50. ୫୦. ଯୀଶୁ ଲେଉଟ୍ସେ ଇତା
୨୦୦୦ ବରଷ୍ ନାନେ ଜବର୍ ବେଲା ଡେଙ୍ଗା ଗୁଲାଇ ଦର୍ତନିନା ଜବର୍ ନାନେ ଜବର୍ ରେମଲେ କିସ୍ଟ ଯୀଶୁନା ବାନି କବର୍ ଅଙ୍ଗ ସାଗାନି।ମଣ୍ଡଲି ଜବର୍ ଡେଙ୍ଗ୍ ଗାନି।ଯୀଶୁ ପର୍ମାନ୍ ଡ଼େମ ଜେ ମାଇ ଦର୍ତନି ନା ଡଡମବେଲା ଲେଉଟ୍ ସାବ୍ତା।ଜଦି ମାରିମାଇ ଅଇଜାକ ସାସାବ୍ ଅରଇ, ମାଇ ଆମାଇନା ପର୍ମାନ୍ ରକିଆ ଡେମ୍ତ।
ମିରିକି ନାଇ ଯୀଶୁନା ସାସାବ୍ନା ଜାଗ୍ତନାଇ,ଈଶ୍ପର୍ନା ମନଡ଼େମନି ଜେ ନାଇ ମୁଇ ପବିତ୍ର ମାରି ମାଇନା ଗୋଉରବ ଡେଡେମ୍ ନା ମୁଇ ଜିବନ୍ କାଟ୍ନାଇ।ମାଇ କନ୍ ସା ମନ୍ ଡେମ୍ନି ମିରିକି ନାଇ ମାଇନା ରାଜିନା କାତା ଆପାଲ୍ରେମଲେ ସୁଁ ନାଇ। ଯୀଶୁ ଦର୍ତନିବ ବାସାଗ୍ସେ ଡିକୁନ୍ ବେଲା ସୁନ, “ନିଙ୍ଗ୍ନା ଶିଷ୍ଲେ ଈଶ୍ପର୍ନ୍ ରାଜିନାବାନିକବର୍ ଦର୍ତନିବ ଡିକୁନ୍ ଗୁଲାଇ ଟାନ୍ବ ପର୍ଚାର୍ ଡେମ୍ତ, ମାଇନ୍’ ତୁରଗୁ ଆକା ଯୁଗ୍ ଡମ୍ତ।
ଜବର୍ ରେମ ଜାତି ଅଇଜାକ ଯୀଶୁନା ବିଷୟ୍ ଅଁଙ୍ଗ୍ ଅରୋଇ। ମାଇ ବାଦଲ୍ ବ ଇନା ଆଗ୍ତୁ,ଜାସା ଉଣ୍ଡୋଇଲନା ବାନି କବର୍ ଅଂଙ୍ଗ ଆଡିତା ମାଏନ୍ କଣ୍ଡେ ବାନି କବର୍ ସୁସୁଁ ପାଲାଇ ଯୀଶୁ ମାଇନା ଗୁଡାଙ୍ଗ୍ ଗାର୍ ଆ ଇନ୍ଆରେମଲେ ସୁନ। ମାଇ ସୁନ,ପେଲେ ଇଗ୍ସେ ଗୁଲାଇ ଜାତିନ୍ ଆରେମଲେନ୍ ବ ଶିଷ୍ ଡେମ୍!”ମାସାଡନା “ ଲିଙ୍ଗ୍ ନା ଗୁଲାଇ ତାସ୍ ଗଗସା ବୁଲୁଇଗା !”
ଯୀଶୁ ମାର୍ମୁସ ସୁନ, “ଗତିରେମ୍ ସାଉକାର୍ ନାନେ ମୁନା ଆଣ୍ଡା।କନ୍ ଦର୍ତନିନା ଅଦିକାରିଲେ ମିର୍କି ଆନିଙ୍ଗ୍ ଗୁର୍ନା ଡେମ୍ତ,ସତ୍ ଡିତିନ୍ ସୁଗ ମାଏଲେ ନିଙ୍ଗ୍ ପାଲାଇ ଆପେଲେ ଦୁକ୍ ନିନ୍ଦାଡ଼େମସେ ଅଡାବ୍ତ। ଯଦି ମାରି କନ୍ ଦର୍ତନିବ ଫେଲେ ଦୁକ୍ କସ୍ଟ ଡେନ୍ତ୍ ପେ,ବପୁ ଡେମା ମାସାଡନା ଆଦର୍ତନି ଶାସନ୍ ଡେଡେମ୍ ନା ଆସଇତାନ୍ ନିଙ୍ଗ୍ ଜିତ୍ଗିତିଙ୍ଗ୍। ପେଲେ ଯଦି ଡଡମ୍ ଜାକ ନିଙ୍ଗ୍ ବ ବିସ୍ବାସ୍ ଡିତ୍ପେ ଡିତିନ୍ ଲ ଈଶ୍ପର୍ ଆପେଲେ ରକିଆ ଡେମ୍ତ!”
