46. ୪୬. ଶାଉଲ୍ ଯୀଶୁଆ ଚେଲାୟେ ବେନାୱ ୟେନା

ଶାଉଲ୍ ଞୁତୁମମାନ୍ ହଳେ ତାହେଁକାନା ଯାହାୟେ ଯୀଶୁଗେ ବାୟେ ପାତିଆୱେ କାନ୍ ତାହେଁଦ । ତିନ୍‌ଜଖାଃ ଆଜ୍ଃ କଳାୟେ ତାହେଁକାନା, ଅକୟେ ସ୍ତିଫାନ୍ କ ଗଜ୍ଃ ଲେଦେୟା ଉନ୍‌କୁଆଃ ଲୁଗୁଳି ହରହୋୟେଦ୍ ତାହେଁଦଃ । ଇନା ତାୟମ୍ କକେ ହୟେରାଣେଦ୍ କ ତାହେଁଦ । ଉନି ଅଳାଃ ଅଳାଃ ସେନଃକାନ୍ ତାହେଁଦ୍ ଆର୍ କଳା, କୁଳି ଝତ ତଲ୍ ଆଗୁକାତେ ଜିହଲ୍‌ରେ ଦହୟେଦ୍ କ ତାହେଁଦ । ଇନା ତାୟମ୍ ମାରାଂ ଗଙ୍କେ ଆଜ୍‌କେ ଦମାସକ୍ ଚାଲାଃ ରେନାଃ ଦାୱ ଏମାଃ ଦେଆୟେ । ମାରାଂ ଗଙ୍କେ ଶାଉଲ୍ କେ ମେତାଃ ଦେଆୟେ ଯୀଶୁରେ ପାତିଆୱ ଝତ ହଳ୍ ତଲ୍‌କମେ ଆର୍ ଯିରୁଶାଲମ୍ ଆଗୁକମେ ।

ଅନାତେ ଶାଉଲ୍ ଦାମାସକ୍ ଚାଲାଃ ଏ ଏତୋହବ୍ଃ କେଃଆୟେ । ନାଗାର୍ ସେଟେର୍ ମାଣାଂରେ, ମିଃଟାଂ ମାର୍ଶାଲ ସେର୍‌ମା ଖନ୍ ଆଜାଃ ସୁର୍‌ତେ ଆଣ୍‌ଗ ହେଜ୍ଃ ଏନା,ଆର୍ ଗଟା ଝାଲ୍‌ଖାୱ ଏନା ଆର୍ ଶାଉଲ୍ ଅତ୍‌ରେ ଞୁର୍ ଏନାୟେ । ଶାଉଲ୍ ମିଃଦ୍ ଆଳାଂ ଆଞମ୍ କେଃଆୟେ “ଶାଉଲ୍! ଶାଉଲ୍! ଚେଦ୍ ଖାତିର୍ ଆଲେମ୍ ହାର୍କେତେ୍ଃ ଲେୟା ?” ଶାଉଲ୍ କୁଲି କେଦେଆୟେ, “ଆମ୍‌ଦ ଅକୟେ ଗଙ୍କେ?” ଯୀଶୁଈ ମେନ୍ ରୁଆଳ୍ କେଃଆ,“ଇଞ୍‌ଦ ଯୀଶୁ । ଯାହାଁୟ ଆମେମ୍ ହାର୍‌କେତେ କାନା!”

ଶାଉଲ୍ ବେରେଦ୍ ଏନ୍ ତାୟମ୍ ମେଃଦ୍ ତାୟ କାଣା ଏନା । ଆଜ୍ଃରିନ୍ ଗାତେକ ଆଜ୍ଃକ ଦାମାସକସ୍ ତେକ ସାବ୍ ଇଦି କେଦେୟା। ଶାଉଲ୍ ପେ ଦିନ୍ ଧାରିଜ୍ ଚେଃଦ୍ ହଁ ବାୟ ଜମ୍, ଞୁ ଦାଳେୟାଆଃ ନା ।

ଦାମାସକସ୍ ରେ ଆନାନିଆ ଞୁତୁମାନ୍ ମିଃଦ୍ ଯୀଶୁଈ ଜ୍ଃ ଚେଲାୟେ ତାହେଁକାନା। ଈଶ୍ୱର୍ ଉନି ମେତାଃ ଦେଆୟେ,“ଶାଉଲେ ତାହେଁନ୍ କାନ୍ ଅଳାଃ ଚାଲାଃମେ । ଆମାଃ ତିଈ ଆଜାଃ ଚେତାନ୍‌ରେ ଦହ ଲେଖାନେମ୍ ଆର୍ ମିଃଦ୍ ଧାୱ ଞେଲ୍ଞାମ୍ ଦାଳେୟାଃ ଆୟ।” ମେନ୍‌ଖାନ୍ ଆନାନିଆ ମେନ୍ ରୁଆଳ୍ କେଃଆୟେ, “ଗମ୍ କେ ଇଞ୍ ଅଞ୍ଜମ୍ କାଃଞ୍ ଶାଉଲ୍ ଦ ବିଶ୍ୱାସି କ ହାଲାକେଦ୍ କ ତାହେଁଦ।” ଈଶ୍ୱର୍ ମେନ୍ ରୁଆଳ୍ କେଃଆୟେ,“ଚାଲାଃମେ,ଯିହୁଦି ଆର୍ ଏଟାଃ ଜାତ୍‌ରେନ୍ ହଳ୍‌କ ଇଞ୍ଜାଃ ଞ୍ଜୁତୁମ୍ ଲାଇ ସଦରାୟେ ମେନ୍ତେ ଉନିଞ୍ଜ୍ ସାଲା କାଦେୟା। ଆଜ୍ଃ ଇଞ୍ଜାଃ ଞୁତୁମ୍ ବାଖ୍ରାତେ ଉନି ଆଡିଜୁର୍ ହାର୍କେତ୍ ଞ୍ଜାମାୟେ।

