3. ୩. ବାନ୍ ଦାଃ
ଉଡିସେର୍ମା ତାୟମ୍, ଧାର୍ତୀରେ ଉଡିଢେର୍ ହଳ୍କ ତାହେନ୍କାନ୍ ତାହେଁଦ୍ଃ। ଉନ୍କୁ ଆଡିଗେ ବାଳିଜ୍ଃ ଆର୍ ବତରାନ୍ କ ତାହେଁକାନା। ନଆଁ ଧାର୍ତୀରେ କାଇ ଉନାଃ ଢେର୍ଏନାଦ ଈଶ୍ୱର୍ ବାବା ମାରାଂ ବାନ୍ ଦାଃ ନାଁସ୍ ଖାତିରେ ହୁଦିସ୍କେଃଆ।
ମେନ୍ଖାନ୍ ଈଶ୍ୱର୍ ବାବା ନହ ଠେନ୍ କୁସିଏ ତାହେଁକାନା। ଉନି ବାଳିଜ୍ଃ ହଳ୍କ ତାଲାରେ ମିଦ୍ଃ ବୁଗିନ୍ ହଳେ ତାହେଁ କାନା। ମିଃଟାଁ ମାରାଁ ବାନ୍ ଦାଃ ହିଜୁଃକାନା ମେନ୍ତେ ଈଶ୍ୱର୍ ବାବା ନହ ମେତାଃଦେଆଏ। ଅନାତେ, ମିଃଟାଂ ମାରାଁ ଡଙ୍ଗା ବେନାଜଂମେ ମେନ୍ତେ ନହ ମେତାଃଦେୟାଏ।
ଈଶ୍ୱର୍ ବାବା ନହ, ମିଦ୍ଃ ସାଏ ପୁନ୍ଗେଲ୍ ମିଟର୍ ଜିଲିଙ୍ଗ୍, ମିଦ୍ଃଇସି ପେ ମିଟର୍ ଓସାର୍, ଆର୍ ମିଦ୍ଃ ଗେଲ୍ ପେ ଆଧା ମିଟର୍ ଉସୁଲ୍ ଲାଉକା ବେନାଓମେ ମେନ୍ତେ ମେତାଦେଆଏ। ନହ ଅନା ଲାଉକା ଦାଃରେ ସାହାନ୍ତେ ପେଆ ଥାକ୍,ଉଡିଗାନ୍ କୁଠି, ମିଦ୍ଃ ଛାତ୍, ଆର୍ ମିଦ୍ଃ ଝର୍କା ବେନାୱମେ। ଆର୍ ନଆଁ ଲାଉକା ନହ ଘାରଞ୍ ରିନ୍ ହଳ୍ ଆର୍ ଝତଲେକାନ୍ ଜିୱୀଦ୍ ଜାନୱାର୍ କ ଆର୍ ଉଡାୱଃ ଚେଣେ କ ସୁଲୁକ୍ତେ ଦହଃକଆଏ ବାନ୍ ଦାଃ ବେଳାରେ।
ନହ ଇଶ୍ୱରାଃ ହୁକୁମେ ଦହକେଃଆଏ। ଈଶ୍ୱର୍ ବାବାଆଃ କାଥା ଲେକାତେ ଆଜ୍ଃ ଆର୍ ଆଜ୍ଃ ରିନ୍ ପେୟାହପନ୍ ଲାଉକାକ ବେନାଓକେଃଆ। ଲାଉକା ବେନାଓ ଖାତିର୍ ଉଡିସେର୍ମା ଲାଗାଅଏନା, ଚେଦାଃସେ ଅନା ଲାଉକା ଉଡି ମାରାଂ ତାହେଁକାନା। ନହ ହିଜୁଃକାନ୍ ବାନ୍ ଦାଃ ରେୟାଃ ହଳ୍କ ଚେତ୍ନାଏ ଏମାକ ତାହେଁଦଃ, ଯେ ଈଶ୍ୱର୍ ଠେନ୍ ମନ୍ ଆଚୁର୍ପେ ଆର୍ ଆଜ୍ଃଠେନ୍ ପାତିୟାଃଉପେ। ମେନ୍ଖାନ୍ ଉନ୍କୁ ଆଜ୍ଃରେ ବାକ ପାତିୟାଃଉ ଲେନା।
ଈଶ୍ୱର୍ ବାବା ଆଜ୍ଃରିନ୍ ଅଳାଃହଳ୍ ଆର୍ ଜାନୱାର୍କ ଲାଗିଦ୍ଃତେ ଜାହାଁତିନାଃ ଲାଗ୍ତି ଜମାଃ ଞୁଆଃ ଜଗାଅ ମାଏ ମେନ୍ତେ ନହଏ ହୁକୁମାଦ୍ଃଦେୟାଏ। ଜଖନ୍ ଝତଆଃ ସାପ୍ଳାଅ ହୁଇଏନା, ଈଶ୍ୱର୍ ବାବା ନହ ମେତାଃଦେଆଏ ନିତଃଦ ଆମ୍ ଆମିଜ୍ଃ ଏରା, ଆମ୍ରିନ୍ ପେୟା ହପନ୍ ଆର୍ ହପନ୍ ରେନ୍ ବାହୁକ ଝତମେସାକାତେ ଆରେଲ୍ ହଳ୍ ଲଉକାରେ ବଲନ୍ରେନା ଅକ୍ତ ହୁଇଏନା।
