17. ୧୭. ଈଶ୍ୱର୍ ବାବା ଦାଉଦ୍ ସାଲ୍ଆଃ କାଥା ଏପେମ୍
ଶାଉଲ୍ ଇସ୍ରାଏଲ୍ ରେନ୍ ପୁୟୁଲୁ ରାଜାଏ ତାହେଁକାନା। ଚେଦ୍ଲେକା ହଳ୍କ ଞାମ୍ କାନ୍ ତାହେଁ ଅନ୍କାଗେ ଉସୁଲ୍ ଆର୍ ଚେହେରାଏ ତାହେଁକାନା। ସାଉଲ୍ ଇସ୍ରାଏଲ୍ ଚେତାନ୍ରେ ପୁଇଲୁ ରାଜାଏ ତାହେଁରେନାଃ, ତିନାଃ ସେର୍ମା ଲାଗିଦ୍ ତେ ମିଃଟାଂ ଭାଗି ରାଜାଏ ତାହେଁ କାନା। ମେନ୍ଖାନ୍ ଅନା ତାୟମ୍ ଖାରାପ୍ ରାଜାଏନାଏ, ଅକଏ ଈଶ୍ୱର୍ ବାଏ ବାତାୱ ଲେଦେୟା ,ଅନାତେ ଈଶ୍ୱର୍ ବାବା ଆର୍ ମିଦ୍ଃ ହଳେ ବାଛାଅ କେଦେୟା, ଅକଏ ଯେ ମିଦ୍ଃ ଦିନ୍ ଆଜାଃ ଠାଅଁରେ ରାଜାଏ ବେନାୱାଃ।
ଈଶ୍ୱର୍ ବାବା ଇସ୍ରାଏଲ୍ ରେନ୍ ମିଟାଂଯୁଆନ୍ କଳା ଦାଉଦ୍ ଞ୍ଜୁତୁମାନିଜ୍ଃ ଏ ବାଛାଅ କେଦେୟାଏ, ସାଉଲ୍ ଆଃ ଜାଗାରେ ମିଃଦିନ୍ ରାଜାଏ ବେନାୱେ ଖାତିରେ ସାପ୍ଳାୱ କେଦେୟା । ଦାଉଦ୍ ବେଥ୍ଲିହମ୍ ରେନ୍ ମିଃଟାଂ ଭିଡି ଗୁପିଃଈଜ୍ ଏ ତାହେଁ କାନା । ତାଲା ତାଲାରେ ତାରୁବ୍ଃ ଆର୍ ଚେଟେରାଏ ଗଜେଦ୍ଃ କ ତାହେଁଦ୍, ଯାହାଏଁ ଆଜ୍ଃ ବାବା ରେନ୍ ଭିଡିକ ଜମେଦ୍ଃ କ ତାହେଁଦ୍ । ଦାଉଦ୍ ମିଟାଂ ଧରମ୍ ଆର୍ ନରମ୍ ହଳେ ତାହେଁକାନା । ଉନି ଈଶ୍ୱର୍ ବାବା ଚେତାନ୍ ରେ ପାତିୟାଉ ଆର୍ ଆଜ୍ଆ ହୁକୁମ୍ ଏ ବାତାୟେଦ୍ ତାହେଁଦ୍ ।
ତିନ୍ଜଖା ଦାଉଦ୍ କଳାଏ ତାହେଁ କାନା,ଉନି ଗଲିୟାତ୍ ଞୁତୁମ୍ ରାକଶ୍ ସାଲାଃଏ ତାପାମ୍ ଲେନାଏ। ଗାଲିୟାତ୍ ମିଟାଂ ବୁଗି ସୈନ ତାହେଁ କାନା। ଉନି ଉଡି ଦାଳେୟାନ୍ ଆର୍ ପେ ମିଟର୍ ଲେକା ଉସୁଲ୍ ତାହେଁକାନା!