48. ୪୮. ଯୀଶୁ ଆକା ପର୍ମାନ୍ ଡ଼େମକୁନ୍ କିସ୍ଟ
ଅଇତିନ୍ଲ ଈଶ୍ପର୍ ଆଦର୍ତନି ତିଆର୍ଡ଼େମ,ଗୁଲାଇ ଜାକ ବାନି ଡିଗା ।ଆର ମାସା ପାପ୍ ଆଡିଗା। ଆଦମ୍ ମାରି ହବା ମାଏନ୍ ମାଏନ୍ ବିତ୍ରେ ଭାଲ୍ ବାବାଙ୍ଗ୍ ଡେଙ୍ଗା। ମାରି ମାଏ ଆଈଶ୍ପର୍ ଆଲାଦ୍ ଡେଡେମ୍ ଡେଙ୍ଗା। ଅଇତିନ୍ଲ ମାସା ରୋଗ୍ ବେମାର୍ ମାରି ଗଗୋଇନା ଆଡିତା। ଦର୍ତନି ଡିକନ୍ ଆକା ଡେମେ ଡସେ ମାପ୍ରୁ ଚାଁହିବାର୍ ଡେଙ୍ଗା।
ଆହବା ନାଡାଇବାର୍ ପାଲାଇ ସଇତାନ୍ ମୁଇ ବୁବୁ ବେରଙ୍ଗ୍ କାତାସୁନ। ଗିତିନ୍ ତୁର୍ଗୁ ମାଇ ମାରି ଆଦମ୍ ଈଶ୍ପର୍ ବିରୁଦ୍ବ ପାପ୍ ଡ଼େମ। ମିରିକି ମାଏ ପାପ୍ ଡ଼େମ, ଗିତିନ୍ ପାଲାଇ ଦର୍ତନିବ ଡିକୁନ୍ ଗୁଲାଇରେମ୍ ଗୋଇଗାନି
ମିର୍କି ଆଦମ୍ ମାରି ଅବା ପାପ୍ ଡ଼େମ,କନଙ୍ଗ୍ ନାନେ ମାରି ଜବର୍ ବୋଇଁକାର ବାଇ ଘଟ୍ତା। ମାଏଲେ ଈଶ୍ପର୍ନା ସତ୍ରୁ ଡେଙ୍ଗା। କନଙ୍ଗ୍ନା ସୁଗ,ଗିତିନ୍ ଦିନ୍ ନାନେ ଜନମ୍ ଡେଙ୍ଗ୍ କୁନ୍ ଗୁଲାଇ ରେମ ପାପ୍ନା ଗୁନ୍ ଡେଙ୍ଗ୍ସେ ଜନମ୍ ରୁଙ୍ଗ୍ତା ମାରି ଈଶ୍ପର୍ନା ସତ୍ରୁ ଡ଼େନ୍ତା । ଈଶ୍ପର୍ ମାରି ରେମଲେନ୍ବ ଶାନ୍ତି ଆଡିତା। ମାତର୍ ଈଶ୍ପର୍ ଶାନ୍ତି ଡେଡେମ୍ସା ମନ୍ଡିଗା।
ଈଶ୍ପର୍ ପର୍ମାନ୍ ଡ଼େମସେ ଡ଼େମ ଜେ ହବାନା କୁଲ୍ନାନେ ଜନମ୍ ଡେଙ୍ଗ୍କୁନ୍ ମିଣ୍ଡା ସଇତାନ୍ ନା ଆବବ୍ ଚପ୍ଲ ବେତ ମାରି ସଇତାନ୍ ମାଇନା ପାଦ୍ତେଗ୍ ସୁଙ୍ଗ୍ ହବ୍ତ। କନଙ୍ଗ୍ ନା ଅରତ୍ ଡେଙ୍ଗାନି ଜେ, ସଇତାନ୍ ଆକିସ୍ଟ ଅଡାବ୍ତ,ମାତର୍ ଈଶ୍ପର୍ ଆମାଇ ଗଇକୁନ୍ ନାନେ ମାର୍ମୁସ ଅତଡ଼ାଗ୍ତ। ମାରି ଗିତିନ୍ ତୁର୍ଗୁ କିସ୍ଟ ଗୁଲାଇଦିନ୍ ପାଲାଇ ସଇତାନ୍ ନା ଆବପୁ ନସ୍ଟ ଡେମ୍ତ। ଜବର୍ ବରଷ୍ ତୁର୍ଗୁ, ଈଶ୍ପର୍ ଅମାଗ ଜେ ଯୀଶୁ ଆକା ଗିତିନ୍ କିସ୍ଟ
