14. ୧୪. ମରୁଭୁମି ବ ବୁଲ୍ଲନି
ଈଶ୍ପର୍ ଆଇସ୍ରାଏଲି ରେମଲେ ଗୁଲାଇ ଆଦେଶ୍ ଆର୍ନା କି ମାଏଲେ ମାନ୍ବାର୍ ଡ଼େଙ୍ଗା, ଗିତିନ୍ ଆଦେଶ୍ ବେଡ଼ସେ ଅଡ଼ମ, ମାସାଡନା ମାଇ ମାଏଲେ ବେରଙ୍ଗ୍ ନିୟମ୍ ଡ଼େମ। ମାଇନା ତୁର୍ଗୁ ମାଇ ଆମାଏଲେ ସିନୟ କୁଣ୍ଡାନାନେ ଆଗ୍ତୁ ୱାରୁଙ୍ଗା। ମାଇ ଅମାଏଲେ ପର୍ମାନ୍ ଡ଼େମକୁନ୍ ଦେଶ୍ବ ରୁରୁଙ୍ଗ୍ ପାଲାଇ ମନ୍ ଡେଡେମ୍ ଡେଙ୍ଗା। ଈଶ୍ପର୍ ବାଦଲଗୁଲା ନାନେ ମାଏନ୍ ଆଗ୍ତୁ ଆଗ୍ତୁ ଇଗା, ମାରି ମାଏଲେ ମାଏନା ତେଙ୍ଗୁ ତେଙ୍ଗୁ ଇଗା।
ଈଶ୍ପର୍ ଆଅବ୍ରାହାମ୍, ଇସାକ୍ ମାରି ଆଜାକୁବ ପର୍ମାନ୍ ଡ଼େମଡିଗା ଜେ ମାଇ ଆମାଏନ୍ କୁଲ୍ରେମ୍ଲେ ପର୍ମାନ୍ ଡ଼େମକୁନ୍ ଦେଶ୍ ବେତ। ମାତର୍ ଅଇକା ଆର ଜବର୍ ରେମଲେନ୍ କୁଲ୍ ବାସା ଡିକୁ ଡେଙ୍ଗା। ଆମାଏଲେ କିଣାନିୟ ଡ଼ସେ ସୁଁସୁ ଡେଙ୍ଗା। କିଣାନିୟ ରେମଲେ ଈଶ୍ପର୍ନା ପୁଜା ଡେଡେମ୍ ଆଡ଼େନ୍ତା ମାରି ମାନ୍ବାର୍ ଆଡ଼େନ୍ତା। ମାଏ ଆମିଚ୍ ଦେବ୍ତାଲେ ପୁଜା ଡ଼େମ ମାରି ଜବର୍ କାରାପ୍ କାମ୍ ଲେ ଡ଼େମ।
ଈଶ୍ପର୍ ଆଇସ୍ରାଏଲିୟ ରେମଲେ ସୁନ, “ପେ ପର୍ମାନ୍ ଡ଼େମକୁନ୍ ଦେଶ୍ବ ଇକୁନ୍ ତୁର୍ଗୁ, ପେଲେ ଗୁଲାଇ ଆକିଣାନୀୟ ରେମଲେ ଗିତିନ୍ ଦେଶ୍ ନାନେ ୟନ ଅତୁର ବେତପେ। ମାଏଲେ ବେରଙ୍ଗ୍ ଶାନ୍ତି ଆଅରେଙ୍ଗ ମାରି ଆମାଏଲେ ବିବା ଆଡେଙ୍ଗା। ପେ ମାଏନା ଗୁଲାଇ ମୁର୍ତି ପୁରାପୁରି ନସାସୁଙ୍ଗ୍। ପେ ଯଦି ନିଙ୍ଗ୍ନା କାତା ଆମାନ୍ ଲନା, ପେ ନିଙ୍ଗ୍ନା ବାଦୁଲ୍ ମାଏନ୍ ମୁର୍ତି ପୁଜା ଡ଼େମସେ ବୁଡ଼୍ ଇତ୍ପେ।”