ଅନାତେ ଆନାନିଆ ଶାଉଲ୍ ଠେନ୍ ଚାଲାୱ କାତେ, ଆଜାଃ ତିଈ ଶାଊଲ୍ ଚେତାନ୍ ରେ ଦହ କେଃଆୟ, ଆର୍ ମେତାଃ ଦେୟାୟ “ଯୀଶୁ ଅକୟେ ଆମ୍ ହର୍ ରେମ୍ ଞେଲ୍ ଲେଦେୟା ଉନି ଇଞ୍ ଭେଜାଃ କାଦିଞା, ଯାହାଁଲେକା ଆମ୍ ଆର୍ ମିଃଦ୍ ଧାୱୟେମ୍ ଞେଲ୍ ଦାଳେୟାଃ ଆର୍ ସନତ୍ ଆତ୍ମାତେ ପେରେଜ୍ ମେୟା ।” ଇନା ସାୱଁତେ ଶାଉଲ୍ ଆର୍ ମିଃଦ୍ ଧାୱ ଏ ଞେଲ୍ ଞ୍ଜାମ୍ କେଃଆ। ଆର୍ ଆନାନିଆ ଶାଉଲ୍‌ଗେ ଡୁବାନ୍ କେଦେଆୟେ । ଇନା ତାୟମ୍ ଶାଉଲ୍ କିଛିଗାନ୍ ଜମାଃୟେ ଜମ୍‌କେଃଆ ଆର୍ ଦାଳେ ରୁଆଳ୍ ଏନାୟେ ।

ସଙ୍ଗେ ସଙ୍ଗେ ଶାଉଲ୍ ଦାମାସକସ୍ ରେ ଯୀଶୁଆଃ କାଥା ପାଷ୍ନାୱ କାମି ଏହୋବ୍ କେଃଆୟେ । ଶାଉଲ୍ ମେନ୍ କେଃଆୟେ, “ଯୀଶୁ ହୁୟୁଃ କାନାୟେ ଈଶ୍ୱର୍ ହପନ୍!” ଯିହୁଦି ହଳ୍ ହାହାଳା ଉତାର୍ ଏନାକ, ଚେଦାଃସେ ଶାଉଲ୍ ବିଶ୍ୱାସି ହଳ୍‌କକେ ଗଜ୍ଃ ଲାଗିଦ୍ କୁରୁମୁଟୁଇ ତାହେଁଦଃ, ଆର୍ ନିତଃଦ ଯୀଶୁଠେନ୍ ପାତିୟାୱ ଏନାୟେ । ଶାଉଲ୍ ଯିହୁଦି ହଳ୍ ସାଲାଃ ଏ ନେଆୱ ଏନାୟେ! ଆର୍ ଶାଉଲ ଞ୍ଜେଲ୍ କେଃଆୟ ଦ ଯୀଶୁଗେ ଖ୍ରୀଷ୍ଟ ତାହେଁକାନାୟ ।

ଉଡିଦିନ୍ ତାୟମ୍, ଯିହୁଦି ହଳ୍ ଶାଉଲ୍‌କେ ଗଜ୍ଃ ଲାଗିଦ୍ କ ବୁଧୀ କେଃଆ । ଶାଉଲ୍ ଗେ ଗଜ୍ଃ ଖାତିର୍‌ତେ ନାଗାର୍ ରେୟାଃ ଦୁଆର୍‌ରେ ଞେଲ୍ ବାଖ୍ରାତେ ହଳ୍‌କ ଭେଜା କେଦ୍‌କୱା । ମେନ୍‌ଖାନ୍ ଶାଉଲ୍ ନଆ ବିଷୟତେ ଆଞଃମ୍ କେଃଆୟେ ଆର୍ ଆଚ୍‌ରେନ୍ ଗାତେକ ଆଜ୍ଃକେ ଞିର୍ ବାଖ୍ରାକ ଗଳୱାଃ ଦେୟା । ମିଃଦ୍ ଦିନ୍ ଉନ୍‌କୁ ହଳ୍ ଶାଉଲ୍‌କେ ଠେକାରେ ସାମ୍ବାୱ କାତେ ନାଗାର୍ କାନ୍ତ ସେନତେକ ଆଣ୍‌ଗ ଲେଦେୟା। ଶାଉଲ୍ ଦମେସକସ୍ ଖନାଃ ଞିର୍ ଏନ୍ ତାୟମ୍ ଯୀଶୁଆଃ କାଥା ପ୍ରଚାର୍ କେଃଆୟେ ।

