47. ୪୭. ପାଉଲ୍ ଆର୍ ସିଲା ଫିଲିପରେ
ଶାଉଲ୍ ତିନ୍ଜଖାଃ ରମ୍ ଦିଶମ୍ ରେନାଃ ଝତ ଜାୟେଗା ଦାଳାନ୍ କାନ୍ ବେଳାରେ, ଉନି ରମାନ୍ ଞୁତୁମ୍ ପାଉଲ୍ ଲାଇ ସଦର୍ ୟେନାୟେ। ମିଃଦ୍ ଦିନ୍ ପାଉଲ୍ ଆର୍ ସିଲା ଯୀଶୁଆଃ ଭାଗେ ସମ୍ବାଦ୍ ପଷ୍ନାୱ ଖାତିର୍ ଫିଲିପ୍ ନାଗାର୍ ତେକିନ୍ ଚାଲାୱ ୟେନା । ଉନ୍କିନ୍ ଗାଡା ଧାରେରେ ତାହେଁକାନ୍ ନାଗାର୍ ଯାହାଁରେ ହଳ୍କ ପାର୍ଥାନା ୟେଦ୍ ତାହେଁଦଃ । ଅଣ୍ଡେ ମିଃଟାଂ ଲିଦିୟା ଞୁତୁମ୍ ମାନ୍ ବେପାରି କୁଳି ସାଲାଃ ଞାପାମ୍ ଏନାକିନ୍ । ଉନି କୁଳିଦ ଈଶ୍ୱର୍ କେ ଦୁଲାଳ୍ ଆର୍ ସାର୍ହାୱେ କାନ୍ ତହେଁଦଃ ।
ଈଶ୍ୱର୍ ବାବା ଲିଦିୟା କେ ଯୀଶୁଆଃ କାଥାରେ ପାତିଆୱ ରେନାଃ ଦାଳେ ଏମାଃଦେଆୟେ । ପାଉଲ୍ ଆର୍ ସିଲା ଲିଦିୟା ଆର୍ ଆଜାଃ ଅଳାଃ ହଳ୍ କକେ ଡୁବାନ୍ କେଃ କଆକିନ୍ । ଉନି କୁଳି ପାଉଲ୍ ଆର୍ ସିଲା ଆକ ଅଳାଃରେ ତାହେଁନ୍ ଖାତିର୍ ମେତାଃଦ୍ କିନାୟେ, ଅନାତେ ଅକିନ୍ ଆଣ୍ଡେକିନ୍ ତାହେଁୟେନା ।
ପାଉଲ୍ ଆର୍ ସିଲା ଯିହୁଦି କୱାଃ ବିନ୍ତିଈ ଜାୟଗାରେ ବରାବର୍ ହଳ୍କ ସାଲାଃକିନ୍ ଞାପାମ୍ କାନ୍ ତାହେଁଦଃ । ଦିନ୍ ହିଲଃ ଅଣ୍ଡେ ଚାଲାଃ ଜଖାଃ ମିଃଟାଂ ବଙ୍ଗା ଲାଗାୱ ଗୁତି କୁଳି ପାଞାୟେଦ୍ କିନ୍ ତାଃହେଁଦଃ । ବଙ୍ଗା ଖାତିର୍ ଉନି କୁଳି ହଳାଃ ମାଣାଂ କାଥା ଲାଇ ଦାଳେଃକାନ୍ ତାହେଁଦ, ଉନି ଭାୟଗ ମାନ୍ କୁଳି ଆଜାଃ ମାଲିକ୍ ଖାତିର୍ ଉଡିଢେର୍ ପୁଇସା ଆର୍ଜାୱ ଲେଃ ତାହେଁଦଃ ।
ଗୁତି କୁଳି ତାଳାମେଦ୍ଃ ଜଖାଃ ହୁରିକାତେ ଲାଇ କେଃଆୟେ, “ନୁକିନ୍ ହଳ୍ ଝତଖନ୍ ଦାଳେୟାନ୍ ଈଶ୍ୱର୍ ବାବା ରିନ୍ ହଳ୍ କାନାକିନ୍ । ଉନକିନ୍ ଦ ବାଞ୍ଚାୱ ରେନାଃ ହର୍କିନ୍ ଲାଇ ସଦରେଃଆ !” ଉନି କୁଳି ସାରା ଘାଳିଜ୍ଃ ନଙ୍କା ମେନ୍ କେଦ୍ଃ ଖାତିର୍ ପାଉଲ୍ ରାଗି ଏନାୟେ।
