10. ୧୦. ଦଶ୍ଟା ମହାମାରି
ଈଶ୍ପର୍ ଆମୋଶା ମାରି ଆହାରୋଣ ଚେତାୟ ବେଡତା,ଜେ ଫାରୋନା ମନ୍ ଜବର୍ ଆଟୁଆ ଡ଼େନ୍ତା, ଉଣ୍ଡୋଇଲ ମାଏ ଫାରୋନ୍ ବ ଇଗ୍ସେ ସୁନ,“ଇସ୍ରାଏଲ୍ନା ଈଶ୍ପର୍ କନ୍ସୁନ ନି, ନିଙ୍ଗନା ଆରେମଲେ ଅନ୍ତୁର ବେ!” ମାତର୍ ଫାରୋ ମାଏନା କାତା ଆଅଙ୍ଗ୍ତ। ମାରି ଇଶ୍ରାଏଲ୍ ନା ଆରେମଲେ ଆଅନ୍ତୁରସେ ମାଇ ଆମାଏ ସେସେନୁ ନାନେ ଜବର୍ ପାଇଟି ଅଡେମ୍ ପାଲାଇ ଜବର୍ଜସ୍ତି ଡ଼େମ।
ଫାରୋ ଇସ୍ରାଏଲ୍ନା ଆରେମଲେ ଇପାଲାଇ ପରେକ୍ ପରେକ୍ ମନା ଡେଡ଼େମଡେଙ୍ଗା,ଗିତିନ୍ସା ଈଶ୍ପର୍ ମିଶର ବାଗ୍ବ ୧୦ଟା ବୟଙ୍କାର୍ ମୁନାରୋଗ ବେଟାୟ, କନ୍ ମୁନା ରୋଗ ବେରଙ୍ଗ୍, ଈଶ୍ପର୍ ଆଫାରୋ ଅଜୁଲ ଜେ, ମାଇ ଫାରୋ ମାରି ମିସର୍ନା ଗୁଲାଇ ଦେପ୍ତା ଲେନ୍ନାନେ ଜବର୍ ବପୁବାଇ ।
ଈଶ୍ପର୍ ନିଲି କିଣ୍ଡାଗ୍ ନା ଆଡାଗ୍ ବନିବେରଙ୍ଗ୍ ମିସା ବେଡ,। ଡେଙ୍ଗ୍ନାସା ଫାରୋ ଇସ୍ରାଏଲ୍ନା ଆରେମଲେ ଇ ପାଲାଇ ଆବେତ।
ଈଶ୍ପର୍ ଆଗୁଲାଇ ମିସର୍ ଦେଶ୍ବ ଆଗିଡେବ୍ଲେ ବେଟାୟ। ଫାରୋ ଆମୋଶା ଆଗିଡେଲେ ୟଁୟଁପାଲାଇ ଗୁଆର୍ଲୋ। ମାତର୍ ଗୁଲାଇ ଗିଡେବ୍ଲେ ଗୋଇକୁନ୍ ତୁର୍ଗୁ, ଫାରୋ ମାଇନା ମନ୍ ଆଟ୍ଆ ଡ଼େମ ମାରି ଇସ୍ରାଏଲ୍ନା ଆରେମଲେ ମିସରଦେଶ୍ ନାନେ ଇପାଲାଇ ଆବେତ।
ଆତିନେ ଈଶ୍ପର୍ ବନି ଜିକ୍ବାର୍ନା କିଡା ବେଟାୟ,ଗିତିନ୍ ତୁର୍ଗୁ ଆୟୁଙ୍ଗ୍ କିଡା ନା ମୁଇ ରୋଗ୍ ବେଟାୟ। ଫାରୋ ଆମୋଶା ମାରି ଆହାରଣ ୱାୟ,ମାରି ଆମାଏ ସୁନ,ନ ଯଦି କନ୍ ମୁନା ରୋଗ୍ ନାନେ ରକିୟା ଡ଼େମନା ଗିତିନ୍ଲ ଇଶ୍ରାଏଲନା ଆରେମଲେ ମିସର୍ ଅନ୍ତୁର ସେ ଇଗଙ୍ଗ୍ତା। ଗିତିନ୍ଲ ମୋଶା ପାର୍ତନା ଡ଼େମ,ଈଶ୍ପର୍ ମିସର୍ ଦେଶ୍ନାନେ ଗୁଲାଇ ଆୟୁଙ୍ଗ୍ କିଡ଼ା ନେୟସୁଙ୍ଗ। ମାତର୍ ଫାରୋ ମାଇନା ମନ୍ବାଦ୍ଲାୟ ମାରି ଇସ୍ରାଏଲିୟ ଆରେମଲେ ଇପାଲାଇ ଆବେତ।
ଗିତିନ୍ ତୁର୍ଗୁ, ଈଶ୍ପର୍ ମିସର୍ନା ଗୁଲାଇ ଡିଅବ ଅବୁରବାର୍ନା ପଶୁଲେନ୍ ବାଗ୍ବ ମୁଇ ମୁନାରୋଗ୍ ବେଟାୟ, ଆତିନେ ଗୁଲାଇ ଡିଅବ ଅବୁରବାର୍ନା ପଶୁଲେ ବେମାର୍ ଡେଙ୍ଗ୍ସେ ଗୋଇଗା।ମାତର୍ ଫାରୋନା ମନ୍ ଆଟ୍ୱା ଡେଙ୍ଗା ମାରି ଇସ୍ରାଏଲ୍ ନା ଆରେମଲେ ଇପାଲାଇ ଆବେତ।