ମେନ୍ଖାନ୍ ଈଶ୍ୱର୍ ବାବା ଦାଉଦ୍ ଇଦିକାତେ ଗାଲିୟାତ୍ ଗଜ୍ କାତେ ଇସ୍ରାଏଲ୍ ହଳେ ରକ୍ଷା କେଦ୍ କଆଏ । ଦାଉଦ୍ ମିଟାଂ ଆଡି ମାରାଂ ସେନାଏ ବେନାୱ ଏନାଏ ଆର୍ ଉନି ଉଡିଗାନ୍ ଲାଢାଇରେ ଆଜ୍ଏ ଜିତ୍କାର୍ ଏନା । ହଳ୍କ ଆଜ୍ ଉଡିଗାନ୍କ ସାର୍ହାୱା ଦେୟା ।
ହଳ୍କ ଦାଉଦ୍ ଉନାକ ଦୁଲାଳ୍ ଆ ଦେୟା,ରାଜା ସାଉଲ୍ ରାଗିଏନାଏ ତାୟମ୍ ତେ ଗଜେୟାଏ ମେନ୍ତେ ମନେ କେଃଆଏ, ଅନାତେ ଦାଉଦ ସାଉଲ୍ ଆର୍ ଆଜା ସେନା ଠେନ୍ ଖନ୍ ଉକୁ ଖାତିର୍ ଲାଟାଏ ଚାଲାୱ ଏନା। ମିଦ୍ଃ ଦିନ୍ ସାଉଲ୍ ଆର୍ ଆଜ୍ରିନ୍ ସେନାକ ଆଜ୍କ ପାନ୍ତେ କାନ୍ ତାହେଁଦ, ସାଉଲ୍ ମେଟାଂ ଘଙ୍ଗର ଚାଲାୱେନା ଦାଉଦ୍ ଅନା ଘଙ୍ଗର ରେ ଉକୁ ଲେନାଏ, ମେନ୍ଖାନ୍ ସାଉଲ୍ ଆଜ୍ଗେ ବାଏ ଞେଲ୍ଞାମ୍ ଲେଦେୟାଏ। ଦାଉଦ୍ ସାଉଲ୍ଆଃ ତାୟମ୍ ତେ ଚାଲାୱ କାତେ ଆଜ୍ଃଆ ଲୁଗୁଳି ରେନା କାଟିଜ୍ଏ ଗେଦ୍ କେଃଆ, ଉନାତାୟମ୍ ସାଉଲ୍ ଘଙ୍ଗର ଖନ୍ ଅଡକେନ୍ ତାୟମ୍ ଦାଉଦ୍ ସାପ୍ କାତେ ଦେଖାୱାଏ ମେନ୍ତେ ହୁରି କେଃଆଏ। ନକା ଲେକାତେ ସାଉଲ୍ ବାଡାଏ କେଃଆ ଦାଉଦ୍ ରାଜା ହୁୟୁ ଲାଗିଦ୍ ବାଏ ଲଭ୍ ଏନା।
ତିନାଃ ଘାଳିଃ ତାୟମ୍ ତେ,ସାଉଲ୍ ଲାଢାଇରେ ଗଜ୍ଃ ଏନାଏ,ଆର୍ ଇସ୍ରାଏଲ୍ ରେନ୍ ରାଜା ଏନାଏ,ଉନି ମେଟାଂ ବେସ୍ ରାଜାଏ ତାହେଁକାନା, ହଳ୍କ ଆଜ୍କ ଦୁଲାଳ୍ଏ ତାହେଁଦ ଈଶ୍ୱର୍ ବାବା ଦାଉଦ୍ କ ଦୁଲାଳ୍ ଏ କାନ୍ ତାହେଁଦ ଆର୍ ଉନିଗେ ଗଳୱାଏ କାନ୍ ତାହେଁଦ। ଦାଉଦ୍ ଉଡିଗାନ୍ ଲାଢାଇ କେଃଆଏ, ଆର୍ ଈଶ୍ୱର୍ ବାବା ଇସ୍ରାଏଲ୍ କ ହାରାଅ ଲାଗିଦ୍ ଗଳୱା ଦେଆଏ । ଦାଉଦ୍ ଯିରୁଶାଲେମ୍ ହାରାୱ କାତେ ଆଜ୍ଃଆ ଦିଶମେ ବେନାୱ କେଦା, ଯାହାଁରେ ଆଜ୍ ତାହେଁକାତେ ଆଇଦାରିଃ ତାହେଁଦ୍। ଦାଉଦ୍ ପୁନ୍ଗେଲ୍ ବଛର୍ ଧାବିଜ୍ ରାଜ୍ କେଃଆଏ। ନଆ ବେଳାରେ ଇସ୍ରାଏଲ୍ ଦାଳେୟାନ୍ ଆର୍ କିଶାଣ୍ ଏନାଏ।
