନୁ ଖାତ୍‌ରାଦ୍ । ହୁ ମାଞ୍ଜି ବାଡ଼କା ମାଞ୍ଚାଦ୍ ଆରୁ ଯେତ୍‌କୋ ମାଞ୍ଜି ଚାହାଁକାଚାସ୍ ହୁନୁନ୍ତି ୩୦,୬୦ ଆରୁ ଇତୋକ୍ କା ୧୦୦ ଗୁଣ ଆନାଜ୍ ପାଇଦା ମାଞ୍ଚାଦ୍ ।ନେର୍ ଭି ପାରମେଶ୍ୱରସ୍ ଘି ପାଛ୍‌ଲି ଏକାଗେ ଚହାଲଦାର୍, ହୁର୍ ହୁ କାତ୍‌ଥା ବୋନ୍ ଧ୍ୟାନ୍ ଚିୟା ଜେନ୍‌ଟା ଏନ୍ ତେଙ୍ଗାଲ୍ ଦାନ୍ ।”

![](https://cdn.door43.org/obs/jpg/360px/obs-en-33-06.jpg)

ଇ କାଥ୍‌ନୀଦ୍ ଚେଲା ଗୁଠିରିନ୍ ଗାଡ଼ବାଡ଼ିନୁ ଟିଡ଼େଚା ଇଦ୍ ଘି ଲାଗାଦ୍ ଯୀଶୁସ୍ ବିସ୍ତାର୍ କାମ୍‌ଚାସ୍,“ ହୁ ମାଞ୍ଜି ପାରମେଶ୍ୱରସ୍ ଘି ବାଚାନ୍‌ଦ୍। ହୁ ପାବୁ ଅଣ୍ଟା ଏନ୍ନେ ଆଲାସ୍ ରାଦାସ୍ ଯେନ୍‌ଟା କା ପାରମେଶ୍ୱରସ୍ ଘି ବାଚାନ୍ ବୋନ୍ ମେନ୍‌ଦାସ୍, ଲେକିନ୍ ହୁବୋନ୍ ମା ବୁଝ୍‌ର୍‌ନାର୍ । ବାକେନ୍ ସାଇତାନ୍ ହୁସ୍ ଘି ଚାହାନ୍‌ନ୍ତି ବାଚାନ୍ ବୋନ୍ ହାଡିଦ୍ । ମାନେ ସେତାନ୍ ହୁସିନ୍ ବାଚାନ୍ ବୋନ୍ ବୁଝ୍‌ରନା ସ୍ତିନ୍ ଗେଚ୍ଛା ଉଇଚିଦ୍ ।”

![](https://cdn.door43.org/obs/jpg/360px/obs-en-33-07.jpg)

“ହୁ ଚାଚା ଏହେଁଲା ଏନ୍ନେ ଆଲେ ନେର୍ ପାରମଶ୍ୱରସ୍ ଘି ବାଚନ୍ ବୋନ୍ ମେନ୍‌ଚାର୍ ଆରୁ ଖୁସିନୁ ହୁବୋନ୍ ଗ୍ରହନ୍ କାମ୍‌ଦାସ୍ । ଲେକିନ୍ ଯେତେ ବାକେନ୍ ଦୁଃଖୁ ସମୟ ବାରିଦ୍, ଯେବାକେନ୍ ଦୁସ୍‌ରା ଆଲାର୍ ହୁସିନ୍ ସାତା ବାନାର୍, ତା ହୁସ୍ ପାରମେଶ୍ୱରସ୍ ସ୍ତିନ୍ ଗେଛ୍‌ଛା ବୁଙ୍ଗ୍ ଦାସ୍ । ଲେକିନ୍ ହୁସ୍ ପାରମେଶ୍ୱରସ୍ ଘି ମିଆଁ ଭାରସା କାମ୍‌ନା ବନ୍ଦ୍ କାମ୍‌ଦାସ୍ ଚିଦାସ୍ ।”

![](https://cdn.door43.org/obs/jpg/360px/obs-en-33-08.jpg)

“ହୁ ଆଚ୍‌ଚୁ ଏହେଁ ଲାନ୍ତା ଏନ୍ନେ ଆଲାର୍ ରାନାର୍ ନେର୍ ପାରମେଶ୍ୱରସ୍ ଘି ବାଚନ୍ ବୋନ୍ ମେନାର୍ । ଲେକିନ୍ ହୁସ୍ ଜୁକ୍‌କୁ ଗୁଡ଼େ କାଥା ଗୁଠି ଘି ବାରେନୁ ସୋଚାଗେ ସୁରୁ କାମ୍‌ଦାସ୍, ଆରୁ ହୁସ୍ ଜୁକ୍‌କୁ ଗୁଡ଼େ ଧାନ୍ନୁ କମା ବାଗେ କୋଶିସ୍ କାମ୍‌ଦାସ୍, ଆରୁ ହୁସ୍ ଜୁକୁ ଗୁଡ଼େ ଜିନିଷ୍ ଗୁଠି ବୋନ୍ ହାକ୍‌ଖାଗେ କୋଶିସ୍ କାମ୍‌ଦାସ୍ । କିଛି ସମୟ ଘି ବାଦ୍‌ନୁ ଆକୁନ୍ ହୁସ୍ ପାରମେଶ୍ୱରସିନ୍ ପ୍ରେମ୍ କାମ୍‌ଗେ କାବିଲ୍ ମାଲ୍ଲାନ୍‌ରା ଇଦ୍ ଘି ଲାଗାନ୍ ହୁସ୍ ପାରମେଶ୍ୱରସ୍ ଘି ବାଚାନ୍ ସ୍ତିନ୍ ଶିଖ୍‌ର୍‌କାଚାସ୍ ହୁସ୍ ହୁବ୍ଡ଼ାରିନ୍ ପାରମେଶ୍ୱରସିନ୍ ଖୁସି କାମାଗେ କାବିଲ୍ ମା କାମାଲାସ୍ । ହୁସ୍ ଗହମ୍ ଘି ଚିହିଁ ଘି ଲେଖା ରାଇଦ୍ ନେର୍ ହି ଆନାଜ୍ ପାଇଦା ମାନା ପଲ୍ଲିଦ୍ ।”

![](https://cdn.door43.org/obs/jpg/360px/obs-en-33-09.jpg)

“ଲେକିନ୍ ବାନେ ଏହେଁଲା ହୁ ଆଲାସ୍ ନେଦ୍ ପାରମେଶ୍ୱରସ୍ ଘି ବାଚାନ୍ ମେନ୍‌ଚାର୍, ହୁସ୍ ଘି ମିଆଁ ବିଶ୍ୱାସ୍ କାମ୍‌ନାର୍ ଆରୁ ଫାଡ଼ୁ ପାଇଦା କାମ୍‌ନାର୍ ।

*मत्ती अध्याय 13:1-8, 18-23; मरकुस 4:1-8, 13-20; लूका 8:4-15 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_33_96kbps.mp3

## 34. ଯୀଶୁସ୍ ଦୁସ୍‌ରା କାହାନୀ ଗୁଠିର୍ ଘି ଶିକ୍ଷା  ଚିଇୟାଲା ଦାସ୍

https://openbiblestories.org/l/xis/story-34/

![](https://cdn.door43.org/obs/jpg/360px/obs-en-34-01.jpg)

ଯୀଶୁସ୍ ପାରମେଶ୍ୱରସ୍ ଘି ରାଜି ଘି ବାରେନୁ ଦୁସ୍‌ରା ଜୁକୁନନ୍ତି କାହାନୀ ମେନ୍ତାଚାସ୍ । ଉଦାହରଣ ଘି ଲାଗାନ୍, ହୁସ୍ ତେଙ୍ଗିୟାସ୍,“ ପାରମେଶ୍ୱରସ୍ ଘି ରାଜି ଅଣ୍ଟା ମାନି ଘି ମାଞ୍ଜି ଘି ସାମାନ୍ ରାଇଦ୍ ଇବନ୍ ନେଦିନ୍ ନିଜର୍ ହାଲ୍ଲୁନୁ ଚାହିଁୟାର୍ ଚିଚାର୍ । ନିମ୍ ଆହାଲଦାର୍ କା ମାନି ଘି ମାଞ୍ଜି ଜାମା ମାଞ୍ଜିନ୍‌ନ୍ତି ଜାମାସ୍ତିନ୍ ଛୋଟେ ରାଇଦ୍ ।

![](https://cdn.door43.org/obs/jpg/360px/obs-en-34-02.jpg)

“ଲେକିନ୍ ମାନି ଘି ମାଞ୍ଜି ପାର୍‌ଦି କାଇଦ୍ ତା ହୁ ବାଟ୍‌କି ଘି ଜାମା ମାନୁସ୍ତିନ୍ ବାଡ଼କା ମାନି କାଇଦ୍, ଏତ୍‌କୋ ବଡ଼୍‌କା ଅଡ଼ା ବାରିକିରି ହୁଦ୍‌ଘି ଡ଼ାତାନୁ ଆରାମ୍ କମ୍‌ନାର ।”

![](https://cdn.door43.org/obs/jpg/360px/obs-en-34-03.jpg)

ଯୀଶୁସ୍ ଅଣ୍ଟା ଦୁସ୍‌ରା କାଥ୍‌ନୀ ତେଙ୍ଗିୟାସ୍,“ ପାରମେଶ୍ୱରସ୍ ଘି ରାଜି ଖାମିର ଘି ସାମାନ୍ ରାଇଦ୍ ହୁବୋନ୍ ଆକିରି ଅଣ୍ଟା ଅଟାଘି ଲାଡ଼ୁନୁ ମିଲାବିଚିଦ୍ ବାକେନ୍ ହୁଦ୍ ଜାମା ଲାଡ଼ୁ ନୁ ମିଶ୍‌ରା କାଇଦ ।”

![](https://cdn.door43.org/obs/jpg/360px/obs-en-34-04.jpg)

ସ୍ୱରଗ ଘି ରାଜି ହୁ ଧାନୁ ଘି ସାମାନ୍ ରାଇଦ୍ ହୁବନ୍ ନେରିନ୍ ହାଲ୍ଲୁନୁ ନୁଡ଼ନାର୍ ଚିନାର୍ । ଦୁସ୍‌ରା ଆଲାର୍ ଗେ ହୁଧାନୁ ହାକ୍‌ଖର କେରାର୍ । ଆରୁ ହୁସ୍ ହୁବାନ୍ ହାଖାଗେ ମୁରୁଖ୍ ଚାହାଲାସ୍ । ଇଦ୍ ଘି ଲାଗାନ୍ ହୁସ୍ ହୁବୋନ୍ ଆରୁହିଁ ସ୍ତିନ୍ ମାଡ଼େଇ ଚାସ୍ । ହୁସ୍ ଏତ୍‌କୋ ଖୁସିନ୍ ନିନ୍ଦର୍ କାଦାସ୍ କା ହୁସ୍ କାଇକିରି ନିଜର୍ ଜାମା କିଛି ବୋନ୍ ବିଶ୍‌ଦା ଚିଦାସ୍ ବାକେନ୍ ହୁସ୍ ହୁ ହାଲ୍ଲୁବୋନ୍ ହେଦାଗେ ଅଙ୍ଗସ୍ ଏକାସନ୍ ହୁ ଖାଜାନା ରାଇଦ୍ ।”

![](https://cdn.door43.org/obs/jpg/360px/obs-en-34-05.jpg)

“ସ୍ୱରଗ ଘି ରାଜି ଅଣ୍ଟା ଜୁକୁ କିମ୍‌ତି ଶୁଧ୍ ମୋତୀ ଘି ସାମାନ ଭି ରାଇଦ୍ । ଯେବାକେନ୍ ନେଦିନ୍ ମୋତୀ ଗୁଠିବୋନ୍ ବେପାରୀର୍ ହୁବନ୍ ହଖ୍‌ନାର୍ କାନାର୍ ତା ହୁସ୍ ହୁବନ୍ ହେନ୍ଦାଗେ ନିଜର୍ ଜାମା ବୋନ୍ ବିଶ୍‌ଦାସ୍ ଚିଦାସ୍ ।”

![](https://cdn.door43.org/obs/jpg/360px/obs-en-34-06.jpg)

ହୁସାନ୍ କିଛି ଆଲାର୍ ରାଚାର୍ ନଦ୍ ସୋଚାଲାର୍ କା ପାରମେଶ୍ୱରସ୍ ହୁବ୍‌ଡ଼ାରିନ୍ ଇଦ୍‌ଘି ଲାଗାନ୍ ଗ୍ରହଣ୍ କାମୋସ୍ ଏନ୍ଦେର୍ ଗେକା ହୁସ୍ ବାନେ ନାଲ୍‌ଖୁଗୁଠିକାମାନାର୍ । ଇବ୍ଡ଼ା ଆଲାର୍ ଏନେ ଆଲାରିନ୍ ତୁଛ୍ ମାନ୍‌ନାଲାର୍ ଯେନ୍ ହୁ ବାନେ ନାଲ୍‌ଖୁବନ୍ ମ’ କା ମାଲାର୍ । ଇଦ୍‌ଘି ଲାଗାନ୍ ଯୀଶୁସ୍ ହୁବ୍‌ଡ଼ାରିନ୍ ଇ କାଥନୀ ବୋନ୍ ତେଙ୍ଗିୟାସ୍ : “ ଜୋଡ଼େ ଆଲ୍ ରାଚାର୍ ଆରୁ ଦି ଲୋକ୍‌ରିନ୍ ବିନ୍ତି କାମଗେ ମନ୍ଦିର୍‌ଗେ କେରାର୍ । ହୁସ୍‌ସ୍ତିନ୍ ଅଣ୍ଟାସ୍ ମାଲ୍‌ଗୁଜାରୀ ହୁ ବାଲା ରାଚାସ୍, ଆରୁ ଦୁସ୍‌ରାସ୍ ଅଣ୍ଟା ଧରମୀ ଆଗୁଆସ୍ ରାଚାସ୍ ।”

![](https://cdn.door43.org/obs/jpg/360px/obs-en-34-07.jpg)

ହୁ ଧରର୍ମୀକ୍ ଆଗୁୱାସ୍ ଏନ୍ନେଏ ଲେଖାନୁ ବିନ୍ତି କାମ୍‌ଚାସ୍, “ ହେ ପାରମେଶ୍ୱର୍, ନିଙ୍ଗାଏ ଧନ୍ୟବାଦ୍ ମାନୁ କା ଏନ୍ ଦୁସ୍‌ରା ଆଲାର୍ ଘି ସାମାନ୍ – ଯସ୍‌କେ କା ଡାକୁ, ଅନ୍ୟାଇ ଆଲ୍, ରାଣ୍ଡି ବାଦ୍‌ଇସାନ୍ ଏତ୍‌ତକ୍ କ ଇସାନ୍ ରାନାବାଲାର୍ ହୁ ମାଲ୍ ଗୁଜାରି ହନାସ୍‌କି ଲେଖା ଅଣ୍ଟା ପାପୀ ମାଲ୍ ଦାନ୍ ।”

![](https://cdn.door43.org/obs/jpg/360px/obs-en-34-08.jpg)

“ଉଦାହରଣ୍ ଘି ଲାଗାନ୍, ଏନ୍ ଜାମା ହାଟେନୁ ଦୁଇ ଥର ଉପାସ୍ ଉଇଦାନ୍, ଆରୁ ଏନ୍ ଏଙ୍ଘାଗେ ହାଖ୍‌ରାନା ବାଲା ଧାନୁ ଆରୁ ସାମାନ ଘି ଦଶମାଂସ୍ ଭାଗ୍‌ବୋନ୍ ନିଙ୍ଘାଗେ ଚିଦାନ୍ ।”

![](https://cdn.door43.org/obs/jpg/360px/obs-en-34-09.jpg)

“ଲେକିନ୍ ହୁ ମାଲ୍‌ଗୁଜାରି ହୁ ବାଲାସ୍ ହୁସ୍ ଧରର୍ମୀ ଆଗୁସ୍ତିନ୍ ଡେରଗେଛା ନୁ ଇଜ୍‌କାଚାସ୍ । ହୁସ୍‌ ମିଆଁ ସରଗ୍ ତାରା ହାନ୍‌ନୁ ହି ମା’ ଉଠାବାଚାସ୍ । ଇଦ୍‌ଘି ଲାଗାନ୍, ହୁସ୍ ନିଜର୍ ମୁଠିନ୍‌ସ୍ତିନ୍ ନିଜର୍ ଏହୁବୋନ୍ ଡେମ୍‌ଚାସ୍ ଆରୁ ବିନ୍ତି ନାଚାସ୍,“ ହେ ପାରମେଶ୍ୱର, ଦାୟା କାମିକିରି ଏଙ୍ଘାଏ ମିଆଁ ଦାୟା କାମ୍ ଏନ୍ଦେର୍ ଗେକା ଏନ୍ ଅଣ୍ଟା ପାପୀନ୍ ।”

![](https://cdn.door43.org/obs/jpg/360px/obs-en-34-10.jpg)

ଫିର୍ ଯୀଶୁସ୍ ତେଙ୍ଗିୟାସ୍,“ ଏନ୍ ନିମାରିନ୍ ସାଥେନ୍ ତେଙ୍ଗାଲ୍‌ଦାନ୍, ପାରମେଶ୍ୱରସ୍ ହୁ ମାଲ୍‌ଗୁଜାରୀ ହୁ ଆଲାସ୍‌କି ବିନ୍ତିବୋନ୍ ମେଞ୍ଚାସ୍ ଆରୁ ହୁସିନ୍ ଧାରର୍ମୀସ୍ ବୋଲିକିରି ଡିବ୍‌ଡ଼ିବି ଚିଚେସ୍ ଲେକିନ୍ ହୁସ୍ ଧାରର୍ମୀକ୍ ଆଗୁଆସ୍ କୀ ବିନ୍ତିବୋନ୍ ପସନ୍ଦ ମା’ ନାଞ୍ଚା ପାରମେଶ୍ୱରସ୍ ହାର୍ ଅଣ୍ଟା ଲେଖା ଘି ଘାମାଣ୍ଡିର୍ ଘି କୁକ୍‌କୁବୋନ୍ କିଆଁ କାମସ୍, ଲେକିନ ହୁସ୍ ଜାମା ହୁବ୍ଡ଼ା ଆଲାରିନ୍ ଇଜତ୍ ଚିୟସ୍ ନେର୍ ଖୁଦ୍ ବନ୍ ନମ୍ର କାମ୍‌ନାର୍ ।”

*मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_34_96kbps.mp3

## 35. ଦାୟାଲୁ କୁୟାସ୍ ଘି କାଥ୍‌ନୀ

https://openbiblestories.org/l/xis/story-35/

![](https://cdn.door43.org/obs/jpg/360px/obs-en-35-01.jpg)

ଅଣ୍ଟା ଉଲ୍ଲା, ଯୀଶୁସ୍ ହୁ ଜୁକୁକେନ୍ ଆଲାରିନ୍ ଶିକ୍ଷା ଚିୟାଲାସ୍ । ନେର୍ ହୁସ୍‌କି ମେନାଗେ ଲାଗାନ୍ ଲାଗାନ୍ ଅଠାଣସାନ୍ ମାଞ୍ଚ୍‌କାଚାର । ଇବ୍‌ଡ଼ା ଆଲାର୍ ମାଲ୍ ଗୁଜାରି ହୁର୍ ଆରୁ ସାଙ୍ଗେନୁ ଦୁସ୍‌ରା ଆଲାର୍ ଭି ରାଚାର୍ । ନେଦ୍ ଗୁଠିର୍ ଆରୁ ମୂସାସ୍ ଘି କାନୁ୍ ବୋନ୍ ଗହନ୍ କାମାଗେ ଚେଷ୍ଟା ମା’ ନାଞ୍ଚ୍‌ରା ।

![](https://cdn.door43.org/obs/jpg/360px/obs-en-35-02.jpg)

କିଛି ଧାରର୍ମୀ ଆଗୁଆର୍ ଏରିୟାର୍ କା ଯୀଶୁସ୍ ଇବ୍ଡ଼ାର୍ ଆଲାରିନ୍ ଅଣ୍ଟା ସାଙ୍ଗେସ୍ କୀ ସାମାନ୍ କାଥା କାମାଲାର୍ । ଇଦ୍‌ଘି ଲାଗାନ୍ ହୁବ୍ଡ଼ାର୍ ଏକ୍ ଦୁସ୍‌ରେସ୍ତିନ୍ ଏନ୍ଦେର୍ ତେଙ୍ଗାନା ସୁରୁ କାମ୍‌ଚାର୍ ଚିଇଚାର୍ କା ହୁ ଗଲତୁ କାମାଲ୍‌ଦାସ୍ । ଯୀଶୁସ୍ ହୁସ୍‌କୀ କାଥା କାମ୍‌ନାବୋନ୍ ମେଞ୍ଚାସ୍, ଇଦ୍‌ଘି ଲାଗାନ୍ ହୁସିନ୍ ଏନେଏ କାଥ୍‌ନୀ ତେଙ୍ଗିୟାସ୍ ।

![](https://cdn.door43.org/obs/jpg/360px/obs-en-35-03.jpg)

ଅଣ୍ଟା ଆଲାସ୍ ରାଚାସ୍ ହୁସ୍‌କୀ ଜୋଡ଼େ କୁକ୍‌କ ରାଚାର୍ । ଛୋଟ କୁକ୍‌କସ୍ ନିଜର୍ ବୁଆସିନ୍ ତେଙ୍ଗିୟାସ୍,“ ହେ ବୁଆ, ଏଙ୍ଘାଗେ ଆକୁନ୍ ଏଙ୍ଘାଏ ଭାଗ ଦରକାର୍ ! ବାକେନ୍; ବୁଆସ୍ ନିଜର୍ ଜୋଡ଼େ କୁକ୍‌କସ୍ ଘି ମାଝାନୁ ନିଜର୍ ଧାନୁ ବୋନ୍ ହାଟିୟାସ୍ ଚିଇଚାସ୍ ।”

![](https://cdn.door43.org/obs/jpg/360px/obs-en-35-04.jpg)

“ଜାଲ୍‌ଦିନ୍‌ସ୍ତି ଛୋଟେ କୁକ୍‌କସ୍ ନିଜର୍ ଜାମା କିଛି ଅଠାଣାସାନ୍ କାମିକିରି ଗେଛା ରାଜି ଗେ ବୁଙ୍ଗା ଚିଇଚାସ୍ ଆରୁ ପାପ୍ ଘି ଜୀବନ୍ ଉଜାଗେ ନିଜର୍ ଜାମା ଧାନୁବୋନ୍ ବାର୍ବାଦ୍ କାମ୍‌ଚାସ୍ ଚିଇଚାସ୍ ।”

![](https://cdn.door43.org/obs/jpg/360px/obs-en-35-05.jpg)

“ଇଦ୍ ଘି ପାଛ୍‌ଲି, ଏକାସାନ୍ ଛୋଟେ କୁକ୍‌କସ୍ ରାଆଚାସ୍ ହୁ ରାଜିନୁ ଅଣ୍ଟା ଭାୟା ନାକ୍ ଆକାକ୍ ମାଞ୍ଚାଦ୍ , ଆରୁ ହୁସ୍କୀ ଚାହାଁନୁ ମାଣ୍ଡି ହେନ୍ଦାଗେ ଲାଗନ୍ ଧାନୁ ମାଲ୍ଲା ରୁଦ୍ । ଇଦ୍‌ଘି ଲାଗାନ୍ ହୁସ୍ କେ ଜେନ୍ ନାଲ୍‌ଖୁ ହାଖ୍‌ରା ହୁଦ୍ କିସ୍‌ସୁ ବନ୍ ହାପାଗେ ରାଚାଦ୍ । ହୁସ୍ ଏତକ୍ ହୁଃଖୁନୁ ଆରୁ କିଡ଼ାନୁ ରାଚାସ୍ କା ହୁସ୍ କିସ୍‌ସୁଘି ଦାନା ମୋହାଗେ ଚାହାଲାସ୍ ।”

![](https://cdn.door43.org/obs/jpg/360px/obs-en-35-06.jpg)

“ଆଖ୍‌ରିନୁ, ହୁ ଛୋଟେ କୁକ୍‌କସ୍ ନିଜ ହି ତେଙ୍ଗିୟାସ୍,“ ଏନ୍ ଏନ୍ଦେର୍ କାମ୍‌ଲ ଦାନ୍ ? ଏଙ୍ଘାଏ ବୁଆସ୍ ଘି ଜାମା ଧାଙ୍ଗର୍ ଗୁଠିରି ଘି ଆନାଗେ ଜକୁକେନ୍‌ସ୍ତିନ୍ ରାଇଦ୍, ହାଲେ ହିଁ ଏନ୍ ଇସାନ୍ କିଡ଼ାନ୍‌ତି ଖିୟାଲ୍‌ଦାନ୍ ଏନ୍ ନିଜର୍ ବୁଆସ୍ ଘି ଚାହାଁ କିର୍‌ରନ୍ କନ୍ ଆରୁ ନିଜର୍ ବୁଆସ୍ ଘି ଧାଙ୍ଗର ମାନାଗେ ତାଙ୍ଗାନ୍ ବିନ୍ତି କାମନ୍ ।”

![](https://cdn.door43.org/obs/jpg/360px/obs-en-35-07.jpg)

ବାକେନ୍: ହୁ ଛୋଟେ କୁକ୍‌କସ୍ କିରିକିରି ନିଜର୍ ବୁଆସ୍ ଘି ଏଡ଼ଗା ଗେ ଆରୁ କାଲାଗେ ସୁରୁ କାମ୍‌ଚାସ୍ । ଯେ ବାକେନ୍ ହୁସ୍ ଆକୁନ୍ ଗେଛାନୁ ରାଚାସ୍, ହୁସ୍ କି ବୁଆସ୍ ହୁସିନ୍ ଏରିୟାସ୍ ଆରୁ ହୁସ୍‌କି ମିଆଁ ଦାୟା ବାର୍‌ଚା । ହୁସ୍ କୁଦ୍‌ୟାର୍‌ତେ ନିଜର୍ ହାଦୁସ୍ ଘି ଚାହାଁଗେ କେରାସ୍ ଆରୁ ହୁସିନ୍ ଗାଲେ ମିନ୍‌ରିକିରି ଚୁମା ଚିଇ ଚାସ୍ ।”

![](https://cdn.door43.org/obs/jpg/360px/obs-en-35-08.jpg)

“ହୁ କୁକ୍‌କସ୍ ତେଙ୍ଗିୟାସ୍,’ ହେ ବୁଆ, ଏନ୍ ପାରମେଶ୍ୱରସ୍ ଘି ଆରୁ ନିଘାଏ ବିରୁଦ୍ଧ ପାପ୍ କାମ୍‌ଚକାଦାନ୍ । ଏନ୍ ନିଙ୍ଘାଏ କୁକ୍‌କସ୍ ତେଙ୍ଗନାଘି ଲାଏକ୍ ଭୀ ମାଲ୍‌ଦାନ୍ ।”

![](https://cdn.door43.org/obs/jpg/360px/obs-en-35-09.jpg)

“ ଲେକିନ୍ ନୁଆସ୍ ନିଜର୍ ଅଣ୍ଟା ସେବକସିନ୍ ତେଙ୍ଗିୟାସ୍, “ ଜାଲ୍‌ଦି କାଇକିରି ଜାମାସ୍ତିନ୍ ବାନେ ଚିଡ଼ା ନେଇ କିରି ବାରା ଆରୁ ଏଙ୍ଘାଏ କୁକ୍‌କସ୍ କେ ଆତ୍‌ତଆ । ହୁସ୍ କୀ ହେଖାନୁ ଆଙ୍ଗୁଠି ଆରୁ ହୁସ୍‌କୀ ହେଡୁନୁ ଜୋତା ଆତ୍‌ତା । ଆରୁ ଜାମାସ୍ତିନ୍ ବାନେ ଏଡ଼ା ପିଟା ଏନ୍ଦେର୍ ଗେ କା ନାମ୍ ମୋହତ୍ ଆରୁ ଖୁସି ମାନାବତ୍, ଏନ୍ଦେର୍ ଗେକା ଏଙ୍ଘାଏ କୁକ୍‌କସ୍ କେଚାସ୍ କେର୍‌କାଚାସ୍, ଲେକିନ୍ ଆକୁନ୍ ହୁସ୍ ଉଜିୟାସ୍ କେରାସ୍ ।ହୁସ୍ ଏଫ୍‌ସ୍‌ରାଆସ୍ କର୍‌କା ଚାସ୍, ଲେକିନ୍ ଆକୁନ୍ ନାମ୍ ହୁସିନ୍ ହାକାତ୍ ।

![](https://cdn.door43.org/obs/jpg/360px/obs-en-35-10.jpg)

“ଇଦ୍‌ଘୀ ଲାଗାନ୍ ଆଲାର୍ ଗୁଠିର୍ ଖୁସି ମାନାଗେ ସୁରୁ କାମ୍‌ଚାର୍ । କିଛି ସମୟ ବିତ୍‌ର୍‌କାଘି ପାଛ୍‌ଲି, ବାଡ଼କା କୁକ୍‌କସ୍ ହାଲ୍ଲୁନୁ ନାଲ୍‌ଖୁ କାମିକିରି ଏଡ଼ପା ବାର୍‌ଚାସ୍ କେରାସ୍ କା ଇସାନ୍ ଏନ୍ଦେର୍ ପାନାଲିନ୍ ।”

![](https://cdn.door43.org/obs/jpg/360px/obs-en-35-11.jpg)

“ଯେତେବାକେନ୍ ବାଡ଼୍‌କା କୁକ୍‌କସ୍ ହାକ୍‌ଖା ଅଙ୍ଗିୟାସ୍ କା ହୁବ୍‌ଡ଼ାର୍ ଇଦ୍ ଘି ଲାଗାନ୍ ଖୁସି ମାନା ବାଲ୍‌ନାର୍ ଏନ୍ଦେର୍ ହୁସ୍‌କୀ ଭାଇସ୍ ଏଡ଼ଖା ବାର୍‌ଚାସ୍ କେର୍‌କାଚାସ୍ ; ବାକେନ୍ ହୁସ୍ ଖିସାରାସ୍ କେରାସ୍ ଆରୁ ଏଡ଼୍‌ପାନୁ ସାମିଲ୍ ମା’ ମାଞ୍ଚାସ୍ । ହୁସ୍‌କୀ ବୁଆସ୍ ବାହାରି ବାରିକିରି ହୁସିନ୍ ହୁସ୍‌କୀ ସାଙ୍ଗେ ଖୁସି ମାନାବାଗେ ଅନମୋତୀ ଚିଇଚାସ୍ , ଲେକିନ୍ ହୁସ୍ ମାନା କାମ୍‌ଚାସ୍ ଚିଇଚାସ୍ ।”

![](https://cdn.door43.org/obs/jpg/360px/obs-en-35-12.jpg)

“ହୁସ୍ ବାଡ଼୍‌କା କୁକ୍‌କସ୍ ନିଜର୍ ବୁଆସିନ୍ ତଙ୍ଗିୟାସ୍,’ଇବ୍‌ଡ଼ା ଜାମା ବଛରନୁ ଏନ୍ ନିଙ୍ଘାଏ ଲାଗାନ୍ ଇମାନ୍ ଦାରିନୁ ନାଲ୍‌ଖୁ କାମ୍‌ଚ୍‌କାଚକାନ୍ ! ଆକୁନ୍ ହିଁ ନିଙ୍ଘାଏ କାଥାବିନ୍ ମାଲା କିରିତୁନ୍, ଲେକିନ୍ ନିନ୍ ଏକା ବାକେନ୍ ଭି ଏଙ୍ଗାଗେ ଅଣ୍ଟା ଛୋଟେ ଟେ ଏଡ଼ା ହିଁ ମାଲ୍ଲା ଚୁୟୁ ଲେକିନ୍ ଏନ୍ ନିଜର୍ ସାଙ୍ଗେର୍ ଘି ଗାନେ ଭିଜ୍ କାମା ଗେ ଅଙ୍ଗନ୍। ଲେକିନ୍ ନିଙ୍ଘାଏ ଇ କୁକ୍‌କସ୍ ନିଙ୍ଘାଏ ଧାନୁବନ୍ ପାପ୍ ନାଲ୍‌ଖୁ କାମିକିରି ଭି ବାର୍‌ବାପ୍ କାମ୍‌ଚାସ୍ ଚିଇ ଚାସ୍ । ଆରୁ ଆକୁନ୍ ବାକେନ୍ ହୁସ୍ ବାର୍‌ଚାସ୍ ତା ହୁସ୍‌କି ଲାଗାନ୍ ଖୁସି ମାନାବାଗେ ତିନ୍ ଜାମାସ୍ତିନ୍ ବାନେ ଏଡ଼୍‌କା ପିଟ୍‌କାଏ ଚିଇଚ୍ କାୟ !”

