# unfoldingWord Open Bible Stories — Kangri

- Language code: `xnr`
- Canonical page: https://openbiblestories.org/l/xnr/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Kangri translation; it is not a translation of the whole Bible.

## 1. सृष्टिया दी काहणी

https://openbiblestories.org/l/xnr/story-1/

![](https://cdn.door43.org/obs/jpg/360px/obs-en-01-01.jpg)

सुरु च परमात्मैं इस तरीके नैं सारी सृष्टिया जो बणाया। परमात्मैं छीं दिनां च संसारे जो कने जेह्ड़ा कुच्छ तिस च ऐ तिन्हां सबना चीज्जां जो बणाया। परमात्मे दे धरतिया जो बणाणे ते बाद धरतिया च नैहरा कने खाली थी, क्जोकि अल्ली तिकर परमात्मैं तिसा च कुसा भी चीज्जा जो नीं बणाया था। अपर परमात्मे दा आत्मा पाणिये ऊपर घूमदा था।

![](https://cdn.door43.org/obs/jpg/360px/obs-en-01-02.jpg)

भिरी परमात्मैं पैहल्ले दिन ग्लाया, “परगड़ा होयैं!” कने परगड़ा होई गेआ। परमात्मैं दिख्या कि परगड़ा छैल़ लग्गा दा ऐ कने परमात्मैं परगड़े जो “दिन” ग्लाया। कने तिसते बाद परमात्मैं परगड़े जो नैहरे ते लग्ग कित्ता कने तिन्हीं नैहरे जो “रात ग्लाया। परमात्मैं दिख्या कि जेह्ड़ा बणाया ऐ सैह़ छैल़ लग्गा दा ऐ। परमात्मैं सृष्टिया जो बणाणे दे पैहल्ले दिनैं परगड़े कने रात जो बणाया।

![](https://cdn.door43.org/obs/jpg/360px/obs-en-01-03.jpg)

भिरी दूयैं दिनैं परमात्मैं ग्लाया, “पाणिये ऊपर इक्क ऐदेया हिस्सा बणी जां” कने दिक्खा इक्क ऐदेया हिस्सा बणी गेआ। परमात्मैं इस हिस्से जो “अम्बर” ग्लाया।

![](https://cdn.door43.org/obs/jpg/360px/obs-en-01-04.jpg)

भिरी त्रीयैं दिनैं परमात्मैं ग्लाया, “पाणी इक्की जग़ाह पर किट्ठा होई जां कने सूकी जमीन दुस्सैं। कने परमात्मैं तिसा सुकिया जमीना जो “धरती” ग्लाया कने पाणिये जो “समुंदर” ग्लाया। परमात्मैं दिख्या कि जेह्ड़ा बणाया ऐ सैह़ छैल़ लग्गा दा ऐ।

![](https://cdn.door43.org/obs/jpg/360px/obs-en-01-05.jpg)

भिरी परमात्मैं ग्लाया, “धरतिया पर हर किस्मां दे रूख कने बूटे लूंगी पौन।” कने तिआं ई होई गेआ। परमात्मैं दिख्या कि जेह्ड़ा बणाया ऐ सैह़ छैल़ लग्गा दा ऐ।

![](https://cdn.door43.org/obs/jpg/360px/obs-en-01-06.jpg)

भिरी चौथे दिनैं परमात्मैं ग्लाया, “अम्बरे च जोतियां बणी जान।” कने तिआं ई अम्बरे च सूरज, चंद्रमा कने तारेयां दियां जोतियां बणी गियां। परमात्मैं तिन्हां जोतियां जो धरतिया पर लौ दैणे तांई कने दिन कने रात, मौसमां कने सालां दे बारे च दस्सणे तांई बणाया। परमात्मैं दिख्या कि जेह्ड़ा बणाया ऐ सैह़ छैल़ लग्गा दा ऐ।

![](https://cdn.door43.org/obs/jpg/360px/obs-en-01-07.jpg)

भिरी पंजमैं दिनैं परमात्मै ग्लाया, “पाणिये च तैरणे आल़े ज़िन्दे प्राणी कने अम्बरे च उडणे आल़े सारे पंछी बणी जान।” इस तरीके नैं परमात्मैं पाणिये च तैरणे आल़े ज़िन्दे प्राणियां कने अम्बरे च उडणे आल़े सारे पंछियां जो बणाया। परमात्मैं दिख्या कि जेह्ड़ा बणाया ऐ सैह़ छैल़ लग्गा दा ऐ कने तिन्हां जो आसीस दित्ती।

![](https://cdn.door43.org/obs/jpg/360px/obs-en-01-08.jpg)

भिरी छेमैं दिनैं परमात्मैं ग्लाया, “धरतिया पर रैहणे आल़े सारे जानवर पैदा होई जान।” जिआं परमात्मैं ग्लाया तिआं ई होई गेआ। तिन्हां च कुच्छ पालतु जानवर, कुच्छ धरतिया पर पेटे दे भार चलणे आल़े, कने कुच्छ जंगली जानवर थे। परमात्मैं दिख्या कि जेह्ड़ा बणाया ऐ सैह़ छैल़ लग्गा दा ऐ।

![](https://cdn.door43.org/obs/jpg/360px/obs-en-01-09.jpg)

भिरी परमात्मैं ग्लाया, “ओआ अहां माणुये जो अपणे सरूपे च बणान। सैह़ धरतिया पर कने सारे जानवरां पर अपणा अधिकार रखन।”

![](https://cdn.door43.org/obs/jpg/360px/obs-en-01-10.jpg)

तिसते बाद परमात्मैं क्या कित्ता कि धरतिया ते चिक्क लेई कने तिसा चिक्का ते माणुये जो बणाया कने तिस च ज़िन्दगिया दा साह पाई दित्ता, कने सैह़ ज़िन्दा माणु बणी गेआ। परमात्मैं तिस माणुये दा नां आदम रखेया। परमात्मैं आदमैं जो रैहणे तांई इक्क बड़ा बड्डा अदन दा बगीचा बणाया कने तिस बगीचे दी रखवाल़ी करणे तांई तिसियो तित्थु रैहणे जो ग्लाया।

![](https://cdn.door43.org/obs/jpg/360px/obs-en-01-11.jpg)

तिस बगीचे दे बिच परमात्मैं खास रूख लगाये, इक्क जिन्दगिया दा रूख कने इक्क भले-बुरे दे ज्ञाने दा रूख लगाया। परमात्मैं आदमैं नैं ग्लाया कि तू इस बगीचे दे सब रूखां दे फल़ां खाई सकदा ऐ, अपर जेहड़ा भले-बुरे दे ज्ञाने दा रूख ऐ, तिसदा फल़ तू कदी मत खांदा। क्जोकि जिस दिन तू तिस रूखे दा फल़ खांगा, तिस दिन तू जरूर मरी जांगा।

![](https://cdn.door43.org/obs/jpg/360px/obs-en-01-12.jpg)

भिरी परमात्मैं ग्लाया, आदमैं दा किल्ला रैहणा ठीक नीं ऐ। अपर कोई भी जानवर आदमैं दा जोड़ीदार नी बणी सकेया, जेह्ड़ा तिस नैं मेल खाई सकदा था।

![](https://cdn.door43.org/obs/jpg/360px/obs-en-01-13.jpg)

इसतांई परमात्मैं आदमैं जो गैहरिया निंदरा च सुआई दित्ता। भिरी परमात्मैं आदमैं दी इक्क पसल़ी कड्डी कने तिसा ते इक्क जणास बणाई कने तिसा जो आदमे अल्ल लेई आएया।

![](https://cdn.door43.org/obs/jpg/360px/obs-en-01-14.jpg)

जाह़लू आदमैं तिसा जणांसा जो दिख्या तां तिन्हीं ग्लाया, “सच्ची! च एह़ मिन्जो साइआं ऐ! इसा जो जणांसा दे नांऐ ते जाणेयां जांगा, क्जोकि एह़ मर्दे ते बणाईयो ऐ।” इसा बज़ाह ते मर्द अपणे माँ-पियो जो छड्डी करी, अपणिया लाड़िया सौगी इक्क होई जांदा ऐ।

![](https://cdn.door43.org/obs/jpg/360px/obs-en-01-15.jpg)

परमात्मैं मर्द कने जणांसा जो अपणे सरूपे च बणाया। तिन्हीं तिन्हां जो आसीस दित्ती कने तिन्हां जो ग्लाया, मते सारे बाल-बच्चे पैदा करा, कने सारिया धरतिया च फैली जा।” तिसते बाद परमात्मैं दिख्या कि जेह्ड़ा कुच्छ बणाया ऐ, सैह़ बड़ा छैल़ लग्गा दा ऐ, कने सैह़ तिन्हां सबना जो दिक्खी करी बड़ा खुस होएया। एह़ सब कुच्छ सृष्टि बणाणे दे छेमैं दिनैं होएया था।

![](https://cdn.door43.org/obs/jpg/360px/obs-en-01-16.jpg)

जाह़लू सतमा दिन आएया तां जेह्ड़ा कुच्छ परमात्मे बणाया था तिन्हीं सारे कम्मां जो पूरा करी नै अराम कित्ता। तिन्हीं सतमे दिने जो आसीस दित्ती कने तिसियो पवित्र ग्लाया, क्जोकि तिस दिन तिन्हीं सारियां चीज्जां जो बणाई करी अपणे कम्मे जो पूरा कित्ता था। इस तरीके नैं परमात्मैं संसारे जो कने जेह्ड़ा कुच्छ तिस च ऐ तिन्हीं सबना चीज्जां जो बणाया।

*बाइबला दी काहणी - सृष्टिया दी सुरुआत (उत्पति) पाठ 1 कने 2*

Audio: https://git.door43.org/OBS-TLF/xnr_obs/releases/download/v1/xnr_obs_v1_01_128kbps.m4a

## 2. पाप दा संसारे च औणां - काहणी

https://openbiblestories.org/l/xnr/story-2/

![](https://cdn.door43.org/obs/jpg/360px/obs-en-02-01.jpg)

परमात्मैं मरद कने जणांस इक्की दूये सौगी रैह्णे तांई बणाये, कने सैह़ दोयो परमात्मे दे बणायो सुन्दर बगीचे च बड़े भरी खुस थे। तिस बग्त कोई कपड़े नीं हुंदे थे कने सैह़ दोयो नंगे रैंह्दे थे, भिरी भी तिन्हां दूनीं जो इसा गल्ला दी कोई भी शर्म नी हुंदी थी क्जोकि तिस बग्त संसारे च पाप नीं था। सैह़ दोयो हर-रोज तिस बगीचे च घूमदे-फिरदे थे कने परमात्मे नैं गल्लां करते थे।

![](https://cdn.door43.org/obs/jpg/360px/obs-en-02-02.jpg)

अपर तिस बगीचे च इक्क सर्प था, कने सैह़ बड़ा चलाक था। तिन्हीं तिसा जणांसा ते पुछया, “क्या सच्ची च परमात्मैं तुहां जो एह़ ग्लाया ऐ कि इस बगीचे दे कुसी भी रूखे दे फल़े मत खांदे?”

![](https://cdn.door43.org/obs/jpg/360px/obs-en-02-03.jpg)

तिन्नै जणांसा जबाब दित्ता, “परमात्मैं अहां नै ग्लाया ऐ कि अहां तिस भले-बुरे ज्ञाने दे रूखे दे फल़े जो छड्डी करी कुसी भी रूखे दा फल़ खाई सकदे हन। परमात्मैं अहां जो ग्लाया ऐ कि जे तुहां तिस रूखे दे फल़े जो खांगे कने तिसियो छूता भी, तां तुहां जरुर मरी जांगे।”

![](https://cdn.door43.org/obs/jpg/360px/obs-en-02-04.jpg)

तिन्हीं सर्पैं जणांसा जो ग्लाया, “एह़ सच्च नी ऐ! तुहां नी मरगे। परमात्मा जाणदा ऐ कि जिआं ई तुहां तिस रूखे दे फल़े जो खांगे, तां तुहां परमात्मे साइआं होई जांगे कने जिआं भले कने बुरे ज्ञाने जो परमात्मा समझदा ऐ, तुहां भी समझणा लग्गी पोंगे।”

![](https://cdn.door43.org/obs/jpg/360px/obs-en-02-05.jpg)

तिन्नै जणांसा दिख्या कि सैह़ फल़ खाणे तांई बड़ा स्वादिस्ट कने दिखणे च बड़ा छैल़ लग्गा दा ऐ। सैह़ भी अक्लमंद बणना चांह़दी थी, इसतांई तिन्नै तिस फल़े जो तोड़ी करी खाई लेआ। भिरी तिन्नै अपणे लाड़े जो भी सैह़ फल़ खाणे जो दित्ता कने तिन्हीं भी सैह़ फल़ खाई लेआ।

![](https://cdn.door43.org/obs/jpg/360px/obs-en-02-06.jpg)

भिरी क्या होएया कि तिस रूखे दे फल़े खाणे ते बाद तिन्हां दियां अँखी इकदम खुली गैइयां, कने तिन्हां जो पता लग्गी गेआ कि अहां तां नंगे थे। तिसते बाद तिन्हां क्या कित्ता कि अपणे सरीरे जो ढकणे तांई पतरां जो जोड़ी-जोड़ी करी तिन्हां अप्पुं तांई कपड़े बणाणे दी कोशिश कित्ती।

![](https://cdn.door43.org/obs/jpg/360px/obs-en-02-07.jpg)

ताह़लू आदमैं कने तिसदिया लाड़िया बगीचे च घुमदे-फिरदे होये परमात्मे दी उआज सुणी। सैह़ दोयो परमात्मे दे डरे ते लुक्की बैठे। ताह़लू परमात्मैं आदमे जो हक्क पाई, “आदम! तू कुत्थू ऐ?” आदमैं ग्लाया, “मैं बगीचे च घुमदे-फिरदे होये तुहां दी उआज सुणी, तां मैं डरी गेआ, क्जोकि मैं नंगा था। इसतांई लुक्की बैठेया था।”

![](https://cdn.door43.org/obs/jpg/360px/obs-en-02-08.jpg)

भिरी परमात्मैं आदमे ते पुछया, “तिज्जो कुणी दस्सेया कि तू नंगा ऐ? क्या तैं सैह़ फल़ खाई लेआ ऐ जिसियो मैं खाणे तांई मना कित्या था?” आदमैं ग्लाया, “तुहां जेह्ड़ी एह़ जणांस दित्तियो ऐ इन्नैं मिन्जो सैह़ फल़ खाणे जो दित्ता।” ताह़लू परमात्मैं जणांसा ते पुछया, “तैं एह़ क्या कित्ता ऐ?” तिन्नैं जणांसा ग्लाया, “सर्पैं मिन्जो बैहकाई दित्ता।

![](https://cdn.door43.org/obs/jpg/360px/obs-en-02-09.jpg)

परमात्मैं सर्पे जो ग्लाया, “तू श्रापित ऐ! तू अपणे पेटे दे भार चलगा कने चिक्का चटगा तू कने एह़ जणांस इक्की दूये नैं नफरत करगे, कने तेरी औलाद कने इसा दी औलाद भी इक्की दूये नै नफरत करगी। इसा जणांसा दा वंश तेरे सिरे कुचल़ी दिंगा, कने तू तिसदिया खुरिया जो डसगा।”

![](https://cdn.door43.org/obs/jpg/360px/obs-en-02-10.jpg)

ताह़लू परमात्मैं जणांसा जो ग्लाया, “मैं तेरे बच्चे जम्मणे दे बग्त पीड़ा जो बधांगा। तेरी चाह तेरे लाड़े दी तरफ बणी रैंह्गी, कने सैह़ तिज्जो पर अपणा हक्क रखगा।”

![](https://cdn.door43.org/obs/jpg/360px/obs-en-02-11.jpg)

परमात्मैं आदमैं नैं ग्लाया, “तैं अपणिया लाड़िया दी गल्ल सुणी ऐ कने मेरे हुक्मे दा पालन नीं कित्ता। इसतांई धरती श्रापित होई ऐ, कने तिज्जो अपणा पेट भरने तांई कड़ी मेहनत करणी पोंगी। भिरी तू मरी जांगा, कने तेरा सरीर मिट्टी ऐ कने मिट्टी च मिल्ली जांगा।” तिन्हीं आदमैं अपणिया लाड़िया दा नां हव्वा रखेया, जिसदा मतलब ऐ, “ज़िन्दगी दैणे आल़ी”, क्जोकि सैह़ सारी मानस-जात दी माँ बणगी, कने परमात्मैं जानवरे दिया खाला ते कपड़े बणाई करी आदम कने हव्वा जो पैहनाये।

![](https://cdn.door43.org/obs/jpg/360px/obs-en-02-12.jpg)

भिरी परमात्मैं ग्लाया, “माणु हुण भले-बुरे जो जाणी करी अहां साइआं होई गेआ, इसतांई इन्हां दा इस बगीचे च रैहणा ठीक नीं, कुत्थी इआं ना होयैं कि सैह़ तिस ज़िन्दगिया दे रूखे दे फल़े जो खाई करी हमेसा तांई ज़िन्दे रेह़न।” इसतांई परमात्मैं आदम कने हव्वा जो तिस बगीचे ते बाहर कड्डी दित्ता। भिरी परमात्मैं तिस बगीचे दे दुआरे पर ताकतवर सुअर्गदूतां दा पैहरा लगाई दित्ता, तांजे कोई भी तिस ज़िन्दगिया दे रूखे दा फल़ नी खाई सकैं।

*बाइबला दी काहणी – सृष्टिया दी सुरुआत अध्याय - 3*

Audio: https://git.door43.org/OBS-TLF/xnr_obs/releases/download/v1/xnr_obs_v1_02_128kbps.m4a

## 3. बाढ़ा दी काहणी

https://openbiblestories.org/l/xnr/story-3/

![](https://cdn.door43.org/obs/jpg/360px/obs-en-03-01.jpg)

काफी बग्ते बाद, संसारे च मते सारे लोक रैंह्दे थे। सैह़ बुरे कम्मां कने खून-खराबा करणा लग्गी पेयो थे। इस बग्ते लोक इतणे पापी बणी गियो थे सैह़ कुसदा भी डर नीं मनदे थे। इन्हां लोकां जो दिक्खी करी परमात्मैं इक्क फैसला लेआ कि मैं इस पूरे संसारे जो इक्क खतरनाक बाढ़ कऱी नास करी दिंगा।

![](https://cdn.door43.org/obs/jpg/360px/obs-en-03-02.jpg)

अपर तिस बग्त परमात्मे दी नजर नूह पर पेई। नूह तिन्हां पापी लोकां च इक्क धर्मी माणु था। कने परमात्मा नूहे ते बड़ा खुस था। ताह़लू परमात्मैं तिसा बाढ़ा दे बारे च नूह नैं ग्लाया, कि मैं खतरणाक बाढ़ करी नै इसा धरतिया जो नास करणे आल़ा ऐ। इसतांई परमात्मैं नूह जो इक्क बड्डा जाह्ज बणाणे तांई ग्लाया।

![](https://cdn.door43.org/obs/jpg/360px/obs-en-03-03.jpg)

भिरी परमात्मैं नूह जो ग्लाया, कि तू इस नापे दे जरिये इक्क लकड़िया दा बड्डा जाह्ज बणा, कने तिस जाह्जे दी लम्बाई 140 मीटर, चौड़ाई 23 मीटर कने ऊँचाई 13.5 होणी चाइदी, कने तू जाह्जे च इक्की खिड़की, इक्क दरवाजा कने इक्क छत कने तिसदे अन्दर त्रै कमरे बणाया। परमात्मैं नूह जो ग्लाया, जाह़लू मैं इसा धरती च बरखा करगा तां, तू अपणे परवारे सौगी जाह्जे अन्दर चली जायां, कने सारे ज़िन्दे प्राणियां कने पंछियां कने जानवरां दा इक्क-इक्क जोड़ा जाह्जे च अपणे सौगी लेई जाई नैं अप्पु सौगी रखेयां।

![](https://cdn.door43.org/obs/jpg/360px/obs-en-03-04.jpg)

तिन्हीं परमात्मे दे इस हुक्मे दे मताबक कित्ता। नूह कने तिसदेयां जागतां परमात्मे दे दस्सेयो नापे मताबक जाह्ज बणाया। क्जोकि सैह़ जाह्ज बड़ा बड्डा था इसतांई तिस जाह्जे जो बणाणे तांई मते साल लग्गे। नूहैं लोकां जो बाढ़ा दे बारे च चतौणी दित्ती, कने ग्लाया, कि परमात्मे पर बसुआस करा कने तिसदे सामणैं अपणे पापां दा पश्चाताप करा, अपर तिन्हां नूह दिया गल्ला पर कोई ध्यान नीं दित्ता, कने बुरे कम्मा च ई अपणी ज़िन्दगी जिन्दे रेह्।

![](https://cdn.door43.org/obs/jpg/360px/obs-en-03-05.jpg)

परमात्मैं नूह कने तिसदे परवारे जो अपणे तांई कने सारे जानवरां तांई खाणा किट्ठा करणे दा हुक्म दित्ता। जाह़लू सब कुच्छ त्यार होई गेआ, ताह़लू परमात्मैं नूह जो ग्लाया, कि हुण तू अपणी लाड़िया, त्रिनी जागतां सौगी कने तिन्हां दियां लाड़ियां सौगी जाह्जे च चली जा। सैह़ सारे परवारे दे अठ जणे थे।

![](https://cdn.door43.org/obs/jpg/360px/obs-en-03-06.jpg)

परमात्मैं सारे जानवर, जीव जन्तु कने पंछियां दे नर कने मादा नूह अल्ल घल्ली दित्ते, तांजे सैह़ नूह सौगी जाह्जे च जाई सकन कने बाढ़ा ते बची सकन। परमात्मैं हर किस्मां दे पशुआं दे सत नर कने सत मादा जो घल्लेया, जिन्हां दा इस्तेमाल बलिदान करणे तांई कित्ता जाई सकैं। जाह़लू सैह़ सारे जाह्जे अन्दर चली गै, ताह़लू परमात्मैं जाह्जे दा दरवाजा बन्द करी दित्ता।

![](https://cdn.door43.org/obs/jpg/360px/obs-en-03-07.jpg)

ताह़लू बरखा लग्गी पेई, कने बरखा बिना रुके चाल़ी दिन कने चाल़ी रात लगातार हुंदी रेई कने धरती च पाणी इतणा भरी गेआ कि सब कुच्छ पाणिये च डुबी गेआ, बल्कि ऊचे ते ऊचे प्हाड़ भी डुबी गे।

![](https://cdn.door43.org/obs/jpg/360px/obs-en-03-08.jpg)

बाकि धरतिया च रैहणे आल़े जानवर, पंछी कने सारे माणु पाणिये च डुबी करी मरी गै, जेह्ड़े जाह्जे च थे सिर्फ सैई जिन्दे बचे। कने जाह्ज पाणिये च तैरणा लग्गी पेआ।

![](https://cdn.door43.org/obs/jpg/360px/obs-en-03-09.jpg)

बरखा रुकणे ते बाद, जाह्ज पंज मीहने पाणिये च तैरदा रेह्आ, कने जाह़लू पाणी घटणा लग्गी पेआ था, ताह़लू इक्क दिन जाह्ज प्हाड़े पर टिकी गेआ, अपर धरतिया च ताह़लू भी मता सारा पाणी था। त्रीं मीहनेयां बाद थोड़े-थोड़े प्हाड़ दुस्सणा लग्गे।

![](https://cdn.door43.org/obs/jpg/360px/obs-en-03-10.jpg)

भिरी चाल़ी दिनां बाद, नूहैं इक्क कोगला एह़ दिखणे तांई जाह्जे दे बाहर घल्लेया कि क्या पाणी सुकी गेआ ऐ कि नीं। सैह़ कोगला सुकिया जमीना जो तोपदा-तोपदा तांह-तुंह उडदा रेह्आ अपर तिसियो सुकी जमीन नीं मिल्ली।

![](https://cdn.door43.org/obs/jpg/360px/obs-en-03-11.jpg)

भिरी नूहैं इक्क कबूतरिया जो बाहर घल्लेया। अपर तिसा जो कुत्थी भी सुकी जमीन नी मिल्ली, इसतांई सैह़ वापस जाह्जे च आई गेई। नूहैं सतां दिनां बाद भिरी तिसा कबूतरिया जो जाह्जे बाहर घल्लेया, कने सैह़ संझा जो अपणिया चुंजा च जैतूने दे रुखे दा इक्क नौआं पतर लेई करी वापस आई गेई। इसते नूह जो पता लग्गी गेआ कि धरतिया च पाणी घटी गेआ ऐ।

![](https://cdn.door43.org/obs/jpg/360px/obs-en-03-12.jpg)

नूहैं सत दिन होर इन्तजार कित्ता, कने त्री बरी भिरी तिसा कबूतरिया जो जाह्जे ते बाहर घल्लेया, इस बरी सैह़ वापस नीं आई। क्जोकि सारी धरतिया दा पाणी सूकणा लग्गी पेआ था।

![](https://cdn.door43.org/obs/jpg/360px/obs-en-03-13.jpg)

दूँ मीहनेयां बाद परमात्मैं नूह नैं ग्लाया, “हुण तू कने तेरा परवार कने सारे जानवर जाह्जे बाहर निकल़ी ओआ। परमात्मैं तिन्हां जो आसीष दित्ती, कि मते सारे बच्चे पैदा करा कने सारी धरतिया च फैली जा।” ताह़लू नूह कने तिसदा परवार जाह्जे बाहर निकल़ी आएया।

![](https://cdn.door43.org/obs/jpg/360px/obs-en-03-14.jpg)

नूह दे जाह्जे ते बाहर ओणे ते बाद, सबते पैहल्लैं इक्क वेदी बणाई कने परमात्मे तांई हर किस्मां दे जानवरां ते कुच्छ जानवरां दी भेंट चढ़ाई कने तिसदी अराधना कित्ती। परमात्मा इस बलिदान ते खुस होएया कने नूह कने तिसदे परवारे जो आसीस दित्ती।

![](https://cdn.door43.org/obs/jpg/360px/obs-en-03-15.jpg)

भिरी परमात्मैं ग्लाया, “कि मैं तुहां नै वादा करदा ऐ कि भिरी कदी भी सारे प्राणियां जो बाढ़ा नैं नास नी करगा कने धरतिया दा नास करणे तांई बाढ़ नीं करगा; क्जोकि माणु अपणे बचपणे ते ई पापी ऐ।”

![](https://cdn.door43.org/obs/jpg/360px/obs-en-03-16.jpg)

परमात्मैं ग्लाया, मैं बदल़े च अपणा धनुष रखेया ऐ। सैह़ मेरे कने धरती दे सारे प्राणियां सौगी मेरे वादे दी नसाणी हुंगी। जाह़लू मैं अम्बरे पर बदल़ां लैयोंगा ताह़लू बदल़ां च मेरे वादे दा धनुष दुस्सगा। तिसियो दिक्खी करी मैं तिस वादे जो याद करगा, ताह़लू ऐदई बाढ़ भिरी नीं हुंगी जिसते सारे प्राणियां दा नास होयैं।

*बाइबला दी काहणी – सृष्टिया दी सुरुआत अध्याय 6-8*

Audio: https://git.door43.org/OBS-TLF/xnr_obs/releases/download/v1/xnr_obs_v1_03_128kbps.m4a

## 4. अब्राहमे सौगी परमात्मे दा वादा - काहणी

https://openbiblestories.org/l/xnr/story-4/

![](https://cdn.door43.org/obs/jpg/360px/obs-en-04-01.jpg)

बाढ़ा ते मते साल बाद, संसारे च मते लोक रैंह्दे थे, कने सारे संसारे च इक्क ई भासा कने इक्क ई बोली थी, इसतांई सैह़ सारे किट्ठे होई कऱी इक्की सैहरे जो बनाणा लग्गे। तिन्हां भिरी ते परमात्मे दे कने इक्की दूये दे खलाफ पाप करणा सुरु करी दित्ता। परमात्मैं धरती जो लोकां नैं भरने दा हुक्म दित्या था, अपर तिन्हां परमात्मे दे तिस हुक्मे दा पालन नी कित्ता।

![](https://cdn.door43.org/obs/jpg/360px/obs-en-04-02.jpg)

सैह़ बड़े घमंडी थे, कने तिन्हां जो कदेई ज़िन्दगी जीणी चाइदी थी इस बारे च सैह़ परमात्मे दे हुक्मे दा पालन नीं करणा चांहदे थे। अपर तिन्हां इक्क ऐदई मीनारा जो बणाणा सुरू करी दित्ता जेह्ड़ी सुअर्गे तिकर पुज्जगी। परमात्मैं दिख्या कि जे सैह़ किट्ठे मिल्ली करी बुराई करदे रैंह्गे, तां सैह़ बड़े पापी कम्मां जो करी सकदे हन।

![](https://cdn.door43.org/obs/jpg/360px/obs-en-04-03.jpg)

इसतांई परमात्मैं तिन्हां दिया भासा जो कने बोलिया जो बदली दित्ता कने तिन्हां लोकां जो सारे संसारे च फैलाई दित्ता। जिस सैहरे जो तिन्हां बणाणा सुरू कित्या था तिस सैहरे नां बेबीलोन रखेया, जिसदा मतलब ऐ “गड़बड़ी”

![](https://cdn.door43.org/obs/jpg/360px/obs-en-04-04.jpg)

मतेआं सालां बाद, परमात्मैं अब्राम नांऐ दे इक्की माणुये नैं गल्ल कित्ती। परमात्मैं तिस नैं ग्लाया, “अपणे देसे कने परवारे जो छड्डी करी तिस देसे जो चलिया जेह्ड़ा मैं तिज्जो दस्सगा। मैं तिज्जो आसीस दिंगा कने तिज्जो ते इक्क बड़ी जाति बणांगा। मैं तेरा नां म्हान करगा, जेह्ड़ा तिज्जो आसीस दिंगा मैं तिसियो आसीस दिंगा, कने जेह्ड़ा तिज्जो श्राप दिंगा मैं तिसियो श्राप दिंगा। तेरे जरिये संसारे से सारे कुल़ आसीस पांगे।”

![](https://cdn.door43.org/obs/jpg/360px/obs-en-04-05.jpg)

परमात्मे दे हुक्मे दे मताबक अब्राम सब कुच्छ छड्डी करी चली गेआ। अब्रामैं अपणिया लाड़िया सारै कने अपणे सारे सेवकां कने अपणिया सारिया धन-दौलता जो लेई करी कनान देसे जो चली गेआ जेह्ड़ा परमात्मैं तिसियो दस्सेया था।

![](https://cdn.door43.org/obs/jpg/360px/obs-en-04-06.jpg)

जाह़लू अब्राम कनान देसे च पुज्जा तां परमात्मैं तिस नैं ग्लाया, “अपणे चौनी पास्सैं नजर करी नैं दिक्ख। मैं तिज्जो एह़ सारा देस दिंगा कने तेरा वंश हमेसा तांई इस देसे पर हक्क रखगा।” ताह़लू अब्राम तित्थु बसी गेआ।

![](https://cdn.door43.org/obs/jpg/360px/obs-en-04-07.jpg)

मलिकिसिदक नांऐ दा इक्क माणु था जेह्ड़ा सर्वशक्तिमान परमात्मे दा याजक था। इक्क दिन जाह़लू अब्राम युद्ध करी वापस ओआ दा था तां मलिकिसिदक कने अब्राम मिल्ले। मलिकिसिदकैं अब्राम जो आसीस दित्ती कने ग्लाया, “सर्वशक्तिमान परमात्मा जेह्ड़ा सुअर्ग कने धरती दा मालिक ऐ सैह़ तिज्जो आसीस दिंगा।” भिरी अब्रामैं युद्धे च जीत्तियां चीज्जां दा दसमां हिस्सा मलिकिसिदके जो दित्ता।

![](https://cdn.door43.org/obs/jpg/360px/obs-en-04-08.jpg)

मते साल होई गै, अपर अब्राम कने सारै दी कोई औलाद नी थी। परमात्मैं अब्रामे नैं गल्ल कित्ती कने भिरी वादा कित्ता कि तिज्जो तांई तेरिया लाड़िया सारै ते इक्क जागत पैदा हुंगा कने जिआं अम्बरे च तारे हन तिआं ई तेरा वंश भी हुंगा। अब्रामैं परमात्मे दे वादे पर बसुआस कित्ता परमात्मैं घोषणा कित्ती कि अब्राम इक्क धर्मी माणु ऐ क्जोकि तिन्हीं परमात्मे दे वादे पर बसुआस कित्या था।

![](https://cdn.door43.org/obs/jpg/360px/obs-en-04-09.jpg)

ताह़लू परमात्मैं अब्रामे नैं इक्का वादा कित्ता। इसदे बारे च दिख्या जां तां इक्क वादा दूँ झुण्डा बिच इक्की-दूये तांई कम्मां जो करणे दा इक्क समझौता हुंदा ऐ। परमात्मैं अब्रामे नैं सैह़ वादा ताह़लू कित्ता था जाह़लू अब्राम सुतेया था, अपर सैह़ ताह़लू भी परमात्मे दियां गल्लां जो सुणी सकदा था। परमात्मैं ग्लाया, “कि मैं तेरिया लाड़िया सारै ते तिज्जो तांई इक्क जागते दी असीस दिंगा। मैं तेरे वंशे जो एह़ कनान देस दिंदा ऐ।” अपर अल्ली तिकर अब्रामे दा कोई जागत नीं था।

*बाइबला दी काहणी: सृष्टिया दी सुरूआत 11-15*

Audio: https://git.door43.org/OBS-TLF/xnr_obs/releases/download/v1/xnr_obs_v1_04_128kbps.m4a

## 5. वादे दा पुत्तर - काहणी

https://openbiblestories.org/l/xnr/story-5/

![](https://cdn.door43.org/obs/jpg/360px/obs-en-05-01.jpg)

अब्राम कने सारै दे कनान देस पुज्जणे दे दस साल बाद, अल्ली तिकर भी तिन्हां दी कोई औलाद नीं थी। इसतांई अब्रामे दिया लाड़िया सारै तिस नैं ग्लाया, “दिक्खा परमात्मैं मिन्जो अल्ली तिकर औलादी दा सुख नीं दित्ता ऐ कने हुण मैं औलादी दा सुख पाणे तांई बड़ी जबरी होई गियो ऐ, हुण सुणा, तुहां मेरी दासी हाजिरा दे जरिये मिन्जो तांई औलादी दा सुख देआ।”

![](https://cdn.door43.org/obs/jpg/360px/obs-en-05-02.jpg)

भिरी अब्रामैं हाजिरा दे जरिये अपणिया लाड़िया सारै तांई इक्क जागते दा सुख दित्ता, कने अब्रामैं तिसदा नां इश्माइल रखेया। अपर सारै हाजिरा नैं जल़न करणा लग्गी। जाह़लू इश्माइल तेरांह सालां दा था, ताह़लू परमात्मैं भिरी अब्रामे नैं गल्ल कित्ती।

![](https://cdn.door43.org/obs/jpg/360px/obs-en-05-03.jpg)

परमात्मैं ग्लाया, “मैं सर्वशक्तिमान परमात्मा ऐ। मैं तिज्जो सौगी इक्क वादा करदा ऐ।” ताह़लू अब्रामैं धरती च पेई करी परमात्मे जो प्रणाम कित्ता। परमात्मैं अब्रामे नैं एह़ ग्लाया, “तू मतिआं जातिआं दा पिता हुंगा मैं तेरे वंशे जो तिन्हां दी अपणी जमीन होणे तांई कनान देस दिंगा कने मैं हमेसा तांई तिन्हां दा परमात्मा हुंगा। तिज्जो अपणे परवारे दे हर मर्दे दा खतणा करणा ऐ।”

![](https://cdn.door43.org/obs/jpg/360px/obs-en-05-04.jpg)

तेरी लाड़ी सारै इक्क जागते जन्म दिंगी, सैह़ वादे दा जागत हुंगा। तिसदा नां इसहाक रखेयां। मेरा वादा तिस सौगी भी बणी रैंह्गा, कने तिसते इक्क बड़ी बड्डी जाति बणी जांगी। मैं इश्माइल ते भी इक्क बड़ी बड्डी जाति बणांगा, अपर मेरा वादा इसहाक सौगी बणी रैंह्गा।” ताह़लू परमात्मैं अब्रामे दा नां बदली करी अब्राहम रखी दित्ता, जिसदा मलतब ऐ “मूलपिता” परमातमैं सारै दा नां भी बदली करी सारा रखी दित्ता, जिसदा मतलब ऐ “मूलमाता”

![](https://cdn.door43.org/obs/jpg/360px/obs-en-05-05.jpg)

तिस दिन अब्राहमैं अपणे घराने दे सारे मर्दां दा खतणा कित्ता। इक्क साल बाद जाह़लू अब्राहम दी उम्र सौ साल कने सारा दी उम्र नब्बैं साल थी, ताह़लू सारा अब्राहमे दे जागते जो जन्म दित्ता। जिआं परमात्मैं तिन्हां जो ग्लाया था तिन्हां तिसदा नां इसहाक रखेया।

![](https://cdn.door43.org/obs/jpg/360px/obs-en-05-06.jpg)

जाह़लू इसहाक जुआन होएया तां परमात्मैं अब्राहमे दे बसुआसे दी परख कित्ती, परमात्मैं ग्लया, “मिन्जो तांई अपने इक्कलौते जागते दी बल़ि चढ़ाई दे।” भिरी अब्राहमैं परमात्मे दे इस हुक्मे दा पालन कित्ता, कने अपणे जागते दी बल़ि चढ़ाणे तांई त्यार होई गेआ।

![](https://cdn.door43.org/obs/jpg/360px/obs-en-05-07.jpg)

जाह़लू अब्राहम कने इसहाक बल़ि चढ़ाणे आल़िआ जगाह दी तरफ जाणा लग्गे तां इसहाकैं पुछया, “हे बापू, अहां अल्ल बल़ि चढ़ाणे तांई लकड़ू तां हन, अपर बल़ि चढ़ाणे तांई भेड्डा दा बच्चा कुत्थू ऐ?” अब्राहमैं जबाब दित्ता, “मेरे जागता, परमात्मा बल़ि चढ़ाणे तांई भेड्डा दे बच्चे दा इन्तजाम खुद करगा।”

![](https://cdn.door43.org/obs/jpg/360px/obs-en-05-08.jpg)

जाह़लू सैह़ बल़ि चढ़ाणे आल़िआ जगाह च पुज्जे, ताह़लू अब्राहमैं वेदी बणाई करी लकड़ू चुणी-चुणी करी रखे, तिसते बाद अब्राहमैं इसहाके दे हत्थ पैर बन्नी करी वेदी पर लिटाई दित्ता। सैह़ अपणे जागते जो मारणे आल़ा ई था, कि परमात्मै तिसियो ग्लाया रुकी जा! जागते जो कुच्छ मत कर कने मत मार। क्जोकि तू मेरे तांई अपणे इक्कलौते जागते दी बल़ि चढ़ाणे तांई त्यार होई गेआ; हुण मैं जाणी गेआ कि तू परमात्मे दा डर मनदा ऐ।

![](https://cdn.door43.org/obs/jpg/360px/obs-en-05-09.jpg)

ताह़लू अब्राहमै तित्थु बक्खैं झुड़ेयां च इक्क भेड्डा दा बच्चा फसेया दिख्या। अब्राहमैं जाई करी तिस भेड्डा दे बच्चे जो लेआ, कने तिसियो परमात्मे तांई बल़ि चढ़ाई दित्ता। क्जोकि परमात्मैं तित्थु तिन्हां तांई भेड्डा दे बच्चे दा इन्तजाम कित्या था। परमात्‍मा सिर्फ अब्राहमे दी परख करणा चांहदा था।

![](https://cdn.door43.org/obs/jpg/360px/obs-en-05-10.jpg)

ताह़लू परमात्मैं अब्राहमे नैं ग्लाया, “तू मिन्जो अपणा सब कुच्छ दैणे तांई त्यार होई गेआ, ऐत्थू तिकर कि तू मेरे तांई अपणे इक्कलौते जागते दी बल़ि दैणे तांई त्यार होई गेआ, इसतांई मैं तिज्जो आसीस दैणे दा वादा करदा ऐ। तेरा वंश तारेयां ते भी जादा हुंगा। क्जोकि तैं मेरे हुक्मे दा पालन कित्ता ऐ इसतांई मैं तेरे परवारे दे जरिये संसारे दी सारी जातिआं जो आसीस दिंगा।”

*बाइबला दी काहणीः सृष्टिया दी सुरुआत 16-22*

Audio: https://git.door43.org/OBS-TLF/xnr_obs/releases/download/v1/xnr_obs_v1_05_128kbps.m4a

## 6. परमात्मे दा इसहाके तांई इन्तजाम - काहणी

https://openbiblestories.org/l/xnr/story-6/

![](https://cdn.door43.org/obs/jpg/360px/obs-en-06-01.jpg)

जाह़लू अब्राहम बड़ा जबरा होई गेआ था ताह़लू तिसदा जागत, इसहाक ब्याह करणे तांई जुआन होई गेआ था इसतांई अब्राहमैं अपणे इक्की दासे जो ग्लाया, कि तू तिस देसे च मेरे रिश्तेदारां अल्ल जा कने मेरे जागते इसहाके तांई इक्क लाड़ी लेई आ।

![](https://cdn.door43.org/obs/jpg/360px/obs-en-06-02.jpg)

इक्क लम्मा सफर करणे दे बाद, अब्राहमे दा दास तिस सैहरे च पुज्जी गेआ जित्थु अब्राहमे दे रिश्तेदार रैंह्दे थे, ताह़लू परमात्मै तिस दासे दे सामणैं रिबका जो घल्लेया। सैह़ अब्राहम दे भाऊये दी पोतरी थी।

![](https://cdn.door43.org/obs/jpg/360px/obs-en-06-03.jpg)

रिबका अपणे परवारे जो छड्डी करी, अब्राहमे दे दासे सौगी इसहाके दे घर जाणे जो राज्जी होई गेई। जिआं ई रिबका अब्राहमे दे घर पुज्जी, इसहाकैं तिसा नैं ब्याह करी लेआ।

![](https://cdn.door43.org/obs/jpg/360px/obs-en-06-04.jpg)

कुच्छ बग्ते बाद, अब्राहम मरी गेआ। ताह़लू परमात्मैं अब्राहमे नैं जेह्ड़ा वादा कित्या था तिसदे मताबक, परमात्मैं इसहाके जो आसीस दित्ती। अपर इसहाके दिया लाड़िया रिबका जो कोई औलाद नीं होई सकदी थी। इसहाक मतिआं जातिआं दा पिता नीं बणी सकदा था जे तिस अल्ल इक्क भी जागत नीं हुंदा।

![](https://cdn.door43.org/obs/jpg/360px/obs-en-06-05.jpg)

इसहाकैं रिबका तांई प्रार्थना कित्ती, कने परमात्मैं तिसदी विणती सुणी कने तिसदिया लाड़िया जो तिसी बग्त दोल़ू बच्चेयां दी आसीस दित्ती। जिस बग्त सैह़ बच्चे रिबका दे गर्भे च ई थे, सैह़ तिसा दे गर्भे च अप्पु च लड़णा लग्गे, इसतांई रिबका परमात्मे ते पुछया कि एह़ क्या होआ दा ऐ।

![](https://cdn.door43.org/obs/jpg/360px/obs-en-06-06.jpg)

ताह़लू परमात्मैं रिबका नैं ग्लाया, “तू दूँ जागतां जो जन्म दिंगी। तिन्हां दे वंश दो लग्ग-लग्ग जतिआं बणगियां। सैह़ इक्की दूये नैं लड़गे, कने बडा जागत लोक्के दे अधीन रैंहगा।

![](https://cdn.door43.org/obs/jpg/360px/obs-en-06-07.jpg)

जाह़लू रिबका दे बच्चेयां दा जन्म होएया, तां बडा जागत लाल था कने तिसदे सरीर च कम्बल़े साइआं बाल़ थे, कने तिन्हां तिसदा नां एसाव रखेया। ताह़लू लोक्का जागत एसावे दिया खुरिया जो पकड़ी करी जम्मेया, कने तिन्हां तिसदा नां याकूब रखेया।

*बाइबला दी काहणीः सृष्टिया दी सुरुआत 24:1-25:26*

Audio: https://git.door43.org/OBS-TLF/xnr_obs/releases/download/v1/xnr_obs_v1_06_128kbps.m4a

## 7. परमात्मैं याकूब जो आसीस दित्ती - काहणी

https://openbiblestories.org/l/xnr/story-7/

![](https://cdn.door43.org/obs/jpg/360px/obs-en-07-01.jpg)

जाह़लू सैह़ बच्चे बडे होई गै तां याकूब जो घरैं रैहणा खरा लग्गा, अपर एसावे जो जानवरां दा सिकार करणा खरा लग्गा। रिबका याकूबे नैं बड़ा लाड प्यार करदी थी, अपर इसहाक एसावे नैं बड़ा लाड प्यार करदा था।

![](https://cdn.door43.org/obs/jpg/360px/obs-en-07-02.jpg)

इक्क दिन, जाह़लू इसहाक सिकार करी नैं वापस आया तां तिसियो बड़ी भुख लगियो थी, एसावैं अपणे लोक्के भाऊ याकूबे नैं ग्लाया, “जेहड़ा खाणा तैं बणाया ऐ तिस च थोड़ा खाणे जो मिन्जो भी दे।” याकूबैं जबाब दित्ता, “पैहल्लैं मिन्जो नैं एह़ वादा कर कि अपणा जेठे होणे दा हक्क मिन्जो देई दे, तां मैं तिज्जो सब कुच्छ खाणे जो देई दिंगा।” तिसी बग्त एसावैं अपणा जेठे होणे दा हक्क याकूबे जो देई दित्ता। तिसते बाद याकूबैं एसावे जो खाणा देई दित्ता।

![](https://cdn.door43.org/obs/jpg/360px/obs-en-07-03.jpg)

इसहाक एसाव असीस दैणा चांहदा था। अपर इसहाक दे इआं करणे ते पैहल्लैं ईं, रिबका याकूबे जो एसावे दिया जगाह इसहाके अल्ल घल्ली करी धोखा कित्ता, कने याकूबैं एसाव बणी करी तिस नैं दिखावा कित्ता। क्जोकि इसहाक जबरा होई गेआ था कने तिसियो घट दुस्सदा था। इसतांई याकूबैं एसावे दे कपड़े पैहने कने अपणेयां हत्थां च कने गल़े च बकरिया दिया खला जो लपेटी लेआ।

![](https://cdn.door43.org/obs/jpg/360px/obs-en-07-04.jpg)

याकूब इसहाके अल्ल आया कने ग्लाया, “मैं एसाव ऐ। मैं इसतांई आएया कि तू मिन्जो आसीस दैं।” जाह़लू इसहाकैं बकरिया दे बालां जो मसूस कित्ता कने तिसदे कपड़ेयां जो सुँघेया, तां तिन्हीं समझेया कि एह़ तां एसाव ऐ कने तिसियो आसीस दित्ती।

![](https://cdn.door43.org/obs/jpg/360px/obs-en-07-05.jpg)

एसावैं याकूबे नैं बैर रखेया क्जोकि याकूबैं तिसदा जेठा होणे दा हक्क धोखे नैं लेई लेआ था कने तिन्हीं पिता ते आसीसा जो भी पाई लेआ था। तिसते बाद एसावैं इक्क योजना बणाई कि “मै अपणे पिता दे मरने ते बाद याकूब जान्नी ते मारी दैणा।

![](https://cdn.door43.org/obs/jpg/360px/obs-en-07-06.jpg)

अपर रिबका एसावे दी योजना जो सुणी लेआ। इसतांई तिन्नैं याकूबे जो दूर अपणे रिशतेदारां अल्ल घल्ली दित्ता।

![](https://cdn.door43.org/obs/jpg/360px/obs-en-07-07.jpg)

याकूब मते साल रिबका दे रिश्तेदारां सौगी रेह्आ। तिस बग्त याकूबैं ब्याह करी लेआ कने तिसदे बाराह जागत कने इक्क कुड़ी पैदा होई। परमात्मैं तिसियोँ अमीर बणाई दित्ता।

![](https://cdn.door43.org/obs/jpg/360px/obs-en-07-08.jpg)

बीई साल तिकर कनान देस च अपणे घरे ते दूर रैहणे ते बाद, याकूब अपणे परवारे, अपणे दासां कने अपणै जानवरां जो लेई करी वापस आई गेआ।

![](https://cdn.door43.org/obs/jpg/360px/obs-en-07-09.jpg)

