6. ୬. ଈଶ୍ପର୍ ଈଶାକ୍ ପାଲାଇ ଟାନ୍ଇତ
ଉଣ୍ଡୋଇଲ ଆବ୍ରାହାମ୍ ଜବର୍ ଡକରା ଡେଙ୍ଗ୍ ଇଗା, ମାଇନା ଗୁ ଈଶାକ୍ ଇଙ୍ଗେର୍ଗା। ଆତିନେ ଆବ୍ରାହାମ୍ ମାଇନା ମିଣ୍ଡା ଆଗତିରେମ୍ ଆରାମ୍ ଦେଶ୍ବ ବେଟାୟ, ଆର୍କି ମାଇନା ରେମଗନ୍ ଡିକୁ ଡେଙ୍ଗା। ଗିତିନ୍ ଦେଶ୍ ନାନେ ମୁୟଙ୍ଗ୍ ସେଲାନେ ମାଇନା ଗୁ, ଈଶାକ୍ ପାଲାଇ ରୁରୁଙ୍ଗ୍ ସା ସୁନ।
ଜବର୍ ସୁଲୁଙ୍ଗ୍ ଉରିଙ୍ଗ କୁନ୍ ତୁର୍ଗୁ, ଆବ୍ରାହାମ୍ନା ଗତିରେମ୍ ଗିତିନ୍ ଆରାମ୍ ଦେଶ୍ବ ଇଗା, ଆର ମାଏନା ରେମାଲେ ଡିକୁଡେଙ୍ଗା। ଈଶ୍ପର୍ ଆତିନ୍ ଗତିରେମ୍ ସାଇଜ ଡ଼େମ ମିରିକି ମାଈ ରିବିକା ବେରଙ୍ଗ୍ ମିଶିବାର୍ ଗଙ୍ଗ୍ତା। ଗିତିନ୍ ରିବିକା ଆବ୍ରାହାମ୍ନା ବିଆଙ୍ଗ୍ନା ଇଗ୍ଲେ ଅହଁ ଡିଗା।
ରିବିକା ମାଇନା ଆଡିଅନ୍ରେମ୍ ଅନ୍ତୁର ମାରି ଗିତିନ୍ ଗତିରେମ୍ ବେରଙ୍ଗ୍ ଈଶାକ୍ନା ଡିଅବ ଈପାଲାଇ ମନ୍ ଡ଼େମ। ଉଣ୍ତୋଇଲ ରିବିକା କେଟ୍ଗା ଅଇତିନ୍ଲ ଈଶାକ୍ ଆରିବିକା ବିବା ଡେଙ୍ଗା।
ଜବର୍ ବେଲା ତୁର୍ଗୁ, ଆବ୍ରାହାମ୍ ଗୋଇଗା। ଆତିନେ ଈଶ୍ପର୍ ଆବ୍ରାହାମ୍ ନା ଗୁ ଆଈଶାକ୍ ଆଶିର୍ବାଦ୍ ବେଡ଼, ମାସାଡନା ଈଶ୍ପର୍ ଆବ୍ରାହାମ୍ ବେରଙ୍ଗ୍ ମୁଇ ନିୟମ୍ ଡ଼େମ ଡିଗା। ଗିତିନ୍ ନାନେ ମୁଇ ପର୍ମାନ୍ ଡେଙ୍ଗା ଅବ୍ରାହାମ ନା କୁଲ ରେମଲେ ଏଜ୍ବାର୍ ମ ଗଗଙ୍ଗ୍ ସୁଗ ଡ଼େନ୍ତା। ମାତର୍ ଈଶାକ୍ ନା କୁନି, ଆ ରିବିକା, ମାସା ଗୁ ଆଡିତା।
ଈଶାକ୍ ରିବିକା ପାଲାଇ ପାର୍ତନା ଡ଼େମ, ମାରି ଈଶ୍ପର୍ ଆରିବିକା ଜଙ୍ଗ୍ଲା ଅଁହ ନା ଗାଗ୍ଡେ ଡେଡେମ୍ସା ଆଶିର୍ବାଦ୍ ଡ଼େମ। ଗିତିନ୍ ଜଙ୍ଗ୍ଲା ଅଁ ଅଁ ମାଏନ୍ ମାଏନ୍ ଭିତ୍ରେ ରିମ ଉଣ୍ଡୋଇଲ ମାଏ ରିବିକାନା ସୁଲଇବ ଡିଗା। ଆତିନେ ରିବିକା “କନ୍ ମା ଡେଙ୍ଗାନି ” ଡସେ ଆଈଶ୍ପର୍ ପାଚାର୍ଲ।
ଈଶ୍ପର୍ ଆ ରିବିକା ସୁନ, “ନ ଉମ୍ବାର୍ ଗୁ ଜନମ୍ ବେତନ। ମାଏନା କୁଲ ରେମଲେ ଉମ୍ବାର୍ ମୁନା ଦେଶ୍ ତିଆର୍ ଡ଼େମ୍ତ। ମାଏ ତରୋଇ ତରୋଇ ନା ଭିତ୍ରେ ରିମ୍ତ, ମାତର୍ ନନା ମୁନା ଗୁନା ଦେଶ୍ନା ରେମ୍ଲେ ଡାଉ ଗୁ ଦେଶ୍ନା ରେମଲେନ୍ ଆଦେଶ୍ ମାନ୍ତ।“
ଉଣ୍ଡୋଇଲ ରିବିକା ନା ଗୁଲେ ଜନମ୍ ଡେଙ୍ଗା, ମାଇନା ମୁନା ଗୁ ନା ଅମି ଏଷୌ ବେଡ଼, ଗିତିନ୍ ଏଷୌ ଯୁଜୁସା ରଙ୍ଗ୍ ସୁଗ ମାରି ଗାଗଡ୍ ବ ସେଣ୍ଡିଲେ ତୁର୍ ଡିଗା। ମାଇନା ତୁର୍ଗୁ ଡାଉ ଗୁ ଜାକି ଏଷୌନା ପାଦ୍ ତେଗ୍ଶୁଙ୍ଗ୍ ସବ ସେ ଜନମ୍ ଡେଙ୍ଗା,ମାରି ମାଏ ଆମାଇ ଜାକୁବ ଅମି ବେଡ଼।
ବାଇବଲ୍ ନା ମୁଇ ଉସାରାମ୍ : ଆଦିପୁସ୍ତକ ୨୪:୧-୨୫:୨୬
Free to use, adapt, and share under an open license (CC BY-SA 4.0).