ଦାଉଦ୍ ମିଟାଂ ମୁନ୍ଦିଲ୍ ବେନାଅ ବାଖାରାଏ ମନେ କେଃଆ, ଯାହାଁ ଠେନ୍ ଝତ ଇସ୍ରାଏଲ୍ ହଳ୍କ, ଈଶ୍ୱର୍ ବାବା କ ସେବା କାତେ ଦାଣେକ ଏମ୍ ଦାଳେଆୟା। ପାଲେଦ୍ ପୁନ୍ ସାଏ ବଛର୍ ହଳ୍ କ ଈଶ୍ୱର୍ ବାବାକ ସେବାଏଦ୍ ତାହେଁଦ୍ ଆର୍ ମୁସାୟ ବେନାଅ କୁମ୍ବାରେ ଈଶ୍ୱର୍ ବାବାଠେନ୍ ଦାଣେକ ଏମଃକାନ୍ ତାହେଁଦ୍।
ମେନ୍ଖାନ୍ ନାଥନ୍ ଞୁତୁମ୍ ମିଦ୍ ହଳେ ତାହେଁକାନା। ଦାଉଦ୍ ନଆ କାଥା ଲାଇ ଖାତିର୍ ନାଥନ୍ ଭେଜା କେଦେଆଏ; “ଆମ୍ ଉଡିଗାନ୍ ଲାଢାଇ ଆକାଃ ଆମ୍, ଅନାଖାତିର୍ ନଆ ମୁନ୍ଦିଲ୍ ଇଞ୍ ଖାତିର୍ ଆଲମ୍ ବେନାୱା। ଆମ୍ ହପନ୍ ନଆଏ ବେନାୱା। ମେନଖାନ୍ ଏନ୍ତେରେହଁ ଆମ୍ ଇଞ୍ ଆଶିଷାମ୍ କାନାଞ୍। ଆମାଃ ବଂଶକ ତାଲାରେ ମିଦ୍ ହଳ୍, ଇଞ୍ଇଜ୍ ହଳ୍ କ ତାଲାରେ ଯାଏଯୁଗ୍ ଧାରିଜ୍ ରାଜ୍ଆଏ।” ଦାଉଦ୍ରେନ୍ ମିଦ୍ ଗଟାଂ ବଂଶ ଯାହାଁଏ ଯାଏଯୁଗ୍ ରାଜ୍ ଦାଳେୟା। ଖ୍ରୀଷ୍ଠ ହୁୟୁକାନା ଈଶ୍ୱର୍ ବାବାହା ବାଛାଅ ହପନ୍ କାନାଏ, ଯାହାଏଁ ଧାର୍ତିରେନ୍ ମାନ୍ୱା ଆକୱା କାଇଖନେ ଅୱାର୍ କଆଏ।
ଯଖନ୍ ଦାଉଦ୍ ନାଥନ୍ଆ କାଥାଏ ଆଞମ୍ କେଃଆଏ,ଆଜ୍ ଈଶ୍ୱର୍ ବାବା ସାର୍ହାୱ କେଃଦେୟାଏ । ଉନି ଈଶ୍ୱର୍ ବାବା ସାର୍ହାୱା ଆର୍ ସେବା କେଃଦେୟାଏ। ଈଶ୍ୱର୍ ବାବା ଆଜ୍ ମାନତ୍ ଏକାନ୍ ତାହେଁଦ୍ ଆର୍ ଆଜ୍ ଉଡି ଢେର୍ ଆଶିଷ୍ ଆଏ କାନ୍ ତାହେଁଦ। ମେନ୍ଖାନ୍, ଈଶ୍ୱର୍ ବାବା ନଆ ଝତ କାମିଆଏ ମେନ୍ତେ ବାଏ ବାଡାଏ ଲେଦ୍ ତାହେଁଦ । ଆବ ନିତଃ ବାଡାୟାବ ଦ, ପାଲେ ମିଦ୍ ହାଜାର୍ ବଛର୍ ଆକ ଖ୍ରୀଷ୍ଠ ହିଜୁରେନା ତାଙ୍ଗି ହୁୟୁଆଃ।
