14. ୧୪. ବୁରୁରେକ ଆଚୁର୍ ବାଳାୟେ ତାହେଁଦ

ଈଶ୍ୱର୍ ବାବା ଇସ୍ରାଏଲ୍‌କ ଝତ ନିୟମ୍ ବାଖ୍ରାତେ ଲାଇ ଚାବାଦ୍ଃ କଆଏ, ଯାହାଁ ଆକ ସାଲାଃତେ ହୁଇଲେନ୍ କାଥା ଏପେମ୍ ଖାତିର୍ ଆକ ବାତାଓ ହୁଇୟାକଆ। ଇନାତାୟାମ୍ ଉନକୁ ସୀନାୟ ବୁରୁ ଠେନ୍‌ଖନ୍ ଇଦିକେଦ୍ଃ କଆଏ। ଆଜ୍ଃ ଆକକେ କାଥା ଏପେମ୍ ଦିଶମ୍‌ତେ ଇଦିକ ଲାଗିଦ୍ଃ ମନେଏଦ୍ଃ ତାହେଁଦଃ, ଈଶ୍ୱର୍ ଉନ୍‌କୁଆଃ ମାଣାଁ ମାଣାଁତେ ରିମିଲ୍ ସଲାଃତେ ଚାଲାଓ ଇଦିଏନାୟ ଆର୍ ଉନ୍‌କୁ ଆଜ୍‌କ ପାଞ୍ଜାକେଦେୟା।

ଈଶ୍ୱର୍ ଅବ୍ରାହମ୍, ଇସ୍‌ହାକ୍, ଆର୍‌ ଯାକୁବ୍ କାଥାଏ ଏମାଦ୍ଃକ ତାହେଁଦଃ, ଆଜ୍ଃ ଆକରେନ୍ ଆଗିଲ୍‌କ କାଥା ଏପେମ୍‌ ଆକାନ୍ ଦିଶମେ ଏମାକଆ, ମେନ୍‌ଖାନ୍ ନିତଃଅଣ୍ଡେ ଆଡି ଗଟାଂ ଜାତ୍‌ରେନ୍ କ ତାହେଁନ୍ କାନା। ଉନ୍‌କୁଦ କିଣାନୀକ ମେତାକ କାନ୍ ତାହେଁଦଃ, କିଣାନୀୟକଦ ଈଶ୍ୱର୍ ବାବା ବାକ ସେବାସୁଶାରେ କାନ୍ ତାହେଁଦଃ ଆର୍‌ ଆଜ୍ଃ ବାକ ବାତାଓଏ କାନ୍ ତାହେଁଦଃ। ଉନକୁ ବାଳିଜ୍ଃ ବଙ୍ଗା ହଁକ ସେବାଏଦ୍ଃକ ତାହେଁଦଃ ଆର୍ ଆଡି ବାଲିଜ୍ଃ କାମି କକ କାମିକାନ୍ ତାହେଁଦଃ।

ଈଶ୍ୱର୍ ଇସ୍ରାଏଲକ ମେତାଦଃ କଆଏ, କାଥାଏପେମ୍‌ ଦିଶ୍‌ମତେ ଚାଲାଓଏନ୍ ତାୟାମ୍ ଅଣ୍ଡେ ତାହେଁନ୍ କାନ୍ ଝତ କିଣାନୀୟ ଠେନ୍‌ଖନ୍ ଆପେତେଗେ ଭେଗାରଃପେ। ଉନକୁ ସାଓଁ ସୁଲୁକ୍ ସାଗାଇ ଆଲପେ ଦହୟା, ଆର୍ ଉନ୍‌କୁ ଆଲପେ ବାପ୍‌ଲାଃ ଆପେ ଆକରେନ୍ ଝତ ବଙ୍ଗାକ ପୁରାପୁରି ନାସ୍‌କପେ। ଯୁଦି ଆପେ ଇଞ୍ଜା ହୁକୁମ୍ ବାପେ ବାତାଓଖାନ୍ ଆପେ ଇଞ୍ଜ୍ ବଦଲ୍‌ତେ ଉନ୍‌କୁରେନ୍ ବଙ୍ଗାକପେ ସେବାକଆ।