ଉଣ୍ଡୋୟଲ ଇସ୍ରାଏଲ୍ନା ରେମଲେ କିଣାନ୍ ଦେଶ୍ନା ପାଟ୍ବ କେଟ୍ଗା, ମୋଶା ଇସ୍ରାଏଲନା ଗୁଲାଇ କୁଲ୍ ନାନେ ମୁଇ ମୁଇ ଡ଼େମସେ ବାର୍ଟା ଆ ଇଁଙ୍ଗେର୍ ରେମ୍ ବାଚ୍ଲ। ମାଏ ଆଗିତିନ୍ ରେମଲେ ଗିତିନ୍ ଦେଶ୍ବ ଇପାଲାଇ ମାରି ଗିତିନ୍ ଦେଶ୍ ମିରି ସୁଗ ତିପାଗ୍ ସେ ଜୁତ ଗଙ୍ଗ୍ତା ଗିତିନ୍ ପାଲାଇ ଆଦେଶ୍ ବେଡ଼। କିଣାନୀୟ ରେମଲେ ଦୁର୍ବଲ୍ କି ବପୁବାୟ୍ ରେମ ଗିତିନ୍ ଲନା ମାଏ ତିପାଗ୍ ସେ ଜୁଜୁ ଡ଼େଙ୍ଗା।
ଗିତିନ୍ ବାର୍ଟା ରେମ କିଣାନ୍ ବ ଚାଲିଶ୍ ଦିନ୍ନା ଗାରି ଉରିଙ୍ଗ ମାରି ମାଏ ଲେଉଟ୍ସେ ସାଗା, ମାଏ ଆରେମଲେ ସୁନ, “ଲିଙ୍ଗ୍ ଜବର୍ କତ୍ ବାଇ ମାରି ଜବର୍ ତାସ୍ !” ମାତର୍ ଦଶ୍ଟା ତିପାକୁନ୍ ଚର୍ଲେ ସାସେ ସୁନ,“ ଗିତିନ୍ ସହର୍ ନା ରେମଲେ ଜବର୍ ବପୁବାଇ ମାରି ରାକସ୍ଲେ ସୁଗ! ନାଇ ଜଦି ମାଏନ୍ ବାଗ୍ବ ଜୁଦ୍ ଡେମ୍ନାଇ ଡ଼ିତିନ୍ଲ ମାଏ ସତେସା ଆନାଇ ଆରାଇତ ମାରି ଅଡାବ ସୁଙ୍ଗ୍ତ।”
ଚଟ୍ନା, କାଲେବ୍ ମାରି ଯିହୋଶୁୟ ପାଲ୍ ତିପାକୁନ୍ ଆଚର୍ଲେ, ସୁନ, “କନ୍ ସତ୍ ଜେ କିଣାନ୍ ନା ରେମଲେ ଡେଙ୍ଗ୍ ମାରି ଜବର୍ ବପୁ,ମାତର୍ ସତୟ ନେ ଆମାଏ ଆରାଇ ତନେ! ଈଶ୍ପର୍ନାଇନ୍ ପାଲାଇ ଜୁଜ୍ ଡେମ୍ତ!”
ମାତର୍ ରେମଲେ କାଲେବ୍ ମାରି ଯିହୋଶୁୟ ନା କାତା ଆଅଁଙ୍ଗ୍ତ। ମାଏଲେ ମୋଶା ମାରି ହାରୋଣ ବାଗ୍ବ କିଜ୍ରା ଡେଙ୍ଗ୍ସେ ସୁନ, “ପେ ମାପାଲାଇ ଆନେ ଅକନ୍ ମୁନା କସ୍ଟବାଇ ଟାନ୍ବ ରୁଁଅପେ? ନେଲେ ମିସର୍ବ ଡିକୁନା ବାନି ଡିଗା। ନେଲେ ଜଦି ଗିତିନ୍ ଦେଶ୍ବ ଇତ୍ନାଇ ଗିତିନ୍ଲ ନାଇଲେ ଯୁଜ୍ବ ଗୋଇତ୍ନାଇ, ମାରି କିଣାନିୟନା ରେମଲେ ଆନାଇନ୍ କୁନିଲେ ମାରି ଆଗୁଲାଇନ ଗତିରେମ୍ ଡେମ୍ତ।”