6. Isaak apsele Kitungan Oskaite

Angante Abraam karran talaibale, anin aonan, Issak marangan marangle dangarda-mar dele. Anten asan Abram anin aonan Issak absele dukrin aurungben asan anin abirindanji uante basuleji kun adarakunaban boantanji amang saring bo-mandra a do’ng appaiyeten.

Ateng ayam hanagodan atiki uante adarakunaban Abraam amandradamanji basuleji Kitungan boantan ado’ng Ribikan adamban abamjingeten. Anin Abraam a buhang a udleng dakule.

Ribika anin sing’birindan umrengle Issak asi’ng-ban boantan ampara daiyarre yerben asan orde-eten. Anin ardueten atabdong anin ado’ng Issak sidrungneten.

Ateng dinna atiki Abraam kahidle, bar anin ampara itente a kuddub a janibjibanji Kitungan lumeten, kun a kuddub anosoijan Issak ado’ng surpideten. Kitungan jibjib-beten do Abraam abirindan er-danisam-dage deteji, bindo Ribika; Issak a dukri, passijan akkudad.

Ribikan absele Issak garbereten, do Kitungan anin ado’ng labarda o’nan batte panguronben asan anordin tiyeten. Bagu passijanji angante Ribika a kampung lingan dakuleji, kun ayaman- na saring aninji aran-saleji………, anten asan Ribika Kitungan ado’ng iten kan idete gamle oaleten.

Kitungan Ribika ado’ng gameten, “Kampung ling-nam adakun ba’gu passijanji saring ba’gu disan dungte/yerrai…. Aninji di-dargamanji ansadamtenji bar a deba mar a julu mar ado’ng gankilte.

Angante Ribika aonanji karukkudan deleji, a deba mar mihamge je’ do kzmpur do’ng batte yeraiten, bar aninji anin ahiman Eso dakkuleji. Ante atiki a sanna onan Eusan a ondersin hamle yeraiten, aninji anin ahiman Jakub tihimleji.