ଶେଷ୍ରେ ମିଃଦ୍ ଦିନ୍ ଉନି ଗୁତି କୁଳି ହୁରି ଏହୋବ୍ କେଃ ଜଖାଃ ପାଉଲ୍ ଆଜ୍ଃସେନ୍ ଆଚୁର୍ କାତେ ଆଜ୍ଃଠେନ୍ ତାହେଁକାନ୍ ବଙ୍ଗା ମେତାଃ ଦେଆୟେ, “ଯୀଶୁ ଞୁତୁମ୍ତେ ନୁଇ ଠେନ୍ଖନ୍ ଅଡକଃ ମେ,” ମେନ୍ ତାରାଗେ ବଙ୍ଗା ଉନି କୁଳି ବାଗିକାତେ ଅଡକ୍ ଚାଲାୱ ଏନୟେ ।
ଗୁତି କୁଳିଜ୍ଃ ମାଲିକ୍ ଦ ଉଡି ଜୁର୍ ରାଗିୟେନାୟ ! ଆକକ ଉଇହାର୍ କେଃଆଦ ଉନି ବଙ୍ଗା ବେଗର୍ ମାଣାଂ କାଥା ବାୟେ ଲାଇ ଦାଳେୟା । ନଆରେଆଃ ଆର୍ଥଦ ହୁୟୁକାନା,ହହଳ୍କ ଆର୍ ମାଣାଂ କାଥା ଲାଇ ଭାଖ୍ରାତେ ପୁଇସା ବାକ ଏମାଃକଆ ।
ଅନାତେ ଗୁତି କୁଳିରେନ୍ କିଶାଣ୍ ପାଉଲ୍ ଆର୍ ସିଲାଃ ରୋମି ରେନ୍ ମାରାଂ ଗଙ୍କେଠେନ୍ ଇଦି କେଃ କିନାକ, ଅକୟେକ ପାଉଲ୍ ଆର୍ ସିଲା ଦାଲ୍ ଲେଦ୍ କିନାକ ଆର୍ ଜିହଲ୍ ହଚ ଲେଦ୍ କିନାକ ।
ଆକ ପାଉଲ୍ ଆର୍ ସିଲାକେ ଉଡି କେଟେଜ୍ଃ ତାହେଁକାନ୍ ଜିହଲ୍ ରେକ ଦହଲେଃ କିନା। ଜାଙ୍ଗାରେ ଉଡି କେଟେଜ୍ ଆର୍ ମାରାଂ କାଟ୍ତେକ ତଲ୍ କେଦ୍କିନା । ମେନ୍ଖାନ୍ ତାଲା ଞିଦାରେ, ପାଉଲ୍ ଆର୍ ସିଲା ଈଶ୍ୱର୍ ସାର୍ହାୱ ବାଖ୍ରା କିନ୍ ସେରେଞ୍ କେଃଆ।
ହୁପ୍କାଗେ, ଅଣ୍ଡେ ମିଃଟାଂ ଭୁମିକମ୍ପ ହୁଇୟେନା! ଜିହଲ୍ ରେନାଃ ଝତ ଦୁଆର୍ ଝିଜ୍ଏନା, ଆର୍ ଝତ ହଳ୍ଳାଃ କାଟାରେନାଃ ସିକ୍ଳି ରାଳାୟେନା ।
ଇନା ତାୟମ୍ ଜେଲର୍,ବେରେଦ୍ ଏନାୟେ ,ଉନି ଞେଲ୍ କେଃଆୟେ ଜିହଲ୍ ରେନ୍ ଝତ ଦୁଆର୍ ଝିଈଜା କାନା । ଆଜ୍ ଉଇହାର୍ କେଃଆୟ ଝତ କୟେଦିକ ଞିର୍ ଚାବାୟେନା । ଆଜ୍ଃ ଉଡି ଜୁରେ ବତରେନା ଆର୍ ଗୁଜୁଃ ରେନାଃୟେ ଉଇହାର୍ କେଃଆ, ଚେଦାଃସେ ରମାନ୍ ଅଫିସର୍କ ଝତ କୟେଦି ଚାଲାୱ ହଚଆଃଦ୍ କଆୟେ ମେନ୍ତେ ଆଚ୍କ ଗଜେୟା! ଏନ୍ଖାନ୍ ପାଉଲ୍ ଞେଲ୍ କେଦେଆୟେ ଆର୍ ହୁରି କେଃଆୟେ,“ହାପେ! ଆଲମ୍ ଗୁଜୁଃଆ । ଆଲେ ନଣ୍ଡେ ମେନାଃଲେଆ ।”