ଶାଉଲ୍ ପ୍ରେରିତ୍ ସାଲାଃ ଞେପେଲ ଲାଗିଦ୍ ତେ ଯିରୁଶାଲମ୍ ଚାଲାୱ ଏନାୟେ, ମେନ୍‌ଖାନ୍ ଆକ ଶାଉଲ୍‌ ଞେଲ୍‌କାତେ ବତର୍ ଏନାକ । ଇନା ତାୟମ୍ ବର୍ଣ୍ଣବା ଶାଉଲ୍‌ ପ୍ରେରିତ୍‌କ ଠେନ୍ ଇଦି କେଦେଆୟେ । ଶାଉଲ୍ ଚେଦ୍ଃଲେକା ସାହାସ୍‌ତେ ପ୍ରଚାରେଦ୍ ତାହେଁଦଃ ଅନା କାଥାୟେ ଲାଇଆଦ୍ କଆୟେ । ଇନା ତାୟମ୍ ପ୍ରେରିତ୍‌କ ଶାଉଲ୍‌ ମେସା କେଦେୟା ।

କିଛିଗାନ୍ ବିଶ୍ୱାସି ହୟେରାଣ୍ ବତର୍‌ତେ ଯିରୁଶାଲମ୍ ଖନାଃ ଉଡି ଝାଲ୍ ଚାଲାୱ କାତେ, ଆଣ୍ଟିଅକ୍ ନାଗାରରେ ତାହେଁ ଏନାକ ଆର୍ ଯୀଶୁଆଃ କାଥା ପାଷ୍ନାୱ କେଃଆକ । ଆଣ୍ଟିଅକ୍ ରେ ଯିହୁଦି ହଳ୍ ଜାସ୍ତି ବାକ ତାହେଁକାନା, ମେନ୍‌ଖାନ୍ ପୁଇଲୁ ବିଶ୍ୱାସି ଅଣ୍ଡେକ ହୁଇ ଲେନା, ଆକଆଃ ପାତିୟାୱ କେଟେଜ୍ ଆର୍ ଯୀଶୁ ବିଷୟତେ ଆର୍ ହଁ ବାଳତି ବାଡାୟ ହଚ ଲାଗିଦ୍ ତେ ବର୍ଣ୍ଣବା ଆର୍ ଶାଉଲ୍ କିନ୍ ଚାଲାୱ ଏନା । ଆଣ୍ଟିଅଚରେ ପୁଇଲୁ ଖ୍ରୀଷ୍ଟିଆନ୍ ମେନ୍ତେକ ବାଡାୟେ ଞାମେନା ।

ମିଃଦ୍ ଦିନ୍ ଆଣ୍ଟିଆଚରେ ଯୀଶୁ ଠେନ୍ ପାତିଆୱ ହଳ୍‌କ ରେଙ୍ଗେଜ୍ ତେ ବିନ୍ତିୟେଃ ତାହେଁକ । ସନତ୍ ଆତ୍ମା ଉନ୍‌କୁ ମେତାଃଦ୍ କଆୟେ, “ବର୍ଣ୍ଣବା ଆର୍ ଶାଉଲ୍ ଅକା କମି ବାଖ୍ରାକିନ୍ ହହଆ କାଦିଞା ଅନା କାମିପେ ।” ଅନାତେ ଆଣ୍ଟିଆଚ୍ ମାନଡେର ରେନ୍ ହଳ୍ ବର୍ଣ୍ଣବା ଆର୍ ଶାଉଲ୍ ଚେତାନ୍‌ରେ ତିଈ ଦହକାତେ କ ବିନ୍ତି କେଃଆ । ଇନା ତାୟମ୍ ଆଣ୍ଟିଆଚ ରେନ୍ ହଳ୍ ବର୍ଣ୍ଣବା ଆର୍ ଶାଉଲ୍ କେ ଏଟାଃ ଜାୟେଗା ଚାଲାୱ କାତେ ଯୀଶୁଆଃ କାଥା ପାଷ୍ନାୱ ବିନ୍ ମେନ୍ତେ ଭେଜା କେଦ୍ଃ କିନାକ । ବର୍ଣ୍ଣବା ଆର୍ ଶାଉଲ୍ ଏଟାଃ ଏଟାଃ ଜାୟେଗା ଚାଲାୱ କାତେ ଯୀଶୁଆଃ କାଥା କିନ୍ ପାଷ୍ନାୱ କେଃଆ ଆର୍ ଉଡି ଢେର୍ ହଳ୍ ଯୀଶୁଠେନ୍ ପତିଆୱ ଏନାକ ।