34. ૩૪. ઇસુ બઈ વારતા સખાયતા

એનીને ઓનીકે સરગ જે રાજ જી કેતરીક વારતાઉ સોણાયા. આખાણી રીતા, “સરગ જો રાજ રાઈ જે ડાણે જેડો આય, જેં કે હકડો માડુ ખણી ને પેન્ઢ જે ખેતર મેં પોંખેતો.આંઈ બોજોતા કે રાઈ જો ડાણો બ્યે મડે બેજ કના નેન્ઢો વે તો.”

“પણ જડે રાઈ જો ડાણો ઓગેતો, ત ઉ ભગીચે મેં જે મડે જાડ મેં મણી નું વડો જાડ ભની વનેતો. એતરો વડો કે પંખી અચી ને એનજી ડારીઉ મથે વીએતા.”

ઇસુ હકડી બઈ વારતા સોણાયા, “સરગ જો રાજ હકડે એડે ખમીર જેડો આય કે જેં કે હકડી બાઈમાડુ માની જે લેખ અટે મેં ગોયતી કે ઉ સજે અટે મેં મલી વ્યો.

સરગ જો રાજ હકડે એડે ખજાને જેડો આય કે જેં કે હકડે માડુ કે જુડેતો ને ઉ ખેતર મેં લકાય છડે. બ્યે માડુ કે હી ખજાનો મલ્યો ને ઉ વરી એનકે ડટી છડે, ઉ એતરો મડે રાજી થઇ વ્યો કે ઈ વની ને એન વટે જકો વો ઈ વેકણી છડે ને ઉ ધન સે ઈ ખેતર વકાંધો ગની ગને.”

“ઈશ્વર જો રાજ કીંમતી લાટમ લાટ મોતી જેડો આય. જડે વેપારી કે હી મોતી જોડેતો તડે ઉ વેકાન્ધો ગને લા ઈ વની ને પેન્ઢ જો મડે વેકણી છડે.”

પોય ઇસુ જ કો પેન્ઢ જે ખાસે કમ તે ભરોસો રખધા વા ને બ્યે કે હલકા મનધા વા એડા કેતરાક કે વારતા સોણાયા ઓનીને ચ્યા, “બ માડું મન્ધીર મેં પ્રાર્થના કરે લા વ્યા. એનમેં નું હેકડો જકાત ઓગરાય વારો, ને બ્યો ધારમીક યાજક વો.”

“ધારમીક યાજક એન પરમાણે પ્રાર્થના કેઈ કે, ‘ઈશ્વર આંજો આભાર, કે આંઉ બ્યે જેડો તીં જ હી જકાત ઓગરાય વારે જેડો પાપી ન અયાં – લુંટારો, અન્યાયી, વેભીચારી.

ધાખલે વારી, આંઉ અઠવારીએ મેં બ ફેરા ઓપા કરીઆંતો ને મુંજે મડે ધન ને માલ જો ડો ટકા ડીઆંતો.

ઉ જકાત ઓગરાય વારો માડુ યાજક નું છેટો ઓભો રયો, ને અંખ મથે ખણી ને નેરે પણ ન. પણ ઈ પેન્ઢ જી છાતી કોટે ને પ્રાર્થના કેઈ, ‘ઈશ્વર, કેરપા કેઈ ને મું મથે ડયા ક્યો કોજે આંઉ હેકડો પાપી અયાં.”

પોય ઇસુ ચ્યાં “આંઉ તોકે ચાંતો કે, ઈશ્વર ઉ જકાત ઓગરાય વારે જી પ્રાર્થના સોયે ને એન કે ન્યાયી જાએર ક્યા. પણ એનીકે ધાર્મીક યાજક જી પ્રાર્થના ખાસી ન લગી. જકો અભીમાની આય એડે મણી કે ઈશ્વર નમ્ર કેન્ધા, ને જકો પેન્ઢ કે નમ્ર કરીએતા એનકે મોભે વારા કેન્ધા.”