4. Abram ampara Kitungan a janzbjzban

Golingdan a ateng minhum atiki ordar lingan ateng mandra basuleji do aninji aboi langlangan batte berrenji. Atam Kitungan a banaihan ordar lingan gzrsaile badrijben apanardu, aninji kuddubanji aboi dean dele gardan gutulleji.

Aninji karran kinsadam dakuleji do Kitungan Aberna lingan adtiyjinadji. Aninji riangan arduben asan surda diydiy kanti-talan gutulleji. Kitungan gijeten do, bogad aninji pansardi baran lumle dakutenji, etteden aninji ateng pintun batte barijdam a baran lumteji.

Anten asan Kitungan aninji alang-langan beggarda beggarda lang-lang lingan bandaeten bar ordaran beggarda beggarda maneng lingan aninji ado’ng abhar- haretenji. Itente agardan aninji gutulben susuleji, ante ahiman Babel dakule. Kan agaramgaman, “anabansan”.

Sua sua minhum atiki, bo mandra manan, Abram batte Kitungan berneten. Ktungan anin ado’ng gameten, “si’ng-marnanji do disanam omdale Hen uante a disan apsuitam, kun a disan yera. Hen absitatam do aman a do’ng surda birindan abmetai. Hen ahim-nam gugudam abmetai. Ayengan a mangraji do’ng-nam absittateji, Hen aninji a do’ng absittatai, bar butente do’ng-nam angteji, aninji a do’ng angtai. Aman asan ordaran a kuddub birindanji sittan hangteji.

Ante saring Abram Ktungan abernan mannieten. Anin a dukrin Sarai ado’ng anin ampara urungeten, aboantanji, bar itente anindam-ate dakule, ante a kuddub pangle Kitungan apsuilel a disa, manan “Kananiya” disan yereten.

Abram angante kananiya ardueten, Kitungan gameten, “aman ayar-yar maneng-nam gija. Etente aman rapti gijte, kan a kuddub darakunan Hen do’ng-nam, bar birindanam ado’ng daneben asan tiytai. Ante saring Abram tedte basule.

Bo-dina, Abram gugu Kitungang a buyan, Melkijedek ado’ng rabangeten. Melkijedek Abram ado’ng absittaeten do gameten, “Kuddub saring Lananka Kitungang; butente ruangan do ordaran a kuddub a danemar, Abram ado’ng absittaete”. Ante saring Abram anin a kuddub bitin agalji tanuban amihtub Melkijedek ado’ng tieten.

Ateng minhum padle yereten, bindo nami sikoija Abram do Sarai o’nan addakuad. Kitungan Abram ado’ng bar okij jzb-jzble gameten do Anin aboi onger-o’nan kudte do anin a birindanji riang lingan adakun tuij-tuijanji ambrij deteji. Kitungan a janzbjzban Abram derneten. Kitungan Abram a do’ng roitad gamle oblengeten, iten asan gamlenden anin Kitungan amang derneten.

Ante saring, Kitungang Abram ampara anosaijan tabngijle. Bagu ompun atarangdi lingan a jzb-jzb-taben na aboi anosaijan. Kitungan gameten, aman saring aman absele Hen aboi o’nan tiytam. Aman a birindan ado’ng Hen “Kananiya” disan tiytai. Bindo kan ayaman sikoija Abram o’nan addakuad. Baibol katta-ber: Aparmangta 11-15 Tanub