याकूब बड़ा डरेया था क्जोकि सैह़ हुण भी एह़ सोचदा ऐ कि एसाव तिसियो जान्नी ते मारणा चांहदा ऐ। इसतांई तिन्हीं पैहल्लैं अपणे मते जानवर उपहार दैणे तांई कने अपणे दासां जो एसावे अल्ल घल्लेया। तित्थु जाई करी तिन्हां एसावे जो ग्लाया, “तेरा दास याकूब, इन्हां जानवरां जो तिज्जो दिंदा ऐ। सैह़ बस ऐत्थु वापस ओणे आल़ा ऐ।

![](https://cdn.door43.org/obs/jpg/360px/obs-en-07-10.jpg)

अपर एसावैं याकूब जो पैहल्लैं ई माफ करी दित्या था। सैह़ तिसियो इक्क बरी भिरी दिक्खी करी बड़ा खुस होएया। तिसदे बाद याकूब कनान देसे च सान्तिया नैं रेह्आ। भिरी इसहाक मरी गेआ कने याकूबैं कने एसावैं तिसियो दफनाया। जेह्ड़ा वादा परमात्मैं अब्राहमे नैं कित्या था सैह़ हुण इसहाके ते याकूबे पर आई गेआ।

*बाइबला दी काहणीः सृष्टिया दी सुरुआत 25:27-33:20*

Audio: https://git.door43.org/OBS-TLF/xnr_obs/releases/download/v1/xnr_obs_v1_07_128kbps.m4a

## 8. परमात्मैं यूसुफ कने तिसदे परवारे जो बचाया - काहणी

https://openbiblestories.org/l/xnr/story-8/

![](https://cdn.door43.org/obs/jpg/360px/obs-en-08-01.jpg)

कनान देसे च रैंह्दे याकूब जो मते साल होई गियो थे। जाह़लू याकूब जबरा होई गेआ था, तां तिन्हीं अपणे लाडले जागते यूसुफे जो तिसदे भाऊआं दा हाल-चाल पता करणे तांई घल्लेया, कि सैह़ भेड्डां-बकरियां दी देखभाल करा दे हन।

![](https://cdn.door43.org/obs/jpg/360px/obs-en-08-02.jpg)

यूसुफे दे भाई तिस नैं बैर रखदे थे क्जोकि तिन्हां पिता तिस नैं जादा प्यार करदा था कने इसतांई भी कि यूसुफैं सुपना दिख्या था कि सैह़ तिन्हां पर राज करगा। जाह़लू यूसुफ अपणे भाऊआं अल्ल आएया तां तिन्हां तिसियो अगवा करी लेआ कने तिसियो वपारियां अल्ल बेची दित्ता।

![](https://cdn.door43.org/obs/jpg/360px/obs-en-08-03.jpg)

जाह़लू तिसदे भाऊ घर वापस आये तां तिन्हां यूसेफे दे कपड़े फाड़ी करी बकरिया दे खूने नैं रंगी दित्ते। भिरी तिन्हां सैह़ कपड़े अपणे पिता जो दस्सी करी ग्लाया कि तेरे जागते यूसुफे जो जंगली जानवरा खाई गेआ। इसा बुरिया घटना जो सुणी करी याकूब बड़ा उदास होएया।

![](https://cdn.door43.org/obs/jpg/360px/obs-en-08-04.jpg)

वपारी यूसुफ जो मिस्र देसे जो लेई गे। मिस्र देस नील नदिया च बसेया इक्क बड़ा बडा कने ताकतवर देस था। तिन्हां वपारियां यूसुफे जो इक्क अमीर सरकारी अधिकारिये अल्ल गुलाम बणाई करी बेची दित्ता। यूसुफैं अपणे मालिके दी बड़ी सेवा कित्ती, कने परमात्मे यूसुफे जो आसीस दित्ती।

![](https://cdn.door43.org/obs/jpg/360px/obs-en-08-05.jpg)

तिसदे बाद इआं होएया कि तिसदे मालिके दिया लाड़िया यूसुफे सौगी नाजायज रिश्ता बणाने दी कोशिस कित्ती, अपर यूसुफैं तिसा सौगी नाजायज रिश्ता नीं बणाया, तिन्हीं तिसा नैं ग्लाया, “मैं परमात्मैं दे खलाफ जाई करी इतणा बडा पाप नी करी सकदा।” इसा गल्ला जो सुणी करी सैह़ यूसुफे पर बड़ी गुस्सा होई, कने तिन्नैं तिस पर झूठा अरोप लगाई दित्ता। इसतांई तिसियो गिरफ्तार करी नैं जेला च पाई दित्ता। ऐत्थु तिकर कि यूसुफ जेला च भी, परमात्मैं सामणै सच्चा कने इमानदार रेह्आ, कने परमात्मैं तिसियो आसीस दित्ती।

![](https://cdn.door43.org/obs/jpg/360px/obs-en-08-06.jpg)

दो साल बाद, बेकसूर होणे दे बाबजूद यूसुफ हुण भी जेला च था। इक्क रात मिस्र देसे दे राजैं, जिसदा नां फिरौन था, तिन्हीं राती दो सुपने दिक्खे जेह्ड़े तिसियो परेसान करदे थे। जेह्ड़े तिन्हीं सुपने च दिख्यो थे तिन्हां दा मतलब दस्सणे आल़ा कोई भी सलाहकार नीं था।

![](https://cdn.door43.org/obs/jpg/360px/obs-en-08-07.jpg)

परमात्मैं यूसुफे जो सुपनेयां दा मतलब दस्सणे दी समझ दित्तियो थी, इसतांई फिरौन राजैं यूसुफे जो जेला ते अपणे अल्ल सदेया। यूसुफैं तिसियो तिन्हां सुपनेयां दा मतलब दस्सेया कने ग्लाया, “सारे मिस्र देसे च सत साल मती सारी फसल हुंगी, कने अगले सत साल अकाल पोणा ऐ।

![](https://cdn.door43.org/obs/jpg/360px/obs-en-08-08.jpg)

फिरौन राजा यूसुफे ते बड़ा खुस होएया कि तिन्हीं मिस्र देसे दा दूया सबते ताकतवर माणु चुणेया। मतलब मिस्र देसे दा प्रधानमन्त्री बणाया।

![](https://cdn.door43.org/obs/jpg/360px/obs-en-08-09.jpg)

यूसुफैं खरिया फसला आल़े सतां सालां च लोकां जो मता सारा अनाज किट्ठा करणे तांई ग्लाया, जाह़लू सत साल अकाल पेआ ताह़लू यूसुफैं लोकां जो सैह़ अनाज बेचेया तांजे तिन्हां सबना जो खाणे तांई पूरा अनाज मिल्ली सकैं।

![](https://cdn.door43.org/obs/jpg/360px/obs-en-08-10.jpg)

सैह़ खतरणाक अकाल सिर्फ मिस्र देसे च ई नी, अपर कनान देसे च भी पैआ था जित्थु याकूब कने तिसदा परवार रैंह्दा था।

![](https://cdn.door43.org/obs/jpg/360px/obs-en-08-11.jpg)

इसतांई याकूबैं अपणे सबते बडे जागतां जो अनाज खरीदणे तांई मिस्र देसे च घल्लेया। जाह़लू सैह़ अनाज खरीदणे तांई यूसुफे सामणैं आये तां तिन्हां भाऊआं यूसुफ जो नीं पणछैणया। अपर यूसुफैं तिन्हां जो पणछैणी लेआ।

![](https://cdn.door43.org/obs/jpg/360px/obs-en-08-12.jpg)

यूसुफैं एह पता करणे तांई कि क्या मेरे भाऊआं अपणे आप्पे जो बदलेया ऐ या नीं, तिन्हां जो परखणे ते बाद, यूसुफैं तिन्हां नैं ग्लाया, “मैं तुहां दा भाऊ यूसुफ ऐ! डरा मत। जाह़लू तुहां मिन्जो गुलाम होणे तांई मिस्र देसे दे वपारियां अल्ल बेचेया था, तां तुहां तिस बग्त मेरा बुरा करणे दी ठाणियो थी, अपर परमात्मैं तिसा बुराईया जो भलाईया तांई इस्तेमाल कित्ता! हुण तुहां भी आई करी मिस्र देसे च रेह्आ तांजे मैं तुहां कने तुहां दे परवारे तांई अनाज दा इन्तजाम करी सकैं।

![](https://cdn.door43.org/obs/jpg/360px/obs-en-08-13.jpg)

जाह़लू यूसुफे दे भाऊ अपणे घर वापस कनान देसे च आई गे कने अपणे पिते याकूबे जो दस्सेया कि यूसुफ तेरा जागत जिन्दा ऐ इसा गल्ला जो सुणी करी यूसुफ बड़ा खुस होएया।

![](https://cdn.door43.org/obs/jpg/360px/obs-en-08-14.jpg)

तिस बग्त याकूब बड़ा जबरा होई गेआ था तमी सैह़ अपणे पूरे परवारे सौगी मिस्र देसे जो चली गेआ, कने सैह़ तित्थु बसी गे। याकूबे दे मरने ते पैहल्लैं अपणे हर इक्क जागते आसीर्वाद दित्ता।

![](https://cdn.door43.org/obs/jpg/360px/obs-en-08-15.jpg)

परमात्मैं जेह्ड़ा वादा अब्राहमे नैं कित्या था, सैह़ इसहाक पर कने तिसदे बाद याकूब, कने तिसदे बारांह जागतां कने तिन्हां दे परवारे पर आई गेआ था। तिन्हां बारांह जागतां दे वंश इस्राएल देसे दे बारह गोत्र बणी गे।

*बाइबाला दी काहणीः सृष्टिया दी सुरुआत 37-50*

Audio: https://git.door43.org/OBS-TLF/xnr_obs/releases/download/v1/xnr_obs_v1_08_128kbps.m4a

## 9. परमात्मैं मूसा जो सद्देया - काहणी

https://openbiblestories.org/l/xnr/story-9/

![](https://cdn.door43.org/obs/jpg/360px/obs-en-09-01.jpg)

यूसुफ दे मरणे ते बाद तिसदे सारे रिश्तेदार मिस्र देस च बसी गे। मते साल तिकर सैह़ कने तिन्हां दे वंश मिस्र देसे च ई रेह् कने तिन्हां दे मते बाल-बच्चे होये। तिन्हां इस्राएली लोक ग्लाया गेआ।

![](https://cdn.door43.org/obs/jpg/360px/obs-en-09-02.jpg)

मतेआं साल्लां बाद, इस्राएली लोकां दी अबादी बड़ी जादा बधी गेईयो थी। मिस्र देसे दे लोक युसूफे जो कने जेह्ड़ा कुच्छ तिन्हां दी मदत करणे तांई कित्या था तिसियो भुली गियो थे मिस्र देसे लोक इस्राएली लोकां ते डरदे थे क्जोकि इस्रएली लोकां दी अबादी बड़ी जादा थी। इसतांई तिस बग्त मिस्र देसे पर राज़ करणे आल़े फिरौन राजैं इस्राएली लोकां जो मिस्री लोकां दा गुलाम बणाई दित्ता।

![](https://cdn.door43.org/obs/jpg/360px/obs-en-09-03.jpg)

मिस्री लोकां इस्राएली लोकां बड़ा अत्याचार करी नैं हर कम्म करवाणे तांई मजबूर कित्ता। मिस्री लोकां दे जरिये तिन्हां पर हद ते जादा मेहनत करवाई करी तिन्हां दियां ज़िन्दगिया जो दुखां नैं भरी दित्ता। अपर परमात्मैं तिन्हां जो आसीस दित्ती कने तिन्हां दे मते बच्चे पैदा होये।

![](https://cdn.door43.org/obs/jpg/360px/obs-en-09-04.jpg)

जाह़लू फिरौन राजैं दिख्या कि इस्राएली लोकां दे बड़े जादा बच्चे पैदा होआ दे हन, ताह़लू फिरौन राजैं अपणिया प्रजा दे लोकां जो हुक्म दित्ता, इस्राएली लोकां दे जितणे भी जगत पैदा होएयो हन तिन्हां सारेयां जो नील नदिया च पाई करी मारी देया।

![](https://cdn.door43.org/obs/jpg/360px/obs-en-09-05.jpg)

तिस बग्त इक्क इस्राएली जणासा जागते जो जन्म दित्ता। तिन्नै कने तिसा दे लाड़ैं तिस बच्चे जो लक्काई करी रखेया।

![](https://cdn.door43.org/obs/jpg/360px/obs-en-09-06.jpg)

जाह़लू तिस जागते दे माँ-पियो तिसियो जादा देर तिकर लक्काई नीं सके, तां तिन्हां तिसियो बचाणे तांई टोकरिया च पाई करी नील नदिया दे कनारे कनैड़े दे घाहे बिच रखी दित्ता। तिस जागते दी बड्डी बैहण दूर खड़ौई करी दिक्खा दी थी कि तिस जागते सौगी क्या हुंगा।

![](https://cdn.door43.org/obs/jpg/360px/obs-en-09-07.jpg)

ताह़लू फिरौन राजे दी कुड़ी नौह्णे तांई तिसा नदिया च आई, कने तिन्नैं कनैड़े दे घाहे बिच फसियो टोकरी दिक्खी, तिन्नैं अपणियां दासियां जो तिसा टोकरिया जो लैयोणे तांई घल्लेया, कने तिन्नैं तिसा टोकरिया च इक्क बच्चे जो दिख्या, तां तिन्नैं तरस खाई नैं तिसियो अपणा जागत बणाई लेआ। भिरी तिन्नैं इक्क इस्राएली जणासा जो जागते जो दूद पिलाणे तांई रखी लेआ। अपर फिरौन राजे दी कुड़ी नी जाणदी थी सैह़ जणास तिस जागते दी सग्गी माँ ऐ। जाह़लू सैह़ जागत बड्डा होई गेआ तां तिन्नैं इस्राएली जणासा सोचेया हुण जागते जो माँऊ दे दूदे दी जरुरत नी ऐ, ताह़लू तिन्नैं तिस जागते जो फिरौन राजे दिया कुड़िया अल्ल वापस करी दित्ता, तिन्नैं तिसदा नां मूसा रखेया।

![](https://cdn.door43.org/obs/jpg/360px/obs-en-09-08.jpg)

इक्क दिन, जाह़लू मूसा जुआन होएया, तां तिन्हीं दिख्या कि इक्क मिस्री माणु इस्राएली माणुये जो मारा दा ऐ। तां मूसैं अपणे तिस साथिये जो बचाणे दी कोसिस किती।

![](https://cdn.door43.org/obs/jpg/360px/obs-en-09-09.jpg)

ताह़लू मूसैं सोचेया कि तिसियो कोई नीं दिक्खा दा ऐ, कने तिन्हीं तिस मिस्री माणुये जो मारी दित्ता कने तिसदिया लाशा जो रेता च दब्बी दित्ता। अपर मूसैं जेह्ड़ा कित्या था तिसियो कुणकी दिक्खी लेआ था।

![](https://cdn.door43.org/obs/jpg/360px/obs-en-09-10.jpg)

जाह़लू फिरौन राजे जो इसा गल्ला दा पता लग्गा, ताह़लू तिन्हीं मूसा जो मारणे तांई योजना बणाई, अपर मूसा मिस्र देसे ते जंगले जो नठी गेआ। फिरौन राजैं दे सैनिक तिसियो तोपी नीं सके।

![](https://cdn.door43.org/obs/jpg/360px/obs-en-09-11.jpg)

मूसा मिस्र देसे ते बड़ी दूर मिघान देसे च रैहणा लग्गा कने तिन्हीं तित्थु इक्की कुड़िया नैं ब्याह करी लेआ कने मूसा दूँ जागतां पियो बणी गेआ।

![](https://cdn.door43.org/obs/jpg/360px/obs-en-09-12.jpg)

सैह़ तित्थु रेई करी अपणे सौरे यित्रो दियां भेड्डां चरा दा था। मूसे दा सौरा तिस देसे दा याजक था। इक्क दिन, मूसा जाह़लू अपणिया भेड्डां दी देखभाल़ करा था, तित्थु तिन्हीं दिख्या कि इक्क झाड़ी च अग्ग लगियो ऐ, अपर झाड़ी फकूया दी तां थी अपर नास नी होआ दी थी। मूसा तिसा जो दिखणे तांई तिसा झाड़िया अल्ल गेआ। जाह़लू सैह़ तिसा झाड़िया दे बक्खैं आई रेह्आ तां परमात्मे मूसे नैं गल्लां कित्तियां। परमात्मैं तिसियो ग्लाया, “ओ मूसे, तू अपणे जूतेयां खोली दे। जिसा जगाह पर तू खड़ौत्या ऐ सैह़ पवित्र जगाह ऐ।

![](https://cdn.door43.org/obs/jpg/360px/obs-en-09-13.jpg)

परमात्मैं मूसे जो एह़ भी ग्लाया, “मैं अपणे लोकां दे दुखां जो दिख्या ऐ जेह्ड़े मिस्र देसे हन। मैं तिज्जो फिरौन राजे अल्ल घल्लगा तांजे तू इस्राएली लोकां जो मिस्र देसे दिया गुलामिया ते छड़ाई करी लेई ओयैं। मैं तिन्हां जो कनान देस दिंगा, सैह़ देस जिसदा दैणे दा वादा, मैं अब्राहम, इसहाक कने याकूबे नैं कित्या ऐ।”

![](https://cdn.door43.org/obs/jpg/360px/obs-en-09-14.jpg)

मूसैं परमात्मे ते पुछया, “जाह़लू सैह़ लोक मिन्जो ते पुछगे कि तिज्जो कुणी घल्लेया ऐ, तां मैं तिन्हां लोकां नैं क्या ग्लांगा?” परमात्मैं मूसे नैं ग्लाया, “जेह्ड़ा मैं ऐ सैह़ मैं ऐ, तिन्हां जो ग्लाणा कि, जिन्हीं मिन्जो घल्लेया सैह़ तुहां दे पुर्वज अब्राहम, इसहाक कने याकूबे दा परमात्मा यहोवा ऐ कने सदा तिकर तिसदा नां ऐई रैंह्गा।

![](https://cdn.door43.org/obs/jpg/360px/obs-en-09-15.jpg)

मूसा फिरौन राजे अल्ल जाणे ते डरदा था, क्जोकि सैह़ अटकी-अटकी करी ग्लांदा था, इसतांई परमात्मैं मूसे दे भाऊ हारूने जो तिसदी मदत करणे तांई घल्लेया।

*बाइबला दी काहणी – निर्गमन अध्याय 1-4*

Audio: https://git.door43.org/OBS-TLF/xnr_obs/releases/download/v1/xnr_obs_v1_09_128kbps.m4a

## 10. दस मुसीबतां - काहणी

https://openbiblestories.org/l/xnr/story-10/

![](https://cdn.door43.org/obs/jpg/360px/obs-en-10-01.jpg)

परमात्मैं मूसा कने हारून जो चतौणी दित्ती कि फिरौन राजा ढीठ होई जांगा। जाह़लू सैह़ फिरौन राजे अल्ल गे कने तिन्हां तिस नैं ग्लाया, इस्राएल देसे दा परमात्मा ग्लांदा ऐ, “मेरे लोकां जो छड्डी दे।” अपर फिरौन राजैं तिन्हां दी गल्ल नीं सुणी, अपर तिन्हीं तिन्हां नैं ग्लाया, कि मैं इस्राएली लोकां जो नीं छड्डणा, तिन्हीं होर कड़ी मेहनत करणे तांई तिन्हां जो मजबूर कित्ता।

![](https://cdn.door43.org/obs/jpg/360px/obs-en-10-02.jpg)

फिरौन राजा होर ढीठ होई गेआ, कने तिन्हां लोकां जो छड्डणा नीं चांहदा था, इसतांई परमात्मैं मिस्र देसे दस खतरनाक मुसीबतां घल्लियां। इन्हां मुसीबतां दे जरिये परमात्मा दस्सणा चांहदा था, कि सैह़ फिरौन राजे ते कने मिस्र देसे दे देवतेआं ते जादा सामर्थी ऐ।

![](https://cdn.door43.org/obs/jpg/360px/obs-en-10-03.jpg)

परमात्मै नील नदिया दे पाणिये जो खून बणाई दित्ता, अपर भिरी भी फिरौन राजा इस्राएली लोकां जो छड्डणा नीं चांहदा था।

![](https://cdn.door43.org/obs/jpg/360px/obs-en-10-04.jpg)

परमात्मैं सारे मिस्र देसे च मेंढक घल्ले। फिरौन राजैं मेंढकां जो दूर लेई जाणे तांई मूसा नैं विणती कित्ती। जाह़लू फिरौन राजैं दिख्या कि सारे मेंढक मरी गे हन, ताह़लू फिरौन राजैं अपणे मने जो होर कठोर करी लेआ कने इस्राएली लोकां नीं छड्डेया।

![](https://cdn.door43.org/obs/jpg/360px/obs-en-10-05.jpg)

इसतांई परमात्मैं मिस्र देसे च खतरनाक कटणे आल़िआं टिड्डियां दी मुसीबत घल्ली। तिसदे बाद तिन्हीं खून चुसणे आल़िआं मक्खियां घल्लियां। फरौन राजैं मूसा कने हारूने जो सदेया कने तिन्हां नैं ग्लाया कि जे तुहां तिसा मुसीबता जो रोकी दिंगे तां इस्राएली लोक मिस्र देसे जो छड्डी करी जाई सकदे हन। जाह़लू मूसैं प्रार्थना कित्ती तां परमात्मैं मिस्र देसे ते खून चुसणे आल़िआं मक्खियां जो दूर करी दित्ता। अपर फिरौन राजैं भिरी अपणे मने जो कठोर करी लेआ कने तिन्हां लोकां जो नीं छड्डेया।

![](https://cdn.door43.org/obs/jpg/360px/obs-en-10-06.jpg)

इसते बाद, परमात्मैं मिस्री लोकां दे सारे पालतू जानवरां जो बमार करी दित्ता कने तिन्हां जो मारी दित्ता। अपर फिरौन राजे दा मन होर कठोर होई गेआ कने तिन्हीं इस्राएली लोकां जो छड्डेया।

![](https://cdn.door43.org/obs/jpg/360px/obs-en-10-07.jpg)

ताह़लू परमात्मैं मूसे नैं ग्लाया, हत्थे च धुड़ ले कने तिसा जो फिरौन राजे दे सामणैं अम्बरे पास्सेयो सट्ट। जाह़लू तिन्हीं तिआं ई कित्ता तां मिस्र देसे दे लोकां कने जानवरां पर बड्डे-बड्डे फोड़े होई गे, अपर इस्राएली लोकां जो कुच्छ नी होएया। ताह़लू परमात्मैं फिरौन राजे दे मने जो कठोर करी दित्ता। फिरौन राजैं इस्राएली लोकां जो नीं छड्डेया।

![](https://cdn.door43.org/obs/jpg/360px/obs-en-10-08.jpg)

इसते बाद, परमात्मैं मिस्र देसे पर अम्बरे ते ओले बरसाये , कने मिस्री लोकां दी सारी फसल बरबाद होई गेई, कने जेह्ड़ा कोई घरे ते बाहर निकलेया तिसियो मारी दित्ता। फिरौन राजैं मूसा कने हारूने जो सद्देया कने तिन्हां जो ग्लाया, “मैं पाप कित्या ऐ तुहां जाई सकदे हन। मूसैं प्रार्थना कित्ती कने अम्बरे ते ओले बरसणा रूकी गे।”

![](https://cdn.door43.org/obs/jpg/360px/obs-en-10-09.jpg)

अपर फिरौन राजैं भिरी ते पाप कित्ता कने अपणे मने जो कठोर करी लेआ। तिन्हीं इस्राएली लोकां जो नीं छड्डेया।

![](https://cdn.door43.org/obs/jpg/360px/obs-en-10-10.jpg)

भिरी परमात्मैं मिस्र देसे च हड्ड-गुआलियां दी मुसीबत घल्ली। इन्हां हड्ड-गुआलियां मिस्र देसे दिया सारिया फसला जो खाई लेआ, जेह्ड़ी फसल ओलेआं ते बची गेईयो थी।

![](https://cdn.door43.org/obs/jpg/360px/obs-en-10-11.jpg)

भिरी परमात्मैं त्रै दिन मिस्र देसे च नेहरा करी दित्ता। एह़ नेहरा इतणा काल़ा था कि मिस्र देसे दे लोक घरां ते बाहर नीं निकल़ी सके। अपर जित्थु इस्राएली लोक रैंह्दे थे तित्थु परगड़ा था।

![](https://cdn.door43.org/obs/jpg/360px/obs-en-10-12.jpg)

इन्हां नौ मुसीबतां दे बाद भी, फिरौन राजैं इस्राएली लोकां जो नीं छड्डेया कने छड्डणे ते मना कित्ता। क्जोकि फिरौन राजैं परमात्मे दी गल्ल नीं सुणी, इसतांई परमात्मैं इक्क आखरी मुसीबत घल्लणे दी योजणा बणांई। इसते फिरौन राजे दा मन बदली गेआ।

*बाइबला दी काहणीः निर्गमन 5-10*

Audio: https://git.door43.org/OBS-TLF/xnr_obs/releases/download/v1/xnr_obs_v1_10_128kbps.m4a

## 11. फसह दा त्योहार - काहणी

https://openbiblestories.org/l/xnr/story-11/

![](https://cdn.door43.org/obs/jpg/360px/obs-en-11-01.jpg)

परमात्मैं मूसा कने हारून जो फिरौन राजे अल्ल एह़ ग्लाणे तांई घल्लेया कि इस्राएली लोकां जो छड्डी दे। तिन्हां तिसियो चतौणी दित्ती कि जे सैह़ तिन्हां लोकां जो नीं छड्डगा, तां परमात्मा मिस्र देसे दे लोकां दे कने जानवरां दे जेठे बच्चेयां जो मारी दिंगा। फिरौन राजैं एह़ सुणी करी भी परमात्मे पर बसुआस करणे ते कने तिसदी गल्ल मनने ते मना करी दित्ता।

![](https://cdn.door43.org/obs/jpg/360px/obs-en-11-02.jpg)

भिरी परमात्मैं ग्लाया, कि जेह्ड़ा माणु मिन्जो पर बसुआस करगा मैं तिसदे जेठे जागते जो बचांगा। अपर हर परवार इक्क सुद्ध मेम्ने दा बल़ि चढ़ांगा।

![](https://cdn.door43.org/obs/jpg/360px/obs-en-11-03.jpg)

परमात्मैं इस्राएली लोकां नैं ग्लाया, कि तुहां मेम्ने दे खूने जो अपणे दरवाजे दिया चौखाठा पर लगाई देया, कने सैह़ तिसा राती तिस मेम्ने जो भुनीकरी बिना खमीरे आल़िआ रोटिया नैं खाई लेआ। परमात्मैं एह़ भी ग्लाया कि खाणे ते बाद मिस्र देसे जो छड्डणे तांई त्यार रेह्आ।

![](https://cdn.door43.org/obs/jpg/360px/obs-en-11-04.jpg)

जिआं परमात्मैं इस्राएली लोकां जो करणे तांई ग्लाया था तिन्हां तिसदे मताबक सब कुच्छ कित्ता। परमात्मैं ग्लाया, कि “तिसा राती जो मैं मिस्र देसे च होई करी जांगा, कने मिस्र देसे हर माणुये दे कने जानवरे दे जेठे बच्चेया जो मारी दिंगा।”

![](https://cdn.door43.org/obs/jpg/360px/obs-en-11-05.jpg)

इस्राएली लोकां दे हर इक्की घरे दे दरवाजे पर मेम्ने दा खून लगेया था, इसतांई परमात्मैं तिन्हां घरां जो छड्डी दित्ता। कने सारे घर मेम्ने दे खूने दिया बज़ाह ते बची गे।

![](https://cdn.door43.org/obs/jpg/360px/obs-en-11-06.jpg)

अपर मिस्री लोकां भिरी भी परमात्मे पर बसुआस नी कित्ता कने तिसदे हुक्मां दा पालन नीं कित्ता। इसतांई परमात्मैं तिन्हां घरां जो नीं छड्डेया। परमात्मैं मिस्री लोकां दे सारे जेठे जागतां जो मारी दित्ता।

![](https://cdn.door43.org/obs/jpg/360px/obs-en-11-07.jpg)

मिस्री लोकां दे हर इक्क परवारे दे जेठे जागतां जो मारी दित्ता, जेला दे कैदियां दे जेठे जागतां ते लेई करी फिरौन राजे तिकर, हर इक्क जेठा बच्चा मरी गेआ। इसा घटना जो दिक्खी करी मिस्र देसे दे लोक रोणा कने सोक मनाणा लग्गे।

![](https://cdn.door43.org/obs/jpg/360px/obs-en-11-08.jpg)

ताह़लू फिरौन राजैं तिस राती मूसा कने हारूने जो सद्दी करी ग्लाया, “तुहां इस्राएली लोकां सौगी झटफट मिस्र देसे ते चली जा।” मिस्र देसे दे लोकां भी इस्राएली लोकां जो जाणे तांई ग्लाया, कि झटपट चली जा।

*बाइबला दी काहणीः निर्गमन 11:1-12:32*

Audio: https://git.door43.org/OBS-TLF/xnr_obs/releases/download/v1/xnr_obs_v1_11_128kbps.m4a

## 12. इस्राएली लोकां दा मिस्र देसे ते चली जाणा (निर्गमन – काहणी)

https://openbiblestories.org/l/xnr/story-12/

![](https://cdn.door43.org/obs/jpg/360px/obs-en-12-01.jpg)

मिस्र देसे ते अजाद होई करी इस्राएली लोक बड़े खुस थे। सैह़ हुण गुलाम नी थे, कने सैह़ वादे दे देस जो जा दे थे। जेह्ड़ा कुच्छ भी इस्राएली लोकां मंगेया था, मिस्री लोकां तिन्हां जो सब कुच्छ दित्ता, जिआं कि सोना, चाँदी कने कीमती चीज्जां भी। दूये देसां दे कुच्छ लोकां परमात्मे पर बसुआस कित्ता कने जाह़लू इस्राएली लोक मिस्र देसे ते चली पे तां सैह़ भी तिन्हां सौगी चली पे।

![](https://cdn.door43.org/obs/jpg/360px/obs-en-12-02.jpg)

परमात्मे दिन दे बग्त च तिन्हां जो रास्ता दस्सणे तांई बदल़े दा खम्भा तिन्हां दे गांह-गांह चलाया। कने राती दे बग्त एह़ अग्गी दा खम्भा बणी गेआ। परमात्मा जेह्ड़ा कि तिस बदल़े दे खम्भे च कने अग्गी दे खम्भे च था, हमेसा तिन्हां सौगी था कने सफर करदे बग्त तिन्हां दी अगुआई करदा था। तिन्हां जो सिर्फ इतणा करणा था कि तिस खम्भे दे पचांह़ चलन।

![](https://cdn.door43.org/obs/jpg/360px/obs-en-12-03.jpg)

कुच्छ बग्ते बाद, फिरौन कने तिसदे अधिकारियां दा मन बदलूई गेआ, कने सैह़ इस्राएली लोकां जो भिरी अपणा गुलाम बणाणा चांहदे थे। इसतांई तिन्हां इस्राएली लोकां दा पीछा कित्ता। एह़ परमात्मा ई था जिन्हीं तिन्हां दे मनां जो बदली दित्या था। परमात्मैं एह़ इसतांई कित्ता क्जोकि सैह़ चांहदा था कि हर कोई एह़ जाणी लैं कि फिरौन राजे कने मिस्री लोकां दे सारे देवतेयां ते, यहोवा परमात्मा बड़ा सामर्थी ऐ।

![](https://cdn.door43.org/obs/jpg/360px/obs-en-12-04.jpg)

जाह़लू इस्राएली लोकां मिस्र देसे दिया सेना जो ओंदे दिख्या तां तिन्हां जो पता लग्गा कि सैह़ फिरौन राजे दी सेना तिन्हां दी पीछा करा दी ऐ कने इस्राएली लोक फिरौन राजे दी सेना कने लाल समुन्दरे बिच फसी गियो थे। क्जोकि सैह़ बड़े डरा दे थे कने रोणा लग्गे, “कि अहां मिस्र देसे जो क्जो छड्डी करी आये हुण अहां जो मरने ते कोई नीं बचाई सकदा।

![](https://cdn.door43.org/obs/jpg/360px/obs-en-12-05.jpg)

मूसैं इस्राएली लोकां नैं ग्लाया, “डरा मत, परमात्मा अज्ज तुहां तांई लड़गा कने तुहां जो बचांगा।” ताह़लू परमात्मैं मूसा नैं ग्लाया, “इन्हां लोकां जो लाल समुन्दर पार करणे तांई ग्ला।”

![](https://cdn.door43.org/obs/jpg/360px/obs-en-12-06.jpg)

ताह़लू परमात्मैं बदल़े दे खम्भे जो इस्राएली लोकां कने मिस्री लोकां दे बिच करी दित्ता तांजे मिस्री सेना इस्राएली लोकां जो नीं दिक्खी सकैं।

![](https://cdn.door43.org/obs/jpg/360px/obs-en-12-07.jpg)

परमात्मैं मूसे जो ग्लाया, “समुन्दरे पर अपणा हत्थ बधा। तिआं ई मूसैं अपणा हत्थ बधाया कने समुन्दरे दे दो हिस्से होई गै कने तिस च जाणे तांई रस्ता बणी गेआ।

![](https://cdn.door43.org/obs/jpg/360px/obs-en-12-08.jpg)

इस्राएली लोक समुन्दरे बिच सुकिया जमीना पर चलणा लग्गे, कने पार टपी गे।

![](https://cdn.door43.org/obs/jpg/360px/obs-en-12-09.jpg)

ताह़लू परमात्मैं तिस बदल़े जो ऊपर करी लेआ तांजे मिस्री सेना इस्राएली लोकां समुन्दरे जो पार करदे दिक्खैं। मिस्री सेना तिन्हां जो पकड़णे तांई तिन्हां दा पीछा करणे दा फैसला लेआ।

![](https://cdn.door43.org/obs/jpg/360px/obs-en-12-10.jpg)

इसते बाद इआं होएया कि मिस्री लोकां समुन्दरे दे बिच आल़े रस्ते पर इस्राएली लोकां दा पीछा कित्ता, अपर परमात्मैं मिस्री सेना जो डराई दित्ता कने तिन्हां दे रथां दे टेरां जो निकाल़ी दित्ता। सैह़ डड्डणा लग्गे, “नठा! इस्राएली लोकां दिया तरफा ते परमात्मा लड़ा दा ऐ।

![](https://cdn.door43.org/obs/jpg/360px/obs-en-12-11.jpg)

सारे इस्राएली लोक समुन्दरे पार पुज्जी गे। ताह़लू परमात्मैं मूसे जो ग्लाया, कि भिरी समुंन्दरे दी तरफ हत्थ बधा। जाह़लू मूसैं हत्थ बधाया, तां समुन्दरे दा पाणी मिस्री सेना पर पेआ कने समुन्दर पैहल्ले साइआं होई गेआ कने सारी मिस्री सेना डूबी गेई।

![](https://cdn.door43.org/obs/jpg/360px/obs-en-12-12.jpg)

जाह़लू इस्राएली लोकां दिख्या कि मिस्री लोक मरी गे हन तां तिन्हां परमात्मे पर बसुआस कित्ता कि मूसा परमात्मे दिया तरफा ते भविष्यवक्ता था।

![](https://cdn.door43.org/obs/jpg/360px/obs-en-12-13.jpg)

इस्राएली लोक इसा गल्ला पर खुस थे क्जोकि परमात्मै तिन्हां जो मरने ते कने गुलाम बणने ते बचाई लेआ था। हुण सैह़ परमात्मे दी अराधना करणे कने तिसदे हुक्म दा पालन करणे तांई अजाद थे। इस्राएली लोकां अपणिया अजादिया दा खुसी मनाणे तांई कने परमात्मे दी महिमा करणे तांई मते गीत गाये। क्जोकि परमात्मे तिन्हां लोकां जो मिस्री सेना ते बचाया था।

![](https://cdn.door43.org/obs/jpg/360px/obs-en-12-14.jpg)

परमात्मैं इस्राएली लोकां जो हुक्म दित्ता, कि सैह़ हर साल त्योहार मनान, इसा गल्ला जो याद करणे तांई कि किआं परमात्मैं मिस्री लोकां जो हराया कने तिन्हां जो गुलामिया ते बचाया। सैह़ इस त्योहारे जो इक्क सुद्ध मेम्ने दा बलिदान देई करी मनान कने तिस मेम्ने जो भुनीकरी बिना खमीरे दिया रोटिया सौगी खान। इस त्योहारे जो फसह दा त्योहार भी ग्लांदे हन।

*बाइबला दी काहणीः निर्गमन 12:33-15:21*

Audio: https://git.door43.org/OBS-TLF/xnr_obs/releases/download/v1/xnr_obs_v1_12_128kbps.m4a

## 13. इस्राएली लोकां सौगी परमात्मे दा वादा – काहणी

https://openbiblestories.org/l/xnr/story-13/

![](https://cdn.door43.org/obs/jpg/360px/obs-en-13-01.jpg)

परमात्मैं इस्राएली लोकां जो लाल समुन्दरे पार करवाया, ताह़लू परमात्मा तिन्हां जो जंगले ते होई करी सीनै प्हाड़े पर लेई गेआ। एह़ सैई प्हाड़ था जित्थु मूसैं फकुदीं झाड़ी दिखियो थी। इस्राएली लोकां तिस प्हाड़े बक्खैं रेहणे तांई तम्बु बणाई दित्ते।

![](https://cdn.door43.org/obs/jpg/360px/obs-en-13-02.jpg)

परमात्मैं मूसे नैं कने सारे इस्राएली लोकां नैं ग्लाया, “जे तुहां हमेसा मेरियां गल्लां दा पालन करगे कने जेह्ड़ा वादा मैं तुहां सौगी कित्या ऐ तिस पर बणी रैंह्गे, तां तुहां मेरे खास लोक हुंगे, एह़ सारी धरती मेरी ऐ, कने तुहां मेरिया नजरा च याजकां दा राज्ज कने इक्क पवित्र जाति बणगे।”

![](https://cdn.door43.org/obs/jpg/360px/obs-en-13-03.jpg)

त्रै दिन तिकर सैह़ अपणे तन-मन जो सुद्ध करदे रेह् तांजे परमात्मा तिन्हां अल्ल आई सकैं। ताह़लू परमात्मा सीनै प्ह़ाडे पर आएया कने जाह़लू सैह़ आएया तां अम्बर गरजणा कने बिजल़ी चमकणा लग्गी, कने प्हाड़े पर काले बदल़ छाई गे, कने तुरहियां दी जोरे नैं अवाज़ आई। सिर्फ मूसे जो ई प्हाड़े पर ओणे दी इजाजत थी।

![](https://cdn.door43.org/obs/jpg/360px/obs-en-13-04.jpg)

ताह़लू परमात्मैं लोकां नैं इक्क वादा कित्ता कने ग्लाया, “मैं तुहां दा परमात्मा, यहोवा ऐ। मैंई ऐ जिन्हीं तुहां जो मिस्र देसे दिया गुलामिया ते बचाया ऐ। कने मिन्जो छड्डी करी कुसी दूये देवते दी अराधना मत करदे।”

![](https://cdn.door43.org/obs/jpg/360px/obs-en-13-05.jpg)

“तुहां अपणे तांई कोई मूर्ति मत बणाणा, ना तिन्हां दी भक्ति करना, क्जोकि मैं तुहां परमात्मा यहोवा जल़न रखणे आल़ा परमात्मा ऐ।” तुहां अपणे परमात्मे दा नां बेकार च मत लैंदा। तुहां बिस्राम दिने जो पवित्र मनणे तांई याद रखणा। तुहां छे दिन मेहनत करी नैं अपणे सारे कम्म करणा, सतमां दिन तुहां तांई बिस्राम करणे दा दिन होगा कने तिस दिन तुहां सिर्फ मेरी भक्ति करणा।”

![](https://cdn.door43.org/obs/jpg/360px/obs-en-13-06.jpg)

“तुहां अपणे माँऊ-बुढ़े दा आदर करनेयों। तुहां कुसी दा खून मत करदे,व्यभिचार मत करदे, कने चोरी मत करदे, तुहां कुसी दे खलाफ झूठी गवाही मत दिंदे कने तुहां कुसी दे भी घरे दा लालच मत करणा, इसका मतलब एह़ कि पडेसिये दिया लाड़िया दा, तिसदे घरे दा, तिसदिया चीज्जां दा लालच मत करदे।

![](https://cdn.door43.org/obs/jpg/360px/obs-en-13-07.jpg)

सारे लोकां इन्हां नियम-कानूनां दा पालन कित्ता जेह्ड़े परमात्मे तिन्हां जो दित्तेयो थे। सैह़ सिर्फ परमात्मे दे लोक होणे तांई कने परमात्मे दी अराधना करणे तांई राज्जी होई गे।

![](https://cdn.door43.org/obs/jpg/360px/obs-en-13-08.jpg)

परमात्मैं इस्राएली लोकां जो इक्क बड्डा तम्बू बणाणे तांई भी ग्लाया, “इस तम्बू जो मिलाप आल़ा तम्बू ग्लाया था। परमात्मे तिन्हां जो ठीक-ठीक दस्सेया कि इस तम्बूये जो किआं बणाणा ऐ, कने तिसदे अन्दर कुणा चीज्जां जो रखणा ऐ। परमात्मे तिन्हां जो ग्लाया, कि तिस तम्बूये दे दो कमरे बणाणे तांई बिच इक्क बड्डा पड़दा लगाई देया। जिस कमरे च परमात्मे दी हजूरी हुंदी थी, तिस कमरे च सिर्फ महायाजक ई जाई सकदा था।”

![](https://cdn.door43.org/obs/jpg/360px/obs-en-13-09.jpg)

परमात्मैं तिन्हां लोकां जो एह़ भी ग्लाया कि तिस बड्डे तम्बूये च इक्क वेदी बणा, एह़ इसतांई बणाई कि जेह्ड़ा कोई परमात्मे दे नियम-कनूनां दा पालन नीं करगा सैह़ अपणे पापां दी माफी तांई तिसा वेदिया पर इक्क जानवरे दा बलिदान परमात्मे तांई लैयोंगा। ताह़लू इक्क महायाजक तिस दी बल़ि दिंगा कने वेदी पर तिसियो फूकी दिंगा। परमात्मे ग्लाया, कि तिस जानवरे दा खून तिस माणुये दे पापां जो धोई दिंगा। भिरी परमात्मा तिसदे पाप जो नीं दिखगा। सैह़ माणु परमात्मे दिया नजरा च सुद्ध हुंगा। परमात्मैं मूसा दे भाऊ हारूने जो कने हारूने दे वंशे जो अपणा याजक होणे तांई चुणेया।

![](https://cdn.door43.org/obs/jpg/360px/obs-en-13-10.jpg)

परमात्मे एह़ दस हुक्म पत्थरें दियां दूँ पट्टियां पर लिखी करी मूसा जो दित्ते। परमात्मे लोकां जो पालन करणे तांई होर भी मते नियम-कानून दित्ते। भिरी परमात्मे ग्लाया, “जे सैह़ लोक इन्हां नियम-कनूनां दा पालन करगे, तां परमात्मा अपणे वादे दे मताबक तिन्हां जो आसीस दिंगा।” परमात्मे एह़ भी ग्लाया कि जे सैह़ इन्हां नियम-कानूनां दा पालन नीं करगे तां सैह़ सज़ा दे हक्कदार हुंगे।

![](https://cdn.door43.org/obs/jpg/360px/obs-en-13-11.jpg)

मते दिन तिकर मूसा सीनै प्हाड़े पर परमात्मे नैं गल्लां करदा रेह्आ। अपर लोक मूसा दे वापस ओणे दा इन्तजार करदे-करदे थकी गे। इसा बज़ाह ते सैह़ हारूने अल्ल सोना लेई नैं आये कने तिसियो इक्क मूर्ति बणाणे तांई ग्लाया, तांजे सैह़ परमात्मे दिया जगाह पर तिसा मूर्तिया दी भक्ति करी सकन। इस तरीकै नैं, तिन्हां बड़ा बुरा परमात्मे दे खलाफ पाप कित्ता।

![](https://cdn.door43.org/obs/jpg/360px/obs-en-13-12.jpg)

हारूने बछुये दी इक्क सोने दी मूर्ति बणाई। भिरी लोक तिसा मूर्तिया दी भक्ति करणा लग्गी पे कने तिसा मूर्तिया सामणैं बल़ि चढ़ाणा लग्गे। तिन्हां दे पापां दिया बज़ाह ते परमात्मा तिन्हां पर बड़ा गुस्सा होएया कने तिन्हां जो नास करी दैणा चांहदा था। अपर मूसैं परमात्मे नैं प्रार्थना कित्ती कने परमात्मैं तिसदी प्रार्थना जो सुणेया कने तिन्हां जो नास नीं कित्ता।

![](https://cdn.door43.org/obs/jpg/360px/obs-en-13-13.jpg)

तिसते बाद मूसा सीनै प्हाड़े ते लौई आएया, कने तिन्हीं तिसा मूर्तिया जो दिख्या, तां सैह़ तिसा मूर्तिया जो दिक्खी करी बड़ा गुस्सा होएया, कने जेह्ड़ियां मूसैं पत्थरे दियां दो पट्टियां पकड़ियां थियां, तिन्हां जो तिन्हीं प्हाड़े ते सट्टी करी तोड़ी दित्ता, क्जोकि जेह्ड़ा तिन्हां लोकां कित्ता सैह़ परमात्मे दे दस हुक्मां दे खलाफ था।

![](https://cdn.door43.org/obs/jpg/360px/obs-en-13-14.jpg)

ताह़लू मूसैं तिसा मूर्तिया जो अग्गी च पाई करी फूकी दित्ता। कने तिसा जो पीई करी तिसा दे बुरादे जो पांणिये च मिलाई करी तिन्हां लोकां जो सैह़ पाणी पियाई दित्ता। परमात्मैं तिन्हां लोकां पर बड़ी बड्डी मुसीबत घल्ली, जिसा दिया बज़ाह ते मते लोक मरी गे।

![](https://cdn.door43.org/obs/jpg/360px/obs-en-13-15.jpg)

ताह़लू सैह़ भिरी तिस प्हाड़े पर चढ़ी गेआ कने तिन्हीं प्रार्थना कित्ती, कि “हे परमात्मा इन्हां लोकां दे पापां जो माफ करी दे। परमात्मैं मूसा दी प्रार्थना सुणी कने तिन्हां लोकां जो माफ करी दित्ता। ताह़लू मूसैं जेह्ड़ियां पट्टियां तिन्हीं तोड़ी दित्तियां थियां तिन्हां साइआं तिन्हीं नौइआं पट्टियां बणाईयां।

*बाइबला दी काहणी – निर्गमन अध्याय 19-34*

Audio: https://git.door43.org/OBS-TLF/xnr_obs/releases/download/v1/xnr_obs_v1_13_128kbps.m4a

## 14. जंगले च भटकणा - काहणी

https://openbiblestories.org/l/xnr/story-14/

![](https://cdn.door43.org/obs/jpg/360px/obs-en-14-01.jpg)

भिरी इस्राएली लोकां जो सारे नियम दस्सणे ते बाद, परमात्मैं तिन्हां लोकां दी अगुवाई सीनै प्हाड़े ते लेई करी कनान देस तिकर कित्ती। परमात्मा बदल़े दा खम्भा बणी करी तिन्हां दे गांह-गांह चलेया, कने सैह़ तिसदे पचांह्-पचांह् चले।

![](https://cdn.door43.org/obs/jpg/360px/obs-en-14-02.jpg)

परमात्मैं अब्राहम, इसहाक कने याकूबे नैं वादा कित्या था कि मैं वादे दा देस तिन्हां दे वंशे जो दिंगा, अपर इस बग्त तित्थु मतिआं जातिआं दे लोक रैंहदे थे। सैह़ लोक कनानी जाति दे कैहलांदे थे। एह़ कनानी लोक परमात्मे दी अराधना नी करदे थे कने तिसदे हुक्मां दा पालन भी नीं करदे थे। सैह़ झूठे देवतेयां दी भक्ति करदे थे कने बुरेयां कम्मां करदे थे।

![](https://cdn.door43.org/obs/jpg/360px/obs-en-14-03.jpg)

परमात्मैं इस्राएली लोकां नैं ग्लाया, “जाह़लू तुहां तिस वादे दे देस च जान तां तित्थु दे सारे कनानी लोकां ते छुटकारा पाई लेआ। तिन्हां सौगी यारी-दोस्ती मत बणाणा कने ना ई तिन्हां सौगी ब्याह करणा। तुहां तिन्हां दियां सब मूर्तियां जो नास करी दिनेयों। जे तुहां मेरे हुक्मां दा पालन नीं करगे, कने मेरे बदले तिन्हां दे देवतेयां दी भक्ति करगे तां तुहां सज़ा दे हक्कदार हुंगे।

