32. Tuna Ayyaani Oykkida Uraanne Hargetida Maccase Paxuwa

Issi gallas, Yesuusa tamaareti, wogolon gelidi, Abbaa pinnidi, Gerggesoone geetetiya heera bidosona.

32. Tuna Ayyaani Oykkida Uraanne Hargetida Maccase Paxuwa — illustration 2

Entti Abbaa gaxa gakkida wode tuna ayyaani oykkida issi asi woxxishe Yesuusakko yis.

32. Tuna Ayyaani Oykkida Uraanne Hargetida Maccase Paxuwa — illustration 3

He uraa oonikka teqqanaw dandda7ona daro iita asi. Asay iya kushiyanne tohuwa santhalaatan qachidi wothidosona; shin santhalaata duuserethees.

32. Tuna Ayyaani Oykkida Uraanne Hargetida Maccase Paxuwa — illustration 4

He uray duufo giddon de7ees; I qammanne gallas waassishe de7ees. Ma7o ma7enna; ba asatethaa oco shuchan gaarida mela de7ees.

32. Tuna Ayyaani Oykkida Uraanne Hargetida Maccase Paxuwa — illustration 5

Uray Yesuusakko yidi, iya sinthan kunddidi, goynnis. Yesuusi, tuna ayyaanaa, “Ha uraa yeddada Keya” yaagis.

32. Tuna Ayyaani Oykkida Uraanne Hargetida Maccase Paxuwa — illustration 6

Tuna ayyaanay oykkida uray, “Ubbaafe Bolla Xoossaa na7aw, Yesuusa, neera taw ayba gahetethi de7ii?” yaagidi waassis. Yesuusi tuna ayyaanaa, “Ne sunthay oone” yaagidi oychis. I, “Nuuni daro gidiya gisho ta sunthay, ‘Leegiyona’” yaagidi zaaris.

32. Tuna Ayyaani Oykkida Uraanne Hargetida Maccase Paxuwa — illustration 7

Tuna ayyaanati, “Nuna ha heerappe haassofarkii” gidi Yesuusa woossidosona. Matan de7iya zuma bolla guduntho wudey heemettees. Hessa gisho, tuna ayyaanati, “Hayyana, nuna gudunthota giddo yeddarkii” gidi Yesuusa woossidosona. Yesuusi, “Biite” yaagis.

32. Tuna Ayyaani Oykkida Uraanne Hargetida Maccase Paxuwa — illustration 8

Tuna ayyaanati uraappe keydi gudunthota giddo gelidosona. Gudunthoti deriyappe duge gurguxidi abban gelidosona. Guduntho wudiya tayboy 2000 gidees.

32. Tuna Ayyaani Oykkida Uraanne Hargetida Maccase Paxuwa — illustration 9

Henthanchoti hanidabaa be7ida wode katama woxxi bidi, Yesuusi oothidaba demmida asa ubbaas odidosona. Asay hanidabaa be7anaw keyidi, tuna ayyaanay keyida uray ma7o ma77idi, iya wozanay simmin, si77i gidi uttidaysa be7idosona.

32. Tuna Ayyaani Oykkida Uraanne Hargetida Maccase Paxuwa — illustration 10

Asay daro yayyida gisho, Yesuusi entta matappe baana mela woossidosona. Yesuusi wogoluwan gelidi baanaw keys. Tuna ayyaanay yappe keyda uray Yesuusara baanaw woossis.

32. Tuna Ayyaani Oykkida Uraanne Hargetida Maccase Paxuwa — illustration 11

Shin Yesuusi, “Ne soo simma, Xoossay new oothidabaanne waatidi nena maaridaakko bada ne laggetasinne ne soo asaas oda” yaagis.

32. Tuna Ayyaani Oykkida Uraanne Hargetida Maccase Paxuwa — illustration 12

Yaatin, uray bidi, Yesuusi baw oothidabaa asa ubaas odis. Iya taarikiya si7ida ubbay malaaletidosona.

32. Tuna Ayyaani Oykkida Uraanne Hargetida Maccase Paxuwa — illustration 13

Yesuusi guye simmidi yis; I, yaa gakkiya wode asay iya yuushuwan shiiqidi un7ethidosona. He daro asaa giddon tammanne nam7u laythi kumethi suuthi goggishe de7iya maccasi de7awus. Iya paxana gada baw de7iya miishiya aakimetas immasu, shin paxabuuku.

32. Tuna Ayyaani Oykkida Uraanne Hargetida Maccase Paxuwa — illustration 14

Yesuusi daro harganchota pathidaysa iya si7ida gisho, “Taani Yesuusa afilaa bochiyako paxana” gada qoppasu. Hessa gisho, Yesuusa guyera yada iya afilaa bochasu; iya afila bochida mela paxasu.

32. Tuna Ayyaani Oykkida Uraanne Hargetida Maccase Paxuwa — illustration 15

Yesuusi ellesidi, “Wolqqi baappe keydaysa eris. Yesuusi guye simmidi, “Tana bochiday oonee?” yaagidi oychis. Iya tamaareti, “Daro asay sugetishin, be7aas”; yaatin, waanada, “Tana bochiday oonee? gada oychay” yaagidosona.

32. Tuna Ayyaani Oykkida Uraanne Hargetida Maccase Paxuwa — illustration 16

Maccasiya, kokorashenne yayyashe yada Yesuusa sinthan gufanasu. Maccasiya ba oothidaysanne ha77i paxidaysa iyaw odasu. Yesuusi zaaridi, “Ne ammanoy nena pathis; saro ba” yaagis.

Geeshsha Maxaafa taarikey eketiday, ** Maato 8:28-34; 9:20-22; Mar 5:1-20; 5:24-34; Luuqa 8:26-39; 8:42-48;

Read in the reader

Free to use, adapt, and share under an open license (CC BY-SA 4.0).