1. ଗାଡ଼ି ଆତାଇ
Listen to this story Audio file · 4.4 MB
The words of this recording are below, in Kuvi.
୩. ବାରେ ଗାଡ଼ି କିତାଇ ଇଲେହେଁ ଆତେ । ଶ ଦିନାତା ମାହାପୁରୁ ଲାକପୁରୁ ଅଡ଼େ ଦାର୍ତି ଅଡ଼େ ଏଦାଆଁ ତି ବାରେ ଗାଡ଼ି କିତେସି । ମାହାପୁରୁ ଗାଡ଼ି କିତି ଡାୟୁ ଦାର୍ତି ଆନ୍ଦେରି ଅଡ଼େ ୱାର୍ଆଇ ମାଚେ । ଏନାଇଜିକେଏ ଗାଡ଼ି କିୱି ଆହାଲାଃତେ । ଅଡ଼େ ମାହାପୁରୁତି ଜିୱୁ ଏୟୁ ଲାକ ମାଚେ ।
ଏଦାଁ ଜେଚ ମାହାପୁରୁ ଏଲେ ଇଚେସି, ଉଜେଡ଼ି ଆପେ । ଏମ୍ବାଟିଏ ଉଜେଡ଼ି ଆତେ । ମାହାପୁରୁ ଉଜେଡ଼ି ଇଁ ମେସ୍ତେସି ଅଡ଼େ ଏଦାଆଁ ଦିନା ଇଚେସି । ଏୱାସି ଇ ଆନ୍ଦେରି ଟିଏ ଏଟ୍କା ଆମିନାଇ, ଏଦାଆଁ ଏୱାସି ଏଲେ ଇଚେସି ଲାଆଁ । ମାହାପୁରୁ ଗାଡ଼ିକିନି ମାଟ୍ନି ଦିନାତା ଉଜେଡ଼ି ଗାଡ଼ି କିତେସି ।
ଗାଡ଼ିକିନି ରି ଦିନାତା ମାହାପୁରୁ ଦାର୍ତି ଲାକ ହାଗୁ ଆହାଲି ଏଲେ ଇଚେସି । ଏୱାସି ଏୟୁ ଡ଼କି ଟିଏ ଏୟୁ ଲାକଇଁ ଏଟ୍କା କିହାଲିଏ ହାଗୁ ଗାଡ଼ି କିତେସି ।
ତିନି ଦିନାତା ମାହାପୁରୁ ଏଲେଇଚେସି ଅଡ଼େ ୱାୟିତି ବୁମିଟି ଏୟୁଇଁ ଏଟ୍କା କିତେସି । ଏୱାସି ୱାଇତି ବୁମିଇଁ “ଦାର୍ତି” ଇଚେସି ଅଡ଼େ ଏୱାସି ଏୟୁଇଁ “ସାମଦୁର୍” ଇଚେସି । ମାହାପୁରୁ ମେସ୍ତେସି ଏମିନାଣି ଗାଡ଼ି କିହାମାଚେସି ଏଦି ବେସି ନେହି ମାଚେ ।
ଏଦାଆଁ ଜେଚ ମାହାପୁରୁ ଏଲେଇଚେସି “ଦାର୍ତିତା ବାରେ ମସ୍ତରତି ମାର୍କାଁ ଅଡ଼େ ଜାଡ଼ା ଗାଡ଼ି ଆପେ । ଅଡ଼େ ଏଲେକିଁଏ ଆତେ । ମାହାପୁରୁ ମେସ୍ତେସି ଏୱାସି ଏନାଆଁ ଗାଡ଼ି କିହାମାଚେସି ହାରେକା ନେହି ମାଚେ ।