ଜାଦର୍ତନି ଡଡମ୍ ବେଲା ରେମଲେନ୍ ବ ମା ଘଟ୍ତା ଗିତିନ୍ ବୁଜାୟସେ ସୁସୁଁ ପାଲାଇ ଯୀଶୁ ମାଇନା ଆଶିଷ୍ଲେ ମୁଇ ଉସାରାମ୍ ସୁନ।ମାଇ ସୁନ, “ମିଣ୍ଡା ରେମ ମାଇନ୍ ଲିଙ୍ଗ୍ ବ ବାନିବାଇ ସୁମୁ ବିତ।ମାତର୍ ମାଇ ଲେମକୁନ୍ ବେଲା,ମାଇନା ଶତ୍ରୁ ସାଗ୍ସେ ଗହମ୍ ବ କିରେଙ୍ଗ୍ ବୁଟା ନା ସୁମୁ ବିଡ଼ସେ ଡୁଙ୍ଗା।”
“ଉଣ୍ଡୋଇଲ ମଜି ଗାଜା ଡେଙ୍ଗା,ଗିତିନ୍ ରେମନା ଗତିରେମ୍ ସାଗ୍ସେ ସୁନ, ‘ସାଉକାର୍ ନ ଗିତିନ୍ ଲିଙ୍ଗ୍ ବ ବାନିବାଇ ସୁମୁ ବିଡ଼ ଡିଗ୍ ନ। ଡିତିନ୍ଲୋ ଆର ମାସା କିରେଙ୍ଗ୍ ବୁଟାଲେ ତିନାଗାନି ?”’ସାଉକାର୍ ସୁନ,’ନିଙ୍ଗ୍ ନା ଶତ୍ରୁ ଆକା କନ୍ ଡେଡେମ୍ ସା ମନ୍ ଡେମ୍ତ।ନିଙ୍ଗ୍ ନା ଜାସା ମିଣ୍ଡା ଶତ୍ରୁ ଆକା କନ୍ ଡ଼େମତା।”
“ଗତିରେମ୍ ମାଏନ୍ ଆ ସାଉକାର୍ ସୁନ,’ନାଇ ମା କିରେଙ୍ଗ୍ ବୁଟାଲେ ଜିକ୍ ନାଇ?” ସାଉକାର୍ ସୁନ, ‘ଆଣ୍ଡା। ଯଦି ପେ ଗିତିନ୍ ଡେମ୍ତପେ,ଗିତିନ୍ ବେରଙ୍ଗ୍ ପେ ଗହମ୍ ଲନା ଜିକ୍ଲସୁଙ୍ଗ୍ ତପେ। ତାସ୍ ବୁଲୁବାର୍ ଜାକ ଜାଗ୍,କିରେଙ୍ଗ୍ ବୁଟାଲେ ଅଗେବ୍ ବାର୍ ପାଲାଇ ସାଗ୍ମୁଇ ବ ଡେମ୍,ମାତର୍ ଗହମ୍ ତାସ୍ଲେ ନିଙ୍ଗ୍ନା ମଢୋଇବ ରୁଙ୍ଗ୍।”’
ଶିଷ୍ଲେ ଗିତିନ୍ ଉସାରାମ୍ ନା ଅରତ୍ ବୁଜ୍ବାର୍ ଆଗଙ୍ଗା,ଗିତିନ୍ସା ମାଏଲେ ଗିତିନ୍ ବୁଜାୟ ବେବେ ପାଲାଇ ଆଯୀଶୁ ସୁନ। ଯୀଶୁ ସୁନ, “ଆର୍ନା ରେମ ବାନିବାଇ ସୁମୁ ବିଢ ମାଇ କିସ୍ଟ ସୁଗ। ଲିଙ୍ଗ୍ ଡେଙ୍ଗାନି ଦର୍ତନି। ବାନିବାଇ ସୁମୁ ଇଶ୍ପର୍ ରାଜିନା ଆରେମଲେ ବୁଜାଇତ।”
“କିରେଙ୍ଗ୍ ବୁଟାଲେ ଶଇତାନ୍ ନା ଆରେମଲେ ବୁଜାଇ୍ ତ। ଆର୍ନା ଶତ୍ରୁ କିରେଙ୍ଗ୍ ବୁଟାଲେ ବିଢ ମାଇ ଡେଙ୍ଗାନି ଶଇତାନ୍। ତାସ୍ ଗଗନା ଡେଙ୍ଗାନି ଦର୍ତନିନା ଡଡମ୍ ମାରି ଅଇକେର୍ ରେମ୍ ଡେଙ୍ଗାନି ଈଶ୍ପର୍ନା ଦୁତ୍ଲେ।“
