49. ୪୯. ଈଶ୍ପର୍ନା ତିମେ ନିୟମ୍
ମୁଇ ସରଗ୍ଦୁତ୍ ସେଲାନେ ଡିକୁନ୍ ଆମରିୟମ୍ ସୁନ,ଜେ ମାଇ ଈଶ୍ପର୍ନା ଆ ଗୁ ଜନମ୍ ବେତ। ମାଇ ଅଇ ଜାକ ସେଲାଙ୍ଗ୍ ସେ ଆକା ଡିଗା,ମାତର୍ ପବିତ୍ର ଆତ୍ମାଆମାଇ ବାଗ୍ବ ସାଗା ମାରି ମାଇ ଗାଗ୍ଡେ ଡେଙ୍ଗା। ଗିତିନ୍ସା ମାଇ ମୁଇ ଗୁ ଜନମ୍ ଡ଼େମ ମାରି ମାଇନା ଅମି ଯୀଶୁ ବେଡ। ଡନା, ଯୀଶୁ ଉମ୍ବାର ଈଶ୍ପର୍ ମାରି ରେମ ।
ଯୀଶୁ ଜବର୍ ରାଗ୍ତିଗ୍ ନା କାମ୍ଲେ ଡ଼େମ ଆର୍ନା ମାଇ ଈଶ୍ପର୍ନା ଗୁ ଡସେ ଅମାଗ୍ତ। ମାଇ ଡାଗ୍ ବାଗ୍ବ ଉରିଙ୍ଗ ମାରି ଆଉଡ଼ିଆଗ୍ ଡାଗ୍ ପୁଣ୍ଡାୟ,ଜବର୍ ଆରୋଗି ରେମ୍ ବାନି ଡ଼େମ,ରେମଲେନ୍ ନାନେ ଭୂତ୍ଲେ ଚାଡାୟ। ଆ ଗଇକୁନ୍ରେମ୍ ଜିବନ୍ ଡ଼େମ, ମାରି ୫୦୦୦ ନାନେ ଆଜବର୍ ରେମ ପାଚଟା ରୁଟି ମାରି ଉମ୍ବା ଆର୍ ଆଡ଼ଙ୍ଗ୍ ବେରଙ୍ଗ୍ ଜବର୍ ସୁଗ ଆସୁମ।
ଯୀଶୁ ମିଣ୍ଡା ମୁନାବାଇ ମାଷ୍ଟେର୍ ଲନା ଡିଗା। ମାରି ମାଗୁଲାଇ ମାଇ ଶିକିୟା ବେଡ,ମାଇ ବାନି ଶିକିଆ ବେଡ। ମା ଗୁଲାଇ ମାଇ ଶିକିଆ ବେଡ଼ତା ରେମଲେ ଗିତିନ୍ ଗୁଲଇ ମାନ୍ ବାର୍ ଦର୍କାର୍ ମାସାଡନା ମାଇ ଈଶ୍ପର୍ନା ଗୁ। ବୁଜାୟକୁନ୍ ସୁଗ, ମାଇ ଶିକିୟାବେଡ ସେ ସୁନ ଜେ ନ ମିରି ଆତରଇ ଆଲାଡ୍ ଡେମ୍ ନନ ଡିତିନା ଆପାଲ୍ ରେମ ଲନା ଆଲାଡ୍ ଡେଡେମ୍ ଦର୍କାର୍।
ମାଇ ମାରି ଲନା ଶିକିଆ ବେଡ ଜେ, ପେ ତରୋଇନା ଗୁଲାଇ ନାନେ ଜବର୍ ଆଈଶ୍ପର୍ ଆଲାଦ୍ ଡେମ୍ । ପେନ୍ ଦନ୍ ଦଲତ୍ ନାନେ ଲନା ଜବର୍।