![](https://cdn.door43.org/obs/jpg/360px/obs-en-14-04.jpg)

जाह़लू इस्राएली लोक कनान देसे दिया सीमा अ अल्ल पुज्जे, ताह़लू मूसैं इस्राएल देसे दे हर इक्क गोत्रे ते इक्क-इक्क करी नैं बाराह माणु जो चुणे। तिन्हीं तिन्हां माणुआं जो हुक्म दित्ता कि जा कने तिस कनान देसे दा पता लग्गा कने दिक्खी करी ओआ कि सैह़ कदेया देस ऐ। तिन्हां जो इसतांई भी घल्लेया कि सैह़ पता लगान कि कनानी लोक कितणे ताकतवर कने कितणे कमजोर हन।

![](https://cdn.door43.org/obs/jpg/360px/obs-en-14-05.jpg)

तिन्हां बारांह माणुआं चाल़ी दिन कनान देसे च सफर कित्ता, कने भिरी सैह़ वापस आई गे। तिन्हां लोकां जो दस्सेया, “कि तित्थु दे खेत कने धरती बड़ी उपजाऊ ऐ। अपर तिन्हां च दसां ग्लाया, “तिन्हां दे सैहर बड़े ताकतवर हन कने तित्थु दे लोक बड़े हटे-कट्टे हन! जे अहां तिन्हां पर हमला करदे हन, तां सैह़ जरुर अहां जो हराई दिंगे कने अहां जो मारी दिंगे।”

![](https://cdn.door43.org/obs/jpg/360px/obs-en-14-06.jpg)

तिस बग्त कालेब कने यहोशू कने दूये दो माणु ग्लाणा लग्गे, “एह़ सच्च ऐ कि कनान देसे दे लोग लम्मे हटे-कट्टे कने ताकतवर हन, अपर अहां तिन्हां जो हराई सकदे हन! परमात्मा अहां तांई लड़ेगा।”

![](https://cdn.door43.org/obs/jpg/360px/obs-en-14-07.jpg)

अपर लोकां कालेब कने यहोशू दी नीं सुणी। सैह़ मूसा कने हारून पर गुस्सा होई गे कने ग्लाणा लग्गे, “तुहां अहां जो इस खतरनाक जगाह पर क्जो लेई नैं आएयो हन? अहां जो मिस्र देसे च ई रैहणा चाइदा था। जे अहां तिस देसे च जांदे हन तां अहां लड़ाई च मारे जांगे, कने कनान देसे दे लोक अहां दियां लाडियां कने बच्चेयां जो गुलाम बणाई लेंगे।” सैह़ लोक इक्क नौआ अगुवा चुणना लग्गे तांजे सैह़ तिन्हां जो मिस्र देसे च वापस लेई जां।

![](https://cdn.door43.org/obs/jpg/360px/obs-en-14-08.jpg)

जाह़लू तिन्हां लोकां इआं ग्लाया तां परमात्मा बड़ा गुस्सा होई गेआ था। सैह़ मिलाप आल़े तम्बू च आया कने ग्लाणा लग्गा, “तुहां मेरे खलाफ बगाबत कित्ती ऐ, इसतांई तुहां सबना जो भटकणा हुंगा। तुहां च हर इक्क माणु जेह्ड़ा बीई साल या तिसते जादा उम्रा दा ऐ तित्थु मरी जांगा कने कदी भी तिस देसे च जाई नीं पांगा। जेह्ड़ा देस मैं तुहां जो दैणा ऐ। सिर्फ कालेब कने यहोशू तिस देसे च जाई सकगे।”

![](https://cdn.door43.org/obs/jpg/360px/obs-en-14-09.jpg)

जाह़लू लोकां परमात्मे जो इआं ग्लांदे सुणेया, तां सैह़ दुखी होये क्जोकि तिन्हां पाप कित्या था। इसतांई तिन्हां कनान देसे दे लोकां पर हमला करणे दा फैसला कित्ता। मूसैं तिन्हां जो चतौणी दित्ती कि यहोवा परमात्मा तुहां सौगी नीं ऐ, मत जा, नीं तां तुहां दुश्मणा ते हरी जांगे, अपर तिन्हां मूसे दी गल्ल नीं सुणी।

![](https://cdn.door43.org/obs/jpg/360px/obs-en-14-10.jpg)

परमात्मा इसा लड़ाईया च तिन्हां सौगी नीं था, इसतांई कनानी लोकां तिन्हां जो हराई दित्ता कने तिन्हां च कुच्छ लोक मारे भी गे। ताह़लू इस्राएली लोक कनान देसे ते वापस हट्टी आये। कने इस्राएली लोक अगले चाल़ी साल तिकर जंगले च तां-तुंह भटकदे रेह्।

![](https://cdn.door43.org/obs/jpg/360px/obs-en-14-11.jpg)

जाह़लू इस्राएली लोक चाल़ी साल्ल तिकर जंगले च भटकदे रेह्, ताह़लू परमात्मैं तिन्हां दी हर जरूरत पूरी कित्ती, तिन्हीं तिन्हां जो सुअर्गे ते रोटी दित्ती, “जिसियो मन्ना ग्लांदे हन।” परमात्मे तिन्हां दे तम्बूआं च छोटे-छोटे बटेरू पंछि घल्ले तांजे तिन्हां अल्ल खाणे तांई माँस भी होयैं। इन्हां चाल़ियां साल्लां च ना तां कुसी दे कपड़े पराणे होये, कने ना तां तिन्हां दे जूते फटे।

![](https://cdn.door43.org/obs/jpg/360px/obs-en-14-12.jpg)

परमात्मैं तिन्हां जो पीणे तांई चमत्कारी रुपे नैं चट्टाना ते पाणी भी दित्ता। अपर एह़ सब कुच्छ मिलणे ते बाद भी इस्राएली लोक परमात्मे दे खलाफ कने मूसा दे खलाफ बुड़बुड़ांदे रेह्। भिरी भी परमात्मा अपणे वादे पर बसुआसे जोग्गा बणी रेह्आ जेह्ड़ा तिन्हीं अब्राहम, इसहाक कने याकूबे नैं कित्या था।

![](https://cdn.door43.org/obs/jpg/360px/obs-en-14-13.jpg)

इक्क बग्त होर आएया, जाह़लू इस्राएली लोकां जो पीणे दा पाणी नीं मिला, तां परमात्मैं मूसे नैं ग्लाया, “जाह़लू तू चट्टाना जो पाणी दैणे तांई ग्लांगा, ताह़लू तिसा चट्टाना च पाणी अप्पुं निकलणा लग्गी पोंगा।” अपर मूसैं चट्टाना जो ग्लाणे दिया जगाह पर तिन्ही दो बरी सोठिया नैं मारेया। इस तरीके नैं तिन्हीं परमात्मे दे हुक्मे दा पालन नीं कित्ता। ताह़लू चट्टाना ते पीणे तांई पाणी तां निकल़ी आएया, अपर परमात्मा मूसा पर बड़ा गुस्सा होएया कने ग्लाया, “तू मेरे हुक्मे दा पालन नीं कित्ता इसतांई तू वादे दे देसे च जाई नीं पांगा।”

![](https://cdn.door43.org/obs/jpg/360px/obs-en-14-14.jpg)

जाह़लू इस्राएली लोकां दा चाल़ी साल तिकर जंगले च भटकणे दा बग्त पूरा होई गेआ था, ताह़लू जिन्हां परमात्मे नैं बगाबत कित्तियो थी सैह़ सारे मरी गियो थे। ताह़लू परमात्मैं भिरी लोकां जो वादे दे देस घल्लेया कने तिन्हां दी अगुआई कित्ती। मूसा बड़ा जबरा होई गेआ था, तिसदी मदत करणे तांई परमात्मे यहोशू जो चुणेया कि सैह़ लोकां दी अगुआई करी सकैं। परमात्मैं मूसे नैं वादा कित्ता कि इक्क दिन सैह़ तिन्हां लोकां अल्ल मूसे साइआं इक्क भविष्यवक्ता घल्लगा।

![](https://cdn.door43.org/obs/jpg/360px/obs-en-14-15.jpg)

ताह़लू परमात्मैं मूसे जो इक्क प्हाड़े दिया चोटिया पर जाणे तांई ग्लाया तांजे सैह़ वादे दे देस दिक्खी सकैं। मूसैं वादे दे देस जो दिख्या अपर परमात्मैं मूसे जो तिस देसे च जाणे दी इजाजत नीं दित्ती। तिसते बाद मूसा मरी गेआ कने इस्राएली लोकां तीई दिन सोग मनाया। यहोशू तिन्हां दा नौआं अगुआ बणी गेआ। यहोशू इक्क खरा अगुआ था क्जोकि तिन्हीं परमात्मे पर बसुआस कित्ता कने तिसदे हुक्मां दा पालन कित्ता।

*बाइबला दी काहणी - निर्गमन अध्याय 16-17:  गिणती अध्याय 10-14; 20; 27; वस्थाविवरण अध्याय 34*

Audio: https://git.door43.org/OBS-TLF/xnr_obs/releases/download/v1/xnr_obs_v1_14_128kbps.m4a

## 15. वादे दा देस - काहणी

https://openbiblestories.org/l/xnr/story-15/

![](https://cdn.door43.org/obs/jpg/360px/obs-en-15-01.jpg)

आखर च, हुण सैह़ बग्त आई गेआ था कि इस्राएली लोक वादे दे देस कनान च जाई सकन। तिस देसे च इक्क यरीहो सैहर था। तिसदी सुरक्षा तांई तिसदे चौंनी पास्सैं मजबूत दिवारां थियां। यहोशूयैं तिस सैहरे च दूँ भेतियां जो घल्लेया। तिस सैहर च इक्क राहाब नांए दी इक्क वेश्या रैंह्दी थी। तिन्नैं इन्हां दूँ भेतियां जो अपणे घरे च लक्काई लेआ, कने तिन्हां दी नठणे च मदत कित्ती क्जोकि सैह़ परमात्मे पर बसुआस करदी थी। तिन्हां कसम खादी कि इस्राएली लोक जाह़लू यरीहो सैहरे जो नास करगे ताह़लू सैह़ राहाब कने तिसदे परवारे दी रक्षा करगे।

![](https://cdn.door43.org/obs/jpg/360px/obs-en-15-02.jpg)

इस्राएली लोकां वादे दे देस च जाणे तांई यरदन नदी पार करणी पोणी थी। परमात्मैं यहोशूये नैं ग्लाया, “याजकां जो पैहल्लैं जाणा दे।” जाह़लू याजकां नदिया च अपणे पैर रखे तां पाणी थमी गेआ, जिसते कि इस्राएली लोक नदिया दी पारली तरफ सूकिया जगाह पर जाई सकन।

![](https://cdn.door43.org/obs/jpg/360px/obs-en-15-03.jpg)

जाह़लू सारे इस्राएली लोकां यरदन नदिया जो पार करी लेआ, ताह़लू परमात्मैं यहोशूये नैं ग्लाया कि यरीहो सैहरे पर हमला करणे जो त्यार रेह्, अपर यरीहो बड़ा ताकतवर सैहर था। परमात्मैं तिन्हां लोकां नैं ग्लाया, कि याजकां कने सैनिकां जो छे: दिन चौनी पास्सैं चक्कर लगाणा ऐ। याजकां कने सैनिकां तिआं ई कित्ता।

![](https://cdn.door43.org/obs/jpg/360px/obs-en-15-04.jpg)

भिरी सतमैं दिनैं, इस्राएली लोकां तिस सैहरे दे चौनी पास्सैं सत बरी होर चक्कर लगाये। जाह़लू सैह़ सैहरे दे चौनी पास्सैं चक्कर लग्गा दे थे, ताह़लू याजकां अपणियां तुरहियां बजाईयां कने सैनिक जोरे नै चिल्ला दे थे।

![](https://cdn.door43.org/obs/jpg/360px/obs-en-15-05.jpg)

सातमां चक्कर लगाणे ते बाद यरीहो सैहरे दी दिवार चौंनी पास्सैं ते ढेई गेई। ताह़लू इस्राएली लोकां परमात्मे दे हुक्मे मताबक, जेह्ड़ा कुच्छ तिस सैहरे च था सब कुच्छ नास करी दित्ता। तिन्हां सिर्फ राहाब कने तिसदे परवारे जो छड्डी दित्ता, क्जोकि सैह़ इस्राएली लोकां च शामिल होई गियो थे। जाह़लू कनान देसे च रैहणे आल़े दूयेयां लोकां सुणेया कि इस्राएली लोकां यरीहो सैहरे जो नास करी दित्ता ऐ, तां सैह़ बड़े डरी गे।

![](https://cdn.door43.org/obs/jpg/360px/obs-en-15-06.jpg)

परमात्मैं इस्राएली लोकां जो हुक्म दित्या था कि कनान देसे च रैहणे आल़ी कुसा भी जाति सौगी सान्ति दा समझौता मत करणा। अपर कनान देसे च रैहणे आल़ी इक्क टौली, जेह्ड़ी गिबोनी जाति कैहलांदी ऐ तिन्हां यहोशूये सौगी झूठ ग्लाया कि अहां दूर देस दे रैहणे आल़े हन। तिन्हां यहोशूये नैं ग्लाया, कि तुहां अहां नैं सौगी सान्ति दा समझौता करी लेआ। अपर यहोशूयैं कने इस्राएली लोकां परमात्मे ते नीं पुछया, कि सैह़ गिबोनी लोक कुत्थु ते हन। तिन्हीं तिन्हां लोकां सौगी सौगी सान्ति दा समझौता करी लेआ।

![](https://cdn.door43.org/obs/jpg/360px/obs-en-15-07.jpg)

त्रीं दिनां बाद, इस्राएली लोकां जो पता लग्गा कि गिबोनी लोक कनान देसे च ई रैंह्दे हन। सैह़ बड़े गुस्सा होई गे क्जोकि गिबोनी लोकां तिन्हां जो धोखा दित्या था। अपर इस्राएली लोकां गिबोनी लोकां सौगी सौगी सान्ति दा समझौता बणाई रखेया था क्जोकि सैह़ परमात्मे सामणैं कित्या था। ताह़लू कुच्छ बग्ते बाद, कनान देसे च रैहणे आल़े दूये लोकां कने एमोरी लोकां दे राजैं सुणेया कि गिबोनी लोकां इस्राएली लोकां सौगी सौगी सान्ति दा समझौता करी लेआ ऐ, इसतांई तिन्हां अपणियां-अपणियां सेना जो किट्ठा कित्ता कने इक्क बड्डी सेना बणाई कने गिबोनी लोकां पर हमला करी दित्ता। गिबोनी लोकां यहोशू जो संदेसा घल्लेया कि अहां दी मदत कर।

![](https://cdn.door43.org/obs/jpg/360px/obs-en-15-08.jpg)

इसा गल्ला जो सुणी करी यहोशूयैं इस्राएली सेना जो किट्ठा कित्ता कने गिबोनी लोकां अल्ल पुज्जणे तांई पूरी रात चले। भ्यागा पुज्जी करी तिन्हां एमोरी सेना जो हैरान करी दित्ता कने तिन्हां पर हमला करी दित्ता।

![](https://cdn.door43.org/obs/jpg/360px/obs-en-15-09.jpg)

तिस दिन परमात्मा इस्राएली लोकां तांई लड़ेया। तिन्हीं एमोरी लोकां जो उलझणा च पाई दित्ता कने परमात्मे बड्डे-बड्डे ओले सट्टी करी एमोरी लोकां जो मारी दित्ता।

![](https://cdn.door43.org/obs/jpg/360px/obs-en-15-10.jpg)

परमात्मैं अम्बरे च सूरजे जो इक्की जगाह पर रोकी दित्ता। तांजे इस्राएली लोकां अल्ल एमोरी लोकां जो हराणे तांई जादा बग्त मिल्ली सकैं। तिस दिन परमात्मे इस्राएली लोकां जो इक्क बड्डी जीत दैणे च तिन्हां दी मदत कित्ती।

![](https://cdn.door43.org/obs/jpg/360px/obs-en-15-11.jpg)

जाह़लू परमात्मे एमोरी सेना जो हराई दित्ता, ताह़लू मते कनानी लोकां दा दल किट्ठा होएया कने तिन्हां इस्राएली लोकां पर हमला करी दित्ता। यहोशू कने इस्राएली लोकां भी तिन्हां पर हमला करी दित्ता कने तिन्हां जो भी मारी दित्ता।

![](https://cdn.door43.org/obs/jpg/360px/obs-en-15-12.jpg)

इसा लड़ाई ते बाद, परमात्मैं इस्राएली लोकां जो सारा देस देई दित्ता, जिसदा दैणे दा वाद तिन्हां दे पुर्वजां सौगी कित्या था। कने सैह़ तिस देसे च अधिकारी बणी नैं रैहणा लग्गे। ताह़लू परमात्मैं इस्राएल देसे दे सारे लाक्केयां जो सान्ति दित्ती।

![](https://cdn.door43.org/obs/jpg/360px/obs-en-15-13.jpg)

जाह़लू यहोशू जबरा होई गेआ, ताह़लू तिन्हीं सारे इस्राएली लोकां जो किट्ठा कित्ता। ताह़लू यहोशूयैं इस्राएली लोकां जो सैह़ वादा याद करवाया जेह्ड़ा तिन्हां परमात्मे सौगी सीनै प्हाड़े पर कित्या था, कि सैह़ तिस वादे दा पालन करन। इस्राएली लोकां वादा कित्ता कि सैह़ परमात्मे दे सामणैं इमानदार बणी रैंह्गे कने तिसदे हुक्मां दा पालन करगे।

*बाइबला दी काहणी: यहोशू अध्याय 1-24*

Audio: https://git.door43.org/OBS-TLF/xnr_obs/releases/download/v1/xnr_obs_v1_15_128kbps.m4a

## 16. छड्डाणे आल़ा

https://openbiblestories.org/l/xnr/story-16/

![](https://cdn.door43.org/obs/jpg/360px/obs-en-16-01.jpg)

यहोशूये दे मरणे ते बाद, इस्राएली लोकां परमात्मे दे हुक्मां कने नियम-कानूनां दा पालन नीं कित्ता कने तिन्हां बचेयो कनानी लोकां जो बाहर नीं कड्डेया। इस्राएली लोकां अपणे सच्चे परमात्मे यहोवा जो छड्डी करी कनानी लोकां दे देवतेयां दी भक्ति करणा सुरू करी दित्ती। इस्राएली लोकां अल्ल कोई राजा नीं था, इसतांई हर कोई सैई करदा था जेह्ड़ा तिन्हां जो खरा लगदा था।

![](https://cdn.door43.org/obs/jpg/360px/obs-en-16-02.jpg)

क्जोकि इस्राएली लोक लगातार परमात्मे दा अपमान करा दे थे, इसतांई परमात्मे दा कोप तिन्हां पर भड़की पेआ, कने तिन्हां जो दुश्मणा दे अधीन करी दित्ता; कने सैह़ भिरी अपणे दुश्मणा सामणैं टिक्की नीं सके। इन्हां दुश्मणा इस्राएली लोकां दियां चीज्जां जो लुटी लेआ, कने तिन्हां दी धन-दौलत नास करी दित्ती, कने मते सारे इस्राएली लोक मारे गे। मतेआं साल्लां बाद इस्राएली लोकां अपणे पापां दा पश्चाताप कित्ता कने परमात्मे नैं प्रार्थना कित्ती कि सैह़ अहां जो बचाये।

![](https://cdn.door43.org/obs/jpg/360px/obs-en-16-03.jpg)

हर बरी जाह़लू इस्राएली लोक पापां दा पश्चाताप करदे तां परमात्मा तिन्हां दी सुणदा था कने तिन्हां जो बचाणे तांई मते छड्डाणे आल़ेआं जो घल्लेया। अपर लोक परमात्मे जो भुलना लगे कने पराये देवतेया दे पचांह् चली करी तिन्हां दी भक्ति करणा लग्गे। तां परमात्मे अल्ल इक्क दुश्मणा दा दल मिघानी लोकां जो इजाजत दित्ती कि सैह़ तिन्हां जो हाराई दैन।

![](https://cdn.door43.org/obs/jpg/360px/obs-en-16-04.jpg)

मिघानी लोकां सत साल तिकर इस्राएली लोकां दियां फसलां जो लुटेया। इस्राएली लोक बड़े डरी गे, कने सैह़ सरूगां च लुक्की बैठे तांजे मिघानी लोक तिन्हां जो तोपी नी सकन। आखर च तिन्हां परमात्मे जो पुकारेया कि सैह़ अहां जो बचाये।

![](https://cdn.door43.org/obs/jpg/360px/obs-en-16-05.jpg)

इक्क दिन, गिदोन नांऐ दा इक्क इस्राएली माणु था। सैह़ लुक्की करी कणका जफ्फा दा था तांजे मिघानी लोक तिसा जो चोरी नीं सकन। यहोवा परमात्मे दा सुअर्गदूत गिदोने अल्ल आएया कने ग्लाणा लग्गा, “ओ ताकतबर सूरमा, परमात्मा तिज्जो सौगी ऐ। जा कने इस्राएली लोकां जो मिघानी लोकां ते बचा।”

![](https://cdn.door43.org/obs/jpg/360px/obs-en-16-06.jpg)

गिदोने दे पियो मूर्तिया दे सामणैं बल़ि चढ़ाणे तांई इक्क वेदी बणाईयो थी। सबते पैहल्लैं परमात्मैं गिदोने नैं तिसा वेदिया जो तोड़णे तांई ग्लाया। अपर गिदोन लोकां ते डरा दा था, इसतांई तिन्हीं राती दा इन्तजार कित्ता। जाह़लू रात होई गेई ताह़लू सैह़ गेआ कने तिन्हीं तिसा वेदिया जो तोड़ी दित्ता। तिन्हीं परमात्मे तांई इक्क नौई वेदी बणाई कने तिसा पर परमात्मे तांई बल़ि चढ़ाई।

![](https://cdn.door43.org/obs/jpg/360px/obs-en-16-07.jpg)

भ्यागा उठी करी लोकां दिख्या कि कुणकि वेदिया जो तोड़ी दित्या ऐ, इसतांई सैह़ बड़े गुस्सा होये। जाह़लू तिन्हां जो पता लग्ग लग्गा कि एह़ कम्म गिदोने कित्या ऐ ताह़लू सैह़ लोक गिदोने जो मारणे तांई तिसदे घरेयो गे, अपर गिदोने दे बापूयैं ग्लाया, “तुहां क्जो अपणे देवते दी मदत करणे दी कोसिस करा दे हन? जे सैह़ देवता ऐ तां तिसियो अपणी रक्षा खुद करणा देया।” इसा गल्ला जो सुणी करी तिन्हां गिदोने जो नी मारेया।

![](https://cdn.door43.org/obs/jpg/360px/obs-en-16-08.jpg)

ताह़लू मिघानी लोक इस्राएली लोकां जो लुटणा भिरी आई गे। सैह़ इतणे सारे थे कि तिन्हां दी गिणती भी नीं कित्ती जाई सकदी थी। गिदोनैं तिन्हां दे खलाफ लड़णे तांई इस्राएली लोकां जो किट्ठा होणे तांई ग्लाया कने सद्देया। गिदोनैं परमात्मे ते दो चिन्हां दी माँग कित्ती तांजे तिसियो बसुआस होई जां कि परमात्मा सच्ची च इस्राएली लोकां जो बचाणे तांई ग्ला दा ऐ।

![](https://cdn.door43.org/obs/jpg/360px/obs-en-16-09.jpg)

पैहल्ले चिन्हैं तांई, गिदोने भेड्डा दिया ऊना जो जमीना पर रखी करी, परमात्मैं नैं ग्लाया कि भ्यागा दा पाल़ा सिर्फ भेड्डा दिया तिसा ऊना पर पोयैं कने जमीना पर ना पोयैं। परमात्मैं तिआं ई कित्ता। अगलिया राती तिन्हीं परमात्मे नैं ग्लाया कि सारी जमीन सीज्जीं जां अपर भेड्डा दी ऊन सूकी रैंह्‌। परमात्मैं तिआं ई कित्ता। इन्हां दूँ चिन्हां दिया बज़ाह ते, गिदोने जो बसुआस होई गेआ कि सच्ची च परमात्मा चांहदा ऐ कि सैह़ इस्राएली लोकां जो मिघानी लोकां ते बचां।

![](https://cdn.door43.org/obs/jpg/360px/obs-en-16-10.jpg)

ताह़लू गिदोने सैनिकां जो अप्पु अल्ल सद्देया कने 32 हज़ार सैनिक गिदोने अल्ल आये, अपर परमात्मैं ग्लाया कि एह़ बड़े जादा हन। ताह़लू गिदोने 22 हज़ार लोकां जो घरेयो वापस घल्ली दित्ता जेह्ड़े लड़णे ते डरदे थे। परमात्मैं गिदोने नैं ग्लाया, अल्ली भी सैनिक जादा हन।” इसतांई गिदोने 300 लोकां जो छड्डी करी सबना जो घरेयो वापस घल्ली दित्ता।

![](https://cdn.door43.org/obs/jpg/360px/obs-en-16-11.jpg)

तिसा राती परमात्मैं गिदोने नैं ग्लाया, “कि तू मिघानी लोकां दे तम्बुआं च जा कने सुण कि सैह़ क्या ग्ला दे हन। जाह़लू तू सुणगा कि सैह़ क्या गल्लां करा दे हन तां तू तिन्हां पर हमला करणे ते मत डरदा।” इसतांई तिसा राती गिदोन थलैं तिन्हां दे तम्बुआं च गेआ ताह़लू इक्क मिघानी सैनिक अपणे साथिये नैं अपणे सुपणे दे बारे च दस्सा दा था। सैह़ अपणे साथिये नैं ग्ला था, “कि इस सुपणे दा मतलब एह़ होएया कि गिदोने दी सेना मिघानियां दी सेना जो हराई दैणा। जाह़लू गिदोनैं एह़ सुणेया तां तिन्हीं परमात्मे दी स्तुति कित्ती।

![](https://cdn.door43.org/obs/jpg/360px/obs-en-16-12.jpg)

ताह़लू गिदोन अपणे डेरे जो वापस चली गेआ कने तिन्हीं हर इक्क जो नरसिंगा, इक्क-इक्क घड़ा कने इक्क-इक्क मशाल दित्ती। तिन्हां मिघानी लोकां दे तम्बुआं जो घेरी लेआ जित्थु सैह़ सुतेयो थे। गिदोने दे 300 सैनिकां अपणियां मशालां जो घड़ेयां अन्दर रखेया था, जिसदिया बज़ाह ते मिघानी लोक मशालां दियां लौई दिक्खी नीं सके।

![](https://cdn.door43.org/obs/jpg/360px/obs-en-16-13.jpg)

ताह़लू गिदोने दे सारे सैनिकां अपणे-अपणे घड़ेयां जो तोड़ी दित्ता, कने चाणचक मशालां ते अग्ग निकल़णा लग्गी। तिन्हां अपणे नरसिंगे बजाये कने जोरे-जोरे नैं चिल्लाणा लग्गे, “यहोवा परमात्मे दी तलवार कने गिदोने दी तलवार।”

![](https://cdn.door43.org/obs/jpg/360px/obs-en-16-14.jpg)

परमात्मैं मिघानी लोकां जो हक्का-बक्का करी दित्ता, इसतांई सैह़ इक्की-दूये पर हमला कने मारणा लग्गे। तिसी बग्त, बाकि इस्राएली लोकां जो भी तिन्हां दे तम्बुआं ते सद्दी लेआ तांजे मिघानी लोकां पीछा करी सकन। तिन्हां मतेआं जो मारी दित्ता, कने बाकि बचेयो मिघानी लोकां जो इस्राएल देसे नठाई दित्ता। तिस दिन 1,20,000 मिघानी लोकां जो मारी दित्ता। परमात्मैं इस्राएली लोकां जो बचाई लेआ।

![](https://cdn.door43.org/obs/jpg/360px/obs-en-16-15.jpg)

ताह़लू इस्राएली लोकां गिदोने जो ग्लाया, कि तू अहां दा राजा बणी जा। अपर गिदोने ग्लाया, मैं तुहां दा राजा नीं बणी सकदा, अपर मैं तुहां ते कुच्छ मंगणा चांहदा ऐ कि तुहां मिन्जो सोने दे गैहणेयां देई देया जेह्ड़े तुहां मिघानी लोकां ते लेई लियो हन। तिन्हां लोकां गिदोने जो मता सारा सोना देई दित्ता।

![](https://cdn.door43.org/obs/jpg/360px/obs-en-16-16.jpg)

ताह़लू गिदोने तिस सोने दे खास कपड़े बणाई ले जेह्डे मिघानी लोकां दा राजा पैहणदा था। अपर लोकां तिसदी भक्ति करणा सूरु करी दित्ती जिआं कि सैह़ कोई मूर्ति ऐ।

![](https://cdn.door43.org/obs/jpg/360px/obs-en-16-17.jpg)

ताह़लू परमात्मैं भिरी ते इस्राएली लोकां जो सज़ा दित्ती क्जोकि तिन्हां मूर्तिया दी भक्ति कित्ती। परमात्मैं तिन्हां दे दुश्मणा जो इजाजत दित्ती, कि सैह़ इस्राएली लोकां जो हराई दैन। तिन्हां परमात्मे नैं इक्क बरी भिरी मदत करणे तांई प्रार्थना कित्ती, कने परमात्मैं तिन्हां जो बचाणे तांई इक्क छड्डाणे आल़ा घल्लेया। एह़ गल्ल मती बार होई कि इस्राएली लोक पाप करगे, परमात्मा तिन्हां जो सज़ा दिंगा, कने सैह अपणे पापां दा पश्चाताप करगे, कने परमात्मा तिन्हां जो छड्डाणे तांई कुसी जो घल्लगा। मते साल तिकर, परमात्मैं मते छड्डाणे आल़ेआं जो घल्लेया जिन्हां इस्राएली लोकां जो दुश्मणा ते बचाया।

![](https://cdn.door43.org/obs/jpg/360px/obs-en-16-18.jpg)

आखर च, तिन्हां लोकां परमात्मे नैं प्रार्थना कित्ती कि अहां जो भी दूयेयां देसां साइआं राजा चाइदा। जेह्ड़ा दिखणे च लम्मा कने ताकतवर होयैं, कने जेह्ड़ा लड़ाईया च अहां दी अगुआई करी सकैं। परमात्मे तिन्हां दी एह़ प्रार्थना नीं सुणी, अपर परमात्मे तिन्हां जो सैई राजा दित्ता जेह्ड़ा सैह़ चांहदे थे।

*बाइबला दी काहणीः न्यायियां अध्याय 1-3; 6-8; 1 शमूएल 1-10*

Audio: https://git.door43.org/OBS-TLF/xnr_obs/releases/download/v1/xnr_obs_v1_16_128kbps.m4a

## 17. दाऊदे सौगी परमात्मे दा वादा

https://openbiblestories.org/l/xnr/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएल देसे दा पैहल्ला राजा था। सैह़ लम्मा कने बड़ा सुन्दर था, जदेया राजा इस्राएली लोक चांहदे थे सैह़ सदेया ई था। शाऊलैं इस्राएल देसे च अच्छा राजा बणी करी अपणा योगदान दित्ता। अपर बादे च सैह़ इक्क बुरा माणु बणी गेआ कने तिन्हीं परमात्मे दे हुक्मा दा पालन नीं कित्ता, इसतांई परमात्मे तिसदिया जगाह दूया राजा चुणेया।

![](https://cdn.door43.org/obs/jpg/360px/obs-en-17-02.jpg)

शाउले दिया जगाह पर परमात्मैं इक्क जुआन इस्राएली माणुये जो चुणेया जिसदा नां दाऊद था। दाऊद बैतलहम सैहरे दा इक्क चरवाहा था। सैह़ अपणे बुढ़े दियां भेड्डां दी रखवाल़ी करदा था, कई बरी दाऊदैं शेर कने भालू मारेया था क्जोकि तिन्हां भेड्डा पर हमला कित्या था। दाऊद इक्क नरम स्भाव आल़ा कने धर्मी माणु था, जेह्ड़ा परमात्मे पर बसुआस कने तिसदे हुक्मां दा पालन करदा था।

![](https://cdn.door43.org/obs/jpg/360px/obs-en-17-03.jpg)

जाह़लू दाऊद इक्क जुआन माणु था, कने सैह़ लम्मे-चौड़े फलिस्तीन सैनिक गोलियते दे खलाफ लड़ाई कित्ती। गोलियत इक्क बड़ा खतरनाक सैनिक था। सैह़ बड़ा ताकतवर कने लगभग 3 मीटर लम्मा था। अपर परमात्मै गोलियते जो मारणे कने इस्राएली लोकां जो बचाणे च दाऊदे दी मदत कित्ती। इसते बाद, दाऊदैं इस्राएल देसे दे दुश्मणा पर कई बरी जीत हासल कित्ती। दाऊद इक्क बड्डा सैनिक बणी गेआ, कने तिन्हीं मतिआं लड़ाईयां च इस्राएली सेना दी अगुआई कित्ती। इस्राएली लोकां तिसदी बड़ी तारीफ कित्ती।

![](https://cdn.door43.org/obs/jpg/360px/obs-en-17-04.jpg)

इस्राएली लोक दाऊदे नैं प्यार करदे थे इसा गल्ला जो जाणी करी शाऊल तिस नैं जल़ण रखणा लग्गा। शाऊलैं दाऊदे जो मारणे मती बरी मारणे दी कोसिस कित्ती, इसतांई दाऊद तिसते कने तिसदे सैनिकां ते बचणे तांई जंगले च नठी गेआ। इक्क दिन, जाह़लू शाऊल कने तिसदे सैनिक दाऊदे जो तोपा दे थे ताह़लू शाऊल इक्का सरूगां च गेआ जित्थु दाऊद लुक्केया था, अपर शाऊल तिसियो दिक्खी नीं सकेया। दाऊद शाऊले दे बड़ा नजदीक था कने तिसियो मारी सकदा था, अपर तिन्हीं इआं नीं कित्ता। अपर दाऊदैं पचांह़ ते आई करी शाउले दे कपड़ेयां दा इक्क टुकड़ा कटी लेआ ताह़लू शाऊले जो इसा गल्ला दा पता लग्गा कि दाऊद राजा बणने तांई मिन्जो मारणा नीं चांहदा था।

![](https://cdn.door43.org/obs/jpg/360px/obs-en-17-05.jpg)

थोड़े दिन बाद, शाऊल लड़ाईया च मरी गेआ, कने दाऊद इस्राएल देसे दा राजा बणी गेआ। सैह़ इक्क अच्छा राजा था, कने लोक तिस नैं प्यार करदे थे। परमात्मैं दाऊदे जो आसीस दित्ती कने तिसियो कामयाब बणाया। दाऊदैं मतिआं लड़ाईयां लड़ियां, कने परमात्मैं इस्राएल देसे दे दुश्मणा जो हराणे तांई दाऊदे दी मदत कित्ती। दाऊदैं यरूशलेम सैहरे जो जीती लेआ कने तिसियो इस्राएल देसे दी राजधानी बणाई दित्ता, दाऊद इस्राएल देसे दा चाल़ी साल राजा रेह्आ। दाऊद राजे दे बग्त इस्राएल देस ताकतवर कने अमीर देस बणी गेआ।

![](https://cdn.door43.org/obs/jpg/360px/obs-en-17-06.jpg)

दाऊद इक्क मंदर बणाणा चांहदा था जित्थु सारे इस्राएली लोक परमात्मे दी अराधना करी सकन कने तिस तांई बलिदान चढ़ाई सकन। इस्राएली लोकां 400 साल मिलाप आल़े तम्बूये च परमात्मे दी भक्ति करदे थे कने बलिदान चढ़ांदे थे।

![](https://cdn.door43.org/obs/jpg/360px/obs-en-17-07.jpg)

अपर तित्थू नातान नांऐ दा इक्क भविष्यवक्ता था। परमात्मैं तिसियो दाऊदे नैं एह़ ग्लाणे तांई घल्लेया कि, “तैं मतिआं लड़ाईयां लड़ियां हन, इसतांई तू मिन्जो तांई एह़ मंदर नीं बणांगा। तेरा जागत तिस मंदरे जो बणांगा। अपर मैं तिज्जो बड़ी आसीस दिंगा। तेरे वंशे ते कोई इक्क राजा मेरे लोकां पर हमेसा तांई राज़ करगा। कने मसीह भी तेरे वंशे ते हुंगा।” मसीह परमात्मे दा चुणेया जण ऐ जेह्ड़ा संसारे दे लोकां जो तिन्हां दे पापां ते बचांगा।

![](https://cdn.door43.org/obs/jpg/360px/obs-en-17-08.jpg)

जाह़लू दाऊदैं नातान भविष्यवक्ता जो एह़ ग्लांदे सुणेया, तां तिन्हीं परमात्मे दा धन्यावाद कित्ता कने तिसदी स्तुति कित्ती। परमात्मा तिसदे आत्म-सम्माने जो बधा दा था कने तिसियो मती सारी आसीस दित्ती। बेसक, दाऊद नीं जाणदा था कि परमात्मा इन्हां गल्लां जो काह़लू पूरियां करगा। इस बग्त अहां लोक जाणदे हन कि इस्राएली लोकां जो हज़ार साल तिकर मसीह दा इन्तजार करणा पेआ था।

![](https://cdn.door43.org/obs/jpg/360px/obs-en-17-09.jpg)

दाऊदैं मते साल इमानदारिया नैं लोकां पर राज़ कित्ता, कने परमात्मे दे हुक्मा दा पालन कित्ता कने परमात्मैं तिसियो आसीस दित्ती। अपर दाऊदैं अपणियां ज़िन्दगिया दे आखरी बग्ते च परमात्मे दे खलाफ बड़ा बड्डा पाप करी दित्ता।

![](https://cdn.door43.org/obs/jpg/360px/obs-en-17-10.jpg)

इक्क दिन, जाह़लू दाऊदे दे सारे सैनिक दूर लड़ाई करणा गियो थे। ताह़लू दाऊद अपणे मैहले दे बाहर आएया तां तिन्हीं इक्क सुन्दर जणासा जो छती पर नौंह्दे दिख्या, अपर तिन्हीं तिसा ते अपणी नजर नीं हटाई। अपर बादे च तिन्हीं पता लगाई लेआ कि तिसा दा नां बतशेबा था।

![](https://cdn.door43.org/obs/jpg/360px/obs-en-17-11.jpg)

दाऊदैं तिसा जो अपणा बणाणे तांई, तिन्हीं अपणा इक्क सैनिक तिसा घल्लेया। दाऊदैं तिसा सौगी नाजायज रिश्ता बणाया कने तिसा जो अपणे घर वापस घल्ली दित्ता। कुच्छ दिनां बाद बेतशेबा दाऊद राजे जो एह़ खबर घल्ली कि मैं गर्भवती ऐ।

![](https://cdn.door43.org/obs/jpg/360px/obs-en-17-12.jpg)

बतशेबा दे लाड़े दा नां ऊरिय्याह था। सैह़ दाऊदे दा इक्क खास सैनिक था। इस बग्त सैह़ लड़ाईया च गेआ था। दाऊदैं ऊरिय्याह जो लड़ाईया ते वापस सद्दी लेआ कने तिसियो ग्लाया कि तू अपणिया लाड़िया सौगी रेह्। पर बाकि सैनिक लड़ाई लड़ा दे थे इसतांई ऊरिय्याह अपणे घरेयो नीं गेआ। ताह़लू दाऊदैं ऊरिय्याह जो वापस लड़ाईया च घल्ली दित्ता, भिरी दाऊदैं योआब सेनापतिये नैं ग्लाया कि, उरिय्याह जो खतरनाक दुश्मणा बिच छड्डी कर वापस चली ओआ कि सैह़ लड़ाईया मारा जाये। कने तिसते बाद इआं होएया कि ऊरिय्याह लड़ाईया च मारा गेआ।

![](https://cdn.door43.org/obs/jpg/360px/obs-en-17-13.jpg)

जाहल़ू उरिय्याह लड़ाईया च मारा गेआ, तां तिसते बाद दाऊदैं बतशेबा नैं ब्याह करी लेआ। बादे च, तिन्नैं दाऊदे दे जागते जो जन्म दित्ता। परमात्मा दाऊदे दे इस पापे जो दिक्खी करी बड़ा गुस्सा होएया, इसतांई तिन्हीं नातान भविष्यवक्ते जो एह़ दस्सणे तांई दाऊदे अल्ल घल्लेया कि तिसदा पाप कितणा बड्डा ऐ। तिन्हीं अपणे पापां ते पश्चाताप कित्ता कने परमात्मे तिसियो माफ करी दित्ता, कने दाऊदैं अपणी बाकि ज़िन्दगिया दे मुश्कल बग्ते पर परमात्मे दे हुक्मां दा पालन कित्ता।

![](https://cdn.door43.org/obs/jpg/360px/obs-en-17-14.jpg)

इन्हां पापां दिया बजाह दाऊदे दा जागत मरी गेआ, इस तरीके नैं परमात्मे दाऊदे जो सज़ा दित्ती। इसते अलावा दाऊदे दे मरने तिकर, तिसदे अपणे परवारे दे कुच्छ लोकां तिसदे खलाफ लड़ाई कित्ती, कने दाऊद हर तरफा ते कमजोर हुंदा गेआ। अपर दाऊद परमात्मे दे सामणैं बसुआसे जोग्गा नीं बणी रेह्आ, भिरी भी परमात्मा अपणे वादे पर कायम रेह्आ। तिसते बाद, दाऊद कने बतशेबा दा इक्क जागत होएया तिसदा नां तिन्हां सुलैमान रखेया।

*बाइबला दी काहणी - 1 शमूएल अध्याय 10:15-19; 24; 31;  2 शमूएल 5; 7; 11-12*

Audio: https://git.door43.org/OBS-TLF/xnr_obs/releases/download/v1/xnr_obs_v1_17_128kbps.m4a

## 18. इस्राएल देसे दा दूँ देसां च बंटवारा

https://openbiblestories.org/l/xnr/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजैं इस्राएल देसे पर चाल़ी साल राज़ कित्ता। तिसते बाद सैह़ मरी गेआ, कने तिसते बाद तिसदा जागत सुलैमान तिसदिया जगाह इस्राएल देसे दा राजा बणेया। परमात्मैं सुलैमाने सौगी गल्ल कित्ती कने तिसते पुछया कि, “तू क्या चांहदा ऐ कि मैं तिज्जो तांई करैं। सुलैमाने परमात्मे ते अक्ल मंगी, इसा गल्ला जो सुणी करी परमात्मा बड़ा खुस होएया, कने परमात्मैं तिसियो संसारे दा सबते जादा अक्लमंद माणु बणाई दित्ता। सुलैमाने मतिआं गल्लां जो सिखेया कने सैह़ इक्क अक्लमंद राजा बणेया कने परमात्मे तिसियो बड़ा अमीर माणु भी बणाई दित्या था।

![](https://cdn.door43.org/obs/jpg/360px/obs-en-18-02.jpg)

सुलैमाने यरूशलेम सैहरे च तिस मंदरे जो बणाया जिसदी योजना तिसदे बुढैं दाऊदैं बणाईयो थी कने तिस मंदरे जो बणाणे तांई समान किट्ठा कित्ता। हुण सारे लोक मिलाप आल़े तम्बूये दिया जगाह पर तिस मंदरे च परमात्मे दी भक्ति करदे थे कने बलिदान चढ़ांदे थे। तिस मंदरे च परमात्मे दी हजूरी बणी रैंह्दी थी कने तित्थु अपणे लोकां सौगी रैंह्दा था।

![](https://cdn.door43.org/obs/jpg/360px/obs-en-18-03.jpg)

अपर सुलैमान दूये देसां दियां जणासां नैं प्यार करदा था। तिन्हीं परमात्मे दे हुक्मां दा पालन नीं कित्ता, कने तिन्हीं लगभग 1000 जणासां सौगी ब्याह करी लेआ। इन्हां च मतिआं जणासां विदेस आईआं थियां, कने अपणे देवतेयां जो भी अप्पु सौगी लेई आईआं थियां कने सैह़ अपने देवतेयां दी भक्ति करदियां थियां। जाह़लू सुलेमान स्याणा होई गेआ तां तिन्हीं भी तिन्हां दे देवतेयां दी भक्ति कित्ती।

![](https://cdn.door43.org/obs/jpg/360px/obs-en-18-04.jpg)

इसा बज़ाह ते परमात्मा सुलैमानैं ते गुस्सा होएया, कने तिन्हीं सुलेमाने नैं ग्लाया कि मैं तेरे मरणे ते बाद इस्राएल देसे जो दूँ हिस्सेयां च बंडी दिंगा कने तिन्हां जो सज़ा दिंगा।

![](https://cdn.door43.org/obs/jpg/360px/obs-en-18-05.jpg)

सुलैमान दे मरणे ते बाद, तिसदा जागत रहबाम तिस देसे दा राजा बणी गेआ। रहबाम इक्क नासमझ माणु था। इस्राएल देसे दे सारे लोकां किट्ठे होई करी एह़ फैसला लेआ कि सैई अहां दा राजा बणैं। भिरी सैह़ रहबामे अल्ल सुलैमान दी सिकायत करी नैं ग्लाणे लग्गे, “तेरे बापूयैं अहां लोकां ते बड़ी जादा मजदूरी करवाईयो थी कने सैह़ मते भरी टैक्स बसूलदा था। तिन्हां रहबामे नैं विणती कित्ती कि तू अहां ते घट मजदूरी करवायां।”

![](https://cdn.door43.org/obs/jpg/360px/obs-en-18-06.jpg)

अपर रहबामैं तिन्हां जो गुस्से नैं जबाब दित्ता कने ग्लाया कि, “मेरे बापूयैं तुहां ते बड़ी मजदूरी करवाई। अपर मैं तुहां ते तिसते भी जादा मजदूरी करवांगा, कने मैं तुहां जो तिसते भी जादा दुखी करगा।”

![](https://cdn.door43.org/obs/jpg/360px/obs-en-18-07.jpg)

जाह़लू लोकां रहबाम जो इआं ग्लांदे सुणेया, तां तिन्हां च दस गोत्रां दे इस्राएली लोक तिसदे खलाफ थे, सिर्फ दो गोत्र तिस सौगी सेहमत थे। इन्हां दूँ गोत्रां मिल्ली नैं अपणे तांई यहूदा दा देस बणाई लेआ।

![](https://cdn.door43.org/obs/jpg/360px/obs-en-18-08.jpg)

बाकि दसां गोत्रां यारोबाम नांऐ दे इक्की माणुये जो अपणा राजा बणाई लेआ। एह़ दस गोत्र, देसे दे उत्तर-पूरब दिसा च थे। इन्हां दसां गोत्रां भी मिल्ली नैं अपणे तांई इस्राएल देस बणाई लेआ।

![](https://cdn.door43.org/obs/jpg/360px/obs-en-18-09.jpg)

अपर यारोबामैं परमात्मे दे खलाफ बगाबत कित्ती कने लोकां ते पाप करवाया। तिन्हीं अपणे लोकां दे जरिये भक्ति करवाणे तांई पशुयैं दियां दो मूर्तियां बणाईयां। सैह़ हुण यहूदा दे देसे च यरूशलेम सैहरे च परमात्मे दे मंदरे च तिसदी भक्ति करणे तांई नीं गे।

![](https://cdn.door43.org/obs/jpg/360px/obs-en-18-10.jpg)

यहूदा कने इस्राएल देस अप्पु च दुश्मण बणी गे कने अक्सर इक्की दूये दे खलाफ लड़णा लग्गे।

![](https://cdn.door43.org/obs/jpg/360px/obs-en-18-11.jpg)

इस्राएल देसे दे नौयें प्रदेसे च, जितणे भी राजे आये सैह़ सारे दुष्ट थे। मते राजे तिन्हां दूये इस्राएली लोकां दे जरिये मारे गे जेह्ड़े अप्पु जो राजा बणना चांहदे थे।

![](https://cdn.door43.org/obs/jpg/360px/obs-en-18-12.jpg)

इस्राएल देसे दे सारे राजेआं कने मतेआं लोकां मूर्तियां दी भक्ति कित्ती। जाह़लू तिन्हां इआं कित्ता, तां तिन्हां हर बरी वेश्यां जणासां सौगी नाजायज रिश्ता रखेया कने ऐत्थु तिकर कि मती बरी मूर्तियां सामणैं बच्चेयां जो बल़ि करदे थे।