ଉଣ୍ଡୋଇଲ ଦର୍ତନି ଡମ୍ତ,ଅଇତିନ୍ଲୋ ଦୁତ୍ଲେ ଶଇତାନ୍ନା ଆରେମଲେ ସାଗ୍ମୁଇବ ଡେମ୍ତ ମାରି ଡୋ’କୁନ୍ ସୁଙ୍ଗବ ପାକାୟବେତ । ଆର ମାଏଲେ ଜବର୍ କସ୍ଟ ଡେଙ୍ଗ୍ସେ ଉଗ୍ତା ମାରି ଗିନେ କାତର୍ତ। ମାତର୍ ଅଇତିନ୍ଲୋ ଦରମ୍ବାଇ ରେମ୍ ଜାଜାଲେ ଯୀଶୁନା ଗୁଡାଙ୍ଗ୍ ଗାର୍ ଇଗିତା,ମାଏନ୍ ବା ଈଶ୍ପର୍ନା ରାଜି ମାତର୍ ଅଇତିନ୍ଲୋ ଦରମ୍ବାଇ ରେମ୍ ଜାଜାଲେ ଯୀଶୁନା ଗୁଡାଙ୍ଗ୍ ଗାର୍ ଇଗିତା,ମାଏନ୍ ବା ଈଶ୍ପର୍ନା ରାଜି ବ ସିଁ ସୁଗ ତାରାଗ୍ ଇତା।”
ଯୀଶୁ ମାର୍ଲନା ସୁନ ଜେ,ଦର୍ତନି ଡଡମ୍ ନା ଆଗ୍ତୁ ମାଇ ଦର୍ତନିବ ଲେଉଟ୍ ସାତା। ମାଇ ମିରି ସରଗ୍ ବ ଇଡିଗା, ମାଇ ସତ୍ ଡିତିନ୍ ସୁଗ ଦର୍ତନିବ ଲେଉଟ୍ ସାତା। ମାଇନ ମୁଇ ଆଗ୍ତୁନ୍ ଗାଗଡ୍ ଡିତା ମାରି ବାଦଲ୍ ବ ବାଦଲ୍ ଡାବ୍ଲକୁନ୍ ବେରଙ୍ଗ୍ ସାବ୍ତା। ଯୀଶୁ ଉଣ୍ଡୋଇଲ ଲେଉଟ୍ତା,ମାଇନା ଗୁଲାଇ ରେମ ଆମାଇ ବିସ୍ବାସ୍ ଡ଼େମକୁନ୍ ରେମ୍ ଜାଜା ଗୋଇଡିତା,ମାଏଲେ ଗୋଇକୁନ୍ ନାନେ ତଗ୍ଡାଗ୍ତା ମାରି ଆମାଇ ବାଦଲ୍ ବ ମିସ୍ତା।
ମାଇନା ତୁର୍ଗୁ ଆର୍ନା କିସ୍ଟ ନା ରେମଲେ ଦର୍ତନିବ ଜିବନ୍ ଡିତା ମାଏଲେ କିସ୍ଟାନ୍ ରେମଲେବେରଙ୍ଗ୍ ମିସ୍ବାର୍ ପାଲାଇ ବାଦଲ୍ବ ଅତଗ୍ଡାଗ ରୁଙ୍ଗଇତା। ମାଏଲେ ଗୁଲାଇରେମ ଆର ଯୀଶୁନ୍ ବେରଙ୍ଗ୍ ଡିତା। ମାଇନ୍ ତୁରଗୁ ମାଏଲେ ମୁଇ ବ ଡିକୁନ୍ ପାଲାଇ ମାଏଲେ ଗୁଲାଇ ପୁରା ଶାନ୍ତିଗ୍ସେ ମୋଡଡମ୍ ନା ଦିନ୍ ଜାକ ବାସା ଡେମ୍ତ।
ଜାଜାଲେ ମାଇନ୍ ବ ବିସ୍ବାସ୍ ଡେମ୍ତ ମାଇ ଆଗୁଲାଇ ରେମ ମୁଇ ମୁଇ ମୁକୁଟ୍ ବେବେ ପାଲାଇ ଯୀଶୁ ପର୍ମାନ୍ ଡ଼େମତା। ମାଆଲେ ଈଶ୍ପର୍ନା ବେରଙ୍ଗ୍ ଗୁଲାଇ ଜାକ ନା ବାଗ୍ବ ଗୁଲାଇ କାଲ୍ ଶାସନ୍ ଡେମ୍ତ। ମାଏ ପୁରାପୁରି ଶାନ୍ତି ବାଙ୍ଗ୍ତା।