ଈଶ୍ଵରାଃ ଝତ ଜାତ୍ରିନ୍ ବାବାରେୟା ଜାନୱାର୍ ଆର୍ ଚେଣେ ଚୁପୁରୁତ୍କ ତାଲାରେ ଏଙ୍ଗା ଆର୍ ଆଣ୍ଡିଆ ଲେକାତେ ନୋହ ଠେନ୍ ଭେଜା କେଦ୍ଃ କଆଏ ଯେମନ୍ ଆକ ଲାଉକା ଠେନ୍ ସେଟେରଃମାକ ଆର୍ ବାନ୍ ଦାଃ ତେ ବାଞ୍ଚାଓଃମାକ ମେନ୍ତେ। ଈଶ୍ୱର୍ ବାବା ଝତଲେକାନ୍ ସାଫା ଜାନୱାର୍କ ତାଲାରେ ଏୟାଏ ଗଟାଙ୍ଗ୍ ଆଣ୍ଡିଆ ଆର୍ ଏୟାଏ ଗଟାଂ ଏଙ୍ଗା ଦାଣେ ବାଖ୍ରାତେ ଭେଜାକେଦ୍ଃ କଆଏ। ତିନ୍ ଜଖାଃ ଝତ ଲାଉକା ଭିତିରେକ ବଲଏନା, ଈଶ୍ୱର୍ ବାବା ସିଲ୍ପିଞ୍ଜ୍ ସିଞ୍ଜ୍ କେଃଆଏ।
ଅନାତାୟମ୍ ଦିନ୍ ଆର୍ ଦିନ୍ ଦାଃ ଏହୋବ୍ କେଆଃଏ। ନଆଁ ଦାଃ ପୁନ୍ ଗେଲ୍ଞ୍ଜିଦା ଆର୍ ପୁନ୍ ଗେଲ୍ ସିଞ୍ଜ୍ ଧାବିଜ୍ଃ ଦାଃ ଜାଳିରେଗେ ତାହେଁଏନା! ଧାର୍ତୀରେ ଦାଃ ଲିଙ୍ଗିନ୍ ଏହୋବ୍ଃ ଏନା। ଧାର୍ତୀରେନାଃ ଝତ ଜିନିଷ୍କ ଦାଃରେ ଉନୁମେନା, ଜେମନ୍ ଉସୁଲ୍ ଉସୁଲ୍ ବୁରୁହଁ।
ଲାଉକା ଭିତିର୍ରେନ୍ ହଳ୍ ଆର୍ ଜାନୱାର୍କ ଛାଡାକାତେ ଧାର୍ତୀରେନ୍ ଝତ ଜିୱୀଦ୍ଃ ଜିଆଳିକ ଦାଃରେକ ଉନୁମ୍ ଗଜ୍ଃଏନା। ଲାଉକା ଦାଃରେ ବହେଲ୍ ଏହୋବ୍ଃଏନା ଆର୍ ଜାହାଜ୍ ଭିତିର୍ରେନ୍ ଝତକଗେ ବାନ୍ ଦାଃ ଖନ୍ ବାଞ୍ଚାଓ ଏନାକ।
ଦାଃ ଥିରେନ୍ ତାୟମ୍, ଜାହାଜ୍ ମଣେ ଚାନ୍ଦ ଧାବିଜ୍ଃ ଆତୁରେଗେ ତାହେଁଲେନା, ଅନା ଭିତିର୍ରେ ଦାଃ କମଃ ଏହୋବ୍ଃଏନା। ଇନାତାୟାମ୍ ମିଦ୍ଃ ଉସୁଲ୍ ବୁରୁରେ ଲାଉକା ଢାଙ୍ଗ୍ଏନା ମେନ୍ଖାନ୍ ଧାର୍ତୀଦ ଦାଃତେ ଉନୁମ୍ରେଗେ ତାହେଁକାନା। ଆର୍ ପେ ଚାନ୍ଦ ତାୟମ୍ ବୁରୁରେନାଃ ଚଟ୍କ ଞ୍ଜେଲ୍ଏନା।
ଆର୍ ପୁନ୍ଗେଲ୍ ମାହା ତାୟମ୍, ଧାର୍ତୀ ରେନାଃ ଦାଃ ଆଞ୍ଜେଦ୍ଃ ଏନା ସେ ବାଙ୍ଗା, ଞ୍ଜେଲ୍ ଖାତିର୍ତେ ନହ ମିଦ୍ଃ କାହୁ ଚେଣେ ଭେଜାକେଦେଆଏ। କାହୁ ଚେଣେ ଞ୍ଜେଲ୍ କେଃଆଏ ଆର୍ ଜାଗା ବାଂ ଞ୍ଜାମ୍କାତେ ଉଡାଉ ବାଳାୟେନାଏ।
ଅନାବାଦେ ନୋହ ମିଃଟାଂ ପତାମ୍ ଚେଣେ ଭେଜା କେଦେୟାଏ। ମେନଖାନ୍ ଉନି ଅକାରେହଁ ରହଳ୍ ଠାଅଁ ବାଏ ଞ୍ଜାମ୍ଲେଦ୍ଃତେ, ଆରହଁ ନୋହ ଠେନ୍ଗେ ହେଜ୍ଃ ରୁଆଳେନାଏ। ମିଦ୍ଃ ହାପ୍ତା ତାୟମ୍ ଆର୍ ଦହଳା ପତାମ୍ ବାହେରେତେ ଭେଜାକେଦେୟାଏ, ଆର୍ ଆଜାଃ ଠଣ୍ଟାରେ ଜୀୱୀଦ୍ଃ ଦାରେରେଆଃ, ସାକାମ୍ ଗେର୍ କାତେ ରୁଆଳେନାଏ। ଦାଃ ହଁ କମ୍ ଇଦିଏନା, ଦାରେନାଣୀ ହଁ ସାଗେନ୍ ଇଦିଏନା!
