45. ୪୫. ସ୍ତିଫାନ୍ ଆର୍ ଫିଲିପ୍
ନାୟେକେ ହଳ୍ ଭିତିର୍ରେ ପୁଇଲୁ ଯୀଶୁଗେ ପାଞା ହଳ୍ ଦ ହୁୟୁଃ କାନାୟେ ସ୍ତିଫାନ୍ । ଝତଗେ ଆଜଃ କ ଜହାରାୟେ କାନ୍ ତାହେଁଦ୍ଃ । ସନତ୍ ଆତ୍ମା ସ୍ତିଫାନ୍ ଗେ ଉଡି ଢେର୍ ଦାଳେ ଆର୍ ବୁଦ୍ଧି ଏମ୍ ଲେଦେଆୟେ । ସ୍ତିଫାନ୍ ଉଡିଢେର୍ ହାହାଳା କାମି କରାୱ ଲେଃଆୟେ । ଯୀଶୁ ଠେନ୍ ବିଶ୍ୱାସ୍ ପେ ମେନ୍ତେ ସ୍ତିଫାନ୍ ଶିକ୍ଷା ହଳେ ଏମାଃକ କାନ୍ ଜଖା ଉଡିଢେର୍ ହଳ୍ ପାତିଆୱ ଲେନାକ ।
ମିଃଦିନ୍ ସ୍ତିଫାନ୍ ଯୀଶୁଆଃ ବିଷୟେତେ ଶିକ୍ଷାୟେ ଏମାଃକ କାନ୍ ତାହେଁଦଃ, ତିନାଂଗାନ୍ଃ ଯିହୁଦି,ଯାହାଁୟେକ ଯୀଶୁଠେନ୍ ବାକ ପାତିଆୱଃ କାନ୍ ତାହେଁଦଃ ଉନ୍କୁ ସ୍ତିଫାନ୍ ଠେନ୍ ହେଜ୍ଃକାତେ ଆଜ୍ଃ ସାଲାଃ ନେୟାୱଁ ଏନାକ । ଆକ ଉଡିଢେର୍ କ ରାଗିୟେନା,ଅନାତେ ଆକ ଧରମ୍ ନାୟେକେ ଠେନ୍କ ଚାଲାୱ ଏନା ଆର୍ ସ୍ତିଫାନ୍ ବଖ୍ରାତେ ଏଖେନ୍ ଏଳ କାଥାକ ମେତାଦ୍ଃ କଆଏ । ଆକକ ମେନ୍କେଃଆ,“ଆଲେଲେ ଆଞମ୍ କେଃଆ ମୋସା ଆର୍ ଈଶ୍ୱର୍ ବାଖ୍ରାତେ ସ୍ତିଫାନ୍ ଏଳେ କାଥାୟେ ମେନ୍ଏଆ!” ଅନାତେ ଉନ୍କୁ ଚାଲାୱ କୁଜ୍ଃ ସ୍ତିଫାନ୍ ଗେ ତଲ୍ କେଦେଆକ ଆର୍ ମାରାଂ ଗମକେ ଆର୍ ଯିହୁଦି ରେନ୍ ଏଟାଃ ନାୟେକେ ଠେନ୍କ ଆଗୁ କେଦେୟା। ଏଳେ ସାକ୍ଷୀକ ଆଗୁକାତେ ସ୍ତିଫାନ୍ ବିରାଦ୍ଧ୍ ରେକ ରଳ୍ ହଚ କେଦ୍ଃ କଆ ।
ମାରାଂ ଗମକେ ସ୍ତିଫାନ୍ ଗେ କୁଲି କେଦେଆଏ,“ ନୁଂକୁ ହଳ୍ ଆମ୍ ବାଖ୍ରାତେ ସାରିକ ରଳେଃଆସେ? “ସ୍ତିଫାନ୍ ଉନି ମାରାଂ ଗମକେ ମେନ୍ ରୁଆଳାଃ ଦେୟାୟ। ଇଶ୍ରାୟେଲ୍ ବାଖ୍ରାତେ ଈଶ୍ୱର୍ ବାବା ଆବ୍ରାହାମ୍ ତାହେଁକାନ୍ ବେଳାଖନ୍ ଯୀଶୁ ଜାନାମ୍ ଧାବିଜ୍ତେ ଉଡିଢେର୍ ହାହାଳା କାମି କରାୱା