33. ୩୩. ତାସ୍‌ଡେଡେମ୍ ରେମ୍‌ନା ଉସାରାମ୍‌

ମିସିଙ୍ଗ୍,ଯୀଶୁ କିଣ୍ଡାନା କଣ୍ଡେ ମୁଇ ଜବର୍ ରେମଲେ ରୁଣ୍ଡ୍ କୁନ୍ ବ ଶିକ୍‌ୟା ବେବେଡେଙ୍ଗା। ଅଅଙ୍ଗ୍ ପାଲାଇ ଜବର ରେମ ଯୀଶୁନ୍ ବ ସାଗା ଜେ ଆମାଏଲେ ସିକ୍‌ୟା ବେବେପାଲାଇ ଆର ମାରି ଟନ୍ ଆଡିତା। ଗିତିନ୍‌ସା ମାଇ ଡାଗ୍‌ବ ଡିକୁନ୍ ମୁଇ ଡ଼ଙ୍ଗାବ ଡାଇଗା। ମାଇ ଡ଼ଙ୍ଗାବ ଲେଗ୍‌ସେ ଆରେମଲେ ସିକ୍‌ୟା ବେଡ।

ଯୀଶୁ କନ୍ ଉସାରାମ୍ ସୁନ। ମିଣ୍ଡା ତାସ୍ ରେମ୍ ଇତି ସୁମୁ ବିବିସା ତୁର୍‌ଇଗା। ଉଣ୍ଡୋଇଲ ମାଇ ସୁମୁଲେ ବିବି ମୁଲାୟ,ଇତି ସୁମୁଗାରିବ ଲଗା। ମାତର୍ ପିରିଲେ ସାଗ୍‌ସେ ଗିତିନ୍‌ ଆଗୁଲାଇ ସୁମୁଲେ ସୁମସୁଅଁ।”

ପାଲ୍ ସୁମୁଲେ ବିରେଡିକୁନ୍ ତୁବୁ ବାଗ୍‌ବ ଲଗା,ଆର୍‌କି ଉନା ତୁବୁଗ୍ ଡିଗା। ବିରେଡିକୁନ୍ ତୁବୁଗ୍ ବନା ସୁମୁଦାପେ ଗାଜା ଡେଙ୍ଗା, ମାତର୍ ଗିତିନ୍‌ ଗୁଲାଇନା ଚେର୍ ତୁବୁ ବିତ୍‌ରେ ଇଆଗଙ୍ଗା। ଉଣ୍ଡୋଇଲ ସିଁ ତୁର୍‌ଗା ମାରି ନିଆଗା, ସେମୁ ଉନ୍‌ସର୍‌ଗା ମାରି ଗୋଇଗା।”

ମାରି ଅଇଜା ସୁମୁ ଗିରାଇଡିକୁନ୍ ଲାଟାବଲେ ଲଗା। କନ୍ ଗୁଲାଇ ସୁମୁମୁନାବାର୍ ପାଲାଇ ମୁଲାୟ,ମାତର୍ ଗିରାଇ ଡିକୁନ୍ ବୁଟାଲେ ଆତିନ୍ ଗୁଲାଇ ଚାପ୍‌ଲ ସୁଙ୍ଗ। ଗିନ୍‌ସା ଗିରାଇଡିକୁନ୍ ଲାଟାସେମୁଲେ ଗାଜା ଡେଙ୍ଗ୍ କୁନ୍ ସୁମୁଲେ ମାସା ପଲ୍ ସୁହୁ ବାର୍ ଆଗଙ୍ଗା।

ପାଲ୍ ସୁମୁଲେ ବାନିବାଇ ତୁବୁବ ଲଗା। ଅଇଜା ସୁମୁବିଡ ଡିଗା,ଗିତିନ୍‌ ଗୁଲାଇ ସୁମୁଲେ ମୁନାଗା ମାରି ୩୦,୬୦ମାରି ଡିକନ୍‌କି ୧୦୦ଗୁନ୍ ଜାକ ସୁହୁଗ୍‌ସେ ପଲ୍‌ବାର୍ ମୁଲାୟ। ଜେ ଜା ଈଶ୍‌ପର୍‌ନା ଗୁଡାଙ୍ଗ୍ ଗାର୍ ଇପାଲାଇ ମନ୍‌ଡେମ୍‌ତ,ନିଙ୍ଗ୍ ମାମା ସୁନନିନିଙ୍ଗ୍ ଆତା ଦିଆନ୍ ଡେମେ।”