ନୋହ ଆରମିଦ୍ଃ ହାପ୍ତାଏ ତାଙ୍ଗିକେଆଃ, ଆର୍ ତେସାର୍ ଧାଅ ଧାର୍ତୀତେ ଭେଜାକେଦେୟାଏ।ଇନା ଅକ୍ତରେ ଆଜ୍ଃ ଜିରାୱ ଠାଓଁ ଞ୍ଜାମ୍ କେଦ୍ଃ ଖାତିର୍ ବାଏ ରୁଆଳ୍ ଲେନା| ଆର୍ ଦାଃ ହଁ ଆଞ୍ଜେଦ୍ଃ ଚାବାୟେନା।
ବାର୍ ଚାନ୍ଦ ତାୟମ୍, ଈଶ୍ୱର୍ ବାବା ନୋହକେ ମେତାଦେୟାଏ, “ଆମ୍, ଆମ୍ରିନ୍ ଅଳାଃ ହଳ୍କ ଆର୍ ଆମ୍ରେନ୍ ଝତ ଜାନୱାର୍କ ଲାଉକା ଖନାଃଏମ୍ ଉଡୁକ୍ ଦାଳେୟାକଆ। ନିତ୍ଃଦ ଆପେ ଗିଦ୍ରା ପିଦ୍ରା ଆର୍ ଗଳମ୍ ମୁର୍ଗାନ୍ କାତେ ଧାର୍ତୀରେ ପେରେଜଃପେ।” ଅନାତେ ନୋହ ଆର୍ ଆଜ୍ଃରିନ୍ ଅଳାଃ ହଳ୍କ ଲାଉକା ଖନାଃକ ଅଡକ୍ଏନା।
ନୋହ ଲାଉକା ଖନ୍ ଆଣଗ ତାୟମ୍, ଉନି ଦାଣେଠାଅଁଏ ବେନାଓ କେଃଆଏ ଆର୍ ଝତ ଫାର୍ଚି ଜାନୱାର୍ ଭିତିର୍ ଖନ୍ ତିନାଃଗାନ୍ ଦାଣେ ରାକାବ୍ଃ କେଦ୍ଃକଆଏ। ଈଶ୍ୱର୍ ବାବା କୁସି ଏନାୟେଁ ଆର୍ ନୋହ ଆର୍ ଆଜାଃ ଅଳାଃ ହଳ୍କଏ ଭର୍ଆଦ୍ଃ କଆ।
ଈଶ୍ୱର୍ ବାବା ଲାଇକେଆଃଏ, “ଇଞ୍ଜ୍ କାଥାଞ୍ଜ୍ ଏମ୍କେଆଃଦ ହଳ୍କଆଃ ବାଳିଜ୍ଃ କାମିଖାତିର୍ତେ ନଆଁ ଅତ୍ ତିସ୍ରେହଁ ବାଞ୍ ସାରାପାୱା, ଆର୍ ଡୁବାଦାଃତେ ବାଞ୍ଜ୍ ଉଜାଳା, ଚେଦାଃସେ ମାନ୍ମୀଦ ଜାନାମ୍ ଖନ୍ଗେ କାଇ ଆନ୍ ଗେୟାଏ।
ଈଶ୍ୱର୍ ବାବା କାଥା ଏମାକାଦ୍ଃ ଚିହ୍ନା ଲେକାତେ ମିଦ୍ ଲିଟାଃ ଏ ବେନାୱ କେଃଦେୟାଏ। ଯାହାଁତିନ୍ରେ ଲିଟାଃ ସେର୍ମାରେ ଞ୍ଜେଲଃଆଏ, ଇନ୍ବେଳାରେ ଈଶ୍ୱର୍ ଏମାକାଦ୍ଃ କାଥା କଏ ଉଇହାର୍ଆ।
ସନତ୍ ପୁଥିୟାଃ କାହାନୀ: ସିର୍ଜନ୍ ପୁଥି ୬-୮
Free to use, adapt, and share under an open license (CC BY-SA 4.0).