ଆକାଃୟେ । ମେନ୍ଖାନ୍ ହଳ୍କ ସାରା ଘାଲିଜ୍ଃ ଗେ କ ସାହା କେଦେୟା ବାକ ମାନାୱ ଲେଦେୟା । ସ୍ତିଫାନ୍ ମେନ୍ କେଃଆୟେ “ଆପେ ଝତ ହଳ୍ଦ ଈଶ୍ୱର୍ ବିରାଦ୍ଧ୍ ଆର୍ ଲାଢାଇ ହଳ୍ କାନାପେ । ଅପେଦ ସାରା ଘାଳିଜ୍ଃ ସନତ୍ ଆତ୍ମାପେ ରାଗିଆୟ କାନା, ଠିକ୍ ଆବଆଃ ପାହିଲ୍ ହଳ୍କ ରାଗିଆୟେ କାନ୍ ତାହେଁନ୍ ଲେକା ଆର୍ ଆଜ୍ରେନ୍ ନାବିକଗେ ଗଜେଃଦ୍ କ ତାହେଁ ଲେକାଗେ । ମେନ୍ଖାନ୍ ଆକ ଖନାଃ ଆପେ ଜାସ୍ତି ଖାରାପ୍ପେ କାମିକାନା! ଆପେ ମାସିହାପେ ଗଜେକାନା ।“
ତିନ୍ଜଖାଃ ନଆଁ କାଥା ଧରମ୍ ଗମକେ ଆଞମ୍ କେଃଆ, ଆକ ଉଡି ଜୁର୍ ଗେକ ରାଗିୟେନା, ଆକ ଆକଆଃ ଲୁତୁର୍କ ଏସେଦ୍ କେଃଆ ଆର୍ ହୁରି କେଃଆକ । ଉନ୍କୁ ହଳ୍ ସ୍ତିଫାନ୍ ଗେ ଅନା ନାଗାର୍ ଖନାଃ ଗହଳ୍ ଅଡକ୍ କେଦେୟାକ ଆର୍ ଧିରିତେକ ଚାପାଦ୍ କେଦେୟା ।
ସ୍ତିଫାନ୍ ଗୁଜୁଃ ବେଳାରେ,ମେନ୍ କେଃଆୟେ,“ହେ ଯୀଶୁ ଇଞା ଆତ୍ମା ଆତାଂ ଦାରମ୍ ତିଞ୍ମେ।“ ଆଜ୍ଃ ଇକ୍ଳୁମ୍ କାତେ ଆର୍ ମିଦ୍ଃ ଧାଅ ମେନ୍ କେଃଆୟେ,“ନୁକୁଆ କାଇ ଆଲମ୍ ଲେଖାୟା ।” ଇନ ତାୟମ୍ ଗଜ୍ଃ ଏନାୟେ ।
ଅନା ଦିନ୍ରେ ଯିରୁଶାଲେମ୍ ହଳ୍, ଯୀଶୁଠେନ୍ ବିଶ୍ୱାସ୍ ହଳକଗେ ଉଡିକ ହୟେରାଣ୍ କେଃ କଆ,ଅନାତେ ଉନ୍କୁ ବିଶ୍ୱାସୀ ହଳ୍କ ଏଟା ଜାୟେଗା ତେକ ଞିର୍ ଏନା । ମେନ୍ଖାନ୍ ଆକ ଯାହାଁ ଯାହାଁ ଜାୟେଗାକ ଚାଲାୱ ଏନା ଅନା ଗଟା ଯୀଶୁଆ କଥାକ ଲାଇ ସଦର୍ କେଃଆ।
ଯୀଶୁଠେନ୍ ବିଶ୍ୱାସି ଫିଲିପ୍ ଞୁତୁମ୍ ମିଦ୍ଃ ହଳେ ତାହେଁକାନା । ଏଟାଃ ବିଶ୍ୱାସିକ ଲେକା ଫିଲିପ୍ ହଁ ଯିରୁଶାଲେମ୍ ବାଗିକାତେ ଚାଲାୱ ଏନାୟେ । ଫିଲିପ୍ ଶାମାରିୟା ଦିଶମ୍ ତେ ଚାଲାୱ ଏନାୟେ ଅକାରେ ଆଜ୍ଃ ଯୀଶୁଆ କାଥା