30. O Isus parvarol panđ milja manušen

O Isus bičhalda pire apostoluren te propovedin thaj te sikaven e manušen ane but gava. Thaj kana irisajle vačarde e Isuse so čerde. O Isus dija len vika te đan lesa ko mirno than ke aver strana taro jezero odori te odmorin pe. Uklile ano čamco, thaj nakhle ki dujto strana taro jezero.

Pherdo manuša dikhlje e Isuse thaj e učenikuren sar uklile ano čamco. Kala manuša prastije tari obala ki dujto strana thaj angleder resle lendar. Thaj kana o Isus thaj lese učenikura resle odori, pherdo manuša sesa gothe, ađučarde len.

Ane gola but đene sesa paše 5.000 murša, gothe ni računin pe e đuvlja thaj e čhavore. E Isusese sasa but žal gole manušenđe. E Isusese si von sar bakre bizo pastiri. Sikada len thaj sastarda e nasvalen save sesa maškar lende.

Ane gova đive, e učenikura vačarde e Isusese: "Kasno si thaj forura naj kate paše. Bičhal e manušen te đan te bi xana khanči."

A o Isus vačarda pe učenikurenđe: "Den len tumen khanči hamase!" Von vačarde: "Sar šaj amen gova te čera? Isi amen samo panđ mangre thaj duj cikne mačhe."

O Isus vačarda pe učenikurenđe te vačaren e manušenđe te bešen pi čar, an svako grupa po pinda đene.

Tegani lija o Isus e panđ mangre thaj e duj mačhe, dikhlja ano nebo, thaj zahvalisada e Devlese.

Tegani phaglja o mangro thaj e mačhen ke kotora. Dija gova ke pe učenikura te den e manušenđe. E učenikura nastavisade te den hamase, thaj o hape ni ačhilo. Sa e manuša halje thaj savore čalile.

Pale gova e učenikura čidije sa so ačhilo so ni xaljape ačhilo sa gači, dešuduj korpe! Sa kava hamase ačhilo tare panđ mangre thaj duj mačhe.