16. ୧୬. ରକ୍ଷା ଡେଡେମ୍ ରେମ୍ଲେ
ଯିହୋଶୁୟ ଗଇକୁନ୍ ତୁର୍ଗୁ ଇସ୍ରାଏଲ୍ ନା ରେମଲେ ଆଈଶ୍ପର୍ ଆମାନ୍ତ। ମାଏଲେ ଈଶ୍ପର୍ନା ଆକାତାଲେ ଆମାନ୍ତା, ମାରି ଏନ୍ତୁଗ୍ କିଣାନିୟଲେ ପର୍ ମାନ୍ ଡ଼େମକୁନ୍ ଦେଶ୍ ନାନେ ୟନ ଆସୁଙ୍ଗ୍ତ। ଇସ୍ରାଏଲ୍ ନା ଆରେମଲେ ସତ୍ ଈଶ୍ପର୍ ଜିହୋବା, ବାଦୁଲ୍ ସେ ମାଏଲେ କିଣାନନା ଆଦେପ୍ ତା ଇସ୍ରାଏଲ୍ ନା ରେମଲେ ପୁଜା ଡେଡେମ୍ ପାଲାଇ ଆରାମ୍ ଡ଼େମ। ଇସ୍ରାଏଲ୍ ରେମଲେନା ଜାସା ରାଜା ଆଡିତା, ଗିତିନ୍ସା ଗୁଲାଇରେମ ତରଇ ପାଲାଇ ମା ବାନିଲାଗ୍ଗା ଗିତିନ୍ଡ଼େମ।
ଈଶ୍ପର୍ନା କାତା ଆମାନ୍ଲସେ, କନ୍ ଏସ୍ରାଏଲ୍ନା ରେମଲେ ଜବର୍ ବେଲା ଚନେକ୍-ଚନେକ୍ ଡ଼େମ। କନ୍ କାମ୍ କନ୍ ସୁଗ ଡେଙ୍ଗା, ଏସ୍ରାଏଲିୟଲେ ଜବର୍ ବରଷ୍ ସଗ୍ ଶେ ଈଶ୍ପର୍ନା କାତା ମାନ୍ ବାର୍ ଆଡ଼େନ୍ତା,ଗିତିନ୍ ସା ଈଶ୍ପର୍ ଆମାଏଲେ ମାଏନ୍ ଗୁଲେନେନ୍ ବେରଙ୍ଗ୍ ଆରାୟସେ ଡଣ୍ଡ୍ ବେଡ଼ ଡିଗା। ଗିତିନ୍ ଶତ୍ରୁଲେ ଇସ୍ରାଏଲିୟଲେନ୍ ସାମାନ୍ ଗୁଲାଇ୍ ଜିଗ୍ଟାନ୍ ଡ଼େମସେ ଚର୍ ବାର୍ ଡେଙ୍ଗା,ମାଏନା ଦନ୍ ଦୌଲତ୍ ଲେ ବୁଡ଼ା ସୁସୁଙ୍ଗ୍ ଡେଙ୍ଗା, ମାରି ମାଏନା ଅଇଜା ଆ ରେମଲେ ଅଡ଼ାବ ସୁଙ୍ଗ। ଉଣ୍ଡୋଇ ଇସ୍ରାଏଲ୍ ନା ଶତ୍ରୁଲେ ଆମାଏ ଜବର୍ ବରଷ୍ ଜାକ ଦୁଃକ୍ କଷ୍ଟ ବେବେ ଡେଙ୍ଗା। ଗିତିନ୍ ସା ଇସ୍ରାଏଲିୟ ରେମଲେ ତରଇନା ଆ ପାପ୍ ମାନ୍ ଲସେ ମନ୍ ବଦ୍ ଲାଇ୍ ବାର ଡେଙ୍ଗା ମାରି ମାଏ ରକ୍ଷା ଡେଡେମ୍ ପାଲାଇ୍ ପାର୍ତନା ଡେଡେମ୍ ଡେଙ୍ଗା।