ଦାଉଦ୍ ରାଜା ଆଡିସେର୍ମାଏ ରାଜ୍ କେଆଏ ଆଜାଃ ହଳ୍ ଚେତାନ୍ରେ । ଆଜ୍ଃ ଈଶ୍ୱର୍ ଆ କାଥାଏ ଆଞମେଦ୍ ତାହେଁଦ୍, ଆର୍ ଈଶ୍ୱର୍ ଆଜ୍ ଆଶିଷା ଦେଆଏ । ଏନ୍ରେହଁ, ତିନା ବଛର୍ ତାୟମ୍ ଆଜ୍ ଈଶ୍ୱର୍ ବାବା ବିରଧ୍ରେ କାଇ କେଃଆଏ ।
ମିଦ୍ ଦିନ୍ ଦାଉଦ୍ ଆଜାଃ ବାଖୁଲ୍ ରେ ଞେଲ୍ ବାଳା କେଃଆଏ ଆର୍ ମିଟାଂ ଉଡି ଚେର୍ହା ବାହୁ କୁଳି ଞେଲ୍ କେଦେୟାଏ । ଉନି ଆଜ୍ ବାଏ ବାଡାଏ ଲେଦେ ତାହେଁଦ୍, ମେନ୍ଖାନ୍ ବାଡାଏ ଞାମ୍ କେଃଆଦ ଆଜା ଞୁତୁମ୍ ବେଥ୍ସେବା।
ଦାଉଦ୍ ସାଙ୍ଗିଞ୍ ଖନ୍ ଞେଲ୍ ବଦଲ୍ତେ ମିଦ୍ ହଳେ ଭେଜା କେଦେୟା ଆଜ୍ ସୁର୍ତେ ଆଗୁ ବାଖରା । ଦାଉଦ୍ ଆଜ୍ ସାଲା ଗିତିଜ୍ ଏନାଏ ଆର୍ ହଳ ଭେଜା ରୁଆଳ୍ କେଦେୟାଏ । କିଛି ଘାଳିଜ୍ ପରେତେ ବେଥ୍ସେବା ଦାଉଦ୍ ମିଟାଂ ସନ୍ଦେଶ୍ ଭେଜା କେଦାଏ ଦ ଆଜ୍ ହାମାଲ୍ ହଳ୍ମ ଆକାନାଏ ।
ବେଥ୍ସେବା ଇଜ୍ ହେରେଲ୍ ଞୁତୁମ୍ ଦ ଉରିୟା। ଆଜ୍ ଦାଉଦ୍ ରେନ୍ ଝତଖନ୍ ବେସ୍ ସେନା ଭିତିର୍ରେ ମିଟାଂଏ ତାହେଁକାନା । ଅନା ବିଦାଲ୍ରେ ଲାଢାଇ ଖାତିର୍ ସାଙ୍ଗିଞ୍ ଲେନ୍ ତାହେଁଦ୍ । ଦାଉଦ୍ ଉରିୟାଗେ ଲାଢାଇ ଖନା ହହ କାତେ ଆଜା ଏରା ସାଲା ତାହେଁନ୍ ଖାତିର୍ ମେତାଃ ଦେୟାଏ । ମେନ୍ଖାନ୍ ଆର୍ ସେନାକ ଲାଢାଇରେ ତାହେଁକାନ୍ ଜଖା, ଉରିୟା ଅଳାଃ ଚାଲାଃ ଏ ମାନା କେଦ୍ କଆଏ । ଅନାତେ ଦାଉଦ୍ ଉରିୟା ଆର୍ ଦହଳା ଲାଢାଇ ଠେନ୍ ଏ ଭେଜା ରୁଆଳ୍ କାତେ ସେନା ଗଙ୍କେ ମେତାଃଦେୟାଏ, ଯାହାଁରେ ବାଇରିକ ଜ୍ୟସ୍ତି ଦାଳେୟାନକ ମେନାଃକଆ ଅଣ୍ଡେ ଭେଜାଏମେ ଯେମନ୍ ଗୁଜୁ ମାଏ । ନକା ହୁଇଏନା, ଲାଢାଇରେ ଗଜ୍ଏନା
