15. Tanah Pejenjien

Akhernye tibe sa'at diek begi bangse Israel ontok masok Kanaan, Tanah Perjenjien. Kat tanah etok ade sebueh kote bename Yerikho. Kote etok munye tembok nang kuat kat kelileng diek ontok melindong diek. Yosua ngirem due u'ang mate-mate kat kote etok. Kat kote etok tinggal se'uang pelacur bename Rahab. Diek Rahab. Diek nyemunyik kedue mate-mate etok, dan kemudien mantu mikek diek melai'kan di'i da'i kote etok. Diek muet ekek kene diek pecaye kepade Allah. Mate-mate etok bejenji ontok melindong Rahab dan keluarge diek ketike u'ang Israel ngancokan Yerikho.

Bangse Israel a'us nyebrang Sungai Yordan ontok masok kat Tanah Pejenjien. Allah befirman kat Yosua, "Su'oh pa'a imam bejelen dulu." Ketike pa'a imam mulei bejelen kat Sungai Yordan, a'e kat bagian hulu berenti sehingge u'ang Israel depet nyebrang kat sebelah sungai dengen tanah nang ke'eng.

Abes bangse Israel nyebeang Sungai Yordan, Allah memeentahkan Yosua ontok besiap-siap menyeang kote Yerikho, meskipon kote etok sangat kuet. Allah nyakap kat bangse Israel bahwe pa'a imam dan tenta'e mikek diek a'us bebares ngelileng kote etok sekali sea'i selame enam a'i. Make pa'a imam dan tenta'e muat hal ekek.

Allah juge berfirman bahwe pade a'i ketujoh, bangse Israel a'us bebares kelileng kote sebenyak tujoh kali. Kemudien pa'a imam a'us niup sangkakala dan semue u'ang a'us betiak dengen ke'as. Make mikek diek muat hal etok.

Kemudien tembok-tembok kat sekelileng Yerikho pon untoh! U'ang Israel mengancokan segale suatu kat kote etok, sepeti nang dipe'entahan Allah. Mikek diek hanye menyisekan Rahab dan keluarge diek, nang menjedi bagian da'i bangse Israel. Ketike u'ang-u'ang laen nang tinggal kat Kanaan nenga bahwe u'ang Israel telah mengancokan Yerikho, mikek diek takot bahwe Israel akan nyeang mikek diek jugek.

Allah telah memeentahkan bangse Israel ontok tidek muet pejenjiean damai dengen kelompok masyeraket mane pon kat Kanaan. Namon, salah satu kelompok u'ang Kanaan, yaitu u'ang Gibeon, ngakal kat Yosua dan nyakap bahwe mikek diek beasal da'i tempat nang jaoh da'i Kanaan. Mikek diek mintak Yosua ontok muet pejenjien damai dengen mikek diek. Yosua dan pa'a pemimpen bangse Israel laen diek tidek betanye kat Allah ape nang mikek diek muet. Sebaleknye, mikek diek muet pejenjien damai dengen u'ang Gibeon.

Tige a'i kemudien, u'ang Israel tau bahwe u'ang Gibeon bena-bena tinggel kat Kanaan. Mikek diek ma'ah kene u'ang Gibeon telah ngakal mikek diek Namon, mikek diek tetep nepati pejenjien damai nang telah mikek diek muet dengen u'ang Gibeon kene pejenjien etok adelah jenji kat depan Allah. Kemudien, bebeape waktu kemudien, raje-raje da'i kelompok bange laen kat Kanaan, yaitu bangse Amori, nenga bahwe u'ang Gibeon telah muet pejenjien damai dengen u'ang Israel, sehingge mikek diek gabong pasukan mikek diek menjedi satu pasukan besa dan nyea'ng Gibeon. U'ang Gibeon mengiem pesan kat Yosua ontok mintak bentuan.

Make Yosua ngompolkan tenta'e Israel. Mikek diek berarak sepanjang melem ontok menuju kat Gibeon. Di pagi a'i, mikek diek ngejotken pasukan Amori dan nyeang mikek diek

Allah bepeang ontok Israel pade a'i etok. Diek muet u'ang Amori menjedi linlung dan ngiemkan hujan es besa nang memunoh benyak u'ang Amori

Allah juge muat mate'ai tetap beade kat satu tempat kat langet dehingge u'ang israel munye cukop waktu ontok ngalahkan u'ang Amori. Pade a'i etok, Allah mei'kan kemenangen besa begi Israel.

Abes etok Allah mengalahkan Pasukan-pasukan etok, benyak kelompok u'ang Kanaan laen diek bekompol ontok nyeang Israel. Yosua dan u'ang Israel menyeang dan ngancokan mikek diek.

Abes petemporan ekek, Allah meiken tiep suku Israel bagian diek masen-maseng kat Tanah Pejenjien. Kemudien Allah meiken kedamaian kat Israel kat spepejang pembatas diek.

Ketike Yosua sudeh menjedi tue, diek mengompolkan selu'u bangse Israel. Kemudien Yosua ngingatken bangse Israel bahwe mikek diek bejenji ontok menaati pejenjien nang telah dibuet Allah dengen bangse Israel kat Gunong Sinai. Bangse Israel bejenji ontok setie kat Allah dan menaati hukom-hukom-Diek.