![](https://cdn.door43.org/obs/jpg/360px/obs-en-35-13.jpg)

“ବୁଆସ୍ କାଥା ଚିଇଚାସ୍,“ ହେ ଏଙ୍ଗାଏ କୁକ୍‌କ ନିନ୍ ଜାମା ବାକେନ୍ ଏଙ୍ଘାଏସାଙ୍ଗେନୁ ରାଆଦାୟ, ଆରୁ ଜେନ୍ କିଛି ଏଙ୍ଘାଏଦ୍ ହୁଦ୍ ଜାମାଦ୍ କିଙ୍ଘାଏଦ୍ । ଲେକିନ୍ ଏମାଏ ଲାଗାନ୍ ଖୁସି ମାନାବାଗେ ସାଭି ରାଇଦ୍ ଏନ୍ଦେର ଗେକା ନିଙ୍ଘାଏ ଭାଇସ୍ କେଏଚାସ୍ କେର୍‌କାଚାସ୍, ଲେକିନ୍ ଆକୁନ୍ ହୁସ୍ ଉଜ୍‌କା ଦାସ୍ । ହୁସ୍ ଏଫ୍‌ସ୍‌ରାସ୍ କେରାକାଆଚାସ୍, ଲେକିନ୍ ଆକୁନ୍ ନାମ୍ ହୁସିନ୍ ହାଖ୍‌ଦାତ୍ କେର୍‌କାତ୍ ।“

*लूका अध्याय 15:11-32 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_35_96kbps.mp3

## 36. ବାଦ୍‌ଲାର୍‌ନା

https://openbiblestories.org/l/xis/story-36/

![](https://cdn.door43.org/obs/jpg/360px/obs-en-36-01.jpg)

ଅଣ୍ଟା ଉଲ୍ଲା, ଯୀଶୁସ୍ ନିଜର ମୁନ୍‌ଟା ଚେଲାର୍, ପାତ୍‌ରାସ୍, ୟାକୁବ୍, ଆରୁ ୟୁହନ୍ନାରିନ୍ ନିଜର ସାଙ୍ଗେ ଅଚାସ୍ କେରାସ୍ । (ଇ ୟୁହୁନ୍ନା ନାମେ ଘି ଚେଲା ହୁ ଆଲାସ୍ ମାଲ୍‌ଦାସ୍ ନେର୍ ଯୀଶୁସିନ୍ ବାପ୍‌ତିସ୍‌ମା ଚିଚ୍‌କାଚାସ୍) ହୁବ୍ଡ଼ାର୍ ବିନ୍‌ତି କାମାଗେ ଅଣ୍ଟା ଉଚ୍ଚା ପାର୍ତ୍ତାନୁ କେରାର୍ ।

![](https://cdn.door43.org/obs/jpg/360px/obs-en-36-02.jpg)

ଯେତେ ବାକେନ୍ ଯୀଶୁସ୍ ବିନ୍‌ତି କାମାଲ୍‌ଗାସ୍ ବାକେନ୍ ହୁସ୍ ଘି ଚେହେଁରା ବିଡ଼ି ଘି ଲେଖା ବିଲ୍ଲି ମାଞ୍ଜା କେରା । ହୁସ୍ ଘି ଚିଢ଼ା ବିଲ୍ଲି ଲେଖା ପାଣ୍ଡ୍‌ରୁ ମାଞ୍ଜା କେରାର୍, ଏସ୍‌କେ ଏ ଦୁନିଆନୁ ନେରିନ୍ କାମା ଅଙ୍ଗର୍ ହୁସ୍ତିନ୍ ତି ଭି ବାଗେ ପାଣ୍ଡ୍‌ରୁ ।

![](https://cdn.door43.org/obs/jpg/360px/obs-en-36-03.jpg)

ବାକେନ୍ ମୂଷା ଆରୁ ଏଲିୟାହା ଭବିଷ୍ୟବକ୍ତା ପ୍ରଗଟ୍ ମାଞ୍ଚାର୍ ଇ ଆଲାସ୍ ଇ ଧାର୍‌ତି ମିଆଁ ଇ ସମୟ ସ୍ତିନ୍ ହାଜାର୍ ହାଜାର୍ ବଛର୍ ଘି ଆଘ୍‌ଲି ରାଲ୍‌ଗାର୍ । ହୁବ୍‌ଡ଼ାର୍ ଯୀଶୁ ସିନ୍ ହୁସ୍‌ଘି ଖିନା ଘି ବିଷୟନୁ କାଥା କାମ୍‌ଚାକା ତେଙ୍ଗକାଚାର୍ ଏନ୍ଦେର୍ ଗେ କା ଦୁସ୍ ଜାଲ୍‌ଦି ଲେନ୍ ୟେରୁଶାଲେମନୁ ଖିୟସ୍ କୋସ୍ ।

![](https://cdn.door43.org/obs/jpg/360px/obs-en-36-04.jpg)

ଯେତେବାକେନ ମୂଷା ଆରୁ ଏଲିୟାହ ଯୀଶୁସ୍‌ଗାନେ କାଥା କାମାଲ୍‌ଗାର୍ ବାକେନ୍ ପାତ୍‌ରାସ ଯୀଶୁସ୍‌ମିନ୍ ତେଙ୍ଗିୟାସ୍, “ଏମାଗେ ଇସାନ ରାଆଗେ ବାନେଦ୍ ଏମ୍ ମୁନ୍‌ଟା ବେଦି ବୋନ୍ କାମ୍‌ଚାର୍, ଅଣ୍ଟାନିଘାୟ ଲାଗାନ୍ ଅଣ୍ଟା ମୂଷାଶ୍ ଘି ଲାଗାନ୍ ଆରୁ ଅଣ୍ଟା ଏଲିୟାହମ୍ ଘି ଲାଗାନ ।“ ଲେକିନ୍ ପାତ୍‌ରାସ୍ ବାଲ୍‌କାଚାସ୍ କା ହୁସ୍ ଏନ୍ଦେର୍ ତେଙ୍ଗାଲ୍ ଦାସ୍ ।

![](https://cdn.door43.org/obs/jpg/360px/obs-en-36-05.jpg)

ଯେତେବାକେନ୍ ପାତ୍‌ରାସ୍ କାଥା କାମାଲଗାସ୍, ବାକେନ୍ ଅଣ୍ଟା ଉଜଲେ ବିଲ୍ଲି ବାଦ୍‌ଲି କିଆଁ ବାରିକିରି ହୁବ୍ଡ଼ାର୍ ଘିନୁ ଛାବ୍‌ରାକେରା । ଆରୁ ହୁବ୍ଡ଼ାର୍ ବାଦ୍‌ଲିନତିନ୍ ଅଣ୍ଟା ଆୱାଜ୍ ବୋନବାରତେ ମେନ୍‌ଚାର୍ ହୁବୋଦ ତେଙ୍ଗିୟାନ, “ଇ ବୋନ୍ ଏଙ୍ଘାୟ ବାଦ୍‌ଦୁ ନେକାବୋନ୍ ଏନ୍ ବାନେ ହାଖ୍‌ଦାନ । ଏନ୍ ହୁସିନ୍ ଖୁସି ଆତ୍‌ଲଦାନ୍ । ହୁସିନ୍ ମେନା ।“ ହୁବ୍ଡ଼ା ମୁନ୍‌ଟା ଚେଲାର ଏଲଚିୟାର କେରାର୍ ଆରୁ ଏହେଁଲା ନୁ ଚୁତେର୍ ଚିଚ୍‌ଚାର ।

![](https://cdn.door43.org/obs/jpg/360px/obs-en-36-06.jpg)

ବାକେନ୍ ଯୀଶୁସ୍ ହୁବ୍ଡ଼ାରିନ୍ ଏଁସ୍‌ରାର୍ ଆରୁ ତେଙ୍ଗ୍‌ୟାସ୍, “ଆମା ଏଲଚା । ଚୁଆଁ କାଲା ।“ ଯେତେବାକେନ୍ ହୁବ୍ଡ଼ାର୍ ଚାରିହି ତାରା ଏରିୟାର୍ ବାକେନ୍ ନେର୍ ଉର୍‌ଦୁ ଆଲ ଆକ୍‌କୁନ୍ ହିଁ ହୁସାନ୍ ରାଚାସ୍ ହୁବୋନ ଯୀଶୁସ୍ ରାଚାସ୍ ।

![](https://cdn.door43.org/obs/jpg/360px/obs-en-36-07.jpg)

ଯୀଶୁ ଆରୁ ହୁବଡ଼ା ମୁନ୍‌ଟା ଚେଲାର୍ ହୁ ପାର୍‌ତା ତିନ୍ କିର୍‌ରିକିରି କିଆଁ ଏତ୍‌ତିଆର ବାର୍‌ଚାର୍ । ବାକେନ ଯୀଶୁସ୍ ହୁବଡ଼ାରିନ୍ ତେଙ୍ଗିୟାସ୍, ଆକ୍‌କୁନ ଯେନ୍‌ଟା ଇସାନ୍ ମାନ୍‌ଚା ହୁଦ୍‌ଘି ଚାର୍‌ଚା ନେକାନ ଭି ଆମ୍‌କେ କାମା । ଏନ୍ ଜାଲ୍‌ଦି ଲେନ୍ ଖିଅଁନ କୋନ୍ ଆରୁ ଆରୁହୋନ୍ ଉଜ୍‌ଜୋନ କୋନ୍ । ହୁଦ୍‌ଘି ପାଛ୍‌ଲି, ନିମ୍ ଆଲାରିନ ତେଙ୍ଗା ଅଙ୍ଗର୍ ।“

*ମାତି ଭାଗ ୧୭:୧-୯; ମାର୍କ ୯:୨-୮; ଲୁକ ୯:୨୮-୩୬ ତିନ୍ ଅଣ୍ଟା ବାଇବାଲ୍ ଘି କାଥ୍‌ନି*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_36_96kbps.mp3

## 37. ଯୀଶୁସ୍ ତାର୍‌ତିନ୍ ଲାଜାର୍‌ସିନ୍ କେଚ୍‌କାନ୍ତି ଉଜ୍‌ତାନା ।

https://openbiblestories.org/l/xis/story-37/

![](https://cdn.door43.org/obs/jpg/360px/obs-en-37-01.jpg)

ଲାଜାର୍ ନାମେ ଘି ଅନ୍‌ଟା ଆଲ୍ ରାଚାସ୍ । ହୁସ୍‌ଘି ଜୋଢେ ବୁହୁଣି ରାଚାର୍ ହୁବ୍‌ଡାର୍ ଘି ନାମେ ମରିୟମ୍ ଆରୁ ମାର୍ଥା ରାଚାର୍ । ହୁବ୍‌ଡାର୍ ସାଫାର୍ ଯୀଶୁଘି ଗେହେରା ସାଙ୍ଗେର୍ ରାଚାର୍ । ଉନ୍ଦୁଲ୍ , ନେର୍ ଯୀଶୁସିନ୍ ତେଙ୍ଗିୟାର୍ କାଁ ଲାଜାର୍ ମୁରୁକ୍ ବେମାର୍‌ନୁଆତଲ୍‌ଦାସ୍ । ଯେ ବାକେନ୍ ଯୀଶୁସ୍ ଇବୋନ୍ ମେନ୍‌ଚାସ୍ ବାକେନ୍ ହୁସ୍ ତେଙ୍ଗିୟାସ୍,“ ଇ ବେମାର୍ ଲାଜାର୍ସ୍ ଘିଖିନା ଘି ସମୟ୍ ମାଲ୍ଲାଦିନ୍ । ଇଦ୍‌ଘି କାରଣ, ଇବ୍‌ଢା ଆଲାର୍ ପାର୍‌ମେଶ୍ୱରସିନ୍ ଆଦର୍ କାମାଗେ ପ୍ରେରିତ କାମୋର୍ ।

![](https://cdn.door43.org/obs/jpg/360px/obs-en-37-02.jpg)

ଯୀଶୁସ୍ ନିଜର୍ ସାଙ୍ଗେରିନ୍ ବାନେ ହାକ୍‌ଖାଲ୍‌ଗାସ୍,ଲେକିନ୍ ଏକାସାନ୍ ହୁସ୍‌ରାଚାସ୍ ହୁସାନ୍ ହୁସ୍ ଦୁଇଦିନ୍ ତକ୍ ହକ୍‌ଚାସ୍ । ହୁ ଦୁଇଦିନ୍ ଘି ଫାଛଲି ହୁସ୍ ନିଜର୍ ଚେଲାରିନ୍ ତେଙ୍ଗିୟାସ୍, “ବାରା” ଇହୁଦା ଗେ କିର୍‌ରୋତ୍ ।” ଚେଲାର୍ ତେଙ୍ଗ୍‌ୟାର୍,“ଲେକିନ୍ ହେ ଗୁରୁ ଆକ୍‌କୁନ୍ କିଛି ସମୟ୍ ଘି ଆଘଲି ହୁସାନ୍ତା ଆଲାର୍ ନିଙ୍ଗାନ୍ ପିଟାଗେ ବେଦ୍‌ଦାଲ୍‌ଗାର୍ ।” ଯୀଶୁସ୍ ତେଙ୍ଗିୟାସ୍ ଏମ୍‌ହାୟ୍ ସାଙ୍ଗେସ୍ ଲାଜାର୍ ହାନ୍ଦ୍‌ରାସ୍ କେର୍‌କାଦାସ୍, ଆରୁ ଏଙ୍ଗାନ୍ ହୁସିନ୍ ଏଜ୍‌ନା ରାଇଦ୍ ।”

![](https://cdn.door43.org/obs/jpg/360px/obs-en-37-03.jpg)

ଯୀଶୁସ୍ ଘି ଚେଲାର୍ ତେଙ୍ଗିୟାର୍ ,“ ହେ ପ୍ରଭୂ ଯଦି ଲାଜାର୍‌ସ୍ ହାନ୍ଦରାକ୍ ଦାସ୍‌ତା ବାନେ ମାନସ୍ କୋସ୍ ।” ହୁବା କେନ୍ ଯୀଶୁସ୍ ହୁବ୍‌ଡାରିନ୍ ସାଫା ସେ ତେଙ୍ଗିୟାସ୍,“ଲାଜାର୍‌ସ୍ କେଚାସ୍ କେର୍‌କାଦାସ୍ ଏନ୍ ଖୁସି ଆତଲ୍‌ଦାନ୍ କା ଏନ୍ ହୁସାନ୍ ମାଲ୍ଲାରୁନ୍,ଇଦ୍‌ଘିଲାଗାନ୍ ନିମ୍ ଏଙ୍ଗାନ୍ ବିଶ୍ୱାସ୍ କାମା ଅଙ୍ଗର୍ ।”

![](https://cdn.door43.org/obs/jpg/360px/obs-en-37-04.jpg)

ଯେତେବାକେନ୍ ଯୀଶୁସ୍ ଲାଜାର୍‌ସ୍ ଘି ପାଡ଼ାଗେ ଆଣସିଆସ୍ ବାକେନ୍ ଲାଜାର୍‌ସିନ୍ କେଚ୍‌କାନ୍ତି ଆଘଲି ଚାର୍‌ଦିନ୍ ମାନ୍‌ଚାକେର୍‌ଚିକିଚା । ମାର୍ଥା ଯୀଶୁସିନ୍ ଭେଟ୍ ମାନାଗେ ବାହାରି ଉର୍‌ଖୀୟା ଆରୁ ତେଙ୍ଗିୟା ,“ହେ ପ୍ରଭୂ ଯଦି ନିମ୍ ଇସାନ୍ ରାଚ୍‌କା ରୋଏ ନେ ହାଲେ ଏଙ୍ଘାୟଁ ଭାଇସ୍ ମାଁ କେଚ୍‌କାରାଦସ୍‌ନେ । ଲେକିନ୍ ଏନ୍ ବିଶ୍ୱାସ୍ କାମେନ୍ କା ଯାହା କିଛି ଭି ନିନ୍ ପାର୍‌ମେଶ୍ୱର୍‌ସିନ୍ ନିୟଁଏ ହାଲେ ହୁସ୍ ନିଙ୍ଗାଗେ ଚିଅସ୍ ।”

![](https://cdn.door43.org/obs/jpg/360px/obs-en-37-05.jpg)

ଯୀଶୁସ୍ ତେଙ୍ଗିୟାସ୍, “ଜି ଉଠନା ଆରୁ ଜିୱାନ୍ ଏନ୍ ହି ରାଦାନ୍ । ନେର୍‌ରିନ୍ ଏଙ୍ଗାନ୍ ବିଶ୍ୱାସ୍ କାମ୍‌ନାର୍ ଯଦି ହୁସ୍ ଖିୟସ୍କୋସ୍ ଭୀ ହାଲେ ଭି ଉଜ୍ଜୋସ୍ କୋସ୍ । ନେର୍‌ରିନ୍ ଏଙ୍ଗାନ୍ ବିଶ୍ୱାସ୍ କାମ୍‌ନାର୍ ହୁବ୍‌ଡ଼ାର୍ ଏକ୍‌ଲାଭି ମା’ ଖିନାଁର୍ । ଏନ୍ଦେର୍ ନିନ୍ ଇନୁ ବିଶ୍ୱାସ କାମ୍‌ଦି ?” ମାର୍ଥାଦ୍ ଜାବାବ୍ ଚିଚ୍‌ଚା, “ ହେ ପ୍ରଭୂ ଏନ୍ ବିଶ୍ୱାସ୍ କାମେନ୍ କା ନିନ୍ ପାର୍‌ମରଶ୍ୱର୍‌ସ୍ ଘି ହାଦ୍‌ଦୁ ମସିହି ରାଦାଏ ।”

![](https://cdn.door43.org/obs/jpg/360px/obs-en-37-06.jpg)

ବାକେନ୍ ମାରିୟମ୍ ବାର୍‌ଚା । ହୁଦ୍ ଯୀଶୁସ୍ ଘି ହେଡ୍‌ଡୁନୁ ଖାତ୍‌ରିକିରି ତେଙ୍ଗିୟାଦ୍,“ହେ ପ୍ରଭୂ ଯଦି ନିନ୍ ଇସାନ୍ ରାଚାକ ରୋଏନେ ହାଲେ ଏଙ୍ଘାୟ୍ ଭାଇସ୍ ମା ଖିଦାସନେ ।” ଯୀଶୁସ୍ ହୁବଡାରିନ୍ ମେନ୍‌ଚାସ୍,“ନିମ୍ ଲାଜାର୍‌ସିନ୍ ଏକାସାନ୍ ଉଇକାଦାର୍?” ହୁବ୍‌ଡାର୍ ହୁସିନ୍ ବାତାବାଚାର୍ ମାସ୍‌ଣାନୁ । ବାରା ଆରୁ ଏରା ।“ ବାକେନ୍ ଯୀଶୁସ୍ ଅଲିହିୟାସ୍ ।

![](https://cdn.door43.org/obs/jpg/360px/obs-en-37-07.jpg)

ହୁ ମାସ୍‌ଣାଦ୍ ଅନ୍‌ଟା ଗୁମ୍ଫାରାଚା ହୁଦ୍‌ଘି ଘୁମାନୁ ଅନ୍ଟା ଚାଁଚାଁବୋନ୍ ଲୁଢ୍‌କାବାଚାକାଚାର୍ । ଯେତେବାକେନ୍ ଯୀଶୁସ୍ ମାସ୍‌ଣାନୁ ଆଣସିୟାସ୍ ବାକେନ୍ ହୁସ୍ ହୁବ୍‌ଡାରିନ୍ ତେଙ୍ଗିୟାସ୍,“ଚାଁଚାଁବୋନ୍ ହାଟାବାଚା । ଲେକିନ୍ ମାର୍ଥାଦ୍ ତେଙ୍ଗିୟାଦ୍,“ ହୁସ୍ କେଚ୍‌କାନ୍ତି ଚାର୍‌ଦିନ୍ ମାନ୍‌ଚାକେର୍‌କିଚି । ହୁନ୍ନୁନ୍ତି କିତ୍‌କା ଲେଖା ବାସାଲିଦ୍ ।

![](https://cdn.door43.org/obs/jpg/360px/obs-en-37-08.jpg)

ଯୀଶୁସ୍ ଜାବାବ୍ ଚିଚାସ୍,“ ଏନ୍ଦେର୍ ଗେକା ଏନ୍ ନିମାରିନ୍ ମାଲ୍ଲା ତେଙ୍କାରୁନ୍ କାଁ ଯଦି ନିମ୍ ଏଙ୍ଗନ୍ ବିଶ୍ୱାସ୍ କାମୋର୍ ହାଲେ ପାର୍‌ମେଶ୍ୱରସ୍ ଘି ଶାକ୍ତିବୋନ୍ ଏରୋର୍ ?” ଇଦ୍‌ଗି ଲାଗାନ୍ ହୁବ୍‌ଡାର୍ ଚାଁଚଁବୋନ୍ ହାଟାବାଚ୍‌ଚିଚାର୍ ।

![](https://cdn.door43.org/obs/jpg/360px/obs-en-37-09.jpg)

ବାକେନ୍ ଯୀଶୁସ୍ ମିଆଁ ସରଗ୍‌ତାରା ଏରିୟାସ୍ ଆରୁ ତେଙ୍ଗିୟାସ୍,“ ହେ ବୁଆ ଏଙ୍ଘାୟ୍ ମେନ୍‌ନାଘି ଲାଗାନ୍ ଏନ୍ ନିଙ୍ଗାନ୍ ଧାନ୍ୟାବଦ୍ କାମାଲ୍‌ଦାନ୍ । ଏନ୍ ଆହାଲ୍‌ଦାନ୍ କା ନିନ୍ ସାଫା ବାକେନ୍ ଏଙ୍ଘାଏ ମେନ୍‌ଦାଏ, ଲେକିନ୍ ଏନ୍ ଇସାନ୍ ଇଜ୍‌କ ସାଫା ଆଲାରିନ୍ ମାଦେତ୍ କାମାଗେ ତେଙ୍ଗକାନ୍ ତାକି ଇବ୍‌ଡାର୍ ବିଶ୍ୱାସ୍‌କାମୋର୍‌କା ନିନ୍ ଏଙ୍ଗାନ୍ ତାଏକାଦାଏ ।” ବାକେନ୍ ଯୀଶୁସ୍ ଚିରାରାଚାସ୍,“ ହେ ଲାଜାରସ୍ ବାହାରି ଉର୍‌ଖା କାଲା ।”

![](https://cdn.door43.org/obs/jpg/360px/obs-en-37-10.jpg)

ଲାଜାରସ୍ ବାହାରି ଉର୍‌ଖିୟାସ୍ ହୁସ୍ ଆଙ୍କୁନ୍‌ତୋକ୍ କାଫନ୍‌ନୁ ଲିପ୍‌ଟା ରାଚ୍‌କାଚାସ୍ । ଯୀଶୁସ୍ ହୁସିନ୍ ତେଙ୍ଗିୟାସ୍,“ଇ କାଫନ୍‌ବୋନ୍ ଅଥ୍‌ରାଗେ ସାହାୟାତା କାମା ଆରୁ ହୁସିନ୍ ଆଜାଦି କାମାଚା।“ ଇ ଚମତ୍କାର୍ ଘି ଲାଗାନ୍ ଇହୁଦିର୍ ଯୀଶୁସି ନ ବିଶ୍ୱାସ୍ କାମ୍‌ଚାର୍ ।

![](https://cdn.door43.org/obs/jpg/360px/obs-en-37-11.jpg)

ଇଦ୍‌ଘିଲାଗାନ୍ ଇହୁଦିର୍ ଘି ଧାର୍ମିକ୍ ଆଗୁଆର୍ ଯୀଶୁସିନ୍ ଜାଲ୍‌ରାର୍ ଲାଗ୍‌ଗିୟାର୍ ,ଇଦ୍‌ଗି ଲାଗାନ୍ ହୁବ୍‌ଡାର୍ ଉପାୟ୍ କାମାଗେ ଅନ୍‌ଠାଣ୍ ସାନ୍ ଜାମାମାନ୍‌ଚାର୍ କା ଯୀଶୁ ଆରୁ ଲାଜର୍‌ସିନ୍ ପିଟାଗେ ପାଡ଼ରୋଦ୍ ।

*यूहन्ना 11:1-46 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_37_96kbps.mp3

## 38. ଯୀଶୁ ଘି ସାଙ୍ଗେ ବିଶ୍ୱାସ୍‌ଘାତ୍

https://openbiblestories.org/l/xis/story-38/

![](https://cdn.door43.org/obs/jpg/360px/obs-en-38-01.jpg)

ଜାମା ବରଷ, ୟହୁଦୀ ଆଲାର ପାସ୍କା ପରବ ମାନାଲାର୍ । ଇ ଇଦ୍‌ଘି ବାରେନୁ ଅନ୍ଟା ପରବ ରାଚାଦ୍ କା ଇୟଁ ବଛର୍ ଘି ଆଘ୍‌ଲି ପାରମେଶ୍ୱରସ୍ ହୁସ୍‌କୀ ପୁରଖାର ଘି ମିଶ୍ର ଘି ଦାସ୍ ସ୍ତିନ୍ ବାଛାବାଚ୍‌କା ଚାସ୍ । ଲାଗ୍‌ଭାଗ୍ ତିନ୍ ବରଷ ଘି ବାଦ୍‌ନୁ ଯୀଶୁସ୍ ସାମାନ୍ ରୂପସ୍ତିନ୍ ପ୍ରଚାର୍ କାମ୍‌ନା ଆରୁ ଶିକ୍ଷା ଚିଇନା ସୁରୁ କାମ୍‌ଚାସ୍ । ଯୀଶୁସ୍ ନିଜର୍ ଚେଲାରିନ୍ ତେଙ୍ଗିୟାସ୍ କା ହୁସ୍ ହୁସ୍‌କୀ ସାଙ୍ଗେ ଯେରୁଶାଲେମ୍‌ନୁ ପାସ୍କା ପରବ୍ ମାନାଗେ ସୋଚାଲାର୍, ଆରୁ ଏନେହିଁ କା ହୁସ୍ ହୁସାନ୍ ପିଟ୍‌ର ଚୋର୍ ।

![](https://cdn.door43.org/obs/jpg/360px/obs-en-38-02.jpg)

ଯୀଶୁସ୍ ଘି ଚେଲାର୍ ସ୍ତିନ୍ ଅଣ୍ଟା ୟହୁଦା ନାମେ ଘି ଆଲାସ୍ ରାଚାସ୍ । ୟହୁଦା ପ୍ରେରିତ ଜାମାର ଘି ଧାନୁ ଥାଇଲି ଉଇନା ଘି ଜିମ୍ମେଦାରି ରଚାଦ୍, ଲେକିନ୍ ସବୁବାକେନ୍ ହୁସ୍ ହୁ ଥାଇଲିନ୍ ସ୍ତି ପାଇସା ଅଥ୍‌ରା ହୁଆ ଲାସ୍ । ଯୀଶୁସ୍ ଆରୁ ଚେଲାର୍ ଯରୁଶାଲେମ୍ ନୁ ଆଣସ୍‌ନା ଘି ବାଦ୍ ଇହୁଦାସ୍ ୟହୁଦୀ ଆଗୁଆର୍ ଘି ଚାହାଁଗେ କେରାସ୍ । ହୁସ୍ ଧାନ୍ ଘି ବାଦ୍‌ଲି ନୁ ଯୀଶୁସିନ୍ ହୁବ୍ଡ଼ାର୍ ଘି ହେକ୍‌ଖାନୁ ଧାରଚାସ୍ ବୁଲି କିରି କାତ୍‌ଥା ଚିଚାସ୍ । ହୁସ୍ ଆହାଲାସ୍ କା ୟହୁଦୀ ଆଗୁଆର୍ ଗ୍ରହଣ ମା’ ନାନାଲ୍‌ଗାର କା ଯୀଶୁସ୍ ହିଁ ମାସିହସ୍ ରାଦାସ୍ । ହୁସ୍ ଆହାଲାସ୍ କା ହୁସ୍ ହୁସିନ୍ ପିଟାଗେ ସୋଚାଲାର୍ ।

![](https://cdn.door43.org/obs/jpg/360px/obs-en-38-03.jpg)

ମହାୟାଜକସ୍ ଘି ତେଙ୍ଗନାନୁ ୟହୁଦୀ ଆଗୁଆଁର ଯୀଶୁସିନ୍ ହୁବ୍ଡ଼ାର୍ ଘି ହେଖାନୁ ଧାର୍‌ତାଗେ ଲାଗାନ୍ ୟହଦାସ୍ ସିନ୍ ତିସ୍ ଚାନ୍ଦି ଘି ଶିକ୍କା ଚିଇଚାର୍ । ଇଦ୍ ହୁ ଲେଖାସ୍ତିନ୍ ମାଞ୍ଚାଦ୍ ଯେସ୍ କେ କା ଭବିଷ୍ୟବକ୍ତାର୍ ତେଙ୍ଗାଚାର୍ କା ମାନଦ୍ । ୟହୁଦା ମାଞ୍ଚାସ୍ କେରାସ୍ ଆରୁ ଧାନ୍ନୁ ହୋଇ କିରି ବୁଙ୍ଗାସ୍ ଚିଇଚାସ୍ । ହୁ ଯୀଶୁସିନ୍ ଗିରପ୍ ତାର୍ କାମ୍‌ନାନୁ ହୁସ୍‌କୀ ସହାୟତା କାମ୍‌ନା ଘି ଲାଗାନ୍ ଅଣ୍ଟା ସମୟ ବୋନ୍ ବେଦା ଗେ ଲଗିୟାସ୍ ।

![](https://cdn.door43.org/obs/jpg/360px/obs-en-38-04.jpg)

ଯେରୁଶାଲେମ୍ ନୁ, ଯୀଶୁସ୍ ନିଜର୍ ଚେଲାର୍ ଘି ସାଙ୍ଗେନୁ ପାସ୍‌କା ପରବ ମାନାବାଚାସ୍ । ପାସ୍‌କା ଘି ଭୋଜ୍ ଘି ସମୟନୁ, ଯୀଶୁସ୍ ଆସ୍‌ମ୍ମା ହୋଇ କିରି ତୋଡ଼ିୟାସ୍ । ହୁସ୍ ତେଙ୍ଗିୟସ୍,“ ଇବୋନ୍ ହୁଆ ଆରୁ ମହାଁ । ଇଦ୍ ଏଙ୍ଘାଁଏ ଶାରିରହ ଜେନ୍‌ଟା ଏନ୍ ନିମାଗେ ଲାଗାନ୍ ଚିଇୟାଲ୍ ଦାନ୍ । ଇଦିନ୍ ଏଙ୍ଗାନ୍ ମନେ ଉଇକେର୍ । ଇ ଲେଖାନ୍‌ସ୍ତିନ୍, ଯୀଶୁସ୍ ତେଙ୍ଗିୟାସ୍ କା ହୁସ୍ ହୁବ୍ଡ଼ାର୍ ଘି ଲାଗାନ ଖିୟସ୍ କୋସ୍, ଲେକିନ୍ ହୁବଡ଼ାର୍ ଗେ ଲାଗାନ୍ ହୁସ୍ ନିନ୍ ଶରିର୍ ବୋନ୍ କାଳି ଚାଢ଼ାବୋଚେସ୍।

![](https://cdn.door43.org/obs/jpg/360px/obs-en-38-05.jpg)

ଆରୁ ଯୀଶୁସ୍ ଅଣ୍ଟା ଦାଖ୍‌ରାସ୍ ଘି ଗିଲାସ୍ ଅଚ୍‌ଚାସ୍ ଆରୁ ତେଙ୍ଗିୟାସ୍,“ ଇବୋନ୍ ହାପ୍ପା । ଇଦ୍ ପୁନ୍ନା ଶପଥ ଘି ଏଙ୍ଘାଁଏ ହେସୁଁଦ୍ ଯେନ୍‌ଟା ଏନ୍ ତୁନ୍ଦନ୍ ଚୋନ୍ ଲେକିନ୍ ପାରମେଶ୍ୱରସ୍ ନିମାଏଁ ପାପ୍ ବୋନ୍ ମାଫ୍ କାମୋସ୍ । ଜାମା ବାକେନ୍ ଇବୋନ୍ ହାପ୍‌ନା ବାକେନ୍ ଏଙ୍ଘାଁଏ ୟାଦ୍‌ନୁ ଇବୋନ୍ କାମା ଜେନ୍‌ଟା ଏନ୍ ଆକ୍‌କୁନ୍ କାମାଲ୍‌ଦାନ୍ ।”

![](https://cdn.door43.org/obs/jpg/360px/obs-en-38-06.jpg)

ବାକେନ୍ ଯୀଶୁସ୍ ନିଜର୍ ଚେଲାରିନ୍ ତେଙ୍ଗିୟାସ୍,“ ନିମାଏଁସ୍ତିନ୍ ଅଣ୍ଟା ଆଲାସ୍ ଏଙ୍ଗାନ୍ ଧାର୍‌ତୋସ୍ ।” ଚେଲାର୍ ଚକ୍‌ରାର୍ କେରାର୍, ଆରୁ ମେନାଗେ ଲାଗିୟାର୍ କା ନେଦ୍ ଏନ୍ନେ ନାଲ୍‌ଖୁ କାମ୍‌ର । ଯୀଶୁସ୍ ତେଙ୍ଗିୟାସ୍,“ ଏଙ୍ଘାଏ” ଧାରନା ବାଲା ଆଲାସ୍ ହୁସ୍‌ ଯେନ୍‌ଟା ଏନ୍ ଇ ଆସ୍‌ମ୍ମା ଘି ଖାଣ୍ଡେ ଚିୟାଲ୍ ଦାନ୍,” ବାକେନ୍ ହୁସ୍ ଆସମ୍ମା ୟହୁଦାସ୍ କେ ଚିଇଚାସ୍ ।

![](https://cdn.door43.org/obs/jpg/360px/obs-en-38-07.jpg)

ହୁ ଆସ୍‌ମ୍ମା ବୋନ୍ ହୋନା ଘି ବାଦ୍‌ନୁ, ୟହୁଦାନୁ ସୈତାନ୍ ସାମ୍‌ରା କେରା । ୟହୁଦା ଉର୍‌ଖି କିରି ଯୀଶୁସିନ୍ ଗିରପ୍‌ତାର୍ କାମାଗେ ଲାଗାନ୍ ୟହୁଦୀ ଆଗୁୱାସ୍ କି ମାଦେତ୍ କାମାଗେ ଚୁଙ୍ଗାସ୍ ଚିଇଚାସ୍ । ଇ ମାହାଁ ଘି ସମୟ ରାଚାଦ୍ ।

![](https://cdn.door43.org/obs/jpg/360px/obs-en-38-08.jpg)

ଅନ୍ନା ପାଛ୍‌ଲି, ଯୀଶୁ ଆରୁ ହୁସ୍‌କୀ ଚେଲାର ଜୈତୁନ୍ ପାର୍ତ୍ତା ଗେ କେରାର୍ । ଯୀଶୁସ୍ ତେଙ୍ଗିୟାସ୍,“ ନିମ୍ ଜାମାର ଇନ୍ନା ମାହାଁ ଏଙ୍ଗାନ୍ ଆମ୍ବର ଚୋର । ଇଦ୍ ଲେଖା ରାଇଦ୍,“ ଏନ୍ ଚାରୱାହା ଜାମାର୍ ଘିଲାଗନ୍ ଖୟିନ ଆରୁ ଭେଡ଼ି ଗୁଠିଦ୍ ତିତର୍ – ବିତର ମାନର୍ କୋର୍ ।”

![](https://cdn.door43.org/obs/jpg/360px/obs-en-38-09.jpg)

ପାତ୍‌ରସ୍ ଜାବାବ୍ ଚିଇଚାସ୍,“ ଭାଲେ ହି ବାକୀର୍ ଜାମାର୍ ନିଙ୍ଘାନ ଆମ୍ବର ଚୋର, ଏନ୍ ମା’ ଅମ୍ବେଦାନ୍ !” ବାକେନ୍ ଯୀଶୁସ୍ ପାତ୍‌ରସ୍ ସିନ୍ ତେଙ୍ଗିୟାସ୍,” ସୈତାନ୍ ନିମା ଜାମାରିନ୍ ହୁଆ କାଲା ବେଦାଲିଦ୍, ଲେକିନ୍ ହେ ପାତ୍‌ରସ୍, ଏନ୍ ନିଙ୍ଘାଏ ଲାଗାନ୍ ବିନ୍ତି କାମ୍‌ଚକା ଦାନ୍ କା ନିନ୍ ବିଶ୍ୱାସ୍ ସ୍ତିନ୍ ମା’ ଚୁକ୍‌ରେଏ । ଆରୁ ଭି, ଇନ୍ନାନ୍ତା ମାହାଁନୁ, ହେରୁ ଘି ଚିର୍‌ରାର୍‌ନାସ୍ତିନ୍ ଆଘ୍‌ଲି ନିନ୍ ତିନି ଥର୍ ଇନ୍‌କାର କାମୋୟୋ କା ନିନ୍ ଏଙ୍ଗାନ୍ ଆହାଲ୍ ଦା ହିଁ ମାଲ୍ଲା ।”

![](https://cdn.door43.org/obs/jpg/360px/obs-en-38-10.jpg)

ପାତ୍‌ରସ୍ ଯୀଶୁସିନ୍ ତେଙ୍ଗିୟାସ୍,“ ଭାଲେ ହି ଖିୟନ୍ କୋନ୍, ଏନ୍ ଏକ୍‌ଲା ଭି ନିଙ୍ଘାନ୍ ଇନ୍‌କାର୍ ମା’ କାମ୍‌ଦାନ୍ !” ବାକି ଜାମା ଚେଲାର୍ ଭି ଏନେନ୍ ତେଙ୍ଗିୟାର୍ ।

![](https://cdn.door43.org/obs/jpg/360px/obs-en-38-11.jpg)

ବାକେନ୍ ଯୀଶୁ ନିଜର୍ ଚେଲାର୍ ଘି ସାଙ୍ଗେ ଗତ୍‌ସ୍‌ମନୀ ନାମେ ଘି ଆଡ଼ା ଗେ କେରାର୍ । ଯୀଶୁସ୍ ନିଜର୍ ଚେଲାରିନ୍ ବିନ୍ତି କାମାଗେ ତେଙ୍ଗିୟାସ୍ ତାକି ସୈତାନ୍ ହୁବ୍ଡ଼ାରିନ୍ ଘି ପରୀକ୍ଷା ମା’ କାମୋଦ୍ । ବାକେନ୍ ଯୀଶୁ ନିଜେ ବିନ୍ତି କାମାଗେ ବୁଙ୍ଗାସ୍ ।

![](https://cdn.door43.org/obs/jpg/360px/obs-en-38-12.jpg)

ଯୀଶୁସ୍ ତିନ୍ ଥର୍ ବିନ୍ତି କାମ୍‌ଚାସ୍, “ହେ ଏଙ୍ଘାଏ ବୁଆ, ଲେକିନ୍ ସମ୍ଭବ ରାଇଦ୍ ତା ଦାୟା କାମିକିରି ଇ ଦୁଃଖୁ ଘି ପ୍ୟାଲା ହାପ୍ପା ଲାଗାନ୍ ଏଙ୍ଘାଗେ ଆମ୍ବାଚିୟା । ଲେକିନ୍ ଆଲାର୍ ଘି ପାପ୍ ଛେମା କାମ୍‌ନା ଚିନା ଘି ଲାଗାନ୍ ଆରୁ ପାବୁ ମାଲ୍ଲା ଦିନ୍, ତା ନିଙ୍ଘାଏ ହିଁ ଇଛା ପୁରା ମାନୁ ।“ ଯୀଶୁ ମୁରୁଖ ପାରିସାନ୍ ରାଚାସ୍ ଆରୁ ହୁସ୍‌କୀ ଗୋରାମ୍ ହେଁସୁ ଘି ଟିପା ଘି ସାମାନ୍ ରାଚାଦ୍ । ହୁସିନ୍ ତାକାତବୋର୍ ଚିୟାଗେ ଲାଗାନ୍ ପାରମେଶ୍ୱରସ ଅଣ୍ଟା ସରଗ୍ ଦୂତ୍ ବୋନ୍ ତାଇୟାସ୍ ।

![](https://cdn.door43.org/obs/jpg/360px/obs-en-38-13.jpg)

ଜାମା ବାକେନ୍ ବିନ୍ତି ଘି ପାଛ୍‌ଲି, ଯୀଶୁ ନିଜର୍ ଚେଲାର୍ ଘି ଚାହାଁ ଗେ କିର୍‌ଦାସ୍ , ଲେକିନ୍ ହୁବ୍ଡ଼ାର୍ ହାନ୍ଦ୍‌ରାର୍ କେର୍ କା ଚାର୍ । ଯେବାକେନ୍ ଯୀଶୁ ତିସ୍‌ରା ଥର୍ କିରିୟାସ୍‌ସ୍ତା ଯୀଶୁସ୍ ତେଙ୍ଗିୟାସ୍, “ଜାଗ୍‌ରା କାଲା! ଏଙ୍ଘାଁଏ ଧାର୍‌ତୁର୍ ଇ ସାନ୍ ରାନାର୍ ।”

![](https://cdn.door43.org/obs/jpg/360px/obs-en-38-14.jpg)

