34. ୩୪. ଯୀଶୁ ପାଲ୍ ଉସାରାମ୍‌ଲେ ସୁଗ ଶିକ୍‌ୟା ବେତ

ଇଶ୍‌ପର୍‌ ରାଜିନା ବିଷୟ୍ ଯୀଶୁ ମାରି ଜବର୍ ଉସାରାମ୍‌ଲେ ସୁନ। ବୁଜାକୁନ୍ ସୁଗ,ମାଇ ସୁନ “ସରଗ୍‌ରାଜି ଡେଙ୍ଗାନି ମୁଇ ସୋରିଷ ମନ୍‌ଜି ସୁଗ ମିରି ଜାସା ମିଣ୍ଡା ମାଇନା ଲିଙ୍ଗ୍‌ବ ଉନ। ପେଲେ ମାଗତ୍‌ପେ ଜେ ସୋରିଷ ମନ୍‌ଜି ଗୁଲାଇ ମନ୍‌ଜି ନାନେ ଡାଉ।”

“ମାତର୍ ଉଣ୍ଡୋଇଲ ସୋରିଷ ମନ୍‌ଜି ମୁନା ଡ଼େନ୍‌ତା,କନା ଗୁଲାଇ ଦିଆର୍‌ବୁର୍‌ନା ସେମୁ ନାନେ ଜବର୍ ମୁନା ଡେଙ୍ଗ୍‌ଗିତା,ଜେ ପିରିଲେ ସାସେ ମାଇନା କେନ୍ଦାବଲେ ପୁଣ୍ଡ୍‌ତା।”

ଯୀଶୁ ମାରି ମୁଇ ଉସାରାମ୍ ସୁନ “ଈଶ୍‌ପର୍‌ନା ରାଜି ସଡ଼ା ସୁଗ ଜା ମିଣ୍ଡା ସେଲାନେ ରୁଙ୍ଗ୍‌ସେ ମୋଇଦାନା ଅଟାବ ମିସାଇତ, ଆତିନେ ଗିତିନ୍ ଗୁଲାଇ ମୋଇଦା ଡିକୁନ୍ ପାତ୍‌ଲି ଗୁଲାଇ ଗାରି ଡେଙ୍ଗ୍ ଇଏ।”

ଈଶ୍‌ପର୍‌ନା ରାଜି ମାରି ସା ତିପା କୁନ ଦନ୍‌ ସୁଗ ଜାକି ମିଣ୍ଡା ରୁଙ୍ଗ୍‌ସେ ମୁଇ ଲିଙ୍ଗ୍‌ବ ତିପାଡ ବୁଙ୍ଗ। ପାଲ୍ ମୁଇ ରେମ ଆକନ୍ ତିପାଡ କୁନ୍ ଆଦନ୍ ବାଙ୍ଗା ମାରି ଗିତିନ୍ ବାବାଙ୍ଗ୍ ସା ଜବର୍ ମନ୍ ଡ଼େମ। ଆତିନେ ମାଇ ମାର୍‌ମୁସ ଆତିନ୍ ତୁପାଡ଼କୁନ୍ ଆଦନ୍ ତପ୍‌ଲ ବେଡ। ମାଇ ଅକନ୍ ସାର୍‌ଦା ଡେଙ୍ଗ୍‌ଡିଗା ଜେ ମାଇ ଇଗ୍‌ସେ ଗୁଲାଇ ଜାକ ସୁଙ୍ଗ,ମିରିକି ମାଇ ଆତିନ୍ ତିପାଡ଼କୁନ୍ ଦନ୍ ଡିକୁନ୍ ଆଲିଙ୍ଗ୍ ସୋସବ୍ ଗଙ୍ଗ୍‌ତା।”

ଈଶ୍‌ପର୍‌ନା ରାଜି ମୁଇ ଜବର୍ ଦାମ୍ ବାଇ ମୋତି ସୁଗ। ଉଣ୍ଡୋଇଲ ମିଣ୍ଡା ବେପାରି କନ୍ ବାଙ୍ଗା,ମାଇ ଇଗ୍‌ସେ ତରୋଇନା ଗୁଲାଇ ସୁଙ୍ଗ ମିରିକି ମାଇ ଆତିନ୍ ସୋସବ୍ ଗଙ୍ଗ୍‌ତା।

