22. ୨୨. ଯହନାଃ ଜାନାମ୍

ପାହିଲ୍ କାଳ୍‌ରେ ଈଶ୍ୱର୍ ବାବା ନାବିକ ଲାଇଆଃ କ ତାହେଁଦ୍ ଆର୍ ନାବିକ ଯେମନ୍ ହଳକ ଲାଇ ସଦରାକ ମାକ ମେନ୍ତେ । ଇନା ତାୟମ୍ 400 ବଛର୍ ଧାବିଜ୍ ହାପିରେଗେ ତାହେଁ କାନାୟେ ଈଶ୍ୱର୍ ବାବା ଚେଦ୍ଃହଁ ବାୟେ ମେନ୍ ବାଳା ଲେଃଆ ।ଇନା ତାୟମ୍ ଈଶ୍ୱର୍ ବାବା ମିଦଃ ଦୁତ୍ ଭେଜା କେଦେୟା ଜିଖରିଅ ଠେନ୍ । ଜିଖରିଅ ଆର୍ ଆଜ୍ ବାହୁ ଈଶ୍ୱର୍ ବାବା କିନ୍ ସାର୍‌ହାୱେ କାନ୍ ତାହେଁଦଃ । ଉନ୍‌କିନ୍ ଦ ହାଳାମ୍ ବୁଢୀ ଉତାର୍ ଲେନାକିନ୍ ରେହଁ ଗିଦ୍ରା ପିଦ୍ରା ବାକ ତାହେଁକାନା ।

ଉନି ଦୁତ୍ ଜିଖରିଅ ମେତାଃ ଦେୟାୟେ,“ଆମ୍ ବାହୁ ମିଟାଂ କଳା ଗିଦ୍ରାୟେ ଜାନାମେୟା । ଆମ୍ ଆଜାଃ ଞୁତୁମ୍ ଯୋହନ୍ ଦହୟାମ୍ ଈଶ୍ୱର୍ ଉନିଗେ ସନତ୍ ଆତ୍ମାତେ ପେରେଜ୍ଃ ୟାଏ, ଆର୍ ମାସିହାକେ ବାଡାୟେ ଦାଳେଆୟେ ମା ମେନ୍ତେ ହଳ୍‌କ ସପ୍ଳାଅ କୱାୟେ!” ଜିଖରିଆ ଆଞମ୍ କାତେ ମେନ୍ ରୁଆଳ୍ କେଃଆୟେ,“ଇଞ୍ ଆର୍ ଇଞ୍ ବାହୁଆଃ ଗିଦ୍ରା ଜାନାମ୍ ଅକ୍ତ ପାରମ୍ ଏନା । ଚେଦ୍ଃ ଲେକାଞ୍ ବାଡାୟେ ଦାଳେୟାଦଃ ଆମ୍ ସାରି କାଥାମ୍ ଲାଇଆଃ ମେନ୍ତେ?”

ଉନି ଦୁତ୍ ଜିଖରିଆ ମେତାଃ ଦେଆୟେ, ଈଶ୍ୱର୍ ବାବା ଇଞ୍ ଭେଜାଃ କାଦିଞାୟେ ନଆଁ ଭାଗେ ସମ୍ବାଦ୍ ଆମ୍‌ଠେନ୍ ସେଟେର୍ ବାଖ୍ରାତେ ।“ ଇଞା କାଥା ବାମ୍ ପତିୟାୱ କେଃ ଖାତିର୍ ଆମ୍ ନିତଃ ଖନାଃ ଗିଦ୍ରା ଜାନାମ୍ ଧାବିଜ୍ ବାମ୍ ରଳ୍ ଦାଳେୟାଃଆ ।”ସଙ୍ଗେ ସଙ୍ଗେ ଜିଖରିଆ କନ୍ଦା ଏନାୟେ ବାୟେ ରଳ୍ ଦାଳେୟାଃ ନା । ଇନା ତାୟମ୍ ଉନି ଦୁତ୍ ଜିଖରିଆ ବାଗିଆଦେଆୟେ । ନଆଁକ ତାୟମ୍ ଜିଖରିଆ ଅଳାଃ ହେଜ୍ଃ ଏନାୟେ ଆର୍ ଆଜ୍ ବାହୁ ପେରେଜ୍ ହଳ୍ମ ଆକାନାୟେ ମେନ୍ତେ ଞେଲ୍ କେଦେଆଏ ।