ଗିତିନ୍ସା ରେମଲେ ମିସର୍ନାନେ ୱାରୁରୁଙ୍ଗ୍ ପାଲାଇ ପାଲ୍ମୁଇ ନେତା ବାଚ୍ବାର୍ସା ମନ୍ଡେଡେମ୍ ଡ଼େଙ୍ଗା। ଉଣ୍ଡୋଇଲୋ ଗିତିନ୍ ରେମଲେ କନା ସୁନ, ଈଶ୍ପର୍ ଜବର୍ କିଜ୍ରା ଡେଙ୍ଗା। ମାଇ ଅଅଁୟ୍ନା କୁଡିଆବ ସାଗ୍ସେ ସୁନ, “ ପେ ନିଙ୍ଗ୍ନା ବିରୁଦ୍ବ କିର ଡ଼େଙ୍ଗ୍ ପେନି, ଗିନ୍ସା ଆପେ ଗୁଲାଇରେମ ମୁରୁଭୁମିବ ଗାରି ବାନାଗ୍ସେ ଡିତ୍ପେ। ୨୦ ବରଷ୍ ଆନ୍ଲ ମାଇ ନାନେ ଜବର୍ ବରଷ୍ ଗୁଲାଇରେମ ଆର ଗଇତ୍ପେ, ମାରି ନିଙ୍ଗ୍ ବେବେନା ପର୍ମାନ୍ ନା ଦେଶ୍ବ ଉଣ୍ଡୋଇସା ଆଗାଇତ୍ପେ। କାଲେବ୍ ମାରି ଯିହୋଶୁୟ ଆର ଗାଇତା।
ଉଣ୍ଡୋଇଲୋ ଗିତିନ୍ ରେମଲେ କନା ସୁନ, ଈଶ୍ପର୍ ଜବର୍ କିଜ୍ରା ଡେଙ୍ଗା। ମାଇ ଅଅଁୟ୍ନା କୁଡିଆବ ସାଗ୍ସେ ସୁନ, “ ପେ ନିଙ୍ଗ୍ନା ବିରୁଦ୍ବ କିର ଡ଼େଙ୍ଗ୍ ପେନି, ଗିନ୍ସା ଆପେ ଗୁଲାଇରେମ ମୁରୁଭୁମିବ ଗାରି ବାନାଗ୍ସେ ଡିତ୍ପେ। ୨୦ ବରଷ୍ ଆନ୍ଲ ମାଇ ନାନେ ଜବର୍ ବରଷ୍ ଗୁଲାଇରେମ ଆର ଗଇତ୍ପେ, ମାରି ନିଙ୍ଗ୍ ବେବେନା ପର୍ମାନ୍ ନା ଦେଶ୍ବ ଉଣ୍ଡୋଇସା ଆଗାଇତ୍ପେ। କାଲେବ୍ ମାରି ଯିହୋଶୁୟ ଆର ଗାଇତା।
ଉଣ୍ଡୋଇଲ ରେମଲେ ଈଶ୍ପର୍ନା କାତା ଅଁଙ୍ଗ, ମାଏଲେ ଦୁକ୍ ଡେଙ୍ଗା ମାସାଡନା ମାଏଲେ ପାପ୍ ଡ଼େମଡିଗା। ଗିତିନ୍ସା ମାଏଲେ କିଣାନିୟନା ଆରେମଲେ ବୁନୁଗ୍ବାର୍ ପାଲାଇ ମନ୍ ଡ଼େମ, ମାତର୍ ମୋଶା ଆମାଏ ଆଇସା ଚେତାୟ ବେଡ଼, ମାସାଡନା ଈଶ୍ପର୍ ମାଏନ୍ ବେରଙ୍ଗ୍ ଆଇତା, ମାତର୍ ମାଏଲେ ମାଇନା କାତା ଆଅଁଙ୍ଗ୍ତ।
କନ୍ ଜୁଜ୍ବ ଈଶ୍ପର୍ ମାଏ ବେରଙ୍ଗ୍ ଆଇତା, ଗିତିନ୍ସା କିଣାନିୟଲେ ଆମାଏ ଆରାୟସେ ମାଏଲେନ୍ ନାନେ ଆଜବର୍ ରେମ ଅଡାବ ସୁଙ୍ଗ। ମାଇନା ତୁର୍ଗୁ ଇସ୍ରାଏଲିୟ ରେମଲେ କିଣାନ୍ନାନେ ଲେଉଟ୍ସାଗା। ସାସାନ୍ ଚାଲିଶ୍ ବରଷ୍ ଜାକ ମାଏଲେ ମରୁଭୁମିବ ଅତକ୍ ତଙ୍ଗ୍ରେ ବୁଲ୍ଲ।