![](https://cdn.door43.org/obs/jpg/360px/obs-en-18-13.jpg)

यहूदा प्रदेसे दे राजा दाऊदे दे वंश दे लोक थे, कने कुच्छ राजे भले माणु भी थे जिन्हां इमानदारिया नैं राज़ कित्ता कने परमात्मे दी भक्ति कित्ती। अपर यहूदा प्रदेसे दे मते राजे बुराई करी नैं राज़ कित्ता कने मूर्तियां दी भक्ति कित्ती। तिन्हां च कुच्छ राजेआं झूठे देवतेयां तांई अपणे बच्चेयां दी बल़ि चढ़ाणा लग्गे कने यहूदा प्रदेसे दे मतेआं लोकां परमात्मे दे खलाफ बगाबत कित्ती कने देवतेयां दी भक्ति कित्ती।

*बालबला दी काहणी – 1 राजा अध्याय 1-6 कने 11-12*

Audio: https://git.door43.org/OBS-TLF/xnr_obs/releases/download/v1/xnr_obs_v1_18_128kbps.m4a

## 19. भविष्यवक्ता (परमात्मे दिया तरफा ते ग्लाणे आल़ा)

https://openbiblestories.org/l/xnr/story-19/

![](https://cdn.door43.org/obs/jpg/360px/obs-en-19-01.jpg)

परमात्मा हमेसा इस्राएली लोकां अल्ल भविष्यवक्तां जो घल्लदा रैंह्दा था। भविष्यवक्ता परमात्मे दे संदेसां जो सुणदे थे कने भिरी लोकां जो दस्सदे थे।

![](https://cdn.door43.org/obs/jpg/360px/obs-en-19-02.jpg)

जाह़लू अहाब इस्राएल देसे दा राजा था तां तिस बग्त एलिय्याह भविष्यवक्ता था। अहाब इक्क बुरा माणु था। तिन्हीं झूठे बाल देवता दी भक्ति करवाणे तांई लोकां जो मजबूर कित्ता था। इसतांई एलिय्याह अहाब राजे नैं ग्लाणा लग्गा कि परमात्मा तिन्हां लोकां जो सज़ा दैणे जो त्यार ऐ। तिन्हीं तिस नैं ग्लाया, “जाह़लू तिकर मैं बरखा होणे तांई नीं ग्लांगा ताह़लू तिकर इस्राएल देसे च बरखा नीं हुंगी कने ना ई पाल़ा पोंगा।” इसा गल्ला ते अहाब राजे जो बड़ा गुस्सा आया, कि तिन्हीं एलिय्याह जो मारी दैणे दा फैसला लेआ।

![](https://cdn.door43.org/obs/jpg/360px/obs-en-19-03.jpg)

इसतांई परमात्मैं एलिय्याह नैं ग्लाया कि तू जंगले च जाई करी लुक्की बैठ, क्जोकि अहाब राजा तिज्जो मारणे दिया ताका च ऐ। एलिय्याह इसा गल्ला जो सुणी करी जंगले च तिस नाल़े अल्ल गेआ जित्थु जाणे तांई परमात्मे दस्सेया था। कोगले हर-रोज भ्यागा कने संझा एलिय्याह जो रोटी कने मांस लेई नैं ओंदे थे। अहाब राजा कने तिसदे सैनिक एलिय्याह जो तोपा दे थे, अपर सैह़ तिसियो तोपी नीं सके।

![](https://cdn.door43.org/obs/jpg/360px/obs-en-19-04.jpg)

बरखा नीं होणे ते थोड़े दिनां बाद सैह़ नाल़ा सुकी गेआ। इसतांई एलिय्याह बक्खे आल़े देसे जो चली गेआ कने तिस देसे च इक्क गरीब विधवा थी जिसा दा इक्क जागत था। अकाल होणे दिया बज़ाह ते तिन्हां अल्ल दूँ-त्रीं दिनां दा रासन बचेया था सैह़ दो जणे ई इस रासने ते थोड़े दिन तांई अपणा पेट भरी करी जिन्दे रेई सकदे थे। अपर भिरी भी तिन्नैं जणासा एलिय्याह दी तिस बग्त मदत कित्ती। इसतांई परमात्मे तिन्हां दे घड़े दा आटा कने कुपिया दा तेल खत्म होणा नीं दित्ता। पूरे अकाल च भी तिन्हां जो रासन दी कोई कमी नीं होई कने एलिय्याह तित्थु मते साल रेह्आ।

![](https://cdn.door43.org/obs/jpg/360px/obs-en-19-05.jpg)

साढे त्रै साल बाद, परमात्मे एलिय्याह नैं ग्लाया, कि सैह़ भिरी बरखा करगा, कने तू इस्राएल देस जो वापस जा कने अहाब राजे नैं मिल। इसतांई एलिय्याह अहाब राजे अल्ल गेआ, कने जाह़लू तिन्हीं तिसियो दिख्या कने ताह़लू एलिय्याह नैं ग्लाया, “अच्छा तू ऐ, मुसीबत पैदा करणे आल़ा!” तिन्हीं अहाब राजे नैं ग्लाया, “मुसीबत पैदा करणे आल़ा तां तू ऐ। तू सच्चे सर्वशक्तिमान यहोवा परमात्मे जो छड्डी करी मामूली बाल देवता दी भक्ति करा दा ऐ।” ताह़लू अहाब राजैं सारे इस्राएली लोकां जो सद्देया कने भविष्वक्तां जो कर्मेल प्हाड़े पर किट्ठा कित्ता।

![](https://cdn.door43.org/obs/jpg/360px/obs-en-19-06.jpg)

ताह़लू अहाब राजैं सारे इस्राएली लोक कने बाल देवता दे 450 भविष्यवक्ता कर्मेल प्हाड़े पर किट्ठे कित्ते। एलिय्याह लोकां नैं ग्लाया, “काह़लू तिकर तुहां अपणे वचारां नैं समझौता करदे रैंह्गे? जे यहोवा परमात्मा ऐ तां तिसदी भक्ति करा कने जे बाल देवता परमात्मा ऐ तां तिसदी भक्ति करा।”

![](https://cdn.door43.org/obs/jpg/360px/obs-en-19-07.jpg)

ताह़लू एलिय्याह बाल देवते दे भविष्यवक्तां नैं ग्लाणा लग्गा, “इक्क जानवरे दी बल़ि चढ़ा कने तिसदा माँस इक्क वेदिया पर रखा, अपर अग्ग मत लगांदे। तिसदे बाद मैं भी तिआं ई करगा, कने इक्क लग्ग वेदिया पर मैं तिस माँसे जो रखगा। जे ताह़लू परमात्मा वेदिया च अग्ग सट्टगा तां तुहां जाणी लैंगे कि सैह़ सच्चा परमात्मा ऐ।” ताह़लू बाल देवते दे भविष्यवक्तां इक्क बल़िया जो वेदिया पर रखेया अपर अग्ग नीं लगाई।

![](https://cdn.door43.org/obs/jpg/360px/obs-en-19-08.jpg)

ताह़लू बाल देवते दे भविष्यवक्तां बाल नैं प्रार्थना कित्ती, “ओ बाल देवता, अहां दी सुण, अहां दी सुण।” पूरा दिन तिन्हां प्रार्थना कित्ती कने जोरे-जोरे नैं डडणा लग्गे ऐत्थु तिकर तिन्हां अप्पु जो चाकुआं नैं बड्डी लेआ, अपर बाल देवतैं तिन्हां दी नीं सुणी, कने तिन्हीं कोई अग्ग नीं सट्टी।

![](https://cdn.door43.org/obs/jpg/360px/obs-en-19-09.jpg)

पूरा दिन प्रार्थना करणे ते बाद बाल देवते दे भविष्यवक्तां प्रार्थना करणा बंद करी दित्ता। तिसते बाद जाह़लू एलिय्याह भविष्यवक्तैं दूये जानवरे दा माँस वेदिया पर रखी दित्ता ताह़लू तिन्हीं लोकां नैं ग्लाया, कि तुहां पाणिये दे बाराह घड़े मुँऐ तिकर भरी नैं वेदिया पर ताह़लू तिकर डोलदे रेह्आ जाह़लू तिकर माँस, लकड़ियां कने वेदिया दी चौंनी पास्सेया दी जमीन सीज्जी नीं जां।

![](https://cdn.door43.org/obs/jpg/360px/obs-en-19-10.jpg)

भिरी एलिय्याह प्रार्थना कित्ती, “ओ यहोवा, अब्राहम, इसहाक कने याकूबे दे परमात्मा, अहां जो दस्स कि तू इस्राएल देसे दे परमात्मा ऐ कने मैं तेरा दास ऐ। ओ यहोवा परमात्मा मेरी सुण, मेरी सुण कि एह़ लोक जाणी लैन कि तूईं सच्चा यहोवा परमात्मा ऐ।”

![](https://cdn.door43.org/obs/jpg/360px/obs-en-19-11.jpg)

तिसी बग्त परमात्मे अम्बरे ते अग्ग सट्टी कने तिन्हीं माँस, लकड़ियां, पत्थरां, धूड़ी समेत सब कुच्छ फूकी दित्ता कने वेदिया अल्ल जेह्ड़ा पाणी पेआ था सैह़ सारा सुकाई दित्ता। एह़ दिक्खी करी, सैह़ सारे लोक जमीना पर प्रणाम करी नैं ग्लाणा लग्गे, “यहोवा ई परमात्मा ऐ! यहोवा ई परमात्मा ऐ!”

![](https://cdn.door43.org/obs/jpg/360px/obs-en-19-12.jpg)

ताह़लू एलिय्याह ग्लाणा लग्गा, “बाल देवते दा इक्क भी भविष्यवक्ता बची करी नीं जाई सकैं।” ताह़लू लोकां तिन्हां जो पकड़ी लेआ कने तित्थु ते लग्ग लेईआ कने तिन्हां जो मारी दित्ता।

![](https://cdn.door43.org/obs/jpg/360px/obs-en-19-13.jpg)

ताह़लू एलिय्याह अहाब राजे नैं ग्लाया, “फटाफट अपणे घरेयो नठी जा, क्जोकि बड़ी जोरदार बरखा होणे आल़ी ऐ।” थोड़िया देरा च अम्बर काल़ा होई गेआ कने बड़ी जोरदार बरखा होणा लग्गी। यहोवा परमात्मे अकाले जो खत्म करी दित्ता कने एह़ साबित करी दित्ता कि सैई सच्चा परमात्मा ऐ।

![](https://cdn.door43.org/obs/jpg/360px/obs-en-19-14.jpg)

परमात्मे एलिय्याह दे बाद, एलिशा नांऐ दे भविष्यवक्ता जो चुणेया। परमात्मे एलिशा दे जरिये मते चमत्कार कित्ते, जिन्हां च इक्‍क चमत्कार नमान नांए दे माणुये दिया ज़िन्दगिया च होएया। सैह़ दुश्मणा दा सेनापति था कने तिसियो कोढ़ था। नमानैं एलिशा दे बारे च सुणेया था इसतांई सैह़ एलिशा अल्ल गेआ कि सैह़ मिन्जो इसा बमारिया ते खरा करैं। एलिशा तिस नैं ग्लाया, “तू जाई नैं यरदन नदिया च सत बरी डुबकी मार।”

![](https://cdn.door43.org/obs/jpg/360px/obs-en-19-15.jpg)

नमान इसा गल्‍ला जो सुणी करी गुस्सा होएया कने तिन्हीं इआं करणे ते मना करी दित्ता, क्जोकि तिसियो बसुआस नीं होएया कि इआं करी नैं सैह़ खरा होई सकदा ऐ, तिसियो मूर्खता दी गल्ल लग्गी। अपर बादे च अपणा मन बदली लेआ कने जाई नैं यरदन नदिया च सत बरी डुबकी लगाई। जाह़लू सैह़ सतमीं डुबकी लगाई नैं पांणिये ते बाहर आएया तां परमात्मे तिसियो कोढ़े दिया बमारिया ते खरा करी दित्ता ऐ।

![](https://cdn.door43.org/obs/jpg/360px/obs-en-19-16.jpg)

परमात्मे इस तरीके नैं इस्राएली लोकां अल्ल मतेआं भविष्यवक्तां जो घल्लेया, कने तिन्हां लोकां नैं ग्लाया कि मूर्तियां दी भक्ति करणा बन्द करी देया। बल्कि तुहां इक्की-दूये नैं खरा बर्ताब कने दया करदे रेह्आ। तिन्हां भविष्यवक्तां लोकां जो चतौणी दित्ती कि बुरे कम्म करणा छड्डी देया कने परमात्मे दे हुक्मां दा पालन करा। भिरी एह़ भी ग्लाया, “जे तुहां इआं नीं कित्ता तां परमात्मा तुहां जो पापी समझी करी तुहां दा न्याय करगा कने तुहां जो सज़ा दिंगा।”

![](https://cdn.door43.org/obs/jpg/360px/obs-en-19-17.jpg)

मती बरी तिन्हां लोकां परमात्मे दे हुक्मां दा पालन नीं कित्ता; अपर अक्सर तिन्हां भविष्यवक्तां सौगी बुरा बर्ताब कित्ता कने ऐत्थु तिकर तिन्हां जो मारी भी दित्ता। इक्क बरी यिर्मयाह भविष्यवक्ता जो सुक्के खुऐ च पाई दित्ता कने तिसियो तित्थु मरणे जो छड्डी दित्ता। खुऐ च पाणी नीं था सिर्फ चिकड़ था यिर्मयाह तिस चिकड़े च दबौई गेआ। अपर ताह़लू बिन्यामीन राजैं तिस पर दया कित्ती कने तिन्हीं अपणे सेवकां जो हुक्म दित्ता कि यिर्मयाह दे मरणे ते पैहल्लैं तिसियो खुऐ ते बाहर कड्डी करी लेई ओआ।

![](https://cdn.door43.org/obs/jpg/360px/obs-en-19-18.jpg)

भविष्यवक्ता परमात्मे दे बारे च लोकां जो लगातार दस्सदे रेह् बेशक लोक तिन्‍हां नैं नफरत करदे थे। तिन्हां लोकां जो चतौणी दित्ती, कि जे तुहां अपणे पापां ते पश्चाताप नी करगे तां परमात्मां तुहां जो नास करी दिंगा। तिन्हां लोकां जो परमात्मे दा सैह़ वादा याद करवाया कि मसीह तौल़ी ओणे आल़ा ऐ।

*बाइबला दी काहणी: 1 राजा अध्याय 16-18; 2 राजा अध्याय 5 कने यिर्मयाह अध्याय 38*

Audio: https://git.door43.org/OBS-TLF/xnr_obs/releases/download/v1/xnr_obs_v1_19_128kbps.m4a

## 20. गुलामी कने वादे दे देसे च वापस औणा

https://openbiblestories.org/l/xnr/story-20/

![](https://cdn.door43.org/obs/jpg/360px/obs-en-20-01.jpg)

इस्राएल देस कने यहूदा देस दूनीं परमात्मे दे खलाफ पाप कित्ता। तिन्हां तिस वादे दा पालन नीं कित्ता जेह्ड़ा परमात्मैं तिन्हां सौगी सीनै प्हाड़े पर कित्या था। परमात्मैं मतेआं भविष्यवक्तां जो चतौणी दैणे तांई घल्लेया, तांजे सैह़ लोक अपणे पापां ते पश्चाताप करन कने परमात्मे दी अराधना करन। अपर तिन्हां भविष्यवक्तां दियां गल्लां जो मनणे ते मना करी दित्ता।

![](https://cdn.door43.org/obs/jpg/360px/obs-en-20-02.jpg)

ताह़लू परमात्मैं तिन्हां दूनी देसा जो सज़ा दित्ती कने तिन्हां दे दुस्मणा जो इजाजत दित्ती कि सैह़ तिन्हां दूनीं देसां जो नास करी देआ। अश्शूर देस इक्क ताकतवर देस था, जिन्हीं आई नैं इस्राएल देस दा नास करी दित्ता। अश्शूरी लोकां इस्राएल देसे दे मते लोकां जो मारी दित्ता, कने तिन्हां दियां सारियां चीज्जां जो लुटी करी लेई गे कने इस्राएल देसे दे मते इलाके नास करी दित्ते।

![](https://cdn.door43.org/obs/jpg/360px/obs-en-20-03.jpg)

अश्शूरी लोकां इस्राएल देसे दे सारे अगुआं जो, अमीर माणुआं जो कने करीगर लोकां जो किट्ठा कित्ता कने सैह़ तिन्हां अश्शूर देसे जो लेई गे। इस्राएल देसे च सिर्फ गरीब इस्राएली लोक बचेयो थे।

![](https://cdn.door43.org/obs/jpg/360px/obs-en-20-04.jpg)

भिरी अश्शूरी लोक इस्राएल देसे च रैहणे तांई विदेसी लोकां जो लेई करी आये; कने तिन्हां विदेसी लोकां इस्राएल देसे दे नास कित्तेयो सैहरां जो दोबारा ते बणाया। जेह्ड़े इस्राएली लोक बचेयो थे तिन्हां नैं अश्शूरी लोकां ब्याह करी लेआ, कने इन्हां लोकां दे वंश सामरी कैहलाये।

![](https://cdn.door43.org/obs/jpg/360px/obs-en-20-05.jpg)

यहूदा देसे दे लोकां दिख्या कि परमात्मे पर बसुआस नीं करणे कने तिसदे हुक्मां दा पालन नीं करणे दिया बज़ाह ते किआं परमात्मैं इस्राएली लोकां जो सज़ा दित्ती। भिरी भी तिन्हां लोकां कनानी लोकां दे देवतेयां दी भक्ति कित्ती। परमात्मैं तिन्हां जो चतौणी दैणे तांई भविष्यवक्तां जो घल्लेया अपर तिन्हां दियां गल्लां जो अणसुणा करी दित्ता।

![](https://cdn.door43.org/obs/jpg/360px/obs-en-20-06.jpg)

अश्शूरी लोकां दे जरिये इस्राएल देसे जो नास करणे दे 100 साल बाद, परमात्मैं बेबीलोन देसे दे राजा नबूकदनेस्सरे जो यहूदा देसे पर हमला करणे तांई घल्लेया। बेबीलोन देस इक्क ताकतवर देस था। यहूदा देसे दा राजा नबूकदनेस्सरे दा दास बणीकरी हर साल मती धन-दौलत दैणे तांई राज्जी होई गेआ।

![](https://cdn.door43.org/obs/jpg/360px/obs-en-20-07.jpg)

अपर कुच्छ साल्ल बाद, यहूदा देसे दे राजैं बेबीलोन देसे दे खलाफ बगाबत कित्ती। बेबीलोन देसे दे लोकां वापस आई नैं भिरी यहूदा देसे पर हमला करी दित्ता। तिन्हां यरूशलेम सैहरे पर कब्जा करी लेआ, मंदरे जो नास करी दित्ता कने सैहरे दे कने मंदरे दे खजाने जो लुटी करी लेई गे।

![](https://cdn.door43.org/obs/jpg/360px/obs-en-20-08.jpg)

बेबीलोन देसे नैं बगाबत करणे तांई यहूदा देसे दे राजे जो सज़ा दित्ती कने नबूकदनेस्सरे दे सैनिकां तिसदे जागते जो मारी दित्ता कने तिसते बाद राजे जो अन्ना करी दित्ता, कने तिसियो लेई गे तांजे सैह़ बेबीलोन देसे दिया जेला च मरी जां।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर कने तिसदे सैनिक यहूदा देसे दे लगभग सारे लोकां जो पकड़ी करी बेबीलोन देसे जो लेई गे, सिर्फ तिस देसे दे गरीब लोकां जो छड्डी दित्ता तांजे सैह़ खेती करी सकन। इस दौरे दे बग्ते जो देस निकाले दा नां दित्ता गेआ जिस च परमात्मे दे लोकां जो वादे दे देसे ते निकल़ी जाणे तांई मजबूर कित्या था।

![](https://cdn.door43.org/obs/jpg/360px/obs-en-20-10.jpg)

परमात्मैं अपणे लोकां जो तिन्हां दे पापां तांई सज़ा दित्ती तिन्हां दा देस निकाला होणे ते बाद भी, परमात्मां तिन्हां जो कने अपणे वादे जो नीं भुलेया था। परमात्मा लगातार अपणे लोकां जो दिखदा रेह्आ कने अपणे भविष्यवक्तां दे जरिये तिन्हां नैं गल्लां करदा रेह्आ। तिन्हीं वादा कित्ता कि, 70 साल्लां बाद सैह़ भिरी वादे देस वापस आई जांगे।

![](https://cdn.door43.org/obs/jpg/360px/obs-en-20-11.jpg)

70 साल्लां बाद, कुस्रू जेह्ड़ा फारस देसे दा राजा बणेया, तिन्हीं बेबीलोन देसे जो हराई दित्ता, इसतांई बेबीलोन देसे दे बजाये फारस देसे नैं मतेआं देसां पर राज़ कित्ता। इस्राएली लोकां जो हुण यहूदी ग्लाया जांदा था कने तिन्हां अपणी सारी ज़िन्दगी बेबीलोन देसे च कटी। सिर्फ कुच्छ पराणे यहूदी लोकां जो यहूदा देस याद रेह्आ।

![](https://cdn.door43.org/obs/jpg/360px/obs-en-20-12.jpg)

फारसी लोक बड़े समर्थी थे, अपर तिन्हां हारने आल़े लोकां पर दया कित्ती। फारसी लोकां दा राजा बणने ते बाद कुस्रूयैं इक्क हुक्म दित्ता कि कोई भी यहूदी माणु यहूदा देस वापस जाणा चांहदा ऐ तां सैह़ फारस देसे जो छड्डी करी यहूदा देस वापस जाई सकदा ऐ। तिन्हीं तिन्हां जो मंदर बणाणे तांई धन-दौलत भी दित्ती, 70 साल देस निकाला होणे ते बाद, यहूदी लोकां दी इक्क टोली यरूशलेम सैहरे जो वापस चली आई।

![](https://cdn.door43.org/obs/jpg/360px/obs-en-20-13.jpg)

जाह़लू यहूदी लोक यरूशलेम सैहरे च पुज्जे तां तिन्हां मंदरे जो कने सैहरे दे चौंनी पास्से दी दिवारा जो भिरी ते बणाया। फारसी लोक हुण भी तिन्हां पर राज़ करदे थे अपर इक्क बरी भिरी सैह़ वादे दे देसे च रैह् दे थे कने मंदरे च अराधना करदे थे।

*बाइबला दी काहणी – 2 राजा अध्याय 17; 24-25; 2 इतिहास अध्याय 36; एज्रा अध्याय 1-10; नहेम्याह अध्याय 1-13*

Audio: https://git.door43.org/OBS-TLF/xnr_obs/releases/download/v1/xnr_obs_v1_20_128kbps.m4a

## 21. परमात्मा मसीह दे औणे दा वादा करदा ऐ

https://openbiblestories.org/l/xnr/story-21/

![](https://cdn.door43.org/obs/jpg/360px/obs-en-21-01.jpg)

जाह़लू परमात्मैं सृष्टिया जो बणाया था, तां सैह़ जाणदा था कि तिसियो बादे च इक्क दिन जरूर मसीह जो घल्लणा पोणा। तिन्हीं आदम कने हव्वा नैं वादा कित्या था कि सैह़ इआं करगा। परमात्मैं ग्लाया था कि हव्वा दे वंश ते इक्क माणु जन्म लैंगा जेह्ड़ा सर्पे दे सिरे कुचलगा। जिन्हीं सर्पैं हव्वा जो धोखे नैं फल़ खुआई दित्या था सैह़ सैतान था। परमात्मे दे वादे दा मतलब था कि मसीह पूरे तरीकै नैं सैताने जो हराई दिंगा।

![](https://cdn.door43.org/obs/jpg/360px/obs-en-21-02.jpg)

परमात्मैं अब्राहमें नैं वादा कित्या था कि तिसदे जरिये संसारे दियां सारियां जातिआं असीस पांगिया। परमात्मा इक्क दिन मसीह जो घल्ली करी इस वादे जो जरूर पूरा करगा। सैह़ मसीह संसारे दी सब जाति दे लोकां जो तिन्हां दे पापां ते बचांगा।

![](https://cdn.door43.org/obs/jpg/360px/obs-en-21-03.jpg)

परमात्मैं मूसे नैं वादा कित्या था कि औणे आल़े बग्ते च मैं मूसे साइआं इक्क होर भविष्यवक्ता घल्लगा। एह़ भविष्यवक्ता मसीह हुंगा। इस तरीके नैं परमात्मैं भिरी वादा कित्ता कि सैह़ मसीह जो घल्लगा।

![](https://cdn.door43.org/obs/jpg/360px/obs-en-21-04.jpg)

परमात्मैं दाऊद राजे नैं वादा कित्या था कि तेरे वंशे ते इक्क राजा हुंगा सैह़ मसीह हुंगा, जेह्ड़ा परमात्मे दे लोकां पर राज़ करगा।

![](https://cdn.door43.org/obs/jpg/360px/obs-en-21-05.jpg)

परमात्मैं यिर्मयाह भविष्यवक्ता नैं गल्ल कित्ती कने ग्लाया इक्क दिन, “मैं इक्क नौआं वादा करगा। अपर सैह़ तिस वादे साइआं नीं हुंगा जेह्ड़ा परमात्मैं इस्राएली लोकां सौगी सीनै प्हाड़े पर कित्या था। जेह्ड़ा नौआं वादा मैं तिन्हां दिनां च तिन्हां सौगी करगा, सैह़ एह़ ऐ कि मैं अपणे आप्पे जो तिन्हां पर प्रकट करगा। “हर माणु तिस नैं प्यार रखगा कने तिसदे नियम-कानूनां दा पालण करणे दी इच्छा रखगा। मैं अपणे नियम-कानून तिन्हां दे दिलां पर लिखगा, कने सैह़ मेरे लोक हुंगे कने सैह़ परमात्मे जो जाणगे कने परमात्मा तिन्हां दे पापां जो माफ करगा। सैह़ मसीह हुंगा जेह्ड़ा तिन्हां सौगी तिस नौये वादे जो करगा।”

![](https://cdn.door43.org/obs/jpg/360px/obs-en-21-06.jpg)

परमात्मैं भविष्यवक्तां नैं एह़ भी ग्लाया कि मसीह इक्क भविष्यवक्ता हुंगा। इक्क भविष्यवक्ता सैह़ माणु ऐ जेह्ड़ा परमात्मे दे वचनां जो सुणदा ऐ कने भिरी परमात्मे दे संदेसां जो लोकां जो दस्सदा ऐ। जिसियो घल्लणे दा वादा परमात्मैं कित्या था सैह़ मसीह इक्क म्हान भविष्यवक्ता हुंगा। मतलब सैह़ मसीह परमात्मे दे संदेसां जो सुणगा कने लोकां जो तिन्हां संदेसां जो सखांगा।

![](https://cdn.door43.org/obs/jpg/360px/obs-en-21-07.jpg)

इस्राएली याजकां लोकां दे पापां दी माफी तांई परमात्मे सामणै बलिदान परमात्मे जो चढ़ांदे रेह्। तांजे परमात्मा तिन्हां दे पापां दी सज़ा तिन्हां जो ना दैं। याजक लोकां तांई प्रार्थना भी करदे थे। अपर सैह़ मसीह इक्क म्हान महायाजक हुंगा जेह्ड़ा संसारे दे लोकां देयां पापां जो अपणे ऊपर लेई करी अपणे आप्पे जो परमात्मे तांई बलिदान करी दिंगा। मतलब सैह़ कदी पापा नी करगा, कने जाह़लू सैह़ अपणे आप्पे जो बलिदान करणे तांई देई दिंगा, तां संसारे दे लोकां देयां पापां तांई कोई भी बलिदान जरुरी नीं हुंगा।

![](https://cdn.door43.org/obs/jpg/360px/obs-en-21-08.jpg)

राजा सैह़ हुंदा ऐ जेह्ड़ा लोकां पर राज़ करदा ऐ कने लोकां दा न्याय करदा ऐ, कने कदी-कदी सैह़ गलतियां भी करदे हन। दाऊद राजैं सिर्फ इस्राएली लोकां पर राज़ कित्ता, अपर दाऊद राजे दा वंश मसीह पूरे संसारे दे लोकां पर राज़ करगा कने सैह़ हमेसा तांई राज़ करगा, कने सदा सच्चाईया नैं न्याय करगा कने ठीक फैसला करगा।

![](https://cdn.door43.org/obs/jpg/360px/obs-en-21-09.jpg)

परमात्मे दे भविष्यवक्तां मसीह दे बारे च बड़ी पैहल्ले ते मतिआं भविष्यवाणियां कित्तियां थियां। मलाकी नांऐ दे भविष्यवक्तैं अपणियां कताबा च ग्लाया था कि मसीह दे औणे ते पैहल्लैं इक्क भविष्यवक्ता ओंगा। सैह़ मसीह दे ओणे तांई लोकां देयां मनां जो त्यार करगा। इसते अलावा यशायाह भविष्यवक्तैं अपणिया कताबा च लिख्या ऐ कि मसीह इक्क कुआरिया कुड़िया ते जन्म लैंगा। कने मीका भविष्यवक्तैं भी अपणिया कताबा च जिकर कित्या कि मसीह बैतलहम ग्रांए च जन्म लैंगा।

![](https://cdn.door43.org/obs/jpg/360px/obs-en-21-10.jpg)

यशायाह भविष्यवक्तैं एह़ भी लिख्या कि मसीह गलील प्रदेसे दे लाक्के च वास करगा। जेह्ड़े लोक बड़े दुखी हन मसीह तिन्हां जो सान्ति दिंगा। सैह़ कैदियां जो अजाद करगा। सैह़ बमारां, बोल़ेयां, अन्नेयां गुंगेयां कने लंगड़ेयां जो खरा करगा।

![](https://cdn.door43.org/obs/jpg/360px/obs-en-21-11.jpg)

यशायाह भविष्यवक्तैं एह़ भी लिख्या कि लोक मसीह नैं नफरत करगे कने तिसियो अपनाणे ते मना करी दिंगे। दूयेयां भविष्यवक्तां भी ग्लाया कि लोक मसीह जो मारी दिंगे कने सैह़ तिसदे कपड़ेयां तांई जुआ खेलगे कने तिसदा इक्क साथी तिस नैं बगाबत करगा। जकर्याह भविष्यवक्तैं भी अपणिया कताबा च लिख्या कि मसीह दा इक्क साथी दूये लोकां ते तीई चाँदी दे सिक्के लेई तिसियो धोखे नैं पकड़ुआई दिंगा।

![](https://cdn.door43.org/obs/jpg/360px/obs-en-21-12.jpg)

भविष्यवक्तां एह़ भी ग्लाया कि मसीह किआं मरगा। यशायाह भविष्यवक्तैं एह़ भी जिकर कित्या कि लोक मसीह पर थुकगे, तिसदा मजाक डुआंगे कने तिसियो मारगे। सैह़ तिसदे हत्थां-पैरां च छेद करगे कने तिसियो बड़ा दुख कने कष्ट देई करी मारगे। बल्कि तिन्हीं कोई पाप नीं कित्या था।

![](https://cdn.door43.org/obs/jpg/360px/obs-en-21-13.jpg)

भविष्यवक्तां एह़ भी ग्लाया कि मसीह म्हान हुंगा जिन्हीं कोई पाप नीं कित्या हुंगा। सैह़ संसारे दे सारे लोकां देयां पापां दिया बज़ाह ते मारा जांगा। तिसदे मरणे ते परमात्मे बिच कने लोकां बिच मेल-मिलाप होई जांगा। इसतांई परमात्मा चांहदा ऐ कि मसीह मरैं।

![](https://cdn.door43.org/obs/jpg/360px/obs-en-21-14.jpg)

भविष्यवक्तां एह़ भी ग्लाया कि मसीह मारा जांगा कने परमात्मा तिसियो मरेयां ते ज़िन्दा करगा। मसीह दी मौत कने दोबारा ज़िन्दा होणा एह़ दस्सदा ऐ कि संसारे दे लोकां नैं नौआं वादा करणा परमात्मे दी योजना थी, तांजे सैह़ संसारे दे लोकां जो बचाई सकैं जिन्हां तिसदे खलाफ पाप कित्या ऐ।

![](https://cdn.door43.org/obs/jpg/360px/obs-en-21-15.jpg)

परमात्मैं भविष्यवक्तां जो मसीह दे बारे च मतिआं गल्लां दस्सियां थियां, अपर मसीह इन्हां च कुसी भी भविष्यवक्ता दे बग्ते च नी आएया। आखरी भविष्यवाणी होणे दे लगभग चार सौ साल बाद, जाह़लू सही बग्त पर, परमात्मे मसीह जो इस संसारे च घल्लणा।

*बाइबला दी काहणी – सृष्टिया दी सुरुआत अध्याय 3:15; 12:1-3; व्यवस्थाविवरण अध्याय 18:15; दूया शमूएल अध्याय 7; यिर्मयाह अध्याय 31; यशायाह अध्याय 7:14; 9:1-7; 35:3-5; 50:6; 53; 59:16; 61; दानिय्येल अध्याय 7; मलाकी अध्याय 4:5; मीका अध्याय 5:2; भजन संहिता अध्याय 16:10-11; 22:18; 35:19; 41:9; जकर्याह अध्याय 11:12-13;*

Audio: https://git.door43.org/OBS-TLF/xnr_obs/releases/download/v1/xnr_obs_v1_21_128kbps.m4a

## 22. यूहन्ना बपतिस्मा दैणे आल़े दा जन्म

https://openbiblestories.org/l/xnr/story-22/

![](https://cdn.door43.org/obs/jpg/360px/obs-en-22-01.jpg)

पराणे बग्ते च, परमात्मैं अपणे लोकां नैं सुअर्गदूतां कने भविष्यवक्तां दे जरिये गल्लां करदा था तांजे सैह़ तिसदे लोकां जो मसीह दे बारे च दस्सी सकैं। अपर बग्ते ते लेई करी भिरी 400 साल तिकर परमात्मैं तिन्हां नैं गल्ल नीं कित्ती। ताह़लू परमात्मैं जकर्याह नांऐ दे भविष्यवक्ता अल्ल इक्क सुअर्गदूत घल्लेया। जकर्याह कने तिसदी लाड़ी परमात्मे दा आदर करदे थे। सैह़ दोयो बड़े जबरे होई गियो थे, कने तिन्हां दी कोई औलाद नीं थी।

![](https://cdn.door43.org/obs/jpg/360px/obs-en-22-02.jpg)

इक्क दिन जकरियाह अपणिया मंडल़िया सौगी परमात्मे सामणै याजके दा कम्म करदा था। याजकां दिया रीतिया मताबक तिसदे नांऐ पर चिठ्ठी निकल़ी कि प्रभु दे मंदरे च जाई नैं धूप बाल़। कने धूपे बाल़णे दे बग्त अराधना करणे आल़े लोकां दी सारी मंडल़ी मंदरे दे अँगणे च प्रार्थना करा दी थी। तां तिसदे सामणै परमात्मे दा इक्क सुअर्गदूत धूप बाल़णे आल़िआ वेदिया दे सज्जे पास्से खड़ोत्या तिसियो दुस्सेया। जकरियाह तिसियो दिक्खी नैं विजकेया कने बड़ा डरणा लग्गा। अपर सुअर्गदूतैं तिस नैं ग्लाया, “हे जकरियाह, डरैं मत क्जोकि परमात्मे तेरी प्रार्थना सुणी लियो ऐ; कने तेरिया लाड़िया इलीशिबा ते तिज्जो तांई इक्क जागत पैदा होणा ऐ, कने तू तिसदा नां यूहन्ना रखेयां। तिसदे पैदा होणे पर तुहां तां खुस होणा ऐ अपर होर लोक भी खुस हुंगे। तां जकरियाह सुअर्गदूते ते पुच्छेया, “इसा गल्ला जो मैं किंआं सच्च मन्नी लैं, क्जोकि मैं कने मेरी लाड़ी जबरे होई गियो हन।”

![](https://cdn.door43.org/obs/jpg/360px/obs-en-22-03.jpg)

सुअर्गदूते तिसियो जवाब दित्ता, “मेरा नां जिब्राईल ऐ, जेह्ड़ा परमात्मे सामणै खड़ोई रैंह्दा ऐ। परमात्मे मिन्जो तिज्जो अल्ल एह़ सुसमाचार सणाणे जो घल्लेया ऐ। दिक्ख, जाह़लू तिकर एह़ गल्लां पूरियां नीं होई जान, ताह़लू तिकर तू गूंगा रैंह्गा कने ग्लाई नीं सकगा, क्जोकि तैं मेरियां गल्लां दा बसुआस नीं कित्ता, जेह्ड़ियां कि अपणे बग्ते पर पूरियां हुंगियां।” जेह्ड़े लोक मंदरे दे अँगणे च जकरियाह जो निहालणा खड़ोत्यो थे सैह़ सोचणा लग्गे कि जकरियाह मंदरे च इतणी देर क्या करा दा ऐ? जाह़लू सैह़ बाहरेयो आया, तां सैह़ तिन्हां जो सणक लाई नैं लगाणा लग्गा, क्जोकि सैह़ ग्लाई नीं सकदा था, सैह़ सब बाहर खड़ोत्यो माणु जाणी गै कि मंदरे अंदर जरूर इसियो कुसकी दे दर्शन होएयो हन। जाह़लू तिसदी सेवा करणे दे दिने पूरे होई गै, तां यरूशलेम सैहरे जो छड्डी नैं अपणे घरेयो चली गेआ। कुच्छ दिनां बाद तिसदी लाड़ी इलीशिबा गर्भवती होई; अपर सैह़ पंज मीहने तिकर अपणे घरे अंदर ई रेई। कने तिन्नै अपणे मने च सोचेया कि, “लोकां च मेरी बदनामी दूर करणे तांई, परमात्मैं इन्हां दिनां च मिन्जो पर दया कित्ती ऐ।”

![](https://cdn.door43.org/obs/jpg/360px/obs-en-22-04.jpg)

जाह़लू इलीशिबा जो छेमां मीहना लगेया, तां परमात्मे जिब्राईल सुअर्गदूते जो, गलील प्रदेस दे नासरत सैहर च, मरियम नांऐ दिया इक्की कुआरिया कुड़िया अल्ल घल्लेया; कने मरियमा दी मंगणी यूसुफ नांऐ दे माणुये नैं होईयो थी, जेह्ड़ा कि राजा दाऊदे दे खानदाने दा था। सुअर्गदूतैं तिसा अल्ल जाई करी ग्लाया, “मरियम तिज्जो मेरा नमस्कार। तिज्जो पर परमात्मे दी दया होई ऐ कने सैह़ तिज्जो सौगी ऐ।” सुअर्गदूते दिया इसा गल्ला जो सुणी करी मरियम डरी गेई, कने सोचणा लग्गी कि इसा गल्ला दा क्या मतलब ऐ? सुअर्गदूतैं तिसा जो ग्लाया, “हे मरियम; डरैं मत, क्जोकि परमात्मे दी दया तिज्जो पर होई ऐ। कने सुण, तू गर्भवती हुंगी, कने इक्क जागत जम्मगी; तू तिसदा नां यीशु रखेयां। सैह़ म्हान हुंगा, कने परम प्रधान परमात्मे दा पुत्तर हुंगा कने हमेसा तांई राज़ करगा।”

![](https://cdn.door43.org/obs/jpg/360px/obs-en-22-05.jpg)

ताह़लू मरियम सुअर्गदूते नैं ग्लाणा लग्गी, “एह़ किंआं होई सकदा ऐ? मैं तां कुआरी ऐ।” सुअर्गदूते तिसा जो जवाब दित्ता, “पवित्र आत्मा कने परम प्रधान परमात्मे दी सामर्थ तिज्जो पर बणी रैहणी ऐ; इसतांई सैह़ जागत जेह्ड़ा तिज्जो ते पैदा होणे आल़ा ऐ, सैह़ पवित्र कने परमात्मे दा पुत्तर हुंगा। होर क्या ग्लां, सुण, तेरी रिस्तेदार इलीशिबा, जिसा जो लोक बाँझ ग्लांदे थे, गर्भवती ऐ कने तिसा जो छेमां मीहना लगेया ऐ। क्जोकि जेह्ड़ा वचन परमात्मे दे पास्से ते हुंदा ऐ, तिस वचने मताबक परमात्मा सब कुच्छ करी सकदा ऐ। मरियमा ग्लाया, सुण, मैं प्रभु दी दासी ऐ, जिंआं प्रभु चांह़दा तिंआं ई मिन्जो तांई होयैं।” ताह़लू सुअर्गदूत तित्थु ते चली गेआ।

![](https://cdn.door43.org/obs/jpg/360px/obs-en-22-06.jpg)

एह़ होणे ते थोड़े दिन बाद, मरियम इलीशिबा नैं मिलणा गेई जिंआं ई मरियमा तिसा नमस्कार ग्लाया, तिंआं ई बच्चा तिसा दे पेटे च उटकया, कने इलीशिबा पवित्र आत्मा नैं भरोई गेई। परमात्मैं जेह्ड़ा तिन्हां दिया ज़िन्दगिया च कित्ता तिसियो दिक्‍खी करी बाकि जणासां बड़ियां खुस होईयां। त्रै मीहने मरियम इलीशिबा अल्ल रेई कऱी अपने घर वापस आई गेई।

![](https://cdn.door43.org/obs/jpg/360px/obs-en-22-07.jpg)

इसते बाद, जाह़लू इलीशिबा दे प्रसूता होणे दे दिन पूरे होये, तां तिन्नै जागते जो जन्म दित्ता। जकर्याह कने इलीशिबा तिस जागते दा नां यूहन्ना रखेया, जिआं सुअर्गदूतैं तिस नैं ग्लाया था। ताह़लू परमात्मैं जकर्याह जो इजाजत दित्ती के सैह़ भिरी ग्लाणा लग्गी पेआ। जकर्याह ग्लाया, “परमात्मे दी स्तुति होयैं, क्जोकि तिन्हीं अपणे लोकां दी अपणी दया कित्ती ऐ, कने ग्लाया, एह़ जेह्ड़ा मेरा जागत ऐ सैह़ सर्वशक्तिमान परमात्मे दा भविष्यवक्ता हुंगा। कने सैह़ लोकां जो दस्सगा कि किआं अपणे पापां ते पश्चाताप करी सकदे हन।”

*बाइबला दी काहणी – लूका अध्याय 1*

Audio: https://git.door43.org/OBS-TLF/xnr_obs/releases/download/v1/xnr_obs_v1_22_128kbps.m4a

## 23. यीशु मसीह दा जन्म

https://openbiblestories.org/l/xnr/story-23/

![](https://cdn.door43.org/obs/jpg/360px/obs-en-23-01.jpg)

यीशु मसीह दा जन्म होणे ते पैहल्लैं इआं होएया, कि जाह़लू तिसदिया माँऊ मरियमा दी मंगणी यूसुफ नांऐ दे इक्की माणुये नैं होई गेई, अपर तिन्हां दा ब्याह होणे ते पैहल्ले ई सैह़ पवित्र आत्मा दिया तरफा ते गर्भवती होई। यूसुफ जेह्ड़ा मरियमा दा होणे आल़ा लाड़ा था, सैह़ इक्क धर्मी माणु था, जाह़लू तिसियो एह़ गल्ल पता लग्गी, तां सैह़ तिसा जो बदनाम नीं करणा चांह़दा था, एह़ सोची करी तिन्हीं तिसा जो चुपचाप छड्डी दैणे दा वचार कित्ता। जाह़लू सैह़ इन्हां गल्लां जो सोचा ई करदा था ताह़लू परमात्मे दे सुअर्गदूतैं तिसदे सुपणे च आई करी तिस नैं गल्ल कित्ती।

![](https://cdn.door43.org/obs/jpg/360px/obs-en-23-02.jpg)

तिन्हीं सुअर्गदूतैं यूसुफे नैं ग्लाया, “ओ यूसुफा, दाऊद राजे दे वंश, हुण तू अपणिया होणे आल़िआ लाड़िया मरियमा जो अप्पु अल्ल रखणे ते मत डर, क्जोकि जेह्ड़ा बच्चा तिसादे पेटे च ऐ, सैह़ पवित्र आत्मा दिया तरफा ते ऐ। सैह़ जागत जम्मगी कने तू तिसदा नां यीशु रखेयां क्जोकि सैह़ अपणे लोकां दा तिन्हां दे पापां ते उद्धार करगा।”

![](https://cdn.door43.org/obs/jpg/360px/obs-en-23-03.jpg)

ताह़लू यूसुफ निंदरा ते जागी करी प्रभु दे सुअर्गदूते दे हुक्मे मताबक अपणिया होणे आल़िआ लाड़िया जो अपणे घरेयो लेई आएया। कने जाह़लू तिकर मरियमा जागते जो जन्म नीं दित्ता ताह़लू तिकर यूसुफैं तिसा सौगी लाड़ा-लाड़ी आल़ा रिस्ता नीं रखेया।

![](https://cdn.door43.org/obs/jpg/360px/obs-en-23-04.jpg)

जाह़लू मरियमा दा प्रसूता होणे दा बग्त नैड़ैं आएया, ताह़लू सैह़ कने यूसुफ इक्क लम्मा सफर करी नैं बैतलहम सैहरे जो गै। तिन्हां दा तित्थु जाणा जरूरी था क्जोकि रोमी अधिकारी इस्राएल देसे च रैहणे आल़े लोकां दी गिणती करणा चाहंदा था कि सारे लोक तित्थु जान जित्थु तिन्हां दे पूर्वज रैंह्दे थे। ताह़लू औगुस्तुस कैसरै एह़ हुक्म दित्ता कि सारे रोमी सम्राज्य दे लोकां दी गिणती कित्ती जां कने तिन्हां दे नां लिखे जान।

![](https://cdn.door43.org/obs/jpg/360px/obs-en-23-05.jpg)

जाह़लू मरियम कने यूसुफ बैतलहम सैहरे च पुज्जे, तां तित्थु तिन्हां जो रैहणे तांई कोई जगाह नीं मिल्ली। अपर सैह़ घराला च रैह्, जित्थु डंगरे रखदे थे। जाह़लू तित्थु मरियमा दे प्रसूता होणे दा बग्त आएया, ताह़लू तिन्नै अपणे जागते जो जन्म दित्ता, कने तिसियो फालड़ूये च लपेटी करी डंगरा दिया खुरलिया च रखी दित्ता। तिन्हां तिस बच्चे दा नां यीशु रखेया।

![](https://cdn.door43.org/obs/jpg/360px/obs-en-23-06.jpg)

तिसा राती तिस लाक्के च कुच्छ गुआल़े थे, जेह्ड़े राती खुले मैदाने च रेई नैं अपणियां भेड्डां दा पैहरा करा करदे थे। चाणचक परमात्मे दा इक्क सुअर्गदूत तिन्हां दे सामणै आई खड़ोता कने प्रभु दा तेज तिन्हां दे चौंन्नी पास्से चमकेया, कने सैह़ बड्डे भरी डरी गै। ताह़लू तिन्हीं सुअर्गदूतैं ग्लाया, “डरा मत, दिक्खा, मैं तुहां जो बड़ी खुसिया दा सुसमाचार सणांदा ऐ; जेह्ड़ा संसारे दे सारेयां लोकां तांई होणा ऐ। कि अज्ज दाऊद राजे दे बैतलहम सैहरे च तुहां तांई इक्क उद्धार करणे आल़ा पैदा होएया ऐ, कने सैई मसीह प्रभु ऐ।

![](https://cdn.door43.org/obs/jpg/360px/obs-en-23-07.jpg)

तुहां तांई तिसदी एह़ पणछैण ऐ, कि तुहां जो इक्क बच्चा जेह्ड़ा फालड़ूये नैं लपेटया कने खुरलिया च सुतेया मिलगा।” ताह़लू चाणचक अम्बर सुअर्गदूतां नैं भरौई गेआ, कने सैह़ परमात्मे दी स्तुति करणा लग्गे कने ग्लाणा लग्गे, “सारी महिमा सुअर्गे च परमात्मे जो मिल्लैं। धरतिया च तिन्हां लोकां जो सान्ति मिल्लैं जिन्हां ते सैह़ खुस ऐ।

![](https://cdn.door43.org/obs/jpg/360px/obs-en-23-08.jpg)

जाह़लू सुअर्गदूत चली गे। ताह़लू गुआल़े भी अपणियां भेड्डां जो छड्डी करी जागते दिखणा बैतलहम सैहरे जो चली गे। कने तिन्हां जागते जो खुरलिया च सुतेया दिख्या, तिसियो दिक्खी नैं सुअर्गदूतां दी सैह़ गल्ल जेह्ड़ी इस जागते दे बारे च तिन्हां नैं ग्लाईयो थी, तिन्हां लोकां जो कने तिसदे माँ-पियो जो दस्सी दित्ती, इसा गल्ला जो सुणी करी लोक बड़े खुस थे, कने मरियम भी बड़ी खुस थी। कने गुआलेयां जो जिंआं सुअर्गदूतां ग्लाया था, तिंआं ई सब कुच्छ सुणी करी कने दिक्खी करी परमात्मे दी महिमा कने स्तुति करदे-करदे बापस चली गै।