ଆତିନେ, ଫାରୋ ନା ଆକ୍ତୁ ଉଁସଙ୍ଗ୍ ଉଡ଼ିଆଗ୍ବ ଅଡସୁସୁଙ୍ଗ୍ ପାଲାଇ ଈଶ୍ପର୍ ଆମୋଶା ସୁନ।ଉଣ୍ଡୋଇଲ ମାଇ ଗିତିନ୍ ଡ଼େମ,ମିସର ନା ଆରେଲେ ଗାଗଢ ନା ଚାମ୍ବ କସ୍ଟ ବାବାଙ୍ଗ୍ନା ବିଟକ୍ଲେ ତୁର୍ଗା ମାତର୍ ଇସ୍ରାଏଲ୍ ନା ଆରେମଲେ ମାସା ଆଡ଼େନ୍ତା। ମାତର୍ ଈଶ୍ପର୍ ଫାରୋ ନା ମନ୍ ସୁଁଢଙ୍ଗ୍ ଡ଼େମ, ମାରି ଫାରୋ ଇସ୍ରାଏଲ୍ ନା ଆରେମଲେ ଇ ପାଲାଇ ଆବେତ।
ଗିତିନ୍ ତୁର୍ଗୁ, ଈଶ୍ପର୍ ଆରେଡାଗ୍ ବେଟାୟସେ ମିସର ଦେଶ୍ବ ଗୁଲାଇ୍ ତାଷ୍ ମାରି ଜାଜାଲେ ଡିଅନାନେ ବାଇରି ତୁର୍ଡିଗା ଅମାଏ ବୁଡ଼ାୟ ସୁଙ୍ଗ।ଆତିନେ ଫାରୋ ଆମୋଶା ମାରି ହାରୋଣ ୱାୟସେ ସୁନ, “ନିଙ୍ଗ୍ ପାପ୍ ଡ଼େମତିଙ୍ଗ୍। ପେଲେ ଇଗଙ୍ଗ୍ତପେ।” ଗିତିନ୍ସା ମୋଶା ବାଦଲ୍ ନାନେ ଆରେଡାଗ୍ ଆନ୍ତୁର୍ ବାର୍ ପାଲାଇ ପାର୍ତନା ଡ଼େମ।
ମାଇନା ତୁର୍ଗୁ, ମାରିମୁସ ଫାରୋ ପାପ୍ ଡ଼େମ ମାରି ମାଇନା ମନ୍ ଆଟ୍ୱା ଡ଼େମ। ମାଇ ଇସ୍ରାଏଲ୍ ନା ଆରେମଲେ ମୁକୁଲ୍ସେ ଇପାଲାଇ ଆବେତ।
ଆତିନେ ଈଶ୍ପର୍ ମିସର୍ ଦେଶ୍ ବାଗ୍ବ ଚିଟ୍କା ବେଟାୟ। ଗିତିନ୍ ଚିଟ୍କାଲେ ତାଷ୍ଲେ ଗୁଲାଇ ସୁଁମସୁଁଅ ଆର୍ନା ଲେକି ଆରାଡାଗ୍ ଅଗୁରସେ ଆବୁଡ଼ାଇତ ।
ମାଇନ୍ ତୁର୍ଗୁ ଈଶ୍ପର୍ ମିସର୍ବ ମିଣ୍ଡିଲ ଆର୍ନା କି ତିନ୍ଦିନ୍ ଜାକ ଡିଗା । କନ୍ ଡିକନ୍ ଉୟୁର୍ ଡିଗା ଜେ ମିସରିୟଲେ ଡିଅ ନାନେ ବାଇରି ତୁତୁର୍ ଆଗଙ୍ଗ୍ତା। ମାତର୍ ଇସ୍ରାଏଲ୍ନା ରେମଲେ ଆର୍ ଡିଗା ଆର ଉଜଲ୍ ଡିଗା।
ନୋଟା ମର୍ଡି ଡେଙ୍ଗ୍କୁନ୍ ତୁର୍ଗୁ ଫାରୋ ଇସ୍ରାଏଲ୍ ନା ଆରେମଲେ ଇପାଲାଇ ମନା ଡ଼େମ। କନ୍ ଜାକ ଫାରୋ ଆମୋଶା ଈଶ୍ପର୍ ଡୋଡମ୍ଲ ପାଲ୍ମୁଇ ମୁନା ରୋଗ୍ ବେଟାୟ। କନା ଫାରୋନା ଆମନ୍ ବଦ୍ଲାୟ୍ତ ।
ବାଇବଲ୍ ନା ମୁଇ ଉସାରାମ୍ :ଜାତ୍ରା ପୁସ୍ତକ ୫-୧୦
Free to use, adapt, and share under an open license (CC BY-SA 4.0).