ଗୁଲାଇ ବେଲା ଇସ୍ରାଏଲିୟ ରେମଲେ ମନ୍ ବାଦ୍ଲାଇବାର୍ ଡ଼େଙ୍ଗା ଗିତିନ୍ ବେଲା ଇଶ୍ପର୍ ଆମାଏଲେ ରକ୍ୟା ଡ଼େଡ଼େମ୍ ଡ଼େଙ୍ଗା। ଇଶ୍ପର୍ ମୁଇ ରକିୟା ଡ଼େଡ଼େମ୍ ରେମ୍ ବେଟାୟସେ କନ୍ ଡ଼େଡ଼େମ୍ ଡେଙ୍ଗା! ମିଣ୍ତା ରେମ ଆଜାକି ମାଏଲେନ୍ ସତ୍ରୁନା ବିରୁଦ୍ବ ଜୁଜ୍ ଡ଼େମ୍ତ ମାରି ଆମାଏଲେ ଆରାୟ୍ତ। ମାଇନ ତୁର୍ଗୁ ଗିତିନ୍ ଦେଶ୍ବ ସାନ୍ତି ଡ଼ିତା ମାରି, ରକ୍ୟା ଡ଼େଡ଼େମ୍ ରେମ୍ ମାଏନ୍ ବାଗ୍ବ ବାନି ଶାସନ୍ ଡ଼େମ୍ତ। ଆରେମଲେ ଉଦାର୍ ଡ଼େଡ଼େମ୍ ପାଲାଇ ଇଶ୍ପର୍ ଜବର୍ ଆରକ୍ୟା ଡ଼େଡ଼େମ୍ ରେମ୍ ବେଟାୟ,ଆଇସ୍ରାଏଲିୟଲେ ଆରାଇ ବାର୍ସା ଲଗେ ଡ଼ିକୁନ୍ ସତ୍ରୁ ମନ୍ଦାଲେନ୍ ଦେଶ୍ ଆମିଦିୟନୀୟଲେ ଆଦେଶ୍ ବେଡ଼କୁନ୍ ତୁର୍ଗୁ ଇଶ୍ପର୍ କନା ମାର୍ମୁସ ରକ୍ୟା ଡ଼େମ।
ମିଦିୟନିୟନା ରେମଲେ ସାତ୍ ବରଷ୍ ଜାକ ଗୁଲାଇ ଇସ୍ରାଏଲ ନାନେ କେରଙ୍ଗ୍ ରୁଙ୍ଗ ଇଗା। ଇସ୍ରାଏଲ୍ ନା ରେମ ବତୁଙ୍ଗା,ମାଏ ପାଟନା ବ ତିପାଗ୍ ଡିଗା ମିରିକି ମିଦିଅନିଅ ଲେ ଆମାଏ ଆବାମ୍ତା। ଆମାଏ ରକ୍ଷା ଡେଡେମ୍ ସା ଈଶ୍ପର୍ବ ଉଗା।
ଗିଦିୟନ୍ ଅମିନା ମିଣ୍ଡା ଇସ୍ରାଏଲ୍ ରେମ ଡିଗା। ମିସିଙ୍ଗ୍ ମାଏ ମୁୟଙ୍ଗ୍ ତିପାକୁନ୍ ଟାନ୍ବ ୱାତାଙ୍ଗ୍ ବାର ଡେଙ୍ଗା ଗିନ୍ସା ମିଦିୟନିୟ ଲେ ଆକନା ଆଚର୍ତ। ଈଶ୍ପର୍ନା ମୁଇ ଦୁତ୍ ଗିଦିୟନ୍ ବ ସାଗ୍ସେ ସୁନ, “ଈଶ୍ପର୍ ପେ ବେରଙ୍ଗ୍ ଡିତା, ମୁନାଗ୍ ଲାଗ୍ବାର୍ ରେମ୍। ଇଗ୍ସେ ମିଦିୟନିଅ ଲେନ୍ ନାନେ ଆ ଇସ୍ରାଏଲ୍ ନା ଆରେମଲେ ରକ୍ଷା ଡେମ୍।