ଉରିୟା ଗଜ୍ ଏନ୍ ତାୟମ୍ ଦାଉଦ୍ ରାଜା ବେଥ୍ସେବା ବାପ୍ଲା ଏନାଏ । ଇନାତାୟମ୍ ଉନି ମିଟାଂ କଳା ଗିଦିରାଏ ଜନ୍ମ କେଦେୟା । ଦାଉଦ୍ ଯାହାଏଁ କାମି ଲେଃଆ, ଅନାଖାତିର୍ ଈଶ୍ୱର୍ ବାବା ଉଡି ଢେର୍ଏ ରାଗିଏନା, ଅନାଖାତିର୍ ଉନି ନାଥନ୍ ନାବିଗେ ଭେଜା କେଦେୟାଏ । ଦାଉଦ୍ ନିଜରା କାଇକ ଖାତିର୍ କାସ୍ତାୱ ଏନାଏ ଆର୍ ଈଶ୍ୱର୍ ବାବା ଆଜ୍ଗେ ଇକା କେଦେୟାଏ । ଦାଉଦ୍ ଆଜ୍ ଜିୱିଦ୍ ତାହେଁନ୍ ଧାରିଜ ଦୁଖ୍ଃ ବେଳାରେହଁ ଈଶ୍ୱର୍ ବାବାଏ ପାଞା ଲେଦେୟାଏ ଆର୍ ଅନାକ ବାତାୱ ଲେଃଆଏ ।
ମେନ୍ଖାନ୍ ଦାଉଦ୍ଇଜ୍ ହପନେ ଗଜ୍ ଏନା। ନଂକା ଲେକାତେ ଦାଉଦ୍ ଈଶ୍ୱର୍ ବାବା ଦୁଖ୍ଃଏ ଏମାଃଦେଆ। ଆରହଁ, ଦାଉଦ୍ଆ ଗୁଜୁ ଧାବିଜ୍, ଆଜା ଅଳାରେନ୍ ତିଃନା ହଳ୍କ ଆଜ୍ ସାଲା କ ନେଆୱ ଏନା, ଆର୍ ଦାଉଦ୍ ଉଡିଗାନ୍ ଦାଳେ ଆଦ୍ କେଃଆଏ । ଈଶ୍ୱର୍ ବାବା ପାତିୟାଉ ଇଜ୍ ତାହେଁକାନା ଆର୍ ଏନ୍ରେହଁ ଆଜ୍ ଦାଉଦ୍ ଯାହାଁ ଲାଇୟାଃଦେ ତାହେଁ ଅନା କାମି କେଃଆଏ, ଦାଉଦ୍ ଆଜ୍ ବାଏ ବାତାୱ ଲେଦେରେହଁ। ତାୟମ ବେଥ୍ସେବା ଠେନଖନ୍ ଦାଉଦ୍ ଆର୍ ମିଟାଂ ହପନେ ଜାନାମ୍ କେଦେୟାଏ ଆର୍ ଉନିଆଃ ଞୁତୁମ୍ ସଲମନ୍।
ସନତ୍ ପୁଥିୟାଃ କାହାନୀ: ୧ ଶାମୁଏଲାଃ ପୁଥି ୧୦:୧୫-୧୯;୨୪;୩୧; ୨ ଶାମୁଏଲାଃ ପୁଥି ୫; 7; ୧୧-୧୨
Free to use, adapt, and share under an open license (CC BY-SA 4.0).