ଗାଡ଼ିକିତି ଶାରିଦିନାତା, ମାହାପୁରୁ ଏଲେଇଚେସି ଅଡ଼େ ୱେଡ଼ା, ଲେଞ୍ଜୁ ଅଡ଼େ ହୁକାଁୟାଁ ଗାଡ଼ି କିତେସି । ମାହାପୁରୁ ଏ ବାରେଇଁ ଇ ଦାର୍ତିତା ଉଜେଡ଼ି ହିହାଲି ଅଡ଼େ ଦିନା, ଲାଆଁ, କାଲମି ଅଡ଼େ ବାର୍ଷାତି ଚିନ୍ନା ତାକି ଲେମ୍ବାଲି ତାକି ଏଲେଇଚେସି । ମାହାପୁରୁ ମେସ୍ତେସି ଆମିନାଣି ତାନୁ ଗାଡ଼ି କିହାମାଚେସି ବାରେ ହାରେକା ନେହି ମାଚେ ।
ପାସା ଦିନାତା ମାହାପୁରୁ ଏଲେଇଚେସି ଅଡ଼େ ଏୟୁତା ପାର୍ହାଣ୍ କିନି ବାରେ ଜନ୍ତୁ ଅଡ଼େ ପଟାଁଇଁ ଗାଡ଼ି କିତେସି । ମାହାପୁରୁ ଏଦାଆଁ ନେହିଁ ମେସ୍ତେସି ଅଡ଼େ ଏୱାସି ବାରେ ଇଁ ବର ହିତେସି ।
ଗାଡ଼ିକିତି ଶ ଦିନାତା ମାହାପୁରୁ ୱେସ୍ତେସି, ”ବୁମିତି ବାରେ ପଶୁୟାଁ ଗାଡ଼ି ଆପେ । ମାହାପୁରୁ ଏନିକି ଜଲିତେସି ଏଲେଃଏଁ ଆତେ । କଚେକା ଡ଼ୁନିହେର୍କା ମାଚୁ, କଚେକା ବୁମି ଲାକ ମାର୍ ହିଁ ତାକିନି ଜନ୍ତୁ ଅଡ଼େ କଚେକା ଜାଡ଼ା ଜନ୍ତୁୟାଁ ମାଚୁ । ଅଡ଼େ ମାହାପୁରୁ ଇଁ ଏଦି ଅଯେ ଚଞ୍ଜା ଆତେ ।
ତାନିଡାୟୁ ମାହାପୁରୁ ଏଲେଇଚେସି, ୱାଦୁ, ମାର ମାଣ୍ସିଇଁ ନା ଲେହେଁ ଗାଡ଼ି କିନ । ଦାର୍ତିଇଁ ଅଡ଼େ ବାରେ ଜନ୍ତୁ ଇଁ ତାକି କିନି ବ୍ଡ଼ାୟୁ ତାଙ୍ଗେ ଡ଼ୟିନେ ।
ଏଦାଆଁ ତାକି ମାହାପୁରୁ ରଚାଇଁ ଦୁଡି ଅତେସି, ମାଣ୍ସିଇଁ ଗାଡ଼ି କିତେସି, ଅଡ଼େ ତାନି ବିତ୍ରା ଜୀୱୁତି ଉକିତେସି । ଇ ମାଣ୍ସିତି ଦରୁ ଆଦମ ମାଚେ । ମାହାପୁରୁ ର ବାଡ଼ା କେପିତେସି, ଆମିନି ତାଣା ଆଦମ ଡ଼ଇନେସି ଅଡ଼େ ଏ ବାଡ଼ା ଇଁ ଯାତ୍ନୁ କିହାଲି ତାଙ୍ଗେ ଏତାଣା ଇଟିତେସି ।
ଏ ବାଡ଼ାତା, ମାହାପୁରୁ ରିଣ୍ଡାଆଁ କାଜା ମାର୍କା ଉହିତେସି – ଜୀୱୁଗାଟି ମାର୍ନୁ ଅଡ଼େ ନେହାଣି ଅଡ଼େ ଲାଗେଃତାଣି ଇଁ ତେଲ୍ପିନି ମାର୍ନୁ । ମାହାପୁରୁ ଆଦମ ଇଁ ଏଲେ ଇଚେସି ଯେ ନେହାଣି ଅଡ଼େ ଲାଗେଃତାଣି ଇଁ ତେଲ୍ପିନି ମାର୍ନୁତି ପାଡ଼େଇ ପିସାହାଁ ଇ ବାଡ଼ାତି ବାରେ ମାର୍ନୁତି ପାଡ଼େଇ ଇଁ ଚିଞ୍ଜାଲି ଆଡିଦି । ଅଡ଼େ ଇ ମାର୍ନୁତି ପାଡ଼େଇ ଏୱାସି ତିନେସି, ଆତିସାରେ ଏୱାସି ହାନେସି ।
