12. ୧୨. ଉଡୁକ୍ ସେନଃ
ମିଶର୍ ଦିଶମ୍ ବାଗିକାତେ ଇସ୍ରାଏଲ୍ ହଳ୍ ଉଡି କୁସିରେକ ତାହେଁକାନା। ଆର୍ ଗୁତିଲେକା ବାଂ ତାହେଁକାତେ ଈଶ୍ୱର ସାଅଁତେକ ଚାଲାକାନା ମେନ୍ତେ! ମିଶର୍ରେନ୍ ହଳ୍କ ଇସ୍ରାଏଲ୍ ହଳ୍କକେ ଝତଲେକାନ୍ ଜିନିଷ୍କ ଏମାଦ୍ଃ କଆ ଯେମନ୍କି ସନା, ରୁପା ଆର୍ ଝତଲେକାନ୍ ଦାମ୍ଆନ୍ ଜିନିଷ୍କହଁ। ତିନାଃଗାନ୍ ଅଣ୍ଡେରେନ୍ ହଳ୍ହଁ ଈଶ୍ୱର୍ ଠେନ୍ ପାତିୟାଉ କାତେ ଇସ୍ରାଏଲ୍ ହଳ୍ ସାଲାଃକ ଚାଲାଓଏନା।
ମିଃଟାଂ ହେନ୍ଦେ ରିମିଲ୍ ସିଞ୍ଜ୍ ବେଳାରେ ଆକଆଃ ମାଣାଂ ମାଣାଂତେ ଚାଲାଃ କାନ୍ ତାହେଁଦଃ। ଅନାଃଦ ଞ୍ଜିନ୍ଦା ଉଡି ମାରାଂ ଉସୁଲ୍ ସେଙ୍ଗେଲ୍ ଖୁଣ୍ଟି ବେନାଓ ଏନା। ଈଶ୍ୱର୍ ବାବା ଯାହାଁଏ ଅନା ହେନ୍ଦେ ରିମିଲ୍ ଆର୍ ସେଙ୍ଗେଲ୍ ଖୁଣ୍ଟିରେ ତାହେଁ କାନାଏ,ସାରା ଘାଲିଜ୍ଃ ଆକ ସାୱଁ ତାହେଁକାତେ ତାଳମ୍ରେ ଗଳଆକ କାନତାହେଁଦଃ। ଆର୍ ଝତ ହଳ୍ ଆଜ୍ଃ କ ପାଞ୍ଜା ଲେଦେୟା।
କମ୍ ଘାଳିଜ୍ ତାୟମ୍ତେଗେ ଫାରୋ ଆର୍ ଆଜ୍ରିନ୍ ହଳ୍କ ଆକୱା ମନେକ ଆଚୁର୍ କେଃଆ। ଇସ୍ରାଏଲ୍ ହଳ୍କ ଆର୍ହଁ ଆକୱାଃ ଗୁତି ବେନାୱ ଲାଗିଦ୍ଃତେ କ ଉଇହାର୍ କେଃଆ ।ଅନାଖାତିର୍ ଇସ୍ରାଏଲ୍ ହଳ୍କ ତାୟମ୍ତେ କ ଲାଗା କେଦ୍ଃକୱା। ଈଶ୍ୱର୍ ବାବାଗେ ଆକଆଃ ମନେ ବଦଲ୍ଲେଦ୍ଃ ତାହେଁଦ। ଆଜ୍ଃ ନଁକାଏ କାମିକେଃଆ ଯେମନ୍ ଝତ ହଳ୍କ ବାଡାଏ ମା ଝତ ଫାରୋରିନ୍ ବଙ୍ଗା ଆର୍ ଝତ ହଳ୍ରେନ୍ ବଙ୍ଗାଖନ୍ ଜାସ୍ତି ଦାଳେୟାନ୍ ଈଶ୍ୱର୍ ବାବା କାନାଏ।
ଯେଖନ୍ ଇସ୍ରାଏଲ୍ ହଳ୍କ ମିଶର୍ରେନ୍ ସେନା ହିଜୁଃକ ଞ୍ଜେଲ୍ କେଦ୍ଃକଆ, ଆକକ ମନେକେଃଆଦ ଆକ ଗାଡ୍ ଆର୍ ସେନା ତାଲାରେକ ହାବ୍ଳାଅଏନା। ଆକ ଝତ ବତର୍ତେ ଚିଚିୟାଉ କାତେ ରାଃକାତେକ ମେନ୍କେଃଆ “ଆଲେ ଚେଦାଃ ମିଶର୍ ଦିଶମ୍ଲେ ବାଗିକେଃଆ? ଆଲେ ନିତଃଦ ଝତଲେ ଗୁଜୁଃଆ!”