ଗିଦିୟନା ବାନା ମୁୟଙ୍ଗ୍ ମୁର୍ତି ନାମାସ୍ ବାର୍ ନା ମୁୟଙ୍ଗ୍ ପୁଜା ବେଦି ଡିଗା। ଈଶ୍ପର୍ ଆକ୍ ତୁନ୍ କାତା ମା ଆଗିୟନ୍ ସୁନ ଡିଗା ଆଗିତିନ୍ ବେଦି ବସ୍ ଲାସେ ନଷ୍ଟ ଡେମ୍। ମାତର୍ ଗିଦିୟନ୍ ଆ ରେମଲେ ବତୁଙ୍ଗ୍ ଡେଙ୍ଗା, ଗିତିନ୍ ସା ମାଇ ମିଣ୍ଡିଜାକ ଜାଗ୍ଲ। ମାଇନ୍ ତୁର୍ଗୁ ମାଇ ଆ ପୁଜା ପୁରୁଗ ମାରି ପାଲ୍ ପାଲ୍ ଡ଼େମ ବେଡ଼। ଗିତିନ୍ ମିସ୍ତେ ଈଶ୍ପର୍ ମୁୟଙ୍ଗ୍ ତିମେ ବାଇନା ପୁଜା ବେଦି ତିଆର୍ ଡ଼େମ, ମାରି କନଙ୍ଗ୍ ନା ବାଗ୍ବ ଆ ଇଶ୍ପର୍ ପାଲାଇ୍ ଡ଼େମ।
ମାର୍ତ ଉନ୍ଜୁର୍ ରେମଲେ ଜୁଲ, ଜାକି ଆତିନ୍ ପୁଜା ବେଦି ଅପୁରୁଗ ସେ ନଷ୍ଟ ଡ଼େମ ସୁଁଅତା, ମାରି ମାଏ ଜବର୍ କିଜ୍ ରା ଡେଙ୍ଗା। ଆମାଇ ବୁବୁସା ଗିଦିୟନ୍ ନା ଡିଅବ ଇଗା, ମାତର୍ ଗିଦିୟନ୍ ନା ବା ସୁନ,“ ନ ମାସା ଆନନ୍ ଆଦେବ୍ ତା ସାଇଜ ଡେଡେମ୍ ପାଲାଇ ଚେସ୍ଟା ଡ଼େମତ୍ ନ? ଯଦି ମାଇ ଈଶ୍ପର୍, ଡ଼ିତିନ୍ ଲ ମାଇ୍ ଆତରେ ରକ୍ଷା ଡେମେ!” ରେମଲେ କନ୍ ଅଙ୍ଗସେ ଆଗିଦିୟନ୍ ଆ ଅଡାବ୍ତ।
ମିଦିୟନିୟଲେ ମାର୍ ମୁସ ଇସ୍ରାଏଲିୟ ଲେନ୍ ବ ଚର୍ ବାର୍ ସାଗା। ମାଏନ୍ ବିତ୍ ରେ ଅକନ୍ ରେମ ଡିଗାଜେ ଆମାଏ ଏଜ୍ ବାର୍ ଆଲାଗ୍ ତା।ଗିଦିୟନ୍ ଆଇସ୍ରାଏଲିୟ ନ୍ ରେମଲେ ଜୁଦ୍ ଡେଡେମ୍ ପାଲାଇ ସାମୁଇ ବ ଡ଼େମ। ଗିଦିୟନ୍ ଆଈଶ୍ପର୍ ଉମ୍ବାର୍ ଚିନା ଲୁଡଗ୍, ଗିତିନ୍ ସା ମାଇ ସତଏ ଡେଡେଙ୍ଗ୍ ଗଙ୍ଗା ଗିତିନ୍ ଈଶ୍ପର୍ ସତେଇସା ଇସ୍ରାଏଲ୍ ନା ଆରେମଲେ ରକ୍ୟା ଡେଡେମ୍ ପାଲାଇ ସୁନ ନି।
ପର୍ତୁମ୍ ଚିନ୍, ପାଲାଇ ଗିଦିୟନ୍ ମୁଇ ମେଣ୍ଡା ନା ସାମ୍ ତୁବୁଗ୍ ବ ବୁଙ୍ଗ, ଆ ଈଶ୍ପର୍ ସୁନ ଉଞ୍ଜୁର୍ ଅସ୍ ନା ଡାଗ୍ ମେଣ୍ଡାନା ସାମ୍ ବାଗ୍ବ ଲଗେ ମାରି ତୁବୁଗ୍ବ ଆଣ୍ଡା, ଈଶ୍ପର୍ ଗିତିନ୍ ଡ଼େମ। ମାର୍ତଗ୍ ମିଣ୍ଡିବ, ସୁନ ଡିଗା