ତିନ୍‌ଜଖାଃ କିଣାନ୍ ଦିଶମ୍‌ରେୟାଃ ସିମାରେକ ସେଟେରେନା, ମୋଶା ଇସ୍ରାଏଲ୍‌ରେନ୍ ଝତ ଜାତ୍‌ଖନ୍ ଗେଲ୍‌ବାର୍ ହଳ୍‌କାତେ ବାଛାଅ କେଦ୍ଃକଆ, ଆଜ୍ଃ ଅନା ଦିଶମ୍‌ରେନ୍ ହଳକ ଅନାଦିସମ୍ ଅକାଲେକା ତାହେଁକାନା ଅନା ବାଡାୟେ ଲଗିଦ୍ଃତେ ହୁକୁମ୍‌କାତେ ଭେଜାକେଦ୍ଃ କଆଏ। ମୋଶା ଉନ୍‌କୁ କିଣାନିୟକ କେଟେଜ୍ଃ ଆକ ସେ ଲିଚାଳାକ ଅନା ବାଡାୟେ ଲାଗିଦ୍ଃତେ ଭେଜା କେଦ୍ଃ କଆଏ।

ଉନ୍‌କୁ ଗେଲବାର ହଳ୍ କିଣାନ୍ ଦିଶମ୍‌ରେ ପୁନ୍‌ଗେଲ୍ ଦିନ୍‌କ ଦାଣାକେଃଆ ଆର୍ ଇନାତାୟମ୍‌ ମୋଶାଠେନ୍‌କ ରୁଆଳ୍ ହେଜ୍ଃଏନା। ଉନ୍‌କୁ ହଳ୍‌କକ ମେତାଦ୍ଃ କଆ, “ହାସା ଉଡି ଖତ୍‌ଗେୟା ଆର୍ ଉଡି ଢେର୍ ଅମଳଃ ଗେୟା!” ମେନ୍‌ଖାନ୍ ଗେଲ୍ ହଳ୍‌କ ମେନ୍‌କେଃଆ, ନାଗାର୍‌କ ଆଡି ଦାଳେୟାନା ଆର୍ ହଳ୍‌କ ହଁ ଆଡିକ ରାକ୍ଷସ୍ ଗେୟା! ଯୁଦି ଆବ ଆକ ସାଲାଃବ ଲାଢାଇ ଲେଖାନ୍ ଆକ ଠେନ୍‌ଖନ୍ ନିହାତିଗେ ଆବବ ହାରାୱାଃ ଆର୍‌କ ଗଜ୍ଃବନା!”

ସାଙ୍ଗେ ସାଙ୍ଗ୍‌ଗେ ଏଟାଃ ବାର୍‌ହଳ୍ କାଲେବ୍ ଆର୍ ଯିହୋଶୂୟ କିନ୍ ଲାଇକେଃଆ, “ନଆଁଦ ସାରି କାଥାଗେ କିଣାନ୍‌ରେନ୍ ହଳ୍‌ ଉସୁଲ୍ ଆର୍ ଦାଳେୟାନ୍ ଗେୟାକ, ଆବ ନିହାଁତି ଗେବ ହାରାଓ କଆ! ଈଶ୍ୱର୍ ବାବା ଆବ ଲାଗିଦ୍ଃତେ ଲାଢାଇୟାଏ!”