ମୋଶା ଇସ୍ରାଏଲ୍ ହଳ୍ଏ ମେତାଃଦ୍ କଆଏ, “ଆଲପେ ବତରଃଆ। ଈଶ୍ୱର୍ ବାବା ଆପେ ଖାତିରେ ଲାଢାଇଆ ଆରେ ବାଞ୍ଚାୱ ପେଆଏ”। ମେନ୍ଖାନ୍ ଈଶ୍ୱର୍ ବାବା ମୋଶାକେ ମେତାଃ ଦେୟାଏ, “ହଳ୍କକେ ମେତାକମେ, ଜାଲା ପୁରୀ ସେତଃତେ ଚାଲାଃ ପେ”।
ଇନାତାୟମ୍ ରିମିଲ୍ ଖୁଣ୍ଟି ଇସ୍ରାଏଲ୍ ଆର୍ ମିଶର୍ ହଳ୍କ ସାୱଁତେ ଚାଲାଃକାନ୍ ତାହେଁଦ ଆର୍ ଞ୍ଜିନ୍ଦା ସେଙ୍ଗେଲ୍ ରେୟାଃ ଖୁଣ୍ଟି ବେନାଓ ଏନା। ମିଶର୍ ହଳ୍କ ଇସ୍ରାଏଲ୍ ସୁର୍ତେ ବାକ ହେଜ୍ଃ ଦାଳେୟାଦ୍ଃନା।
ଈଶ୍ୱର୍ ବାବା ମୋଶାକେ ଦରେୟା ଚେତାନ୍ରେ ତି ଉଦୁଗ୍ମେ ମେନ୍ତେ ଲାଇଆଃ ଦେୟାଏ। ଇନାତାୟମ୍ ଈଶ୍ୱର୍ ବାବା ହୟେତେ ଦରେୟା ରେନାଃ ଦାଃକ ନାତେ ହାନ୍ତେ କାତେ ତାଲାରେ ହରେ ବେନାଓ କେଆଃ।
ଇସ୍ରାଏଲ୍ ରେନ୍ ହଳ୍କ ବାର୍ ପାହ୍ ଟା ଦାଃ ରେନାଃ କାନ୍ଥ ତାଲାରେ ରହଳ୍ ଅତ୍ତେକ ପାରମେନା।
ମିଶର୍ ରେନ୍ ହଳ୍କ ଇସ୍ରାଏଲ୍ ହଳ୍କ ପୁଚୁଜଃ କାନାକ ମେନ୍ତେ ଞ୍ଜେଲ୍ କେଦ୍ଃକଆକ। ମିଶର୍ରେନ୍ ହଳ୍କ ଆର୍ ଦଳ୍ହା ଉନ୍କୁ ସାବ୍ ଖାତିର୍ ତାୟମ୍ ତେକ ଲାଗା କେଦ୍ଃ କଆଃ।
ଅନାଖାତିର୍ ଆକ ମିଶର୍ ରେନ୍ ହଲ୍କ ଲାଗାକାତେ ଦରେୟା ତାଲାତେକ ଚାଲାଓ ଏନା, ମେନ୍ଖାନ୍ ଈଶ୍ୱର୍ ବାବା ମିଶର୍ରେନ୍ ହଳ୍କକେ ବତର୍ ହଚ କେଦ୍ଃ କଆଏ ଆର୍ ଆକୱାଃ ରାଥ୍ ଗାଡି ତିଙ୍ଗୁ ହଚ କେଃଆଏ। ଆକ ହୁରି କେଃଆ କ, “ଞ୍ଜିର୍ପେ! ଈଶ୍ୱର୍ ବାବା ଇସ୍ରାଏଲ୍ ବାଖ୍ରାତେ ଲାଢାଇ ୟାଏ!”