ଈଶ୍ପର୍ ଆନୋହ ମାରି ଆମାଏନ୍ ଡିଅନ୍ରେମ୍ ମାଇ ବେଟାୟକୁନ୍ ଉଡିଆଗ୍ ଡାଗ୍ ନାନେ ରକିଅ ଡେଡେମ୍ ପାଲାଇ ମୁଇ ଡ଼ଙ୍ଗା ତିଆର୍ଡେଡେମ୍ ପାଲଇ ସୁନ। ଗିତିନ୍ ସୁଗ ଈଶ୍ପର୍ ମାଏନ୍ବ ବିସାସ୍ ଡ଼େମକୁନ୍ ଆରେମଲେ ରକିଆ ଡ଼େମ। ସତ୍ ଗିତିନ୍ସୁଗ,ଗୁଲାଇ ରେମ ତରଇ ତରଇ ପାଲାଇ ଇଶ୍ପର୍ ବେରଙ୍ଗ୍ ବୁଡ୍ଇନା ସୁଗ ଡିଗା। ମାରି ଜା ଜାଲେ ବିସାସ୍ ଡ଼େମ ମାଇ ଆଗୁଲାଇ ରେମ ରକିଆ ଡେଡେମ୍ ପାଲାଇ ଈଶ୍ପର୍ ଆଯୀଶୁ ବେଟାୟ।
ପୁଜାରିଲେ ଜବର୍ ବରସ୍ ସବସେ ଈଶ୍ପର୍ନ୍ସା ସେସେବ୍ଡେଙ୍ଗା। କନା ଅମାଗ୍ ତ ଜେ ରେମଲେ ପାପ୍ ଡ଼େମତା ମାରି ମାଏଲେ ଈଶ୍ପର୍ନା ଦଣ୍ତ ବାବାଙ୍ଗ୍ ସୁଗା ଡିତା। ମାରି ଗିତିନ୍ ଗୁଲାଇ ସେବକୁନ୍ ମାଏନା ପାପ ଗୁଲାଇ କେମା ଡେଡେମ୍ ଆଗଙ୍ଗ୍ ତା। ମା ପୁଜାରିଲେ ଡେଡେମ୍ ଗଙ୍ଗ୍ ଆଡିତା,ଗିତିନ୍ ଯୀଶୁ ଡ଼େମ। ମାଇ ଗୁଲାଇ ରେମନ୍ ପାପ୍ ନା କେମା ପାଲାଇ ଅସେବ୍ଗା। ମାଇ ନାଇନା ପାପ୍ ନା ଆଡଣ୍ତ ଗୁଲାଇ ତରଇ ଡନ। କନା ପାଲାଇ ମାଇ ମୁନା ପୁଜାରି ଡେଙ୍ଗିତା।
ଈଶ୍ପର୍ ଆ ଆବ୍ରାହମ୍ ସୁନ,“ନେ ପେନ୍ ବେରଙ୍ଗ୍ ଡର୍ତନି ବନା ଗୁଲାଇ ଆଜାତି ଆଶିର୍ବାଦ୍ ଡେମ୍ତନେ।” ଯୀଶୁ ଆବ୍ରାହମ୍ ଲେନା ମିଣ୍ଡା କୁଲ୍ରେମ୍ ଡିଗା। ଈଶ୍ପର୍ ଆ ଆବ୍ରାହମ୍ ବେଡେସେ ଆଗୁଲାଇ ଜାତି ଆଶିର୍ବାଦ୍ ଡେମ୍ତ,ମାସାଡନା ଈଶ୍ପର୍ ଯୀଶୁନା ଅମିବ ବିସ୍ବସ୍ ଡେଡେମ୍ନା ଗୁଲଇ ପାପ୍ ନାନେ ରକିଆ ଡେମ୍ତ,ମାରି ମାଇ ଆଗୁଲାଇ ଆବ୍ରାହମ୍ ନା କୁଲ୍ ରେମ୍ବ ସୁଗ ଡ଼େମତା।