![](https://cdn.door43.org/obs/jpg/360px/obs-en-23-09.jpg)

पूरब दिसा ते कुच्छ लोक आये जिन्हां जो तारेयां दा भेत दस्सणे दा ज्ञान था। तिन्हां अम्बरे च अनोखा तारा दिख्या था। तिन्हां ग्लाया कि इस तारे दा दुस्सणे दा मतलब एह़ ऐ कि यहूदियां दा इक्क नौआं राजा पैदा होएया ऐ। अहां इक्क लम्मा सफर करी नैं तिस राजे जो दिखणा कने तिसदी अराधना करणा आएयो हन। तिसते बाद सैह़ बैतलहम सैहरे जो गे, कने तिस घरे च पुज्जे जित्थु यीशु कने तिसदे माँ-पियो रेह् दे थे।

![](https://cdn.door43.org/obs/jpg/360px/obs-en-23-10.jpg)

जाह़लू इन्हां लोकां यीशु जो अपणियां माँऊ सौगी दिख्या तां सिर झुकाई नैं जागते जो प्रणांम कित्ता, कने तिसदी अराधना कित्ती। कने अपणा-अपणा झोल़ु खोली नैं तिसियो खुसबुदार चीज्जां कने कीमती तोफे दित्ते। भिरी सैह़ घर वापस चली गे।

*बाइबला दी काहणी – मत्ती अध्याय 1 कने लूका अध्याय 2*

Audio: https://git.door43.org/OBS-TLF/xnr_obs/releases/download/v1/xnr_obs_v1_23_128kbps.m4a

## 24. यूहन्नैं यीशु जो बपतिस्मा दित्ता

https://openbiblestories.org/l/xnr/story-24/

![](https://cdn.door43.org/obs/jpg/360px/obs-en-24-01.jpg)

इलीशिबा कने जकर्याह दा जागत यूहन्ना बड्डा होई नैं इक्क भविष्यवक्ता बणी गेआ। सैह़ इक्क सुणसाण जगाह च रैंह्दा था, कने सैह़ ऊँटे दे बाल़ां दे कपड़े बणाई नैं लगांदा था, कने अपणे लक्के च चमड़े दा पटका बन्नी रखदा था। कने सैह़ टिड्डियां कने जंगली मखीर खांदा था।

![](https://cdn.door43.org/obs/jpg/360px/obs-en-24-02.jpg)

मते लोक यूहन्ने दियां गल्‍लां जो सुणने तांई सुणसाण जगाह च आई गे, यूहन्नै तिन्हां नैं ग्लाया, “अपणे मने बदला कने अपणे पापां ते पश्चाताप करा क्जोकि सुअर्गे दा राज़ नेड़े आई गेआ ऐ।

![](https://cdn.door43.org/obs/jpg/360px/obs-en-24-03.jpg)

जाह़लू लोकां यूहन्ने दे संदेसे जो सुणेया, तां मतेआं लोकां अपणा मन बदलेया कने अपणे पापां ते पश्चाताप कित्ता, कने तिसते बपतिस्मा लेआ। यूहन्ने जो दिखणा मते यहूदी अगुवे आये, अपर तिन्हां अपणा मन नी बदलेया कने ना अपणे पापां ते पश्चाताप कित्ता।

![](https://cdn.door43.org/obs/jpg/360px/obs-en-24-04.jpg)

यूहन्ने यहूदी अगुआं नैं ग्लाया, ओ सर्पे साइआं जहरिलै लोको, अपणे पापां ते पश्चाताप करा कने अपणे मने बदला। हुण गल्ल इआं कि परमात्मा हर इक्की जो जेह्ड़ा अपणे पापां ते पश्चाताप नीं करणा चांह़दा, तिसियो सज़ा दैणे तांई बिलकुल त्यार ऐ। ठीक तिंआं ई जिंआं कोई रूख खरा फल़ नीं दिंदा, कने तिसियो बड्डी करी अग्गी च फूकी दिंदे हन।” यूहन्नै सैह़ वचन पूरा कित्ता, जेह्डा यशायाह भविष्यवक्ता दिया कताबा च लिख्या था, दिक्ख, “मैं बड़ी तौली तिज्जो ते पैहल्लैं अपणे संदेस दैणे आल़े जो घल्लगा, जेह्ड़ा तिज्जो तांई लोकां देयां मनां जो त्यार करगा।”

![](https://cdn.door43.org/obs/jpg/360px/obs-en-24-05.jpg)

कुच्छ यहूदी अगुवां यूहन्ने ते पुछया कि क्या तू सैह़ मसीह ऐ। यूहन्नैं जबाब दित्ता, “मैं मसीह नीं ऐ, अपर जेह्ड़ा मेरे बाद ओणे आल़ा ऐ, सैह़ मिन्जो ते बड़ा सामर्थी ऐ। मैं तिसदियां जुतियां चुकणे जोग्गा भी नीं ऐ।

![](https://cdn.door43.org/obs/jpg/360px/obs-en-24-06.jpg)

दूजे दिन यीशु गलील प्रदेसे ते यरदन नदिया कनारे बपतिस्मा लैणे तांई यूहन्ने अल्ल आएया। जाह़लू यूहन्नैं तिसियो दिख्या, तां तिन्हीं ग्लाया, “दिक्खा एह़ परमात्मे दा मेम्ना ऐ जेह्ड़ा अपणा बलिदान देई करी संसारे दे पाप जो अप्पु ऊपर लेई लैंदा ऐ।

![](https://cdn.door43.org/obs/jpg/360px/obs-en-24-07.jpg)

अपर यूहन्ना एह़ ग्लाई नैं तिसियो रोकणा लग्गा, “मिन्जो तां तेरे हत्थे ते बपतिस्मा लैणे दी जरूरत ऐ, कने तू मिन्जो अल्ल आएया?” यीशुयैं तिस नैं ग्लाया, “हुण तां मिन्जो तिज्जो ते बपतिस्मा लैणा चाइदा, क्जोकि अहां जो इस तरीके नैं परमात्मे दिया इच्छा जो पूरा करणा ऐ।” ताह़लू यूहन्नैं तिसियो बपतिस्मा दित्ता, बल्कि यीशुयैं कदी पाप नीं कित्या था।

![](https://cdn.door43.org/obs/jpg/360px/obs-en-24-08.jpg)

बपतिस्मा लैणे ते बाद जाह़लू यीशु पाणिये ते निकल़ी करी बाहर आएया, ताह़लू परमात्मे दा आत्मा कबूतरे साइआं आएया कने तिस पर आई गेआ। तिसी बग्त परमात्मैं सुअर्गे ते गल्ल कित्ती कने ग्लाया, “तू मेरा प्यारा पुत्तर ऐ, मैं तिज्जो नैं प्यार करदा ऐ कने मैं तिज्जो ते बड़ा खुस ऐ।

![](https://cdn.door43.org/obs/jpg/360px/obs-en-24-09.jpg)

परमात्मैं यूहन्ने नैं ग्लाया था, “जिस पर पवित्र आत्मा ओंगा तिसियो तू बपतिस्मा दिंगा।” सैई परमात्मे दा पुत्तर ऐ परमात्मा इक्को ई ऐ। अपर जाह़लू यूहन्नैं यीशु जो बपतिस्मा दित्ता, ताह़लू तिन्हीं पिता परमात्मे जो गल्लां करदे सुणेया, पुत्तरैं परमात्मे जो दिख्या ऐ, जेह्ड़ा कि यीशु ऐ कने तिन्हीं पवित्र आत्मा जो दिख्या ऐ।

*बाइबला दी काहणी – मत्ती अध्याय 3 कने मरकुस अध्याय 1:9-11 कने लूका अध्याय 3:1*

Audio: https://git.door43.org/OBS-TLF/xnr_obs/releases/download/v1/xnr_obs_v1_24_128kbps.m4a

## 25. सैताने दे जरिये यीशु दी परख

https://openbiblestories.org/l/xnr/story-25/

![](https://cdn.door43.org/obs/jpg/360px/obs-en-25-01.jpg)

यीशु बपतिस्मा लैणे ते बाद, पवित्र आत्मा यीशुये जो सुनसाण जगाह जो लेई गेआ। तिसा जगाह च यीशु चाल़ी दिन कने चाल़ी रात रेह्आ। चाल़ी दिन-रात यीशुयैं कुच्छ नीं खादा क्जोकि तिन्हीं व्रत रखेया था, ताह़लू सैतान यीशुये दी परख करणा आएया।

![](https://cdn.door43.org/obs/jpg/360px/obs-en-25-02.jpg)

जाह़लू यीशु जो भुख लग्गी, तां सैतान परखणे तांई यीशुये नैं ग्लाणा लग्गा, “जे तू परमात्मे दा पुत्तर ऐ, तां ग्ला कि एह़ पत्थर रोटियां बणी जान, तांजे तू खाई सकैं।”

![](https://cdn.door43.org/obs/jpg/360px/obs-en-25-03.jpg)

अपर यीशुयैं सैताने नैं ग्लाया, “पवित्रशास्त्रे च परमात्मे दा वचन ग्लांदा ऐ, जिन्दा रैहणे तांई माणुये जो रोटिया दी जरुरत नी ऐ, अपर हर इक्क वचने ते जेह्ड़ा परमात्मे दे मुँऐ ते निकल़दा ऐ, जे तिस पर चलगा तां जिन्दा रैंह्गा।

![](https://cdn.door43.org/obs/jpg/360px/obs-en-25-04.jpg)

ताह़लू सैतान यीशुये जो मंदरे जो लेई गेआ कने तिसियो मंदरे दिया चुंडिया पर खरेड़ी दित्ता, कने तिस नैं ग्लाणा लग्गा, “जे तू परमात्मे दा पुत्तर ऐ, तां अप्पु जो ऐत्थु ते थल्लैं छाल़ मारी दे, क्जोकि पवित्रशास्त्रे च परमात्मे दा वचन ग्लांदा ऐ: ‘परमात्मा तिज्जो बचाणे तांई अपणे सुअर्गदूतां जो हुक्म दिंगा, कने तिन्हां तिज्जो हत्थां पर चुक्की लैणां। कने इआं होणा कि तेरे पैरां च पत्थरे नैं ठोकर भी नीं लगणी।’”

![](https://cdn.door43.org/obs/jpg/360px/obs-en-25-05.jpg)

अपर यीशु तिस नैं ग्लाणा लग्गा, “पवित्रशास्त्रे च परमात्मे दा वचन एह़ भी ग्लांदा ऐ, ‘तू प्रभु अपणे परमात्मे जो मत परख।’”

![](https://cdn.door43.org/obs/jpg/360px/obs-en-25-06.jpg)

भिरी सैतान यीशु जो इक्क बड़े बड्डे कने ऊचे प्हाड़े पर लेई गेआ कने सारे संसारे दा राजपाठ कने तिसदी धन-दौलत दा रुतबा दस्सी करी, तिस नैं ग्लाणा लग्गा, “जे तू झुकी नैं मेरा आदर कने मेरी भक्ति करैं, तां मैं एह़ सब कुच्छ तिज्जो देई दिंगा।”

![](https://cdn.door43.org/obs/jpg/360px/obs-en-25-07.jpg)

ताह़लू यीशुयैं तिस नैं ग्लाया, “हे सैतान दूर होई जा, क्जोकि पवित्रशास्त्रे च परमात्मे दा वचन ग्लांदा ऐ, ‘तू प्रभु अपणे परमात्मे जो झुकी करी आदर कर, कने सिर्फ तिसदी भक्ति कर।’”

![](https://cdn.door43.org/obs/jpg/360px/obs-en-25-08.jpg)

यीशु सैताने दे बैहकावे च नीं आएया, कने ताह़लू सैतान तित्थु ते चली गेआ। भिरी सुअर्गदूत आई नैं तिसदी सेवा करणा लग्गे।

*बाइबला दी काहणी - मत्ती अध्याय 4:1-11 कने मरकुस अध्याय 1:12-13 कने लूका अध्याय 4:1-13*

Audio: https://git.door43.org/OBS-TLF/xnr_obs/releases/download/v1/xnr_obs_v1_25_128kbps.m4a

## 26. यीशु अपणी सेवा शुरू कित्ती

https://openbiblestories.org/l/xnr/story-26/

![](https://cdn.door43.org/obs/jpg/360px/obs-en-26-01.jpg)

जाह़लू सैतान यीशु दी परख करी बैठा तां तिसते बाद, यीशु वापस गलील प्रदेसे च आएया। एह़ सैई जगाह ऐ जित्थु यीशु रैंह्दा था। यीशु पवित्र आत्मा दिया सामर्था नैं भरौई गेआ था, कने यीशुयैं लग्ग-लग्ग जगांह च जाई करी लोकां जो सिक्षा दित्ती। सारे लोक तिसदे बारे च खरियां गल्लां ग्लांदे थे।

![](https://cdn.door43.org/obs/jpg/360px/obs-en-26-02.jpg)

यीशु नासरत सैहरे च गेआ। एह़ सैह़ ग्रां ऐ जित्थु तिन्हीं अपणा बचपण बिताया था। बिस्रामे आल़े दिन, यीशु आराधना करणे अल़िआ जगाह च गेआ। यहूदी अगुआं तिसियो यशायाह भविष्यवक्ता दिया कताबा ते वचन पढ़णे तांई ग्लाया गेआ दित्ती। ताह़लू यीशुयैं तिसा कताबा जो खोली करी तिस च इक्क वचन लोकां तांई पढ़ेया।

![](https://cdn.door43.org/obs/jpg/360px/obs-en-26-03.jpg)

यीशुयैं वचन इस तऱके नैं पढ़ेया, “परमात्मे मिन्जो अपणी पवित्र आत्मा दित्तियो ऐ तांजे मैं गरीबां जो सुसमाचार सणाई सकैं। परमात्मे मिन्जो इसतांई घल्लेया ऐ कि मैं कैदियां जो अजाद करैं, अन्नेयां जो नजर पाणे दी ताकत दैं जिन्हां जो दूये लोक दुख दिंदे हन तिन्हां जो छुटकारा दैं। एह़ सैह़ बग्त ऐ जाह़लू परमात्मा अहां पर दया करगा कने अहां दी मदत करगा।”

![](https://cdn.door43.org/obs/jpg/360px/obs-en-26-04.jpg)

भिरी यीशु बेई गेआ। सारे लोक तिसियो बड़े ध्याने नैं दिखा दे थे। सैह़ जाणदे थे कि पवित्रशास्त्रे दा जेहड़ा वचन तिन्हीं हुण पढ़ेया था सैह़ मसीह दे बारे च था। यीशुयैं ग्लाया, “जेह्ड़ा वचन मैं हुण तुहां तांई पढ़ेया ऐ, सैह़ इस बग्त पूरा होआ दा ऐ।” सारे लोक हरान थे। तिन्हां लोकां ग्लाया, “क्या एह़ यूसुफे दा पुत्तर नीं ऐ?”

![](https://cdn.door43.org/obs/jpg/360px/obs-en-26-05.jpg)

ताह़लू यीशुयैं ग्लाया, “एह़ सच ऐ कि कुसी भी भविष्यवक्ता दा अपणे सैहरे च कदी आदर नीं हुंदा। एलिय्याह भविष्यवक्ता दे बग्ते च, जाह़लू साढ़े तीन साल तिकर बरखा नीं होई तिस बग्त इस्राएल देसे च मतिआं विधवां थियां। अपर परमात्मैं एलिय्याह जो इस्राएल देसे च कुसा भी विधवा दी मदत करणे तांई नीं घल्लेया। बल्कि तिन्हीं एलिय्याह जो सिदोन देसे दिया विधवा दी मदत करणे तांई घल्लेया।”

![](https://cdn.door43.org/obs/jpg/360px/obs-en-26-06.jpg)

यीशुयैं एह़ भी ग्लाया, “कि एलीशा भविष्यवक्ता दे बग्ते च, इस्राएल देसे च मते सारे लोक कोढ़े दिया बमारिया ते दुखी थे। अपर एलीशा तिन्हां च कोई खरा नीं कित्ता। तिन्हीं सिरफ इस्राएली दुश्मणा दा सेनापति नामान खरा कित्ता।” अपर जेहड़े लोक यीशुये दिया सिक्षा जो सुणा दे थे सैह़ यहूदी लोक थे। इसतांई जाह़लू तिन्हां तिसियो एह़ ग्लांदे सुणेया तां सैह़ तिस पर गुस्सा होये।

![](https://cdn.door43.org/obs/jpg/360px/obs-en-26-07.jpg)

नासरत सैहरे दे लोकां यीशु जो पकड़ी लेआ कने सैह़ तिसियो यहूदी महासभा ते घसीटी करी बाहर भेठी पर लेई गै। सैह़ तिसियो तिसा भेठी ते रड़काणा चांहदे थे। अपर यीशु लोकां दियां भीड़ा ते निकल़ी गेआ कने नासरत सैहरे जो छडडी करी चली गेआ।

![](https://cdn.door43.org/obs/jpg/360px/obs-en-26-08.jpg)

भिरी यीशु गलील प्रदेसे दे सारे लाक्केयां च गेआ, कने मते सारे लोक तिस अल्ल आई गे। सैह़ अप्पु सौगी मतेआं लोकां जो लेई करी आये जेह्ड़े बमार कने लंगड़े थे। तिन्हां च कुच्छ अन्ने कने लंगड़े, बोल़े कने गूँगे थे।

![](https://cdn.door43.org/obs/jpg/360px/obs-en-26-09.jpg)

इसते अलावा, मते सारे ऐदेय लोक यीशुये अल्ल आये जिन्हां च दुष्टआत्मां थियां। यीशुयैं तिन्हां दुष्टआत्मा जो तिन्हां लोकां ते बाहर निकल़णे दा हुकम दित्ता। सैह़ दुष्टआत्मां तिन्हां लोकां ते बाहर निकल़ी गियां कने जोरे नैं डडदियां यीशुये नैं ग्लाणा लगियां, “तू परमात्मे दा पुतर ऐ!” एह़ सब कुच्छ दिक्खी करी भीड़ा दे लोक हरान थे, कने तिन्हां परमात्मे दी स्तुति कित्ती।

![](https://cdn.door43.org/obs/jpg/360px/obs-en-26-10.jpg)

भिरी यीशुयैं खास बाराह चेले चुणे जिन्हां जो तिन्हीं प्रेरित नां दित्ता। तिन्हां प्रेरितां यीशु सौगी सफर कित्ता कने तिसते सिक्षा लेई।

*बाइबला दी कहाणी मत्ती अध्याय 4:12-25; मरकुस 1:14-15, 35-39; 3:13-21; लुका 4:14-30, 38-44 ते*

Audio: https://git.door43.org/OBS-TLF/xnr_obs/releases/download/v1/xnr_obs_v1_26_128kbps.m4a

## 27. दयालु सामरी दी काहणी

https://openbiblestories.org/l/xnr/story-27/

![](https://cdn.door43.org/obs/jpg/360px/obs-en-27-01.jpg)

इक्क दिन जाह़लू यीशु लोकां जो सिक्षा दे दा था, ताह़लू तित्थु व्यवस्था जो सिखाणे आल़ा माणु यीशुये अल्ल आएया। सैह़ सारेयां जो एह़ दस्सणा चांहदा था कि यीशु गलत तरीके नैं सिक्षा दे दा था। इसतांई तिन्हीं ग्लाया, “हे गुरू, सदा दी ज़िन्दगी पाणे तांई मैं क्या करैं?” यीशुयैं जवाब दित्ता, “परमात्मे दिया व्यवस्था च क्या लिख्या ऐ, तू तिसा जो किआं समझदा ऐ?”

![](https://cdn.door43.org/obs/jpg/360px/obs-en-27-02.jpg)

तिन्हीं माणुयैं ग्लाया, “परमात्मे दिया व्यवस्था च लिख्या ऐ कि अपणे परमात्मे नैं अपणे सारे मने, प्राण, सामर्थ, कने अक्ला सौगी प्यार रख। कने अपणे प्ड़ेसिये नैं अप्पु साइआं प्यार रख।” यीशुयैं जवाब दित्ता, “तू ठीक ग्लांदा ऐ! जे तू इआं करगा, तां तिज्जो सदा दी ज़िन्दगी मिलगी।”

![](https://cdn.door43.org/obs/jpg/360px/obs-en-27-03.jpg)

अपर सैह़ व्यवस्था जो सिखाणे आल़ा माणु लोकां जो दस्सणा चांहदा था कि तिसदा ज़िन्दगी जीणे दा तरीका ठीक था। इसतांई तिन्हीं यीशुये ते पुछया, “ठीक ऐ, तां मेरा प्ड़ेसी कुण ऐ?”

![](https://cdn.door43.org/obs/jpg/360px/obs-en-27-04.jpg)

एह़ गल्ल सुणी करी यीशुयैं तिस माणुये जो इक्क काहणी सणाई नैं जवाब दित्ता, “कि इक्क बरी इक्क यहूदी माणु यरूशलेम सैहरे ते यरीहो सैहरे दा सफर करा दा था।”

![](https://cdn.door43.org/obs/jpg/360px/obs-en-27-05.jpg)

“ताह़लू रस्ते च कुच्छ डाकुआं तिसियो दिख्या कने तिस पर हमला करी दित्ता, कने तिन्हां तिसियो मारेया कुट्टेया, कने तिसदा सब कुच्छ लुटी लेआ कने तिसियो अधमरा छड्डी करी चली गे।”

![](https://cdn.door43.org/obs/jpg/360px/obs-en-27-06.jpg)

“तिसते थोड़िया देरा बाद इक्क यहूदी याजक तिसा रस्ते च जा दा था। तिन्हीं याजकैं तिस माणुये जो रस्ते च जख्मी हालता च पेआ दिख्या। अपर तिन्हीं तिसदी कोई मदत नीं कित्ती कने रस्ते दे दूज्जी तरफ चली गेआ। तिन्हीं तिस माणुये पर कोई दया नीं कित्ती।”

![](https://cdn.door43.org/obs/jpg/360px/obs-en-27-07.jpg)

“भिरी थोड़िया देरा बाद, इक्क लेवी माणु तिस रस्ते च आएया, जेह्ड़ा मंदरे च कम्म करदा था। तिन्हीं तिस जख्मी माणुये दी मदत नीं कित्ती, कने सैह़ भी तिसियो दिक्खी करी चली गेआ। तिन्हीं भी तिस पर कोई दया नीं कित्ती।”

![](https://cdn.door43.org/obs/jpg/360px/obs-en-27-08.jpg)

“अगला माणु जेहड़ा तिस रस्ते पर आएया सैह़ सामरिया देसे दा इक्क माणु था। तिन्हीं सामरी माणुयैं रस्ते च तिस जख्मी माणुये जो दिख्या। तिन्हीं दिख्या कि एह़ यहूदी ऐ, (सामरी लोक कने यहूदी इक्की दूये नैं नफरत करदे थे।) अपर भिरी भी तिन्हीं सामरी माणुये तिस पर दया कित्ती। सैह़ तिस जख्मी माणुये अल्ल गेआ। कने तिन्हीं तिसदे जख्मां पर दवाई लगाई कने पट्टी करी दित्ती।”

![](https://cdn.door43.org/obs/jpg/360px/obs-en-27-09.jpg)

“भिरी सामरी माणुयैं तिस जख्मी माणुये जो अपणे गधे पर बैठाई करी इक्की सरांईं च लेई गेआ। कने जित्थु तिन्हीं तिसदी देखभाल कित्ती।”

![](https://cdn.door43.org/obs/jpg/360px/obs-en-27-10.jpg)

अगले दिन, तिस सामरी माणुये जो अपणिया यात्रा च जाणा जरूरी था। तिन्हीं तिस सरांईं दे मालिके जो कुच्छ पैसे दित्ते। तिन्हीं तिस नैं ग्लाया, “इस माणुये दी सेवा करणा कने ख्याल रखणा। जे इन्हां पैसेयां दे अलावा तेरा कुच्छ होर पैसा खर्च हुंगा तां मैं वापस आई करी तेरे सारे पैसे भरी दिंगा।”

![](https://cdn.door43.org/obs/jpg/360px/obs-en-27-11.jpg)

भिरी यीशुयैं तिसा व्यवस्था जो सखाणे आल़े माणुये ते पुछया, “तू क्या सोच दा ऐ? इन्हां त्रीनां लोकां च कुण तिस माणुये दा प्ड़ेसी ऐ जिसियो लुटेया कने मारेया था?” तिन्हीं जवाब दित्ता, “सैई जिन्हीं तिस पर दया कित्ती थी।” यीशुयैं तिस नैं ग्लाया, “तू जा कने ऐई कर।”

*इक्क बाइबला दी काहणी लूका अध्याय 10:25 ते 37*

Audio: https://git.door43.org/OBS-TLF/xnr_obs/releases/download/v1/xnr_obs_v1_27_128kbps.m4a

## 28. इक्क अमीर जुआन यहुदी माणु

https://openbiblestories.org/l/xnr/story-28/

![](https://cdn.door43.org/obs/jpg/360px/obs-en-28-01.jpg)

इक्क दिन, इक्क अमीर जुआन यहूदी माणु यीशुये अल्ल आई करी तिसते पुछणा लग्गा, “हे उतम गुरू, सदा दी ज़िन्दगी पाणे तांई मिन्जो क्या करणा चाइदा?” यीशुयैं तिस नैं ग्लाया,“तू मिन्जो उत्तम क्जो ग्लांदा ऐ? सिर्फ इक्को ई उत्तम ऐ कने सैह़ परमात्मा ऐ। अपर जे तू सदा दी ज़िन्दगी पाणा चांहदा ऐ तां परमात्मे दिया व्यवस्था दा पालन कर।”

![](https://cdn.door43.org/obs/jpg/360px/obs-en-28-02.jpg)

तिन्हीं यीशु ते पुछया, मिन्जो कुण-कुण दे हुक्मां दा पालन करणा जरूरी ऐ? यीशुयैं तिसियो जवाब दित्ता, “खून मत करणा, ब्यभिचार मत करणा, चोरी मत करणा, झूठ मत ग्लाणा, अपणे माँ-पियो दी इज्जत करणी, कने अपणे प्ड़ेसिये नैं अप्पु साइआं प्यार करणा।”

![](https://cdn.door43.org/obs/jpg/360px/obs-en-28-03.jpg)

अपर तिन्हीं जुआन माणुये ग्लाया, “मैं अपणे बचपने ते ई इन्हां सारेयां हुक्मां दा पालन करदा आएया। मिन्जो सदा दी ज़िन्दगी पाणे तांई हुण भी क्या करणे दी जरूरत ऐ?” यीशुयैं तिसदी तरफ दिख्या कने तिस नैं प्यार कित्ता।

![](https://cdn.door43.org/obs/jpg/360px/obs-en-28-04.jpg)

यीशुयैं जवाब दित्ता, “जे तू सिद्ध होणा चांहदा ऐ तां जाईकरी अपणा सब कुच्छ बेची दे कने सारी धन-दौलत गरीबां च बंडी दे, कने तिज्जो सुअर्गे च धन-दौलत मिलगी। भिरी आई करी मिन्जो पचांह़ चली पौ।”

![](https://cdn.door43.org/obs/jpg/360px/obs-en-28-05.jpg)

जेह्ड़ा यीशुयैं ग्लाया, तिसियो सुणी करी जुआन माणु बड़ा उदास होई गेआ, क्जोकि सैह़ बड़ा भरी अमीर था कने सैह़ अपणी सारी धन-दौलत दैणा नीं चांहदा था। सैह़ उदास होई करी तित्थु ते अल्ल चली गेआ।

![](https://cdn.door43.org/obs/jpg/360px/obs-en-28-06.jpg)

ताह़लू यीशुयैं अपणेया चेलेयां नैं ग्लाया, “परमात्मे दे राज्ज च अमीर लोकां दा औणा बड़ा भरी औखा ऐ! हाँ, अमीर लोकां दा परमात्मे दे राज्ज च औणा बड़ा औखा ऐ अपर कुसी ऊटे दा सुईया दे नके च होई करी निकल़ी जाणा बड़ा सौखा ऐ।”

![](https://cdn.door43.org/obs/jpg/360px/obs-en-28-07.jpg)

ताह़लू चेले यीशुये दियां गल्लां सुणी करी हरान होई गे। कने अप्पु च ग्लाणा लग्गे, “जे एदेया ऐ तां परमात्मा कुसियो बचांगा?”

![](https://cdn.door43.org/obs/jpg/360px/obs-en-28-08.jpg)

यीशुयैं चेलेयां दी तरफ दिक्खी करी ग्लाया, “लोक अपणे आप्पे जो नीं बचाई सकदे हन। इआं करणा बड़ा मुसकल ऐ। अपर परमात्मा सब कुच्छ करी सकदा ऐ।”

![](https://cdn.door43.org/obs/jpg/360px/obs-en-28-09.jpg)

पतरसैं यीशु नैं ग्लाया, “अहां चेले अपणा सारा कुच्छ छड्डी करी तिज्जो पचांह़ चली पैयो हन। तां अहां जो क्या इनाम मिलगा?”

![](https://cdn.door43.org/obs/jpg/360px/obs-en-28-10.jpg)

यीशुयैं जवाब दित्ता, “हर इक्क माणुये जिन्हीं मिन्जो तांई अपणा घर, भाऊ, बैहण, माँ-पियो, बच्चे, जायदात जो छड्डी दित्या ऐ, सैह़ सौ गुणा फल़ पांगा कने सदा दी ज़िन्दगी भी पांगा। अपर इस संसारे च जेह्ड़े लोक अपणे आप्पे जो बड्डा समझदे हन, सैह़ लोक परमात्मे दिया नजरा च लोक्के कित्ते जांगे, के जेह्ड़े लोक इस संसारे च अपणे आप्पे जो लोक्का समझदे हन सैह़ परमात्मे दिया नजरा च बड्डे कित्ते जांगे।”

*बाइबला दी काहणी मत्ती अध्याय 19:16-30; मरकुस10:17-31; लूका18:18-36*

Audio: https://git.door43.org/OBS-TLF/xnr_obs/releases/download/v1/xnr_obs_v1_28_128kbps.m4a

## 29. कठोर दासे दी काहणी

https://openbiblestories.org/l/xnr/story-29/

![](https://cdn.door43.org/obs/jpg/360px/obs-en-29-01.jpg)

इक्क दिन, पतरसैं यीशुये ते पुछया, “हे गुरु, जाह़लू मेरा भाऊ मेरे खलाफ पाप करदा ऐ तां मिन्जो अपणे भाऊये जो कितणी बरी माफ करणा चाइदा? क्या सत बरी तिकर? यीशुयैं ग्लाया, “सत बरी नीं, अपर सत दी बजाए सत्तर बरी!” यीशुये दे ग्लाणे दा मतलब ऐ कि अहां जो हमेसा माफ करणा चाइदा। ताह़लू यीशुयैं तिन्हां जो इक्क काहणी सणाई।

![](https://cdn.door43.org/obs/jpg/360px/obs-en-29-02.jpg)

यीशुयैं ग्लाया, “परमात्मे दा राज्ज इक्क राजे साइआं ऐ जेहड़ा अपणे दासे ते लेखा लैणां चांहदा था। जाह़लू सैह़ लेखा लैणा लग्गा, तां तिसदा इक्क दास मतेआं पैसेयां दा कर्जदार था।”

![](https://cdn.door43.org/obs/jpg/360px/obs-en-29-03.jpg)

अपर सैह़ दास अपणे कर्जे जो भरी नीं सकेया, इसतांई राजैं ग्लाया, “इसदे कर्जे भरने तांई इस माणुये जो कने इसदे परवारे जो गुलामिया च बेची देआ।”

![](https://cdn.door43.org/obs/jpg/360px/obs-en-29-04.jpg)

तिस दासैं राजे सामणे झुकी करी प्रणाम करी नैं ग्लाया, “हे मेरे मालिक सबर रख कने मिन्जो पर दया कर, मैं तेरा सारा कर्ज भरी दिंगा। राजैं तिस दासे पर दया कित्ती, इसतांई तिन्हीं तिसदे सारे कर्जे जो माफ करी दित्ता कने तिसियो जाणा दित्ता।”

![](https://cdn.door43.org/obs/jpg/360px/obs-en-29-05.jpg)

“अपर जाह़लू सैह़ दास मैहले ते बाहर आएया, तां तिसियो तिसदा इक्क साथी मिल्ला जेह्ड़ा तिस सौगी दासे दा कम्म करदा था सैह़ दास तिसदे थोड़े पैसेयां दा कर्ज दार था। तिन्हीं दासे अपणे साथी दासे जो पकड़ी लेआ कने तिसियो ग्लाया, जेहड़ा तिज्जो पर मेरा कर्ज ऐ तिसियो तू हुण ई भरी दे!”

![](https://cdn.door43.org/obs/jpg/360px/obs-en-29-06.jpg)

“इसा गल्ला जो सुणी करी तिसदा साथी दास तिस नैं विणती करी नैं ग्लाणा लग्गा, हे साथी सबर रख कने मिन्जो पर दया कर, मैं अपणा अपणे सारा कर्ज भरी दिंगा। अपर तिसदा साथी नीं मन्नेया, कने तिन्हीं अपणे साथी दासे जो जेला च पाई दित्ता कि जाह़लू तिकर सैह़ तिस कर्जे नीं भरी दिंगा ताह़लू तिकर जेल च रैंह्।”

![](https://cdn.door43.org/obs/jpg/360px/obs-en-29-07.jpg)

“जेहड़ा कुच्छ तिन्हीं दासैं अपणे साथी दासे नैं कित्ता सैह़ दूयेयां दासां दिक्खी लेआ था, कने सैह़ एह़ दिक्खी करी बड़े दुखी होये। सैह़ राजे अल्ल कने तिन्हां तिसियो सब कुच्छ दस्सी दित्ता।”

![](https://cdn.door43.org/obs/jpg/360px/obs-en-29-08.jpg)

“राजे तिस दासे जो सद्दी करी ग्लाया, हे दुष्ट दास! मैं तेरे कर्जे जो इसतांई माफ कित्तेया था क्जोकि तैं मिन्जो नैं विणती कित्तियो थी। तिज्जो भी अपणे साथी दासे दा कर्ज माफ करणा चाइदा था। ताह़लू राजा इतणा गुस्सा होएया कि तिन्हीं तिस दुष्ट दासे जो जेला च पाई दित्ता जाह़लू तिकर कि सैह़ अपणा सारा कर्ज भरी नीं दैं ताह़लू तिके सैह़ भी जेला च रैंह्।”

![](https://cdn.door43.org/obs/jpg/360px/obs-en-29-09.jpg)

ताह़लू यीशुयैं ग्लाया, “जे तुहां अपणे भाऊये जो अपणे मने ते माफ नीं करगे, तां मेरा पिता जेह्ड़ा सुअर्गे च विराजमान ऐ तुहां सौगी भी इआं ई करगा।”

*इक्क बाइबला दी काहणी मत्ती अध्याय 18:21-35*

Audio: https://git.door43.org/OBS-TLF/xnr_obs/releases/download/v1/xnr_obs_v1_29_128kbps.m4a

## 30. पंज हज़ार लोकां जो खाणा खुआणा

https://openbiblestories.org/l/xnr/story-30/

![](https://cdn.door43.org/obs/jpg/360px/obs-en-30-01.jpg)

यीशुयैं अपणेयां प्रेरितां जो प्रचार करणे तांई कने लोकां जो सिक्षा दैणे तांई मते सारे ग्रां च घल्लेया। जाह़लू सैह़ ओत्थू ते वापस आई तां तिन्हां यीशु जो दस्सेया कि तिन्हां क्या-क्या कित्ता। ताह़लू यीशुयैं तिन्हां जो झीला दे दूये पास्सैं इक्क सांत जगाह पर जाई करी अराम करणे तांई ग्लाया। इसतांई सैह़ इक्क किस्त्तिया पर चढ़ी गै कने झीला दे दूये पास्सैं चली गै।

![](https://cdn.door43.org/obs/jpg/360px/obs-en-30-02.jpg)

अपर तित्थु मते सारे लोक थे जिन्हां यीशु कने तिसदेयां चेलेयां जो किस्तिया च जांदे दिख्या था। एह़ लोक तिन्हां ते गां झीला दे दूये पास्स़ैं जाणे तांई झीला दे बक्खे-बक्खे पैदल नठे कने तिन्हां ते पैहल्लैं पुज्जी गै। जाह़लू यीशु कने तिसदे चेले पुज्जे तां लोकां दी इक्क बड़ी बड्डी भीड़ तिन्हां दा इन्तजार कर दी थी।

![](https://cdn.door43.org/obs/jpg/360px/obs-en-30-03.jpg)

तिसा भीड़ा च लगभग पंज हज़ार मर्द थे। अपर तिन्हां च जणासां कने बच्चेयां दी गिणती नीं थी। यीशुयैं तिन्हां लोकां पर बड़ा तरस खादा। क्जोकि यीशुयैं तांई सैह़ लोक भेड्डां साइआं थे। इसतांई तिन्हीं तिन्हां जो सिक्षा दित्ती कने तिन्हां च जेह्ड़े लोक बमार थे तिन्हां जो खरा कित्ता।

![](https://cdn.door43.org/obs/jpg/360px/obs-en-30-04.jpg)

जाह़लू संझ होई गेई तां चेलेयां यीशुये नैं ग्लाया, “हुण संझ बड़ी होई गियो ऐ कने ऐत्थु अक्खे-बक्खे कोई ग्रां नीं ऐ। इन्हां लोकां जो घल्ली देआ तांजे सैह़ जाई करी खाणे तांई कुच्छ लेई ओन।”

![](https://cdn.door43.org/obs/jpg/360px/obs-en-30-05.jpg)

अपर यीशुयैं चेलेयां जो ग्लाया, “तुहां इन्हां लोकां तांई खाणे सा इन्तजाम करा!” तिन्हां जवाब दित्ता, “इन्हां लोकां तांई इतणियां रोटियां दा इन्तजाम अहां ते नीं होणा? क्जोकि अहां अल्ल सिर्फ पंज रोटियां कने दो लोक्कियां मच्छियां हन।”

![](https://cdn.door43.org/obs/jpg/360px/obs-en-30-06.jpg)

यीशुयैं अपणेया चेलेयां जो ग्लाया, कि इन्हां लोकां जो ग्ला कि पंजाह-पंजाह माणुआं दा झुन्ड बणाई नैं बैई जा।

![](https://cdn.door43.org/obs/jpg/360px/obs-en-30-07.jpg)

ताह़लू यीशुयैं पंज रोटियां कने दूँ मच्छियां जो लेईकरी सुअर्गे दे पास्सैं दिख्या, कने तिस खाणे तांई परमात्मे जो धन्यावाद दित्ता।

![](https://cdn.door43.org/obs/jpg/360px/obs-en-30-08.jpg)

भिरी यीशु रोटियां जो तोड़ी-तोड़ी करी दिंदा गेआ कि सारे लोकां जो बंडी देआ कने भिरी दूँ मच्छियां जो भी सारे लोकां जो बंडी दित्ता। चेले तिस खाणे जो बंडदे रैह्, कने सैह़ खाणा खत्म नीं होएया कने सैह़ सारे लोक खाई करी रज्जी गै।

![](https://cdn.door43.org/obs/jpg/360px/obs-en-30-09.jpg)

तिसते बाद, चेलेयां तिस खाणे जो किट्टा कित्ता जेह़डा बची गेआ था तिस च बारह टोकरु रोटियां दे होर भरौई गै! सैह़ सारा खाणा तिन्हां पंज रोटियां कने दूँ मच्छियां ते आएया था।

*इक्क बाइबला दी काहणी मत्ती अध्याय 14:13-21; मरकुस 6:31-44; लूका 9:10-17; यूहन्ना 6:15*

Audio: https://git.door43.org/OBS-TLF/xnr_obs/releases/download/v1/xnr_obs_v1_30_128kbps.m4a

## 31. यीशुये दा पांणिये पर चलणा

https://openbiblestories.org/l/xnr/story-31/

![](https://cdn.door43.org/obs/jpg/360px/obs-en-31-01.jpg)

पंज हज़ार लोकां जो खाणा खुआणे ते बाद, यीशुयैं अपणे चेलेयां जो किस्तिया चढ़णे तांई ग्लाया। यीशुयैं तिन्हां जो झीला दे दूये पास्सैं जाणे तांई ग्लाया अपर यीशु थोड़े बग्ते तांई औत्थु रूकी गेआ। अपर चेले चली गै कने यीशुयैं भीड़ा जो विदा कित्ता कि अपणे घरेयो चली जान। इसते बाद, यीशु प्रार्थना करणे तांई इक्क प्हाड़े पर चली गेआ। औत्थु यीशु किल्ला था, कने तिन्हीं राती मती देर प्रार्थना कित्ती।

![](https://cdn.door43.org/obs/jpg/360px/obs-en-31-02.jpg)

तिस बग्त, चेले अपणिया किस्तिया च जा दे थे, अपर बड़ी तेज हौआ उल्टी दिशा दी तरफ चलियो थी। आधी रात होई जाणे पर भी सैह़ सिर्फ झीला दे बिच ई पुज्जेयो थे।

![](https://cdn.door43.org/obs/jpg/360px/obs-en-31-03.jpg)

प्रार्थना करणे ते बाद, यीशु अपणे चेलेयाम अल्ल वापस चली गेआ। सैह़ किस्तिया दे पास्सैं जाणे तांई पांणिये ऊपर चलणा लग्गा।

![](https://cdn.door43.org/obs/jpg/360px/obs-en-31-04.jpg)

ताह़लू चेलेयां यीशु जो झीला पर चलदे दिख्या। सैह़ बड़े भरी डरी गै क्जोकि तिन्हां सोचेया था कि एह़ तां कोई भुत ऐ। यीशु जाणदा था कि सैह़ डरी गियो हन, इसतांई तिन्हीं तिन्हां जो उआज़ देई करी ग्लाया, “डरा मत, मैं ऐ!”

![](https://cdn.door43.org/obs/jpg/360px/obs-en-31-05.jpg)

ताह़लू पतरसैं यीशुये जो ग्लाया, “हे प्रभु, जे एह़ तू ऐ तां मिन्जो भी पांणिये पर चली करी तिज्जो अल्ल औणे दा हुक्म दे।” यीशुयैं पतरसे जो ग्लाया, “आई जा!”

![](https://cdn.door43.org/obs/jpg/360px/obs-en-31-06.jpg)

ताह़लू पतरस किस्तिया ते उतरी गेआ कने यीशुयैं अल्ल जाणे तांई पांणिये पर चलणा लग्गा। अपर थोड़ी दूर जाई करी, तिन्हीं अपणियां अंखी जो यीशुये ते हटाई लियां कने लैहरां जो दिखणा लग्गा कने तेज हौआ जो महसूस करणा लग्गा।

![](https://cdn.door43.org/obs/jpg/360px/obs-en-31-07.jpg)

कने ताह़लू पतरस डरी गेआ कने पांणिये च डूबणा लग्गा। “हे प्रभु, मिन्जो बचा!” यीशुयैं तिस बग्त अपणा हत्थ गांह करी नैं तिसियो पकड़ी लेआ। ताह़लू तिन्हीं पतरसे जो ग्लाया, “तेरा बसुआस बड़ा घट ऐ! तैं मिन्जो पर बसुआस क्जो नीं कित्ता?”

![](https://cdn.door43.org/obs/jpg/360px/obs-en-31-08.jpg)

ताह़लू यीशु कने पतरस किस्तिया पर चढ़ी गै कने झट हौआ चलणा बंद होई गेई। पांणियर दियां लैहरां शांत होई गियां। चेलेयां हरान होई गे कने तिन्हां यीशु जो झुकी करी प्रणाम कित्ता। तिन्हां यीशु दी अराधना कित्ती कने तिस नैं ग्लाया, “सच्ची तू परमात्मे दा पुत्तर ऐ।”

*बाइबला दी काहणी मत्ती अध्याय 14:22-33; मरकुस 6:45-52; यूहन्ना 6:16-21*

Audio: https://git.door43.org/OBS-TLF/xnr_obs/releases/download/v1/xnr_obs_v1_31_128kbps.m4a

## 32. यीशु दुष्टआत्मां दे सताये माणुये जो कने इक्क बमार जणासा जो खरा करदा ऐ

https://openbiblestories.org/l/xnr/story-32/

![](https://cdn.door43.org/obs/jpg/360px/obs-en-32-01.jpg)

इक्क दिन यीशु कने तिसदे चेले अपणिया किस्तिया च बैठी करी तिस सैहरे जो गै जित्थू गिरासेनी लोक रैंह्दे थे। सैह़ तिस सैहरे च पुज्जी करी किस्तिया ते उतरी गै।

![](https://cdn.door43.org/obs/jpg/360px/obs-en-32-02.jpg)

औत्थु इक्क माणु था जिस च मतिआं दुष्टआत्मां थियां। कने सैह़ यीशु नैं मिल्ला।

![](https://cdn.door43.org/obs/jpg/360px/obs-en-32-03.jpg)

एह़ माणु इतणा ताकतवर था कि कोई भी तिसियो काबू च नीं करी सकदा था। मती बरी लोकां तिसदे हत्थां कने पैरां जो जंजीरा नैं भी बन्नेया, अपर सैह़ तिन्हां जो तोड़ी दिंदा था

![](https://cdn.door43.org/obs/jpg/360px/obs-en-32-04.jpg)

सैह़ माणु कब्रिस्तान च रैंह्दा था। कने पूरा दिन कने पूरी रात डडदा रैंह्दा था। सैह़ कपड़ेयां नीं पैहनदा था कने हमेसा अपणे आप्पे जो पत्थरां नैं जख्मी करदा था।

![](https://cdn.door43.org/obs/jpg/360px/obs-en-32-05.jpg)

जिआं तिन्हीं माणुये यीशु जो दिख्या, तां सैह़ दौड़ी करी यीशुये अल्ल आएया कने तिसदे सामणे अपणे गोड्डे टेकी दित्ते। ताह़लू यीशुयैं तिस माणुये दे अन्दरे दियां दुष्टआत्मा नैं गल्लां कित्तियां कने ग्लाया, “इस माणुये ते बाहर निकल़ी जा!”

![](https://cdn.door43.org/obs/jpg/360px/obs-en-32-06.jpg)

सैह़ दुष्टआत्मा जोरे नैं डडी करी ग्लाणा लग्गी, “हे यीशु, परम प्रधान दे पुत्तर, तेरा मिन्जो नैं क्या कम्म? कृपा करीके मिन्जो मत तंग कर!” ताह़लू यीशुयैं तिसा दुष्टआत्मा ते पुछया, “तेरा नां क्या ऐ?” तिन्नै जवाब दित्ता, “मेरा नां सेना ऐ, क्जोकि अहां मतिआं हन।”

![](https://cdn.door43.org/obs/jpg/360px/obs-en-32-07.jpg)

तिन्हां दुष्टआत्मां यीशुये नैं विणती कित्ती, “कृपा करीके अहां जो इस सैहरे ते बाहर मत घल्ला!” तित्थु प्हाड़े पर सूअरां दा इक्क झुंड चुगा दा था। इसतांई तिन्हां दुष्टआत्मां यीशुये नैं विणती कित्ती, “कृपा करी नैं अहां जो तिन्हां सूअरां च घल्ली दे! “यीशुयैं ग्लाया, “ठीक ऐ, तिन्हां च चलिया!”