ୟହୁଦୀ ଅଗୁୱାର୍, ସେନାର, ଆରୁ ଅଣ୍ଟା ବାଡ଼୍‌କା ଭୀଡ଼୍ ସାଙ୍ଗେନୁ ୟହୁଦାସ୍ ବାର୍‌ଚାସ୍ । ହୁବ୍ଡ଼ାର୍ ତାଲ୍‌ୱାର୍ ଗୁଠି ଆରୁ ଲାଠି ଗୁଠି ଅନ୍ଦର୍ କା ଚାର୍ । ୟହୁଦାସ୍ ଯୀଶୁସ୍ ଘି ଚାହାଁ ବାରିକିର ହୁସିନ୍ ତେଙ୍ଗିୟାସ୍,“ ହେ ଗୁରୁ, ଜୋହାର,” ଆରୁ ହୁସିନ୍ ଚୂମା କାମାଚାସ୍ । ହୁସିନ୍ ଗିରଫ୍‌ତାର୍ କାମୁରୁ ଆଲାସିନ୍ ୟହୁଦୀ ଆଗୁୱାସ୍ ସାନ୍ ପ୍ରଗଟ କାମାଗେ ଲାଗାନ୍ ଏନ୍ନେ କାମ୍‌ଚ୍‌କାଚାସ୍ । ବାକେନ୍ ଯୀଶୁସ୍ ତେଙ୍ଗିୟାସ୍, “ହେ ୟହୁଦା, ଏନ୍ଦେର ନିନ୍ ଅଣ୍ଟା ଚୁମାସ୍ତିନ୍ ଏଙ୍ଘାନ୍ ଧାର୍‌ତାଲ ଦାଏ ?“

![](https://cdn.door43.org/obs/jpg/360px/obs-en-38-15.jpg)

ଯେବାକେନ୍ ହୁବ୍ଡ଼ାର୍ ସେନାର୍ ଯୀଶୁସ୍ ସିନ୍ ଧାରାଲାର୍, ତା ପାତ୍‌ରସ୍ ନିଜର ତାଲ୍‌ୱାର୍ ବୋନ୍ ଅଥ୍‌ରାସ୍ ଆରୁ ମହାଯାଜକସ୍ ଘି ଅଣ୍ଟା ସେବକ୍‌ସ୍ କି ହେବଦାନ୍ ମୁର୍‌କେ ଚାସ୍ । ଯୀଶୁସ୍ ତେଙ୍ଗିୟାସ୍,“ ତାଲୱାର ବୋନ୍ ଗେଚ୍ଛା କାମା ! ଏନ୍ ନିଜର ବୁଆସ୍ତିନ୍ ଏଙ୍ଘାଏ ବାଛାବାଗେ ଲାଗାନ୍ ସ୍ୱରଗଦୂତ୍ ଘି ଅଣ୍ଟା ସେନା ଘି ଲାଗାନ୍ ବିନ୍ତି କାମା ଅଙ୍ଗନ୍ । ଲେକିନ୍ ଏଙ୍ଗାଗେ ଏଙ୍ଘାଏ ବୁଆସ୍ ଘି କାତ୍‌ଥା ମାନ୍ନା ରାଇଦ୍ ।“ ବାକେନ୍ ଯୀଶୁସ୍ ହୁ ଆଲାସ୍ ଘି ହେବ୍‌ଦାବୋନ୍ ବାନେ କାମ୍‌ଚେଇଚାସ୍ । ବାକେନ୍ ଜାମା ଚେଲାର୍ ବୁଙ୍ଗାର ଚିଇଚାର୍ ।

*ମାଥିଉ ୨୬:୧୪-୫୬; ମାର୍କ ୧୪:୧୦-୫୦; ଲୂକ୍ ୨୨:୧-୫୩; ଯୋହନ ୧୨:୬; ୧୮:୧-୧୧  ସ୍ତିନ୍ ଅଣ୍ଟା ବାଇବାଲ୍ ଘି କାଥ୍ ନୀ*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_38_96kbps.mp3

## 39. ଯୀଶୁସ୍ ଘି ମିୟାଁ ମୁକଦ୍ଦମା ଚାଲାବାଚାର୍

https://openbiblestories.org/l/xis/story-39/

![](https://cdn.door43.org/obs/jpg/360px/obs-en-39-01.jpg)

ଆକ୍‌କୁନ ଇଦ୍ ଆଧା ମାହାଁ ଘି ସମୟ ରାଚାଦ୍ । ହୁବ୍ଡ଼ାର୍ ସେନାର ଯୀଶୁସିନ୍ ମାହାୟାଜକସ୍ ଘି ଏଡ଼ପା ଗେ ଅଚ୍‌ଚାର୍ କେରାର, ଏନ୍ଦେର୍ ଗେ କା ଯୀଶୁସିନ୍ ପୁଛ୍ ତାଛ୍ କାମାଗେ ଚାହାଲାର୍ । ପାତ୍‌ରାସ୍ ଗେଛାନ୍‌ନ୍ତି ହୁବ୍ଡ଼ାରିନ୍ ପିଛା କାମାଲାସ୍ । ଯେ ବାକେନ୍ ସେନାର୍ ଯୀଶୁସିନ୍ ଏଡ଼ପାନୁ ଅନ୍ଦରାର୍ ବାର୍‌ଚାର୍ ତା ପାତ୍‌ରାସ୍ ବାହାରି ରୁକ୍‌ରା କିରି ଚିଚ୍‌ଚୁ ସେକ୍‌ରାଲାସ୍ ।

![](https://cdn.door43.org/obs/jpg/360px/obs-en-39-02.jpg)

ଏଡ଼ପା ଉଲାନୁ, ଇହୁଦିଇ ଆଗୁଆର୍ ଯୀଶୁସ୍ ଘି ମିୟାଁ ମୁକଦ୍ଧମା ଚାଲାବାଚାର । ହୁବ୍ଡ଼ାର୍ ହୁସ୍ ଘି ବିରୁଦ୍ଧନୁ ଝୁଠା କାତ୍‌ଥା ଗୁଠିବୋନ୍ ତେଙ୍ଗାଗେ ଲାଗାନ୍ ଜୁକ୍‌କୁ ଗୁଡ଼େ ଝୁଠା ଗାୱାହାରିନ୍ ଅନ୍ଦରାର୍ । ହାଲେ ହିଁ, ହୁବ୍‌ଡାର୍ ଘି କାତ୍‌ଥାଦ୍ ଏକ୍ ଦୁସ୍‌ରେ ଘି ସହୋମତ୍ ମା ରାଚାଦ୍, ଇଦ୍ ଘି ଲଗାନ୍ ଇହୁଦୀର ଆଗୁୱାର ଇବୋନ୍ ଶାବିତ୍ କାମାଗେ ମା ପଲ୍ଲୀୟାର୍ କା ହୁସ୍ କିଛି କାତ୍‌ଥା ଘି ଲାଗାନ୍ ଦୋଶିସ୍ ରାଚାସ୍। ଯୀଶୁସ୍ ଏନ୍ଦେର୍ ହି ମା ତେଙ୍ଗିୟାସ୍।

![](https://cdn.door43.org/obs/jpg/360px/obs-en-39-03.jpg)

ଆଖିର୍ ନୁ, ମହାୟାଜକ୍‌ସ୍ ସିଧା ଯୀଶୁସ୍ ତାରା ଏରା କିରି ଢ଼େଙ୍ଗିୟାସ୍ ଏଙ୍ଗାନ୍ ତେଙ୍ଗା, “ଏନ୍ଦେର୍ ନିନ୍ ହି ଜିବିତ୍ ପାରମେଶ୍ଵର୍‌ସ୍ ଘି ହାହ୍‌ଦୁ ମାସିହିସ୍ କା ?“

![](https://cdn.door43.org/obs/jpg/360px/obs-en-39-04.jpg)

ଯୀଶୁସ୍ ଢ଼େଙ୍ଗିୟାସ୍, “ଏନ୍ ଅତଲ୍‌ଦାନ୍ ଆରୁ ନିମ୍ ଏଙ୍ଗାନ୍ ପାରମେଶ୍ଵର୍‌ସ୍ ସାଙ୍ଗେନୁ ଅକ୍‌ନା ରାଚାକା ଆରୁ ସରଗ ସ୍ତିନ୍ ବାରନା ବୋନ୍ ଭି ଏରୋର୍।“ ମହାୟାଜକ୍‌ସ୍ ନିଜର ଚିଢା ବୋନ୍ ଚାର୍‌ରେଇ ଚିଚ୍‌ଚାସ୍ ଏନ୍ଦେର୍ ଗେକା ଯୀଶୁସ୍ ଜେନ୍ କାଢ଼୍‌ଥା ବୋନ୍ ଢ଼େଙ୍ଗିୟାସ୍ ହୁସ୍ ହୁ କାଢ଼୍‌ଥା ନୁ ମୁରୁଖ୍ ଖିସାରାଚାସ୍। ହୁସ୍ ଦୁସ୍‌ରା ଆଗୁଆର୍ ଘି ମିୟାଁ ଚିର୍‌ରା ରାଚାସ୍। “ଏଙ୍ଘାନ୍ ବାତାବାଗେ ଲାଗାନ୍ ନେଖାର୍ ଘି ଗାୱାହା ଘି ଜାରୁରାତ୍ ମାଲ୍ଲାବିନ୍ କା ଇ ଆଲାସ୍ ଏନ୍ଦେର୍ କାମ୍‌ଚକା ଦାସ୍ ! ନିନ୍ ଖୁଦ୍‌ବୋନ୍ ହୁସିନ୍ ଇ ତେଙ୍ଘତେ ମେଞ୍ଜ୍‌କାଦାସ୍ ଦାର୍ କା ହୁସ୍ ପରମେଶ୍ଵରସ୍ ହାହଦୁସୀ ଇସ୍ ଘି ବାରେ ନୁଏନି ନିମ୍‌ହାର୍ ଘି ଏନ୍ଦେର୍ କାମ୍‌ନା ରାଇଦ୍ ?”

![](https://cdn.door43.org/obs/jpg/360px/obs-en-39-05.jpg)

ଜାମା ଇହୁଦି ଆଗୁଆର୍ ମହାୟାଜକ ସିନ୍ ଜାବାବ୍ ଚିଚ୍‌ଚାର୍, “ହୁସ୍ ଖିନା ଘି ଲାଏକସ୍ ଆତଲ୍‌ଦାସ୍।“ ବାକେନ୍ ହୁବଡାର୍ ଯୀଶୁସ୍ ଘି ହାନ୍ନୁ ପାଟି ହିଁଚାର୍, ହୁସ୍ ଘି ମିୟାଁ ଥୁପ୍ ପିୟାର୍, ହୁସିନ୍ ଡେମ୍‌ଚାର୍, ଆରୁ ହୁସ୍ ଘି ମାଜାକ୍ ଉଡାବାଚାର୍।

![](https://cdn.door43.org/obs/jpg/360px/obs-en-39-06.jpg)

ଆରୁ ପାତ୍‌ରାସ୍, ଯେ ବାକେନ୍ ହୁସ୍ ଏଡ଼ପା ଘି ବାହାରି ଅକ୍‌ଖାଲାସ୍ ବାକେନ୍ ଅଣ୍ଟା ଦାସି କୁକାଏ ହୁ ସିନ୍ ଏରିୟାଦ୍ । ହୁଦ୍‌ ହୁସିନ୍ ତେଙ୍ଗିୟାଦ୍,” ନିନ୍ ଭି ଯୀଶୁ ଘି ସାଙ୍ଗେନୁ ରାଚ୍‌କାଏ !” ପାଢ଼ରାସ୍ ମାନା କାମ୍‌ଚାସ୍ । ବାଦେନୁଁ, ଦୁସ୍‌ରା କୁକାଏଁହୁ ଇ କାତ୍‌ଥା ବୋନ୍ ତେଙ୍ଗିୟଦ୍, ଆରୁ ପାଢ଼୍‌ରାସ୍ ଫିର୍ ସେ ମାନା କାମ୍‌ଚେଚାସ୍ । ଆଖିର୍ ନୁ, କିଛି ଆଲାର୍ ତେଙ୍ଗିୟାର୍,“ ଏମ୍ ଆହାଲ୍‌ଦାମ୍ କା ନିନ୍ ଯୀଶୁସ୍ ଘି ସଙ୍ଗେନୁ ରାଚ୍‌କାଏ ଏନ୍ଦେର ଗେ କା ନିମ୍ ଦୁଇ ଲୋକ୍ ଗାଲିଲ ସ୍ତାର୍ ।

![](https://cdn.door43.org/obs/jpg/360px/obs-en-39-07.jpg)

ବାକେନ୍ ପାତ୍‌ରାସ୍ ତେଙ୍ଗିୟାସ୍,“ ଆଗାର୍ ଏନ୍ ଇ ଆଲାସିନ୍ ଆହାଲ୍ ଦାନ୍ ହାଲେ ପାରମେଶ୍ୱରସ୍ ଏଙ୍ଗାନ୍ ଶାରାପ୍ ଚିୟୋଚ୍!” ହୁ ବାକେନ୍ ହି ପାତ୍‌ରାସ୍ ଇ ଲେଖାନୁ କସମ୍ ମୋକ୍‌ଖା ଘି ବାଦେନୁ, ଅଣ୍ଟା ହେରୁ ଚିର୍‌ରା ରାଦ୍ । ଯୀଶୁସ୍ ପାଛ୍‌ଲି କିରାର୍ କିରି ପାତ୍‌ରାସ୍ ସିନ୍ ଏରିୟାସ୍ ।

![](https://cdn.door43.org/obs/jpg/360px/obs-en-39-08.jpg)

ପାତ୍‌ରାସ ହୁସାନ୍ ନ୍ତି ବୁଙ୍ଗେ ଚିଚ୍‌ଚାସ୍ ଆରୁ ମୁରୁଖ୍ ଅଲ୍‌ହିୟାସ୍ । ହୁ ସମୟନୁ, ଯୀଶୁ ସିନ୍ ଖିୟାଗେ ଲାଗାନ୍ ଇହୁଦା ଏରିୟାସ୍ କା ଇହୁଦିର୍ ଆଗୁଆର୍ ଯିଶୁ ସିନ୍ ଖିୟାଗେ ଦଣ୍ଡ ଚିଚ୍‌ଚାକାନା । ଇହୁଦା ଦୁଃଖି ମାନ୍‌ଚାସ୍ ଆରୁ ଖୁଦ୍ ବୋନ୍ ପିଟ୍‌ଟେ ଚିଚ୍‌ଚାସ୍ ।

![](https://cdn.door43.org/obs/jpg/360px/obs-en-39-09.jpg)

ହୁ ରାଜି ନ୍ତା ରାଜ୍ୟପାଳ ପିଲାତୁସ୍ ରାଚାସ୍ । ହୁସ୍ ରୋମ୍ ରାଜି ଗେ ଲାଗାନ୍ ନାଲ୍‌ଖୁ କାମାଲାସ୍ । ଇହୁଦି ଆଗୁୱାର ଇଶୁ ସିନ୍ ହୁସ୍ ଘି ଚାହାଁନୁ ଆଚ୍‌ଚାର୍ । ହୁବ୍ଡ଼ାର୍ ଚାହାଲାର୍ କା ପିଲାତୁସ୍ ହୁ ସିନ୍ ଖିନା ଘି ଦଣ୍ଡ୍ ଚୋସ୍ ଆରୁ ହୁ ସିନ୍ ପିଟୋଚୋସ୍ । ପିଲାତୁସ୍ ଇଶୁସିନ୍ ମେନ୍‌ଚାସ୍,“ ଏନ୍ଦେର୍ ନିନ୍ ଇହୁଦିର୍ ଘି ରାଜଏ କା?”

![](https://cdn.door43.org/obs/jpg/360px/obs-en-39-10.jpg)

ଯୀଶୁସ୍ ଜାବାବ୍ ଚିଚ୍‌ଚାସ୍,“ ନିନ୍ ସଥେନ୍ ତେଙ୍ଗାଲ୍ ଦାଏ । ଲେକିନ୍ ଏଙ୍ଘାଁ ରାଜି ଏସାନ ଧାର୍‌ତିନୁ ମାଲ୍ଲା । ଆଗାର୍ ରୋଦନେହାଲେ ଦାସ୍ ଗୁଠିର୍ ଏଙ୍ଘାଁ ଲାଗାନ୍ ଲାଢ଼େଇ କାମୋର୍ ନେ । ଏନ୍ ଧାରତି ନୁ ପାରମେଶ୍ୱରସ୍ ଘି ବାରେନୁ ସାଚ୍ଚାଇ ତେଙ୍ଗାଗେ ଲାଗାନ୍ ବାର୍‌ଚ୍‌କା ଦାନ୍ । ହାର୍ ଅଣ୍ଟା ଆଲାର୍ ସାଚ୍ଚାଇ ବୋନ୍ ପିୟାର୍ କାମ୍‌ନାର୍ ହୁବ୍ଡ଼ାର୍ ଏଙ୍ଘାଁଏ ମେନ୍‌ନାର ।” ପିଲାତୁସ୍ ପୁଛ୍ ଛାସ୍,“ ତା ସାଚ୍ଚାଇ ଏନ୍ଦେରଦ୍?”

![](https://cdn.door43.org/obs/jpg/360px/obs-en-39-11.jpg)

ଯୀଶୁସ୍ ଘି ସାଙ୍ଗେନୁ କାତ୍‌ଥା କାମ୍‌ନା ଘି ବାଦେନୁ, ପିଲାତୁସ୍ ବାହାରି ଭିଡ଼ ଘି ଚାହାଁନୁ କେରାସ୍ ଆରୁ ତେଙ୍ଗିୟାସ୍,“ ଏନ୍ ଏନ୍ନେ ଏନ୍ଦେର୍ ହି କାରଣ ମା’ ହକ୍‌ଖାନ୍ କା ଇସ୍ ଆଲାସ୍ ପିଟାଗେ ଲାଗାନ୍ ଲାଏକ ରାଦାସ୍ ।” ଲେକିନ୍ ଇହୁଦି ଆଗୁଆର୍ ଆରୁ ଭିଡ଼ ନ୍ତି ଚିର୍‌ରାରା କିରି ତେଙ୍ଗାଲନାର୍,“ ହୁସିନ୍ କ୍ରୁସ୍ ନୁ ଆରତା ଚା!” ପିଲାତୁସ୍ ଜାବ୍‌ବ ଚିଚ୍‌ଚାସ୍,“ ହୁସ୍ ଏନ୍ଦ୍ରିନ୍ ଭି ଗାଲତି କମନା ଘି ଦୋଷୀସ୍ ମାଲ୍‌ଦାସ୍ ।” ଲେକିନ ହୁବ୍ଡ଼ାର୍ ଆରୁ ଭି ଉଚ୍ଚା ଆୱାଜ୍ ନୁ ଚିର୍‌ରା ରାଗେ ଲାଗ୍‌ଗିୟାର୍ । ପିଲାତୁସ୍ ତିନ୍ ଥର ତେଙ୍ଗିୟାସ୍,“ ହୁସ୍ ଦୋଷୀ ମାଲ୍‌ଦାସ୍!”

![](https://cdn.door43.org/obs/jpg/360px/obs-en-39-12.jpg)

ପିଲାତୁସ୍ ଏଲ୍‌ଚିୟାସ୍ କେରାସ୍ କା ହୁ ଭିଡ଼ ଦାଙ୍ଗା ଫାସା ସୁରୁ କାମୋର୍ ଚୋର୍, ଇ ଲାଗାନ୍ ହୁସ୍ ନିଜର୍ ସେନା ଗୁଠିର୍ ଯୀଶୁ ସିନ୍ କ୍ରୁସ୍ ନୁ ଆର୍‌ତା ଗେ ଲାଗାନ୍ ମାନ୍‌ଚାସ୍ । ରୋମି ସେନାର ଯୀଶୁସିନ୍ କୋଡ଼ା ଲଗାବାଚାର୍, ଆରୁ ହୁ ସିନ୍ ରାଜାର୍ ଘି ଚିଢ଼ା ଆତ୍‌ତାଚାର୍, ଆରୁ ହୁସ୍ ଘି କୁକ୍‌କୁନୁ ଆଚ୍‌ଚୁ ଘି ବାନା ବାଚ୍‌କା ମୁକୁଟ ଉଇୟାର୍ । ବାକେନ୍ ହୁବ୍ଡ଼ାର୍ ଇ ତେଙ୍ଗା କିରି ମାନାଜ୍ ଉଡ଼ା ବାଗେ ଲାଗ୍ ଗିୟାର୍, “ଏରା, ଇହୁଦିର୍ ଘି ରାଜାସ୍ ?”

*मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_39_96kbps.mp3

## 40. ଯୀଶୁ ସିନ୍ କ୍ରୁସ୍‌ନୁ ଆର୍‌ତା କାଲିଦ୍

https://openbiblestories.org/l/xis/story-40/

![](https://cdn.door43.org/obs/jpg/360px/obs-en-40-01.jpg)

ଯୀଶୁସିନ୍ ନିନ୍ଦା କାମ୍‌ଚ୍‌କା ଘି ପାଛ୍‌ଲି, ସେନାର୍ ହୁସିନ୍ କୁରୁସ୍ ନୁ ଚାଢ଼ାବାଗେ ଲାଗାନ୍ ଅଚଚାର୍ କେରାର୍ ।ହୁବଡାର୍ ହୁ କୁରୁସ୍ ବୋନ୍ ଚେଡତା ଚାର ଏକାନୁ ହୁସ୍ ଖିୟସ୍ ।

![](https://cdn.door43.org/obs/jpg/360px/obs-en-40-02.jpg)

ହୁବ୍ଡ଼ା ସେନାର୍ ଯୀଶୁସିନ୍ ହୁ ଆଡାଗେ ହୁଇକିରି ବାର୍‌ଚାର୍ ଜେନ୍ କି “ଖୋପ୍‌ଡ଼ି” ବନାର୍ ଆରୁ ହୁସ୍‌କୀ ହେଖାନ୍ ଆରୁ ହେଡ଼ୁନ୍ କ୍ରୁସ୍‌ନୁ ଠକ୍‌ଚାର ଚିଚଚାର୍ । ଲେକିନ୍ ଯୀଶୁସ୍ ତେଙ୍ଗିୟାସ୍,“ହେ ବୁଆ, ଇବ୍ଡ଼ାରିନ୍ ମାଫ୍ କାମାଚା ଏନ୍ଦେର୍ ଗେ କା ଇବ୍‌ଡ଼ାର୍ ବାଲ୍‌ନାର୍‌ରିନ୍ ଏନ୍ଦେର୍ କାମ୍‌ଲନାର୍ ।” ହୁବ୍‌ଡ଼ାର୍ ଅଣ୍ଟା ତାକ୍‌ତାବୋନ୍ ହୁସ୍ ଘି କୁକ୍‌କୁଘି ମିଆଁ ଟାଙ୍ଗ୍ ଚାର୍ ଚିଇଚାର୍ । ହୁନ୍‌ନୁ ଲେଖ୍‌ଚ୍‌କା ରାଚା, “ୟହୂଦୀର୍‌ଘି ରାଜା।” ପିଲାତୁସୁସ୍ ହୁବ୍ଡ଼ାରିନ୍ ଏନ୍ନେ ଲେଖାଗେ ତେଙ୍କାଚାସ୍ ।

![](https://cdn.door43.org/obs/jpg/360px/obs-en-40-03.jpg)

ଯେ ବାକେନ୍ ସେନାର୍ ଗୁଠିର୍ ଯୀଶୁସ୍ ଘି ଚିଡ଼ା ଗୁଠି ଘି ଲାଗାନ୍ ଚିଠି ଗୁଠି ଡାଲ୍‌ଚାର୍ । ଯେତେ ବାକେନ୍ ହୁବ୍ଡ଼ାର୍ ଏନ୍ନେ କାମ୍‌ଚାର୍ ହୁବ୍‌ଡ଼ାର୍ ହୁ ଭବିଷ୍ୟତାଣୀବୋଦ୍ ପୁରା କାମ୍‌ଚାସ୍ ଜେନ୍ ତେଙ୍ଗାଲାର୍,“ହୁବ୍‌ଡ଼ାର୍ ଏଘାଁ ଚିଡ଼ାଗୁଠିବୋନ୍ ଏକ ଦୁସ୍‌ରେନୁ ହାଟ୍‌ରୋର୍, ଆରୁ ଏଘାଁ ଚିଡ଼ା ଘି ଲାଗାନ୍ ଚିଠିନ୍ ଡାଲୋର୍ ।”

![](https://cdn.door43.org/obs/jpg/360px/obs-en-40-04.jpg)

ହୁସାନ୍ ଜୋଡ଼େ ଡାକୁର୍ ରାଚାର୍, ହୁବ୍ଡ଼ାରିନ୍ ସେନାର୍ ଜାମାର୍ ହୁ ସମୟ ନୁ କ୍ରୁସ୍‌ନୁ ଆର୍‌ତାଚ୍‌କାଚାର୍ । ହୁବ୍ଡ଼ାର୍ ରିନ୍ ଯୀଶୁସ୍ ଘି ଦୁହି ପଖାନୁ ଉଇକା ଚାର । ହୁନୁନ୍‌ନ୍ତି ଅଣ୍ଟା ଡାକୁସ୍ ଯୀଶୁସିନ୍ ମାଜାକ୍‌ନୁ ଉଡ଼ାବାଚାସ୍, ଲେକିନ୍ ଦୁସ୍‌ରାସ୍ ତେଙ୍ଗିୟାସ୍,“ଏନ୍ଦେର୍ ନିନ୍ ମା’ଆ ଏଲଚ୍‌ଦାୟ କା ପାରମେଶ୍ୱରସ୍ ନିଘାଂନ୍ ଦଣ୍ଡ ଚିଆସ୍ ? ନାମ୍ ଜୁକ୍‌କୁ ଲେଖା ଖରାପ୍ ନାଲଖୂ ଗୁଠିନ୍ କାମ୍‌ନାଘି ଦୋଶିମ୍, ଲେକିନ୍ ଇ ଆଲାସ୍ ନିର୍ଦୋସ୍ ରାଦାସ୍ ।” ଫିର୍ ହୁ୍ ଯୀଶୁସିନ୍ ତେଙ୍ଗିୟାସ୍, “ଯେ ବାକେନ୍ ନିନ୍ ନିଜର୍ ରାଜିନୁ ବାରୟ ବାକେନ୍ ଦାୟା କାମି କିରି ଏଙ୍ଘାନ୍ ୟାଦ୍ ଉଇକେ ।” ଯୀଶୁସ୍ କାତଥା ଚିଇଚାସ୍,“ ଇନ୍ନା ହି ନିନ୍ ଏଙ୍ଘା ସାଙ୍ଗେନୁ ସ୍ୱରଗ୍‌ନୁ ରୋଏ ।”

![](https://cdn.door43.org/obs/jpg/360px/obs-en-40-05.jpg)

ୟିହୁଦୀ ଆଗୁଆର୍ ଗୁଠର୍ ଆରୁ ଭିଡ଼୍ ଘି ଦୁସ୍‌ରା ଆଲାର୍ ଗୁଠିର୍ ଯୀଶୁସ୍ ଘୀ ମାଜାକ୍ ଉଡ଼ା ବାଚାର୍ । ହୁବ୍ଡ଼ାର୍ ହୁସିନ୍ ତେଙ୍ଗିୟାର୍ , ଆଗାର୍ ନିନ୍ ପାରମେଶ୍ୱରସ୍ ଘି ହାଦ୍‌ଦୁଇ ,ତା କ୍ରୁସ୍ ସ୍ତିନ୍ କିଆଁ ଏତାବାରା ଆରୁ ଖୁଦ୍‌ବୋନ୍ ବାଛା ବାଆ! ହାଲ ଏମ୍ ନିଙ୍ଘା ମିଆଁ ବିଶ୍ୱାସଶ କାମୋମ ।”

![](https://cdn.door43.org/obs/jpg/360px/obs-en-40-06.jpg)

ବାକେନ୍ ହୁ ଜାମା ରାଜି ଘି ଆକାଶ ପୁରା ପୁରି ସ୍ତିନ୍ ବିଲାଏ ମାଞ୍ଚା କେରା, ଭାଲୋ ହି ହୁ ଉଲ୍ଲା ଆଡ଼ତ୍‌ବିଡ଼ ସମୟ ରାଚାଦ୍ ।ଇଦ୍ ଦୁଇ ପହର ଘି ସମୟ ବିଲାଏ ମାଞ୍ଚା କେର୍‌କିଚା ଆରୁ ତିନ୍ ଘାଣ୍ଟା ତୋକ୍ ଏନ୍ନେ ହିଁ ରାଚାଦ୍ ।

![](https://cdn.door43.org/obs/jpg/360px/obs-en-40-07.jpg)

ବାକେନ୍ ଯୀଶୁସ୍ ଚିଇରା କିରି ତେଙ୍ଗିୟାସ୍,“ ପୁରା ମାଞ୍ଚାଦ୍ ! ହେ ବୁଆ, ଏନ୍ ଏଙ୍ଘା ଜିୟାନ୍ ନିଙ୍ଘା ହେକ୍‌ଖାନୁ ଚିୟାଲ୍‌ଦାନ୍ ।” ବାକେନ୍ ହୁସ୍ ନିଜର୍ କୁକ୍‌ବୋନ୍ ଝୁକା ବାଚାସ୍ ଆରୁ ନିଜର୍ ଜିଆ ବୋଦ୍ ଉର୍‌ଖା କେରା । ଯେ ବାକେନ୍ ହୁସ୍ କେଚ୍‌ଚାସ୍ ହୁ ବାକେନ୍ ଧାନ୍ ନ୍ତାରିନ୍ ହିଲ୍‌ରା କେରା । ହୁ ବାଡ଼୍‌କା ପାର୍‌ଦା ଯେନ୍ ପାରମେଶ୍ୱରସ୍ ଘି ରାଚ୍‌କାସ୍ତିନ୍ ଆଲାରିନ୍ ଆଲ୍‌ଗା କମାଲ୍‌ଗାର୍ ମିଆଁନ୍ତିନ୍ କିଆଁତୋକ୍ ଗେ ଏଟ୍‌ଟ୍ରା ଆରୁ ଦୁଇ ଭାଗ୍ ମାଞ୍ଚା କେରାଦ୍ ।

![](https://cdn.door43.org/obs/jpg/360px/obs-en-40-08.jpg)

ନିଜର୍ କେଚ୍‌କା ଘି ଚାଲାତେ, ଯୀଶୁସ୍ ଆଲାର୍ ଘି ଲାଗାନ୍ ପାରମେଶ୍ୱରସ୍ ଘି ଚାହାଁ ବାର୍‌ନା ପାବୁ ଖୋଲ୍‌ଚା ଚିଚ୍‌ଚାସ୍ । ଯେ ବକେନ୍ ଯୀଶୁସ୍ ଘି ନିଗରାନୀ କାମନା ବାକେନ୍ ଅଣ୍ଟା ସେନାସ୍ ଏନ୍ଦ୍ରିନ୍ ଭି ମାଞ୍ଚାକିଚା ଜାମାନ୍ ଏରିୟାସ୍ ତା ହୁସ୍ ତେଙ୍ଗିୟାସ୍, ସଥେନ୍‌ନୁ ଇ ଆଲାସ୍ ଦୋଷିସ୍ ମା ରାଚାସ୍ । ଇସ୍ ପାରମେଶ୍ୱରସ୍ ଘି ହାଦ୍‌ଦୁସ୍ ।”

![](https://cdn.door43.org/obs/jpg/360px/obs-en-40-09.jpg)

ବାକେନ୍ ଯଶେଫ୍‌ସ୍ ଆରୁ ନିକୁ ଦେମୁସ୍ ନାମେ ଘି ଜଡ଼େ ଯିହୂଦୀ ଆଗୁ ଆର୍ ବାର୍‌ଚାର୍ । ହୁବ୍ଡ଼ାର୍ ବିଶ୍ୱାସ୍ କାମାଲାର୍ କା ଯୀଶୁସ୍ ହୁ ମାସିହ ରାଚାସ୍ । ହୁବ୍ଡ଼ର୍ ପିଲାତୁସ୍ ସିନ୍ ଯୀଶୁ ଘି ଶରୀର୍ ବୋନ୍ ନିଚାର୍ । ହୁବ୍ଡ଼ାର୍ ହୁସ୍ ଘି ଶରୀର୍ ବୋନ୍ ଚିତାନୁ ଗୁଡୁମୁଟୁ କାମ୍‌ଚାର୍ । ହୁବ୍ଡ଼ାର୍ ଆରୁ ଚାଟ୍‌ଣୀବୋନ୍ ଖୋଦା କିରି ମାଶଣା ବାନାବାଚା ରାଚାଦ୍ ଆରୁ ହୁଦ୍‌ଘି ଉଲାନୁ ଉଇୟାର୍ ଚିଚ୍‌ଚାର୍ । ହୁବ୍ଡ଼ାର୍ ହୁ ମାଶ୍‌ଣା ଘି ପାବୁବନ୍ ଢ଼ାପାଗେ ଅଣ୍ଟା ବାଡ଼୍‌କା ଚାଚାବୋନ୍ ତୁକ୍‌କା କିରି ଢ଼ାପାଚେଚାର୍ ।

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_40_96kbps.mp3

## 41. ପାରମେଶ୍ୱରସ୍ ଯୀଶୁସିନ୍ କେଚ୍‌କାସ୍ତିନ୍ ଉଜ୍‌ତା ଦାସ୍

https://openbiblestories.org/l/xis/story-41/

![](https://cdn.door43.org/obs/jpg/360px/obs-en-41-01.jpg)

ସେନାର୍ ଦୋବାରା ଚାଲତେ ଯୀଶୁସିନ୍ କ୍ରୁସ୍ ନୁ ଆରାତାନାଘି ପାଛ୍‌ଲି, ୟହୂଦୀ ଆଗୁଆର ପିଲାତୁସ୍ ସିନ୍ ତେଙ୍ଗିୟାର୍,“ ହୁସ୍ ଝୁଠାସ୍, ଯୀଶୁସ୍ ତେଙ୍କାଚାସ୍ କା ହୁସ୍ ତିନ୍ ଦିନ୍ ନୁ କେଚ୍‌କା ସ୍ତିନ୍ ଉଜ୍‌ଜୋସ୍ । ନେକି ନିନ୍ ଇବୋନ୍ ବେଏ ଫିକିର୍ କାମା ଗେ ଲାଗାନ୍ ମାଣାବୋନ୍ ଜାଗ୍‌ନା ପାଡ଼୍‌ରୋଦ୍ ହୁସ୍ ଘି ଚେଲାର୍ ହୁସ୍ କୀ ମାଣା ବୋନ୍ ହାଡ଼ି କିରି ମା’ ହୋର୍ । ଏନ୍ନେ ହୁବ୍ଡ଼ାର୍ ତେଙ୍ଗର୍ କା ହୁସ୍ କେଚ୍‌କାନ୍ତିନ୍ ଉଜ୍‌କା ଦାସ୍ ।”

![](https://cdn.door43.org/obs/jpg/360px/obs-en-41-02.jpg)

ପିଲାତୁସ୍ ତେଙ୍ଗିୟାସ୍,“ କିଛି ସେନା ଜାମାରିନ୍ ହୁଆଁ କାଲା, ଆରୁ ଏସ୍‌କେ ନିମ୍ କାମା ଅଙ୍ଗର୍ ହନ୍ନେ ମାଣା ବୋନ୍ ଜାଗା ।” ଇ ଲେଖା ହୁବ୍‌ଡ଼ାର୍ ହୁ ମାଶାଶ୍ ଘି କୋର୍‌ନ ପାବୁବୋନ୍ ଚାଚାନୁ ଅଣ୍ଟା ଛାପ୍ ଲାଗା ବାଚାର୍ । ହୁବ୍ଡ଼ାର୍ ଜାଗାଗେ ଲାଗାନ୍ ହୁସାନ୍, ସେନାରିନ୍ ଅକ୍‌ତାଚାର୍ କା ନେର୍‌ହି ହୁସ୍ ଘି ଶାରୀର୍ ବୋନ୍ ହାଡ଼ା ପଲ୍ଲନାର।

![](https://cdn.door43.org/obs/jpg/360px/obs-en-41-03.jpg)

ଯୀଶୁସ୍ ଘି ଖିନା ଘି ବାଦ୍‌ନୁ ସାତ୍‌ୱା ଉଲ୍ଲାନୁ ରାଚାଦ୍ ନେର୍ ଭି ସାତ୍‌ୱା ଉଲ୍ଲାନୁ ନାଲ୍‌ଖୁ ମା’ କାମୋର୍, ଇଦ୍‌ଘି ଲାଗାନ୍ ଯୀଶୁସ୍ ଘି ସାଙ୍ଗେର୍ ମାଶ୍‌ଣା ସାନ୍ ମାଲ୍ଲା ବାରୁର୍ । ଲେକିନ୍ ସାତ୍‌ୱା ଉଲ୍ଲା ଘି ବାଦେନୁ ପାଇରି ଭୋର୍ ଗେ , କିଛି ମୁକ୍‌କାର୍ ଯୀଶୁସ୍ ଘି ପାଶ୍‌ଣା ଗେ କାଲାଗେ ସାପ୍‌ଡ଼ା ରାଚାର ।ହୁବ୍ଡ଼ାର୍ ହୁସ୍ ଘି ଶାରିର୍‌ନୁ ଆରୁ ଭି ବାଲ୍‌କା, ଇସୁଁଙ୍ଗ୍, ମାସଲା ବୋନ୍ ଲାଗା ବାଗେ ଚାହାଲାର୍ ।