ଯୀଶୁ ସୁନ ଜେ ଦର୍ତନିବ ଡିକୁନ୍ ମାସା କାତା ବାବାଙ୍ଗ୍ ନା ତୁର୍ଗୁ ଈଶ୍ପର୍ନା ରାଜିବ ଗାଗାଇ ନା ଜବର୍ ବାନି। ଈଶ୍ପର୍ନା ରାଜିବ ଗାଗାଇ ପାଲାଇ,ଈଶ୍ପର୍ ଆପେ ସତଇସା ପେନା ପାପ୍ ନାନେ ଉଦାର୍ ବାବାଙ୍ଗ୍ ପଡ଼ତା।
ଯୀଶୁ ସୁନ,ଇତି ରେମ ଆମାଇ ବାମ୍ତା। ମାରି ଈଶ୍ପର୍ ଆମାଏଲେ କେମା ଡେମ୍ତ।ଡେଙ୍ଗ୍ନାସା ପାଲ୍ ରେମଲେ ଆମାଇ ଆରୁଙ୍ଗ୍ତା। ମାଇ ସୁନ ଜେ ଇତି ରେମ ବାନିବାଇ ତୁବୁଗ୍ ସୁଗ। ମାସାଡନା ମାଏଲେ ଯୀଶୁନାବିଷୟ୍ ନା ବାନି କବର୍ ସବ୍ତ ମାରି ଈଶ୍ପର୍ ଆମାଏଲେ ରକିଆ ଡେମ୍ତ। ଡେଙ୍ଗ୍ନାସା ପାଲ୍ ରେମଲେ ଗାରିବନା ଆଟୁଆ ତୁବୁଗ୍ ସୁଗ। ଈଶ୍ପର୍ନା ବାକିୟ ମନ୍ଜି ସୁଗ ଗିତିନ୍ ଆଟୁଆ ବାଇ ଗାରିବ ଲଗ୍ତା ମାତର୍ ଆର ମାସା ଫଲ୍ ଆସୁହୁତା। ମାଏଲେ ଯୀଶୁ ନ୍ ବିଷୟ୍ ବାନି କବର୍ ଆରୁଙ୍ଗ୍ ତା।ମାଏଲେ ମାଇନା ରାଜିବ ଗାଗାଇ ସା ମନା ଡେମ୍ତ।
ଯୀଶୁ ଶିକିଆ ବେଡ ଜେ ଈଶ୍ପର୍ ଆପାପି ଲେ ଜବର୍ ଆଲାଦ୍ ଡେମ୍ତ। ମାଇ ଆମାଏଲେ କେମା ଡ଼େମସେ ମାଇନା ଅଁହ ଡେଡେମ୍ ପାଲାଇ ଚାଇଁତ।
ଯୀଶୁ ଆନେଲେ ମାରିଲନା ସୁନ ଜେ, ଈଶ୍ପର୍ ଆପାପ୍ ଗୁର୍ନା ଡେମ୍ତ। ମାସଡନା ଆଦମ୍ ମାରି ହବା ପାପ୍ ଡ଼େମ, ଗିତିନ୍ସା ମାଏନା ଗୁଲାଇ କୁଲ୍ରେମ୍ ଲନା ପାପ୍ ଡ଼େମ। ଗିତିନ୍ ସୁଗ ଦର୍ତନି ବନା ଗୁଲାଇ ରେମ ପାପ୍ ଡ଼େମ ମାରି ଈଶ୍ପର୍ ନାନେ ସୁଲୁଙ୍ଗ୍ ଡେଙ୍ଗ୍ ଇଗା। କନଙ୍ଗ୍ନା ସୁଗ ଗୁଲାଇ ରେମ ଈଶ୍ପର୍ନା ଶତ୍ରୁ ଡେଙ୍ଗା।