ଜେ ତୁବୁଗ୍ ଡାଗ୍ଡ଼ା ଗେ ମାତର୍ ମେଣ୍ଡାନା ଚାମ୍ ଉଁସର୍ ଡିଗେ। ଈଶ୍ପର୍ସା ଗିତିନ୍ ଡ଼େମ। କନ୍ ଉମ୍ବାର ଚିନ୍ ପାଲାଇ, ଗିଦିୟନ୍ ବିସ୍ବାସ୍ ଡ଼େମ ଜେ ଈଶ୍ପର୍ ସତୟ୍ ସାଇସ୍ରାଏଲ୍ ନା ଆରେମଲେ ମିଦିଅନିୟ ଲେନ୍ ନାନେ ରକ୍ଷା ଡେଡେମ୍ ପାଲାଇ୍ ମନ୍ ଡ଼େମ।
କନଙ୍ଗ୍ନା ତୁର୍ଗୁ ଗିଦିୟନ୍ ଆସୈନିକ୍ଲେ ନାଇକନେ ସାଶା ପାଲାଇ୍ ୱାୟ,ମାରି ୩୦୦୦୦ ରେମଲେ ସାଗା। ମାତର୍ ଈଶ୍ପର୍ ଆମାଇ ସୁନ, କନା ଜବର୍ ରେମ ଡେଙ୍ଗା। ଆତିନେ ଗିଦିୟନ ୨୨୦୦୦ ଆରେମ ଜାଜା ଜୁଦ୍ ଡ଼େଡ଼େମ୍ ପାଲାଇ ବୁତୁଙ୍ଗ୍ ଡେଙ୍ଗା ଆମାଏ ଡିଅବ ବେଟାୟ ବେଡ଼। ଈଶ୍ପର୍ ଆଗିଦିୟନ୍ ସୁନ ଜେ, ଅଇଲନା ମାଏନ୍ ବ ଜବର୍ ରେମ ଡିତା। ଆତିନେ ଗିଦିୟନ ୩୦୦ ଆସୈନିକ୍ ଅନ୍ତୁରସେ ଆଗୁଲରେମ ଡିଅବ ବେଟାୟ ବେଡ଼।
ଗିତିନ୍ ମିଣ୍ଡି ଆଗିଡିଅନ୍ ଈଶ୍ପର୍ ସୁନ, ମିଦିୟନିୟଲନ୍ ଚାମ୍ଡା ବ ୟା ମାରି ମାଏନ୍ କାତା ଅଁ। ଉଣ୍ଡୋଇଲ ପେ ମାଏନ୍ କାତା ଅଙ୍ଗ୍ତପେ, ଆମାଏ ଜାଗ୍ ଲସେ ବୁନୁ ବାର୍ ପାଲାଇ୍ ମାରି ଆବୁତୁଙ୍ଗ୍ତ୍ ପେ। ଗିତିନ ମିଣ୍ଡି, ଗିଦିୟନ ମିଦୀୟନୀୟଲେନ୍ ଚାମ୍ଡ଼ା ବ ଈଗା, ମାରି ମୁୟଙ୍ଗ୍ ମିଦିୟନ୍ ସୈନିକନା ମାଏନା ସାଙ୍ଗ୍ ମୁସୁଡିଙ୍ଗ ବ ଜୁଲକୁନ୍ କାତା ସୁସୁନା ଅଙ୍ଗ। ଗିତିନ୍ ରେମୋନା ସାଙ୍ଗ୍ ସୁନ, “କନ୍ ମୁସୁଡିଙ୍ଗ୍ ନା ଅରତ୍ ଗିଦିୟନ୍ ନା ସୈନିକଲେ ଆନେ ମିଦିୟନିୟଲେନ୍ ସୈନିକଲେ ଆରାୟତ!” ଉଣ୍ଡୋଇଲ ଗିଦିୟନ କନ୍ ଅଙ୍ଗ, ଗିଦିୟନ ଆଈଶ୍ପର୍ ଦନ୍ୟବାଦ୍ ବେଡ଼।