ଇସ୍ରାଏଲିୟ ରେମଲେ ଚାଲିଶ୍ ବରଶ୍ ମରୁଭୁମିବ ବୁଲ୍ବାର୍ ବେଲା, ଈଶ୍ପର୍ ଆମାଏ ଦରକାର୍ ବେବେନା ଟାନ୍ୟବେଡ଼। ମାଇ ଆମାଏ ସରଗ୍ ନାନେ ‘ରୁଟି ବେଡ଼ “ଜାନା ଅମି ମାନ୍ନା। ମାଇଲନା ମାଏନ୍ ଚାମ୍ଡାବ ଆଗୁଣ୍ଡ୍ରି ପିଲେ ବେଟାୟ, ମିରିକି ମାଏଲେ ସେଲି ସୁସୁଙ୍ଗ୍ ଗଙ୍ଗ୍ତା। ଗିତିନ୍ ଗୁଲାଇ ବେଲା, ଈଶ୍ପର୍ ମାଏନା ସକା ମାରି ପାଣ୍ଡୋଇ ପାଟ୍ବାର୍ ସା ଆବେତ।
ଈଶ୍ପର୍ ମାଏନା ଉ ପାଲାଇ ଡାଗ୍ ରାଗ୍ତିକ୍ କୁନ୍ ସୁଗ ବିରେନାନେ ଅତୁର। କନ୍ ଗୁଲାଇ ଡ଼େମକୁନ୍ ତୁର୍ଗୁ ଲନ ଇସ୍ରାଏଲନା ରେମଲେ ଈଶ୍ପର୍ ନା ବିରୋଦ ମାରି ମୋଶାନା ବିରୋଦ୍ ସୁନ, ମାରି ରିପଟ୍ ଡ଼େମ। ଅଇତିନ୍ ବେଲା ଈଶ୍ପର୍ ବିସ୍ବାସ୍ ବ ଡିଗା, ମାରି ମାଇ ଆର୍ନା ଅବ୍ରାହମ୍, ଈଶାକ ମାରି ଜାକୁବ୍ନା ଆକୁଲ ରେମଲେ ପାଲାଇ ପର୍ମାନ୍ ଡ଼େମଡ଼ିଗା ଗିତିନ୍ ଡ଼େମ।
ପାଲ୍ ବେଲା ଉଣ୍ଡୋୟଲ ରେମଲେ ପାଲାଇ ଡାଗ୍ ଆଡିତା। ଈଶ୍ପର୍ ଆମୋଶା ସୁନ,“ଆବିରେ ସୁଁ ମାରି ଆତିନେ ଡାଗ୍ ତୁର୍ସାତା।” ମାଇନା ବାଦୁଲ୍ ମୋଶା ଆବିରେ ଦୁଇତର୍ ଡାଙ୍ଗ୍ ବେରଙ୍ଗ୍ ବୁଗ। ଡ଼ିକନ୍ ସୁଗ, ଆଈଶ୍ପର୍ ଆମାନ୍ତ। ଗୁଲାଇ ରେମ ଉଉ ପାଲାଇ ବିରେ ନାନେ ଡାଗ୍ ତୁର୍ଗା, ମାତର୍ ଈଶ୍ପର୍ ମୋଶାନା ବାଗ୍ବ କିଜ୍ରା ଡେଙ୍ଗା। ମାଇ ସୁନ,“ମାସାଡନା ନ କନ୍ ଡ଼େମତ୍ ନ ପର୍ମାନ୍ ଡ଼େମକୁନ୍ ଦେଶ୍ବ ଗାଗାଇ ଆଗଙ୍ଗ୍ତନ। ଇସ୍ରାଏଲ୍ନା ରେମଲେ ଚାଲିଶ୍ ବରଷ୍ ମରୁଭୁମି ବ ଡିକୁନ୍ ତୁର୍ଗୁ, ଜାଜାଲେ ଈଶ୍ପର୍ନା ବିରୁଦ୍ ବ ରିମ ଡିଗା ମାଏଲେ ଗୁଲାଇ ରେମ ଗଇଗା। ଗିତିନ୍ ତୁର୍ଗୁ ଈଶ୍ପର୍ ଅଗଲ୍ କୁନ୍ ଆରେମ ମାର୍ମୁସ ଗିତିନ୍ ପର୍ମାନ୍ ଡ଼େମକୁନ୍ ଦେସ୍ବନ୍ ପାଟ୍ବ ୱାରୁଙ୍ଗା। ମୋଶା ଅଇକା