ଇସ୍ରାଏଲ୍ ହଳ୍କ ଦରେୟା ରେନାଃ ହାନା ପାରମ୍କ ଚାଲାଓ ଏନା। ଅନାତାୟମ୍ ଈଶ୍ୱର୍ ବାବା ମୋଶାକେ ଆର୍ ମିଦ୍ଃ ଧାଓ ତି ଜିଲିଙ୍ଗ୍ଏ ମେତାଃ ଦେୟାଏ ଉନ୍ଜଖାଃ ଅନ୍କାଗେ କାମି କେଃଆଏ, ଦାଃ ମିଶରେନ୍ ସେନା ଚେତାନ୍ରେ ପେରେଜ୍ଃ ଏନା ଆର୍ ମାଣାଂ ଲେକାଗେ ଦରେୟା ବେନାଓ ରୁଆଳ୍ ଏନା। ଝତ ମିଶର୍ରେନ୍ ସେନାକ ଉନୁମ୍ ଗଜ୍ଃଏନା।
ଯେଖନ୍ ଇସ୍ରାଏଲ୍ ହଳ୍କ ଞ୍ଜେଲ୍ କେଦ୍ଃ କଆଦ, ମିଶର୍ରେନ୍ ସେନାକ ଗଜ୍ଃ ଏନାକ, ଆର୍ ଉନ୍କୁ ପାତିୟାଉ କେଃଆକ ମୋଶାଦ ଈଶ୍ୱର୍ ବାବାଇଜ୍ ହଳ୍ କାନାଏ।
ଇସ୍ରାଏଲ୍ ହଳ୍କ ଉଡିଗାନ୍କ କୁସିଏନା, ଚେଦାଃସେ ଈଶ୍ୱର୍ ବାବା ଆକ ଗଜ୍ଃ ଖନାଃଏ ବାଞ୍ଚାଓ କେଦ୍ଃ କଆଏ। ନିତଃ ଆକ ଇଶରାଃ ନିୟାମ୍କ ଦହ ଆର୍ ଆଜ୍ଃକ ସେୱାୟା ମେନ୍ତେ ସାପ୍ଳାଓରେକ ତାହେଁକାନା। ଈଶ୍ୱର୍ ବାବାହାଃ ସେୱା ଖାତିର୍ ଆଡିଢେର୍ କ ସେରେଞ୍ଜ୍ କେଃଆ, ଚେଦାଃସେ ଆଜ୍ଃ ମିଶର୍ ରେନ୍ ସଇତାନ୍ ଠେନ୍ଖନ୍ ବାଞ୍ଚାଓ ଲେଦ୍ଃ କଆଏ ।
ଈଶ୍ୱର୍ ବାବା ଚେଦ୍ ଲେକାତେ ମିଶରୀୟକ ହାରାଓ ଲେଦ୍ଃ କଆଏ, ଆକକେ ଚେଦ୍ଃଲେକା ଚାକର୍ ଖନାଃଏ ବାଞ୍ଚଅ ଲେଦ୍ଃ କଆଏ ଅନା ମନେରେ ଦହ ଲାଗିଦ୍ଃତେ ଝତ ସେର୍ମା ଇସ୍ରାଏଲ୍ ହଳ୍କ ପାରାବ୍ ମାନାଓ ବାଖ୍ରାଏ ଲାଇଆଦ୍ଃ କଆ। ନଆଁ ପାରାବ୍ ଦ ପାହିଲ୍ ସେନ୍ ପାରମ୍ ପାରାବ୍ କ ଲାଇଏଦ୍ଃ ତାହେଁଦ୍। ନଆଁରେ ଆକ ମିଟାଂ ଭାଗି ଭିଡି ମାଃ ଗଜ୍ଃକାତେ ଆର୍ ରାପାଃକାତେ, ରାପାଃ ପିଠା ସାଓତେକ ଜମେଦ୍ଃ ତାହେଁଦ୍ଃ।
ସନତ୍ ପୁଥିୟାଃ କାହାନୀ: ଉଡୁକ୍ ସେନଃ ପୁଥି ୧୨:୩୩-୧୫:୨୧
Free to use, adapt, and share under an open license (CC BY-SA 4.0).