ଜିହଲ୍ ଖାନା ହରହୋଇଜ୍, ଥାର୍ ଥାରାୱ କାତେ ପାଉଲ୍ ଆର୍ ସିଲା ସୁର୍ ହେଜ୍ଃ କାତେ ମେତାଃଦ୍ କିନାୟେ,“ବାଞ୍ଚାୱ ବାଖ୍ରା ଚେଦ୍ଃଇଞ୍ କାମିଆ?” ପାଉଲ୍ ମେନ୍ ରୁଆଳ୍ କେଃଆୟେ,“ଯୀଶୁ ଗଙ୍କେଠେନ୍ ପାତିୟାୱଃ ମେ,ଏନ୍ଖାନ୍ ଆମ୍ ଆର୍ ଆମ୍ରେନ୍ ଆଳାଃ ହଳ୍ ବାଞ୍ଚାୱପେ ଞାମା।” ଇନା ତାୟମ୍ ଉନି ଜିହଲ୍ ଖାନା ହରହୋଇଚ୍ ପାଉଲ୍ ଆର୍ ସିଲା ଆଜାଃ ଅଳାଃୟେ ଇଦି କେଦ୍କିନା ଆର୍ ଆକିନାଃ ଘାୱ ସାଫା କେଃଆୟେ । ପାଉଲ୍ ଅନା ଅଳାଃରେନ୍ ଝତ ହଳ୍ ଭାଗେ ସମ୍ବାଦ୍ ଲାଇୟାଦ୍ କଆୟେ ।
ଉନି ଜେଲର୍ ଆର୍ ଆଜାଃ ଅଳାଃରେନ୍ ଝତ ହଳ୍ ଯୀଶୁଠେନ୍ ପାତିଆୱ ଏନାକ, ଅନାତେ ପାଉଲ୍ ଆର୍ ସିଲା ଝତ ହଳ୍ ଡୁବାନ୍ କେଃ କଆକ । ଇନା ତାୟମ୍ ଜେଲର୍, ପାଉଲ୍ ଆର୍ ସିଲା ଜମାଃୟେ ଏମାଃଦ୍ କିନା,ଆର୍ ଆକ ସାୱଁତେ ରାସ୍କା ୟେନାକ ।
ଆର୍ ଦସାର୍ ହିଲଃ ଅନା ନାଗାର୍ରେନ୍ ନାୟେକେ ପାଉଲ ଆର୍ ସିଲା ଜିହଲ୍ ଖନାଃ ଚାଲାୱ ହଚଆଦ୍ କିନାୟେ ଆର୍ ଫିଲିପ୍ ଖନ୍ ଞିର୍ବିନ୍ । ପାଉଲ୍ ଆର୍ ସିଲା ଲିଦିୟା ଆର୍ ଏଟାଃ ଗାତେକ ସାୱଁ ଞାପାମ୍ ଏନ୍ ତାୟମ୍ ଅନା ନାଗାର୍ କିନ୍ ବାଗି କେଃଆ । ଯୀଶୁଆ ଭାଗେ ସମ୍ବାଦ୍ କିନ୍ ପାସ୍ନାୱ କାମି ରେଗେକିନ୍ ତାହେଁୟେନା ଆର୍ ଗିର୍ଜା ଅଳାଃ ଜାସ୍ତି ଇଦିୟେନା ।
ପାଉଲ୍ ଆର୍ ଏଟାଃ ବିଶ୍ୱାସୀ ନେତାକ ଉଡିଢେର୍ ନାଗାର୍କ ଚାଲାୱ ଏନା । ଆକ ହଳ୍କ ଯୀଶୁଆଃ ଭାଗେ ସମ୍ବାଦ୍ ଲାଇଆଦ୍ କଆକ ଆର୍ ଚେଦ୍ଃ କେଃ କଆକ । ମ ରେନ୍ ହଳ୍କ ରାସ୍କା ହଚ ଲାଗିଦ୍ ଉଡିଢେର୍ ଚିଠିକ ଅଲ୍ ଲେଦ୍ ତାହେଁଦ । ନଆ ଲିପି ଖନା ତିନାଃଗାନ୍ ବାଇବେଲ୍ ବେନାୱ ଏନା ।
ସନତ୍ ପୁଥିୟାଃ କାହାନୀ: ଭେଜା ଆକାନ୍ ୧୬:୧୧-୪୦
Free to use, adapt, and share under an open license (CC BY-SA 4.0).