![](https://cdn.door43.org/obs/jpg/360px/obs-en-32-08.jpg)

ताह़लू सैह़ दुष्टआत्मां तिस माणुये ते निकल़ी करी तिन्हां सूअरां दे अन्दर चली गियां। सैह़ सूअर दौड़ी करी खड़िया भेठी ते रिड़की करी पांणिये च जाई पै। तिस झुंडे च लगभग 2000 सूअर थे।

![](https://cdn.door43.org/obs/jpg/360px/obs-en-32-09.jpg)

तित्थु तिन्हां सूअरां दी देखभाल़ करणे आल़़े लोक थे। जाह़लू तिन्हां एह़ सब कुच्छ दिख्या तां सैह़ सैहरे दी तरफ नठी गै। यीशुयैं जेह्ड़ा तिस प्हाड़े पर कित्तेया था। सैह़ तिन्हां सारे लोकां जो दस्सी दित्ता। कने तिस सैहरे दे लोकएह़ सब दिखणा आये तित्थु आई करी तिन्हां तिस माणुये जो दिख्या जिस च पैहल्लैं मतिआं दुष्टआत्मां थियां। सैह़ शांत कने, कपड़े पैहनी करी, कने इक्क आम आदमिये साइआं वर्ताब करदे होये बैठेया ऐ।

![](https://cdn.door43.org/obs/jpg/360px/obs-en-32-10.jpg)

सैह़ लोक बड़े भरी डरेयो थे कने तिन्हां यीशु जो तित्थु ते जाणे तांई ग्लाया। अपर यीशु किस्तिया पर चढ़ी गेआ। सैह़ माणु जिस च दुष्टआत्मां थियां सैह़ यीशुये नैं विणती करणा लग्गा मिन्जो भी अपणे सौगी औणा देआ।

![](https://cdn.door43.org/obs/jpg/360px/obs-en-32-11.jpg)

अपर यीशुयैं तिस नैं ग्लाया, “नीं। मैं चांहदा कि तू घरैं जाई करी सारे लोकां जो दस्सैं कि परमात्मे तिज्जो तांई क्या कित्तेया ऐ। तिन्हां लोकां जो दस्स कि किआं परमात्मे तिज्जो पर दया कित्ती ऐ।”

![](https://cdn.door43.org/obs/jpg/360px/obs-en-32-12.jpg)

इसतांई सैह़ माणु चली गेआ कने तिन्हीं सारे लोकां जो इसदे बारे च दस्सेया जेहड़ा यीशुयैं तिस सौगी भलाई दा कम्म कित्तेया था। तिसदिया काहणिया जो सुणी करी सारे लोक हरान होई गियो थे।

![](https://cdn.door43.org/obs/jpg/360px/obs-en-32-13.jpg)

जाह़लू यीशु झीला दी दुज्जी तरफ वापस आई गेआ। तां तिसदे तित्थु पुज्जणे दे बाद, इक्क बड़ी बड्डी भीड़ तिस अल्ल कट्ठरोई गेई कने लोक यीशु जो दिखणे तांई अप्पु च धक्का-मुक्की करणा लग्गे। तिसा भीड़ा च इक्क जणास थी जिसा जो बाहरां साल ते खून चलणे दी बमारी थी। तिन्नै अपणा सारी धन-धौलत वैदां-हाकिमां पर खर्च करी दित्तियो थी तांजे सैह़ तिसा जो ठीक करी सकन, अपर तिसादी बमारी होर भी जादा बिगड़ी गियो थी।

![](https://cdn.door43.org/obs/jpg/360px/obs-en-32-14.jpg)

तिन्नै जणासा सुणेया था कि यीशुयैं मते बमार लोकां जो ठीक कित्तेया था तिन्नै सोचेया, कि “जे मैं यीशु दे कपड़े दे पल्ले जो छुई लैंगी, तां मैं ठीक होई जांगी।” इसतांई सैह़ यीशुये दे पचांह़ ते आई कने यीशु दे कपड़ेयां जो छुई लेआ। जिआं ई तिन्नैं तिसदे कपड़े छुते, तिसी बग्त तिसा दी खून चलणे दी बमारी ठीक होई गेई।

![](https://cdn.door43.org/obs/jpg/360px/obs-en-32-15.jpg)

यीशु जो इकदम पता लग्गी गेआ कि मेरे ते सामर्थ निकल़ी ऐ। इसतांई तिन्हीं पचांह़ मुड़ी करी पुछया, “मिन्जो कुणी छुता?” चेलेयां जवाब दित्ता, “ऐत्थू इतणे सारे लोकां च तेरे चौनी पास्सैं भीड़ लगाई रखियो ऐ, कने तिज्जो पर चढ़ा दे हन। तां तू क्जो पुछदा ऐ कि मिन्जो कुणी छुता?”

![](https://cdn.door43.org/obs/jpg/360px/obs-en-32-16.jpg)

ताह़लू सैह़ जणास डरे दे मारे कम्बदी होई गोड्डेयां भार यीशु दे सामणैं बैई गेई। कने तिन्नै यीशु जो सच-सच दस्सी दित्ता कि तेरे कपड़े मैं छुते हन कने तिन्नै एह़ भी दस्सेया कि तिज्जो छुणे ते मेरी बमारी ठीक होई गेई ऐ। यीशुयैं तिसा जो ग्लाया, कुड़िये “तेरे बसुआसे तिज्जो खरा कित्ता ऐ। खुसी-खुसी अपणे घरेयो जो जा।”

*इक्क बाइबला दी काहणी मत्ती अध्याय 8:28-34; 9:20-22; मरकुस 5:1-20; 5:24-34; लूका 8:26-39; 8:42-48*

Audio: https://git.door43.org/OBS-TLF/xnr_obs/releases/download/v1/xnr_obs_v1_32_128kbps.m4a

## 33. इक्क किसाने दी काहणी

https://openbiblestories.org/l/xnr/story-33/

![](https://cdn.door43.org/obs/jpg/360px/obs-en-33-01.jpg)

इक्क दिन, यीशु झीला दे कनारे पर मते सारे लोकां जो सिक्षा दे दा था। यीशु दिया सिक्षा जो सुणने तांई इतणे सारे लोक आये कि यीशु जो खड़े होणे तांई जगाह नीं बची। इसतांई सैह़ पांणिये च खड़ौतियो किस्तिया पर बैठी करी लोकां जो सिक्षा दैणा लग्गा।

![](https://cdn.door43.org/obs/jpg/360px/obs-en-33-02.jpg)

यीशुयैं तिन्हां जो इक्क काहणी सणाई, “इक्क किसान खेतां च बीई बाणे तांई गेआ। जाह़लू सैह़ बीई बाआ दा था तां कुच्छ बीई रस्ते पर पै। अपर पंछि आई करी तिन्हां सारे बीईयां जो खाई गे।”

![](https://cdn.door43.org/obs/jpg/360px/obs-en-33-03.jpg)

बांदे बग्ते कुच्छ बीई पथरीलिया जमीना पर पै जित्थु बड़ी घट चिक्क थी। पथरिलिया जमीना पर पैयो बीई बड़ी तौल़े लूंगी पै, अपर तिन्हां दियां जड़ा जमीना च मजबूत नीं थियां। जाह़लू सूरजे दी बड़ी तेज धूप पेई तां सैह़ सारे पल़ी गै कने सुकी गै।”

![](https://cdn.door43.org/obs/jpg/360px/obs-en-33-04.jpg)

“बांदे बग्त कुच्छ बीई झुड़ां-बन्सुटा च पै। जाह़लू सैह़ बीई लूंगी करी बधणा लग्गे ताह़लू तिन्हां झुड़ां-बसुन्टा दबाई दित्ते। इसतांई झुड़ां-बन्सुटा च लूंगेयो बीई फल नी देई सके।”

![](https://cdn.door43.org/obs/jpg/360px/obs-en-33-05.jpg)

“बांदे बग्त कुच्छ बीई खरिया जमीना पर पै। सैह़ बीई लूंगे कने तिन्हां च मते सारे बीई निकल़े, तिन्हां च कुच्छना 30 गुणा कने कुच्छना 60 गुणा, कने कुच्छना 100 गुणा बीई लग्गे। ताह़लू यीशुयैं लोकां जो ग्लाया, “जेह्ड़ा कोई भी परमात्मे दे पचांह़ चलणा चांहदा ऐ। सैह़ तिसा गल्ला पर ध्यान दैं जेह़ड़ा मैं ग्ला दा ऐ!”

![](https://cdn.door43.org/obs/jpg/360px/obs-en-33-06.jpg)

इसा काहणिया जो सुणी करी चेले उलझणा च पेई गे। इसतांई यीशुयैं तिन्हां जो समझाया, “सैह़ बीई परमात्मे दा वचन ऐ। रस्ते दे कनारे पर पेयो बीई सैह़ लोक हन जेह्ड़े परमात्मे दे वचने जो तां सुणदे हन, अपर तिसियो समझदे नीं हन। ताह़लू सैतान इकदम आई करी तिस वचने जो चोरी लेई जांदा ऐ। मतलब सैतान तिसियो वचने जो समझणा नीं दिंदा ऐ।”

![](https://cdn.door43.org/obs/jpg/360px/obs-en-33-07.jpg)

“पथरीलिया जमीना च पेयो बीई सैह़ लोक हन जिन्हां परमात्मे दा वचन सुणेया कने तिसियो खुसिया नैं मन्नी भी लेआ अपर जाह़लू ज़िन्दगिया च दुख दा बग्त आएया, कने लोकां तिन्हां जो सताणा सुरू कित्ता, तां सैह़ परमात्मे जो छड्डी करी चली गे। मतलब तिन्हां परमात्मे पर बसुआस करणा छड्डी दित्ता।”

![](https://cdn.door43.org/obs/jpg/360px/obs-en-33-08.jpg)

“झुड़ां-बन्सुटा च पेयो बीई सैह़ लोक हन। जिन्हां परमात्मे दा वचन तां सुणेया अपर तिन्हां मतिआं सारियां गल्लां दी फिकर करणा शुरू करी दित्ती, कने सैह़ मता सारा पैसे कमाणे दा कने मतिआं चीज्जां जो पाणे दा लालच करदे रेह्। कुच्छ बग्ते बाद, सैह़ परमात्मे नैं प्यार नीं करी सके। इसतांई जेह्ड़ा तिन्हां परमात्मे दे वचने ते सिखया था, तिसते सैह़ परमात्मे जो खुस करी नीं सके।

![](https://cdn.door43.org/obs/jpg/360px/obs-en-33-09.jpg)

खरिया जमीना च पेयो बीई सैह़ लोक हन। जेह्ड़े परमात्मे दे वचने जो सुणदे, मनदे कने तिस पर चलदे हन, कने तिस पर बसुआस करदे हन, कने मता सारा फल लेई करी ओंदे हन।”

*इक्क बाइबला दी काहणी मत्ती अध्याय 13:1-8,18-23; मरकुस 4:1-8,13-20; लूका 8:4-15*

Audio: https://git.door43.org/OBS-TLF/xnr_obs/releases/download/v1/xnr_obs_v1_33_128kbps.m4a

## 34. यीशुयैं मतिआं काहणियां सणाई

https://openbiblestories.org/l/xnr/story-34/

![](https://cdn.door43.org/obs/jpg/360px/obs-en-34-01.jpg)

यीशुयैं परमात्मे दे राज्ज दे बारे च होर भी मतिआं काहणियां सणाईया। यीशुयैं ग्लाया, “परमात्मे दा राज्ज इक्क राईया दे बीऐ साइआं ऐ जिन्हीं कुणी अपणेयां खेतां च बाई दित्ता। तुहां जाणदे हन कि राईया दा बीई सारे बीईआं ते छोटा हुंदा ऐ।”

![](https://cdn.door43.org/obs/jpg/360px/obs-en-34-02.jpg)

“अपर जाह़लू राईया दा बीई लूंगी करी बड्डा होएया तां सैह़ बगीचे दे सारे रूखां ते बड्डा होई जांदा ऐ, सैह़ इतणा बड्डा होई जांदा कि पंछी आई करी तिस दियां डालियां पर बसेरा करदे हन।”

![](https://cdn.door43.org/obs/jpg/360px/obs-en-34-03.jpg)

यीशुयैं इक्क काहणी होर दस्सी, “परमात्मे दा राज्ज खमीरे साइआं ऐ जिसियो लेई करी इक्क जणासा त्रै किलो आटे च मलाई दिंदी ऐ कने सैह़ सारा आटा खमीर बणी जांदा ऐ।”

![](https://cdn.door43.org/obs/jpg/360px/obs-en-34-04.jpg)

“परमात्मे दा राज्ज तिस खजाने दे साइआं ऐ जिसियो कुणकि जमीना च लकाई दित्ता। भिरी कुसी दूये माणुये जो सैह़ खजाना मिली गेआ कने तिन्हीं तिसियो पाणे दी बड़ी कोसिस कित्ती। इसतांई तिन्हीं तिसियो भिरी ते दबी दित्ता। सैह़ खुसिया नैं इतणा भरौया था कि तिन्हीं जाई करी अपणा सब कुच्छ बेची दित्ता तांजे सैह़ तिसा जमीना जो खरीदी सकैं जित्थु सैह़ खजाना था।”

![](https://cdn.door43.org/obs/jpg/360px/obs-en-34-05.jpg)

“परमात्मे दा राज्ज इक्क बड़े किमती शुद्ध मोतिये साइआं ऐ। जाह़लू इक्क मोतिये दे व्यपारिये जो किमती मोती मिल्ला तां सैह़ तिसियो खरीदणे तांई अपणा सब कुच्छ बेची दिंदा ऐ।”

![](https://cdn.door43.org/obs/jpg/360px/obs-en-34-06.jpg)

तित्थु कुच्छ लोक थे जेह़ड़े सोचदे थे कि परमात्मा तिन्हां जो इसतांई अपनांगा, कि सैह़ भलेयां कम्मां जो करा दे हन। एह़ लोक दूये लोकां जो निच समझदे थे जेह़ड़े तिन्हां भलेयां कम्मां जो नीं करदे थे। इसतांई यीशुयैं तिन्हां जो एह़ काहणी सणाई, “दो माणु थे कने दोनों माणु प्रार्थना करणे तांई मंदरे च गे। तिन्हां च इक्क चुंगी लेणे आल़ा था, कने दूया इक्क धार्मिक अगुवा था।”

![](https://cdn.door43.org/obs/jpg/360px/obs-en-34-07.jpg)

“तिन्हीं धार्मिक अगुवे इस तरीके नैं प्रार्थना कित्ती, “हे परमात्मा, मैं तेरा धन्यवाद ऐ कि मैं दूयेयां लोकां साइआं ड़ाकु, कने ब्यभिचारी माणु नीं ऐ कने ना मैं इस चुंगी लेणे आल़े साइआं इक्क पापी माणु ऐ।”

![](https://cdn.door43.org/obs/jpg/360px/obs-en-34-08.jpg)

“मैं हर हफ्ते च दो बरी व्रत रखदा ऐ, कने मैं अपणिया कमाईया च दसमां हिस्सा तिज्जो दिंदा ऐ।”

![](https://cdn.door43.org/obs/jpg/360px/obs-en-34-09.jpg)

“अपर सैह़ चुंगी लेणे आल़ा माणु तिस धार्मिक अगुवे ते बड़ी दूर खड़ोई करी अपणिया छातिया पीटी-पीटी करी प्रार्थना करणा लग्गा, ‘हे परमात्मा, मिन्जो पर दया कर क्जोकि मैं इक्क पापी माणु ऐ’।”

![](https://cdn.door43.org/obs/jpg/360px/obs-en-34-10.jpg)

भिरी यीशुयैं ग्लाया, “मैं तुहां नैं सच्च ग्लांदा ऐ, परमात्मे तिस चुंगी लेणे आल़े दिया प्रार्थना जो सुणेया कने तिसियो धर्मी ग्लाया। अपर तिन्हीं तिस धार्मिक अगुवे दिया प्रार्थना जो पसंद नीं कित्ता। परमात्मा हर इक्क घमंडिये दे सिरे जो निचा करगा, अपर सैह़ हर तिस माणुये जो आदर दिंगा जेह्ड़ा अप्पू जो नम्र करदा ऐ।”

*बाइबला दी काहणी मत्ती अध्याय 13:31-33,44-46; मरकुस 4:30-32; लूका 13:18-21;18:9-14*

Audio: https://git.door43.org/OBS-TLF/xnr_obs/releases/download/v1/xnr_obs_v1_34_128kbps.m4a

## 35. इक्क दयालु बुढ़े दी काहणी

https://openbiblestories.org/l/xnr/story-35/

![](https://cdn.door43.org/obs/jpg/360px/obs-en-35-01.jpg)

इक्क दिन, यीशु तिन्हां मतेआं लोकां जो सिक्षा दे दा था जेह्ड़े तिसदिया शिक्षा जो सुणने तांई तित्थु किट्ठे होएयो थे। एह़ लोक चुंगी लेणे आल़े कने होर भी लोक थे जिन्हां मूसा दे नियम-कानूनां दा पालण करणे दा बचार कित्तेया था।

![](https://cdn.door43.org/obs/jpg/360px/obs-en-35-02.jpg)

कुच्छ धार्मिक अगुवां दिख्या कि यीशु तिन्हां लोकां नैं इक्क दोस्तां साइआं गल्ल करा दा ऐ। इसतांई सैह़ अप्पु च एह़ ग्लाणा लग्गे कि सैह़ गलत करा दा था। यीशुयैं तिन्हां जो गल्लां करदे सुणी लेआ, इसतांई तिन्हीं तिन्हां जो एह़ काहणी सणाई।

![](https://cdn.door43.org/obs/jpg/360px/obs-en-35-03.jpg)

“इक्क माणु था जिसदे दो पुत्तर थे। लोक्के पुत्तरे अपणे बुढ़े नैं ग्लाया, हे बापू, मिन्जो हुणी मेरा हिस्सा चाइदा! ताह़लू बुढ़ैं अपणे दूनीं पुत्तरां च अपणी जायदात बंडी दित्ती।”

![](https://cdn.door43.org/obs/jpg/360px/obs-en-35-04.jpg)

“कुच्छ दिन बाद, लोक्का पुत्तर अपणा सब कुच्छ किट्ठा करी नैं दूर देसे जो चली गेआ कने बुरेयां कम्मा च अपणा सारा पैसा बर्बाद करी दित्ता।”

![](https://cdn.door43.org/obs/jpg/360px/obs-en-35-05.jpg)

“इसते बाद, जिसे देसे च लोक्का पुत्तर था तिस देसे च इक्क खतरनाक अकाल़ पेआ, कने सैह़ कंगाल होई गेआ ऐत्थु तिकर कि तिस अल्ल खाणे तांई पैसे भी नीं थे। इसतांई तिसियो जेहड़ा कम्म मिलेया सैह़ सुअरां जो चराणे दा था। सैह़ इतणा दुखी कने भूखा था कि सैह़ सुअरां दा खाणा खाई नैम अपणा पेट भरणा चांहदा था।”

![](https://cdn.door43.org/obs/jpg/360px/obs-en-35-06.jpg)

“आखरी च, जाह़लू तिस लोक्के पुत्तरे जो समझ आई तां सैह़ अपणे आप्पे नैं ग्लाणा लग्गा, मैं ऐत्थु क्या करा दा ऐ? मेरे बुढ़े दे घरैं कितणे मजदूर कम्म करदे हन कने तिन्हां जो पेठ भरी करी खाणा मिलदा ऐ, अपर मैं ऐत्थु भूखा मरा दा ऐ। मैं अपणे बुढ़े अल्ल वापस जाणा कने अपणे बुढ़े नैं विणती करणी ऐ कि मिन्जो अपणा इक्क मजदूर बणाई नैं रखी लै।”

![](https://cdn.door43.org/obs/jpg/360px/obs-en-35-07.jpg)

“ताह़लू लोक्का पुत्तर अपणे घरे जो वापस चली पेआ। जाह़लू सैह़ अल्ली घरे ते दूर ई था, कि तिसदे बुढ़ैं तिसियो दिख्या कने तिस पर तरस खादा। सैह़ दौड़ी करी अपणे पुत्तरे अल्ल गेआ कने तिसियो गल़े लगाई करी तिस नैं प्यार कित्ता।”

![](https://cdn.door43.org/obs/jpg/360px/obs-en-35-08.jpg)

“तिन्हीं पुत्तरैं ग्लाया, हे बापू, मैं परमात्मे दे खलाफ कने तेरे खलाफ पाप कित्तेया ऐ। मैं तेरा पुत्तर ग्लाणे जोग्गा भी नीं ऐ।”

![](https://cdn.door43.org/obs/jpg/360px/obs-en-35-09.jpg)

“अपर तिसदे बुढ़ैं अपणे इक्क नोकरे जो ग्लाया, झट जाईकरी नौये कपड़ेयां दा जोड़ा लेई आ कने मेरे पुत्तरे जो पैहनाई देआ! इसदिया ऊँगल़िया च गुँठी कने पैरां च जुतेयां पहनाई देआ। कने भिरी खाणे तांई सबना ते बधिया पाल़ेया पेरू बड्डा तांजे अहां खाई नैं खुसी मनाई सकन, क्जोकि मेरा पुत्तर मरी गेआ था, अपर हुण सैह़ जिन्दा ऐ! सैह़़ खोई गेआ था, अपर हुण अहां जो मिल्ली गेआ ऐ!”

![](https://cdn.door43.org/obs/jpg/360px/obs-en-35-10.jpg)

“इसतांई लोकां तिसदे वापस ओणे पर खुसी मनाणा शुरू कित्ती। थोड़िया देरा बाद, तिसदा बड्डा पुत्तर खेतां ते कम्म करी नैं घरेयो वापस आएया। तिन्हीं अपणे घरे आई नैं नचणे-गाणे दी ऊआज सुणी कने हरान होएया कि एह़ क्या होआ दा ऐ।”

![](https://cdn.door43.org/obs/jpg/360px/obs-en-35-11.jpg)

“जाह़लू बड्डे पुत्तरे जो पता लगा कि मेरे भाऊये दे वापस ओणे पर खुसी मना दे हन ताह़लू सैह़ बड़ा गुस्सा होएया कने घरे अन्दर नीं आएया। तिसदे बुढ़ैं बाहर आई करी तिस नैं ग्लाया कि तू भी आई नैं अहां सौगी खुसी मनाणा अन्दर चल, अपर तिन्हीं अन्दर जाणे ते मना करी दित्ता।”

![](https://cdn.door43.org/obs/jpg/360px/obs-en-35-12.jpg)

“तिन्हीं बड्डे पुत्तरैं अपणे बुढ़े नैं ग्लाया, बापू जी, मैं इतणे साल इमानदारिया नैं तिज्जो तांई कम्म करदा रेह्आ कने कदी भी तेरी गल्ल नीं टाल़ी, अपर तैं कदी भी मेरे तांई पाल़ेया पेरू नीं दित्ता तांजे मैं अपणेया दोस्तां सौगी खुसी मनाई सकैं। अपर तेरे इस लोक्के पुत्तरैं तेरी सारी जायदात बुरेयां कम्मां च बर्बाद करी दित्ती। कने हुण जाह़लू एह़ घर वापस आई गेआ तां तिस तांई खुसी मनाणे जो तैं पाल़ेया पेरू बड्डी दित्ता!”

![](https://cdn.door43.org/obs/jpg/360px/obs-en-35-13.jpg)

“बुढ़ैं तिसदिया गल्ला दा जवाब दित्ता, हे मेरे पुत्तर, तू सदा मिन्जो सौगी ऐ, कने जेहड़ा कुच्छ मेरा ऐ सैह़ सब कुच्छ तेरा ऐ। अपर अहां तांई खुसी मनाणा ठीक ऐ क्जोकि तेरा भाऊ मरी गेआ था, अपर हुण सैह़ जिन्दा ऐ। सैह़ खोई गेआ था, अपर हुण अहां जो वापस मिल्ली गेआ ऐ!”

*इक्क बाइबला दी काहणी लूका अध्याय 15:11-32*

Audio: https://git.door43.org/OBS-TLF/xnr_obs/releases/download/v1/xnr_obs_v1_35_128kbps.m4a

## 36. यीशु दा रूप बदल़ी जाणा

https://openbiblestories.org/l/xnr/story-36/

![](https://cdn.door43.org/obs/jpg/360px/obs-en-36-01.jpg)

इक्क दिन, यीशु अपणे त्रीं चेलेयां जो अपणे सौगी लेई आएया, जिन्हां दा नां पतरस, याकूब, कने यूहन्ना था। कने यीशु तिन्हां जो प्रार्थना करणे तांई इक्क ऊच्चे प्हाड़े पर लेई गेआ।

![](https://cdn.door43.org/obs/jpg/360px/obs-en-36-02.jpg)

जाह़लू यीशु प्रार्थना करा दा था तां तिसदा चेहरा सूरजे साइआं चमकणा लग्गा। तिसदे कपड़े रोशनी साइआं चिट्टे होई गे, इतणे चिट्टे कि धरतिया पर कोई भी धोबी इतणे चमकाई नीं सकदा था।

![](https://cdn.door43.org/obs/jpg/360px/obs-en-36-03.jpg)

ताह़लू मूसा कने एलिय्याह भविष्यवक्ता प्रगट होये। एह़ माणु इसा धरतिया पर सैकड़ो साल पैहल्लैं रैंह्दे थे। तिन्हां यीशुये नैं तिसदिया मौती दे बारे च गल्ल कित्ती, जेह्ड़ी यरुशलेम सैहरे च होणे आल़ी थी।

![](https://cdn.door43.org/obs/jpg/360px/obs-en-36-04.jpg)

जाह़लू मूसा कने एलिय्याह यीशुये नैं गल्लां करा दे थे ताह़लू पतरसैं यीशु नैं ग्लाया, “हे गुरु अहां दा ऐत्थु रैहणा ठीक ऐ। जे तेरी इच्छा ऐ तां अहां ऐत्थु त्रै तम्बू बणाई लेन, इक्क तिज्जो तांई, इक्क मूसा तांई कने इक्क एलिय्याह तांई।” अपर पतरस नीं जाणदा था कि मैं क्या ग्ला दा ऐ।

![](https://cdn.door43.org/obs/jpg/360px/obs-en-36-05.jpg)

जाह़लू पतरस गल्ला दा था, तां इक्क चमकदार बदल़ तिन्हां पर छाई गेआ। भिरी तिन्हां बदल़े ते इक्क उआज़ सुणी कि “एह़ मेरा पुत्तर ऐ जिस नैं मैं प्यार करदा ऐ। मैं इसते खुस ऐ। तुहां सब इसदी सुणा।” सैह़ त्रींनो चेले डरी गै कने जमीना पर सोई गै।

![](https://cdn.door43.org/obs/jpg/360px/obs-en-36-06.jpg)

ताह़लू यीशुयैं तिन्हां जो छुएया कने ग्लाया, “डरा मत। उठी जा।” जाह़लू तिन्हां चौनी पास्सैं दिख्या, तां यीशु जो छड्डी करी तिन्हां अप्पु सौगी होर कोई नीं दिख्या।”

![](https://cdn.door43.org/obs/jpg/360px/obs-en-36-07.jpg)

जाह़लू यीशु कने सैह़ तिसदे त्रींनो चेले तिस प्हाड़े ते थलैं उतरा दे थे। ताह़लू यीशुयैं तिन्हां जो ग्लाया, “हुण जेहड़ा ऐत्थु होएया तिसियो कुसी नैं भी मत दस्सदे। मैं जल्दी ई मरने आल़ा कने भिरी मरेयां ते जिंदा होई जांगा। तिसदे बाद, तुहां लोकां जो दस्सी सकदे हन।”

*इक्क बाइबला दी काहणी मत्ती अध्याय 17:1-9; मरकुस 9:2-8; लूका 9:28-36*

Audio: https://git.door43.org/OBS-TLF/xnr_obs/releases/download/v1/xnr_obs_v1_36_128kbps.m4a

## 37. यीशु लाजरे जो मरेयां ते जिंदा करदा ऐ।

https://openbiblestories.org/l/xnr/story-37/

![](https://cdn.door43.org/obs/jpg/360px/obs-en-37-01.jpg)

इक्क बरी लाजर नांए दा इक्क माणु था। तिसदियां दो बैहणी थियां जिन्हां दा नां मरियम कने मार्था था। एह़ त्रींनो यीशु दे पक्के दोस्त थे। इक्क दिन, कुणकि यीशुये जो दस्सेया कि लाजर बड़ा बमार ऐ। जाह़लू यीशुयैं एह़ सुणेया तां तिन्हीं ग्लाया, “एह़ बमारी मौती दी अपर परमात्मे दिया महिमा तांई ऐ तांजे लोक परमात्मे दा आदर करन।”

![](https://cdn.door43.org/obs/jpg/360px/obs-en-37-02.jpg)

यीशु अपणे दोस्तां नैं प्यार करदा था, अपर जित्थु सैह़ था। तित्थू तिन्हां दो दिन होर इन्तजार कित्ता। अपर दूँ दिनां बाद यीशुयैं अपणे चेलेयां जो ग्लाया, “ओआ, अहां वापस यहूदिया प्रदेसे जो चलदे। “चेलेयां जवाब दित्ता, “हे गुरु, हुण कुच्छ बग्त पैहल्लैं तित्थु दे लोक तिज्जो मारी दैणा चांहदे थे!” यीशुयैं ग्लाया, “अहां दा दोस्त लाजर सोई गेआ ऐ, कने मिन्जो तिसियो जगाणा ऐ।”

![](https://cdn.door43.org/obs/jpg/360px/obs-en-37-03.jpg)

यीशुये दे चेलेयां जवाब दित्ता, “हे प्रभु, जे लाजर सुतेया ऐ, तां सैह़ जागी जांगा।“ ताह़लू यीशुयैं तिन्हां नैं साफ-साफ ग्लाई दित्ता, “लाजर मरी गेआ ऐ। मैं खुस ऐ कि मैं तित्थु नीं था, तांजे तुहां मिन्जो पर बसुआस करी सकन।”

![](https://cdn.door43.org/obs/jpg/360px/obs-en-37-04.jpg)

जाह़लू यीशु लाजरे दे ग्रांऐ च पुज्जा ताह़लू लाजरे जो कब्रा च रखेयो चार दिन होई गियो थे। मार्था यीशुये नैं मिलणे तांई बाहर आई कने ग्लाणा लग्गी, “हे प्रभु, जे तू ऐत्थु हुंदा तां मेरा भाऊ नीं मरदा। अपर मैं बसुआस करदी ऐ कि जेहड़ा कुच्छ भी तू परमात्मे ते मंगगा सैह़ तिज्जो तांई करगा।”

![](https://cdn.door43.org/obs/jpg/360px/obs-en-37-05.jpg)

यीशुयैं जवाब दित्ता, “ज़िन्दगी दैणे आल़ा कने दोबारा जिन्दा करणे आल़ा सिर्फ मैं ई ऐ। जेहड़ा कोई मिन्जो पर बसुआस करदा ऐ जे सैह़ मरी भी जां तां भी जींगा। जेहड़ा कोई मिन्जो पर बसुआस करदा ऐ सैह़ कदी नीं मरगा। क्या तू इस पर बसुआस करदी ऐ?” मार्था जवाब दित्ता, “हे प्रभु, मैं बसुआस करदी ऐ कि तू परमात्मे दा पुत्तर मसीह ऐ।”

![](https://cdn.door43.org/obs/jpg/360px/obs-en-37-06.jpg)

ताह़लू मरियम तित्थु आई जित्थु यीशु था। सैह़ यीशुये दे पैरां च पेई करी ग्लाणा लग्गी, “हे प्रभु, जे तू ऐत्थु हुंदा तां मेरा भाऊ नीं मरदा।” यीशुयैं तिसा ते पुछया, “तुहां लाजरे जो कुत्थु रखेया ऐ?” तिन्हां यीशु नैं ग्लाया, “हे प्रभु कब्रा च। आ कने दिक्खी ले।” ताह़लू यीशु रोणा लग्गा।

![](https://cdn.door43.org/obs/jpg/360px/obs-en-37-07.jpg)

सैह़ कब्र इक्क गुफा च बणाईयो थी तिसादे मुँए पर इक्क बड़ा बड्डा पत्थर रखेया था। जाह़लू यीशु कब्रा पर पुज्जा, तां तिन्हीं तिन्हां नैं ग्लाया, “पत्थरे हटाई देआ।” अपर मार्था यीशु नैं ग्लाया, “हे प्रभु लाजरे जो मरेयो चार दिन होई गियो हन। हुण तां तिस च बदबू ओणा लग्गी पेईयो।”

![](https://cdn.door43.org/obs/jpg/360px/obs-en-37-08.jpg)

यीशुयैं जवाब दित्ता, “क्या मैं तिज्जो नैं नीं ग्लाया था कि जे तू मिन्जो पर बसुआस करगी तां परमात्मे दिया सामर्थी जो दिखगी?” इसतांई तिन्हां तिस पत्थरे जो हटाई दित्ता।

![](https://cdn.door43.org/obs/jpg/360px/obs-en-37-09.jpg)

ताह़लू यीशुयैं सुअर्गे दे पास्सैं दिक्खी करी ग्लाया, हे पिता परमात्मा, मैं तेरा धन्यावाद करदा ऐ क्जोकि तैं मेरी सुणी लेई ऐ। मैं जाणदा ऐ कि तू सदा मेरी सुणदा ऐ, अपर मैं एह़ ऐत्थु खड़ौत्यो लोकां दी मदत करणे तांई ग्लाया ऐ, तांजे एह़ बसुआस करन कि तैं मिन्जो घल्लेया ऐ।” ताह़लू यीशुयैं उआज़ लगाई, “हे लाजर, बाहर निकल़ी आ!”

![](https://cdn.door43.org/obs/jpg/360px/obs-en-37-10.jpg)

कने लाजर कफने समेत बाहर निकल़ी आएया! यीशुयैं तिन्हां जो ग्लाया, “इस कफने जो नकाल़णे च इसदी मदत करा कने इसियो जाणा देआ।” ताह़लू जेह्ड़े यहूदी लोक मरियमा सौगी आएयो थे तिन्हां यीशु दे इस चमत्कारे दिख्या कने तिन्हां च मतेआं लोकां यीशु पर बसुआस कित्ता।

![](https://cdn.door43.org/obs/jpg/360px/obs-en-37-11.jpg)

अपर यहूदी लोकां दे धार्मिक अगुवे यीशुये ते जल़ण करणा लग्गे, इसतांई सैह़ किट्ठे होई करी यीशु जो कने लाजरे जो मारणे दी योजना बणाणा लग्गे।

*इक्क बाइबला दी काहणी यूहन्ना 11:1-46*

Audio: https://git.door43.org/OBS-TLF/xnr_obs/releases/download/v1/xnr_obs_v1_37_128kbps.m4a

## 38. यीशु जो पकड़वाया जाणा

https://openbiblestories.org/l/xnr/story-38/

![](https://cdn.door43.org/obs/jpg/360px/obs-en-38-01.jpg)

यहूदी लोक हर साल फसह दा त्योहार मनांदे थे। एह़ इस यादा तांई त्योहार मनांदे थे कि मतिआं सदियां पैहल्लैं परमात्मे तिन्हां दे पुर्वजां जो मिस्रे देसे दिया गुलामिया ते बचाया था। लगभग त्रै साल बाद यीशुयैं सिक्षा दैणा शुरू कित्ता। यीशुयैं अपणेया चेलेयां जो ग्लाया, कि एह़ फसह दा त्योहार तिन्हां सौगी यरुशलेम सैहरे च मनाणा चांहदा ऐ, कने एह़ सैई जगाह ऐ जित्थु मैं मारेया जांगा।

![](https://cdn.door43.org/obs/jpg/360px/obs-en-38-02.jpg)

यीशुये दे चेलेयां च इक्क यहूदा इस्करियोती नांऐ दा माणु था। यहूदे जो प्रेरितां दे पैसेयां दिया थैलिया जो रखणे दी जिम्मेवारी दित्तियो थी, सैह़ पैसेयां नैं प्यार करदा था कने हर बरी सैह़ थैलिया ते पैसेयां चोरी लैंदा था। जाह़लू यीशु कने चेले यरुशलेम च पुज्जे, ताह़लू यहूदा यहूदी अगुवां अल्ल गेआ। तिन्हीं पैसेयां दे बदले यीशु जो पकड़ुआणे दी तिन्हां सौगी योजना बणाई। सैह़ जाणदा था कि यहूदी अगुवे यीशु जो मसीह नीं मनदे, सैह़ जाणदा था कि सैह़ तिसियो मारी दैणा चांहदे थे।

![](https://cdn.door43.org/obs/jpg/360px/obs-en-38-03.jpg)

महायाजक दे ग्लाणे पर यहूदी अगुवां यीशुये जो तिन्हां दे हत्थां च पकड़ुआणे तांई यहूदा इस्करोतिये जो तीई चाँदिया दे सिक्के दित्ते। इसा गल्‍ला दे बारे च भविष्यवक्तां पैहल्लैं दस्सी दित्या था। यहूदा यीशु जो पकड़ुआणे तांई यहूदा इस्करियोती मन्नी गेआ कने तिन्हां ते तीई चाँदिये दे सिक्केयां जो लेई करी चली गेआ। भिरी सैह़ मौका तोपणा लग्गा कि यीशु जो किआं पकड़ुआं।

![](https://cdn.door43.org/obs/jpg/360px/obs-en-38-04.jpg)

यीशु यरुशलेम सैहरे च अपणे चेलेयां सौगी फसह दा त्योहार मनाया। फसह दे त्योहारे च खाणा खांदे बग्त यीशुयैं रोटी लेई कने परमात्मे ते आसीष मंगी करी तोड़ी। तिन्हीं ग्लाया, “इसायो लेआ कने खा। एह़ मेरा शरीर ऐ जेहड़ा मैं तुहां तांई दिंदा ऐ। मेरिया यादा च इआं ई करनेयों।” इस तरीके नैं यीशुयैं ग्लाया कि सैह़ तिन्हां तांई मरी जांगा, मतलब तिन्हां तांई सैह़ अपणे आप्पे जो बलिदान करी दिंगा।

![](https://cdn.door43.org/obs/jpg/360px/obs-en-38-05.jpg)

भिरी यीशुयैं इक्क कटोरे च अंगूरा दा रस लेआ कने ग्लाया, “इसियो पी लेआ। एह़ नोईया वाचा दा मेरा खून ऐ जेह्ड़ा मतेआं लोकां दे पापां दी माफी तांई बहाया जांदा। परमात्मा तुहां दे पापां जो माफ करैं। मेरिया यादा च इआं ई करा।” इस तरीके नैं, यीशुयैं तिन्हां जो ग्लाया कि मेरा खून तुहां दे पापां दी माफी तांई बहाया जांदा ऐ।”

![](https://cdn.door43.org/obs/jpg/360px/obs-en-38-06.jpg)

ताह़लू यीशुयैं अपणेया चेलेयां जो ग्लाया, “तुहां च इक्क माणु मिन्जो पकड़ुआणे आल़ा ऐ।” चेले हरान होई गै, कने पूछणा लग्गे कि कुण ऐदेया कम्म करगा। यीशुयैं ग्लाया, “मिन्जो पकड़ुआणे आल़ा माणु सैह़ ऐ जिसियो मैं एह़ रोटिया दा टुकड़ा दिंदा ऐ।” ताह़लू तिन्हीं सैह़ रोटी यहूदा इस्करोतिये जो दित्ती।

![](https://cdn.door43.org/obs/jpg/360px/obs-en-38-07.jpg)

तिसा रोटिया जो लैणे दे बाद, यहूदा इस्करियोती च सैतान समाई गेआ। यहूदा तित्थु ते चली गेआ सैह़ यीशु जो पकड़णे तांई यहूदी अगुवां दी मदत करणा चली गेआ। एह़ राती दा बग्त था।

![](https://cdn.door43.org/obs/jpg/360px/obs-en-38-08.jpg)

खाणा खाणे ते बाद, यीशु कने तिसदे चेले जैतून प्हाड़े पर चली गे। ताह़लू यीशुयैं तिन्हां जो ग्लाया, “तुहां सारे अज्ज राती मिन्जो छड्डी करी नठी जांगे। क्जोकि पवित्रशास्त्रे च लिख्या ऐ, मैं भेड्डां दे चरवाहे जो मारगा कने सारियां भेड्डां बिछड़ी जांगियां।”

![](https://cdn.door43.org/obs/jpg/360px/obs-en-38-09.jpg)

इसा गल्ला पर पतरसैं ग्लाया, “बेसक सारे तिज्जो छड्डी करी नठी जांगे, अपर मैं तिज्जो कदी नीं छड्डगा!” ताह़लू यीशुयैं पतरसे जो ग्लाया, “सैतान तुहां सारेयां दी परख लैणा चांहदा ऐ, अपर हे पतरस, मैं तिज्जो तांई प्रार्थना कित्तियो ऐ कि तू बसुआसे ते कमजोर नीं होई जां। भिरी भी अज्ज राती, मुर्गे दे बांग दैणे ते पैहल्लैं तू त्रै बरी मिन्जो पछैणने ते मना करगा कि तू मिन्जो नीं जाणदा ऐ।”

![](https://cdn.door43.org/obs/jpg/360px/obs-en-38-10.jpg)

ताह़लू पतरसे यीशुयैं नैं ग्लाया, “बेसक मिन्जो तिज्जो सौगी मरणा भी पोंगा, तमी मैं तिज्जो पछैणने ते कदी नीं मुकरगा!” बाकि सारेयां चेलेयां भी इआं ई ग्लाया।

![](https://cdn.door43.org/obs/jpg/360px/obs-en-38-11.jpg)

ताह़लू यीशु अपणे चेलेयां सौगी गतसमनी नांऐ दिया जगाह पर गेआ। यीशुयैं अपणे चेलेयां जो प्रार्थना करणे तांई ग्लाया तांजे सैतान तिन्हां दी परख नीं करी सकैं। ताह़लू यीशु प्रार्थना करणे तांई चली गेआ।

![](https://cdn.door43.org/obs/jpg/360px/obs-en-38-12.jpg)

यीशुयैं त्रै बरी प्रार्थना कित्ती, “हे मेरे पिता परमात्मा, जे तेरी इच्छा ऐ तां मिन्जो इस दुखे दे बग्ते ते बचाई लै। अपर जे लोकां दे पाप माफ करणे तांई होर कोई जरिया नीं ऐ, तां भिरी मेरी नीं तेरी इच्छा पूरी होयैं।” यीशु बड़ा बचैन था कने तिसदा पसीना खूने दियां बूंदा साइआं जमीना पर पोणा लग्गा। यीशु जो सामर्थ दैणे तांई परमात्मे इक्क स्वर्गदूत घल्लेया।

![](https://cdn.door43.org/obs/jpg/360px/obs-en-38-13.jpg)

प्रार्थना करणे बाद, यीशु अपणे चेलेयां अल्ल वापस आएया, अपर सैह़ सोई गियो थे। जाह़लू यीशु त्री बरी प्रार्थना करी नैं वापस आएया तां यीशुयैं अपणे चेलेयां नैं ग्लाया, “उठी पौया! मिन्जो पकड़णे आल़ा ऐत्थु आई गेआ ऐ।”

![](https://cdn.door43.org/obs/jpg/360px/obs-en-38-14.jpg)

ताह़लू यहूदा इस्करियोती यहूदी अगुवां कने मतेआं सपाईयां जो तलवारां कने डांगा समेत लेई आएया। थियां। यहूदा इस्करोतियैं यीशुये अल्ल आएया कने ग्लाया, “प्रणाम गुरू जी,” कने यीशु जो अपणे गल़े लगाया। यहूदैं तिन्हां जो पैहल्लैं ई दस्सी दित्या था कि जिसियो मैं प्रणाम करगा कने गल़ैं लगांगा सैई यीशु ऐ। ताह़लू यीशुयैं ग्लाया, “हे यहूदा, क्या तू मिन्जो पकड़ुआणा चांह़दा ऐ?”

![](https://cdn.door43.org/obs/jpg/360px/obs-en-38-15.jpg)

जाह़लू सैह़ सैनिक यीशुये जो पकड़णा लग्गे, तां पतरसैं अपणी तलवार कड्डी कने महायाजक दे इक्की दासे दा कन्न बड्डी दित्ता। ताह़लू यीशुयैं ग्लाया, “ओ पतरस तलवारा अपणिया म्याना च रख! क्या तू नीं जाणदा जे मैं अपणे पिता परमात्मे नैं विणती करैं तां तिन्हीं मिन्जो बचाणे तांई ते स्वर्गदूतां दी इक्क सेना घल्ली दैणी। अपर मिन्जो मेरे पिता परमात्मे दा हुक्म मनणा जरुरी ऐ।” ताह़लू यीशुयैं तिस माणुये दे कन्ने जो छूई करी ठीक करी दित्ता। ताह़लू सारे चेले नठी गे।

*बाइबला दी इक्क काहणी मत्ती अध्याय 26:14-56; मरकुस 14:10-50; लूका 22:1-53; यूहन्ना 12:6;18:1-11*

Audio: https://git.door43.org/OBS-TLF/xnr_obs/releases/download/v1/xnr_obs_v1_38_128kbps.m4a

## 39. महासभा च यीशु दा मुकदमा

https://openbiblestories.org/l/xnr/story-39/

![](https://cdn.door43.org/obs/jpg/360px/obs-en-39-01.jpg)

जाह़लू सपाईयां यीशु जो पकड़ेया था ताह़लू अधिया राती दा बग्त था। सैह़ सपाई यीशुये जो महायाजक दे घरे जो लेई आये, क्जोकि सैह़ यीशुये ते पुछताछ करणा चांहदा था। पतरस दूरे ते तिन्हां दा पीछा करा दा था। जाह्लू सपाई यीशु जो घरे अन्दर लेई गे, तां पतरस बाहर रूकी गेआ कने सपाईयां सौगी अग्गी सेकणा लग्गा।

![](https://cdn.door43.org/obs/jpg/360px/obs-en-39-02.jpg)

घरे दे अन्दर, यहूदी अगुवां यीशुये पर मुकदमा चलाया। सैह़ तिसदे खलाफ झूठी गवाही दैणे तांई मते सारे झुठे गवाह लेई करी आये। हलांकि तिन्हां दी गवाही इक्की दूये नैं मिलदी-जुलदी नीं थियां, इसतांई यहूदी अगुवे यीशु जो दोसी साबित नीं करी सके। अपर यीशुयैं कुच्छ नीं ग्लाया।

![](https://cdn.door43.org/obs/jpg/360px/obs-en-39-03.jpg)

ताह़लू महायाजक यीशु दी तरफ दिक्खी करी ग्लाणा लग्गा, “अहां जो दस्स कि क्या तूंई जिन्दे परमात्मे दा पुत्तर मसीह ऐ?”

![](https://cdn.door43.org/obs/jpg/360px/obs-en-39-04.jpg)

यीशुयैं ग्लाया, “हाँ मैं आएया ऐ, कने तुहां मिन्जो परमात्मे सौगी बैठेया कने सुअर्गे ते ओंदे भी दिखगे।” महायाजकैं गुस्से च अपणे कपड़े फाड़ी दित्ते क्जोकि सैह़ यीशुये दिया गल्ला पर बड़ा गुस्सा होएया। सैह़ दूयेयां अगुवां नैं ग्लाणा लग्गा, “हुण अहां जो एह़ दस्सणे तांई कि कुसी होर गवाह दी जरूरत नीं ऐ कि इन्हीं माणुये क्या कित्तेया ऐ। तुहां हुण अप्पू ई सुणी लेआ ऐ कि इन्हीं अपणे आप्पे जो परमात्मे दा पुत्तर ग्लाया। इससदे बारे च हुण तुहां दा क्या फैसला ऐ?”

![](https://cdn.door43.org/obs/jpg/360px/obs-en-39-05.jpg)

सारेयां यहूदी अगुवां महायाजके जो जवाब दित्ता, “एह़ मरने दे लायक ऐ!” ताह़लू तिन्हां यीशुये दियां अंखी पर पट्टी बन्नी दित्ती, तिस पर थूकेया, तिसियो मारेया, कने तिसदा मजाक डुआया।

![](https://cdn.door43.org/obs/jpg/360px/obs-en-39-06.jpg)

जाह़लू पतरस बाहर अँगणे च अग्गी सेकणा बैठया था ताह़लू इक्की दासिया तिसियो दिख्या कने तिस नैं ग्लाया, “तूमी यीशुये सौगी था!” पतरसैं मना करी दित्ता। बादे च दूईया दासिया भी पतरसे जो दिक्खी करी ऐई ग्लाया, “तूमी यीशुये सौगी था!” अपर पतरसैं भिरी ते मना करी दित्ता, कि मैं तिस सौगी नीं ऐ। बादे च कुच्छ लोकां भी तिसियो ग्लाया, “अहां जाणदे हन कि तू यीशुये सौगी था क्जोकि तुहां दोयो गलील प्रदेसे ते हन।”

![](https://cdn.door43.org/obs/jpg/360px/obs-en-39-07.jpg)

ताह़लू एह़ सुणी करी पतरसैं ग्लाया, “जे मैं इस माणुये जो जाणदा हुंदा तां परमात्मा मिन्जो श्राप दैं!” पतरसे दिया इसा गल्ला ग्लाणे ते बाद, ताह़लू इक्की कुक्ड़ै बांग दित्ती। यीशुयैं पचांह़ मुड़ी करी पतरसे पास्सैं दिख्या।

![](https://cdn.door43.org/obs/jpg/360px/obs-en-39-08.jpg)

ताह़लू पतरस तित्थु ते चली गेआ कने बड़ा भारी रोया। तिस बग्त, यीशुये जो पकड़णे आल़े यहूदा इस्करियोतियैं दिख्या कि यहूदी अगुवां यीशु जो मौती दी सज़ा दित्ती ऐ। यहूदा बड़ा दुखी होएया कने जाई करी अपणे आपे जो फांसी लगाई लेई।

![](https://cdn.door43.org/obs/jpg/360px/obs-en-39-09.jpg)

हुण तिस देसे दा राज्यपाल पिलातुस था। जेह्ड़ा रोमी सरकारा तांई कम्म करदा था इसतांई यहूदी अगुवे यीशुये जो तिस अल्ल लेई करी आये। सैह़ चांहदे थे कि पिलातुस तिसियो मौती दी सज़ा दैई नैं मारी दैन। ताह़लू पिलातुसैं यीशुये ते पुछ्या, “क्या तू यहूदियां दा राजा ऐ?”