![](https://cdn.door43.org/obs/jpg/360px/obs-en-41-04.jpg)

ହୁ ମୁକାର ଘି ଆଣ୍‌ସ୍‌ନା ଘି ଆଘ୍‌ଲିନ୍, ମାଶ୍‌ଣାନୁ ଅଣ୍ଟା ବାଡ଼୍‌କା ଧାନ୍ତାରି ହିଲ୍‌ରାଦ୍ । ସ୍ୱରଗ୍ ସ୍ତିନ୍ ଅଣ୍ଟା ସ୍ୱରଗ୍‌ଦୂତ୍ ବାରିକିରି ହୁ ଚାଚାବୋନ୍ ହାଟାବାଚା ଚିଚାଦ୍ ଜେନ୍ ମଶ୍‌ଣା ଘି କରନା ପାବୁବୋନ୍ ଢ଼ାପ୍‌ଚକା ରାଚାଦ୍ ଆରୁ ହୁଦ୍ ଘି ମିୟାଁ ଅକିଚାନ୍ । ଇ ସ୍ୱରଗ୍‌ଦୂତ୍ ବିଲ୍ଲି ଲେଖା ଚାମ୍‌କା ରାଲାଦ୍। ମାଶ୍‌ଣାନୁ ଜେନ୍ ସୈନିକ୍ ରାଚାର୍ ହୁବ୍ଡ଼ା ହୁବୋନ୍ ଏରିୟାର୍ । ହୁବ୍ଡ଼ାର୍ ଏତ୍‌କୋ ଏଲ୍‌ଚିୟାର୍ କେର୍‌କାଚାର୍ କା କେଚ୍‌କା ଲେଖା ଏହେଁଲାନୁ ଖାତ୍‌ରାର୍ କେରାର୍ ।

![](https://cdn.door43.org/obs/jpg/360px/obs-en-41-05.jpg)

ଯେତେବାକେନ୍ ହୁବ୍ଡ଼ା ମୁକାର୍ ମାଶ୍‌ଣା ଗେ ଆଣ୍‌ସିୟାର୍, ତା ହୁ ସ୍ୱରଗଦୂତ୍ ହୁବ୍ଡ଼ାରିନ୍ ତେଙ୍ଗିୟାଦ୍, “ଆମ୍ବା ଏଲ୍‌ଚା । ଯୀଶୁସ୍ ଇସାନ୍ ମାଲ୍‌କା ସିନ୍ । ହୁସ୍ କେଚ୍‌କାସ୍ତିନ୍ ଉଜିୟାସ୍ କେର୍‌ଦାସ୍, ଏସ୍‌କେ କା ହୁସ୍ ତେଙ୍କାଚାସ୍ କା ହୁସ୍ ଜୀ ଉଠ୍‌ରୋସ୍ ! ମାଶ୍‌ଣାନୁ ବେଦ୍‌ଦା ଆରୁ ଏରା।” ହୁବ୍ଡ଼ା ମୁକ୍‌କାର ମଶ୍‌ଣା ଘି ଉଲ୍ଲା ଆରୁ ଏକାସାନ୍ ଯୀଶୁସ୍ ଘି ଶାରିର୍ ଉଇକାଚାର୍ ହୁସାନ୍ ବେଦିୟାର୍ ଆରୁ ଏରିୟାର୍ କା ହୁସ୍ କୀ ଶାରିର୍ ହୁସାନ୍ ମାଲ୍ଲା ରୁଦ୍ ।

![](https://cdn.door43.org/obs/jpg/360px/obs-en-41-06.jpg)

ବାକେନ୍ ହୁ ସ୍ୱରଗଦୂତ୍ ହୁ ମୁକାରିନ୍ ତେଙ୍ଗିୟାଦ୍,“ କାଇକିରି ହୁସ୍ ଘି ଚେଲାରିନ୍ ତେଙ୍ଗା,’ ଯୀଶୁସ୍ କେଚ୍‌କାସ୍ତିନ୍ ଉଜ୍ଜିୟାସ୍ କେର୍‌କାଦାସ୍ ଆରୁ ହୁସ୍ ନିମ୍‌ହାଁଏ ଆଘ୍‌ଲି- ଆଘ୍‌ଲି ଗାଲିଲ୍ ଗେ କୋସ୍ ।”

![](https://cdn.door43.org/obs/jpg/360px/obs-en-41-07.jpg)

ହୁବ୍ଡ଼ା ମୁକାର୍ ଚକ୍‌ରାରାର୍ କେରାର୍ ଆରୁ ମୁରୁଖ୍ ଖୁସି ମାଞ୍ଚାର୍ । ହୁବ୍ଡ଼ାର୍ ଚେଲାରିନ୍ ଇ ବାନେ କାତ୍‌ଥାନ୍ ମେନ୍‌ତା ଗେ କୁଦିୟା ରାଚାର୍ ।

![](https://cdn.door43.org/obs/jpg/360px/obs-en-41-08.jpg)

ଯେ ବାକେନ୍ ହୁ ମୁକାର୍ ଚେଲାରିନ୍ ଇ ବାନେ କାତ୍‌ଥାନ୍ ତେଙ୍ଗାଗେ ନିଜର୍ ପାବୁନୁ ରାଚାର୍ ତା ଯୀଶୁସ୍ ହୁବ୍‌ଡ଼ାରିନ୍ ଏଡିରିୟାସ୍ । ହୁବ୍ଡ଼ାର୍ ହୁସ୍ ଘି ହେତୁ କିୟାଁ ଖାତ୍‌ରା ବାକେନ୍ ଯୀଶୁସ୍ ତେଙ୍ଗିୟାସ୍,“ଅମ୍ବାଏଲ୍‌ଚା । କାଇକିରି ଏଙ୍ଘା ଚେଲା ଗୁଠୀରିନ୍ ଗାଲିଲ୍ କାଲାଗେ ତେଙ୍କେ । ହୁବ୍ଡ଼ାର୍ ହୁସାନ୍ ଏଙ୍ଘାନ ଏର୍‌ରୋ ।”

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_41_96kbps.mp3

## 42. ଯୀଶୁସ୍ ସ୍ୱରଗ୍ ଗେ କିର୍‌ଦାସ୍ କାଦାସ୍

https://openbiblestories.org/l/xis/story-42/

![](https://cdn.door43.org/obs/jpg/360px/obs-en-42-01.jpg)

ଜେନ୍ ଉଲ୍ଲ ପାରମେଶ୍ୱରସ୍ ଯୀଶୁସ୍ ଘି କେଚ୍‌କାସ୍ତିନ୍ ତି ଜୀବନ୍ ଚିଇଚାସ୍, ହୁସ୍‌କୀ ଜୋଡ଼େ ଚେଲାର୍ ଚାହାଁ ଘି ପାଡ଼ାଗେ କାଲାର୍ । ଏକ୍ ତେ ରାଇକିରି ହୁସ୍ ଯୀଶୁସ୍ ଘି ସାଙ୍ଗେନୁ ଜେନ୍ ଟା ମାଞ୍ଚ୍‌କିଚାଦ୍ । ହୁଦ୍ ଘି ବାରେନୁ କାଥା କାମାଲାର୍, ହୁସ୍‌କେ ଆଶା ରାଚାଦ୍ କା ହୁସ୍ ମାସିହିସ୍ ରାଚସ୍, ହାଲେ ହିଁ ହୁସ୍ ସିନ୍ ପିଟାର୍ ଚିଚ୍‌ଚାର୍ । ଆକୁନ୍ ହୁବ୍‌ଡ଼ା ମୁକାର୍ ତେଙ୍ଗାଲନାର୍ ହୁସ୍ ଫିରସ୍ତିନ୍ ଉଜୟାସ୍ କେର୍‌କାଦାସ୍ । ହୁବ୍‌ଡ଼ାର୍ ବାଆଲାର୍ ଲାଲାର୍ କା ଏକା କାଥାସ୍ତିନ୍ ବିଶ୍ୱାସ୍ କମ୍‌ନା ରାଇଦ୍ ।

![](https://cdn.door43.org/obs/jpg/360px/obs-en-42-02.jpg)

ଯୀଶୁସ୍ ହୁବ୍ଡ଼ାର୍ ଘି ଚାହାଁ ବାରିକିରି ହୁବ୍ଡ଼ାର୍ ଘି ସାଙ୍ଗେ ଏକା ଗେ ସୁରୁ ନାଞ୍ଚାସ୍, ଲେକିନ୍ ହୁବ୍ଡ଼ାର୍ ହୁସିନ୍ ଚିହ୍ନା ଗେ ପଲାରିନ୍ । ହୁସ୍ ମେଞ୍ଚାସ୍ କା ହୁସ୍ ଏକା ଘି ବାରେନୁ କାଥା କାମାଲ୍‌ନାର୍ । ହୁବ୍ଡ଼ାର୍ ହୁସିନ୍ ପାଛ୍‌ଲି ଉଲ୍ଲାନୁ ଯୀଶୁ ଘି ସାଙ୍ଗେନୁ ମାଞ୍ଚ୍ କିଚା ଜାମା ଘାଟ୍‌ନା ଘି ବାରେ ନୁ ବାତା ବାଚାସ୍ । ହୁବ୍‌ଡ଼ାର୍ ସୋଚାର୍ କା ହୁସ୍ ଏକାସ୍‌ସ୍ତା ପାରଦେଶୀ ସ୍ତିନ୍ କାତ୍‌ଥା କାମାଲ୍‌ନାର୍ ନେର୍ ମାଲ୍ଲା ଆହୁର୍ କା ଯେରୁଶାଲେମ୍ ନୁ ଏନ୍ଦେର୍ ମାଞ୍ଜ୍ କି ଚାଦ୍ ।

![](https://cdn.door43.org/obs/jpg/360px/obs-en-42-03.jpg)

ବାକେନ୍ ଯୀଶୁସ୍ ହୁବ୍ଡ଼ାରିନ୍ ବୁଝାବାଚାସ୍ କା ପାରମେଶ୍ୱରସ୍ ଘି ବାଚାନ୍ ମାସିହସ୍ ଘି ବାରେନୁ ଏନ୍ଦେର ବାଆଲିଦ୍ । ଡ଼େର୍ ଆଘ୍‌ଲି, ଭବିଷ୍ୟତବକ୍ତାସ୍ ତେଙ୍କାଚାସ୍ କା ଖରାପ୍ ଆଲାର୍ ମାସିହ ସିନ୍ ଦୁଃଖୁ ଚଅର ଆରୁ ପଟର ଚଅର । ଲେକିନ୍ ଭବିଷ୍ୟତବକ୍ତାର୍ ଏନେ ହିଁ ତେଙ୍କାଚାର୍ କା ହୁସ୍ ତିନ୍ ଦିନ୍‌ନୁ ହିଁ ଉଜ୍‌ଜୋସ୍ କୋସ୍ ।

![](https://cdn.door43.org/obs/jpg/360px/obs-en-42-04.jpg)

ବାକେନ୍ ହୁସ୍ ହୁ ପାଡ଼ାଗେ ଆଣସିୟାସ୍ ଏକାସାନ୍ ହୁବ୍‌ଡ଼ାର୍ ଦୁଇ ଲୋକ୍ ରାଗେ ଚାହାଲାର୍, ହୁବାକେନ୍ ଲାଗ୍‌ଭାଗ୍ ମାହାଁ ମାଞ୍ଚା କେର୍ କିଚା । ହୁବ୍ଡ଼ାର୍ ଯୀଶୁସିନ୍ ହୁସ୍ କୀ ଘି ସାଙ୍ଗେ ରାଗେ ଅନୁମୋତି କାମ୍‌ଚାର୍, ଆଖ୍‌ରିନୁ, ହୁସ୍ ହୁବ୍ଡ଼ାର୍ ଘି ସାଙ୍ଗେ ଅଣ୍ଟା ଏଡ଼୍‌ପା ଗେ କେରାସ୍ । ନିଜର୍ ମାହାଁନ୍‌ନ୍ତା ମାଣ୍ଡି ଆନାଗେ ଅକିୟାର୍ । ଯୀଶୁସ୍ ଅଣ୍ଟା ଆସ୍‌ମା ବୋନ୍ ହୋଇ କିରି ହୁବନ୍ ଲାଗାନ୍ ପାରମେଶ୍ୱରସିନ୍ ଧନ୍ୟବାଦ୍ ଚିଇଚାସ୍, ଆରୁ ଫିର୍ ହୁବନ୍ ଖଣ୍ଡିଯାସ୍ । ଅହନାସାରେନ୍, ହୁବ୍ଡ଼ାର୍ ଆହା ଅଙ୍ଗିୟାର୍ କା ହୁସ୍ ଯୀଶୁସ୍ ରାଚାସ୍ । ଲେକିନ୍ ହୁ ସମୟ, ହୁବ୍ଡ଼ାର୍ ଘି ହାନ୍‌ନୁ ଗୁଠି ଧନ୍ଧୁଲା ମାଞ୍ଚାର୍ କେରାର୍ ।

![](https://cdn.door43.org/obs/jpg/360px/obs-en-42-05.jpg)

ହୁ ଦିଲୋକ୍‌ରିନ୍ ଅଣ୍ଟା ଦୁସ୍‌ରେସିନ୍ ତେଙ୍ଗିୟାସ୍, “ହୁ ଯୀଶୁସ୍ ରାଚାସ୍ ! ଇଦ୍‌ଘି ଲାଗାନ୍ ହୁସ୍ ନାମାରିନ୍ ପାରମେଶ୍ୱରସ୍ ଘି କାଥା ବୋନ୍ ବୁଝାବାଚ୍‌କାଚାସ୍ ତା ନାମ୍ ମୁରୁଖ୍ ଖୁସିନୁ ରାଚ୍‌କତ୍ ।” ଜାଲ୍‌ଦିନ୍ତ ହୁବ୍‌ଡ଼ାର୍ ଉର୍‌ଖିକିରି ଯେରୁସାଲେମ୍ ଗେ କେରାର୍ ବାକେନ୍ ହୁବ୍ଡ଼ାର୍ ଆଣସ୍‌ନାର୍ ତା ହୁବ୍‌ଡ଼ା ଚେଲାରିନ୍ ତେଙ୍ଗ୍‌ନାର୍,“ ଯୀଶୁ ଉଜ୍ ଜାଲ୍ ଦାସ୍ ! ଏମ୍ ହୁସିନ୍ ଏର୍ କାମ୍ ।”

![](https://cdn.door43.org/obs/jpg/360px/obs-en-42-06.jpg)

ବାକେନ୍ ଚେଲାର୍ କାଥା କାଚ୍‌ଲେଖ୍‌ରାଲାର୍, ଯୀଶୁସ୍ ଅହନାସାରେନ୍ ସ୍ତିନ୍ ହୁ ବାଖ୍‌ରାନୁ ହୁବ୍ଡ଼ାର୍ ସାଙ୍ଗେନୁ ଏଥ୍‌ରାସ୍ । ହୁସ୍ ତେଙ୍ଗିୟାସ୍,“ ନିମାଁଗେ ଶାନ୍ତି ହାକ୍‌ଖ ରଦ୍ !” ଚେଲାର୍ ସୋଚାର୍, କା ହୁଦ୍ କିଛି ଭୂତୁ ରାଚାଦ୍, ଲେକିନ୍ ଯୀଶୁସ୍ ତେଙ୍ଗିୟାସ୍,“ ନିମ୍ ଏନ୍ଦେର୍ ଗେ ଏଲ୍‌ଚାଲ୍‌ଦାର୍ ? ନିମ୍ ଏନେଏ ଏନ୍ଦେର୍ ଗେ ମା’ ସୋଚାଲ୍‌ଦାର୍ ଇଦ୍ ସଥେନ୍ ସ୍ତି ଏନ୍, ଯୀଶୁନ୍ ? ଏଙ୍ଘାଏ ହେକ୍ଖା ଆରୁ ହେଡ଼ୁନ୍ ବୋନ୍ ଏରା । ଭୂତ୍ ଘି ଏନେଏ ମେଦୁ ମା’ ରାଇଦ୍ ଜେସ୍‌କେ ଏଙ୍ଘାଏନୁ ରାଇଦ୍ ।” ଇଦାନ୍ ଏଦାଗେ କା ହୁଦ୍ କିଛି ଭୂତ୍ ମାଲ୍ଲା ରୁଦ୍, ହୁବ୍ଡ଼ାର୍ ଅନାଗେ କିଛି ନିଚାସ୍ । ହୁବ୍ଡ଼ାର୍ ହୁସ୍‌କେ ଘି ଅଣ୍ଟା ଖାଡ଼େ ଚିଇଚାସ୍, ଆରୁ ହୁସ୍ ହୁ ଇନ୍‌ଜୋ ବୋନ୍ ମକ୍‌ଖାସ୍ ।

![](https://cdn.door43.org/obs/jpg/360px/obs-en-42-07.jpg)

ଯୀଶୁସ୍ ତେଙ୍ଗିୟାସ୍,“ ଏଙ୍ଘାଏ ବାରେନୁ ପାରମେଶ୍ୱରସ୍ ଘି ବାଚାନ୍ ଜେନ୍ କିଛି ଭି ତେଙ୍ଗାଲିଦ୍ ହୁଦ୍ ଘାଟାରଦ୍ । ଏନ୍ ନିମାରିନ୍ ତେଙ୍କାନ୍ ଚିଇଚ୍‌କାଚ୍‌କାନ୍ କା ଇଦ୍ ଘି ମାନ୍ନା ଜରୁର୍ ରାଇଦ୍ ।” ବାକେନ୍ ଯୀଶୁସ୍ ହୁବ୍ଡ଼ାରିନ୍ ପାରମେଶ୍ୱରସ୍ ଘି ବାଚାନ୍ ବାନେକିରି ବୁଝା ବାଚାସ୍ । ହୁସ୍ ତେଙ୍ଗିୟାସ୍, ଡ଼େର୍ ଆଘ୍‌ଲି ଭବିଷ୍ୟତବକ୍ତାର୍ ଲିଖ୍‌ଚ୍‌କାଚାର୍ କା ଏଙ୍ଘାନ୍, ମାସିହିସ୍ କେ ଦୁଃଖୁ ଉଠାବାଗେ ପାତ୍ରୋଦ୍, ଖିନା ମାନଦ୍ ଆରୁ ଫିର୍ ତିସ୍‌ରା ଉଲ୍ଲାନୁ କେଚ୍‌କାନ୍‌ସ୍ତିନ୍ ଜି ଉଠ୍‌ରନା ମାନଦ୍ ।”

![](https://cdn.door43.org/obs/jpg/360px/obs-en-42-08.jpg)

ଭବିଷ୍ୟତବକ୍ତାର୍ ଏନେ ହିଁ ଲେଖା ରାଚାଦ୍ କା ଏଙ୍ଘାଏ ଚେଲାର୍ ପାମେଶ୍ୱରସ୍ ଘି ବାଚାନ୍ ଘି ଘୋଷଣା କାମ୍‌ରୋ । ହୁବ୍‌ଡ଼ା ଜାମା ଅଣ୍ଟାରଗେ ପାଛ୍‌ପରାଗେ ତେଙ୍ଗ୍‌ର୍ । ଲେକିନ୍ ଇବ୍‌ଡ଼ାର୍ ଏନେଏ ତେଙ୍ଗାଲ୍‌ନାର୍ କା ପାରମେଶ୍ୱରସ ହୁବ୍ଡ଼ାର୍ ଘି ପାପ୍‌ବୋନ୍ ଛେମା କାମ୍‌ଚୋସ୍ । ଏଙ୍ଘାଏ ଚେଲାର୍ ଇ ଖବର ଘି ପ୍ରଚାର୍ କାମାଗେ ଯେରୁସାଲେମ୍ ସ୍ତିନ୍ ସୁରୁ କାମ୍‌ମୋର୍ । ବାକେନ୍ ହୁବ୍ଡ଼ାର୍ ଜାମା ଆଡ଼ା ଜାମା ଜାତି ଗୁଠିନୁ କୋର୍ । ନିମ୍ ଗୁଠି ଏଙ୍ଘାଏ ଜାମା ଅଣ୍ଟା କାଥା ଆରୁ ନଲ୍‌ଖୁ ଘି ଗାୱାହା ମାନର୍ ଜେନ୍‌ଟା ଏନ୍ ତେଙ୍କାନ୍ ଆରୁ କାମ୍‌ଚ୍‌କାଚ୍‌କାନ୍, ଆରୁ ହୁ ଜାମାନ୍ ଜେନ୍‌ଟା ଏଙ୍ଘାଏ ଗାନେ ମାଚ୍‌କିଚାଦ୍ ।”

![](https://cdn.door43.org/obs/jpg/360px/obs-en-42-09.jpg)

ଆଘ୍‌ଲି ଚାଲିଶ୍ ଉଲ୍ଲା ଗୁଠିନୁ, ଯୀଶୁସ୍ ନିଜର୍ ଚେଲାର୍ ସାନ କେତେକ୍ ଥର୍ ପ୍ରଗଟ୍ ମାଚ୍ କା ଦାସ୍, ଅଣ୍ଟା ଥର ହୁସ୍ ଅଣ୍ଟାହି ସମୟନୁ ୫୦୦ ସ୍ତିନ୍ ବାଗେ ଆଲଗୁଠିର୍ ସାନ୍ ପ୍ରଗଟ୍ ମାଚ୍ କା ଦାସ୍! ହୁସ୍ ନିଜର ଚେଲା ଗୁଠିରିନ୍ କେତ୍‌କୋ ପ୍ରକାର୍ ଘିସ୍ତିନ୍ ସାବିତ୍ କାମ୍‌ଚାସ୍ କା ହୁସ୍ ଉଜ୍ଜାଲ୍ ଦାସ୍, ଆରୁ ହୁସିନ୍ ହୁବ୍ଡ଼ାରିନ୍ ପାରମେଶ୍ଵରସ୍ ଘି ରାଜି ଘି ବାରେନୁ ଶିକ୍ଷା ଚିଇଚାସ୍ ।

![](https://cdn.door43.org/obs/jpg/360px/obs-en-42-10.jpg)

ଯୀଶୁସ୍ ନିଜର୍ ଚେଲା ଗୁଠିରିନ୍ ତେଙ୍ଗିୟାସ୍,“ ପାରମେଶ୍ୱରସ୍ ଏଙ୍ଗାନ୍ ସରଗ୍ ଆରୁ ଦୁନିଆଁ ଘି ଜାମା ଅଣ୍ଟା ଆଲାର୍‌ଘି ମିଆଁ ଶାସନ୍ କାମାଗେ ଅଧିକର ଚିଇଚ୍‌କା ଦାସ୍ । ଇଦ୍ ଘି ଲାଗାନ୍ ଆକୁନ୍ ଏନ୍ ନିମାରିନ୍ ତେଙ୍ଗାଲ୍ ଦାନ୍ । କାଇକିରି ଜାମା ଜାତି ଘି ଆଲାରିନ୍ ଚେଲା କମା । ଏନେଏ କାମ୍‌ନା ଘି ଲାଗାନ୍, ନିମାରିନ୍ ଇବ୍ଡ଼ାରିନ୍ ପିତା, ପୁତ୍ର ଆରୁ ପବିତ୍ର ଆତ୍ମା ଘି ନାମେନୁ ବାତିସ୍‌ମ୍ମା ଚିଇୟାଗେ ରାଇଦ୍ । ଯେନ୍ କିଛି ଭି ନିମାରିନ୍ ଅନୁମୋତି ଚିଇଚ୍‌କା ଦାନ୍ ଜାମା କାଥା ଗୁଠିନ୍ ମାନାଗେ ଭୀ ନିମାଗେ ହୁବ୍‌ଡ଼ାରିନ୍ ଶିଖାବା ଗେ ରାଇଦ୍ । ମନେ ଉଇୟା, ଏନ୍ ଜାମା ବାକେନ୍ ନିମ୍ ହାଁ ସାଙ୍ଗେନୁ ରଅନ୍ ।”

![](https://cdn.door43.org/obs/jpg/360px/obs-en-42-11.jpg)

ଯୀଶୁସ୍ ଘି କେଚ୍‌କା ସ୍ତିନ୍ ଜି ଉଠ୍‌ନା ଘି ଚାଳିଶ୍ ଉଲ୍ଲା ଘି ପାଛ୍‌ଲି, ହୁସ୍ ନିଜର୍ ଚେଲାରିନ୍ ତେଙ୍ଗିୟାସ୍,“ ଯେତ୍‌କ ତକ୍ ଏଙ୍ଘାଏ ବୁଆସ୍ ନିମାରିନ୍ ଶକ୍ତି ମା’ ଚିଇୟାଲଦାସ୍ ତବ୍ ତକ୍ ଯେରୁସାଲେମ୍ ନୁ ରାକାଲା । ହୁସ୍ ନିମ୍ ହଁ ମିଆଁ ପବିତ୍ର ଆତ୍ମା ତାଇକା ଘି ଦ୍ୱାରା ଏନେଏ ନାନସ୍ ।” ବାକେନ୍ ଯୀଶୁସ୍ ସ୍ୱରଗର୍ଗେ ବୁଙ୍ଗାସ୍ ଚିଇଚାସ୍, ଆରୁ ଅଣ୍ଟା ବାଦ୍‌ଲିଦ୍ ହୁସିନ୍ ହିବ୍ଡ଼ାର୍ ଘି ଏର୍‌ନାସ୍ତିନ୍ ନୁଡ଼ା ଚିଇଚାସ୍ । ସ୍ୱରଗନୁ ଯୀଶୁସ୍ ଜାମା ଜୀଜୁ ମିଆଁ ଶାସନ୍ କାମାଗେ ପାରମେଶ୍ୱରସ୍ ଘି ତିନାତାର ଅକ୍‌ଇୟାସ୍ ।

*ମାଥିଉ ୨୮:୧୬-୨୦; ମାର୍କ ୧୬:୧୨-୨୦; ଲୂକ ୨୪:୧୩-୫୩; ଯୋହନ ୨୦:୧୯-୨୩; ପ୍ରେରିତ ୧:୧-୧୧ ସ୍ତିନ୍ ବାଇବଲ୍ ଘି କାଥ୍‌ନି*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_42_96kbps.mp3

## 43. କାଳିସିୟା ଘି ସୁରୁ

https://openbiblestories.org/l/xis/story-43/

![](https://cdn.door43.org/obs/jpg/360px/obs-en-43-01.jpg)

ଯୀଶୁସ୍ ସ୍ୱରଗ୍ ଗେ କିରିୟାସ୍ ଘି ପାଛ୍‌ଲି, ଚେଲାର୍ ଯେରୁଶାଲମ୍ ନୁ କେରାର୍ ଯେସ୍‌କେ ଯୀଶୁସ୍ ହୁବ୍ଡ଼ାରିନ୍ କାମାଗେ ହୁକୁମ୍ ଚିଚ୍‌କାଚାସ୍ । ହିଆନ୍‌ନ୍ତାର୍ ବିଶ୍ୱାସୀ ଆଲାର୍ ଲାଗାତାର୍ ରୋଜ୍ ଅଣ୍ଟା ସାଙ୍ଗେନ୍ ପ୍ରାର୍ଥନା କାମାଗେ ଅନ୍‌ଠାଶ୍ ମାନାକିରି କାମାଲାର୍ ।

![](https://cdn.door43.org/obs/jpg/360px/obs-en-43-02.jpg)

ସବୁ ବୋଛ୍‌ର, ଫସହ ଘି ପରବ ଘୀ ୫୦ ଉଲ୍ଲାଘି ପାଛ୍‌ଲି ଗେ , ଯହୁଦୀ ଆଲାର୍ ପିନ୍‌ଡେ କୁସତ୍ ନାମେ ଘି ଅଣ୍ଟା ମହୋତ୍ୱ ପୂର୍ଣ ଉଲ୍ଲା ବୋନ୍ ମାନାଲାର୍ । ପିନ୍‌ତେକୁସତ୍ ହୁ ସମୟ ରାଚାଦ୍ ଯେବାକେନ୍ ଇଦ୍ ଘି ଆଲାର୍ ଗହମ୍ ମୁର୍‌କା ନା ବୋନ୍ ମାନାଲାର୍ । ଜାମା ଦୁନିଆଁସ୍ତିନ୍ ଇହୁଦୀ ଆଲାର୍ ପିନ୍‌ତେକୁସତ୍ ଘି ଉଲ୍ଲାବନ୍ ଅଣ୍ଟା ସାଙ୍ଗେ ମାନା ବାଗେ ୟେରୁଶାଲମ୍ ଗେ ବରା ଲାର । ଇ ପେଛର୍ , ପିନ୍‌ତେ କୁସତ୍ ମାନା ବାନା ଘି ସମୟ ଯୀଶୁସ୍ ଘି ସ୍ୱରଗ ଗେ ବୁଙ୍ଗାନ୍ ଘି ଲାଗ୍ ଅଣ୍ଟା ହାଟେ ଘି ପାଛ୍‌ଲି ବାର୍‌ଚାଦ୍ ।

![](https://cdn.door43.org/obs/jpg/360px/obs-en-43-03.jpg)

ଜେନ୍ ସମୟ ଜାମା ବିଶ୍ୱାସୀ ଆଲାର୍ ଅଣ୍ଟା ସଙ୍ଗେ ଅଠାଣସାନ୍ ରାଚାର୍, ଜେନ୍ ଏଡ଼ପାନୁ ହୁବ୍ଡ଼ାର୍ ରାଚାର୍ ଆହନା ସାରେନ୍ ସ୍ତିନ୍ ହୁଦ୍ ହୋର୍ ଧୁକା ଘି ଆୱାଜ୍ ତିନ୍ ନିନ୍ଦାରା କେରାଦ୍ । ବାକନ୍ ଚିଚୁ ଘି ଲେଖା ଏର୍‌ନା ଲେଖା କିଛି ଜାମା ବିଶ୍ୱାସୀର୍ ଘି କୁକ୍‌କୁ ଘି ମିଆଁ ପ୍ରଗଟ୍ ମାଞ୍ଚାଦ୍ । ହୁବ୍ଡ଼ା ଜାମାର୍ ପବିତ୍ର ଆତ୍ମା ସ୍ତିନ୍ ନିନ୍ଦ୍‌ରାର୍ କେରାର୍ ଆରୁ ହୁବ୍ଡ଼ାର୍ ଦୁସ୍‌ରା କାତ୍‌ଥା ଗୁଠିନୁ ନେକିନ୍ ତେଙ୍ଗନା ଗେଲାଗାନ୍ ହୁବ୍ଡ଼ାର୍‌ଗେ ପବିତ୍ର ଆତ୍ମାଦ୍ ଲାଏକ୍ ବାନା ବାଚାସ୍ ।

![](https://cdn.door43.org/obs/jpg/360px/obs-en-43-04.jpg)

ଯେତେବାକେନ୍ ୟେରୁଶାଲେମ୍‌ନୁ ରାନା ବାଲା ଆଲାର୍ ହୁ ଚିର୍‌ରାରାନା ବୋନ୍ ମେଞ୍ଚାର୍, ତା ହୁବ୍ଡ଼ାର୍ ଭୀଡ଼୍ ବୋନ୍ ଏରାଗେ ଲାଗାନ୍ ଗେ ଅଣ୍ଟା ସାଙ୍ଗେନୁ ବାର୍‌ଚାର୍ କା ଏନ୍ଦେର୍ ମାନାଲାଦ୍ । ହୁବ୍‌ଡ଼ାର୍ ବିଶ୍ୱାସିର ପାରମେଶ୍ୱରସ୍ ତାରିତି କାମ୍‌ଚ୍‌କା ବାଡ଼୍କା – ବାଡ଼କା ନାଲ୍‌ଖୁ ଘି ଡିକ୍‌ଲା କାମ୍‌ନା ପେଞ୍ଚାର । ହୁବ୍‌ଡ଼ାର୍ ଚକ୍‌ରାର୍ କେର୍ କା ଚାର୍ ଏନ୍ଦେର୍ ଗେ କା ନାଲ୍‌ଖୁ ଗୁଠିଦ୍ ନିଜର୍ ହିଁ ଭାଷା ଗୁଠିନୁ ମେନା ଲାର୍ ।

![](https://cdn.door43.org/obs/jpg/360px/obs-en-43-05.jpg)

ଇନ୍‌ନିନ୍ତିର୍ କିଛି ଆଲାର୍ ତେଙ୍ଗିୟାର୍ କା ହୁବ୍ଡ଼ାର୍ ଚେଲାର୍ ନାଶା ନୁ ରାଚାର୍ । ଲେକିନ୍ ପାତ୍‌ରାସ୍ ଇଜ୍‌ଜାସ୍ ଆରୁ ହୁବ୍‌ଡ଼ାରିନ୍ ତେଙ୍ଗିୟାସ୍, “ ଏଙ୍ଘାଏ ” କାତ୍‌ଥାନ୍ ଗନା ! ଇବ୍‌ଡ଼ା ଆଲାର୍ ନାଶାନୁ ମଲ୍‌କାର୍ ! ଇଦ୍‌ଘି କାରମ ଜେନ୍ ନିମ୍ ଏରାଲ୍‌ଦାର୍ ହୁସ୍ ହୁସିନ୍ ଜେନ୍ ଯୋଏଲ୍ ଭବିଷ୍ୟବକ୍ତାସ୍ ତେଙ୍ଗାଚାସ୍ କା ମାନୋଦ୍ ପାରମେଶ୍ୱରସ୍ ତେଙ୍ଗିୟାସ୍, ଆଖିରି ଘି ଉଲ୍ଲାନୁ , ଅନ୍ ନିଜର୍ ଆତ୍ମାନ୍ ତୁନ୍ଦୋଚେନ୍ ।”

![](https://cdn.door43.org/obs/jpg/360px/obs-en-43-06.jpg)

“ ହେ ଇସ୍ରାଏଲି ମେତାରୋର୍ , ଯୀଶୁସ୍ ଅଣ୍ଟା ଏନ୍ନେ ଆଲାସ୍ ରାଚାସ୍ ନେର୍ ଇଦାନ୍ ଏରାଗେ ଲାଗାନ୍ କା ହୁସ୍ ନେର୍ ରାଚାର୍ ଜୁକ୍‌କୁ ମା’ ଶୋଚ୍‌କା ନାଲ୍‌ଖୁ କାମ୍‌ଚ୍‌କାଚାସ୍ । ହୁସ୍ ପାରମେଶ୍ୱରସ୍ ଘି ଶକ୍ତି ସ୍ତିନ୍ ଜୁକ୍‌କୁ ଅଦ୍‌ଭୂତ୍ ନାଲ୍‌ଖୁ ଗୁଠି କାମ୍‌ଚ୍‌କାଚାସ୍ । ନିମ୍ ଇଦାନ୍ ଆହାଲ୍‌ଦାର୍, ନ୍ଦେର୍ ଗେ କା ଇ ନାଲ୍‌ଖୁ ଗେନ୍ ଏର୍‌କାଦାର୍ । ଲେକିନ୍ ନିମ୍ ହୁସିନ୍ କ୍ରୁସ୍‌ନୁ ଆର୍‌ତା ବାଚ୍‌କାର୍ ଚିଇଚ୍‌କାର୍ ।”

![](https://cdn.door43.org/obs/jpg/360px/obs-en-43-07.jpg)

“ ଯୀଶୁସ୍ କେଚାସ୍ କେରାସ୍ ଲେକିନ୍ ପାରମେଶ୍ୱରସ୍ ହୁସିନ୍ କେଚ୍‌କାସ୍ତିନ୍ ଭୀ ଉଜ୍‌ତା ଚିଇଚାସ୍ । ହୁସ୍ ହୁ କାତ୍‌ଥା ବୋନ୍ ପୁରା କାମ୍‌ଚାସ୍ ଜେନ୍ ଅଣ୍ଟା ଭବିଷ୍ୟତବକ୍ତାସ୍ ଲେଖ୍‌ଚ୍‌ଚସ୍; ନିନ୍ ନିଜର୍ ପବିତ୍ର ଆଲାରିନ୍ ମାଶ୍‌ଣାନୁ କିତ୍‌ତା ଗେ ମା’ ଚିଦାଏ ।‘ ଏମ୍ ଗାୱାହାରାଦାମ୍ କା ପାରମେଶ୍ୱରସ୍ ଯୀଶୁସିନ୍ ଫିର୍ ସେ ଉଜ୍‌ତାଚାସ୍ ।”

![](https://cdn.door43.org/obs/jpg/360px/obs-en-43-08.jpg)

ପାରମେଶ୍ୱରସ୍ ବୁଆସ୍ ଆକ୍‌କୁନ୍ ଯୀଶୁସିନ୍ ନିଜର ତିନାତାରା ଆକ୍‌ତି କରି ହୁସିନ୍ ଆଦର୍ ଚିଚ୍‌କାଚାସ୍ । ଆରୁ ଯୀଶୁସ୍ ନାମା ଲାଗାନ୍ ପବିତ୍ର ଆତ୍ମା ତାଇୟାସ୍ ଚିଚ୍‌କ ଦାସ୍ ଯେନ୍ତା କା ହୁସ୍ ୱାଦା କାମ୍‌ଚ୍‌କାଚସ୍ କା ହୁସ୍ ତାଇୟୋନ୍ । ପବିତ୍ର ଆତ୍ମାଦିହି ହୁ ନାଲ୍‌ଖୁ ବନ୍ କାମାଗେ ଚିୟାଲ୍‌ଦାସ୍ ଇଦିନ୍ ନିମ୍ ଏରାଲ୍ ଦାର୍ ଆରୁ ମେନଲ୍ ଦାର୍ ।”

![](https://cdn.door43.org/obs/jpg/360px/obs-en-43-09.jpg)

“ନିମ୍ ହୁ ଆଲାସିନ୍, ଯୀଶୁ ସିନ୍ କ୍ରୁସ୍ ମିଆଁ କା ପାରମେଶ୍ୱରସ୍ ଯୀଶୁସ୍ ଚିଚ୍‌କାର୍ । ଲେକିନ୍ ସାଥେନ୍ ରୂପ୍‌ସ୍ତିନ୍ ଆହାକାଲା କା ପରମେଶ୍ୱରସ୍ ଯୀଶୁସ୍ ସିନ୍ ଜାମା ଜିନିଷ ନୁଁ ପ୍ରଭୁ ଆରୁ ମାସିହି ଜୋଡ଼ାନୁ ଠାହାର୍‌କା ଦାସ୍ !”

