7. ୭. ଈଶ୍ୱର୍ ବାବା ଯାକୁବ୍କେ ଭୋଅରା ଦେୟାଏ
ଯେମନ୍ ହପନ୍କ ମାରାଂ ଏନା, ଯାକୁବ୍ ଅଳାଃରେ ତାହେଁନ୍ କୁସିଃକାନ୍ ତାହେଁଦଃ , ମେନ୍ଖାନ୍ ଏଷୌ ଜାନ୍ୱାର୍ କ ସେନ୍ଦେରା ଦୁଲାଳ୍ଆଦ୍ଃ ତାହେଁଦ୍ । ରିବିକା ଯାକୁବ୍ ଏ ଦୁଲାଳେ କାନ୍ ତାହେଁଦଃ, ମେନ୍ଖାନ୍ ଇଶାକ୍ ଏଷୌ ଏ ଦୁଲାଳେ କାନ୍ ତାହେଁଦଃ।
ମିତ୍ଃଦିନ୍, ତିନ୍ଜଖାଃ ଏଷୌ ସେନ୍ଦ୍ରାଖନ୍ ଏ ରୁଆଳ୍ଏନା, ଉନି ଉଡିଗେ ରେଁଗେଜ୍ଃ ଲେଦେୟା। ଏଷୌ ଯାକୁବ୍ ଲାଇଆଃ ଦେୟାଏ, “ଆମ୍ ବେନାୱାକାଦ୍ଃ ଜମାଃଖନ୍ ଇଞ୍ଜ୍ କାଟିଜ୍ଃ ଏମାଞ୍ଜ୍ମେ,” ଯାକୁବ୍ ଲାଇରୁଆଳ୍ କେଃଆଏ, ପୁଇଲୁରେ ଆମ୍ ଇଞ୍ଜ୍ କାଥା ଇମାଞ୍ଜ୍ମେ, ପୁଇଲୁ ଜାନାମ୍ ଖାତିର୍ତେ, ଯାହାଁ ଆମ୍ ଞ୍ଜାମ୍ରେନାଃ ଲାକ୍ତି, ଆମ୍ ଅନାକ ଝତ ଇଞ୍ଜ୍ ଇମାଞ୍ଜ୍ମେ।” “ଅନାମେନ୍ତେ ଏଷୌ ଯାକୁବ୍ ଅନା ଝତ ପୁଇଲୁ ଜାନାମ୍ରେନା ଆଇଦାରୀ ଏମଃ ଖାତିର୍ କାଥାଏ ଏମାଃଦେଆଏ।” ଇନାତାୟମ୍ ୟାକୁବ୍ ଜମାଃ ଏଷୌଏ ଏମାଃଦେୟାଏ।
ଇଶ୍ହାକ୍ ଏଷୌ ଆଶିଷଏ ଏମାୟା ମେନ୍ତେ ମନେ କେଃଆଏ। ମେନ୍ଖାନ୍ ଅନା କାମି ଲାହାରେ ରେବିକା ଆର୍ ଯାକୁବ୍ ଇଶ୍ହାକ୍ କିନ୍ ରାଗିହଚ କେଦେୟା। ଇଶ୍ହାକ୍ ହାଳାମ୍ ଲେନାଏ ଅନାତେ ବାଏ ଞ୍ଜେଲ୍ଞ୍ଜାମ୍ କେଦ୍ଃ କିନାଏ, ଯାକୁବ୍ ଏଷୌ ଲେକାୟ ବାଡାୟ କେଦେୟାଏ।
ଯାକୁବ୍ ଇଶ୍ହାକ୍ ଠେନ୍ ହେଜ୍ଃକାତେ ଲାଇକେଃଆ ଇଞ୍ଜ୍ ଏଷୌ। ଇଞ୍ଜ୍ ଆଶିଷ୍ ଞ୍ଜାମ୍ ବାଖ୍ରାଞ୍ଜ୍ ହେଜ୍ଃ ଆକାନା, ଯଖନ୍ ଇଶ୍ହାକ୍ ମେରମ୍ ଉବ୍ଃଲେକା ବାଡାଏ କେଃଆ ଆର୍ ଦତରେନାଃ ସ୍ୱ ଞ୍ଜାମ୍କେଃଆଏ, ଉନ୍ଜଖା ଏଷୌ ଭାବିକାତେ ଆଶିଷାଃ ଦେୟାଏ।
ଏଷୌ ଯାକୁବ୍ଏ ହିର୍କାଃ ଆଦେଆଏ, ମେନ୍ଖାନ୍ ପୁଇଲୁରେନାଃ ଝତ ଆଇଦାରି ଆର୍ ଝତ ଆଶିଷ, କୁମ୍ବୁଳୁ ଇଦିଲେଃଆଏ। ଅନାତେ ବାବାଆଃ ଗଜ୍ଃ ତାୟମ୍ତେ ଯାକୁବ୍କିନ୍ ଗଜେଃଆ ମେନ୍ତେ ମନେରେକିନ୍ ଉଇହାର୍ କେଃଆ।