![](https://cdn.door43.org/obs/jpg/360px/obs-en-39-10.jpg)

यीशुयैं जवाब दित्ता, “तैं सच्च ग्लाया ऐ। अपर मेरा राज्ज इसा धरतिया दा नीं ऐ। जे मेरा राज्ज ऐत्थु दा हुंदा तां मेरे दास मिन्जो तांई लड़ाई करदे। मैं धरतिया पर परमात्मे दी सच्चाई दस्सणे तांई आएया ऐ। हर इक्क माणु जेहड़ा सचाईया नैं प्यार करदा ऐ सैह़ मेरी सुणदा ऐ।” पिलातुसैं ग्लाया, “तां सच्चाई क्या ऐ?”

![](https://cdn.door43.org/obs/jpg/360px/obs-en-39-11.jpg)

यीशुये सौगी गल्ल करणे ते बाद, पिलातुस बाहर जाई करी लोकां नैं ग्लाणा लग्गा, “मिन्जो इस माणुये च मौती आल़ी सज़ा दे लायक कोई दोस नीं मिल्ला।” अपर यहूदी अगुवां कने लोक जोरे-जोरे नैं ग्लाणा लग्गे, “इसियो सूल़िया पर टुँगी देआ।” पिलातुसैं जवाब दित्ता, “इन्हीं माणुयैं कोई गलत कम्म नीं कित्तेया ऐ।” अपर सैह़ भिरी जोरे-जोरे नैं डडणा लग्गे। ताह़लू पिलातुसैं तिन्हां नैं त्री बरी ग्लाया, “एह़ माणु दोसी नीं ऐ।”

![](https://cdn.door43.org/obs/jpg/360px/obs-en-39-12.jpg)

पिलातुस डरी गेआ कि भीड़ा आल़े लोक दंगे शुरु करी नीं दैन, इसतांई सैह़ यीशु जो सूल़िया पर टुँगणे तांई मनी गेआ। रोमी सपाईयां यीशुये जो कोड़े लगाये, भिरी तिसियो बैंगनी रंगे दे कपड़े पैहनाये कने तिसदे सिरे पर कंडेया दा मुकुट बणाई करी रखेया। ताह़लू सैह़ एह़ ग्लाई करी तिसदा मजाक डुआणा लग्गे, “दिक्खा एह़ यहूदियां दा राजा!”

*बाइबला दी इक्क काहणी मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16*

Audio: https://git.door43.org/OBS-TLF/xnr_obs/releases/download/v1/xnr_obs_v1_39_128kbps.m4a

## 40. यीशुये जो सूल़िया पर टुँगणा

https://openbiblestories.org/l/xnr/story-40/

![](https://cdn.door43.org/obs/jpg/360px/obs-en-40-01.jpg)

यीशुये दा मजाक डुआणे ते बाद, सपाई तिसियो सूल़िया पर टुँगणे तांई लेई गे। तिन्हां सैह़ सूल़ी तिसते चुकवाई, जिस पर सैह़ टुँगणा था।

![](https://cdn.door43.org/obs/jpg/360px/obs-en-40-02.jpg)

सैह़ सपाई यीशुये जो तिसा जगाह पर लेई आये जिसा जो “खोपड़ी दी जगाह ग्लाया जांदा ऐ” कने तित्थु तिसदे हत्थ-पैर तिसा सूल़िया च ठोकी दित्ते। अपर यीशुयैं ग्लाया, “हे पिता परमात्मा, इन्हां जो माफ कर, क्जोकि एह़ नीं जाणदे कि एह़ क्या करा दे हन।” पिलातुसैं सपाईयां जो सूलिया पर इक्क लकड़ी दी तख्ती लगाणे दा हुक्म दित्ता। तिसा पर लिख्या था, “यीशु यहूदियां दा राजा।”

![](https://cdn.door43.org/obs/jpg/360px/obs-en-40-03.jpg)

ताह़लू सपाईयां यीशु दे कपड़े अप्पु च बंडणे तांई पर्चियां पाईआं कि कुसियो क्या मिलदा ऐ। जाह़लू तिन्हां इआं कित्ता तां तिन्हां एह़ भविष्यवाणी पूरी कित्ती, जिसा च ग्लाया था, “तिन्हां मेरेयां कपड़े अप्पु च बंडी ले, कने तिन्हां मेरेयां कपड़ेयां तांई पर्चियां पाईआं।”

![](https://cdn.door43.org/obs/jpg/360px/obs-en-40-04.jpg)

जित्थु यीशु सूल़िया पर टुँगेया था, तित्थु दो डाकू भी थे जेह्ड़े सपाईयां तिसी बग्त सूल़िया पर टुँगेयो थे। इक्क सज्जे पास्सैं कने दूया खब्बैं पास्सैं। तिन्हां दूनीं च इक्क डाकू यीशु दी निन्दा करी नैं ग्लाणा लग्गा, जे तू मसीह ऐ तां अहां जो भी बचा कने अपणे आप्पे जो भी बचा। अपर दूयैं ग्लाया, “क्या तू परमात्मे दिया सज़ा नीं डरदा? अहां तां दोयो अपणे बुरे कम्मां दिया बजाह ते सज़ा भुगता दे हन, अपर एह़ माणु तां बेकसूर ऐ।” भिरी तिन्हीं यीशुये नैं ग्लाया, “जाह़लू तू अपणे राज्ज च ओंगा तां मिन्जो भी याद रखेयां।” यीशुयैं ग्लाया, “तू अज्ज ई मिन्जो सौगी सुअर्गे च हुंगा।”

![](https://cdn.door43.org/obs/jpg/360px/obs-en-40-05.jpg)

तिसे बाद यहूदी अगुवे कने लोक यीशु दी निन्दा करी नैं ग्लाणे लग्गे, “जे तू परमात्मे दा पुत्तर ऐ, तां अपने आप्पे जो बचा कने सूल़िया ते थलैं लोई आ। ताह़लू अहां तिज्जो पर बसुआस करगे।”

![](https://cdn.door43.org/obs/jpg/360px/obs-en-40-06.jpg)

ताह़लू दौपेरा बाराह बजे ते लेई नैं त्रै बजे तिकर सारे देसे च नेहरा छाई गेआ। बेसक एह़ दिने दा बग्त था।

![](https://cdn.door43.org/obs/jpg/360px/obs-en-40-07.jpg)

ताह़लू यीशुयैं जोरे नैं डडी करी ग्लाया, “पूरा होएया! हे पिता परमात्मा, मैं अपणी आत्मा जो तेरे हत्थां च दिंदा ऐ।” ताह़लू यीशुयैं अपणे प्राण छड्डी दित्ता। जाह़लू यीशु मरेया तां इक्क हिल्लण आएया। ताह़लू मन्दरे दा पड़दा ऊपरे ते लेई नैं थलै तिकर फटी करी दो टुकड़े होई गेआ। एह़ सैह़ पड़दा ऐ जेह्ड़ा बड़ी पवित्र जगाह च लगेया हुंदा ऐ कने जित्थु परमात्मे दी हजूरी हुंदी ऐ।

![](https://cdn.door43.org/obs/jpg/360px/obs-en-40-08.jpg)

अपणिया मौती दे जरिये यीशुयैं लोकां तांई परमात्में अल्ल औणे दा रस्ता खोली दित्ता। जेह्ड़ा सपाई यीशु दी निगरानी करा दा था कने जेहड़ा कुच्छ होएया था एह़ सब कुच्छ दिक्खी सैह़ ग्लाणा लग्‍गा, सच्ची च एह़ इक्क धर्मी माणु था कने परमात्मे दा पुत्तर था।”

![](https://cdn.door43.org/obs/jpg/360px/obs-en-40-09.jpg)

ताह़लू यूसुफ कने नीकुदेमुस नांऐ दे दो यहूदी अगुवे आये। सैह़ बसुआस करदे थे कि यीशु ई मसीह था। तिन्हां पिलातुसे अल्ल जाई नैं यीशु दा शरीर मंगेया। तिन्हां तिसदे शरीरे जो चिट्टे कपड़े च लपेटेया। कने जेह्ड़ी कब्र सैह़ चट्टाना च कोरी नैं बणाईयो थी तिसा कब्रा च रखी दित्ता। ताह़लू तिन्हां तिसा कब्रा दे मुँए पर इक्क बड्डा भारी पत्थर खसकाई नैं लगाई दित्ता।

*बाइबला दी काहणी मत्ती 27:27-61; मरकुस 15:16-47; लूका 23:26-56; यूहन्ना 19:17-42*

Audio: https://git.door43.org/OBS-TLF/xnr_obs/releases/download/v1/xnr_obs_v1_40_128kbps.m4a

## 41. यीशु दा मरेयां ते दोबारा जिन्दा होणा

https://openbiblestories.org/l/xnr/story-41/

![](https://cdn.door43.org/obs/jpg/360px/obs-en-41-01.jpg)

जाह़लू सपाईयां यीशु सूल़िया पर टुँगी दित्ता तां तिसते बाद, यहूदी अगुवां पिलातुसे नैं ग्लाया, तिस झूठै, यीशुयैं ग्लाया था कि सैह़ त्री दिनां बाद मरेयां ते जिन्दा होई जांगा। अहां जो एह़ दिखणे तांई कब्रा दी निगरानी करणी चाइदी ऐ, क्जोकि कुत्थी इआं नीं होयैं कि तिसदे चेले तिसदिया लाशा चोरी नैं लेई जान जो चुराई नीं लेई जान कने बादे च ग्लान कि सैह़ मरेयां ते दोबारा जिन्दा होई गेआ ऐ।"

![](https://cdn.door43.org/obs/jpg/360px/obs-en-41-02.jpg)

पिलातुसैं ग्लाया, “कुच्छ सपाई अपणे सौगी लेई जा, कने जिआं तुहां करी सकदे हन तिआं ई कब्रा दी रखवाल़ी करा।” इसतांईं तिन्हां तिसा कब्रा दे मुँए पर रखेयो पत्थरे पर इक्क मोहर लगाई दित्ती। कने तिसा कब्रा दे बाहर सपाईयां दा पैहरा लगाई दित्ता। तांजे कोई भी तिसदिया लाशा जो चुराई नीं सकैं।

![](https://cdn.door43.org/obs/jpg/360px/obs-en-41-03.jpg)

यीशुये दे मरने ते बाद, अगला दिन बिस्रामे आल़ा दिन था। कोई भी बिस्रामे आल़े दिनैं कम्म नी करी सकदा था, इसतांईं यीशुये दा कोई भी साथी कब्रा अल्ल नीं आएया था अपर बिस्रामे आल़े दिने ते बाद, दूये दिनैं भ्यागा कुच्छ जणासां यीशुये दिया कब्रा पर जाणे तांई त्यार होइआं। सैह़ यीशु दे सरीरे पर खुशबुदार चीज्जां लगाणा चांह़दियां थियां।

![](https://cdn.door43.org/obs/jpg/360px/obs-en-41-04.jpg)

तिन्हां जणासां दे पुज्जणे ते पैहल्लैं, कब्रा पर इक्क बड़ा बड्डा हिल्लण होएया। सुअर्गे ते इक्क सुअर्गदूतैं आईकरी तिस पत्थरे जो खसकाई दित्ता जेह्ड़ा कब्रा दे मुँए पर रखेया था कने तिस पर बैठी गेआ था। एह़ सुअर्गदूत तेज रोशनिया साइआं चमका दा था। कब्रा अल्ल जेह्ड़े सपाई थे तिन्हां सैह़ सुअर्गदूत दिख्या। सैह़ इतणे डरी गै कि बेहोश होई करी जमीना पर पेई गे।

![](https://cdn.door43.org/obs/jpg/360px/obs-en-41-05.jpg)

जाह़लू सैह़ जणासां कब्रा अल्ल पुज्जियां तां तिन्हीं सुअर्गदूतैं तिन्हां नैं ग्लाया, “मत डरा। यीशु ऐत्थू नीं ऐ। सैह़ मरेयां ते दोबारा जिन्दा होई गेआ ऐ, जिआं कि तिन्हीं ग्लाया था कि सैह़ मरेयां ते दोबारा जिन्दा होई जांगा! कब्रा च तोपा कने दिक्खा।" ताह़लू सैह़ जणासां कब्रा अन्दर जाई नैं यीशु दिया लाशा तोपणा लगियां कने भिरी तिन्हां तित्थु दिख्या कि यीशु दी लाश ऐत्थु नीं ऐ।

![](https://cdn.door43.org/obs/jpg/360px/obs-en-41-06.jpg)

ताह़लू तिन्हीं सुअर्गदूतैं तिन्हां जणासां नैं ग्लाया, “जाई करी तिसदेयां चेलेयां जो दस्सा, “कि यीशु मरेयां ते दोबारा जिन्दा होई गेआ ऐ कने सैह़ तुहां पैहल्लैं गलील प्रदेसे जो जांगा।'"

![](https://cdn.door43.org/obs/jpg/360px/obs-en-41-07.jpg)

सैह़ जणासां हरान होई गियां कने बड़ियां खुस होइआं। सैह़ चेलेयां जो एह़ खुशखबरी सणाणे तांईं दौड़ी करी गियां।

![](https://cdn.door43.org/obs/jpg/360px/obs-en-41-08.jpg)

जाह़लू सैह़ जणासां चेलेयां जो एह़ खुशखबरी दस्सणे तांई रस्ते च चलियां थियां, तां रस्ते च यीशु तिन्हां जो दुस्सेया। सैह़ तिसदेयां पैरां पर पेई गियां। ताह़लू यीशुयैं ग्लाया, “मत डरा। जाई करी मेरे चेलेयां नैं ग्ला कि सैह़ गलील प्रदेसे च पुज्जी जा। तिन्हां नैं मैं तित्थु मिलगा।"

*बाइबला दी इक्क काहणी मती 27:62-28:15; मरकुस 16:1-11; लूका 24:1-12; यूहन्ना 20:1-18*

Audio: https://git.door43.org/OBS-TLF/xnr_obs/releases/download/v1/xnr_obs_v1_41_128kbps.m4a

## 42. यीशु दा सुअर्गे जो वापस जाणा

https://openbiblestories.org/l/xnr/story-42/

![](https://cdn.door43.org/obs/jpg/360px/obs-en-42-01.jpg)

जिस दिन परमात्मैं यीशुये जो मरेयां ते दोबारा जिन्दा कित्ता था, तिसदे दो चेले कुसी ग्रांए च जा दे थे। कने रस्ते चलेयो इसा गल्ला दे बारे च गल्ल करा दे थे जेह्ड़ा यीशु सौगी होएया था सैह़ ग्ला दे ते कि सैह़ मसीह था, अपर तमी सैह़ मारेया गेआ। हुण सैह़ जणासां ग्ला दियां हन कि सैह़ दोबारा ते जिन्दा होई गेआ ऐ। सैह़ नी जाणदे थे कि कुसा गल्ला पर बसुआस करन।

![](https://cdn.door43.org/obs/jpg/360px/obs-en-42-02.jpg)

यीशुयैं आई करी तिन्हां चेलेयां सौगी चलणा लग्गा, अपर सैह़ तिसियो पणछैणी नीं सके। यीशुयैं तिन्हां ते पुछया कि तुहां कुसदे बारे च गल्लां करा दे हन। तिन्हां तिसियो पिछलेयां दिनां च यीशु सौगी होईयो सारी घटना दे बारे च दस्सेया। सैह़ सोचणा लग्गे, कि अहां कुसी परदेसी माणुये सौगी गल्लां करा दे हन जेह्ड़ा नीं जाणदा ऐ कि यरूशलेम सैहरे च क्या होएया था।

![](https://cdn.door43.org/obs/jpg/360px/obs-en-42-03.jpg)

ताह़लू यीशुयैं तिन्हां जो समझाया कि परमात्मे दा वचन मसीह दे बारे च क्या ग्लांदा ऐ। बड़ी पैहल्लैं, भविष्यवक्तां ग्लाया था कि बुरे लोक मसीह जो पीड़ित करगे कने मारी दिंगे। अपर भविष्यवक्तां एह़ भी ग्लाया था कि सैह़ त्रीये दिनैं दोबारा भिरी जिन्दा होई जांगा।

![](https://cdn.door43.org/obs/jpg/360px/obs-en-42-04.jpg)

जाह़लू सैह़ तिस सैहरे च पुज्जे जित्थु सैह़ दोयो रूकणा चांह़दे थे, ताह़लू लगभग संझ होई गियो थी। तिन्हां यीशु जो अपणे सौगी रूकणे तांई ग्लाया, तां सैह़ तिन्हां सौगी इक्की घरे च गेआ, कने सैह़ संझा दे खाणा खाणे तांई बैठी गे। यीशुयैं इक्क रोटी लेई कने परमात्मे दा धन्यवाद कित्ता, कने भिरी सैह़ तोड़ी। ताह़लू इकदम तिन्हां जो पता लग्गी गेआ कि एह़ यीशु ऐ। अपर ताह़लू तिकर सैह़ तिन्हां दिया नजरा ते गायब होई गेआ था।

![](https://cdn.door43.org/obs/jpg/360px/obs-en-42-05.jpg)

भिरी सैह़ दोयो इक्की दूये नैं ग्लाणा लग्गे, "सैह़ यीशु था! इसतांईं जाह़लू तिन्हीं अहां जो परमात्मे दे वचने ते समझया था तां अहां बड़े खुस थे।” सैह़ तिसी बग्त यरूशलेम सैहरे जो वापस चली गे। जाह़लू सैह़ पुज्जे तां तिन्हां बाकि चेलेयां जो दस्सेया, "यीशु सच्ची च जिन्दा होई गेआ ऐ! अहां तिसियो दिख्या ऐ!"

![](https://cdn.door43.org/obs/jpg/360px/obs-en-42-06.jpg)

जाह़लू चेले गल्लां करा दे थे, ताह़लू यीशु चाणचक तिस कमरे च तिन्हां दे सामणैं प्रकट होई गेआ। यीशुयैं तिन्हां नैं ग्लाया, "तुहां जो सांति मिल्लैं!" चेलेयां सोचेया कि एह़ कोई भूत ऐ, अपर यीशुयैं तिन्हां जो ग्लाया, "तुहां क्जो डरा दे हन? तुहां एह़ क्जो नी सोचदे कि एह़ सच्ची च मैं यीशु ऐ? मेरे हत्थां-पैरां जो दिखा। क्जोकि भूतां दा हड्डी कने मांस नीं हुंदा जेह्ड़ा तुहां मिन्जो च दिख्या ऐ।" यीशुयैं एह़ दस्सणे तांईं कि मैं कोई भूत नीं ऐ, तिन्हां ते कुच्छ खाणे तांई मंगेया। तिन्हां तिसियो मच्छिया दा इक्क पीस दित्ता, कने तिन्हीं तिसियो खाई लेआ।

![](https://cdn.door43.org/obs/jpg/360px/obs-en-42-07.jpg)

यीशुयैं ग्लाया, “मेरे बारे च परमात्मे दा वचन जेह़ड़ा कुच्छ भी ग्लांदा ऐ सैह़ पूरा हुंगा। मैं तुहां जो दस्सी दित्या था कि एह़ सब होणा जरूरी ऐ।" ताह़लू यीशुयैं तिन्हां जो परमात्मे दा वचन खरे कित्ते समझाया। तिन्हीं ग्लाया, “बड़ी पैहल्लैं भविष्यवक्तां लिख्या था, कि मसीह जो, मतलब मिन्जो दुख झेलणा हुंगा, मरणा हुंगा कने भिरी त्रीये दिनैं मरेयां ते दोबारा जिन्दा होणा हुंगा।"

![](https://cdn.door43.org/obs/jpg/360px/obs-en-42-08.jpg)

तिन्हां भविष्यवक्तां एह़ भी लिख्या था कि मेरे चेले परमात्मे दे वचन लोकां जो प्रचार करगे। कने हर इक्क माणु जो वचने दे जरिये दस्सगे कि अपणे पापां ते पश्चाताप करा। जे सैह़ इआं करदे हन तां परमात्मा तिन्हां देयां पापां जो माफ करगा। मेरे चेले इस संदेसे दा प्रचार यरूशलेम सैहरे ते सुरू करगे। ताह़लू सैह़ सारियां जगांह कने सारियां जातिआं च जांगे। कने जेह्ड़ा कुच्छ मैं ग्लाया कने कित्ता कने जेह्ड़ा कुच्छ मिन्जो सौगी होएया, तुहां इन्हां सारियां गल्लां दे गवाह हन।”

![](https://cdn.door43.org/obs/jpg/360px/obs-en-42-09.jpg)

इन्हां चाल़ी दिनां च, यीशु अपणे चेलेयां जो मती बरी दुस्सेया। इक्क बरी तां सैह़ इक्क ई बग्ते पर 500 ते भी जादा लोकां जो दुस्सेया। तिन्हीं अपणेयां चेलेयां जो मते तरिकेयां नैं साबित कित्ता कि मैं मरेयां ते दोबारा जिन्दा होई गेआ ऐ, कने यीशुयैं तिन्हां जो परमात्मे दे राज्ज दे बारे च सिक्षा दित्ती।

![](https://cdn.door43.org/obs/jpg/360px/obs-en-42-10.jpg)

यीशुयें अपणे चेलेयां जो ग्लाया, “पिता परमात्मे मिन्जो सुअर्ग कने धरतिया दा सारा अधिकार मिन्जो दित्या ऐ। इसतांई हुण मैं तुहां नैं ग्लांदा ऐ: जाई करी सारी जातिआं दे लोकां जो चेला बणां। कने तिन्हां जो पिता, पुत्तर कने पवित्र आत्मा दे नांए ते बपतिस्मा देआ। जेह्ड़े भी मैं तुहां जो हुक्म दित्ते हन तिन्हां सारे हुक्मां जो मनणे भी हन कने लोकां जो सखाणे भी हन। याद रखा, मैं हमेसा तुहां सौगी ऐ।"

![](https://cdn.door43.org/obs/jpg/360px/obs-en-42-11.jpg)

यीशुये दे मरेयां ते दोबारा जिन्दा होणे दे चाल़ी दिन बाद, तिन्हीं अपणे चेलेयां नैं ग्लाया, “सुणा मैं तुहां पर पवित्र आत्मा घल्लगा जिसदा वादा मेरे पिता परमात्मैं कित्या था, अपर जाह़लू तिकर मेरा पिता परमात्मा तुहां जो सामर्थ नीं दिंदा ऐ ताह़लू तिकर यरूशलेम सैहरे च रुक्की रेह्आ।” इन्हां गल्लां करणे ते बाद यीशु सुअर्गे जो वापस चली गेआ, कने इक्की बदल़ैं तिसियो तिन्हां दिया नजरा ते लक्काई लेआ। यीशु सुअर्गे च सारी चीज्जां पर राज्ज करणे तांई परमात्मे दे सज्जे पास्सैं बैटी गेआ।

*बाइबला दी इक्क काहणी मत्ती 28:16-20; मरकुस 16:12-20; लूका 24:13-53; यूहन्ना 20:19-23; प्रेरितां दे कम्म 1:1-11*

Audio: https://git.door43.org/OBS-TLF/xnr_obs/releases/download/v1/xnr_obs_v1_42_128kbps.m4a

## 43. कलीसिया दी सुरूआत होणा

https://openbiblestories.org/l/xnr/story-43/

![](https://cdn.door43.org/obs/jpg/360px/obs-en-43-01.jpg)

यीशुये दा सुअर्गे जो वापस चली जाणे ते बाद, चेले यरूशलेम सैहरे च रुकी गे जेह्ड़ा यीशुयैं तिन्हां जो करणे दा हुकम दित्या था। तित्थु दे बसुआसी लोक लागातार प्रार्थना करणे तांई किट्ठे हुंदे थे।

![](https://cdn.door43.org/obs/jpg/360px/obs-en-43-02.jpg)

हर साल, फसह दा त्योहार 50 दिन बाद, यहूदी लोक पिन्तेकुस्त नाए दे इक्क खास दिने जो मनांदे थे। पिन्तेकुस्त आल़े दिन यहूदी लोक कणका दी बड्डाईया दी खुसी मनांदे थे। सारे संसारे ते यहूदी लोक पिन्तेकुस्त आल़े दिन जो मनाणें तांई यरूशलेम सैहरे च आएयो थे। इस साल, पिन्तेकुस्त मनाणे दा बग्त यीशुये दा सुअर्ग चले जाणे दे लगभग इक्क हफ्ते बाद आएया था।

![](https://cdn.door43.org/obs/jpg/360px/obs-en-43-03.jpg)

पिन्तेकुस्त आल़े दिन सारे बसुआसी लोक इक्की जगाह पर किट्ठे थे, जिस घरे च सैह़ थे तित्थु चाणचक तेज हौआ दी उआज़ होई कने सारा गुंजी गेआ। ताह़लू तिन्हां दे सामणे अग्गी दियां ऐदिआं लपटां प्रकट होईआं कने सारे बसुआसियां देयां सिरां पर आई गियां। सैह़ सारे पवित्र आत्मा नैं भरौई गे कने तिन्हां होरनी भासां च प्रभु परमात्मे दी अराधना कित्ती। एह़ सैह़ भासां थियां जिन्हां जो ग्लाणे तां तिन्हां जो पवित्र आत्मा त्यार कित्या था।

![](https://cdn.door43.org/obs/jpg/360px/obs-en-43-04.jpg)

जाह़लू यरूशलेम सैहरे च रैंहणे आल़ेआं लोकां सैह़ उआज़ सुणी, तां एह़ दिखणे तांई सारे लोक किट्ठे होई गे कि एह़ क्या होआ दा ऐ। तिन्हां बसुआसी लोकां जो प्रभु परमात्मे दे जरिये कित्ते गे बड्डे-बड्डे कम्मां दा एलान करदे सुणेया। सैह़ हरान थे क्जोकि बेसक सैह़ लग्ग-लग्ग देसां ते आएयो थे कने लग्ग-लग्ग भासा ग्लांदे थे अपर सैह़ भी तिन्हां कम्मां जो अपणिया भासा च सुणना लगेयो थे। चेले इस्राएल देसे थे कने अरामी, इब्रानी कने यूनानी भासा ग्लांदे थे, अपर लोक अपणिया-अपणिया भासा च सुणा दे थे कि परमात्मे क्या-क्या कित्ता।

![](https://cdn.door43.org/obs/jpg/360px/obs-en-43-05.jpg)

इन्हां च कुच्छ लोक ग्लाणा लग्गे कि सैह़ चेले नशे च थे। अपर पतरस खडौई गेआ कने तिन्हां नैं ग्लाया, "मेरी गल्ल सुणा! एह़ लोक नशे च नी हन! इसदे बजाए, जेह्ड़ा तुहां दिखदे हन सैह़ एई ऐ जेह्ड़ा योएल भविष्यवक्तैं ग्लाया था कि एह़ होणा ऐ। परमात्मैं ग्लाया, “आखरी दिनां च, मैं सब लोक अपणिया आत्मा नैं भरी दिंगा।”

![](https://cdn.door43.org/obs/jpg/360px/obs-en-43-06.jpg)

“हे इस्त्राएली लोको, यीशु इक्क एदेया माणु था जिन्हीं एह़ दस्सणे तांई कि मैं कुण ऐ मते सारे अनोखे कम्म कित्त्यो थे। तिन्हीं परमात्मे दिया सामर्थी नैं मते सारे अनोखे कम्मां जो कित्ते थे। तुहां एह़ जाणदे हन, कजोकि तुहां इन्हां कम्मां जो दिख्या ऐ। अपर तुहां तिसियो सूल़िया पर टुँगी दित्ता।”

![](https://cdn.door43.org/obs/jpg/360px/obs-en-43-07.jpg)

यीशु मरी गेआ था अपर परमात्मैं तिसियो मरेयां ते दोबारा जिन्दा करी दित्ता। तिन्हीं सैह़ गल्ल पूरी करी दित्ती जेह्ड़ी इक्क भविष्यवक्तैं लिखियो थी: कि ‘तू अपणे पवित्र माणुये जो कब्रा च सड़ना नीं दिंगा।’ अहां इसा गल्ला दे गवाह हन कि परमात्मैं यीशुये जो दोबारा ते जिन्दा करी दित्ता।

![](https://cdn.door43.org/obs/jpg/360px/obs-en-43-08.jpg)

“पिता परमात्मैं हुण यीशुये जो अपणे सज्जे पास्सैं बैठाई करी तिसियो आदर दित्ता ऐ। कने यीशुयैं अहां तांई पवित्र आत्मा घल्लया ऐ जिसदा तिन्हीं वादा कित्या था कि मैं घल्लगा। पवित्र आत्मा ई तिन्हां कम्मां जो पूरा करदा ऐ जिन्हां जो तुहां दिखा दे कने सुणा दे हन।”

![](https://cdn.door43.org/obs/jpg/360px/obs-en-43-09.jpg)

“तुहां तिस माणुये, मतलब यीशुये जो सूल़िया पर टुँगी दित्ता। अपर जिसते तुहां जाणी लेआ कि परमात्मैं यीशुये जो सारियां चीज्जां पर प्रभु कने मसीह दोयो ठैहराया ऐ!"

![](https://cdn.door43.org/obs/jpg/360px/obs-en-43-10.jpg)

पतरसे दिया गल्ला जो सुणने आल़े लोक तिसदियां गल्लां नैं अन्दरे तिकर हिल्ली गियो थे। इसतांई तिन्हां पतरस कने चेलेयां ते पुछया, “भाऊओ, अहां जो क्या करना चाइदा।”

![](https://cdn.door43.org/obs/jpg/360px/obs-en-43-11.jpg)

पतरसैं तिन्हां जो जवाब दित्ता, “तुहां च हर इक्क माणु अपणे पापां ते पश्चाताप करैं तांजे परमात्मा तुहां देयां पापां जो माफ करैं, कने यीशु मसीह दे नांऐ ते बपतिस्मा लैं। ताह़लू सैह़ तुहां जो पवित्र आत्मा दा वरदान दिंगा।"

![](https://cdn.door43.org/obs/jpg/360px/obs-en-43-12.jpg)

पतरसे दिया गल्ला सुणी करी लगभग 3,000 लोकां यीशु पर बसुआस कित्ता कने सैह़ यीशुये दे चेले बणी गै। तिन्हां बपतिस्मा लेआ कने यरूशलेम सैहरे दिया कलेसियादा हिस्सा बणी गे।

![](https://cdn.door43.org/obs/jpg/360px/obs-en-43-13.jpg)

जाह़लू प्रेरितां तिन्हां जो सिक्षा दित्ती, तां बसुआसियां लगातार ध्याने नैं सुणी। सैह़ अप्पु च किट्ठे होई नैं संगति करदे थे कने इक्की दूये तांई प्रार्थना करदे थे, कने प्रभु भोज भी करदे थे। सैह़ मिली नैं परमात्मे दी स्तुति करदे थे कने जेह़ड़ा कुच्छ भी तिन्हां अल्ल था तिसियो अप्पु च बंडी लैंदे थे। तिस सैहरे दा हर इक्क माणु तिन्हां तांई अच्छा वचार रखदा था हर दिन, जादा ते जादा लोक बसुवासी बणदे गे।

*बाइबला दी इक्क काहणी प्रेरितां दे कम्म अध्याय 2*

Audio: https://git.door43.org/OBS-TLF/xnr_obs/releases/download/v1/xnr_obs_v1_43_128kbps.m4a

## 44. पतरस कने यूहन्ना दे जरिये इक्क लंगड़े भिखारी जो चंगा करणा

https://openbiblestories.org/l/xnr/story-44/

![](https://cdn.door43.org/obs/jpg/360px/obs-en-44-01.jpg)

इक्क दिन, पतरस कने यूहन्ना प्रार्थना करणे तांई मंदरे च गे। ताह़लू लोक इक्क लंगड़े भिखारी माणुये जो लेई करी आये, कने तिन्हां तिसियो मंदरे बाहर बैठाई दित्ता तांजे सैह़ ओणे-जाणे आल़े लोकां ते भीख मंगी सकैं। जाह़लू तिन्हीं पतरस कने यूहन्ने जो मंदरे च जांदे दिख्या तां तिन्हां ते भीख मंगणा लग्गा।

![](https://cdn.door43.org/obs/jpg/360px/obs-en-44-02.jpg)

पतरसैं तिस लंगड़े माणुये दी तरफ दिख्या कने ग्लाया, “मिन्जो अल्ल तिज्जो देणे तांई पैसे तां नीं हन। अपर जेह्ड़ा मिन्जो अल्ल ऐ सैह़ मैं तिज्जो दिंदा ऐ। यीशु दे नांऐ ते, उठ कने चल-फिर!"

![](https://cdn.door43.org/obs/jpg/360px/obs-en-44-03.jpg)

तिसी बग्त परमात्मैं तिस लंगड़े माणुये जो खरा करी दित्ता। सैह़ चलणा-फिरणा लग्गी पेआ कने परमात्मे दी स्तुति करणा लग्गा। मंदरे च खड़ौत्यो लोक तिसियो दिक्खी करी हराण होई गे।

![](https://cdn.door43.org/obs/jpg/360px/obs-en-44-04.jpg)

तिसी बग्त लोकां दी इक्क भीड़ तिस माणुये जो दिखणे तांई आई जेह़ड़ा खरा होई गेआ था। पतरसैं तिन्हां नैं ग्लाया, "एह माणु खरा दिक्खी करी हरान मत होआ। अहां इसियो अपणिया ताकता नैं खरा नीं कित्या ऐ, या इसतांई नी कि अहां परमात्मे दा आदर करदे हन। बल्कि, सैह़ यीशु ऐ जिन्हीं इस माणुये जो अपणिया सामर्थी नैं खरा कित्ता ऐ, क्जोकि अहां यीशु पर बसुआस करदे हन।”

![](https://cdn.door43.org/obs/jpg/360px/obs-en-44-05.jpg)

“सैह़ तुहां ही हन जिन्हां तिस राज्यपाल पिलातुसे नैं यीशु जो मारी देणे तांई ग्लाया था। तुहां तिसियो मारी दित्ता जेह्ड़ा सबना जो ज़िन्दगी दिंदा ऐ। अपर परमात्मैं तिसियो मरेयां ते दोबारा जिन्दा करी दित्ता ऐ। तुहां नीं समझेया कि तुहां क्या करा दे थे, अपर जाह़लू तुहां तिन्हां कम्मां जो करा दे थे, तां जेह़ड़ा भविष्यवक्तां ग्लाया था सैह़ पूरा होएया। तिन्हां ग्लाया था कि मसीह दुख झेलगा कने मरी जांगा। परमात्मैं एह़ इस तरीके नैं होणा दित्ता। इसतांई हुण अपणे पापां ते पश्चाताप करा कने परमात्मे दिया तरफा मुड़ा, तांजे सैह़ तुहां देयां पापां जो धोई करी साफ़ करी दैं।"

![](https://cdn.door43.org/obs/jpg/360px/obs-en-44-06.jpg)

जाह़लू मंदरे दे अगुवां पतरस कने यूहन्ने दियां गल्लां जो सुणेया, तां सैह़ बड़े जादा घबराई गै। इसतांई तिन्हां सैह़ गिरफ्तार करी ले कने जेला च पाई दित्ता। अपर जेह़ड़ा पतरसैं ग्लाया था तिस पर मतेआं लोकां बसुआस कित्ता। यीशु पर बसुआस करणे आल़े लोकां दी गिणती लगभग 5,000 होई गेई।

![](https://cdn.door43.org/obs/jpg/360px/obs-en-44-07.jpg)

अगले दिन इआं होएया कि सैह़ यहूदी अगुवे पतरस कने यूहन्ने जो महायाजके कने होर धार्मिक अगुवां दे सामणैं लेई करी आये। सैह़ तिस माणुये जो भी लेई करी आये जेह़ड़ा लंगड़ा था। तिन्हां पतरसे कने यूहन्ने ते पुछया, “इस लंगड़े माणुये जो खरा करणे दी सामर्थ कने अधिकार कुणी दित्ता?"

![](https://cdn.door43.org/obs/jpg/360px/obs-en-44-08.jpg)

पतरसै जवाब दित्ता, "एह़ माणु जेह्ड़ा तुहां सामणैं खड़ौत्या ऐ तिसियो यीशु मसीह दिया सामर्थी नैं खरा कित्या ऐ। तुहां यीशु जो सूल़िया पर टुँगी दित्ता, अपर परमात्मैं तिसियो दोबारा ते जिन्दा करी दित्ता। तुहां तिसियो अपनाया नीं, अपर यीशु मसीह ते अलावा उद्धार पाणे दा कोई दूया रस्ता नीं ऐ!"

![](https://cdn.door43.org/obs/jpg/360px/obs-en-44-09.jpg)

सैह अगुवे पतरस कने यूहन्ने दियां गल्लां सुणी करी हरान होई गे। तिन्हां दिख्या कि एह़ आम माणु थे कने अनपढ़ थे। अपर भिरी तिन्हां जो याद आएया कि एह़ माणु तां यीशु सौगी रैंह्दे थे। इसतांई तिन्हां पतरस कने यूहन्ने जो ग्लाया, “जे तुहां यीशु दे बारे च लोकां जो कोई होर संदेस सुणाया, तां अहां तुहां जो खतरनाक सजा दिंगे।" इन्हां गल्लां ग्लाणे ते बाद, तिन्हां पतरस कने यूहन्ने जो डराई-धमकाई करी जाणा दित्ता।

*बा इबला दी इक्क प्रेरितां कम्म अध्याय 3:1-4:22*

Audio: https://git.door43.org/OBS-TLF/xnr_obs/releases/download/v1/xnr_obs_v1_44_128kbps.m4a

## 45. स्तिफनुस कने फिलिप्पुस

https://openbiblestories.org/l/xnr/story-45/

![](https://cdn.door43.org/obs/jpg/360px/obs-en-45-01.jpg)

पैहल्ले दे मसीह अगुवां च स्तिफनुस नांऐ दा इक्क माणु था। सारे लोक तिसदा आदर करदे थे। पवित्र आत्मा तिसियो बड़ी सामर्थ कने अक्ल दित्तियो थी। स्तिफनुसैं मते चमत्कार कित्यो थे। जाह़लू तिन्हीं यीशुये पर बसुआस करणे दे बारे च तिन्हां जो सिक्षा दित्ती तां मतेआं लोकां यीशु पर बसुआस कित्ता।

![](https://cdn.door43.org/obs/jpg/360px/obs-en-45-02.jpg)

इक्क दिन, स्तिफनुस यीशु दे बारे च सिक्षा दे दा था, कने कुच्छ यहूदी माणु आये जिन्हां यीशु पर बसुआस नी कित्ता था कने तिस सौगी बैंह्सवाजी करणा लग्गे। सैह़ बड़ा गुस्सा होई गे, इसतांई सैह़ धार्मिक अगुवां अल्ल गे कने तिन्हां दे बारे च झूठ ग्लाया। तिन्हां ग्लाया, “अहां स्तिफनुसे जो मूसा कने परमात्मे दे बारे च बुरियां गल्लां ग्लांदे सुणेया ऐ!" इसतांई धार्मिक अगुवां स्तिफनुसे जो गिरफ्तार करी लेआ कने तिसियो महायाजक कने यहूदियां दे होरनी अगुवां दे सामणैं पेस कित्ता। कने होर भी झूठे गवाह आये कने तिन्हां स्तिफनुससे दे बारे च झूठ ग्लाया।

![](https://cdn.door43.org/obs/jpg/360px/obs-en-45-03.jpg)

महायाजकैं स्तिफनुसे ते पुछया, “क्या एह़ लोक तेरे बारे च सच्च ग्ला दे हन?” स्तिफनुसैं महायाजके जो जवाब देणे तांईं मतिआं गल्लां ग्लाईयां। तिन्हीं ग्लाया कि अब्राहम दे बग्ते ते यीशु दे बग्ते तिकर परमात्मैं इस्राएली लोकां तांईं मते अनोखे कम्म कित्ते हन। अपर लोकां हमेसा परमात्मे दा हुक्म नी मनेया था। स्तिफनुसैं तिन्हां जो एह़ भी ग्लाया, “तुहां लोक परमात्मे दे खलाफ बगाबत करणे आल़े कने ढीठ हन। तुहां हमेसा पवित्र आत्मा जो स्वीकार नीं कित्ता, जिआं अहां देयां पुर्वजां हमेसा पवित्र आत्मा जो स्वीकार नीं कित्ता था कने हमेसा तिसदेयां भविष्यवक्तां जो मारी दित्ता था। अपर जेह्ड़ा तिन्हां कित्या था तिसदिया तुलना च तुहां होर भी बुरा कम्म कित्या ऐ! तुहां मसीह जो मारी दित्ता !"

![](https://cdn.door43.org/obs/jpg/360px/obs-en-45-04.jpg)

जाह़लू तिन्हां धार्मिक अगुवां एह़ सुणेया, तां सैह़ इतणा गुस्सा होई गै कि तिन्हां अपणेयां कन्नां जो बन्द करी लेआ कने जोरे नैं डडणा लग्गे। कने सैह़ स्तिफनुसे जो घसीटी करी सैहरे ते बाहर लेई गे कने तिसियो जान्नी ते मारी देणे तांई तिस जो पत्थर मारे।

![](https://cdn.door43.org/obs/jpg/360px/obs-en-45-05.jpg)

जाह़लू स्तिफनुस मरणा लगेया था, ताम तिन्हीं उठी करी जोरे नैं ग्लाया, “हे यीशु मेरिया आत्मा जो अपनाई ले!” ताह़लू सैह़ अपणेयां गोड्डेयां पर पेई गेआ कने भिरी जोरे नैं ग्लाणा लग्गा, “हे प्रभु परमात्मा, एह़ पाप इन्हां पर मत लगांदा।” ताह़लू सैह़ मरी गेआ।

![](https://cdn.door43.org/obs/jpg/360px/obs-en-45-06.jpg)

तिस दिन, यरूशलेम सैहरे च रैंहणे आल़े मतेआं लोकां यीशु दे चेलेयां जो सताणा सुरू करी दित्ता, इसतांई बसुआसी लोक दूईयां जगांह जो नठी गे। अपर इसदे बाबजूद भी, जित्थु कुत्थी भी सैह़ गे तिन्हां यीशु दे बारे च प्रचार कित्ता।

![](https://cdn.door43.org/obs/jpg/360px/obs-en-45-07.jpg)

फिलिप्पुस नांऐ दा इक्क माणु यीशु पर बसुआस करदा था। जिआं दूये बसुआसी लोक नठी गियो थे सैह़ भी यरूशलेम सैहरे ते नठी गेआ। सैह़ सामरिया प्रदेसे जो चली गेआ। तित्थु तिन्हीं लोकां च यीशु दे बारे च प्रचार कित्ता। मतेआं लोकां यीशु पर बसुआस कित्ता कने उद्धार पाएया। इक्क दिन, फिलिप्पुसे अल्ल परमात्में दिया तरफा ते इक्क स्वर्गदूत आएया कने तिसियो सुनसाण जगाह च जाणे तांई, कने इक्क सड़का पर चलणे तांई ग्लाया। फिलिप्पुस तित्थु चली गेआ। जाह़लू सैह़ तिसा सड़का पर चलेया था, तां तिन्हीं इक्की माणुये जो अपणे रथे च जांदे दिख्या। एह़ माणु कुश देसे दा इक्क खास अधिकारी था। पवित्र आत्मा फिलिप्पुसे नैं ग्लाया कि जाई करी तिस माणुये दे रथे सौगी-सौगी चल कने तिस नैं गल्ल कर।

![](https://cdn.door43.org/obs/jpg/360px/obs-en-45-08.jpg)

इसतांई फिलिप्पुस रथे अल्ल गेआ। तिन्हीं सुणेया कि सैह़ कुशी अधिकारी परमात्मे दे वचने जो पढ़ा दा था। जेह्ड़ा यशायाह भविष्यवक्तैं लिख्या था। सैह़ एह़ पढ़ा दा था, “सैह़ तिसियो बल़ि करणे आल़िआ भेड्डा साइआं लेई गे, कने जिआं इक्क भेड्डा दा बच्चा ऊन कतरणे दे बग्त सांत हुंदा ऐ, तिआं ई तिन्हीं भी कुच्छ नीं ग्लाया। तिन्हां तिस सौगी बुरा बर्ताव कित्ता कने तिसदा आदर नीं कित्ता। तिन्हां तिसदे प्राण लेई ले।"

![](https://cdn.door43.org/obs/jpg/360px/obs-en-45-09.jpg)

फिलिप्पुसैं तिस कुशी अधिकारी ते पुछेया, "जेह्ड़ा तू पढ़ा दा ऐ क्या तू तिसियो समझदा भी ऐ?" तिन्हीं जवाब दित्ता, “नीं। जाह़लू तिकर मिन्जो कोई नीं समझां, ताह़लू तिकर मैं इसियो नीं समझी सकदा। करिपा करी नैं मिन्जो अल्ल आई करी बैठ कने मिन्जो समझा। यशायाह एह़ अपणे बारे च लिख्या ऐ या कुसी होरसी दे बारे च?"

![](https://cdn.door43.org/obs/jpg/360px/obs-en-45-10.jpg)

फिलिप्पुस रथे पर चढ़ी करी बैठी गेआ। ताह़लू तिन्हीं तिस कुशी अधिकारिये जो सैह़ वचन दस्सेया जेह्ड़ा यशायाहैं यीशु दे बारे च लिख्या था। फिलिप्पुसैं परमात्मे दे होर भी वचन दस्से। इस तरिके नैं तिन्ही यीशु दे बारे च खुसखबरी सुणी कने तिन्हीं यीशु पर बसुआस कित्ता।

![](https://cdn.door43.org/obs/jpg/360px/obs-en-45-11.jpg)

फिलिप्पुस कने सैह़ कुशी अधिकारी इक्क नदिया दे कनारे अल्ल आये। तिन्हीं कूशी अधिकारियैं ग्लाया, “दिख! ऐत्थु पाणी ऐ! क्या मैं बपतिस्मा लेई सकदा ऐ?" फिलिप्पुसैं ग्लाया, “जे तू अपणे पूरे मने नैं यीशु पर बसुआस करदा ऐ, तां तू लेई सकदा ऐ।” तिन्हीं ग्लाया मैं यीशु पर बसुआस करदा ऐ कि यीशु ई परमात्मे दा पुत्तर ऐ। ताह़लू तिन्हीं अपणे सपाईये जो रथे जो रोकणे तांई ग्लाया।

![](https://cdn.door43.org/obs/jpg/360px/obs-en-45-12.jpg)

ताह़लू सैह़ पाणिये च चली गे, कने फिलिप्पुसैं तिस कुशी अधिकारिये जो बपतिस्मा दित्ता। जाह़लू सैह़ पाणिये ते बाहर आये, तां पवित्र आत्मा फिलिप्पुसे जो चाणचक कुसी होरसी जगाह जो लेई गेआ। तित्थु फिलिप्पुस लोकां जो यीशु दे बारे च दस्सदा रेह्आ।

![](https://cdn.door43.org/obs/jpg/360px/obs-en-45-13.jpg)

सैह़ कुशी अधिकारी बड़ा खुस होई करी अपणे सैहरे जो वापस चली गेआ। क्जोकि सैह़ हुण यीशु दे बारे च जाणी गेआ था।

*बाइबला दी इक्क काहणी प्रेरितां दे कम्म अध्याय 6:8-8:5; 8:26-40*

Audio: https://git.door43.org/OBS-TLF/xnr_obs/releases/download/v1/xnr_obs_v1_45_128kbps.m4a

## 46. पौलुस दा मसीह बसुआसी बणी जाणा

https://openbiblestories.org/l/xnr/story-46/

![](https://cdn.door43.org/obs/jpg/360px/obs-en-46-01.jpg)

शाऊल नांऐ दा इक्क माणु था जिन्हीं यीशु पर बसुआस नीं कित्या था। जाह़लू सैह़ जवान था, ताह़लू तिन्हीं स्तिफनुसे जो मारने आल़े लोकां दे कपड़ेयां दी निगरानी कित्तियो थी। बादे च, तिन्हीं बसुआसियां जो सताया था। तिन्हीं यरूशलेम सैहरे च घर-घर जाई करी मर्दां कने जणासां जो गिरफ्तार करी नैं जेला च पाई दित्या था। ताह़लू महायाजकैं शाऊले जो दमिश्क सैहरे च जाणे दा हुक्म दित्ता। महायाजकैं तिस नैं ग्लाया दमिश्क सैहरे च कने तित्थु दे मसीह लोकां जो गिरफ्तार करी नैं वापस यरूशलेम सैहरे च लेई आ।

![](https://cdn.door43.org/obs/jpg/360px/obs-en-46-02.jpg)

ताह़लू शाऊलैं दमिश्क सैहरे च जाणे दी यात्रा सुरू कित्ती। तिस सैहेरे च पुज्जणे ते पैहल्लैं तिसदे चौंन्नी पास्सैं अम्बरे ते इक्क चमकदार लौ चमकी, कने सैह़ धरतिया पर पेई गेआ। शाऊलैं कुसी जो ग्लांदे सुणेया, “हे शाऊल! हे शाऊल! तू मिन्जो क्जो सता दा ऐ?” शाऊलैं पुछया, “हे प्रभु, तू कुण ऐ?" यीशुयैं जवाब दित्ता, मैं यीशु ऐ। तू मिन्जो सता दा ऐ !"