କନଙ୍ଗ୍ନା ତୁର୍ଗୁ ଗିଦିୟନ ମାଏନ୍ ବେରଙ୍ଗ୍ ସୈନିକ୍ ନା ମିସତେ ଲେଅଟ ଶାଗା, ମାରି ଆଗୁଲାଇ ରେମଲେ ମୁୟଙ୍ଗ୍ ମୁୟଙ୍ଗ୍ ସିଙ୍ଗ୍, ପାତଲି, ମାରି ଅଲା ବେଡ଼। ମାଏଲେ ମିଦିୟନିୟନା ଚମ୍ଡାନା ଚାର୍ବେର୍ତି କିନ୍ଦର୍ସେ ଜାଗ୍ଲ ଡ଼ିଗା ଆର୍ କଣ୍ଡେ ମିଦିନିୟନା ସୈନିକ୍ ଲେ ଲେମଡିଗା। ଗିଦିୟନ୍ ନା ୩୦୦ ସୈନିକ୍ ଲେନ୍ ପାତଲି ବ ଡିକୁନ୍ ଅଲା ଡିଗା, ଗିତିନସା ମିଦିୟନିୟଲେ ଗିତିନ୍ ଅଲାନା ତାରାଗ୍ ଗୁଲାଇ୍ ଜୁଜ ଆଗଙ୍ଗା।
ଆତିନେ, ଗିଦିୟନ୍ ନା ଗୁଲାଇ୍ ସୈନିକ୍ ଲେ ମାଏନା ପାତଲିଲେ ଗୁଲାଇ ଏକାମୁଟି ବାର୍ତାଗ, ଦାପେ ଦାପେ ମାଏନ୍ ଅଲାଲେ ଅତୁର। ମାଏଲେ ପିନେ ପେଡ଼ ମାରି ଆଉଲି ଡେଙ୍ଗାସେ ସୁନ,“ ଈଶ୍ପର୍ ମାରି ଗିଦିୟନ ପାଲାଇ ମୁଇ ଖାଣ୍ଡା।“
ଈଶ୍ପର୍ ଆମିଦିୟନିୟ ଲେ ବିର୍ ବିତାଲ୍ ଡ଼େମ ଆତିନେ ମାଏ ଆମାଏଲେ ଜାଗ୍ଲସେ ଅଡ଼ାବାର୍ ସା ମୁଲାୟ। ଗିଦିୟନ୍ ଆଦୁତ୍ ଲେ ପାଟାସେ ମାରି ଜବର୍ ପାଲ୍ ଇସ୍ରାଏଲ୍ ନା ରେମଲେ ଡିନାନେ ୱାୟ ମିରିକି ମାଏଲେ ମିଦିୟନିୟ ଆରେମଲେନ୍ ୟନ ସୁସୁଙ୍ଗ ପାଲାଇ୍ ସାଇଜ ଡେଡ଼େମ୍ ଗଙ୍ଗ୍ତା। ମାଏଲେ ମିଦିୟନିୟନା ଆଜବର୍ ଆରେମଲେ ଅଡ଼ାବ ସୁଙ୍ଗ ମାରି ଏନ୍ତୁ ଅୟଜା ଡିଗା ଆମାଏ ଇସ୍ରାଏଲ୍ ଦେଶ୍ନାନେ ୟନସେ ଅତୁର ବେଡ଼। ମାରି ଡିକନ୍ ସୁଗ ଆଇସ୍ରାଏଲ ରକ୍ଷା ଡ଼େମ।
ରେମଲେ ଆ ଗିଦିୟନ୍ ମାଏନା ରାଜା ଡେଡେମ୍ ପାଲାଇ ମନ୍ ଡ଼େମ। ଗିଦିୟନ୍ ଆମାଏ ଡିକନ୍ ଡେଡେମ୍ ପାଲାଇ ଆଦେଶ୍ ଆବେତ, ମାତର୍ ମାଇ ଆମାଏ ମିଦିୟନିୟ ଲେନ୍ ନାନେ ଚର୍ ଲକୁନ ସୁନା ମୁଦିଲେ ଲୁଡ଼।ରେମଲେ ଆ ଗିଦିୟନ୍ ଜବର୍ ସୁନା ବେଡ।