ଆର ଅଇଜା ରେମଲେ ଏତୁଡେଙ୍ଗା ଜେ ଈଶ୍‌ପର୍ ମାଏନା ବାନିକାମ୍ ସା ଆମାଏ ରୁଙ୍ଗ୍‌ତା। କନେଲେ ବାନିବାଇ କାମ୍ ମଡ଼େମଡିକୁନ୍ ଆରେମଲେ ଗୁର୍‌ନା ଡେଡେମ୍‌ଡେଙ୍ଗା। ଆତିନେ ଯୀଶୁ ଆମାଏ କନ୍ ଉସାରାମ୍ ସୁନ:“ଉମ୍ବାର୍ ରେମ ମନ୍ଦିର୍‌ବ ପାର୍‌ତନା ଡେଡେମ୍ ପାଲାଇ ଇଗା। ମାଏନ୍ ନାନେ ମିଣ୍ଡା ସିସ୍ତୁ ଲୁଲୁରେମ୍ ମାରି ପାଲ୍ ରେମ ଦରମ୍ ବାଇ ଗୁରୁ ଡିଗା।”

ଗିତିନ୍‌ ଦରମ୍ ଗୁରୁ ଡିକନ୍ ସୁଗ ପାର୍‌ତନା ଡ଼େମ, “ଅ ଈଶ୍‌ପର୍ ନିଙ୍ଗ୍ ଆନ ଦନ୍‌ୟବାଦ୍ ବେଡନିନିଙ୍ଗ୍ ଜେ ପାଲ୍ ରେମଲେ ସୁଗ ନିଙ୍ଗ୍ ପାପ୍‌ବାଇ ଆଣ୍ଡା,ମିରିକି ମିଣ୍ଡା ଚର୍‌ନାରେମ,ମଦରମ୍‌ବାଇ, ବଲାଣ୍ଡା ବାଇ କାମ୍ ଡେଡେମ୍ ରେମ୍ ଆନ୍‌ଲ କନ୍ ସିସ୍ତୁ ଲୁଲୁରେମ୍ ସୁଗ ଆଣ୍ଡା।”

ବୁଜାୟକୁନ୍ ସୁଗ,ନିଙ୍ଗ୍ ଆଟେକ୍‌ବ ଦୁଇତର୍ ଆଙ୍ଗ୍‌ଡାଗ୍ ଡିତିଙ୍ଗ୍ ମାରି ଅରଜ୍‌ଲ କୁନ୍ ଗୁଲାଇ ଡାବୁ ମାରି ଜିନିସ୍‌ନା ଦସ୍‌ବାଗ୍ ନାନେ ମୁଇବାଗ୍ ବେତିଙ୍ଗ୍।“

ମାତର୍ ସିସ୍ତୁ ରେମ୍ ଦରମ୍ ଗୁରୁ ନାନେ ଜବର୍ ସୁଲୁଙ୍ଗ୍ ତଙ୍ଗା,ମାରି ସରଗ୍ ଗାରି ବାଗ୍‌ବ ଜୁଜୁ ପାଲାଇ ବପୁ ଆଡେମ୍‌ତ। ମାଇ ତରୋଇନା ଗିରେବ ବିଦା ବୁଗ, ମାରି ପାର୍‌ତନା ଡ଼େମ, “ଅ ଈଶ୍‌ପର୍, ନିଙ୍ଗ୍ ମୁଇ ପାପିବାଇ ରେମ,ଆନିଙ୍ଗ୍ ଆଲାଦ୍ ଡେମ୍।”

୧୦.ତୁର୍‌ଗୁ ଯୀଶୁ ସୁନ, ନିଙ୍ଗ୍ ଆନ ସତ୍ ସୁନ ନିନିଙ୍ଗ୍,ଈଶ୍‌ପର୍ ସିସ୍ତୁ ଲୁଲୁରେମ୍ ନା ପାର୍‌ତନା ଅଙ୍ଗ, ମାରି ଦରମ୍ ଗୁରୁ ନାନେ ଆମାଇ ଦରମ୍‌ବାଇ ଡସେ ଏଜ୍‌ଲ। ଜାକି ବଡପୁନ୍ ଡେମ୍‌ତ ଆମାଇ ଈଶ୍‌ପର୍ ଆଲାଦ୍ ଆଡେମ୍‌ତ,ମାତର୍ ଜା ଆତରୋଇ ଡାଉଡେମ୍‌ତ ମାଇ ଆମାଇ ସନ୍‌ମାନ୍ ଡେମ୍‌ତ।