ଏଲିଜାବେଥାଃ ତୁରୁଇ ଚାନ୍ଦ ପେରେଜ୍ଃ ହଳ୍ମ ହୁଇଏନ୍ ବେଳାରେ ଉନି ଦୁତ୍ ଗେ ଏଲିଜାବେଥ ରେନ୍ ଗାତେ ମାରିଆମ୍ ଠେନ୍ ଏ ସଦର୍ ଏନା । ଉନିଦ ଡାଙ୍ଗୁଆ କୁଳି ତାହେଁ କାନାୟେ ଆର୍ ଯଷେଫ୍ ସାଲାଃତେ ବାପ୍ଲା ହୁୟୁଃଆ ମେନ୍ତେ ଝତୱାଃ ସାପ୍ଳାୱ ଲେନ୍ ତାହେଁଦଃ । ଉନି ଦୁତ୍ ମାରିୟାମ୍ ମେତାଃ ଦେଆୟେ ଆମେମ୍ ପେରେଜ୍ଃ ହଳ୍ମଆଃ ଆର୍ ମିଃଟାଂ କଳା ଗିଦ୍ରାମ୍ ଜାନାମେୟା । ଆର୍ ଆଜାଃ ଞୁତୁମ୍ ଯୀଶୁମ୍ ଦହୟା । ଉନିଦ ଝତଖନ୍ ମାରାଂ ଈଶ୍ୱର୍ ହପନେ ହୁୟୁଗଆଃ ଆର୍ ଜାୟେଯୁଗେ ରାଜା ।

ମାରିୟାମ୍ ମେନ୍ ରୁଆଳ୍ କେଃଆଏ,“ନଆଁଦ ଚେଦ୍ଃଲେକା ହୁୟୁଃଆ ଇଞ୍‌ମାଞ୍ ଡାଙ୍ଗୁଆ ଗେୟା?” ଉନି ଦୁତେ ଲାଇ ସଦରାଃ ଦେଆୟେ,“ସନତ୍ ଆତ୍ମା ଆମ୍‌ଠେନ୍ ହେଜୁଃଆଏ, ଆର୍ ଈଶ୍ୱର୍ ବାବାଃ ଦାଳେ ଆମ୍‌ଠେନ୍ ହିଜୁଃଆ। ଅନାତେ ଉନି ଗିଦ୍ରାଦ ସନତ୍‌ଗେ ତାହେଁନାୟେ,ଆର୍ ଉନିଦ ଈଶ୍ୱର୍ ହପନ୍ ହୁୟୁଃଆଏ।”ମାରିଆମ୍ ଦୁତାଃ କାଥାରେ ପାତିଆୱେ ଦହ କେଃଆୟ୍।

ନଆଁ ଘଟଣାକ ତାୟମ୍ ମାରିୟାମ୍ ଏଲିଜାବେଥ୍ ଞେଲ୍ ଚାଲାୱ ଏନାୟେ । ମାରିୟାମ୍ ଏଲଜାବେଥ୍ ଜହାରାଃଦେ ଜଖାଃ ଏଲିଜାବେଥ୍ ଆଃ ଗିଦ୍ରା ଲାଜ୍ ଭିତିରେ ଦନ୍ ଆଚୁର୍ କେଃଆୟେ । ଏଲିଜାବେଥ୍ ଆର୍ ମାରିୟାମ୍ ବାନାହଳ୍ ଉଡି ଢେର୍‌କିନ୍ କୁସିୟେନା । ଏଲିଜାବେଥ୍ ସାଲାଃ ପେ ଚାନ୍ଦ ତାହେଁକାତେ, ମାରିୟାମ୍ ଅଳାଃୟେ ରୁଆଳ୍ ଏନା ।

ନଆଁ ତାୟମ୍ ଏଲିଜାବେଥ୍ କଳା ଗିଦ୍ରାୟେ ଜାନାମ୍ କେଦେୟା । ଦୁତାଃ କାଥା ଲେକାତେ ଜିଖରିଆ ଆର୍ ଏଲିଜାବେଥ୍ ଗିଦ୍ରାହାଃ ଞୁତୁମ୍ ଯୋହନ୍ କିନ୍ ଦହ କେଃଆ । ଇନା ତାୟମ୍ ଜିଖରିଆ ରଳ୍ ଲାଗିଦ୍ ମଚାୟେ ରାଳା କେଃଆ । ଜିଖରିଆ ମେନ୍ କେଃଆୟେ ଇଶ୍ୱରାଃ ଞୁତୁମ୍ ସାର୍‌ହାୱଃ ମା ଆଜ୍ଃରେନ୍ ହଳେ ଗଳଆଃ କଆ ମେନ୍ତେ ଉଇହର୍ କେଃଆୟେ ! ହେ ଇଞି୍ଞ ହପନ୍ ଆମ୍ ଝତଖନ୍ ଦାଳେୟାନ୍ ଈଶ୍ୱର ନାବିମ୍ ହୁୟୁଃଆ । ଆମ୍ ହଳ୍ ଲାଇ ସଦର୍ ଆକମେ ଚେଦ୍ଃଲେକା ଆକ କାଇ ଖନାଃ ଇକାକ ଞାମ୍ ଦାଳେୟାଃଆ ।