କନ୍ ଉସାରାମ୍ ଶିଷ୍‌ଲେ ବୁଜ୍‌ବାର୍ ଆଗଙ୍ଗା। ଗିନ୍‌ସା ଯୀଶୁ ବୁଜାୟସେ ସୁନ,”ସୁମୁଡେଙ୍ଗାନି ଈଶ୍‌ପର୍‌ନା କାତା। ମଜି ସୁଗ ଗିନ୍‌ରେମ ଜାକି ଈଶ୍‌ପର୍‌ନା କାତା ଅଙ୍ଗ୍‌ତ,ମାତର୍ ଗିତିନ୍ ବୁଜ୍‌ବାର୍ ଆଗଙ୍ଗ୍‌ତା,ମାରି ଶୋଇତାନ୍ ମାଇନାନେ କାତା ରୁଙ୍ଗଡୁଙ୍ଗ୍‌ତା।” ସୁସୁନ୍ ଅରତ୍ ଶୋଇତାନ୍ ଆମାଇ ଗିତିନ୍‌ କାତା ବୁଜ୍‌ବାର୍‌ସା ସୁଲୁଙ୍ଗ୍ ବୁଙ୍ଗ୍‌ତ।”

ବିରେଡିକୁନ୍ ତୁବୁ ଡେଙ୍ଗାନି ଗିନ୍‌ରେମ ଜାକି ଈଶ୍‌ପର୍‌ନା କାତା ଅଙ୍ଗ୍‌ତ ମାରି ସାର୍‌ଦାସେ ଗିତିନ୍‌ ରୁଙ୍ଗ୍‌ତା। ମାତର୍ ଉଣ୍ଡୋଇଲ ମାଇ କସ୍‌ଟ ମାରି ନିନ୍ଦା ସାତା ଆନ୍‌ଲ ପାଲ୍‌ରେମଲେ ଉଣ୍ଡୋଇଲ ଆମାଇ କଷ୍ଟବେତ,ମାଇ ଈଶ୍‌ପର୍ ନାନେ ସୁଲୁଙ୍ଗ୍ ଇତା। ଗିନା, ମାଇ ଈଶ୍‌ପର୍ ନାଣ୍ଡେ ବିସ୍‌ବାସ୍ ବନ୍ଦ୍ ଡ଼େମବେତ।”

ଗିରାଇଲେ ଡିକୁନ୍ ତୁବୁ ଡେଙ୍ଗାନି ଗିନ୍‌ରେମ ଜାକି ଈଶ୍‌ପର୍‌ନା କାତା ଅଙ୍ଗ୍‌ତ। ମାତର୍ ଉଣ୍ଡୋଇଲ ମାଇ ଦର୍‌ତନିନା,ଧନ୍‌ ମାରି ସୁକ୍ ସାର୍‌ଦା ବାବାଙ୍ଗ୍‌ସା ଚେସ୍‌ଟା ଡ଼େମତ,ଈଶ୍‌ପର୍ବ ଡିକୁନ୍ ମାଇନା ଆଲାଦ୍ ଉନା ଡେଙ୍ଗ୍ ଇତା।”ମାଇ ଈଶ୍‌ପର୍ ନା କାତାବ ଆର୍‌ନା ସିକ୍‌ୟା ବାଙ୍ଗ୍ ଡିଗା ଗିତିନ୍‌ ବେରଙ୍ଗ ଆଈଶ୍‌ପର୍ ସାର୍‌ଦା ଡେଡେମ୍ ଆଗଙ୍ଗ୍‌ତା। ମାଇ ଗହମ୍‌ନା ପିଆଲ୍ ସୁଗ ଆର୍‌ନା କି ମାସା ପଲ୍ ଅସୁ ଉ ଅଗଙ୍ଗ୍‌ତା।”

ମାତର୍ ବାନି ତୁବୁ ଡେଙ୍ଗାନି ଗୁନ୍ ରେମ ସୁଗ ଜାକି ଈଶ୍‌ପର୍‌ନା କାତା ଅଙ୍ଗ୍‌ତ,ମାରି ଗିନା ବିସ୍‌ବାସ୍ ଡେମ୍‌ତ,ମାରି ପଲ୍ ଅସୁଉତ।”