49. ୪୯. ଇଶ୍ୱରାଃ ନାମା ନିୟମ୍

ମିଃଟାଂ ଦୁତ୍, ଡାଙ୍ଗୁଆ କୁଳି ମାରିୟାମ୍ ମେତାଃ ଦେଆୟେ ଦ ଆଜ୍ଃ ମିଃଟାଂ ଈଶ୍ୱର୍ ହପନ୍ ଜାନାମେ ଆୟେ । ମାରିୟାମ୍ ଡାଙ୍ଗୁଆଗେ ତାହେଁ କାନାୟେ,ମେନ୍‌ଖାନ୍ ସନତ୍ ଆତ୍ମା ଆଜ୍ଃଠେନ୍ ହେଜ୍ ଏନାୟେ ଆର୍ ମାରିୟାମ୍ ହାମାଲ୍ ହଳ୍ମ ରେୟାଃ ଆଶିଷ୍ ଏମାଃଦେଆୟେ । ମାରିୟାମ୍ ମିଃଟାଂ କଳା ଗିଦିରାୟେ ଜାନାମ୍ କେଦେଆ ଆର୍ ଯୀଶୁଈ ଞୁତୁମ୍ କେଦେୟା । ଅନା ଖାତିର୍, ଯୀଶୁ ଦ ବାନାର୍ ଈଶ୍ୱର୍ ଆର୍ ହଳ୍ କାନାୟେ ।

ଆଜ୍ଃ ଈଶ୍ୱର୍ କାନାୟେ ମେନ୍ତେ ଞେଲ୍ ହଚ ଖାତିର୍‌ତେ ଯୀଶୁ ଉଡି ଢେର୍ ହାହାଳା କାମି କରାୱ ଲେଦ୍ ତାହେଁଦଃ । ଯୀଶୁ ଦାଃ ଚେତାନ୍‌ତେ ତାଳାମ୍ ଲେଃଆୟେ ଆର୍ ହୟେ ଦାଃ ଥିର୍ ହଚଃ ଲେଃଆୟେ । ଯୀଶୁ ଉଡିଢେର୍ ବେମାର୍ ହଳେ ବୁଗି ଲେଦ୍ କଆ ଆର୍ ବଙ୍ଗାକୟେ ଲାଗା ଲେଃଦ୍‌କଆ । ଆଜ୍ଃ ଗଜ୍ ହଳେ ବାଞ୍ଚାୱ ଲେଦ୍ କଆୟେ, ଆର୍ ମଣେ ଗଟାଂ ପିଠା ଆର୍ ବାରେୟା ହାକୁ କୁଟିତେ ମଣେ ହାଜାର୍ ହଳ୍ ଲାଜ୍ ପେରେଜ୍ ଜମାଃ ବେନାୱ ଲେଃଆଏ।

ଯୀଶୁ ଉଡି ମାରାଂ ମାଚେଦ୍ଃ ତାହେଁ କାନାୟେ । ଯୀଶୁ ଝତଆଃ ଆଡି ଭାଗିୟେ ଚେଦେଃଦ୍ କ ତାହେଁଦଃ । ହଳ୍‌କ ଅନା କାଥା ଆଞମ୍ ରେନାଃ ଉଚିତ୍ ଚେଦାଃସେ ଆଜ୍ ଈଶ୍ୱର୍ ହପନ୍ ତାହେଁ କାନାଏ । ଉଦାହରଣ୍ ଲେକାତେ,ଆପେ ନିଜ୍ ଲେକାଗେ ଏଟାଃ ହଳ୍‌ହଁ ଦୁଲାଳ୍ କପେ ମେନ୍ତେ ଚେଃଦେଦ୍ କ ତାହେଁଦଃ ।

ଆପେ ଠେନ୍ ମେନାଃ ଝତ ଜିନିଷ୍ ଖନାଃ ଈଶ୍ୱର୍ ଆଡିତେଦ୍ଃ ଦୁଲାଳେପେ ମେନ୍ତେ ଯୀଶୁ ଚେଃଦାକ ତାହେଁଦ ।

ଯୀଶୁ ମେନ୍ ଲେଃଆୟେ,ନଆ ଧାର୍ତିରେ ଯାହାଁନାଃ ମେନାଃ ବଦଲ୍‌ତେ ସେର୍ମାରେ ତାହେଁନ୍ ଗେ ଭାଗିୟା । ସେର୍ମା ଦିଶମ୍ ବଲନ୍ ଲାଗିଦ୍ ଆପେକେ ଈଶ୍ୱର୍ ବାବା ନିହାତି ବାଞ୍ଚାୱ ପେଆଏ।