ଏଦାଆଁ ଜେଚ ମାହାପୁରୁ ଏଲେଇଚେସି, ମାଣ୍ସି ରଅସି ଡ଼ୟିନାଇ ନେହେ ଆଃଏ । ମାତ୍ର ଏନି ଜନ୍ତୁ ଜିକେଏ ଆଦମ ଇଁ ସାୟମି ଆନାଇ ହିଲାଃତୁ ।
ଏଦାଆଁ ତାକି, ମାହାପୁରୁ ଆଦମଇଁ କାଜା ଇଦା ତଲେ ତ୍ରିପ୍ହେସି । ଏଦାଆଁ ଜେଚ, ମାହାପୁରୁ ଆଦମତି ର ପାନ୍ଦ୍ରା ପ୍ଡ଼େନୁ ଇଁ ଅହାଁ ର ଆୟାଟି ଇଁ ଗାଡ଼ି କିତେସି ଅଡ଼େ ଏଦାନିଇଁ ଆଦମ ଡାଗେ ତାତେସି ।
ଏଚିବେଲା ଆଦମ ଏଦାନିଇ ମେସ୍ତେସି, ଏୱାସି ଏଲେଇଚେସି, ଡାୟୁ ! ଇଦି ନାଲେହେଁ ଆତେ । ଏଦି ଆୟାଟି ଇଞ୍ଜି ହାଟ୍କି ଆନେ, ଏନାଃତାକି ଇଚିସାରେ ଏଦି ଆବାଟି ତାଣାଟି ଗାଡ଼ି ଆତାଇ । ଇଦାଆଁ ତାକି ମାଣ୍ସି ତାନି ଆୟା ଆବାଇଁ ପିସାନା ତାନି ଡକ୍ରୀ ତାଣା ରଣ୍ଡିଏ ଆନୁ ।
ମାହାପୁରୁ ଆବାଟି ଅଡ଼େ ଆୟାଟିଇଁ ତାନିଲେହେଁ ଗାଡ଼ି କିତେସି । ଏୱାସି ଏୱାସ୍କାଇଁ ବର ହିତେସି ଅଡ଼େ ୱେସ୍ତେସି, ହାରେକା ମିର୍କା ମାସ୍କା ଅଡ଼େ ନାତିଁ ନାତୁଣୀଁଇଁ ଜାର୍ନା କିଦୁ ଅଡ଼େ ଦାର୍ତିଇଁ ଏପା କିଦୁ । ମାହାପୁରୁ ଆମିନାଣି ଗାଡ଼ି କିହାମାଚେସି, ବାରେ ହାରେକା ଅଜିତାଇ ମେସ୍ତେସି । ଆମିନିଗାଟାଇ ତାଙ୍ଗେ ନେହି ମାଚେ । ଇ ବାରେ ଗାଡ଼ିକିତି ଶ ଦିନାତା ଆତେ ।
ଏଚିବେଲା ସାତା ଦିନା ୱାତେ, ମାହାପୁରୁ ତାନି ବାରେ ଗାଡ଼ିକିନି କାମା ରାପ୍ହାମାଚେସି । ଏଦାଆଁ ତାକି ମାହାପୁରୁ ବାରେ କାମାଟିଏ ଏମିନାଣି କିହି ୱାହିଁମାଚେସି ଏ କାମା ଟି ଜମିତେସି । ଏୱାସି ସାତା ଦିନା ଇଁ ବର ହିହାଁ ଦାର୍ମୁ କିତେସି । ଏନାଃତାକି ଇଚିସାରେ ଇ ଦିନା ତା ତାନୁ ତାନି କାମାଟି ଏ ଜମା ମାଚେସି । ଇଲେହ୍ଏଁ ମାହାପୁରୁ ଇ ବାରେ ଗାଡ଼ି କିତେସି ।
ବାଇବଲତି ର ପୁସ୍ପନି: ଆଦିପୁସ୍ତକ ୧ – ୨
Free to use, adapt, and share under an open license (CC BY-SA 4.0).