ଜବର୍ ଡକ୍ରା ଡିଗା, ଆତିନେ ଈଶ୍ପର୍ ଆରେମଲେ ୱାରୁରୁଙ୍ଗ୍ ପାଲାଇ ଆଯିହୋଶୁୟ ବାଚ୍ଲ। ଈଶ୍ପର୍ ଲନା ଆମୋଶା ପର୍ ମାନ୍ ଡ଼େମଡିଗା ଜେ ମିସିଙ୍ଗ୍ ଗିତିନ୍ ରେମଲେନ୍ବ ମୋଶା ସୁଗ ମିଣ୍ଡା ମୁଇ ମୁନା ବାବବାଦି ବେଟାୟତ।
ଇସ୍ରାଏଲ୍ନା ରେମଲେ ଚାଲିଶ୍ ବରଷ୍ ମରୁଭୁମି ବ ଡିକୁନ୍ ତୁର୍ଗୁ, ଜାଜାଲେ ଈଶ୍ପର୍ନା ବିରୁଦ୍ ବ ରିମ ଡିଗା ମାଏଲେ ଗୁଲାଇ ରେମ ଗଇଗା। ଗିତିନ୍ ତୁର୍ଗୁ ଈଶ୍ପର୍ ଅଗଲ୍ କୁନ୍ ଆରେମ ମାର୍ମୁସ ଗିତିନ୍ ପର୍ମାନ୍ ଡ଼େମକୁନ୍ ଦେସ୍ବନ୍ ପାଟ୍ବ ୱାରୁଙ୍ଗା। ମୋଶା ଅଇକା ଜବର୍ ଡକ୍ରା ଡିଗା, ଆତିନେ ଈଶ୍ପର୍ ଆରେମଲେ ୱାରୁରୁଙ୍ଗ୍ ପାଲାଇ ଆଯିହୋଶୁୟ ବାଚ୍ଲ। ଈଶ୍ପର୍ ଲନା ଆମୋଶା ପର୍ ମାନ୍ ଡ଼େମଡିଗା ଜେ ମିସିଙ୍ଗ୍ ଗିତିନ୍ ରେମଲେନ୍ବ ମୋଶା ସୁଗ ମିଣ୍ଡା ମୁଇ ମୁନା ବାବବାଦି ବେଟାୟତ।
ମାଇନା ତୁର୍ଗୁ ଈଶ୍ପର୍ ଆମୋଶା ମୁୟଙ୍ଗ୍ କୁଣ୍ଡା ବାଗ୍ବ ଇପାଲାଇ ସୁନ, ମିରିକି ମାଇ ପର୍ମାନ୍ ଡ଼େମକୁନ୍ ଦେଶ୍ ଜୁଜୁ ଗଙ୍ଗ୍ତା। ମୋଶା ପର୍ମାନ୍ ଡ଼େମକୁନ୍ ଦେଶ୍ ଜୁଲ, ମାତର୍ ଈଶ୍ପର୍ ଆର ଆମାଏ ଗାଗାଇ ପାଲାଇ ଆବେତ। ଗିତିନ୍ ତୁର୍ଗୁ ମୋଶା ଗଇଗା,ମାରି ଇସ୍ରାଏଲ୍ନା ରେମଲେ ୩୦ ଦିନ୍ ଜାକ ଦୁକ୍ ଡ଼େମ। ଯିହୋଶୂହ ମାଏନା ତିମେବାଇ ନେତା ଡେଙ୍ଗା। ଯିହୋଶୂହ ମିଣ୍ଡା ବାନିବାୟ୍ ନେତା ଡିଗା, ମାସାଡନା ମାଇ ଆଈଶ୍ପର୍ ବିସ୍ବାସ୍ ଡେଡେମ୍ ଡେଙ୍ଗା ମାରି ମାଇନା କାତା ମାନ୍ବାର୍ଡେଙ୍ଗା।
ବାଇବଲ୍ନା ଉସାରାମ୍ :ଜାତ୍ରା ପୁସ୍ତକ ୧୬-୧୭;ଗଣନା ପୁସ୍ତକ ୧୦-୧୪;୨୭ ଲେବିୟ ପୁସ୍ତକ ୩୪
Free to use, adapt, and share under an open license (CC BY-SA 4.0).