![](https://cdn.door43.org/obs/jpg/360px/obs-en-43-10.jpg)

ପାତ୍‌ରସ୍ ଘି କାତ୍‌ଥା ମେନା ବାଲାର୍ ଆଲାର୍ ହୁସ୍ କୀ ଚାଲ୍‌ତେ ଚିଚ୍‌କା କାଥାସ୍ତିନ୍ ଉଲାତୋନ୍ ହିଲ୍‌ରାର୍ କେରାର୍ । ଇଦ୍‌ଘି ଲାଗାନ୍ ହୁବ୍‌ଡ଼ାର୍ ପାତ୍‌ରାସ୍ ଆରୁ ଚେଲାରିନ୍ ବୋନ୍ ଚାସ୍ ,“ ହେ ଭାଇ ଗୁଠିର୍ , ଏନା ଏନ୍ଦେର୍ କାମନା ପାଡ଼ରୋଦ୍ ?”

![](https://cdn.door43.org/obs/jpg/360px/obs-en-43-11.jpg)

ପାତ୍‌ରାସ୍ ହୁବ୍‌ଡ଼ାରିନ୍ ଚିଚ୍‌ଚାସ୍,“ ସ୍ତିନ୍ ଜାମା ଅଣ୍ଟା ନିଜର ପାପ୍ ଘି ଲାଗାନ୍ ପାଛ୍‌ତାରା ଯେନ୍‌ଟା ପାରମେଶ୍ୱରସ୍ ନିମାଏଁ ପାପ୍ ବୋଛିମା ମାପ୍ କାମୋସ୍ ଆରୁ ଯୀଶୁ ମାସିହିସ୍ ଘି ନାମେନ୍ତି ବାତ୍‌ତିସ୍‌ମା ହୁଆଁ । ବାକେନ୍ ହୁସ୍ ନିମାଗେ ବାର୍‌ଦାନ୍ ଲେଖାନୁ ପବିତ୍ର ଆତ୍ମା ବୋନ୍ ଚୋସ୍ ।”

![](https://cdn.door43.org/obs/jpg/360px/obs-en-43-12.jpg)

ପାତ୍‌ରାସ୍ ଜେନ୍‌ବୋନ୍ ତେଙ୍ଗିୟାସ୍ ହୁ ମିଆଁ ଲାଗ୍‌ଭାଗ୍ ୩,୦୦୦ ଆଲାର୍‌ଗୁଠି ବିଶ୍ୱାସ୍ କାଥାମ୍‌ଚାର୍ ଆରୁ ଯୀଶୁସ୍ ଘି ଚେଲା ମାଞ୍ଚାର୍ କେରାର୍ । ହୁବ୍ଡ଼ାର୍ ବାତ୍‌ତିସ୍‌ମା ଅଚାର୍ ଆରୁ ଯେରୁସାଲେମ୍ ଘି ମାଣ୍ଡଳି ଘି ହିସ୍‌ସା ମାଞ୍ଚାର୍ କେରାର୍ ।

![](https://cdn.door43.org/obs/jpg/360px/obs-en-43-13.jpg)

ବାକେନ୍ ଯୀଶୁସ୍ ଘି ଆଗୁଆର୍ ହୁବ୍ଡ଼ାରିନ୍ ଶିକ୍ଷା ଚିଚ୍‌ଚାର ତ ବିଶ୍ୱାସ୍ ଗିଠିର୍ ସବୁ ବାକେନ୍ ମେଞ୍ଚାର୍ । ହୁବ୍ଡ଼ାରିନ୍ ସବୁ ବାକେନ୍ “ ମିଲ୍‌ରାଲାଲର୍ ଆରୁ ହୁବ୍‌ଡ଼ାରା ସବୁବାକେନ୍ ଏକ୍ ଦିସ୍‌ରେ ଘି ଲାଗାନ୍ ପ୍ରାର୍ଥନା କାମ୍‌ଚର୍ । ହୁବ୍ଡ଼ାର୍ ମିଲ୍‌ରକିରି ପାର୍ମେଶ୍ୱରସ୍ ଘି ସ୍ତୁତି କାମ୍‌ଚାର୍ ଆରୁ ଯେନ୍‌ଟା ଭି ହୁବ୍ଡ଼ାର୍ ଘି ରାଚାଦ୍ ହୁବ୍ଡ଼ାର୍ ଏକ୍ ଦୁସ୍‌ରେନ୍ ସାଧ୍‌ଝା କାମ୍‌ଚାର୍ ପାଡ଼ାନ୍ତିର୍ । ରୋଜ୍ ଉଲ୍ଲା, ବାଗ୍‌ଗେ ସ୍ତିନ୍ ବାଗ୍‌ଗେ ଆଲାର୍ ବିଶ୍ୱାସୀ ମାନ୍‌ତେ କେରାର୍ ।

*प्रेरितों के काम 2 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_43_96kbps.mp3

## 44. ପାତ୍‌ରସ୍ ଆରୁ ୟୁହନ୍ନାସ୍ ତାରତିନ୍  ଅଣ୍ଟା ଭିକାରୀସିନ୍ ଚାଙ୍ଗା କାମ୍‌ନାର୍

https://openbiblestories.org/l/xis/story-44/

![](https://cdn.door43.org/obs/jpg/360px/obs-en-44-01.jpg)

ଉନ୍ଦୁଲ୍, ପାତ୍‌ରାସ୍ ଆରୁ ୟୁହନ୍ନାସ୍ ମନ୍ଦିର ଗେ କେରାର୍ । ଅଣ୍ଟା ଲାଙ୍ଗ୍‌ଡ଼ା ଆଲାସ୍ ଭିଖ୍ ନିଆଁଗେ ଘୁମାନୁଁ ଅକାଚାସ୍ ।

![](https://cdn.door43.org/obs/jpg/360px/obs-en-44-02.jpg)

ପାତ୍‌ରାସ୍ ହୁ ଲେଙ୍ଗ୍‌ଡ଼ା ଆଲାସ ସିନ୍ ଏରିୟାସ୍ ଆରୁ ତେଙ୍ଗିୟାସ୍ , “ ଏଙ୍ଘାଁ ସାନ୍ ନିଙ୍ଗାଗେ ଚିୟାଗେ ପାଇସା ମାଲ୍ଲଦିନ୍ । ଲେକିନ୍ ଜେନ୍ ଏଙ୍ଘାଁସାନ୍ ରାଇଦ୍ ହୁବନ୍ ଏନ୍ ଚିୟାଲ୍‌ଦାନ୍ । ଯୀଶୁସ୍ ଘି ନାମେନ୍ତିନ୍ , ଚୁଆ ଆରୁ ଏକା କୁଦ୍‌ଦା !”

![](https://cdn.door43.org/obs/jpg/360px/obs-en-44-03.jpg)

ଜାଲଦିହି, ପାରମେଶ୍ୱରସ୍ ହୁ ଲେଙ୍ଗଡ଼ା ଆଲାସିନ୍ ବାନେ କାମ୍‌ଚେ ଚାସ୍ । ହୁସ୍ ଇୟା – ହୁୟା ଏକିୟାସ୍ ଆରୁ କୁଦିୟା ରାଚାସ୍, ଆରୁ ପାରମେଶ୍ୱରସ୍ ଘି ସ୍ତୁତି କାମାଗେ ସୁରୁ କାମ୍‌ଚେ ଚାସ୍ । ମନ୍ଦିର ଘି ଚାଲିନୁ ରୁଉର୍ ଆଲାର୍ ଚାକ୍‌ରା ରାର୍ କେରାର୍ ।

![](https://cdn.door43.org/obs/jpg/360px/obs-en-44-04.jpg)

ଜାଲ୍‌ଦିନ୍ ଆଲାର୍ ଗୁଠି ଅଣ୍ଟା ଭିଡ଼୍ ହୁ ଆଲାସିନ୍ ଏରାଗେ ବାର୍‌ଚାର୍ ନେର୍ ଚାଙ୍ଗା ମାଞ୍ଚାସ୍ କେର୍‌କାଚାସ୍ । ପାତ୍‌ରାସ୍ ହୁବ୍‌ଡ଼ାରିନ୍ ତେଙ୍ଗିୟାସ୍,“ ଇ ଆଲାସ୍ ବାନେ ରାଦାସ୍, ଲେକିନ୍ ଇ କାତ୍‌ଥା ତି ଚାକିତ୍ ଆମା ମାନା । ଏମ୍ ଇସିନ୍ ନିଜର୍ ଶକ୍ତିସ୍ତିନ୍ ବାନେ ମାଲାନାମୁମ୍, ଇଦ୍ ଇ ଲାଗାନ୍ ମାଲ୍ଲା କା ଏମ୍ ପାରମେଶ୍ୱରସ୍ ସିନ୍ ଆଦର୍ କାମ୍ ଦାମ୍ । ଲେକିନ୍ ହୁସ୍ ଯୀଶୁସ୍ ନେର୍ ଇ ଆଲାସିନ୍ ନିଜର ଶକ୍ତିସ୍ତିନ୍ ବାନେ କାମ୍‌ଚାସ୍, ଏନ୍ଦେର ଗେ କା ଏମ୍ ଯୀଶୁସ୍ ଘି ମିଆଁ ଭାରସା କାମ୍‌ଦାମ୍ ।

![](https://cdn.door43.org/obs/jpg/360px/obs-en-44-05.jpg)

“ ନିନ୍ ନିନ୍ ହି ନେର୍ ହୁ ରୋମୀ ରାଜପାଲ ଯୀଶୁସିନ୍ ପିଟାଗେ ତେଙ୍କାଚାର ନିମ୍ ହୁସିନ୍ ପିଟ୍‌କାର୍ ଚିଚ୍‌କାର୍ ଜେନ୍ କା ଜାମାର ଗେ ଜୀବନ୍ ଚିଇୟାଲଦାସ୍ । ଲେକିନ୍ ପାରମେଶ୍ୱରସ୍ ହୁସିନ୍ କେଚ୍‌କାନ୍‌ନ୍ତିନ୍ ଜୀବନ୍ ଚିଇଚାସ୍ । ନିମ୍ ମା’ ବୁଝ୍ର୍‌କାର କା ନିମ୍ ଏନ୍ଦେର୍ କାମ୍‌ଲ କାର, ଲେକିନ୍ ଯେତେବାକେନ୍ ନିମ୍ ହୁ ନାଲ୍‌ଖୁ ବୋନ୍ କାମାଲ୍‌କାର, ତା ଜେନ୍ ଭବିଷ୍ୟତବକ୍ତାସ୍ ତେଙ୍କାଚାସ୍ ହୁଦ୍ ପୁରା ମାଞ୍ଚାଦ୍ । ହୁବ୍ଡ଼ାର୍ ତେଙ୍କାଚାର୍ କା ମାସିହିସ୍ ଦୁଃଖୁ ଉଠାବୋସ୍ ଆରୁ ଖିୟସ୍ କୋସ୍ । ପାରମେଶ୍ୱରସ୍ ଇବୋନ୍ ଇ ଲେଖାନୁ ମାନାଗେ ଚିଚ୍‌ଚାସ୍ । ଇଦ୍‌ଘି ଲାଗାନ୍ ଆକ୍‌କୁନ୍, ପାଛ୍‌ତାରା ଆରୁ ପାରମେଶ୍ୱରସ୍ ତାରା କିରର ବାରା, ଯେନ୍‌ଟା କି ହୁସ୍ ନିମ୍‌ହାଁଏ ପାପବୋନ୍ ନଣା କିରି ସାଫା କାମୋ ଚୋସ୍ ।”

![](https://cdn.door43.org/obs/jpg/360px/obs-en-44-06.jpg)

ବାକେନ୍ ମନ୍ଦିର୍ ଘି ଆଗୁୱାସ୍ ପାତ୍‌ରାସ୍ ଆରୁ ୟୁହନ୍ନ| ସିନ୍ଏରିୟାସ୍ ତା’ ହୁବ୍‌ଡ଼ାର୍ ମୁରୁଖ୍ ଏଲ୍‌ଚିୟାର୍ କେରାର୍ । ଇଦ୍‌ଘି ଲାଗାନ୍ ହୁବ୍ଡ଼ର୍ ହୁବ୍ଡ଼ାରିନ୍ ଧାରିକିରି ଜଲ୍‌ନୁ ଗୁଡ଼ାର୍ ଚିଚ୍‌ଚାର୍ । ଲେକିନ୍ ଯେନ୍ ପାତ୍‌ରାସ୍ ତେଙ୍କାଚାସ୍ ହୁସ୍‌କି ମିଆଁ ଜୁକ୍‌କୁ ନ୍ତିନ୍ ଆଲାର୍ ଗୁଠିର୍ ବିଶ୍ୱାସ୍ କାମ୍‌ଚାର୍ । ଯୀଶୁସିନ୍ ବିଶ୍ୱାସ୍ କାମୁରୁ ଘି ସଂଖ୍ୟା ବାଢ଼ରି କିରି ଲାଗ୍‌ଭାଗ୍ ୫,୦୦୦ ମାଞ୍ଚାର୍ କେରାର୍ ।

![](https://cdn.door43.org/obs/jpg/360px/obs-en-44-07.jpg)

ଆଘ୍‌ଲି ଉଲ୍ଲା, ହୁବ୍‌ଡ଼ା ୟହୁଦୀ ଆଗୁୱାର୍ ପାତ୍‌ରାସ୍ ଆରୁ ୟୁହାନ୍ ଘି ମହାୟାଜକ ଆରୁ ଦୁସ୍‌ରା ଧରର୍ମୀର୍ ଆଗୁୱାର୍ ଘି ଚାହଁଗେ ଅନ୍ଦରାର୍ । ହୁବ୍ଡ଼ାର୍ ହୁ ଆଲାସିନ୍ ଅନ୍ଦରାର୍ ଜେନ୍ ଲାଙ୍ଗଡ଼ା ରାଚାସ୍ । ହୁବ୍‌ଡ଼ାର୍ ପାତ୍‌ରାସ୍ ଆରୁ ୟୁହାନ୍ନସିନ୍ ମେଞ୍ଚାର୍,“ ନେଖାଏ ହୁକୁମତି ନିମ୍ ହୁ ଲେଙ୍ଗଡ଼ା ଆଲାସିନ୍ ବାନେ କାମ୍‌ଚ୍‌କାର୍ ?”

![](https://cdn.door43.org/obs/jpg/360px/obs-en-44-08.jpg)

ପାତ୍‌ରାସ୍ ଜବାବ୍ ଚିଇଚାସ୍,“ ଇ ଆଲାସ୍ ଜେନ୍ ନିମା ଆଘ୍‌ଲି ଇଜ୍‌କା ଦାସ୍ ହୁସିନ୍ ଯୀଶୁ ମାସିହସ୍ ଘି ଶାକ୍ତି ଘି ଚାଳ୍‌ତେ ଚାଙ୍ଗା କାମ୍‌ଗେ କେର୍‌କିଚି । ନିମ୍ ଯୀଶୁସିନ୍ କ୍ରୁସ୍ ମିଆଁ ଆରତାଚି ଚିଚ୍‌କାର ଚାକାର ଲେକିନ୍ ପାରମେଶ୍ୱରସ୍ ହୁସିନ୍ ଫିର୍ ସେ ଉଜ୍‌ତାଚା ଚିଚାସ୍ । ନିମ୍ ହୁସିନ୍ ଅସ୍ୱୀକାର୍ କାମ୍‌ଚକାର୍, ଲେକିନ୍ ଯୀଶୁ ଘି ଶକ୍ତି ଘି ଚାଲ୍‌ତେ ଦୁସ୍‌ରା ଉଧାର୍ ହାକ୍‌ଖା ଗେ ଏନ୍ଦେରିହିଁ ଦୁସ୍‌ରା ପାବୁ ମାଲ୍ଲା ଦିନ୍ ।”

![](https://cdn.door43.org/obs/jpg/360px/obs-en-44-09.jpg)

ହୁବଡାର୍ ଆଗୁଆର୍ ହାଇରାନ୍ ରାଚାର୍‌ କା ପାତ୍‌ରସ୍ ଆରୁ ୟୁହାନ୍ନାସ୍ ମୁରୁଖ ସାହାସ୍ ଘି କାତ୍‌ଥା କାମ୍‌ଚ୍‌କାଚାର । ହୁବ୍ଡ଼ାର୍ ଏରିୟାର୍ କା ଇବ୍ଡ଼ାର୍ ସାଧାରଣ୍ ଆଲାରରାଚାର୍ ଯେନ୍ କି ଆନ୍‌ପଢ଼ ରାଚାର୍ । ଲେକିନ୍ ଆରୁ ହୁବ୍ଡ଼ାରଗେ ମୋନେ ବାର୍‌ଚା କା ଇ ଆଲାର ଯୀଶୁସ୍ ଘି ସାଙ୍ଗେନୁ ରଆଲାର୍ । ଇଦ୍‌ଘି ଲାଗାନ୍ ହୁବ୍ଡ଼ାର୍ ହୁସିନ୍ ତେଙ୍ଗିୟାସ୍, “ ଏନ୍ ନିମାରିନ୍ ବାଗ୍‌ଗେ ଦଣ୍ଡ ଚିୟମ୍ ଲେକିନ୍ ନିମ୍ ଇ ଆଲାସ୍ ଯୀଶୁସ୍ ଘି ବାରେନୁ ଆଲାରିନ୍ ଏନ୍ଦେରିହିଁ ଆରୁ ସୁସମାଚାର୍ ଚିଇୟାଲଦାର୍ ହାଲେ ।” ଏନ୍ନେ ଜୁକ୍‌କୁ କାତ୍‌ଥା ତେଙ୍ଗ୍‌ନା ଘି ବାଦେନୁ ହୁବ୍ଡ଼ାର୍ ପାତ୍‌ରାସ୍ ଆରୁ ୟୁହନ୍ନାସିନ୍ କାଲ ଗେ ଚିଚ୍‌ଚାର୍ ।

*प्रेरितों के काम 3:1-4:22 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_44_96kbps.mp3

## 45. ସ୍ତିପନୁସ୍ ଆରୁ ଫିଲିପୁସ୍

https://openbiblestories.org/l/xis/story-45/

![](https://cdn.door43.org/obs/jpg/360px/obs-en-45-01.jpg)

ପାହିଲା ମାସିହି ଆଗୁଆସ୍ ଗୁଠିର୍ ଘି ବିଚ୍‌ସ୍ତିନ୍ ସ୍ତିଫ୍‌ନୁସ୍ ନାମେ ଘି ଅଣ୍ଟା ଆଲାସ୍ ରାଚାସ୍ । ଜାମା ଆଲାର୍ ହୁସୀନ୍ ସମ୍ମାନ୍ କାମାଲାର । ପବିତ୍ର ଆତ୍ମାଦ୍ ହୁସିନ୍ ମୁରୁକ୍ ଶକ୍ତି ଆରୁ ବୁଦ୍ଧିଦାନ୍ ଚିଚାସ୍ । ସ୍ତିଫ୍‌ନୁସ୍ ଜୁକୁକେନ୍ ଚମତ୍କାର କାମ୍‌ଚ୍‌କାଚାସ୍ । ବାକେନ୍ ହୁସ୍ ଯୀଶୁସିନ୍ ଭାରସା କାମ୍‌ନା ଘି ବାରେନୁ ହୁବ୍ଡ଼ାରିନ୍ ଶିକ୍ଷା ଚିଚ୍‌ଚାସ୍ ତା ଜୁକ୍‌କୁ କେନ୍ ଆଲାର୍ ଗୁଠିର୍ ହୁସ୍ ଘି ମିଆଁ ବିଶ୍ୱାସ୍ କାମ୍‌ଚାର୍ ।

![](https://cdn.door43.org/obs/jpg/360px/obs-en-45-02.jpg)

ଉନ୍ଦୁଲ୍, ସ୍ତିଫନୁସ୍ ଯୀଶୁସ୍ ଘି ବାରେନୁ ଶିକ୍ଷା ଚିଇୟାଲାସ୍, ଆରୁ କିଛି ଏନ୍ନେ ୟହୂଦୀ ହୁବ୍ଡ଼ାର୍ ଯୀଶୁସିନ୍ ବିଶ୍ୱାସ୍ ମା’ କାମ୍‌ଚ୍‌କାଚାର ଆରୁ ହୁସ୍ ଘି ସାଙ୍ଗେନୁ ଝାଗଡ଼ା – ଝାଟି କାମ୍‌ନା ସୁରୁ କାମ୍‌ଚେଚାର୍ । ହୁବ୍ଡ଼ାର୍ ମୁରୁଖ୍ ଖିଇସାରାର୍ କେରାର୍, ଇଦ୍ ଘି ଲାଗାନ୍ ହୁବ୍‌ଡ଼ାର୍ ଧରର୍ମୀ ଆଗୁୱାସ୍ ଘି ଚାହାଁ କେରାର୍ ଆରୁ ହୁସ୍ କି ବାରେନୁ ଝୁଠା ତେଙ୍ଗିୟାସ୍ । ହୁବ୍‌ଡ଼ାର୍ ତେଙ୍ଗିୟାର୍, “ ଏମ୍ ସ୍ତିଫ୍‌ନୁସ୍ ମୁଶା ଆରୁ ପାରମେଶ୍ୱରସ୍ ଘି ବାରେ ନୁଁ ଖାରାପ୍ କାଥା ଗୁଠି ତେଙ୍ଗନା ମେଞ୍ଚ୍‌କାଦାମ୍ ।” ଇଦ୍ ଘି ଲାଗାନ୍ ଧରର୍ମୀ ଆଗୁୱୱାର୍ ସ୍ତିଫ୍‌ନୁସ୍ ସିନ୍ ଗିରାଫ୍ ତାର୍ କାମ୍‌ଚାର୍ ର୍ ହୁସିନ୍ ମହାୟାଜକ ଆରୁ ୟହୂଦୀର୍ ଘି ଦୁସ୍‌ରା ଆଗୁଆସ୍ ଘି ଚାହାଁଗେ ଅନ୍ଦରିକିରି ବାର୍‌ଚାର୍ । ଆରୁ ହିଁ ଝୁଠା ଗାୱାର ବାର୍‌ଚାର୍ ଆରୁଁ ହୁବ୍ଡ଼ାର୍ ସ୍ତିଫ୍‌ନୁସ୍ ଘି ବାରେ ନୁ ଝୁଠା ତେଙ୍ଗିୟାର୍ ।

![](https://cdn.door43.org/obs/jpg/360px/obs-en-45-03.jpg)

ମହାୟାଜକ୍ ସ୍ ସ୍ତିଫ୍‌ନୁସ୍ ସିନ୍ ମେଞ୍ଚାସ୍ ,“ ଏନ୍ଦେର୍ ଇ ଆଲାର୍ ନିଙ୍ଘାଏ ବାରେନୁ ସଥେନ୍ ତେଙ୍ଗାଲ୍‌ନାର୍ ?” ସ୍ତିଫ୍‌ନୁସ୍‌ସ୍ ମହାୟାଜକ୍ ସିନ୍ ଜାବାନ୍ ଚିଇନାଘି ଲାଗାନ୍ ଜୁକୁକେନ୍ କାଥା ଗୁଠିବୋନ୍ ତେଙ୍ଗାଗେ ସୁରୁ କାମ୍‌ଚେଚାସ୍ । ହୁସ୍ ତେଙ୍ଗିୟାସ୍ କା ଆବ୍ରାହାମ୍‌ସ୍ ଘି ସମୟ ସ୍ତିନ୍ ଯୀଶୁସ୍ ଘି ସମୟ ତୋକ୍ ପାରମେଶ୍ୱରସ୍ ଇସ୍ରାଏଲ୍ ଆଲାର୍ ଘି ଲାଗାନ୍ କିମତି ନାଲ୍‌ଖୁ କାମ୍‌ଚ୍‌କାଦାସ୍ । ଲେକିନ୍ ଆଲାର୍ ସବୁ ବାକେନ୍ ପାରମେଶ୍ୱରସ୍ ଘି ଆଜ୍ଞା ଗୁଠିବୋନ୍ ମା’ ମେନ୍‌ଚାର୍ । ସ୍ତିଫ୍‌ନୁସ୍ ତେଙ୍ଗିୟାସ୍, “ ନିମ୍ ଗୁଠି ପାରମେଶ୍ୱରସ୍ ଘି ବିରୁଦ୍ଧ୍ ନୁ କଠୋରତା ଆରୁ ଝାଗ୍‌ଡ଼ା କାମନା ବାଲାର୍ । ନିମ୍ ସବୁ ବାକେନ୍ ପବିତ୍ର ଆତ୍ମା ବୋନ୍ ଅସ୍ୱୀକାର୍ କାମ୍‌ଚ୍‌କାର ଦାର , ଯେ ଲେଖା କା ନା ମାହାଏଁ ପୁର୍‌ଖାର ଗୁଠିର ସବୁବାକେନ୍ ପବିତ୍ର ଅସ୍ୱୀକାର୍ କାମ୍‌ଚ୍‌କାଚାର୍ ଆରୁ ସବୁ ବାକେନ୍ ହୁସ୍ ଘି ଭବିଷ୍ୟତବକ୍ତାରିନ୍ ପିଟ୍‌ଟାର ଚିଚ୍‌ଚାର୍ । ଲେକିନ୍ ଯେନ୍‌ବୋନ୍ ହୁବ୍ଡ଼ାର୍ କାମ୍‌ଚ୍‌କାଚାର୍ ହୁଦ୍‌ଘୀ ତୁଳନାନୁ ନିମ୍ ଆରୁ ହିଁ ଖାରପ୍ କାମଚାକାଚାର୍ ! ନିମ୍ ମାସିହିସିନ୍ ପିଟ୍‌କାର୍ ଚିଇଚ୍‌କାର ।”

![](https://cdn.door43.org/obs/jpg/360px/obs-en-45-04.jpg)

ଯେବାକେନ୍ ହୁ ଧରର୍ମୀ ଆଗୁଆର୍ ଇଦାନ୍ ମେଞ୍ଚାର୍, ତା ହୁବ୍‌ଡ଼ାର୍ ଏତ୍‌କୋ ଖିଇସାରାର୍ କେରାର୍ କା ହୁବ୍‌ଡ଼ାର୍ ନିଜର୍ ହେବ୍‌ଦାବୋନ୍ ମୁଧ୍‌ରାର୍ ଚିଚ୍‌ଚାର୍ ଆରୁ ଉଚା ଆୱାଜ୍ ତି ଚିର୍‌ରାରାଚାର୍ । ହୁବ୍ଡ଼ର୍ ସ୍ତିଫ୍‌ନୁସ୍ ସିନ୍ ଘେସ୍‌ରିକିରି ପାଡ଼ାନ୍‌ନ୍ତି ବାହାରି ଅଚାର କେରାର୍ ଆରୁ ହୁସିନ୍ ପିଟ୍‌ମ୍‌ଚୋ ମ୍ ବୁଲିକିରି ହୁସିନ୍ ଚାଚାତି ଲେବ୍‌ଡିୟାର୍ ।

![](https://cdn.door43.org/obs/jpg/360px/obs-en-45-05.jpg)

ବାକେନ୍ ସ୍ତିଫ୍‌ନୁସ୍ ଖିୟାଲାସ୍, ହୁସ୍ ଚିର୍‌ରାରାସ୍ ଚିଚାସ୍,ହେ ଯୀଶୁ ଏଙ୍ଘା ଆତ୍ମାବୋନ୍ ଗ୍ରହଣ୍ କାମା !“ ବାକେନ୍ ହୁସ୍ ନିଜର୍ ମୁକାନ୍ତିନ୍ ହାଠୁଆରାସ୍ ଆରୁ ଚିର୍‌ରାରାସ୍ ଚୋଚାସ୍, “ ହେ ପ୍ରଭୁ, ଇ ପାପ୍‌ବୋନ୍ ହୁବ୍ଡ଼ାର୍ ଘି ମିୟାଁ ଆମ୍ବକେ ଲାଗାବା । “ ବାକେନ୍ ହୁସ୍ କେଚାସ୍ କେରାସ୍ ।

![](https://cdn.door43.org/obs/jpg/360px/obs-en-45-06.jpg)

ହୁ ଉଲ୍ଲା, ୟେରୁଶାଲମ୍ ନୁଁ ରାନା ବାଲାର୍ ଜୁକ୍‌କୁ ଆଲାର୍ ଗୁଠି ଯୀଶୁସ୍ ଘି ଅନୁଯାୟି ଆଲାରିନ୍ ସାଧାଗେ ସୁରୁ କାମ୍‌ଚେଚାର୍, ଇଦ୍ ଘି ଲାଗାନ୍ ବିଶ୍ୱାସୀ ଆଲାର୍ ଦୁସ୍‌ରା ଆଡ଼ାଗେ ବୁଙ୍ଗାର ଚିଇଚାର୍ । ଲେକିନ୍ ଇଦ୍‌ଘି ବାବ୍‌ଜୁଜ୍ ଭି, ଏକାସାନ୍ ଭି ହୁବ୍ଡ଼ାର୍ କେରାର୍ ହୁବ୍ଡ଼ାର୍ ଯୀଶୁସ୍ ଘି ବାରେ ନୁ ପ୍ରଚାର୍ କାମ୍‌ଚାର୍ ।

![](https://cdn.door43.org/obs/jpg/360px/obs-en-45-07.jpg)

ଫିଲିପୁସ୍ ନାମେ ଘି ଯୀଶୁସ୍ ଘି ଅଣ୍ଟା ବିଶ୍ୱାସୀ ରାଚାସ୍ । ଯେସେକେ କା ଦୁସ୍‌ରା ଜୁକୁକେନ୍ ବିଶ୍ୱାସୀର୍ ଗୁଠି କାମ୍‌ଚ୍‌କାଚାର୍ ହୁର୍‌ହିଁ ୟେରୁଶାଲେମ୍ ସ୍ତିନ୍ ବୁଙ୍ଗାର୍ ଚିଇଚାର୍ । ହୁର ସାମରିୟା ଘି ଜାଗାଗେ ବୁଙ୍ଗାର ଚିଚ୍‌ଚାର୍ । ହୁସାନ୍ ହୁବ୍ଡ଼ାର୍ ଆଲାର ସାନ୍ ଯୀଶୁସ୍ ଘି ବାରେନୁ ପ୍ରଚାର କାମ୍‌ଚାର୍ । ଜୁକୁକେନ୍ ଆଲାର୍ ଗୁଠି ହୁସ୍ ଘି ମିୟାଁ ବିଶ୍ୱାସ୍ କାମ୍‌ଚାର୍ ଆରୁ ଉଧାର୍ ଆକ୍‌ଖିୟାର୍ ।ଉନ୍ଦୁଲ୍, ଫିଲିପୁସ୍ ଘି ଚାହା ପାରମେଶ୍ୱରସ୍ ଘି ତାର୍‌ତିନ୍ ଅଣ୍ଟା ସ୍ୱର୍ଗଦୂତ୍ ବରଚା ଆରୁ ହୁସିନ୍ ଜଙ୍ଗଲ୍‌ଗେ କାଲାଗେ, ଆରୁ ଅଣ୍ଟା ପାବୁନୁ ଏକାଗେ ତେଙ୍ଗିୟାଦ୍ । ଫିଲିପୁସ୍, ହୁସାନ୍ ବୁଙ୍ଗା ଚିଚ୍‌ଚାସ୍ । ଯେବାକେନ୍ ହୁସ୍ ହୁ ପାବୁନୁ ଏକାଲାସ୍, ତା ହୁସ୍ ଅଣ୍ଟା ଆଲାସିନ୍ ନିଜର ଶଗଡ଼ନୁ କାନାନ୍ ଏରିୟାସ୍ । ଇ ଆଲାସ୍ କୁଶ୍ ରାଜି ଘି ଅଣ୍ଟା ମହତ୍ତ୍ୱ ପୁର୍ଣ୍ ଅଧିକାରୀ ରାଚାସ୍ । ପବିତ୍ର ଆତ୍ମାଦ୍ ଫିଲିପୁସ୍ ସିନ ତେଙ୍ଗିୟଦ୍ କା କାଇକିରି ହୁ ଆଲାସ୍ ଘି ସାଙ୍ଗେ ସାଙ୍ଗେ କାଲା ।

![](https://cdn.door43.org/obs/jpg/360px/obs-en-45-08.jpg)

ଇଦ୍ ଘି ଲାଗାନ୍ ଫିଲିପୁସ୍ ଶଗଡ଼ ଘି ଚାହାଁ କେରାସ୍ । ହୁସ୍ ମେଞ୍ଚାସ୍ କା କୁଶୀ ପାରମେଶ୍ୱରସ୍ ଘି ବଚନ୍ ପାଢାଲାସ୍ । ଜେନ୍‌ଟା ୟଶାୟାହ ଭବିଷ୍ୟତବକ୍ତାସ୍ ଲେଖ୍‌ଚ୍‌କା ଚାସ୍ ହୁସ୍ ହୁବୋନ୍ ପାଢ଼ା ଲାସ୍ । ହୁସ୍ ପାଢ଼ା ଲାସ୍ କ,ହୁସ୍ ହୁ ପିଟନା ଘି ସାମାନ୍ ଅଚାର୍ କେରାର୍, ଆରୁ ଯେସ୍‌କେକା ଅଣ୍ଟା ଭେଡ଼ି ଶାନ୍ତିନୁ ରାଇଦ୍ , ହୁସ୍ ଅଣ୍ଟା ଆୱାଜ ଭି ମା’ ବାଇଦ୍ । ହୁବ୍ଡ଼ାର୍ ହୁସ୍ ଘି ସାଙ୍ଗେ ବାନେ ବ୍ୟବହାର ମା କାମ୍‌ଚାର୍ ଆରୁ ହୁ ସିନ୍ ଆଦର୍ ମା’ କାମ୍‌ଚାର୍ । ହୁବ୍ଡ଼ାର୍ ହୁସ୍ ଘି ଜିଆ ଅଚ୍ଚାର୍ କେରାର୍ ।”

![](https://cdn.door43.org/obs/jpg/360px/obs-en-45-09.jpg)

ଫିଲିପୁଷ୍ ହୁ କୁଶୀସିନ୍ ମେଞ୍ଚାସ୍,“ ଜେନ୍ ନିନ୍ ପାଢ଼ାଲ ଦାଏ ଏନ୍ଦେର ନିନ୍ ହୁବୋନ୍ ବୁଝ୍‌ରାଲ୍‌ଦାଏକା ?” ହୁ କୁଶୀସ୍ ଜାବାବ୍ ଚିଇଚାସ୍,“ ମାଲ୍ଲା । ଯେ ତୋକ୍ ନେର୍ ଭି ଇଦିନ୍ ଏଙ୍ଗାନ୍ ମା’ ବୁଝାବୋର୍, ତାବ୍ ଏନ୍ ଇବୋନ୍ ମା’ ବୁଝୁର୍ ଦାନ । ଦାୟା କାମିକିରି ଏଘାଁ ଚାହାଁନୁ ଅକ୍‌କା । ୟାଶାୟାହ ଏବୋନ୍ ନିଜର୍ ବାରେନୁ ଲେଖାଲାସ୍ ଆରୁ ନେକାନ୍ ଅର୍ ତି ?”