ମେନ୍‌ଖାନ୍ ହଳ୍‌କ କାଲେବ୍ ଆର୍ ଯିହୋଶୂୟଆଃ କାଥାବାକ ଆଞ୍ଜମ୍ ଲେଃଆ। ମୋଶା ଆର୍ ହାରୋଣ୍ ଚେତାନ୍ ରେଗେକ ରାଗିଏନା ଆର୍‌କ ମେନ୍‌କେଃଆ ଆଲେ ଚେଦାଃ ନଆଁ ବତରାନ୍ ଜାଏଗା ତେକିନ୍ ଆଗୁ କେତଃଲେଆ? ଆଲେ ମାନ୍‌କ ମିଶର୍‌ ଦିଶମ୍‌ରେଗେ ତାହେଁନ୍ ଲାଗିଦ୍ଃ ତାହେଁକାନା। ଯୁଦି ଆଲେ କିଣାନ୍ ଦିଶମ୍ ତେଲେ ସେନଃଆ, ଏନ୍‌ଖାନ୍ ଆଲେ ଝତ ଲାଢାଇରେଲେ ଗୁଜୁଃଆ, ଆର୍ କିଣାନୀୟକ ଆଲେରେନ୍ ବାହୁ ଆର୍ ଗିଦ୍ରାକ ଗୁତି, କାଳ୍‌ମୀ କଆକ। ହଳ୍‌କ ମିଶର୍ ଦିଶମ୍ ରୁଆଳ୍ ଲାଗିଦଃ ଆର୍ ମିଃଟାଂ ମାରାଂ ଗମ୍‌କେକ ବାଛାୱେ ଲାଗିଦ୍ଃ ମନେରେକ ହୁଦିଶ୍ କେଆ।

ତିନ୍ ଜଖାଃ ହଳ୍‌କ ନଂକାକ ମେନ୍‌କେଃଆ, ଈଶ୍ୱର ବାବା ଉଡିଗାନ୍ ଏ ରାଗିଏନା। ଉନି ମିଦୁନ୍ ରେୟାଃ କୁମ୍ବା ହେଜ୍ଃ କାତେ ଲାଇୟାଦ୍ କଆଏ ଆପେ ଇଞ୍ଜ୍ ବିରୋଧରେପେ କାମିଆକାଃ। ଅନାମେନ୍ତେ ଆପେ ଝତହଳ୍ ବୁରୁରେ ତାଳାମ୍ ଆଚୁର୍‌ତେ ହୁଇ ଆପେୟା। ଗେଲ୍‌ବାର୍ ସେର୍ମା ଆର୍ ଇନାଖନ୍ ଢେର୍ ଝତକ ଅଣ୍ଡେପେ ଗୁଜୁଃଆ, ଆର୍ ଇଞ୍ଜ୍ ଏମାକାଦ୍ଃ ଦିଶମ୍‌ରେ ବାପେ ବଲ ଦାଳେୟାଃଆ। ଖାଲି ଯିହୋଶୁୟ ଆର୍ କାଲେବ୍ ଅଣ୍ଡେକିନ୍ ବଲ ଦାଲେୟାଃ।

ତିନ୍‌ଜଖାଃ ହଳକ୍ ଇଶ୍ୱରାଃ କାଥାକ ଆଞ୍ଜମ୍‌କେଃଆ ଉନକୁ ଆକଆଃ କାଇ ଖାତିରକ ଦୁଃଖ୍ଏନା। ଅନାମେନ୍ତେ କିଣାନ୍ ଦିଶମ୍‌ରେନ୍ ହଳକ୍ ସାଓଁ ଲାଢାଇୟାକ ମେନ୍ତେ ମନେକେଃଆକ। ଈଶ୍ୱର୍ ବାବା ଆକ ସାଲାଃତେ ବାୟ ସେନଃଆ ମେନ୍ତେ ମୋଶା ଚେତ୍‌ନାଁଏ ଏମାଦ୍ଃକ ତାହେଁଦଃ। ମେନ୍‌ଖାନ୍ ଅନା ଆକ ବାକ ଆଞ୍ଜମ୍ ଲେଃଆ।

ଈଶ୍ୱର୍ ଆକ ସାଲାଃତେ ନଆଁ ଲାଢାଇରେ ବାଏ ସେନ୍‌ଲେନା, ଅନାମେନ୍ତେ କିଣାନ୍‌ ହଳ୍‌କ ଉନକୁ ହାରାଓ କେଦ୍ଃକଆକ ଆର୍ ତିନାଃ ଗାନ୍‌କ ଗଜ୍ଃ କେଦ୍ଃକଆ। ଇନା ତାୟମ୍ ଇସ୍ରାଏଲ୍‌କ କିଣାନ୍ ଦିଶମ୍ ଖନ୍‌କ ରୁଆଳେନା, ତାୟାମ୍‌ତେ ପୁନ୍‌ଗେଲ୍ ସେର୍ମା ଲାଗିଦ୍ଃ ବୁରୁରେ ଦାଣାରେଗେକ ତାହେଁଏନା।