ଯୀଶୁଈ ମେନ୍‌କେଃଆ ତିନାଃଗାନ ହଳ୍ ଆଜାଃ କାଥାକ ଆଞମା । ଈଶ୍ୱର୍ ବାବା ନୁକୁ ହଳ୍ ବାଞ୍ଚାୱ କଆୟେ ଯୁଦିଓ ଏଟାଃ ହଳ୍ ହିର୍‌କା କଆକ । ଯୀଶୁ ଆର୍‌ହଁ ମେନ୍ ଲେଃଆୟେ,ତିନାଃଗାନ ହଳ୍ ଭାଗି ହାସା ଲେକାଗେ । ଚେଦାଃସେ ଆକ ଯୀଶୁଆଃ କାଥାକ ଆଞମା ଆର୍ ଈଶ୍ୱର୍ ଆକ ବାଞ୍ଚାୱ କଆୟେ । ଯୁଦିଓ ଏଟାଃ ହଳ୍‌କ ହର୍ ଚେତାନ୍ ରେନା କେଟେଜ୍ ହାସାରେ ଞୁଊରା କାନ୍ ଇତା ଲେକାଗେ । ଇଶ୍ୱରାଃ ଆଳାଂଦ ହର୍ ଚେତାନ୍‌ରେ ଞୁରାକାନ୍ ଜାଂ ଲେକାଗେ ମେନ୍‌ଖାନ୍ ଅକାହଁ ବାୟେ ଦାରେଃଆ । ନୁକୁ ହଳ୍ ଯୀଶୁଆଃ କାଥା ବାକ ଆଞମା । ଆକ ଯୀଶୁଆଃ ସେର୍ମା ରାଜ୍‌ତେ ବଲନ୍ କ ମାନାୟାଁ ।

ଈଶ୍ୱର୍ ବାବା କାଇ ହଳ୍ ଜାସ୍ତି ଦୁଲାଳ୍ କଆୟେ ଯୀଶୁ ସିକ୍-ନାତ୍ ଏ ଏମାକ ମେନ୍ତେ ମେନେଦ୍ ତାହେଁଦଃ । ଆଜ୍ କାଇଖନାଃ ଇକା କାତେ ଆଜ୍ଃରିନ୍ ଗିଦ୍ରା ବେନାୱ କଆୟେ ମେନ୍ତେ ଇଛାୟେଦ୍ ତାହେଁଦଃ ।

ଈଶ୍ୱର ବାବା କାଇ ହିର୍କାହାୟେ ମେନ୍ତେ ଯୀଶୁ ଆବ ମେତାଃ ଲେଃଦ୍ ବଆୟେ । ଚେଦାଃସେ ଆଦମ୍ ଆର୍ ହବା କାଇ କେଃଆକିନ୍ , ଆକିନ୍ ରିନ୍ ଝତ ବଂଶକ ହଁକ କାଇ କେଃଆ । ଧାର୍ତିରିନ୍ ଝତ ହଳ୍ କାଇଆଃ କାଃକ ଆର୍ ଈଶ୍ୱର୍ ବାବାଖନ୍ ସାଙ୍ଗିଞ୍ ରେ ହେନାଃ କଆ । ଝତ ହଳ୍‌ଗେ ଇଶ୍ୱରିନ୍ ମିମିଟାଂ ବାଇରି ।

ମେନ୍‌ଖାନ୍ ଈଶ୍ୱର୍ ବାବା ନଆଁ ଲେକାତେ ଧାର୍ତିରେନ୍ ଝତ ହଳେ ଦୁଲାଳ କେଃ କଆ: ଅକୟେ ଯିଶୁଠେନ୍ ପାତିୱାୟେ ଈଶ୍ୱର୍ ବାବା ଉନିକେ ଚେଦ୍‌ହଁ ବାୟେ ଚିକାୟେୟା ମେନ୍ତେ ଆଜିଜ୍ଃ ଏକେଲା ହପନ୍ ଏମ୍ କେଦେଆୟେ । ବଦଲ୍‌ତେ ଝତ ହଳ୍ ଆଜ୍ଃ ସାଲାଃ ଯାୟେଯୁଗ୍ ତାହେଁନ୍ ମାକ ।

ଆପେଦ ଗୁଜୁଃରେନା ଯୋଗ୍ୟ ଚେଦାଃସେ ଆପେ କାଇକାଃଆପେ । ନଆଁ ଠାଉକାକାନା ଈଶ୍ୱର୍ ଆପେ ଶାସେତ୍ ପେଆୟେ । ମେନ୍‌ଖାନ୍ ଯୀଶୁ ଆବଆଃ କାଇ ବଦଲ୍‌ତେ ଆଜ୍ଃ ଶାସେତ୍ ଞାମ୍ କେଃଆଏ । ଈଶ୍ୱର୍ ଯୀଶୁଈ କୁରୁଶ୍‌ରେ ଗଜ୍ଃ କାତେ ଶାସେତ୍ କେଦେଆୟେ।

