9. Allah Manggel Musa

Sesudah Yusuf meninggal, semue kelua'ge diek tinggal kat Mesir. Mikek diek den keturonan mikek diek te'os tinggal kat sane selame betaon-taon den punye benyak budak. Mikek diek di sebot u'ang Israel.

Sesudah ratusan taon, jumlah u'ang Israel menjadi sangat besa. U'ang-u'ang Mesir sudah lupe mengenai Yusuf den segale nang diek buat untok menolong mikek diek. Mikek diek jedi takot tehadap u'ang-u'ang Israel kene mikek diek sangat benyak.Jadi, Firaun nang waktu etok bekuase kat Mesir jedikan u'ang Israel sebagai budak u'ang Mesir.

U'ang Mesir memakse u'ang Israel bangon benyak bangunan den behken seluroh kote. Ke'je ke'as etok buat idop mikek diek sengsare,tapi Allah memberkati mikek diek den mikek diek behken punye lebeh benyak budak.

Firaun nengok behwek u'ang Israel melaekan benyak bayi, sehingga diek memeintahkan semue bayi jenten u'ang Israel di bunoh dengen melempakan kat delem Sungai Nil.

Seu'ang kat anta'e betine Israel melaerkan budak jenten.Diek den laki diek nyembunyikan bayi etok selame mikek diek bise.

Waktu u'ang tue budak etok tidak bise nyembunyikan diek lagi, mikek diek narok diek kat delem ke'anjang nang teapong kat anta'e lalang kat tepi sungai Nil aga diek tidek di bunoh. Kak betine diek nengok untok tahu ape nang tejedi pade diek.

Seu'ang putri Firaun nengok ke'anjang etok den nengok kat delem. Waktu diek nengok bayi etok, diek ngambek diek sebagai budak diek sendi'i. Diek nyewe seu'ang betine Israel untok merawat diek tanpe sada behwek diek adeklah mamak bayi etok sendi'i. Waktu budak etok cukop umo den tidek butoh susu mak diek lagi,diek balekkan bayi pade sang putri Firaun,nang menamai diek Musa.

Suatu a'i, waktu Musa sudah besa, diek nengok seu'ang Mesir memukol budak Israel. Musa nyobe nyelamatkan kawan sebangse diek.

Waktu Muse merse tidek ade nang tengok, diek membunoh u'ang Mesir etok den mengubomayat diek.Tapi seseu'ang nengok ape nang dibuat Musa.

Waktu Firaun tahu tentang hal etok, diek nyobe untok bunoh Musa.Tapi Musa La'i da'i Mesirkat padang gurun kat mane diek eken aman da'i kejaran tenta'e Firaun.

Muse jedi gembala kat padang guron jaoh da'i Mesir.Diek menikah seu'ang betineda'i daerah etokden punye due budak jenten.

Suatu a'i waktu Musa sedang mengembalakan domba-domba punye mertue diek, diek nengok semak nang menyale-nyale. Tapi semak etok tidek tebaka. Musa pegi untok nengok lebeh dekat.Waktu diek dekat semak nang nyale-nyale etok, sua'aAllah becekap , "Musa lepaskan kasot mikek.Mikek bedi'i kat tanah suci."

Allah becekap, "Aku sudah nengok pende'itaan umat-Ku.Aku eken mengutos mikek pade Firaun supaye mikek depat mbawak u'ang Israel kelu'a da'i perbudakan mikek diek kat Mesir . Aku eken be'i mikek diek tanah Kanaan, tanag nang Aku jenjikan pade Abraham, Ishak den Yakub."

Musa betanye, "Macam mane kalau mikek diek ingen tahu siape nang mengutos aku,ape nang ha'os aku cekap?" Allah becekap , "AKU ADEKLAH AKU.'cekap pade mikek diek, 'AKU sudah mengirem aku pade mikek .'Juge cekap pade mikek diek , 'Aku adeklah TUHAN,Allah leluho mikek Abraham, Ishak, Yakub,'Ekeklah nmae ku untok selamenya."

Musa takot den tidek mau pegi pade Firaunkene diek bepike diek tidek bise becekap dengen beek, jedi Allah mengutos seda'e jenten Musa, yaetok Harun, untok bantu diek.