ମାତର୍ ଜାଜାଲେ ଯୀଶୁନ୍ବ ବିସାସ୍ ଆଡେମ୍ତ ଈଶ୍ପର୍ ମାଏନା ବିଚାର୍ ଡେମ୍ତ। ମାଇ ଆମାଏଲେ ନରକ୍ବ ରାପୁତ,ଆର ମାଏଲେ ଉଗ୍ତା ମାରି ଗିନେ ରେବ୍ତ ମାରି ଗୁକାଇ ବେଲା କଷ୍ଟ ବାଙ୍ଗ୍ ତା। ଡିକନା ମୁଇ ସୁଁଅ ଆର୍ନା ଉଣ୍ଡଇ ଆଲିତା ମାରି ମାଏ ଗିତିନ୍ ସୁଁଅବ ଗୁଲାଇ ବେଲା ଗେଗେବ୍ ଡ଼େନ୍ତା,ମରି କିଡାଲେ ଆମାଏ ସୁସୁମ୍ ସା ଆ ଅନ୍ତୁର୍ତ।
ଯୀଶୁ ଉଣ୍ଡଇଲ ଲେଉଟ୍ତା,ମାଏ ପୁରାପୁରି ଶଇତାନ୍ ମାରି ମାଇନା ଆରାଜି ବୁଡାୟ ସୁଁତ। ମାଇ ଆଶଇତାନ୍ ମାରି ମାପ୍ରୁନ୍ କାତା ମାନ୍ ବାର୍ ଅନ୍ ତୁରସେ ମାଇନା ଗୁଡାଙ୍ଗ୍ ଗାର୍ ଇପାଲାଇ ବାଚ୍ ଲକୁନ୍ ଆଗୁଲାଇ ରେମ ନର୍କ୍ ବ ରାପୁ ତ ଆରି ଗୁଲାଇ ଦିନ୍ପାଲାଇ ଗେଗେବ୍ ଡ଼େନ୍ତା .।
ମାସାଡନା ଆଦମ୍ ମାରି ହବା ଈଶ୍ପର୍ନା ଆଦେଶ ଆମାନ୍ବାର୍ ସା ମାରି କନ୍ ଦର୍ତନିବ ପାପ୍ ଅଗାୟ, ଗିତିନ୍ ସା ଈଶ୍ପର୍ ଆକନ୍ ଅବିସାପ୍ ବେଡ ମାରି ଆକନ୍ ବୁଡାଇବାର୍ ପାଲାଇ ବିଚାର୍ନା ଡ଼େମ। ମାତର୍ ମିସିଙ୍ଗ୍ ଈଶ୍ପର୍ ମୁଇ ତିମେ ସରଗ୍ ମାରି ତିମେ ଦର୍ତନି ଅରେଙ୍ଗ୍ ତ ଆର୍ନା କି ବାନି ମାରି ପୁରା ଡ଼େନ୍ତା।
ଯୀଶୁ ମାରି ମାଇନା ରେମଲେ ତିମେ ବାଇ ଦର୍ତନିବ ବାସା ଡେମ୍ତ, ମାରି ମାଇ ଗୁଲାଇ ବାଗ୍ବ ଗୁଲାଇ ବେଲା ଶାସନ୍ ଡେମ୍ତ। ମାଇ ଗୁଲାଇ ରେମନା ଡାଗ୍ ମ ସୁସୁଡ ବେତ। ଜା ଲସ୍ନା ଦୁକ୍ କସ୍ଟ ମାରି ମୁର୍ମୁରା ଡେଙ୍ଗ୍ ସେ ଆଡିତା। ମାଏଲେ ଆଉଗ୍ତା। ମାଏଲେ ବେମାର୍ ଅଡ଼େନ୍ତା ମାରି ଆଗୋଇତା ମାରି ଆର ମାସା କାରାପ୍ ଲନା ଆଡିତା। ଯୀଶୁ ଶାନ୍ତି ମାରି ନିଆଇ ବ ମାଇନା ରାଜିବ ଶାସନ୍ ଡେମ୍ତ ମାରି ମାଇ ମାଇନା ରେମଲେ ବେରଙ୍ଗ୍ ଗୁଲାଇ ଦିନ୍ ଡିତା।
ବାଇବଲ୍ନା ମୁଇ ଉସାରାମ୍ :ମାଥିଉ ୨୪:୨୪;୨୮:୨୮; ଯୋହନ ୧୫:୨୦,୧୬:୩୩; ପ୍ରକାଶିତ ୨:୧୦;ମାଥିଉ ୧୩:୨୪-୩୦,୩୬-୪୨;ଥେସଲନିକୀୟ ୪:୧୩-୫:୧୧;ଜାକୁବ ୧:୧୨; ମାଥିଉ ୨୨:୧୩ ପ୍ରକାଶିତ ୨୦:୧୦;୨୧:୧-୨୨:୨୧
Free to use, adapt, and share under an open license (CC BY-SA 4.0).