ଗେଲ୍‌ପୁନ୍ ସେର୍ମା ତାଲାରେ ଇସ୍ରାଏଲ୍ ହଳକ ବୁରୁରେ ଦାଣା ବାଳାଃକାନ୍ ଅକ୍ତରେ ଈଶ୍ୱର୍ ବାବା ଆକୱାଃ ଝତ ଲାଗ୍‌ତିୟାନ୍ ଜିନିଷେ ଯୂଗାଉଆଦ୍ଃ କଆଏ। ଆଜ୍ଃ ଉନକୁ ସେର୍ମାଖନ୍ ପିଠା ଏମାଦ୍ଃ କଆଏ ଅନାଦ ମାନାକ ମେନା। ଈଶ୍ୱର୍ ବାବା ଇସ୍ରାଏଲ୍ ହଳ୍ ଚେଣେ ଗଜ୍ଃ କାତେ ଜମ୍‌କ ବାଖ୍ରାଏ ଭେଜାଆଃ କଆଏ। ଆର୍ ଉନ୍‌କୁ ଆକ ଗଜ୍ଃ କାତେକ ଜମ୍ କେଃଦ୍‌କଆ, ଇନା ଅକ୍ତରେ ଈଶ୍ୱର୍ ବାବା ଲୁଗୁଳି ଆର୍ ଆକାୱାଃ ଚାଟ୍‌କି ବାୟେ ପସାଃ ହଚୱାଦାଏ।

ଆକଆଃ ଞ୍ଜୁ ଦାଃ ଯୁଗାୱାକ ଲାଗିଦ୍ଃ ଈଶ୍ୱର୍ ବାବା ହାହାଳା ଲେକା ଅନା ମିଦ୍ଃ ଧୀରିଖନ୍ ଦାଃଏ, ସେତେଞ୍ଜ୍ ହଚକେଃଆ। ମେନ୍‌ଖାନ୍ ନଙ୍କାଲେକା ରେହଁ ଇସ୍ରାଏଲ୍ ରେନ୍‌ ହଳ୍‌କ ଇଶ୍ୱରାଃ ବିରୋଧ୍‌ତେ ଆର୍ ମୋଶାଆଃ ବିରୋଧ୍ ତେକ କାଥାଏନା, ଏନ୍ତେରେହଁ ଈଶ୍ୱର୍ ଆକଏ ଦାୟାକ କାନ୍ ତାହେଁଦ୍ଃ। ଅକା ଅବ୍ରାହାମ୍ ଇସହାକ୍ ଆର୍ ଯାକୁବ୍ ରେନ୍ ଆଗିଲ୍‌କ ଲାଗିଦ୍ଃ କାମିୟା ମେନ୍ତେ ମନେ ଲେଃଆଏ ଅନାଗେ କାମି କେଃଆଏ।

ତିନ୍ ଜଖାଃ ଆକଆ ଞ୍ଜୁ ଲାଗିଦ୍ଃ ଦାଃ ବାଂ ତାହେଁକାନା ଈଶ୍ୱର୍ ବାବା ମୋଶା ମେତାଃଦେଆଏ, ଧୀରିମ୍ ଲାଇୟାଏ ଖାନ୍ ଞ୍ଜୁ ଦାଃ ଉଡୁକାଏ, ମେନ୍‌ଖାନ୍ ମୋଶା ଧିରିକେ ବାଂ ଲାଇକାତେ ଆଜ୍ଃ ବାର୍‌ଧାଓ ଗୁଡ୍ ଗୁଡେ ଦାଲ୍‌କେଃଆ। ନଆଁ ଲେକାତେ ଆଜ୍ଃ ଇଶ୍ୱର୍‌ ଅପମାନ୍ କେଦେୟାଏ, ଆର୍ ଝତହଳ୍‌କ ଞ୍ଜୁଇ ଲାଗିଦ୍ଃତେ ଧିରିଖନ୍ ଦାଃ ଉଡୁକ୍ ଏନା। ମେନ୍‌ଖାନ୍ ଈଶ୍ୱର୍ ମୋଶାଃ ଚେତାନ୍‌ରେ ରାଗିଏନାଏ,ଇଶ୍ୱରେ ମେନ୍‌କେଃଆ, ଚେଦାଃ ଆମ୍ ନଆଁମ୍ କାମିକେଃଆ, ଅନାଖାତିର୍ ଆମ୍ କାଥା ଏପେମ୍ ଦିଶମ୍‌ରେ ବାମ୍ ବଲ ଦାଳେୟାଃଆ।