ମାତର୍ ଈଶ୍ପର୍ ଦର୍ତନିବ ଡିକୁନ୍ ଆଗୁଲାଇ ରେମ୍ ଡିକନ୍ ଆଲାଦ୍ ଡ଼େମ ଜେ ଆମୁଇ ଆ କା ଗୁ ବେଡ ମିରିକି ଜାସା ଯୀଶୁନ୍ବ ବିଶାସ୍ ଡେମ୍ତ,ଈଶ୍ପର୍ ଆମାଏଲେ ଡଣ୍ଡ୍ ଆବେତ। ମାତର୍ ମାଏଲେ ଈଶ୍ପର୍ନା ବେରଙ୍ଗ୍ ଗୁଲାଇ ଦିନ୍ ବାସା ଡେମ୍ତ।
ନ ପାପ୍ ଡ଼େମ କୁନ୍ସା ନ ଦଷି ମାରି ଗଗଇ ଦର୍କାର୍। ଈଶ୍ପର୍ ଆପେ ଡଣ୍ଡ୍ ବେତ ବେବେନା ବାନି ଡିଗା,,ମାତର୍ ଯୀଶୁ ନାଇନା ଟାନ୍ବ ପାପ୍ନା ଡଣ୍ତ ରୁଙ୍ଗା।ଈଶ୍ପର୍ ଆଯୀ୍ଉ କୁରୁଶ୍ବ ଆଗଇ ସସେ ଡଣ୍ତ୍ ବେଡେ।
ଯୀଶୁ ବୁଣ୍ଡଇସା ସା ପାପ୍ ଡ଼େମ ଆଡିତା । ମାତର୍ ମାଇ ପାପ୍ନା ଆଡଣ୍ତ,ଗୁଲାଇ ନାନେ କାରାପ୍ ମରନ୍ ସୁଗ ରୁଙ୍ଗା। ଡିକନ୍ ସୁଗ,ପେନା ମାରି ଦର୍ତନିନା ଗୁଲାଇ ରେମନ୍ ପାପ୍ ଗୁଲାଇ ନାନେ ସୁଲୁଙ୍ଗ୍ ପାଲାଇ ମୁଇ ବାନି ଆସେବ୍ କୁନ୍ ସୁଗ ଡେଙ୍ଗା। ମାସଡନା ଯୀଶୁ ଆତରଇ ଈଶ୍ପର୍ନ୍ବ ଅଗଇଗା,ଗିତିନ୍ ପାଲାଇ ଈଶ୍ପର୍,ଜାଜାଲେ ଯୀଶୁନ୍ବ ବିସ୍ବାସ୍ ଡେମ୍ତ ମଏନା ମାସା ପାପ୍,ଡିକନ୍କି ଗୁଲାଇ ନାନେ ବଇକାର୍ ପାପ୍ ଲନା କେମା ଡେମ୍ତ।
ଡେଙ୍ଗ୍ ନାସା ପେ ଜବର୍ ବାନିବାଇ କାମ୍ ଡ଼େମନ୍ ଲନା କନଙ୍ଗ୍ ବେରଙ୍ଗ୍ ଈଶ୍ପର୍ ଆପେ ରକିଆ ଡେଡେମ୍ ଆଗଙ୍ଗ୍ ତା ।ମାଇ ବେରଙ୍ଗ୍ ସାଙ୍ଗ ଡେଡେମ୍ ପାଲାଇ ପେ ତରୋଇ ମାସା କମ୍ ଡେଡେମ୍ ଆଗନ୍ତ ପେ।କନଙ୍ଗ୍ ନା ବାଦୁଲ୍,ପେ ଆଯୀଶୂ ଈଶ୍ପର୍ନା ଗୁ ଡସେ ବିସ୍ବାସ୍ ଡେଡେମ୍ ବାନି,ମାଇ ନନ୍ ବାଦୁଲ୍ କୁରୁସ୍ବ ଗଇଗିତା ମାରି ମପୁରୁ ଆମାଇ ମାର୍ମୁସ ଜିବନ୍ ଡ଼େମତା। ପେ ଯଦି କନା ବିସ୍ବାସ୍ ଡେମ୍ତପେ ଡନା ଈଶ୍ପର୍ ଆପେନା ପାପ୍ ଗୁଲାଇ କେମ ଡେମ୍ତ।