ଯୀଶୁ ତିସ୍‌ରେହଁ ବାୟେ କାଇ ଲେଃଆ । ଯୀଶୁ ହାରକେତ୍ ହୟେ ସାହାୱ କେଃଆ ଅନ୍‌କାତେ ଉଡି ବାଂ ଠିକ୍ ଗୁଜୁଃ ହଁୟେ ଆପ୍‌ନାର୍ କେଃଆ । ନଆଁ ଲେକାତେ ଆପେୟାଃ କାଇ ଆର୍ ନଆଁ ଧାର୍ତିରେନ୍ ଝତ ହଳ୍‌ଳାଃ କାଇ ଇଦି ଖାତିର୍ ଯୀଶୁ ପୁରା ଭାଗି ଦାଣେଁ ତାହଁ କାନାୟେ । ଯୀଶୁ ଆଜ୍ଃ ସୟଂ ଦାଣେଁ ହିସାବ୍‌ତେ ଈଶ୍ୱର୍ ଠେନ୍ ସଦର୍ ଏନାଏ। ଈଶ୍ୱର୍ ଯେମନ୍ ହଳ୍‌କ ଯାହାଁ ଲେକାନ୍ କାଇରେହଁ ଇକା କମାୟେ, ଯାହାଁୟେ ଯୀଶୁଠେନ୍ ପାତିଆୱଃ ଆୟେ ।

ଯୁଦି ଆପେ ଉଡିଢେର୍ ଭାଗିପେ କାମିୟା,ଏନ୍ତେରେହଁ ନଆଁ କାମି ଆପେ ବାୟେ ବାଞ୍ଚାୱ ଦାଳେଆଃ ପେୟା । ଈଶ୍ୱର୍ ସାଲାଃ ପେଳାଃ ଦାଳେଃ ଲେକାନ୍ ଜିନିଷ୍‌ଗେ ନଆଁ ଧାର୍ତିରେ ବାନୁଃଆନା । ବଦଲ୍‌ତେ ଯୀଶୁ ଦ ଈଶ୍ୱର୍ ହପନ୍ କାନାୟେ, ଆପେ ଖାତିର୍ କୁରୁଶ୍ ଚେତାନ୍‌ରେ ଗଜ୍ଃଆ କାନାୟେ ଆର୍ ଈଶ୍ୱର୍ ଗୁଜୁଃଖନାଃ ବେରେଦ୍ ରୁଆଳ୍ କେଦେଆୟେ । ଯୁଦି ଆପେ ନଆପେ ପତିଆୱା, କାଇ କାଃ ରେହଁ ଈଶ୍ୱର୍ ବାବା ଇକାୟେ ଏମାଃପେୟା ।

ଅକୟେ ଯୀଶୁଠେନ୍ ପାତିଆୱ ଆର୍ ଆଜ୍ଃ ମାଚେଦ୍ଃ ଲେକାୟେ ମାନାୱୟା ଈଶ୍ୱର୍ ବାବା ଉନ୍‌କୁ ଝତ ବାଞ୍ଚାୱ କଆୟେ । ମେନ୍‌ଖାନ୍ ଅକୟେ ଯୀଶୁଠେନ୍ ବାୟେ ପାତିୱଆ ଈଶ୍ୱର୍ ବାବା ଉନ୍‌କୁ ବାୟେ ବାଞ୍ଚାୱ କଆ । ନଆଁ ସାଲାଃ ଚେଦ୍‌ହଁ ବାଂଆ,ଯୁଦି ଆମ୍ କିଶାଣ୍ ବାଂ ରେଙ୍ଗେଜ୍ ,କଳା ବାଂ କୁଳି,ହାଳାମ୍ ବାଂ ବୁଢୀ ଆର୍ ଯାହାଁ ରେଗେମ୍ ତାହେନ୍ । ଯୀଶୁଠେନେମ୍ ପାତିଆୱ ଖାନ୍ ଈଶ୍ୱର୍ ବାବା ଦୁଲାଳ୍ ମେଆୟେ ,ପାନ୍ତେ ମେଆୟେ ଆର୍ ଆମିଜ୍ଃ ଗାତେ ହୁୟୁଃଆଏ।

ଆଜ୍‌ଠେନ୍ ପାତିଆୱ ପେ ଆର୍ ଡୁବାନଃପେ ମେନ୍ତେ ଯୀଶୁ ଆପେ ହହଆଃ ପେ କାନାୟେ । ଯୀଶୁଗେ ମାସିହା ଆର୍ ଇଶ୍ୱରିଜ୍ ଏକେଲା ହପନ୍ ମେନ୍ତେ ଆପେପେ ପାତିଆୱ କାନାସେ? ଆପେ ପାପି ଆର୍ ଆପେୟ କାଇ ଖାତିର୍ ଶାସେତ୍ ଞାମ୍ ଯୋଗ୍ୟ ମେନ୍ତେପେ ପାତିୟାୱଃ କାନାତ ? ଯୀଶୁ ଆପେୟାଃ କାଇ ଇଦି ଖାତିର୍ କୁରୁଶ୍ ଚେତାନ୍‌ରେ ଗଜ୍ଃଆ କାନାୟେ ମେନ୍ତେ ପାତିୟାୱଃ କାନାପେତ?

