27. Cei’te U’ang Samaria nang be’ek Ati

Suatu a'i,detanglah seu'ang ahli Tuarat Yahudi pade Yesus. Diek ingen nunjoken pade semue u'eng behwek Yesus be'i pengaja'an nang salah..Lalu diek becekap, "Guru, ape nang ha'os kamek buat untok depatidop kekal?"Yesus jeweb "Ape nang tetules delem hukom Taurat?"

Ahli Taurat etok menjeweb, "Dicekapken, "Kasihilah Tuhan Allah mikek dengen segenap ati mikek,segenap jiwe mikek segenap kekuatan mikek, den segenap akal budi mikek. Den kasihilah sesame manusie sepe'ti di'i mikek sendi'i."Yesus menjeweb,"Engkau bena! Jike engkau buat semue ekek.engkau eken beoleh idop nang kekal."

Tapi ahli Taurat etok ingen nunjokken pade u'ang-u'ang behwek care idopnye bena.Lalu diek betanye pade Yesus ,kalau begetok siapekeh sesameku manusie?"

Yesus jeweb ahli Taurat etok dengen menceritekan sebuah kesah. "Ade seu'ang Yahudi nang bepegian bejelen da'i Yerusalem ke Yeriko."

"Tapi beberape perampok nengok diek den menyerang diek.Mikek diek ngambek semue nang diek punye den memokol diek samapi hampe mati.abes tu mikek diek pegi."

"segere abes etok, seu'ang imam Yahudi bejelen lewat jelen nang same. Imam ekek nengok u'ang Yahudi etok tegeletak kat jelen.Ketike diek nengok,diek bepindah kat sisi jelen nang laen den nerosken pejelenen diek. Diek bena-bena mengabaiken u'ang etok."

"Tak lame abes etok, seu'ang lewi lewat jelen etok.(U'ang lewi merupeken suku Yahudinang membantu pa'e imam kat Bait Allah).U'ang lewi etok juge nyebe'angkat sisi jelen nang laen den diek tak peduli u'ang etok."

"U'ang selanjutnya nang lewat jelen etok adeklah u'ang Samaria.(U'ang Samaria den u'ang Yahudi saleng benci satu same laen). U'ang Samaria nengok u'ang etok kat jelen .Diek nengok behwek u'ang etok adeklah seu'ang Yahudi, tapi diek tatap punye belas kaseh nang besa bagi diek abes tu diek menghampiri diek den membalut luke diek."

Abes etok u'ang Samaria mengangkat u'ang etiok kat atas keledai diek. Diek bawak kat penginapan nang ade kat tepi jelen. Den kat sane diek merawat u'ang etok."

Besok die,u'ang Samaria etok ha'os melanjotken pejelenen diek. Diek be'i pade pemilek penginapan etok. Diek becekap pade diek , 'Rawatlah u'ang ekek.Jike mikek menghabeskan duek lebeh da'i ekek, kamek eken ganti biaye te'sebot ketike kamek balek."

abestu Yesus betanye pade ahli Taurat etok, "Macam mane pendapat mikek?Manekeh da'i ketige u'ang ekek nang adeklah sesame da'i ketige u'ang nang di rampok den di pukoli?"Diek jeweb, "U'ang nang bebelas kasehpade diek." Yesus becekap pade diek , "Pegi den buatlah hal nang same."