![](https://cdn.door43.org/obs/jpg/360px/obs-en-46-03.jpg)

जाह़लू शाऊल उठेया तां सैह़ दिखी नीं सकदा था। तिसदे साथी तिसियो दमिश्क सैहरे च लेई गे। शाऊलैं त्रै दिन कुच्छ भी नीं खादा-पीता।

![](https://cdn.door43.org/obs/jpg/360px/obs-en-46-04.jpg)

दमिश्क सैहरे च हनन्याह नांऐ दा इक्क यीशु दा चेला था। परमात्मैं तिस नैं ग्लाया, “तिस घरे जो जा जित्थु शाऊल रूकेया ऐ। अपणा हत्थ तिस पर रख तांजे सैह़ दोबारा ते दिखणा लग्गैं।” अपर हनन्याह ग्लाया, “हे प्रभु, मैं सुणेया ऐ कि इन्हीं माणुये बसुआसियां जो सताया ऐ।” परमात्मैं तिसियो जवाब दित्ता, "जा! मैं तिसियो यहूदी लोकां च कने होरनी जातिआं दे लोकां च मेरे नांऐ दी घोषणा करणे तांई चुणी लेआ ऐ। सैह़ मेरे तांई बड़े दुख झेलगा।”

![](https://cdn.door43.org/obs/jpg/360px/obs-en-46-05.jpg)

ताह़लू हनन्याह शाऊले अल्ल गेआ, कने अपणा हत्थ तिस पर रखेया कने ग्लाया, “यीशु, जेह्ड़ा ऐत्थु ओंदे बग्त रस्ते च तिज्जो पर प्रकट होएया था, तिन्हीं मिन्जो तिज्जो अल्ल घल्लेया ऐ तांजे तू दोबारा ते दिखणा लग्गैं, कने पवित्र आत्मा सौगी तू भरौई जां।” तिसी बग्त शाऊले जो दोबारा ते सुज्जणा लग्गी पेआ, कने हनन्याह तिसियो बपतिस्मा दित्ता। ताह़लू शाऊलैं खाणा खादा कने दोबारा ते ताकतवर होई गेआ।

![](https://cdn.door43.org/obs/jpg/360px/obs-en-46-06.jpg)

तिसी बग्त शाऊलैं दमिश्क सैहरे च रैंहणे आल़ेआं यहूदी लोकां च प्रचार करणा सुरू करी दित्ता। तिन्हीं ग्लाया, “यीशु ई परमात्मे दा पुत्तर ऐ।” यहूदी लोक हरान थे, क्जोकि शाऊलैं तां बसुआसियां जो मारणे दी कोसिस कित्तियो थी, अपर हुण एह़ यीशु दा बसुआसी बणी गेआ था। शाऊलैं यहूदी लोकां सौगी वाद-विवाद कित्ता। तिन्हीं दस्सेया कि यीशु ई मसीह ऐ।

![](https://cdn.door43.org/obs/jpg/360px/obs-en-46-07.jpg)

मतेआं दिनां बाद, यहूदी लोकां शाऊले जो मारी दैणे दी योजना बणाई। तिन्हां तिसियो मारी दैणे तांई सैहरे दे खास दरवाजे पर लोकां जो घल्लेया, कि तिसदी निगरानी करा अपर शाऊलैं तिसा योजना दे बारे च सुणी लेआ, कने तिसदे साथियां तिन्हां ते बचाणे तिसदी मदत कित्ती। इक्क दिन तिन्हां राती दे बग्त तिसियो टोकरिया च बैठाई करी सैहरे दिया दीवारा ते तिसियो थल्लैं लौआई दित्ता। दमिश्क सैहरे ते बची करी निकल़ने ते बाद शाऊलैं यीशु दे बारे च प्रचार करणा नीं छड्डेया।

![](https://cdn.door43.org/obs/jpg/360px/obs-en-46-08.jpg)

शाऊल प्रेरितां नैं मिलणे तांई यरूशलेम सैहरे जो गेआ, अपर सैह़ तिसते डरदे थे। ताह़लू बरनबास नांऐ दा इक्क बसुवासी शाऊले जो प्रेरितां अल्ल लेई करी गेआ। तिन्हीं तिन्हां जो दस्सेया कि शाऊलैं किआं हिम्मत रखी करी दमिश्क सैहरे च प्रचार कित्ता था। तिसते बाद, प्रेरितां शाऊले जो स्वीकार करी लेआ।

![](https://cdn.door43.org/obs/jpg/360px/obs-en-46-09.jpg)

कुच्छ बसुआसी जेह्ड़ा यरूशलेम सैहरे च सताव दिया बज़ाह गियो थे सैह़ दूर अंताकिया सैहरे च चली गियो थे कने तित्थु यीशु दे बारे च प्रचार करदे थे। अंताकिया सैहरे च रैंहणे आल़े लोक जादातर यहूदी नीं थे, अपर पैहल्ली बरी, सैह़ लोक जेह्ड़े यहूदी नीं थे सैह़ लोक बसुआसी बणी गे। बरनबास कने शाऊल इन्हां नौये बसुआसियां जो यीशु दे बारे च होर ज्यादा सखाणे तांई तित्थु गे कने कलेसिया जो मजबूत कित्ता। यीशु पर बसुआस करणे आल़े पैहल्ली बरी अंताकिया सैहरे च मसीह बणे।

![](https://cdn.door43.org/obs/jpg/360px/obs-en-46-10.jpg)

इक्क दिन, अंताकिया सैहरे दे मसीह लोक व्रत रखी नैं प्रार्थना करदे थे। पवित्र आत्मा तिस नैं ग्लाया, “मिन्जो तांई बरनबास कने शाऊले जो तिस कम्मे जो करने तांई लग्ग करी दित्ता जिसियो करणे तांई मैं तिन्हां जो सद्देया ऐ।” इसतांई अंताकिया सैहरे दिया कलेसिया बरनबास कने शाऊले तांई हत्थ रखी करी प्रार्थना कित्ती। ताह़लू तिन्हां सैह़ यीशु दे बारे च खुसखबरी दा प्रचार करणे तांई दूईया जगाह च घल्ली दित्ता। बरनबास कने शाऊलैं लग्ग-लग्ग जातिआं देयां लोकां जो सिक्षा दित्ती, कने मतेआं लोकां यीशु पर बसुआस कित्ता।

*बाइबला दी इक्क काहणी प्रेरितां दे कम्म 8:3; 9:1-31; 11:19-26; 13:1-3*

Audio: https://git.door43.org/OBS-TLF/xnr_obs/releases/download/v1/xnr_obs_v1_46_128kbps.m4a

## 47. फिलिप्पी सैहरे च पौलुस कने सीलास

https://openbiblestories.org/l/xnr/story-47/

![](https://cdn.door43.org/obs/jpg/360px/obs-en-47-01.jpg)

जाह़लू शाऊलैं सारे रोमी सम्राज्य च यात्रा कित्ती तां तिन्हीं अपणे रोमी नांऐ “पौलुस” दा इस्तेमाल करणा सुरू करी दित्ता। इक्क दिन, पौलुस कने तिसदा साथी सीलास फिलिप्पी सैहरे च यीशु दे बारे च खुसखबरी सनाणे तांई गे। सैह़ सैहरे ते बाहर नदिया दे कनारे आल़िआ जगाह पर गै जित्थु लोक प्रार्थना करणे तांई किट्ठे थे। तित्थु सैह़ लुदिया नाए दिया इक्क जणासा नैं मिल्ले जेह्ड़ी इक्क व्यापारी थी। सैह़ परमात्मे नैं प्यार करदी थी कने तिसदी अराधना करदी थी।

![](https://cdn.door43.org/obs/jpg/360px/obs-en-47-02.jpg)

परमात्मैं लुदिया दे मने जो यीशु दे बारे च संदेस पर बसुआस करणे तांई त्यार कित्ता। पौलुस कने सीलासैं तिसाजो कने तिसादे परवारे जो बपतिस्मा दित्ता। तिन्नैं पौलुस कने सीलासे जो अपणे घरैं रूकणे तांई ग्लाया, इसतांई सैह़ तित्थु रूकी गै।

![](https://cdn.door43.org/obs/jpg/360px/obs-en-47-03.jpg)

पौलुस कने सीलास लोकां नैं अक्सर तिसा जगाह पर मिलदे थे जित्थु यहूदी लोक प्रार्थना करदे थे। हर रोज जाह़लू सैह़ तित्थु जांदे थे तां इक्क दासी कुड़िया जो दुष्टात्मा जकड़ी रखेया था, तिन्हां दा पीछा करदी थी। इसा दुष्टात्मा दे जरिये सैह़ लोकां दा भविष्य दस्सदी थी, इसतांई सैह़ भविष्य दस्सणे आल़ी दे रूपे च अपणे मालिकां तांई बड़ा पैसा कमाई करी दिंदी थी।

![](https://cdn.door43.org/obs/jpg/360px/obs-en-47-04.jpg)

तिन्हां दे जांदे बग्त एह़ दासी कुड़ी जोरे नैं डडदी थी, “एह़ माणु परम प्रधान परमात्मे दे सेवक हन। एह़ तुहां जो उद्धार पाणे दा रस्ता दस्सा दे हन!” सैह़ हर रोज इआं ई करदी थी जिसते पौलुस नराज होई गेआ।

![](https://cdn.door43.org/obs/jpg/360px/obs-en-47-05.jpg)

इक्क दिन जाह़लू सैह़ दासी कुड़ी डडणा लग्गी, तां पौलुसैं तिसा दी तरफ मुड़ी करी तिसा दे अंदरे आल़िआ दुष्टात्मा नैं ग्लाया, “यीशु दे नांऐ ते इसा कुड़िया ते निकल़ी जा।" तिसी बग्त सैह़ दुष्टात्मा तिसा कुड़िया ते निकल़ी गेई।

![](https://cdn.door43.org/obs/jpg/360px/obs-en-47-06.jpg)

तिसा दासी कुड़िया दे मालक बड़े गुस्सा होई गे। तिन्हां जो पता लगी गेआ कि तिसा दुष्टात्मा ते बगैर एह़ कुड़ी लोकां दा भविष्य नी दस्सी सकदी थी। इसदा मतलब था कि लोक हुण तिसादे मालकां जो पैसा नीं दिंगे कि सैह़ तिन्हां जो भविष्य दस्सैं कि तिन्हां सौगी क्या हुंगा।

![](https://cdn.door43.org/obs/jpg/360px/obs-en-47-07.jpg)

इसतांई तिसा कुड़िया दे मालकां पौलुस कने सीलासे जो रोमी अधिकारियां अल्ल लेई गे। तिन्हां पौलुस कने सीलासे जो मारेया, कने भिरी तिन्हां जो जेला च पाई दित्ता।

![](https://cdn.door43.org/obs/jpg/360px/obs-en-47-08.jpg)

तिन्हां पौलुस कने सीलासे जो जेला च ऐदिया जगाह च रखेया जित्थु मते सपाई थे। ऐत्थु तिकर तिन्हां दे पैरां जो लकड़िया दे खाँचेयां च जकड़ी दित्ते। अपर पौलुस कने सीलास अधिया राती तित्थु परमात्मे दिया अराधना दे गीतां जो गा दे थे।

![](https://cdn.door43.org/obs/jpg/360px/obs-en-47-09.jpg)

तिसी बग्त ताह़लू इक्क खतरनाक हिल्लण होएया! जेला दे सारे दरवाजे खुली गर, कने सारे कैदियां दियां जंजीरा खुली गियां।

![](https://cdn.door43.org/obs/jpg/360px/obs-en-47-10.jpg)

ताह़लू जेलर जागी गेआ। तिन्हीं दिख्या कि जेला दे दरवाजे तां सारे खुले हन। तिन्हीं सोचेया कि सारे कैदी नठी गे हन। सैह़ डरी गेआ कि इन्हां दे नठणे दिया बजाह ते रोमी अधिकारियां मिन्जो मारी दैणा, इसतांईं सैह़ अपणे आप्पे जो खत्म करणे तांई त्यार होई गेआ! अपर पौलुसैं तिसियो इआं करदे दिक्खी लेआ कने ताह़लू तिस नैं ग्लाया, “रूकी जा। अपणे आप्पे जो खत्म मत कर। अहां सारे कुत्थियो नीं गियो अपर ऐत्थु ई हन।”

![](https://cdn.door43.org/obs/jpg/360px/obs-en-47-11.jpg)

तिन्हीं जेलरैं डरदे-डरदे पौलुस कने सीलासे अल्ल आई करी पुछया, “उद्धार पाणे तांई मैं क्या करैं?” पौलुसैं जवाब दित्ता, “प्रभु यीशु पर बसुआस कर, तां तू कने तेरा सारा घराना उद्धार पांगा।” ताह़लू सैह़ जेलर पौलुस कने सीलासे जो अपणे घरे जो लेई गेआ कने तिन्हां दे जख्म साफ कित्ते। पौलुसैं तिसदे घरे दे सारे लोकां जो यीशु दे बारे च खुसखबरी सणाई।

![](https://cdn.door43.org/obs/jpg/360px/obs-en-47-12.jpg)

जेलर कने तिसदे सारैं परबारैं यीशु पर बसुआस कित्ता, इसतांई पौलुस कने सीलासैं तिन्हां जो बपतिस्मा दित्ता। ताह़लू जेलरैं पौलुस कने सीलास जो खाणा खुआया, कने सैह़ सारे खुस होये।

![](https://cdn.door43.org/obs/jpg/360px/obs-en-47-13.jpg)

दुज्जे दिनैं तिस सैहरे दे अगुवां पौलुस कने सीलासे जो जेला ते अजाद करी दित्ता कने तिन्हां जो ग्लाया फिलिप्पी सैहरे जो चली जा। पौलुस कने सीलास लुदिया कने कुच्छ होरना दोस्तां सौगी मिल्ले कने तिसदे बाद तिस सैहरे ते चली गे। यीशु दे बारे च खुसखबरी फैलदी गेई, कने कलेसिया बधदी गेई।

![](https://cdn.door43.org/obs/jpg/360px/obs-en-47-14.jpg)

पौलुस कने होर मसीह अगुवां मतेआं सैहरां दी यात्रा कित्ती। तिन्हां लोकां जो यीशु दे बारे च खुसखबरी सणाई। तिन्हां कलेसियां दे बसुआसियां जो सिक्षा दैणे तांई केई चिट्ठियां भी लिखियां। इन्हां च कुच्छ चिट्ठियां बाइबल दियां कताबां बणी गेईयां।

*बाइबला दी इक्क काहणी प्रेरितां दे कम्म 16:11-40*

Audio: https://git.door43.org/OBS-TLF/xnr_obs/releases/download/v1/xnr_obs_v1_47_128kbps.m4a

## 48. यीशु ई सच्चा मसीह ऐ

https://openbiblestories.org/l/xnr/story-48/

![](https://cdn.door43.org/obs/jpg/360px/obs-en-48-01.jpg)

जाह़लू परमात्मैं संसारे जो बणाया तां सब कुच्छ ठीक था, कने कोई पाप नी था। आदम कने हव्वा इक्क दूये नैं प्यार करदे थे, कने सैह़ परमात्मे नैं भी प्यार करदे थे। कोई बमारी कने मौत नीं थी। परमात्मा ऐदेया संसार चांहदा था।

![](https://cdn.door43.org/obs/jpg/360px/obs-en-48-02.jpg)

शैतान सर्प बणी नैं बगीचे च हव्वा सौगी गल्लां कित्तियां, कजोकि सैह़ तिसा जो धोखा दैणा चांहदा था। ताह़लू हव्वा कने आदमैं परमात्मे दे खलाफ पाप कित्ता। कजोकि तिन्हां पाप कित्ता था इसतांईं धरतिया पर रैंहणे आल़ा हर माणु मरदा ऐ।

![](https://cdn.door43.org/obs/jpg/360px/obs-en-48-03.jpg)

क्जोकि आदम कने हव्वा पाप कित्या था, इसतांई कुच्छ होर भी बुरा होएया। सैह़ परमात्मे दे दुश्मण बणी गे। जिसदिया हर इक्की माणुयैं पाप कित्या ऐ। हर इक्क माणु जन्मे तेई परमात्मे दा दुश्मण ऐ। परमात्मे कने लोकां दे बिच सांति नीं थी। अपर परमात्मा तिन्हां जो सांति दैणा चांहदा था।

![](https://cdn.door43.org/obs/jpg/360px/obs-en-48-04.jpg)

परमात्मे बादा कित्ता कि हव्वा दा वंशज शैताने दे सिरे कुचल़गा। तिन्हीं एह़ भी ग्लाया कि शैतान तिसदिया खुरिया जो डसगा, मलतब शैतान मसीह जो मारी दिंगा। अपर परमात्मा तिसियो दोबारा ते भिरी जिन्दा करी दिंगा। इसते बाद, मसीह शैताने दिया ताकता जो हमेसा तांई खत्म करी दिंगा। मतेआं सालां बाद, परमात्मैं प्रकट कित्ता कि सैह़ मसीह यीशु ऐ।

![](https://cdn.door43.org/obs/jpg/360px/obs-en-48-05.jpg)

जेह्ड़ी बाढ़ परमात्मा लेयोणे आल़ा था तिसा बाढ़ा ते तिन्हीं अपणा परवार बचाया। तिन्हीं नूहे जो इक्क बड़ी बड्डी किश्ती बणाणैं तांई ग्लाया। इस तरिके नैं परमात्मैं तिन्हां लोकां जो बचाया जेह्ड़ा तिस पर बसुआस करदे थे। सैह़ सारे दे सारे परमात्मे दे जरिये मारी दैणे दे काबिल थे, क्जोकि तिन्हां पाप कित्या था। अपर परमात्मैं तिन्हां सबना जो बचाणे तांई यीशुये जो घल्लेया जेह्ड़े तिस पर बसुआस करदे हन।

![](https://cdn.door43.org/obs/jpg/360px/obs-en-48-06.jpg)

मते साल तिकर, याजक परमात्मे तांई बल़िदान चढ़ांदे रैह्। तांजे सारे लोकां पाप कित्या था, इसतांई सैह़ परमात्मे दे जरिये सज़ा पाणे लायक थे। अपर सैह़ बल़िदान तिन्हां देयां पापां जो माफ नीं करी सकदे थे। यीशु सबना ते बड्डा महायाजक ऐ। तिन्हीं सैह़ कित्ता जेह्ड़ा कोई याजक नीं करी सकदा था। तिन्हीं अपणे आप्पे जो बल़िदाने दे रूपे च देई दित्ता, जेह्ड़ा हर कुसी दे पापां ते बचाई सकदा था। तिन्हीं स्वीकार कित्ता कि परमात्मा सब लोकां देयां पापां तांई मिन्जो सज़ा दैं। इसा बजाह ते यीशु सिद्ध महायाजक था।

![](https://cdn.door43.org/obs/jpg/360px/obs-en-48-07.jpg)

परमात्मैं अब्राहमे नैं ग्लाया, “मैं तेरे जरिये संसारे दी सारियां जातिआं जो आसीष दिंगा।” यीशु इसी अब्राहमे दा वंसज था। परमात्मा अब्राहमे दे जरिये सारियां जातिआं जो असीस दिंदा ऐ, क्जोकि जेह्ड़े यीशु पर बसुआस करदे हन परमात्मा तिन्हां सारेयां जो पापां ते बचांदा ऐ। जाह़लू एह़ माणु यीशु पर बसुआस करदे हन, तां परमात्मा तिन्हां जो अब्राहमे दे वंशज मनदा ऐ।

![](https://cdn.door43.org/obs/jpg/360px/obs-en-48-08.jpg)

परमात्मैं अब्राहमे नैं ग्लाया कि मेरे तांई अपणे पुत्तर इसहाके दा बल़िदान करी दे। परमात्मे इआं करी नैं अब्राहमे दी परख कित्ती। अपर भिरी परमात्मे इसहाके दे बदले बल़ि करणे तांई इक्क भेड्डा दे बच्चे दा इन्तजाम कित्ता। अहां सब अपणेयां पापां च मरणे लायक थे! अपर परमात्मैं अहां दिया जगाह पर मरणे तांई यीशु जो बल़िदान दे रूपे च दित्ता। इस बजाह ते अहां यीशु जो परमात्मे दा मेम्ना ग्लांदे हन।

![](https://cdn.door43.org/obs/jpg/360px/obs-en-48-09.jpg)

जाह़लू परमात्मैं मिस्र देसे पर आखरी मुसीबत घल्ली तां तिन्हीं हर इक्क इस्राएली परवारे नैं ग्लाया कि सैह़ इक्क मेम्ने दी बल़ि करन। तिस मेम्ने च कोई दोस नी होणा चाइदा। तिन्हां तिस जो मेम्ने दा खून अपणे दरवाजे दिया चौखटा पर लगाणा था। जाह़लू परमात्मैं तिस खूने जो दिख्या ताह़लू तिन्हां देयां घरां जो छड्डी करी चली गेआ कने तिन्हां देयां जेठेयां पुत्तरां जो नीं मारेया। जाह़लू एह़ होएया तां परमात्मैं इसियो फसह दा त्योहार ग्लाया।

![](https://cdn.door43.org/obs/jpg/360px/obs-en-48-10.jpg)

यीशु फसह दे त्योहारे दे इक्क मेम्ने साइआं ऐ। तिन्हीं कदी पाप नीं कित्ता, इसतांई तिस च कुच्छ भी गलत नीं था। सैह़ फसह दे त्योहारे दे बग्त मरेया। जाह़लू कोई यीशु पर बसुआस करदा ऐ, ताह़लू यीशुये दा खून तिस माणुये दे पापां दी कीमत चुकांदा ऐ। कने सैह़ माणु परमात्मे दिया सज़ा ते बची जांदा ऐ।

![](https://cdn.door43.org/obs/jpg/360px/obs-en-48-11.jpg)

परमात्मैं इस्राएली लोकां सौगी इक्क वादा कित्ता, क्जोकि सैह़ ऐदेय लोक थे जिन्हां जो परमात्मैं अपणा होणे तांई चुणेया था। अपर हुण परमात्मैं इक्क वादा कित्तेया जेह्ड़ा सबना तांई ऐ। जे कुसी भी जातिआ दा कोई भी माणु इस नौये वादे जो स्वीकार करदा ऐ, तां सैह़ परमात्मे दे लोकां च मिल्ली जांदा ऐ। सैह़ इआं इसतांई करदा ऐ क्जोकि सैह़ यीशु पर बसुआस करदा ऐ।

![](https://cdn.door43.org/obs/jpg/360px/obs-en-48-12.jpg)

मूसा इक्क ऐदेया भविष्यवक्ता था जिन्हीं परमात्मे दे वचने जो बड़िया सामर्थी सौगी प्रचार कित्या था। अपर यीशु इन्हां सारे भविष्यवक्तां ते बड्डा ऐ। सैह़ परमात्मा ऐ, इसतांई जेह्ड़ा कुच्छ भी तिन्हीं कित्या कने ग्लाया सैह़ परमात्मे दे कम्म कने वचन थे। इसतांई पवित्रशास्त्र यीशु जो परमात्मे दा वचन ग्लांदा ऐ।

![](https://cdn.door43.org/obs/jpg/360px/obs-en-48-13.jpg)

परमात्मैं राजा दाऊदे नैं वादा कित्या था कि तेरा इक्क वंशज राजे साइआं परमात्मे दे लोकां पर हमेसा राज्ज करगा। यीशु परमात्मे दा पुत्तर कने मसीह ऐ, इसतांई सैह़ राजा दाऊदे दा वंशज ऐ जेह्ड़ा हमेसा तांई राज्ज करी सकदा ऐ।

![](https://cdn.door43.org/obs/jpg/360px/obs-en-48-14.jpg)

दाऊद तां इस्राएल देसे दा राजा था, अपर यीशु सारे संसारे दा राजा ऐ! सैह़ भिरी वापस ओंगा कने हमेसा तांई न्याय कने सांतिया नैं राज्ज करगा।

*बाइबला दी इक्क काहणी सृष्टिया दी सुरूआत अध्याय 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21*

Audio: https://git.door43.org/OBS-TLF/xnr_obs/releases/download/v1/xnr_obs_v1_48_128kbps.m4a

## 49. परमात्मे दी नौई वाचा

https://openbiblestories.org/l/xnr/story-49/

![](https://cdn.door43.org/obs/jpg/360px/obs-en-49-01.jpg)

इक्क स्वर्गदूतैं मरियम नांऐ दिया इक्क कुआरिया कुड़िया जो ग्लाया कि तू परमात्मे दे पुत्तरे जो जन्म दैणा। सैह़ अह्ल्ली तिकर कुआरी थी, अपर पवित्र आत्मा तिसा पर उतरी कने सैह़ गर्भवती होई। तिन्नैं इक्क पुत्तरे जो जन्म दित्ता जिसदा नां तिन्नैं यीशु रखेया। इसतांई, यीशु परमात्मा भी कने माणु भी ऐ।

![](https://cdn.door43.org/obs/jpg/360px/obs-en-49-02.jpg)

यीशुयैं मते अनोखे कने चमत्कारे दे कम्म कित्ते जिसते एह़ पत् लगदा ऐ कि यीशु परमात्मा ऐ। सैह़ पाणिये पर चलेया कने तफाने जो सांत कित्ता। तिन्हीं मते बमार लोक खरे कित्ते कने मतेआं लोकां दियां दुष्टात्मां जो कड्डेया। तिन्हीं मरेयां लोकां जो दोबारा ते जिन्दा करी दित्ता, कने तिन्हीं पंज्ज रोटियां कने दूँ मच्छियां नैं 5,000 लोकां जो पेट भरी करी खाणा खुआआ।

![](https://cdn.door43.org/obs/jpg/360px/obs-en-49-03.jpg)

यीशु इक्क म्हान गुरू भी था। जेह्ड़ा कुच्छ भी तिन्हीं सखाया, सैह़ तिन्हीं अधिकारे सौगी सखाया। जेह्ड़ा सैह़ लोकां जो करणे तांई ग्लांदा ऐ सैह़ तिन्हां जो करणा चाइदा क्जोकि सैह़ परमात्मे दा पुत्तर ऐ। तिन्हीं एह़ भी सखाया कि तुहां जो दूये लोकां सौगी तिसा रीतिया नैं प्यार करणे दी जरूरत ऐ जिआं तुहां अपणे आप्पे नैं प्यार करदे हन।

![](https://cdn.door43.org/obs/jpg/360px/obs-en-49-04.jpg)

तिन्हीं एह़ भी सखाया कि तुहां जो सारियां चीज्जां ते जादा कने अपणिया धन-दौलता ते भी जादा परमात्मे नैं प्यार करना चाइदा।

![](https://cdn.door43.org/obs/jpg/360px/obs-en-49-05.jpg)

यीशुयैं ग्लाया कि संसारे च कुसी भी चीज्जा जो हासल करणे ते जादा खरा ऐ परमात्मे दे राज्जे च होणा। तिसदे राज्ज च तुहां जो प्रवेस करणे तांई जरूरी ऐ कि परमात्मे तुहां जो तुहां देयां पापां ते बचाया ऐ।

![](https://cdn.door43.org/obs/jpg/360px/obs-en-49-06.jpg)

यीशुयैं ग्लाया कि कुच्छ लोक तिसियो स्वीकार करगे। परमात्मा तिन्हां लोकां जो बचांगा। अपर दुए लोक तिसियो कबूल नी करगे। तिन्नी एह़ भी ग्लाया कि कुच्छ लोक खरिया जमीना सांईएं हन, कजोकि सैह़ यीशुए दे बारे च नौंए संदेसे जो कबूल करी लैंदे हन, कने परमात्मा तिन्हां जो बचादा ऐ। अपर कुच्छ लोक रस्ते दिया सख्त जमीना सांईएं हन। परमात्में दा वचन बीईए सांईएं रस्ते पर पोंदा ऐ, अपर ओत्थू कुच्छ भी नी लूंगदा ऐ। एह़ लोक यीशुए दे बारे च संदेसे जो नामजूर करी दिंदे हन। सैह़ तिसदे राज्य च अंदर जांणे ते मन्ना करी दिंदे हन।

![](https://cdn.door43.org/obs/jpg/360px/obs-en-49-07.jpg)

यीशुयै अहां जो सखाया कि परमात्मा पापियां नैं बड़ा प्यार करदा ऐ। सैह़ तिन्हां जो माफ करणा चांहदा ऐ कने तिन्हां जो अपणी औलाद बणाणा चांहदा ऐ।

![](https://cdn.door43.org/obs/jpg/360px/obs-en-49-08.jpg)

यीशुयैं एह़ भी दस्सेया कि परमात्मा पापां ते नफरत करदा ऐ। क्जोकि आदम कने हव्वा नैं पाप कित्ता, इसतांई तिन्हां दे सारे वंशजा नैं भी पाप कित्ता। इस संसारे च रैंहणे आल़ा हर इक्क माणु पाप करदा ऐ कने परमात्मे ते दूर ऐ। हर इक्क माणु परमात्मे दा दुश्मण ऐ।

![](https://cdn.door43.org/obs/jpg/360px/obs-en-49-09.jpg)

अपर परमात्मैं इस संसारे च रैंहणे आल़े हर इक्क माणुये नैं इस तरीके नैं प्यार कित्ता: तिन्हीं अपणे इक्कलौते पुत्तरे जो बलिदाण करणे तांई देई दित्ता तांजे परमात्मा तिन्हां जो सज़ा नीं दैं जेह्ड़ा तिस पर बसुआस करदे हन। हलांकि सैह़ हमेसा तांई परमात्मे सौगी रैंहगा।

![](https://cdn.door43.org/obs/jpg/360px/obs-en-49-10.jpg)

तुहां मौती दिया सज़ा लायक हन, क्जोकि तुहां पाप कित्या ऐ। तुहां जो परमात्मे दी सज़ा मिलणा जायज ऐ, अपर अहां दे पापां दी सज़ा तांई यीशुयैं अपणे आप्पे जो बलिदान करी दित्ता। तिन्हीं यीशु जो सूल़िया दी मौत देई करी सज़ा दित्ती।

![](https://cdn.door43.org/obs/jpg/360px/obs-en-49-11.jpg)

यीशुयैं कदी पाप नीं कित्या था, अपर भिरी भी तिन्हीं अहां दे पापां दी सज़ा अपणे उपर लेई लैई कने तिन्हीं अपणे तांई मौत चुणी। इस तरिके नैं, तुहां देयां पापां जो कने इस संसारे च रैहणे आल़े हर इक्क माणुये दे पापां जो चुक्की लेई जाणे तांई सैह़ इक्क सिद्ध बल़िदान था। यीशु अपणे आप्पे जो परमात्मे तांई बल़िदान करी दित्ता, इसतांई परमात्मा तिन्हां दा कोई भी पाप, बल्कि बड्डे ते बड्डा पाप भी माफ करदा ऐ, जेह्ड़े यीशु पर बसुआस करददे हन।

![](https://cdn.door43.org/obs/jpg/360px/obs-en-49-12.jpg)

बेसक तुहां मते सारे खरे कम्म कित्तेयो हन, अपर इन्हां कम्मा दे जरिये परमात्मे तुहां जो नी बचाणा। तिसदा साथी बणने तांई एदेया कुच्छ भी नीं ऐ जेह्ड़ा तुहां करी सकदे हन। इसदिया जगाह तुहां जो बसुआस करणा ऐ कि यीशु परमात्मे दा पुत्तर ऐ, कने सैह़ तुहां तांई सूल़िया पर मरी गेआ, कने एह़ भी कि परमात्मैं तिसियो दोबारा ते जिन्दा करी दित्ता। जे तुहां इसा गल्ला पर बसुआस करगे, तां परमात्मा तुहां देयां पापां जो माफ करगा।

![](https://cdn.door43.org/obs/jpg/360px/obs-en-49-13.jpg)

परमात्मा तिस हर इक्क माणुये जो बचांगा जेह्ड़ा यीशु पर बसुआस करदा ऐ कने तिसियो अपणा प्रभु मनदा ऐ। अपर सैह तिन्हां जो नीं बचांगा जेह्ड़ा तिस पर बसुआस नीं करदा ऐ। एह़ कोई मायने नी रखदा कि तुहां अमीर हन या गरीब हन, मर्द हन या जणास हन बुढे हन या जौआन हन, या तुहां कुत्थू रैंह्दे हन। परमात्मा तुहां नैं प्यार करदा ऐ कने चांहदा ऐ कि तुहां यीशु पर बसुआस करन कि सैह़ तुहां दा साथी बणी सकैं।

![](https://cdn.door43.org/obs/jpg/360px/obs-en-49-14.jpg)

यीशु तुहां जो बुलांदा ऐ कि तिस पर बसुआस करन कने बपतिस्मा लेन। क्या तुहां बसुआस करदे हन कि परमात्मैं दा इक्कलौता पुत्तर, यीशु ई मसीह ऐ? क्या तुहां बसुआस करदे हन कि तुहां पापी हन कने परमात्मे दे जरिये सज़ा पाणे लायक हन? क्या तुहां बसुआस करदे हन कि तुहां देयां पापां जो मटाणे तांई यीशु सूल़िया पर मरेया?

![](https://cdn.door43.org/obs/jpg/360px/obs-en-49-15.jpg)

जे तुहां यीशु पर कने जेह्ड़ा तिन्हीं तुहां तांई कित्या ऐ तिस पर बसुआस करदे हन, तां तुहां इक्क मसीह हन! हुण शैताने अपणे नेहरे आल़े राज्ज च तुहां पर राज़ नीं करदा ऐ। हुण परमात्मा अपणे परगड़े दे राज्ज च तुहां पर राज़ करदा ऐ। तिन्हीं तुहां जो पाप करणे ते रोकी दित्या ऐ, जिसियो तुहां पैहल्लैं करदे थे। तिन्हीं तुहां जो इक्क नौई ज़िन्दगी दित्तियो ऐ।

![](https://cdn.door43.org/obs/jpg/360px/obs-en-49-16.jpg)

जे तुहां इक्क मसीह हन तां जेह्ड़ा यीशुयैं कित्या ऐ तिसदिया बजाह परमात्मैं तुहां देयां पापां जो माफ करी दित्या ऐ। हुण, परमात्मा तुहां दुश्मण नीं ऐ अपर इक्क अच्छा साथी ऐ।

![](https://cdn.door43.org/obs/jpg/360px/obs-en-49-17.jpg)

जे तुहां परमात्मे दे साथी हन कने प्रभु यीशु दे सेवक हन तां तुहां तिन्हां गल्लां जो मनणे दी इच्छा करगे जेह्ड़ा यीशु तुहां जो सखांदा ऐ। भले ई तुहां इक्क मसीह हन, शैतान हुण भी पाप करणे तांई तुहां दी परीक्षा करगा। अपर परमात्मा हमेसा सैह़ करदा ऐ जेह्ड़ा सैह़ ग्लांदा ऐ कि मैं करगा। सैह़ ग्लांदा ऐ कि जे तुहां अपणे पापां जो मनी लेन, तां सैह़ तुहां दे पाप माफ करी दिंगा। सैह़ तुहां दे पापां दे खलाफ लड़ने दी सामर्थ दिंगा।

![](https://cdn.door43.org/obs/jpg/360px/obs-en-49-18.jpg)

परमात्मा तुहां जो प्रार्थना करणे तांई कने तिसदे वचनां जो पढ़ने तांई ग्लांदा ऐ। सैह़ तुहां जो दूये बसुआसियां सौगी मिली करी तिसदी अराधना करणे तांई भी ग्लांदा ऐ। तुहां जो दूये लोकां जो भी दस्सणा ऐ कि तिन्हीं तुहां तांई क्या कित्या ऐ। जे तुहां इन्हां सारेयां कम्मां जो करन, तां तुहां तिसदे इक्क पक्के साथी बणी जांगे।

*बाइबला दी इक्क काहणी रोमियों अध्याय 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10*

Audio: https://git.door43.org/OBS-TLF/xnr_obs/releases/download/v1/xnr_obs_v1_49_128kbps.m4a

## 50. यीशु वापस ओंदा ऐ

https://openbiblestories.org/l/xnr/story-50/

![](https://cdn.door43.org/obs/jpg/360px/obs-en-50-01.jpg)

लगभग 2,000 सालां ते, संसारे च सब जगांह पर मते भरी लोक यीशु मसीह दे बारे च संदेसे जो सुणा दे हन, कने कलेसिया बधा दी ऐ। यीशुयैं वादा कित्या कि सैह़ संसारे दे अन्त च वापस ओंगा। क्जोकि सैह़ अह्ल्ली वापस नीं आएया ऐ, ताह़लू भी सैह़ अपणे वादे जो पूरा करगा।

![](https://cdn.door43.org/obs/jpg/360px/obs-en-50-02.jpg)

जाह़लू कि अहां यीशु दे वापस ओणे दा इन्तजार करदे हन, परमात्मा अहां नैं ऐदेई ज़िन्दगी जीणे दी इच्छा करदा ऐ जेह्ड़ा पवित्र ऐ कने जेह्ड़ा तिसदा आदर करदा ऐ। परमात्मा एह़ भी चांह़दा ऐ कि अहां लोकां जो तिसदे राज्जे दे बारे च दस्सन। जाह़लू यीशु धरतिया पर रेह्आ था ताह़लू तिन्हीं ग्लाया, “मेरे चेले संसारे च हर जगाह दे लोकां जो परमात्मे दे राज्जे दे बारे च खुसखबरिया दा प्रचार करगे, कने ताह़लू संसारे दा अन्त आई जांगा।”

![](https://cdn.door43.org/obs/jpg/360px/obs-en-50-03.jpg)

मतिआं जातिआं दे लोकां यीशु दे बारे च नीं सुणेया ऐ। सुअर्गे जो वापस जाणे ते पैहल्लैं, यीशुयैं मसीस लोकां ग्लाया कि तिन्हां लोकां जो खुसखबरी सणा, जिन्हां इसा जो कदी भी नी सुणेया ऐ। तिन्हीं ग्लाया, “जा कने सारियां जातिआं दे लोकां जो चेला बणा!” कने परमात्मे दी महिमा करणे तांई खेत पक्की चुकेयो हन!” ।

![](https://cdn.door43.org/obs/jpg/360px/obs-en-50-04.jpg)

यीशुयैं एह़ भी ग्लाया, “इक्क दास अपणे मालके ते बड्डा नीं हुंदा। इस संसारे दे खास लोकां मिन्जो नैं नफरत कित्ती, कने मेरिया बजाह ते सैह़ तुहां जो भी सतांगे कने मारी दिंगे। इस संसारे च तुहां पीड़ित हुंगे, अपर मजबूत बणा, क्जोकि मैं शैताने जो हराई दित्या ऐ जेह्ड़ा इस संसारे पर राज्ज करदा ऐ। जे तुहां अन्त तिकर मेरे बसुआसे लायक बणी रैंह्गे, तां परमात्मा तुहां जो बचांगा!”

![](https://cdn.door43.org/obs/jpg/360px/obs-en-50-05.jpg)

यीशुयैं अपणेयां चेलेयां जो एह़ समझाणे तांई इक्क काहणी सणाई कि जाह़लू संसारे दा अन्त होणा तां लोकां सौगी क्या हुंगा। तिन्हीं ग्लाया, “इक्की माणुयैं अपणेयां खेतां च खरा बीई बाएया। जाह़लू सैह़ सुतेया था तां तिसदा दुश्मण आएया कने तिन्हीं कणका देयां बीईयां च जंगली बीई बाई दित्ता, कने भिरी सैह़ चली गेआ।”

![](https://cdn.door43.org/obs/jpg/360px/obs-en-50-06.jpg)

“जाह़लू सैह़ बीई लूंगे तां दासां अपणे मालके नैं ग्लाया, ‘हे मालक, तुहां तां अपणेयां खेतां च खरा बीई बाएया था। तां भिरी इस च जंगली बूटे कतांह ते लूंगी पे?’ तिन्हीं मालकैं जवाब दित्ता, ‘एह़ मेरा कोई दुश्मण ऐ जिन्हीं एदेया कित्या ऐ।’”

![](https://cdn.door43.org/obs/jpg/360px/obs-en-50-07.jpg)

“तिन्हां दासां अपणे मालके जो जवाब दित्ता, ‘क्या अहां जंगली बूटेयां जो पुट्टी लैन?’ तिन्हीं मालकैं ग्लाया, ‘मत पुट्टा। जे तुहां इआं करदे हन तां तुहां तिन्हां सौगी कणका दे बूटे भी पुट्टी दिंगे। बड्डाईया तिकर इन्तजार करा। ताह़लू जंगली बूटेयां जो भी सौगी-सौगी किट्ठा करी लेआ तांजे तुहां तिसियो फुकी सकन। अपर कणका जो मेरे पेड़ूये च किट्ठा करा।’”

![](https://cdn.door43.org/obs/jpg/360px/obs-en-50-08.jpg)

चेलेयां इसा काहणियां दे मतलब नीं समझेया, इसतांई तिन्हां यीशुये नैं विणती कित्ती कि अहां जो इसा काहणिया दा मतलब दस्सा। यीशुयैं ग्लाया, “खरा बीई बाणे आल़ा माणु मसीह दे बारे च दस्सदा ऐ। खेत संसारे दे बारे च दस्सदा ऐ।। खरा बीई परमात्मे दे राज्ज दे लोकां दे बारे च दस्सदा ऐ।”

![](https://cdn.door43.org/obs/jpg/360px/obs-en-50-09.jpg)

“जंगली बूटे शैताने दे लोकां दे बारे च दस्सदे हन। तिस मालके दा दुश्मण, जिन्हीं तिसदे खेतां च जंगली बीई बाएया था सैह़ शैताने दे बारे च दस्सदा ऐ। फसला दी बड्डाई इस संसारे दे अन्त दे बारे च दस्सदी ऐ, कने बड्डाई करणे आल़े परमात्मे दे सुअर्गदूतां दे बारे च दस्सदे हन।”

![](https://cdn.door43.org/obs/jpg/360px/obs-en-50-10.jpg)

“जाह़लू संसारे दा अन्त हुंगा ताह़लू सुअर्गदूत तिन्हां सारे लोकां जो किट्ठा करगे जेह्ड़े शैताने दे हन। सैह़ सुअर्गदूत तिन्हां जो नरके च सट्टी दिंगे। तित्थु सैह़ लोक खतरनाक सतावे दिया बज़ाह ते रोणा कने दंद पीणे हन। अपर जेह्ड़े लोक धर्मी हन, जिन्हां यीशु पर बसुआस कित्या ऐ, सैह़ अपणे पिता परमात्मे दे राज्जे च सूरजे साइआं चमकगे।”

![](https://cdn.door43.org/obs/jpg/360px/obs-en-50-11.jpg)

यीशुयैं एह़ भी ग्लाया कि सैह़ संसारे दा अन्त होणे ते पैहल्लैं धरतिया पर ओंगा। सैह़ तिसी तरिके नैं वापस ओंगा जिआं सैह़ गेआ था। मतलब, तिस अल्ल तिसदा असली सरीर हुंगा, कने सैह अम्बरे च बदल़ां पर सवार होई करी ओंगा। जाह़लू यीशु वापस ओंगा, तां हर इक्क मसीह जेह्ड़े मरी चुकेयो हन सैह़ मरेयां ते दोबारा जिन्दे होई जांगे कने तिस सौगी सुअर्गे च मिलगे।

![](https://cdn.door43.org/obs/jpg/360px/obs-en-50-12.jpg)

कने तिस बग्त जेह्ड़े मसीह अह्ल्ली भी जिन्दे हन सैह़ अम्बरे च चुक्की लेई जाणे हन कने तिन्हां दूयेयां मसीह लोकां सौगी सामिल होई जांगे जेह्ड़े मरेयां ते दोबारा जिन्दे होई गियो हन। सैह़ सारे तित्थु यीशु मसीह सौगी हुंगे। तिसदे बाद, यीशु अपणे लोकां सौगी रैंह्गा। जाह़लू सैह़ सौगी रैह्दे हन तां तिस अल्ल हमेसा तांई पूरी सांति हुंगी।

![](https://cdn.door43.org/obs/jpg/360px/obs-en-50-13.jpg)

यीशुए पर बसुआस करणे आल़े हर इक्क माणुये जो इक्क ज़िन्दगिया दा मुकट दैणे दा वादा कित्या ऐ। सैह़ हमेसा तांई परमात्मे सौगी हर इक्क चीज्जा पर राज्ज करगे। तिन्हां अल्ल सिद्ध सांति हुंगी।

![](https://cdn.door43.org/obs/jpg/360px/obs-en-50-14.jpg)

अपर परमात्मा तिन्हां सबना दा न्याय करगा जेह्ड़े यीशु पर बसुआस नीं करदे हन। सैह़ तिन्हां जो नरके च पाई दिंगा। तित्थु सैह़ रोंगे कने ददां पींगे, कने सैह़ हमेसा दुखी हुंदे रैंह्गे। कदी भी नीं बुझणे आल़ी अग्ग लगातार तिन्हां जो जल़ांदी रैंह्गी, कने नरके आल़े कीड़े तिन्हां जो हमेसा खांगे।

![](https://cdn.door43.org/obs/jpg/360px/obs-en-50-15.jpg)

जाह़लू यीशु ओंदा ऐ, तां सैह़ पूरे तरिके नैं शैताने जो कने तिसदे राज्जे जो खत्म करी दिंगा। सैह़ शैताने जो नरके च पाई दिंगा। तित्थु शैतान हमेसा तांई जल़दा रैंह्गा, तिन्हां सबना सौगी जिन्हां परमात्मे दे हुक्मां जो मनणे दे बजाये शैताने दे पचांह् चलणा चुणेया था।

![](https://cdn.door43.org/obs/jpg/360px/obs-en-50-16.jpg)

क्जोकि आदम कने हव्वा नैं परमात्मे दे हुक्मां जो नीं मनेया था कने पाप जो इस संसारे च लेई करी आएयो थे, परमात्मैं तिसियो श्राप दित्ता कने तिसियो खत्म करने दा फैसला कित्ता। अपर कुसी दिन परमात्मे इक्क नौआं सुअर्ग कने इक्क नौई धरती बणागा, जेह्ड़े सिद्ध हुंगे।

![](https://cdn.door43.org/obs/jpg/360px/obs-en-50-17.jpg)

यीशु कने तिसदे लोक तिसा नौईआं धरतिया पर रैंह्गे, कने सैह़ हमेसा तांई सारियां चीज्जां पर राज्ज करगे। सैह़ लोकां दे अंखी दे हर इक्क आंसु जो पुंज्जी दिंगा। हुण कोई भी दुखी या पीड़ित नी हुंगा। सैह़ रोंगे नीं। सैह़ बमार नी हुंगे कने ना कदी मरगे। कने तित्थु कुच्छ भी बुराई नीं हुंगी। यीशु अपणे राज्ज पर न्याय, कने सांतिया सौगी राज़ करगा। सैह हमेसा तांई अपणेयां लोकां सौगी रैंहगा।

*बाइबला दी इक्क काहणी मत्ती अध्याय 13:24-30, 36-42; 22:13; 24:14; 28:18; यूहन्ना 15:20, 16:33; प्रकाशितवाक्य 2:10; 20:10, 21:1-22:21  1 थिस्सलुनीकियों 4:13-5:11; याकूब 1:12;*

Audio: https://git.door43.org/OBS-TLF/xnr_obs/releases/download/v1/xnr_obs_v1_50_128kbps.m4a