ଈଶ୍ପର୍ନା ଆ ଆବ୍ରାହମ୍ ମାଇନଅ ଗୁ,ଆଇଶାକ୍ ମାଇନ୍ବ ସେସେବ୍ ପାଲାଇ ସୁନ। ମାରି ମାଇନା ଗୁ ଆଇସାକ୍ ସେବ୍ନା ବାଦୁଲ୍ ଈଶ୍ପର୍ ମୁଇ ମେଣ୍ଡା ଟାନ୍ୟ। ନାଇ ଗୁଲାଇ ନାଇନା ପାପ୍ ପାଲାଇ ଗଗଇସୁଗ ଡିତ୍ନାଇ!ମାତର୍ ଈଶ୍ପର୍ ଆଯୀଶୁ ନଇନା ଟାନ୍ବ ମୁଇ ସେସେବ୍ ସୁଗ ଗଗଇ ପାଲାଇ ବେଡ। ମାରି ଗିତିନ୍ ପାଲାଇ ନାଇ ଆ ଯୀଶୁ ମାପୁନା ମେଣ୍ଡା ହଁଅ ଡସେ ସୁନ୍ତ ନାଇ।
ଈଶ୍ପର୍ ଉଣ୍ତଇଲ ମିଶର୍ବ ଡ଼ଡ଼ମ୍ ରୋଗ୍ ବେଟାୟ,ମାଇ ଗୁଲାଇ ଇସ୍ରାଏଲୀୟନା ଅ ଡିଆନ୍ ରେମ୍ ମୁଇ ମୁଇ ଆ ମେଣ୍ଡା ରୁଙ୍ଗସେ ସେସେବ୍ ପାଲାଇ ସୁନ। ଗିତିନ୍ ମେଣ୍ଡାବ ମାସା ଡୋଷ୍ ମ ଡିକୁ ଦର୍କାର୍। ମାଇନା ତୁର୍ଗୁ ମାଏ ମାଏନା ଦୁଆର୍ ବୁନ୍ଦ୍ ବାଗ୍ବ ଗିତିନ୍ ମେଣ୍ଡାନା ବନି ଲାଗାଇ ବାର୍ ଡିଗା। ଈଶ୍ପର୍ ଉଣ୍ଡଇଲ ବନି ଜୁଲ,ମାଇ ମାଏନା ଆଡିଅଲେ ଅନ୍ତୁର ମାରି ମାଏନା ଆଗ୍ତୁ ଜନମ୍ ଡ଼େମକୁନ୍ ଆଗୁଲେ ଆ ଅଡାବ୍ ତ। ଈଶ୍ପର୍ନା ଆକନ୍ ଘଟ୍ନା ନିସ୍ତାର୍ ପରବ୍ ସୁନ।
ଯୀଶୁ ନାଇନା ନିସ୍ତାର୍ ପରବ୍ ନା ମେଣ୍ଡା।ମାଇ ଉଣ୍ଡଇ ଲନା ପାପ୍ ଆଡେମ୍ ତ, ଗିତିନ୍ସା ମାଇନ୍ବ ମାସା ଡସ୍ ଆଡିତା।ନିସ୍ତାର୍ ପରବ୍ ଲ ଆକା ଆମାଇ ଅଗଇସ ଡିଗା। ଉଣ୍ଡଇଲ ଜାସା ରେମ ଯୀଶୁନ୍ ବ ବିସ୍ବାସ୍ ଡେମ୍ତ, ଡିତିନ୍ଲୋ ଯୀଶୁନ୍ ବନି ଗିତିନ୍ ରେମନା ଆପାପ୍ ଗୁଡିୟାଗ୍ତ । ମାରି ସତୟ ମିରିକି ଈଶ୍ପର୍ ଆତିନ୍ ରେମ ଡଣ୍ଡ୍ ନାନେ ରକିଆ ଡ଼େମତା,ମାସାଡନା ମାଇ ଆମାଇଡଣ୍ଡ୍ ଆବେତ।
