Nangisabet ti Dios iti Asawa ni Isaac

Naan-anayen a baro ni Isaac ket lakay metten ni Abraham idi imbagana iti adipen nga agsubli iti ili a naggapuan ni Abraham ken pagnanaedan dagiti kabagianna tapno makabirok iti asawaen iti anakna a ni Isaac.

Kalpasan iti atiddog unay a panagdaliasat iti adipen, nadanonna iti pagnanaedan dagiti kabagian ni Abraham. Inturong iti Dios ti adipen kenni Rebeka. Ni Rebeka ket apuko iti kabsat ni Abraham.

Immanamong ni Rebekah a panawanna ti pamiliana ket sumurot iti adipen a mapan iti balay ni Isaac. Dagus nga inasawa ni Isaac ni Rebeka.

Kalpasan iti adu a panawen, natay ni Abram, amin dagiti karkari nga imbaga iti Dios kenkuana ket naited ken ni Isaac. Daytoy ti kari iti Dios, maaddaan iti adu a kaputotan ni Abraham. No pay kasta, saan a naaddaaan iti anak ni Rebeka nga asawa ni Isaac.

Nagkararag ngarud ni Isaac maipa-ay kenni Rebeka ket pinalubusan iti Dios a nagsikog iti singin. Kanayon nga aggubgubal dagitoy dua a maladaga uray idi addada pay laeng iti uneg iti tian ni Rebeka. Sinaludsod ni Rebeka iti Dios no ania ti mapaspasamak.

Imbaga iti Dios kenni Rebeka, "Dua a puli ti maadda manipud kadagiti dua nga annakmo a lallaki nga adda pay laeng dita tianmo. Aggubgubalda a dua ket pagserbianto diay in-inauna nga anak diay ub-ubing."

Idi maipasngay dagiti annak ni Rebeka, lumabbaga ken barbonan ti inauna nga anak a rimuar ket pinanagananda iti Esau. Simmaruno met ti ub-ubing nga anak a rimuar nga ig-iggemanna ti mukod ni Esau ket pinanagananda iti Jacob.