ଯୁଦି ଆପେ ଯୀଶୁଠେନ୍ ପାତିଆୱ ଆପେ ଆର୍ ଆପେ ଖାତିରେ ଗଜ୍ଃଏନା ତବେଖାନ୍ ଆପେ ଆଜାଃ ଚେଲାପେ ହୁୟୁଆଃ! ଶୟତାନ୍ ଞୁତ୍‌ରେ ଦହକାତେ ଆପେ ଚେତାନ୍‌ରେ ଆର୍ ବାୟେ ରାଜ୍ ଦାଳେୟାଃଆ । ନିତଃ ଈଶ୍ୱର୍ ଆଲେରେ ଦହକାତେ ଆପେ ଚେତାନ୍‌ରେ ରାଆଜାୟେ । ଈଶ୍ୱର୍ ବାବା ଆପେ କାଇରେୟାଃ ଦାଳେ ଏମାଃ ପେଆୟେ ଯାହାଁ ମାଣାଂ ଖନାଃ କାମିଃଆପେ । ଆଜ୍ଃ ବାଞ୍ଚାୱ ରେନାଃ ନାୱା ହର୍ ଏମାଃ ପେଆଏ ।

ଯୁଦି ଆପେ ଯୀଶୁଆ ପାପାଞା ହଳ୍ କାନାପେ, ତବେ ଯୀଶୁ ଯାହାଁ କାମି କାଃ ,ଅନା ଖାତିର୍ ଆପେକେ କାଇଖନାଃ ଇକାୟେ ଏମାଃ ପେୟା । ନିତଃଦ ଆପେଗେ ବାଇରି ବାଂକାତେ ମିଃଟାଂ ବୁଗିନ୍ ପେଳା ଲେକାୟେ ଗୁନ୍‌ତି କାଃ ପେଆଏ ।

ଯୁଦି ଆପେ ଈଶ୍ୱର୍ ବାବା ପେଳା ଆର୍ ଯୀଶୁ ଗମ୍ କେ ସେବକ୍ କାନାପେ, ଆପେ ଯୀଶୁ ଯାହାଁ ଚେଃଦ୍ କାଃ ପେଆୟେ ଅନା କାମି ଲାଗିଦ୍ ହୁଦିସାପେ । ଯୁଦି ଆପେ ଯୀଶୁ ପାଞାଇଜ୍ ହଳ୍ କାନାପେ ତବେ, ଶୟତାନ ଆପେକୋ କାଇ ହଚପେ ଲାଗିଦ୍ ଲୁଭାୱ ପେଆୟେ । ମେନ୍‌ଖାନ୍ ଈଶ୍ୱର୍ ବାବା ଯାହାଁୟେ ଲାଇଆ ସାରାବେଳେ ଅନାଗେ କାମିୟାୟ । ଆଜ୍ଃ ମେନାଃ କାଃୟେ ଯୁଦି ଆପେ କାଇପେ ସାମାଂଆ ଆଜ୍ଃ ଆପେୟା କାଇ ସାଫାୟେ ତାପେୟା। ଆଜ୍ଃ କାଇ ବିରୂଧତେ ଲାଢାଇ ଖାତିର୍ ଦାଳେ ଏମାଃ ପେଆଏ ।

ଈଶ୍ୱର୍ ଅପେ ମେତାକାଃ ପେଆୟେ ବିନ୍ତିଈପେ ଆର୍ ଇଶ୍ୱରାଃ ଆଳାଂ ପାଳ୍‌ହାୱପେ । ଯୀଶୁ ଆଜାଃ ପାତିଆୱ ସାଲାଃତେ ମେସା କାତେ ଇଞ୍ ସାର୍‌ହାଇଞ୍ ପେ । ଯୀଶୁ ଆପେ ଖାତିର୍ ଯାହାଁ କାମିଆଃ କଃୟେ ଅନାକ ଏଟାଃ ହଳ୍ ନିହାତି ଲାଇଆ କପେ । ଯୁଦି ଆପେ ନଙ୍କାପେ କାମିଆ ତବେଖାନ୍ ଆପେ ଆଜାଃ କେଟେଜ୍ ଗାତେପେ ହୁୟୁଃଆ ।