![](https://cdn.door43.org/obs/jpg/360px/obs-en-45-10.jpg)

ଫିଲିପୁସ୍ ଶଗଡ଼ ନୁ ଆର୍‌ଗି କିରି ଅକ୍‌କିୟାସ୍ ଚିଇଚାସ୍ । ବାକେନ୍ ହୁସ୍ ହୁ କୁଶୀ ଆଲାସିନ୍ ତେଙ୍ଗିୟାସ୍ ଜେନ୍ ୟଶାୟାହସ୍ ଯୀଶୁସ୍ ଘି ବାରେନୁ ଲିଖିଚ୍‌କା ଚାସ୍ । ଫିଲିପୁସ୍‌ସ୍ ପାରମେଶ୍ୱରସ୍ ଘି ବଚନ୍ ଘି ଜୁକୁସ୍‌ତିନ୍ ତିଇ ଦୁସ୍‌ରା ଭାଗୁନୁ ପ୍ରଚାର୍ କାମ୍‌ଚ୍‌କାଚାସ୍ । ଇଦ ଘି ଲେଖାନୁ, ହୁସ୍ ହୁ ଆଲାସିନ୍ ଯୀଶୁସ୍ ଘି ବାରେନୁ ଶୁଭ ବାଚାନ ମେନ୍ତାଚାସ୍ ।

![](https://cdn.door43.org/obs/jpg/360px/obs-en-45-11.jpg)

ଫିଲିପୁସ୍ ଆରୁ କୁଶୀ ଏକ୍‌ତେ କିରି ଆମ୍ମୁ ଘି ଚାହାଁ କେରାର୍ । ହୁ କୁଶୀସ୍ ତେଙ୍ଗିୟାସ୍,“ ଏରା! ଇସାନ୍ ଆମ୍ମୁ ରାଇ ! ଏନ୍ଦେର ଏନ୍ ବାତ୍‌ସ୍ମା ହୁଆ ଗେ ଅଙ୍ଗନ୍ ?” ଆରୁ ହୁସ୍ ଶଗଡ଼ ଚାଲା ବାନା ଆଲାସିନ୍ ରୋକାଗେ ତେଙ୍ଗିୟାସ୍ ।

![](https://cdn.door43.org/obs/jpg/360px/obs-en-45-12.jpg)

ଆଖ୍‌ରିନୁ, ହୁ ଆମ୍ମୁ ଗେ କେରାସ୍, ଆରୁ ଫିଲିପୁସ୍ ହୁ କୁଶୀସିନ୍ ବାତ୍‌ତିସ୍ମା ଚିଚ୍‌ଚାସ୍ । ଯେ ବାକେନ୍ ହୁ ଆମ୍ମୁ ନ୍ତିନ୍ ବାହାରି ଉର୍‌ଖିୟାର୍ ତା ପବିତ୍ର ଆତ୍ମା ଅହନା ସାରେନ୍‌ନ୍ତିନ୍ ଫିଲିପୁସ୍‌ସିନ୍ ଉଠାବା କିରି ଏକା ଦୁସ୍‌ରା ଆଡ଼ଡ଼ାଗେ ଅଚ୍ ଚାସ୍‌କେରା । ହୁସାନ୍ ଫିଲିପୁସ୍ ଆଲାରିନ୍ ଯୀଶୁସ୍ ଘି ବାରେନୁ ତେଙ୍ଗାଗେ ସୁରୁ ଉଇୟାର୍ ।

![](https://cdn.door43.org/obs/jpg/360px/obs-en-45-13.jpg)

ହୁ କୁଶୀ ନିଜର୍ ଏଡ଼୍‌ପା କାଲାଗେ ଆଘ୍‌ଲି ବାଡ଼୍‌ରାସ୍ । ହୁସ୍ ଖୁସି ରାଚାସ୍ କା ହୁସ୍ ଆକ୍‌କୁନ୍ ଯୀଶୁସିନ୍ ହାକ୍‌ଖିୟାସ୍ ।

*प्रेरितों के काम 6:8-8:5; 8:26-40 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_45_96kbps.mp3

## 46. ପାଉଲୁସ୍ ମାସୀହିସ୍ ବିଶ୍ୱାସି ମାନ୍‌ଦାସ୍ କାଦାସ୍ ।

https://openbiblestories.org/l/xis/story-46/

![](https://cdn.door43.org/obs/jpg/360px/obs-en-46-01.jpg)

ଶାଉଲ୍ ନାମେ ଘି ଅନ୍‌ଟା ଆଲ୍ ରାଦାସ୍ ନେର୍ ଯିଶୁସିନ୍ ବିଶ୍ୱାସ୍ ମା କାମ୍‌ଚାକାଚାସ୍ । ଯେତେ ବାକେନ୍ ହୁସ୍ ଜୁଆନ୍ ରାଚାସ୍, ବାକେନ୍ ସ୍ତିଫ୍‌ନୁସ୍ ସିନ୍ ପିଟ୍‌ନା ବାଲାର୍ ଆଲ୍ଲାର୍ ଘି ଚିଢାବନ୍ ଏରାହୋଜ୍ଜାଲାସ୍ , ପାଛଲି ହୁସ୍ ବିଶ୍ୱାସି ଗୁଠିରିନ୍ ସାତାବାଲାସ୍ । ହୁସ୍ ୟେରୁସାଲେମ୍‌ନୁ ଏଡ୍‌ପା ଏଡ୍‌ପା କାଇକିରି ମେତା ଆରୁ ମୁକ୍‌କାରିନ୍ ଦୁହିରିନ୍ ଗିରଫ୍ଦାର୍ କାମିକିରି ଜେଲ୍‌ନୁ କର୍‌ତାଚାଲାସ୍ । ବାକେନ୍ ବାଡ୍‌କା ୟାଜକ୍ ଜାମାର୍ ଶାଉଲ୍‌ସିନ୍ ଦାମିଶକ୍‌ ରାଜିଗେ କାଲାଗେ ଆନୁମୋତି ଚିଚାର୍ ହୁସ୍‌ ହୁସାନ୍‌ତା ମାସିହି ରିନ୍ ଗିରଫ୍‌ତାର୍ କାମନା ଆରୁ ହୁବ୍‌ଡାରିନ୍ କିରତା ଗେ ଅନ୍ଦ୍ରାରାର୍ ୟେରୁଶାଲମ୍ ଶାଉଲ୍‌ସିନ୍ ତେଙ୍ଗିୟାର୍ ।

![](https://cdn.door43.org/obs/jpg/360px/obs-en-46-02.jpg)

ଶାଉଲସ୍ ଦାମିଶକ୍ କାଲାଗେ ଶୁରୁ କାମ୍‌ଚାସ୍ । ହୁ ରାଜିଗେ ଆଣ୍‌ସ୍‌ନା ଘି କାଟେ ଆଘ୍‌ଲି ,ହୁସ୍‌ଘି ଚାରି ପାଖା ବାଦ୍ ଲିନୁ ଅନ୍‌ଟା ବିଲ୍ଲି ଚାମ୍‌କାରଚାଦ୍,ଆରୁ ହୁସ୍ ଏହେଲାନୁ ଖାତରାସ୍ କେରାସ୍ ,“ ହେ ଶାଉଲ୍‌ସ୍, ହେ ଶାଉଲ୍‌ସ୍ ନିନ୍ ଏଙ୍ଗାନ୍ ଏନ୍ଦେର୍‌ଗେ ସାତାବାଲ୍ ଦାଏ ? ଶାଉଲ୍‌ସ୍ ମେନ୍‌ଚାସ୍, ହେ ପ୍ରଭୂ ନିନ୍‌ନେର୍? ଯିଶୁସ୍ ହୁସିନ୍ ଜାବାବ୍ ଚିଚାସ୍,“ଏନ୍ ଯିଶୁସ୍ । ନିନ୍ ଏଙ୍ଗାନ୍ ସାତାବଲ୍‌ଦାଏ ।”

![](https://cdn.door43.org/obs/jpg/360px/obs-en-46-03.jpg)

ଯେତେବାକେନ୍ ଶାଉଲ୍‌ସ୍ ଚୋଚାସ୍ ହୁବାକେନ୍ ହୁସ୍ ଏରାଗେ ପଲ୍‌ଲାଲ୍‌ଗାସ୍ । ହୁସ୍‌ଘି ସାଙ୍ଗେର୍ ହୁସିନ୍ ଦାମିଶକ୍ ଅଚାର୍‌କେରାର୍ । ଶାଉଲ୍‌ସ୍ ତିନ୍‌ଦିନ୍ ତକ ଏନ୍ଦେର୍ ଭି ମାଲ୍ଲା ଅନୁସ୍ ଆରୁ ମାଲ୍ଲା ହାପକାରୁସ୍ ।

![](https://cdn.door43.org/obs/jpg/360px/obs-en-46-04.jpg)

ଦାମିଶକ୍ ନୁ ହନନ୍ୟାହ ନାମେ ଘି ଅନ୍‌ଟା ଚେଲା ରାଲ୍‌ଗାସ୍ । ପାର୍‌ମେଶ୍ୱରସ୍ ହୁସିନ୍ ତେଙ୍ଗିୟାସ୍ “ ହୁ ଏଡ୍‌ପାନୁ କାଲା ଏକାସନ୍ ଶାଉଲ୍‌ସ୍ ରାଦାସ୍ । ନିଜର୍ ହେକ୍ଖାବନ୍ ହୁସ୍‌ଘିନୁ ଉଇୟର୍ ହାଲେ ହୁସ୍ ଆରୁ ଏରା ଲାଗୋସ୍ ।” ଲେକିନ୍ ହନନ୍ୟାହସ୍ ତେଙ୍ଗିୟାସ୍,“ ହେ ପ୍ରଭୂ,ଏନ୍ ମେନ୍‌ଚକାଦାନ୍ କା ଇ ଆଲ୍ଲାସ୍ ବିଶ୍ୱାସି ଗୁଟ୍ଟିରିନ୍ ଏସ୍‌କେ ସାତାବାଲାସ୍ । “ପାର୍‌ମେଶ୍ୱର୍‌ସ୍ ହୁସିନ୍ ଜବାବ୍ ଚିଚାସ୍,” କାଲା ଏନ୍ ହୁସିନ୍ ଇହୁଦିଆରିନ୍ ଆରୁ ଦୁସରା ଜାତିର୍ ଘି ଆଲ୍ଲାରିନ୍ ଏଙ୍ଘାଏ ନାମେ ଘି ପ୍ରଚାର୍ କାମାଗେ ଚାଜ୍‌କାଦାନ୍ । ହୁସ୍ ଏଙ୍ଗାଏ ନାମେ ଘି ଲାଗାନ୍ ମରୁକ୍ ତାକ୍‌ଲିବ୍ ସାହୋର୍ ।”

![](https://cdn.door43.org/obs/jpg/360px/obs-en-46-05.jpg)

ଆଖିର୍ ହନନ୍ୟାହ ଶାଉଲସ୍ ଘି ଚାହାଁ ଗେ କେରାସ୍, ନିଜର୍ ହେକ୍ ଖାବୋନ୍ । ହୁସ୍‌ଘି ମିୟାଁ ଉୟାସ୍ , ଆରୁ ତେଙ୍ଗିୟାସ୍, ଯିଶୁସ୍ ଇସାନ୍ ବାରାଗେ ନିଙ୍ଗାଏ ପାବୁନୁ ଏଥ୍‌ର୍‌ଚାଚାସ୍ । ଏଙ୍ଗାନ୍ ନିଘାସାନ୍ ତାୟକାଦାସ୍ ହାଲେ ନିନ୍ ଆରୁ ଅହୋନ୍ ଏରାଗେ ଲାଗ୍‌ଏ ,ଆରୁ ପବିତ୍ର ଆତ୍ମାନୁ ନିଙ୍ଗାନ୍ ଭାରସ୍‌ଚସ୍ । ହୁ ବାକେନ୍ ହି ଶାଉଲ୍‌ସ୍ ଫିର୍‌ସେ ଏରାଗେ ଲାଏକ୍ ମାନସ୍‌କୋସ୍, ଆରୁ ହନନ୍ୟାହସ୍ ହୁସିନ୍ ବାତିସ୍‌ମା ଚିଚାସ୍ । ବାକେନ୍ ଶାଉଲ୍‌ସ୍ ମାନ୍‌ଡି ଆନ୍‌ଡାସ୍ ଆରୁ ଶାକ୍ତିସାଲି ମାନ୍‌ସାସ୍ କେରାସ୍ ।

![](https://cdn.door43.org/obs/jpg/360px/obs-en-46-06.jpg)

ହୁ ଉଲ୍‌ତି,ଶାଉଲ୍‌ସ୍ ଦାମିଶକ୍‌ନୁ ରାନାବାଲା ଇହୁଦିର୍‌ନୁ ପ୍ରଚାର୍ କାମାଗେ ସୁରୁ କାମ୍‌ଚାସ୍ । ହୁସ୍ ତେଙ୍ଗେୟାସ୍ ଯିଶୁସ୍ ହି ପାର୍‌ମେଶ୍ୱର୍‌ସ୍ ଘି ହାଦ୍ଦୁସ୍ ।” ଇହୁଦି ଆଲ୍ଲାର୍ ଆଚମ୍‌ଭିତ୍ ରାଚାର୍,ଏନ୍ଦେର୍‌ଗେ କା ଶାଉଲ୍‌ସ୍ ବିଶ୍ୱାସି ଗୁଟ୍ଟିରିନ୍ ପିଟ୍‌ନା ଘି କୋଶିଷ୍ କାମ୍‌ଚ୍‌କାଚାସ୍, ଲେକିନ୍ ଆକୁନ୍ ହୁସ୍ ଯିଶୁସିନ୍ ବିଶ୍ୱାସ୍ କାମ୍‌ଚକାଚାସ୍ ।ଶାଉଲ୍‌ସ୍ ଇହୁଦିୟାର୍ ଗାନେ ବାଦ ବିବାଦ କାମ୍‌ଚାର୍ । ହୁସ୍ ଏଦିୟାସ୍ କା ଯିଶୁସିନ୍ ମସିହ ରାଚାସ୍ ।

![](https://cdn.door43.org/obs/jpg/360px/obs-en-46-07.jpg)

ବାଗେ ଉଲ୍ଲାଗି ବାଦେନୁ, ଇହୁଦିୟାର୍ ଶାଉଲ୍‌ସିନ୍ ପିଟାଗେ ଯୋଜନା କାମ୍‌ଚାର୍ । ହୁବ୍‌ଡାର୍ ହୁସିନ୍ ପିଟାଗେ ମାଡ଼ାନ୍ତା ପାବନୁ ଆଲ୍ଲାରିନ୍ ତାୟ୍‌ୟାର୍ । କା ହୁସିନ୍ ନିଗରାନି କାମର୍ ଲେକିନ୍ ଶାଉଲ୍‌ସ୍ ହୁ ଯୋଜନା ବୋନ୍ ମେନ୍‌ଚ୍‌କାଚାସ୍, ଆରୁ ହୁସ୍‌ଘି ସାଙ୍ଗେର୍ ବାଛରିକିରି ଉର୍‌ଖାଗେ ହୁସ୍‌ଘି ସାହାୟାତା କାମ୍‌ଚାର୍ । ଅନ୍‌ଟା ମାହାଁନୁ ହୁବ୍‌ଡ଼ାର୍ ହୁସିନ୍ ଝୁଡିନୁ ଅକତିକିରି ରାଜିଘି କାଥିନ୍ତି ହୁସିନ୍ କିଆଁ ଏତ୍‌ତାର୍‌ଚାର୍ । ଦମିଶକ୍‌ତି ବାଛରିକିରି ଉର୍‌ଖାନା ଘି ପାଛଲି ଶାଉଲ୍‌ସ୍ ଯିଶୁସ୍ ଘି ବିଷୟନୁ ପ୍ରଚାର୍ କାମ୍‌ତେ ରାଚାସ୍ ।

![](https://cdn.door43.org/obs/jpg/360px/obs-en-46-08.jpg)

ଶାଉଲ୍‌ସ୍ ପ୍ରେରିତ୍ ଗୁଟ୍ଟିରିନ୍ ଭେଟ୍ ମାନାଗେ ୟେରୁଶାଲେମ୍ କେରାସ୍ ।, ଲେକିନ୍ ହୁବ୍‌ଡାର୍ ହୁସିନ୍ ଏଲ୍‌ଚାଲ୍‌ଗାର୍ ।ବାକେନ୍ ବର୍‌ନବାସ୍ ନାମେ ଘି ଉର୍‌ତୁ ବିଶ୍ୱାସି ଶାଉଲ୍‌ସିନ୍ ପ୍ରେରିତ ଗୁଟ୍ଟିର୍ ଘି ଚାହାଁ ଅଚ୍‌ଚାସ୍ କେରାସ୍ । ହୁସ୍ ହୁବ୍‌ଡାରିନ୍ ତେଙ୍ଗିୟାସ୍ କା ଶାଉଲ୍‌ସ୍ ଏସ୍‌କେ ସାହସି ମାନିକିରି ଦାମିଶକ୍‌ନୁ ପ୍ରଚାର୍ କାମ୍‌ଚ୍‌କାଚାସ୍ ହୁଦ୍‌ଘି ପାଛଲି ପ୍ରେରିତ ଗୁଟ୍ଟିର୍ ଶାଉଲ୍‌ସିନ୍ ଗ୍ରହଣ୍ କାମ୍‌ଚାର୍ ।

![](https://cdn.door43.org/obs/jpg/360px/obs-en-46-09.jpg)

କିଛି ବିଶ୍ୱାସିର୍ ଯେନ୍‌ଟା ଯେରୁଶାଲେମ୍ ଘି ସାତାବାନାନ୍ତି ବୁଙ୍ଗିୟାର୍ କେର୍‌କାଚାର୍ । ହୁବ୍‌ଡାର୍ ଗେଛା ଆତାଙ୍କିୟା ରାଜିନୁ ବୁଙ୍ଗେର୍ ଚିଚ୍‌କାଚାର୍ ଆରୁ ଯିଶୁସ୍ ଘି ବିଷୟନୁ ପ୍ରଚାର କାମାଲ୍‌ଗାର୍ । ଆତଙ୍କିୟାନୁ ରାନାବାଲା ଅଲ୍ଲାର୍ ବାଗ୍‌ଗେ ଇହୁଦିର୍ ମାଲ୍ଲାରୁ, ଲେକିନ୍ ଶୁରୁନୁ , ହୁନୁନ୍‌ନ୍ତା ଜୁକ୍କୁ ଆଲ୍ଲାର୍ ବିଶ୍ୱାସି ମାନ୍‌ଚାର୍‌କେରାର୍ । ବର୍ନବାସ୍ ଆରୁ ଶାଉଲ୍‌ସ୍ ଇବ୍‌ଡା ପୁନା ବିଶ୍ୱାସି ଗୁଟ୍ଟିରିନ୍ ଯିଶୁସ୍ ଘି ବିଷୟ୍‌ନୁ ଆରୁ ଜୁକ୍‌କୁ ଶିଖାବାଗେ ହୁସାନ୍ କେରାର୍ । ଆରୁ କଲିସିୟାବନ୍ ମଜବୁତ୍ କାମ୍‌ଚାର୍ । ଯିଶୁସିନ୍ ବିଶ୍ୱାସ କାମନାବାଲା ଶୁରୁନୁନ୍ ଆତାଙ୍କିୟାନୁନ୍ “ମାସିହି” ତେଙ୍ଗରାକେରାଦ୍ ।

![](https://cdn.door43.org/obs/jpg/360px/obs-en-46-10.jpg)

ଉନ୍‌ଦୁଲ୍, ଆତଙ୍କିୟାର୍ ମସିହି ଆଲ୍ଲାର୍ ଉପବାସ୍‌ନୁ ବିନ୍‌ତି କାମାଲ୍‌ଗାର୍ । ପବିତ୍ର ଆତ୍ମାଦ୍ ହୁବ୍‌ଡାରିନ୍ ତେଙ୍ଗୟା,“ଏଙ୍ଗାଏ ଲାଗାନ୍ ବର୍‌ନବାସ୍ ଆରୁ ଶାଉଲ୍‌ସିନ୍ ହୁ ନାଲ୍‌ଖୁବୋନ୍ କାମାଗେ ଆଲ୍‌ଗା କାମାଚା । ଯେନ୍‌ବୋନ୍ କାମାଗେ ଏନ୍ ହୁବ୍‌ଡାରିନ୍ ମେହେକାଦାନ୍ । ଇଦ୍‌ଘିଲାଗାନ୍ ଆତାଙ୍କିୟାନ୍ତା କଲିସିଆନୁ ବର୍‌ନବାସ୍ ଆରୁ ଶାଉଲ୍‌ସି ଘି ଲାଗାନ୍ ବିନ୍‌ତି କାମ୍‌ଚାର୍ ଆରୁ ହୁବ୍‌ଡାର୍ ଘି ନୁ ନିଜର୍ ହେକ୍ ଖାବନ୍ ଉୟାର୍ ।ବାକେନ୍ ହୁବ୍‌ଡାର୍ ଦୁସରା ଅନ୍‌ଜୁକୁ ଜାଗାନୁ ଯିଶୁସ୍ ଘି ବିଷୟନୁ ସୁସମାଚାସ୍ ଘି ପ୍ରଚାର୍ କାମାଗେ ତାୟାର୍ ରାଚାର୍ । ବର୍‌ନବାସ୍ ଆରୁ ଶାଉଲ୍‌ସ୍ ଦୁସରା- ଦୁସରା ଜାତିନ୍ତା ଆଲ୍ଲାରିନ୍ ଶିକ୍ଷା ଚିଚାର୍ ଆରୁ ଅନ୍‌ଜୁକୁ ଆଲ୍ଲାର୍ ଯିଶୁସିନ୍ ବିଶ୍ୱାସ୍ କମ୍‌ଚାର୍ ।

*प्रेरितों के काम 8:3; 9:1-31; 11:19-26; 13:1-3 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_46_96kbps.mp3

## 47. ଫିଲିପି ନୁ ପାଉଲୁସ୍ ଆରୁ ସିଲାସ୍

https://openbiblestories.org/l/xis/story-47/

![](https://cdn.door43.org/obs/jpg/360px/obs-en-47-01.jpg)

ଯେ ବାକେନ୍ ଶାଉଲସ୍ ପୁରା ରୋମି ସାମ୍ରାଜ୍ୟ ନୁ କୁଦିୟାସ୍ ତା ହୁସ୍ ନିଜୋର୍ ରୋମି ନାମେ ବୋନ୍ “ପାଉଲୁସ୍ “ଘି ବ୍ୟବହାର କାମାଗେ ସୁରୁ କାମଚାସ୍ । ଅଣ୍ଟା ଉଲାନୁ, ପାଉଲୁସ୍ ଆରୁ ହୁସଘି ସାଂଗେସ୍ ସିଲାସ୍ ଫିଲିପ୍ ରାଜି ନୁ ଯିଶୁସ୍ ଘି ବାରେ ନୁ ବାନେ ସାଂଦେସ୍ ସୁନାବାଗେ ଲାଗାନ୍ କେରାର୍ । ହୁବଡାର୍ ପାଡ଼ା ଘି ବାହାରି ଜୋଡୁ ଘି ଖାଣିନୁ ଅଣ୍ଟା ଜାଗାଗେ କେରାର୍ ଏକାସାନ ଆଲାର୍ ବିନ୍‌ତି କାମାଗେ ଜୁମରାକ୍ ଚାର୍ । ହୁସାନ୍ ହୁବ୍ଡ଼ା ଲୁଦିଆ ନାମେଘି ଅଣ୍ଟା ମୁକାକ୍ ରାଚାଦ୍ । ହୁଦ୍ ପାରମେଶ୍ୱର ସିନ୍ ବାନେ ହାକ୍‌ଖାଲ୍‌ଦ ଆରୁ ହୁସ୍‌ଘି ଆରାଧାନା କାମାଲାଦ୍ ।

![](https://cdn.door43.org/obs/jpg/360px/obs-en-47-02.jpg)

ପାରମେଶ୍ୱରସ୍ ଲୁଦିୟାବୋନ୍ ଈଶୁ ଘି ବିଷୟନୁ ବାଚାନୁ ବିଶ୍ୱାସ କାମାଗେ ଲାଏକ୍ କାମ୍‌ଚାର୍ । ପାଉଲୁସ୍ ଆରୁ ସିଲାସ୍ ହୁସିନ୍ ଆରୁ ହୁଦ ଘି ପରିବାରରିନ୍ ବୋନ ବାପ୍‌ତିସ୍‌ମା ଚିଚାର୍ । ହୁସ୍ ପାଉଲୁସ୍ ଆରୁ ସିଲାସ୍ ସିନ ନିଜର୍ ଏଡ଼ପାନୁ ରାଗେ ନେୱତା କାମ୍‌ଚାଦ୍ , ଇଦ୍ଘି ଲାଗନ୍ ହୁବ୍ଡ଼ାର୍ ହୁସାନ୍ ରାଚାକେରାର୍ ।

![](https://cdn.door43.org/obs/jpg/360px/obs-en-47-03.jpg)

ପାଉଲୁସ୍ ଆରୁ ସିଲାସ୍ ଆଲାରିନ୍ ସବୁ ବାକେନ୍ ହୁ ଜାଗନୁ ଭେଟ୍ ମାନଲ୍‌ଗାର୍ ଏକାସାନ୍ ଇହୁଦି ଆଲାର୍ ବିନ୍ତି କାମାଲ୍‌ଗାର୍ । ସବୁଦିନ୍ ଯେତେବାକେନ୍ ହୁବ୍ଡ଼ାର୍ ହୁସାନ୍ କାଲ୍‌ଗାର୍ ବାକେନ୍ ଅଣ୍ଟା ଦାସୀ କୁକାୟ ଯେନ୍‌ଟାଦ୍ ଦୁଷ୍ଟ ଆତ୍ମା କାବ୍‌ଜା ନୁ ରାଚା । ହୁବ୍ଡ଼ାର୍ ଘି ପିଛା କାମଲଗାଦ୍ । ଇ ଦୁଷ୍ଟ ଆତ୍ମା ଘି ତାରତି ହୁଦ୍ ଆଲାର୍ ଘି ଭବିଷ୍ୟ ତେଙ୍ଗାଲାଗ୍‌ଗିଦ ଇଦ୍ ଘି ଲାଗାନ୍ ହୁଦ୍ ଭବିଷ୍ୟ ଦେଙ୍ଗ୍‌ନା ବାଲି ଘି ରୂପ ନୁ ନିଜର ମାଲିକ୍‌ଗୁଠିର୍ ଗେ ଅନ୍‌ଜୁକ୍ ଧାନ୍ନୁ କାମାବାଲଦ୍ ।

![](https://cdn.door43.org/obs/jpg/360px/obs-en-47-04.jpg)

ହୁବ୍ଡ଼ାର୍ ଘି କାନା ସମୟନୁ ଇ ଦାସୀ କୁକାୟ ଚିର୍‌ରା ରାଲଗାଦ୍ , “ଇ ଆଲାସ୍ ପରମ ପ୍ରଧାନ ପାରମେଶ୍ୱରସ୍ ଘି ସେବକ । ଇସ୍ ନିମାହାରିନ୍ ଉଦ୍ଧାର୍ ହାକ୍‌ନାଗି ପାବୁ ତେଙ୍ଗଗାଲ୍‌ନାର୍ ।“ ହୁଦ୍ ସବୁଦିନ୍ ଏନ୍ନେ କାମାଲ୍ ଗାଦ୍ ଯେନ୍‌ଟା ବୋନ୍ ପାଉଲୁସ୍ ନିରାସ୍ ମାନଚାସ୍ କେରାସ୍ ।

![](https://cdn.door43.org/obs/jpg/360px/obs-en-47-05.jpg)

ଆନ୍ତ ବାକେନ୍ ନୁ, ଉନ୍ଦୁଲ୍ ଯେତେବାକେନ୍ ହୁ ଦାସି କୁକାଏଁଦ୍ ଚିର୍‌ରାରାଗେ ସୁରୁ କାମଚାଦ୍ ବାକେନ୍ ପାଉଲୁ୍ ହୁଦ୍‌ଘି ତାରାହ ମୋଡ଼ରିକିରି ହୁଦ୍‌ଘି ଉଲ୍‌ତାନ୍ତା ଦୁଷ୍ଟ ଆତ୍ମାନ୍ ତେଙ୍ଗିୟାସ୍,”ଯୀସୁସ୍ ଘି ନାମେନ୍ତି ଇସ୍ ନ୍ତି ନିକଲାରୁକାଲ୍।”ହୁ ସାମାୟନୁ ହୁ ଦୁଷ୍ଟ ଆତ୍ମାଦ୍ ହୁଦିନ୍ ଆମ୍ବିକିରି ବୁଙ୍ଗେଚିଚ୍ଚାଦ୍ ।

![](https://cdn.door43.org/obs/jpg/360px/obs-en-47-06.jpg)

ହୁ ଦାସୀ କୁକାଏ ଘି ଘି ମାଲିକସ୍ ମୁରୁକ୍ ଖିସାରାସ୍ । ହୁସ୍ ଆହା ଅଙ୍ଗିୟାର୍ କା ବିନା ହୁ ଦୁଷ୍ଟ ଆତ୍ମାଘିନ୍ତି ହୁ ଦାସୀ କୁକାୟ ଆଲାର୍ ଘି ଭବିଷ୍ୟ ପଲ୍ଲିଦ୍ ତେଙ୍ଗାଗେ । ଇଦ୍‌ଘି ଅର୍ଥ ରାଚାକା ଆଲାର୍ ଆକ୍‌କୁନ୍ ହୁଦ୍‌ଘି ମାଲିକ୍‌ସ ଗେ ପାଇସା ମା ଚିନାର୍ କା ହୁଦ୍ ହୁବ୍‌ଡ଼ାରିନ୍ ଭବିଷ୍ୟ ତେଙ୍ଗଦ୍ କା ହୁବ୍ଡ଼ାର୍ ଗାନେ ଏନ୍ଦେର୍ ମାନୋ ।

![](https://cdn.door43.org/obs/jpg/360px/obs-en-47-07.jpg)

ଇଦ୍‌ଘି ଲାଗାନ୍ ହୁ ଦାସୀ କୁକାୟ ଘି ମାଲିକ୍ ପାଉଲୁସ୍ ଆରୁ ସିଲାସ୍ ସିନ ରୋମୀ ଆଧିକାରୀ ଘି ଚାହାଁନୁ ଅଚ୍‌ଚାର୍ । ହୁବ୍ଡ଼ାର୍ ପାଉଲୁସ୍ ଆରୁ ସିଲାସ ସିନ୍ ଡ଼େମ୍‌ଚାର୍, ଆରୁ ହୁବ୍ଡ଼ାରିନ୍ ଜେଲ୍‌ନୁ ଗୁଡ଼େଚିଚ୍‌ଚାର୍ ।

![](https://cdn.door43.org/obs/jpg/360px/obs-en-47-08.jpg)

ହୁବ୍ଡ଼ାର୍ ପାଉଲୁସ୍ ଆରୁ ସିଲାସ୍ ସିନ୍ ଜେଲ୍ ଘି ଏନ୍ନେ ଜାଗାନୁ ଉଇୟାର୍ ଏକାସାନ୍ ସାଫାତିନ୍ ବେଶି ସିଫାହିର୍ ରାଚା । ଏତ୍‌କୋତୋକ୍ କା ହୁବ୍ଡ଼ାର୍ ହୁବ୍ଡ଼ା ଘି ହେଡ୍‌ଡୁବୋନ୍ କାଙ୍କୁନୁ ଘି ବାଡ଼୍‌କା ଟୁକ୍‌ଡାନୁ ଜୋଡ଼େଇ ଚିଚ୍‌ଚାର୍ । ଲେକିନ୍ ପାଉଲୁସ୍ ଆରୁ ସିଲାସ୍ ଆଧା ମାହାଁନୁ, ପାରମେଶ୍ୱରସ୍ ଘି ସ୍ତୁତି ଗି ଗୀତୁ ପାଡ଼ାଲଗାର୍ ।

![](https://cdn.door43.org/obs/jpg/360px/obs-en-47-09.jpg)

ହଠାତ୍, ଅଣ୍ଟା ଭାୟାନାକ୍ ଭୁମିକମ୍ପ ମାନ୍ଚାଦ୍ ! ଜେଲ୍‌ତା ଜାମା ବାଲି ଖୁଲ୍‌ରାକେରା, ଆରୁ ଜାମା କୋଇଦିର୍ ଘି ଶିକ୍‌ଡ଼ି ଖୋଲରାଦ୍ ଖାତରାକେରା ।

![](https://cdn.door43.org/obs/jpg/360px/obs-en-47-10.jpg)

ହୁବାକେନ୍ ଜାଗୁଆସ୍ ଏଜ୍‌ରାସ୍ କେରାସ୍ । ହୁସ୍ ଏରିୟାସ୍ କା ଜେଲ୍‌ଖାନାନ୍ତା ବାଲି ଗୁଠି ଖୁଲ୍‌ରା କେର୍‌କିଚି । ହୁସ୍ ସୋଚ୍‌ଚାସ୍‌କା ଜାମା କେଇଦିର୍ ବାଛ୍‌ରିକିରି ବୁଙ୍ଗାର୍ ଚିଚକାନାର୍ । ହୁସ୍ ଏଲିଚିୟାସ୍ କେରାସ୍‌କା ହୁବ୍ଡ଼ାର୍ ଘି ବୁଙ୍ଗନାଘି କାରଣନ୍ତି ରୋମୀ ଆଧିକାରୀ ହୁସ୍‌ନି ପିଟୋଚର୍ , ଇଦ୍‌ଘି ଲାଗାନ୍ ହୁସ୍ ଖୁଦ୍ ସିନ୍ ପିଟାଗେ ତିଆର୍ ମାନ୍‌ଚାସ କେରାସ୍ । ଲେକିନ୍ ପାଉଲୁସ୍ ହୁସିନ୍ ଏରିକିରି ଚିର୍‌ରାରାଚାସ୍, “ଠାହାରାରାକାଲା “ ! ଖୁଦ୍ ସିନ୍ ନୁକ୍‌ସାନ୍ ଆମା ଆଣସ୍‌ତା । ଏମ୍ ଜାମାମ୍ ଇସାନ୍ ଆତଲ୍‌ଦାମ୍ ।“

![](https://cdn.door43.org/obs/jpg/360px/obs-en-47-11.jpg)

ହୁ ଜାଗୁଆସ୍ ଥାର୍‌ଥାର୍‌ତେ ପାଉଲୁସ୍ ଆରୁ ସିଲାସ୍ ଘି ଚାହାଁ ବାରିକଗିରି ମେନ୍‌ଚାସ୍, “ଉଦ୍ଧାର୍ ହାକ୍‌ଖାଗେ ଏନ୍ ଏନ୍ଦେର୍ କାମନ୍ ?“ ପାଉଲୁସ୍ ଜାବାବ୍ ଚିଚ୍‌ଚାସ୍, “ପ୍ରଭୁ ଈଶୁସ୍ ସିନ ବିଶ୍ୱାସ୍ କାମାର୍ ତା ନିନ୍ ଆରୁ ନିଙ୍ଘାୟ ଏଡ଼ପାନ୍ତାର ଉଦ୍ଧାର୍ ହାଖ୍‌କରୋ, “ବାକେନ୍ ହୁ ଜାଗୁଆସ୍, ପାଉଲୁସ୍ ଆରୁ ସିଲାସ୍ ନିଜର ଏଡ଼୍‌ପା ଅଚଚାସ୍ କେରାମ୍ ଆରୁ ହୁବ୍ଡ଼ାର୍ ଘି ଖାଦିବୋନ୍ ନୋଡ଼ିୟାସ୍ ପାଉଲୁସ୍ ହୁସ୍‌ଘି ଏଡ଼୍‌ପାନ୍ତା ଜାମା ଆଲାରିନ୍ କୁରୁଶ ଗି ବିଷୟନୁ ସୁସାମାଚାର୍ ମେନ୍‌ତାଚାସ୍ ।

![](https://cdn.door43.org/obs/jpg/360px/obs-en-47-12.jpg)

ଜାଗୁଆସ୍ ଆରୁ ହୁସ୍‌ଘି ଜାମା ପାରିବାରଦ୍ ଈଶୁସିନ୍ ବିଶ୍ୱାସ୍ କାମ୍‌ଚାର୍ ଇଦ୍‌ଘି ଲାଗାନ୍ ପାଉଲୁସ୍ ଆରୁ ସିଲାସ୍ ହୁବ୍ ଡାରିନ୍ ବାପ୍‌ତିସ୍‌ମା ଚିଚାର୍ । ହୁବାକେନ୍ ଜାଗୁଆସ୍ ପାଉଲୁସ୍ ଆରୁ ସିଲାସ୍ ସିନ୍ ମାଣ୍ଡି ଅନ୍‌ତାଦାସ୍, ଆରୁ ହୁବ୍ଡ଼ାର୍ ସାଙ୍ଗେନ୍ ଖୁସି ମାନ୍‌ଚାର୍ ।