ଆର୍ନାସା ରେମ ଯୀଶୁନ୍ବ ବିସାସ୍ ଡେମ୍ତ ମାରି ପ୍ରଭୂ ସୁଗ ରୁଙ୍ଗ୍ତା,ଈଶ୍ପର୍ ଆତିନ୍ ଗୁଲାଇ ରେମ୍ ରକିଆ ଆଡେମ୍ତ। ମାତର୍ ଜେ ମାଇନ୍ ବ ଜା ବିସ୍ବାସ୍ ଆଡେମ୍ତ ମାଇ ଆମାଇ ରକିଆ ଆଡେମ୍ତ। ପେ ସାକାର୍ କି ଗରିବ୍,ଇଁଗେରେ କି ସେଲାନେ,ଡକ୍ରା କି ଇଁଗେର୍ ମାରି ଆରି ଡିତା ଆର ମାସା ଆଡ଼େନ୍ତା।ଈଶ୍ପର୍ ଆପେ ଆଲାଦ୍ ଡେମ୍ତ ମାରି ପେ ମିରି ଯୀ୍ଉନ୍ବ ବିସାସ୍ ଡ଼େମ ପେନି ମାରି ମାଇ ମିରି ପେନା ସାଙ୍ଗ ଡ଼େନ୍ତା ମାଇ କନା ଚାଇଁଲନି।
ଯୀଶୁ ଆତରଇ ମାଇନ୍ବ ବିସ୍ବାସ୍ ଡେଡେମ୍ସା ମାରି ଡୁବନ୍ ରୁରୁଙ୍ଗ୍ ପାଲାଇ ୱାଇତ। ଯୀଶୁ ଜେ କିସ୍ଟ ମାରି ଈଶ୍ପର୍ନା ମୁଇ ଡସେ ଗୁ ଗିତିନ୍ ମା ବିସ୍ବାସ୍ ଡ଼େମ ପେନି ? ପେ ମା ବିସ୍ବାସ୍ ଡ଼େମପେନି କି ଜେ ପେ ମୁଇ ପାପି ମାରି ଈଶ୍ପର୍ ନାନେ ପେ ଡଣ୍ତ୍ ବାବାଙ୍ଗ୍ ସୁଗ ? ପେ ମା ବିସାସ୍ ଡ଼େମ ପେନି ଜେ ପେନା ପାପ୍ ଡଣ୍ଡ୍ ରୁରୁଙ୍ଗ୍ ପାଲାଇ ଯୀଶୁ କୁରୁସ୍ ବାଗ୍ବ ଗଇଗା।?
ଯୀଶୁ ନଙ୍ଗ୍ ବେରଙ୍ଗ୍ ମା ଡ଼େମତା ଯଦି ଆର ନ ବିସ୍ବାସ୍ ଡ଼େମନନି, ଡିତିନ୍ଲ ନ ମିଣ୍ତା ଯୀଶୁନା ଗୁଡ଼ଙ୍ଗ୍ ଗାର୍ ଇରେମ୍ ସୁଗ! ଶୟତାନ୍ ମାରି ମାଇନା ଉୟୁଁର୍ ବାର୍ ରାଜିବ ଆନ ଶାସନ୍ ଆଡେମ୍ତ ମାତର୍ ଈଶ୍ପର୍ ମାଇନା ତାରାନା ରାଜିବ ଆନ ଶାସନ୍ ଡେମ୍ତ। ମିରିକି ନ ଆଗ୍ତୁ ଡେଡେମ୍ ଡେଙ୍ଗ୍ ନ,ଈଶ୍ପର୍ ଆନ ମାରି ଗିତିନ୍ ସୁଗ ପାପ୍ ମଡେଡେମ୍ ପାଲାଇ ବପୁ ବେଡ ତା। ମାଇ ଆନ ମୁଇ ତିମେ ମାରି ବାନିବାଇ ବୁର ବାଇନା ଗାରି ବେଡତା