ଇସ୍ରାଏଲ୍‌କ ପୁନ୍‌ଗେଲ୍ ସେର୍ମା ବୁରୁରେକ ଦାଣାଲେନ୍ ତାୟମ୍, ଅକଏକ ଇଶ୍ୱରାଃ ବିରୋଦ୍ଧ୍‌ତେକ କାମିଲେଃଆ, ଉନ୍‌କୁ ଝତକ ଗଜ୍ଃଏନା। ଇନାତାୟାମ୍ ଈଶ୍ୱର୍ ବାବା ବାଳିଜ୍ଃ ହଳ୍‌କ ଆର୍ ଦହଳା କାଥା ଏପେମ୍ ଦିଶମ୍ ରେୟାଃ ସିମା ଧାବିଜ୍ଃ ଆୟୁର୍ ଇଦି କେଦ୍ଃକଆଏ। ଇନା ଅକ୍ତରେ ମୋଶା ଆଡି ହାଳାମେ ତାହେଁକାନା, ଅନାମେନ୍ତେ ହଳକ୍ ଆୟୁର୍ ଇଦିକ ଲାଗିଦ୍ଃତେ ଯିହୋଶୂୟ ସାଲାକେଦେୟାଏ। ଈଶ୍ୱର ମୋଶାକେ କଥାଏ ଏମାଦେ ତାହେଁଦଃ, ଆଜ୍ଃ ଲେକାନିଜ୍ଃ ଆର୍ ମିଦ୍ଃହଳ ମାଣାଂ କାଥା ଉଦୁଗିଜ୍ଃ ଆକଠେନ୍ଏ ଭେଜାଏୟା।

ଇନାତାୟମ୍ ଈଶ୍ୱର୍ ବାବା ମିଦ୍ଃ ବୁରୁରେୟାଃ ଚେତାନ୍‌ତେ ମୋଶା ଚାଲାଃ ଲାଗିଦ୍ଃଏ ଲାଇୟାଦେୟାଏ। ମୋଶା କାଥା ଏପେମ୍ ଆକାନ୍ କିଣାନ୍ ଦିଶମେ ଞ୍ଜେଲ୍‌ଲେଃଆ, ମେନ୍‌ଖାନ୍ ଆଜଃ କେ ଅନା ଦିଶମ୍‌ରେ ବଲନ୍ ଲାଗିଦ୍ଃ ଈଶ୍ୱର୍ ହୁକୁମ୍ ବାଏ ଏମାଃଦେଆଏ। ଇନା ତାୟମ୍ ମୋଶାଏ ଗଜ୍ଃଏନା ଆର୍ ଗେଲ୍ ପେଦିନ୍ ଧାବିଜ୍ଃ ଇସ୍ରାଏଲ୍‌କ ଦୁଖଃଦିନ୍‌କ ମାନାଓ କେଃଆ। ଯିହୋଶୁୟ ଉନ୍‌କୁରେନ୍ ନାୱା ଗମ୍‌କେ ତାହେଁକାନା ଚେଦାଃସେ ଆଜ୍ଃ ଈଶ୍ୱର୍ ବାବା ଠେନ୍ ଏ ପାତିୟାଉଃ କାନ୍ ତାହେଁଦଃ, ଆର୍ ଆଜାଃ ହୁକୁମେ ବାତାୱେଦ୍ଃ ତାହେଁଦଃ।