![](https://cdn.door43.org/obs/jpg/360px/obs-en-47-13.jpg)

ଆଘ୍‌ଲି ଉଲ୍ଲା ରାଜିନ୍ତା ଆଗୁଆର୍ ପାଉଲୁସ୍ ଆରୁ ସିଲାସ୍ ସିନ୍ ଜେଲ୍‌ନ୍ତି ଆଜାଦୀ କାମ୍‌ଚାର୍ ଆରୁ ଫିଲିଫସ୍ ତିନ୍ କାଲାଗେ ତେଙ୍ଗିୟାର୍ । ପାଉଲୁସ୍ ଆରୁ ସିଲାସ୍ ଲୁଦିୟା ଆରୁ କିଛି ଦୁସ୍‌ରା ସାଙ୍ଗେର୍ ଗାନେ ଭେଟ୍‌ରାର୍ ଆରୁ ହୁଦ୍‌ଘି ପାଛ୍‌ଲି ରାଜିନ୍ତି ଉରଖିୟାର୍ କେରାର୍ । ଈଶୁଘି ବିଷୟନୁ ସୁସାମାଚାର୍ ଫୌଲାରାତେ କେରାର୍, ଆରୁ କାଲିସିୟା ବାଢ଼ର୍‌ତେ କେରା ।

![](https://cdn.door43.org/obs/jpg/360px/obs-en-47-14.jpg)

ପାଉଲୁସ୍ ଆରୁ ଦୁସ୍‌ରା ମାସିହି ଆଗୁଆର୍ ଢ଼େର୍ ରାଜି ଗେ କୁଦିୟାର୍ । ହୁବ୍ଡ଼ାର୍ ଆଲାରିନ୍ ଈଶୁଘି ବି୍ଷୟନୁ ସୁସମାଚାର୍ ମେନ୍‌ତାଚାର୍ । ହୁବ୍‌ଡ଼ାର୍ କାଲିସିୟାନ୍ତା ବିଶ୍ୱାସିରିନ ଉତ୍ସାହିତ କାମ୍‌ନା ଆରୁ ଶିକ୍ଷାଚିୟାଗେ ଇୟଁ ବହି ଲେଖ୍‌ଚାର୍ । ଇନ୍ନୁତା କିଛି ବହି ବାଇବେଲ୍ ନ୍ତା ବହି ମାନଚାକେରାଦ୍ ।

*ପ୍ରେରିତ ୧୬:୧୧-୪୦ ସ୍ତିନ୍ ଅଣ୍ଟା ବାଇବେଲ୍ ଗି କାଥ୍‌ନି*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_47_96kbps.mp3

## 48. ଯୀଶୁସ୍ ହି  ଶପଥ କାମ୍‌ଚ୍‌କା ମାସିହସ୍

https://openbiblestories.org/l/xis/story-48/

![](https://cdn.door43.org/obs/jpg/360px/obs-en-48-01.jpg)

ବାକେନ୍ ପାରମେଶ୍ୱରସ୍ ଦୁନିଆଁ ବୋନ୍ ବାନା ବାଚାସ୍ ତା ଜାମା କିଛି ବାନେ ରାଚାଦ୍ । ଏନ୍ଦେର୍ ଭି ପାପ୍ ମାଲ୍ଲା ରୁଦ୍ । ଆଦାମ୍ ଆରୁ ହାୱା ଦୁହିଁ ଲୋକ ବାନେ ହାଖ୍‌ଲ୍‌ଗାର୍, ଆରୁ ହୁବ୍ଡ଼ାର୍ ପାରମେଶ୍ୱରସିନ୍ ବାନେ ହାଖ୍‌ଲ୍‌ଗାର୍ । ଏନ୍ଦେର ଭି ବେମାର୍ ୟା ଖିନା ମାଲ୍ଲା ରୁଦ୍ । ପାରମେଶ୍ୱରସ୍ ଏନ୍ନେ ଦୁନିଆଁନ୍ ବେଦ୍‌ଦାଲାସ୍ ।

![](https://cdn.door43.org/obs/jpg/360px/obs-en-48-02.jpg)

ସାଇତାନ୍‌ଦ୍ ନେର୍‌ରୁ ଘି ଚାଲତେ ବାଟ୍‌କୀନୁ ହାୱା ଗାନେ କାଚ୍‌ଲେଖ୍‌ରା, ଏନ୍ଦେର୍ ଗେ କା ହୁଦ୍ ହୁବନ୍ ଧୋଖା ଚିଇୟା ବେଦଲ ଗା । ବାକେନ୍ ହାୱା ଆରୁ ଆଦମ୍‌ସ୍ ପାରମିଶ୍ୱରସ୍ ଘି ବିରଧ୍‌ନୁ ପାପ୍ କାମ୍‌ଚାର । ଏନ୍ଦେର୍ ଗେ ହୁବ୍ଡ଼ାର୍ ପାପ୍ କାମ୍‌ଚ୍‌ଚାର ଇଦ୍‌ଘି ଲାଗାନ୍ ଦୁନିଆନ୍ତାର୍ ରାନା ବାଲା ଜାମା ଆଲାର୍ ଖିନାର୍ ।

![](https://cdn.door43.org/obs/jpg/360px/obs-en-48-03.jpg)

ଏନ୍ଦେର୍ ଗେକା ଆଦମ୍ ଆରୁ ହାୱା ପାପ କାମ୍‌ଚ୍‌କାଚାର୍ , ଇଦ୍‌ଘି ଲାଗାନ୍ କିଛି ଆରୁ ଭି ବୁରା ମାଞ୍ଚା । ହୁବ୍ଡ଼ାର୍ ପାରମେଶ୍ୱରସ୍ ଘି ଶତ୍ରୁ ମାଞ୍ଚା କେରାର୍ । ଇଦ୍‌ଘି ପରିଣାମ୍ ଘି ରୂପନୁ , ହୁବାକେନ୍‌ନ୍ତି ଜାମା ଆଲାର୍ ପାପ କାମ୍‌ଚାର । ହା ଜାମା ଅଣ୍ଟା ଆଲାର୍ ଜନମ୍‌ସ୍ତିନ୍ ହି ପାରମେଶ୍ୱରସ୍ ଘି ଶତ୍ରୁର । ପାରମେଶ୍ୱର ଆରୁ ଆଲାର୍ ଘି ମାଝାନୁ ଶାନ୍ତି ମାଲ୍ଲା ରୁଦ୍ । ଲେକିନ୍ ପାରମେଶ୍ୱରସ୍ ଶାନ୍ତିନୁ ଉଇୟାଗେ ବେଦ୍‌ଦାସ୍ ।

![](https://cdn.door43.org/obs/jpg/360px/obs-en-48-04.jpg)

ପାରମେଶ୍ୱରସ୍ ଶପଥ କାମ୍‌ଚାସ୍ ହାୱା ଘି ଅଣ୍ଟା ବାଉଁଶାର ସେଇତାନ୍ ଘି କୁକ୍‌କୁନ୍ କୁଚୋର । ହୁସ୍ ଏନ୍ନେ ଭି ତେଙ୍ଗିୟାସ୍ କା ସେଇତାନ୍ ହୁଦ୍ ଘି ଗୁଡ଼ିବୋନ୍ ଠୋଠଦ୍ । ଦୁସ୍‌ରା କତ୍‌ଥାନୁ, ସେଇତାନ୍ ମାସିହସିନ୍ ପିଟୋଚଦ୍, ଲେକିନ୍ ପାରମେଶ୍ୱରସ୍ ହୁସିନ୍ ଆରୁ ଅହନ୍ ଉଜ୍‌ତୋଚୋସ୍ । ଇଦ୍‌ଘି ପାଛ୍‌ଲି, ମାସିହସ୍ ସେଇତାନ୍ ଘି ଶକ୍ତିବୋନ୍ ସବୁ ବାକେନ୍ ଘି ଲାଗାନ୍ ଖତମ୍ କାମାଚାସ୍ । କିଛି ବଛର୍ ଘି ବାଦେନୁ ,ପାରମେଶ୍ୱରସ୍ ପ୍ରଗଟ୍ କାମ୍‌ଚାସ୍ କା ହୁସ୍ ମାସିହ ଯୀଶୁସ୍ ।

![](https://cdn.door43.org/obs/jpg/360px/obs-en-48-05.jpg)

ପାରମେଶ୍ୱରସ୍ ହୁ ବାଢ଼ିନ୍‌ନ୍ତି ନିଜର୍ ପରିବାର୍ ରିନ୍ ବାଚାବାଚାସ୍ ଜେନ୍‌ଟା ହୁ ବାରନା ବାଲା ରାଚା । ନୁହୁ ସିନ୍ ଅଣ୍ଟା ଡଙ୍ଗା କାମାଗେ ତେଙ୍ଗିୟାସ୍ କା ହୁଦ୍‌ ଇ ଲେଖାନୁ ପାରମେଶ୍ୱରସ୍ ହୁ ଆଲାରିନ୍ ବାଛା ବଚାସ୍ ନେର୍ ହୁସିନ୍ ବିଶ୍ୱାସ୍ କାମାଲ୍‌ଗାର । ଇଦ୍‌ ଘି ଲେଖାନ୍ତି, ହୁବ୍ଡ଼ାର୍ ଜାମାର୍ ପାରମେଶ୍ୱରସ୍ ଘି ତାରତୀ ପିଟନା ଘି ଯୋଗ୍ୟତା ରାଚାର୍, ଏନ୍ଦେର ଗେକା ହୁବ୍ଡ଼ାର୍ ପାପ ନାଚ୍‌କାଚାର୍ । ଲେକିନ୍ ପାରମେଶ୍ୱରସ୍ ହୁବ୍ଡ଼ା ଜାମାରିନ୍ ବାଛା ବାଗେ ଲାଗାନ ଯୀଶୁସିନ୍ ତାଇୟାସ୍ ନେର୍ ହୁସ୍ ଘି ମିଆଁ ବିଶ୍ୱାସ୍ କାମାଲ୍ ନାର୍ ।

![](https://cdn.door43.org/obs/jpg/360px/obs-en-48-06.jpg)

ଜୁକ୍‌କୁ ବଛର୍ ତୋକ୍, ୟାଜକସ୍ ପାରମେଶ୍ୱରସ୍ ଘି ଲାଗାନ୍ ବାଲିଦାନ୍ ଚିୟା ଲାର୍ । ଇ ଦାରସାଲିଦ କା ଆଲାର୍ ପାପ କାମ୍‌ଚ୍‌କା ଆରୁ ଇଦ୍ କା ହୁବ୍ଡ଼ାର୍ ପାରମେଶ୍ୱରସ୍ ଘି ତାରତୀ ହୁବ୍ଡ଼ାରିନ୍ ଦଣ୍ଡିତ୍ କାମ୍‌ନା ଘି ଯୋଗ୍ୟ ରାଚାର୍ । ଲେକିନ୍ ହୁବ୍ଡ଼ା ବାଲିଦାନ୍ ହୁବ୍ଡ଼ାର୍ ଘି ପାପ୍ ବୋନ୍ ମାଫ୍ କାମାପଲ୍ ନାର୍ । ଯୀଶୁସ୍ ଜାମସ୍ତିନ୍ ବାଡ଼୍‌କା ମାହା ୟାଜକ୍‌ସ୍ । ହୁସ୍ ହନ୍ନେ କାମ୍‌ଚାସ୍ ଜେନ୍‌ଟା ନେର୍ ହି ୟାଜକସ୍ କାମା ପଲ୍ଲାନାର୍ । ହୁସ୍ ହୁ ଅନ୍‌ଟା ଟୁଖା ବାଲିଦାନ୍ ମାନାଗେ ଲାଗାନ୍ ଖୁଦ୍ ବୋନ୍ ଚିଚ୍‌ଚାସ୍ ଲାଗିୟାସ୍ ଜେନ୍‌ଟା ବୋନ୍ ଜାମାର୍‌ଘି ପାପ୍‌ବୋନ୍ ମିଟା ବାଗେ ଅଙ୍କାରସ୍ ନେ । ହୁସ୍ ସ୍ୱୀକାର କାମ୍ଚାର୍ ପାରମେଶ୍ୱରସ୍ ହୁ ଜାମାର୍ ଘି ପାପିର୍ ଘି ଲାଗାନ ହୁସିନ୍ ଦଣ୍ଡିତ୍ କାମୋର୍ । ଇଦ୍ ଘି ଲାଗାନ୍, ଯୀଶୁ ସୁଧ୍ ବାଡ଼କା ମାହାୟାଜକ୍ ରାଚାସ୍ ।

![](https://cdn.door43.org/obs/jpg/360px/obs-en-48-07.jpg)

ପାରମେଶ୍ୱରସ୍ ଆବ୍ରାହାମ୍ ସିନ୍ ତେଙ୍ଗିୟାସ୍,“ ଏନ୍ ନିଙ୍ଘାଁଏ ତାରତୀ ଦୁନିଆଁନ୍ତା ଜାମା ଜାତି ଗୁଠିରିନ୍ ଆଶିଷ୍ ଚୋନ ।” ଯୀଶୁସ୍ ଇ ଆବ୍ରାହାମ୍‌ସ୍ ଘି ବାଉଁସାର୍ ରାଚାସ୍ । ପାରମେଶ୍ୱରସ୍ ଆବ୍ରାହାମ୍‌ସ୍ ଘି ତାରତୀନ ଜାମା ଜାତି ଗୁଠିରିନ୍ ଆଶିଷ ଚିଇୟାଲ୍ ଦାସ୍, ଏନ୍ଦେର ଗେ କା ନେର୍ ଯୀଶୁସିନ୍ ବିଶ୍ୱାସ୍ କାମ୍‌ନାର୍ ପାରମେଶ୍ୱରସ୍ ହୁ ଜାମାର୍ ଘି ପାପ୍ ସ୍ତିନ୍ ବାଛା ବାଲ୍‌ଦାସ୍ । ଯେତେ ବାକେନ୍ ଇବ୍‌ଡ଼ା ଆଲାର୍ ଯୀଶୁସିନ୍ ବିଶ୍ୱାସ୍ କାମ୍‌ନାର, ତା ପାରମେଶ୍ୱରସ୍ ହୁବ୍ଡ଼ାରିନ୍ ଆବ୍ରହାମ୍‌ସ୍ ଘି ବାଉଁଶର୍ ମାନ୍‌ଦାସ୍ ।

![](https://cdn.door43.org/obs/jpg/360px/obs-en-48-08.jpg)

ପାରମେଶ୍ୱରସ୍ ଆବ୍ରାହାମ୍‌ସିନ୍ ତେଙ୍ଗିୟାସ୍ କା ହୁସ୍ ନିଜର ହାଦ୍‌ଦୁସିନ୍, ହୁସ୍ ଘି ଲାଗାନ୍ ବାଲିଦାନ୍ କାମାଚା ସ୍ । ଲେକିନ୍ ପାରମେଶ୍ୱରସ୍ ଇସ୍‌ହାକ୍‌ସ୍ ଘି ବାଦ୍‌ଲିନୁ ବାଲି କାଆମାଗେ ଅଣ୍ଟା ଭେଡ଼ି ଚିଚାସ୍ । ନାମ୍ ଜାମାର୍ ନିଜର ପାପ୍ ଘି ଲାଗାନ୍ ପିଟନା ଘି ଯୋଗ୍ୟ ରାଚାକାତ ! ଲେକିନ୍ ପାରମେଶ୍ୱରସ୍ ଏମାହାଏ ଆଡ଼ାନୁ ଖିୟାଗେ ଲାଗାନ୍ ଯୀଶୁସ୍ ସିନ୍ ବାଲିଦନ୍ ଘି ରୂପନୁ ଚିଚାର୍ । ଇଦ୍ ଘି ଲାଗାନ୍ ନାମ୍ ଯୀଶୁସ୍ ସିନ୍ ପାରମେଶ୍ୱରସ୍ ଘି ଭେଢ଼ି ତେଙ୍ଗ୍‌ନାର୍ ।

![](https://cdn.door43.org/obs/jpg/360px/obs-en-48-09.jpg)

ଯେ ବାକେନ୍ ପାରମେଶ୍ୱରସ୍ ମିଶ୍ରିନୁ ଆଖ୍‌ରୀ ବିପଦ୍ ତାଇୟାସ୍ ତା ହୁସ୍ ହାର୍ ଜାମା ଅଣ୍ଟା ଇସ୍ରାଏଲିର୍ ପରିବାର ରିନ୍ ତେଙ୍ଗିୟସ୍ କା ହୁବ୍ଡ଼ାର୍ ଭେଢ଼ି ବୋନ୍ ବାଲି କାମୋର୍ । ହୁ ଭେଢ଼ିନୁ ଅଣ୍ଟା ହି ଦୋଷ୍ ମା’ ରାନା କତ୍‌ଥା । ବାକେନ୍ ନିଜର ଘୁମା ଘି ଚଖୁଟ୍ ଘି ମିଆଁ ଆରୁ ଏଡ଼୍‌ପାନୁ ହୁବ୍‌ଡ଼ାର୍ ହୁଦ୍‌ଘି ହେସୁଁ ବୋନ୍ ଲାଗାବାଗେ ରାଚଦ୍ । ବାକେନ୍ ପାରମେଶ୍ୱରସ୍ ହୁ ହେସୁଁବୋନ୍ ଏରିୟାସ୍ ତା ହୁସ୍ ହୁବ୍ଡ଼ାର୍ ଘି ଏଡ଼୍‌ପାନ୍‌ନ୍ତି ଆଘ୍‌ଲି ବାଢ଼ରାସ୍ ଆରୁ ହୁବ୍‌ଡ଼ାର୍ ଘି ବାଡ଼୍‌କା ହାଦ୍‌ଦୁରିନ୍ ମା’ ପିଟ୍ ଚାସ୍ ବାକେନ୍ ଏନ୍ନେ ମାଞ୍ଚାଦ୍‌ ତା ପାରମେଶ୍ୱରସ୍ ଇବୋନ୍ ଫସହ ପରବ୍ ତେଙ୍ଗିୟାସ୍ ।

![](https://cdn.door43.org/obs/jpg/360px/obs-en-48-10.jpg)

ଯୀଶୁସ୍ ଫସହ ପରବ୍ ଅଣ୍ଟା ଭେଢ଼ି ଘି ଲେଖାନୁ । ହୁଦ୍ ଏକ୍‌ଲା ହି ପାପ୍ ମା’ କାମ୍‌ଚିକ୍‌ଚା, ଇଦ୍ ଘି ଲାଗାନ୍ ହୁନୁନ୍‌ତି କିଛି ଭି ଗାଲ୍‌ତି ମାଲ୍ଲା ରୁଦ୍ । ହୁଦ୍ ଫସହ ଘି ପରବ୍ ସମୟ ଗେ କେଚ୍ ଚାଦ୍ । ବାକେନ୍ ନେର୍ ଯୀଶୁସିନ୍ ବିଶ୍ୱାସ୍ କାମ୍‌ନାର୍, ବାକେନ୍ ଯୀଶୁସ୍ ଘି ହେଁସୁ ହୁ ଆଲାସ୍ ଘି ପାପ ଗୁଠିବୋନ୍ କିମତ୍‌ବୋନ୍ ଚୁକା ବାଦାସ୍ । ଇବ୍‌ଦ୍ ଏନ୍ନେଦ୍ ଇ ଲେଖା କା ପାରମେଶ୍ୱରସ୍ ହୁ ଆଲାସ୍ ଘି ଚାହାଁନସ୍ତିନ୍ ଆଘ୍‌ଲି ବାଢ଼ରାସ୍ , ଏନ୍ଦେର୍ ଗେ କା ହୁସ୍ ହୁସିନ୍ ଦଣ୍ଡ ମା’ ଚିଦାସ୍ ।

![](https://cdn.door43.org/obs/jpg/360px/obs-en-48-11.jpg)

ପାରମେଶ୍ୱରସ୍ ଇସ୍ରାଏଲି ଆଲାର୍ ଘି ସାଙ୍ଗେନୁ ଅଣ୍ଟା ଶପଥ୍ କମ୍‌ଚାସ୍ , ଏନ୍ଦେର ଗେ କା ହୁବ୍ଡ଼ାର୍ ଏନ୍ନେ ଆଲ ରାଚାର୍ ନେକାରିନ୍ ପାରମେଶ୍ୱରସ୍ ନିଜର୍ ମାନ୍ନା ଘି ଲାଗାନ୍ ଚୁନ୍ କାଚାସ୍ । ଲେକିନ୍ ଆକୁନ୍ ପାରମେଶ୍ୱରସ୍ ଅଣ୍ଟା ଏନେଏ ୱାଦା କାମ୍‌ଚ୍‌କା ଦାସ୍ ଜେନ୍‌ଟା କୀ ଜାମାର୍ ଘି ଲାଗାନ୍ । ଲେକିନ୍ ଏକିନ୍ ଭି ଜାତି ଘି ନେଏ ଦିନ୍ ଭି ଆଲର ଇ ପୁନ୍ନା ୱାଦା ବନ୍ ଗ୍ରହନ୍ କାମ୍‌ନାର୍, ତା ହୁସ୍ ପାରମେଶ୍ୱରସ୍ ଘି ଆଲାରସାନ୍ ସାମିଲ୍ ମାନ୍ଦାସ୍ କାଦାସ୍ । ହୁସ୍ ଏନେଏ ଇଦ୍ ଘି ଲାଗାନ୍ କାମ୍ ଦାସ୍ ଏନ୍ଦେର୍ ଗେ କା ହୁସ୍ ଯୀଶୁ ସିନ୍ ବିଶ୍ୱାସ୍ କାମ୍‌ଦାସ୍ ।

![](https://cdn.door43.org/obs/jpg/360px/obs-en-48-12.jpg)

ମୁସା ଅଣ୍ଟା ଏନ୍ନେ ଭବିଷ୍ୟତବକ୍ତା ରାଚାସ୍ ନେକାନ୍ ପାରମେଶ୍ୱରସ୍ ଘି କାତଥା ବୋନ ବାଡ଼େ ଶକ୍ତି ଘି ସାଙ୍ଗେନୁ ପ୍ରଚାର କାମ୍‌ଚ୍‌କାଚାସ୍ । ଲେକିନ୍ ଯୀଶୁସ୍ ଜାମା ଭବିଷ୍ୟତବକ୍ତା ରିନ୍‌ସ୍ତି ଜାମାର ନ୍ତି ବାଡ଼କାସ୍ । ହୁସ୍ ପାରମେଶ୍ୱରସ୍, ଇଦ୍‌ଘି ଲାଗାନ୍ ଜେନ୍‌ଟା ଭି ହୁସ୍ କାମ୍‌ଚସ୍ ଆରୁ ତେଙ୍ଗିୟାସ୍ , ହୁସ୍ ପାରମେଶ୍ୱରସ୍ ଘି ନାଲ୍‌ଖୁ ଆରୁ କାତଥା ରାଚାଦ୍ । ଇଦ୍ ଘି ଲାଗାନ୍ ପବିତ୍ର ଶାସ୍ତ୍ରନୁ ଯୀଶୁସ୍ ଘି ପାରମେଶ୍ୱରସ୍ ଘି କାତଥା ତେଙ୍ଗ୍‌ନାର ।

![](https://cdn.door43.org/obs/jpg/360px/obs-en-48-13.jpg)

ପାରମେଶ୍ୱରସ୍ ରାଜା ଦାଉଦ୍ ସ୍ତିନ୍ ଶପଥ କାମ୍‌କା ଚାସ୍ କା ରାଜାସ୍ ଘି ରୂପନୁ ହୁସ୍ କୀ ଅଣ୍ଟା ବାଉଁସାର ପାରମେଶ୍ୱରସ୍ ଘି ଆଲାର୍ ଘି ମିଆଁ ସବୁ ବାକେନ୍ ଘି ଲାଗାନ୍ ଶାସନ୍ କାମାଗେ ଅଙ୍ଗସ୍ ।

![](https://cdn.door43.org/obs/jpg/360px/obs-en-48-14.jpg)

ଦାଉଦ୍ ତା ଇସ୍ରାଏଲ୍ ଘି ରାଜା ରାଚାସ୍, ଲେକିନ୍ ଯୀଶୁ ଜାମା ଦୁନିଆଁ ଘି ରାଜାସ୍ ! ହୁସ୍ ଫିର୍ ସ୍ତିନ୍ ବାରସ୍ ଆରୁ ଜାମା ବାକେନ୍ ଘି ଲାଗାନ୍ ବିଚାର ଆରୁ ଶାନ୍ତି ଘି ସାଙ୍ଗେନୁ ନିଜର୍ ରାଜିବନ୍ ଶାସନ୍ କାମସ୍ ।

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_48_96kbps.mp3

## 49. ପାରମେଶ୍ୱରସ୍ ଘି ପୁନା  କାତଥା

https://openbiblestories.org/l/xis/story-49/

![](https://cdn.door43.org/obs/jpg/360px/obs-en-49-01.jpg)

ଅଣ୍ଟା ସ୍ୱରଗ ଦୂତଦ୍ ଅଣ୍ଟା ଜୁୱାନ୍ କୁକାଏ ମାରିୟାମ୍ ବୋନ୍ ତେଙ୍ଗିୟାଦ୍ କା ହୁ ପାରମେଶ୍ୱରସ୍ ଘି ହଦୁସିନ୍ ଜନମ ଚିୟ । ହୁଦ ଆକୁନ୍ ଡ଼ିଣ୍ଡା ରାଚାଦ୍, ଲେକିନ୍ ପବିତ୍ର ଆତ୍ମା ହୁଦ୍‌ଘି ଚାହାଁ ବାର୍‌ଚା ଆରୁ ହୁଦ୍ ପୁଟ୍‌ରୀ ମାଞ୍ଚାଦ୍ । ହୁଦ୍ ଅଣ୍ଟା ହାଦ୍ଦୁ ସିନ୍ ଜନମ ଚିଇଚାଦ ହୁସ୍ ଘି ନାମେ ହୁଦ୍ ଯୀଶୁ ଉଇୟା । ଇଦ୍‌ଘି ଲାଗାନ୍, ଯୀଶୁ ପାରମେଶ୍ୱର୍ ଆରୁ ଆଲର୍ ଦୁଇ ଲୋର୍ ଆତଲନାର୍।

![](https://cdn.door43.org/obs/jpg/360px/obs-en-49-02.jpg)

ଯୀଶୁସ୍ ଜୁକ୍କୁନ୍‌ତି ଚମତ୍‌କାର କାମ୍‌ଚ୍‌କା ଦାସ୍ ନେର୍ ଏରକାନା କା ହୁସ୍ ପାରମେଶ୍ୱରସ୍ ହୁସ୍ ଆମ୍ମୁ ମିୟାଁ ଏକିୟାସ୍ ଆରୁ ଆନ୍ଧି ବୋନ୍ ସାନ୍ତି କାମଚାସ୍ । ହୁସ୍ ମୁରୁଖ୍ ନ୍ତି ବିମାର୍ ଆଲାରିନ୍ ବାନେ ନାଞ୍ଚାସ୍ ଆରୁ ଜୁକ୍କୁସ୍ତିନ୍ ଆଲାରସ୍ତିନ୍ ଭୂତତୁଗୁଠିନ୍ ଅଥ୍‌ରାସ୍, ହୁସ୍ କେଚ୍‌କା ଆଲାରିନ୍ ଉଜ୍‌ତାଚାସ୍ , ଆରୁ ହୁସ୍ ପାଞ୍ଚଟା ଆସ୍‌ମା ଆରୁ ଜୋଡ଼େ ଇଞ୍ଜୋ ୫୦୦୦ ଆଲାରିନ୍ ଅନ୍‌ନ୍ତାଗେ ବାରାବାରି ଅନ୍ନା ବୋନ୍ ନୁ ବାଦ୍‌ଲାଚାସ୍ ଚିଇଚାସ୍ ।

![](https://cdn.door43.org/obs/jpg/360px/obs-en-49-03.jpg)

ଯୀଶୁସ୍ ଅଣ୍ଟା ବାଡ଼୍‌କା ମାଷ୍ଟର ଭି ରାଚାସ୍ । ଜେନ୍‌ଟା ଭି ହୁସ୍ ଶିଖା ବାଚାସ୍, ହୁ ହୁସ୍ ଶୁଦ୍ଧ ତିନ୍ ଶିଖାବାଚାସ୍ । ଜେନ୍ ହୁ ଆଲାରିନ୍ କାମାଗେ ତେଙ୍ଗ୍‌ଦାସ୍ ହୁସ୍ ହୁବ୍ଡ଼ାର୍‌ଗେ କାମ୍‌ନା ରାଇଦ୍ ଏନ୍ଦେର୍‌ଗେ କା ହୁର୍ ପାରମେଶ୍ୱରସ୍ ଘି ହାଦୁସ୍ । ଉଦାହରଣ ଘି ଲାଗାନ୍, ହୁସ୍ ଶିଖାବାଲାସ୍ କା ନିମାରିନ୍ ଦୁସରା ଆଲାରିନ୍ ହୁଦ୍‌ଘି ନିୟମ୍‌ସ୍ତିନ୍ ପ୍ରେମ୍ କାମ୍‌ନା ଘି ଜରୁରୀ ରାଇଦ୍ ଯେସ୍‌କେ ନିମ୍ ନିଜରବନ୍ ପ୍ରେମ୍ ନାନ୍ଦାର୍ ।

![](https://cdn.door43.org/obs/jpg/360px/obs-en-49-04.jpg)

ହୁସ୍ ଏନ୍ନେ ହିଁ ଶିଖାବାଚାସ୍ କା ନିମାଗେ ଜାମ ଜିନିସ୍ ଗୁଠିସ୍ତିନ୍ ବାଗଗେ ଆରୁ ନିଜର ଧାନ୍ନୁ ସ୍ତିନ୍ ଭି ବାଗେ ପାରମେଶ୍ୱରସିନ୍ ପ୍ରେମ୍ କାମ୍‌ନା ରାଇଦ୍ ।

![](https://cdn.door43.org/obs/jpg/360px/obs-en-49-05.jpg)

ଯୀଶୁସ୍ ତେଙ୍ଗିୟାସ୍ କା ସଂସାର ନୁ ଏନ୍ଦ୍‌ରିନ୍ ଭି ଜିନିଷବନ୍ ହାକ୍‌ଖନ୍‌ସ୍ତିନ୍ ବାଗେ ବାନେ ରାଇ ପାରମେଶ୍ୱରସ୍ ଘି ରାଜିନୁ ମାନ୍ନା । ହୁସ୍‌କୀ ରାଜିନୁ ନିମାଗେ କରନା ଘି ଜରୁରୀ ରାଇଦ୍ କା ପାରମେଶ୍ୱର ନିମାରିନ୍ ନିମାଏ ପାପ୍‌ସ୍ତିନ୍ ବାଚାବୋସ୍ ।

![](https://cdn.door43.org/obs/jpg/360px/obs-en-49-06.jpg)

ଯୀଶୁସ୍ ତେଙ୍ଗିୟାସ୍ କା କିଛି ଆଲାର ହୁସିନ୍ ଗ୍ରହଣ କାମୋର । ପାରମେଶ୍ୱର ହୁବ୍ଡ଼ା ଆଲରିନ୍ ବାଛାବସ୍ । ଲେକିନ୍ ଦୁସ୍‌ର ଆଲାର୍ ହୁସିନ୍ ଗ୍ରହଣ ମା’ କାମୋର୍ । ହୁସ୍‌ ଏନ୍ନେ ଭି ତେଙ୍ଗିୟାସ୍ କା କିଛି ଆଲାର୍ ବାନେ ଏହେଁଲା ଘି ସାମାନ ରାନାର୍, ଏନ୍ଦେର ଗେ କା ହୁବ୍ଡ଼ାର ଯୀଶୁସ୍ ଘି ବାରେନୁ ବାନେ ଜାନ୍‌କାରୀ ବୋନ୍ ଗ୍ରହଣ କାମ୍‌ନାର ଚିଇନାର୍, ଆରୁ ପାର୍‌ମେଶ୍ୱର ହୁବ୍ଡ଼ାରିନ୍ ବାଛାବା ଦାସ୍ । ଲେକିନ୍ କିଛି ଆଲାର ପାବୁ ଘି କଠୋର ଏହେଁଲା ଘି ସାମାନ୍ ରାନାର୍ । ପାରମେଶ୍ୱରସ୍ ଘି ବାଚାନ୍ ମାଞ୍ଜିଘି ସମାନ୍ ପାବୁନୁ ଖାତାରିଦ୍; ଲେକିନ୍ ହୁସାନ୍ କିଛି ଭି ମା’ କୁନ୍ଦିଦ୍ । ଇବଡ଼ା ଆଲାର୍ ଯୀଶୁସ୍ ଘି ବାରେନୁ ଜାନ୍‌କାରୀ ବନ୍ ଗ୍ରହଣ ମା’ କାମ୍‌ନାର ଚିଇନାର୍ । ହୁବ୍ଡ଼ାର ହୁସ୍‌କୀ ରାଜିନୁ କରାଗେ ଇନ୍‌କାର କାମନାର୍ ଚିଇନାର୍ ।

![](https://cdn.door43.org/obs/jpg/360px/obs-en-49-07.jpg)

ଯୀଶୁସ୍ ଶିଖାବାଚାସ୍ କା ପାରମେଶ୍ୱର ପାପିରିନ୍ ମୁରୁଖ୍ ପ୍ରେମ୍ କାମ୍ ଦାସ୍ । ହୁସ୍ ହୁବଡ଼ାରିନ୍ ମାପ୍ କାମାଆଗେ ଚାହାଲ୍ ଦାସ୍ ।ଆରୁ ହୁବଡାରିନ୍ ନିଜର୍ ସାନ୍ତାନ୍ ବାନାବାଗେ ଚାହାଲଦାସ୍ ।

![](https://cdn.door43.org/obs/jpg/360px/obs-en-49-08.jpg)

ଯୀଶୁସ୍ ଏନେ ଭି ତିଙ୍ଗିୟାସ୍ କା ପାରମେଶ୍ୱର ପାପ୍‌ବୋନ୍ ହାଣ୍‌ଦାସ୍, ଏନ୍ଦେରଗେ ଆଦମ୍ ଆରୁ ହାୱାଦ୍ ପାପ୍ କାମ୍‌ଚାର୍, ଇଦ୍‌ଘି ଲାଗାନ୍ ହୁବ୍ଡ଼ାର୍ ଗି ଜାମା ବାଉଁଶାର୍‌ଗୁଠିର୍ ଭି ପାପ୍ କାମ୍‌ଚାର୍ । ଇ ସଂସାରନୁ ରାନା ବାଲା ହାର୍ ଅନ୍ଟା ଆଲାର୍ ପାପ୍ କାମନାର୍ ଆରୁ ପାରମେଶ୍ୱରସ୍ ସ୍ତିନ୍ ଗେଛ୍ଛା ମାନନାର୍ କାନାର୍ ।ହାର ଅଣ୍ଟା ଆଲାର୍ ପାରମେଶ୍ୱରସ୍ ଘି ଶତ୍ରୁର୍ ।

![](https://cdn.door43.org/obs/jpg/360px/obs-en-49-09.jpg)

ଲେକିନ୍ ପାରମେଶ୍ୱରସ୍ ଇ ସଂସାରନୁ ରୁର୍ ହାର୍ ଅଣ୍ଟାସିନ୍ ଇ ରିତିନୁ ପ୍ରେମ୍ କାମ୍‌ଚାସ୍ । ହୁସ୍ ନିଜର ଅଣ୍ଟାଟୁଖା ହାଦ୍ଦୁସିନ୍ ଚିଇଚାସ୍ ଲେକିନ୍ ପାରମେଶ୍ୱର୍ ହୁବ୍ଡ଼ାରିନ୍ ଦଣ୍ଡ୍ ମା’ ଚିଇଦାସ୍ ଜେନ୍ ହୁସ୍‌କୀ ମିଆଁ ବିଶ୍ୱାସ୍ କାମ୍‌ନାର୍ । ଇଦ୍‌ଘି ଚାଲତେ, ହୁବ୍ଡ଼ାର୍ ହୁସ୍‌କୀ ସଙ୍ଗେନୁ ଜାମା ବାକେନ୍ ରୋର୍ ।

![](https://cdn.door43.org/obs/jpg/360px/obs-en-49-10.jpg)

ନିନ୍ ଖିନା ଘି ଯୋଗ୍ୟ ରାଦାଏ, ଏନ୍ଦେର୍ ଗେ କା ନିମ୍‌ଗୁଠି ପାପ୍ କାମ୍‌ଚ କାଦାର । ନିମାରିନ୍ ପାରମେଶ୍ୱରସ୍ ଘି ଖିସାର୍‌ନା ମାନ୍ନା ଉଚିତ୍ ରାଇଦ୍; ହୁଦ୍‌ଘି ଚାଲ୍‌ତେ, ହୁସ୍ ଯୀଶୁସ୍ ଘି ମିଆଁ ଖିସାରାସ୍ କେରାସ୍ । ହୁସ୍ ଯୀଶୁସିନ୍ କ୍ରୁସ୍‌ ନୁ ଖିନା ଦଣ୍ଡ୍ ଚିଚାର୍ ।