ଡନା ନ ମିଣ୍ତା ଗୁଡାଙ୍ଗ ଗାର୍ ଇରେମ୍,ଡନା ଯୀଶୁ ମା ଡ଼େମତା ଗିତିନ୍ ପାଲାଇ ଈଶ୍ପର୍ ପେନା ପାପ୍ ଗୁଲାଇ କେମା ଡ଼େମତା। ଅଇକା,ନ ଈଶ୍ପର୍ନା ମୁଇ ଶତ୍ରୁ ଆଡେଙ୍ଗ୍ ସେ ମାଇନା ମିଣ୍ଡା ବାନିବାଇ ସାଙ୍ଗ ଡେଡେମ୍ ପାଲାଇ ଈଶ୍ପର୍ ଏତୁଗିତା।
ଡନା ପେ ଈଶ୍ପର୍ନା ମୁଇ ସାଙ୍ଗ ମାରି ପ୍ରଭୁ ଯୀଶୁନା ମୁଇ ଦାସ୍,ଡନା ଯୀଶୁ ଆନ ମା ଶିକିଆ ବେତ ଗିତିନ୍ ପାଲ୍ବାର୍ ପାଲାଇ ନ ଚାଇଁତନ।ଡେଙ୍ଗ୍ନାସା ନ ମିଣ୍ଡା ଯୀଶୁନ୍ ବ ଇରେମ୍,ଡେଙ୍ଗ୍ ନାସା ଆନ ଶୋଇତାନ୍ ପାପ୍ ଡେଡେମ୍ ପାଲାଇ ଲାଲାଚ୍ ଡେମ୍ତ। ମାତର୍ ଈଶ୍ପର୍ ବିସାସ୍ ଡେମ୍ତ ମାରି ମାଇ ମା ସୁନ୍ତ ଗିତିନ୍ ମାଇ ଗୁଲାଇ ବେଲା ଡେମ୍ତ। ମାଇ ସୁନନି,,ଡନା ନ ତରୋଇନା ଆପାପ୍ ଗୁଲାଇ ମାନ୍ତପେ,ମାଇ ଆନ କେମା ବେତ।ପାପ୍ ପାଲାଇ ଲାଗ୍ ବାର୍ସା ମାଇ ଆନ ବପୁ ଟାନ୍ଇ ତ।
ଈଶ୍ପର୍ ଆନ ପାର୍ତନା ଡେଡେମ୍ ପାଲାଇ ମାରି ମାଇନା ବାକିୟ୍ ପଡ଼ବାର୍ ପାଲଇ ସୁନ୍ତ।ଯୀଶୁନା ପାଲ୍ ଆଇରେମ୍ ଲେ ବେରଙ୍ଗ୍ ମାଇନା ପୁଜା ଡେଡେମ୍ ପାଲାଇ ଲନା ଆପେ ମାଇ ସୁନନି।ମାଇ ନନା ବେରଙ୍ଗ୍ ମାମା ଡ଼େମତା ଗିତିନ୍ ଆପାଲ୍ ରେମଲେ ସତଇସା ସୁନ୍ତନ। ଯଦି ପେ କନା ଗୁଲାଇ ଡେମ୍ତନ,ଡିତିନ୍ଲ ନ ଯୀଶୁନା ମୁଇ ଜବର୍ ବାନିବାଇ ସାଙ୍ଗ ଡେନ୍ତ୍ ନ।
ବାଇବଲ୍ନା ମୁଇ ଉସାରାମ୍ ୩;୨୧-୨୬;୫;୧-୧୧; ଯୋହନ ୩;୧୬; ମାର୍କ ୧୬;୧୬ କଲସୀୟ ୧;`୧୩-୧୪;୨ କରନ୍ତୀୟ ୫;୧୭-୨୧;୧ ଯୋହନ ୧;୫-୧୦
Free to use, adapt, and share under an open license (CC BY-SA 4.0).