ପାଷ୍ନାୱ ଦାଳେୟାଃୟେ। ଉଡିଢେର୍ ହଳ୍ ଆଜ୍ଃକ ପାତିଆୱା ଦେୟା ଆର୍ ବାଞ୍ଚାୱ କ ଞାମ୍କେଃଆ । ମିଦ୍ ଦିନ୍ ମିଃଟାଂ ଦୁତ୍ ଈଶ୍ୱର୍ ଠେନ୍ଖନ୍ ଫିଲିପ୍ ଠେନ୍ ହେଜଃକାତେ ଫିଲିପ୍ଗେ ମିଃଟାଂ ହର୍ତେ ମରୁଭୂମି ଚାଲାଃ ମେତାଃ ଦେଆୟେ । ଫିଲିପ୍ ଅଣ୍ଡେ ଚାଲାୱ ଏନାୟେ । ଫିଲିପ୍ ହର୍ରେ ତାଳାମା କାଃ ଜଖାଃ, ମିଦ୍ ହଳ୍ ଆଜାଃ ଶାଗାଳ୍ ଗାଡିରେ ଦେଜଃଏ ଞେଲ୍ କେଦେଆଏ । ନୁଇ ହଳ୍ଦ ଇଥିପିଆ ରେନ୍ ମିଦ୍ଃ ମାରାଂ ଓଫିସର୍ ତାହେଁ କାନାୟେ । ସନତ୍ ଆତ୍ମା ଫିଲିପ୍ଗେ ମେତାଃ ଦେଆୟେ ଦୁ ଚାଲାୱ କାତେ ଉନି ହଳ୍ ସାଲାଃ ରପଳ୍ମେ ।
ଅନାତେ ଫିଲିପ୍ ଅନା ସାଗାଳ୍ ଗାଡି ସୁର୍ ଚାଲାୱ ଏନାୟେ । ଫିଲିପ୍ ଉନି ହଳ୍ ଇଶ୍ୱରାଃ ଆଳାଂ ପାଳ୍ହାୱ ଆଞମ୍ ଆଦେଆୟେ । ଯିଶାଇ ନାବି ଯାହାଁୟେ ଅଲ୍ ଲେଃଆ ଉନି ହଳ୍ ଆନାୟେ ପାଳ୍ହାୱେଃ ତାହେଁଦ୍ଃ । ଉନି ହଳ୍ ନଙ୍କାୟେ ପାଳ୍ହାୱେଃ ତାହେଁଦ୍, “ଆକ ଭେଡା ହପନ୍ ଲେକାଗେ ଗଜେ ବାଖ୍ରାକ ଇଦି କେଦେୟା, ଆର୍ ଭେଡା ହପନ୍ ଚେଦଃଲେକା ଥିର୍ କୱାଃକ,ଅନ୍ଙ୍କାଗେ ଆଜ୍ଃ ଚେଦ୍ହଁ ବାୟେ ମେନ୍ ଲେଃଆ । ଆକ ବାଂ ଠିକ୍ ଗେକ ବେଭାର୍ କେଦେୟା ଆର୍ ଅସମ୍ମାନ୍ କେଦେୟା। ଆକ ଆଜାଃ ଜୀବନ୍ କ ଇଦି କେଃଆ ।”
ଫିଲିପ୍ ଉନି ଇଥିପିଆନ୍ ହଳେ କୁଲି କେଦେୟା, “ଆମ୍ ଯାହାମ୍ ପାଳ୍ହାୱ କେଃଆ ବୁଝାୱ ଦାଳେୟାଃକାନାମ୍ ?“ ଇଥିପିଆନ୍ ହଳ୍ ମେନ୍ କେଃଆୟେ “ବାଂଆ । ମିଦ୍ ହଳ୍ ବାୟେ ଲାଇଆଞ୍ ଧାବିଜ୍ଃ ଚେଦ୍ଃ ଲେକାଞ୍ ବୁଝାୱ ଦାଳେୟାଃ । ଦାୟାକାତେ ଦେଜଃମେ ଆର୍ ଇଞ୍ ସୁର୍ରେ ଦୁଳୁବ୍ଃ ମେ । ନଆଦ ଇଶାଇ ଆଜ୍ଃ ଖାତିର୍ ଅଲ୍ ଲେଃଆୟେ ସେ ଏଟା ହଳ୍ ଖାତିରେ ଅଲାକାଃଆୟ ?”