![](https://cdn.door43.org/obs/jpg/360px/obs-en-49-11.jpg)

ଯୀଶୁସ୍ ପାପ୍ ମାଲ୍ଲାନାନୁସ୍; ଲେକିନ୍ ହୁବ୍ଡ଼ାର୍ ପାରମେଶ୍ୱରସିନ୍ ଦଣ୍ଡ ଚିଇୟାଗେ ଚିଇଚାସ୍ । ହୁସ୍ ଖିନା କାନା ଘି ସ୍ୱୀକାର୍ କାମ୍‌ଚାସ୍ । ଇ ନିୟମ୍‌ସ୍ତିନ୍, ନିମାଏଁ ପାପ୍‌ବଦ୍ ଆରୁ ଇ ସଂସାରନୁ ରୁର୍ ଜାମା ଅଣ୍ଟା ଆଲାରଘି ପାପ୍ ବୋନ୍ ଉଠାବାଗେ ହୁସ୍ ଅଣ୍ଟା ପବିତ୍ର ବାଲିଦାନ୍ ରାଚାସ୍ । ଯୀଶୁସ୍ ଖୁଦ୍ ହି ପାରମେଶ୍ୱରସ୍ ଗେ ବାଲିଦାନ୍ କାମ୍‌ଚା ଚିଇଚାସ୍, ଇଦ୍‌ଘି ଲାଗାନ୍ ପାରମେଶ୍ୱର ଏନ୍ଦ୍ରିର୍‌ନ୍ ପାପବନ୍, ଏତ୍‌କତୋକ୍ କା ଭାୟାନାକ୍ ପାପବୋନ୍ ଭି ମାପ୍ କାମ୍‌ଦାସ୍ ।

![](https://cdn.door43.org/obs/jpg/360px/obs-en-49-12.jpg)

ଭାଲେ ହି ନିମ୍ ଜୁକ୍କୁସ୍ତିନ୍ ବାନେ ନାଲ୍‌ଖୁନ୍ ନାନାଲ୍‌ଦାର, ତା ହୁଦ୍‌ଘି ଚାଲ୍‌ତେ ପାରମେଶ୍ୱର ନିମାହାରିନ୍ ମା’ ବାଚା ବାଦାସ୍ । ହୁସ୍‌ଘି ସାଙ୍ଗେ ମାନାଗେ ଲାଗାନ୍ ଏନ୍ନେ କିଛି ଭି ମାଲ୍ଲା ରୁଦ୍ ଜେନ୍ ନିମ୍ କାମାଗେ ଅଙ୍ଗର୍ । ଇଦ୍‌ଘି ବାଦ୍‌ଲା, ନିମ୍ ବିଶ୍ୱାସ୍ କାମ୍‌ନା ରାଇଦ୍ କା ଯୀଶୁସ୍ ପାରମେଶ୍ୱରସ୍ ଘି ହାଦ୍ଦୁସ୍, ଆରୁ ହୁସ୍ ନିମାଏଁ ବାଦ୍‌ଲିନୁ କ୍ରୁସ୍ ମିଆଁ କେଚାସ୍, ଆରୁ ଏନ୍ନେ ଭି ପାରମେଶ୍ୱରସ୍ ହୁସିନ୍ ଆରୁସ୍ତିନ୍ ଉଜତାଚାସ୍ ଚିଇଚାସ୍ । ଲେକିନ୍ ନିମ୍ ଇଦ୍‌ଘି ମିଆଁ ବିଶ୍ୱାସ କାମ୍‌ର, ତା ପାରମେଶ୍ୱରସ୍ ନିମାଏଁ ପାପବୋନ୍ ମାପ୍ ନାନୋଚସ୍ ।

![](https://cdn.door43.org/obs/jpg/360px/obs-en-49-13.jpg)

ପାରମେଶ୍ୱର ହୁସ୍ ହାର ଅଣ୍ଟା ଆଲାସିନ୍ ବାଚାବୋସ୍ ଜେନ୍ ଯୀଶୁସ୍ ଘି ମିଆଁ ବିଶ୍ୱାସ୍ କାମ୍‌ନାର୍ ଆରୁ ହୁସିନ୍ ନିଜର ପ୍ରଭୁ ଗ୍ରହନ୍ କାମ୍‌ନାର୍ । ଲେକିନ୍ ହୁସ୍ ହୁବଡାରିନ୍ ମା ବାଚାବାଦାସ୍ । ନେର୍ ହୁସ୍ ଘି ମିୟାଁ ବିଶ୍ୱାସ୍ ମା’ ଉଇନାର୍ । ଇଦ୍ ନେର୍ ଭି ମାଇନେ ମା ଉଇନାର୍ କା ନିମ୍ ଧନୀ ୟା, ଗରୀବ, ଆଲାସ୍ ୟା ମୁକ୍କାଦ୍, ପାଚ୍‌କି ୟା ଡ଼ିଇଣ୍ଡା, ଆରୁ ନିମ୍ ଏକାସାନ୍ ରାଦାର୍ । ପାରମେଶ୍ୱର ନିମାରିନ୍ ପ୍ରେମ୍ କାମ୍‌ଦାସ୍ ଆରୁ ଚାହାଦାସ୍ କା ନିମ୍ ଯୀଶୁସ୍ ଘି ମିଆଁ ବିଶ୍ୱାସ୍ କାମା କା ହୁସ୍ ନିମାଁଏ ସାଂଗେ ମାନୋସ୍ କୋସ୍ ।

![](https://cdn.door43.org/obs/jpg/360px/obs-en-49-14.jpg)

ଯୀଶୁସ୍ ନିମାରିନ୍ ମେହାଁଲ୍ ଦାସ୍ କା ହୁସ୍ ଘି ମିୟାଁ ବିଶ୍ୱାସ୍ କାମ ଆରୁ ବାତସ୍ମା ହୁଆଁ । ଏନ୍ଦେର୍ ଗେ କା ନିନ୍ ବିଶ୍ୱାସ୍ କାମଲଦାର୍ କା ପାରମେଶ୍ୱରସ୍ ଘି ଅଣ୍ଟା ଟୁଖା ହାଦ୍ଦୁସ୍ ,ଯୀସୁସ୍ ହି ମାସିହୀସ୍ ?ଏନ୍ଦେର୍ ନିମ୍ ବିଶ୍ୱାସ୍ କାମଲଦାର୍ କା ନିମ୍ ଅଣ୍ଟା ପାପିର୍ ଆରୁ ଇ ଭି ନିମ୍ ପାରମେଶ୍ୱରସ୍ ଘି ତାରତି ନିମାରିନ୍ ଦଣ୍ଡ ଚିନା ଘି ଲାଏକ୍ ରାଦାର୍ ?ଏନ୍ଦେର୍ନିମ୍ ବିଶ୍ୱାସ କାମଲଦାର୍ କା ନିମହାଁର୍ ଘି ପାପ୍ ବୋନ୍ ମିଟାବାଗେ ଯୀସୁସ୍ କୁରୁସ୍ ନୁ ଖିଦାସ୍ କାଦାସ୍ ?

![](https://cdn.door43.org/obs/jpg/360px/obs-en-49-15.jpg)

ଲେକିନ୍ ନିମ୍ ଯୀଶୁସିନ୍ ଆରୁ ଜେନ୍ ହୁସ୍ ନିମାଏଁ ଲାଗାନ୍ ନାଚ୍‌କାଦାସ୍ ହୁସ୍ ଘି ପିଆଁ ବିଶ୍ୱାସ କା ମାଲ୍‌ଦାର୍, ତା ନିମ୍ ଅଣ୍ଟା ମାସିହିର୍ । ସାଇତାନ୍ ନିଜର ଉହା ଘି ରାଜିନୁ ଆକ୍କୁନ୍ ନିଘାଏଁ ମିଆଁ ଶାସନ ମାଲ୍ଲା କାମୁଦ୍ । ଆକୁନ୍ ପାରମେଶ୍ୱର ନିଜର ପ୍ରକାଶ ଘି ରାଜିନୁ ଏନ୍ ନିମ୍ହାଁ ମିୟାଁ ଶାସନ କାମାଲସ୍ । ହୁସ୍ ନିମାରିନ୍ ପାପ୍ କା ମାଗେ ରକ୍‌ଚା ଚିଇଚ୍ କା ଦାସ୍ ; ଜେସ୍ କେ ନିମ୍ କାମାଲ୍ କାର । ହୁସ୍ ନିମ୍ ହାରିନ୍ ଅଣ୍ଟା ପୁନା, ଉଚିତ୍ ଜୀବନ୍ ଚିଇଚାସ୍ ।

![](https://cdn.door43.org/obs/jpg/360px/obs-en-49-16.jpg)

ଲେକିନ୍ ନିମ୍ ଅଣ୍ଟା ମାସିହିର୍ ତା ଜେନ୍ ଯୀଶୁସ୍ ହିଁ କାମ୍‌ଚକା ଦାସ୍ ହୁଦ୍‌ଘି ଲାଗାନ ପାରମେଶ୍ୱରସ୍ ନିମାଏଁ ପାପ୍‌ବନ୍ ମାଫ୍ ନାଞ୍ଚାସ୍ ଚିଇଚାସ୍ । ଆକୁନ୍, ପାରମେଶ୍ୱର ଅଣ୍ଟା ବାଇରି ଘି ଚାଲତେ ନିମାଏଁ ଅଣ୍ଟା ଗେହେରା ସାଙ୍ଗେ ମାନାଲ୍‌ଦାସ୍ ।

![](https://cdn.door43.org/obs/jpg/360px/obs-en-49-17.jpg)

ଲେକିନ୍ ନିମ୍ ପାରମେଶ୍ୱରସ୍ ଘି ସାଙ୍ଗେର୍ ଆରୁ ପ୍ରଭୁ ଯୀଶୁସ୍ ଘି ସେବକ ତା ନିମ୍ ହୁ କାତଥାବୋନ୍ ପାଳନ୍ କାମାଗେ ଇଚ୍ଛା କାମୋର୍ ଜେନ୍ ଯୀଶୁସ୍ ନିମାରିନ୍ ଶିଖାବା ଦାସ୍ । ଭାଲେ ହି ନିମ୍ ଅଣ୍ଟା ମାସିହିର୍, ସୈତାନ ଆକୁନ୍ ଭି ପାପ୍ କାମାଗେ ନିମାରିନ୍ ବିଡ୍‌ଚେଚେ ଏରୋଦ୍ । ଲେକିନ୍ ପାରମେଶ୍ୱରସ୍ ଜାମାବାକେନ୍ ହୁବୋନ୍ କାମଦାସ୍ ଜେନ୍ ହୁସ୍ ତେଙ୍ଗଦାସ୍ କା ହୁସ୍ କାମୋସ୍ । ହୁସ୍ ତେଙ୍ଗଦାସ୍ କା ଲେକିନ୍ ନିମ୍ ନିଜର ପାପବୋନ୍ ମାନୋର୍, ତା ହୁସ୍ ନିମାରିନ୍ ମାଫ୍ କାମୋଚସ୍ । ହୁସ୍ ନିମାରିନ୍ ପାପ ଘି ବିରୁଦ୍ଧ ନୁ ଲାଢ଼େଇ କାମାଗେ ଶାକ୍ତି ଚସ୍ ।

![](https://cdn.door43.org/obs/jpg/360px/obs-en-49-18.jpg)

ପାରମେଶ୍ୱରସ୍ ନିମାରିନ୍ ବିନ୍ତି କାମାଗେ ଆରୁ ହୁଦ୍‌ଘି ବାଚାନ୍ ବୋନ୍ ପାଢାଗେ ତେଙ୍ଗାଲଦାସ୍ । ହୁସ୍ ନିମାରିନ ଦୁସ୍‌ରା ବିଶ୍ୱାସୀ ଗୁଠିର୍ ଗାନେ ମିଳ୍‌ରିକିରି ହୁସ୍ ଘି ଆରାଧନା କାମାଗେ ତେଙ୍ଗାଲଦାସ୍ । ନିମାରିନ୍ ଦୁସ୍‌ରା ଆଲାରିନ୍‌ ଭି ତେଙ୍ଗ୍‌ନା ରାଇଦ୍ କା ହୁସ ନିମାଏଁ ଲାଗାନ୍ ଏନ୍ଦେର କାମ୍‌ଚକା ଦାସ୍ । ଲେକିନ୍ ନିମ୍ ଇ ଜାମା ନାଲ୍‌ଖୁ ବୋନ୍ କାମା ତା ନିମ୍ ହୁସ୍‌କୀ ଅଣ୍ଟା ପାକ୍କା ସାଙ୍ଗେ ମାନର୍ କୋର୍ ।

*रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 से एक बाइबल की कहानी*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_49_96kbps.mp3

## 50. ଯୀଶୁସ୍ ଆରୁ କିର୍‌ରାଲ ଦାସ୍ ।

https://openbiblestories.org/l/xis/story-50/

![](https://cdn.door43.org/obs/jpg/360px/obs-en-50-01.jpg)

ଯୀଶୁସ୍ ଆରୁ କିର୍‌ରାଲ ଦାସ୍ । ଲଗ୍ ଭଗ୍ ୨୦୦୦ ବରଷ ସ୍ତିନ୍, ସଂସାରନୁ ଜାମା ଜାଗାନୁ ବାଗେସ୍ତିନ୍ ବାଗେ ଆଲ୍ ମାସିହି ଯୀଶୁସ୍ କି ବାରେ ନୁ ଶୁଭ କାତଥା ବୋନ୍ ମେନା ଲାର୍ । କାଲିସିୟା ଉନ୍ନତ କାମାଲିଦ୍ । ଯୀଶୁସ୍ ଓ୍ୱାଦା କାମଚକା ଦାସ୍ ଆକୁନ୍ କା ହୁସ୍ ସଂସାର ଘି ଆଖ୍‌ରିନୁ ଏନ୍ ଆରୁ କିର୍ ରନ୍ । ହାଲେହିଁ ହୁସ୍ ଆକୁନ୍, ଆରୁ ମାଲ୍ଲା କିର୍ ରୁସ୍, ହାଲେହିଁ ହୁସ୍ ନିଜର ଓ୍ୱାଦା ବୋନ୍ ପୁରା କାମସ୍ ।

![](https://cdn.door43.org/obs/jpg/360px/obs-en-50-02.jpg)

ଯେ ବାକେନ୍ ନାମ୍ ଯୀଶୁସ୍ ଘି ଆରି କିରିନା ବାର୍‌ନା ହୋକ୍‌ଖାଲ୍‌ଦାତ ପାରମେଶ୍ୱର ନାମା ସ୍ତିନ୍ ଏନ୍ନେ ରୀତି ସ୍ତିନ୍ ଜୀବନ ଉଜ୍ଜାନ୍ ଘି ଇଛା କମାଲ୍‌ଦାସ୍ ଯେନ୍ ପବିତ୍ର ରାନାର୍ ଆରୁ ଜେନ୍ ହୁସ୍‌କୀ ଆଦର କାମନାର୍ । ଯେତେ ବାକେନ୍ ଯୀଶୁସ୍ ଦୁନିଆଁନୁ ରାଲାସ୍ ବାକେନ୍ ହୁସ୍ ତେଙ୍ଗିୟାସ୍, “ଏଘାଏ ଚେଲାର୍ ସଂସାର ଜାମା ଆଡ଼ାଗୁଠି ଘି ଆଲାରିନ୍ ପାରମେଶ୍ୱରସ୍ ଘି ରାଜି ଘି ବାରେନୁ ଶୁଭ କାତଥା ପ୍ରଚାର କାମରୋ, ଆରୁ ଆଖିରିନୁ ବାରସ୍ କୋସ୍ ।“

![](https://cdn.door43.org/obs/jpg/360px/obs-en-50-03.jpg)

ଜୁକ୍‌କୁସ୍ତିନ୍ ଜାତିଗୁଠିର୍ ଆକ୍କୁନ୍ ତୋକ୍ ଯୀଶୁସ୍ ଘି ବାରେନୁ ମାଲ୍ଲା ମେନୁର୍ । ସ୍ୱରଗ ଗେ କିରିନା କାନା ଘି ଆଘ୍‌ଲି, ଯୀଶୁସ୍ ମାସିହିର୍‌ ସ୍ତିନ୍ ହୁ ଆଲାରିନ୍ ଶୁଭ କାତଥା ମେନ୍‌ତାଗେ ତେଙ୍ଗିୟାସ୍ ହୁବ୍‌ଡ଼ାର୍ ଲବ୍‌ନି ଏକ୍‌ଲାଭି ମାଲ୍ଲା ମେନୁର୍ । ହୁସ୍ ତେଙ୍ଗିୟାସ୍, “କାଲା ଆରୁ ଜାମା ଜାତିର ଘି ଆଲାରିନ୍‌ଗୁଠି ଚେଲା କାମା ଆରୁ“ “ହୋୟାଗେ ହାଲ୍ଲୁ ପାଞ୍ଚା କେର୍‌କିଚିଇ ।“

![](https://cdn.door43.org/obs/jpg/360px/obs-en-50-04.jpg)

ଯୀଶୁସ୍ ଏନ୍ନେ ହିଁ ତେଙ୍ଗିୟାସ୍, “ଏକିନ୍ ଆଲାସ ଘି ସେବକ୍ ନିଜର୍ ମାଲିକସ୍ ସ୍ତିନ୍ ବାଡ଼କା ମାନା ପଲ୍ନାର । ନିଜର ଇ ସଂସାର ଘି ମହତ୍ତ୍ୱପୂର୍ଣ୍ଣ ଆଲାର ଏଂଗାନ୍ ନଫରତ୍ କାମ୍‌ଚାର, ଆରୁ ଏଙ୍ଘାଏ ଲାଗାନ୍ ଭି ନିମାର----- ଆରୁ ପିଟର୍ ଚୋର୍ । ଇ ସଂସାରନୁ ନିମ୍ ଦୁଃଖି ମାନର, ଲେକିନ୍ ମଜବୁତ୍ ମାନୋର୍ , ଏନ୍ଦେର୍ ଗେ କା ଏନ୍ ସୈତାନ୍ ବୋନ୍ ହରାତା ଚିଚ୍‌କାଦାନ୍ ଜେନ୍ ଇ ସଂସାର ମିଆଁ ଶାସନ କାମାଲ ଦାସ୍ । ଲେକିନ ନିମ୍ ଆଖରିତକ୍ ଏଙ୍ଘାଁଏ ବିଶ୍ୱାସଯୋଗ୍ୟ ମାନିକିରି ରାଆ, ତା ପାରମେଶ୍ୱରସ୍ ନିମାରିନ୍ ବାଚାବୋସ୍ ।“

![](https://cdn.door43.org/obs/jpg/360px/obs-en-50-05.jpg)

ଯୀଶୁସ୍ ନିଜର ଚେଲାରିନ୍ ଇବନ୍ ବୁଝାବାଖେ ଅଣ୍ଟା କାହାନୀ ମେନ୍ତାଚାସ୍ କା ଯେତେ ବାକେନ୍ ସଂସାର ଘି ଆଖ୍‌ରି ମାନିଦ୍ ତା ଆଲର୍ ଘି ସାଙ୍ଗେନୁ ଏନ୍ଦେର୍ ମାନଦ୍ । ହୁସ୍ ତେଙ୍ଗିୟାସ୍, “ଏକିନ୍ ଆଲାସ୍ ନିଜର ହାଲ୍ଲୁନୁ ବାନେ ମାଞ୍ଜି ଚାହିଁୟାସ୍ । ଯେ ବାକେନ୍ ହୁସ୍ ହାନ୍ଦରାଲାସ୍ ତା ହୁସ୍‌ଘି ଶତ୍ରୁଦ୍ ବାରଚାଦ୍ ଆରୁ ଗହମ୍ ଘି ମାଞ୍ଜି ଘି ମାଝାନୁ ଜଙ୍ଗ୍‌ଲି ହପ୍ପା ଘି ମାଝାନୁ ଚାହିଁୟାସ୍ ଚିଇଚାସ୍, ଆରୁ ଫିର୍ ହୁସ୍ ବୁଙ୍ଗାସ୍ ଚିଇଚାସ୍ ।“

![](https://cdn.door43.org/obs/jpg/360px/obs-en-50-06.jpg)

“ବାକେନ୍ ହପ୍ପା ଗୁଠି ବାଡକା ମାଞ୍ଚା ତା ସେବକ ସ୍ ହୁ ଆଲାସିନ୍ ତେଙ୍ଗିୟାସ୍ “ହେ ସ୍ୱାମୀ, ନିନ୍ ତା ନିଜର ହାଲ୍ଲୁନୁ ବାନେ ମାଞ୍ଜି ଚାହାଁକା ଦାଏ । ତା ଫିର୍ ଇନ୍ନୁ ଜଙ୍ଗ୍‌ଲି ହପା ଏନ୍ଦେର ଗେ ରାଇଦ୍ ? ହୁ ଆଲାସ୍ ଜାବାବ୍ ଚିଚାସ୍ ଖାଲି ଏଙ୍ଘାଏ ଶତ୍ରୁ ହିନ ହୁବନ ଚାହାଁ ବେଦ୍‌ନାର୍ । ଇବ୍ ଏଙ୍ଘାଏ ନେର୍ରିନ୍ ଶତ୍ରୁ ରାନାର ନେର୍ ଏନ୍ନେ କାମ୍‌ଚ୍‌କାନାର୍ ।“

![](https://cdn.door43.org/obs/jpg/360px/obs-en-50-07.jpg)

“ହୁ ଧାଙ୍ଗରସ୍ ନିଜର ମାଲିକ୍ ସିନ୍ ଜାବାବ୍ ଚିଚାସ୍, ‘ଏନ୍ଦେର୍ ଏମ୍ ଜଙ୍ଗ୍‌ଲି ହଫାବନ୍ ଚାଡ଼ନା ଖାତାର ?“ ହୁ ମାଲିକ୍ ତେଙ୍ଗିୟାସ୍ , ‘ମାଲ୍ଲା, ଲେକିନ୍ ନିମ୍ ଏନ୍ନେ କାମୋର୍ ତା ନିମ୍ କିଛି ଗହମ ବୋନ୍ ଚାଡ଼ାଗେ ଅଙ୍ଗର୍ । ହୋଇନା ଘି ସମୟ ତୋକ୍ ହଁଖା । ବାକେନ୍ ଜଙ୍ଗଲି ହପା ବନ ଗାଡ଼ଡି ନୁ ଅନ୍ ଠାଣସାନ୍ କାମର୍ ହାଲେ ନିମ୍ ହୁବନ୍ ଜାଲାବାଗେ ଅଙ୍ଗର୍ । ଲେକିନ୍ ଗହମ୍‌ବନ୍ ଏଙ୍ଘା ହାଲ୍ଲୁସ୍ତିନ୍ ହୁଆ ବାରା ।“

![](https://cdn.door43.org/obs/jpg/360px/obs-en-50-08.jpg)

ଚେଲାର ଇ କାଥନୀ ଘି ମତ୍‌ଲବ୍ ବନ୍ ମା’ ବୁଝ୍‌ରାର୍, ଇଦ୍‌ଘି ଲାଗାନ୍ ହୁବ୍‌ଡ଼ାର୍ ଯୀଶୁସିନ୍ ହୁବନ୍ ବୁଝାବାଗେ ନିବେଦନ୍ କାମ୍‌ଚାର୍ । ଯୀଶୁସ୍ ତେଙ୍ଗିୟାସ୍, “ବାନେ ମାଞ୍ଜି ଚାହାଁନାବାଲା ଆଲାସ୍ ମାସିହ ସିନ୍ ଦର୍ଶାଲିଦ୍ । ହାଲ୍ଲୁ ସଂସାର ବବାନ୍ ଦର୍ଶାଲିଦ୍ । ବାନେ ମାଞ୍ଜି ପାରମେଶ୍ୱରସ୍ ଘି ରାଜିନ୍‌ତା ଆଲାର୍ ଦର୍ଶା ଲିଦ୍ ।“

![](https://cdn.door43.org/obs/jpg/360px/obs-en-50-09.jpg)

“ଜାଙ୍ଗ୍‌ଲି ହପ୍ପା ହୁ ଖରାପ୍ ଆଲ, ସୈତାନ୍ ଗି ଆଲାରିନ୍ ଦାର୍ଶା ବିଦ୍ । ହୁ ଆଲାସ୍‌କି ଶତ୍ରୁ ସୈତାନ୍ ବୋନ୍ ଦାର୍ଶୀଦ୍; ନେର୍ ଜଙ୍ଗ୍‌ଲି ହପ୍ପା ବୋନ୍ ଚାହିଁୟାସ୍ ଚିଇଚାର୍ । ହୋଇଁନା ଇ ସଂସାର ଘି ଆଖ୍‌ରି ଘି ବୋନ୍ ଦର୍ଶୀଦ୍ । ଆରୁ ହୋୟୁର୍ ପାରମେଶ୍ୱରସ୍ ଘି ସ୍ୱରଗ ଦୂତ୍ ବୋନ୍ ଦର୍ଶାବିଦ୍ ।“

![](https://cdn.door43.org/obs/jpg/360px/obs-en-50-10.jpg)

ଯେ ବାକେନ୍ ସଂସାର ଘି ଆଖ୍‌ରୀ ମାନଦ୍ ବାକେନ ସ୍ୱରଗ ଦୂତ୍ ହୁ ଜାମା ଆଲାରିନ୍ ଅନ୍ ଠାଣ ସାନ କାମୋର୍ ଯେ ସୈତାନ ଘି ରାନାର୍ । ହୁବଡ଼ା ସ୍ୱରଗ ଦୂତ୍ ହୁବଡ଼ରିନ୍ ଅଣ୍ଟା ମୁରୁଖ୍ ହିଁ ଗରମ ଚିଇଁଚୁ ନୁ ଖେବ୍‌ଡ଼ର ଚେର୍ । ହୁସାନ୍ ହୁବ୍‌ଡ଼ା ଆଲାର ଭୟଙ୍କର ତାଡ଼୍ ପାରୋର୍ ଆରୁ ଅଲ୍ଲହର ଆରୁ ନିଜର ପାଲ୍ଲୁ ଚା ବରର୍ । ଲେକିନ୍ ଜେନ୍ ଆଲାର୍ ଧର୍‌ମୀ ରୋର୍; ହୁବ୍ଡ଼ାର ଯୀଶୁସ୍ ଘି ଅନୁସରଣ କାମରୋ; ହୁର୍ ହୁବଡ଼ାର ଘି ପାର୍‌ମେଶ୍ୱରସ୍ ବୁଆସ୍ ଘି ରାଜିନୁ ବିଡ଼ି ଘି ସାମାନ୍ ଚାମ୍‌କାରୋର୍ ।“

![](https://cdn.door43.org/obs/jpg/360px/obs-en-50-11.jpg)

ଯୀଶୁସ୍ ଇ ଭି ତେଙ୍ଗିୟାସ୍ କା ହୁ ସଂସାର ଘି ଆଖ୍‌ରି ମାନ୍ନା ଘି ଆଘ୍‌ରି ଦୁନିଆ ମିଆଁ କିର୍‌ଅସ୍ । ହୁସାନ୍ ହୁଦ୍‌ଘି ତାଲିକାସ୍ତିନ୍ ଆରୁ କିଇରସ୍ ବାରୋସ୍ ଜେସ୍‌କେ କା ହୁସ୍ କେର୍‌କାଚାସ୍ । ଲେକିନ୍, ହୁସ୍‌କି ଆଘ୍‌ଲିନ ନ୍ତା ଲେଖା ଶରୀର ମାନଦ୍ , ଆରୁ ହୁସ୍ ଆକାଶନୁ ବାଦ୍‌ଲିନୁ ଅକକିରି ବାରୋସ୍ । ଯେତେବାକେନ୍ ଯୀଶୁସ୍ କିରାଲ୍‌ଦାସ୍, ତା ଜାମା ଅଣ୍ଟା ମାସିହି ଜେନ୍ କେ ଚାର୍ କେର୍‌କା ନାର କେଚ୍‌କାନ୍ ସ୍ତିନ୍ ଭି ଉଜଜୋର୍ କୋର୍ ଆରୁ ହୁ୍ସ ଗାନେ ଆକାଶନୁ ଭେଟ୍ ମାନରୋ ।

![](https://cdn.door43.org/obs/jpg/360px/obs-en-50-12.jpg)

ବାକେନ୍ ଜେନ୍ ମାସିହି ଆକ୍କୁନ୍ ଭି ଉଜଲ ଜାଲ୍‌ଦାସ୍ ହୁସ୍ ଆକାଶନୁ ଉଠାବୋସ୍ ହୋସ୍ କୋସ୍ ଆରୁ ହୁ ଦୁସ୍‌ରା ମାସିହି ରି ଘି ସାଙ୍ଗେ ସାମିଲ୍ ମାନର୍ କୋର୍ ନେର୍ କେଚ୍‌କାସ୍ତିନ୍ ଭି ଉଜାକା ନାର୍ । ହୁବ୍‌ଡ଼ାର୍ ଜାମାର୍ ହୁସାନ୍ ଯୀଶୁସ୍ ଘି ସାଙ୍ଗେନୁ ରୋର୍ । ହୁଦ୍‌ଘି ପାଛଲି, ଯୀଶୁସ୍ ନିଜର ଆଲାର୍ ଘି ସାଙ୍ଗେନୁ ରୋସ୍ । ବାକେନ୍ ହୁସ୍ ଅଣ୍ଟା ସାଙ୍ଗେନୁ ରାନାର୍ ତା ହୁସ୍‌କୀ ଚାହାଁନୁ ସବୁ ବାକେନ୍ ଘି ଲାଗାନ୍ ପୁରା ଶାନ୍ତି ମନଦ୍ ।

![](https://cdn.door43.org/obs/jpg/360px/obs-en-50-13.jpg)

ଯିସୁ ଘି ମିଆଁ ବିଶ୍ୱାସ୍ କାମନା ବାଲାର୍ ହାର ଅଣ୍ଟା ଆଲାର୍ ଗେ ଅଣ୍ଟା ମୁକୁଟ୍ ଚିୟାଗେ ଲାଗାନ୍ ଶପଥ୍ କାମଚାକାଦାସ୍ ହୁବଡାର୍ ସବୁଦିନ୍ ଲାଗାନ୍ ପାରମେଶ୍ୱରସ୍ ଗାନେ ଅଣ୍ଟା ଜିନିସ୍ ଘି ମିୟାଁ ସାସନ୍ କାମୋର୍ । ହୁବଡାର୍ ଘି ଚାହାନୁ ବାନେ ସାନ୍ତି ମାନୋଦ୍ ।

![](https://cdn.door43.org/obs/jpg/360px/obs-en-50-14.jpg)

ଲେକିନ୍ ପାରମେଶ୍ୱରସ୍ ହୁବ୍ଡ଼ା ଜାମାର ଘି ବିଚାର କାମୋସ୍ ନେର୍ ଯୀଶୁ ସିନ୍ ବିଶ୍ୱାସ୍ ମା’ କାମ୍‌ନାର । ହୁସ୍ ହୁବ୍ଡ଼ାରିନ୍ ନରକ ନୁ ଖେବ୍‌ଡେ ଚାସ୍ । ହୁସାନ୍ ହୁବ୍ଡ଼ାର ଅଲ୍ଲହୋର୍ ଆରୁ ନିଜର ପାଲ୍ଲୁ ଚାବ୍‌ରୋର୍, ଆରୁ ହୁବ୍ଡ଼ା ସବୁବାକେନ୍ ଦୁଃଖୁ ମାନ୍‌ତେ ରୋର୍ । ଏକା ବାକେନ୍ ଭି ତେବେର୍ ବାଲା ଚିଚୁନୁ ହୁବ୍ଡ଼ାର୍ ସବୁବାକେନ୍ ଲାଘ୍‌ରାଲ୍ କିରୋଦ୍, ଆରୁ ପଚ୍‌କ ଗୁଠିର୍ ହୁବ୍‌ଡ଼ାରିନ୍ ମୋହାଗେ ଏକାବାକେନ୍ ଭି ମା’ ରୁକ୍ରୋର୍

![](https://cdn.door43.org/obs/jpg/360px/obs-en-50-15.jpg)

ଯେତେ ବାକେନ୍ ଯୀଶୁସ୍ କିର୍‌ଦାସ୍, ତା ହୁସ୍ ପୁରାପୁରିସ୍ତିନ୍ ସୈତାନ ଘି ଆରୁ ହୁସ୍‌କି ରାଜିବନ୍ ଖତମ୍ କାମୋଚସ୍ । ହୁ ସୈତାନ୍ ବନ୍ ନରକନୁ ଖେଏବ୍‌ଡର୍ ଚୋର । ହୁସାନ ସୈତାନ୍ ଜାମ ବାକେନ୍ ଘି ଲାଗାନ୍ ଲାଘ୍‌ର୍‌ତେ ରୋଦ୍, ହୁ ଜାମା ଘି ସାଙ୍ଗେ ଜେନ୍‌ଟା କା ପାରମେଶ୍ୱରସ୍ ଘି କାଥାଗୁଠିନ୍ ମେନ୍ନା ଘି ବାଜାଏ ସୈତାନ୍ ଘି ପାଛ୍‌ଲି ଏକାଗେ ଚୁନ୍‌ଚ୍‌କାର୍ ଚାର୍ ।

![](https://cdn.door43.org/obs/jpg/360px/obs-en-50-16.jpg)

ଏନ୍ଦେର ଗେ କା ଆଦମ୍ ଆରୁ ହାୱାଦ୍ ପାରମେଶ୍ୱରସ୍ ଘି କାତ୍‌ଥାବୋନ୍ ମା’ ମାଞ୍ଚକିଚା ଆରୁ ପାପ ବନ୍ ଇ ସଂସାରକୁ ହୋଇ କିରି ବାର୍‌ଚାର୍, ପାରମେଶ୍ୱରସ୍ ହୁବ୍ଡ଼ାରିନ୍ ଶ୍ରାପ୍ ଚିଇଚାସ ଆରୁ ହୁବୋନ୍ ଖତମ୍ ନାନା ଗେ ସୋଚାସ୍ । ଲେକିନ୍ କିଛି ଉଲ୍ଲାନୁ ପାରମେଶ୍ୱରସ୍ ଅଣ୍ଟା ସ୍ୱରଗ ଆରୁ ଅଣ୍ଟା ପୁନ୍ନା ଦୁନିଆ ଘି ରଚ୍‌ନା କାମୋସ୍ ଜେନ୍‌ଟାକି ଶୁଦ୍ଧ ମାନଦ୍ । ଯୀଶୁସ୍ ଆରୁ ହୁସକୀ ଆଲାର୍ ହୁ ପୁନ୍ନା ଦୁନିଆଁନୁ ରୋର୍, ଆରୁ ହୁର୍ ସବୁବାକେନ୍ ଘି ଲାଗାନ୍ ଜାମା ଜିନିଷଗୁଠି ଘି ମିୟାଁ ଶାସନ୍ କାମୋର୍ । ହୁସାନ୍ ଆଲାର୍ ଘି ହାନ୍ନୁନ୍ ନ୍ତି ଅଣ୍ଟା ହାଞ୍ଜାଲ ବକ୍ ଚିଚରଚେର୍ । ଆକୁନ ଜେଏଦ୍ ଭି ଦକ୍‌ଲିଫ୍ ୟା ଦୁଃଖୁ ମାନୋର୍ । ହୁବ୍ଡ଼ାର୍ ମା’ ଅଲ୍ଲନ୍ନାର । ହୁବ୍ଡ଼ାର ବିମାର୍ ମା ମାନ୍ନାର୍ ଆରୁ ମାଖିନାର୍ । ଆରୁ ହୁସାନ୍ କିଛି ଭି ଖରାପ୍ ମା’ ମାନିଜ୍ ଯୀଶୁସ୍ ନିଜର୍ ରାଜି ନୁ ବିଚାର୍, ଆରୁ ଶାନ୍ତି ଘି ସାଙ୍ଗେନୁ ଶାସନ କାମୋସ୍ । ହୁସାନ୍ ସବୁବାକେନ୍ ଘି ଲାଗାନ୍ ନିଜର୍ ଆଲାର୍ ଘି ଗାନେ ରୋସ୍ ।

*ମାତୀ ୨୪:୨୪; ୨୮:୧୮; ୟହାନ୍ ୧୫:୨୦, ୧୬:୩୩; ପ୍ରକାଶିତ ୨:୧୦; ମାତୀ ୧୩:୨୪-୩୦, ୩୬-୪୨; ୧ ଥିସ୍‍ଲୁନୀ ୪:୧୩-୫:୧୧; ୟାକୁବ ୧:୧୨; ମାତୀ ୨୨:୧୩; ପ୍ରକାଶିତ ୨୦:୧୦ ;୨୧:୧-୨୨:୨୧ ସ୍ତିନ୍ ଅଣ୍ଟା ବାଇବାଲ ଘି କାଥ୍‌ନୀ*

Audio: https://git.door43.org/translationCore-Create-BCS/xis_obs/releases/download/v1/xis_obs_v1_50_96kbps.mp3