ଆତିନେ ଗିଦିୟନ୍ ସୁନାଲେ ଗୁଲାୟ ରୁଙ୍ଗ୍ ସେ ମୁନା ପୁଜାରିଲେ ତୁଙ୍ଗ୍ କୁନ୍ ସକାସୁଗ ମୁଇ ସକା ତିଆର୍ ଡ଼େମ। ମାତର୍ ରେମଲେ ଆତିନା ମିର୍ କି ମୁଇ ମୁର୍ତିସୁଗ ପୁଜା ଡେଡେମ୍ ଡେଙ୍ଗା। ଆତିନେ ଈଶ୍ପର୍ ଇସ୍ରାଏଲ୍ ନା ଆରେମଲେ ଦଣ୍ତ୍ ବେଡ ମାସାଡନା ମାଏଲେ ମୁର୍ତି ପୁଜା ଡ଼େମ। ଈଶ୍ପର୍ ମାଏନା ଆଶତ୍ରୁଲେ ଆରାଇ ବାର୍ସା ଆଦେଶ୍ ବେଡ। ତୁର୍ଗୁ ମାରି ମୁସ ମାଏ ଆ ଈଶ୍ପର୍ ସାଇଜ ପାଲାଇ୍ ପାର୍ତନା ଡ଼େମ, ମାରି ମାଏନା ରକ୍ଷା ପାଲାଇ୍ ଈଶ୍ପର୍ ପାଲ ମୁଇ ଉଦାର ଡେଡେମ୍ ରେମ୍ ବେଟାୟ।
ଡ଼ିକନ୍ ସୁଗ ଜବର୍ ଥର୍ ଡେଙ୍ଗା: ଇସ୍ରାଏଲ୍ନା ରେମଲେ ପାପ୍ ଡେଡେମ୍ ଡେଙ୍ଗା, ଈଶ୍ପର୍ ଆମାଏ ଦଣ୍ଡ୍ ବେବେ ଡେଙ୍ଗା, ମାରି ମାଏ ମନ୍ ବଦ୍ ଲାୟବାର୍ ଡେଙ୍ଗା, ରକ୍ଷା ବାବାଙ୍ଗ୍ ପାଲାଇ୍ ଈଶ୍ପର୍ ପାଲ ମୁଇ ଉଦାର ଡେଡେମ୍ ରେମ୍ ବେଟାୟ ଡିଗା। ଅଇଜା ବରଷ୍ ସଗ୍ସେ ଇଶ୍ରାଏଲ ନା ରେମଲେ ମାଏନା ଶତ୍ରୁଲେ ନାନେ ରକ୍ଷା ଡେଡେମ୍ ପାଲାଇ୍ ଜବର୍ ଉଦାର୍ ଡେଡେମ୍ ରେମ୍ ବେଟାୟ।
ଡଡମ୍ଲ, ରେମଲେ ପାଲ୍ ଦେଶ୍ ନାଲେ ସୁଗ ମିରି ରାଜା ଡିଗା ଡ଼ିତିନ୍ ସୁଗ ମାଏଲେସା ମୁଇ ରାଜା ଲୁଡ଼। ମାଏ ଜାକି ଡେଙ୍ଗ୍ ବାଇ ମାରି ବପୁବାଇ, ମାରି ଜା ଆମାଏ ଜୁଜ୍ ବ ୱାରୁଙ୍ଗ୍ ତା। କନ୍ ଗୁଆର୍ଲ କୁନ୍ ଆଈଶ୍ପର୍ ମନ୍ କେ ଆଇତା, ମାତର୍ ଈଶ୍ପର୍ ମାଏ ମିର୍ ବାଇ ମନଡେଡେମ୍ ଡେଙ୍ଗା ଈଶ୍ପର୍ ଆମାଏ ଡିତିନ୍ ବାଇ ରାଜା ବେଡ଼।
ବାଇବଲ୍ନା ମୁଈ ଉସାରାମ୍: ବିଚାରକର୍ତ୍ତା୧-୩;୬-୮;୧ ଶାମୁୟେଲ ୧-୧୦
Free to use, adapt, and share under an open license (CC BY-SA 4.0).