ଫିଲିପ୍ ଶାଗାଳ୍ ଗାଡିରେ ଦେଜ୍ଃକାତେ ଦୁଳୁବ୍ ଏନାୟେ । ଇନା ତାୟମ୍ ଫିଲିପ୍ ଇଥିପିଆନ୍ ହଳ୍ଗେ ମେତାଃଦେଆୟେ ଇଶାଇ ଦ ଯୀଶୁ ଖାତିର୍ ଅଲ୍ ଲେଃଆୟେ । ଫିଲିପ୍ ଆର୍ହଁ ଇଶ୍ୱରା ଏଟା କାଥାକ ହଁ ଲାଇ ସଦରାଃ ଦେଆୟେ । ନଂକା ଲେକାତେ ଫିଲିପ୍ ଦ ଉନି ହଳ୍ଗେ ଯୀଶୁଆ କାଥା ଲାଇଆଃ ଦେଆୟେ ।
ଉନ୍କିନ୍ ତାଳାମ୍ ଯଖାଃ , ଆକିନ୍ ଦାଃ ସୁର୍ ସେଟେର୍ ଏନାକିନ୍। ଏଥପିଆନ୍ ହଳ୍ ମେନ୍ କେଃଆୟେ,“ ଞେଲ୍ମେ ହାନେ ଦାଃ ଞେଲଃ କାନା! ଇଞ୍ ଅଣ୍ଡେମ୍ ଡୁବାନିଞାଃ?” ଆର୍ ଉନି ଗାଡି ଲାଗାଇଜ୍ଃ ମେତାଃ ଦେଆୟେ ଗାଡି ଦହୟେମେ ।
ଅନାତେ ଆକିନ୍ ଦାଃ ତେକିନ୍ ଚାଲାୱ ଏନା ଆର୍ ଫିଲିପ୍ ଏଥପିଆନ୍ କେ ଡୁବାନ୍ କେଦେଆୟେ । ଦାଃ ଖନାଃକିନ୍ ରାକାବ୍ ଏନ୍ ତାୟମ୍ ,ସନତ୍ ଆତ୍ମା ଫିଲିପ୍ ଗେ ଏଟାଃ ଜାୟେଗାତେ ଇଦି କେଦେଆୟେ। ଅଣ୍ଡେ ଫିଲିପ୍ ଯୀଶୁଆ କାଥା ଲାଇ ଚାଲୁ କେଃଆୟେ।
ଏଥିପିଆନ୍ ହଳ୍ ଅଳାଃସେନ୍ ଏତହବଃ କେଃଆୟେ । ନିତଃ ଉନି ହଳ୍ ଯୀଶୁଗେ ଞାମ୍ କେଦେତେ ଆଡି କୁସିୟେ ବୁଝାଉ କେଃଆୟ ।
ସନତ୍ ପୁଥିୟାଃ କାହାନୀ: ଭେଜା ଆକାନ୍ ୬-୮
Free to use, adapt, and share under an open license (CC BY-SA 4.0).