ଈଶ୍ପର୍ ଇସ୍ରାଏଲିୟଲେ ବେରଙ୍ଗ୍ ମୁଇ ନିୟମ୍ ଡ଼େମ,ମାସାଡନା ମାଏଲେ ମାଇନା ବାଚ୍ଲକୁନ୍ ରେମ ଡିଗା। ମାତର୍ ଅଇ ଈଶ୍ପର୍ ଗୁଲାଇ ରେମ ପାଲାଇ ମୁଇ ତିମେବାଇ ନିୟମ୍ ଡ଼େମତା। କନ୍ ତିମେ ନିୟମ୍ ବେରଙ୍ଗ୍, ଆର୍ନାସା ରେମଜାତିନା ଆର୍ ନାସା ରେମ ଆକନ୍ ତିମେ ବାଇ ନିୟମ୍ ମାନ୍ସେ ଯୀଶୁନ୍ ବ ବିସ୍ବାସ୍ ଡେଡେମ୍ସା, ମାଇ ଈଶ୍ପର୍ନା ରେମଲେନା ମୁଇ ଇଶ୍ପର୍ ରେମ ଡ଼େନ୍ତା।
ମୋଶା ମିଣ୍ଡା ମୁନା ବାବବାଦି ଡିଗା ଜାକି ଈଶ୍ପର୍ନା କାତା ବପୁଗ୍ସେ ସୁସୁ ଡେଙ୍ଗା। ମାତର୍ ଯୀଶୁ ଗୁଲାଇ ବାବବାଦିଲେ ନାନେ ଜବର୍ ମୁନା ବାଇ। ମାଇ ଈଶ୍ପର୍,ଗିନ୍ସା ମାଇ ମାମାଡ଼େମ ମାରି ସୁନ ଗିତିନ୍ ଈଶ୍ପର୍ନା କାମ୍ ମାରି ଈଶ୍ପର୍ନା କାତା ଡିଗା। କନଙ୍ଗ୍ସା ସାସ୍ତର୍ ଆଯୀଶୁ ଈଶ୍ପର୍ନା ବାକିୟ ଡସେ ସୁନ୍ତ।
ଈଶ୍ପର୍ ରାଜା ଆଦାଉଦ ପର୍ମାନ୍ ଡ଼େମ ସୁନ ଜେ ମାଇନା କୁଲ୍ରେମ ନାନେ ମିଣ୍ଡା ଈଶ୍ପର୍ନା ରେମଲେନ୍ ବାଗ୍ବ ଗୁଲାଇ ବେଲା ଜାକ ଶାସନ୍ ଡେନ୍ତ। ଯୀଶୁ ଈଶ୍ପର୍ନା ଗୁ ମାରି କିସ୍ଟ,ମାଇ ଦାଉଦନା କୁଲ୍ରେମ୍ ଜା ଗୁଲାଇ ବେଲେ ଜାକ ଶାସନ୍ ଡେମ୍ତ।
ଦାଉଦ ଇସ୍ରାଏଲ୍ନା ରାଜା ଡିଗା,ମାତର୍ ଯୀଶୁ ଜୁଲାଇ ଦର୍ତନିନା ରାଜା!ମାଇ ମାରିମୁସ ସାବ୍ତା ମାରି ନିଆଇ ଶାନ୍ତିବେରଙ୍ଗ୍ ଗୁଲାଇ ବେଲ ଜାକ ଶାସନ୍ ଡେମ୍ତ।
ବାଇବଲ୍ନା ମୁଇ ଉସାରାମ୍ :ଆଦି ପୁସ୍ତକ ୧-୩,୬,୧୪,୨୨ଜାତ୍ରା ୧୨,`୨୦;ଶାମୁୟେଲ୍ ୭;ଏବ୍ରୀ ୩:୧-୬:୪:୧୪-୫:୫:୧୦
Free to use, adapt, and share under an open license (CC BY-SA 4.0).