ମେନ୍ଖାନ୍ ରେବିକା ଏଷୌଆଃ କାଥା ବେନାଓରେଆଃ ରଳ୍ ଆଞ୍ଜମ୍ କେଃଆଏ। ଅନାତେ ଉନି ଆର୍ ଇଶ୍ହାକ୍ ଯାକୁବ୍କେ ଉଡିଝାଲ୍ ଆକଆଃ ପେଳାକ ସାଓଁତେ ତାହେଁନ୍ ଲାଗିଦ୍ଃକିନ୍ ଭେଜାକେଦେୟା।
ଯାକୁବ୍ ରିବିକାରିନ୍ ପେଳାକ ସାଓଁତେ ଉଡି ସେର୍ମାଏ ତାହେଁଏନ୍ ଅକ୍ତରେ ବାପ୍ଲାଲେନା। ଯାକୁବ୍ଦ ଆର୍ ଉନିରିନ୍ ମିଦ୍ଃ କୁଳୀ ଗିଦ୍ରା ସାଓଁ ଗେଲ୍ ବାର୍ ହପନ୍କ ଜାନାମ୍ ଲେଦ୍ଃକଆଏ।
ଇଶି ସେର୍ମା ଧାବିଜ୍ଃ ଅଳାଃଖନ୍ ସାଗିଞ୍ଜ୍ କିଣାନ୍ ଦିଶମ୍ରେ ତାହେଁକାନ୍, ଯାକୁବ୍ ଆଜ୍ଃଆ ଅଳାଃ ହଳ୍କ, ଗୁତି କାଳ୍ମୀ, ଆର୍ ସିମ୍ ସୁକୁରିକ ସାଓଁତେ ରୁଆଳ୍ ହେଜ୍ଃଏନା।
ଯାକୁବ୍ ଉଡିତେଃଦ୍ ବରଃକାନ୍ ତାହେଁଦ ଚେଦାଃସେ ଉନି ଉଇହାର୍ଏ ତାହେଁଦ, ଏଷୌ ନିତ୍ ଧାରିଜ୍ଃତେ ଆଜ୍ଃକେ ଗଜେଃ ଖାତିର୍ ଉଇହାରେଃଆଏ ତାହେଁଦ। ଅନାଖାତିର୍ ଆଜ୍ଃରିନ୍ ଆଡିଢେର୍ ଜାନୱାର୍କ ଦାନ୍ ଲାଗିଦ୍ଃତେ ଏଷୌଠେନ୍ ଭେଜାକେଦ୍ଃ କଆଏ, ଦାନ୍ ଆଗୁଆକାଃ ଗୁତିକକ ଲାଇକେଆଃ ଆମିଜ୍ଃ ଗୁତି ଯାକୁବ୍ ନୁକୁ ଜାନୱାର୍କ ଏମ୍ ଭେଜାଃ କାଃ କଆଏ। ଆର୍ ଉନି ହିଜୁଃ କାନାଏ।
ମେନ୍ଖାନ୍ ଏଷୌ ଯାକୁବ୍ ବାଏ ରାଗିଆୟ କାନ୍ ତାହେଁଦ୍। ବଦଲ୍ତେ ଉନି ଆଜ୍ଃ ବୟହା ଯାକୁବ୍କେ ଞ୍ଜେଲ୍କାତେ କୁସିଏନା, ଅନାଖାତିର୍ ବାର୍ ବୟହା କିଣାନ୍ରେ କୁସି ତେକିନ୍ ତାହେଁଏନା। ଅନାତାୟମ୍ ଇଶ୍ହାକ୍ ଗଜ୍ଃଏନାଏ, ଯାକୁବ୍ ଆର୍ ଏଷୌ ତପା କେଦେଆ କିନ୍। ଈଶ୍ୱର୍ ବାବା ଆବ୍ରାହମ୍କେ ଏମାଃକାଃଦେ କାଥା ନିତଃ ଇଶ୍ହାକ୍ ଠେନ୍ଖନ୍ ଯାକୁବ୍ ଠେନ୍ ହେଜ୍ଃଏନା।
ସନତ୍ ପୁଥିୟାଃ କାହାନୀ: ସିର୍ଜନ୍ ପୁଥି ୨୫:୨୭-୩୫:୨୯
Free to use, adapt, and share under an open license (CC BY-SA 4.0).